اشعار ترکی امام حسین (ع)

دیللرده وار شور و شعف
بابا اولوبدی بوگجه شاه نجف

قلبیم ای خدا ، اولدی بو گجه عشقه هدف عشقه هدف

به به گلوب دیلداریمیز
دنیایه قویدی مقدمین اربابمیز

گلدی تا اولا ، هرایکی جهان سالاریمیز سالاریمیز

یثرب اولدی چون باغ جنان
خدا ایدوب لطفون عیان
سفینه ی نجاتدی فقط بو شاه انس و جان

آقای من مولای من ای دین و ای دنیای من
آقای من مولای من ای شافع عقبای من
آقای من

ای محترم کان کرم
دائم گوزل آدیوی من هی سسلرم

قسمت اولموری ، چوخدان ای آقا بین الحرم بین الحرم

قلبیمده وار درد و محن
آدون گلنده اشک آخوری بو دیده دن

سندن اوزگه سی ، یوخ جهانیده دردیمی بولن دردیمی بولن

وار دیلیمده چوخ شور و نوا
اورک تاپوب آیری صفا
اوزون بیزه یاز نه اولار
زیارت کرب و بلا

ای با وفا کان سخا
بو دیلده کی دردیمیزه ایله دوا

سن دعا ایله ، صاحب الزمان تزگله آقا تزگله آقا

بو هیجریدن اشکیم آخار
تیر بلانی فرقتی قلبه تاخار

منتظر گوزوم ، دائماً آقا یولارا باخار یولارا با خار

سن بیزه بو گون ایله عطا
ویر عیدیانه ای خدا
یوسف زهرانی یتور
حسینوین قانین آلا

• یکشنبه
• 1
• فروردین
• 1400
• ساعت
• 19:22
• نوشته شده توسط
• یوسف اکبری

شه والا اومده یار دل آرا اومده
فُطرُسُ خبر کنین وقت مداوا اومده

ذکر ملائک گشته تو آسمون رویایی
خدا به زهرا داده چه غنچه ی زیبایی

جان آقا سنه قربان آقا سیدالعطشان آقا جان آقا

ای امیر دوسرا ای شرف آل عبا
پسر شاه نجف پادشهِ کرب و بلا

بال ملائک زیرِ پای تو فرشه مولا
قنداقه ی تو بَه بَه زینت عرشه مولا

جان آقا سنه قربان آقا سیدالعطشان آقا جان آقا

پادشاهِ حَرَمی زینتِ باغِ اِرَمی
افتخارم همینه تنها تو تاج سَرَمی

من نمیگم یک قطره از کَف دریاهاتم
خوشم به اینکه آقا نوکر نوکرهاتم

جان آقا سنه قربان آقا سیدالعطشان آقا جان آقا

(بیکَسم) روی زمین حالَمو یک لحظه ببین
اگه کربلا نَرَم، من میمیرم هر اربعین

جان رقیّه مولا، حال گدا رو دَریاب
پای پیاده بِنْویس، براتَمو ای ارباب

جان آقا سنه قربان آقا سیدالعطشان آقا جان آقا

• یکشنبه
• 1
• فروردین
• 1400
• ساعت
• 19:24
• نوشته شده توسط
• یوسف اکبری

وقتِ شادی و زمانِ عنایته
منزلِ علی و فاطمه جنّته
گوئیا دوباره شب ولادته
میرسَد زِ رَه حسین زهرا

نخلِ حیدر و فاطمه داده ثمر
پیکِ وحی بسته بَهرِ خادمی کَمر
حضرت ام البنین آوُرده قمر
تا قَمر بِشه وزیر مولا

اومده دوباره خورشیدو مَهِ وِلا
سقّای حسین و شاهِ دشتِ کربلا

گُلِ زهرا/ماهِ دل آرا/حجّتِ یکتا
خوش آمدی
مِهرِ رخشان/معدن ایمان/ساقی طفلان
خوش آمدی

«فُطرُس و جِبریل امین
باهم آمد روی زمین»۲

ذکرِ دلها/شور و تَوَلّا/ای شَهِ والا
خوش آمدی

اومده دوباره خورشیدو مَهِ وِلا
سقای حسین و شاهِ دشتِ کربلا

دلم اسیر و مبتلا شد
خمارِ کوثرِ وِلا شد
بین الحرم شده دلِ من
چه با صفا چو کربلا شد

گَشته عالمی را نور عین
عشق او باعثِ شورو شِین
ذکرِ من شده حسین حسین

اومده دوباره خورشیدو مَهِ وِلا
سقای حسین و شاهِ دشتِ کربلا

پیکِ حق گلوب اوخور دوباره غزل
کامِ عاشقان شیریندی همچون عسل
عالَمه قدم قویوبدی نچّه گوزل
حمدِ خالق اولوب وِردیمیز

ذکریمیز حسین اولوبدی اَزل قَدم
لطف ایدر بیزه قارداشی صاحب عَلم
زِینُ العابدین اگر اِیلَسه کَرَم
دیلده قالماز غم و دردیمیز

گوزل جمالیندان روشن اولدی دیده لر
ایشیقلانوب یثرب گلدی شَمسیله قمر

پورِ حیدر/حسینه یاور/ساقی لشگر
گلوب گینه
دیل اولوب شاد/زینتِ عُبّاد/حضرت سجّاد
گلوب گینه

گوزوز آیدین ای عاشقان
گلوب آقای اِنس و جان

نورِ یزدان/شاه شهیدان/آدینا قربان
گلوب گینه

گوزل جمالیندان روشن اولدی دیده لر
ایشیقلانوب یثرب گلدی شَمسیله قمر

خدا اورکلره صفا ویر
مریض عشقه گَل دوا ویر
بو جَمعه گَل حسینه خاطر
تذکره ی کرب وبلا ویر

فخر اوصیا و انبیا
عالمی ایدوبله باصفا
(بیکَس) اولدی اولارا گدا

گوزل جمالیندان روشن اولدی دیده لر
ایشیقلانوب یثرب گلدی شَمسیله قمر

• یکشنبه
• 1
• فروردین
• 1400
• ساعت
• 19:26
• نوشته شده توسط
• یوسف اکبری

ای دیلده شعاریم/مولا یا حسین جان
عزّتیم وقاریم /مولا یا حسین جان

گول آدون، اولوبدی اَزبَریم
عاشقم، آدیوا دلبَریم
لطف ایدوب، زهرای مرضیه
اولموسان، منیمده رَهبَریم

دیلده سَنون مَحبَّتون
شعله سینه آلیشمیشام
دیلده سوزوم اولان زمان
سَنله فقط دانیشمیشام

ای تیره گجه گویده منیم مَهتابیم
فَخریم بودی واردی سَن کیمی اربابیم

یا مولا حسین حسین یا مولا4

سَروَریم جهاندا / شاهِ کربلادی
اِیتسه بیر اشاره / هر درده دَوادی

سائلم، کوی مُحَبّته
نوکرین، یتیریب عزّته
دردیمین، آلمیشام درمانین
هر زمان، گَلمیشم هیئته

اوز آدیمدان قاباق سَنون
آدیوی اَزبَر ایتمیشم
نوکری قوغماسان آقا
بو سوزی باوَر ایتمیشم

چوخداندی سالیبسان باشیما چون سایه
من عشقیوی ویرمرم حسین دنیایه

یا مولا حسین حسین یا مولا4

اَشکیم قویما آخسین / یامولا عُذاره
بیرده دعوت ایله /ششگوشه مَزاره

هجریوه، بولوسَن یوخ دوزوم
قَلبیده، واریمدی چوخ سوزوم
ای فدا، او گوزَل قبریوه
هَم آتام، هَم آنام، هَم اوزوم

ویرر شِفا چون تُربَتون
دیلده اولان غَمه حسین
بیر ذرّه توپراقون اودور
ویرمَرم عالَمه حسین

ای مرَحَمتی سایه سالان آفاقه
یاز بینُ الحَرم تَذکره سین عُشّاقه

یا مولا حسین حسین یا مولا4

ای شاهیم، پَناهیم / دیلده سوز و آهیم
لُطفون کَسمه مندن/وار چوخلی گناهیم

سن منه، ویرموسن آبرو
شهریده، گَزَرَم کو بَه کو
سَن منیم، باشیمین تاجیسان
دیلده وار، بیله بیر آرزو

گَلَه سَن باشیم اوستونه
جان ویرن لحظه ده آقا
قبول ایله بو عَرضیمی
قَدَم لریوه من فدا

بو (بیکَسه) باخسان منیم ای دلداریم
جان ویرماقیم آساندی اودم سالاریم

یا مولا حسین حسین یا مولا4

• یکشنبه
• 1
• فروردین
• 1400
• ساعت
• 19:35
• نوشته شده توسط
• یوسف اکبری

دوباره
صفا تاپدی شَعباندا، ماسِوا
گلوب دنیایه چون خونِ خدا

حسین دور آدی
بیزه مولادی
آقام سَروَرِ، ماسِوادی

فوجِ ملائک گلوری، دیلده ترانه
یثربی دوندردی بو گول باغِ جنانه
کرب و بلا شاهی حسین، گلدی جهانه

(یابن الزهرا یا حسین 3)

(یابن الزهرا یا مولا3)

جَمالی
وورور طَعنه خورشیدِ اَنوَره
ویریبلَر پای زَهرایِ اَطهَره

عَجب زیبادی
گُلِ زهرادی
حسین رُخساری
باصَفادی

فُطرُسا ویر خَبر گلوب دردینه درمان
بحرِ عَطا و کَرَم و لُطفیله احسان
ای او گوزَل آدینا، جانیم اولا قربان

(یابن الزهرا یا حسین 3)

(یابن الزهرا یا مولا3)

حسین دی
امیرالمؤمنینه، نورِ عِین
سَفینةُ النَّجاةِ، عالَمین

یَدِ والاسی
کَرَم دَریاسی
اولوبدی قَلبیم مُبتَلاسی

قُنداقینی آپاردیلار، عرشه مَلَک لر
عَرشیده چوخلار آقامین، یولون گوزَتلَر
گول آدینی گویده ملائک، بیله سَسلَر

(یابن الزهرا یا حسین 3)

(یابن الزهرا یا مولا3)

گَدانی
آقام نومید ایتمیوب، هیچ زمان
منه لطفی شاملدی، هر زَمان

مَهِ تاباندی
ایشی احساندی
منیم اَربابیم
مهرَباندی

ای شَهِ اِقلیمِ کَرَم، قلبه صفا ویر
دَهری غَم و غُصّه دوتوب، درده دوا ویر
(بیکَس) و اُفتاده لره، کرب و بلا ویر

(یابن الزهرا یا حسین 3)

(یابن الزهرا یا مولا3)

• یکشنبه
• 1
• فروردین
• 1400
• ساعت
• 19:37
• نوشته شده توسط
• یوسف اکبری

قارداش گئدوسن قتلگهه باری یواش گئت
آغلاتما دالـــونجا من بی یاری یواش گئت

باجون در به در - دالونجا گـــزر
دایان گئتمه برادر

گؤزیاشلی لارون قلبینی گل قیرما حسینیم
بو لحظه ی آخـــــر منی سیندیرما حسینیم
هجران اوتونـــــی سینه لره ویرما حسینیم
قویما قوجالا زینب غمخـــواری یواش گئت

بو قورخولی میدانین حسین چوخدی بلاسی
بیر گونده دؤنوب قیزلاریوون سیله بکاســـی
نهر اوسـته دوشوب قاراشیمون قانلی لواسی
لشکر داغیـــــلوب یاتدی علمداری یواش گئت

صبر ایله حسین اصغرون عطشاندی بلکده
آشفته ائـدوب حــــال مسیحـــــانی فلکده
بـــــاخ صورتینـــه یاده ربابی سال ئورکده
آرام ائله بو طفل لبـن خـــواری یواش گئت

گئت قانیویلن ذلتی هیهـــات ائله قارداش
زهرانی دوشن وقتده ملاقات ائله قارداش
باشین کسیلن یئرده مناجات ائـله قارداش
ایندی ولی تک قویما بو قیزلاری یواش گئت

قارداش بیلوسن یوخدی دوزوم درد فراقه
سن گئتمه اؤزوم قوی دوشَرم ایندی قباقه
بو کوفه لی لر رحم ائلـــــمز بــوردا قوناقه
قان ایلمه بو چشم شررباری یـــواش گئت

بو وقت وداعیده قوجاخلا منـــی قارداش
گِی اگنیوه بو غصه لی پیراهنـــی قارداش
اولماز کفنون ساخلیاجاقدور سنی قارداش
یاد ایله آنام تک او هـــواداری یواش گئت

سندن صورا قارداش دوشجک چوللره زینب
دلـــــدار اولاجاق غــــارت اولان ائللره زینب
سنسیز نئجه باخسون سـارالان گوللره زینب
سال خــاطره بو گلشن و گلزاری یواش گئت

• سه شنبه
• 3
• فروردین
• 1400
• ساعت
• 14:18
• نوشته شده توسط
• یوسف اکبری

ای شاه عالمین،وئر بین الحرمین،احسان ائت یا حسین، ماه امت
اذن وئرن یکصدا،سسلنخ کربلا،ایستروخ ای خدا،ایله قسمت

قلبیمی زائر،ائت ایله کرم
استشمام ایلییم،بوی حرم
ابالفضله دیم،سوزلریمی
هر دردیمه دوا، قانلی علم

چیخماز یاددان چون عاشورا - پاینده دی کرببلا
صلّ اللهُ علــــی الحُسین - یبن الزهرا یبن الزهرا

لبیک یاحسین،لبیک یا حسین،لبیک،یا حسین
یـا ثـــــــــارالله

قاره می باغلارام،سینه می داغلارام،سیزلارام آغلارام،هر محرّم
هیئت لر سربه سر،قلبه ایلر اثر،گویده پرچم اَسر،ماه ماتم

گوردوقجه پرچمی،گؤزلر آغلار
پرچم ده نقش اولان،سوزلر آغلار
معناده فاطمه، اوز بالاسین
قانلی پیراهنین ،گؤزلر آغلار

چیخماز یاددان چون عاشورا - پاینده دی کرببلا
صلّ اللهُ علــــی الحُسین - یبن الزهرا یبن الزهرا

لبیک یاحسین،لبیک یاحسین،لبیک یاحسین
یــا ثــــــــــارالله

• سه شنبه
• 3
• فروردین
• 1400
• ساعت
• 14:20
• نوشته شده توسط
• یوسف اکبری

چمن عشق و وفانین،آچیلوب فصل بهاری
عرشیدن فرشه ملائک،سوپوروب مقدم یاری
خانهٔ وحی وئریبدی،گویون اولدوزلاری زینت
سئوینیب حضرت زهرا،دوغولان وقتده نگاری

خالقین احساسینه حیرانم-حیرانم
دولدی بو احساسیله پیمانم-پیمانم
یازدی حسین آدینی نوریله-گویلرده
منده اونون آدینه قربانم-قربانم

عالم و خلدِ برینی،دوتوب آواسی حسینون
سالوب آفاقه شراره،رٌخِ سیماسی حسینون
جنتی باشیدن آتدی،بئله لعیاسی حسینون
گؤرمقه فاطمه عشقین،قالمادی ذرّه قراری

حسرت اونون عشقینه دنیادی-دنیادی
چون دل و روحیّه ی زهرادی-زهرادی
من تک ازل دن هامی اول شاهه-نوکردی
شاهیمیز عالملره مولادی-مولادی

‌ای صبا مژده‌می گؤندر،ملکوتیله جنانه
منزل حیدره هامّی،اولالار جشنه روانه
عیدیانه وئریب الله،عشقینی کل جهانه
که هدایتگری اولسون،هامینی کوثره ساری

محو تماشاسیدی حورالر-حورالر
مریم و لعیائیله سارالر-سارالر
رحمت سرشاری دوتوب کونِ-امکانی
اَگدی باشین لطفینه دریالر-دریالر

پسر حضرت زهرا،شرف آل عبادی
یوزی خورشیده مَثَل دی،ألی هر درده دوادی
قاشی مهتابه بزک دی،گؤزی دریای سخادی
ائله گوهردی وجودی،محکه یوخدی عیاری

خلق ائدوب الله اونی عقبایه-سرمایه
عشقی وئریب عزتی موسایه-عیسایه
سینه‌سی آئینه ی قرآندی-ایماندی
وحی اوخویار شأنینه مین آیه-طاهایه

• چهارشنبه
• 4
• فروردین
• 1400
• ساعت
• 20:18
• نوشته شده توسط
• یوسف اکبری

یاحسین سائلوی سَربه گریبان ایلمه
منی بیگانه لره دست بدامان ایلمه

دردعشقونله منیم الفت دیرینه واریم
آلما بونعمتی مندن اونا درمان ایلمه

وارمحـبّت نظرون بندۀ مجنونه اگر
سُفرۀ نَفسیمون آذوقه سین الوان ایلمه

قدمیم لنگه دوشوب کوی ارادتده اگر
شامل رأفت ایله، قَهریله دیوان ایلمه

قاپوون بندۀ شیدا ونظر کرده سینی
خان وخاقان اوتوران سفریه مهمان ایلمه

سنون عشقوندی منه شمع شبستان حیات
خیمۀ عمریمی کم نور و پریشان ایلمه

• شنبه
• 7
• فروردین
• 1400
• ساعت
• 12:12
• نوشته شده توسط
• یوسف اکبری

ای شاه کرم،ایسته تا گلم ،کربلا (یاحسین2بار)
وار قورخوم ئولم، گلمیم حرم،یا مولا (یاحسین2بار)
آچیلوب باب کرم،هامی گئدیری حرم،من قالدیم ایندی آقا ،بیر دنیا اورکده غم
قالدی دیلده حسرتیم،هاچان اولا نوبتیم،اولاجاقدی قسمتیم، (کرب وبلا)
یا مولا .....

ای خون خدا ،آدوا فدا،ای شه عالمین( یا حسین 2بار)
قیل درده دوا،ائله سن عطا،بیر بین الحرمین(یاحسین 2 بار)
سنسن گوهره نایابیم،گویده گوزل مهتابیم،بولمینلرده بولسون ،حسیندی تک اربابیم
سنسن نور نیرین ،ذکر کل عالمین،صلی الله علی الباکین علی الحسین
یا مولا .....

• شنبه
• 7
• فروردین
• 1400
• ساعت
• 20:28
• نوشته شده توسط
• یوسف اکبری

سبک: می گذرد کاروان

قویدی قدم عالمه
آیت رحمان، حسین
عرض و سما سسلدی
جان سنه قوربان حسین
*
کعبه ی اهل ولا
پادشه کربلا
فوج ملائک دییر
مقدمیوه جان فدا
*
ثارالله ثارالله یا حسین
ثارالله ثارالله یا حسین
یابن الزهرا ای کعبه ی هفت آسمان
مقدمینه اهل ولا اولسون قوربان
*

ای شرف عالمین
وصفیوه عاجزدی دیل
عرشیده لای لای چالیر
گؤر نه گوزل جبریل:

ای گول باغ ولا
لای لای اوغول آغلاما
ای او گوزل گوزلره
عالم و آدم فدا
*
ثارالله ثارالله یا حسین
ثارالله ثارالله یا حسین
یابن الزهرا، ای کعبه ی هفت آسمان
مقدمینه اهل ولا اولسون قوربان
*

درده دوا یا حسین
مروه صفا یا حسین
جود و کرم کعبه سی
مکه منا یا حسین

گون حرمینن ئوپور
آی علمینن ئوپور
گویده ملک لر بوتون
هی قدمینن ئوپور

*
ثارالله ثارالله یا حسین
ثارالله ثارالله یا حسین
یابن الزهرا، ای کعبه ی هفت آسمان
مقدمینه اهل ولا اولسون قوربان

• یکشنبه
• 8
• فروردین
• 1400
• ساعت
• 17:14
• نوشته شده توسط
• یوسف اکبری

جبرئيل سسلنور عاشقانه
خوش گلوبسن حسين! بو جهانه
حجّت حىّ تبارك
جشن ميلادون مبارك

سن گوز آچدون پيمبر سئویندى
فاطمه گولدى حيدر سئویندى
لعليوه تشنه كوثر سئویندى
شيعه‌لر قلبى یکسر سئویندى
مثلوى گورميوبدى زمانه

گلموشم احمده تا ز نزديك
بو گونى ايليم عرض تبريك
عاشق اولموش سنه هر بد و نيك
يانديرام عشق اؤديندا اوزرّيك
توستوسى بد نظر، بد زبانه

سرخوشام مست پيمانه‌‏ام من
روز و شب عبد ميخانه‌‏ام من
عاقلم عشقه ديوانه‌‏ام من
شمع پُر نوره پروانه‌‏ام من
يانّام عشقونده روز و شبانه

گلموشم عيديانه آلام من
امر اولوب محضرونده قالام من
اوستوه شهپريمى سالام من
آغلاسون فورى لاى لاى چالام من
سنده لطف ايله وئر عيديانه

من سنه خادمم جبرئيلم
عشقيوه شيعه‏لر تك عليلم
گلدى فطرس ديور چوخ ذليلم
قيل كرامت شفا وئر دخيلم
فخر ائدوم عرشيده جاودانه

بولبولم من گولوستانه گلّم
پرپر اولسا گول افغانه گلّم
سايه تك سنله هر يانه گلّم
كربلايه يانايانه گلّم
سينه ورّام سنه عارفانه

• پنج شنبه
• 19
• فروردین
• 1400
• ساعت
• 12:54
• نوشته شده توسط
• یوسف اکبری

سولار فصل خزاندا باغبان گلزاریلن باهم
اونون احوالینه یار آغلیار اغیاریلن باهم

حسینم من، سرای عشقوون دلخسته زواری
بو صدپاره ئورکدن سن آخورسان ثاریلن باهم

خدایا سن کی شاهدسن یوخومدی مرگیدن باکیم
بو باش بیر عُمر ائتمیش زندگانی داریلن باهم

منی هر بیر نفسده ئولدورن، احوالِ زینبدی
یانور الان اود ایچره سیدِ بیماریلن باهم

اوشاقلارین ایاقیندن سوزور قان قوملارین اوسته
وئروبلر ال اله برّنده داشلار خاریلن باهم

چاتوب ایش بیر یره الدن گدوبدی طاقت وصبریم
ئوزومده دای حسینیم وای دیئم قیزلاریلن باهم

• چهارشنبه
• 25
• فروردین
• 1400
• ساعت
• 15:39
• نوشته شده توسط
• یوسف اکبری

آچدی گوز عالمه پور حیدر
یادگار علی شاه خیبر
گوزلروز آیدین اولسون محبان
گلدی دنیایه سلطان محشر
باشلارین تاجی دنیایه گلدی
کربلا شاهی دنیایه گلدی(2)

دین اسلامه سرمایه گلدی
عرش حقه بو پیرایه گلدی
مژده وئر شیعیان جهانه
فاطمه اوغلی دنیایه گلدی
باشلارین تاجی دنیایه گلدی
کربلا شاهی دنیایه گلدی(2)

شادلیق ایلور بوگون اهل عالم
گلدی دنیایه دلبند خاتم
گوزلرون آچدی زهرا بالاسی
سویلیون کی مبارکدی باهم
باشلارین تاجی دنیایه گلدی
کربلا شاهی دنیایه گلدی(2)

قامتی سرو اعلایه اوخشور
چهره سی هم گون هم آیه اوخشور
پور زهرادی خلقتده تکدی
خُلقیده شاه بطحایه اوخشور
باشلارین تاجی دنیایه گلدی
کربلا شاهی دنیایه گلدی(2)

دهریده عشقه عنوان حسیندی
زینت باغ رضوان حسیندی
صدقیلن سسله جانم حسینجان
درد عشاقه درمان حسیندی
باشلارین تاجی دنیایه گلدی
کربلا شاهی دنیایه گلدی(2)

آلدی آغوشه زهرا آناسی
سویلدی گوزلریوین فداسی
خوش گلوبسن حسینجان جهانه
ای منیم زندگیمون صفاسی
باشلارین تاجی دنیایه گلدی
کربلا شاهی دنیایه گلدی(2)

گورمه میشم حسین نینوانی
گوگلوم ایستور او دشت بلانی
وئر بو ائیل عیدیانه حسینجان
"حیدره"تذکره کربلانی
باشلارین تاجی دنیایه گلدی
کربلا شاهی دنیایه گلدی(2)

• پنج شنبه
• 26
• فروردین
• 1400
• ساعت
• 11:27
• نوشته شده توسط
• یوسف اکبری

سلام اولا سنه ای کربلا غریبی حسین
سلام اولا سنه ای مرتضایه نور دو عین

سلام اولا سنه ای زینبی گوزوندن آتان
یارالی بی‌کفن اوخ، نیزه‌ ،خنجر، آلتدا یاتان

سلام اولا سنه ای باشی ذبح اولان دالیدان
کنار نهریده ظلمیله جان ویرن عطشان

سلام اولا سنه ای پیکری قالان عریان
جفای خاریله گول سینه‌سی اولان خندان

سلام اولا سنه ای اللره دوشن باشی
اوغول غمینده دونن قانه گوزده گوزیاشی

سلام اولا سنه ای سرو قامتی بوکولن
اوره گی ظلمیله اوچ شعبه تیریله سوکولن

سلام اولا سنه ای نوگل رسول الله
آخان چوله سو کیمی قانی فی سبیل الله

سلام‌ اولا سنه ای گلشنی اولان پامال
مسافرم گیدورم دور منی اوزون یولا سال

دیار شامه بوگون باغریقان گیدور زینب
نه چاره سندن حسین ناگران گیدور زینب

نجه بو سینمی من مایل ایلیوم صبره
یارالی پیکریوی کیم قویار حسین قبره

اسیر ایدوب منی سنسیز بو لشگر عدوان
اویان باخ حالیمه زینب سنه اولا قربان

نه بی‌خبر بالالاردان بیله ایدوبسن خواب
سنی بو نوعی گوروب من نجه گتورّم تاب

بو رسمیدور که هزاره چمندن آیریلماز
گر اختیار اولا زینبده سندن آیریلماز

گوروم جهاندا حسین شمری یتمسون کامه
چکور قطاریمی قولباغلی کوفه و شامه

نجه من آغلامیوم توکمیوم یوزه قانیاش
نه وار الون نه باشون وای منه حسین قارداش

قالوبدی گون قباقیندا یارالی گول بدنون
نولوبدی بس باجون ئولسون او کهنه پیرهنون

چالندی طبل رحیل - من خداحافظ
بو کربلا آنام اوغلی بو سن خداحافظ

• پنج شنبه
• 2
• اردیبهشت
• 1400
• ساعت
• 13:38
• نوشته شده توسط
• یوسف اکبری

‌عاشقم حسن ملک منظره یا ثارالله
آقاسان ایله نظر نوکره یا ثارالله

غم وآلامه مگر منده دوزوم واردی آقا
دئمرم اوزگه لره دلده سوزوم واردی آقا
بیلورم چوخ آقاسان سنده گوزوم واردی آقا
سنون آدوندی دوشوب دیللره یا ثارالله

چوخی محشرده بهشته گوره دلخوشدی حسین
وئرمرم جنته حسنون اورگیم خوشدی حسین
چوخ گوزوم وار کسیلن الده الیم بوشدی حسین
منیده سسله لب کوثره یا ثارالله....

دولانیم باشینه سندن اوتور اشکی آخانون
دیلی یانسین دل عاشقلروه اود یاخانون
گوزی چخسون قره پرچملروه کج باخانون
عشقیمیز وار قره پرچم لره یا ثارالله....

• چهارشنبه
• 5
• خرداد
• 1400
• ساعت
• 21:01
• نوشته شده توسط
• یوسف اکبری

آئینه ی حق نما حسیندی
زنگال دله جلا حسیندی

تشبیه ائلمم گله جمالین
گلزاره وئرن صفا حسیندی

خورشید ندور مقابلینده
خورشیده وئرن ضیاء حسیندی

توضیفینه یوخدی منده قدرت
عالملره مقتدا حسیندی

دلداده ی حی لم یزلدی
فرزانه ی بی ریا حسیندی

اعجوبه ی دستگاه خلقت
اسطوره ی ماسوا حسیندی

ذر عالمی ثابت ایلیوبدور
عبد سخی خدا حسیندی

حیدردی مدرس مرامی
شاگرد شه ولا حسیندی

زور و زر ظالمه باش اگمز
هم مسلک انبیا حسیندی

مشتاق منا و کعبه سن گر
کعبه علی و منا حسیندی

گر مروه صفایه واردی میلون
مروه حسن وصفا حسیندی

سیندیرمادی عهدینی ئولونجه
پیمانه ائدن وفا حسیندی

حق لشگرینون امیریدور بو
آزاده ی نینوا حسیندی

فرمانده لشگر ولایت
بند دل اولیا حسیندی

قویماز پوزولا نظام لشگر
سرسلسله ی قوا حسیندی

عباس اگر سپهبد اولسا
ارتشبد کربلا حسیندی

دنیاده تمام ذکرلردن
زیباتری ذکر یاحسیندی

درمانده لرین پناهیدور بو
هر درده ائدن دوا حسیندی

فطرسده شفاسین آلدی بوندان
بیماره وئرن شفا حسیندی

نومید ائلمز گدانی حضرت
کان کرم و سخا حسیندی

ترک ایلمه درگهین ( سرابی)
درگاهی در رجا حسیندی

• سه شنبه
• 11
• خرداد
• 1400
• ساعت
• 16:26
• نوشته شده توسط
• یوسف اکبری

ای وجود عالم هستیده بنیان یا حسین
جانیوه جانلار فدا ای جان جانان یا حسین

سن قدم قویدون بو دنیایه مه شعبانیده
آیری بیر غوغا یاراتدون عالم امکانیده
یوخدی بیر بئله گوزلیک یوسف کنعانیده
گیزلنر حجب و حیادن ماه کنعان یا حسین

خلق ائدوب خالق سنی وئردی خانم زهرایه پای
کون و امکاندا تاپولماز سن کیمین مولایه تای
مات و اولوب گون گول جمالوندن قالوب حیرتده آی
نور آلار مه صورتوندن ماه تابان یا حسین

جسم پاکون وئردی بو فانی جهانه اعتبار
شاد و خرم اولدی تبریک عرض ائدوبدور یاره یار
گوئیا کئچدی خزان فصلی او دم گلدی بهار
اولدی یکسر عالم امکان گلستان یا حسین

لطفوون بیر ذره سین شوره گلوب یازسون قلم
گوز آچان گوندن اولوبسان عمروده صاحب کرم
سائل درگاهیوی دوتدون عزیز و محترم
فطرس بیماره ائتدون لطف و احسان یا حسین

مقدمونلن عالم امکانه قیمت وئرموسن
خلق اولاندان خلقت خلاقه عزت وئرموسن
گویلره معراج ائدوبسن عرشه زینت وئرموسن
ایلیوبسن قدسیانی مات و حیران یا حسین

(سالک) دل خستیم مولا نوا خوان گلمیشم
آلماقا فطرس کیمین من درده درمان گلمیشم
قویما چوخ محزون اولام قیل لطف و احسان گلمیشم
سن سن عالمده بوتون امراضه درمان یا حسین

• یکشنبه
• 23
• خرداد
• 1400
• ساعت
• 18:56
• نوشته شده توسط
• یوسف اکبری

تاپوبدی یِر یوزی صفا
کِچن گجه یله بو گجه
گَلوبدی مِهریلَن وفا
کِچن گجه یله بو گجه

کِچن گجه قَدم قویوب حَریم عشقه بیرنِکو
اونون زیارتین بو گون مَلکلر ائتدی آرزو
کیم اولدی زائری یقین اوجالدی تاپدی آبرو
لَیال قَدرَه دور نَما
کِچن گجه یله بو گجه

سِپهرِعشقی بوگجه مُنوَّر ائتدی بیرقَمر
قَمردی لِیک هاشمی ، اِئدوبدی یثربه گذر
سَپَردی لَمعه لَمعه نور ایشیق جَبینی سَربَسَر
گلوب ایکی گوزل بالا
کِچن گجیله بو گجه

کِچن گجه وئروبدی بَر نَخیل باغ مصطفی
تاپوبدی بوگجه گُهر یَمِ وفاده مرتضی
اوفاطمه بوفاطمه گُل اَکدی هَر ایکی آنا
قَناد یوخیدی اوچماقا
کِچن گجه یله بو گجه

سَرای فَرشه عَرشیدن مُقرَّبان عَرش اَنَر
گورَن دِیَردی رحم ائله اِلهی گورسَه بَدنَظر
بیری نَمای حَقّیدور بیری بِسان شیر نَر
قوناق گلوب ایکی بالا
کِچن گجه یله بو گجه

او بیرچراغ راهیدور بو اَهل عشقه ماهیدور
اوکشتی نَجاتیدور بو عالمه پَناهیدور
مُراد اودور وَلیک بو مُرید بارگاهیدور
وئروبدور حق ئوزی بَها
کِچن گجه یله بو گجه

او میر مُطلَق اُمَم بودور وزیر مُحتَرم
اوتاجدار سَرمَده بو اولدی صاحب عَلم
اوشاه مُلک عشقیدن بو شاهبازآلوبدی دَم
دوشوبدی حِیرته قضا
کِچن گجیله بو گجه

قاپوندا(نادرم)حسین واریمدی عشق عَلامتی
سنی قسم فراتیده یاتان جوانون حُرمتی
منیمده شعریمه آقا ئوزون دوز آت اِشارتی
اِجابَته یِتَر دعا
کِچن گجیله بو گجه

• یکشنبه
• 13
• تیر
• 1400
• ساعت
• 17:04
• نوشته شده توسط
• یوسف اکبری

ای دُرّ حَیا گوهر عصمت باجی زینب
تَنگ اولدی منه وقت شهادت باجی زینب

بو آب فراتی بیزه سَد ایلدی اَشرار
قوریان دوداقیم سوزعطشدن اِئدر اِظهار
یانسامدا اگر من اوروجام ائتمرم اِفطار
زهرایه قوناقم من او ساعت باجی زینب

گورسون باشیمی نیزه ده قالخوبدی هوایه
سن عالمه سن صبر ائله زینب بو بلایه
گئت کوفه ده نُطق ایله باجی قوم دَغایه
والِه قالا تا اهل حقیقت باجی زینب

قزلاری پریشان قویورام خیمه سراده
سیزگئتملی سیز من قالارام کرب و بلاده
قویما سولا بو نازلی قیزیم فوج بلاده
بو خوردا قیزی ساخلا اَمانت باجی زینب

آغوشووَه آل یولدا باجی کَنز حیانی
ئولسَمده اگر گوزلیَرم رسم وفانی
مهمان گَلرَم شامه گورَم خوردا بالانی
ویرانه ده چون خوشدی عیادت باجی زینب

• دوشنبه
• 14
• تیر
• 1400
• ساعت
• 12:03
• نوشته شده توسط
• یوسف اکبری

مژده بر اهل ولا آمده نور سما
گشته دلها خُرَّم از قدوم مولا
گو مبـــارکبـادا جشن میلاد حسین
بهر زهــرا و علی آمده نور دو عین
یا حسین ثار الله
جان ابــاعبدالله

باز هم میلاد تو آمده ثارالله
غرق شادی شیعه یا اباعبدالله
شیعه را یـــار آمد یارو دلدار آمد
سرور هر دو جهان روح ایثار آمد
یا حسین ثار الله
جان ابــاعبدالله

صورتش مانند گُل غنچه ی باغ جنان
ای گــــل ناز علی رهبر هر دو جهان
رهنمـــــای امَّــــت شافع یوم جزا
او هدایتگر ماست حافظ دین خدا
یا حسین ثار الله
جان ابــاعبدالله

ترکی

گلدی بیر گُل عالمه گُلسِتان اولدی جهان
شادمان اهل بهشت نو گل باغ جنان
یاور عالــــمیان یـــــــا اباعبدالله
حامی حق طلبان یا حسین ثارالله
یا حسین ثار الله
جان ابــاعبدالله

خوش گلوبسن یا حسین مقدمون گلباران
جشن میلادونــــدور قیل بیزه سن احسان
ایستروخ سنـــــدن آقا با دل شور و نوا
بیزلره قسمت ایلـــــــــــه کربلا یا مولا
یا حسین ثار الله
جان ابــاعبدالله

عاشقوخ مولا سنه شیعه نین دلبری سن
امته پشتیبان جنَّتون زیوری سن
معدن عشق و صفا ای گل اهل ولا
میوه ی باغ رسول خامس آل عبا
یا حسین ثار الله
جان ابــاعبدالله

مرغ عشقیم پــر آچوب سمت بین الحرمین
دم به دم ذکر اوخیــور یا ابوالفضل و حسین
نام پر مهـــر حسیـــن عطر و بوی گل یاس
قلب شیعــــه سسلر یـــا حسیـــــن یا عبـاس
یا حسین ثار الله
جان ابــاعبدالله

• پنج شنبه
• 24
• تیر
• 1400
• ساعت
• 14:02
• نوشته شده توسط
• یوسف اکبری

مقدم شاهانه ی سلطان دشت کربلا
سوّم شعباندا ایلوب یثربی جنّت سرا

صبح صادقده یاییب نورین یره یوم الخمیس
بیت زهراده اولوبدی فاطمیله هم جلیس
بیر حسین کی عشقی عشّاقه اولوب دُرّ نفیس
نور باران ایلدی حیدر ائوین اول مه لقا

فاطمه آلدی قوجاقینه گهی قویدی یره
گه اوپوپ گُل صورتین گولدی ایکی گل بیر بیره
گاهی لای لای سویلدی نازیله سالدی بستره
گه دئدی جان جان حسین زهرا سنه اولسون فدا

گه سالیب گهواریه سویلردی رام اول یات بالا
ای عزیز جان مادر خامس آل عبا
اوخشیاندا وار گورردی بیر صدای جان فزا
گهوره جنباندی جبریل امین پیک خدا

فوج فوج ایلور زیارت گُل یوزین حور و ملک
شمع نوریندن آلولّار کام دل پروانه تک
عالم ناسوته ویرمیش دست قدرت بیر بزک
گُل جمالینه باخان سویلردی احسن مرحبا

واردی گویا جنت الاعلاده بیر نهر لبن
خلق ائدیب سبحان اونی خاصّ حسینیله حسن
بیرده میل ایلر اونی شیر ولایتدن امن
خاصّه سر مستان جام البلاءُ لِلولا

جدّی طاها قدوۀ اهل زمین و هم زمان
نورس زهرانی ناز ایلور یوزه اشکی روان
گوردی اسما ناگران اولدی سوروشدی ناگهان
وار نه علّت یا نبی آشفته دور حالون آقا

امر ائدیب پیغمبر رحمت ائشیت ای خادمه
بیل بو طفلین سرنوشتین قویما بیلسین فاطمه
بیر مصیبتدی ویریب اود بو دل ناشادیمه
سو کنارینده کسر باشین سوسوز قوم دغا

اود ویریب اخیامینه اطهارین ایلوللر اسیر
پا برهنه عترتی چوللرده ویلان دستگیر
قیز گلین عورت کمک سیزلر هراسان ناگزیر
یوز قویار صحرایه وحشتدن بنات مصطفی

بیر نفر اولماز کمک دورسون او ساعت عترته
وحشی حیوانات رقّتدن گللّر غیرته
یا اوچان قوشلار فضاده بال آچالّار رأفته
سو سپه لّر اتفاقاً خیمه لر خاموش اولا

یا حسین ای افتخار کشور ایران زمین
روز میلادون هر ایل ملت اولار شور آفرین
سنده دوت بو عاشقان عترتین بال و پرین
لطف قیل تاپسین شفا سن بیل بالون اصغر «صفا»

• یکشنبه
• 3
• مرداد
• 1400
• ساعت
• 17:08
• نوشته شده توسط
• یوسف اکبری

شمس یثرب کربلا دشتنده سکنی ایلدی
باش و جانیندن کچوب قرآنی احیا ایلدی

آز قالوردی عرصه ی اسلام اولسون قیر گون
تالی عهد الست اولدی گروه تتّقون
رهبر کابینه ی عشق اولدی زهرایه عیون
جانیله جنّاتی جانانیله سودا ایلدی

گلدی ایجاده ازل گون باغلانان پیمان عشق
یتمیش اوچ جانبازیله زینت لنوب میدان عشق
رهنمای عالم عشق اولدی چون سلطان عشق
غبطه اول میدان عشقه عرش اعلا ایلدی

سیر منهاجیله مهرین پایه سین تکمیل ایدور
یولّیور قربانلارین بیر بیر یولین تسهیل ایدور
ظهر عاشورانی درک ایتسون اوزی تعجیل ایدور
مقتلین شوقیله ظهر اولجاق مصلّی ایلدی

مژده ی وصلت ویروب سلطانه پیکان بلا
گل دیدی مصداق لفظ البلاءِ للولا
امر اولوب موسایه دون باخ بو حسیندور جابجا
ارض دشت کربلانی طور سینا ایلدی

وصلت دلدار جسمین ایلیوبدور پر کاه
آختاروردی خالی از اغیار وصله شاهراه
ایچدی قان پیمانه سین میخانه وحدتده شاه
قانیلن گلزار ایمانی مصفّی' ایلدی

مخزن اسرار حقدن دگدی تیر جان شکار
سرّ صندوقی سینوب الدن گیدوبدور اختیار
تا فنا فی اللّهه یول تاپسون یخلدی انتظار
عاشقه معشوق تیری نخل طوبی ایلدی

معبد عشقه یخلدی عاشق شوریده سر
سسلدی هل من معینی اولمادی امدادگر
فاطمه آچدی باشین سویلردی هنگام خطر
باش ویره جانانه سن تک کیم تمنّا ایلدی

هفتخوان عشقدن فاتح چخوب فرزانه فر
قرمزی قاندان قویوبدور باشینه تاج ظفر
بال جبریل اوسته رفعتله ایدوب عزم سفر
جنّت الاعلانی اکرامیله مأوا ایلدی

شمع بزم هستی عاشق مگر خاموش اولار
آختارار دلداری وصل یارلن مدهوش اولار
وحدت عشقین تاپار عشقیله هم آغوش اولار
عشق وادار ایلیوب پیمانه ایفا ایلدی

من حسینم سسلنوب اللّه رضاسین ایسترم
یاریمون تنها بو یولدا من وفاسین ایسترم
بستر اولسون اوخ منه اوخلار یاراسین ایسترم
دوزدی هر بیر محنته عشقنده غوغا ایلدی

رهروان شعردور اول شاعران ماسبق
هر بری گلزار غمدن گل دربدور بیر طبق
روز محشرده ویرر پاداشینی رب الفلق
یازدی بو شعری «صفا» ده یاد بیضا ایلدی

یا حسین منده سنون عشقونده شیدا سالُکم
ایستورم دائم سنه قان آغلیام قان یاش توکم
ایتمه سین آللّه باشیمدان سایوی عمریمده کم
قوی دیسونلر نوکرین شرمنده مولا ایلدی

من بو جسم خاکیه رخت محبت بیچمیشم
سن می وحدت ایچنده منده روحاً ایچمیشم
اکبر و عباس تک آخر بو جاندان کچمیشم
عین اسرار ضمیری خامم انشا ایلدی

• دوشنبه
• 4
• مرداد
• 1400
• ساعت
• 16:18
• نوشته شده توسط
• یوسف اکبری

دور فکر ائله بیر زینب نالانوه قارداش
باشسیز قالان اطفال پریشانوه قارداش

بیر نصفی یانان چادره یغمیش بیزی اعدا
غم بزمی سنه ایلمشوک خیمه ده برپا
شرکت ایلیوب شام غریبانوه زهرا
اوخشار سنی اولسون قسم اوز جانوه قارداش

بیر گوشه ده لیلا اوتوروب اکبرین اوخشار
ال سینه ده بیچاره رباب اصغرین اوخشار
کلثومده عباس کیمین یاورین اوخشار
منده یانورام آتش هجرانوه قارداش

بستر ایدیب آهو بره لر تیره ترابی
بالشلری ئوز اللّری تپراقدور حجابی
بیر قولّارینون یوخدی هله بند و طنابی
نیلر گوروم آللّه بو عزیزانوه قارداش

نی تک بو اوشاقلار هره بیر یرده سیزیلدار
یوزلر گوه ریب قولاری نیلوفره اوخشار
بیر بیرلرین آغوشه چکیبلر بالا قزلار
لای لای دیرم بیر سوری جیرانوه قارداش

سندن نگرانم ولی نیلوم ندی چاره
عاشقدی بیلورسن گوله خلقتده هزاره
چکدی سنون عشقون منی آخر بو دیاره
قربان یارالی نعشوه پیمانوه قارداش

بو خرداجا چادر بیزه شدّتله قوروخدی
هیچ کیم اوجادان آغلاماقا جرئتی یوخدی
گوندوز قاچا قاچدان ایاقی یاره لی چوخدی
وار حاجتمیز مرحم و درمانوه قارداش

زینب سنه بو چولده دوتوب شام غریبان
جمع ایلموشم دوره مه اطفالوی گریان
ایلوب بو شیرین دیللی رقیّون اوره گیم قان
بیلمم نه دیوم بلبل خوشخوانوه قارداش

گاه اصغره لای لای سولیور نازلی رقیّه
گاهی دیوری گتدی هارا بس بابام عمّه
بیر کافر اویاندان گوروسن سسلدی دینمّه
اوندا ال آتار باجوی دامانوه قارداش

هر قیز اوشاقی یاتماسا آغوشیمه آلّام
نازین چکرم بستر مهره اونی سالّام
تا یوخلامینجا او دل افکاریله قالّام
عاملدی ئولونجه باجی فرمانوه قارداش

بیر شمعیدی بیر خیمه دی بیر عدّه سیه پوش
قویماز آچا خفّت بیزه بو دهرده آغوش
خون علوی تا شریانیمده ایدر جوش
تاج شرفم درگه و دربانوه قارداش

ای سرور و سالار شهیدان طریقت
حق اوسته ویرن جانینی سنلندی حقیقت
لطف ایله "صفا" طبعینه ویرسون ایله زینت
شعری سالا آی شعله سی کیوانوه قارداش

• دوشنبه
• 4
• مرداد
• 1400
• ساعت
• 21:11
• نوشته شده توسط
• یوسف اکبری

لعنت اولسون سنه ای دشمن اولاد رسول
ایمدیده آغلور حسینه هله قبرینده بتول

بیزحسین نوکریوخ فخریدی گوز یاشی بیزه
شیعه دور تکجه اولوب بیر بئله الطافه شمول

شیعه نین قلبینه تسکین بو گوزیاشلاریدی
حمدلله که اولور بیزلره هیئتده حصول

ئولدورن اوز اوزین هیچ موقع حسینچی اولماز
بیزه خاطر اوزیوی ایلمه غمگین و ملول

آغلاماقدان اوزینی ئولدورنی بول که یقین
ترک ائدوب دینی اولوب فرقه شیطانه دخول

گولدوروب دشمن اسلامی عجب شاد ائلدون
دیمّه ، دینسنده عزیزیم بو قَدَر اولما عجول

گرچه (شیدا ) اوزی تجدیدی اوز درسینده
لیک تصدیق ائده جاق بو سوزیمی اهل عقول

اشهد انَّ علیاً دی مسلمانسان اگر
بولموسن دینه مگر بیرده امامتدی اصول

گئت اوخی جملهء والاه و مَن عاداهی
ئولممیش گَل بو ایشیندن ایله بیچاره عدول

بو امامین سوزیدی آغلیا هر کیمسه بیزه
آخرتده ائده جاق آی کیمی سیماسی حلول

• جمعه
• 8
• مرداد
• 1400
• ساعت
• 12:07
• نوشته شده توسط
• یوسف اکبری

حسین اول کیمسه دور زرّ عالمینده
اونا اوّل خدا دیوب یا حسین
ازل نقاشی نقشین نقش ایدنده
قلم ، لوح بلا دیوب یا حسین
بلا پیمانین امضا ایلینده
قدر دوتدی قضا دیوب یا حسین
بشر ، جن و ملک، حور و فرشته
نه وار یر گوگده تا دیوب یا حسین
بشردن اولین و آخرین فرد
که ختم الانبیا دیوب یا حسین
اولاردان صوندا آدم ، نوح و غیری
گروه ختم الانبیا دیوب یا حسین
عموم خلقتین روح و روانی
یاراندیقجان اونا دیوب یا حسین
بتول فاطمه هرزادان اول
دیوب یا مرتضی دیوب یا حسین
علی المرتضی هم سبط الاکبر
امام مجتبی دیوب یا حسین
حسینین آدی عشق و شهرتی عشق
او عشقه مبتلا دیوب یا حسین
گل و سنگ و گیاه و آب و آتش
اولاردا ای بسا دیوب یا حسین
آچبدور دل نقاط پاک افلاک
هامسی هم صدا دیوب یا حسین
زمینین کره سینده کعبه باخدی
زمین کربلا دیوب یا حسین
حسین اوز قتلگاهینده که اولدی
ذبیحاًمِن قفا دیوب یا حسین
دیسم با جادی شک و شبهه سیزدور
که شمر بی حیا دیوب یا حسین
"امینی " یاز که هر کس حرمله لن
گوتوردی اوخ آتا دیوب یا حسین

• یکشنبه
• 24
• مرداد
• 1400
• ساعت
• 14:19
• نوشته شده توسط
• یوسف اکبری

یاحسین غافلی هیچ موعظه بیدار ایلمز
اینجیدرخار گولی،گُل ولی آزار ایلمز

نا امید اولماسا نوکر کرمیندن آقانون
هر نه اندازه خطا ایلسه انکار ایلمز

ال آتوب دامنوه جرمیمه اقرار ایدورم
آدون اوستومده دی جرمیم اودی مردار ایلمز

شرم ایدوردوم قاپوا گلمگه گلموردی یوزوم
دیدیلر گیت بو حسیندی سنیده خوار ایلمز

قاره پرچملری دوتدوم یوزه گلدیم یاسوا
دردیمه چاره اگر ایتمسون،اغیار ایلمز

آند اولا اوز ننوه دوگممشیم هیچ قاپونی
دیمیشم کیم قاپوا دوز گله ناچار ایلمز

علتی واردی قاپوندا آدیمی ایت قویدوم
بیله ناپاکی آقا نوکر دربار ایلمز

اورگشوب قاره یوزوم درگهوون تپراقینا
یری خوشدور هوس داخل تالار ایلمز

یوزی قاره ایتووام یوللاما آیری قاپیا
منی پاکیزه حسین اوزگه نمکزار ایلمز

گچوب عمروم آقا قوسون هایانا من گیدرم
سن قووان شخصه اوزون کیمسه هوادار ایلمز

نگرانم دیسن،سن تک ایتی ایستمورم
دیورم یوخ،آقادور بیر بیله رفتار ایلمز

• جمعه
• 29
• مرداد
• 1400
• ساعت
• 10:41
• نوشته شده توسط
• یوسف اکبری

باشسیز بدن ای پیکری عریان آنام اوغلی
ایوای منه جانیم سنه قربان آنام اوغلی

الله بولوری نعشیوی نه نوعیله تاپدیم
بو حالتیوه خون دلی اشگیمه قاتدیم
کشتی کیمی گرداب محنده گله باتدیم
اوز وئردی منه قورخولی طوفان آنام اوغلی

چوخلی یارا وئردی سنه بو فرقهٔ اوباش
اوخ نیزه قلج یاره سی حتی ویریلب داش
بند اولدی یارا یاریه باجون ئوله ایکاش
بو سینه یاراسی وئروری قان آنام اوغلی

تز تز سوروشور قالدی بابام هاردا رقیه
قورخوم بودی گورسه سنی بو حالدا رقیه
روحی چخا تندن وئره جان بوردا رقیه
بو قیزدی منیم جانیمه جانان آنام اوغلی

واردور خبرون شامی نجه من سحر ایتدیم؟
صبحه کیمی جاری یوزه اشک بصر ایتدیم
هر دم که او قورخان بالالاره نظر ایتدیم
تنگ اولدی منه گردش دوران آنام اوغلی

بیر قاعده دور قورخسا اوشاق صبح زمانی
آخشام یاتا بولمز اوجادار داد و فغانی
غارتده دونن ئولدی ئولن قورخدی قالانی
اولموشدی بالالارون هراسان آنام اوغلی

یانمیش چادرا جمع ائلدیم آل ترابی
الله بولوری چکدیم او دم من نه عذابی
سس دوشدی قوشون آشدی اخا سد اولان آبی
ایتدی حرمی سو سوزی نالان آنام اوغلی

اصغر آناسین سالدی او سو آیری بیر حاله
حسرتله سویا باخدی قالوب الده پیاله
اصرار الدیم ایچدی دونوب ایلدی ناله
صود گلدی اونی ایتدی پریشان آنام اوغلی

ال سینه ده سسلردی علی هاردا یاتوبسان
اولدوز کیمی برج محن و غمده باتوبسان
علت ندی گوزدن بو غریبی سن آتوبسان
او نالیه اولدوق هامی گریان آنام اوغلی

ای کرببلا شاهی اولان سید ابرار
دنیاده ائدر " حیدری" دردین سنه اظهار
سنده نظر لطف ائله قویما بونی آغلار
بیزده بولر اوز دردینه درمان آنام اوغلی

• جمعه
• 29
• مرداد
• 1400
• ساعت
• 11:00
• نوشته شده توسط
• یوسف اکبری

جناتیدن حسینیم عشقونده شوره گلدیم
یاندیم دئدیم حسین وای دیده تنوره گلدیم

زهرانی گوزلروندن اوغلوم نیه آتوبسان
مطبخ سراده اولما مقصودوه چاتوبسان
هیچ دینموسن کول اوسته مخمور سن یاتوبسان
آچ گوزلرون دانشدیر مهمان حضوره گلدیم

صود ام مگه عزیزیم گهوارده چالشدون
آغوشه گلمگونده نار غمه آلشدون
واللهی چوخ سویوندیم دوتدون ایاق دانشدون
آلدیم سنی قوجاقه وجدو سروره گلدیم

من قصریدن چخاندان رعشه دوتوبدی جانیم
اشکیم آخوب گوزومدن یاندیم دئدی زبانیم
طورون اولوبدی مطبخ ای موسی زمانیم
موسائیلن ملاقات اولسون بو طوره گلدیم

دردین سنه دیوبدور دنیاده اهل معنا
دردیم قوتارمیاندی فرض ایله مثل دریا
اظهار دردین ائتسون دیداره گلدی زهرا
قلبیم سوزون دییَم تا سنگ صبوره گلدیم

یاندیرمیشیدی قلب زهرانیده فراقون
خوش گلدون ایله اوغلوم گلمیش نئچه قوناقون
باشونده نور قالخوب پرنور اولوب اتاقون
نور بهشتی آتدیم دنیای نوره گلدیم

سیاره لر سیاقی عرش محنده آخدوم
عریانیدی جنازون منحور حُلقه باخدوم
آغ زولفیمه اگیلدیم قانوندن اوندا یاخدوم
نفرین ائدوب او چولده فوج جسوره گلدیم

پیغمبرینده جام صبری جالانمیشیدی
قلبون سه شعبه اوخلان چوخ پارچالانمیشیدی
دور و برونده گوردوم داشلار قالانمیشیدی
بیلدیم او نعشی گویا قرآندا سوره گلدیم

اصغر آناسی گوردوم آهو کیمی ملردی
میدانیده رقیه چوخ نالیه گلردی
پاره چادردا زینب اشکین یوزه الردی
ویردیم تسلّی قدری صاحب شعوره گلدیم

• جمعه
• 29
• مرداد
• 1400
• ساعت
• 22:38
• نوشته شده توسط
• یوسف اکبری

دشت بلا سراسر آلقاندی یا محمد
اوغلون حسین او قانه غلطاندی یا محمد

دریای غم بو چولده موجه گلنده داشدی
یخدی بنای صبری امواجی باشدان آشدی
جسمی حسینی اورتن خنجردی ، اوخدی ، داشدی
اوخلار ، قلجلار آتدا پنهاندی یا محمد

گوگلرده کی کواکب گلسه اگر شماره
تعداد اولار حسینه دگمیش نقدری یاره
از بسکه یاره اوسته یاره دگوب دوباره
باشدان باشا وجودی شأن شأندی یا محمد

یا خاتم النّبیّین اللهه بر گزیده
گل قیل نماز میّت یتمیش ایکی شهیده
قویما یر اوسته قالسون اجساد سر بریده
تعجیل دفن ، حقدن فرماندی یا محمد

اولسون ایراق گوزوندن ای کایناته سرور
گل گور سالوب نه حاله اوغلون حسینی لشگر
هئچ مسلمی جهاندا سالماز بو حاله کافر
امتّده گور نه ظلم و طغیاندی یا محمد

هئچ دین و مذهب اهلی ای صاحب شریعت
ائتمز بو جور و ظلمی ائتمیش حسینه امّت
نه باش نه ال نه بارماق نه پیکری سلامت
بو ظلمه اهل عالم حیراندی یا محمد

باشین کسوب قفادن ظلمیله اهل کینه
سو وئرمیوبله سیر ائت بغض و عناد و کینه
سینونده بسلنن بیر کنز علوم سینه
توپراقلاریله ایندی یکساندی یا محمد

قلبیکه غملنیدی راضی دگولدی رحمان
دفع غم حسینه حقدن یتردی فرمان
سندیردی ایله قلبی بیر زهردار پیکان
الله یری مکان پیکاندی یا محمد

بو نوعیله سویوبلار اوغلون حسینی اعدا
بیر مسلمی بو نوعی سویماز یهود و ترسا
جسمینده قویمویوبلار بیر پیرهنده ، گویا
مناده بیر سویولموش قرباندی یا محمد

هر بیر یارا که ورموش بو جسمه فرقۀ دون
جاری اولوبدی قانی صحرایه مثل جیحون
قان موجی قتلگاهی ائلوبدی دجّلۀ خون
طغیان ائدوب او دجله طوفاندی یا محمد

قانلار سپولموش از بس بو دشتیدن سمایه
قان پرده پرده دوتموش افلاکی پایه پایه
باجادی گر دایانسا قان عرش کبریایه
دامان چرخ قاندان الواندی یا محمد

ای عالمینه رحمت وی مهربان پیمبر
امر ائت علی گتورسون بیر شربه آب کوثر
اوغلون حسینه وئرسون چوخ تشنه دور او سرور
عطشانه بیر ایچم سو احساندی یا محمد

عالمده بو حسینون وار کونه امتیازی
استبرق بهشته منّتدی لطف و نازی
بو شخصیّتده شخصون بیر کفنه وار نیازی
لایق کفن گتور گل عریاندی یا محمد

لایق کفن دیدیم گر باشسیز قالان امیره
اولماز رضا حسینون استبرق و حریره
آخر قناعت ایلر سجّاد بیر حصیره
بو امره کون و امکان حیراندی یا محمد

باجادی چشم گریان بارشده دونسه ابره
یر قالمیوب گوگلده هرگز شکیب و صبره
یوخ بیر نفر قوییدی باری بو نعشی قبره
گونلر ایونده یاندی اودلاندی یا محمد

بو قتل و بو جنایت قویموش جهانی حیران
گورموب داخی گورنمز مثلین جهان و امکان
شیرازه دن چیخوبدور گویا یر اوسته قرآن
ارکان دین و ایمان ویراندی یا محمد

تاج سر شهیدان محبوب رب عزّت
باشسیز دوشوب یر اوسته ایجاد کونه علت
دوتموش جهانی ظلمت خورشید برج وحدت
تنوریده کول اوسته مهماندی یا محمد

بحر غم و مصیبت بیر نوعی ائتدی طغیان
فلک نجات سندی اولدی غریق طوفان
نه نا خدا سلامت قالدی نه سر نشینان
حالیم بو شرح حاله برهاندی یا محمد

گوز اشگ دل غمیله دائم دولوب بوشالدی
یوز وئردی هر مصیبت آرام مندن آلدی
گئتدی الی الیندن زینب بو حاله قالدی
دوزماق بو مشگلاته آساندی یا محمد

بیر گل که بسلمیشدون نازیله سینون اوسته
اوراق اولوب جفادن گلزار دینون اوسته
بلبلدن ال اوزوبدور دین مبینون اوسته
گور نه سولوب سوسوزدان خنداندی یا محمد

گلزار کربلاده گل بیر سولوب سوسوزدان
تا سولماسون دوباره گلزار دین و ایمان
خندان اولان بو گللر گویا دیرولله اعلان
مالک رقاب عالم عطشاندی یا محمد

روز الستیده من بو غمده شرکت ائتدیم
بو شرکتیمده گویا کسب شرافت ائتدیم
تبلیغ ایدم بو سرّی کشف حقیقت ائتدیم
حقدن پاره ابدان برهاندی یا محمد

امّ الکتاب اوغلی بی جلدو ر یر اوسته
وار دفنینه احتیاجی سرد ، دوشوبدی خسته
آیات حق داغلموش اطرافه دسته دسته
شیرازه دن چیخان بیر قرآندی یا محمد

جدّا روادی «عاصی» غم آتشینده یانسون
دوتسون شرر وجودی آهی گوگه دایانسون
ای آفتاب رحمت سال سایه دالدالانسون
مدّتدی درگهونده درباندی یا محمد

• جمعه
• 29
• مرداد
• 1400
• ساعت
• 22:53
• نوشته شده توسط
• یوسف اکبری