دخت نبی ام ابیهادی خانم فاطمه
عصمت حق ،بضعه ی طاهادی خانم فاطمه
گویلر آرا مفخرحورادی خانم فاطمه
راضیه مرضیه دی زهرادی خانم فاطمه
رایحه ی جنت الاعلی دی خانم فاطمه
نادره ی خلقت خلاق جهاندور خانم
خلقتی مِن نوریدی نور ایچره نهاندور خانم
شانینه باخ شهره ی آفاق وجناندور خانم
شاهی یازارفخرزمین فضل زماندور خانم
الده قلم قطره دی دریادی خانم فاطمه
سیر عبودیّته زهرادی که منهاجیدور
وصفی سیغیشمازسوزه چون بحریدی مواجیدور
مرتضوی قولیدی زهرا باشینا تاجیدور
عزته باخ حشریده خاتم اونا محتاجیدور
ذهن بشرمات ومعمادی خانم فاطمه
خلقت بی مثل خداوند جلیدور خانم
سائلی مین حانم طاعیدی سخی دورخانم
فخر سماواتیدی هم فخر نبیدور خانم
شمّه دی بو وصفینه هم کفو علیدور خانم
سیده ی مریم وسارادی خانم فاطمه
یاز قلما فاطمه چون گوهر الماسیدور
عصمته الگو گزوسن فاطمه مقیاسیدور
فاطمه نون هرگوزلی مین دنه الیاسیدور
عالم هستی نه خدا فاطمه شیداسیدور
حق بویوروب خلقت عظمادی خانم فاطمه
خلقت آرا فاطمه چون درّگرانمایه دی
درّگرانمایه دیمه سوره دی یا آیه دی
امت پیغمبره حشرین گونی سرمایه دی
ماخلقون باشینه لطفی خانیمون سایه دی
نورٌ علی نوریدی یکتادی خانم فاطمه
لطفینی ارزانی منه بنده نواز ایله دی
طایر طبعیم گینه پروازمجاز ایله دی
جسم حقیریم ایاقا دوردی نمازایله دی
فاطمه نون آدینه ابراز نیاز ایله دی
امر بو دور درده مداوادی خانم فاطمه
فاطمه آئینه ی ذات ازلیدور بیلون
نور رخی جلوه ی خلاق جلی دور بیلون
عاشق مستانه سی مولامیز علیدور بیلون
بوسه ویران اللرینه شخص نبی دور بیلون
نصِّ ابوها بفداهادی خانم فاطمه
گر گیجه گوندوز بشریت ایده صوم وصلات
خضرنبی عتلمه بذل ایلیه آب حیات
هامّی تاپا عمر بقا راه فرار ممات
حبّ خانم اولماسا یوخ کیمسیه راه نجات
چون اَمَهُ اللهه مُسمّادی خانم فاطمه
یاللعجب رتبه سینه مام ولادورخانم
تاج سراهل کسا آل عبادور خانم
باخ بوگوزل وصفینه اُمّ النجبادور خانم
گول یوزی آئینه ی جلوات خدادور خانم
شمس و قمردنده هویدادی خانم فاطمه
آزدی نقدری یازاسان عطریلی ریحانیدن
صبر ایلمه یاز قلما راحت جانانیدن
من هارا توصیف ایله ماق مصحف قرآنیدن
کلک وزبان قاصر وغوغادی خانم فاطمه
کفر وعدوحزبیلری جمله باتار ماتمه
قائله ی داعش و النصره تاپار خاتمه
بیر یول اگر شیعه دیسه صدقیله یا فاطمه
ذکر وشعار فم مولادی خانم فاطمه
نوک قلم سطریده مصروف ایلیور جوهری
طبعیمه باخ سعی ایلیور وصف ایده بو گوهری
فاطمه نون ذات خدادندی غنی جوهری
رتبته باخ خاتم آتا حیدر اولوب شوهری
قائمه ی عرش معلادی خانم فاطمه
وصفینی یازماقدا توان اولمادی بو قاصره
شعریده حاشا چیخا وصفی خانیمون ظاهره
طبع غم امگیزیم اشارت ایاه دی باهره
مهبط جبریلیده توش اولدی غمه طاهره
محنتی مین بیته مقفادی خانم فاطمه
یوخدی مجالیم یازیلا غصه لری مو به مو
نار ستم مهبط جبریله چکوبدور عدو
قالدی درودیوارآرا سیندی ستملن سبو
وا اسفا سیلیه توش اولدی او ارزنده خو
باخ نه دچار غم وایذادی خانم فاطمه
دست جفا ردّی اولوب گول یوزونون هاله سی
یاس کبوده دولانوب ختم نبی لاله سی
سیندی صدف ساقط اولوب دُرّ گرانمایه سی
تاپدی تزلزل بو ایشه عرش خدا پایه سی
محنتی مین دفتر انشادی خانم فاطمه
اسدی جفا صرصری ریحانه ی پیغمبره
خارجفادن یتیشوب صدمه گل اطهره
چاتمادی صرّاف الی ساقط اولونان گوهره
ساقی کوثر ئوزی قان آغلیوب اول کوثره
سقط اولونان طفله معزّادی خانم فاطمه
اهل سقیفه یتوروب کامینه خود کامه نی
شورایلیوب زینبینه بیچدی قرا جامه نی
گورنجه تکمیل ایله دی خامه بو غم نامه نی
ساقی کوثر گوتوروب باشداکی عمامه نی
ئولماقا حیدر دیدی اولادی خانم فاطمه
- یکشنبه
- 19
- اردیبهشت
- 1400
- ساعت
- 19:06
- نوشته شده توسط
- یوسف اکبری
ادامه مطلب
