اشعار حضرت ابالفضل(ع)

قوللاری چون اولدی سقانون قلم
گوردی قدرت قالميوب دوتسون علم

سسلدی قارداشنی امدادينه
گل حسين عباسوون فرياد ينه

عشقوه بسته اولان سربازوام
ساقيم تشنه اولان جانبازوام

دوشمه ميش باشيم حسين الدن اَله
قويما قارداشون خجالتدن اُله

ايتديلرسو مشكيمی تيره نشان
سو كيمی قانيم آخورويرمور امان

اوخ دگوب بو مشکه من جان قويموشام
باورايله جان و تندن دويموشام

سوگيدندن ايله مأيوس اولموشام
گل كيمی جور وجفادن سولموشام

گل حسينيم قلبيده يوخدور دوزوم
قان دوتوب بوگوزلری گورمورگوزوم

احتياجيم وارحسين احسانيوه
گل بير احسان ايله بو قربانيوه

لطف ايله آل باشيمی دامانيوه
جانويروم جانانيمه جانانيوه

لذّت ديداری بيرآن ويرمرم
گل جمالون گورمسم جان ويرمرم

باش يارا پيكر يارا قوللار قلم
ساخليه بولموركسيك اللرعلم

گرچه وارقلبينده بير دنيا الم
سنسن آخرعرصه ده صاحب علم

من سنه سربازیدیم نه سر سپاه
اوخلانوب سو مشکی يوخ منده گناه

خجلتيم وار اصغروندن تشنه دی
آلّلها بير آلتی آيليق بنده دی

اول رسـالت باغونون نو باوه سی
اوج ايدوب افلاكه آه و ناله سی

اوچ گجه گوندوزدی هركسدن بتر
گوز ياشين رخسارينه گوزدن توكر

صورتين خط خط ايدوب ديرناقلاری
اللرين قونداقه باغلار مادری

هرنقدرلايلای ديور ياتمور بالا
هم سو فكرين هم صودی آتمور بالا

نه سو وار نه صود ربابون نيله سون
تاب ايدوب فرياد و آهه گلمه سون

شام و كوفه اهلی ايمان ساتديلار
مذهب و آئينی باشدان آتديلار

دعوت اوسته نامه لرچوخ يازديلار
راه دينی كج گيدوب يول آزديلار

جامۀ غيرتلرين چون سويدولار
زادۀ پيغمبری تك قويدولار

مسلمی ترك ايتديلر اولدی وحيد
جنگ ايدوب مردانه تا اولدی شهيد

آل قوجاقه آخرين سربازوی
ويرنشان بو صود امر جانبازوی

سويله دشمن تا بوله بوخسته دی
جنگه گلموب بوگل نو رسته دی

گرچه بو بيراخترتابنده دی
يوخ آناسيندا صودی شرمنده دی

ويردی بلكه جرعه سو بو اشقيا
رحمه گلدی دوشمنون ايتدی حيا

يوخ سوزوم گرچه سوسوزسوز قانيمه
سو ويرون بيرجرعه بوعطشانيمه

يوخ گناهی آنداولا پيغمبره
رحم ايدون اوغلوم علی اصغره

قتليمه فتوا ويروبسوز سربه سر
بو بالا شش ماهه دی تشنه جگر

خسته دی گوزلر آخوبدی سو كيمی
مادری آغلور ملورآهوكيمی

باغ دينون آچمين ريحانيدی
دوز باخوشدا صفحۀ قرآنيدی

خيمه لرده سوسَسی شيون سالوب
تكجه گل دور بو گلستاندا قالوب

قالميوب بوچولده يارو اکبریم
بيرقالور بولشکريمدن اصغريم

بولمرم دونمور ندن قانه فرات
ايچمييه عطشان قالاعين الحيات

تا دئدی بوسوزلری يومدی گوزون
آيرولوب روحی ديه بولموب سوزون

باغرينا باسدی او دم قارداشنی
توكدی رخساره حسين گوزياشينی

هر نقدری سسلدی سس ويرمدی
آغلادی آلام دل اسگيلمه دی

يوز قويوب قانلی يوزه گلدی ديله
سسلدی سرلشکريم ياتما بيله

سن يتوشدون مقصده اولدون شهيد
دشمن ايچره قارداشون قويدون وحيد

بير فقط شش ماهه اصغردی قالان
آج سوسوزدی تشنه ليق صبرين آلان

نطقه گل منله دانش دشمن باخور
گوزلريمدن گور نجه اشكيم آخور

سن بو صحراده منه بير شيريدون
بير كسرلی دشمنه شمشيريدون

يوخ بو صحراده كمك نه وارايليم
دورابوالفضليم منيم سندی بليم

سن ابوالفضل اهل دينه آبرو
وار اوركده (عدلیه) بير آرزو

سن وزيرشاه دين باب نجات
ايستوری سندن گينه گوندر برات

اُولمه ميشدن بيرده گورسون كربلا
دردينون درمانينه ايتسون دوا

• چهارشنبه
• 17
• دی
• 1399
• ساعت
• 20:25
• نوشته شده توسط
• یوسف اکبری

سبک ....شبانگاهان...

دیزوم اوسته قانلی باشی اولان
وار بیان ایله هر سوزون قارداش

کر:
بلیم سندی یاتما دور عباس
بیر دانش منله آچ گوزون قارداش

سسون گلدی خیمه گاهیمده
قالمادی منده طاقتیم قارداش
یتشدوم تا باشون اوستونده
قالدی دلده مین حسرتیم قارداش
آپارام بو دوغرانان نعشون
خیمه گاهه وار همتیم قارداش
بلیم سندی یاتما ...

وفا رسمین سن بو عالمده
ای علمداریم نه گوزل سچدون
طریق عشق و حقیقتده
ای ابالفضلیم جانیدن گچدون
عمل ایتدون بس مواساته
ایچمدون سن سو خوندل ایچدون
بلیم سندی یاتما ...

دوشن قولار توپراق اوستونده
جانیمه یانان بیر شرر سالدی
سنون بو یرده اوزانماقون
گور نقدری مندن توان آلدی
بو سینمده سسلیم بیرده
سن ابوالفضلی حسرتیم قالدی
بلیم سندی یاتما ...

اولان ای مهرو وفا کانی
عاشقیم عباس عشقیمه بسته
باخور دشمن بولدی سندی بلیم
مذبح عشقه دوشموسن خسته
ایاقه دور خوندل گوزده
گورمنم قارداش بو باشون اوسته
بلیم سندی یاتما ...

اگر عباس دینی فرض ایلیاق
بو جهاندا بیرگل ستان اولسون
یقینیم دور قامتوندی سبب
گُل لره بلبل نغمه خوان اولسون
گور نمورم سرو قد یخولا
قول گیده گوزده اوخلی قان اولسون
بلیم سندی یاتما ...

بو غملریم اود ویرار اودلار
«عدلنی» دلدن آه چکر آغلار
محرمندن تا محرمه جان
هفته لرآیلار سینه سین داغلار
محافلده غملی نوحه اوخور
گوزدن اشک غمین صورته باغلا
بلیم سندی یاتما ...

• چهارشنبه
• 17
• دی
• 1399
• ساعت
• 23:56
• نوشته شده توسط
• یوسف اکبری

من چه گویم عاشقی که عاشقان را ناصر است
خامه ای بشکسته دارم هم زبانم قاصر است

گرقلم همّت کند غوّاص دریاها شود
درمیان ما ومن اصلیتش پیدا شود

گر ز اعماق تفکّرمطلبی آید بدست
می نویسد ازابوالفضل آنچه بود وآنچه هست

داخل بَحرسخا ازجوشِ امواجش بگو
یا که ازشورِنمازعشق ومعراجش بگو

روح فرزندان حیدرچون ضیاء اطهراست
مستی عبّاس هم بی شک زجام کوثراست

اوکه حق راعاشق است وازکلامش پرزشور
مستیش را روز عاشورا نموده چون ظهور

ازخُم عشق برادرمی زد و شد مستِ مست
ساقی عزّت بدادش جام همّت را بدست

زآن طرف حیدراَب ومادربود اُم البنین
درس ها آموخته درمکتب قرآن و دین

خواهرش کلثوم "سکینه " زینب است خَیرِبَنات
به به اورا چون برادر باشدش فلک نجات

اومبارز بودنش را ازپدرآموخته بود
پیرهن برقامت دل ازمحبّت دوخته بود

یارمستان تا شود هی بادۀ اکبرزده
روزعاشور مُحرّم ازخُم دیگر زده

او صدای العطش را خود شنیده بارها
سوسن پژمرده را دیده میان خارها

چون جفای شامیان کرده پریشان حال او
غیرت از سقائی اش بنمود استقبال او

خواهد او با مَشک آبش تا شود فریاد رس
دردیارغمگساری داد یارو داد رس

تیشۀ فرهاد خواهد او زند برکوهسار
تا تراود قطره ای نوشد به خیمه شیرخوار

می خراشد قلب اورا تشنگان ازسوزوساز
در رباب وهم رقیّه دیده بود اشک نیاز

ترکی

اوچ گونییدی باغلاموشدی سو یولونی اشقیا
نه سووارنه صود یسون تشنه قالوب دلسیزبالا

اللرین باغلورقماطه گوردی مظلومه رباب
نالیه گلموشدی " اصغر ناله سیندن نُه قُباب

خسرولب تشنگانی گورمَسین تا غمگسار
کربلا دشتینده اولسون قارداشا خدمتگزار

رخصت آلدی شاه دیندن اولدی چون مرکب سوار
یا سوآلسون یا الست عهدینده اولسون جانثار

مشکی چگنینده لوای دینینی الده آلوب
سرعتیله سوردی مرکب تا فراته یول سالوب

مُحرمییدی کعبیه اَل وردی هم باخدی سویا
(عین و یَد) گر ویرمیه دین دردینه اولمازدوا

اوجونا آلدی سوئی اوز نفسینه ایتدی خطاب
ایچمرم من ایچمسه اصغر" سو اولسا گرگلاب

ایچمرم سندن فرات تا تشنه دی آل رسول
عشقیمون نقصانیدی ایچسم قبول اتمزعقول

تشنه لیقدان گرچه تاپموشدی اوزی حال ممات
فکرایدردی من حسین سیز نیلورم اولسا حیات

وعده ویرموشدی ربابه سو گتورسون اصغره
دست پروردیدی چون شیرخدا و حیدره

دولدوروب سومشگینی یوز قویدی اخیامه طرف
آلدیلار اطرافنی قوم شرورو بی شرف

عشق بازاری آچیلدی جانی حراج ایلسون
قرمزی قانین او یرده باشینه تاج ایلسون

مست اولوب اعضاء جوارح جرعۀ پیمانیه
یانماقی اورگدی شمعه اول زمان پروانیه

الده شمشیر دلده تکبیر ایتدی عدوانه هجوم
باخمادی دورو برین لشکر دوتوب مثل نجوم

بین لشکربو هجوم ایجاد وحشت ایلدی
دشمنی ئولدورماقا شیراوغلی همّت ایلدی

حملۀ اوّلده اولدورودی ئولوب نچّه نفر
جرأت ایتموردی بیری اولسون او شیره حمله ور

سوردی مرکب قدرتیله عزم ایدوب نخلستانا
فکری وارسو تز یتورسن خیمه ده عطشانلارا

قویمادی کِلکِ قضا سقّانی چاتسون مطلبه
سالدی آلِ حیدری عاشوریده تاب و تبه

ویردی فرمان لشکره سرکردۀ اهل نفاق
اوخلیون سومشکینی فرماندا اولسون اتّفاق

یوزقویوب لشکراوملعون امرینون اجراسیه
ذرّه ای رحم ایتمیوبلر کربلا سقاسینه

تابع فرمان اولانلار ویردولار اوخ مشکینه
قولاریندا سالدیلار قانی قاریشدی اشکینه

سسلدی قارداشنی عباسووام گل دادیمه
سو کیمی قانیم رواندی یوخ چاتان فریادیمه

گل حسین دست قضا چکدی منه نقش کمند
ایتدولر قارداشیون جسمون بو یرده بند بند

شاهبازعشقوم بوچولده سندی پرلریم
یاره لرانجمدی گویا چون سماء دورپیکریم

احتضارحالوندیم من شمع حق پروانه سی
من ابوالفضلم سنون تک قارداشین دیوانه سی

مکتب عشقونده تحصیل ایلیین جانبازوام
نه وزیرم نه علمدارخاکسار سربازوام

ای اولان بوخسته جسمیمده منیم جانیم حسین
گل طبیب اول منه ای رگده گزن قانیم حسین

صون نفسده یوزویوی گورماقا واردورهوسیم
سنون عشقینده چاتوبدور منیم افلاکه سسیم

یتوشوب جان دوداقا تنگه دوشوبدی نفسیم
باشیم اوسته گل اَخا جانویرورم یوخدی کسیم

قوللاریم یوخدی ایدم دشمنیلن جنگ و جدال
سو گتورماق منه اولدی بیله وضعیمده مُحال

گلوری فکریمه هرلحظه ده قارداش بو سئوال
گوره سن بو دم آخر چاتار عباسه وصال

گوردولر بازارعشقونده خریداراولومشام
عشقون اوسته قول ویروب قولسوزعلمداراولموشام

دوتدولارسومشکیمی الده بهانه ایتدیلر
مشکیمی هم جسمیمی تیره نشانه ایتدیلر

باش یارا "ساغ گوزده اوخ" قوللار قلم
سلب اولوب مندن قُوا یوخ اَل دوتام بیرده علم

مشکله دوشدوم حسین گل مشکلی هموارایله
بیرغلام درگهونده " لطفووه سرشارایله

یوخدی فرصت کوفیان اطرافیمی یکسرآلوب
هم سو مشکی هم لوای دین حق یرده قالوب

صون نفسده انتظارم یولدادی قانلی گوزوم
بودم آخرده وار گلسن سنه قارداش سوزوم

تا سسین آلدی خییمده پادشاه نُه قُباب
گلدی تا ایتسون حمایت ماهینه چون آفتاب

پاره پاره پیکرین یراوسته قارداشین گوروب
قوللاری تندن جدا گوزلرده قانیاشین گوروب

ایتدی فرمایش گوزون آچ ای وزیر لشگریم
تک منه بو چولده سنس یاتما دورغم پروریم

دورگیداخ اخیامیده سولدی سارالدی لاله لر
الده سو جامی چخوبدی عرش حقّه ناله لر

آدلارین مسلم قویانلار قولاّرون ایتدی قلم
یغدیلار دنیا بوئی بو سینمه درد و الم

جرأت ایتمزدی بودشمن گراولیدی اللرون
بندبند اولمازدی قارداش بیله جسم اطهرون

گوزآچوب سقا گوروبدورمهربان قارداشنی
یرویروب مِهرومحبتله دیز اوسته باشنی

عرض ایدوب قارداش سنه قارداش دئیدم وارعلّتی
فاطمه اوغلوم دئدی ویردی منه بو عزّتی

من آت اوستن تا یخلدیم آچدی آغوشون منه
قوللاری قاخموردی اما سویلدی قربان سنه

من اسیرعشق دشت کربلا سلطانیم
من بو گونده هم سنه هم فاطمه قربانیم

ای اولان پروردۀ زهرا و دنیا رهبری
خواهشیم وارخیمییه حمل ایلمه بویپکری

شاه دین سن من غلامم درگهونده بندییم
من حرم آهولریندن دنیاجان شرمندییم

آرزیمون نقشه سینی پوزدی سویوم آخدی چوله
یاندیروب یاخدی گوزوم یاشنی دوندردی سئله

تا دئدی بو سوزلری یومدی گوزون اولدی شهید
قویدی اول طوفان غمده قارداشی قالدی وحید

هرنقدری سسلدی سس ویرمدی قربان عشق
آغلادی آلام دل اسگیلمدی سلطان عشق

یوزدوتوب اخیامه سسلندی باجی اولدی اِلیم
وای سنه بوندانصورا ایوای منه سندی بلیم

موج ایدر دریا کیمی اولدورماقا لشکر منی
قوللاری باغلی چکر هم کوفیه شامه سنی

(عدلی) یاز نوحوی تدریس ایله قرانیوی سن
گون به گون محکم ایله صدقیله ایمانیوی سن

حشریده الده کی یازدیقلاری عنوان أیده سن
قویماروق نوکریمیزسن گوزی گریان أدیده سن

• جمعه
• 19
• دی
• 1399
• ساعت
• 22:16
• نوشته شده توسط
• یوسف اکبری

مژده گل به بار آمد
یاور آمد یار آمد
در چهارم شعبان
حسین را دلدار آمد
روح و روانسان عباس
جیسمیمه جانسان عباس

به جسم ما جان آمد
به دردم درمان آمد
مژده به شاه عطشان
سقای طفلان آمد
روح و روانسان عباس
جیسمیمه جانسان عباس

مظهر حیدر آمد
دلدار و دلبر آمد
زینب زدل گشته شاد
حسین را یاورآمد
روح و روانسان عباس
جیسمیمه جانسان عباس

بـيـزه بــوگــون يـــار گــلــدي
حــســـيـــنـــه دلـــدار گــلــدي
مـــژده ويـــــرون عــشـّـاقـــه
عــبـّـاس عــلـــمـــدار گــلــدي
روح و روانسان عباس
جیسمیمه جانسان عباس

گلدی دردلر دواسی
والله چوخدوروفاسی
یوسفدن ده گوزلدی
ام البنین بالاسی
روح و روانسان عباس
جیسمیمه جانسان عباس

حیدره مظهر گلدی
اوزون قول دلبر گلدی
زینب دیلدن سویندی
حسینه یاور گلدی
روح و روانسان عباس
جیسمیمه جانسان عباس

حـســـيـنـه سـيــرداش گــلــدي
يــارگـلـدي يــولــداش گـلــدي
دونــن گـون چــيـخــدي يـردن
بــوگـون آي قــارداش گــلــدي
روح و روانسان عباس
جیسمیمه جانسان عباس

• سه شنبه
• 23
• دی
• 1399
• ساعت
• 23:12
• نوشته شده توسط
• یوسف اکبری

ای شرف اهل یقین یم احسان عمو
سوز عطشدن یانورام ایله درمان عمو

(جان عمو جانلار اولا سنه قربان عمو)

اوچ گجه دی خصم دنی سو یولین باغلیوب
آتش قهریله حرم اورگین داغلیوب
اوخشیوب اصغر آناسی گجه لرآغلیوب
نه صودی واردی نه سویی ایدور افغان عمو
(جان عمو جانلار اولا سنه قربان عمو)

سوز عطش خیمه لره گینه طوفان سالوب
اهل حرم قلبلرین غم و حرمان آلوب
اوزگه بیراحواله بوتون قیزاوشاقلار قالوب
ورد ایلیوبلر آدوی سنون الان عمو
(جان عمو جانلار اولا سنه قربان عمو)

خیمه ده بیرجرعه سوا عمو گلمورگمان
لبلریمه ایله نظر اولوب آتشفشان
من کیمی قیزلارین اولوب اورگی لخته قان
ذره بو اشراریده یوخ مگر ایمان عمو
(جان عمو جانلار اولا سنه قربان عمو)

لطف ایله سالماسوزومی یره ای محترم
سایل و درمانده لره ایله جود و کرم
مشکوی سال چگنوه آل اله فاخرعلم
اخذ ایله عطشانلارا سو یل میدان عمو
(جان عمو جانلار اولا سنه قربان عمو)

کوفه لی ده یوخدی وفا نه ده دیندن اثر
موعظه داش قلبلره عمو ویرمز ثمر
حمله ور اول قوم شری ایله زیر و زبر
خانه اعدانی بو گون ایله ویران عمو
(جان عمو جانلار اولا سنه قربان عمو)

گوزتیکوب اطفال حسین او اوزون قولارا
نهر فراته گیده سن ایلیک بیز دعا
چون هامی سقا دیوری او گوزل آدوا
باب الحوایج سن اولوم سنه قربان عمو
(جان عمو جانلار اولا سنه قربان عمو)

نوحه یازوب دیده سی تر سنه چون (آذرین)
تر ایلیوب گوزدن آخان یاشی اوز دفترین
گوشه چشمی نظرایت اولمیا دلغمین
روز جزا آغلامیا اولا خندان عمو
(جان عمو جانلار اولا سنه قربان عمو)

• دوشنبه
• 29
• دی
• 1399
• ساعت
• 15:19
• نوشته شده توسط
• یوسف اکبری

سرسپاهیم گوزل قهرمان ای وای ابالفضل
آچ گوزون گلمیشم باغریقان ای وای ابالفضل

میداندا قارداش ویلانوم من
سس ویرحسینه قربانوم من

اذن میدان آلوب شوقیلن میدانه گلدون
الده مشک وعلم قانلی بیر طوفانه گلدون
کسب آب ایتمگه تشنه لب طفلانه گلدون
آلدیلار دوروی کوفیان ای وای ابالفضل

میداندا قارداش ویلانوم من
سس ویرحسینه قربانوم من

سن گلنده رقیه سومشکین حاضرایتدی
یولون اوسته دوروب بزم عشقی دایر ایتدی
اصغرین تشنه لیک ماجراسین ظاهر ایتدی
قاتدی احوالون اول خوش زبان ای وای ابالفضل

میداندا قارداش ویلانوم من
سس ویرحسینه قربانوم من

رسمیدی هرمسافر دالیجا سوسپللر
گوزیاشینان سنی بدرقه ایتدی حرملر
ولی چوخ یاندیروب قلبوی احوال اصغر
حال شش ماهیه ناگران ای وای ابالفضل

میداندا قارداش ویلانوم من
سس ویرحسینه قربانوم من

سسلدون من گرگ نهریدن تحصیل ایدم آب
خیمه ده العطش سسلنور اطفال بی تاب
منه امیدی واردور فقط بیچاره رباب
اصغرین حالینه قلبی قان ای وای ابالفضل

میداندا قارداش ویلانوم من
سس ویرحسینه قربانوم من

علقم اوسته علی تک نشان ویردن شجاعت
پرچمی نهره بیرحمله ده ویردون نهایت
مشکی دولدوردون اما سویی ایتدون خجالت
ایچمدون سو اوزون الامان ای وای ابالفضل

میداندا قارداش ویلانوم من
سس ویرحسینه قربانوم من

• دوشنبه
• 29
• دی
• 1399
• ساعت
• 15:29
• نوشته شده توسط
• یوسف اکبری

ای سپه دغا بیلون شیر ژیان حیدرم
فاطمه نون حسینینه کرب وبلاده یاورم
ام البنینه نور دوعینم
کرب و بلاده یارحسینم
اِنّی اباالفضل

معدن جود و معدلت آینه سخامنم
کان کرامت اسوه معرفت و وفامنم
ساقی دشت محنت و غصه کربلامنم
مرحب اولا شمردغا منده علی حیدرم

قربان اولوم حسینیمون وقارینه کمالینه
روز ولادت آچمیشام گوزلریمی جمالینه
عمربویی باش اگمیشم حشمتینه جلالینه
فخریله درگهینده من حلقه بگوش نوکرم

درس وفاو همتی خون خدادن آلمیشام
عزت و افتخاریلن سایه سینه دولانموشام
شکراولا گردگاریمه راه وفاده قالمیشام
مینلراگرامان گله راه خطایه دونمرم

بیست ویکم گونی بویوک توصیه حیدر ایلیوب
اوغلی حسینینه منی لطفیله نوکرایلیوب
رتبه ویروب حسین منه لشکره افسر ایلیوب
گوندوزی من بوگون سیزه قورخولی ظلمت ایلرم

ایندی گلون حیاایدون راه جفاده دورمیون
باغلامیون سویولارین قلبه شراره ویرمیون
رشته الفتی گلون جهلین الیله قیرمیون
بیرآییلون گورون که من جنگیده بیرهنرورم

اصل اصیل غیرتم معنی معنویتم
کان کرامتم بیلون اسوه استقامتم
لشگرسست و بوالهوس باشدان ایاقه همتم
شیرشجیع حیدرم فخریله پورکوثرم

جهل و عنادسیزده دی منده جوشوبدی معرفت
غاصب و سرسپرده سوز من ولی کان معدلت
پست و لعین سیزهاموز منده دی جاه و منزلت
سیزلراسیرنفس دون منده فدای رهبرم

• دوشنبه
• 29
• دی
• 1399
• ساعت
• 15:42
• نوشته شده توسط
• یوسف اکبری

فارسی

ای گل ام البنین
ای اباالفضل رشید
درشجاعت و وفا
دیده مثل تو ندید
شده ام مست می ات
ای گل باغ وفا
باقدومت شده دل
پر زاحساس وصفا
یاابوفاضل مدد۴
روشن از روی مهت خانه حیدر شده است
شهریثرب ز قدوم تو منور شده است
ای علمدار حسین
یار غمخوارحسین
مقدمت مبارک است
دل و دلدارحسین
یاابوفاضل مدد۴

زینب از آمدنت
شده غرق هیجان
شاد وخندان شده اند
زن و مرد وانس وجان
مادرت ام بنین
زین سبب مفتخراست
می شوی به دشت غم
ساقی تشنه لبان
یاابوفاضل مدد۴

نام تو کلید حل هرچه مشکل می شود
غیرت و وفای تو نقل محافل می شود
ای علمدار حسین
یار غمخوارحسین
مقدمت مبارک است
دل و دلدارحسین
یاابوفاضل مدد۴

ترکی

شعریمین اولدی آدون
گینه بیت الغزلی
خوش گلوبسن بوگیجه
ای علینون گوزلی
شیعه گلباران ایلر
سن گلن یولاروی
فخریلن زینب اوپوپ
او اوزون قولاروی
یاابوفاضل مدد۴

شمعوون اهل ولا بوگیجه پروانه سیدی
آدوون آذریلر عاشق و دیوانه سیدی
ای علمدار حسین
یار غمخوارحسین
مقدمون تبریک اولا
دل و دلدارحسین
یاابوفاضل مدد۴

مهر ومهدن آقاجان
عجبا گورملی سن
شیرحق اولسا علی
سن حسینون یلی سن
یاابوفاضل مدد۴

یاسمن شوره گلوب باغداکی بلبللریلن
عیدیانه بیزه ویر سن او کرم اللریلن
ای علمدار حسین
یار غمخوارحسین
مقدمون تبریک اولا
دل و دلدارحسین
یاابوفاضل مدد۴

• دوشنبه
• 29
• دی
• 1399
• ساعت
• 23:00
• نوشته شده توسط
• یوسف اکبری

در آهنگ(نجف شهر رویایی من)

حسینون گُوزل یاری گلدی
وزیر فداکاری گلدی
شرفلـی وفـاداری گلدی
علمـــداری گلدی

حیدر قوجاقـه آلوب اوپـدی بازولرینن
ام البنیـن بوسه وئـردی اونون لبلرینن
کربوبـلا شاهی اوپـدی گوزل لبلرینن
اُپوبدی گوزل لبلرینن
« میـلاد سقـا حسینه ، مبـارک ، مبـارک »

گـرک غـم گلستـانی سـولسون
اورک عشق یاریله دولسون
حسن جان گوزون آیدین اولسون
گلــوب چـــون ابولفضل

انوار رحمت یاغوب باشـلارا همچو باران
شعبان آینـدا اولوب باغ جنت چرغان
سقـای باغیـرت کربلا گلـدی یـاران
عزیز حسین گلدی یاران

« میـلاد سقـا حسینه ، مبـارک ، مبـارک »

دَییـر آدی کُـل جهــانه
توکون وئرمروک مین جنانه
کیم آدین دئسه عاشقانه
حُسینَـن آلار عیــدیانه

ای مرتضی مِثلی غیرتده دریا ابوالفضل
اولموش زیارت بو عشاقه رویا ابوالفضل
کربوبـلا قسمت ایلـه بیزه یا ابولفضل
حرم قسمت ایله ابولفضل
« میـلاد سقـا حسینه ، مبـارک ، مبـارک »

• جمعه
• 3
• بهمن
• 1399
• ساعت
• 19:29
• نوشته شده توسط
• یوسف اکبری

قارداش اویان قارداش اویان
بی کس حسینه ای اولان سیرداش اویان
گـوزدن آخیـر رخساریمـه قانیاش اویان
قارداش اویان

آرخام ائلیم آرخام ائلیم
تپراقلار اوسته یاتما دُور سیندی بئلیم
جسمون گورنده اوتلانوب یاندی دیلیم
آرخام ائلیم

آچ گوزلریون آچ گوزلریون
محنت لـرونـده دائمـی قـان آغلارام
اولسـا اَمان بـاشـون یـاراسیـن باغلارام
دل داغلارام

عباس من عباس من
دردونده قـان آغلـور ابوالفضـل گوزلـریـم
سـرلشکـریم یـاتمـا داغیلـدی لشکـریـم
سرلشکریم

میدانیده قارداشیوی
دشمن ایچینده قویما تک چون یالقیزام
اوغلوم ئولوب هم یالقیزام قارداشسیزم
آدامسیزام

• جمعه
• 3
• بهمن
• 1399
• ساعت
• 20:13
• نوشته شده توسط
• یوسف اکبری

کوفـه اهلـی باغـلادی نهـرین یولون تاب آلدیلار
ظلـم ائـدوب آل رسـوله گویللـره اوت سالدیلار
سو ایچیلدی بیر به بیر سو مشکیللر بوش قالدیلار
مشکیللـر خالی اولوب ؛ آخدی عزاره اشکیللر
خیمیه سقاده جمع اولدی بوتون بوش مشکیللر

دولمـادی سو مشکیللر نهرین یولـی چون بسته دی
چوخلاشوب بوش مشکیللر قیزلار سوسوزدی خسته دی
خیـردا قیـزلار دم بـه دم عبـاسیـدن سـو ایسته دی
الده سو جامین گوروب یاندی اورک اوتلاندی دیل
راه چـاره تاپمادی قیـزلاردان اولدی چوخ خجیل

بیر مصیبت واردی بوردا نسگیلین سوزدن اوخی
قلبیـوی یـاندیـرسا گـر بـو مطلبـی گـونده اوخی
مشکیللر بوش؛قیزلار عطشان؛اذن میداندا یوخی
خیمه سینـده گوز یاشی رخسارینه حسرت آخیر
مشکیللر خالی اولوب ؛ سقا خجیل ؛ قیزلار باخیر

• یکشنبه
• 5
• بهمن
• 1399
• ساعت
• 20:25
• نوشته شده توسط
• یوسف اکبری

به سبک (یل کربلا اباالفضل)

مَـه اولیـا ابوالفضل - شـه کبـریا ابوالفضل
غم بسیاره دوشن لر - چاغیرولا یا ابوالفضل

مـه پُـر نـور جنـان سـان وسـط بـلاده قـالـدون
سن همـان یارالی شه سن کی حسینی درده سالدون

غـم و محنتینـده آخـر دیلـه گلـدی شـاه محشـر
دئـدی ای یـاریـم ابوالفضـل گـوزون آچ یاتمـا بردار

گـوزلیـم امانـدی یاتمـا کـی ئـوزوم هـرایـه گلدیم
گـوزوی گـورن زمـانـدا آلیشـوب نـوایـه گلـدیـم

بـو نـه اوخـدی کـی گـوزونـن توخانوبدی ای برادر
گوزون اوخلانوب ؛ سینوب باش بیچیلوب بدن سراسر

قـولـوی سـالـوبـلا تنَـن بـاشیـوا وئـریبـلا یـاره
داخـی قـالمیـوب علاجون اوخ ائدوبدی مشکی پاره

بئلـه تپـراق اوستـه یـاتمـا بـاشی ای بلالی قارداش
اورگیـم گلـوبـدی درده گـوزون آچ یـارلی قارداش

سنـی کیـم سالـوب بو حاله بدنین اولوب قیزیل قان
یئـری وار سسلییـه زهـرا یارالی جسمیوه جان جان

منـی بو نعشیـوون اوستـه بو قَدر ساخلاما قارداش
ال ایـاق چـالمـا امـانـدی سینمـی داغلاما قارداش

گلمیشـم دادیـوه قـارداش دییَـم حالیـوه ای وای
بیچیلـن پیکـره لایـلای - او سینان باشیوه لایلای

سـوزوون اوستـه دوروبسـان او گئدن یولارا لایلای
یـارلی سـاغ گـوزه قـربان کسیلـن قـولارا لایلای

• یکشنبه
• 5
• بهمن
• 1399
• ساعت
• 20:51
• نوشته شده توسط
• یوسف اکبری

ای شـرف آل عبــا ابوالفضل
عـاشـق شـاه شهـدا ابوالفضل
باب الحوائج لقبـون وار سنون
ای آدی هـر درده دوا ابوالفضل

ای آدی رایـج * درده مُعـالج
سَنده دئنن یا * باب الحوائج

نـوکـر شـاه شهـدا سـن آقـا
نابغـة عـرض و سَمـا سـن آقـا
دردی اولانـلار ه دوا سـن آقـا
دردلـره وئر حُکـم شِفا ابوالفضل

اَمـر اِلـه بـو سینـة مَستوره سن
شأن و شرف آیه دی سن سوره سن
آنـدولا زهـرایه کـی اُوستوره سن
اِئل چاغیـرار آدیـوی یا ابوالفضل

کـربـوبـلا شـاهینـه دلداریسن
غملی گونونده اونا غمخواریسن
دلبـر و سـردار و علمـداریسن
شـاهینـه دریـای وفا ابوالفضل

سن آلیشان سینه لرین آهی سن
اَلقمون اوستونده یاتان ماهی سن
سن هامی سلطانیلرین شاهی سن
قدی کیمی شـأنی اوجا ابوالفضل

بَه بَه آدون چـاره سیـزه چاره دی
پرچـم دیـن لایـق او قـولاره دی
حیف اولا قولاری ، گوزی یاره دی
وار یئری غم قلبی یارا ابوالفضل

گوز آدی گلدی گینه غم باشلانوب
گوز غمینه سینمه غم جوشلانوب
گوزلریمـون یاشی یوزه داشلانوب
مَدحی سوزی گلدی هارا ابوالفضل؟

دشمـن اونـی دالـدالادی وای منه
مشکینـی اوخ پـارچـالادی وای منه
آخدی سو ، صبرین جالادی وای منه
باخـدی یانا یانه سووا ابوالفضل

وئرما دئدی شأنیمه سن لطمه سو
آخمـا ابوالفضلی خجل ائتمه سو
خیمه ده یاندی بالالار گتمه سو
قویما امـانـدی اوتانا ابوالفضل

فکر اِلمـه غمللـری اولـدی تمام
بیـر حالا قـالدی شـهِ والا مقام
سسلدی تئز گل ئولورم دای آقام
اللـره دوشدی دای آقا ابوالفضل

دادیمـه گل کی اَلـی بوش بنده ایم
گل نجـه گـور فکـری پراکنده ایم
یوخدی سویوم عَفو اله شرمنده ایم
وار یئری تا جانی چیخا ابوالفضل

آلنینما دیجـک او خَـدنگ سه پر
قـولاریمی سـالدی بـدنـن تبر
سوزودی قولوم قانی گوزومنن بَتر
باخمـادی حتـی او قـولا ابوالفضل

قارداشیـوون گل آزالوب چـاره سی
قـان وئـروری قـولاریمون یاره سی
وای کی قاریشدی گوزومون قاره سی
اولدی هدف اوش پر اوخا ابوالفضل

پـاچـالانـوب آهـن عمـوده بـاشیم
باشدان آخور قـان یوزه ، گوزدن یاشیم
وای نه چتینـدی سینـا باش قارداشیم
فکـر المـه بیـرده دورا ابوالفضل

حشر کیمیـن واردی سنـه بیعتیـم
آغلامـورام اوغلـوم اولوبدور یَتیـم
عَفـو اله اولـدی سنه چوخ زحمتیم
گئتملیـدی ایندی اَخا ابوالفضل

بُولچـی منه غصـه بُولوبدور اخا
آلنیمی گور اوخ نه بولوبدور اَخا
نِیلَک ابوالفضلیـن ئولوبدور اَخا
آغلاما چوخ ، تا کی باخا ابوالفضل

• دوشنبه
• 6
• بهمن
• 1399
• ساعت
• 22:41
• نوشته شده توسط
• یوسف اکبری

ای جمالی چرخ ولایتین نیّر درخشانی سیّدی
لطف ایله خسوفه دوشن آیی قیل دوباره نورانی سیّدی

ای بو گون سپهر امامته عارضی درخشنده آفتاب
اقتضای خلقتدی بو که آی نورونی ایدر گوندن اکتساب
کسب نور ایدر دوتقون آی نجه اولسا قان سحابی اگر نقاب
لیک بیرجه بو درد مشکلون گلماقوندی درمانی سیّدی

قان اولان گویول ویرموری رضا سالماقا سنی گرچه زحمته
افتخار ایدردیم موفّقم آستان پاکوندا خدمته
ایلیوم نه چاره اولوب سبب کثرت علاقم بو دعوته
سن اوزون بولورسن غلاملر چوخ سویه لّه مولانی سیّدی

ایتمورم تاسّف که آز قالور پیکریمدن آیری دوشه باشیم
یا غم ایتمورم ال گیدوب دونوب ظلم الیله القانه گوزیاشیم
فکریمی پریشان ایدوب بو غم دشمن ایچره تک قالدی قارداشیم
ممکن اولمادی سندن ایلیم دفع شرّ اعدانی سیّدی

گرچه دعوتیم زحمت آرتیرار پیشگاه والا مقامیوه
درد انتظاره دوزنمورم آند اولا مقدّس مرامیوه
مایه ی شرفدی عنایتون جان ویرن زمانی غلامیوه
خاکساریوه ایله لطفیوی صون نفسده ارزانی سیّدی

ای مراد عالم مریدیوین وار سنه ریاسیز ارادتی
بو ارادت خالصانه دن تاپموشام بو شان و شرافتی
سن کیمی وجود معظّمین وار منه مقام سیادتی
نوکرم سنه، کلّ عالمه ویرمرم بو عنوانی سیّدی

دوزدی کلّ عالم بولور سنون بحر لطفیوین یوخ کرانه سی
سنده آشکارادی هر زمان فیض و رحمت حق نشانه سی
سندن استعانت دگل مگر وجه حقّی گورماق بهانه سی
مقدمونده جان آفرینه گل ایلیوم فدا جانی سیّدی

گرچه من سنون فضل و لطفیوین سایه سینده عشّاقیدن باشام
بدو خلقتیمدن مریدیوم عاشقم صداقتلی یولداشام
اذن ویرمه سیدی آنان اگر من سنه دیمزدیم که قارداشام
اوز گوزومله گوردوم ولی بو گون لطف خیر نسوانی سیّدی

اونداکی ایشیم دوشدی مشکله مندن آخدی سو تک دِما یره
اوخلانوب سو مشکیم توکلدی سو، ال گیدوب یخلدی لوا یره
ویردی بیر خانملیق نشان آنان من دوشنده آتدان اخا یره
گورجاقین او لطفی چخارتموشام فکریدن بلایانی سیّدی

تا منی او احوالیله گوروب خیرة النّسا بضعة الرّسول
چوخ محبّتیله آچوب قولون سسلدی گل آغوشیمه اوغول
من ولی یارالی گوروب اونی ایلینمدیم دعوتین قبول
من اونا، اودا آغلادی منه توکدوق اشک سوزانی سیّدی

گرچه من ایشیتمیشدیم ای اخا بیعت اوسته سیلی حکایتی
بولمه میشدیم امّا نه حدّده وار او بیحیانون جنایتی
گوردوم آخِر عمرمده وای منه آی یوزونده نیلی علامتی
باشیمه دولاندوردی گورماقیم عرصه گهده دنیانی سیّدی

ای اولان پناهنده سی جهان آستان عالم پناهیوین
وی همیشه اهل ولا اولان حسرتینده رحمت نگاهیوین
گر قصوری اولسا گذشت ایله خدمتینده میر سپاهیوین
چون کریم مولا گذشت ایدر عبدین اولسا نقصانی سیّدی

گرچه من بو صحرای عشقیده هجر و وصل دمسازیم اخا
عرصه گاه خدمتده دینیمون بیر وفالی سربازیم اخا
منصب سقایتله لطفیوین سرخوش و سرافرازیم اخا
حیف اولا سوسوزلاردان ایتدیلر شرمسار سقّانی سیّدی

صون نفسدیم داده گل اخا قویما چوخ گوزوم قالسون انتظار
لشکر جفا چوخ تلاش ایدور باشیمی بدندن ایده کنار
شمع رویوون آرزوسینه بو یارالی، پروانه تک یانار
گل گوره باشین اوسته بو «حزین» جان ویرنده جانانی سیّدی

• دوشنبه
• 13
• بهمن
• 1399
• ساعت
• 17:06
• نوشته شده توسط
• یوسف اکبری

ای ساقیِ میخانه‌ی سالار شهیدان _عباس
ای پور شهِ قبله نما حامی قرآن _عباس
مردانلیگون حَدینی اعلایه یتوردون
ای مردترین مردِ زمان آدیوه قربان

رهبریم سن سن سن سن
سروریم سن سن سن سن
دلبریم سن سن سن سن
یاوریم سن سن سن سن

دریای ادب ، روح وفا ، کوه صلابت _عباس
سن بَدر دُجا،قدی اوجا بهر شجاعت _عباس
رخشنده جبین اَنی کورک بیر اوجا قامت
قامت ایچینده اِلییَن قدی قیامت

قامتی طوبی طوبی طوبی
ای آدی سقا سقا سقا
نو گل طاها طاها طاها
شیعیه مولا مولا مولا

حیدر کیمی یوخدی مَثلون ذکر و دعاده_ عباس
دریانی خجل ایلَموسن دشت بلاده_ عباس
گُمنامیدی غیرت سنه مدیونیدی مولا
سن غیرتی مشهور اِئلدین کربوبلاده

غیرتین دریا دریا دریا
عزتون اُولی اُولی اُولی
دلبر زهرا زهرا زهرا
عاشقین دنیا دنیا دنیا

• شنبه
• 18
• بهمن
• 1399
• ساعت
• 19:34
• نوشته شده توسط
• یوسف اکبری

ارباب شهیدانین علمداری گلوبدی به به
دلدار و علمدار و سپه‌داری گلوبدی به به
به به _به به

آیا نه دیوم آدینه ؟ ایمانیه قربان
هم آدینه . اولادینه هم جانیه قربان
آی سسلمرم آی رُخ تابانینه قربان
سقا دئمه دریا لب عطشانینه قربان
اهل حرمین یاوَر و غمخواری گلوبدی به به

سن ‌سید و آقای جهانسان سنه قربان
سن سرور و سالار جنانسان سنه قربان
سن زینبه هم‌روح و روانسان‌سنه قربان
سن قلب حسینه ضربانسان سنه قربان
ئوز سرورینون دلبر و دلداری گلوبدی به به

ام البنینون وئردیگی صود اولسون حلالون
سلطانلاری حیرتده قویوب جاه و جلالون
دنیانی ایشقلاندیروب اُول نور جمالون
مین کعبه‌دن افضلدی سنون هاشمی خالون
کعبه نَدی مین قبله‌نین اسراری گلوبدی به به

سن رهبر و سن سرور و تاج سریمیز سن
سن هم دل و هم دلبر و هم یاوریمیز سن
دریا دل و هم ساقی و نام آوَریمیز سن
قولاریوه قربان آقا بال و پَریمیز سن
به به آقامین ائل دایاقی یاری گلوبدی به به

• شنبه
• 18
• بهمن
• 1399
• ساعت
• 19:35
• نوشته شده توسط
• یوسف اکبری

آچ گوزلرون قولسوز علمداریم ابوالفضل
القان ایچینده یاتما سرداریم ابوالفضل

آرخام ائلیم قارداش اویان
سیندی بئلیم قارداش اویان

گلدیم هرایه

تپراقلار اوسته‌یاتما سن بی‌جان خسته
سینونده‌اوخلار گل‌آچوبدی‌دسته دسته
گلـدیم هرایـه دِل شکسته بِل شکسته
قـارداشیـوی آتمـا هواداریم ابوالفضل

ظلمیله بو گل پیکرون دوغراندی قارداش
دردونده بو قلبیم آلیشدی یاندی قارداش
باشـونده اَمـامـه نَـدن القاندی قارداش
قربانین اولسون چشم خونباریم ابوالفضل

القمـده اولدوز تک سوزوب باتما یارالی
دشمـن آلوبـدی دوره می یاتمـا یارالی
بـو بی کسـی میـداندا آغـلاتمـا یارالی
طعنـه وئرور قهـریله اشراریم ابوالفضل

قولار دوشوب ، باشون سینوب ، سینونده یاره
پـرچـم باتـوب قـانه سـو مشکین پاره پاره
تک قـالمـوشام ای سـرسپـاهیم ایلـه چاره
دوغراندی یکسر یار و انصاریم ابوالفضل

ظلمیله ماهیم سوزدی اولدوزلاره ای وای
بی یاور و یالقیز ؛ اوغـولسـوزلاره ای وای
سنن صورا وای تشنه لب قیزلاره ای وای
سن سیز قالار آواره قیزلاریم ابوالفضل

چـرخ جفـا باشیمـه غم گردی اَلوبدی
سو مشکیوی غم تیری ظلمیله دلوبدی
منـن قـاباخ گـویا ننـم زهـرا گلوبدی
عطری گلور زهرانین ای یاریم ابوالفضل

• یکشنبه
• 19
• بهمن
• 1399
• ساعت
• 22:40
• نوشته شده توسط
• یوسف اکبری

دلبنــد علـی نـور بصـردی
سلطانلارا شـاهلاره او سردی

قارداشینـا آرخادور کمک دور
خیبـر شکــن حیـدره پِسردی

زیبــا آدی دردلــره دوادی
بیچــارییـه داروســی اَثردی

میدانه گلن زماندا عباس
دشمن‌لری بیدی تَک اَسردی

دشمن‌لره گوز وئروب ایشیق یوخ
اهریمنه آدی دردســـردی

عبـاسی اگـر گوریدی یوسف
بارماقی‌کی‌سهلیدی‌باشین‌کسردی

سوز گلدی بئله یازدی پریشان
چون یـازماقـا خامـه تلسـردی

• چهارشنبه
• 22
• بهمن
• 1399
• ساعت
• 14:43
• نوشته شده توسط
• یوسف اکبری

عالمه سلطاندی ابالفضل آقام
معدن ایماندی ابالفضل آقام
اسوه ی تقوا و شجاعتدی هم
فاتح میداندی ابالفضل آقام

کربلایی ابراهیم تون خوش قلم میاندوآب

واردی کیمین دردی آدین سسله سین
دردلره درماندی ابالفضل آقام

قربان اولوم غیرت بی حدینه
ساقی عطشاندی ابالفضل آقام

کربلایی قادر خانبابایی ملکان

گور نجه الله اونا صورت ویروب
بیر مه تاباندی ابالفضل آقام

قدی کشیده وار اوزون قوللاری
دینینه قرباندی ابالفضل آقام

حاج اصغر فرشچی(عدلی تبریزی)

حسرتینی بیز چکوروخ قبرینیون
ائتسه چوخ آساندی اباالفضل آقام

حیف اولاچوخ یاره دگوب جسمینه
ظلمیله دوغراندی ابالفضل آقام

حاج عباسعلی دهقان(صاحب)

کیمسه نی نومید ایلمز دهریده
فضلی فراواندی ابالفضل آقام

پیکری باشدان باشه قانه باتوب
سینه سی شانشاندی ابالفضل آقام

کربلایی مهدی عبادی (تبریز )

نهری آلوبدور،ولی سو ایچمدی
عاشقِ عطشاندی ابالفضل آقام

آتشی سو سؤندور آفاقیده
باخدی سویا، یاندی ابالفضل آقام

?فقیر خویی?

افسر قهار سپاه حسین
سهمیلی طوفاندی ابالفضل آقام

پیکر تقوا و شجاعتده کی
جوهرۂ جاندی ابالفضل آقام

?جهان سلیمانی?

دینه حمایت ائلیب قوللاری
حامی قرآندی ابولفضل آقام

ماردی یخدی یره؛حیدر کیمی
جنگیده اصلاندی ابالفضل آقام

?ذاکر زنجانی?

شیرخدانین گوزینون نوردی
عاشق یزداندی ابالفضل آقام

فاطمه نون نوکر درباری دی
ساقی طفلاندی ابالفضل آقام

?سید شاکر حسینی?

مشکل آچار مشکل آچان اللری
یار ضعیفاندی ابالفضل آقام

خیمه ده آرامِ دلِ تشنگان
جبهه ده اصلاندی ابالفضل آقام

?عباسی معروفان اهری?

کیم آدینی سسلدی دیلدن بیلیب
معدن احساندی ابالفضل آقام

چالمام اطبا قاپوسون تا ابد
دردیمه درماندی ابالفضل آقام

?عبادی طارمی?

قوللار اوزون قامت اوجا گوز ایری
دینه نگهباندی ابالفضل آقام

غیرتی تشبیه ائلسوق پیکره
بیل که اونا جاندی ابالفضل آقام

❤️فتح اللهی (شاکر)❤️

عمر بویی قارداشا مولا دئدی
تابع فرماندی ابالفضل آقام

مکتب قراندا تاپیب پرورش
حقه نگهباندی ابالفضل آقام

?محمد هوشمند(مدهوش)?

شه دئمسه آتماز الین تیغینه
تابع فرماندی ابالفظل آقام

هر جدل و جنگیده بی واهمه
فاتح میداندی ابالفضل آقام

?صمد تقی زاده سلماسی?

بحر شجاعتده ، ادبده ، یقین
لوءلوء مرجاندی ابالفضل آقام

گوهردریای شرفدور شرف
لعل بدخشاندی ابالفضل آقام

?کربلایی ابوالفضل فرهنگی ?

مشکلوم اولسا آدینی سسلرم
خسرو خوباندی ابالفضل آقام

بیر توکونی مین کیشیه وئرمرم
عشقیده شایاندی ابالفضل آقام

?کربلایی بابک عطفی اهری?

رزمــیده ماننـد علی شیــریدی
هم ره طوفاندی ابالفضل آقام

عرصه هیجالرین عنقاسیدی
خنجر برانـدی ابالفضل آقام

?سید رسول میری?

قارداشینون عشقینه باشدان کئچوب
قرآنا قرباندی ابالفضل آقام

"خوش قلم" امر ایلدی یازسین "بشیر"
چوخ گوزل عنواندی ابالفضل آقام

?سید بشیر حسینی?

امّ بنینینه یــلِ بی مِثــــلیــدی
حیـدرِ دوراندی ابالفضل آقام

کرب و بلا شاهینه دلـبسته دی
منبــعِ ایمانــدی ابالفضل آقام

?سعید فیضی برندق?

باخما خشن دیدیله عباسیمه
چهره سی خنداندی ابالفضل آقام

باغ گلستان بئله تعریف ائدیر
بلبل مستاندی ابالفضل آقام

?علیرضا خرازی،خوی?

باشدان ایاقه شرف وشوریدی
منبع احساندی ابالفضل آقام

داغلاری حیرتده قویوب هیبتی
رستم دستاندی ابالفضل آقام

?غلامرضاعباسی?

دوت اتگین قالما سن اِبهامیده
دردلره درماندی ابالفضل آقام

بیردفعه گل صدقیله سسلن دئنن
روحیمه ریحاندی ابالفضل آقام

?استاد گنجی?

ویردی اوزون لشگره تا سو آلا
ساقی طفلاندی ابالفضل آقام

باخدی سویا لبرینی وئرمادی
گور نجه عطشاندی ابالفضل آقام

?فدایی?

محفل و میخانه ی اربابیده
ساقی مستاندی ابالفضل اقام

آذریلر هامودان آرتوخ سوور
بیزلره سلطاندی ابالفضل آقام

?احمد پوریا شریف آبادی?

ساحت خلاق سماواتیده
صاحب رجحاندی ابالفضل آقام

بال و پر پادشه کربلا
زینبه ده جاندی ابالفضل آقام

?مرتضی اسکندری(ساعد) زنجانی?

قاشلاری اَندی گوزونون اوستونه
فارس میداندی ابوالفضل آقام

چکدی قلیش رَم یِدی سایسیز قشون
شیر نِیِستاندی ابوالفضل آقام

?پریشان تبریزی?

مظهر ایمان و شرافتدی بو
ساقی خوباندی ابالفضل آقام

یوخدی مثالی بوتون اعصاریده
بیر مه تاباندی ابالفضل آقام

?حیدر صبور زرنقی?

قطعه

کیم چاغیروبدور آقانی دادینه
فوری چاتوبدور آقا فریادینه
شیعه دییر قربان اولوم آدینه
منبع احساندی ابولفضل آقام

?میرلو حداد?

• چهارشنبه
• 22
• بهمن
• 1399
• ساعت
• 15:25
• نوشته شده توسط
• یوسف اکبری

در سبک(سلطان عشقم.....)

سقای عطشان - سر به سر جسمون قان
او دوشـن قـولاره – اهـل بیتیـم قربان

عباس عباس عباس

سلطان محشر -باشون آلوب اَخا دیزلرینه
بیرجه قولاق‌وئر– دشمنلرین بو سوزلرینه
قارداشیون‌باخ_بئله‌حسرت‌باخان گوزلرینه

یاتما ابوالفضل
لایـلای یـارالی قهـرمانیـم

قـالموشـام آواره - دردیمه قیل چاره
سن یخیلدون ای وای - خیمده قیزلاره

عباس عباس عباس

آنداولسون‌عشقه‌ضربیله‌سینسابیر‌باش ‌چتیندی
بیر یاره جسمَ –قهـراً دَیـَه میـن لـر داش چتیندی
قارداشسیز اولماق–میدانیــده قـارداش چتیندی

یاتما ابوالفضل
لایـلای یـارالی قهـرمانیـم

دشمن سنی داشلار - آغلار کسوک باشلار
نوحـه دییـر سنـه – باجی لر ، قارداشلار

عباس عباس عباس

سقای عطشان–ایلیوب اوخ سو مشکین پاره پاره
یاتما وزیـریم - گُـل کیمـی پیکـری یاره یاره
سانگی داغیلموش -تپراقین اوسته مین لر ستاره

یاتما ابوالفضل
لایـلای یـارالی قهـرمانیـم

• چهارشنبه
• 22
• بهمن
• 1399
• ساعت
• 20:09
• نوشته شده توسط
• یوسف اکبری

کربلا دشتینده قارداش محشر عظما یاراتدون
بیرق اسلامی السیز قانلی میداندا اوجاتدون
بو کمکسیز پادشاهی یابن الحیدر سن قوجالتدون
مرد و مردانه دایاندون ایتدیگین پیمانه قارداش

آه او ساعتدن یخلدون گلمه دی چاره الیمدن
دوشدی دیل آغزیمدا بنده٬دوشمدی آدین دیلمدن
باشیوی نوفل یاراندا دگدی بیرضربه بلیمدن
اولمادی طاقت یخیلدیم آنداولا قرآنه قارداش

اونداکی بیرحم عربلر نعشیوی آلدی آرایه
تیر باران اولدی جسمین ائتمدین هرگز گلایه
دوزمه دیم چارم کسیلدی گلدیم ای قارداش هرایه
لطف ائله دیندیر حسینی گلمیشم من جانه قارداش

سن قوجالتدون آی ابولفضل ظهر عاشورا امامی
دولدوروب سوزِ عطشلر سربسر دور خیامی
گوزلوری لب تشنه قیزلار٬ناگران الده سو جامی
یوخ جوابیم خیمه لرده اصغر گریانه قارداش

دور کمکسیزدی بو چولده قورخوری اطفال حیدر
گورموسن ائیلیر نه شیون گویده حورالر ملکلر؟
باش آچوب جنتده طه٬آغلوری زهرای اطهر
زخم چشمین ائیلوبدی عالمی دیوانه قارداش

یابن زهرا ائیله چاره بو یوزی قاره «فقیره»
دوره می ایلیوب احاطه معصیتهای کبیره
شعریمین اولسا ثوابی لطف ائله روحِ «حقیره»
چون اسیر خاک اولوبدی شاعر فرزانه قارداش

• جمعه
• 24
• بهمن
• 1399
• ساعت
• 19:49
• نوشته شده توسط
• یوسف اکبری

دولاندور باشیوه عباسی دعوایه مجاز ائیله
علی اکبر کیمی وئر اذن صاحب امتیاز ائیله
آتام حیدر آنان زهرا یانیندا سرفراز ائیله
شها مشمول الطافون بوگون بو مستمند اولسون

سنه قارداش دگول عباس بیر کمتر ملازم دور
اؤلوب شهزاده لر، بو نوکره قالماخ نه لازم دور
غلامونده رشادت گوستره بوچولده، عازم دور
بویور بو نوکرینده تا سوار او سمند اولسون

مرخص اییله سن، منده بو چولده امتحان وئرّم
ایکی نهرین آراسیندا سو الده تشنه جان وئرّم
فراته ال اگر ویرسام ایکی ال ترجمان وئرّم
وفا مندن محبت اهلینه سرمشق و پند اولسون

شها فرمان وئر آلسون تا اله شمشیر تیز عباس
بوچولده ایلسون شیرخدا تک بیر ستیز عباس
بوگون میداندا وئرسون مرد و نامرده تمیز عباس
ائله جنگ ایلسون شیرخدا حیدر پسند اولسون

هرگول آچا گولشنده گلوب یاس اولا بولمز
هر دُرّ درخشنده کی الماس اولا بولمز

عالم بویی مردان قوی پنجه گلوبدی
آنداولسون حسینه بیری عباس اولا بولمز

• شنبه
• 25
• بهمن
• 1399
• ساعت
• 22:18
• نوشته شده توسط
• یوسف اکبری

ای وجه خدا وجهی، ندور وجهی یوباندون
گوردون کسیلن اللریمی یوخسا یوباندون
هرچند منی یخدیلا، سن جاندان اوساندون
لیک آختارورام وجه حقِ ذوالمنی قارداش

هر جان وئرنی سن ایده سن قارداش عیادت
تسلیم ایدر اوز جانینی جانانینه راحت
گل سایهٔ حق باشیمه سال ظلّ عنایت
قویما اوجالا قارداشیون شیونی قارداش

سو مشگیمی دورت مین اوخ آتان ایتدی بهانه
باشدان باشا اولدی بدنیم تیره نشانه
مشگ اوخلانوب اولدی بدنیم تیره نشانه
غمیگین منی، خشنود ایلدی دشمنی قارداش

پیکانه سپر قیلدیم اخا چشم و دل و جان
سو مشگیمه اوخ ویرمیا بو فرقهٔ عدوان
سنبل کیمی سینمده چاتوب باش باشا پیکان
گل تیریله گور سنبل آچان خرمنی قارداش

سیل گوزلریمین قانینی ال یوخدی سیلم من
فکریم بودی تشریف شهنشاهی بولم من
تا مقدم شاهنشه قربان کسیلم من
اولسون باشیمین نیزه باشی مسکنی قارداش

• شنبه
• 25
• بهمن
• 1399
• ساعت
• 22:42
• نوشته شده توسط
• یوسف اکبری

صولا صاغه دولاندیرما بئله حسرت گوزون، گلدیم
بو ایستی قوملارا سوتمه، آیا بنزر اوزون گلدیم
اورکده ساخلاما سویله واروندی هر سوزون گلدیم
ایشدیم نالهٔ ادرک اخا گلدیم اویان قارداش

ندن سس ویرمیسن آخر اوغولسوز قارداشیندی بو
سنیله خیمه دن باهم چیخان بیر یولداشیندی بو
گوزوندن قان آخیر یااینکه قانلی گوز یاشیندور بو
و یا آنّونداکی اوخ گوزیاشون ایلوبدی قان قارداش

بو صدپاره بدن یکسر جراحتدور ابولفضلیم
نه باش نه قول نه یوز نه گوز سلامتدور ابولفضلیم
وجودون خانهٔ زنبوره آیتدور ابولفضلیم
مُشبّک ایلیوب باشدان باشا تیر و سنان قارداش

نجه آغلار گوزوم گورسون عمودیله سینان باشون
گرک ائتسون منیله همسفر شامه سَنان باشون
گیرنده کوفیه اما ائدر ترک سِنان باشون
ایدر چوخ نامناسب بیر یری باشون مکان قارداش

کیمدی علی اوغلی یَل و بت شکن
کوه شرف روح ادبدور علن

من کیمم عباسی سیزه وصف ائدم
پنجه سینه عشق ایلدی پنج تن

• شنبه
• 25
• بهمن
• 1399
• ساعت
• 22:53
• نوشته شده توسط
• یوسف اکبری

گل باجی یا زینبا قالدوم وحید
ایتدولر قارداشیم عباسی شهید

جمع اولون سیزده منیله آغلیون
آتش محنتله سینه داغلیون
بِل اسیر اولماقه محکم باغلیون
قول قولا باغلار سیزی قوم عنید

اولمادی ممکن یارالی پیکرین
خیمیه حمل ایلیم اول مضطرین
بسکه گول جسمینده او نام آورین
واریدی بیحد جراحت چوخ شدید

سینمادی اکبر فراقینده بیلیم
گرچه اولاندی، الولاندی دیلیم
سیندی پُشتیم، اؤلدی سرداریم، اِیلیم
قارداشیم گئتدی داخی قالدیم وحید

مُنخسف گوردوم او مهوش طلعتین
قوملار اوسته سروه بنزر قامتین
قان آپارمیشدی اگرچه طاقتین
قاتله وئرمزدی باشین او رشید

چوخ مواسات ایلدی الحق باجی
تا بَدندَیدی قولی مطلق باجی
قویمادی دوشسون یره بیرق باجی
دشمن اولدی همّتونن ناامید

تا آت اوستیدی او پور بوتراب
لشکر کفاره ایلیدی خطاب
راضیم اوخلانماسین بو مشک آب
گوزلریم اوخلانسون ای قوم عنید

اوخ آتانلار ایلیب اجرا سوزون
ایتدولر آماج پیکان صاق گوزون
بو عملنن هم آناسون هم اوزون
ایلدی زهرا یانیندا روسفید

ذکر ایدردی جان وئرنده متصل
ایتمه دیم تحصیل آب، اولدوم خجل
پاره پاره مشگینی گتدیم دلیل
خیمه گاه ایچره سالام شور جدید

• دوشنبه
• 27
• بهمن
• 1399
• ساعت
• 09:26
• نوشته شده توسط
• یوسف اکبری

اباالفضلیم شهید اولدی پوزولدی رونقیم زینب
داخی عباس تک یوخدور، حبیبِ مطلقیم زینب
کسوک قوللاری تک قالدی، یره اوسته بیرقیم زینب
حسین خونین جگر، اما خرامان خوش یزید اولدی

سویا بیر دفعه ال ویردی، ایکی قول ترجمان وئردی
ایکی نهرین آراسبندا، او سقا تشنه جان وئردی
باجی امّ البنین اوغلی غریبه امتحان وئردی
آناسی حضرت زهرا یانیندا رو سفید اولدی

فلک‌حیران قالوب مِهر و مواسات و وفاسیندن
کسوک قوللاریله ایلیب، حمایت اوز لواسیندن
یارا بی حد بدندیدی،، امان نوفل جفاسیندن
ابولفضلی یخان آتدان او بیشرم و پلید اولدی

دئمه قارداش فراقینده،دوتوب اود بو دلِ آگاه
ویروب سر مشق اجدادیم،خلیل ا... و عبدا...
باجی ابن ذبیحینم، منه بیذ امردور دلخواه
فدای عشق جانان بو ابولفضل رشید اولدی

بو چولده شوکت و جاهیم،آنا باجی گیدوب باده
حیالی قیزلارم اولسون اسیر اولماقه آماده
دوشر آهو کیمی قیزلار کمندِ ظلم صیاده
عیالیم دستگیر قون بی رحم و عنید اولدی

• دوشنبه
• 27
• بهمن
• 1399
• ساعت
• 09:29
• نوشته شده توسط
• یوسف اکبری

نعشینی تاپدی او ساعت که ابولفضلین امام
اقتداری اولمادی نعشین ائده حمل خیام

گوردی وار قارداشینون گول پیکرینده چوخ یارا
ویرماق اولمور اَل، اولور هر بندی بندینن جدا

چوخ مؤثر اولدی چکدی سینه ده آه ،آغلادی
گوردی صدپاره سپه سالارینی، شاه آغلادی

سسلدی هچ بیر شهیدین سن کیمی یوخ یارسی
جسمیوی صد چاک ایدوب،نیزه قلیچ اوخ یاره سی

ای آتام حیدر باخشلی، آچ بو قانلی گوزلرون
گوزلرون قربانین ایستکلی قارداشیم اویان

بو بیابان بلاده قویما یالقیز قارداشون
باخبرسن، سندن اوزگه یوخدی یولداشیم اویان

قانه غلطاندور جوانان بنی هاشم تمام
یاتما نازیله اویان، ماه بنی هاشم اویان

دیزلریم تیتریر،بِلیم گلمور، گوزوم گورمور داخی
دوندی سنسیز قانه بو صحراده گوزیاشیم اویان

• دوشنبه
• 27
• بهمن
• 1399
• ساعت
• 19:15
• نوشته شده توسط
• یوسف اکبری

یاتما ای غیرتلی شیریم--سرپناهیم دستگیریم
قویما تک دشمن ایچینده--شاهیوی تنها وزیریم
سرور بطحا دییر،،،یاحضرت عباس

پیکرون زخم سناندی--سجده گاهین لخته قاندی
پیکرون باشدان ایاقه--خنجر و تیر و کماندی
باش آچار زهرا دییر،، یاحضرت عباس

جسمین اولموش پاره پاره--یاره لر گلمز شماره
سانجیلوب اوخلار اوخ اوسته--یاره اوسته واردی یاره
اوخلان اعضا دئیر،،یاحضرت عباس

گلشن جسمین سارالدی--زینبون قارداش قوجالدی
قهرمان کربلانین--دامنی اللرده قالدی
زینب کبریٰ دییر،، یاحضرت عباس

ظلم نوفلدن عیاندی-- گردش دوران دایاند
باشیون دیجک عمودی-- جان دئدی، زهراده یاندی
من دیدیم زهرا دئیر، یاحضرت عباس

نچّه یاره بیر بدنده-- نه قولون سالمدی تنده
نه حالا قالدی ابولفضل--باشیوه آهن دگنده
دیسگنوب طاها دییر یاحضرت عباس

• دوشنبه
• 27
• بهمن
• 1399
• ساعت
• 19:22
• نوشته شده توسط
• یوسف اکبری

ایهاالقوم دغا نوکرِ سردار منم
شه دین لشگرینه میر و علمدار منم

آدیم عباس دلاوردور آتام شیرخدا
دشمن شاهه بولون، شیر شرربار منم

لافتیٰ گلدی بابام شأنینه ای قوم دنی
وارث تیغ دوسر، قاتل کفّار منم

مرحبی نصف ایلدی، آدیده حیدر دئیولوب
زاده شیرخدا حیدرکرار منم

گر آچام پنجه ی مردانه می هیجاگونی من
فوج روباهه ائدن روزی، شب تار منم

ذوالفقاره اله آلسام، آسمان لرزه دوتار
عمومون وارثی اول جعفر طیار منم

شهریاریمدی حسین، پادشه جنّ و بشر
اونون افواجه سرگرد و سپهدار منم

پیشمرگم اونون اصغرینه فخر ایلرم
خدمتونده او شهون عبد وفادار منم

بیرده سقّایِ قوشوندور لقبیم، تشنه اوزوم
سودان اوتری خجل عترت اطهار منم

وئرمیوب إذن جهاد او شه بی یار منه
تابع امر شهنشاه دلفکار منم

گلموشم سو آپارام یول وئرون ای قوم جهول
سوسوز اطفاله اولان همدم و غمخوار منم

• دوشنبه
• 27
• بهمن
• 1399
• ساعت
• 20:10
• نوشته شده توسط
• یوسف اکبری

سو مشکیم نهر فرات اوسته ناوکه مکان اولدی
باشا باش جسمیم کشاکشده،اوخلارا نشان اولدی

هرایه گل نور عینیم گل،گل حسینیم گل گل حسینیم گل

سویی آلدوم نهریدن چیخدوم همتیم فزون اولدی
مرامه من چاتمادیم افسوس، تشنه غنچه لر سولدی
بوشالدی مشکیم تراب اوسته،جام غم دیله دولدی
گوزوم یاشی تک سویوم آخدی،تپراقا روان اولدی

دل صدپارمده یِر وئردیم،نظمیله گله هر اوخ
اوچوردوم من عرش اعلایه،پر آچاندا اوچ پر اوخ
دگنده پیکان سو مشکیمدن،یاندیروب منی چوخ چوخ
عذاریمده گوز یاشیم قارداش لخته لخته قان اولدی

اگر بولسیدیم اوشاقلاردان بیله شرمسار اوللام
خیمده سو قولی وئرمزدیم،شرمیدن اخا یاننام
خیامه لطف ائیله حمل ائتمه،سیزدن آیری من قاللام
ربابون لب تشنه جیرانی یاندی باغریقان اولدی

اخا بیهوده یره آخمور قطره قطره گوز یاشیم
گلایم یوخ فاطمه جانی،یوز بئله سینا باشیم
دودقلارین قوی دوداقیمه،صون نفسده قارداشیم
ویریم بوسه تشنه لبلردن چون منه اولان اولدی

• سه شنبه
• 28
• بهمن
• 1399
• ساعت
• 23:00
• نوشته شده توسط
• یوسف اکبری