اشعار حضرت ابالفضل(ع)

آچ گوزون ای علمداریم ابالفضل
ای منیم تشنه سرداریم ابالفضل
غملی صحراده غمخواریم ابالفضل
بو نه عالمدی یاتوبسان سن یارالی
قارداشون گوزدن آتوبسان سن یارالی
(( جان یارالی جان یارالی جان سنه قربان یارلی ))

دوشموسن خیمه لردن سن آرالی
گلمیشم باشیوین اوسته یارالی
آچ گوزون قارداشیم دور ای وفالی
بو نه عالمدی یاتوبسان سن یارالی
قارداشون گوزدن آتوبسان سن یارالی

آچ گوزون اکبریم میداندا یاتدی
قاسمیم گوز یوموب دنیانی آتدی
منی اما سنون دردین قوجاتدی
بو نه عالمدی یاتوبسان سن یارالی
قارداشون گوزدن آتوبسان سن یارالی

قامتیم دال اولوب یوخدور توانیم
قوریوب لبلریم دونمور زبانیم
ایمدی بیر کمسیه گلمور گمانیم
بو نه عالمدی یاتوبسان سن یارالی
قارداشون گوزدن آتوبسان سن یارالی

سویولون باغلادی بو اهل کینه
شمر دوندردی یوز دین مبینه
من گلنده چوخ آغلوردی سکینه
بو نه عالمدی یاتوبسان سن یارالی
قارداشون گوزدن آتوبسان سن یارالی

دور گوتور مشکیوی یوز قوی فراته
ممکن اولسا گتور سو وئر بناته
عطشیندن یوموبلار گوز حیاته
بو نه عالمدی یاتوبسان سن یارالی
قارداشون گوزدن آتوبسان سن یارالی

قولارین سالدی بو قوم ضلالت
قول دوشندن تاپوب لشکر جسارت
ایمدی ایلور منه یکسر شمادت
بو نه عالمدی یاتوبسان سن یارالی
قارداشون گوزدن آتوبسان سن یارالی

ای اولان درد دنیایه معالج
« صادقی » سسلور ای باب الحوائج
دلده بو بیتینه ایستور نتایج
بو نه عالمدی یاتوبسان سن یارالی
قارداشون گوزدن آتوبسان سن یارالی

• پنج شنبه
• 7
• مرداد
• 1400
• ساعت
• 13:13
• نوشته شده توسط
• یوسف اکبری

آچ گوزون اویان یاوریم ،سر داشیم ابالفضل
قویما تک قالام یالقیزام یولداشیم ابالفضل
دور سینوب بلیم ای منیم قارداشیم ابالفضل( 2)
ای نهرین اوسته عطشان یاتان یارالی
قولسوز بو چولده قانه باتان یارالی
ای قیزلاریمی گوزدن آتان یارالی ( 2)
یاتما اویان دور ای وای وفالی قاراداش
ای دشت غمده ائلدن ارالی قارداش
ای وای یارالی ای وای یارالی قارداش ( 4 )

گوزلوری یولون زینبیم آغلوری ابالفضل
زلفینی یولور سینه سین داغلوری ابالفضل
اصغرین رباب اللرین باغلوری ابالفضل۲
سو ایستمور دور چکمه بیله خجالت
مخیمده قیزلار برپا ائدوب قیامت
آچ گوزلرون ای کان وفا و غیرت۲
یاتما اویان دور ای وای یارالی قارداش
ای دشت غمده ائلدن آرالی قارداش
ای وای یارالی ای وای یارالی قارداش(۴)

دور سو مشکیوی آل اله یرده یاتما قارداش
بو یارالینی تک قویوب گوزدن آتما قارداش
قلبیمین قانین اشکیمه گوزله قاتما قارداش (۲)
دور بیر ایاقه ای معدن شجاعت
بوچولده لشکر ایلور منه شمادت
هر دم دییوللر بس هاردا سرو قامت (۲)
یاتما اویان دور ای وای وفالی قارداش
ای دشت غمده ائلدن آرالی قارداش
ای وای یارالی ای وای یارالی قارداش (۴)

باشیوی سالوب بو حالا هانسی بی مروت
ایلیوب سنه اُول شقی ظلم بی نهایت
یاندیرور منیم قلبیمی باشداکی جراحت۲
گوزلر دوتولموش قانیله لخته قاندی
بوحاله قارداش عرش اهلی جمله یاندی
سویله نه گلدی سو مشکیوه جالاندی ۲
یاتما اویان دور ای وای یارالی قارداش
ای دشت غمده ائلدن آرالی قارداش
ای وای یارالی ای وای یارالی قارداش ۴

دشمنیم گولور ال چالور ایلوری شمادت
کیمسه داش آتور کیمسه سی ایلوری جسارت
بو کمکسیزه دور اوزون ایله سن حمایت ( 2 )
مخیمده آغلیر سنسیز ائلیم ابالفضل
شرح و بیانه گلمور دیلیم ابالفضل
سنسیز بو چولده سیندی بلیم ابالفضل ( 2)
یاتما اویان دور ای وای وفالی قارداش
ای دشت غمده ائلدن آرالی قارداش
ای وای یارالی ای وای یارالی قاراداش ( 4)

• جمعه
• 8
• مرداد
• 1400
• ساعت
• 12:29
• نوشته شده توسط
• یوسف اکبری

امدایمه گل ای شه خوبان آتام اوغلی
عباسون اولوب دینینه قربان آتام اوغلی

ای سینه سی مخزن اولان اسرارخدایه
الله سنی خلق ایلدی سرور شهدایه
کیم جان وئره کویونده یتر عرش خدایه
جنتده تاپار عزت شایان آتام اوغلی

ای پادشه جن وملک عالمه مولا
وی مالک اولان ملک دله زاده زهرا
بوعلته امداده چاغوردی سنی سقا
جانین ائلیه دینینه قربان آتام اوغلی

کسدی یولومی فرقه اشرارزمانه
جوریله کماندار اوخونی قویدی کمانه
سومشگینه ویردی گتوروبدورمنی جانه
گوزیاشیمی دشمن ائلیوب قان آتام اوغلی

سقایم ئوزوم سیدی عطشان ئولورم گل
گوزلور یولوی دیده گریان ئولورم گل
رخساریمی یکسربوریوب قان ئولورم گل
تعجیل ائله ای سرورخوبان آتام اوغلی

ای شمس هدا منبع ایمان و معانی
گلسن دییرم دلده اولان سر نهانی
زینب باجیماکشف ائلمه بوجریانی
قولسوزیخلوب قارداشی عطشان آتام اوغلی

عباسون اون یدی شقی دورسین آلدی
پرسیزقالان عنقاکیمی آتدان یره سالدی
اشرارین الینده یارالی پیکری قالدی
رحم ائتمدی قارداشوا عدوان آتام اوغلی

دیداروه بوحالیده مولا هوسیم وار
فخریم بودی بیرسن کیمی فریادرسیم وار
بیریولدا ده قارداش منه تاکی نفسیم وار
محتاج نوالم ائله احسان آتام اوغلی

عشقونده آخان گوزیاشیم ایمدی سله بنزر
گلشن کیمی جیسمیمده یارالارگله بنزر
باش باشه چاتان سینده اوخ سنبله بنزر
اولمازبئله بیرعالی گلستان آتام اوغلی

یوخ طاقتیم ازبس که دگوبدی منه یاره
گل گورنجه قارداش النوراشگیم عذاره
ایستورسنی گوگلوم گوره بولحظه دوباره
امیدیمی گل ایلمه حرمان آتام اوغلی

آتدان یخلاندا یوزوم اوستونده ترابه
قالدی ایاقیم چخمادی بنداولدی رکابه
یرده سورونوبدی بدنیم دوشدی عذابه
معناده آنان اولدی نواخوان آتام اوغلی

پیغمبررحمت قیزی انسیه ی حورا
طاقت گتوره بولمدی بومحنت گویا
امرایلدی آتدان یخلاندا منه زهرا
قارداش چاغورام من سنی الان آتام اوغلی

چوخلاریازوب عباسه(جوانی)بوردیفی
حاشااولا بونوحه اواشعارون حریفی
لطف ائتدی حسینون سنه سقای شریفی
بوشعری که اولدی بئله عنوان آتام اوغلی

• شنبه
• 9
• مرداد
• 1400
• ساعت
• 13:00
• نوشته شده توسط
• یوسف اکبری

آنداولا حضرت عباسیده شان وشرفه
آتاسی شیـرخدا مالک ملــُک نجفه
سوکنـارینده سوسوزجان ویرن عـالی هدفه
ناامیـد ایلمیوب اهل مسیحـانی آقام
الی بوش ائتمیجاق صادق احبانی آقام

صاحب فضل وادب ساقی وسردار حسین
معـدن جود و سخا محـرم اسرار حسین
شانیـده رتبده تنــهادی علــمدار حسین
کیم دیسه صدقیله دردین اونادرمان اولاجاق
قطـع اولان اللریله مشکلی آسان اولاجاق

قتلگه سمتینه یوزدوندریب عباس غیور
حـمد ائدوب خالقــینه تاپدی عجب فیض حضور
مرکب اوسته اوتوروب قلبیـده ایمانیله نور
باخدی بیرلشــگرکفـره اوشجاعت کانی
دل آچوب پند و نصیحت ائلیــه اعدانی

دئدی ای کوفه وشام اهلی خطا ایلمسوز
باغلیــوبسوزسویولون جوروجفـا ایلمسوز
آل اطهــارین ایشون سوزوبـُکا ایلمسوز
ائشدون سوزلـریمی حقی نهـان ایلمیون
قلب پیغـمبری جنـاتیده قـئان ایلمیون

اف اولاسیـزلره ساتدوزپولا شخصـیتوزی
ایاق آلتـندا لگـدکـوب ائلدوزغیــرتوزی
لکــه دار ایلمــسوز دامن حیــثیتوزی
خواب غفـلت سیزی بیچـاره و خارایلیجاق
آه مظــلوم ابدی درده دچـار ایلــیجاق

سسلدی داده گل ای عالمه سلـطان رئوف
دفن ائدوب جیسمیمی تپـراقلارین آلتندا سیوف
آسمان علــوینون ائلیـور ماهی خسوف
آزقالـورمرغ وجودیم پرآچــا عقــبایه
قطره قطره باشیمون قانی آخورسیمایه

آلدی قارداش سسینی کشورعشقین شاهی
مجـمرغمده یانوب چخدی سپـهره آهی
مقتله گلدی گوروب منخسف اولموش ماهی
دئدی ای دشت غم افـزاده منیم آرخام ائلیم
تلیـون اوستن سـسون آلدیم یارالی سیندی بلیم

• شنبه
• 9
• مرداد
• 1400
• ساعت
• 21:55
• نوشته شده توسط
• یوسف اکبری

ای سپهــر عشقیده مهـــردل آرا سیدی
یخدیلار عبــاسوی ظلمیلــه اعدا سیدی

قالمشام اشــرار الینده ای شه والا مقام
حمله ایلورهرطرفدن اوستمه قوم ظلام
دیل سنی سسلور هرایه بوچتین وقته مدام
یاره لی جیسمیمده قالمورگل توانا سیدی

عهدوپیمان ایلمیشدیم تشنه لب اطفالیله
سوتدارک ایلیــم قیــزلاره هر نه حالیله
حیف اولا دوشدوم تـرابه یاره لی احوالیله
قویمادی دشمن ایدم پیمانه ایفا سیدی

اعتذاریم وارهرایه سسلورم ایمدی سنی
نقطه پرگارم آلمیش دوره می قوم دنی
سالدیلار دام بلایه کوفیان ایمدی منی
باشیمی ایستورآیرسون نچه ادنا سیدی

خاطرون آزرده اولسون تانفس وار قویمارام
وجـه وجـه الله باخماقـدان ولیکن دویمارام
جـامه عشقون اولمده قـامتیمـدن سویمارام
چون تاپارعشقونله سقاعشقی معنا سیدی

بوبیـاباندا سوجامیدن منه حسرت قالوب
چـاره می الدن بوقــوم پست و بد فطرت آلوب
هرایکی قولاریمی بیرمشگ سواوسته سالوب
خـاصه نوفل ظلمی الدن آلدی یارا سیدی

غم کتابینده(جـوانـی)آختارور دل مرحمین
محنتیله جاده عشقین گزوب پیچ و خمین
شرح ایدنمـزکیمسیه سندن صورا درد و غمین
مـرحمتلــه دردیــنه ایلـه مداوا سیدی

• دوشنبه
• 11
• مرداد
• 1400
• ساعت
• 12:19
• نوشته شده توسط
• یوسف اکبری

ابوالفضل ساقی طفلان سلام اولسون سنه
بیزدن ای سرلشگر خوبان سلام اواسون سنه

ای که جان نقدین فدای دین و اسلام ایلین
جان نثار مکتب قرآن سلام اولسون سنه

ای دوشن نهر اوسته هم قولاری همده پرچمی
شیر هیجا ، فارس میدان سلام اولسون سنه

هرکسین وار دردی ازبردی سنون زیبا آدین
ای دواسیز دردلره درمان سلام اولسون سنه

کیم گلوبدی درگهن حاجت آلوب سندن آقا
ائتمیسن سن بیزلره احسان سلام اولسون سنه

منده یوخ ذره لیاقت تا که دامانین دوتام
بیر نظر ایله منه الان سلام اولسون سنه

اول دوشن قولار ستونه آسماندی یوخدی شک
تکیه گاه عالم امکان سلام اولسون سنه

غیرتیندن نهری آلدین صاق گوزن اولدی نشان
ناگهان اوچ شعبه لی پیکان سلام اولسون سنه

ماه آل هاشم و دلبند زهرا و علی
آی کیمی ای صکرتی تابان سلام اولسون سنه

ایستدی ائتسون "خدایی" عشقینی اعلان بوگون
دفترمیده ای آدی عنوان سلام اولسون سنه

• دوشنبه
• 11
• مرداد
• 1400
• ساعت
• 16:15
• نوشته شده توسط
• یوسف اکبری

اورگیم غمیله دولاندا ابوالفضله آغلارام
گللر چمنده سولاندا ابوالفضله آغلارام

گورسم اگر بیری گلیری واردی خجلتی
خجلت کیشی اولاندا ابوالفضله آغلارام

گورسم چمنده سروی که دوشموش خولاری
نامرد سروی سالاندا ابوالفضله آغلارام

بیگانه لر نه بیلر عباس کیمدی کی
پروانه شمعه یاناندا ابوالفضله آغلارام

گورسم که نخلیزاریده صیاد سنگ دل
تیرین کمانه قویاندا ، ابوالفضله آغلارام

یاندی قلم شعله ی جانسوز ماتمه
قان دجله سی اولوبدی دریای علقمه

اولسون امان او وقته کی اتدان دوشوب یءره
یوز اوسته دوشدی چون یوخیدی اللری خانوم

اوچ پر اوخی دیزیله چیخارتدی او مه لقا
جرعت تاپوب جفاسینه قاتللری خانوم

اهن عمود الده چاتیبدی عدو ولی
بیر ایش گوروب قان ایلدی دیللری خانوم

اندیردی شمشیری ابوالفضل باشینه
قانه بلشدی آقامون تللری خانوم

آی تک بولوندی باشی جلا تاپدی قانیله
قالمیشدی یولدا آقامون گوزللری خانوم

گوردی سنی دیدی بورا خوش گلمیسن ننه
گلمز باشا دشمن شقاوتللری خانوم

شرمندیم ایاقیمون اوسته دورامیرام
سالدی منی ایاقدان عداوتللری خانوم

چوخ گوگلوم ایستردی الن بوسه من ورام
حیف اوغلوون پاره لنوب لبلری خانوم

کاش صول گوزومده اوخلانیدی صاق گوزوم کیمی
سلب اءتدی سیلی ردی بو طاقتللری خانوم

دم قورتارور واردی سنه زحمتیم ننه
هر نوکرون اولار آخی زحمتلری خانوم

زحمت اگر دگول منه لای لای دءنن ننه
یوخ ءوز آنام گوره بو مصیبتلری خانوم

یاندین"خدایی" شمعی کیمین بو مصیبته
شاید سنه عطا ایده خلعتلری خانوم

• دوشنبه
• 11
• مرداد
• 1400
• ساعت
• 16:43
• نوشته شده توسط
• یوسف اکبری

یارارام باشیمی عباس دلاور آدینا
وورارام خنجری باشه او علمدار آدینا
ای او کس کی بیزه ایراد ایدوسن یوم آغزین
جانیمی باشیمی وورم بیله سردار آدینا

کیم دیوب باشیوی یارما کیم دیوبدی بوسوزی
گر اءده درک مصیبت قان توکر ایکی گوزی
آغلارام هر گجه گوندوز دییرم جان جان آقا
ءوز الیله ورجک زهرا بیزیم اجریمیزی

بو ابوالفضلدی جماعت شرف الناس دی بو
اناسی فاطمه نین آدینه حساسدی بو
ماریدی ووردی یءره قویمادی بیرکلمه دیه
آدینا قربان اولوم چون آقام عباسدی بو

باشینا آهن عمود دگدی دئدی یا زهرا
قارداشین قامتینی اگدی دئدی یا زهرا
دوشدی آتدان یئره سسلندی حسین دادیمه گل
قارداشی بئلده الی گلدی دئدی یا زهرا

خنجری وئر باشیما ، باشیما خنجر یاراشیر
سینه ی شاهه حسینون جانی اصغر یاراشیر
علی استاد ابوالفضلیدی یوخدور شکیم
ولی عباسه ده شاگرد علی اکبر یاراشیر

• دوشنبه
• 11
• مرداد
• 1400
• ساعت
• 16:58
• نوشته شده توسط
• یوسف اکبری

یا ابوالفضل غیرتیندن کلمه ی غیرت قالوب مبهوت و مات
شانیوه لایق خداوند ورمیشی عالی صفات

یا ابوالفضل اول زماندان نچه مین ایلدی کئچوب
غیرتین زیبا جهادین حک اورکلرده ائدوب

یا ابوالفضل یئر ئوزونده سن کیمی یوخدی آقا
قبریوه قربان اولوم عاشقلرین چوخدی آقا

یا ابوالفضل سینه لرده ماهی تک وار منظرون
غیرت و مردانگیده حیدره وار بنزرون

یا ابوالفضل کربلایه دعوت ایله بیزلری
هجرانیندان روز و شب عشاقین آغلار گوزلری

یا ابوالفضل کربلایه اولموشوخ حساس آقا
سینه ده حک ائتمیشم ارباب فقط عباس آقا

• جمعه
• 15
• مرداد
• 1400
• ساعت
• 19:36
• نوشته شده توسط
• یوسف اکبری

قانلی میداندا یاتما عباس ای امیر لشگر گوزون آچ
دور خیامه گل ای ابوالفضل ایسو اصغر گوزون آچ

اول زمان که سس گلدی قارداش دادیمه گل ایندی اماندی
زینبیم عرض ائتدی حسینیم دور ابوالفضلیم نیمه جاندی
بیلدیم اول لحظه قولارین یوخ پیکرین باشدان باشه قاندی
باشین اوسته ال بلده قالمیش باخ حسینون سسلر گوزون آچ

پرچمین یاتدی ای وزیریم دوریوی اهل کینه آلدی
مشگیوی ای کاش بوشلییدون سو یرینه صبریم جالاندی
اکبریم ئولدی سنده گئتدون اللریم قارداش بئلده قالدی
گنج آل حیدر نه گلدی ای شکسته گوهر گوزون آچ

چکموسن خط توپراقین اوسته قانه باتمیش یئر معلوم اولسون
هئچ دگول انصاف گلستاندا سرو رعنا ظلمیله سولسون
گوی دیوم بیر سوز قلب عشاق ابری تک بو ماتمله دولسون
صاق گوزن دگمیش آی ابوالفضل ظلمیله بیر شش پر گوزون آچ

دور خیامه عزم ایله قارداش گوزلیور زینب تلین اوسته
بوینوما قطع اولموش قولون سال سن اخا خسته منده خسته
آغلاما قوربانیم اولوم من آغلاما ای قلبی شکسته
باش یاراویله اولموسان بیل سن شبیه حیدر گوزون آچ

باشیوین اوسته کیم گلوبدی عطری چون وار دورینده قارداش
گوئیا زهرا عطریدی بو روحیمی ائتمیش زنده قارداش
گوردون آخر زهرا ننمی گوزلرین آیدین سنده قارداش
وار حضورینده فاطمه دور ای عزیز مادر گوزون آچ

پیکریوی خنجر کسوبدی خنجرین ردین اوخ تیکیبدی
صاق گوزوه بیر اوخ ساجیلیبدی گوندوزی گوزده تار ائدیبدی
خیمیه سنسیز من گئدنده وای ابوالفضل زینب دئیبدی
باخ رقیه جاندان دوشوبدور قان اولوبدی دیللر گوزون آچ

نه قولون واردی پیکرینده نه سویون وار مشگینده قارداش
عهد و پیمانی باشه وئردون تا قالا اسلام زنده قارداش
گوی قالا بیچاره "خدایی" عشقیله بو کوینده قارداش
عرض ائدر دائم روز و شبده باخ منه ای دلبر گوزون آچ

• جمعه
• 15
• مرداد
• 1400
• ساعت
• 20:36
• نوشته شده توسط
• یوسف اکبری

درد دل باشلامیشام تا قلمیم عنوان ائلیه
دردیمی شاه شهیدان گله درمان ائلیه

غم دنیا منی سالدی ولی درد و محنه
نظریم یوخدی سوزوم بیر کسی گریان ائلیه

بالجاقین زینتی قاشدی ،صورتین زینتی گوز
گوندی گوی زینتی تا دهری درخشان ائلیه

ولی اعمال بشر جمله گوزلیکدی اونا
ثبت اعمال اولونار هر نه که انسان ائلیه

ای که تکذیب ائلین گوزلرین آچ معجزیه
فقط الله باشارار بیر بئله احسان ائلیه

دن اولور غنچه، وغنچه گل و، گل ده بیر اغاج
باغبان همت ائدور سروی خرامان ائلیه

ولی بیر سروی خانیم ام بنین بسلدی ، لیک
تا اونی نوکر ارباب شهیدان ائلیه

ولی نهر اوسته او سروی نجه سالدی دشمن
خولارین سالدی عدو تا اونی بی جان ائلیه

او گون عباس علی نهری آلیب شیر مثلی
خیمیه سو آپارا دردلره درمان ائلیه

ولی امیدینی دشمن کسدی تیریله او گون
سویی آخدی یئره تا قلبیلری قان ائلیه

دوندی اخیامه طرف سسلدی اصغر عفو ائت
دشمنیم آلدی سویی تا سنی گریان ائلیه

یوخودی قولاری، لنگر ائلیوردی علمی
ولی ایستوردی جانین قرآنا قربان ائلیه

گلدی بیر تیر سه پر صاق گوزونی ائتدی مکان
کیم گوروبدی بئله یاره گوزی پیکان ائلیه؟

باشینی اگدی اشاقه اوخی خارج ائلسون
بوسوزومی ولی عفو جمله عاشقان ائلیه

باشینی اگدی اشاقه ، کلاهی دوشدی ولی
بیر عمود الده عدو ایستدی طغیان ائلیه

کلاهی دوشدی ، دالی اهن عمود آندی باشا
کاش قبول عرض ائلدی نصریمی رحمان ائلیه

صاقا ،صولا اویاندی جسمی اتین اوستونده اودم
کاش گله ایندی اقا سویلدی احسان ائلیه

گلدی زهرا باشی اوسته دئدی احسن عباس
دشمن ایستیر سینوی تیریله شان شان ائلیه

سسله قارشیوی گلسین باشیوین اوسته اوغول
تا دوباره سنیله عهدیله پیمان ائلیه

ای" خدایی"گوزون یاشی اخار صورتیوه
جان وئرنده گلر حتما اقا احسان ائلیه

• شنبه
• 16
• مرداد
• 1400
• ساعت
• 12:37
• نوشته شده توسط
• یوسف اکبری

کوفه لیلر بولون که من حیدرو صفدر اوغلیام
فاتحم اوز ایشیمده چون فاتح خیبر اوغلویام
فخر ایدورم بو منصب و رتبهءبی نهایته
مشغله ی سقایتم ساقی کوثر اوغلویام

عترت ختم مرسلین خادم آستانیم
تنگ زماندا دینمین یاور و جان فشانیم
شهرهءشهر قدرتم جنگده شیر ثانیم
شیر خدانین ای قوشون شیر دلاور اوغلویام

برج وفاده گورسنن نورلی بیر ستاره یم
آیهء نوره منده بیر سهمم و هم اشاره یم
گون دالیسیندا سیر ایدن نورلی ماه پاره یم
شمس ولایتین بلی ماه منور اوغلویام

عصرین امامی گون کمی ایلوری نورین آشکار
تاکه منظم ایلسین سیرینی لیل والنهار
نور امامت اولماسا دوتماز اوکهکشان قرار
مظهر نور واحد النوره برابر اوغلویام

• پنج شنبه
• 21
• مرداد
• 1400
• ساعت
• 12:11
• نوشته شده توسط
• یوسف اکبری

بلبل گزر گلشنده گل باشینا
خار قونماسین سوسن سنبل باشینا
سنسیز منه دنیا زنداندی قارداش
سندن صورا دنیانین کُل باشینا

طوفان قوپسا سروین قدین یل ایر
ایش اگیلسه آرخا ایر ایل ایر
اوغول اولسه اورک داغلار ایو یخار
قارداش اولسهدیز قاتلیار بل ایر

یاد النده یادلار سینه داغلاماز
محزون اولوب اشکین یوزه باغلاماز
دوست دوستینه آغلار ولی بولور سوز
هیچ آغلیان قارداش کمی آغلاماز

گون تک چخان آی تک باتان قارداش دی
هم غصه هم غملر اوتان قارداش دی
هیچ کمسه نی یامان گونه قالماسین
یامان گونده الدن دوتان قارداش دی

گونوم قارداش آییم قارداش جان قارداش
یازیم قارداش یاییم قارداش جان قارداش
سن الندن منیم قاپوم باغلانوب
کسیلیبدور پاییم قارداش جان قارداش

• پنج شنبه
• 21
• مرداد
• 1400
• ساعت
• 12:14
• نوشته شده توسط
• یوسف اکبری

نقدری بیر کچیک اوخ جان آلاندی
کیمه دگدی ایوی اول تالاندی

اصابت ایلدی سقا گوزوندن
ازل بیر باشینه دنیا دولاندی

اوچومجی اوخ که پرت اولدی زهیندن
دگوب سرعتله مشکه سو جالاندی

اگوب باشون دیزه ایتدی مقابل
اوخی چاتسین بیر آز دالدالاندی

هوادن غفلتی بیر وزنی سنگین
انوب آهن عمود باش پارچالاندی

همان لحظه داغلدی فکری باشدان
اورکده غم غم اوستونده قالاندی

دیدی ای زندگی کاش اولمییدون
آدون مثل یالان دنیا یالاندی

بدندن روحیم ای کاش آیرلیدی
گوزوم گورمیدی دوره م ال چالاندی

آخوب قان پیکریم سستالدی نیلوم
قاچان لشکر قیتدی آرخالاندی

سوئی نهر فراتین قان اولوبدی
کیم عالمده اونین تک قان سالاندی

• پنج شنبه
• 21
• مرداد
• 1400
• ساعت
• 12:16
• نوشته شده توسط
• یوسف اکبری

یاتما ای شیر دلاور قارداش
یوخ من ِبی کسه یاور قارداش
تشنه دور آل پیغمبر قارداش
گلستانیم سارالوب
قلبیمی غملر آلوب
ابولفضل

ای وفا کانی کرم دریاسی
وی علمداروحرم سقاسی
تولانیر باشینه غم صحراسی
سلب اولوب ایمنیمیز
ال چالور دشمنیمیز
ابولفضل

من حسینم غمه همدم قارداش
چولقویوب قلبیم اوین غم قارداش
ایلدون قامتیمی خم قارداش
قوللارون اولدی قلم
تپراقا دوشدی علم
ابولفضل

سن شهادتله اوجالدون عباس
آدیوی دللره سالدون عباس
قلبیمین قوتین آلدون عباس
گورنه لرزاندی جانیم
باشیوا من دولانیم
ابولفضل

• پنج شنبه
• 21
• مرداد
• 1400
• ساعت
• 12:18
• نوشته شده توسط
• یوسف اکبری

سالوبلار قانلی تپراقه لب دریاده سقانی
اولوب قوللار قلم سسلور گله امداده سلطانی

یازام بو مطلبی باشدان مسلّم دل گلور درده
ولیکن اولماسا واضح قالور بو درد دللرده
دیردی داده گل قارداش قالبدور باشیم اللرده
اگر تز گلمه سن قارداش آلور جلادلر جانی

بوسوزدن اولموشام آگه بوسوزده درسه تحصیل وار
آدون قربانی من اوللام ابوالفضل سنده نسگیل وار
دیردی نه سو مشگینده نه ده بوجسمیده ال وار
فلک مندن آلوب قارداش وروب جلاده دورانی

اگر بیرلحظه تز گلسن کسنمز باشیمی جلاد
دایانما قالمیوب فرصت اوزون گل ایت منه امداد
اوزون گر دادیمه گلسن امیدیم وار اولام آزاد
قویوبلار قولدان آواره بوگون دعواده اصلانی

• پنج شنبه
• 21
• مرداد
• 1400
• ساعت
• 12:50
• نوشته شده توسط
• یوسف اکبری

شجاعت قافینون عنقاسی قارداش
لب عطشان قزلارین سقاسی قارداش
یاتما قوملار اوسته بیله زارو خسته عطشان ابوالفضل

سوئله سنده بو نه حالدی قارداشیم
بوقوللاریوی کیم سالدی قارداشیم
اللریم بلیمده قالدی قارداشیم
ای قوللاری قلم یاتدی قانلی علم عطشان ابولفضل

ای بوچولده منیم پوزقون چمنیم
ای روح و روانیم وی جان و تنیم
نطقه گل دیللن ای شیرین سخنیم
قربان گوزلریوه شیرین سوزلریوه عطشان ابولفضل

سئ مشکین اوخلاندی سویون جالاندی
جرعه سویون مگر قیمتی جاندی
جاندان آرتوخ دین گلشنی تالاندی
یاتما یارالیسان ایلدن آرالیسان عطشان ابولفضل

نهر فرات اوسته یاتما یارالی
یالقوز قارداشیوی آتما یارالی
زهرا ننمین ای یورقون مارالی
یاتما ای یاوریم امید مادریم عطشان ابوالفضل

تز غروب ایتدون ای رخشنده ماهیم
قدیمی بوکدون ای پشت وپناهیم
باجادور دنیانی یاندیرسا آهیم
دور قارداش اماندی باغریم پارچالاندی عطشان ابوالفضل

اوغلوم اصغر قالوب گریان یاتانماز
آج یاتار لیک هیچ عطشان یاتانماز
سن السن زینب نالان یاتانماز
چوخ سور عباسی کربلا زهراسی عطشان ابوالفضل

غمونده قارداشیم قدیم خم اولدی
گوزلریمده روز روشن چم اولدی
سن یخیلدون دوفاقیم برهم اولدی
ای سپهسالاریم قولسوز علمداریم عطشان ابوالفضل

سو جامین قزلاریم دوتموش اللرده
اللری دعا ده آدون دیللر ده
سوسوزلوق قویمیوب طاقت اصغرده
غنچه لبلر یانور اود دوتوب اودلانور عطشان ابوالفضل

((امینی)) چکموسن نظمه دیوانی
ابوالفضل اولدی قرآنین قربانی
سو اوسته یخدیلار عطشان سقانی
سقای مظلومان جانلار سنه قربان عطشان ابوالفضل

• پنج شنبه
• 21
• مرداد
• 1400
• ساعت
• 12:59
• نوشته شده توسط
• یوسف اکبری

ابوالفضلم وار الیمده دین علمی
ایا لشگر حسینمون وار نه غمی
من کمی قارداشیمون یاوری وار
هانسی شاهین بیله بیر نوکری وار

جهالتدن چیخون قوشون شرم ایلیون
عدالت محفلون گلون گرم ایلیون
اوقلب آهنینیزی نرم ایلیون
قلبزون حقه اگر باوری وار
هانسی شاهین بیله بیر نوکری وار

علی اوغلانلاریندا وار غیرت و عار
خصوصاًقارداشیم حسین یکّه سوار
آتام شیر خدا کمی قدرتی وار
من کمی رزمجو سرلشکری وار
هانسی شاهین بیله بیر نوکری وار

آنام ام البنین منیم سود وره نیم
ولیکن قارداشیم حسین بسلینیم
حسینمه فدادی بو جان و تنیم
حان منیم جان آلانین کوثری وار
هانسی شاهین بیله بیر نوکری وار

زیاد اوغلون جری ایدوب پست و مقام
سیزی یولدان چادوب ایا لشگر شام
زنا زاده یزیدی دوتمسوز گرام
فخر ایدوسوز هامیزین رهبری وار
هانسی شاهین بیله بیر نوکری وار

• پنج شنبه
• 21
• مرداد
• 1400
• ساعت
• 13:00
• نوشته شده توسط
• یوسف اکبری

آدیم عباسدور لقبیم نامدار
ایشیدوب تختدن دوشر اسفندیار
یخارام شمر ایوین در خیبر کمی
وره گر قارداشیم الیمه ذوالفقار

من حق خلق ایدوب اسد اللهدن
باخشیم طلعتیم باج آلار ماهدن
سیزون ای کوفیان کسرم نسلوزی
اگر اذن جدل یتیشه شاهدن

من ابوالفضلم ای سپه شامیان
آدیما فخر ایدر هامی رزمندگان
چکرم چنجری پوزارام صفلری
اوزی حیران قالار رستم داستان

هنر عنقاسیم آچارام شهپری
سالارام نظمدن او شقی لشگری
قالارام قرنلر دیری تاریخده
قویارام ناگران دل اسکندری

من اوزوم بیشه ء هنرین شیریم
شقی روبهلرین قوی درگیریم
الرم قویمارام دالیا بیر قدم
کسرم دینمین ایتی شمشیریم

من او شیر اوغلویام که یخوب خیبری
داغدوب قلعه نی او قوی اللری
بودی سعییم آتام کمی بیر جنگ ایدم
عملیم شاد ایدوب دل پیغمبری

نقدر سخت اولا او فراته صراط
نقدر ناز ایده منه نهر فرات
چکرم نازینی دیرم آخ چوله
بولورم ایسته سم گلر آب حیات

دیدیم ای شمر بی ادب و آبرو
یانور اصغر ورون منه بیر مشک سو
دیدی ای حرمله اوخوی آل اله
بیزه ورمه مجال شیر اولا روبرو

گجه آیدان یوزی باج آلان قارداشیم
گوگه گون تک اوزی اوجالان قارداشیم
دیوب عباسدور بلیمین طاقتی
جوان اوغلی الوب قوجالان قارداشیم

بلیمه باغلارام کمر همتی
نقدر وار منیم قولومون قوتی
بو حسین پرچمین آلارام چگنیمه
بیله اوز قدرینی بوله هر هیئتی

اوپوسوز تربت حرم اطیبی
عملوز آندیرور هامیا مطلبی
شهدا سروری او قرا پرچمی
کیمه گور تاپشیروپ تانیون زینبی

آل ""امینی"" اله قلم انتخاب
یاز ابوالفضل آدین قوی اولا بیر کتاب
نجه مشکل اولا تاپاجاق خاتمه
او طبیبه سوزین ایده هر کیم خطاب

• جمعه
• 22
• مرداد
• 1400
• ساعت
• 12:13
• نوشته شده توسط
• یوسف اکبری

ای یوزی قاره آخورسان
نه بیابانه فرات
گون ویران دمده شاخورسان
دونه سن قانه فرات

گلستانین گلی سولدی
دیده لر قانیله دولدی
فاطمه زلفینی یولدی
دونن سن قانه فرات

باخدی قزلار سنه یاندی
ناله لر عرشه دایاندی
خوابدن اصغر اویاندی
دونه سن قانه فرات

قلبلر دوندی کبابه
گلمدون حد و حسابه
ایتمدون رحم ربابه
دونه سن قانه فرات

عترت اللرده سو جامی
چولقیوب ناله خیامی
آغلیوب عصرین امامی
دونه سن قانه فرات

ای اولان چوللره جاری
آغلادان زینب زاری
بیر باخیدون اونا ساری
دونه سن قانه فرات

هر گلن ایچدی سویوندان
وحشی انسان اهلی حیوان
لیک حسین جان وروب عطشان
دونه سن قانه فرات

چاتدی غم غصه ""امینه""
اف اولا لشکر کینه
سالدی سقانی کمینه
دونه سن قانه فرات

• جمعه
• 22
• مرداد
• 1400
• ساعت
• 12:15
• نوشته شده توسط
• یوسف اکبری

دسته دسته گویده قوشلار صف چکوب شهپر ویراردی
یرده سقا بیله هوشیار ال آچوب خنجر ویراردی

قهرمان لا یزال یوم عاشورا ابوالفضل
الده حریت لواسی دینه رهپیما ابوالفضل
اولدی جان و دلدن عطشان قزلارا سقا ابوالفضل
آلدی مشکین چیگنینه یوز قویدی نهره تا ابوالفضل
ایله بیر جنگ ایلدی سقالره مولا ابوالفضل
لشقیای شامی شومی بیر بیره یکسر ویراردی

اگلشنده مرکب اوسته بنزیردی مرتضایه
آت بلینده سان ورنده سبط ختم الانبیایه
جنگجولر سسلنردی مرحبا قد رسایه
زینب کبری آچاردی ال دعایه دیل دعایه
فخر ایدردی قارداشی عباسه قالخاردی هوایه
بیرقین نهر اوسته هردم اول هنر پرور ویراردی

• جمعه
• 22
• مرداد
• 1400
• ساعت
• 12:34
• نوشته شده توسط
• یوسف اکبری

مرحبا حضرت عباسی دی وجدانه سبب
آتدی هر بیرزادی باشدان نمک و نانه سبب

قلبدن عشقه کمر باغلادی عشقینده آلوب
کربلا منطقه سین روضهٔ رضوانه سبب

نهر بیرقینرات ااوستهووروبکان وفا
جرعه سو آلماقا طفلان لب عطشانه سبب

ایلیوب عشقینی معیار علی اصغریلن
وردی قولارینی گویدن گَلَن احسانه سبب

یعنی بیر جوت قولا بیر جوت قاناد آلدی اوزینه
عرش اعلاده گیدوب ایتدیگی جولانه سبب

عشقه باخ زینبین آرتیردی نقدر عزتینی
مطمئن ایلدی قارداشینی نسوانه سبب

ساخلارام من دیدی جان نقدینه قرآن عَلَمین
یاتمارام ذره ده بوندان بیله قرآنه سبب

سن شهید اول من اسارتله گَزوم چوللرده
خلقی بیدار ایدوم الله دان آخان قانه سبب

آلماسا قانوی قان باغلیاجاقدور اورگیم
پارچالار باغریمی غم غصّه ن او جریانه سبب

• جمعه
• 22
• مرداد
• 1400
• ساعت
• 18:39
• نوشته شده توسط
• یوسف اکبری

خیال ایوینده همیشه آدون صفادی ابوالفضل
که جان ودلدن اورکلر سِوَر او آدی ابوالفضل

دلیل و مدرک اوزیلن یازیلار اهل طبابت
علاجی اولمیان امراض ایچون دوادی ابوالفضل

دچار اولاندا بلایه ویرالّا چنگ توسل
دیولله باب الحوائج یقین بجادی ابوالفضل

کسیلمیشدی علاجون عَلَم دوشنده الوندن
گوزون گوروردی بدندن الون جدادی ابوالفضل

الون الوندن اوزولدی بیر اوخ دا دگدی گوزوندن
باشون عمودیله سیندی عجب قضادی ابوالفضل

فلک تزلزله دوشدی ملک تکلمه گلدی
بشر بولنمدی اما نه ماجرادی ابوالفضل

خدای لمیزلی دن بو حکم صادر اولوندی
مرید مخلصه ورّم دیسون مرادی ابوالفضل

الون که مشکل آچان دور اوزون طبیب زمانه
آدون خلایق ایچینده چوخ آشنادی ابوالفضل

نظر او قانلی گوزونلن بویورسان عالمه بیر یول
هزار حاجته بیر یول باخش روادی ابوالفضل

خدا یولوندا وروبسن الون که شهپر آلوبسان
سنون بهشتده گویدن یرون اوجادی ابوالفضل

کرامتونده کفایت ایدر بو جمله حقیقت
بو آستانه وه شاهلار سنون گدادی ابوالفضل

منیمده چوخدی گناهیم پناه ور منه مولا
پناه عالم امکان سنه آقادی ابوالفضل

"امینی" روز و شب آغلور ایدنده ذکر مصیبت
همیشه ورد زبانی او کربلادی ابوالفضل

• شنبه
• 23
• مرداد
• 1400
• ساعت
• 12:21
• نوشته شده توسط
• یوسف اکبری

ای گل یاسمنیم قاسم نوجوان
یادگار حسنیم قاسم نوجوان
دور بیلیم سیندی منیم قاسم نوجوان

(برگردان)
قانیوه بویانموسان اوغلوم
سسلورم اویانموسان اوغلوم

گلشن فاطمه نین با طراوت گلی
لاله زار حسنین خوش بیان بلبلی
دوغرانبدور بدنین ای منه سوگلی

ایتدیلر محشر عیان اشقیا لشگری
آلدیلار الدن امام شبهه پیغمبری
سنده ای تازه جوان اکبری مظهری

باغلیوب نقش یره گل وجودون اوغول
مین دَیَر بال و پره بیر سجودون اوغول
پیش خیرالبشره وار صعودون اوغول

خوشدی راه عشق ده امتحانون بالا
هدیه گاه عشق ده آخدی قانون بالا
جلوه گاه عشق ده چیخدی جانون بالا

وصلتین نمازینه اولدون آماده سن
قصد دستمازینه سنده شهزاده سن
قانلی جانمازینه دوشدون آزاده سن

اُف اولا چرخ فلک سیرینی ایتدی کج
بولمدی نان و نمک کوفیان گیتدی کج
دوردولار کفره کمک ختمه ایش یتدی کج

عشق ایوین ساز ایلدون عشقین اولدی ازل
گرچه پرواز ایلدون مرغ شیرین غزل
یاره مین ناز ایلدون عاشق لمیزل

خیمه ده جانه گلوب ایندی بی کس آنان
آه و افغانه گلوب آغلاشور بانوان
منده میدانه گلوب اولموشام باغریقان

سن شهید اولدون اوغول چاتموسان کامیوه
یاور سبط رسول چاتموسان کامیوه
خیردور اولما ملول چاتموسان کامیوه

ویردی اشرار دنی ظلمینن تیشه سین
پوزدولار باغ چمنی کسدیلر بیشه سین
قیردی کفار علنی قلبیمین ریشه سین

دائما آغلور "امین" ایلور آه و نوا
سینه سین داغلور امین دردینه قیل دوا
قاره وی باغلور امین ایستوری کربلا

• شنبه
• 23
• مرداد
• 1400
• ساعت
• 15:58
• نوشته شده توسط
• یوسف اکبری

یا حسین اوزون اجازه ور گیدوم جهاده قارداش
آشکار اولوب قوشوندان ظلم فوق العاده قارداش
قوی گدیم جهاده قارداش

چوخ اوزاخدی غیرتیمدن بیله سیزلاییر اوشاقلار
غنچه گل کیمی سولوبدور غنچه دن گوزل دوداقلار
بیر طرف رقیه م آغلور بیر طرف سوسوز قوناقلار
ایلور اونلارین نواسی دردیمی زیاده قارداش
قوی گیدوم جهاده قارداش

گوزلریم چکور خجالت باخسین آل بو ترابه
صود امَر سوسوز اوشاقین دردی زور گلور ربابه
بیر ایچیم سو یوخ خیَمده قلبلر دونور کبابه
ذره قالمیوب تحمل آل مصطفاده قارداش
قوی گیدوم جهاده قارداش

خردا قیزلارون سو جامی الده یانه یانه آغلور
آه سوزناک زینب اود سالور جهانه آغلور
بینوا رباب ایدور اوز اصغرین بهانه آغلور
ام کلثوم ایلور آه و ناله نینواده قارداش
قوی گیدوم جهاده قارداش

اهل کینه باغلیبدور ظلمیلن ره فراتی
دورت مین اشقیا دوتوبدور هامی نقطه و نقاطی
ایستیوله قهراً اولسون غرق کشتی نجاتی
خام خیالیلن بو امری چوخ دوتولا ساده قارداش
قوی گیدوم جهاده قارداش

شمر نصب ایدوب موکل نهر القمین یولوندا
هر موکلین دایانمش نچه فرد صاق صولوندا
قورخوسیزدی شیر مردون واردی قدرتی قولوندا
ورسون اذن جنگی سالام قان بو کربلاده قارداش
قوی گیدوم جهاده قارداش

من سنون قاپوندا نوکر سن سن عالمین پناهی
حفظ قیلمیشام بو نوکر اولماقیمدا نیک نامی
اذن جنگ ور باشوندان رد ایدوم بو اهل شامی
گر الیم آچیلسا یوخدور قدرت اشقیاده قارداش
قوی گیدوم جهاده قارداش

من جهاندا یادگار شیر حی کردگارم
چون علی مرتضی دن افتخارلی یادگارم
صلب اولور قرار و صبریم امریوه چوخ انتظارم
جان فدا ایدم یولوندا اللریم دعاده قارداش
قوی گیدوم جهاده قارداش

ای منیم آتام علی نین یادگاری نور عینی
من چکنمورم خلاصه خیمه لرده شور و شینی
قوی بو قولاریم آچلسین جنگ بدریلن حنینی
ظاهر ایلورم بو چولده ای بتول زاده قارداش
قوی گیدوم جهاده قارداش

دین حق یولوندا المک ابتدای زندگی دی
غیبدن گلر قولاقه سس ندای زندگی دی
جنت عدن شهید عشقه جای زندگی دی
سومیشم او زندگی نی منده ابتداده قارداش
قوی گیدوم جهاده قارداش

سن کیمی منیم حسینیم افتخارلی رهبریم وار
ورمگه سنون یولوندا گوزلریم وار اللریم وار
عرضینه توجه ایله بیر "امینی" نوکرین وار
التماس ایدور مقام عجز و التجاده قارداش
قوی گیدوم جهاده قارداش

• شنبه
• 23
• مرداد
• 1400
• ساعت
• 16:08
• نوشته شده توسط
• یوسف اکبری

قوملار اوسته بیله یاتما
ای منیم نگاریم عباس
دور منی گوزوندن آتما
دوندی روزگاریم عباس

ای منیم امید گاهیم
بیله یاتما سر سپاهیم
دوره می آلیب بو لشگر
باغلانبدی بارگاهیم
سنسیز ای وفالی قارداش
کیم اولار منیم پناهیم
قالخور آسمانه دلدن
گور نه دود آهیم عباس

اشقیا دوروب یولوندا
صف چکوبله صاق صولوندا
ظلمیلن سالوبلا قارداش
قالمیوب توان قولوندا
گور نه آفت اگلنبدور
سرومین اوزون خولوندا
گوزلریمده تیر و تاره
دوندی روزگاریم عباس

پیکرونده یاره قارداش
گلموری شماره قارداش
نیلیوم یارالی یوخدور
منده راه چاره قارداش
دور سنی بو قتلگهدن
قوی چکوم کناره قارداش
یاتما باشلانیر منیمده
ایندی کارزاریم عباس

یاتما ای منیم پناهیم
دار گونومده دادخواهیم
سنسیز ای برادر ایندی
یوخدی یار و سرسپاهیم
اوج ایدور سمایه دلدن
دلبر اوسته دود و آهیم
سلب اولوبدور ای برادر
صبر و هم قراریم عباس

هلهله سالبدی لشگر
دوره می آلبدی لشگر
مادیاتیلن ریاست
فکرینه قالبدی لشگر
وضع کربلانی قارداش
بیر بیره چالبدی لشگر
وضعمه آماندی بیر باخ
ای ایلیم تباریم عباس

کربلا چولونده سنسیز
یوخدی یار یالقوزام من
اللریم قالیب بیلیمده
یالقوزام اوغولسوزام من
سانما قولارون دوشوبدور
تندن ایندی قولسوزام من
گون دونوب گوزوم او گونده
گلدی لیل تاریم عباس

حالیمی یامان پوزوبدور
لشگرین جفاسی قارداش
قالمیوبدی کربلانین
ذره جه صفاسی قارداش
وای منه داخی تاپولماز
دردمین دواسی قارداش
نیلیوم گلبدی الان
تلخ روزگاریم عباس

• شنبه
• 23
• مرداد
• 1400
• ساعت
• 17:22
• نوشته شده توسط
• یوسف اکبری

مأموریدی شمر ابن زیادین طرفیندن
گیچدی پولا خاطر ادبیندن شرفیندن
شیر اوغلونا روباه صفت خامه گتوردی
یازدیردی ابوالفضله امان نامه گتوردی
تل اوسته گلوب دیو خطا دیده دایاندی
اما او گلیشدن هامی گوزلر نگراندی
میدان بلا غرق دی اندوه و غمیلن
توأم غم و اندوه له درد و المیلن
بو مسئله مینلرجه آغیر داغدان آغیردی
باخ شمره حسین قالدی ابوالفضلی چاغیردی
سسلندی گل ای طایفه مه مفخر ابوالفضل
گل من سنی دنیایه ایدوم سرور ابوالفضل
آفاق جلالت ده گورونسون آدون عباس
دنیا بویی راحت یاشاسین اولادون عباس
بو دب دبه بو سلطنت آخر بیله قالماز
گر قالسادا عباس سنون شأنون اوجالماز
اعراب سنی گرچه برازنده تانولار
اما بو حسینه گوزلیم بنده تانولار
بیهوده بو صحرای غم افزاده دولانما
آزاد قیل اوز جانوی چوخ ساده دولانما
بو سوز بلی عباس علی نی غمه سالدی
طاقت گتوره بولمدی چون صبری آزالدی
تعظیم ادب قیلدی حسینین قباقیندا
ور اذن دیدی شمری سالیم دین قباقیندا
اذن اولسا اونین بند حیاتین ایله قیرام
الدورم اوزین آلام امان نامه نی جیرام
وجدانی آتیب باشدان او قرآنی ایاخلور
کفریله وروب ال اله ایمانی ایاخلور
القصه وزیرین سوزینه شه قولاق آسدی
آغوشین آچیب قارداشینی باغرینا باسدی
فرمایش ایدوب ای هنر عنقاسی ابوالفضل
منطقله بیانون کسر الماسی ابوالفضل
امیدیمین آفاقینه سن آی سان ابوالفضل
من شمس حقم سنده منه تایسان ابوالفضل
اشرار زمن طرز تفکرده آزیبلار
با اینکه سنه قارداش امان نامه یازیبلار
غم ایلمه ایندی سنیلن قول قولا سالام
هر سمته اوزون ایتسون اراده یولا سالام
گیت آل او امان نامه نی چوخ اولما مکدر
مندن صورا قوی امن ده قالسین بو حرملر
واضح دیورم من سنه بو مطلبی قارداش
گوزلرسن آنام نایبه سی زینبی قارداش
سالدی آشاقا باشینی تز معدن غیرت
عرض ایتدی امان الدورور آخر منی غیرت
مین دفعه یولوندا منی گر دوغراسا دشمن
هر شقه می بیر دار آغاجیندان آسا دشمن
ایمانمی حق دینمی دینار آلا بولمز
سندن منی دنیا گله آیری سالا بولمز
وار منده آتام شیر خدا قانی حسینیم
شمرین یخارام باشینه دنیانی حسینیم
قلبینده غرض مهر و وفا مشعلی یاندی
شمرین قباقیندا گلوب عباس دایاندی
مابین ده چوخ مسئله رد و بدل اولدی
نه صلحی قبول ایتدی نه جنگ و جدل اولدی
دوغراندی امان نامه توکولدی یره یکسر
سسلندی حیا ایله قییت مرکبی قیتر
گیت مرکبوی مرکز میداندا دولاندیر
عار ایلمه تز مطلبی سعد اوغلونا آندیر
دنیا سیزی بازیچهٔ ایام ایده
جاقدور
بوندان بیله گوندوزلروزی شام ایده جاقدور
وار قدرتیم ایندی نه دیسم ایلرم ای شمر
آتدان سالارام گردنوی پیلرم ای شمر
باش اگدی ابوالفضله قباقینده سیخلدی
سانکه باشینا عالم لاهوت یخلدی
قیتردی آتین کور و پشیمان ایله گیتدی
هر قدر تلاش ایلمیشدی یله گیتدی
جانلار او ابوالفضل علم پروره قربان
اولام دیدی من پادشه محشره قربان
سالدی اوزینی مقدم سلطان جهانه
قویدی دل کفاری جهاندا یانا یانه
اما عوضینده دیدی من راحتم ایندی
بس دور منه زهرا قیزی نین قلبی سویندی
اولده که اوز عهد و وفا باده سین ایچدی
صوندان ایکی قول ویردی گوزوندنده که گیچدی
عیسی لره دم چاتدی ابوالفضل دمیندن
نصرانی اوپور ایندی الیندن علمیندن
بیر ایش گوروب اوز گوردوگینه آلدی نتایج
معناده آدین سسلدیلر باب الحوایج
کیم درده دچار اولسا دوا ایسته سین اوندان
هم تسگره کرب و بلا ایسته سین اوندان
هیهات "امینی" دویا خان کرمیندن
دنیا جه صفا گورموش او زیبا حرمیندن

• شنبه
• 23
• مرداد
• 1400
• ساعت
• 17:34
• نوشته شده توسط
• یوسف اکبری

ال چک ای شمر ستم پیشه پیمبردن اوتان
زادهٔ حضرت زهرائيله حیدردن اوتان
ناگران خیمه ده قویما حرم آهولرینی
دورما جهل اوسته باجیم زینب مضطردن اوتان

اوتان ای شمر دنی
چوخ اوتاندیرما منی
زادهٔ فاطمهٔ اطهردن
نور چشم و دل پیغمبردن

معرفتدن یوخ اثر سنده ایا شوم و دغل
من بو تنگ عرصه ده هیهات ورم بیعته ال
ویرمامیش بوینووی قیتر آتیوی ضرب العجل
چیخ بو عباس گزن مایه لی سنگردن اوتان

چولقانبسان نه بو بیگانه لرین جامه سینه
ویرمیسان مهریوی دیوانه لرین خامه سینه
لعن حق ابن زیادیله امان نامه سینه
سیندیر اوز عهدیوی تز باری او کافردن اوتان

من بو شاهنشه گردون فلکین نوکرییم
طفل چاقیمدن ایله نان و نمک پرورییم
بسدی بو رتبهٔ مافوق که سر لشگرییم
صاحب شأن و شرافت شه محشردن اوتان

من ابوالفضلم اوزوم فاتح خیبر بالاسی
قویمارام تک قالا بو چولده پیمبر بالاسی
گوز تیکبدور منه قارداشیمین اصغر بالاسی
شرم قیل خرداجا شش ماهه او اصغردن اوتان

اولموسان امر یزیدیله بو اندازه جری
یغمسان باشیوه بو چولده گروه کُفری
گتمرم اولسا حسینین گینه قووماخ نظری
آچ گوزون سن بو وفا مخزنی نوکردن اوتان

یاخشی سودا دگول ای شمر بو سودا چک الون
ننگ ایدور آدیوی تاریخ ده بو بدعملون
جیر امام نامه نی گیت گلممیش آخر اجلون
کفر خیز اولما حیا قیل حق داوردن اوتان

کیم یازبدور بو علی اوغلونا دستور امان
شل اولا اللری شرم ایلمیوبدور او یازان
توکممیش تپراقا باشلاریزی چون برگ خزان
خواب غفلتدن اویان گیت بو برابردن اوتان

حامی یم الده بو جان نقدی امام زمنه
گیت امان نامه وی جیر توک یره گسترمه منه
دست بیعت وره هیهات ابوالفضل سنه
ورمیوب بیعته ال ساقی کوثردن اوتان

چکمیشم من بو وفا جامین ازلدن باشیما
کج دینمز بیری بو گوزلریم اوسته قاشیما
ایلرم کور او گوزی که باخا کج قارداشیما
دونمرم دونسه ده دنیا من او سروردن اوتان

گوزلورم برج محبت ده غم اولدوزلارینی
ساخلیرام مد نظرده حرم اولدوزلارینی
ناگران قویما او صاحب کرم اولدوزلارینی
ماه و خورشیدیله سردسته اختردن اوتان

التماس ایلمه گوندن قمر آیریلمیاجاق
باغلیبدور بیله زرین کمر آیریلمیاجاق
آلمینجان بو " امینی " ثمر آیریلمیاجاق
باش گوتورمز گوگه دیوانیله دفتردن اوتان

• شنبه
• 23
• مرداد
• 1400
• ساعت
• 17:36
• نوشته شده توسط
• یوسف اکبری

هرایه گل حسین آماندی قارداش
حالیم حالین کیمی یاماندی قارداش
ایدولله هلهله بو باش کسنلر
یوبانما چوخ چتین زاماندی قارداش

کمین ایدنلر آلدی نخل زاری
سو مشکیم اوخلانیب سو اولدی جاری
خجالت اولدوم عطشان اصغروندن
واریدی مندن آیری انتظاری

حسینیم اللریم دوشوب بدندن
ندوم حمایتیم کسیلدی سندن
پناه عالمین سن پناهیم
آماندی گوزله گوز گوتورمه مندن

الیم گیدوب علم دوشوب الیمدن
چخانمورام بو قانلی مقتلیمدن
ایشیقلی گوندوزوم اولوب قرانلیق
خموش ایدوبله نوری مشعلیمدن

یامان چاغیمدی گل اخا هرایه
گل آگه اول اوزون بو ماجرایه
قوتار بو باش کسنلرین الیندن
قدر قوتاردی دوشموشم قضایه

هایاندا قالدین ای منیم پناهیم
وفالی قارداشیم امید گاهیم
یخلمشام بو قانلی قتلگاهه
اورکدن اوج ایدر سمایه آهیم

بو شمر بی حیا دوروب عناده
عنادی هم جفاسی فوق العاده
پیمبر اوغلین الدورور اوتانمور
مطیع اولوبدی زادهٔ زیاده

"امین" اوخور الینده غم کتابی
مدام اونین بودور بیزه خطابی
دلینده یا حسین و یا ابوالفضل
آپارماق ایستور آغلاماق ثوابی

• شنبه
• 23
• مرداد
• 1400
• ساعت
• 17:39
• نوشته شده توسط
• یوسف اکبری

سبک : با نوای کاروان ...( آهنگران )

فارسی

نور چشم شیعه ها/یادگار مرتضی
سردار و جانباز ، راه وفا آمد
سقای عطشانِ ،کرب و بلا آمد

این ندای جانفزا ، آید از عرش برین
از فضای بیکران ، بر همه اهل یقین
تهنیت گوید خدا ، بر امیرالمؤمنین
ای ناطق قرآن ، بادا مبارک باد
ای حجت یزدان ، بادا مبارک باد

مظهر اهل یقین/زاده ی ام البنین
سردار و جانباز ، راه وفا آمد
سقای عطشان کرب و بلا آمد

میشود اندر جهان ، یار و غمخوار حسین
کس نباشد همچو او ، محو رخسار حسین
باشد اندر کربلا ، او علمدار حسین
ماه دل آرای ، برج وفا آمد
سردار بی دست ، کرب و بلا آمد

معدن مهر و وفا/منبع جود و سخا
سردار و جانباز ، راه وفا آمد
سقای عطشانِ ، کرب و بلا آمد

روی ماه او بُوَد ، ماه تار عاشقان
مست رخسارش ، شده در گلستان بلبلان
بهرمند از همتش ، عاشقان و عارفان
میلاد مسعودش ، بادا مبارک باد
منظور و مقصودش ، بادا مبارک باد

نوگل باغ وفا/عاشقان را ‌ مقتدا
سردار و جانباز ، راه وفا آمد
سقای عطشان ، کرب و بلا آمد

ترکی

مژده وئر بادصبا/دلبر دیر آشنا
سردار و سالار ، اهل وفا گلدی
قولسوز علمدارِ ، کرب و بلا گلدی

آلدی آغوشه علی ، اوپدی زیبا اللری
گوزیاشین ایتدی ، روان اوپدی قاره گوزلری
باخدی قد و قامته ، آغلادوبدور حیدری
(سسلندی تز مولا ، ای حضرت یکتا)
(بیر گون باتار قانه ، بو نازنین اعضا)

برتر ایت اجلاسیمی/حفظ قیل عباسیمی
سردار و سالار ، اهل وفا گلدی
قولسوز علمدار ، کرب و بلا گلدی

عرض ایدوب یارب اولار یار و دلدار حسین
عاشق جانباز حق ، محو رخسار حسین
هم وزیر بارگاه ، هم علمدار حسین
عالملره عشقین ، بیر گون عیان ایلر
قارداشینه آخر ،دردین بیان ایلر

غصه دن اولماز رها/دردینه اولماز دوا
سردار و سالار ، اهل وفا گلدی
قولسوز علمدار ،کرب وبلا گلدی

بیر قیامت بو بالا ، دهریده برپا ایدر
قانیلن دشمنلرین ، عزلینی امضا ایدر
روز عاشورا گونی ، عشقینی معنا ایدر
گلمزشجاعتده ، مثلی بودنیایه
ایلرفداجانین ، فرزندزهرایه

ساقی لب تشنگان/سایه سی کهف امان
سردار و سالار ، اهل وفاگلدی
قولسوز علمدار ، کرب بلا گلدی

• سه شنبه
• 26
• مرداد
• 1400
• ساعت
• 10:54
• نوشته شده توسط
• یوسف اکبری