اشعار ترکی حضرت فاطمه زهرا(س)

گتدون آنا جان قالدی زینب
هر دردی دیله آلدی زینب
دنیانی گوروم ویران اولسون
قاره باشینا سالدی زینب

ایوای
آنا م الدن گتدی من قالدیم یتیم
ایوای
آخوری گوزدن سرشک حسرتیم
ایوای
آناسیز یاتماقه یوخدور عادتیم

آنا یازهرا آنایازهرا

دردونله آنا من بیمارم
چارم کسیلیب یوخدی چارم
درد و غمیلن مانوسم من
من زینبیوم دیده زارم

ایوای
محنتون دیلدن آنا من آتمارام
ایوای
گجه لر صبحه کیمی من یاتمارام
ایوای
غمیوی آیری غمه من قاتمارام

آنا یازهرا آنا یازهرا

حقّیم وار آنا غمدن یانام
هجر آتشینه اَلولانام
ووردی آنامی ثانی یخدی
ایودن یارالی گیتدی آنام

ایوای
یارالی گتدون مزاره سن گجه
ایوای
چیخدی خسته نعشین ایودن خارجه
ایوای
یاتمیسان توپراقلار آلتیندا نجه

آنا یازهرا آنا یازهرا

• دوشنبه
• 25
• اسفند
• 1399
• ساعت
• 22:31
• نوشته شده توسط
• یوسف اکبری

حیدری تک قویموسان
رخت وفا سویموسان
سندن علی دویمادی
سن نیه بس دویموسان

هجروندن قلبی سیخدون خانیم
گئتدون ائویمی یخدون خانیم

یافاطمه

درده دوشوب مرتضی
دردینه یوخ بیر دوا
ایسته علی تز ئوله
غصه لری قورتولا

دیلده عشقیم واردی چوخ سنه
دنیا زنداندی سنسیز منه

یافاطمه

اشکیم آخور چهره مه
مرحم اولا دردیمه
هر غمه توش ایلدی
ثانی سنی فاطمه

سنه چوخ جسارت ایلدی
حیدری خجالت ایلدی

یافاطمه

درد و غمه دئوزموشم
اشکی یوزه دوزموشم
دفن ائلدیم گر سنی
سن دئمه ال اوزموشم

محبت جامه‌سین سویمارام
آغلاماقدان سنه دویمارام

یافاطمه

• دوشنبه
• 25
• اسفند
• 1399
• ساعت
• 22:36
• نوشته شده توسط
• یوسف اکبری

فاطمه گیتمه اَماندی
نالم اَفلاکه دایاندی
رو بقبله یاتمیسان سن
حیدرین صبری تالاندی

دور رَختِ وصالی بیله تز سویما یارالی
شهر ایچره غریبم منی تک قویما یارالی

خانیم گیتمه یاارلی

ای عزیزِ جانِ طاها
توکمورم گوزیاشی بیجا
گَل حلال ایله علینی
اینجیدون بو ایوده زهرا

غَم، غصّه سنی گَتدی خانیم آه و نوایه
سالدوم اوزووی مندن اوتور درد و بلایه

سن سن ای زهرای اَطهر
یاوریم بعد از پیَمبر
سنده گیتسن گر اَلیمدن
تک قالار یثربده حیدر

گیتسن بو ایو اهلین، یادینا بیر سالان اولماز
شهر ایچره علینین ده سلامین آلان اولماز

یاندی قلبیم درد و غَمدن
بیر تقاضا واردی سندن
لا اقل ایوده اولاندا
فاطمه اوز دوتما مندن

حیدر سنه دیلخوشدی جهاندا بولوسن سن
ایوای منین اَحوالیمه زهرا ئولوسن سَن

طاقتیم قالماز بَدنده
آستانَمدن گیچنده
قان اولور قلبیم عزیزیم
قانلی مسماری گورنده

یانمیش قاپینین درد و غمی قلبیمی سیخدی
هم مُحسنومی آلدی خانیم هم سنی یخدی

• چهارشنبه
• 27
• اسفند
• 1399
• ساعت
• 22:01
• نوشته شده توسط
• یوسف اکبری

گیتمه آنا یا زهرا

ای ظلموله شکسته، یاقوت
یاراشموری سنه هیچ، تابوت
یوروب سنی جفایِ، طاغوت

آغلامییم بَس نینیم

اَلو چکور وجودوم، غَمدن
نجه آنا دویوبسان، مندن
زینب کی دویمییبدی، سَندن

یارالی/آنام ایوای 3

گیتمه گوزون قربانی

قراریمی الیمدن، آلما
بلایه زینبیوی، سالما
سَنگِ فراقی قلبه، چالما

زینبون ئولسون ایکاش

سنی گورونجه تابوت، اوسته
ای خِلقَتِ جَهانه، هَسته
گیت یات مزاریده ای، خَسته

ووردولار اود درگاهه

دیوار و دَر سینه وی، سیخدی
صَحن ایچره نالَن عرشه، چخدی
بابام علینین ایوین، یخدی

گوردی سنی قان ایچره

بولدی اَسیبدی باغه، صَرصَر
اَیاقلار آتدا اولدون پَرپَر
بولمم نجه دوزوبدی ، حیدر

طاقتیم اَلدن گیتدی

گولوم دچار اولوبدی، خاره
دوزَلمدی سینَنده، یاره
اَلیمده قالمییبدی، چاره

(بیکَس) و بی غمخوارم

بوندانصورا منه یوخ، هَمدم
عَرشه اوجالدی آه و ، نالَم
گَرَک دوتام ئولونجه، ماتَم

• چهارشنبه
• 27
• اسفند
• 1399
• ساعت
• 22:43
• نوشته شده توسط
• یوسف اکبری

آه ای علینون نگاری گوزون آچ
ای غملی قلبین قراری گوزون آچ
سنسیزگئدرگلشنیمون صفاسی
گلزاریمون آی بهاری گوزون آچ

گل تک یوزون سارالیب
تاب وتوانیــم آلیب
آچ گوزووی منه باخ
گورنه علــی قوجالیب

من بیقرارم آی زهــرا
درده دچارم آی زهــرا

یوردی سنی ظلم وجورزمانه
سالدی نفسدن داخی تازیانه
یوخدورجوابیم وفالی حسینــه
هر ایلینــده آناسین بهــانه

سسلنورآچ گوزووی
دی منه هــر سوزووی
سویله نیه آناجــان
گیزلدوسن یوزووی

من بیقرارم آی زهرا
درده دچارم آی زهرا

دورباشون اوسته نئجه گوریانورام
نیلی عذاره باخیب اودلانورام
سنسیز بو عمری داخی ایستمورم
ئولومی واللهی شیرین سانورام

دورمنیم ای پناهـیـم
غم گونی تکیه گاهیــم
اودسالور بو جهانه
سوزش اشک و آهیــم

مین بیقرارم آی زهــرا
درده دچارم آی زهــرا

علاقه رختین هله سویمامیشام
مرهم یارالی دله قویمامیشام
آچ گوزووی سسله بی کس علینی
من عشقیمیزدن هله دویمامیشام

بیرکسیم یوخدی زهــرا
محنتیم چوخدی زهــرا
فرقتون بو یارالی
قلبیمه اوخدی زهــرا

من بیقرارم آی زهــرا
درده دچــارم آی زهرا

دئنن نئیمیش کوچه ماجراسی
نیه حسنون وار اودلی نواسی
اوخشیورسنی بوغملی سوزیله
ای کوچه لرده دوشن گوشواراسی

کوچه سوزون دئ منه
کیم ستم ائتدی سنه
اورد مگر نه گــوروب
قورخی گلوب حســنه

من بیقرارم آی زهرا
درده دچارم آی زهــرا

• پنج شنبه
• 28
• اسفند
• 1399
• ساعت
• 13:31
• نوشته شده توسط
• یوسف اکبری

مژده وئرون شیعه لره
جنته دوندی دنیــــا

جلوه لنوب ماه شرف
عالمه گلدی زهــرا

جان اولاقربان بوگل- یاسمنه
وئردی صفامقدمی بوـــ انجمنه
صبح قیامتده اونون،بیرباخیشی
بسدی منــــــــه

گلدی ملیکهٔ عالم عصمت
گلدی ستاره عرش ڪـرامت
گوزل آدی اوره کلرین قراری
مقدمی وئردی بو عالمه زینت

خوش گلدی زهرا ـــــ محبوب داور
خوش گلدی زهرا ـــــ دخت پیمبر
خوش گلدی زهرا ـــــ مولایه یاور

فاطمه نون مقدمی بو
عالمه وئردی زینت

حضرت زهرانی خـــدا
خلقته وئردی نعمت

مریم ئوزی واله اولوب ـــ عصمتینه
حوروملک عاشق اولوب ـــ عفتینه
عالم وآدمون گوزی ـــ واردی اونون
رٲفتیــنه

اوتوروبدی یولوندا حوروغلمان
آچیلیب گئنه ده سفرهٔ احسان

گلدی ملیکهٔ خلقت دادار
اولدی پیمبرون لبلری خندان

خوش گلدی زهرا ـــ محبوب داور
خوش گلدی زهرا ـــ دخت پیمبر
خوش گلدی زهــرا ــــ مولایه یاور

• جمعه
• 29
• اسفند
• 1399
• ساعت
• 11:52
• نوشته شده توسط
• یوسف اکبری

(بو عالَمین غَم و اندوهی عالَم، عالَم، اولیدی)
نه فاطمه اوره گینده، ئولونجه مین غَم اولیدی

یارالی فاطمه وای 4

گَلنده پُشتِ دره، فاطمه اوزاقدا دورییدی
اَیاق دَگنده قاپی، سینمییدی مُحکم اولیدی

هجوم ایدنده ایوه، سنگدل او نامَحرَم لر
اَنیس اودَم خانیما، بیر نَفرده مَحرَم اولیدی

سینیخ قابیرقالاری اینجیدیبدی فاطمه نی
یارالی سینه سینه کاش اوگونده مَرهَم اولیدی

یر اوسته فاطمه نی کاش، گورنده شیر خدا
جهانی تز داغیلییدی ثُباتی بَرهم اولیدی

کَشان کَشان آپاراندا، علینی قولدا طَناب
ستونِ گُنبَدِ عَرشی، همیشه لیق خَم اولیدی

اَرییتدی جِسمِ بَتولی، همان او درد و بَلا
صول اَللی ناکیشین، مَسکنی جَهنّم اولیدی

فَدَک بهانه سینه کوچه ده او یول کَسَنه
همیشه آتَشِ دوزَخ انیس و هَمدم اولیدی

دوشوبدی فاطمه دیلدن، قالوبدی (بیکَس) و تنها
سَزادی اَشکی گوزونده، همیشه زَمزَم اولیدی

• یکشنبه
• 1
• فروردین
• 1400
• ساعت
• 13:42
• نوشته شده توسط
• یوسف اکبری

گَل یا علی ای سَروَرِ /دوران
گَل باشیم اوستونده اوخی/ قرآن
زهرا او قرآن صوتیوا /قربان
هجران یاخیندی2

راهیدی زهرا محضَرِ / یاره
غمدن گونوم دوندی شبِ / تاره
هجرانه یوخدی نیلیوم / چاره
هجران یاخیندی2

(مظلوم علی مظلوم علی /ایوای) 3
ایوای عم اوغلی

رفعِ غم و درد و مَلال / اِیْله
دیلده سوزون اولسا سؤال / اِیْله
زهرا ئولن گوندی حلال / اِیْله
یاننام غموندن2

فرصَتدی درد دیل ایداخ / باری
گوزیاشیوی ایتمه یوزه / جاری
دفن ایله زهرانی گجه /یاری
یاننام غموندن2

مدّتدی اولموشدوم سنه / مأنوس
اولدوم حیاتیمدان ولی /مأیوس
قاخمیر قولوم اَشکون سیلَم /اَفسوس
آز آغلا یاندیم2

زهرا حَیاتیندان اگر / دویدی
فکر ایلمه رَختِ وفا / سویدی
غَملی دیلی مسمارِ دَر / اُیدی
آز آغلا یاندیم2

غُنچه گولوم پَرپَر اولان / گوندن
الله بولور شرمندیم / سَندن
اوز دوتماقیمدان اینجیمه / مَندن
چاره م یوخیدی2

تیرِ مُحَن داغلی دیله / ساشما
غیرتلیسن امّا دایان / داشما
وار خواهشیم کوچه سوزون / آشما
چاره م یوخیدی2

وار اختیارِ ماسِوا / سَنده
پِیکِ اَجَل درباریوه / بَنده
امّا اجازه ویر آقا / مَنده
گیدیم یورولدوم2

گیتسَم اورکده غُصّه لر / قالدی
اَشکیله دولموش دیده لر / قالدی
ایوای اوشاقلاریم مَلَر / قالدی
گیدیم یورولدوم2

فکریم حسینیمدن ولی / دونمَز
هجر آتَشی هر نیلورَم / سونمَز
اوغلوم کیمی هیچ کیم غریب / ئولمَز
کرب و بلاده2

(بیکَس) قالار اوغلوم حسین / بوللَّم
آتدان دوشَنده توپراقا / گللَّم
آغ زلفیمیله قانینی سیللَّم
کرب و بلاده2

• یکشنبه
• 1
• فروردین
• 1400
• ساعت
• 14:25
• نوشته شده توسط
• یوسف اکبری

تمامِ هستیِ عالَم برای فاطمه است
ولای حضرتِ حیدر، ولایِ فاطمه است
یقین به قلبِ خلایق همیشه سُلطان است
همان کسی که به عالَم، گدایِ فاطمه است

(شَفیعه ی دوسَرا، فاطمه سلامٌ عَلَیک)

خوشم که سائل کوی و سرایِ فاطمه ام
قبول اگر کُنَدَم من، گدایِ فاطمه ام
زِ لطفِ و مَرحَمتِ آلِ او، خدا خواهد
فدای آلِ علیّ و فدایِ فاطمه ام

دلیل خلقت عالَم جنابِ فاطمه است
تمامِ آتشِ دوزخ عِتابِ فاطمه است
قیامتی که همه خوف و واهِمه دارند
حساب دستِ علیّ و کتاب، فاطمه است

لِوایِ فاطمه دائم، گرفته بَر دوشَم
زِ جامِ مِهرِ ولایَش، همیشه مِی نوشَم

سؤال شد اگراین، جامه ی سیاهَت چیست
عَزای مادَرم آمد، سیاه میپوشَم

تَمامِ عالَمِ امکان، صفاسی فاطمه دی
بوتون شکسته اورکلر، جَلاسی فاطمه دی
حسینه نوکَر اولانلار، بونی یقین ایتسین
تَمامِ اَهلِ ولانین، آناسی فاطمه دی

ولایَت اَهلینه زهرا، عنایت ایلیه جاق
مسیرِ عزّته حتماً، هدایت ایلیه جاق
علی سوونلره اولسون بَشارتِ اَبَدی
قیامتین گونی زهرا، قیامت ایلیه جاق

کَرَمده فاطمیه یوخدی بیر نَفر هَمتا
همیشه ایلیوب احسان، منه گُلِ طاها
قالاندا (بیکَس) و تنها،بودور منه عادَت
گیدَر غَمیم اوره گیمدن، دییَنده یا زهرا

• یکشنبه
• 1
• فروردین
• 1400
• ساعت
• 14:32
• نوشته شده توسط
• یوسف اکبری

عرشیده بَزمِ شور و تَوَلّا /برپادی2
موجه گلوبدی رحمتِ خالق/زیبادی2
ولادتِ بانوی دوعالَم/ زهرادی2

گویده ملائک هَمهَمه سی
نامِ بَتولی سَسله مه سی
بیربیره عرش اهلی دییوری
گلدی علینین فاطمه سی

اُمِ اَبیهادی فاطمه4

ماهِ مُنیرِ چرخِ رسالت / زهرادی2
یاور و یارِشاهِ ولایت /زهرادی 2
مادرِ پاکِ نسلِ امامت /زهرادی2

فاطمه مرآتِ نَبَوی
مادرِ ساداتِ عَلَوی
بَسدی بو شأنینده خانیمین
فاطمه دی دلدارِ علی

اُمِ اَبیهادی فاطمه4

فاطمیه بیر کیمسه اولانماز/همپایه2
شأنینه باخ کی مادر اولوبدی /طاهایه2
دَردون اگَر وار دَردیوی سویله /زهرایه2

عرض ایله بانو، اِیْله کَرَم
غملر اَلینده دیده تَرَم
دیلده کی دردی اوزگه لره
سن بولوسن ئولسَم دیمَرَم

اُمِ اَبیهادی فاطمه4

وِرد لَبیمدی من دیل آچاندان/یازهرا2
قبول ایدیبدی گَدانی شاهِ /عاشورا2
نوکریوه لطف ایله خانیم یاز /کربلا2

ای بالاسی ظلمیله ئولَن
کرب و بلادی آیری وطَن
واردی باشیمدا شوقِ حَرَم
بوشدی اَلیم امّا بولوسن

اُمِ اَبیهادی فاطمه4

• یکشنبه
• 1
• فروردین
• 1400
• ساعت
• 15:10
• نوشته شده توسط
• یوسف اکبری

قدم قویوبدی عالَمه زهرا خانیم زهرا
ملائک ایتدی زمزمه زهرا خانیم زهرا
جهانه سالدی وَلوَله زهرا خانیم زهرا
یقین دوادی هر غمه زهرا خانیم زهرا

نَظیری گَلمییب جهانه
محالیدی گَله بَیانه
مدینه نین ویرر بَراتین
خدیجه کُلِّ شیعیانه

عشقیوه من مشتَرییَم زهرا خانیم زهرا
حیدریَم حیدریَم زهرا خانیم زهرا

ای شَهِ والا بالاسی زهرا خانیم زهرا
جمالی چون آی پاراسی زهرا خانیم زهرا
ای حَسَنینین آناسی زهرا خانیم زهرا
شیعه لرین وار هاراسی زهرا خانیم زهرا

خسته اورکلره صفاسَن
فاطمه جان درده دواسَن
سائلی مأیوس ایلمَزسَن
چون بولورَم کانِ سَخاسَن

تاجِ سَر اَهلِ ولا زهرا خانیم زهرا
دیده ی اَحبابه ضیا زهرا خانیم زهرا
گول آدیوا شیعه فدا زهرا خانیم زهرا
یاز بیزه بیر کرب و بلا زهرا خانیم زهرا

ای عصمتین هُماسی زهرا
عاشقلرین نواسی زهرا
بیزه اوزون ویر عیدیانه
او اَللرین فداسی زهرا

مَرَحَمتی فوقِ بَیان زهرا خانیم زهرا
هَمسرِ سُلطانِ جَهان زهرا خانیم زهرا
گورنه یارالدیب یارادان زهرا خانیم زهرا
شیعه نی اوتدان قوتاران زهرا خانیم زهرا

شَفیعه ی روزِ جَزاسَن
نَیِّر اَفلاکِ هُداسَن
حضرتِ صادق بویوروبدی
شیعه لره اصلی آناسَن

• یکشنبه
• 1
• فروردین
• 1400
• ساعت
• 15:12
• نوشته شده توسط
• یوسف اکبری

سُووندی طاها
گلوب اُمِّ اَبیها
ویردی خدیجیه خدا بیر گُلِ زیبا

گویده ملائک
ایدور یره تماشا
صفا ویریبدی مکّیه، مَقدَمِ زهرا

فوجِ مَلَک زمزمه سی،
شوقیله قوزانار سَسی
زهرا، زهرا

شُکر اولا ذاتِ اَمجَده
کوثری ویردی اَحمده
زهرا، زهرا

زهرا زهرا
خانیم یا فاطمه 4

کانِ کَرَم دی
عزیز و مُحترم دی
زینتِ فردوسِ بَرین، باغِ اِرَم دی

مریم و سارا
قاپیسینا خَدَم دی
بَسدی آقاسی صاحبِ تیغِ دو دَمدی

حبیبه ی ذاتِ خدا
میوه ی قلبِ مصطفی
زهرا، زهرا

شفیعه ی روزِ جَزا
سائل لره ایلَر عطا
زهرا زهرا

زهرا زهرا
خانیم یا فاطمه 4

نه با صفادی
هامی درده دوادی
عشقینه شیعه لر جهاندا مُبتلادی

باخون مَقامه
بیر اوغلی مُجتبادی
بیر اوغلی اربابیم حسین، شاهِ وِلادی

زینتِ انجُمَن گلوب
مِحوَرِ پنج تن گلوب
زهرا زهرا

شادیِ مصطفی گلوب
یاورِ مُرتضی گلوب
زهرا زهرا

زهرا زهرا
خانیم یا فاطمه 4

غرقِ خطایم
بَلایه مُبتلایم
بیر عمریدور درگَهیوه خانیم گَدایم

(بیکَسم) امّا
سیزه امیدوارم
سَن بولوسن من نجه مُحتاجِ عَطایم

شفاعت ایستیرم خانیم
زیارت ایستیرم خانیم
زهرا زهرا

مدینه و کرب و بلا
براتینی ایله عطا
زهرا زهرا

زهرا زهرا
خانیم یا فاطمه 4

• یکشنبه
• 1
• فروردین
• 1400
• ساعت
• 15:18
• نوشته شده توسط
• یوسف اکبری

زهرا زهرا جانِ پیَمبَر زهرا
زهرا زهرا یاورِ حیدر زهرا
زهرا زهرا ماهِ مُنَوَّر زهرا
زهرا زهرا معنیِ کوثر زهرا

زهرا زهرا، زینتِ جَنّت، زهرا
زهرا زهرا، معدنِ عصمت، زهرا
زهرا زهرا، بوشدور اَلیمیز بانو
زهرا زهرا، ایله عنایت، زهرا

زهرا زهرا، صاحبِ احسان، زهرا
زهرا زهرا، دردیمه درمان، زهرا
زهرا زهرا، وردیم اولوب دائم
زهرا زهرا، آدیوا قربان، زهرا

زهرا زهرا، لطفوده دریا، زهرا
زهرا زهرا، مِهرِ دل آرا، زهرا
کیمده واردی بیله مَقامات آخِر
تنها سَنسَن، اُمّ اَبیها، زهرا

زهرا زهرا، زینب آناسی، زهرا
زهرا زهرا، عصمت هُماسی، زهرا
ایتگین قبرون،قسمتیم اولمور،افسوس
او مَزارین ، شیعه فداسی، زهرا

زهرا زهرا، شأن و مقامی، والا
زهرا زهرا، سَروَرِ اَهلِ، دنیا
دنیایه باخ، شیعه قالوبدی (بیکَس)
ایسته گَلسین، قان آلان اوغلون، زهرا

• یکشنبه
• 1
• فروردین
• 1400
• ساعت
• 15:25
• نوشته شده توسط
• یوسف اکبری

نیمه ی جَمادی، اولاندا
گوز آچدی عالَمه بیر ماهِ اَنوَر

روشن ایلیوبدی، حجازی
جَمالِ فاطمه ایتدی مُنَوَّر

گلدی بیر کوکب
بُرجِ عصمتدن
آی اوزون پنهان ایدوب شَرم و خَجالتدن

فاطمه جانم3 خانیم فاطمه جانم

اَهلِ عشقه الله، بوگونده
دوباره ایلیوب لطف و عنایت

خالقِ دو عالَم، بَتولی
یارالداندا ایدوب اَلحَق قیامت

لُطفِ داوردی
آدی کوثردی
هر مَقامی بیر یانا، دلدارِ حیدردی

فاطمه جانم3 خانیم فاطمه جانم

شُکر اولا خدایه، کی مَنده
مُریدِ نامِ زهرایم جهاندا

سَسلرم آدینی، زمانه
بَلاسی قلبیمی هَر دَم سیخاندا

افتخاریمدی
اعتباریمدی
بولسون عالَم فاطمه دار و نَداریمدی

فاطمه جانم3 خانیم فاطمه جانم

عالَمی دوتوب غَم، بو عالَم
اولوب یا فاطمه درده گرفتار

باغلیدی حَرَم لر، گَدالر
بو هجراندان گجه گوندوز سیزیلدار

ای کَرَم کانی
قبری پنهانی
کربلانی گویلوموز، ایستیر حسین جانی

فاطمه جانم3 خانیم فاطمه جانم

لطفووه اَحِبّا ، تیکوب گوز
ایکی عالَمده ای کانِ کرامَت

گَل حسینه خاطر، نظر قیل
بلاگردانیوم ایله عنایت

قلبیمیز بانو
قاندی دینجَلمور
شیعه لر(بیکَسدی)اوغلون بَس نَدَن گَلمور

فاطمه جانم3 خانیم فاطمه جانم

• یکشنبه
• 1
• فروردین
• 1400
• ساعت
• 15:27
• نوشته شده توسط
• یوسف اکبری

بیاین دوباره بخونیم، سوره ی کوثر
قُربونیا رو بیارین، به حُکمِ( وَٱنْحَر) 1
میدن فرشته ها به هم، دسته گُلِ یاس
میگن خدا به مصطفی، داده یه دختر

شَبیهِشو تا به حالا، کسی نَدیده
خدا به دستِ قُدرَتِش گُل آفریده
گُلشَنِ عالَم مِثِ این، گُلی نداره
باغِبون هَستی ببین، چی پَروَریده

فداشم
خیلی وقته گِداشَم
همیشه مُبتَلاشم
نکنه خدا یه روزی
از موکِبِش جُدا شَم

زهرا
مدد اُمّ اَبیها3

1_(فَصَلِّ لِرَبِّکَ وَٱنْحَر)
پس{به شُکرانه آن} برای پروردگارت نماز بخوان و شُتر قربانی کن
سوره مبارکه کوثر آیه 2

اَشرَف ِ اَنبیالَره، دلبر گلوبدی
زنانِ اَهلِ عالَمه، سَروَر گلوبدی
بو گجه بایراملیق آلون، شاهِ نَجفدن
ساقی کوثره دیون، کوثر گلوبدی

علّتِ خلقتِ جهان، زهرادی زهرا
مادرِ کُلّ ِ شیعیان، زهرادی زهرا
قَلم لر عاجزدی یازا، مَدحِ بَتولی
فَراتر از شَرح و بَیان، زهرادی زهرا

گدایم
آدینا من فدایم
گرچه غرقِ خطایم
افتخاریم بودور کی
عشقینه مُبتلایم

زهرا
مدد اُمّ اَبیها3

جمالِ اَنوَری اونون، طاهایه بَنذَر
یا بولمورم خدیجه ی، کُبرایه بَنذَر
هر کیمه تَشبیه ایلَسم، ایراد ایده لّر
قویون دیوم زهرا فقط، زهرایه بَنذَر

ملائکه گویده اولوب، غَرقِ تماشا
عالَمی حیرته سالوب، خِصالِ زهرا
هانسی آتا اوز قیزینا، آنا دیوبدی
جهاندا زهرادی فقط، اُمّ اَبیها

فَداها
سنه اُمّ اَبیها
میوه ی قلبِ طاها
اَهلِ عالَم فدایِ
نامِ دلجویِ زهرا

زهرا
مدد اُمّ اَبیها3

شیعه لره نصیب اولوب، بوبیر سعادت
آنا بولر فاطمه نی، اَهلِ ولایت
علینی ایستین لره ویرون، بَشارت
قیامت ایچره فاطمه، ایدر شفاعت

زینتِ فردوسِ اِرَم، زهرادی زهرا
شمعِ شَبستانِ حَرَم، زهرادی زهرا
(بیکَسم) امّا الیمی، دوتوب همیشه
معدنِ احسان و کَرَم زهرادی زهرا

فَداسی
اولموشام مُبتلاسی
حَسَنینون آناسی
بَسدی آدیم یازیلسا
آلِ زهرا گَداسی

زهرا
مدد اُمّ اَبیها3

• یکشنبه
• 1
• فروردین
• 1400
• ساعت
• 15:31
• نوشته شده توسط
• یوسف اکبری

سویله گر اسلامی ائدوبسن قبول
صلّ علی قرة عینِ الرّسول

فاطمه یه باغلا ئورک بندینی
تا آچاسان معصتین بندینی

گل علوی مکتبینه همدم اول
بحر مصیباتبده غرق غم اول

بوشلا بو بی عهد و وفا عالمی
ئوزگه بیر عالم دی عزا عالمی

گل اول ئوزون سائل خیرالنساء
ایلمه بیگانه لره اعتنا

سائله احسان اِلیین دور خانم
دردیوه درمان اِلیین دور خانم

دوگمه بیر ئوزگه در میخانه سین
مست ائله اوّل ئورگین خانه سین

شمع شبستاندی بیزه فاطمه
عشقیده برهاندی بیزه فاطمه

داشسا اگر بزمیده پیمانه لر
رسمیدی جاننان گئچه پروانه لر

شمعیدی زهرا اونا پروانه بیز
عشقیدی زهرا اونا دیوانه بیز

ئوزگه یانان شعله لره یانماروخ
جان دا وئرخ عشقینی بیز دانماروخ

خوار اولا هرکس تانیمور مکتبی
آنلامیوب دینی ، نه ده مطلبی

ظاهر ناحقّه باخوب،حق گوروب
ظالمه دیوار حمایت هوروب

باغلی دوتوب امته درب رجا
دینه خلیفه چخادیب نابجا

نفع بیر اشخاصه گوره حق دانیب
توده ملت ده ولی آدلانیب

صاحب حقدن سندی سلب ائدوب
رأی عوامی اؤزونه جلب ائدوب

مجرم ئوزی حکم قضاوت تاپوب
جمع جهالتده جلالت تاپوب

امر رسالت دن عدول ایلین
مطلب ناحقّی قبول ایلین

گؤزلره پنهان ائلیوب حجتی
بیعته وادار ائلیوب امتی

امر ائلیوب قلبلری داغلیون
گئلمسه کیم قوللارینی باغلیون

بیت مخالف لری اودلاندیرون
وئرمسلر یول، قاپیسین یاندیرون

ملتی که عشق ولا آنلاماز
کینه و خصمیله قیلالار نماز

جهل لری عقل لریندن قوی
امر شیاطیندن ائدوب پیروی

خانه ی وحی-ی- هدفینده عموم
کوی بنی هاشمه ائتدی هجوم

دربه مقابل ییغیشوب چوخ عرب
فاطمه دن حیدری ائتسون طلب

سالمیالار ایشلرینی زحمته
تا چکه لر حیدری ده بیعته

فاطمه کی حیدره همرازیدی
جبهه ی عشقینده سرافرازیدی

وئرمدی فرصت عرب جاهله
قویمادی نا اهل لری منزله

یوز توتوب اعرابه او روح وقار
وئردی ولایت سوزونه اقتدار

سسلدی ای قوم اسارت پرست
فکر خلافت سیزی ائتموش نه مست

بعد نبی قلبیمی چوخ غم یوروب
بعضی لری فتنه اساسین قوروب

چون باشینی قویدی یئره مصطفی
خلع خلافت اولونوب مرتضی

حج وداعیده ددی خطبه نی
وئردی آتام حیدره بو رتبه نی

حق علیدور بو خلافت یولی
چون اودی دنیاده عدالت یولی

روشن اولوبدور چوخو غفلتده دور
فکر ریاست و خلافتده دور

امته بو ظلمی روا قیلمیون
امررسالتدن هئچ آیریلمیون

باغلیا بیلمزسوز علینون الین
فاطمه حامی دور اونا،دینجلین

آنلیون حق اوسته یم،آزادیم
مدرکه بو بس که نبی زادیم

عالمه مهتاب دل آرا منم
رحمت اول خالق یکتا منم

لازمه ی روضه ی رضوان منم
باعث خشنودی سبحان منم

جان بو منظومه یه جانان منم
روح شرف،پیکر ایمان منم

صبر و قرار دلِ پیغمبرم
قبله گهِ درب کَنِ خیبرم

شیرزنم،شیرزنه مادرم
فاطمه یم،فاطمه ی حیدرم

شمعیمه پروانه لیغه لایقم
شوهرِ با غیرتیمه عاشقم

قویمارام عشقین زِرِهین من یئره
عاشق مستانه گرک جان وئره

حقّیله انصافه گوره قان وئره
لیک محال ئیدی که ایمان وئره

گرچه خلافت سَنَدی غصب اولوب
مسندینه غیر علی نصب اولوب

قلبیمی گر درد و مصیبت سیخا
صبر ائویمی ظلم مشدد ییخا

گر یولومی یول کَسَنیم باغلیا
حالیمه اوغلوم حسنیم آغلیا

داغلانا قلبیم غم اودیلان اگر
ترک ائلیر فاطمه عشقین مگر

ائتدیگیم عهد اوسته وارام دؤنمرم
شمع حرم خانه کیمی سؤنمرم

حقّی قویوب،باطله یول وئرمرم
حقّ علیدن صوراسین گؤرمرم

عشق علیدور ره تقوا منه
اوّل و آخر اودی مولا منه

ای قاپینون قیرماغینا زور ائدن
درد و فشاره منی مجبور ائدن

بیر کمکه گئلمین ای قونشولار
شاهد اولون،اهل ستم دیر بولار

اودلامیون حق قاپیسین ای عوام
شور جهالت ده قالیبسوز مدام

دقت ائدون بیر سؤزومه سیز صورا
سویله نئدن جمع اولونوبسوز بورا

وئرمیون امکان سیزه لعنت دییَم
تانریدان ئوز ئولمگیمی ایسدیَم

سائل اولوبدور بو دره هر ملک
یانسا بو در اودلاناجاق نُه فلک

حیدری فرض ایلمیین بی کمک
فاطمه قویماز قالا دلداری تک

قانیمیله عشقیمه ورّام محک
راه شهادت گئده عاشق گرک

گر در و دیوار آراسیدی تنگیدی
سنگری ترک اِیلمه گیم ننگیدی

قوی در و دیوار اولا سنگر منه
شیرخدا دور ائله رهبر منه

گر سینه مه یوزمین عدد میخ باتا
لحظه ده قویمام عَلَم حق یاتا

دنده لریم ضرب دره سینسا دا
اود آراسیندا ئورگیم یانسا دا

کوچه ده راهیم منه باغلانسا دا
قلبیم اگر ظلمیله داغلانسا دا

من ایاق آلتیندا اگر جان وئرم
محسنیمی حیدره قربان وئرم

آتمیاجاق فاطمه ئوز یارینی
ئولسه ده ساتماز بو هوادارینی

عشق علی عمریمه سرمایه دی
دختر طاها باشینا سایه دی

روز قیامت دییرم تک کلام
عالمه سروردی علی،والسلام

• چهارشنبه
• 4
• فروردین
• 1400
• ساعت
• 20:00
• نوشته شده توسط
• یوسف اکبری

دل شبده آچ سینه وی بقیع
گئتیریبدی حیدر امان سنه
گؤزی یاشلی گلدی که تاپشورا
ئوز اَلیله گوهرِ جان سنه

گُلِ پنج تن دی بو جسم و جان،بو وجوده ساخلا سن حرمتی
چوخ اذیّت اولدی بو دهریده،تاپا سنده بلکه ده راحتی
علی یه امانتیدی بو گول،وئرسن رسوله امانتی
قیریلیبدی ساقه دن حیف اولا،گئلیر ایندی قدّی کمان سنه

خبر آلما باعث اولوب نئلر،که مثال گول صولا فاطمه
نه ائدوبدی ضربت در مگر،بو سیاق شهید اولا فاطمه
نئدن آشیانه سینی گرک،قویا تک دوشه یولا فاطمه
گئتوروبدی پیکر خسته سی،سینه سینده درد نهان سنه

باشینا گلوبدی نه اتّفاق،آناسیز او دورت بالادان سؤروش
قاپیسیندا عزّتی اودلانان،اَلی باغلانان آتادان سؤروش
نیه فاطمه گئجه دفن اولور،سینه سینده کی یارادان سؤروش
ئوزی سنله قوی آچا دردینی،ائده جاری اشکِ روان سنه

دم احتضاریده سویله دی،ئورگیم دوتوبدی ملال علی
سنی تک قویوب گئدورعاشقون،بئله یاری ایله حلال علی
ئوز الونله وئر منی توپراقا،نچه دم یانیمدا دا قال علی
بو گؤزومده حسرتیم اولماقا،یوزووه یوخومدی توان سنه

اؤتوروبدی گلشنی فاطمه،پر آچوب گلوب یئری بوش قالوب
بو همای عترتین ئولمه گی،هامی کایناته شرر سالوب
دیزینی قوجاخلیوب حیدری،بالالاری دوره سینه آلوب
هامی اهل منزلی غمزده،آخیدیر او گؤزلری قان سنه

آناسیز بیر إوده قالان حَسن،توکور آهیله یوزه گؤزیاشی
یاریسی یانان قاپویا باخیر،یادینا دؤشور آنا قارداشی
چاغیرور که زینبی گَل باجی،آغیر اولدی سینه مه غم داشی
باجیسی سیلور گؤزونون یاشین،بو یتیملر اشکی نشان سنه

ولی آغلیان چاقی حیدرون،گؤزونون یاشین سیلن اولمادی
گولو پرپر اولدی جفائیلن،نجه غم چکوب بیلن اولمادی
بیری ده تسلّیه قونشودان،بو غریبیه گلن اولمادی
گئتوروبدی عرض شکایتین،گئجه یاری تا نگران سنه

• چهارشنبه
• 4
• فروردین
• 1400
• ساعت
• 20:02
• نوشته شده توسط
• یوسف اکبری

سبک: ای حرمین غصه‌لی ماهی

عمریمون ای اولدوزی باتما
مغسلون اوسته بئله یاتما
رحم ائله بو خیردا یتیمون
گوزلرینی قانه بویاتما

پوزوب مطلبی گئتمه-آتوب زینبی گئتمه
دایان باری صبح اولسون-بو نصف شبی گئتمه
ننم لای لای (2)

زینبون ای تکجه پناهی
گورمورم اول مِهر نگاهی
سن قیزیوی ترک ائلیَندن
بخت ائویمه دوشدی سیاهی

غمونده تل یولّام-گولوم آچمامیش صولّام
بئله بیلمزیدیم من-بو یاشدا یتیم اولّام
ننم لای لای (2)

آچ گوزون ای قبلۀ رازیم
اللریوه واردی نیازیم
سن گئدوسن واردی بو قورخوم
اولمویا هِئچ کیم چکه نازیم

نئدن گولمَدین گئتدون-غمیم بیلمدین گئتدون
سیلر قیز گوزون مادر-گوزوم سیلمدین گئتدون
ننم لای لای (2)

ای سینه سی پاره لنن آی
سینه سی یاره ننم ایوای
نیسگلیم اولدی اؤرگیمده
سویلَمدیم محسنه لایلای

نه گهواره سین آلدوخ-نه ده لایلایین چالدوخ
نه خوش آرزی لار ائتدوخ-ولی منتظر قالدوخ
ننم لای لای(2)

• چهارشنبه
• 4
• فروردین
• 1400
• ساعت
• 22:07
• نوشته شده توسط
• یوسف اکبری

زینبین آی ئورک ائوین،قانیله غرق ائدن ننه
روحی گئجِیله پر آچوب،قبر ائوینه گئدن ننه

ای شرف آشیانه‌سین،هجریله یاندیروب گئدن
غیرت اهل یثربی،جمله اوتاندیروب گئدن
غسلینی گون باتان چاغی،اَلده یوباندیروب گئدن
همسرینه او لحظه ده،غملری پای وئرن ننه

هر گئجه یوخ یئرونله من،غصّه لری قوجاخلارام
دستِ مصیبتیله بو ، تئللریمی داراخلارام
گاهی حسنله آغلیوب گاهی حسینله آغلارام
ای منه قاره بختیمون سرّینی سویلویَن ننه

ای کی تک اَللی قبله ده،خالقینه نیاز ائدن
ئولمَقیله بو محفله،باب فراقی باز ائدن
گئلمیر او آغلاماق سسین،یوخدی بیر اعتراض ائدن
آی اونا بسدی آغلاما،قونشولاری دئین ننه

هردَن آتام دییر سنه،ای سارالان جوانه میز
خوش گونه امّید اولمیون،سؤندی چراغ خانه میز
خاطره ی حزین دور،اود توتان آستانه میز
بعضی دییر یانان ننه ،بعضی دییر ئولن ننه

گؤردوم حَسن دن آشکار،آلدی آتام خبر گلوب
صحنه چیخیبدی خانه دن،سمتیمه دیده تر گلوب
ایندی بیلیبدی کوچه ده،صورتیوه نَلَر گلوب
هی دیور آغلیور سنه،سیلی دن اینجیَن ننه

باخجاغین هامّی آغلاشور،سن سیز اطاقِ خالیه
یوخدی ترحّم اِیلین،قلبِ منِ عزالیه
اهل مدینه گئلمدی،بیزلره هئچ تسلّیه
ای اونی اؤز سراسینون،غربتی ئولدورن ننه

درد و دِل اِیلییر آتام،بولبولِ نغمه خوان کیمی
گئتدی قیزیم دییر آنان،گویلره گون باتان کیمی
یوردی منی بو زندگی،فاطمه نی یوران کیمی
دائما آغلیان گؤزی بختینه گولمویَن ننه

• چهارشنبه
• 4
• فروردین
• 1400
• ساعت
• 22:09
• نوشته شده توسط
• یوسف اکبری

محنتی دنیانی دوتان فاطمه
گل کیمی گلشنده سولان فاطمه

وحیین ایوینده اوره گی قان اولان
ظلمین الیلن پوزولان فاطمه

آز یاشیییب چوخ غمه درده دوزن
دردینی قبره آپاران فاطمه

آی کیمی دنیایه گلن مکه ده
گون کیمی یثربده باتان فاطمه

عالمی یاندیردی سنون اولمه گون
باشه چاتان عمری جوان فاطمه

غم غمین اوستن اورگینده اکن
آزیاشیان تیز قوجالان فاطمه

یاپراقا بنزر یل الینده اسیب
تپراقا جسمی یخیلان فاطمه

گل چیچکه بنزریدی قامتون
ایلدی یاز فصلی خزان فاطمه

ایلدن اییردی قره اللر سنی
قلب لری دوتدی دومان فاطمه

هانسی یامان گوزسنه دگدی عزیز
یاخشینی اولدوردی یامان فاطمه

گوزلره سرمه ایاقون تپراغی
ایلمه تپراخدا مکان فاطمه

ای اوجا شانینده گلن "هل اتی"
اهل کسایه باش اولان فاطمه

عطر بهشتی اتاسی مصطفی
گل کیمی جسمیندن الان فاطمه

ام ابیها لقبیلن اونون
شهرتی عرشه اوجالان فاطمه

ام الائمه سنه جانیم فدا
یاره لی قبره قویولان فاطمه

یثرب اولوب یکسره ماتمکده
گویلره قوزاندی فغان فاطمه

غم گوتوروب کل بنی هاشمی
شهری دوتوب سوت اذان فاطمه

قاره علم لر اوجالوب شهرده
گیدی قرا کون ومکان فاطمه

سالدی ایاقدان علینی اولمه گون
قامتینی ایتدی کمان فاطمه

امتیلن تک قویوسان حیدری
امت ایلر باغرینی قان فاطمه

اللری قوینوندا علی اگلشیب
تتریوری دیزلر امان فاطمه

یول بیر اولان یوخ اونا سندن صورا
قالدی علی تک بو زمان فاطمه

مرهمیدون جسمینه هم جانینه
اوز ارینه روح وروان فاطمه

دردینی مولا دیه سنسیز کیمه
دردینه درمان یوخ اولان فاطمه

دوندی قرانلیق گجیه گوندوزی
گوزیاشینی ایتدی روان فاطمه

یخدی علینی بوغریب اولمه گون
سیندی بوگون سرو روان ،فاطمه

فاتح خیبر ایاقا دورماقا
طاقتی تابی یوخ الان فاطمه

زلفون الیب زینب نالان اله
سویلدی آی باغری یانان فاطمه

آی باجیا قارداشا حسرت قالان
زندگینین داشین آتان فاطمه

دویمامیشوخ بیز هله سندن آنا
گل یوزوی ایتمه نهان فاطمه

تاپشیروسان سن حسنینی کیمه
زینبی قویما نگران فاطمه

بو بالا کلثوم اوزونی اولدورور
باشوون اوستونده الان فاطمه

دردیمی سنسیز کیمه من سویلیوم
بیر نفره یوخدی گمان فاطمه

زینبوون یوخدی الیندن دوتان
کونلومی یوخ سنسیز الان فاطمه

شمع کیمی بو ایوه دور ویر ایشیق
آی کیمی بو ایوده دولان فاطمه

دور حسنین کوینگینی بیر توخی
وقت اذان اولدی اویان فاطمه

بیر گجه ده آی آنا محرابده
چادری سال باشه دایان فاطمه

• یکشنبه
• 8
• فروردین
• 1400
• ساعت
• 12:22
• نوشته شده توسط
• یوسف اکبری

ای کوثر شرف دل اسیر اولدی نازوه
صد مرحبا کرامت آئینه سازوه

شاه و گدا طفیلی اولوب آستانووه
خورشید و ماه غبطه ایدر امتیازوه

سن چادر عبادتوی باشه سالجاقین
حورا جنان گلابی سَپَر جانمازوه

واردور طواف حسنوون ازبسکه زائری
علّت اودو که مشتری آز دور حجازوه

پروانه نون کول اولماقی بیراستعاره دی
پشت درِ علیده سنون سوز و سازوه

باشونده توزلی چادروه عاشقم خانم
نه وعدهء شفاعت و جنّت جوازوه

قان آغلیوب غمونده ملامت کش اولمشام
نوحه گرَم هاچاندی غم جانگدازوه

دل مَحرَم اولساعشقوه دوزخ جنان اولار
وار باوریم کرامتِ بنده نوازوَه

• پنج شنبه
• 12
• فروردین
• 1400
• ساعت
• 12:19
• نوشته شده توسط
• یوسف اکبری

ای گل سرخ نبی! مهربان آنا!
آغلار قویدون زینبی ای جوان آنا!
سینه ونده یاره – گئتدون مزاره
یازهرا یازهرا یازهرا یازهرا (2)

بلالی باشه قاره باغلیار زینب
سینه وه خاطر سینه داغلیار زینب
پرپر گولی گؤرنده آغلیار زینب
آناسیز قالدی – سولدی سارالدی
یازهرا یازهرا یازهرا یازهرا (2)

زینب باشدان فکریوی آتانمور آنا!
ایستور چاتسین سنه چاتانمور آنا!
سنسیز حسین و حسن یاتانمور آنا!
ایکی مهپاره – گئیوبلر قاره
یازهرا یازهرا یازهرا یازهرا (2)

سجّاده وندن عطریوی بئش وقته آلاّم
چادر شبون باشیمدا قبله ده قالاّم
بیر الّی قنوتیوی یادیمه سالاّم
دییرم: یارب! – ئولیدی زینب
یازهرا یازهرا یازهرا یازهرا (2)

آتام علی آخشاملار قاپونی باغلار
اوتورار بیر گوشه ده دیزین قوجاخلار
آناسیز اوشاق کیمی سیزیلدار آغلار
یاد ائدر سنی – آغلادار منی
یازهرا یازهرا یازهرا یازهرا (2)

یاد ایلر «سیّدبشیر» یانان درگاهی
قلبی اؤد دوتوب یانار قؤوزانار آهی
بو قاپودا نوکردی اولسا گوناهی
قیلاّم شفاعت – روز قیامت
یازهرا یازهرا یازهرا یازهرا (2)

• یکشنبه
• 15
• فروردین
• 1400
• ساعت
• 20:57
• نوشته شده توسط
• یوسف اکبری

ای قلم ایسته مدد فاطمه ی زهرادن
باشلانا عشق و صفاییله سوزون عنوانی

فاطمه آدینی یاز دفتره ئُوپ قُوی گوزوه
ایکی دنیاده اولا چِشمِ دلون نورانی

فاطمه نوری بهشتی ائلیوب نور النور
بُهت و حیرتده قویوب مریمیله سارانی

بونی تعریف ائلیوب حضرت حق عشقیله
بونون عشقی ائلیوب زنده بلی قرآنی

هامی باهم اولا گر آدم الی تا خاتم
گنه تعریف ائده بیلمزله خانم زهرانی

اولـمــاسیدی بو خانم خیر کثیر اولمـازدی
باورون اولمــاسا گر، گئت آچ اوخی قرآنی

سوره ی کوثر و قدری اوخی هم یاسینی
سوره ی نوری تلاوت ائله هم انسانی

اوج تفسیریده بیر باخ مَرَجَ البحرِینَه
دقـــت اِئت گُور نه یازوب لؤلؤیله مرجانی

هــاردا مجلس قورولا بو خانمین پاک آدینا
رحــمت حــق اولاجاقدی او یــره ارزانی

گی قرا صدقیله،گَــل آغـلا بـو مظلوم ئُولن
نصف شب حالینه آغـــلاتـدی شـه مـردانـی

غُسلیدن اَل گُوتوروب قُویدی ئوزون دیواره
آغـــلادی ، آغـــلادی ، آغـــلاتـدی اُو دم اسمانی

صُورا ئُوز دوتدی اُو اللّرده ئُولن دلداره
سینه وین سُویلدی الآندا کسیلمور قانی؟

فاطمه ، ایــله دعـا بــلــکه علی ده تــئـز ئُوله
جزشهادت داخی یوخ گوزیاشیمون درمانی

سینه وی میخ در اِئتمیشدی یارالی گینه ده
تـازیـانــیــلـــه سـنــی ویــردی غــلامِ ثـانی

سن دالمجـا سورونن یرده قولون سینمشدی
یـوخـســا اَلــدن اَلـه ، دوشـــمـزدی عـلـی دامــانی

دشمنون سن یخیلاندا گنه ده ویردی سنی
اُوچی ویـرماز اَیاق آلتندا قالان جیرانی

سن علی حـقینـه خاطــر یارالاندون زهرا
سنـه خـاطـر یارالانسـون سینمون ارکانی

ای گُــل باغ علی سـنــســیـز علی نیلیه جک
نـیـلـیـــور فــاطـمـه ســیز باغ و گُل و ریحـانی

قاپینین قانی حسین جانی یادیمنان چیخماز
قفس سینه ده اَسـراریم ، اولـوب زندانی

محسنون ئُولدی ولی زینبون ئُولدوردی منی
طـاقـتـیم یـوخدی گـورم دخـتـرک گریـانی

لحظه ای دیدم حسن را بدنش لرزان بود
گـــفـــتم ای دلـــبــــر مــادر ؛ تو چـــرا لــرزانی

گفت بـابـا تو نــبــودی بــه مــیــان کــــوچه
مـادرم خـورد زمـیـن بـا سـر و بـا پیشانی

مـادرم هـمـچـو قـبـالـه، بـدنـش می لـرزیـد
مثل یک بـسـمل بی سر شده ی قربانی

آنـامـا سـیلـی دئـینـدن بـدنـیـم لـرزه دَه دی
نیلیوم؛گورموشم اُول صحنـه جانفرسانی

دئـدیم اوغلوم دئمه بو رازی حسین قارداشیوا
قورخورام بیلسه بو دردی چیخا تندن جانی

الـــغـرض فاطمه تـابـوتی چـخـوب منزلدن
گــتوروب تـپـراقـا تاپشیردی علی دریانی

دلبرین ائـــتـدی مـخـاطـب صُـورا بو دیللرینن
حـیـدرون مـنـزلـنی دوتــدی خـزان طـوفـانی

مرتضی، فاطمه سندن صورا بیکس قالاجاخ
سالاجاخ یاده گچن گــونـلـری تئز تئز آنی

گجه لـر مرغ نواخوان اولاجاخ چوللرده
غصــه سی یــانــدیـراجاخ طایفه ی عـمـرانی

گجه گـیزلـینـده گـرک تـربـتـیوه زائر اولا
گوندوزی مسکن ائده چاهـیله نخلستانی

ای قـلـم بـسـدی داخـی یـانـدی دل خـونـباریـم
کـربـلایـه گـذر ایـلـه تـاپـاسـان مـیـدانـی

اُوردا بـیـر ســیــد عـطـشـان یـخیـلوب گوداله
اُوخ دئــیوب قـانـیـلــه رنـگـیـنـدی لب و دنــدانی

نــنـــه سی قــبــره دل شــبده غـریـبـانـه گئدوب
ئُــوزونـــون یـرده دی امـا بـــدن عـریـانـی

سـنـه "محمودی" نـظـر ائــتدی امام هشتم
قـالاجـاقـدی بو اثــر اولـسـا بـو دنـیـا فـانی

بـار الـــها سنی وئرم گل طــاهــایه قَسَم
شَــرّ بـیگانـه دن حفـظ اِئــت وطـنیم ایرانی

حجت الاسلام والمسلمین محمد محمودی

• یکشنبه
• 22
• فروردین
• 1400
• ساعت
• 21:55
• نوشته شده توسط
• یوسف اکبری

فاطمه جان وئرور عم اوغلی
سینه سی قان وئرور عم اوغلی
گل اوخی باشیم اوسته قران
یاره سی سان وئرور عم اوغلی
اللرین قویما قوینونا قویسون حسن
عمریدن ایندیدن هله دویسون حسن
پریشانم علی جانم(2)

قویما تا آغلیا حسینیم
سینه سون داغلیا حسینیم
قویما تا اشکینی عذاره
سیل کیمی باغلیا حسینیم
خوش گونی دهریده حسین گورمز علی
فاطمه آغلاسا حسین دوزمز علی
پریشانم علی جانم(2)

یاعلی غصلیمی وئرنده
نعشیمه چون سویی توکنده
قلبیوی داغلاما عم اوغلی
سیلی نون ردینی گورنده
ویردیلار سیلی چون یوزوم یاندی علی
غصه دن قلب فاطمه قاندی علی
پریشانم علی جانم(2)

چون واریم غصه بی نهایت
ائتدیلر حقیوه جنایت
محضر حضرت رسوله
ثانیدن ایلرم شکایت
اول دنی کوچه ده یولوم کسدی علی
سیلی ویردی ائله یوزوم اسدی علی
پریشانم علی جانم(2)

آغلاما درده طاقت ایله
غصیه استقامت ایله
چون گئدور فاطمه مزاره
درد هجرانه طاقت ایله
غصه لر قلبیمه علی بیر اوخودی
فرض ائله فاطمه اولدن یوخودی
پریشانم علی جانم(2)

• پنج شنبه
• 26
• فروردین
• 1400
• ساعت
• 11:00
• نوشته شده توسط
• یوسف اکبری

سن زیور خلقتسن یافاطمه الزهرا
سن خلقته علتسن یافاطمه الزهرا

سن احمده چون جانسان سن حیدره قربانسان
بخشش ده نظیرون یوخ سن صاحب احسانسان
سن کوثر احمدسن سن معنی قرانسان
باشدان باشا زینتسن یافاطمه الزهرا

سن نوردوعالمسن بنددل خاتمسن
حوا سنه چاکردی تاج سر آدمسن
مریم سنه نوکردی عیسایه ده سن دم سن
عالملره رحمتسن یافاطمه الزهرا

ای مادر عاشورا سن ام ابیهاسن
دوقّوز آدا داراسن سن شانیده والاسن
سن بحرفضائلسن ایمانیده دریاسن
بیرپارچا شرافتسن یافاطمه الزهرا

محشرده سنی زینب لطف ایله گل امداده
من منتظرم زهرا قبریمده ده گل داده
چون خِیر عملیم آزدی سن گل منه فریاده
دارای شفاعتسن یافاطمه الزهرا

هم صدق وصفا سن سن دارای وفا سن سن
امراضه شفا سن سن هردرده دوا سن سن
رهبردی بیزه حیدر مولایه فدا سن سن
اسطوره غیرتسن یافاطمه الزهرا

اُول کوچه ده الاندا بیر چادر خاکون وار
یافاطمه مکتبده(1) چوخ عاشق پاکون وار
هر تک تکی غیرتلی هم سینه سی چاکون وار
وئر سن بولارا خلعت یافاطمه الزهرا

(1)هیئت با عظمت مکتب امام جعفر صادق علیه السلام شهر زرنق

• پنج شنبه
• 26
• فروردین
• 1400
• ساعت
• 12:11
• نوشته شده توسط
• یوسف اکبری

زهرا - آیریلیقدان ایلمه صحبت
منده - یوخ بلورسن هجریوه طاقت
سن‌سیز - من غریبه کیمسه یار اولماز
عالم - حیدره یکسر اولار غربت
اهل یثرب قیدیمه قالماز
بیر نفر مندن سلام آلماز

سن‌سیز - وار یری عمروم گولی سولسون
صبریم - جامینه درد و الم دولسون
قالمیش - بوینی چیگنینده بالالاریم
گیتمه - زینبون قویما یتیم اولسون
حقّی وار قلبی دونه قانه
زلفونه بس کیم وورار شانه

کیمسه - قلب زاریمدن خبر بولمز
سن تک - بیر نفر گوز یاشیمی سیلمز
زهرا - آل حسینی بیرده آغوشه
اوغلوم - گور نجه آغلور یوزی گولمز
سینه‌وه سن آل حسین باشین
من سیلیم گوزدن آخان یاشین

طاها - چون خبر ویرمیش بلاسیندن
یاننام - باشداکی شور و نواسیندن
بیرگون - کربلایه نصف شب گلسن
گورسن - قان آخور پیکان یاراسیندان
تشنه‌لب جان ویرماقین بولّلم
منده قانلی مقتله گلّلم

گلسن - قانلی وحشتلی بیابانه
الده - سو گتور اول تشنه قربانه
فرصت - اولماسا مقتلده دیداره
گلّلم - کوفده شام غریبانه
سن دینن عطشان حسینیم وای
من دیوم عریان حسینیم وای

• شنبه
• 4
• اردیبهشت
• 1400
• ساعت
• 15:49
• نوشته شده توسط
• یوسف اکبری

هجروندن گریانم آنا گیجه لر
وارحقیم بو قلبیم یانا گیجه لر
ایلرم صبحه جک نوا گیجه لر
«آيریلیق آیریلیق آمان آیریلیق
هر بیر درددن اولان یامان آیریلیق»

گوزیاشیم آخدوقجا سولان عذاره
حسرتله ایلیور بابام نظاره
قلبینه بو حالیم سالور شراره
آیریلیق آیریلیق آمان آیرلیق

درگاهون یاناندان دیوب گولمدون
زلفوندن غم توزون آنا سیلمدون
غصه دن گیجه لر یاتا بولمدون
آیریلیق آیریلیق آمان آیریلیق

هجروندن من نجه یاتام گیجه لر
دردیوی باشیمدان آتام گیجه لر
دیزلرین قوجاخلار آتام گیجه لر
آیریلیق آیریلیق آمان آیریلیق

زینبم فکروندن اورک داغلارام
عمرومجه من سنه قرا باغلارام
وای آنام وای دیوب یانوب آغلارام
آیریلیق آیریلیق آمان آیریلیق

• شنبه
• 4
• اردیبهشت
• 1400
• ساعت
• 15:54
• نوشته شده توسط
• یوسف اکبری

حیّ علی _ خیر العمل
بالینیمه گلدی علی پیک اجل
جان چیخمامیش جان حسینیم سنده گل
گلدی اجل

قرآن اوخی _ قرآن اوخی
زهرا دیلون قربانی گل قرآن اوخی
تنگه گتوردی سینمی هجران اوخی
قرآن اوخی

آغلور حسن _ آغلور حسین
سن آغلیاندا سینه سین داغلور حسین
رخساره اشک حسرتین باغلور حسین
آغلور حسین

قان آغلادیم_دل داغلادیم
یاندی او گوندن کی قاپیم دل داغلادیم
سینم یاراسین هر گیجه تک باغلادیم
دل داغلادیم

یابن الحسن _ یابن الحسن
ایله اگر ئولسم اوزون غسل و کفن
تاپشور مزاره جسمیمی گیزلینده سن
یابن الحسن

واردور یری_صبح و مسا
اوغلوم حسینون حالینه ایتسم نوا
باشینده وار غوغای دشت کربلا
ایله نوا

اهل جفا_ ایتمز اِبا
ایلر او قانلی چولده ظلمون برملا
لب تشنه باشین ذبح ایدر شمر دغا
ایتمز اِبا

• شنبه
• 4
• اردیبهشت
• 1400
• ساعت
• 16:02
• نوشته شده توسط
• یوسف اکبری

هجرونله قلب زاری اینجیتمه
اطفال سرگردانی ترک ایتمه
یورقون مسافر نصف شب گیتمه
ایوای آنام وای

« واگیر »

طاها عزیزی نور عینم من
سنسیز اسیر شور و شینم من
چوخ سویدوقون اوغلون حسینم من
ایوای آنام وای

تیر غمیله قلبیمی اویدون
تندن علایق رختینی سویدون
آچ گوزلرون مندن نه تز دویدون
ایوای آنام وای

نالم توتوب ارکان لاهوتی
آغلار قویار هجرونده ناسوتی
قبره گیدن گیزلینجه تابوتی
ایوای آنام وای

گیتمه هله بو ایوده قال بیرده
قول بوینوما رأفتله سال بیرده
گیتمه منی آغوشه آل بیرده
ایوای آنام وای

بوللم باشیمدا ابتلا واردی
قورتولمین درد و بلا واردی
غوغای دشت کربلا واردی
ایوای آنام وای

یاننام آنا درد فراقوندن
آیریلمارام گول تک بوداقیندن
ئوپدوم بو نیّتله ایاقوندن
ایوای آنام وای

مقتلده گل شام غریبانه
اول همدم اطفال پریشانه
آغلا منیم تک تشنه قربانه
ایوای آنام وای

• شنبه
• 4
• اردیبهشت
• 1400
• ساعت
• 16:51
• نوشته شده توسط
• یوسف اکبری

آچ گوزون دور یاتما زهرا...منی گوزدن آتما زهرا
خون قلب مرتضانی...گوزیاشینا قاتما زهرا
جانم زهرا جانان زهرا گوزلره من قربان زهرا

صرصرظلمه توش اولدون...گل باغیم نه تیز سولدون
جان شیرینوندن کیچدون...حا می ولایت اولدون
جانم زهرا جانان زهرا گوزلره من قربان زهرا

پرده لیوبدی قان گوزون...زینبون ئولدرورئوزون
تاب ایلمز قلب علی...اشیده نیسگیللی سوزون
جانم زهرا جانان زهرا گوزلره من قربان زهرا

حسن آغلار حسین آغلار...زینب باشه قرا باغلار
آنا وای سسی کلثومین...گوزلیم قلبیمی داغلار
جانم زهرا جانان زهرا گوزلره من قربان زهرا

آخان اولدوز تک سن آخدون...قلبیمی یاندیروب یاخدون
آیریلیق اوخون زهرا جان...حیدرین قلبینه تاخدون
جانم زهرا جانان زهرا گوزلره من قربان زهرا

فلک سنی مندن آلدی...شراره قلبیمه سالدی
ترک خانمان ایله دون...بالالارون ملر قالدی
جانم زهرا جانان زهرا گوزلره من قربان زهرا

چرخ جفا غمدن دویماز...خوش اولا گوگلومی قویماز
گلین گیدن گونده زینب...باشه بیللم حنا قویماز
جانم زهرا جانان زهرا گوزلره من قربان زهرا

محنتون جانه آلمیشام...باشه غم شالی سالمیشام
دیله دوت عم اوغلون دیندیر...سنسیزآواره قالمیشام
جانم زهراجانان زهرا گوزلره من قربان زهرا

قلبیمه غم سایه سالیب...صبر وتوان مندن آلیب
هایاندا آشیان ایتدون...لانه ده یرون بوش قالیب
جانم زهرا جانان زهرا گوزلره من قربان زهرا

• شنبه
• 18
• اردیبهشت
• 1400
• ساعت
• 14:49
• نوشته شده توسط
• یوسف اکبری