اشعار ترکی حضرت فاطمه زهرا(س)

آی عمری آز ملالی چوخ
باشی بلالی فاطمه
پیمبرون خانم قزی
ئورک یارالی فاطمه

عم اوغلووام فراقدن
یوخیا گئتمیوب گوزوم
بالالارون یاتوب گئجه
بقیعه گلموشم ئوزوم
بیرین تاپوب دینمدوم
ز بس یانقلیدور سوزوم
رضای حقدی اول منیم
سوزومه حالی فاطمه

حبیب حیّ داورون
اگر چه من حبیبیم
اسیر جَوّ محنتم
مدینه نون غریبیم
او منبریکه من اونون
سخنور و خطبیم
علینون اوردا قطع اولوب
گوزل مقالی فاطمه

صحابه لر اسیر اولوب
وطنده هیچ کاریه
یانولّا خشکه عود تک
ئورکده که شراریه
نه وقت اولار اوزاق دوشوب
چخانمیور مناریه
پیمبرون موذِّنی
حبَش بلالی فاطمه

اولوبدی باغلی قوللاریم
مشیّتون طنابینه
مواظبم پیمبرون
شریعت و کتابینه
ائویمده گ

• دوشنبه
• 1
• بهمن
• 1397
• ساعت
• 14:53
• نوشته شده توسط
• ابوالفضل عابدی پور

گل باشیم اوستونده اگلش ایلمه تأخیر عم اوغلی
ایله بیر یاسین تلاوت، مصحفه تفسیر عم اوغلی

(جان عم اوغلی جان عم اوغلی
من سنه قربان عم اوغلی)

ببر نچه گوندور که ثانی سوندوروب زهرا چراغین
فاطمه ترک ایلیوبدور سیرینی گلزار و باغین
روز و شب آغلار گوزیله مرگمین آلدیم سراغین
ایندی بولم باشه یتمیش باشداکی تقدیر عم اوغلی

باشیمی بو صون نفسده بیرده لطفاً آل کناره
سیل گوزوم یاشین ولیکن باخما بو نیلی عذاره
اولماسون باعث ئولنجه سنده چشم اشگباره
من اوزوم رمزیله قیلام علتین تقریر عم اوغلی

امّت بی شرم او گونکه آچدیلار دست تعدی
اولمادی اولسون عم اوغلی جور و ظلمین حصر و حدی
جور قنفذ، ظلم ثانی اولدی هر ظلمین اشدی

• سه شنبه
• 9
• بهمن
• 1397
• ساعت
• 14:26
• نوشته شده توسط
• ابوالفضل عابدی پور

دردیم دواسی زهرا
روحیم صفاسی زهرا

گیزلینده قبره گئتمیش
گیزلین یاراسی زهرا

آواره دیر عم اوغلون

زهرا منی دانشدیر
آز قلبیمی آلشدیر

گؤگلون کوسوبدو مند‌ن
انصافه گل بارشدیر

آواره دیر عم اوغلون

رسوا ائدیبدی کفری
پیغمبرین شعاری

سندیردی دست ظلمو
زیبا سؤزۆن ، وقارون

بیلمَم کی دوشدو هاردان
جبراً سنین گُذارون

غسلون وئرَ‌نده گوردوم
نیلی اولوب عُذارون

آواره دیر عم اوغلون

واردیر یئری اوجالسا
هر لحظه شور و شینیم

قول باغلیام قضادَ‌ن
چارَم کسیلدی نئیلیم

آواره دیر منیم تک
ایسته‌کلی نورِ عینیم

زینب غموندا اوخشار
دایم ملر حسینیم

آواره دیر عم اوغلون

جسمون بوروندو نوره
فانی دیاره گلدی

اون سگگیز ایلد

• پنج شنبه
• 4
• بهمن
• 1397
• ساعت
• 13:00
• نوشته شده توسط
• ابوالفضل عابدی پور

آختارار مستانه لیگ ، مستانه لر
درک ائدر همخانه لیگ بی خانه لر
.
بو مجازی عشق دیر اهل مجاز
ایستیه للر باده لر ، پیمانه لر
.
اول قَدَر کی مست ائدر دلداری یار
ائیله مز میخواره نی میئخانه لر
.
وُرما طعنه عاشقه ، ای مدّعی
نشئه سین درک ائیله مز بیگانه لر
.
محفلِ دلداري تكفير ائيله مه
زاهدا ، عاقلدی بو دیوانه لر
.
اویما ای بیچاره کؤنلوم هر سوزه
سؤیله ییب چوخلاری چوخ افسانه لر
.
سینه ده یاندی اؤره گلر ، آه دن
جانلارا ائتمیر نظر جانانه لر؟
.
شمعی گؤردوم آغلایردی شعلیه
یاندی بیربیر صبحه جگ پروانه لر
.
ای امانی ذلف یار آشفته دی
رام اولار بیر گون ، تاپیلسا شانه لر
.

• یکشنبه
• 20
• بهمن
• 1398
• ساعت
• 09:34
• نوشته شده توسط
• سید محمد حسینی

گلدی امید اهل ولا
لطف ائلیوب دنیایه خدا
عالمه قویدی قدمین شیعه پناهی
.
یئر دئیه سن رضوانه دونوب
لاله گوزل رنگه بورونوب
گلدی نسیم سحرعشق الهی
.
.
.
ای شیعه ی مولا
سال عالمه آوا
سسله گلوبدی دخترطاها حضرت زهرا
.
جان. آدینه قربان
دیل. اولدی گل افشان
تادئدیم آدین توکولور مجلسه ریحان
.
.
.
.
.
علت خلقت اولدی عیان
مکه اولوبدور گلشن جان
شاه شیهدین آناسی گلدی جهانه
.
هرباخیشی بیماره شفا
هرنفسی مین درده دوا
بیراونا خاطر دولانور چرخ زمانه
.
جان . کعبه سی زهرا
محبوبه ی یکتا
بیرسنه خاطر بزه نوب عالم بالا
.
ای .رحمتی دریا
ای. خلقته معنا
سندن آلوبدور نفسین حضرت عیسی
.

• چهارشنبه
• 23
• بهمن
• 1398
• ساعت
• 08:58
• نوشته شده توسط
• سید محمد حسینی

باغلاما ای دل سرگشته عنایت قاپی سین
باغلا عالم یوزونه بُخل و حسادت قاپی سین

دوز یولا دعوت ائله جاهل و کج رفتاری
باغلا تدبیرکمال اوسته جهالت قاپی سین

باخما بیر کیمسیَه کی نیّت خام اوستونده
باغلیور گول یوزونه جود و کرامت قاپی سین

آللانیب نفس بدانجامه کما فی السابق
قفل زنجیره چکور عدل و عدالت قاپی سین

شعله ور ائتماق ایچون آتش استکباری
یاندیریر ریب و ریا اوسته ضلالت قاپی سین

درس آلیر کینه ور اهریمن بدمنظردن
گونده مین رنگه سالیر فتنه و حیلت قاپی سین

بزم عرفان و شرافتده کی هنگامه سالیر
باغلاسین نیّت شوم اوسته شرافت قاپی سین

خلقی آللاتماق ایچون شال عزا چیگنینده
ایلیور قبلۀ حاجاتی سیادت قاپی سی

• جمعه
• 12
• بهمن
• 1397
• ساعت
• 15:14
• نوشته شده توسط
• ابوالفضل عابدی پور

زهرا زهرا گوزوی آچ یاندیردی غم دیلیمی
باخ آدامسیز عم اوغلووا،زهرا یخدین ایویمی
سنسیز دنیاده نیلیوم،گئتسن والله اؤلرَم
باخوب او قانلی درگهه،مسماره یاش الرم

ای قدّی خمیده اویان--زهرایِ شهیده اویان
زهرا دایان دایان
دویدی سنی قوم لعین--محسن اولا سقط جنین
زهرا دایان دایان

بولدوم او تنگ کوچه ده،ثانی کسدی یولوی
هم سیلی ویردی بیحیا،هم سیندیردی قولوی
یاندیردی بابِ جنتی،دولدی عدوان قاپویا
گوردوم ویرهاور دوشوب یاخلدی قان قاپویا

باغلوب آتان اللریمی--دشمن ویروب همسریمی
گورسه دمه اونا یاروی--زهرا من آلوم قادوی
زهرا دایان دایان

• یکشنبه
• 3
• اسفند
• 1399
• ساعت
• 21:51
• نوشته شده توسط
• یوسف اکبری

ای خدنگ بلیاته نشانه
ای دونن غصه دن قدی کمانه
یاندیران قلبینی جور زمانه
آغلارام فرقتونده یانه یانه

بالالارون نیه گوزدن بیله تیز آتدون آنا
بابامون گوزیاشینی خون دیله قاتدون آنا

وای آنام وای ...

حقوی ظلمیله غصب ایتدی اعدا
قدرین اولدی نهان ای دخت طاها
قالمادی جوریدن دیلده شکیبا
فرقتونده اولوب گوز یاشی حمرا

گوللرون گور نه سولوب صحن چمنده سارالوب
گور یتیمانیوی افغانی سمایه اوجالوب

وای آنام وای ...

آناسیز قیزلارون گولمز عذاری
منکسر قلب اولار قالماز قراری
گور فراقوندا چشم اشکباری
یاغدیرور خون دیل لیل و نهاری

جانمازون هر اذان وقتی اوپوپ ایگلیرم
آلیشار سینه سوزانیم آنام وای دیرم

وای آنام وای ..

• سه شنبه
• 16
• بهمن
• 1397
• ساعت
• 18:39
• نوشته شده توسط
• ابوالفضل عابدی پور

فخر آدم فاطمه
جان خاتم فاطمه
آچ گوزون ای مصطفایه سوگولی زهرا
باغ عشقین تئزصولان زیبا گولی زهرا

آچ گوزون ای خوش ادا
جلوه ی عشق خدا
آز منه ناز ائت قیزیم
نازیوه جانیم فدا
آچ گوزون ای مصطفایه سوگولی زهرا
باغ عشقین تئزصولان زیبا گولی زهرا

آی منیم زیبا قیزیم
جان عشقه داد دوزیم
برج اقبالیمده کی
تئز باتان دان اولدوزیم
آچ گوزون آی مصطفایه سوگولی زهرا
باغ عشقین تئزصولان زیبا گولی ز هرا

ای گل خوشبو قیزیم
غنچه ی مینو قیزیم
سن بهشتیمسن منیم
دلبر دلجو قیزیم
آچ گوزون ای مصطفازیه سوگولی زهرا
باغ عشقین تئز سولان زیبا گولی زهرا

جنتون ریحانه سی
باغ رضوان خانه سی
عالم هستی اولوب
عشقیوین دیوانه سی
آچ گوزون ای

• سه شنبه
• 7
• اسفند
• 1397
• ساعت
• 12:34
• نوشته شده توسط
• ابوالفضل عابدی پور

ای که یوزوندن اولور_ نور خدا منجلی
عشقیوه دلبسته دور_ارض و سما یا علی
سن سیز من جنّاتی نینرم
عشقیوی دنیایه ویرمرم
جان عموغلی _جان عموغلی_من سنه قربان عموغلی

رحلت ایدندن آتام_ خاتم پیغمبران
سینم اولوب دمبدم_ تیر بلایه نشان
گور دلدن فریاد و آهیمی
یاندیردی امت درگاهیمی

چکدی بلالی باشیم_ امت الیندن نلر
یاعلی شاهددی بیر_حالیمه مسمارِ در
دوشدوم بیر درده یوخ چاره سی
سینمده قالدی چون یاره سی

جان حسین و حسن_آغلاما ای خوش خصال
جان ویرورم حقیوی_ایله بتوله حلال
برج غمده باتدی کوکبیم
بولمم منسیز نیلر زینبیم

• شنبه
• 4
• اردیبهشت
• 1400
• ساعت
• 16:28
• نوشته شده توسط
• یوسف اکبری

ای جمالت مهردل آرا
آیتی از ایزد یکتا
برزمین ازعالم بالا
آمدی یاحضرت زهرا
.
گل باغ حی تبارک
مقدمت برشیعه مبارک 4
.
.
گل هستی وا شده امشب
همه جازیباشده امشب
مکه روح افزا شده امشب
لطف حق معنا شده امشب
.
ازشمیمت ای گل طاها
گشته جنت یکسره دنیا
.
گل باغ حی تبارک
مقدمت برشیعه مبارک 4
.
.
.
(تغییر وزن طبق آهنگ )
.
سنه تاکه باخوبدور طاها
دئدی گلدی وجوده یارا
اولوب اوندا ملک هم آوا
دوشوب عالمه سس یازهرا
.
.
(برگشت به وزن قبلی طبق آهنگ )
.
.
لطف ائدوبدی ایزد دانا
سسلور عالم آدیوی یکجا
.
گل باغ حی تبارک
مقدمون دنیایه مبارک4
.
رحمتین دریاسینه گوهر
جان احمد حیدره یاور
مدحون ایلر سوره ی کوثر
سن اولوبسان خلقت

• چهارشنبه
• 23
• بهمن
• 1398
• ساعت
• 09:30
• نوشته شده توسط
• سید محمد حسینی

یامان مدینه ده دوندی زمانه یا زهرا
داها حکایتی گلمز بیانه یا زهرا
.
او کسلری که قاپوندا دوراردی سائله تای
چاتیبلا سلطنته غاصبانه یا زهرا
.
فدک بهانه دی بو غاصبان بی وجدان
دوتوبلا شیر خدانی نشانه یا زهرا
.
بیلیر سنوندی فدک، اولین تقلب ائدن
حدیث جعلینی ایلیر بهانه یا زهرا
.
خلافتی، فدکی، دین پاک یزدانی
ائدیبدی مضحکۀ کودکانه یا زهرا
.
بو امر و نهی ائله ماق، حقی پایمال ائتماق
خیال ائدیر کی قالار جاودانه یازهرا
.
صحابه لر خفقاندان ، حضور مولایه
گئجه گونوز گلیری الامانه یا زهرا
.
یازیبلا اوّل و ثانی، رشیده قامتیوی
اَگیب مبدل ائدیبدور کمانه یا زهرا
.
کیمه دئسن اینانار ؟ گوندوزون گوزی وورالار
پیمبرین

• پنج شنبه
• 1
• اسفند
• 1398
• ساعت
• 11:47
• نوشته شده توسط
• ابوالفضل عابدی پور

گول تک نه تیز اولدون خزان آی ننه
دونیدی گردش زمان آی ننه

یانام آنا بیر بلبلم چمنسیز
آناسیز قیز بیرگون اولماز محن سیز
دنیانی نیلورم بو ائوده سنسیز
وصلت گلوم اولدی خزان آی ننه
دونیدی گردش زمان آی ننه

باشلادی ایمدیدن باشیم بلاسی
گولمز یوزی ، ئولسه قیزین آناسی
سن که گئتدون گئتدی ایوین صفاسی
ایو اولدی پوزقون گلستان آی ننه
دونیدی گردش زمان آی ننه

بو ایوده سایه باشیمه سالاردون
محنت گونومده قیدیمه قالاردون
غمگین اولاندا گوگلومی آلاردون
اولار یوخیدیلرگمان آی ننه
دونیدی گردش زمان آی ننه

اهل دل اولسا دلده چوخ سوزوم وار
عالم آنا اولسا سنده گوزوم وار
هر قدر غم یتسه منده دوزوم وار
هجرانیوه یوخدور توان آی ننه
دونیدی گردش زمان آی ننه

هرکیمسه نون قبیله سی یادی وار
تک دورآنا قبیله نون آدی وار
آنانون عالمده ئوزگه دادی وار
آناسیز قیزگولر هاچان آی ننه
دونیدی گردش زمان آی ننه

دیمم گلوب بو حالیمه یانیدون
محال دردیمی آسان سانیدون
الله بولورکه سن نجه آنیدون
یادیمدان چیخماسان بیرآن آی ننه
دونیدی گردش زمان آی ننه

دیمم " بالالارون " قرا بختیدور
دیمم رختیم یتیمه لیق رختیدور
هر چند عالمده ئولوم سختیدور
آیریلیق الندن امان آی ننه
دونیدی گردش زمان آی ننه

ایلر منی افسرده دل ملالون
بولّم اله دوشمز داخی وصالون
گل یوخوما هر دم گوروم جمالون
هجره دوزمرم اینان آی ننه
دونیدی گردش زمان آی ننه

گللر سولارگورسه رخ زردیمی
باتار غمه گورن آه سردیمی
سندن صورا کیمه دیوم دردیمی
کیم ایلر دردیمه درمان آی ننه
دونیدی گردش زمان آی ننه

سن که گیتدون سیندی بو قول بوداقیم
کوی وصله چاتماز بیرده ایاقیم
بیرگیجه گل یوخومدا اول قوناقیم
گل تک نه تیز اولدون خزان آی ننه
دونیدی گردش زمان آی ننه

• شنبه
• 15
• آذر
• 1399
• ساعت
• 22:59
• نوشته شده توسط
• یوسف اکبری

به سبک(کمی آهسته تر به کجا میروی(شیراز )...)

باغریمیز اولدی قان _ آنا گئتمه دایان
لطف ائله اول منه _ بوگئجه میهِمان

مهلاً مهلا گئتمه آنا
جانِ طاها گئتمه آنا

زینبین یوخ کسی _ منه وئر های ننه
قوی ئوپیم سینووین _ یاراسین آی ننه
سینه وین یاره سی _ قولووون یاره سی
یادیمه دوشسه من _ دِیَرم وای ننه

مهلاً مهلا گئتمه آنا
جانِ طاها گئتمه آنا

دردِ هجرونده من _ ئولرم آی ننه
تیرِ غملن دِلِی _ بولرم آی ننه
هم حسن هم حسی+نی چکیب باغریما
صورته اشکیمی _ الرم آی ننه

مهلاً مهلا گئتمه آنا
جانِ طاها گئتمه آنا

بو فلک سیرَتین _ منه وئردی نشان
بو جهاندا منی _ ائلدی باغریقان
رحم ائله بی کمک _ باباما آی ننه
سسلیور یاتما ای _ پَر و بالیم اویان

مهلاً مهلا گئتمه آنا
جانِ طاها گئتمه آنا

چوخ چتیندور آنا _ ننه سیزلیق غمی
کیم ننه سیز قالا _ چوخالار ماتمی
قوی ایاقون ئوپوم _ هله گئتمه دایان
بو گئجه قال قوناق _ بابامون همدمی

مهلاً مهلا گئتمه آنا
جانِ طاها گئتمه آنا

• دوشنبه
• 1
• دی
• 1399
• ساعت
• 17:12
• نوشته شده توسط
• یوسف اکبری

سبک :محرم رازیم الله....

الله ایدوب عنایت
دختربا نجابت
گلدی بوگون ایلسون
ولایته حمایت

فاطمه گلوب آچدی گولوم اولدی بهار
من خدیجه نی عشقینه ایتدی بی قرار

هانیه یات * فاطمه یات
یات گولوم یات * یات بالام یات

نخلۀ دینه هسته
چوخ اوزون ایتمه خسته
یوخلا ماسان بشیکده
گل بالا سینم اوسته

آغلاما قیزیم عمرومه سرمایه اولان
من آنا سینا مونس و همسایه اولان

شافعه یات * صادقه یات
یات گولوم یات * یات بالام یات

گویده گونوزآی اولماز
فاطمیه تای اولماز
الله سنی پای ویروب
سنکیمی بیرپای اولماز

بسلرم سنی امّ ابیها بویووی
حیف اولا آ نان گورمیه جاقدی طویووی

فریده یات * وحیده یات
یات گولوم یات * یات بالام یات

ای چمن آرا قیزیم
مریم کبرا قیزیم
فاطمه قویدی آدون
خالق یکتا قیزیم

حیرته سالان نوری سماده قمری
ای خدیجه نین فاطمه سی صود امری

سلیمه یات * کریمه یات
یات گولوم یات * یات بالام یات

گهواره وه سالارام
لایلایووی چالارام
عطربهشتی سندن
فاطمه جان آلارام

من سنون بالا باغلامارام اللریوی
صود ویروب سنه هی دارارام تل لریوی

رشیده یات * سعیده یات
یات گولوم یات * یات بالام یات

گنج حیاده گوهر
ختم رسوله دختر
کاشکه گورم اولموسان
رهبر دینه همسر

گوزلره فدا یات آنانون بیرداناسی
سنس آخرحسن حسینون آناسی

صفیّه یات * زکیّه یات
یات گولوم یات * یات بالام یات

حقّون عدو دانمیوب
اورگون اودلانمیوب
شکسته پهلو اولوب
قاپون هله یانمیوب

یات عزیزیم واردی نقدری فرصتون
داغ کیمی اولار باشدا بلا و مِحنتون

جمیله یات * جلیله یات
یات گولوم یات * یات بالام یات

فاطمه جان آچگوزون
باخ یوزومه دِ سوزون
سیلی ثانی هله
گووتمیوبدی یوزون

حقوی آلارظلم اودونا سالارسنی
دنیانی غمون آغلادی آغلادار منی

عارفه یات * ناعمه یات
یات گولوم یات * یات بالام یات

غم آلی صاق وصولون
کوچه ده باغلار یولون
هم قاپوا اود ویرار
سندیری قاخماز قولون

بیر بالان شهید قاپون یاناندا اولاجاق
بش بالان باخوب گولکیمی رنگی سولاجاق

عالیه یات * فاضله یات
یات گولوم یات * یات بالام یات

(عدلیه) ایله احسان
دیلده مین آه و افغان
یثربی گویلی ایستور
تا اولا بیرده مهمان

مدحیوی یازار دیلده خدا رضاسی وار
هریره گیدر اوغلون حسین عزاسی وار

طیّبه یات *حبیببه یات
یات گولوم یات *یات بالام یات

• پنج شنبه
• 18
• دی
• 1399
• ساعت
• 13:10
• نوشته شده توسط
• یوسف اکبری

ای شَباب عمریده بو دار دنیادن دویان
وی چَکن اَل آشیانیندن علینی تک قویان

آدیمی غم دفترینده گئتمگون ائتدی رَقم
عالم معناده آغلار حالووَه میر اُمم
راضیم گُل جسمووی دفن ائتمه میش منده ئولَم

من نجه ئوز خانمانین ترک ائدن یاره باخوم
بو یانان درگاهه یا بو قانلی مسماره باخوم

هر گجه بو مرتضی سن سیز بیابانی گزر
جسمینی گرچه بیلورسن هاوَن مِحنت اَزر
یاسووی امّا عَم اوغلون دشت وصحراده بَزر

گورسه مجنونلار منیم حالاتیمی دل داغلیار
گوز یاشیمنان درس آلار گویده بلوط لار آغلیار

چوخ سوزی واضحدی هَر کیمسه دِیَر بیر هَمدمه
سن ولی ئوز دردووِی بیلدیرمَدون یاندون غمه
قالدی نیلی صورتون گیزلین نه مدّت مَحرمه

هر غمون بیر صَخرهء صَمّانی غمدن داغلیار
وای علینون حالینه بو نِسگیله قان آغلیار

بو جوانلیقدا سلام ائتدی سنه پیک اَجل
جَنَّت الاَعلایه دعوت ایلیوب حَیّ اَزل
سان وئرور غملرمنه مِحنتلر اولدی اَل به اَل

فتح خیبر که او گون ائتدی منه نام آوری
روزگار امّا بو گون سالدی اَیاقدان حیدری

بو قاپی اولدی بیلورسن مرتضایه گوز داغی
سوز آهیم وار یری ایندی اَریدسه هر داغی
باغبانه تاپشورورسان بو خزان گورمیش باغی

کاتب غم آدیمه غم دفترین باغلار بوگون
باغبانون حالینه بُلبللرون آغلار بو گون

مَحبسه دونسه اگر بو ائو منه ، من نیلَرم
گَلسَه ائوده بو اوشاقلار شیوَنه من نیلَرم
ایسته سَه کلثوم اگر مندن نَنَه من نیلَرم

آغلاسا اِیتامووَه عرش بَرین من نیلَرم
بیرگونی زینب قزون چیخسا گَلین من نیلَرم

فاطمه جان بذل ائدوبسن (نادره) سن آبرو
عشقوویله یول گزر بَرزن به بَرزن کو به کو
مجلس ماتمله اولسا هر مکاندا روبرو

چون بیلور اول مجلسون زهرادی صاحبخانه سی
قصد اِحرام ایلیر اوردا دولار پیمانه سی

• یکشنبه
• 21
• دی
• 1399
• ساعت
• 10:54
• نوشته شده توسط
• یوسف اکبری

در آهنگ (قدم قدم)

قدم قدم اوركده غـم
الهي آيريلوب گئدور جوان ننم
اورك يارا بيلك يارا
گئـدور مـزاره قامتي كمان ننم

جــوان ننــم جــوان ننـم
جوانليقدا عُمرودن دويان ننم

زينب قربانين اولسون ياتما
مـرتضـاني گـوزونن آتما
ديزين قوجاخليوب مرتضا
دُور حسينـي بئله آغلاتما

سينمـده غصـه و آه آغلير
گويلـرده حاليـوه ماه آغلير
كلثومه واي ننم واي سسلور
مجتبــا و يــدالله آغلير

جــوان ننــم جــوان ننـم
جوانليقدا عُمرودن دويان ننم

جديمنـن صونـرا اولـدي بيمار
سينـه سين پارچاليوب مسمار
پهلوسين ثاني سينديرميشدي
قـاتلـي اولـدي در و ديـوار

يوزونـن ثـاني سيلي وئـردي
درگاهيـن ظلميلـه يانـديردي
دامــان مرتضــادن توتـدي
قنفد وئردي قولون سينديردي

جــوان ننــم جــوان ننـم
جوانليقدا عُمرودن دويان ننم

بـاشيمـه قـاروي باغـلارام
دائمي ياسيـوي ساخـلارام
سيلي سوزون دييَنده حسن
واي آنام واي ديوب آغلارام

مسماره دائمـي باخالارام
تير غـم قلبيمـه ياخارام
سن ييخيلان يئري اوپرم
يانديريب عالمي ياخارام

جــوان ننــم جــوان ننـم
جوانليقدا عُمرودن دويان ننم

• شنبه
• 18
• بهمن
• 1399
• ساعت
• 19:11
• نوشته شده توسط
• یوسف اکبری

دختر مصطفی منم،سرور ماسوا منم
زینت نُه سما منم،معنی هل اتیٰ منم
نور منم ندا منم فجر فرج گشا منم
عرش منم بقا منم کعبه منم منا منم
عالمه پیشوا علی،همسر مرتضی منم

سوره شمس و ضحیٰ،سینه ی مرتضاده دی
نور تمام انبیا چهره ی لافتی ده دی
علم لدونّی خدا،راکب نُه سماده دی
عشق خدای لامکان،سجده ی مرتضاده دی
خلقته کیمیا علی،موهبت خدا منم

صدرنشین کرسیِ گلشن باغ جنّتم
دختر ختم الانبیا مهجه ی قلب امّتم
صاحب نهر کوثرم،مالک مُلک رأفتم
مخزن محسناتیده پایه گذار عصمتم
آنداولا روح محسنه خاور ازکیا منم

من آتامین آناسیم بحر شرفده گوهرم
همسریمین فداسیم کلّ جهانه سرورم
گونده اگر قاپوم یانا رهبریمی اوتورمرم
چونکه علیّه عاشقم،شیعه ی ناب حیدرم
حیدره اوّلین فدا گر اولونا،اودا منم

غارت ائدوبدی ثانی گر جبریله تخت و منبری
قوللاری باغلی مسجده چکدی عم اوغلوم حیدری
فکر ایلدی عم اوغلومون یوخدی بو یولدا یاوری
باب بهشته ویردی اوت خالی قالوبدی سنگری؟
آنداولا روح خاتمه حیدریمه فدا منم

• یکشنبه
• 3
• اسفند
• 1399
• ساعت
• 21:49
• نوشته شده توسط
• یوسف اکبری

عصمت کبرایِ حق ، محبوبۀ داور منم
خامس آل عباده مرکز محور منم

فاطمه اُم اَبیها ذات پاک احمدم
علّت ایجاد عالم آیت کوثر منم

بَضعَةٌ مِنّی خطاب ایتدی بابام عالم بُوله
احمد و محمودیله هم جان و هم پیکر منم

نوروم الله نوریدی عالم لری پرنورایدر
شأنیمه قرآندا سوره، بانوی محشر منم

خاتم پیغمبران ئوپدی الیمدن سویلدی
همسر و همتای مولا مرتضی حیدرمنم

لشگر توحیده فرمانده عم اوغلومدی علی
کشتیِ دینِ خدایه بیر آغیر لنگر منم

معصوم اون دورتدی جهاندا ایچلرینده من تکم
اون بیر اولادیم امام دور کلّونا مادرمنم

آستان وحیه اود چون ویردی ثانی ، سینه سی
زخم مسماردان یارالی دخت پیغمبر منم

قویدولار دیوار آرا پهلو شکسته چون صدف
غملی دریاده اولان بیر پر بها گوهر منم

محسنوم سقط اولدی قالدیم من یامان گوندن گونه
اوّلین مقتول دینه صادر و مصدر منم

ای شفیعه لطف ایله محشر گونی بو خادمه
«عدلیم» شاعرلر ایچره هامودان اصغر منم

• جمعه
• 8
• اسفند
• 1399
• ساعت
• 22:24
• نوشته شده توسط
• یوسف اکبری

ای کوثر نَبَوی/خوش آمدی به جهان
نگارِ مُرتضوی/تویی تو فاطمه جان

(یازهرا_گُل طاها)

خدای عالمیان /گِلِ تورا چو سِرِشت
زِ یُمن مقدم تو / شده زمین چو بهشت

برای ختمِ رُسُل/ شدی تو خیرِ کثیر
اهالی ملکوت/به عشق تو شد اسیر

زِ نور چهره ی تو/زمانه غرقِ صفا
تو آمدی که شَوی/نگارِ شیر خدا

کنون که ریزه خورِ/سرای فاطمه ایم
هزار و مرتبه شُکر/گدای فاطمه ایم

چه میشود زِ کَرَم /نظاره ای بکنی
به دردِخسته دِلان/تو چاره ای بکنی

در این جهانِ مریض/طبیبمان بِشَوی
به عرصه گاهِ حساب/شفیعمان بِشَوی

اوزون خانیم بولوسن/اورکده واردی سوزوم
کَرَملی سن بولورم/اَلونده واردی گوزوم

منم کی ریزه خورِ/بو سفره ی کَرَمم
اودور دلیلی خانیم/جهاندا مُحترمم

نولور بو (بیکَسه) سن/عنایت ایلیه سن
یوزوم قرادی خانیم/شفاعت ایلیه سن

• یکشنبه
• 1
• فروردین
• 1400
• ساعت
• 14:54
• نوشته شده توسط
• یوسف اکبری

زهرا نجه زهرا ثمر باغ رسالت
زهرا نجه زهرا گُل گلزار ولایت

زهرا نجه زهرا کی اولوب مادحی یزدان
بو عرضیمه شاهددی منیم کوثر قرآن

گُلِ حضرتِ طاها/گلوب اُمِ اَبیها

زهرا نجه زهرا گُل نِسوانِ بهشتی
نیلور قاپیسیندا سورونن دِیر و کِنِشتی

زهرا نجه زهرا گُل باغ نَبَویدی
شأنینده بو بسدور کی فقط عشق علیدی

صدّیقه،زکیّه،لقبی حضرتِ کوثر
مامِ حَسَنین ، نور هُدا، حامی حیدر

از بس بو خانیم صاحب احسان و عطادی
مین حاتم طائي گَله کویوندا گدادی

زهرا یوزی تندیسه ی اوصاف خدادی
تعظیم گرِ نور رُخی ارض و سمادی

عالمده ویروبدور بیزه سرمشق شرافت
اورگتدی بیزه ترجمه ی درس ولایت

گر روسیَهَم یوخدی ولی آیری مرامیم
آیری قاپیه گیتسم اگر اولسون حرامیم

من نوکر زهرا و علی و حَسَنینم
بیر (بیکَسم)و عاشق بین الحرمینم

• یکشنبه
• 1
• فروردین
• 1400
• ساعت
• 14:55
• نوشته شده توسط
• یوسف اکبری

باخون عرش اوسته گورون هَمهَمه دی
وقتِ بُطلان، هامی درد و غَمه دی
شبِ /روزِ میلادِ خانیم فاطمه دی

شیعه نین فَخری بو بیر زَمزمه دی
حیدری اولسان آنان فاطمه دی

یا زهرا یازهرا2 /یا زهرا یازهرا2

نورِ حَق اولدی هُویدا بو گجه
چوخلاری اولدولا شِیدا بو گجه
اَحمده ویردیله زهرا بو گجه

شیعه نین فَخری بو بیر زَمزمه دی
حیدری اولسان آنان فاطمه دی

یا زهرا یازهرا2 /یا زهرا یازهرا2

گُلّ گلزارِ رسالتدی خانیم
مادرِ نَسلِ امامَتدی خانیم
حامیِ شاهِ ولایتدی خانیم

شیعه نین فَخری بو بیر زَمزمه دی
حیدری اولسان آنان فاطمه دی

یا زهرا یازهرا2 /یا زهرا یازهرا2

حَشریده مَحشَرِ کبری' قوراجاق
گوئیا بیر اوجا یرده دوراجاق
اوردا حتماً اَلیمیزدن دوتاجاق

شیعه نین فَخری بو بیر زَمزمه دی
حیدری اولسان آنان فاطمه دی

یا زهرا یازهرا2 /یا زهرا یازهرا2

اولموشوخ بِیتِ رسالَتده قوناق
یتیشوب باشه غمِ درد و فَراق
گَلمیشوخ بو گجه بایراملیق آلاق

شیعه نین فَخری بو بیر زَمزمه دی
حیدری اولسان آنان فاطمه دی

یا زهرا یازهرا2 /یا زهرا یازهرا2

لطف دریاسیدی زینب آناسی
گورسَدَر قبرینی گَلسه بالاسی
اینیده توخدامییبدی یاراسی

شیعه نین فَخری بو بیر زَمزمه دی
حیدری اولسان آنان فاطمه دی

یا زهرا یازهرا2 /یا زهرا یازهرا2

• یکشنبه
• 1
• فروردین
• 1400
• ساعت
• 15:01
• نوشته شده توسط
• یوسف اکبری

ای پِیَمبَر بالاسی، زهرا
شیعیانین آناسی، زهرا

بَحرِ ایمان و شَرَف، زهرا
یارِ سُلطانِ نَجف، زهرا

خالِق اَرض و سَما، آدیوی قویدی کوثر
فاطمه سَسلر سنی،عاشقانه پِیَمبَر
اَهلِ عالَمدن فقط، سنه لایقدی حیدر

یا زهرا 2 یا زهرا2

یازهرا دییَرم/اَله ساللام بَهانه
یازهرا دییَرم /آلارام عیدیانه

یا زهرا 2 یا زهرا2

کوثرِ باغِ رسالت سن
مادرِ نَسلِ امامت سن

نازِل اولدی آدیوا، آیات
مِثلون عالَمده گَلَه هیهات

شأنون عالَمده خانیم، عرشیده چوخ تانیشدی
بَشَرین فکری سَنی تانیماخدان، یانیشی
هانسی قیزدی اولمامیش، آناسیله دانیشدی

یا زهرا 2 یا زهرا2

یازهرا دییَرم/اَله ساللام بَهانه
یازهرا دییَرم /آلارام عیدیانه

یا زهرا 2 یا زهرا2

شوکَتون دهریده والادی
حَسَنینون بیزه مولادی

بَسدی شأنونده بو بیر مَطلب
یادگاروندی خانیم زینب

بالالارون عالَمه گورنه غوغا سالوبدی
آلِ زهرا شهرتی عالَمِینی آلوبدی
سنه خاطر شیعه نین آدی زنده قالوبدی

یا زهرا 2 یا زهرا2

یازهرا دییَرم/اَله ساللام بَهانه
یازهرا دییَرم /آلارام عیدیانه

یا زهرا 2 یا زهرا2

نوکَرون دوزدی کی (بیکَسدی)
نوکر اولسام قاپیوا بَسدی

غم الینده ایله تاراجَم
بولوسن لطفووه محتاجم

غَمیله دولموش اورَک، گَل اوزون بیر
صفا ویر
دردیمی سن بولوسن منه لطف ایت دوا ویر
بالاوا خاطر خانیم گینه کرب و بلا ویر

یا زهرا 2 یا زهرا2

یازهرا دییَرم/اَله ساللام بَهانه
یازهرا دییَرم /آلارام عیدیانه

یا زهرا 2 یا زهرا

• یکشنبه
• 1
• فروردین
• 1400
• ساعت
• 15:03
• نوشته شده توسط
• یوسف اکبری

گل عموغلي اوخو رحمت گئدورم
اولموشام شاهد غيرت گئدورم
گل بو آخر دمي بير صحبت ائدخ
دولدوروب سينه مي محنت گئدورم

روح ريحانيم علي
درده درمانيم علي

فاطمون دل خسته دي
تئز يئتيش جان اوسته دي

آيريليق پيكر زهراني دوتور
دورت بالامي باشيمون اوسته گتور
سني زينب نئچه لحظه بير اوتور
ايله قرآني تلاوت گئدورم

تيترديب باد ستم ديزلريمي
سيل ئوزون ياشلي قالان گوزلريمي
گل دئيوم نيسگل اولان سؤزلريمي
گئلمسون تا به قيامت گئدورم

قلبيدن شعله چكور جانين ائوي
منه محبس دي بو دونيانين ائوي
بيت الأحزانيدي زهرانين ائوي
حق دي زندانيه نعمت گئدورم

لطف و احسان هاميا ايله ميشم
من فقط حقّي علي سويله ميشم
بيلميرم ثانيه من نيله ميشم
كه ائدوب منله عداوت گئدورم

مگر انصافيدي قلبيم يورولا
آز ياشيمدا منه ماتم قورولا
باخا حيدر ولي زهرا وورولا
نه ائدوم نيلي دي صورت گئدورم

بلبلون عشقي فقط بير گول اولار
گول سارالسا ائله بلبل ده صولار
اولمارام بلبلومون قلبي دولار
بو حسين سنده امانت گئدورم

بالا قلبينده اولار چوخ ياراسي
گر جوانليقدا وئره جان آناسي
هئچ تاپيلماز بئله دردين چاراسي
سانما آتديم سيزي راحت گئدورم

فلكين گور نه عجب خصلتي وار
سحر روشنيمي ايلدي تار
من مظلومين ائدوب حاليني زار
توكورم اشك شكايت گئدورم

منيم اي غصه چكن ديده تريم
قارا گوندي ائله شام و سحريم
سيندي برج محنونده قمريم
أگيلوب خم دي بو قامت گئدورم

• چهارشنبه
• 4
• فروردین
• 1400
• ساعت
• 19:48
• نوشته شده توسط
• یوسف اکبری

آنا قوجاقه منی آل، قانه دوندی گوزیاشیم
الیوی دور باشیمه چک، اَل به اَل گزر باشیم
غرق شور و شینم من
اوز بالون حسینم من

دگوب سیلی ساغ یوزیوه، سیلی‌دن نشان واردی
او سیلی ضربیندن ایندیده، ساغ گوزونده قان واردی
سنی یادیمدان چیخاتمارام، تا جانیمدا جان واردی
حسن مندنده چوخ آغلیور، نه گوروبدی قارداشیم؟
غرق شور و شینم من
اوز بالون حسینم من

منی چوخ ایستردون آنا، ایندی نه اولوب آیا
دانیشدیرمورسان منی دای، آغلارام یانایانا
گئدورسن هم بیز قالیروق، هم آتام قالور تنها
گرَک سنسیز اَلّی ایل من، زینبیله آغلاشیم
غرق شور و شینم من
اوز بالون حسینم من

بهارین ابری تک آتام، گوزیاشین یوزه باغلار
سالار سینه‌وی یادینا، سینه آهیله داغلار
مزارون اوسته گئجه‌لر، تک گلوب سنه آغلار
منی گَتورمور اوشاقام، نیلوم آلتی‌دور یاشیم
غرق شور و شینم من
اوز بالون حسینم من

منیمده سینه‌م اولاجاق، تیغ و تیریله یاره
یارالی جسمیم قالاجاق، کربلاده صد پاره
گلرسن اوندا بیلورم، باشدا غصّه‌لی قاره
جانیندان حقّ اوسته کئچر، جمله یار و یولداشیم
غرق شور و شینم من
اوز بالون حسینم من

بهار غم بلبلی‌ام، وار باشیمدا گول شوری
یازوبدی شوریله "بشیر"، واریدی دلده منظوری
بو نوحه‌نی تا اوخودوم، دوشدی یاده "منصوری"
حییف او یولداشیم ئولوب، یولداشیم نه قارداشیم

• دوشنبه
• 23
• فروردین
• 1400
• ساعت
• 15:36
• نوشته شده توسط
• یوسف اکبری

درديمه درمان ائله يا فاطمه
عشقي نمايان ائله يا فاطمه
مهري فروزان ائله يا فاطمه
نوریوي تابان ائله يا فاطمه
فيضي فراوان ائله يا فاطمه
بزمي گلستان ائله يا فاطمه
لطف ائله احسان ائله يا فاطمه
وقتيدي طوفان ائله يا فاطمه

گر چي بو شعرين يوخودور قابلي
ليك اولوب رحمتیوين شاملي
سيل حقيقت يخاجاق باطلي
موج ارادت بورويوب ساحلي
غرق ائليوب مدعي غافلي
گل سني گوزلور قاپیوون سائلي
ئوز قدمونلن بو گوزل محفلي
روضه ی رضوان ائله يا فاطمه

جمعيدي بوردا وطن عاشقلري
پادشه بي كفن عاشقلري
شعر و شعور و سخن عاشقلري
نام حسين و حسن عاشقلري
سن كيمي بير شير زن عاشقلري
چك محكه ممتحن عاشقلري
عشقيده جاندان كچن عاشقلري
بي سر و سامان ائله يا فاطمه

متن شرف بيزلره منشوريدور
اصل عزا مقصد و منظوريدور
دهيه باخ عالمه مشهوريدور
دهه دئمه جلوه لنن نوريدور
دهه دئمه نور علي نوريدور
كنگره ی معرفت و شوريدور
شيعه لرون تشنه و مخموريدور
معجزه باران ائله يا فاطمه

مرغ خياليم يخيلوب داموه
تا يتيشه حكمت احكاموه
جانوي بذل ايلدون اسلاموه
دست قضا باخمادي آمالوه
شيه فدا محسن ناكاموه
روح بشر تشنه دي پيغاموه
جرعه خوش رايحه جاموه
بيزلري مهمان ائله يا فاطمه

• سه شنبه
• 24
• فروردین
• 1400
• ساعت
• 16:21
• نوشته شده توسط
• یوسف اکبری

جان اوستیم مشامیمه_ عطر جانان یتیشور
باشلا قرآن عموغلی جان _وقت هجران یتیشور
دلدن رفع ملال ایله_ای شیر لم یزلی
زهرانی گل حلال ایله_گلدی پیک اجلی

حالیمدن عیاندی سنه
قلبیم نگراندی سنه
کیم حالیوی بولر
بو غصه چوخ ایلر اثر
من ئولسم عموغلی اگر
کیم اشگیوی سیلر

اون سگیز ایل بهاریمی _باد ظلم ایتدی خزان
نه بو دورت غنچه دن بوگون _نه سندن دویدوم اینان
باخسان رخسار زردیمه_دائم اشگیم سوزولور
چوخ حسرتله الیم منیم_دامانوندن اوزولور

حیف اولسون علی گیدورم
من سیزلری ترک ایدورم
جانانیم الوداع
لطف ایله بو گویلومی آل
زهرانی اوزون یولا سال
جانانیم الوداع

من یثربده غریبیم _بو حالی یوخدی بولن
بولم حتی ئولن زمان _اولماز تشییعه گلن
گیزلینده غسل ایله اوزون_ضربه گورموش بدنه
ختم پیغمبرین قیزین_نصف شب بوک کفنه

قبریم یرین ایله نهان
سرّی اولی بیر گون عیان
مهدی بالام گلر
تا سایه حق سالینار
قانی بالامین آلینار
محسنده دینجلر

• پنج شنبه
• 2
• اردیبهشت
• 1400
• ساعت
• 14:19
• نوشته شده توسط
• یوسف اکبری

جوان ننه - جوان ننه
جوانلیقیندا گول کیمی سولان ننه
قابورقاسی سینان ننه
قاپی دالیندا ظلمیله قالان ننه
فریادیم - اوت سالار لاهوته
اوخشاردون - بیر سینان یاقوته
نصف شب - اللریم قوینومدا
حسرتله - باخورام تابوته

زینبم - قالمیشام آواره
هجروندن - اولدی قلبیم پاره
گور نجه - آتاما یالوارّام
آپارما - ننمی مزاره
لایلای ننم (۴)

حسن دیور - او کوچه‌ده
کسیلدی ظلمیله عِنانِ چاره‌سی
ییخیلدی باغری - قان ننم
دگنده سیلی دوشدی گوشواره‌سی
آخاردی - هر زمان گوز یاشون
آغاردی - درد و غمدن باشون
زینبی - یاندیرار بو نسگل
حیف اولا - اولمادی قارداشون

قلبیوی - تیر غمله دلدون
غصّه‌دن - سن داخی دینجلدون
قورتولدون- محنتِ دنیادن
بهشته - گیت آنا خوشگلدون
لایلای ننم (۴)

• شنبه
• 4
• اردیبهشت
• 1400
• ساعت
• 16:23
• نوشته شده توسط
• یوسف اکبری

منیم وفالی همدمیم - سپهر غمده باتموسان
اویان آماندی فاطمه - علینی گوزدن آتموسان
بلورسن من شهر یثربده بی‌معینم
یانوب درگاهیم گیدوب حقّیم دلغمینم
قویوب زهرا مرتضانی تنها گیدورسن
منیم سن‌سیز بیر کسیم یوخ خانه نشینم
یا زهرا (۴)

اوقدری تنگه گلمیشم بو چرخ روزگاریدن
امیر جنگ خیبری - سالوبدی اعتباریدن
تاپولموری بو شهریده - سلامیمی منیم آلان
منی هامی گورن زمان - گلوب گیدور کناریدن
منیم سن‌سن دردیمون تنها آشناسی
سنیله آرتار شکسته قلبیم صفاسی
علیدن یوز دوندرور - بو اهل مدینه
اویان باری سن گوز آچ ای دردیم دواسی
یا زهرا(4)

بو ایوده دوزدون هر زمان، ملال و رنج و محنته
دلون فداسی فاطمه - دل آچمادون شکایته
قاپی یاناندا سینوه - یتیشدی صدمه ظلمیله
سنی او یاره هر گیجه - سالوردی چوخ اذیّته
خزان اولدی نوبهارون گول تک سارالدون
سن ای طاها یادگاری نه حاله قالدون
وفاسیز امّت الیندن جانه یتیشدون
بو دوخسان گونده آغاردی زلفون قوجالدون
یا زهرا (۴)

• یکشنبه
• 5
• اردیبهشت
• 1400
• ساعت
• 21:23
• نوشته شده توسط
• یوسف اکبری

حیدره ای روح وروان فاطمه
آچ گوزیوی یاتما اویان فاطمه
سیلی گوگردن یوزون....جان علی آچ گوزون

فخرزمین فخرزمان فاطمه
اسوه ی نسوان جهان فاطمه
حوروملک عزتیوین حسرتی
طاهره مرضیه نشان فاطمه

دلبرودلدار علی آچ گوزون
یارومددکار علی آچ گوزون
دهریده تنها سنیدون فاطمه
یکه هوادار علی آچ گوزون

گوزیاشیم القانه دونوبدور منیم
محفلیمون شمعی سونوبدور منیم
آچ گوزیوی فاطمه گور قامتیم
چوبه ی چوگانه دونوبدور منیم

باخ نجه گور دیده سی قاندور علی
ناله سی صد آه وفغاندور علی
گلشنیمون زینتی گور غصه دن
فاطمه جان قدی کماندور علی

فاطمه جان زینبی آغلاتما دور
گوزیاشیمی خون دیله قاتما دور
ام ابیهای نبی فاطمه
سیندی بلیم جان علی یاتما دور

مام حسن مام حسین آچ گوزون
زینبه ای نوردوعین آچ گوزون
گورنجه قانیاش الیور صورته
فاتح بدریله حنین آچ گوزون

هجریوه قان آغلیوری مرتضی
سینه سینی داغلیوری مرتضی
سینه سی آماج محن گوزده یاش
گوزلریوی باغلیوری مرتضی

دهریده آز سنیده جاندان دویان
گوزدن آتان زینبی، یاتما اویان
عرشه چیخوب آه وفغانیم منیم
یاتما دور ای حیدری یالقوز قویان

• یکشنبه
• 19
• اردیبهشت
• 1400
• ساعت
• 19:03
• نوشته شده توسط
• یوسف اکبری