اشعار ترکی امام حسین (ع)

امر ائدوب خلّاق عالم کیمسه یاریمدور منیم
بنده ی وارسته وصادق نگاریمدور منیم

کیم حسین بن علی تک عاشق وارسته دی
شاهد اعظمدی گویا افتخاریمدور منیم

من حسینه هرایکی دنیاده عزّت وئرمیشم
جنّت الاعلاده صاحب اختیاریمدور منیم

قنداقین امرایلدیم کی عرشیمه ائتسون عروج
تاجهان بیلسون بوتحت اختیاریمدور منیم

کیم منیم فرمانیمی عالمده باور قیلماسا
واقف اولسون تاجهان وار شرمساریمدورمنیم

ایندی منده دوتمیشام یارب حسینون دامنین
واریقینیم کی حسین شان ووقاریمدور منیم

چکمرم ال دامنیندن آند اولا ئوز جانینه
چون حسین عشق عالمینده اعتباریمدور منیم

افتخاریمدور عزیز بنت ختم الانبیاء
هرایکی دنیاده لایق شهریاریمدور منیم

حق یولوندا بی گمان دار ونداریندن کچوب
درگهینده سائلم دار ونداریمدور منیم

هانسی عاشقدور حسین تک جان ومالیندن کئچر
بوسببدندور ئولونجک افتخاریمدور منیم

اعتقادیم وار حسینون نهضت خونینینه
وارنیازیم لطفینه ذکر وشعاریمدور منیم

من اوشاقلیقدان حسینون عشقینه خوتاپمیشام
علتین آلما خبر کی اقتداریمدور منیم

خادم درباریم غملر یوروبدور جانیمی
واریقینیم غم گونونده غمگساریم دور منیم

بارگاهینده قوجالمیش خادمی تیموری یم
شاهدیم بوماجرایه حال زاریمدور منیم

اردبیلین دوزدی منده تازه ابجدخوانیم
افتخاریمدور بو بابتدن دیاریمدورمنیم

• یکشنبه
• 7
• دی
• 1399
• ساعت
• 14:56
• نوشته شده توسط
• یوسف اکبری

یازیلیب سردر میخانه خلقتده حسین
عشق حیسن شور حسین اوج جلالتده حسین
بوتون اعصاریده بیر نوریدی ظلمتده حسین
الی الدن اوزولن شخصیلره ایله خبر
باشلانور ماه محرم گتیرون دیده تر

یاشلی گوز اذن دخول حرم مولادی
کشورعشقه گذرنامه غم سقادی
غم ویزا یمیون بو قره لر ویزادی
هم وزیری هم اوزی چوخلی محبت الیر
ال بوشدا گله سن قووماز عنایت الیر

کرمه باخ حرمه من کیمی آلوده گیدر
اله فکرایتمیه سن واهی وبیهوده گیدر
خرداقیزلاردا گیدنده اورا آسوده گیدر
نه قویار قورخوشالار نه بیرینه سیلی دگه
نه بیری قمچی ویریب قامت رعنانی اگه

علتی واردی هرایل شهری سیه پوش اولونار
یاحسین سسلسه هرعاشقی مدهوش اولونار
اصغری باخسا جهنم اوتی خاموش اولونار
کیم قراسین گیه محشرده یولی سد اولماز
محضر حقده دعا ایلیه گر رد اولماز

وار روایتده ظهور عصری سرانجام اولاجاق
سینه لر غرق بلا خانه آلام اولاجاق
پنج تن حضرت مهدی له کی همگام اولاجاق
سرنوشت بشریت گنه تغییر ایدجک
بوحسین ناله لری اصلیده تاثیر ایدجک

اوندا کی غربت مهدی جوشاجاق داشلاناجاق
پنج تن گوزلری غربت سوزینه یاشلاناجاق
بیت معموریده تسبیح ودعا باشلاناجاق
هره بیر نحوی دعا ایلیجک یوم حضور
تاخداوندیدن آلسون آقاما اذن ظهور

حضرت ختم نبی عالمه طوفان سالاجاک
یاشیل عمامه سینی اللری اوسته آلاجاک
تادعاسی قوتارا سجده ده زهرا قالاجاک
جامه غم ملکوت اهلی بوحاله گییجک
عرشیان حاجت پیغمبره آمین دییجک

مرتضی ال آچاجاگ محضر داداره اوگون
جبرییل آعلیاجاگ حالت غمباره اوگون
جنیلر سس قوشاجاگ حیدر کراره اوگون
سوزش ناله سینه جن وملک غم ییجک
حضرت ختم نبی حیدره آمین دییجک

نوبت فاطمه دی ال آچا حق درگهینه
عرض حاجت الیه خالق مهر ومهینه
ویره آللهی قسم عشقیده شاهنشهینه
ناله سیندن گتیره لرزیه عرش وزمنی
عرض ایده خالق سبحانه اوتاندرما منی

مجتبی سبط پیمبرده دعا ایلیجک
ذکر مضطر اوخیوب یا صمدا سویلیجک
گورون اما آقامیز مظلوم حسین نینیجک
آچاجاگ ال کی دعا ایلیه غوعا دوشجک
سجدیه ختم نبی حیدر وزهرا دوشجک

حسن وکل ملایک اونا آمین دییجک
کاینات اهلی بوتون رخت توسل گییجک
جمله جنات وجهنمده بیله سویلیجک
بار الها بو حسیندور خلف ختم رسول
آقا اوغلی آقادی رد المه ایله قبول

بیلمورم هانسی مصیباتی شفیع ایلیجک
بیلمورم هانسی موثر سوزی یا سویلیجک
یاکی عباسین آدی گلسه خدا نیلیجک
هرنه دی ناله پر غصه سی طوفان سالاجاک
درگه حقدن آقام اذن ظهوری آلاجاک

فرقی یوخ علت الطاف خدا هرنه ده دی
اوگجه صاحبینیز صبحه کیمین سجده دی
نچه یوز ایلدی کی مظلوم آقامیز پرده ده دی
پنج تن حرمتینه حقدن عنایت گلجک
جبرییل الده نچه حکم وعنایت گلجک

صبح میعادیده مامور بشارت گلجک
آقامیز مهدیه آماده خدمت گلجک
بوتون عالملره آللهدان عنایت گلجک
ذوالفقاره اوگونی گوزلری یاشلی باخاجاق
کهنه پیراهنیدن تازه قیزیل قان آخاجاق

گوره سن اوندا سوسوز اصغری آرام اولاجاق
زینبین قولاری یا قمچیدن آرام اولاجاق
نهرعلقمده اوساعت نجه اعلام اولاجاق
دیجکلر گوره سن اکبره یارون نجه دی
یا حسینه آقاجان سینه پارون نجه دی

• دوشنبه
• 8
• دی
• 1399
• ساعت
• 23:28
• نوشته شده توسط
• یوسف اکبری

مبهوت الیوب الله عشقیله هر انسانی
خلق ایلدی کی اوندا پیغمبر طاهانی

مین کعبه سوزوم واردی حیدر نجه خلق اولدی
هم کفو علی ویردی پیغمبره زهرانی

زهرا وعلیدن دی بو اون بیر علی سیرت
هرتک تکی حیدردی هم کوثر نورانی

عالملره منتدی بو نعمتی آللهین
بوش قویمادی حجتدن بیر لحظه ده دنیانی

هم باغ فدک ویردی هم جنت سامرا
گویا بزیور هردم گوللرله گلستانی

یوخ شبهه کی زهرادن هر یرده نشان واردی
لطفیله ایدب خالق نوریله چراغانی

شوقیله دولان شیعه بودنیادا گلزاری
درک ایله نجف شاهین گز کرب معلانی

آختارسون اگر لذت ضامن دی اونا رافت
رافت له ایدیب آباد سرتاسر ایرانی

چون جلوه عشقیندن ایرانه ویریب عزت
جنت یارادیب یعنی بو ملک خراسانی

به به نه گوزل مولا به به نه گوزل جنت
هم مرحمتی عالی هم بخششی طوفانی

میلادی مبارکدی ایرانیلره اول
بوشاه خراسانین وار دوزدی چوخ عنوانی

سلطان مسلمدور حج فقرا.مولا
هم ضامن آهودی هم جنت رضوانی

ایرانی دیدیم قالدیم حیف اولدی گوزل گونده
سلطان خراسانین یوخخادم نالانی

شاداولسون اونون روحی افسوس اولا کی یوخدی
سردار سرافرازیم سردار سلیمانی

• دوشنبه
• 8
• دی
• 1399
• ساعت
• 23:34
• نوشته شده توسط
• یوسف اکبری

سبک: ای گل مینای من.........

یاتما دور قارداش اویان *یولّانور بو کاروان
بسدی غملر زینبه * شمر اولوبدی ساربان

ای تراب اوسته یاتان دوردالومجان ویر اذان
زینبون شامه گیدور همرهی شمر وسنان

یول اوزاق ناقه جَهیز سیز ساربان سرسخت
کاروان دوشدی گیدوریول باشلانوب فرقت
مظلوم ...... حسین غریب...... حسین

دین ایوینی یخدیلار * امر حقدن چیخدیلار
منجنیق ظلموده * اهلبیتون سیخد یلار

دشمن قرآن و دین بو شهادتدن صورا
خیمه گاهه اود ویروب قتل وغارتدن صورا

قویمادوم سجّادی یانسون اودلارا قارداش
گوزیاشون بو خردا قیزلار ایلسون قانیاش
مظلوم ........ حسین غریب....... حسین

تکیه گاهی زینبون * داد خواهی زینبون
عشق پاکوندی فقط * تک گناهی زینبون

سنکیمی شمعه حسین زینبون پروانه دی
قوی دیسونلر عشقیوه بو باجون دیوانه دی

سن تنور خولیده اول میهمان قارداش
جام مِحنتدن من اولاّم نیمه جان قارداش
مظلوم....... حسین غریب....... حسین

صبر ایوینی یخمارام * امر حقدن چیخمارام
شیر یزدان دورآتام * من یزیدن قوخمارام

من اسیر عشقوم نه یزیدنا خلف
پرچمون الده دوتوب واردی برنامه هدف

شامه چاتسام من یزیدی ایلرم رسوا
نهضتون ویرّم ادامه ساخلارم بر پا
مظلوم ...... حسین غریب..... حسین

یازموشام برنامه وار * زینبه هنگامه وار
سیّدسجّاد کیمی * شامیده علامه وار

منبره یولاّر باجون سیّد سجّا دیوی
مفتضح ایلر سنون قاتل و جلاّدیوی

درد دینی قانیلن سن ایتموسن درمان
صود امر سرباز واکبر ویرموسن قربان
مظلوم..... حسین غریب.....حسین

یوخدی امکان دفن ایدیم * فکره گلمور نه ایدیم
میندورللرناقیه * مجبورام منده گیدیم

گوز یاشیله اولمادی یاره وه مرهم قویام
باشون اوسـته آغلیام مختصر آرام اولام

روح زینب قالدی بوردا شامه یولاّ ندی
آتش اندوه غمده او د دوتوب یاندی
مظلوم ...... حسین غریب...... حسین

ماه تابانیم اویان * سر و بستانیم اویان
دور یولاسال زینبی * قانه غلطانیم اویان

کاروان سنسیز گیدر هرزمان لنگه دوشر
بو اسیرانون دلی گلمسن تنگه دوشر

نوک نی ده گل اوخی سن صوتیله قرآن
زینبون آل گویلونی ایت عالمی حیران
مظلوم ..... حسین غریب.....حسین

در گهونده سائلوخ * آز چوخا بیز قائلوخ
کربلایه گیتماقا * یا حسین بیز مائلوخ

(عدلیده) بیر عمردور ماتمینده آغلوری
نوحه ومدحون یازورسینه غمدن داغلوری

گیتماقا کربوبلایه حسرتی واردی
بیر مریضه دخترینه حاجتی واردی
مظلوم ..... حسین غریب.....حسین

• جمعه
• 19
• دی
• 1399
• ساعت
• 23:05
• نوشته شده توسط
• یوسف اکبری

آغلاما بو قدرصبرایت توکمه اشگ آلی زینب
باشوون بلاسی چوخدی ای باشی بلالی زینب

آغلاما گوزون فداسی بیربیله اوجاتما شیون
باخما طبل چنگ چالولاّرهلهله ایدوربودشمن
ساغدی قارداشون گورروسن قورما غم بساطوی سن
باتما یاسه اولما ایندی سن هله عزالی زینب

آخرین شبیمدی واردی صبحونه اوزون حکایت
منله صبح ایدن لره وار ای آنام باجی سعادت
باشلانار سحر که اولدی آل حیدره قیامت
نیر هدایتین چون یتیشر زوالی زینب

یاتمیوب اسور علم لر ساغدی سرسپاه و لشگر
صف چکوب دوروبدی لشگر وار حضوری یارو یاور
قاسم وعلی اکبرساغدی باجی عون و جعفر
برهم اُولمیوب حسینون شوکت وجلالی زینب

وار آنام باجی نه علِّت اوز گه حالته قالورسان
درد و غصّه و ملاله رنگ غم رُخَه آلورسان
بو شکسته حالتیلن منیده غمه سالورسان
بولموسن مگرحسینون واردی چوخ ملالی زینب

سینوی شرار درد و غم بوچولده گرچه داغلار
ویرتسلی اهلبیته آغلاما رقیم آغلار
سن اسیر عشق اولاندا اهل کین قولوی باغلار
دوش باشیم دالیجا سن گل شامه کربلالی زینب

قانلی باشیمی گورنده گون کیمی جداده صبرایت
یولما زلفون آچما باشون گلمه آه و داده صبرایت
سال آنام بتول صبرین سن بوچولده یاده صبر ایت
ای اولان آنام بتوله هر صفتده تالی زینب

اوندا کی باتار بو چولده قانه جمله یار و یاور
دوغرانار علی اکبراوخلانار علی اصغر
گورسن عور دور یارالی قتلگهده قانلی پیکر
اوندا توک عذاره اشگون ای باشی بلالی زینب

تیر غم لره صبور اول قوم کینه جو آتاندا
من شهادته یتنده غارته الین آچاندا
اود دوتوب خیم یاناندا قیزلاریم چوله قاچاندا
ملرهرطرفده تک تک چون حرم غزالی زینب

منه حسرتیله باخما یوزه توکمه اشگ حسرت
دیزلرون قوجاقلاما چوخ بیله اولما غرق محنت
هله وار بو اشقیادن بو گجه حسینه مهلت
اهل بیتومون بو چولده وار هله مجالی زینب

ایستراهل کین جفاسین عرشه ای باجی دایانسون
ساجد خدا شرار آتش بلاده یانسون
قویما همت ایله عشقون اود ویران خیامه قانسون
آفرین دیسون او عشقه عالمون رجالی زینب

قتلگهده دسته دسته ویرماقا یارا گلل لر
باطنا سنون او قلب بی قراریوی دلللر
ابر غمکیمی او قدری اوستوه غمی الل لر
بارغصه دن اولار چون قامتون هلالی زینب

• شنبه
• 20
• دی
• 1399
• ساعت
• 20:02
• نوشته شده توسط
• یوسف اکبری

(کرب و بلاچولونده طوفاندی یا محمد)
(گوندر کفن حسینه عریاندی یا محمد)(1)

پیر و جوان بو یرده قربان دین اولوبدی
باشسیز دوشوب بدنلر دین گلشنی سولوبدی
اولدوردولر حسینی گون سیردن دونوبدی
اکبر کیمی جوانی دوغراندی یا محمد

اوخ سینه ده یارالار پردن آچوبدی شهپر
آت سالدیلار پوزولدی گل تک اولوبلاپرپر
بیر غنچه وار ایچینده سالدی بو جانه اخگر
اصغر ال اوسته عطشان اوخلاندی یا محمد

اوخ حرملیدی قویدی قهرا بو گون کمانه
اصغر بوغازی اولدی اوچ پر اوخا نشانه
گوردی آتا ال اوسته قانی قاروشدی قانه
گولدی اولحظه عالم حیراندی یامحمد

گل غنچسیدی اصغراوخ دگدی پر پر اولدی
اللر قماطه باغلی قنداقی قانه دولدی
ایلور آتاسی افغان گوردی بالاسی سولدی
باغ رسالته گل خنداندی یا محمد

مشک اوخلانوبدی عباس گوزده وار اوخ یاراسی
قولارینی سالوبلار دوشموش یره لواسی
قانی آخور باشیندان ادرک اخا صداسی
درک ایلدی حسینون اودلاندی یامحمد

بو گونده اولمادی بس ویران بوکون وامکان
اوغلون باشی کسیلدی قان یاغدی اولدی طوفان
غارت اولوب لباسی نعشی قالوبدی عریان
عصرین امامی سجّاد گریاندی یا محمد

اخیامه اود ویروبلار یاندی خیمم سراسر
قاچسون چوله اوشاقلار مانعدی قوم کافر
یاندی یانان قالانلا ر اولدی ملول و مضطر
درد و مِحَندن اطفال نالاندی یا محمد

بوکوفیان ندندی جو رو جفاده دویماز
غارتده جای نقصان بواشقیادی قویماز
اغماز ایدر مگر بو دشمن بناتی سویماز
نام دنی بو قومه عنواندی یا محمد

ظاهرده کربلاده گتدی حسین جلالی
دشمن ایدوبدی غارت هرنه اولان منالی
اولدی اسیر دونان آغلار قالوب عیالی
جاه و مقامه دشمن تولاندی یا محمد

ایل لر بویی بو غمده دل اهلی سینه داغلار
(عدلی) اودی اورکدن بوگون حسینه آغلار
کربو بلایه گتسون پیما ن سنیله باغلار
قربان مزار پاکه بو جاندی یا محمد

(1) بیت اول از مرحوم زهنی زاده

• شنبه
• 20
• دی
• 1399
• ساعت
• 20:03
• نوشته شده توسط
• یوسف اکبری

آغلا بو بزمیده گوزوم گوزیاشوون بهاسی وار
محفل عشق دور بویرگور نقدر صفاسی وار

زندة عشق ایدر بو یرعشقه اسیر اولانا لاری
اهل دله صفا ویرر درد دلین دواسی وار

بهشتی عشقینه آلارکیم اولسا عاشق حسین
سویله اوعاشقی گله دلده خدا رضاسی وار

واردی آقا مدا چوخ کرم سائلی مایوس ایلمز
گلنلرین گیدنلرین حاجتونون رواسی وار

دردیوی گل بو یرده سن سرسپه امامه ده
مشکل آچاندی اللری الده اونون لواسی وار

اورکده واردی گرسوزون دِ سودامربالاسینه
باب الحوائج اصغرین ا للرونون عطاسی وار

قطعه به قطعه دوغرانان سسله علی اکبری
حاجتینی روا ایدرکیمسه که التجاسی وار

زینبی سسله سس ویررآند اونی ویر حسینینه
زینب آدیندا وار دوا دنیا بویی وفاسی وار

بو بزمه صدقیلن گلن دوا تاپار شفا آلار
بویردی کربلا یری مریض لرین شفاسی وار

و یرولسا هریره علم آناسی فاطمه گلر
او یرکه عاشقان دوتوب حسینونون عزاسی وار

اولار بویرده میزبان قدی خمیده فاطمه
دیرکیم آغلاسا منیم حسینیمه جزاسی وار

همان آنادی گلدی تاگوره او قتل گاهیده
دوشوبدی اوغلی باشی یوخ نه ساتر و لباسی وار

توکوب عذاره گوزیاشین دیوب باشون هانی بالا
بلیم بوکولدی دور اوغول بو قلبیمون بکاسی وار

حسابیدن چخوب یاران گلن ویروب گیدن ویروب
کسوبدی ساربان الون اونون بیوک خطاسی وار

یارا یارانی چاک ایدوب آخورقانی بوتوپراقا
یوخوندی صاف یرین اوپم بوجسموون یاراسی وار

یاپوشسا زخمه کوینگون سویاندا اینجیدوب سنی
کیمون باشوندا بیربیله بلاسی کربلاسی وار

اوباشی بسلیوب آنان قویاردی گل لراوستونه
گیدوبدی خولیه قوناق اونون دیمه حیاسی وار

و یررلر گوز یرینده یرقوناقه رسمیدی اوغول
و یررکول اوسته یرسنه او ظالمون جفاسی وار

دوروم گیدوم او یرده من قویوم دوداق دواقیوه
سیلیم بو گوزیاشیله من دوتوبدی کول نماسی وار

باشون نقدر بلا لیدی ائلدن اوغول آرالیدی
زینب دوتوبدی یاسوی دلنده وا اخاسی وار

قوروبدی بیریاری یانان چادرداآغلوری سنه
ویروبله سس سسه هامی اویرده غم اساسی وار

گیدوبدی غارته قزون رقیه گوشواره سی
قولاق یارا اورک یارا صدای وا اباسی وار

لیلی سریه هم رباب سسلور دیور ایوای بالام
او چادرایچره غم یاغورایوای اوغول صداسی وار

من تک گیدوب او محفله ویردوم تسلّی زینبه
شام غریبان ساخلیوب دردین آلام نواسی وار

آندوردوم آغلاما قیزیم صبرایت بلایه دوزقیزیم
باشوندا شام و کوفه نون بیر غملی ماجراسی وار

بو غم لرونده«عدلیده» منیم کیمی یانار توکر
عذاره اشکینی اوغول نه صبح و نه مساسی وار

• شنبه
• 20
• دی
• 1399
• ساعت
• 20:10
• نوشته شده توسط
• یوسف اکبری

مقصوده چاتان شاهدجانانینه قربانیم
باشون هانی بس قارداش ذبح ایلیوب عدوانیم

قویموللار بوردا من سنه آغلیم
وای منه باشون یوخ گوزون باغلیم

ای بار غم و مِحنت قدین خم ایدن قارداش
ای دارو نداریندن بیرگونده گچن قارداش
هم سود امرین قانین افلاکه سپن قارداش
دورگور منیم اللرده قالدی نجه دامانیم

چکدی منی چون عشقون گلدیم بو بیابانه
عشقیم سنه معلوم دور بو لمز بونی بیگانه
سن شمع محبّت سن زینب سنه پروانه
حاشا اولاسان خاموش ای شمع شبستانیم

من عاشق سرمستم سن شاه شهیدانه
شرکت ایلدیم سنله بو نهضت شایانه
ویردوخ ال اله گتدوخ عدوانی اخا جانه
سن جان بکف اسلام حامی سنه یزدانیم

من زمزمۀ عودم سن زمزمه پردازیم
من دردم وگر اشکم سن دلده نوا سازیم
من هنگیوه بیرسربازسن شاه سرافرازیم
من سسلۀ موجم سن سسله جنبانیم

من دشمن بی دینه عجز ایلمرم قارداش
دفنونده قصوریم یوخ قویموللا ایدم اوباش
گوردوقجا گلورموجه گوزلرتوکوری قانیاش
اوچ شعبه لی پیکانه وار نالۀ مستانیم

ای حقّه اولان مِرآت قانی دِیَه آللاهه
هرگزدیمرم گون تک باتدی نیهآللا هه
لازمدی چوخور یرده زینب دیه آللاهه
قربانی قبول ایله ای خالق رحمانیم

اهدافووی عالمده اعلان ایدرم قارداش
قول باغلی اسیراوللام شامه گیدرم قاداش
یوللاردایزید ظلمون خلقه دیرم قارداش
بو نهضت خونینه قرباندی منیم جانیم

سن یوسف زهراسن بیردنیا خریداری
مـن«عدلیم»و عشقون چوخداندی گرفتاری
بیرجام می ایشون ویراول ایوده کی بیماری
سویلرآناسی هر دم وار دور دل سوزانیم

• شنبه
• 20
• دی
• 1399
• ساعت
• 22:38
• نوشته شده توسط
• یوسف اکبری

کیمدور بو نورمطلق نورانی مقتلینده
سینایه دوندروبدور میدانی مقتلینده

کیمدورمکان ائدوبدور گودالی لامکانه
بیر واحدون اَحددور مهمانی مقتلینده

کیمدور چَکن اَرادن بو پرده حِجابی
عشق عاشقین اولوبدورحیرانی مقتلینده

کیمدور تَصرُّفیله دوققوز فلک اَلینده
ظاهرده یوخ حصیره امکانی مقتلینده

کیمدور آدیندا واردور اِعجاز اسم اَعظم
حکمینده دور جَمادات هرآنی مقتلینده

کیمدور دینده یاهو گویده مَلکلَرآغلار
آدمله اولدی حَوّا ، گریانی مقتلینده

کیمدورخلیله نارِ نمرودی ائتدی گلشن
اما ئوزی یاناردی عِرفانی مقتلینده

کیمدورنظام چرخی آهیله بَرهَم ایلر
گوستردی نوحه بیرده طوفانی مقتلینده

کیمدور اونا دیلمَز مِصداق لَن تَرانی
موسایه گوستروبدور سُبحانی مقتلینده

کیمدور اِئدر بویردن ماءُالحَیاتی احسان
بَذل ائتدی خِضره آب حَیوانی مقتلینده

کیمدورمَسیحه تعلیم ایلوبدی نفس پاکی
عیسایه صادر ایلر فرمانی مقتلینده

کیمدورآخاندا قانی هُوحق یازاردی یرده
تپراقه وئردی عِزَّت اَلقانی مقتلینده

کیمدور عَطش هویدا اولمیشدی لبلرینده
کوثر گزوردی اَمّا عطشانی مقتلینده

کیمدور دیلی دولامور دردین دیله گتورسون
سایسیز یارالارین یوخ درمانی مقتلینده

کیمدور یاسیندا زهرا اَل معجره آپارمیش
باشلوب اونا سَماوات اَفغانی مقتلینده

یا وَیلَنا ، حسیندور تپراقلار اوسته دوشمیش
گوز یاشیدور بو شاهین احسانی مقتلینده

روحُ الاَمین چالاردی لایلای اونا بِشیکده
دورمیش او گاهواره جُنبانی مقتلینده

لایلای دِیَن گلوبدور نوحه دیور بوچولده
اوخشار همان یارالی سلطانی مقتلینده

یَابنَ الحَسن رُجوعیم یوخ شمر گلدی گئتدی
وار بو غریب امامون جریانی مقتلینده

عَمُّون نجه دوزوبدور ای واقفُ القَضایا
باش گئتدی قالدی جسم بیجانی مقتلینده

بیلمورباشین دالیجاگئتسون ویا قیتسون
گوردی قالوبدی باشسیز قربانی مقتلینده

گویا یره داغیلمیش قرآن وَرق وَرقدی
زینب الیله یغدی ، قرآنی مقتلینده

قاری جِدا باشیندا قرآن تلاوت ائتدی
اَحسن دیردی جسم عریانی مقتلینده

حیرتده قالسا (نادر) مقتلده اِئتمه ایراد
اوردا گوروبدی بیر جان جانانی مقتلینده

• شنبه
• 20
• دی
• 1399
• ساعت
• 22:58
• نوشته شده توسط
• یوسف اکبری

اولسون سلام هو دیوب عشقه چاتانلارا
عشقون یولوندا هرنَه یی باشدان آتانلارا

اولسون سلام دشت بلاده قوناقلارا
اولسون سلام شیخیله شابه اوشاقلارا
اولسون سلام تشنه یانان دیل دوداقلارا

اولسون سلام ناوک پیکان نشانینه
اولسون سلام عرشه گئدن پاک قانینه

مرغ قریحه تاپدی سوزی طَبعی جوشلادی
پروانه دن چکوبدور اَلین شمعی بوشلادی
اصغر آدیلا شعرینی سوزلرده خوشلادی

بیر صودامر که دفتر عُشّاقی باغلادی
اَوّل اوخا گولوبدی صورا باخدی آغلادی

عشقه بَلی دیوبدی هَله آچمامیش دیلین
رَخت شهادتی گیونوب گورمَه دی ایلین
اَگدی او خوردا اَللری شَدّادیلَر بِلین

بابَ الحوائج ائتدی اونی حَیّ کردگار
درمان ائدر دیون گَله هرکیمسه دردی وار

تشنه دوداقی نَهر فراتین سویون آتوب
دان اولدوزی دِیوللر اونا چونکه تِز باتوب
قانین حسین فاطمه نون قانینه قاتوب

مَعنا دیلیله عرض ائله دی شاه محشره
باشون سلامت اولسون آتا باخما اصغره

ئوپدون دوداقیمون یاراسین دوشدی هَمهَمه
اَهلی سَمانی قانلو دوداقون سالوب غمه
حسرت گوزیله هِی باخوسان نَهر علقمه

یوخدورعموم اَلوندن آلا شیرخوارووی
تپراقون اوسته قوی منی سن باغلا یارووِی

ای مرتضانون اوغلی غمه بیرده تاب ائله
قربانلیقون قبول اولا گَل بیر ثواب ائله
تُحفَم آز اولسادا باباسن چوخ حساب ائله

عبّاس عموم اگر چه سنه شاهبازیدی
دیلسیز بالوندا اَللروون اوسته بازیدی

میدان عشقیده نِجه گور قانه باتموسان
دنیا تَعلّقاتینی سن باشدان آتموسان
بیرصوداَمردَه جمع شهیدانه قاتموسان

آغوشووه بوخورداجا سربازی آلموسان
مَمنونووم بابا منیده یاده سالموسان

سَپ قانیمی سَمایه بابا شرح قال ائله
قوی منله بیرده یوزیوزه رَفع مَلال ائله
اسباب زحمتم بالووِی گَل حَلال ائله

مَرهَم ائدر فَلک یاراما قاره تپراقی
آسوده گئت آپار نَنَه مَه قانلی قنداقی

اَملیک اووا بوچولده اگر چه شباهتم
طفلم ولیک عشقیده صاحب صَلابتم
مَندن نَنَم خَجِلدی من اوننان خَجالتم

اوچ پراوخ اولدی باعثی ایندی آرالیام
آتدیم اوگاهواره نی بیلدیم هارالیام

غنچازمانی دَهر دَنی ایسته دی سولام
اَمّا خوشام بابا شَجَر عشقه بیر خولام
سینونده یاتماقیلا گَرک من مِدال اولام

بیرگون بوچولده چوخلاری زوّار اولارسنه
ششگوشه قبریده هامی للایلای چالارمنه

(نادر)گوزون یاشی گنه ده آخدی دفتره
عود غمی سالور قلمون اودلی مِجمَره
دان اولدوزی چیخوراونا باخ آغلا اصغره

اوخشا سحرستاره سی اول ماهپاریه
آغلا او چولده غارت اولان گاهواریه

• یکشنبه
• 21
• دی
• 1399
• ساعت
• 11:58
• نوشته شده توسط
• یوسف اکبری

گلمیشم درگهیوه زار و ذلیلانه حسین
بیر نظر بَسدی آقا ،باخ من نالانه حسین

گورورم شام و سحر اهل وِلا هر یرده
سیخیلوبدور قاپووا عاقل ودیوانه حسین

ناامید اولسا اطبادن اگر دردی اولان
گله جکدور قاپووا سنده کی درمانه حسین

ائشیدوبدور کَرمون کُلّ سلاطین جهان
اودی سائلدی هامی سن کیمی سلطانه حسین

شَرر شمعیده بو رسمیدی پروانه یانار
سنون عشقونده یانار شمعیله پروانه حسین

آشنالر نَه فقط آغلادی شَرح غمووَه
ماتمونده نجه گور آغلوری بیگانه حسین

سرسلامت وئررَم حضرت زهرا نَنووَه
باشلارام نوحه لری من او پریشانه حسین

شهریارا ایکی آی قاره گین (نادرووَم)
که اولوب مَامَن عشقیم هرعزاخانه حسین

• یکشنبه
• 21
• دی
• 1399
• ساعت
• 12:06
• نوشته شده توسط
• یوسف اکبری

بارالها بو حسینه بیزی عاشقتر ائله
یاندیر عاشقلرینی عشقیده خاکستر ائله

شکریلن یاد ائدورم شام و سحر ذوالمَننی
آبرومند ائلیوبدور بله عشقیله منی
بو قَرا کوینگه واقف ائدورم ایندی سنی

قویسالار کوینگیمی فرض ائله حَرّاجه اگر
دِیرَم بیر ساپینین قیمتی دنیایه دَگر

گر چه واضحدی اونون علّتی اهل مِحنه
بیر اشاره یری واردور بو قرانی گینه
یتیشر نسبتی زهرا توخیان پیرهنه

بَس نَدن قاره دی، عشقیم بیر اشاره ائله دی
آقیدی ،آتلار اَیاقی اونی قاره ائله دی

هاردا ماتم قورولوب اول شه عطشانه گوره
احترامیله قدم قوی اورا قرآنه گوره
نَصّ قرآندی همان یر او آخان قانه گوره

اهل قرآن بو قانین صاحبینی زنده بیلر
ئولمیوبدور شهدا محضر داورده دیلر

سنه بو مطلبی من واضح و محکم دیورم
نه فقط نوحه ،نه منظوم مُحرّم دیورم
زینبون معجریدی بو قَره پرچم دیورم

دوز باخان حاشیه ده لاله یلن یاسی گورَر
کیم اونا اَیری باخا سیلی عباسی گورَر

هیئت اول خوان مُجلّلدی وئرر روحه غذا
من تک آلوده لر اوردا آلوری درده دوا
عمری باطلدی اگر ائتمسه کیم حقّین اَدا

اوردا موسی تاپار ئوز طنطنه ی سِینینین
کوچه ده پرچمی گورسه چیخادار نَعلینین

بو حسینون آدینا هاردا که نصب اولدی علم
معرفت اهلی دیَر اول یری فرض ایله حَرم
قویوسان اوردا مَلکلر قانادی اوسته قدم

حسرت اهل سمادور بله غم بزمی قورا
قاپیدا حضرت زهرا اَلی قوینوندا دورا

اهل دل سوز دئمگه دلبره ،هیئت تانیار
لذّت اجری او که ایلوری خدمت تانیار
خادم هیئت اولان هاردا مَنییت تانیار

کیم ریاست گزه بو یرده خطایه باتاجاق
بله بیر خصلت اونی ابن زیاده قاتاجاق

• یکشنبه
• 21
• دی
• 1399
• ساعت
• 16:37
• نوشته شده توسط
• یوسف اکبری

دنیا گوزی عالمده حسین کرب وبلادور
بین الحرمین عاشقووه سعی و صفادور

بیر یاندا سنون گنبد پاکوندی نمایان
بیر یاندا یاتوب علقمین اوسته مه تابان
جانیم اولا سنله بو علمدارووه قربان
عباس دئمه معدن ایثار و وفادور

ششگوشه دی قبرون سنون ای زاده ی حیدر
سینونده مدال اولدی سنه صودامر اصغر
یاتمیش ایاقون آتدا جوانون علی اکبر
ششگوشه مزارون بیزه محرآب دعادور

عاشقدی هامی قبرووه ای شاه خجسته
باخ شیعه لره عازم اولور دسته به دسته
پهلوسی سینان فاطمه دورمیش یولون اوسته
خوش گلدین ائدن زائرووه خیر نسادور

باشسیز او عیال و حرمین گوزدن آتاننان
عمامه سی باشینده قزل قانه باتاننان
ایستی قومون اوستونده بو صحراده یاتاننان
هریاندا اونا ئوز ننه سی صاحب عزادور

ایکاش زوال امری بو هجراندا اولیدی
بلبل لرین آوازی گلستاندا اولیدی
ایکاش حسین قبری بو ایراندا اولیدی
افسوس بو هجران داغی داغلاردان اوجادور

• یکشنبه
• 21
• دی
• 1399
• ساعت
• 16:42
• نوشته شده توسط
• یوسف اکبری

دوشوبدی تپراقا بیر شاه بی اَمان یارالی
وجودی باشدان اَیاقه اولوبدی قان یارالی

گرک دِیم که بو قان حضرت اَحد قانیدی
مکان ائدوب ئورگین چونکه لامکان یارالی

یانوردی دیل دوداقی شدّت عَطشدن لیک
فَراتَه ناز ائدوری شاه اِنس و جان یارالی

اگر او خِضر نَبی گورسه بو یانان دوداقی
وِصال آب حَیاتی تاپار گمان ، یارالی

آخاندا قانی یازار لا اِلهَ اِلاَ الله
اولوبدی والهِ جانان بو خسته جان یارالی

مُروَّت اولماسا گر میزبانلار ایچره یقین
چوخور یره یخیلار تشنه میهمان یارالی

دایانما فاطمه گَل یوسفون دوشوب چاهه
مَلک لَر آغلیوری باشلا سن فغان یارالی

حسینون ایندی خانم آشیانه سیز قوش تَک
سینوب قَنادی دوشوب چوللَره همان یارالی

یارالی قامتیلن هِی دورار گِنه یخیلار
باخاندا آغلیوری اهل آسمان یارالی

گوی اهلی ایسته دیلر تا حسین عُروج ائتسون
یِر اهلینه قالا بو شرم بیکران ، یارالی

آچوبدی سینه سینی کربلا یِری او زمان
حسینه مُلتمسانه ائدوب بیان ، یارالی

بو سینه می گَل حسین بَستر ایله اصغریلَن
سنه بو ئولکَه اولار یاخشی آشیان یارالی

چالاندا اصغره لایلای بو چولده قُمریلَر
جهانی داغلیاجاق بوردا نوحه خوان یارالی

مَزارووِی بیله جَک عَدنیدَنده باش (نادر)
اولاندا کعبهء عشقی بو آستان یارالی

• یکشنبه
• 21
• دی
• 1399
• ساعت
• 22:55
• نوشته شده توسط
• یوسف اکبری

کان کرمدی بیزیم اربابیمیز
وار یری درگاهینی عالم دویه

من سنه نوحه یازیرام یا حسین
واردی امیدیم،اونی،زهرا سویه

یوخدی نیازیم بیری،به به،دییه
کبر،دوتا،مهدی،منی،گورمویه

وقتیمی گر صرف ایدورم من،سنه
فکر ایدورم چون او قرانلوق اویه

گر چه یوخوم بیر نفر الدن دوتان
قامتیمی،چوخلاری ایستور،ئیه

عالم رویاده اوجالدی بو ،سس
یازدیقیوی،قویماروخ،هیچ کیم دویه

واردی سنون صاحبین،هیچ غم ییمه
ایستسه،ارباب،ئوزی قوزار،گویه

شکر ایدورم خیر ایشه،من بانیم
نوکریوم،شاعر زنجانیم

• دوشنبه
• 22
• دی
• 1399
• ساعت
• 19:52
• نوشته شده توسط
• یوسف اکبری

فارسی

ای بردو عالم سلطان حسین جان
شاه غریب و عطشان حسین جان
برهمه شیعیان تومقتدایی
شهید تشنه کرب و بلایی
مظلوم حسین جان۴

ای پورحیدردلبندزهرا
نوباوه جان آرای طاها
میروسالارهرپیروجوانی
سرور شباب اهل جنانی
مظلوم حسین جان۴

ای کشته راه دین و قرآن
سالارزینب شاه شهیدان
توشهید عطشان کربلایی
کشته اشکی و خون خدایی
مظلوم حسین جان۴

خنجر به حلقت اعدا نهادند
لب تشنه کشتندآبت ندادند
کلِّ یومُُ عاشورابرلب ماست
کلِّ ارضِِ کربلا مطلب ماست
مظلوم حسین جان۴

ترکی

داغ غموندن عالملرآغلار
زهراوحیدر؛ پیغمبرآغلار
قانون توکولدی دشت بلایه
زینب گلوبدی آه و نوایه
گودی مقتله ال باشداگلدی
غرق ایدوب عالمی گوزیاشداگلدی
مظلوم حسین جان۴

قانه باتوبدی اکبربوچولده
قانین ایچوبدی اصغربوچولده
قاسم اولوبدی قان حجله گاهی
عباس اولوبدی پرپربوچولده
هامی یر تا قیامت کربلادی
هرگون عاشقلره چون عاشورادی
مظلوم حسین جان۴

• سه شنبه
• 30
• دی
• 1399
• ساعت
• 17:35
• نوشته شده توسط
• یوسف اکبری

سرور عالمی شاه عطشان حسین
شافع محشری جان جانان حسین
جان حسین جان حسین/// ای لب عطشان حسین

عالم از داغ تو غرق ماتم شده
سینه عاشقان مسکن غم شده
غرق آلام تو کل عالم شده
چون که مدیون توست کون و امکان حسین

آیت عشقی و دلبر عاشقان
جیرخوار تواند جمله فرزانگان
کربلای توشد قبله عارفان
چون به اقلیم عشق تویی سلطان حسین

نام پاکت حسین درد مارا دوا
خاک کرب بلات برمریضان شفا
هرکه نامت شنید مینماید بکا
ذکر نامت بود چونکه درمان حسین

آدم از لطف تو ؛ توبه اش شدقبول
شمس تابان تو می نگردد افول
درس آزادگی برتو داده بتول
گشته ای در ره عشق قربان حسین

آدوا آغلادی خاتم المرسلین
سنه دل داغلادی خودِ روح الامین
ورد ایدوب آدوی ساکنان زمین
گویده آغلور سنه حور و غِلمان حسین

ساکنان زمین سنه آغلارحسین
سنه آزاده لر سینه داغلار حسین
ماتمونده هامی قاره باغلارحسین
روز حشرآغلاماز چشم گریان حسین

حیدرین اوغلی سان مصطفی سویگولی
حسنین قارداشی باغ زهرا گولی
معرفت باغینون خوش زبان بلبلی
ماتمون عالمی ایتدی نالان حسین

سنه قربان اولوم شه گلگون قبا
شاه لب تشنگاه سنه جانلارفدا
قسمت ایله بیزه لطفیله کربلا
تااولاخ جمعیله سنه مهمان حسین

ایتدی طغیان اوگون دشمنان دنی
کوفی بی وفا دعوت ایتدی سنی
کربلا دشتینه تاکی گتدی سنی
ایتدیلرقانوه سنی غلطان حسین

ارباََ اربا اولوب ظلمیله اکبرون
اوچ پراوخ ذبح ایدوب خیرداجا اصغرون
اولدی قولار قلم ساقی لشکرون
قاسمون پیکری اولدی شان شان حسین

ماتمونده سنون مجتبی آغلیار
فاطمه اوخشیار مرتضی آغلیار
جنت ایچره یانوب مصطفی آغلیار
سالدی داغ غمون عرشه طوفان حسین

تاجهان وار حسین ماتمون زنده دی
کیم قاپوندا قالا عشقی ارزنده دی
((آذرین ))دردی وار گوزلری سنده دی
کل آلامینه ایله درمان حسین

• چهارشنبه
• 1
• بهمن
• 1399
• ساعت
• 12:16
• نوشته شده توسط
• یوسف اکبری

ای دلِ دیـوانه دئنن یاحسین
گلمه دل افغـانه دئنن یاحسین
عاشق و مستانه دئنن یاحسین
دورمـا جداگانه دئنن یاحسین
گلسه اورک جانه دئنن یاحسین
سسلـه دلیرانه دئنن یاحسین
عشقیله مردانه دئنن یاحسین

سینـون اگر غمللـره آماجیدی
واردی مریضـون اگر اِعلاجیدی
فاطمنـون اوغلینی داده چاغیر
چونکی آقـام دردلره حَلاجیدی
دکتری بوشلا دئگونن یا حسین
دکتر ئوزی شاهیمه محتاجیدی
گتمه طبیبانه دئنن یاحسین
عشقیله مردانه دئنن یاحسین

آدینـی افغـانه گلـن سسلیور
غـرق غـم و غرق مُحن سسلیور
پاک آدینی نوحـه دییَن ؛ آغلیان
سینـه وئران ؛ قاره گیَن سسلیور
بو آدی یکسـر سـرطانی اولان
مشکـل بسیاره دوشن سسلیور
سنده غریبانه دئنن یاحسین
عشقیله مردانه دئنن یا حسین

• پنج شنبه
• 2
• بهمن
• 1399
• ساعت
• 22:42
• نوشته شده توسط
• یوسف اکبری

در آهنگ (ماه دل آرا بیا یوسف زهرا بیا )

ای آدی زیبا حسین
ماه دل آرا حسین
مجلس جَشنون بیزه
جنت العلا حسین

عرش و فلک لر دیور
غملی اورک لر دیور
گویده ملک لر دیور
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین

یاندی شَرف مشعلی
نوری اولوب منجلی
عالمه گلدی بوگون
بَضعِـة جـان علی

فـاطمـه ریحـانه سی
نـوگـل و دردانه سی
اِئل هامی دیوانه سی
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین

شاهلارا شاهلیخائدر
اصغریوون نوکری
لایقِ جنتـدی چـون
درگهیوون چاکری

بوسوزی حاتم دیور
یکسـره عالم دیور
حضـرت خاتم دیور
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین

شأن و شرف آیه دی
سن آقا جان سوره سن
آنـدولا زهـرایه کـی
نـابغـه ، اوستوره سن

عرش خدا ماهی سن
سینه لرین آهی سن
جنته ده شاهی سن
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین

خامـس آل عبـا
آدیـوه جـانلار فدا
جـان ابوالفضل اله
دردلـره مـولا دوا

شمـع شبستـانی سن
مـاه درخشـانی سن
شیعه لرین جانی سن
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین

• پنج شنبه
• 2
• بهمن
• 1399
• ساعت
• 22:46
• نوشته شده توسط
• یوسف اکبری

ای فاطمه نین سویگلی ریحانی سورونمه
مقتل ده قوم اوسته بئله ویلانی سورونمه
ایستی گونون آلتیندا ئوزون یورما حسین جان
سن بول ننه مون تئز قوجالان جانی سورونمه
اوخ نیزه لرین اوسته بئله اتمه تقلا
تپراقه آخور پیکریوون قانی سورونمه
قرآنی دیریدی بوغازینان آخان اول قان
ای دین حنیفین قوزی قربانی سورونمه
قانیله دولان گوزلرین اچ زینبه بیر باخ
اولسون بو جانیم جانیوه قربانی سورونمه
جسمون باشاباش یاره دی دوره ن دولی داشدی
ساغدان صولا چوخ دونمه بو میدانی سورونمه

• جمعه
• 3
• بهمن
• 1399
• ساعت
• 20:01
• نوشته شده توسط
• یوسف اکبری

من حسین نوکریم خادم سلطان کرم
اولموشام عمری بویی ریزه خوره خان کرم
من حسین نوکریم قال و بلا عاشقیم
منده زینب مثلی کربوبلا عاشقیم
کربلا محنتینه دائمی دل داغلامیشام
زینبون شامینی یاد ایلموشم آغلامیشان
اولموشام کربوبلا شمعینه پروانه حسین
من حسین نوکریم عشقیوه پروانه حسین
گورسدوب یول منه ظلمت آرا فانوس حسین
اولموشام نوکر درگاه ملک بوس حسین
باشی دالدان کسیلن شاهه اورک داغلامیشام
هاردا بیر قاره علم گورموشم ، آی آغلامیشام
نوحه لر اوخشامالا عونیله هم فضله دیدیم
دردیمی شام سحر قولسوز ابوالفضله دئدیم
اکبرین نعشینه لیلا کیمی ایوای دئمیشم
آنالار مثلی علی اصغره لایلای دئمیشم
بولارین هاموسی من باب وظیفه دی . ولی
بوشدی قبریمده بولورسن بو گرفتارین الی
نه اولار سنده شها راه کرمده گئده سن
قبر ائوینده منه بی یاره کرامت ائده سن
لطف ائدوب قبریمه گلسن سنه جان نذر ائدرم
آندولا فاطمه جانی ایاقینان اوپرم
آل یاسینه مدام نوحه ( پریشان) یازاجاخ
نوحه یازدیخجا آخار گوزیاشی گریان یازاجاخ

• شنبه
• 4
• بهمن
• 1399
• ساعت
• 20:18
• نوشته شده توسط
• یوسف اکبری

کربلا یعنی جنـان ؛ یعنی حسینـون مقتلی
اوردا خاموش اولمیوب اولمـاز ولایت مشعلی
ساربانه لطف ائدوب انگشت و انگشتر وئروب
دست خـالی اتمیـوبدور مقتلینـن بَجـدلی

کربلا مَهد بلادور گرچه ؛ رحمت موجی وار
کعبه دن آرتیخ گویه کربوبلانین اوجی وار
کعبـه نی کربـوبلا قانیلـه معنـا ایلـدی
اُول سببدن کعبه نینده کربلایه بُرجی وار

بـاغ جنت کربلانین سولمیـان بیریاسیدور
کربـلا اهل ولانین مرکـز اجـلاسیدور
کربلاسربازی اُول ساخلا ادب عباسه؛چون
پادگـاندور کربـلا فرمـاندهی عباسیدور

کربلانین شاه مظلومان کیمی بیر تاجی وار
کربلا دُر و شـرف دریاسیدور امواجی وار
کربـلا خلـوتگهـه عشـاق ثاراللهیـدور
کعبة جانانیدور یئتمیش ایکی الحاجی وار

• دوشنبه
• 6
• بهمن
• 1399
• ساعت
• 23:12
• نوشته شده توسط
• یوسف اکبری

ناگه بیر اوخا اولدی نشان قلب شهنشاه
اوخ بوسه وران یرده ظهور ایلدی الله
الله کیمین اولدی حسین ذوالمن و ذیجاه
آتدان یخیلان لحظه چکیب زینبی بیر آه
دیندیردی او آهیله شه تشنه لبانی
سسلندی حسین سینه می اوخ گور نئجه یاردی
قلبیمدن اوغول صحبتینی گوتدی آپاردی
ایندی بو یاریلمیش اورگین مالکی یاردی
کیم دی که حسینین حرمی خیمه سی واردی
وار حضرت جانانیدی باقی همه فانی
سالمیشدی صدا گویلره اول وجه الهی
گلدی او صدانی کسه بیر مست مناهی
گوردی کسه بیلمور سسی کسدی سر شاهی
آری سر احراری کسر فتنه سپاهی
خاموش ائده بیلمز ولی مصباح هدانی
کسدی اوباشی خوار ائده تا نیزه ده اوباش
اوباشی ولی ایلدی رسوا او کسوک باش
عابدلر ائدیب قاشلارینا جانینی شاباش
عاشقلره آلنیندا هو الله گورونوب فاش
اثبات ائدیب اعدایه فلا تنتصرانی
عرض ائتدی سما اهلی او خونین باشا هر آن
اجلالوی گر بیلمدی یر اولما پریشان
بیر لحظه گویه باخسون اگر ای شه خوبان
سگیز گوزینی دورد ملک ایلر سنه قربان

• پنج شنبه
• 9
• بهمن
• 1399
• ساعت
• 23:31
• نوشته شده توسط
• یوسف اکبری

ای شمس رخشان _ ای شاه مظلومان
جانیم سنه قربان _ یاحسین

منبعِ احسان _ ای سلطان خوبان
قیل دردیمه درمان _ یا حسین

ای سلطانیم آندولا زهرایه شش گوشه قبرونده اینان گوزوم وار

کربلایه بیر گون گله بیلسم قولسوز علمداره چوخلی سوزوم وار

یا حسین یاحسین یاحسین
ای شاه مظلومان

اربابِ عالم _ ای استادِ حاتم
ای دلبند خاتم _ یا حسین

عالم سنه قربان _ حاتم سنه قربان
خاتم سنه قربان _ یا حسین

کرب‌وبلا کعبه‌ی عشقیمدی، عشقون بو قلبیمده دیر و کنشتیم
بزمِ یاسون منِ بی نوایه آند اولا زهرایه باغ بهشتیم

یا حسین یاحسین یاحسین
ای شاه مظلومان

( فارسی)

شافعِ محشر _ ای دلبند حیدر
ای جان پیغمبر _ یا حسین

ای قبله‌ی پاکی _ ای روح بی باکی
سلطان افلاکی _ یا حسین

من مجنونم تو ساقیِ عشقی عشق تو را مستانه من اسیرم

قسمتم کن تا بیام کربلا تو بین الحرمین برات بمیرم

یا حسین یاحسین یاحسین
ای شاه مظلومان

ای راه عشقم_ ای تو ماه عشقم
شاهنشاه عشقم_ یاحسین

گوهرِ نابی _ تو کشته‌ی آبی
بر همه اربابی _ یا حسین

در کربلا تو وادی غمها دریای ماتم ها فدای عشقی

ای شاه ما دردانه زهرا سلطان بی سرها خدای عشقی

یا حسین یاحسین یاحسین
ای شاه مظلومان

• یکشنبه
• 19
• بهمن
• 1399
• ساعت
• 22:19
• نوشته شده توسط
• یوسف اکبری

(در سبک یخلدی سقا یره....)

ای شاه گلگون کفن دور باجون گیدیر حسین
یوخدی سنی دفن ائدن دور باجون گیدیر حسین

او سوسوز لبلره لبلریم فدا حسین
قان دولان گوزلره گوزلریم فدا حسین

عریان قالوب پیکرون یوجدی جسمه سایبان
قویمولّا دفن ایلیَم نعشیوی بو کوفیان
ساتحلوب اوخ اوسته اوخ ای امام انس و حان
یاره لرون باش آچوب لاله مثلی، مهربان

دور حسین دور حسین غصه دن باجون اؤلور
آغلورام من سنه، کوفیان منه گولور
---------------------
الله بولور زینبون چوخ بلالیدی باشی
بیر گونده اؤلدی ایکی اوغلی یدّی قارداشی
قانه دونوب خیمه ده قیزلارون بو گوز یاشی
نیزه لر اوسته گزیر آل هاشمی باشی

یاحسین شمر سر قافله الوب منه
هانسی درده یانوم من فدا اولوم سنه

هاردا قالوب اکبرون هاردا میر لشکرون
اوخ اوسته اوخ سانجلوب پاره پاره پیکرون
قانیله پرده چکوب بوسه گاه مادرون
خیردا بارماقین هانی، کیمده دی انگشترون

صف چکوب اشقیا نیزه داش آتوردولار
پیکر پاکون اوستونده آت چاپوردولار
----------------------
سن لبیکی سسلدون قلبدن شهادته
منده اورکدن اخا راضیم اسارته
اولسون قسم ذوالفقارِ شه ولایته
زینب دوزر داغ کیمی هر غم و مصیبته

بو آخان قانلاری من گرک حسین آلام
شامیده تختیدن هندین اوغلونی سالام

• دوشنبه
• 27
• بهمن
• 1399
• ساعت
• 20:06
• نوشته شده توسط
• یوسف اکبری

من حسین بن علی نور دل طاهایم
پسر شاه شاه نجف گُل پسر زهرایم
خامس آل عبا لنگر این دنیایم
آدم از مرحمت و ساحت من آدم شد
عیسی از همّت من صاحب روح و دم شد

بخدا عدل و عدالت به من آموخت علی
هنرِ جود و سخاوت به من آموخت علی
روز و شب سرّ شرافت به من آموخت علی
سر به ظالم نکنم خم، فاطمه زاده مرا
من حسینم که علی درس شرف داده مرا

• پنج شنبه
• 30
• بهمن
• 1399
• ساعت
• 12:46
• نوشته شده توسط
• یوسف اکبری

یاتما کول اوسته اوغلوم،آچ گوزلرین یارالی
دیداریوه گلوبدی،غم پرورین یارالی

سن نیله میشدون اوغلوم بو قوم کوفیانه
داشلاره اولدی باشین،سرنیزه ده نشانه
هئچ یوخ یوخیدی سنده، حتی او ساربانه
بذل ایلدون گجیله،انگشترین یارالی

مطبخده شمس جنت،آی تک بو گجّه باتدون
ایش بیر یره دایاندی،قیزلاری گوزدن آتدون
بو سینه مه نه گلدی،گلدون کول اوسته یاتدون
گرد و غبار اولوبدی،گول لبلرین یارالی

رگبار غم گتیردی،اطفالیوی فغانه
دور،،زینبی ایاقدان سالموشدی تازیانه
قالموشدی مات و حیران،اول فاطمی نشانه
پخش اولموشیدی چولده،آهولرین یارالی

بولدوم بو یاتماقیندان چوخ خسته سن،حسینیم
راحت یاتوبسان اما،کول اوسته سن حسینیم
زینبدن آیریلبسان،جان اوسته سن حسینیم
باشی بلالی قالدی، دور خواهرین یارالی

لب تشنه کسدی باشین،شمرِ لعین قفادن
نهرک شرم ائدوب علیدن،نه آل مصطفادن
یوخ بیر نفر گوتورسین تا نعشیوی آرادن
شان شان قالوب آراده گول پیکرین یارالی

مقتلده من واریدیم بادِ ستم اَسنده
شمره باخوب یانیردیم،او باشیوی کسنده
والله دیلیم او ساعت آغزیمدا دوشدی بنده
ضجّه چکوب یاناردی،بو مادرین یارالی

اول دورت مین اوخلی کوینک،ظلمیله اولدی غارت
سالدی سنی ایاقدان اوخ،زینبی شماتت
قسمت سنه شهادت اولدی اونا اسارت
تکمیل ائدوب بو امری،همسنگرین یارالی

بو شعریمه گر اولا اجرت مه منیره
تقدیم خالصانه من ایلدیم حقیره
بیر یول گوز آلتی باخساز اوز نوکریز "فقیره"
شاهلاره غبطه ائیلر،بو نوکرین یارالی

• یکشنبه
• 3
• اسفند
• 1399
• ساعت
• 23:06
• نوشته شده توسط
• یوسف اکبری

ای عاشقان مژده،مدینه زیباشد
زدامن زهرا،،گلی شکوفاشد
اومولای عالمین است
پورمرتضاحسین است
ازعشقش دلم به شین است
که سائل درگه حسینم من
گرفته ام امشب،،زدامنت مولا
تویی به ملک عشق،،امیربی همتا
تومولای عاشقانی،
عشق جمله عارفانی
دل داردترانه خوانی،زسوزعشقت
به شوروشینم من
حسین حسین جانم۲

مخالف

نشسته ام کنی عطابرمن مولا
یاثارالله
مرارسان به کربلاجان زهرا
یاثارالله
ای عشق خدا،،نورکبریا
شـــــــــــــــــــــــاه کربلایی
ای روح دعا،،معدن سخـــــــــا
برماکن عطایــــــــــــــی
عشق توشدپیشهٔ شیعــــــــــه
راه تواندیشـــــهٔ شیعــــــــــــــه
حسین حسین جانم..

ترکی

گوزلدی رفتارن،،شکوه ایثارون
جهانه حکم ایلور،،سنون علمدارون
یوسفدن یوزون گوزلدی
حسنون فردوبی بدلدی
عشقون لطف لم یزلدی
اوشاقلیقمدان سنه گرفتــــــــــارم
جنان بیزه سنسیز،حرام اولارمولا
قاپونداحاتملر،،غلام اولارمولا
رحمت وارسنون قاپوندا
عزت وارسنون قاپوندا
شوکت وارسنون قاپوندا
منه نظرقیل گدای دربارم
حسین حسین جانم۲

مخالف

شعارشیعیان اولوب یاثارالله
یاثاراللــــــــــــــــــــه
کچوب یولونداعمروموزحمدًلله
یاثاراللــــــــــــــــــه
ای شاه وفا،،معدن سخـــــــــــا
سال یاده گدانی
ای بحرکرم،،سنی گوزلرم
جان وئرن زمــــــــــــانی
گرچه آقاخواروذلیلم
درگه احسانه دخیلم
حسین حسین جانم..

• یکشنبه
• 10
• اسفند
• 1399
• ساعت
• 22:28
• نوشته شده توسط
• یوسف اکبری

مژده عاشقان موسم شادی و صفا شده
مرغ آرزویم زکنج قفس رهاشده
انتظاراحمدوعلی سرآمده
بندهٔ عزیزحیّ داورآمده
یاثارالله حسین حسین یاثارالله
مولامولا حسین حسین یاثارالله
????
آمدآنکه درعرصهٔ کربلا علم زند
برحیات اهل ستم نقشهٔ عدم زند
کشتی نجات جمله مضطرآمده
نورعین مصطفی وحیدرآمده
یاثارالله.......

مخالف??
معدن سخا،،مظهروفا
خسروشرف،،شاه کربلا
جهان چوگلشن شدازمقدمش
گرفته عیسی بقاازدمش
شیعه رانوردوعین آمد
شافع محشرحسین آمد
یاثارالله.......

ترکی

گوزلرون حکایت دیوربیرغم نهانیدن
قاشلارون آقاباج آلاربی گمان
کمانیدن
عزّوجاه شاهیانه مکتبونده دی
دردلرون دواسی دست زینبونده دی
یاثارالله.......

مخالف

ابتداسنون،،انتهاسنون
پایتخت عشق،،کربلاسنون
فدااولوم عشق واحساسووه
اسیر اولوب دللر عباسووه
سائلوخ سنده اولان فضله
بیزلری تاپشورابالفضله
یاثارالله.......

• یکشنبه
• 10
• اسفند
• 1399
• ساعت
• 22:30
• نوشته شده توسط
• یوسف اکبری

غملره آماجم من//یاابی عبدالله
لطفووه محتاجم من//یاابی عبدالله
ایله نظر مولا//یاابی عبــــــــــــــدالله

قوماقاپوندان آقا//سائل نالانی
بوش یولاسالماعبد//زاروپریشانی
وئرمرم عشقون مولا//هرایکی دنیایه
بوگوزل عشقون وئرمیش//عمرومه پیرایه
عمرومه پیرایه قبریمه سرمایه
هربزم عزاده سینمی داغلیارام من
یادونله یوزه اشک بصرباغلیارام من
ای خسروخوبان٭سلطان لب عطشان٭جانیم سنه قربان
ایله نظرمولا///یاابی عبداللــــــــــــــه

کرب وبلاده کئچدون//دارونداروندن
کئچمدون امااصلا//قول وقراروندن
دینی سرافرازائتدون//ای پسرزهرا
درس شرافت آلدی//سندن هامی دنیا
عشقه جلاوئردون٭دینه صفاوئردون
ویردون علم فتح وظفرکرب وبلاده
گزدون گهی سرنیزه ده گه طشت طلاده
ای مهرفروزان٭ای حافظ قرآن٭
جانیم سنه قربان
ایله نظرمولا///یاابی عبــــــــــــدالله

• پنج شنبه
• 14
• اسفند
• 1399
• ساعت
• 18:16
• نوشته شده توسط
• یوسف اکبری