اشعار ترکی امام حسین (ع)

باتدی گون گلدی گئجه باغریم اولوب قان یارالی

من سنه هاردا دوتوم شام غریبان یارالی

یارالی جان یارالی قاننه غلطان یارالی

زینبون جانی اولا جانیوه قربان یارالی

هله عریان بدنون یرده پریشاندی حسین

بو غموندن اوره گیم لاله صفت قاندی حسین

اوت ویریب کوفه لیلر خیمه لریم یاندی حسین

من سنه هاردا دوتوم شام غریبان یارالی

شرح ائدیم هانسی غمی . دلده غمیم چوخدی حسین

هر غمیم بو یارالی قلبده بیر اوخدی حسین

بیر چادر وئرمه سه سعد اوغلی ائویم یوخدی حسین

من سنه هاردا دوتوم شام غریبان یارالی

باغبان ئولسه حسین گللری گلشنده سولار

غم دوتار گلشنی بلبل اوره گی غمله دولار

رسمدیر هر ئولنون شام غریبانی اولار

من سنه هاردا دوتوم شام غریبان یارالی

قلبیم اکنده اولوب دردیله طوفان گئجه سی

شب وصلت قوتاریب .باشلادی هجران گئجه سی

یاس دوتالار ئولنه شام غریبان گئجه سی

من سنه هاردا دوتوم شام غریبان یارالی

بیر قوشام یاره لیم صید ایلیوبلر بالامی

نه یانان حالیمه نه خشک ایلین وار یارامی

اوچولار حمله ائدوبلر داغیدوبلار یووامی

من سنه هاردا دوتوم شام غریبان یارالی

گون باتاندان بو چولی زار و پریشان گزورم

بالالارون داغیلوب چوللره گریان گزورم

لانه سیز قوش کیمی اواره و ویلان گزورم

من سنه هاردا دوتوم شام غریبان یارالی

• دوشنبه
• 18
• اسفند
• 1399
• ساعت
• 22:51
• نوشته شده توسط
• یوسف اکبری

کربلادن گئدورم کوفیه قول باغلی حسین
جبریلن آیریلورام من اوره گی داغلی حسین

موکبیم دوشدی یولا
دورمنی ایله دعا

چاره م اولسا اولارام معتکف کرب وبلا
ائده رم باشوون اوستونده حسین آه ونوا
گئتمورم من،آپارولّارمنی بوقوم دغا
جبریلن آیریلورام من اوره گی داغلی حسین

باخورام باشووه سرنیزه نون اوستونده حسین
سنده هردن منه باخ نیزه دن ای نوردوعــیـــــــن
من دیوم نوحه سنه،سنده ائله شیون وشیــــــــن
جبریلن آیریلورام من اوره گی داغلی حسیــــــن
موکبیم دوشدی یولا
دورمنی ایله دعـــــــا

پیکرون قالدی چوخوریئرده باشون نیزه سوار
قلبیلردن آپاروربومحنون صبروقرار
تازیانیله بودشمن بیزی بوردان آپارار
جبریلن آیریلورام من اوره گی داغلی حسین
موکبیم دوشدی یولا
دورمنی ایله دعـــا

سیلرم کوفه ده بوگوزدن آخان گوزیاشیمی
قویمارام خوارالیه کوفه لیلرقارداشیمی
ویرارام محمله غیضیله بلالی باشیمی
جبریلن آیریلورام من اوره گی داغلی حسیــــن
موکبیم دوشدی یولا
دورمنی ایله دعـــــــــا

سالارام ابن زیادون جانینا اوردا شرر
ائلسه نطق شررباریم اونامرده اثر
غیرتی اولسااگر،تختینون اوستونده ئولر
جبریلن آیریلورام من اوره گی داغلی حسین
موکبیم دوشدی یولا
دورمنی ایله دعــــــا

قویمارام صدمه یئته غصه لی اولدوزلارووا
پیشمرگ اولّام ئوزوم قلبی یاراقیزلارووا
چپ باخانمازبیری یوللاردا آدامسیزلارووا
جبریلن آیریلورام من اوره گی داغلی حسین
موکبیم دوشدی یولا
دورمنی ایله دعــــــــــا

• دوشنبه
• 18
• اسفند
• 1399
• ساعت
• 23:17
• نوشته شده توسط
• یوسف اکبری

ای گل رضوان/ای شاه مظلومان /اولدوم پناهنده /بزم عزاده

شاه عاشورا/ای شافع عقبا/ فکریم گزیر مولا /کرب و بلاده

ای شهنشاهیم* قوزانیر آهیم

یا حسین مظلوم یا حسین مظلوم

یا حسین مظلوم ایوای حسین مظلوم
ایوای حسین مظلوم ایوای حسین جان

سَرو آزاده/من سسلرم داده/عشقون دوشوب ارباب/قلب حزینه

ای شه دوران/گول آدیوا قربان/احسان ایله مولا/بو دلغمینه

سن پناهیمسان *تکیه گاهیمسان

یا حسین مظلوم یا حسین مظلوم

یا حسین مظلوم ایوای حسین مظلوم
ایوای حسین مظلوم ایوای حسین جان

عالمه مفخر/ای شیعیه رهبر/جانلارسنه قربان/زهرا بالاسی

ای کرم کانی/سن بیل آنان جانی/ایله بیزه احسان/آدون فداسی

دینه ای یاور*شیعه لر سسلر

یا حسین مظلوم یا حسین مظلوم

یا حسین مظلوم ایوای حسین مظلوم
ایوای حسین مظلوم ایوای حسین جان

زینت جنّت/ای مایه ی عزّت/ویردون بیزه مولا/سن درس ایثار

عشقه ای ساقی/گَل قوغما عشّاقی/بو عشقیوه آقا / دیللر گرفتار

دیل دولی غمدی*ماه ماتمدی

یا حسین مظلوم یا حسین مظلوم

یا حسین مظلوم ایوای حسین مظلوم
ایوای حسین مظلوم ایوای حسین جان

ای گل گلشن/بیزدویماروخ سندن/گییدوخ هامی یکسر/رخت عزانی

گل بیزی آتما/بیگانیه قاتما/
اهل عزا ایستر/کرب و بلانی

ای گل زهرا *سسلروخ اوردا

یا حسین مظلوم یا حسین مظلوم

یا حسین مظلوم ایوای حسین مظلوم
ایوای حسین مظلوم ایوای حسین جان

• پنج شنبه
• 21
• اسفند
• 1399
• ساعت
• 23:01
• نوشته شده توسط
• یوسف اکبری

ای پناه عالم حُرّ بی پناهم

ایتدیقیم خطادن ایندی عذر خواهم

کسمیشم یولی شاها/
حُرّی عفوایله مولا

توبه می قبول ایت

گر تَعَدّی ایتدیم من ره وفادن
قورخدی خیردا قیزلار ایتدیقیم جفادن
سیدی گوزون یوم بو بویوک خطادن

دوزدی من گنهکارم/
سرشکسته و زارم

توبه می قبول ایت

کاش ازل آنامدان هیچ من اولمییدیم
شرمدن بولود تک بیله دولمییدیم
کاش اوگون سنه من مانع اولمییدیم

گوزلریم توکور قانیاش/
بولمدیم من کلباش

توبه می قبول ایت

وار یری قان آخسا اشگیله گوزومدن
عفوایله قبول ایت اینجیمه سوزومدن
گَردِ شَرمی سیلّم قانیله یوزومدن

ویر اجازه میدان/ قانیمه اولوم غلطان

توبه می قبول ایت

بیر زمان گوز آچدیم ای شه ولایت
من اوزومی گوردوم بین نارو جنت
گرچه واردی جرموم ایله سن عنایت

لطف حق اولا شامل/ غملریم اولا زایل

توبه می قبول ایت

(بیکَسا) بو درگه، درگه رجادی
خانه صاحبی چون معدن عطادی
آلتی گوشه قبری ایله با صفادی

ایلیه سنی مهمان/ اوردا سسله سن هر آن

توبه می قبول ایت

• جمعه
• 22
• اسفند
• 1399
• ساعت
• 15:57
• نوشته شده توسط
• یوسف اکبری

درد مندوخ آغلاماخ درده دوادور بیزلره
بو حسینون درگهی دارالشفادور بیزلره

بو ولایت عشقینی بیز مصطفادن آلمشوخ
غیرتین سرمشقینی شیر خدادن آلمشوخ
بیز بو آغلار گوزلری خیرالنسادن آلمشوخ
درس عشقی اورگه دن خیرالنسادور بیزلره

اولماقا ثابت قدم صدقیله همّت شرطیدی
اولماسین ریب و ریاست اصل نیت شرطیدی
ای عزادار حسین جمعوزده وحدت شرطیدی
جمع اولوب بیر آغلاماق لطف خدادور بیزلره

دشمنین فکری بودور ذکر حسین وای گَلمه سین
بو جوانلار هیئتین رسم و رسومین بولمه سین
سیز تلاش ایلون ولی تا روح مکتب ئولمه سین
نهضت کرب و بلا رمز بقادور بیزلره

اجنبی لر ایستیور آه و نوادن ال چکاق
شاه عالم خامس آل عبا دن ال چکاق
نینوانی بوشلیاق کرب و بلادن ال چکاق
بولموری کرب و بلا مرو و صفادور بیزلره

فرقه ی عدوان دیور قاره گینلر اولماسین
صف چکوب آغلار گوزیله آغلیانلار اولماسین
یول ایتیرسین لر جوانلار آغلین لر اولماسین
مدعی لال اول بو نهضت پر بهادور بیزلره

دین یولوندا هر بلا گلسه گر کدور صبر ایداخ
خیری شردن هر زماندا حقی باطلدن سیچاخ
باش ویروب باش اگمین راه شهیدانی گیداخ
فاطمه اوغلی حسین میر هدادور بیزلره

جیفه دنیا گرکدور بیزلری آنلاتماسون
واقعی شیعه اودور هیچ قیمته دین ساتماسون
حلقه ی گرداب غفلتده وجودی باتماسون
باتماروخ گردابه قرآن رهنمادور بیزلره

ای گیدن حجّه طوافون نیته وابسته دور
صاحب کعبه حسینه چون اوزی دلبسته دور
بی حسین گیتسن طوافه مزدی پای خسته دور
چون حسین شرعین یولوندا رهگشادور بیزلره

دائما فرهنگ غربی حمله ایلور بیزلره
اغنیالر باش اوجالدور ظلم اولور بیکسلره
قویماروخ بیر کس باخا کج بو قرا پرچملره
بو علملر دافع دردو بلادور بیزلره

(طائرا)آل علیدن چکمه ال دائم چالیش
با وفا احبابیله فکر و عملرده قاریش
سس سسه وئر(بیکَسیله)شعله چک دلدن آلیش
سویله بو بزم عزا باب رجادور بیزلره

• جمعه
• 22
• اسفند
• 1399
• ساعت
• 16:07
• نوشته شده توسط
• یوسف اکبری

ای فاطمه اوغلی منه قیلدون کرم
قسمت اولوب پابوسیوه منده گلم

جانم حسین
جانم حسین جانم حسین جانم حسین

باشیمده وار شوق حرم چوخدان آقا
الحمدالله ایتمیسن احسان آقا
بو عرشه بنظر قبریوه قربان آقا

جانم حسین
جانم حسین جانم حسین جانم حسین

عشقون منی درده سالوب بیماریوم
سن گلشنه زهرا گولی من خاریوم
منّت قویوبسان بوینوما زوّاریوم

جانم حسین
جانم حسین جانم حسین جانم حسین

ویردی نتیجه شکر اولا گوز یاشلاریم
همراه اولوب ایندی منه قارداشلاریم
افسوس اولا گلمیر نجه یولداشلاریم

جانم حسین
جانم حسین جانم حسین جانم حسین

هانسی گویون سن تک حسین مهتابی وار
یا کیم سنون سن تک دُرِ نایابی وار
سن تک آقا آخرکیمون اربابی وار

جانم حسین
جانم حسین جانم حسین جانم حسین

بیر عمریدور من عشقیوه اولدوم اسیر
شوق زیارت رشته ی صبری کَسیر
کرب و بلا آدی گلیر قلبیم اَسیر

جانم حسین
جانم حسین جانم حسین جانم حسین

زائرلرین یولدا آقا فریادی وار
هرکیم نجه گلسه اونون دا آدی وار
اما پیاده گلماقین چوخ دادی وار

جانم حسین
جانم حسین جانم حسین جانم حسین

• شنبه
• 23
• اسفند
• 1399
• ساعت
• 20:09
• نوشته شده توسط
• یوسف اکبری

ای گُلِ جَنّت/ یاحسین
ایله عنایت/ یاحسین

ثارالله ثارالله 2

عزیز مرتضی حسین
سنه جانلار فدا حسین

تیره گئجه مهتابیم حسیندی
فخریم بودور اربابیم حسیندی

ای شه عطشان/ یاحسین
آدیوا قربان/ یاحسین

ثارالله ثارالله 2

سنه دیل مبتلا حسین
بیزه یاز کربلا حسین

تیره گئجه مهتابیم حسیندی
فخریم بودور اربابیم حسیندی

ای شه عالم/ یاحسین
غرق مَلالم /یاحسین

سنه چوخداندی نوکرم
گوزل آدیوی سسلرم

تیره گئجه مهتابیم حسیندی
فخریم بودور اربابیم حسیندی

نور هدایت/ یاحسین
ای بیزه عزّت/ یاحسین

ثارالله ثارالله 2

آدی درده دوا حسین
سنه شَهلر گدا حسین

تیره گئجه مهتابیم حسیندی
فخریم بودور اربابیم حسیندی

شاه جهانسان / سن آقا
منده قاپوندا / بیر گدا

ثارالله ثارالله 2

قاپوندا نوکرم حسین
ئولونجه سسلرم حسین

تیره گئجه مهتابیم حسیندی
فخریم بودور اربابیم حسیندی

• شنبه
• 23
• اسفند
• 1399
• ساعت
• 20:11
• نوشته شده توسط
• یوسف اکبری

شور عشق تو ، به دلم افتاد
به خیال من ،یه حرم افتاد

چی میشه،رَهام بُکن از این عذاب
ذکرم گشته کربلا ، بده جواب
بعضی شبها میبینم ، من توی خواب
لالایی میگم برا طفل رباب

سلام ارباب
دوباره دل هوایی شد

سلام ارباب
دلم باز ، کربلایی شد
حسین جانم ۲

سلام ارباب
ببین تو شور و شِینم رو

سلام ارباب
بِنِویس اربعینم رو
حسین جانم۲

لَبَیکَ یا حسین لَبَیکَ یا حسین ۲

نه اولور مولا ، باخ بو مدهوشه
گویلومه دوشدی، گینه ششگوشه

قبریوین دیولّه چوخ صفاسی وار
گنبد آتدا فاطمه نواسی وار
خیمه گاهین آیری بیر هواسی وار
صودامر آناسینین صداسی وار

سلام ارباب
منه غملر اولوب دمساز

سلام ارباب
برات کربلامی یاز
حسین جانم۲

سلام ارباب
گدای بیکسم مولا

سلام ارباب
قاپوندان سائلی قووما
حسین جانم۲

لَبَیکَ یا حسین لَبَیکَ یا حسین ۲

سالوری آدون ، قلبیمه غوغا
یادیمه دوشدی ،یوم عاشورا

ایندی ده، یارالیدی گول پیکرون
قانه بویانوب، هامی کمک لرون
یاتوبدی ، ایاق طرفده اکبرون
سینه ن اوسته خواب ایدوبدی اصغرون

سلام ارباب
سلام ای جان ویرن عطشان

سلام ارباب
داغیلمیش جسمیوه قربان
حسین جانم۲

سلام ارباب
سنه هم یار و انصاره

سلام ارباب
سنه هم تشنه سرداره
حسین جانم۲

لَبَیکَ یا حسین لَبَیکَ یا حسین ۲

• شنبه
• 30
• اسفند
• 1399
• ساعت
• 09:26
• نوشته شده توسط
• یوسف اکبری

ای
زینبه جان/قانه غلطان
قوملار اوسته یاتوب سان یارالی
جسمی عریان

قانیوی توکوبله کینه دن
غارت اولدی کوینگون ندن

حیف اولا /گلشنه/ باد جور و ظلم اسوب
وای منه/ کیم حسین/اللرون بیله کسوب

یا حسین یاحسین جان یارالی قارداشیم

دور
گویلومی آلدی /یاتدی اقبال
مسافردی باجون شهر شامه
دور یولاسال

بو دیاری ترک ایدنمورم
سن سیز هیچ یره گیدنمورم

سن اوزون زینبین ال اورکده کی غمین
سویله عبّاس آچا باشیم اوسته پرچمین

دور
من غریبم/غم نصیبم
دوتوب اطرافی دشمن حسین جان
بی حبیبم

باغلیوبله قول قولا بیزی
دور ایاقه سال یولا بیزی

ظلموله گوندوزی ایتدیلر منه گجه
شامه سنسیز حسین شمریلن گیدوم نجه

ای سر شکسته /نیزه اوسته
باشون گویده حسین جسم پاکون
قوملار اوسته

الده قمچی شمر نابکار
آغلینده قیزلاری وورار

بیر دویون جا سنه آغلینمدیم حسین
نعشون اوسته جگر داغلینمدیم حسین

• شنبه
• 30
• اسفند
• 1399
• ساعت
• 09:38
• نوشته شده توسط
• یوسف اکبری

حسین جان، یوخومدی
حَشریمه اَلیمده بیر توشه

کَرَم قیل، گَدایم
لُطفیله باخ بو سیَه پوشه

ئولمه میش، بیر یولدا
یاز بیرده براتِ شش گوشه

دَردین مَحبوبه دیَر، اَحباب
هجروندن اولوبدی دیل، بیتاب
اِثبات اولدی عالَمه، بو سوز
مولا یوخدی سَن کیمی، اَرباب

صَرصَرِ غَم و بَلا، اَسدی
صَبرین رشته سین ایله، کَسدی
عالَم دولسا درد و رَنجیله
عشقون یا حسین منه ، بَسدی

گول آدون، اولوب اَزبَریم
ای منیم تاجِ سَریم

یا حسین، بوبَسیمدی کی
سَنسَن منیم رَهبَریم

یاحسین یاحسین
یاحسین جانم مولا

تاپیلماز، نَظیرون
ای تاجِ سَرِ بنی آدَم

اَمانِ، جَهاندی
اولسا هَر یرده قره پَرچَم

خداوند، آدوندان
خسته دیللره سالار مَرهَم

مولا مصباحِ هُدی' سَنسَن
دریای جود و سَخا سَنسَن
دیلده دَردیمه دوا اِیْله
دردِ عالَمه دوا سَنسَن

دوزدی چوخ خطا اولوب مَندن
مولاجان خَجالَتم سَندن
نیلوم دویمورام آدوندان من
سایه ن باشیمه دوشَن گوندَن

گول آدون، اولوب اَزبَریم
ای منیم تاجِ سَریم

یا حسین، بوبَسیمدی کی
سَنسَن منیم رَهبَریم

یاحسین یاحسین
یاحسین جانم مولا

عشقوندی، عالَمده
غَملَردن ایدوب منی آزاد

غَم گونی، سَسله دیم
مولا ایتموسن منه امداد

ایندی من، عشقیله
سَسلَرم آقا ایوین آباد

ای جانِ جَهانیان مولا
یوخدی دَهریده سنه هَمتا
شاهد سن من دیل آچان گوندن
اورگَشمیشم آدیوی آقا

سَنسَن دردِ عالَمه حاذِق
دَییَرَم سیزه اگر لایق
عالَم اَهلی قُوی بونی بولسون
شاهه نوکری اولوب عاشق

گول آدون، اولوب اَزبَریم
ای منیم تاجِ سَریم

یا حسین، بوبَسیمدی کی
سَنسَن منیم رَهبَریم

یاحسین یاحسین
یاحسین جانم مولا

• یکشنبه
• 1
• فروردین
• 1400
• ساعت
• 15:56
• نوشته شده توسط
• یوسف اکبری

ایتدی تَجلی نور خدا
عالمه ویردی آیری صفا

فاطمه بیر گول گتیریبدی بو جهانه
یثربی دوندردی بو گول باغ جنانه

شاهِ دوسَرادی/چون خونِ خدادی
بو گُلِ زیبانون حسیندی گوزل آدی

(بو گُلِ زیبانون حسیندی گوزل آدی)۲

عالمی حیران ایلیه جاخ
عشقیده طوفان ایلیه جاخ

کیمسه نظیرین تاپا بولمز بو جهاندا
جوشه گَلر قان، گوزل آدین چاغیراندا

ای کعبه ی ایمان/ای شاهِ شهیدان
عالم و آدم سنه قربان سنه قربان۲

گلدی جهانه خونِ خدا
عالمه سالدی شور و نوا

عشقی سالار قلبیلره شورش و غوغا
کرب و بلا نهضتینی ایلَسَه بر پا

خورشیدِ وِلادی چون فخر منادی

قبله ی عشّاق جهان کرب و بلادی۲

عشق سِپِهرین اَنجُمی دی
آل عبانین پنجمی دی

نوری تجلّا ایلدی چون رُخ مهتاب
گلدی جهانه اولا عاشقلره ارباب

عشق اهلی گداسی/جانلاردی فداسی
زاده ی زهرادی آقالارین آقاسی۲

ایتدی خجالت گویده آیی
جود و سخاده یوخدی تایی

سسله سن آدین غم و دردین گیده جاقدی
تذکره وی زینبی امضا ایده جاقدی

عشقی منه بَسدی/سینَمده نَفسدی
(بیکَسه)امّا ایکی دنیا آقا کَسدی۲

• یکشنبه
• 1
• فروردین
• 1400
• ساعت
• 19:15
• نوشته شده توسط
• یوسف اکبری

ویرسه رُخصت منه گر خالق نوراُلثَقَلین
سالارام قلبیلره، شعله چَکَن شوریله شِین
عالمی مست ایلیوب فاطمیه نور دوعین
یعنی شاهنشهِ عالَم، منیم اربابیم حسین(ع)

حسین شمس هدادی، حسین خون خدادی
حسین عزّت شیعه، شهِ کرب و بلادی

حسین دینه فدادی، امامِ دو سَرادی
حسین مُنجیِ دینِ، خداوندِ عَلادی

حسین درده دوادی، آدی خاکِ شِفادی
حسین قلبه جَلادی، حسین روحه صفادی

حسین محورِ خلقت، شهِ ارض و سَمادی
حسینین قاپیسیندا، جهان اهلی گدادی

حسین حسین مولا مولانا حسین

حسین کان کَرَم دی، حسین شاهِ اُمَم دی
حسین زینتِ باغ و، گلِستانِ اِرَم دی

نَقَدری اولا توصیف، مقاماتینا کَم دی
هامی اهل سماوات، بو اربابه خَدَم دی

حسین میرِ حَرَم دی، آدی مایه ی غَم دی
گَلَنده گوزل آدی، هامی دیده ده نَم دی

قَسَم اولسون او طفله، کی پیکان دَمین اَمدی
بو جَمعین آقا دردی، فقط بین الحَرَم دی

حسین حسین مولا مولانا حسین

حسین نور حقیقت، حسین مایه ی عزّت
حسین کَشتیِ دین و، نجاتِ بَشَریّت

حسین کان کرامت، بیزی ایتدی هدایت
حسین عادتی احسان، حسین معدن رحمت

حسین راه سعادت، حسین مَلجا اُمّت
ایدوب شورِ حسینی، یر اوستونده قیامت

نولور ایتسه عنایت، شهِ مُلکِ ولایت
غلامین ایده بیرده، او ششگوشیه دعوت

حسین حسین مولا مولانا حسین

حسین شاه شهیدان، حسین ناطق قرآن
هامی دردِ جهانه، حسینین آدی درمان

حسین حُجّت یزدان، اولوم آدینا قربان
حسین آدینی سسلر، دامارلاردا گَزَن قان

حسین مُرشدِ عرفان، حسین معنی ایمان
پیَمبَرلر اولوبدی، اونا طفل دبستان

اولوب عشق حسینه، خلایق هامی حیران
ایکی نهر آراسیندا، حسین تشنه ویروب جان

حسین حسین مولا مولانا حسین

بیزه عشق ولا ویر، اوزون قلبه جَلا ویر
اورکلرده کی درده، کَرَم ایله شِفا ویر

صفا سَنده دی مولا، عطا سَنده دی مولا
هامی دردِ جهانه، دوا سنده دی مولا

گَدایِ درِ شاهم، اوزوم غرق گناهم
سیزه نوکر اولاندان، آقا صاحبِ جاهَم

نِی عشقه نَوا ویر، سینیق قلبه صفا ویر
آقا (بیکَسه) لطف ایت، گینه کرب و بلا ویر

حسین حسین مولا مولانا حسین

• یکشنبه
• 1
• فروردین
• 1400
• ساعت
• 19:31
• نوشته شده توسط
• یوسف اکبری

خالق ایدوب احسان
گلدی مَهِ شعبان
لطفِ خدای بی نَظیره باخ

دیللرده غوغادی
وقتِ تماشادی
شاه و وَلیعهد و وَزیره باخ

اولدی مُزَیَّن ما سِوا
لُطفِ خدایِ قادر و
یکتادن

سَسله ولایت اَهلینی
بایراملیغین آلسین بوگون
زهرادن

شَعباندا اوچ نور مُبین گلدی جهانه
سجّاد و عبّاس و حسین گلدی جهانه

سالار زینب یا حسین، سالار زینب

ای مَفخَرِ عالَم
تاجِ سَرِ آدَم
دنیانی ایتدی مَقدَمون گُلشن

من اولموشام بیتاب
خوش گَلموسن اَرباب
اولسون آناوین گوزلری روشن

عزّت تاپیبدی شیعه لر
نامِ شَریفوندن سَنون
یا مولا

ای زینتِ عَرش و سَما
گول آدیوا جانیم فدا
یا مولا

فَخر ایلَرَم عالَم لره ای شاهِ خوبان
چون سَروَریم، تاجِ سَریم، سَنسَن حسین جان

سالار زینب یا حسین، سالار زینب

ذکریم، شُعاریمسان
باغیم، بَهاریمسان
دنیا و عُقبا، اعتباریمسان

دیلده قَراریمسان
سَن افتخاریمسان
عالَم بولور دارو نَداریمسان

ای جانِ زهرا و علی
نورون هذایت مَشعَلی
مولا جان

سَنسَن نَجاتین کَشتی سی
دریای درد و غُصّه ده
مولا جان

نوکَر گوزون دائم تیکَر، لُطف و عطایه
چوخداندی حسرَت قالمیشام کرب و بلایه

سالار زینب یا حسین، سالار زینب

گَلدی قَمَر طَلعَت
بیر مُرتضی صولَت
غَمدن ایدوبدی بیزلری آزاد

شیعه اولو دلشاد
وار دیلده بو فریاد
اُم البَنین اولسون ایوین آباد

گَلدون حسین تَک قالمیه
زینب سنه دیل باغلیه
یا عبّاس

ای سَر به سَر مِهر و وفا
جانیم سنه اولسون فدا
یا عبّاس

بوسه ووران بازوسینه حیدر آتاسی
اولسون اوزون قوللاریوین عالَم فداسی

سَقّای دشتِ کربلا، مولا ابالفضل

یا حضرتِ سجّاد
ای زینتُ العُبّاد
سن معدنِ لطف و عنایت سَن

ای بَنده ی لایق
اولدوم سنه عاشق
احسان ایله کانِ کرامت سَن

ای شَمسِ گَردونِ ولا
وار چوخلی درده مُبتلا
یا مولا

اِیتسن اشاره غَم گیدر
قالماز اورکلرده کَدَر
یا مولا

(بیکَس) لرین عرشه چخوب آه و فغانی
آللهدان ایسته یوللاسین صاحب زمانی

مولا علی بن الحُسین، مولایَ مولا

• یکشنبه
• 1
• فروردین
• 1400
• ساعت
• 19:33
• نوشته شده توسط
• یوسف اکبری

گینه شعبان یتیشیبدی
وقتِ احسان یتیشیبدی
لُطفِ خَلّاقِ اَزَلدن
ماهِ تابان یتیشیبدی

غنچه ی گُلشَنِ زهرادی حسین
شیعیه یارِ دل آرادی حسین
نه فقط شیعه لره بَلکه هامی
عالَمه سَروَر و مولادی حسین

جَنّت اولوبدی مدینه
الله، گورنه ایدوب احسان
شاد اولدی گینه اَحِبـّا
یارین قَدَمینه قربان

گوز آچوب حیدر ایوینده، گینه مَهتاب
ایدوب عاشقلرینی، دوباره بیتاب
بوردان هیچ کیمسه اَلی، بوش گیدن اولماز
مُژده ای اَهلِ وِلا، گلوبدی اَرباب

عالَم کَرَمینه قربان
جانیم حَرَمینه قربان

آدینین صفاسی چوخدی
رَحمت و عَطاسی چوخدی
بَسکی دریایِ کَرَمدی
آقامین گَداسی چوخدی

سائله دائماً احسان ایلییَر
عالَمین دردینه درمان ایلییَر
آدین عشقیله چاغیرسان، گوره سَن
سنی ششگوشیه مهمان ایلییَر

تاپدیم آبرو جهاندا
عشقی باشیما دوشَندن
نوکر لرینی سایاندا
سالماز آدیمی قَلَمدن

شُکر اولا خالِقِ مَنّان و وَحیده
غَم و غُصّه دن منی ایدوب رَهیده
منی مَدیون ایلیوب حضرتِ زهرا (س)
مَنده عاشق اولموشام، شاهِ شَهیده

عالَم کَرَمینه قربان
جانیم حَرَمینه قربان

بَحرِ احسان و عَطادی
لَقَبی خونِ خدادی
اَتَگیندن دوتا بولسَم
اوزی مِصباحِ هُدادی

اوزی خورشیدِ هدایَتدی حسین
باشاباش لطف و عنایتدی حسین
عاشقین حَشریده تَک قویمیه جاق
شافعِ روز قیامتدی حسین

چوخدان منه ایدوب احسان
عشقی سالیبدی کَمَنده
غَمدن دیلیم اولار آزاد
آدین، هر لحظه دییَنده

عالَمه گرچه بَلا صَرصَری اَسدی
غُصّه لر، رشته ی آرامیمی کَسدی
(بیکَسم) لطفووه واردی احتیاجیم
منی تاپشیرسان عَلَمداریوه بَسدی

عالَم کَرَمینه قربان
جانیم حَرَمینه قربان

• یکشنبه
• 1
• فروردین
• 1400
• ساعت
• 19:39
• نوشته شده توسط
• یوسف اکبری

شرف ارض خدا،روح مبرّا دی حسین
زینت مطلقه ی شانه ی طاهادی حسین
اقدسیّت سنَدی، ذات تولّادی حسین
مخرن الآیه دی آئینه ی قرآندی حسین
شاهکاری اثر خالق سبحاندی حسین

ماه شعبانین اوچو حق،سوزون اظهار ائلدی
یوسفی بیرده وئروب گرمیِ بازار ائلدی
انبیا و ملک و حوری خریدار ائلدی
تزه دن وئردی نمایش نَفَس توحیدی
کلّ انواری ییغیب خلق ائلدی خورشیدی

گوز آچیب گوزلرینه،گون ئوزی پیرایه گلوب
گویون اولدوزلاری گهوارسینه دایه گلوب
رُخ زیباسینه یوسف ده تماشایه گلوب
گون دئدی گوزلرینی ئوپمه قه منّت چکورم
آی دئدی چیخماقیما من که خجالت چکورم

صورت فاطمه یه گول کیمی لبخند اوتوروب
مرتضانین دهنین ده ائله بیل قند اوتوروب
احمدین سینه سینه غیبیله بیر پند اوتوروب
گوزون آیدین اولا جبریل دئدی نور دو عین
بو گوزل غنجه نی اوپ حنجرینی،سسله حسین

اهل عرشون بو جگر گوشه کسوب چاره سینی
صف چکوب گورسده تا فاطمه مهپاره سینی
تلسور حور و ملک ،ترپده گهواره سینی
دئدیلر قونداقینی عرشه گئتور یا الله
یا که اذن وئر علی بِیتین ائده خ منزلگاه

گلجگین قونداقی عرش اهلی تاپیبدور هیجان
دوزولوب دورینه جنّت ده کی پاکیزه زنان
دیوب احسن نه گوزللیک یارادیبسان یارادان
حیف دور شاخه جسمی قالا جنّت دن اوزاق
اذن وئر جمله گه بو گول بالیا دایه دوراق

فاطمه گلدی گوروب یوخدی بشیک ده بالاسی
تاب ائدنمز دئدی یا رب بو فراقه آناسی
مطلبی درک ائلیوب گلدی صدایه آتاسی
عرض ائدیب اولما ملول احمدین ای جانانی
اللهیم عرشه حسینی آپاریب مهمانی

سنی سلطان ائلین قدرته قربانم حسین
روز میلاد دی و منده خرامانم حسین
ولی عفو ائتسون اگر ایندی رثاخوانم حسین
گر بولود یاغماسا،گلزار ائوی آباد اولماز
گوزیاشی توکمه سه شاعر،ئورکی شاد اولماز

او حسینی که اونون سینۀ زهرادی یئری
او حسینی که اونون عرش معلّادی یئری
اوحسینی که اونون شانۀ طاهادی یئری
گور قویوب کوفه لی لر جسمینی نه احواله
عرش مهمانینی ظلمیله سالیب گوداله

بو همان شه دی که مات ائتیمیشیدی حورانی
ایستی قوملار بورویوب ایندی همان مولانی
بو حسین دور که هواداریدی هر بیر یانی
ولی گور ایندی نه بی کس ییخیلوب صحراده
ظلمیله دوغرانان اعضاسی ایتوب بلواده

• دوشنبه
• 2
• فروردین
• 1400
• ساعت
• 23:08
• نوشته شده توسط
• یوسف اکبری

ییخیلوب قتلگاهه - سویولان جسم و جانیم
بو اوتوز مین نفردن - ائـشیــدن یوخ فغانیم

بو صولان گول ستاندا _ گل و خاره نسیبم
منـــــی درک ایله یا رب _ یارالیـــــام ، غریبم

بو باتان حنجریم ده - سسیم آوایه گلمور
سوکولن بو بــدن ده - یارالار سایه گلمور
نه وورانلار چکیر ال - نه منی ئولـدوروللر
بو ئورک سیز جماعت - بیری یـارایه گلمور

نَفَسیم حبس اولوبدی - بو سینان پیکر ایچره
قوجا بیر عاشقم که - بوغولور قان تــر ایچره
که یـــداللهَ حتی - بو قوشون رحمی یوخدی
کسیلنــدن ایتوبـــــدی - بو اَلیم اَللـــــر ایچره

منتظر دورموش اَلده - اوخ آتانلار دا صف ده
نچه مین زهریلی اوخ - هامیسی بیر هـدف ده
بو گؤزوم یــول تاپانمیر - باخـا بیر خیمه گاهه
باشیم اوستونده نیزه - دوزولوب هر طرف ده

بو جراحـاتِ سنگین - باشیـــــمی باش ائدوبدی
سینه مین سرّ عشقین - دگن اوخ فاش ائدوبدی
منی بـــــو تئزلیقیجه - ییخـــا بیلمزدی اعـــــدا
منه هـــــر نـــه ائدوبدی _ غمِ قارداش ائدوبدی

بو چمن زار عشقین - سارالان یاسی گئتدی
اورگیندن ربابین - داخی رؤیــــاسی گئتدی
علـــــی اکبـــــر عباده - ســـــرِ قاسـم آراده
آرالــــی قیزلاریمنان - اودور عباسی گئتدی

• سه شنبه
• 3
• فروردین
• 1400
• ساعت
• 14:09
• نوشته شده توسط
• یوسف اکبری

من حسینم کیم منه ساری گوتورسه بیر قدم
مین قدم گللم یقین امیدوار اولسون منه

پاک‌عزاداریم و یا زوّاریم ئولسه قورخماسون
قبرینون اوّل شبینده انتظار اولسون منه

باشیمی‌دفن ایتمه قوی چوللرده سرگردان گزوم
هر باخاندا باشیمه زینب خمار اولسون منه

فاطمه اوغلی مگر عیسادی دار اوستن قاچا
شامه‌جک هر گون گرک تکلیف دار اولسون منه

ویرمرم مین بیله دیره خیزرانون خیرینی
بوسه آلماقدا اودا معشوقه یار اولسون منه

مانعی‌یوخدی گوزومدن دیشلریمدن ئوپسه‌ده
مجلس شُربون گرک تالاری تار اولسون منه

گُل نثار ایللّه سلطانه گلی من نیلورم
طشتده ئوز لبلریم گوهر نثار اولسون منه

قانه باتمیش لبلریمله دمبدم یاهو دیوم
خالقیم‌‌باخسون ئوزی قیمت گذار اولسون منه

انتقامیم آلماقا مجلسده دیلّنسون باجیم
منطق برّانی مثل ذوالفقار اولسون منه

"انورم"بو نوحه‌نون نظمینده پرشور اولموشام
ارزشی وار دفتریمده شاهکار اولسون منه

• پنج شنبه
• 5
• فروردین
• 1400
• ساعت
• 15:53
• نوشته شده توسط
• یوسف اکبری

گوردی خنجرین برقین شمر الینده تا زینب
قتلگاهه تل اوستن قاچدی بی نوا زینب

قتلگاهیلن تلین مختصر آراسی وار
درک ایدن قولاقلاردا وا حسین صداسی وار
ایندیده او تلّ اوسته زینبون نواسی وار
مقتله دوشوب گویا حضرتون یاراسی وار
روبرو دوروب ایلر شمره التجا زینب

مرتضی قیزی آخر هرچه آه و داد ایتدی
رحمه گلمدی قاتل شدت عناد ایتدی
قتل شاه مظلومه سرعتین زیاد ایتدی
خامه ی شریحیلن حنجر اتحاد ایتدی
غشّ ائدوب یوزی اوسته دوشدی تپراقا زینب

چاره سیز قالوب دوتدی شمرون آستینیندن
آستینی سهو ائتدیم تیغ آهنینیندن
قینَدی آخان قانلار کربلا زمینیندن
قاتلمه یالوارما گلدی سس حسینیندن
کایناتی بالمرّه ایلرم فنا زینب

• پنج شنبه
• 5
• فروردین
• 1400
• ساعت
• 16:33
• نوشته شده توسط
• یوسف اکبری

قان ایچره ال ایاق چالا بیر نازنین آتا
بیر نازنین اوشاقدا باخا پیچ و تابیلن

بیر بی ادبده الده شرر بار خنجری
قصد ایلیه او یاره لی شاهی عتابیلن

نیلر او اوچ یاشیندا آدامسیز ظریف اوشاق
آچدی باشینداکی لچگین چوخ شتابیلن

آتدی اونی او ناکس و رذلین ایاقینه
یالواردی یاسمن تیکانا اضطرابیلن

ظالم تَرحّم ایله عطشدن یانور بابام
قوی ایسلادیم دوداقلارینی اشک نابیلن

قوی زلفومی سریم بو چوخور بارگاهه من
ایستی قوم اینجیدور بابامی التهابیلن

آل گوشواره می عوضینده اجازه وئر
بیر لحظه خلوت ایلیوم اول مستطابیلن

بوینون قوجاقلاماقی قولوم تازه اورگنیب
قوی قول بویون اولوم بیر او مالک رقابیلن

باخ گور قلیج نه حاله سالوب عمّه مین الین
گور نه اسور عناد ائلمه اول جنابیلن

اصرار ائتمه ظلمیده،نستوهیدور بیبیم
سیندیرماز اوز رشادتینی کوهیدور بیبیم

• شنبه
• 7
• فروردین
• 1400
• ساعت
• 12:11
• نوشته شده توسط
• یوسف اکبری

ای عشق مناسینده ناحق توکولن قانی
زهرایه قسم وئرم دیندیر من نالانی

ای کشتی خوبانون طوفانه دوشن نوحی
گرداب بلیاتون غلطیده و مجروحی
عیسی کیمی آویزان داره سر مذبوحی
ای زینبون آرامی وی فاطمه نون روحی
آگاه ائله حالوندن من زار و پریشانی

تانور باجی قارداشین اولسا اوچ علامتدن
باشدان ایکی اللردن یا جسم سلامتدن
دولموش گورورم سینون بی حد جراحتدن
باش یوخ ایکی اللر یوخ یاندیم بو حکایتدن
یاندیم نقدر یانسام حقّیم وار حسین جانی

ظاهردی قیافوندن سن شاه شهیدان سان
شاهانه لباسون یوخ بس سن نئجه سلطان سان
باشونده گئدوب تاجون آیا نیه عریان سان
اوخلار سنه پیراهن مستغرق پیکان سان
هاردا گیینور شاهلار منسوجه ی پیکانی

سندن یارالی ایلور زهرا قیزی بیر خواهش
سسلن سسوه قربان قلبیم دوتا آرامش
آیا سن حسینیم سن آدون ائله فرمایش
زلفیمه سالوب سایه تاپ ایستی دن آسایش
یوخ زینبوون بوندان آرتوق زادا امکانی

اعجاز امامتدن بیر منظره گورسندی
ناگاه او باشسیز نعش بیر تتردی ترپندی
منحور بوغازیندن گلدی دیله سسلندی
یازینب اناالمظلوم ای فاطمه دلبندی
قارداشون حسینم من لب تشنه چیخان جانی

بالای سره کئچدی محزون دل و کج گردن
چاک ائتدی گریبانین تپراقه دوشوب بیردن
زلفینی خضاب ائتدی اول خون مطهردن
قویدی دوداقین اوپدی خنجر قویولان یئردن
سیراب ائدوب اشگیله اول حنجر عطشانی

• شنبه
• 7
• فروردین
• 1400
• ساعت
• 12:26
• نوشته شده توسط
• یوسف اکبری

هر یوزه آی پاراسی هر گوزه شهلا دئیمرم
لاشه­ خور قوشلارا مرغان شکرخا دیمرم
پایمال اولسام اگر آلچاقااعلا دیمرم
معصیتدور بو دئیمک یا ئولرم یا دیرم
ویرمرم ناحقه پیرایه حسین نوکریم

نیلورم مرتبه و منصب و نام و لقبی
فضل اگر اولسا ائدر عالمه چوپانی نبی
شرف و شأن وئرر انسانا علم و ادبی
ورنه بیردور بشر اعجم و کلب عربی
عربی عشق و عجم پایه حسین نوکریم

فخر ائدر بلبل شیدا که گُله نغمه­ گرم
لیک گُلدن­ده گوزل وارمن اونا مفتخرم
سن دولان باغلاری بستانلاری ای اهل کرم
منده مولا آدینی هی یازارام هی اوپرم
ائدرم فخر او مسمّایه حسین نوکریم

آقامون عشقی منیم روحیمی بی­ باک ائلیوب
یوزومی بیر سوزومی بیر آدیمی پاک ائلیوب
طبعیمی تیغ خطرساز و شررناک ائلیوب
چوخ شقی­لر اورگین شعرلریم چاک ائلیوب
چوخ سوزوم اوخ ویریب اعدایه حسین نوکریَم

کربلا عاشقیم خون و شهادت سَسیَم
بی ­مَدد پادشهین مُلتمس بی­کَسیم
نه مسیحم نه­‌ده­‌کی جنّته خاطر اَسیم
باخمارام‌کوثره‌من‌چونکه حسین تشنه­‌سیم
تشنه­‌دور روحیم او‌مولایه حسین نوکریم

• شنبه
• 7
• فروردین
• 1400
• ساعت
• 12:34
• نوشته شده توسط
• یوسف اکبری

آلنینون قانییلن قانه بویانمیشدی یوزی
اورگیندن چکه بیلموردی او پیکانی اوزی
نهر علقم طرفینده ایله قالمیشدی گوزی
وار دییَردی یری دل مجمر غمدن آلیشا
هانی غیرتلی ابالفضلیم الیمدن یاپیشا

آپارا کاش بیری قارداشیم عبّاسه خبر
دیه گل ائتدیله زهرا ایوینی زیر و زبر
ویردیلارقارداشوون قلبینه بیر تیرسه‌پر
گوزلیور لوح دیله نقش مُحَسَّن چکه سن
اورگیندن گلیب اوچ‌شعبه‌اوخی سن ‌چکه سن

سالدی بو غمده حسین عالمه محنت کوزونی
تیکدی چوخ حسرتیله نهر فراته گوزونی
گوئیا ائتدی بو نوعیله مخاطب اوزونی
گوزووی نهر فرات اوسته دولاندیرما حسین
چاغیریب دادووَه عبّاسی اوتاندیرما حسین

خرمن عمرینه ظلمیله عدو سالدی شرر
اولدی کاشانه امّیدی اونون زیر و زبر
بیر نفر السیز اگر اولسا الیندن نه گلر
کیم مگر سسلییر امدادینه امدادی یوخی
الی اولسیدی چکردی اوزی آلنیندان اوخی

• شنبه
• 7
• فروردین
• 1400
• ساعت
• 12:44
• نوشته شده توسط
• یوسف اکبری

ائللر گوزینه گر چه نظر کرده گدایم
مدّتدی ولی حسرت ایوان طلایم
گلسم او فراتون سویونا واردی گلایم
آخدون نه سببدن دیرم چوللره ای سو
ئوز قانینی ایچدیردون علی اصغره ای سو

ای کاش بو غفلت یوخوسیندن اویانیدیم
گوزیاشلی گلوب صحن حسینده دایانیدیم
پروانه کیمین شمع وصاله دولانیدیم
وصلت اودینا کاش یانیدیم آلشیدیم
خاکستر اولوب تپراقوویلان قاریشیدیم

چون (منزویم) عالمه بیگانه منم من
شمع شرفون باشینه پروانه منم من
لب تشنه حسین عشقنه دیوانه منم من
زاهد بوراخ ائتمه دل مجروحیمی محزون
انصاف ائله تکلیفیدن آزادیدی مجنون

• شنبه
• 7
• فروردین
• 1400
• ساعت
• 13:03
• نوشته شده توسط
• یوسف اکبری

طوفان ائله که قوپدی جهان باتدی سراپا
دنیا اولوب اوُل وقتیده بیر قورخولی دریا

نوحون گمیـسی موجیلر اوسته اوجالاندی
بیر مدّت او کشتی سویون اوستونده دولاندی

بیر یرده گلوب شدّتیله ایلدی لنگر
آز قالدی باتا خوفه دوشوب نوح‌ پیمبر

قالخیزدی اَلین ایستدی امداد خدادن
قورتار بیزی یا ربّی بو گرداب بلادن

جبریل امین نازل اولوب وئردی سلامی
‌‌پیغمبر محبوبه یتوردی بو پیامی

فکر ایلمه یا نوح بو گرداب بلادور
قانلار توکولن یردی بورا کربُبَلادور

گر ایستیوسن قورتاراسان آغلا حسینه
من نوحه دیوم سنده عزا ساخلا حسینه

نوح آغلادی رام ایلدی طوفان بلانی
طوفان بلا دوتدی بیابان بلانی

ای نوحی چکن ساحله طوفان آراسیندان
چک شاه شهیدانی قزل قان آراسیندان

گردابه دوشوب قورخولی میدان آراسیندا
آواره او دریای خروشان آراسیندا

اَمر اولدی حسینیم هامی دنیا سنون اولسون
دوقّوز فلک‌و جنّت‌ُالاَعلا سنون اولسون

کوثر سنون اولسون داخی طوبا سنون اولسون
منظومهٔ آفاق سراپا سنون اولسون

اَمر ایله قیریلسین هامی بو لشکر اشرار
اَمر ایله دیریلسین اوجا قامتلی علمدار

عرض ایلدی ربّی بو جوانلار سنه قربان
تپراقه آخان قرمزی قانلار سنه قربان

اخیامیده آواره قالانلار سنه قربان
عطشان بالالار قاره سالانلار سنه قربان

چوخ‌ راضیم اللّه بدنیم قانه بویانسین
قوی من یخیلوم پرچم اسلام اوجالانسون

کئچدیم اوجا قامتلی علمداریدن اللّه
کئچ سنده قیامتده عزاداریدن اللّه

• شنبه
• 7
• فروردین
• 1400
• ساعت
• 13:07
• نوشته شده توسط
• یوسف اکبری

عنایت ائله ای شاه کرم
آدیوی آقاجان سسلیرم
قیل اوزون اورک دردیمه دوا
باشیما دوشوبدی شوق حرم

یوخومدی دوزوم ،اورکده سوزوم(یا ابا عبدالله2بار)
قالوبدی فقط حرمده گوزوم (یا ابا عبدالله)
عنایت ائله دوباره آقا(یا ابا عبدالله)
اورکدن ائداخ حرمده نوا(یا ابا عبدالله)
مظلوم آقام.......

نه قالوب اورکده طاقت و تاب
قاپوندا منی قیل نوکر حساب
بو هیئتین اهلی یکسر آقا
اولونجه دیلر مدیون رباب

اولونجه آدون دیلیمده قالار(یا اباعبدالله)
فراق حرم بو جانی آلار(یا اباعبدالله)

دعاده الیم سن ایسته گلیم(یا ابا عبدالله)
همیشه دیر بو آدی دیلیم(یا اباعبدالله)
مظلوم آقام.....

• شنبه
• 7
• فروردین
• 1400
• ساعت
• 20:36
• نوشته شده توسط
• یوسف اکبری

گئجم گونوزوم،اورکده سوزوم ،اولوبدی حسین و کرب و بلا
اورک باشینا،یازوبدی خدا،گدادی هامی ،حسیندی آقا
گویلوم اسور آقاجان هر وقت اسوری علمون/من اولمسمده بولورم اولدورجاق داغ غمون
حقیریوم آقاجان،فقیریوم آقاجان،آدیوی سسلیرم،او دور اسیریوم آقاجان
آقام آقام آقام ای......

نه اون گون عزا،همیشه آقا،سنه ائدرم من شور و نوا
آقا کرم ائت،بو جمعه اوزون ،وئر تذکریه بیر کرب و بلا
اوزون الیمدن توت آقا،اولوم قاپوندا صبح و شام،ای اهل عالم ائشیدون آقام حسیندی والسلام
چاکریوم آقاجان،یاوریوم آقا جان،همیشه سسلیرم فقط،نوکریوم آقاجان
آقام آقام آقام ای......

دوشوبدی گینه آقا باشیما دوباره هوایه بین الحرم
هایاندا قرا، علم گوررم ،اورکدن همیشه عشق ائلرم
چاتمور الیم آقاجان اگر او عالی تربته
حرم یادیله گلرم اودور هر هفته هیئته
دیلده سوزوم آقاجان،سنه گوزوم آقاجان
فراقه مرقدیوه،نجه دوزوم آقاجان
آقام آقام آقام ای......

• شنبه
• 7
• فروردین
• 1400
• ساعت
• 20:38
• نوشته شده توسط
• یوسف اکبری

ماه شب تاریم حسین/دیلده کی اذکاریم حسین/دنیاو هم عقباده چون/عشقیمدی هم یاریم حسین
سن کی کرم دریاسی سان/دردیمیزون دواسی سان/بو کوری داعشیلر/آقالارین آقاسی سان
خاک در اکبریوم،نوکره کوی نوکریوم،هامی اورکدن دیجاق، یا ابن الحسن یاوریوم
العجل العجل یا ابن الحسن العجل....

شاه شهیداندی حسین/جانیله جاناندی حسین/نوکر کوی دریوخ/ بیزلره سلطاندی حسین
دل یاناجاق ماتمینه/اوت توتاجاق هر غمینه/هر شب جمعه گلرم/عشقیله زیر پرچمینه
قسمتیم ائله شاه زمن،کرب وبلا اون دشت محن،بو قاپودا نوکر اولوم،تا فرج یا ابن الحسن
العجل العجل یا ابن الحسن العجل....

• شنبه
• 7
• فروردین
• 1400
• ساعت
• 20:57
• نوشته شده توسط
• یوسف اکبری

یاحسین ای شه و مقتدا،وار گوزوم کرمونده آقا،وئر اوزون برات کربلا

بو جمعیله منه،هامی سینه زنه

چینمه آلارام بیرده من علمون( یاحسین 2 بار)/اربعینده اولام زائر حرمون( یاحسین2 بار)

دردیمه سن ائله دوا،نوکرم من سنده اقا،قسمتیم ایله کربلا

حسین آقام آقام......

ای شهنشه عالمین،بیزلره قیل کرم یاحسین،ایستروخ بین الحرمین

قالوب سنده گوزوم،یوخوم هجره دوزوم

قالوری قلبیمده حسرته حرمه( کربلا 2بار)/بیر گونی اولدورجاق منی بو غمه( کربلا 2 )

ایستمه بیزلری کناریوه،آلتی گوشه لی مزاریوه،قربانام او شیرخواریوه

حسین آقام آقام......

• شنبه
• 7
• فروردین
• 1400
• ساعت
• 21:08
• نوشته شده توسط
• یوسف اکبری

سبک: می گذرد کاروان

قویدی قدم عالمه
آیت رحمان، حسین
عرض و سما سسلدی
جان سنه قوربان حسین
*
کعبه ی اهل ولا
پادشه کربلا
فوج ملائک دییر
مقدمیوه جان فدا
*
ثارالله ثارالله یا حسین
ثارالله ثارالله یا حسین
یابن الزهرا ای کعبه ی هفت آسمان
مقدمینه اهل ولا اولسون قوربان
*

ای شرف عالمین
وصفیوه عاجزدی دیل
عرشیده لای لای چالیر
گؤر نه گوزل جبریل:

ای گول باغ ولا
لای لای اوغول آغلاما
ای او گوزل گوزلره
عالم و آدم فدا
*
ثارالله ثارالله یا حسین
ثارالله ثارالله یا حسین
یابن الزهرا، ای کعبه ی هفت آسمان
مقدمینه اهل ولا اولسون قوربان
*

درده دوا یا حسین
مروه صفا یا حسین
جود و کرم کعبه سی
مکه منا یا حسین

گون حرمینن ئوپور
آی علمینن ئوپور
گویده ملک لر بوتون
هی قدمینن ئوپور

*
ثارالله ثارالله یا حسین
ثارالله ثارالله یا حسین
یابن الزهرا، ای کعبه ی هفت آسمان
مقدمینه اهل ولا اولسون قوربان

• یکشنبه
• 8
• فروردین
• 1400
• ساعت
• 17:14
• نوشته شده توسط
• یوسف اکبری

اولان عالم صفاسی

سنده دی دردیم دواسی

باشیمدا قبرون هواسی

اورکده یوخ طاقت

دلده وار غم نواسی

اورکده هجران یاراسی

قبریوین اوللام فداسی

گر ایله سن قسمت

باخما نالایقم - عشقیده صادقم

قاپیوا نوکرم - آدیوا عاشقم

آقام آقام حسین (ع)

ای اولان قان وضوسی

شیعه لرین آبروسی

مزاریوین آرزوسی

باشیمدا وار مولا

عشقون اولموش سرشتیم

خدا یازان سرنوشتیم

کرب و بلادور بهشتیم

سنه فدا - آقا

اول آخر کلام - نوکرم والسلام

او گوزل قبریوه - آقا اولسون سلام

یانمیشام نار غمده

داغ فراقون سینمده

او گنبد اوسته علمده

گوزوم قالوب مولا

گر یتیشسم مراده

بیر گونی کرب و بلاده

اکبره پایین پاده

سوزوم قالوب مولا

قاره وی باغلارام - سینمی داغلارام

اکبره یاس دوتوب - سس چکوب آغلارام

وار یری اشگ ماتم

عارضه توکسم دمادم

یاندی بو احواله عالم

شبیه - طاهانی

آلدی لشگر آرایه

باشی دوشوب چوخ بلایه

نعشینی ییغدون عبایه

یره آخوب قانی

همزبانیم علی - مهربانیم علی

نیه سس ویرموسن - نوجوانیم علی

اویان ای ماهپاره

قلبیمه سالما شراره

جسمون اولوب پاره پاره

جوان علی اکبر

سنسیز ای شبه طاها

خیمده محشردی برپا

شماتت ایلور بو اعدا

اویان علی اکبر

وای آنان لیلیه - گله جاخ نالیه

نجه نعشون اوغول - آپاروم خیمیه

• دوشنبه
• 9
• فروردین
• 1400
• ساعت
• 12:14
• نوشته شده توسط
• یوسف اکبری