چه چیزی را میخواهید جستجو کنید؟
حسین بیرعمر بو درگهده خدمت ایله میشم
سنون مقامیوه عرض ارادت ایله میشم
.
بوراخما ئوز باشیما سن منی بو منزلده
عملده فعلیده هرچند غفلت ایله میشم
.
ئوزون دئدون آقا ؛ کیم کربلایه زائر اولا
قیامتین گونی حقاً شفاعت ایله میشم
.
عنایت ائتدون ئوزون قبریوی گلوب گوردوم
او قانلی تربتی منده زیارت ایله میشم
بیریسی ایستسه گر حاجتی روا اولسون
گرک توسلی بی رنگ و بی ریا اولسون
.
ائمه بیر کسی عالمده ائتمیوب مأیوس
ازل توسله لازمدی آشنا اولسون
.
حضور قلبیله گلسون لباس پاکیله
گرایستیه غم و اندوهدن رها اولسون
.
مکان خلوته قصد نمازیله گچسون
گجه زمانیدی مشغول التجا اولسون
.
نمازیدن صورا قویسون یوزینی توپراقه
تمام ذکری دلینده خدا خدا اولسون
.
ائمه نین بیرین اللهه واسطه ائتسون
بیان حاجتی بو طرزیله ادا اولسون
.
تانیتدیروب بیزه اون دورت قاپی خدای رحیم
که زندگی هامی انسانه با صفا اولسون
.
اولان زماندا بیری ناامید هر یاندان
امید واردی بولاردان اونا عطا اولسون
.
عریضه اشکیله یاز اهلبیت طاهایه
ایتیرمه چوخ ئوزووی در
اي عشق نهان خون دل و جان آراسندا
عشقونده خدا جان ويرورم قان آراسندا
قان لجه سنه غرقم اوزوم فلک نجاتم
نوحي چکن ام ساحله طوفان آراسندا
مين نوح پناهنده منه من سنه يارب
دريايه دونن قانلو بيابان آراسندا
گردابه بو صحرادي سالان کشتي نوحي
داغلار بويي امواج خروشان آراسندا
يانديم سوسوزومدان سوديديم تاپماديم آخر
آلديم سو سراغين سولي پيکان آراسندا
اوخلار منه من اوخلارا حسرت دولانوردوخ
بو حسرت بي اول و پايان آراسندا
اوچ شعبه لي بير اوخ يتيشوب گوگلومي آلدي
تاپدي يارامي زخم فراوان آراسندا
گوردي که سينيق قلبيم اولوب محفل جانان
مکث ايلمه دي محفل جانان آراسندا
پيکاني بولوب ياريم اوچون پيک محبت
ويرديم اونا منزل دل ويران آراسندا
اوخلار اوخا پيونديدي هر چند بدنده
پر آچديم او چوخ ناوک پران آراسندا
ياغديردي بو قوم اوستومه باران خدنگي
سيل اولدي قانيم آخدي او باران آراسندا
مين دفعه حسين دوغرانا حقي گنه قويماز
ضايع اولا بو فرقه بطلان آراسندا
شاعر:حاج حسن جهازچي
بو وسعتيله ير يوزي من خانه بدوشم
ير يوخ منه بو عالم امکان آراسندا
الله ايويني مامن ايدم قويمادي دشمن
مسکن ايله ديم من بو بيابان آراسندا
ويرانه ني آباد ايدرم قانيملن من
عالم گوره تا گنج اولي ويران آراسندا
بير فلک نجاتم اوزوم اوز غرقيمه خوشدل
بحر کرم خالق منان آراسندا
بيعت ايلمز فاطمه نين اوغلي يزيده
مين دفعه اگر دوغرانا ميدان آراسندا
ناپاک الينه پاک اليمي ويرمرم اصلا
قربان کيمي تقسيم اولونام قان آراسندا
من ساربانا بو الي ويرم نه يزيده
گور هانسي برازنده دي قرآن آراسندا
آغلالا منه شيعه لرين تا به قيامت
ساخلالا عزا قالسالا زندان آراسندا
بو فاجعه تاسيس اولونوب روز سقيفه
تصويب اولونوب فرقه شيطان آراسندا
شاعر:مرحوم ذهنی زاده و مرحوم حاج حسن جهازچي
بیز حسین ابن علی ملّتیوخ
حافظان حرم عصمتیوخ
بو او سوزدی بیر ادب کانی دئدی
کفن اگنینده سلیمانی دئدی
جانین امنیّته قربانی دئدی
بیز اونون حافظ شخصیتیوخ
بیز حسین آدینه تکریم ائدهروخ
بالاسی مهدیه تعظیم ائدهروخ
جان قرا پرچمه تقدیم ائدهروخ
قویماروخ سنگری بوش ، غیرتیوخ
یا حسین ذکری حقیقتدی نه راز
یا حسین یعنی همان عرض نیاز
یا حسین یعنی حیا یعنی نماز
عاشق سجدهی پر قیمتیوخ
کیم حسین ملتیدی صادق اولار
عمل و قولیده دوز عاشق اولار
آقانین قبرین اوپر لایق اولار
بیز ده خلوت حرمین حسرتیوخ
قره گیدوخ قره گوندن قوتاراخ
یا ابوالفضل چاقیراخ فیض آپاراخ
تیر آهیله دل عرشی یاراخ
یارین امدادگر نهضتیوخ
گلدیخ اربابِ ادب محضرینه
یازدیراخ آدیمیزی دفترینه
تا تاپاخ یول حرم اطهرینه
اربعین منتظرِ دعوتیوخ
کیم دیور شاهیمیزین یوخدی کسی؟
گرمیدی اهل ولانون نفسی
دولدوروب عالمی لبیک سسی
بو یولون سالک با همّتیوخ
ای کلامی دلیم اکراهی دوتوب
دی بلا ملت خود خواهی دوتوب
عالمی حاج قاسمین آهی دوتوب
غافل از توصیهی وحدتیوخ
مست عشقم هوس جام وشراب ایلمرم
عمر سرمایه می من خرج سراب ایلمرم
باوریم واردی نه سوز که دیرم دوزدیرم
من حسین سیز گونومی عمر حساب ایلمرم
آند اولا بی کفن ارباب اوخیان آیه لره
چهره عشقیمه تزویری نقاب ایلمرم
در مولاده قوجالماق اوجالاندردی منی
بیرنفس غصه ایام شباب ایلمرم
دوزرم هرغمه،غم سنگ صبوریمدی منیم
ولی بیرلحظه حسین سیزلیگه تاب ایلمرم
در اربابیده سائللیگی،شاهلیق بیلورم
طلب شهرت و عنوانه شتاب ایلمرم
باشیم اوستونده نقدری آقامون سایه سی وار
خانه قبریمه ده فکر عذاب ایلمرم
نه واردی قصره علاقم نه مایل تاجم
فقط حسینه حسینه حسینه محتاجم
حسین آدیلا اوقدری عروج ائدر روحیم
که گاه حس ائدورم منده مرد معراجم
اناالحسین دیورم کافر اولموشام یاران
گلون چکون منی داره که منده حلاجم
اوطفل مدرسه که ذکر ائدور حسینون آدین
جانیم او کودکه قربان اودور بویوک خواجم
ایویمده خیمه قورورب اوستونه حسین یازورام
دولانورام باشینا سویلورم که الحاجم
حسینون اول قوری عطشان یانان دوداقلارینا
ئولونجه آغلاماسام یوسف اوغلی حجاجم
حسینه سجده نی رد ائتسه عقل بوشلا منی
اوتوز بش ایلدی که عقلین صفیندن اخراجم
حسین دیوب گورورم ذوالجلالی قلبیمده
گور ایندی جامیده من غیبه ناظرم یا، جم
ویرون بهشتی منه تا دریم شکوفه لرین
حسینچیلر ایاقیندا سریم شکوفه لرین
من آنان فاطمه یم ای شه خوبان یارالی
گلمیشم خولی ایوینده سنه مهمان یارالی
باشون اوستونده دوتام شام غریبان یارالی
بسلمیشدیم بو باشی گللربن اوستونده حسین
یاتموسان ایندی نیه کللرین اوستونده حسین
وای منه کرب و بلاده قالوب عریان بدنون
نیزه اوخ یاره لریندن که ورور قان بدنون
گوردوم اولموش قانا باشدان باشا غلطان بدنون
بینوا زینب مظلومه چکور آه یانور
اود وروب قوم کُفَر خیمه و خرگاه یانور
اوچ گجه گوندوز اولور باشیمه دنیا دولانور
گوز آچوب باخموری گوز یاشیمه دنیا دولانور
دورِ اولاد بنی هاشمه دنیا دولانور
باغلانیب قول قولا اطفال پریشان یارالی
دور آنان فاطمه اولسون سنه قربان یارالی
دشمنین تحت لواسینده قالوب اهل حرم
باغلیوب دللری باشدان ایاقا درد و ورم
منده اوز باشیمه معناده حسین کول اَلَرم
آچ گوزون بیر منِ بیچاره نی دیندیر یارالی
بیر دانش بو دل ویرانی سویندیر یارالی
گلمیشم من سنه معناده اولام همدم اوغول
گتدیم اوّل سنه بیر جرعه ورم زمزم اوغول
درد و غمدن گوروسن قدّیم اولوبدور خم اوغول
اگدی غم غصه بو زهرا ننوین قامتنی
بیرده گوز گورمز اوغول دهرده بوندان چتینی
بوشلیوب جنتی حوائیله آدمده گلوب
حضرت نوح گلوب عیسی مریم ده گلوب
انبیا فوجینه پیغمبر خاتم ده گلوب
همصدا اولموش او مولایه هامی حور و ملک
حضرت ختم رسالت گلوب اما که نه تک
زینبین قلبنی غم تیری بولوب ایتدی یارا
گوندوزین چرخ زمانه گجه تک ایتدی قارا
ایلسین دردینه بیچاره لرین بس نه چارا
بیر یانان خیمه ده قول باغلی اورک یاره لیلر
آغلاشیلار گحه نین مثلی گونی قاره لیلر
سن یانورسان بو قدر غصه و درد و کدره
قیل توسل سن "امینی" شه خونین جگره
سعی قیل یازدیقین اشعاریوی ورمه هدره
اجر و پاداشیوی سلطان شهیدان وره جاق
بیرده زهرا خانم اول سرمد نسوان وره جاق
دفن شهیدانه گلوب (سید سجاد(۲)
گویلردن اندی قدسیان (ایلیه امداد(۲)
یارالی لب عطشان
حسینجـــــان حسینجان
سسلندی شاه بی سرون
(اوغلیام ای قوم(۲)
گوداله دوشموش پیکرون
(اوغلیام ای قوم(۲)
بوچولده یالقوز رهبرون
(اوغلیام ای قوم(۲)
حریّتی ائتدی آتام (عالمه فریاد(۲)
شاه شهیدان اوغلیام
(عالمه شاهم(۲)
کسدیله ظلمیله باشین
(غرق درآهم(۲)
ایندی یئراوسته من سیزه
(حجت اللهم(۲)
باغلی قولیلا ایلرم
(امتی ارشاد(۲)
من آشنایم بیربه بیر
(بو شهیدانه(۲)
گوردوم که بیربیرگئتدیلر
(قانلی میدانه(۲)
گوردوم ئوزوم توش اولدیلار
(تیر و پیکانه(۲)
ایلون کمک بو دشتیده
(دفن اولا اجساد(۲)
بوردا گرک مدفون اولا
(سرور بی سر(۲)
پایین پاده دفن اولا
(قارداشیم اکبر(۲)
شاهون قوجاقیندا یاتا
(نازیله اصغر(۲)
بودشت بی سامان اولار
(بیرگونی آباد(۲)
علقم کنارینده دوشوب
(غملی بیرسقا(۲)
آلدی ولی سوایچمدی
(نهریدن اصلا(۲)
سالدی اونون قوللارینی
(قهریلن اعدا(۲)
دگدی گوزوندن اوخ اونون
(باشینه فولاد(۲)
یاری ائدوب او طایفه
(شاه دورانی(۲)
دفن ائتدی زینالعابدین
(اهل معنانی(۲)
عونیله فضل و جعفر و
(جمله یارانی(۲)
تپراقدا یاتدی نازیله
(قاسم داماد(۲)
بیرآلتی گوشه قبر اودم
(ائتدی آماده(۲)
اوغلانلاریلا دفن اولوب
(شاه آزاده(۲)
یوخدور اوقبره شأنیده
(تای بو دنیاده(۲)
او قبره واله دور بلی
(عالم ایجاد(۲)
بیرآز ائدوبدور عابدین
(تا عزاداری(۲)
دوردی یول آلدی لاجرم
(علقمه ساری(۲)
تاآهیله دفن ایلیه
(تشنه سرداری(۲)
گوردی اوقولسوزپیکری
(رهبرعبّاد(۲)
تاپدی اولده صاق قولون
(شیر میدانون(۲)
گزدی تاپوبدور صول قولون
(غملی سقانون(۲)
یاندی بو محنتده بلی
(قلبی زهرانون(۲)
خیردا مزاره دفن اولوب
(قامت شمشاد(۲)
یارالی لب عطشـــــــــــان
حسینجان حسینجــــان
یا حسین عشقون سنون جاندان بلاگردان اولار
حُسنوون یک درصدی، صد دفتر و دیوان اولار
وار توان هانسی قلمده مدحتونده سوز قوشا
گوهر نایاب اولار ایتسون اشاره هر داشا
تیره تپراق جامهٔ اطلس گیَر باشدان باشا
اوندا که قرص قمر تک صورتون عریان اولار
چوخ نبیدن ایلیوب خلاق برتر شأنووی
ئوز وصیّتنامهسینده یازدی حیدر شأنووی
کاسهلیس نفسیدی، کیم گورمسه گر شأنووی
نفس طغیان ایلسه انسان دونر شیطان اولار
ای شهید بی کفن ای وارث شیر خدا
عشق زینب، مایهی آرامش خیر النساء
روز محشرده اگرسن قوزاسون دست دعا
یدّی دوزخده نه اود وار سنبل و ریحان ولار
دست حکمت حسنوون پنهان ایدوب حتما چوخین
هانسی آیینه جمال حقّه وار سندن یوخین
صیده چیخسا گوزلرون ویرسه نشان مژگان اوخین
هر قدر خلقتده دل وار، سینه وار ویران اولار
مین سلیمان ال تاپانمز سنده کی شخصیته
سن او گُل سن ساچدیلار چادر نماز عصمته
پایلاسون شهد لبوندن بیر پیاله خلقته
خلق ایدر می توبه سی، بازار می ارزان اولار
سوز اگر عارف پسند اولسا آغاج تک بَر ویرر
ایچسه گر باران نیسانی صدف گوهر ویرر
بیر اوغول که عشق دانشنامه سین حیدر ویرر
شّکی یوخ سرتاسر جنّاته ده سلطان اولار
من او عطّارم که چکدیم هفت شهره آه دل
نایل ایلر عاشقی آماله بیلدیم راه دل
من گدایم یاحسین، سن مالک درگاه دل
کیم سنون پابوسون اولسا شامل احسان اولار
ای گوزل رخساری عشقون بی نقاب آیینهسی
سینهی زهرا گلی، وی بوتراب آیینهسی
اولمیشام شبنم کیمی من آفتاب آیینهسی
بیر نظر سال، گورنجه شبنم دُر غلطان اولار
ساعت او ساعت اولدی مقصوده چاتدی لشگر
فلک النجات امت گوداله سالدی لنگر
گوشوار عرشی آلدی آغوشه تیر و خنجر
یا لیتنا ترابا سسلندی عرش داور
یوز قویدی اهل معنا یکسر منایه گلسون
گوندردی ذوالجناحی خرگاه طاهراته
میقات عشقی گوردی شایسته الصلاته
قان آلدی دستمازین ناز ایلدی فراته
راز و نیازین ائتدی خلاق کائناته
حق عاشقی چوخ ایستر حمد و ثنایه گلسون
قان لختهسی گوزونده قلبینده اوخ یاراسی
دولدوردی قتلگاهی یا ربنا صداسی
حل ائتدی مشکلاتی امت گره گشاسی
یارب بو سن بو عبدون بو عهدیمون وفاسی
خوشدور برات جنت اهل ولایه گلسون
کثرت گئدوبدی وحدت رد ایلدی حجابی
پاک عاشقه یتیشدی معبودیدن خطابی
سن ساخلادون حبیبیم بیز گوندرن کتابی
اولدی حضوریمیزده پیمانون ارزیابی
صادق محبّون اولسا جنت سرایه گلسون
به سبک(یاران چه غریبانه...)
من عترت اطهاری، زینب سنه تاپشوردوم
بو خورداجا قزلارى ، زینب سنه تاپشوردوم
قویما گله افغانه اطفال دل آرانی
بیر بیر ئوزیوه رام ائت بو جمع پریشانی
مین دیل لریله دیندیر آرام ایله لیلانی
بو زار و دل افکاری، زینب سنه تاپشوردوم
ہیر ذرّه ملول اولما بی رحمی اعدادن
افشرده اولوب چخما قانونِ شکیبادن
غافل اولاسان حاشا غمدیده صبایادن
بو عابد بیماری ، زینب سنه تاپشوردوم
انصاریم ئولوب تک تک هر چند پریشانم
عشقیله بو صحراده قربانی قرآنم
من بو گجه جنّتده ئوز جدّیمه مهمانم
اطفال وفاداری ، زینب سنه تاپشوردوم
مبهوت ایلین عقلی ای پایۀ ایثاری
من گتملیم اولما چوخ غصه دل افکاری
بو نهضتیمون سن سن هر یرده طرفداری
صبر دلِ بیداری ، زینب سنه تاپشوردوم
مطلق گله جاق باشه هر امر مقدردی
انساندا دؤزوم اولسا منصور و مظفردی
هر یرده سنه باجی الله ئوزی باوردی
صبر ائت هامو اسراری ، زینب سنه تاپشوردوم
بند بندیمندن منی گر دوغراسا دشمن باجی
دستِ بیعت ویرمرم اصلا یزیده من باجی
هر کشاکش وار باجی بیر کلمهء بیعتده دور
بو کشاکشدن ولی بعضی لری حیرتده دور
حفظِ ناموس و شرافت حفظِ حیثیّتده دور
گیچمرم حیثیّتیمدن اول گِلَن ایمن باجی
آبِ خضر اولسا دنی اشحاص الیندن ایچمرم
باش اَگوب اَدنایه عالی منصبیمدن گیچمرم
سینمی دولدورسا اوخ بیر دسته گلدن سیچمرم
زخمِ خنجردن خوشام جسمیم اولا گلشن باجی
اوز مقدّس فکریمه لازیمدی جان شاباش ویرم
رونقِ دینِ مبین اوسته اوغول قارداش ویرم
چوخ سعادتدور دمِ شمشیرِ شمره باش ویرم
فکریمه کون و مکان اهلی دیسون احسن باجی
امرِ دینی دور بو مطلب، جنگِ شخصیّت دگل
منده گر شورِ شهادت واردی بی علّت دگل
لفظِ ننگ آوردی بیعت، ئولماقیم ذلّت دگل
عزّتِ دین اوسته ئولّم من، اسیر اول سن باجی
بیر نمایش ویرّم ای باجی صباح بو چولده من
مستقیمُ الرَّأیلیقدا آدیمی قیلّام علن
قامتِ رعناسینه اوز اوغلومون سالّام کفن
جسمینی اوراق ایدر قرآن کیمی دشمن باجی
بو بیاباندا پوزار شام اهلی تشکیلاتیمی
داش وورالّار قان دوتار بو حق نما
مِرآتیمی
نیزه ده ویرّم نشان هر یرده
معلوماتیمی
تا اولا هر یرده رسوا شمرِ ذی الجوشن باجی
@ganjine5
اصغریم اوخلانماسا تکمیله یتمز نیّتیم
اولماز اهلِ باطله معلوم حقّانیّتیم
کشف اولار اصغر باشیله عینِ مظلومیّتیم
گون کیمی مطلب اولار عالملره روشن باجی
تک به تک ویرّم بو چولده باجی یتمیش بیر فدا
عالَمِ معناده فخر ایلر منایه کربلا
اکبرین نعشین گورنده لیلیِ مجنون
نما
چوللری وار حقّی ایتسون قیس تک
مسکن باجی
قیزلاریم سوزِ عطشدن بیر ساری گل تک سولار
قارداشیم عبّاس علی اولادینه سقّا اولار
اوخلانار سو مشگی، مشگِ چشمی قانیله دولار
اللریندن ال چکر عبّاسِ شیر اوژن باجی
حفظِ حیثیّتده دور(سعدی) شرافت لاکلام
تیغیله حقّ اوسته جان ویرماق شرافتدور مدام
بو سوزیله عزّت نفسین ویروب مشقین امام
ئولمّ امّا ایتمرم بیعت یزیده من باجی
منبع:کانال مدح و مرثیه
کیم ئورکدن یاحسین سَسلر داریخماز یاحسین
عاشقون رنگ مجازی حُسنه یاخماز یاحسین
خنجر اعجازیوی کیم قلبه تاخماز یاحسین
«بی سبب گوزیاشیمیز رخساره آخمازیاحسین
سن بو جَمعه باخماسان آللهدا باخمازیاحسین»
اسم اعظم دور آدون هردرده درمان گوندرر
آدیوین عشقونده قلبیم چرپونار قان گوندرر
سن دئسن ؛ حتی خداده میّته جان گوندرر
کیمسه رنگ عشقیوه قلبین بویاخمازیاحسین
«سن بوجَمعه باخماسان آللّهدا باخمازیاحسین»
شیعه نین عیساسی،دم وئربیزسنون دمسازیووخ
سن سپهسالار رُکن عشق بیز سربازیووخ
چاره سیزدور دردیمیز سرگشتۀ اعجازیووخ
شیعه لر ، دامانیوی بیرآن بوراخمازیاحسین
«سن بوجَمعه باخماسان آللّهدا باخمازیاحسین»
دوزدی درگاهوندا مولا بنده گمراهیوام
چوخ گوناهیم وار ولی فکرایله مه بدخواهیوام
هرنه اولسام هرنه اولسام سائل درگاهیوام
تا سنون سایندیم غم قلبی یاخماز یاحسین
«سن بوجَمعه باخماسان آللّهدا باخمازیاحسین»
دوشدی باشین مین بلا و درده؛ باشون اگمه دون
چیخدی باشون نیزیه گویلرده؛ باشون اگمه دون
سن علی نین اوغلوسان نامرده؛ باشون اگمه دون
باش کی چیخدی برج عشقه بیرده آخمازیاحسین
«سن بوجَمعه باخماسان آللّهدا باخمازیاحسین»
کربلا مشتاقیوخ حسرتده آغلاتما آقا
آیری بیر جَمعه بیزیم بو جمعی گل قاتما آقا
گوزلرون قربانیوخ گوزدن بیزی آتما آقا
گوزدن آتسان صیحه میزگویلرده شاخمازیاحسین
«سن بوجَمعه باخماسان آللّهدا باخمازیاحسین»
دیَردی درد دلین کردگار یکتایه
نه گوردی باشینون اوسته سالوندی بیر سایه
سؤال قیلدی که ای قیدیمه قالان کیمسن
بو گونده سایه باشیم اوستونه سالان کیمسن
او سایه صاحبی ویردی جواب یا مولا
منم بو گونده سنه نوکر اولماقا اولا
او کیمسیم که بو عالمده خون دل یمیشم
گجه گونوز گَلوبَن لایلایوی دیمیشم
که ای اولان آدی عرش خدایه پیرایه
او کیمسیَم ویروب الله منی سنه دایه
او کیمسیم که اطاعت بِلینی باغلامیشام
بو دوغرانان بدنی سینَم اوسته ساخلامیشام
مقرّب حرم خالق جلیلم من
اولیدی کاش گوزوم کور جبرئیلم من
بویوردی حضرت روح الامینه شاه امم
بو سایه سالماقیوا بُول یقین رضا دگولم
گوتور قانادیوی لازم دگول منه سایه
رواق عرشیده جدّیم دوروب تماشایه
گوتور قانادیوی قوی چشمه چشمه قان آخسون
آتام یارالاریما ساق عرشیدن باخسون
فغان ایدوب دیدی جبریل ای امیر عرب
بیان قیل اورگونده واروندی هر مطلب
بویوردی سرور حلّ و حرم امام قتیل
بو آرزودیَم ای پیک کردگار جلیل
یارالیم سوسوزام اود دوتور یانور جگریم
اولیدی کاش یانیمدا بو گونده شیعه لریم
گوریدیلر سو دیوب یانمیشام بو صحراده
سالیدیلار سو ایچن وقتیده منی یاده
ادبله عرض حضور ایتدی جبرئیل امین
نه چوخدی شیعه لره لطفون ای امام مبین
بویوردی کرب وبلانین شهید خون جگری
نه نوع ایستمیوم من وفالی شیعه لری
اولاردان اوتری علی اکبری گیندیردیم
اوزوم رکابینی دوتدوم عقابه میندیردیم
محرّم آیی اولاندا اولار دوتالّار یاس
دلینده جام دیسونلر سبیل یا عبّاس
اولاردان اوتری بو حاله دوشوب یارالاندیم
فراته حسرتیله سو دیوب داخی یاندیم
دیردیم اونلاری گورسم باخون بو حالتیمه
چخارتمیون منی یادّان گَلُون زیارتیمه
او حاله آغلادی روح الامین چکوب آهی
دیدی که ای بو چولون بی کفن قالان شاهی
سنه فدا من اولوم قوی بو جانیمه منّت
حواله ایله گیلن جبرئیله بیر خدمت
بویوردی روح الامینه عزیز ختم رُسُل
اگر بهارده گون دوشمسه آچلماز گل
دار فناده عمریمین آخر بهاریدور
بو سینم اوخ یارالارینین لاله زاریدور
قوی گون دگوب شکفته لنه غنچه یاره لر
هر لاله صدر سینه ده قان چشمه ساریدور
آخسون فرات تک یارامون قانی جبرئیل
بزم وصاله یتماقا جانان نثاریدور
مجروح صیده سایه ندور سایه بان ندور
سایَم زمین کرب و بلانین غباریدور
دورما خبر آپار آناما تئز یتور منه
حسرت گوزوم بو گونده اونون انتظاریدور
آغشته ایله قانیمیله پرّ و بالیوی
زهرایه عرض قیل بو حسین یادگاریدور
جدّیم پیمبره دئگیلن کربلایه گل
اوغلون بو چوللرون نجه گور بی مزاریدور
هر جان ویرن لرین باشی اوسته گلن علی
گلسون حسینینین بو دمِ احتضاریدور
((قمری)) آچاندا اوج فصاحتده پرّ و بال
بیر دورینین تمام فصاحت شکاریدور
من درس ریا آلمامشام دار فنادن
فیض آختارانام سیروسلوک عرفادن
نه گوهر وجدان ساتانام جیفۀ دهره
نه اخذ ایدرم رشوۀ کاذب فقرادن
بی واهمه ام حقّی یازوب حقّی دیمکده
آسوده دلم فتنۀ هر بی سر و پادن
اولماز قلمیم خانیله خاقانه مُبَلّغ
امداد آلارم ذات حَقِ جَلّ عَلادن
نه بندۀ سیم و زرو نه بَردۀ زورم
کسب ایلمشم غیرتی شاه شهدادن
شمشیر دو پهنا کَسَری وار قلمیم ده
شعریمده مُبَرّادی اشارات ریادن
بی لکّه دی اگنیمده که پیراهن عشقیم
خدمت قیزلیم دلبره خالصدی طلادن
دلداده لگیمده منه زینبدی مدرّس
ئورگنمشم ایثاری رئیس اسرادن
فخریم بودی عالمده که آزاده مرامم
هیهات غروریم سنا مَکر طلقادن
حُرّ سَرِ بازار تَوَلّای حسینم
ال چکمرم ئوز باغلادقیم عهد و وفادن
ایللردی که مجنون شَه نیزه سوارم
عزّت قازانوب نوحه لریم بَزم عزادن
جسمیمده عَلی اَلقاعده تپراقه بوکولسَه
روحیم منیم آیریلمیاجاق کربُ بلادن
حسین گل خیمه لر اودلاندی قارداش
یوبانما اهلبیتون یاندی قارداش
خزان آفت یتوردی گلستانه
ئولوب بلبل داغیلدی آشیانه
علو قالخیر خیم دن آسمانه
اساس و زیوریم تالاندی قارداش
عجب سلب اولدی استعداد الیمدن
یخیلدیم کیم دوتار ناشاد الیمدن
قوهوم یوخدی یاپیشماز یاد الیمدن
قوشون احوالیمه گریاندی قارداش
خیامه اود ویروب اهل شقاوت
داغیلدی چوللر آل رسالت
تاپولمور ایلین بیزدن حمایت
منه چاره یولی باغلاندی قارداش
سپاهین طبل وشیپورین صداسی
امان آت شیحه سی دشمن هراسی
خواتینون چیخوب عرشه نواسی
اورکلر قورخودان آلقاندی قارداش
هوادن اود یاغور ایستی بیابان
اوشاقلار پابر هنه دشت سوزان
تیکان باتمیش اياقلاردان آخور قان
پریشان قلبلر شان شاندی قارداش
حسین گل غارته گتدی جلالون
داغیلدی چوللره اهل وعیالون
اگرزینب گوره بیرده جمالون
هامي زحمت منه آساندي قارداش
هر آتلو بیر قزی اتمیش نشانه
قوویر صحرایه الده تازیانه
اذیتدور غرض غارت بهانه
هره بیر گوشه ده پنهاندی قارداش
حسین گل خیمه گاهوندا تالان وار
با جون ئولسون غمون جانه سالان وار
یوبانما گوزلری یولدا قالان وار
عیالون جمله سرگرداندی قارداش
حیادور معجریم عصمت نقابیم
منه مشگلدی کشف اولساحجابیم
حجاب اوستن اوجالمیش انقلابیم
بیزه اصلی هدف قراندی قارداش
عمرسعد امر ائدیر کشف حجابه
بولار قاعل دگول شرعه کتابه
حجاب اولمیش شرافت انقلابه
حیا پیرایه ی ایماندی قارداش
گلایم وارفلکدن بو جفایه
شکایت ایلرم پیش خدایه
قالوب ال عباحسرت عبایه
حجابیم دینیمه برهاندی قارداش
عجب آدیم خدارتدن چیخلدی
اولوب دنیاقفس جانیم سیخلدی
رقیم بولمورم هاردا یخیلدی
ئولوب یاقالدی یاحیراندی قارداش
حسین ای کاش دوره م داغ اولیدی
بودشت کربلا خوش باغ اولیدی
بو وقتیمده ابوالفضل ساغ اولیدی
گوریدی باجیسی نالاندی قارداش
منم احوالیمه بحر وبر آغلار
ویرار قمچي باشيمدان لشگر آغلار
آلاردشمن باشیمدان معجر آغلار
گوزوم یاشی مگر باراندی قارداش
"کریمی"کربلایه یول سالیدوخ
نولیدی کاروانین بول سالیدوخ
او ششگوشه مزاره قول سالیدوخ
حسین گل خیمه لر اودلاندی قارداش
مهرون حسین بو عالم امکانه ویرمرم
گنج گراندی قیمت ارزانه ویرمرم
دل جایگاه عشق حسیندور بو دلده من
بر ایسته سه محبّت بیگانه ویرمرم
ای پاک تربتی منه مهر نماز اولان
بو مُهر پاکی ملک سلیمانه ویرمرم
بوگوز یاشی که سندن اوتوردیده دن آخور
بیر دُرّدور که گوهر غلطانه ویرمرم
بو اشک شوره شربت شیرین جزاده وار
بی جا یره بو اشکیمی دامانه ویرمرم
ای سیّد شباب جنان سن یاتان یری
مین لر بهشت و روضۀ رضوانه ویرمرم
عطرون بهشت عطریدی روح بهشت سن
بو عطر پاکی نکهت ریحانه ویرمرم
ای کربلا صفاسی مزارون صفاسینی
سیر و صفای باغ و گلستانه ویرمرم
گر باغ کربلانی تاپام نغمه خوان اولام
هرگز مجال بلبل خوشخوانه ویرمرم
ایتسن منی قبول قاپوندا گدالیقا
بو افتخاری غزّت سلطانه ویرمرم
بیر قاره که غمونده سنون گیَّم اگنیمه
من بو قَرانی خلعت الوانه ویرمرم
بیرجرعه گرفرات سویوندان ایچم حسین
اول جرعه آبی چشمۀ حیوانه ویرمرم
نام حسین قویوب باشماتاج افتخار
بو امتیازی افسر شاهانه ویرمرم
دائم حسینیدن اولی عنوان صحبتیم
من بو بیانی سایر عنوانه ویرمرم
پایانه ویرّم عمریمی عشق حسینیله
عمریم گیدربوعشقیمی پایانه ویرمرم
من تابعم حسینه اوسلطان دین دیوب
بیعت الینی زادۀ سفیانه ویرمرم
من « تائبم » خدا ئوزی توفیق ایدر عطا
عمریمجه تن مطالب بُطلانه ویرمرم
ای گل رضوان حسینیم
آغلاما ای نور عینیم
یوم گوزون یات سینم اوسته
دوشمَسون نم چشم مسته
حُسن جمالوندن اولوب ماه شرمسار
گلشنه گلمز بئله گُل گَلسه مین بهار
ماهروسن مشکبوسن
آیینه یلَن روبرو سن
بند مخالف ؛
گَزدی عرشون نه طاقیندا
گا هوارون قنداقیندا
سن اوغول ... جلوه ی ... نور حقسن
سرور ..... خلقت و ......ما خَلَق سن
گوزلرین یوم یات حسینیم
آغلاما ای نور عینیم
ای گهر ناب خلقت
چوخ ئوزووه وئرمه زحمت
قوی ووروم بوسه یوزوندن
هی ئوپوم قاره گوزوندن
بال دوداقون طعنه وورور شهد و شربته
منله گلردون بالا بطنیمده صحبته
خوش مقالون .... تا بیلردیم
شاد اولاردیم ...... من گولردیم
بند مخالف ؛
خاک راهون چشم حورا
ای چراغ بیت زهرا
زاده ی ... خانه ی ... مرتضاسن
سن ائویم ... نوریسن ... با صفاسن
گوزلرین یوم ... یات حسینیم
آغلاما ای ... نور عینیم
پایگاه حفظ و نشر آثار عباسی معروفان اهری
ایچنده هر زمان آب گوارا
حسینی یاد ائله لعن ائت یزیده
سوگورسون ایچمسون لب تشنه قالسون
سلام ایله ابالفضل رشیده
او وقتین یاده سال اوخشاردی قلبی
عطشدن کوره ی ذوب حدیده
رکابین اوپدوگیجه آب دریا
ووراردی نفسینه عشقی کشیده
سودان میل ائتمدی دولدوردی مشکی
ارادت گورسدوب شاه وحیده
دئدی مولا سوسوز اصغر سوسوزدی
رقیه تشنه دور رنگی پریده
اولار تا ایشمیوب بیر قطره ایشمم
قسم آیات قرآن مجیده
وفاده "زعفرا" عباس تکدور
ایکی قول وئردی مشکه بیرده دیده
قولاق وئر ای مرید آل عصمت
کتاب عشقیدن ایلورم روایت
دیوم بیر قصّه من ملک وفادن
حکایتدن ائدک اخذ هدایت
اشاره م بیر گل خوشبویه واردی
اوگلدن عطر آلور باغ طبیعت
اوگلدور گلشنی تکمیل ائدوبدی
وئروبدی گللره عطر و طراوت
همان گل خامس آل عبادور
کسا بزمی تاپوب اوندان جلالت
مقامینده فقط بسدور بو مطلب
اوشاقلیغدا ائدوب معراج اوحضرت
اوگون قنداقینی سلطان عشقین
گوی اهلی ایلدی گویده زیارت
اونی الله یاراتدی عشق کامل
اودور معنای عشق وسرخلقت
آدین الله اوزی تعیین ائدوبدی
حسیندور سومین نجم امامت
اونی خلق ایلمیشدی ،نورخالق
بشرشکلینده گلدی واردی حکمت
بواسرارین رموزی کشف اولونماز
خلایقده هانی کشفه اوقدرت
بواندازه بیله هرعارف انسان
اونون مقصودینه ایلر کفایت
اگر دنیا و مافیها یاراندی
اگر ارزان اولوب ارزاق نعمت
اگرهفت آسمان و کهکشاندا
تاپوب سیّارو ثابت نظم والفت
اگرتعیین اولوب خورشیده تابش
اگر سیرینده یوخ تاخیر و غفلت
اگرماه ایلیور گویلرده جلوه
اگرقویمور دوتا دنیانی ظلمت
اگر یئل لر وئرور اشجاره بهره
بولودلار یاغدیرور باران رحمت
بولار یمن شه گلگون کفندور
اولوب پیرایه ی زیبای خلقت
مرور ائتسون اگر یوم الستی
سوزین انشاسینه وار عمده آیت
هامی مخلوقینی ذرّ عالمینده
قوروب محفل خداوند ائتدی دعوت
رسول و انبیا و اولیادن
اومحفلده واریدی جمع کسرت
خدادن عاقل ونادانه یکسان
وئریلدی دیده ی فهم وبصیرت
ازل دیباچه ی تقدیر آچیلدی
اوطومار قضا اولدی روایت
بیلوب هرکس اوزی اوز سرنوشتین
ائدوب امضا اونی وئردی رضایت
چکیلدی پرده لر انوار اوجالدی
آپاردی دیده ی بینانی حیرت
اونورین لمعه سی بیر آن آزالدی
گوروندی گوزلره بیر لوح و رٱیت
صدا گلدی باخون مکتوب عشقه
ائدون انشاسینی لوحین قرائت
مجاهد شخص لازمدور بویوردی
قانیلان ایلسین دینه حمایت
حمایت مکتب و آئین حقدن
بوعلتدن تاپار حکم ضرورت
طریق کفریلن بیر دائم الخمر
بلاد حقّیده ایلر حکومت
شریعتده قویار اول فاسق انسان
قوای سیمیلن تاج خلافت
جلوس ایلر شریعت مسندینده
لباس دینیلن اول پست فطرت
قوای نفس ائلر عقلین احاطه
وجودین دولدورار طوفان نخوت
ائدر بازیچه شرع کبریانی
ائلر احکامیده تغییر سنّت
حریم حقّدن ایلر تجاوز
اشاعه ایلییر احکام بدعت
مباح ایلر حرامی، خمری مقدور
نماز و روزه نی بی قدر و قیمت
آچار یغما الین آیات حقه
تلاوتده ائدر احکامی سرقت
شکست حقّیدور تاپسا ادامه
سینار ارکان دین اولماز مرمّت
بوامره واجب و ملزومدور که
قویولسون پایه ی تضمین نصرت
اونصرتده بلا وار ابتلا وار
مصیبتدن اولار تٱمین اوفرصت
دوزر کیم عشقیلن بو ابتلایه
دئسون لبیک ائدک سودا بوساعت
ازل پیغمبران آلدی او لوحی
رسولان اولدولار مشتاق خدمت
وئرولدی ال اله عنوان اوخوندی
سالوبدی دللره مضمونی وحشت
اومیثاقین واریمش شرطی گویا
گرک همراه اولا صبر و دیانت
ازل شرطی بودورچیخسون وطندن
بلا صحراسینه ائتسون عزیمت
اوچولده محشر کبرا قورولسون
چالینسون ثانی ِ طبلِ قیامت
جماعت خارجی قویسونلا آدین
خروج عنوانیده وورسونلا تهمت
سو یولارین اونا سدّ ایلسونلر
سوسوزدان سینه سین آلسون حرارت
صف عشّاقده انصاری ایچسون
طریقِ حقّده جام شهادت
عبا سالسون یره یغسون عبایه
رشیداوغلون اوزی گر اولساطاقت
اون اوچ یاشدا گوزل بیرنوجوانی
قارشسون تپراقا،وئرسون رضایت
سو اوسته قارداشی قولسوز یخیلسون
تراب اوسته سوسوز غرق جراحت
ال اوسته شیرخوار اوغلون گتورسون
ائده تا زهریلی پیکان اصابت
خیامون ترک ائدن وقته منایه
گوره قیزلارینی غرق ملالت
سوسوز قیزلار گرک اولسون او چولده
اسیر پنجه ی قوم عداوت
او یرده اهل بیتین ترک قیلسون
منایه ایلسون عشقیله هجرت
اوزی جان وئرمه میش اخیامی یانسون
گوزی باخسون قوپاندا شور غارت
آییرسونلار باشین تشنه قفادن
سویولسون نعشی اولسون هتک حرمت
یر اوسته پیکری قالسون کفن سیز
باشین سرنیزیه وورسون رعیّیت
باشی سرنيزده معراج ائدنده
دگنده داش ائده قرآن تلاوت
قیامین ایستسه پاینده قالسون
گرک تعیین اولا آیری غرامت
اونی تضمین ائدر بیر قاره پرچم
وبیرده ایستیر مافوق همت
اونین شرطی بودور مقبول اولونسا
ائدر تا یوم دین تضمین نهضت
قولیندا سلسله اهل و عیالی
پیاده ایلیه طّی مسافت
گرک بازار و شهری کوچه کوچه
دولانسون قیزلاری چکسونله خفّت
خرابه گوشه سین مٱوا ائدنده
عزیزان حرم چکسون ریاضت
دوام ایتسون باشی تشت طلاده
دگنده خیزران قصد جسارت
دوداقلارین اوپنده چوب کینه
گلایه ایتمسین دَگدیکجه ضربت
اسیرانی چکر بزم شرابه
عداوت قصدینه قوم شقاوت
گلرلر عترتی قول باغلی خسته
او یرده دشمنی ایلر اهانت
او مجلسده نصارا بیر اسیری
تقاضا ایلییر وئرسونله کلفت
اودم لازمدی بیرشخص مدافع
اونا مخصوص اولا امرنیابت
مدافع ایلییرچون نطق وگفتار
گرک اولسون بلیغ و با فصاحت
اونون لحن کلام و رعب نطقی
او مجلسدن ائده سلب ابهّت
ذکور اولسا اوکس چون ئولدورللر
سزادی انتخاب اولسا بیر عورت
صف پیغمبران آلموشدی لوحی
باخانلار لا دئدی اولدی خجالت
سکوت محض اولدی بزمه حاکم
ائدردی هرکس اوزی عشقین ملامت
صداگلدی وئرون لوحی دولانسون
بومشکل امردور یوخدور مذمت
بونا پابند اولان شخص مجاهد
سزادی دللره ایتسون حکومت
وفا ایتسه اوکس میثاق عشقه
قویار روز جزا تاج شفاعت
غرض پیغمبران ردّ ائتدی لوحی
دولاندی ال به ال مکتوب حکمت
آلوبلار دفترِ قالو بلانی
ولىّ و اولیا ایتسونله رویت
نظاره ائتجگین هرکس او لوحه
ائدوردی مطلبه فکریله دقت
شرایط اولمویان شخصه مساعد
چیخوب صفدن ائدوبدی بزمی خلوت
کنار اولدی تماماً اولیالر
رسولان خدا تک چکدی خجلت
ایاق اوسته دوروب بیرمرد جاهد
بیرالده لوح آلوب بیرالده رٱیت
آچوب دل ایلدی اعلان منم من
منای عشقیده قربان وحدت
منم جان بذل ائدوب جانانه قویمام
تاپا بیع الشّرا بازاری آفت
منم میعادگاه عشقه خاطر
منانی ترک ائدن باشینده هیئت
کیم ایدی باغلادی پیمان اوگونده
کیم ایدی ایلدی میثاقه جرٱت
اوکس کیمدور رسولان خدادن
که بیر لبیکه آلدی ارجحیّت
کیمه وئردی خدا ذرّ عالمینده
شفاعت نامه نی میثاقه اجرت
مگر غیر از حسین فرزند زهرا
کیم ایلر بوایشه اقدام و طاقت
بئله پیمانه لایق تک حسیندور
حسین ایلر بلاده استقامت
گئچرجاندان حسین اسلامی ساخلار
باتار قانه قالار قرآن سلامت
گئچرباشدان نمازاوسته لب عطشان
نماز و روزه نی ایلر ضمانت
بوواضح سوزدو که مهمان آدیلان
عراقه اهل کوفه ائتدی دعوت
ولی بیلمم ندن قتلین قوناقی
فریضه بیلدی اول قومِ بد عادت
نماز اوسته باشین کسدی قفادن
نماز اهلی اونون بی جرم علت
هوای سیم و زر باشدا عربلر
هجوم ائتدی ائده کسب غنیمت
حسینین جانی لبلرده باخاردی
ائدنده خیمه سین اعراب غارت
بویرده " زعفرا " لرزاندی خامه
تاپورغارت سوزینده جسمی رعشت
هجوم لشگری اخیامه یازما
طریق صحبتی ایله رعایت
یاحسین گور نه ستم صنف عوام ایلدیلر
سنی ئولدوردیله هند اوغلین امام ایلدیلر
بویورب شیعه لره حضرت سجاد بالون
شامده عترتوه ظلمی تمام ایلدیلر
عمه می شام قوجالدوب باجیمی شام یوروب
زندگینی بیزه بو قوم حرام ایلدیلر
بابامون گئتدیله تالاره کسیلمش باشینی
اهلبیتین گونوزین شامده شام ایلدیلر
نه دیوم طشت طلاده قورولان محکمه دن
خیزرانی گوتوروب تیغی نیام ایلدیلر
او قدر آب و غذا وئرمدیلر دوتدوق اروج
بیزه ماه صفری ماه صیام ایلدیلر
ووردیلار قمچی او قدری یورولوب ئولدی باجیم
زجریلن شمر دنی اخذ مرام ایلدیلر
کفن اولمادی بی بیم معجرینی ائتدی کفن
گور نه اندازه بیزه ظلم مدام ایلدیلر
«زعفرا» ختم کلام ائتمگه ثبت ایلگیلن
بو جنایاتی فقط ملت خام ایلدیلر
باشسیز اعضادن حسین دلده فغان آیریلورام
بئلیمی غملر ایوب قدی کمان آیریلورام
گون قباقینده قویوب جسمووی گئتمزدی باجون
منی مجبور ائلیوب شمر و سنان آیریلورام
بو چوخور یرده ئولینجه قالارام قویسا عدو
نیلیوم شمر دنی وئرمور امان آیریلورام
نیزه باشینده باشون قافله سالاریم اولور
پیکروندن ولی چوخ چوخ نگران آیریلورام
دور اذان وئر یولا سال اول کسیلن حنجریلن
اکبریم یوخدی وئره بیرده اذان آیریلورام
ساربان قطع ائلیین اللری قوزا یوخاری
قیل دعا زینبی ای روح و روان آیریلورام
باشووا جسمیم اولور نیزه ده همراه ولی
جسمووه همدم اولور جوهر جان آیریلورام
نیلیوم چاره ندی هجرون ائدوب باغریمی قان
مقتلوندن یارالی قلبیده قان آیریلورام
آیریلیق صاعقه سی مین غمه یاندیردی منی
ائدورم غملریمی دلده نهان آیریلورام
نطقدن ناله سالوب غمزده بلبللریوی
داغیدوب گلشنیمی باد خزان آیریلورام
شمر بی عاطفه طعنیله دیور هر سوزینی
صبریمی الدن آلوب زخم زبان آیریلورام
چوخدی سینمده سوزیم یوخدی ولی وقت بیان
ساخلورام محشره ای شاه جهان آیریلورام
اللی دورد ایلدی سنیلن واریدیم آی یارالی
ایندی وادار ائلیور جبر زمان آیریلورام
مقتله گلسه آنام سویله قیزون اولدی اسیر
اونا نسگیلریمی ایله بیان آیریلورام
"زعفرا" بو سوزی یاز عالمی یاندیردی بو سوز
دئدی سقایه دئمه ناله کنان آیریلورام
بیلمسون قافله سالاریم اولوب شمر و سنان
بو قضیه گلر عباسه گران آیریلورام
میدانه علی اکبری زینب یولا سالدی
آئینه ی پیغمبری زینب یولا سالدی
دلبند حسن قارداشینین روح و روانی
قاسم کیمی مه پیکری زینب یولا سالدی
عبداللهی گوندردی خانم گوزیاشی توکدی
هم عون و همی جعفری زینب یولا سالدی
بیر جوت گوزل اوغلین ائلدی دینینه قربان
گوز یومدی ایکی گوهری زینب یولا سالدی
نوبت یتیشوب صاحب پرچمدن ال اوزسون
عباس وفا پروری زینب یولا سالدی
بیر باخدی اوزین قولارینا گوزلری دولدی
چوخ آغلادی سرلشگری زینب یولا سالدی
میدانه حسین صود امر اوغلین آپاراندا
شش ماهه علی اصغری زینب یولا سالدی
وقت اولدی فلک کام آلا زینب قالا یالقوز
لشگر گوره لر رهبری زینب یولا سالدی
بیر باخدی او دریا قوشونا بیرده حسینه
گوزیاشلی او غم پروری زینب یولا سالدی
زهرا توخیان کوینگی وئردی او بلا کش
اوپدی او سوسوز حنجری زینب یولا سالدی
ناچار قالوبدور باجی قارداشدان ال اوزدی
اول سرور بی لشگری زینب یولا سالدی
گر چاره دئدی اولسا حسین گئتمه جداله
قیزلار دئمسون سروری زینب یولا سالدی
تا سن واریدون من بو قدر محنته دوزدوم
سایونده سنون ائللری زینب یولا سالدی
بیز روز الست عهد ایلدیک دین اولا پیروز
عهد اوسته هامی یاوری زینب یولا سالدی
ظاهرده شکست اولدی عیان لشگریمیزده
بیر بیر هامی همسنگری زینب یولا سالدی
یالقوزسان حسین دوره لیوب دوره وی دشمن
دوزمم دیه لر دلبری زینب یولا سالدی
سندن سورا یوخدور بیزه یاور آتام اوغلی
عباسیمیدی آخری زینب یولا سالدی
اوتلاندی حسین زینبین آخرکی سوزیندن
بیر باخدی فرات اوسته آخوب اشکی گوزیندن
بیر قدری گئدوب فکره او سلطان لب عطشان
ئولسم ده دئدی قوتما بیزوک فاتح میدان
نعشیم منیم آت دیرناقینین آتدا داغیلسا
محکم لشی دنیا بویی شیرازه ی قرآن
اولما نگران اکبریلن قاسم ئولوبدی
یا جعفریلن عونیم اولوب قانینه غلطان
عباسین اوزون قولاری ظاهرده کسیلدی
باطنده او قوللاردی سیزه یولدا نگهبان
مکتوب الستی اوخی قیل متنینه دقت
معناده اولوب رمزیله تاکید بو عنوان
حق اوسته منیم قانیمی ناحق توکه جکلر
عطشان کسه جک حنجریمی خنجر بران
تزویر سلاحین گوتورر آل امیه
تبلیغ ائلیر تا که باتا یتمش ایکی قان
من جام اجل نوش ائلسم نوبه سنوندی
تیز نطق سلاحین گوتی قیل حقیمی اعلان
ناحق توکولن قانلاری سعی ایله دیریت سن
همت کمرین باغلاگیلان اولما پریشان
من واقفم آیندیه بو عصرده ناظر
پیروز بیزوک غائله دن اولما هراسان
بیر پایه ی فتح و ظفرون صبردی زینب
بیر پایه سی ده نطق دی چون شعله ی سوزان
مندن صورا وئر لشکریوه صبر سلاحین
شاماته کیمی رنج سفر تا اولا آسان
اوچ منصبه دارا ائلیوبدور سنی خالق
هیچ کیمسه ده اولموب اوچی بیر یرلی نمایان
حلم حسنی نطق علی عصمت زهرا
تک سنده هویدادی بو اوچ رتبه ی شایان
قویما چکه لر حقه باجی پرده ی تزویر
مین مکریله طغیان ائلیوب زاده ی سفیان
شاماته کیمی صبر علمین آل اله اسدیر
جور و ستمین ریشه سینی نطق ائله کسدیر
بو سوزلری گر "زعفر" ائده دفتره تحریر
دنیاده اونین مشکلین آچ اولمیا دلگیر
وعده گاه عشقده آلدی قان وضو حسین
کعبه ی حقیقته دوردی روبرو حسین
قان دولان گوزین آچوب باخدی ذوالجلالینه
یاره لی دوداقینن ایتدی گفتگو حسین
عرض ائدوب خدای من عهدیم اوسته من وارام
اوچ گون اوچ گئجه اگر ایچمیوبدی سو حسین
سو ندور غذا ندور تشنه ی وصالووم
قلبین ایلیوب او دور بیر سینق سبو حسین
وعده گاهی تاپماقا چاتماقا بو کعبیه
الّلی یدّی ایل گزوب یرده کو به کو حسین
وعده گاهی تاپموشام ایلسون قبول اگر
وئر اجازه تا وئره خنجره گلو حسین
بو گلو کسیلمسه اولماز امتحان قبول
ذبح اولونماقی ائدور چوخدان آرزو حسین
باش ندور بدن ندور وصلت اولسا جان ندور
عهدینه ائدر عمل ایندی مو به مو حسین
امتحان عشقدن سرفراز چخماقا
ذبح اولان بوغازیلن خوشدی چکسه هو حسین
ذکروی اونوتمارام تا نقدری وار نفس
حمد و ذکریلن تاپوب چونکه آبرو حسین
یاز بو یرده«زعفرا»دفتر مصیبته
شمرین ائتدی خنجرین قانلا شستشو حسین
کوفیان شیطانیلن هم نوش و دوشادوش اولوب
باده ی ابلیسدن هر تک تکی می نوش اولوب
مست و لایعقل مثالی یازدیقی اوز نامه سین
بی وفالر داندیلار،مهمان ستملن توش اولوب
کسدیلر سو یولّارین اوچ گون امام امته
تشنه لیکدن قیزلاری اخیامده بی هوش اولوب
عاقبت یتمیش مجاهد،بیر اوشاق و بیر امام
سینه سین چاک ایلدی اوخ نیزیه آغوش اولوب
بیر به بیر دشت بلاده تشنگان کوثره
شربت شهد شهادت نیزه اوخدان نوش اولوب
شمره شیطان یار اولوب کسدی حسینین باشینی
ظهر عاشوراده نور پنج تن خاموش اولوب
ظاهرا سوندیردیلر اول نور سونمز مطلقا
گون به گون آرتوب شعاسی ایندی عالم پوش اولوب
نیزه ده گزدی حسین دللرده اسکان ایلدی
آل سفیانین ولی شخصیتی مخدوش اولوب
«زعفرا» آل درس عبرت سنده بو جریانیدن
قوی دئسونلر چگنوه عشق ولا سردوش اولوب
یا حسین سسلنگیلن توک عارضه گوزیاشوی
شیعه سن چون قلبوه عشق ولایت جوش اولوب
گرک حسینچی اولان صاحب دیانت اولا
نتیجه ی عملی دینینه ضمانت اولا
همیشه اگنینه تقوا لباسی زینت اولا
حسین کیمی سوزی هیهات مناذلت اولا
بویوردی حضرت صادق رئیس مذهب و دین
حسینه آغلیانین اجری دور بهشت برین
او گوزیاشی که دیوب شرطی واردی ایله یقین
بهشته گئدمگه لازمدی که طهارت اولا
بو نکتیه گرگ ائتسون حسینچی چوخ دقت
او هانسی گوزیاشی دور که بهاسی دور جنت
نه علته وئریلوبدی اونا بیله قیمت
بو قیمته داخی چاتماز نقدری نعمت اولا
او گوزیاشی که آچار باغ جنتین قاپوسین
تاپا گرکدی بو دنیاده عترتین قاپوسین
او خاندان آچالار تا شفاعتین قاپوسین
او گوزیاشی اونا تا که کلید جنت اولا
اولده شمر اوزی آغلوب حسینه واردی سند
گوروم که قادر قدرت عذابین ائتسون اشد
اونین او گوزیاشی گر بیر یره ییغیلسا چو سد
او آغلاماقلارا جنت محال قسمت اولا
حسینه آغلاسا هر کس حرام ایشه باخماز
حلالی ترک ائدنین اشکی صدقیلن آخماز
دوز عاشق عشقینه رنگ خیانتی یاخماز
محال دور بئله بیر عشقده صداقت اولا
حسینچی دلده حسین قلبده یزید اولماز
اولار خطاسی ولی جرمی چوخ شدید اولماز
ایچوب شرابی یقین مست اولوب پلید اولماز
بو کج مسیره گئدن تیره بخته لعنت اولا
ندندی ایندی حرامی هوسلین چوخدی
عزا لباسی گیوب شمری سسلین چوخدی
یزید عشقینی گوزیاشلی بسلین چوخدی
مگر روادی حسین عشقینه خیانت اولا
واریدی شمرده قالوبلاده زینب ده
واریدی شمرده کرب وبلاده زینب ده
توکردی گوزیاشی شمر دغاده زینب ده
مهم اودور او بکاده نه نوعی نیت اولا
بو آستانه ده "زعفر "خطا یولین گئتمه
مواظب اول عمل زشت و ناروا ائتمه
مرادیوه ره مکر و ریائیلن یتمه
تلاش ائله عملون مایه ی سعادت اولا
به سبک(سلام ای سلطان اباالفضل...)
سلام ای مولا حسین جان
عزیز زهرا حسین جان
دیر عشاقون اورکدن
سنه قربان یا حسین جان
شهادت برجینده نورانی ماهِ تابانسان یاحسین جان
گل باغ مرتضا سن
بوتون امراضه دوا سن
شهید راه حقیقت سن قبله ی جانسان یاحسین جان
مهد وفا آقا
درده دوا آقا
باب شفا آقا
حسین جان
سنون عشقون دلگشادی
گوزل آدون دلربادی
حسینون عشاقی سسلر
بیزیم کعبه کربلادی
سنون عشقون نن حسین جانیم دویمیوب دویماز عاشقانون
قسم اولسون مرتضایه
قسم اولسون مصطفایه
دل ائوینه آیری بیر عشقی قویمیوب قویماز عاشقانون
مهد وفا آقا
درده دوا آقا
باب شفا آقا
حسین جان
????????????
قیامی پاینده مولا
گل آدی زیبنده مولا
ایچوبسن جام شهادت
قالا تا دین زنده مولا
دئدون اهل عزت ایلمز میل ذلت ای قوم بدکار
حسین باشین ظلمه اگمز
خدانی دیناره وئرمز
اگر ئوپسه حنجری خنجر عشقیمه قاللام من وفادار
مهد وفا آقا
درده دوا آقا
باب شفا آقا
حسین جان
ای شرافت مولکونون سلطانی مولا_
یاحسین - سلطانی مولا
آلتی گوشه قبریوین قربانی مولا -
یاحسین - قربانی مولا
ای بندِ قلبِ زهرا حسین جان
عالم فدادی آدووا مولا حسین جان
عالمه فخر ایلرم چون حیدریم -
یاحسین - من حیدریم
گر قبول ائتسن قاپیوین نوکریم -
یاحسین - من حیدریم
گون مثالی گوزلریوه مشتریم -
یاحسین - من حیدریم
گوزلرون تفسیر ائدور دریانی مولا -
یاحسین - دریانی مولا
ای بندِ قلبِ زهرا حسین جان
عالم فدادی آدووا مولا حسین جان
عاشقون اولماخ اولوبدور سرنوشتیم -
یاحسین - سن سن بهشتیم
عشق ائلماقیم سنه اولدی سرشتیم -
یاحسین - سن سن بهشتیم
نیلیورم جناتی من سن سن بهشتیم -
یاحسین - سن سن بهشتیم
سن صفالی ایلدون رضوانی مولا -
یاحسین - رضوانی مولا
ای بندِ قلبِ زهرا حسین جان
عالم فدادی آدووا مولا حسین جان
زینت دوش نبی نازلی نگاریم -
سن حسین - نازلی نگاریم
قلبیمون آرامشی صبر و قراریم -
سن حسین - صبر و قراریم
دار دنیاده منیم دار و نداریم -
سن حسین - دار و نداریم
نیلیورم سن سیز بوتون دنیانی مولا -
یاحسین - دنیانی مولا
ای بندِ قلبِ زهرا حسین جان
عالم فدادی آدووا مولا حسین جان
به سبک(ای صفای قلب زارم...)
کربلایه ایله دعوت عاشقانی یابن زهرا
دیده گریان دلده حسرت شیعیانی یابن زهرا
شه مشگل گشا سنه جانیم فدا
گل باغ صفا سنه جانیم فدا
حسین جانم حسین 4
هامی گئتدی کربلایه اول دیار باصفایه
گئتمین لر سینه سوزان زار و نالان گلدی وایه
قسمت ایله تربتیوی سن بو جمع مبتلایه
دردیمیزی تا یئتیراق قبرون اوسته بیز دوایه
مزارون ای شها
بهشت شیعه دی
سنه عشق ایلماق
سرشت شیعه دی
حسین جانم حسین4
کربلا آدی گلنده قالمیور دلده توانی
چشمه ی چشمیم اولور خط عذاریمدن روانی
ایلیور تصویر بو گویلوم آسمان کربلانی
جلوه ایلور گنبد و صحن ابالفضل جوانی
ئورگیم قان اولور
گوزوم یاشه دولور
گلستان گوزوم
سارالوب هم سولور
حسین جانم حسین 4
یوخودا گوردوم گوزومه ظاهر اولدی قتلگاهی
بیر آتا اوغلی الینده آسمانه چیخدی آهی
بالاسینا هی باخوردی سسلیوردی وای الهی
سسلیوردی یوخ بالامون ای خدا بیرجه گناهی
یاراسینا باخوب گوزین یاشی آخوب
غمی صود امرون بو دنیانی یاخوب
حسین جانم حسین4
ای گلشن عمرومده سولان سرو قد اوغلوم
آلدی سنی مندن نجه خاک لحد اوغلوم
زحمتله یتوردوم سنی سر حد کماله
قالدی گوزیم حسرت گوزلیم ماه جماله
هر دم سنه باخدوقجا اوغول فخر ائلییردیم
اوصاف کمالاتوی هر یئرده دییریم
یازدیردیم آدون مکتب احباب حسینه
مین عشقیله ئورگتدیم اوغول باب حسینه
هر ئیل آقامون عشقینه سن قاره گییردون
سنده قره کوینکلریلن نوحه دییردون
امّا بو محرّمده صفا سورمَدیم اوغلوم
باخدیم ولی هیئتده سنی گورمدیم اوغلوم
هر یئرده جوانلار دئدی ایوای آقام ایوای
منده قوشولوب سسلدیم ایوای بالام وای
عرض ائتدیم آقا لطف ائله تک قالماسون اوغلوم
اکبر نظروندن سنی ده سالماسون اوغلوم
ای کاش گونول باغچاسی بیرده گل آچیدی
گلزاره گلوب شوقیله دیل بلبل آچیدی
ای کاش بیر ئیل دورِ زمان عکس اولا اوغلوم
چرخ فلکون ایشلری بر عکس اولا اوغلوم
آغوشه آلوب بوسه وورام بیرده یوزوندن
گوزلر قاباقیندا من ئوپم قاره گوزوندن
افسوس اوغول آرزیلاریمدان ثمر اولماز
بیر ئیلدی که سن سیز گئجه آیدین سحر اولماز
کانال اشعار عباسی معروفان اهری
