عرصه ی جنگيده سالار دليران گورونور
دين حق ياوري اسلامه نگهبان گورونور
پيرو دين خدا مظهر ايمان گورو نور
عبد صالح لقبي حامي قرآن گورو نور
سَرو قامتلي قوي چون شه مردان گورونور
آدي عبّا سيدي سردار و علمدار حسين
واريدي چوخ غم و آلاميده غمخوارحسين
ياور دين خدا عاشق و دلدار حسين
عاشق جان به كف وخسته و بيمارحسين
صاديق عاشيقدي اوز عشقينده ثناخوان گورونور
عين عبّاس علينون او وفالي پسري
باي عبّاس سالار بندينه هرخيره سري
اَلف آدي اوزون اللري سينه سپري
سين عبّاس كه سقّا شه دين بال و پري
خاضع وخاشع و هم تابع فرمان گورونور
بُرج شأن و شرفه مهر دل آرادي ئوزي
عارضي قرص قمر وار ايكي رخشنده گوزي
شه خيبر شكنون سهم و صلابتده اوزي
آتاسي حيدر كّراركيمين حقدي سوزي
دانيشا ندا ديه سن نا طق قرآن گورونور
پنجه سي پنچه ی حيدردي قوي شيركيمين
نطق گويا سي عجب تيزيدي شمشيركيمين
توخانورلشگركينه سوزي چون تيركيمين
دايانوب خصم دني عرصه ده تصويركيمين
گوئيا لشگركين مُرده و بي جان گورونور
آلسا شمشيرين اَله خصمي پريشان ائلير
او ستم پيشه لري داخل نيران ائلير
هرخطا كاري خطا سينده پشيما ن ائلير
كربلا تپرا قيني قانيلن اَلو ان ائلير
گله ی روبه او بيرعدّه بو اصلان گورونور
دانيشان وقتيده لشگردن آلورتاب و توان
مثل حيدر آتا سي نا طق بُرنده بيان
حال حيرتده قالوب خصم دني پيرو جوان
ديه سن قا بض الا رواحدي بو شير ژيان
قورخيدان لشكركين پيكري لرزان گورونور
مظهر عشق و وفا زاده مولا دولانور
گُلشنه دينه اولان سرو دل آرا دولانور
پا سدار حرم عترت طاها دولانور
صا حب مشك و لوا صحنه ده تنها دولانور
او دولاندو قجا جفا اَهلي هراسان گورونور
برق شمشيري عدونون گوزيني كورائليوب
گونوزي گوزلره همچون شب ديجورائليوب
صوت تكبيري بلا دشتيني پُر شور ائليوب
فاطمه اوغلي فراته اوني مأمور ائليوب
بحر تك موج ورور عرصه ده طوفان گورونور
ئوز دوتوب سویلدی ای لشگر خونخوار ودنی
من علي اوغليام اي لشگر خون خوار و دني
تا نيمورسوز تانيون عرصه ی ميداندا مني
قانه غلطان ائدرم جنگيمه هر بير گلني
كيم منيم جنگيمه گلسه گوره بيلمز وطني
اولون آماده گورون كيم كيمه اَلان گورونور
گلون الله گوره حق سوزومه تابع اولون
دين و قرآنه جسارت ائدنه مانع اولون
كج يولا گيتميون الله ديينه قانع اولون
رهبريم زاده ی زهرادي اونا خاضع اولون
گورون اوندان صورا اوندان نئجه احسان گورونور
اولا گر مشکیده سُو خيميه شادان گئدرم
تشنه لبلر يانينا شاد و خُرامان گئدرم
او لب عطشان بالالار سمتينه خندان گئدرم
سو گتورسم اَله بير قطره شتابان گئدرم
بير بولوك عورت اوشاق خيمه ده عطشان گورونور
بير باخور مشكينه بير خيميه اُول كان وفا
هر باخاندا يانوري ديلدن او محبوب خدا
بير لب عطشان بالا ائتميش دل سقا ني يارا
يوخدي بيرجرعه سودان دردينه بيرآيري دوا
فكري اصغردي دولاندوقجا پريشان گورونور
گوئيا جرئت ائدوب مارد بي شرم و دني
رخصت جنگی آلوب سر سپه هيندن علني
رزمه آماده اولوبدور ولي دئلده محني
گلوري رزمگه لرزيه دوشموش بدني
گلمگيندن بئله ميدانه پشيمان گورونور
مارد شوم و دني گلدي ابوالفضله طرف
او حرام زاده بو امّا خلف شاه نجف
او خزف مثليدي بو گوهر درياي شرف
عبد صالحدي ابافاضل او بير هرزه علف
روبرو معركه ده كُفريله ايمان گورونور
ماريده فاتح اولوب زاده ی زهرايه مُريد
طُعمه ی تيغ ائدوب اُول كافري عبّاس رشيد
ُکفري نابود ائليوب نور حقي ائتدي پديد
خیم اهلینه وئروبدور اوجا تکبیری نوید
بو خبردن حرم اَ هلي ائله شادان گورونور
اولين حمله ده آچدي سو يولين صاحب علم
نهريدن مشگيني دولدوردي او سقّاي حرم
يوز قويوب سُرعتيلن خيمه گه كان كرم
يولوني سالدي نيستانه طرف نچّه قدم
بيشه ده گوردي كه روبهه صفت انسان گورونور
حمله ور اولدي ابوالفضل طرف قوم لعين
تيغي لر الده گزور غيضه گلور لشگر كين
اوخ آتانلار اوخ آتورتنگه دوشوب افسردين
شير شجعان عرب تكدي عدولرنئچه مين
گئنه بو حاليله كُفر اَهلي هراسان گورونور
كربلا ايچره علي اوغلي ائدوب عهده و فا
چكوب اوز تيغينه كين لشگريني مرد خدا
يتدي جان سمعينه اُول حيني ده بيرغملي صدا
گوردي فرمان وئروري مغزينه شاه شهدا
اَلي سُست اولدي بو سوزدن اورگي قان گورونور
چون بيورموشدي حضورأ اونا بيركلمه اَزل
اي اَبافاضل اَيا حيدر كراره مثل
سو يولوندا ائلمه خصميله چوخ جنگ وجدل
سرّي سوزدور ديورم بو سوزومه ايله عمل
واقف اُول زينبون آينده سي اَ لان گورونور
- پنج شنبه
- 20
- آذر
- 1399
- ساعت
- 00:16
- نوشته شده توسط
- یوسف اکبری
ادامه مطلب
