اشعار ترکی امام حسین (ع)

زِینَب آدیلا بَزمِ عَزانُون صَفاسی وار
شَمعِ وِجودی عالَمَه نُور و ضیاسی وار

کَنزِ عِفافیدِی یُوزونی گُون گُورَنمَدی
زِینَب آدیلا حُکمِ حِجابُون بَقاسی وار

هَر یِردَه هر زَماندا اوُلوب دِیللَر اَزبَری
هَر بَزمیدَه گُوزَل آدینُون مُبتلاسی وار

قُولاری باغلی عازِم اوُلوب شَهرِ کُوفیَه
قارداش قانیندا بَیلدی اوُنُون خون بَهاسی وار

دشمن اسیری ،خسته بدن بیر بولوک اوشاق
چالدی قطار زنگی ولی غم هواسی وار

ناگه قولاقینه یتیشوب بیر اذان سسی
خسته مسافره بو اَذانون بَهاسی وار

باشسیز مُوَذّنه یوزونی دوندروب باخا
عُریان بدنده گوردی که سایسیز یاراسی وار

تَکبیرینی ائشیتدی حسینون، خانم دئدی
سندنصورا بو زینبین الله هاراسی وار

قربان اولوم گوزل سَسووه نَهر اولان بوغاز
هانسی خلیلیدور که سنون تک مِناسی وار

پائین پاده اکبرووی ساخلا حَشره جَک
ششگوشه قبروون گورلَر خوشنماسی وار

اصغر سنون رقیّه منیم اولما ناگران
خوردا قیزین سفارته ویرانسراسی وار

وئرم رقیّه نون اَلینه بیر قَرا عَلم
آل اُمیّه نون کَسرم هر صداسی وار

سن نیزه اوستن حَقّی دانیش منده ناقه دن
بیلسون هامی بو قافله نون حَق نِداسی وار

#نادر خلوص نیّتیلن یاز حسینه سوز
ائتمز تَمرّد هر کیم حسین تک آقاسی وار

• سه شنبه
• 7
• شهریور
• 1402
• ساعت
• 23:22
• نوشته شده توسط
• یوسف اکبری

پَریشان طُرّهء زِینَب که غَرقِ اَشگِ ماتَم دور
خیالی اَشگ اَفزا دور چون اَبرِ بارشِ غَم دور

نِقابِ مَهدِ عُلیا دور حِجابِ عِصمَتِ والا
مَسیحا طَیلَسانی دور که سِرَّ قُدسی مَریم دور

یُوزی کشف اوُلدی اَمّا سِرَّی وار اَغیارَه کشف اوُلماز
کلام اللهِ ناطق کَسری جَزماً فَتحینَه ضَم دور

یُوزیندَه زُلفیلَه مَکتُوب خَطّ لَن تَرانی دور
تَجلّای رُخیندَن غَشّ اِیدَن مُوسای اَکرَم دور

مُنافق روی زِینَبدَن تَماشا قِیضی نی آلماز
که زُلفی لیلةالقَدر و یُوزی ماهِ مُحرّم دور

پَرِ عُنقای وَحدتدور نِقابِ عارضِ زِینَب
عَلاوه اَهلِ کِثرَت نُورِ باطن دور مُسلّم دور

فَنایَه گِیتسَه عالملَر آچلماز پَردهء زِینَب
وَ یَبقی وَجه رَبّک آیَه سی بُرهانِ مُحکَم دور

بُو زُلفین شَرحی طُولانیدی حَلّ عُقدی مُشکل دور
دالیندا شاهدی وار شاهدی اللهِ اَعلَم دور

او گُون باشین آچوب زِینَب نَه گُوردی نِیزَه باشینده
حُسینین تِل بَه تِل آق سَقّالی قانیلَه پُر نَم دور

قُویُوب یُوز قَتلگاهَه پارَه پارَه نَعشینی تاپدی
گُوروب بیر آز قَباقجا گُوردُوقی اَعضاسی بَر هَم دور

سُواد سُورهء نیورِ هُدا دور آیهء تَطهیر
اؤزی خَط یُوز دالندا ناطقِ قرآنِ اَعظم دور

دُوشُوب چون صَفحهء قرآن یازیلمُوش آیهء قرآن
قَلَم اوُخ قرمزی قانیلَه مَعناسی مُتَرجِم دور

دِیدی قیلّام کَفَن بو جِسمَه زُلف مُشک باریمدَن
اَگر چه مُشک اِیگیندَن زَخمدارین عادَتی رَم دور

وَلی چون زُلفیمی آهیم شَراری یاندیرُوب قارداش
تُوکُوم قُوی سینوَه چون زَخمَه یانمُوش قارَه مَرهَم دور

داغیلمُوش زُلفی تَک نَعشین داغتمُوش نِیزَه و خَنجَر
نَفَس گَلمَز وَلی گُلماقلیقی قانین دَما دَم دور

قُویُوب نَعشُون قُوری یِردَه گِیدور حوّالَرون شامَه
چَکَن بُو هِجر دَردین مَندَن اوُزگه هانسی آدَم دور

حسین آدُون قُویُوبلار خارجی عِلّت بُو دور گُویا
گُوروبلَر حَقّینی خارج اِیچیندَه چوخ مُجَسَّم دور

حسین ئولدی دُوتولدی گُون سالوب زُلفین یُوزَه زِینَب
چخا هَر گُوندَه گر مِین گُون گِینه آفاق مُظَلَم دور

دِلیم یانسُون دِیسَم زِینَب یُوزین اَشرارَه گُوستَردی
مَگر صِدّیقۀ کُبرا قِیزینا شِمر مَحرَم دور

گُورَه بُلمَز جَمالین بُلمِیَن لا یُبصِرون اَهلی
بَصیرَت اَهلینَه قرآنِ حَق سِرّی مُتمّم دور

دُوشَردِی گه یُوزی اوُسته دوراندا زُلفی اؤرتَردی
خیالوندا او حالی سِیر اِیلَه گُور بیر نَه عالَم دور

قُوجاقلُوب نَعشین آغلاردی اؤپَردِی زَخمین اِیگلردِی
دِیردی دور آنام اوُغلی باجین اَحوالی دَر هَم دور

هَدَر گِیتمَز #دخیلین قانی گر چه فی المَثَل سَگ دور
نَه چُون رُوحُ القُدُس اُستادی دور، کَلبِ مُعلّم دور

• سه شنبه
• 7
• شهریور
• 1402
• ساعت
• 23:23
• نوشته شده توسط
• یوسف اکبری

☑️بند اول
یا حسین ای گل زهرا
ای عزیز جان طاها
میدونی هواتو کردم
نظری کن به من آقا

همه ی آرزوم اینه
صحن زیباتو ببینم
بیام وباسینه زنها
توی مرقدت بشینم

(((السلام علیک یا غریب کربوبلا)))

☑️بند دوم
یاحسین دوباره ازشام
گل پرپری رسیده
دوباره یه مرغ عاشق
میگن ازقفس پریده

دوباره به عشق زینب
یه جوونی مبتلا شد
رفت و مثل علی اکبر
براخواهرت فدا شد

دل ازاین دنیابریدو
رو به سوی آسمون کرد
یه مدافع حرم شد
رفت وسربلندمون کرد

(((السلام علیک یا غریب کربوبلا)))

☑️بند سوم
جام عشق این دلاور
شده ازعشق تولبریز
رسیده به آرزوشو
توکفن اومد به تبریز

خوش به حالش که شهادت
شده عاقبت نصیبش
زخمی هم باشه میدونه
توخودت هستی طبیبش

لاله ی پرپر ما که
دل ازاین دنیابریده
خادم حضرت زینب
اسم نوکرت وحیده

(((السلام علیک یا غریب کربوبلا)))

☑️بند چهارم
گینه آمالینه آقا
بیرگل لاله چاتیبدی
حرم زینبه خاطر
بیرجوان قانه باتیبدی

دیلده ذکریاحسین جان
بویانیب قانه گلیبدی
قانلی پیکری کفنده
آقا ایرانه گلیبدی

تیر محنت وبلایا
هامی دیللری اویوبدی
بالان اکبرین مثالی
آناسین ملر قویوبدی..

(((السلام علیک یا غریب کربوبلا)))

☑️بند پنجم
یا حسین کل بو عالم
او گوزل آدیوا قربان
بو شهید پر شکسته
تازه دامادیوا قربان

بو جوان اُولدی حسین جان
پیرو راه ولایت
اذن آلیب سید علی دن
میل ائدیب شَهد شهادت

آقا جان ملت ایران
سایه ی ظلم ده یاتماز
نقدر دیلده توان وار
شهدانین قانی باتماز

(((السلام علیک یا غریب کربوبلا)))

• یکشنبه
• 19
• شهریور
• 1402
• ساعت
• 14:35
• نوشته شده توسط
• یوسف اکبری

☑️ بند اول

آسمون داره غوغا امشب
جشن میلاده هر جا امشب

بارون عاشقی میباره
اومده عشق زهرا امشب

درخت گیتی ثمر آورده
عزیز طاها پسر آورده

? اباعبدالله / اباعبدالله / اباعبدالله / اباعبدالله

☑️ بند دوم

باز ملائک گلاب آوردن
بیت زهرا رو ماوا کردن

میزنن بوسه بر پای حسین
دور گهواره اش میگردن

سرود شادی میخونن امشب
حسین آقامه نوای هر لب

? اباعبدالله / اباعبدالله / اباعبدالله / اباعبدالله

☑️ بند سوم

گوهر بحر عزت گلدی
باغ عشقه طراوت گلدی

گوزلرین آچدی اربابیم حسین
سید اهل جنت گلدی

مه و مهتابیم شراب نابیم
غزل خوان اولدوم گلیب اربابیم

? اباعبدالله / اباعبدالله / اباعبدالله / اباعبدالله

☑️ بند چهارم

گوزی آیدان گوزل ، زیبادی
بو گلن نو گل زهرادی

وحی اولوندی رسول حقه
بو بالانین حسین دور آدی

آچیب گلشنده گل بی همتا
جهانه گلدی عزیز زهرا

? اباعبدالله / اباعبدالله / اباعبدالله / اباعبدالله(ع)

• پنج شنبه
• 23
• شهریور
• 1402
• ساعت
• 00:44
• نوشته شده توسط
• یوسف اکبری

ودود آذرین خلخال

#فارسی

آمد ماه عشق و ماه محرم
قلب محبان شد آماج ماتم

شد سینه ها غرق غم و اندوه و افغان
ماه عزا آمد شده دل ها پریشان

شد دیده گریان
مظلوم حسین جان
ای شاه عطشان
مظلوم حسین جان

شد در چمن نالان مرغ غزلخوان
درگلشن هستی شد غنچه گریان

بلبل کند ناله به دشت و کوه و صحرا
شد ماه ماتم و عزا آه و واویلا

شد دیده گریان
مظلوم حسین جان
ای شاه عطشان
مظلوم حسین جان

آمد به دشت غم میر شهیدان
زد خیمه غم را در آن بیابان

شد کربلا رنگین به خون آل طاها
غرق عزا شد حیدر و طاها و زهرا

شد دیده گریان
مظلوم حسین جان
ای شاه عطشان
مظلوم حسین جان

#ترکی

قلب محبانه غم گلدی الله
فصل عزا و ماتم گلدی الله

• دوشنبه
• 5
• شهریور
• 1397
• ساعت
• 00:58
• نوشته شده توسط
• علی ببیرپور

قلم ایستور یازا اعیاد مه شعبانی
بیر به بیرثبت ایده دفترده اولان جریانی

آچیلوب صحنه ده گوللر یتیشوب فصل بهار
بلبلون نغمه سی مسرور ایلیور انسانی

نچه مولوده گوره گور نه شرفلندی بوآی
حق ایدوبدی نچه مولودی بیزه ارزانی

دیه بیلم که بو آی اون بیرآیا فخرایلیور
بو آیون یمنینه باخ شاد ایلیوب زهرانی

غنچه لر باغ رسالتده شکوفا اولدی
گول آچوب باغ نبی اولدی خزان پایانی

دیل آچوب مرغ سحرتهنیته شوره گلوب
بلبل آوازه گلوب شاد ایلیوب گلبانی

صبح صادق آچیلوب اسدی گلستانه نسیم
نکهت گلشن زهرا بوریوب دنیانی

قوی دیوم آدلارینی فخریله من اهل دیله
گتورر شوره بو گون شیعه با ایمانی

بیری زهرایه اوغولدور بیری ایستکلی نو

• چهارشنبه
• 21
• فروردین
• 1398
• ساعت
• 16:25
• نوشته شده توسط
• ابوالفضل عابدی پور

آغلار گوزوم پیمان عشقه قربان
یانمیش دلیم سلطان عشقه قربان
.
دل دولی موج غم
الده قاره علم
.
پیمان عشقی ساخلار حسینچی
مظلوم حسینه آغلار حسینچی
.
.
.
.
عاشقلره جان یاحسین حسیندی
توفیق جانان یاحسین حسیندی
مبنای ایمان یاحسین حسیندی
معنای قرآن یاحسین حسیندی
.
دل دولی موج غم
الده ...
.
.
.
.
گلواژۀ عشق و شرف حسیندی
آئین و ایمان و هدف حسیندی
دلبند سلطان نجف حسیندی
قرآن یولونداجان بکف حسیندی
.
دل دولی موج غم
الده ...

• سه شنبه
• 16
• اردیبهشت
• 1399
• ساعت
• 11:32
• نوشته شده توسط
• ابوالفضل عابدی پور

فارسی

به کوی صفا جانانه آمد
به شمع وفا پروانه آمد
یعنی که دلدار آمده

شده شاهد فرزانه پیدا
معطر ازاو دامان گلها
رونق به گلزار آمده

میلادمولا آمده
دلدار زیبا آمده

اوساقی سرمست مستان من ساکن میخانه هستم
اوساغر معنا به کف، من محتاج یک پیمانه هستم.

رسیده ز ره روح پردگیان
به پرتو رخ همچو مهرعیان

میلاد مولا آمده
دلدار زیبا آمده

ترکی

مبارک اولا جانانه گلدی
چراغ حقه پروانه گلدی
یعنی گل زهرا آچوب

شمیمی گلوب عطرآلدی گللر
آلوبدی اونی آغوشه حیدر
تا گوز او مه سیما آچوب

گویدن یره بوسس گلر
اولسون مبارک شیعه لر

جام ولادن مست مستم دنیانی گوزدن آتمیشام من
بیرساغره خاطر لباس زهد وریانی ساتمیشام من

گوی

• پنج شنبه
• 29
• فروردین
• 1398
• ساعت
• 10:34
• نوشته شده توسط
• ابوالفضل عابدی پور

باجی بوچولدی منیم قانیمه باتان یریم
دیار کرب و بلا مقصده چاتان یریم
.
محنتیم عالمی یاندیرار یاخار باجی
قانیمیز سو کیمی چوللره آخارباجی
.
.
.
بلالره توش اولار کربلاده بو باشیم
شهید اولار ائللریم،اوغلومیلا قارداشیم
آخار عذاره مدام گوزلریمده قان یاشیم
جنازَم اوسته منیم دشمن آت چاپان یریم
.
محنتیم عالمی یاندیرار یاخار باجی
قانیمیز سوکیمی چوللره آخار باجی
.
.
.
باجی بو چولده گرک،مال و جانیدن گیچم
رضای حقه گوره،خانمانیدن گیچم
قالا دیری دین حق زندگانیدن گیچم
بو چولدی آری منیم، یاریمه چاتان یریم
.
محنتیم عالمی یاندیرار یاخار باجی
قانیمیز سوکیمی چوللره آخار باجی
.
.
.
بو چولده شبه نبی اکبریم شهید اولار

• سه شنبه
• 1
• مرداد
• 1398
• ساعت
• 11:47
• نوشته شده توسط
• ابوالفضل عابدی پور

سس دوشدی عالمینه روح بقا یخلدی
گودالِ قتلگاهه عرشِ خدا یخلدی

اوخ دگدی سینه سیندن،تا مرکب اوسته شاهین
ایوای ننه لبینده شاه وِلا یخلدی

امر ایلدی بیر عاشق،یازسون «فقیرخویی»
خامه الینده تیترر ذات وفا یخلدی

زینب حسینی گورجک،اوخلار سالوب نه حاله
پیکر سراسر اوخدی،لبلر یارا، یخلدی

اوخ اوسته اوخ دزلموش،داش اوسته داش قالانموش
شمشیر و کعب و نیزه، باشدا جُدا یخلدی

• پنج شنبه
• 30
• بهمن
• 1399
• ساعت
• 23:04
• نوشته شده توسط
• یوسف اکبری

دلم قرصه تو قلبم چون تو رو دارم
با اینکه من برای تو ی. سربارم
آقا جونم

عجب حالی به من دس داده تو حرم
من ایستادم مقابل با شهِ کرم
آقا جونم

آقا مرغ دلم شد جلد بام تو
نشه از بنده کم لطفِ مدامِ تو
آقا جونم

منم اونکه همیشه یاحسین میگه
تو خواب میبینه سمتِ کربلا میره
آقاجونم

منم اونکه پناهی جز تو نداره
به پیشِ تو همه درداشو میاره
آقا جونم

منم اونکه به حرم روسیاه اومد
تویی اونکه به سینَم دست رد نزد
آقا جونم

پشیمون از خطا هستم گرفتارم
ولی غصه ندارم چون تو رو دارم
آقا جونم

بو زائردن سنه آقا سلام السون
سنون سایون باشیم اوسته مدام السون
آقام آقام

منی شرمنده اتون مهربان آقا
منه سن یر وروبسن بوردا ج

• چهارشنبه
• 20
• شهریور
• 1398
• ساعت
• 12:06
• نوشته شده توسط
• ابوالفضل عابدی پور

ای شه با کرامت عصاره ی ولایت
جشن تولدوندی ایله بیزه عنایت

حسین جانم / ای آدی هر درده دوا
حسین جانم / شیعه لرون سنه فدا

حسین جانم

مدینه اولدی رضوان عالم اولوب چراغان
قدم جهانه قویدی سن کیمی شاه خوبان

عالمه مفخر گلوب رحمت داور گلوب
ای اهل عالم بولون وارث حیدرگلوب

سرور و سلطان‌گلوب دردلره درمان گلوب
دردی اولانلار گلون طبیب دوران گلوب

شافع عقبادی بو عالمه مولادی بو
هامی شانی بیر یانا زاده ی زهرادی بو

• یکشنبه
• 1
• فروردین
• 1400
• ساعت
• 19:03
• نوشته شده توسط
• یوسف اکبری

ای حریم درگهون، درگاه رحمت یاحسین

کیم غلام اولدی قاپوندا تاپدی عزت یاحسین

اوزگه بیر درگاهه یوز قویماز بو درگه بنده سی

چون بو درگه دور، ویرن هر روحه لذت یاحسین

نه بهشته طالبم، نه سلسبیله مایلم

خاک کویون دور منه گلزار جنت یاحسین

جنتیم باغیم گلستانیم گلیم سن سن منیم

گلشن عمروم تاپار سنله طراوت یاحسین

قویموشام یوز درگه الطافیوه، چون واقفم

ناامید اولماز قاپوندان اهل حاجت یاحسین

سویله سن بیر دفعه عالمده غلامیم سن منیم

هر ایکی دنیا منه ایلر کفایت یاحسین

هر کیمون بیر عشقه وار عالمده عشق و الفتی

توتموشام منده سنون عشقینله الفت یاحسین

حمدالله منصب خادملق اعطا ائدمیسن

یوخ سلاطین جهاندا بیله رتبت یاحسین

آستانیندا قبول ایتدون منی خادملقا

شامل اولدی بندیه بو فیض دولت یاحسین

هر باشا تاج جنون اولماز برازنده بلی

منصب مجنونلقا ایستر لیاقت یاحسین

نسبت دیوانه لوق گر ویرسه جاهل لر منه

عاشقه عین سعادت دور بو نسبت یا حسین

مرحبا اقبالیمه چاتدیم عجب آمالیمه

اولدی لطفون بندیه عالمده قسمت یاحسین

اهل عشرت قوی ایده سیر گل و گلگشت باغ

بندیه ایلر کفایت بزم هئیت یاحسین

سن او مولاسن قاپوندان کیمسه نومید اولمیوب

ساربانیندا گوروب سندن کرامت یاحسین

• چهارشنبه
• 21
• آبان
• 1399
• ساعت
• 12:52
• نوشته شده توسط
• یوسف اکبری

کیمدی حسین ساقی اطهر سرشت

کیمدی حسین باشدان ایاقه بهشت

کیمــدی حسین معنی جود و سخا

معــرفت و رحــــمتی بـــــی انتها

کیمـــدی حسیـن کان حیا و ادب

کیمدی حسیـن خلقت خلقه سبب

کیمدی حسیـــن سالک مهر و وفا

شافــع و هــــم مالک یــــوم جزا

کیمــدی حسین اگمدی باش ذلّته

جان اولا قــــربان بیــــله شخصیته

کیمدی حســین شیعه لره نور عین

شمـــــس هُدا ، تـــاج سر عالمین

کیمــــدی حسین معرفتین استادی

بزم عـــــزانون دوزودی هم دادی

کیمدی حسین مسکنی عرش خدا

جنت الاعــــلایه ویــروبدور صفا

جاهِ سلیمــــان ندی ، جاهی اوجا

حاتم اولوبــدور بیله شخصه گـدا

کیمدی حسین مست ایلیوب عالمی

عــــرش معـــلّاده اسور پـرچمی

کیمدی حسین معـنی صوم و صلاه

قاننی حق یولـــدا ویروبدور زکات

کیمدی حسیــن عالمی حیران ایدن

دار و نــــدارین حَقَــــه قربان ایدن

کیمدی حسین عالم اونون محتاجی

هیچ کیم حسینسیز اولا بیلمز حاجی

کیمدی حسین عشقی قلوبه دولوب

غملی آدی سینمــیزه حک اولوب

کیمدی حســـــین غیــرتینه مرحبا

حیـــــدری شخــــصیتنه مـــرحبا

کیمدی حسیــن قمچیلره ناز ایدن

حقّه گوره اوخــلاری پیشواز ایدن

کیمدی ایدوب حق یولونی انتخاب

کـــــرب و بلاده ایلیــــدی انقلاب

کیمدی حسین بیزدن او شاهه سلام

عشق فقــــط عشــق حسین والسلام

کیمــدی حســـــین رهبر احبابیدی

شیـــعه لرون دیللــــــرینون تابیدی

کیمدی حســــین زینبینون همدمی

شهرتی دوتــموش هر ایکی عالمی

کیمدی حسین غیرته عزت ویروب

شیعـــــه لره آدی شـرافت ویـروب

کیمدی حسین ایلــــدی قانـلی قیام

شهدی حسین بیزدن او شاهــه سلام

خلقه حسین درس شهادت ویـروب

دینیمیــــزه قانی طـــراوت ویـروب

کیمدی حسیــــــن رهبر عالی تبـار

پاک آدی دیـــللرده اولوبدور شعار

کیمدی حسین حق دین و بت شکن

حیـــــدر تک سوز بیلن و سر سخن

کیمدی حسین عشقـی اولوب پایدار

کیمدی حســــــین باشدان ایاقه وقار

بیلــــه شـــــهه ظلـم ایلـدی قوم شر

یاز قلمـــــیم ایلـــــسون آقـــــا نظر

چک سوزیوی کرب و بــــلا دشتینه

قیز لار ایــــــدن آه و نـــــوا دشتینه

صاحب بـیــر بیـــــله جلالت حسین

پیکری تاپموشـــدی جراحت حسین

تک دایانــــــوب کفره مقابل باخور

یاره لریــــــندن یــــــره قانی آخور

قانــــــلی عبایـــــه بیچیلوب اکبری

قطعه به قطـــعه اولـــــونوب پیکری

اللرینـــون اوســـــته اولوب اصغری

قوش کیمــی جان ویردی اونیلوفری

گه یادینـــــا دوشـــدی علم پروری

سسلدی قـــــارداشینـــی سرلشگری

قوم عـــــدو دوره سینـــــی آلدیلار

آتدان او مــــــــولانی یره سالدیلار

لشگر اعـــــــدا دایــــانوب یان یانا

سسلدیلر حـــــــرمله نــــــی میدانا

گلدی نه گلــماخ غضب و خشمیلن

الده اوخی توک یاشــیوی سوز بیلن

اوخ نجه اوخ زهــریله مسموم اولوب

شاهیمزه بــاخ نجـــــه مظلوم اولوب

ویر قولاقــــــون آغلا بیله بیر سوزه

مثلـــــینی ووردی او دنی بـیر گوزه

اولی اوخ یخــــــدی گـوزل افسری

اول بیریســـی پارچـــالیوب اصغری

قویدی کمــــانه او قالان بیر اوخون

نچه قدم گلـــــــدی حسیـنه یاخون

سینه ی مـــــولانی دوتوبدور هدف

قلبیده وار نخـــــوتی اول بـی شرف

ووردی اوخـــــــون سینه ی ثاراللهه

چالدیلار ال حــــــرملــــه ی ابلهه

دگجگین اوخ قلــــب پر از گـلشنه

آه چکــــــوب سسلدی یانـدیم ننه

گل آنا یا فاطمــــــه بــــاخ عدوانا

درک ایــلدیم اوندا نه چکدون آنا

سینـــــوی گـــــر یارلیوب میخ در

سوکــــــدی منیم سینمی تیر سه پر

گور بیــــــــله اوخ اصغریمه نیلدی

محســـــــنه تای ، دلــــبریمه نیلدی

تشنه لیگیم دای بو اورکدن چیخوب

اوچ پر اوخا باخ بو کورکدن چخوب

دادیمه گــــــــل یوخ کمیگیمه گلن

قبلیه یوخــــــــدور یوزومی دوندرن

شیعـــه دن اوتری ویرورم جان ننه

شیعیه خاطــــــــر ویرورم قان ننه

کیم گله دوز بو یـــولا پاینده دی

کیم اگه بــاش ظالمه شرمنده دی

شوق شهـــــادت واریدی (پوریا)

ایله قـــــبول حـــــاجتینی بی ریا

• چهارشنبه
• 21
• آبان
• 1399
• ساعت
• 13:20
• نوشته شده توسط
• یوسف اکبری

حسین ای مظهر عزت سراپا عزت و شوکت

حسین ای آیت رحمت وجودون علت خلقت

سن ای تندیس رحمانی نمودٍ رحمت مطلق

جلال کبریائی دن اولان ای جلوه سی مشتق

جمادات و نباداته یئر اوسته حجت بر حق

اولوبسان آب و آتش خاک و باده سن ولی نعمت

اولان ای آفرینش دن غرض خلاق یکتایه

خدا زینت وروب سنله هامی دنیا و عقبایه

حقیقی شاخ طوباسن که سالدون عالمه سایه

بو ظل رحمته طوبی اولان ای مصدر رحمت

سن ای برج جلالتده فروغ نیر تابان

سن ای چرخ ولایتده ولّی حضرت جانان

بو شان و عزت و جاهه قالوبدر انبیا حیران

آپاردون گوی همتله بو میدان ایچره سن سبقت

قلم عاجزدی وصفونده سنون چون سر کاف و نون

جلالون وصف ایده بالله اولوبدور عقل لر مجنون

کنایتده تناسب یوخ حدود لفظدن بیرون

اودور آخر تاپوب یکسر سخنورلر دیلی لکنت

سریر فخر و عزتده شه ناسوتیان سنسن

امام و مقتدای بر حق لاهوتیان سنسن

نماز عشقده قبله گه کروبیان سنسن

اولار مقبول درگاه خدا سن ایلین طاعت

سن ای مشکاه نورانی زجاج آسمان آسا

جمالون کوکب درّی چو مصباح فلک پیما

نه شرقی سن نه غربی سن هدایت نوری سن گویا

اولوبدور عالم هستی حسینیم محو بو طلعت

مقامون درکی دنیاده فراسوی خیال اولموش

بو اجلالی خدا ورموش که فوق هر جلال اولموش

کلیم دهر توصیف کمالاتوندا لال اولموش

ایده هر کس سنی تعریف ایدوب اوز قدریجه صحبت

باجون زینب بو وصفونده حصار لفظده محصور

سنون وصفونده الفاظه ایده تکیه اولوب مجبور

ایده تعریف توصیفون دیور بیر کیمسیه مقدور

دیوب بیر قطره دریادن ایدوب هر کیمسنه همت

اولان ای شاخه طوبی جهاندا سایه پروردون

گتورموش سنگ خارانی غم و اندوهه بو دردون

سالوبدور حیرته قارداش جهان اهلین عمل کردون

کسوبلر باشوی تشنه ایدوبلر گوینگون غارت

رحیق و کوثر و تسنیم لب عطشانیوه تشنه

فرات و دجله و کارون لب خندانوه تشنه

اولوبدور گرگ بو صحرا اگرچه قانوه تشنه

بو چلده شمر بی پروا باجوندان سلب ایدوب طاقت

محیط کربلا یکسر نشاندور ربّ العزتدن

بو خلوتگاه وحدتده خبر یوخدور منیتدن

دونن بیر سجده قان ایچره ایدوبسن سن او ساعتدن

بو قانلی قتلگاه ایچره تاپوب معنی عبودیت

اولان ای رتبه اعلایه لطف حقدن دارا

خداوند جهان آرا ایدوب ممتاز و بی همتا

یماق توپراقی عصیاندور ولو کیم تربت طاها

ولی یمن وجودوندان شفادور قانلی بو تربت

اگرچه چرخ ایدوب دلخون مصیبتدن بو نالانی

گلایه ایتمرم قارداش ره جاناندا بیر آنی

تجلی ایلوری گوزده فقط الطاف سبحانی

اودور کیم زینبین صبری ایدر صبری بوگون خجلت

دم جان بخش و پر فیض مسیح آسای زینبدن

امیدیم وار (فغانی) نه نماز نیمه شبدن

ولایت سیز امید اومما داخی العفو و یا ربدن

رضای حقیله مقرون اولوبدور حبّ بو عترت

• چهارشنبه
• 21
• آبان
• 1399
• ساعت
• 13:25
• نوشته شده توسط
• یوسف اکبری

یاحسین سائلوی سَربه گریبان ایلمه
منی بیگانه لره دست بدامان ایلمه

دردعشقونله منیم الفت دیرینه واریم
آلما بونعمتی مندن اونا درمان ایلمه

وارمحـبّت نظرون بندۀ مجنونه اگر
سُفرۀ نَفسیمون آذوقه سین الوان ایلمه

قدمیم لنگه دوشوب کوی ارادتده اگر
شامل رأفت ایله، قَهریله دیوان ایلمه

قاپوون بندۀ شیدا ونظر کرده سینی
خان وخاقان اوتوران سفریه مهمان ایلمه

سنون عشقوندی منه شمع شبستان حیات
خیمۀ عمریمی کم نور و پریشان ایلمه

• شنبه
• 7
• فروردین
• 1400
• ساعت
• 12:12
• نوشته شده توسط
• یوسف اکبری

ای شاه کرم،ایسته تا گلم ،کربلا (یاحسین2بار)
وار قورخوم ئولم، گلمیم حرم،یا مولا (یاحسین2بار)
آچیلوب باب کرم،هامی گئدیری حرم،من قالدیم ایندی آقا ،بیر دنیا اورکده غم
قالدی دیلده حسرتیم،هاچان اولا نوبتیم،اولاجاقدی قسمتیم، (کرب وبلا)
یا مولا .....

ای خون خدا ،آدوا فدا،ای شه عالمین( یا حسین 2بار)
قیل درده دوا،ائله سن عطا،بیر بین الحرمین(یاحسین 2 بار)
سنسن گوهره نایابیم،گویده گوزل مهتابیم،بولمینلرده بولسون ،حسیندی تک اربابیم
سنسن نور نیرین ،ذکر کل عالمین،صلی الله علی الباکین علی الحسین
یا مولا .....

• شنبه
• 7
• فروردین
• 1400
• ساعت
• 20:28
• نوشته شده توسط
• یوسف اکبری

یاحسین آیت حُسنون ایکی دنیایه دیر
نظر مرحمتون جنت الاعلایه دیر

دولت عشقیوی دنیایه ساتانلار نه بیلور
عشقیوین دولتی مین دولت دنیایه دیر

ای شهادت باغینون سرو چمن آراسی
قامتون سایه سی مین سایۀ طوبایه دیر

شمع حُسنونله ایشیقلاندی شبستان ولا
جلوۀ شمع رخون، مین گونه، مین آیه دیر

عشقدن سجده ایدر درگهیوه روح و ملک
آستان حرمین، گُنبد مینایه دیر

قبریوین نوری کلیم اللّهی مبهوت ایلر
کربلا، شأنیده مین سینۀ سینایه دیر

ای اولان حُسنینه مین یوسف کنعان مفتون
مصرعین، مصر ندور؟ عرش معلایه دیر

نیلورم زاهدین اولسون مئی گلفام بهشت
وصلووین باده سی جنّتده کی صهبایه دیر

قاپووین سائلی نین شأن و جلال و شرفی
دولت قیصر و اسکندر و دارایه دیر

اوغلوون معجز شقّ القمری فرقنده
عالم عشقده مین معجز عیسایه دیر

هاشمی خال یوزونده، ایکی دنیانی آلار
زلفونون بیر تلی دنیائیله عقبایه دیر

سو کنارینده یاتان قارداشیوین بیر جوت الی
وقعۀ حشرده مین لر ید بیضایه دیر

آلتی آیلیق بالاکی سینه وین اوستونده یاتوب
پایه سی پایه ده مین پایۀ موسایه دیر

درگهونده قوجا دربانیوین آرامگهی
شأنده قدس داکی مسجدالاقصایه دیر

او شهیدلر که یولوندا سنون ایثار ایلیوب
هر بیری عشقده مین عاشق شیدایه دیر

شیعه نین واردی سنون تک ایکی دنیا آقاسی
که اونون رحمت و لطفی هامی مولایه دیر

عالم عشقده شبخیز ، حسینون عشقی
عاقل اول، درک ایله هر عشق و تمنایه دیر

• سه شنبه
• 11
• آذر
• 1399
• ساعت
• 23:09
• نوشته شده توسط
• یوسف اکبری

کعبه استاریندن ای دامانی اقدس یاحسین
سن شهادت رختینه اولدون ملبس یاحسین

دین و قرآنه گوره طاغوته چون باش اگمدون
تشنه ذبح اولدی باشون اولدون مقدس یاحسین

ایتدیلر آت دیرناقیندا قطعه قطعه نعشیوی
کوفیان بی حیا چون فوج کرکس یاحسین

نیزه اوستین منبر ائتدون ذبح اولونموش باشوه
گورمیوب گورمز نظیرین چرخ اطلس یاحسین

سری وار ائتدون تلاوت نیزه ده کهف آیه سین
مطلقا بیلمز بو رمز و رازی هرکس یاحسین

کهفین اصحابی سنون اعجازیوه مبهوت اولوب
انبیا معناده قوشدی لحنیوه سس یاحسین

حیف اولا بیر داش او قانلی باشی سالدی نطقدن
کسدی صوت کبریانی قوم ناکس یاحسین

هانسی باش نوک جداده ایلیوب معراج عشق
ایندیده حیراندی گردون مقرنس یاحسین

ایلدی تفسیر سیرون قاب قوسین آیه سین
سر معراج عالمه اولدی مشخص یاحسین

ناخدای فلک رحمتسن کرم دریاسینه
موج الطافونده " زعفر" خاریلن خس یاحسین

• شنبه
• 15
• آذر
• 1399
• ساعت
• 22:50
• نوشته شده توسط
• یوسف اکبری

سنه ایئلـردی آقا آغلامیشام
غملرونده سینمی داغلامیشام

هر مکا ندا ورولوب قاره علم
اوعزاخانه ده یاس ساخلامیشام

یـا حسین ایله نظـر نوکروه
خوان عشقونده نمک پروروه

سسلدوقجا سنی باشیم اوجالوب
گون به گون شان و مقاميم چوخالوب

بـاخ منيم حاليمه ايندي آقا جان
نوکرون دوشموش ایاقدان قوجالوب

يـا حسين ايله نظـر نوكروه
خوان عشقونده نمك پروروه

دیل آچاندان آدوی سسلمیشم
عشقیلن دیلده حسین وای دیمیشم

سنه خاطـر آقا جان ديل يارالي
آغليوب قلبيمي قـان ايلميشم

يـا حسين ايله نظـر نوكروه
خوان عشقونده نمك پروروه

گوزل آدون منیچون عزّت اولوب
اگنیمه رخت عزا زینت اولوب

بيلميشم چون سنه نوكر اوزومي
بو گوزل رتبه منه قيمت اولوب

يـا حسين ايله نظـر نوكروه
خوان عشقونده نمك پروروه

آنـدّ وئـرم سني اوز دلبـروه
گـوزل عبـّاس علـم پـروروه

اوخ دگن مشگينه قانلي گوزينه
سوئي شرمنـده ايـدن افسروه

يـا حسين ايله نظره نوكروه
خوان عشقونده نمك پروروه

سني ويـرم قسم اُول اصغروه
آلتي آيليق صود امـر ياوروه

بوغازيندان دگن اوخ ياره سينه
تشنه لب غنچه گول پرپروه

يـا حسين ايله نظـر نوكروه
خوان عشقونده نمك پروروه

اولـوب آخـونـدي غلاموه غلام
فخر ايدور بو گوزل عنوان مُدام

سويليور من كيمي آغلار گوزيلن
بو سوزي ديل يارالي صبحله شام

يـا حسين ايله نظـر نوكروه
خوان عشقونده نمك پروروه

• دوشنبه
• 17
• آذر
• 1399
• ساعت
• 22:04
• نوشته شده توسط
• یوسف اکبری

حسين حسين دئين گرگ حسين كيمين صديق اولا
طريـق زنـدگانيده حسين كيمين دقيق اولا
حسينه يـار اولانـلارا محا فـل حسينـيـده
ادب هميشه گـوزليه وفـالي بير رفيق اولا

حسين حسين دئين گرگ سوزونده پـايـداراولا
مـجـالس حسينيـده متيـن و بــا وقــار اولا
مثـال عنـدليبـي لـرحسينـه نـوحه بـا شليا
غـم فــراق يـاريـدن اوركـدن اشكبـار اولا

حسين حسين دئين گرگ شريف اولا اديب اولا
هميشـه هـر مـكا نيـده مــودب و نـجيب اولا
هـايـانـدا گـورسه بير نفردچار اولوب مصيبتـه
گـرگـدور اللرين دوتا اوشخصيچون حبيب اولا

حسين حسين دئين گرگ حسينه با وفا اولا
حسـين دئـين مسا ئله اوركـدن آشنـا اولا
يـول اورگـده جماعتـه مـراميلن يـورولميا
دوز اگلشوب دوز آغليا عـزاده بـي ريـا اولا

حسين حسين دئين گرگ جها ندا بي نظيراولا
سخي اولا اديـب اولا حسينه دوز سفير اولا
حسيني ايستيـن لـره همـيشه ايليـه مدد
حسين كيمين زما نده كريـم و دستگير اولا

حسين حسين دئين گرگ حسين كيمين شكيب اولا
عزيـز گـردگار اولا نـگـارينـه حبيــب اولا
اراذ لـه ستمگره بـاش ا گميـه زمـا نــده
حسين كيمين بو دهريده سخي ومستجيب اولا

حسين حسين دئين گرگ حسينه افتخار اولا
هميشه دار فـا نيده يـالان چيدان نـزار اولا
ايشيتسه هـر مكا نيده صداي غيبت و يالان
گرگ دورا ايا قه تـز او بـزميدن كنار اولا

حسين حسين دئين گرگ گنا هيدن بري اولا
شعـار شـاه تشنـه لـب هميشه از بري اولا
گـرگدي د قّـت ايليه حسينون ا نـقلا بينه
شهيد حق گيدن يـولا جها نـدا مشتري اولا

حسين حسين دئين گرگ حسين كيمين رشيداولا
او دلبـر يگـا نيـه جهـا نـدا دوز مـريـد اولا
عمل ایـده آقا سینون گوزل گوزل اوآ مرین
جزا گونونده شاه دين يانيندا رو سفيد اولا

حسین حسین دئین گرگ آخوندی مبتلا اولا
اسیر عشق یار اولا انیس هر بلا اولا
غم نگاریدن اوزه روان ایده سرشگینی
که تاری شاید ایستیه مزاری کربلا اول

• پنج شنبه
• 20
• آذر
• 1399
• ساعت
• 00:29
• نوشته شده توسط
• یوسف اکبری

مات اولوب غملی خبردن بو دل مخموریمیز
بیر مصیبتلی خبردی مقصد و منظوریمیز
آیریلوبدور جمعیمیزدن با ادب منصوریمیز
قالدی دیللرده ئوزی هم سینه لرده سوزلری
گوزلرون یومدی بو عاشق قویدی آغلار گوزلری

مکتب ناب حسینه پاک بیر مداحیدی
آسمان عشقده منصوری زیبا ماهیدی
دلبر دلخواهینه از بس که خاطرخواهیدی
عمرونی وقف ایلدی مولا حسینون بابینه
روحی مهمان گیتدی آخر بی کفن اربابینه

شیعه لر مشتاقیدی منصورینون انفاسینه
اگنینه قاره گیوب گئتدی جوادون یاسینه
ایلیه عرض ادب بلکه جوان مولاسینه
سینه سی سینای ایمان و حریم قلبی صاف
کعبه مقصودینی ائتدی شعوریله طواف

حضرت حقون آلوب سعی و صفاسیندن جواب
حاجیِ عشقون اولوب حج و طوافی مستجاب
خادم آل عبانون حجی اولدی ، حج ناب
دعوت ائتدی با صفا مداحی زهرا دلبری
حیف اولا غربتده جان وئردی حسینون نوکری

پایگاه حفظ و نشر آثار عباسی معروفان اهری

• سه شنبه
• 25
• آذر
• 1399
• ساعت
• 20:27
• نوشته شده توسط
• یوسف اکبری

ذکر ایله حسین آدینی هر درده دوادی
زیبا آدی تک تپراقیدا خاک شفادی

بیلمم بو حسینین آدینین حکمت و سرّین
هر دل بو آدی ذکر ائدوری غرق بکادی

آدم بو آدا آغلادی ،خاتمده ،ملکده
وار رازی بو حزنین اودی که سرّ خفادی

گر حبّ حسین اولماسا هر دلده،او گیلدی
گیلدنده او دل رتبه ده بی قدر و بهادی

نوح ائتدیگی اندازه بیری عمر ائده حتی
بی عشق حسین اولسا اونین عمری فنادی

هر دلده حسینه اولا گر مهر و ارادت
شک ائتمه طواف ایلگیلن کعبه اورادی

عشقیله وضو ایله دولان عالم عشقی
عشاقه فقط رمز بقا عشق ولادی

ورد ایله حسین آدینی آچ چشم بصیرت
باخ کرب و بلا دشتینه بزم عرفادی

ویزا و گذرنامه سیز اول قلبیده زائر
مین توسن عشق اوستینه تأخیر خطادی

اندوهیله ترسیم ائله دلده او دیاری
گوزیاشیله یاز دشت بلا رشگ سمادی

الله قانیدی چون وئرن اول دشته شرافت
افضلدی او یر کعبه دن ارزشده طلادی

بین الحرمین وصل ائدوری کعبه نی عرشه
تشبیهیمه باخ گور نه گوزلدور نه بجادی

عباس حرمی کعبه دی دورت گوشه سی واردی
شش گوشه مزاری آقامین عرش خدادی

وار حکمتی عباس مزاری دوشوب آیری
بو فاصله دلداده لره سعی و صفا دی

آند اولسون او گوداله آخان قرمزی قانه
دل کعبه سی عشق حاجیسینه کرب بلادی

مین کعبه دن افضلدی بو گودال طوافی
قربان اولوم اول قبره که حج فقرادی

گوزیاشیمی جاری ائلدی واژه ی گودال
تار اولدی گوزیمده گونوزیم لیل دجادی

گودالی ائدن وقتیده ذهنیمده تجسم
گوزیاشیم اگر قان اولا واللّهی سزادی

گودال نه گودالیدی ظاهرده چوخور یر
باطنده وفا مسلخیدور کوه منادی

یوخ ،کوه منادنده بو یر رتبه ده باشدی
اعظمدی ذبیحی بورانین فخر کسادی

توصیفینه الکندی دیلیم شرحینه عاجز
طوفانلیدی میقات بلا غملی فضادی

حلقومی کسه نیزه ائدوب خنجره سبقت
ذبح ائتگمه قربانلیقی ابزار جدادی

حنجردن اوپور نیزه اورک باشینی پیکان
سینه سوکولوبدی کورگ اوچ سمته یارادی

بیر اوخ که اورکدن دگوب هم چیخسا کورکدن
فواره لنوب قان سپیله عرشه روادی

مقتلده نمایان اولور آثار جنایت
گوداله باخان ذجّه چکور غرق نوادی

بیر یاندا یاتوب بیر یارالی قانین ایچینده
بیر سمتده قاتل دولانور فکری جفادی

طاهاده گلوب مقتله زهراده گلوبدی
حیدر ده حسن ده دیه سن حشر به پادی

بیر کیمسه دئمور شمره او ماواده کنار اول
بو جمع فقط انجمن آل عبادی

بسدور داخی ختم ایلگیلن مطلبی«زعفر»
بیر جمله ده یاز کرب و بلا کرب و بلادی

• جمعه
• 28
• آذر
• 1399
• ساعت
• 20:59
• نوشته شده توسط
• یوسف اکبری

آخر دقایقینده ذبیح منای دوست
ائتدی بقادن اوتری وجودین فنای دوست

قویدی حضوریاریده یاره ئوزین یره
بودئللریله ایلدی حمدوثنای دوست

یارب نوید وصلوی دنیایه وئرمرم
بولحظه حضوروی مین ایه وئرمرم

سنسیز وجوده عالم امکانی نیلورم
دل عشقون اوسته آیری دلارایه وئرمرم

قان پرده سی دوتوب گوزومی چشم دل باخور
دلده سنوندی اوزگه تمنایه وئرمرم

وقاسین اوغلی فکرائدیراوزکامینه چاتوب
اماامان اوبی سروبی پایه وئرمرم

بیعتدن اوتری دوغراسالاربندبندیمی
ال دشمنان مکتب طاهایه وئرمرم

دل وئرمیشم ازلده سنه باشدان ال چکم
باش گتمسه اوزعهدیمی ایفایه ورمرم

سوزدی سوزم سوزومده وارام آخره کیمی
تسلیم قولی لشکرادنایه وئرمرم

نصرانی گوردیگی یوخونی آچماسام اگر
جنت نویدی زاده ی ترسایه ورمرم

بوصون نفسده اولماساباشیمده شوروصل
حنجرقبال خنجربرایه وئرمرم

مین یول باشیم کسیلسه فقادن دایانمیشا م
ذلت الین یزید تن آسایه وئرمرم

ایستورائده شریعت اسلامی پایمال
مهلت اوشوم وابله ورسوایه وئرمرم

اهل وعیالیدن سنه خاطرال اوزموشم
سسلئله گرجواد صبایایه وئرمرم

تل اوسته زینبیم دایانوب باشدااللری
اول غملی تلی گنبد خضرایه وئرمرم

غارت خیالی وارسپه شام وکوفه نین
تازنده ایم بوفرصتی اعدایه وئرمرم

خیمم یاناندا نازلی رقیه سیزلتسین
گلشنده بانگ بلبل شیدایه وئرمرم

قران دین یولنداقزل قانه یاتماقی
مین مین مقام ومنصب والایه وئرمرم

باشسیزقالوب یارالی جنازم سویولسادا
اجلالیمی سکندرودارایه وئرمرم

پاره پارالی پیکریمی لاله زارائدوب
شمشیریاره سین گل حمرایه وئرمرم

اوخلارآچوبدی سینه مین اوستونده شاخ برگ
بیردسته گلدی سوسن ورعنایه وئرمرم

گلسه کلیمی محوائدرم برق آهیمه
سوز درونیمی ید بیضایه وئرمرم

شاخدقجاگون تلالوائدیرمصرمیده قان
میقات عشقی وادی سینایه وئرمرم

قربانگه وفایه دوشوب جان بکفلریم
بوخوش منانی ملیح اضحایه ویرمرم

ایتسم اگراشاره دورالارگوله گوله
رمزنهاندی معجزعیسایه وئرمرم

قوی مقتلیمده جوشه گله لخته لخته قان
گودال دولسا موجلی دریایه وئرمرم

فرش اوسته فرش ایلمشم فرش افتخار
بوقانلی فرشی عرش معلایه وئرمرم

آخرنمازیمه قوری یراولدی بزم راز
خلوتگه ثرانی ثریایه وئرمرم

قان لخته سی مزین ائدوب سجده گاهیمی
محرابه ایری رنگینه پیرایه وئرمرم

سرنیزه ورلساباشیم سیر عشقده
نوک جدانی شاخه طوبایه وئرمرم

خولی کول اوسته قویسابوشوریده باشیمی
کنج تنوری بستردیبایه وئرمرم

شامین یولوندااولساباشیم راهبه قوناق
دیربهشت خرم زیبایه وئرمرم

بزم یزیده گتسه یارالی کسیک باشیم
طشت طلایی مسلخ یحیایه وئرمرم

ائتمه خرابه منزلی ماواحرملریم
ویرانسرانی خلوت حورایه وئرمرم

وئرمژده ی شفاعتی آمالیمه جانیم
اذن آلمیونجاوعده احبابه وئرمرم

مدتدی (موسوی) یخلوب آستانیمه
عرض ایلوری بودرگهی بطحایه وئرمرم

قویام دیورقرائوزومی قبرپاکیوه
کرب بلانی جنت الاعلایه وئرمرم

• جمعه
• 28
• آذر
• 1399
• ساعت
• 22:44
• نوشته شده توسط
• یوسف اکبری

سولار فصل خزاندا باغبان گلزاریلن باهم
اونون احوالینه یار آغلیار اغیاریلن باهم

حسینم من، سرای عشقوون دلخسته زواری
بو صدپاره ئورکدن سن آخورسان ثاریلن باهم

خدایا سن کی شاهدسن یوخومدی مرگیدن باکیم
بو باش بیر عُمر ائتمیش زندگانی داریلن باهم

منی هر بیر نفسده ئولدورن، احوالِ زینبدی
یانور الان اود ایچره سیدِ بیماریلن باهم

اوشاقلارین ایاقیندن سوزور قان قوملارین اوسته
وئروبلر ال اله برّنده داشلار خاریلن باهم

چاتوب ایش بیر یره الدن گدوبدی طاقت وصبریم
ئوزومده دای حسینیم وای دیئم قیزلاریلن باهم

• چهارشنبه
• 25
• فروردین
• 1400
• ساعت
• 15:39
• نوشته شده توسط
• یوسف اکبری

مدعی یاوه دئمه دهریده بیداد ائله مه

بسدی ای خانه خراب دغدغه ایجاد ائله مه

بو قرا کوینگه ، یوم آغزیوی ایراد ائله مه

بیز حسین نوکریوک بزم عزایه گئده روک

سن گئین قیرمزی بیزقاره میزه فخرائده روک

بو قرا کوینگی بیل شان و شرافتدی بیزه

عشقیلن ئولمه گیمیز عین شهادتدی بیزه

آقام عباسین آدی موجد غیرتدی بیزه

شیعیه تور توخوسون غیضیله دیلدن اسروک

قانیمیز جوشه گله نسلوزی یئردن کسروک

داعشی بند دیلون پاره لییر هیبتیمیز

مرکز نشر ولایتدی عزا هیئتیمیز

یاابالفضل چاغیراق جوشه گلر غیرتیمیز

عاقبت فتنه روش قلبیزی ، حق غمله سیخار

اویزی فاطمه نین قولسوز علمداری ییخار

ای اولان فرقه تکفیری و رسوای جهان

گمرهه پست و کج اندیشه و کج فهم زمان

شمره لبیک دییب دامن ابلیسی دوتان

حقه خاطر کسیلن باش گله ائتمز یارادان

قدمون ایرانا قویسون ایکی بولییک آرادان

هره میز مملکت عشقه سفیروک تانییون

حامی واقعه ی روز غدیروک تانییون

شیریدی رهبریمیز پنجه ی شیروک تانییون

موسیه قلبه دمشقین حرمین طور ائده روک

زینبین قبرینه کیم چپ باخا گر کور ائده روک

• دوشنبه
• 1
• دی
• 1399
• ساعت
• 23:06
• نوشته شده توسط
• یوسف اکبری

آقامیز شاه شهیداندی دئ لبیک حسین
حامی مکتب قراندی دئ لبیک حسین

قبرشش گوشه سینه جانلاری قربان ائدروک
مرقدی قبله ی عالمدی دئ لبیک حسین

وحدت اهل تولایه نشانه آختاران
قاره لر پرچم وحدتدی دئ لبیک حسین

آقا اوغلی آقادی حضرت زهرابالاسی
آناسی شافع محشردی دئ لبیک حسین

آتاسی کعبه ده دنیایه گلوب اربابین
باباسی حیدره بنذردی دئ لبیک حسین

شکر اولا شاگرد دانشگاه احمددور آقام
ختم پیغمبره مظهردی دئ لبیک حسین

گوردی هرکیم کربلاده قدرت شمشیرینی
دئدیلر آیری بیر حیدردی دئ لبیک حسین

• پنج شنبه
• 26
• فروردین
• 1400
• ساعت
• 10:53
• نوشته شده توسط
• یوسف اکبری

سبک:میگذردکاروان
فارسی_ترکی_عربی

دل شده غرق نوا
گشته به غم مبتلا
چاره ندارد مگر
بوی خوش کربلا

اللهم ارزقنا کربلا_کربلا کربلا کربلا.٣

مرغ دلم راهی
کرب وبلا می شود
همسفر و همره
اهل ولا می شود
از محن روزگار
گرچه رها می شود
باغم زینب شود
بار دگر آشنا

کوی آه ونوا کربلا..کربلا کربلا کربلا.٣
اللهم ارزقنا...............................

مآمن اهل ولا
ملجا حور و ملک
زائر آنجا شود
حور وملک تک به تک
بر دل صاحبدلان
نام حسین گشته حک
مرقدپاکش شده
کعبه اهل ولا

قبله اولیاکربلا..کربلاکربلا کربلا..٣
اللهم ارزقنا............................

چون زحسین شدبقا
مذهب و آئین ودین
لشکر شیعه شود
زائر او اربعین
ذکر همه یکصدا
باشعف وغم عجین
ماهمه سر میدهیم
در ره خون خدا

مهد شور و صفاکربلا.کربلاکربلاکربلا.٣
اللهم ارزقنا.............................

ترکی

تانقدر وار نفس
شوقیله من سسلرم
ای شه جود وکرم
آدوه من نوکرم

ای شاه کربلا.یاحسین
سلطان سرجدا.یاحسین

یامولا یامولا..یاحسین
اللهم ارزقنا..................................

ای مه برج حیا
ای شرف الاولیا
دعوت ائله تا اولاخ
زائر کرب وبلا

قیل کرم ای شاهنشاه دین
تا گلم قبروه اربعین
یامولا یامولا یاحسین
اللهم ارزقنا........................

سن کیمی شاهنشهه
نوکر نالایقم
من سنون اما آقا
مکتبوه عاشقم

یابن طه یابن فاطمه
وئرمرم آدوی عالمه
یامولا یامولا یاحسین
اللهم ارزقنا................................

کوری چشم عدو
حقوه من قائلم
فخر ائلرم یاحسین
درگهوه سائلم

ای حریمینده حورا گدا
آلتی گوشه قبروه فدا
یامولایامولا یاحسین
اللهم ارزقنا.............................

عربی

یابن امیر العلا
انت امام الهدی
قره عین الرسول
انت قتیل الورا

ذکرنا مولانا یاحسین
ابد والله لاننسا حسین
یامولا یامولا یاحسین
اللهم ارزقنا..............................

• چهارشنبه
• 3
• دی
• 1399
• ساعت
• 23:35
• نوشته شده توسط
• یوسف اکبری

جسمونده یاره لر تک گویده ستاره اولماز
سن تک شهید عشقین گل جسمی پاره اولماز

احیای دین و قرآن ایتدون حسینیم احسن
آلدون بو جانه یاره هر قدر ویردی دشمن
هریاره لاله گولدی بودشت اولوبدی گلشن
گرچه کسوف ایدوبسن گون استتاره اولماز

هر یاره اوسته یاره هر بیر گلن ویروبدی
راضی سالا یزیدی هر بیر گیدن ویروبدی
بولمورثمین دینسن آلسون ثمن ویروبدی
هیچ بیر بدنده قارداش بیر بیله یاره اولماز

شش ماهه صود امروار بونهضتونده سرباز
نوک جداده با شی ایتدی سنی سر افراز
منحور اولان بوغازدان سسله منی ایت اعجاز
شامه گیدور بو زینب فرصت دوباره اولماز

دین اوسته نهضت ایتدون بو اولدی امتیازون
گوردون که سو تاپولمور قان اولدی دستمازون
معراج حقده آچدون بو قانلی جانمازون
الحق حسینِ زهرا حقدن کناره اولماز

خولی ایونده باشون اولدی کول اوسته مهمان
نعشون قالوب یارالی ایسی قوم اوسته عریان
یوخ بارماقون الینده غارت ایدوبدی دونان
بیله تعدّی و ظلم هیچ شهریاره اولماز

شمروسنان جفاسی بوچولده عرشه چاتدی
ال اوسته اصغریوه تا حرمله اوخ آتدی
قانه بلشدی گولدی یومدی گوزونی یاتدی
نازک بوغازا اوچ پر اوخ دگسه پاره اولماز

ظاهرده اوخلانوبدی حنجردن اولدی پاره
یخدی یزید کاخین معناده شیر خواره
اولدی بو آسمانِ عشقه بالان ستاره
جنگ وجدلده امّا هیچ شیر خواره اولماز

سندنصور ا بو نهضت یتمز حسین تمامه
فتح و ظفر لواسین ویرّام دیار شامه
طرحین پوزوب یزیدین قویمام چاتا مرامه
گتسه وقاری الدن بیر شرمساره اولماز

عدلی) دیور الهی منده نقدر دوزوم وار)
یازسام غم حسینی قورتولمیین سوزوم وار
کربوبلانی گورسون حسرت قالان گوزوم وار
عالم بولور بو فعله فال استخاره اولماز

• جمعه
• 19
• دی
• 1399
• ساعت
• 22:59
• نوشته شده توسط
• یوسف اکبری

آيرولوب سندن حسين ديده سي گريان گيديرم
همرهيم شمرو سنان خِيل اسيران گيديرم

يارو انصارويلن جنّتي مسكن ايلدون
بويتيمانيله من ديلده مين افغان گيديرم

عهديميز سنله حسين دينه فدا اولماقيدي
سن يتوشدون حقه من باشدا او پيمان گيديرم

باجووام عاشقوم عشقون اسيري من حسين
دور اذان ويريولا سال با دل سوزان گيديرم

اي شه تشنه لبان آخدي چوله شط فرات
ايچمه دون سن يارالي من اودي نالان گيديرم

العطش ناله سي منلن گيدوری ـ كربو بلا
زينبه ايتمدي حرمت قالا مهمان گيديرم

قانه غلطان بدنون يرده گوروب پنجة غم
سينه چاك ايتدي مني تا به گريبان گيديرم

باشمون تاج سری من باجلیق حقّی سنه
ایلییه بولمموشم اولدی اورک قان گیدیرم

زینبون روحی حسین بوردا قالور آیرولوری
دفن ایده بو تن عریانی یوخ امکان گیدیرم

سینن اوستودنده علی اصغره لایلای دی یاتا
آناسی درده گلوب ایلوری افغان گیدیرم

من اسیرم گیدیرم شامه آی اولدوز لارینان
یولدا گل سایه وی سال ای مه تابان گیدیرم

ره شاماتیده گورسن اورگیم تنگه گلوب
نیزه باشینده تلاوت ایله قرآن گیدیرم

حق منیم یاریم اولا گر ایاقیم شامه چاتا
اصل نهضت ندی من ایلرم اعلان گیدیرم

شام ویرانه ده اوچ یاشدا قزون دفن اولاجاق
سالاجاق درده منی ای شه عطشان گیدیرم

( عدلیم) عمرودی غم محفلی مسکن دی منه
گلورم آغلادورام دیده سی گریان گیدیرم

• شنبه
• 20
• دی
• 1399
• ساعت
• 19:48
• نوشته شده توسط
• یوسف اکبری