اشعار ویژه اربعین

صدشکر اولا گلدیم گینه شش گوشه مزاره
دیداریوه گتدوم بالا قیزلاری دوباره

شاماتی گزیب دیدهٔ گریانیله گلدیم
دور یاتما حسین جمع پریشانیله گلدیم
بیر عدّه یِ غمدیدهٔ دورانیله گلدیم
زهرا جانی شاماتیده هنگامه یاراتدیم
دشمنلر ایچنده باشیوی قارداش اوجاتدیم

بیر عمریدی من آتش هجرانیوه یاننام
کوفه ندی،عشقینده بو دنیانی دولاننام
گورسم نه زمان سو،او سوسوز اصغره یاننام
ازبس سو دئدی خیمده،یاندیردی ربابی
اوچ گون گجه گوندوز پوزوب اول سینه کبابی

ایستیردی بلا زینبی،زینبده بلانی
عهدیمده قصور ائتمه میشم فاطمه جانی
آباد ائلرم نطقیمیله کرببلانی
قربان اولوم او الده اؤلن اکبره قارداش
سیننده وئریبسن یئر علی اصغره قارداش

اوچ عاشقی اوچ شعبه لی اوخ سالدی ایاقدان
عباسی یخان اصغریده یخدی حسینجان
من حشره کیمی بو غمه یاننام،سنه قربان
صیاد شکارینده اوزون مشکله سالماز
شیرافکن اوخی،دهریده هئچ بلبله ویرماز

قیزلاری گتوردوم هامیسی کامینه چاتدی
بیر اولدوزون امّا یارالی شامیده باتدی
خسته یدی،گله بیلمدی ویرانه ده یاتدی
قارداش منی دیلدن بولوسن سالدی رقیه
عفو ایئله سوروشما نه سبب قالدی رقیه

• پنج شنبه
• 30
• بهمن
• 1399
• ساعت
• 11:53
• نوشته شده توسط
• یوسف اکبری

اولان اولدی بو اطفاله یزیدین دستگاهینده
گوروردوم کینه و نفرت او نامردین نگاهینده
اولوب قاضی وئروب حکمی، اوزی اوز دادگاهینده
مرکّب خون لب اولدی،قلمده خیزران قارداش

وجودین آت دوشونده کربلاده تارمار اولدی
ویریلدی نیزه یه باشلار،مصیبت بیشمار اولدی
یتونجه شامه یوللاردا،او باشلار سنگسار اولدی
گیدیردی اوخ آتان قارداش،گلوردی داش ویران قارداش

• پنج شنبه
• 30
• بهمن
• 1399
• ساعت
• 22:27
• نوشته شده توسط
• یوسف اکبری

او دم کی باشیوی ویردی سنان اوسته سنان قارداش
کمک سیز زینبه اولدی،بو صحراده اولان قارداش

اوشاقلاره گوره یولدا،باجون اؤلسون دینَنمه زدیم
دالونجا کوفه و شامی،پیاده دیده تر گَزدیم
قسم بو قانلی تپراقه،جگرخوار اوغلونی اَزدیم
ایوینده ایلدیم رسوا،او شیطانی اینان قارداش

ازل فکر ایلدی زینب گلوب جانه اسارتدن
اولوب خسته دوشوب دیلدن،یورولدی درد محنتدن
مچاله ایلدیم سالدوم،جگرخوار اوغلونی تختن
او مجلسده دئیوب احسن،بو عشقه دشمنان قارداش

همان مجلسده نطق ائتدوم،آتام شیر خدا مثلی
بُت جانداری سیندیردیم،خلیل با وفا مثلی
سوزومدن ویردیم آغزیندان،رشیدِ کربلا مثلی
او گیر و داریده حیران،قالوبدی شامیان قارداش

دیدیم آگاه اولون ملت،بو ناکس مستِ قدرتدی
آتاسیندان آناسیندان،رذیل و پست فطرتدی
اوزاقدی بو شرافتدن،سراپا بغض و نفرتدی
اویاتدیم خواب غفلتدن،چوخون ای مهربان قارداش

تانیدیردیم او سگبازی،دیدیم قصد جفاسیندن
گوتوردوم پرده مجلسده،اونون زانی آناسیندن
نلَر وئرمیش آلانمور بو شرفسیز،آل یاسیندن
خجالت اولدی بی شبهه،بو قومه ال چالان قارداش

دئیوم بیرده بو اثناده،غمینن کشف اولا مطلب
اوشاقلاری چوخ اینجیتدی جفای شمر لامذهب
عجبدور اؤلمه دی قالدی،بو غملرده باجون زینب
منی هرچند پوزموشدی،جفای ساربان قارداش

وجودین آت دوشونده کربلاده تار مار اولدی
ویریلدی نیزه یه باشلار،مصیبت بی شمار اولدی
یتونجه شامه یوللاردا، اوباشلار سنگسار اولدی
گیدوردی اوخ آتان قارداش،گلوردی داش ویران قارداش

اولان اولدی بو اطفاله،یزیدین دستگاهینده
گورودوم کینه و نفرت،او نامردین نگاهینده
اولوب قاضی وئروب حکمی،اوزی اوز دادگاهینده
مرکّب خون لب اولدی،قلمده خیزران قارداش

دگنده تشنه لبلردن،اوشاقلار دیده تر باخدی
ائله ویردی دوداقلاردان،دوباره تازه قان آخدی
هله بیز هئچ،یازان وقته "فقیری" یاندیروب یاخدی
کمک ائتدون دلِ شبده،یازوبدی بی گمان قارداش

• دوشنبه
• 4
• اسفند
• 1399
• ساعت
• 22:16
• نوشته شده توسط
• یوسف اکبری

من زینب حزینم، محزون و دلغمینم
برخیزای برادر، زواراربعینم
قدم خمیده ازغم، غرقم به اشک ماتم
دردوبلانشسته، همواره درکمینم
بعدازتونوردیده، یکدم خوشی ندیدم
امروزشدچهل روز، باهجرتو اجینم
ازکربلا به کوفه، ازکوفه تابه شامات
گه تازیانه خوردم، گه سنگ برجبینم
درکوفه انقلابی کردم به پا حسینجان
ابن زیاد مغلوب از نطق بی قرینم
بادسته بسته اما راهی شام گشتم
آتش گرفت دلهاازآه آتشینم
بزم شراب بودو آوای ساز و تنبور
من بودم ویتیمان، اطفال بی معینم
درطشت زرسرتوچون ماه جلوه میکرد
گفتم فدای رٵست، ای شاه عالمینم
ناگه به دیده دیدم، لبهای خونی تو
برچوب بوسه میداد، وای از دل غمینم
هم چوب برلب تو، هم طعنه براسیران
ازجوروکینه میزد، آن خصم بدترینم
ازحق مددگرفتم باذکر نام حیدر
گفتم مکن شماتت، برآل یا وسینم
دستت شکسته باد ای غدار پست وکافر
چوب جفامزن بر لبهای شاه دینم
باصولتی علی وار کردم ورا گرفتار
روح علی و زهراگفتندآفرینم
شرمنده ام ولی من ازبابت رقیه
درشام دیده بست آن دلدارنازنینم
ازکربلایت ای دوست، عزم مدینه دارم
شایددگر برادر، قبرتورانبینم
(ناعم)کجاامیرا، دعوی شعردارد
گویدبرآستانت من عبد کمترینم

ترکی

دورغملی کاروانه، خوش گلدون ایله قارداش
زوارباغریقانه

آچ گوزلرون برادر زینب گلوب سفردن
چوخدورسوزوم جفادن یوللارداطعنه لردن
بادمخالفیله پژمرده لاله لردن
یوردی منی زمانه، خوش گلدون ایله قارداش

هیچ من دیمم حسینجان بودلکبابی دیندیر
طفلان بی شکیب وبی صبروتابی دیندیر
ایله کرم اوغولسوزغملی ربابی دیندیر
آغلور او یانه یانه، خوش گلدون ایله قارداش

• جمعه
• 8
• اسفند
• 1399
• ساعت
• 23:12
• نوشته شده توسط
• یوسف اکبری

اومده برادرمسافرمدینـــــــــــــــــه
میدونم که امروزدیدارآخرینــــــــه
حرف دل زیاده توان گفتنم نیست
میروم به راهی که پای رفتنم نیست
بعدتوچه دیدم،،،،،،کشیدم
باراسارت روی دوش
باده ی بلارو،،،،،،،،،،،،قضـــارو
غمدیده زینب کرده نوش
پای تونشستم،،،،،،،،،شکستـــــــــم
شِکوِه نیومد بر لبـــــــــــــــم
تازیانه خوردم،،،،،،،،،،نَمــــــــــــــُردَم
افتاده در تاب وتَبـــــــــــَـــــــــــــــم
بیقرارتواَم،،غمگسارتوام
ای برادرزینبم من

ازغم فراقت خون شددل حزینم
پاشوای برادر زوّار اربعینم
بعدتوچهل روز روی خوشی ندیدم
روی نیزه دیدی درکوفه چی کشیدم
مردم ستمگـــــــــــر،،،،،چو اَخگـــَــــــــــــــــر
زخم زبونم میزدن
توی کوی وبرزن،،،،،،تمـــــــامـــــاََ
آتیش بجونم میــــــــــــــــزدن
راه کوفه تاشام،،،،،،به چشمام
شده تیره دنیاروزوشب
عاقبت خمیدم،،،،،،بریـــــــــــــدم
پیشت رسیدم غرق تب
بیقرارتوام،،،،،،غمگسارتوام
ای برادرزینبم من

ترکی

دورایاقه قارداش زینب گلوب سفردن
قامتیم خم اولموش آلام وغصه لردن
یادگاری تنده جای رَسَن گتیردیم
قبرون اوسته قانلی بیرپیرهن گتیردیم
چاره میزکسیلمیش،،،،،،اَسیلمیش
بادمخالف گلشنـــــــــــــــــــــــــه
آه دل چکردیم،،،،،،،،اَلَـــــــــــــــردیم
اشک مصیبت دامنـــــــــــــــــــــــــــــــــــــــــه
دام غم قوروبلار،،،،،ویروبلار
آل علینی دشمنــــــــــــــــــــون
ابرتک دولوبدی،،،،،،،،سولوبدی
بادغمیله گلشنــــــون
بیقرارم حسین،،،،داغدارم حسین
دورایاقه زینبــــــــــم من

شامیدن سوروشماچوخ چکمیشوک مصیبت
دیل یاراسی ویردی او خلق بی کفایت
ایلدی شماتت آل امیه قارداش
شامیده ویروب جان نازلی رقیه قارداش
ابرتک یاغیردی،،،،،چاغیردی
او منزل ویرانه ده
ائتدی نازدانه،،،،،،،بهانــــــــــــــــــه
او گوشه ی غمخانه ده
باشووی گَتوردی،،،،،،،گوتوردی
ئوپدی یارالی لبلـــــــــــــــــــــــری
قلبی چوخ سیخیلدی،،،،،ییخیلدی
بیردن آخیندی گوزلری
بیقرارم حسین،،،،،،،،داغدارم حسین
دورایاقه زینبم من

• جمعه
• 8
• اسفند
• 1399
• ساعت
• 23:20
• نوشته شده توسط
• یوسف اکبری

دلده نوا زینب زار و حزین
قارداشینا گلدی دوتا اربعین
غرق اولدی عالم آه ونوایه
زینب یتیشدی کرب وبلایه

کشتی ماتم یتیشوب ساحله
وادی اندوهه چاتوب قافله
آل علی آهیله گلدی دیله
ایله نظر زائره ای شاه دین

ای گل گلزارکرم السلام
لاله خوشبوی ارم السلام
گلدی هامی اهل حرم السلام
دورایاقا،خسروملک یقین

زینب کبری دیدی یار،السلام
قلبیمه ای صبروقرارالسلام
هجری ویران قلبه شرار،السلام
درباجووی دیندیرایا مه جبین

دورایاقاقلبی یانان زینبم
قیدووه هرغمده قالان زینبم
هم اوجالان،هم قوجالان زینبم
دورنجه گوراولموشام عزلت نشین

دشمنی مین درده سالیب گلمیشم
حق سوزوون اوسته قالیب گلمیشم
کوینگون اللردن آلیب گلمیشم
دورباجووام،غرق عزا،دلغمیــن

کوفه ده برپاائلدیم انقلاب
دشمنوون خانه سین ائتدیم خراب
منطقیلن دشمنی ائتدیم مجاب
فاطمه معناده دیدی آفرین

شامه گئدوب،فاسقی خوارایلدیم
حاکم بدفطرتی زارایلدیم
ظالمی مین درده دچارایلدیم
اولدی پشیمان اویزیدلعیــــن

ایندی اخا،دردیله آکنده یم
مرقدششگوشه،پناهندیم
لیک سرافکنده وشرمندیم
قانیم اولوب دردوغمیلن اجین

ئولدی رقیه منی سالدی غمه
آهیم اثرائتدی دل عالمــــه
عدنیده گویااوجالوب همهمه
اوخشادیلارفاطمه نون بنذرین

نازلی رقیه منی گوزدن آتیب
کعبه مقصودینه گویاچاتیب
نازیله ویرانه ده منسیزیاتیب
یومدوم اوزوم حسرتیلن گوزلرین

• جمعه
• 8
• اسفند
• 1399
• ساعت
• 23:32
• نوشته شده توسط
• یوسف اکبری

ایاصاحب زمان امت سالوب یول کربلایه
حسینیم وای سسی یردن اوجالمیش نه سمایه
غم اهلی دل غمیندی غمیله همنشیندی
ندورعلت سوروشسون دیللر اربعیندی
گیدورشیعه لر*ویره سس سسه*
دیه عطشان حسین جان
هامی سسلنر*دیردیده تر*
سنه قربان حسین جان

بیرعده من کیمی حسرتده قالدی یابن الزهرا
چمنده گل کیمی سولدی سارالدی یابن الزهرا
آچیلدی باب رحمت گوروندی کوی جنت
چوخی گتدی آقاجان منه اولمادی قسمت
گنه گورمدیم*حسین مرقدین*
دوتوب جانیم شراره
آقاالامان*اوره ک اولدی قان*
نظرقیل حال زاره

گلوربیرکاروانداشامیدن کرب وبلایه
خانیم زینب گلورشش گوشه قبره آه ووایه
گلورزینب پریشان سفیرکوی جانان
رقیه یوخ یانیندا توکورگوزیاشی هرآن
دیوریاحسین*گلورزینبون*
توکورگوزیاش غمیندی
اویان دلبریم*وفالی باجون*
سفیراربعیندی

• سه شنبه
• 19
• اسفند
• 1399
• ساعت
• 22:40
• نوشته شده توسط
• یوسف اکبری

دورحسینیم پیشوازایله غمینم
چوخ اوزاق یول گلمیشم غمله عجینم
زائرمحزون و زار اربعینم

ملالیم چوخ،غمگساریم یوخ
غرق افغانم یارالی
سویولموشام،،چوخ یورولمیشام
سینه سوزانم یارالی

قوللاری باغلی حسین ائتدیم اراده
قاره پرچم ویردیم هر شهر وبِلاده
شامیدن دیداروه گلدیم پیاده
کمان قامت،،ناجی نهضت
زینبون گلدی موپریشان
سنه آغلور،سینه سین داغلور
قبرون اوسته اولموش نواخوان

زینبون گرچه گوروبدی چوخ مشقت
دشمنی خوارایلیوب گلدی سلامت
حشره جک باقیدی بو رسم زیارت
گورر گوزلر،شیعه لریکسر
زائرکوی نینوادی
علم الده،یاحسین دیلده
راهی دشت کربلادی

ظلمینی تکمیل ائدیب آل امیه
ائتدی شرمنده منی بیربوقضیه
جان وئروبدی شامیده نازلی رقیه
گلون سولدی،،قلبه غم دولدی،،مدفنی اولدی خرابه
پریشاندی،،سینه سوزاندی
آچ گوزون بیرباخ ربابه

• چهارشنبه
• 20
• اسفند
• 1399
• ساعت
• 21:40
• نوشته شده توسط
• یوسف اکبری

ایتمیشم بوردا بنا بیر مرقد شش گوشه من
گَلمیشم ایمدی بابا جان تک آلام آغوشه من

اولمادی ممکن دویونجا دفنیده شور و نوا
شمر اَلینده کوفه ده قالموشدی آل مصطفی
قبره قویدوم نعشیوی سرعتله گیتدیم ای بابا
ایتمدیم بو قبریدن کامیمجه اخذ توشه من

کوفیه وارد ایدنده عترتون اهل مجاز
نیزه باشندا گوروردی باشون ای شاه حجاز
عترتون بی شمرلر ایتدی نه نوعی پیشواز
یاندی قلبیم خون تک دل تنگ گَلدیم اولدم جوشه من

نیزه ده هر یان گیدوب باشون دالنجا گیتمیشم
ناقه ده قول باغلی شام و کوفه نی سِیر ایتمیشم
شکر لِلَّه دلده کی مقصوده ایمدی یتمیشم
شاکرم روز ازلدن حکمت منقوشه من

مرقدوندن جلوه گر نور جمال ا... دور
عترتون ارنی دیمز، لَن سرّینه آگاهیدور
غشّ ایدن طور حقیقتده بو آل ا... دور
تالیم بو طور حقده موسی مدهوشه من

اولمیوب بیر اربعیندور رحم ایدن احوالیمه
قبریوه قربان اولوم دور قبریدن باخ حالیمه
تازیانه، کعب نیزه، گوزده اشک آلیمه
قانیله جلوه ویرردی گر گیدِیدیم هوشه من

حالیمه باخسان گوررسن ساری گُل تک سولموشام
اوزلیقیمدان چخمیشام فکر وصاله دولموشام
قبریوه پوزقون گَلن زوّاره چاوش اولموشام
سرپرستم گور نجه بیر دسته قاره پوشه من

سهلیدور خولی کُل اوسته باشون ایتدی میهمان
ابن مرجانه ایدن جور و جفادن اَلاَمان
سو اولان گون راهبین ارشادینه دیره روان
خرمن فیضوندن اخذ ایتدیم دویونجا خوشه من

سن اوزون آگاهیسن هر ماجرای شامیدن
ذکر ایدم ممکن دگل من ابتلای شامیدن
بو قَدَر وار اَلاَمان جور و جفای شامیدن
قانلی باشون گوردی گیتدیم بزم عیش و نوشه من

بوینوما زنجیر ووردی اشقیای کین شعار
بیرلره آد خارجی قویدی گروه نابکار
بیر نمایش ویردیم آخِر حقّی قیلدیم آشکار
پرچم ترویج دینی آلدیم اول دم دوشه من

یاحسین آدیم {{حسینی}} اَلده که عنوان سنون
ماتمونده آغلارام قیلّام نوا هر آن سنون
لطف ایله یا سیّدی من قبریوه قربان سنون
قبریوی بیرده گَلوم جان تک چکوم آغوشه من

• پنج شنبه
• 21
• اسفند
• 1399
• ساعت
• 23:05
• نوشته شده توسط
• یوسف اکبری

دوشوبدی باشلارا گینه شوقِ حَرَم
فراقِ کربلاده من دیده تَرَم
اگر نصیبیم اولماسا من نیلَرَم
اَرباب من

آقام آقام آقام آقام
آقام حسین

خیالِ کربلانی من آتمامیشام
اَلی بوشام وصالینه چاتمامیشام
نچه گجه صبحه کیمی یاتمامیشام
ارباب من

اَیا شهید بیکفن ایوای آقا
اولوبدی ذکریم یا حسین، یا کربلا
او آلتی گوشه قبریوه جانیم فدا
ارباب من

گَلَنمورم پابوسه دیل غمخانه دی
سینیخدی قلبیم غصّه دن ویرانه دی
منی گورَن دیور بودا دیوانه دی
ارباب من

اورکلری عشقون ایدوبدی مبتلا
قره عَلَم الده دوتوب اهل ولا
پیاده یول سالوب گلور تا کربلا
ارباب من

اولوبدی عشقون عاشقه حَبلُ المتین
خوش حالینه هر کس آلوبدی حاجَتین
چوخی رقیّه ندن آلوبدی دعوتین
ارباب من

• شنبه
• 23
• اسفند
• 1399
• ساعت
• 20:06
• نوشته شده توسط
• یوسف اکبری

دور حسین دور گلدی زینب
سینه غمدن دلدی زینب
آلتی گوشه قبری گوردی
غصه دن دینجلدی زینب

قرخ گوندی سنی گورمه میشم دور منه سس وئر
روحوم بدنیمدن چخوری تازه نفس وئر

حسین ــ زواریوم من...

هانسی غمدن یاد ائدوم من
کیمدن استمداد ائدوم من
بیر گونوم بیر ایل گئچوبدی
حقلیم فریاد ائدم من

خیمه لره سندن صورا اود ویردیلا قارداش
بعضی بالا گوشواره سینی قیردیلا قارداش
حسین ـــ زواریوم من

کربلانی ترک ائدنده
گولریم قالدی چمنده
اکبریله گلمیشیدوق
شمریلن گئدیم گدنده

قویمازدی حسین سینه سینی داغلیه زینب
قان ایچره یاتان نعشیوه بیر آغلیه زینب
حسین ـــ زواریوم من

کوفه ده قلبیم داریخدی
سد صبری غصه یخدی
جان وئریردوم ناقه اوسته
تا باشون پیشوازه چخدی

اما یارالی زینبون آرامین آلوبسان
بولدوم گئجه مطبخده تنور ایچره قالوبسان
حسین ـــ زواریوم من

من دیوم هانسی غمیمدن
یا جفای دشمنیمدن
یانمیشام اما یارالی
یوللارین غم غصه سیندن

اطراف حَلَبده غمه دیللر هدف اولدی
بیر محسن آدینلی بالان اوردا تَلف اولدی
حسین ـــ زواریوم من...

اهل شامین داد الیندن
ناله و فریاد الیندن
بیر دقیقه اهل شامین
اولمادوخ آزاد الیندن

شام اهلی بیزی شامه گیرنده داشا باسدی
زهرادن حیا ائتمدی باشون نِیه آسدی
حسین ــ زواریوم من ....

شامیده غمدن اوساندوخ
بیز شمادتلرده یاندوخ
صبح دن تا گون باتونجا
کوچه به کوچه دولاندوخ

سجّاده حسین ظلم ائلیوب فرقه ی اوباش
عمامه سی اود دوتدی توکوب گوزلری قانیاش
حسین ـــ زواریوم من ....

قیل نظر بو دلکبابه
دوشموشوق بی حد عذابه
سن قوناق گئدون یزیده
مسکنیم اولدی خرابه

اهل حرمین قلبینی غملر ائله اویدی
قیزلار گووَرَن یوزلرینی توپراقا قویدی
حسین ـــزواریوم من....

شکر اولا خلاق حَیّه
خار اولوب آل امیه
حیف اولا اما یارالی
گلمدی منلن رقیه

سسلندیم اویان بو یری ترک ائیلیروخ بیز
آغوشیمه گل کرب و بلایه گئدیروخ بیز
حسین ـــ زواریوم من ...

عالمی آتدی رقیه
دائم آج یاتدی رقیه
باشیوی آغوشه آلدی
مقصده چاتدی رقیه

قانلی باشیوی آلدی قوجاقه بالام ئولدی
زهرا یادیما دوشدی دئدیم بس آنام ئولدی
حسین ـــ زواریوم من ....

• شنبه
• 23
• اسفند
• 1399
• ساعت
• 22:06
• نوشته شده توسط
• یوسف اکبری

قبریدن دور بیر ابوالفضل/اولموشوخ دلگیر ابوالفضل

قلبیمیز سنسیز داریخدی/زینبی دیندیر ابوالفضل

قانلی علمون آل الیوه یاتما یارالی
زینب سنه زوّاریدی آغلاتما یارالی

اویان قارداش ابوالفضل

دور ابوالفضلیم ایاقه/پیشواز ایله قوناقه
خسته زوّارون گلوبدی/یانمیشوخ قرخ گون فراقه

غملر باجیوین جسمینی قارداش اَریدیبدی
بو اوخلی سو مشکین سنه تحفه گتیریبدی

سنسیز ای شیر شَجاعت/اهل کوفه تاپدی جرأت
اینجیدوبلر یولدا قارداش/قیزلاری اهل شقاوت

یوللاردا دووینده بیزی بو لشگر اعدا
سویلردی رقیّه بی بی جان بس عَموم هاردا

ای آتام حیدر مثالی/زینبین چوخدور ملالی
بس نیه قبرون کیچیکدی/من سنه قربان یارالی

سَرو قدیله خیرداجا قبر ایچره یاتوبسان
ای زینبین امّیدی بیزی گوزدن آتوبسان

(بیکَسم) ای یار زینب/سَس ویر ای دلدار زینب
یدّی قارداشدان قالان یوخ/بیرنفر غمخوار زینب

قارداش یری وار باشیمه توپراق اَلییم من
گیتسم وطنه ام بنینه نه دیوم من

• شنبه
• 23
• اسفند
• 1399
• ساعت
• 22:22
• نوشته شده توسط
• یوسف اکبری

دور حسین جان، گلدی یولدان،
دیده گریان، باجون، ای شهِ عطشان

ای برادر، عرشه بَنذَر،
آلتی گوشه، گوزل، قبریوه قربان

جان یارالی، جان یارالی
جان یارالی، گوزل، قبریوه قربان

آیریلاندا، من بوچولدن،
قان ایچینده، سنی، قویدوم حسین جان

گیتدیم امّا، گوزیاشیله،
قارداشیمدان، دیمه، دویدوم حسین جان

قولدا زنجیر، چوخ گَلوگیر،
گزمیشم من، اوگون، کوفه ده قارداش

ناقه اوسته، زار و خسته،
غملی زینب، گَزیب، ناقه ده قارداش

غم دیاری، اولدی کوفه،
آتدیلار داش، بیزه، هریاندا قارداش

غیرتوندن، چوخ اوزاخدی،
یاتمیشام بیر، گجه، زنداندا قارداش

یولدا اَز بَس، اینجیدوبلر،
قوم عدوان، بیزی، افغانه گلدوخ

هی ووروبلار، هی دویوبلر،
درد الیندن، حسینیم، جانه گلدوخ

گلدی هر غم، دینمه دیم من،
صبرقیلدیم، گَلَن، رنج و عذابه

وای اوگوندن، چکدی دشمن،
غم قطارین، حسین، شامِ خرابه

اَلده اودلی، نِی لَریله،
مَرد و زَن لر، چخوب، بعضی سی بامه

بیر مُنادی، سسلَنوردی،
ای جماعت، گلوب، خارجی شامه

کوچه کوچه، شهر شامی،
بیز دولاندوخ، اورک، گلوبدی درده

گون باتاندا، زارو نالان،
یِر ویریبلر، بیزه، خرابه یرده

اوگجه کی، گلدی باشون،
بیر طَبَقده، بیزی، آغلاتدی قارداش

باخدی باشه، تا رقیّه،
ووردی باشه، بیزی، آغلاتدی قارداش

جان ویرنده، او یَتیمه،
اهلبیتین، او قیز، قلبینی سیخدی

غُسل ایدنده، دفن ایدنده،
عمّه سی نین، ولی، ایوینی یخدی

کَفَن اولدی، قاره کوینک،
دویولَن قیز، سالوب، قلبه شراره

اوز اَلیمله، قبر قازدیم،
صورا یازدیم، آدین، سنگِ مَزاره

باش گوتور بیر، باری دیندیر،
بو ربابین، حسین، یاماندی حالی

کربلادن، شامه قارداش،
هی دییوبدی، بالام، گیتدی یارالی

ای برادر، قویمییبلَر،
بیر دویونجا، سنه، آغلیه زینب

تازیانه،هی ووروبلار،
قویمییبلَر، اورک، داغلیه زینب

بولوسن سن، (بیکَسم) من،
دویمادیم من، حسین، آه و نوادن

وطنه من، گیده بولمَم،
گیدوم آخر، نجه، کرب و بلادن

• شنبه
• 23
• اسفند
• 1399
• ساعت
• 22:29
• نوشته شده توسط
• یوسف اکبری

یاحسین،ای آدی نور ازلی
آچان هر مشکلی حرمتلی اَلی

قیل نظر غم ده یانان نوکریوه
نوکرون جانی فدا لبلریوه

عشقیوی تاپماقا وئر بیرده سراغ
دوشموشم صحن و رواقیندن اوزاق

کئچدی بیر ایل یئتیشوب وقت قرار
سفر عشقه چوخی باغلادی بار

چوخ چتین دی بیری عشق اهلی اولا
دوشمویه لشکر عشقیله یولا

خالص عاشقلریوه یوخ دئمدین
بی لیاقت لری سن ایستمدین

دوزدی من نوکر لایق دگولم
آقاجان من مگر عاشق دگولم

راضی اولما غم فرقتده ئولم
نه اولاردی بو ایلی منده گلم؟!

پا پیاده هامی زائردی آقا
مرقد عشقه مسافردی آقا

گر منم گلمه قیمون اولسا یولی
قسم عشقه سورونردیم بو یولی

• چهارشنبه
• 4
• فروردین
• 1400
• ساعت
• 19:26
• نوشته شده توسط
• یوسف اکبری

اربعین اولدی محبت الی جان تازه لیور
زائر کوی حسین روح و روان تازه لیور

مَقدم زائره حُورادی سَپَن مُشک وگلاب
گوئیا منظره سین باغ جنان تازه لیور

بُوریُور نُه فلکی نغمۀ لبیک حسین
نینوا نهضتینی دور زمان تازه لیور

شیعۀ مُخلص وجان بَرکفِ بازار وَلا
غیرتون شاهرگینده گینه قان تازه لیور

یارادور یرده لَثارات حسین مَحشرعشق
قدسیان عرشیده شوروهیجان تازه لیور

کعبیه طعنه ورور شوکت بین اُلحَرمین
عشق مَستانه لری وحدته جان تازه لیور

مَرد و زَن پیر و جوان شعرزیارت اوخیور
مَن بَکا مشتریسی آه و فغان تازه لیور

صید دل ایلمَگه عشق و وفا صیادی
دست پُر عاطفه ده تیروکمان تازه لیور

مَکّه دن سَس گلوراقبالوه باخ کربُ بَلا
تُربَت پاکون عجب نام و نشان تازه لیور

• شنبه
• 14
• فروردین
• 1400
• ساعت
• 23:16
• نوشته شده توسط
• یوسف اکبری

دلا همیشه قدم ویر ولا مسیرینده
ولانین اهلی یورولماز بلا مسیرینده
باخ ازدحامه گنه کربلا مسیرینده
او زائری که حسین عشقینه پیاده گئدور
منیم عقیده مه رزمنده دی جهاده گئدور

دعا ائلدون اونو، حق حاجتین روا ایلر
اورکده گیزلین اولان دردینه دوا ایلر
حسین آقا اوزوده زائرین دعا ایلر
ایاقلاریندا یارا گورسه یاره سین باغلار
سالار رقیه بالاسین خیالینه آغلار

ئوپولّه الده کی شمس شرفدن عاشق لر
توکولّه گوزیاشی شوق و شعفدن عاشق لر
گئدولّه کرب و بلایه نجفدن عاشق لر
دعائیله اولاری بدرقه ائدور حیدر
اوزیده شیعه لریله یقین گئدور حیدر

فقط نه شهر نجفدن، گئدولّه هر یاندان
دوسوی تحیّره بین الملل بو جریاندان
که هر دیاریدن آرتیق گئدولّه ایراندان
بوتون مسیرلرین باشی کربلایه چاتور
نه کربلایه دیون عرش کبریایه چاتور

بو نوعی وار دئ گوروم هانسی شاهین اجلاسی؟
حماسه لر یارادا مجلس غم و یاسی؟

اورکده جوشه گلر قان چاغرساق عباسی
مجال وئرمه او قوم عنوده یا عباس
اوزون غضب ائله آل سعوده یا عباس

حسین عزیز خدادور رسوله نور دو عین
بیز اربعین گونی سالّوق جهانه شیون و شین
کی بیلمیین لر او گونده بیله لّه کیمدی حسین
بیله لّه کلّ جهانه حسین آقادی فقط
حسینی ایستینه کعبه، کربلادی فقط

سرین سو تشنیه ایستی هواده آی یاپیشار
نی یه، قولاق وئره سن نینواده آی یاپیشار
حسینه آغلیاسان کربلاده آی یاپیشار
گرَک بو مجلسی من کربلا حساب ائلییم
توکم گوزوم یاشینی عطریلی گلاب ائلییم

گرَکدی حق تانیشی باطلیله یاد اولسون
مدافعان حرم دن همیشه یاد اولسون
شهید اولانلارین ارواح پاکی شاد اولسون
بشیریله بیزه قسمت اولیدی کاش عتبات
چاتاق بو آرزیا بیرلیکده گوندرون صلوات

• چهارشنبه
• 18
• فروردین
• 1400
• ساعت
• 20:11
• نوشته شده توسط
• یوسف اکبری

اربعينوندي اي شاه شهيدان حسين!
هر طرفدن گلوب قبريوه مهمان حسين!

زائر اربعين
ايليير شور و شين
ياحسين¬ جان!، ياحسين جان!

قلب¬لر كاسه¬سي درد و غميله داشور
دسته دسته گلوب هامّي بورا باشدا، شور
سس قوشوب بيربيره اهل ولا آغلاشور

ايليرلر نوا
غملي¬دور نينوا
ياحسين¬ جان!، ياحسين جان!

قيرخ گوني شيعه¬لر هر يئره چكميش قارا
چوخلارين اولدي يولاّردا اياقي يارا
بيزي قووسون اگر گئتمه¬لي اولّوق هارا؟

اي كرم آيه¬سي
قووماسان هئچ كسي
ياحسين¬ جان!، ياحسين جان!
قلب¬لرده اولان قان سنون عشقونده¬دي
جسم¬لرده گزن جان سنون عشقونده¬دي
بير بئله نذر و احسان سنون عشقونده¬دي

قيل نظر زائره
ذاكر و شاعره
ياحسين¬ جان!، ياحسين جان!

زائر عرش¬دور كرب و بلا زائري
زائروندي سنون يعني؛ خدا زائري
پيشواز ايليير خيرنسا زائري

اي گل فاطمه!
عشقه يوخ خاتمه
ياحسين¬ جان!، ياحسين جان!

چوخ مريض¬لر گلوب بو يئره، آلسين شفا
آقام عباس اوزي دردلره ايلر دوا
بيز گنه ايستيروق تذكره¬ي كربلا

بوردا ديل دينجلير
دويماديق حق بيلير
ياحسين¬ جان!، ياحسين جان!
ايسته بو جمعيله هر «سَنَه» زوّار اولاق
هم ابوالفضليوه هم سنه زوّار اولاق
زينبين تلّينه بيز گنه زوّار اولاق

تا ولائي اولاق
كربلائي اولاق
ياحسين¬ جان!، ياحسين جان!

وار «بشير»ين اوركده سنه بير مطلبي
واسطه ايليور قلبي يانان زينبي
آلماسين اوندا آلله بو بويوك منصبي

شاعر اولموش سنه
زائر اولموش سنه
ياحسين¬ جان!، ياحسين جان!

• چهارشنبه
• 18
• فروردین
• 1400
• ساعت
• 20:12
• نوشته شده توسط
• یوسف اکبری

حاج تقی خاتمی
اربعینه شامیدن احرار عاشورا گلور
یا حسین دور یاتما قارداش زینب کبری گلور

وهاب محمدی
غصه دن اولدی خرابه یرده خردا یولداشم
من رقیم وای دینده نالیه زهرا گلور

سید شاکر حسینی
کاروان عشقده افسرده قزلارآغلاشدور
اکبر اکبر سسلنور قلبی سنق لیلا گلور

سید بشیر حسینی
چوخ قیزیل گول وار بو گلشنده اودور چوخ عطر وار
سیر ائده گلزار عشقی بلبل شیدا گلور

سید شاکر حسینی
قوزانور ایوای سسی طاق ثریا تتریور
باش آچوب صحرای عشقه حضرت طاها گلور

سید شاکر حسینی
اللر ی قوینوندا بیچاره رباب خون جگر
اصغریم لایلای دیئور چون بلبل شیدا گلور

سید شاکر حسینی
گل مثالینده صولوبدی یادگار فاطمه
ذکر ایدور دلده مدام هی آه ووا ویلا گلور

سید شاکر حسینی
اکبر اعمامه سین باسمش یارالی سینیه
تاراولوبدی گوزلرینده زینبین دنیا گلور

سید شاکر حسینی
الله الله سسلنور صدیقه کبری قزی
یول ویرون دلده دیئورکه خواهر سقا گلور

سید شاکر حسینی
آچ گوزون قارداش نظاره ایله یورقون زینبه
دفتر عشقی ایدوبدور شامیده امضا گلور

احسان
بیرگلشده. زین اب. تخت روانیلن گلوب
ایندی افسوس اکبر و عباسی یوخ تنها گلپور

سید شاکر حسینی
قوللاریمدا وار جراحت ایتمرم اصلا گله
قاره اگیئنده پریشان مریم وسارا گلور

سید بشیر حسینی
گوزلریمده گورسنور آینده ی کرب و بلا
هر طرفدن کاروانلار ایله بیل دریا گلور

سید شاکر حسینی
گراشاره ایلسم دنیانی سالام محنته
نالیه یکسر گوررسن عالم معنا گلور

حاج تقی خاتمی
باده ی عشقیله لبریز ایلیوب گوز کاسه سین
قبروه سو سپمگه بیر موج لی دریا گلور

سید شاکر حسینی
گوزلرون قربانیم ترپشمه قارداش قبریده
باش آچق نعلنسیز وای وای دیئوب عیسی گلور

احسان
اربعین ده بیر زمان هشتاد نفر زواریدی
ایندی اما دورت طرفدن فی المثل دریا گلپور

سید شاکر حسینی
تازیانه ردینی ویرمم نشان قلبون یانار
وای بالام ایوی دلنده سید بطها گلور

سید بشیر حسینی
گلدی عاشوراده علقم اوسته عباس عشقینه
ایندیده ملک نجفده دفن اولان مولا گلور

سید بشیر حسینی
بو گجه واردور یئری اقرار ائدم یار عشقینه
شاکرین شکرآللها دیلدن سوزی گیرا گلور

سید شاکر حسینی
داغلی قلبیمده توان یوخ وای دیئوب قان آغلارام
قبرون اوسته حسین جان بیرملک سیما گلور

سید شاکر حسینی
ای طبیبم دور ایاقه دردیمه درمان ایله
دیده گریان زارونالان دختر زهرا گلور

سید بشیر حسینی
گل قوشول زواره سنده اربعینده ای بشیر
قوی دئسونلر کربلایه جمعیلن مالاّ گلور

حاج تقی خاتمی
آچ گوزون قارداش سوروش اوّل ربابین حالینی
اصغره لای لای دیماقه دلده واویلا گلور

سید بشیر حسینی
یاحسین بو ایلده ده اولمادی قسمت من گلم
عیبی یوخدور هر ندی یولداشلاریم اما گلور

سید بشیر حسینی
محضر موسی بن جعفر دن جناب خاتمی
یولاّدی بیر شاه بیتی که گوزه زیبا گلور

حاج تقی خاتمی
اهلبیتون گلدیلر امّا رقیّون گلمه دی
جان وئرنده هی دئدی دیداریمه بابا گلور

سید بشیر حسینی
ای خلیل کربلا یتمیش ایکی قربانیوه
دوتماقا ماتم خلیل اللهیده حتّی گلور

حاج تقی خاتمی
شامیده بیر انقلاب ایتدیم دئریتدیم حقّوی
زینبون قارداش یزیدی ایلیوب رسوا گلور

سید بشیر حسینی
تک مسلمانلار یوخ آقا، قبریوه
هم یهودی هم مسیحی ایلیه سودا گلور

وهاب محمدی
وار نه حکمت بو حسین آدینده یاران بلمورم
آدینه غم بزمی قورسون عرشیان یکجا گلور

حاج تقی خاتمی
بانی اولدی اربعینون شعرینه سید بشیر
گردِ پا مثلی دالیجا خاتمی گویا گلور

سید بشیر حسینی
کربلا عطریله معطور اولدی اشعاریم گنه
چون کی جدّیمدن همیشه لطف بی همتا گلور

سید بشیر حسینی
گوزلورم یول اربعیندن صونرا یولداشلار دئسین
موشتولوق وئر خاتمی اُول مرد با تقوا گلور

وهاب محمدی
طبعوز روح القدس اوز لطفونی شامل ایدوب
سوزلروز علت اودور که بو گیجه زیبا گلور

حاج تقی خاتمی
من گئدنده نعشوی یئرده قویوب گئتدیم حسین
یادیمه اول غملی صحنه ایمدی ده حتی گلور

سید بشیر حسینی
موهبت ائتمیش سنه خلاّق وهّاب ای وهاب!
چشمه-ی طبعون جوشور سینه ون اولور سینا گلور

سید بشیر حسینی
یادیمه سالدوقجا عاشورانی قارداش آغلارام
چون خیالیمه او گون بیر محشر عظما گلور

حاج تقی خاتمی
معرفت ملکونده سن سلطان والاسن وهاب
حسنوون دریا سینون امواجی چوخ بالا گلور

سید بشیر حسینی
تلّین اوستونده دایانمیشدیم باخیردیم مقتله
ناگهان گوردوم آمانسیز شمر بی پروا گلور

سید بشیر حسینی
بو همان یئردور باجون ئولسون کسوبلر باشیوی
گوزیاشیم علّت اودور بو یئرده خون آسا گلور

سید بشیر حسینی
بو همان یئردور جنازون اوسته آت چاپدیردیلار
گوزلریمه دسته دسته آت چاپان اعدا گلور

وهاب محمدی
کاظمیندن خاتمی قمدان یازور سید بشیر
ارتباطه باخ ردیفه سوز دوشوب انشا گلور

حاج تقی خاتمی
شمر یلن ایتدیم کشاکش باشوون اوستونده من
نالیه گوردوم او بحراندا آنام زهرا گلور

سید بشیر حسینی
بو همان یئردی کورکدن قانی چیخدی سینه وین
بو سوزومده نالیه جنّتده کی حورا گلور

حاج تقی خاتمی
سسله دی بارماخلارون دوغراندی دای بسدی قیزیم
گوزلرین باغلا حسینون گورمه سین اعدا گلور

وهاب محمدی
شمردون دالدان کسنده باشوی قارداش سنون
آسماندان سس گلوبدور حضرت طاها گلور

سید بشیر حسینی
بو همان یئردی یخیلدون ذوالجناح اوستن حسین
اُول زماندان هر شب جمعه آنام زهرا گلور

سید بشیر حسینی
بو همان یئردی من آغلیردیم یارالی نعشیوه
بیر زمان گوردوم سکینه دیلده واویلا گلور

حاج تقی خاتمی
باشوی قاتل کسنده اسدی بیر وحشتلی یئل
لرزیه احساس ائدیردیم آسمان یکجا گلور

حاج تقی خاتمی
سن سوروندون تپراق اوسته منده باخدیم آغلادیم
سسله دون گیت خیمه گاهه غارته ادنا گلور

سید بشیر حسینی
بو همان یئردی بیزه وئردیله بو یئردن عبور
اربعینوندور مشامه عطر عاشورا گلور

..........
زینبون یورقون دوشوب دور یولارا
تا سپه گوزیاشینی اول قبروه یکجا گلور

سید بشیر حسینی
آسمان عشقه باخ عشقیله ای «سیدبشیر»
ایلیه روحُ القُدُس، بو شعریوی امضا گلور

وهاب محمدی
نصف شب گوردوم خیامی بیر سیاهی قصد ایدوب
سسلدیم گلمه نجفدن سسلرم مولا گلور

• چهارشنبه
• 18
• فروردین
• 1400
• ساعت
• 20:23
• نوشته شده توسط
• یوسف اکبری

آنام اوغلی بو سفردن سنه چوخ شکایتیم وار
دییرم اجازه وئرسون دِمه‌لی حکایتیم وار
(مطلع از مرحوم سعدی زمان)

بورا گلمیشم حسین‌جان سنه آغلیام دویونجا
سنه قلبیده بیلورسن نقدر ارادتیم وار

غم هجری چکمیشم من یتیشم وصاله قارداش
بو مکانه گلماقیمدان هدف زیارتیم وار

قولی باغلی شهر شامی دولانوب مسخّر ائتدیم
هامیا عیان اولوبدی علوی شهامتیم وار

علوی رشادتیم وار علوی نجابتیم وار
علوی بلاغتیم وار علوی فصاحتیم وار

علوی سیادتیم وار علوی شجاعتیم وار
علوی ولایتیم وار علوی شرافتیم وار

دئمرم من اوز غمیمدن غمیوی چوخاتمارام من
دییرم یات ای یارالی غمه دیلده طاقتیم وار

اوره‌ییم یارالاریندان دئسم آغلیار ابالفضل
اوره‌گیمه بیر نظر سال نئجه گور جراحتیم وار

دئمورم خرابه یئرده نئجه تک قالوب رقیه
دیورم دمشق ایچینده ابدی سفارتیم وار

منه کعبه‌دور مزارون باشیوا دونوب دولانّام
دییرم دولاندیقیجا نه گوزل سعادتیم وار

نظر ایله بیر ربابه کی قالوبدی بوش قوجاقی
دیور حرمله الیندن آقاما شکایتیم وار

بو غم و بو ابتلاده، بو قیام کربلاده
منه افتخاریدور کی سنیله شراکتیم وار

وئر اجازه بلکه زینب گئده نهر علقم اوسته
بیلوسن که اوردا یاتمیش یَل پُر صلابتیم وار

دیوم ای خدای غیرت! دور ایاقه گلدی باجون
ایکی قولدا گور نه ردّ رسنِ اسارتیم وار

بودی آخر عرضیم عباس! هانی قاسمین مزاری؟
چکرم اونوندا دردین آخی درده عادتیم وار

صله وئر "بشیر"ه قارداش! که توکور غمونده گوزیاش
اونوچون منیمده دیلده نظر شفاعتیم وار

• شنبه
• 21
• فروردین
• 1400
• ساعت
• 18:23
• نوشته شده توسط
• یوسف اکبری

گلدیم مزارون اوسته بیر آز دینجلَم بابا
عفو ائت منی کی قویمادیلار تئز گلم بابا

بو آلتی گوشه قبریوی کیم گورسه آغلیار
باخدوقجا، قلبیده چوخالار درد و غم بابا

از بس کی چوخدی حرمتی بو آستانه‌نون
کیم آغلاسا قاپوندا اولار محترم بابا

امّا من آغلادقجا منی وُردی شمر دون
یولاّردا اِیلَدی منه چوخ چوخ ستم، بابا

گه وُردی سن ئوپن یوزومه سیلی آغلادیم
گه دیل یاراسی وُردی چوخالدی اَلَم بابا

گاهی ایاق یالین باش آچوق سالدی چول‌لره
باتدی تیکان ایاقلاریم اولدی ورم بابا

دور بیر ایاقه باخ منه گور نه پوزولموشام
قرخ گوندی غمدن آغلاموشام دم به دم بابا

یا سن قوجاقه آل منی یا که رشید عَموم
سن صاحب کرم سن، او صاحب‌علم بابا

دشمن بو آغلیانلارا هئچ وئرمَدی امان
گلدی دویونجا آغلیا اهل حرم بابا

دور پیشواز ائله دیلی داغلی بی‌بی‌م گلور
غمدن باشی آغاردی، اولوب قدّی خم بابا

داش آلنیوا دَیَنده بی‌بی‌م یومدی گوزلرین
وُردی باشین کجاوه‌یه عمّه‌م او دم بابا

شامین خرابه‌سینده باجیم ئولدی گلمَدی
دردی چوخ اولدی اُول بالانین عمری کم بابا

زوّار ائدوبدی روحینی بو قبریوه "بشیر"
یازدوقجا نوحه آغلوری الده قلم بابا

• شنبه
• 21
• فروردین
• 1400
• ساعت
• 18:32
• نوشته شده توسط
• یوسف اکبری

بو بی‌کفن یاتانلارا - کربلا سلام اولسون
سوسوز قانا باتانلارا - کربلا سلام اولسون

دوباره کربلا سنه - میهمان گلوب زینب
یورولموشام بو اوزاق یولی - خسته جان گلوب زینب
حسینه اربعین دوتا - باغریقان گلوب زینب
بو بی‌کفن یاتانلارا - کربلا سلام اولسون

گتورموشم قبری اوستونه - نازنین بالالاری
نجه گور اکبر و قاسمین - آغلاشور آنالاری
دی بیر گوروم حسینیمون - توختیوب یارالاری
بو بی‌کفن یاتانلارا - کربلا سلام اولسون

دی بیر گوروم کربلا منه - عون و جعفریم هاردا
بولنمیرم دفن اولوب نجه - یار و یاوریم هاردا
رباب آغلور سسلور منیم - نازلی اصغریم هاردا
بو بی‌کفن یاتانلارا - کربلا سلام اولسون

سلام اولا او گلشنه - جمله گوللری سولدی
سلام اولا خیمه گاهیوه - اود توتوب تالان اولدی
سلام اولا قتلگاهیوه - لخته قانیله دولدی
بو بی‌کفن یاتانلارا - کربلا سلام اولسون

سلام اولا نهر علقمه - سیل تک چوله آخدی
عطش اودوندا یاندیروب - خردا قیزلاری یاخدی
ئولنده تشنه قارداشیم - یاندی هی سووا باخدی
بو بی‌کفن یاتانلارا - کربلا سلام‌اولسون

سلام‌اولا بو تلّه که - بوردا عالمی یاخدیم
یوخیدی چاره قلبیمه - تیر محنتی تاخدیم
حسینیمی ئولدورنده شمر - من بو تلّیدن باخدیم
بو بی‌کفن یاتانلارا - کربلا سلام اولسون

سلام او شاهه عمرونه - صرصر جفا اسدی
ئولنجه آغلاسام اگر - بو مصیبته بسدی
سلام اولا او الّلره - ساربان گیجه کسدی
بو بی‌کفن یاتانلارا - کربلا سلام‌اولسون

سلام او شاهه ظلمیله - قتلگهده اوخلاندی
سویوب عدو آت دولاندیروب - پیکری ایاقلاندی
سلام اولا او لبلره - ایچمدی سو اودلاندی
بو بی‌کفن یاتانلارا - کربلا سلام اولسون

سلام او شاهه ئولن زمان - قاتلینده آغلاتدی
سلام او جسمه توپراقی - قانی آخدی ایسلاندی
سلام‌او باشه قویدولار - کولّلر اوستونه یاتدی
بو بی‌کفن یاتانلارا - کربلا سلام اولسون

قسم ویرور "اکرمی" سنی - ای خدا ابوالفضله
بیر اربعین میهمان ایله - مه‌لقا ابوالفضله
سلام اولا بو جوانلاردان - باوفا ابوالفضله
بو بی‌کفن یاتانلارا - کربلا سلام‌اولسون

• سه شنبه
• 31
• فروردین
• 1400
• ساعت
• 18:51
• نوشته شده توسط
• یوسف اکبری

ای تشنه‌ ویرن جان قارداش

اوز قانینه غلطان - قارداش

شش‌گوشه مزارون گوردوم

اولدی اورگیم قان قارداش

دور قبریدن یاتما حسین‌جان

گلدیم بو دشته بیرده مهمان

بو آلتی گوشه قبره قربان

ایوای یارالی جان یارالی (۳)

سن‌سیز غمیله یار اولدوم

هر یرده عزادار - اولدوم

شکر اولسون حسین آلّلهه

آخر سنه زوّار اولدوم

دور آتش عشقی آلیشیدیر -
گویلون کوسوب منله باریشدیر

دور زینبی بیرده دانیشدیر

چیخماز آنام اوغلی یاددان

گوداله ییخیلدون آتدان

بیر یاندان حسین من گلدیم

قاتلده گلوب بیر یاندان

گلدیم الیمده قانلی معجر
قاتل الینده قانلی خنجر

قارداش حسین دوغراندی الّلر

دوشدوقجا او گونلر یاده

گلّلم آنام اوغلی داده

سو آخدی سنی لب‌تشنه

ئولدوردوله بو صحراده

دلدن یا نوب قارداش باخیردیم

شمع مصیبت تک آخیردیم

سن جان ویروردون من باخیردیم

قلبیم بو بلادن قاندی

ظلم آتشی چوخ سوزاندی

تلّ اوسته گلوب سسلندیم

گل خیمه‌لرون اودلاندی

اولدی نجه برپا قیامت

سویدی بیزی اهل شقاوت

قارداش حسین غارت نه غارت

هجرون نجه گور تاب آلدی

قرخ گونده ایاخدان سالدی

قارداش حرم اهلون گتدیم

دور گور کیم ئولوب کیم قالدی

دور عترت طاهانی دیندیر

بیر کاروان نالانی دیندیر

اوغلی ئولن لیلانی دیندیر

سندن خجلم آی قارداش

یاننام دیرم وای قارداش

ئولدی ئولن امّا گتدیم

دور قیزلاریوی سای قارداش

درده منی سالدی رقیّه

آرامیمی آلدی رقیّه

ویرانه‌ده قالدی رقیّه

قالمیشدی قیزون بیر حاله

واردور یری ایتسن ناله

گوردی گویرن اعضاسین

غسل ایلمدی غسّاله

دنیانی آهیمدن پوزاردیم

قارداش اوزوم قبرین قازاردیم

اکبر آدین قبره یازاردیم

بو قبری آلام آغوشه

گلسون یری وار قان جوشه

بولّلم یارالی سینونده

گتمیش علی‌اصغر هوشه

بنزور گوزوم یاشی سحابه

دور باخ حسین بو دلکبابه

ویر تسلیت غملی ربابه

• سه شنبه
• 31
• فروردین
• 1400
• ساعت
• 18:53
• نوشته شده توسط
• یوسف اکبری

ای شهید عاشورا - قبریوه فدا قارداش
گلدیم اربعینونده - ساخلیام عزا قارداش
السلام - السلام - ای ویرن لب‌عطشان جان
قبریوه باجون قربان

سن بو قانلی مقتلده - قانیله وضو آلدون
تشنه‌لب شهید اولدون - دینه آبرو آلدون
یاحسین - یاحسین - سن فدای قرآنسان
سرور شهیدانسان

ای بلالی صحرانی - دوندرن گلستانه
زینبون دوشوب دلدن - وار نیازی درمانه
یاحسین - یاحسین- روحیمون صفاسین ویر
دردیمون دواسین ویر

ای بو تلّین اوستونده - مندن آیریلان قارداش
جسمی اوچ گیجه گوندوز - بی‌کفن قالان قارداش
یاحسین - یاحسین - دور منی سرافراز ایت
قیزلاریوی پیشواز ایت

قورتولوب اسارتدن - اربعینیوه گلدیم
آلتی گوشه‌لی قبرون - گوردوم ایندی دینجلدیم
یاحسین - یاحسین - چوخ بلالیام قارداش
من عزالیام قارداش

عرشه فخر ایدر قارداش - بو مزار ششگوشه
یاره‌لی سینون اوسته - اصغرون گیدوب هوشه
یاحسین - یاحسین - مهربان رباب آغلار
باغریقان رباب آغلار

• سه شنبه
• 31
• فروردین
• 1400
• ساعت
• 18:59
• نوشته شده توسط
• یوسف اکبری

آز قالدی کربلایه یته کاروان غم
زینب اورکلنوب دیدی تزتز آتون قدم

عطر حسینی آلجاق او غم غصّه مونسی
گوز یاشی گل عذارینه جاری اولوب او دم

قارداشینون گورنده او ششگوشه قبرینی
گلدی فغان و نالیه اول فاطمه شیم

یتدی قویوب سولان یوزونی قبرین اوستونه
ایتدی سرشگ چشمیله قبر حسینی - نم

گاهی باسوبدی جان کیمی آغوشه آغلادی
گه ایگلیوبدی گل کیمی - گه ئوپدی دمبدم

سسلردی قبریوه آنام اوغلی باجون فدا
دور گور نجه اگوب بلیمی بار درد و غم

باشیم آغاردی، لاله کیمی باغریم اولدی قان
چکدیم زمانه‌دن آنام اوغلی ز بس ستم

بو چول همان او چولدی که جور و جفائیله
ئولدوردولر سوسوز سنی اول فرقه‌ی ظلم

بو چولده غارت ایتدیلر اهل و عیالیوی
اود ووردولار آلیشدی جفا نارینه خیم

ایندی عجب صفالی اولوب دشت کربلا
واردور یری بو قبری ئوپوب منده شوط ایدم

بوردان گیدنده قویمادی شمر ستم شعار
عریان قالان جنازه‌وی دفن ایلیوب گیدم

شامیله کوفه‌نی دولانوب، اربعینیوه
گلدیم فسرده حالیله ای شاه محتشم

اولدوم حسین بو مدّتی غم غصه یورقونی
گلدیم مزارون اوسته آنام اوغلی دینجلم

ئولسون باجون نقدری دوتوب توز مزاریوی
سیلّم غبار قبریوی ای سرور اُمَم

اوغلی ئولن آنالاری دور پیشواز ایله
دور گور نجه دوتوبدی چولی ناله‌ی حرم

شاماتیدن گتورموشم اهل و عیالیوی
اولموش اورکلری غم ایّامیدن ورم

لیلا نواسی قلبیدن آرام و تاب آلور
پائین پاده اگلشوب آغلور او محترم

بیکس ربابه ویر آلا آغوشه اصغرین
چوخ ایستورم دیور بالاما لایلای دیم

دور قیزلارین قالانلارینون گویلون آل حسین
شاماتیده چکوبدوله چوخ طعنه و ستم

چکدیم نلر بو مدّتی آل امیّه‌دن
عفو ایت خجالتم آنام اوغلی رقیّه‌دن

از بس ایدردی ناله و افغان خرابده
گل تک سارالدی قلبی اولوب قان خرابده

آخدی سولان عذارینه گوز یاشی آغلادی
پربسته قوش تک اولدی نواخوان خرابده

صیّاد روزگار یانان قلبین ایلدی
تیر غم و بلائیله شانشان خرابده

بوینون قویاردی چیگنینه دلدن چکردی آه
آهی ایدردی عالمی لرزان خرابده

یاده سالاندا او بیر گیجه‌نی یانام آغلارام
اولدی همان گیجه اورگیم قان خرابده

نصف شبیدی گلدی یارالی باشون قوناق
قارداش قیامت اولدی نمایان خرابده

گورجاق طبقده قانلی باشون گلدی شیونه
قیزلار ایدوبدی چاک گریبان خرابده

آغوشه آلدی لبلریوی ئوپدی آغلادی
بیر آیدی محشر اولدی حسین جان خرابده

تنگ‌اولدی سینه باتدی نفس یومدی گوزلرین
چوخ حسرتیله ویردی قیزون جان خرابده

صبحه کیمی من آغلامیشام آغلیوب رباب
برپا اولوندی شام غریبان - خرابده

نه قبرکن تاپولدی نه تابوت و نه کفن
ایتدیم او گنج عصمتی پنهان خرابده

یوز قویسا "اکرمی" آقا قبر رقیّیه
آلّام اورکده دردیمه درمان خرابده

• چهارشنبه
• 1
• اردیبهشت
• 1400
• ساعت
• 12:39
• نوشته شده توسط
• یوسف اکبری

قبر پاکیوه مهربان باجون شامیدن حسین میهمان گلوب
دور قوناقیوی ایله پیشواز - گول کیمی سولوب باغریقان گلوب

قرخ گونیدی ایلردیم آرزو درد و غصّه‌دن دینجلم حسین
ئولمه‌میش زیارت اوچون منِ باغریقان بو دشته گلم حسین
دور ایاقه باخ گور نجه اگوب قامتیمی بار الم - حسین
گوز یاشی روان بو اوزاق یولی طیّ ایدوب باجون ناتوان گلوب

سندن آیریلاندان دوشوب منیم چوخ غم و مصیبت لره باشیم
یادیمه سوسوز لبلرون دوشوب قان اولوبدی گوزلرده گوز یاشیم
چشم کاسه‌سین دولدوروب سنه سو گتوردوم ای تشنه قارداشیم
گویلون ایسته‌سه باجیوی اگر ای عزیز زهرا اویان گلوب

بو همان او چولدور حسین منی لشگر جفاپیشه ووردولار
غارت ایتدیلر خیمه‌گاهیمی معجریمی ظلمیله سویدولار
بی‌حیا قشون خردا قیزلارون آت دوشونده صحرایه قوودولار
زینبین آنام اوغلی گوز یاشی غصه‌دن اولوب لخته قان گلوب

یادیمه گلور کربلایه من وارد اولجاقین بیله سویله‌دین
کربلادی بو چول آنام باجی، توپراقینی سن‌گول تک ایگلدون
بوردا باتدون القانیوه حسین بلمورم ندن مسکن ایلدون
ایندیده بو چولدن قولاقیمه بانگ ناله و الامان - گلوب

بیرده خاطریمدن چیخا چتین وار نقدری عمروم بو خاطره
زین اسبدن تشنه یاره‌لی دوشدون اوندا که بیر چوخور یره
اولمادی سنه کیمسه رحم ایده - یا سنه بیری جرعه سو ویره
گوردوم اوندا قان قان دیه دیه باشون اوسته شمر و سنان گلوب

لشگر غم و محنت و بلا دوره‌می منیم دوتدی صف به صف
ایتدیلر خدنگ جفائیله غصّه‌دن یانان قلبیمی هدف
دل یارالی قارداش دیه دیه - قویدوم اوندا یوز مقتله طرف
سسلدیم داریخما حسین باجون باغلیا گوزون مو کنان گلوب

منجنیق محنتده قلبیمی جور و ظلمیله سیخدی شمر دون
قتلگاهیده بیر ستم ایدوب فاطمه ایوین ییخدی شمر دون
خنجر الده صد پاره یاره‌لی سینون اوستونه چیخدی شمر دون
بولمدی باشون اوسته نالیه هم آتان حسین هم آنان گلوب

داشدی جام صبریم دوزنمدیم گوزلریم او حالدا سنی گوره
لیک مانع اولدی حیا منه - یالوارارام او شمر ستمگره
یا علینی ورد زبان ایدوب آتدیم ال او گون قانلی خنجره
زینبین یارالی الین ئوپه گوردوم آغلار اهل جنان گلوب

قوی دیوم آنام اوغلی من سنه شام شوم و ویرانه غملرین
قالدیلار نه حاله خرابده - غمکشیده محزون حرملرین
اهل شامین اوردا چکوب ز بس طعنه‌سین گوروبلر ستملرین
اهل بیتیوین گوز یاشی اولوب درد و غصّه‌دن لخته قان گلوب

نازنین رقیّه‌ن که خاطرین هامیدان چوخ ایستردون هر زمان
حسرتیله کنج خرابده ویردی قاره توپراقلار اوسته جان
نه کفن تاپولدی نه قبرکن اول گیجه منیم باغریم‌اولدی قان
زینبین اولوبدور خرابه‌ده گلستان عمری خزان گلوب

شمع تک قرانلیقدا هر گیجه صبحه تک یانوب آخدی آغلادی
دلده اکبر اکبر دیه دیه - یاندیروب منی یاخدی آغلادی
جان ویرنده بیر قانلی باشیوه بیر منه قیزون باخدی آغلادی
یومدی گوزلرین یاتدی شامیده زینبین قدی چون کمان گلوب

"اکرمیِّ" نالایقم آقا درد و غصّه‌لر آشناسیم
قیل نظر منه باب لطفوون گرچه کمترینِ گداسیم
عاصیم اوزوم، قاره‌دور یوزوم آلتی گوشه قبرون فداسیم
ایسته قبریوه نوکرون نجه گور گوزونده اشگِ روان گلوب

• چهارشنبه
• 1
• اردیبهشت
• 1400
• ساعت
• 12:42
• نوشته شده توسط
• یوسف اکبری

قییتدی کرب‌و‌بلایه قطار آل‌الله
فضاسینی او چولون دوتدی ناله‌ی جانکاه
مخدّرات بلا دیده ناقه اوستوندن

توکولدولر یره گوزده سرشگ قلبیده - آه
یانقلی زمزمه‌لر باشلیوبدی اهل حرم
سپهر دوده‌ی آهیله اولدی رنگی - سیاه
حسینون عطرینی تا آلدی زینب نالان
خدا بلور که نه حاله قالوب او علیا جاه
اجازه ویردی خانم شدّتیله گوز یاشینا
گورنده قارداشینون توزلی مرقدین ناگاه
سوروندی یا یریدی قبرینون کنارینده
نه سرّیدور که ایدوب عقل و فهمیمی گمراه

بو قدر وار یتشوب قویدی قبری اوسته یوزون
دیدی اویان گوز آچ ای زینبه امید و پناه
ایاقه دور باجیوی پیشواز ایله قارداش
ایدوم سنی باشیمون ابتلاسینه آگاه
او ساعتی که حسین مندن آیریلوب گیتدون
گونوم دولاندی منیم روزگاریم اولدی سیاه
ایلیکه امر شهادتدن اولدولار فارغ
توکولدولر خیم آل مصطفایه سپاه
وورولدی اود، اولان اولدی یانان یانوب قارداش

سویولدی اهل حرم، گیتدی غارته خرگاه
حیاسیز امّته بو خردا قیزلار اولدی اسیر
دولاندی چوللری شمر و سنانیله - همراه
نجه دیوم سنه اوضاع کوفه و شامی
نه چکدی قیزلار او یرده فقط بلور الله
گتوردولر بیزی قولباغلی مجلس عامّه
نه ظلم ایدوبدور او مجلسده اول عدوّ الله
یارالی باشیوی طشت طلایه قویموشدی
ووروردی لبلریوه خیزران عبیدالله
یتونجه شامه ولی جان یتیشدی لبلریمه
وراردی طعنه بیزه اهل شام شام و پگاه
خرابه منزلیم اولدی حسین گوزوندن ایراق
واریدی سقفی نه فرشی، نه بستر دلخواه
رقیّه‌نی خبر آلما خجالتم قارداش
خرابه‌ده اوتوراردی همیشه چشم به راه
دیردی عمه منیم بس بابام نیه گلمور
ندندی یاده بیزی سالموردی او شاهنشاه
مگر آتا سفر ایتسه قیزین ایدلّه اسیر

ویره لّه گوشه ویرانه‌ده بو نوعی پناه
آمان او بیر گیجه‌دن گوئیا قیامتیدی
باشون خرابیه گلدی اوجالدی ناله و آه
یارالی باشیوی آلدی رقیّه آغوشه
دیدی وصاله بی‌بی چاتمیشام بحمدالله
دیدی بابا دی گوروم کیم منی یتیم ایتدی
سنی بو حاله سالوب هانسی مرتد و گمراه
سنی یارالی گوروب گیتدی طاقت و صبریم
سنون غمونده اسور گور نجه اورک چون کاه
یارالی لبلریوی ئوپدی گوزلری آخدی

ویرنده جان ولی حسرتله ایلوردی نگاه
او گوهری دل ویرانسراده گیزلتدیم
دیدیم که شمرون اوزون قاره ایلسون الله
مزاریوی آنامین اوغلی ئولمدیم گوردوم
غریبه حالیمه شامل اولوندی لطف الاه
تیکوبدی گوز آقاجان "اکرمی" عنایتیوه
مگر گدایه نظر ایلمز سنون کیمی شاه
منه قاپون ایکی دنیاده باب رحمتدور
اودور تانیمادیم عمرومده آیری بیر درگاه

• چهارشنبه
• 1
• اردیبهشت
• 1400
• ساعت
• 12:45
• نوشته شده توسط
• یوسف اکبری

ای طعنه ووران عرشه بو ششگوشه مزاری
قارداش باجیوام دور منی دیندیر سنی تاری

شکر اولسون حسین اولدی عجب زینبه قسمت
عشقون منی چکدی گینه بو گلشنه ساری

عباسه خبر ویر باجیمیز گلدی سفردن
پیشواز ایلسون الده علم زینب زاری

اهل حرمون قبریوین اطرافین آلوبلار
دیندیر باجون اولسون بو آتاسیز بالالاری

بیر یاندا رباب اوز بالاسین سسلنور آغلور
اللر سینه سینده دولانور غملی دیاری

عفو ایله خجالت زده دی زینب نالان
ویرانه ده جان ویردی قولی باغلی قناری

نیسگل اولی قبرین دیسم آیا نجه قازدیم
قویدوم نجه توپراقلارا اول نیلی عذاری

شمریله حسین محکمه میز محشره قالسین
بیزدن توکولن قانی آلار حضرت باری

عمرونجه یانار «اکرمی »ماتم دوتار آغلار
یازدیخجا بو اشعاری اولار گوز یاشی جاری

• چهارشنبه
• 1
• اردیبهشت
• 1400
• ساعت
• 13:47
• نوشته شده توسط
• یوسف اکبری

حسین

گوزون آچ گلوب شریک نهضتون

منی گور نه حاله سالدی فرقتون

آنام اوغلی ئولمدیم بو اربعین

اولدی قسمتیم منیم زیارتون

قبرون اوسته آغلارام

داغلی سینه یا حسین

باشدا قاره گلمیشم

اربعینه یا حسین

دور بلالی زینبی سرفراز ایله اخا

اربعین قوناقلارین پیشواز ایله اخا

حسین

یری واردی نار وصلیوه یانام

باخام آلتی گوشه قبره اودلانام

بو چولی بهشتین عطری دولدوروب

ایله بول زیارته گلوب آنام

نیلیوم‌گلور حسین

تیر غم سراغیمه

فاطمه نواسیدور

هی گلور قولاقیمه

دور بلالی زینبی سرفراز ایله اخا

اربعین قوناقلارین پیشواز ایله اخا

حسین

هامی بیر بلالره دایانمیشام

سن ئولن کیمی یانوب تالانمیشام

باشیوین دالیجا چوللره دوشوب

قولی باغلی شامه جک دولانمیشام

غصّه‌لر یوروب منی

باشلا آیریلیق سوزون

حیف اولا گلنمدی

اوچ یاشیندا بیر قیزون

دور بلالی زینبی سرفراز ایله اخا

اربعین قوناقلارین پیشواز ایله اخا

• چهارشنبه
• 1
• اردیبهشت
• 1400
• ساعت
• 13:58
• نوشته شده توسط
• یوسف اکبری

تیر فراقون سینمی - دلدی

پوزقون قطاریم شامیدن - گلدی

زینب مزارون گوردی - دینجلدی

ایوای یارالی

{{{ واگیر }}}

دلبند زهرایه سلام اولسون

لب تشنه مولایه سلام اولسون

صدپاره اعضایه سلام_اولسون

ایوای یارالی

قبرونده عطر و بوی جنّت - وار

عرش خدادن جمله آیت - وار

دور گور نجه شور قیامت - وار

ایوای یارالی

قیزلار ییخوبدی خانه‌ی - صبرین

هی یاغدیرور رخساره گوز - ابرین

گورست ربابه اصغرین قبرین

ایوای یارالی

قرخ گون قاباخ من سندن - آیریلدیم

بلبل کیمی گلشندن - آیریلدیم

ظلمیله باشسیز تندن - آیریلدیم

ایوای یارالی

درد فراقون داغلی - دلّلرده

باشون گیدوردی شامه - الّلرده

عریان وجودون قالدی - چولّلرده

ایوای یارالی

گلدیم دویونجا آغلیام - قارداش

قیرخوندا ماتم ساخلیام - قارداش

قلبون یاراسین باغلیام - قارداش

ایوای یارالی

سندن صورا چکدی نلر - زینب

چوللرده گزدی دیده تر - زینب

قان آغلادی شام و سحر - زینب

ایوای یارالی

ایوای اَخا شامین بلاسیندن

جانه یتیشدیم بد - هواسیندن

ئولدی رقیه دیل - یاراسیندن

ایوای یارالی

ویرانیه گلدی کسیک - باشون

گوردی رقیّه توکدی - گوز یاشون

ئوپدی دوداقون قانلی - گوز قاشون

ایوای یارالی

با جادی ئولسم غصّه‌دن قارداش

غسلون ویروب ایتدیم کفن - قارداش

قویدوم او طفلی قبره من - قارداش

ایوای یارالی

• چهارشنبه
• 1
• اردیبهشت
• 1400
• ساعت
• 14:00
• نوشته شده توسط
• یوسف اکبری

قارداش حسین آی قلبیمون قراری
قوناقیوم دیندیر بو غمگساری
رقیه دن ساری باشون صاق اولسون
شامین خرابه سینده دی مزاری

قارداش حسین هجرانیوه دوزوم وار
ایللّر بویی حضوریوه سوزوم وار
عباسیمون قبرون منه نشان ویر
کرامتلی اللرونده گوزوم وار

قارداش حسین دورکوینگون آلموشام
گوزل مزارون اوستونه سالموشام
اللّی بش ایل مصیبته دوزموشم
بو قرخ گونی یامان گونه قالموشام

قارداش حسین عهدی باشا یتیردیم
غم لشگرون مزاریوه گتوردوم
خرابیه باشون قوناق گلن گون
طوفان اولدی رقیه نی ایتیردیم

قارداش حسین غم آشناسیم من
شش گوشه قبریوین فداسیم من
شامون خانملاری بیزه گولدولر
بیلمه دیلر زهرا بالاسیم من

• سه شنبه
• 28
• اردیبهشت
• 1400
• ساعت
• 13:23
• نوشته شده توسط
• یوسف اکبری