اشعار حضرت علی اکبر علیه السلام

یاغیری باران رحمت
شاد اولوب اهل ولایت
بیر اوغول ا... حسینه
ایلیوب بو گون عنایت

جمالی مُنجلی/گوزللر گوزلی
آتاسی فخریله/ آدین قویدی علی

علی اکبر مدد (علی بن الحسین)

قره قاش گیپریک هلالی
سِیر ایله جاه و جلالی
دیدیلر لیلایه به به
احمده بنذیر جمالی

شبیه مصطفی/سلیل مرتضی
گلوبدی عالمه /آقا اوغلی آقا

علی اکبر مدد (علی بن الحسین)

دویماق اولمور گول یوزوندن
جدّی تک شیرین سوزوندن
آلوب آغوشه اوپردی
زینب کبری گوزوندن

او دُختِ مرتضا/ایدوب بیله ندا
حسینه هم سنه/ اولا زینب فدا

علی اکبر مدد (علی بن الحسین)

نَوه ی شاه ولایت
شیر میدان شجاعت
جنگیلرده ایلییَردی
ضرب شمشیری قیامت

چو حیدر بو بالا/ایدر محشر به پا
گوزل جنگ اورگدیب/آقام عبّاس اونا

علی اکبر مدد (علی بن الحسین)

(بیکَسم)چوخدی ملالیم
سن بولورسن وضع حالیم
سنی اکبر جانی ارباب
قویما آخسین اشک آلیم

گدایه باخ آقا/نولور ایله عطا
دوشوبدی گویلومه/گینه پایین پا

علی اکبر مدد (علی بن الحسین)

• جمعه
• 29
• اسفند
• 1399
• ساعت
• 14:38
• نوشته شده توسط
• یوسف اکبری

شدمدینه چراغان /نورخداگشته تابان
آمده ازلطف یزدان/ گل دل آرایی

پسرآورده لیلا /پدرشده سبط طاها
زنور اوبیت مولا/ شده تماشایی

نوه ی حیدره دلهارومیبره
نام زیبای او علیِ اکبره

علی بن الحسین...

وقت شادی رسیده / غنچه مولادمیده
چنین گلی کس ندیده/عجب صفاداره

این گل بی قرینه /عزیزشاه مدینه
شادی قلب حزینه / عزیزودلداره

نورچشم حسین سرور عالمین
به لبِ عاشقان بُوَد شوروشین

علی بن الحسین

واردی زیبا جمالی /وصفیدن آرتیخ کمالی
چتین گَله شرح حالی / بوشبه طاهادی

قامت دلرباسی /جمالینین وار صفاسی
حسینون ای مه لقاسی / عزیززهرادی

سسله دیل شاد اولا غمدن آزاداولا
ام لیلا خانم ائوین آباد اولا

علی بن الحسین...

عالمه وئردی زینت/ بوگل بو گلزار عصمت
خلقی ائدوب غرق حیرت /خداجمالیندا

آی اوزی شرمنده دی /درگهینه بیربنده دی
خداقیامت ایلدی /بوخط وخالیندا

گل باغ ولا وئربوقلبه صفا
گویلوموز ایستییر آقاپایین پا

علی بن الحسین...

ای شبیه پیمبر / ای گل گلزار حیدر
ای یوزی چون ماه انور /اکبر شهزاده

اهلبیت مکتبینده / هفته به هفته گزنده
قلبیم آقااولدی زنده بو داردنیاده

آدیواعاشقم عشقیده صادقم
(بیکَسم)لطف ایله باخما نالایقم...

علی بن الحسین

• جمعه
• 29
• اسفند
• 1399
• ساعت
• 14:39
• نوشته شده توسط
• یوسف اکبری

جلوه گر اولدی گینه/نور کبریایی
اَمر اولوب ملک لره / ایتسون هم نوایی

اِیْله نَظَر دلبره_سلاله ی حیدره
گورَن جمالین دیور_ اکبره باخ اکبره

یا علی اکبر مدد یا علی اکبر مدد

نشانه ی قدرتِ/خدای یکتادی
شبیه خَتمِ رُسُل / جمالی زیبادی

نور رُخی مُنجَلی_سلیل پاک علی
خَلقاً و خُلقاً رسول_ آدین قویوبلار علی

یا علی اکبر مدد یا علی اکبر مدد

باشدا زلفی قاره دی/قاشلاری هلالی
حیرته سالوب چوخون/صاق یوزونده خالی

مِهرِ مُنیرِ وِلا_ذَبیحِ کرب و بلا
یوسف کنعان هارا_ یوسف لیلا هارا

یا علی اکبر مدد یا علی اکبر مدد

عنایت ایله بیزه /بخاطر زهرا س
گَل اَلی بوش اِیْلَمه /ای عزیزِ لیلا

ای آدی درده دوا_ قلبیمیزه ویر صفا
شوق حَرَم باشدا وار_یاز بیزه پایین پا

• جمعه
• 29
• اسفند
• 1399
• ساعت
• 14:45
• نوشته شده توسط
• یوسف اکبری

به به/
گویلرده گلوب فوج ملائک هَیَجانه
به به/
بیر غنچه گولون وصفینی تا گَتدی بَیانه
به به /
اربابیمیزین بو گجه قلبی سوونوبدی

مرآت نَبی، جان علی، گلدی جهانه

یا علی اکبر. اکبر اکبر اکبر

به به/
اکبر یوزی اوصاف حق داوره بَنذر
به به /
صولتده علی، سیرَتی پیغمبره بنذَر
به به /
لیلا یری وار فخر ایلسه اهل جهانه

دنیاده گورون هانسی گوزل اکبره بَنذر

یا علی اکبر. اکبر اکبر اکبر

به به/
حیران قالوب هر کیمسه گوروب حُسن جمالین
به به /
عاجزدی قَلَم وصف ایله سین جاه و جلالین
به به/
زهرا کیمی بنذَردی علی، جدّی رسوله

الله نه گوزل خلق ایلیوب هاشمی خالین

یا علی اکبر. اکبر اکبر اکبر

به به/
مین شَه گَلَه دنیایه بیری حیدر اولانماز
به به /
دنیا گیده، دنیا گَلَه پیغمبر اولانماز
به به/
عالملره مین لر رُخ زیبا گَلَه جاقدی

مین یوسف کنعان یغیشا اکبر اولانماز

یا علی اکبر. اکبر اکبر اکبر

به به/
میداندا چَکن وقتیده شمشیر شَرَر بار
به به/
بیر کیمسه حسین اوغلونا اولمازدی جلودار
به به/
وار علتی شهزاده بیله ایلوری محشر

چون جنگی اونا اورگَدیب عبّاس علمدار

یا علی اکبر. اکبر اکبر اکبر

• جمعه
• 29
• اسفند
• 1399
• ساعت
• 14:47
• نوشته شده توسط
• یوسف اکبری

شبیه مصطفی گلوب /علی اکبر مدد
عزیز مرتضی گلوب/علی اکبر مدد
ویرون خلیله تز خبر / علی اکبر مدد
ذَبیح کربلا گلوب/علی اکبر مدد

علی علی علی علی/علی اکبر مدد

شادیدی شاه کربلا/علی اکبر مدد
فَرَحلَنوب اهل ولا/علی اکبر مدد
کیم گوروری یوزون دیور/علی اکبر مدد
لیلا ایوین آباد اولا/علی اکبر مدد

علی علی علی علی/علی اکبر مدد

ای مَهِ گَردونِ حَرَم/علی اکبر مدد
اهل ولایه قیل کَرَم/علی اکبر مدد
بورا گَلن لر ایستیور/علی اکبر مدد
تذکره ی بین الحرم/علی اکبر مدد

علی علی علی علی/علی اکبر مدد

دنیانی گوزدن آتمیسان/علی اکبر مدد
اودور مرامه چاتمیسان/علی اکبر مدد
بَسدی کی شاه کربلا/علی اکبر مدد
اَیاقی آتدا یاتمیسان/علی اکبر مدد

علی علی علی علی/علی اکبر مدد

ای شهِ دینین بالاسی/علی اکبر مدد
ای آقالارین آقاسی/علی اکبر مدد
(بیکَسی) قووما قاپیدان/علی اکبر مدد
واردی گدانین هاراسی/علی اکبر مدد

علی علی علی علی/علی اکبر مدد

• جمعه
• 29
• اسفند
• 1399
• ساعت
• 14:50
• نوشته شده توسط
• یوسف اکبری

لیلی نی قویوب یالقوز - دلبریم دایان گئتمه
حســـــرتونده بیــمارم - اکبریـم دایان گئتمه

آرزو لـــــریم بیر بیر هامـّـیسی یالان اولدی
سنله فخر ائدردیم من شوکتیم تالان اولدی
ســـــرّ فرقتون اوغلوم لیلــــیه عیان اولدی
ایندی دن عـــــزادارم - اکبریم دایان گئتمه

بیلمدیم بــو صحرانـــــون محنتی فراوانـدی
آیریلیـــــق خیال ائتمه مــادره چوخ آسانـدی
سنده جلوۀ عشق دی منده کی چخان جاندی
من سنه گرفتـــــارم - اکبریـــــم دایان گئتمه

اکبریم روا گؤرمـه گوزده گوزیاشیم آخسون
اولما راضی لیلانی غصه یاندیروب یاخسون
گئت ولی که آهسته قوی سنه آنون باخسون
شمــــع تـــڪ شرربارم - اکبریم دایان گئتمه

لیلـــی بیر نگاهینــــده عالمـــــی گـزر اوغلوم
سنده بو سیه بخته ایــله سون نـــظر اوغلوم
سن گئــلینجه بو مادر جاننان ال اوزَر اوغلوم
ناگــــــــران هـــــوادارم - اکبریم دایان گئتمه

گل بو جنگه سن گئتمه رحم سیز دی بو اعدا
هئچ دمه قالار یالقوز چاره سیزدی بو لیـــــلا
گل رقّـیـــــه نی قیرما قویما گوزلرون یــولدا
من اوزوم ده بی یـــارم - اکبریم دایان گئتمه

لیلــــیـه اوغول سنسنیز دای شیرین دگول عالم
گئتــــمه قون قیامتـــدی باخ نئــجه یامان حالَم
هــر جـــــوان آنـــــاسینـــــی آغلادار منیم نالـَم
گئتدی سینه دن چـارم - اکـــــبریم دایان گئتمه

• سه شنبه
• 3
• فروردین
• 1400
• ساعت
• 14:26
• نوشته شده توسط
• یوسف اکبری

شبه پیغمبر اوغول وای

مظهر حیدر اوغول وای

توپراقا قویما یوزون - ایوای علی‌اکبر

بیرده آچ قانلی گوزون - ایوای علی‌اکبر

ای منیم شهزاده اوغلوم

گلمیشم امداده اوغلوم

دور گیداخ مخیمده قیزلار

گلمسون فریاده اوغلوم

حالیوه چوخدور یانان - ایوای علی‌اکبر

سسلنر لیلا آنان - ایوای علی‌اکبر

باشیوی دیز اوسته آلدیم

گُل کیمی سولدوم سارالدیم

سن اوغول مقصوده چاتدون

من ولی غمدن قوجالدیم

گیتدی الدن طاقتیم - ایوای علی‌اکبر

دلده آرتوب محنتیم - ایوای علی‌اکبر

بیله قانلی پیکر اولماز

بیله خندان گوللر اولماز

دوغرانوبدور گل وجودون

گل سنون تک پرپر اولماز

بس ندن گلمور سسون - ایوای علی‌اکبر

آل سسین من بی‌کسون - ایوای علی‌اکبر

فخر آل‌هاشم اوغلوم

قان اولوب گوز یاشیم اوغلوم

سن شهید اولدون اوجالدی

دین یولوندا باشیم اوغلوم

جدّیمه بنزر اوغول - ایوای علی‌اکبر

دینینه یاور اوغول - ایوای علی‌اکبر

سنسیز ای روح و روانیم

بیر کسه گلمز گمانیم

خیمه‌گاهه یوخ دیزیمده

گیتماقا تاب و توانیم

اولین قربان دین - ایوای علی‌اکبر

قالمیشام من بی‌معین - ایوای علی‌اکبر

ای حسینون غمگساری

لیلینون صبر و قراری

اول قدر یاره ووروبلار

جسمیوه یوخدی شماری

تیر غم قلبیم بُلور - ایوای علی‌اکبر

آغلورام دشمن گولور - ایوای علی‌اکبر

سن گل باغ وفاسن

آیت حُسن خداسن

من خلیل‌الله عشقم

سن ذبیح کربلاسن

سسلورم هر آن سنی - ایوای علی‌اکبر

آتموسان گوزدن منی - ایوای علی‌اکبر

گیت سنی جدّون پیمبر

‌گوزلور الده آب کوثر

من غریبی گوزلور امّا

شمر الینده قانلی خنجر

آغلورام دلدن سنه - ایوای علی‌اکبر

ال چالور اعدا منه - ایوای علی‌اکبر

نه سولار بیر بیله باغلار

نه آلار چم بیله داغلار

دور گیداخ قویما آناوی

خیمه‌لرده قالسون آغلار

دوغرانوبسان سر‌به‌سر - ایوای علی‌اکبر

قالدی لیلا دیده تر - ایوای علی‌اکبر

"اکرمی" ایستر شفاعت

یا حسین ای کان رحمت

ئولممیش پائین پانی

ایله بو جمعه عنایت

جامه‌ی ماتم گیاخ - ایوای علی‌اکبر

سس قُشون باهم دیاخ - ایوای علی‌اکبر

• سه شنبه
• 10
• فروردین
• 1400
• ساعت
• 12:04
• نوشته شده توسط
• یوسف اکبری

اکبر ای پور حسین در دل تمنّایم توئی
آفتاب عالم آرای ثریایم توئی

قبلۀ عشق من دیوانه جز کوی تونیست
قصۀ روز و شب این قلب شیدایم توئی

یوسف بازار پرشورقَدح نوشان عشق
ای غزال فاطمی روح غزلهایم توئی

بر در میخانه ات عمریست یاهو میزنم
ساقی سائل نوازِ دُرد مینایم توئی

از عَبائی که توپوشیدی مسیحاهم نداشت
تا تورا دارم چه غم دارم مسیحایم توئی

گرتورا همپایه خوانم با مَلک عین خطاست
دین و آئینم توئی دنیا وعُقبایم توئی

من همان مجنون صحراگردسُوداپیشه ام
سوز وسازمن توهستی، سود سودایم توئی

اَشبه طاها، صفای عمرلیلای حزین
در قنوت هرنمازم ذکر زیبایم توئی

"سیفی ام"صیدکمندزلف مشکینت شدم
آبرو و عزت امروز و فردایم توئی

• پنج شنبه
• 12
• فروردین
• 1400
• ساعت
• 11:49
• نوشته شده توسط
• یوسف اکبری

مژده وئرون احبّایه
گلدی بو دنیایه اکبر
حق طرفین‌دن بوآی‌دا
تحفه‌دی لیلایه اکبر

بو گلِ باغِ حیدردی
گول کیمی چوخ معطردی
من دئمورم پیمبردی
گورن دیور: هر جهت‌دن
اوخشوری طاهایه اکبر

اؤره‌ک بو آی ملول اولماز
بو آیه هئچ اُفول اولماز
علی کیمی اوغول اولماز
حسینه چوخ گؤرمه یارب!
جاندی او مولایه اکبر

اودور عزیزِ اِنس و جان
کنیزی حوری و غلمان
غلامی یوسفِ کنعان
گوزلّیگین کتابینده
سوره حسین، آیه اکبر

باخون یوزونده‌کی نوره
گلوب فرشته‌لره شوره
کلیم تک چیخوب طوره
زبانِ حالِ موسادی
شرفدی سینایه اکبر

قدم قویاندا تورپاقه
یاییلدی نوری آفاقه
مبارک اولسون عشّاقه
سؤیگولودور گوزلّیکده
یوسف زیبایه اکبر

گؤزل بالا گوزون آشدی
عموسی‌تک قلم قاشدی
جدّی علی‌له آداشدی
اوجالدی باشیمیز عرشه
سالوبدی چون سایه اکبر

گلن زامان بو جاهانا
جاهان دؤنودب جنانا
بو اُسوه‌دی هر جاوانا
عالمه جدّی طاها تک
وئروبدی پیرایه اکبر

بو آی کیمی بیر آی گلمز
گونون یئرینه آی گلمز
اکبره بیرده تای گلمز
گئجه گونوز ائدور احسان
نورین گونه آیه اکبر

شعبانین اؤن بیری خوشدی
مجبّت بولاغی جوشدی
«بشیر»! اگر الون بوشدی
غم ایلمه کی وصل ایلر
قطره‌نی دریایه اکبر

• پنج شنبه
• 19
• فروردین
• 1400
• ساعت
• 13:02
• نوشته شده توسط
• یوسف اکبری

میلاد گل لیلا شد - هر غنچه ز شعف وا شد
زیبا، گلشن طاها شد - آمد، یوسف حسین
مژده محبّان! آمد علی اکبر
خَلقاً و خُلقاً شبیهِ پیغمبر
ای گل لیلا! ای گل لیلا! ای گل لیلا! اکبر!

اکبر مهِ مه‌رویان است
زیبا ز مهِ کنعان است
یثرب همه گلباران است
گل ریزید ای عاشقان!

بشارت ای دل! نور دو عین آمد
زاده‌ی لیلا پورِ حسین آمد
ای گل لیلا! ای گل لیلا! ای گل لیلا! اکبر!

آمد به جهان جان امروز
دل‌ها شده خندان امروز
بر جمله جوانان امروز
خوب و خجسته باد

روز جوان است جهان جنان گشته
محفل خوبان چه دلستان گشته
ای گل لیلا! ای گل لیلا! ای گل لیلا! اکبر!

طوبی به قدِ طوبایش - احسن به گل سیمایش
بر نام خوب و زیبایش - قربان، دل و جانِ ما

کسی که سرخوش ز جام اکبر شد
خوشا به حالش غلام اکبر شد
ای گل لیلا! ای گل لیلا! ای گل لیلا! اکبر!

هئچ کیمسیه بو پای اولماز
گوندوز نئجه‌کی آی اولماز
لیلا گولونه تای اولماز
یوسف، اونا حیراندی

مشتولوق اولسون گلدی علی اکبر
کیمین وار عشقی گوزَل آدین سس‌لر
ای گل لیلا! ای گل لیلا! ای گل لیلا! اکبر!

شعبان آیی موبارکدی
باشدان باشا چون گؤیچکدی
حُسن عالَمی اکبر تکدی
گول‌لر، گولور عشقینده

اُسوه‌دی هر بیر جوانه دنیاده
شفاعت ایلر بو جَمعه عقباده
ای گل لیلا! ای گل لیلا! ای گل لیلا! اکبر!

لیلا گؤزلی اکبردی
قول و غزلی اکبردی
همنامِ علی، اکبردی
آدینه، اوزوم قربان

سؤیله «بشیر»ا! بشارت ای یاران!
موبارک اولسون ولادت ای یاران!
ای گل لیلا! ای گل لیلا! ای گل لیلا! اکبر!

• پنج شنبه
• 19
• فروردین
• 1400
• ساعت
• 13:03
• نوشته شده توسط
• یوسف اکبری

ای جدّینه حُسنونده نشان یاعلی اکبر جان یاعلی اکبر
گلدون بو جهان اولدی جنان یاعلی اکبر جان یاعلی اکبر

غیرتلی جوانلاره اولان اُسوه‌ی غیرت، الگوی فضیلت
میلادون اولوب "روز جوان" یاعلی اکبر جان یاعلی اکبر

گلزار نجابتده گوزل گولدی جمالون، وار عالی جلالون
عاشقدی سنه پیر و جوان یاعلی اکبر جان یاعلی اکبر

عالمده سنه دؤرد آنالار دوغمویاجاق تای، حیراندی سنه آی
لیلایه اولان روح و روان یاعلی اکبر جان یاعلی اکبر

گر جسمیده گئتسه آرادان، جان قالاجاقدی، جانان قالاجاقدی
ای کالبد یوسفه جان یاعلی اکبر جان یاعلی اکبر

عطرونله معطّردی بیزیم محفل شادی، چون بزم ولادی
یوخدور بئله بیر عطرفشان یاعلی اکبر جان یاعلی اکبر

آچدی گئنه باغ ابدیّتده قیزیل گول، گلدی دیله بولبول
وصلی ائلیور شرح و بیان یاعلی اکبر جان یاعلی اکبر

ای فقه‌ده، ای علم‌ده، ای حلم‌ده دریا، یوخدور سنه همتا
شهزاده‌ی شاه دو جهان یاعلی اکبر جان یاعلی اکبر

جنّت سنه مشتاقیدی سن کرب‌وبلایه، اوخشور یوزون آیه
آیدا سنه عاشقدی اینان یاعلی اکبر جان یاعلی اکبر

یئتمیش ایکی عاشق قوتاروب عشق نمازین، هم راز و نیازین
اوندا کی اوزون وئردون اذان یاعلی اکبر جان یاعلی اکبر

مایلدی گریزه قلم و دفتر و شاعر، بلکه اولا زائر
ششگوشه مزاره بو زمان یاعلی اکبر جان یاعلی اکبر

گول جسمیوی صدپاره ائدوب خارلر ایوای، لایلای سنه لایلای
هئچ وئرمدی دشمن‌لر امان یاعلی اکبر جان یاعلی اکبر

باشون یاریلوب اوندا کی شقّ القمر اولدی، بیلمم نلر اولدی
اولموشدون ایاقدان باشا قان یاعلی اکبر جان یاعلی اکبر

لذّتلی آغیزلاردا اگر شعری بشیرین، شیرینیدی شیرین
لطفوندن اولوب طبعی روان یاعلی اکبر جان یاعلی اکبر

• یکشنبه
• 22
• فروردین
• 1400
• ساعت
• 22:12
• نوشته شده توسط
• یوسف اکبری

ای باتان قرمزی قانه قدِ شمشادی اوغول
آچ گوزون گور باشون اوسته منِ ناشادی اوغول

شامه سنسیز گیدورم آچ گوزون ای ماه لقا
یورولوبسان بولورم یوخسا دوراردون ایاقا
بلوسن منده دوزوم یوخ علی بو آیریلیقا
درد هجرون منه بیر محنت عظمادی اوغول

اشگ چشمیم یری وار چشمه کیمی آخسا یوزه
اورگیم آتش هجراندا یانوب دونسه کوزه
کیم دوزر بیله فراقه - بالا لیلاده دوزه
آناوین عرشه چاتور ناله و فریادی اوغول

هانسی بی‌شرم و دنی قانه جمالون بَلَدی
سنی مندن آییروب باشیمه توپراق الدی
ایندی بولدوم که جوان داغی ندور یا ولدی
یاندی قلبیم آنان ئولسون بو نه دنیادی اوغول

آناوین سندن علاوه بالا آخر کیمی وار
آتما گوزدن منی اولدوم غم بسیاره دچار
قان دولان گوزلرین آچ باخ نجه گور مجنون وار
باشون اوستونده گلن نالیه لیلادی اوغول

حقلیم گوزدن آخان گوز یاشیمی قان ایلسم
باش آلوب چوللرده دوشسم باشا توپراق اَلَسَم
شمع تک یانسام آلیشسام غم اودوندا اَریسَم
غصه مرگ اولسام اگر من گنه باجادی اوغول

دوشرم چوللری مجنون کیمی حیران گزرم
باشون آردیجا گیدوب هر یری نالان گزرم
اورگی داغلی قولی باغلی پریشان گزرم
حشر اولونجا منه مسکن دلِ صحرادی اوغول

سالمیشام باشیمه بختیم کیمی من قاره اوغول
اولموشام گور نجه درمانده و آواره علی
دور اوزون ایله بو بیچاریه بیر چاره علی
حالینه یوخدی یانان بی‌کس و تنهادی اوغول

"اکرمی" دلده نوا سینده چوخ حسرتیلن
یازدی بو نوحه‌نی گوز یاشی توکوب شدّتیلن
بوینی چیگنینده قاپوندا اوتوروب محنتیلن
نظر ایله اودا بیر عاشق شیدادی اوغول

• سه شنبه
• 31
• فروردین
• 1400
• ساعت
• 18:29
• نوشته شده توسط
• یوسف اکبری

اکبریم زیبا یوزون عشاقی مدهوش ایلیور
گوزلرون کیم گورسه دنیانی فراموش ایلیور
خوش اولا اوغلوم سنون کیپریکلرون احوالینه
دمبدم شهلا گوزون چون گل در آغوش ایلیور

قوملار اوسته یاتما آچ زیبا گوزون اوغلوم دانیش
ال ایاق چالما بیله یورما ئوزون اوغلوم دانیش
پیر کنعانم دگرسن سن ولی مین یوسفه
چون منه بالدان شیریندور هر سوزون اوغلوم دانیش

گل یوزون نور اللهی هاله تک دورین آلوب
آسمان قلبیمه آیدان گوزل نقشون سالوب
جدیمه بنذر، یارالی دوشموسن میدان آرا
قوملار اوسته بیله بیللم جسم پیغمبر قالوب

من کیانم حالتیم هر بیر کیانی یاندیرار
من چکن داغ تک باشا بیل خاکیانی یاندیرار
نیزه و اوخدان مُشبّک پیکرون، القان ویرور
آه جانسوزیم گوزآچ افلاکیانی یاندیرار

هیچ غمین ساعت شبیه اولماز غمین اوقاتیمه
عشقیده اوغلوم مطاعیمسن منیم اثباتیمه
سینم اوسته قانلی باشون، گوز یاشیم جیحون کیمی
آسمان اهلی توکر قانیاش منیم حالاتیمه

پرپر اولموش گل کیمین، توپراقلار اوسته پیکرون
باش یاروندان قان آخوب القانه دونموش گوزلرون
پیکربی روحه دوندوم گل دیله دیندیر منی
سن ننم زهراعلیجان بیربیره ویر لبلرون

برگ گل تک پخش اولان اعضایه قربان گوزلریم
فدیه دور القانه باتموش جسمه گریان گولریم
بندبند اولموش وجودون قوملار اوسته جان بالا
آچ گوزون گور قان اَلور چون ابر نیسان گوزلریم

«ثاقبا» یاز اکبریله یوز یوزه قویموش امام
سون نفسده اکبریندن آلدی صوت السلام
گوردی بیر حالتده دوغرانمیش تمام اعضاسینی
راوی سویلر گوئیا قالب تُهی ایتموش امام

• پنج شنبه
• 9
• اردیبهشت
• 1400
• ساعت
• 16:40
• نوشته شده توسط
• یوسف اکبری

شیعه را مونس و جان آمد
پسر شاه شهیدان آمد
فتبارک به این گل چهره
قوت زانوی سلطان آمد
گل و گلزاده شه و شهزاده
به روی هستی (مهی ) قدم بنهاده

به جهان دلبری پیدا شد
خُلقُ خوی حیدری پیدا شد
قرص ماه است رخ زیبایش
مَه نگو که اختری پیدا شد
فُواد طاها عزیز لیلا
علیّ اکبر (گل) حسین زهرا

گوز آچوب عالمه شهزاده
نه گوزل گولدی گلوب ایجاده
گول یوزون کیم گوروب سویلردی
جدینه بنزری وار دنیاده
علیِّ اکبر قویولدی آدی
خانیم لیلانون (بودور) گوزل اولادی

آتانون نازنین دلبندی
انس و جان سرورینون فرزندی
قوت قلبیدور سلطانه
اخذ ایدر غنچه لبیندن قندی
کرامت ایلوب خدای منان
آلوب آغوشه (ئوپر) حسین سویلر جان

مه و خورشید خجل از رویش
طاق ایوان جنان ابرویش
قلم آورد چنین در وصفش
لیله القدر من است گیسویش
امید عالم شبیه خاتم
گدای خانش (بُود) هزاران حاتم

• شنبه
• 11
• اردیبهشت
• 1400
• ساعت
• 20:43
• نوشته شده توسط
• یوسف اکبری

آیریلوب اخیامیدن اکبر
پورحسین احمده بنذر
اهل حرم دیلده نواخوان
قان الیور گول یوزه گوزلر
حسینه دردانه. عزم ایلورمیدانه
گیدور تا ال تاپسون. وصلت جانانه
علی اکبر۲

بنددل شاه لب عطشان
اولدی اول عازم میدان
سالدی کفن چون ئوز الیلن
قامت رعناسینه سلطان
حسینه دردانه. عزم ایلور میداته
گوزیاشین دوندردی. عمه لرالقانه
علی اکبر۲

اهل جنان سروری آغلار
گوز یاشینی گول یوزه باغلار
نار فراق علی اکبر
سینه ی سیناسینی داغلار
حسینه دردانه. عزم ایلور میدانه
گول یوزوندن اوخشار لاله ی خندانه
علی اکبر۲

سویله دی جانیم علی اکبر
روح وروانیم علی اکبر
گیت گیدوشندن گیدور الدن
تاب وتوانیم علی اکبر
حسینه دردانه. عزم ایلور میدانه
فغان مولانی اوجالتدی کیوانه
علی اکبر۲

دیلده نوا جمله ملکلر
غرق عزا اولدی فلکلر
گیتدی علی ماتمه باتدی
خیمه ده کی قاره لچکلر
حسینه دردانه عزم ایلور میدانه
لیلینون گوزیاشین دوندروب القانه
علی اکبر۲

هیچ یوخوموش لطفی جهانون
نقطه ی پایانی بلانون
کول اولا سندن صورا اوغلوم
باشینه بودار فنانون
حسینه دردانه عزم ایلور میدانه
آغلور آل طاها گورنه یانه یانه
علی اکبر۲

• یکشنبه
• 19
• اردیبهشت
• 1400
• ساعت
• 18:39
• نوشته شده توسط
• یوسف اکبری

آلله الله روح و ریحان دور بو یا اکبر گلیر
سیرت و سیما و خُلق و خوسی پیغمبر گلیر

قامتی رعنا، رُخی حورا، لبی شکّر شکن
یوسف ثانی دی بو، یا حیدر دیگر گلیر

طره ی گیسوسی سالموش چوللره لیلالری
تیغ ابروسی دل عاشق لره خنجر گلیر

قلب اکبرده یازلموش «ما رمیت اذ رمیت»
پاره ی قلب علی؛ دینه فدایی تر گلیر

عمه سی زینب دیور الله اکبر اکبره
عرش دن الله اکبر فرشه هی کوثر گلیر

آی؛ مُرَدّدی خدایا؛ سِیرَه چیخسون! چیخماسین!
چون گوروردی یثربه ماهِ ملک منظر گلیر

عشقه باخ، لاهوتیان ناسوتیانه رَشک ادیر
گور نه عالمدور! ملک لرده تماشاگر گلیر

بیر باسیبدور باغرینا محکم، حسین دردانه سین
گوزلری دولدی، خیاله چوخلی نیسگیللر گلیر

«آرباطان» مرغ خیالون کربلایه اوچماسین
یازگیلان اکبر گلیر اکبر گلیر اکبر گلیر

آلله الله روح و ریحان دور بو یا اکبر گلیر
سیرت و سیما و خلق و خوسی پیغمبر گلیر

• سه شنبه
• 21
• اردیبهشت
• 1400
• ساعت
• 15:37
• نوشته شده توسط
• یوسف اکبری

بهار اولدی گوروندی آیت توحید دنیاده
سالندی گلستانه بیر زمرّد رنگ سجّاده

اولان سرگرم وحدت معتکف کاشانۀ غمده
دولانسون گلشنی باخسون قد دلجوی شمشاده

تفکّر ایلسون تغییر فصل و وضع گلزاری
ندور علّت گیدور آز وقتده وضع چمن باده

ایدوب گلده عجب اظهار قدرت خالق یکتا
هویدا ذات مکنونی ایدوب هر چشم بیناده

نه یالقوز گل نه تک سنبل نباتات چمن یکسر
باخاندا وَحدَهُ وَحدَه دیر ظاهرده معناده

گل سرخ اوسته نقّاش حقیقی گوستروب قدرت
آچوبدور باب توحیده اونون هر برگی مین جاده

ویروب صبّاغ حکمت هر گله بیر نقش رنگارنگ
طبیعی آنلاسون وار مقتدر خالق بو دنیاده

شقایق اشرفی رعنا حنائی یاسمن صد برگ
دِیَر اوز رنگ بوینده نه قدرت واردی یکتاده

گل بید و بنفشه نرگس و اژدر دهن سوسن
ایدر اثبات توحیدی سمن تک لفظ و معناده

اگر چه موسم عیش و فرح دور فصل گل امّا
منیم قلبیم آچلمور قید غمدن اولمور آزاده

خیالیم نه چمن نه عشق گل نه ذوق بلبلدور
دیار کربلاده سالموشام بر نوگلی یاده

نجه گل عارضی رشگ گل و گلزار جنّتدور
قد موزونی قویموش داغ حسرت قلب طوباده

بشر صورت ملک طلعت اوزی تصویر پیغمبر
آدی اکبردی گلمز گلمیوب مانندی ایجاده

یوزی گل زلفی سنبل بینوا لیلا اونا بلبل
باخار آغلار یانار شوریده بلبل تک او صحراده

هوائین ایستیسی سوز عطش ایلوب یوزین گلگون
قویار طاقت نجه او حُسنِ روز افزونی لیلاده

قرا زُلف آق کفن رخسار گلگون قامت موزون
سالوب سرو آتدا گویا سایه سنبل برگ رعناده

ایدوب اوز زلفی تک مجنون کیمی لیلانی آشفته
ورُوبدور بوینونا هر تار مو بر سخت قلّاده

باخان سویلر گل لیلا چکوب نقّاش غم تصویر
بو لیلادور هانی روحی یقین صورتدی دیباده

ویرور اولقالب بیروحه دو هردم مسیحا دم
جگر قان اولماقین توضیح ایدور گوز اشگ حمراده

دیور ایلوب علی بو قاره زلفون بختیمی قاره
گرک آشفته زلفون تک قالام عمریمجه افتاده

بو نه قامتدی لیلایه قیامنده قیامتدور
گورونمز لیلیه بیله قیامت حشر عظماده

غزال مشگمو آهو باخیشلی گوزلریم نوری
حرم آهوسی تک دوشسن بوگون سن دام صیّاده

دوشر صحرالره لیلا مَلَر آغلار یولار گیسو
باخاندا حالینه آغلار یانار اعلاده ادناده

دِیَنده وای علی اکبر جوانیم وای اوغول ایوای
منیله سس سسه زهرا ویرر جنّات اعلاده

آلوبدور شاهد غیبی سنون آرامیوی اَلدن
اودور جان ویرماقا دلدن اولوبسان بیله آماده

منه چوخ باخما یانما ای گوزوم نوری گیدورسن گیت
یانوب یاندیرما لیلانی شرار آهه شهزاده

اوزون راضی آتان راضی رضایم منده بو حاله
اگر چه طاقتیم یوخ قان گورم بو چشم شهلاده

رضایم پیکرون اولسون گل صد برگ تک صد چاک
بو چشم نرگسون قانیله دولسون دشت هیجاده

دوزولسون شدّۀ مرجان کیمی قان تار زلفونده
باخان رحم ایلسون گرچه مروّت یوخدی اعداده

بو کوی عشقده باش ویر آناوی سرفراز ایله
قیام حشردور باخما خیام آل طاهاده

ترقّی عالمین سیر ایت اوجات احکام اسلامی
گیدنده نیزه ده شامه گلر آردونجا لیلاده

جدا باشندا تبلیغات اسلام ایله سن سنده
دیار شامده محملده بانگ وا علیّاده

گلنده قتلگاهه دست بسته پیکرون اوسته
کسنده باشوی عجز ایلرم بیرحم جلّاده

وُراندا باشیمه قمچی منه بیر دادخواه اولماز
کیمی سسلر اوغولسوزلار بلا وقتینده امداده

«حسینی» معدن جود و کرمدور بو علی اکبر
ویرر عالی جزا یوم الجزا مطلق بو افراده

• دوشنبه
• 27
• اردیبهشت
• 1400
• ساعت
• 14:40
• نوشته شده توسط
• یوسف اکبری

پر کن قدحم ساقی از جام علی اکبر
مرغ دلم افتاده در دام علی اکبر
شعری که شود آغاز با نام علی اکبر

بر شاعر و مداحش بی شبهه اثر دارد
چون حضرت زهرا بر این شعر نظر دارد

مرغ دل شیدایم شد مست علی اکبر
بند دلم افتاده در دست علی اکبر
من هیچم و هستم هست ، از هست علی اکبر

نور رخ این مولا شد شمع شب تار م
عمریست که من بر این شهزاده بدهکارم

با نام علی اکبر هر درد دوا گردد
در محضرش حاجات شرعیه روا گردد
جا دارد اگر گویم حاتم چو گدا گردد

هم خَلقاً و هم خُلقاً پیغمبر ذیجاه است
لازم به تذکر نیست سبط اسدالله است

تا چشم جهان بینش آنشب به جهان واشد
امّید دل لیلا بند دل بابا شد
سائل درِ این سلطان با یک نظر آقا شد

چشمان فلک آن شب مشکوک و مُردَّد بود
میلاد علی اکبر یا اینکه محمد بود

• سه شنبه
• 28
• اردیبهشت
• 1400
• ساعت
• 13:40
• نوشته شده توسط
• یوسف اکبری

گوز آچدی عالمه الله علی اکبریم گلدی
گل گلزار عشق ایچره گوزل نیلوفریم گلدی

کر اول::
علی اکبر مه تابان * گل زهراگل ریحان

کر دوم::
مه تابان علی * گل ریحان علی

مه شعبان اولوب اون بیر قدم قویدی بودنیایه
دوغوب سرچشمة عفّت آناسی زیوریم گلدی

قدی طوبا رخی زیبا ایکی گوز قاشلاری شهلا
رسول اللهه بنزر چوخ منیم پیغمبریم گلدی

نبی سیرت نبی صولت گلن احمدی اکبردی
بو افلاک جلالتده ایشقلی اختریم گلدی

آدی زیبا باخیش زیبا لبی غنچه گوزل سیما
دگرمین یوسفه اوغلوم منیم مه پیکریم گلدی

او گونده کشتی دینه که کشتی بانی من اوللام
طلاطم ایلسه دریا نه غم بیرلنگریم گلدی

بو بازار ملاحتده دولانسا مین خریداری
متاع عشق بازاری مُعین و یاوریم گلدی

منه دلبند و لیلایه ایکی گوزده اولان نوری
شهید کربلا اولسون منیم همسنگریم گلدی

غم ایتمه «عدلیا» گلدی علی اکبرکیمی اوغلوم
گنه کاره اولا شافع شفیع محشریم گلدی

علی اکبر مه تابان گل زهرا گل ریحان
مریض لرصحت ایستورلرسن ایله دردلره درمان

• یکشنبه
• 9
• خرداد
• 1400
• ساعت
• 23:04
• نوشته شده توسط
• یوسف اکبری

چکوب قضا اَلی قاندان اوغول نقاب اوزیوه
اذیّت ایلمه سین بلکه آفتاب اوزیوه

نئدیم نه چاره، ایلیمدن اوغول الیم اوزولوب
بو قان نه قاندی باشوندان عذاریوه سوزولوب
و یا که سبحه مرجاندی رشته تک دوزولوب
اولوبدی یا یم حسنونده چون حباب اوزیوه

اجازه ویر یارالی باشوه دوروب دولانیم
کیمیم واریمدی داخی سایه سینده دالدالانوم
یوخومدی آرخام ایلیم بس کیمه من آرخالانوم
گوزوم توکر او سببدن سرشک ناب اوزیوه

سنیله همدم اولوب یاتمادیم گیچن گجه من
گیدوبسن اللهیم عالمدی دوزموشم نجه من
هامی گلوب سنی گورماقه قالموشام گجه من
توکوب سرشکین ازل آل بوتراب اوزیوه

اوزومی سن گیده لی مونس غم ایلمیشم
محبت عالمینی آیری عالم ایلمیشم
سرشکمیله یوزون قانینی نم ایلمیشم
سیلیم بو زلفومیله اولماسین عذاب اوزیوه

تعجبم نیه من اُلمورم علی قالّام
سنون غمونده اوغول باشیمه قرا سالّام
غم ایلمه باشوی سینم اوستونه آلّام
چتندی لیلیه اولسا مکان تراب اوزیوه

اولوبدی گور نجه سندن صورا سوزوم بالا وای
سنه فدا اولا ایکاش ایکی گوزوم بالا وای
چتندی بیرده یوزوندن دونه یوزوم بالا وای
که اورگشوبدی یوزوم نیلوم ای شباب اوزیوه

دگوب یارا باشیوا مرتضایه بنزرسن
نماز صبحده محراب ایچنده حیدرسن
یارالی شیر خداسن و یا پیمبرسن
آپاراجاقدی اوغول باخسا کیم صواب اوزیوه

خراب اولیدی گوروم تئز بو عالم فانی
آنان یووا یوزیون قانینی یوخ امکانی
سووا یوخومدی گمانیم داخی اوغول جانی
ولی رقیّه سَپَر اشکدن گلاب اوزیوه

علاوه نازلی رقیه یانان دلی داغلار
آچوبدی معجرینی یاره لی باشون باغلار
من آغلارام بالالار آغلار عمّه لر آغلار
قوجاقدا قارداشون اصغر باخار رباب اوزیوه

دیمه آنام نیه رخت حیاتینی سویمور
عجبدی تیر جفا قلبیمه دگوب اویمور
گوزوم باخا سنه مایلدی، گوز یاشیم قویمور
باخا دویونجا اولا بلکه کامیاب اوزیوه

عجب مرامه یتشدون بئله مرام اولماز
جهاندا سن گیده سن من علی قالام اولماز
جمالیون سوزی دنیا بویی تمام اولماز
اگر یازا (حسنی) گونده بیر کتاب اوزیوه

• دوشنبه
• 10
• خرداد
• 1400
• ساعت
• 15:09
• نوشته شده توسط
• یوسف اکبری

مرغ طبعیم گینه سرگشته و حیراندی علی
دولانور حیطه ی عشقونده پریشاندی علی

شمع تک آز قالورام نار غمونده ارییم
ساغر عشقیوه عشق عالمی من مشترییم
باخما بیگانه گوزیله منه، من حیدرییم
جدوین دینی منه منطق و برهاندی علی

آنالار فخر ائدر اولادین اوجالدیقجا آدی
بویونا باخدیقجا اوچماقا اولماز قانادی
بیر طوی ایلر اونا تا قالسین آغیزلاردا دادی
آناوین قلبی بو موردده ولی قاندی علی

اهل کین گلشن آمالینی ویران ائلدی
جان وئرینجه آنووی دیده سی گریان ائلدی
اونون اندوهی بوتون قلبلری قان ائلدی
اورگینده خبرون یوخدی نه طوفاندی علی

سن دئدون بس نیه هوردوکجه ساچیم آغلیوسان
ندور علت یوزه اشگ بصرون باغلیوسان
اولمیا وار باشیمین عیبی اورک داغلیوسان
بویوروب علتی بیر معنوی عنواندی علی

آغلادان وار بالا من ئوز باشیما آغلامورام
آیری اندیشه دییم من سنه دیل داغلامورام
واردلیلم هوروگون بیر بیرینه باغلامورام
اولارین هر توکی بیر آیه ی قرآندی علی

• دوشنبه
• 10
• خرداد
• 1400
• ساعت
• 23:43
• نوشته شده توسط
• یوسف اکبری

چوخ گوزل ترسیم اولوب عشق عالمی الگوی عشق
هر ندن شیریندی اهل عشقه سمت و سوی عشق

عشق معناسین فقط اولاد حیدردن سوروش
قانلی میداندا ویریب آل علی کوکوی عشق

اکبر شهزاده نین صد پاره اولدی پیکری
بیرعبا گل یغیدی یردن‌گلفروش کوی عشق

مست مست اولدی عبانی قالخیزاندا چیگنینه
بسکی قالخیردی عبا بطنیندن عطر و بوی عشق

راضی اولدی اکبرین هجرینده اولسون قدی خم
قویمادی اما خم السون ذره‌ای ابروی عشق

سسلدی یارب علینی ایلدیم قربان سنه
حضرت داداریله باشلاندی گفت و گوی عشق

گوئیاسس گلدی گوگدن عشقوه احسن حسین
عرش اعلایه اوجاتدی باشیوی نیروی عشق

گئچدون اکبردن رضای اکبری گتدون اله
کسب اولونماز بو رضایت بی دل و بی روی عشق

چونکی سن‌استاد دانشگاهیدون ئوز اوغلووا
امتحاندان چیخدی ایثاریله دانشجوی عشق

• سه شنبه
• 11
• خرداد
• 1400
• ساعت
• 16:58
• نوشته شده توسط
• یوسف اکبری

سالدی عجب بلایه منی روزگار اوغول
گوزده ایدوبدی گوندوزومی تیره تار اوغول

یاندورما قلب زاریمی آچ قانلی گوزلرون
سالما بو قدری جانیمه سوز شرار اوغول

باخ بیر آناوا گور نجه آشفته حالیدور
گتدی قراری الدن اولوب بیقرار اوغول

بو پاره پاره پیکریوه من اولوم فدا
اوراق ایدوبدی گل بدنون زخم خار اوغول

زلفون کناره وور که گوروم قانلی صورتین
لیلا آناندی ایتمگلن استتار اوغول

ای گوزلریم ضیاسی گوزوم گورموری داخی
ظلمت اولوبدی لیلیه، لیل و نهار اوغول

منشق ایدوبدی تیغ جفا قانلی باشوی
بی رحمیمش او تیغی ووران نابکار اوغول

گویا دوشوبدی سجده گهه مرتضا علی
قانه باتوبدی حیدر خونین عذار اوغول

ممزوج اولوبدی قانیله دندان دُر مثال
گویا اُحدده احمد اولوب زخمدار اوغول

آچ گوزلرون قیامتی بیر خیمگهده گور
ایلور تمام اهل حرم آه و زار اوغول

گیسولرین یولور باجیلار نعشوه سریر
باخدوقجا عمّه لر اولوری اشکبار اوغول

شاشان ایدوبله پیکریوی شانه لر کیمی
وورسام بو زلفه شانه اولور ننگ و عار اوغول

بیر عمر بسلدیم سنی گلزار عشقیده
باخدوقجا کام دل ویره سرو کنار اوغول

امّا بو نوعیلن که عبایه سریلمیسن
ایتدون اُلونجه لیلینی سن داغدار اوغول

وور خاتم قبوله (نگینین) بیانینی
اخلاصیلن یازار بیزه بو خوش نگار اوغول

• چهارشنبه
• 12
• خرداد
• 1400
• ساعت
• 16:09
• نوشته شده توسط
• یوسف اکبری

نی کیمین هجریویله زار و نزارم علی جان
فرقتونده چکورم ناله هَزارم علی جان

اسیرم صاق صولا هِی، طاقتی یوخدور دیزیمین
دورماقا یوخدی توان، باد بهارم علی جان

سن گیدندن اوره گیم قانه دونوب لاله کیمین
فرقتون خاری یاروب قلبمی زارم علی جان

گوزلریم یوللاریوی گوزلوری گورسون یوزوی
هوس وصلیله بی صبر و قرارم علی جان

یوزومون رنگی سولوبدور سارالوب زرّ کیمین
محک عشقده من کامل عیارم علی جان

تب آلوب پیکریمی باشدان ایاقه، یانورام
دیه سن شعله لی بیر اوتلی شرارم علی جان

گرچه من قیزلار آرا تاج سرم، شه قیزیام
مقدمون آتدا ولی بیرجه غبارم علی جان

او قدر یوللارا باخدیم که گورم بلکه سنی
بولدی شهر اهلی که من حسرت یارم علی جان

گل یوبانما سنی اصغر جانی باش چک باجوا
گور نه مدتدی که مهجور نگارم علی جان

او قدر آغلامشام گوزلریمون نوری گیدوب
گوردوقون تک دگولم گوزلری تارم علی جان

گوزومون یاشی دایامور بئله دریا اولماز
ساحلیم سنسن علی لیک کنارم علی جان

گوز ایویندن اولالی گوز یولا تیکدیم گله سن
گلمدون، گل نجه گور بیکس و یارم علی جان

سن گیدن گون، بیر اولیدی اوره گیم غصه سی گر
غصه سی ایمدی نه بیر، بلکه هِزارم علی جان

هاردادی عمه لریم؟، باجیلاریم هاردا قالوب؟
یوخ سراغیم، نچه مدتدی فکارم علی جان

یا که یاددان چخادوبلار منی , یوخدور سوروشان؟
بوله لر کااش که من گوندوزی تارم علی جان

گر رقیه باجیم اولسیدی آلاردی غمیمی
سو سپردی دله، باشدان باشا نارم علی جان

عموم عباسه منیم قولیمیجه سویله سلام
دینه سرگشتهء اول کان وقارم علی جان

قاسم و و عون و جوانلاره یتور بو سوزومی
گورمماقدان سیزی من غرق خُمارم علی جان

گر گورم باجیلاری عمه لری قافله نی
غمیم اولماز که گورم نقش مزارم علی جان

خانم عمّم که جانندان منی آرتوخ سویوری
اولمیا گوزدن آتوبدور منی خوارم علی جان

دینه صغرانی گوزوندن نیه سالدون عمه
نه که من عشقوه بیر عمر دچارم؟ علی جان

بابامی گورسم اگر چوخلی سوزوم واردی اونا
حیف اولا ایمدی ولی هجره مهارم علی جان

چوخ سور قیزلار آتاسین، بونی عالم بولوری؛
بابامون عشق نهالینده کی بارم علی جان

وور بو دستانِ (نگینه) سن اوزون مُهرِ قبول
فرقتونده چکورم ناله هَزارم على جان

• چهارشنبه
• 12
• خرداد
• 1400
• ساعت
• 16:15
• نوشته شده توسط
• یوسف اکبری

بوگون گلدی علی اکبر،سویوندی سیّد وسرور
بویوردی زادةحیدر، گوزل لیقدا علی تکدی
علی اکبر نه گویچکدی، نه گویچکدی
بیزیمچین جشن میلادی مبارکدی مبارکدی
مبارکدی مبارکدی مبارکدی (2)

اوزونده نور ایماندی دوداغی مثل مرجاندی
حسینین جسمینه جاندی ، علی اکبر نه گویچکدی
مبارکدی مبارکدی مبارکدی (2)

عزیز مرتضی گلدی ، شبیه مصطفی گلدی
یئره گویدن ندا گلدی،گوزل لیقدا علی تکدی
بیزیمچین جشن میلادی مبارکدی مبارکدی
مبارکدی مبارکدی مبارکدی (2)

سپین گُل ایندی یار گلدی، گولنده گُل بهار گلدی
وقارلی نازلی یار گلدی،علی اکبر نه گویچکدی
بیزیمچین جشن میلادی مبارکدی مبارکدی
مبارکدی مبارکدی مبارکدی (2)

اولوپدی اون بیری شعبان، آچیپدی گوزلرین جانان
آدی هر درده دی درمان، گوزل لیقدا علی تکدی
بیزیمچین جشن میلادی مبارکدی مبارکدی
مبارکدی مبارکدی مبارکدی (2)

ولائی بی قرار اولدی، اسیر زلف یار اولدی
گئجه گون آشکار اولدی، علی اکبر نه گویچکدی
بیزیمچین جشن میلادی مبارکدی مبارکدی
مبارکدی مبارکدی مبارکدی (2)

• دوشنبه
• 31
• خرداد
• 1400
• ساعت
• 17:25
• نوشته شده توسط
• یوسف اکبری

روییده نرگس ، روییده سوسن
ازحُسنِ یک گٌل ، دنیا شد گلشن
زادة زهرا، چشم تو روشن، چشم تو روشن
ای جان جانان، مولا علی جان، (مولاعلی جان)2

گلدی دنیایه ، زهرا دلبندی
حسینین اوغلی ، طاها دلبندی
آدی علی دی ، نوری جلی دی
گوزل جمالی ، چوخ گورمه لی دی
آتا باباسی ، خلقه ولی دی
سنسن علی جان ، بیزلره جانان
ای جان جانان، مولا علی جان، (مولاعلی جان)2

ادب مظهری ، کامل بیر انسان
اولسون جانیمیز ، جانیوه قربان
مولاحسین جان ، گلدی ناز بالان
بلبل چمنده اولدی غزلخوان
گوزلرین آیدین ، مولا حسین جان
گول لندی دنیا ، اولدی گولوستان
ای جان جانان، مولا علی جان، (مولاعلی جان)2

گُل آچدی گُل لر ، اوخور بلبل لر
اسیر ساق سولا ، اوینور سُنبل لر
آخیر سو سئل لَر ، سویوندی ائل لر
گلدی بو گونده ، دردلره درمان
گوزلرین آیدین ، مولا حسین جان
ای جان جانان، مولا علی جان، (مولاعلی جان)2

• دوشنبه
• 31
• خرداد
• 1400
• ساعت
• 17:27
• نوشته شده توسط
• یوسف اکبری

صبح اولاردی سنله هرشام تاریم اکبریم
ایندی غارته گئدیر دل قراریم اکبریم
گئتمه گئتمه صبرائله <۲>

دلربا جون اوغول گئتمه گئتمه صبرائله
غملری نهان اوغول.گئتمه.گئتمه.صبرائله
غملی.مهربان.اوغول.گتمه.گتمه صبرائله

اود.دوتوب.یانور دل. داغداریم اکبریم
گئتمه گئتمه صبرائله <۳>

سنسن ای جوان اوغول،لیلینوسعادتی
سن گئدنده باشلانور لیلینون قیامتی
غملی غارته گئدور دلده تاب و تاقتی

اود ورور نهاد یمه دل شرایم اکبریم
گئتمه گئتمه صبر ائله <۲>

موسم خزان علی گول چمندن آیریلور
بوینیوا کفن سالور لیلی سندن آیریلور
سن گئدنده لیلینون روهی تندن آریلور

داغ هجردن یانور پود و تاریم اکبریم
گئتمه گئتمه صبر ائله <۲>

سنسن.ای جوان اوغول دلقراری لیلینون
اعتبار ی لیلینون افتخار ی لیلینون
قویما.عرشه.اوج ائده.آه و زاری لیلینون

سنله غا رته گئدیر دل قرار یم اکبر یم
گئتمه گئتمه صبر ائله <۲>

• دوشنبه
• 7
• تیر
• 1400
• ساعت
• 12:27
• نوشته شده توسط
• یوسف اکبری

اکبر نجه اکبردی معنای وَجاهتدور
خَلّاق هُنروَردن بیرقدرت خِلقتدور

اکبر نجه اکبردی ، زیبا و مُصفّادور
گوزلرنجه گوزلردی شهلا و دلارادور
قاشلارنجه قاشلاردی تیغ خَم دعوادور
صَف صَف دوزولَن کیپریک پیکان مُهیّادور
بَه بَه بو ظَرافتدن مِصداق ظَرافتدور

اکبر نجه اکبردی هم منظر طاهادی
حُسن خَط و خالینده حَق نوری هویدادی
لبلر نجه لبلردی لَعل لَبی حَمرادی
شِکن شِکن زُلفی بَند دلِ لیلادی
هرتاری او زُلفینده بیر بند اسارتدور

اکبر نجه اکبردی زیبَنده و خوش منظر
خَلقینده قویوب مِنَّت اکبر یارادان اکبر
هَم خَلقاً و هَم خُلقاً آئینه ی پیغمبر
بیر هاشمی خال اولمیش کُنج لَبینه زیور
وار چاه زَنخدانی حُسن رُخه بابتدور

اکبر نجه اکبردی محبوب حَق اَعظم
قُرآنداکی تَطهیرین ائتمیش سَنَدین مُحکم
اولماز بو وَجاهتده اولاد بَنی آدم
گویا که مینوب رَف رَف اِسراده گزور خاتَم
قامَت نجه قامَتدی قامَتدی قیامَتدور

اکبر نجه اکبردی حَق جِلوه سی معناده
موسی باخوری طورَه هم اکبره سیناده
گوگدن یِرَه اَنمیشدی نَفسین گورَه عیساده
حِیرتدَه قالوب یوسف بازار زُلیخاده
حُسن رُخ اَراسیندا یوسفده خَجالتدور

گورمیشدی فَلک هاردا بو وَجهی بو سیمانی
حَسرتده قویوب گوزلَر چوللَرده کی جیرانی
قِیقاجی باخیش ایستَر باج آلسون اولان جانی
لیلاده نَه طاقت وار دوزسون بئله هجرانی
اکبرگیونوب خُلعت چون وقت شهادتدور

• یکشنبه
• 13
• تیر
• 1400
• ساعت
• 16:41
• نوشته شده توسط
• یوسف اکبری

اَشبَهِ طاها علی اکبر به دنیا آمده
بَند دل گویا که بر دِلبَند زهرا آمده

شدمَطاف عَرشیان گهواره اش ،یالَلعَجب
گوئیا از آسمان نَفسِ مَسیحا آمده

این فروغِ سَرمدی یکبار دیگر شد عیان
جِلوه ی نورش گمان از طور سینا آمده

اهل یَثرب مُتَّفق قال ومَقالش این بُوَد
خَلقاً و خُلقاً یکی تَشبیهِ طاها آمده

گر بِمصر اُفتد گذارش نِرخ یوسف بِشکند
چونکه زیبایی دِگر از مُلک بَطحا آمده

یوسف کنعان اگردرحُسن رو شد بی بَدیل
بانَمک تَر از همان یوسف چه زیبا آمده

سیم و زَر ارزش ندارد در صف عُشّاق او
صد زُلیخا نِرخ جان با شور و غوغا آمده

رویَت رویَش تَداعی بخش روی مصطفی
احمدی دیگر مَگر بر بیت لیلا آمده

میشود مجنون او لیلی بصحرای بلا
قامَتی موزون تَر ازهر سرو رَعنا آمده

کربلا ای کربلا آغوش خود را باز کن
یوسف زهرا همان آرام جانها آمده

مَنزلی بِنما مُهیّا بَهر او پائین پا
از اَدب گویا پسر ،تَکریم بابا آمده

یاحسین(نادر)گدای رَه نشین کوی تو
مرغ طبعش باب اکبر با تَمنّا آمده

• یکشنبه
• 13
• تیر
• 1400
• ساعت
• 16:42
• نوشته شده توسط
• یوسف اکبری

گئتمگون سالدی سراسر قلب ائوینده شور علی
گَلمَگون درد آرتیروب لیلایَه یاتما دور علی

سَس دوشوب اَخیامیده پیغمبره بَنزر گلور
خیمه دن چیخدیم نَه گوردوم غملی بیر منظر گلور
بیر عَبا اَللرده دور بیر دسته گُل پرپر گلور
مُصحَفِ قرآندی بو ، یا دوغرانوب اکبر گلور
بَختور لیلی اولوب مجنونیدن مشهور علی

من سنه یوسف دئسم نقصان یِتر اِجلالووه
مین زلیخالر قالار سرگشته تَک بیر خالووَه
نقطه ی بِسم الله قرآن چیخوب اقبالووه
یوسف زهراسن اوغلوم خوش سنون اَحوالووه
یوسف کنعان یانوندا وصله ی ناجور علی

آیریلوب گئتدون سنی تاپشوردوم حَیّ ذوالمَنه
مختصر گئتدون دونوب جیران باخیش باخدون منه
ایستدیم بیرده وِرام بوسه او وَجهُ الاَحسَنه
خیمه دن چیخدیم گَلم گوردوم باخور عَمّون سنه
گَلمگه آردونجا اولدوم من اودی معذور علی

موسی عمرانی خوشدور بو چوله دعوت ائدم
ترک ائده سینانی بو طوره گلوب قویسون قدم
لَن تَرانیدن گورَه اِنّی اَراهو بیش و کَم
لامکانون نورینه اوخشار بیرآز احمد شِیَم
بو جماله بذل ائدوب نوری او نور طور علی

قامتون دیوان عشقه دلنشین اَبیاتیدور
خط و خالون آیه آیه مُصحَفِ آیاتیدور
خَلقاً و خُلقاً وجودون خاتَمه مرآتیدور
دوغرانان اعضا دیورسن قبله حاجاتیدور
من طواف عشقیده اِحرامیمه مسرور علی

قاشلارون تَشبیهیدور بیر جوت هِلالی خنجره
کیپریگون لشکر گوزون صَهبادی صف صف لشکره
یوخ گمان یاقوت رُمّانی چاتا بو لبلره
مَرحبا صورتگره ، الله اکبر اکبره
عارضون چون بَدر ، زُلفون ظلمت دیجور علی

اَمر مشکلدور که خالق خلق ائده تای اکبره
شده ی مرجان دوزولمیش زلفووَه خوش منظره
حیفیدور بَدری خُسوفه قویما زُلفون دوندَره
شانه وِرماقیم بو زُلفه قالدی اَمّا آخره
توز قونوبدور زلفووه ایکاش اولیدیم کور علی

تِز غروب ائتدون نَدن ای بَختیمون صبح اولدوزی
تار ائدوب بو گَلمگون اوغلوم گوزومده گوندوزی
من گُلاب و عطره بو چولده گمانیم یوخ دوزی
وئر اجازه قوی یووم گوز یاشیمیله گُل یوزی
اوخشامازدیم من بِله درد ایلوری مجبور علی

هیچ یاراشمازدون بو دَهر فانیه ای مَه جمال
قصر مینویه سنی لایق بیلوبدور ذوالجَلال
قامتیم بیر لحظه ده قاشون کیمی اولدی هِلال
بَختمیله زُلفیمون عنوانینه گَلدی زَوال
آغ گونوم اولدی قَرا ، قارَه گونوم آغدور علی

(نادرون) وار حاجتی ایستر بو دَرگَهدن صِله
بلبل باغ ولایتدور قونار گُلدن گُله
سیز اونا باب کَرم آچدوز دوشنده مُشگله
ئوز اَلولَه نوکرین گَل زورقین چَک ساحله
چون سلیمانون یانیندا گورسنوبدور مور علی

• دوشنبه
• 14
• تیر
• 1400
• ساعت
• 12:13
• نوشته شده توسط
• یوسف اکبری