اشعار ویژه اربعین

اولا بیز دن شه ابراره سلام

او گوزل محرم اسراره سلام

آناسی فاطمه لای لای اوخویان

گجه جبریل مددکاره سلام

باباسی حضرت طاها کمکی

آتاسی حیدر کرّاره سلام

اوجالیب گوگلره پرواز ایلین

عموسی جعفر طیاره سلام

بالاسی حضرت سجّاد آقاما

اولا روحیه لی بیماره سلام

هنر عنقاسی ابوالفضل علی

او شجاعتلی علمداره سلام

باجی سی زینب کبرایه سلام

ایله همتلی پرستاره سلام

اوزی اجلال نزول ایلدیگی

ایوه یا خیمهء زرتاره سلام

اوقزل قان بوروین مقتلینه

عظمت معدنی درباره سلام

قاپوسی باغلی یولی باغلی قالان

اورگی غصه لی زواره سلام

گزوری چوللری ویلان بالالار

الی قوینوندا پریشان بالالار

حرم آهولری گوز یاشی الور

هره بیر یاندا گلیب داده ملول

آنالار اوغلونا غم بزمی قورور

باجیلار باشینه تپراق سوورور

او خانم زینبی غم داره چکوب

دله قارداش الومی یاره چکوب

گلوب اگلشدی حسین قبرینده

نه دوامی وار میش صبرینده

اورگین قویدی مزار اوستونده

یارانی نقش ایده یار اوستونده

دیدی دیندور من نالانی حسین

سنِ زهرا ننمین جانی حسین

بدنیم تتریور آخر الورم

دور علاج ایله برادر الورم

سنه قربان اولوم عطشان یارالی

الورم باغریم اولوب قان یارالی

گجه گوندوز گوگه آهیم اوجالوب

بو بش اون گونده باجون چوخ قوجالوب

دیله گل بیر دانیش ای جان جهان

منه اوز حالیوی سن ایله بیان

گورورم آخر اورگین یاره سینی

ایده بولسم ایلیوم چاره سینی

بو جانیم گرچه حسین ساغ قالوری

اورگیمده ولی چوخ داغ قالوری

دولانیب شامی سلامت گلورم

منی عفو ایله خجالت گلورم

او رقیون که چوخ ایستردون اونی

منیلن کوفیه گوندردون اونی

آنامین اوخشاری آهو مارالی

اونی دا قمچیلر ایتدی یارالی

اجلین تیری اوجالدی فلکه

چکه ویرانه طلاسین محکه

سالوب آخر ده ایشیق اولدوزوی

آلوب الدن او شیرین دیل قزوی

یارالی سینمین اوستن چکیلوب

یرینه تخم مصیبت اکیلوب

اورگیم جوشه گلوب ای یارالی

اوخویوم قوی سنه لای لای یارالی

اونی من گوزدن حسین آتمازیدیم

او یاتاندان صورا دا یاتمازیدیم

گجه می وقف ایلیردیم بالاوا

ایله لای لای سولیردوم بالاوا

او منیم شمعیمیدی اولدی خموش

ایلدی عمه لرین خانه بدوش

من او پروانه یم ای شمع وفا

دولانیم باشیوه رخصت ور اخا

قوی ایدوم قبروین اطرافینی صاف

ایلیوم بیت خدا مثلی طواف

بو طواف اولماز حسین حجه قیاس

قورولوبدور آدیوا مجلس یاس

گوزومه نور مجلل گورونور

بومکان کعبه دن افضل گورونور

یری وار کعبیه فخر ایتسون اگر

کیم ایدوب سن کیمی افلاکه سفر

سوزوین نوری وروب داشلارا نور

باشیوین شوری سالوب باشلارا شور

بو((امینی))ایستوری بیز دن حسنات

آدینا یاز گیلا بیر برگ برات

• جمعه
• 22
• مرداد
• 1400
• ساعت
• 12:36
• نوشته شده توسط
• یوسف اکبری

دور قبردن ای بلالی قارداش
باشدان داغلان جلالی قارداش
سن کرب و بلالی سن ولیکن
منده باشی ماجرالی قارداش

آچ گوزلرون ای عزیز جانیم
دیندیر منی باشیوه دولانیم
عشقونده دوشوب بلایه باشیم
ایلوبدی منی عزالی قارداش

اولموشدی منه بو گون سعادت
گلدیم سنی ایلیم زیارت
پیشوازه دور ای شه ولایت
دیدار ایله اهل عیالی قارداش

هر قدر دیسم خبر واریمدی
هر شام واریمدی هر سحر واریمدی
عرضیم بودی مختصر واریمدی
ایلوم سنه شرح و حالی قارداش

من چوخ یولی پا پیاده گیتدیم
گیتدیم ولی فوق العاده گیتدیم
هم مجلس ابن زیاده گیتدیم
گوردوم او شقی رجالی قارداش

من آتش ظلمه یاندیم اوندا
اول شهری گیدوب دولاندیم اوندا
چوخ گلدی تانیش اوتاندیم اوندا
سانکه یوخوموش حیالی قارداش

بیر عده باخیب منه گولوردی
بیر عده ده حالیمی بولوردی
بیر عده الینده داش واریدی
بیر عده ده غصه دن الوردی

شاماتیده بیر حکایتیم وار
اوردان سنه چوخ شکایتیم وار
چوخ ظلمه هله رعایتیم وار
شرح ایلمورم وفالی قارداش

ویرانه نی منزل ایلدیم من
هر ثانیه می ائل ایلدیم من
آسان ایشی مشکل ایلدیم من
توکدوم یوزه اشک آلی قارداش

تاپشیرمیشدون منه امانت
منده اونی ایلدیم ضمانت
اوندان ولی اولموشام خجالت
الدوردولر اول عزالی قارداش

اولموشدی منه رقیه یولداش
تک قالدیم او یولداش اولدی قارداش
منده اونیلن الیدیم ای کاش
قویمیدی منی عزالی قارداش

الدی منی قویدی یانه یانه
سانکه گلیدی گیدوب خزانه
تاپشیردیم "امینی" نوحه خوانه
آختارسین او نونهالی قارداش

• یکشنبه
• 24
• مرداد
• 1400
• ساعت
• 10:41
• نوشته شده توسط
• یوسف اکبری

ای کرب و بلانین قوی سرداری ابوالفضل
آل اللهین ای تشنه علمداری ابوالفضل
چوللرده قالان غصه لی زواری ابوالفضل
آچ قانلی گوزون بیر نظر ایله سن تاری
قوی بلکه بو زوار اورگی دینجله باری

سن ماه بنی هاشم و فرزند علی سن
سن شاه شهیدان کیمی اللهه ولی سن
سن شهرهٔ آفاق خداوند جلی سن
سن لشگر اسلامه علمدار سن عباس
بی یار قالان قارداشیوه یارسن عباس

هیچ بیر قوشونون سن تک علم پروری اولماز
مثلونده سنون سرتیپ و سرلشگری اولماز
خشنود ایلسین عترت پیغمبری اولماز
سن راه ولایت ده گوزوندنده گیچوبسن
قرآنیله دین اوسته اوزوندنده گیچوبسن

ای قاف شجاعت لرین عنقاسی ابوالفضل
وی عترت پیغمبرین عباسی ابوالفضل
اهل حرمین سایه لی سقاسی ابوالفضل
سن بیشهٔ قدرتده گزن شیر نریدون
دشمن قباقیندا دایانان با هنریدون

چیگنونده علم نهر فرات اوسته اوجالدون
بیر لحظه ده کفار علمین تپراقا سالدون
شمرین قوشونی سیندی بو میدانی سن آلدون
شمشیریله ای کینه لی دللر سوکن عباس
تپراقه موکللری بیربیر توکن عباس

همت کمرین باغلادون اوّل بیله گیتدون
قوشدون اوزیوی تند و طوفانلی یله گیتدون
ویردون اوزیوی نهریده داشقین سیله گیتدون
قاچماخلقا دشمنلره یول وردون ابوالفضل
بیر مشگ سویا سن ایکی قول وردون ابوالفضل

جانلار سنه هم سنده اولان غیرته قربان
دوز نیته هم محکم اراداتیله حریته قربان
ای سنده اولان همته جدیته قربان
قرآنین علمدار و علم پروری سن سن
جداً هامی رزمنده لرین لنگری سن سن

دنیانی تحیرده قویوبدور آدون عباس
چیخماز داخی یادلاردان او شیرین دادون عباس
محکم دی اراده ن کیمی اول بنیادون عباس
مین دورت یوز ائلی کیچدی آغزلاردا آدون وار
دیللرده آدون واردی داماغ لاردا دادون وار

بیر فرد "امینم" منه بو جان دور امانت
چون ایلمیشم جانمی جانانه ضمانت
بیر سائلم ای کان کرم کوه دیانت
آخشام سحر عشقیله قاپوندا یاتانام من
جانانیمه خاطر جانی باشدان آتانام من

• سه شنبه
• 26
• مرداد
• 1400
• ساعت
• 10:20
• نوشته شده توسط
• یوسف اکبری

شامده ویرانه ده قارداش اقامت ایلدیم
گوندوزی تبلیغ دین شبلر عبادت ایلدیم

من حقیقت شمعنه پروانه تک پَر وورموشام
قید ظلمی پنجه تیر غمیله قیرموشام
قدرت ایمانیله کفرون بِلین سندورموشام
سانما ماموریّتمده ذرّه غلفت ایلدیم

من سنه قربان اولوم ای فخر اولاد خلیل
کوفه ده مرجانه اوغلون ایتموشم زار و ذلیل
کفرینه قرآن مُنزَلدن گتوردوم چون دلیل
قلب مردمده اونا تولید نفرت ایلدیم

باشلادی گوردوم زیاد اوغلی منیله جنگ سرد
باغلادیم منده شهامتله کمربند نبرد
سویلدیم امّید حقله یاعلی سندن مدد
قدرت اللّهدن دوباره اخذ قدرت ایلدیم

باشلادیم بیر خطبه شهر کوفه ده با چشم تر
سوزلریم قویدی او دم قلب خلایقده اثر
ایلدیم هند جگر خوار اوغلونون سعیین هدر
آچدیم اُوجون ملّته کشف حقیقت ایلدیم

سالدیم آتش آتشین نطقیله قلب دشمنه
یاندروب ایتدیم مبدَّل کاخ ظلمی گُلخَنه
مطلبی آندیردیم آخر مو به مو مرد و زنه
حق دیوب حقدن حسینیم دفع تهمت ایلدیم

من دانشدوقجا آپاردی خلق پِی آمالیمه
باخدی یاندی مطلبه حالی اولانلار حالیمه
کف چالانلار داش آتانلار آغلادی احوالیمه
کوفه نی باشدان باشا دریای محنت ایلدیم

اوزگه بیر عالم مجسّم ایلدیم انظارده
انقلاب آثاری اولدی آشکار افکارده
چوخ گولَنلَر گوردوم آغلور یوزلری دیوارده
اوندا کی باشون جِدا باشندا رؤيت ایلدیم

جان ویروب سالدون تزلزل کاخ استبداده سن
منده ویران ایلیوب گلدیم ایا شاه زمن
حقی باطلدن آیردیم گون کیمی ایتدیم علَنَ
صفحه تاریخه حقانیتون ثبت ایلدیم

ایستدی دینی یزید کافر ایتسون استتار
تهمته دیل آچدی سسلندیم اونا ای کین شعار
کَس سَسون دینمه دانیشما سنده یوخ شرم و وقار
وقرینی پوزدوم او مجلسده خجالت ایلدیم

دوردی قارداش غیضله ایتدی منه حمله یزید
ایلدیم منده اونا حمله ایا شاه شهید
زینبم من قوخمارام سندن، دیدیم دور ای پلید
بیر بیر اعمالین سایوب محکوم او ساعت ایلدیم

دین یولوندا مرگدن زینب هراس ایتمز دیدیم
دیننی، دنیالری گر ویرسه لر ویرمز دیدیم
آلِ هاشم دشمنه باش اگمیوب اگمز دیدیم
بو سوزون اثباتینه طشته اشارت ایلدیم

اولدی رأس اطیبون بیر شاهد عادل منه
ابر چشموندن یاغان قان ویردی خوش حاصل منه
بیر نظرده ایلدون مین نصرت کامل منه
مجلسون وضعی پوزولدی شکر نعمت ایلدیم

باخمادیم وار دور و برده قان توکن جّلادلر
قانمی آماده دی توکسون او بد بنیادلر
مطلبه ویردیم ادامه باشلانوب ایرادلر
تا سیه بختین او بی رحمون سیه بخت ایلدیم

سویلدیم فکر ایتمه ظالم واردی سندن واهمم
گور کیمی تهدید ایدورسن هیچ بولورسن من کیمم
دختر شیر خدایم زینبم زینِ اَبَم
اهل مجلسدن بو سوزده سلب طاقت ایلدیم

ذرّه ای باک ایتمدیم اصلا او امر سختدن
انتقام آلدیم گوزی یاشلی او تیره بختدن
سالدی هند اوغلون بیانات فصیحیم تختدن
منطقی برهانله تا واژگون تخت ایلدیم

شکر لله من یزیدون پوزدوم استقلالنی
ایلدیم قرآنله تصویب اضمحلالنی
سرنگون ایتدیم جهاندا پرچم آمالنی
باغلیوب کابینه سین تعطیل او ساعت ایلدیم

اولدی آخر مسکنیم هرچند ویرانه منیم
یا مبدَّل اولدی گوزده گوزیاشیم قانه منیم
همّت مردانمه باش آگدی بیگانه منیم
صبر ایدوب دوزدوم بلایه کسب شهرت ایلدیم

بیر سفارتخانه ایتدیم شامده برپا حسین
قویدوم اوردا بر سفیر خرسال و مه جبین
ایلسون شام اهلنه تا وار جهان تبلیغ دین
عاقبت ویرانه کُنجین رشک جنّت ایلدیم

نه سفیر و نه سفارتخانه نه رشک جِنان
کعبه آمال دور اهل دله تا وار جهان
اُلدی اللرده رقیّم ویردی چوخ نیسگِلّی جان
حیف اولا بو باره ده شرمنده رجعت ایلدیم

بو (شعاع) چون اولدی شمع عشقوین پروانه سی
آدیمی سسلر اودور چوخلار حسین دیوانه سی
فخر دور بو آد منه ای فاطمه دُردانه سی
قبروی اولماز غمیم گورسَم زیارت ایلدیم

• جمعه
• 5
• شهریور
• 1400
• ساعت
• 22:58
• نوشته شده توسط
• یوسف اکبری

ششگوشه مزارِ پاکون اوسته بیر قامتِ خم گتوردی زینب
بیر دسته اورک یارالی خسته آهوی حرم گتوردی زینب

جنّاتدن ای مزاری گویچک
کیم قبریوه تحفه گتدی من تک
بیر سینه سی دورت مین اوخلی کوینک
عنوانِ اَلم گتوردی زینب

گوز یاشی توکه توکه عُذاره
ششگوشه لی بو گوزل مزاره
بیر اوخلی سو مشگی بندی پاره
بیر قانلی علم گتوردی زینب

شاماتدن ای آنام نشانی
آغلاتماقا جمله ماسوانی
عمّامهء شِبه ِمصطفانی
سرمایهء غم گتوردی زینب

ای جسم شریفی ریزه ریزه
چوخ غم یتیشوب بو اشگریزه
بو توزلی مزارهِ مشگبیزه
غم نچّه رقم گتوردی زینب

شاماته گیدنده دشمنیله
ایگرمی ایکی قیز گیدوب منیله
امّا قِیدَنده شیونیله
اون بیر بالا کم گتوردی زینب

ای بابِ کرامتِ یگانه
امید کرمله یانه یانه
بیر جمعِ کریمدن نشانه
ارباب ِکرم گتوردی زینب

دردی یته عرض شهریاره
بیر نامَدَه ایلیه اشاره
یازماقلوقا صفحهء عُذاره
مژگانی قلم گتوردی زینب

جان وار باجوون بو صحبتنده
اود یاغدوران اشگِ حسرتنده
کتفنده قولوندا صورتنده
آثارِ ستم گتوردی زینب

بو رشگ ِبهشت قبرون اوسته
بیر جمعِ پریش و دلشکسته
جای گُل ِلاله دسته دسته
گلبرگ ِارم گتوردی زینب

داد ابن زیاد عداوتیندن
بزمینده ایدن شقاوتیندن
شهزاده گدا شمادتیندن
قلبینده وَرَم گتوردی زینب

قارداش باجوی جماعتِ شام
آغلاتدولا هر سحر هر آخشام
شاهد سوزومه ایکی دولی جام
اشگیله چو یَم گتوردی زینب

(نجمی) ایله شکر ِبی نهایت
تاپدون نه عجب گوزل سعادت
ایدوقجه بو نوحه نی کتابت
هر کلمه ده دم گتوردی زینب

• یکشنبه
• 7
• شهریور
• 1400
• ساعت
• 23:10
• نوشته شده توسط
• یوسف اکبری

دور حسینیم یاخشی ساعتدور بو ساعت زینبه
آچدی وصلون نعمتی باب ِسعادت زینبه

سالمیشام قارداش اله اوز کعبهء آمالیمی
اذن ویرسن شرح قیلّام سرگذشتِ حالیمی
ایلیوب هجران غمی پژمرده تر احواليمی
ایلمز عاشق اولان هرگز ملامت زینبه

سن اوزون آگاهسن ای خسروِ مُلکِ حجاز
زینبون عشقی حقيقتدور نه صورت ، نه مجاز
باجیلار ایچره ویروب الله منه بیر امتیاز
ایلیوبدور سن کیمی قارداش کرامت زینبه

بیر اوزون مدّتدی من نارِ فراقه يانمشام
انتظارِ وصليله هر ظلمی آسان سانمشام
ظاهراً گر چه طنابِ ظلميله باغلانمشام
باطناً عشقون اولوب قیدِ اسارت زینبه

شكر لله اولدی قسمت نعمتِ وصلون منه
شمر یوخ دونموش بلا صحراسی دشتِ ایمنه
دور اگلش دردون بیان ایله باجون قربان سنه
بلکه قارداش ال ويره فیضِ زیارت زینبه

نعشوی یرده قویوب شاماته ایتمشدیم سفر
نچه مدّتدور باجون چوللرده سرگردان گزر
گلمیشم ، دور وير منه قلبونده کی اوخدان خبر
شرح حالون سنده بیر ایله روایت زینبه

سن بولورسن پایهٔ عشقیم نه میزاندور سنه
قتلگاهون ماجراسى الده برهاندور منه
خاطرونده وار حسینیم یالواروردیم دشمنه
عشقینون اثباتنه ایلر کفایت زینبه

التماس ایلردیم ئولدورمه حسین قارداشیمی
چخما عرش ِداوره توکمه یوزه گوز یاشیمی
قارداشمدان اَل گوتور ظالم منیم کس باشیمی
تاپشوروب زهرا حسینی چون امانت زينبه

غيضدن گرچه دوتولموشدی او بی پروا گوزی
سن بولورسن شمردن باک ایلمز زهرا قیزی
ایلیوبدور مفتخر الله شجاعتله بیزی
ارث دور زهرا آنامدان بو شجاعت زینبه

ایستدیم قاتل اليندن قورتارام قارداش سنی
بولمرم اما نجه بیرحمدی شمرِ دنی
نحس ایاقين قوزادی گوردون نجه ویردی منی؟
قويمادی حرمت سنه ایتدی جسارت زینبه

تاپمادیم چاره قیتدیم خیمیه شوريله من
اولمادی سن جان ویرنده گوزلریوی باغلین
شمر ِدون ووردی جدایه باشوی تکبیریلن
نیزه باشندا اوزون ويردون اشارت زینبه

ایتدی برپا قانلی باشون شورِ محشر نیزه ده
دینی تبلیغ ایلدی خلقه مکرّر نیزه ده
خیمه دن گوردوم دیور الله اکبر نیزه ده
رمزيله او حالینی ایلر حکایت زینبه

قانلی باشین ماجراسی صبر سرحدّین یخور
چخموری هرگز یادیمدان قلبیمی دائم سخور
کوفه ده گوردوم وروبلار نیزیه قرآن اوخور
ساخیلوبدی گُل یوزون کولدن علامت زینبه

آغلادیم رحم ایتمیوب خولی قویوب باشون كوله
جوشه گلدی آتشِ عشقیم کسلدی حوصله
منده وردوم باشیمى شوریله چوبِ محمله
آخدى قان ویردی عجب تغییرِ حالت زینبه

بزم شربه بیزلری حاضر ایدوب اهلِ عناد
یخماقا دينون ایوین دین سیزلر ایتدی اتّحاد
مست اولوبدور ناروا سوزلر دئدی ابن زیاد
الده چوب ِخیزران ایتدی اهانت زينبه

دوشدی بو فکره که ئولدورسون منی اول بی حیا
نشر ایدر أهلِ قلم بوندانصورا هم سالها
دشمنی رحمه گتوردی ناله واعمّتا
ایتدیلر بیگانه لر آخر شفاعت زینبه

منده گوستردیم شهامت گردشِ ایّامده
ایلدیم رسوا زیاد اوغلون حضورِ عامده
بیر شجاعتده نشان ویردیم یزیده شامده
اوندا که قصد ایلدی ایتسون سیاست زینبه

سوز بورا منجر اولوب آگاهیدور پروردگار
قتلیمه فرمان ویروب قارداش یزیدِ نابکار
من دایاندیم قورخمادیم عورت اوشاق آغلاشدیلار
سسلدیم اگلش یره ایتمه جسارت زینبه

بو سفردن چوخ مصیبت گوردی دلپاره باجون
کوفه و شامی دولاندی تاپمادی چاره باجون
چکدیلر دِیره گهی گه بزم ِاغیاره باجون
گه دوگوب ، گه ایتدیلر طعن و شماتت زینبه

دلده یارا یوخ دیم دوگدی نجه قوم شرار
ویر اجازه ایلیوم اوز کوینگمی بیر کنار
بیر بدنده گور نقدری یاره لر آثاری وار
تا شهادت ایلسون هر بیر جراحت زينبه

وعده ویرمشدم قبول ایتدیم اوزوم هر زحمتی
نوش قیلدیم صدق اوزیله جام ِدرد و محنتی
باغریمی قان ایلیوب امّا رقیّه صحبتی
نسگل اولدی بو مصیبت بی نهایت زینبه

ویردیلر ویرانه منزلده بیزه یر اشقيا
توپراق اوسته آج یاتاردی صبحه تک نازلی بالا
بیر گیجه گوردوم دوروب سورتور یوزون توپراقلارا
یاتموری ایلور آجندان چوخ شکایت زینبه

حسرتیله آغلادی یاندیردی بیر درده منی
سوزلریندن آنلادیم قارداش ایدوب رؤيا سنی
سس اوجالدی گوگلره رحمه گتوردی دشمنی
يتدی بو اثناده بیر عالی بشارت زینبه

گتدیله قانلی باشین ویرانیه اهل ِجفا
سویلدیم گلدی بابان دور پیشواز ائت آغلاما
آلدى باسدی باغرینا سسلندی هاردیدون بابا؟
ویرمشم سن سیز نه چوخ رنج و ریاضت زینبه

ایتدی بیر ذکر ِمصیبت جمله سینه داغلادوخ
بیر به بیر دردین دئدی سن آغلادون بیز آغلادوخ
آیرلاندا روحی گیتمشدی گوزینی باغلادوخ
اولمادی بیر کیمسه ویرسون سر سلامت زینبه

ای (رجائی) بیر نفر معصومیدن آلدی خبر
حاجتیم وار نیلیوم اولسون دعامه بیر اثر
اقتضا تفصیله یوخدور ، اورگدوبدور مختصر
قیل توسّل عمّهء صاحب جلالت ، زینبه

• یکشنبه
• 7
• شهریور
• 1400
• ساعت
• 23:16
• نوشته شده توسط
• یوسف اکبری

مرحومین اساتید : ذهنی زاده و یا عاصی که به قلم جناب آقای حسنی تکمیل گردیده است

بو سفرده عشقون اولدی زینبه زمینه قارداش
گَتدی ساحل ِنجاته بیر سینیق سفینه قارداش

هر مسافرون سفردن خاطراتی یارِ خاطر
خوش گونی سُرور ِقلبی غم گونونده بارِ خاطر
واردی بو سفرده بسکه منده چوخ غبارِ خاطر
آز قالور که سالسون آتش بو دلِ حزینه قارداش

هانسی بیر دله سالور اود گور شرار ِدرد و محنت
بیر دیلی که قویدون اوندا دست ِرأفت و عطوفت
کاش مصلحت بولیدون قویمییدون ال او ساعت
غصّه مرگ اولوب گیدیدی قبره بو کمینه قارداش

اختیار اولیدی منده ، یار اولیدی گر مشیّت
آرزومیدی اولیدیم قبروین یرینده تربت
توپراقیم اولیدی قبرون ای خلاصه محبّت
باغرینا باسیدی جان تک پیکرون بو سینه قارداش

دست بسته گیتموشم من هر دیاره هر مکانه
فاش قیلموشام برادر سرّ نهضتون جهانه
خاطریمده خاطراتیم چوخ چنین گَله بیانه
بسکه یوز ویروبدی غملر زینبِ غمینه قارداش

توپراقیم اگر اولیدی خاکِ مدفنون برادر
هارا بی کفن گیدردی قبره بو یارالی پیکر
مُهری بالشون اولاردی روحی بیر لطیف بستذر
زلفیمی کفن ایدردیم جسمِ نازنینه قارداش

تیره بختیدیم بو بختیم اولدوزی کیمی باتیدیم
بخته باخ که قویمادی بیر آرزومه من چاتیدیم
اولمادیم حصیر اقلا" سنله قبریده باتیدیم
قبریدنده بیر دوریدوخ روزِ واپسینه قارداش

ممکن اولمادی نولوردی یوزده گوز یاشون اولیدیم
غم گونی یوزه آخاندا غصّه یولداشون اولیدیم
چوخ قاباق ئولیدیم ایکاش ایندی باش داشون اولیدیم
باش داشی بولیدی عالم زینبی حسینه قارداش

ایسترم اجل گلوب تیز درک ایده بو جسمِ زاری
خوشدی قبریوین یانیندا زینبین اولا مزاری
ایستمور دوباره دوشسون شهر ِیثربه گذاری
گورمیه بیلی بوکولموش مردمِ مدینه قارداش

عشقوون تِلی بو مرغِ روحیمه کمند اولوبدی
گیتمز آیری بیر مکانه دامِ یاره بند اولوبدی
مجمر ِغمونده یانماق ایستیری ، سپند اولوبدی
یاندیروب خیامویله گر چه قومِ کینه قارداش

قبریوین طوافی حکم ِعشقیله اولوب فریضم
محضرِ مَلیکِ عشقه واردی ویرماقا عریضم
ویر شفامی تربتوندن گورموسن نجه مریضم؟
یاندی جسم و روح ِزینب عشقون آتشینه قارداش

چشمِ آشنای عشقه ، سنله قول بویون گورونّم
محرم مصیبت اولام ، غم لباسینه بورونّم
قتلگاه او گون او ساعت یادیمه دوشر سورونّم
سن کیمی یارا گوتورّم ، عارضه جبینه قارداش

قویسالار مجاور اوللام قبریوین یانیندا قالّام
یاره لی قوشام سیخیلّام سایه سینده دالدالانّام
سو سپر گوزوم ، سو ویرّم ، زلفوله غبارین آلّام
سجده ایلرم همیشه قبریوین یرینه قارداش

ماجراسی قتلگاهین گوز ایوینده تازه لندی
باشیمه دوباره گَردِ محنت و اَلم الندی
بو همان منای عشقه باشدا اللری گلندی
اوندا نعشون اوسته ، ایمدی گلدی اربعینه قارداش

جامِ وصلِ یار ایچنلر مست اولوب گیدوبله هوشه
هر مریدِ هوشیارون اخذ ایدوبدی حشره توشه
ایلیوبدی اکبر اوغلون بو مزاری آلتی گوشه
اولدی فرشیده بو قبرون،عرش ایچون قرینه قارداش

نطقه گل محبّتیله ، یاره یاره دن خبر ویر
دردمندِ عشقه قارداش ، راهِ چاره دن خبر ویر
بو ملر قالان ربابه ، شیر خواره دن خبر ویر
عمری قورتولونجه حسرت قالدی هم نشینه قارداش

جوشدی داشدی سیلِ اشگیم یوزده بیر آخان سیل اولدی
رشتهء امید زینبِ پاره پاره تل تل اولدی
سن کیمی رقیّم ئولدی توپراق اوسته نسگیل اولدی
شامیده قالوب رقیّم ، تک گلوب سکینه قارداش

بادهء وصال ایچنلر مستِ عشق یار اولوبلار
باشیدن گیچوب فدای راهِ کردگار اولوبلار
آبروی آفرینش ، دینه افتخار اولوبلار
فخر ایدر بولار یاتان یر جنّتِ برینه قارداش

نهضتیکه ایتدون آغاز زینبیله تاپدی پایان
سن شهید ِحکم ِقرآن ، من اسیرِ راه ِایمان
بو اسارت و شهادت عالمه ایدوبدی اعلان
بیر حیاتِ جاودانی عاید اولدی دینه قارداش

گللرین سارالدی سولدی ، بلبلون چمنسیز اولدی
هی وطن سراغی دوتدی عاقبت کفنسیز اولدی
سینن اوسته کی یاتان قیز شامده کفنسیز اولدی
دفن اولوب خرابه یرده بیر جهان دفینه قارداش

بو سوزی یازاندا (ذهنی) روزِ واپسینه یتدی
رحمتِ خدایه واصل ، جنّتِ برینه یتدی
قالدی سوزلر (عسگریده) بیر گون حسنییه یتدی
یاز بقیّه سین بویوردی خوشدی چون زمینه قارداش

گرچه وار ایکی عقیده باشلانیش بو شعرلرده
(ذهنی) فتح ایدوب بو بابی (عاصینی) دیولّه بیرده
هر بیری یازا مسلّم عالی نظم ایدوب بو یرده
رحمت و نوالِ ایزد روح هر بیرینه قارداش.

چهار مصرع آخر شعر از : جناب آقای احد کامران ور

• یکشنبه
• 7
• شهریور
• 1400
• ساعت
• 23:34
• نوشته شده توسط
• یوسف اکبری

شامدن گلدیم خدایه شکر اولا قارداش حسین
قسمتیم اولدی دوباره کربلا قارداش حسین

واردی دنیاده مگر بوندان گوزل بیر آرزو
باجی قارداش قبرینه اشگیله ویرسون شستشو
دویمارام قبروندن اصلا مدفنِ روحیم دی بو
قبریوه اولسون قُوری جانیم فدا قارداش حسین

هاردا وار باغِ جناندا بیله عالی منظره
بوتهء گل تک اوُشاخلار صف چکوبله یکسره
یوزلرین هر چند سیلی دوندروب نیلوفره
وار ولی ذاتی طراوت مطلقاً قارداش حسین

ای ویرن ذُوق کمالی له تمیز خوب و زشت
گور بو قبرین عطری خوش دور، یا گلستانِ بهشت
فرش ایدوب زلفین بو قبره بیر نچه حوری سرشت
سایهء طوبادی گویا بر ملا قارداش حسین

اولما رنجیده گیدنده کربلادن شامه من
سن اوزون گوردون امان ویرمردی اَشرارِ زمن
یوخسا قویمازدیم سنی توپراقلار اوسته بی کفن
گون اوینده جسم ده سان سیز یارا قارداش حسین

سن ایکی دریا یانندا تشنه لب اولدون قتیل
منده قلام قبرون اوسته گوز یاشین سو تک سبیل
ایلرم جاری فَرات اوستنده نهرِ سلسبیل
تا فَراتی شَط غم دَن قان اولا قارداش حسین

ایندی که یوخ فُوج دشمن، قبریوه قربان اولوم
دول میوب نامحرمی له سر به سر ساق و صُولوم
وِیر اجازه قبرون اوسته باش آچوم بیر ساچ یولوم
آغلیام وِیرمزدی مُهلت اَشقیا قارداش حسین

کوفه ده ایستردیم اوّل بولمه سُونله من کیمم
اولمادی ممکن، بولوندی زینبم زَهرا شیم
من نئجه یاندیم نئجه بیر حالته قالدیم او دَم
نه بیلر بیگانه، آنلار آشنا قارداش حسین

ایستدیم حقّ اوسته مقهور اولماقیم اولسون ثبوت
آتشین بیر نطقی له وِیردیم او دَم امر سکوت
باشلادیم بیر خطبه دلده نام حَیِّ لایَموت
کوفه ده یاد اوُلدی نِطق مرتضی قارداش حسین

سنده گوردون غم هجوم آور اولوب از بس منه
اودلی سوزلر دیلده یاندیم، یانمادی بیر کس منه
آیهء کهفی له ویردون نُوکِ نِی دن سس منه
نخلِ طور اولدی منه نُوک جدا قارداش حسین

هیچ یادیم دان چخمیوب چخماز بو مطلب روز و شب
گوردی اطفالون پریشان کوفیانِ بی اَدب
غفلتاً وِیردی بیر عورت بیر قیزا نان و رُطب
وِردی کلثومه خبر اَمر قضا قارداش حسین

قارداشی عباس تک غیظِ تمامی له ازَل
بو اَسَفلی حاله باخدی حیرتیله ماحصل
ورمیون سویلوب بالالار نان و خرمایه سیز اَل
گور نه گونلر گوردی آلِ مُصطفی قارداش حسین

شرحه گلمز مجلسِ اِبن زیادین محنتی
بو قدر وار مایه خجلتدی ذِکرِ صحبتی
وار یادوندا منده گوردون تا او پُوزقون حالتی
گوزلرون یُوم دون گوزیم ده ای ضیا قارداش حسین

بیر گئجه یولدا قوناخ گیتدی کلیسایه باشون
گویدن عیسانی گتوردی دِیر ترسایه باشون
وِیردی بیر توضیح نَسخِ دین عیسایه باشون
راهبه اولدی بو یولدا رَهنما قارداش حسین

شامده چوخ کوچه و بازاری گزدوخ هر طرف
وای یَهودی کوچه سندن صبریمی اِیتدی تلف
غُرفه و بامه کلیمی لر دوزولدی صف به صف
ایله بیر کوچه ها را زینب هارا قارداش حسین

بی سبب سَجاد اِیتمز داد ظلمِ شام دن
اِنتقام آلدی یَهودی ملتی اِسلام دن
توکدیلر بی شَرم رولر اوُدلی نِیلر بامی دن
اوُد دوتوب عَمامهء زین العبا قارداش حسین

گر دئسم قوردی یزیدِ بی حَیا بزمِ طَرب
خدمتونده چوخ جسارت دور اولور ترک ادب
باخ حیایه، اوُچ اِمامُون محضری نده بی سبب
باشلادی بی دین کلامِ ناسزا قارداش حسین

چوخ سوال ایتدی اوشاق لاردان یَزید بی حجاب
بیر قیزون اما او شُومه وِیردی بیر کافی جواب
ایله بیر مجلس ده بیر قیز بیر شهی ایتسون مُجاب
وار یقین بو ایشده بیر سِرِّ خدا قارداش حسین

آدینی قویموشدی ظالم پیشوای مُسلمین
خلقه اولموشدی پیغمبر مَسندی نده جانشین
نَهی اِیدوب پیغمبر اَمرین نه بولوب مَذهب نه دین
نه اوتاندی نه ایدوب حقّدن حَیا قارداش حسین

ایستدی اشیاخِ بدره سندن آلسون اِنتقام
اَل آپاردی خیزرانه دلده نالایق کلام
گوزلرین یوم دی سکینه سس چکوب قزلار تمام
گتدی درده عترتون بو ماجرا قارداش حسین

باجی قارداش لقدی نیلیوم گور اوُلور اُلفت کسم
یوخسا گلموردی یوزوم گلماقه، وار حَقّیم دِئسم
خجلتیم چوخ دور بو توزلی قبریوه اولسون قسم
ئولدی یولاردا نئچه خوردا بالا قارداش حسین

بیر قیزون اما خَرابه شام ده شام و سَحر
آتشین آهیله یانمش قلبی مه سالدی شَرر
شام اوُلاندا هر گِئجه آلدی سنی مندن خبر
نه دییدیم ایله وقته من اونا قارداش حسین

گورمیوب دنیا گوزی ایله ادب لی بیر اوشاق
گزله دوردی آجلقین ایلردی اِظهار فَراق
طاقتِ کلثومی اما بیر گِئجه ایتمشدی طاق
نه دیمشدی من اونی بولدوم صُورا قارداش حسین

بیر گِئجه چرخ صبایادن باتوب بیر اوُلدوزون
غصه می ایلوب نِجومِ چرخ اطلس دن فزون
وای منه ویرانه یِرده ئولدی بیر نازلی قیزون
چوخ موُثر وِیردی جان اوُل مَه لَقا قارداش حسین

بیر نفر یوسف آدنلی سِیّد عالی نَسب
هم بیزه اولّاد هم صاحب عزا دور روز و شب
اوُچ مریضه بش نمازنده شَفا اِیلر طلب
قلبینی سیندیرما لطفاً وِیر شَفا قارداش

بیرده بیر عهد ایلیوبدی (شانیمیز) (خوشخوانیله)
ایستوری وِیرسون او عهدی باشه سالم جانیله
وِیر شَفا ایسته تمامی آرزو مندانیله
قبریوه گلسون سنه دوتسون عزا قاداش حسین

• شنبه
• 20
• شهریور
• 1400
• ساعت
• 17:00
• نوشته شده توسط
• یوسف اکبری

دوشوب باشون آردیجا حسین باش آچوخ گِیدوب شامه گَلمیشم
بوگون سنه دوتماقا عَزا من گِیوب قَرا جامه گَلمیشم
حسین دِیوب چوخ دوُلانمشام
حسین فراقوندا یانمشام
زینبون گلدی
زینبون گلدی

اگر چه هر ماجرا سنه بیر به بیر عَیان دور دَگُل نَهان
ولیک بو رَسمدی اِیدر هر مسافر اوُز حالینی بیان
گوزوم یاشی روی زَردیمه سرگُذشتیمی ثَبت اِیدوب عَیان
صَحیفهء غم تک اَلده وار حالی نه بَیان نامه گلمیشم

باجون فَدا نُور پاکُوّه کربلا چولین روشن اِیتمی سن
بو موسی عشقه پُر خَطر دَشتی وادیّ ایمن اِیتمی سن
دِیمم اوزون وِیر منه نشان چون ازَل جوابِ لَن اِیتمی سن
بو قَبره گوز یاشلو یوز قویوب نایل اوُلماقا کامه گلمیشم

بو شُوقیله اَربعینوه گلمیشم بو گون قَبرون اوُسته من
شَمیمِ جان پَرورین آلّام تا بو تَربتِ مُشک خیزدن
دور اِی منِ بَخت قَاره نی دردِ فرقتی مو سفید اِیدن
دیوم نجه دوندروب غمون روزگاریمی شامه گلمشیم

بو گون که من دام ظلمدّن فارغ اوُلماقین شُکرین اِیلرم
نه ظلم لر یوز وِیروب منه بیر به بیر سنه ذِکرین اِیلرم
بو روضهء پاکدن ولی آیری دوشماقین فکرین اِیلرم
سنیله هَمدَفن اوُلماقا کاش اَجل سالا دامه گلمیشم

گیدنده من شامه نَعشوی فرصت اوُلمادی دَفن اِیدوب گِیدم
قصُوریمون اِعتذاری نه قَبریوه گرک جان فدا اِیدم
نولور یِتم بو سَعادته روحیم آیریلا جان وِیرم بو دَم
تأسفیم وار که عمر و گون یِتمیوب سر اَنجامه گلمشیم

وِیرنده جان سن که ممّکنیم اوُلمیوبدی بیر جُرعه سو وِیرم
ولی اِیدم قَبر پاکیوه اِیمدی مُختصر خدمت اِیسترم
سَپم سو مُژگانی له سیلم قَبریون توزون اِی شَه حَرم
اودور جگر قانینی سُوتک دوُلدروب اِیکی جامه گلمیشم

(شهاب) شه بیتی اِیتدی بیر اِیله وقتده مَطلَعِ کَلام
مُصمّم شهر طُوسیدی فرصت اوُلمادی اِیتسون اِختتام
رَجا اولوب (ذهنی) اِیلدی اوز دِلین جه بو نوحه نی تمام
مَعاینه نوحه ده دییَر من او دِلده الَساعه گلمیشم

• یکشنبه
• 28
• شهریور
• 1400
• ساعت
• 16:13
• نوشته شده توسط
• یوسف اکبری

یتدی تمامه ظلم یزیدِ ستم شُعار
ظاهرده اَل گوتوردی جَفادن او نا بکار

مقتل لره باخاندا تواتردی بو خبر
یاتموشدی بستری نده او بَدبَختِ روزگار

نا گه نه گوردی عالم رویاده نِصف شَب
دورموش باشینون اوسته على اَلده ذُوالفقار

سسلندی اِی یَزید ستم کار و بی حَیا
نه وقته جک بالالاریم اِئتسونله آه و زار

آلِ رسولی ساخلیاجاقسان نه وقته جک
کُنجِ خرابه ده قوری توپراقلار اوسته خوار

بو تئزلیگه اولاری اگر ائتمسون خلاص
بو تخت و تاجووی اِئدرم طُرفه تار و مار

ناگه اویاندی خواب گرانیندن اوُل لَعین
دوشدی هراسه تیتردی اَعضاسی برگ وار

صبح اولادی گلدی مَجلسه، بیر پَرده چکدیلر
آلِ رسولی اِیله دی اِحضار او نا بکار

گَلدی قاباق جا سِید سَجاد أو مَجلسه
پَرده دالیندا کئجدی خانملار دوتوب قرار

بیمارِ کربلایه دوتوب یوز یَزیدِ دُون
گلدی خطابه سویله دی اِی عَبد کردگار

ائتسون خدا عُبید زیادون یوزون قرا
اِئتدی منی حِضور پیمبرده شَرم سار

گر میلوز اولسا قالماقا بو شهرِ شامیده
عالی عمارت اِیلی یرم فوری بر قرار

یا میلوز اولسا گئتمه گه شهرِ مدینیه
یوخ مانع، اِیله دیم سیزی من صاحب اختیار

فرمایش اِئتدی سِید سَجاد، أِی یزید
قالموش مدینه ده هامی گوز یولدا اَنتظار

سالسون اگر یولا گئده روک بیز مدینیه
اهلِ حرم وَطندن اوتور اِیلر آہ و زار

وئردی غرض اجازه به هر حال او بی حیا
یوز قوی دولار مدینیه با چشم اشکبار

دولدی کجاوه لر هاموسی واحسینیلن
محنت لرین خیاله سالوب ناله قیل دیلار

تا سر زمین کرب و بلایه یتیشدیلر
اما نیجه یتیشدیلر حشر اولدی آشکار

باشلار آچیلدی قبرلر اوستونده ای خدا
زینب او قدری آغلادی تا اولدی بی قرار

پوزقون مزاروه دِئدی قربان اولوم حسین
زینب ئولونجه محنتووه سینه داغلیار

شرمنده دى رقیّه بالوندان باجون حسین
شام اِیچره قالدی نهضتووی ائتسون اِنتشار

یتمز حسین مصائبی یازماقلا آخره
(ذاکر)کفایت اِیله اورکلَر آلشدیلار

• یکشنبه
• 28
• شهریور
• 1400
• ساعت
• 17:01
• نوشته شده توسط
• یوسف اکبری

بوهمان آختاردیقون خاک شفادور عمه جان
شیعه نی آغلارقویان کرب وبلادور عمه جان

شکرلله باشه یتدی موسم هجران بوگون
قسمت اولدی اربعین شاه مظلومان بوگون
بوزیارت ایلدی هردردیمه درمان بوگون
جام وصلت دردهجرانه دوادورعمه جان

باده وصلیله ایله دردهجرانه دوا
هرمریض عشقه واربوقانلی تربتده شفا
اندیرون لیلانی بویرکربلادور کربلا
هرطرفدن جلوه گرنورخدادورعمه جان

چوخ مصیبت لربیزه بوچولده ویردی اهل شام
بسکه غم چکدیم حیاتیمدن بولورسن دویموشام
من بابامی اوزالیمله بورداقبره قویموشام
یازموشام قبره ذبیحامن قفادور عمه جان

بوحسین ابن علی محبوب داورقبریدور
سینه سی اوزشیرخواره اوغلی اصغرقبریدور
هاردادورگلسون آنام لیلابواکبرقبریدور
آختاروربولسون یری پایین پادورعمه جان

نچه مدت چکموشم حسرت وصاله صبح دشام
یتموشم مقصودیمه بوفیضدن چوخ دلخوشام
احتیاجیم واربوقبره دردمندم ناخوشام
دردمنده تربتی خاک شفادورعمه جان

ممکن اولسا عمه جان بوچولده منزل ایتمیاخ
ایله ساخ منزل بوقبراوستن کناره گیتمیاخ
گربابام آلسا خبر نولدی رقیه نه دیاخ
حقی وارایتسه گلایه باوفادورعمه جان

دردومحنت بیزلره دنیاده مهلت ویرمدی
آل پیغمبرگل مقصودینی بیر درمدی
نسگل اولدی بوگونی باجیم رقیه گلمدی
شامده قالدی یری ویرانسرادور عمه

بوهمان یردوراوشاقلار قورخودان آغلوردیلار
ساربانلارالده قمچی سینمی داغلوردیلار
بیزلری شام اهلی بورداقولقولا باغلوردیلار
ایمدیده آثاری وارباخسان یارادور عمه جان

اشقیاجور وجفاده بوردا حددن چیخدیلار
منجنیق غمده اولادخلیلی سیخدیلار
بوهمان یردورعموم عباسی آتدان یخدیلار
قان ایچینده جلوه گرصاحب لوادورعمه جان

شامدن گلدوق دوباره وادی پرمحنته
یوزقویاق ناخوشلارین درمانی قانلی تربت

• شنبه
• 3
• مهر
• 1400
• ساعت
• 14:18
• نوشته شده توسط
• یوسف اکبری

دور زینبه قیل بیر نظاره قارداش
قویما گله چوخ آه و زاره قارداش
گلدیم دیار شام دَن حسین جان
شکر ایلرم پروردگاره قارداش

قَبرون حسین هر آن دوشوب خیاله
دوشدوق جا یاده دوشموشم مَلاله
توفیق اوُلوب یتدی باجون وصاله
شکر ایلرم پروردگاره قارداش

سندن صُورا دوشدی بلایه زینب
هر آن گلوب شور و نوایه زینب
اوُلدی اَسیر اهلِ جَفایه زینب
آغلامیوب بیر آشکاره قارداش

دور زینبون قارداش گلوب پریشان
لطف ایله سن بو زینبه حسین جان
نه چکمشم گر حالیمی سوروش سان
بیر مُختصر وِیرّم اِشاره قارداش

ازَل دیوم اوُل کوفه ماجراسین
گوردوم او کوفه اهلنون جَفاسین
یاندیم گُورن دَه باشیوون بلاسین
گلدیم او دَم چوخ آه و زاره قارداش

اِبنِ زیاد بزمندَه دست بسته
قارداش باجون دورموشدی دل شکسته
آرتوب دی هر لحظه غمیم غم اوُسته
آلمشدی گُل باشون کناره قارداش

گه باشوا گولوب او بی مُروت
گاهی ایدوب دور باشوا شَمادت
او بزم دَه چوخ چکمشم مُصیبت
تقریر اِیدوم گلمز شماره قارداش

آخر گِیدوب شامه بو زار و مُضطر
اوُل موشدی راه بر او شمرِ کافر
بو زینبه چوخ اِیلیوب ستم لر
جانه گلوب بو بخت قاره قارداش

(شوری) سنون یوخ بیر زادا گمانون
آغلا نقدر واردی جاندا جانون
اوُلا بو سوز سنون وِردِ زَبانون
دور زینبه قیل بیر نظاره قارداش

• چهارشنبه
• 7
• مهر
• 1400
• ساعت
• 18:52
• نوشته شده توسط
• یوسف اکبری

اِیلیوب عَزمِ وَطن قارداش عیالِ بُوتراب
قَبروین قربانی زینب اِیلمه نازیله خواب

ای بو هشتادَه یاخین شوریدَه بلبللّر گولی
مُصطفا دل پاره سی زَهرا آناما سؤگولی
تازه دَن ترک اِیلوری هر بیر گُولی اؤز بلبلی
کامی جه بیر بلبل امّا دوتمادی گُولدَن گلاب

گورمیوب بیر بیله عالم خلق اولاندان چرخِ پیر
چوخ چتین اوُلسون بیله بیر عالمه مَحشر نظیر
هر باجی اؤز قارداشین دان رشتهء اُلفت کسیر
هر اوُغول دان آیریلور بیر مادرِ خانه خَراب

بی سبب اوُج ایتموری افلاکه داد و شیونیم
دولموری دُرَّ سرشکِ حسرتیله دامنیم
آلتی گوشه قَبری وه نیلوم علاقم وار منیم
دَفن اوُلوب روحیم بو یِرده ای شهِ عالی جناب

تا جهان وار فرقته اصغر آناسی توش اوُلی
ایسلادور بو علته اشکِ تَری صاق و صُولی
بیردَه مشکل دور دوشه بو غملو صحرایه یولی
وِئر علیّ اصغرین اؤپسون بوغازین نان رباب

هر اوُغول قَبرین آلوب آغوشه گر چه بیر آنا
بیر آنانون حالی نه امّا گرک عالم یانا
بیر یانا هر بیر آنا، لیلای مُضطر بیر یانا
قَبرِ اکبر اوُسته قارداش اؤز اؤزین ایلر کباب

شَرم اولور مانع اوجادان آغلاسین تازه عَروس
اللّری قوینوندا آهسته اِیدر آه و فِسوس
وار یِری احوالی نه یانسا بو چرخِ آبنوس
شُعلهء آهیله چکسه شُعله عَرشِ نُه قُباب

نهرِ عَلقم اوُسته کُلثومین اوجال میش ناله سی
نالهء جان کاهی نون وار عمری جه دنباله سی
داغِ عبّاسیله گلزارِ مُصیبت لاله سی
داغلانوب گورسه گلر فریادَه حالین شیخ و شاب

هر بلاکش بیر مَزار اوُسته دوتوب دل دَن شرار
توشه اَخذ ایلور تُرابِ تیره دل زارو فکار
مندَه بیر قبضه مَزارون توپراقندان یادگار
ساخلارام گُوز کاسه سین دَه تا دَمِ روزِ حساب

حسرتیله قَبر پاکوندان اگر اولسام جدا
شهرِ یَثربدَه گِیدوب ای یوسفِ مصرِ بلا
قَبرِ زَهرا اوُسته سالّام کُوینگون دل دَه نوا
ایلرم مَحشر عیان ای شهریارِ مُستطاب

بیر سنق نِی تک اِیله فریاد و افغان اِیلرم
قان اِیدوب دُرَّ سرشکی رشکِ مرجان اِیلرم
حالِ زَهرانی بو زلفیم تک پریشان اِیلرم
عرض قیلّام یاتما دور ای دخترِ ختمِ مآب

چینِ غم دَن بیر سوری گلدی مَلر آهو آنا
قبری وه جمله سپور گُوز کاسه سیندَن سو آنا
وِیر اجازه من دَه بو قَبره توکوم گیسو آنا
قانیله گر چه اوُلوب دور کوفه شهرین دَه خَضاب

شام دَن گلدوخ ایکی باجی آنا دل دَه الم
اَل دَه بیر تُحفه نه تُحفه مایهء اندوه و غم
من بیر اوُخلی پیرهن کُلثوم بیر قانلی عَلم
نه عَلم نه پیرهن ایجادِ شور و اِنقلاب

ای شَهیدِ کوی جانان وِی ذبیحاً من قَفا
زینبون جانی گُوزل بو قَبری وه اوُلسون فَدا
(حافظی) (نجمی) گجه گُوندوز اِیدور شور و نَوا
ایسته بو قَبره گلوب توکسونله باهم اشکِ ناب

• چهارشنبه
• 7
• مهر
• 1400
• ساعت
• 19:17
• نوشته شده توسط
• یوسف اکبری

دور اِی سو کنارینده لب تشنه آخان قانی
گتدیم بو گوزل قبره بیر جَمع پَریشانی

اِی عَرش کیمی اوُلموش خوش مَدفنی ششگوشه
خوش حالنه بو قَبرون آلدی سنی آغوشه
باخدوق جا جگر قانی دلده گَلوری جوشه
دور گور نجه دولدورموش نالَم بو بیابانی

اوّل دِی گوروم جسمون سالمدی سلامت دی
یا اِینکه آخور قانی هر یانی جَراحت دی
بُلّم بابا سینونده اَصغر یِری راحت دی
قویدوم اَیاقون آتدا من اکبرِ عَطشانی

بو مدتی که سندن من ظلم یله مَهجورم
ویرانه ده چوللّرده بیمارم و رَنجورم
چوخ شُکر اِیدرم اِیمدی بو قَبرده مَسرورم
قورتولدی غمیم گوردوم بو روضهء رضوانی

بو چولده سنون قلبون نارِ ستمه یاندی
لَب تشنه اَلون اوُسته اَصغر بالان اوخ لاندی
شهزاده علی اَکبر بو عَرصه ده دوغراندی
گزدیردی اوُغول عِشقی مَجنون کمی لِیلانی

اوّلده بابا بوردان من کُوفیه یولاندیم
بُوینوم دا آغیر زَنجیر یاندیم باباجان یاندیم
عُریان دَوه اوُستونده اوُد دوتدیم الولّان دیم
اوُل حالتیله گزدیم اَطفال یله هر یانی

بزمینده زیاد اوغلی گتدی حَرمون داده
اَلده یارالی باشون فَخر اِیتدی زِنا زاده
ئولدورمگه بیماری اَمر اِیلدی جَلاده
شَرم اِئتمدی زَهرادن داندی بابا قرآنی

گِئتدیم باباجان شامه تَحت غُل و آهنده
زَنجیر اِیلدی یاره رَحم اوُلمادی دشمنده
شام اِیچره بابا اوُلدوخ سنده یارالی منده
دور باخ نجه زَنجیرون گور اِیمدیده وار قانی

نارِ غمه شام اِیچره یاندوخ باباجان یاندوخ
ویرانه قالا شامی دلدن یانوب اوُد لان دوخ
نه عرض اِیلیوم بابا بیز قول قولا باغلان دوخ
شام اَهلی دولاندوردی ذرّیهء طاهانی

ظلم اَهلی بابا ظلمون اَفلاکه دایان دوردی
اوُد باشیمیزه توکدی هر یانی دولان دوردی
بیر اودّا منیم دوشدی عَمامه می یان دوردی
عَمامه نه تک بلکه یاندوردی دل و جانی

اَطفالیوه شام اَهلی ویرانه مکان وِیردی
بیر نازلی بالا عشقون دنیایه نشان وِیردی
آج قالدی سوسوز قالدی ویرانه ده جان وِیردی
ویرانه ده دَفن اِیتدیم اوُل لَعل بَدخشانی

دربارِ همایوندا مدّتدی عزادارم
روحاً بیلسوز دائم یا سِیّدی بیمارم
بو دردِ اَسفناکه چوخداندی گرفتارم
لطف ایله (علومینون) چون سنده دی درمانی

• جمعه
• 9
• مهر
• 1400
• ساعت
• 13:00
• نوشته شده توسط
• یوسف اکبری

باش گوتور بو قبردن ای قانینه باتان یارالی
گلدی زینبون سفردن قامتی کمان یارالی
.
آتش فراقه یاندوم چوللری گزوب دولاندیم
اشقیای شام اَلیندن داد و اَلامان یارالی
.
.
قویموشام قدم اوگون که عرصۀ جهانه قارداش
تیر محنت و بلایه اولموشام نشانه قارداش
قدّیمی ایدوب خمیده گردش زمانه قارداش
غصّه دن آغاردی زلفوم باغریم اولدی قان یارالی
.
.
من کیمی باجی جهانه گلمیوبدی بیرده گلمز
وار سنه نجه علاقم خالقمدن اوزگه بولمز
آغلارام یوزوم جهاندا حشر اولونجا بیرده گولمز
ذکریم اولدی وای حسین وای واردی تا جهان یارالی
.
.
کیم بولر نه حاله قالدوم سندن آیریلان زماندا
وار دُوزَن مگر منیم تک هر بلایه بو جهاندا
هانسی باجینی دویوبلر قارداشندان آیریلاندا
باشمه ووراردی قمچی شمرله سَنان یارالی
.
.
دین بولوندا منده سن تک دوزموشم گَلن بلایه
شرکت ایتموشم سنیله ماجرای کربلایه
هانسی بیر باجی برادر دُوزدی من دُوزَن جفایه
دوتدی قاتلین اَلیندن هانسی مهربان یارالی
.
.
نیلیوم شکسته گوردوم حالوی من شکسته
دوزمدیم او حاله قارداش فکریم اولدی بسکه خسته
شمری من نجه گورِیدیم اگلشوبدی سینَن اوسته
الده خنجری ایاقدا قانلی چکمه جان یارالی
.
.
شرع و دین ده جهاده گر اولِیدی حقِّ نسوان
یوخسا شمری من قویاردوم اُلدوره سنی لب عطشان
حیف اولا که قولّاریمی باغلاموشدی حکم یزدان
باخدوم آغلادوم حسینم جان ویرن زمان یارالی
.
.
کوفیان بولوردی ظلمون پایه سین تمامه سن سیز
عترتون اسیر اولوبلار اشقیای شامه سن سیز
سعدون اوغلی حکم ویردی غارت خیامه سن سیز
بیر قیامت اولدی قارداش آغلادی سویان یارالی
.
.
خیمه لر یاناندا دوشدوم ششدر بلایه قارداش
عترتون اود ایچره گلدی نِی کیمی نوایه قارداش
شیونیم اوجالدی عرشه گلمدون هرایه قارداش
یوز قویوب چوله قاچاردی معجرین آتان یارالی
.
.
نچّه مین شقی جماعت غارته اَل آچدی بیردن
غارته گلن قُشوندان خیمه گاهی دوتدی شیون
قورخودان یتیم اوشاقلار چوللری ایدردی مسکن
اولمادی بیری او ساعت یادینه سالان یارالی
.
.
قیزلارون شکسته حالی صبری اَلدن آلدی قارداش
نوعروسی کعبِ نیزه گور نه حاله سالدی قارداش
سویگلی قیزون رقیه آت دوشونده قاچدی قارداش
آتلیه سلام ایدردی یعنی قورخودان یارالی
.
.
بیرگیجه بو چولده قالدوخ آه و اَلامانه گلدوخ
صبحه تک یانان چادردا درد اَلینده جانه گلدوخ
آغلاشاندا خوردا قیزلار ناله و فغانه گلدوخ
مجلس عزایه گلدی فاطمه آنان یارالی
.
.
من سنون یولوندا قارداش هر مصیبته دایاندوم
دوشدوم عترتون دالیجا چوللری گزوب دولاندوم
سالدیلار خُمِ بلایه رنگ صبرله بویاندوم
فاطمه آنام دیموشدی صبر ایله دایان یارالی
.
.
قورتولوبدی جور دشمن ظلم اهل کینه قارداش
شامدن اولوب عیالون عازم مدینه قارداش
گلموشوخ اَزل بو توزلی قبره اربعینه قارداش
آغلیاخ دویونجا یوخدور بیزلری ووران یارالی
.
.
سن کسوک باشیله گلدون مجلس یزیده دیده
منده گلموشم بو توزلی قبرون اوسته بازدیده
حیف اولا بو آز زماندا قامتیم اولوب خمیده
جور خارله اولوب دور گللریم خزان یارالی
.
.
رسم دور باجی گلنده اربعینه دل شکسته
دوره سین آلولّا یکسر قوم و خویش دسته دسته
مشعل عزا قویالّار قارداشون مزاری اوسته
باجی دور ویرور تسلّی دوره سین آلان یارالی
.
.
زینبون خرابه یرده هر مصیبته دایاندی
هر بلا و هر مصیبت چوخ چتیندی چوخ یاماندی
مطلبی سوروشما قارداش من خجالتم اماندی
جان ویروب خرابه یرده سویگلی بالان یارالی
.
.
بو قیزون رقیّه دائم یاندورب منی یاخاردی
متّصل باشی دیزیمده انتظارله باخاردی
بیر نفر اوشاق گورنده گوز یاشی یوزه آخاردی
اشک حسرتین ایدردی عارضه روان یارالی
.
.
بیر گیجه خرابه یرده گوردوم آغلوری رقیّه
سیل اشکنی عذارِ زرده باغلوری رقیّه
سورتوری یوزون ترابه سینه داغلوری رقیّه
سسلوری ای عمّه جان دور یاتما بیر اویان یارالی
.
.
باغریما باسوب بالامی سیلدیم اشکنی یوزوندن
ایمدی ده یانوبدی قلبیم او یتیمه نون سوزوندن
سویلدی نَدن سالوب دور قارداشیم منی گوزوندن
گلموری عیادت ایتسون اکبر جوان یارالی
.
.
چیخموری حسین یادیمدان نیسگِلی اورکده چوخدور
زینبه بو غملی مطلب نیزه دور قلیجدی اوخ دور
غسلونی ویرنده گوردوم صاف یری بدنده یوخ دور
تازیانه یرلریندن وار هله نشان یارالی
.
.
آبله ایاقلاریله گزدی چوخ پیاده قارداش
اولمادی رقیّه صد حیف ایمدی کربلاده قارداش
بیر «رجائیله» دایاندی دوزدی هر بلایه قارداش
سس سه ورِیدی منله شامده یاتان یارالی

• جمعه
• 9
• مهر
• 1400
• ساعت
• 14:44
• نوشته شده توسط
• یوسف اکبری

بیر باش گوتور مزاریدن ایله نظر من خواهره
گلدیم سپم گوز یاشیمی قارداش بو قبر اطهره

قامت خمیده گلموشم قرخ گوندی غرق محنتم
زایر اولام بو قبریوه بیر اربعیندی حسرتم
دور منله بیر دانش حسین محتاج بیر هم صحبتم
دور گور نجه قوجالموشام صدمه یتوب صنوبره

پائین پاده خیمه سین برپا ایدوب لیلی اوزی
قرخ گوندی ایوای اکبریم ایوای حسینمدی سوزی
آماده دی قیلسون نماز اشکین اَلور امّا گوزی
امر ایله ویرسون تا اذان اوغلون علی اکبره

هایاندا دفن اولوب دِئنَه ایکی قولی قلم اولان
سکینیه سئوال اولوب باجوندی گل کیمی سولان
گورنموری مزارینی غَمام تک غمه دولان
دیور گیداخ سلام ایداخ عَلَم دوتانِ لشکره

گلور قولاقیمه گینه آنام بو یرده وای دیور
الی باشیندا آغلوری ایوای بالام ایوای دیور
گویا مزارون اوسته دی گل غنچه وه لایلای دیور
دور ایلیاق باهم حسین عرض ارادت مادره

شهید کربلا حسین ذبیح من قفا حسین
ویروبدی حکمونی منه سجّاد با وفا حسین
نبش ایلییم مزاریوی ایدم گینه نوا حسین
وصل ایلییم گل باشیوی مزاریده گل پیکره

گلمز حسین بو فکریمه غم جامه سین تندن سویام
بو قانلی گوداله گرک دوباره دن قدم قویام
گورم یارالی جسمیوی تیر غمه اورک اویام
گر ایستسم دوداقیمی قویام او قانلی حنجره

قربانی دشت بلا نفس سلیم بو تراب
دلشوره وار بو نبشیده واردی حضوری چون رباب
گورسه یارالی سینه ده آلموش سُهاسین آفتاب
پُرسوزیله لایلای دیسون اول شیرخواره اصغره

باب الحوائج اصغرون ربابوون مارالیدی
مدینه ده گوزون آچوب بولنموری هارلیدی
سنله یاتوب مزاریده یارالی کربلالیدی
قونداقنی آلار اله آنام گلنده محشره

سایه نشینی ترک ایدوب گون ایولی روزگاری وار
گورنده هرآنا گلور قوجاقدا شیرخواری وار
سسلور بالام لایلای علی دلینده غم شراری وار
دورشهریارعشق ایله حرمت وفالی همسره

شأن و جلالتون حسین دهریده جاودانه دی
بو گلشن محمدی همیشه پر جوانه دی
ذکر مصیبتون سنون (عدلیه) خوش ترانه دی
بیر اربعین زایر اولا ایستور بو قبر اطهره

• جمعه
• 9
• مهر
• 1400
• ساعت
• 15:13
• نوشته شده توسط
• یوسف اکبری

________________________
زینب کبری گلوب دلده مین آه نوا
اربعین زواریدی ای شه کرب وبلا

دل شکسته دلغمین...گلدی روز اربعین

﴿تسلیت یابن الحسن﴾
________________________
کربلا عطرین آلوب سالدی مرکبدن اوزون
وای حسین وای سسلدی باشلادی ماتم سوزون

نهر علقم سمتینه سالدی تز آغلار گوزون
سسلدی عباسینی ایلدی محشر به پا

دل شکسته دلغمین. .گلدی روز اربعین

﴿تسلیت یابن الحسن﴾
________________________
آلدی آغوشه حسینین قبرینی دل داغلادی
زینبین احوالینه یاندی داغ داش آغلادی

گوز یاشین رخسارینه آل طاها باغلادی
ایلدی آه و نوا یاندی قیزلار برملا

دل شکسته دلغمین. .گلدی روز اربعین

﴿تسلیت یابن الحسن﴾
________________________
جان ویرن ساعت دیدی قارداش یادیمنان چیخمیوب
خانه ی صبریم حسین هیچ غم بو غم تک یخمیوب

هیچ باجی قلبین بیله قارداش فراقی سیخمیوب
زینبم قلبیم یانیر ای روح و ریحانیم اخا

دل شکسته دلغمین. .گلدی روز اربعین

﴿تسلیت یابن الحسن﴾
________________________
کربلا هنگامسی قارداش مگر یادان چیخار
بیر عمود آهنله سینمیش باش مگر یادان چیخار

سجده گاهی سیندیران بیر داش مگر یادان چیخار
چیخمیوب چیخماز یادیمنان ای شه کرب وبلا

دل شکسته دلغمین.. گلدی روز اربعین

﴿تسلیت یابن الحسن﴾
________________________
گون قباقینده قویوب گل پیکرین گیتدیم حسین
نه ابوالفضل اولدی بیر نه اکبرین گیتدیم حسین

ساربان کسمیشدی ای وای اللرین گیتدیم حسین
چوخ مصیبت گورموشم اما یورولمام مطلقا

دل شکسته دلغمین. .گلدی روز اربعین

تسلیت یابن الحسن
________________________
زینبم باخما منیم گوزدن آخان گوز یاشیمه
یدی قارداشین فلک سالدی قراسین باشیمه

دردیمی گلدیم دیم درد آشنا قارداشیمه
یوخسا من عجز ایلمم دشمن یانیندا مقتدا

دل شکسته دلغمین. .گلدی روز اربعین

﴿تسلیت یابن الحسن﴾

• شنبه
• 17
• تیر
• 1402
• ساعت
• 16:56
• نوشته شده توسط
• یوسف اکبری

دور ای مهر و وفا کانی

حسین ای زینبین جانی

بیلیرسن یورقونام قارداش

آل آغوشه بو مهمانی

حسینیم وای حسینیم وای

نجه سن سیز دوزوم قارداش

عذاریمه آخیر قان یاش

بلوت کیمی دولوب قلبیم

سنیدون زینبه یولداش

حسینیم وای حسینیم وای

سن اولدون من اسیر اولدوم

بلا و غمده پیر اولدوم

یوخیدی شامیده یاور

سپاهیوه وزیر اولدوم

حسینیم وای حسینیم وای

سوروشما دلبرون مندن

خجل اولدی یوزوم سندن

خرابه یئرده جان وئیردی

گولیدی گتدی گولشندن

حسینیم وای حسینیم وای

بناتین قالدی آواره

اوزون گورسد منه چاره

دوشنده یادیمه اصغر

ویرور بو قلبیمه یاره

حسینیم وای حسینیم وای

گلر عاشقلرون یکریز

اولار بو مرقدون لبریز

منه زندان اولوب دنیا

وفالی قارداشیم سن سییز

حسینیم وای حسینیم وای

• شنبه
• 17
• تیر
• 1402
• ساعت
• 20:27
• نوشته شده توسط
• یوسف اکبری

سوال:
بابا بیزی سندن آییران پیک اجلدی
هجران اوخی اهل حرمین قلبینی دلدی
سرنیزده،گوردون نه بلا باشیمه گلدی؟
دور بیر ایاقا گور نه پریشان گلوب عمم
قبرین آلوب آغوشه اودی دینجلوب عمم

جواب:
خوش گلموسن ای نازلی بالا قبریمون اوسته
ایتدی سنی غملر گوزلیم دهریده خسته
نفرین ائلدیم قمچی ویران دشمن پسته
یورقونلوقی احساس ائلدیم من نفسیندن
قلبیم آلیشوبدی ایاقین آبله سیندن

___
سوال:
قلبینده بابا بیر یارا واردی خبریم وار
دشمن آتی سینونده چاپاردی خبریم وار
انگشتریوی بجدل آپاردی خبریم وار
آفت یلی گلزار ولایه نیه اسدی؟
سویله باشیوی شمر ستمگر نیه کسدی؟

جواب:
مقتلده دیدیم شمره دایان،ظلمه تلسمه
اللهدان اوتان،لعنت اولا سن کیمی خصمه
یول گوزلوری خردا بالالار باشیمی کسمه
توبه ائله،توبه قاپوسی هر دم آچیخدی
باخمادی کسوب باشیمی،هم سینمه چیخدی
_

سوال:
قرخ گوندی گزوب چوللری اولدوق سنه مهمان
مهمانلاریوا سویله خوشامد،شه خوبان
چک بیر الیوی باشیمه جانیم سنه قربان
باخ بیر بو آخان گوزده کی گوز یاشیمه بابا
یوللاردا سنان ،قمچی ویروب باشیمه بابا

جواب:
گلسه باشیما هر نه بلا خصمه اگیلمم
وار علتی گوزیاشیوی گوزدن نیه سیلمم!
شرمنده بالا،من باشیوا ال چکه بیلمم
آگهسن ئوزون چوخدی غمیم یاره لی دلده
ئوز ساربانیم اللریمی کسدی بو چولده
_

سوال:
قوش تک بابا بو چولده سینوبدی پروبالیم
سرنیزده گوردوم باشیوی آرتدی ملالیم
دیندیر منی زهرایه گوره،غملیدی حالیم
عرشه اوجالوب دهریده بو آه و فغانیم
سس ویر منه یورقون قیزینام یوخدی توانیم

جواب:
آند اولسون او خلاق جهان و شب و روزه
آند اولسون او قرآندا اولان رمز و رموزه
قرآن اوخودوم آنیما داش ویردی عجوزه
سرنیزده آنیمدان آخان قان سوزولوبدی
مرجان کیمی کیپریکلریم اوسته دوزولوبدی

• پنج شنبه
• 19
• مرداد
• 1402
• ساعت
• 00:35
• نوشته شده توسط
• یوسف اکبری

☑️ بند اول

قرار زینبی آلان غمی وجوده اوت سالان
گلیبدی زینبین دئنه نه حالیده او بیر یاران

سنین هجرین ده حسینیم من جانه گلدیم
دئمه گئدیم کربلایه چوخ ساده گلدیم

ویراندا یورقون بالالاری حائل اولدوم
گووردی جسمیم دمادم فریاده گلدیم

? یارالی یارالی یارالی

☑️ بند دوم

گولوب دی زینبین یوزی نشان وریر آخان گوزی
نچه زمانیدی قالیب اورک ده زینبین سوزی

صغیر اوشاخ لاری ویرماخ بیر عادت اولدی
بیزه شامین یول لارین دا چوخ محنت اولدی

خبر آلسان بیر گولون دن چوخ شرمسارم
رقیه ن ویرانه ده یاتدی راحت اولدی

? یارالی یارالی یارالی

☑️ بند سوم

دوشور خیالیمه حسین خیم ده ال امان سسی
صغیره لر قاچان زمان او شمری نن سنان سسی

قیامت قوپدی حرم لر آوار قالدی
حرامی لر اوت ویریب اخیامین اوت آلدی

ربابه بیر خالی گهواره قالمیشیدی
یانان یاندی ، خیمه ده کی گهواره یاندی

? یارالی یارالی یارالی

☑️ بند چهارم

اورک ده واردی بیر داغیم سولوب دی گلشنیم باغیم
کسنده باشیوی عدو ازل کسیلدی دی بارماقیم

هله خنجر یاره سی ال دن بیتمییب دی
او گودالین غم لری دیل دن گئدمییب دی

اوقدری زینبیوی یول لاردا ویریب لار
جراحات تازیانه لر ایتمییب دی

? یارالی یارالی یارالی

☑️ بند پنجم

او چول ده شمر بی حیا جنایتیله دویمادی
او قان دولان گوزون یومام جفا ده دوردی قویمادی

نولاردی زینب دویونجان بیر آغلییدی
یارالی نعش اوسته سینه سین داغلییدی

یوز اوسته بیر چوندریدی شان شان وجودین
یانا یانا اوخ یارا لارین باغلییدی

? یارالی یارالی یارالی

• جمعه
• 24
• شهریور
• 1402
• ساعت
• 22:05
• نوشته شده توسط
• یوسف اکبری

?? شاماته بالان امانت اولدی
ویرانه ده یاتدی راحت اولدی ??

☑️ بند اول

یورقون یارالی بلالی خسته
افسرده و بال و پر شکسته
قولاری طناب کینه بسته

نازلی بالاوا اذیت اولدی
ویرانه ده یاتدی راحت اولدی

?? شاماته بالان امانت اولدی
ویرانه ده یاتدی راحت اولدی ??

☑️ بند دوم

غم چکدی بلا گورب سیخیلدی
آهی اوجالیب گویه چیخیلدی
گون گورمدی، ناقه دن یخیلدی

صید محن و مصیبت اولدی
ویرانه ده یاتدی راحت اولدی

?? شاماته بالان امانت اولدی
ویرانه ده یاتدی راحت اولدی ??

☑️ بند سوم

آیینه ی عمری پارچالاندی
پیمانه ی وصلیمیز جالاندی
شاماتیده عزتی تالاندی

بیچاریه چوخ شمادت اولدی
ویرانه ده یاتدی راحت اولدی

?? شاماته بالان امانت اولدی
ویرانه ده یاتدی راحت اولدی ??

☑️ بند چهارم

دیل یاندیرانیدی آه سردی
سنّی آزیدی چوخیدی دردی
اولماغینی آرزو ائدردی

آمال دیلی اجابت اولدی
ویرانه ده یاتدی راحت اولدی

☑️ بند پنجم

ویرانیه سن گلنده قارداش
آغلیردی یوزه توکوردی قان یاش
تا گوردی ویریبلار آنیوا داش

جان وئردی بالان قیامت اولدی
ویرانه ده یاتدی راحت اولدی

?? شاماته بالان امانت اولدی
ویرانه ده یاتدی راحت اولدی ??

☑️ بند ششم

دلبندیوی دفن ائدنده ، سینه
اوتلاندی بلای آتشینه
نیسکیل بودی دخت شاه دینه

اوز کهنه لباسی خلعت اولدی
ویرانه ده یاتدی راحت اولدی

?? شاماته بالان امانت اولدی
ویرانه ده یاتدی راحت اولدی ??

• جمعه
• 24
• شهریور
• 1402
• ساعت
• 22:09
• نوشته شده توسط
• یوسف اکبری

ای شه بی قرینه اوتلانیری بو سینه
زینبم ای بلالی گلمیشم اربعینه

زینب قد کمانم واردی دیلیمده داغلار
غصه لیم بو دیدم قالدی غمینده آغلار

طایر پر شکستن صبر و قراریم آلدی
عترتیوی رقیه ن آه و نوایه سالدی

خرابه گوشه سینده ایشیق گون اولدی قاره
دوشوب حسین بالاوین نفس لری شماره

واریدی غم هواسی آرتیغیدی بلاسی
اوقدری آغلامیشدی باتمیشیدی صداسی

مریضه حاله دوشدی تاپیلمادی دواسی
چورود دی غم وجودین قالیردی بیر نماسی

بو دختر صغیرین قلبی سیخیلمیشیدی
ووراندا ساربان لار قاچیب ییخیلمیشیدی

دست جفا الین ده صورتی اولدی نیلی
قوخودی دیلی دوتولدی زجر ویراندا سیلی

وادی کربلاده هر نه بلانی گوردی
گودی قتلگه ده شمر و سنانی گوردی

خنجر شمر ملعون ال ده قانی آخیردی
باشه ویریب رقیه حسرتیلن باخیردی

• جمعه
• 24
• شهریور
• 1402
• ساعت
• 22:13
• نوشته شده توسط
• یوسف اکبری

تاپمُوشام قارداش اِسارَتدَن فَراغَت گلمِیشَم
اَربَعینُوندَه اِیدَم قَبرُون زیارَت گلمِیشَم

هِیچ گُمان گِیتمَزدِی قارداش غُصّه دَن مَن صاق قالام
قُورتُولام رَنج و بَلادَن کَربَلایَه یُول سالام
دَرک اِیدُوب فِیضِِ زیارَت عَطریُوِی بیردَه آلام
شُکرِ لله ئولمِیُوب قالدِیم سَلامَت گلمِیشَم

یاخشی فُرصَت وَقتِیدور قارداش حُسین دَردِ دِلَه
سَن دِیُورسَن دَردیُوی یا زِینَبُون گلسُون دِلَه
شام ظُلمِیندَن دِیُوم یا کُوفَه دَن اِیلُوم گِلَه
ثابِت اوُلسُون تا چَکُوب آرتِیق رِیاضَت گلمِیشَم

سَن او گُوندَن که بَلا دَشتِیندَه قانَه باتمُوسان
عِشقِ حَقّه مَحو اوُلوب دُنیانی گُوزدَن آتمُوسان
عَهدِیوَه اِیفا اِیدُوب قَبرُوندَه راحَت یاتمُوسان
اوُلمِیُوب اَمّا مَنَه غَمدَن فَراغَت، گلمِیشَم

چَکمِیشَم سَنسِیز نَلَر یُولّاردا مَن الله بُولُوب
جِسمِیدَه تاب و تَوانیم قالمِیُوب رُوحِیم ئولُوب
آغلیاندا دَردِیمَه مَن، طَعن اِیدُوب دُشمَن گُولُوب
گُوندُوزُوم غَمدَن اوُلُوبدور شامِ ظُلمَت گلمِیشَم

دُوشمُوشَم باشُون دالینجا هَر بَلادَه گِیتمِیشَم
قانلی باشُون هَر یِرَه اِیلُوب اِرادَه گِیتمِیشَم
پا پیادَه مَجلسِ اِبنِ زِیادَه گِیتمِیشَم
گُورمُوشَم مَرجانَه اوُغلُوندان اِهانَت گلمِیشَم

چُوخ غَمِیم وار اِختصارَه مَن قَناعَت اِیلَرَم
بیر سُوزَه زِینَب سَنَه قُربان کِفایَت اِیلَرَم
شامِیدَن عُمرِیم نَقَدر اوُلسا شِکایَت اِیلَرَم
شامِیدَن چُوخ گُورمُوشَم طَعن و شَماتَت گلمِیشَم

شامِیدَه قانلی باشُون گلِدِی او وِیران مَنزِلَه
زِینَبِین اِیتدِی حُسین غُربَت وِلایَتدَه صِلَه
مَندَه گتدِیم قَبرُون اوُستَه شامِیدَن بیر قافِلَه
اِیتماقا اوُز حالِیمِین شَرحین حِکایَت گلمِیشَم

هِیچ بیری گر چِه بیر آن آلامِیدَن دِینجَلمِیُوب
لِیک هِیچ قَلبی بَلا تِیرِی دِلیم تَک دَلمِیُوب
صاق گلُوب جُملَه گِیدَن بیر جَه رُقَیّه گلمِیُوب
بیر او مَه رُو جانِبِیندَن مَن خَجالَت گلمِیشَم

خاطِرِیمدَن چِیخماز عُمرُومجَه اوُنُون نِسگِللَرِی
مَنلَه هم خوابِیدِی چُون وِیران اوُلان مَنزللّری
یاندُورِدی قَلبِیمی هَر لَحظَه شِیرِین دِللّرَی
آهِ سَردِی اوُد تَک اِیلُوردی اِصابَت گلمِیشَم

بیر گِیجَه آغلار گُوزِیلَه اِیستَدِی مَندَن سَنی
هاردا دور عَمّه بابام سُویلُوب اوُجالدُوب شِیوَنی
بُوینی چِگنِندَه تُوکُوب گُوز یاشی یاندُوردِی مَنی
گُور وِیرردِی یُوز مَنَه اوُندا نَه حالَت گلمِیشَم

جِسمِینی اوُل گُوشِهء وِیرانه دَه دَفن اِیلَدِیم
نَعشِینَه اَگنِندَه کِی پیراهَنی کَفن اِیلَدِیم
قَبرِینُون اوُستُوندَه آچدِیم زُلفُیمی پَهن اِیلَدِیم
تُوزلی زُلفُیم دور مَزارِیندَن عَلامَت گلمِیشَم

نُوکَروندور #حافظی اِی شَهریارِِ کربَلا
بیر بَراتِ اَربَعین اِیستُور، اِیلَه قارداش عَطا
حاضرِینِیلَه سُوَر عَبّاسیدَه هَمراه اوُلا
اِیستِیَم اوُلُسُون دُعاسی اِستجابَت گلمِیشم

• شنبه
• 22
• مهر
• 1402
• ساعت
• 20:06
• نوشته شده توسط
• یوسف اکبری

هر گوشه دن نوای حنین و انین گلور
دلدن شکسته نی کیمی ناله حزین گلور

برق شرار آه اولوب بسکه سینه سوز
کانون سینه دن نفس آتشین گلور

طوفان گریه موجه گلوب بحر دیده دن
دریا کیمی کنارینه درّ ثمین گلور

یر , گوی اولوب حسینه مگر مجلس عزا
فریاده ساکنان سپهر برین گلور

جوش و خروش و ضجّیه سکان آسمان
آه و فغان و نالیه خلق زمین گلور

ایتموش احاطه شش جهتی بانک الصلا
گویا صلای ماتم سلطان دین گلور

ماتم نشین پیمبر و صاحب عزا خدا
هم انبیا عزاسینه هم مرسلین گلور

گوی دن یره نزول ایلیوب بزم ماتمه
فرش ایتماقا ملائکه بال و پرین گلور

خورشید آسمان حیا بنت مصطفی
صف صف صاق و صولا دوزوب حور عین گلور

عشرین ماه عاشر شهر محرمی
تکمیل ایدور صفر خبر اربعین گلور

شاه شهید روضه سینه روضه خوانلیقا
بیر کاروان اسیر خرابه نشین گلور

کلثوم نوحه خوان دالیجا سینه زن زنان
اطفال دسته دسته یسار و یمین گلور

کیمدور خبر ویره گله تا پیشوازینه
لیلا خانم زیارتنه اکبرین گلور

مدهوش ایدر مشامینه ناف ترابدن
مشکین شمیم نافه گشا عنبرین گلور

بیر نامراد تازه جوان قبری اوستنه
بیر بختی قاره , قاره گینموش گلین گلور

یول گوزلوری عم اوغلوسی چخسون قباقینه
اما گتورموری دله قلبنده کین گلور

زینب الینده قارداشا قارداش نشانه سی
حاضر دوتوب او قانه باتان کوینگین گلور

شش گوشه قبرینی چکوب آغوشه جان کیمی
آغلار آنان یرینده اولوب جانشین گلور

هر تیر غم که شست فلکدن اولور رها
اول نشانیه دل زینب قرین گلور

صیاد تک کمان کش گردون جانیمین
قصدینده دور ایدوب منی دائم کمین گلور

هانسی مصیبتندن ایدوم ذکر یابن امّ
بیر بیر خیالیمه ستم اهل کین گلور

گویا ووراللا هلهله میداندا غارته
فرمان ویروبله خیمه لره مشرکین گلور

زلفیم آغاردی اوندا که گوردی بو گوزلریم
خنجر الینده قتلوه شمر لعین گلور

قدّیم کمانه دوندی او گوندن دوزلمدی
گوردوم جداده تا که سر انورین گلور

گاهی معاینه نظره ، گه خیالیمه
عریان قالان او گل بدن نازنین گلور

بیمار امام خاک شفادن شفا آلا
حاذق طبیبه تا دیه درد دلین گلور

صد آه کربلادن ائدوب کوچ یثربه
اولاد طاهرینِ رسولِ امین گلور

آزاده لر کمند جفای یزیددن
آزاد اولوبلا عترت حبل المتین گلور

قاصد گلوب خبر گتوروبدور مدینیه
حِلّ و حرم امینی امام مبینی گلور

بوینوندا شال ماتم الینده قرا علم
غمناک سینه چاک گلور شرمگین گلور

آشوب رستخیز پیمبر وفانی تک
فریاده یثرب اهلی کَهین و مَهین گلور

اطرافینی آت اوسته بشیرین دوتوبلا خلق
اما گورولله خیل ملول و غمین گلور

بیر بیر خبر دوتولّا جوانلار که هانسی گون
اکبر او سرو لاله رخ و مه جبین گلور

وقتین معیّن ایله نه گونده عراقدن
عباس نامدار او جوان گزین گلور

گوردی بشیر بیر اوجا قامت خانم اله
بیر طفل مه جبینین آلوب دور الین گلور

زهرا عزیزی اوغلی حسینی سوروشماقا
عباس آناسی‌ فاطمه امّ البنین گلور

قلبی یانوب گورنده اونون حالتین بشیر
عرش ایلدی سنون بو سفردن کیمون گلور

عباس آناسی وئردی بشیره بئله جواب
سویله گوروم نه وقت حسینیم یقین گلور

هر قدر ایستدی دیه گوردی محالدور
بیردن وئره ئولوم خبرین چوخ چتین گلور

عرض ائتدی هئچ سوروشموسان عباسوی ندن
حیفی اونون جوانلوقونا عالمین گلور

دولدوردی گوزلرین دئمه قاصد آدی دله
هرگز آقا وجودی ایله نوکرین گلور

عباس و عون و جعفر و فضل حسینیمه
وئردوم فدا بو قدره گمانیم همین گلور

قربان اونون وفاسینه عباسیمه #حقیر
حقّا که مستحقّ هزار آفرین گلور

• شنبه
• 22
• مهر
• 1402
• ساعت
• 20:11
• نوشته شده توسط
• یوسف اکبری

شامَدَن گلدِیم حُسین عِترَتِ پِیغَمبَرِیلَن
گِئدُورَم یَثُربَه آغ زُلف و قَرا مَعجَرِیلَن

ثَبت اِئدُوب خاطِرِهء کُوفَه و شَاماتَی باجُون
قِصّهء ساعَتِ دَروازِهء ساعاتِی باجُون
گَردِشِ کُوچِه و بازار و مَحَلاتِی باجُون
زِینَبُون عَزمِ وَطَن اِئتِمِیش آغیر دَفتَرِیلَن

کارِوانِیمدَه گِئدَندَه چُوخُیدی خُوردا اوُشاق
أئولدِى یُوللُاردا تَلَف چُوخلارِی مَحوِ اوُلدِى تِفاق
کُنجِ وِیرانَه دَه بیر نازلُو قِیزُون قالدِى قُوناق
یُولا سالدِی مَنی قَلبِیم دُولی نِسگِل لَریلَن

گلمَگُون مَنزِلِ وِیرانَه یادِیمدان چِیخماز
یُوخُودا اِئتِدِی او قِیز بابِ گلایَه سَنَه باز
واریدِیم مَندَه هَمان حالِدَه مَشغُولِ نَماز
اِئشیِدِیردِیم دانیشُوردُون او خانِم دُختَرِیلَن

شَهرِ یَثربَدَه حُسین مَکتَبِ مُحنَت آچارام
حَرَمِ هاشِمِیَه شَرحِ مُصیبَت آچارام
قانلُو پیراهَنُوِى اَلدَه عَلامَت آچارام
یارَه وِی گُوستَرَرَم پیرِهَنِ اَحمَرِیلَن

دِئسَه عَبَاسِیم هانی اُمّ بَنِینَه نَه دِیُوم
یا خَبَر آلسا سَنی اَهلِ مَدِینَه نَه دِیُوم
حالِ اَکبَردَن او صُغرای حَزِینَه نَه دِیُوم
دِیُوم اَکبر نِئجَه دَفن اوُلدی علی اَصغَرِیلَن

گِدُدورَم جَدَّ کُبارِیم حَرَمِ اَطهَرینَه
مادَرِیم فاطمَه قارداشیم حَسن مَحضَرینَه
قُویمارام تازَه عَروسُون قُونا تُوز زُلفلَرینَه
سُولارام یُوللّاری گُوزدَن یاغان اَشگِ تَرِیلَن

گُورمُیشَم گُوزلَرِیمِیلَن او گُون اِی شاهِ أُمَم
یِیخدِیلار عَرصِیَه عَبّاسیمی قُولارِی قَلَم
یِتِیشَندَه وَطَنَه اِیستَرم اَقوامی گُورَم
باخُوم عَبداللّهَه آیا نِئجَه بُو گُوزلَرِیلَن

رُوزِ قَتلُوندَه سَنُون حَشر تَمام اوُلدِی بِیزَه
اِیکی مِینجِی فَقَرَه مَحشَرِ شام اوُلدی بِیزَه
جَدّیمُون مَسجِدی وَقتی که مَقام اوُلدِی بِیزَه
اوُردا مَحشَر اِئدَرَم مَن بُو اِیکی مَحشَریلَن

قَبرِ پاکِیندَه آنام فاطمَه نی آغلادارام
دُوغرانان کُوینَگُوی مَرقَدی اوُستَه آتارام
آچارام قُوللّاریمی سَنگِ مَزارِین دُوتارام
خَنجَرِ شِمرِ جَفاکارِی دُوتان اَللّریلَن

وِئر اِجازَه گُوتُورُوم خاکِ مَزارُوندَن حُسین
زُلفِیم آلودَه اِئدُوم عَطرِ غُبارُوندَن حُسین
نِیلِیُوم یاد اِئلیُوم فَصلِ بَهارُوندَن حُسین
یَثُربَه وارِد اوُلُوم رایِحِهء عَنبَرِیلَن

وارِد اوُلّام نِئجَه عَبّاسِ عَلمدار اِئوِینَه
سَر سَلامَت وِئرَم عُورتلَرَه اَنصار اِئوِینَه
نَه یُوزِیلَن گِئدَرَم جَعفَر طَیّار اِئوِینَه
آغارُوب باشدا پَراکَندَه اوُلان مُولَریلَن

بانُوان آلسا خَبَر دُختَرِ شاهِ عَجمی
شَهربانُو هانی سُلطانُون عَزیزَه حَرمی
نِئجَه مَن گِیزلَدُورَم سِینَه دَه بُو عُمدَه غَمی
دِییَرَم خَلقَه اوُنُون حالِینی نَه دِیللّریلَن

یازمِیشام نامَهء فَتحِی او بابام حِیدَرَه مَن
فُرصَت اوُلمادِی دِمِشقَی او زَمان فَتح اِئدَه سَن
چَکمِیشَم کُوچه و بازارِدَه شَمشیرِ سُخَن
گلمِیشَم شامی مُسَخّر اِئلِیَن لَشکَریلَن

اِیستَدیم فَتح عَلَمِیم شامِیدَه پایَندَه قالا
قُویمِیشام خُوردا قَیزُون اوُردا نَمایَندَه قالا
ئولمِیَه دَهرِدَه تارِیخُون حُسین زِندَه قالا
لُوحِ قَبرِیندَه او تارِیخ اوُخونا اِیللّریلَن

گُوز یاشیم صِیقَل اِئدُوب حَقّ اَلینُون تِیشَه سِینی
بِیخِدَن کَسدِی خَبِیثَه شَجَرُون رِیشَه سِینی
خُورد خُورد اِئتِدی یَزید عِشرَتِینُون شِیشَه سِینی
یِخدِی ضَحاکی نِئجه پَنجِهء آهَنگرِیلَن

• شنبه
• 22
• مهر
• 1402
• ساعت
• 20:14
• نوشته شده توسط
• یوسف اکبری

به قصد غسل اولوب عازم کنار فرات
توکوب لباس صفاتی اولوب مجرد ذات
.
کنار نهره یتوب خشک اولوب دوروب چون نی
یتوب نوای من الماء کل شی حی
.
اورک گوزیله قباقجا فراته بیرباخدی
فرات تک یوزینه اشک دیده سی آخدی
.
نئجه باخوم بو سویا گوگلمون بلاسی گلور
که سسلننده بو سو العطش صداسی گلور
.
باخوب سویا گوزومون جامی اشگیله دولدی
بو سوئیلن منه غسل ایلمک حرام اولدی
.
گرکدی اشکیله غسل ایلیوم فغانیلن
که دستماز آلوبدور حسین قانیلن
.
نه سودی باشیمه تپراق نه غسلدور نه وضو
حسین جنازه سی اوسته تاپیلمیوبدور سو
.
حسین قصد زیارت ائدوب چون اللهی
او وقته قانیله غسل ائتدی کربلا شاهی
.
عبث دگول که سو اوستونده ناله لر چکرم
دگل

• دوشنبه
• 1
• مهر
• 1398
• ساعت
• 11:02
• نوشته شده توسط
• ابوالفضل عابدی پور

اولدی مستخلص باجون قید اسارتدن حسین
قامتی امّا بوکولدی بار محنتدن حسین
.
.
چوخ ائدردیم آرزو قبرون زیارت ایلیم
بو گوزل قبرونله من کسب سعادت ایلیم
دردیمی بیر بیر سنه قارداش حکایت ایلیم
گر چه آگهسن اوزون هر بیر مصیبتدن حسین
.
.
عالمه ویردیم نشان قارداش وفای عشقیمی
گون به گون باشیمده آرتیردیم هوای عشقیمی
اهتزازیله فراش ایتدیم لوای عشقیمی
دینی احیا ایلدیم من بو اسارتدن حسین
.
.
من مصائبده حسین سنله شراکت ایلدیم
صابر اولدوم هر بلاده استقامت ایلدیم
شامیده گوردی باشون نه نوعی نهضت ایلدیم
ایلدیم هنداوغلونی رسوا او نهضتدن حسین
.
.
ساغر جهلیله شام اهلی زبس اولموشدی مست
دین ایوین گوردوم ایدور صوری مسلمانل

• دوشنبه
• 1
• مهر
• 1398
• ساعت
• 11:02
• نوشته شده توسط
• ابوالفضل عابدی پور

تنگه گلوب خرابۀ شامیده آل مصطفا
بسکه یزید بی حیا گون بگون آرتوروب جفا
.
.
شورش خلقیدن هراس ایلدی ظاهره گوره
دوشدی بو فکره احترام ایلسون آل حیدره
ایستدی تا مدینیه آل رسولی گوندره
ایستدی اوّل ائتدیله تعزیه خانه ای بپا
.
.
یتدی خبر اهالیِ شامه اوشاقدان عورته
دسته بدسته شامیان باتدیلا بحر محنته
تعزیه خانیه گلوب زینبه سر سلامته
شامیده نچّه گونلری اولدی اقامۀ عزا
.
.
اولدی چو سگیزیمجی گون ویردی یزید دون خبر
ائتدیله اهلبیت ایچون ساز تهیۀ سفر
ناقه لر اوسته امر ائدوب بار اولونوب کجاوه لر
ایستدی میر قافله محمله تا سوار اولا
.
.
قافله نی ملاحظه ایلدی میر کاروان
گوردی تمام جمعیدور اهل حرم یکان یکان
فاطمۀ

• سه شنبه
• 23
• مهر
• 1398
• ساعت
• 15:45
• نوشته شده توسط
• ابوالفضل عابدی پور

کربلایه یورولان لشکری زینب گتوروب
اوج عزّتده سنان شهپری زینب گتوروب
.
متبّرک ایلیه قارداشنون قبرینده
آغاران باشدا قرا معجری زینب گتوروب
.
قبرینون اوسته قویا اشکینی رخساره توکه
الده پیراهن حزن آوری زینب گتوروب
.
دیوب هر دم سنه قربان اولا شرمنده باجون
مگر اوچ یاشدا گوزل دختری زینب گتوروب
.
آل اطهار گوز آلتی دویولن سمته باخوب
قمچی آتدا گوگرن اللری زینب گتوروب
.
سو کنارینده یاتوبدور اوجا بوی قارداشی
کاروانینده ملر خواهری زینب گتوروب
.
اربعین علی اکبردی بلانون چولونه
مادر اشبه پیغمبری زینب گتوروب
.
باخوب اصغر ملین سمته گونی قاره رباب
بالاسی الده ئولن مادری زینب گتوروب
.
الغرض قویدی حسین قبرینه زینب

• سه شنبه
• 23
• مهر
• 1398
• ساعت
• 16:12
• نوشته شده توسط
• ابوالفضل عابدی پور

شکر اولا الّلهَه قارداش ویردی مُهلت زینبه
عاقبت قبر شریفون اولدی قسمت زینبه
.
.
خسته گویلوم بسکه بو قبرون چکوب مشتاقینی
شوقدان گورمز گوزوم عرش جلالون طاقینی
توتیا تک زلفیمه قوی تا چکوم توپراقینی
روشن اولسون بیر زمان بو بزم وصلت زینبه
.
.
پرده پرده کشف اولوبدور قلبیمه سرّ حجاب
محضر پاکوندا چون ائتدی مُجیب اولموش مُجاب
قوی آچوم من دل سئواله سنده قیل ردّ جواب
بو کلید نطقیلن آچ باب صحبت زینبه
.
.
چون گوزومدن پردۀ غیبی منیم اولموش کنار
گورسنور کوز کوز اولان جسمون گوزمه آشکار
دوغرانوب باشدان ایاقه بند بندون هر نه وار
وار یری ایمدی یتشسون مین جراحت زینبه
.
.
من اولوم قربان بو جسم جانیوه نه جاندی بو
ج

• سه شنبه
• 23
• مهر
• 1398
• ساعت
• 17:06
• نوشته شده توسط
• ابوالفضل عابدی پور