اشعار ترکی امام حسین (ع)

زینب بیچاره نون گلدی فکاره عالمی
سولدی گل و گلشنی کئچدی بهار عالمی

اسدی خزان جفا گلشن و گلزارینه
قالدی آنا اوغلینون حسرت دیدارینه
اکبر گل پیکرون طره طرارینه
قوندی غبار ستم دوتدی غبار عالمی

قاسم نو کدخدا نعشینی ناکام عروس
قتلگهی آختاروب تاپدی او گل فام عروس
کعبه ی وصله یئتوب باغلادی احرام عروس
ایلدی بیر آهیله تیره و تار عالمی

ترک ایلیوب کعبه نی کعبه ی اهل یقین
صبح تمام اولمامیش چیخدی امام مبین
ساکن ایوینده اولا قویمادیلار اهل کین
گزدی دولاندی حسین تاپمادی یار عالمی

آدینی امت قویوب امته باخ اوزلری
محنتیله اولدوروب زاده ی پیغمبری
فتوی ناحق وئروب کوفه نون عالملری
یخدی پیمبر ائوین ایلدی خوار عالمی

زینب بی یاورون پشت و پناهی کیمی
اولدوروب اعدا سوسوز تشنه الهی کیمی
اولمادی بو محنت نامتناهی کیمی
محنت و غم آختاروب چکدیله جار عالمی

باشین آچوب وای اوغول وای دئدی ختم مآب
کرب و بلا تپراقین باشه سپوب بو تراب
گوردیله آوازیله کهف اوخیور اول جناب
قانلو باشی نیزده باشه ییغار عالمی

حضرت زهرا ائدوب واولدا گو سراغ
خولی اوینده تاپوب اوغلینا جای فراغ
ائتمیه جکدور قبول سینه ده بیلمم بوداغ
یاندیراجاق بو ستم لیل و نهار عالمی

گوردی کول اوسته قویوب باشینی اول پادشاه
گاه تنوری ائدور عالمه مسجودگاه
درده گلوب فاطمه چکدی جگردن بیر آه
حشره کیمین ائتدی بی صبر و قرار عالمی

تاپدی کول اوستن اوپوب چون او مبارک باشی
گوردی دانیشدیرماقا وئرمز امان گوز یاشی
آغلادی گئتدی تمام نالیه داغ و داشی
نوحه قیلوب اوغلینا قیلدی فکار عالمی

نازک اولان حلقینی اصغرون اوخلادیلار
اکبر گل پیکرین ظلمیله دوغرادیلار
قولارینی زینبون کوفه ده باغلادیلار
دوتمادی بیلمم او گون بس نیه نار عالمی

تاپدی اوغول نعشینی حضرت خیرالبثر
گوردی بدنده نه ال وار نه لباس و نه سر
قانیله غلطان ائدوب امت بی دادگر
ائتدی عزا خانه تا روز شمار عالمی

آغلوری یا هو دییر،الده قلم روز و شب
فانیدی "بیضا " جهان ثم عجبت العجب
بیتیوه بیت جنان،حشریده میر عرب
بذل ایلیور غم یئمه یارینه یار عالمی

• دوشنبه
• 1
• شهریور
• 1400
• ساعت
• 13:32
• نوشته شده توسط
• یوسف اکبری

بابا وی ایله دعا قانلی بیابانه گئدر
وعده وصل وئروب مجلس جانانه گئدر

من وداع ائتمگه گلدوم سنی بینار قزیم
کوفه و شام و عراقه سفریم وار قزیم
بوندان آرتوخ وئره بیلمم سنه اخبار قزیم
نینه شمعون اودونا یانماغا پروانه گئدر

مژده وئرمیش بو گئجه گئتمه لییم قاصد یار
کربلا آدلی چوله چکمگه قانیمله حصار
ای مریضه قیزیم آرتار مرضون آغلاما زار
یثربون شاهی قویوب یثربی ویرانه گئدر.

قویمادی دشمن اولام کعبه ایوینده ساکن
ایستدیلر توکلر تپراقا الله قانین
او مبارک قانا الله ائلیوب یئر تعیین
که او یرده بله شور عهد ائلین قانه گئدر.

فرقتون قویمادی قالسون بابا جانیمده توان
علی قارداشیما تاپشور منی باری بابا جان
من ئولنده گوزیمی باغلاسون آخر او جوان
جان وئرن وقتیده باخماز منه بیگانه گئدر.

گوزینون یاشینی جاری ائدیر هر صبح و مسا
اوغلنی اولماز آیرماق آناسیندان اصلا
اکبرینی قویوب آخر نئجه گئتسون لیلا
اورگی بنددور اول طُرّهء افشانه گئدر.

عمون عبّاسی بابا قوی قالا یانیمدی منیم
مونس و یاریم اولا سخت زمانیمده منیم
گوره سن یوخدی توانا بابا جانیمده منیم
نئجه گلمز عمومون رحمی بو نالانه گئدر.

عمون عباس علمداریدی بو لشگریچون
پاسباندور گوروسن عترت پیغمبریچون
اودی سقا اودی یاور من بی یاوریچون
سو تدارک ائده بو اصغر عطشانه گئدر.

یا بی بیم زینبه تاپشور منی نالانی آپار
یا آنام لیلینی قوی زینب نالانی آپار
یا اولار گئتمه لی دور باجیمی ایله منه یار
اونیلان بلکه بو غم رشته سی بیر یانه گئدر.

ناخوشون عمه بیلورسن که پرستاری اولار
آناسی قارداشی یا خواهری یا یاری اولار
قویمیون تک منی ، گوز یاشی یوزه جاری اولار
هانسی بیماری قویار ساکن بیر خانه گئدر.

من دییردیم که منیمده اوجا باشیم وار
وار بابام هم وار آنام هم باجی قارداشیم وار
باشیمون چوخدی بلاسی اگر آز یاشیم وار
آرزیلار بیر بیر اورکده هامی طوفانه گئدر.

ناز ائدردیم گجه گوندوز من علی اکبریمه
شاد اولاردیم باجیما گاهی علی اصغریمه
عموم عباسیمه گه عونه گهی جعفریمه
قاسیمم طوی گونی ایندی نیه میدانه گئدر.

یازدی" بیضا "بو غمی غملرین افزون ائتدی
آغلادی گوز یاشینی مظهر جیحون ائتدی
یازدی افسانه عشقی ئوزین افسون ائتدی
نئجه صغرانی سالوب بحره بو افسانه گئدر.

• دوشنبه
• 1
• شهریور
• 1400
• ساعت
• 22:15
• نوشته شده توسط
• یوسف اکبری

اللرده شمع ماتم اول روضه طلاده
ایندی گلور فغانه زوّار کربلاده

چکمشله ایندی قاره ای شیعه قتلگاهه
زوّار اوخشار آغلار اول شاه بی پناهه
گه صحنی دن گئدورلر شوقیله بارگاهه
گه حجله عروس و داماد نامراده.

چیخمش الیندن ایندی زوارون اختیاری
آلمش آرایه آغلار شش گوشه لی مزاری
گاهی رواق ایچینده قبر حسین زاری
طوف ایلیوب گلورلر فریاد و آه و داده.

قاره لباسیلن بیززوّار اولوب گئدیدوک
عرض سلام او شاه عطشانه بیز ائدیدوک
بالای سرده ای کاش آغلار گوزیله دیدوک
ای ظلم الیله باشی شامه گئدن جداده.

بیله اسیر دشمن وار هانسی دینده آیا
قوللار طناب ظلمه باغلی بنات زهرا
نار جهیمه ای کاش یکسر یانیدوق اما
گئتمیدی شام شومه آل عبا پیاده.

بو ظلم و بو جفادن دویمادی قوم اعدا
بیر اوزگه محشریدی کرب و بلاده برپا
باشون کسیلمگینه اولمادی راضی تنها
کسدی الون حسین جان هانسی حرام زاده.

کرب و بلا چولنده نه یار و نه برادر
گل جسمی پاره پاره قالمش اراده بی سر
باشدان ایاقه زخم تیر و سنان و خنجر
بی غسل و بی حنوط ای اوچ گون قالان اراده.

دشت غم و بلاده اول پاره پاره جسمون
اولمادی بیر نفر تا قویسون مزاره جسمون
قویمادی باری چکسون زینب مزاره جسمون
نی تک نوایه گلدی صحرای کربلاده.

بو نه سفارشیدی ای شهریار دلجو
نازلی سکینه دن سن فرمایشون اولوب بو
عطشان اولوب ایچنده ای شیعه لر سرین سو
سالسون بو تشنه کام کرب و بلانی یاده.

عرض ایلروک بیز آخر ای پادشاه دل ریش
تشنه سنی بو نوعی ئولدوردی هانسی بد کیش
نازلی سکینه دن کیم اول ائتدیگون سفارش
اولمش بیزه یتنده اندوهیمیززیاده

چوخ التجالر ائتدوم گزدوم غریب اولکه
بو بی گناهه حاصل تا که اولا سو بلکه
اولمادی اصغریمه پیکان دمیندن اوزگه
بیرجرعه سو وئرن یوخ اول قوم بی حیاده

مغلوب اولما" بیضا "دور غالب اول حریفه
دائم میسر اولماز هر شخصه بو وظیفه
ایندی که ال یتیشمز اول مرقد شریفه
ور باشوه فغان ائت هر مجلس عزاده

• دوشنبه
• 1
• شهریور
• 1400
• ساعت
• 22:19
• نوشته شده توسط
• یوسف اکبری

باش آچوق کرب وبلایه حضرت خاتم گلوب
آپارا بیر قافله جناته هم و غم گلوب

گوردی جنتده مکان یوخ زینبون بیر آهینه
وئرمیوب سو ئولدورن وقته رعیت شاهینه
آند اولا شاه شهیدون بیر اولان اللهینه
هر مصیبتدن مصیبات حسین اعظم گلوب

کاش دنیای دنینی ائتمییدی حق مقیم
اولمییدی قانینه غلطان شه نباالعظیم
اول مصیبات حسینی وزن ایدنده ای حکیم
ما سواللهی ترازویه قویاندا کم گلوب.

بیر بدن گر تیر و پیکاندان اولا قنفذ کیمی
اوخ اوخ اوستن سانجلوب دکان آهنگر کیمی
عالم دیگردی واللهی حسینون عالمی
گلمیوب امثالی یوزمین عالمه آدم گلوب.

اللرین قویدی بلینه شاه مظلومان حسین
سویلدی قطع الرجا اول دم امام المتقین
بیرده عباسون کسوک قولارینی گورمک همین
زینبون رعنا اولان قدی خم اندر خم گلوب.

ایلیوب قرآندا فرمایش او رب العالمین
آشکارادور تمنوا الموت کنتم ، صادقین
بو تمنانی ائدن عالمده وار غیر از حسین
قیلدون هر یردن سوال آواز لایعلم گلوب.

نیت موتیله عازم اولدی او شاه کربلا
موتینه منزل به منزل ویردی طبل برملا
قیلدی استقبال او روح پاکی ذات کبریا
وئردی اسما و مسما ال اله توام گلوب.

تحفه قیلدی دوسته بودین اولوب نابود حسین
اولدی نابودیله بودی عالمه معبود حسین
خلقت اشیائه علت خالقه مقصود حسین
بو نظامیله نظام کون مستحکم گلوب.

یخدی شمر بی حیا شرم ائتمیوب الله ائوین
اولدی ظلمیندن اونون اوراق قرآن مبین
دستمازین قویدی ناقص سالدی تحت الحنکین
نینوایه الده ری فرمانی مستحکم گلوب.

بو سوالی ای ائوی بر باد مندن ایلمه
اهل بیت اولدی نجه وارد کنار علقمه
بو سوالون قالدی سر بسته ظهور قائمه
فجر صادقدور هر عالمدن اودا اعلم گلوب.

خرج بو یرده دگول ظن و قیاس و اجتهاد
روح عالم بو حسینی بیلمین ایلر فساد
قیلدی یتمیش ایکی تن" بیضا "بو یرده اتحاد
روح روح القدسدن ایجاده بو عالم گلوب.

• دوشنبه
• 1
• شهریور
• 1400
• ساعت
• 22:22
• نوشته شده توسط
• یوسف اکبری

ای دردی اولان شیعه گل آواره دولانما
آل چاره حسیندن بیله بیچاره دولانما

هر درد نهانون بودی واللهی دواسی
آواره دوشوب دامن کهساره دولانما

گز کوچه و بازاری حسین وای دی دمادم
قان ایله دل عالمی بیکاره دولانما

ایله گجه لر قاسم و عباسیله صحبت
غفلت ائلیوب مجلس اغیاره دولانما

پروانه شاه شهدایه دئمک اولماز
اودلار قنادون شعله لری ناره دولانما

قانه بویانان طرّه طرارون علی جان
بو گردن لیلای دل افکاره دولانما

ای کاش اولیدی دیین اول شمر لعینه
ای زاغ سیه جانب گلزاره دولانما

شرم ایله حسین فاطمه دلبندیدور آخر
حلقین وئروب اول خنجر خونخواره دولانما

میداندا گوروب زینب محزون گلور سس
گل ائتمه باجی قلبیمی صد پاره دولانما

گوداله گلوب اولما باجی این الاخا گو
وار چارون اگر گل ائله بیر چاره دولانما

"بیضایه" مباهات وئروب پیر حقیقی
فرمایش ائدوب سوی گنهکاره دولانما

• سه شنبه
• 2
• شهریور
• 1400
• ساعت
• 14:26
• نوشته شده توسط
• یوسف اکبری

ئورک جاه و مقامه راضی اولسا
فساد ایلر شریح قاضی اولسا

شریح قاضی چاتدی اجتهاده
اولوب فاسد چکوب دهری فساده
اولار بو مسئله دائم اعاده
اگر مستقبل اولسا ماضی اولسا

وئروب فتوای منحوس اشدّی
حسین دیندن چیخوب چون آشدی حدّی
گینه صبر ایلیون گر دین جدّی
وجوب قتلینه اغماضی اولسا

بو فتوا هنده نی آشوره گتدی
سه گاهی عرصه ماهوره گتدی
خراسان و حجازی شوره گتدی
اولار ممکن طلا گر فاضی اولسا

بو فتوادن چیخوب اوچ شعبه پیکان
اولوب اصغر بوغازینده نمایان
بوغازدان اوچ یره پرتاب اولوب قان
گورر هر کیم دل فراضی اولسا

قان آخدی اکبرون گیسولریندن
داموب مرجان کیمن ابرولریندن
اوجالدی ناله چون آهولریندن
هدف بو سوزدی استقراضی اولسا

گورنده لیلینی بیگانه یاندی
علی اکبر باشیندا شانه یاندی
یانوب هم شمع و هم پروانه یاندی
سوزی تحویل وئرر فیّاضی اولسا

طویی قاسم عروسی یاسه دوندی
سرشکی موج وار الماسه دوندی
حنا ایسلاندی اما کاسه دوندی
قان اولدی کاسه گر بیّاضی اولسا

ائدوب عباسی مقصد داشه دشمن
شباهت چوخ واری خفاشه دشمن
وُرارمحکم یارالی باشه دشمن
عمود آهنین اغراضی اولسا

عدو ، نیزاریده بنیادی یخدی
کسوب خوللارینی شمشادی یخدی
آلوبدی تیشه سینی فرهادی یخدی
ستون بیستون افراضی اولسا

یانار عاشق یانار دائم بلاده
بلانی سویلیه قالوا بلاده
باشی نی ده بدن کرب و بلاده
حدیث عشقه هر کیم راضی اولسا

گلور عاشق چاتار میثاق عشقه
هوسله شوق ائدر گر دوشسه مشقه
گئدر تبلیغه شامات و دمشقه
ائدر تبلیغ اثر تراضی اولسا

امام ساجدون بُحرانی حالی
دمادم موج ائدر درد و ملالی
اوحالدا وار اسیر اولماق خیالی
نولار ناخوش اولوب امراضی اولسا

گوزیندن زینبون مرجان توکولدی
نه بیر مرجان بیر به بیر مژگان توکولدی
نه مژگان دل قرآلدی جان توکولدی
دئدیم بو مطلبی مقراضی اولسا

ائدوب کیش ایلمه "بیضانی" شه مات
سن آتلی من پیاده رنگ رخ مات
ائدر شاه نعمتی ئوز کفرین اثبات
وزیری پیلتن مُرتاضی اولسا

به حول قوّۀ مولای عرفان
طریقت اهلی درویشم مسلمان
جوابین وئرمیشم باقیدی برهان
سوزیندن هر کیمون اعراضی اولسا

• چهارشنبه
• 3
• شهریور
• 1400
• ساعت
• 17:37
• نوشته شده توسط
• یوسف اکبری

قفادن شمر بیر باش کسدی الله
هواده قاره یل لر اسدی الله

دگوبدور بیربیره ارکان عالم
گریبان چاک اولوبدور فوج آدم
دییردی دمبدم زهرا و خاتم
حسینه رحم ائله بی کسدی الله

نه گوردی زینب بیچاره ناگاه
دوتوبدور گوگ آراسین ناله و آه
گلور بیر سس رعیّت ئولدورور شاه
هراسان اولدی بو نه سسدی الله

گلوبدور قتلگاهه بنت زهرا
گوروب قارداشینی دوغرانمش اعضا
یوزی اوسته سالوب اُول قوم اعدا
کفن اول شاهه خار و خسدی الله

دوتوب یوز دشمنه اُول کان عصمت
بویوردی ای اولان بی شرم امت
اگرچه سیزده یوخ آثار غیرت
داخی بو ظلم حسینه بسدی الله

گلوب قرآن ناطق کربلایه
یتر دشمن جفاسی انتهایه
ائدن حمله او سیمرغ وفایه
زغن دی زاغیلن کرکسدی الله

چیخوب قرآنون اوسته شمر ظالم
عجب بیداد ائدوب سیر عوالم
هامی احکام شرع و دینه عالم
او شمر کجرو و ناکسدی الله

سجاوند اولدی قرآنون جمالی
گئدوبدور غارته مال و منالی
اسیر شمر اولوب اهل و عیالی
وجودی لرزه ائتدی اسدی الله

جفای دشمنی گوردی پیاپی
دوتوب دشت غمی آواز هی هی
ائدوبدور مست شمری بادۀ ری
دئدی دنیا منه محبسدی الله

گئدنده رزمگاهه شبه طاها
اوخوردوم سورۀ انا فتحنا
یانان دیلدن دئدیم پروردگارا
گل لیلادی بو نورسدی الله

گوروب نی ده سر مذبوح شاهی
جمالینه آخور ثار الهی
قویوبدور باشینه قرمز کلاهی
دئدی قان یا که قرمز فسدی الله

نه درویشم نه رند و نه قلندر
حسین اللهینی بیضا چوخ ایستر
لباسی که منه اولموش مقرّر
بهشته سندس اطلسدی الله

• چهارشنبه
• 3
• شهریور
• 1400
• ساعت
• 17:55
• نوشته شده توسط
• یوسف اکبری

فاطمه میقات عشقه گلدی، الله، آغلادی
انبیا و اولیا بی اقربا شاه آغلادی

قیلدی فرمایش عدّوی ایزده پیر مغان
حامی دین مبینم برزخٌ لایبغیان
لامکانم ائتمیشم کرب و بلا دشتین مکان
کعبه دن تا کربلا سیر ائتدیگیم راه آغلادی

عصر وقتی کربلا دولدی صدای سیلیدن
برق شاخدی یر یوزینه آسمان نیلیدن
ماته دوشدی شه وزیری سالدی دشمن پیلیدن
وجه وجه الله دوتولدی عصمت الله آغلادی

انبیا و اولیا حیراندی بو اسراریده
قاچمارام عیسی کیمین ورام اناالحق داریده
وار اثر ای بی مُروّت قلب آتشباریده
زینب کبری بو سرّه اولدی آگاه آغلادی

داد هی بیداد هی هیهات هی هیهات هی
اولمادی قسمت او ناجنس ایچون املاک ری
یا و سین محزون اولوب غملندی عین و لام بی
نیّر اعظم کسوفه دوشجگین ماه آغلادی

روبرو میقات وصلتدن اولوبدور مست مست
شمر مست ملک ری اما حسین مست الست
باش وئرن پیروز اولوبدور باش کسن تاپدی شکست
حین وصلت گه تبسّم ایلدی گاه آغلادی

گوردی که وحدت تاپوب شاه اولدی رب العالمین
آچدیروب انّا فتحنا پرچمین حامی دین
تازه دن امضا ائدوب قالوا بلانون مدرکین
وهم سرگردان فتاده قالدی فی الله آغلادی

جمع اولان تفریق اولوندی اولدی وحدت برقرار
سّر کنت و کنز مخفیا اولوبدو آشکار
حیرته دوشدی همان هنگامده اغیار و یار
شیر غّرانی یارالی گوردی روباه آغلادی

نقطه بایم عن النباء العظیم سلطانیم
مُنزل قرآن منم جانانیمون جانانیم
علت کون و مکانم خلقتون یرهانیم
لم یلد وردیم و لم یولددی و اشباه آغلادی

هر بلایه دوزمیشم تا گئتسون اثنینیتیم
برقرار اولسون بو دشت غم فزاده وحدتیم
شرق و غربه سس سالا آوازه حریتیم
بی مروت قاتلیم دلدن چکوب آه آغلادی

ظلم که سن ایلیورسن ایلمز گبر و مجوس
شاهد ظلم و تعدیدی بو چرخ آبنوس
باشیمی تزکس جدایه ور دیوم حق دوس دوس
یوخدی من تک بو قدر لشگرده گمراه آغلادی

حدّی یوخدور ظلم و اجحافون کچوب اندازه دن
صفحه قرآن چیخوبدور گور نجه شیرازه دن
محکماتون امر ایله لشگر داغتسون تازه دن
وقت غارت نیزه ده شاه فلک جاه آغلادی

اون بیر ماه محرم دگدی هودج هودجه
محمله میندیردی زینب قزلاری بیر بیر نجه
اوچ یاشیندا بیر اوشاق قالدی بیاباندا گئجه
ناقه لر گوز یاشی جاری ائتدی مرآه آغلادی

روز و شب نوحه یازوب هی سسلدون مولانی سن
زنده و پاینده ائتدون فرقه عرفانی سن
آفرین " بیضا " نشان وئردون ید بیضانی سن
شادلقندان شعروه شاه نعمت الله آغلادی

• چهارشنبه
• 3
• شهریور
• 1400
• ساعت
• 19:16
• نوشته شده توسط
• یوسف اکبری

دیوانه حسینم درمانه حاجتیم وار
چون هر گئجه دخیلم زنجیره عادتیم وار

اورگشمیشم بو رمزی عرشون ملک لریندن
ال چکمرم حسینون قانلو اتک لریندن
فطرس تک حاجت آللام پرخون بیلک لریندن
اصغر کیمی قاباقدا اعظم وساطتیم وار

فرمایش ایلیوبدور جعفر امام صادق
هر کیمسه نون حسینه ایمانی اولسا لایق
قلبینده شبهه قالماز الهام اولور حقایق
بو باره ده یازیلمش بی حد روایتیم وار

سنگر گورر گوزومده مژگان چشمگیری
ئوز گوزلرینده گورمور اما سه شعبه تیری
بی جا مذمت ایلور بو عاشق حقیری
بیلمز نقدر حسینه عشق و ارادتیم وار

ایمان ایچینده در نورافکنیم حسیندور
ظلماتیده چراغ شب روشنیم حسیندور
عکس حسین بهشتیم هم گلشنیم حسیندور
هر گونده منزلیمده باغ زیارتیم وار

ای مدعی عزیز ذات خدا حسیندور
هر گوز اونی گورنمز شمس الضحی حسیندور
صبحه صفا حسیندور ظهره ضیا حسیندور
اول نوریدن اورکده شمع هدایتیم وار

گوگدن یاغان یاغیشلار یک رنگ و یک صدادور
داغدا آجی تیکاندور باغدا گل صفادور
نام حسینده مثل باران پر بهادور
سن بیر آجی تیکانسان من گل طراوتیم وار

ای مدعی دخیلم گودال قتلگاهه
یوز قویمیشام اوزاقدان شش گوشه بارگاهه
یانمیش چوله سپیلمیش خرگاهه خیمه گاهه
مصنوعی شیعه لردن قلبیمده نفرتیم وار

یا مظهر العجایب یا مظهرالغرایب
سال باشیم اوسته سایه سنسن بو باشه صاحب
سن اهل فهمه ظاهر سن اهل جهله غایب
شور محبتوندن باشدا علامتیم وار

دنیاده بیر غریبم الله منیم پناهیم
بیر بنده فقیرم دینیمدو تکیه گاهیم
هم تربت حسیندور طاعتده سجده گاهیم
حمد ایلرم خدایه روح عبادتیم وار

من ریزه خار خوان پر زیور حسینم
پروانه تک نثار نور سر حسینم
هم خاک پای مولا خاک در حسینم
قوم بنی اسدلن ارحامی نسبتیم وار

وقتی کی جان ویرنده گوزدن چکیلدی پرده
ظاهر اولور حقیقت سیمای خیر و شرده
تصدیق ایدرسن اوندا گرداب پر خطرده
آیا نیه حسینه دنیاده خدمتیم وار

زنبور انگبینم هر گلدن آلمارام بار
برگ محمدیدن قلببیمده شبنمیم وار
یدی کتاب نوحه قویدوم ئوزومدن آثار
عباسقلی آدیم دور" یحیوی "شهرتیم وار
محشر گونی آقامدا چشم شفاعتیم وار

• چهارشنبه
• 3
• شهریور
• 1400
• ساعت
• 19:47
• نوشته شده توسط
• یوسف اکبری

عاشق اولدور کیم قیلار جانین فدا جانانینه
میل جانان ائتمسون هر کیمسه قیماز جانینه

باش آچوق گزسون گرک اهل و عیالی عاشقون
نیزه و شمشیر و خنجردور جلالی عاشقون
جاننی جانانه وئرمک دور کمالی عاشقون
وئرمین جان اعتراف ائتمک گرک نقصانینه

بیر اشاره ایلیه وصلینه دلبر عاشقه
حایل اولماز من سدّ سکندر عاشقه
بسته دور شمشیر و پیکان تیر و خنجر عاشقه
ذوق ائدر دگدوگجه خنجرسینۀ سوزانینه

عاشقم هر کیم دیه جان وئرمسه صادق دگول
عشق کامل جان و مال و شوکته شایق دگول
وامق و فرهاد و مجنون جان من عاشق دگول
عاشق ایسترسن اگر گئت کربلا میدانینه

مست میداندا یخیلمش عاشق ربّ ودود
گاه مشغول مناجات و گهی گرم سجود
اکبر و اصغر ئولوب دولموش خدنگیله وجود
ناز ائدر جانانینه دگدوگجه خنجر جانینه

بزم خلوت گور نه عالیدور حسین و شمر مست
شمر مست ملک ری امّا حسین مست الست
باش وئرن بو باش آلان او بو مسیح او بت پرست
بیر تماشا قیل حسینون حالت مستانینه

بیر طرفده اوج ائدوب افلاکه بانگ العطش
تشنه لوقدان خوردا اطفال ایلیوب بیر یاندا غش
لبلری سولموش سکینه بیر طرفده غنچه وش
عجزیله عطشان یاپوشمش زینبون دامانینه

سس گلور گوردی بو حالتده شهید کربلا
خیمه گاهون آلدی دشمن هارداسان گل یا اخا
زینبون آز قالدی اولسون دستگیر اشقیا
نالۀ زینب یتیشدی چون او غیرت کانینه

ایستدی دورسون یخلدی قامتینی ائتدی خم
سورونوردی خیمه سمتینه دیردی دمبدم
ئولمیوب قارداشون ای بیچاره گلدوم چکمه غم
مانع اُول باجی حرملر ناله و افغانینه

عرض ائدوب شیطان او وقتده کای خدای ذوالمنن
بو شهون زخمینده سوزش یوخدی دوشمش بی کفن
ورنه فولاد اولسا تاب ائتمز بو یاریله بدن
کیم حسین بو قدر یاریله دوشوب میدانینه

بو قدر زخمیله دوشمشدی او شاه مشرقین
صادر اولدی آفتابه حکم ربّ العالمین
دشمنه ثابت اولا تا پایۀ صبر حسین
سال حرارت هر نه وارون کربلا میدانینه

دمبدم سویلر رضایم بو قضایایه شاه ِ دین
گوردی طوفان ایلدی کرب و بلاده اُول لعین
قاچدی گوردی کورۀ حدّاد تک قزمیش زمین
گردن طاعت قویوب یعنی بلا میدانینه

رحم ائله بیچاره" شمس " اردبیلم یا علی
گلمیشم درگاهوه عبد ذلیلم یا علی
آستانوندن منی قؤوما دخیلم یا علی
چکمرم ال سندن آند اولسون حسینون جانینه

• چهارشنبه
• 3
• شهریور
• 1400
• ساعت
• 19:50
• نوشته شده توسط
• یوسف اکبری

گیدوب گون مغربه یوم بلادن
اوجالدی ناله دشت نینوادن
فلک لردن مَلک لردن سمادن
قلمدن لوحدن عرش خدادن
مه و خورشید و انجم دن فضادن
دوشوب آفاقه وحشت بو صدادن

حسینیم نور عینیم نور عینیم
امام مشرقینیم مغربینیم

گروه انبیا و اتقیادن
تمام اولیا و اوصیادن
خواتین حریم کبریادن
پریدن انس و جن و ماسوادن
چیخوب نی تک نوا یردن هوادن
خصوصا قتلگاه کربلادن

حسینیم نور عینیم نور عینیم
امام مشرقینیم مغربینیم

دوه لر صیحه سی آت شیحه سیندن
فراتون جنبشیندن نعره سیندن
نیستانون سیزیلتی نعره سیندن
گئجه نون عالمی آهو سسیندن
حسینون غارت اولموش خیمه سیندن
دولوب صحرا سکینه ناله سیندن

حسینیم نور عینیم نور عینیم
امام مشرقینیم مغربینیم

گئجه اون بیر گئجیدی ماه تابان
گونوز طوفان گئجه شام غریبان
داغیلمیش حربگاهه تیر و پیکان
پاریلدار اسلحه باخدوقجا میدان
چیخوب بیر قیز یاری یانمیش چادردان
قویوب یوز قتلگاهه دیده گریان

حسینیم نور عینیم نور عینیم
امام مشرقینیم مغربینیم

کیچردی هی جنازه دوره سیندن
اوخ اوستن یا کی خنجر پاره سیندن
ایدر انسان هراس ئوز کولگه سیندن
گلوب بیر سس بیابان گوشه سیندن
قیزیم گل سینمه ئوپ یاره سیندن
منه آغلا دئ زهرا نوحه سیندن

حسینیم نور عینیم نور عینیم
امام مشرقینیم مغربینیم

ایکی بازوسی اول شاهون اوجالدی
یتیمه دخترینون گوگلون آلدی
یارالی قوللارین بوینونا سالدی
دیدی سنسیز بابا باغریم قرالدی
سنی گوردوم بیر آز دردیم آزالدی
بابا ئولسون سکینه بو نه حالدی

حسینیم نور عینیم نور عینیم
امام مشرقینیم مغربینیم

موثر بیر مصیبت یاده گلدی
همان شب چوخلار اول اثناده گلدی
گیدوب بجدل پیمبر داده گلدی
دیوللر ساربان اثناده گلدی
زمین قتلگه فریاده گلدی
اوغول دیدارینه زهراده گلدی

حسینیم نور عینیم نور عینیم
امام مشرقینیم مغرببنیم

• چهارشنبه
• 3
• شهریور
• 1400
• ساعت
• 20:14
• نوشته شده توسط
• یوسف اکبری

دوشموشم مدتدی بر درده دوا مشتاقیم
غصه دن خشکیده نی تک بر نوا مشتاقیم

مجلس غمده وجودیم آز قالور پامال اولا
بر محل با صفا و خوش هوا مشتاقیم

یتموری دامان وصل یاره پا لنگم الیم
عرض حال اتماقلیقا باد صبا مشتاقیم

آختارور پروانه شمعی بلبل شیدا گلی
من طواف مرقد موسی الرضا مشتاقیم

بر جماعت حسرت جنتله گوز یاشی توکر
من خدای عالمدی ایوان طلا مشتاقیم

باغریمی مدتدی سم عشقیله قان ایتمشم
ظلمیله مسموم اولان بر پیشوا مشتاقیم

سر فراز اولام قویام یوز یرده پائین پائنه
پبیش رو بالای سر پائین پا مشتاقیم

آرزومتدم دورام بالای سرده عرض ایدم
ای قتیل زهر کین سندن عطا مشتاقیم

ایسته درگاه خدادن ایلسون قسمت منه
جدوین قبرین که هر صبح و مسا مشتاقیم

ایتمرم بر عمردور فردوس اعلا حسرتین
بر فراته تشنه ام بر کربلا مشتاقیم

روز و شب ویردیم حسین ذکریم حسین فکریم حسین
من حسین بیماریم خاک شفا مشتاقیم

اوچ وجود نازنینون بر مقدس بقعه ده
حسرت پابوسیم من ای خدا مشتاقیم

شانی اکبر آدی اصغر بستری شه سینه سی
کوکب صبح شرف اول مه لقا مشتاقیم

آلتی گوشه بر مزار پاکه دنیاده سبب
اکبر شهزاده گلگون قبا مشتاقیم

خیمه گاهین عشقی صبریم خیمه سین تاراج ایدوب
بر حنالی خیمه ده نو کدخدا مشتاقیم

روضه باب الحوائج حضرت عباسیده
دوتماقا بر جمعیلن بزم عزا مشتاقیم

بسدی بر دفعه بویورسا نوکریمدور بو { شهاب }
الی ایلدور نوکرم بر بو ندا مشتاقیم

• جمعه
• 5
• شهریور
• 1400
• ساعت
• 11:11
• نوشته شده توسط
• یوسف اکبری

نقدر ساقی غم، ساغر شراب دوتار
او قدر دردیله الفت، بو دل خراب دوتار

آلوبدی قلبیمین اوستین، قرا بولود کیمی غم
بهارده چمن اوستین نجه سحاب دوتار

من ایستورم غمیله الفت ایتمیوم، اما
منیله الفت او، چون باوفا صحاب دوتار

محبت اهلنه درد و غمین، محبتی وار
بولوب که راحت آتار، اهل دل عذاب دوتار

حسینه باخ نجه گوزدن هامی جهانی آتار
رضای یاری مقدم، او مستطاب دوتار

حرملرینی اوتوزمین جماعت ایچره توکور
گیدور ئولوم یولونا، مرکبین شتاب دوتار

بونون وداعنه عصرین امامی چوخ آغلار
اگر چه یاسنی هر یرده شیخ و شاب دوتار

نجه وداعیدی؟ نه آیرلیق؟ نه هنگامه؟
یازیلسا شرحی، هامی عالمی کتاب دوتار

سوسوز امام گیدور، قزلاری ایله آغلور
سوسوزلوق اولماسا روی زمینی آب دوتار

علاوه آیریلقین وار اوزینده ایله بیر اود
او مشتعل اولا، اود طاق نه قباب دوتار

ابوتراب بویوردی وداع اولان یرده
سرشگ اولماسا، شعله یقین تراب دوتار

حسین ایستوری گیتسون، اوشاقلار ال چکمور
عباسین عاتکه سی، دامنین رباب دوتار

سو یوخدی دولدوروب اشگیله گوز پیاله سینی
سکینه سی عوض شیشه گلاب، دوتار

یولا سالاندا باجی قارداشین مسافرته
بیر الده آئینه، بیر الده جام آب دوتار

ولی بو امره خانم زینبون یولی یوخیدی
بو باره دن دلنی غصه، بی حساب دوتار

یولا دوشنده مسافر آلوب، اوپر قرآن
بو رسم عالمی منظور، اول جناب دوتار

قویار دوداقلارینی فخر ساجدین یوزینه
دوباره تشنه لبی، تبدن التهاب دوتار

باخار بو رسمدی آئینیه دوشنده یولا
مسافریکه اوزاق بیر سفر صواب دوتار

شهید عشقده، مرآت حق نمایه باخار
جمال یاری گورر، قلبین انقلاب دوتار

که یعنی حسرتیله زین العابدین یوزینه
باخار، ایکی یولا توشه او پور و باب دوتار

باجیسی گوردی حسین، چوخ باخور اویان بویانا
گوزینی حسرت اوزیله سرشگ ناب دوتار

دئدی حسین بئله حسرتیله صاق و صولا باخما
بو خسته قلبیم او باخماقدان اضطراب دوتار

سنی بو حالیله یالقوز گورنده، یاشلی گوزوم
مگر شکسته گوگل اوز یرینده تاب دوتار؟

غم ایتمه قالمیوب عباس و اکبر و قاسم
مکدر اولما، سنه زینبون رکاب دوتار

باخوب فراته طرف، چکمه آهی آه اوسته
لوای عشقی بو کلثوم دلکباب دوتار

هوا چوخ ایستی دی، بو سهلدور سوسوزلوق وار
علاوه گون یوزیوی تاب آفتاب دوتار

باشی اوسته چتر کیمی دود آهی آچارام
گونون قباقینی آخر، او احتجاب دوتار

یازاندا (شانی) بو در خوشابی (خوشخوانه)
خجالتندن اوزین لوءلوء خوشاب دوتار

• یکشنبه
• 7
• شهریور
• 1400
• ساعت
• 12:16
• نوشته شده توسط
• یوسف اکبری

ترقّی عالمینده کربلا شاهی قدم ووردی
یزیدین صفحه ی تاریخینه نقش عدم ووردی

یگانه منجی اسلام افکاری ایده تبدیل
قوروب کرب و بلاده بیر مقدّس فکریله تشکیل
او تشکیل آل سفیانین ایدوب کابینه سین تعطیل
اوز استقلالینه شمشیریله خونین قلم ووردی

حقیقت مسلکین تطبیق ایدن راه مجازیله
تاپوب روح تدیّن عزّتین شاه حجازیله
فداکار شریعت دست خطّ امتیازیله
دیریلدوب اوز آدین هر مملکتده بیر علم ووردی

حسین بن علی گوردی نظام دین اولور درهم
تمرّددن یتن زخمه بُلوب لازمدی بیر مرهم
مبادا جدّینون قانونینی اشرار ایده برهم
او گون بیر خیمه ی اجرا شه گردون خِیَم ووردی

امورات سیاستده ویره تشکیلینه رونق
ابوالفضله دیدی وور شهر بند عشقیده بیرق
سلاطینه جراید نشر اولونسون کیم اُلوب ناحق
نه اوستونده اُلوب، کیم حقّه حرف کِیف و کَم ووردی

ایله فکر سیاسی ایشلَدوب سلطان مظلومان
که ذکری مادّه ی تاریخدور تا دور ایدر دوران
فنون جنگی ویرسون هر سیاسی لشکره اعلان
ازل میدان رزم کربلاده بیر قدم ووردی

ویروب فرمان نظامیسی یغشدی باشینه بیر باش
ابوالفضله بویوردی گَل امیر لشکریم قارداش
علم وور قلب لشکرده ضمیریم سرّینی قیل فاش
آچوبدور پرچم نصرت علم اول محتشم ووردی

قیلوب سلطان مظلومان سپاهین جراته ترغیب
صف آرالیقدا ویردی میمنه هم میسره ترتیب
ایکی لشکر آلوب فرمان جنگی رای اولوب تصویب
ازل سعد اوغلی تیریله او فرمانه رقم ووردی

جوانلار نامینه موضوع اولوب قانون حُرّیّت
عمومی بیر وظیفه بُلدی سربازان حیثیّت
هر آزاده جوان باش ویرماقندا قیلدی جدّیّت
ولیکن تیر غم دلدن خواتین حرم ووردی

اولوب بیر جنگ مغلوبه، ویروب بیر فوج عطشان سر
قالانلاردا اُلوب تک تک، قالوب عبّاس نام آور
او صاحب منصبِ اردویِ شاهنشاهِ بی لشکر
گیدوب سردوشه پاقون نشان سرخ دم ووردی

علم یاتدی، علمدار اُلدی، سندی لشکر اسلام
امام اوسته هجوم آور اولوب کفّار بدفرجام
اَلینده ذوالفقارین قبضه سی شاه ملک خُدّام
ایدوب حمله صفوف دشمن دینی به هم ووردی

ووراردی لشکره شمشیر قهرآمیز او بی غم خوار
دیردی دم به دم تکبیر پور حیدر کرّار
یورولدی بس که دعوا ایتدی سبط احمد مختار
یره اوز نیزه سین اول شهریار غم حَشَم ووردی

وجود نازنینی قید کثرتدن تاپوب وحدت
دوروب حق مرکزینده آیه ی توحیده بیر آیت
ضلالت لشکریندن بیر نفر چوخ ایلیوب جرات
شه دین سجده گاهیندن او بیر سنگ ستم ووردی

آخوب قان وجهِ وجهُ اللهی دوتدی، دولدی عینُ ا...
یغوب دامانینی سیلسون او قانی عین حقدن شاه
نمایان اولدی قلب قلب عالم گون کیمی ناگاه
مکانِ لامکانه حرمله بیر تیر اودم ووردی

او اوخ اوچ شعبه لیدی بیر وظیفه ایلدی ایفا
او شاهین سینه ینده آچدی بابِ مجلسِ شورا
همان شورای عالی کشف ایدوب معنای عاشورا
یخلماق رایی تصویب اولدی شه کلک رقم ووردی

منافقلر قیلوب شورا، قتاله تازه رای آلدی
ایدوب خِطّی سِنان اجرای آرا توپراقا سالدی
یارالی جبهه سین قویدی ترابه، ضعفیده قالدی
نه حسّ اولدی او دمده نه دم لا و نعم ووردی

گَلَنده هوشه عرض ایتدی که ای دانای مکتومات
بو حاله شاهد اول، انجام تاپدی جمله مرقومات
نشان ویردیم بو صحراده واریمدور هر نه معلومات
گورن تصدیق مُهری خطّیم اوسته لاجرم ووردی

هامی بیر ذلّته دوزدوم من ای یار وفاداریم
عزیز نَشاَتِین اولسون عزاداریله زوّاریم
یتور سنده اوز عهدون باشه معلوم اولسون اسراریم
بغیشله سینیه هر کیم بو غمده دست غم ووردی

نهانی سرّینی ابراز ایدردی حیّ یکتایه
یتردی ناله سی چرخ چهارمده مسیحایه
او دم وقّاص زاده ویردی فرمان قوم اعدایه
او حاله باخدی باشه زینب مریم شِیَم ووردی

عشایر انقلاب ایتدی قورولدی عکس تشکیلات
گَلوب مُستَنطِقِ رحلت آلا جان اوسته توضیحات
ویروب اعدام حکمی، ایلدی سرنیزه تحقیقات
صمد گویان جدایه باشینی اهل صَنَم ووردی

(حسینی) ساخلا بو یرده سوزون، آغلاتما زهرانی
مگر سن بُلموسن؟ زهرا غمی یاندوردی دنیانی
نه ایسترسَن دی ویرسون، ناامید ایتمز حسین جانی
بیرینون سینه سیندن هاردا ارباب کَرَم ووردی؟

• یکشنبه
• 7
• شهریور
• 1400
• ساعت
• 12:27
• نوشته شده توسط
• یوسف اکبری

گوردوله تشنه جان ویرور منبع چشمه حیات
حیرته دوشدی قدسیان، جمله ملائک اولدی مات

حضرت لم یزل اوزی گوتدی حجاب و حایلی
تا جبروت اهلنه گوستره اول شمایلی
یرده بولوردی جان ویرور، وصل حبیب مایلی
ایستمدی او بینده مانع اولا سرادقات

ایستدی بیر بیانیله شرح ایده بو مصائبی
بولدوره کیمدی جان ویرن، کیمدی بو شان صاحبی
آنلیا قدسیان ندور بنده چلوخ مراتبی
گوگده اولان ملک لره کشف اولا بو مکاشفات

گلدی ندا هامی سالون کرب و بلایه بیر نظر
گور نه تجلیاتله نفس حسینده وار اثر
بیر ایله اوخ قلج دگوب، خوشدی دوشوبدی بی خبر
عین وجودین ایلیوب، محو صفات عین ذات

اصلنی بولموسوز اگر کیمدی بو تشنه جان ویرن
آدی حسیندی، جدیدور احمد، او شاه ممتحن
آناسی فاطمه، حسن قارداشی، ابن ابوالحسن
بونلار اولوب سبب یتوب، کونه قراریلن ثبات

دوشدی تمام ماسوا شیونه بو خطابدن
نوحه و ناله اوج ایدوب ساکن نه قبابدن
باب مصیبت آچدیلار خلقه بو فتح بابدن
ساخلار عزا ویرونجه جان، معتمدینله ثقات

گلدی گروه انبیا دشت بلایه صف به صف
تاپدیلار بیر یارالنی محضر حقده جان به کف
سویلدیلر که دوغمیوب بیر آنا بیله بیر خلف
حشره کیمی عقیمدور بیله وجوده امهات

گوردوله چوخ شکفته دور، گل کیمی سید انام
ویردیله ختم مرسلین احمده تسلیت تمام
لیک الی بیلینده دور، یوخ داخی طاقت قیام
حسرتیله باخور توکور یاش، او قل انما صفات

هاجریله خدیجه هم گوردی اوغول آناسینی
زلفنه قان یاخوب، گییوب اگننه غم لباسینی
باشلادیلار حسین حسین، ساخلادیلار عزاسینی
هانسی عزیزه ئولمه میش یاندی بیله مخدرات؟

بیر ایله حالده حسین یاده سالوب حبیبنی
دردینه چاره ایتماقا آختاروب اوز طبیبنی
تاپدی تمام عمردن بیر او نفس نصیبنی
ایستدی دلده قالمیا، کاشف عشق اولان نکات

عرض ایلدی خدا منیم گر چه ئولوبدی اکبریم
اللریم اوسته اوخلانوب ظلمله تشنه اصغریم
قیزلاریم آغلور، اوخشوری باجیلاریم حرملریم
دل سنیلندور، سهلدور هم بو بنین، هم اول بنات

نفسیمه بو وجودیله بزم وصاله حایلم
طایر روح سسلنور، تازه حیاته مایلم
آختارورام اودور سنی، باب امیده سائلم
دینجلی سینسا بو قفس، عین حیات اولور ممات

لفظ قبول ویرمیشم سن کیمی بی قرینمه
دگسه دوباره اوف دیمم، مین بیله یاره سینمه
شمر سو ویرموری خوشام، تشنه جگر سکینمه
هر یانا گر چه زینبون گوز یاشی تک آخار فرات

خوشدور الهی قارداشیم اولماقی سرنگون علم
قوللاری کوی عشقده، بی سبب اولمیوب قلم
قانیله ایلیوب همی سر شهادتین رقم
هم کتب مصائبون اولینه مقدمات

بولموشم هر نه ویرمیشم لایق آستان دگل
سنسن اوزون ویرن آلان، کیمسیه بو نهان دگل
مین بیله عالمه خوشام، بو که بیر امتحان دگل
مقصد دل دگل مگر، امت ناجیه نجات

قادر لایزالیدن یتدی حسینه بیر ندا
قطب مدار عالمی حیرته سالدی بو صدا
لفظ محیطیله او دم، اولدی محاط ماسوا
دولدی همان صلائیله نه فلکیله شش جهات

غم یمه یا حسین، سنه بول گیله خون بها منم
ویرم اگر نه ایستسن، معطی هر جزا منم
عهدینه ایلین وفا، عاشق باوفا منم
چون منیلندی حشرده اجر دماء سائلات

ارض سنون، سما سنون، ماه سنون، فلک سنون
حور سنون، جنان سنون، عرش سنون، ملک سنون
حوض سنون که تشنه سن، بو هامی ماملک سنون
یتمیه جاخ به غیر سن، کیمسیه بیله التفات

عالمه یا حسین شفا تربت مقتلونده دور
مرتبه مطولون شرحی بو مجملونده دور
بیرده عصات امته، حکم نجات الینده دور
هر کسه ایسته سن اوزون مهر ایله ویرگلن برات

(صافی) محبت اهلیسن، نور حق اکتساب ایله
هر قدر اولسا ممکنون جرمدن اجتناب ایله
آل علی مصائبین دفتره یاز حساب ایله
عین محاسباتده خرج اولی بو مکاتبات

• دوشنبه
• 8
• شهریور
• 1400
• ساعت
• 21:57
• نوشته شده توسط
• یوسف اکبری

ای اولان چرخ امامتده جمالی مهر انور
بضعهء جان نبی بار نهال عمر حیدر

اسم پاکون زینت اوراق دیوان وفادور
خاک پایون توتیای دیدهء اهل ولادور

صورتون مرآت معنای جمال کبریادور
رهروان عشقه راه عشقیده عشقوندی رهبر

پرتو مهر جمالون فالق صبح ازل دور
تا جهان وار عشقون اهل عشق اوچون ضرب المثل دور

ذات پاک کبریا تک ذات پاکون بی مثل دور
سن جلالتده بشر خلق ایتمیوب خلّاق اکبر

خوابگاهون تربتی مسجوددور اهل ولایه
آستانون رفعتی محسود، عرش کبریایه

کربلا شایسته دور فخر ایلیه سنله منایه
ای غمی آغلار قویان دنیا گوزون تا روز محشر

درک فیض خاک بوسون مدّعای انبیادور
آفرین بو مدّعایه واقعاً خوش مدّعادور

نایل بو مدّعا دنیایه فخر ایتسه سزادور
طینت خاک درونده جوهر عزّتدی مضمر

ایتماقا سیر مقامات وفانی پایه پایه
جذبه ی عشقون سنی چکدی دیار نینوایه

چوخ شهامتله ازل عهدون یتیردون انتهایه
ایتمدی زنگ بلا آئینه ی قلبون مکدّر

بُلمدی افسوس قدرون معرفتدن دور اولانلار
باده ی کبر و عناد و کفریله مخمور اولانلار

بیر خطا نسلیندن امر قتلیوه مامور اولانلار
پیروان دیو نفس و بندگان نقره و زر

پاک قلبون هر بلا پیکانینه آماج اولوندی
بحر محنتده وجودون غرقهء امواج اولوندی

خانه ی دلدن متاع طاقتون تاراج اولوندی
کشت صبرون یاندیروب نار جفایه قوم ابتر

قانیوی ناحق توکن ظاهرده قوم کافر اولدی
پیکرون صد چاک ایدن ظلمیله تیغ و خنجر اولدی

لیک باطنده سنی مقتول ایدن سیم و زر اولدی
بو سمومیله خزان اولدی گل باغ پیمبر

اولدولار سودائیان سود سودای شهادت
چون بلا بزمینده مست جام صهبای شهادت

ویردی جان نقدی تمامی آلدی کالای شهادت
کربلا دشتینده قالدون بی کس و بی یار و یاور

بیر طرفدن سلب ایدوب سوز عطش دلدن توانون
بیر طرفدن سوز داغ مرگ اکبر تک جوانون

بیر طرفدن شدّت حَرِّ هواسی کربلانون
بیر طرفد تابش خورشید سالموش جانه آذر

ایلدون بو حالتیله عشقیده طیّ مراحل
اولدی قلبون یتماقا بزم لقای یاره مایل

بُلدون اولماز تا بدنده واردی باش مطلوب حاصل
عاقبت بو مشکلی حلّ ایتدی بیر مسموم خنجر

سباشیوی باشسیز جماعت ووردولار نوک جدایه
بو جفادن ساکنان نه فلک گَلدی نوایه

شور محشر اولدی برپا عترت خیرالورایه
اولدولار مستغرق بحر غم و محنت سراسر

یتمدی کام عدو بو ظلمیدن گویا حصوله
اوزگه بیر بیداد، فکری ویردی اوز قوم جهوله

دل حیا ایلور اشاره ایتماقا سمّ خیوله
ای لب عطشانینه عطشان لب تسنیم و کوثر

اولماسا تایید اوزوندن ای شه مُلک ولایت
بحر اوصافوندا بِاللَّه غرق اولار غوّاص فکرت

تار طبع (عابده) مضراب اولوبدور شوق خدمت
یوخسا خفّاشه دگول مقدور وصف مهر انور

• سه شنبه
• 9
• شهریور
• 1400
• ساعت
• 11:49
• نوشته شده توسط
• یوسف اکبری

ایستدی قیلسون منوّر عالمی نورِ حسین
گلدی زهرادن ظهوره نور مستور حسین

امر اولوب بنت رسوله غیبیدن لعیا گله
حضرتِ صدّیقهء کبرایه اولسون قابله
نازل اولدی، نور پاکی، شوقیله آلدی اله
گوردی شمسه غالب ایلر نور مطهور حسین

دوشدی فورا تپراقا ال اوستن اول عالی وجود
قویدی آنّین سجدیه معبودینه قیلدی سجود
آشکار ایلردی اول دم جودینی، آثار جود
اولدی واضح ماسوایه وصف مذکور حسین

مصدر لاریبیدن اذن آلدی جِبریل اَمین
تا حسین نوریله قیلسون زینت عرشِ برین
آلدی قنداقین اله اول پیکِ ربّ العالمین
دایه لوق امریله چون اولموشدی مأمور حسین

گیتدی عرشه فرشیدن اول قاصد کوی وفا
ایستدی ویرسون حسین باشیله تا عرشه صفا
امر اولوب باشینداکی دستماله ایله اکتفا
روشن ایلر عرش و فرشی پرتو نور حسین

بیر باشیکه اولمادی راضی خدای ذوالجلال
عرشینه روحُ الامین ویرسین او باشیله جلال
بس نجه کسدی او باشی، شمر ایدوب پژمرده حال
نیزه لرده زینت اولدی رأس منحورِ حسین

ایسی قوملار اوسته قالدی پیکری فرد و وحید
ذکر ایدوب قران جدا باشیندا سلطان شهید
سینهء مکسوری اوسته آت چاپوب قومِ پلید
پایمال اولدی ستمله صدر مکسور حسین

دوتدی یوز نیزه باشیندا خیمیه شاه جهان
آیهء کهفی اوجا آوازیله ایتدی بیان
آگه اولدی بو صدادن زینب بیخانمان
آشکار ایتدی دلینده وِرد مذکور حسین

چیخدی اول دم خیملردن زینبِ علیا جناب
قتلگاهه یوز قویوب قیلدی بو نوعیله خطاب
قالدیلار باشسیز باجون ئولسون عیالِ بوتراب
دوره می آلدی مخالف یوخدی منصور حسین

خیملر یاندی داغیلدی چوللره آل رسول
ال آچوبلار غارته ظلمیله بو قوم جهول
قالموشام دشمن ایچنده گور نجه زار و ملول
آشنا یوخ نینوا دشتین دوتوب شورِ حسین

دستگیر ایتدی عیالون ظلمیله شمرِ شریر
زینبون بو درد و محنتدن اولوب عالمده سیر
یوز قویوب باشون دالنجه شامه تک گلّم اسیر
من اسیرم ظاهرا" وار دلده منظورِ حسین

• سه شنبه
• 9
• شهریور
• 1400
• ساعت
• 17:55
• نوشته شده توسط
• یوسف اکبری

زینب حسینه دشمن ایوینده دوتوب عزا
رسوا ایدوب یزیدی چکوب قصرینه قرا

آگاه اولوبدی مطلبه شامون خانملاری
قاره گیوب عزایه گلور دلده آه و وا

غوغادی شامون اهلی دیور بیربیره گلون
نادم اولوب یزید ستمکار و بیحیا

قصرینده یر ویروبدی خرابه نشین لره
ایستر ایده اسیرلری قیدن رها

طعن و شماتت ایلین عورتلر آغلوری
دیوانه تک گلور هامی باشه ویرا ویرا

هنده گیوبدی اگنینه قاره، کنیز تک
سویلور گوروم یزید ایکی دنیاده خار اولا

زهرا یانندا خار و خجل ایلیوب منی
زهرا ایوین یخوبدی او مرتدّ و بیحیا

یاسه گلن خانملارا مین حرمت ایلیور
آغلور دیور ایویم یخلوبدور او باوفا

هر دم آتاسی قارداشی اوغلی اُلنلره
عرض ایلور حق اوزی سیزه صبر ایلسون عطا

شرمندیم سیزی بیله پوزقون گورنمیرم
عفو ایلیون کنیزیزی عفو ایلسون خدا

مجلس سکوت محض هامی خاموش و ناگران
آغلار گوزیله گلدی دله دخت مرتضی

الله ذوالجلالین آدین ذکر ایدوب ازل
بسم اللهیله یعنی سوزون ایتدی ابتدا

باخدی تأسفیله عزایه گلنلره
ایتدی خطاب نایبهء خیرة النّسا

اوّل گرگ سیزه اوزومی من تاندّیرام
آگاه ایدم، بیزه گوره فکروز گیدوب خطا

بیز آل عصمتوخ کی دیدوز خارجی بیزه
هر ناروا مصایبی گوردوز بیزه روا

بو شامیده سیزه نچه گون کی قوناقئدوخ
ایتدوز قوناقه حرمت بیحدّ و انتها

ویرانه ده واریدی بیزیم بیر مریضه میز
نه بیر طبیب تاپودوق او زاره نه بیر دوا

غربت مکاندا ایللریمه چاتمادی اَلیم
توپراقلار اوسته اُلدی او رنجور و بینوا

دنیا گوزی بو محنتی تا حال گورمیوب
بیر قیز اُله، مزارون اونون عمه سی قازا

دردلر دانشدورور ایدورم بیر گلایه لر
سوزلر محالدور ولی سیزده اثر قویا

حق سوزلری ایشتماقا سیزده زمینه یوخ
حقّی گرگ دیاخ اولا بیزدن خدا رضا

حق اوسته قارداشم ایلیوب قانلی بیر قیام
کون و مکان او نهضته سویلولّه مرحبا

باش اگمدی یزیده حسین کسدیلر باشین
کرب و بلا چولونده سوسوز لشگر جفا

بو قانلی کوینگه باخا هر کیمسنه بُلر
قارداشما نقدر ویروب قوم کین یارا

سدّ ایتدیلر فراتی بیزه اوچ گجه گونوز
یاندی شرارهء عطشه آل مصطفا

بیرمشگ سو بهاسینه بیر جفت قول ویروب
سقای دشت عشق ابوالفضل مه لقا

ظاهرده اُلدی یاور و یاری حسینمون
باطنده فاتح اولدی شهیدان کربلا

گور بیر یزیدی خار و زبون ایلدوخ نجه
مالي و لِلحسین دیور اول ناکس و دغا

خلق ایچره مفتضحدی یزید ستم شعار
خلق جهان حسینی بُلور لیک مقتدا

غارت اساسین آغلیوب اللردن آلموشام
بیز اهل بیتیده قالا میراث انبیا

ایمدی سوزوم بودور کی گیدون خانمانوزا
مهمان گلنده اللروزه یاخمیون حنا

اکرام ایدون قوناقه سفارش ایدوب نقدر
ای اهل شام سیزلره پیغمبر خدا

شرمنده سوز، قیامته تک آغلیون یانون
قورخون او وقتدن کی قیامت اولا بپا_

قارداشمون بیرالده آنام قانلی کوینگین
حشره بیر اَلده ده گتوره قانلی بیر لوا

شاهدسن عرض ایده؛ اوزون ای خالق جلیل
اوغلوم حسینی تشنه لب اُلدوردی اشقیا

نقل ایلیوبله بزمه گلوب خواهر یزید
یاندوردی قلب زینبی اول شوم و بیحیا

سویلوب مگر نه واقع اولوب دخت فاطمه
نالنله شامی ایلموسن تعزیت سرا

چوخ جنگلرده جدون آتان فاتح اولدولار
ایتدوخ هاچان بو نوعیله بیز ناله و بکا

آل امیّه اُلدوله بدر و حنینیده
قارداشیم ایستدی اولارا انتقام آلا

یاندیردی قلب زینبی چون دخت معاویه
آل امیّیه دیدی نفرین و لعن اولا

بیر قانلی قونداق آلدی اَله زینب حزین
جنگ ایلیوردی سویلدی بو سودامر بالا؟!

چشم جهان بو درد غم افزانی گورمیوب
بیر سودامر نشان اولا اوچ شعبه لی اوخا

کسدیز باشین بوسود امرین ظلم و جوریله
ویردوز اونی جدایه آناسی باخا باخا

دنیانین اهلینه ایدر اثبات کیمدی حق
بو بی گناه حالینه قان آغلوری سما

حاصل خانم دانشدی اویاتدی یاتانلاری
بیگانه یاندی اولدی او بزم ایچره آشنا

لعنت بنی امیّیه سسلردی بانوان
سویلردیلر حسینه سلام و درود اولا

فرصت آز اولدی قالدی اورکده سوزون چوخی
لطف ایلیون (پرنده) سوزون باقیسون یازا

• چهارشنبه
• 10
• شهریور
• 1400
• ساعت
• 15:08
• نوشته شده توسط
• یوسف اکبری

گینه قراریمی بیر جلوهٔ نگار آپارور
نگار جلوه سی معلوم دور، قرار آپارور

گیوبدی قرمزی قاندان گوزوم ایوینده گزر
توان و تابیمی هر لِیل و هر نَهار آپارور

او سَرو قَدّینه باخدوقجه گوز یاشیم توکولور
نَقدر، لذّتِ سرو اولسا جویبار آپارور

دوشوب بهار یوزی، سرّی وار طراوتدن
نَسیمِ جورِ خَزان نِکهتِ بهار آپارور

ویروبلا جسمينه از بَس اوخی اوخ اُستندن
او گلستانه گلن، گُلدن اوتری خار آپارور

چوخ آغلا، زینبه، چوخ یان حسینِ تَشنه لَبه
فَدا او گوز یاشوا قَلبدن غُبار آپارور

حسین غَمینده توکن گوز یاشین، بو عالمده
اَلنده حَشرگهه دُرّ شاهوار آپارور

قتیلُ العَبره دیوب، اُمّته فدا اُولدی
او دور که گوز یاشینی دُرّ تَک نَثار آپارور

دوتولسا قَلبون اگر قَلبِ زِینبه بَنزَر
سَنی عَزا دوتولان بَزمه، قلبِ تار آپارور

بَهار اولاندا، چَمنزارِ عِشقه فاطمه نی
بولود کیمی دوتولان چشمِ اَشکبار آپارور

اَلى قابور قالاريندا، شِکسته قَلبی كیمی
حسین ماتمنه زُلفِ تابدار آپارور

گلور عَزایه ولی، آستانه ده اُوتورور
گیدنده گوز یاشی مَجلسده هَر نَه وار آپارور

دییر حسینمون آخر وِداعنی اُوخیون
او مُحنتی دِلِ عالمدن اِختیار آپارور

دوشنده یاده حسینون هَمان مُقدّمه سی
وجود مَملکتین اَشگ، سِیل وار آپارور

گوزوم اِیوینده مُهیّا اُولوب اِمامِ حسین
گیدر جِداله طَرف اَلده ذُوالفقار آپارور

دوروبدی خیمه قاپوسیندا بوینی چکننده
شهادت اَمرینه وار ذُوقی اِنتظار آپارور

ایچوبدی بادهء وصَلت، وِصالِ یار ایستر
حسینی، ساقی وحَدت، اِیدوب خُمار آپارور

شتابی واردی گیده، گیدمگه یوزی یوخدور
بلی اوغول ئولومی دیزدَن اِختیار آپارور

اَلی اُورکده گیدر یَعنی نُوجوانیم ئولوب
نِگار مَحفلنه قلبِ داغدار آپارور

جَنابِ زِینبه گزلین وصیّتی واردور
سَبب او دور که اونی خیمه دَن کنار آپارور

دیر باجی گیديرم، باش ويرم جِدا باشنا
اَسیر اِیدر سنیده شِمر، بی خِمار آپارور

قَضا کیمی شَه دینی اَجل دولاندوردی
قَدَر ئولوم آتینا اِیلیوب سَوار آپارور

بیله گمان اِیلمه اُولمادی رِکاب وِيرن
یانینجا روحُ الأمينی رِکابدار آپارور

دئدی سَكينه گَلوم مَنده، سُویلدی گلمه
باشیم جِداده گیدنده سَنيده یار آپارور

خَرابه دَه سَنیله بیرده قول بویون اولّام
مَنی خَرابیه زلفونده کی او تار، آپارور

نه اِنقلاب نه آشوب دور دوشوب شامه
دیلّه شامه حسین کاروانی بار، آپارور

نه کارواندی که لَنگ اِیلمز، مَتاعی نَدور؟
گمان قَضيّه زِینبدی، نوری، نار، آپارور

که یعنی عِصمتِ کُبرانی قولّاری باغلی
یَزید مَجلسنه شمرِ بَدشعار آپارور

وليّة الهی، بی نَنگ لر، اَسیر اِیدر
بو نوع گردشه اَفسوس، روزگار آپارور

حَیا تری بوریوب زِینبي او دور دینمز
حِجابِ عالَم وَحدتدی نَنگ عار آپارور

یاواشدان آغلوری بیر کیمسه بُلمسون کیمدور
بو گریه، گریهء زِینبدی چوخ وقار آپارور

که یعنی شاهِ شَهیدان باشین جدایه ووروب
یزید مَجلسینه شِمر، تَحفه وار آپارور

مَقام بُهتدی گوندوز چیخوبدی گون شامه
دیار شامه او دور، رَشک، هر دیار آپارور

سالوب طلوعینی اوّل، عجوزه غُرفه سینه
گناهی یوخدی نَدن بِیله سَنگسار آپارور

توان و تابِ (ثریانی) بو بیوک مُحنت
مَثلده اُولسا اگر، مثلِ کوهسار، آپارور

داخی مُصیبتِ بازار شامه اَل وورماز
قبول اُولسا كفایتدی، اِفتخار آپارور

• پنج شنبه
• 11
• شهریور
• 1400
• ساعت
• 13:53
• نوشته شده توسط
• یوسف اکبری

بیر بلبلم خزان يتشوب گلستانیمه
بیر طایرم فلک وروب اود آشیانیمه

بیر عاشقم که آتشِ عشقیله یانمیشام
معشوق فرقتی سالوب اود اُستخوانیمه

بیر بیدلم که آچمامشام دل شکایته
دل ویرمیشم رضایتله دلستانیمه

نامه عجب مقاله دی اوز شرحِ حاليمه
خامه انیسِ ناله دی باخ هم زبانیمه

من آشنای قاعدهٔ نظم اولمادیم
تا دگدی تیرِ طعنهٔ بیگانه جانیمه

اربابِ فضل عبث دگل عاشقدی نظم یمه
رونق ویروب حسین آدی شرح و بیانیمه

آه اُول زمان که سسلدی ئوز اهلبیتنی
سویلوب گلون قوناق گیدیرم میزبانیمه

شهزاده لر قرارینی آلدی صدای شاه
یان سنده مستمع قولاق آس داستانیمه

بیر قیز دیردی ایتمه بابا عزمِ کار زار
باخ غصه دن سولان بو رُخ ارغوانیمه

بیر قیز دیردی تاپشوروسان بس کیمه منی
گلمزدی عمردن بیله بیر گون گمانیمه

بیر قیز دیردی گل بیزی قیتر مَدینه
يتسون الیم دوباره مکان و مُغانیمه

پوزقوندی حال، فکریمه جولان ویرن مورم
روحُ القُدس گرک سوزی قویسون لسانیمه

شه سویلدی سکینیه ای نازنین قیزیم
سالما بو سوزِ آهویله اود نهانیمه

چوخ بوینومی قوجاقلاما حسرتله آغلاما
قاتما سرشکِ آلوی اشکِ روانیمه

ای خیرة النّساء زمانه نقدر وار
روحیم بدنده سالما شراره روانیمه

مندن صورا نوایه بو عالمده والی سن
خاصّه گلنده شامه گیدن وقته یانیمه

شه شاهزاده دن نجه آیریلدی بولمورم
گِتدی او طرز رشته بو گلدی زبانیمه

چیخدی امام خيمدن یوز قویدی مَقتله
بیر قیز یولونی کسدی بنا شرح مَقتله

عرض ایلدی اماندی بابا گتمه بیر دایان
بو حالیمی بِهشت ده یاده سالاندا یان

اَن ذوالجناح دن داخی آراممی آز آل
اگلشن یرده منی دیزون اوسته دوباره آل

اولما رضا غمونده گوزوم اشکیله دولا
نازیله بیر او قولّارون آچ بوینوما دولا

مُطلق عَلاقمند اُولی بُلبل گُولن گُله
بیرده گُولر گُولوم مَنی دیندیر گُله گُله

بو سرعت یله اولما قتاله روانه سن
سالما شراره بو دل و جان و روانه سن

گورمورسن اشقیا نجه ایلولّه قیل و قال
گیتسن شهید ایدر سنی گتمه یانیم دا قال

نه قارداشیم قالوب نه عموم وار نه بیر کسیم
بو حالده علاقمی تندن نجه کسیم

هیچ قیز بلایه دوشمسون عالمده من کیمی
سنسیز بولوم پناه اوزومه بیرده من کیمی

بو آیریلیق زِ بسکه شراره سالور دله
وجهی اودور که جرأتیله گلمشم دله

آیا روادی سن کیمی بیر مهربان آتا
گوزدن جهاندا من تک عزیزه قيزین آتا

بولمم نقدر عشق محبّتنده وار اثر
قلبیم فراق آدین ایشیدوب بید تک اَسر

خارِ فراق برگِ گلِ وصلی گر یارا
عالَم طبيب اولسا ساغال ماز او بیر یارا

بو غنچه لیقدا اولما رضا گُل کیمی سولوم
اولسون کبود سیلی زَجریله صاق صولوم

آیا نجه بو دامنِ وصل وندن اَل اوزوم
بیرده منیم زمانده سنسیز گولر اوزوم

بو وضعیله که ناقهٔ صبریم دوشوب گِله
ایتموم نه نوعی گردش ایامدن گِله

میدانِ دشمنه سنی عازم گورنده تک
نسگل گلور گوزوم دولور اشکیله جام تک

بو نسگل اوسته آغلارام عمروم نقدر وار
صحرا لری دولانّام همیشه جنون وار

شاهی سالولّا عزّت و اجلالیله یولا
سالدی سنی بیبیم یولا زُلفين یولا يولا

قوی منده کوی عشقه ادب پرچمین ساچیم
فرش ایلیوم یول اوسته اولا فرشِ رَه ساچیم

سنسیز اسیر ایدر بیزی بولّم سپاهِ شام
شامون یولون پیاده چکر شامه صبح شام

من سنله باز دید ایدرم قتلگاه آرا
سنده خرابه ده گلوب آختار منی بابا

رسمِ وفانی عالَمِ الفتده گوزلرم
گیت تئز قییت، یولون بو يول اوستنده گوزلرم

هر کیم باخا دیر بو بياناته (شانیا)
روح القدس بو نوعی دوزوب نظمه (شانیا)

سنده حسینه عرض ایله دردون نقدر اولا
صاحب سخا و كان کرم دور دیمز او، لا

• جمعه
• 12
• شهریور
• 1400
• ساعت
• 22:52
• نوشته شده توسط
• یوسف اکبری

بذل جان جانانه ازّل گون شه خوبان دئیوب
مستقر دینه یتمش بیر نفر قربان دئیوب

شوق وصل یار ایدوبدور کهنه سرمستانی مست
این دل خونین من در ذکر یارب یارب است
کسمگه باشیم نیه گلمور او شمر بت پرست
قالمیا عهدیمده نقصان، شاه لب عطشان دئیوب

خانه دینی بو یرده گلمیشم آباد ایدم
همت خاصیله بو قرآندان استمداد ایدم
زنده دل افرادیله زهرا آنامی شاد ایدم
نعشیم اوسته آت چاپا بو فرقه عدوان دئیوب

گوش نامحرم اولانماز جای پیغام سروش
گلسه یوز مین شمرلر بو شمع دین اولماز خموش
هر قدر ظلم ایلسه ابن زیاد سخت کوش
صود امر طفلیم کبوتر تک گچر جاندان دئیوب

شهسوار من که مه آینه دار روی اوست
صوت جان بخشیله منده سویلرم حق دوست دوست
در فراق یار، یاران این پریشانی نکوست
قرمزی مخمل چکلسون اوستومه یزدان دئیوب

عرض ائدور ایمانیلن میخانه دور منزل گهیم
اولموشام پیر خراباتیله بو یرده سهیم
یوخ دلیم من سویلرم رمزیله رحمان الرحیم
علم القرآنه اوخ دگدوقجا الرحمن دئیوب

روی سوی خانه خمار دارد پیر ما
باده وصلت ایچوب محو رخ جانان اولا
بزم وحدتدور تماشاگاه حی کبریا
هر قدر چکسه بلا سندیرمارام پیمان دئیوب

جمع اولوب تفریق هم تفصیل هم تکثیر عدد
دوستی و مهر و عشق و ذکر الله الصمد
از دم صبح ازل تا آخر شام ابد
یان یانا یاتسون مه و خورشید، والحسبان دئیوب

آیت والشمس والضحا دینده حق سوزین
سعدون اوغلی دوشدی تشویشه یوموب فوراً گوزین
ویردی فرمان تیره باران ایلیون شاهون اوزین
خیمه گاهه هر طرفدن یاغدیرون پیکان دئیوب

ایلرم دشت غم افزاده میسر ظلمی طی
قبریده حیران اولا بو ظلمیله کاووس و کی
سایه ظلمیمده اولام صاحب املاک ری
ثبت اولا تاریخه ظلمیم شمر بی پروا دئیوب

دوشدی ماته عرصه شطرنجده، شه مات اولوب
قلب پاکندن دگوب اوخ آیری تاویلات اولوب
سر کنت کنز مخفیاده تحقیقات اولوب
اسم اللهی یوز اون دورت سوره قرآن دئیوب

نقد جان ویردی آلوب کالای وصلی شاه دین
قلب عالم آیت تنزیل قرآن مبین
دمبدم ذکر ایتدی هل من ناصر هل من معین
یار و مربوبی اونا لبیک هر یاندان دئیوب

قل هوالله بدل، پیمانینه پایان ویروب
یار بی آزارینه یتمش ایکی قربان ویروب
یاره لر آغزین آچوب گلزار دینه قان ویروب
منجی دینه فترضا آیه سین سبحان دئیوب

بوسه قیلمشدی ازل گونده مشیت خامه سین
خوردا قیزلاره گیندیرمشدی محنت جامه سین
یاخشی تنظیم ایلمشدی کربلا برنامه سین
چوللری روشن شرار آه مظلومان دئیوب

شاه دینی آلدی آغوشه زمین کربلا
نینوا اولدی تجلی الله فی وادی طوی
سسلنوب شوریله الرحمن علی العرش استوا
ربی الاعلا بو دشته کعبه ایمان دئیوب

عارفانه شعر یاز (بیضا) صلاح اندیش سن
آتمش ایل یاحق و یاهو سویلیوب درویش سن
کلب دربار حسینی سن، هم عارف کیش سن
غم یمه مولا اوزین درویشه پشتیبان دئیوب

• یکشنبه
• 14
• شهریور
• 1400
• ساعت
• 13:47
• نوشته شده توسط
• یوسف اکبری

بیر بلبلم خزان يتشوب گلستانیمه
بیر طایرم فلک وروب اود آشیانیمه

بیر عاشقم که آتشِ عشقیله یانمیشام
معشوق فرقتی سالوب اود استخوانیمه

بیر بیدلم که آچمامشام دل شکایته
دل ویرمیشم رضایتله دلستانیمه

نامه عجب مقاله دی اوز شرحِ حاليمه
خامه انیس ِناله دی باخ همزبانیمه

من آشنای قاعدهٔ نظم اولمادیم
تا دگدی تیرِ طعنهٔ بیگانه جانیمه

اربابِ فضل عبث دگل عاشقدی نظمیمه
رونق ویروب حسین آدی شرح و بیانیمه

آه اول زمان که سسلدی ئوز اهلبیتنی
سویلوب گلون قوناق گیدیرم میزبانیمه

شهزاده لر قرارینی آلدی صدای شاه
یان سنده مستمع قولاق آس داستانیمه

بیر قیز دیردی ایتمه بابا عزمِ کارزار
باخ غصه دن سولان بو رُخ ارغوانیمه

بیر قیز دیردی تاپشوروسان بس کیمه منی؟
گلمزدی عمردن بیله بیر گون گمانیمه

بیر قیز دیردی گَل بیزی قیتر مدینه
يتسون الیم دوباره مکان و مُغانیمه

پوزقوندی حال ، فکریمه جولان ویرنمورم
روحُ القُدس گرک سوزی قویسون لسانیمه

شه سویلدی سکینیه ای نازنین قیزیم
سالما بو سوزِ آهویله اود نهانیمه

چوخ بوینومی قوجاقلاما حسرتله آغلاما
قاتما سرشکِ آلوی اشکِ روانیمه

ای خیرةَ النّساء زمانه نقدر وار
روحیم بدنده سالما شراره روانیمه

مندن صورا نوایه بو عالمده والی سن
خاصّه گلنده شامه گیدن وقته یانیمه

شه شاهزاده دن نجه آیریلدی بولمورم
گِتدی او طرز رشته بو گلدی زبانیمه

چیخدی امام خيمدن یوز قویدی مقتله
بیر قیز یولونی کسدی بنا شرح مقتله

عرض ایلدی اماندی بابا گتمه بیر دایان
بو حالیمی بهشتده یاده سالاندا یان

اَن ذوالجناحدن داخی آراممی آز آل
اگلشن یرده منی دیزون اوسته دوباره آل

اولما رضا غمونده گوزوم اشکیله دولا
نازیله بیر او قولّارون آچ بوینوما دولا

مطلق علاقمند اولی بلبل گولن گُله
بیرده گولر گولوم منی دیندیر گُله گُله

بو سرعتیله اولما قتاله روانه سن
سالما شراره بو دل و جان و روانه سن

گورمورسن اشقیا نجه ایلولّه قیل و قال
گیتسن شهید ایدر سنی گتمه یانیمدا قال

نه قارداشیم قالوب نه عموم وار نه بیر کسیم
بو حالده علاقمی تندن نجه کسیم

هیچ قیز بلایه دوشمسون عالمده من کیمی
سنسیز بولوم پناه اوزومه بیرده من، کیمی؟

بو آیریلیق زِ بسکه شراره سالور دله
وجهی او دور که جرأتیله گلمشم دله

آیا روادی سن کیمی بیر مهربان آتا
گوزدن جهاندا من تک عزیزه قيزین آتا

بول مم نقدر عشق محبّتنده وار اثر
قلبیم فراق آدین ایشیدوب بید تک اسر

خارِ فراق برگِ گلِ وصلی گر یارا
عالَم طبيب اولسا ساغالماز او بیر یارا

بو غنچه لیقدا اولما رضا گُل کیمی سولوم
اولسون کبود سیلی زجریله صاق صولوم

آیا نجه بو دامنِ وصلوندن اَل اوزوم
بیرده منیم زمانده سنسیز گولر اوزوم؟

بو وضعیله که ناقهٔ صبریم دوشوب گِله
ایتموم نه نوعی گردش ایام دن گِله

میدانِ دشمنه سنی عازم گورنده تک
نسگل گلور گوزوم دولور اشکیله جام تک

بو نسگل اوسته آغلارام عمروم نقدر وار
صحرالری دولانّام همیشه جنون وار

شاهی سالولّا عزّت و اجلالیله یولا
سالدی سنی بیبیم یولا زلفين یولا يولا

قوی منده کوی عشقه ادب پرچمین ساچیم
فرش ایلیوم یول اوسته اولا فرشِ ره ساچیم

سنسیز اسیر ایدر بیزی بولّم سپاهِ شام
شامون یولون پیاده چکر شامه صبح شام

من سنله بازدید ایدرم قتلگاه آرا
سنده خرابه ده گلوب آختار منی بابا

رسمِ وفانی عالَمِ الفت ده گوزلرم
گیت تئز قییت، یولون بو يول اوستنده گوزلرم

هر کیم باخا دیر بو بياناته (شأنیا)
روح القدس بو نوعی دوزوب نظمه (شأنیا)

سنده حسینه عرض ایله دردون نقدر اولا
صاحب سخا و كان کرم دور دیمز او، لا

• یکشنبه
• 14
• شهریور
• 1400
• ساعت
• 13:57
• نوشته شده توسط
• یوسف اکبری

مصائبله اگرچه باغلی بیر غوغادور عاشورا
شرافت واژه سین احیاء ائدن معنادور عاشورا

قیام عنوانلی، چوخ قانلی حوادث اؤز وئریب اما
هدف ده شیوه ده معناده استثنادور عاشورا

هدف احیاءِ قرآن، شیوه ایثار و سلاح ایمان
شهادتنامه لرده معتبر امضادور عاشورا

قیزیل قانیله تا تثبیت اولا منشور آزادی
شهادت وئردی قان دنیاده بی همتادور عاشورا

یاریم گؤنده یاراندی یاردی اما قلب تاریخی
کی اون دورت قرن دور دنیاده پابرجادور عاشورا

اولوب احکام دینین اصل و فرعی موبمو اجرا
بیلینسین تا شریعت حکمونه برپادور عاشورا

بیر اقیانوس اونون هرقطره سین توصیف ائله شاعر
کی آزدور سؤیله سن وسعتده بیر دریادور عاشورا

چوخ آختاردیم مقدس نامینه شایسته بیر معنی
دئدیم هر سیدالایامیدن اولا دور عاشورا

(سدیدا) یازدیقیم تعریف لردن اولمادیم راضی
کی هر توصیفه شایان یازدیم عاشورادور عاشورا

• پنج شنبه
• 18
• شهریور
• 1400
• ساعت
• 20:29
• نوشته شده توسط
• یوسف اکبری

باتدی گون شام غریبان اولدی یابن العسگری
گل هرایه قلبیمیز قان اولدی یابن العسگری

اوخلارا آماج اولوب جدّون حسینون پیکری
کربلا دشتینده طوفان اولدی یابن العسگری

بیر یارم گونده ئولن ئولدی یانانلار یاندیلار
عالم ناسوت حیران اولدی یابن العسگری

اکبر و عباس و قاسم قوچ قوزی قربانلارون
جان به کف قرآنه قربان اولدی یابن العسگری

عمه وین حالین اگر شرح ایله ساق وای زینبه
باش آغاردی خسته نالان اولدی یابن العسگری

اگمه دی باش ظالمه یتمش ایکی آزاده لر
زنده و جاوید عنوان اولدی یابن العسگری

دین و قرآن پیمبر قالماسین محصورده
انتشار دین و قرآن اولدی یابن العسگری

اگمه دی باش ظالمه یتمش ایکی آزاده لر
زنده و جاوید عنوان اولدی یابن العسگری

سجده گاهی سجده سی سجاده سی هم دستماز
فی سبیل الله القان اولدی یابن العسگری

اللّها خاطیر اولوبدی معتکف اهل حرم
همره شاه شهیدان اولدی یابن العسگری

بیر یاری یانمش چادردا زینب کبرا او گون
بانی شام غریبان اولدی یابن العسگری

نوحه خوانلار جرگه سینده بیر خطیبی نوحه خوان
سیزلره عالی نوا خوان اولدی یابن العسگری

• دوشنبه
• 29
• شهریور
• 1400
• ساعت
• 16:53
• نوشته شده توسط
• یوسف اکبری

عالم و آدم دیر سنده دینن یاحسین
کعبه وزمزم دیر سنده دینن یاحسین
شیعه دمادم دیر سنده دینن یاحسین
اهل محرم دیر سنده دینن یاحسین
هیئتی هر دم دیر سنده دینن یاحسین
.
کیمدی حسین بیر اونی خالق یکتا تانور
صود ورنی فاطمه اوغلونی زهرا تانور
دوز صود امنلر اونی سرور و مولا تانور
شاه شه کربلا مردم دنیا تانور
شاه مکرم دیر سنده دینن یاحسین
.
ایلدی اعلان حسین حقه طرفدار اولون
گیتسه باشیزدا اگر حق دینه یار اولون
قانوز اگر اخسادا عهده وفادار اولون
ظلمیله هر بیر زمان وارد پیکار اولون
خالق عالم دیر سنده دینن یاحسین
.
کیم اولا اهل یقین پیرو قرآن اولار
گیتسه حسینین یولون صاحب وجدان اولار
حفظ حجاب ایلیر حافظ ایمان اولار
ترک نماز ایلمز شاکر سبحان اولار
زیر لب هر دم دیر سنده دینن یاحسین
.
اگمدی باش ظالمه ظلمیله پیکار ایدوب
دوشدی حسین چوللره عشقی پدیدار ایدوب
دینه گوره باش ویروب ملتی بیدار ایدوب
صود امریدن گچوب شیعه نی غم بار ایدوب
سینه سی پر غم دیر سنده دینن یاحسین
.
مین نچه ایلدن صورا عقللر حیران قالوب
ایتگی ایثارینه دینله قرآن قالوب
ترک ایلیوب خیمه نی قیزلاری عطشان قالوب
زینب اولوب غمزده گوزلری گریان قالوب
گوزلری پر نم دیر سنده دینن یاحسین
.
سسلدی قارداش دایان واردی سنه چوخ سوزوم
گیتمه حسین باشوه بیر دولانیم من ئوزوم
قوی الیوی سینمه غملی فراقه دوزوم
وای منه سنن صورا تار اولاجاق گوندوزوم
زینب ایدر غم دیر سنده دینن یاحسین
.
عرض ایلدی عازمم یولدا منی ساخلاما
گوتگه انام ویردیگی کوینگی دل داغلاما
قیزلاریمون گوزلری سنددی چوخ اغلاما
صبرایله هربیر غمه غم یولونی باغلاما
غملی مسلم دیر سنده دینن یاحسین
.
آه او زماننان دوشوب مقتله شاه جهان
باش یارا سینه یارا بستری بیر پارچا قان
باشینن اوسته گلوب فاطمه دلده فغان
قالدی نه حاله دیممه مادر صاحب زمان
ایندیده هر دم دیر سنده دینن یاحسین
.
قانلی مناده اوغول قانه عجب باتموسان
زینبی اغلار قویوب نازیله سن یاتموسان
قیزلارون گوز یاشین خون دله قاتموسان
ایندی رقیون گلر گوزدن اونی اتموسان
دوتماقا ماتم دیر سنده دینن یاحسین
.
(ماه پرینین)دوتموسان سن الین هر بیر زمان
طبعیمی جان حسین سن ایلویبسن روان
قاره گیوب سسلرم ای باشی الده قالان
دردیمه ایله دوا سن بیل او مظلوم اتان
دفتر و خامم دیر سنده دینن یاحسین

• شنبه
• 17
• تیر
• 1402
• ساعت
• 15:40
• نوشته شده توسط
• یوسف اکبری

___________________________
جشن و شادی شده بر پا__به حسین عزیز زهرا
ریسه بندی شده کوچه__چه تماشایی و زیبا

مولود حق رسیده
دلها پر از امیده

((مولا حسین حسین جان))
___________________________________
جشن میلادحسین نه باصفادی
مرتضانین بالاسی درده دوادی
روز پاسدار اونا خاطر آدلانوبدی
لشگر سپاه دینه رهنمادی

فرمانده قوادی
دلداده خدادی

((مولا حسین حسین جان__بایراملیق ایله احسان))
___________________________________
ایلیوب عالمی حیران__آقامیز شاه شهیدان
فطرسون ایلدی مولا__بو گئجه دردینه درمان

پرواز ائدوب هوایه
مولاده باخ سخایه

((مولا حسین حسین جان__بایراملیق ایله احسان))
___________________________________
نور رخساری جهاندا منجلیدی
حجت حق هامی عالمه ولیدی
کوری چشم حسود و داعشی لر
آقامیز بوگون بیزیم سید علیدی

دلبند مصطفادی
به به نه دلربادی

((مولا حسین حسین جان__بایراملیق ایله احسان))
___

• شنبه
• 17
• تیر
• 1402
• ساعت
• 16:29
• نوشته شده توسط
• یوسف اکبری

کعبه دی کربلا منه ، مروه صفانی نینیرم
جنته باشدی شانیده،طوف ومنانی نینیرم

زینت خلقتدی اورا، یتمیش ایکی اولدوزی وار
مست الیور حرم منی،سعی وصفانی نینیرم

دوزدی که خلاق جهان ،بدویده خلق ائتدی اونی
خادمی وهابی اولان ،بیت خدانی نینیرم

خیل ملائک دولانار، شوقیله اکبرباشینا
ثانی یاتان یئرده داخی ،ورد ودعانی نینیرم

گر چه وئریلارحاجیلار،اهرمنی داشلاریلان
شیطان حکومت ائلین ،یئرده وفانی نینیرم

کعبه نی ایستیسن اگر،کرب و یلایه فکر ائله
طوف ائله بین الحرمی، سسله حرانی نینیرم

ظلمیله وهابی اولوب ، خادم شهر نبوی
شهر پیمبرده اولان ،ظلم وجفانی نینیرم

شیعه نین حجی باشلانارمحرم آیی حاجیلار
منانی مقتل ایلین، اهل خطانی نینیرم

جامه احرام منه ، حسینی مین قراسیدی
کعبه نین اوستونده اولان ،شال عزانی نینیرم

• شنبه
• 17
• تیر
• 1402
• ساعت
• 17:47
• نوشته شده توسط
• یوسف اکبری

ای بنده دیل آچ طاعـته سبحان قاباقیندا
قیل حمـد و ثنا قادرِ منان قاباقیندا

نوکر اولا کیم عشقیله دربار حسینه
تعظیم ایلمز هر شه وسلطان قباغانیندا

انسان تانیرام ظاهری عالمدی ولی حیف
تعظیم ایلیور دهیرده شیطان قاباقیندا

تهدیدائلمه شعیه نی باخ کربوبلایه
شش ماهه دوروب شعبه لی پیکان قاباغیندا

داعش بیزی وادارائلمه جنگ وستیزه
صدامدا دوزه بیلمدی ایران قاباغیندا

احبابه یتیرحضرت مهدینی خدایا
تاصف چکه مین یوسف کنعان قاباغیندا

بیرجاندی بوعالمده اگردارونداریم
قربان ائلرم جانیمی جانان قاباغیندا

گیزلین ائلین ملت بیچاریه خدمت
پاینده قالارحشریده سبحان قاباغیندا

کیم فکرائلیه نامه اعمالینه دائم
احساس ائلیرمحشرومیزان قاباغیندا

مین عالم فرزانه گله عالمه هیهات
جولان ائلیه بوذروسلمان قاباغیندا

آلانسازروسیمه اگرطیف مسلمان
لشکردایانارظلمیله مهمان قاباغیندا

• شنبه
• 17
• تیر
• 1402
• ساعت
• 18:13
• نوشته شده توسط
• یوسف اکبری

جان آقا.....
.
.

اورگیم قاندی آقا ,,,,, زاروپریشاندی آقا
سن سیز عالم بیلیس,,, شیعیه زنداندی آقا

دوشدی یولا عشقیلن ،، کربوبلا زواری
منده برات ایستیرم ،،،سیر ائدم او یولاری

جان آقا

سنه قربان آقا

سیدالعطشان آقا

کاسه ی صبریم جالانیب ,,,,, قلبیمه غملر قالانیب
عشقیوه خاطیر بیلیرم ،،،دیده لریم تر یارانیب

یتیشور اربعینون ,,,, قبریوی گورمه میشم
آلیشیر قلبیم اقا ,,,حرمون اوپمه میشم

جان آقا

سنه قربان اقا

سیدالعطشان آقا

درگهون سائلی ام ,,, دار فنا راحلی ام
من اوشاخلیخدان آقا,,,,, لطف وکرم شاملی ام

اولاجاخ بیرگون قسمت,,, زائر اولام عباسه
منده احبابین ایچره ,,,,چوخ گلرم احساسه

جان آقا

سنه قربان آقا

سیدالعطشان آقا

بیر گونی من گلرم ۰,,,,تربت پاکون اوپرم
آلتی آیلیخ بالاوا ,,,,,منده بشیک ترپدرم

نذر الیوبدی آنام ,,,,زائر شش گوش اولام
,,,,تربت پاکون آقا,,,, آناما هدیه آلام

جان آقا

سنه قربان آقا

سیدالعطشان آقا

• شنبه
• 17
• تیر
• 1402
• ساعت
• 18:50
• نوشته شده توسط
• یوسف اکبری

#درسبڪـــ صحرای کربلاده.....

ای مهد عشق و ایمان
شمع صراط عرفان

سالدون دیار عشقه
بیر نهضتیله توفان

مظلوم حسین حسین جان

مظلوم حسین حسین جان

ای فخر آل عترت

آدون جنانه زینت

معنای مهر و رافت

عشقون اورکده نعمت

پابند عهد و پیمان

مظلوم حسین حسین جان

مظلوم حسین حسین جان

محبوب قلب طاها

فرزند پاک زهرا

اسلامیپ ائتدون احیا

وئردون جهاده معنا

ای مشعل فروزان

مظلوم حسین حسین جان

مظلوم حسین حسین جان

سن حجت خداسن

هر درده آشناسن

سن معدن عطاسن

ذبح من القفاسن

قویدون جهانی حیران

مظلوم حسین حسین جان

مظلوم حسین حسین جان

یتمیش ایکی دلیرون

حیدر صفت امیرون

پاینده دور مسیرون

گلمز آقا نظیرون

اولدون فدای قرآن

مظلوم حسین حسین جان

مظلوم حسین حسین جان

قان وئردون عزت آلدون

دیللرده زنده قالدون

رتبه تاپوپ اوجالدون

عشاقی درده سالدون

مهتاب و مهر تابان

مظلوم حسین حسین جان

مظلوم حسین حسین جان

ذبح عظیم عالم

دوردون یولوندا محکم

جبریله اولدون همدم

ووردون سمایه پرچم

سن سن بو خلقه برهان

مظلوم حسین حسین جان

مظلوم حسین حسین جان

• شنبه
• 17
• تیر
• 1402
• ساعت
• 19:41
• نوشته شده توسط
• یوسف اکبری