اشعار ترکی امیرالمومنین علی(ع)

مرتب سازی براساس

شهادت حضرت علی(ع) -(بوریوب هرطرفی گؤی ده کی ماتم بوگئجه) * جواد حاجی حسینی(سدید هریسی)

۶۲۵

شهادت حضرت علی(ع) -(بوریوب هرطرفی گؤی ده کی ماتم بوگئجه) بؤرویوب هرطرفی گؤی ده کی ماتم بوگئجه
غم یاغیرسانکی فضادن یئره هردم بوگئجه

کائناته یائیلیب عالم معناده بوغم
نه فلک یاسه باتیب آغلایئرعالم بوگئجه

یاس دوتوب جمله ملائک بوعظیم فاجعه ده
شدت غمدن اولوب ایشلری برهم بوگئجه

چون صاباح صبحون اذانینده آغیرحادثه دن
وارخبرعرش معلاده مسلم بوگئجه

بویانارقانینه محراب عبادتده علی ،ع،
مقصدشومه چاتارزادهٔ ملجم بوگئجه

چون قفادن ووراجاق سجده ده مولا علینی
اودکی یاسه باتیب عالم وآدم بوگئجه

سون نمازی اولاجاق رهبردینین اونماز
اولاجاق قامت قدقامتی چون خم بوگئجه

باش آچیب صبحه کیمی اوخشائیب آغلارقلاجاق
حضرت فاطمه ،س،جنتده دمادم بوگئجه

نه فقط فاطمه جنتده عزابزمی قوروب
انبیاءیاسه باتیب رأسیده خاتم بوگئجه

نئجه قان آغلاماسین شیعه بوماتمده ،سدید
چونکی قان آغلوری پیغمبراکرم بوگئجه

داهاویرانه نشین لرگؤزی یول لارداقالار
اولاری ترک ائدجاق هامی وهمدم بوگئجه

ال چکن اولمیاجاق بیرده یتیم لرباشینا
آخاجاق اؤزلرینه گؤزیاشی نم نم بوگئجه

دای عدالتدن اثرقالمیاجاق دنیاده
واریئری عدله عزاساخلیا عالم بوگئجه

  • سه شنبه
  • ۱۲
  • اسفند
  • ۱۳۹۹
  • ساعت
  • ۱۲:۳۷
  • نوشته شده توسط
  • یوسف اکبری
ادامه مطلب
فروشگاه پرچم

شهادت حضرت علی(ع) -(وا مصیبت دگدی ضربت شیر داور باشینه) *مرحوم حسن غریق زنجانی

۶۹۷

شهادت حضرت علی(ع) -(وا مصیبت دگدی ضربت شیر داور باشینه) وا مصیبت دگدی ضربت شیر داور باشینه
قویدی جنتده الین زهرای اطهر باشینه

ظاهراً گر فرق پاک مرتضادن وردیلار
باطناً اما قلج دگدی پیمبر باشینه

بیلمیرم یارب نجه ظالمدی بو شمشیرزن
وردی الحق انبیانین یاره یکسر باشینه

گیسوان حضرت زهرا اولوب قاندان خضاب
گوئیا دگمیش یارا خاتون محشر باشینه

حضرت روح الامین باشدان وروب تاجین یره
گوردی زخمی گوئیا تنگ اولدی افسر باشینه

سینه چاک ائتدی حسینیله حسن قیلدی فغان
توکدیلر گوزیاشی وردیلار مکرر باشینه

پابرهنه مسجده گئتدی حسین و هم حسن
قیلدیلار اول دم نظر فتاح خیبر باشینه

گوردیلر محراب طاعتده اولوب غرق به خون
گردش ائتدی مسجد و محراب و منبر باشینه

ای عزیزان یادیمه دوشدی بو یرده کربلا
اکبرین ورموشدی یاره بیر ستمگر باشینه

سسلنوب سلطان مظلومانی گلدی یانینه
باخدی گوردی کیم دگوبدی یاره اکبر باشینه

باش اولوب منشق چون فرق علی المرتضی
بو یارا بنذور اوغول ساقیّ کوثر باشینه

گوتدی اکبر باشینی آلدی او دم آغوشینه
صورتین قویدی او دم القانه احمر باشینه

قیلدی فرمایش علی الدنیا و بعدک العفا
توکدی گوزدن قانلی یاش شبه پیمبر باشینه

ای علی جان قدیمی بوکدی فراقین آغلارام
کاش بو یاره دگیدی من دل اخگر باشینه

ایمدی بیلدیم باغلانور ماه مدینه قوللاری
کین ائله قمچی ورار آخر بو لشگر باشینه

بیرده سسلندی گوروب اکبر ائدوب عزم جنان
لیلینین سالمیش فراقی قاره معجر باشینه

ای«غریقا»باشه ویر آغلا حسین احوالینه
گوردی اکبر باشینی هم باخدی حیدر باشینه

  • سه شنبه
  • ۱۲
  • اسفند
  • ۱۳۹۹
  • ساعت
  • ۱۲:۴۷
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

شهادت حضرت علی(ع) -(علی ئولوبدی چراغ عدالت اولدی خموش) * محمدرضا محمدی (ناعم)

۵۰۷

شهادت حضرت علی(ع) -(علی ئولوبدی چراغ عدالت اولدی خموش) علی ئولوبدی چراغ عدالت اولدی خموش
شجاعتیله شرافت اولوبدی محنته توش

علینی سانما که اهل شقاوت ئولدوردی
اوشاهی دشمن عدل وعدالت ئولدوردی

اوقدر عادلیدی مرتضا او کنز وفــا
گورنمدی او شهون عدلینی گروه دغا

اجیر ایلدیلر بیر یهودیه بالاسین
نماز وقتی ییخوبدور یتیملر آتاسین

دوشوبدی بستر مرگه او میر ملک ولا
آخوردی قانی باشیندان ، دیلینده یازهرا

او خون دل که یئمیشدی جهاندا اول سردار
آخوب عذارینه باشدان ، یوزی اولوب گلنار

طبیب حاضر اولوب باشی اوسته سرعتیله
معاینه ائلدی مرتضانی دقتیله

حسینیله حسنی مورد خطاب ائلدی
طبیبِ عالمی بیر نسخه ده جواب ائلدی

دیوب بالالارینا سیز بُکایه حاضر اولون
قرا چکون بو سرایه ، عزایه حاضر اولون

بو سوزده بیت علیدن بکا اوجالدی گویه
حسین آغلادی یئردن نوا اوجالدی گویه

حسینون آغلاماقی ، شاهی غرق محنت ائدوب
غرض بالالارینا بیر به بیر وصیت ائدوب

دیردی آغلامیون ، ائتمیون داخی ناله
سیز آغلاسوز ، دوزه بیلمز علی بو احواله

بیلون علی اوگون ئولدی که حقی غصب اولدی
منافقون علمی ، عرش دینه نصب اولدی

بیلون علی اوگون اولدی که گوردی غوغانی
گوزی باخا باخا دشمن ویروبدی زهرانی

بیلون علی اوگون اولدی ، که عشقی کَف٘ن اولدی
بقیعده نیمهٔ شب دلستانی دفن اولدی

خلاصه یومدی گوزون پادشاه یوم جزا
فدای دین حق اولدی ، جهان او شاهه فدا

وئروبله غسل علینی حسن حسین اوگئجه
یووبلا سرور دینی ، حسن حسین اوگئجه

گییندیروبله کفن میرعشقه محنتیلن
جنازه حمل اولونوب چوخ جلال و عزتیلن

باخوردی صحنیه اشکین اَلوردی عزرائیل
جنازه نی آپارور جبرئیل و میکائیل

محمد حنفیه دیور بو جریانی
که مدفنه آپاراندا امام والانی

او شاهه انس وملک ، جنّیان ائدوب تکریم
اگیلدی داریله اشجار ، ایلیوب تعظیم

یئتنده بیریره گوردوک همان او اثناده
اولوبدی قبر شریفی قاباقدان آماده

بو حاله اهل سما محنتیله ناظردی
نه گوردوک اوندا که حتی لحدده حاضردی

باخاندا قبره گوروندی او یئرده بیر تخته
دوشوب شماره نفس ، حالتیم کئچوب سخته

یازیلمیشدی اونون اوستونه به خط جلی
بو قبری نوح نبی حفر ائدوب برای علی

قویوبلا قبره خلاصه او شاه ممتحنی
گوروبله آدم و ابراهیمی اودم علنی

رسول اکرمیلن فاطمه توکور گوزیاش
جناب مریم و سارا به دیدهٔ خونپاش

خلاصه دفن اولونوب پادشاه ملک شرف
او شاهه مأمن اولوب حشره جک دیار نجف

قلم بو یئره ده گینه مایل گریز اولدی
دوباره "ناعم" غمدیده اشکریز اولدی

دوشور خیالیمه بند فٶاد میر حنین
مزاره کرب و بلاده غریبه گئتدی حسین

علی حریر بهشتیله گرچه کفن اولدی
بوکولدی کهنه حصیره حسین دفن اولدی

  • سه شنبه
  • ۱۲
  • اسفند
  • ۱۳۹۹
  • ساعت
  • ۲۱:۴۵
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

شام غریبان حضرت علی(ع) -(قان آغلاگوزوم،موسم هجران علیدور) * محمدرضا محمدی (ناعم)

۵۵۳

شام غریبان حضرت علی(ع) -(قان آغلاگوزوم،موسم هجران علیدور) علی ئولوبدی چراغ عدالت اولدی خموش
شجاعتیله شرافت اولوبدی محنته توش

علینی سانما که اهل شقاوت ئولدوردی
اوشاهی دشمن عدل وعدالت ئولدوردی

اوقدر عادلیدی مرتضا او کنز وفــا
گورنمدی او شهون عدلینی گروه دغا

اجیر ایلدیلر بیر یهودیه بالاسین
نماز وقتی ییخوبدور یتیملر آتاسین

دوشوبدی بستر مرگه او میر ملک ولا
آخوردی قانی باشیندان ، دیلینده یازهرا

او خون دل که یئمیشدی جهاندا اول سردار
آخوب عذارینه باشدان ، یوزی اولوب گلنار

طبیب حاضر اولوب باشی اوسته سرعتیله
معاینه ائلدی مرتضانی دقتیله

حسینیله حسنی مورد خطاب ائلدی
طبیبِ عالمی بیر نسخه ده جواب ائلدی

دیوب بالالارینا سیز بُکایه حاضر اولون
قرا چکون بو سرایه ، عزایه حاضر اولون

بو سوزده بیت علیدن بکا اوجالدی گویه
حسین آغلادی یئردن نوا اوجالدی گویه

حسینون آغلاماقی ، شاهی غرق محنت ائدوب
غرض بالالارینا بیر به بیر وصیت ائدوب

دیردی آغلامیون ، ائتمیون داخی ناله
سیز آغلاسوز ، دوزه بیلمز علی بو احواله

بیلون علی اوگون ئولدی که حقی غصب اولدی
منافقون علمی ، عرش دینه نصب اولدی

بیلون علی اوگون اولدی که گوردی غوغانی
گوزی باخا باخا دشمن ویروبدی زهرانی

بیلون علی اوگون اولدی ، که عشقی کَف٘ن اولدی
بقیعده نیمهٔ شب دلستانی دفن اولدی

خلاصه یومدی گوزون پادشاه یوم جزا
فدای دین حق اولدی ، جهان او شاهه فدا

وئروبله غسل علینی حسن حسین اوگئجه
یووبلا سرور دینی ، حسن حسین اوگئجه

گییندیروبله کفن میرعشقه محنتیلن
جنازه حمل اولونوب چوخ جلال و عزتیلن

باخوردی صحنیه اشکین اَلوردی عزرائیل
جنازه نی آپارور جبرئیل و میکائیل

محمد حنفیه دیور بو جریانی
که مدفنه آپاراندا امام والانی

او شاهه انس وملک ، جنّیان ائدوب تکریم
اگیلدی داریله اشجار ، ایلیوب تعظیم

یئتنده بیریره گوردوک همان او اثناده
اولوبدی قبر شریفی قاباقدان آماده

بو حاله اهل سما محنتیله ناظردی
نه گوردوک اوندا که حتی لحدده حاضردی

باخاندا قبره گوروندی او یئرده بیر تخته
دوشوب شماره نفس ، حالتیم کئچوب سخته

یازیلمیشدی اونون اوستونه به خط جلی
بو قبری نوح نبی حفر ائدوب برای علی

قویوبلا قبره خلاصه او شاه ممتحنی
گوروبله آدم و ابراهیمی اودم علنی

رسول اکرمیلن فاطمه توکور گوزیاش
جناب مریم و سارا به دیدهٔ خونپاش

خلاصه دفن اولونوب پادشاه ملک شرف
او شاهه مأمن اولوب حشره جک دیار نجف

قلم بو یئره ده گینه مایل گریز اولدی
دوباره "ناعم" غمدیده اشکریز اولدی

دوشور خیالیمه بند فٶاد میر حنین
مزاره کرب و بلاده غریبه گئتدی حسین

علی حریر بهشتیله گرچه کفن اولدی
بوکولدی کهنه حصیره حسین دفن اولدی

  • سه شنبه
  • ۱۲
  • اسفند
  • ۱۳۹۹
  • ساعت
  • ۲۱:۴۹
  • نوشته شده توسط
  • یوسف اکبری
ادامه مطلب
 مهدی عبادی(بیکس)

درمناقب حضرت علی(ع) -(اولوبدی دیلده دوباره وردیم یا حیدر) * مهدی عبادی(بیکس)

۵۲۵

درمناقب حضرت علی(ع) -(اولوبدی دیلده دوباره وردیم یا حیدر) ا ولوبدی دیلده دوباره وردیم/یا حیدر۲
صفای قلبیم دوای دردیم/یا حیدر۲
همیشه فکریم همیشه ذکریم/یا حیدر۲

عشقی منه سرنوشتیدی
مجلسی دِیر و کنشتیدی
یوخومدی جنّاته رغبتیم
منه مزاری بهشتیدی

یا علی مولا علی علی

منیم جهاندا دار و نداریم /حیدردی۲
زمزمه ی هر لیل و نهاریم /حیدردی۲
منیم امامیم گوزل نگاریم/حیدردی۲

مُرشد قنبردی مرتضی
جلوه ی داوردی مرتضی
اوّل و ثانی نی نیلروخ
بیزلره رهبردی مرتضی

یا علی مولا علی علی

(امیر مُلک عشق و وفاسن/یا حیدر۲)
سَرور عالم شیر خداسن /یا حیدر۲
مریض عشقم درده دواسن/یا حیدر۲

سائلیوم من دیلده نوا
سائله احسان ایله آقا
دعوت ایله اوّل نجفه
کرب و بلایه یوللا صورا

  • پنج شنبه
  • ۲۱
  • اسفند
  • ۱۳۹۹
  • ساعت
  • ۱۵:۳۶
  • نوشته شده توسط
  • یوسف اکبری
ادامه مطلب
 مهدی عبادی(بیکس)

در وصف حضرت علی(ع) -(علی دور شیر داور ) * مهدی عبادی(بیکس)

۵۰۷

در وصف حضرت علی(ع) -(علی دور شیر داور ) علی دور شیر داور _ای وصی پیمبر
شیعیانه اولوبدی_ایکی دنیاده سَرور

«اوزوی شیر خدادی_ آدی درده دوادی
حیدرحیدر حیدر»

دیلده شور و نوادی_گول آدوی باصفادی_
یوخدی بیر آیری عشقیم_عشقیم کربوبلادی

قلبه صفا یتیشدی_وقت نوا یتشدی
هامی سسلور حسینی_ماه عزا یتشدی

ای شاه با کرامت _ ایله بیزه عنایت
عباسه خاطر ایله_کربوبلایه دعوت

دیلده بیرنیتیم وار_عشق زیارتیم وار_
سسله ماقا گول آدون_چوخداندی عادتیم وار

باخما خطا کارم من_گل یانیندا خارم من
نه اولار که بیرگورم_قبریوه زوارم من

سن فاتح خیبرسن_سن مظهرداورسن
هرکیمسه دوشسه دیللدن_مولا اونا یاورسن

روحوم سیخلدی غمدن_بو نغمه ماتمدن
دردیم دواسین آللام_ من بو قاره پرچمدن

  • جمعه
  • ۲۲
  • اسفند
  • ۱۳۹۹
  • ساعت
  • ۱۷:۳۴
  • نوشته شده توسط
  • یوسف اکبری
ادامه مطلب
 مهدی عبادی(بیکس)

عرض ارادت خدمت امیرالمومنین علی علیه السلام -(ای فخر کائنات آدون آب حیات) * مهدی عبادی(بیکس)

۷۳۹

عرض ارادت خدمت امیرالمومنین علی علیه السلام -(ای فخر کائنات آدون آب حیات) ای فخر کائنات/آدون آب حیات/
سن سن بابِ نجات/شیعیانه

ای یار مصطفی/سلطان ماسوا/
مست ایلیوب آقا/بو خُمخانه

سنله رونق تاپوب دین و آئین/
ولایتون اولوب تکمیل دین

درده هر کیم دوشه سنی سسلر/
جان و دلدن دیر مولا حیدر

سنسن آقا مشکل گشا/درد عشقه ایله دوا
سنه دیلدن وارعلاقم/سسلرم من یامرتضا

لبیکَ یا علی لبیکَ یاعلی لبیکَ یا علی
یامرتضی

باشدا شور ولا/قلبه ویردی جلا/
اولموشام مبتلا/الده ساغر

عشقین ترک ایتمرم/هیچ یره گیتمرم/
مقصوده یتمرم/جز با حیدر

شاه نجف منه مقتدادی/
درگهینده هامی چون گدادی

محبت جامه سین سویمارام من/
یاعلی سسلرم دویمارام من

سنسن آقا مشکل گشا/درد عشقه ایله دوا
سنه دیلدن وارعلاقم/سسلرم من یامرتضا

لبیکَ یا علی لبیکَ یاعلی لبیکَ یا علی
یامرتضی

سرو بستان علی/شیر یزدان علی/
شاه مردان علی/درده مرهَم

عشقه میزان علی/کامل انسان علی/
درده درمان علی/شاه عالم

عالم سندن اولوب طُرفه گلشن/
امیر مؤمنان فقط سنسن

عاشقون دشمنه باشین اگمز/
حیدردن اوزگه سین مولا بولمز

سنسن آقا مشکل گشا/درد عشقه ایله دوا
سنه دیلدن وارعلاقم/سسلرم من یامرتضا

لبیکَ یا علی لبیکَ یاعلی لبیکَ یا علی
یامرتضی

من مست کوثرم/دائم فخر ایلرم/
عاشق حیدرم/یار زهرا

دیلده حبّ ولی/سسلرم منجلی/
مولانا یاعلی/یا مرتضی

بو ولایت منیم گنجینم دی
عشق حیدر بویوک سرمایم دی

بولسون اهل جهان سروریمدور
افتخار ایلرم رهبریمدور

سنسن آقا مشکل گشا/درد عشقه ایله دوا
سنه دیلدن وارعلاقم/سسلرم من یامرتضا

لبیکَ یا علی لبیکَ یاعلی لبیکَ یا علی
یامرتضی

ای شاه هل اَتی/یاندیرمازلار اوتا/
ایله سن گر عطا/بو بی یاره

(بیکَس) و مضطرم/قووساندا گیتمرم/
من مست حیدرم/ایله چاره

لطف ایله یا علی بو مأیوسه/
یاز دوباره گلوم من پابوسه

جنّتدن باش اولوب او آستان/
او گوزل قبریوه مولا قربان

سنسن آقا مشکل گشا/درد عشقه ایله دوا
سنه دیلدن وارعلاقم/سسلرم من یامرتضا

لبیکَ یا علی لبیکَ یاعلی لبیکَ یا علی

یامرتضی

  • جمعه
  • ۲۹
  • اسفند
  • ۱۳۹۹
  • ساعت
  • ۲۱:۲۷
  • نوشته شده توسط
  • یوسف اکبری
ادامه مطلب
 مهدی عبادی(بیکس)

در مقامات حضرت علی(ع) -(یا قاهِرالعَدُو یا والی الوَلی) * مهدی عبادی(بیکس)

۸۳۹

در مقامات حضرت علی(ع) -(یا قاهِرالعَدُو  یا والی الوَلی) یا قاهِرالعَدُو / یا والی الوَلی
ای فَخرِ اوصیا / یا مرتضی علی (ع)

یا مرتضی علی (ع)

ای شاهِ محترم / ای عادتی کَرَم
نامِ شَریفیوی / عشقیله سَسلَرَم

دَرویشه شَه باخار / قلبی تاپار قرار
کَشکولِ سائلی / مولاسی دولدورار

بیر سائلم سنه / گَلدیم بو گلشنه
سَن بیل حسین جانی/ لطفیله باخ منه

ای عشقی دلپَذیر / اولدوم سنه اَسیر
فخریم بودور منه /سن سن منه امیر

ای اوّلین امام / ای شاهِ ذوالکرام
هر کس اوزی بولر / سن سن منیم آقام

ای فَخر کائنات / ای چشمه ی حیات
مولا غلامینه / تز تز یازار بَرات

ای شاهِ اوصیا / ایله بیزه عطا
اوّل نجف صورا/ بیر وقفه کربلا

ای حُجّتِ خدا / اولدوم سنه گدا
حیدر یولوندییَم / اللهه شکر اولا

قلبیمده وار شَرار / شَه نوکره باخار
(بیکَس) لرین اَلین /اربابیلر دوتار

  • جمعه
  • ۲۹
  • اسفند
  • ۱۳۹۹
  • ساعت
  • ۲۲:۰۶
  • نوشته شده توسط
  • یوسف اکبری
ادامه مطلب
 مهدی عبادی(بیکس)

عرض ادب خدمت امیرالمومنین علی علیه السلام -(سرور اهل جهان حیدر) * مهدی عبادی(بیکس)

۷۶۱

عرض ادب خدمت امیرالمومنین علی علیه السلام -(سرور اهل جهان حیدر) سرور اهل جهان حیدر
ای شه کون و مکان حیدر

دیل گینه اولدی سنه بیتاب
آدیوین عاشیقیم ارباب

سنه من دل ویرمیشم ای امیر دو عالم
قلبیمه عشقون سالیب گور نه غوغا دمادم
آدیوی من سسله سم اورگیمنن گیدر غم
یاحیدر(۲) یاحیدر (۲)

یا حیدر دییرم مدد آللام آقامنان
یاحیدر دییرم نجف آللام آقامنان

یاحیدر(۲) یاحیدر (۲)

فاطمه دلبری سن مولا
شیعه نین رهبری سن مولا

افتخار بشریت سن
منبع جود و سخاوت سن

توت الیمنن یاعلی بولوسن مبتلایم
ای کرامت معدنی آدیوا من فدایم
سن امیر مومنین سنه منده گدایم
یاحیدر(۲) یاحیدر (۲)

یاحیدر دییرم مدد آللام آقامنان
یاحیدر دییرم نجف آللام آقامنان
یاحیدر(۲) یاحیدر (۲)

زینت عرش و زمین سن سن آندولا فاطمیه تک سن

گلشن عشقون آقا سولماز
سنه هیچ کیمسه نظیر اولماز

لافتی الّا علی چاغیریب ذات ذوالمن
ذوالفقاروندان اولوب مصطفی دینی ایمن
الده شمشیری گوروب دورا بولمزدی دشمن
یاحیدر(۲) یاحیدر (۲)

یاحیدر دییرم مدد آللام آقامنان
یاحیدر دییرم نجف آللام آقامنان

یاحیدر(۲) یاحیدر (۲)

(بیکَسم‌ )قالمیشام آواره
بیر نظر سال بو گنهکاره

دِمیرم باغ و بهاریم سان
یاعلی دارونداریم سان

نچّه ایلدی سورونور بو گدا آستاندا
سیزین اُمّیدیزیله یاشادیم من جهاندا
نه اولور گل آقاجان منی قبره قویاندا

یاحیدر(۲) یاحیدر (۲)

یاحیدر دییرم مدد آللام آقامنان
یاحیدر دییرم نجف آللام آقامنان
یاحیدر(۲) یاحیدر (۲)

  • جمعه
  • ۲۹
  • اسفند
  • ۱۳۹۹
  • ساعت
  • ۲۲:۱۱
  • نوشته شده توسط
  • یوسف اکبری
ادامه مطلب
 مهدی عبادی(بیکس)

عرض ادب خدمت امیرالمومنین علی علیه السلام -(بلبل زارم، من دیل آچاندان گلزار حیدرده) * مهدی عبادی(بیکس)

۵۲۳

عرض ادب خدمت امیرالمومنین علی علیه السلام -(بلبل زارم، من دیل آچاندان گلزار حیدرده) بلبل زارم، من دیل آچاندان / گلزار حیدرده
نور خدانی ، تاپمیشام الحق /رخسار حیدر ده
بسدی جهاندا ،سائل کوی /آل عبا اولدوم
تااَبَدیّت ، منده دخیلم / دربار حیدرده

حیدری ام من(۲) عالمده حیدری ام

شاه ولایت، شمس دل آرا / گل آدی زیبادی
ا... آدیندان، مُشتَق اولوبدی /علیِ اعلادی
هرکسین عالمده کسی واردی /عیبی یوخ منیمده
بسدی بو فخریم ، حیدرآقامدی /عالمه مولادی

حیدری ام من(۲)عالمده حیدری ام

شکر اولا خالق، عشق علینی/اورگدیب گدایه
سفره قلبه ، نام علیدن /ورمیشم پیرایه
هرکس و ناکس، عشقینی دیلده/ قویمارام یول تاپسین
خانه قلبیم ، منزل اولوبدی /شاهِ لافتایه

حیدری ام من(۲)عالمده حیدری ام

یوخدی نظیری ، شاه ولانین /شانینده شَرفده
بیله دلاور گورمییب هیچ کس/سابقده سَلَفده
دردجهانه گوشه ی چشمین/سالسا درمان ایلر
چشم امیدی اهل ولانین /ایوان نجفده

حیدری ام من(۲) عالمده حیدری ام

چوخدی گناهیم ،شاهد عرضیم /بوروی زشتیم دی
مجلس مولا ، هاردا قورولسا/ دِیر و کنشتیم دی
آند اولا زهرا ،جانینه مولا/گتمرم قاپوندان
قبرشریفون ، خاک نجف ده/منیم بهشتیم دی

حیدری ام من(۲) عالمده حیدری ام

  • شنبه
  • ۳۰
  • اسفند
  • ۱۳۹۹
  • ساعت
  • ۰۹:۰۶
  • نوشته شده توسط
  • یوسف اکبری
ادامه مطلب
 مهدی عبادی(بیکس)

عرض ادب خدمت امیرالمومنین علی علیه السلام -(شاه ولاسن علی حیدر مدد) * مهدی عبادی(بیکس)

۷۱۶
۲

عرض ادب خدمت امیرالمومنین علی علیه السلام -(شاه ولاسن علی حیدر مدد) شاه ولاسن علی حیدر مدد
شیر خدا سن علی حیدر مدد

یا علی حیدر علی حیدر مدد

شمس و قَمر تابع حُکموندولر
مَنزلَتون چوخلاری بولموردولر
شأنیوی الله و پیمبَر بولر
اَهل عطا سن علی حیدر مدد

سنسن آقا بَنده ی خالق صفات
نام شریفون بیزه آب حَیات
حشریده عشّاقه ویررسن نَجات
کانِ سَخاسن علی حیدر مدد

ای یوزی آیینه ی حَیّ جَلی
دین خدا رونقی سنسن علی (ع)
اهل ولایه سن اولوبسان وَلی
میرِ هُداسن علی حیدر مدد

هانسی شَهین فاطمه تک یاری وار
اانسی قیزین سن کیمی دلداری وار
شیعه لرین سن کیمی غمخواری وار
شمس ولا سن علی حیدر مدد

جورِ زماندان اوره گیم خسته دی
دهریده دیل بیر سنه دیل بسته دی
گورنجه دیل عشقیوه وابسته دی
بسکی آقا سن علی حیدر مدد

عشقیویله عاشقی گَتدون دیله
قویما یانا قلبیمیزی نسگیله
بیرده بیزی قبریوه مهمان ایله
روحه صفاسن علی حیدر مدد

چوخدی غمیم، بیر یره چاتمور سَسیم
من نجه اُمّیدی سندن کَسیم
(بیکَسم) امّا آقا سنسن کَسیم
درده دواسن علی حیدر مدد

  • شنبه
  • ۳۰
  • اسفند
  • ۱۳۹۹
  • ساعت
  • ۰۹:۰۸
  • نوشته شده توسط
  • یوسف اکبری
ادامه مطلب
 مهدی عبادی(بیکس)

در منقبت حضرت علی(ع) -(ولای مرتضی معیار دین است) * مهدی عبادی(بیکس)

۸۷۹
۱

در منقبت حضرت علی(ع) -(ولای مرتضی معیار دین است) وِلای مرتضی معیارِ دین است
علی خود معنی حَبلُ المَتین است
ولیّ و حُجَّت اهل زمین است

کلام عاشقان تنها همین است
فقط حیدر امیرالمؤمنین است

علی بالاتر از وَهْم و خیال است
که وَصفش بر بَشَر کاری مَحال است
علی دستِ خدای ذوالجلال است

شکوهِ حیدری آری چنین است
فقط حیدر امیرالمؤمنین است

علی مَرحَب کُشِ میدانِ خیبَر
علی پیروزِ میدان، شیرِ داور
به خَتمُ المُرسَلین باشد برادر

علی نَفْسِ جنابِ یا و سین است
فقط حیدر امیرالمؤمنین است

علی سِرّ درونِ قلبِ آگَه
علی ذکرِ پیمبَر هر سَحَرگَه
علی مشگل گشای ماسوا...

علی رمزِ بقای عالمین است
فقط حیدر امیرالمؤمنین است

اگر چه بنده ی ناپاک و زِشتم
ولی نامِ علی بَر دل نوشتم
بُوَد بَزمِ ولایش چون بهشتم

دلیلش حرفِ عین و قاف و شین است
فقط حیدر امیرالمؤمنین است

به غیر از مرتضی مولا ندارم
شده از کودکی نامَش شعارم
خداوندا علی را دوست دارم

مرا خاکِ نجف، خُلدِ بَرین است
فقط حیدر امیرالمؤمنین است

علیدور ساقی و کوثردی زهرا
رموزِ قدرتِ حیدردی زهرا
یقیناً حیدره لشگردی زهرا

شعارِ فاطمه ناب و وَزین است
فقط حیدر امیرالمؤمنین است

نه واردور رَغبَتِ دِیر و کِنِشتیم
یَدِ قدرت یازیبدی سَرنوشتیم
اولوب خاکِ نَجف اصلی بهشتیم

علی آرامشِ قلبِ حَزین است
فقط حیدر امیرالمؤمنین است

چخاندا عاقی اوز منزلیندن
علی آدی اونون دوشمز دیلیندن
دوتار (بیکَس) لرین حیدر اَلیندن

ندای یا علی فَتحُ المبین است
فقط حیدر امیرالمؤمنین است

  • شنبه
  • ۳۰
  • اسفند
  • ۱۳۹۹
  • ساعت
  • ۰۹:۱۲
  • نوشته شده توسط
  • یوسف اکبری
ادامه مطلب
 مهدی عبادی(بیکس)

در جلالت حضرت علی(ع) -(حیدر اولوبدی نفس پیمبر ساقی کوثر) * مهدی عبادی(بیکس)

۷۵۵

در جلالت حضرت علی(ع) -(حیدر اولوبدی نفس پیمبر ساقی کوثر) حیدر اولوبدی نفس پیمبر_ ساقی کوثر
لایق شأن حیدردی اولسون _ عالمه رهبر

نور جمالی ایدوبدی روشن ارض و سمانی

چکر بهشته لطفیله باخسا اهل ولانی

سروریم عالمده علیدور
رهبریم عالمده علیدور
آیری کسه ویرمه میشم دیل
دلبریم عالمده علیدور

علی حیدر مدد یاعلی حیدر مدد

أله دوشوبدی گینه بهانه_ اوخور ملکلر
دیلده ترانه چوخ عاشقانه_ حیدری سسلر

علی پناه اهل جهاندی نور ازلدی
یوخدی نظیری هر ایکی عالم آدی گوزلدی

علی امام متقین دی
نور رخی نور مبین دی
کوری دشمنان مولا
حیدر امیر مؤمنین دی

علی حیدر مدد یاعلی حیدر مدد

راه سعادت راه علیدور_ مشق علیدور
زینت دنیا عزت عقبیٰ _ عشق علیدور

مرید حیدر ایکی جهاندا اهل شرفدی
منیمده فخریم بودور امامیم شاه نجفدی

چون او شهین نوکریم من
دهریده خاک دریم من
لطفیله زهرا منه باخدی
فخر ایدرم حیدریم من

علی حیدر مدد یاعلی حیدر مدد

دیمم کی مولا شیعیم اما_ سنه غلامم
(بیکَسم) آقا اوزون بولورسن_ قرادی نامم

شکسته قلبه ای شه عالم اوزون صفا ویر
گلیر محرم حسینه خاطر کرب و بلا ویر

زخم دیلی گینه بیتیرّم
قاره علم اله گوتورم
گللم اجازه سندن آلام
کرب و بلایه من یتیرّم

علی حیدر مدد یاعلی حیدر مدد

  • شنبه
  • ۳۰
  • اسفند
  • ۱۳۹۹
  • ساعت
  • ۰۹:۱۷
  • نوشته شده توسط
  • یوسف اکبری
ادامه مطلب
 مهدی عبادی(بیکس)

سرود ولادت حضرت علی(ع) -(ای مولود کعبه یا مرتضی) * مهدی عبادی(بیکس)

۶۸۲

سرود ولادت حضرت علی(ع) -(ای مولود کعبه یا مرتضی) ای مولودکعبه یا مرتضی
ای شیر خدا همسر زهرا

شاه ولا علی ، روحه صفا علی ، درده دواعلی

مولانا یا علی

سن دست خدای لم یزل سن
گوزل لر ایچینده بی بدل سن

شیرلم یزلی ، ای آللهه ولی ، سسلرم یا علی

مولانا یا علی

کعبه سندن تاپدی آیری صفا
زینت لنوب بوگون بیت خدا

شاه مردان علی ، شیریزدان علی ، درده درمان علی

مولانا یا علی

سن مظهر آیات خداسن
منبع جود و لطف و سخاسن

ای شه ماسوا ، ای معدن عطا ، شَهلر سنه گدا
مولانا یا علی

من گدای کوی حیدر اولدوم
من مست ساقی کوثر اولدوم
جانیم سنه فدا ، ایله بیزه عطا ، نجف یا کربلا

مولانا یا علی

ای(بیکَس)لرین پشت و پناهی
ای اهل عالمین پادشاهی

سنسن نورِ مُنیر،عشقیوه دیل اسیر،ای عالَمه امیر

مولانا یا علی

  • یکشنبه
  • ۱
  • فروردین
  • ۱۴۰۰
  • ساعت
  • ۱۸:۲۱
  • نوشته شده توسط
  • یوسف اکبری
ادامه مطلب
 امین اسماعیل زاده ماکوئی

در مدح حضرت علی(ع) -(شرف ملکینده سردار مسلمانه سلام اولسون) * امین اسماعیل زاده ماکوئی

۵۱۲

در مدح حضرت علی(ع) -(شرف ملکینده سردار مسلمانه سلام اولسون) شرف ملکینده سردار مسلمانه سلام اولسون
امیرالمومنین آدین ده تا شیرین کلام اولسون

علی بنیان ائدن مکتب پوزولماز تا جهان واردی
تشیع باشینه الله گوروم لطفی مدام اولسون

عدالت شاهی تنهادی بو قدری احتشام اولماز
علینون چون قباقینده گرک شاهان غلام اولسون

علیّاً مرتضیٰ حیدر فقط معروف اولان آد دور
و اِلّا شأنینه مدحت گرک مین بیله نام اولسون

زکات و روزه و خمسون امامت سیز قبول اولماز
اذانین ده ولی الله ده اعمالون تمام اولسون

مین ایل منت کش اول شاید که آدون نوکر آدلانسون
عَلیه هامّی یکساندی اگرچه خاص و عام اولسون

اگر مایل سن ایمانون خداونده گوره آرتسون
دل آگاه امته مندن بو سوز روشن پیام اولسون

گئدوبسن کعبه یه یوز یول اگر ناز ایلمه ای دل
علی سیز کعبه بیر داشدی دگول واجب مقام اولسون

خدا شخصاً علینون زادگاهین کعبه یه سالدی
دولانسون باشینه دونیا هدف شأن امام اولسون

بو بیتیم بیت سبحانین گرک طاقینده حک اولسون
بهشت حجّاجِ غافل چون که تا بیر فکر خام اولسون

مسیحی و یهودیدن دوتوب تا شیعه و سنّی
عَلیه اولماسا عشقی اونا جنّت حرام اولسون

  • دوشنبه
  • ۲
  • فروردین
  • ۱۴۰۰
  • ساعت
  • ۲۳:۳۲
  • نوشته شده توسط
  • یوسف اکبری
ادامه مطلب
 امین اسماعیل زاده ماکوئی

مخمس زبانحال حضرت علی(ع) و گریز به کربلا -(حق راهینی درک ائتمدیلر کوفه نین اهلی) * امین اسماعیل زاده ماکوئی

۴۸۴

مخمس زبانحال حضرت علی(ع) و گریز به کربلا -(حق راهینی درک ائتمدیلر کوفه نین اهلی) حق راهینی درک ائتمدیلر کوفه نین اهلی
زهر ایلدیلر شیعه لرون کامینه نحلی
طوفان شقاوت بورویوب زمرۀ جهلی
الله قانینی جاری ائدوب زادۀ ملجم
زینب باشنا دوشدی گئنه سایۀ ماتم

غرق ائتدی ولا هیکلینی باشدا کی قانی
شمشیرون ائدوب زهری اثر تیتردی جانی
دوردی ایاقا یوخ ولی جسمونده توانی
محرابیده بیر کینه لی اوخ قلبینی دلدی
باش یاره لی بیلمم که نئجه منزله گلدی

بیر نوعی گلوب منزله لیک فرقیده یاره
ابناتی سفارش ائلدی صبر و قراره
سسلندی گله زینبینی ایلیه چاره
عرض ائتدی قیزیم حق إوینه یئتملیم من
اوچ گون صورا زهرا یانینا گئتملیم من

چوخ آغلاما زینب اؤرگین ائتمه مکدّر
راضیدور آتان بیل بونو ای عاشق مادر
ئولدی آناوین قاتلینی گؤرمویه حیدر
باش یاره سینی باغلاماقی ایندیدن اؤرگش
هر بیر یارایا آغلاماقی ایندیدن اؤرگش

وار کوفه ده بیر غملی قویی،درده دوادی
گیزلین او قدر آغلامیشام غرق بکادی
زینب او سودان یاخ سینه وه یاخشی شفادی
مظلوم آتاوین جانی او تک لیقده أسوردی
زهرایه گوره ئولماقینا چوخ تلسوردی

بیر یئر اولاجاق بیرده قیزیم آغلیاجاقسان
عمرون بویو اوندان صورا یاس ساخلیاجاقسان
بیر گون گلجاق هر یارانی باغلیاجاقسان
دگموش باشیما ایندی هله بیر یارا زینب
مین یاره بیلرسن که هارا، بو هارا زینب

دوران دولانیب آل علی مشکله دوشدی
گلدی او زمان سوز عطش هر دیله دوشدی
نهر اوسته عدونین طمعی بیر گوله دوشدی
سقانی ییخان وقتده اول اهل شقاوت
حیدر بالاسی،حیدره عرض ائتدی شکایت

سسلندی بو سینم داغیلان گلشنه بنزر
ای شاه ولا هانسی ئولن بیر منه بنزر
شمشیر اثری هاردا عمود آهنه بنزر
دالدان سنه بیر ضربه دگوب سجده ائدنده
دگدی منه یوز دن ولی اخیامه گئدنده

سن که آقاجان دوشمدی قوللار بدنوندن
شرمنده دگولسن منه تای سو محنوندن
عباسوه مین یاره دگوب جسم و تنونن
ارث اولدی سنون تک بیری ده باشیمه دگدی
قان آخدی یارامنان گؤزومه،قدّیمی أگدی

  • دوشنبه
  • ۲
  • فروردین
  • ۱۴۰۰
  • ساعت
  • ۲۳:۴۱
  • نوشته شده توسط
  • یوسف اکبری
ادامه مطلب
 امین اسماعیل زاده ماکوئی

در مدح حضرت علی(ع) -(علی یعنی همان عشق الهی) * امین اسماعیل زاده ماکوئی

۴۵۱

در مدح حضرت علی(ع) -(علی یعنی همان عشق الهی) علی یعنی همـــــان عشــــق الهی
علی یعنی شرافت جلــــوه گاهی
علی یعنی سعـــــادت شــاه راهی
علی یعنی که اسلامــــین سپاهی
علی یعنی که طاهانیــــــن نگاهی
علی یعنی که منجی نون سلاحی
علی یعنی بتولیــــن گیزلیـن آهی
علی یعنی گویون ایشیقلی ماهی
علی یعنی سؤزون غربتلی چاهی
علی یعنی مساکینـــــون پناهـــی

علی عالملره سلطانـــــــــدی والله
بو جانیـــم عشقینه قرباندی والله

من اول جانم که جانانیم علی دور
مسلمانم کــــه قرآنـــــیم علی دور
بهشتـــــیم باغ رضوانیم علی دور
چولوم دشتیم بیابانیـــم علی دور
گول اولسام دا گلستانیم علی دور
بهاریـــــم هــم زمستانیم علی دور
غلامم شـــاه شاهانیـــــم علی دور
آخان رگ لرده کــی قانیم علی دور
کتـــــاب و دین و ایمانیم علی دور
نوشـــــت روی پیشانیــم علی دور

چاغیررام من همیـــــشه حیدر آدین
عبــــادت دور ائده هر کیمسه یادین

بشر سرمستـــــیدور سرمست جامـــــون
قویوب حیرتـــــده دونیانـــــی مرامــون
ازل دن تـــــا ابد فاتـــــح دی نــامـــــون
سن اول شه سن که شاهان دور غلامـون
ضمانـــــت ائتـــــدی اسلامـــــی قیامون
بیـــــزه سرمشقـــــیدور پنـــــدِ کلامـون
ملائک لــــــــــر دی شیــــــــدای مقامون
((امین)) مشتاقیـــــــدی آلسون سلامون
هامی آمــــــــــاده دور آلسون پیامــــون
آلاخ حـــــــق منکرینـــــدن انتقامـــــون

بقیع ده شیعـــــه لـــــر کاشانه قورسون
علی پرچـــــــــم لرون دونیایه وورسون

  • سه شنبه
  • ۳
  • فروردین
  • ۱۴۰۰
  • ساعت
  • ۱۴:۰۵
  • نوشته شده توسط
  • یوسف اکبری
ادامه مطلب
 امین اسماعیل زاده ماکوئی

در مدح حضرت علی(ع) -(غلام تک فقط عزّت لی شاهه یالوارارام) * امین اسماعیل زاده ماکوئی

۶۸۵

در مدح حضرت علی(ع) -(غلام تک فقط عزّت لی شاهه یالوارارام) غلام تک فقط عزّت لی شاهه یالوارارام
کلان ستاره لردن اؤتری ماهه یالوارارام

علینون عشقی وئریبدور امانی یازماغیما
چکن پناهه منی سر پناهه یالوارارام

گداسینه شرافتی وئرن اؤزیدور علی
نه تخت خانلارا باخیب نه جاهه یالوارارام

علینون اولسا دشمنی گئجه مثالی منه
نماز شب اَداسینه صاباحه یالوارارام

ثوابی گؤرسم اگر کی علینی ردّ ائلیور
جهنم حسرتیله من گناهه یالوارارام

ضمانتیم علینون عشقی دور جزا سحری
خلوصیلن بو دیلیمده گواهه یالوارارام

ائشیدوب آنلاماسین بعضی لری سؤزلریمی
همزبان آختارینجا قعر چاهه یالوارارام

علیّه نوکر اولاننان یولوم مشخصیدور
باخمارام صاق و صولا شاهراهه یالوارارام

  • چهارشنبه
  • ۴
  • فروردین
  • ۱۴۰۰
  • ساعت
  • ۲۱:۳۲
  • نوشته شده توسط
  • یوسف اکبری
ادامه مطلب
کربلایی رحیم فیضی اردبیلی

عشق حضرت علی(ع) -(خدا قدرت نشان ویردی) *کربلایی رحیم فیضی اردبیلی

۸۳۶

عشق حضرت علی(ع) -(خدا قدرت نشان ویردی) خدا قدرت نشان ویردی
بیزه جام جهان ویردی

زمین ویردی٬ زمان ویردی
سما و کهکشان ویردی

یاراتدی کافره دوزخ
مسلمانه جنان ویردی

علی تک مقتدا٬ سرور
امام اِنس و جان ویردی

ولیکن شیعه قلبینده
گوزل عشقِ نهان ویردی

علینون عشقینه هر کَس
اورکده تا مکان ویردی

به عشق مرتضا اللّه
اونا خطّ امان ویردی

  • پنج شنبه
  • ۵
  • فروردین
  • ۱۴۰۰
  • ساعت
  • ۱۱:۲۰
  • نوشته شده توسط
  • یوسف اکبری
ادامه مطلب
کربلایی رحیم فیضی اردبیلی

در مدح حضرت علی(ع) -(یاعلی سن سن شرف درسین روایت ایلیَن) *کربلایی رحیم فیضی اردبیلی

۵۷۴

در مدح حضرت علی(ع) -(یاعلی سن سن شرف درسین روایت ایلیَن) یاعلی سن سن شرف درسین روایت ایلیَن
جنگیلرده ذوالفقاریله قیامت ایلیَن

ای اولان فخر زمین و زینتِ عرش برین
شیعه نی روز قیامتده شفاعت ایلیَن

اوز طعامونده ویرَردون تا بیری آج یاتمیا
ای یتیم و بینوالردن حمایت ایلین

ای دوتان هر گون اوروج افطاریسیز یامرتضیٰ
نان خُشکه وقت افطاری قناعت ایلیَن

پادشاه باشرف٬ والانسَب٬ عالی مقام
یوخدی عالَمده سنون تک٬ دوز قضاوت ایلیَن

  • پنج شنبه
  • ۵
  • فروردین
  • ۱۴۰۰
  • ساعت
  • ۱۱:۳۲
  • نوشته شده توسط
  • یوسف اکبری
ادامه مطلب
کربلایی رحیم فیضی اردبیلی

در مدح حضرت علی(ع) -(یاعلی نغمهٔ تکبیروه یر گویلر اَسر) *کربلایی رحیم فیضی اردبیلی

۹۸۷

در مدح حضرت علی(ع) -(یاعلی نغمهٔ تکبیروه یر گویلر اَسر) یاعلی٬ نغمهٔ تکبیروه یِر گویلَر اَسَر
ذوالفقارون کیمی عالمده آقا یوخدی کَسَر

سوزلرون وصلیدی سرچشمهٔ قرآنه آقا
جان فزا خطبه لرون داغ داشادا ایلر اَثَر

آدیوی ذکر ائلَمَک اوج فضیلتدی بیزه
یاعلی سسلمگه روحِ مسیحا تَلَسَر

مرحبا غیرتی دریا٬ اوجا قامت بالُوا
که اولوب شیعه لره حبل متین٬ نور بصر

صبری یوخ٬ غیرتی چوخ٬ تاب ائلَمز یاوه سوزه
سنی سَبّ ایلیَنون ریشه سینی فوری کسَر

غیض ائدن وقته ابالفضل آقامی گورسه اگر
روح شیطاندا دوشر وحشته یاپراق تک اَسَر

(فیضی) آغلار گوزیله قات سوزی علقم سوزینه
یاز عمود آهنیلن پارچالانوب کاسهٔ سَر

  • پنج شنبه
  • ۵
  • فروردین
  • ۱۴۰۰
  • ساعت
  • ۱۱:۳۷
  • نوشته شده توسط
  • یوسف اکبری
ادامه مطلب
کربلایی رحیم فیضی اردبیلی

شجاعت حضرت علی(ع) -(ذوالفقارین قوزیاندا خوف ائدردی کهکشان) *کربلایی رحیم فیضی اردبیلی

۷۳۱
۱

شجاعت حضرت علی(ع) -(ذوالفقارین قوزیاندا خوف ائدردی کهکشان) ذوالفقارین قوزیاندا خوف ائدردی کهکشان
قورخیدان یِر تیتریَردی٬ گوز یوماردی آسمان

تا دوشردی جنگیده خَم حیدرین ابروسینه
جبرئیل بوسه ویراردی مرتضا بازوسینه

بیر بئله طوفان سالاردی ضربِ شصتِ مرتضا
جعفر طیّار و حمزه٬ سسلنردی مرحبا

خالق یکتا یانیندا شأن بی همتاسی وار
حیدرین هر بیر آدیندا اللّی مین معناسی وار

واهمه اصلا سیغیشمازدی علی قاموسینه
حیدرین عشقی چوخیدی حضرت بانوسینه

بو سوزه عشق ایلسون هر شیعه نون احساسی وار
ذوالفقارین تولیاندا محشر کبراسی وار

یوخ تعجّب بیر بئله نیروسی وار یاراسی وار
پهنهٔ بازوده بازوبندِ یا زهراسی وار

  • پنج شنبه
  • ۵
  • فروردین
  • ۱۴۰۰
  • ساعت
  • ۱۱:۵۲
  • نوشته شده توسط
  • یوسف اکبری
ادامه مطلب
 محمد حیدری امندی

عمروعاص -(عمروعاصین یوزونه بو سوزی بیر گون دئدیلر) * محمد حیدری امندی

۵۷۱

عمروعاص -(عمروعاصین یوزونه بو سوزی بیر گون دئدیلر) عمروعاصین یوزونه بو سوزی بیر گون دئدیلر
نیه هرگون صف حیدرده نماز ایلیوسن؟

آجالان وقته نیه خوان معاویه ده سن؟
گئدیب او سفرده هی رفع نیاز ایلیوسن؟

دئدی واللهی علینون نامازی سویملیدی
طاعتی.ذکری.آلان دستامازی سویملیدی

اما بیرسوزده کی وار قلبیده.واضح دییرم
آجالان وقته معاویه غذاسین ییرم

  • یکشنبه
  • ۸
  • فروردین
  • ۱۴۰۰
  • ساعت
  • ۱۱:۲۸
  • نوشته شده توسط
  • یوسف اکبری
ادامه مطلب
 محمد حیدری امندی

غزلی در مدح حضرت علی(ع) -( آتاسیزلار آتاسی یارسیزا یاوردی علی) * محمد حیدری امندی

۷۷۸
۱

غزلی در مدح حضرت علی(ع) -( آتاسیزلار آتاسی یارسیزا یاوردی علی) آتاسیزلار آتاسی یارسیزا یاوردی علی
حق صراطینده جانیندان گئچن افسردی علی

آتش حقیده یاندی،دئدی حق جان،آلسین
حقین هر یئرده آدین، خاطرین ایستردی،علی

نه یاراتدی یارادان ،گلدیده گتدی آرادان
قالاجاخ حشره تکین ازل و آخردی علی

شانینه هرنه قدر یازسا یازانلار ،آزدی
حسنینین آتاسی،شیرحق،حیدردی علی

عرشین اهلی آدینا ناظریدی حیرتیلن
یارانان خلقیدن آللهدا دییر،سر دی علی

آل الیندن آقانین ایچ قدح عشقیدن
داتگیلان عشق دادین ساقی کوثردی علی

آی دئسن آی کی دگیل، آیدا گئدر دالدالانار
تانریدان شیعه لره هدیه ی دیگردی علی

  • یکشنبه
  • ۸
  • فروردین
  • ۱۴۰۰
  • ساعت
  • ۱۱:۳۶
  • نوشته شده توسط
  • یوسف اکبری
ادامه مطلب
 محمد حیدری امندی

در مدح حضرت علی(ع) -(یاد ائله بیر گونوکی شمس و قمر باهمیدی) * محمد حیدری امندی

۵۳۶

در مدح حضرت علی(ع) -(یاد ائله بیر گونوکی شمس و قمر باهمیدی) یاد ائله بیر گونوکی شمس و قمر باهمیدی
حجیدن هامی قیتمشدی عجب عالمیدی
آغ قرا اوردا قاریشمشدی هامی درهمیدی
امر ائدن حقیدی اجرا ائلیین خاتمیدی
هاردا وار امر خدا اوردا علی آدی گلر
شیعه دن کیم دئسه یا ،اوردا علی آدی گلر

یعنی مندن سورا عشق اهلینه مولادی علی
نور سایاقیندا بو دونیایه تجلادی علی
منده کی عالی صفاته ئوزی دارادی علی
علمیده ،حلمیده،ایمانیده دریادی علی
گلسه طوفان و بلا اوردا علی آدی گلر
هاردا حقدن یازیلا اوردا علی آدی گلر

ندن عالم بئله مستانه علی عاشقیدی
سری وار عاقل و دیوانه علی عاشقیدی
ساقی و ساغر و پیمانه علی عاشقیدی
اودونا یانسادا پروانه علی عاشقیدی
نور هاچان ناره یانا اوردا علی آدی گلر
هاردا وار اهل ولا اوردا علی آدی گلر

  • یکشنبه
  • ۸
  • فروردین
  • ۱۴۰۰
  • ساعت
  • ۱۱:۳۷
  • نوشته شده توسط
  • یوسف اکبری
ادامه مطلب
 سیدبشیر حسینی میانجی

غزل میلاد حضرت علی(ع) -(ساقى گتور پياله نى دلدارين عشقينه) * سیدبشیر حسینی میانجی

۴۶۹

غزل میلاد حضرت علی(ع) -(ساقى گتور پياله نى دلدارين عشقينه) ساقى! گتور پياله نى دلدارين عشقينه
سرمست و سرخوش ايله منى يارين عشقينه

دُرديله درديمه ائله درمان آمان آمان
گؤز تيكموشم او ساغرِ سرشارين عشقينه

وئرميشديلر خبر منه، ياريم بو گون گلر
بير لحظه ياتماديم گئجه ديدارين عشقينه

بو لبلريمله ئوپسم اگر جام لبلرين
بسدور كه دوشمرم داها هوشيارين عشقينه

قرآندا كى شراب طهورين خمارى‏ام
من، مى، پرستم احمد مختارين عشقينه

شكر اولسون آللّها كه اوركدن وريلموشام
هم قرآنين هم عترت اطهارين عشقينه

فخر ايلرم كه كعبه منه قبله گاهيدور
قيلاّم نمازى محرمِ اسرارين عشقينه

كعبه آچوبدى قولاّرينى بير اوزوك كيمين
قاشى اولوب على، حق دادارين عشقينه

بير نوريدندى نور نبىّ و على، اودور
گون، آى، چيخولاّ سيره او انوارين عشقينه

بير ذرّه‏ام فضاى ولايتده بی قرار
گلديم بو مجلسه شه ابرارين عشقينه

يارب بو جشنى ايله «پسنديده»دن پسند
قورموش بو بزمى حيدر كرّارين عشقينه

بير بولبولم فقط اوخورام باغ عشقيده
دوشمم بير اوزگه گلشن و گلزارين عشقينه

مستانه يازدى لوح ديله بير غزل «بشير»
احسن دئسوز ديون اونا اشعارين عشقينه

  • دوشنبه
  • ۱۶
  • فروردین
  • ۱۴۰۰
  • ساعت
  • ۱۷:۵۱
  • نوشته شده توسط
  • یوسف اکبری
ادامه مطلب
 سیدبشیر حسینی میانجی

شهادت حضرت علی(ع) و گریز به حضرت ابوالفضل(ع) -(فرشيده بير ظلم اولوب عرش معلاّ تیتردی) * سیدبشیر حسینی میانجی

۵۹۴

شهادت حضرت علی(ع) و گریز به حضرت ابوالفضل(ع) -(فرشيده بير ظلم اولوب عرش معلاّ تیتردی) فرشيده بير ظلم اولوب عرش معلاّ تتردى
بير مصلّى دوشدى توپراقه مصلاّ تتردى

مرتضي ائودن چيخاندا دامنين دوتدى قاپى
يالواروب معناده گئتمه اهل معنا تتردى

كوچه‌ده قوشلار قاباقلادى او صمصام حقى
گوردى امّ كلثوم اُول حالى سراپا تتردى

قوش نه قوش اونلار ملكدى يالوارور گئتمه على
ديلّرى‌جك سويله‌دى انّا فتحنا تتردى

هر زادين فكرين آتوب باشدان به جز عشق وصال
حيدرين عشقينده حيران اولدى حورا تتردى

عازم اولدى دلبر و دلدارينون ديدارينه
آدّمين آتدوقجا آغلادى بو غبرا تتردى
مسجدين اوسته حجازى لحنيلن وئردى اذان
تا دئدى اللَّه و اكبر كلّ دنيا تتردى

لحنينه غبطه ائدوب داود خوش الحان او دم
مات ائدوب راحيلى، حتّى روح عيسي تتردى

وارد محراب اولوب عشقيله فتّاح الحُروب
نورينون گؤردى تجلاّسينى موسي تتردى

بيلمدى محرابدور يا طور سينادور او يئر
گوئيا اَرْنى دئدى ائتدى تمنّا تتردى

باشلادى معراج عشقين حيدر دلدل سوار
شوقيدن اُول «قابَ قَوْسَيْنَ اَوْ اَدنى» تتردى

گلدى كوفه اهلى باشلاندى جماعتلن نماز
ماسوى‏اللَّه قلبى گلدى درده يك‌جا تتردى

صف چكوب معناده بير عدّه ملك مأموم اولوب
ايلدى بير عدّه‌ده گؤيدن تماشا تتردى

بعضى سؤيلوردى كه حيف اولسون او قدّ و قامته
قدسيان كرّوبيان غمدن هويدا تتردى

بعضى سويلوردى نماز آخرين ايلور ادا
آخرين نيّت ائدنده دست بيضا تتردى

تا اگوب قدّين على ائتسين ركوع آخرين
گلشن و گلزاريده هر سرو رعنا تتردى

اوّلين سجده قوتولدى، شه ايكمجى سجده‌ده
ذكر ائدوب سُبحانَ ربّى روح طاها تتردى

قووزياندا باشينى باش آشدى حوراى جنان
باشه ووردى بى گمان جنّتده زهرا تتردى

اى ديليم لال اول دئمه واضح نه اولدى اول زمان
چون مجسّم ايلديم جسميمده اعضا تتردى

ابن ملجم ايكّى الّى قؤزادى شمشيرينى
ايله‌دى اوندا تزلزل دشت و صحرا تتردى

نعره چكدى ووردى ظالم تيغ زهرآلودينى
جنگ خندقدن قالان زخم مسمّي تتردى

آى كيمين منشقّ اولوب باشى سوزولدى قان يوزه
گول جمالى قانيلن اولدى محنّا تتردى

جبرئيل سسلندى آى مردم بيلون ئولدى على
قان ايچينده بو سوزى ذكر ائتدى مولا تتردى

كعبه‌نين آللّهينه آندا ولسون اولدوم رستگار
قاره گييدى كعبه هم اُول چرخ خضرا تتردى

تتردى داغلار، تلاطم ايله‌دى درياى غم
آشنالر آغلاشوب مسجدده اعدا تتردى

تا خبردار اولدى مولانين گوزل اوغلانلارى
آلديدلار دورين او دمده قانلى مأوا تتردى

باشينى آلدى ديز اوسته مجتبي‌سى باغلادى
آغلادى مظلوم حسين ابر شكيبا تتردى

چكدى شمشيرى غلافيندن ابالفضل رشيد
غيرتيندن سرو تك اسدى او سقّا تتردى

امر ائدوب شيرخدا، چكمه هله شمشيريوى
گوئيا عبّاس تك شمشير بُرّا تتردى

يعنى چكمه تيغوى احياده، عاشوراده چك
كئچدى اون دوقوز ايل اولدى روز غوغا تتردى

روز عاشورائيدى احيا گونون ياده سالوب
غيضيلن شمشير چكدى، قوم ادني تتردى

گه ديورى ياعلى سندن مدد گه ياحسين
حمله ور اولدوقجا حتّى سنگ صخرا تتردى

فورى فتح ائتدى فراتى، چوخ سوسوزلوقدان اونون
پارچالانميش لب لرينه باخدى دريا تتردى

دريا قورتولمازدى ايچسيدى وليكن ايچمه¬دى
اووجونى دولدوردى توكدى دست يُمنا تتردى

سويلدى اصغر سوسوزدى من ايچه بولمم سويى
عكسينى گؤردى سودا اُول چشم زيبا تتردى

مشكينى لبريز ائدوب قصد خيام ائتدى، ولى
سالديلار قولاّرينى، تلّ اوسته آقا تتردى

اوخ وروبلار مشكينه اوخلاندى گويا صاغ گوزى
حشر صغري گورسنوبدور حشر كبري تتردى

مرتضي نين باشى تك باشى بولوندى عاقبت
حضرت زهرا گلوب معناده گويا تتردى

باخدى عبّاسين ياريلميش باشينه ووردى باشا
سسلدى اي واى ابالفضل واحسينا تتردى

كربلا شاهى گلوب قويدى بئلينه اللّرين
واي دئدى سيندى بئليم اول شاه بطحا تتردى

اى وزيريم شاهيوى دور قويما تك ميدانيده
باخدى شاهه اول وزير ماه سيما تتردى

سؤيله‌دى عفو ائت منى قارداش خجالت اولموشام
تا ائشتدى بو سؤزى شاه دل آرا تتردى

درد دل ائتدى گونيلن آى، اُفول ائتدى قمر
گلدى اولدوزلار نوايه چرخ مينا تتردى

فاطمه باخدى ايكى قارداشه بيردن آغلادى
ناله سين جنّتده آلدى جسم لعيا تتردى

آيريلوب گلدى خيامه ييغدى باشه عترتين
خيمه‏ى عبّاسه گلديلر او مأوا تتردى

پايه¬سين چكدى داغيلدى خيمه، قيزلار آغلادى
زينب اي واى سسلدى دنيا و عقبي تتردى

هامّوسى بيردن دئدى ائوميز يخلدى ياحسين
باخدى حسرتلن حسينه پير و برنا تتردى

گوردى زينب حالى پوزقوندور حسينون صبر ائدوب
سؤيله¬دى سن آغلاما عالم سراپا تتردى

ئولميوبدور زينبون قارداش گوتورّم پرچمى
من سنون اولاّم علمدارون،صبایا تتردی

بو گئجه روحُ‌القدس اولدى «بشير»ه هم سخن
كلك لطفيلن بو شعرى ائتدى امضا تتردى

  • جمعه
  • ۲۰
  • فروردین
  • ۱۴۰۰
  • ساعت
  • ۲۲:۴۷
  • نوشته شده توسط
  • یوسف اکبری
ادامه مطلب
 حیدر صبور زرنقی

در مدح حضرت علی(ع) -(ایهاالناس بیلون کذب و ریادن بریم) * حیدر صبور زرنقی

۵۳۵

در مدح حضرت علی(ع) -(ایهاالناس بیلون کذب و ریادن بریم) ایهاالناس بیلون کذب و ریادن بریم
پسر شیردل و غیرتی زرنقیم
دوقوز ایل هیئته وقت اولدی گونوم هیئتیم
اهل هیئت(۱) بیلوری عشقیده من زینبیم
لطف واحسان خانم فاطمیه مشتریم
شکر لله خانمون منده نمک پروریم
افتخاریم بودی عالمده علی نوکریم
آیری اشخاصه نه حاجت بابا من حیدریم

هانسی جراتله بشردور من دئیوم ایا علی
بارماقیلان قالخیزوب چون خیبری تنها علی
عزت دنیادی همده شافع عقبا علی
دهریده هرکیم ائده ذره عداوت باعلی
یوخدی امکانی شفاعت ایله مولا علی
دهریده زهرایه کیمدور کفو اولان الا علی
من علی ساقیسینون چون عطش ساغریم
آیری اشخاصه نه حاجت بابا من حیدریم

عزت وشان وشرافت تک علینوندی فقط
شوکت وهمت وصولت تک علینوندی فقط
گورسدوب جنگیده غیرت تک علینوندی فقط
سائله لطف وکرامت تک علینوندی فقط
کرسی ومیز خلافت تک علینوندی فقط
جاه وتمکین وجلالت تک علینوندی فقط
اگمرم هئچ کسه باش چونکی علی چاکریم
آیری اشخاصه نه حاجت بابا من حیدریم

شیعه لرحق دانیشون حق ائوین اباد ائلیون
خواب غفلتده یاتان مردمی ارشاد ائلیون
حق علینوندی فقط هریئره اعلان ائلیون
یوم محشر حالینی هیئته ایجاد ائلیون
دشمن حیدری چون خانه سی برباد ائلیون
حیدر حیدر چاغیرون فاطمنی شادائلیون
نئچه ایللردی علی گلشنینه سو سپیرم
آیری اشخاصه نه حاجت بابا من حیدریم

(۱)هیات معظم ومعزز "نوحه خوانان چهارده معصوم علیهم السلام شهرزرنق"

  • پنج شنبه
  • ۲۶
  • فروردین
  • ۱۴۰۰
  • ساعت
  • ۱۱:۰۲
  • نوشته شده توسط
  • یوسف اکبری
ادامه مطلب
 حیدر صبور زرنقی

مدح و شهادت حضرت علی(ع) -(من غریبم بی کسم حیدر آقام کسدور منه) * حیدر صبور زرنقی

۸۳۰

مدح و شهادت حضرت علی(ع) -(من غریبم بی کسم حیدر آقام کسدور منه) من غریبم بی کسم حیدر آقام کسدور منه
سروریمدی هرایکی دنیایه چون بسدور منه

گُل وجودی سر به سر غیرتدی عزتدی شرف
مشگله دوشسم چاغیرام ای شهنشاه نجف

عاشقم من آدیوه شان و وقاریم سن علی
سن منیم شاهیم همی صبر وقراریم سن علی

جنگیلرده یاور اولدون سن رسول خاتَمه
غیرتین درسین آقا سن ئورگدوبسن عالمه

بستر احمدده سن یاتدون کی رفع اولسون خطر
کینه سی واردی وهابینون آقا سن نن اگر

چون شجاعت هم شهامت هم جلالین وار سنون
کوفه نین غریبیسن درد وملالین وار سنون

عار اولا کوفی لره مظلوم ائدوبلر چون سنی
بیلمیوبلر قدریوی مغموم ائدوبلر چون سنی

چوخلاری دیلر علینی ابن ملجم ئولدوروب
من ولی فکر ایلورم کی آیری بیر غم ئولدوروب

اول زمان ئولدی علی کی شاخه سین سیندیردیلار
گوز قباقینده آقا باخدی عیالین ویردیلار

  • پنج شنبه
  • ۲۶
  • فروردین
  • ۱۴۰۰
  • ساعت
  • ۱۱:۵۲
  • نوشته شده توسط
  • یوسف اکبری
ادامه مطلب
 حیدر صبور زرنقی

در مدح حضرت علی(ع) و گریز به ضربت خوردن -(عالمه حیدر کیمین سرور داخی هاردان گلر) * حیدر صبور زرنقی

۶۷۳

در مدح حضرت علی(ع) و گریز به ضربت خوردن -(عالمه حیدر کیمین سرور داخی هاردان گلر) عالمه حیدر کیمین سرور داخی هاردان گلر
دوز قضاوت ایلین رهبر داخی هاردان گلر

یاور احمد علیدور دلبر زهرا علی
یئر نئدی یئدّی سماده سرور و مولا علی

متن قرآنی مرور ایله علینی چوخ تانی
دهریده حیدر کیمین مظلوم اولان آیا هانی؟

صفحه ی تاریخه باخجاق گوزلریم گوزیاش اَلَر
بیرتوکی مولا علینون عرش حقدن باش گلر

ذات حق مولامیزی دریای غیرت خلق ائدوب
کان صولت خلق ائدوب هم بحر عزت خلق ائدوب

چوخ بلالر رفع ائدوبدور احمد مختاریدن
قهرمانلار درس آلوبدور حیدر کرّاریدن

ایندی ای شیعه گلوب فریاده سسلن یاعلی
تئز گلر حتما سنه امداده سسلن یاعلی

قهرمانلار پهلوانلار سسلنللر یا علی
کُلّ ایراندا جوانلار سسلنللر یاعلی

آسماندا کهکشانلار سسلنللر یاعلی
حقّیدن فرمان آلانلار سسلنللر یاعلی

ایستیسن گر مکتبین(۱) اهلی اولاسان یاعلی
هر دوشنبه مکتب الصادقده سسلن یاعلی

حیف اولا اما بئله آقانی مغموم ائتدیلر
ویردیلار زهراسینی مولانی مظلوم ائتدیلر

ییرمی بئش ایل اوتدی دوردی ائوده سلطان نجف
ویردیلار اود درگه پیغمبره یاللعجب

هانسی در کُلّ ملک لر باش اگردی اوُل دره
اوُل گِئجِیکی ابن ملجم یاره ویردی اوُل سره

سسلدی یافاطمه آز قالدی گلدیم یانیوه
سن منه خاطر جوان سنّینده باتدین قانیوه

زندگیمون دفتری باغلاندی تاپدی خاتِمه
یوخدی یاره باغلیان گَل یاره باغلا فاطمه

زینبیم مندن صورا هرلحظه سینه داغلیار
سنکی یوخسان نینیک یاره می زینب باغلیار

ایندی قُوی بیلسین داخی زینب گرک قان آغلیا
ئورگشر بوندانصورا تا یاره لر چوخ باغلیا

یازدی (حیدر) بو شعری اشگیله دولدی گوزلری
کاش بیر دفعه نجفده اوخیا بو سوزلری

(۱)هیئت سرافراز مکتب امام جعفر صادق علیه السلام شهر زرنق

  • پنج شنبه
  • ۲۶
  • فروردین
  • ۱۴۰۰
  • ساعت
  • ۱۲:۴۲
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد