اشعار حضرت ابالفضل(ع)

ای قهرمان ابوالفضل جان جهان ابوالفضل
سو ایستمیر رقیه یاتما اویان اوبوالفضل

آتدان دوشنده قارداش سس خیمه گاهه چاتدی
سو گوزلین اوشاقلار باشدان سو فکرین آتدی
گل خیمگاهه اصغر یومدی گوزینی یاتدی
سندن سو ایستمز دای اول بی زبان ابوالفضل

بیر یاندا جاری اولدون کل جهانه ای سو
عطشاندی دیل دوداقلار چات میهمانه ای سو
اصغر سوسوزدان آغلور دون سنده قانه ای سو
غم اوسته غم قالاندی دیل اولدی قان ابوالفضل

دور یاتما یءرده دشمن احوالیمه گوللر
ءولدی حسین امیری یاتسا علم دیللر
جرءت تاپوب خیامین اطرافینه گللر
بو قوم بی مروت وءرمور امان ابوالفضل

اولدوز کیمی سماده سن یوخسان آیسیزام من
دریای لطف و احسان قیل چاره یالقوزام من
اوغلوم اءولوبدی عباس ایندی آدامسیزام من
باشیوین اوسته وءرم من ایندی جان ابوالفضل

قارداش دینده دوشدی دیل پیچ و تابه قارداش
گوردوم گلنده پرچم دوشموش ترابه قارداش
دور عزم ایدک خیامه رحم اءت ربابه قارداش
خجلت اولوبدی سن تک ایلور فغان ابوالفضل

بیر السیزیله نچه کافر گلوب نبرده
دورین دوتوبدی دشمن نیزه ورولا مرده
اتدان دوشنده بیلمم کیم گوردی رهگذرده
پیکان ظلم و خشمه اولدون نشان ابوالفضل

چکمیش نشانه قانلان گوردوم یولا علمدار
ناگه گوزوم توخاندی بیر جفت قولا علمدار
اول صاقا یتیشدیم صونرا صولا علمدار
گوردوم گوزونده بیر اوخ تاپمیش مکان ابوالفضل

الله بیلور برادر هیچ دویمادیم سوزوندن
گوردم باشین یاراسین اولدوم خجل یوزوندن
قربان اولوم دیبوبدی اوچ شعبه اوخ گوزوندن
بو اوخ علی بوغارین ایلر نشان ابوالفضل

طوفاندا کیم دوتلسا سسلر دءیر ابوالفضل
بو دلکباب "خدایی " قاره گیر ابوالفضل
نوکر ءوزون سیزینچون والله بیلر ابوالفضل
آغلار همیشه عاشق وقت اذان ابوالفضل

• دوشنبه
• 11
• مرداد
• 1400
• ساعت
• 16:35
• نوشته شده توسط
• یوسف اکبری

گل نهریده علمدار قانه بویاندی قارداش
قولاری دوشدی تندن حالی یاماندی قارداش

دولدوردی مشگ آبی اخیامه ساری گءتدی
یاده دوشوبدی اصغر دلدن قراری گءتدی
بیر اوخ دیبدی مشگه سو اولدی جاری گءتدی
سسلندی جام صبریم داشدی جالاندی قارداش

نخلستانا او دم که دوشدی یولوم حسین جان
چوخ ظلمیلن کسیلدی صاق و صولوم حسینجان
اولدی قلم بو چولده بیر جوت قولوم حسینجان
اتدان یخیلدی سقا تز گل اماندی قارداش

عالمده مصطفانین باغی خزان اولوبدی
مخمیده خردا قیزلار مانند گول سولوبدی
حیدر ئوپن دوداقه، باخ لخته قان دولوبدی
اوخ دگدی سجده گاهه،قلبیمده یاندی قارداش

سالدی منی ترابه قاتل جفاسی والله
دشمن کیمی سویوندا یوخدی وفاسی والله
آلدی قراریم مندن بیر اوخ یاراسی والله
دیدی گوزه ایتیردوم خیمه هایاندی قارداش

گل گوزلرون فداسی مولا یتیش هرایه
اون یدی نیزه لی بو جسمی سالوب ارایه
السیز باشیمون اوسته سال رحمتونله سایه
سیندی باشیم وجودیم بیر پارچا قاندی قارداش

قاتلده یوخدی همت دورسون سوز اوسته قارداش
آلدیم سویی ،ایکی قول قویدوم گوز اوسته قارداش
اللر یوخیدی دوشدوم آتدان یوز اوسته قارداش
سو قیمتی بو چولده چوخ چوخ گراندی قارداش

اتدان یره دوشنده زهرا انامی گوردیم
پهلو سینی دوتوبدور واردی یاراسی بیلدیم
وقتی دیدی ابوالفضل مین یول اولوب دیریلدیم
زهرا گلوبدی تز گل یاخشی زماندی قارداش

ای گون خسوفه اءدن گر آی ناز اءدر سماده
دوزدی بلایه دوشدوم من دشت کربلاده
بیچاره دی "خدایی" سال محشریده یاده
نوکردی قیل عنایت قدی کماندی قارداش

• دوشنبه
• 11
• مرداد
• 1400
• ساعت
• 16:37
• نوشته شده توسط
• یوسف اکبری

قانلی میداندا یاتما عباس ای امیر لشگر گوزون آچ
دور خیامه گل ای ابوالفضل ایستمیر سو اصغر گوزون آچ

اول زمان که سس گلدی قارداش دادیمه گل ایندی اماندی
زینبیم عرض ائتدی حسینیم دور ابوالفضلیم نیمه جاندی
بیلدیم اول لحظه قولارین یوخ پیکرین باشدان باشه قاندی
باشین اوسته ال بلده قالمیش باخ حسینون سسلر گوزون آچ

پرچمین یاتدی ای وزیریم دوریوی اهل کینه آلدی
مشگیوی ای کاش بوشلییدون سو یرینه صبریم جالاندی
اکبریم ئولدی سنده گئتدون اللریم قارداش بئلده قالدی
گنج آل حیدر نه گلدی ای شکسته گوهر گوزون آچ

چکموسن خط توپراقین اوسته قانه باتمیش یئر معلوم اولسون
هئچ دگول انصاف گلستاندا سرو رعنا ظلمیله سولسون
گوی دیوم بیر سوز قلب عشاق ابری تک بو ماتمله دولسون
صاق گوزن دگمیش آی ابوالفضل ظلمیله بیر شش پر گوزون آچ

دور خیامه عزم ایله قارداش گوزلیور زینب تلین اوسته
بوینوما قطع اولموش قولون سال سن اخا خسته منده خسته
آغلاما قوربانیم اولوم من آغلاما ای قلبی شکسته
باش یاراویله اولموسان بیل سن شبیه حیدر گوزون آچ

باشیوین اوسته کیم گلوبدی عطری چون وار دورینده قارداش
گوئیا زهرا عطریدی بو روحیمی ائتمیش زنده قارداش
گوردون آخر زهرا ننمی گوزلرین آیدین سنده قارداش
وار حضورینده فاطمه دور ای عزیز مادر گوزون آچ

پیکریوی خنجر کسوبدی خنجرین ردین اوخ تیکیبدی
صاق گوزوه بیر اوخ ساجیلیبدی گوندوزی گوزده تار ائدیبدی
خیمیه سنسیز من گئدنده وای ابوالفضل زینب دئیبدی
باخ رقیه جاندان دوشوبدور قان اولوبدی دیللر گوزون آچ

نه قولون واردی پیکرینده نه سویون وار مشگینده قارداش
عهد و پیمانی باشه وئردون تا قالا اسلام زنده قارداش
گوی قالا بیچاره "خدایی" عشقیله بو کوینده قارداش
عرض ائدر دائم روز و شبده باخ منه ای دلبر گوزون آچ

• دوشنبه
• 11
• مرداد
• 1400
• ساعت
• 17:15
• نوشته شده توسط
• یوسف اکبری

باغلانوبدی سو یولی عترت پیغمبره
خیمه ده سو صخبتی اتش سالوبدی دیلره

بیر طرفده نهر اخور بیریاندا اصغر تشنه دی
خردا قیزلار الده جام لای لای دیولر اصغره

مهر زهرادی بو سو بیگانه لر غصب ایلیوب
قویمویور سو یول سالا باغدا سارالمیش گلره

سو اگر گل ایچسمه رنگ سولار باشین ایر
صحبته دیل آچماز هیج ، ناز ایلیر بلبلره

رسمیدی خردا اوشاقه صود وءرلر رام اولار
آج قالا ایلر شکایت آغلاماقلا مادره

بو گجه آلمیش قوجاقه اوخشیور بی کس رباب
عرض اءدور قربان اولوم اوغلوم آخیلمش گوزلره

بسدی دیرناق ورما اوغلوم یوخ صودوم شرمندیم
قحط اولوب دریا کنارینده سو اوغلوم بیزلره

نه روادی خلق ایجه سو تشنه قالسون میهمان
یوخدی هیچ رحم و مروت اف اولا قاتلره

ایستیرم گوزیاشیله تشنه دوداقین تر اءدوم؟
کاش اولا قربان انا اوغلوم گویرمیش لبلره

کوفه لیلر مثلی نهرین یوخ وفاسی نیلیوم؟
نهریدن سو گلمیری چولده یانان اهولره

بیر طرفده جاری اولدون قان اولیدون ای فرات
ساقی شرمنده اولور دوشدی نجه مشگلره

اجنبیلر دال اولیدی قامتیز ظلم اءتمیون
ظلم بیش از حد اءدورسوز سیز آل اطهره

بو حسین ریحانه ی زهرادی چوخ اینجیتمیون
طاقت قلب نبی و نور چشمدی حیدره

گءتدی عرشه قونداقی وقتی گوز اچدی قارداشیم

مرجع تقلید اولوب مولا بوتون عالملره

وقت او وقت اولدی سوسوزلوق دیندیریردی اصغری
ماهی تک آغزین اچور هی یالوارور دریالره

یعنی بیر قطره سودان احسان اءدون بو دیلسیزه
بیر باخین قونداقه باغلانمیش خردا اللره

عفو اءله یافاطمه سو قیمتی اولدی گران
اصغری سیراب اءدوب بیر اوخلا نامرد میزبان

حرمله وءردی دیزین قویدی کمانه اوخ باجی
حال و احوال ربابه آغلادیم من چوخ باجی

اوندا کی ایریلدی پیکان چیلدن فریاد اءدوب
یول ایتیرمیش درنالار تک راه بی راهه گءدوب

سانجیلوب ناگه ال اوسته تشنه جیرانه او دم
نهرین اوسته آغلادی عباسیله قانلی علم

حنجره باخ ،بیر اوخا باخ ،فکر اءله باش ایریلار
دیسه گویا ءوز رکابیندن دوشر قاش ایریلار

ءوپدی اهسته بوغازین اوخ دءدی اصغر اویان
سو یرینه ایچ قانین بلکه بو قانیله دویان

تیتردی قونداقیده اسدی ایاقیله الی
هی اتاسی بوس اءدور سسلور دیور یاندیم علی

ای فرات روسیاه آخ هر نقدری ایستوسن
اصغریمی چاتمادین دیلسیز ءونی ءولدورموسن

ای" خدایی" سنده آغلا گوی کبوتر آغلاسین
ایستدی شاه غنچه سین ءوز سینه سینده ساخلاسین

• جمعه
• 15
• مرداد
• 1400
• ساعت
• 19:31
• نوشته شده توسط
• یوسف اکبری

مولا
آقام آقام آقام حسین جان
سومشکیمه دییبدی پیکان
سوسوزلارا منیم دیلیمجه
بویور قولومی سالدی عدوان

مولا
یتیش هرایه دلفکارم
سنون غمونده بیقرارم
گلنمدیم خیامه قارداش
خدنگ محنته دچارم

مولا
حالیما یاندی نهر علقم
چوخ آغلادیم یاتاندا پرچم
منی بو حالدا گورسن ایوای
بو چولده قامتون اولار خم

مولا
کناره چیخمادیم سوزومدن
بو یولدا گچموشم اوزومدن
ایتورموشم یولی نچونکی
دییبدی اوخ بو صاق گوزومدن

مولا
بوحاله سینه داغلا قارداش
گلیب گوزومی باغلا قارداش
غریب و بی کسم بو چولده
منه اوزون گل آغلا قارداش

• یکشنبه
• 17
• مرداد
• 1400
• ساعت
• 11:42
• نوشته شده توسط
• یوسف اکبری

مژده دنیایه مه ولا گلیبدی
غصه لی قلبلره صفا گلیبدی
الله الیوب عنایت _ گلدی قمر امامت
دریای کرم ابوالفضل _ سقای حرم ابوالفضل

گوز آچیب جهانه بیر مه فروزان
گل جمالی ایتدی دهری نور باران
شاه دینین اول گوزل نگاری گلدی
اولدی منزل علی ستاره باران
نوره او بالا بوروندی _ گورجک آتاسی سووندی
الله الیوب عنایت _ گلدی قمر امامت
دریای کرم ابوالفضل _ سقای حرم ابوالفضل

قمر منیر با صفادی عباس
رهنمای راه اولیادی عباس
او علینون اوغلودور وفاده تکدی
قهرمان دشت کربلادی عباس
بحر کرم و عطادی _ آدی اورگه صفادی
الله الیوب عنایت _ گلدی قمر امامت
دریای کرم ابوالفضل_ سقای حرم ابوالفضل

جانلار اول شرفلی قهرمانه قوربان
اودی آبروی راه دین و قرآن
قاپیسین چالیپدی کیم آلیبدی حاجت
هر مریضه اللرینده واردی درمان
شاهلار قاپیسیندا دربان _ شیعه او نگاره قوربان
الله الیوب عنایت _ گلدی قمر امامت
دریای کرم ابوالفضل_ سقای حرم ابوالفضل

مرحبا صداسی گلدی آسماندان
دسته دسته حوریان گلیپ جناندان
مرتضی چاغیردی مهربان آناسین
چوخ مواظب اول بویوردی بو بالاندان
ساخلا بالامی گوز اوسته _ قویما یخیلا یوز اوسته
الله الیوب عنایت _ گلدی قمر امامت
دریای کرم ابوالفضل_ سقای حرم ابوالفضل

• یکشنبه
• 17
• مرداد
• 1400
• ساعت
• 22:12
• نوشته شده توسط
• یوسف اکبری

کوفه دن فرمان یتیشدی ابن سعد بی حیایه
باغلاسون راه فراتی اهل بیت مصطفایه

ایلدی ابن زیادین حکمینی سعد اوغلی اجرا
قوه ی مجریه دورت مین اوخ آتان قیلدی مهیا
باغلانوب راه شریعه، قالدی عطشان آل طاها
العطش فریادی یردن اوج ایدوب عرش خدایه

ایلدی اهل حرمده تشنه لیق بیر نوعی شدت
گل کیمی سولدی سارالدی عترت ختم رسالت
اولدی برپا خیمه لرده شورش روز قیامت
دوندی دشت کربلا بیر عرصه ی روز جزایه

اللرینده بوش سو جامی یغدیلار خوردا اوشاقالار
شدت سوز عطشدن خشک اولان غنچه دوداقلار
آلدیلار یکسر سکینه دوره سین تشنه قوناقلار
داغلی دللردن اوجالدی ناله لر طاق سمایه

خیمه ی عباسه بیردن قویدولار یوز دیده گریان
دور سقای حسینی آلدی بیر دسته لب عطشان
عرض ایدوب اول سکینه العطش، یاندیم عمو جان
سو تدارک قیل سوسوزدان قویما چوخ گلسون نوایه

ایلیوب سقا سنی چون اهل بیته شاه عطشان
خیمه لرده سو تاپولمور، اولدی باغریم قان سوسوزدان
چاره قیل، یاندیم، اماندور ایله سن بو درده درمان
قالمیوب دلده قرار و طاقتیم بو ماجرایه

اود دوتوب یاندی سوسوزدان عترت ساقی کوثر
غش ایدوب بی کس آناسی اللری اوستونده اصغر
شور محشردور خیمده بیر بیره دگمیش حرملر
قولارون قربانی اولام رحم قیل آل عبایه

نه روا آب فراتی چوللره دریا تک آخسون
یاندیروب سوز عطشدن عترت طاهانی یاخسون
اللرینده بوش سو جامی تشنه لر حسرتله باخسون
سن نجه راضی اولورسان بو جفای ناروایه

تیتروری قلب سپاه شام و کوفه صولتوندن
نه روادور استفاده ایتمیاخ بیز قدرتوندن
تشنه لب قالسون اوشاقلار چوخ اوزاقدی همتوندن
قدرت الله اوغلوسان سن، آفتاب حقه سایه

ایلدی ظلمتده بس که اشقیا طغیان بو چولده
اکبریم الدی لب عطشان قانیله غلطان بو چولده
اولما راضی اصغریمده جان ویره عطشان بو چولده
اود سالا بی کس آناسی سوز دلدن ماسوایه

قوی فرات اوسته قدم، سال لشکری خوف و هراسه
ایله بیر اتمام حجت فرقه ی حق ناشناسه
تشنه لب قیزلار یانینجا گلمیشم من التماسه
سعی قیل تحصیل آبه رحم ایله بو بی نوایه

بی سبب آخماز «صحافون» عارضه اشک زلالی
وار عمو قلبینده گیزلین محنت و درد و ملالی
دردینه قیل چاره سنده اولسون آسوده خیالی
ایتمسون غمدن شکایت بارگاه کبریایه

• دوشنبه
• 18
• مرداد
• 1400
• ساعت
• 11:55
• نوشته شده توسط
• یوسف اکبری

من ابوالفضلم جماعت، شهر‌تیم دوتموش جهانی
قدر‌ت الله اوغلویام من، حیدر کرار ثانی

یادگار نامدار غازی بدر و حنینم
حیدر کرار آتامدور، مرتضا‌یه نور عینمم
هم سپهسالار لشگر‌، هم علمدارحسینم
ائیلرم ظاهر بو چولده، صولت شیر خدانی

دیلده یوخ بیر ذره باکیم، گر دوتا دنیانی دشمن
اولدی گرچه آل هاشیم، اولمایین اولمکدن‌ ایمن
قویمارام جنبنده سیزدن تیغ قهرآمیزیله من
چرخ اطلس گورسه تیتر‌ر، بو حسام جانستانی

مجلس شورای جنگین، صاحب اور‌نگییم من
لشگر شاه حجازین، باهنر سرهنگیم من
بو کومکسیز پادشاهین چون وزیر جنگییم من
وئرسه رخصت ائیلرم بو عالم امکانی فانی

گر ائدم دعوایه اقدام ، ای گروه پست فیطرت
قویمارام قالسین بو چولده بیر نفر سیزد‌ن سلامت
گئچمک اما باش جاندان، چون وظیفمدیر جماعت
قانیمیله دینه وئرر‌م، بیر حیات جاودانی

بیشه‌ هیجاده شیر‌م، قاف رزم عنقاسیَم من
هر فنون جنگ جنگی ایشلرین داراسیَم من
عتر‌ت شیر خدانین، تشنه لب سقاسیَم من
نهر علقمدن خیامه، باغلارام آب روانی

خیمه‌ده آغلیر سوسوزدان، عتر‌ت شاه مدینه
العطش فریادی یئردن، اوج ائدیر عرش برینه
چیگنیمه سالدی گلنده، بو قورو مشکی سکینه
ائیله‌دی سو التماسی، بیر منه گلدی گمانی

بو حسینی کی سپاهین، ائیلییب‌سیز قانه غلطان
جان زهرادور جماعت ، هم امام کون امکان
حجت‌الله بیلمیسیز گر، فرض ائدین سیز بیر مسلمان
قویمایین یانسین سوسوزدان، عترت بی‌خانمانی

ائیلدی اتمام حجت، لشگرره هر چند او سرو‌ر
اولمادی اصلا موثر، گلمه‌دی رحمه او لشگر
بیر نفر سسلندی اما، کی هنرو‌ر پور حیدر
ائیلمه سو اوسته بیجا، سن ملام‌ت شامیانی

گر ایکی ایشدن بو چولده، اولمیا بیر امره مجرا
یئر یوزین دولدورسا دریا، وئرمریک بیر قطره اصلا
یا گرک قارداشین اولسون، بئیعته دیلده‌ن مهیا
یا بو تشکیلاتی پوزسون، تیغ قیلسین حکمرانی

جنگ عباسی گوره‌نده، قودسییان گلدی نوایه
سس سسه وئردی ملکلرر، عرض قیلدی مرتضایه
ائیلیری عباس دعوا، یا علی باخ کربلایه
گوستریر اوغلون حسینه، گور نه نوعی جانفشانی

بیر رشادت، بیر شجاعت ، گوستریب اول تشنه سقا
عرصه تنگ اولدو سپاهه، سیندی صفلر قاچدی اعدا
آلدی تا نهر فراتی فارس میدان هیجا
بیرقین نهر اوسته ووردی ، اول وفا و مهر کانی

لشگره سس دوشدی آلدی، نهری بو یالقوز علمدار
خیمه ده ناگه ائشیتدی، بو سسی تشنه اوشاقلار
خیرداجا قیزلار سوویندی، داده گلدی آل اطهار
باشینا ییغدی سکینه، عتر‌ت آل عبانی

اللرینده بوش سو جامی، گلدیلر داده نوایه
یوز دولاندیردی خانیملار، بارگاه کبریایه
عرض ائدیبلر بارالاها، حافظ اول صاحب لوایه
حفظ قیل شر عدود‌ن، یادگار مرتضا‌نی

اول قد‌ر گئچمیب، حسینین گول کیمی رنگی سارالدی
سسلنیب وای قارداشیم وای، زینبین آرامین آلدی
یعنی عباسین سو اوسته، قوللارین شام اهلی سالدی
اوخلانیب سو مشگی گئتدی، طاقت و تاب و توانی

• جمعه
• 22
• مرداد
• 1400
• ساعت
• 12:12
• نوشته شده توسط
• یوسف اکبری

سپهسالار حق مولا ابوالفضل

توانا یار حق مولا ابوالفضل

شجاعت بیشه سینده شیر ثانی

اولان پرگار حق مولا ابوالفضل

نه محکم ساخلیوب قرآن لواسین

او پرچمدار حق مولا ابوالفضل

لقبده بندهء صالح ,عملده

بیوک احرار حق مولا ابوالفضل

ایدنده عرصه گاه جنگی جولان

که اول کرار حق مولا ابوالفضل

او عریان ذوالفقارین اویناداردی

هر آن سردار حق مولا ابوالفضل

لسان الله دور مانند حیدر

شیرین گفتار حق مولا ابوالفضل

کلام منطق و گفتاری الحق

حقیقتدار حق مولا ابوالفضل

ورن زینت جمالی باغ عشقه

گل گلزار حق مولا ابوالفضل

حسین ابن علی نین غم شریکی

غمین غمخوار حق مولا ابوالفضل

دیدی من مست جام عشق یارم

می عهد الستیدن خمارم

حسین جان مشرقینین شاهی سن سن

الونجه من سنه خدمتگزارم

وفا گنجینه سینده در نابم

مهکدن چخمشام کامل عیارم

نقدر من وارام سن مطمئن اول

الیمده نقد جانیم جان نثارم

علی المرتضی تک غیرتیم وار

اودور علت که اوندان یادگارم

یرین اوستون سراسر دشمن آلسا

فنون جنگده استاد کارم

بودور فخریم که من یکتا پرستم

اوزوم رزمنده ء پروردگارم

پریشان دور ما تل اوستونده قارداش

عمل ده قول ده بااعتبارم

خیامه باغلارام نهر فراتی

نه چونکه اصغریمدن انتظارم

منه فرمان جنگی صادر ایتسون

بسیمدور اوز ایشیمده هوشیارم

فضای همتین رخشنده ماهی

ایشیقلاندیردی آفاق سیاهی

حسینین قلبینی غم چولقامیشدی

دوتولموشدی بیله عالم پناهی

هنر عنقاسی بیردن شهپر آچدی

قاریشدی بیر بیره شامین سپاهی

چکور ظلمت ایاقین عرصه گهدن

عیان ایلور اوزین نور الهی

دومان قالخور هوایه گیزلنور گون

ورنمور بیر نفر دوزگین گواهی

شاخور برق بلا عباس الیندن

دوتوب آتش هامی سنگ و گیاهی

ایاقلار داشلارین اوسته یاناردی

چخاردی باشلاریندان دود آهی

امامین قانی غیرت رگلرینده

جوشوب ترک ایتدی بیر یول خیمه گاهی

ایکی قارداش بیر اولجاق سیندی لشکر

قاچوردی جنگ ایدنلر گاه گاهی

وزیرین پنجه سیندن قورتولانلار

ایدوردی نوش جان شمشیر شاهی

ایکی غیرتلی قارداش تاپدی امکان

اوقارداش سسلینده بو دیور جان

قلجلار نیزه لر اوینور هوا ده

گیدور باشلار بویونلار دان آخور قان

دوشور آهن عمودین ضربه سیندن

بدنلر تپراق اوسته سان ورور سان

ابوالفضلین الینده ذوالفقاری

حسینین باشدا وار شاهانه قلخان

ایکی صورت ایکی شئ دن آلور باج

بیری گوندن بیری آی پارچاسیندان

گون عاشق دور آیا آی عاشق گونه

نه آی گوندن چکور ال نه گون آی دان

او سسلر مرحبا ام البنینه

بوگوتموش سن کمی قدرتلی اوغلان

بو سسلور آی بتولین یادگاری

سنی الله یارالدوب دینه ارکان

اوسسلور افتخار ایت سن ابوالفضل

بیزی جوت بسلیبدور شاه مردان

منیم چوخ فکریمه قالما بسیمدور

فقط اوز قوللاریندان صاحب اولسان

او سسلور ای امید آل یاسین

بو سسلور تاپموشام الله رضاسین

دیور ور مژده ای زهرا عزیزی

بویاندان یخمشام کفرین قواسین

موکللر قباقیمدان قاچیبلار

فراته ویرمیشام قرآن لواسین

نتیجه حاصل اولدی خدمتیمدن

سوسوزلار دردنین تاپدیم دواسین

یتورسم مشکی سالم خیمه گاهه

آزالدر قزلارون آه و نواسین

اگر یانسام سوسوزدان ایچمرم سو

گرک سیراب ایدم قارداش بالاسین

باجیم زینب منه سنگ مهک دور

عیار ایلوبدی قارداشلیق طلاسین

اوزاقدور غیرتیمدن گر سو ایچسم

تحمل ایلرم نفسین جفاسین

رضایم اوچ پر اوخ دگسین گوزومدن

آلوم اول تشنه لب اصغر قاداسین

بصیرت گوزلریمدن گوررم اوندا

سنون تک منده قارداش حق لقاسین

قلم عاجز دی یازسین وصف حالین

حسینین یا ابوالفضلین کمالین

بیری صاقدان بیری صولدان ایکیمجی

قاتوبلار وضعینی جنگ و جدالین

فضای کربلا دن قان یاغوردی

هوا آغلوب توکوردی اشک آلین

واریدی بیر مکاندا جنگلستان

گزور عباس راه انتقالین

گون اوز سمتینده هردن بویلانوردی

نظرده ساخلامیشدی اوز هلالین

نقدری دالدالا ورمیشدی آی گون

او وقت تاپموشدی ظلمت اوز زوالین

تلاش ایلوردی عباس اوز ایشینده

ربابین سود امر زیبا غزالین

اوزی سیراب قیلسین اوز الیله

تاپانموردی او خیر امرین مجالین

یولون سالموشدی نخلستان ایچیندن

که آلسین بلکه سقالیق مدالین

کمین ایتمیشدی بیر جلاد ناکس

حسینین پوزدی پرگار و جلالین

آچوب عباس او دمده یول خیامه

حضور زینبه گلسین سلامه

گوزیندن اشک پیروزی آخوردی

دیوردی چاتمشام مثل اینکه کامه

الینده بیرق قرآن اسوردی

وروردی قدرت دل خاص و عامه

ایشین اول دمده بیر تیریله دشمن

وروب اول شیر یکتانین تمامه

جبینیندن دگن اوخ اوچ پریدی

گیندیردی جهانه قاره جامه

ایشیق گون گوزلرینده تیره لندی

حسینین گوندوزین دوندردی شامه

کسیلدی صورت تکبیر علقم اوستن

یازا عاجز قالور اوضانی خامه

چاتوب مقصوده شمشیر اوینادانلار

هزاران لعن اولا اهل ظلامه

دوشوب قوللار اوزولدی ال الیندن

قیامت اولدی اول مرد قیامه

دوشنده پرچم عباس الیندن

حسین الدی چاتوب عدوان مرامه

نقدری بیر کچیک اوخ جان آلاندی

کیمه دگدی ایوی اول تالاندی

اصابت ایلدی سقا گوزوندن

ازل بیر باشینه دنیا دولاندی

اوچومجی اوخ که پرت اولدی زهیندن

دگوب سرعتله مشکه سو جالاندی

اگوب باشون دیزه ایتدی مقاب
ل
اوخی چاتسین بیر آز دالدالاندی

هوادن غفلتی بیر وزنی سنگین

انوب آهن عمود باش پارچالاندی

همان لحظه داغلدی فکری باشدان

اورکده غم غم اوستونده قالاندی

دیدی ای زندگی کاش اولمییدون

آدون مثل یالان دنیا یالاندی

بدندن روحیم ای کاش آیرلیدی

گوزوم گورمیدی دوره م ال چالاندی

آخوب قان پیکریم سستالدی نیلوم

قاچان لشکر قیتدی آرخالاندی

سوئی نهر فراتین قان اولوبدی

کیم عالمده اونین تک قان سالاندی

دیدی تز گل حسینیم داده قارداش

گلوب بیر منظره ایجاده قارداش

آت اوستن دوشموشم دشمن چاپور آت

بولورسن رحم یوخ اعداده قارداش

یارالی شیر ایچون شورا قوروبلار

اولولار قتلیمه آماده قارداش

اوزوم السیز امان یوخ اللی لردن

بوجنگی دوتما بیله ساده قارداش

چالخور پیکریم قان لخته سینده

قانیم گول گول دوروب صحراده قارداش

دایانمش باش کسنلر باشیم اوسته

یاخیندور باش ورم جلاده قارداش

بو السیز باشیمه گل سنده ال چک

الون قربانی بو افتاده قارداش

سعادتمندم الان باشیم اوسته

گلیبدور گل ننه م زهراده قارداش

قورولموش بزم ماتم قتلگهده

فغان وار عالم معناده قارداش

سنون گلماخلقیوا یول گوزتلور

عدن ساقی سی الده باده قارداش

او دم قارداش سسینی قارداش آلدی

سولوب رنگی شه دینین سارالدی

شتابان دوندروب یوز نهره ساری

اوزون عباس اولان قتلایه سالدی

گوروب اون یدی جلاد ستمگر

گلوب باش کسمگه آواره قالدی

ولی قارداشدا بیر غیرتلی قان وار

یامان گونده او قان قارداشه حالدی

او حالداکیم حسینی گوردی سیندی

ابوالفضلین سینان باشی اوجالدی

حسین اگلشدی بیرده باشین آچدی

دیوب وای قارداشیم ال باشه چالدی

ازل قانلی جمالین سیلدی قانین

گوروب اوپماق یوزین امر محالدی

یوزین قویدی او قان دوتموش جماله

مشامه تز بهشتین عطرین آلدی

دیدی زهرا ننملن هیچ دانشدون

نجه شیرین غزل شیرین مقالدی

((امینی))مطلب ایستور سنله مندن

که ائللردی بو درگهده قوجالدی

• شنبه
• 23
• مرداد
• 1400
• ساعت
• 17:01
• نوشته شده توسط
• یوسف اکبری

ای شرف ارکانی ابوالفضل آقا
تشنه چخان جانی ابوالفضل آقا

گورمیوب عالم گوزی گورمز داخی
سن کیمی سقانی ابوالفضل آقا

چاتدی الون نهره ولی ایچمدون
آب فراوانی ابوالفضل آقا

نفسوی الدوردون او هنگامه ده
ورمه دون امکانی ابوالفضل آقا

عشقوی عالملره وردون نشان
عاشق یزدانی ابوالفضل آقا

باشیوین اوستونده دوروب آغلادی
کربلا سلطانی ابوالفضل آقا

ایسته دی درگاه خدادن سنه
رتبهٔ شایانی ابوالفضل آقا

باب الحوائج دیدولر آدیوه
قوم مسلمانی ابوالفضل آقا

درده گرفتار اولان هر کمسنه
سنده دی درمانی ابوالفضل آقا

گوزلموسن گوزلرون اوسته اودور
شاه شهیدانی ابوالفضل آقا

سنده چاغیر نسخه یازان وقتیده
دادیوه لقمانی ابوالفضل آقا

کرب و بلا شاهی کرم کانی دور
عصر سلیمانی ابوالفضل آقا

کیم سیزه دردین دیسه درمانی هم
دکتری مجانی ابوالفضل آقا

ای افق قوم بنی هاشمین
ماه درخشانی ابوالفضل آقا

الده "امینی" سیزه عرضین یازیر
واردی چوخ عنوانی ابوالفضل آقا

• یکشنبه
• 24
• مرداد
• 1400
• ساعت
• 18:41
• نوشته شده توسط
• یوسف اکبری

میدانه گئدور تشنه علمداری حسینون
ظاهردی یوزونده ئولوم آثاری حسینون

گون تک اونا روشندی سر و کار و مآلی
گر گئتسه ابوالفضل ، گئدر جاه و جلالی
دشمنلر الینده قالی پیغمبر عیالی
آخر پوزولور ظلمیله پرگاری حسینون

کسمیشدی ولی سو یولونی فرقۀ عدوان
خوردا بالالار خیمده قالموشدی لب عطشان
غنچه کیمی لبلر قوروموشدی سو سوزوندان
سولموشدی عطشدن گل گلزاری حسینون

گوردی که چخوب اهل حرمدن گویه ناله
سولموش سوسوزوندان بالالار رنگی چو لاله
باخجاق بئله اوضاع باتوب درد و ملاله
غملندی بو غمله دل غمخواری حسینون

سرعتله حسین محضرینه گلدی پریشان
چوخ عجز قیلوب بلکه آلا رخصت میدان
وئرموبدی ابوالفضله اجازه شه دوران
سن سن دیدی بو چولده هواداری حسینون

عرض ایلدی عباس دوباره شه دینه
قارداش نه روادور قالا لب تشنه سکینه
کسسونله فراتین یولونی لشگر کینه
باخسون بئله اوضاعه علمداری حسینون

بو باره ده ازبسکه ابوالفضل ایدوب اصرار
وئردی سو طلب ائتماقا رخصت شه ابرار
گتودی علم و مشگین ، عباس وفادار
تا رزمگهه گلدی سپهداری حسینون

ائتدی او وفا سیزلره هر قدر نصیحت
گوردی که قبول ائیلموری قوم ضلالت
بو نکته داخی اولمادی گنجینۀ غیرت
عطشان قالا اطفال دل افگاری حسینون

ال قبضۀ شمشیره قویوب حیدر ثانی
دشمنلره تنگ ائتدی او وسعتله فضانی
دولدوردی قوشون ناله سی او دشت بلانی
پوزدی داغیدوب صفلری سالاری حسینون

هر اوخ کی گلوردی باسوب آغوشینه جان تک
جسمیندن آخاردی یره قان آب روان تک
برهم ائیلیوب صفلری بیر شیر ژیان تک
یوز قویدی فرات اوستونه سرداری حسینون

طاقت گتوره بیلمدی لشگر هامی قاچدی
اولدی سووا مالک علمین پرچمین آچدی
اسلام علمین آب فرات اوستونه ساچدی
کفّاری داغتدی او وفا داری حسینون

دولدوردی ازل مشگینی تا چیگننه سالدی
تشنه ایدی ز بس باخدی سو آرامنی آلدی
طاقت کسلوب گئتدی توان صبری آزالدی
حیرتده قالوب دلدن او دلداری حسینون

دولدوردی ایکی اوجونی اول عشق فداسی
یاد ائتدی حسینون عطشین آرتدی نواسی
توکدی سووا قویموب سو ایچه مهر وفاسی
چیخدی سودان اول محرم اسراری حسینون

خشگیده دوداقیله سودان چیخدی همان دم
سو مشگینی چیگننده ازل ائیلدی محکم
سو خیمیه بلکه آپارا اولدی مصمّم
آرام دل پر شرر و زاری حسینون

بو حالی گورن وقتیده او فرقۀ باطل
کسدیله خیامین یولونی اودولا حایل
ویردی ایکی ال تا اولا مقصودینه نائل
صد حیف بو حسرتده قالوب یاری حسینون

اوخدان پر آچوب گر چه او شهباز حقیقت
ائیلردی سو مشگین ولی چوخ حفظ و حراست
بو نکته دن آگاهیدی اول پیر طریقت
گوزلور یولونی عترت اطهاری حسینون

بیر اوخدا گلوب دگدی ائدوب مشگینی پاره
سو گئتدی یره گوردی که یوخ دردینه چاره
ساق و صولا ائیلردی چوخ حسرتله نظاره
راضی اولوب اوز مرگینه سرداری حسینون

بو حالیده نا گه یتوب او بی کسه نوفل
بیر آهن عمود الده اولیدی ائله ال شل
دوشدی یره آتدان دیدی قارداش ئولورم گل
بو سسله دولوب خیمه زر تاری حسینون

تا سرور دین خیمه ده قارداش سسین آلدی
سست اودی ایکی دیزلری گل رنگی سارالدی
سسلندی بئلیم سیندی داخی چاره م آزالدی
سولدی ستمیله گل گلزاری حسینون

میدانه قویوب یوز جگری داغلی پریشان
حیران دولانوردی او چولی سرور عطشان
سسلردی ابوالفضل اولا جانیم سنه قربان
سن سیز داغیلور لشگر و انصاری حسینون

جان گلشنینه صرصر درد و غم اسیلدی
تاپجاق یارالی نعشینی آرامی کسلیدی
اگلشدی یره گوزارینون قانینی سیلدی
قان یاشلا دولوب دیدۀ خونباری حسینون

آهسته دیزی اوسته باشین آلدی اوغلسوز
گورجاق یارسین یاندی چکوب آه جگر سوز
سویلوب دور اماندور منی قویما بئله یالقوز
قالموبدی داخی قوّت و گفتاری حسینون

ای باب الحوائج آقالیق ائیله بو زاره
«عاصی» بو قدر قویما توکه اشگین عذاره
بیر عمریدی حسرتدی او ششگوشه مزاره
بو وقفنی ایسته اولا زوّاری حسینون

• یکشنبه
• 31
• مرداد
• 1400
• ساعت
• 17:30
• نوشته شده توسط
• یوسف اکبری

ایدون سرشکوزی جاری مدام ابوالفضله
سَبیل اشک ایلیون تشنه کام ابوالفضله

اجازه گوز یاشینا سیل تک تمام ویرون
او غملی روضه سینی یاد ایدوب سلام ویرون

همیشه گوز یاشین حسرت گوزیله جویا دور
سوور آخان سویی هر یرده اولسا سقّادور

سکینه دن سو خصوصینده گر چه خجلتی وار
خدا یانیندا ولکن بیوک جلالتی وار

او گونکه امر خداوندیله قیامت اولور
ایکی کسیک الی سرمایۀ شفاعت اولور

آناسی فاطمه ائیکه اُمید امّت دور
دیر شفاعته عبّاس الی کفایت دور

نقدر فکر ایده سن عزّتین محال اولماز
اولوم جلالنه قربان بئله جلال اولماز

تصوّر ایله رعیت ده بیر جلالته باخ
مقام و مرتبه سین سیر قیل رعیّته باخ

اوزی رعیتدی گور نه قدر جاه آپاروب
امام کرب و بلاده اونا پناه آپاروب

او هانسی ساعتیدی عالمین پناهی حسین
پناه آپاردی ابوالفضله سیّد حرمین

همان او وقتیدی باتمشدی قانه انصاری
قالوردی بیر علمی بیرده بو علمداری

اسوردی تا نقدر اَلده پرچم علمی
یوخیدی فاطمه قیزلارینون مَلال و غمی

ولیک اوچ گونودی خیمه لرده سو یوخودی
بو باره دن حرم عصمتون غمی چوخودی

دولیدی شیونیلن خیمه و جلال حسین
سیزیلداشوردی سوسوزدان تمام عیال حسین

سوسوز بالالار اَلنده گورنده بوش جامی
دولوب پیالۀ چشمی کسیلدی آرامی

گلوبدی خاطری درده حرم نواسیندن
توکندی صبر دلی العطش صداسیندن

غَیور طبعینه گنجیده اولمادی باخسون
سوسوزلوق آتش اطفالی یاندیروب یاخسون

مشّرف اولدی حضور امامه چوخ دلتنگ
چوخ عِجز قیلدی که بلکه آلا اجازۀ جنگ

امام ویرمدی اذن جدال عَلمداره
بویوردی سنسیز ایدیم من بو چولده نه جاره

منیم بو گون بو بیاباندا سن پناهیم سن
رئیس لشگر و سر کردۀ سپاهیم سن

منیم بو گون علمیم پایدار دور سنیلن
بو خیمه لر بو حرم بر قراریدور سنیلن

کُمکلریم کیمی یتسن شهادته سَنده
اولور منیم داخی جمعیتیم پراکنده

دوباره عرض ایدوب عبّاس که ای امام زمان
نجه گوروم سنی یالقوز اولوم سنه قربان

اجازه ویر منه یوخدور حیاتمه هَوسیم
دوشوبدی کثرت غمدن شماریه نفسیم

نجه روادی فراتین یولونی باغلیلر
سوسوز قالوب بالالار خیمه لرده آغلیلر

نجه روادی منیم قولّاریم سلامت اولا
دوروب باخام سوسوزوندان سکینه رنگی سولا

اگر چه دامنوه بیرده بیر اَلیم یتمز
بله حیاتی ندیم غیرتیم قبول ایتمز

شهیدلر یری بزم قتالیده خوشدور
غمیم زیاده دی چونکه منیم یریم بوشدور

قوروبلا مجلس شورا قوجا جوان یکسر
کَسیک باشیله صباح ایلسونله شامه سفر

ویروبله رأی تماماً چوخ اکثریت وار
بو گون اورا اِیده رم منده ده بو نیّت وار

مرخّص ایله گلن عشق بیدقین گوتوروم
گیدوم او مجلسه منده مرامیمی یتوروم

مگر بو قدر غمیله دایانا بوللّم من
مرخص ایلمسن غیرتیمدن اوللّم من

امام عصر گلوگیر گوردی عبّاسی
گَلوبدی لرزیه تترر تمام اعضاسی

یاخیندی آیریلا روحی غم و مصیبتدن
علی کیمی قیزاروب گوزلری حَمیتدن

اجازه ویردی علمدارینون آچوب یولونی
ولیک بو سوزیلن باغلادی ایکی قولونی

بیوردی ایمدیکه آماده سن گیدورسن گیت
سوسوز بالالاریما بر ایچیم سو تحصیل ایت

گُتوردی بیر علمی بیرده بر قوری مشگی
فراتدن قباق ایسلاتدی مشگنی اشگی

وداع قیلدی هامی اهلبیتی فرداً فرد
سکینه سوزشنی سو سوزیله ایلدی سرد

ویروب سو وعده سی اول مه جبینه آیریلدی
آلوب او مژده نی آخر سکینه آیریلدی

قلجین ایتدی حمایل اولوب عقابه سوار
سوروب عقابنی فرزند حیدر کرّار

یتشدی لشگر اعدا برابرینده دوروب
ابوتراب کیمی نیزه سین ترابه وروب

ازل رجز اوخیوب آشکار ایدوب حَسَبین
نشان ویروب اولارا بیر به بیر حَسَب نَسَبین

بو قدر ظلمه بیوردی ندور سبب ای قوم
حسین قالوب بو گون اوج گوندی تشنه لب ای قوم

اوزی حرملری خوردا اوشاقلاری یانوری
علاوه بیر سود امر اوغلی وار الولانوری

گلون ویرون آپاریم بیرجه مشگ خیمیه سو
ترحّم ایلیون آخر پیمبر اوغلودی بو

امامدور بو سیزه سیز اگر مسلمان سوز
ایدون ملاحظه قرآنی اهل قرآن سوز

تمام سوره آیاتین ایلیون تفسیر
گورون گلوب کیمون حقّنده آیۀ تطهیر

همان حسیندی بو جدّی مصطفادی بونون
آناسی فاطمه قارداشی مجتبادی بونون

روا دگول آخا آب فرات ای لشگر
سوسوزدان اودلانا اطفال ساقی کوثر

او سنگ دللّره هر قدر ایتدی موعظه لر
جماد تک اولا را ایتمیوب نصیحت اثر

اَلینی قبضۀ شمشیر جانستانه قویوب
علی کیمی قلجین فرق شامیانه قویوب

ایدوب فراته طرف حملۀ دلیرانه
توکوب چو برگ خزان باشلاری بیابانه

حیات خرمننه دشمنون شرر سالدی
بضرب تیغ آچوب یول شریعه نی آلدی

اوزونی سالدی فراته نهنگ بحر و بطا
قباقجا مشگینی دولدوردی تشنه لب سقّا

بو فکریلن که یولون گوزلوری سوسوزدی حرم
ایدوب شتابیله چگننده مشگی بیر محکم

گوزونده آینه تک بیر فرات جلوه لنوب
عطش هجوم ایلیوب تشنه لیق علاوه لنوب

سویون او جلوه سی گُل عارضنی سولدوردی
هر ایکی اوجنی بی اختیار دولدوردی

یتوردی لبلرینه ایستیوب اولا سیراب
پیمبر اوغلونی یاده سالوب اولب بیتاب

ملامت ایلدی اوز نفسین اول وفا کانی
سو ایچمدی داخی گویا بو اولدی عنوانی

حسین سوسوز قالا آیا نجه روادور بو
ایچه دَمادَم اُلوم شربتین ایچم من سو

جهاد اکبر ایدوب نفس بیدقین یخدی
سویی بوشاتدی الیندن سودان سوسوز چخدی

خیامی قصد ایلدی مقصده اولا نایل
کسوب خیام یولون دسته لر اولوب حایل

اوجالدی هلهلۀ گیر و دار میدان دان
خدنگ لر قویولوبدور کمانه هریاندان

وروبلا تیر ز بس هر طرفدن هر دسته
پر آچدی پیکری عَنقا کیمی عُقاب اوسته

او قومدن ابداً ایتمیوبدی باک چو شیر
آچوب النده علم پرچمین چکوب شمشیر

صفوف دشمنی طومار تک آچوب بوکدی
بویاندی صفحه میدان او قدر قان توکدی

اولاندا هر طرفه حمله ور قاچاردی سپاه
نجه که شیر گورنده فرار ایدر روباه

وراردی هر کسه که بر قلج او کان غضب
دوشردی توپراقا دوت پارچا راکب و مرکب

رشادتین ایدوب اظهار ایله جنگ ایتدی
او قوم روسیهه روزگاری تنگ ایتدی

نه قالدی میمنه و میسره نه فوج و نه تیپ
ویروبدی کشتۀ دشمنله پُشته لر ترتیب

دیر او وقتیده راوی تمام وحشتیلن
او چولده منده قاچاردیم قاچان جماعتیلن

صدای الحذر اوج ایلمشدی نُه طاقه
اَلیدی باشیدی پیکر دوشردی توپراقه

او قدر گچمدی گوردوم دیر قاچان لشگر
قیتدی اوز یرینه جمله باغلانوب صفلر

یاتان علملر اوجالدی صدای بهجتلن
چالولا طبل فرح شامیان بَشارتیلن

دیدیم نه وار دیدیلر گور حسین علمدارین
باخوب درست نه گوردوم سالوبلا قولارین

گینه چناه آپاروب قولّارین بقیه سینه
باسوبدی بیدقینی جان تک اوخلی سینه سنه

تمام همّتینی واگذار ایدوب علمه
علم مباد یاتا وحشت اوز ویره حرمه

بولوردی محشر اولور خیمه لرده یاتسا علم
تکوبدی گوز علمه قرخادین کنیز حرم

ایدردی بیرده سو مشگین محافظت چوخ چوخ
یوزون قباقه ویرردی گلنده هر بیر اوخ

گنه آت اوسته دایانمیشدی بو خیالیلن
خیامه بلکه آپارسین سویی او حالیلن

اگر چه یول یوخدی گتماقا واریدی شتاب
باخاردی حسرتیله دشمنه ایدردی خطاب

جماعت ایلمیون عرصه گاهی تنگ منه
یارالیم بو قدر ویرمیون خدنگ منه

وجودیمه دگه گر یوز مین اوخ گوارادور
نقدر شهپر آچا شاهباز زیبا دور

یوخومدی واهمه چشم پُر اشگمه دگسون
ولی هراس ایدرم اوخ سو مشگمه دگسون

حسین حضورینه فکریم بودور سلامه گئدوم
یولومی باغلامیون بیرده بیر خیامه گیدوم

خیامه گیتماقی لازم ایدن بو سودی منه
حسین یان

• جمعه
• 5
• شهریور
• 1400
• ساعت
• 11:44
• نوشته شده توسط
• یوسف اکبری

گل مصیبت عالمنده سخت اولوب کاریم باجی
قارداشیم ئولدی، پوزولدی ایمدی پرگاریم باجی

گر چه ذلت تاپماز اصلاً عز و جاه مطلقیم
ظاهراً اما بو صحراده پوزولدی رونقیم
ئولدی انصاریم، قشون سیندی، یخلدی بیرقیم
قالدی قولسوز خاک و خون ایچره علمداریم باجی

دوشمه میشدی قارداشیم عباس الیندن تا علم
لشکرین بولمزدی فاتح، ابن سعد بد شیم
سالدیلار فرصت اله بوندانصورا اهل ستم
هر نه گلسه فکره ایلر قوم خونخواریم باجی

کوفه نین اول بی حیا خلقی ایله جرات تاپار
اون نفر آتلی، یارالی سینم اوسته آت چاپار
دیزلریم گلمیر، اوزون گل اوخلانان مشگین آپاردی
چکمسین سو انتظاری، خوردا قیزلاریم باجی

گرچه اولدن اولوب دام بلایه رام، دل
ایمدی الدن گیتدی اما تاب دل، آرام دل
نه گلور دیز نه گورور گوز نه اولور آرام، دل
نه دوتور دل، نه قالوبدی نطق گفتاریم باجی

گلمسون مطلب عجب، وار حقی گوزلر گورمه سین
هیچ اوغولسوز بیر آتا داغ برادر گورمه سین
عصر اولاندا نعشنی ای کاش حرملر گورمه سین
من گورن تک گورسه دوزمز آل اطهاریم باجی

جان ویرنده اکبر اودلاندی جگر یاندی دلیم
وار دئیدوم عباس تک بیر مهربان آرخام ایلیم
ایمدی ال اوزدوم حیاتیمدن داخی سیندی بلیم
گوئیا گیتدی الیمدن جمله انصاریم باجی

ایستدیم قربانگه حقده اوجالدام باشیمی
راه حقده ویردیم اون یدی جوان هاشمی
اکبریم تک بیر اوغول، عباس تک قارداشیمی
یاره تقدیم ایلدیم اولسون رضا یاریم باجی

جدیم ابراهیم آپاردی گر منایه بیر اوغول
حق عوض گوندردی فوراً اولماسین هاجر ملول
لطفه باخ، بیر گونده یتمش بیر نفر مندن قبول
ایلدی، منّت بو جانه قویدی دلداریم باجی

قوه حسّمده بو مطلب بله احساس اولور
نه جهاندا بئله بیر عالم نه بئله یاس اولور
چوخ اولور ایستکلی قارداش لیک نه عباس اولور
کیم اولور عباس تک محنت گونی یاریم باجی

وار یری ویرسون اجازه روز و شب گوز یاشینه
آغلاسون کلثوم بو کان وفا قارداشینه
دور گتور بیر قاره معجر سال سکینه باشینه
من عزادارم اولون سیزده عزاداریم باجی

گلشن غمدن گتوردوم هر قدر غم یاسینی
لیک آه و ناله دن، منع ایتدیم آل یاسینی
ایمدی رخصت وار دوتون بو نامدارون یاسینی
من اوزومده آغلارام وار چشم خونباریم باجی

یوخ آناسی کربلاده باجی چوخدور نسگلی
اوخساسین عباسیمه وار هر کیمون ثکلا دلی
بیرده مشگل حل اولار، آل عبانین مشکلی
گیتدی الدن بیر امیدیم بیر هواداریم باجی

گر چه نسگلدور یانندا اولمادی ام البنین
لیک اولسیدی اولاردی چوخ اونا مطلب چتین
من گورن حالتده گورسیدی اوز اوغلون حشره دین
آغلیوب یانسیدی حقیدی وار اقراریم باجی

سو گتورمشیدی اله چوخ رنج و زحمتدن صورا
زحمتی گیتدی هدر، انجام خدمتدن صورا
یعنی اوخلاندی سو مشگی بئله همتدن صورا
خیمه گاهمدن گوز اوتدی تشنه سرداریم باجی

رزمگهده هر قدر قان توکدی بو حیدر خواص
شامه و کوفه لشگری بوندان صورا ایلر قصاص
من ئوزومده ئولم اولام رنج دنیادن خلاص
وای سنون احوالیوه ای یار و غمخواریم باجی

(شانی) چوخداندی دخیل اولموش سنه عباسیمه
یالوارور گاهی سنه گه اکبره گه قاسمه
حال یاسیله گلور الحق گلنده یاسیمه
ایستوری اولسون منیم بیر وقفه زواریم باجی

• یکشنبه
• 7
• شهریور
• 1400
• ساعت
• 13:42
• نوشته شده توسط
• یوسف اکبری

بو جبینمدن دگن اوخ پیک وحدتدور منه
باشیم اوسته سیّدی گلسن عنایتدور منه

سرسپاه شهریار عشق پاداش آختارور
قان دولان گوزلر سنی هرلحظه قارداش آختارور
ظلمیله اون یدی ظالم بیر سینان باش آختارور
چوخ يوبانما بو يوبانماق چوخ اذیّتدور منه

بو قفس چوخ اولدی مرغ روحيمه ننگین و تنگ
منده یوخ قدرت اولوب دشمنلريم تشویق جنگ
اوستومه گویدن یاغور باران ذوبین و خدنگ
دشمنه زائیدهٔ عشرتدی، حسرتدور منه

تا علمدارین سسین آلدی امیر نه قباب
شرق مخيمدن طلوع ایتدی بسان آفتاب
سرعتیله گلدی قارداش باشی اوسته باشتاب
سسلدی ای سرو قامت، دور قیامتدور منه

روز روشن گوزلریمده تار اولوبدی چون شبه
دور ایاقه یاتما آل الله دوشوب تاب و تبه
کوفیه گیتماق مسلم اولدی ایمدی زینبه
چون بو صحراده شریک درد و محنتدور منه

قانیله مستور اولوبدور هاله تک زیبا یوزون
نطقه گل قويما قالا قلبونده واردی گر سوزون
اوای منه آماج پیکاندور یارالی صاق گوزون
- روحيمون ایذاسينه بو غم کفایتدور منه

کربلا سقاسی گوز آچدی گوروب قارداشینی
صورتين پاک ایلیوب آلموش دیز اوسته باشینی
توکدی حسرتله یوزه قانه دونن گوز یاشینی
عرض ایدوب شاها عجيبه بیر سعادتدور منه

خوشه ممکن اولمادی تا نخل خدمتدن دریم
پیشوازه گلمدیم، بیجان اولوبدی پیکریم
پیشواز ایتدی ولی یولدا کسلميش الكريم
وای اولا سرلشکر شاهم حقارتدور منه

بیله بولمه خدمتیمده من بو گون ایتدیم قصور
سو یولون گوردوم دوتوبدور ظلميله قوم شرور
شور عشقیله فراته ایله دیم فوراً عُبور
مرتضی ارثیه سی قارداش شجاعتدور منه

من عرق ریزان و مجروح و سوسوز لعل لبیم
گون ترخم ایتمیوبدی یاغدوروب نار جهيم
اسدی بیر نهر فرات اوسته سرین دلکش نسیم
دیزلریم سست اولدی گوردوم ضعف شدتدور منه

الشكر اشراريدن خالی گورنده دورهمی
سو نسیمی قلبدن پاک ایلهدی زنگ غمی
نصب قیلدیم من فرات اوستونده قانلی پرچمی
شدت سوز عطش گوردوم زیادتدور منه

بی اراده اللریم ایتدی اراده سوی سو
سو گوتوردوم گوردوم امّا یوخ سودا بیر آبرو
من ایچم سو قالسون عطشان کودکان ماهرو؟
حدس ویردیم عالم امکاندا رخوتدور منه

بیر سویا حسرتله باخدیم بیرده نهر علقمه
بیرده نهر اوسته اسن دلکش سسیله پرچمه
بیر قولاق ویردیم ایدیردی اهل کوفه همهمه
مشکی دولدورماق اودور بولدوم غنيمتدور منه

مشکی دولدوردوم او دور که عزم قیلدیم مخیمی
چیگنیمه سالدیم سومشکین گوتدوم الده پرچمی
ایستیردی مشکه اوخ دگسین دوتاردیم سینه می
چونکه مشکیم روح طاقت، تاپ و قدرتدور منه

الشكر اهلی گولدولر قلبیمده حس رشکیمه
قلبيمون قانین قاتوبلار ظلم آليله اشگیمه
ویر میوبلار سینهمه اوخ ويردولار سو مشگیمه
خجلتیمدن چاره می بولدوم شهادتدور منه

مشکیمه اوخ دگدی اعدايه حمایت ایله دی
سرسپاهی پیشگاهوندا خجالت ایله دی
سجده گاهیمدن بیر اوخ ناگه اصابت ایله دی
و پیک وحدتدن اودور گوردوم اشارتدور منه

تخم حيرت قلب لشکرده حسینیم اکمیشم
سینه ده اوخ باشیمی فوراً اشاقه اگمیشم
دوشدی عمّامم يره امّاخدنگی چکمیشم
هامی ساعتدن چتین قارداش او ساعتدور منه

گلستان عشق و امیدیم او ساعتدن سولوب
قان جبينمدن آخوبدی کاسه چشمیم دولوب
قوی دیوم واضح باشیمدا ظلم اليله کُرد اولوب
قلبه تأثیر ایلین امّا شماتتدور منه

بو جفائیله حسین، دوشدوم ستمله غرق خون
واردی یادونده ولی مخیمده اولدوق قول بویون
نه آليم وار نه قولوم سال بوینوما بیرده قولون
چوخ یاخین هر لحظه جام پیک رحلتدور منه

قولارين آچدی او دمده نور عين بوتراب
ماوراء جوده گورسندی حال انقلاب
قول بویون اولد بلا دشتينده ماه و آفتاب
آی دیوب ای گون چوخ آرتوخ بو محبّتدور منه

دوردی شه حسرتله ایتدی ناگهان عزم خیم
گوردی قارداشی گلور، زینب، اولوبدور غرق غم
سینه سینده واردی اوخلی مشگیله قانلی علم
عرض ایدوب قارداش بو حالون چوخ صعوبتدور منه

ای حسین ابن علی ای هادی دین خدا
(هادیه) بذل ایله بو ایل بیر برات کربلا
مطلع شعری فرات اوسته اونون تکرار اولا
بو جبینیمدن دگن اوخ پیک وحدتدور منه

• یکشنبه
• 7
• شهریور
• 1400
• ساعت
• 14:28
• نوشته شده توسط
• یوسف اکبری

ای رزم گونی حیدرِ کرّاری حسینون
قولسوز یخیلان جعفرِ طیّاری حسینون
بیر مشگ سو اوسته کسیلن اللره قربان
امدادینه قارداش چاغوران دللره قربان

راضیدیم ئوله تشنه لب اطفالِ لب عطشان
هر تک تکی بو چولده اولیدی سنه قربان
امّا سنه ال تاپميا بو فرقهٔ عدوان
سنلن مَثَليم جدّیمه حيدر مثلیدی
یا حیدریلن مالکِ اشتر مثلیدی

قارداش نجه نعمتدی ویرر قارداشا الله
بولمز بیری تا اولمیوب اسرارینه آگاه
بخصوص یامان گونده محیط اولسا خطرگاه
فرض اولسا بدن جان کیمیدی قارداشا قارداش
عِرقنده گزن قان کیمیدی قارداشا قارداش

ئولدورمه سلر گر منی سندن صورا اعدا
خضر عمريجه عمروم اولا گولمز یوزوم اصلا
بیر درد اولی دردون منه که یوخدی مداوا
بو دردین علاجین هامی لقمان اولا بولمز
واللهی ئولوم اولماسا درمان اولا بولمز

کیم بولدی سسون گلدی پوزولدی نجه حالیم؟
نه حاله قالوب سِیر ایله دیم من نه عَواليم
بیر بولدى باجیم بیرده بولر خالقِ عاليم
فکريم داغيلوب محوِ جمال اولدوم ابوالفضل
دل سیز کیمی بی نطق و مقال اولدوم ابوالفضل

دوردوم که گلم داده گؤزوم گؤرموری گؤردوم
سالدوقجه غمون یاده گؤزوم گؤرموری گؤردوم
اولدوم ایله افتاده گؤزوم گؤرموری گؤردوم
علّت بودی تأخیریمه وقتیم تلف اولدی
تأخیرده بیر مایهٔ حزن و اسف اولدى

گؤرموردوم ازل هاردا يخوبدی سنی کفّار
کسمیشدی یولی لشگرِ بدکیش و تبهکار
سیندیردی صفِ دشمنی شمشیرِ شرربار
فکريم که گیدردی هارا من يول اورا سالديم
ناگاه آنام فاطمه نون عطرینی آلدیم

شوریله فضادن آنامون عطرین آلوردوم
گلدوقجه یولی عطر گلن سمته سالوردوم
گاهی اگیلیردیم یره گاهی اوجالوردوم
ناگه بو ایکی عادل اولان رهبری تاپدیم
سو اوسته بو ناحق کسیلن اللرى تاپدیم

گویا آناما کشف اولوب آشفته دی حالیم
قارداشیما دشمن تاپوب ال ، چوخدی ملاليم
یالقوزليوب اعدا منی پوزقوندی خیالیم
تاب ایلمییوب تکلیقیما داده گلوبدی
امداد ایلسون اوغلونا زهراده گلوبدی

اولدی سبب اوچ رمز و علامت سنی تاپدیم
بیر علّت اولوب مِهرِ اُخوّت سنی تاپدیم
بیر ائتدی آنام عطری هدایت سنی تاپدیم
بیرده کسیلن اللّريوین قان ریزی قارداش
یوخسا یولی قویمازدی گورم گؤزده کی قان یاش

طوبا سنون احواليوه اقبالیوه احسن
اولدون شهداده هامودان شأنی مُحَسّن
بو عطر مُصَدّقدی که زهرانی گؤروبسن
شاید یوزیوه قویموش اولا عارضِ آلين
قوی منده زیارت ایلیوم سنده جمالین

بو نسگلون اوتلار منی تا روزِ قیامت
بیر گؤز که ایده حضرتِ زهرانی زیارت
انصاف دگولدی اونا بو ظلم و جسارت
بو یاره که بودیدهٔ شهلایه دگوبدی
بلکه دوشوب عکسی رخِ زهرایه دگوبدی

اهلِ حرمه صبر و تسلی ویره الله
محشر اولاجاق اولسالار احوالیوه آگاه
دور تک یولا سالما منیلن اول گینه همراه
گوستر بالاجا قیزلاریما اوخلی سو مشکین
جام الده گزوب خیمه لری توكمه سین اشکین

بو حالیده سندن نجه صرفِ نظر اولسون
گئتسم نگرانم که عدو باخبر اولسون
الدن اليوه ال تاپانی بی ثمر اولسون
اولسیدی الون رفعِ شر ایلردون اوزوندن
بیر نحویله دفعِ خطر ایلردون اوزوندن

ای (حافظی) اولدی (حسنی) بانی اشعار
سندن سبب اولدى قالا دنیاده بو آثار
ایسته صله ویرسین یدِ مقطوعِ علمدار
اعطاسینی شکرانهٔ نعمت بولوسن بول
یا لطفينه احسانينه قسمت بولوسن بول

• یکشنبه
• 7
• شهریور
• 1400
• ساعت
• 15:52
• نوشته شده توسط
• یوسف اکبری

اللریم قانی گوزوم یاشی بیرعنواندور باجی
قارداشیم عباس ئولوب حالیم پریشاندور باجی

خلق ائدندن عالم امکانی خلّاق قدیر
گورمیوب بیر گوز علمداریم ابوالفضله نظیر
ظاهرا جسم ابوالفضله ویروب شام اهلی تیر
باطنا قلبیم منیم آماج پیکاندور باجی

هئچ کیمون قلبی من بی خانمان تک یانمیوب
هئچ شهیدین پیکری،عبّاس تک اوخلانمیوب
اکبری گوردون ولی اکبر کیمی دوغرانمیوب
گوئیا بیردسته گلدور یئرده خنداندور باجی

قان آخوب رنگ جمالی گل کیمی گوردوم قاچوب
گلشن جسمینده هر کاری یارا بیر گل آچوب
آنّینا بیردسته امّا ارغوانی گل ساچوب
لالهٔ احمردی گویا قانه غلطاندور باجی

من نئجه گوردوم اونی کشف ایلسم تاب ائتمسن
بیلمه سن قولّاری باغلی باشی اوسته گئتمه سن
وصلینه نهر فرات اوسته صباحه یتمه سن
اولماسان آگه،نئجه اعضاسی شان شاندور باجی

داخل اولموشدی فارته اول نهنگ تشنه کام
نفسینه سو ایچماقی بیلمیشدی معناده حرام
تشنه لب چیخمیشدی دریادن نهنگ مستظام
بو وفا باعثدی چشمیم بیله گریاندور باجی

اوجینا چون که سو دولدورمیشدی اول نیکو شیَم
عشقی فتوا ویردی اعدا قولّارین ائتدی قلم
تا آت اوستوندیدی قویموردی ولی یاتسین علم
چون شکست و فتح بیرقدن نمایاندور باجی

ایچمه میشدی سو،سویا باخمیشدی چون بی اختیار
اوزلوقوندا گوردوقی ایشدن واریدی انکسار
بیر سویا باخماقلیقا بیر جفت گوز وئردی نثار
ترجمانندن سماوات اهلی حیراندور باجی

سویلدی قصدیم ارائیدی اگرچه دشمنه
شه سوسوزدور من سویا باخدیم چوخ عار اولسون منه
اوخلاسونلار قوی بئله بیرگوز نه لازمدور سنه
گور بئله قارداشدان ال چکماقلیق آساندور باجی؟

گوردوم اطرافین آلوب اون یدّی بیرحم و دنی
سعی ائدولّر تک به تک قویسونلا قارداشسیز منی
ذوالفقاریله داغتدیم دور و بردن دشمنی
گوردوم اول شمشاد قدّ خاکیله یکساندور باجی

باشینی آلدیم دیزیم اوسته پریشان حالیله
جسمینین قانین یودوم پاک ائتدیم اشک آلیله
ایستدیم حمل ایلیم قتلایه بیر منوالیله
گوردوم ارکان وجودی جمله ویراندور باجی

باغریما باسدیم اوصدپاره داغلمیش پیکری
آغلادیم آغلاتدی حالیم سنگدل دشمنلری
اودلانار هرکیمسه گورسه بو اسفلی منظری
یوز گوزوم،سینم،وجودیم،الّریم قاندور باجی

آخر عمرینده منه ائتدی وصیّت بو قرار
نعشیمی حمل ایلمه قتلایه ای شاه کبار
بیلسه بو حالی سنه اهل جفا جرئت تاپار
بو وفاسی قابل تقدیر شایاندور باجی

ای (حسینی) حضرت عبّاسه آغلا ماه و سال
دامن باب الحوائجدن یاپیش مقصودون آل
اوزلریندن قلبووه الهام اولوندی بو مقال
قارداشیم عباس ئولوب حالیم پریشان دور باجی

• یکشنبه
• 7
• شهریور
• 1400
• ساعت
• 16:11
• نوشته شده توسط
• یوسف اکبری

بو جبینمدن دگن اوخ پیکِ وحدت دور منه
باشیم اوسته سیّدی گلسن عنایت دور منه

سرسپاهِ شهریارِ عشق، پاداش آختارور
قان دولان گوزلر سنی هر لحظه قارداش آختارور
ظلمیله اون یدّی ظالم بیر سینان باش آختارور
چوخ يوبانما بو يوبانماق چوخ اذیّت دور منه

بو قفس چوخ اولدی مرغِ روحيمه ننگین و تنگ
منده یوخ قدرت اولوب دشمنلريم تشویق جنگ
اوستومه گویدن یاغور باران ذوبین و خدنگ
دشمنه زائیدهٔ عشرتدی، حسرت دور منه

تا علمدارین سسین آلدی امیرِ نُه قباب
شرقِ مخيمدن طلوع ایتدی بسانِ آفتاب
سرعتیله گلدی قارداش باشی اوسته با شتاب
سسلدی ای سرو قامت، دور قیامت دور منه

روزِ روشن گوزلریمده تار اولوبدی چون شبه
دور ایاقه یاتما آل الله دوشوب تاب و تبه
کوفیه گیتماق مُسلّم اولدی ایمدی زینبه
چون بو صحراده شریکِ درد و محنت دور منه

قانیله مستور اولوب دور هاله تک زیبا یوزون
نطقه گَل قويما قالا قلبونده واردی گر سوزون
وای منه آماجِ پیکان دور یارالی صاق گوزون
روحيمون ایذاسينه بو غم کفایت دور منه

کربلا سقّاسی گوز آچدی گوروب قارداشینی
صورتين پاک ایلیوب آلموش دیز اوسته باشینی
توکدی حسرتله یوزه قانه دونن گوز یاشینی
عرض ایدوب شاها عجيبه بیر سعادت دور منه

خوشه ممکن اولمادی تا نخلِ خدمتدن دَریم
پیشوازه گلمدیم، بیجان اولوبدی پیکریم
پیشواز ایتدی ولی یولدا کسلميش اللّريم
وای اولا سرلشکرِ شاهم جسارت دور منه

بیله بولمه خدمتیمده من بو گون ایتدیم قصور
سو یولون گوردوم دوتوب دور ظلميله قومِ شرور
شورِ عشقیله فراته ایله دیم فوراً عُبور
مرتضی ارثیّه سی قارداش شجاعت دور منه

من عرق ریزان و مجروح و سوسوز لعلِ لبیم
گون ترحّم ایت میوبدی یاغ دوروب نارِ جهيم
اسدی بیر نهرِ فرات اوسته سرین دلکش نسیم
دیزلریم سست اولدی گوردوم ضعفِ شدّت دور منه

لشكرِ اشراريدن خالی گورنده دوره می
سو نسیمی قلبدن پاک ایله دی زنگِ غمی
نصب قیلدیم من فرات اوستونده قانلی پرچمی
شدّتِ سوزِ عطش گوردوم زیادت دور منه

بی اراده اللریم ایتدی اراده سوی سو
سو گوتوردوم گوردوم امّا یوخ سودا بیر آبرو
من ایچم سو، قالسون عطشان کودکانِ ماهرو؟
حدس ویردیم عالَمِ امکاندا رِخوت دور منه

بیر سویا حسرتله باخدیم بیرده نهرِ علقمه
بیرده نهر اوسته اسَن دلکش سسیله پرچمه
بیر قولاق ویردیم ایدیردی اهلِ کوفه هم همه
مشکی دولدورماق اودور بولدوم غنيمت دور منه

مشکی دولدوردوم او دور که عزم قیلدیم مَخیَمی
چیگنیمه سالدیم سو مشکی، گوتدوم الده پرچمی
ایستیردی مشکه اوخ دگسین دوتاردیم سینه می
چونکه مشکیم روحِ طاقت ، تاب و قدرت دور منه

لشكر اهلی گولدولر قلبیمده حسّ رشکیمه
قلبيمون قانین قاتوبلار ظلم اليله اشگیمه
ویرمیوب لار سینمه اوخ، ويردولار سو مشگیمه
خجلتیمدن چاره می بولدوم شهادت دور منه

مشکیمه اوخ دگدی اعدايه حمایت ایله دی
سر سپاهی پیشگاهوندا خجالت ایله دی
سجده گاهیمدن بیر اوخ ناگه اصابت ایله دی
پیک وحدتدن اودور گوردوم اشارت دور منه

تخمِ حيرت قلب لشکرده حسینیم اکمیشم
سینه ده اوخ باشیمی فوراً اشاقه اگمیشم
دوشدی عمّامم يره امّا خدنگی چکمیشم
هامی ساعتدن چتین قارداش او ساعت دور منه

گلستانِ عشق و امیدیم او ساعتدن سولوب
قان جبينمدن آخوبدی کاسهء چشمیم دولوب
قوی دیوم واضح باشیمدا ظلم اليله خُرد اولوب
قلبه تأثیر ایلین امّا شماتت دور منه

بو جفائیله حسین، دوشدوم ستمله غرقِ خون
واردی یادونده ولی مخیمده اولدوق قول بویون
نه اليم وار نه قولوم، سال بوینوما بیرده قولون
چوخ یاخین هر لحظه جامِ پیکِ رحلت دور منه

قولّارين آچدی او دمده نورِ عينِ بوتراب
ماوراء جَوّده گورسندی حالِ انقلاب
قول بویون اولد بلا دشتينده ماه و آفتاب
آی دیوب ای گون چوخ آرتوخ بو محبّت دور منه

دوردی شه حسرتله ایتدی ناگهان عزمئ خیَم
گوردی قارداشی گلور، زینب، اولوب دور غرق غم
سینه سینده واردی اوخلی مشگیله قانلی علم
عرض ایدوب قارداش بو حالون چوخ صُعوبت دور منه

ای حسین ابن علی ای هادی دینِ خدا
(هادیه) بذل ایله بو ایل بیر برات کربلا
مطلعِ شعری فرات اوسته اونون تکرار اولا
بو جبینیمدن دگن اوخ پیکِ وحدت دور منه

• شنبه
• 13
• شهریور
• 1400
• ساعت
• 12:22
• نوشته شده توسط
• یوسف اکبری

من ماه بنی هاشمم ای شمس ولایت
گون نوری آیا دوشمَسه آیدا نه شرافت
گَل باشیمه سال پرتو مخصوص عنایت
گورسونله که من شیفته ی نور حسینم
دوتسونلا نظرلرده که منظور حسینم

بیر گون که اُلنلَر یغیشار حشره دوباره
هر کیم اَتکون دوتماز، اَلی بوش یوزی قاره
اَلسیزلره اوندا گوره سَن بس نَدی چاره
حلّال اول اوزون اوندا بو مشکللره قارداش
بیر اَل یتور اللرده قالان اللره قارداش

گیتدیم منیله قبره گیدر دلده بو حسرت
دنیاجه منه عمر ویرِیدی ید قدرت
بو عمری اولونجه ایلییِیدیم سنه خدمت
هر لحظه ده مین دفعه اولِیدیم دیریلِیدیم
هر دفعه ده مین یول سنه قربان کسیلِیدیم

یازمیش او شهادت که منه خامه ی تقدیر
اولماز بولورم امر مقدّر تاپا تغییر
سعییم بودی قتلونده بیر آز یوز ویره تاخیر
باشیم قوشا خنجرلریله باش باشا قارداش
بیر دمده غنیمتدی اقلّاً یاشا قارداش

بنزردیم او سروه که رسا قامتی اولسون
بو قامتیله گلشنیوین زینتی اولسون
هر سروی گوروم قول بوداغین حسرتی اولسون
توپراقلار اوتورسون قریلان قول بوداقندا
کوکو قالا قمریلرینون دل دوداقندا

سو اولمادی تا من دایانِیدیم سوزوم اوسته
راضیدیم او ساعت یخلِیدیم یوزوم اوسته
نوفل یاراسی باشدان اُوتوردی گوزوم اوسته
چون گوردی اَلیم آختاریرام حیف اَله دوشمز
من اَلسیزه اَل آچدی که بیرده اَله دوشمز

ای بنده چیلوق عالمینون عالم رازی
عالم سر کویونده دی محراب نمازی
من اهل نیازین سنه وار راز و نیازی
قویما آرامیزدا بو یولی فاصله دوشسون
راز دلیمیز حیفدی دلدن دله دوشسون

فخریم بودی پرورده سیَم سایه ی لطفون
سرمایه ی عمریدی گران مایه ی لطفون
اندازه ی شانوندی منه پایه ی لطفون
ذرّات سنون لطفوین امّیدینه بسته
من ذرّه، سنون لطفوین امّیدینه بسته

بیر عالم اسراره گیدوب یِتملیم من
راز دلیمی گیتمه میش عرض ایتملیَم من
بیر نیمه نگاهیمده دیوب گیتمه لیَم من
وار قانلی گوزون طیِّ لسانی باخشیندا
سوزلر آخاجاق غمزه ده گوزلر آخشیندا

قویسِیدی قضا قویمازیدیم غم سنه گلسون
هر درد و غمون اولسا برادر منه گلسون
درمان سیز اولان دردی گوروم دشمنه گلسون
بو ملّت کافِر که مسلمانی تاپیلماز
بیر حاله سالوبلار منی درمانی تاپیلماز

قاموس معانیده کی معنای محبّت
بازار حقیقتده کی کالای محبّت
سوداگریِ عشقده سودای محبّت
خاک رهون اولماقدی خوشا بیر ایله خاکه
قربان او قدم لردن اوپَن تربت پاکه

اللهین اگر عمر بیوک نعمتی اولسا
بو عمر عزیزین نقدر لذّتی اولسا
عالم هامی بیر لحظه سینین قیمتی اولسا
صرف اولماسا خدمتده سنه ای شهِ خوبان
نقمتدی، بو نعمت دگی عمریم سنه قربان

"ذهنی" یارادیر نوحه ده هنگامه ی اخلاص
امّیدیله آلموش اَلینه خامه ی اخلاص
یازمیش نه گوزل طرز بیله نامه ی اخلاص
هر کلمه سی مین راز دلیمدن خبر ایلر
اعماق دل اهل دله چوخ اثر ایلر

• جمعه
• 9
• مهر
• 1400
• ساعت
• 22:10
• نوشته شده توسط
• یوسف اکبری

ای فیضیوه محتاج هامی عالم و آدم
اقلیم محبّت سنه تفویض و مسلّم
تشریفیوه اولموش هامی اسباب فراهم
فرش ایلمیشم اطلس گلرنگ، ترابه
تعجیلیله قوی پای فلک سیری رکابه

ماذون ایلدون اونداکی سو ایتماقا تحصیل
بو خدمت ابوالفضله اولوب مایه ی تجلیل
اجراسینه ایتدی اودی چوخ شوقیله تعجیل
شاید که بو خدمتده اولا یار سعادت
اجراسی ابوالفضله اولا مایه ی عزّت

بولدوم که مماشاته دی شه خاطری مایل
اولدوم سپهه رسم رساتیله مقابل
افسوس که درک ایلمدی فرقه ی باطل
دل آچدیلار اقوام اباطیله سراسر
گوردوم که اولار جنگیله مقصود میسّر

پوزدوم ایله بیر قدرتیله نظم سپاهی
دل چاتدی تمنّاسینه بو یولدا کماهی
موّاج گورنده سویی چون سینه ی ماهی
دل شوره گلوب چخدی اورک سوزشی یاددان
هر سوزی آپاردی او سویون لرزشی یاددان

فکر ایتدیم ایکی سس اوجالور عرشه بو یرده
بیر ناله ی اصغر که گلوب نی کیمی درده
بیرده سویون آهنگیدی که پرده به پرده
امواج فضانی بورویوب زیر و یمیندن
گویا که ایدور ناله بو قومین ستمیندن

ترکیب اولالی بو ایکی سس اوج فلکده
ناله ایدور ایجاد دل ماه و سمکده
نفرینه مبدّل اولوری ذکر مَلَکده
لعن ایلوری شام اهلینه سکّان سماوات
بو ظلم نظیرین گوره دنیا گوزی هیهات

بیر یاندا آخور شوق لب اصغریلن آب
بیر یاندا عطش خاطر اصغردن آلوب تاب
بیر یاندا یانار چوللری سو ایلوری سیراب
بیر یاندا یانان دللر اولوب قان سوسوزوندان
اولاد پیمبر ویروری جان سوسوزوندان

بو فکرلر اود سالدی ایله قلب نوانه
تار اولدی جهان دیدمه، دویدوم داخی جانه
طوفان کیمی ووردوم اوزیمی آب روانه
تسخیر ایلدیم سرعتیله آب فراتی
چون خضر گتوردوم اله اکسیر حیاتی

آگهسن اوزون شدّت سوز عطشیمدن
نفسیله سو اوستونده اولان کشمکشیمدن
نفس اولدی زبون همّت بی غلّ و غشیمدن
امّا سویا ال وورماقیمی عفو ایله شاها
عفو ایله بو تقصیری کسیلمیش اله شاها

آغلار گوزیله آینه ی آب رواندا
گوردوم عطش آثاری لب جان جهاندا
یاندی اورگیم نائره ی سوز نهاندا
سولموش گوره لی نوگلینی باغ حیاتین
گوزیاشیم آخوب، موجینی آرتوردی فراتین

ایتدیم گوزیمون جامی کیمی مشکی لبالب
چخدیم سودان اودلی اورگیمده شرر تب
دل نغمه سی: حفظ ایله اوزون بو سویی یارب
مخیمده عطشدن قورویان لبلره خاطر
گل تک سارالان رنگ علی اصغره خاطر

بیر جنگ و ستیز اولدی که تار اولدی فلک لر
ردّ ایتدی تماشایه حجاباتی مَلَک لر
ماهی کیمی قان لجّه سینه باتدی اورک لر
ظلماتیده اُرتولدی رخ روشن آفاق
یردن اوجالان گرد، آلوب شمسیدن اشراق

هر لحظه ده شدّت ایلدی موج تنازع
دورمده جفا تیغلری تاپدی تقاطع
افراد ایلدی بیر بیره قتلیمده تتابع
یاغدوردی اوخی اوستومه بو اهل تفاخر
باران بلا ایلوری گویا که تقاطر

شاهین کیمی بال آچماقا من اوج وفاده
دریا قوشی تک باتدیم او طوفان بلاده
شهپر کسیلوب، حادث اولوب ضعف قواده
بیر کشتی طوفان زده تک سیندیم اورکدن
ال گیتدی، هامی قدرتیمی آلدی بیلکدن

ال خدمتینی قورتاروب آیریلدی بدندن
بیر شاخه ی تردور دیه سن سیندی سمندن
همراه آپارا ایستمدی روحیده تندن
گوردی گینه وار کشمکش و جنگه ضرورت
سالمدی سو مشکی اونا لازمدی حراست

بو امری محوّل ایلدی دست یساره
ال ویردی صول ال قدرتیله رشته ی کاره
تیغیله عدو کشتینه یاغدوردی شراره
چوخ کیمسه لری تک الیله سالدی نفسدن
تک ال الی کوتاهیدی گرچه هامی سسدن

بیر بالیله شاهین پر آچوب اوج هماده
انصاف ولیک اولمادی صیّاد قضاده
بیر تیغ ستم اوینادی ناگاه فضاده
ضربیندن اولوبدور صول الیم صاق اله لاحق
یول اوسته دی گوزلور یولیوی لاحق و سابق

دوشدی ایکی ال، شانه ی دل اولدی سبکبار
قالموبدی ولی منده داخی قدرت پیکار
مصروف ایلدیم همّتی بو همّیده ناچار
سو مشکی مگر حفظ اولا آسیب ستمدن
عبّاس خجل اولمیا اطفال حرمدن

کسگین قلجیم ال کسیلوب دوشدی کسردن
شمشاد کیمی بوش قالوب ال شاخی ثمردن
افسوس علاج اولمادی حسرتلی نظردن
الدن الی بوش بیر اله گوز سوزیله باخدی
یوخ چاره گوروب، اشک روان دامینه آخدی

سوزیله دولان سینه نی دل ایتدی وقایه
یر ویردی گوز اوستونده گلن تیر جفایه
افسوس سپر اولمادی پیکان جفایه
بیر اوخ تاپوب ال مشکه، شرر جانیمه سالدی
قلبیمده اولان طاقت و آرامیمی آلدی

• یکشنبه
• 11
• مهر
• 1400
• ساعت
• 18:59
• نوشته شده توسط
• یوسف اکبری

ای ورن درس شجاعت عالمه
گورسدن عشقی نهایت عالمه

ای علینین قدرتین ترسیم ادن
قولارون اوز دینینه تسلیم ادن

ای همیشه شمشیرین محکم وران
ای فراتین نهرینه پرچم وران

ای دیشینده مشکیلن جنگ ایلین
دشمنین فرصتلرین تنگ ایلین

ای ائدن عدوانی غمگین هیبتی
ای قالان دیلرده دائم شهرتی

ای حسینین خیمه سینه پاسبان
غیرت وتقواسی حیدردن نشان

ای جمالی یوسفی حیران قویان
صورتی حورانی سرگردان قویان

ماه شعباندا تجلی ایلین
شیعه نین قلبین تسلی ایلین

ای اولان عالم شهامت درسینه
چاره قیل بو شیعیانون دردینه

چوخ زماندی قالموشوخ چشم انتظار
یوسف زهرایه دی ای تک سوار

تز گل ای مولا اورکلرقان اولوب
اهل بیتین دشمنی خندان اولوب

سینه احبابی چوخ یاندیرماگل
ذکر ائلر دائم «عبادی» الاعجل

• شنبه
• 17
• تیر
• 1402
• ساعت
• 17:57
• نوشته شده توسط
• یوسف اکبری

ای عاشق ابالفضل سال باشیوه قرانی
فریاد ائله دمادم ,سقای کربلانی

تصویره چک شعورین,قوی عرشه چاتسین عشقین
ارض و سماده بیردم ,محشر یاراتسین عشقین
غفلتده شاه کفری , فورا اویاتسین عشقین
احساسه گل اوردکدن , مست ایله قدسیانی

حیدر صفت ابالفضل ,نهر فراتی آلدی
اول دم سپاه کفره , میداندا لرزه سالدی
الله یانیندا شانی رتبه تاپوپ اوجالدی
تشویق ایدردی مولا ,غیرتلی پهلوانی

سسلندی ای جماعت , حیدر منیم آتامدی
قورخوردمیون اولومدن, زهرا منیم آنامدی
زهرا بالاسی لشکر , هم شاهیم هم آقامدی
بیر ضربتیله الان , خار ایلرم سنانی

پوزدی قشون ظلمی , علقمده اول سپهدار
سالدی فراته مشکین , انظاریده علمدار
عهد وفا یولوندا , مردانه ائتدی ایثار
الحق که بو ابالفضل حیران قویوب جهانی

شیر غیور حیدر , باخدی خیامه ساری
گوزلوردی طفل عطشان , اول هاشمی تباری
زینب باخاندا آلدی , قلبینده کی قراری
آتدان سالیبدی عدوان , سردار قهرمانی

• شنبه
• 17
• تیر
• 1402
• ساعت
• 18:39
• نوشته شده توسط
• یوسف اکبری

یارالی قارداشیم اویان وفالی قارداشیم اویان
من آغلورام عدو گولور قان اولدی گوزیاشیم اویان

اماندی دور خیمه ده گوزلوللر یولووی
ابوالفضلیم سویله کیم کسدی صاق صولووی
قولون یوخدی لخته قانی گوزدن سیله سن
قولی دوشسون اول کسون کی کسدی قولووی
یارالی ابوالفضل
وفالی ابوافضل

گئدک اماندی خیمیه غمون دولوبدی سینیه
سوروشسا خیمه ده سنی نه سویلیوم رقییه

گلوردی یولدا دیوم باشه غم الندی
سو جامینه اوخ دگوبدی قانه بلندی
اتام اوغلی دور الیم بئلده قالدی قارداش
حسینون اکبر داغی بیرده تازه لندی
یارالی ابوالفضل
وفالی ابوالفضل

دانیش منیله داغلیام بوچولده قویما اغلیام
قوشون امان ویرور مگر یارالارووی باغلیام

ولی باغلانمز باشونداکی باش یاراسی
عمود اهن قویمیوبدی قالسون نماسی
کسیلد ی چارم ابوالفضلیم ایله چاره
دانیش منلن گوزلرون قارداش من فداسی
یارالی ابوالفضل
وفالی ابوالفضل

کیمه دیوم ئورک سوزون قانا باتوبدی گل یوزون
گوزون قانین سیلیم ولی گوزون فداسی اچ گوزون

بوصحراده قویما تک قارداشسیز حسینی
قوشون گورسه عرصه گهده یالقیز حسینی
سینه سی اوسته چاپاللار آت جان یارالی
قویاللار نعشین اراده باشسیز حسینی
یارالی ابوالفضل
وفالی ابوالفضل

سو اوسته بیله همهمه منی سالوب تلاطمه
بویور گوروم مگر بورا گلوب یارالی فاطمه
نه حالدا گوردون انام زهرانی ابوالفضل
چوخ ائستور گویلوم گورم جانانی ابوالفضل
سوألیم وار سویله قارداش ایا گئنه ده
سوزوردی پهلولریندن قانی ابوالفضل
یارالی ابوالفضل
وفالی ابوالفضل

• شنبه
• 17
• تیر
• 1402
• ساعت
• 20:58
• نوشته شده توسط
• یوسف اکبری

قولسوز دوشن زمانیده صاحب لوا يره
نقش ایلدی حسینه رموز بلا یره

ضربت دگنده باشنه باش آچدی فاطمه
عمامه‌سینی وردی شَهِ لافتی یره

قانلو علم که سینه ده میل ایتدی صاق صولا
دوشجک یره يخلدى شَهِ کربلا يره

يوخدور قولی دوشنده یره تکیه ایلسون
قولسوز دوشوب نه حالیده بس ای خدا یره

قولسوز گوروبدی آچدی قولون‌دشت کربلا
ایله نزول سسلدی بو باصفا یره

گورم سنون دوشوبدی قولون یوخدی صاف یرون
جسمون اولار بو حالیده دوشسون فنا يره

ام البنین هایاندا قالوب گلمیور ندن
گورسون دوشور نه حالیده قد رسا یره

ام البنين گلنمدی گلمشدی فاطمه
اوغلی دوزنمدی دوشه خيرالنسا یره

قولارین آچدی سسلدی معناده گل بالا
دوشمه بو وضع حالیله ای باوفا یره

آنون یارادی دوشمه یوزون اوسته تپراقا
دوزمز آنا بو حالیده دوشسون بالا یره

زهرایه بو بلا گونی سن ایلدون کومک
سن خدمتون يتوردون اوغول انتها يره

قارداش دیوب هرایه چاقر تز حسینمی
گلسون کومک‌لیک ایتمگه بو غم فزا يره

یالقوز امامی سسلدی سقای کربلا
درک ایله قارداشون يخوب اهل جفا یره

باش ویرمرم اگر باشیمون اوسته گلمسون
توکسه نقدری قانمی بو اشقيا یره

قارداشنون ایشتدی سسین چخدی خیمه‌دن
سلطان گلوب وزیری اولان مبتلا یره

گوردی ایدوله باشنون اوستنده کشمکش
قولسوز دوشوبدی مظهر شیر خدا یره

قولسوز گوروبدی قامت طوباسینی حسین
فرش ایلدی او دشتیده فرش عزا یره

قويدى الين بلنه خطاب ایتدی بو سوزی
سندی بلیم دوشنده سن آتدان اخا يره

آلدی باشین دیز اوسته چکوب آه سوزناک
گوزدن توکوب سرشکین او اعظم فدا يره

قانن سلوبدی گوزلرینون قویدی یوز یوزه
قدوسیان باخوبدی او محشر نما يره

شمس و قمر تصادفی بیر یرده اولدی جمع
مبهوت اولوب او حالتی گورجک سما یره

بی‌نفخ صور محشر اولوب کوی عشقده
چکمش عجیب منظره کلک قضا یره

ويرسون حسینه عالم معناده تسلیت
ایتدی نزول گوزیاشیلان انبیا یره

گویا حسین بو دللريلن نوحه باشلادی
توکدی دُر سرشکنی شمس الهدا يره

ای چاره‌سیز قویان منی بو عرصه گاهیده
نه حالیدور بو دوشموسن ای مه لقا یره

اوغلوم ئولوبدی سس ويرنيم يوخدى بيكسم
قان اولمیوب گوزیمده سرشکیم هوا یره

بو سرو قامتونده هانی قولارون أخا
سینونده اوخ کچوبدی اوخ اوستن یارا يره

سنسیز گیدم خیامه منیم گلمیور یوزوم
وار خجلتم اوتورمشام ای دلربا یره

اگلشمگه یوخومدی توانیم نه دورماقا
آواریم دوروم اوتوروم اینکه یا یره

دشمنلریم اگرچه باخور حالیمه گلور
درد و غميم يتوب داخی بی منتها یره

گلجک سسون خيامه منیم اسدی دیزلریم
بلدوم سنی یخوبدی بو قوم دغا یره

الله بلور نه حالدا چخوب خیمه گاهیدن
يالقوز حسين گلییدی بو یر ماجرا یره

آج قانلو گوزلرون منی دیندیر اوغو لسوزام
دوشسون سوزی بو بیکسون اولما رضا يره

هانسی لعین وروبدی یارا سجده‌گاهوه
قانون آخوبدی سو کیمی ويرمش جلا یره

اولسا رضایتون آپاروم خیمیه سنی
زینت ایدوم وجودون او ماتم سرا يره

سو گوزلین بالالارمی قويما منتظر
قويسون داخی سو جامنی آل عبا یره

گورسون سنی بوحالدا باجيم زينب اوخشاسون
خون دلینی توکسون او بی اقربا یره

مقصودینه يتشدی یاتار یاتمیان قوشون
اطفالیمی چکله يقين ناروا یره

«انور» کتابی ختمه يتور بو دو بیتلن
شکر ایتگلن اثر اولی گتسون بقا يره

• چهارشنبه
• 28
• تیر
• 1402
• ساعت
• 11:24
• نوشته شده توسط
• یوسف اکبری

اِی جماعت من حُسینَه دَستِ بِیعت وِیرمِیشَم
ظالِمَه باش اَگمیم قُولِ شَرافَت وِیرمِیشَم

بُو گِیچن گُون وِیرمِیشم بُو چُولدَه من بیر اِمتحان
اِیتمِیشم ثابِت فَدا دور دِینی مَه مِین نَقد جان
زادهء مَرجانَه کِیم دور تا منَه وِیرسُون اَمان
مَن طلاقِ مَنصَب و جاه و رِیاست وِیرمِیشَم

بیر اَمان نامه گتُورمُوشدِی مَنَه شِمرِ شریر
اَل چَکم قرأنِ ناطِق دَن دُوتام دِینی حَقیر
مَن دِیدیم هِند اوُغلی آلِ هاشِمَه اوُلماز اَمیر
مَن حُسین راضی اوُلان اَمرَه رِضایَت وِیرمِیشَم

سیز اِیلَه تُولان مُوسُوز جاه و مَقام و مُنصبَه
اِی جَماعَت پِی آپارمُور سُوز بو واضح مَطلَبَه
اِیلیُوب دِینی یَزیدِ پَست فِطرَت مَلعبشه
مَن او دُور اوُل پَست فِطرَت دَن بَرائت وِیرمِیشَم

قالماقین یُوخ اَرزشی تا دِینی دُنیایه ساتام
دُوتمُوشام تصمیم مَن باش فِکرینی باشدان آتام
اَهلِ اِسلامی آیلدام قانلی تُپراق دا یاتام
تا جَهان وار اِهلِ اِسلامَه مَزیّت وِیرمِیشَم

سیز دَگُل دُوز نامه یازدُوز اِی سِتَم گرلَر تَمام
فاطمَه اوُغلین چاغُور دُوز تا سیزَه اوُلسُون اِمام
اَل کُمک لیقدان چَکُوب اِیت دوز قِتالَه اِهتِمام
قُولی مَه مَن صاحِبم چُون قُولِ نُصرَت وِیرمِیشَم

بُلمُوسُوز نرّاد و خُمار و سِتَم گر دُور یَزید
مُنکِرِ قرأن و قانونِ پِیمبُر دور یَزید
کَافَرِ مُطلق دِی مَستِ خُمر و ساغَر دور یَزید
مَن وَلی اِحیای قرأنه ضَمانَت وِیرمِیشَم

جَنگه رُخصَت وِیرمیُوب سُلطانِ بَحر و بَر مَنَه
یُوخسا اوُلماز هَم نَبَرد اوُلسون هامی صَف لَر مَنَه
اوُرگدُوب جَنگی فُنُونی اوُز أتام حِیدَر مَنَه
اِمتحانِ زُور و بازُو و شُجاعَت وِیرمِیشَم

زانیَه هِند اوُغلی نامَه گُوندَروب دور هَر یِره
که مَنم بُو گُون خَلیفَه حَضرتِ پِیغَمبَرَه
قَبری دَن گر دُورسا پِیغَمبَر دِیر اوُل کَافَرَه
آلِ هِندَه هاردا مَن اِذنِ خِلافَت وِیرمِیشَم

قُویما دُوز قالسَین سُودا بی أبرولر أبرو
خُوردا جا قِزلار سُوسُوزدان یاندی اِی قُومِ عَدو
باشیمی وِیرَم بَها وِیرسُوز اَگر بیر مَشگ سُو
قِیزلارا سُو وَعدَه سی مَن اِی جَماعَت وِیرمِیشَم

• شنبه
• 14
• مرداد
• 1402
• ساعت
• 22:52
• نوشته شده توسط
• یوسف اکبری

اِی شاهبازِ بی پَریم مِیداندا یاتما دور گِئدَک
عَبّاسِ هُمّت پَروریم مِیداندا یاتما دور گِئدَک

گُلشَندَه سینُون یاره سی گُللّر آچوب گُلزار تَک
اَمّا شکُفتَه گُللّرَه اوُخلار باتوب دور خار تَک
اَعدایَه اوُلدون نیزه پُوش سَن جَعفَرِ طَیّار تَک
دُوشدُوم حِصارِ آهنَه من نُقطهء پَرگَار تَک
باخدُوقجا تترَر پِیکَریم مِیداندا یاتما دور گِئدَک

بیر یاندا پَرچَم بیر یانا پِیکر بُویُوندا قُول دُوشُوب
قانون آخوب سُو تَک یِرَه مِیداندا قرمز یُول دُوشُوب
نَخلِ وِجودوندان اَخی بَر جَسته بیر جُوت قُول دُوشُوب
بیر یاندا شَمشیرُون دُوشوب بیر یاندا ساق و صُول دُوشُوب
اِی یادگارِ حِیدریم مِیداندا یاتما دور گِئدَک

عَلقَم کَناریندَه سَنُون اَطرافوی دُشمَن آلوب
آتدان یخوبلار تُپراقا جِسموُن یُوزی اوُستَه قالوب
گُویا سنق کَشتی دُوشوب گِردابیدَه لَنگَر سالُوب
فارغ اوُلوبدور کُوفیان طَبلِ یُریش بیردَن چالُوب
آلدی قُشُون دور و بَریم مِیداندا یاتما دور گِئدَک

آهیم بُو لَرزان جِسم تَک لَرزَه سَماواتَه سالور
قارداشوی دُشمَن گُورور بُو حالَتیلَه کام آلور
یاتما بُو قانلی رَزمیدَه اَخیام بی صاحِب قالور
مَن باشُون اوُستَه آغلارام شام اَهلی اَمّا اَل چالُور
ظاهر اوُلوبدور مَحشریم مِیداندا یاتما دور گِئدَک

تیرِ جَفایَه آلنُوی قُومِ دَنی اِئتمیش هَدَف
اَل اولمیُوبدور گُوزلَروندَن قانی اِئتسُون بَر طَرف
قان پَردَه چَکمیش رویُوَه آی تَک اوُلوبدور مُنخَسَف
نیزاری دور گُویا سینُون اوُخلار دوروبدور صَف به صَف
ای یاره لی سَرلَشکریم مِیداندا یاتما دور گِئدَک

• یکشنبه
• 15
• مرداد
• 1402
• ساعت
• 13:50
• نوشته شده توسط
• یوسف اکبری

آچگُوزون سَر لَشگریم اِی قَلبیمَه آرام اوُیان
پَرچَمُون یاتدی یخلدی پَرچمِ اِسلام اوُیان

باش و جان وَقفِ رَواجِ مَذهَب و دین اِیلدُون
پَرچَمُون یاتدی وَلی تَرویجِ آئین اِیلدُون
اِهترازِ پَرچمِ اِسلامی تَضمین اِیلدُون
قانُوی دین اوُستَه تُوکدی قُومِ بَد فَرجام اوُیان

نَه قُوای اِنتظامی وار نَه لَشگر نَه وَزیر
تَک سَنی سَرهنگِ لَشگردَن دُوتاردیم من دِلیر
سِندی سَنسیز لَشگریم، اوُلدی جَری قُومِ شَریر
اِی شُجاعَت بیشَه سیندَه قان تُوکَن ضَرغام اوُیان

سَنسیز اِجرا اِیلمَز بر کیمسَه مَنوِیّاتیمی
کیم بُلر بَرنامهء آمال و تَبلیغاتیمی
اِنقلابیّون پُوزار بُو چُولدَه تَشکیلاتیمی
اِیدهء آلین اِیلَر اِجرا قُومِ بَد فَرجام اوُیان

من اوُزوم یالقیز کُمکسیز بی مُعین و آشنا
دُشمنین اَمّا قُواسی چُوخ قَوی وَحشت فَزا
اِی بُو لَشگر سیز شَهه فَرماندِه کُلَّ قُوا
ظُلم اَلیلَه قارداشون یالقُوزلِیُوب ظُلاّم اوُیان

اِی وِجودی گُوهَرِ مِهر و مُواساتَه صَدَف
آسمانِ حُسنَه ماهِ آلِ هاشِم مُتّصَف
اِیلدی کیم قانیلَه ماهِ جَمالون مُنخَسَف
سَن دوتُولدون گُوندوزوم اوُلدی گُوزیمدَه شام اوُیان

قُول بُوداغَین قیردیلار بُو سَروَه بَنزَر قامَتین
قُویدولار بی سایَه بُو چُولدَه پِیمبَر عتِرتین
اِیتدیلَر گُل قانُوِیلَه نَهرِ عَلقَم تُربَتین
گِل نِشین اِیتدی اُمیدیم ناقه سین آلام اوُیان

اِی سُوسُوز ساقی اوُلان جامی جَفائیلَه شِکست
هر وَفالی عاشقَه وِیردُون وَفائیلَه شکست
کاسهء سَر، جامِ چِشمُون بَر یارائیلَه شِکست
کاخِ دین تَرمیمین اِیتدی بُو شِکست اِلزام اوُیان

من گَلندَه اَلعَطش صُوتیلَه دُولموشدی خیام
سُو دِیوب آغلاردی یِکسَر عِترتِ خِیرالاَنام
دولدوروب گُوز مَشگین اَشگیلَه سُوسُوز قیزلار تَمام
دِلدَه سُو یُولاردا گُوز اَلدَه قُوری بیر جام اوُیان

سَن که گِیتدُون سُوزِ غَم اوُدلار پِیمبَر قزلارین
گُوز یاشی سیراب اِیدَر ساقیّ کُوثَر قیزلارین
دِل سیه دُشمنلَریم زَهرای اَطهر قیزلارین
قولاّری باغلو اِیدلّر کُوفیَه اِعزام اوُیان

شیریدون سَن اِی آتام شیرِ خدایَه یادگار
حیلَه اِیلَه رُوبَهانِ کُوفیَه اوُلدون شکار
کسمَه سیدی پَنجه وِی قُومِ خَطا کار و شَرار
زَخمدار آهُو تَک اوُلمازدُون خَدَنگَه رام اوُیان

اِی هامی اَلدَن اوُجا سَر پَنجهء شیرانَه سی
صَف شِکن، شیرِ خدا تَک پَنجهء مَردانه سی
اوُدلانار سَنسیز غَزالانِ حرَم کاشانَه سی
اِی شُجاعَت کَانی شیرِ شَرزهء آجام اوُیان

رو سفید اوُلسُون اِیکی دُنیا آنان اُمّ البَنین
بسلیُوبدور سَن رَشادَتدَه جَوان حامیّ دین
نَه گُوروب مانندیُوی چِشمِ سَموات و زَمین
نَه دُوغار مِثلون دوباره مادَرِ اَیّام اوُیان

قُولّارُون قانی یازوب صِدق و صَفادَن بیر رَقَم
گُوزلَرون قانی غَمِ بی اِنتهادَن بیر رَقَم
آنّوون اوُخ یاره سی شَرحِ وَفادَن بیررَقَم
قارداشُون قان آغلادار عُمرینجَه بُو اَرقام اوُیان

سَنکه آتدان دُوشدون اِی بُو بیکسَه پُشت و پَناه
عِترتیم قالدی بُو غَملو دَشتیدَه بی داد خواه
باشیمی تَشنَه کَسر دُویماز جَفادَن بُو سپاه
اِیلَر آلِ مُصطفانی سویماقا اِقدام اوُیان

یاتماقا خَلق اوُلمیُوب بُو خَلق #سعدی_زمان
خوابِ غَفلتدَن اوُیانسان وار حَیاتِ جاوِدان
آختارورسان گر بَقا فانی اوُلاندا بُو جَهان
یاتما جَهد اِیت سال اَلَه بیر جاودانی نام اوُیان

• یکشنبه
• 15
• مرداد
• 1402
• ساعت
• 14:07
• نوشته شده توسط
• یوسف اکبری

آخدى قان گاهی صُولندان گاهی ساقندَن یِرَه
قویمادی عَبّاس عَلم دُوشسُون قُوجاقندَن یِرَه

بُو خَبر یِتدی عِمُوماً فُوجِ صاحِب مَنصبَه
قاچمِیُون قُولسوز قالوب عَبّاس یِتدوز مَطلبَه
تازَه دَن دشمن قِیتدی با جَلال و دَبدَبه
قُویمادی عَبّاس عَلم دُوشسُون قُوجاقندَن یِره

سسلیُوب عُمراِبنِ حَجّاجِ لَعین آوازلَن
اوُز پَریشان عِدّه سین تَحریص اِئدوب اِغراضلن
دورِ عَبّاسی آلوب دُورت مین خَدَنگ اَندازلَن
قُویمادی عَبّاس عَلم دُوشسُون قُوجاقندَن یره

نَظمیدَن دُوشمش قُوشُون پُر نَظم اوُلوب باغلاندی صَف
داش وُیران خَنجر وُیران پِیکان وُیران دُورت بیر طَرف
مُوجِ دَریای عَدودَه قالدی مانندِ صَدف
قُویمادی عَبّاس عَلم دُوشسُون قُوجاقندَن یره

آرتدی گر چه دَمبدَم ساعت به ساعت یاره سی
اوُخلارا اوُلدی نشان اوُل پِیکرِ صَد پارہ سی
ظاهر اوُلدی چِشمدَه بیر جُفت قان فوّاره سی
قُویمادی عَبّاس عَلم دُوشسُون قُوجاقندَن یِره

بِیدَقی باسمشدی آغُوشینَه شیرین جان کیمین
دُورت طَرفدَن یاغدیروب دُشمنلَر اوُخ باران کیمین
باک قِیلمُوب یاره لَردَن ضِیغَمِ غُرّان کیمین
قُویمادی عَبّاس عَلم دُوشسُون قُوجاقندَن یِره

جَعفرِ طَیّار آپارسُون وار یِری عَبّاسَه رَشک
عالَمِ مَعنادَه تُوکسُون گُوزلریندَن سِیلِ اَشگ
پِیکری قُولسُوز عُقابُون اوُسته دَندانیندَه مَشگ
قُویمادی عَبّاس عَلم دُوشسُون قُوجاقندَن یِره

جانینُون تَرکین قیلوب دِل آرزوسین گُوزلیُوب
خیمه دَه عَطشانلارین سُو جُستجُوسین گُوزلیُوب
مَشگی حِفظ اِئتماقدا یَعنی آبرُوسین گُوزلیُوب
قُویمادی عَبّاس عَلم دُوشسُون قُوجاقندَن یِره

بِیدَقی حِفظ اِیلیُور دِلدَه بُواِیدی مَطلبی
سَربُلند اِئتسُون همیشَه نامِ دین و مَذهَبی
بیردَه ظاهردَه مُراعات اِئتدی حالِ زِینَبی
قُویمادی عَبّاس عَلم دُوشسُون قُوجاقندَن یره

خِدمَتِ عَبّاس حُسینَه بیر قَلم مَرقُوم اوُلور
بیر قَلمدَه اَکمَلِ خَدماتنَه مَفهُوم اوُلور
#مضطرون بُو شاه بِیتندَن سَنه مَعلوم اوُلور
قُویمادی عَبّاس عَلم دُوشسُون قُوجاقندَن یِرَه

• یکشنبه
• 15
• مرداد
• 1402
• ساعت
• 14:08
• نوشته شده توسط
• یوسف اکبری

سبک : شهریاریم سان آقا

آی دوشن قؤللاری سو اوسته پریشان یارالی
ایندیده یئرلر دئییر ، گؤیلر دئییر جان یارالی
قان دؤلان گؤزلریوی آچ بیزه بیر آن یارالی

جان آقا ، جان یارالی قانینه قلطان یارالی
شرمیدن قان اؤره گی حالی پریشان یارالی

کسرلر قربان سنه عاشقلرین هر تاسوعا
اَلَمیندن یاپیشیب ایسلر مریضلره شفا
دردلرین درمانی سان باب الحوائج سن آقا

یا اباالفضل قاپیوا دای اؤرگنیب دیر اوزوموز
باغلیدیر گول آدیوا اول و آخر سؤزوموز
نا امید ائتمه بیزی وار کرمینده گؤزوموز

گؤز دولاندیرسان آقا مختصری بسدی بیزه
دییه ریخ عالم اولا قربان اؤ یارالی گؤزه
مشکیوین اوخلانماسی آزجا قالیر جانلار اوزه

شرملیک صحبتینی ائیله مه دای باشیندان آت
سن اوتانما قؤی اوتانسین آقاجان آب فرات
سنین اول غیرتیوه ، ذات حقیوه ، صلوات

اؤ دوشن قؤللاریوی یاده سالیب آغلیاریخ
گؤزیوه خاطیر آقا سینه میزی داغلیاریخ
دوتاریخ بزم عزا باشه قارا باغلیاربخ

هامی نین حاجتی وار ، نوحه دییَن ، مجلس قوران
شاخسیه دیلدن گلن ، سینه ووران ، زنجیر ووران
سنه خاطیر چالیشیب بو قاپیدا اؤزون یؤران

مشکله دوشسه بیری تئز آدیوی سسلر آقا
اؤره گینده بیر عؤمور گول آدیوی بسلر آقا
یا اباالفضل دییَر سندن نجات ایسلر آقا

سن حسین قارداشی سان هامی سنه عاشق اولار
ادبین ، معرفتین ، قلب لره نقش سالار
دردلرین درمانی سان ، سندن هامی مطلب آلار

سنه امید باغلاییب ، (نالان) بیچاره آقا
حاجتین ائیله روا دردلرینه چاره آقا
خاص بیر حرمتی وار ، سن تک علمداره آقا

• یکشنبه
• 15
• مرداد
• 1402
• ساعت
• 14:56
• نوشته شده توسط
• یوسف اکبری

کوفه دن زیاد اوغلی گوندروب کربلایه بیر نامه یا حسین
قاردشیم ابولفضلی ایستوری عازم ایلسون شامه یا حسین

خیمه لر قباقینده شمردون گورنه نوعله ایلوری صدا
هاردادورباجیم اوغلی بس گلوب کوفه دن گلن نامه سین آلا
ایلیه یزید امرینی قبول تا حیاتی وار بی زوال اولا
قارداشیم ابوالفضله دی وره بیرجواب او ب نامه یاحسین

ایلدی حسینه بو سوز اثرسسلدی ابوالفضلی محضره
گیت بویوردی ای بدر کاملیم اول امیر وسالار لشکره
گرسن اولسان اولماز ایدن جفا بیر نفر عیال میگیره
نطقه گلدی سقای کربلا وار دیدی نه برنامه یاحسین

عرض ایدوب ایاشاه کربلاقارداشون اولاجانوا فدا
آشکارا ایله دلده مطلبون تا گوروم مرامون ندوراخا
دیموسان مگرقارداشوندان ای شهریارمن ایلوسن رها
قطعه قطعه اولسامدا گتمرم آند اولابوایفامه یاحسین

من بو دینی دنیایه ساتمارام محکم ایلرم دین پایه سین
ورمرم الیمدن بو منصبی حق ایده منه قطع سایه سین
رد ایده جوابین ویا سالانطقدان بیانین او آنیده
گستره حسینه وفاسینی سیر ایده اوهنگامه یا حسین

• چهارشنبه
• 18
• مرداد
• 1402
• ساعت
• 01:06
• نوشته شده توسط
• یوسف اکبری

گل بئلیم سیندی باجی آغلا علمداریم ئولوب
دور ایاقه جگریم یاندی سپهداریم ئولوب
.
.
باجی گل رونق پرگار و جلالیم داغیلوب
گلشن آل علی ظلم و ستمله پوزولوب
قدّ شمشاد علمدار ، علم تک یخیلوب
آغلا باجی نجه گور قافله سالاریم ئولوب
.
.
سالدی آتدان یوزی اوسته عدو میدانه باجی
قولّارین بیر طرفه جسمینی بیر یانه باجی
لاله تک باشدان ایاقه بویانوب قانه باجی
اولدی باغریم داخی قان ناصرِ غمخواریم ئولوب
.
.
گتیمک اولمادی ممکن باجی یاندیردی منی
اؤ قدر یاره ووروبلا داغیلوب گل بدنی
پاره پاره قوری یر اوسته قالوب یوخ کفنی
پاره لندی جگریم یار وفاداریم ئولوب
.
.
آغلاماقدان دوتولوب گلموری ای باجی سسیم
کثرت درد دلیمدن کسیلوبدور نفسیم
قالمادی آه ، منیم بیرجه نفر دادرسیم
وارث منقبت حیدر کرّاریم ئولوب
.
.
دور بئلین باغلا اسیر اولماقا دل یاره باجی
عزّتون گئتدی داخی سال باشیوا قاره باجی
سنی حسرت ائلدی دشمن علمداره باجی
بیرجه قالدوم باجی من ، جمله هواداریم ئولوب
.
.
یازیلوبدور منه ده باجی شهادت رقمی
سنه اما ائده جکلر گونی گوندن ستمی
«شاکی» بو بیتی یازان وقتیده تیترور قلمی
گل بئلیم سیندی باجی آغلا علمداریم ئولوب

• چهارشنبه
• 18
• مرداد
• 1402
• ساعت
• 01:20
• نوشته شده توسط
• یوسف اکبری