اشعار ویژه اربعین

قارداش
نظرائله دل حزینه
باجون گلوبدی اربعینه
قوناقووم سلامیمی آل
تسلی وئردل غمینه۲

قارداش
اولوبدی قامتیم کمانی
غمیله داغلادیم جهانـی
مزارون اوسته محنتیــه
گتورمیشم بوکاروانـی۲

غمیله سینه داغلارام من
عذاره اشکی باغلارام مـن
باخیب بوآلتی گوشه قبـره
گلوب نوایه آغلارام مـن

حسین حسین حسین حسینجان۴

قارداش
دورآل بوترابی دیندیر
عیال دلکبابی دیندیر
منیله گـــردانیشماسوندا
اقلّی بیر ربابی دیندیر۲

قارداش:سوزومون اوسته قالمیشام من
کمنده خصمی سالمیشام من
ایراق گوزوندن آی یارالــی
بلا چکیب قوجالمیشـام من۲

قوتاردی دوره ی اسارت
گلوب بالالارون سلامــت
فقط رقیـه نی سوروشما
فلک ائدوب منی خجاــت
حسین حسین حسین حسینجـــان٤

قارداش
رگیمده قان گلوبدی جوشه
دوشوبدی بحرغم خروشـه
دنن بو آلتی گوشه قبرون
نیه اولوبدی آلتی گوشــه۲

قارداش:یاتوبدی اکبرون ایاقدا
علیّ اصغرون قوجاقــدا
ولی نه سرّی واردی بیلمم
یاتوبدی قارداشون اوزاقدا۲

دئمه یانیب آلیشمارام من
گلایه لی دانیشمارام من
ئولونجه کوسموشم حسینجـان
فراتیله باریشمارام من٭
حسین حسین حسین حسینجـــــان۴

*وام از استاد کلامی

• جمعه
• 8
• اسفند
• 1399
• ساعت
• 23:25
• نوشته شده توسط
• یوسف اکبری

باشه چاتدی هجران ،ای شه مدینه
گلمیشم حسینیم ، ایندی اربعینه

گوزلریم توکر قانیاش‌‌‌‌
زینبون گلوب قارداش
ای منیم حسینیم

سندن آیریلاندان، گرچه دستگیرم
سن اوزون بولورسن، من سنه اسیرم
باجوام یارالی، باخما چوخ حقیرم

دوزموشم بو هجرانه
گوزیاشیم دونوب قانه
ای منیم حسینیم

من بساط عشقی ،بوردا باغلینده
قتلگهده قارداش، قلبی داغلینده
شمرچوخ ووراردی، قیزلار آغلینده

کاش اولاجهان برهم
قویمادی دوتاق ماتم
ای منیم حسینیم

کوفه ابتلاسی ، قلبیمی سیخوبدی
ماجرای مطبخ ،دین اوین یخوبدی
قانلی باشون اوردان ، نیزیه چخوبدی

گوردوم ای شه عطشان
قانلی باش اوخور قرآن
ای منیم حسینیم

کوفه دن یتینجه ،شامه دل شکسته
آج سوسوز بالالار ،بند ظلمه بسته
قیزلارون یخاردی ، ناقه توپراق اوسته

بیرقیزین دوشوب یولدا
دوزموسن اوزون اوردا
ای منیم حسینیم

چخدی قانلی باشون ، نیزه اوسته سیره
جلوه گر اولوبدی ، آشنا و غیره
چوخ سویوندی راهب ، سن گیدنده دیره

شرکی قلبیدن آتدی
حق یولون اوگون تاپدی
ای منیم حسینیم

شامیان بیزیله ، باشلادی عداوت
اهل بیتیوه چوخ ،ایتدیله جسارت
سنگسار ائدوبلر ، قوم بی لیاقت

باشیمه اوگون اوباش
اود توکوبلر آی قارداش
ای منیم حسینیم

بیرخرابه یرده ، قالمشوق بومدت
توپراق اوسته قیزلار ، اولمیوبلا راحت
سقف و سایبان یوخ ،گون ایدوب اذیت

او شکسته دیواری
قورخوداردی قیزلاری
ای منیم حسینیم

شکراولاخدایِ ، لاشریک و حَیّه
خار اولوب برادر ،فرقه ی اُمَیّه
حیف اولا حسینجان ،گلمدی رقیّه

صبریمی منیم آلدی
شامیده بالام قالدی
ای منیم حسینیم

غنچه وقتی قارداش، ظلم الیله سولدی
نصف شب خرابه، شیونیله دولدی
باشیوی قوجاقه، آلدی راحت اولدی

قبرینی اوزوم قازدیم
آدین اوستونه یازدیم
ای منیم حسینیم

• شنبه
• 23
• اسفند
• 1399
• ساعت
• 22:12
• نوشته شده توسط
• یوسف اکبری

دور قبریدن آی قارداشیم
قان اولدی گینه گوز یاشیم
قیرخ گونده بیلیم بوکولدی
گورنه آغاروبدی باشیم

قرخ گونده گورنجه قوجالدیم
جای عجبدی زنده قالدیم
یول بو مزاره بیرده سالدیم

ایوای حسین ایوای یارالی

بولمم دیوم هانسی غمدن
آیریلدوق اودم کی سندن
غارتده نلر گور موشم
جور و ستم دشمندن

بعضی قولاقدان قان آخوردی
بعضی بالانهره باخوردی
نارجفاقلبین یاخوردی

ایوای حسین ایوای یارالی

بیزکوفیه تاکی چاتدوخ
گوزیاشینی قانه قاتدوخ
گور نه گونه قالدوخ قارداش
زنداندا گیجه نی یاتدوخ

بیر بزمه گیتدی آل عصمت
مجلس دیمه صحن قیامت
اولدی بیزه چوخلی جسارت

ایوای حسین ایوای یارالی

یوللاردا اولوب هَنگامه
توش اولدوخ حسین آلامه
ا... بولوری نه چکدوخ
یولدا یتیشینجه شامه

بیر گون قیزون یوللارداقالدی
زجر دنی آرامین آلدی
هجری شرربو جانه سالدی

ایوای حسین ایوای یارالی

غم یتمیوب هیچ پایانه
بیر بیله بلا بیر یانه
امایارالی گلدوخ بیز
شامین ستمیندن جانه

بیر ظلم اولوب اوردا امامه
یاده دوشوریانمیش عمامه
سایماقیله یتمز تمامه

ایوای حسین ایوای یارالی

ویرانه ده توکدوخ قان یاش
چوخ غملره دوزدوخ قارداش
ال چکمدی اما بیزدن
بیرعده جفاجو اوباش

اولسون قسم خلاق حیّه
چوخ ظلم ایدوب ال اُمیّه
ویرانه ده قالدی رقیّه

ایوای حسین ایوای یارالی

• شنبه
• 23
• اسفند
• 1399
• ساعت
• 22:17
• نوشته شده توسط
• یوسف اکبری

قبریدن دور بیر ابوالفضل/اولموشوخ دلگیر ابوالفضل

قلبیمیز سنسیز داریخدی/زینبی دیندیر ابوالفضل

قانلی علمون آل الیوه یاتما یارالی
زینب سنه زوّاریدی آغلاتما یارالی

اویان قارداش ابوالفضل

دور ابوالفضلیم ایاقه/پیشواز ایله قوناقه
خسته زوّارون گلوبدی/یانمیشوخ قرخ گون فراقه

غملر باجیوین جسمینی قارداش اَریدیبدی
بو اوخلی سو مشکین سنه تحفه گتیریبدی

سنسیز ای شیر شَجاعت/اهل کوفه تاپدی جرأت
اینجیدوبلر یولدا قارداش/قیزلاری اهل شقاوت

یوللاردا دووینده بیزی بو لشگر اعدا
سویلردی رقیّه بی بی جان بس عَموم هاردا

ای آتام حیدر مثالی/زینبین چوخدور ملالی
بس نیه قبرون کیچیکدی/من سنه قربان یارالی

سَرو قدیله خیرداجا قبر ایچره یاتوبسان
ای زینبین امّیدی بیزی گوزدن آتوبسان

(بیکَسم) ای یار زینب/سَس ویر ای دلدار زینب
یدّی قارداشدان قالان یوخ/بیرنفر غمخوار زینب

قارداش یری وار باشیمه توپراق اَلییم من
گیتسم وطنه ام بنینه نه دیوم من

• شنبه
• 23
• اسفند
• 1399
• ساعت
• 22:22
• نوشته شده توسط
• یوسف اکبری

خالقِ جان،جان دا یازوب کربلا
دفتر وجدان دا یازوب کربلا
قبله ی عرفان دا یازوب کربلا
خون شهیدان دا یازوب کربلا
سر درِ رضوان دا یازوب کربلا
پرچم ایمان دا یازوب کربلا

کرببلا خاکینه قربان اولوم
رایحه ی پاکینه قربان اولوم
غصه لی ادراکینه قربان اولوم
سلطه ی بی باکینه قربان اولوم
ذکر اوخورام منده ثنا خوان اولوم
آزدی دئسم مین سری قربان اولوم

کرببلا قبله دی هر مطلبه
شور وئروب دی علوی مذهبه
راه تداوم یارادیب مکتبه
طعنه وورار گنبدی مین کوکبه
صورت جنّاتی مضاعف چکر
باخماقینا گویده کی لر صف چکر

کرببلا عطرینی ئییلَر گلاب
آخماقا صحنونده چکر منّت آب
سینه ی پاکینده یاتان آفتاب
شمس معلّادن آلوب صبر و تاب
دیلده اونون دشت بلادور آدی
لیک گویون یِدّی سیده اوردادی

اوردادی خلقتده که نور جلیل
زائر اولور هر دم اورا جبرئیل
موسی و عیسائیله نوح و خلیل
گونده سالور خاکینه چنگ دخیل
کیم که ترابینن اوپور تاج آلور
تاج دئمه،رتبه ی معراج آلور

باغ جنان،کرببلادن دئدی
شاه شهیدان اونا مدفن دئدی
کّل جهان آدینی دیلدن دئدی
خاک زمین اول یئره أحسن دئدی
جنّتی که خلق اونی توصیف ائدر
کرببلا شأنینی تعریف ائدر

کرببلا، عشقیدی اعجاز ائدر
هر گِرِه بسته اولا باز ائدر
سلطنت شاهینی ابراز ائدر
مین بئله رضوان باغینا ناز ائدر
چون که حسینون قانیلا گِیدی رَخت
اولدی وفا کِشورینه پایتخت
‌
کرببلا مُلکی دی باب وصال
پرچم سُرخی یارادیر شور و حال
یازماقا وصفون گنه کم دور خیال
کعبه ده حتی اونا اولماز مثال
گر اورا بیر دفعه ملائک باخیب
خون خدا کرببلاده آخیب

سِرّی سوروشدی قلمیم هر نئدن
باشدی نیه کرببلا کعبه دن
گلدی ندا خاک صفا مَروه دن
چون اورا دور کعبه یه یول اؤرگئدن
مروه صفاده دئدی یا کربلا
بیت خدا ده دئدی یا کربلا

کرببلانی هامی تکریم ائدوب
عشقی بیزه چون اورا تفهیم ائدوب
قامت طوبیٰ اونا تعظیم ائدوب
زینب اونا جانینی تقدیم ائدوب
قدی اولوب خم دئدی یا کربلا
چکدیقیجه غم دئدی یا کربلا

کرببلا شهرتی عالمده دی
فلسفه سی بیر قره پرچمده دی
باده ی آدینه سی علقمده دی
حسرتی بو یاره لی سینمده دی
قانلی اورکلر دئدی یا کربلا
گویده ملکلر دئدی یا کربلا

کرببلا قلبیلرین تاجیدی
شیعه لرون قبله و منهاجیدی
علتی بیر قارداشیلان باجیدی
زائری باطن ده اصیل حاجیدی
حجه گئدنلر دئدی یا کربلا
عشقی سِئچنلر دئدی یا کربلا

دیلده گرک معرفت ایجاد اولا
کرببلا غم کشی ده یاد اولا
زینبه کیم باغلادی دیل شاد اولا
دختر زهرا إوین آباد اولا
بند اسارتده دئدون کربلا
اوج مصیبتده دئدون کربلا

کرببلا آدیله دوشدون یولا
تا سفر عشقیده اتمام اولا
قیزلاریلان باخمادون هئچ صاق صولا
حقّی دئدون پشت به پشت، قول قولا
خیردا سفیرلرله دئدون کربلا
غملی اسیرلرله دئدون کربلا

گوردی سنون جهدیوی اهل زمین
قالدی به جا راهیویلن راه دین
کرببلا رِجْعَتی اولدی یقین
شوقیله تأسیس ائلدون اربعین
ساخلادون احساسی دئدون کربلا
سسلدون عباسی دئدون کربلا

عشقیوی تاپدون او بیابانیده
پرچم اوجاتدون گئنه میدانیده
فتحیوه فخر ایلدی سلطانیده
دوشدی صدا کونیله امکانیده
سینه ی عشاقه بو سؤز اولدی حَک
عـــــالم آرا کرببلا تکــدی تــک

ائتمه((امین))جنّتی بی جا طلب
جنّتی وئرمزله سنه بی سبب
کرببلا شوقیله یات نصف شب
ایسته ألیندن یاپیشا زینِ أب
بنت علی،اُمّ مصـــائب دی بو
کرببلا بابـــینه صاحب دی بو

• چهارشنبه
• 4
• فروردین
• 1400
• ساعت
• 19:28
• نوشته شده توسط
• یوسف اکبری

دور شامیدن یاحسین - خسته کاروان گلوب
تربتیوه بیر سوری - دل شکسـته جان گلوب

یاتما دور زینبم اربعینه گلمیشم
دوتماقا بزمِ غم شاهِ دینه گلمیشم

درد وطن زینبی- سالدی رنج و ماتمه
وئردی قیزون جانینی-ووردی آتش عالمه
سسلنوردی وای بابا آغلیوردی هر گئجه
گوشه ی ویرانه ده-عشقی تاپدی خاتمه

گورمدی اکبری،حسرتین چکوب اولوب
گوز بو دهر جفا پیشه‌دن تیکوب اولوب

شکر اولا کی ئولمدی-درده قالدی زینبون
ظلم و ستم کاخینه - لرزه سالدی زینبون
یثربون اولدوزلاری فاتح اولدی بی کمک
الده قرا پرچمی - شـــــامی آلدی زینبون

او کسوک باشییون،مبتلاسی اولموشام
کربلا دولتین،غربــت ائل ده قورموشام

سویله حسین هاردادی-اکبرین یاتان یئری
گوزیاشینی قاسمیم - قانینه قاتـــان یئری
شرمنده عبـّـاسیم و ساقـــــیِ حرمســــرا
ماه بنی هاشمـــــون - ظلمیلـه باتان یئری

گلمیشم،قارداشیم،قانه باتموش آغلیام
ممکن اولسا گئدیب قبرینی قوجاغلیام

ظلمِ فلـــک زینبـــــون - قدّینی ائدوبدی خم
سندن صورا قیرج گئجه-ذکریم اولدی آه و غم
گوزیاشیمی سـِـیل ائدوب آغلادیم فقط سنه
بیر باجیوا قیل نظر - گوزلرینده واردی نـَـم

آغلارام،آغلارام،تـا دامار دا وار قانیم
سن یاتان تربته باغلیدی منیم جانیم

کرب و بلا توپراقی - هر مریضه چاره دی
قانلی چوله چاتماقا - عاشقون آواره دی
گوندوز گئجه سینه‌می ماتمونده داغلارام
آغلارام اول سینه‌یه اوخ دگوبدی یاره دی

بارگاهون آقا شیعه آرزوسیدی
کربلا تربتـــی عالم آبروسیدی

• چهارشنبه
• 4
• فروردین
• 1400
• ساعت
• 19:30
• نوشته شده توسط
• یوسف اکبری

حسینیم اویان کشفِ راز ائت
گـلَـــــن ائللری ســر فراز ائت
بو زائـــــر لره سینــه باز ائت
اویان پیشواز ائت . . .

قبرون آلوب قیزلاریم دوره‌یه دسته دسته
دیـــداره حاضردیلر هامـّـیسی دل شکسته
ئوزگه دگول زینبــوندی گلوب قلبی خسته
اولوبدور سنه عشقی بسته . . .

اویان یاتــما ماهِ مدینه
سلام إیله بو دل غمینه
گلوب زینبون اربعیـــنه
یانور داغلی سینه . . .

آتدیم باشیمنان جانی بوردا غوغایه گلدیم
سس ماتمونده قوشوب آهِ زهـــرایه گلدیم
بلکه سالام قبریوه بیرجه دَم سایــه گلدیم
بو کربِ مُعلایه گلدیم . . .

دوشوب قیزلارون بال و پردن
دویوبلار بو یـولدا خطـــــردن
نولی سنـــده سالما نظـــــردن
گلوبلر سفردن . . .

قیرخ گوندو هر بیر بلاده ئورک داغلیوبلار
نیسگیللری،سؤزلری تک سنـــه ساخلیوبلار
قمچی گؤروب گاه سوسوب گاهی ده آغلیوبلار
منیلن یارا باغلیوبلار . . .

تسلادی بو قانلــــی تربــــت
اولوب زینبــــه بیرده قسمت
توکه گؤزیاشین بوردا راحت
گوزلدی زیارت . . .

قارداش خبر وئر ربابه ئولن اصغریندن
یا لِیلیـــــه سویله حال گوزل اکبریندن
عباسیمون وئــر نشان قبرینی اللریندن
که دلواپسم گؤزلریندن . . .

• چهارشنبه
• 4
• فروردین
• 1400
• ساعت
• 19:34
• نوشته شده توسط
• یوسف اکبری

سلام ای آه و نوالی سلطان
یارالی یاتما اویان حسینجان
دور اکبر اوغلونــلا پیشوازه
سرای عشقه گئلیبدی مهمان

ای اهل بیتون مدالی قارداش
قبیله‌سیندن آرالی قارداش
مدینه‌لی لر گئلیب اویان بیر
سلامه کرب و بلالی قارداش

جواب:

باجی ای عشق و غم آشناسی
جهانی حیران قویان حیاسی
صفا گئتیردون بو خاک و کویه
او خسته جانون حسین فداسی

بو دشت سوزانه خوش گئلوبسن
مکان پیمانه خوش گئلوبسن
بو توپراق آلتدا یاتان حسیندی
مزار جانانه خوش گئلوبسن

اجابت ائتدون دعایه گلدیم
ئورک ده سیل گلایه گلدیم
نه طاقت ائتدیم غمه نه ئولدوم
صونوندا کرببلایه گلدیم

گؤزوم غموندن آرالی اولماز
مگر بو قلبیم یارالی اولماز
بو کاروان ایچره یاسلی چوخدی
منیم تک اما عزالی اولماز

جواب:

منم او آیری دوشن ائلیندن
گل إیله صحبت او نیسگیلیندن
دانیش منیلن سن هر سؤزون وار
اولا سرازیر غمون دیلیندن

پیاده دن دِه،سواره دن دِه
او شام شوم و خرابه دن دِه
تیکانلی چوللرده قمچی لردن
او جسم عریانِ ناقه دن دِه

دیلیمده یوخدور دوام حسینیم
بیر ایله یئردن قیام حسینیم
یارالیسان گر دورانماسان دا
باجوندان آل بیر سلام حسینیم

بو کاروان غم نئدیر بیلوبلر
مصیبتیندن چوخی ئولوبلر
دوشوبله رنج و ملاله قیرخ گون
رثایه گؤزیاشیلن گلوبلر

جواب:

یاتان برادر وئرر سلامون
سینم ده اصغر وئرر سلامون
ایاقیم آلتدا یارا دیلینده
وفالی اکبر وئرر سلامون

باجی گئتیردون دیلینده احساس
صولوبدی گلشن،صولوب گُل یاس
فراتین اوسته آلار سلامون
قولی بدندن آرالی عباس

• چهارشنبه
• 4
• فروردین
• 1400
• ساعت
• 21:53
• نوشته شده توسط
• یوسف اکبری

فاتح شهرشامیدور زینب
قهرمان قیامیدور زینب

دست پرورده ی ولی الله
پنجه ی انتقامیدور زینب

ختم ایدوبدور کتاب ایثاری
بسکه زهرا مرامیدور زینب

قیمتی سنمیوبدی سنمیاجاق
دولتِ مُستدامیدور زینب

شهدا مثلی زنده دور زنده
عین خون و پیامیدور زینب

ذات پاکی ائمه نون فخری
گور نه عالیمقامیدور زینب

داستانِ دراز و درد آلود
محنت ناتمامیدور زینب

آتشین خطبه آتشین انشا
روحِ علم الکلامیدور زینب

سر به زیر ایتدی امپراطوریه
لایق احترامیدور زینب

شهپری باغلی دانه سزقوش تک
دام جاناندا رامیدور زینب

گون او گون اولدی شامیدن چخسون
گوردی چوخ ازدهامیدور زینب

ایتدی فرمایش ای زنان دمشق
کوچ ایدورتلخ کامیدور زینب

کُنج ویراندا گوهریم قالدی
هجریدن بی دوامیدور زینب

اولسون هر بیرگوزوز عزا ابری
جان سیزون جان رقیه مون قبری

• شنبه
• 14
• فروردین
• 1400
• ساعت
• 23:14
• نوشته شده توسط
• یوسف اکبری

ای دوشن عالم و آدم – غم عشقینده بلایه
اربعین دوتماقا گلدی – زینبون کرب و بلایه
دور قارداش-خردا قیزلاری دانیشدیر
خسته زوّاری دانیشدیر

وار یادیمدا سنی آتدان-ییخدی عدوان سو یانیندا
لبلرون یاندی عطشدن-اولدی طوفان سویانیندا
باشیوی شمر ستمگر- کسدی عطشان سو یانیندا
جان قارداش-یارالی جانیوه قربان
توکولن قانیوه قربان

حشر اولونجا بو مصیبت-قویدی آغلار منی قارداش
قالدون عریان گون ایوینده-سویدی اعدا سنی قارداش
آلمیشام دشمن الیندن-قانلی پیراهنی قارداش
اللردن-سویولان کوینگون آلدیم
توزلی قبر اوستونه سالدیم

شهدا قبرینه یکسر-غملی موکب گتوروب سو
دولدوروب کاسه چشمین-چون لبالب گتوروب سو
دور اخا یاتما لب عطشان-سنه زینب گتوروب سو
القانی-قتلگهده آخان ایوای
سویا حسرت باخان ایوای

شهدادن صورا یکسر-اسرا قلبی قان اولدی
خیملر یاندی آلیشدی-بیزه قارداش اولان اولدی
کوفه و شام بلاسی-کربلادن یامان اولدی
شام اهلی-بیزه ایلوردی اهانت
زینبون چکدی شماتت

قوی دیون نازلی رقیه-صبریمی آلدی حسینیم
گور نجه بی کس آناسین-محنته سالدی حسینیم
کنج ویرانه ده ئولدی-شامیده قالدی حسینیم
عمرومجه-نقدر آغلاسام آزدی
زینبون قبرینی قازدی

• چهارشنبه
• 1
• اردیبهشت
• 1400
• ساعت
• 13:42
• نوشته شده توسط
• یوسف اکبری

حسین باجون بو اربعین - گلدی
شکسته نِی کیمی حزین - گلدی
مزارون اوسته دل‌غمین - گلدی
عزالی زینب

بو قانلی کوینگون آلوب - گلدی
خرابه شامیده قالوب - گلدی
یزیدی تختیدن سالوب - گلدی
وفالی زینب

بو چولده سیل غم آشوب - داشدی
قشون بیزه جفا الین - آشدی
سویولدی قیزلارون چوله - قاچدی
امان حسینیم

یانام گرک بو درده من - قارداش
کیم ایتدی جسمیوه کفن - قارداش
دانیش بو سرّی قیل علن - قارداش
امان حسینیم

یارالی ویر خبر - علمداره
گلیدی پیشوازِ - زوّاره
ربابی گور نه قالمیش - آواره
اورک کبابم

دیور هایانداسان گوزل - تیهو
قوجاقیمه گل ایله بیر - کوکو
اوغول سنه آنان گتیردی - سو
آنان ربابم

یارالی کونلومون دواسین - ویر
شکسته قلبیمون صفاسین - ویر
نشان بوغازیوین یاراسین - ویر
سوسوز کبوتر

سنه اورکدن آغلارام - اوغلوم
یانان سینمی داغلارام - اوغلوم
اوزوم یاراوی باغلارام - اوغلوم
یارالی دلبر

چکر آنان عمر بویی - داغون
قالوب الیمده قانلی - قونداقون
سینمده واردی ردّی - دیرناقون
بو غمدن ئولّلم

آنان خیالینی باشوندان - آت
آتان آلوب قوجاقه راحت - یات
داخی سرین سو ایچمرم - هیهات
فغانه گلّلم

• چهارشنبه
• 1
• اردیبهشت
• 1400
• ساعت
• 13:51
• نوشته شده توسط
• یوسف اکبری

خوشگلموسن آی قهرمان_زینب
زهرا نشانی مهربان _ زینب
آغلا دویونجا باغریقان_زینب
دلداده زینب

« واگیر »

ای خواهر وارسته_خوشگلدون
هجران الیندن خسته_ خوشگلدون
زینب مزاریم اوسته_ خوشگلدون
آزاده زینب

سن اولماسیدون ای وف_ا کانی
پاینده اولمازدی حسین _قانی
سن ایلدون زنده بو _عنوانی
دنیاده زینب

تا قورتولوب غوغای _عاشورا
ووردی جدایه باشیمی _اعدا
گلدی بو صحرایه آنام _زهرا
بزم عزایه

سالدوقجا من لب تشنه نی _یاده
هر گون عزا ساخلوردی _معناده
ایندی باجی گل سنده _زهراده
آه و نوایه

یوخ ئوزگه راحت سسلیون _ایوای
اللرده گول جسمی قالان _لایلای
باهم دیون مظلوم حسینیم _وای
گل شور و شینه

کوچ ایلینده کربلادن _سن
زنجیره باغلوردی سیزی _دشمن
گوردوم اوزوم نوک جدادن _من
آغلور سکینه

احسن باجی سنده اولان _صبره
دوزدون هامی بیر محنت و _جبره
خوشگلموسن ششگوشه لی _قبره
پوزقوندی حالون

اشگون آخوب شام و سحر _زینب
چوللرده گزدون دیده تر _زینب
غملی ربابه ویر خبر _زینب
توک اشگ آلون

بوللم یانوب نار _فراقیمده
دائم گزردی اشتیاقیمده
اصغر دینن یاتمیش _قوجاقیمده
سو فکرین آتدی

• پنج شنبه
• 2
• اردیبهشت
• 1400
• ساعت
• 13:08
• نوشته شده توسط
• یوسف اکبری

آنام اوغلی کوفه وشامیدن...گوزون آچ نوالی گلوب باجون
دیلوون فداسی دانیش حسین... اورگی یارالی گلوب باجون

باجووام چتین یته آخره...بوزمانه ده محنیم منیم
سارالوبدی سولدی جفائیلن...گل گلشنیم چمنیم منیم
نقدر ویروبدیلا قمچی گور...گوگروبدی قول بدنیم منیم
بوکولوبدی قامتی غصه دن...نطر ایت هلالی گلوب باجون

نقدر جهانیده من وارام...باشا قاره باغلیارام حسین
غم و محنتیله بوداریده...سنه سینه داغلیارام حسین
او سوسوز دوداقلارا قارداشیم... گیجه گوندوز آغلیارام حسین
غم روزگاره دوام ایدوب...آناوین مثالی گلوب باجون

دولانوبدی کوفه ده یا حسین...ایکی یرده قانه گوزوم یاشی
بیری اوندا کی دکوب آلنیوا...اوجا نیزه اوسته جفا داشی
بیری ده طبقده گلن زمان... او رشید قارداشیمون باشی
قانیلان گوروبدی خضاب اولوب...ایکی گل جمالی گلوب باجون

بیزه محشری الیوب عیان... غم و ماجراسی خرابه نون
گوز آچوبدی بیر گیجه خوابیدن... او غمین هُماسی خرابه نون
چوخ ایدوبدی آه و فغان سنی...گوره مه لقاسی خرابه نون
یارالی باشونلا اولوب حسین... بالامون وصالی گلوب باجون

اسیلوب خزان یلی ناگهان...پوزولوبدی انجمنیم حسین
باشیوی قوجاقه آلان زمان...او گوزل شیرین سخنیم حسین
دوداقون ئوپنده ویروبدی جان...او خرابه ده ئولنیم حسین
قالوب اُول خرابه ی شامیده...چوخالوب ملالی گلوب باجون

دور ایاقه ایله نظر حسین...پوزولان قطاری گتورمیشم
سنه فاش ایدم ئورگیمده من... غم بی شماری گتورمیشم
گوزلیم نشانه رقیه دن...سنه گوشواری گتور میشم
غم و درد و محنته تاب ایدوب...نجه گور بلالی گلوب باجون

چیخا پیشوازینه زینبون...خبر ایله میر حرم حسین
او کی ظلمیلن کسیلوب ایکی...قولی تندن اولدی قلم حسین
اوخا مشکی اولدی هدف دوشوب...ایکی قول یاتوبدی علم حسبن
عَلمیله مشکی گتورمیشم...دیمه دست خالی گلوب باجون

• پنج شنبه
• 9
• اردیبهشت
• 1400
• ساعت
• 15:52
• نوشته شده توسط
• یوسف اکبری

قارداش حسین فراقیوه دیل داغلیام گرک
یاده سالوب مصیبتیوی آغلیام گرک
قورخوم بودور که طعنه وورا دشمنان دین
محکم دوروب خطا یولونی باغلیام گرک

قارداش حسین مزاریوین ئوزگه نماسی وار
افلاکیانه منظره ی دلرباسی وار
پایین پاده اکبر شهزاده دفن اولوب
علت اودور که آلتی جهت دن نماسی وار

قارداش حسین دویونجا سنه آغلیانمادیم
نعشین آلوب قوجاقه ئورک داغلیانمادیم
جبرا ً منی وورا وورا سندن آیردیلار
شرمندیم یارالاریوی باغلیانمادیم

قارداش حسین فراق اودونا یاندی زینبون
هر نه بلا گو روب دیدی آساندی زینبون
تنها رقیه نون گوزونی باغلیان گیجه
آه و نواسی گویلره قوزاندی زینبون

قارداش حسین یزید زماندان باج آلموشام
آل امیه نون جانینا لرزه سالموشام
اما رقیه ئولدی منیم اسدی دیزلریم
دورسان گوررسن ایندی نقدری قوجالموشام

قارداش حسین غم اوستونه غم گلدی شامیده
ویرانسراده داده ننم گلدی شامیده
اللی بش ایل مصیبته دوزدوم داریخمادیم
صبریم رقیه دن صورا کم گلدی شامیده

• پنج شنبه
• 9
• اردیبهشت
• 1400
• ساعت
• 16:00
• نوشته شده توسط
• یوسف اکبری

اربعیندور سنه میهمانم حسین
منی دیندیر ئورگی قانم حسین
شه عطشان حسین سنه قربان حسین

گوزون آچ قدی کمان زینبیوم
غم الیندن قوجالان زینبیوم
قصرخضرایه دمشق ایچره حسین
نطقیله لرزه سالان زینبیوم

نالم عرشه اوجالیب آغلیارام
حشره جک دائم ئورک داغلیارام
باجون ئولسون پوزولان قبره باخوب
تازه دن باشه قرا باغلیارام

حرمون دور ئورگی قاندور حسین
قبرون اوسته گوزی گریاندور حسین
غم الیندن یورولان غنچه لرون
بابا سسلور هامی نالاندور حسین

سنه من قوم دغادن نه دیوم
قوم بی شرم وحیادن نه دیوم
کوفه و شامی گزوب گلدیم اخا
چکدیگیم جور و جفادن نه دیوم

چرخ دون سالدی بلایه باشیمی
دوندروب قانه آخان گوز یاشیمی
جوریله آلدی الیمدن گوزلیم
آناما بنذریمی یولداشیمی

گلشنیم بیرگون آرا سولدی حسین
غم ومحنت سینمه دولدی حسین
شام ویرانه ده یورقون بالاما
مجری قاره کفن اولدی حسین

قوی دیوم اولدی رقیم هارالی
قالدی ویرانه ده یثرب مارالی
موطنی اولدی خرابه بالامون
گوشوارین سنه گتدین یارالی

قاره سین سالدی فلک گور باشیما
باخمدی قانه دونن گوزیاشیما
دینن عباسیمه پیشوازه چیخا
بیر سوزوم وار اوجا بوی قارداشیما

یوزی نیلی قولاقی یاره بالام
غصه لی قلبی دوصد پاره بالام
هی دییردی عموما سویله بی بی
ایله سون دردیمه بیر چاره بالام

سوزی هرلحظه علی اکبریدی
ازبری لایلای علی اصغریدی
قبریمه سویله دی یاز اکبر آدین
عشقیم اول ماه ملک منظریدی

بیله فکرایمه بسترده ئولوب
توش اولوب قلبی غم ودرده ئولوب
خوش گونه حسرت اولوب عالم آرا
«ثاقبا» یاز بالام اللرده ئولوب
شه عطشان حسین سنه قربان حسین

• شنبه
• 18
• اردیبهشت
• 1400
• ساعت
• 13:48
• نوشته شده توسط
• یوسف اکبری

پای پیاده گلروخ؛ کرب و بلایه یا حسین
جذبه ی عشقیندی چکیر، کوی ولایه یا حسین

گون دن ایشیقلی مرقدِ پاکیوه عشق اولا حسین
ای گوزل اسمِ اطهری، عرشه وئرن صفا حسین
ای هدفی مقدس و مشتری ِ خدا حسین
پای پیاده گلروخ؛ کرب و بلایه یا حسین
جذبه ی عشقیندی چکیر، کوی ولایه یا حسین

کرب و بلا زیارتین کل جهانه وئماروخ
بیز آقامیز محبتین ، نام نشانه وئرماروخ
لذت زائر اولماقی، باغ جنانه وئرماروخ
پای پیاده گلروخ؛ کرب و بلایه یا حسین
جذبه ی عشقیندی چکیر، کوی ولایه یا حسین

خامس اهل بیت سن، دینینه ای فدا حسین
مروه صفا فقط حسین، مکه حسین منا حسین
ای گوزل آدی دلگشا، درده وئرن شفا حسین
پای پیاده گلروخ؛ کرب و بلایه یا حسین
جذبه ی عشقیندی چکیر، کوی ولایه یا حسین

موکبِ بین راهیلر، جلوه ی جنتی آقا
فاصله ی عمودیلر، راه سعادت دی حسین
خادم باصفالرین، جلوه ی عزت دی آقا
پای پیاده گلروخ؛ کرب و بلایه یا حسین
جذبه ی عشقیندی چکیر، کوی ولایه یا حسین

• چهارشنبه
• 22
• اردیبهشت
• 1400
• ساعت
• 15:28
• نوشته شده توسط
• یوسف اکبری

اربعین دور عالمی بیر یولدا حیران ائیلروخ
وار حسینه عشقمیز دونیایه اعلان ائیلروخ
اولسا گر مین جانیمز اولشاهه قوربان ائیلروخ
قطره قطره بیر له شیب بیر قانلی طوفان ائیلروخ
کیم حسینه چپ باخا والله پشیمان ائیلروخ

اربعیندور باخ حسین عاشقلرینده وحدته
عشق ائله زهرا بالاسیندا مقام و عزته
یاحسین سسله حسینین دوشمنین سال وحشته
گورسون عالملر حسین عشقی بیزه ارزنده دی
تا جهان واردی مقدس نهضتی پاینده دی

شیعه نین وار مکتبینده منطق و اندیشه سی
ریشه کفر و نفاقی سیندیرار حق تیشه سی
قانیله سیراب اولوب دی نخل دینین ریشه سی
هر قدر شیطان صفت لرائلییه مکر و جفا
تا جهان وار کعبه اهل ولادی کربلا

بو حسین کیمدیر کی دهری دولدوروب آوازه سی
بو حسین کیمیدیر گلیر اوندان همیشه حق سسی
بوحسین کیمدیر اولوب هر یئرده بی کس لر کسی
بو حسین دور هر زمان اهل ولانین رهبری
شیعه نین هم عشقیدی ، هم سروری، هم دلبری

اربعین دیر شیعه لر الده علم آماده دی
هاردا وار انسان حسینه عاشق و دلداده دی
عالمین چشم امیدی بیر بئله مولاده دی
قطره قطره بیرله شیب اهل وفا دوندی سله
کاش ائله بو اربعین قان صاحبی مهدی گله

چوخ زمان چکمز محبت اهلی غمدن دینجلر
شیعه نین دشمن لری حقه اوزی اقرار ائلر
کعبه دن ظاهر اولار بیر گون آقام مهدی گلر
گورسدر اهل ولانین دردینین درمانینی
ذوالفقاریله آلار مظلوم امامین قانینی

اربعین دیر کربلاده شور عاشورایه باخ
قطره اول بین الحرمده موجلی دریایه باخ
عزت آختارسان اگر دونیا بویی سقایه باخ
گور نجه اولدی حسینین نوکری تاپدی مقام
گور نجه الله او مولایه وئریب عزت مدام

اربعین دیر کربلایه یوز قویوب اهل ولا
یا حسین دیلده گلیب دیر نالیه ارض و سما
حضرت مهدی دوتوب شاه شهیدانه عزا
یاده سالدوقجا او مظلومی پریشان آغلییور
عمه سی زینب کیمی گوزدن توکور قان آغلییور

اربعین دیر قوزانیر هر سمت دن انسان سسی
کربلانی دولدوروب دی ناله و افغان سسی
بیر کسیک باشدان گلور گویا گنه قرآن سسی
بیر مزار اوسته گلیب زینب حسینم وای دئیور
بیر طرفده خردا قیزلار اصغره لالای دئیور

باخدی شش گوشه مزاره عترت خیرالانام
جذبه جانانیده محو وصال اولدی تمام
قارداشا دلخسته باجی عرض ائدیب اول سلام
عرض ائدیر ای زینبه روح و وران ای باوفا
زینبین جانی اولار بو قبریوه قارداش فدا

ای منی اوز هجرینه بو قرخ گونی آغلار قویان
آیریلیقدان بو نئچه مدت ده باغریم اولدی قان
ای یارالار یورقونی قربان سنه یاتما اویان
دور حسیینم بیرده دیندیر بو پریشان قیزلاری
خوش صفا ایله یوروب یوللاردا عدوان قیزلاری

غصه دن نازلی قیزین بیر لحظه ده دینجلمدی
دردی گیزیلن اولدی هیچ بیر کیمسه دردین بیلمدی
عذریمی قارداش قبول ایله رقیَّن گلمدی
قمچی لر یولاردا یوردی دوشدی دیلدن ناز بالام
گل کیمی سولدی جفاییله او عمری آز بالام

دور حسین پیشوازیمه هجرینده نالان گلمیشم
آیریلیقدان اولدی قلبیم قرخ گونی قان گلمیشم
کوفه و شاماته گئتدیم چوخ پریشان گلمیشم
گر چی قارداش بو سفرده چاتمیشام آمالیمه
زینبین سنسیز قوجالدی قیل نظر احوالیمه

ای یارالی جسمینی تاراج ائدن قوم عدو
ای مقدس نهضتی قرآن و دینه آبرو
وئرمه دی دشمن سنه جان اوسته ده بیر قطره سو
ائیلدین دنیالری حیران وفا و صبریوه
دولدوروب گوز کاسه سین اشگیله سپدیم قبریوه

قوردی زینب آلتی گوشه قبرین اوسته بزم غم
آچدی دیل شرح فراقه بیر به بیر اهل حرم
شرح هجرانه قلم مدهوش اولوب دی دمبدم
گه خانیم زینب دیلیجه وای حسینیم وای دئدی
گه ربابین محنتین یازدی بالام ایوای دئدی

• سه شنبه
• 4
• خرداد
• 1400
• ساعت
• 18:12
• نوشته شده توسط
• یوسف اکبری

زعفرآزادمهر
بیر نظر سالسون منه آی تک گورونّم یاحسین
هاله ی اندوه و آلامه بورونّم یاحسین
اربعینونده اگر وئرسون برات کربلا
پا پیاده یوخ یوز اوستینده سورونّم یاحسین

سیدبشیرحسینی میانجی
گور نئجه ساده گلورم یاحسین
امن دی جاده گلورم یاحسین
دوزدی اوشاقم ولی عشقونده من
پای پیاده گلورم یاحسین

معروف_اهری
بورا گلزار گل حضرت زهرادی حسین
قطب ایمان و شرف مرکز دنیادی حسین
هر گؤزل لیک دئسه لر واردی بلا دشتینده
کربلادور بو را یا جنت الاعلادی حسین !؟

کلامی_زنجانی
گینه جهاندا بپا اربعین قیامتیدی
سالان ئورکلره طوفان حسین زیارتیدی
کیچیک گوزیله اونون کربلاسینه باخما
بویوک بهشت، حسینون حیات خلوتیدی

پناهگاه اسیران غمدی کرب و بلا
مطاف اهل شرف محترمدی کرب و بلا
زیارته گیده نین قلبی هر قدمده دیور
مدافع حرمم من، حرمدی کرب و بلا

• سه شنبه
• 4
• خرداد
• 1400
• ساعت
• 18:35
• نوشته شده توسط
• یوسف اکبری

طرح ایلدی کیم بو گوزل ششگوشه قبرون
زینب گلوب جان تک آلا آغوشه قبرون

گلدیم دیار شامدن دیداره قارداش
دور خوش صفا ایله گلن زوّاره قارداش

فرصت اگر ویرسه حسین اشک روانیم
شرح ایلرم بیر بیر ندور درد نهانیم
اما دوتوبدی عالمی داد و فغانیم
نیلوم دله گلّم من آواره قارداش

گتدی عیالون شامدن بیر دسته زینب
یورقون پریشان جمله سی دلخسته زینب
سالدی بوقانلی کوینگون قبر اوسته زینب
ایلر حکایت حالیوی حضّاره قارداش

جسمون گیدنده شامه من صد یاره گوردوم
باشدان باشا گل پیکرونده یاره گوردوم
بیر دادرس یوخ دور من بی یاره گوردوم
کوچ ایلدیم گوردوم که یوخ دور چاره قارداش

گلدیم دیار کوفه ده فریاد و داده
گوردوم یارالی باشوى نوک جداده
بولدوم گجه مهمانی دون مطبخ سراده
کول هاله سالموشدی او گل رخساره قارداش

گوردون او قومین کثرتین ای شاه عطشان
نوک جداده باشلادون قرآن حسین جان
منده هوس لندیم ایدم تفسیر قرآن
گوردی باشون گلدیم نجه گفتاره قارداش

بیر خطبه اِیراد ایلدیم قوم عناده
سسلر کسیلدی گلدیلر فریاد و داده
رخنه یتیشدی دولت اِبن زیاده
حیدر دوشوبدی خاطر کفّاره قارداش

ابن زیاد بی حَیا اوُل پَست فِطرت
اوز بزمی نه جبراً چکوب ائتسون سیاست
بولموردی وار حیدر کیمیں منده شجاعت
من وارثم اوُل حیدر کرّاره قارداش

گوردوم عنادیله دیور اوُل بی مُروّت
ایستوردی قارداشون اِیده زینب ریاست
طرز بیانی قویمادی قلبیم ده طاقت
بیله خطاب ایتدیم من اوُل بی عاره قارداش

مرجانه اوغلى ساکت اوُل چوخ اِئتمه طغیان
خائن اوزون سن آز دانیش ای نامسلمان
بیز آل طاهایوخ بیزه نازلدی قرآن
سالدی سوزوم وَحشت دلِ اشراره قارداش

دوردی ایاقه غیظی له بیر الده خنجر
حمله ایدوب من بی کس و زاره برادر
قصد ایتدى ئولدورسون منی اوُل شُوم کافر
یوز ویردی رِقّت عترت اَطهاره قارداش

لازم دگل شرحی سنه روشندی مطلب
چخدی حرملردن گویه فریاد یا رَب
دور دوم ایاقه منده ای سالار زینب
اولدى قیامت خورداجا قیزلاره قارداش

گور نه مصیبت یوز ویرر خوردا اوُشاقه
منله دوراندا قیزلارون دوردی ایاقه
وَحشت وئروب یوز اوُل زمان قوم نِفاقه
وردیم دلِ اِبن زیاده یاره قارداش

فکر ایلیوردی بی کسم یوخ منده جُرئت
هر ظلمه اقدام ایلسه وار اوندا قدرت
گوردی اونا حمله ایدور بیر یالقوز عُورت
طوفان سالوبدی خاطر انظاره قارداش

بو منظره اوُل کافرین آرامین آلدى
آرام اولوب امّا منیم دردیم چوخالدی
آلِ رسولی ظلمی له زندانه سالدى
پرده چکوم بو غصه لی اسراره قارداش

قورتولدی کوفه محنتی یتدی تمامه
عریان دوه اوُسته بیزی گوندردی شامه
دوندی ایشق گون دوز منه شام ایچره شامه
عشقون من زاری چکوب بازاره قارداش

قان آغلارام من کینۀ قومِ عِنوده
فرصت یتوب اوُل فرقهء عاد و ثَموده
چکدی قطار زینبی کوی یَهوده
اود وردیلار عمّامهء بیماره قارداش

قران تلاوت ایلدون گوردی عَجُوزه
بیرداش اله آلدی ویروب ظلمون بروزه
نفرین ایدردیم روز و شب اوُل کینه توزه
یاغیدی بولدوم اَحمدِ مُختاره قارداش

اولدی خرابه شامده قارداش مکانیم
قیزلار فغانه گلدی ای آرام جانیم
قالدی او یِرده یا حسین روح روانیم
آهیم انیس اولدی منِ بی یاره قارداش

قارداش فراقوندا گلوب جانه رقیه
دوندردی اشک چشمینی قانه رقیه
چکدی اوزون اطفالی دن یانه رقیه
قویدی گوزل رخسارینی دیواره قارداش

• دوشنبه
• 10
• خرداد
• 1400
• ساعت
• 22:13
• نوشته شده توسط
• یوسف اکبری

شامیدن گلدیم حسین قلبی یانان زینبیوم
قبرون اوستونده سنون اشک فشان زینبیوم

گورنجه قلبیم اولوب غصه دن القان یارالی
محنتوندن ائدورم ناله و افغان یارالی
غم هجرانون ائدوب قلبیمی شان شان یارالی
نجه دی یاره لرون ای یارالی قارداش اویان
گلدی مه پاره لرون ای یارالی قارداش اویان

من گیدن وقتیده قالمیشدی قوم اوسته بدنون
یاندیرور زینبیوون قلبینی درد و محنون
آلمیشام الدن اخا غارت اولان پیرهنون
سالمیشام قبریوون اوستونده ئورک داغلیورام
غملرون یاده دوشور شام و سحر آغلیورام

قلبیمی قان ائلیوب درد و ملالون یارالی
داغیلوب محنتیلن جاه و جلالون یارالی
منه خوشدور بولوسن قال و مقالون یارالی
دیله گل منله دانیش منده دیوم جان یارالی
یارالی جانیوه جانیم اولا قربان یارالی

قیل بیان زینبیوه یاره لی پیکر نجه دی
نوجوان قاسیمیلن شبه پیامبر نجه دی
گول بوغازی بیچیلن صودامر اصغر نجه دی
توختویوب اوخ یاراسی یا گنه ده قانی آخیر
یاکه عطشاندی هله زهریلی پیکانه باخیر

مات و حیران ائلیوب عالمی فتح و ظفرون
یاندیرار دللری ای شمس هدایت قمرون
سینه ن اوستونده یاتوبدور یارالی صودامرون
آغلیان وقتیده قارداش بالام ای وای دیوسن
یوخدی پیکرده باشون بس نجه لای لای دیوسن؟

وار یری امر ایلیه زینبینه شاه جهان
بو یانان قلبیمی یاندیرما باجی ائتمه فغان
قمچیلر یول یول ائدن قولاریوی ایله نهان
قبریمون اوسته بو اندازه اوتاندیرما منی
ئوره گیم یاره لیدی صبر ایله یاندیرما منی

گلشنیم باد خزانیله باجی سولدی منیم
کربلاده یارالی قلبیمه قان دولدی منیم
قسمتیمدن کفنیم پاره حصیر اولدی منیم
حالینی ایله رعایت یارالی پیکریمون
یری راحتدی سینم اوسته علی اصغریمون

یاتمیشام قبریده زینب داغیلان پیکریله
ایاقیم آلتدا یاتان اشبه پیغمبریله
سینم اوستونده یارالی صودامر اصغریله
آغلارام اکبریمه گونده اوغول وای دیرم
کسیلن حنجریله اصغره لای لای دیرم

(سالکا) آغلا منیم غملریمه صبح و مسا
یاده سال اصغریمون اوخ یاراسین ایله نوا
اوخ دگن حلقینه هیچ اولمادی دنیاده دوا
آچمامیش غنچه کیمین دهریده تئز سولدی بالام
آلتی آی عمر ایلدی آچمادی دیل ئولدی بالام

• چهارشنبه
• 12
• خرداد
• 1400
• ساعت
• 21:24
• نوشته شده توسط
• یوسف اکبری

قیرخ گوندی حسین جان یانورام درد و بلادن
شعله چکورم اودلانورام آه و نوادن
قلبیم یانوری دشمن ائدن جور و جفادن
قیرخ گوندی یانان قلبیمی غم تیری بولوبدی
قلبیم یارادی سن کیمی قارداشیم ئولوبدی

قیرخ گوندی چیخور عرشه منیم آه و فغانیم
قیرخ گوندی گئدوب الده اولان تاب و توانیم
غمدن یورولوب دهریده بو جسمیله جانیم
محنت زدیم ام مصائب لقبیم وار
قیرخ گوندی که چوللرده نه روز و نه شبیم وار

سندنصورا مونس منچون آه و نوادی
باشیم آغاروب علت اونا درد و بلادی
قدّیم بوکولوب باعثی ظلمیله جفادی
عاشور بلادن توکولوب باشیمه هی غم
عفو ایله سنه دوتمامیشام من هله ماتم

جبریله چیخوب گئتدیم او گون کرب و بلادن
هر یرده حمایت ائلدیم دین خدادن
نطقمله توان آلدیم اخا اهل جفادن
قول باغلی گئدوب کوفه نی تسخیر ائلدیم من
ظلم اهلینی دنیا بویی تحقیر ائلدیم من

فریاد ائلدیم سن کیمی تا عدلیله دادی
خوار ائتدیم اودور قدرتیلن ابن زیادی
رسوای زمانه قالاجاق دهریده آدی
قورتاردی ایشیم کوفه ده دوشدوم یولا گتدیم
بیلدیم که گرک شامیده تسخیر اولا گتدیم

گوردوم که اوگون دشمنی خوار ائتمسم اولماز
ظلم اهلینی من درده دچار ائتمسم اولماز
روشن گونوزون تیره و تار ائتمسم اولماز
علت اوئیدی شامیده بیر محکمه قوردوم
ذلت رسنین حاکمینین بوینونا ووردوم

دینین علمین نصب ائلدیم کوفه و شامه
چون همرهیدیم منده ازلدن بو قیامه
وئردیم نجه گور نهضت خونینی تمامه
نطقیله حسین دشمنیوون قلبینی دلدیم
ایفا ائلدیم عهدیله پیمانیمه گلدیم

غم یورقونویام ایندی حسین جان منه سس وئر
غمدن یارالی قلبیم اولوب قان منه سس ؤیر
جانیم یارالی جانیوه قربان منه سس وئر
اشکیم نجه گور یوزده دونوبدور سئله قارداش
دیندیر منی بلکه ئورگیم دینجله قارداش

شاماتی گزوب حال پریشانیله گلدیم
یولاردا حسین ناله و افغانیله گلدیم
قبر اوستونه من دیده گریانیله گلدیم
گلدیم ولی دردیم چوخ اولوب صبریم آزالدی
چوخ ایستدیگون نازلی بالان شامیده قالدی

آغلاردی قیزون یکسره غم خانه ده قارداش
آخر یورولوب غصه لی کاشانه ده قارداش
جان وئردی قیزون گوشه ویرانه ده قارداش
چارم کسیلوب عالمی غرق محن ائتدیم
ئوز کوینگینی جسمینه آخر کفن ائتدیم

فریاد ائلدیم کیمسه حسین گلمدی داده
قازدیم او زمان قبرینی ویرانه سراده
حسرت گوزی قالمیشدی اونون کرب و بلاده
یاندیم یارالی پیکرینی کفن ائلینده
ئوپدوم او قرا گوزلرینی دفن ائلینده

یات قبریده دینجل دیدیم ای غملی هزاره
سندنصورا عمه ن گنه اولدی گونی قاره
آج اولماقین ائتدی بو یانان قلبیمی یاره
(سالک) نقدر یازسادا دریای غمیمدن
هیهات اولا قطره غم و درد و المیمدن

• پنج شنبه
• 13
• خرداد
• 1400
• ساعت
• 14:36
• نوشته شده توسط
• یوسف اکبری

شیعلر حسینین گلدی اربعینی
سالدی یادیمه بیر غملی سر زمینی

نینوادی بیر آدی - کر بلادی بیرآدی
تربتی شفادی <۲>

لیلی اکبر یندن اوردا ال ئوزوبد ی
بختینین سهیلی نا گهان سوزوبدی
اصغر ین آناسی غملره دوزوبدی

اوخلانوب.علی.اصغر-دوغرانوب علی اکبر
تربتی شفادی <۲>

اوردا گلستان کربلا صولوبدی
اوردا قلب زینب غصه دن دولوبدی
تشنه لب حسینون غسلی قان اولوبدی

پیکری قالوب بیسر-قالدی بی کفن پیکر
تربتی شفادی<۲>

اوردا میر لشگر مرتضای ثا نی
د ین حق یولوندا ائتدی جانفشانی
قول.دوشوب. سینوب .باش.باشدان
.آخدی قانی
َ۰اوخلانوبدی.سومشگی.اونداقاناولوب.اشگی
تربتی شفادی <۲>

کر بلا او یردی چوخ بلاسی واردی
نای نیلر ینده غم نواسی وارد ی
کر بلاچولونده غم هواسی وارد ی

تپراقی غم افزادی- غملری معمادی
تربتی شفادی <۲>

ایله چاره یارب محنت فراقه
دعوت ائت بوجمعی عطرلی رواقه
آلتی گوشه قبری بیر آلاق قوجاقه

ایلیاق نوا دلدن - کام آلاق اومنزلدن
تربتی شفاد ی <۲>

• پنج شنبه
• 10
• تیر
• 1400
• ساعت
• 13:20
• نوشته شده توسط
• یوسف اکبری

سینه داغلیور سنه عرش کبر یا حسین
پاره پاره پیکر ه زینبین فدا حسین
جان یارالی یا حسین<۲>

قویمادی عدو یوزه اشگ سیلی باغلیام

قتلگهده اوخشیام یاکی سینه داغلیام

ایندی گلمیشم سنه بیر دویونجاآغلیام

گوز یاشیملا سوسپم قبرپاک یاحسین
جان یارالی یاحسین<۲>

گوردی زینبین سنی قوملاراوسته.بیکفن

لرزه تاپدی تیتردی روح عشق.وجان.وتن

اوندا بیلمیرم باجون زینب ئولمدی ند ن

کاش ئولیدی زینبین اوردا برملا حسین
جان یارالی یاحسین<۲>

خسته جان.مسافرم جان یارالی.قارداشیم

غملی شهرکوفده چوخ بلا چکیب باشیم

داش.دگنده.باشیوه.قانه.دوندی.گوزیاشیم

منده باش یاریب سنه ائتدیم اقتداحسین
جان یارالی یاحسین<۲>

ای طریق عشقده رهنماسی زینبین

غسلی.قان.وضوسی.قان.حق.فداسی.زینبین

نوک نیده حق دیین مقتداسی زینبین

مرحبا دئدی سنه فو ج انبیا حسین
جان یارالی یاحسین<۲>

قبریوین.توزون.سیلیم کیبریگیمله.قوی اخا

ایلییم همین توزی گورلر یمه تو تیا

نور آلا بو گردین گوزلریم ایشیقلانا

نور عشقدن تاپام درد یمه دوا حسین
جان یارالی یاحسین<۲>

• پنج شنبه
• 10
• تیر
• 1400
• ساعت
• 13:30
• نوشته شده توسط
• یوسف اکبری

دور حسین گلدی باغری قان زینب
شامدن گتدی کاروان زینب
اربعینوندی قبروون اوسته
ایلیور اشکینی روان زینب
ایلیوب الده زلفینی پرچم
آهینی تیغ جان ستان زینب
اوخیور شوریله سرود ظفر
بنت مولای مؤمنان زینب
دمبدم سویلیور بحول اللّه
اولدی پیروز و کامران زینب
دشمنی ئوز ائوینده خوار ائتدی
بیلدیلر کیمدی شامیان زینب
قهری وار ذوالفقاردن کسگین
شیعه ی نابه مهربان زینب
کیم حسینون اولا عزاداری
اونا شافعدی بی گمان زینب
شأنی والا بتوله نایبه دی
بخت اجلالی جاودان زینب
ئوزی حلّال مشکلات قزی
گره کوری تئز آچان زینب
دائماً یاد ائدیب غمین آغلار
ایندیده صاحب الزمان زینب
بیر بئله باجی قارداشین نه غمی
سنه قرباندی شیعیان زینب
گلدی کرب و بلایه واویلا
حشر دیگر ائدیب عیان زینب
وئردی اوّل سلام قارداشینا
وای حسینیم دیوب ویریب باشینا
طاقتی اولمادی قدم آتسون
سورونوب چاتدی قبرینون داشینا
اُسرا گوردی زینبین حالین
خون دل قاتدی جمله گوز یاشینا
بلی عشّاقی حال بحراندا
قویالار خوشدی کامل ئوز باشینا
مرقدین اوپدی تربتین ایله دی
گوزونه سرمه وسمه ده قاشینا
دئدی قارداش روا دگل یولداش
اولا بی مهر یار و یولداشینا
سنه خو تاپموشام ازل گوندن
چاتموشام ایندی اللی دورد یاشینا
شیشه ی عمر پر بهامی فلک
چالدی خصمانه تیره داش قاشینا
آلیب آغوشه قبروی حرمون
اوخشیوب مرقدون اوزوک قاشینا
اورگیم قان اولاردی هجرونده
قالمادی یاخجی اولدی ایل باشینا
باجوی غصّه مرگ ائدردی بو غم
گلدی دیداره جان فشان زینب
گلمیشم بزم غم قورام قارداش
شوریله دشتی دولدورام قارداش
صدر مجلسده سیّد سجّاد
بیر طرفده اوزوم دورام قارداش
اولماسا قاره تیره آهیمدن
قبرون اوسته عَلم ویرام قارداش
اوخشیوب آغلیام دویونجا سنه
قلب مهجوریمی یورام قارداش
بیر حسینیّه کربلاده ویراق
بیر عزا شمعی یاندیرام قارداش
او قدر آغلیام چیخا جانیم
عشقه بو جانی تاپشیرام قارداش
کربلادن گئدنده قویمادیلار
آغلیام دیلده وار یارام قارداش
اودی بو نسگلون اورکده قالیب
وای حسین وایه آغلارام قارداش
قویالار کاش ئولونجه بوردا قالام
واردی بوردان صورا هارام قارداش
بو گوزل قبروه باجون قربان
دیرم دیلدن آتمارام قارداش
کاش بو قبرون اوسته جان زینب
وئره جانانه ارمغان زینب

عترتون قیددن خلاص ائتدیم
سنه بیر عدّه میهمان گتدیم
هاموسی قاره پوش یاسلی دیلار
خسته دیللرده الامان گتدیم
شامدن کربلایه جن آغلار
هاموسی اولدی باغری قان گتدیم
بیری بیماردی بیری رنجور
چوخینی زار و ناتوان گتدیم
گون قباقینده هاموسی سارالیب
نه دیوم گلشن خزان گتدیم
چوخی یولّاردا گئتدی دنیادن
قالان اطفالی نیمه جان گتدیم
دیمیوب دیللرینه ایستی غذا
غملرین ایلیوب نهان گتدیم
بوته ی امتحاندن چیخدی
گنج عصمتلریم عیان گتدیم
اولمادیم شرمگین فاطمه دن
وئردیلر یاخجی امتحان گتدیم
صدقه گتدیلر بولار یمدی
آفرین دیلده بی کران گتدیم
نه چکیب گور بو خسته جان زینب
عمری بیر غملی داستان زینب
یا حسین درده مبتلا باجوام
هامیدان چوخ غم آشنا باجوام
تلّیدن قتلگاهه سرعتله
قاچان اَل باشدا بینوا باجوام
شمریله کشمکش ائدن وقته
اللری دوغرانان اخا باجوام
قاتلون ذبح ائدنده حنجروی
عرشه آهیم سالان نوا باجوام
بیر گون عرضینده یدّی قارداشین
ایکی اوغلین وئرن فدا باجوام
گه قاچیب خیمه گاهه گه تلّه
آل اطهاره همصدا باجوام
قویمادیم سیندیرا سنی دشمن
فتح ائدن شامی مه لقا باجوام
کوفه شهرینده اهل بازاری
ایلین خوار برملا باجوام
بئله فکر ائتدیلر باجون قوجالیب
گوردیلر بنت مرتضی' باجوام
قویمادیم پرچم قیام یاتا
مثل عبّاس باوفا باجوام
بیر نظر سال "صفایه" سن بیل حسین
طبع شعری اولا روان زینب

• دوشنبه
• 4
• مرداد
• 1400
• ساعت
• 21:38
• نوشته شده توسط
• یوسف اکبری

دمیشدیم ئولمسم قبر اوسته گلّم شامدن قارداش
گتردیم خسته قزلارون قوتارمیش دامدن قارداش

عجب یار اولدی بختیم عهدیمه قیلدیم وفا گلدیم
اوره ک داغلی سینم یاره باشیمدا وار قرا گلدیم
قورام بو چولده شوقیله سنه بزم عزا گلدیم
خم اولمیش قامتیم امّا غم ایّامدن قارداش

منیم تک خردا قزلارون یانور نار فراقونده
فراموش ایتمشوک بیز رنج راهی اشتیاقونده
او قیزکی حیف اولا دائم یاتیرداردون قوجاقونده
خجالت گلمیشم اول طفل پر آلامدن قارداش

گزوب شاماتی القصّه بلورسن چوخ بلا چکدوک
گینه وار حمدی دیداره عزیزیم اولمدوک گلدوک
غم ایّامدن بیر قدری بو دنیاده دینجلدوک
یزیدون گوندوزین تار ایلدیم هر شامدن قارداش

مسیر راهده مسروریدیم شوق زیارتّدن
رقیّون گلمدی قان اولدی باغریم بو حکایتّدن
او بیزدن تز قوتاردی شامده قید اسارتّدن
گوروشجک سنلن آیریلدی صف ایتامدن قارداش

دانشسام خاطراتین موبمو قلبون دونر قانه
قوجاقیمده دولاندیردیم دانشدیردیم عزیزانه
دولاندیم باشینه دائم اولونجه مثل پروانه
یانوب شمع وجودی طعنه ی ضلّامدن قارداش

آدی دیلدن دیله دوشدی غمی داغلی اورکلرده
شهیده گتّدی قبره نازدانم اولدی اللّرده
بالام اولمزدی از بس زجر اونی اینجتّدی چوللرده
آنام زهرا کیمین مجروحیدی اندامدن قارداش

باشیم سندن سورا چوخ دوشدی آخر شور و غوغایه
شریک اولموشدیم اوّل گون سنیله چون بو سودایه
کسیک باشونله گزدیم شام شهرین سایه به سایه
گورنلر سپدی کُل باشیمه پشت بامدن قارداش

گچنلر کچدی دنیاده یتشدوک عین مقصوده
اول دفترده یازدیر بو گلن زوّاری معبوده
شکسته قزلارون دیندیر بیر آز اولسونلا آسوده
سوله خوش گلمسوز لعل لب گلفامدن قارداش

کرم قیل پیشواز ایله اَخا یورقون قوناقلاری
گلن اهل عیالوندن دور استقبال ایله باری
گلوب ویرانه ده بیر دفعه ایتدون تازه دیداری
ثواب ایت بیرده جویا اول دل ارحامدن قارداش

علی و اکبرین عطرین آلوب لیلا گدیب هوشه
رباب آغلار باخور نهر فراته گاهی آغوشه
سریّه قاسمون نار فراقیندن ادیب توشه
قورولموش بزم الفت جرگه ی ناکامدن قارداش

صفایه لطف ایله بیر اربعینی بخت یار اولسون
دوروب ششگوشه قبرین دوره سینده اشکبار اولسون
گتیرسون قبروه بیر دسته زوّاریله زار اولسون
دادیزدیر جام وصلی مست اولا اول جامدن قارداش

حسین جان کیمیا دور تربتون اهل جهان سویلر
همین تربتدی هر درده حکیمانه دوا ایلر
یقین زیبنده قبر ایچره بو نوعیله دیوب سسلر
قوتار اوز قبروی تز سلطه ی صدامدن قارداش

• دوشنبه
• 4
• مرداد
• 1400
• ساعت
• 21:41
• نوشته شده توسط
• یوسف اکبری

اربعینون گلدی قارداش سن هارا توپراق هارا
آچ گوزون زینب گلوب آلنی یارا ، قلبی یارا

ایندی قرخ گوندی حسین سندن دارخمیش زینبون
دورگینان پیراهنین اللردن آلمیش زینبون

ایندی قرخ گوندی سسون گلمیر قولاقه آی حسین
دورگینان حرمت ائله یورقون قوناقه آی حسین

ایندی قرخ گوندی اسوب هجران یئلی گلزاریمه
تاپمادیم بیرکس ائدم محرم بو سوز و سازیمه

قارداشیم باخ باجیلار قاره گیوبلر هامیسی
آغلیوبلار گه سنه ای وای دیوبلر هامیسی

باشیمه قرخ گوندی قارداش چکمیوبسن اللرین
قبرون اوسته آغلاشیلار بی نوا بلبلرین

باجی قارداش رسمی قارداش گورنقدری خوش اولار
غملی گونده باجینون قارداش یئری چوخ بوش اولار

چون که سندن من حسین درک محبت ائتمیشم
عطریوه واللهی قارداش من چوخ عادت ائتمیشم

ایندی قرخ گوندی منیم وای یوخدی قارداشیم اخا
سیلی تک آخمیش عذاره قانلی گوزیاشیم اخا

باجی ایستر جان وئرنده قارداشی گلسین حسین
قبلیه ساری باجیسین فوری دوندرسین حسین

نینیم ایندی ولی سن گئتمیشن من قالمیشام
قبرون اوسته پیکریمی سایه مثلی سالمیشام

کاش سنی بیر یول خدا دنیایه قیترسین حسین
بو کمکسیز باجیوا قارداشینی ورسین حسین

تا دونوم هر روز و شب پروانه مثلی باشیوه
جان دیوب بوسه ویرام هم گوزلره هم قاشیوه

گوزلره تاکه دویونجا من باخوب ای وای دیم
سینمه باشون آلام قارداش سنه لای لای دیم

• سه شنبه
• 12
• مرداد
• 1400
• ساعت
• 13:54
• نوشته شده توسط
• یوسف اکبری

پیشواز ایله حسین زینب اوزاق یولدان گلور
شامیدن کرب و بلایه قیزلارون مهمان گلور
جان حسین ؛جانان حسین
من سنه قربان حسین

شاهد الله دی حسین نطقیمله شامی آلمشام
بش یاشیمدان قاره معجر باشیمه من سالمیشام
سندن اوزولدی الیم قارداشسیزام تک قامیشام
دیده لردن گوزیاشیم توپراقه چون باران گلور

دور گلوب زینب باجین اما آغلاریب ساچلاری
گر قاجالسا وار یءری چون که اولوب قارداشلاری
باخگیلان مهمانلارین قانه دونوب گوزیاشلاری
گورجگین قبرین حسین بو خسته جانه،جان گلور

طشتیده گوردوم باشین اما بلشمیشدی قانا
کل عالم بیر یانا اول قانلی لبلر بیر یانا
وار یری بوردا دءیم لای لای حسین ، قلبیم یانا
یولاری نوحه دیوبدی زینبون گریان گلور

بعضی اوغلون بعضی سی قارداشینی اوخشور حسین
درد و دلده گوزیاشی اصلا امان وءرمور حسین
هر نقدر آغلورام قلبیم اودی سومور حسین
اودلی قلبیمدن فغان و ناله ی سوزان گلور

ای شه ملک حجاز اصغر قوجاقینده یاتوب
شاهزاده اکبرین پایین قبرینده یاتوب
یاخشیدی ای شه وزیرین روبروینده یاتوب
گورجگین شش گوشه قبری روحیمه ریحان گلور

علقم اوستونده اوجا بوی قارداشیم قانه باتوب
قولاری تندن دوشوب ، باشی سینوب عطشان یاتوب
سسلیوب انی ان الحق کلمه سین کامه چاتوب
یا اخی ادرک اخاک ین نغمه سی هرآن گلور

بیلمزیدیم سرو رعنانی اسن یل سیندیرار
یا چمنده سنبل و یاسی، آخان سیل سیندرار
بیلمزیدیم قارداشین داغی وروب بءل سیندیرار
زینبون سیندی بءلی ، قدی اولوب چوگان گلور

بلبلون ویرانسراده جانی چیخدی گلمدی
قانلی باشین گورجگین اولدوز تک آخدی گلمدی
کوسموشیدی اوخشادیم اهسته، باخدی گلمدی
بیرگجه بی تاب اولوبدی سسلدی جانان گلور

قیشلارین سالدی فشاره سسلدی جان جان بابا
کیمللره مهمانیدون که گلمیشن الان بابا
خوش گلیبسن ایندی ایله دردیمه درمان بابا
سینمه باشون آلاندا دردیمه درمان گلور

باشی اغوشه آلوب هی اوخشادی من اغلادیم
غملرین یاده سالوب هی اوخشادی من اغلادیم
آغلیوب لایلای چالوب هی اوخشادی من آغلادیم
ایسته دی بوسه ورا گوردی دوداقدان قان گلور

عرض اءدوب کیم لبلره قمچی وروبدی آی بابا
باشیوی دالدان کسوب قاتل ندن ای وای بابا
خوش گلوبسن سینه اوسته گوی چالوم لایلای بابا
ایندی قمچی ورماقا اول قاتل نادان گلور

جان وروب آخر دوشوبدی خسته فرزانه م حسین
دوندی شمعین باشینه جان وردی پروانه م حسین
طشته قویدی جانینی،جان وردی دردانه م حسین
ایندیده قلبیم یانور فکر ایلمه آسان گلور

• جمعه
• 15
• مرداد
• 1400
• ساعت
• 19:06
• نوشته شده توسط
• یوسف اکبری

ای کربلا میهمانلاری الله تاپشیردیم سیزی
ای اربعین گریانلاری الله تاپشیردیم سیزی

خوش حالیزه که مدفن جانانی مقصد اتمیسوز
قلب پر از درد و محن دیداره شاهه گتمیسوز
کل جهانه عشقیده مجد و مرام اورگتمیسوز
ای مکتبین قربانلاری الله تاپشیردیم سیزی

دریا خروشان اولماسا داشه چالینماز موجیلر
گورم پیاده یولاری عشاقین عشقیله گلر
سینه وران سینه ورار ,ماتم زده اشگین الر
گلزار دین ریحانلاری الله تاپشیردیم سیزی

اولموش جهانی شکر اولا ایام عاشور ، اربعین
لبیک حسینون نغمه سی افاق باخ سالمیش طنین
بو ایلده قسمت اولمادی بیر عدیه اولدوم غمین
ای کربلا عطشانلاری الله تاپشیردیم سیزی

سیزلر گئدون اخر منیم یوخدور لیاقت گلمگه
واردور که امیدیم اقا ایلر عنایت گلمگه
قسمت منه گر اتمسه حتی قیامت گلمگه
سست اتمرم پیمانلاری , الله تاپشیردیم سیزی

ای وای او.ساعتدن حسین دوشموشدی بیکس مقتله
دشمن فقط یاره وئرور هیچ قویمیولار دینجله
تل اوستونه تیکمیش گوزون سویلور باجیم شاید گله
ای خوش گونون طفلانلاری الله تاپشوردوم سیزی

ورمیش سنان ئوز نیزه سین قویمور جانی اسان چیخا
اوخ ترپنیر , جان ترپنیر جوشه گلوبدی قان چیخا
سویلوردی زیر لب اقام ایستیردی لبدن جان چیخا
ای فاطمه ریحانلاری الله تاپشیردیم سیزی

• جمعه
• 15
• مرداد
• 1400
• ساعت
• 19:39
• نوشته شده توسط
• یوسف اکبری

شامیدن حسینجان گلمیشم پریشان
آلتی گوشه قبره باجون اولدی مهمان
آه ووایه من گلدیم بو منایه من گلدیم
قانلی گلشنه بنذر کربلایه من گلدیم
ای شه لب عطشان

یاحسین غمونده سینه داغلارام من
باشیمه اولونجه قاره باغلارام من
غملرون دوشنده یاده آغلارام من
آدیوین فداسی ای فدای قرآن
سرورزمن قارداش تشنه لب اولن قارداش
قانلی کوینگون دورگی یاتمابی کفن قارداش
ای شه لب عطشان

سویانینداویردون سن حسین سوسوزجان
سن شهیداولاندایاغدی یاحسین قان
اسدی قاره یللرحشراولوب نمایان
کسدی تشنه باشون قوم نامسلمان
قالدی عترتون ویلان خرداقیزلاران نالان
اولمدیم گنه گلدیم سن عزیزیمه مهمان
ای شه لب عطشان

ای شهیدقرآن لشگرون نجولدی
جدیمون شبیهی اکبرون نجولدی
قارداشیم ابوالفضل یاورون نجولدی
اصغرین بوغازی اوخلانیب اوخیلان
سولدی غنچه یاسیم باتدی قانینه قاسیم
بس نیه یاتیب سندن آیری قولسوزعباسیم
ای شه لب عطشان

گلمیشم غمونده من نوایه قارداش
دردهجره یوخدورالده چاره قارداش
عاشقم اورکدن بومزاره قارداش
عرشیدن گوزلدورقبرون ای حسینجان
نالیه بودم گلم قدریوی حسین بیلم
قبریوین توزون قارداش
گوزیاشیملا من سیلم
ای شه لب عطشان

عارفم اورکدن آغلارام حسین جان
سائلم قاپوندایاحسین قیل احسان
قیلاآناواخاطرمشکلیمی آسان
معدن سخاسن ایله درده درمان
یاده لطفوی سالام روزوشب قاپون چالام
سندن عاقبت مولا حاجتیمی من آلام
ای شه لب عطشان

• یکشنبه
• 17
• مرداد
• 1400
• ساعت
• 12:29
• نوشته شده توسط
• یوسف اکبری

رقیه فتح ایدوب شامی حسین جان گلمدی قالدی
یزیدی خارورسوا ایلدی جانینه اوت سالدی
رقیه جان بالا سنه قربان بالا 2بار

یورولموشدی اویوللاردا خرابه مسکنی اولدی
بلایه توش اولوب باشی سارالدی غصه دن صولدی
بوتزلیکده او اولمزدی حسین جان غمچیلر یوردی
سالوب بیر قاره معجر باشینه شامی قیزین آلدی
رقیه جان بالا سنه قربان بالا ۲بار

باخاردی یوللارا دایم حسین جان سینه داغلار دی
غمینده قارداش آغلاردی باشینا قاره باغلاردی
غم اکبرده اصغرده گیجه گوندوز او آغلا ر دی
دیردی عمه جان گلمور بابام ایندی اورک قاندی
رقیه جان بالا سنه قربان بالا ۲بار

کسیک باشین حسین جان آلدی آغوشه اومه پاره
اوقدری شیون ایتدی تا ایدوبدی قلبیمی یاره
دوشوب آخر نفسدن اولمادی الده حسین چاره
اونون دردو غمینده زینب ایندی دیده گریاندی
رقیه جان بالا سنه قربان بالا 2بار

دوشوب حالدان رقیه من اونی تز باغریما باسدیم
اولنده اولمادی بیر کس اونون قبرین اوزوم قازدیم
اوزوم قویدوم اونی قبره آدین قبر اوستونه یازدیم
ویروبدی شامیده پرچم رقیه اوردا آدلاندی
رقیه جان بالا سنه قربان بالا ۲بار

• چهارشنبه
• 20
• مرداد
• 1400
• ساعت
• 18:13
• نوشته شده توسط
• یوسف اکبری