اشعار حضرت علی اکبر علیه السلام

شکـر اولا اُول ذات حـقِ اکبـره
احسن و صد احسن علی اکبره
عاشق اولوب یِئر گوی او نام آوره
احسن و صد احسن علی اکبره
حک اولونوب عشقی یانان دیللره
احسن و صد احسن علی اکبره
به به او صورتگـره خـوش منظره
احسن و صد احسن علی اکبره
آدی ســالوب جلـوه محـافللره
احسن و صد احسن علی اکبره
جشنینه باخ اوخشیوریی محشره
احسن و صد احسن علی اکبره

احسـن اونـی خلق الیین داوره
بیر آقا چـون خلق الیوب بیزلره
شـأن و شرف وِئردی او نام آوره
بیـر توکونی وِئرمروک عالمللره
آدی دَییـر یکسـره رهبـرلـره
چشمـة زمـزم یاراشـور لبللره
عاشق اولوب یوسف او قاش گوزلره
اوخشـوری گـل صورتی پیغمبره
زنـده شمایلـدی شـه خیبـره
قامتینون اوخشاری وار حیدره
آچ الیـوی سنـده دنـن یکسره
احسن و صـد احسن علی اکبره

حُب خـدا ایستیَن آچسین الین
عشقه بهـا ایستیَن آچسین الین
دردَ دوا ایستیَن آچسین الین
حُکـم شفا ایستیَن آچسین الین
سِلم ورضا ایستیَن آچسین الین
لطف و عطا ایستیَن آچسین الین
مَروه صفا ایستیَن آچسین الین
مکـه منا ایستیَن آچسین الین
غار حـرا ایستیَن آچسین الین
کـربـوبلا ایستیَن آچسین الین
دردینی فاش ائدوسن او مه پیکره
احسن و صـد احسن علی اکبره

جعفـر طیاریـده کـی هِیبتی
حَمزه ده شخصیت و جِدیتی
مالک اَشترده کی اُول جرعتی
حضرت طاهاده اولان سیرتی
حیـدر کراریـده کی قدرتی
فاطمه ده داغ تک اولان عزتی
ماه مِثـالی حَسنـون صـورتی
شـاه شهیـدانـدا کی حیثیتی
حضرت مسلم ده کی ظرفیتی
قولسوز ابوالفضلیده کی غیرتی
اکبره وِئرمیش هاموسین یکسره
احسن و صد احسن علی اکبره

آنـدولا شخصیـت والا لره
رتبـه و عـزتده کـی اُولا لره
جن و مَلک یکسره حورا لره
گُنبــد زریــن و مُطــلا لره
حیثیـت آدم و حـوا لره
مصریـده کی یوسف زیبا لره
عاشـق یوسف او زلیخا لره
نـوح و سلیمانیلـه یحیا لره
یونِس و خضـر و ذکریـا لره
آنـدولا موسا لره – عیسا لره
آدی دییـر یکســره زیبـا لره
احسن و صد احسن علی اکبره

• جمعه
• 3
• بهمن
• 1399
• ساعت
• 19:35
• نوشته شده توسط
• یوسف اکبری

در آهنگ ( باران می بارد امشب )

حقـدن نشـانـه اکبر
گلـدی جهـانه اکبر
صدقیله سسله وئرسین
تـا عیـدیـانه اکبر
الله الله گل یوزونن حضـرت پیغمبر بنذردی اکبـر
ایندیدَن واضحدی یارب کربلایه آیری بیر حیـدردی اکبـر
جشن میلادون مبارک
خوش گلوبسن خوش گلوبس -
اکبر اکبر

یوسف اگر عزیز و دلدار مصریاندی
اکبر عزیز زهرا هم یوسف جناندی
یوسف آل علیـدور بیـر باخیشـلان ائلرینـن آلدی هوشی
شبه طاها - جان زهرا - یوسف کنعان غلام حلقه گوشی
جشن میلادون مبارک
خوش گلوبسن خوش گلوبس -
اکبر اکبر

جنت اولوب چراغان گُللر آچوب سراسر
بابا اولـوب حسیـن و لیـلا اولوبدی مادر
لاله زار بـاغ زهـرا بیر گل آشدی لاله گـل تک آدی اکبر
گون گـورنده گُل جمالیـن اَحسـن و بَـه بَـه دیوب الله اکبر
جشن میلادون مبارک
خوش گلوبسن خوش گلوبس -
اکبر اکبر

• جمعه
• 3
• بهمن
• 1399
• ساعت
• 19:38
• نوشته شده توسط
• یوسف اکبری

آی جـدیمـه بنـذریـم
قـربان سنـه گوزلریم
سـن مصطفـی منظـری
سن سن منیم حیدریم
جان اکبریم جان اکبریم
اَشبـه پیغمبـریـم
گوروم هش وقت سولمویاسان/
اسیـر غـم اولمـویـاسـان/
ابـر غـم تـک دولمـویـاسان/
آی نازنین دلبریم
میـلادون مبـارک اولا آی قهـرمانیم منیم

آی دردیمـه درمانیم
سن روحیمـه ریحانیم
ناز ائت حسینه اوغول
قربانین اولسون جانیم
سنلـه تاپـار چون بقا
دینیلـه هـم قرآنیم
سن نور چشم آتاسان
آب حیـاتی داداسـان
تئز یئکلیب قد آتاسان
آی نازنین دلبریم
میـلادون مبـارک اولا آی قهـرمانیم منیم

بالدان شیـریندی سـوزون
گل سن چیچک سن اوزون
آی دان گـوزل قـاشـلارون
گونن ایشیق گـونـدوزون
آنـــدولا عبـاسیمـــه
حیـدره بنـذر گـوزون
قربان اولوم قاش گوزوه
بالدان شیـرین سـوزوه
هـم آدیـوه هـم اوزوه
آی نازنین دلبریم
میـلادون مبـارک اولا آی قهـرمانیم منیم

• جمعه
• 3
• بهمن
• 1399
• ساعت
• 19:39
• نوشته شده توسط
• یوسف اکبری

حسينه بير اوغول ائتدي عطا خلاق بي همتا
كه اولدي گل جماليندان مدينه جنت اعلا

صفالي بير گل آچدي باغ عشق و معنويتده
كه سالدي گل لري عالمده رونقدن،‌ طراوتده
نه گل، بير گل كه يوخ مثل و نظيري باغ جنتده
ائله بير گل كه عطريندن اولوب سرمست ايكي دنيا

بئله بير مه لقا بيرده گله حاشا بو دنيايه
گوزليق پايه سينده يوسف اولماز بونلا همپايه
وجاهتده جمالي بنزيري اوز جدي طاهايه
كه خالق خلق ائدوب گل صورتين آئينه اي طاها

خطادورقامتون گر نخله طوبايه بنزتسم
جمال بي مثالون يا گونيله آيه بنزتسم
و يا حسن كمالون يوسف زيبا يه بنزتسم
هاني يوسفده بو حسن دل انگيز و جهان آرا

وجاهتده ائدوب شرمنده خورشيدي بو مهپاره
سهيله گوئيا منزل اولوبدور برج گهواره
غرض گهواره سي اولموش صدف بير در شهواره
ائله بير درون اولماز قيمتي دنيا و ما فيها

گوروب آل علي شاد اولدي بو مولود مسعودي
حسينه رحمتوندن حق عطا ائتدي بو مولودي
مسلم گلدي ليلانون اله منظور و مقصودي
دئيوبلر مقدمي اولسون مبارك اي شه والا

آلوبلار بير به بير آغوشه بو مولود زيباني
ئوپوبلر ، ايگليب لر اول گل باغ تولاني
دئيوبلر گورنه حق مشمول ائدوب الطافه ليلاني
سزادور مريمه فخر ايلسون بو باره ده ليلا

آدي يثرب ديارينده علي اكبر آدلاندي
شباهتده پيمبر، منزلتده حيدرآدلاندي
ولي بير سر وار عالم آرا بو سرور آدلاندي
همان اول سره واله دور جهاندا پيريله برنا

دولاندي دور دوران تا كه دور ابتلا گلدي
وئره اهل تولا امتحان يوم بلا گلدي
او قدري گئچمدي هنگام جنگ كربلا گلدي
جانين جانانه بذل ائتدي وفادن روز عاشورا

آلوب سرمشقيني اصغر بلا دشتينده اكبردن
بو اميده كه برخوردار اولا ديدار دلبردن
اوزون گهواره دنآتدي يئره بو سود امر بيردن
كه يعني عهديمي قيلام بو گون اكبر كيمي ايفا

بو شعره اوچ نفر اولدي خلوص و صدقيله باني
سمند طبع شبخيزه آچيلدي نظم ميداني
علي اكبر، اوزون لطف ائت بو اشخاصه آنان جاني
برات كربلا ني ايلسون زهرا آنان امضا

• دوشنبه
• 13
• بهمن
• 1399
• ساعت
• 16:36
• نوشته شده توسط
• یوسف اکبری

عکسیمی دیوانه تک شهر ایچره دیواره چکون
آز منه ایراد ائدون آز قلبیمه یاره چکون
عشقه سجده ایلرم من کافرم داره چکون

منطقین دانشگهیندن چیخموشام اخراجی‌ام
قاره پرچم‌لر دالیجا گزموشم من حاجی‌ام

یوسف زیبا دیورلر گور بی یُول اکبر نَدی
وَجهین استثنا دیورلر گور بی یُول اکبر نَدی
قدینه طوبی دیورلر گور بی یُول اکبر نَدی

سیم و زَرده یوخ گوزوم فکر ایلمه گوهر چی‌‌َم
قلبیده یوسف یازوبدی من ئوزوم اکبر چی‌َم

• چهارشنبه
• 22
• بهمن
• 1399
• ساعت
• 20:08
• نوشته شده توسط
• یوسف اکبری

قوی راکبه قدم ای سرور دوران بالاسی
گوره دشمن نه جوان بسلیوب اکبر آناسی
نه قدر ویرسالا شمشیر و سنان اوخ یاراسی
دوز دایان ائیلمه افغان،علی خوش گلدون اوغول

شیریزدان کیمی بو لشگریلن جنگ ایله سن
قوم روبه صفته، رزمگهی تنگ ایله سن
بو سر زولفووی اوز قانیویله رنگ ایله سن
قاره زولفون اولا الوان علی خوش گلدون اوغول

قویما یالقیز شه عطشانی بو صحراده علی
قوی اوغولسوز منِ بیچاره نی دنیاده علی
سربلند ائیله منی محضر زهراده علی
امّ لیلا سنه قربان علی خوش گلدون اوغول

ای آدی خلقی یوزی جمله گوزللر گوزلی
حیفدور قانه بویانسون بو قرا قاش گوز علی
آناون قامت خم گشته سی او دم دوزلی
کی وصاله دونه هجران علی خوش گلدون اوغول

هانس شهزاده ده وار بیله ملاحت بو جمال
بیله شیرین سخن و بیله ادب بیله کمال
چشم آهو نگه و زلف سیه هاشمی خال
شمع جمع هامی خوبان علی خوش گلدون اوغول

کیملر دئوری یوسفه بنذردی او اکبر
یوسف ندی تشبیه پیمبردی او اکبر
یوخ شکی او یوسف کی گوزللر گوزلیدی
اوندا یوخیدی اکبر، او اکبر بدلیدی

• شنبه
• 25
• بهمن
• 1399
• ساعت
• 22:06
• نوشته شده توسط
• یوسف اکبری

ذبح عظیم اکبریم اکبر اولان ذبیحی دور
قلبیمی زخمدار ائدن بو بدن جریحی دور
منطق و خلق و خُلقده یر اوزونونملیحی دور
اشبه حُسن صورت حضرت سین و یا گلور

مصحف حقدی بو بدن دشمن ایدوب ورق ورق
شرق شریعته سالوب هر ورقی شفق شفق
مجلس شاهه باغبان گوندری گول طبق طبق
خاصّه که شه پسند اولا شهدن اگنا عطا گلور

جسمیده یوخدی صاف یری باشدان ایاقه یاره دور
عضو به عضوی دوغرانوب، پیکری پاره پاره دور
جوّ سماده گوییا منطقه ستاره دور
بیربیرنه ستاره لر منعکس ضیا گلور

اونداکی دگدی اکبرون فرقینه تیغ جانشکار
اولدی آتام علی کیمی اوغلوم علی ده زخمدار
گردن مرکبه قولون سالدی بدون اختیار
مرکبه حالی کشف اولوب بولدی نه ماجرا گلور

بولدوله یوخدی طاقتی دوره سین آلدولار تمام
هربیرینین الینده بیر خنجر و نیزه و حُسام
دوغرادولار جنازه سین ریزه ب ریزه اهل شام
شرح ایدم ایستورم ولی فاطمه دن حیا گلور

غفلتاً ایتمویون باجی لیلییه مضطره خبر
بولسه اؤلوبدی اکبری لیلی ده غصه دن اؤلر
هانسی آنا اوغول جوان داغینه صبر ایدر دوزر
بیله اوغول کی گلمقه عالمه مثلی لا گلور

• شنبه
• 25
• بهمن
• 1399
• ساعت
• 23:00
• نوشته شده توسط
• یوسف اکبری

گئتمه گَل بیر دولانیم باشیوه شهزاده علی
گر وئروب رخصت آتان راضیدی لیلاده علی

یوخدی بو درد فراقه بالا درمان بولورم
یازولوب بلبله تقدیریده هجران بولورم
سو کنارینده لب عطشان وئره سه جان،بولورم
سنه قربان اولا لیلا،بالا خوش گلدون اوغول
یازولوب بختیمه هجران،بالا خوش گلدون اوغول

جنگیده حیرته سال لشگری زهرا بالاسی
هامی گورسون نه اوغول بسلیوب اکبر آناسی
باشیوی یارسا اوغول خنجر و نیزه یاراسی
ائلمه ناله و افغان،بالا خوش گلدون اوغول
ایلدین سینمی شان شان،بالا خوش گلدون اوغول

یری تک قویما بو چولده شه عطشانی علی
ایله امضا او آخان قانیله دیوانی علی
سرفراز ائیله او دنیاده ده لیلانی علی
سربلند ائیله منی محضر زهراده اوغول
یولوی گوزلوری گئت،کوثر اعلاده اوغول

چکدی نقاش قضا نقش روخون همچو هلال
منی مجنون ائلیوب دهریده اول حُسن جمال
یری وار منده بیر عمری ایلیم آه و ملال
نجه اول باشی گوروم نوک جداده دولانور
ال به ال قانلی باشین،کرب بلاده دولانور

دوشرم نیزه دالیجا هارا گئتسن گلرم
او گوزل باشی جهاندا هامودان باش بولرم
کوفه و شامی گزینجه،سنه یولداش گلرم
سن بو گونده یته جکسن بولورم کامه بالا
قولی باغلی منی عشقین چکه جک شامه بالا

• پنج شنبه
• 30
• بهمن
• 1399
• ساعت
• 12:09
• نوشته شده توسط
• یوسف اکبری

گوز آچ ای/جدّیم شبیهی/قوجا آتاندی
هرایه گلدی

یارالی /جسمیوی یرده/اوغول گورنده
نوایه گلدی

آتاوی /درده سالیبسان
گول کیمی/یرده قالیبسان
یوخ سوزوم /جنگ ایلیوبسن
سن نیه /بَس دوغرانوبسان

ایدوب اِربَاً اِربا/سنی قوم اعدا
یاراندان آخور قان ترابه

آخور قان باشوندان/هلالی قاشوندان
باشون بَنذیری بوترابه

دور ای اَلیمین عصاسی
گوزلرون فداسی
یاتما علی اکبریم

بیله قوملار اوسته یاتما
گَل منی آغلاتما
یاتما علی اکبریم

وای اکبریم ایوای اوغول

فغانیم /اوجالسا عرشه/روادی اکبر
گَلَم نوایه

جسمیوی/قطعه به قطعه/گرک علی جان
یغام عبایه

پیکرون/ اولوبدی پَرپَر
پوزولان/ گلشنه بَنذَر
حَرَم لر /گورسه دوزَنمَز
باشیوی/ یاریبدی خنجَر

سنی سسلورم من/نیه دینموسن سن
آلوب نطقیوی جورِ دشمن

آخوب قان یاراندان/دولوب آغزیوا قان
اوغول حَقلیسَن دینمه سن سَن

گیدوب مَرامیوه چاتدون
آتاوی آغلاتدون
لایلای علی اکبریم

خلاص اولدون درد و غمدن
جفای دشمندن
لایلای علی اکبریم

وای اکبریم ایوای اوغول

• جمعه
• 22
• اسفند
• 1399
• ساعت
• 15:30
• نوشته شده توسط
• یوسف اکبری

گل آچدی گلشنده
شهلر اونا بنده
جمالینی گورن‌وقتدن
آی اولدی شرمنده

آقام علی اکبر ۳ مولا آقام علی اکبر

شبیه طاهادی
عزیز مولادی
آتاسی شاه کربلا
آناسی لیلادی

گول آدی اکبردی
سلیل حیدردی
جهاندا هانسی بیر گوزل
بونا برابردی

هامی اولوبدی شاد
غم غصه دن آزاد
کیم اکبری گوروب دیدی
لیلا اوین آباد

• جمعه
• 29
• اسفند
• 1399
• ساعت
• 14:34
• نوشته شده توسط
• یوسف اکبری

یاغیری باران رحمت
شاد اولوب اهل ولایت
بیر اوغول ا... حسینه
ایلیوب بو گون عنایت

جمالی مُنجلی/گوزللر گوزلی
آتاسی فخریله/ آدین قویدی علی

علی اکبر مدد (علی بن الحسین)

قره قاش گیپریک هلالی
سِیر ایله جاه و جلالی
دیدیلر لیلایه به به
احمده بنذیر جمالی

شبیه مصطفی/سلیل مرتضی
گلوبدی عالمه /آقا اوغلی آقا

علی اکبر مدد (علی بن الحسین)

دویماق اولمور گول یوزوندن
جدّی تک شیرین سوزوندن
آلوب آغوشه اوپردی
زینب کبری گوزوندن

او دُختِ مرتضا/ایدوب بیله ندا
حسینه هم سنه/ اولا زینب فدا

علی اکبر مدد (علی بن الحسین)

نَوه ی شاه ولایت
شیر میدان شجاعت
جنگیلرده ایلییَردی
ضرب شمشیری قیامت

چو حیدر بو بالا/ایدر محشر به پا
گوزل جنگ اورگدیب/آقام عبّاس اونا

علی اکبر مدد (علی بن الحسین)

(بیکَسم)چوخدی ملالیم
سن بولورسن وضع حالیم
سنی اکبر جانی ارباب
قویما آخسین اشک آلیم

گدایه باخ آقا/نولور ایله عطا
دوشوبدی گویلومه/گینه پایین پا

علی اکبر مدد (علی بن الحسین)

• جمعه
• 29
• اسفند
• 1399
• ساعت
• 14:38
• نوشته شده توسط
• یوسف اکبری

شدمدینه چراغان /نورخداگشته تابان
آمده ازلطف یزدان/ گل دل آرایی

پسرآورده لیلا /پدرشده سبط طاها
زنور اوبیت مولا/ شده تماشایی

نوه ی حیدره دلهارومیبره
نام زیبای او علیِ اکبره

علی بن الحسین...

وقت شادی رسیده / غنچه مولادمیده
چنین گلی کس ندیده/عجب صفاداره

این گل بی قرینه /عزیزشاه مدینه
شادی قلب حزینه / عزیزودلداره

نورچشم حسین سرور عالمین
به لبِ عاشقان بُوَد شوروشین

علی بن الحسین

واردی زیبا جمالی /وصفیدن آرتیخ کمالی
چتین گَله شرح حالی / بوشبه طاهادی

قامت دلرباسی /جمالینین وار صفاسی
حسینون ای مه لقاسی / عزیززهرادی

سسله دیل شاد اولا غمدن آزاداولا
ام لیلا خانم ائوین آباد اولا

علی بن الحسین...

عالمه وئردی زینت/ بوگل بو گلزار عصمت
خلقی ائدوب غرق حیرت /خداجمالیندا

آی اوزی شرمنده دی /درگهینه بیربنده دی
خداقیامت ایلدی /بوخط وخالیندا

گل باغ ولا وئربوقلبه صفا
گویلوموز ایستییر آقاپایین پا

علی بن الحسین...

ای شبیه پیمبر / ای گل گلزار حیدر
ای یوزی چون ماه انور /اکبر شهزاده

اهلبیت مکتبینده / هفته به هفته گزنده
قلبیم آقااولدی زنده بو داردنیاده

آدیواعاشقم عشقیده صادقم
(بیکَسم)لطف ایله باخما نالایقم...

علی بن الحسین

• جمعه
• 29
• اسفند
• 1399
• ساعت
• 14:39
• نوشته شده توسط
• یوسف اکبری

جلوه گر اولدی گینه/نور کبریایی
اَمر اولوب ملک لره / ایتسون هم نوایی

اِیْله نَظَر دلبره_سلاله ی حیدره
گورَن جمالین دیور_ اکبره باخ اکبره

یا علی اکبر مدد یا علی اکبر مدد

نشانه ی قدرتِ/خدای یکتادی
شبیه خَتمِ رُسُل / جمالی زیبادی

نور رُخی مُنجَلی_سلیل پاک علی
خَلقاً و خُلقاً رسول_ آدین قویوبلار علی

یا علی اکبر مدد یا علی اکبر مدد

باشدا زلفی قاره دی/قاشلاری هلالی
حیرته سالوب چوخون/صاق یوزونده خالی

مِهرِ مُنیرِ وِلا_ذَبیحِ کرب و بلا
یوسف کنعان هارا_ یوسف لیلا هارا

یا علی اکبر مدد یا علی اکبر مدد

عنایت ایله بیزه /بخاطر زهرا س
گَل اَلی بوش اِیْلَمه /ای عزیزِ لیلا

ای آدی درده دوا_ قلبیمیزه ویر صفا
شوق حَرَم باشدا وار_یاز بیزه پایین پا

• جمعه
• 29
• اسفند
• 1399
• ساعت
• 14:45
• نوشته شده توسط
• یوسف اکبری

به به/
گویلرده گلوب فوج ملائک هَیَجانه
به به/
بیر غنچه گولون وصفینی تا گَتدی بَیانه
به به /
اربابیمیزین بو گجه قلبی سوونوبدی

مرآت نَبی، جان علی، گلدی جهانه

یا علی اکبر. اکبر اکبر اکبر

به به/
اکبر یوزی اوصاف حق داوره بَنذر
به به /
صولتده علی، سیرَتی پیغمبره بنذَر
به به /
لیلا یری وار فخر ایلسه اهل جهانه

دنیاده گورون هانسی گوزل اکبره بَنذر

یا علی اکبر. اکبر اکبر اکبر

به به/
حیران قالوب هر کیمسه گوروب حُسن جمالین
به به /
عاجزدی قَلَم وصف ایله سین جاه و جلالین
به به/
زهرا کیمی بنذَردی علی، جدّی رسوله

الله نه گوزل خلق ایلیوب هاشمی خالین

یا علی اکبر. اکبر اکبر اکبر

به به/
مین شَه گَلَه دنیایه بیری حیدر اولانماز
به به /
دنیا گیده، دنیا گَلَه پیغمبر اولانماز
به به/
عالملره مین لر رُخ زیبا گَلَه جاقدی

مین یوسف کنعان یغیشا اکبر اولانماز

یا علی اکبر. اکبر اکبر اکبر

به به/
میداندا چَکن وقتیده شمشیر شَرَر بار
به به/
بیر کیمسه حسین اوغلونا اولمازدی جلودار
به به/
وار علتی شهزاده بیله ایلوری محشر

چون جنگی اونا اورگَدیب عبّاس علمدار

یا علی اکبر. اکبر اکبر اکبر

• جمعه
• 29
• اسفند
• 1399
• ساعت
• 14:47
• نوشته شده توسط
• یوسف اکبری

شبیه مصطفی گلوب /علی اکبر مدد
عزیز مرتضی گلوب/علی اکبر مدد
ویرون خلیله تز خبر / علی اکبر مدد
ذَبیح کربلا گلوب/علی اکبر مدد

علی علی علی علی/علی اکبر مدد

شادیدی شاه کربلا/علی اکبر مدد
فَرَحلَنوب اهل ولا/علی اکبر مدد
کیم گوروری یوزون دیور/علی اکبر مدد
لیلا ایوین آباد اولا/علی اکبر مدد

علی علی علی علی/علی اکبر مدد

ای مَهِ گَردونِ حَرَم/علی اکبر مدد
اهل ولایه قیل کَرَم/علی اکبر مدد
بورا گَلن لر ایستیور/علی اکبر مدد
تذکره ی بین الحرم/علی اکبر مدد

علی علی علی علی/علی اکبر مدد

دنیانی گوزدن آتمیسان/علی اکبر مدد
اودور مرامه چاتمیسان/علی اکبر مدد
بَسدی کی شاه کربلا/علی اکبر مدد
اَیاقی آتدا یاتمیسان/علی اکبر مدد

علی علی علی علی/علی اکبر مدد

ای شهِ دینین بالاسی/علی اکبر مدد
ای آقالارین آقاسی/علی اکبر مدد
(بیکَسی) قووما قاپیدان/علی اکبر مدد
واردی گدانین هاراسی/علی اکبر مدد

علی علی علی علی/علی اکبر مدد

• جمعه
• 29
• اسفند
• 1399
• ساعت
• 14:50
• نوشته شده توسط
• یوسف اکبری

لیلی نی قویوب یالقوز - دلبریم دایان گئتمه
حســـــرتونده بیــمارم - اکبریـم دایان گئتمه

آرزو لـــــریم بیر بیر هامـّـیسی یالان اولدی
سنله فخر ائدردیم من شوکتیم تالان اولدی
ســـــرّ فرقتون اوغلوم لیلــــیه عیان اولدی
ایندی دن عـــــزادارم - اکبریم دایان گئتمه

بیلمدیم بــو صحرانـــــون محنتی فراوانـدی
آیریلیـــــق خیال ائتمه مــادره چوخ آسانـدی
سنده جلوۀ عشق دی منده کی چخان جاندی
من سنه گرفتـــــارم - اکبریـــــم دایان گئتمه

اکبریم روا گؤرمـه گوزده گوزیاشیم آخسون
اولما راضی لیلانی غصه یاندیروب یاخسون
گئت ولی که آهسته قوی سنه آنون باخسون
شمــــع تـــڪ شرربارم - اکبریم دایان گئتمه

لیلـــی بیر نگاهینــــده عالمـــــی گـزر اوغلوم
سنده بو سیه بخته ایــله سون نـــظر اوغلوم
سن گئــلینجه بو مادر جاننان ال اوزَر اوغلوم
ناگــــــــران هـــــوادارم - اکبریم دایان گئتمه

گل بو جنگه سن گئتمه رحم سیز دی بو اعدا
هئچ دمه قالار یالقوز چاره سیزدی بو لیـــــلا
گل رقّـیـــــه نی قیرما قویما گوزلرون یــولدا
من اوزوم ده بی یـــارم - اکبریم دایان گئتمه

لیلــــیـه اوغول سنسنیز دای شیرین دگول عالم
گئتــــمه قون قیامتـــدی باخ نئــجه یامان حالَم
هــر جـــــوان آنـــــاسینـــــی آغلادار منیم نالـَم
گئتدی سینه دن چـارم - اکـــــبریم دایان گئتمه

• سه شنبه
• 3
• فروردین
• 1400
• ساعت
• 14:26
• نوشته شده توسط
• یوسف اکبری

گوزل اوغلوم او گوزل گوزلره ماشاءالله
حُسن زیبای مَلک منظره ماشاءالله

خالقون لفظ تبارکده مبارک بیوروب
بئله اکبر یارادان اکبره ماشاءالله

یاشیل عمّامه گُل رویون آلوب سایه سینه
حُسن سلطانی قویان افسره ماشاءالله

نجه پیغمبرون آردیجا بلال حبشی
هی دیَردی بئله پیغمبره ماشاءالله

دوشوب آردونجا قرا طُرّه لرون مثل بلال
سنه ایمان گتورن کافره ماشاءالله

توکمه زلفون یوزه قویما گجه گوندوز بیر اولا
قاتما کافوری او مُشک تره ماشاءالله

تیغی نیلورسن علی وار ایکی شمشیری قاشون
ائله شمشیر قوی جوهره ماشاءالله

• پنج شنبه
• 5
• فروردین
• 1400
• ساعت
• 15:32
• نوشته شده توسط
• یوسف اکبری

شبه پیغمبر اوغول وای

مظهر حیدر اوغول وای

توپراقا قویما یوزون - ایوای علی‌اکبر

بیرده آچ قانلی گوزون - ایوای علی‌اکبر

ای منیم شهزاده اوغلوم

گلمیشم امداده اوغلوم

دور گیداخ مخیمده قیزلار

گلمسون فریاده اوغلوم

حالیوه چوخدور یانان - ایوای علی‌اکبر

سسلنر لیلا آنان - ایوای علی‌اکبر

باشیوی دیز اوسته آلدیم

گُل کیمی سولدوم سارالدیم

سن اوغول مقصوده چاتدون

من ولی غمدن قوجالدیم

گیتدی الدن طاقتیم - ایوای علی‌اکبر

دلده آرتوب محنتیم - ایوای علی‌اکبر

بیله قانلی پیکر اولماز

بیله خندان گوللر اولماز

دوغرانوبدور گل وجودون

گل سنون تک پرپر اولماز

بس ندن گلمور سسون - ایوای علی‌اکبر

آل سسین من بی‌کسون - ایوای علی‌اکبر

فخر آل‌هاشم اوغلوم

قان اولوب گوز یاشیم اوغلوم

سن شهید اولدون اوجالدی

دین یولوندا باشیم اوغلوم

جدّیمه بنزر اوغول - ایوای علی‌اکبر

دینینه یاور اوغول - ایوای علی‌اکبر

سنسیز ای روح و روانیم

بیر کسه گلمز گمانیم

خیمه‌گاهه یوخ دیزیمده

گیتماقا تاب و توانیم

اولین قربان دین - ایوای علی‌اکبر

قالمیشام من بی‌معین - ایوای علی‌اکبر

ای حسینون غمگساری

لیلینون صبر و قراری

اول قدر یاره ووروبلار

جسمیوه یوخدی شماری

تیر غم قلبیم بُلور - ایوای علی‌اکبر

آغلورام دشمن گولور - ایوای علی‌اکبر

سن گل باغ وفاسن

آیت حُسن خداسن

من خلیل‌الله عشقم

سن ذبیح کربلاسن

سسلورم هر آن سنی - ایوای علی‌اکبر

آتموسان گوزدن منی - ایوای علی‌اکبر

گیت سنی جدّون پیمبر

‌گوزلور الده آب کوثر

من غریبی گوزلور امّا

شمر الینده قانلی خنجر

آغلورام دلدن سنه - ایوای علی‌اکبر

ال چالور اعدا منه - ایوای علی‌اکبر

نه سولار بیر بیله باغلار

نه آلار چم بیله داغلار

دور گیداخ قویما آناوی

خیمه‌لرده قالسون آغلار

دوغرانوبسان سر‌به‌سر - ایوای علی‌اکبر

قالدی لیلا دیده تر - ایوای علی‌اکبر

"اکرمی" ایستر شفاعت

یا حسین ای کان رحمت

ئولممیش پائین پانی

ایله بو جمعه عنایت

جامه‌ی ماتم گیاخ - ایوای علی‌اکبر

سس قُشون باهم دیاخ - ایوای علی‌اکبر

• سه شنبه
• 10
• فروردین
• 1400
• ساعت
• 12:04
• نوشته شده توسط
• یوسف اکبری

اکبر ای پور حسین در دل تمنّایم توئی
آفتاب عالم آرای ثریایم توئی

قبلۀ عشق من دیوانه جز کوی تونیست
قصۀ روز و شب این قلب شیدایم توئی

یوسف بازار پرشورقَدح نوشان عشق
ای غزال فاطمی روح غزلهایم توئی

بر در میخانه ات عمریست یاهو میزنم
ساقی سائل نوازِ دُرد مینایم توئی

از عَبائی که توپوشیدی مسیحاهم نداشت
تا تورا دارم چه غم دارم مسیحایم توئی

گرتورا همپایه خوانم با مَلک عین خطاست
دین و آئینم توئی دنیا وعُقبایم توئی

من همان مجنون صحراگردسُوداپیشه ام
سوز وسازمن توهستی، سود سودایم توئی

اَشبه طاها، صفای عمرلیلای حزین
در قنوت هرنمازم ذکر زیبایم توئی

"سیفی ام"صیدکمندزلف مشکینت شدم
آبرو و عزت امروز و فردایم توئی

• پنج شنبه
• 12
• فروردین
• 1400
• ساعت
• 11:49
• نوشته شده توسط
• یوسف اکبری

اگر روح القدس دوتسا الیمدن
نثار یار اولار گوهر دیلیمدن

سوزى گول ایلرم محفل بزنسین
نگاریم اگلشن محمل بزنسین
نه محفل یانه محمل، دل بزنسین
ملک لردسته‏ دسته ‏نازل اولسون
اولاردا فیض ‏عشقه‏ نایل اولسون

سولا گر غنچه، خندان ایلرم من
بو بزمى بیر گولوستان ایلرم من
چتینده اولسا آسان ایلرم من
بهارى ‏فصل ‏پاییزه گتورّم
واریمدى ‏دیلده ‏انگیزه گتورّم

داراسین ساچلارین سونبول چمنده
ترانه باشلاسین بولبول چمنده
بزنسین اویناسین هر گول چمنده
گوزل بیر موسیقى ‏چالسین بولاغلار
او آهنگیله‏ ال ورسین اوشاقلار

گرگ معلوم اولا هر نیک و زشته
گله بو بزمه جنّتدن فرشته
دوباره اولمیا مایل بهشته
بو یئرده‏ انبیاده ‏حاضر اولسون
ز آدم تا به‏ خاتم‏ ناظر اولسون

دُرارین خامه توکسون دفتر اوسته
عرضده عارض اولسون جوهر اوسته
سپولسون بزم یاره زر زر اوسته
گل ‏اى ‏آغ بیرچگیم یاندیر اوزرّیک
گل‏ اى‏ آغ سقّلیم سن سویله ‏تبریک

گورن به به دئسون بو شوق و شوره
کلیم عشق گلسین کوه طوره
بورونسون جامه¬‏ى نور و سروره
تمنّا ایلسه‏ دیدار یارى
بدون «لَنْ» بو گون ‏گورسون نگارى

منه چون اهل دل مجذوب اولوبدى
سوزوم دیل¬لرده چوخ محبوب اولوبدى
تخیّل توسنى مرکوب اولوبدى
قلاع‏ قافیه فتّاحى¬‏ام من
بودور فخریم‏ حسین‏ مدّاحى¬‏ام من

اگر چه سوزلریم چوخ ساده اولدى
ولیکن بوردا جا افتاده اولدى
اثر قویدى هامى آماده اولدى
وئروم‏ بیر مژده ‏احباب حسینه
که‏ گئتسین‏ دیلّرى ‏باب حسینه

بودور شرطى که‏ هاى سالسین جوانلار
حسینون درگهین چالسین جوانلار
او شه‏دن مشتولوق آلسین جوانلار
بئله بایرام بئله فرصت تاپولماز
بئله همّت بئله هیئت تاپولماز

بو گونده عترت طاها سووندى
که اهل یثرب و بطحا سووندى
گولومسوندى حسین، لیلا سووندى
بو گونلرده گلوب‏ دنیایه‏ اکبر
دیورلّر اوخشیور طاهایه‏ اکبر

دئمیشدیم من ربیع الاوّل آیى
یارانماز مصطفانین بیرده تایى
اولانماز هئچ کیمین بیر بیله پایى
سوزیمى ‏من‏ دالى ‏آلاّم‏ عیاندى
چون‏ اکبر عین‏ پیغمبر یاراندى

بنى هاشم دیارینده گوز آشدى
ابالفضل تک آلاگوز قاره قاشدى
باباسى مرتضائیلن آداشدى
على نون‏ آدى‏ هر آدّان گوزلدى
نبات‏ و قند و شکّردى عسلدى

او گون که دام عشق یاره دوشدوم
چوله مجنون کیمین آواره دوشدوم
دولاندیم کوچه و بازاره دوشدوم
سوتک، سئل‏ تک هایانه‏ گلدى ‏آخدیم
گورنده‏ هر گوزل‏ دقّتله‏ باخدیم

بو سوزده قلبوى سالما ملاله
خوشوم گلمز منیم چوخ قیل و قاله
خطادور سن دئسون باخماق جماله
جوابونده ‏دئسم ‏بیله روادى
جمیله‏ باخماماق ‏عین خطادى

باخوردوم دلبره همتا گورم وار
گل پیغمبره همتا گورم وار
علىّ اکبره همتا گورم وار
که‏ گوردوم ‏یوخدى ‏مثلى، بى‏ بدلدى
على ‏اکبر گوزلّردن‏ گوزلدى

باخیشدان اوو، یئریشدن کبک صحرا
سوزوندن بال، قدیندن سرو رعنا
دوداقدان غنچه، یوزدن گولدى گویا
حسینون‏ بو گولون ‏گر گورسه‏ بولبول
دییر یوخ ‏آیرى‏ گول، تنها بودور گول

ائله بیر قدّ و قامت واردى بوندا
ائله وجه و وجاهت واردى بوندا
ئله حُسن و ملاحت واردى بوندا
گلوب‏ گورسه‏ بونى‏ یوسف ‏پیمبر
دییر مندنده‏ گویچکدى‏ بو اکبر

وئر اى دل! بو پیامى جبرئیله
یتورسون فورى ابراهیم خلیله
که هاجر زینت ائتسین اسمعیله
بورا گلسین، نسیم ‏عشق ‏اسیلسین
علىّ ‏اکبره‏ قربان‏ کسیلسین

الهى یوسف کنعاندى بو؟ یوخ
ملکدور بو و یا غلماندى بو؟ یوخ
چیخوب سیره مه تاباندى بو؟ یوخ
دینمم‏ من‏ نجه ‏دلبردى ‏اکبر
دیه ‏بولّم‏ فقط اکبردى ‏اکبر

همان اکبردى پیغمبر نشانى
که روشن ایلدى نار قُرى¬نى
هدایت ایلسین گمراه اولانى
نیه؟ چون ‏نور مصباح ‏الهدادى
سلیل مصطفا و مرتضادى

همان اکبردى که کرب و بلاده
گئدوبدور هامّیدان اوّل جهاده
گلوب اخیامه نعشى بیر عباده
حسینى ‏بیر ائله ‏احواله‏ سالدى
ئولونجه‏ الّرى‏ قوینوندا قالدى

همان اکبر همان نیکو نسبلى
على آدلى همان اکبر لقبلى
ادبلى دور ادبلى دور ادبلى
اوزانمازدى آتانین‏ محضرینده
مگر بیر یول، اودا قان ‏بسترینده

«بشیر»ا شعریوه وئرمه ادامه
اگر چه ایستیور یازسین بو خامه
سوزى تشریح ائتسین خاص و عامه
نظرده ‏آلگیلان‏ پیر و جوانى
گنه ‏بایراملیق ‏ایسته‏ کربلانى

• سه شنبه
• 17
• فروردین
• 1400
• ساعت
• 18:27
• نوشته شده توسط
• یوسف اکبری

مژده وئرون احبّایه
گلدی بو دنیایه اکبر
حق طرفین‌دن بوآی‌دا
تحفه‌دی لیلایه اکبر

بو گلِ باغِ حیدردی
گول کیمی چوخ معطردی
من دئمورم پیمبردی
گورن دیور: هر جهت‌دن
اوخشوری طاهایه اکبر

اؤره‌ک بو آی ملول اولماز
بو آیه هئچ اُفول اولماز
علی کیمی اوغول اولماز
حسینه چوخ گؤرمه یارب!
جاندی او مولایه اکبر

اودور عزیزِ اِنس و جان
کنیزی حوری و غلمان
غلامی یوسفِ کنعان
گوزلّیگین کتابینده
سوره حسین، آیه اکبر

باخون یوزونده‌کی نوره
گلوب فرشته‌لره شوره
کلیم تک چیخوب طوره
زبانِ حالِ موسادی
شرفدی سینایه اکبر

قدم قویاندا تورپاقه
یاییلدی نوری آفاقه
مبارک اولسون عشّاقه
سؤیگولودور گوزلّیکده
یوسف زیبایه اکبر

گؤزل بالا گوزون آشدی
عموسی‌تک قلم قاشدی
جدّی علی‌له آداشدی
اوجالدی باشیمیز عرشه
سالوبدی چون سایه اکبر

گلن زامان بو جاهانا
جاهان دؤنودب جنانا
بو اُسوه‌دی هر جاوانا
عالمه جدّی طاها تک
وئروبدی پیرایه اکبر

بو آی کیمی بیر آی گلمز
گونون یئرینه آی گلمز
اکبره بیرده تای گلمز
گئجه گونوز ائدور احسان
نورین گونه آیه اکبر

شعبانین اؤن بیری خوشدی
مجبّت بولاغی جوشدی
«بشیر»! اگر الون بوشدی
غم ایلمه کی وصل ایلر
قطره‌نی دریایه اکبر

• پنج شنبه
• 19
• فروردین
• 1400
• ساعت
• 13:02
• نوشته شده توسط
• یوسف اکبری

میلاد گل لیلا شد - هر غنچه ز شعف وا شد
زیبا، گلشن طاها شد - آمد، یوسف حسین
مژده محبّان! آمد علی اکبر
خَلقاً و خُلقاً شبیهِ پیغمبر
ای گل لیلا! ای گل لیلا! ای گل لیلا! اکبر!

اکبر مهِ مه‌رویان است
زیبا ز مهِ کنعان است
یثرب همه گلباران است
گل ریزید ای عاشقان!

بشارت ای دل! نور دو عین آمد
زاده‌ی لیلا پورِ حسین آمد
ای گل لیلا! ای گل لیلا! ای گل لیلا! اکبر!

آمد به جهان جان امروز
دل‌ها شده خندان امروز
بر جمله جوانان امروز
خوب و خجسته باد

روز جوان است جهان جنان گشته
محفل خوبان چه دلستان گشته
ای گل لیلا! ای گل لیلا! ای گل لیلا! اکبر!

طوبی به قدِ طوبایش - احسن به گل سیمایش
بر نام خوب و زیبایش - قربان، دل و جانِ ما

کسی که سرخوش ز جام اکبر شد
خوشا به حالش غلام اکبر شد
ای گل لیلا! ای گل لیلا! ای گل لیلا! اکبر!

هئچ کیمسیه بو پای اولماز
گوندوز نئجه‌کی آی اولماز
لیلا گولونه تای اولماز
یوسف، اونا حیراندی

مشتولوق اولسون گلدی علی اکبر
کیمین وار عشقی گوزَل آدین سس‌لر
ای گل لیلا! ای گل لیلا! ای گل لیلا! اکبر!

شعبان آیی موبارکدی
باشدان باشا چون گؤیچکدی
حُسن عالَمی اکبر تکدی
گول‌لر، گولور عشقینده

اُسوه‌دی هر بیر جوانه دنیاده
شفاعت ایلر بو جَمعه عقباده
ای گل لیلا! ای گل لیلا! ای گل لیلا! اکبر!

لیلا گؤزلی اکبردی
قول و غزلی اکبردی
همنامِ علی، اکبردی
آدینه، اوزوم قربان

سؤیله «بشیر»ا! بشارت ای یاران!
موبارک اولسون ولادت ای یاران!
ای گل لیلا! ای گل لیلا! ای گل لیلا! اکبر!

• پنج شنبه
• 19
• فروردین
• 1400
• ساعت
• 13:03
• نوشته شده توسط
• یوسف اکبری

ای جدّینه حُسنونده نشان یاعلی اکبر جان یاعلی اکبر
گلدون بو جهان اولدی جنان یاعلی اکبر جان یاعلی اکبر

غیرتلی جوانلاره اولان اُسوه‌ی غیرت، الگوی فضیلت
میلادون اولوب "روز جوان" یاعلی اکبر جان یاعلی اکبر

گلزار نجابتده گوزل گولدی جمالون، وار عالی جلالون
عاشقدی سنه پیر و جوان یاعلی اکبر جان یاعلی اکبر

عالمده سنه دؤرد آنالار دوغمویاجاق تای، حیراندی سنه آی
لیلایه اولان روح و روان یاعلی اکبر جان یاعلی اکبر

گر جسمیده گئتسه آرادان، جان قالاجاقدی، جانان قالاجاقدی
ای کالبد یوسفه جان یاعلی اکبر جان یاعلی اکبر

عطرونله معطّردی بیزیم محفل شادی، چون بزم ولادی
یوخدور بئله بیر عطرفشان یاعلی اکبر جان یاعلی اکبر

آچدی گئنه باغ ابدیّتده قیزیل گول، گلدی دیله بولبول
وصلی ائلیور شرح و بیان یاعلی اکبر جان یاعلی اکبر

ای فقه‌ده، ای علم‌ده، ای حلم‌ده دریا، یوخدور سنه همتا
شهزاده‌ی شاه دو جهان یاعلی اکبر جان یاعلی اکبر

جنّت سنه مشتاقیدی سن کرب‌وبلایه، اوخشور یوزون آیه
آیدا سنه عاشقدی اینان یاعلی اکبر جان یاعلی اکبر

یئتمیش ایکی عاشق قوتاروب عشق نمازین، هم راز و نیازین
اوندا کی اوزون وئردون اذان یاعلی اکبر جان یاعلی اکبر

مایلدی گریزه قلم و دفتر و شاعر، بلکه اولا زائر
ششگوشه مزاره بو زمان یاعلی اکبر جان یاعلی اکبر

گول جسمیوی صدپاره ائدوب خارلر ایوای، لایلای سنه لایلای
هئچ وئرمدی دشمن‌لر امان یاعلی اکبر جان یاعلی اکبر

باشون یاریلوب اوندا کی شقّ القمر اولدی، بیلمم نلر اولدی
اولموشدون ایاقدان باشا قان یاعلی اکبر جان یاعلی اکبر

لذّتلی آغیزلاردا اگر شعری بشیرین، شیرینیدی شیرین
لطفوندن اولوب طبعی روان یاعلی اکبر جان یاعلی اکبر

• یکشنبه
• 22
• فروردین
• 1400
• ساعت
• 22:12
• نوشته شده توسط
• یوسف اکبری

ای باتان قرمزی قانه قدِ شمشادی اوغول
آچ گوزون گور باشون اوسته منِ ناشادی اوغول

شامه سنسیز گیدورم آچ گوزون ای ماه لقا
یورولوبسان بولورم یوخسا دوراردون ایاقا
بلوسن منده دوزوم یوخ علی بو آیریلیقا
درد هجرون منه بیر محنت عظمادی اوغول

اشگ چشمیم یری وار چشمه کیمی آخسا یوزه
اورگیم آتش هجراندا یانوب دونسه کوزه
کیم دوزر بیله فراقه - بالا لیلاده دوزه
آناوین عرشه چاتور ناله و فریادی اوغول

هانسی بی‌شرم و دنی قانه جمالون بَلَدی
سنی مندن آییروب باشیمه توپراق الدی
ایندی بولدوم که جوان داغی ندور یا ولدی
یاندی قلبیم آنان ئولسون بو نه دنیادی اوغول

آناوین سندن علاوه بالا آخر کیمی وار
آتما گوزدن منی اولدوم غم بسیاره دچار
قان دولان گوزلرین آچ باخ نجه گور مجنون وار
باشون اوستونده گلن نالیه لیلادی اوغول

حقلیم گوزدن آخان گوز یاشیمی قان ایلسم
باش آلوب چوللرده دوشسم باشا توپراق اَلَسَم
شمع تک یانسام آلیشسام غم اودوندا اَریسَم
غصه مرگ اولسام اگر من گنه باجادی اوغول

دوشرم چوللری مجنون کیمی حیران گزرم
باشون آردیجا گیدوب هر یری نالان گزرم
اورگی داغلی قولی باغلی پریشان گزرم
حشر اولونجا منه مسکن دلِ صحرادی اوغول

سالمیشام باشیمه بختیم کیمی من قاره اوغول
اولموشام گور نجه درمانده و آواره علی
دور اوزون ایله بو بیچاریه بیر چاره علی
حالینه یوخدی یانان بی‌کس و تنهادی اوغول

"اکرمی" دلده نوا سینده چوخ حسرتیلن
یازدی بو نوحه‌نی گوز یاشی توکوب شدّتیلن
بوینی چیگنینده قاپوندا اوتوروب محنتیلن
نظر ایله اودا بیر عاشق شیدادی اوغول

• سه شنبه
• 31
• فروردین
• 1400
• ساعت
• 18:29
• نوشته شده توسط
• یوسف اکبری

اکبریم زیبا یوزون عشاقی مدهوش ایلیور
گوزلرون کیم گورسه دنیانی فراموش ایلیور
خوش اولا اوغلوم سنون کیپریکلرون احوالینه
دمبدم شهلا گوزون چون گل در آغوش ایلیور

قوملار اوسته یاتما آچ زیبا گوزون اوغلوم دانیش
ال ایاق چالما بیله یورما ئوزون اوغلوم دانیش
پیر کنعانم دگرسن سن ولی مین یوسفه
چون منه بالدان شیریندور هر سوزون اوغلوم دانیش

گل یوزون نور اللهی هاله تک دورین آلوب
آسمان قلبیمه آیدان گوزل نقشون سالوب
جدیمه بنذر، یارالی دوشموسن میدان آرا
قوملار اوسته بیله بیللم جسم پیغمبر قالوب

من کیانم حالتیم هر بیر کیانی یاندیرار
من چکن داغ تک باشا بیل خاکیانی یاندیرار
نیزه و اوخدان مُشبّک پیکرون، القان ویرور
آه جانسوزیم گوزآچ افلاکیانی یاندیرار

هیچ غمین ساعت شبیه اولماز غمین اوقاتیمه
عشقیده اوغلوم مطاعیمسن منیم اثباتیمه
سینم اوسته قانلی باشون، گوز یاشیم جیحون کیمی
آسمان اهلی توکر قانیاش منیم حالاتیمه

پرپر اولموش گل کیمین، توپراقلار اوسته پیکرون
باش یاروندان قان آخوب القانه دونموش گوزلرون
پیکربی روحه دوندوم گل دیله دیندیر منی
سن ننم زهراعلیجان بیربیره ویر لبلرون

برگ گل تک پخش اولان اعضایه قربان گوزلریم
فدیه دور القانه باتموش جسمه گریان گولریم
بندبند اولموش وجودون قوملار اوسته جان بالا
آچ گوزون گور قان اَلور چون ابر نیسان گوزلریم

«ثاقبا» یاز اکبریله یوز یوزه قویموش امام
سون نفسده اکبریندن آلدی صوت السلام
گوردی بیر حالتده دوغرانمیش تمام اعضاسینی
راوی سویلر گوئیا قالب تُهی ایتموش امام

• پنج شنبه
• 9
• اردیبهشت
• 1400
• ساعت
• 16:40
• نوشته شده توسط
• یوسف اکبری

شیعه را مونس و جان آمد
پسر شاه شهیدان آمد
فتبارک به این گل چهره
قوت زانوی سلطان آمد
گل و گلزاده شه و شهزاده
به روی هستی (مهی ) قدم بنهاده

به جهان دلبری پیدا شد
خُلقُ خوی حیدری پیدا شد
قرص ماه است رخ زیبایش
مَه نگو که اختری پیدا شد
فُواد طاها عزیز لیلا
علیّ اکبر (گل) حسین زهرا

گوز آچوب عالمه شهزاده
نه گوزل گولدی گلوب ایجاده
گول یوزون کیم گوروب سویلردی
جدینه بنزری وار دنیاده
علیِّ اکبر قویولدی آدی
خانیم لیلانون (بودور) گوزل اولادی

آتانون نازنین دلبندی
انس و جان سرورینون فرزندی
قوت قلبیدور سلطانه
اخذ ایدر غنچه لبیندن قندی
کرامت ایلوب خدای منان
آلوب آغوشه (ئوپر) حسین سویلر جان

مه و خورشید خجل از رویش
طاق ایوان جنان ابرویش
قلم آورد چنین در وصفش
لیله القدر من است گیسویش
امید عالم شبیه خاتم
گدای خانش (بُود) هزاران حاتم

• شنبه
• 11
• اردیبهشت
• 1400
• ساعت
• 20:43
• نوشته شده توسط
• یوسف اکبری

آیریلوب اخیامیدن اکبر
پورحسین احمده بنذر
اهل حرم دیلده نواخوان
قان الیور گول یوزه گوزلر
حسینه دردانه. عزم ایلورمیدانه
گیدور تا ال تاپسون. وصلت جانانه
علی اکبر۲

بنددل شاه لب عطشان
اولدی اول عازم میدان
سالدی کفن چون ئوز الیلن
قامت رعناسینه سلطان
حسینه دردانه. عزم ایلور میداته
گوزیاشین دوندردی. عمه لرالقانه
علی اکبر۲

اهل جنان سروری آغلار
گوز یاشینی گول یوزه باغلار
نار فراق علی اکبر
سینه ی سیناسینی داغلار
حسینه دردانه. عزم ایلور میدانه
گول یوزوندن اوخشار لاله ی خندانه
علی اکبر۲

سویله دی جانیم علی اکبر
روح وروانیم علی اکبر
گیت گیدوشندن گیدور الدن
تاب وتوانیم علی اکبر
حسینه دردانه. عزم ایلور میدانه
فغان مولانی اوجالتدی کیوانه
علی اکبر۲

دیلده نوا جمله ملکلر
غرق عزا اولدی فلکلر
گیتدی علی ماتمه باتدی
خیمه ده کی قاره لچکلر
حسینه دردانه عزم ایلور میدانه
لیلینون گوزیاشین دوندروب القانه
علی اکبر۲

هیچ یوخوموش لطفی جهانون
نقطه ی پایانی بلانون
کول اولا سندن صورا اوغلوم
باشینه بودار فنانون
حسینه دردانه عزم ایلور میدانه
آغلور آل طاها گورنه یانه یانه
علی اکبر۲

• یکشنبه
• 19
• اردیبهشت
• 1400
• ساعت
• 18:39
• نوشته شده توسط
• یوسف اکبری

آلله الله روح و ریحان دور بو یا اکبر گلیر
سیرت و سیما و خُلق و خوسی پیغمبر گلیر

قامتی رعنا، رُخی حورا، لبی شکّر شکن
یوسف ثانی دی بو، یا حیدر دیگر گلیر

طره ی گیسوسی سالموش چوللره لیلالری
تیغ ابروسی دل عاشق لره خنجر گلیر

قلب اکبرده یازلموش «ما رمیت اذ رمیت»
پاره ی قلب علی؛ دینه فدایی تر گلیر

عمه سی زینب دیور الله اکبر اکبره
عرش دن الله اکبر فرشه هی کوثر گلیر

آی؛ مُرَدّدی خدایا؛ سِیرَه چیخسون! چیخماسین!
چون گوروردی یثربه ماهِ ملک منظر گلیر

عشقه باخ، لاهوتیان ناسوتیانه رَشک ادیر
گور نه عالمدور! ملک لرده تماشاگر گلیر

بیر باسیبدور باغرینا محکم، حسین دردانه سین
گوزلری دولدی، خیاله چوخلی نیسگیللر گلیر

«آرباطان» مرغ خیالون کربلایه اوچماسین
یازگیلان اکبر گلیر اکبر گلیر اکبر گلیر

آلله الله روح و ریحان دور بو یا اکبر گلیر
سیرت و سیما و خلق و خوسی پیغمبر گلیر

• سه شنبه
• 21
• اردیبهشت
• 1400
• ساعت
• 15:37
• نوشته شده توسط
• یوسف اکبری

بهار اولدی گوروندی آیت توحید دنیاده
سالندی گلستانه بیر زمرّد رنگ سجّاده

اولان سرگرم وحدت معتکف کاشانۀ غمده
دولانسون گلشنی باخسون قد دلجوی شمشاده

تفکّر ایلسون تغییر فصل و وضع گلزاری
ندور علّت گیدور آز وقتده وضع چمن باده

ایدوب گلده عجب اظهار قدرت خالق یکتا
هویدا ذات مکنونی ایدوب هر چشم بیناده

نه یالقوز گل نه تک سنبل نباتات چمن یکسر
باخاندا وَحدَهُ وَحدَه دیر ظاهرده معناده

گل سرخ اوسته نقّاش حقیقی گوستروب قدرت
آچوبدور باب توحیده اونون هر برگی مین جاده

ویروب صبّاغ حکمت هر گله بیر نقش رنگارنگ
طبیعی آنلاسون وار مقتدر خالق بو دنیاده

شقایق اشرفی رعنا حنائی یاسمن صد برگ
دِیَر اوز رنگ بوینده نه قدرت واردی یکتاده

گل بید و بنفشه نرگس و اژدر دهن سوسن
ایدر اثبات توحیدی سمن تک لفظ و معناده

اگر چه موسم عیش و فرح دور فصل گل امّا
منیم قلبیم آچلمور قید غمدن اولمور آزاده

خیالیم نه چمن نه عشق گل نه ذوق بلبلدور
دیار کربلاده سالموشام بر نوگلی یاده

نجه گل عارضی رشگ گل و گلزار جنّتدور
قد موزونی قویموش داغ حسرت قلب طوباده

بشر صورت ملک طلعت اوزی تصویر پیغمبر
آدی اکبردی گلمز گلمیوب مانندی ایجاده

یوزی گل زلفی سنبل بینوا لیلا اونا بلبل
باخار آغلار یانار شوریده بلبل تک او صحراده

هوائین ایستیسی سوز عطش ایلوب یوزین گلگون
قویار طاقت نجه او حُسنِ روز افزونی لیلاده

قرا زُلف آق کفن رخسار گلگون قامت موزون
سالوب سرو آتدا گویا سایه سنبل برگ رعناده

ایدوب اوز زلفی تک مجنون کیمی لیلانی آشفته
ورُوبدور بوینونا هر تار مو بر سخت قلّاده

باخان سویلر گل لیلا چکوب نقّاش غم تصویر
بو لیلادور هانی روحی یقین صورتدی دیباده

ویرور اولقالب بیروحه دو هردم مسیحا دم
جگر قان اولماقین توضیح ایدور گوز اشگ حمراده

دیور ایلوب علی بو قاره زلفون بختیمی قاره
گرک آشفته زلفون تک قالام عمریمجه افتاده

بو نه قامتدی لیلایه قیامنده قیامتدور
گورونمز لیلیه بیله قیامت حشر عظماده

غزال مشگمو آهو باخیشلی گوزلریم نوری
حرم آهوسی تک دوشسن بوگون سن دام صیّاده

دوشر صحرالره لیلا مَلَر آغلار یولار گیسو
باخاندا حالینه آغلار یانار اعلاده ادناده

دِیَنده وای علی اکبر جوانیم وای اوغول ایوای
منیله سس سسه زهرا ویرر جنّات اعلاده

آلوبدور شاهد غیبی سنون آرامیوی اَلدن
اودور جان ویرماقا دلدن اولوبسان بیله آماده

منه چوخ باخما یانما ای گوزوم نوری گیدورسن گیت
یانوب یاندیرما لیلانی شرار آهه شهزاده

اوزون راضی آتان راضی رضایم منده بو حاله
اگر چه طاقتیم یوخ قان گورم بو چشم شهلاده

رضایم پیکرون اولسون گل صد برگ تک صد چاک
بو چشم نرگسون قانیله دولسون دشت هیجاده

دوزولسون شدّۀ مرجان کیمی قان تار زلفونده
باخان رحم ایلسون گرچه مروّت یوخدی اعداده

بو کوی عشقده باش ویر آناوی سرفراز ایله
قیام حشردور باخما خیام آل طاهاده

ترقّی عالمین سیر ایت اوجات احکام اسلامی
گیدنده نیزه ده شامه گلر آردونجا لیلاده

جدا باشندا تبلیغات اسلام ایله سن سنده
دیار شامده محملده بانگ وا علیّاده

گلنده قتلگاهه دست بسته پیکرون اوسته
کسنده باشوی عجز ایلرم بیرحم جلّاده

وُراندا باشیمه قمچی منه بیر دادخواه اولماز
کیمی سسلر اوغولسوزلار بلا وقتینده امداده

«حسینی» معدن جود و کرمدور بو علی اکبر
ویرر عالی جزا یوم الجزا مطلق بو افراده

• دوشنبه
• 27
• اردیبهشت
• 1400
• ساعت
• 14:40
• نوشته شده توسط
• یوسف اکبری

پر کن قدحم ساقی از جام علی اکبر
مرغ دلم افتاده در دام علی اکبر
شعری که شود آغاز با نام علی اکبر

بر شاعر و مداحش بی شبهه اثر دارد
چون حضرت زهرا بر این شعر نظر دارد

مرغ دل شیدایم شد مست علی اکبر
بند دلم افتاده در دست علی اکبر
من هیچم و هستم هست ، از هست علی اکبر

نور رخ این مولا شد شمع شب تار م
عمریست که من بر این شهزاده بدهکارم

با نام علی اکبر هر درد دوا گردد
در محضرش حاجات شرعیه روا گردد
جا دارد اگر گویم حاتم چو گدا گردد

هم خَلقاً و هم خُلقاً پیغمبر ذیجاه است
لازم به تذکر نیست سبط اسدالله است

تا چشم جهان بینش آنشب به جهان واشد
امّید دل لیلا بند دل بابا شد
سائل درِ این سلطان با یک نظر آقا شد

چشمان فلک آن شب مشکوک و مُردَّد بود
میلاد علی اکبر یا اینکه محمد بود

• سه شنبه
• 28
• اردیبهشت
• 1400
• ساعت
• 13:40
• نوشته شده توسط
• یوسف اکبری