اشعار ترکی حضرت فاطمه زهرا(س)

بُلنمورم ندی شان و جلالی فاطمه نون
بُلر بو نکته نی بیر لایزالی فاطمه نون

بونون جلالت و شأنینده عقل حیراندور
یارانمیوبدی یارانماز مثالی فاطمه نون

اگر قلم اولا اشجار نوح اولا منشی
یازا کماله یتیشمز کمالی فاطمه نون

وجودی علّت ایجاد کون و امکاندور
ایدر محاط هامی فکری خیالی فاطمه نون

دئسم بشردی خطادور بو سوز او خاتونه
سوائیدی بو بشردن خصالی فاطمه نون

بشرده بیر بیله شأن و جلال اولا بلمز
هانی بشرده اولان ابتهالی فاطمه نون

بو بیر شجردی که اون بیر امام میوه سیدور
تمام نوریدی هر بیر نهالی فاطمه نون

او گونکه خلق ایلدی گوگلری خدای جهان
قویوب ملکلری حیران جلالی فاطمه نون

سپهر ظلمتی نور بتول اطهردن

• سه شنبه
• 9
• بهمن
• 1397
• ساعت
• 14:21
• نوشته شده توسط
• ابوالفضل عابدی پور

ای نوری ایدن عالمی پر نورو مصفّا
عالم سنیلن عالم اولوب حضرت زهرا

محبوبه‌‌ ‌‌‌‌‌‌‌‌‌و دردانه غائی جهانسان
سنسن شجر پرثمر شاخۀ طوبا

ابتردئدولرچون آتاوا اهل عداوت
اعطا ایلدی حضرته اول خالق یکتا

قرآندا سنون شانوه چوخ آیه گلوبدی
مصداقیدی تطهریوه ای بانوی عظما

دنیایه گلوب دورنه گلرمثل وشبیهون
سنسن که اولوبسان آتاوا اُمّ اَبیها

سن وحی اوینون زینتی سن گوهر تقوا
هم کفوعلی شاه نجف حیدرومولا

سن وارث پیغمبر اوزون زینت طاها
اوغلوندی حسینیله حسن حسنده زیبا

سن شیر خدانون او یامان لحظه لرینده
مشکل آچانون مشکلون آچدون گل طاها

عالمده آچوب اوغلون حسین مکتب قرآن
حق دین یولونون پرچمنی ایلدی برپا

سن مظهرتو

• سه شنبه
• 9
• بهمن
• 1397
• ساعت
• 14:22
• نوشته شده توسط
• ابوالفضل عابدی پور

قبروین اوسته مرتضی
اشکی رواندی فاطمه
من گئده بیلمورم ائوه
ائوده فغاندی فاطمه

شوره گلوبدی زینبون اوخشیور آغلیور سنه
درده گلوبدی سینه سی قلبنی داغلیور سنه
وای ننه وای دئیور بالون قلبیدن اوخشیور سنه
زینبوی گورن دئیور حالی یاماندی فاطمه

باخ سن علینون حالینه گور نجه حاله قالمشام
آند اولا قانلی سینوه من بو گجه قوجالمشام
حسرتیله قوجاخلیوب قبریوی عطرین آلمشام
نالم اوجالدی گوگلره عرشه دایاندی فاطمه

دورگئت ائوه عم اوغلی جان قویما حسینیم آغلاسین
ئولدی آناسی فاطمه قلبینی قویما داغلاسین
زینبیم اوخشاسین منه اشکین عذاره باغلاسین
بیلمیه بلکه دورت بالام سینه سی قاندی فاطمه

فاطمه جان دوروم گئدیم ایندی حسینو

• سه شنبه
• 9
• بهمن
• 1397
• ساعت
• 14:25
• نوشته شده توسط
• ابوالفضل عابدی پور

شکرایلیورم حضرت خلاق سمیعه
طبعیم قوشی پرآچدی گینه خاک بقیعه

تپراقی اونون باغ بهشتیله برابر
دیوارینه کیم باخسا اولورقلبی مکدّر

دقت ائله آغزیمداکی بو لوبّ کلامه
مأوادی او دورت مفترض الطاعه امامه

مظلوم حسن و باقروسجادیله صادق
بیریرده یاتوب چهارجهاندارموافق

کانون وفا معدن احساس یاتوبدی
مصداق ادب مادرعباس یاتوبدی

هم کُفوعلی دخترطاهایاتوب اوردا
پهلوسی سینان حضرت زهرایاتوب اوردا

نه وارحرمی هیچ بیرینون یانه رواقی
تاریکیدی افسوس که یوخ شمعی،چراغی

بیرزائری واردور اورانون عالمه سرور
اول قبرلری شوط الیَرزارومکدّر

سویلرکه اگرامر ائلسه خالق منان
صادر ائلیه حکم ظهور حضرت جانان

وهابینون آمالینی برباد

• چهارشنبه
• 10
• بهمن
• 1397
• ساعت
• 09:47
• نوشته شده توسط
• ابوالفضل عابدی پور

حضرت زهرا (س) :

بنده حّی غفور عالمه مولا علی
سسلوری گل آدیوی یکسره دنیا علی
گل باشیمون اوستونه پیک اجل گلممیش
تا سنه عرض ایلسون دردینی زهرا علی

ای منیم دلداریم یاعلی
غم گونی غمخواریم یاعلی
مظلوم علی(2)

حضرت علی (ع) :

آیریلیقون صحبتین فاطمه سالما دیله
زورق امّیدیمی قویما که باتسون گله
سنسیز اولار فاطمه بیکس و تنها علی
فاطمه گئتسن دوشر شیرخدا مشکله

ای جانیم جانانیم فاطمه
وئر صحبتِ هجره خاتمه
گئتمه زهرا(2)

حضرت زهرا (س) :

یوخدور عمواوغلی علی آیریلیقون چاره سی
اولدی خراب صبر ائوین ظلمیله دیواره سی
تاب و توان سلب اولوب فاطمه دن یاعلی
ایلور اذیت منه بو قولومون یاره سی

ای منیم دلداریم یاعلی
غ

• چهارشنبه
• 10
• بهمن
• 1397
• ساعت
• 09:51
• نوشته شده توسط
• ابوالفضل عابدی پور

ای خدا گوندر بو عصرین صاحبین
حجت حق لیل قدرین صاحبین

دوندی گونلر هفته لر آیلار ایله
قالدی گوزلر یولدا یارب رحم ائله

غصه دن خسته اورك دینجلمدی
یوسف زهرای اطهر گلمدی

جمعه جمعه عومروموز چاتدی باشا
جام صبریم آز قالیر دگسین داشا

هاردادیر اهل ولانین دلبری
دین و قرانین حقیقی رهبری

بس هاچان باشه چاتار بو انتظار
قالمادی یارب اورکلرده قرار

روز و شب ذکریم اولوبدور الامان
هارداسان گل داده یا صاحب زمان

هارداسان ای درده درمان هارداسان
سن گلن یوللاره قربان هارداسان

گل فراقیندن اورکلر قان اولوب
بو جهان عاشقلره زندان اولوب

دولدوروب ریب و ریا محفل لری
حب دنیا مست ائدیب عاقل لری

قالمیب رحم و مروتدن اثر

• چهارشنبه
• 10
• بهمن
• 1397
• ساعت
• 10:00
• نوشته شده توسط
• ابوالفضل عابدی پور

الهی یانیر قلب زاریم

جوان ئولدی یکتا نگاریم

خزان اولدی فصل بهاریم

سولوب گل ستانیم

یارب گئدیر قبره سینه یارالی یارالی

اوده قالیب دورد بالاسی عزالی عزالی

دیل داغلییور زینب الله نوالی نوالی

• دوشنبه
• 1
• دی
• 1399
• ساعت
• 23:01
• نوشته شده توسط
• یوسف اکبری

قبله ی اهل ولا ، روح عبادتدی خانیم

شمس گردون شرف،محورخلقتدی خانیم

زینبین صود وئره نی معدن عصمتدی خانیم

وئردی حق شان و جلالت ازلی مشعلینه

اگیلیب ختم نبی بوسه وئراردی الینه

سینه پرورده ی طاهادی، حسینین آناسی

شجر دینه وئریب قان سووی میسمار یاراسی

بسلیوب نیزه ده قرآن اوخوسون بیر بالاسی

آسمان شرفه فاطمه کوکب بجریب

شامیده ظلم علمین ییخماقا زینب بجریب

• دوشنبه
• 1
• دی
• 1399
• ساعت
• 23:03
• نوشته شده توسط
• یوسف اکبری

هانسی دیلده گر اولا مهر و ولای فاطمه
روز محشرده اولار تحت لوای فاطمه

دست قدرت وادی ایمن یازوبدی درگهین
عاشقانه کعبۀ دل دور سرای فاطمه

حق ویروب گور نه جلالت جبرئیل دور خادمی
حوریانه توتیادی خاک پای فاطمه

نطق گویا سیله آچدی شاهراهی اُمّته
مثل قرآن دلنشین دور خطبه های فاطمه

منطقی ارشاد خلق حق باطلدن جدا
دشمنی ایلوبدی رسوا ادّعای فاطمه

اورگدوب درس حجابی بانوان عالمه
مکتب قرآن دور دانشسرای فاطمه

سورۀ کوثر که نازلدی خدای حیّ دن
ایلیوب اول سوره ده حمد و ثنای فاطمه

بارها فرمایش ایتدی اول حبیب لم یزل
میوۀ قلبیمدی زهرا جان فدای فاطمه

بیر بیله عزّ و جلالت صاحبی مظلومه دور
قلبیدن گیتمز هله درد و ب

• چهارشنبه
• 10
• بهمن
• 1397
• ساعت
• 10:40
• نوشته شده توسط
• ابوالفضل عابدی پور

او گون که عهدینی سیندیردی قوم بی ایمان
ایدوبله بیعتی الده بهانه و عنوان

نه شرم ایدوب نه قویوب احترام طاهایه
هجوم ائتدیله دولت سرای مولایه

گَلوب قاپی دالینا مظهر عفاف و حیا
که بلکه ایلیه لر شرم قوم بی پروا

ولیک ایتمدیلر باک منکرین جزا
ووروبلار ظلمیله اود، یاندی درگه مولا

نه ظلم لر اولونوب ایش هارا اولوب منجر
نجه دیوم که اولوب چیره شیره روبه لر

نه قلبلر او گون اهل سقیفه داغلادیلار
بو قدر وار که یدالله الینی باغلادیلار

بو نیّتیله که حق باطله ایده بیعت
چکردی مسجده جبراً‌ امامینی امّت

گوروب علینی کمکسیز شفیعۀ محشر
اولوب تمام وجودیله حامی حیدر

گَلوب مقام دفاع حق اوسته گفتاره
ایدوب خطاب او جم

• چهارشنبه
• 10
• بهمن
• 1397
• ساعت
• 10:44
• نوشته شده توسط
• ابوالفضل عابدی پور

قویدی قدم چو عالم امکانه فاطمه
گَلدی همیشه ناله و افغانه فاطمه

خوش گون جهاندا گورمدی، گوگلی آچولمادی
دوشدی زمانه ده نجه طوفانه فاطمه

اوّل خدیجه تک آنادان غمله آیریلوب
عالمده یاندی آتش هجرانه فاطمه

باشینه سالدی احمد مختار قاره سین
دار فناده قالدی غریبانه فاطمه

اودلاندی ظلمیلن قاپوسی یاندی درگهی
محتاج قالدی دردینه درمانه فاطمه

پهلوی پاکی سندی شهید اولدی محسنی
آغشته اولدی لاله صفت قانه فاطمه

قول باغلی چکدی مسجده امّت عم اوغلوسین
جور عدوئیلن یتیشوب جانه فاطمه

غصب فدک، جفای عدو، ظلم اشقیا
یخدی ایوینی دونوب قدی چوگانه فاطمه

اون سگّیز ایل گیچوبدی بو نوع آه و زاریلن
آخِرده اولدی امّته بیگانه ف

• چهارشنبه
• 10
• بهمن
• 1397
• ساعت
• 19:28
• نوشته شده توسط
• ابوالفضل عابدی پور

قبریوین کنارینده هر گئجه
مرتضی پریشاندی فاطمه
صبحه تک بو پوزقون مزاریوه
گوزلریم نگهباندی فاطمه

غم سپاهی تعقیب ایدور منی
بو چوله گلنده قدم قدم
فرقتونده ای مونس علی
غم منیم انیسیمدی دمبدم
گلمیوم نجه قبرون اوستونه
ایوده آغلاماقدان مقیّدم
منزلیمده ای باغبان غم
گللرون پریشاندی فاطمه

ای عزاسی رسما دوتولمیان
من اوزوم عزاداریوم سنون
ای مزاری خلقه تانینمیان
دلشکسته زواریوم سنون
ایولرینده بیگانه لر یاتوب
آشنای بیداریوم سنون
بو زمانه سندن صورا داخی
مرتضایه زندانی فاطمه

ای مدافع حقّ مرتضی
ای سلالۀ ختم مرسلین
ای عفیفۀ قائم الصلوة
پاسدار شب زنده دار دین
ائوده خالی محرابیوه باخوب
آغلارام غمونده حزین حزین

• پنج شنبه
• 11
• بهمن
• 1397
• ساعت
• 11:55
• نوشته شده توسط
• ابوالفضل عابدی پور

گل ایدیم وصیتمی یوموم
گوزومی جهاندان عم اوغلی جان
بو آز عمروم آخرینه چاتوپ
یورولوب زماندان عم اوغلی جان

گوزونی یوماندان آتام منیم
محن زمانه یه دوزموشم
آپاراندا مسجده بیعته
سنی تازیانه یه دوزموشم
آلونوبدی حق مسلمون
غم بی کرانه یه دوزموشم
شرر آسمان لارا قوزانوب
در دودمان دان عم اوغلی جان

ییتیشیبدی غصه نهایته
غلیان ایدور اورگیم غمی
خفقان یاراندی سقیفه دن
بیزه یوز گتوردی بلا یمی
آلونوب فدک نه گلوب منه
دیمیرم دا آیریلیقین دمی
گونوزوم قرانلیق اولوب منیم
غم بی کراندان عم اوغلی جان

اریین وجودیمه غسل ویر
گیجه کفن ایله گیجه دفن ایله
اورگیم رضا دگول اهل کین
بیری قبریمین یرینی بیله
نه روا که غاصب حقیمی

• جمعه
• 12
• بهمن
• 1397
• ساعت
• 15:03
• نوشته شده توسط
• ابوالفضل عابدی پور

دوشنوب حسین آنا نعشینه
آنا وای دیوب حسن آغلادی
کفن ایچره ایله سیزیلدادی
خانم آغلادی کفن آغلادی
باش آچوب اباالحسن اغلادی

ایکی شاهزادۀ خونجگر
ایله گلدی شیونیله دیله
ایکی عندلیب شکسته پر
دیه سن قونوبدی سولان گله
اولارین فغانی غم آرترور
هامی بلبله گوله سنبله
یری وار دیم بو مصیبته
گل و گلشن و چمن آغلادی

حسنینون ایلدی ناله سی
کفن ایچره فاطمیه اثر
آچیلوبدی بند کفن آچوب
قولین اول بلا کش خون جگر
ایله چکدی سینیه جان کیمی
حسنینی توکدی سرشک تر
خانمین او کشف کرامتین
او جلالتین گورن آغلادی

نه دلیله من ایلیوم بیان
نه ئمیش جلالت فاطمه
سالوب اهل عالمی حیرته
او جلال و شوکت فاطمه
بونی بیر خدای جهان بُلور
که ن

• جمعه
• 12
• بهمن
• 1397
• ساعت
• 15:06
• نوشته شده توسط
• ابوالفضل عابدی پور

یتوب دور موسم هجران عم اوغلی
غنیمت دور همین بو آن عم اوغلی

وار ایمدیکه عم اوغلی الده فرصت
گل ایلوم من سنه نچه وصیت
ویروم تا جانیمی آسوده راحت
اولوم گوز یاشوه قربان عم اوغلی

منیم بو سوزلریم ای کان رحمت
تماما دردسردور رنج و زحمت
ولیکن یوخدی اظهارینده طاقت
اولوب گوگلوم ز بس سوزان عم اوغلی

آلاندا بیرده یالقوزلوق قرارون
گر عورت آلسان آل وار اختیارون
ولی مندن صورا اولسون شعارون
نقدری ایله سن امکان عم اوغلی

منیم اولادیمی سالما گوزوندن
آناسیزلار کسلمز گوز یوزوندن
آیرما زینبی هرگز اوزوندن
اماندور ای عزیزی جان عم اوغلی

حسن جسم ایچره جانیم دور بولورسن
حسین روح و روانیم دور بولورسن
نه محنت لی زمانیم

• جمعه
• 12
• بهمن
• 1397
• ساعت
• 15:12
• نوشته شده توسط
• ابوالفضل عابدی پور

نیه بس وفالی دلبرغمی گیزله دوبدی مندن
دیمیوب ایدوبدی مخفی گووَرن یوزی حسندن

نه حسن اولوب خبردار نه ویروب خبرحسینه
نه قیزی بولوب نه فضّه او یارالی سینه تندن

نه دیوبدی محسونوم وارنه سینان قابورقام ایوای
نه قولون نشان ویروبدی نه دیوب غم ومِحَندن

دمدی نقدر یارام واریارالی گیدوبدی قبره
شب غسل گوردوم امّا قان آخورگلورکفندن

قول سنوب یارادی سینه سیلیدن نشانه واردی
باشیما دولاندی دنیا سلب اولوب توان بدندن

نقدر سوروشدوم حالین منه اولمادی جوابی
عوضینده درب ودیوارمنی آندوروب سخندن

دیدی میخ دردی باعث یارا واردی سینه سینده
بوجفا نی ثانی ایتدی ره دین غلط گیدندن

یازار(عدلی ) ماجرانی توکراشک غم گوزوندن
دیراوزمرم یوزولسون بو الیم حسبن حسندن

• جمعه
• 12
• دی
• 1399
• ساعت
• 22:27
• نوشته شده توسط
• یوسف اکبری

فاطمیه دور ای خانم فاطمه قوناقلاری
غرق اشک ماتم دی پیغمبرون اوشاقلاری

بیر طرفده شیعه غرق شوروالتهاب
بیر طرف ده آزمون جشن انقلاب

هم یا زهرا دوتوبدی کل دنیانی
هم پرچم پر افتخار ایرانی

یا فاطمه مدد خانم یا فاطمه(٢)

بیز گرک بوگون__هوشیار اولاق
راه حقیده----پایدار اولاق

ویروبدی زهرا بیزه درس دین
او درسه استادینه آفرین

فاطمه نور هدایتدی
صبح محشرده کفایتدی

فاطمه یا فاطمه جانم (٢)

فاطمه ویروبدور بیزه درس استقامتی
گیچدی ئوز جانندان ولی ساخلیوب ولایتی

اوندا فاطمه حمایت ایتدی حیدری
ایندی بیز گرک اولاق مطیع رهبری

اوندا زهرا اولوب دی حقه پرچمدار
سنده قویما علی دیسون اَین العمّار

یا فاطمه مدد خان

• جمعه
• 12
• بهمن
• 1397
• ساعت
• 15:17
• نوشته شده توسط
• ابوالفضل عابدی پور

عالمه نوری تجلّا ایلیین فاطمه دی
ایکی عالمدده غوغا ایلیین فاطمه دی

وارنه اندازه صفاسی اونی الله بولوری
عالم عشقی مُصفّا ایلیین فاطمه دی

گرعلی شیدا کُنِ دنیا و ما فیها اولوب
بیله شیدا کُنی شیدا ایلیین فاطمه دی

حُسنده گرچه علی صرّاف صرّافانیدی
واژۀ صرّافی معنی ایلیین فاطمه دی

دنیادان آرتوخ سایوبدی تارموی حیدری
حیدرین مشکلونی وا ایلیین فاطمه دی

اورگدوب حُجب وحیا درسنی اوز زینبینه
زینبی زینب والا ایلیین فاطمه دی

حُّبّی اِکسیرِ فرح بخشیدی هرملک دیله
اِکسیره یوخسولی دارا ایلیین فاطمه دی

دیلی مرده اولانا جانویری جانبخش دمی
مثل عیسی دَمی احیا ایلیین فاطمه دی

نا امیداولسا مریض تاپماسا دردین داو

• جمعه
• 12
• بهمن
• 1397
• ساعت
• 15:37
• نوشته شده توسط
• ابوالفضل عابدی پور

گوز آچ گلدیم باشون اوستونه زهرا
بو تزلیکده سولما ای گل طاها
بو هجران ایلر اورگیمی شان شان
آماندور گل قویما حیدری تنها
گوزل یاریم رحم ایله گیتمه
هواداریم رحم ایله گیتمه

خداحافظ گیزلدن یارا مندن
خداحافظ دویمادیم ولی سندن
خداحافظ ناگران زهرا
خداحافظ باغریقان زهرا

گوزون آچ ای یادگار پیمبر
گلوبدی شانونده سوره کوثر
بالالارون غرق غصه و غمدی
علی سنسیز بو مصیبته نیلر
گوزل یاریم رحم ایله گیتمه‌
هواداریم رحم ایله گیتمه

خداحافظ گیزلدن یارا مندن
خداحافظ دویمادیم ولی سندن
خداحافظ ناگران زهرا
خداحافظ باغریقان زهرا

• جمعه
• 26
• دی
• 1399
• ساعت
• 10:59
• نوشته شده توسط
• یوسف اکبری

بو سوز که نقل اولوری معتبردور اسنادی
کلام حضرت صادق عزیز زهرادی

آلوبلاحقّینی ظلمیله کوچه ده آنامون
سبب شهادت زهرایه رنج و ایذادی

سووشدی بیر نچه گون گل کیمی سولوب رنگی
گوروبله فاطمه ده حال ضعف پیدادی

گلوب تکلمه بیر گون شفیعه محشر
عم اوغلوسون نه گوروب اگلشوبدی تنهادی

وصیت ایلدی مولایه غسلیمی گجه ویر
گجیله دفن ایله بو جسمیمی گوارادی

نمازیمه دور ئوزون بیرده بسدی اولادیم
بقیعه گئتسه وجودیم عم اوغلی باجادی

دییوب وصیتینی نصف شب گوزون یومدی
نه گوردی حضرت مولا که حشر برپادی

حسن دییور سنی الله بیزیله بیرده دانیش
بو آیرلیق بیزه چوخ چوخ بلای عظمادی

حسین دییور منی ئوز ساقلقین کیمی دیندیر
بو طرزیله

• جمعه
• 12
• بهمن
• 1397
• ساعت
• 15:37
• نوشته شده توسط
• ابوالفضل عابدی پور

آنا گـوزیاشیـم اولدی القان
سنه زینبون جانی قربان
سالوب غملرون دلده طوفان
اولـوب سینـه سـوزان

آچ گـوزلرون سینه ده یاره یاتما یارالی
گون مِثلی مغربده دلخسته باتما یارالی
گـوزدن بـالالاریـوی بیله آتما یارالی

اویان بیله یاتما یارالی

« لایلای ننم وای ننم وای ننم وای ننم وای »

غَمـه دائم اولدون نشانه
گتیردی سنی غم نه جانه
دونوب گُل سِتانین خزانه
دُونِیـــدی زمـانه

سن کی دییَردون آنا حَق دییَن دیللره ئولمز؟
سن ئولـدون اما منیـم لبلـریم بیـرده گولمز
زینب گلـر جانـه دردیـن ولی کیمسـه بولمز

منیم دردیمی کیمسه بولمز

« لایلای ننم وای ننم وای ننم وای ننم وای »

• یکشنبه
• 5
• بهمن
• 1399
• ساعت
• 20:45
• نوشته شده توسط
• یوسف اکبری

در آهنگ(نگار نازنین آقام حسین حسین)

عمـواغلوام گوز آچ وفالی فاطمه
دِه سوزلـرون منه حیالی فاطمه
غم ومصیبتون قوجاتدی حیدری
گتیـردی نالیـه غمـون پیمبری

« وفالی فاطمه - حیالی فاطمه »

ستـاره تک سوزوب شفقـده باتموسان
علینی تک قویوب نه خسته یاتموسان
گـوزونن حیـدری عجیبـه آتموسان
داغیلـدی حیـدرین جَـلالی فاطمه

غمـونده گـوزلریم دولـوب پیـاله تک
گـوزوم یاشی آخیـر عُـزاره ژاله تک
سولـوبدی زینبـون چمنـده لاله تک
سـولـوبدی گلشنیـن نهالی فاطمه

یتیمـه قیـزلارون گلـوبدی شیونه
ننـم ننـم دیـوب بـاخـولا هـی منه
حَسن حُسین دیور جان آی جوان ننه
اولوب اوشاخـلارون عـزالی فاطمه

• جمعه
• 10
• بهمن
• 1399
• ساعت
• 19:39
• نوشته شده توسط
• یوسف اکبری

ویرک اَل اله دور اخا حسن
ننه‌میز گیدوب هارا گلمدی
قاباقا دوشوم گرگ ایندی من
ننه‌میز گیدوب هارا گلمدی

بیزی تک قویوب اوزی منتظر
اوتوروب یوبانمازیدی ننه‌م
بیله استراحت و فکریلن
دایانوب دورانمازیدی ننه‌م
اؤره گی دولیدی ملالیلن
بولورم دایانمازیدی ننه‌م
توکوب اشگی صورته دیده‌دن
ننه‌میز گیدوب هارا گلمدی

چون اسوب خزان یلی گلشنه
سارالان ساری گله بنزیور
گل و گلستان پوزولوب چمن
ننه‌م اوردا سنبله بنزیور
پوزولان چمن داغیلان گلی
پری بسته بلبله بنزیور
ایله خوش بیان ایله خوش سخن
ننه‌میز گیدوب هارا گلمدی

رَهِ چاره وار نه ره علاج
تاپولور نه بو ایوه بیر گلن
ننه‌میز اوزی گله بولموری
نه الین دوتان نه خبر ویرن
ن

• جمعه
• 12
• بهمن
• 1397
• ساعت
• 15:40
• نوشته شده توسط
• ابوالفضل عابدی پور

باجی دور گورک یوزی گولمین
ننه‌میز گیدوب نیه گلمدی
قان آخا آخا یارا سینه‌دن
ننه‌میز گیدوب نیه گلمدی

غم ایوینده ترک ایلیوب بیزی
دورون آختاراق گورک هاردادور
دولاناق بو قونشولاری اَول
خبرین دوتاق گورک هاردادور
هامی کوچه رهگذری گزوب
گنه‌ده باخاق گورک هاردادور
قاباقا دوشه بیزیلن حسن
ننه‌میز گیدوب نیه گلمدی

اَلی باشدا سالم اولیدی گر
بو قدر یوبانمازیدی ننه‌م
اوزی زار و خسته و خونجگر
بو قدر یوبانمازیدی ننه‌م
بیزی ایوده تک قویا دیده تر
بو قدر یوبانمازیدی ننه‌م
ئورگینده مین اَلم و محن
ننه‌میز گیدوب نیه گلمدی

باشینین قضاسی گورک ندور
سینه‌سی یارا بدنی یارا
نه گناهین اوسته اونا عدو
ایلیوب باجی بو قدر جفا

• جمعه
• 12
• بهمن
• 1397
• ساعت
• 15:41
• نوشته شده توسط
• ابوالفضل عابدی پور

گینه اتمامه چاتوب شاه خراسان محنی
چوخی‌درمانین‌آلوب‌قصد‌ائلیوبدور وطنی

آغلادوق‌نوحه‌دئدوخ ‌شخص‌رسوله‌،حَسنه
دفترِ عمروموزه تا کی یازیلسون حَسنه

قورتاروبدور صفر آیی یتیشوب ماه ربیع
سویونون‌ سیز ولی‌عرشه اوجالور آه ربیع

ئولدی پیغمبر دین ناله گویه قوزاندی
اوجومونجی‌گونی‌زهرا قاپوسی‌ اوتلاندی

گئتمَمیش قبرهَ نبی تپراقا غم داشلاندی
فاطمه یاره لنوب ظلم و جفا باشلاندی

یاندی ‌وَحیین‌قاپیسی‌خانه‌نشین‌اولدی علی
فاطمه قانه باتوب نقش زمین اولدی علی

گلشنین اوت بوریوب یاندی پَر طاووسی
سقط اولوب محسنی الله دویولوب ناموسی

• چهارشنبه
• 22
• بهمن
• 1399
• ساعت
• 22:24
• نوشته شده توسط
• یوسف اکبری

عالم معرفته قطب نما زهرادی
جِرم های فلکه شمس ضُحی زهرادی

کُفوّی خلق اولمیوب عالمده به جز شاهِ ولا
دُرّ یکتای خدا کانِ حیا زهرادی

ائله بیر گوندی شاخوب عالم و مافیهاده
شرف و عزّت و انوار هُدا زهرادی

کیمده وار قدرت ائله مدح یازا زهرایه
مادحی روح الامین عالم آرا زهرادی

سنده وار همّت اگر ایله نظر قرآنه
شانینه آیه گلن کان سخا زهرادی

گلدی قرآندا اونون شانینه خاطر کوثر
هل اَتی نور هدا سرَّ خدا زهرادی

آتاسی ختم رُسُل همسر باب حسنین
کعبه دور یا که گورن مروه صفا زهرادی

بویوروب حضرت پیغمبر خاتم بو سوزی
افتخار و شرف آل عبا زهرادی

کیم اونی اینجیده آزار وئرور روحیمه چون
بندِ قلبیمدی منیم روح دعا زهرا

• جمعه
• 12
• بهمن
• 1397
• ساعت
• 15:41
• نوشته شده توسط
• ابوالفضل عابدی پور

ای تاجدار خلقت ،شاه ولا عم اوغلی
سن تک امامه اولسون ،زهرا فدا عم اوغلی

گُل مقدمون فداسی قوی باشیم اوسته منّت
گَل بیر ایداخ بو بزمِ رازی عم اوغلی خلوت
ایستیر سنه که ایتسون زهرا بو گون وصیت
صبر و قرارون اولسون ایتمه نوا عم اوغلی

حقدور ئولوم بیلورسن یوخدور بو امره چاره
هر خلق اولان عم اوغلی بیر گون گیدر مزاره
زهراده دعوت اولموش ایندی حضور یاره
تغییر تاپسین اولماز امر قضا عم اوغلی

توکمه عذاره مولا بیر بیله اشک آلون
ایسلاتما گوز یاشیله بو گل صفت جمالون
مین لر بهشته وئرمز زهرا سنون وصالون
جبراً اولور بوگونده سندن جدا عم اوغلی

زهرا اولوب بو لطف و بو مِهروین اسیری
ای قلبیمون قراری عالملرون امیری
س

• جمعه
• 12
• بهمن
• 1397
• ساعت
• 15:46
• نوشته شده توسط
• ابوالفضل عابدی پور

سینه یارالی گئدورم ياعلی حلال ایله
حسینیمی ترک ایدورم یاعلی حلال ایله

بوائوده دوقوزائیل علی خدمتینده من اولدوم
جهاندا زهرا سنه فدا گل مثالی تئز سولدوم
سنی کمکسیز قویوب گدوب نیلیوم جوان ئولدوم
اگرچه دردون بیلورم یاعلی حلال ایله

سنی زهرا آغلاماعلی دردیوی اوزوم بیللم
قولوم قاخساگوزیاشووی فاطمه جانی سیللم
ندورچارم قاخمورالیم یاره لی علی ئوللم
دانیش مندن چون ئولورم ياعلی حلال ایله

سنون غمون چوخدی علی فاطمه سنه قربان
بابام رسوله اولورام بوندان بله من مهمان
یوزومده سیلی یرینی گورسه نه دیوم جانان؟؟؟
سوزی اچیق چوخ دیمورم یاعلی حلال ایله

قاپوم کیمی یاندیروب منی جوروظلمیلن امت
منیم گئجه قبریمی قازوب

• جمعه
• 12
• بهمن
• 1397
• ساعت
• 15:49
• نوشته شده توسط
• ابوالفضل عابدی پور

سنسیز آنا یا فاطمه
تا جاندا وار جان آغلارام
سالام خیاله غملرین
گوزدن توکوب قان آغلارام

خوش روزگاره ایلدی چرخ دنی حسرت سنی
اولدی بهارینده خزان ظلمیله عمرین گلشنی
قویدون یرینده نایبه ای غمکش دوران منی
سندن صورا گلمز یوزوم هر لحظه هر آن آغلارام

بو محنتین یاد ایلرم جدّیم پیمبردن صورا
یاندون آنا درگاهیوه اود ووردولار اهل جفا
بین در و دیواریده قالدون همان ساعت آنا
بطنینده سقط اولدی بالان سن ایتدون افغان آغلارام

ثانی جفاسین یادیمه سالدوقجا گلّم شیونه
ووردی او ظالم ظلمیله بیر ضربت سیلی سنه
گول برکی تک تر صورتین دوندی آناجان سوسنه
باغرین او غمده غنچه تک اولدی آنا قان آغلارام

یالقوز آناسیز قیزلارین

• شنبه
• 13
• بهمن
• 1397
• ساعت
• 20:09
• نوشته شده توسط
• ابوالفضل عابدی پور

فکر ائیلمورم بو گجه کربلایه گیده
حالی وخیمدور روبه قبله دی آنام

سالما حسینی گوزدن دلدن محبت ایله
آغوشه آل دانیشدیر مهر و عنایت ایله
جان گلشنینده گولدور دیندیر عطوفت ایله
گولسون دئسون دانشسون بو خوشمقال زهرا

بو دختر عقیله زینب کی زین اَب دور
خورشید چرخ عصمت زهرایه مُنتسب دور
من تک اودا بلا و آلامه منتخب دور
آیینهٔ کمالی عکس کمال زهرا

کلثوم و زینبیمدور جانه سالان شراره
بُلّلم نلر چکوبدی بو ایکی عشقِ یاره
مندن سورا گَلوللر فریاد و آه و زاره
بو غمده قبر ایوینده آرتار ملال زهرا

• شنبه
• 25
• بهمن
• 1399
• ساعت
• 22:23
• نوشته شده توسط
• یوسف اکبری