اشعار حضرت علی اکبر علیه السلام

مرتب سازی براساس
مرحوم رحیم منزوی اردبیلی

شهادت حضرت علی اکبر(ع) -(قوری یرده نقشه ی قامتون ایلیوب قیامت اوغول علی) *مرحوم رحیم منزوی اردبیلی

2872
2

شهادت حضرت علی اکبر(ع) -(قوری یرده نقشه ی قامتون ایلیوب قیامت اوغول علی) قوری یرده نقشه ی قامتون ایلیوب قیامت اوغول علی
ایویمی بخوب بِئلیمی بوکوب بیله سروقامت اوغول علی

یتیشوبدی فرقیوه بیر یارا بوریوب جمالیوی تازه قان
دیریلیقدان ال یوموشام علی باشیوا بو یاره دگن زمان
منی اُلدوررر سنون اُلماقون نه لزومی اُلدوره کوفیان
بو باشونداکی یاره مرگیمه چوخ ایدر کفایت اوغول علی

ایده لر شکاف بو سینمی که قدر که قلب اولا آشکار
اورگیمده اوندا باخان گورر باشیوین یاراسینون عکسی وار
گله باشه هر نه بلا یلی اونی ضبط ایدر دل داغدار
اورگیمده دور بدنونده وار نه قدر جراحت اوغول علی

سسیوه خیمده ویرنده سس بولورم بو سرّی بولوب آنان
صفحات دفتر عیشیدن آدینی به کلّی سیلوب آنان
هله دور خیامه گیداخ گوراخ بو غمونده بلکه اُلوب آنان
چون اوغول غمینده آنا چتین ایدر استقامت اوغول علی

دی گوروم یاتوبدی بو گوزلرون هله سیر عالم خواب ایدر
گوزیوین یومولماقی یا اوغول من بینوایه جواب ایدر
بیله که یامان گونه قالموشام منی بلکه اوزگه حساب ایدر
گورورم گوز آچموسان ایلورم بو قدر سماجت اوغول علی

بو قوشون شماتت ایدور منه باشون اوسته چوخ اوتورانمورام
گولوشولّه آغلیه بولمورم، سویونولّه باشه وورانمورام
قاباقیمدال دشمنیم ال چالور هله من ایاقه دورانمورام
نه بِئلیمده تاب قیام وار نه دیزیمده طاقت اوغول علی

نه روادی من گونه اوخشادام یوزون ای جوان مَلَک سیر
آزالار شعاع و ضیاسی چون گونه هر گوز ایلسه چوخ نظر
ولی بو جماله باخاندا من گورورم ایشیقلانوری بصر
گوزیمون ضیاسینی آرتیرور بیله بیر ملاحت اوغول علی

منی نیمه جان ایلیوب غمون بولوسن اوزونده بو نکته نی
گوروسن که گلموری دیزلریم نجه خیمیه آپاروم سنی
دور ایاقه دوت الیمی علی سن اوزون خیامه آپار منی
قوجالیق زمانیدور ایله اوز آتاوا حمایت اوغول علی

عرصات حشریده یاحسین آتا اوغلینی ایتیرن زمان
یوزی قاره (منزویه) مگر کیم او های و هوده ویرر جنان
نولی شاهزاده ی اعظمه او زمان منی ویره سن نشان
دیه سن او روسیه گیدوب قیل اوزون شفاعت اوغول علی

  • یکشنبه
  • 4
  • مهر
  • 1400
  • ساعت
  • 15:41
  • نوشته شده توسط
  • یوسف اکبری
ادامه مطلب
فروشگاه پرچم
 مهدی عبادی(بیکس)

امام در بالین حضرت علی اکبر(ع) -(دور علی گلدیم هرایه گلمیشم شور و نوایه) * مهدی عبادی(بیکس)

869

امام در بالین حضرت علی اکبر(ع) -(دور علی گلدیم هرایه گلمیشم شور و نوایه) دور علی گلدیم هرایه _ گلمیشم شور و نوایه
اکبریم آچ گوزلریوی _ کیم سنی سالدی بلایه

باشدان آتام حیدر کیمی سن قانه باتوبسان
دنیانین اوغول هَمّ و غمین گوزدن آتوبسان

علی یاتما یارالی ....

توش اولوبسان اهل شامه _ خدمتون ویردون تمامه
قلبمون باشی آلیشدی _ تا سسون گلدی خیامه

گرد غم و آلامه بو میداندا بوروندوم
نعشیوه یتنده دیزیمون اوسته سوروندوم

اشکیمی قانه قاتوبسان _ سن بیزی گوزرن آتوبسان
حیف اولا اکبر بو چولده _ تشنه لب قانه باتوبسان

سن سیز بو جهانین باشینا کول توکولیدی
باشیوه بو خنجر وران آواره اولیدی

ای جمالی حقّه مظهر _ یاتما ای شبه پیمبر
گول وجودون دوغرانوبدی _ حملی چوخ مشگلدی اکبر

نه نوعی قویوم سن قالاسان دشت بلاده
نعشون گرک اخیامه گیده قانلی عباده

توپراق اوسته یاتما راحت _ حالیمی ایله رعایت
لشگرین بعضی چالور ال _ بعضی ایلوله شماتت

یردن دورا بولمور آتاوین حالی یاماندی
دشمن گولوری یاتما بو میداندا اماندی

ای جوان با شهامت _ یاتمیسان ای سرو قامت
خیمدن سن آیریلاندا _ قیزلارا اولدی قیامت

وای قارداشیم ایوای سسی افلاکه دایاندی
دور منله گیداخ باجیلارین چوخ نگراندی

ای عزیز شاه مردان _ یاحسین شاه شهیدان
(بیکَسه ) لطف ایلیوبسن _ تا سنه اولسون نوا خوان

قبریندن اوتور گویلوم اسیر ای شه خوبان
ششگوشه مزاره ایدرم جانیمی قربان

  • جمعه
  • 22
  • اسفند
  • 1399
  • ساعت
  • 15:38
  • نوشته شده توسط
  • یوسف اکبری
ادامه مطلب
 امین اکرمی هاتف تبریز

زبانحال امام در بالین حضرت علی اکبر(ع) -(یاتما قوملار اوستونده نازیله) * امین اکرمی هاتف تبریز

904
1

زبانحال امام در بالین حضرت علی اکبر(ع) -(یاتما قوملار اوستونده نازیله) یاتما قوملار اوستونده نازیله

آچ گوزون اویان نوجوان اوغول

دور گیداخ خیامه یارالیسان

گوزلوری یولووی آنان اوغول

جام عمرووی اشقیا چالوب

ای شبیه ختم رُسُل داشا

کربلایه اسدی خزان یلی

عمروون بهاری یتوب باشا

خیمه‌لرده ایندی آنان سنون

جام صبری غمدن داشا داشا

گوزلری یولندا قالوب ایدور

فرقتونده آه و فغان - اوغول

سندن ای وفالی اوغول نه تز

ظلمیله اوزولدی الیم منیم

دوندی گوز یاشیم قانه، آتشِ

غمده یاندی جان و دلیم منیم

مصطفی باخیش مصطفی یریش

دور ایاقه سندی بلیم منیم

ای الیم عصاسی نه یاتموسان

اولدی قامتیم چون کمان اوغول

قلب کون و امکانه آهیوین

آتشی شراره سالان زمان

بولدوم اشقیا دور‌ه‌وی آلوب

خیمده سسیوی آلان زمان

قیزلاریم نه احواله قالدیلار

اللریم بلیمده قالان زمان

قالمادی دوزوم تیتردی دیزیم

قان اولوبدی قلبیم اینان اوغول

گول وجودیوین دوره‌سین آلوب

تیر و نیزه‌لر مثل خار و خس

الدن اختیار و توان گیدور

سینده شماره دوشور نفس

قانیله دولان گوزلریوی آچ

بیرده دور منیم ویر سسیمه سس

بلکه جسم بی‌جانیمه منیم

تازه‌دن گله بیرده جان اوغول

باشیوین باخاندا یاراسینا

یادیمه دوشور مهربان آتام

بو محنده گوز یاشیمی اوغول

ایستیرم اورک قانینه قاتام

تا سنیله بیر یوزیوزه قویام

منده سن کیمی قانیمه باتام

جانیوه قسم سنسیز ایستمز

جنّت و بهشتی آتان اوغول

بند بند اولوب پیکرون ز بس

اشقیا ووروب نیزه و سنان

گول کیمی آچوبدور یارالارون قان

سو تک اولوب چوللره روان

بیله گلستانه فدا اولا - کاش

بو کمکسیز غریب آتان

هانسی بیر گلستانلارین آچوب

گوللری بیله ارغوان اوغول

فرقتونده ای نوجوان اوغول

دوندی‌گوندوزوم‌شامه‌دور گیداخ

باشیمی بو صحراده سالما چوخ

محنتیله آلامه دور گیداخ

ناگران آنان باغریقان باجون

منتظردی اخیامه دور گیداخ

ایلمه بو صد پاره جسمیله

ایستی قوملار اوستون مکان اوغول

"اکرمی" سنون یاد ایدر غمون

عارضه توکر اشگ برملا

هانسی یرده گورسه آدون گلور

اوردا ساخلیوبلار سنه عزا

گوز یاشی توکوب بیله ورد ایدر-

ایسته قبریوه نوکرون آقا

چون که قبریوین حسرتین چکر

هر زمان او دل داغلیان اوغول

  • سه شنبه
  • 10
  • فروردین
  • 1400
  • ساعت
  • 12:08
  • نوشته شده توسط
  • یوسف اکبری
ادامه مطلب
 حسین خدایی زنجانی

نوحه شهادت حضرت علی اکبر(ع) -(ای بدنی دوغرانان خنجریله اکبریم) * حسین خدایی زنجانی

1401
3

نوحه شهادت حضرت علی اکبر(ع) -(ای بدنی دوغرانان خنجریله اکبریم) ای بدنی دوغرانان خنجریله اکبریم
حمل اولونان پیکری معجریله اکبریم

ای شبه پیغمبر جان بالا
یا علی اکبر جان بالا

خیمه دن عزم ایلدن جنگه گئدن سن زمان
قلبیمی هجران اوخی دوتدی ستمله نشان
باجیلارین سسلدی گوزله ئوزوندن جوان
باری وداع ائلدون خواهریله اکبریم

ای شبه پیغمبر جان بالا
یا علی اکبر جان بالا

ئوپدون الیمدن دئدون وئر منه رخصت بابا
خوشدی منه هرندن وصل و شهادت بابا
قورخو یوخمدی منیم هر ندی قسمت بابا
فاطمه یول گوزلیور حیدریله ، اکبریم

ای شبه پیغمبر جان بالا
یا علی اکبر جان بالا

دوشسم اگر توپراقا قدیوی خم ایلمه
هر نقدر اوخ گله سن بابا غم ایلمه
گل باشیم اوسته فقط لطفیوی کم ایلمه
سویلگینن حالته مضطریله اکبریم

ای شبه پیغمبر جان بالا
یا علی اکبر جان بالا

مرکبی ائتدون روان عرصه ی پیکاره سن
توش ائلدین دشمنی تیغه شرر باره سن
عرض ائلدین تلیدن باخ عمو دلداره سن
آفرین عباس دئدی رهبریله اکبریم

ای شبه پیغمبر جان بالا
یا علی اکبر جان بالا

سوز عطش قدرتین آلدی الیندن ولی
محضره شاهه گله سو دئدی پور علی
قویدی لبین لبلره وئردی الینه الی
گئت ائله جنگ و جدال لشگریله اکبریم

ای شبه پیغمبر جان بالا
یا علی اکبر جان بالا

گلدی دوباره علی رزمگه اول بالا
دوشدی حصاره غمه تللری باتدی قانا
سسلدی گل دادیمه جان وئرورم آی بابا
گویلره اوج ائیلیرم شهپریله ، اکبریم

ای شبه پیغمبر جان بالا
یا علی اکبر جان بالا

آلدی سسین خیمه ده پورعلی اول زمان
میدانا گلدی ولی گئتدی دیزیندن توان
گوردی گوزل پیکری شان شان ائدوب کوفیان
دوربالا قربان اولوم لشگریله اکبریم

ای شبه پیغمبر جان بالا
یا علی اکبر جان بالا

ای منیم اکبر بالام ای قانا غلطان بالام
آی جمالین گیزلدیب ایندی نجه قان بالام
من نجه حمل ائیلیوم پیکرین الان بالام؟؟گ
گوی آپاریم پیکرین معجریله اکبریم ‌

ای شبه پیغمبر جان بالا ‌
یا علی اکبر جان بالا

  • دوشنبه
  • 11
  • مرداد
  • 1400
  • ساعت
  • 16:47
  • نوشته شده توسط
  • یوسف اکبری
ادامه مطلب

شهادت حضرت علی اکبر(ع) -(بزم ماتم ده که هر نوحه دیین دفتر آچار) *مرحوم انور اردبیلی

846

شهادت حضرت علی اکبر(ع) -(بزم ماتم ده که هر نوحه دیین دفتر آچار) بزم ماتم ده که هر نوحه دیین دفتر آچار
اکبر آدیله سوزون رشته سینی بهتر آچار

بو مبارک آدا مشتاقی دی ارباب کمال
مدعی فکره دوشوب ایلمسون آیری خیال
روحی بیدار اولانا بس دی همین استدلال
هر چتین مشکلی اوّلده علی اکبر آچار

مغزی نه هر متفکر نقدر ویرسه فشار
مدح اکبرده اگر فکر ایلسه لیل و نهار
بیله بیلمز بو جوانون نقدر عزتی وار
قفل صندوق مقاماتی نه دوشمز هر آچار

بو جوان علوی هاشمیانون گوزی دور
طینت و قدر و شرافتده حسینون ئوزی دور
سوزی عینا باباسی ختم رَسولون سوزی دور
یریشی نده قدمین مثل همان سرور آچار

منقذون ظلمی حسین قامت ینی ایلدی خم
تاپدی مقتل ده جوان اوغلون او دریای کرم
گوردی دلدن ایله سالمش اونی شمشیر ستم
ایاقین گاهی یوموب گه او نِکُو منظر آچار

باشین آلدی دیزینون اوسته دیدی جان گوزون آچ
بو پریشان آتوی ایتمه پریشان گوزون آچ
گوزلریم دوشدی ایشیق دان سنه قربان گوزون آچ
گوزون آچ طایر روحیم نجه گور شهپر آچار

سن او گوهرسن على خبره منم قیمت وه
مفتخر ایتمیشی دی خلق ایده نون خلقتوه
حیف اولا گوز دولوسی باخمادوم هیچ قامتوه
هر آتا باخسا گوزل اوغلونا بال و پر آچار

ئوپورم لبلروی بلکه منی دیندیره سن
آغلورام اشکیم آخا گل یوزوه دیس کینه سن
دشمنیم گوز گوزه دورموش منی له بیر دینه سن
دینمه سون طعن و شماتت دیلینی لشکر آچار

صرصر ظلم یله صولموش چمنه چاره ندور
قطعه قطعه اولونان بیر بدنه چاره ندور
آغلاماق دان صورا اوغلى ئولنه چاره ندور
داغلى قلبون گنه ده عقدہ سین اشک تر آچار

باغبان لار نئجه سن سیز اولاجاق دور گله یار
نئجه سن سیز گله جک لاله لره صبح بهار
نئجه سن سیز علی نرگس اولاجاق مست و خمار
نئجه سن سیز على گلشنده قزل گل لر آچار

بزیین ده سنی قربان تک او بیچاره آنون
زلفوه شانه وران وقته گونی قاره آنون
بیلم یوردی وراجاق لار باشوا یاره آنون
بیلم یوردی اونا منقذ بئله شور شر آچار

شانه نون ارزشی یوخ دی ورا هر طریه چنگ
سرمه نون قیمتی یوخ دی ویره هر کی پریگه رنگ
میلۀ سرمۀ عشاق اولور میل خدنگ
عاشقون زلفی گره لن سه اگر خنجر آچار

محنتون ائتدی اثر یوسف صدیقه سنون
اله گلمز ایله پیکان داغی دوب پیرهنون
خیمیه گئتمز عباسیز متلاشی بدنون
من عبایه بُوکَرم زینب غم پرور آچار

قلب مقتل ده عباسین یِره فرش ائتدی امام
هیجده سالۀ لیلایه ویروب اوندا مقام
نو جوانانِ بنی هاشمه ائتدی اعلام
حمل ایدون فوری یوبان سوز آناسی معجر آچار

سعدون اوغلى منى یخدی هوس منصب یله
سیز گیدون خیمیه منده گلورم زینب یله
قاباقا چخسا رقیه باجیسی مطلب یله
دی سوز اکبردی عباده ایلمز باور آچار

زینبیم یاخشی کمک ائتدی حسین قارداشینا
یولداش عالمده حمایت ایلیور یولداشینا
قوی میون خیمه ده اما الین آتسون باشینا
باشین آچسا باشینی عترت پیغمبر آچار

آلدی آغوشی نه عباس او داغیل مش بدنی
کیم سالوب دور عمون ئولسون دیدی بو حاله سنی
قاسمون دیندیر اقلاً على دیندیرمه منی
دؤزمیور تزتز عبانی سنی چوخ ایستر آچار

حمل ایدوب خیمیه اسماعیل ینی آل خلیل
شِبه پیغمبره یاس دوتدی او مردانِ جلیل
ئوزینی ایلدی زَهرا قزی لیلایه دلیل
بیلدی نسگللی سوزی اوغلى ئولن مادر آچار

گلدی حسرت له عبایه او خانم سالدی نظر
دئدی بیر اوخشاما آفاقه سالوب شور و شرر
کول توکون باشیمه اولسا بو علی اکبر اگر
باشینا اوغلى ئولن معجر خاکستر آچار

یانورام اکبری مه سیز منه بیر لحظه یانون
آی خانم لار ئوزیمی منکه ایتوردوم اینانون
رسمی دی اوغلی سفردن گله هر بیر آنانون
گورسه یورقون دی اونا فوراً ایپک بستر آچار

گوسترون یارہ سینی خشک ائلیوم من یاراسین
گورمِ دوم منقذ اونون پارچالیوب دور هاراسین
زلفی آشفته لنوب نازلی سکینم داراسین
اونا خاطر یومولان گوزلرینی اکبر آچار

نه کیچلدوب بالامون قامتینی قانلی عبا
نه گلوب باشینه ای عترتِ شاهِ شهدا
نگران سوز سوزی بی پرده دی مورسوز گویا
جان ویرور لیلی گورورسوز سیزه درد سر آچار

جمعی دی بزم خصوصی ده نچه پاک نهاد
(میرزا فرهادی) (حاجی اصغرِ) با استعداد
دل آچوب (میرزا شفیع) ائتدی منه پیشنهاد
یاز تخلص بیله سوز منظره سین (انور) آچار

  • چهارشنبه
  • 17
  • شهریور
  • 1400
  • ساعت
  • 23:06
  • نوشته شده توسط
  • یوسف اکبری
ادامه مطلب

احوالات حضرت علی اکبر(ع) -( آه او ساعتدن سلام آخِر اکبردن اوجالدي) *مرحوم حسین شانی تبریزی

865
1

احوالات حضرت علی اکبر(ع) -( آه او ساعتدن سلام آخِر اکبردن اوجالدي) آه او ساعتدن سلام آخِر اکبردن اوجالدي
خيمه ده مظلوم امامون صورتي سولدي سارالادي

اضطراب و هوليله يوز قويدي دشت کار زاره
تا يِتوردي شه اوزين شبه رسول تاج داره
نوجوان اوغلون گوروب توپراقلار اوسته پاره پاره
اختيار اَلدن گيدوب آتدام اوزين توپراقه سالدي

عمريم اولسا يوز مين ايل بو بير سوز اوسته
ذوالجناح اوستَن عزيز فاطمه دوشدي يوز اوسته
اولمادي طاقت دورا نِچّه قدم گيتدي ديز اوسته
يانديروب زهراني هم پيغمبرين آرامين آلدي

باشلادي شه ناله، بلبل تک گل خنداني گورجک
سويلدي نه تيز چخوب باتدون علي صبح اولدوزي تک
همّ و غمدن سَن خلاص اولدون اوزون، قويدون مني تک
بير بيله دشمن آرا بي کس آتان بو چولده قالدي

بو مصيبتده دايان چخما قفسدن اول دل آرام
شه گوروب جان اوسته دور اول نازنين شوخ دلارام
باشيني باسدي اورک باشينه تا اولسون دل آرام
دل که آرام اولمادي آرتوب غمي دردي چوخالدي

خم قدين اَگدي قويوب صورت علينون صورتينه
نقل ايدر راوي باخارديم من امامون حالتينه
گوردوم اولدي بو عمل افزوده شاهون رقّتينه
قان محاسندن آخور، گوز جامي هِي دولدي بوشالدي

سرخوش ايتدي شهرياري شربت هجران شهدي
بي نتيجه اولمادي عشق عالمينده جدّ و جهدي
داغ اکبر قدّيني اگدي دوزلدي نقص عهدي
مقصدي گلدي اَله آئينه ي قلبي صافالدي

شرمگين اولمور عجب چرخ جفاجو اوز ايشيندن
آه يازهرا امان بو روزگارون گردشيندن
سَنکه گوردون توپراقي قاني نجه سيلدي ديشيندن
اسگلوب نه غصّه دلدن، نه غم و محنت آزالدي

شه سَسين آلدي او شهزاده اُلومدن بير يانشدي
جسمينه بير تازه جان گَلدي گوروب تا سَس تانشدي
غنچه وَش سولموش لبين ناگاه بير آچدي دانشدي
باغبان ياندي چکوب بلبل نوا گُللر سارالدي

سويلدي مندن سلام ايت ليلي بي اقربايه
وير تسلّي گَلمسون بو غمده فرياد و نوايه
قاتليم وورسا يارالي باشيمي نوک جدايه
سربلند ايلر حرملرده آنامدا باش اوجالدي

بولمورم نه حاليدي شه آغليوب دشمن گُلردي
بير خدا عالِمدي بيرده زينب کبري بولردي
گلمسِيدي قارداشي اکبر باشي اوسته اُلردي
گلدي امّا شيشه ي صبر حسيني داشه چالدي

عالم معناده زهرا آغلادي بو حاله ياندي
غيرت ا... عصمت اللهي گوروب حالي دولاندي
اکبرين ياددان چخاتدي داغ هجرين سهل ساندي
دوردي فوراً اوز عباسين زينبين باشينه سالدي

بولمورم من قالدي اکبردن صورا ليلا نه حاله
خيمه ده يا قتلگهده تاپدي نعشين چکدي ناله
گورمسون ا... آنارلار تا جهان وار لا محاله
گوردي ليلا گون گوزينده تيره تار اولدي قرالدي

نظم ميداننده (شاني) آز دولاندور رخشِ طبعون
شکر ايزد آرتروب قلبونده نورون تخش طبعون
هر کسون بير قسمي بو اولدي سنونده بخش طبعون
حاليني بو نوحه نين آنلار اولار که اهل حالدي

  • شنبه
  • 3
  • مهر
  • 1400
  • ساعت
  • 19:34
  • نوشته شده توسط
  • یوسف اکبری
ادامه مطلب

متن شعر ترکی زبانحال حضرت علی اکبر علیه السلام -(گل حلال ایله منی عازم میدانم آنا ) *مرحوم حاج محمود رهبری

1637

متن شعر ترکی زبانحال حضرت علی اکبر علیه السلام  -(گل حلال ایله منی عازم میدانم آنا ) گل حلال ایله منی عازم میدانم آنا
داخی مندن گوتور ال خالقه مهمانم آنا
.
بیرده مشکلدی گلم خیمیه گورماقه سنی
گوزلمه بیرده منی دینیمه قربانم آنا
.
تاپشور آللهَه منی درک شهادت ایلیوم
ویرموشم خالقه سوز واقف پیمانم آنا
.
دوز فراقیمده منیم ایتمه گیلَن آه و فغان
سن بولورسن که اوزون عاشق جانانم آنا
.
آغلاما حسرتیله اکبرون آغلاتما بیله
چاره یوخ الده داخی طالب فرمانم آنا
.
قوی سالوم بوینوا قول سنده قولون بوینوما سال
آیرلیق عالمی دور واله و حیرانم آنا
.
گلمه گوز یاشلی دالیمجا بیله شیون ایلمه
منی صاق قویماز عدو حال پریشانم آنا
.
من بو چولده ایدرم عهدیمه دین اوسته وفا
عاشق دینم اودور دینمی خواهانم آنا
.
دین

  • دوشنبه
  • 7
  • مرداد
  • 1398
  • ساعت
  • 10:19
  • نوشته شده توسط
  • ابوالفضل عابدی پور
ادامه مطلب
 مرتضی اسکندری

متن شعر ترکی حضرت علی اکبر(علیه السلام) -(ای جماعت منم شبه رسول امین ) * مرتضی اسکندری

1542

متن شعر ترکی حضرت علی اکبر(علیه السلام)  -(ای جماعت منم شبه رسول امین ) ای جماعت منم شبه رسول امین
آستان بوسیدی جدیمه روح الامین
من علی اکبرم
شبه پیغمبرم
یاالله یاالله
.
.
عاراولاای قوشون دینوزه فرهنگوزه
خلف مرتضی عزم ایلیوب جنگوزه
سالارام ولوله لشگروزه هنگوزه
قویمارام خوار اولا دین خدا پرچمین
.
.
بله فکرایتمیون خسته ام افتادیم
سوا یالوارمارام بنده ی آزادیم
پهلوانلاریزون جنگینه آمادیم
باتاجاق قانه کیم ایتسه یولومدا کمین
.
.
سیزی مغرور ایدوب لشگر بی عاروننگ
واکیمون جرأتی گلسون ایدک ایندی جنگ
عرصه رزمگاهی ایدرم فوری تنگ
هرکیمون شکّی وار عزم جهاد ایله سین
.
.
تانیمورسوز اگر من نوه ی حیدرم
زینت گلشن فاطمه ی اطهرم
شهریار ادب دین ایوینه زیورم
گوزی یولدا قالوب قامتی خم ع

  • دوشنبه
  • 21
  • مرداد
  • 1398
  • ساعت
  • 12:22
  • نوشته شده توسط
  • ابوالفضل عابدی پور
ادامه مطلب
مرحوم رحیم منزوی اردبیلی

حضرت علی اکبر(ع) -(ای علی اکبریم،شبه پیغمبریم) *مرحوم رحیم منزوی اردبیلی

8558
30

حضرت علی اکبر(ع) -(ای علی اکبریم،شبه پیغمبریم) ای علی اکبریم ، شبه‌ پیغمبریم

زیبا مارالیم ، رعنا غزالیم

اوچماغا شهپریم ، گورمه‌گه گوزلریم

شأن و جلالیم ، ای مه جمالیم

غم گونی یاوریم

ال دوتان اللریم

سیندی بال و پریم

مجنوندی لیلی ، محزوندی خیلی

وار بوسه میلی ، قویما گیلیلی

لیلیه قیل نظر

ائیله‌دین در به ‌­د‌ر

عمری اولدی هدر

سن ایستینده ، جان سسلیندی

سن آغلایاندا ، جان جان دیندی

دوشسه گر دیللره

نولدو بس اکبره

اوخشارام ایلره

حمد اولسون حقّه ، وئرمیشدی آلدی

اکبر اوجالدی ، لیلا قوجالدی

قلبیمی داغلادون

چاره‌می باغلادون

هی باخیب آغلادون

نوحون ده عمری ، حتی آز ایمیش

بیجا چالیشدیم ، هر نه یازی ایمیش

سن منی ای پسر

ائیله‌دین در به‌ ­د‌ر

قالدیم آخر ملر

صبریم تالاندی ، دنیا یالاندی

شادلیق گئد‌ندی ، غملر قالاندی

گول اکیب درمه‌دیم

خیرینی گورمه‌دیم

طوی شالی سرمه‌دیم

بیر شمع تک من ، هی یاندیم آخدیم

گتئدین الیمد‌ن ، حسر‌تله باخدیم

گوزله‌دیم کام آلام

توی ائد‌نده بالام

قرمیزی شال سالام

حجله بز‌ردیم ، هی قند اَز‌ردیم

تازه گلین‌لن ، با هم گز‌ردیم

کوینه‌گون بیچمه‌دیم

ساق سولا گئچمه‌دیم

شربتون ایچمه‌دیم

بیر ال اَتکده ، بیر ال اور‌گده

بیر گوز دالونجا ، بیر گوز فلکده

گولسه‌گر دوشمنیم

وار نه چاره منیم

وئر نشان مدفنیم

قال باشیم اوسته ، گور درگذشتیم

قبریم داشیندا ، یاز سرگذ‌شتیم

  • جمعه
  • 30
  • آبان
  • 1399
  • ساعت
  • 20:03
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

وصیت مرحوم منزوی -(شاید ده من ئولم گیده سوز کربلایه سیز) *مرحوم رحیم منزوی اردبیلی

4620
19

وصیت مرحوم منزوی -(شاید ده من ئولم گیده سوز کربلایه سیز) شاید ده من ئولم گیده سوز کربلایه سیز
اما بونوکرین سیزه بیر عرض حالی وار
پائین پاده سعی ایلیون چوخ دایانمیون
تز رد اولون ایاقوزون آتدا یارالی وار
شوقیله باش طرفده دورون باهم آغلیون
بالای سرده آغلاماقین آیری حالی وار
بیر سس سسه ویرون اوجادان یاحسین دیون
کیم آغلاسا رضای حق ذوالجلالی وار
عالم فدا اوقبره که بیر تشنه لب
بیر شیرخواره بیرده پیمبر مثالی وار
اوردان صدای واولدا گلسه سس وئرون
حتمٱ آناسی فاطمه دور غم مقالی وار
اوردان دورون ایاقه گئدون نهرعلقمه
نهر اوسته بیریارالی یاتوب چوخ ملالی وار
عباسه بیرسلام ایلیون باشینه دونون
الله یانیندا بو آقانین چوخ جلالی وار
اما دیله رقیه نون ادین گتورمیون
سووعده سی ویروب اوقیزا انفعالی وار

  • چهارشنبه
  • 15
  • بهمن
  • 1399
  • ساعت
  • 21:44
  • نوشته شده توسط
  • یوسف اکبری
ادامه مطلب
 مهدی عبادی(بیکس)

وداع حضرت علی اکبر (ع) -(اکبریم گیدورسن عرصه ی جهاده) * مهدی عبادی(بیکس)

491

وداع حضرت علی اکبر (ع) -(اکبریم گیدورسن عرصه ی جهاده) اکبریم گیدورسن عرصه ی جهاده
قانووی توکه للر دشت کربلاده

سن‌ شبیه طاهاسن
نور‌ چشم لیلاسن

گیت اوغول دایانما

جدیمون شبیهی ای آتام نشانی
مرگه یوللورام من سن کیمی جوانی
سنسیز اکبریم من نیلورم جهانی

ایندی‌کی گیدورسن عرصه ی قتاله
قوم باطلیله باشلیسان جداله
قوی اوغول باخوم من بیرده بو جماله

رسمدور کسنده هر زماندا قربان
سو ویرلّه باشین ذبح ایدلّه صوندان
نیلیوم سویوم یوخ گیت اوغول لب عطشان

هرگز ایتمرم من آللها گلایه
چون بلا دیمیشدیم من ازل‌ بلایه
صبر ایله اوغول سن جوریله جفایه

عمّه‌لر بولوبلر آیریلوب گیدورسن
ترک خاندان مصطفی ایدورسن
هی گلور رقیّه باشینی‌ اوپورسن

*بیکَسا* دوز اولسان سن ره ولاده
بی گمان ایده‌لّر لطف فوق العاده
بو سوزی دئرسن بیرده کربلاده

  • جمعه
  • 22
  • اسفند
  • 1399
  • ساعت
  • 15:47
  • نوشته شده توسط
  • یوسف اکبری
ادامه مطلب
میرزا حسین کریمی مراغه ای

زبانحال خانم لیلا(س) به حضرت علی اکبر(ع) -(آچ گوزون گوزلره قربانم اوغول) *میرزا حسین کریمی مراغه ای

558

زبانحال خانم لیلا(س) به حضرت علی اکبر(ع) -(آچ گوزون گوزلره قربانم اوغول) آچ گوزون گوزلره قربانم اوغول
آناوام حالی پريشانم اوغول
بيرده سسلن آناجان
من ديوم جان بالا جان

شانه وورميشديم علی تللريوه
قان خضاب ايلمسين اللريوه
گوز توخوندي قارا کاکل لريوه
باخ منه گور نجه گریانم اوغول
بيرده سسلن آناجان
من ديوم جان بالا جان

قربانام گوزلريون قاره سینه
کوره گونده بو قلج یاره سینه
چاره قیل بو وطن آواره سینه
بيکسم خسته و نالانم اوغول
بيرده سسلن آناجان
من ديوم جان بالا جان

قويدي دشمن منی حسرت طويووا
ياسه باتديم آنا قربان بويووا
لبلروندن هاني سو قاني يووا
منده اوچ گوندي لب عطشانم اوغول
بيرده سسلن آناجان
من ديوم جان بالا جان

بويووا گوز دولوسي باخماميشام
طوي حناسي اليوه ياخماميشام
سنه داماد اوزوگي تاخماميشام
آتش حسرته سوزانم اوغول
بيرده سسلن آناجان
من ديوم جان بالا جان

آچ گوزون اشگيمي گُلگون ائلمه
محنتونده منی دلخون ائلمه
گوزه ليم ليليني مجنون ائلمه
من که مجنون بيابانم اوغول
بيرده سسلن آنا جان
من ديوم جان بالا جان

دل آچاندان دليوه جان دئميشم
دليوه آيهٔ قرآن دئميشم
سنی قرآنيمه قربان دئميشم
دليوه جانوه قربانم اوغول
بيرده سسلن آنا جان
من ديوم جان بالا جان

سوورم باشوه دائم دولانام
سایه وه شام و سحر دالدالانام
اولما راضی غم هجراندا يانام
بحت برگشتهٔ دورانم اوغول
بيرده سسلن آنا جان
من ديوم جان بالا جان

اي کریمی نه دی بو طول امل
عمل ائت حیّ علی خیرالعمل
ناگهانی يتيشر پيک اجل
آچ گوزون گوزلره قربانم اوغول
بيرده سسلن آنا جان
من ديوم جان بالا جان

  • یکشنبه
  • 9
  • خرداد
  • 1400
  • ساعت
  • 17:59
  • نوشته شده توسط
  • یوسف اکبری
ادامه مطلب
 وفا منافی اردبیلی

شجاعت حضرت علی اکبر(ع) -( ختم نبی طلعتی اکبرده دی) * وفا منافی اردبیلی

1405
8

شجاعت حضرت علی اکبر(ع) -( ختم نبی طلعتی اکبرده دی) ختم نبی طلعتی اکبرده دی
شیر خدا هیبتی اکبرده دی
چاتسا حسندن عظمت قاسمه
بیل کی حسین غیرتی اکبرده دی.....

نوریدی اکبر اونی حتما گورر
هر کسین ایمانی ضعیف اولماسا
نظمه چکنمز بو گوزللیکلری
شاعر اگر پاک وشریف اولماسا.....

وحی نسیمین تانیماز مطلقاً
گل کیمی هر قلب لطیف اولماسا
قافیه ناقصدی کنارینده گر
ناب و برازنده ردیف اولماسا.....

دقت ائله آخر هر بندیمه
قافیه مون قیمتی اکبرده دی
آل پیمبرده فقیه آدلانوب
سجده وتسبیح و قنوت اهلیدی...

سوز دانیشان وقتیده ماهر خطیب
واجب اولان یرده سکوت اهلیدی
حوزه عرفاندان آلوب درس عشق
علمیده برهان و ثبوت اهلیدی....

منزوی دئی ماه ملک چهرده دی
یحیوی سویلور ملکوت اهلیدی
من نه یازیم ختم ائلیوبلر سوزی
اهل قلم قدرتی اکبر ده دی....

  • یکشنبه
  • 31
  • مرداد
  • 1400
  • ساعت
  • 10:52
  • نوشته شده توسط
  • یوسف اکبری
ادامه مطلب

زبانحال حضرت صغری(س) به حضرت علی اکبر(ع) -(یقینیم دور مسافرسن سیاقوندان علی قارداش) *مرحوم حاج بیوک اعظمی تبریزی

578

زبانحال حضرت صغری(س) به حضرت علی اکبر(ع) -(یقینیم دور مسافرسن سیاقوندان علی قارداش) یقینیم دور مسافرسن سَیاقوندان علی قارداش
گلینجه ئولَّم آخر اِشتیاقوندان علی قارداش

گورورسن بستر تب ده وجودوم بیله ناخوشدور
قویوب بو نوع گیتماقون منی اللّهه گور خوشدور
دوزه بوللّم مگر گورسم اُطاقون دا یرون بوشدور
نه تاب و تب امان درد فراقوندان علی قارداش

مسافر آغلاماز سن آغلوسان قارداش نه دور مَطلب
گیدور سنله عموم عباس آنام باجیم بیبیم زینب
سِپهر عمریمه سن ماه سن ظلمتدی گون چون شب
بئله بُوللّم باتوب ماهیم محاقوندن علی قارداش

گُلین اَلدن ویرن بلبل گوزی یولدا گرک قالسون
روا دور فرقتون دلدن منیم آرامیمی آلسون
گَرک غم بسترین جَدَّه م اطاقونده دِیَم سالسون
گَلینجه سن آلام عطرون اُطاقون دان علی قارداش

یتر هر گون منه سنسیز اگر چه بیر غم تازه
ولی وار خواهشیم سندن اوزون آگاهسن رازه
رقیّه باجیمی عزّتله ساخلا ئورگنوب نازه
اونی یولدا یره قویما قوجاقوندان علی قارداش

منه ایسته دوزوم ویرسون بو غمده حضرت باری
ئوزونده نامه یاز سالما منی گوزدن سنی تاری
اگر ئولسم گَلونجه سن مزاریم اوسته گَل باری
دوشه بلکه گوگول بو اشتیاقون دان علی قارداش

اَجل دَرک ایلسه نیلوم نه سن یانیم ده نه قاسم
منه ماتم دوتان اولماز وطنده خوار اولار یاسیم
ویرنده جان اولار ورد زبانیم ای گل یاسیم
گلیدون بیر اوپیدیم من دوداقون دان علی قارداش

باجی قارداشینه لازمدی ایتسون عشقینی ظاهر
قصوریم اولسا عفو ایله شکسته قلبیمه خاطر
دورا بولمم ایاق اوسته سالام قول بوینووا آخر
اجازه ویر ئوپوم باری ایاقون دان علی قارداش

نولور سنده پیام یله منیم احوالیمی بولسن
بویرده نیلرم من بو سفرده سن اگر ئولسن؟
علاوه باجی قارداش لیق چمنده سن ایله گُلسن
نه من، دویماز هامی بلبل بوداقون دان علی قارداش

مُسافر آردیجا بو رسمدور گر چه سَپَلَّر سو
سزادور من ولی بو رهگذاره فرش ایدم گیسو
بِئله بولّلم سنی عالمده آخر گورماقیم دور بو
دوباره رجعتون اولماز سیاقون دان علی قارداش

شهید ایلر سنی دشمن اَلیم یِتمز سَنه بیرده
اولار خاک شفا قبرون ولی عالمده هر درده
مریضم تاپماسا صحّت صبادن ای دل اَفسرده
بیر آز گوندر منه تربت رواقون دان علی قارداش

مین ایل عمر ایلسه هر کیم بو عمرین قیمتین بُولسه
گیدوب ناکام دنیادن مزارون گورمسه ئولسه
ئولونجه (اعظمی) بیرده او قبره میهمان گَلسه
چوُورمه یوز سَنی تاری قوناقوندان علی قارداش

  • چهارشنبه
  • 10
  • شهریور
  • 1400
  • ساعت
  • 14:46
  • نوشته شده توسط
  • یوسف اکبری
ادامه مطلب

حضرت علی اکبر(ع) -(عزیز فاطمه آرام جانین تاپدی جان اوسته) * حاج حیدر خوندل

509

حضرت علی اکبر(ع) -(عزیز فاطمه آرام جانین تاپدی جان اوسته) عزیز فاطمه آرام جانین تاپدی جان اوسته
او حالیله که جان تسلیم ایدر اول نوجوان اوسته

گوروب قان دجله سینده غرق اولوب گلبرگ مقهوری
سولوب رنگی دولوب قانیله چشم مست و مخموری
بویوردی ای علی ای قلبیمون بندی گوزوم نوری
بو سنسن قان آخور یا گُل دوشوب آب روان اوسته

گوزوم گورمور گوزون آچ گور منی بو داد و شیونله
اوغول بیر عمر دور روحیم منیم اُلفت دوتوب سنله
دله گل ای منیم شیرین دلیم بیرده دانش منله
آنان بیر عمر شیرین قویدی بو شیرین زبان اوسته

آخوب قانون سولوب رنگون سوسوزدان ضعف حالتدن
آچوب گل پیکرونده یاره‌ لر قاندان جراحتدن
نه گلشندور بهاریله خزاندان وار علامتدن
گوروب کیم نوبهارین جلوه‌سین فصل خزان اوسته

بو بیر یاره که قلبوندن وروب بو لشکر اعدا
منیمده قلبیمین بندین قیروب ای قلبیمه یارا
اودور قانون کیمی خون دلیم گوزدن آخور گویا
توکولسون تا منیمده قلبیمین قانی بو قان اوسته

باخاندا قلبیوه آنلار بو سرّی هر دل آگاه
اوغول اللّهه دینه خصم اولوب بو فرقه گمراه
مگر هر قلب مؤمنده سنق دلده دگل الله
ندور بو زخم کاری بس مکان لامکان اوسته

علی ای جملۀ خوبان عالم حسنوه بنده
شهادت خلعتی بو قامت زیبایه زیبنده
غم ایتمه بو اُلوملر روح اسلامی ایدر زنده
سعادتدور شهادت بیر حیات جاودان اوسته

علی بو نازنین جسموندی بو حاله سالوب دشمن
و یا گُلدی اولوب پرپر دولوب گلبرگیله گلشن
یقین بو پیکر مجروحی خرگاهه آپارسام من
یانار مین غم هزاری بیر پوزولموش گلستان اوسته

علی ای کوکب صبح امیدیم کامُوه چاتدون
منیم اشکیمله اوز قانونلا بو تپراقی ایسلاتدون
سحر اولدوزلاری چون تِز باتالّار سنده تِز باتدون
غروب ایتدون داخی بیر اختریم یوخ آسمان اوسته

علی پیمان آلوب مندن بلا بزمینده جانانیم
فدای راه دین اولسون هامی انصار و اعوانیم
اوزومده باش ویرم حتّی یتیشسون باشه پیمانیم
بلی عاشق دوزر مین زحمته بیر امتحان اوسته

علی ایلر سر زلفون حکایت خال لیلادن
باشوندا آیت شقّ‌القمر وار تیغ اعدادن
سنی منقذ منی سندن آخان قان سالدی یارادن
حسینی هر باخان واضح گورر بی‌ شبهه جان اوسته

سنی دشمن ایاقدان سالدی گر ای سرو آزاده
منی ایلر هجوم غم سنون هجرونده افتاده
دالونجه منده گلّم قالمارام سنسیز بو دنیاده
بلا اوخ تک یاغور هر لحظه بو قدّی کمان اوسته

علی دلده گوزینده موجه گلدی اشک طوفانی
اوتوردی باشینی آلدی دیز اوسته اول وفا کانی
دوداقیندان دیشیندن سیلدی اوّل تپراقی قانی
دانیشدیردی ولی مشکل علی گلسون بیان اوسته

او حالیله که خونین اشکیله دولموشدی دامانی
نشان ویردی قران مهر و مه اول عشق قربانی
جمالینده جمالی آغ محاسیندن آخار قانی
دیردی هر گورن شبنم دوزولموش ارغوان اوسته

دوتوب تصمیم تا هجرینده لیلا اولماسون مجنون
یره آچدی عبانی خامس آل عبا محزون
او گلبرگ‌ تری یغدی عبایه با دل پر خون
گَتورسون بسته لب بلبلّری شور و فغان اوسته

چاغوردی حسرتیله ‌ای جوانان بنی‌هاشم
داخی ممکن دگل مستور اولا بو محنت فاشم
دیزیم گلمور، امان ویرمور، گورورسوز گوزده گوزیاشم
یاخوندی آیریلا روحیم یارالی بیر جوان اوسته

گلون حمل ایلیون قارداشوزی بیر اُنس ماوایه
اذیّت ایتمسون گون سوزشی بو جسم زیبایه
بو خونین بستری قهراً ورار مین طعنه دیبایه
یاتوبدور نازیله گویا حریر و پرنیان اوسته

غرض حمل ایتدیلر اول پیکر مجروحی قتلایه
حریم عصمتین آهی اوجالدی عرش اعلایه
گلن خرگاهدن اشکین توکردی بو تمنایه
سو سپسون تا حسین قلبینده‌کی آتش فشان اوسته

حسینون غم شریکی نایبه صدیقه زهرایه
خطاب ایتدی او دم مجنون اولان شوریده لیلایه
اوتورما خیمده باش غم دیزینده گل تماشایه
همای عشق خونین پر یخلمیش آشیان اوسته

بیزه منسوبدور (خوندل) بولر ماُمن بو درباری
قصور ایتسه گذشت ایت قویما اولسون غم گرفتاری
آز اولسا خدمتی یا اولسادا ناچیز آثاری
قویوب یوز مین امیدیله یوزون بو آستان اوسته

  • جمعه
  • 12
  • شهریور
  • 1400
  • ساعت
  • 22:53
  • نوشته شده توسط
  • یوسف اکبری
ادامه مطلب

زباانحال امام در بالین حضرت علی اکبر(ع) -(گوزون آچ یاتما اویان دور علی قربانون اولوم) *مرحوم هندی تبریزی

490

زباانحال امام در بالین حضرت علی اکبر(ع) -(گوزون آچ یاتما اویان دور علی قربانون اولوم) گوزون آچ یاتما اویان دور علی قربانون اولوم
دور اوتور آز منی یاندور علی قربانون اولوم

منه بو دهریده هر فضل و کرامت سنیدون
عافیت بستری، بالینِ سلامت سنیدون
حُسنِ پیغمبره هر یرده علامت سنیدون
سنده بس بو نه نشاندور؟ علی قربانون اولوم

سن کیمی گوگلوم اِوین کیم بزر آرایش ایدر
منیله خوش دانیشوب حالیمه بخشایش ایدر
سنون عهدون کیمی هاردان آنان آسایش ایدر
چرخِ دون چوخ دولانان دور علی قربانون اولوم

سن منم خلق آرا سرمایهء تمجیدیمدون
بَختِ فیروزیم دون، دولتِ جاویدیم دون
هر نجه مشکلیم اولسیدی سن امّیدیم دون
ای امیدیم دور اماندور علی قربانون اولوم

بوندان ازّل ایشیدیردیم غمِ هجران آدینی
بیله بولمزدیم اوغول بو آجی زهرون دادینی
گوزون آچ گوز تانور آخر رُفَقادن یادینی
باخ بو بیچاره آناندور علی قربانون اولوم

یاتما توپراقلارا باتما دور اوتور اَگلن اوغول
بیر نچه کلمه منیم خاطریمه دللن اوغول
آنالیق حقّین اونوتما دئ دانیش منلَن اوغول
بیر سوزون قیمتی جاندور علی قربانون اولوم

آچ گوزون ای گوزیمون نور و ضیاسی گوزون آچ
منه گلسون او گوزون درد و بلاسی گوزون آچ
اوجالا قویما آنان ناله صداسی اوغلیم گوزون آچ
قلبیم آخر نگران دور علی قربانون اولوم

اوجادان آغلامارام اشکیمه عالم بویانا
قورخورام یاتمیش اولا طایرِ روحون اویانا
گَله لعنت منی اوز اوغلوما حسرت قویانا
نوجوان داغی یاماندور علی قربانون اولوم

بیر دقیقه نه قویولّار علی تأخیر ائلیوم
نه عبارت تاپیلور دردیمی تقریر ائلیوم
نه گلور فکریمه بیر چاره نه تدبیر ائلیوم
باغریم آخر دولی قاندور علی قربانون اولوم

بلبلم گُل سوزینی قویسالا مین ایل دیرم
بال و پَردن توکولن گوگلومه بِسمل دیرم
نقدر عجز ایدرم، دیندیررم، دل دیرم
دیمیسن بو نه فغان دور علی قربانون اولوم

من دوتاخ جبراً اوغول شامه گیدوب یتمه لیم
نظرِ مرحمت وندن نیه ترک ایتمه لیم
اذن ویر بیر دولانیم باشوه من گیتمه لیم
آز منی ساخلا یوبان دور علی قربانون اولوم

چون دیمز عاشق اولان کیمسیه دردِ دلینی
زنگِ غم، صحبتِ جانانیله دلدن سیلینی
آنالاردا اوغول اولادینه باغلار بیلینی
اوزووه بو سوز عیان دور علی قربانون اولوم

عشق تا گلمیه انسانون اوغول اوز باشینا
آخماز عاشق کیمی گوز یاشی اونون اوز باشینا
اَزبریم دور دیرم آدیوی هر سوز باشینا
گُور آنان درسی روان دور علی قربانون اولوم

یاریلوب باشون آخوب قان سرِ زلفون بولاشوب
آق یوزون، قاره تلون، قرمزی قان خوش یاراشوب
گوز یاشیم سیل کیمی بسکه آخوب باشدان آشوب
کیم دیر سیله دایان دور علی قربانون اولوم

من سنون خاطریوه گوگلیمی آباد ایدرم
هاردا بیر تازه جوان اولسا سنی یاد ایدرم
یازسا نوحه سنه (هندی) اونا امداد ایدرم
چون اونا وردِ زبان دور علی قربانون اولوم

  • شنبه
  • 13
  • شهریور
  • 1400
  • ساعت
  • 11:41
  • نوشته شده توسط
  • یوسف اکبری
ادامه مطلب

زبانحال امام در بالین حضرت علی اکبر(ع) -(علی نقدر بو شام اهلینون شقاوتی وار) * صادق تائب

616

زبانحال امام در بالین حضرت علی اکبر(ع) -(علی نقدر بو شام اهلینون شقاوتی وار) علی نقدر بو شام اَهلینون شقاوتی وار
گلن وروب یارا سانموب لا چوخ جراحتی وار

بو سروِ قدّی ایاقدان سالان خیال اِیتموب
غریب آتاسی نا بو قامتین قیامتی وار

بهارِ عمر گُلوم پَرپَر اوُلموسان بیله
نشان ویرور سنه خارِ جفا جسارتی وار

دیوم بو پیکره گُل، بیله پُرپُر اولماز گل
ولی گلیله دولان گُلشنه شباهتی وار

بو گُلشنین گُلی دور یاره سُنبلی اوُخلار
گُل اوسته شبنمی قان دور عجب طراوتی وار

کتابِ عشق دُی جسمون وَرق وَرق داغلوب
که هر وَرقده صفا و وفا کتابتی وار

گُولن همیشه گُلوم ، بیردُه گُول منیم یوزومه
سنق بو قلبه صفا وِیر صفایه حاجتی وار

سزیل دوری یارالار تک به تک بو پیکرده
بیانِ حالیله بیر بیرله یار صحبتی وار

سزیل دوسان بو سزیل تون قراریمی آلوری
سیزیل دادور منی ده قلبی مه سرایتی وار

بوسرو قدّون اولوب نقش یِرده صد پاره
دوروب آتان باشون أوسته خمیده قامتی وار

بلین بوکر آتانین رسم دور جوان ئولومی
خصوص سن تک ادبلی بالا که شُهرتی وار

بیر آچ او نرگسِ مخموری باخ غریب آتاوا
باخور یانا یانا گُوزده سرشگِ حسرتی وار

علی او بیر باخیشون عمریله برابر دور
فدا او گُوزلره که مُصطفا نظارتی وار

گُوزون یوماندا گُوزوم دَن بو عالمی سالوسان
بو عالمین داخی سن سیز نه قدر و قیمتی وار

گُوزوم اِیشیقی دیزیم قوّتی صفای دلیم
گیدر سنیله گُوزوم نوری دل کُدورتی وار

سن اَل اِیاق چالوسان داغلانور منیم اوُرگیم
همین او داغی له بو قلبیمون جراحتی وار

بو داغ قلبده جان یولداشیم دی حشره کیمی
بیر ایله یاره دی نه مرهم و طبابتی وار

من اِیمدی بولدوم اوغول سوز قالان آتا نه چکر
یانار ئولر دیریلر دردینون صعوبتی وار

سرور و عشق و علاقم بو جسم دَه روحیم
سنه نقدر بولورسن آتان مُحبّتی وار

گُورنده روحیمی جان اوُسته روحیم آیریلوری
باخان بو حالی مه سویلر که مرگ حالتی وار

نقدر اوخ وورولوب دور بو جسم شانشانه
علی تمامی سینین قلبی مه اِصابتی وار

منیم بو عالمیمی درک اِیدر جوانی ئولَن
بولر غریب آتاوین نه مَلال و مُحنتی وار

ایاقه دور آپاروم باغلاسون بی بون یاراوی
که یاره باغلاماقا چوخ اونون مَهارتی وار

یقین گلوبدی باشون اوُسته أحمدِ مَحمود
که مَصرَعونده رسولِ گِرام نکهتی وار

پیمبر عطرینی آلّام یخلدوقون یِردَن
مشامِ جانین او خوش نكهتیله اُلفتی وار

گوروب سوسوز وِیروسن جان اَلینده کاسۀ سُو
گلوب سنه گتوروب فکرت سقایتی وار

جوان اوُغول گزه نازیله گُوز قباقیندَه
آتانی محوِ تماشا اِیدر صراحتی وار

اِیدردی محوِ تماشا منی گُوزل یِری شون
باخوب دیردیم اِلهی نه ناز قامتی وار

هزار حیف خطا کارلر یخوبلا سنی
دوشوب سن ایمدی اَیاقدان كمالِ حسرتی وار

بو سروِ قدّون اَیاقدان سالوب لا قان ایچره
اگر دوشم من اَیاقدان دِیمه مَلامتی وار

سنی بو حاله سالان ظالم اِیتمیوب اِنصاف
نه رَحمدَن خبری واردی نه مُروّتی وار

وروب دی قَلبوه خَنجر دَگوب منیم دلی مه
قیامِ حَشره کیمی قلبی مون جَراحتی وار

گلردی جوشه مُحبت ئوپم دِیردیم ئوزون
اوُغول یوزین دَن آتا اؤپسه آیرى لَذّتی وار

حیا اِیدوب اوتاناردیم دِیردیم ئوز ئوزومه
بو اَمرین اوزگه مناسب زَمان و فرصتی وار

مُدام اِیله مناسب زَمانی گُوزلردیم
اؤپم او لَعلِ لبون دَن که چوخ حَلاوتی وار

او حالی سالدیم اَله حیف احتضا روندا
یوزون گُوزون اؤپَرَم کامیمون مَرارتی وار

سوزه گلنده اوُلاردون دِلیم دَه سر سُخنیم
سوزوم اولاردی بُنَیَّ مُدام شُهرتی وار

سکوت اِیدنده قالاردون سوزوم کیمی دِلده
دیله گلن دَه گورردیم دِلیم دَه کَرَّتی وار

دوشردی یادی مه جدّیم باخاندا گُل یوزیوه
بو اَکبریم دی دِیردیم رسوله رُؤیتی وار

آتام علی کیمی باشدان قلج لیوبله سنی
آتام یاراسی نا بو باره نین شَباهتی وار

اوُغول ئولنده آتا حالِ اِحتضاره دوشر
همین بو مَسئله نین یوخ سوزی حقیقتی وار

اوُغول ئولنده وِیرللّر آتاسی نا تسکین
او اَمرین اِیمدی ولی بوردا عکس صُورتی وار

اوئرک یانور آخوری باشون اوُسته گُوز یاشیم
من آغلیاندا گُولر دشمنیم شَماتتی وار

نشان وِیرور منه اوُغلان لارینی سَعد اوُغلی
او ظالمین نقدر قلبی نون قَساوتی وار

دِیمور که بالِ مگس دگسه گر سنار قلبیم
او داش اوُرک وروری داش نه پَست فطرتی وار

اَیاقه دور دوت اَلیم دَن اَلیم عَصاسی گِیداخ
نه دیزده قوّه نه قَلبیم توان و طاقتی وار

بی بون گُوره آتائیله بالا گلور با هم
او گُورماقین نگران قلبینه سکینتی وار

خلاص اوُلدون أؤزون همّ وغمّ دنیادَن
آتان وَحید قالور بیر جهان مُصیبتی وار

بیر آز زَمان صُورا سن سیز دایان مارام گلّم
منه شَهادتوین مژدۀ شَهادتی وار

بو صُون نَفس دَه دانش بیرده بیر سسون اِیشیدیم
شیرین دِلیم سوزیوین آیری بیر حَلاوتی وار

دَگُوبدی بیربیره مَخیمدَه عمّه لر آنالار
خصوص اؤز آناوین خیمه دَه قیامتی وار

گِراندی (تائب) آتایه جوان اوُغول ئولومی
سنون جوانون ئولوب صبر قل سان اُجرتی وار

علیّ اَکبره آغلا دوشن دَه یاده بالان
حسین عزیزی دی هر دلده ذِکر و صُحبتی وار

  • پنج شنبه
  • 1
  • مهر
  • 1400
  • ساعت
  • 14:57
  • نوشته شده توسط
  • یوسف اکبری
ادامه مطلب

شجاعت حضرت علی اکبر(ع) -(گلدی میدانه آل طاهانین قان توکن شیری) *کربلایی امیر حسامی تبریزی

134

شجاعت حضرت علی اکبر(ع) -(گلدی میدانه   آل طاهانین  قان توکن شیری) ☑️ بند اول

گلدی میدانه آل طاهانین قان توکن شیری
صف لری پوزدی ماهِ لیلانین ضرب شمشیری

اکبر آدلی بیر یَل یوز جهاده قویدی
ذکر حیدر دیلده رخت صبری سویدی

? علی اکبر مدد

☑️بند دوم

سالدی تپراغه شامین اوباشین اشبه طاها
لرزیه گتدی کوفیان قلبین زاده ی لیلا

اکبرین تیغیندن قورتولانمیر بیر کس
قالدی باش سیز جسمی گلدی جنگه هرکس

? علی اکبر مدد

☑️بند سوم

تیغ اکبرله آیریلیر تندن دست و پا و سر
بیر قیامت دی ائیله بیر جنگه یوز قویوب حیدر

پیکر اوستن پیکر جمع اولوندی بی سر
سو یرینه آخدی سیلِ خون لشکر

? علی اکبر مدد

  • یکشنبه
  • 26
  • شهریور
  • 1402
  • ساعت
  • 22:27
  • نوشته شده توسط
  • یوسف اکبری
ادامه مطلب

شعر ترکی «زبانحال امام(ع)بربالین شهزاده علی اکبر» -(آچ گوزون گوزوم نوری- بیله نازیله یاتما ) * محمد علی مصیبی

1209

شعر ترکی «زبانحال امام(ع)بربالین شهزاده علی اکبر»  -(آچ گوزون گوزوم نوری- بیله نازیله یاتما ) آچ گوزون گوزوم نوری- بیله نازیله یاتما
من فدا سنه گوزدن – دور حسینیوی آتما
(( دور گئداخ – دور گئداخ – خیمیه جوان اکبر
گوزلری – یولدادی – ناگران آنان اکبر ))
.
.
دشمنین جفاسیندن پیکریندی صدپاره
سینه قانه غلطاندی باش یارا بدن یاره
گردش فلک سالدی لیلی باشینه قاره
دور ایاقه لیلانی بوندان آرتیق آغلاتما
.
سو کیمین آخوب دشته پیکرون قزل قانی
لاله زار ائدوب گویا قتلگاه جانانی
آچ گوزون بئله یاتما سن بیل اصغرین جانی
پشت ابر فرقت ده مه لقا بالام باتما
.
چوخ چتین بو هجرانه صبر ائده آنان لیلا
گور نئدراگر گورسه چاک چاک اولوب اعضا
نعشیوه اوغول باخجاق من دوزنمورم حتّی
خون قلبیمی دور بیر اشک دیده مه قاتما
.
قوی

  • چهارشنبه
  • 26
  • تیر
  • 1398
  • ساعت
  • 12:25
  • نوشته شده توسط
  • ابوالفضل عابدی پور
ادامه مطلب

متن شعر ترکی مناظره حضرت علی اکبر(ع)بابکرملعون -(قلمیم باشلادی نام حق سبحانیله ) * ابوالفضل فرهنگی

972
2

متن شعر ترکی مناظره حضرت علی اکبر(ع)بابکرملعون  -(قلمیم باشلادی نام حق سبحانیله ) قلمیم باشلادی نام حق سبحانیله
قالب مثنویده یازدی بو عنوانیله
.
دئدیم ای رب جلیل اکبره لایق نه یازیم
اشبه حضرت پیغمبره لایق نه یازیم
.
فوری ذهنمده بونوعی چکیلوب تصویره
اکبرین جنگینی گتدیم بورقم تحریره
.
بکریله شبه پیمبریتشوب بیربیرینه
ایله بیل مرحب وحیدریتشوب بیربیرینه
.
فرصتی ایتمدیلرفوت مبارزطلبان
جنگ لفظ ائتدی ازل بکریله اکبر اوزمان
.
اودئدی سویله گوروم تزمنه نام ونسبین
فخریله شبه نبی سایدی اونا جد و ابین
.
اوجسارتله دئدی لشکره سردارم من
بوبیـوردی نوه حیــدر کرارم من
.
اودئدی کیمدی آتان ذکر ائله باصوت جلی
بو بیوردی آتامون آدی حسین ابن علی
.
اودئدی بنده یزید عشقنه خاطر خواهم
بو دئدی فخر ائدور

  • دوشنبه
  • 21
  • مرداد
  • 1398
  • ساعت
  • 12:29
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت سیدالشهداء (ع) در جواب استمداد حضرت علی اکبر (ع) -(علی جان بالا لبیک لب عطشان بالا لبیک ) * حاج عباسقلی یحیوی

1093

متن شعر ترکی زبانحال حضرت سیدالشهداء (ع) در جواب استمداد حضرت علی اکبر (ع)  -(علی جان بالا لبیک لب عطشان بالا لبیک ) علی جان بالا لبیک لب عطشان بالا لبیک
سسون خیمیه گلدی هایاندان بالا لبیک
ملک فطرتیم اکبر قمر طلعتیم اکبر
دایان گلدیم هرایه من الان بالا لبیک
.
.
.
خانم زینب ائشیتدی حسیندن بو صدانی
دیدی کشف ایله قارداش منه بو جریانی
دوشن مشکله کیمدور خطرگه ده دی جانی
مخاطب کیمی ایتدون ائدورسن بو ندانی
علی جان بالا لبیک …
.
.
.
باجی عرصیه دون باخ قولاق ویر ایله دقت
او سس که منی سسلر وار اوندا نه ملاحت
چکور روحی بدندن اورکدن آلو طاقت
چاغوردی منی اکبر اونا ائتدیم اجابت
علی جان بالا لبیک …
.
.
.
حرم آهوسی قارداش دوشوب هاردا کمنده
تاپوب ال اونا صیاد سالوبدور اونی بنده
گوروبلر خط و خالین خرامیله گزنده
او ادرکتی دینده

  • چهارشنبه
  • 23
  • مرداد
  • 1398
  • ساعت
  • 10:35
  • نوشته شده توسط
  • ابوالفضل عابدی پور
ادامه مطلب
 حاج اصغر فرشچی

زبانحال حضرت سید الشهدا(ع) در بالین حضرت علی اکبر(ع) -(ای غزال زخمدار_من حسینه افتخار) * حاج اصغر فرشچی

13100
1

زبانحال حضرت سید الشهدا(ع) در بالین حضرت علی اکبر(ع) -(ای غزال زخمدار_من حسینه افتخار) سبک : ای گل مینای من...

ای غزال زخمدار
من حسینه افتخار
گلموشم آچ گوزلرون
یوخ دیزیمده اختیار

ای اولان گل عارضی بیرمه رخشان اوغول
آل هاشمدن اولان اولین قربان اوغول

عشق دریاسینده سالدون سن بو گون طوفان
جانیوی جانان یولوندا ایلدون قربان

مظلوم علی مظلوم علی

ابر خون آتدا یوزون
گونکیمی تابنده دور
مهر و مه بو صورته
کمترینِ بنده دور
جسموون اعضاسینه
گول اوغول شرمنده دور

بو قضایه قَدَرین قلمی ویردی رقم
سینمه یغسون بو گون وار نقدر درد و الم

دور گیداخ اخیامه اوغلوم معدن غیرت
سن نشان ویردون بو چولده مردی و همت

مظلوم علی مظلوم علی

ظاهراولدی دوشمنین
کینۀ دیرینه سی
گول کیمی سولدون علی
رشک گلشن سینه سی
گوزلریم نوری بالا
لیلونون آئینه سی

هانسی سروین سنکیمی قامت رعناسی وار
نرگسون هاردا بیله دیدۀ شهلاسی وار

بیرده سن تک گول آچانماز گلشن زهرا
خُلقاً و خَلقاً شبیه احمد طاها
مظلوم علی مظلوم علی

اهل کوفه ویرمیوب
سنکیمی عطشانه سو
سو وئرللر قربانا
ویرمیوب قربانه سو
ئولدوروب مهمانینی
ویرمیوب مهمانه سو

منله گلدون بو چوله دشمنه مهمانیدون
جانویرن ساعت اوغول یاره لی عطشانیدون

سو آنام مهریه سیدی عالمه معلوم
بس ندن اولادی اولدی بو سودان محروم

مظلوم علی مظلوم علی

ای شهامت هنگینه با شهامت
افسریم
فلک عشقیمده اولان بادبان و
لنگریم
آل اله بیرده علم دور ایاقه یاوریم

(عدلی) یازدی بو سوزی
کربلاده وار گوزی
ایستوری زایر اولا
همسری بیرده اوزی

اکبره قربان اکبر شافع محشر
خادم درگاهیمیزدی ایت نظر اکبر
مظلوم علی مظلوم علی

  • جمعه
  • 19
  • دی
  • 1399
  • ساعت
  • 23:45
  • نوشته شده توسط
  • یوسف اکبری
ادامه مطلب
 بهلول حبیبی زنجانی

نوحه حضرت علی اکبر(ع) -(تازه گولوم ورقله نیبدی) * بهلول حبیبی زنجانی

1251
0

نوحه حضرت علی اکبر(ع) -(تازه گولوم ورقله نیبدی) تازه گولوم ورقله نیبدی
باشینه تیغ خصم انیبدی
بار الاها شاهد اول سن
پیکرینه نلر گلیبدی

آی ادب لی بالام اکبریم
اکبریم نفسیم دلبریم
گلمیری ایندی نیه دیزلریم
جان اکبریم _جان اکبریم

واویلا باشون دوشوب بلالره
واویلا عبانی سر میشم یره

جان اکبریم_ جان اکبریم

عرشه چیخوب ئورکدن آهیم
قانه باتوبدی تکیه گاهیم
آی علمداریم ابوالفضل
دادیمه گل منیم پناهیم

اکبریم ،آغلوری عمه لر
تیر غم قلب زاری دلر
باشیوه سویله گلدی نلر؟

جان اکبریم_جان اکبریم

آی قارداش سسیمه کیمدی سس ویره
میداندا عبامی آچمیشام یره

جان اکبریم_جان اکبریم

دشمنیم ایلدی عداوت
قلبیمی یاردی تیر محنت
ئولدوروبدولر بالامی
یوخدی منیم دیزیمده طاقت

پرپر اولدی گولوم ای خدا
اکبریم اولدی دینه فدا
ایلییور خردا قیزلار نوا

جان اکبریم.جان اکبریم

رقیم گوره بو جسمی نیلییر
عرشیده،گوی اهلیده قرا گییر

جان اکبریم _جان اکبریم

گل باجی جان ئوزون هرایه
دوشدی گوزل بالام بلایه
من یره عبامی سالدیم
پیکرینی یغام عبایه

گل باجی ،یوخ منیم یاوریم
جان ویروب شبه پیغمبریم
باخ ئورکده قالیب اللریم

جان اکبریم_جان اکبریم

گل زینب بویاندی قانه اکبریم
دوغراندی جفائیلن صنوبریم

جان اکبریم _جان اکبریم

  • دوشنبه
  • 22
  • دی
  • 1399
  • ساعت
  • 19:54
  • نوشته شده توسط
  • یوسف اکبری
ادامه مطلب
 ودود آذرین خلخال

سینه زنی حضرت علی اکبر(ع) -(ای سرو روان اکبر) * ودود آذرین خلخال

594

سینه زنی حضرت علی اکبر(ع) -(ای سرو روان اکبر) در سبک:لایلای گوزومون نوری...

ای سرو روان اکبر ... گل پیکری قان اکبر
گوزلور یولوی لیلا دوریاتما اویان اکبر
"صدپاره پیکرون القاندی اکبر
اورگیم بوغمدن تالاندی اکبر"۴

صدپاره لی پیکرسن سن لیلیه دلبرسن
هم خَلقاََ وهم خُلقاََ تشبیه پیمبرسن
نوباوه زیباروی ساقی کوثرسن
سنسیزمنه زنداندی بوغملی جهان اکبر
"صدپاره پیکرون القاندی اکبر
اورگیم بوغمدن تالاندی اکبر"۴

نوباوه زهراسن سن سرو دل آراسن
بنددل لیلاسن آقالره آقاسن
هم صورتی اعلاسن هم سیرتی والاسن
الگوی جوانان سان هم راحت جان اکبر
"صدپاره پیکرون القاندی اکبر
اورگیم بوغمدن تالاندی اکبر"۴

یانام بیله حالوندن ای جیسمیمه جان اوغلوم
سندن صوراقلبیمده یوخ تاب و توان اوغلوم
اخیامیده گوزیولدا قیزلارنگران اوغلوم
نیلر بو مصیبتده بیچاره آنان اکبر
"صدپاره پیکرون القاندی اکبر
اورگیم بوغمدن تالاندی اکبر"۴

سس ویرمنی سیندیرما بواهل جفاایچره
گوزلور یولوی لیلا دای خیمه سرا ایچره
قوی حمل ایلیوم جیسمون اخیامه عبا ایچره
هرعضووه ال آتدیم آیریلدی اینان اکبر
"صدپاره پیکرون القاندی اکبر
اورگیم بوغمدن تالاندی اکبر"۴

شام اهلی سنی اوغلوم صیدایلدیلر عطشان
گیتدون علی لب تشنه زهرا آناما مهمان
منده سنیلن اوُلدوم ای دین حقه قربان
ای بیکس آتاسیندان آرامین آلان اکبر
"صدپاره پیکرون القاندی اکبر
اورگیم بوغمدن تالاندی اکبر"۴

  • سه شنبه
  • 30
  • دی
  • 1399
  • ساعت
  • 22:55
  • نوشته شده توسط
  • یوسف اکبری
ادامه مطلب
 رامین محمد زاده

نوحه حضرت علی اکبر(ع) -(اكبر اكبر اكبر - ای سَرو روان اكبر) * رامین محمد زاده

2296
4

نوحه حضرت علی اکبر(ع) -(اكبر اكبر اكبر -  ای سَرو  روان  اكبر) در آهنگ(زینب زینب زینب....)

اكبر اكبر اكبر - ای سَرو روان اكبر
ای روحيمه جان اكبر
اكبر اكبر اكبر – ای مـاه جنـان اكبر
شايستـه جوان اكبر

اي جان حيدر - اي مَلَك منظر
سن اَشبهِ طاهاسـن –دردانـه زهـرا سن

اكبر اكبر اكبر – ای جَـدی پيمبـر تـك
نـورِ اَزلی اكبر
اكبر اكبر اكبر – ای خَلقـاً و هـم خُلقـاَ
طاهـا مَثلی اكبر
اكبر اكبر اكبر – ليلايـه جگـر گوشـه ؛
زهـراگوزلی اكبر
اكبر اكبر اكبر – رَزم اورگـدنی عبـاس ؛
اي شيـر ژيان اكبر

اي جان حيدر - اي مَلَك منظر
سن اَشبهِ طاهاسـن –دردانـه زهـرا سن

اكبر اكبر اكبر – ای مـاه درخشـانيـم
ای درديمـه درمانيم
اكبر اكبر اكبر – هجـرونـده گلوب تنگه
بو سينه شان شانيم
اكبر اكبر اكبر –اَل قوی سينمون اوسته
تا اينكی چيخا جانيم
اكبر اكبر اكبر –سن سن منه جان اكبر
ای جانيم آلان اكبر

اي جان حيدر - اي مَلَك منظر
سن اَشبهِ طاهاسـن –دردانـه زهـرا سن

اكبر اكبر اكبر – ای گوزلريمون نوری
ليلا سنـه قربانـدي
اكبر اكبر اكبر–آيريلما رقيوندن
قورخوبدی هراسانـدی
اكبر اكبر اكبر – سن بول ننون جانی
گئتمه اورگيم يانـدی
اكبر اكبر اكبر – ليـلاني بو صحـراده
آواره قـويان اكبر

اي جان حيدر - اي مَلَك منظر
سن اَشبهِ طاهاسـن –دردانـه زهـرا سن

اكبر اكبر اكبر – قويما گوزومـون ياشی هجـرونـده بئله آخسين
اكبر اكبر اكبر – قوي بيكس آنان گلسين
سورمه گوزوه ياخسين
اكبر اكبر اكبر – آهستـه يِـريی اوغلـوم
ليـلا بويـووا باخسين
اكبر اكبر اكبر – سال بوينوما قولارين
گل گئتمه دايان اكبر

اي جان حيدر - اي مَلَك منظر
سن اَشبهِ طاهاسـن –دردانـه زهـرا سن

اكبر اكبر اكبر –وار هر نه سوزون سويلـه ليلا سـوزوی بولسون
اكبر اكبر اكبر –قويمـا سينمـی اوغلـوم غـم تيری بئله بولسون
اكبر اكبر اكبر–چارَم نَدی گئتسون گئت
بيچاره ننون ئولسون
اكبر اكبر اكبر – بي كس ننه‌سين درد و
آلامه سالان اكبر

اي جان حيدر - اي مَلَك منظر
سن اَشبهِ طاهاسـن –دردانـه زهـرا سن

  • چهارشنبه
  • 22
  • بهمن
  • 1399
  • ساعت
  • 16:09
  • نوشته شده توسط
  • یوسف اکبری
ادامه مطلب
 مجید قلعه بیگی

شهادت حضرت علی اکبر(ع) -(گل گتوردوم شبه طاهانی باجی) * مجید قلعه بیگی

578

شهادت حضرت علی اکبر(ع) -(گل گتوردوم شبه طاهانی باجی) گل گتوردوم شبه طاهانی باجی
سنده سسله امّ لیلانی باجی
صاف یری جسمینده یوخدی اکبرون
دوغرویوبلار همچو قربانی باجی

یاراسین باغلیون
باجی باجی
اوغلوما آغلیون
باجی باجی

من اوزومدن چیخومشام آشفته یم
سیل اشکیم قویموری بیربیر دئیم
دوغرویوبلار ریزه ریزه پیکرون
خیمیه گتدوم نه نوع،حیرتدیم

قوجالیدوم بو غمه
باجی باجی
گَلیدی فاطمه
باجی باجی

بیر طبق گول گتموشم اخیامه من
دسته دسته یغموشام هر گوشه دن
خانه زنبوره بنزیر پیکری
بس ویروبلار تیر و خنجر سینه دن

اوخ اوسته اوخ یاتوب
باجی باجی
اوغلوم قانه باتوب
باجی باجی

اهل کینه کینه سین ائتدی بروز
اؤلدوروبلر شبه طاهانی سوسوز
ائیله یاردی باشینی منقذ باجی
باشینون قانی آخور باخسان هنوز

غریبه جان وئروب
باجی باجی
حسینه سان وئروب
باجی باجی

  • یکشنبه
  • 3
  • اسفند
  • 1399
  • ساعت
  • 22:01
  • نوشته شده توسط
  • یوسف اکبری
ادامه مطلب
 مهدی عبادی(بیکس)

رجز خوانی حضرت علی اکبر (ع) -(ای جماعت من حسینون صف شکن فرزندیم) * مهدی عبادی(بیکس)

6720
13

رجز خوانی حضرت علی اکبر (ع) -(ای جماعت من حسینون صف شکن فرزندیم) ای جماعت من حسینون صف شکن فرزندیم
اکبرم شهزادیم خلّاقه امّا بندیم

دینه حقّه یاورم/من علیّ اکبرم

ای یزیدین امرینه تابع اولانلار یاتمیون
دینوزی ایمانوزی دنیایه خاطر ساتمیون
زاده ی پیغمبرین اشگیله قانین قاتمیون
گلمیشم اتمام حجّت ایلیم حقدن دیم

اوز امام عصروزه اولدوز ندن بیله جَری
بی وفالر سالموسوز درده بو آل حیدری
خلق ایدوب اهل کسایه ذات حق یرگویلری
مات و حیرانِ جفای کفر و اهریمندیم

بو سویی کی باغلادوز مَهریه ی زهرا اولوب
بو جفادن دیده لر اشگیله ای لشگر دولوب
نچّه گوندی گلشن طاهاده چوخ گوللر سولوب
ایندی مخیم ده رباب آغلور دیور شرمندیم

ایندی کی اَل چکمسوز جور و جفا و ظلمودن
حاضرم من گییمیشم جنگی زره آتدا کفن
پس چکون شمشیروزی جنگ ایلیون بو سیز بو من
باشوزی من بیچماقا شمشیریله خِرمن دیم

ایلیون یورش منه صاق و صولومدان ای قوشون
قاچمیون مرد نبرد اولساز یولومدان ای قوشون
مشق جنگی آلمیشام عبّاس عمومدان ای قوشون
گلمیشم جنگ ایتماقا بیر قوخمین رزمندیم

اکبرم من وار الیمده بیر حُسام آتشین
قانوزی توکماقه آماده اولوب سرباز دین
رزمگهده (بیکَسم )فرض ایتمیون ای قوم کین
چون ولایت حِصنینون دورونده من ایمَندیم

  • جمعه
  • 22
  • اسفند
  • 1399
  • ساعت
  • 15:24
  • نوشته شده توسط
  • یوسف اکبری
ادامه مطلب
 ولی الله کلامی زنجانی

میلاد حضرت علی اکبر(ع) -(بو مشامه گینه عطر گل و عنبردی گلور) * ولی الله کلامی زنجانی

444

میلاد حضرت علی اکبر(ع) -(بو مشامه گینه عطر گل و عنبردی گلور) بو مشامه گینه عطر گل و عنبردی گلور
شب میلادیدی یا جلوهٔ دیگردی گلور
خودِ طاهادی وَ یا شبه پیمبردی گلور
نیک منظردی گلور جدّینه بنزردی گلور
آقامون قهرمان اوغلی علی اکبردی گلور

چمن معرفته سرو رواندی بو جوان
دل اهل ادبه تاب و تواندی بو جوان
ای جوان گور نجه آزاده جواندی بو جوان
صاحب رتبه و سردوش و نشاندی بو جوان
کربلا ارتشینه نابغه افسردی گلور

نجه اکبر،قلم عاجزدی چکه شعره سوزون
آچدی شعبان آیینون اون بیری دنیایه گوزون
ائشیدن باب حسینه یتوروب فوری ئوزون
چیخدی عباس بیوردی هله دیداره دؤزون
بو مبارک بالا پیک حق داوردی گلور

اکبر اکبر نجه اکبر گل دلخواه اکبر
گورسنوب برج وفاده ائله بیل ماه اکبر
یری وار مملکت حُسنه اولا شاه اکبر
سجدیه دوشدی حسین سسلدی الله اکبر
بو دلاور ابی عبداللها دلبردی گلور

معنوی جشن تولد دوتوب انصار حسین
گلدی زهراده باشیندا نچه مین حورالعین
امّ لیلایه مبارک دئدی امّ الحسنین
سنده سسله آدینی قالمیا بوینوندا بو دین
دئنن همنام علی فاتح خیبردی گلور

اکبر اکبر نجه اکبر نوه ی پاک علی
جدّی تک واردی یوزونده جلوات ازلی
حُسن شهرتده اونون جلوه سی باغلار یوز الی
تکدی واللهی گوزللیقدا حسینون گوزلی
یوزونی اوپماقا هی فوج ملکلردی گلور

ای گؤیون قوشلاری شوق عالمی پروازه گلون
عشق بلبلّرینه سس وئرون آوازه گلون
انتظاران محرّم حرم رازه گلون
پیشمرگان ولایت هامی پیشوازه گلون
مفخر هاشمیان حافظ سنگردی گلور

گرک عشّاق آرا وارسته شناسائی اولا
هانسی گولدی بئله یاد آور زیبائی اولا
طینتی کرب و بلائی ئوزی بطحائی اولا
گل زهرادی گرک عمریده زهرائی اولا
هیجده ساله سولان بیر گل پرپردی گلور

کربلاده بو جوان مکتبینه اولدی دایاق
مرد مردانه جهاده هامیدان گئتدی قباق
اشقیا دوغرادیلار جسمینی بارماق بارماق
کربلا،ایندیدن آغوشیوی آچ ساخلا قوناق
سنه مهمان بو عزیز دل مادردی گلور

  • چهارشنبه
  • 5
  • خرداد
  • 1400
  • ساعت
  • 20:50
  • نوشته شده توسط
  • یوسف اکبری
ادامه مطلب

احوالات حضرت علی اکبر(ع) -(گل درنلر کیمی تپراقه عباسین سردی) * ناشناس ؟؟؟

483

احوالات حضرت علی اکبر(ع) -(گل درنلر کیمی تپراقه عباسین سردی) گل درنلر کیمی تپراقه عباسین سردی
اوخلاری گل کیمی بیربیر بدنینن دردی
بیر عبا گل یغوب اوز دلبرینه گوندردی

دیدی یارب منه امداد ائله اخیامه گیدوم
اکبریم گلدی گئدوم اصغری آماده ائدوم

ساحت اقدسوه ایلورم اعلان بو سوزی
یاره دگدوقجه بیلورسن آچیلور قلب گوزی
اکبرون داغی یاپیشسون سینمه اصغر اوزی

امر ائله پیکریمه نیزه لر اوخلار یاغالار
اکبرین یاره‌سینه اصغری قویسام ساغالار

بار الها سنه بذل ایلمیشم جانلاریمی
پر ثمر ایله منایه توکولن قانلاریمی
آزدا اولسا چوخ حساب ایله بو قربانلاریمی

محضرونده گینه قربانلیغا حاضردی حسین
راه عشقونده فنا اولسادا شاکردی حسین

  • چهارشنبه
  • 5
  • خرداد
  • 1400
  • ساعت
  • 21:28
  • نوشته شده توسط
  • یوسف اکبری
ادامه مطلب
 عسگر شاهی اردبیلی

شهادت حضرت علی اکبر(ع) -(هر عضوون ای علی بیر ماهپاره دور) * عسگر شاهی اردبیلی

901

شهادت حضرت علی اکبر(ع) -(هر عضوون ای علی بیر ماهپاره دور) هر عضوون ای علی بیر ماهپاره دور
سن سن عباده یاسایسیزستاره دور

ای باوفا اوغول ای باصفا علی
آلنوندا طلعت سبحاندی منجلی
سن روح نورسن لیلا آنون ولی
هم تیره روزدور هم بختی قاره دور

جنات عدن دورجسمون نسق نسق
جناتی دوغراییب خنجر ورق ورق
یاغدیرسا نقل اشک چشمیم طبق طبق
ردائتمه قلبیمی سیندرما یاره دور

جسمونده گورسنن ای صبح تازه رو
حکمتدی عضوعضو عرفاندی موبه مو
هربیرقلیج یئری بیرسردورمگو
هریاره یاردن بیراستعاره دور

اونلارکی سینوون شخصیتین دانیب
نیران جهلده بیچاره لریانیب
بوجسم ناز کی مین پاره دوغرانیب
اسمای ایزده مین بیراشاره دور

کیم دی وئریب صفا آبیله گل سنه
اوز حسنونی ائدیب هو منتقل سنه
تقدیم ائدیم نجه من جان و دل سنه
دل قطعه قطعه دور جان پاره پاره دور

ادراکه سیغماییر حُسن شمایلون
محشرده کشف اولار فیض و فضایلون
ای دوغرانان هما ،بیر تاب کاکلون
روح محبته اصل و عصاره دور

بند عبانی هی جبریل نامدار
قانلی قانادیلن آرام آچیب باخار
اول باخماقی اونون پنهان و آشکار
بیلمم نظاره دور یا استخاره دور

ای جسمی آینه جان پیمبره
اول جسمی دوغراییب توکسونله تایئره
وئردون اجازه سن تیریله خنجره
کیم دور وگر نه اوخ خنجر نه کاره دور

چاتمازبیوت عدن ابیات «شاهیه»
چون طبعی وصل دور لطف الاهیه
هر مصرعینده وار بیر روح داهیه
هر شعری غیبدن بیر یادواره دور

  • چهارشنبه
  • 3
  • شهریور
  • 1400
  • ساعت
  • 19:54
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد