اشعار حضرت علی اصغر علیه السلام

مرتب سازی براساس
 حسین خدایی زنجانی

حضرت علی اصغر(ع) -(اصغریم آچ گوزلرین آغلاما یاتما اوغول) * حسین خدایی زنجانی

954
2

حضرت علی اصغر(ع) -(اصغریم آچ گوزلرین آغلاما یاتما اوغول) اصغریم آچ گوزلرین آغلاما یاتما اوغول
حلقیوی پیکان بیچیب دور منی آتما اوغول

اصغریم ، دلبریم دور اوغول
ای ملک منظریم دور اوغول

حیف اولا بو گلشنه اسدی خزان یئللری
سوز عطش خیمه ده قان ائلیوب دیللری
غنچه سارالدی غمه سالدی بوتون گللری
صبریوی بازاریده صبر ائله ساتما اوغول

اصغریم ، دلبریم دور اوغول
ای ملک منظریم دور اوغول

لبلریوی گورجگین ئوپدی رباب آغلادی
گه قوجاقینده گهی یئرده سنی ساخلادی
گوردو اوغول دوزموسن اللریوی باغلادی
ای حرمین اولدوزی کوسمه و باتما اوغول

اصغریم ، دلبریم دور اوغول
ای ملک منظریم دور اوغول

وقتی که سانجیلدی اوخ ال ایاقین تیتردی
قان سوزولوبدی یئره گل دوداقین تیتردی
گوزیاشیم آخدی یوزن هی یانقین تیتردی
خون دلی آغلیوب گوزیاشا قاتما اوغول

اصغریم ، دلبریم دور اوغول
ای ملک منظریم دور اوغول

من سنه سو ایستدیم اوخ دئدی دشمن بالا
ایستدی هوا، خالی مشگ ، تشنیدون سن بالا
ایندی نجه خیمیه عزم ائلیوم من بالا
گوزلوری بیکس رباب بسدی یوباتما اوغول

اصغریم ، دلبریم دور اوغول
ای ملک منظریم دور اوغول

آلتی آیین وار علی شیر جدالیم سنن
تاج سریمسن اوغول سینه مدالیم سنن
اللریم اوسته ولی حلقی یارالیم سنن
تشنه غزالیم اویان دای منی آتما اوغول

اصغریم ، دلبریم دور اوغول
ای ملک منظریم دور اوغول

  • جمعه
  • 15
  • مرداد
  • 1400
  • ساعت
  • 20:08
  • نوشته شده توسط
  • یوسف اکبری
ادامه مطلب
فروشگاه پرچم
استاد حسین غفاری اردبیلی

زبانحال امام حسین(ع) در شهادت حضرت علی اصغر(ع) -(گل زینبیم یوبانما اوخلاندی شیرخواریم) *استاد حسین غفاری اردبیلی

1874
3

زبانحال امام حسین(ع) در شهادت حضرت علی اصغر(ع) -(گل زینبیم یوبانما اوخلاندی شیرخواریم) گل زینبیم یوبانما
اوخلاندی شیرخواریم
قاندان گئیوبدی کوینک
سرباز نامداریم

آل سینون اوسته ساخلا
من جان وئریم سن آغلا
لایلای دی بلکه یاتدی
ششماهه گلعذاریم

ئولمیشدی تشنه لیکدن
دشمن بیر آز تلسدی
خنجر کیمین بوغازین
اوخ سینم اوسته کسدی

آچدی گوزین اویاندی
باخدی بیر آز هراسان
جان چیخمینجا پیکر
قنداق ایچینده اسدی

گوردوم بالام چالیخلور
قلبیم کیمی آلیشیم
گوز یومدوم اصغریمدن
محکم اوخی یاپیشدیم

اوچ شعبه اوخ چیخینجاق
من اسدیم اصغر اسدی
کوسمیشدی خیمه لرده
نازین چکوب باریشدیم

لایلای چالوبلار اوخلار
اوغلوم یامان یاتوبدی
اصغر دئمه سینمده
بیر پارچا قان یاتوبدی

پیشوازه تلین اوسته
چیخسا اگر رقیه
اصغر دئنن عزیزیم
چوخدان اینان یاتوبدی

الله بیلور نه حاله
میدان ایچینده قالدیم
ماتملی یاره سیندن
بیر غملی بوسه آلدیم

اکبر ئولنده والله
بو حاله قالمامیشدیم
دشمن گولنده زینب
فکر ایلدیم قوجالدیم

جانیم چیخاندا بیر یول
اکبر ئولنده بیلدیم
اصغر ئولنده اما
مین یول ئولوب دیریلدیم

دشمن گولوردی منده
گوز یاشیمی الیدیم
الله بیلور کمان تک
غم غصه دن اگیلدیم

مندن بو روضه زینب
بیر شرح بی قلمدی
گوردوم گلور بیر عورت
دریای درد و غمدی

آلدی بالامی مندن
فکر ایلدیم کی سن سن
عطشان بالامی مندن
گوردوم آلان ننمدی

امکانوز اولسا زینب
بیلدیرمیون ربابه
اوخ سالدی شیرخوارین
بیر نوعی پیچ و تابه

باشین یاپیشماسیدیم
پیکردن آیریلاردی
آتش ووراردی دردی
مهتاب و آفتابه

مندن دئنن ربابه
بوردا بلا چوخیمیش
سهمون سنون بو چولده
اوچ شعبه بیر اوخیمیش

محسن ئولنده بیر یول
من چکمیشم بو دردی
یاددان چیخاردا بیلسون
فکر ایله هیچ یوخیمیش

  • جمعه
  • 29
  • مرداد
  • 1400
  • ساعت
  • 10:55
  • نوشته شده توسط
  • یوسف اکبری
ادامه مطلب

احوالات حضرت علی اصغر(ع) -(قوریوب سینم سویا یوخ گمان بالام آغلاما گلوم آغلاما) *سعدی زمان سیدرضا حسینی

1577

احوالات حضرت علی اصغر(ع) -(قوریوب سینم سویا یوخ گمان بالام آغلاما گلوم آغلاما) قوریوب سینم سویا یوخ گمان بالام آغلاما گلوم آغلاما
بو قدر کباب ایلمه آنان بالام آغلاما گلوم آغلاما

گورورم دوزنمیسن آجلیقا عطش ایلیوب سنه چوخ اثر
قالا آج سوسوز سودامر بالا داشا بو مصیبت ایدر اثر
بیر آنا که ایچمیه سو اوزی سینه سینده سود دولانور مگر
آنان اولسون ایلمه چوخ فغان بالام آغلاما گلوم آغلاما

بُلورم علاجینی دردیوین نیدوم الده چاره یوخ آغلارام
اثر شراره ی آهیمه یانارام بو سینه می داغلارام
گورورم خراش ایدوسن یوزون الیوی قماطیده باغلارام
هانی عقده ی دلیمی آچان بالام آغلاما گلوم آغلاما

ساتاشاندا گوزلریوه گوزوم گوزومون یاشین الرم بالا
آنالیق محبّتی جوش ایدر اوره گیم یانار ملرم بالا
داخی اوزگه چاره تاپانمارام بلگون آچوب بَلَرم بالا
ایدرم گوزوم یاشینی روان بالام آغلاما گلوم آغلاما

گورورم که ابر بهار تک بالا گوزیاشیله گوزون دولوب
اوره گون بو اوتلی دلیم کیمی شرر عطشله کباب اولوب
قورویوبدی غنچه دوداقلارون گل عارضون سارالوب سولوب
بو سولان جماله فدا آنان بالام آغلاما گلوم آغلاما

آلورام قوجاقیمه جان کیمی ایدم اوز علاقه می آشکار
بالالار کیمی سینه می دوتوب یاتاسان بیر آز اولاسان خمار
گورورم سینم یانور اود ویرور ایدوسن دوداقلاریوی کنار
یانوسان سیزیلدیسان آغلوسان بالام آغلاما گلوم آغلاما

دولانوب خیامی تاپانمادیم بیر ایچیم سو ای سودامر بالام
قورویان دوداقلارون ایسلادام جگرون حرارتینی آلام
من اگر بو دردیله اُلمیم بو جهاندا عمر ایلیم قالام
یانارام بو نسگله هر زمان بالام آغلاما گلوم آغلاما

نیه گوزلرون چوخورا دوشوب نیه صورتون سارالوب بیله
نیه گَلمور آغلاماقا سسون منی آز کباب ایله صبر ایله
هامونون باشی قاریشوب علی گَله گر بو حالی آتان بُله
سو تاپار سنه بُلورم آتان بالام آغلاما گلوم آغلاما

بو گئجه کِشیکدی گَلنمیوب سنی گورماقا بالا اکبریم
من اونوندا چوخ نگرانیم نگران باخور یولا گوزلریم
دیورم گَلیدی گوریدی بیر نجه جان ویرور سوسوز اصغریم
سنه سو تاپِیدی او مهربان بالام آغلاما گلوم آغلاما

دیورم گیدوم عمووا دیوم بالامی نفسدن عطش سالوب
ایدورم حیا بُله یوخ سودوم بودور علتی آنان آج قالوب
هامی چاره یوللاری باغلانوب هامینون قرارین عطش آلوب
اوجالوبدی گوگلره الامان بالام آغلاما گلوم آغلاما

گینه ای حسینی نه دلدی بو که ایدور دینده یارا دلی
بیله دل دیماقدان اوتور خدا سنه ایلیوبدی عطا دلی
دیمه ساده چخدی بو سوزلریم اولی ساده رسماً آنا دلی
آنالار بالایه ایدر بیان بالام آغلاما گلوم آغلاما

  • جمعه
  • 9
  • مهر
  • 1400
  • ساعت
  • 22:05
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

زبانحال حضرت رباب(س) -(منیم ای مدال سینم گوله بنزریم آز آغلا) *حاج رسول امینیان امینی خویی

519
2

زبانحال حضرت رباب(س) -(منیم ای مدال سینم گوله بنزریم آز آغلا) منیم ای مدال سینم
گله بنزریم آز آغلا
یانور آغلاییر سکینم
علی اصغریم آز آغلا

اولور اوچ گجه گونوز من
یانیرام سوسوزدان اصغر
او قدر خجالتیم وار
اورگیم اولور قان اصغر
نه علاج ایدیم الیمده
سویا یوخ دی امکان اصغر
گوزیوین قاداسین آلام
گوزیوی یوموب یات اوغلوم
الورم خجالتیمدن
منی گل آز آغلات اوغلوم

بیله فکریمه گلور که
باشیم اوسته بیر دومان وار
او دومانلی توزلی باشدان
گوره سن دیدیم اومان وار
قورویان دوشوم دوباره
سوتیلن دولا گمان وار
علی حسرتیله پوزقون
یوزومه که سن باخورسان
باخشوندا شعله واردی
منی یاندیروب یاخیرسان

بو بلالی چولده حرمت
ایدن اولمادی قوناقه
اورگیم دولی واریدی
سنه عاطفه علاقه
گینه چاره یوخدی گل بیر
قویاقون دوداق دوداقه
غمی میز آزالسین اودلی
نفسون منه دم اولسون
نفسیم دگنده بلکه
دوداقون بیر آز نم اولسون

فلکین بو گردشیندن
او قدر حکایتیم وار
نقدر دیسم قوتولماز
که توکنمز آیتیم وار
حق کردگاره اوندان
بولوسن شکایتیم وار
طرف اولدی یاوران
شه ملک لا فتایه
شه دشت کربلانین
باشینی سالیب بلایه

سن او لاله سن که الان
سویا واردی احتیاجون
ایله باغریقان اولوبسان
تاپولان دگول علاجون
یولوی گوزتلسین وار
گیت اوغول باشوندا تاجون
گل باغ رضوان اوغلوم
جانی دینه قربان اوغلوم
یانوسان سوسوزلوقوندان
یوخ الیمده امکان اوغلوم

بو بلا چولونده فرصت
ویریلیب سپاه شامه
شهدای کربلانین
یتشوب ایشی تمامه
بو گون امت پیمبر
ایله عاق اولوب امامه
بیله امتین ایچینده
نه حیا قالیب نه حرمت
داش اولوب اورکلر الحق
اثر ایلمور نصیحت

سنه لای لای چالاندا
اورگیم دونور کبابه
بیر ایچیم سو اوسته سقا
قانی نشر اولوب ترابه
باخیرام بو وضع حاله
دوشورم من اضطرابه
سنون ای عزیز مادر
غمون آغلادیر جهانی
گترور غم و ملاله
بو "امینی" نوحه خوانی

  • شنبه
  • 23
  • مرداد
  • 1400
  • ساعت
  • 16:53
  • نوشته شده توسط
  • یوسف اکبری
ادامه مطلب

زبانحال حضرت رباب(س) -(سن سیز علی روز و شب ذکریم اولوب وای اوغول) *مرحوم حاج کریم صافی تبریزی

3876
13

زبانحال حضرت رباب(س) -(سن سیز علی روز و شب ذکریم اولوب وای اوغول) سن سیز علی روز و شب ذکریم اولوب وای اوغول
من سنه لای لای دیوم یا دیوم ای وای اوغول

اوچ گیجه گوندوز علی هر نه دیدیم یاتمادون
باشدا کی سو فکرینی باشدان اوغول آتمادون
ویرمدیلر سو سنه مقصدیوه چاتمادون
من سنه لای لای دیوم یا دیوم ای وای اوغول

دل یوخیدی حالیوی ایلیه سن یاخشی فاش
یاندون اوغول آغلادون سینه­ می ایتدون خراش
منده ئولیدیم سنی گورمه میش اوّلده کاش
من سنه لای لای دیوم یا دیوم ای وای اوغول

چون سنون اسکاتوی حرمله ایجاب ایدوب
هم سنی دلدن سالوب هم منی بی تاب ایدوب
اوز بوغازون دان آخان قانیله سیراب ایدوب
من سنه لای لای دیوم یا دیوم ای وای اوغول

دوتموسان اُلفت علی گوردیله پستانی له
آچدیلا سوددن سنی زهریلی پیکانی له
قویدولا یاخشی منی ناله و افغانی له
من سنه لای لای دیوم یا دیوم ای وای اوغول

گیتمز علی سینه دن دیرناق یوون یرلری
حشره گلنده آنون تک بو یِری گوستری
فاطمه نی یاندیری آغلادی پیغمبری
من سنه لای لای دیوم یا دیوم ای وای اوغول

بسکه سکینه یانور سن کیمی قارداشی نه
خیردا اوشاقلار باخور آغلوری گوز یاشی نه
هی دولانولار اوغول بوش بشگون باشی نه
من سنه لای لای دیوم یا دیوم ای وای اوغول

گه سنی بوش اَم جگه سالدیم اوغول آغلادیم
گوردوم علی دوزموسن اللّریوی باغلادیم
اکبر آناسی کیمی منده جگر داغلادیم
من سنه لای لای دیوم یا دیوم ای وای اوغول

خیمه لری سُو دیوب هر نه دولاندیم علی
اولمادی بیر کیمسه دن چاره دایاندیم علی
گاه اوز احوالی مه گه سنه یاندیم علی
من سنه لای لای دیوم یا دیوم ای وای اوغول

حالیمی آنلار گورن دیده گریانی می
سینمه بیر اود دوشوب یاندوریری جانی می
گرچه دیوب اوخشارام سن قوزی قربانی می
من سنه لای لای دیوم یا دیوم ای وای اوغول

گاه بو بوش سینه دن عطرون آلیب آغلارام
گاه ایاق دوتماقون یاده سالوب آغلارام
اللّری قوی نوندا من گرچه قالوب آغلارام
من سنه لای لای دیوم یا دیوم ای وای اوغول

هر آنا اوز اوغلونی اوخشیوب آغلار یانار
هر باجی قارداشی نه گرچه سیزیلدار یانار
لیک رباب ایندیدن هر نه قدر وار یانار
من سنه لای لای دیوم یا دیوم ای وای اوغول

قالدی اوغول اودلانان قلبده نیسگی لریم
هانسی الیله منیم حَل اولی مشکل لریم
داشه دِیسم بولمیشم یاندیری بو دللّریم
من سنه لای لای دیوم یا دیوم ای وای اوغول

نه یوزیله یثربه ای علی بیرده گیدیم
گورسم اگر سُود اَمر بیر بالا من نیلئیم
هانسی زمانون سنون یاده سالوب ذکر ایدیم
من سنه لای لای دیوم یا دیوم ای وای اوغول

من نجه سن سیز باخوم بیرده گوله گلشنه
آغلامیوم گلمیوم صبح و مَسا شیونه
یاخشی مَلَر قالمیشام وای منه ای وای منه
من سنه لای لای دیوم یا دیوم ای وای اوغول

نیلر او ساعت آنان گر دوشه بیر گون اَله
سُو ایچه سیراب اولا سینه سینه سُود گله
ای سببِ هجرتِ صبر و دل و حوصله
من سنه لای لای دیوم یا دیوم ای وای اوغول

آغلا مورام من سنه آج و سوسوز اُولموسن
سن اوغول اوخلان ماقین لذتی نه گُولموسن
قان آتاوا آغلورام سرّین اوزون بولموسن
من سنه لای لای دیوم یا دیوم ای وای اوغول

آخشام اولی وقت اولی سُود اَمره سُود اَمر
سُود اَمرین شوقونا سینه لره سُود گلر
هانسی آنا صبر ایدور اوخلانا گر سُود اَمر
من سنه لای لای دیوم یا دیوم ای وای اوغول

(صافی) اگر ایسته سن فاطمه دِلشاد اولا
اصغر آناسی گرک ذکر اولونا یاد اولا
بسدی اولونجه بو سوز موجب فریاد اولا
من سنه لای لای دیوم یا دیوم ای وای اوغول

  • پنج شنبه
  • 18
  • شهریور
  • 1400
  • ساعت
  • 18:09
  • نوشته شده توسط
  • یوسف اکبری
ادامه مطلب

یا باب الحوائج ... -(فخر ائدللر انبیا باب الحوائج اصغره ) * حاج روح الله رمضانی

1616
2

یا باب الحوائج ... -(فخر ائدللر انبیا باب الحوائج اصغره ) فخر ائدللر انبیا باب الحوائج اصغره
عشق ائدللر اولیا با ب الحوائج اصغره

انبیاو اولیا هم سهلیدی ای مدعی
بلکه عاشقدی خدا با ب الحوائج اصغره

دین یولوندا آلتی آیدا تشنه لب اولدی شهید
اولسون عالملر فدا باب الحوائج اصغره

آلتی آیلیقدا ره صد ساله نی طی ایلدی
حق دئدی صد مرحبا باب الحوائج اصغره

سنی چوخ آز اولسادا حل ایلیر هر مشکلی
یوخ بیری همتا اولا باب الحوائج اصغره

ناامید حاشا ائده باب سخاسیندن سنی
شاهدا اولسون اول گدا باب الحوائج اصغره

حشریده بیگانه خاکی پشیماندی یقین
سعی ائله اول آشنا باب الحوائج اصغره

  • پنج شنبه
  • 8
  • فروردین
  • 1398
  • ساعت
  • 16:45
  • نوشته شده توسط
  • ابوالفضل عابدی پور
ادامه مطلب
 امین اکرمی هاتف تبریز

حضرت علی اصغر(ع) -(الیمده یوخ چاره سوسوز بالام لایلای) * امین اکرمی هاتف تبریز

1289
3

حضرت علی اصغر(ع) -(الیمده یوخ چاره سوسوز بالام لایلای) الیمده یوخ چاره - سوسوز بالام لایلای
آز آغلا مهپاره - سوسوز بالام لایلای
علی بالام لایلای - گوزل بالام لایلای

سویا گمانیم یوخ- اوغول فغان ایتمه
سرشگیوی گوزده - آز آغلا قان ایتمه
خدنگ آماله منی نشان ایتمه
اولوب سینم یاره - سوسوز بالام لایلای

گلور خزان عطری - داخی بو گلشندن
اجل تلاش ایلور سنی آلا مندن
سو بابتیندن چوخ خجالتم سندن
بو سن بو گهواره - سوسوز بالام لایلای

دیین اولا ای کاش بو قوم دل سنگه
دیل آچمیان طفلین نه نسبتی جنگه
ویرون سو عطشاندی نفس دوشوب تنگه
یانور بو مهپاره - سوسوز بالام لایلای

بو حالی سقّایه - نجه ایدوم اظهار
آلوبدی اطرافین - حرمده کی قیزلار
سو یوخ خجالتدی - او با وفا سردار
قالوبدی آواره - سوسوز بالام لایلای

  • سه شنبه
  • 7
  • اردیبهشت
  • 1400
  • ساعت
  • 19:50
  • نوشته شده توسط
  • یوسف اکبری
ادامه مطلب
 مرتضی اسکندری

زبانحال حضرت رباب (س) در فراق حضرت علی اصغر (ع) -(اصغر نه تیز ربابی گوزدن آتدون) * مرتضی اسکندری

512

زبانحال حضرت رباب (س) در فراق حضرت علی اصغر (ع) -(اصغر نه تیز ربابی گوزدن آتدون) اصغر
نه تیز ربابی گوزدن آتدون
منیم ملالیمی چوخالتدون
سسون قولاقیمه یتشمور
دان اولدوزوم هایانداباتدون
اصغر
نجه منی بلایه سالدون
قراریمی الیمدن آلدون
سو ایچموشم سینم دولوبدی
ملر قوزوم هایاندا قالدون

لایلای
علی علی علی علی جان (2)

یانام
او حاله اوخ بوغازون اوزدی
قیزیل قانون قماطه سوزدی
دیوله اوندا بیر گولوبسن
دینن گوروم یالاندی دوزدی
حتما
دگنده اوچ پر اوخ بیلوبسن
یارالی قوش تک اینجیوبسن
ولی یقین واریمدی زهرا
ویروبدی سو گولومسونوبسن

لایلای
علی علی علی علی جان(2)

اصغر
توئی چراغ شام تارم
قرار قلب بی قرارم
بدون تو دلم گرفته
اسیر دست روزگارم
اصغر
شبی به خواب من گذر کن
به حال زار من نظر کن
ترحمی به اشک چشم
رباب زار خون جگر کن

لایلای
علی علی علی علی جان(2 )

تیر
سه شعبه ای که داده آبت
چه کرده با تو برده خوابت
هر آنچه می کنم صدایت
نمی رسد به من جوابت
دیشب
غمت به من دوباره سرزد
به جان خسته ام شرر زد
سراغ تو از او گرفتم
سری به من تکاند و پرزد

لایلای
علی علی علی علی جان(2)

باخ گور
نجه باشی بلالیام من
بالام ئولوب عزالیام من
دیرناقلارون یری سینمده
یارالیام یارالیام من
ویرم
سنی قسم آتان حسینه
او پادشاه عالمینه
اقلی گل رقیه گورسون
تسلی ویر او نازنینه

لایلای
علی علی علی علی جان(2)

  • شنبه
  • 25
  • اردیبهشت
  • 1400
  • ساعت
  • 20:54
  • نوشته شده توسط
  • یوسف اکبری
ادامه مطلب

زبانحال حضرت رباب(س) با حضرت علی اصغر(ع) قبل از شهادت -(آغلاما ای گل خندانیم اوغول) *مرحوم حسین شانی تبریزی

622

زبانحال حضرت رباب(س) با حضرت علی اصغر(ع) قبل از شهادت -(آغلاما ای گل خندانیم اوغول) آغلاما ای گُلِ خندانیم اوغول
نیلیوم یوخ سووا امكانيم اوغول

ای گُلِ نورسِ گلزارِ وفا
باغليوب سو یولونی اهلِ جفا
قویمیوب سَنده عطش رنگ و صفا
سارالوب سولدی گلستانیم اوغول

ای یوزی صورتِ جانانه زُجاج
هم سوسوزسان بولورم سن همی آج
نیلیوم واردی الیمده نه علاج
قوریوب هر ائیکی پستانیم اوغول

سَنَه باخدوقجا بالا اودلانورام
یوخ علاجیم ندی دردون قانورام
منده سن تک سوسوزومدان یانورام
آلشور سینهٔ سوزانیم اوغول

گوزیوه اوچ گئجه دور گلموری خواب
یورولوب خسته دی بیچاره رباب
سهلدور عمّه لرون اولدی کباب
یاندی بو جمع پریشانیم اوغول

ایلوری رنگِ رخون حالیوی فاش
ساکت اول ایلمه بیر بیله تلاش
داغلانان سینمی چوخ ایتمه خراش
بویادی اللروی قانیم اوغول

بولور عالَم بونی ای طاقتی طاق
رسم دور بو صود امر یوخلار اوشاق
بو قوری سینه او خشکیده دوداق
وار عجب حالیوه میزانیم اوغول

آغلاماقدان دوتولوب بیله سسون
یا دوشوب یوخسا شماره نفسون
تنگ اولوب طایرِ روحه قفسون
نطقه گَل مرغ ِخوش الحانیم اوغول

بالاجا گوزلرون آچ باخ یوزیمه
تا ویروم بیرجه تسلّی اوزیمه
بو نه حالتدی بالا کول گوزیمه
چخماز آخر نیه بس جانیم اوغول

گر چه چوخ گُل هامی گلشنده سولار
آچمامیش غنچه سولا مشکل اولار
سارالان رنگیوه باخدوقجا دولار
ابر تک دیدهٔ گریانیم اوغول

نسگلیم آرتار آچاندا گوزیوی
باسارام باغریما جان تک اوزیوی
قیمارام اوپماقا امّا یوزیوی
اود ویرور چون لب ِعطشانیم اوغول

اوزگه بیر شوقیله نچه آی علی
گجه گوندوز دیمیشم لایلای علی
ایمدی یانّام دیرم ایوای علی
اوجالور گوگلره افغانیم اوغول

(شأنی) بو طفل ربابون گوزیدور
دم ویرن نوحیه مطلق اوزیدور
سوز ربابوندی نه صابر سوزیدور
آغلاما ای گل خندانم اوغول

  • یکشنبه
  • 7
  • شهریور
  • 1400
  • ساعت
  • 13:54
  • نوشته شده توسط
  • یوسف اکبری
ادامه مطلب

احوالات حضرت علی اصغر(ع) زبانحال حضرت رباب(س) -(قوریوب دُشوم سُویا یوخ گمان بالام آغلاما گلوم آغلاما) *سعدی زمان سیدرضا حسینی

862
1

احوالات حضرت علی اصغر(ع) زبانحال حضرت رباب(س) -(قوریوب دُشوم سُویا یوخ گمان بالام آغلاما گلوم آغلاما) قوریوب دُشوم سُویا یوخ گمان بالام آغلاما گلوم آغلاما
بو قدر کباب ایلمه آنان بالام آغلاما گلوم آغلاما

گورورم دوزنمی سن آجلیقا عطش ایلیوب سنه چوخ اثر
قالا آج سوسوز سُوداَمر بالا داشا بو مصیبت ایدر اثر
بیر آنا که ایچمیه سو اوزی سینه سینده سود دولانور مگر
آنان اولسون ایلمه چوخ فغان بالام آغلاما گلوم آغلاما

بُلورم علاجینی دردیوین نِدوم الده چاره یوخ آغلارام
اثر شرارهء آهیمه یانارام بو سینه می داغلارام
گورورم خراش ایدوسن یوزون الیوی قماطی ده باغلارام
هانی عقدهء دلیمی آچان بالام آغلاما گلوم آغلاما

ساتاشاندا گوزلریوه گوزوم گوزومون یاشین الرم بالا
آنالیق محبّتی جوش ایدر اوره گیم یانار ملرم بالا
داخی اوزگه چاره تاپانمارام بلگون آچوب بَلَرم بالا
ایدرم گوزوم یاشینی روان بالام آغلاما گلوم آغلاما

گورورم که ابر بهار تک بالا گوزیاشیله گوزون دولوب
اوره گون بو اودلی دلیم کیمی شرر عطشله کباب اولوب
قورویوبدی غُنچه دوداقلارون گل عارضون سارالوب سولوب
بو سولان جماله فدا آنان بالام آغلاما گلوم آغلاما

آلورام قوجاقی مه جان کیمی ایدم اوز علاقه می آشکار
بالالار کیمی سینه می دوتوب یاتاسان بیر آز اولاسان خمار
گورورم سینم یانور اود ویرور ایدوسن دوداقلاریوی کنار
یانوسان سیزیلدی سان آغلوسان بالام آغلاما گلوم آغلاما

دولانوب خیامی تاپانمادیم بیر ایچیم سو ای سودامر بالام
قورویان دوداقلارون اِیس لادام جگرون حرارتینی آلام
من اگر بو دردیله اُلمیم بو جَهاندا عُمر ایلیم قالام
یانارام بو نسگله هر زمان بالام آغلاما گلوم آغلاما

نیه گوزلرون چوخورا دوشوب نیه صورتون سارالوب بیله
نیه گَلمور آغلاماقا سسون منی آز کباب ایله صبر ایله
هامونون باشی قاریشوب علی گَله گر بو حالی آتان بُله
سو تاپار سنه بُلورم آتان بالام آغلاما گلوم آغلاما

بو گئجه کِشیکدی گَلنمیوب سنی گورماقا بالا اکبریم
من اونوندا چوخ نگرانیم نگران باخور یولا گوزلریم
دیورم گَلیدی گوریدی بیر نجه جان ویرور سوسوز اصغریم
سنه سو تاپِیدی او مهربان بالام آغلاما گلوم آغلاما

دیورم گیدوم عَمووا دیوم بالامی نفس دن عطش سالوب
ایدورم حَیا بُله یوخ سُودوم بو دور عِلتی آنان آج قالوب
هامی چاره یوللاری باغلانوب هامینون قرارین عطش آلوب
اوجالوبدی گوگلره الامان بالام آغلاما گلوم آغلاما

گینه ای (حسینی) نه دلدی بو که ایدور دینده یارا دلی
بیله دل دیماقدان اوتور خدا سنه ایلیوبدی عَطا دلی
دیمه ساده چخدی بو سوزلریم اولی ساده رَسماً آنا دلی
آنالار بالایه ایدر بیان بالام آغلاما گلوم آغلاما

  • چهارشنبه
  • 17
  • شهریور
  • 1400
  • ساعت
  • 23:35
  • نوشته شده توسط
  • یوسف اکبری
ادامه مطلب

زبانحال حضرت رباب(س) -(ای اولان سوزِ عطشدن گل کیمی خندان اوغول) *مرحوم حافظی تبریزی

810

زبانحال حضرت رباب(س) -(ای اولان سوزِ عطشدن گل کیمی خندان اوغول) ای اولان سوزِ عطش دن گل کیمی خندان اوغول
آغلاما بی کس آنان اولسون سنه قربان اوغول

آغلاما پوزما منیم احوالیمی سو ایسته مه
باغلیوب سو یولّارین قومِ جفاجو ایسته مه
بیزلره رحم ایلمز اشرارِ بَد خُو ایسته مه
جدّه وِین مهریّه سین وئرمز بیزه عُدوان اوغول

آت سُو فکرین باشدان ای باغِ هُدا نورسته سی
سینمی ائتمه خَراش ای سینه مون گل دسته سی
سنده منده اولموشوخ آخر سوسوزلوق خسته سی
گوزلرون قربانیَم باخما بیله حیران اوغول

آلِ طاها جمله سی عطشان دی سنله من کیمی
هچ گلستانون گلی سولموب دی بو گلشن کیمی
هچ آنانون شیر خواری یانمیوب دور سن کیمی
قالمی شوخ یوخ اَلده چاره بیله سرگردان اوغول

نیلسون بی کس آنان آخر الیم ده چاره یوخ
حالیوی بولسون علیّ اکبر مه پاره یوخ
سن کیمی بالله علی عالم ده شیرِ خواره یوخ
نه آناندا سُوت نه سُو وار اِیلمه افغان اوغول

ای گوزوم نوری اوغول باعث نه دور خواب ائتمی سن
رَحم قیل آخر منِ نالانی بی تاب ائتمی سن
گُل یوزونده گوز یاشون مانندِ سِیلاب ائتمی سن
آغلاماخ لیق آرتی رور دل سوزینی هر آن اوغول

گورمیوب اعدا سنون حالون نجه پژمرده دور
تشنه لیق دان گل کیمی رَنگون سولوب افسرده دور
بی گنه دور طفل بو قانونِ پیغمبرده دور
یاده سالمور مُصطفانی فرقهء عُدوان اوغول

آغلاما حسرتله باخما خشک اولان پِستانی مه
قلبیمی یاندیرما باخ بیر دیدهء گریانی مه
بیر سنون حالون بو گون باعث دی بو افغانی مه
مُحنتوندن اُولدی آخر اَشکِ چِشمیم قان اوغول

آغلیوب آغلاتما یاندیرما دلِ سوزانی می
صبر ائله آخر اوغول درده گتورمه جانی می
شه قبول اِئسته اگر سن تک قوزی قربانی می
اللّری اوسته اولارسان فِدیهء جانان اوغول

یوخ امیدیم بیر کسه مَظلوم آتان یالقیز قالوب
جُمله انصارین اَلین دن قومِ بی پروا آلوب
تشنه لر حالی باباوی نطق دن دلدن سالوب
صاق دَگل کانِ وَفا سَقّای مَظلومان اوغول

(حافظی) مدّت دی اِیلر آرزوی کَربلا
ایسته بو جمعی له گلسون اِیلسون داد و نوا
مَطلعی وِرد زَبان ائتسون دِئسون صُبح و مِسا
ای اولان سوزِ عطش دن گل کیمی خندان اوغول

  • چهارشنبه
  • 17
  • شهریور
  • 1400
  • ساعت
  • 23:41
  • نوشته شده توسط
  • یوسف اکبری
ادامه مطلب

متن شعر ترکی زبانحال حضرت رباب (س) در عطش حضرت علی اصغر (ع) -(نه دوشومده سود وار نه سویا گمانیم ) *سعدی زمان سیدرضا حسینی

2514
4

متن شعر ترکی زبانحال حضرت رباب (س) در عطش حضرت علی اصغر (ع)  -(نه دوشومده سود وار نه سویا گمانیم ) نه دوشومده سود وار نه سویا گمانیم
سود امر بالام یات باشیوا دولانیم
آغلاما تلاش ائتمه
سینه می خراش ائتمه
ای عزیز جانیم ( 2 )
.
.
.
بیر ایچیم سو اولمور خیمه لرده پیدا
اودلانور عطشدن اهل بیت طاها
خوردا قیزلار عطشاندور
قیمتی سویون جاندور
ای عزیز جانیم ( 2 )
.
.
.
بیر بالانین اولسا آج سوسوز آناسی
آج قالار عیاندور سود اَمَر بالاسی
آج سوسوز قالان مادر
آج قالا بالا نیلر
ای عزیز جانیم ( 2 )
.
.
.
سو یولون کسوبدور لشگر ضلالت
قویمیوب سوسوزلوق منده صبر و طاقت
ترکِ فکر آب ایله
آز منی کباب ایله
ای عزیز جانیم ( 2 )
.
.
.
گوزلرون دوتوب یاش ای گوزوم ضیاسی
توکمه بیله قان یاش گوزلرون فداسی
گوزلرون دولاندیرما
چوخ

  • یکشنبه
  • 27
  • مرداد
  • 1398
  • ساعت
  • 11:52
  • نوشته شده توسط
  • ابوالفضل عابدی پور
ادامه مطلب

متن شعر ترکی و فارسی سبک شاهزاده علی اصغر(ع) -(خیلی دلم تنگه برات عزیزِ جونم عزیزِ جونم ) * حسنعلی بالایی

786

متن شعر ترکی و فارسی سبک شاهزاده علی اصغر(ع) -(خیلی دلم تنگه برات عزیزِ جونم عزیزِ جونم ) خیلی دلم تنگه برات عزیزِ جونم عزیزِ جونم
عزیز جونم لای لای
رفتی و لالایی برات بازم میخونم
بازم میخونم لای لای لای

رفتی و روزم شد سیاه
چشای من مونده به راه لای لای لای
رفتی و حالم شد خراب
دلِ منو کردی کباب لای لای لای

شدی برام رویایی
روسینه ی بابایی
میگه برات لالایی
عزیز جونِ مادر

زمونه با مادر علی ناسازگاره ناسازگاره
ناسازگاره لای لای
برای من گهواره از تو یادگاره تویادگاره
تو یادگاره لای لای لای

بیا یِ کم دورو برم
آخه منم ی مادرم لای لای لای
بی تو دلِ من خون شده
دنیا برام زندون شده لای لای لای

تو رفتی پیش بابا
گذاشتی منو تنها
راحت شدی از دنیا
عزیز جونِ مادر

بدونِ تو یک لحظه من آروم ندارم

  • چهارشنبه
  • 20
  • شهریور
  • 1398
  • ساعت
  • 11:48
  • نوشته شده توسط
  • ابوالفضل عابدی پور
ادامه مطلب
 امین اسماعیل زاده ماکوئی

زبانحال حضرت رباب(س) -(سوسوز اولن کبوتریم - ربابه سس وئر اصغریم) * امین اسماعیل زاده ماکوئی

475
-1

زبانحال حضرت رباب(س) -(سوسوز اولن کبوتریم - ربابه سس وئر اصغریم) سوسوز اولن کبوتریم - ربابه سس وئر اصغریم
بوغازی یاره دلبریم - ربابه سس وئر اصغریم

بو شب ده قورخولی چولون،دوتوبدی غم فضاسینی
تـــــوکور ترابه گوزیـــــاشی،گـــــزور آنا بالاسینی
باسوبدی باغرینا رباب،ئـــــوز اوغلونون لباسینی
سینم ده قالدی اللریم - ربابه سس وئر اصغریم

بو توپراق آلتدا یاتماقون،خزان ائدوب بهاریمی
یوخومدی بیر کسیم بالا،ائشیت نوای زاریمی
او آغلاماق سسون اوغول،آلوب منیم قراریمی
دؤشوب منیم ده حنجریم،ربابه سس وئر اصغریم

او وقتیدن که گئتموسن،قارالدی روز روشنیم
سرشکیلن چاتار باشا،ئولونجه هر گونوم منیم
ئولنده ده اولـِـیدی کاش،سنون یانندا مدفنیم
منیم پناه و سروریم - ربابه سس وئر اصغریم

او اوخلی حلق نازیوون،گلنده قانی باخمیشام
من او عزالی کوکبم،که محنتونده آخمیشام
دور ایندی گور که توپراقی،بو ساچلاریما یاخمیشام
سنه فدادی تـِـللریم - ربابه سس وئر اصغریم

خیال ائدردیم هر زمان،که سن منیم یانیمداسان
بو بند آرزو لـــــری،نولی آنوندا قیرماسان
دوشوب فلاکته باشیم،منیم یارالیم هارداسان
اولوبدی روز محشریم،ربابه سس وئر اصغریم

یوزون گوزلدی یوسفیم،قاشوندا آی هلالی وار
که فرقتونده بیر آنا،ئورکده مین ملالی وار
مگر سنون تک عاشقون،بو دونیادا مثالی وار
اولان فروغ انوریم - ربابه سس وئر اصغریم

  • سه شنبه
  • 3
  • فروردین
  • 1400
  • ساعت
  • 14:27
  • نوشته شده توسط
  • یوسف اکبری
ادامه مطلب
کربلایی فخرالدین اسکندری

حضرت علی اصغر(ع) -(ای منیم نازنین نازلی نگاریم اوغول) *کربلایی فخرالدین اسکندری

513

حضرت علی اصغر(ع) -(ای منیم نازنین نازلی نگاریم اوغول) ای منیم نازنین نازلی نگاریم اوغول
سینمه گل بالا یوخدی قراریم اوغول
گل خوش منظریم .... شیرخوار اصغریم
جان علی جان۲

سینمه دیرناقون ردّی ویروب یاره لر
آغلار احوالیوه ثابت و سیٌا ره لر
خیمه ده ناگراندی هامی حالاتیوه
باخ رقیه باجون گل یوزه گوزیاش الر
قان اولوب گوزلریم .... شیر خوار اصغریم
جان علی جان۲

یوخدی سو خیمه ده ایلمه افغان علی
او سوسوز لبلره جان اولا قربان علی
گیدوب عباس عمون ایلیه تحصیل آب
قیل دعا یار اولا خالق سبحان علی
ای گل احمریم....شیرخوار اصغریم
جان علی جان۲

چوخدی اخیامیده حالیوه دیل داغلیان
سنه لایلای دیوب ناله ایدوب آغلیان
حشریده ختم پیغمبره یوخدور سوزی
سویولون آل حیدر یوزونه باغلیان
پُر بها گوهریم... شیرخوار اصغریم
جان علی جان۲

گلشن حیدرین عطریلی ریحانیسن
آناوین سن بالا بند دیلی جانیسن
شیر خواریم علی پارچالانوب لبلرون
ننه قربان سنه اوچ گونون عطشانیسن
سیندی بال و پریم ... شیر خوار اصغریم
جان علی جان۲

تاپمادیم ناز بال تشنه لیگون چاره سین
باغلادیم باشیمه ئولماقیوون قاره سین
حشره تک قلبیده واردی بو نسکیل اوغول
گورمه دیم حنجرون باغلامادیم یاره سین
نو گل پرپریم....شیر خوار اصغریم
جان علی جان۲

رُتبه ده اولموسان باب الحوائج اوغول
اللروندن آلار شیعه نتایج اوغول
یوز دوتار درگه پاکیوه اخلاصیله
کیمده وار مشکل صَعبُ العلایج اوغول
لطف ایله دلبریم....شیر خوار اصغریم
جان علی جان۲

وار یری روز و شب حالیوه دیل داغلیام
(ثاقبین) سوزلرین ذکر اِلیوب آغلیام
سنه لایلای دییم هر گیجه گوندوز علی
یوزه گوز یاشیمی سیل کیمین باغلیام
سن منیم دلبریم ...شیر خوار اصغریم
جان علی جان۲

  • چهارشنبه
  • 8
  • اردیبهشت
  • 1400
  • ساعت
  • 16:38
  • نوشته شده توسط
  • یوسف اکبری
ادامه مطلب

زبانحال حضرت اباعبدالله الحسین (ع) با حضرت زینب (س) در شهادت حضرت علی اصغر (ع) -(باجی جان شرار غمده ئورک اودلانوبدی تئز گل) *مرحوم نادری میانجی

612

زبانحال حضرت اباعبدالله الحسین (ع) با حضرت زینب (س) در شهادت حضرت علی اصغر (ع) -(باجی جان شرار غمده ئورک اودلانوبدی تئز گل) باجی جان شرار غمده
ئورک اودلانوبدی تئز گل
الیم اوسته شیر خواره
سوسوز اوخلانوبدی تئز گل

گله بیلمیرم خیامه ئورگیمده یوخدی طاقت
گل ئوزوم آپار بالامی منه ایله بیر حمایت
بوغازین بیچوبدی پیکان اولا جسمی بلکه راحت
منه راه چاره بوردا باجی باغلانوبدی تئز گل

باخورام بو طفل زاره ئوره گیم دونور کبابه
یولا گوز تیکوب آناسی دوشوب ایندی اضطرابه
گل آپار بو طفلی زینب وئر او ناتوان ربابه
الیم اوسته جان وئرنده جگریم یانوبدی زینب

من آپاردیم اصغریمه سو آلام که راحت اولسون
منی ائتدیلر خجالت اوخ آتان خجالت اولسون
گل آپار خیامه طفلی تزه بیر قیامت اولسون
بویانوبدی آغ قماطی قانا ایسلانوبدی تئز گل

باجی حرمله کمانه قویوب ئوز اوخون آتاندا
آتا قانینی بالانین قانینا او اوخ قاتاندا
منه تار اولوبدی دنیا ایشیق اولدوزوم باتاندا
گئنه سینۀ امامت ، باجی داغلانوبدی تئز گل

سولی هانسی باغبانین گولی غنچه چاقی من تک؟
کیمون اوخلانوب ال اوسته بئله صود اوشاقی من تک ؟
باجی هانسی پادشهدور پوزولا تفاقی من تک؟
منه اودلی بیر مصیبت ، تزه باشلانوبدی تئز گل

بورویوبدی جهل و ظلمت باجی بو سپاه شامی
بیر ایچیم سو اوسته بونلار منیم اوخلادی بالامی
بو قوشون نه دین تانوللار ، نه پیمبر و امامی
زر و سیمه بو جماعت عجب آللانوبدی تئز گل

سوزی « نادری » تمام ائت یانار الده ایندی خامه
نه حیاسیز اولدی امت سوئی ویرمدی امامه
دونه قانه بو فراتی گله لعنت اهل شامه
کرم ائت امام قائم حق ایاقلانوبدی تئز گل

  • پنج شنبه
  • 6
  • خرداد
  • 1400
  • ساعت
  • 12:16
  • نوشته شده توسط
  • یوسف اکبری
ادامه مطلب
 سید تقی سیفی اردبیلی

شهادت حضرت علی اصغر(ع) -(دوشجک مجلسه غوغا آچا بیلسم دردی) * سید تقی سیفی اردبیلی

718
2

شهادت حضرت علی اصغر(ع) -(دوشجک مجلسه غوغا آچا بیلسم دردی) دوشجک مجلسه غوغا آچا بیلسم دردی
اصغرون قانی یره شال مصیبت سردی
قوزی قربانی حسین خیمه لره قیتردی
یاری یولدیدی هله دل نگران اولدی آقا
هرنه فکر ایلدی گوردی گیده بیلمور قاباقا

تیر غم سینهٔ پر دردینی آز قالدی بوله
آتشِ آهینی بیر آنیده یایدی او چوله
دیدی ممکندی رباب اوخ یاراسین گورسه ئوله
ایتدی اندیشه او بانوی نجیبون حالینا
الده آهوسی گلوب خیمه سرالر دالینا

قویدی آهسته یره اصغرینی زار و نزار
قازدی شمشیرین اوجیلا اونا بیرخیردا مزار
ایستدی دفن ایلیه غنچه‌نی سلب اولدی قرار
نه قدر جهد ایلدی اولمادی حاکم صبره
قوزی قربانینی گوردی قویا بیلمور قبره

بوچتین لحظه‌ده چوخ سوز وگداز ایتدی امام
خالق سرمدیلن راز و نیاز ایتدی امام
ایکی رکعت، اتگی قانلی نماز ایتدی امام
پیر احرار جهان عشقون او غوغا سالانی
دوشلوگی قانلی قویوب قبره اودیلسیز بالانی

لطف حقدن که اله سالدی حسین صبر جمیل
الده‌کی لاله‌نی تا تپراقا تاپشوردی خلیل
گوردی سس گلدی حسین صود امرون قدرینی بیل
چکمه چوخ غم الون اوسته بالوون ئولمگینه
جنتی ویردیم اونا اوچ پر اوخا گولمگینه

  • یکشنبه
  • 31
  • مرداد
  • 1400
  • ساعت
  • 17:56
  • نوشته شده توسط
  • یوسف اکبری
ادامه مطلب

زبانحال امام حسین(ع) احوالات حضرت علی اصغر(ع) -(ای کوفیان رحم ایلیون اوچ گوندی عطشان دور بالام) *مرحوم صحاف تبریزی

611
-1

زبانحال امام حسین(ع) احوالات حضرت علی اصغر(ع) -(ای کوفیان رحم ایلیون اوچ گوندی عطشان دور بالام) ای کوفیان رحم ایلیون اوچ گوندی عطشان دور بالام
سیراب ایدون گل تک صولوب ظلم یله خندان دور بالام

کسدوز فراتین یوللّارین ای اشقیای کینه جو
یاندی سوسوزدان عترتیم نه ظلم و نه طغیان دی بو
بیر ایلیون حقّ دن حیا باری ویرون بیر شربه سو
سوز عطش دن اوچ گئجه گون دوزدی سوزان دور بالام

آیا نئجه انصاف دور آخسون فراتی چوللّره
بیر شربه قسمت اولماسون بو عترتِ پیغمبره
قالمور او قدری اصغریم تشنه الیم ده جان ویره
آخر گورون نه نوعی له حالی پریشان دور بالام

گر چه بو صحراده دونوب بیر تیره شامه گون دوزوم
اوغلوم ئولوب قلبیم یانوب دل داغلی عطشانم اوزوم
لکن سو دوتسا یِر یوزون بیر قطره سنده یوخ گوزوم
اما عطش دن اودلانور چون بید لرزان دور بالام

جدّیم پیمبر دور منیم ساقیِّ کوثر دور آتام
زَهرا آنام دور فاطمه ای فرقۀ بی ننگ و نام
هانسی حلالی سیزلره عالم ده من ائتدیم حرام
بو باره ده مستوجب رنج فراوان دور بالام

تقصیر کارم من اگر ای کوفیانِ بی وفا
امّا نه تقصیر ایلیوب بو آلتی آیلیق بیر بالا
بو ناروا ظلمی بونا سیز گورمیون ایندی روا
رحم ایلیون سیراب ایدون اوچ گون دی عطشان دور بالام

بیر نوعیله آرامنی الدن آلوب سوز عطش
سولموش بو زیبا نُو گلوم سوز عطشدن غنچه وش
بی حال دور چوخ دمبدم ایلور اَلیم اوستون ده غش
بو کشمکش ده طالب دیدار جانان دور بالام

بو بس دگولدی صرصر ظلمیله صولدی گوللّریم
قانه بویان دی تشنه لب عباس و عون و جعفریم
اولمون رضا عطشان ویره جان شیره خواره اصغریم
آخر بو صحراده سیزه ای قوم مهمان دور بالام

قویمور عطش آچسون گوزون اود تک یانور عطشان دی چوخ
هر لحظه بیر حاله قالور تشویشی چوخ آرامی یوخ
سو اولموری ممکن اگر باری وورون اوچ شعبه اوخ
اولموش یقینیم تشنه لب آماجِ پیکان دور بالام

(صحاف) علی اصغر غمی یان دوردی قلب عالمی
بیر عمر آناسین ایلدی درد و مصیبت هم دمی
سندن زبان حالیله دلدن دله سال بو غمی
ای کوفیان رحم ایلیون اوچ گوندی عطشان دور بالام

  • چهارشنبه
  • 17
  • شهریور
  • 1400
  • ساعت
  • 22:53
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

متن شعر ترکی و فارسی میلادیه حضرت امیرالمومنین، مولی الموحدین علی ابن ابیطالب (ع) -(هله ای جماعت) * محمدرضا محمدی (ناعم)

723

متن شعر ترکی و فارسی میلادیه حضرت امیرالمومنین، مولی الموحدین علی ابن ابیطالب (ع) -(هله ای جماعت) هله ای جماعت
عاشقان بشارت

پرشده جهان از
عطروبوی جنت

آمده به دنیا
خسروولایت

جانشین طاها
سیدامامت

آمد بحرجودوشرف
عالم گشته غرق شعف
ذکر لب اهل سما
آمد شاه ملک نجف

معاشران شب شوروشین است
ولادت شه مومنین است

(حیدر یاعلی یاعلی)٢

اولدی فصل طرب
گلدی شاه عرب

کنزفضل وادب
میروالانسب

ماه ماه رجب
خسرومنتجب

گوردی هرکیم یوزون
دئدی یا للعجب

آیدان گول یوزی گورملی
ائتدی عالمی منجلی
یرگوی بوگجه سسلنور
باهم یاعلی یاعلی

مژده وئرون خیل شیعیانه
گلدی علی کعبه ده جهانه

(حیدر یاعلی یاعلی)٢

کلک پروردگار
ایلیوب شاهکار

قویدی دهره قدم
شاه دل دل سوار

گورمیوبدی تایین
دیده روزگار

یل جنگ وجدل
صاحب ذوالفقار

با

  • سه شنبه
  • 6
  • فروردین
  • 1398
  • ساعت
  • 12:01
  • نوشته شده توسط
  • ابوالفضل عابدی پور
ادامه مطلب

متن شعر ترکی توسل بر حضرت علی اصغر علیه السلام -(اصغر ای منصبی باب الحوائج ) *حاج محمد متقی تبریزی

2813
2

متن شعر ترکی توسل بر حضرت علی اصغر علیه السلام  -(اصغر  ای منصبی باب الحوائج ) اصغر
ای منصبی باب الحوائج
چوخلار الوب سندن نتایج
مریضیمیز واردی کرم قیل
مولایه خاطر ائت معالج
.
اصغر
ای معنی ایثار و تقوا
إنا فتحنایه مُسَمّی
درداهلینون سن سن دواسی
سندن الار حاجت اطبا
.
سن سن کرامت کانی اصغر
عاشقلرین رضوانی اصغر
مشکلده قالموشوک عنایت
ایله ربابین جانی اصغر
.
.
.
.
اصغر
آدوندی اصغر شأنون اکبر
ای غنچه ال پیمبر
دیلسیزده اولسون,کربلاده
ذکرون اولوب الله اکبر
.
اصغر
اولدون شهید راه قران
کوی مناده تشنه قربان
یاده دوشر ادون دیینده
نازک بوغاز اوچ شعبه پیکان
.
یانام سنه یللر اسنده
نازک بوغازه اوخ دگنده
گولمگون اغلاتدی حسینی
اوچ شعبه پیکانی چکنده
.
.
.
.
اصغر
ای کربلانون قان سحابی
قنداقی

  • سه شنبه
  • 8
  • مرداد
  • 1398
  • ساعت
  • 11:38
  • نوشته شده توسط
  • ابوالفضل عابدی پور
ادامه مطلب

شهادت حضرت علی اصغر(ع) -(کرب و بلا چولونده طوفاندی یا محمد) * محمد علی مصیبی

1613
1

شهادت حضرت علی اصغر(ع) -(کرب و بلا چولونده طوفاندی یا محمد) به سبک(قان یاغدی کربلایه...)

کرب وبلا چولونده طوفاندی یامحمد
بیر طفل شیرخواره اوخلاندی یامحمد

یا خاتمُ النبیین پیغمبر زمانه
صحرای کربلاده اوخلار چیخوب کمانه
اولدی گلوی اصغر اوچ پر اوخا نشانه
باشدان باشا بوغازی دوغراندی یامحمد

گل گور سالوب نه حاله غم بوترابین اوغلون
قانه بلشدیروبلر ختمی مآبین اوغلون
اوخلارسالوب نفسدن بیکس ربابین اوغلون
عرش اهلیده بو ظلمه حیراندی یامحمد

الغوث صوتی ایکاش پیغمبره چاتیدی
قاتیل اوخون آتاندا گویلرده گون باتیدی
ای کاش اوخ آتاندا بیر ساده اوخ آتیدی
اوخداندا آه و ناله قوزاندی یامحمد

سو ایستینده اصغر آه و فغان گوروبدی
ناگه سوسوز بوغازین تیره نشان گوروبدی
اوخلارامیشدیروبلرصود وجهی قان گوروبدی
ئوز قانینه دوداقی ایسلاندی یامحمد

قان آغلوری ملکلر بیر دلکبابه خاطر
مخیمده خوردا قیزلار آغلور ربابه خاطر
اوخلاندی طفل نازی بیر جرعه آبه خاطر
ئوز قانینه بالاسی غلطاندی یامحمد

پیکانی اوخشادوبدی پستانه طفل نالان
پیکان دمیندن آخرسوت یوخ ایچوب قزل قان
صحرای پربلاده جاندان گئچوب لب عطشان
قرآن یولوندا اصغر قرباندی یامحمد

اوخ دگجاقین بوغازه گولدی او طفل نورس
یوز دوتدی شاهه یعنی ؛ ای پادشاه بیکس
قیتر منی ربابه وئرسون آنام منه سس
قلبی آنامین آخر اودلاندی یامحمد

چوخ نقشه لر ربابین ذهنینده قاب اولوبدی
هر نقشه چکمیشیدی نقش برآب اولوبدی
قانین سپوبله عرشه گویلر خضاب اولوبدی
بو قانه عرش اعلا الواندی یامحمد

هر دم دییور رقیه آلله گلیدی اصغر
آغوشیمه چکیدیم بیر دینجلیدی اصغر
من گوزلرون ئوپنده منلن گولیدی اصغر
بولمور سوسوز اخاسی اوخلاندی یامحمد

گلزاریده گول آچسا بلبل اولار غزلخوان
گوللر گولن زماندان خندان اولار گلستان
یاز یاز«مُصَیـّب» اما اصغر گولن زماندان
چشم تمام عالم گریاندی یامحمد

  • جمعه
  • 30
  • آبان
  • 1399
  • ساعت
  • 20:20
  • نوشته شده توسط
  • یوسف اکبری
ادامه مطلب

احوالات حضرت علی اصغر(ع) -(سوروشوبلار بو سوزی حرمله کافردن) * قدرت چوپانی

785
1

احوالات حضرت علی اصغر(ع) -(سوروشوبلار بو سوزی حرمله کافردن) سوروشوبلار بوسوزی حرمله‌ی کافردن

بی مروت نقدر بی شرف انسان سان سن

سن آتان تیر دیوله اَٙنی دورت بارماقیمیش

اصغرین کل وجودی، بالا بیر قنداقیمیش

گورمدون که آتاسی دشمن آرا بی کسیدی

او کیچیک قنداقا بیر خیرداجا اوخدا بسیدی

دیل آچوب حرمله بیر نحویله ایتدی گفتار

اصغره دوره ده دشمنلریده آغلادیلار

من اوزیم قوی دئدی شرح ایلیوم اصل خبری

گَتدی میدانه حسین اونداکی اول صود امری

اللری اوسته منه ساری اونون دوتدی یوزین

من نشان اوسته او دلسیز بالا بیر آچدی گوزین

دئمرم اوخ بوغازا دگدی نه طوفان اولدی

اونی گوردیم که حسینده قانا غلطان اولدی

من ایاق اوستنه دوردیم گوزیم اوضانی گوره

بیر الی بیلده نه گوردیم که حسین اوتدی یئره

بیر حالا اوخ او بالانین بوغازین سالمیشدی

دالی سمتینده فقط بیر دریسی قالمیشدی

  • جمعه
  • 21
  • آذر
  • 1399
  • ساعت
  • 23:30
  • نوشته شده توسط
  • یوسف اکبری
ادامه مطلب
 حاج اصغر فرشچی

حضرت علی اصغر(ع) زبانحال حضرت زباب(س) -(گوزوم نوری یوخدی سو منده) * حاج اصغر فرشچی

432

حضرت علی اصغر(ع) زبانحال حضرت زباب(س) -(گوزوم نوری یوخدی سو منده) به سبک : شبانگاهان....

گوزوم نوری یوخدی سو منده
ایستمه سنده ایلمه افغان
بیله اممه دل دوداقوی یوم
گوزلرین لایلای ای گل رضوان

بو صحراده سینه داغلارام
سن آغلاسان منده آغلارام
یات علی لایلای یات علی لایلای

سنیله من اوچ گجه گوندوز
سس سسه ویرب آغلورام اوغول
دوداقلارین سن امن وقته
آهیله اورک داغلورام اوغول
اورخساره صدمه دگمه سین
اللریوی من باغلورام اوغول
بونیسگیلده هانسی بیرآنادی
ایلمز یوزه اشکنی روان

بو صحرانون غم هواسی وار
سنون نه دردون دواسی وار

یات علی لایلای یات علی لایلای

قوجاقیمده لایلایون چالورام
دردیوی آلورام گوزلرون باخور
بومعنالی باخماقوندی منی
آتش غمده یاندوروریا خور
دلون یوخدی دردون آندوراسان
دُرّتک گوزدن اشک ترآخور
بیزآزیوخلا سینم اوستونده
من آناندا وارام سنکیمی عطشان

کباب الدون اماندی یات
فغانوی بیرآزآزات

یات علی لایلای یات علی لایلای

علی باشدان آت سوفکرینی سن
خیمه نی گزدیم یوخ سویا امکان
بو سولموش گل تک دوداقوی
آزهی اشارتله ویرمنه نشان
بوچولده جاندی بهاسی سویون
باغلیوب سویون یوللارین عدوان
سن آغلاسان منده آغلارام
گوزیاشیم ایدرسیل تک طغیان

نه واردی سوخیمه گاهیده
نه رحم واردی سپاهیده

یات علی لایلای یات علی لایلای
بلادشتینده بابان ایستور

عهدی اوستونده امتحان ویرسون
نهال باغ رسالته
سویرینه بوچولده قان ویرسون
الینده گل غنچه ده سولسون
عشقنی جهانه نشان ویرسون
سو فکرین آت ناتوان آهو
یوخدی آخرسو من سنه قربان

بو چولده دشمن دوشوب لجه
دُزورآتان بو غمه نجه

یات علی لایلای یات علی لایلای

محمدزاده مجیدآدلی
بانی دور یازیلا نوحه اصغره
محافلده مدح و نوحه دئیر
شاه دینه هم اوغلی اکبره
سویور«عدلی» همسفر اولا
اونلا قول سالا قبرحیدره
یاتوب اوردا شیعه لرآتاسی
عا لمین آقاسی حق دئین انسان

علی آدی ساقی کوثر
امام حق شافع محشر
یات علی لایلای یات علی لایلای

  • شنبه
  • 20
  • دی
  • 1399
  • ساعت
  • 22:40
  • نوشته شده توسط
  • یوسف اکبری
ادامه مطلب
 رامین محمد زاده

زبانحال حضرت رباب(س) به حضرت علی اصغر(ع) -(زمانه دن دویان بالام) * رامین محمد زاده

2338
15

زبانحال حضرت رباب(س) به حضرت علی اصغر(ع) -(زمانه دن دویان بالام) در سبک(یه باغبون خسته دل)

زمانه دن دویان بالام
منی مللـر قویان بالام
ربابه رحم ائله اوغول
یانیر سینم اویان بالام

لایلای بالام – لایلای بالام

چاتسیدی عمرون بیر ائیله
شایـد گلیـدون سـن دیلـه
سویلـر آنـان بـو نـوعیلـه
منیـم دیـل آشمیـان بـالام

ای لبلــری عطشان اوغول
عطشان وئروبسن جان اوغول
چکدون نلر جان جان اوغول
لبلــریـوه قـربـان بـالام

ظلـم ائتدی آخر بـو عدو
گـویـا قیـریلـدی پَّـرِ قو
نه اولدی صود نه اولدی سو
میل ائتدون ایستی قان بالام

دائـم غمـونـده آغـلارام
دیـزلـریمی قوجـاخـلارام
دردونده سینـه داغـلارام
ای نـور جـاویـدان بالام

بخت اولدوزوم باتدون بالا
نـه تئـز منـی آتدون بالا
دنیـانـی آغـلاتدون بالا
ای کُشتـة پیکـان بالام

حلقـون ائـدوبـدی اوخ یارا
گـویا اولـوب صبـریم پارا
کوسدون اوغول گئدون هارا
ائـدون منـی نـالان بالام

  • چهارشنبه
  • 22
  • بهمن
  • 1399
  • ساعت
  • 20:13
  • نوشته شده توسط
  • یوسف اکبری
ادامه مطلب
 رامین محمد زاده

زبانحال امام در تیر خوردن حضرت علی اصغر(ع) -(ستـاره تـک سُـوزَن بالام) * رامین محمد زاده

12138
147

زبانحال امام در تیر خوردن حضرت علی اصغر(ع) -(ستـاره تـک سُـوزَن بالام) ستـاره تـک سُـوزَن بالام - بوغـازین اوخ اُوزَن بالام
دُویوب زمانه دن کوسـوب - دوداقـلارین بُـوزَن بالام
سو کیمی علی آخوب آغلارام
یارووا اوغـول باخوب آغلارام
حالیمـا اگـر گـولَـن اولماسا
یوزومه قانین یاخوب آغلارام
بالام لایلای – گلوم لایلای

جان آی منیـم مَللـر بالام - یـارالی صـودامـر بالام
سنـه دیللَـر اوخشامـا - سَوزَن ستاره لـر بالام
بئلـه اَسمـه لالـه سیاق بالا
قانین اولدی دینه دایاق بالا
باخیر حرمله گولور حالیمه
بئله چالما چوخ اَل ایاق بالا
بالام لایلای – گلوم لایلای

گوز آچ بـو قلبی داغـلاما - بالیـخ کیمی چالیخلاما
کتاب عشقـی سـاق صولا - بئلـه علـی وَراقـلاما
منیـم ای تَکیـم سنه وای دئییم
اوخی قوی چکیم سنه وای دئییم
بوغـازونـدا اوش پر اوخی چکیم
سینمـه اَکیـم سنه وای دئییم
بالام لایلای – گلوم لایلای

ربـابیـدَن کِچـن اوغـول - بوغـازین اوخ بیچَـن اوغول
اَل اوسته حلقی اوخلانوب - بو چـولده قان ایچـن اوغول
بـو زمـانـه دن دویانیـم بالا
ننه سیـن مَللـر قویانیـم بالا
بئله اَسمه قوی اوخی رَد ائدیم
جـانیـوا فـدا بـو جانیـم بالا

غمـونده سینـه داغلارام - سنـه ئولـونجـه آغلارام
یارالی پیکـرون باسـوب - سینمده من قوجاخلارام
سنه جان فدا دیوب آغلارام
بـالا وای بـالا دیوب آغلارام
یارالی بوغـازیوی هی اوپوب
سنه اوخشاما دیوب آغلارام
بالام لایلای – گلوم لایلای

  • چهارشنبه
  • 22
  • بهمن
  • 1399
  • ساعت
  • 22:17
  • نوشته شده توسط
  • یوسف اکبری
ادامه مطلب
 امین اکرمی هاتف تبریز

شهادت حضرت علی اصغر(ع) -(یا رب بالام یاندی) * امین اکرمی هاتف تبریز

590

شهادت حضرت علی اصغر(ع) -(یا رب بالام یاندی) یا رب بالام یاندی - سینمده نازک حلقی اوخلاندی

آخدی بوغازیندن - القانیله قونداقی ایسلاندی

ویردی الیمده جان - شرمنده‌یم بی‌کس آناسیندان

عشقونده من یا رب - اوچ پر اوخی چکدیم یاراسیندان

بو حاله لشگر آغلادی

زهرا ننم دل داغلادی

واویلا

چالدی سینمده ال ایاق

جان ویردی بو دیلسیز اوشاق

واویلا

جانی چیخاندا باخمیشام

قانین عذاره یاخمیشام

واویلا

آتدیم بو قانی گویلره

ساخلا امانت محشره

واویلا

عباسیم اولسیدی - میدانی آواره دولانمازدیم

نعشی قالوب الده - دشمن ایچینده بیله سینمازدیم

گورسه بو احوالی - نسگل‌لریمه آغلیار زینب

دل داغلیار زینب - بو اوخ یاراسین باغلیار زینب

گورسه بوغازین وای دیر

دلدن یانوب ایوای دیر

واویلا

سولدی ربابین غنچه‌سی

یومدی گوزون گلمور سسی

واویلا

خالی قالار گهواره‌سی

مرهم گوتورمز یاره‌سی

واویلا

چوخ یاندیرار اصغر غمی

یاددان چیخوب اکبر غمی

واویلا

  • چهارشنبه
  • 11
  • فروردین
  • 1400
  • ساعت
  • 22:19
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

زبانحال حضرت رباب(س) -(منیم سولقون گلوم اصغر بالام لایلای گلوم لایلای) *حاج رسول امینیان امینی خویی

359

زبانحال حضرت رباب(س) -(منیم سولقون گلوم اصغر بالام لایلای گلوم لایلای) منیم سولقون گلوم اصغر
بالام لایلای گلوم لایلای
قنادسیز بلبلوم اصغر
بالام لایلای گلوم لایلای

اوغول چوخ ال ایاق چالما
اورکدن طاقتیم آلما
منی درد و غمه سالما
بالام لایلای گلوم لایلای

بولور بو مطلبی چوخلار
که یار اوز یارینی یوخلار
دیسون سو حرمله اوخلار
بالام لایلای گلوم لایلای

اورکلر اود دوتوب یاندی
سویون یولاری باغلاندی
رقیه م ده لب عطشاندی
بالام لایلای گلوم لایلای

زمان دوندی یامان بیزدن
کسوب لشگر آمان بیزدن
سن اولدون باغریقان بیزدن
بالام لایلای گلوم لایلای

خزان اَیلَندی گلزاره
گلوم توش اولموسان خاره
الیم ده یوخ ایدم چاره
بالام لایلای گلوم لایلای

فراتین نهری قان اولسون
آخوب گوزدن نهان اولسون
بو شاید امتحان اولسون
بالام لایلای گلوم لایلای

منیم ای باغریقان لالَم
پریشان حال و هم نالم
اوزوم سندن بداحوالم
بالام لایلای گلوم لایلای

عمون نهره یولون سالدی
قوشون ویردی قولون سالدی
صاقین سالدی صولون سالدی
بالام لایلای گلوم لایلای

قضا اوز گوردیگین گوردی
یامانلیق برجینی حوردی
عمون عباسی الدوردی
بالام لایلای گلوم لایلای

سویوم یوخ ایلیم سیراب
سو اوسته دوغرانیب میراب
منی چوخ ایلمه بی تاب
بالام لایلای گلوم لایلای

دنی شمرین قلنجیندان
دامور قان سسلنور قان قان
علی اکبر وروبدور جان
بالام لایلای گلوم لایلای

گوزوم یاشی بیر عنواندی
که احوالیم پریشاندی
سویوندا قیمتی جاندی
بالام لایلای گلوم لایلای

دییر لایلای "امین" آغلار
باشا دائم قرا باغلار
ویرار سینه اورک داغلار
بالام لایلای گلوم لایلای

  • شنبه
  • 23
  • مرداد
  • 1400
  • ساعت
  • 12:24
  • نوشته شده توسط
  • یوسف اکبری
ادامه مطلب

زبانحال حضرت رباب(س) قبل از شهادت حضرت علی اصغر(ع) -(ای غنچه ی خندان لایلای علی لایلای) *مرحوم میرزا یوسف شهاب تبریزی

493

زبانحال حضرت رباب(س) قبل از شهادت حضرت علی اصغر(ع) -(ای غنچه ی خندان لایلای علی لایلای) ای غنچه ی خندان لایلای علی لایلای
جانیم سنه قربان لایلای علی لایلای

پوزقون گوروب حالون یانّام علی اصغر
رنگون سوسوزلوقدان سولموش گله بنزر
یوخدوم سودوم آخِر نیلوم علی اصغر
لایلای علی لایلای لایلای بالام لایلای

سالدی منی دلدن درد و غمون آخِر
اظهار ایدوم حالون واردور کیمون آخِر
یوخدور علی اصغر عبّاس عمون آخِر
لایلای علی لایلای لایلای بالام لایلای

چوخ گل خزان اولدی سولدی بو گلشنده
بو گون سوسوز گل تک پژمرده سن سنده
گورّم سولان رنگون یانّام اوغول منده
لایلای علی لایلای لایلای بالام لایلای

بو گون اوغول بولّم اوچ گوندی عطشانسان
بیر دسته سنبل تک بی تاب و لرزانسان
حقّون وار آغلارسان بیله پریشانسان
لایلای علی لایلای لایلای بالام لایلای

قوم ستم پیشه کسدی سو یولّارین
توکدیله قانلارین سو تک جوانلارین
ویردی عمون عبّاس سو اوسته قولّارین
لایلای علی لایلای لایلای بالام لایلای

سو فکرینی باشدان بو گون اوغول آت سن
بیر لحظه آرام اول لایلای دیوم یات سن
نه سو دیوب آغلا نه قانیوه بات سن
لایلای علی لایلای لایلای بالام لایلای

چوخ جستجو قیلدوم سو صحبتین ایتدوم
بو گون سودان اوتری هر خیمیه گیتدوم
سن تک سوسوز گوردوم هر بیر کسه یتدوم
لایلای علی لایلای لایلای بالام لایلای

ایتدوقجا سن ناله یانّام اوزوم یانّام
قالماز علی اصغر دلده دوزوم یانّام
گورّم سنی آغلار آغلار گوزوم یانّام
لایلای علی لایلای لایلای بالام لایلای

هر بیر آنا گورسه اوغلین اوغول سن تک
واردور یری یانسون قان آغلاسون من تک
غنچه لبون سولموش افسرده گلشن تک
لایلای علی لایلای لایلای بالام لایلای

آز آغلا آز یاندور من بیکس و زاری
بیر بیله گوزیاشون ایتمه یوزه جاری
آرام دوت آخِر یات بیر سنی تاری
لایلای علی لایلای لایلای بالام لایلای

«شهاب» بو غمده آغلا فغان ایله
هر بزم ماتمده اشکون روان ایله
بو سوز گوزل سوزدور ورد زبان ایله
لایلای علی لایلای لایلای بالام لایلای

  • جمعه
  • 5
  • شهریور
  • 1400
  • ساعت
  • 12:18
  • نوشته شده توسط
  • یوسف اکبری
ادامه مطلب

احوالات حضرت علی اصغر(ع) -(قالدون اوچ گون اوچ گئجه عطشان اوغول) *مرحوم عبدالعظيم ذهني زاده

1066
1

احوالات حضرت علی اصغر(ع) -(قالدون اوچ گون اوچ گئجه عطشان اوغول) قالدون اوچ گون اوچ گئجه عطشان اوغول
ایچدون آخِر سو یرینه قان اوغول

بسکه سن لب تشنه قالموشدون علی
گل کیمی سولموش سارالموشدون علی
سو سراغین اوخدان آلموشدون علی
گیتدون اولدون قانیوه غلطان اوغول

زهرلی اوخدا نه لذّت تاپموسان
یاتموسان خوش استراحت تاپموسان
ای سولان غنچه طراوت تاپموسان
اولموسان بیر لاله ی نعمان اوغول

حقلیم موجه گلوب اشکیم داشا
درد و غم دریاسی تک باشدان آشا
بو بوغازون اوخ بیچوب باشدان باشا
یا کسوبدور ناوک پیکان اوغول

نسگلیم اودلار جهانی برملا
وار یری هر سود امر سودسوز قالا
کیم گوروب اوخلانسون آلتی آیلوق بالا
نوک تیر اولسون اونا پستان اوغول

نه منم یالقوز یانان احوالیوه
یاندی دشمنلر آلشدی حالیوه
حرمله گوندردی استقبالیوه
زهرلی اوچ شعبه بیر پیکان اوغول

تا سنی ویردی نشان شه دشمنه
من ایشیتدیم گلدی دشمن شیونه
چوخ امید ایتدیم ویره لّر سو سنه
حیف امّیدیم اولوب حرمان اوغول

حرمله باخدی گل نورسته سن
حسّ سیز بلبل کیمی دل خسته سن
اوخلینده گوردی سن جان اوسته سن
نه بهانه ایلدی عنوان اوغول

قلبیمی آهیله بیجا اویمارام
ناله دن بلبل کیمی من دویمارام
قانلی قونداقون یر اوسته قویمارام
خوشدی سینمده اولا مهمان اوغول

قویدی هر کس خوان بزم یاره گُل
همّتیجه یولّادی دلداره گُل
امّ لیلا ویردی بیر صد پاره گُل
منده ویردیم غنچه ی خندان اوغول

گون ایوینده سن سوسوز جان ویرموسن
شاهد اول بو عهد و پیمانیمده سن
قسمت اولسا اُلمه سم گورسم وطن
گون ایوینده اگلشم سوزان اوغول

نسگلون دلدن فراموش ایتمرم
آتشین اُلسمده خاموش ایتمرم
هیچ سرین سو جرعه سی نوش ایتمرم
تا اُلم عهدیم تاپا پایان اوغول

آلتی آی هر نصف شبلرده نجه
سود ویروب وقتونده قویمازدوم گجه
سود امن وقتون آیلسام بو گئجه
نیلیوم من خانمان ویران اوغول

غفلت اولسیدی آج اولسیدون اگر
سینه مین سود موجی ایلردی خبر
من سنه نامهربان اولدوم مگر
آج سوسوز ویردون آناسیز جان اوغول

ایل بُلر فوت اولسا گر بیر سود امر
کیم بُلر بیچاره مادردن خبر
آخشام اولجاق سینه سین بیر سود گزر
سود دیمه بیر آتش سوزان اوغول

خون ناحقّون سَپیلدی گویلره
قانلِ خط ویردی سپهر اخضره
انتقامون قالدی روز محشره
وای اگر عدل ایلسه دیوان اوغول

دیدیروب اوخ دایه سی سن گولموسن
گولماقون قان آغلادیرمیش بُلموسن
وای آنان اُلسون علی سن اُلموسن
ویرموسن جان دوشموسن بیجان اوغول

نسگلون اودلی اوکلر داغلادی
چاره من بیچاریه یول باغلادی
غنچه وش گولدون یاران قان آغلادی
غنچه گولسه گوسترور القان اوغول

کوسموسن مندن دیمیشدیم آغلاما
وورما دیرناخ سینمی چوخ داغلاما
گل گذشت ایت پوزشه یول باغلاما
آغلامن آغلار گوزه قربان اوغول

اوخ دگنده قوخموسان دیسگینموسن
دوشموسن ضعف عالمینده اینموسن
هر دیلیله دیندیرنده دین مینموسن
بس نیدیم من خانمان ویران اوغول

بسکه گوزدن گوزیاشی توکدوم سنه
سیل تک موج ایتدی داشدی دامنه
دوندی دریایه یقین اولدی منه
تیز قوپاردار قانلو بیر طوفان اوغول

تیز او طوفان قوپدی تاخیر اولمادی
هیچ کیمی گردابه من تک سالمادی
سن کیمی روحیمده الده قالمادی
ایلدی مستغرق طغیان اوغول

ساخلارام بو انتقامی محشره
ایلرم شکوه خدای داوره
سینمی ویرّم نشان پیغمبره
ایلرم دل دردیمی اعلان اوغول

بوش دوشه سالدیم سنی من آغلادیم
سن خراش ایتدوقجا سینه داغلادیم
لاعلاج اولدوم الیوی باغلادیم
بُلمدیم جبراً آچار دوران اوغول

گَل ویراخ رخصت گوز اشک آلینه
آغلاشاق قان بیربیرین احوالینه
آغلاسن بو اوغلی اُلموش حالینه
آغلیوم منده سنه هر آن اوغول

حقلیم باشی آچوخ قاچسام چوله
ناله دن ناله یولون آچسام چوله
دسته دسته ساچ یولوب ساچسام چوله
آغلیام چوللرده سرگردان اوغول

من دیردیم آغلاما بیر یات اوغول
خون دل گوزیاشیمه آز قات اوغول
نه منی بیله گوزوندن آت اوغول
گوزلرون قربانی بو گریان اوغول

  • یکشنبه
  • 11
  • مهر
  • 1400
  • ساعت
  • 19:28
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

متن شعر ترکی سرود ولادت باب الحوایج حضرت علی اصغر (ع) -(ای آلتی آیلیق میهمان) * محمدرضا محمدی (ناعم)

1106

متن شعر ترکی سرود ولادت باب الحوایج حضرت علی اصغر (ع) -(ای آلتی آیلیق میهمان) ای آلتی آیلیق میهمان
لایلای بالام لایلای
سنسن منه آرام جان
لایلای بالام لایلای

ملک منظر
علی اصغر
لایلای بالا لایلای بالالایلای بالا۲

سن بو الهی مکتبه
پیرایه سن اوغلوم
بازارعشقه سن گوزل
سرمایه سن اوغلوم
عباسیمه هم رتبه و
همپایه سن اوغلوم

همایونفر
علی اصغر
لایلای بالالایلای بالا لایلای بالا۲

گنج شرفده ای منیم
لعل بدخشانیم
آلام سنی آغوشیمه
ای روح وریحانیم
سینمده یات نازیله ای
ماه درخشانیم

آیابنذر
علی اصغر
لایلای بالالایلای بالا لایلای بالا۲

گلزاریمه ای گل سنی
پای ویردی اللهیم
گویده قرانلیق شامیمه
آی ویردی اللهیم
شبه پیمبراکبره
تای ویردی اللهیم

گل احمر
علی اصغر
لایلای بالالایلای بالا لایلای

  • سه شنبه
  • 6
  • فروردین
  • 1398
  • ساعت
  • 11:58
  • نوشته شده توسط
  • ابوالفضل عابدی پور
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد