اشعار ویژه اربعین

ای قبری مباهات ایلین عرشه حسینیم
به به نه گوزل زینت اولوب فرشه حسینیم

آغلارباجون اولسون بوگوزل قبروه قربان
شش گوشه لیـقی زینبوی اییوب حیران
هرگوشه سی جناتیدن افضلدی حسینجان
حاشـا اولاجناتیـده بو منظـره قارداش
اکسیریدی غم دیده اولان دللره قارداش

واقف حسین عشقوه دلبسته دی زینب
الطافوه چوخداندی که وابسته دی زینب
دیندیرباجوی ایله کرم خسته دی زینب
هجرانون آلوب طاقت وآرامیمی قارداش
قرخ گونده بوکوب بار الم قدیمی قارداش

بومدتی هربیرگونوم آی ایلدی غمونده
زلفوم آغاروب قدیم اولوب خم محنونده
ایکــاش اجل درک ایلـیه قتلگهــونده
خاموش اولا قلبیمده اولان سوزوشراریم
شش گوشه مزاره اولاهمسایه مزاریم

• شنبه
• 9
• مرداد
• 1400
• ساعت
• 14:24
• نوشته شده توسط
• یوسف اکبری

مــولاحسین جـان ای ســرور دوعالم
قبروندن اوتری عرشه چخوبدی نالم (۲)
مولاحسین جان مولاحسین حسین جان
عــالم سراسرششگــوشه قبره قربان(۲)
‌

قبـــرون هـواسی دلدن آلــــوب قراری
شـــــرمنده ایلـــور آه دلــیم شــــراری
کرب وبلاده ای جان ویرن لب عطشان
قسمت بوجمــــعه ایله گـــوزل مــزاری
مولاحسین جان مولاحسین حسین جان
عــالم سراسرششگــوشه قبره قربان(۲)

عشقون آلـــوبدی دلدن توان و صبــــری
مبهــــوت ائدوبسن لطفیـــــله برو بحری
گوگلوم چوخ ایستراولسون قسم خدایه
کــــرب و بلاده اوآلتــــی گـــوشه قبری
مولاحسین جان مولاحسین حسین جان
عــالم سراسرششگــوشه قبره قربان(۲)

قبـــروندن اوتری گلــم آقــا نوایه
حسرت غمینده آهیم چخارسمایه
عباسه خاطـر وئرتذکـره گلاق بیز
بواربعــــینی صحـــرای کـــربلایه
مولاحسین جان مولاحسین حسین جان
عــالم سراسرششگــوشه قبره قربان(۲)

ای ظلم الیــله قانه باتان آقام وای
ایسی قوم اوسته عطشان یاتان آقام وای
یـــوم بلاده یکــــسر بـالالارینــی
دین حق اوسته گوزدن آتان آقام وای
مولاحسین جان مولاحسین حسین جان
عــالم سراسرششگــوشه قبره قربان(۲)

گلــمز بو دهـره بیرده سنون مثـــالون
تک خلـق ائدوبدی خـلاق ذوالجلالون
ذبح ایتدی باشون مقتلده شمربی دین
یاندیــردی قلــب عالملـــــری ملالــون
مولاحسین جان مولاحسین حسین جان
عــالم سراسرششگــوشه قبره قربان(۲)

صحرای غمده قلبون گلوبدی درده
آهـون اوجـالدی افـلاکه پرده پرده
راس منــیرون ویردی عـدو جدایه
نعشون قالوبدی خنجرلر آتدا یرده
مولاحسین جان مولا حسین حسین جان
عــالم سراسرششگــوشه قبره قربان(۲)

دوشـــدی تـــزلـــزل بوغمده عــالمینه
صــدمه یتشــدی جـوریلــه رکــن دینه
گویلــرده گویا امر ایتدی حی سبحـان
ئولدی حسینیم یاس ساخلیون حسینه
مولاحسین جان مولاحسین حسین جان
عــالم سراسرششگــوشه قبره قربان(۲)

جنتــده طـاها آغـلاردی یانه یانه
شیرخدانون دوندی سرشگی قانه
زهرادیردی ایوای حسینـیم ایوای
اشگـین اللـردی رخساره دانه دانه
مولاحسین جان مولاحسین حسین جان
عــالم سراسرششگــوشه قبره قربان(۲)

(ساسان) آدنلی اولدی بوشعره بانی
امرایلمشدی نظمه چکوب(جــوانی)
بواربعیـــنی ایسته مــزارون اوستـه
سیـنه ورانلار شاعـرله نوحه خوانی
مولاحسین جان مولاحسین حسین جان
عــالم سراسرششگــوشه قبره قربان(۲)

• یکشنبه
• 10
• مرداد
• 1400
• ساعت
• 14:29
• نوشته شده توسط
• یوسف اکبری

باجین گلدی قارداش نوالی
سالوب قاره معجر عزالی
حسین اربعین اولدی گلدیم
اورگیم یارالی یارالی
باجین گلدی اما بوکولموش بلینن
دوروب قبرین اوسته آغارمیش تلینن
یارالی یارالی یارالی حسینیم (2)

ورور باشه قیزلار پریشان
ایدوب ماتمین دیده گریان
منی تک قویوب کامه چاتدون
نه راحت یاتوبسان حسین جان
سنون قرخیوا قرخا یاخین گلوبلر حسینیم
چاتینجاخ حسین وای دیوبلر حسینیم
یارالی یارالی یارالی حسینیم (2)

یانوب اودلانور قلب زاریم
قالوب شامیده گلعذاریم
باشین الدی اغوشه دوشدی
یره،چیخدی جانی نگاریم
دیدی یاخشی سالدین منی یاده بابا
نیه گلمیوردون سن امداده بابا
یارالی یارالی یارالی حسینیم(2)

یانیر اغلور اصغر اناسی
باتوب چولده قانه بالاسی
باخور نهره ساری سیزلیر
گلور گاهی ای وای صداسی
دیر اچمادین دیل دءین دردین اوغلوم
سوز گتدین اما سوز گلدین اوغلوم
یارالی یارالی یارالی حسینیم (2)

• جمعه
• 15
• مرداد
• 1400
• ساعت
• 19:41
• نوشته شده توسط
• یوسف اکبری

ای فاطمه مارالی ای وای حسینیم ای وای
گلدی باجین عزالی ای وای حسینیم وای

دور قبرین اوسته گلدی شوقیله غم قطاری
عزم ایلیوب اسیران کرب و بلایه ساری
ای کاش گوروم ئولونجک اول صحن با وقاری
یوخ زینبون مجالی ای وای حسینیم ای وای

چیخدیم مسیر عشقه, عشقونله پا پیاده
یثربده کی جلالیم یولدا دوشوبدی یاده
چوخ یورقونیدیم اما ائتدیم ولی اراده
دیندیر بو خسته حالی ای وای حسینیم ای وای

قلبیم یانیردی نار هجران و غربتیله
الچاق اوجا مسیری گلدیم نه زحمتیله
دیللر اسوردی گاهی شوق زیارتیله
سن معرفت کمالی ای وای حسینیم ای وای

گون گر دوتولسا ناگه اولدوز سماده یانماز
هیچ باجی من تک الله اواره چولده قالماز
مین یول ئولوب دیریلسم درد و غمیم آزالماز
ای زینبون هلالی ای وای حسینیم ای وای

من تابع و مرید دستور عشقین اولدوم
عشاق ایچینده گزدیم درگیر عشقین اولدوم
سن عشقیدن دانیشدین , تفسیر عشقین اولدوم
یوخ عشقیوین مثالی ای وای حسینیم ای وای

بیر دسته خسته جیران زوار سنه گتیردیم
بلبلری حسین جان بو گلشنه گتیردیم
اصغر اناسین اخر بو مدفنه گتیردیم
پوزدی خزان جلالی ای وای حسینیم ای وای

دوزدی که بعد غارت یانمیش خیمده قالدیم
پیراهنون عزیزیم عدوان الیندن آلدیم
من محمله حسینیم عفو ایله باشی چالدیم
گلدیم باشی یارالی ای وای حسینیم ای وای

بیر غنچه تازه اچمیش گل قالدی گلستاندا
سسلوردی گل باباجان نصف گجه یاتاندا
گاهی دیردی عمه قالدی بابام هایاندا؟
دیلده قالوب سوالی ای وای حسینیم ای وای

اوچ سنیده رقیه اماج غارت اولدی
قانلی دوداقین ئوپدی مشتاق وصلت اولدی
یومدی گوزون او لحظه جان وئردی راحت اولدی
یاتدی حرم غزالی ای وای حسینیم ای وای

قرخ گوندی یابن زهرا گلمور سسون قولاقه
ایله نظر یارالی بو غمکش فراقه
دور اربعین اولوبدی خوش گلدین ائت قوناقه
ای مدفنی صفالی ای وای حسینیم ای وای

عکسین تجسم ائتمک بو قلب زاری داغلار
گوررم رباب سو اوسته اشگین عذاره باغلار
گوی اغلیوم دویونجاخ قارداشه باجی اغلار
دوشدون ندن آرالی ای وای حسینیم ای وای

باخ اربعین حسینیم دیدار امت اولدی
ایثار و جانفشانین الگوی غیرت اولدی
مولا "خدایی" اخر بو ایلده حسرت اولدی
وار کربلا خیالی ای وای حسینیم ای وای

• جمعه
• 15
• مرداد
• 1400
• ساعت
• 19:49
• نوشته شده توسط
• یوسف اکبری

شامیدن حسینجان گلمیشم پریشان
آلتی گوشه قبره باجون اولدی مهمان
آه ووایه من گلدیم بو منایه من گلدیم
قانلی گلشنه بنذر کربلایه من گلدیم
ای شه لب عطشان

یاحسین غمونده سینه داغلارام من
باشیمه اولونجه قاره باغلارام من
غملرون دوشنده یاده آغلارام من
آدیوین فداسی ای فدای قرآن
سرورزمن قارداش تشنه لب اولن قارداش
قانلی کوینگون دورگی یاتمابی کفن قارداش
ای شه لب عطشان

سویانینداویردون سن حسین سوسوزجان
سن شهیداولاندایاغدی یاحسین قان
اسدی قاره یللرحشراولوب نمایان
کسدی تشنه باشون قوم نامسلمان
قالدی عترتون ویلان خرداقیزلاران نالان
اولمدیم گنه گلدیم سن عزیزیمه مهمان
ای شه لب عطشان

ای شهیدقرآن لشگرون نجولدی
جدیمون شبیهی اکبرون نجولدی
قارداشیم ابوالفضل یاورون نجولدی
اصغرین بوغازی اوخلانیب اوخیلان
سولدی غنچه یاسیم باتدی قانینه قاسیم
بس نیه یاتیب سندن آیری قولسوزعباسیم
ای شه لب عطشان

گلمیشم غمونده من نوایه قارداش
دردهجره یوخدورالده چاره قارداش
عاشقم اورکدن بومزاره قارداش
عرشیدن گوزلدورقبرون ای حسینجان
نالیه بودم گلم قدریوی حسین بیلم
قبریوین توزون قارداش
گوزیاشیملا من سیلم
ای شه لب عطشان

عارفم اورکدن آغلارام حسین جان
سائلم قاپوندایاحسین قیل احسان
قیلاآناواخاطرمشکلیمی آسان
معدن سخاسن ایله درده درمان
یاده لطفوی سالام روزوشب قاپون چالام
سندن عاقبت مولا حاجتیمی من آلام
ای شه لب عطشان

• یکشنبه
• 17
• مرداد
• 1400
• ساعت
• 12:29
• نوشته شده توسط
• یوسف اکبری

غملی قطاریلن حسین شامی گیدوب دولانموشام
شعله چکوب بو مدتی نار فراقه یانموشام
ایندی گلوب دوشنمیشم توزلی مزارون اوستونه
بیر قنادی سینان قوشام سایه وه دالدالانمشام

قانلی باشون سالوب منی قوللاری باغلی چوللره
کوفه لیلر یاراتدیلار کوفه ده آیری منظره
طعنه ویروب داش آتدیلار اشکمی قانه قاتدیلار
آیدان ایشیق جمالوی سالدیلا نیزه دن یره

شامه چاتینجا گوندوزی شامه دولاندی زینبین
رنگ غم و مصیبته رنگی بویاندی زینبین
قلبینی منجنیق غم قویدی فشاره دم به دم
ایندی فشار دهریدن قدی کماندی زینبین

من سنه آغلیانمادیم سینمی داغلیانمادیم
ورمدی شمر دون مجال یاره وی باغلیانمادیم
اولمادی بیر فراغتیم قالدی اورکده حسرتیم
ایندی اوزوم خجالتم یاسیوی ساخلیانمادیم

بلبل باغ عشقیدوم سولدی سارالدی گلشنیم
باغدا اسوب خزان یلی غنچه می سیندروب منیم
یخدیلار آشیانیمی قوزادیلار فغانمی
هر یری گزدیم عاقبت اولدی خرابه مسکنیم

بزم یزیده گتمیشم قوللاری باغلی دیده تر
چوب جفانی اوینادان دمده یزید خیره سر
غره لنوب قوناقلارا چوب ویروب دوداقلارا
ظلمی دوشنده یادیمه ایندیده دیزلریم اسر

بیر زمان ایلدی فلک یر یوزینه منی عزیز
بیر آتام ایکی قارداشیم اولدی شهنشه حجیز
ایندی دونوب دونر گلر زینبه باشلانوب کدر
شامی گلوب جسارته ایسته دی قزلارون کنیز

تازه عروس اولوب ملول اشکین عذاره باغلادی
عمه دیدی علاج ایله باشینی یولدی آغلادی
اولمادی بیر کمک منه من دانشاندا دشمنه
دشمن اوخین آتوب منیم سینمی دلدی داغلادی

بس که خرابه منزلین حدسیز اولدی غملری
هرگجه گوندوز آغلادیم یاد ایلدیم النلری
زلفیم آغاردی سانمادیم هیچ غمه بیله یانمادیم
الدی ولی رقیه مین گورمدی شانه تللری

چاتدی اسارتیم باشا بار سفر گوتورموشم
گلمیشم اربعینوه قزلاروی گتورموشم
بیر خجلم رقیه دن بولمورم المدیم ندن
الدی اوخسته جان بالا من اوزومی ایتیرمیشم

کسدی رقیم الفتین چرخی دونن زمانه دن
من دیدی دویموشام بی بی غصه لی آشیانه دن
آختاریرام اجل میین هاردادی سیز منه دیین
من اونی نوش ایدم گرک ساغر بی بهانه دن

بیر گجه غم وروب فشار نصف شب اولدی یاتمادی
اکبرین ازبر ایلدی اسمینی باشدان آتمادی
آغلادی توکدی گوز یاشین سسلدی داده قارداشین
قالدی اورکده حسرتی الدی مرامه چاتمادی

سن که خرابه منزلی طوره مبدل ایلدون
نور رخینله محفل زاری مجلل ایلدون
محو جمال یار اولوب گل یوزی گل کمی سولوب
غصه لی باغبانه غم غصه محول ایلدون

قلبیمی یاندیران فقط نار فراق یاردور
بلبلی غصه مرگ ایدن باغدا خزان وخار دور
قالمادی گلستان منه بیر گمانیم گلور سنه
ایندی امید ایویم منیم بیر بو گوزل مزار دور

یالواریب آغلادیم حسین درگه با جلالته
لطف ایلیوب خدا منه یتدی دعام اجابته
دور منی پیشواز ایله گل دیله کشف راز ایله
ایللر یوی گتورمیشم در گهیوه زیارته

نصب اولوب هر محله ده گورسه قرا علملرون
اوردا یقین عزا دآغلار ((امینی))نوکرون
وردی اولور آقا آقا دردینه آختار ور دوا
ایسته اونی حضوریوه سن بول علی اکبرون

• پنج شنبه
• 21
• مرداد
• 1400
• ساعت
• 19:34
• نوشته شده توسط
• یوسف اکبری

قبردن ای قارداش اویان دور حسین
آز من بیچاره نی یاندور حسین
قیل منه بیر چاره آماندور حسین
آتش عشقونده اخا یانمشام
اود اورگیمدن دوتوب اودلانمشام

اوندا که شام اهلی سنه آچدی ال
باشلادی سنلن هامی جنگ و جدل
عاقبت آلدون اله جام اجل
نیزه قلج سالدی ایاقدان سنی
وای منه گوردوم آپارور قان سنی

دوردوم آنام اوغلی گلم مقتله
گوردوم عدو لشگری قویمور هله
روشن اولوبدور منه هر مسئله
یاد ایلدیم حضرت پیغمبری
قاتلادیم آخر دالیا لشگری

گوردوم اخا شمر ستم پروری
یارلیوبدور من اوپن حنجری
قصد خباثتله چکور خنجری
یاره ویریردی دل پیغمبره
حمله آپاردیم او ستم پروره

گلمیشیدیم سیلمگه گوز یاشیوی
تپراقا سالمشدیلا قارداشیوی
گوردوم او ظالم ده کسور باشیوی
منده ال آتدیم او یالین خنجره
گوردوم الیمدن توکولور قان یره

من هارا قارداش او کثافت هارا
مرد مسلح هارا عورت هارا
خنجر مولا هارا امت هارا
غم غمین اوستونده قالاندی حسین
بارماقمین قانی جالاندی حسین

هر نه که ایجاده گلوب بوشلادیم
عشقیوی قلبیم باشینا جوشلادیم
دوشدوم اسارت یولونی خوشلادیم
جان آپارا کوفه ده بلوا ایدم
اوردا زیاد اوغلونی رسوا ایدم

کوفه ده قول باغلی دولاندیم حسین
نیزه ده گوردوم سنی یاندیم حسین
منده باشیمدان یارالاندیم حسین
غیضیله چالدیم باشیمی محمله
خلقین ایچینده ایله گلدیم دیله

وردیله مسکن بیزه ویرانه ده
ایش گونی گوندن که دوشوردی بده
قالدی ساغالماز یارالار سینه ده
دردیمی هیچ بیر کسیلن بولمه دیم
اُلدی رقیه م نیه من المه دیم

گلدیم ایدم من سنه شرح بیان
اولموش اوز احوالیم اوزومدن عیان
اولموشام آخر گوروسن نیمه جان
بو یورولان جسمیده جان قالمیوب
دای الورم تاب و توان قالمیوب

جان که وروب روح و روانیم اخا
گوگلره قوزاندی فغانیم اخا
منده دیدوم کاش چیخا جانیم اخا
بلکه الم قورتولام ایامیدن
شرح و بیان ایلمیوم شامیدن

شامده اولموشدی قیامت منه
قانلی قیامتدن علامت منه
هر گلن ایلوردی شماتت منه
قولاری باغلیدوم اوزومده اسیر
باشمین اوستونده قلجلار کسیر

غسلینه غساله نی گوندردیله
گلدی سراسیمه الینده صیله
وردی او ناداندا حقی باطیله
دین دیمیوب خارجه غسل ایلیوم
من بونا یاران نجه غسل ایلیوم

ترک ایدوب آخر بیزی دوشدی یولا
هر نه ددیم باخمادی صاق و صولا
قویمادیلار دفنینه حاضر اولا
تک جانیما بولمدیم هیچ نیلدیم
من اوز الیمنن اونی دفن ایلدیم

آغلور "امینی" من زاره یانور
حلقهٔ باب کرمه آسلانور
شامین اهالی سینی کامل تانور
اونلار ایله عترته خائن اولوب
بیرده او نادانلارا نفرین اولوب

• شنبه
• 23
• مرداد
• 1400
• ساعت
• 19:58
• نوشته شده توسط
• یوسف اکبری

آچ گوزون یاتما دور ای یاریم ابوالفضل
ای منیم قولسوز علمداریم ابوالفضل

نهر القم ده باتوبسان قانا قارداش
پیکرونده یارا گلمز سانا قارداش
حقی وار زینبون آخر یانا قارداش
غصه دن غمدن اخا سولدی سارالدی
گوزلرینده بو ایشیق گونده قارالدی

وردیلر لشگر کین ال اله قارداش
اوستوه هامی سی باهم گله قارداش
سالدیلار اوندا سنی مقتله قارداش
سن شهید اولدون حسینین بیلی سیندی
قوی دیوم آرخاسی سیندی ایلی سیندی

دوردی دوره نده بو لشگر سنه باخدی
مشکون اوخلاندی سویی تپراقا آخدی
هیچ دیین اولمادی انصاف دان اوزاخدی
توکمیاخ بو سویی پیغمبره خاطر
غنچه لب تشنه علی اصغره خاطر

سن که غیرتلی شجاعتلی جوانسان
زینبه ال سن ایاق سان بلی جانسان
جان ندور جسم ندور روح و روانسان
ای منیم مهربانیم روح و روانیم
قدرتیم سن سن اخا باشوا دولانیم

زینبم باخما بو اندازه قوجالدیم
قوخمادیم من دل طوفاندا اوجالدیم
شامده قانه باتان پرچمی آلدیم
ایندی هیچ کس بونی مندن آلا بولمز
هیچ معاویه ده مندن چالا بولمز

من سنون قیدیوه اوّل گونی قالدیم
کوفه و شامه گیدوب ولوله سالدیم
سن سالان پرچمی عباس اوزوم آلدیم
هم سنه همده اوزوم یار حسینم
ایندی همتلی علمدار حسینم

زینبم من اورگیمدن یارالاندیم
شعلهٔ عشق ده قارداش ایله یاندیم
المدیم بو دل طوفاندا دایاندیم
قویمادیم قالسین ایاق آتدا بو دینی
شرحینه شاهد عینیمدی "امینی"

• شنبه
• 23
• مرداد
• 1400
• ساعت
• 20:00
• نوشته شده توسط
• یوسف اکبری

قبردن دور ای صاحب لوا ابوالفضل
ایله زینبین دردینه دوا ابوالفضل

اوندا که سنون قسمتون شهادت اولدی
اهلبیتیوه بیر بیوک قیامت اولدی
عاقبت باجون زینبه سعادت اولدی
گلمیش ایلسین سندن التجا ابوالفضل

بیز بو کربلا دشتینه گلنده قارداش
طاقت و توان گورسنوردی منده قارداش
اوندادا گوزوم قالمشیدی سنده قارداش
غیرتیوه ای زینبون فدا ابوالفضل

لشگر جفا باشلادی جدال و جنگی
روبهان جنگ ایسته دی دوتا پلنگی
خرداجا بالیخلار نجه دوتار نهنگی
کج خیال ایدوب قوم اشقیا ابوالفضل

نهر القمی سن مگر آلان دگیلدون
لشگره مگر ولوله سالان دگیلدون
تشنه لبلرین قیدینه قاللن دگیلدون
سینمادی مگر سنله کفریا ابوالفضل

زینبم بو صحرای کربلا منیم دور
هر مصیبت و هر غم و بلا منیم دور
عمده قلب لر ایندی بر ملا منیم دور
دای یزیدین احوالینه بدا ابوالفضل

زینبین سنه چوخدی شرح و حالی قارداش
صورته آخور باخما اشک و آلی قارداش
گوزلورم فقط سنله بیر وصالی قارداش
ایلورم من اوط عهدیمه وفا ابوالفضل

نیسگیلون قالیب بیر قلم اولان قولوندا
من سنه قولام هم صاقوندا هم صولوندا
جانمی اوزوم قویموشام سنون یولوندا
دینه سن ورم جانه آند اولا ابوالفضل

مفرق و طلا سنگینه مهک ویراندا
گورموشم سنی جان حسینه یاندیراندا
شمردن امان نامه نی آلیب جیراندا
گوردوم ای علمدار کربلا ابوالفضل

نوکرون "امینی" یازیب بو بیر کلامی
منده امتحان ایلمیشدیم اول غلامی
واقعا اونین دوز مرام دور مرامی
البلایه سوئلوبدی للولا ابوالفضل

• شنبه
• 23
• مرداد
• 1400
• ساعت
• 20:04
• نوشته شده توسط
• یوسف اکبری

دور قبردن ای بلالی قارداش
باشدان داغلان جلالی قارداش
سن کرب و بلالی سن ولیکن
منده باشی ماجرالی قارداش

آچ گوزلرون ای عزیز جانیم
دیندیر منی باشیوه دولانیم
عشقونده دوشوب بلایه باشیم
ایلوبدی منی عزالی قارداش

اولموشدی منه بو گون سعادت
گلدیم سنی ایلیم زیارت
پیشوازه دور ای شه ولایت
دیدار ایله اهل عیالی قارداش

هر قدر دیسم خبر واریمدی
هر شام واریمدی هر سحر واریمدی
عرضیم بودی مختصر واریمدی
ایلوم سنه شرح و حالی قارداش

من چوخ یولی پا پیاده گیتدیم
گیتدیم ولی فوق العاده گیتدیم
هم مجلس ابن زیاده گیتدیم
گوردوم او شقی رجالی قارداش

من آتش ظلمه یاندیم اوندا
اول شهری گیدوب دولاندیم اوندا
چوخ گلدی تانیش اوتاندیم اوندا
سانکه یوخوموش حیالی قارداش

بیر عده باخیب منه گولوردی
بیر عده ده حالیمی بولوردی
بیر عده الینده داش واریدی
بیر عده ده غصه دن الوردی

شاماتیده بیر حکایتیم وار
اوردان سنه چوخ شکایتیم وار
چوخ ظلمه هله رعایتیم وار
شرح ایلمورم وفالی قارداش

ویرانه نی منزل ایلدیم من
هر ثانیه می ائل ایلدیم من
آسان ایشی مشکل ایلدیم من
توکدوم یوزه اشک آلی قارداش

تاپشیرمیشدون منه امانت
منده اونی ایلدیم ضمانت
اوندان ولی اولموشام خجالت
الدوردولر اول عزالی قارداش

اولموشدی منه رقیه یولداش
تک قالدیم او یولداش اولدی قارداش
منده اونیلن الیدیم ای کاش
قویمیدی منی عزالی قارداش

الدی منی قویدی یانه یانه
سانکه گلیدی گیدوب خزانه
تاپشیردیم "امینی" نوحه خوانه
آختارسین او نونهالی قارداش

• شنبه
• 23
• مرداد
• 1400
• ساعت
• 20:06
• نوشته شده توسط
• یوسف اکبری

نجه دوزوم دایانوم گلمیوم فغانه نجه
حسین تشنه لبون اربعینیدور بو گجه

فغان و شیونله نه فلک دولان گجه دور
آناسی فاطمه نون اشکی قان اولان گجه دور

دل جهانی اودا درد و غم یاخان گجه دور
امام عصرین اوزه گوزیاشی آخان گجه دور

خدنگ غم دل پیغمبری دلن گجه دور
دلنده وا ولدا شیونه گلن گجه دور

علی ولی خدا بیقرار اولان گجه دور
دوباره اودلی دلی پرشرار اولان گجه دور

سحر آچیلسا نوائیله نینوا دولاجاق
قیامت عالمی عالمده آشکار اولاجاق

نوایه نی کیمی سکّان آسمان گله جاق
او قبر پاکه نچه دسته کاروان گله جاق

فغانیله جبروت اهلی دسته بدسته
زیارته گله جاقلار او توزلی قبر اوسته

هامی پیمبر او صحرای ایمنه گله جاق
او آلتی گوشه مزار اوسته شیونه گله جاق

بتول حسین آدینی دلده ازبر ایلیه جاق
عیان او دشتیده بیر تازه محشر ایلیه جاق

ابوتراب شه لافتی گریبان چاک
او دشتده سپه جاق شیوینیله باشنه خاک

سالوب او قبره اوزین مجتبی فغان ایده جاق
دلنده قارداش آدی گوزیاشین روان ایده جاق

یانا یانا گله جاق دلده نالهء جانکاه
حسین زیارتینه جابر ابن عبدالله

پیمبرین قوجا اصحابی درد و غم اوتاجاق
پیمبر اوغلونا قبرینده اربعین دوتاجاق

حسین دیه دیه گوزیاشلی شام اسیر لری
زیارته گله جاق شمر دستگیرلری

رباب اصغره لای لای دیه دیه گله جاق
یواش یواش بالام ایوای دیه دیه گله جاق

عروس اود سالاجاق حسرتیله ایجاده
فغانیله گله جاق اربعین داماده

شرار حسرتیله لیلی سینه داغلیه جاق
علیّ اکبره پایین پاده آغلیه جاق

سکینه قبر حسین اوسته دلده شور و نوا
سیزیلدییوب دیه جاق یانه یانه وااَبتا

بیوک لر آغلیه جاق خردا قبرده یاتانا
لب فراتیده لب تشنه قانینه باتانا

باتوب فغانیله کلثوم تازه بیر یاسه
سرشگیله سپهدجاق سو مزار عباسه

خدا بولر که نه حاله علی قیزی قالاجاق
اوزون نجه او گوزل مدفن اوستنه سالاجاق

دلنده ناله اَلنده حسین پیرهنی
نه نوعی اوخشیاجاقدور او شاه ممتحنی

یوزنده گوزیاشنی قطره قطره سان ویره جاق
کبود اولان بدنین قارداشا نشان ویره جاق

سپهره اود سالاجاق آتش ملالندن
او قبره سو سپه جاق اوز سرشک آلندن

دویونجا آغلیاجاق گوزیاشین روان ایده جاق
رقیه حالنی قارداشنا بیان ایده جاق

حسیننه دیه جاق تیکمه چوخ گوزوی یولا
خرابده بالام اُلدی سنون باشون صاق اولا

ویرنده جان سنی گوزلردی سینه داغلاردی
باخاردی صاق صولا حیرتله سینه داغلاردی

قوری یر اوسته ویروب جان ایکی قولوندا طناب
باخوب اونا باشا توپراق سپوب بو خانه خراب

او حالتی بالامون اُمّهاتی یاندوردی
سالوب شراره دل کایناتی یاندوردی

اونون او حالنه تا وار جهان، جهانیان یاناجاق
ولیّ ِ عصرین اولوب اشک چشمی قان یاناجاق

مجسم ایلیه جاق (نجمی) حالین آغلیه جاق
رقیه وای دیه جاق غمله سینه داغلیه جاق

• جمعه
• 5
• شهریور
• 1400
• ساعت
• 22:50
• نوشته شده توسط
• یوسف اکبری

شاماتی تیره شام ایلدیم ، دود آهیله
پوزدوم یزید شوکتنی فَرّ و جاهیله

بِیتُ الصَّنَم ده نغمهء توحید باشلادیم
موجه فضای شام گلیب ، یا اِلاهیله

حکم حجابی ایلدی تَنفیذ عترتون
مستور ایدوبله مَه یوزی ، زلف سیاهیله

نیلی و ارغوان اولالی جسملَر دولوب
دین گلستانی هم گلله هم گیاهیله

بیزده غرورِفیضِ شهادت عیان ، ولی
هند اوغلی قیدِ نفسده ، حال تباهیله

چوخ سعی ایدردی گیزلده واضح شکستینی
تجدیدِ اشتباه ایلیوب اشتباهیله

قرآن اوخوردی ، دینه تظاهر ایده ، ولی
رسوا اوزون ایدردی دلیل و گواهله

قرآن اوخوردی لیک اوزی مست و خرابیدی
تاریخی روسیاه ایلدی بو گناهله

تطبیق ایدردی جهلیله آیات مُنزَلی
بیدادیله حُصوله یتن بیر رفاهله

باللهی ایتدی قلبیمی مجروح ، خیزران
رخساروی گورنده او خونین شَفاهله

سالدیم ایله تزلزله ارکان دولتین
گویا که تند باد اولوب توش ، کاهله

سیندیردی منطقیم ، او دنی اولدی لاجَرَم
مغلوب ، قاره معجره زرین کلاهله

زندان غم عجب دگی سجاده ، یوسفون
وار نسبتی هر آئنه ظلمات چاهله

خوشدور حدیث عشق و محبت بیان ایدم
تا تاپمیا کدر اورگون دودِ آهله

بیر اربعین ریاضت هجرانه دوزموشم
مانوس اولوب یانان اورگیم خانقاهله

درد دل ایتمیشم گجه گوندوز حسینِ من
گه قُرص آفتابله گه نور ماهیله

گه کربلا دیارینه مُلک دَمِشقدن
گوندرمیشم سلام ، نسیم پِگاهیله

گه قتلگاهی بُعدِ مَسافتله گورموشم
سیر ایتمیشم جمالوی طیّ نگاهیله

دل مُلکی عشقیله اولی تسخیر اولا بلی
نه زور و قدرتیله نه فوج سپاهیله

#عابد حسین دامنینی ایلمه رها
کسمه علاقه خسروِ عالَم پناهیله

آختار امید ساحلی ، غرقاب فتنه ده
فُلک نجاتیله نه تلاش و شناهیله

قورتولدی عمر ، خواب جهالتدن آچ گوزون
جبران ایله او غفلتی بو اِنتباهیله

ایله علاج دردیوه تا واردی فرصتون
شور ولایتیله ، دلِ عذرخواهیله

• جمعه
• 5
• شهریور
• 1400
• ساعت
• 22:57
• نوشته شده توسط
• یوسف اکبری

شامده ویرانه ده قارداش اقامت ایلدیم
گوندوزی تبلیغ دین شبلر عبادت ایلدیم

من حقیقت شمعنه پروانه تک پَر وورموشام
قید ظلمی پنجه تیر غمیله قیرموشام
قدرت ایمانیله کفرون بِلین سندورموشام
سانما ماموریّتمده ذرّه غلفت ایلدیم

من سنه قربان اولوم ای فخر اولاد خلیل
کوفه ده مرجانه اوغلون ایتموشم زار و ذلیل
کفرینه قرآن مُنزَلدن گتوردوم چون دلیل
قلب مردمده اونا تولید نفرت ایلدیم

باشلادی گوردوم زیاد اوغلی منیله جنگ سرد
باغلادیم منده شهامتله کمربند نبرد
سویلدیم امّید حقله یاعلی سندن مدد
قدرت اللّهدن دوباره اخذ قدرت ایلدیم

باشلادیم بیر خطبه شهر کوفه ده با چشم تر
سوزلریم قویدی او دم قلب خلایقده اثر
ایلدیم هند جگر خوار اوغلونون سعیین هدر
آچدیم اُوجون ملّته کشف حقیقت ایلدیم

سالدیم آتش آتشین نطقیله قلب دشمنه
یاندروب ایتدیم مبدَّل کاخ ظلمی گُلخَنه
مطلبی آندیردیم آخر مو به مو مرد و زنه
حق دیوب حقدن حسینیم دفع تهمت ایلدیم

من دانشدوقجا آپاردی خلق پِی آمالیمه
باخدی یاندی مطلبه حالی اولانلار حالیمه
کف چالانلار داش آتانلار آغلادی احوالیمه
کوفه نی باشدان باشا دریای محنت ایلدیم

اوزگه بیر عالم مجسّم ایلدیم انظارده
انقلاب آثاری اولدی آشکار افکارده
چوخ گولَنلَر گوردوم آغلور یوزلری دیوارده
اوندا کی باشون جِدا باشندا رؤيت ایلدیم

جان ویروب سالدون تزلزل کاخ استبداده سن
منده ویران ایلیوب گلدیم ایا شاه زمن
حقی باطلدن آیردیم گون کیمی ایتدیم علَنَ
صفحه تاریخه حقانیتون ثبت ایلدیم

ایستدی دینی یزید کافر ایتسون استتار
تهمته دیل آچدی سسلندیم اونا ای کین شعار
کَس سَسون دینمه دانیشما سنده یوخ شرم و وقار
وقرینی پوزدوم او مجلسده خجالت ایلدیم

دوردی قارداش غیضله ایتدی منه حمله یزید
ایلدیم منده اونا حمله ایا شاه شهید
زینبم من قوخمارام سندن، دیدیم دور ای پلید
بیر بیر اعمالین سایوب محکوم او ساعت ایلدیم

دین یولوندا مرگدن زینب هراس ایتمز دیدیم
دیننی، دنیالری گر ویرسه لر ویرمز دیدیم
آلِ هاشم دشمنه باش اگمیوب اگمز دیدیم
بو سوزون اثباتینه طشته اشارت ایلدیم

اولدی رأس اطیبون بیر شاهد عادل منه
ابر چشموندن یاغان قان ویردی خوش حاصل منه
بیر نظرده ایلدون مین نصرت کامل منه
مجلسون وضعی پوزولدی شکر نعمت ایلدیم

باخمادیم وار دور و برده قان توکن جّلادلر
قانمی آماده دی توکسون او بد بنیادلر
مطلبه ویردیم ادامه باشلانوب ایرادلر
تا سیه بختین او بی رحمون سیه بخت ایلدیم

سویلدیم فکر ایتمه ظالم واردی سندن واهمم
گور کیمی تهدید ایدورسن هیچ بولورسن من کیمم
دختر شیر خدایم زینبم زینِ اَبَم
اهل مجلسدن بو سوزده سلب طاقت ایلدیم

ذرّه ای باک ایتمدیم اصلا او امر سختدن
انتقام آلدیم گوزی یاشلی او تیره بختدن
سالدی هند اوغلون بیانات فصیحیم تختدن
منطقی برهانله تا واژگون تخت ایلدیم

شکر لله من یزیدون پوزدوم استقلالنی
ایلدیم قرآنله تصویب اضمحلالنی
سرنگون ایتدیم جهاندا پرچم آمالنی
باغلیوب کابینه سین تعطیل او ساعت ایلدیم

اولدی آخر مسکنیم هرچند ویرانه منیم
یا مبدَّل اولدی گوزده گوزیاشیم قانه منیم
همّت مردانمه باش آگدی بیگانه منیم
صبر ایدوب دوزدوم بلایه کسب شهرت ایلدیم

بیر سفارتخانه ایتدیم شامده برپا حسین
قویدوم اوردا بر سفیر خرسال و مه جبین
ایلسون شام اهلنه تا وار جهان تبلیغ دین
عاقبت ویرانه کُنجین رشک جنّت ایلدیم

نه سفیر و نه سفارتخانه نه رشک جِنان
کعبه آمال دور اهل دله تا وار جهان
اُلدی اللرده رقیّم ویردی چوخ نیسگِلّی جان
حیف اولا بو باره ده شرمنده رجعت ایلدیم

بو (شعاع) چون اولدی شمع عشقوین پروانه سی
آدیمی سسلر اودور چوخلار حسین دیوانه سی
فخر دور بو آد منه ای فاطمه دُردانه سی
قبروی اولماز غمیم گورسَم زیارت ایلدیم

• جمعه
• 5
• شهریور
• 1400
• ساعت
• 22:58
• نوشته شده توسط
• یوسف اکبری

دور یاتما زواریم گلورقارداش ابولفضل
یورقون بالالاریم گلور قارداش ابوالفضل

قرخ گونون عرضینده باجیم گورنه قوجالیب
سوسوزلوقدان بالالاریم سولوب سارالیب
معلوم اولان بیر عده سی یولاردا قالیب
محرم اسراریم گلور قارداش ابوالفضل

چوخلی مصیبته دوزوب کرب و بلاده
کوفه و شامی دولانوبیب پای پیاده
بیر نظر گوزدن قویموب منی جداده
یار وفاداریم گلور قارداش ابوالفضل

واردور باشیندا زینبین چوخ ماجراسی
باجیمون گلمز شماره درد و بلاسی
توخدامیب ئورگینین هله یاراسی
قافله سالاریم گلور قارداش ابوالفضل

دور پیشواز ائت زینب نالانی قارداش
آغوشینه وئر اصغر عطشانی قارداش
جانیم اولا زینبمین قربانی قارداش
یاتما اویان یاریم گلور قارداش ابوالفضل

نهضتی احیا ایلین زینبدی زینب
برپا قیامت ایلین زینبدی زینب
یزیدی رسوا ایلین زینبدی زینب
وفالی دلداریم گلور قارداش ابوالفضل

بو کاروانیله گلور حسینین جانی
دور یاتما استقبال ایله بو کاروانی
وئر زینبین آغوشینه اوخلی قربانی
غم گونی غمخواریم گلور قارداش ابوالفضل

اصغره لای لای دیئری آغلیری زینب
اوغلی ئولن آنالاری داغلیری زینب
قرخ گوندی باشینه قرا باغلیری زینب
یورقون عزاداریم گلور قارداش ابوالفضل

• یکشنبه
• 7
• شهریور
• 1400
• ساعت
• 15:58
• نوشته شده توسط
• یوسف اکبری

مدّ نظرده جلوه گر نور خدادور عمّه جان
یوخسا بو دشت پرخطر کرب و بلادور عمّه جان

عمّه بو کوه طوردور بیله دولوبدی شوریله
یا که بابام مزاریدور اولموش احاطه نوریله
وادی ایمن حسین فرقی بودور او طوریله
محو قویان کلیمی بو نور خدادور عمّه جان

ایلمیشم دلیل ره دلده کی شمع آهی من
قبر حسینه یتماقا تاپماقا شاهراهی من
پاک ایدورم بو مژّه ی چشمیله خاک راهی من
کوی وفای کعبه ی اهل وفادور عمّه جان

کاسه ی چشمی دولدورا جمله گرک گلابیله
سو سپه قبر اکبره تا که بو آب و تابیله
دولدوروب عطر کاکلی نکهت مشک نابیله
دشت بلا نه کشور چین و خطادور عمّه جان

ایله کنار چشمیله لیلی مضطره نظر
مصرع اکبره باخوب گور نجه گوزیاشین توکر
قلبی یانوبدی حقّی وار اولسا سرشکی قان اگر
ذکری اونون بیر عمریدور واوَلدادور عمّه جان

گرچه دیار شامیده عمّه چوخ اولدی زحمتون
شرح ایده بولمرم سنون درد و غم و مصیبتون
باشه یتوب بیر اربعین کامل اولوب ریاضتون
موقع اجر و فیض دور روز جزادور عمّه جان

ماوقع سلف گزر مدّنظرده سربسر
لرزه دوشوب وجودیمه برگ خزان کیمی اسر
بیله گلور خیالیمه شمر بابام باشین کسر
مقتل شاه کربلا جلوه نمادور عمّه جان

بیرجه نولوردی من تاپام قولسوز عموم مزارینی
قبر شریفینون یووام اشکیمیله غبارینی
بول ایشیدور بو گوش جان ایمدیده آه و زارینی
خجلتی وار سکینه دن شغلی نوادور عمّه جان

یاده رباب سالوری حرمله نون جفاسینی
کثرت غصّه ایلیوب بیخود اوغول آناسینی
سود گلوب امجگینه چون آختارور اوز بالاسینی
آغلور اوغول اوغول دیور شغلی نوادور عمّه جان

رسمیدور آغلیوب باتار هر کسون اُلسه بیر کسی
فاطمه نون بو نکته دن غیردی سرّ ناله سی
عمّه گلور قولاقیمه اصغرین آغلاماق سسی
عالم وهم دور مگر بو نه صدادور عمّه جان

حیف بو اربعینه بیر نازلی سکینه گلمدی
گلدی بیر آسمان نجوم ماه مدینه گلمدی
گوهر بحر معرفت دُرّ خزینه گلمدی
اولدی خرابه مدفنی حقّی بکادور عمّه جان

بوردا دگلدی بیزلری سالدیلار ات قباقینه
بوردا دگلدی ناله میز یتدی سپهر طاقینه
ایمدیده عمّه هر کسون خار باتوب ایاقینه
سوزشی وار سیزیلدوری آبله پادور عمّه جان

بوردا دگلدی اودلانوب آتش ظلمیله خیم
بوردا دگلدی غارته گیتدی سرادق حرم
قاچدیلا قورخودان چوله جمله بنات محترم
بو یر همان مکاندی چوخ غصّه فزادور عمّه جان

بوردا دگلدی باجیلار تاپدی یارالی قارداشین
بوردا دگلدی نیزه ده گوردی آنا اوغول باشین
آه چکوب توکردیله بس که بو چولده گوزیاشین
غم گتورن بو گون همان آب و هوادور عمّه جان

(صافی) قصور خدمته گرچه مُقرّدور اوزی
نقد شفاعت آختارور باب کرمده دور گوزی
بسدی بو نوحه دن فقط اولسا قبول بو سوزی
مدّ نظرده جلوه گر نور خدادور عمّه جان

• یکشنبه
• 7
• شهریور
• 1400
• ساعت
• 23:04
• نوشته شده توسط
• یوسف اکبری

ششگوشه مزارِ پاکون اوسته بیر قامتِ خم گتوردی زینب
بیر دسته اورک یارالی خسته آهوی حرم گتوردی زینب

جنّاتدن ای مزاری گویچک
کیم قبریوه تحفه گتدی من تک
بیر سینه سی دورت مین اوخلی کوینک
عنوانِ اَلم گتوردی زینب

گوز یاشی توکه توکه عُذاره
ششگوشه لی بو گوزل مزاره
بیر اوخلی سو مشگی بندی پاره
بیر قانلی علم گتوردی زینب

شاماتدن ای آنام نشانی
آغلاتماقا جمله ماسوانی
عمّامهء شِبه ِمصطفانی
سرمایهء غم گتوردی زینب

ای جسم شریفی ریزه ریزه
چوخ غم یتیشوب بو اشگریزه
بو توزلی مزارهِ مشگبیزه
غم نچّه رقم گتوردی زینب

شاماته گیدنده دشمنیله
ایگرمی ایکی قیز گیدوب منیله
امّا قِیدَنده شیونیله
اون بیر بالا کم گتوردی زینب

ای بابِ کرامتِ یگانه
امید کرمله یانه یانه
بیر جمعِ کریمدن نشانه
ارباب ِکرم گتوردی زینب

دردی یته عرض شهریاره
بیر نامَدَه ایلیه اشاره
یازماقلوقا صفحهء عُذاره
مژگانی قلم گتوردی زینب

جان وار باجوون بو صحبتنده
اود یاغدوران اشگِ حسرتنده
کتفنده قولوندا صورتنده
آثارِ ستم گتوردی زینب

بو رشگ ِبهشت قبرون اوسته
بیر جمعِ پریش و دلشکسته
جای گُل ِلاله دسته دسته
گلبرگ ِارم گتوردی زینب

داد ابن زیاد عداوتیندن
بزمینده ایدن شقاوتیندن
شهزاده گدا شمادتیندن
قلبینده وَرَم گتوردی زینب

قارداش باجوی جماعتِ شام
آغلاتدولا هر سحر هر آخشام
شاهد سوزومه ایکی دولی جام
اشگیله چو یَم گتوردی زینب

(نجمی) ایله شکر ِبی نهایت
تاپدون نه عجب گوزل سعادت
ایدوقجه بو نوحه نی کتابت
هر کلمه ده دم گتوردی زینب

• یکشنبه
• 7
• شهریور
• 1400
• ساعت
• 23:10
• نوشته شده توسط
• یوسف اکبری

دور حسینیم یاخشی ساعتدور بو ساعت زینبه
آچدی وصلون نعمتی باب ِسعادت زینبه

سالمیشام قارداش اله اوز کعبهء آمالیمی
اذن ویرسن شرح قیلّام سرگذشتِ حالیمی
ایلیوب هجران غمی پژمرده تر احواليمی
ایلمز عاشق اولان هرگز ملامت زینبه

سن اوزون آگاهسن ای خسروِ مُلکِ حجاز
زینبون عشقی حقيقتدور نه صورت ، نه مجاز
باجیلار ایچره ویروب الله منه بیر امتیاز
ایلیوبدور سن کیمی قارداش کرامت زینبه

بیر اوزون مدّتدی من نارِ فراقه يانمشام
انتظارِ وصليله هر ظلمی آسان سانمشام
ظاهراً گر چه طنابِ ظلميله باغلانمشام
باطناً عشقون اولوب قیدِ اسارت زینبه

شكر لله اولدی قسمت نعمتِ وصلون منه
شمر یوخ دونموش بلا صحراسی دشتِ ایمنه
دور اگلش دردون بیان ایله باجون قربان سنه
بلکه قارداش ال ويره فیضِ زیارت زینبه

نعشوی یرده قویوب شاماته ایتمشدیم سفر
نچه مدّتدور باجون چوللرده سرگردان گزر
گلمیشم ، دور وير منه قلبونده کی اوخدان خبر
شرح حالون سنده بیر ایله روایت زینبه

سن بولورسن پایهٔ عشقیم نه میزاندور سنه
قتلگاهون ماجراسى الده برهاندور منه
خاطرونده وار حسینیم یالواروردیم دشمنه
عشقینون اثباتنه ایلر کفایت زینبه

التماس ایلردیم ئولدورمه حسین قارداشیمی
چخما عرش ِداوره توکمه یوزه گوز یاشیمی
قارداشمدان اَل گوتور ظالم منیم کس باشیمی
تاپشوروب زهرا حسینی چون امانت زينبه

غيضدن گرچه دوتولموشدی او بی پروا گوزی
سن بولورسن شمردن باک ایلمز زهرا قیزی
ایلیوبدور مفتخر الله شجاعتله بیزی
ارث دور زهرا آنامدان بو شجاعت زینبه

ایستدیم قاتل اليندن قورتارام قارداش سنی
بولمرم اما نجه بیرحمدی شمرِ دنی
نحس ایاقين قوزادی گوردون نجه ویردی منی؟
قويمادی حرمت سنه ایتدی جسارت زینبه

تاپمادیم چاره قیتدیم خیمیه شوريله من
اولمادی سن جان ویرنده گوزلریوی باغلین
شمر ِدون ووردی جدایه باشوی تکبیریلن
نیزه باشندا اوزون ويردون اشارت زینبه

ایتدی برپا قانلی باشون شورِ محشر نیزه ده
دینی تبلیغ ایلدی خلقه مکرّر نیزه ده
خیمه دن گوردوم دیور الله اکبر نیزه ده
رمزيله او حالینی ایلر حکایت زینبه

قانلی باشین ماجراسی صبر سرحدّین یخور
چخموری هرگز یادیمدان قلبیمی دائم سخور
کوفه ده گوردوم وروبلار نیزیه قرآن اوخور
ساخیلوبدی گُل یوزون کولدن علامت زینبه

آغلادیم رحم ایتمیوب خولی قویوب باشون كوله
جوشه گلدی آتشِ عشقیم کسلدی حوصله
منده وردوم باشیمى شوریله چوبِ محمله
آخدى قان ویردی عجب تغییرِ حالت زینبه

بزم شربه بیزلری حاضر ایدوب اهلِ عناد
یخماقا دينون ایوین دین سیزلر ایتدی اتّحاد
مست اولوبدور ناروا سوزلر دئدی ابن زیاد
الده چوب ِخیزران ایتدی اهانت زينبه

دوشدی بو فکره که ئولدورسون منی اول بی حیا
نشر ایدر أهلِ قلم بوندانصورا هم سالها
دشمنی رحمه گتوردی ناله واعمّتا
ایتدیلر بیگانه لر آخر شفاعت زینبه

منده گوستردیم شهامت گردشِ ایّامده
ایلدیم رسوا زیاد اوغلون حضورِ عامده
بیر شجاعتده نشان ویردیم یزیده شامده
اوندا که قصد ایلدی ایتسون سیاست زینبه

سوز بورا منجر اولوب آگاهیدور پروردگار
قتلیمه فرمان ویروب قارداش یزیدِ نابکار
من دایاندیم قورخمادیم عورت اوشاق آغلاشدیلار
سسلدیم اگلش یره ایتمه جسارت زینبه

بو سفردن چوخ مصیبت گوردی دلپاره باجون
کوفه و شامی دولاندی تاپمادی چاره باجون
چکدیلر دِیره گهی گه بزم ِاغیاره باجون
گه دوگوب ، گه ایتدیلر طعن و شماتت زینبه

دلده یارا یوخ دیم دوگدی نجه قوم شرار
ویر اجازه ایلیوم اوز کوینگمی بیر کنار
بیر بدنده گور نقدری یاره لر آثاری وار
تا شهادت ایلسون هر بیر جراحت زينبه

وعده ویرمشدم قبول ایتدیم اوزوم هر زحمتی
نوش قیلدیم صدق اوزیله جام ِدرد و محنتی
باغریمی قان ایلیوب امّا رقیّه صحبتی
نسگل اولدی بو مصیبت بی نهایت زینبه

ویردیلر ویرانه منزلده بیزه یر اشقيا
توپراق اوسته آج یاتاردی صبحه تک نازلی بالا
بیر گیجه گوردوم دوروب سورتور یوزون توپراقلارا
یاتموری ایلور آجندان چوخ شکایت زینبه

حسرتیله آغلادی یاندیردی بیر درده منی
سوزلریندن آنلادیم قارداش ایدوب رؤيا سنی
سس اوجالدی گوگلره رحمه گتوردی دشمنی
يتدی بو اثناده بیر عالی بشارت زینبه

گتدیله قانلی باشین ویرانیه اهل ِجفا
سویلدیم گلدی بابان دور پیشواز ائت آغلاما
آلدى باسدی باغرینا سسلندی هاردیدون بابا؟
ویرمشم سن سیز نه چوخ رنج و ریاضت زینبه

ایتدی بیر ذکر ِمصیبت جمله سینه داغلادوخ
بیر به بیر دردین دئدی سن آغلادون بیز آغلادوخ
آیرلاندا روحی گیتمشدی گوزینی باغلادوخ
اولمادی بیر کیمسه ویرسون سر سلامت زینبه

ای (رجائی) بیر نفر معصومیدن آلدی خبر
حاجتیم وار نیلیوم اولسون دعامه بیر اثر
اقتضا تفصیله یوخدور ، اورگدوبدور مختصر
قیل توسّل عمّهء صاحب جلالت ، زینبه

• یکشنبه
• 7
• شهریور
• 1400
• ساعت
• 23:16
• نوشته شده توسط
• یوسف اکبری

بو همان صحرای خونینِ بلادور عمّه جان
رمزِ اکسیر بقا خاک ِشفادور عمه جان

بو همان طوفان ایدن دریای قان دریاسیدور
کعبه اهلِ ولادور کربلا صحراسیدور
عرشِ جانان فرشیده بو یردی جان مأواسیدور
نیستان ِنالهء قالو بلادور عمه جان

بو همان یردور بابام اوز باش و جانیندن گیچوب
جامهء حق اگنینه ،خیّاط آزادی بیچوب
آلتی آیلوق قارداشیم پیکان دمیندن سو ایچوب
مکتبِ ضد و نقیض لا ، بلی' دور عمه جان

بو همان یردور که آبستن اولموشدی غمه
بو همان یردور یاتوب منجی ، خلیل و آدمه
بو همان یردور یاتوب مرشد ، مسیحِ مریمه
روح و نورِ ذات پاکِ کبریادور عمه جان

بو همان یردور بو یرده کشف اولوبدی سر ِّلَن
بو همان یردور یاتوبدی شهریار ذوالمَنَن
بو همان یردور که خاتم غارت ایتدی اهرمن
آیت ِعظمای سِرّ قُل کفی' دور عمه جان

بو همان یردور سینوبدور چرخ ِحق دندانه سی
بو همان یردور که معلول اولدی غم دیوانه سی
بو همان یردور یاتوبدی شمعِ حق پروانه سی
سرزمینِ ناله و داد و بکادور عمه جان

کربلادی ، انتهای کوره راهِ عشقدور
پایتخت غمفزای پادشاه ِعشقدور
منبع نور خدادی ، جلوه گاه ِعشقدور
قبله گاهِ انبیا و اولیادور عمه جان

بوردا ثابتدور ، ای عمه نقطهء پرگارِ غم
کعبهء اهل ولادور ، کعبه دندی محترم
حجّ عشقه مُحرم اول تِز باغلا احرام حرم
مدفَن کلّ صفات ِکبریادور عمه جان

کربلادور کعبهء حق ، کعبه بیر بتخانه دور
گر چه هر بتخانه باطنده ، خدایه خانه دور
لیک هر بیر خانیه بو شاه ، صاحب خانه دور
چون رگ و قلبینده قان ، خونِ خدادور عمه جان

قلّه ءقافِ محبّتده یاتان عنقایه باخ
اوز گلوندن آیری دوشموش بلبل ِشیدایه باخ
خیرداجا بیر قبرده بیرده قامت سقّایه باخ
معدنِ حُجب و مروّتدور ، وفادور عمه جان

گون ایدوب زینت بو صحراده سهیلی دوشینه
سودامر اوغلون آلوب عمه بابام آغوشینه
ایمدیده لایلای دییور ششماهه طفلین گوشینه
چون شهیدِ عشق قانونی سِوادور عمه جان

وار یری لیلا گوزونده گوندوز اولسون لیلِ شب
زیر پای شهده قارداشیم یاتوبدور وار سبب
حالتِ مرگینده ده ایلور مراعاتِ ادب
عالم معناده قربانِ منادور عمه جان

طور سینادی ، اولوبدی نورِ وحدت منجلی
موسی عمران دوشوب دامانینه بولمز ولی
شمعِ فانوس ِخدادور بو حسین ابن علی
معنی اَلماءُ نوره برملادور عمه جان

گر چه (هادی) خادم ِدرگاه شاهنشاهدور
ایلسین ارشاد مرشد ، ظاهراُ گمراهدور
نور ِشمعی کلبهء قلبینده نور آهیدور
غم ولیکن مونسِ اهل ولادور عمه جان

• یکشنبه
• 7
• شهریور
• 1400
• ساعت
• 23:22
• نوشته شده توسط
• یوسف اکبری

اولدی حسینه منزل او گونکه بلا یری
قالمادی یر یوزونده داخی بیر صفا یری

جشن و سُرور اولوندی ولا اهلنه حرام
دولدی غم و ملالیلن اهلِ ولا يرى

بیجا دولانما ير يوزون ای دل خوش اولماقا
يوخ ير یوزنده عشرت اوچون بیر بنا یری

نه قالدی گل صفاسی و نه ذوق ِعندلیب
غم چولقادی تمام خوش آب و هوا یری

فصلِ بهار اولیدی نه ای کاش آچیدی گُل
نه گل گیاهیلن دوشَنِیدی قرا یری

نه گلستان اولیدی نه گلشن نه جور ِخار
نه عندلیبه گلشن اولیدی نوا یری

گورسن آچوبدی قرمزی گل باخما یوم گوزون
قاره گیوبدی فاطمه واردور حیا یری

گُل ایستسن اورک گوزون آچ کربلایه باخ
بیر طرفه گلستانه دونوب کربلا یری

نه کربلا ، که خرمنِ گلدور معاینه
گلگون اولوبدی قانیله ، یوخ بیرجه پا یری

تازه گلین قولاقی اولوب پاره بولمورم
قاندور داموبدی گل گل اولوبدی بلا یری

یا اللرین خضاب ایلمیشدی حنائیلن
داماد الين يوووب بویویوبدی حنا يرى

قیل کربلا دیارینه یا فاطمه نظر
گور بیر اولوب او چول نجه بیر ماجرا یری

باش سیز جنازه لر توکولوب قوملا اوستنه
قربانیلن دولوب دیه سن بس معنا يرى

گور سينَنَ اوسته یاتماقا ناز ایلین بدن
مأوا ایدوبدی بی کفن و بی روا یری

سِیر سعادت ایله یرین گور شرافتين
اشرفدی عرشیدن دیولّه ، يوخ خطا یری

پیغمبر اوغلینون جسدين باسدي باغرينا
البتّه آرزو ايدوب اولدم سما یری

الله قانیدی قانی حسینون ، آخوب یره
اکسیرِ اعظم ایتدی او خون ِخدا ، یری

واردور اورکده دردون اگر کربلایه گیت
يوخ ير يوزنده بیر ایله درده دوا يرى

چون تربتِ حسینده قویموش شفانی حق
حق بین گورر حقیقت او یردور شفا يرى

بیمارِ کربلا قيدن وقته شامیدن
قصد ایلدی بو فکریله اول پربها يرى

باشلا او يرده ایلیه بیر چاره دردینه
تاپدی طیب ِحاذق اوچون التجا یری

سالدی اوزون او مرقد ِششگوشه اوستنه
اولدی بالایه زینت ِآغوش ، آتا یری

گویا بو دللريله بیان ایتدی حالینی
بیمار خسته ام ایده سن وار عطا یری

مجروح اولوبدی ساقلریم بسکه ایپ کسوب
بوینومدا واردی ایمدیده طوقِ جفا یری

دور قوى اليوی ياره مه بلکه شفا تاپا
چوخ انجيدور منی باباجان بو یارا یری

قان ایلیوبدی باغریمی شامین مصیبتی
بر باد اولیدی کاش او مصیبت فزا یری

بیر بیحیالیق ایلدی شامون جماعتی
واضح گتورمرم دله یوخدور ادا یری

اما بیزی گورنده هامی کف چالوردولار
دوتموشدی چرخی غلغله هم بو صدا یری

هر ستمتيدن گلوردی صدا خارجی گلور
آل ِعبايه هیچ یوخودی بیر رَجا يرى

عورت اوشاق کیشی هامی آچمشدی ظلمه ال
جور و جفاده قویمادیلار انتها یری

دولدوردولار اتکلرینی بعضی داشیلن
هر گونه ظلمه گورودوله بیزه روا یری

آل عبانی شامده بیر گون غروبه تک
گزدیردیلر بو نحويله هر ناسزا یری

ایلردی بیر منادی ندا رهگذارده
ای فرقهء یهود يتوب مدّعا یری

آلِ علی گلوبدی گَلون انتقام آلون
هر گونه انتقام آلاسوز یوخدی لا یری

پیغمبر اهل بیتی یهودی محلّه سی
قان آغليا بو نکتيه وار مرتضا يرى

شام اولدی ، اهل شام يتوب استراحته
اولدی خرابه گوشه سى آل عبا یری

نه چکمشوخ خرابده عرض ايتمرم بابا
گوردون کسیک باشیله او ویرانسرا يرى

ویردی رقیّه آج و سوسوز جان خرابه ده
اولدی خرابه گوشه سی اول مبتلا یری

قالدى جنازه سی قوری یر اوسته بیکفن
ایتدی گوزومده جلوه بابا کربلا یری

سالدی سنی خياليمه یاندیردی قلبمی
معناده گتدی درده بو غم برملا ، یری

چوخ مشگل اولدی شامیده دشمن شمادتی
هیچ یرده گورمدوخ ايله بيحد جفا یری

بر باد اولیدی قصری یزیدِ ستمگرین
اول گونکه اولدی آلِ شهِ اولیا یری

قولار طنابه باغلی بویونلاردا سلسله
باخسان قالور طنابلرین جابجا یری

پیغمبر عترتین ایله گورجک یزید ِدون
گورموردی وَجددن او لعین دغا یری

باشون گوروب قباقدا آچوب دل شمادته
گوردی قصاصِ بدره عجب اقتضا یری

آلدی او بيحيا اله بیر چوبِ خیزران
وار لبلرونده باخمادی تیرِ بلا يرى

گیتمز جزا گونونده بو زحمتلرون هدر
واردور (شهاب) هر عمله بیر جزا یری

یاز نوحه آغلا نوحه نی زهرا خانم سوور
علت بودی که خوشدور اونا هر عزایری

• یکشنبه
• 7
• شهریور
• 1400
• ساعت
• 23:25
• نوشته شده توسط
• یوسف اکبری

قارداش اسارت رشته سین الده بهانه ایلدیم
مین رشته تبلیغات دین اهل جهانه ایلدیم

اما اسارت رشته سی بیر رشته بالا بلند
ظاهرده هشتاده یاخین عورت اوشاق بوینوندا بند
باطنده دنیاده هامی اهل کمالاته کمند
هر عقده سین پابند بیر مرغ روانه ایلدیم

بو رشته نین هر تارده ، تاری حیاته بند اولوب
هر ذی حیاتی جلب ایدوب اوز سمتینه شوره سالوب
تا حشر هر گوز اولسا گوز بو رشته آردینجا قالوب
هولیله پرشور اشکیمی ممزوج قانه ایلدیم

اما سر و کاریم دوشن گونلرده تبلیغاتیله
دنیائیله اولدوم طرف ، نه ملت شاماتیله
هر یرده معلوم ایلدیم شایسته معلوماتیله
هر بیر مکاندا اتکا ، من لامکانه ایلدیم

وردیم اسارت نامینه دامانه همتله کمر
یغدیم باشا هشتاده دین عورت اوشاق قیز دیده تر
دشت بلادن باغلادیم شامات ایچون بار سفر
بیر کاروان غم همسفر بو کاروانه ایلدیم

ناچار اولان گوندن حسین بو عمده مجبوریته
بولدوم دچارم روز و شب مین گونه محدودیته
هر ابتلا ناچاریم انجام ماموریته
زلف بلانی شانه صبریله شانه ایلدیم

اولدوم صمیم قلبیله رنج و بلایا خوشدلی
منیدیم شرافت هودجی ، آدی شکسته محملی
با پرده گزدیم کوفه و شام ایچره سوق و محفلی
بی پرده اسراری بیان ، پیر و جوانه ایلدیم

هر لحظه که من ایستدیم اتمام حجت ایلیم
اهل مجازه شمه ای کشف حقیقت ایلیم
اسلامه گبری ، مسلمی ایمانه دعوت ایلیم
بیر آز تمسک معجز سحر بیانه ایلدیم

اول بیانه کوفه ده ناچار اولاندا من حسین
ایستوردی قیل و قالیله ، مانع اولا دشمن حسین
بیر صیحه ویردیم دشمنه ، دوشدی هامی سسدن حسین
بیهوده قیل و قالدن نهی آمرانه ایلدیم

باتدی نفس لر سینه ده ، قالدی صداسیندن جرس
بیر ذی نفسده اولمادی تجدید یارای نفس
نطق گهرباریم در و دیوار شهره سالدی سس
محتاج هر هوش اهلینی ، من گوش جانه ایلدیم

دوتموشدی کوی و برزنی،بام و دری هر مرد و زن
بیر خطبه ایراد ایلدیم ، حیدر آتام تک اوندا من
خلقه یتوردوم هر سوزی ، گویا که تبلیغ سخن
کوچه به کوچه،در به در،خانه به خانه ایلدیم

جلب ایلمشدیم نطقیله مرد و زنی ، کس ناکسی
چوخ آز قالوردی حق سوزوم اولسون او ناحقلر بسی
بیردن اوجاتدی نیزه دن قانلی باشون قرآن سسی
کسدیم سوزی دوندوم نظر نوک سنانه ایلدیم

گوردوم او قان پیرایه لی مرآت وجه لایزال
بیر پرده خاکستری سالموش او بدر اولموش هلال
بولدوم کول اوسته یاتمیسان ، ای وجهی وجه ذوالجلال
نفرین سنی مهمان ایدن بیر میزبانه ایلدیم

نور جمالون جلوه دن سالمیشدی آثار تنور
بیر منخسف آی تک یوزون کونه ویرردی فیض نور
از بسکه شور انگیزدی حسنون ، اودور من باشدا شور
بیر یا هلالا نغمه سین دلده ترانه ایلدیم

بو نغمه شیریندن گوزلردن آخدی اشگ شور
سنده جداده آیه کهفیله سالدون شهره شور
کهف آیه سی لحن حجاز ، الحق نه داوود و زبور
داوودی اوردا آرزو من یانه یانه ایلدیم

قارداش باجی سرگمیدوخ هر ایکیمیز درد دله
بو درد دللردن اثر دوشموشدی چوخ دلدن دله
بیر داش گلوب بیر غرفه دن ، آفاقه سالدی غلغله
سن یاره لندون من یوزه قانیاش روانه ایلدیم

باخدیم باشوندان تازه قان آخدی دوباره یاره دن
بولدوم تلاوت اجریوی آلدون او سنگ خاره دن
ناچار گیتدی اختیار اوندا من بیچاره دن
بیر نطح او ساعت گوشه تخت روانه ایلدیم

چوخ اینجدیم سندن صورا آگاهسن هر دردیمه
دوشدوم شرار محنته ، یاندیقجا آه سردیمه
باخ بیر بوکولموش قامته ، آغ زلفه رنگ زردیمه
بیر من بیر ایله درد و غم بولدی خدا نه ایلدیم

بیر قیز باشندان قویمادیم بیر تل دوشه سنبل کیمی
سولدی سارالدی صرصر جوریله یوزلر گل کیمی
شوره گلنده هر بالا ، بیر گوشه ده بلبل کیمی
آغوشیمی اول بلبله من آشیانه ایلدیم

بیر نسگلیم وار قان ایدر غمدن دل اهل دلی
ایوای اگر یاد ایلسه بیر اهل دل بو نسگلی
زهرا قیزی ناله کنان دیر نصارا منزلی
سرمایه غم بو غمی اسلامیانه ایلدیم

ایکاش اولیدی یکسره ویرانه شاماتی خراب
بزم یزید بی حیا ، شطرنج و می ، چنگ و رباب
بیر قانلی باش بیر خیزران ، بیر طشت زر ، نرد و شراب
نفرین می و ساقی و هر باده ستانه ایلدیم

• یکشنبه
• 7
• شهریور
• 1400
• ساعت
• 23:28
• نوشته شده توسط
• یوسف اکبری

مرحومین اساتید : ذهنی زاده و یا عاصی که به قلم جناب آقای حسنی تکمیل گردیده است

بو سفرده عشقون اولدی زینبه زمینه قارداش
گَتدی ساحل ِنجاته بیر سینیق سفینه قارداش

هر مسافرون سفردن خاطراتی یارِ خاطر
خوش گونی سُرور ِقلبی غم گونونده بارِ خاطر
واردی بو سفرده بسکه منده چوخ غبارِ خاطر
آز قالور که سالسون آتش بو دلِ حزینه قارداش

هانسی بیر دله سالور اود گور شرار ِدرد و محنت
بیر دیلی که قویدون اوندا دست ِرأفت و عطوفت
کاش مصلحت بولیدون قویمییدون ال او ساعت
غصّه مرگ اولوب گیدیدی قبره بو کمینه قارداش

اختیار اولیدی منده ، یار اولیدی گر مشیّت
آرزومیدی اولیدیم قبروین یرینده تربت
توپراقیم اولیدی قبرون ای خلاصه محبّت
باغرینا باسیدی جان تک پیکرون بو سینه قارداش

دست بسته گیتموشم من هر دیاره هر مکانه
فاش قیلموشام برادر سرّ نهضتون جهانه
خاطریمده خاطراتیم چوخ چنین گَله بیانه
بسکه یوز ویروبدی غملر زینبِ غمینه قارداش

توپراقیم اگر اولیدی خاکِ مدفنون برادر
هارا بی کفن گیدردی قبره بو یارالی پیکر
مُهری بالشون اولاردی روحی بیر لطیف بستذر
زلفیمی کفن ایدردیم جسمِ نازنینه قارداش

تیره بختیدیم بو بختیم اولدوزی کیمی باتیدیم
بخته باخ که قویمادی بیر آرزومه من چاتیدیم
اولمادیم حصیر اقلا" سنله قبریده باتیدیم
قبریدنده بیر دوریدوخ روزِ واپسینه قارداش

ممکن اولمادی نولوردی یوزده گوز یاشون اولیدیم
غم گونی یوزه آخاندا غصّه یولداشون اولیدیم
چوخ قاباق ئولیدیم ایکاش ایندی باش داشون اولیدیم
باش داشی بولیدی عالم زینبی حسینه قارداش

ایسترم اجل گلوب تیز درک ایده بو جسمِ زاری
خوشدی قبریوین یانیندا زینبین اولا مزاری
ایستمور دوباره دوشسون شهر ِیثربه گذاری
گورمیه بیلی بوکولموش مردمِ مدینه قارداش

عشقوون تِلی بو مرغِ روحیمه کمند اولوبدی
گیتمز آیری بیر مکانه دامِ یاره بند اولوبدی
مجمر ِغمونده یانماق ایستیری ، سپند اولوبدی
یاندیروب خیامویله گر چه قومِ کینه قارداش

قبریوین طوافی حکم ِعشقیله اولوب فریضم
محضرِ مَلیکِ عشقه واردی ویرماقا عریضم
ویر شفامی تربتوندن گورموسن نجه مریضم؟
یاندی جسم و روح ِزینب عشقون آتشینه قارداش

چشمِ آشنای عشقه ، سنله قول بویون گورونّم
محرم مصیبت اولام ، غم لباسینه بورونّم
قتلگاه او گون او ساعت یادیمه دوشر سورونّم
سن کیمی یارا گوتورّم ، عارضه جبینه قارداش

قویسالار مجاور اوللام قبریوین یانیندا قالّام
یاره لی قوشام سیخیلّام سایه سینده دالدالانّام
سو سپر گوزوم ، سو ویرّم ، زلفوله غبارین آلّام
سجده ایلرم همیشه قبریوین یرینه قارداش

ماجراسی قتلگاهین گوز ایوینده تازه لندی
باشیمه دوباره گَردِ محنت و اَلم الندی
بو همان منای عشقه باشدا اللری گلندی
اوندا نعشون اوسته ، ایمدی گلدی اربعینه قارداش

جامِ وصلِ یار ایچنلر مست اولوب گیدوبله هوشه
هر مریدِ هوشیارون اخذ ایدوبدی حشره توشه
ایلیوبدی اکبر اوغلون بو مزاری آلتی گوشه
اولدی فرشیده بو قبرون،عرش ایچون قرینه قارداش

نطقه گل محبّتیله ، یاره یاره دن خبر ویر
دردمندِ عشقه قارداش ، راهِ چاره دن خبر ویر
بو ملر قالان ربابه ، شیر خواره دن خبر ویر
عمری قورتولونجه حسرت قالدی هم نشینه قارداش

جوشدی داشدی سیلِ اشگیم یوزده بیر آخان سیل اولدی
رشتهء امید زینبِ پاره پاره تل تل اولدی
سن کیمی رقیّم ئولدی توپراق اوسته نسگیل اولدی
شامیده قالوب رقیّم ، تک گلوب سکینه قارداش

بادهء وصال ایچنلر مستِ عشق یار اولوبلار
باشیدن گیچوب فدای راهِ کردگار اولوبلار
آبروی آفرینش ، دینه افتخار اولوبلار
فخر ایدر بولار یاتان یر جنّتِ برینه قارداش

نهضتیکه ایتدون آغاز زینبیله تاپدی پایان
سن شهید ِحکم ِقرآن ، من اسیرِ راه ِایمان
بو اسارت و شهادت عالمه ایدوبدی اعلان
بیر حیاتِ جاودانی عاید اولدی دینه قارداش

گللرین سارالدی سولدی ، بلبلون چمنسیز اولدی
هی وطن سراغی دوتدی عاقبت کفنسیز اولدی
سینن اوسته کی یاتان قیز شامده کفنسیز اولدی
دفن اولوب خرابه یرده بیر جهان دفینه قارداش

بو سوزی یازاندا (ذهنی) روزِ واپسینه یتدی
رحمتِ خدایه واصل ، جنّتِ برینه یتدی
قالدی سوزلر (عسگریده) بیر گون حسنییه یتدی
یاز بقیّه سین بویوردی خوشدی چون زمینه قارداش

گرچه وار ایکی عقیده باشلانیش بو شعرلرده
(ذهنی) فتح ایدوب بو بابی (عاصینی) دیولّه بیرده
هر بیری یازا مسلّم عالی نظم ایدوب بو یرده
رحمت و نوالِ ایزد روح هر بیرینه قارداش.

چهار مصرع آخر شعر از : جناب آقای احد کامران ور

• یکشنبه
• 7
• شهریور
• 1400
• ساعت
• 23:34
• نوشته شده توسط
• یوسف اکبری

سایۀ ولا باشیمندان ظلمیله کم اولدی قارداش
اشکِ نابیله عذاریم هر زمان نم اولدی قارداش

رمزِ عشقه پی آپاردیم سندن آیریلان زمانی
عاشقانه هفت شهرِ عشقی گزدیم آرمانی
یثربه طلب دئدیم من، کربلایه شهرِ فانی
سِیر زینب اربعینله ختم توأم اولدی قارداش

مرغِ بال بسته مثلی من اسیرِ دامِ تنگم
خستیَم، گمان ایدوللر راهِ غمده پای لنگم
نالهء فراقون اوسته چون نِی و رَباب و چنگم
زیرِ شوکتیم دریغا ظلمیله بَم اولدی قارداش

باشدا پوستینیم اولموش قانیله خضاب اولان مو
مَنتشأده دوشیم اوسته ردّ قمچی لردی سوسو
خانقاهِ پیره چاتدیم آهیله دیلیمده یاهو
دم بو دمدی، طوفِ قبرون فیضِ اعظم اولدی قارداش

زخمهء بلا چکیلدی سازِ فکریمه پیاپی
شورِ عشقه بیر در آمد ویردی چهارگاهِ هِی هی
پرده پرده نینوانی دوتدی بانگِ نالهء نی
نغمهء مخالفیله، شیون اقدم اولدی قارداش

عشقیمه قالوبلا حیران، عُلویانِ خلدِ اعلا
سعی ایدوللر ایلسونلّه عاشقانه درکِ معنا
چوخ چتیندی پی آپارسون بیله رمزه اِنس و حورا
فهمِ عامه رازِ جانان جمله مبهم اولدی قارداش

دور اوتور منه خبر ور قلبیوین جراحتی ندن
منده عرض ایدوم بو مدّت شامیان شمادتی ندن
نفخِ صورِ اشقیادن، زینبون قیامتی ندن
آلِ عصمتین جلالی سخت بر هم اولدی قارداش

نیمروزِ پُر بلاده قلبیمه قالاندی غم لر
آلِ حقّه نا حقّ امّت گوردولر روا ستم لر
من گلنده قتلگاهه داده گلدیلر حرم لر
مقتله چاتونجا قدّیم جَبریله خم اولدی قارداش

وصلون آرزو ایدردیم، مرقدیوه بیر چاتیدیم
کاش منده سن تک اوّل گون قانه توأمان باتیدیم
اولمادیم حصیر اقلاً سنله قبریده یاتیدیم
التزامِ حسرتیله قسمتیم غم اولدی قارداش

اولموشام بیر اربعین دور هم نوای مرغِ یاحقّ
مرغزارِ جاندا سالدیم باشیمه خِمارِ زنبق
نیمه شب لری چکردیم نقشهء وصالِ مطلق
چَه چَهِ صداقتیله عالم، عالم اولدی قارداش

شمع تک یانیب قوتول دوم اهل دل محافیلینده
یاندی آتش یمده چوخلار ماهِ شب مقابلینده
من وفای عهدی گوردوم، دشمنون سلاسل ینده
گر چه قولّاری مدا حلقه حلقه محکم اولدی قارداش

آینه مثالی باشون نیزه ده عیان اولاندا
طوطی دیلیم دیل آچدی، فرصتِ بیان اولاندا
زینبی نشان ویریردی داشلارا نشان اولاندا
سیندی آینه منی مده نطقیم اَبکَم اولدی قارداش

کوچ ایدنده کربلادن قتلگه ده جانه دویدوم
تیرِ آهیله دمادم قلبِ کائناتی اویدوم
نعشوین یانیندا خسته روحیمی خلاصه قویدوم
قالبیم گدیردی شامه دردِ مُعظم اولدی قارداش

کوفه بحرینه چاتاندا کشتیّ شکستهء عشق
موج لر گوروب او لحظه نوحِ دست بستهء عشق
ساحلی سراغ ایدردی ناخدای خستهء عشق
بادبانِ جانه، بادِ فتنه همدم اولدی قارداش

محویدیم ستاره مثلی ماهِ شبده غملی سِیره
راز پرده سی چکیلدی بیله سِیره چشمِ غیره
دستِ روزگار آپاردی ماهِ هاله داری دِیره
حالیمه یانان او غمده پورِ مریم اولدی قارداش

کاروانِ درد و مُحنت الغرض یتیشدی شامه
مرد و زن تمام چیخدی اشتیاق اوزیله بامه
صبحِ پُر فروغ دوندی زینبون گوزینده شامه
روزِ قتل بو حزینه چون مُجسّم اولدی قارداش

قاسمین باشین گورنده ناگه اَرزَقین عیالی
انتقام نیّتیله سنگسار اولوب خیالی
نوعروسین اُول دقیقه دوندی شیوهء مقالی
روحی تندن اِحترازه بس مُصمّم اولدی قارداش

شام مُحنتین نقدری شرح ایدم تمامه یتمز
اصلِ غم بو آز زماندا دردِ دلده کامه یتمز
هیچ جفا و ظلم قارداش انزجارِ شامه یتمز
بیزلره دمشقِ ویران کوی مُظلم اولدی قارداش

کاروانِ بی دَراده قلبیدن یارالی چوخدی
قامتی کمان حریمون قلبینه فراقون اوخدی
گَلدی شامه یول سالانلار، حیف اولا رقیّه یوخدی
گلشنِ محبّتوندن بیر گُلون کم اولدی قارداش

لحظه لحظهء وفادور، گاه، گاهِ عهد و پیمان
نائلِ وصالِ یارم، باشه چاتدی دورِ هجران
یادیمه دوشور بو چولده قانلی بَحر سَهمِ طوفان
بوردا غرق اولان دِمایه سِبطِ خاتم اولدی قارداش

(شمش شابی) چرخِ گردون جَبریله سالوب فشاره
بیر کسه سوزون آچانمّیر، یوخ امیدی غیر و یاره
دورت الین اَخا اَمان دور قویما دوشسون انزجاره
هر نه اولسا گلشنونده بلبلِ غم اولدی قارداش

چوخلاری گمان ایدولّر صوفی دی، غزل سرادی
لیک باطناً ولای مرتضایه مُبتلادی
خلوتی نده هر دقیقه شورِ یومِ دین به پادی
فصلِ شعر شاهِ دینه بَس مُقرّم اولدی قارداش

• شنبه
• 13
• شهریور
• 1400
• ساعت
• 11:52
• نوشته شده توسط
• یوسف اکبری

ششگوشه مزار پاکون اوسته بیر قامت خم گتوردی زینب
بیر دسته اورک یارالی آهوی حرم گتوردی زینب

جناتدن ای مزاری گویچک کیم قبریوه تحفه گتدی من تک
بیر سینه سی دورت مین اوخلی کوینک عنوان اَلم گتوردی زینب

گوز یاشی توکه توکه عُذاره ششگوشه لی بو گوزل مزاره
بیر اوخلی سو مشگی بندی پاره بیر قانلی علم گتوردی زینب

شاماتدن ای آنام نشانی آغلاتماقا جمله ماسوانی
عمّامه شبه مصطفانی سرمایه غم گتوردی زینب

ای جسم شریفی ریزه ریزه چوخ غم یتیشوب بو اشگریزه
بو توزلی مزاره مشگبیزه غم نچه رقم گتوردی زینب

شاماته گیدنده دشمنیله ایگرمی ایکی قز گیدوب منیله
امّا قِیدَنده شیونیله اون بیر بالا کم گتوردی زینب

ای باب کرامت یگانه امید کرمله یانه یانه
بیر جمع کریم دن نشانه ارباب کرم گتوردی زینب

بیر چرخ ستاره ماهپاره ماتم زده جمله بخت قاره
شوریله بو مشگبو مزاره زوّار و خَدم گتوردی زینب

دردی یته عرض شهریاره بیر نامَدَه ایلیه اشاره
یازماقلوقا صفحهء عُذاره مژگانی قلم گتوردی زینب

جان وار باجوون بو صحبتن ده اود یاغ دوران اشگ حسرتنده
کِتفن ده قولوندا صورتن ده آثار ستم گتوردی زینب

بو رشگ بهشت قبرون اوسته بیر جمع پریش و دلشکسته
جای گل لاله دسته دسته گلبرگ ارم گتوردی زینب

داد ابن زیاد عداوتندن بزمینده ایدن شقّاوتندن
شهزاده گدا شمادتندن قلبینده درم گتوردی زینب

قارداش باجوی جماعت شام آغلاتدولا هر سحر هر آخشام
شاهد سوزومه ایکی دولی جام اشگیله چو یَم گتوردی زینب

(نجمی) ایله شکر بی نهایت تاپدون نه عجب گوزل سعادت
ایدوقجه بو نوحه نی کتابت هر کلمه ده دم گتوردی زینب

• یکشنبه
• 28
• شهریور
• 1400
• ساعت
• 15:43
• نوشته شده توسط
• یوسف اکبری

اولدی حسینه مَنزل او گُونکه بَلا یری
قالمادی یر یوزونده داخی بیر صَفا یری

جشن و سُرور اولوندی وِلا اَهلنه حَرام
دولدی غم و ملالیلن اَهلِ وِلا يرى

بیجا دولانما ير يوزون اِی دِل خوش اولماقا
يوخ ير یوزنده عشرت اوچون بیر بنا یری

نه قالدی گُل صَفاسی و نه ذُوقِ عندلیب
غم چولقادی تمام خوش آب و هَوا یری

فصلِ بهار اولیدی نه ای کاش آچیدی گُل
نه گُل گیاهیلن دوشَنِیدی قَرا یری

نه گلستان اولیدی نه گلشن نه جورِ خار
نه عندلی به گلشن اوُلیدی نَوا یری

گورسن آچوبدی قرمزی گل باخما یوم گوزون
قاره گیوبدی فاطمه وار دور حَیا یری

گُل ایستسن اورک گوزون آچ کربلایه باخ
بیر طُرفه گُلستانه دوُنوب کربلا یری

نه کربلا، که خرمنِ گل دور معاینه
گلگون اولوبدی قانیله، یوخ بیرجه پا یری

تازه گلین قولاقی اولوب پاره بولمورم
قاندور داموبدی گل گل اولوبدی بَلا یری

یا اللّرین خَضاب ایلمیشدی حنائیلن
داماد اَلين يوووب بویویوبدی حَنا يرى

قیل کربلا دیارینه یا فاطمه نظر
گُور بیر اولوب او چول نجه بیر ماجرا یری

باش سیز جنازه لر توکولوب قوملا اوستنه
قربانیلن دولوب دیه سن بس مِعنا يرى

گُور سينّن اوُسته یاتماقا ناز ایلین بدن
مأوا ایدوبدی بی کفن و بی رَوا یری

سِیر سعادت ایله یرین گور شرافتين
اَشرفدی عَرشیدن دیولّه، يوخ خطا یری

پیغمبر اوغلینون جسدين باسدی باغرينا
اَلبتّه آرزو ايدوب اوُلدَم سَما یری

الله قانیدی قانی حسینون، آخوب یره
اِکسیرِ اعظم ایتدی او خونِ خدا، یری

وار دور اورکده دردون اگر کربلایه گیت
يوخ ير يوزنده بیر ایله درده دوا يرى

چون تربتِ حسینده قویموش شَفانی حقّ
حقّ بین گورر حقیقت او یر دور شفا يرى

بیمارِ کربلا قيدن وقته شامیدن
قصد ایلدی بو فکریله اوُل پُر بها يرى

باشلا او يرده ایلیه بیر چاره دردینه
تاپدی طیبِ حاذق اوچون اِلتجا یری

سالدی اوزون او مَرقدِ ششگوشه اوُستنه
اولدی بالایه زینتِ آغوش، آتا یری

گویا بو دللّريله بیان ایتدی حالینی
بیمار خسته ام ایده سن وار عَطا یری

مَجروح اوُلوبدی ساقلریم بسکه اِیپ کسوب
بوینومدا واردی ایمدیده طوقِ جَفا یری

دور قوى اليوی ياره مه بلکه شفا تاپا
چوخ انجيدور منی باباجان بو یارا یری

قان ایلیوبدی باغریمی شامین مُصیبتی
بر باد اوُلیدی کاش او مُصیبت فَزا یری

بیر بی حیالیق ایلدی شامون جماعتی
واضح گتورمرم دله یوخدور اَدا یری

اما بیزی گورنده هامی کف چالوردولار
دوتموشدی چرخی غلغله هم بو صدا یری

هر ستمتيدن گلوردی صدا خارجی گلور
آلِ عَبايه هیچ یوخودی بیر رَجا يرى

عورت اوشاق کیشی هامی آچمشدی ظلمه اَل
جور و جفاده قویمادیلار اِنتها یری

دولدوردولار اَتکلرینی بعضی داشیلن
هر گونه ظلمه گورودوله بیزه روا یری

آلِ عبانی شامده بیر گون غروبه تک
گزدیردیلر بو نَحويله هر ناسزا یری

ایلردی بیر مُنادی نِدا رهگذارده
ای فرقهء یهود يتوب مُدّعا یری

آلِ علی گلوبدی گَلون اِنتقام آلون
هر گونه اِنتقام آلاسوز یوخدی لا یری

پیغمبر اَهل بیتی یهودی محلّه سی
قان آغليا بو نکتيه وار مُرتضا يرى

شام اولدی، اهل شام يتوب استراحته
اولدی خرابه گوشه سى آلِ عَبا یری

نه چَکمشوخ خرابده عرض ايتمرم بابا
گوردون کسیک باشیله او ویرانسرا يرى

ویردی رقیّه آج و سوسوز جان خرابه ده
اولدی خرابه گوشه سی اوُل مُبتلا یری

قالدى جنازه سی قوری یر اوُسته بیکفن
ایتدی گوزومده جلوه بابا کربلا یری

سالدی سنی خياليمه یاندیردی قلبمی
معناده گتدی درده بو غم برملا، یری

چوخ مشگل اولدی شامیده دشمن شَمادتی
هیچ یرده گورمدوخ ايله بيحد جفا یری

بر باد اولیدی قصری یزیدِ ستمگرین
اول گونکه اولدی آلِ شهِ اوُلیا یری

قولار طنابه باغلی بویونلاردا سلسله
باخسان قالور طنابلرین جابجا یری

پیغمبر عترتین ایله گورجک یزیدِ دون
گورموردی وَجددن او لعینِ دَغا یری

باشون گوروب قباقدا آچوب دل شَمادته
گوردی قصاصِ بدره عجب اِقتضا یری

آلدی او بيحيا اله بیر چوبِ خیزران
وار لبلرونده باخمادی تیرِ بلا يرى

گیتمز جزا گونونده بو زحمتلرون هدر
وار دور (شهاب) هر عمله بیر جزا یری

یاز نوحه آغلا، نوحه نی زَهرا خانم سوور
علّت بودی که خوشدور اونا هر عزا یری

• یکشنبه
• 28
• شهریور
• 1400
• ساعت
• 15:44
• نوشته شده توسط
• یوسف اکبری

سایۀ ولا باشیمندان ظلمیله کم اولدی قارداش
اشکِ نابیله عذاریم هر زمان نم اولدی قارداش

رمزِ عشقه پی آپاردیم سندن آیریلان زمانی
عاشقانه هفت شهرِ عشقی گزدیم آرمانی
یثربه طلب دئدیم من ، کربلایه شهرِ فانی
سِیر زینب اربعینله ختم توأم اولدی قارداش

مرغ ِبال بسته مثلی من اسیرِ دامِ تنگم
خستیَم ، گمان ایدوللر راهِ غمده پای لنگم
ناله ی فراقون اوسته چون نِی و رَباب و چنگم
زیر ِشوکتیم دریغا ظلمیله بَم اولدی قارداش

باشدا پوستینیم اولموش قانیله خضاب اولان مو
مَنتشأده دوشیم اوسته ردّ قمچیلردی سوسو
خانقاهِ پیره چاتدیم آهیله دیلیمده یاهو
دم بو دمدی ، طوفِ قبرون فیضِ اعظم اولدی قارداش

زخمهء بلا چکیلدی ساز ِفکریمه پیاپی
شورِ عشقه بیر درآمد ویردی چهارگاهِ هِی هی
پرده پرده نینوانی دوتدی بانگِ ناله ی نی
نغمهء مخالفیله ، شیون اقدم اولدی قارداش

عشقیمه قالوبلا حیران ، عُلویانِ خلدِ اعلا
سعی ایدوللر ایلسونلّه عاشقانه درکِ معنا
چوخ چتیندی پی آپارسون بیله رمزه اِنس و حورا
فهمِ عامه راز ِجانان جمله مبهم اولدی قارداش

دور اوتور منه خبر ور قلبیوین جراحتیندن
منده عرض ایدوم بو مدّت شامیان شمادتیندن
نفخ ِصورِ اشقیادن ، زینبون قیامتیندن
آل ِعصمتین جلالی سخت برهم اولدی قارداش

نیمروزِ پُر بلاده قلبیمه قالاندی غم لر
آلِ حقّه ناحق امّت گوردولر روا ستم لر
من گلنده قتلگاهه داده گلدیلر حرم لر
مقتله چاتونجا قدّیم جَبریله خم اولدی قارداش

وصلون آرزو ایدردیم ، مرقدیوه بیر چاتیدیم
کاش منده سن تک اول گون قانه توأمان باتیدیم
(اولمادیم حصیر اقلاً سنله قبریده یاتیدیم)
التزام ِحسرتیله قسمتیم غم اولدی قارداش

اولموشام بیر اربعیندور هم نوای مرغِ یاحق
مرغزارِ جاندا سالدیم باشیمه خِمارِ زنبق
نیمه شب لری چکردیم نقشه ی وصالِ مطلق
چَه چَه ِصداقتیله عالم ، عالم اولدی قارداش

شمع تک یانیب قوتولدوم اهل دل محافیلینده
یاندی آتشیمده چوخلار ماهِ شب مقابلینده
من وفای عهدی گوردوم ، دشمنون سلاسلینده
گرچه قولّاریمدا حلقه حلقه محکم اولدی قارداش

آینه مثالی باشون نیزه ده عیان اولاندا
طوطی دیلیم دیل آچدی ، فرصتِ بیان اولاندا
زینبی نشان ویریردی داشلارا نشان اولاندا
سیندی آینه منیمده نطقیم اَبکَم اولدی قارداش

کوچ ایدنده کربلادن قتلگهده جانه دویدوم
تیر ِآهیله دمادم قلب ِکائناتی اویدوم
نعشوین یانیندا خسته روحیمی خلاصه قویدوم
قالبیم گدیردی شامه دردِ مُعظم اولدی قارداش

کوفه بحرینه چاتاندا کشتیّ شکستهء عشق
موج لر گوروب او لحظه نوحِ دست بسته ی عشق
ساحلی سراغ ایدردی ناخدای خستهء عشق
بادبانِ جانه ، بادِ فتنه همدم اولدی قارداش

محویدیم ستاره مثلی ماه ِشبده غملی سِیره
راز پرده سی چکیلدی بیله سِیره چشمِ غیره
دست ِروزگار آپاردی ماهِ هاله داری دِیره
حالیمه یانان او غمده پور ِمریم اولدی قارداش

کاروانِ درد و محنت الغرض یتیشدی شامه
مرد و زن تمام چیخدی اشتیاق اوزیله بامه
صبحِ پُر فروغ دوندی زینبون گوزینده شامه
روزِ قتل بو حزینه چون مجسّم اولدی قارداش

قاسمین باشین گورنده ناگه اَرزَقین عیالی
انتقام نیّتیله سنگسار اولوب خیالی
نوعروسین اول دقیقه دوندی شیوهء مقالی
روحی تندن احترازه بس مُصمّم اولدی قارداش

شام محنتین نقدری شرح ایدم تمامه یتمز
اصلِ غم بو آز زماندا دردِ دلده کامه یتمز
هیچ جفا و ظلم قارداش انزجارِ شامه یتمز
بیزلره دمشقِ ویران کوی مُظلم اولدی قارداش

کاروانِ بی دَراده قلبیدن یارالی چوخدی
قامتی کمان حریمون قلبینه فراقون اوخدی
گَلدی شامه یول سالانلار ، حیف اولا رقیّه یوخدی
گلشنِ محبّتوندن بیر گُلون کم اولدی قارداش

لحظه لحظهء وفادور ، گاه ، گاهِ عهد و پیمان
نائلِ وصالِ یارم ، باشه چاتدی دورِ هجران
یادیمه دوشور بو چولده قانلی بحر سهمِ طوفان
بوردا غرق اولان دِمایه سِبطِ خاتم اولدی قارداش

(شمس شابی) چرخِ گردون جبریله سالوب فشاره
بیر کسه سوزون آچانمّیر ، یوخ امیدی غیر و یاره
دورت الین اخا اماندور قویما دوشسون انزجاره
هر نه اولسا گلشنونده بلبلِ غم اولدی قارداش

چوخلاری گمان ایدولّر صوفی دی ، غزل سرادی
لیک باطناً ولای مرتضایه مبتلادی
خلوتینده هر دقیقه شورِ یومِ دین به پادی
فصلِ شعری شاهِ دینه بس مقوم اولدی قارداش

• یکشنبه
• 28
• شهریور
• 1400
• ساعت
• 15:52
• نوشته شده توسط
• یوسف اکبری

دوشوب باشون آردیجا حسین باش آچوخ گِیدوب شامه گَلمیشم
بوگون سنه دوتماقا عَزا من گِیوب قَرا جامه گَلمیشم
حسین دِیوب چوخ دوُلانمشام
حسین فراقوندا یانمشام
زینبون گلدی
زینبون گلدی

اگر چه هر ماجرا سنه بیر به بیر عَیان دور دَگُل نَهان
ولیک بو رَسمدی اِیدر هر مسافر اوُز حالینی بیان
گوزوم یاشی روی زَردیمه سرگُذشتیمی ثَبت اِیدوب عَیان
صَحیفهء غم تک اَلده وار حالی نه بَیان نامه گلمیشم

باجون فَدا نُور پاکُوّه کربلا چولین روشن اِیتمی سن
بو موسی عشقه پُر خَطر دَشتی وادیّ ایمن اِیتمی سن
دِیمم اوزون وِیر منه نشان چون ازَل جوابِ لَن اِیتمی سن
بو قَبره گوز یاشلو یوز قویوب نایل اوُلماقا کامه گلمیشم

بو شُوقیله اَربعینوه گلمیشم بو گون قَبرون اوُسته من
شَمیمِ جان پَرورین آلّام تا بو تَربتِ مُشک خیزدن
دور اِی منِ بَخت قَاره نی دردِ فرقتی مو سفید اِیدن
دیوم نجه دوندروب غمون روزگاریمی شامه گلمشیم

بو گون که من دام ظلمدّن فارغ اوُلماقین شُکرین اِیلرم
نه ظلم لر یوز وِیروب منه بیر به بیر سنه ذِکرین اِیلرم
بو روضهء پاکدن ولی آیری دوشماقین فکرین اِیلرم
سنیله هَمدَفن اوُلماقا کاش اَجل سالا دامه گلمیشم

گیدنده من شامه نَعشوی فرصت اوُلمادی دَفن اِیدوب گِیدم
قصُوریمون اِعتذاری نه قَبریوه گرک جان فدا اِیدم
نولور یِتم بو سَعادته روحیم آیریلا جان وِیرم بو دَم
تأسفیم وار که عمر و گون یِتمیوب سر اَنجامه گلمشیم

وِیرنده جان سن که ممّکنیم اوُلمیوبدی بیر جُرعه سو وِیرم
ولی اِیدم قَبر پاکیوه اِیمدی مُختصر خدمت اِیسترم
سَپم سو مُژگانی له سیلم قَبریون توزون اِی شَه حَرم
اودور جگر قانینی سُوتک دوُلدروب اِیکی جامه گلمیشم

(شهاب) شه بیتی اِیتدی بیر اِیله وقتده مَطلَعِ کَلام
مُصمّم شهر طُوسیدی فرصت اوُلمادی اِیتسون اِختتام
رَجا اولوب (ذهنی) اِیلدی اوز دِلین جه بو نوحه نی تمام
مَعاینه نوحه ده دییَر من او دِلده الَساعه گلمیشم

• یکشنبه
• 28
• شهریور
• 1400
• ساعت
• 16:13
• نوشته شده توسط
• یوسف اکبری

تیر غم قارداش حسین جاندان گِیچور دور زینبون
قبرون اوسته قزلارون ساندان گِیچور دور زینبون

سینوی اوخلار بو چولده دوندرن گون گُلشنه
قیزلارون تاپشوردون اوز آخر وداعونده منه
منده چوللّردن یغوب گتدیم بو توزلی مِدفنه
گورنه بلبل لر گُلستاندان گِیچور دور زینبون

گر چه بو مدّتده غمدن زینبون دینجَل مدی
باغرینی هیچ تیر غم اَما بو غم تک دَلمدی
گلدیلر یکسر گیدنلر بیر رقیّه گلمدی
خجلتندن گوز یاشین قاندان گِیچور دور زینبون

یادیمه دوشدوق جا شامین گُوشهء ویرانه سی
آز قالور قارداش اوُلام اَندوه و غم دیوانه سی
لاله تک لبریز اولور قاندان گوگل پیمانه سی
دُرِّ اَشگین رنگ مَرجاندان گِیچور دور زینبون

شام ده اِی ناخدای کشتیِ دین مُبین
زورقِ عمرِ رقیّه اولدی غم دن گِل نشین
وِیردی جان ویرانه کُنجنده او طفل نازنین
گوز یاشین وار حقی طوفاندان گِیچور دور زینبون

نُوش اِیدن گون سن شَهادت جامی بیز اوُل دوخ اَسیر
اَهل بیتون سوی دولار بیر نَحویله قُوم شَریّر
ایمدیده برگِ خَزان تک قورخودان قیزلار اَسیر
برق آهین جسمِ لرزندان گِیچور دور زینبون

بو سَفرده سندن آیرلدیم بردار بیر گیجه
بُلمدی بیرکس اوزون بُلدون صَباح اِیتدیم نجه
آیریلیق تیز یِتدی باشه قالمادی وَصلون گِیجه
صبح وَصلون شام هجراندان گِیچور دور زینبون

کوفیّه وارد اوُلان ساعت خَواتین حِجاز
باجوی قارداش یارالی باشون اِیتدی پیشواز
کُوفده هر ظلم اِیدوبلر کُوفیانِ حیله ساز
تک به تک فکر پریشاندان گِیچور دور زینبون

قانلو باشون نیزه باشندا باتوب گوردوم کُوله
غصه دَن بی خانمان زینب یاخون اوُلدی اُلَه
بر مسلمان اوُلمادی بو مطلبین سرّین بُله
وار نه عِلت ناله کِیواندن گِیچور دور زینبون

باغریمی شامین جَفاسی لاله تک قان اِیلدی
ظلمده گوردون یَهودیلَر نه طُغیان اِیلدی
هم باشون هم اَهل بِیتون سَنگ باران اِیلدی
باخمادی گوز یاشی باراندان گِیچور دور زینبون

هنده نین اوُغلی مُرتب اِیلدی بَزم شَراب
ظلم اوُدیله عِترت اَطهاردی قیلدی دل کباب
اِیله اِثبات اِیلدیم کُفرین اوزی اوُلدی مُجاب
گوردی اِستدلال قرآنّان گِیچور دور زینبون

ای (حسینی) باش وِیروب سَندن اگر چه چوخ خَطا
گِیچماقا جسر صِراطی یوخ سنه بابِ رَجا
نا اُمید اوُلما ولی زَهرا قیزی اِیلر عَطا
دارِ خُلده نارِ نیراندان گِیچور دور زینبون

• یکشنبه
• 28
• شهریور
• 1400
• ساعت
• 16:21
• نوشته شده توسط
• یوسف اکبری

قَبرون نه عَجب عَطر فِشان دور آنام اوغلی
عشق اَهلینه بیر رَشک جِنان دور آتام اوغلی

صد شُکر که حقّ وِیردی اَجلدن منه مُهلت
تاپدوم بو قدر مُحنتله بیرده سَعادت
هر فِیضی دن اَعلادى یقین فِیضِ زیارت
بیر شُوط اِیلمک قیمتی جان دور آتام اوغلی

هانسی غمیمی بُلمم اِیدوم من سنه تقریر
یا هانسی مُصیبتدہ چکوم نالهء شبگیر
از بسکه اِیدوب دور غم و غصه دِله تأثیر
گوزدن جگریم قانی رَوان دور آتام اوغلی

هر درد که چَکدوم سن اوُزون اولموسان آگاه
اولموشدی باشون نیزه ده چون زِینبه همراه
بیر شَمّه اوزوم عرض اِیدرم اِذن اولا هر گاه
هرچند سنه حالیم عَیان دور آنام اوغلی

اوُلدون سن او وقتی که قَتیل اَهلِ جفایه
گون تک باشوی ووردی سِنان نُوک جدایه
گِیتدوم باشون آردون جا حسین منده چو سایه
گوردوم که باشون زیب سِنان دور آنام اوغلی

باشون دالیجا هر یِری بی پَرده دولاندیم
صَبّاغ بلا اِیستدی هر رَنگه بویاندیم
اوُچ ساعتی دروازهء ساعتده دایاندیم
فِتوا وِیروب عشقون که دایان دور آنام اوغلی

وقتیکه حسین داخل شام اوُلدی قَطاریم
اوُضاعینی گوردوق جا دوتوب اود دلِ زاریم
قویموبدی قالا تیرِ بَلا صَبر و قَراریم
قَدّیم بو مُصیبتده کَمان دور آنام اوغلی

شام اِیچره دولان دوخ اوقدر شامه یِتشدی
شام اَهلی زِ بس ظلم اِیلیوب کَامه یِتشدی
ویرانه ده عمریم اوُِگون اِتمامه یِتشدی
ویرانه غمی خیلی گران دور آنام اوغلی

صبح اوُلدی چَکوب عَترتوى شِمر طَنابه
قُول باغلو حسین داخل اِیدوب بزمِ شَرابه
گلمز چون اوبزمون ستمی ظلمی حِسابه
باعِث اودی باغریم دُولى قان دور آنام اوغلی

اَگلشدی یَزید عزّتیلن تختِ جَفاده
قویدی یارالی باشیوی بیر طَشت طَلاده
جام اَلده شَراب اِیچدی گلوب قارداش عِناده
گوردوم که لَبُون چُوبه نِشان دور آنام اوغلی

سَرمَست اوُلوب اوُل ظالم اِیدوب قلبیمی بر باد
بر ظلم اِیلیوب اَهلِ حَرم اِیلدی فریاد
بیماریوی ئولدورمگه چون اِیستدی جَلاد
بو اَمریده باغریم دُولی قان دور آنام اوغلی

مدّتدی (شهابا) اِیدوسن ناله و زاری
اوُلمور سنه که قسمت او شِشگوشه مَزاری
سنده اوُخی بو بیتی اِیله گوز یاشی جاری
قَبرون نه عَجب عَطر فِشان دور آنام اوغلی

• یکشنبه
• 28
• شهریور
• 1400
• ساعت
• 16:27
• نوشته شده توسط
• یوسف اکبری

اربعینه آزقالیر حالیم پریشاندیر اقا
لاله تک باغریم غم هجرونده القاندیر اقا

اولمادی بو اربعین کرب بلا قسمت بیزه
بو جهان عشاقیوه بیر غملی زندان دیر اقا

بیر گویر چین مثلی قلبیم چرپنیر شام و سحر
چوخلاری من تک بو ایل مجنون و نالان دور آقا

یادیمه دوشدوقجا هر آن کربلانین یوللاری
گوز یاشیم طغیان ائدیر روحیمده طوفان دیر اقا

خوش او شخصین حالینه اقبالینه آمالینه
اربعین بو ایل گینه اول قبره مهماندور اقا

قیل کرامت بو بلادن قورتارا خلق جهان
تربت پاکین نچون هر درده درمان دیر آقا

وار نه حکمت بیلمیرم سالمیش حصاره غم بیزی
قالمیشوق آواره دنیا اهلی ویلان دور اقا

اصغره خاطیر بیزی سالما نظردن یا حسین
غم یاغیر دنیا سراسر غرق بحران دیر آقا

عالم امکان همیشه تحت فرمانینده دور
قیل عنایت سیزلره هر امر آسان دیر آقا

سن بیزیم اربابیمیزسن بیز سنه وابسته یوک
هر یئره گئتساق بیزه بو عشق عنوان دیر اقا

کیم سنه وابسته دی یوخ دور نیازی بیر کسه
کیم قاپوزدا نوکر اولسا خلقه سلطاندیر اقا

جذبه عشقین آلیب داغلی اورکدن طاقتی
جام وصلون اولسا قسمت لطف شایان دیر آقا

عشقویله توسن طبعیم بیله مدهوش اولور
طوطی طبعیم گلوب شوره غزلخوان دیر اقا

• یکشنبه
• 28
• شهریور
• 1400
• ساعت
• 16:40
• نوشته شده توسط
• یوسف اکبری

دئیون قطاری بیر از ساربان دایاندیرسین
منی آپارماسادا باشینه دولاندیرسین

دئیون صبایه دِئسین عشق کاروانلارینا
یولون غبارینه بیرده منی بویاندیرسین

دئیون یر اولماسادا سایه تک سورونم من
بو بینوانی عنایتله دالدالاندیرسین

دئیون او کس لره کی کربلایه زایردی
منیم ده بختیمی بیر های وئریب اویاندیرسین

شرار محنتیله صبر خرمنی الیشیر
قویون بو اود منی باشدان اَیاقه یاندیرسین

فراق دردی منیم روحیمه سالیر طوفان
گوزوم یاشین گئنه ده قانیله بولاندیرسین

قویون یانوم کُول اولوم کربلانین حسرتینه
صبا منیم کُولومی چوللّره جالاندیرسین

مَحال اَمریدی آرامشه چاتا روحیم
مگر منی آقامین باشینه دولاندیرسین

• یکشنبه
• 28
• شهریور
• 1400
• ساعت
• 16:42
• نوشته شده توسط
• یوسف اکبری