اشعار حضرت ابالفضل(ع)

مژده عاشقان موسم درد و غم بسر رسید
از سماچنین برزمین مژدهٔ ظفررسید
مرحباعزیزجان حیدرآمده
غصه های مرتضادگــرسرآمده
یاابوالفضل خوشآمدی یاابوالفضل

میبرددل عاشقان سیرت وخصال او
آیتی عیان ازعلی صولت وکمال او
آمده امیرهنگ شاه کـــــــــــربلا
ساقی علم به دوش و ماه کربلا
یاابوالفضل خوشآمدی یاابوالفضل

اوامیراقلیم غیرت است
شاه کشور استقامت است
بُوَدرخش همچو مه منجلی
منوراست بیت مولاعلی
ساقی دشت بلاآمد
شاه اقلیم وفاآمد
یاابوالفضل خوشامدی یاابوالفضل

ترکی

آلدی مرتضاعشقیلن اوغلونی قوجاقینه
قویدی لبلرین نازیلن اوغلونون دوداقینه
ئوپدی قوللارین صوراغمیله آغلادی
قوللاراباخاندایاندی سینه داغلادی
یاابالفضل آقام آقام یاابالفضل

هئچ کسه آقام آچمادی گوزین
گلدی یانینه شاه مشرقین
قوجاقه آلجاق حسین دلبری
آچیلدی بیردن گوزل گوزلری
باخدی قارداشه توکوب گوزیاش
من حسینم آغلاماقارداش
یاابالفضل آقام آقام یاابالفضل

• یکشنبه
• 10
• اسفند
• 1399
• ساعت
• 22:43
• نوشته شده توسط
• یوسف اکبری

گل عمو آل بو سو مشگین /قویما قیزلار توکسون اشگین
العطش صوتی دوتوبدی/کربلانین قانلی دشتین

رحم ایله عمو حالیمیزه یاندوخ عطشدن
بیر مشک سوحاضر ایله اودلاندوخ عطشدن

عمو یاندوخ عطشدن

الده سوجامی اوشاقلار/گوزتیکوب بو مشگه آغلار
میزبان هاردا گوروبسن/سویولون مهمانه باغلار

بودشت بلانین عمو گلزاری سولیدی
سویوللارینی باغلین آواره اولیدی

عمو یاندوخ عطشدن

آغلور اصغر خیمه لرده/اوزآناسین سالدی درده
هی آنام سویلور آزآغلا/یوخ سودوم بوسینه لرده

سویلور آناوین قلبینی گل داغلاما لایلای
صبرایله عمو سو گتورر آغلاما لایلای

عمو یاندوخ عطشدن

دورعمو یول سال فراته/رحم ایله خیردا بناته
اصغرین ایندی آناسی/اللرین باغلارقماطه

سویلر آناوین حالینه کیمسه یانان اولماز
چوخلار علی آغلور منه هیچ کیمسه تای اولماز

عمو یاندوخ عطشدن

گوزیاشی واردیده لرده/سو تاپولمور خیمه لرده
دور عمو بیر چاره ایله/اصغرین جانی خطرده

قارداشیمون احوالی یاماندی عمو تز گیت
اصغردن اوشاقلارنگراندی عمو تیز گیت

عمو یاندوخ عطشدن

(بیکَسه)ایله عنایت /اولسون اسباب سعادت
لطف ایله بوجمعیله بیر/قسمتی اولسون زیارت

قول قولا ویروب آغلاماقین چوخ دادی واردی
بین الحرمینده بوسوزون لذتی واردی

عمو یاندوخ عطشدن

• جمعه
• 22
• اسفند
• 1399
• ساعت
• 21:34
• نوشته شده توسط
• یوسف اکبری

گوز آچ وفاداریم _ دور ای هوا داریم
یولون گوزلور قیزلاریم _ اویان علمداریم

اویان ابوالفضلیم ۳ قارداش اویان ابوالفضلیم

یانور دلیم قارداش _ آرخام ایلیم قارداش
اوزون دور ایله بیر چاره _ سیندی بلیم قارداش

ماه بنی هاشم _ گول اوزلی قارداشیم
توپراقا سوتمه اوزووی _ قان اولدی گوز یاشیم

غمیم چوخ اولدی دور _ واریم یوخ اولدی دور
بو آیرلیغین علتی _ اوچ پر اوخ اولدی دور

گوزل قمر باتما _ حسینیوی آتما
ایویمی یخوب قان ایچره _ بونوعلین یاتما

یاتما قوری یرده _ اورک گلور درده
من سنه عباسیم دییم _ حسین دنن سنده

کسیلدی چارم دور _ غمه دچارم دور
شهید اولوبدی انصاریم _ غریب و زارم دور

دور ای عزیز جان _ امید مظلومان
او قانلی گوزلریوی آچ _ اوزوم سنه قربان

آرخام ایلیم یاتما _ باتما آییم باتما
سو ایستمزلر قیزلاریم _ دور منی آغلاتما

(بیکَس )نوا ایستر _ روحه صفا ایستر
بوشدی الی سندن اما _ کرب و بلا ایستر

• شنبه
• 23
• اسفند
• 1399
• ساعت
• 12:42
• نوشته شده توسط
• یوسف اکبری

جلوۀ سیماسی آی دان جلوه گر،عباسیدی
طایر کرب و بلایه بال و پر،عباسیدی

اسم اعظم دور تمامیت ‌ده عباسین آدی
نام زیباسی جنان دا معتبر،عباسیدی

عرصه‌لر ده بیرقی کلّ عَلم‌لردن اوجا
فاتح و فرماندهِ والا سیَر،عباسیدی

جان فدای عترت‌الله و بنات بوتراب
دین یولوندا از سر و از جان گذر،عباسیدی

رزمیده فن‌آور و صولت ده همتای علی
جنگ امورینده یلِ صاحب‌نظر،عباسیدی

حضرت ثارللهَ هم یار و پشتیبانیدی
هم ارادت عالمی زینب قَدَر عباسیدی

آدینی آئینه‌لر باب‌الحوائج گؤرسَدر
اول کسیلمیش اَللریله چاره‌گر،عباسیدی

اول یَلی کی قورخو سالمیشدی میادینه آدی
قویموشیدی پهلوانلار دربدر عباسیدی

اول امیری کی صفوفِ رزمه وارد اولمامیش
سس دوشردی دشمن ایچره الحذر،عباسیدی

سینه ی پُرخونی اعلامیّه وئردی عالمه
غالبِ اردو اولان تنها نفر،عباسیدی

ادّعای دین ائدن روز فراغت چوخ اولار
دینه بُحراندا اولان سینه سپر،عباسیدی

آفرینش معدنین ده کربلا اولسا گُهر
کربلا خاکینده دفن اولموش گُهر،عباسیدی

مصطفیٰ چشمانینون نور و ضیاسیدور حسین
نورالعینِ احمده نور بصر،عباسیدی

زینبه عالم که نوکر اولماقا منّت چکر
قهرمانِ زین أب ده مفتخر،عباسیدی

وار یئری دنیا گلوب عباسی تحسین اِیلیه
پور حیدردی او علت باهنر،عباسیدی

باغبانِ گلزاره عاشق اولماسا یئتمز ثمر
باغباندا عشقه باخ سن کی ثمر،عباسیدی

تیتردن ارکان ظلمی بیر نگاه و خشمیله
قلب دشمن‌ده چالان زنگ خطر،عباسیدی

قدرت اللّهین وجودی بعد حیدر دهریده
که اولوب خلق،اول تماشایی بشر،عباسیدی

شانلی پرچمدار صحرای ظفر،عباسیدی
غیرتین اُسطوره سی از هر نظر،عباسیدی

دوزخین نارین ائدن گلزار حسینون عشقیدی
مُلک عشقه گیرمَقه رمز گذر،عباسیدی

سن چاغور گلسین «امین» بیمار اولان بو درگهَ
اول طبیبی کی مَرض جاندان کسر ،عباسیدی

• چهارشنبه
• 4
• فروردین
• 1400
• ساعت
• 22:19
• نوشته شده توسط
• یوسف اکبری

ای قلب زهرانی قان ایدن سو

تشنه قیزلاری گریان ایدن سو

یاندیروب عباسی - نار غمه یاخما

اصغر عطشانه - موج ایلیوب باخما

غملیدی خیمه ده قیزلارین حالی

یاندی ربابین او خردا - مارالی

قان اولیدون (۲)

بوش سو جامی اللرده سوسوزلار

گوز تیکوب یوللاره خردا قیزلار

عترت پیغمبر - گور نجه نالاندی

بو قوری مشگیم تک - لبلری عطشاندی

ساقی عترت شاه جهانم

اصغرین حالینه چوخ نگرانم

قان اولیدون (۲)

عباسم دونمرم اوز سوزومدن

بو مشگه حایل اوللتم گوزومدن

اشگ ابوالفضلی - قانینه دوندرمه

گل منی شرمنده خیمیه گوندرمه

فاطمه مهری سن ای یوزی قاره

قلبینی زینبین ایلمه - یاره

قان اولیدون (۲)

من بو چولده سقای طفلانم

سقایم لیک اوزومده عطشانم

عشق یولون عباس ترک ایلیوب گیچمز

فاطمه قیزلاری ایچمسه سو ایچمز

وقفیدی جانیم ازلدن حسینه

ویرمرم عشقینی عرش برینه

قان اولیدون (۲)

• دوشنبه
• 9
• فروردین
• 1400
• ساعت
• 12:04
• نوشته شده توسط
• یوسف اکبری

سن کیمه گتدون امان نامه ایا شمر دنی
چون بجردیبدور ننم قارداشیمه نوکر منی
حیف اولا پست ریاست ایلیوب جاهل سنی
ئورگدوب ام البنین من مرتضایه چاکرم
سن یزیده نوکر اولدون من حسینه نوکرم

سفره ی اربابیمون ائیللردی ریزه خواریم
چون اوتوز دورد ائیل حسینون مست وخاطر خواهیم
من اوشاقلیقدان حسین درگاهینون پابستیم
سن کی هئچ اربابیوه ئوللم ولی باش اگمرم
من حسینون بیر توکون کاخ یزیده وئرمرم

نینورم جاه ومقامی قارداشیم جاهیم منیم
هرایکی دنیاده حیدردور بیلون شاهیم منیم
چکمرم ال قارداشیمندان چیخسادا جانیم منیم
زینبون خیر دعاسی دهریده بسدور منه
احتیاجیم ناکسه یوخ قارداشیم کسدور منه

سیز یزیده بیعت ائتدوز عاراولا وجدانوزه
سیز وروبسوز تیشه نامردینی احساسوزه
غیرتیز یوخدی مرید اولدوز رجیم شیطانوزه
خانه ظلمی بیلون تک باشه ویران ایلرم
چپ باخا اخیامه هرکس قانه غلطان ایلرم

قارداشیم گر قوسادا راه ولادن گئتمرم
رهبر پست وپلیده من بیلون باش اگمرم
لشگروز اولسا اوتوزمین ذره من باک ائتمرم
من سپاه کربلایه فخریلن سرلشگرم
مرحب اولسا دشمنیم من ذوالفقار حیدرم

دشمن قارداشیمی دنیاده خوار اولسون گوروم
عالم عقباده منزلگاهی نار اولسون گوروم
نطفه سی ناپاک اولان اشخاصه عاراولسون گوروم
گئت دئنن ابن زیاده بوسوزی مندن پیام
بعد حیدر امته رهبر حسیندور والسلام

• پنج شنبه
• 26
• فروردین
• 1400
• ساعت
• 11:25
• نوشته شده توسط
• یوسف اکبری

ماهِ بنی هاشم علمداریم
غیرتلی قارداشیم علمداریم
قان اولدی گوز یاشیم علمداریم
ایوای ابوالفضل

««« واگیر »»»

ای قوللاری تندن قلم قارداش
سقّای طفلان حرم - قارداش
سن‌سیز بو چولده نیلرم قارداش
ایوای ابوالفضل

قارداش بو نه غملی حکایتدور
گویا قیامتدن علامتدور
باشدان باشا جسمون جراحتدور
ایوای ابوالفضل

سن‌سیز ستون محفلیم سیندی
الدن گیدوب لشگر ائلیم سیندی
قارداش اینان ایندی بلیم سیندی
ایوای ابوالفضل

برق بلا گویدن شاخیر قارداش
باشدان عذاره قان آخیر قارداش
من آغلورام دشمن باخیر قارداش
ایوای ابوالفضل

گلجاخ سسون دوشوی اورک درده
بولدوم قالوبدور باشون الّلرده
گوردوم دوشوبدور اللّرون یرده
ایوای ابوالفضل

سس ویر پریشاندور اخا - حالیم
اوغلوم ئولوپ پوزقوندی احوالیم
یاندی عطشدن خردا اطفالیم
ایوای ابوالفضل

باتدی سپهر غمده اولدوزلار
آغلار قالوب مخیمده یالقیزلار
گوزلور یولون ایندی سوسوز قیزلار
ایوای ابوالفضل

یوخ اهل شامین ظلمینون حدّی
سیندی بو چولده صبریمین سدّی
گوردوم که وار توپراقدا قان ردّی
ایوای ابوالفضل

بیر ئوزگه احواله اخا قالدیم
ناچار اولوب میدانه یول سالدیم
قاتل الیندن باشیوی آلدیم
ایوای ابوالفضل

• سه شنبه
• 7
• اردیبهشت
• 1400
• ساعت
• 20:42
• نوشته شده توسط
• یوسف اکبری

ای گُــــل ام البنین - عباس
سرور اهـــــل یقین - عباس
پاســــدار پــــرچم قـــــران
حافظ دیــــن مُبیــن – عباس
حیدره بنذر – اُمَّته سرور
یا ابو فاضــل یاابو فاضل

مظهر مهـــــرو وفـا گلدی
معدن جود و سخــا گلدی
غیرتین معناسیــــدور مولا
ساقـی کــــرب بلا گلدی
کان احساسدی - آدی عباسدی
یا ابو فاضل یاابو فاضل

بو آقا عشــــق ولایتـدی
نوگل بـــاغ امـــــامتدی
سر مثلـــی قامتـــی رعنا
قاش گوزی ولله قیامتدی
حافظ قران – ساقی طفلان
یا ابـــو فاضل - یاابو فاضل

قارداشیـــــنه یار و یاوردی
شاه خیبــــر تک دلاوردی
آسمــــــانــــدا ماه نورانی
اهل بیتـــه زیب و زیوردی
ای آدی سقا - غیرتی دریا
یا ابو فـــاضل - یــاابو فاضل

قور خوسی یوخ فوج لشگردن
هیبتی چـــــوخ مالک اشتردن
یکّه تاز عـــــرصه ی میـــدان
حافظ اولدی حقـــلی سنگردن
آدینه قربان – سرور ایران
یا ابو فاضل - یاابو فاضل

جنگیده چـــون شیر یزداندی
غیرتـــی دریـــای جوشاندی
ویردی دنیایـــه ادب درسین
ساقیدی امـــا لب عطشاندی
ای گل خلقت – معنی عزت
یا ابو فاضل - یاابو فاضل

بو گیجه جشــــن ولادتدی
بزم احســــان و عنـــایتدی
نوکر اولماق تــاج عزتدی
بیزلــــره ولله سعــــادتدی
ایت بیزه احسان - ساقی عطشان
یا ابو فاضــــــل -یــــاابو فاضل

ای گل بــــــاغ ولا عبــاس
عالمه مشگل گشــــا عباس
جشن میلادونــده (پویایه)
عیدیــانه قیـــل عطا عباس
فاطمی خصلت - ای علی صولت
یا ابــــو فاضل - یاابــــــــو فاضل

• جمعه
• 25
• تیر
• 1400
• ساعت
• 11:27
• نوشته شده توسط
• یوسف اکبری

خیال و وهم و عقلیم تا دوشوبدور دام عباسه
قضا گوردوم گتوردی روح و جسمی رام عباسه

نه گوردوم بنذیری نوک قلم بیر تیغ الماسه
صحیفم بحر تک موج ایلیوب تا گلدی احساسه
دئدی هانسی شهیدون پیکری بنذیر گل یاسه
اورک سیر ایلیوب مقتلده باخدی نام عباسه

نظیرین گورمیوب دنیا گوزی چون یوخدور همتاسی
گتورمز مام خلقت اول بشر تک اشجع الناسی
ایشقلاندوردی دنیانی قمر تک ماه سیماسی
اولوب شرمنده تا آی سالدی نورین شام عباسه

دییوب لبیک یا مولا ازل یوم الستیندن
گلوب تعظیم ائدوب قارداشه تا کی اوپدی دستیندن
ائدوب کروبیان تحسین دیوبلر ضرب شصتیندن
مبارک سویلدی حوریله نسوان مام عباسه

آلاردی درس غیرت مرتضایه گوش ائدن گونلر
اولاردی مست ، صهبای علیدن نوش ائدن گونلر
دولاردی قانیله گوزلر غضبدن جوش ائدن گونلر
گورردی کیمسه باخسیدی او لحظه فام عباسه

قبای ذلتی هرگز اونا دست قضا بیچمز
گئچر ساق و صولوننان یوز گوزوندن ،مشکیدن گئچمز
اولار ساقی دیوبلر روز عاشورا ،ولی ایچمز
اگر کوثر سویون اشرار توکسه جام عباسه

خبردار ایلدی تا ،جنگ صفینی گورن کسلر
دیوبلر کربلاده الحذر میداندا کرکسلر
فراتی فتح ائدنده گوردولر کی یا علی سسلر
عسل دن اولدی شیرین نهر علقم کام عباسه

سودان لبریز ائدوب مشکین اولوب حامی لواسیندن
یول آچدی خیمه گاهه مژده آلسین اقرباسیندن
ولی آگه دگوردی نوفل ظالم جفا سیندن
عمودیله فرود ائتدی او ظالم بام عباسه

قیامونده چاغوردی دادینه اول شاه مردانی
رکوئینده دوشوب آتدان چاغوردی شاه عطشانی
سجودینده دییوب یا سیدی ادرک بو نالانی
سلامیله گلوب مولاسی دوشدی گام عباسه

دئدی قلبوم یانور یاده دوشنده سوزلرین قارداش
سنوب باش کاسسی قانیله دولموش گوزلرین قارداش
خبر دار اولسا قیزلار ئولدورللر ئوزلرین قارداش
اولوبلار آشنا ایللر بویوندا چام عباسه

یقین عاشقلرون قلبی بو ابیاته غمین اولدی
یازانمازدون بو اشعاری یقین اندر یقین اولدی
الوندن ساخلیان حتما خانم ام البنین اولدی
الین گوردی آچوبسان«صادقی»سن وام عباسه

• چهارشنبه
• 6
• مرداد
• 1400
• ساعت
• 20:37
• نوشته شده توسط
• یوسف اکبری

امدایمــه گل ای شه خـــوبان آتام اوغلی
عباسون اولوب دینینه قربان آتام اوغلی

ای سینه سی مخزن اولان اســرارخدایه
الله سنی خلق ایلــدی ســرور شهـــدایه
کیم جان وئره کویونده یترعرش خدایه
جنتده تـــاپار عـــ٘ـزت شایان آتام اوغلی

ای پــادشه جــن و ملــــک عـــالمه مولا
وی مالـــک اولان ملــک دله زاده زهــرا
بوعلته امــداده چاغــوردی سنی سقــا
جـانین ائده جانانینه قـربان آتام اوغلی

کسدی یولــُـومی فـــرقـه اشـــرار زمانه
جوریله کمانـدار اوخونی قــویدی کمانه
سومشگینه ویردی گتوروبدورمنی جانه
گــوزیاشیمی دشمن ائلیـــوب قـان آتام اوغلی

سقایم ئوزوم سیدی عطشان ئولورم گل
گوزلور یولــوی دیده گـــریان ئولورم گل
رخساریمی یکسربوریوب قان ئولورم گل
تعجیــل ائله ای سرورخـوبان آتام اوغلی

ای شمـــس هــُــدا منبع ایمان و معــانی
گلـــسن دییـــرم دلده اولان سـ٘ـر نهــانی
زینـب باجیــماکشف ائلمــــه بوجریــانی
قولسوز یخلوب قــارداشی عطشان آتام اوغلی

عبــاسون اون یدی شقی دورسین آلدی
پرسیزقالان عنقاکیمی آتدان یره سالدی
اشـــرارین الیـــنده یارالی پیکری قالدی
رحم ائتمـــدی قـــارداشوا عــدوان آتام اوغلی

دیــــداروه بوحالیــــده مولا هوسیــم وار
فخریم بودی بیرسن کیمی فریادرسیم وار
بیریولدا ده قـارداش منه تاکی نفسیم وار
محتـــاج نوالـــم ائلـــــه احسان آتام اوغلی

عشقونده آخان گوزیاشیم ایمدی سله بنزر
گلــشن کمی جیسمـــیده یــارالار گلـه بنزر
باش باشه چــاتان سیـنده اوخ سنبله بنزر
اولمـاز بئله بیــرعــالی گلستان آتام اوغلی

یوخ طاقتیم ازبس که دگوبدی منه یاره
گل گورنجه قـارداش النوراشگیم عذاره
ایستورسنی گوگلوم گوره بولحظه دوباره
امیــدیمی گل ایلـــمه حـرمان آتام اوغلی

آتدان یخــلاندا یوزوم اوستونده تـرابه
قالدی ایاقـیم چخمادی بنداولدی رکابه
یرده سورونوبدی بدنیم دوشدی عذابه
معناده آنان اولدی نواخوان آتام اوغلی

پیغمبــــررحمت قیـزی انسیه ی حورا
طاقت گتــوره بولمدی بومحنت گـویا
امرایلــدی آتدان یخـــلاندا منه زهــرا
قــارداش چاغورام من سنی الان آتام اوغلی

چوخلاریازوب عباسه(جوانی)بوردیفی
حــاشااولا بونوحه اواشعارون حریفــی
لطف ائتدی حسینون سنه سقای شریفی
بوشعری که اولدی بئله عنوان آتام اوغلی

• یکشنبه
• 10
• مرداد
• 1400
• ساعت
• 15:21
• نوشته شده توسط
• یوسف اکبری

من شرزه شير بيشه‌ي شير خدايم

از بهتـرين ابيـات ديــوان وفايم

بر كودكان آب آورم سردار و ميرلشگرم

انَّي اباالفضل

هرچند كام خشك سقّا تر نگردد

بي‌آب سوي خيمه هرگز برنگردد

هم ساقي‌ام بر كودكان هم بر حريمت پاسبان

انَّي اباالفضل

يك دم قدم گر بر سرم گذاري

جـانِ بـرون رفته به تن بياري

بگذار پا بر چشم من بنگر ز خون تر چشم من

انَّي اباالفضل

بـودم فـدايّي تـو از طفلي برادر

قنداقه‌ام گرد سرت گردانده مادر

هم ساقي لب تشنگان هم خيمه‌ها را پاسبان

انَّي اباالفضل

فانوسهای اشک - علی انسانی

منبع:سایت مدایح

• پنج شنبه
• 9
• شهریور
• 1391
• ساعت
• 14:03
• نوشته شده توسط
• جواد

ای قهرمان د لا و ر لبیک یا ابا ا لفضل

فخر آ فر ین حید ر لبیک یا ابا ا لفضل

هیبد ه شا ه خیبر لبیک یا ا با ا لفضل

غیر تد ه شیر د ا و ر لبیک یا اباالفضل

سن کیمسن ا ی دلاورِ لبیک یااباالفضل

حیراندی عقل وبا و ر لبیک یااباالفضل

مین اوچ الی ائلدی کرسی ولوح ودفتر

خورشیدو ماه و اختر.نه قبه ی فلک لر

فریاد ائدوله یکسر لبیک یا اب ا لفضل

شخصیتیند ه مات و حیراندی پیر کا مل

اون یتدی منصبین وار هرتک.تکینده.قابل

جود و کر مد ه در یا حاتم قاپونا سا ئل

هم صاحب شجاعت هم صاحب فضا ئل

د عو اد ه کیمدی مارد سنلن گله مقا بل

گلسه اولار آت اوستن باشسیزجحیمه واصل

قد و سیا ن دییلر لبیک یا ا با ا لفضل

سن کیمسن ا ی شکو ه آ ئینه ی نجا بت

آلنندا نو ر قر آن سیما سی ما ه طلعت

ا بر و لر و ن هلا لی محر ا ب معنویت

قامت اوجا اوزون قول.تندیس استقامت

د عو ا گو نو ند ه شیر غران با شها مت

ا و ر د و ی کر بلا یه سردار با لیاقت

ر گلر د ه خون حیدر لبیک یا ا باا لفضل

روشند ی عشق نابین مبناسی.جوهرایستر

عاشقده جوهر او لساعشقین مظفر ایستر

غیرت دامارلار یندا خون مطهر ا یستر

پیمان ذر حسین تک برجسته رهبرایستر

عبا سی کر بلا د ه سر د ار لشگر ا یستر

چون جنگ کفر و ا یمان مردهنرورایستر

وئرسین عد و یه کیفر لبیک یا ا باالفضل

و ار د و ر خبر ده گو یا فتاح خیبر اوغلی

سقا ی تشنه کا ما ن ساقی کوثر او غلی

سیمای صبح تقوا ا یمان و با و ر اوغلی

ا م البنینین ارشد ا ر ز ند ه گو هر اوغلی

گوردی کی خیمه لرده غوغادی حیدراوغلی

جان اوسته دی ربابون ششماهه اصغراوغلی
َ
عطشا ن لبیله سسلر لبیک یا ا با ا لفضل

ظهر یدی چاتموشیدی گو ن ساعت صلا ‌ته

اودیاغدیروردی گویدن شش گوشه ی حیاته

گر ما ی قادسیه ا و د ووردی شش جها ته

شدت تاپوب سو سوزلیق عطشان قلان بناته

هرم عطش یا ییلدی ا خیا مد ن فلا ته

سس دوشدی خیمه لر د ه سقا گئدور فراته

سسلند ی آ ب کو ثر لبیک یا ا با ا لفضل

ز ین عقابین ا و سته ا گلشد ی کو ه با و ر

تعظیمینه باش ا گد ی نه طاق عرش داور

پا بوسینه تو کو لد ی گو ید ن یره ملک لر

تحسینینه دیل آچد ی فتاح بدر و خیبر

مشگل گشا ا لیند ن معنا د ه ئوپد ی جعفر

حمز ه بو یو ر د ی به به احسن سنه دلاور

اولد و ن حسینه یا و ر لبیک یا ا با الفضل

غر تد ه شیر هیجا تو فند ه مثل د ر یا

حق پر چمی بیر ا لد ه بیر ا لد ه تیغ برا

چگنیند ه مشگ آ بی دیل ذکر حقه گو یا

تکبیر ینون صداسی میدانه سالدی غوغا

جو لا ن وئروب عقابه مید ا ندا تشنه سقا

جوشلاندی خون حیدرغیرت دا مارلاریندا

لرزان ا و لوب اؤر کلر لبیک یا ا با الفضل

سس دوشدی لشگرایچره حیدرگلوبدی جنگه

د شت بلاده شا ه خیبر گلو بد ی جنگه

بعض د ییر دی حمزه ، جعفر گلو بد ی جنگه

ایمان گلو بدی جنگه با و ر گلو بد ی جنگه

شا ید حسینه گو ید ن یا و ر گلو بد ی جنگه

یو خ یوخ،بو قومه دست کیفرگلو بدی جنگه

سیند ی داغلد ی لشگر لبیک یا ا با ا لفضل

سیند ی صفو ف لشگرخوار اولدی قوم کافر

سا یسیز قوشون داغلد ی دشت فلاته یکسر

یا پراق کیمین سارا لد ی محکم رجز دیینلر

و حشتد ن ا و لد ی لر زان آهن ز ره گینلر

گیزلند ی کو ل د یبیند ه گر د ا ن پیل پیکر

تپر ا ق با شا سو و ر د ی فرماندهان لشگر

شا د اولد ی اهل با ور لبیک یا ا با الفضل

سعداوغلونون که قلبین آلموشدی کبرونخوت

شا مین سپا هی سیند ی اولدی دچا ر خفت

ائتدی احاته.روحین تشویش و هول ووحشت

ا فکاری تاپد ی بحران ، تد بیری تاپد ی ذلت

سسلندی هارداسان ا ی جرثو مه ی شقاوت

مارد جواب و ئرد ی ، من حا ضر م بخد مت

بیلد ی ئوزو ن مظفر لبیک یا ا با ا لفضل
‌

شام ارتشیند ه کفرون برجسته نیزه دار ی

مارد ، گوروب شکست اردوی جیره خواری

گوزلرقیزاردی قاندان سلب اولدی دلقراری

نعر ه کشا ن ا لینده شمشیر آ بد ا ر ی

کبریله میندی مرکب یوزقویدی جنگه ساری

تصویر هولناکین بیر لحظه آ ر ی،آ ر ی

کیم گو ر سه وحشت ایلر لبیک یا اباالفضل

مید ا ن جنگه گلد ی بد هیبت هیو لا

فکر یند ه نقشه چکدی سردار عشقه گو یا

بیر د ن آ تین لجا مین چکد ی او پیل هیجا

آت شیهه سین اوجالتدی میدانه سالدی غوغا

بیر نیز ه آ تد ی نا گه عبا سه غو ل د عو ا

اول نیزه نی اباالفضل یاپراق کیمین دوتاندا

َشا د اولد ی ر و ح حیدر ،لبیک یا ابا الفضل

پور ابو ا لعجائب جولا ن و ئر و ب عقابه

تکبیر ینون صدا سی اوج ا ئتد ی نه قبابه

احسن دئد ی ملک لر فر زند بو تر ا به

توز دوتدی رزمگاهی با غلاندی یول شتابه

ما ر د ئوزون ائدوبد ی پیچیده ا ضطرابه

دوشد ی وجود نحسی میداندا پیچ و تابه

ما ت ا ولد ی غو ل کافر لبیک یا اباالفضل

غیظیله پو ر حیدر با خد ی او نا بکا ر ه

برق نگا ه عباس اود تو کد ی کا ر ز ا ر ه

نقشه چکورد ی ما ر د فکرینده ا لفر اره

حیدر صفت اباالفضل حمله ائدیب شکاره

ئوزنیزه سیله حلق منحو سین ائتدی.پاره

اولد ی جحیمه وا صل اول دیو بد قواره

دل شاد ا و لوب پیمبر لبیک یا ا با لفضل

ما رد تاپوب هلا کت میداندا قوپد ی محشر

شا مون قالان سپاهی سیند ی داغلدی یکسر

ام البنینین او غلو ن تحسین ا ئدوب ملک لر

د یل آچدی مرحبا یه نه طاق عرش د ا و ر

سس گلدی تلین ا وستن صد مر حبا د لا ور

اوغلی ئولن حسینه اولدون بو چو لده یاور

ممنو نیو م بر ا د ر ، لبیک یا ا با ا لفضل

ا لقصه پو ر حید ر سر د ا ر بی مها با

مید ا نید ن یو ل آ چدی نهر فر ا ته گویا

فتح ا یلدی فرا تی شاد اولدی آب در یا

آ ب حیاتی آ لد ی معناد ه خضر معنا

بیرلحظ ده سو مشگین دولدوردی تشنه سقا

چیخدی سودان لب عطشان فخرآفرین تقوا

سسلند ی تشنه ا صغر لبیک یا ا با ا لفضل

دولدور د ی مشگ آبی دلشاد ا و ما ه تا بان

عطشانلارون امیدی چیخدی سودان شتابان

یوز قو یدی خیمه گاه سرعتله دل خرا مان

شاید که تئز یتیر سین مشگی خیامه بیرآن

ا صغرآدی دیلینده یول سالدی خرمالیقدان

ا صغر دئدی عمو جان جانیم وفاوه قربان

عطشاند ی آ ل حیدر لبیک یا ا با ا لفضل

نا گه ا و خر ما لیقد ا ن اوج ائتدی غم سمایه

قو ز ا ند ی عر شه نا له، یئرگوی گلوب نوایه

آ غلا شد یلا ملک لر سقا ی نینو ا یه

مشگ ا و خلا نوب سوآخد ی صحرای کربلایه

اوخ دگدی صاق گوزوندن دوشدی باشی بلایه

آهن عمو د ا نند ه تو ز قو ز ا نو ب هو ا یه

غم آچد ی فصل د یگر لبیک یا ا با ا لفضل

عطشان سو د ا ن چیخا ندا علقم نوایه گلدی

ا و خ مشگینه دگنده ز مز م نو ا یه گلد ی

زهرا د ئد ی اوغو ل و ا ی مر یم نوایه گلد ی

آ چد ی باشین بو غمد ه خا تم نو ا یه گلد ی

پیکا ن گو ز و ن سو کند ه عالم نوایه گلد ی

سسلند ی عر ش د ا و ر لبیک یا ا با ا لفضل

ز هر ا نوایه گلد ی سسلند ی جان ا با ا لفضل

وئردون شرف یولوندا خوش امتحان اباالفضل

آغوشیمه گل اوغلوم چوخدور یاران اباالفضل

باش یارووه قان آغلور کون و مکان اباالفضل

غیر ت دامارلاروندان آخد یقجا قان اباالفضل

فریاد ائدور (حسین وای) آغلور زمان اباالفضل

قیز لا ر د یو ر مکر ر لبیک یا ابا ا لفضل

• دوشنبه
• 10
• آذر
• 1399
• ساعت
• 22:14
• نوشته شده توسط
• یوسف اکبری

اي سپاه كين كربلا دور بيزه- مناي عشق
جنگوزه‌گلوب صاحب پرچم و- لواي عشق
ري هواسيني باشوزدان آتماسوز اگر
باشـوزه اَنَر قلنجيم اي سپـاه شــر

عبّــاسم مــن دلاورم رزم آورم
اسلاميــن لشگــرينه مــن ســرلشكرم
من عبّاسم - آقام حسينه - نوكرم
****
نوكرم ئوزوم- شاه عالمه امر ايدوب منه- پور فاطمه
پرچمي ويرام- نهر علقمه سالمارام او شاهون سوزون يره
شر اهليـن ئولدروماقا گلميشم
بو مشكي دولدورماقا گلميشم
آنـــد اولا رقيّــه اشكينــه
دولـدورار سقّـا سـو مشکينــه
من اباالفضلم، علمدارم
****
گلميشم سيزه عرصه‌ي محشري- عيان ايدم
گلميشم او نامه يازان اللّري- كسم گيدم
اُفّ اولا او نامـه يازديقيز قلم‌لره
عار اولا باش

• پنج شنبه
• 9
• شهریور
• 1391
• ساعت
• 12:42
• نوشته شده توسط
• جواد

من چه گویم عاشقی که عاشقان را ناصر است
خامه ای بشکسته دارم هم زبانم قاصر است

گرقلم همّت کند غوّاص دریاها شود
درمیان ما ومن اصلیتش پیدا شود

گر ز اعماق تفکّرمطلبی آید بدست
می نویسد ازابوالفضل آنچه بود وآنچه هست

داخل بَحرسخا ازجوشِ امواجش بگو
یا که ازشورِنمازعشق ومعراجش بگو

روح فرزندان حیدرچون ضیاء اطهراست
مستی عبّاس هم بی شک زجام کوثراست

اوکه حق راعاشق است وازکلامش پرزشور
مستیش را روز عاشورا نموده چون ظهور

ازخُم عشق برادرمی زد و شد مستِ مست
ساقی عزّت بدادش جام همّت را بدست

زآن طرف حیدراَب ومادربود اُم البنین
درس ها آموخته درمکتب قرآن و دین

خواهرش کلثوم "سکینه " زینب است خَیرِبَنات
به به اورا چون برادر باشدش فلک نجات

اومبارز بودنش را ازپدرآموخته بود
پیرهن برقامت دل ازمحبّت دوخته بود

یارمستان تا شود هی بادۀ اکبرزده
روزعاشور مُحرّم ازخُم دیگر زده

او صدای العطش را خود شنیده بارها
سوسن پژمرده را دیده میان خارها

چون جفای شامیان کرده پریشان حال او
غیرت از سقائی اش بنمود استقبال او

خواهد او با مَشک آبش تا شود فریاد رس
دردیارغمگساری داد یارو داد رس

تیشۀ فرهاد خواهد او زند برکوهسار
تا تراود قطره ای نوشد به خیمه شیرخوار

می خراشد قلب اورا تشنگان ازسوزوساز
در رباب وهم رقیّه دیده بود اشک نیاز

ترکی

اوچ گونییدی باغلاموشدی سو یولونی اشقیا
نه سووارنه صود یسون تشنه قالوب دلسیزبالا

اللرین باغلورقماطه گوردی مظلومه رباب
نالیه گلموشدی " اصغر ناله سیندن نُه قُباب

خسرولب تشنگانی گورمَسین تا غمگسار
کربلا دشتینده اولسون قارداشا خدمتگزار

رخصت آلدی شاه دیندن اولدی چون مرکب سوار
یا سوآلسون یا الست عهدینده اولسون جانثار

مشکی چگنینده لوای دینینی الده آلوب
سرعتیله سوردی مرکب تا فراته یول سالوب

مُحرمییدی کعبیه اَل وردی هم باخدی سویا
(عین و یَد) گر ویرمیه دین دردینه اولمازدوا

اوجونا آلدی سوئی اوز نفسینه ایتدی خطاب
ایچمرم من ایچمسه اصغر" سو اولسا گرگلاب

ایچمرم سندن فرات تا تشنه دی آل رسول
عشقیمون نقصانیدی ایچسم قبول اتمزعقول

تشنه لیقدان گرچه تاپموشدی اوزی حال ممات
فکرایدردی من حسین سیز نیلورم اولسا حیات

وعده ویرموشدی ربابه سو گتورسون اصغره
دست پروردیدی چون شیرخدا و حیدره

دولدوروب سومشگینی یوز قویدی اخیامه طرف
آلدیلار اطرافنی قوم شرورو بی شرف

عشق بازاری آچیلدی جانی حراج ایلسون
قرمزی قانین او یرده باشینه تاج ایلسون

مست اولوب اعضاء جوارح جرعۀ پیمانیه
یانماقی اورگدی شمعه اول زمان پروانیه

الده شمشیر دلده تکبیر ایتدی عدوانه هجوم
باخمادی دورو برین لشکر دوتوب مثل نجوم

بین لشکربو هجوم ایجاد وحشت ایلدی
دشمنی ئولدورماقا شیراوغلی همّت ایلدی

حملۀ اوّلده اولدورودی ئولوب نچّه نفر
جرأت ایتموردی بیری اولسون او شیره حمله ور

سوردی مرکب قدرتیله عزم ایدوب نخلستانا
فکری وارسو تز یتورسن خیمه ده عطشانلارا

قویمادی کِلکِ قضا سقّانی چاتسون مطلبه
سالدی آلِ حیدری عاشوریده تاب و تبه

ویردی فرمان لشکره سرکردۀ اهل نفاق
اوخلیون سومشکینی فرماندا اولسون اتّفاق

یوزقویوب لشکراوملعون امرینون اجراسیه
ذرّه ای رحم ایتمیوبلر کربلا سقاسینه

تابع فرمان اولانلار ویردولار اوخ مشکینه
قولاریندا سالدیلار قانی قاریشدی اشکینه

سسلدی قارداشنی عباسووام گل دادیمه
سو کیمی قانیم رواندی یوخ چاتان فریادیمه

گل حسین دست قضا چکدی منه نقش کمند
ایتدولر قارداشیون جسمون بو یرده بند بند

شاهبازعشقوم بوچولده سندی پرلریم
یاره لرانجمدی گویا چون سماء دورپیکریم

احتضارحالوندیم من شمع حق پروانه سی
من ابوالفضلم سنون تک قارداشین دیوانه سی

مکتب عشقونده تحصیل ایلیین جانبازوام
نه وزیرم نه علمدارخاکسار سربازوام

ای اولان بوخسته جسمیمده منیم جانیم حسین
گل طبیب اول منه ای رگده گزن قانیم حسین

صون نفسده یوزویوی گورماقا واردورهوسیم
سنون عشقینده چاتوبدور منیم افلاکه سسیم

یتوشوب جان دوداقا تنگه دوشوبدی نفسیم
باشیم اوسته گل اَخا جانویرورم یوخدی کسیم

قوللاریم یوخدی ایدم دشمنیلن جنگ و جدال
سو گتورماق منه اولدی بیله وضعیمده مُحال

گلوری فکریمه هرلحظه ده قارداش بو سئوال
گوره سن بو دم آخر چاتار عباسه وصال

گوردولر بازارعشقونده خریداراولومشام
عشقون اوسته قول ویروب قولسوزعلمداراولموشام

دوتدولارسومشکیمی الده بهانه ایتدیلر
مشکیمی هم جسمیمی تیره نشانه ایتدیلر

باش یارا "ساغ گوزده اوخ" قوللار قلم
سلب اولوب مندن قُوا یوخ اَل دوتام بیرده علم

مشکله دوشدوم حسین گل مشکلی هموارایله
بیرغلام درگهونده " لطفووه سرشارایله

یوخدی فرصت کوفیان اطرافیمی یکسرآلوب
هم سو مشکی هم لوای دین حق یرده قالوب

صون نفسده انتظارم یولدادی قانلی گوزوم
بودم آخرده وار گلسن سنه قارداش سوزوم

تا سسین آلدی خییمده پادشاه نُه قُباب
گلدی تا ایتسون حمایت ماهینه چون آفتاب

پاره پاره پیکرین یراوسته قارداشین گوروب
قوللاری تندن جدا گوزلرده قانیاشین گوروب

ایتدی فرمایش گوزون آچ ای وزیر لشگریم
تک منه بو چولده سنس یاتما دورغم پروریم

دورگیداخ اخیامیده سولدی سارالدی لاله لر
الده سو جامی چخوبدی عرش حقّه ناله لر

آدلارین مسلم قویانلار قولاّرون ایتدی قلم
یغدیلار دنیا بوئی بو سینمه درد و الم

جرأت ایتمزدی بودشمن گراولیدی اللرون
بندبند اولمازدی قارداش بیله جسم اطهرون

گوزآچوب سقا گوروبدورمهربان قارداشنی
یرویروب مِهرومحبتله دیز اوسته باشنی

عرض ایدوب قارداش سنه قارداش دئیدم وارعلّتی
فاطمه اوغلوم دئدی ویردی منه بو عزّتی

من آت اوستن تا یخلدیم آچدی آغوشون منه
قوللاری قاخموردی اما سویلدی قربان سنه

من اسیرعشق دشت کربلا سلطانیم
من بو گونده هم سنه هم فاطمه قربانیم

ای اولان پروردۀ زهرا و دنیا رهبری
خواهشیم وارخیمییه حمل ایلمه بویپکری

شاه دین سن من غلامم درگهونده بندییم
من حرم آهولریندن دنیاجان شرمندییم

آرزیمون نقشه سینی پوزدی سویوم آخدی چوله
یاندیروب یاخدی گوزوم یاشنی دوندردی سئله

تا دئدی بو سوزلری یومدی گوزون اولدی شهید
قویدی اول طوفان غمده قارداشی قالدی وحید

هرنقدری سسلدی سس ویرمدی قربان عشق
آغلادی آلام دل اسگیلمدی سلطان عشق

یوزدوتوب اخیامه سسلندی باجی اولدی اِلیم
وای سنه بوندانصورا ایوای منه سندی بلیم

موج ایدر دریا کیمی اولدورماقا لشکر منی
قوللاری باغلی چکر هم کوفیه شامه سنی

(عدلی) یاز نوحوی تدریس ایله قرانیوی سن
گون به گون محکم ایله صدقیله ایمانیوی سن

حشریده الده کی یازدیقلاری عنوان أیده سن
قویماروق نوکریمیزسن گوزی گریان أدیده سن

• جمعه
• 19
• دی
• 1399
• ساعت
• 22:16
• نوشته شده توسط
• یوسف اکبری

مرحبا ماه درخشاندی ابوالفضل علی
قلعه ی دینه نگهباندی ابوالفضل علی
پیرومکتب قرآندی ابوالفضل علی
بانی سفره ی احساندی ابوالفضل علی
فاتح قله ی ایماندی ابوالفضل علی
پیکرعشقیده چون جاندی,ابوالفضل علی
*
مرکب اوستونده اوسلطان موقراوتوروب
ایلیوب قله ی ایثاری مسخراوتوروب
صورتیندن اله بیل ماه منوراوتوروب
صولتیندن اله بیل حیدرصفدراوتوروب
خیمه ده دیلده دعازینب مضطراوتوروب
عرصیه گوردی,شتاباندی ابوالفضل علی
*
قدم آتدوقجاسالوررعشه دل اعدایه
جان وئرورهرنفسی,پیکرعاشورایه
بنذیورجنگ وجدلده علی اعلایه
قدسیان مدح دیورعرشیده بومولایه
مرحباجاهدوالاوملک سیمایه
باخیشی خنجربراندی ابوالفضل علی
*
شمس,حیراندی مونون آیدان ایشیق طلعتینه
رزم جامه یاراشورمرتضوی قامتینه
دایانوب فوج ملک عبدکیمی طاعتینه
ایلیورجن وبشرعرض,ادب,ساحتینه
مرحباهمتینه,صولتینه,غیرتینه
مکتبه سلسله جنباندی,ابوالفضل علی
**********************
دیدی ای کوفه لیلر,معدن احساس,منم
شیرمیدان محرم شرف الناس منم
خرمن کینه نی نابودالین داس,منم
شیشه ی نخوته خدشه سالان الماس منم
دوردامام آلنین اوپن مفتخر عباس منم
رتبه ده محتشم انساندی,ابوالفضل علی
*
قارداشیم شیرخدامیثم تماری منم
شه عالمدی حسین عبدفداکاری منم
افتخاریم بودی عالمده علمداری منم
قویمارام تک قالابوچولده هواداری منم
قوشونی اولماساداایندی سپهداری منم
خادم درگه جاناندی,ابوالفضل علی
*
منه گراذن وئره باشوزه اوت یاغدیرام
دفترکرب وبلادن آدوزی پوزدورام
پرچم فتحی گئدوب کاخ یزیده ویرام
کیمدی,هنداوغلی اونون گردنینی سیندیرام
درزهراعوضینده قاپوسین یاندیرام
آذرخرمن دوناندی,ابوالفضل علی
**
عاراولاپیشه واندیشوزه ای قوم کفر
دینی دنیایه ساتان اهل ریا فرقه ی شر
گورمورم لشکروزون ذره جه تیغینده کسر
گوندرون جنگیمه هرقدرواروزمردهنر
اله آلسون سپرونیزه وشمشیروتبر
سانمیون سیزکه گریزاندی,ابوالفضل علی
*
آلدی عباس دلاورسسین اعدااوزمان
سربسرلشرکین تیتردی,چون برگ خزان
دیدیلررزمه گلوب شیردل عباس جوان
پهلوانلاردیدی یوخ بیزده بودعوایه توان
ماردآماده اولوب خنده کنان نعره زنان
خبری یوخ یل میداندی ابوالفضل علی
*
عرصیه گلدی غرض ماردبی شرم وشعور
هیبتی دیوکیمی قامتی,بیرپارچاغرور
چوخ غروریله تاپوب مرکزمیدانداحضور
روبرواولدی اواثناده غرض شیریله مور
گوردی مارد,نجه عباس؛جوانمردوغیور
مردنام آوردوراندی ابوالفضل علی
****
رجزین باشلادی مارددیدی,ممتازمنم
قدرتین دفترینه نقطه ی آغازمنم
آل سفیانه مریدم که سرافرازمنم
فن دعواده یقین صاحب اعجازمنم
افتخاریم بودی سعداوغلوناسربازمنم
ضربت تیغیمه مهماندی,ابوالفضل علی
****
دیدی عباس که ای نوکراشرازمان
چوخ غروریله باخورسان منه ای هرزه روان
چوخدامن من الیوب باخمامنه خنده کنان
کیملره فخرالیورسن؟کیشی سن آخراوتان
ایندی گورمن کیمم ای کوردل چرب زبان
ساقی رهبرعطشاندی ابوالفضل علی
*
اوره گین پنجه ی غیرت سیخانون اوغلی منم
اله انگشترغیرت تاخانون اوغلی منم
دوش پیغمبردینه چیخانون اوغلی منم
اوتوزایل اشکی عذاره آخانون اوغلی منم
کعبه ده عزتیلن بت ییخانون اوغلی منم
یادگارشه مرداندی ابوالفضل علی
*
اله آل تیغیوی ای شوم وشروپست ودنی
آل طاهایه بوقدرائتمه گشاده دهنی
بویارام قانووه من ایندی بومیدانداستی
باغ جنتده سووندورم آنام فاطمه نی
کسرم نسلینی قاراشیماتوهین ائده نی
قاتل قوم لعیناندی,ابوالفضل علی

گوردی مارد که حریفی نجه بی پروادی
قامتیندن گورونورسروچمن آرادی
بیلدی,عباس,یگانه یل عاشورادی
الحق الحق که علی صولتینه دارادی
رزمیده یوخ بدلی واحدوبی همتادی
دشمن فرقه ی عدواندی ابوالفضل علی
**
ماحصل باشلادی,دعوانی قوپوب,گردوغبار
نیزه سین آتدی,ابوالفضله طرف اول غدار
روبه ایستوردی,ائده مکریله چون شیری شکار
زینب غمزه ده نی دوره له دی تزبالالار
نگرانسان دی,گوراخ مرکزمیداندا نه وار
صاحب فر فراواندی,ابوالفضل علی

مارد اول حمله ده چوخ کوشش,بیحدالدی
سپری,دوتدی ابالفضل یولونی سدالدی
چوخ شجاعانه اونون نیزه سینی,رد الدی
اول اگدی بلینی دوردی,صورا مد الدی
سپه کوفه نی حیران او رساقد الدی
پیکرقدرته چون جاندی,ابوالفضل علی

اتدی تدبیریورش,الغرض عباس جوان
گوشه چشمیله باخوب مارده اول شیرژیان
ایتی شمشیره وئروب غیضیله،عباس، تکان
توزقوپوب پهنه ی میدانی,دوتوب بیرده دومان
تلیدن زینب غمدیده باخوردی نگران
زینبین روحینه ریحاندی,ابالفضل علی
**
گوردی سعداوغلی اواثناده یتوب وقت خطر
چوخ قبیحانه ائدوب مرکزمیدانه نظر
حسنون مرکبینی یوللادی,میدانه,اوشر
بیلدی,تدبیری,قویارغیرت عباسه اثر
اوره گین غصه دوتارقدرت دعواسی گدر
قلزم غیرته سلطاندی,ابوالفضل علی
*
مرکبی گورجک ابالفضل اولوب درده دچار
قویمادی صبری گئده الدن اودریای وقار
اوزآتیندان اوچوب اولدی,او,آتین,اوسته سوار
مارداول صحنه نی گورجک پوزولوب گتدی,قرار
فرصتی گوردی غنیمت ائلدی فکرفرار
بیلمدی جنگیده اصلاندی,ابوالفضل علی

اوجاتکبیردیوب غیضیله عباس جوان
مرتضی مثلی وئروب الده کی شمشیره تکان
وئرمدی,دشمن بدطینته بیرلحظه امان
دیه سن نیلی بولوب حضرت موسی آرادان
ماردون باشی کسیلدی بورودی,صحنه نی قان
آیت قدرت رحماندی,ابالفضل علی

تلیدن باخدی حسین سسلدی,جان جان قارداش
مرحبابرج ادبده,مه رخشان قارداش
پهلوانلاری ائدن عرصه ده حیران قارداش
قدرتون اولدی,بوکفاره نمایان قارداش
جانیم اولسون اواوزون قوللاراقربان قارداش
حبذا یکه ی میداندی,ابوالفضل علی
****
یوخ رجوعیم نه جفالر ائلدی قوم دغا
یوزوئروب ساقی عطشانه اودم دردوبلا
بی سپرقالدی,اومیدانداائدوب آه ونوا
یوزدوتوب خیمه لره سسلدی امداد اخا
ماهووی قان بوریوب داده گل ای شمس هدی
داده گل قانینه غلطاندی ابوالفضل علی
*
بلیمه دست قضاشال شجاعت توخودی
کوفه اهلینده ولی معرفت اصلایوخودی
سیدی باشیمون هرچندبلاسی چوخودی
بیلوسن سن که بومیدانداحریغیم یوخودی
سینمی پارچالیان بیرجه خجالت اوخودی
بودور علت بئله گریاندی,ابوالفضل علی
*
غم هجرانیمه یانمایانارعالم کوزووه
باشیمی قوی یره چوخ وئرمه اذیت ئوزووه
بیرنچه کلمه دانیش مشتریم من سوزووه
اوخ دگن دیده مه باخما,بوداقربان گوزووه
جان عباس فداهم باجوواهم ئوزووه
فخرائدوردینینه قرباندی ابوالفضل علی
**
«ناعمم»درگهووین عبدخطاکاری آقا
گجه گوندوزائده رم دلده عزاداری آقا
قبروون کاش اولام بیرگجه زواری آقا
مشکلوم چوخدی طبیبانه ائله یاری آقا
قبریم اول گجه سی,گوندرعلمداری آقا
نوکره،سرور شایاندی ابوالفضل علی

• پنج شنبه
• 14
• اسفند
• 1399
• ساعت
• 18:09
• نوشته شده توسط
• یوسف اکبری

طوطی طبعیم عجب سیر ائده معنانی گزور
عشق پروانه سی تک شعله ی سوزانی گزور
دل خیال عالمی بیر صحنه ی روحانی گزور
یازا عبّاسه تولّد تزه عنوانی گزور
اولماسا لطف خداوند کریم ازلی
شاعرون هاردان اولار شعری کلامی مزه لی

باشلادیم وصف یازام برگ گُل یاس آدینا
نیّتیم اولدی تبرّک اولا عباس آدینا
خذف اشکیمی توکدوم یره الماس آدینا
بیر محبّت ایلدیم قلبده احساس آدینا
صورا گوردیم آقامون غشقی منه یار اولدی
جنت التجریه من تحت الانهار اولدی

دورد شعبانیدی عُلیا ملکه اُم بنین
اوّلین اوغلی سالیب یثرب و بطحایه طنین
نه اوغول گوزلری شهلا قول اوزون ماه جبین
کورک اَنلی اوزی پر جوش صلابتلی متین
کیم گوروب سویلدی اَب جدّینه دلخواه چیخوب
گوئیا یثربه اون دورد گئجه لیک ماه چیخوب

یایلیب طرّه سی مثل نخ کشمیر یاتیب
باش باشا قاشلاری گویا ایکی شمشیر یاتیب
بالاجا طفلدی امّا ایله بیر شیر یاتیب
سوروشار رؤیت ائدنلر چوخ امیب شیر یاتیب
یا رب حفظ ایله بو وجه الحسنی گوزلردن
ایتی شمشیر آغیر گرز آجی سوزلردن

هیبتیندن گورونور غیرتی لایحصادی
بو علی اوغلی علی صولت و بی پروادی
یا بهشت علویده گوگرن طوبادی
متن قرآنده کی نص ّ ذوی القربادی
گلدی زینب بابا امرون ندی یدّی گئجه سی
گرک آدی قویولا فاطمه آهو بره سی

چاغیروب زینبی فرمایش ائدیبدور مولا
سفره سال روشن ایله شمع هامی حاضر اولا
صورا امر ائتدی حسین آی منه ایستکلی بالا
سنده آغوشوه آل قارداشون ای شمس ولا
ایندی من سفره ی عبّاسی گتیرّم دوزه رم
نئچه مخصوص وسیلیله کنارین بزرم

حیدر و صفدر امامیدی مه تابنده
آگهیدی کچه جکدن و ندور آینده
گتدی بیر کاسه سو بیر مشک بیر اوخ سنجیده
بیر ده بیر قاره علم سفره ده ایلوب چیده
زینبی و حسنینی دولانور مات باخور
بی خبر واقعه دن گوزلرینون یاشی آخور

سفره آماده اولوب دوره لدی خرد و کبار
آلدی آغوشه علی طفلینی ایلوب دیدار
قویدی لعل لبینی سمعینه دُر قیلدی نثار
صاق قولاقینه اذان بعد اقامه صولا، یار
بویوروب شأن و وقارون شرف ناس اولدی
گوزل اوغلوم گوزل آدون سنون عبّاس اولدی

گوش هوشیله قولاق وئر سوزیمه یا ولدی
سن کچیکسن هله امّا سوز آغیر مسئله دی
بو حسینی که گورورسن گوزی قاره گله دی
نه منه بلکه هامی خلقته اعظم صله دی
سنی نوکر وئرورم ایندیدن احمر گولومه
پیش مرگ اول خطر اولسا گئت اَوَل سن ئولومه

گرد غم گورسون اگر صورتینه لکّه سالیب
یا بویوک واقعه دی دوره سینی دشمن آلیب
یوخ الیندن دوتانی قارداشون آواره قالیب
کمکی یوخدی اغیثینی دیلیندن اوجالیب
جامه ی خدمتی اگنوندن اوغول سویمازسان
منه خاطر بالا قارداشیوی تک قویمازسان

قورتاریب پند گهربارلرین میر امم
آغلیور دوره ده شدتله گوروب اهل حرم
دئدی سوز چوخدی ولی آغلامیون دای دئمرم
گُل یوزوز قطره ی شبنمله دولا ایستمرم
دور حسین قارداشون عبّاسیله با هم گوروشون
آل قوجاقونده باخیم شوقیله من سیز اوپوشون

آچدی آغوشین حسین آلدی قمر سیمانی
قول بویون اولدی ایکی مهر و محبّت کانی
اشک شوقیله بویاندی اولارون دامانی
باجی گلدی دیله قربان سیزه زینب جانی
سالماسین تفرقه دنیا ایکی گول قارداشیما
نه فلک قاروزی سالسین ستمیله باشیمه

حاصل آد قویدی سبب اولدی غم سوزانه
دئدی زینب بابا منلن دانشیسان یا نه
دوندی بو مسئله دن گرچی اورکلر قانه
چاتمیوبدی هله خوش مجلسمیز پایانه
هئچ دئمورسن بیزه بو اوخ بو سو یا مشک ندور
سفره ده قاره علم گوزدن آخان اشک ندور

بویوروب واردی اورک قان ایلین اسراری
ردّ ائدم کعبه ی دیلدن من اگر دستاری
سیزه روشن گورونر لحظه ی محنت باری
تانیارسوز بو لبن خوار قوی سرداری
یوزونه باخدیقجا من کیمی دیل داغلارسوز
هم حسینه همی عبّاسه یانیب آغلارسوز

کربلا آدلو مکانه اولاجاقسوز دعوت
اولاجاق اوردا سیزون هاموزا هتک حرمت
دشمن دین سیزه تکلیف ائده جکدور بیعت
شریان علویده تاپاجاق جان غیرت
توکولر دشمن بی عاطفه احرار اوسته
قرمزی قان زره عبّاسه اولار یار اوسته

آلاجاق پرچم اسلامی هوادار الینه
سالاجاق دوشینه مشکی اولا حق یار الینه
سویون اوستونده دگر تیغ شرر بار الینه
بیر گوزیندن اوپر اوخ بیر گوزی آغلار الینه
ایکی قول بیر گوزی سو اوسته گئدر یغمایه
سانجیلار اوخ اوخا السیز یخیلار صحرایه

نوفل شوم ویرار قهراً عمودین باشینا
باشینون قانی گوزینده قاریشار قان یاشینا
باش سیناندا سسی مخیمده چاتار قارداشینا
وای دیر اولدی هدف باشی قضانون داشینا
سسلنر گَل باجی قربانون اولوم سیندی بئلیم
دوشدی عبّاسیم آتیندان داغیلوب آرخام ائلیم

ایندی بیلدون یری واردور بابا سولسون، زینب
عرفا اهل اشارت گرگ اولسون زینب
صبر ایله غنچه لریم خوش گوله دولسون زینب
پنجه ی جور گلیب گوللری یولسون زینب
جمع ایله سفره نی بیلدون گله جک درد و غمین
ایندیدن وای بالا وای سالدی دیله امّ بنین

زینبیم سیزده او مأواده دوشرسوز دامه
چکه جک قافله وی کوفیه دشمن شامه
سرپرست سن قیزیم اوردا سن اوزون ایتامه
ظفره نائل اولارسان دُؤزه سن آلامه
قورخما من اوردا قیزیم باشوزون اوستونده وارام
هاردا مظلوم اولا بیر کیمسه الیندن دوتارام

سنی وئرّم قسم عبّاس خانم زهرایه
آنوا ، حیدر کرّار آتوا ، طاهایه
لطف ایله طبعیمه بیر نوحه یازان سرمایه
منده فخریله اولوم منزویه همپایه
انور و یحیوی تک شعریمون اولسون نمکی
اوجالار باشی « صفانون » اگر اولسون کمکی

هر نیم من سیزه بیر عمردی ثابت نوکرم
نوحه یازدیقجا گوزوم یاشینی دائم توکرم
شاخه ی مهروزی هر آن اورگیمده اکرم
بیر اوزی قاره ایتم عشقوزه منّت چکرم
دوندرن وقتیده یوز قبلیه فریادیمه گَل
سال منی یادوه قبر ایچره آقا دادیمه گَل

• یکشنبه
• 3
• مرداد
• 1400
• ساعت
• 17:14
• نوشته شده توسط
• یوسف اکبری

قاف عشقه پر آچیب مرغ هوس مردانه
قویدی عبّاسون آدی دیلده قدم میدانه

نجه عبّاس یداللّهون علمدار اوغلی
اسداللّهه مَثَل صاعقه کردار اوغلی
فاطمه قزلارینون غم گونی غمخوار اوغلی
ایندیده طنطنه ی صولتی وار دیللرده
بدر سیماسی مصوّردی مه انورده

نجه عبّاس اونی وصف ایلدی کرّات رسول
هامی اصحابدن اکرم بویوروب عقل عقول
شأن بی شائبه سی لطف خداونده شمول
خلف صالح خورشید ولا اشجع ناس
دوز حسین عاشقی حلّال مشاکل عبّاس

قطره شایسته دگول وصف ائلسون دریانی
من کیمم مدح ائدم عبّاسی و یا مولانی
ولی عشقون منه مهمیز ویرور فرمانی
طبع توفیق تاپوب شوره گتیر احساسی
بحر ایثار و شجاعتده گزک عبّاسی

شهر یثربده اقامت ایلین گونلر علی
فاتح قلعه ی با کبکبه ی خیبر علی
غیرت اللّه و یداللّهه اولان مظهر علی
بی بصیرتلره یرلرده اولان پوشیده
عرش اعلاده وئرن نور مه و خورشیده

حیدر صفدره هم عصردی بیر مرد یهود
واریدی شهرتی یثربده اونون نامحدود
پهلوانیدی مدام ایلردی عرض وجود
جمع ائدردی باشینا فخریله هم کیشلرین
شاد ائده قدرتینه بلکه هم اندیشلرین

بیر آغیر داش واریدی صحن سراسینده کلان
گوتورنمزدی یریندن اونی اون مرد جوان
او یهودی اونی تک قوزاردی چوخ آسان
گزدیرردی داشی اوچ دفعه توانا الده
اَحسن اَحسن هامی سویلردی مکرّر دیلده

آلدی اطرافینی بیر گون نئچه موسا مسلک
باغرمیز قاندی علیدن دئدیلر ایله کمک
یاخجی فرصتدی تلافی ائلیک ایندی گرک
دعوت ایله اونی بیر گون بیزه مهمان اولسون
بیر نمایش وئر علینون اورگی قان اولسون

آلدیلار حاصل علیدن او دنیلر دعوت
شاد اولوبلار ائلکی قلیدی اجابت حضرت
وقت موعود علی صاحب شأن و شوکت
حسنینی گوتوروب حکمتیله دوشدی یولا
گوردی اوغلانلاری محزوندی باخور صاقه صولا

دئدی ای حیدر کرّاره ایکی روح روان
نیه آشفته دی حالوز بالا اولدوم نگران
دعوت ایلوب بیزی بیر فرد یهودی مهمان
گلدی گفتاره حسین عرض ائدیب ای اشجع ناس
آغلیور گور نجه باخدیقجا اوزاقدان عبّاس

طفلدی قلبی سنقدی بیزه ایلوب عادت
بیز نمازه دایاناندا اودا ایلر طاعت
نگران قویما اونی ایندی اولار ناراحت
قویمیاخ امّ بنینون اورگین غم بوروسون
بیزه همراه ایله عبّاسی دانیشسین گولسون

لطف ایله گَل اوجالاندیر بابا جان باشمیزی
قوش بیزه آغلاماسون خرداجا قارداشمیزی
یوخسا بیزده توکروک صورته گوز یاشمیزی
سن چاغیر بیزده سیلک یاشینی اوپدوکجه گوزین
عجله ایله سنی فاطمه ئولدوروردی ئوزین

مرتضی تئز دئدی آی گوزلریمون نوری بالا
اوغول عبّاس گل ای معدن اکسیر وفا
آغلاما بسدی علینون اورگی اولدی یارا
گَل اوغول قلبیمی قان ایلمه آی قاره گِله
مُنضم اول سنده ایکی غالیه بو شاخه گوله

دورد نفر بنده ی ممتاز خدای ازلی
حسنینیله ابوالفضلدی مولامیز علی
گلدیلر بیت یهودیّه خرامان و جلی
پهلوان معرکه آچدی یارادیب گرمایش
یا علی، سسلدی سندن وارمیز بیر خواهش

شهرتون واردی یهودیلر آرا زادالحرب
زاهد شب بیری سویلر بیری قتّال العرب
قاتل عَمرسن هم قاتل شخص مرحب
بو آغیر داش کی اونی رؤیت ائدورسن یرده
ایکی اللی گوتوروب اوینادورام منظرده

سنده گر مرد عملسن بیزه گوستر اوزوی
بو داشی قالخزا بیلسون بیلرم حق سوزوی
اوپرم شوقله هم اللروی هم گوزوی
فاتح قلعه ی خیبر سنی تصدیق ائدرم
حرمت ائتسون سنه بو عدّه نی تشویق ائدرم

واریدی قدرت مولادن او شخصون خبری
کبردن یا کی قضادن ایلدی خیره سری
بویوروب حضرت اونا کوردی خصمون بصری
آل هاشم حقون امّیدینه منکوب اولماز
نه من حتّی کچیک اوغلوم سنه مغلوب اولماز

فوراً عباسه اشاره ایلدی میر انام
دئدی دور موقع همّتدی اوتورما آرام
وئر نشانه علوی غیرتین آی نازلی بالام
قویما نسل و نسب هاشمیان خوار اولسون
من دعا ایلرم آللّه الوه یار اولسون

دوردی عبّاس بلافاصله چون شیر ژیان
دئدی سمعاً بابا و طاعتاً ای شاه جهان
قولّارین چمرادی میدانه سالیبدور هیجان
قلب میدانی مسخّر ایلدی حبل اللّه
دئدی لا حول و لا قوة الّا باللّه

دیزلرین قویدی یره وئردی داشا بیر حرکت
یا علی سسلدی قالخزدی او کان غیرت
اوینادیب توپ کیمین دوتدی باخانلار حیرت
صورا اون دفعه حیاطی دولانیب دیلده ثنا
آتدی گوی سمتینه داش گوزدن اولوب ناپیدا

هامی گوزلردی داشی گلدی بدادن نظره
دوتدی عبّاس هواده قویوب آهسته یره
دشمن و دوست دئدی احسن او فتح و ظفره
چکدی آغوشینه شوقیله ایکی قارداشلار
اوپدیلر ذوقدن اولدی یوزه جاری یاشلار

احتراماً گلیب عبّاس علی نور بصر
با ادب سینه ده اللر دایانیب پیش پدر
یعنی امرون بابا شایسته مطاع اولدی اگر
جایزه لطف ایلسون گر منه بیر عرضیم وار
هارا گتسون منی نوکردی حسینیله آپار

باور ایله بابا آرامش جانیمدی حسین
آند اولا فاطمیه روح روانیمدی حسین
شریانیمده گزن قرمزی قانیمدی حسین
اوغلوام منده مسلّمدی بو ذاتاً اصیلم
ولی فخریمدی حسینه بابا قربان کسیلم

غم هجرانینه تاب ایلمیور قان اورگیم
نیلیوم عادت ائدیب گول یوزینه لحم و رگیم
دامن وصلنی حاشا وئره الدن بلگیم
خوشلیام عود کیمین مجمر عشقینده یانام
فدوی دوغدی حسینه منی اوّلده آنام

سالدی بو مسئله بیر سوز یادیما آی رفقا
او زمانیکه یخلدی یره آتدان سقّا
یوخیدی اللری تکیه ایلیه ماه لقا
گل حسین سسلدی گلدیم غم الیندن جوشه
آلیب اوخلار منی قارداش نجه گور آغوشه

اللریم یوخ یوزومه باغلیدی راه چاره
دستگیرم ندیم اون یدّی نفر خونخواره
جان دوداقیمده حسین منتظرم دیداره
چوخ یوبانما قد شمشادیمی دشمن یخسون
گَل باشیم اوسته اوتور گوز گوزه جانیم چیخسون

مردی نامرد قباقینده چتیندی یخیلا
گُلی انصاف دگول دسته ی خاره سیخیلا
گَل قباقونده باشیم ذبح اولا غصّم داغیلا
رنج تشریفوه عبّاس گرک باش وئرسون
سن کیمین قارداشا جان فخریدی قارداش وئرسون

آلدی تا حجّت حق قارداشون امداد سسین
ذوالفقارین چکیب هی ویردی مینیبدی فرسین
گلدی عبّاسی گوروبدی چکور آخر نفسین
چکدی آغوشینه وای سسلدی عبّاسیم وای
ظلملن پرپر اولان شاخ گُل یاسیم وای

بیر گوزین گوردی اولوب تیر شقاوت هدفی
بیری قانیله دولوب گورمیور هئچ بیر طرفی
سسلدی گورجک حسین دادینه شاه نجفی
بابا امداد ایله سرداریم الیمدن گئتدی
قارداشیم ئولدی هواداریم الیمدن گئتدی

حمل ائدیم نعشینی آللّه نجه من خیمه لره
نجه من مانع اولوم ریزش اشک بصره
دوشدی کابینه ی سلطان شهیدان خطره
نه دیوم الده سو جامی دولانان قزلاریما
العطش دیلده گوزی یولدا آدامسیزلاریما

اکبریم ئولدی دئدیم داغ کیمی عبّاسیم وار
الده کسگین کسریم تیغه ی الماسیم وار
قوجاقیمدا داغیلان ایندی گُل یاسیم وار
آلموشام باشوی آغوشیمه جان جان دیرم
پوزولان نقشوه جانیم اولا قربان دیرم

یا حسین کنز وفا قارداشون عبّاسه گوره
یاتان علقمده خجالت شرف ناسه گوره
سنه خاطر اوخیوب آغلیان انفاسه گوره
قویما احبابوی شرمنده اولا محشرده
یاز « صفانوندا » آدین کلب ولا دفترده

• دوشنبه
• 4
• مرداد
• 1400
• ساعت
• 12:00
• نوشته شده توسط
• یوسف اکبری

تا سلامتدور بدنده الّلرون
الّلری باغلانماز آل حیدرون

ئولدوروبلر اوغلومی قوم دنی
یالقوزام گل قویما قارداشسیز منی

ایمدی که ناچار اولوبسان گیتماقا
دشمن خونریزیله جنگ ایتماقا

ممکن اولسا ای جوان با ادب
بو سوسوز اطفاله ایله سو طلب

اولدی فرمان همای امام
قارداشا عنوان تحصیل مرام

داخل اولدی خیمه گاهه بی درنگ
ایلسون آراسته اسباب جنگ

جنگه دارا پهلوان بی قرین
باشه قویدی طاسکلاه آهنین

جوشن داود تک عالی زره
اگنینه گیدی فلک دن گلدی زه

باغلادی شیر اوژن روز ستیز
اوز خم ابروسی تک بیر تیغ تیز

ایلدی محکم بئلینده خنجرین
زَهره چاک ایتسون هامی دشمنلرین

دستۀ خنجرده قیلدی استوار
زلف اکبر تک کمند تابدار

کتفن

• چهارشنبه
• 24
• بهمن
• 1397
• ساعت
• 10:17
• نوشته شده توسط
• ابوالفضل عابدی پور

اوجالوبدور عرشه فغان سسلور هامی ای داد و امان
صحرای بلاده
النور گویدن یـره قان نعـره چکـور القانـه باتان
اول قانلی مناده

کیمــدور بو دلاور سسلـور اوجـا تکبیــر
روبه‌لــره گویــا حملــه ایلیــور شیــر
بـاخون عرصـه‌ده قیامت ایلیوب ‌به ‌پا ابوالفضل
سالوب عرصه‌گاهه طوفان یَل کربـلا ابـوالفضل
باب الحوائج ابوالفضل
****
توکور اوت شمشیری اونون دیلده اوجا تکبیری اونون
وحشت یارادوبدی
وار ایکـی بـازوسی رَسا الله اونـی باشـدان ایاقــا
غیرت یارادوبدی
گویـا کـه چکوبــدی شمشیرینــی حیــدر
خشمیلــه گُلــور تـا فتـح ایلیــه خیبــر
چاغیروردی تلّون اوستن باجیسی اخا ابوالفضل
باجون ای یَـل سرافـراز آدیـوا فـدا اب

• پنج شنبه
• 9
• شهریور
• 1391
• ساعت
• 12:53
• نوشته شده توسط
• جواد

سالمارام امّا سنون امرون یره
قویمارام عبّاس آتا جولان وئره

اولام ایندی عرصۀ رزمه روان
بیر شجاعت ویرّم عبّاسه نشان

قلبینی آل علینون داغلارام
تیغینی آلّام قولونی باغلارام

ائتدی تا بو سوزلری مارد بیان
خیمه سیندن چخدی چون پیل دمان

پیکری غرق سلاح کارزار
کوه پیکر بیر آتا اولدی سوار

معدن کبر و غرور الده سنان
رزمگاهه ایسته دی اولسون روان

ابن سعد امر ائتدی قوم کافره
ایلیون تکریم بو سرلشگره

قویمیون یالقوز گیده بو صف شکن
مین نفر دوشسون قباقه تیغ زن

صاغ و صولدا پشت سرده مین نفر
رزمگاهه ایلیون بونلان گُذَر

ماردین شأنی گَرَک ایتسون ظهور
گورمَسون یالقوز ابوالفضل غیور

ابن سعد امریله بیر عدّه سپاه
ما

• چهارشنبه
• 24
• بهمن
• 1397
• ساعت
• 10:18
• نوشته شده توسط
• ابوالفضل عابدی پور

یوز بقیعه دوندریب با صد محن
گوزده قان یاش سسلدی قارداش حسن

یادیمه دوشدی زمان اصعبون
قویمارام بیگانه مینسون مرکبون

ایسته دی اُول باغریقان شیر ژیان
قولینه فعلیله وئرسون امتحان

قصد ایدوب غیظیله فوراً دشمنی
ووردی قلبیندن غلامین نیزه نی

سینه سیندن آشنا اولجاق سِنان
نوک نیزه اولدی کتفندن عیان

ویرمدی اولقدر مهلت جان ویره
مرکب اوستن قالخزوب ووردی یره

ال ایاقین جمع ایدوب مانند شیر
جست و خیز ائتدی او فحل شیرگیر

صدر زین اوستن اوچوب شهبازوار
طاویه اوسته دوتوب محکم قرار

گوستروب فعلیله پور بوتراب
شیر پشتینده جلوس آفتاب

بیرنمایش وئردی پور مرتضی
دوست و دشمندن اوجالدی مرحبا

چوخ فراستلیدی از بسکه عقاب

• چهارشنبه
• 24
• بهمن
• 1397
• ساعت
• 10:19
• نوشته شده توسط
• ابوالفضل عابدی پور

ساقى لب تشنۀ جام الست
یادگار شیر یزدان شیر مست

عترت پیغمبره حصن حصین
کان غیرت زادۀ ام البنین

عُروَةُ الوُثقای خلقه نور عین
ملجاء زینب علمدار حسین

ايسته دی ایتسون وفاسین آشکار
قویسون عالمده وفادن یادگار

ظاهر ایتسون ایله بیر صدق و صفا
خلقه بُلدورسون ندور رسم وفا

گوردی تا نهر فراتین موجونی
سوئیله دولدوردی فوراً اوجونی

سالدی ياده شاه مُلک عزّتی
سو دیوب قانیاش توكن جمعیّتی

بیرسووا باخدی عزیز بوتراب
بیرده باخدی دشمنه ايتدی خطاب

من که پور نامدار حیدرم
بو کمک سیز پادشاهه نوکرم

من بو گون ایله وفا وئرّم نشان
گورمسون مثلین زمین و آسمان

رهروان عشقه گوسترّم رموز
نهر آب اوستونده جان ویرّم سوسوز

ب

• چهارشنبه
• 24
• بهمن
• 1397
• ساعت
• 10:20
• نوشته شده توسط
• ابوالفضل عابدی پور

جرأته گلدی قاچان سربازلر
عدّه دن آیریلدی تیر اندازلر

کشور ایمانی ویران ائتدیلر
سرسپاهی تیره باران ائتدیلر

بُلدولر یالقوزدی یوخدور بیر کسی
سس سسه ویردی هواده اوخ سسی

اوخلاری یاغدوردولار باران کیمی
سینه سینده دوزدولر مژگان کیمی

اوخ مبادا مشکده جاگیر اولا
تشنه قیزلار چشمی اشکیله دولا

اوخ گلنده هر طرفدن اول جوان
سینه سین پیکانه ایلردی نشان

دل گوزی باخدوقجا اصغر اشکینه
حایل ایلردی قولین سو مشکینه

خیمیه یتماقه ایتدوقجا شتاب
دشمن بی رحمه ایلردی خطاب

خطاب به لشگر کوفه

من دیمم اوخ جسمیمه چوخ ویرمیون
ای جماعت مشکیمه اوخ وورمیون

تشنه دور ساقیِّ کوثر قیزلاری
سو یولی گوزلیر پیمبر قیزلاری

فاطمیّا

• چهارشنبه
• 24
• بهمن
• 1397
• ساعت
• 10:21
• نوشته شده توسط
• ابوالفضل عابدی پور

حالات شهادت

تشنه لب ساقی دیشنده مشک آب
خیمه گاهه گیتسون ایلردی شتاب

بلکه سو مشگین یتورسون خرگهه
خدمتین ویرسون نشان آل اللهه

ئولممیش بلکه سو ویرسون اصغره
شاد گئتسون محضر پیغمبره

گوردولر کفّار بی رحم و شریر
رزمگهده پنجه سیز قالدی او شیر

عشرته تبدیل اولوندی غملری
ایتدیلر اَفراشته پرچملری

تازه دن طبل بشارت چالدیلار
دوره سین اول نامدارین آلدیلار

ووردولار اوخ بس که قوم نابکار
پیکری اولدی سراسر زخمدار

چاک چاک اولدی بدن جوشن کیمی
آچدی گول باشدان باشا گلشن کیمی

اَل گیدوب قالمیشدی پرسیز باز تک
آچدی شهپر تیریله شهباز تک

لفظدن گلسون گرک معنی اله
صارَ كَالْقُنْفُذ یازوبلار مقتله

جلدی گیزلندی ز ب

• چهارشنبه
• 24
• بهمن
• 1397
• ساعت
• 10:22
• نوشته شده توسط
• ابوالفضل عابدی پور

سن دگلدون اول پلنگ تیز چنگ
بیزلره ایتدون بو گون شهدی شرنگ

آنّوون قانی آخور رخسارووه
بس نه گلدی اُول اوزون قولارووه

ایتموسن بو جمعی بیحد تلخکام
یاخشی ساعتدور آلام من انتقام

آلدی بو سوزلر الیندن صبر و تاب
نطقه گلدی دشمنه ویردی جواب

من او شیرم که کسوبلر پنجه می
بیحیا آرتورما دلده رنجه می

پهلوانلاردان اوزاقدور بو مقال
عورته شایسته دور لفظی جدال

گر بو قومین سنسن الحق ارشدی
بو زنانه سوزلر ای کافر ندی؟

اوندا کی باشیم منیم پر شوریدی
اَلدَه شمشیریم قولوم پر زوریدی

گلمدون تا گوستریدیم زوریمی
بُلدوریدیم تیغیله منظوریمی

گلموسن بیر وقتیده ای کین شعار
نه الیم وار نه بدنده اقتدار

بو جوابی ویرجک عبا

• چهارشنبه
• 24
• بهمن
• 1397
• ساعت
• 10:24
• نوشته شده توسط
• ابوالفضل عابدی پور

شنیدن صدای استمداد برادر

خیمه لرده پادشاه نشأتین
دادخواه ماسوا یعنی حسین

منتظر دورموشدی آشفته خیال
تاپدی ناگه حالتی تغییر حال

شاه بی لشگر او سرلشگر سسین
آلدی تا عرشه اوجاتدی ناله سین

ایتدی فرمایش ئوزوم قربان سنه
گلدیم ایتمه ناله گلمه شیونه

قوم و قارداشسیز اوغولسوز پادشاه
زینبه یوز دوتدی دلدن چکدی آه

سسلدی گل ای بتوله یادگار
یخدیلار عباسی قوم نابکار

آرخاسیز قالدیم بو صحراده باجی
حاضر ائت مرکب گیدوم داده باجی

گوزده قانیاش دلده آه آتشین
مرکبی گَتدی بتوله جانشین

فکریمه بو یرده بیر مطلب گلور
تیر آهیم باغریمی اوخ تک دلور

بو خبر اولسا صحیح و معتبر
وار یری سالسون سماواته شرر

ایسته دی شه مرک

• چهارشنبه
• 24
• بهمن
• 1397
• ساعت
• 10:26
• نوشته شده توسط
• ابوالفضل عابدی پور

ای یارالی شیریم وزیریم ابوالفضل اویان
شیـر بی‌نظیریم وزیریم ابوالفضل اویان
جانم ای ابوالفضل(2) اویان قارداشیم
ای امیدگاهیــم پناهیـم حسین تـک قالیب

جان‌وئریبدی یکسرسپاهیم حسین تک قالیب
دور ایاقـه‌ای سرسپـاهیم حسین تک قالیب
یوخدی دستگیریم وزیریم ابوالفضل اویان
****
دوره‌می آلوبدی اوتوز مین ستمگر منیم
نه واریمدی عونیم نه فضل وجعفر منیم
نـه وفـالی قـاسم نـه شهزاده اکبر منیم
افسر شهیـریم وزیریـم ابوالفضل اویان
****
کوفیـان سنـی ائل دایاقـی بیلوللـر منه
وئرموسن منه سس‌بو عدوان گولوللر منه
باشون اوسته قارداش شماتت ائدیللر منه
بو دم خطیریم وزیریم ابوالفضل اویان
****
قالدی‌گؤرنه نوعی بوچولده‌کمکسیز ح

• پنج شنبه
• 9
• شهریور
• 1391
• ساعت
• 13:19
• نوشته شده توسط
• جواد

رعب شمشیریم اولاردان تاب آلور
فرض ایدولر صاقدور عبّاسون قالور

چوخلاری بُلمور بو قوم ناکسین
شیریوون قارداش کسوبلر پنجه سین

گر منی حمل ایلسن قتلایه سن
نعشیمی گورسه بو اشرار زَمن

اوستووه قارداش اولار دشمن جری
اَل آچار آل امّیه لشگری

بو وصیتدن بودور فکریم منیم
بُلمَسون بو ماجرانی دشمنیم

قارداشیندان تا ایشیتدی بو سوزی
دولدی اشکیله شه بطحا گوزی

ایتدی فرمایش امام دل دو نیم
ایلسون رحمت سنه ربِّ رحیم

هم حیات و هم مماتونده مُدام
ایلدون نصرت منه ای نیکنام

سنکه گیتدون قویماز اعدا دینجَلَم
گیت دالونجا آز قالور منده گَلَم

بو سوزی تا شاه دین ایتدی ادا
قولّارینی سالدی قارداش بوینونا

قول بویون اولدی

• چهارشنبه
• 24
• بهمن
• 1397
• ساعت
• 10:28
• نوشته شده توسط
• ابوالفضل عابدی پور

ایلین ساعت عموم عزم جدال
وعده ویردی سو منه اول مه جمال

پوزماسا افکارین اوضاع مصاف
اولمیوب اولماز عموم وعده خلاف

یا اوزی ایچدی او غیرت معدنی
سو ایچنده سالمادی یاده منی

شه ایشیتجک اوز قیزیندان بو سوزی
مشک تک دولدی سرشکیله گوزی

ائتدی فرمایش داخی دوتمور دلیم
بیرقیم یاتدی قیزیم سندی بئلیم

بو غمیم نه آشنا داغلار یادی
نه عمو آدی گتور نه سو آدی

شاه بی لشگر پریشان حالیه
خیمه گاهه گلدی بو منوالیله

هاشمیاته نه ائتدی التفات
زینبه نه باخدی میر کائنات

دلده قارداش گوزده قانیاش یکسره
وارد اولدی خیمۀ سرلشگره

خیمه نین سالدی ازل دامانینی
تا بُلوندورسون غم پنهانینی

صیحه چکدی بی سپه شه آغلادی
اولدی آل حی

• چهارشنبه
• 24
• بهمن
• 1397
• ساعت
• 10:29
• نوشته شده توسط
• ابوالفضل عابدی پور

ساقـیِ بـزم دلــدار اباالفضـل
لشگـر حقّـه سـردار اباالفضل
آچ گوزون گلمشم باشون اوسته
باصفـادور بـو دیدار اباالفضل

سـن منیـم حالیمـه آغلا قان‌یاش
من دیوم وای بلیم سندی قارداش
****
باوفـــا همدمیـم سرسپاهیـم
غـم گونونـده امیدیـم پناهیـم
آز قالـور قــوم اشـرار الینـده
اود دو تـا سربه‌سر خیمه‌گاهیم
****
خیمیـه گلــدی ادرک صداسـی
آرتوب اطفـال عشقون هراسی
وای دئدیـم گئتدی یاریم الیمدن
باتـدی القانـه غیـرت هماسی
****
جان گلوب درده غم منظروندن
یانـدی قلبیـم سنان شهپروندن
دردیمـه دشمنـون ال چالانـدا
بوسـه آلدیم کسـوک اللروندن
****
غرق اولوب جان و دل دود آهه
دونـدروب صبحـی شام سیاهه
من بو دوغرانمش اعضا

• پنج شنبه
• 9
• شهریور
• 1391
• ساعت
• 13:39
• نوشته شده توسط
• جواد