اشعار حضرت ابالفضل(ع)

شیرِ خدا بالاسی یا ابوالفضل
شیعه لرین آقاسی یا ابوالفضل

یر گووه حجت اولان آقانون سقاسی یا ابوالفضل

کربلاده گزل حماسه یارادان
غملری آپاران دوز عشقی آرادان

یا ابوفاضل مدد مدد مدد

ای کرامتی
بیزه نسیب اولان
یانان اورکلره
غمی طبیب اولان

آقام

نیزنین باشی اونا چون چلیپا
بوسه ووران الینه بیش مسیحا

کرببلاده سوسوز دوداغیندان خجل قالان دریا

دین باغینی او آخان قانی سوواران
آخرته حسین رضاسین آپاران

یا ابوفاضل مدد مدد مدد

محترم آقا
اِله کرم آقا
نسیب اِله گنه
بیزه حرم آقا

آقام

ماسوا شاهینه نوکر ابوالفضل
صولتی حیدره بنذر ابوالفضل

مقصده تز یتیشر کیمه اِتسون بیر نظر ابوالفضل

عرصه ده گزلرینه قان دو

• دوشنبه
• 15
• اردیبهشت
• 1399
• ساعت
• 11:23
• نوشته شده توسط
• ابوالفضل عابدی پور

( ای سپه سالار لشگر
شیر نخلستان ابوالفضل (۲)
( شیعه لر سسلر همیشه
جان سنه قربان ابوالفضل (۲)

سنکه کیچدون باش و جاندان
بیر مرام اعظم اوسته
روز محشر پرچمونده
نصب اولار هر پرچم اوسته
تا قیامت غیرتوندن
سایه سالدون عالم اوسته
ای فدای راه جانان
یاور قرآن ابوالفضل جان
سنه قربان ابوالفضل (۲)

شه دئدی آل رسولی
بو چتین ساعتده آتما
گون کوصوفه یوز قویوبدی
آل هاشم ماهی باتما
سن منیم باب‌الحوائج
قارداشیمسان بیله یاتما (۲)
گون گلوبدور باشون اوسته
ای مه تابان ابوالفضل
جان سنه قربان ابوالفضل (۲)

وار یری ماه منیری
پوزقون اولدوزلار سوروشسا
شرح حالیندن حرمده
یا اوغولسوزلار سوروشسا
گلمسون منلن خیامه
نه دیوم قیزلار سوروشسا
مشک خالی مدرکیمدور
الده وار قربان ابوالفضل
جان سنه قربان ابوالفضل (۲)

من حسینم باشوون اوسته
ابرتک آغلار گوزوم وار
قلبیده فکر ایتمه سنسیز
صبر و آلامه دوزوم وار
گلمیوب نازلی رقیه
آچ گوزون قارداش سوزوم وار
خیمیه سنسیز گلر بو
لشکر عدوان ابوالفضل
جان سنه قربان ابوالفضل (۲)

اکبریم گیتدی الیمدن
من دیردیم قارداشیم وار
وقت بحران و خطرده
بیر وفالی یولداشیم وار
ایندی اما باشون اوسته
قانه دونموش گوز یاشیم وار
شیعه‌لر سسلر همیشه
جان سنه قربان ابوالفضل
جان سنه قربان ابوالفضل (۲)

محنتون سالدی ایاقدان
طاقتیم یوخدور قیامه
چوخ کمک ایتون بو چولده
عترت خیرالانامه
اولسا میلون یا علی دی
دور گیدک باهم خیامه
ای سپهسالار لشکر
شیر نخلستان ابوالفضل
شیعه‌لر سسلر همیشه
جان سنه قربان ابوالفضل
جان سنه قربان ابوالفضل (۲)

• جمعه
• 30
• آبان
• 1399
• ساعت
• 19:33
• نوشته شده توسط
• یوسف اکبری

فریاده گل ای شه ملک ولا
سرداروی یخدیلا آتدان آقا
گل جسمیمه باد خزان اسیلوب
پرچم دوتان اللر حسین کسیلوب

مشگیمی اوخ جالادی
قلبیمه غم قالادی
باشیمی آهن عمود ظلمیله پارچالادی

جان اوستیم ای جانانیم
یول گوزلورم ای سلطانیم

امدایمه گل مولاجان یا مولا جان یا مولا
جان سنه قربان یا مولا جان یا مولا
___________________________________
فریادیو گلدیم اویان یارالی
ای قولاری تندن اولان آرالی
دورسیندی بلیم اورگیم یارادی
مشگون کیمی قاراش اورک پارادی

ایله بیان سوزوی
قان بورویوب گوزوی
رحم ایله اوغلوم ئولوب قویما یره ئوزوى

سس ویر سسیمه قارداشیم
قانه قارشی گوز یاشیم

ای روح و روانیم عباس جان عباس جان عباس
غیرتلی جوانیم عباس جان عباس جان عباس

• شنبه
• 17
• تیر
• 1402
• ساعت
• 17:11
• نوشته شده توسط
• یوسف اکبری

هله ده سیر ائلییر عالمی عباس علمی

یتیشردهریده کی عاشیقه سقاکرمی

باشینون اوسته اسیرقیرمیزی پرچم دائم

ایكی دنیایه دَیَر حضرت سقا حرمی

مست اولارالده اگر، ذکرائده عباسی قلم

عالمه پخش ائلیر بوگوزل احساسی قلم

عالمه بوخبری یاخچیدی اعلام ائلسین

قوروماز معرفتین دهریده دریاسی قلم

ایکی قول ورسه حسینین یولونا منتی یوخ

بوایشین عالم بالاده ولی قیمتی چوخ

بیرغضبلی باخوشی لشکرعدوانی پوزار

بوناخاطرگوزونه اهل جفا وردیلار اوخ

• شنبه
• 17
• تیر
• 1402
• ساعت
• 17:58
• نوشته شده توسط
• یوسف اکبری

ای دردِ بی درمانلارا، درمان ابالفضل
باب الحوائج شأنیوه، قربان ابالفضل

ای شیعه نین هر یرده امّید و پناهی
سنگرنشین زوارلارین پشت و پناهی
مظلوملارین سندن سورا یوخدور پناهی
اول منصب و ایمانیوه قربان ابالفضل

هرکس سنون ال آتسا دوتسا دامنیندن
هرگز قییتمز دستِ خالی محضریندن
ال چکمروخ بیزده سنون پاک دامنیندن
گؤز تیکمیشیک احسانیوه قربان ابالفضل

ای کربلا میدانینین رحمت هماسی
شأنون بؤیوک قبرون کیچیک وار ماجراسی
بسکی ووروبلار جسمیوه پیکان یاراسی
غیرتلی مظلوم جانیوه قربان ابالفضل

دیوانه یِ عشقِ حسینوک یا ابالفضل
پروانه یِ شمعِ حسینوک یا ابالفضل
محتاجِ درمانِ حسینوک یا ابالفضل
اول شاهِ‌لب عطشانیوه قربان ابالفضل

قلبیم اولوب هجران غمینده شانه شانه
ششگوشه قبرین حسرتی اود ویردی جانه
بو حسرتی قبره آپارام یانه یانه
باغلی قالان یوللارووا قربان ابالفضل

هر کس اولا عشقِ حسینین مبتلاسی
وصلِ حبیبه ال تاپار اولسا وفاسی
محشرگونی اجرین وئرر مظلوم آقاسی
اول گلشنِ جانانووه قربان ابالفضل

آغلار گوزیله ایستروک صاحب زمانی
گلسین اؤزی وئرسین براتِ کربلانی
قبرین ئوپوب اولسون «وحیدی» نوحه خوانی
باب الحوائج شأنیوه قربان ابالفضل

• شنبه
• 1
• آذر
• 1399
• ساعت
• 22:26
• نوشته شده توسط
• یوسف اکبری

☑️بند اول
ساقی کربلا ای صنم مه جبین
سر سپاه حسین همچو علی بیقرین
با هوایت آقا دل رو به دریا زدم
غرق عشقت شدم ای یل ام البنین

ای مرا نور عین ، عشق ارباب حسین

((یا ابوفاضل یا ابوفاضل))

☑️بند دوم
منو ردم نکن من که گدای درم
بین دیونه ها از همه عالم سرم
قبله ام روی تو ای شه لطف و کرم
کعبه ی من بود شارح بین الحرم

ای شه القمه ، دلبر فاطمه

((یا ابوفاضل یا ابوفاضل))

☑️بند سوم
بو گجه سایلم درده دوا ایستیرم
کلب درباریوام خاک شفا ایستیرم
سنی ورم قسم اوز آناوین جانینا
قاپیوا گلمیشم کربوبلا ایستیرم

ورد و ذکر گدا ، کربلا کربلا

((یا ابوفاضل یا ابوفاضل(ع)

• یکشنبه
• 19
• شهریور
• 1402
• ساعت
• 14:29
• نوشته شده توسط
• یوسف اکبری

گل حسین خیمیه باغلاندی یولوم
آی قارداش آی قارداش
داده گل یاتدی علم دوشدی قولوم
آی قارداش آی قارداش
تیز گل هرایه یالقیزام آی قارداش
باش پارچالاندی قولسوزام آی قارداش
اسیرم کمنده
قولوم یوخ بدنده
دیدیم یا حسین گل
آت اوستن دوشنده

گؤردوم عطشانلاری آشفته دئدیم دور عباس دور عباس
عشقوی رهبر و سلطانوه بیلدیر عباس دور عباس
مشگی آل چیگنوه گئت مشگوی دولدور قارداش دور قارداش
آلدیم فراتی مشگیمی دولدوردوم
من ایچمدیم سو نفسیمی ئولدوردوم
خیال عالمینده
عطش دامنینده
سوسوز طفلی گؤردوم
ربابین الینده

دینجلوب روحیم حسین تشنه لره سو آلدیم سو آلدیم
مشگی چیگنیمده آلیب خیمه لره یول سالدیم یول سالدیم
قوللاریم سالدیلار احوالی پریشان قالدیم سو آلدیم
بیر اوخ دگوب جبینیمی قان دوتدی
آخدی قانی گؤزومی القان دوتدی
امان جان آلاندان
اوخ آتدی کماندان
دگوب مشگیمه اوخ
گؤزوم چخدی یاددان

قویمادی لشگر کین سو گتورم پای قارداش پای قارداش
سو جالاندی یئره امیدیم اولوب زای قارداش زای قارداش
باغلادیم گؤزلریم آهسته دئدیم وای قارداش وای قارداش
شرمنده اولموشام حسین قیزلاردان
آی دوشدی آیری غملی اولدوزلاردان
انیسیم غم اولدی
حالیم برهم اولدی
آقامدان اوتاندیم
سبب علقم اولدی

هر گلن ووردی یارا افسر نا فرجامه ناکامه
یاره لر گر چه سالیب نوکروی آلامه آلامه
سویوم اولسیدی گلردیم گئنه ده اخیامه اخیامه
باجیما دی منه عزادار اولسون
مند ن صورا سنه علمدار اولسون
دئنن زینب آغلا
باشا قاره باغلا
ئولونجن بو غمده
اوتور سینه داغلا

کانال اشعار عباسی معروفان اهری

• دوشنبه
• 1
• دی
• 1399
• ساعت
• 23:40
• نوشته شده توسط
• یوسف اکبری

سسلرم با چشم گریان_یا ابوالفضل یا حسین
چوخدی دردیم،ایله درمان_یا ابوالفضل یا حسین

بو ایکی آدین صفاسی باشدی سعی و مروه دن
کربلا افضلدی جنات برین و کعبه دن
دفن اولوبدی بوریاده دورت مین اوخلی بیر بدن

ایندی سسلرهرلب عطشان_یا ابوالفضل یاحسین

نام زیبای حسین حک اولدی عرش اعظمه
طنطنه سالدی ابوالفضلین آدی بو عالمه
کوثر آغلار ایندیده سقای نهر علقمه

اولدی سقانون سویی قان_یاابوالفضل یا حسین

کربلانین ماجراسی آغلادیب پیغمبری
گی قرا ویر سینه یه،شاد ایله روح حیدری
واللهی یانماز جهنمده حسینون نوکری

گلمیشم با بار عصیان_یاابوالفضل یا حسین

وقت او وقت اولدی ابوالفضل ایستدی اذن جهاد
روبروی دشمنان داغ تک دوروب باب المراد
شیر تک غرش ایدور آل پیمبر زنده باد

تلیدن ناظردی طفلان_یا ابوالفضل یا حسین

شیر حق اوغلی،کشیده قامتی،سینه ستبر
چنگینه دوشسه قاچا بیلمز پلنگ و شیر و ببر
کیم گلوب جنگه اونا قازدی ئوزون ال خردا قبر

رزمگهده قوپدی طوفان_یا ابوالفضل یا حسین

زینبون احسنتلری عباسین آرتدی قدرتین
دشمنان دین هلاک اولدی گورنده هیبتین
عرشیده حیران قویوبدی جبرئیلی غیرتین

سسلدی موسی بن عمران_یاابوالفضل یا حسین

• دوشنبه
• 22
• دی
• 1399
• ساعت
• 19:08
• نوشته شده توسط
• یوسف اکبری

سیدی حسین گل هراییمه
یوخدی سس ویرن آه و واییمه
گل عقابیدن دوشدی نوکرون
دادیمه گلوب غملی مادرون
گل هرایه تزگل//// بو نوایه تزگل
یاحسین مظلوم۴

زاده علی پورفاطمه
ای شرف ویرن کل عالمه
درک ایله منی گل بو میدانا
نوکرون دوشوب قانلی طوفانا
گل هرایه تزگل//// بو نوایه تزگل
یاحسین مظلوم

مشکه اوخ دگوب آخدی چگنیمه
ساغ گوزوم فدا اولدی دینیمه
باغلیوب عدو ساق و صولاریم
ظلم و جوریله دوشدی قولاریم
گل هرایه تزگل//// بو نوایه تزگل
یاحسین مظلوم

آهنین عمودیله باش سنوب
گرد غم بورخساریمه قونوب
عهدیم اوسته قارداش وفالیام
تزیتش هرایه یارالیام
گل هرایه تزگل//// بو نوایه تزگل
یاحسین مظلوم

خیمه دن چخاندا بودلکباب
گوردوم اصغره سویلیوررباب
گول بالا بیرآزدا دوام ایله
قوی عمون ابالفضل سودان گله
گل هرایه تزگل//// بو نوایه تزگل
یاحسین مظلوم

دوشدی گرقولوم ساغ اولا باشون
خجلته یانور غملی قارداشون
خیمیه آپارما کی راحتم
اصغروندن ایندی خجالتم
گل هرایه تزگل//// بو نوایه تزگل
یاحسین مظلوم

• دوشنبه
• 29
• دی
• 1399
• ساعت
• 15:32
• نوشته شده توسط
• یوسف اکبری

سقای دشت کربلا گلدی
درمانسیز دردلره دوا گلدی
خلق الیـوب یزدان - بیر مَـهِ جـاویدان
جلوه لنوب رضوان - آدینـه ائل قربان
مولا – مولا – مولا- مولا
یابن الزهرا – یابن الزهرا

آل اطهــاره مـاه تـابـاندی
دیـنِ پیغمبـره نگهبـاندی
سقــا و ســاقی و علمــدارِ
بی مـاننــدِ شـاه شهیداندی
قارداشینون یاری - یار و سپهداری
شـاه شهیـدانین - گلدی علمداری
مولا – مولا – مولا- مولا
یابن الزهرا – یابن الزهرا

داغـلارا گلسِتـانه چَـم گلدی
شـورِ بی حَـدَّ بو سینم گلدی
کـربلا پرچمیـن آچـون یاران
چون صاحب مشک و علم گلدی
عشقی نه رایجدی - درده معالجدی
آدینه جان قربان - باب الحوائجدی
مولا – مولا – مولا- مولا
یابن الزهرا – یابن الزهرا

اللـه شـاد اِئـدی شـاه مردانی
پای وئردی بو مَـهِ درخشانی
اولدوزلار گویده محو اولوب نوره
بـاغ جنت اولـوب چراغانی
سینـه لرین آهی - آل علـی ماهی
شَه دی آقام حتی - شاهیلرین شاهی
مولا – مولا – مولا- مولا
یابن الزهرا – یابن الزهرا

• جمعه
• 3
• بهمن
• 1399
• ساعت
• 19:25
• نوشته شده توسط
• یوسف اکبری

ای لشکر کوفه من علمدار حسینم
سردارِ وفـادار و هوادار حسینم

صبری جالارام من * نه سوستالارام من
طوفان سالارام من * نهری آلارام من

تـا مـن نقـدر زنـده ایم ای لشکـر شیطان
قویمام باخاسوز شاهیمه چپ بیردَم و بیر آن
میـن جانیـم اولا ایلییـرم شـاهیمـه قربان
شاهیمـدی ، امامیمـدی غـلام دَرییم من
فکر ایلمیون قارداشی،یوخ،نوکرییم من

چون شاه شهیدان * ایلوب منه احسان
عالم هامی بولسون * جانیم اونا قربان

دوزدور کی ائدوبسوز بو یانان سینمی یاره
امـا منـه گـر ایلسـه سلطانیـم اشاره
شاهـلاروزی یکسر چکـرم شامیده داره
امر ائدسه امامیم اله طوفان ائدرم من
بو لشکری اوز قانینه غلطان ائدرم من

غرق غم و دردم * حیدر کیمی مَردم
یوخ جنگه هراسیم * استـاد نَبـَردَم *

سیمـرغی مگـس دالدالیوب جانین آلانماز
سیمرغ اوچان یئرده مگس هِش اوجالانماز
واضحدی مگس چَنگینه سیمرغی سالانماز
سیمـرغ حسینم قانادیم شَـع شَعهَ مثلی
اطرافیمی سیز گورنه آلوبسوز پَشه مثلی

من حامیه دینم * سرباز حُنینـم
ای کوفه لی لر من * سردار حسینم

باک ایلمـرم مین بئله اهریمنیم اولسا
شاهیم منه بسدی نقدر دشمنیم اولسا
عرش و فلک و عالم امکان منیم اولسا
شهـزاده رقیَمـدی اونـون چـاکریم من
شاهیمـدی حسیـن ابن علی نوکریم من

جانانم حسینه * حیرانم حسینه
مین لر جانیم اولسا * قربانم حسینه *

سر رشتة بیـدادی بو گـون قیرماسام اولماز
من نهـر فرات اوستـه علم وئرماسام اولماز
سعد اوغلونی میدانیده سیندیرماسام اولماز
لحظه سایرام تا کی او فرصت اله گلسین
سعداوغلی اگر گلمسه ده حرمله گلسین

صبری جالارام من * نه سوستالارام من
طوفان سالارام من * نهری آلارام من

میـدانـدا رجـزلـر اوخیـدی اُول یَلِ بارز
عیب اتمه دئسم قورخی اولوب لشکره عارز
گلسین قوشونوزدان دئدی هر کیمیدی مبارز
بو لشکـره تکلیفینی بـولدورمَسم اولماز
بیـر ظربتیلـه مُنقذی ئولدورمَسم اولماز

من حامیه دینم * سرباز حُنینـم
ای کوفه لی لر من * سردار حسینم

جان لاله سینی گلشن عشقیمده بیتورم
امر ائدسه امامیـم ئوزومی نهـره یتورم
نهری آلارام شُمـری قولی باغلی گتورم
عبـاس سـوزونده بولوسوز کی یالان اولماز
توتسام یاخاسین شمری الیمنن آلان اولماز

جانانم حسینه * حیرانم حسینه
مین لر جانیم اولسا * قربانم حسینه *

زهـر اولسا شکـرلر شکـم سیره نه فرقی؟
سینه داغیدا ، باش یارا ، شمشیره نه فرقی؟
میـن گلـة روبـاه اولا گـر شیـره نه فرقی؟
اِذنیـم اولا گـر قهـر و غضبـدن اَسرم من
بیر حَمله ائدوب نسلوزی یئردن کسرم من

صبری جالارام من * نه سوستالارام من
طوفان سالارام من * نهری آلارام من

• یکشنبه
• 5
• بهمن
• 1399
• ساعت
• 20:52
• نوشته شده توسط
• یوسف اکبری

اي ديـل اولمـا بئله بيگانه دئنن یا ابوالفضل
عاشق اول عشقينه مستانه دئنن يا ابوالفضل
اي اولان عشقيـده ديـوانه دئنن يا ابوالفضل
مشگلـون اولسـا ذليـلانه دئنن يا ابوالفضل
گتمـه هـش دكتره درمانه دئنن يا ابوالفضل

مرتضـا شيعـه سينـه سويلـه بو زيبا خبري
گتمـه دكتـرلـره داي آلمـاگونان نسخه لري
يوخدي تاثيري اينان اولسادا چوخ مختصري
نسخيـه باخمـاسا عبـاس اولارين يوخ اثري
چنگ وئر دامنه ايمانه دئنن يا ابوالفضل

چوخلي مفسـدلر الان درديني خناسه ديور
ولـي بعضـي لريـده دكتـره احساسه ديور
اودا بيـر نسخـه يازور قيمتين الماسه ديور
بـابـا دكتـرلـر اوزي دردينـي عباسه ديور
بوشلا دكترلري مردانه دئنن يا ابوالفضل

سنـده گل مشگلـون عباسه ده آسان اله سين
عشقينون جذبه سي تا دهريده طوفان اله سين
سنـي بيـر لطفلـه تـا نامـيه دوران اله سين
دردون اولسا دئگـونن درديوه درمان اله سين
آيريلوب دورما جداگانه دئنن يا ابوالفضل

آچيلوب شاه ولانين گينه ميخانه لري
آشنا سهليدي سسله گله بيگانه لري
چون دوا ايلوري هردرده عزا خانه لري
گلون اي كربوبلانين دَلـي ديوانه لري
سسلياخ تاكي غـريبانه ؛ دئنن يا ابوالفضل

ايندي اخلاصيله درمانه گلنللر گلسين
اورگي غصـه دن افغانه گلنللر گلسين
دئگـونن وادي احسانه گلنللر گلسين
داوا دكتردن الان جانه گلنللر گلسين
يالواراخ ساقي عطشانه دئنن يا ابوالفضل

دكتـري نسخه ني داروني اوتور اوز باشينا
شيشه جانيـوي چال عشقيله ماتم داشينا
آند ور قولسوز علمداري حسين قارداشينا
آغليـوب نوحه لره درديوي ده گوز ياشينا
رحم ائده ديده گريانه دئنن يا ابوالفضل

اي گلـن سينه سي زاره آقام عباسي چاغير
باغـلا تئز باشيـوه قاره ؛ آقام عباسي چاغير
ايسته سون درديوه چاره آقام عباسي چاغير
باخماسا ؛ سسله دوباره ؛ آقام عباسي چاغير
اولما مولاميزه بيگانه دئنن يا ابوالفضل

اورگشوب دست سرو جان آقام عباس آدينا
فخـر ائدور عالـم امـكان آقام عباس آدينا
مونس اولموش هامي دوران آقام عباس آدينا
يـازيلـوب كشـور ايـران آقام عباس آدينا
فخر اله كشور ايرانه دئنن يا ابوالفضل

نقدر كي آقامون عشقي بيزه شور وئرور
اوقـدر منـزلتـي شيعـه لره زور وئرور
كـرمينـن آقـاميـز قلبيلـره نور وئرور
شـايـدالان اوزوده بيزلره دستور وئرور
اولگونان شمعيمه پروانه دئنن يا ابوالفضل

ايسته سون نسخه يازا درديوه درمان آلاسان
يا كي لطف ايلييه شهپر وئره شهپر چالاسان
تاكي عمـرون بوئـي امنييتِ شهده قالاسان
ادبـون ايلـه رعـايت كي مداليـن سالاسان
تا كي باخسين سنه شاهانه دئنن يا ابوالفضل

گلـون اي اهـل عزا بيز اونا پروانه اولاخ
آقام عبـاسه گـوره راهي ميخانه اولاخ
شهد نابينن ايچاخ عاشق مستانه اولاخ
فاطمـه اوغلي باخا بيزلره ديوانه اولاخ
يوز قوياخ تا در سلطانه دئنن يا ابوالفضل

هانسي سلطان ؟؟ كي قالوب عرصه ميدانيده تك
تـك قـالان شـاهـه ائـدللر بلي تحليهده كمك
رسميـدن كـوفـه ليلـر چيخدي الهي نه دئمك ««اشاره به شعر مرحوم انور »»
دوغـريـوبـلار اوني عينـا فدكيـن مدركي تك
يان بو نسگيلده يانا يانه دئنن يا ابوالفضل

بيـر مصيبت يـازيـرام وار يـري افغانه گلم
مـرتضـا كينـه سينـه ائديللـر عباسـه ستم
گوزونـي اوخـلاديـلار قـولاريـدا اولدي قلم
قول قلم اولجاخ همين لنگـره دوشدي او علم
لعنت ايله بئله عدوانه دئنـن يا ابوالفضل

اي قلـم ياره لمـه تير سخـن له سينمي
درديـوي آل نظـره ياد اله مشك و علمي
يازمـا عباسـه نللـر ايلدي پيكان ستمي
يـازمـا گريـان المـه فاطمـه ذول كرمي
چك قلم غصلي عنوانه دئنن يا ابوالفضل

گرچه نيسگيلي يازيلديخجا اولور سوز زيبا
ولي سـو صحبتي اتمـه اوتانار چـون سقا
گوئيـا اينـدي ده علقمـده ديـور واويلا
اصغـريم يـاندي سوسوزدان خجلم يازهرا
اولا لعنت بئله دورانه دئنن يا ابوالفضل

بير سفارش ائدورم كاش وئرسوز ياخشي بها
چون سفارش اليـوبدور بو سـوزي زين العبا
اوني رد ايلميـون سيز بولون عطشان شهدا
عمـوم عباسي اوتانديرميـون اي اهل عزا
وئرميون اوت او لب عطشانه دئنن يا ابوالفضل

سعـي ائدون كي اوني سقـا آدينـا سسلميون
نيـه شرمنده اولوب ؟ مـدرك اونـا ايستميون
بـابـا شرمنـدليگـون علتينـي سـويلميون
لوتونون سينماقيني سعي اليوت چوخ دئميون
وئرما آتش دل سوزانه دئنن يا ابوالفضل

• پنج شنبه
• 9
• بهمن
• 1399
• ساعت
• 23:50
• نوشته شده توسط
• یوسف اکبری

به سبک (حسین جان گل علمدارون...)

اماندور تیز یتیش داده
قالوب یولدا گوزوم قارداش
سورونماقدان یوزوم اوسته
گیدوب یرده یوزوم قارداش

( برادر دلاوریم گل
بویاندی قانه پیکریم گل )

آلوب اطرافیمی اهلِ جفا قارداش امان ویرمز
سراسر پیکریم زخمِ سِناندور یاره سان ویرمز
جمالون گورمیونجه قارداشون جانانه جان ویرمز
وصالون ایستورم هجرانیوه یوخدور دوزوم قارداش

یارام چوخ دادخواهیم یوخ اوزوم یالقوز بو صحراده
اولوب جسمیم نشان تیغ و خدنگ قوم بیداده
شکارم بیر یارالی آهو تک اون یتدی صیّاده
منی قورتار بو زحمتدن سنه قربان اوزوم قارداش

نقدری ووردی یاره جسمیمه بو فرقه ی اعدا
رضا ویردیم سنون عشقونده من ای سرور بطحا
بو قدری ظلملر من بیکسه چوخ سهلدور امّا
نجه سن تک وفالی قارداشیمدان ال اوزوم قارداش

بو چولده صرصر ظلم اسدی عمریم گلشنی سولدی
باشیم سیندی، گوزوم جامی حسین جان قانیله دولدی
قولوم دوشدی، علم یاتدی، وجودیم غرق خون اولدی
بو دشت پر خطرده شامه دوندی گوندوزوم قارداش

عمامه ردّ اولوب باشدان باشیم قارداش آچوق قالدی
عمودیله ووروب نوفل منی آتدان یره سالدی
سراسر دوره می غیظیله دورت یوز نیزه دار آلدی
نفس باتدی اورکده قالدی چوخ گیزلین سوزوم قارداش

دوشنده صدر زین اوستن قضا بندی کمند اولدی
رکابین حلقه سینده بر ایاقیم قالدی بند اولدی
وجودیم قطعه قطعه ریزه ریزه بند بند اولدی
بوشالدی کاسه سرقانیله دولدی گوزوم قارداش

یخلدیم من عقاب اوستن فرح یوز ویردی اشراره
یارالی جسمیمی ایتدی خدنگ و نیزه صد پاره
وجودیم نقشه سی محو اولدی بسکه ووردولار یاره
نه نوعیله بو ظلم بی حسابه من دوزوم قارداش

یانور قلبون « حسینی » گرچه مقصودون زیارتدور
یازاندا پرده لی سوز یاز آچوق یازماق جسارتدور
آنان زهرا قبول ایتسه بو بیر بیتون کفایتدور
اماندور تیز یتیش داده قالوب یولدا گوزوم قارداش

• جمعه
• 10
• بهمن
• 1399
• ساعت
• 19:46
• نوشته شده توسط
• یوسف اکبری

بیر لقبون سقا لبلری عطشان‌سان
زینبه پشتیبان فاطمیه جان‌سان

معدن غیرت،کوه صلابت،بحر شجاعت آقام
ای روح شهامت آقام

سلام ای شَه دوران آقام _لبلری عطشان آقام_آدیوه قربان آقام

سلام قارداشینا جان آقام_ جانیله جانان آقا _آدیوه قربان آقا

عاشقلره دنیاده مولادی ابوفاضل
غیرت ئوزی بیر قطره دریادی ابوفاضل

شیر خدانین ای حق آلان شیری
سن‌سن حسینون میدانیده شمشیری

ای آدی سقا ، غیرتی دریا، گوزلری زیبا آقام
ماه دل‌آرا آقام

سلام ای اَدبه بیر مَثَل _ عشقیده ضرب‌المثل_ای یوزی گونن گوزل

سلام ای آدی دشمنلرین جانینه ضربُ‌العَجل_ای یوزی گونن گوزل

عاشقلره دنیاده مولادی ابوفاضل
غیرت ئوزی بیر قطره دریادی ابوفاضل

سن سن علمدارِ پادشه خوبان
نهر فرات اولسون لبلریوه قربان

دردی اولانلاره سنی زهرا ایله معالج آقام _باب الحوائج آقام

نهر فرات اوسته ائلدون سن کسب نتایج آقا_باب الحوائج آقام

سلام ای شهِ قبله نُما _ ای قولی تنَن جدا_ عاشقین اولدی خدا

سلام ای هامی عاشقلرون_قبریوه اولسون فدا_عاشقین اولدی خدا

عاشقلره دنیاده مولادی ابوفاضل
غیرت ئوزی بیر قطره دریادی ابوفاضل

• یکشنبه
• 19
• بهمن
• 1399
• ساعت
• 22:24
• نوشته شده توسط
• یوسف اکبری

ای لشکر کوفه من علمدار حسینم
سردارِ وفـادار و هوادار حسینم

صبری جالارام من * نه سوستالارام من
طوفان سالارام من * نهری آلارام من

تـا مـن نقـدر زنـده ایم ای لشکـر شیطان
قویمام باخاسوز شاهیمه چپ بیردَم و بیر آن
میـن جانیـم اولا ایلییـرم شـاهیمـه قربان
شاهیمـدی ، امامیمـدی غـلام دَرییم من
فکر ایلمیون قارداشی ، یوخ ، نوکرییم من

چون شاه شهیدان * ایلوب منه احسان
عالم هامی بولسون * جانیم اونا قربان

دوزدور کی ائدوبسوز بو یانان سینمی یاره
امـا منـه گـر ایلسـه سلطانیـم اشاره
شاهـلاروزی یکسر چکـرم شامیده داره
امر ائدسه امامیم اله طوفان ائدرم من
بو لشکری اوز قانینه غلطان ائدرم من

غرق غم و دردم * حیدر کیمی مَردم
یوخ جنگه هراسیم * استـاد نَبـَردَم

سیمـرغی مگـس دالدالیوب جانین آلانماز
سیمرغ اوچان یئرده مگس هِش اوجالانماز
واضحدی مگس چَنگینه سیمرغی سالانماز
سیمـرغ حسینم قانادیم شَـع شَعهَ مثلی
اطرافیمی سیز گورنه آلوبسوز پَشه مثلی

من حامیه دینم * سرباز حُنینـم
ای کوفه لی لر من * سردار حسینم

باک ایلمـرم مین بئله اهریمنیم اولسا
شاهیم منه بسدی نقدر دشمنیم اولسا
عرش و فلک و عالم امکان منیم اولسا
شهزاده رقیَمـدی اونـون چـاکریم من
شاهیمدی حسین ابن علی نوکریم من

جانانم حسینه * حیرانم حسینه
مین لر جانیم اولسا * قربانم حسینه

سر رشتة بیـدادی بو گـون قیرماسام اولماز
من نهـر فرات اوستـه علم وئرماسام اولماز
سعد اوغلونی میدانیده سیندیرماسام اولماز
لحظه سایرام تا کی او فرصت اله گلسین
سعداوغلی اگر گلمسه ده حرمله گلسین

صبری جالارام من * نه سوستالارام من
طوفان سالارام من * نهری آلارام من

میـدانـدا رجـزلـر اوخیـدی اُول یَلِ بارز
عیب اتمه دئسم قورخی اولوب لشکره عارز
گلسین قوشونوزدان دئدی هر کیمیدی مبارز
بو لشکـره تکلیفینی بـولدورمَسم اولماز
بیـر ظربتیله مُنقذی ئولدورمَسم اولماز

من حامیه دینم * سرباز حُنینـم
ای کوفه لی لر من * سردار حسینم

جان لاله سینی گلشن عشقیمده بیتورم
امر ائدسه امامیـم ئوزومی نهـره یتورم
نهری آلارام شُمـری قولی باغلی گتورم
عبـاس سـوزونده بولوسوز کی یالان اولماز
توتسام یاخاسین شمری الیمنن آلان اولماز

جانانم حسینه * حیرانم حسینه
مین لر جانیم اولسا * قربانم حسینه

زهـر اولسا شکـرلر شکـم سیره نه فرقی؟
سینه داغیدا ، باش یارا ، شمشیره نه فرقی؟
میـن گلـه‌ی روبـاه اولا گـر شیره نه فرقی؟
اِذنیـم اولا گـر قهـر و غضبـدن اَسرم من
بیر حَمله ائدوب نسلوزی یئردن کسرم من

صبری جالارام من * نه سوستالارام من
طوفان سالارام من * نهری آلارام من

• یکشنبه
• 19
• بهمن
• 1399
• ساعت
• 22:27
• نوشته شده توسط
• یوسف اکبری

ال ساخلیون ای کوفیان عباس نام آور منم
فرماندهِ سلطان حق، بو ارتشه حیدر منم
اون آلتی یاشدا اولموشام رمز نبرده آشنا
یردن گویه صف باغلیون، صفلر پوزان صفدر منم

هرچند اگر شهزاده یم، فرزند شیرِ حیدرم
سقای دشت کربلا، بو لشکره سرلشکرم
فرمانده عالم اولام، من شهریاره نوکرم
تا من وارام واردور حسین، اولسون قسم پیمانیمه
بو قان علینون قانیدور تزریق اولوبدور قانیمه

امضا ازلده وئرمیشم بیر باش ایکی قولدان گئچم
گوزدن گئچم جاندان گئچم هم صاق و هم صولدان گئچم
بو یول صراط عشقدور، حاشا که بو یولدان گئچم
یاخشی تانیرسوز سیز منی، میدانیده شیر نرم
من حیدر اوغلی حیدرم، قورخی نه اولسا بولمرم

اولسون قسم پیمانیمه، سینمده کی قرآنیمه
گر قطعه قطعه دوغرانام، ال تاپماسیز ایمانیمه
قان توکوب خار ایئلرم کین چپ باخا سلطانیمه
اَیْن المحارب سسلورم ای کوفیان بیحیا
من شیریزدان اوغلویام بومن بو سیز بو کربلا

سیز بیحیالر عترتِ پیغمبره یول باغلادوز
زهرای اطهر قلبینی بو معصیتده داغلادوز
اوچ گون گجه گوندوز بیزی، بو چولده عطشان ساخلادوز
سطان عشقیمدور حسین، من پیشمرگ اصغرم
باشیم بدندن آیریلا هند اوغلونا باش اگمرم

کفّاری سالدی لرزه یه، پرورده ی شیر خدا
بیذ حمله ده نهری آلوب فرمانده کلّ قوا
صفلر دگوبدی بیربیره بو پهلوانه مرحبا
هر بیر قدمده بیر باشی کسدوقجه غوغا ایلدی
گویا دیریلدی مرتضیٰ صفّینی احیا ایلدی

صد حیف اولا ویردی فلک آخر او گیزلین داشینی
هم اوچ پر اوخ بیچدی گوزون، هم یاردی نوفل باشینی
بولمم نه نوعی سسلدی امدادینه قارداشینی
واضح دئیوم چون قانیله دولموشدی عطشان لبلری
بیر سمته دوشموشدی علم، بیر سمته دوشموش اللری

• دوشنبه
• 27
• بهمن
• 1399
• ساعت
• 09:27
• نوشته شده توسط
• یوسف اکبری

ای منیم یاوریم ابوالفضل
باشرف لنگریم ابوالفضل
دور گئداخ خیمگاهه قارداش
آغلوری اصغریم ابوالفضل

آچ گوزون باخ منه زیبا قمریم
خیمده،غش ائلیوب صودامریم
"ابوالفضلیم جان ابوالفضلیم"

دور گئداخ ای یارالی شیریم
قویما تک شاهیوی وزیریم
گوزلوری بیر سوری ستاره
مشکیوی ای مه مُنیـــــــریم

وای منه،آل ترابین گونونه
نگران غملی ربابین گونونه
"ابوالفضلیم جان ابوالفضلیم"

باش سینوب جسمین اوخلانوبدی
پیکرون گورنه دوغرانوبدی
آغلوری خیمه ده اوشاقلار
زینبون قلبی اودلانوبدی

من اؤپن لبلری قارداش،داش اؤپوب
سه پر اوخ ساغ گوزوی،قارداش اؤپوب
"ابوالفضلیم جان ابوالفضلیم"

مهربان دلشکسته قارداش
اگلشوب اوخواوخ اوسته قارداش
باخ ایشه باخ بو روزگاره
خسته سن،منده قارداش

من فدا قانه دولان گوز یاشیوا
رحم ائله الده قالان قارداشیوا
"ابوالفضلیم جان ابوالفضلیم"

• یکشنبه
• 3
• اسفند
• 1399
• ساعت
• 22:56
• نوشته شده توسط
• یوسف اکبری

دورکمگیم آی اباالفضل
ذکریم اولوب وای اباالفضل
چارم آزالدی بو چولده
یوخدی سنه تای اباالفضل
آرخام ائلیم، سیندی بئلیم دوشدی بلایه باشیم
سس وئره نیم یوخدی یتیش،دادیمه آی قارداشیم
اباالفضل قالمیشام تنها۲

اوستومه غملر توکولدی
سینه محندن سوکولدی
جسمووی قولسوز گورنده
عرصه ده قدیم بوکولدی
دورایاقا، سنسن اخا، بوردا منیم یاوریم
دردون اَگوب قامتیمی ایندی اَسور دیزلریم
اباالفضل قالمیشام تنها

فاطمه نون عطرین آلدیم
عالمه هنگامه سالدیم
باشوون اوسته گلینجه
عرصه ده والله قوجالدیم
گوزلروون،آق قره سی بیربیره دگمیش اخا
آی گوزلیم صورتووی قویمابئله تپراقا
اباالفضل قالمیشام تنها

آی منیم آرام جانیم
قانه باتان قهرمانیم
دورایاقادوت الیمدن
یوخدی دیزیمده توانیم
الده سوجامی سنی گوزلوربالالارخیمه ده
ای منه حامی سنه گوزلوربالالار خیمه ده
اباالفضل قالمیشام تنها

گورنجه حالیم یاماندی
دردون اورکده قالاندی
باشووی سیندیردی نوفل
باشیمامیدان دولاندی
آچ گوزووی حالیمه باخ یوخدی توانیم منیم
کربوبلانی بوریوب آه و فغانیم منیم
اباالفضل قالمیشام تنها

باد مخالف اسنده
پرپر اولار گل چمنده
گور نقدر اگلشوب اوخ
یاره لی،قولسوزبدنده
اوخلاری بیربیر چکرم، من سینمی داغلارام
مرکز میداندا سنی اوخشیارام آغلارام

• دوشنبه
• 18
• اسفند
• 1399
• ساعت
• 22:35
• نوشته شده توسط
• یوسف اکبری

سلام اولسون،،اوجابویلی اوزون قوللی علمداره
سلام اولسون،امان نامه جیران غیرتلی سرداره
سلام اولسون،امیرملک غیرت پورکراره
خنجرالینده پیکره،،دشمنه لرزه سالدی
عبدولایتم دئدی،ئوزسوزی اوسته قالدی
صفلری سیندیریب آقا،ویردی فراته پرچم
عشق حسینی من دئدی،کل جهانه وئرمم
غیرتلی علمدارم،دردوغمله سرشارم
یارم شاه عطشانه،من حقه طرفدارم
لبیک یاابوفاضل

سلام اولسون،علیدن درس غیرت اورگنن شاهه
سلام اولسون،سپهر عشقیده نورپایلیان ماهه
سلام اولسون،ملکلررشک ائدن او عزت وجاهه
عالمی حیرته سالیب،خسرملک غیرت
اسوه دی پهلوانلارا،کوه غیورغیرت
منصبه ویردی پشت پا،شاهه قالیب وفادار
کرببلاسپاهینه،،اولدی شرفلی سردار
سردارقوی جوهر،،خشمیندن فلک تیترر
الگوی شجاعتدی،،فخرایلراوناحیدر
لبیک یاابوفاضل

سلام اولسون،اوزون قولاره که دینه علم اولدی
سلام السون،اوسرداره که گل تک غصه دن سولدی
سلام السون،اوچشم مسته که القانیلن دولدی
مشکی سالاندا چیگنینه
قیزلاراوئردی وعده
آغلادی بیرقدراودم،زینبی سالدی درده
آغلامیون دئدی ئوزوم،خیمیه سوگتورّم
دولدورارام بومشکیمی
اصغریمه یتورّم
عبدآل طاهایم،،خاک کوی زهرایم
سو آلّام بواطفاله،،من غیرتلی سقایم
لبیک یاابوفاضل..

ابافاضل،،،آدون درداهلینه هریئرده درماندی
ابافاضل،،سنه تعظیم ائدن هودوسلیماندی
ابافاضل،،سنون ایثارووه عیسی ده حیراندی
فاطمه گلدی باغریقان،،دردووه توکدی گوزیاش
سسلدی چوخ ملالیله،سسله حسینه قارداش
باشووین اوسته تاحسین،،گلدی سولوب سارالدی
گوردی یارالی جسمیده،یوخدی قولون،قوجالدی
رخساره توکوب قانیاش،سسلندی ئولیدیم کاش
هجرونده بئلیم سیندی،تک قویمامنی قارداش
لبیک یاابافاضل.....

• دوشنبه
• 18
• اسفند
• 1399
• ساعت
• 22:53
• نوشته شده توسط
• یوسف اکبری

غملی دیللر کربلاده غصه لردن داغلانیبدی
قانه دونسون بو فراتی ظلم الیله باغلانوبدی

العطش صوتی اوجالدی ،خیمه لردن آسمانه
الده سو جامی اوشاقلار،سسلنردی یانه یانه

العطش یاندوق عمو

حُرمت ایلر میهمانه هرمسلمان اوز ایوینده
اهل کوفه بس نه اولدی ایلیوب قان اوز ایوینده

باغلادی راه فراتی اهل بیتی درده سالدی
مشکله سالدی ربابی اللری قوینوندا قالدی

العطش یاندوق عمو

خیمه لرده سو تاپولمور گوئیا محشر اولوبدی
خیردا قیزلار آغلاشوللار یوزلری گل تک سولوبدی

سسلنور نازلی رقیّه وای منه وای قارداشیم وای
دوشموشم گورنه بلایه موج ایدور بو گوز یاشیم وای

العطش یاندوق عمو

نچّه قیز وار خیمه لرده اوز غمین باشدان آتوبدی
اصغرین فکری باشیندا سن دیمه راحت یاتوبدی

اصغرین قنداقین آلدی هر بیری آغوشه یاندی
خیمه ی سقایه قاچدی سسلدی ا... اماندی

العطش یاندوق عمو

سولدی گول لر تشنه لیقدان پرپر اولدی
خیمه لرده
آتش غم شعله چکدی یاندی یکسر
سینه لرده

مشک اولان خیمه ایچینده جمع اولوب تشنه اوشاقلار
سینه توپراقه قویاردی دینجله بلکه اوشاقلار

العطش یاندوق عمو

• جمعه
• 22
• اسفند
• 1399
• ساعت
• 17:43
• نوشته شده توسط
• یوسف اکبری

باشیم اوستونه نه گوزل زمان
یتشوبسن ای شه انس و جان
بو یارالی نوکروون حسین
باشینی اَخا نه اوجاتمیسان

ئولورم حسین ئولورم حسین

او گوزل جمالوه هی باخوب
نه ایدیم حسین دویا بولمورم
من ایاقون آلتینا یوزقویام
ولی حیف اولا قویابولمورم
سن اوتورموسان من اوزانموشام
منی عفو ایله دورا بولمورم
داغیلان وجودمی چون تیکوب
یره تیغ و خنجریله سنان

بوقدر سرشکی جمالوه
بو قوشون باخور یوزه باغلاما
گیدوب اکبرون یانور اصغرون
اویانان دیلی گینه داغلاما
دور ایاقه قدیوی تز دوزت
باشیم اوسته چوخ بیله آغلاما
بیلیوون بوکولما قینی اَخا
بوله قویما لشکر کوفیان

بو اوتوز بش ایلده واریم سنه
بولوسن نقدری ارادتیم
سنه نوکرم اوجالیب باشیم
چو خالیب جهانیده عزتیم
ولی حیف اولا یتشوب اجل
منی ئولدورور غم خجلتیم
منی تک قویوب گیدورم حسین
منه بسدی بو غم بی امان

فلک آز قالور کی بو آیریلیق
اوخونی بو قلبیمیزه تاخا
باشیمون خیالینی باشدان آت
بو سینان باشین قانی قوی آخا
گوزومون قانین سیل اوزون حسین
دم آخرینده سنه باخا
کی بهشتیلن عوض ایتمرم
بو زیارتی ای عزیز جان

یولی خیمه سمتینه من سالام
بوقوشون کسوب یولی قویمادی
سو امیدینه بورا گلمیشم
ولی حیف اولا سویوم اولمادی
منی قوی بوچولده اوزون دو گیت
کی رقیه وین گوزی یولدادی
ده عمون خجالت اولوب قیزیم
ایلیوبله گلشنیمی خزان

• جمعه
• 22
• اسفند
• 1399
• ساعت
• 22:23
• نوشته شده توسط
• یوسف اکبری

آچگوزون ای منیم سر سپاهیم
قانلی چولده منیم دادخواهیم
سسلدون دادیوه گلمیشم دور
قوزانور عرشه افغان و آهیم

دور دوتمور دیلیم اویان
دور آرخام ایلیم اویان
دور سیندی بلیم اویان

سیندی بلیم اویان

کیم دییَردی منی سن آتِیدون
اشکیمی قانه قارداش قاتیدون
نچّه ایلده سنی گورمه میشدیم
من اولان یرده بیله یاتیدون

دور محشر اولوب عیان
دور یوخ طاقت بیان
دور دشمن گولور اویان

پاره پاره اولوبدی وجودون
رشته رشته اولوب تار و پودون
یولدا گوردوم قلم قوللاریوی
سالدی توپراقه خَصمِ عَنودون

دور قیل تکیه چگنیمه
دور باخ بیر بو حالیمه
دور رحم ایله اشکیمه

غم الینه اورک اودلانوبدی
حالیوه قلب زاریم یانوبدی
کیم روا گوردی بو ظلمی قارداش
وای منه صاق گوزون اوخلانوبدی

دور قان دولدی دیده وه
دور دیل یاندی ناله وه
دور حمل ایدیم خیمه وه

شرم قیلمور سنه ظلم ایدنلر
بو فراتین یولون سدّ ایدنلر
لشگر ایچره سنی تکلیوبلر
هم گلن لر ووروب هک گیدنلر

دور باشی بلالی سان
دور ائلدن آرالیسان
دور یاتما یارالیسان

(بیکَسم) دشت غمده بولورسن
تک قویوب سنده مندن دونورسن
قیزلارون سنسسن امّیدی قارداش
وای منه ایندی سنده ئولورسن

دور مقصوده ای چاتان
دور ای قارداشین آتان
دور ای قانینه باتان

• شنبه
• 23
• اسفند
• 1399
• ساعت
• 12:29
• نوشته شده توسط
• یوسف اکبری

ای پسر ام بنین/وزیر پادشاه دین
قاپوندا سائلم آقا/مشکل گشادی اللرین

یا ابالفضل یا ابالفضل

سقای دشت کربلا/پرچم به دوشِ نینوا
بودور جهاندافخریمیز/قاپوندا اولموشوخ گدا

ای گل گلزار شرف/وفا و ایثاره صدف
یخیلمیشام دوت الیمی/ای پسر شاه نجف

کان کرامت سن آقا/سَرو ولایت سن آقا
معدن احسان و کرم/جود و سخاوت سن آقا

ماه بنی هاشمی سن/سیل بو گوزومون یاشینی سن
نوکر اولاندان قاپووا/قوزامیسان باشیمی سن

ای عَلمی قانه باتان/مقصد و مقصوده چاتان
یاره لی بیر پیکریله/علقمین اوستونده یاتان

درده معالج سن آقا/دیللره رایج سن آقا
گَل بیزی مأیوس ایلمه/باب الحوائج سن آقا

ای شه اقلیم کرم/عشقیله آدون دییرم
زینبه خاطر نه اولور/یاز بیزه بیر بین الحرم

شیعه فدا غیرتیوه/دهریده حیثییتیوه
حاتم اوزی سائل اولوب/درگه با عزتیوه

• شنبه
• 30
• اسفند
• 1399
• ساعت
• 09:43
• نوشته شده توسط
• یوسف اکبری

ای علینون اوغلی ای وزیر شاه کربلا
ایتموسن دل جهانی درد عشقه مبتلا

کیم سنه اورکدن/باغلاسا محبت
حتماً ایلیَرسن/سن اونا عنایت

مرحبا ابالفضل مرحبا ابالفضل
ای حسینه یارِ باوفا ابالفضل

سَروی سَروِ قامتون ایدوبدی گورنه شرمسار
ایتموسن اورکلری او تیرِ عشقیله شکار
شعله ی محبتون سالوبدی قلبه بیر شرار

عبدِ خوارو زارم/دوزدی چوخ حقیرم
نچّه ایلدی مولا/عشقیوه اسیرم

خَلق ایدنده محشر ایلیوب خدای داورون
عالمی سالوبدی حیرته جمال اَنورون
چوخلی درده چاره ایلیوب سنون او اللرون

سن اوزون بولورسن/دیلده چوخ سوزوم وار
او قَلم قولوندا/هرزمان گوزوم وار

فضل و شأنیوین جهاندا یوخدی مطلقا سایی
ماهِ صورتون خجالت ایتدی گویده کی آیی
سهم و صولت و صلابتونده گلمییب تایی

حمله ایلینده/سوی قوم کافر
فکر ایدردی دشمن/جنگه گلدی حیدر

رأس مشرکینی جنگیلر ایچینده قییرمیسان
دوزَخَه گیدوبدی هرکیمه قیلنجی وییرمیسان
نامه ی امانِ شمری غیرتیله جییرمیسان

من دیدون غلامِ/شاهِ مشرقِینم
تا اَبد به زیرِ/ پرچم حسینم

ای شکسته دیللرین اولان جهاندا مرهَمی
درگهونده سائلین گیدر اورکده هر غمی
ای قَلَم قولیله ساخلیَن آت اوسته پرچمی

درده مبتلانی/ قووماسان قاپوندان
(بیکَس)و گدانی/ قووماسان قاپوندان

• دوشنبه
• 2
• فروردین
• 1400
• ساعت
• 22:37
• نوشته شده توسط
• یوسف اکبری

یاتما آزاده ابالفضل - گئلمیشم داده ابالفضل
بئله بی یاور حسینی - قویما غوغاده ابالفضل

خیامین آخرین - امیدی آچ گؤزون
وفا و غیرتین - شهیدی آچ گؤزون

یارالی قارداشیم(۲)

یارالار گول پیکرونده گلمیور حدّ و حسابه
حرمین امّیدین اوزمه رحم ائله بیکس ربابه
بو خرابه عالم اولدی بیرده فکریمده خرابه
یوخدی مِیلیم قالماقا سن‌سیز بو دنیاده ابالفضل

سینه‌می بو غصّه‌ی شرمنده‌لیک‌نن داغلیورسان
گئدیشونله چاره یوللارین حسینه باغلیورسان
گؤز گوتورمورسن سو مشکیندن دمادم آغلیورسان
اصغرین احوالین حتماً سالمیسان یاده ابالفضل

یئره خنجرلر اَنورلر قان گئدور سمت هوایه
بو ستمگر جوّیدن قارداشون ائتسون نه گلایه
سنی مرکب‌دن ییخان شخصی گوروم گئلسین بلایه
یوخدی امّیدیم بو گُمره‌لردن ارشاده ابالفضل

گؤزلروندن بوسه وئر وصلی یوباندیرماز برادر
سرفراز اولدون سنی خدمت اوتاندیرماز برادر
نجه آهیم دشتیله آفاقی یاندیرماز برادر
سالیب آتش حجمِ اندوهین بو بنیاده ابالفضل

پوزولوب رُخ نظمی گوزلردن بیلینمور قاش هایاندی
قاشون اولموش پاره پاره گؤزلرون بیر پارچا قاندی
باشیوا ضربه دگنده آسمان چرخی دایاندی
بئله ظلمی گؤرمدی شخصاً مسیحاده ابالفضل

بی‌مروّت داشلار آماجی جمالِ اقدس اولموش
بیلورم حسّاس‌سن اما حسینون بیکس اولموش
اَلده سو جامی رقیّه خیمه‌ده دلواپس اولموش
وئرمه آسوده بئله باش تیغِ جلّاده ابالفضل

سنه عشقیم واردی چوخلی سنده‌ده حرمت متین‌دی
قارداشین قارداشدان آیریلماق زمانی چوخ چتیندی
جان‌فدا اولدون منه خاطر او یوزدن قسمتیندی
یئتیشوب تقدیره سندن روحِ زهراده ابالفضل

میزبانلیق عهدینی اعدا نه علّت‌دن پوزاللار
اوجا قامت شیرمرده خیردا بیر مدفن قازاللار
گون گلر تاریخِ عاشوراده بیر صحبت یازاللار
ئولدی بیر لب‌تشنه سقّا نزد دریاده ابالفضل

یا اخا صوتین هراسان چاتدیقی آن خیمه‌گاهه
دئدیم الله رحم ائله اونسوز حسینِ بی‌پناهه
اَلی باشیندا شتابان تا گلینجه قتلگاهه
کمریم سیندی مصیبتدن او اثناده ابالفضل

سینه‌وین خونابه‌سی قارداش وئریر بِیله اشاره
قاچان ارزل‌لر گئلیب یاره ووروب بیرده دوباره
نه گئلیر زخم و جراحت پیکرونده بیر شماره
نه ده آگاهی واریمدی داش نه تعداده ابالفضل

• چهارشنبه
• 4
• فروردین
• 1400
• ساعت
• 22:17
• نوشته شده توسط
• یوسف اکبری

کیمدی ابالفضل؟ پسر مرتضی
منشأ نور بصــــــر مـــــــرتضی

کیمدی ابالفضل؟ ادبین مظهری
حضرتِ شاه عربین مظهری

چشمهٔ جوشانِ فضائلدی بو
دشمن سرسخت رذائلدی بو

آی پاراسی٬ ماه شمائلدی بو
بـــــــابِ حوائجلیگه نائلدی بو

قولّار اوزون قامتی طوبا کیمی
جوشه گَلر غیـــــرتی دریا کیمی

عـــابدِ صالحدی خداوندینه
مشتریدور فاطمه لبخندینه

معدن غیـــــرت٬ شرف النّاسیدور
صــــاحب قدرت٬ آدی عبّاسیدور

فخریله اون یدّی نَسَب صاحبی
حکمت و ایمان و ادب صاحبی

غیضیلی ضیغمدی ابالفضل آقام
فاتحِ علقمدی ابالفضل آقام

قربان اولوم ساقیِ نام آوره
قلبیده کی فلسفـــــــــــهٔ باوره

قربان اولوم مشکل آچان اللّره
پرچمی نهر اوسته ساچان اللّره

قربان ابالفضل چاغیران ائللّره
عشقیلــــــــــه لبّیک دیَن دیللّره

نام دل آراسی برازنده دور
خدمتی شایسته و ارزنده دور

بحر نجابتدی شرافتلیدور
قولّار اوزون٬ چوخ اوجا قامتلیدور

طایفهٔ هاشمیـــــــــان ماهیدور
زینبینون سویملی دلخواهیدور

عشق حسین و حسنِ مجتبا
گورنه قیامتدی آقام مرحبــا

• پنج شنبه
• 5
• فروردین
• 1400
• ساعت
• 15:56
• نوشته شده توسط
• یوسف اکبری

آماندی یاده سال منی
هرایه سسلورم سنی

باشیم دوشوب بلایه تز گل
آنان گلوب عزایه تز گل

امام حسین (ع)

اویان یارالی قارداشیم
بو چولده یار و یولداشیم

اجازه ویر ئوپوم یوزوندن
سیلیم بو قانی من گوزوندن

حضرت ابوالفضل (ع)

سو مشگیمه دینده اوخ
یانان اورک آلیشدی چوخ

بو قلبه تیر غم تاخیردیم
سو آخدی من یانوب باخیردیم

امام حسین (ع)

سویا گوره قولون دوشوب
ساغین دوشوب صولون دوشوب

آماندی شمع تک آلیشما
سو صحبتین داخی دانیشما

حضرت ابوالفضل (ع)

گوزومه باخما غم یِمه
بو حالی زینبه دیمه

رکابین اوسته چوخ سیخیلدیم
یوز اوسته توپراقا ییخیلدیم

امام حسین (ع)

گرک سنه چوخ آغلیام
بو حاله سینه داغلیام

ندندی قامتون بیچیلدی
بو قدری دوغرانوب کیچیلدی

• دوشنبه
• 9
• فروردین
• 1400
• ساعت
• 11:32
• نوشته شده توسط
• یوسف اکبری

قارداش سنه جانیم قربان

عباسی ییخوبلار آتدان

گل باشیمی آل اللردن

قورتار منی بو بحراندان

آلدی منی لشگر آرایه

دوشدی باشیم گور نه بلایه

قارداش گل اگلش باشیم اوسته

زهرا گلوبدور - کربلایه

سنده گل زهرا بو گونده یاسه گلدی

کربلاده ماتم عباسه گلدی

قولسوز ییخیلوب سردارون

شرمنده‌دی پرچمدارون

سقّا- دی - گلنمز بیرده

یول گوزلمسون قیزلارون

بو ماتمه باتسون رقیّه

دنیانی آغلاتسون رقیّه

قارداش منیم سویله دیلیمجه

سو فکرینی آتسون رقیّه

وای منه عطشاندی دیلسیز ماهپاره

وای منه یاندی سوسوزدان شیرخواره

ای کاش فرات اودلانسون

یانسون اورگیم تک یانسون

قورخوم بودی دیلسیز اوغلون

سو اوسته بوگون اوخلانسون

بوردا قوناقی یوخ - ووراللار

قولسوز گورنده چوخ ووراللار

سویله علی‌اصغر آز آغلا

سو ایستینده - اوخ ووراللار

ووردولار بیر اوخ منیم مشگیم جالاندی

بیر ایچیم سو اوسته باشیم پارچالاندی

مندن بو محن تاب آلدی

بو چولده آقام تک قالدی

بیر ظلم ایلیوبدور - نوفل

آتدان یوزوم اوسته سالدی

ووردی عمود آهن باشیمدان

القانی آخدی گوز یاشیمدان

توپراقه یازدیم قانیمیله

ال چکمرم اوز قارداشیمدان

سسلدیم شاهیم حسیندور نوکرم من

بیر توکون قصر یزیده ورمرم من

مشگیم ایله کی اوخلاندی

بیر آیری ستم باشلاندی

شاد اولدی قاچانلار گلدی

قولسوز بدنیم داشلاندی

ال یوخ سیلم قانی یوزومدن

حالیم عیاندور بو سوزومدن

الله بولور قارداش نه نوعی

اوچ پر اوخی چکدیم گوزومدن

گل آنان زهرانی دلشاد ایله قارداش

دوت الیمدن بیرده امداد ایله قارداش

• دوشنبه
• 9
• فروردین
• 1400
• ساعت
• 12:31
• نوشته شده توسط
• یوسف اکبری

ای کان کرم - سقّای حرم

آدون دوشوبدی دللره

ویر قلبه صفا - ویر درده دوا

فدا کسیلمیش اللره

ای کان کرم

ملک عشقین سن‌سن صفاسی

درد عشقین سن‌سن درمانی

اولا جانلار قبرون قربانی

آقا جان

سن عزیز قلب حیدرسن

یادگار شیر داورسن

سن حسینه یار و یاورسن

آقاجان

ای گوهر جان - عشّاقه جنان

یاتان یروندی والسّلام

چوخ دیده ترم - دلدن دیرم

او قبر پاکیوه سلام

ای گوهر جان

یانارام دائم نار غمده

ساخلارام عشقون بو سینمده

گوزوموز وار نهر علقمده

آقاجان

گلر عشقونده - قانلار جوشه

قیل نظر بو جمع مدهوشه

نولی قبرون آلسام آغوشه

آقاجان

• دوشنبه
• 9
• فروردین
• 1400
• ساعت
• 12:54
• نوشته شده توسط
• یوسف اکبری

بو گجه سو یوللاری باغلاندی - واویلا

قلبی آل حیدرین داغلاندی - واویلا

دیده گریاندی - عمّم پریشاندی

خیمده قیزلار سوسوزدان اود توتوب یاندی

ساقی عطشان - عمو جان یاندیم

مشکیوه قربان - عمو جان یاندیم

نه روا نهر فرات - صحرالره آخسون

یاندیروب سوز عطش - اما بیزی یاخسون

تاب ایدوب اصغر نجه یانسون سووا - باخسون

هم آناسی هم اوزی عطشاندی - واویلا

ماهتاب آغلار - اول دل کباب آغلار

اصغره لایلای دیر - بی کس رباب آغلار

حالیمه بیر یان - عمو جان یاندیم

مشگیوه قربان - عمو جان یاندیم

تشنه لیقدان گور نجه - یانمیش دوداقیم وار

اشگ حسرت گوزده - دلده احتراقیم وار

خیمه ده گور بیر نچه - خردا قوناقیم وار

جمله سی گول تک سولوب عطشاندی - واویلا

شیر هیجاسن - ماه دل آراسن

بیر ایچیم سو ویر عمو بو چولده سقّاسن

ایلرم افغان - عمو جان یاندیم

مشگیوه قربان - عمو جان یاندیم

الدّخیل عباس عمو - حالیم پریشاندی

الدّخیل عباس عمو - قلبیم دولی قاندی

الدّخیل عباس عمو - اصغر لب عطشاندی

گور نجه نار عطش سوزاندی - واویلا

ای کرم کانی - ایله سو احسانی

دست خالی ایلمه - بو تشنه مهمانی

من سنه مهمان - عمو جان یاندیم

مشکیوه قربان - عمو جان یاندیم

• سه شنبه
• 10
• فروردین
• 1400
• ساعت
• 12:41
• نوشته شده توسط
• یوسف اکبری