اشعار ترکی امیرالمومنین علی(ع)

یازام مقام علیدن قلمده یوخدی توانا
دییم جلال علیدن دیلیمده قالمادی یارا
.
لیاقت ایستوری کیم وصف ائده ولیّ خدانی
دوشوندوگوم قدری ایلورم بو سوزلری انشا
.
علیدی خلقته باعث علیدی افضل خلقت
علیدی گویلره زیور،علیدی جنت الاعلا
.
علیدی روح عبادت علیدی جان اطاعت
عبادت اولسا علی سیز جهاندا ردّیدور اصلا
.
ولایت اولماسا کیمده اونون اطاعتی یوخدور
قالا اطاعت عبادت هارا گئدوب چخار آیا؟
.
ولایتیله اطاعت وئرور عبادته زینت
ایکیسی اولماسا بیر یرده،نینیور حق یکتا
.
علی که ببت خداده قدم قویوبدی جهانه
دئسوک سزادی گوزل ماجراسینه بئله معنا
.
ایکیسی بیر ایپه باهم گچوب ولایت و توحید
قیریلسا هر بیری قالماز او بیرسی یرده

• دوشنبه
• 14
• مرداد
• 1398
• ساعت
• 10:56
• نوشته شده توسط
• ابوالفضل عابدی پور

على ولىّ خدا ماسوایه مولادور
تمام ما خلق الله او شاهه مولادور
.
ثنا و مدحه بیری گر دل آچسا گفتاره
قسم خدایه او مولا ثنایه اولادور
.
به غیر ختم رسل کیم وجودی علتدور
وجود خلقته شأن و مقامی بالادور
.
وجود خالقه یول یوخدی درک ایده درّاک
نه چونکه ذات خدا جسمدن مبرّادور
.
هامی تصوّر اولانلار اولار اوزی مخلوق
بو یرده عاقل اگر فکر قیلسا بیجادور
.
گر ایسته سن باخاسان خالقه ولی سینه باخ
که لفظه دقت ایدنلر بولر نه معنادور
.
على وجودی صفات خدایه مظهردور
على جمالی جمال خدای یکتادور
.
على خلیفۀ برحقّ خالق سبحان
على حضوری حضور علىّ اعلادور
.
علی وجودیدی آئینۀ صفات الله
على تمام صفات جمیله دارادور
.
على سپهر

• سه شنبه
• 15
• مرداد
• 1398
• ساعت
• 09:47
• نوشته شده توسط
• ابوالفضل عابدی پور

شرفین معیاری علی
افتاده لرین یار علی
سن شاه ولاسن
.
سنی سسلر ماه و ملک
خلق ایلیوب الله سنی تک
سن شاه ولاسن
.
ای شاه ولایت مصباح هدایت
بایرام گونی ایله احبابه عنا یت
.
علی ای شریف خلقت
شرفین وقاری سنسن
خم باده ی ولایت
شرف اعتباری سنسن
.
(علی ای همای رحمت تو چه آیتی خدا را
که به ماسوا فکندی همه سایۀ هدا را)
.
.
.
.
سنه قربان جان جهان
ای محرم اسرار نها ن
سن شاه ولاسن
.
سنیلن حق خیمه قورور
اورنگده قرآن اوتورور
سن شاه ولاسن
.
عالم سنه قربان ای شاه مظفر
هم شاه ولایت هم جان پیمبر
.
سن عزیز انبیا سن
شه ملک لا فتی سن
نه یازیم که ره گشای
شهدای کربلا سن
.
علی ای شریف خلقت
شرفین وقاری سنسن
خم باده ی ولایت

• پنج شنبه
• 24
• مرداد
• 1398
• ساعت
• 13:48
• نوشته شده توسط
• ابوالفضل عابدی پور

مفخر آدمدی علی
نائب خاتمدی علی
دولانار عالم باشینا
قبلۀ عالمدی علی
.
آدی حیدردی
یل خیبردی
وار الینده ذوالفقاری
.
هانی ‌خلقتده
تایی‌ غیرتده؟
تانی اول دلدل‌سواری
.
عرصه‌ده هر آدلی پهلوان
ئوپدی علی قدملرین
مرحب اولان وقتده نیمه‌جان
ئوپدی علی قدملرین
.
علی علی علی یا حیدر ( 2 )
.
.
.
.
.
.
اللها مظهردی علی
جان پیغمبردی علی
جامینون من تشنه‌سی ‌ام
ساقی کوثردی علی
.
چاغیر ای ‌شیعه
یا‌علی صوتی
دوتا یکسر روزگاری
.
سالا تا لرزه
دل کفّاره
یا علی حیدر شعاری
.
مهدی بالاسی گلن زمان
جهانه ایلییر عیان
عرش خداده یازوب فقط
علی امیر مؤمنان
.
علی علی علی یا حیدر ( 2 )
.
.
.
.
.
.
.
عالمه مولادی علی
سیّد والادی عل

• یکشنبه
• 27
• مرداد
• 1398
• ساعت
• 12:20
• نوشته شده توسط
• ابوالفضل عابدی پور

ای دل یم بلاده دئنن یا علی مدد
طوفان ابتلاده دئنن یا علی مدد
.
ساحل یاخیندی جهلون اوزاق سالماسین سنی
غرق اولمامیش خطاده دئنن یا علی مدد
.
بحراندا آیری بیرکس الوندن توتان دگول
گل باب مرتضاده دئنن یا علی مدد
.
عالم بیلور اوسائله خاتم وئرن علی
مردانه دور عطاده دئنن یا علی مدد
.
شیر خدادی شاه ولایتدی مرتضی
سروردی ماسواده دئنن یا علی مدد
.
یوخ فرقی احتیاجوی اللهه عرض ائله
یاموقع دعاده دئنن یا علی مدد
.
شب زنده دار شخصلرین ذکریدور علی
اول باصفا فضاده دئنن یا علی مدد
.
سعی ایله قنبرین آقاسین بی ریا چاغیر
هریرده صاف و ساده دئنن یا علی مدد
.
هم نای معدلتدن اطیعوا سسین ائشیت
هم نی کیمین نواده دئنن یا عل

• یکشنبه
• 27
• مرداد
• 1398
• ساعت
• 12:26
• نوشته شده توسط
• ابوالفضل عابدی پور

گتور بیر جام می ساقی فرح بخشای جان پرور
بهار عیشدور وار باشدا شور نشئه ساغر
.
او می دن ویر اولا بهجت فزا صهبای روح افزا
گتورسون باشیمه سودای عشق یار سیمین بر
.
او می دن قیل شفقت باده ناب و زلال اولسون
مفرّح عطری مشکین رنگی همچون لاله احمر
.
او می دن جام دولدور ویر بسان لعل رمّانی
ضیاسی مجلس احبابه ویرسون زینت و زیور
.
او می دن ویر فروغ شعله سی خورشید رخشان تک
اولا بیر قطره سی ماء معین عدندن برتر
.
او می دن ویر مذاق جانه شور عشق آرتورسون
صدای بانک نوشانوش قیلسون چرخ گوشین کر
.
او می دن قیل عطا که نطقه گلسون طوطی طبعیم
نثار ایتسون ریاض مدح مولاده دُر گوهر
.
او می دن قیل عطا صیاد طبعیم ایلسون جول

• یکشنبه
• 27
• مرداد
• 1398
• ساعت
• 13:36
• نوشته شده توسط
• ابوالفضل عابدی پور

هامی قیدیدن حق ذوالمنن قوتاروب مجرد ایدوب منی
طيران روح وجوددن آپاروب بلاحد ایدوب منی
دوداقمدا نغمۀ معنوی نفس مجدد ایدوب منی
دم روح قدس بو نطقده بو قدر مؤیّد ایدوب منی
که بیان منقبت على بو بیانیله ایلیوم ادا
.
.
.
نه على سماده دیوبدیلر ملکوت عرش علا على
نه على محمد مصطفا بويوروب بذكر ثنا علی
نه علی که ذاتی گلوب اونون چو صفات ذات خدا على
نه علی که خالق ذوالمنن ایلیوب خطاب که یاعلی
سنی ایستین لره بی سخن ویررم جزاده گوزل جزا
.
.
.
بیله قدّ راست يتورمیوب گل و سرو سن کیمی باغ دل
که خیال سرو قدون ایدوب او قد صنوبری معتدل
نجه طبع بلبلیم اولماسون آدیوی دیماقیله مشتغل
که خیال قدّویله چمن یارادار طبیعت

• یکشنبه
• 27
• مرداد
• 1398
• ساعت
• 13:37
• نوشته شده توسط
• ابوالفضل عابدی پور

مهرِ تو و آلِ تو در جان چون قمر میدرخشد
هلم و ادب و تقوا بر آدمی میبخشد

علی تو شاهِ ذالکرامی
علی تو اولین امامی
علی تو احمدی مرامی

بابایِ امام حسنی
میگم به همه النی
توصاحبِ قلبِ منی

من نوکرت شدم و این افتخارمه آقا
پر شورم و احساسی من عبدم و تو مولا

علی تو معدنِ سخایی
علی شریفِ انبیایی
علی مرشد و مقتدایی

من مستِ سبویِ توام
سینه زنِ کویِ توام
آشفته ی مویِ توام

منصبِ غلامیِ تو با جان و دل میپذیرم
باشه گره تو کارم از تو مدد میگیرم

علی حقیقتِ صلاتی
علی صفینۂ النجاتی
علی امیرِ کائناتی

من تحتِ لوایِ توام
مشمولِ دعای توام
محتاجِ عطای توام

آدون نه شیریندی سنون قوی سسلیوم علی مولا
عشقووی بو سین

• دوشنبه
• 28
• مرداد
• 1398
• ساعت
• 12:17
• نوشته شده توسط
• ابوالفضل عابدی پور

باهار فصلینده گلزاره قدم قویدوم دیدیم گوللر
منیم بیر گل بهاریمدور منه سیزدن بهار اولماز

او گل بیر گلدی اوندان عاشقین جانی شکوفادور
اونا شیدا اولان بلبل داها عشقه دچار اولماز

دوشر پابوسینه سرویله سمبل سویلیر بلبل
سنون تک بیر گله باغدا نجه بلبل خمار اولماز

سنه مخمور اولان دیده کور اولسا هر ایکی گوزدن
باخار معنا گوزیلن دیده ی معناسی تار اولماز

او گل احمد دیَن گلدور غدیر خمدا حجاجه
بویوردی سیزلره حقدن علی تک یادگار اولماز

سیزه تاپشربمشام شاهد اولون عترتله قرآنی
ولی الله اعظمدن کلام الله کنار اولماز

علینی کیم ولی بیلسه رسوله اقتدا ایلر
ولایت سیز عبادتدن رضا پرور دگار اولماز

غدیر خمدا حجاجه ر

• دوشنبه
• 28
• مرداد
• 1398
• ساعت
• 12:33
• نوشته شده توسط
• ابوالفضل عابدی پور

یاتیشان آجلارا کیمدور ورور احسان دولانور
ایسته مور چون تانینا هر گجه پنهان دولانور

کیمدی ویرانیه ساری گجه نون یاری گیدور
مرضه درده دوشن بیرگجیا مرحم ایدور

گور سدور آی ایشیقی کهنه عبانین یاماغین
چوخ وقاریله گویور تپراقین اوسته ایاغین

عصمت الله دی بو نفسی ایاق آلتیندا ازور
اوزی سلطاندی ولی وصله لی رختیله گزور

بودور علت کی لباسین فقرا مثلی گیور
سائیلیلن اتوروب دوز چرگی ساده ییور

اورگدور حیکلی کبریله دولان خیره سره
بوشلیوب اللهی تعظیم الین سیم وزره

یاخشی خصلت یاراشار آدمه نه یاخشی
غبا
ویرن انسانه شرف جانیدی یوخ جسمه بقا

سسلیور مأذنه ده شیعه بو عنوانی جلی
ختم مرسلدی محمد ولی الله علی

نجه فخ

• دوشنبه
• 28
• مرداد
• 1398
• ساعت
• 15:40
• نوشته شده توسط
• ابوالفضل عابدی پور

ملک ایماندا پادشاه علی
دین و قرآنه تکیه گاه علی
.
رب اعلا سون عزیز امیر
شیعه مولاسی دادخواه علی
.
فرشدن عرشه مستقیم صراط
چاهدن ماهه شاهراه علی
.
جهلدن برقرار اولان گئجه نین
ظلمتین سیندیران پگاه علی
.
هم عطا درگهی مدام آچیخ
هم کرم سفره سی به راه علی
.
هم یتیمان اوچون رئوف آتا
هم آدامسیزلارا پناه علی
.
اولدی کیم عشقلن مرید سنه
تاپدی عالمده عز و جاه علی !
.
داندی هرکیم سنون ولایتوی
تا ابد اولدی روسیاه ، علی!
.
بیر خجل نوکرم یوخومدی پناه
غم چکیب اوستومه سپاه علی
.
هم سالیب درده اشتباه منی
هم اگیب قدیمی گناه علی
.
یوخدی الله یانیندا منزلتیم
ائتمیشم عمریمی تباه علی
.
اولموشام بو گئجه دخیل سنه
ایله ل

• چهارشنبه
• 30
• مرداد
• 1398
• ساعت
• 11:14
• نوشته شده توسط
• ابوالفضل عابدی پور

علی خانه زاد حریم خدا
علی کعبه و مروه سعی و صفا
.
مقام علی مادره سیر ایله
حریم خدا اولدی خلوت سرا
.
گوزآچدی ولیّ خدا کعبه ده
علی جلوه گاه جما ل خدا
.
اویر که نه آی وار نه گون نور اولا
جمال علی شمس و بدرالدُجا
.
عقول زمان مات دور شأنینه
وصیّ رسول، رهبر و رهنما
.
علینی سؤوبدور حق ذوالجلال
علی شأنینه حق دیوب قُل کَفی
.
علی مدحینه سورۀ هل اتی
علی صاحب منصب لافتی
.
علی قبله گاه تمام عارفان
علی جانشین تمام انبیا
.
علی جنّت و دوزخین قاسمی
امام اُمم سرور اُولیا
.
علی مرد میدان و دُلدل سوار
علی فاتح بدر و خیبرگشا
.
علی اوّلین کسدی مسلم اولان
علی جان پیغمبر مصطفا
.
علیدور ایکی عالمین سروری
علی پیشوادورع

• چهارشنبه
• 30
• مرداد
• 1398
• ساعت
• 11:50
• نوشته شده توسط
• ابوالفضل عابدی پور

لطفون منی مولابیلیرم مفتخر ایلر
عشقینده منی دهریده صاحب هنر ایلر
.
عشقین یول آچوب شهر دیله شکر خدایه
دروازه ی دیلدن گئجه گوندوز گذر ایلر
.
مصباح هدایتدی منه نور ولایت
ظلمت گئجه می جلوه سی آیدین سحر ایلر
.
اکسیر نگاهون دوشه هر سنگ سیاهه
والله اونی بیر لحظه ده لعل و گهر ایلر
.
رحمت یاغشین گر بو کویر دیله یاغسا
بی حاصل اولان ملکی یقین پر ثمرایلر
.
کیم گوهر عشقین ایکی دنیایه ساتوبدی
بو بیع و شراده ایکی دنیا ضرر ایلر
.
کیم اهل ولا اولسا ایچر جام بلانی
کیم جام بلا ایچسه اونا حق نظر ایلر
.
نه باده نه میخانه نه ساغر تانورام من
عشقینده خمارم دئمه باده اثر ایلر
.
من مست می خمّ غدیرم عطشیم وار
ساقی منه و

• چهارشنبه
• 30
• مرداد
• 1398
• ساعت
• 13:17
• نوشته شده توسط
• ابوالفضل عابدی پور

یر یوزی بوگون یکسره غرق نور اولوبدی
شیعه شاداولوب بوجهان عطریله دولوبدی
.
کعبه دن گویه قوزانیب نور پاک ایمان
دولدوروب هامی عالمی عشق شیر یزدان
.
گلدی جهانه شاه ولا بوگونده
گلدی جهانه شیرخدا بوگونده
گلدی جهانه باب رجا بوگونده
.
جانم علی جان جانم علی علی جان
.
.
.
.
.
.
.
ای شه ولا گل بیزه ایله لطف واحسان
قبره پاکیوه بیزلری دعوت ایله مهمان
.
مدفنون وورار طعنه چون دیریله کنشته
وئرمرم سنون قبریوی مین باغ بهشته
.
یاعلی مولا صبح ومسا شعاریم
مدفن پاکین منیم باغ وبهاریم
ولایتیندور فقط دار و نداریم
.
یاعلی مولا جانم علی علی جان
.
.
.
.
.
.
.
درگهین آقا شیعیه باب النجادی
گل آدین سنون چون هامی دتلره دواد

• سه شنبه
• 27
• اسفند
• 1398
• ساعت
• 21:55
• نوشته شده توسط
• ابوالفضل عابدی پور

علی ای نابغه لر نابغه سی
گوزل آیندسی هم سابقه سی

علی ای قافله لرسالاری
شیعه نین هادی وپرچمداری

علی ای فرق بنی آدمه تاج
سفرۀ جودیوه عالم محتاج

علی ای مروه صفا مقصودی
کعبه نین اوغلی حرم مولودی

علی ای خضردن اؤلا بنده
هامی جوینده دی سن یابنده

جاودانسان دیری سن باقی سن
فاطمه کوثر و سن ساقی سن

گر ملک سن نیه بس خاکیده سن؟
سنی احمد گوروب افلاکیده سن

یرده سنسیز اَله گلمز برکت
گویده سنسیز ملک ایتمز حرکت

شُهره هنگامه دی رُجحان محشر
ها علیّ بشرُ کیف بشر

مرحبا لر سنه طاها بویوروب
هر نه طاها دیسه باجا بویوروب

گورمسیدیم آنادان اولماقیوی
دسته گل تک بلنن قونداقیوی

شبهه نی قلبمه حکّ ایلردیم
لم یَلد یولَده شکّ ایلردیم

سن ولی عبدِ حق رحمانسان
اشتباه ایلمورم ,انسانسان

ای یاتان بسترپیغمبرده
وی سَلونی بویوران منبرده

گجه قؤزانسا مناجات سسی
ربّنا نغمه سی آیات سسی

بو علی دور دیرم پنهانی
دولانور کوفه ده نخلستانی

دلده که سوزلریوه حیف اولسون
قان دولان گوزلریوه حیف اولسون

آندویرّم گوزل اوغلون حسنه
هم حسین جانینه که جاندی سنه

آقالیق شمعینی خاموش ایلمه
بیزی محشرده فراموش ایلمه

• دوشنبه
• 19
• آبان
• 1399
• ساعت
• 16:51
• نوشته شده توسط
• یوسف اکبری

بیر گونی سو آپاروردی ایوه بیر عورت زار
کوزه نی حمل ایده بولموردی او رنجور و فکار
الغرض بو الحسن اول کوچه دن ایلوردی گذار
دیزلری تیتره دی تا گوردی همان منظره نی
گوزی دولدی دئدی الله اوزون عفو ایله منی

قاباقا گیتدی آلوب کوزه نی بی قید و ریا
پیرزن باخدی بدون اینکه امامی تانیا
آغلیا آغلیا دیلدن آغیا ائتدی دعا
دئدی الله ایکی دنیا سنه احسان ایله سین
مرتضائیله و لیکن اوزی دیوان ایله سین

آغانین قلبی یانوب پیرزنون بو سوزونه
بیر بیره ویردی اَلین اشگی توکولدی یوزونه
زمزمه ایلدی گویا بو سوزی اوز اوزونه
دئدی سن کی دیوسن حاکم عادل سن علی
سنه نه گلدی بولاردان نیه غافلسن علی

الغرض گیتدی تدارک اولارا شام ائلدی
عورتین غصّه لی ایتامینه اطعام ائلدی
آتا تک آلدی سینیق قلبیلرین رام ائلدی
باش چکنده نچه یول گونده او بیت الحزنه
او ایوین اهلی دییردی آغامیز گَلدی گینه

نچه مدّت دولانوبدی بئله ایّام زمان
تا یتوشدی شب بیست و یک ماه رمضان
جمله بی کسلره اسرار نهان اولدی عیان
اوچ گیجه یدی چیخا بولموردی علی منزلدن
آز قالوردی دوشه ائوده او اوشاقلار دلدن

همان عورت که علیدن اونا لطف اولموشدی
بو گیجه لیک اونون بخت گلی سولموشدی
آج یاتیتموشدی اوشاقلاری گوزی دولموشدی
بیر شیرین دل بالاسی ناگه آیولدی یوخودان
آناسین سسله دی گویا بو دیلیلَن او زمان

آنا جان دور یوخی گلمور بو گیجه گوزلریمه
اورگیم چوخ داریخوب بیر قولاغ آس سوزلریمه
گوگلومی غصه دوتوبدی غم آلوبدی بو گیجه
بس یتیم لر آتاسی هاردا قالوبدی بو گیجه

او که رأفتله گلوب گوگلوم آلاردی کیمیدی
قاپینی هر گیجه آهسته چالاردی کیمیدی
نان و خرما بیزه احسان گتورردی کیمیدی
نه گلوب باشینه بس هاردادی اول کان کرم
گَلمسه نه یاتارام من نه غذا میل ائدرم

• سه شنبه
• 4
• آذر
• 1399
• ساعت
• 14:13
• نوشته شده توسط
• یوسف اکبری

تاپولمادی نه ایدیم دردوین دواسی بابا
ساغالمادی او گوزل باشوین یاراسی بابا

شل اولسون اللرینی باشیوا یارا ویرانون
گتوردی درده منی دشمنون جفاسی بابا

آنام ئولنده فلک باشیمه قرا سالدی
آچلمیوبدی هله باشیمین قراسی بابا

او قانلو گوزلره قربان اولوم ٫ ندن یومولوب؟
گلیدی گوزلروین جانیمه قاداسی بابا

او گل کیمی سارالان رنگوه قیزون قربان
بلالی جانیم اولا جانوین فداسی بابا

او قانلو گوزلرون آچ ؛ بیرده باخ سولان یوزومه
چخوبدی زینبوین گویلره نواسی بابا

سنی بابا ، آنامین دردی درده سالموشدی
تاپولمادی اودی کی دردوین دواسی بابا

ایدردی دردیوه چاره آنام صاق اولسیدی
سنه چوخیدی او مظلومه نین وفاسی بابا

آنام ئولندن ایله غم اسیری اولموشدون
دیردون عالمین اولماز منه صفاسی بابا

آنامی ثانی ویراندان ؛ سولوب سارالمیشدون
او گوندن اولموشدون غملر آشناسی بابا

ئولومین آرزی ایدرین آنام ئولن گوندن
یوخیدی زندگیه قلبوین رضاسی بابا

شرار غمده یانوب شمع تک قوتولمشدون
قالوردی بیرجه فقط جسموین نماسی بابا

آنامی دوگدوله ، دوزدون رضای حقه گوره
عدالتون دیدون اولسون گرگ بقاسی بابا

سن ئولدون، ئولدی عدالت یخیلدی خانه دین
فلکین آخر اله گلدی مدعاسی بابا

• سه شنبه
• 4
• آذر
• 1399
• ساعت
• 14:33
• نوشته شده توسط
• یوسف اکبری

ننه یا فاطمه گل یار وفادارون ئولوب (۲)
غملرین چاهه دین غملی عزادارون ئولوب
هارداسان ای حسنینین آناسی
ئولدی مسجدده یتیملر آتاسی

علی لایلای علی لایلای (۲)

سن گیدندن بابامین گولمدی دنیاده یوزی
بیزه آندیرمادی امّا گجه آغلاردی ئوزی
قانلی‌دیواریده یانمیش‌قاپیدا قالدی گوزی
قوللاری باغلی‌قالان یاور بی یارون ئولوب
هارداسان ای حسنینین آناسی
ئولدی مسجدده یتیملر آتاسی

علی لایلای علی لایلای (۲)

درد هجرون اونا شادلیق یولونی باغلاردی
هر زمان نسگیلوه سینه سینی داغلاردی
گجه دفن اولماقوی یاده سالوب آغلاردی
قلبی‌غمدن یورولان‌محرم اسرارون ئولوب
هارداسان ای حسنینین آناسی
ئولدی مسجدده یتیملر آتاسی

علی لایلای علی لایلای (۲)

پیشواز ایله نگارون سنه مهمان گلوری
یاریلوبدور باشی‌باشیندن‌آخوب‌قان‌گلوری
اهلبیتین ایلیوب زار و پریشان گلوری
زینت عرش خدا یاره لی دلدارون ئولوب
هارداسان ای حسنینین آناسی
ئولدی مسجدده یتیملر آتاسی

علی لایلای علی لایلای (۲)

بورویوب کوفه نی اندوه و محن آه و نوا
آتاسیز قالدی آنا پادشهِ کرب و بلا
دوت عزا عرشیده بو یاره لی مهمانه آنا
قبروین ‌اوسته گلن هرگجه زوّارون ئولوب
هارداسان ای حسنینین آناسی
ئولدی مسجدده یتیملر آتاسی

علی لایلای علی لایلای (۲)

آهیله ایله نوا سینووی داغلا آناجان
او سنه آغلادی سنده اونا آغلا آناجان
اینجیدوبدور یاراسی ‌باشینی‌باغلا آناجان
گله درمان آلا سندن ننه بیمارون ئولوب
هارداسان ای حسنینین آناسی
ئولدی مسجدده یتیملر آتاسی

علی لایلای علی لایلای (۲)

• جمعه
• 7
• آذر
• 1399
• ساعت
• 19:53
• نوشته شده توسط
• یوسف اکبری

وا مصیبت دگدی ضربت شیر داور باشینه
قویدی جنتده الین زهرای اطهر باشینه

ظاهراً گر فرق پاک مرتضادن وردیلار
باطناً اما قلج دگدی پیمبر باشینه

بیلمیرم یارب نجه ظالمدی بو شمشیرزن
وردی الحق انبیانین یاره یکسر باشینه

گیسوان حضرت زهرا اولوب قاندان خضاب
گوئیا دگمیش یارا خاتون محشر باشینه

حضرت روح الامین باشدان وروب تاجین یره
گوردی زخمی گوئیا تنگ اولدی افسر باشینه

سینه چاک ائتدی حسینیله حسن قیلدی فغان
توکدیلر گوزیاشی وردیلار مکرر باشینه

پابرهنه مسجده گئتدی حسین و هم حسن
قیلدیلار اول دم نظر فتاح خیبر باشینه

گوردیلر محراب طاعتده اولوب غرق به خون
گردش ائتدی مسجد و محراب و منبر باشینه

ای عزیزان یادیمه دوشدی بو یرده کربلا
اکبرین ورموشدی یاره بیر ستمگر باشینه

سسلنوب سلطان مظلومانی گلدی یانینه
باخدی گوردی کیم دگوبدی یاره اکبر باشینه

باش اولوب منشق چون فرق علی المرتضی
بو یارا بنذور اوغول ساقیّ کوثر باشینه

گوتدی اکبر باشینی آلدی او دم آغوشینه
صورتین قویدی او دم القانه احمر باشینه

قیلدی فرمایش علی الدنیا و بعدک العفا
توکدی گوزدن قانلی یاش شبه پیمبر باشینه

ای علی جان قدیمی بوکدی فراقین آغلارام
کاش بو یاره دگیدی من دل اخگر باشینه

ایمدی بیلدیم باغلانور ماه مدینه قوللاری
کین ائله قمچی ورار آخر بو لشگر باشینه

بیرده سسلندی گوروب اکبر ائدوب عزم جنان
لیلینین سالمیش فراقی قاره معجر باشینه

ای« غریقا»باشه ویر آغلا حسین احوالینه
گوردی اکبر باشینی هم باخدی حیدر باشینهپ

• جمعه
• 7
• آذر
• 1399
• ساعت
• 20:02
• نوشته شده توسط
• یوسف اکبری

‍ ای سجده گهده قانینه غلطان یارالی
ائتدون نمازه جانیوی قربان یارالی

کیم ووردی باشوندن بیله کاری جراحت
شق القمر اولدی باشندان بیر علامت
آی گون یغشدی بیر یره اولدی قیامت
تار اولدی گوزده عالم امکان یارالی

جبریل سسلندی علی آلقانه باتدی
باش وئردی دینه رونق دینی اوجاتدی
باشی یاریلدی دلده‌کی مقصوده چاتدی
کشف اولدی خلقه بو غم پنهان یارالی

قلبیم دوگوندی گوزلریم یوللاردا قالدی
گوز یاشیم آخدی صورته رنگیم سارالدی
اولموبدی ممکن گلماقا چارم آزالدی
کاشانۀ صبریم اولوب ویران یارالی

واردور باشوندا یاره دن تاج شرافت
مقصودیوه یتدون بابا تاپدون سعادت
اطفالیوه سنسیز اولار برپا قیامت
اوللام شریک غم ئوزوم هر آن یارالی

س رزمیلرده شیریدون ای شیر یزدان
دعواده ائتدون شیرلر تک عزم میدان
باش یاره سی سالدی سنی چوخ تئز ایاقدان
دوشدون ترابه ای شه مردان یارالی

هرگز دئمم اطفال مه سیمانی دیندیر
یا دل شکسته زینب نالانی دیندری
اوغلون حسینی شاه لب عطشانی دیندیر
قلبی اولوبدور غصه دن القان یارالی

بوللم بابا سندن صورا نه حاله قاللام
اوز باشیمون سرمشقینی من سندن آللام
باشون یاراسین ای بابا من یاده ساللام
زینب یاریلمیش باشیوه قربان یارالی

باشون یاراسی آغلادور من بینوانی
گوزده مجسم ایلوری دشت بلانی
اوغلون حسین قان آغلادار ارض و سمانی
باشی جدا اوسته اولار تابان یارالی

یانام بو غمده نی کیمی گللم نوایه
سنسیز دوشر باشیم منیم چوخ ماجرایه
غملر چکر آخر منی کرب وبلایه
دین اوسته وئرم عشقیمی اعلان ارالی

سنسیز یوزوم گولمز مینم دار فناده
هجرونده گلم نی کیمی فریاد و داده
قان آغلارام دلدن سنی سالدوقجا یاده
اولام غمونده هر زمان گریان یارالی

بو «تابع دین» ای بابا ایلور گلایه
عرض ایلوری شهلر مگر باخماز گدایه
بیر گوشۀ چشمیله باخ اول بینوایه
ائت درد بی درمانینه درمان یارالی

• جمعه
• 7
• آذر
• 1399
• ساعت
• 20:05
• نوشته شده توسط
• یوسف اکبری

«وای وای علی وای»

بو گئجه گویلر دیئر
مسجد و منبر دیئر
آل پیمبر دیئر
«وای وای علی وای»

چشمه دیئر داش دیئر
گوزده کی قان یاش دیئر
پارچالان باش دیئر
«وای وای علی وای»

درده دوشنلر دیئر
قاره گینلر دیئر
بو سینه زنلر دیئر
«وای وای علی وای»

حقّیله باطل دیئر
شاهیله سائل دیئر
خنجر قاتل دیئر
«وای وای علی وای»

عرش و فلکلر دیئر
گویده ملکلر دیئر
یئرده ئورکلر دیئر
«وای وای علی وای»

ساقی و ساغر دیئر
زمزم و کوثر دیئر
کیم اولا نوکر دیئر
«وای وای علی وای»

سیّد بَطحا دیئر
زینب کبرا دیئر
بوگئجه زهرا دیئر
«وای وای علی وای»

شیعه مُسلّم دیئر
عالم و آدم دیئر
هر قره پرچم دیئر
«وای وای علی وای»

• جمعه
• 7
• آذر
• 1399
• ساعت
• 20:22
• نوشته شده توسط
• یوسف اکبری

‍ ناری نور ایلین گوزل سن سن

روحی مست ایلین غزل سن سن

علی اظــهاره گلسه عاشق اسلام ائدر گبری

علینون حسنی گورسن سه نبیلر یاندرار صبری

علی سیز نینورم یاغدیرسامرجان گولرین ابرین

علینون دونـــدرر لطفی شب قدره شب قبری

علی بیر بی نهایت دی که عقله سغمیورحدی

علینون صورتین گورسه سنارمعنی لرین سدی

علی هست ایلر انسانی علی مست ایلر انسانی

اونون ابرولری بیت الحرامه جان وجوهردی

اونا هربیر نفسده جان دیین یوز مین پیمبردی

اونی گلدسته لردن سسلیین الله اکبردی

اونون حلقومین اوپسون اللی مین حجه برابری

اونی مسجد تانور تعریف ایدر منبر بو مولانی

علی وحدت علی کثرت علی معلول بی علت

علی اولی علی مولا علی دولت علی صولت

علی دست ربوبیت علی مست ربوبیت

علی جنت علی منت علی لذت علی عزت

علی دستان روحانی علی بستان روحانی

علیدور آیت رحمت علیدور غایت رحمت

علیدور قبله غیرت علیدور معنی حیرت

علیدور روح حیثیت علیدور فخر حریت

علی سیز نیلورم فضلی علی سیز فضله مین لعنت

• سه شنبه
• 11
• آذر
• 1399
• ساعت
• 22:25
• نوشته شده توسط
• یوسف اکبری

علی ای ولی سبحان
شه ملک عشق و ایمان
سنه جان شیعه قربان
آقا بایرامون مبارک(2)

سنی سسلیور فلک لر
سنه جان دیور ملک لر
سنیلن تاپیر شرف جان
آقا بایرامون مبارک(2)

علی ای شکوه هستی
می باده ی الستی
که می از تو بر گرفته
جلوات شور مستی
که تویی به هر دو عالم
شه ملک حق پرستی
آقا بایرامون مبارک(2)

سن او شاهسن که یزدان
سنی خلق ائدوبدی مفرد
هامی خلقدن سرامد
سنی خلق ائدیبدی سرمد
سنه تای یاراتمیوبدی
به جز از وجود احمد
آقا بایرامون مبارک(2)

نه یازیم جلالتیندن
ملکوته رهنماسن
سنه حق ائدوب عنایت
یئره گویدن آشناسن
که عروج بام عشقه
پر و شهپره هماسن
آقا بایرامون مبارک(2)

سن او باب علمسن کی
اونا شهر دور پیمبر
اورا وارد اولماق اولماز
به جز از طریق داور
نه یازیم که حکمتیندن
پر آچوبدی قافه باور
آقا بایرامون مبارک(2)

نه یازیم که یوخدی مثلون
ملکو ت باورینده
سنی مدح ائدوبدی جانان
صفحات دفترینده
حق ئوزون ائدوب مصور
جلوات انورینده
آقا بایرامون مبارک(2)

بن ما خلقده همتا
سنه بیر نفرده یوخدی
سنی جبرئیله همتا
بیلَنون خطاسی چوخدی
دئنن ای وفالی شیعه
کی دل عدویه اوخدی
آقا بایرامون مبارک(2)

• چهارشنبه
• 12
• آذر
• 1399
• ساعت
• 23:01
• نوشته شده توسط
• یوسف اکبری

بوگون نه گوندي مگـر ارضيلن سما آغلور
دوتوب جهـاني عـزا عـرش كبريا آغلور
اولـوبـدي قـاره لبا سه ملبّس اهل جهان
علي غمينده عـيان شاهيلن گـدا آغلور
دوتـوبـدي بزم عـزا تاري عـرش اعلاده
اويرده جمله ملك ساخليوب عـزا آغلور
اولوبدي صاحب عزا عدنیده رسول خدا
اورگ يارا باش آچوب ختم الانبيا آغلور
ويرور تسلي پـيمبر يــارا لـي زهرا يه
ويروبـله باش باشا با هم آتا بـالا آغلور
بويا ندا يريوزي اوسته علي غمينده عيان
گيوبـدي كعبه قـرا خانه خـدا آغلور
صـداي وا ابتا فـرشيدن گيدور عرشه
بو سس دن اهل سما اوردا بر مـلا آغلور
ايدوبدي زاده ی معلجم زمانده طغيان
بو جـور و ظلمه عيان تيغ اشقيا آغلور
دو نیم ایدوبدی جفا تیغی حیدرین با شينی
علي باشيندا اولان ياريه يـارا آغلور
علي ائوينده وروب باش باشا حسین و حسن
حسين عـزالي حسن درده مبتلا آغلور
سالوبدي باشينه قاره او خونجگرزينب
گلوبدي شيونه و فـرياده برمـلا آغلور
اياق طرفده دوروب اسوه ی وفاداری
يواش يواش او علمـدار کربلا آغلور
خبرویريلدي طبيبه گلـه طبابت ائده
گلوب حضور امامـه اوبا وفا آغلور
باخوبدي شاه ولايه چكوب اوركدن آه
دونوبدي گوزياشي قانه او بينوا آغلور
قالوب طبابته عاجز باشين سالوب اشاقا
خجالت حا لينه الـده اولان دوا آغلور
گوزآلتي باخدي حسينه وروب الين الينه
ديدي قالار آتـا سيزسنله مجتبا آغلور

• چهارشنبه
• 19
• آذر
• 1399
• ساعت
• 00:19
• نوشته شده توسط
• یوسف اکبری

الهـي ا ئت نظـر دار فنـايـه
فلك ايلـور جفـا ا هله وفايـه
سا لور عشق ا هليني دام بلايه
بلا لردن گلـور ديل آه و وايـه
جفايلن بـلا نيرنــگ و تـز و يـر
چوخ انسا نلاري ايتميش دهريده پير
اميرالمومنيـن يـار يتيمـان
انيس و غمگسار درد مندا ن
زمانه ايلميشدي باغريني قان
دیيردي چاهه دردين ديده گريان
منافـق لر سسين عـرشه اوجاتدي
غم و محنت او مـولاني قوجاتدي
آيون اون دوقوزوندا رهبر عشق
اوتنـديس وفـا و سرور عشق
سحر وقتينده یکتا مظهر عشق
چيخوب ائودن يگا نه گوهرعشق
گيدور رازه و نيازه يــار ائـوينـده
دیيه دلبر سوزين ديلدارائـوينـده
يتوب بيت خدايه مـرد اعجـا ز
آچوب سجاد سين اُول محرم راز
نمازين ايلـدي عشقيلن آغـاز
يراوسته جسمي روحي ائتدي پرواز
فنـا دنياني گویا گـوزدن آتـدي
اوچان روح عرشيده ديلداره چاتدي
اولوبدور ابن معلجم مست عصيان
الينده واردي بير شمشير بـران
اوجالتدي تيغين اُول نامرددوران
ديوب يا هوچكوب تيغين او نادان
وروب شمشيريني مـولا بـاشيندان
كچوب باشدان آخوبدورقان قاشيندان
ستم تيغي شـه مـرداني يخدي
حبيب خـا لـق يكتا ني يخدي
ا نيس حضرت زهرا ني يخدي
علي تـك عالمه مـولاني يخدي
يخلدي سجده گاهـه بـا شدا يـاره
يتوب مقـصوده مولا چـاتدي يـاره
اميرالمو منين ا لقـا نـه بـاتدي
اورگ قانين باشين قانينه قاتدي
هرعشقي ياره خاطرباشدان آتدي
نماز اوسته وروب جان ياره چاتدي
بويـانـدي قـانه مـحـراب عـبادت
ايچوب مـولا عـلي جام شـهادت
بويوردي راحت اولدوم اشقيادن
بو قـوم نـا نجيب و بي حیادن
ايكي يوزلي جماعتدن جفادن
يـالانچي مّدعادن آشـنـادن
باشيم قـانلي اورگ مشتاق ديــدار
يتيشدي كـامه ديل اي حـّي دادا ر
ايونده گلميشم ربـّـي جهـانه
ايونـده گلميشم نـطق و بيانه
ايونده تــاپدوم ال سّر نهـانه
ايونده سجده گاهيم باتدي قانه
خوشام ايندي ايونده من ورم جان
اولا بـو رابـطـه دنيـايه ا عـلان
خوشام باشدان آخا رخساره القان
آخان قا ندان اولا رخساريـم الوان
ئوزي قا نلي اولام جانـانه مهمان
بئله عـرض ايليم اي جان جانان
ره عشقو نده صادق عـاشق ئولدي
مورق گُل مثالی رنـگي سولدي
منيم احواليمه آغـلور فـلك لر
ائدو لر ناله و افغان ملک لر
ائدور ناله يتيملر بي كمك لر
اورگ داغلار منه قاره لچك لر
خوشام ديل فيض ُعظمادن كام آلدي
يـتيملر حيف اولا آوا ره قـالـدي
مُوذن مـاذنه ده ايتدي آواز
گوزي آغلار سوز اوستون ايلدي باز
نماز اوسته يخليدي مـرد اعجاز
گلون اي مــرتضايه مـحرم راز
نمازين پـاره قـويـدي يـاره چـا تـدي
فداي يـار اولــوب ديـلداره چـا تدي
يتيشدي مسجـده سبـط پيمبر
گوروبدور قانلیدی محراب حیدر
آخور باشدان عذاره قا ني يكسر
ئوركـدن سـسـلدي ا لله و اكبر
ديدي ا يـواي بـابـام ئولدي الهي
سارالدی گول كيمين سولدي الهي
دوشوب محراب قاندا تاج شاهي
گوروب قان ايچره شاه بي پناهي
اولوب محراب مسجد قتلگاهي
چيخوب گون يرئوزونده باتدي ماهي
شـهيد اولـدي عـلي ئولـدي عدالت
سينـو بدور پــايــه عـدل و قضاوت
آخوندي آغلا هرگون مرتضايه
امیر مو منان عـبد خــدا يـه
او والا رهـبر مشكل گشـايه
وای بـاصـفا و بي ريـا يـه
تلاش ایله علی تک بـا صـفا اول
جهاندا عاری از مکر و ريـا اول

• چهارشنبه
• 19
• آذر
• 1399
• ساعت
• 23:37
• نوشته شده توسط
• یوسف اکبری

عباسـوم اويـان شـه مـردان نه يا تموسـان
قلبیم یانور سرشکیم اولوب قان نه ياتموسان
آچ گوزلرون نظـاره ايله بـي كس اوغــلوا
جانيم يـارالـي باشوه قربـان نه ياتموسان
نـار فـراقـوه منـي يـا نـديـر ما آي بـا بـا
سـالموش شراره جانيمه هجران نه ياتموسان
سن سيز گونـوزده چون شب ديجوريدورمنه
بـرج ولاده شمس فــروزان نه يا تموسان
غمـلر سـالوب حصاره مني غملر حـاصلـي
آه و فغـانـدي گوزياشي آلقان نه ياتموسان
اولموش بـو ياتماقـون منيچون درد لا علاج
سن سن اورگ يـاراسينا درمان نه یاتموسان
دوتموش بولوط سما ني منيم تك نـواليدور
بـاران غـم ياغـور يره الان نه ياتموسان
باش یارو ون غمیندن ائدور ناله قدسیان
قاره گيو بدي عالـم امكان نه يا تموسان
آچ گـوزلرون نـظاره ايله ايـوده گـو للره
غمدن سولوب سارالدي گلستان نه ياتموسان
دُردانـه لـر غمونـده گلـور آه و نـاليـه
يارون ايدوبدي گوزلري گريان نه ياتموسان
باش قوزا ايت نـظاره بو پو زقون اوشاقلارا
ني تك گلوب نوايه بو طفلان نه ياتموسان
نـار فـرا قـوه با با پـروا نـه لر يـا نـور
اي شمع پـر فروغ شبستا ن نه ياتموسان
بير ياندا آغلیور غموه زینب حزین
محزون و ناتوان ايدور افغان نه ياتموسان
آغلار گوزيله سسلنور هر دم گوزل بابام
واردور ديلينده بير غم پنهان نه ياتموسان
مشگلده دور ايشي يوخ اونون راه چاره سي
يارون ايدوبدي قلبيني شان شان نه ياتموسان
آچ گوزلـرون با با منه لطفیلن ایت نظر
بير بـوسه ايله اوغلوا احسان نه یاتموسان
وار مشكليم كليدي بابا ايندي سنده دي
ايله بـو مشكلي منه آسان نه يا تموسان
واردور منيم بيلورسن حسينه ارادتيـم
عشقي ايدوبدي سينه ده طوفان نه ياتموسان
آچ گـوزلـرون بابا مني تا پشور حسينوه
روح و رواندي جانيمه جانان نه يا تموسان
يازدي آخوندي بـو سوزي اشكيله دفتره
يازدوقجا حالي اولدي پريشان نه ياتموسان
من تك اونوندا قلبی بو غمدن يا را ليدي
آغلـور بسان مرغ نـوا خوان نه ياتموسان

• چهارشنبه
• 19
• آذر
• 1399
• ساعت
• 23:39
• نوشته شده توسط
• یوسف اکبری

قـانه غرق اولـدي علي
گول كيمين سولدي علي
شيعلـر قـان آغليـون
باغـریقان ئـولدي علي
آغـلا قـان آغـلا گـوزوم
قلبـوي داغـلا گــوزوم
نـوزده مـاه صيـام
کل دنیایه امــام
سجـده ده قا نه باتوب
اُول شــه والا مقـام
عـا لمـه مــولا ئـو لـور
همسـر زهـــرا ئـو لـور
ورودي اُول خصـم دغا
بـاشينه كـاري يــارا
ايتدي منشق بـا شيني
ضـرب شمشيـر جفـا
اولـدی دینه جا نفـدا
زاده ی بيـت خــدا
باشدا يـاره ديلـده آه
قـانه باتـدي سجده گاه
آغـلادي بـو محنتـه
ديــده ی مـا هيله چـاه
ظـلم الـي اولـدي پـديـد
مـرتضـا اولـدي شهيـد
سينـدي اركـان نمـاز
قـان اولوب محراب راز
يـاره خـا طر جان ويرور
اُول شـه بنـده نــواز
ئوز گوزي القـان گئـدور
دلبـره مهمـان گئـدور
مظهر مهـر و وفـا
مـرتضـا شـاه ولا
دوشدی اعظم مُشكله
عالمـه مشكـل گشـا
بـاشدا يـاره ديل يـارا
جـان وئـرور شـاه ولا
يازدي آخوندي عيان
باغريقان دیلده فغان
گوزياشي يوزده روان
بـو سوزي ايتدي بيان
روح قـرآن جـان وئرور
درده درمان جان وئرور

• پنج شنبه
• 20
• آذر
• 1399
• ساعت
• 00:01
• نوشته شده توسط
• یوسف اکبری

شمع شبستا ن يخیلوب سجد ده
رحمت رحمان يخیلوب سجدده
مـهردرخشا ن يخیلوب سجدده
آیت سبحـان يخیلوب سجد ده
مـظهر يزدان يخیلوب سجدده
رهبر مردان يخیلوب سجدده
نـاطق قرآن يخیلوب سجدده
بـاب يتيمان يخیلو ب سجدده
باشدان آخان قان توکولوبدور ئوزه
آز قـالـور ال دار فنادن اوزه
سس اوجالوب حيدري ئولدورديلر
شير خـدا صـفدري ئـولدورديلر
فلسفه ی بـاوری ئولـدورديلر
حق دانيشان رهبري ئولدورديلر
ضيغـم نـام آوري ئولدورديلر
كـان وفا پـروري ئـولدورديلر
پـاك روش سروي ئولدورديلر
نـایب پيغمـبري ئـولدورديلر
قاره گـيون باشه قرا باغليون
نوحـه ديون ناله ائدون آغليون
حیدر ئولوب اهل جهان آغليـور
ارض و سما حیدره قان آغلیور
مسجد و محراب عيان آغلیـور
اهل حرم نـاله كنا ن آغلـيور
سبط نبي قـدّي كمـان آغليور
سسلور حسین جان بابا جان آغليور
زينب ائدور آه وفغـان آغليور
بو غمه عـّبا س جوان آغلـيور
يا سه باتوب ائوده كي دُردانه لر
ناره يانور غصه لي پـروانـه لر
سسلنـور عبّاس علي جان بابا
گوزلرون آچ جان سنه قربان بابا
بـاخ پوزولان حاليمه بیر آن بابا
بـاغريمي ائتمه بو قدر قان بابا
قلبیم ائوين ايلمه ويــران بـابا
گـور نجه عبّاس ايدورا فغان بابا
يوخدي سنون دردوه درمان بابا
مـن يا نورام حالوه الان بابا
نار فـراقـه مني يانـدورما سـن
گوزياشيمي قانه بوياندورما سـن
آچدي گوزين نيمه نفس مـرتضا
قلبیده غم طاقتي يوخ باش يا را
گورميه پوز قون حا ليني هيچ بالا
ئـوز دوتـوب عـبّاسينه شاه و لا
سويلیوب اي بحر وفـا و سخـا
با شدا اولان يـاريه يوخدور دوا
آغلاما چوخ ایلمه آه و نـوا
ايله عمل بو سوزومه بــا وفـا
صبح و مـسا قارداشــوي ياد ايله
حال خطـرده اونا امداد ایله

• پنج شنبه
• 20
• آذر
• 1399
• ساعت
• 00:34
• نوشته شده توسط
• یوسف اکبری

ای دل مرام دلی تابع بو تراب ایله
آباد ایله کعبه اوین خیبرخراب ایله

خاک عدونی باده ویر ذکر هوئیلن
شمشیر دوتیغ آدینا جگرِخصمی آب ایله

هرکیم بولورعلینی امام اونلاانس دوت
هرکیمسه اجتناب ایلیوب اجتناب ایله

تسبیح ذکری گر اولا غیرهو ویا علی
سال گردن سگان جهیمه طناب ایله

ای مسلم آدقویان اوزونه فکرایت حقیقته
حق دورعلی علینی امامته انتخاب ایله

جعل ایلیوبدی خدا علینی امامت ولایته
نقش عدم ویر جهالته قلبینده انقلاب ایله

صَلّو عَلَیهیده آل محمّد گتور دله
دل ملکونون ایشیقلیقنی نور آفتاب ایله

بیریرده کی علی اولا علم وکماله آفتاب
علوم دینوی گل علی ولییدن اکتساب ایله

ذکر ایت علی ولی الله اذان و اقامه ده
لعل ایله لبلرون آب دهان گلاب ایله

علی خدایه بنده دی اوزی خدای عالم دور
خدا مُحبّتینی روحه غذا و شراب ایله

علیدی خلیله گلستان ایدن نار سوزانی
علی وآله فسم ویر دعاوی مستجاب ایله

قیامت عالمینده گرایستیسن علی شفاعتینی
علی گیدن یولی گیت صالح عملده شتاب ایله

فضیلت علیده یاز دولا تا دفترون «عدلی»
مشکل گشا الیله ییغ بیر یره کتاب ایله

• چهارشنبه
• 17
• دی
• 1399
• ساعت
• 18:25
• نوشته شده توسط
• یوسف اکبری

مظلوم علی ترک ایلیوب بوگون جهانی
آغلار قویوبدی فرقته کون و مکانی

مظلوم علی مظلوم علی مظلوم علی جان

بو گون قیامتدی جهان غرق عزادی
قاره چکوبلرگویلره ماتم سرادی
محراب طاعتده علی دینه فدادی
سالدی شرربو دل لره دل سوزانی

نیرّ دین بحروفا جود و سخا وت
رکن ایمان متن قرآن قرآنه زینت
هم اوزی حق هم سوزی حق حقدن عبارت
ئولدوردولر نمازاوسته صبحون زمانی

باشدان آخان قانی آخوب محرابی دولدی
حالدان گیدوب گوزیاشلاری مرهمی اولدی
قالدی ایکی گجه ولی گل کیمی سولدی
گوز یومدی آخرآچمادی بذل ایتدی جانی

زهرجفا آلدی توان قدرت بدندن
طاقتین آلموشدی یارا خیبرشکندن
گورسندی آثار محن وجه الحسندن
ماتم سرایه دوندروب باغ جنانی

باتدی هدایت چرخونون تابنده ماهی
تابشدن دوشدی مرتضی شمس الهی
اوج ایلدی عرشه بو گون بالالار آهی
آغلور یتیم لر سسلوری شاه ولانی

آلوشدی قلب مجتبی نار هجرانه
دوندی حسینون گوزده کی سرشگی قانه
زینب وکلثوم آغلوری گلموش فغانه
بیت علیده غم یمی سالدی طوفانی

بیر شورش اعظم اولوب حشره نشانـه
اُولدی علی مثل علی گلمز جهانه
ایل لر بویی اودی گلر(عدلی)فغانه
سوز یازسا آغلادار سوزی اهل عزانی

• چهارشنبه
• 17
• دی
• 1399
• ساعت
• 23:28
• نوشته شده توسط
• یوسف اکبری