اشعار ترکی امام حسین (ع)

دیار عشقیدن حسین نوای نینوا گلور
هایاندا اولسا پرچمون نسیم هل اتی گلور

صفالی قبریوه چکیب صفوف طوفی قدسیان
نه تک ملک زیارته تمام انبیا گلور

جهاندا شیعه نون فقط پناهی آلتی گوشه دی
اولوبدی عشقوه آقا اسیر ومبتلا گلور

مردد اولمارام آقا گلنده عاشقون ولی
مسیحی ترک ائدیب اِلین عجبدیم هارا گلور

دوشوبدی دیللره آدون شهیر عالم اولموسان
یساروهم یمینیدن هوای کربلا گلور

شه وگدا دوشوب یولا گلور سرای عشقووه
اگرچه وار تبسمی اورکده مین یارا گلور

گیوبدی ماسوا قرا حسین حسین دیورهامی
تمام عرش وفرشیدن ترنم عزا گلور

کیم اولدی زائرون بلی مسلم عشق پاکی وار
بویولدا زائرون اولوب غمیلن آشناگلور

نقدری شاد اولام حسین آدون گلنده آغلارام
بو ذهنه شام و هر سحر اوغملی ماجرا گلور

طبیب اولاندا چاره سیز گزیر جهانی کوبه کو
نهایت آستانیوه پیاده چون گدا گلور

مطول ایلمه سوزون ((عبادی)) آرزو ائله
دنسونله غیبیدن بوگون نگار مصطفی گلور

• شنبه
• 17
• تیر
• 1402
• ساعت
• 20:10
• نوشته شده توسط
• یوسف اکبری

سنه یا حسین یوزومدن
آچیلان نقابیم آغلار
باشیم اوسته ذره ذره
دوشن آفتابیم آغلار

اورگیمده مه جمالون
ایشیقین گورن گوزوم وار
منه بیر چراغ شب ‌دور
بو چراغه نه سوزوم وار
گیجه‌لر یوخی یوخومدور
که قاباقدا گوندوزوم وار
او بلالی گوندوزیمه
شب ماهتابیم آغلار

یارالی باشون جداده
ایلیین زمان تجلا
من بینوایه تاریک
اولو روشنای دنیا
ائله یاندیران دلیله
دیر‌م حسین حسین وای
اوجالان سسیمه مُلحق
اولور اوز خطابیم آغلار

نه قدر ساغام بلادن
غم و درد دور حوالَم
ائله که گوزوم یومولدی
قوتاروب کسیلدی نالَم
منی قویدولار مزاره
دولانور مدار عالم
لَحد آلتدا توتیا تک
توکولن تُرابیم آغلار

گوزومون یاشی غموندا
قره مُشگنابه بنزر
توکولنده سینون اوسته
دولانور گلابه بنزر
دولاشیبدی گردنیمه
هوروگیم طنابه بنزر
او طنابه قوللاریمدان
ویریلان طنابیم آغلار

توکر اول قلم‌لری که
ورقه قرا مُرکب
او قرا مُرکبیله
اولو شرح حال زینب
قلمون گُزارشیندن
اوخوناندا غملی مطلب
خبر مُصیبتیمده
یازیلان کیتابیم آغلار

داغیداندا اشگ توفان
یئره چشم غم نگاهیم
اونی خُشک ائد‌ر اور‌کدن
چخان آتش سیاهیم
ایکی ضدیلن موافق
اولور ابر دود آهیم
اوتیلان سو اوسته شبنم
اَلیور سحابیم آغلار

حَرم اهلنون صفیندن
گلیر هر بیری نوایه
وئری کاروان ماتم
اونیلان صدا صدایه
هامودان چوخ آغلارام من
او نوای دلربایه
که گناه‌ سیز بالاسی
ویریلان ربابیم آغلار

سنی سسلر‌م برادر
منیله دانیش جداده
سسووی ایشتمر‌م چون
گلیر‌م فغان و داده
او محاسنِ شریفون
نئجه تتر‌یور هواده
ائد‌ر اضطراب اونون تک
دل پیچ و تابیم آغلار

• شنبه
• 17
• تیر
• 1402
• ساعت
• 21:01
• نوشته شده توسط
• یوسف اکبری

دور بُو دَربَدَر عَیالون سالدِیلار نِظامَه قارداش
کَربَلالیلَر دُوبارَه عازِم اوُلدی شامَه قارداش

تاپماسُون گرکدِی اَحکام نَفخِ صُور اوُلونجا تَغییر
چون سَن حَق سُوز اوُسته ئولدُون وار سُوزوندَه بِیلَه تاُثیر
سَسلَدی یارالی باشُون تا جِدا باشندا تَکبیر
صَف چَکُوب اَسیر عَیالون دور دُولار قِیامَه قارداش

گلمِیشَم بیو سَر زَمینَه اَکبَرِ جَوانیلَه مَن
عُون و فَضل و قاسِمیلَه اَشجعِ زَمانیلَه مَن
اِیمدِی شامَه عازِم اوُلدُوم شِمریلَه سِنانیلَه مَن
سَن بُو کَربَلادَه خوش یات یِتمُوسن مَرامَه قارداش

قُویمُورِی عَدو دُویُونجا بیر جَه آغلیُوم گِیدُوم مَن
دُوغرانان جَنازَن اوُسته سِینَه داغلیُوم گِیدُوم مَن
قان وِیرَن یارالاریوی بارِی باغلیُوم گِیدُوم مَن
گر چِه حَشر اوُلونجا یِتمَز زَخمُون اِلتیامَه قارداش

گِیرَم اَل تاپُوب سَنَه بُو کُوفیانِ نا مُسلمان
سُو یانندا وِیرمیُوب سُو باشوی کَسُوب لَب عَطشان
زِینَبُون ئولَه نَدَن بَس جِسمُوی قُویُوبلا عُریان
داد کُوفیان اَلیندَن نُولدی کُهنَه جامَه قارداش

سَن بُویُورمُوسان دُوزوم مَن اِی شَهنشَهِ مَدینَه
هَر قَدَر بُروزه وِیرسَه کِینَه سین گُروهِ کِینَه
مَن دوتاخ دُوزوب دایاندِیم نِیلَسُون قِیزُون سَکینَه
گُور دُوزر بُو جُور و ظُلمِ لَشگرِ ظُلامَه قارداش

اوُندا که قُوشُون خِیامَه گَلدِی قَصدِ غارَتیلَه
خُوفَه دُوشدی اَهلِ بِیتُون وَحشتِ اَذِیّتیلَه
بَرگِ گُل کیمی اَسیلَه اِیمدِیدَه او وَحشَتیلَه
گَلمِیُوب هَلَه دُوتولمُوش دِیللّری کَلامَه قارداش

نَه مُصیبتَه تَحَمّل اِیلسُون مَگر بُو عُورَت
عِزّتی گِیدُوب اَلندن خِیمه سی اوُلوبدی غارت
هَر مُصیبَتمدَن آرتُوخ یاندیرُور بُو بیر مُصیبَت
وُوردیلار غُل و دُوشاخَه بُو عَلیل اِمامَه قارداش

بیر مَریضی که اوُنیلَه دَردِینی تاپار مَعالج
قالدی اوُدّدا یاندیم وِیردی یانماقیم نَتایِج
اِیلدیم اوُنی او اوُدان بیر مَشَقَتیلَه خارِج
اِیلَدی اَثر او حالِیم فُرقِهء لَئامَه قارداش

قِسمَت اِیتدِیلَر یِتیشدی اوُچ اَسیرَه بیرجَه ناقه
اَگلَشنمِیُوب دُوشندَه هَر یَتیمَه قِیز اَشاقَه
شِمر اَلیندَه تازیانَه تا یِتُور یتیم اوُشاقَه
کِینیلَه وُیرُور او ظالِم ظُلمنی تَمامَه قارداش

یُوخ الیمدَه اِختیارِیم دِیندیرُوم عُطُوفَتیلَه
ناقَه لَر بیری بیریندَن چون گِیدِیر مَسافَتیلَه
کَافَر اوُلسادا یَتیمی دِیندیرُولّه رَافَتیلَه
نَه وُوروب دُوگلّه دؤنسُون رُوزگاری شامَه قارداش

بیر دانیش بُو مُردَه جِسمَه عیسیِ زَمانَه جان وِیر
من مُسافِرَم دالیمجا باری دُور اؤزون اَذان وِیر
نِیزَه دَه کَسیک باشیلَه دؤش قَباقَه یُول نِشان وِیر
تا باشُون دالینجا باشلار دُوشسُون اِنتِظامَه قارداش

اِیتمَرم سَنی فَرامُوش من دعای نیمِ شَبدَن
سُو گُورَندَه یاد قیلام هَر زَمان بَو خُشک لَبدَن
قُویمارام گُوزیوی یُولدا شام و کُوفَه و حَلبدَن
پِیکِ آهیلَه یِتُورَم نامَه اوُستَه نامَه قارداش

اِی تُرابی مَقتَلندَه قانیلَه اوُلان مَلمَخ
#شاننون آلیبدی جانین خُوفِ دُوزَخیلَه بَرزَخ
اوُلما راضی حَشر اوُلاندا اوُلسا گر مَکانی دُوزخ
اوُز اوُدیلَه اوُدلانوبدی باخ اَلیندَه خامَه قارداش

• شنبه
• 14
• مرداد
• 1402
• ساعت
• 21:56
• نوشته شده توسط
• یوسف اکبری

آه یا صاحب زمان، افسوس یابن العسکری
دَفن اولونمادی ندَن جدّون حسینین پیکری
گون قباقین دَه قالوب اوُچ گُون وجودِ اَطهری
گور حسین تک کیم بو عالم دَه بیله مَظلوم اوُلوب

دفنی نون آلسان خبر علّت اگر تاخیری نه
وار نچه سرّی که عاجزدی قَلم تَحریری نه
کوفه دَه سجّادی گور، باخ بوی نونون زنجیری نه
نِی لسون سجّاد، اسیرِ اَشقیای شُوم اوُلوب

گلدی اوُچ گُون دَن صُورا اوُغلی او فَخرُ السّاجدین
شاهِ عطشان نعشینی دَفن اِیلدی زار و غَمین
بیر کفن اِیتدی کَفن سیز شاهه اوُل هادیّ دین
نه کَفن گُور جدّیوه اکفانی دَن مَحتوم اوُلوب

بیر حَصیری که اوُنا غارت گرانِ بی حَیا
خیمه سین تاراج اِیدن دَه اِیتمه میشدی اِعتنا
اوُلدی اُول جسمه کَفن که ذاتِ حق دور خُونبها
حقّ اوزی بیر بیله مظلومیّته مَغموم اوُلوب

#عاصیا چوخ سُفله پَرور دور بو چرخِ کَج مدار
مُحترم اَشخاصی دائم ذلّته اِیلر دچار
بو دنی دنیانین اُولما اَهلی نه امّیدوار
گورموسن مِهر و وفا بو خلقی دَن مُعدوم اوُلوب

• شنبه
• 14
• مرداد
• 1402
• ساعت
• 22:17
• نوشته شده توسط
• یوسف اکبری

حسین مُصیبتی دَریادی یوخدی پایانی
او دور که اِیمدیدَه جوش اِیلَر اِیل بَه اِیل قانی

بُلَنمُورَم بو نه غَمدور عُقول حیران دور
فَلک مَلک بو مَصیبتدَه اَشگ ریزان دور

قَتیل العَبرَه دی مَقتول اُولوب سُو اُوسته سُوسُوز
او دور سَبب بو شَهه عَرش و فَرش گِریان دور

دویُونجا عِترتینی قویمیوبلار آغلاماقا
بُو غُصّه مایهء فَریاد و داد و اَفغان دور

کَسُوبلَه باشینی عُریان قُویوبلا گُل بدَنین
یارالی جِسمی قُوری یِردَه قانه غلطان دور

گَلوب جَنازَه سی اُوسته مُخدّراتِ حَرم
گُوروبلَه مِصرَعی دریا کیمی دُولی قان دور

توکُولدولَر دَوَه لَردَن تَمام عُورت اُوشاق
بُولوبلَه وَصل یِتُور باشه وَقتِ هِجران دور

قُوروبَلا حَلقهء ماتَم او نَعشِ پاک اُوسته
حَرملَرین گُوزی گُویا بیر اَبرِ نِیسان دور

او بیر گُله واریدی قرخ شِکستَه پَر بُلبل
وَ لِیک بیر دِلیلَه هر بیری نَوا خوان دور

دوتوب او قانی خانیملار یاخاردی ساچلارینا
دِیردیلَر بو مِنای وَفادَه قُربان دور

اُولوب او دَم مُتوجّه علی قیزی زِینَب
عَلیل اِمامی گُوروب حالی چوخ پَریشان دور

جَهازسیز دَوَه اُوستوندَه قولّاری باغلی
باخُور او مَجمَعه آغلار گُوزیلَه نالان دور

اَیاقی باغلیدی مُمکن دَگُل پیادَه اُولا
طَناب و قِیدیلَه مَغلولِ قُومِ عُدوان دور

دوشوب گُوزی دَوَرانَه یاخوندی جان وِیرسُون
غَریقِ بَحرِ مُصیبت او شاهِ دوران دور

او قَدَر قالمُوری جِسمیندَن آیریلا رُوحی
قُوای جان مُتزَلزلدی چوخ هَراسان دور

دِئدی ئولنلریمُون یادگاری صَبر اِیلَه
سَنون قُوری نَفسُون حَرزِ آلِ عُمران دور

ئولنلَر ئولدی قالانلار سَنه تیکُوب گُوزینی
بُو حال سَندَه نَه حالتدی کی نَمایان دور؟

جَواب وِیردی نِجَه عَمّه صَبر اِیدوم دایانُوم
مگر تَحمّل و طاقت بُو ظُلمَه آسان دور؟

شَهیدلَر بدَنی بی کَفن قالوب یِردَه
بو پارَه پارَه بدَنلَر یِریلَه یِکسان دور

نه بیر کَفن گَتورَن وار نَه بیر جَه دَفن اِیلین
تاپُولمُوری دِیَن آخر بُولار مُسلمان دور

کانّهُ که مُسلمان دَگُولّه بُو شُهدا
قُوری یِر اُوسته بُو باشسیز بدَنلَر عُریان دور

بابام جَنازَه سینه اُول قَدَر یارا وُورولوب
بِسانِ شانهء گیسُو وِجودی شان شان دور

نَه باشی وار نَه اَلی نَه لباسی جِسمیندَه
بنای عُنصُرِ تُوحید گُور نه ویران دور

یارالاریندان آخان قانی غُسلی دور بابامُون
حَنوط توپراقی دور حُقّ یُولوندا قربان دور

کَلامِ ناطقین اُوراق اِیدوبلَه اَعضاسین
وَرق وَرق داغلوب صَفحه صَفحه قرآن دور

آناسی فاطمه نین قَلبینی اِیدوبلَه کَباب
بُو جُور و ظُلملَره شاد آلِ سُفیان دور

فَدا او پِیکره نَسج الرّیاحی دور کَفنی
جَنازه سی خَس و خاشاک اِیچیندَه پِنهان دور

کَسُوبلَه باشینی قانیلَه اِیسلانوب توپراق
تَمام دَردَه بو قانلی تُراب دَرمان دور

#حسینی فَخر اِیلمه سَعدیّ زَمانَم من
حسین آدیلَه سَنون عزّتُون فَراوان دور

آدون #حسینی یازیلسا بو فَخر بَسدی سنَه
بُو آستانه دَه چون جَبرئیل دَربان دور

• شنبه
• 14
• مرداد
• 1402
• ساعت
• 22:20
• نوشته شده توسط
• یوسف اکبری

ای عالمینین سروری باشون ساغ اولسون
یا حجة ابن العسکری باشون ساغ اولسون

یالقیز قویوب لشکر بو گون بیکس حسینی
آغلاتدیلار پیغمبره نور دو عینی
عرشه دایاندی اهلبیتین شور و شینی
یا حجة ابن العسکری باشون ساغ اولسون

یکسر باتوب قانه جوانلاری حسینون
غلطان اولوبدور قانه انصاری حسینون
یتمیش نفردن قالمادی یاری حسینون
یا حجة ابن العسکری باشون ساغ اولسون

اُلدی حسینون آشناسی گولدی غیری
نه عابسی قالدی حسینون نه بُریری
قانه بویاندی عون و فضلیله زُهیری
یا حجة ابن العسکری باشون ساغ اولسون

قاندان خضاب ایتدی حسینون پیر حبیبی
گیتدی الیندن عاقبتده شیر حبیبی
چوخ حسرتیله اولدی جاندان سیر حبیبی
یا حجة ابن العسکری باشون ساغ اولسون

بیر طوی توتولدی قاسم داماده بو گون
گلدی ملک لر عرشده فریاده بو گون
ویردی عدو طوی حجله‌سین بر‌باده بو گون
یا حجة ابن العسکری باشون ساغ اولسون

لیلا جوانین یوللادی میدان رزمه
بیر شوقیله گیتدی گیدور گویا که بزمه
باخموب وجودین دوغرویار افواج گزمه
یا حجة ابن العسکری باشون ساغ اولسون

باشدان باشا شمشیریله دوغراندی یکسر
گل تک سریلدی توپراقا اول قانلو پیکر
یغدی عبایه پیکرین فرزند حیدر
یا حجة ابن العسکری باشون ساغ اولسون

بیر ظلم ایدوبدور حرمله حیراندی عالم
بو ظلمه آغلار حشر اولونجا نسل آدم
حلق علی کتف حسین اوخلاندی با هم
یا حجة ابن العسکری باشون ساغ اولسون

گورمز بو ظلمین مثلینی دور زمانه
اُلدورماقا سقانی مشک اولدی بهانه
مین لر خدنگه پیکری اولدی نشانه
یا حجة ابن العسکری باشون ساغ اولسون

باغلاندی یکسر یولّاری سردار دینین
دوشدی بدندن قولّاری غمخوار دینین
غم چولقادی اطرافنی سالار دینین
یا حجة ابن العسکری باشون ساغ اولسون

فریاد او وقتن شمر گلدی باش آپارسین
ابن زیاده اول باشی شاباش آپارسین
آز قالدی دنیانی او دم قانیاش آپارسین
یا حجة ابن العسکری باشون ساغ اولسون

باش گیتدی قالدی عترتی چوللرده یالقیز
اوتلاندی خیمه آغلادی هر یاندا بیر قیز
اول قیزلارین احوالینه آغلاردی اولدوز
یا حجة ابن العسکری باشون ساغ اولسون

غارت قوتاردی تا چکلدی قاره پرده
قاره گجه گل تک بدنلر قالدی یرده
چخدی سمایه قیزلارین فریادی بیرده
یا حجة ابن العسکری باشون ساغ اولسون

بیر یاری یانمش خیمه ده آغلاردی زینب
فریادینه گوی اهلنی داغلاردی زینب
هر دم ده بیر پاره قولاق باغلاردی زینب
یا حجة ابن العسکری باشون ساغ اولسون

شام غریبان اولجاقین قوپدی قیامت
گودالین ایچره اولدی بیر اوزگه جنایت
تاپدی حسینی ساربان ایتدی جسارت
یا حجة ابن العسکری باشون ساغ اولسون

بند زر اوسته اللرین کسدی حسینون
بیر زیور اوسته اللرین کسدی حسینون
اول پیکر اوسته اللرین کسدی حسینون
یا حجة ابن العسکری باشون ساغ اولسون

اوندان قاباق گودالین ایچره گلدی بجدل
گوردی گمانه تک گلن بیر اَلدی بجدل
کسدی کیچیک بارماقنی دینجلدی بجدل
یا حجة ابن العسکری باشون ساغ اولسون

یازما نگین زهرا گوزی آغلار قالوبدی
بو غملی نامه طاقتین دلدن آلوبدی
لیکن بو وردون قلبینه مرهم سالوبدی
یا حجة ابن العسکری باشون ساغ اولسون

• شنبه
• 14
• مرداد
• 1402
• ساعت
• 22:30
• نوشته شده توسط
• یوسف اکبری

گَل ای مُرآتِ عِفت آخرين ديدار دور زينب
چاتوب هِجران باشا هنگامِ وَصلِ يار دور زينب

مُحبتدَن اِئدوب دَعوت حَريمِ عشقه جانانيم
زهی اِقباليمه، وَصلَه مُبدّل اُولدی هِجرانيم
بونون شُكرانه سيندَه پيشكش عُنوانينه جانيم
نثارِ پيشگاهِ حضرتِ دلدار دور زينب

ماُی جان آچوبدور بال و پَر وَجد و نَشاطيمدَن
اُولوب مَحو اِنقباضِ دل كمالِ اِنبِساطيمدَن
اِئدوب شُوقِ لَقا، آسودَه خاطر هر بَساطيمدَن
بو بَحث و فَحص دَن عُمدَه نَظر، ديدار دور زينب

گرک باشدان گِئچم كوی مُحبّتدَه بو دور عَهديم
اگرچه واقفم آخر اُولار اُوز مَقتليم مَهديم
اُولام ثابت قَدم عشقيمدَه وار جِديّت و جَهديم
كه عشقينِ اوّلين شَرطی نه چون اِيثار دور زينب

مُنظم دور نِظامِ كُون و اِمكان اِنتظاميمدان
قَتيل اُولام وَلِيكَن چَكمرم اَل اُوز مَراميمدَان
گرک عالمدُه اُولسون زنده قَد قامت قياميمدَان
جَهاندا اَهلِ اِسلامه بو بير هُشدار دور زينب

حسين اِبنِ علی عالمدَه اِستكباره اَگمز باش
گِئچر باشدان ولی اربابِ اِستعماره اَگمز باش
جَهاندا آز ياشار، آزاد ياشار كُفاره اَگمز باش
حسينون آرامانيندا باش اَگيماق عار دور زينب

گرک دنيا يُوزوندَن كُفر و اِستكبار پاک اُولسون
قياميمدان بو دور فكريم كه ظالم لَر هَلاک اُولسون
منيم بو آرمانيم اَهلِ دنيايه مِلاک اُولسون
كه ظلمين ريشه سين كَسماق گُوزل اَفكار دور زينب

اگر تُوش اُولسا سينه م يوخ غَميم شَمشيرِ ظُلاّمه
بو چولدَه دوزموشَم عِلّت بو دور هر رَنج و آلامَه
كه لَطمه ويرماسُون بيگانه لَر فَرهَنگِ اِسلامه
غَرض فكريم جهاندان مَحوِ اِستثمار دور زينب

هَراسيم يُوخ بو لَشگردَن مَنم شيرِ خدا اُوغلی
جَهان خَصم اُولسا باک اِئتمز ولیّ كِبريا اُوغلی
باش اَگمز قُومِ ظُلاّمَه علیّ المُرتضی اُوغلی
آتام مُولی المَوالی حيدرِ كرّار دور زينب

بو چُولدَه سُود اَمردَن دولتِ اِيثاريدَن گِئچديم
ابُوالفضليم كيمي صُولتلی پَرچَمداريدَن گِئچديم
جَبيب اِبنِ مَظاهر تَك قُوجا سَرداريدَن گِئچديم
كه دين اُولسون جَوان، چون دين مَنه مِعيار دور زينب

باجی سن بُو بياباندا مَنيم نايب مَنابيم سَن
شَياطينِ زَمانين رَجمينه تيرِ شَهابيم سَن
عَلمدارِ قياميم سَن شَريکِ اِنقلابيم سَن
سَبب نَشرِ قيامَه عُمدَه پَرچَمدار دور زينب

منی جُور و جَفادَن ئولدورر بو قُومِ سَنگين دل
اُولار اَمرين بو صَحرادَه سَنون مَندَن صُورا مُشگل
تَحمل اِئت اَسير اِئدسَه جَفادَن فُرقهء باطل
شَهادتدَه اِسارت وار بو بير اَسرار دور زينب

دايان سِيلِ بَلادَه داغ كيمی بُو قانلی صَحرادَه
تَحمُل اِئت مَنيم قَتليمدَه گَلمه شيون و دادَه
اَسير اُولساندا اَل چَكمه حَقيقتدَن كه، آزادَه
هميشه كُفريلَه آمادهء پِيكار دور زينب

اگر من ئولمَسَم عَدلِ اِلهی پايدار اُولماز
بنای شَرعِ پِيغمبر جَهاندا اُستوار اُولماز
شَريعت پايدار اُولمازحَقيقت آشكاراُولماز
حسين ئولسُون، ديريل سُون دينِ حقّ ناچار دور زينب

سَنه تاپشيردويم ای زَهرايه مَظهر آلِ اَطهاري
بُو سَن بُو اَهلِ بيتيم ای كَمندِ غَم، گرفتاری
اُوزوندَن جِد و جَهد اِيله رضا اِئت حَیّ قَهّاری
پَرستار اُول بالام سَجادَه، چون بيمار دور زينب

بو چُولدَن كُوچ اِئدندَه اهلِ بِيتيم شامه كَف بَسته
سَوار اِيله اُوزون مَحمل لَره آهسته آهسته
عَداوتدَن عَدو بُولمز كه بُو اَطفالِ دل خَسته
علی اُولادی، آلِ اَحمدِ مُختار دور زينب

مُواظب اُول اُوشاقلاردان سَنه هر چَند زَحمت دور
خُصوصاً بو رقيه مدَن كه مُحتاجِ مُحبّت دور
يَتيمين كُونلون آلماق حَشردَه پاداشی جَنّت دور
بو فِيضه واقفَم نايل اُولان اَخيار دور زينب

باجی هر چند اَلف قَدين اُولار بارِ مُحندَن دال
تَلاش اِئت قيزلارين بير بير ولی بو چُولدَه كُونلون آل
جَوان داغی گُورنلَر باشينا ظِلِ مُحبّت سال
يورولما، سَن مَنه، حَقده سَنه غَمخوار دور زينب

اگر چه عاشقِ #شبخيز غرقِ بَحرِ عُصياندی
وَلی نادِم دی اُوز خَبط و خَطا سندان پَشيماندی
اَليندَه تُوشه سی آزدی، قيامَتدَن هَراساندی
اُميدی حَشره مَقبول اُولسا بو اَشعار دور زينب

دعا اِيله خدا گِئچسُون قيامَتدَه گُناهندان
پَشيمان دور نچون اَعمالِ زِشت و اِشتباهندان
پناهندَه اُولوب درباريوه، قوغ ما پناهيندان
مَنه خاطر كه دَربارين بُيوك دَربار دور زينب

• شنبه
• 14
• مرداد
• 1402
• ساعت
• 22:33
• نوشته شده توسط
• یوسف اکبری

آغلا گُوزوم حسینی گُور آلِ عَبادَن آیریلور
شاهِ شَهید زینبِ بَختِ قَرادَن آیریلور

باشلیوب آلِ مُصطفی داد و فَغان و شُور و شین
یانمَش اُورکلَر چَکر قَلبیدَن آهِ آتَشین
وَجهی بُو دور که حضرتِ خِیرالَانامَه جانشین
نایبهء ستم کِشی خِیر نَسادَن آیریلور

حَسرتیلَه او تَشنه لَب خوردا اُوشاق لارا باخور
اِیستوری گیزلَدَه وَلی اَشگی دایانمُوری آخور
آهِ سکینه یاندیرور قَلبِ شَریفینی یاخور
بیر اِیله مهربان آتا نازلی بالادَن آیریلور

مَجملی مَطلبین بُو دور سُوزدَه چوخ اُولماسین صَداع
مَندَه نه واردی نِطق دِل سَندَه نه حالِ اِستماع
کیم بُولوری نه آیریلیق کیم بُولوری نِجه وِداع
کیم بُولوری که کیم نِچه حُور لَقادَن آیریلور

تیکمیشیدی حسینه گُوز جُملهء داغ دیدَه لَر
گُوردی وِداعِ شاهی تا مُحنَت و غَم کِشیدَه لَر
یأسه دُونوب اُمیدلَر اَشگیلَه دُولدی دیدَه لَر
قَلبه رِجُوع اِیدَن باخوب گُوردی رَجادَن آیریلور

مانِع اُولوب بُیوکلَره عِفّت و عِصمت و حَیا
لِیک اُوشاقلار آغلادی باشلادی شُوریلَه نَوا
قَلبِ امامَه گُور نِجه اِیتمز اَثر بُو ماجَرا
بیر دُولی خیمه نالهء وا اَبَتادَن آیریلور

بَعضی اِئدور نَوا وُورور بَعضیسی باشه سینیه
بَعضی دِیور اِسارتی گُورمَه روا سکینیه
گَل بیزی تازه دَن بابا قِیتر آپار مَدینیه
مِهرِ وَطن مَگر دِلِ اَهلِ وَفادَن آیریلور

بَعضی کناردَن باخور بَعضی گَلور قُوجاقینه
بَعضی دوتور اَلین اُوپُور بَعضی دوشُور اَیاقینه
مُشگُل اُولور صَغیر اُوشاق دوزسُون آتا فَراقینه
هانسی بالانی گَر فَلک قُویسا آتادَن آیریلور

بیر بالا عَرض اِئدور بیزی سَنسیز عَدو اِیلَه سُویار
نَه باجیما لباسِ نُو نَه مَنه مَقنعه قُویار
نَه بُو رقیّه شامَه دین شیوَن و ناله دَن دُویار
نَه بُو رُباب صُبحه تَک شُور و نَوادَن آیریلور

نَه آنالار کناردَه آه و نَوادَن اَل چَکُور
نَه بالالار کنار اُولور چَنگ رَدادَن اَل چَکور
آلِ عَبا نَه دامنین بُوشلور عَبادَن اَل چَکُور
اَهلِ کَسا نه خامِس آلِ عَبادَن آیریلور

نالهء شاهزادَه لَر اِیلَه اِئدوبدی شاهی ماُت
بُولمُوری جان وِئروب بَنین بُولمُور اَسیر اُولوب بَنات
زِینب آچاندا قُوللارین حِیرتَه دوشدی اُمّهات
سُویلدیلَر گُورُون نِجه اُخت اَخادَن آیریلور

نائبهء بَتول او دَم پیلَدی صَبر ناقه سین
بیلدیروب اَهلِ عالمَه قارداشینا عَلاقه سین
باشینَه سالدی بیر قَرا آچدی جَلال طاقَه سین
یَعنی وِقار و عِزّ بُو بَختی قَرادَن آیریلور

قارداشینی قُوجاقلادی باجی بیر اِضطرابیلَه
سُویلدی کَسمَه اُلفَتُون زِینبِ دِل کَبابیلَه
عَزم اِیدوسَن ئولوم یُولون سَن که بِئله شِتابیلَه
رُوح بَدندَن آیریلور جِسم قُوادَن آیریلور

وِیردی جَواب شاهِ دین صَبر اِیلَه فُرقتیمدَه دوز
عُمر یِتوب دور آخره مَندَن آنام باجی اَل اوز
خوش گُونَه اَهلِ دل اُولان حَسرت اُولور گِجه گُونوز
اهلِ وِلا اُولان مَگر دَرد و بَلادَن آیریلور

#شانی عَزیزیوین دِلین روزِ وِداع داغلادون
سیلِ سِرشگُون عارضه گُوردیلَه خَلق باغلادون
یَعنی #صحافیله اِیله قُول بُویُون اُولدون آغلادون
یاد اِیلدون حسین نِجه آلِ عَبادَن آیریلور

• شنبه
• 14
• مرداد
• 1402
• ساعت
• 22:37
• نوشته شده توسط
• یوسف اکبری

ای وای او گُون حَشره باشسیز شُهدا گلسَه
بیر مَشکِ خون آلوده بیر قانلی لَوا گلسَه

صَف لَر اوُلاجاق بَرهم مَحشَر گُونی واویلا
مَحشردَه که بیر حَشر دیگر اوُلاجاق بَرپا
اَل قائمهء حَقدَه ناگاه خانم زَهرا
ذِکری دِلِ سُوزیلَه گر وا وَلدا گلسَه

عُریان دَوَه نُون اوُسته قُول باغلی طَنابیلَه
بی چادُر و بی مَعجر زِینب نه نِقابیلَه
دشمن آپارا شامَه خارجی خِطابیلَه
وار دور یِئری اَفغانَه گر اَرض و سَما گَلسَه

باغلی دَوَه نُون قارنی آلتندا اَیاقلاری
بُوینُوندا آغیر زَنجیر بیر خَسته و بیماری
نَنگین اِیلیُوب مَعجر اوُل فاطمه قیزلاری
وای حَشره بُو نُوعیلَه گر آلِ عَبا گلسَه

نیزه دَه کَسُوک باشلار دشمنلَر اِئدر های های
لِیلای سِتَم دیدَه سُویلَر علی اَکبر وای
اَصغر آناسی سُویلَر حَسرتلَه بالا لایلای
حَلقیندَه علی اَصغر پِیکانِ جَفا گلسَه

ویر باشَه تَصوُر قیل شایَد گله سَن هُوشَه
اَصغر گَلَه جَک حَشره حَلقیندَه اوُخ اوُچ گُوشَه
اوُندا وِئره جَک نَه یُوز صُغرای سَیَه پُوشَه
بیر صُود اَمَر اوُغلینا اِئتمگه نَوا گلسَه

دُوزخ چَکه قَهریلَه یا قادِر و یا قَهّار
قَهریلَه خِطابِ حقّ صادر اوُلی قُورخُوم وار
نَه یانَه قاچاجاقسان بیر قاچ گُوروم اِی اَشرار
حَقدَن که او گُون بیردَن قَهریله نِدا گلسَه

لاله کیمی قُونداقی اَصغر بُویانُوب قانه
هر دَم باخار حَسرتلَه دِل آچمیوب هر یانَه
چیخاردا بُوغازیندان چاتماز گُوجی پِیکانَه
کیم قانلی بُوغازیندان اِی وای نَوا گَلسَه

دروازهء ساعتدَه ساعت که اوُلوب پِیدا
گَه نامِهء کُبرادَه اوُل ساعت اوُلا بَرپا
شام اِیچرَه تَماشادَن یاددان چِیخوب عاشُورا
سُوزِ دل اوُلوبدور ذِکر بو سیزه هَوا گلسَه

هر قَدر اِئلَه سُون #بیضا یِتمَز سُوزون اِتمامَه
وِئرمَه سُوزوی ساخلا هر کُودَک و هر خامَه
خارجی قُویار آدُون آخردَه چَکر شامَه
قُولینَه قُولاق آسما هر بی سَر و پا گلسه

• شنبه
• 14
• مرداد
• 1402
• ساعت
• 22:43
• نوشته شده توسط
• یوسف اکبری

طَبعیم قُوشی پَرواز اِیلیُوب گِیتدی سَمایَه
بیر قافِلَه گُوردی گِیدوری کَرب و بَلایَه
تَعقیب اِیلیُور مَرگ اوُلاری سایَه بَه سایَه
رَهبَر او گُروهَه گُورونَن شَخصِ جَلی دور
قُونداقی گِیدن عَرشَه حُسین اِبنِ علی دور

اَطرافینی بیر عِدَه آلوب چُون مَهِ اَنوَر
بیر یاندا جوان قاسمیله شبه پیمبر
بیر سَمتیدَه اَمّا وار اَبُوالفَضل دِلاور
آتدوقجا قَدَم اَلدَه عَلم پُورِ غَضَنفَر
گُویا که گِیدور خِیبَری فَتح اِیتماقا حِیدَر

زَهرانین عَزیزَه بالاسی زِینَبِ کُبرا
قارداشینَه خاطر اوُلوب آوارهء صَحرا
اِیستُور که حسین نِهضتینی اِیلَسُون اِحیا
شاماتَه گِیدوب پَرچمِ کُفری یخاجاق دور
اِسلام عَلمین قَلبِ دِمِشقَه وُیراجاق دور

زِینَب نِجَه زِینَب که تاپیلماز اوُنا هَمتا
پَروَردَه اِیدِوبدی اوُنی صِدیقِهء کُبری
عِلّت اوُدی اوُلدی بُودا صِدیقِهء صُغرا
دارادی عَجَب مَنقَبَت و مَنصَبَه زِینَب
اَلحَق یاراشیر که دِییَه لَر زِینَبَه زِینَب

جَریانیدَه دور خونِ علی لَحم و رَگیندَه
قارداشینَه چُوخ واردی مُحَبَت ئورَه گِیندَه
آثارِ کَبودی هَلَه یُوخدور کُورَه گَیندَه
اَمُا نِچَه گُوندَن صُورا صَحرای بَلادَه
زُلفی آغارار گُورسَه حُسین باشی جُدادَه

گُودالیدَه صَد پارَه اوُلان پِیکَری گُورسَه
تُپراقیدَه بیر جُوت کَسیلَن اَللّری گُورسه
زَهرا آناسین آلمیش اَلَه مَعجَری گُورسه
مِین اِیلدَه اَگر عُمر اِیدَه باشَه قارا باغلار
اَللردَه ئولَن قارداشینا وای دیر آغلار

غارَتدَه بَیابانَه قاچان وَقتیدَه قِیزلار
تُپراقَه یُوزی اُوستَه دُوشَن لَحظَه دَه بیمار
مِیداندا حُسینِین بَدَنین آتلار اَیاقلار
سُوزیلَه دِیر اوُندا بَلالی باشیم اِیوای
وای آتلار اَیاقیندَه قالان قارداشیم اِیوای

شایِستَه دَگُل مَطلَب اوُلا بُوردا مَطَوّل
نامُوسِ خدا اوُغلی باتُوب قانَه مَحَصّل
گُویا که گِینمیشدی او شَه قرمزی مَخمَل
دین گُلشنینَه بادِ مُخالِف اَسیلوبدی
لَب تَشنَه اِمامِین باشی دالدان کَسیلُوبدی

قارَه یِل اَسُوب گُون دُوتُولوب قَتلِ اِمامَه
مَعنادَه آلوب غَم ئوزینَه اَرضِ تَهامَه
باشدان گُوتُوروب حَضرتِ پِیغَمبَر عَمامَه
گُوز یاشی تُوکُوردی یُوزَه با نالَه و اَفغان
سَسلُوردی حُسین جَدّون اوُلِیدی سَنَه قُربان

اَخیامیدَه زِینَبدَه اَلوردِی یُوزَه قان یاش
مِیدانیدَه بیردَن اوُجالُوب نِیزَه دَه بیر باش
بیر مَنظرَه اِیدی چَکه بیلمَز اوُنی نَقّاش
هِیچ خامَه یازانماز که نَلر اوُلدی او ساعَت
قِیزلار اَل آتُوب باشینَه گُورسَندِی قیامَت

اوُجَه یِتُوره ظُلمینی تا فُرقهء عُدوان
سَعداوُغلی وِیروب لَشگَرینَه غارتَه فَرمان
سُرعَتلَه چاپُوب آتلارین اوُل بَد تَر از حِیوان
هَر قَدری یاخینلاشدیلا اوُلادِ رَسُولَه
مَعنادَه هِجُوم اِیلدی غَم قَلبِ بَتُولَه

غارَت که شُروع اوُلدی یِیُوب سیلی اوُشاقلار
سالَم بیلَه فِکر اِیلَمیُون قالدی قُولاقلار
صَحرایَه قاچان وَقته باتُوب قانَه اَیاقلار
قِیزلاری دُوتوب وَحشت اِیلَه مُوقِعِ حسُاس
سَسلندِیلَه بَس هاردا قالُوبسان عَمُو عَبّاس

بِیلمَم قاچاقاچدا نَه حالا قالدی رُقیّه
جانین قُوتارا هاردا پَناه آلدی رُقیّه
بیر سُوز دِیدی بُو عالَمَه اوُد سالدی رُقیّه
یُوخدور بابام اِیندی گَله اِمدادیمَه عَمّه
دُوشدُوم داخی جاندان چات ئوزُون دادیمَه عَمّه

#میرزائی بُو شِعرَه باخا گَر لُطفیلَه زَهرا
قِیمَت تاپار ئُولمَز نَقدَر واردی بُو دُنیا
مَحشردَه اوُلار باشیوَه بیر تاجِ مُطَلّا
عُمرُون نَقَدَر واردی یازُوب آغلا حُسینَه
گی قارَه مَحَرّمدَه ئورَک داغلا حُسینَه

#محمدتقی_میرزایی

• شنبه
• 14
• مرداد
• 1402
• ساعت
• 23:19
• نوشته شده توسط
• یوسف اکبری

رَحم قِیل گِوز یاشیما گِیتمه بُو مِیدانَه بابا
گُورُورم جُملَه گِیدَنلَر باتُوب اَلقانَه بابا

سُولدُورُوب اَهلِ جَفا گر چه سِتَملَه گُولُومی
اوُلدُورُوب قارداشیمی خَم اِیلیوب دور بِئلیمی
مُشکلَه دُوشسَه اِیشیم کیم بَس آچار مُشکلیمی
رَحم قِیل گُوز یاشیما گِیتمَه بُو مِیدانَه بابا

اَلعَطَش نالَه سَسی گَر گَتُورُوب جانَه مَنی
قُویمارام گِیتمَگه بالله بابا مِیدانَه سَنی
یُوخدی دُشمَندَه مُروّت باتُورار قانَه سَنی
هانسی مِلّت اوُز اِمامین باتُورُوب قانَه بابا

بابام حِیدَردی مَنیم جَدَّ کُباریمدِی رَسُول
هَم آنام فاطمَه دور زُهرهء زَهرای بَتُول
بُل که حِیدَر بابامُون غِیرتی اِیتمَزدی قَبُول
مَن گِیدُوب عَجز اِیلیَم فُرقهء شِیطانَه بابا

ئولدُورر بِیل که مَنی طَعنِهء اَغیار غَمی
هَم بُوکَر قَدیمی بِیل سنکیمی سَردار غَمی
هَر مُصیبَتدَن عَلاوه مَنَه بیمار غَمی
شِمر زَنجیرَه چَکَر گَزدِیری هَر یانَه بابا

باشیمَه قَمچی وُورا شِمر لَعین تاب اِیدَرَم
غَمزَدَه ذِلتیلَه شامه دِمشقَه گِیدَرَم
هَر جَفا اِیلیَه لَر اِی بابا جان صَبر اِئدَرَم
اَکبَرین هِجری چَتیندور منِ نالانَه بابا

یِخدیلار یِر یُوزونَه یِتمیش اِیکی سَروَریمی
اِئتدیلَر تیرَه نَشان حَلقِ علی اَصغریمی
باغلایار شِمر عَداوَتلَه مَنیم اَللّریمی
آغلاماقدان دُونَه جَک گُوزیاشیم عُمّانَه بابا

نِجَه مَن صَبر اِیدَرَم مَعجریمی دُشمَن آلا
قُورخُورام گُول بَدَنُون اِیسّی قُوم اُوستوندَه قالا
#کنیز_فاطمه بُو غُملیلَری یادَه سالار
حَشردَه لُطف اِیله سَن بِیلَه نَوا خانَه بابا

• شنبه
• 14
• مرداد
• 1402
• ساعت
• 23:31
• نوشته شده توسط
• یوسف اکبری

جدّیُوی یابن الحَسن قُومِ ظُلام ئولدوردُولَر
دَعوی دین اِیتدیلَر اَمّا اِمام ئولدوردولر
قُومِ ظُلام ئولدوردُولر

اَهلِ کُوفه عالَمِ اِمکانی مَحزون اِیتدیلَر
قَلبِ عالَم قَلبینی چون لاله پُر خون اِیتدیلَر
نِینَوا دَشتیندَه بیر لِیلانی مَجنُون اِیتدیلَر
بیر جَوان شِبهِ نَبی ماهِ تَمام ئولدوردُولَر

گُوردولَر شیرِ خدایه بَنزورَی عَبّاس شیر
حیلِه اِیلَه کَسدیلَر سَر پَنجَه سین قُومِ شَریر
تاپدی رُوبَه طَبعلَر جُراَت وُوروب چوخ تیغِ و تیر
تیغِ تیزَه اِیتدیلَر جِسمین نِیام ئولدوردُولَر

بَسکه آهن دِللّرین دُوتمُوشدی قَلبین زَنگ لَر
دین و اِیمان شیشه سین سیندیردیلار دِل سَنگ لَر
ووردولار بالمَرّه نَنگه پُشت پا بی نَنگ لَر
صاحِبِ شأن و مَقام و نَنگ و نام ئولدوردُولَر

اوُلدولار بیر نُوعیلَه جامِ مِیّ ناحَقّه مَست
اِیتدیلَر پیمانهء پیمانِ اِسلامی شِکست
دینِ حقّی یخماقا اوُل فرقهء دُنیا پَرَست
اِیتدیلَر دینیا هَواسیلِه قیام ئولدوردُولَر

اِیلیَن قرآن حَمایل آدلاری قرآنیان
چَکدیلَر یاسین و طاها وجهینَه تیغ و سِنان
اِیتدیلَر قرآنِ ناطق قَلبینی تیره نِشان
ووردولار بیر سینیَه دُورت مین سَهام ئولدوردُولَر

فاطمه مَهریّه سیدی قان اوُلان آبِ فَرات
سُو یانندا یاندیلار اَمّا عَطشدَن طاهِرات
دُونمدی قانَه ندور عِلّت سَراسَر سایِلات
صاحِبِ آبِ فَراتی تَشنَه کام ئولدوردُولَر

بَسدی بیر اِیل بیر قَبیلَه اَهلینَه بیر داغِ دِل
اوُلمادی سفیانیان اَمّا بُو اِیشدَن مُنفَعل
اوُلسُون اوُلادِ اُمَیّه هر اِیکی دُنیا خَجِل
اِیتدیلَر آلِ مَنانی قَتل عام ئولدوردُولَر

اوُن اِیکی آیدان اِیدوب قرآندا حَیّ لایَنام
دُوردینی شَهرُ الحُرُم قان تُوکَماقی اوُندا حَرام
اَشهَرُ شَهرُ الحُرُمدَن دور مُحرّم لا کَلام
اوُز حَبیبین عاشِر شَهرُ الحَرام ئولدوردُولَر

اُمّته اَمر اِیلمیشدی حَضرتِ خِیر الاَنام
خانهء اِسلام تَعمیریندَه قِیلسُون اِهتمام
عاقّ اوُلوب پِیغمبَرَه گُوستَردیلَر عَکسِ مَرام
اِیتدیلَر تَخریب دینَه اِهتمام، ئولدوردُولَر

ساخلا اَل، وِیرمَه #حسینی مَطلَبَه بیر بِیلَه طُول
کَائناتی اِیلدی بُو ماجَرا زار و مَلُول
بَسدی بُو مَصراع اِمامِ عَصر اَگر اِیتسَه قَبُول
جَدّیُوی یابن الحَسن قُومِ ظُلام ئولدوردُولَر

• یکشنبه
• 15
• مرداد
• 1402
• ساعت
• 13:39
• نوشته شده توسط
• یوسف اکبری

اولسا هر باشدا اگر شورِ حسین و کربلا
گرمِ استقبال ائدر یوز وِئرسه هر درد و بلا

باش و جانیندَن گچوب اؤز خانمانین ترک اِئدر
جُز هوای نینوا اولماز باشیندا بیر هوا

کربلا آدی گلندَه هوش باشیندَن چخار
نه آنا فکری قالار قلبیندَه نه مهرِ آتا

کربلانی قَصد اِئدر بیر باش دیلیندَه یا حسین
هر قدمدَه ذِکر اِئدر یا کربلا یا کربلا

عرضیمَه شاهد سعید آدلی جوان حالاتی دور
شرح قیلّام گر منه یار اوُلسا ذاتِ کِبریا

مقتلَه جمعِ اَکابردَن یازوبلار آدینی
نُوجوانلیقدا واریدی ثَروَتِ بی مُنتها

نچه گُون لَر قبل گُویا ایلمیشدی اِزدواج
جامهء دامادی اَگنیندیدی عِیناً جابجا

شهردَه بیر گُون اَکابِر جَمعیدی چارسُوقدَه
صحبت اِیلردی او بیر جَمعیلَه اوُل صاحِب وَفا

بیر عَرب یِتدی او دَم ناگاه یُوز گُوزدَه غبار
اوُل سَعادتمندَه اوّلدَه سلام اِئتدی اَدا

بعد بیر نامه اَدبلَه اِیلدی تَسلیم اوُنا
شُور خیز و عشق ریز و عشق بیز و عشق زا

نامه نَه نامه بوتُون مِهر و مُحبّتلَه دُولی
سُوزلَری مُعجز بیان و دِلنشین و غَم زُدا

نامه نَه نامه که هر یاتمیشلاری بیدار اِئدر
آرتُورار قَلبِ سَلیم آئینَه سینَه اِنجلا

نامه نَه نامه باخان سَرگرمِ اِحساسات اوُلور
مَتنِ تَفسیریندَه واردی اَلبلاءُ لِلوِلا

نامه نَه نامه که هر بیر مُردَه جِسمَه جان وِئرور
رُوح پَروَر بیر مَطالبلَه دولوب باشدان باشا

وَه نَه نامه سُوز فَرح، اِنشاء فَرح، اِملا فَرح
درسِ جانبازی یازیلمیش صَفحه سیندَه لابِلا

نامه نَه نامه حسینِ فاطمه عَطری گَلور
نه حسین شَهرِ وَفایَه شَهسوار با وَفا

گُوزلَری دولدی مُحبّتلَه آخوب اَشگِ تَری
سُویلدی اوُلسون بو عالی نامیَه جانیم فَدا

اِحترامیلَه آچوب اِئتدی دولی گُوزلی نَظر
دل آلان سُوزلَر یازوب گُوردی اِمامِ اِتقیا

گُوئیا بیلَه یازیلمیشدی او مَتنِ نامه دَه
روحِ زَهرادَن سَلام اوُلسُون سَنه اِی دِلرُبا

بیر ضیافَت مَجلسی شُور اوُسته بَر پا اِئتمیشم
چوخ گَلن وار اوُل ضیافَت خانیَه دلدَه ثَنا

نه ضیافَت خانه، فَرشی قان، دوشنمیش سُفره قان
شَربتی اَشگِ زُلالِ دیده خون و دِل غَذا

نَه ضیافَت خانه اوُردا جَمع دی پیر و جَوان
شیر خوار و بالِغ و مَردانِ پاک و پارسا

زِشت و زیبا سیّدِ پاک و غُلامِ مُتّقی
کلمهء تَبعیض یُوخ اِیستر سفید اوُلسُون سیا

اوُزگه بیر مَجلسدی تَعریفی قوتُولماز ذِکریلَه
جَمع اوُلوب اوُل مَجلسه هر قَدر وار صاحِب وَفا

بو ضیافتخانه دَه گُوردوم یِرون بُوشدور سَنُون
اِیستدیم اوُلسُون سَنُوندَه شِرکَتُون اِی مَه لَقا

اِیلَه همّت شُوقیلَه گَل بُو ضیافَت خانیَه
بُو ضیافَت خانه دَه گُور وار نِجَه عالی صَفا

نَه ضیافَت گه حسین اِبنِ علی دور میزبان
خدمَت اِیلَر میهمانَه عِترتِ آلِ عَبا

گر باشُوندا وار سَنُون شُورِ حسین تَعجیل اِیلَه
اِیلمَه تأخیر گَل تئز اِیلَه کَسبِ اِرتقا

اِیلین دَعوَت حسین، مهمان سَنُون تَک بیر جَوان
قَتلگه مهمان سرا، مَقصد دِیارِ کربلا

کَربلا نَه کَربلا دارالصّفا کُوی وَفا
لاله زارِ عِشق و اِیمان گُلشنِ درد و بَلا

کَربلا نَه کَربلا رَشگِ مِنا میدانِ عشق
وار او یِردَه تَشنَه لَب یِتمیش فَدای جان فَدا

کَربَلا لفظین گُوروب شُوریدَه سَر اوُلدی سَعید
اوُینادی قَلبی یِریندَن آرتدی قَلبیندَه قُوا

شُوریلَه دوردی اَیاقه گَلدی بیر باش مَنزلَه
اؤز غُلامین سَسلدی باشیندَه اؤزگه بیر هَوا

اَمر اِئدوب آمادَه اِیله مَرکبِ جَنگی مَنه
وار قاباقدا بیر سَفر وَحشتلی چُوخ دِهشَت فَزا

مَطلبی وِئردی خَبر اُمّ سعیدَه تِئز غُلام
تا مُبیّن اوُلدی اوَل مَحجُوبیَه بُو ماجَرا

• یکشنبه
• 15
• مرداد
• 1402
• ساعت
• 14:03
• نوشته شده توسط
• یوسف اکبری

اِی شاهِ تَشنه دَرگهوَه بَندَه گَلمیشَم
بُوشدور اَلیم خَجالَت و شَرمندَه گَلمیشَم
بیر دَردمَند نُوکَروم مَطلَب آلماقا
عالَم گَلور سَنُون قاپُووا مَنده گَلمیشَم

مَسکین لَره بُو رَسمدی لُطف اِیلر اَغنیا
بیر مُستحق سائلوَوم یابنَ مُرتَضی
گُوردوم که فِیض خَرمنیدور مَجلسِ عَزا
قسمت آلام بُو مُوسِمِ خَرمَندَه گَلمیشَم

وِئرّم قَسم سَنی أو باجُون زِینَبه آقا
حُضّارون حاجَتیلَه اِئلَه حاجَتیم رَوا
خوشحال قیل بیزی اَلی بُوش سالما سَن یُولا
مأیُوس اِئتمَه سِلسِلَه گَردندَه گَلمیشَم

ماهِ مِحرّم اوُلدوقینا گِیمیشَم قَرا
نُوحه دِیوب مُصیبتوَه اِیلَرم نَوا
بیر عِدَه شخص مَندَن اِئدوب خواهش دیعا
عَرضِ دُعایَه بَندَه نَمایندَه گَلمیشَم

الله قاپُوسیدور قاپُون اِی جِلوهء خدا
سَنلَن دُعا اِجابَت اِئدَر ذاتِ کِبریا
قُویدوم درِ مُبارکوَه روی اِلتجا
مِثل اِینکه بابِ قُودسِ خداوندَه گَلمیشَم

گردابِ غَمدَه غَرقَم اَیا شاهِ کَربَلا
زَنجیرِ عِشقوه اوُزیمی سالمیشام آقا
غَملَر اَلیندَن اِیلمَگه جانیمی رَها
بُو آستانِ پاکه پَناهندَه گَلمیشَم

وِئرّم قَسم رقیّه نُون اوُل وَقتینَه آقا
گَلدی یِخلدی سینُوون اوُسته دِئدی بابا
چَک باشیمَه اَلون اَلیوَه گُوزلریم فَدا
سیل زُلفیمی که زُلفی پَراکنده گَلمیشَم

فکر اِیلدیم گِئدوم بُو گِئجه عالَمی هارا
گزدیم بُو چُولدَه تاپدُوم عَجَب باغِ با صَفا
اِی باغبان یاتُوبسان اوُلوب گُلشَنُون فَنا
بیر بُلبلم گُلم دِیلَه گُلشندَه گَلمیشَم

من شِمری قُویمُوشام یُوخیدا دوشمیشم یُولا
قُورخدوم گَله دالیمجا باخُوردوم صاقا صُولا
بارماقلاریم تُوخاندی مُغیلاندا کی کُولا
دوردیم یخلدیم ئولَمَه مَیشم زنده گالمیشَم

اوُد وُوردولار گُونوز اِئویمیز یاندی اِی بابا
اوُدلاندی دامنیم چُولَه قاچدیم یانا یانا
سُوندوردی بیر عَرب اوُدی اِئتدیم اوُنی دُعا
گُوسترمَگه یانان یِری دامندَه گَلمیشَم

گُوندوز وُوروب سُویُوب مَنی بو چُولدَه اَشقیا
چوخ اِینجیُوب یُورولمیشام اِی شاهِ نِینَوا
نِصفی یانان چادردا یاتا بُیلمدیم بابا
راحت یاتام بو مَحضَریو اِیمندَه گَلمیشَم

• یکشنبه
• 15
• مرداد
• 1402
• ساعت
• 14:05
• نوشته شده توسط
• یوسف اکبری

سبک : شهریاربم سان آقا

دین و اسلامین آقا پارلاق اولان گوهری سن
حشره جن یاتمیاجاخ بو اَلَمین سن دیری سن
سن بیزه آللاهین اؤز یاخجی پاییندان بیری سن

اؤ پاک عشقین ، گول آدین بیزلره احساندی حسین
تا نفس وار دییَریخ جان سنه قرباندی حسین

قاپیوین عزتی وار باب شرف دی بیلیره م
اؤدو کی نیم خیز اولوب دیلده حسین وای گلیره م
لطفیوه مشتری یم من یوزه قان یاش اَلیره م

بو دیلیم گول آدیوی چؤخ ائله ییب ازبر آقا
یؤرولمارام ائیله سم شام و سحر تکرار آقا
قیل توجه اولموشام عشقیتده من بیمار آقا

آند اولا پرچمیوه گول آدین هر یاندا گلر
یانار عاشق لرین هئی آهی یانان قلبی دلر
هر مصیبت لریوه خون جگر گؤزدن اَلَر

سنین هم اوغلون اؤلوب همده کی قارداشون اؤلوب
سارالیب زینبیوین عترتیوین رنگی سؤلوب
بو مصیبت لر آقا قلبیمیزی یاری بؤلوب

خم ائدیب قارداشین عباس اؤلومی قامتیوی
اؤ دوشن قؤللاری چؤخ چؤخ پؤزوب اولحالتیوی
گؤزونون اؤخ یاراسی پاره لئییب غیرتیوی

علی اصغر قانی نی اؤوجووا دؤلدوردون آقا
آتیب افلاکه بوتون اهلینی اؤلدوردون آقا
حرمله ظلمینی سن عالمه بیلدیردین آقا

سنی اکبر بالاوین قانی آخان یاره سینه
قطعه قطعه اولان اول پیکرینین پاره سینه
حسنین قاسمینه تازه گل نورسینه

آلتی آیلیق بالاوین بؤش قالان گهواره سینه
بئش یاشیندان باغلیان زینبیوین قاراسینه
قیل عنایت آقاجان دردلریمیز چاره سینه

قتلگاهون اؤزو بیر جنة الاعلاءدیر آقا
بلکه اونداندا جَلا ، بلکه تَوَلًادیر آقا
بیزی دیوانه ائدن سن کیمی مولادیر آقا

سنی کیم سئومسه ، آواره ، گرفتار اولاجاخ
هر ایکی دونیا دوشوب داره گرفتار اولاجاخ
اؤد دوتوب اؤدلاناجاخ ناره گرفتار اولاجاخ

گر چه جانلار یارالی قیرمیزی قانلا بورونوب
ولی زینب باجیوا عالی گلستان گؤرونوب
دؤیمارام (نالان) آقا مین دفعه گلسم سورونوب

• یکشنبه
• 15
• مرداد
• 1402
• ساعت
• 14:57
• نوشته شده توسط
• یوسف اکبری

سبک : ای کربلانون ساقی عطشانی قارداش

آچ گؤزلرین ای دردلره درمان حسین جان
بختی قارا باجون سنه قربان حسین جان

خیمه لرین تالان اولوب
زیبب باجون نالان اولوب

ایوای حسینیم لایلای حسینیم

دؤره سی نی جلاد آلان قارداشیم ایوای
بالالاری یئتیم قالان قارداشیم ایوای
باجی سینی درده سالان قارداشیم ایوای
ای اصغری سوسوز اؤلن عطشان حسين جان

باشین کسنده شمر دون یاندیم آلیشدیم
ال آتدیم شمشیرین دوتام قانه بولاشدیم
سينه وين اوسته چیخماسین چؤخ چؤخ چالیشدیم
ناچارلیقدان اولدو باغریم القان حسین جان

صیاد نئجه شکار ائدر مارالی قارداش
عدو سنی ائتدی یامان یارالی قارداش
کسیلدی زینب باجووون قرالی قارداش
گؤردی سنی اؤز قانیوه غلطان حسین جان

اؤ کهنه کؤینگین ندن تندن سؤیوبلار
نئجه قیییب سنی قورو یئرده قؤیوبلار
بو غارتدن سانما حسین داها دؤیوبلار
بی رحملرده قالماییب ایمان حسین جان

یؤخدور دیین یتیملرین ندیر گناهی
سه ساله زهرانین گؤیه قالخیبدی آهی
باشسیز قالیب اوشاقلارین یؤخدور پناهی
دشمن جسارت ائیله ییر هر آن حسین جان

گول پیکرونده اللرین نده باشین یؤخ
باغرین باشین پارچالاییب اوچ شعبه لی اؤخ
باشدان باشا جيسمون سنين یارادی چؤخ چؤخ
قالیب قورو یئرده ندن عریان حسین جان

یارالی نین لباسینی تندن سؤیمازلار
سؤیوب قورو یئرده بئله عریان قؤیمازلار
کام فرست دی بو دشمن لر هله دؤیمازلار
غارت ائدیر هر نه وارین عدوان حسین جان

داغیلمیش او پیکریوه نئجه باخیم من
اؤزومو اوستووه ییخیم نئجه ییخیم من
دین طریقتدن قارداش نئجه چیخیم من
یاندیریر عور جسمون منی یامان حسین جان

باخ گؤر نیجه قالدیم حسین قاره گونه من
قربان اولوم باشسیز یاتان جان و تنه من
آغ ساچلاریمی ائیله رم کفن سنه من
یؤخدور الیمده آیری بیر امکان حسین جان

عباسین هاردا ، سن بئله گونه قالیب سان
آتلار ایاقیندا یئرله یکسان اولوب سان
دشت بلاده زینبی درده سالیب سان
امان بو چاره سیز درد دن امان حسین جان

تاپماز هیچ کس بو رتبه نی جلالی ، جاهی
ائتموسن عاشق اؤزونه رئوف آللاهی
گؤردوم عطیرلی گُلسِتان بو قتلگاهی
چاتماز صفاسینه باغ جنان حسین جان

غمیندن اللریم اسیر تیتریر بو دیزلر
حشره کیمین قان یاش تؤکر سنه بو گؤزلر
اؤره گینه گلدیقجا بو یانیخلی سؤزلر
(نالان) اولوب ، یانار دییر جان جان حسین جان

• یکشنبه
• 15
• مرداد
• 1402
• ساعت
• 15:09
• نوشته شده توسط
• یوسف اکبری

سبک : بیر نظر ائت پادشه کربلاء

یار وفاداریم حسین ، یاحسین
جمله دل افگاریم حسین ، یاحسین

شش گوشه قبری دردلره درمان
مزاریوه ائت بیزلری مهمان

بین الحرم عشقی دوشوب دیللره
خیمه گاهون عشقی سالیب چؤللره
پرچمیوی هامی آلیب اللره

شش گوشه قبری دردلره درمان
مزاریوه ائت بیزلری مهمان

قسمت اولا بو ایل گلاخ کاش حسین
بهشتیدن ای حرمی باش حسین
ایندی دئییر گؤزدن آخان یاش حسین

شش گوشه قبری دردلره درمان
مزاریوه ائت بیزلری مهمان

قؤی دولاناخ باشیوه هر آن حسین
ذکر ائلیاخ آدیوا قربان حسین
چوخدور اولان حالی پریشان حسین

شش گوشه قبری دردلره درمان
مزاریوه ائت بیزلری مهمان

اکبر شهزاده سنه بسته دی
اصغر شهزاده سینن اوسته دی
جان یارالی جسمون هله خسته دی

شش گوشه قبری دردلره درمان
مزاریوه ائت بیزلری مهمان

یانسا یئری وار شمعه پروانه لر
سسله سه هر آن سنی دیوانه لر
کور اولا بو عشقیوه بیگانه لر

شش گوشه قبری دردلره درمان
مزاریوه ائت بیزلری مهمان

ائیله عنایت گلاغ ای غسلی قان
قتگهون گؤرماغا ای روح و جان
حشره کیمین ای گول آدی جاودان

شش گوشه قبری دردلره درمان
مزاریوه ائت بیزلری مهمان

یئره گؤیه مصیبتی وای سالان
بو گؤزلریم قالیب غمینده (نالان)
درگهی ای خلقه امیدگاه اولان

شش گوشه قبری دردلره درمان
مزاریوه ائت بیزلری مهمان

• یکشنبه
• 15
• مرداد
• 1402
• ساعت
• 15:19
• نوشته شده توسط
• یوسف اکبری

دفن ایلدی بی کس آتاسین سیّد سجّاد
قبر اوسته بو نوعیله ایدوب ناله و فریاد

دنیاده بابا سن کیمی مظلون اُلن اولماز
بیر نعشه حصیر پاره لریندن کفن اولماز

بیر پادشهون سن کیمی پرگاری پوزولماز
بیر صاحب باغون بیله گلزاری پوزولماز
هیچ جان ویره نون نعشینون آثاری پوزولماز
آت دیرناقی آلتیندا داغولموش بدن اولماز

سن تک بابا کیم حقّه بو نوعی سپر اولدی
صحرالره اطفالی دوشوب در به در اولدی
هانسی یارالی نعش بیله جلوه گر اولدی
دنیاده سنون مثلیوی هرگز گورن اولماز

عشق آتشینه سن کیمی پروانه ده یانماز
هیچ کیم بو قدر درد و غمی سهل سانامّاز
هیچ کیمسه مرامینده بیله سخت دایانماز
سن تک لب دریاده سوسوز جان ویرن اولماز

هر یرده جفا موجه گَلوب صاحله داشماز
بو رخت بلا قامت هر شخصه یاراشماز
بیر باغ و چمنده بو گوزل لیقدا گُل آشماز
بیر یرده بو وصفیله پوزولموش چمن اولماز

ویر اذن ایلیوم بیر غمه بو یرده اشاره
اود ووردولا، اودلاندی خیم، دوتدی شراره
اوددان منی عمّم چیخادوب چکدی کناره
عمّم کیمی قارداش بالالارین سُوَن اولماز

صبر ایلدی عمّم اونا هر نه ستم اولدی
بازار محبّتده خریدار غم اولدی
زلفی آغاروب، قامت موزونی خم اولدی
عمّم کیمی دنیاده بلایه دوزن اولماز

بو چولده یتیملوخ توزی رخساره سپیلدی
سندن صورا اطفالیوون آرامی کسیلدی
هر آغلیانون گوز یاشین عمّم اوزی سیلدی
گوز یاشین آتاسیز بالالارین سیلن اولماز

هر یرده که بیر طفل یتیمی گورر آغلار
ایتامه سنون لطف لرون یاد ایدر آغلار
عمّم آتاسیزلار باشینا اَل چکر آغلار
بیچاره یتیملر باشینا اَل چکن اولماز

سیر ایلمیسن تک، سفرونده حضرونده
سیر ایلوری باشلار هاموسی دور سرونده
خوش ساخلاموسان لشکری تحت نظرونده
هیچ یرده بیله نظمیلی بیر انجمن اولماز

قمتاز اولونوب حق نجه، باطلده سِچیلدی
بو چولده عجب سو یرینه قانلار ایچیلدی
عبّاس عمومون قامتی بیر نوعی کیچیلدی
بیجا یره قامتلی بدن خورده تن اولماز

بلبل دوزر بُلمز گُلینی خار سویاندا
قولّاری بویاندا عمومون نعشی اویاندا
گَلدی کمک ایتدی آتاسی قبره قویاندا
چون گوردی اوزی گَلمسه دفن ایلین اولماز

• دوشنبه
• 16
• مرداد
• 1402
• ساعت
• 22:48
• نوشته شده توسط
• یوسف اکبری

امر ایدوب سجّاده خلّاقِ قدیر
ای اولان ظاهرده اشراره اسیر

واردی بوینوندا اگر چه سلسله
کربلایه گیت حسینی دفن ایله

ایتدیله دینه فدا اوز جانلارین
قویما یر اوزده منا قربانلارین

ایلیه طاعت خدا فرمانینه
یوز قویوب کرب و بلا میدانینه

گوردی رنگارنگ آچوب گوللر سولوب
قانیله کرب و بلا دشتی دولوب

بیر شهیدین باشی یوخ، جسمی یارا
بعضیسی السیز دوشوب میدان آرا

بیر قبیله اهلی حیران آغلوری
مرد و زن حالی پریشان آغلوری

گوردولر سجّادی، هر کس اوز سوزون
گیزلدوب دیلده، سیلوب آغلار گوزون

ایتدی فرمایش او سجّادِ علیل
من اوزوم اولّام سیزه ایندی دلیل

دفن ایداخ بو دین حق یاورلرین
پادشاهین، لشکرین، سرلشکرین

قتلگاهه یوز دولاندوردی امام
شاهِ دینه عرض ایدوب اوّل سلام

ای بابا من خسته یورقون گلمیشم
دفنیوه چوخ حالی پوزقون گلمیشم

اولدی مشغول اول شهِ گردون مدار
تا ویره ترتیب او شاهه بیر مزار

گوردی آماده حسینون قبرینی
بارشه گَتدی سرشگِ ابرینی

گوز یاشیله ویردی اوّل غسلینی
ایستدی قویسون مزاره جسمینی

عرض ایدیب اهلِ قبیله که شها
بیز کمکلیخ ایلیاخ تا دفن اولا

ایتدی فرمایش امامِ محتشم
فرض ایدیرسوز دفن ایتماقدا تکم

وار یَدِ غیبی بو ایشده برملا
انبیائیله دولوبدی کربلا

قویدی قبره جسمین آه و زاریله
گوئیا گلشن دولوبدور خاریله

دفن حالاتین یازوبلار چوخلاری
هیچ دیین یوخ چکدی سجّاد اوخلاری

من دیمم بو نکته اود جانه سالور
جسمیدن اوخلار چکیلدی یا قالور؟

اللرین تاپدی گتوردی اول شهین
آختاروردی گوردیلر قتلگهین

واریری گوللر توکه گول یاپراقین
شاهِ دین تاپدی گتوردی بارماقین

یغدی اعضای حسینی بیر یره
صبر ارکانین ووروبدور بیر بیره

گوردی بیر سس گلدی ای سجّاد اوغول
دستگیرِ لشکرِ بیداد اوغول

ابرِ باران تک آخور بو گوز یاشین
قالدی یرده شیرخواره قارداشون

آغلادوبدی محنتینده گویلری
گیت گتور قوی سینم اوسته اصغری

قبریده یاتسون آتائیله بالا
اوخلی سینمده بالام راحت یاتا

اصغری گتدی امامِ ممتحن
سینه سی اوسته قویوب با صد محن

خاک ریز ایتدی آتا قبرین اوزی
بارماقیله یازدی قبره بو سوزی

یعنی بو قبره گلن زوّاریلر
بوردا ناله ایلسین حضّاریلر

بو حسینی تشنه لب ئولدوردولر
بی گناه و بی سبب ئولدوردولر

باخدی قارداشی علیّ اکبره
چوخ مؤثّر اولدی چون اول سَروره

سویلدی بو نوجوانِ خوش سیَر
گول کیمی خندان اولوب قانی گیدر

بو غریبون اوغلودی بو نوجوان
قارداشیمدی قدّیمی ایلوب کمان

امر ایدوب اهلِ قبیله بیر مزار
اکبره پایینِ پاده قازدیلار

گوئیا سنبل یانیندا خوشه دور
قبرِ پاکی عرش تک شش گوشه دور

قارداشین دفن ایتدی قارداش آغلادی
سیلِ اشگین گلعذاره باغلادی

جمله انصارینده دفن ایتدی امام
گوردی دربان ایستوری بیله مقام

بیر حبیبون حقّیدور دربان اولا
قبرینه جانیم منیم قربان اولا

آستانِ شهده دربان ایلدی
فارغ اولدی دلدن افغان ایلدی

دوندی فرمایش ایدوب اول باغری قان
وار دییون آیا گینه یرده قالان

عرض ایدوبله ای اولان خضره دلیل
اولموسان خسته پریشان و علیل

بسکه یورقونسان اولوبسان ناتوان
نهرِ علقم اوسته وار بیر پهلوان

نه باشی وار جسمیده نه اللری
بیر اوجا قامتده یوخ بیر صاف یری

پوزدی بو سوز حالِ بیماری دئدی
گوز یاشین ایتدی یوزه جاری دئدی

او عمومدور قانینه غلطان اولوب
جسمی یرده گل کیمی خندان اولوب

قامتین بوکدی حسینون دهریده
قویدی بیر جفت ال کنارِ نهریده

سیّدِ سجّاد امر ایتدی گَلون
طاقت و صبریم داخی گیتدی گلون

مَصرعِ عبّاسه یوز دوندردیلر
عرض ایدیم نه حالتیله گلدیلر

گوردی سقّا نعشینی دیلده فغان
بو سوزی بیر بوردا ایلوبدی بیان

ای عمو اشرارِ شام و کوفیان
نه جفالر ایتدیلر فاش و نهان

بو قدر بول زینب و کلثومِ زار
بیر طنابه قول قولا باغلاندیلار

یوز دوتوب القصّه اول سجّادِ زار
امر ایدوب بیر قبر او یرده قازدیلار

بوردا چوخ سوز وار دیمزلر هیچ زمان
وای خانم امّ البنین وای الامان

نعشینی قویدی نه نوعی قبرینه
باخ امامین بیر ثبات و صبرینه

خورداجا قبره قویوب گول پیکری
سینه سی اوسته قویوبدور اللرین

حضرتِ زهرا او بانوی عزیز
تا گلنده حشره یومِ رستخیز

اللرین عبّاسینون آلسین اله
وار یری بو نوعیله گلسون دیله

انتقامین آل خدا بو اللرین
بیرده عفو ائت جدّیمون امّتلرین

ای آدی سقّا لب عطشان جان ویرن
کربلاده دینه ال قربان ویرن

اولموسان باب الحوائج منتخب
آرزو ایلولّه قبرین روز وشب

بیر جماعت منله همراه اولماقا
قبریوه یوز قویماقا قول سالماقا

لطف ایله ایسته مزارِ پاکیوه
یوز قویاخ بیر روضه ی غمناکیوه

اکبره (اکبر) قسم ویردی سنی
ناامید ایتمه علی اوغلی منی

سن بولورسن من نیین دلداقیم
بیر رقیّه قبرینون مشتاقیم

منده بیر (اکبر) آدینلی نوکرم
چوخ مقصّر، سیز ولی صاحب کرم

• دوشنبه
• 16
• مرداد
• 1402
• ساعت
• 23:00
• نوشته شده توسط
• یوسف اکبری

اجسادِ طاهرِ شهدای منای عشق
اوچگون قالوبلا گونلر ایوینده برای عشق

تقدیر اولدی دفن اولالار کوی عشقیده
اتمامه یتدی چون جریانِ بلای عشق

گلدی او دشته حضرتِ سجّاد کوفه دن
کشف اولدی کونه معجزِ بی انتهای عشق

یتدی گوروب بنی اسد آماده دور هامی
تدفینِ گول بدنلره بهرِ رضای عشق

دوردی مقابل بدنِ ربّ عشقیده
بعد از سلام عرض ایلدی ای خدای عشق

اوغلون گلوب سنی باباجان دفن ایده گیده
تأسیس تا ایده سنه بزمِ عزای عشق

پس حفر ایدوبدی قبر، چیخوب قبرِ ساخته
اول یرده گورسنوبدی بنای سرای عشق

کهنه حصیریلن ایلدی دفن اولشهی
فخر ایتدی عرشِ اعظمه اول بوریای عشق

ثاراللّهی چو مرقده قویدی دو دستِ حق
قصد ایتدیلر زیارتینه انبیای عشق

دستِ نبی گلوب چکوب آغوشه جان کیمی
اول نعشِ اطهریکه اولوبدور بنای عشق

قبری بلند ایتدی یازوب قبر اوستونه
بیر سوز که آندیروبدی ندور ماجرای عشق

یازدی بودور او مرقدِ مظلوم ئولن حسین
گلمز بو قبرِ پاکه مگر آشنای عشق

پایین پای شهده ایدوب دفن اکبری
تا کشف اولا جهانه ندور اقتضای عشق

ششگوشه ایتدی قبرِ شه و شاهزاده نی
تا شش جهاتیدن یته خلقه ندای عشق

امر ایتدی سایرِ شهدانی ایدوبله دفن
رشکِ بهشت اولدی زمین عزای عشق

تشریف آپاردی نهرِ فراتین کنارینه
گوردی دوشوبدی اوردا عجب بیر لوای عشق

باشسیز دوشوبدی گوردی علمدار پیکری
مانندِ نی گلور بوغازیندان نوای عشق

ویردی سلام اول بدنِ پاره پاریه
گویا دئدی بودور هدفِ منتهای عشق

اول هیکلِ تجرّدی مدفون ایدیب گیدوب
اولدی او قبر مطلعِ نور لقایِ عشق

التماس دعای فرج

• دوشنبه
• 16
• مرداد
• 1402
• ساعت
• 23:06
• نوشته شده توسط
• یوسف اکبری

کرب و بلادن عرشه یئتوب الاَمان سَسی
تسخیر ایدوب فضاسینی آه و فغان سَسی

شور نشور اولوبدی او صحراده برملا
اوج ایلیور سمٓایه شه انس و جان سَسی

قیها چَکور او چولده قیامت کاانهُ
عرش خدانی تیتردیری همچنان سَسی

معناده سَس ویرور اوجالان سَسلره رسول
سَسلر آرا گلور بیر اورک یاندیران سَسی

جنتده فاطمه دئیَسَن شیونه گَلوب
آرام آلور او درگهی اوتدا یانان سَسی

اوزگه بیر حاله زینب بی خانمان قالوب
آفاقه اود سالوبدی او بی خانمان سَسی

هِی سٓسلَنور حسینیم هایاندا یخیلمیسان
صبرین آلور حسینون هرآن صبر آلان سَسی

بیر لَحنیله نوایه گلور که حُسینینون
اَلدن گیدور قراری،، گَلنده هاچان سَسی

سعی ایلیور که زینبینه سَس ویره حسین
آغزیندا دل دولانموری چیخسین باتان سَسی

قالموب رَمق او یاره لی جسمینده گوئیا
داغلی اورکده حَبس اولونوب مهربان سَسی

نیم خیز اولوب سوروندی بیر آز خیمیه طرف
بولمَم سبب نه اولدی اوجالدی بیرآن سَسی

قان لجه سینده سَسلدی چوخ گلمه شیونه
زینب او گیر و داریده آلدی همان سَسی

اَل باشدا گئتدی ناله کنان مقتله طرف
قاچدی یخیلدی تا تاپا دل داغلیان سَسی

نچٓه قدم قالوردی هله قتلگاهینه
گوردی دوباره گَلمور امام زمان سَسی

بیر ضجٓه چَکدی یئتدی شتابیله مقتله
اشراری سالدی حیرته اول قهرمان سَسی

ناگه نه گوردی سینه سینی شمر آغیرلادوب
بنده دوشوب دوباره او جان جهان سَسی

سَسلور که شرم قیل بیله بیر ظلمی ایلمه
گویدن گلور ائشیتمیسن آیا فغان سَسی

مقتلده دیل دئیور گَله تا رحمه شمر دون
گویا یئتیشموری اونا بو باغری قان سَسی

گلدی غرض وجوده چوخور یرده کشمکش
مقتلدن اوج ایدوب گویه شمر و سنان سَسی

ظلمون غرض که ایلدی تحمیل شمر دون
ایتدی احاطه عالمی کروبیان سَسی

زینب دئمه دایاندی عدو ایلدی جفا
دوغراندی اَل، اوجالدی گویه جانستان سَسی

یوز دوتدی یصربه دیدی امداده گل آنا
یئتدی او لحظه سمعینه شاه جهان سسی

سَسلندی گئت خیامه باجی، خیمه گاهیدن...
هر دم گَلور بالالاریمون دلستان سَسی

یغمایه اَل اچوبدی بو صحراده شامیان
عرشه یئتوب بالالارمون الامان سَسی

جَفٓ القلم بو یرده نیاز اولدی ای عتیق
وقت نماز صبحیدی گلدی اذان سسی

• سه شنبه
• 17
• مرداد
• 1402
• ساعت
• 01:18
• نوشته شده توسط
• یوسف اکبری

سلام آقا جان ، من اوشاخلیخدان
سنه میلیم واردی
خلقِ محتاجَ ، احتیاجیم یوخ
چون حسینیم واردی

نینورم ب عالمی ، جیره خواره حیدرم من
عالتی گوشلی مزاری ، مین بهشته ورمرم من

اووین آباد.... منی ایلمه خانه خراب
پیس اولسامدا.... منی بوشلاما جانِ رباب
اوزی قاره.... نوکری چوخ اوتاندرما
علی اکبر خاطر آقا.. منن آیرلما......

حسین آقام حسین آقام حسین آقام

نوکرون آغا ، قوجالوب اما
آندولا زهرایَ
بو گِچن عمریم ، آغاران زلفی
ورمرم دونیایه

سن آغالیغ اِیلدون... نوکره بنامون اولدوم بیر عمر قاپوندا قالدم.قوجا پیر غلامون اولدوم

منی قوما... اورگیمده یارام وار حسین
منی قوسان... دی گوروم که هارام وار حسین
اگر مین یول....من اولم دیریلم دییرم
آیری کس تانمام فقط اوز ، آقاما نوکرم

حسین آقام حسین آقام حسین آقام

سبک کربلایی حسین عینی فرد

• چهارشنبه
• 18
• مرداد
• 1402
• ساعت
• 14:40
• نوشته شده توسط
• یوسف اکبری

درگهین باب عطا ، باب امید رجا

شیعه دارلشفا

آستانون سیدی مینلر بهشته ویرمرم

من حسینی مذهبم باب ولادن گشمرم

یابن الحیدر یا حسین(۳)

پرچمین گویلرده دی پاک آدون دیلرده دی دولتون گسترده دی

ذلته ایمز باشین هرکس سنه وابسته دی

جود و احسانون سراسر عالمه پیوسته دی

یابن الحیدر یاحسین(۳)

قانه باتدی اکبرون اوخلانوبدی اصغرون
ئولدی یارو یاورون

کربلاده کائناته عشقی معنا ایلدون

دین یولوندا جان ویروب اسلامی احیا ایلدون

یابن الحیدر یا حسین(۳)

رهبر احرارسن عالمه سالارسن جلوه ایثار سن

تا جهان وار نهضتین یاتماز دمادم زنده دی

قاره پرچملر گزر الده علم پاینده دی

یابن الحیدر یا حسین(۳)

آند اولا احسانیوه علقم اوسته یاسیوه مه لقا عباسیوه

روضه رضواندی بزمین ویرمروخ عالملره

قویماروخ بیگانه چپ باخسون قرا پرچملره

یابن الحیدر یا حسین(۳)

• چهارشنبه
• 18
• مرداد
• 1402
• ساعت
• 14:42
• نوشته شده توسط
• یوسف اکبری

آقاما قربان اولوم . روح تولادی آقام
جان طاهادی آقام. عالمه مولادی آقام

شور شعف وئر شعریمه ای
سوزلریمین قندی حسین
ایله کرم عا شقلر یو ه
فاطمه دلبندی حسین

جان وئروبسن آب و گله
اود ووروبسان جان ودله
اولموشام دیوانه حسین(۲)

آقاما قربان اولوم . مست.می.باده سییم
بی قرار عاشقیم . عاشق دلداده سییم
دام عشقینده گرفتارییم ایئلردی مدام
کنج میخانه ده دردی کش افتاده سییم

جام الستین مستی حسین
عا شق مستا نوه باخ
هستی عشقین هستی.حسین
گوشه ی میخانوه باخ

جان وئروبسن آب و گله
اود ووروبسان جان و دله
اولموشام دیوانه حسین (۲)

آقاماقربان اولوم . عالمی حیران ائلیوب
عرشه.قونداقی.گئدوب عرشی.چراغان.ائلیوب
عشقینین لمعه.سی.سیناده.تجلایه.چیخوب
مات.ائدوب.عالمی.تاریخده.طوفان.ائلیوب

لمعه ی نورین طوری حسین
یازدی شرف منشوری حسین
وئردی شرف سینا داغینا
نور شرافت شوری حسین

جان وئروبسن آب و گله
اود ووروبسان جان و دله
اولموشام دیوانه حسین(۲)

آقاما قربان اولوم .عشق مصوردی آقام
عشقه یاوردی آقام.عاشق داوردی آقام
رهبر عشقدی سر نیزده قرآن اوخیور
هیکل عشقدی گودالده بی سردی آقام

ای شرفین جانانی حسین
جلوه ی عشقین جانی حسین
ذبح عظیم دشت بلا
زنده ائدن قرآنی حسین

جان وئروبسن آب و گله
اود ووروبسان جا ن و دله
اولموشام دیوانه حسین (۲)

• چهارشنبه
• 18
• مرداد
• 1402
• ساعت
• 14:42
• نوشته شده توسط
• یوسف اکبری

حسین،گدالری،سلطان ائدوب سنین عشقین
قاپوندا موری،سلیمان ائدوب سنین عشقین

چکردی نازیوی زهرا،دئیردی(جانم حسین)
دلیل خلقتی،حیران ائدوب سنین عشقین

سالوبدی شور، جهانه،سنون گوزل آدین
قلوب شیعه ده،طوفان ائدوب سنین عشقین

نسیمِ بازدَمین،دگدی فُطرسون پَرینه
اونیندا دردینه درمان ائدوب سنین عشقین

اولوبدی جان بِکفون،مسلم و شَبیب و زُهیر
بُرِیری قاری قرآن ائدوب سنین عشقین

وَهب دوتوب اتگیندن،دخیل اولوب قاپووا
اونی،او ،چولده مسلمان ائدوب سنین عشقین

اَجَنّنی دیوب عابس،یانوبدی عشق اوتونا
او شیری،عرصه ده،عریان ائدوب سنین عشقین

بو درگهینده نه واردی ، اَیا امیرِ کرم؟؟؟
قوجا حبیبیده،دربان ائدوب سنین عشقین

به قولِ تورک،جماعت،بوعشقه عشق اولسون
قره غلامیده،سلطان ائدوب سنین عشقین

• پنج شنبه
• 19
• مرداد
• 1402
• ساعت
• 00:12
• نوشته شده توسط
• یوسف اکبری

زِینَب آدیلا بَزمِ عَزانُون صَفاسی وار
شَمعِ وِجودی عالَمَه نُور و ضیاسی وار

کَنزِ عِفافیدِی یُوزونی گُون گُورَنمَدی
زِینَب آدیلا حُکمِ حِجابُون بَقاسی وار

هَر یِردَه هر زَماندا اوُلوب دِیللَر اَزبَری
هَر بَزمیدَه گُوزَل آدینُون مُبتلاسی وار

قُولاری باغلی عازِم اوُلوب شَهرِ کُوفیَه
قارداش قانیندا بَیلدی اوُنُون خون بَهاسی وار

دشمن اسیری ،خسته بدن بیر بولوک اوشاق
چالدی قطار زنگی ولی غم هواسی وار

ناگه قولاقینه یتیشوب بیر اذان سسی
خسته مسافره بو اَذانون بَهاسی وار

باشسیز مُوَذّنه یوزونی دوندروب باخا
عُریان بدنده گوردی که سایسیز یاراسی وار

تَکبیرینی ائشیتدی حسینون، خانم دئدی
سندنصورا بو زینبین الله هاراسی وار

قربان اولوم گوزل سَسووه نَهر اولان بوغاز
هانسی خلیلیدور که سنون تک مِناسی وار

پائین پاده اکبرووی ساخلا حَشره جَک
ششگوشه قبروون گورلَر خوشنماسی وار

اصغر سنون رقیّه منیم اولما ناگران
خوردا قیزین سفارته ویرانسراسی وار

وئرم رقیّه نون اَلینه بیر قَرا عَلم
آل اُمیّه نون کَسرم هر صداسی وار

سن نیزه اوستن حَقّی دانیش منده ناقه دن
بیلسون هامی بو قافله نون حَق نِداسی وار

#نادر خلوص نیّتیلن یاز حسینه سوز
ائتمز تَمرّد هر کیم حسین تک آقاسی وار

• سه شنبه
• 7
• شهریور
• 1402
• ساعت
• 23:22
• نوشته شده توسط
• یوسف اکبری

پَریشان طُرّهء زِینَب که غَرقِ اَشگِ ماتَم دور
خیالی اَشگ اَفزا دور چون اَبرِ بارشِ غَم دور

نِقابِ مَهدِ عُلیا دور حِجابِ عِصمَتِ والا
مَسیحا طَیلَسانی دور که سِرَّ قُدسی مَریم دور

یُوزی کشف اوُلدی اَمّا سِرَّی وار اَغیارَه کشف اوُلماز
کلام اللهِ ناطق کَسری جَزماً فَتحینَه ضَم دور

یُوزیندَه زُلفیلَه مَکتُوب خَطّ لَن تَرانی دور
تَجلّای رُخیندَن غَشّ اِیدَن مُوسای اَکرَم دور

مُنافق روی زِینَبدَن تَماشا قِیضی نی آلماز
که زُلفی لیلةالقَدر و یُوزی ماهِ مُحرّم دور

پَرِ عُنقای وَحدتدور نِقابِ عارضِ زِینَب
عَلاوه اَهلِ کِثرَت نُورِ باطن دور مُسلّم دور

فَنایَه گِیتسَه عالملَر آچلماز پَردهء زِینَب
وَ یَبقی وَجه رَبّک آیَه سی بُرهانِ مُحکَم دور

بُو زُلفین شَرحی طُولانیدی حَلّ عُقدی مُشکل دور
دالیندا شاهدی وار شاهدی اللهِ اَعلَم دور

او گُون باشین آچوب زِینَب نَه گُوردی نِیزَه باشینده
حُسینین تِل بَه تِل آق سَقّالی قانیلَه پُر نَم دور

قُویُوب یُوز قَتلگاهَه پارَه پارَه نَعشینی تاپدی
گُوروب بیر آز قَباقجا گُوردُوقی اَعضاسی بَر هَم دور

سُواد سُورهء نیورِ هُدا دور آیهء تَطهیر
اؤزی خَط یُوز دالندا ناطقِ قرآنِ اَعظم دور

دُوشُوب چون صَفحهء قرآن یازیلمُوش آیهء قرآن
قَلَم اوُخ قرمزی قانیلَه مَعناسی مُتَرجِم دور

دِیدی قیلّام کَفَن بو جِسمَه زُلف مُشک باریمدَن
اَگر چه مُشک اِیگیندَن زَخمدارین عادَتی رَم دور

وَلی چون زُلفیمی آهیم شَراری یاندیرُوب قارداش
تُوکُوم قُوی سینوَه چون زَخمَه یانمُوش قارَه مَرهَم دور

داغیلمُوش زُلفی تَک نَعشین داغتمُوش نِیزَه و خَنجَر
نَفَس گَلمَز وَلی گُلماقلیقی قانین دَما دَم دور

قُویُوب نَعشُون قُوری یِردَه گِیدور حوّالَرون شامَه
چَکَن بُو هِجر دَردین مَندَن اوُزگه هانسی آدَم دور

حسین آدُون قُویُوبلار خارجی عِلّت بُو دور گُویا
گُوروبلَر حَقّینی خارج اِیچیندَه چوخ مُجَسَّم دور

حسین ئولدی دُوتولدی گُون سالوب زُلفین یُوزَه زِینَب
چخا هَر گُوندَه گر مِین گُون گِینه آفاق مُظَلَم دور

دِلیم یانسُون دِیسَم زِینَب یُوزین اَشرارَه گُوستَردی
مَگر صِدّیقۀ کُبرا قِیزینا شِمر مَحرَم دور

گُورَه بُلمَز جَمالین بُلمِیَن لا یُبصِرون اَهلی
بَصیرَت اَهلینَه قرآنِ حَق سِرّی مُتمّم دور

دُوشَردِی گه یُوزی اوُسته دوراندا زُلفی اؤرتَردی
خیالوندا او حالی سِیر اِیلَه گُور بیر نَه عالَم دور

قُوجاقلُوب نَعشین آغلاردی اؤپَردِی زَخمین اِیگلردِی
دِیردی دور آنام اوُغلی باجین اَحوالی دَر هَم دور

هَدَر گِیتمَز #دخیلین قانی گر چه فی المَثَل سَگ دور
نَه چُون رُوحُ القُدُس اُستادی دور، کَلبِ مُعلّم دور

• سه شنبه
• 7
• شهریور
• 1402
• ساعت
• 23:23
• نوشته شده توسط
• یوسف اکبری

☑️بند اول
یا حسین ای گل زهرا
ای عزیز جان طاها
میدونی هواتو کردم
نظری کن به من آقا

همه ی آرزوم اینه
صحن زیباتو ببینم
بیام وباسینه زنها
توی مرقدت بشینم

(((السلام علیک یا غریب کربوبلا)))

☑️بند دوم
یاحسین دوباره ازشام
گل پرپری رسیده
دوباره یه مرغ عاشق
میگن ازقفس پریده

دوباره به عشق زینب
یه جوونی مبتلا شد
رفت و مثل علی اکبر
براخواهرت فدا شد

دل ازاین دنیابریدو
رو به سوی آسمون کرد
یه مدافع حرم شد
رفت وسربلندمون کرد

(((السلام علیک یا غریب کربوبلا)))

☑️بند سوم
جام عشق این دلاور
شده ازعشق تولبریز
رسیده به آرزوشو
توکفن اومد به تبریز

خوش به حالش که شهادت
شده عاقبت نصیبش
زخمی هم باشه میدونه
توخودت هستی طبیبش

لاله ی پرپر ما که
دل ازاین دنیابریده
خادم حضرت زینب
اسم نوکرت وحیده

(((السلام علیک یا غریب کربوبلا)))

☑️بند چهارم
گینه آمالینه آقا
بیرگل لاله چاتیبدی
حرم زینبه خاطر
بیرجوان قانه باتیبدی

دیلده ذکریاحسین جان
بویانیب قانه گلیبدی
قانلی پیکری کفنده
آقا ایرانه گلیبدی

تیر محنت وبلایا
هامی دیللری اویوبدی
بالان اکبرین مثالی
آناسین ملر قویوبدی..

(((السلام علیک یا غریب کربوبلا)))

☑️بند پنجم
یا حسین کل بو عالم
او گوزل آدیوا قربان
بو شهید پر شکسته
تازه دامادیوا قربان

بو جوان اُولدی حسین جان
پیرو راه ولایت
اذن آلیب سید علی دن
میل ائدیب شَهد شهادت

آقا جان ملت ایران
سایه ی ظلم ده یاتماز
نقدر دیلده توان وار
شهدانین قانی باتماز

(((السلام علیک یا غریب کربوبلا)))

• یکشنبه
• 19
• شهریور
• 1402
• ساعت
• 14:35
• نوشته شده توسط
• یوسف اکبری

☑️ بند اول

آسمون داره غوغا امشب
جشن میلاده هر جا امشب

بارون عاشقی میباره
اومده عشق زهرا امشب

درخت گیتی ثمر آورده
عزیز طاها پسر آورده

? اباعبدالله / اباعبدالله / اباعبدالله / اباعبدالله

☑️ بند دوم

باز ملائک گلاب آوردن
بیت زهرا رو ماوا کردن

میزنن بوسه بر پای حسین
دور گهواره اش میگردن

سرود شادی میخونن امشب
حسین آقامه نوای هر لب

? اباعبدالله / اباعبدالله / اباعبدالله / اباعبدالله

☑️ بند سوم

گوهر بحر عزت گلدی
باغ عشقه طراوت گلدی

گوزلرین آچدی اربابیم حسین
سید اهل جنت گلدی

مه و مهتابیم شراب نابیم
غزل خوان اولدوم گلیب اربابیم

? اباعبدالله / اباعبدالله / اباعبدالله / اباعبدالله

☑️ بند چهارم

گوزی آیدان گوزل ، زیبادی
بو گلن نو گل زهرادی

وحی اولوندی رسول حقه
بو بالانین حسین دور آدی

آچیب گلشنده گل بی همتا
جهانه گلدی عزیز زهرا

? اباعبدالله / اباعبدالله / اباعبدالله / اباعبدالله(ع)

• پنج شنبه
• 23
• شهریور
• 1402
• ساعت
• 00:44
• نوشته شده توسط
• یوسف اکبری

ودود آذرین خلخال

#فارسی

آمد ماه عشق و ماه محرم
قلب محبان شد آماج ماتم

شد سینه ها غرق غم و اندوه و افغان
ماه عزا آمد شده دل ها پریشان

شد دیده گریان
مظلوم حسین جان
ای شاه عطشان
مظلوم حسین جان

شد در چمن نالان مرغ غزلخوان
درگلشن هستی شد غنچه گریان

بلبل کند ناله به دشت و کوه و صحرا
شد ماه ماتم و عزا آه و واویلا

شد دیده گریان
مظلوم حسین جان
ای شاه عطشان
مظلوم حسین جان

آمد به دشت غم میر شهیدان
زد خیمه غم را در آن بیابان

شد کربلا رنگین به خون آل طاها
غرق عزا شد حیدر و طاها و زهرا

شد دیده گریان
مظلوم حسین جان
ای شاه عطشان
مظلوم حسین جان

#ترکی

قلب محبانه غم گلدی الله
فصل عزا و ماتم گلدی الله

• دوشنبه
• 5
• شهریور
• 1397
• ساعت
• 00:58
• نوشته شده توسط
• علی ببیرپور