اشعار ویژه اربعین

دور یاتما زواریم گلورقارداش ابولفضل
یورقون بالالاریم گلور قارداش ابوالفضل

قرخ گونون عرضینده باجیم گورنه قوجالیب
سوسوزلوقدان بالالاریم سولوب سارالیب
معلوم اولان بیر عده سی یولاردا قالیب
محرم اسراریم گلور قارداش ابوالفضل

چوخلی مصیبته دوزوب کرب و بلاده
کوفه و شامی دولانوبیب پای پیاده
بیر نظر گوزدن قویموب منی جداده
یار وفاداریم گلور قارداش ابوالفضل

واردور باشیندا زینبین چوخ ماجراسی
باجیمون گلمز شماره درد و بلاسی
توخدامیب ئورگینین هله یاراسی
قافله سالاریم گلور قارداش ابوالفضل

دور پیشواز ائت زینب نالانی قارداش
آغوشینه وئر اصغر عطشانی قارداش
جانیم اولا زینبمین قربانی قارداش
یاتما اویان یاریم گلور قارداش ابوالفضل

نهضتی احیا ایلین زینبدی زینب
برپا قیامت ایلین زینبدی زینب
یزیدی رسوا ایلین زینبدی زینب
وفالی دلداریم گلور قارداش ابوالفضل

بو کاروانیله گلور حسینین جانی
دور یاتما استقبال ایله بو کاروانی
وئر زینبین آغوشینه اوخلی قربانی
غم گونی غمخواریم گلور قارداش ابوالفضل

اصغره لای لای دیئری آغلیری زینب
اوغلی ئولن آنالاری داغلیری زینب
قرخ گوندی باشینه قرا باغلیری زینب
یورقون عزاداریم گلور قارداش ابوالفضل

• یکشنبه
• 7
• شهریور
• 1400
• ساعت
• 15:58
• نوشته شده توسط
• یوسف اکبری

مدّ نظرده جلوه گر نور خدادور عمّه جان
یوخسا بو دشت پرخطر کرب و بلادور عمّه جان

عمّه بو کوه طوردور بیله دولوبدی شوریله
یا که بابام مزاریدور اولموش احاطه نوریله
وادی ایمن حسین فرقی بودور او طوریله
محو قویان کلیمی بو نور خدادور عمّه جان

ایلمیشم دلیل ره دلده کی شمع آهی من
قبر حسینه یتماقا تاپماقا شاهراهی من
پاک ایدورم بو مژّه ی چشمیله خاک راهی من
کوی وفای کعبه ی اهل وفادور عمّه جان

کاسه ی چشمی دولدورا جمله گرک گلابیله
سو سپه قبر اکبره تا که بو آب و تابیله
دولدوروب عطر کاکلی نکهت مشک نابیله
دشت بلا نه کشور چین و خطادور عمّه جان

ایله کنار چشمیله لیلی مضطره نظر
مصرع اکبره باخوب گور نجه گوزیاشین توکر
قلبی یانوبدی حقّی وار اولسا سرشکی قان اگر
ذکری اونون بیر عمریدور واوَلدادور عمّه جان

گرچه دیار شامیده عمّه چوخ اولدی زحمتون
شرح ایده بولمرم سنون درد و غم و مصیبتون
باشه یتوب بیر اربعین کامل اولوب ریاضتون
موقع اجر و فیض دور روز جزادور عمّه جان

ماوقع سلف گزر مدّنظرده سربسر
لرزه دوشوب وجودیمه برگ خزان کیمی اسر
بیله گلور خیالیمه شمر بابام باشین کسر
مقتل شاه کربلا جلوه نمادور عمّه جان

بیرجه نولوردی من تاپام قولسوز عموم مزارینی
قبر شریفینون یووام اشکیمیله غبارینی
بول ایشیدور بو گوش جان ایمدیده آه و زارینی
خجلتی وار سکینه دن شغلی نوادور عمّه جان

یاده رباب سالوری حرمله نون جفاسینی
کثرت غصّه ایلیوب بیخود اوغول آناسینی
سود گلوب امجگینه چون آختارور اوز بالاسینی
آغلور اوغول اوغول دیور شغلی نوادور عمّه جان

رسمیدور آغلیوب باتار هر کسون اُلسه بیر کسی
فاطمه نون بو نکته دن غیردی سرّ ناله سی
عمّه گلور قولاقیمه اصغرین آغلاماق سسی
عالم وهم دور مگر بو نه صدادور عمّه جان

حیف بو اربعینه بیر نازلی سکینه گلمدی
گلدی بیر آسمان نجوم ماه مدینه گلمدی
گوهر بحر معرفت دُرّ خزینه گلمدی
اولدی خرابه مدفنی حقّی بکادور عمّه جان

بوردا دگلدی بیزلری سالدیلار ات قباقینه
بوردا دگلدی ناله میز یتدی سپهر طاقینه
ایمدیده عمّه هر کسون خار باتوب ایاقینه
سوزشی وار سیزیلدوری آبله پادور عمّه جان

بوردا دگلدی اودلانوب آتش ظلمیله خیم
بوردا دگلدی غارته گیتدی سرادق حرم
قاچدیلا قورخودان چوله جمله بنات محترم
بو یر همان مکاندی چوخ غصّه فزادور عمّه جان

بوردا دگلدی باجیلار تاپدی یارالی قارداشین
بوردا دگلدی نیزه ده گوردی آنا اوغول باشین
آه چکوب توکردیله بس که بو چولده گوزیاشین
غم گتورن بو گون همان آب و هوادور عمّه جان

(صافی) قصور خدمته گرچه مُقرّدور اوزی
نقد شفاعت آختارور باب کرمده دور گوزی
بسدی بو نوحه دن فقط اولسا قبول بو سوزی
مدّ نظرده جلوه گر نور خدادور عمّه جان

• یکشنبه
• 7
• شهریور
• 1400
• ساعت
• 23:04
• نوشته شده توسط
• یوسف اکبری

دور حسینیم یاخشی ساعتدور بو ساعت زینبه
آچدی وصلون نعمتی باب ِسعادت زینبه

سالمیشام قارداش اله اوز کعبهء آمالیمی
اذن ویرسن شرح قیلّام سرگذشتِ حالیمی
ایلیوب هجران غمی پژمرده تر احواليمی
ایلمز عاشق اولان هرگز ملامت زینبه

سن اوزون آگاهسن ای خسروِ مُلکِ حجاز
زینبون عشقی حقيقتدور نه صورت ، نه مجاز
باجیلار ایچره ویروب الله منه بیر امتیاز
ایلیوبدور سن کیمی قارداش کرامت زینبه

بیر اوزون مدّتدی من نارِ فراقه يانمشام
انتظارِ وصليله هر ظلمی آسان سانمشام
ظاهراً گر چه طنابِ ظلميله باغلانمشام
باطناً عشقون اولوب قیدِ اسارت زینبه

شكر لله اولدی قسمت نعمتِ وصلون منه
شمر یوخ دونموش بلا صحراسی دشتِ ایمنه
دور اگلش دردون بیان ایله باجون قربان سنه
بلکه قارداش ال ويره فیضِ زیارت زینبه

نعشوی یرده قویوب شاماته ایتمشدیم سفر
نچه مدّتدور باجون چوللرده سرگردان گزر
گلمیشم ، دور وير منه قلبونده کی اوخدان خبر
شرح حالون سنده بیر ایله روایت زینبه

سن بولورسن پایهٔ عشقیم نه میزاندور سنه
قتلگاهون ماجراسى الده برهاندور منه
خاطرونده وار حسینیم یالواروردیم دشمنه
عشقینون اثباتنه ایلر کفایت زینبه

التماس ایلردیم ئولدورمه حسین قارداشیمی
چخما عرش ِداوره توکمه یوزه گوز یاشیمی
قارداشمدان اَل گوتور ظالم منیم کس باشیمی
تاپشوروب زهرا حسینی چون امانت زينبه

غيضدن گرچه دوتولموشدی او بی پروا گوزی
سن بولورسن شمردن باک ایلمز زهرا قیزی
ایلیوبدور مفتخر الله شجاعتله بیزی
ارث دور زهرا آنامدان بو شجاعت زینبه

ایستدیم قاتل اليندن قورتارام قارداش سنی
بولمرم اما نجه بیرحمدی شمرِ دنی
نحس ایاقين قوزادی گوردون نجه ویردی منی؟
قويمادی حرمت سنه ایتدی جسارت زینبه

تاپمادیم چاره قیتدیم خیمیه شوريله من
اولمادی سن جان ویرنده گوزلریوی باغلین
شمر ِدون ووردی جدایه باشوی تکبیریلن
نیزه باشندا اوزون ويردون اشارت زینبه

ایتدی برپا قانلی باشون شورِ محشر نیزه ده
دینی تبلیغ ایلدی خلقه مکرّر نیزه ده
خیمه دن گوردوم دیور الله اکبر نیزه ده
رمزيله او حالینی ایلر حکایت زینبه

قانلی باشین ماجراسی صبر سرحدّین یخور
چخموری هرگز یادیمدان قلبیمی دائم سخور
کوفه ده گوردوم وروبلار نیزیه قرآن اوخور
ساخیلوبدی گُل یوزون کولدن علامت زینبه

آغلادیم رحم ایتمیوب خولی قویوب باشون كوله
جوشه گلدی آتشِ عشقیم کسلدی حوصله
منده وردوم باشیمى شوریله چوبِ محمله
آخدى قان ویردی عجب تغییرِ حالت زینبه

بزم شربه بیزلری حاضر ایدوب اهلِ عناد
یخماقا دينون ایوین دین سیزلر ایتدی اتّحاد
مست اولوبدور ناروا سوزلر دئدی ابن زیاد
الده چوب ِخیزران ایتدی اهانت زينبه

دوشدی بو فکره که ئولدورسون منی اول بی حیا
نشر ایدر أهلِ قلم بوندانصورا هم سالها
دشمنی رحمه گتوردی ناله واعمّتا
ایتدیلر بیگانه لر آخر شفاعت زینبه

منده گوستردیم شهامت گردشِ ایّامده
ایلدیم رسوا زیاد اوغلون حضورِ عامده
بیر شجاعتده نشان ویردیم یزیده شامده
اوندا که قصد ایلدی ایتسون سیاست زینبه

سوز بورا منجر اولوب آگاهیدور پروردگار
قتلیمه فرمان ویروب قارداش یزیدِ نابکار
من دایاندیم قورخمادیم عورت اوشاق آغلاشدیلار
سسلدیم اگلش یره ایتمه جسارت زینبه

بو سفردن چوخ مصیبت گوردی دلپاره باجون
کوفه و شامی دولاندی تاپمادی چاره باجون
چکدیلر دِیره گهی گه بزم ِاغیاره باجون
گه دوگوب ، گه ایتدیلر طعن و شماتت زینبه

دلده یارا یوخ دیم دوگدی نجه قوم شرار
ویر اجازه ایلیوم اوز کوینگمی بیر کنار
بیر بدنده گور نقدری یاره لر آثاری وار
تا شهادت ایلسون هر بیر جراحت زينبه

وعده ویرمشدم قبول ایتدیم اوزوم هر زحمتی
نوش قیلدیم صدق اوزیله جام ِدرد و محنتی
باغریمی قان ایلیوب امّا رقیّه صحبتی
نسگل اولدی بو مصیبت بی نهایت زینبه

ویردیلر ویرانه منزلده بیزه یر اشقيا
توپراق اوسته آج یاتاردی صبحه تک نازلی بالا
بیر گیجه گوردوم دوروب سورتور یوزون توپراقلارا
یاتموری ایلور آجندان چوخ شکایت زینبه

حسرتیله آغلادی یاندیردی بیر درده منی
سوزلریندن آنلادیم قارداش ایدوب رؤيا سنی
سس اوجالدی گوگلره رحمه گتوردی دشمنی
يتدی بو اثناده بیر عالی بشارت زینبه

گتدیله قانلی باشین ویرانیه اهل ِجفا
سویلدیم گلدی بابان دور پیشواز ائت آغلاما
آلدى باسدی باغرینا سسلندی هاردیدون بابا؟
ویرمشم سن سیز نه چوخ رنج و ریاضت زینبه

ایتدی بیر ذکر ِمصیبت جمله سینه داغلادوخ
بیر به بیر دردین دئدی سن آغلادون بیز آغلادوخ
آیرلاندا روحی گیتمشدی گوزینی باغلادوخ
اولمادی بیر کیمسه ویرسون سر سلامت زینبه

ای (رجائی) بیر نفر معصومیدن آلدی خبر
حاجتیم وار نیلیوم اولسون دعامه بیر اثر
اقتضا تفصیله یوخدور ، اورگدوبدور مختصر
قیل توسّل عمّهء صاحب جلالت ، زینبه

• یکشنبه
• 7
• شهریور
• 1400
• ساعت
• 23:16
• نوشته شده توسط
• یوسف اکبری

بو همان صحرای خونینِ بلادور عمّه جان
رمزِ اکسیر بقا خاک ِشفادور عمه جان

بو همان طوفان ایدن دریای قان دریاسیدور
کعبه اهلِ ولادور کربلا صحراسیدور
عرشِ جانان فرشیده بو یردی جان مأواسیدور
نیستان ِنالهء قالو بلادور عمه جان

بو همان یردور بابام اوز باش و جانیندن گیچوب
جامهء حق اگنینه ،خیّاط آزادی بیچوب
آلتی آیلوق قارداشیم پیکان دمیندن سو ایچوب
مکتبِ ضد و نقیض لا ، بلی' دور عمه جان

بو همان یردور که آبستن اولموشدی غمه
بو همان یردور یاتوب منجی ، خلیل و آدمه
بو همان یردور یاتوب مرشد ، مسیحِ مریمه
روح و نورِ ذات پاکِ کبریادور عمه جان

بو همان یردور بو یرده کشف اولوبدی سر ِّلَن
بو همان یردور یاتوبدی شهریار ذوالمَنَن
بو همان یردور که خاتم غارت ایتدی اهرمن
آیت ِعظمای سِرّ قُل کفی' دور عمه جان

بو همان یردور سینوبدور چرخ ِحق دندانه سی
بو همان یردور که معلول اولدی غم دیوانه سی
بو همان یردور یاتوبدی شمعِ حق پروانه سی
سرزمینِ ناله و داد و بکادور عمه جان

کربلادی ، انتهای کوره راهِ عشقدور
پایتخت غمفزای پادشاه ِعشقدور
منبع نور خدادی ، جلوه گاه ِعشقدور
قبله گاهِ انبیا و اولیادور عمه جان

بوردا ثابتدور ، ای عمه نقطهء پرگارِ غم
کعبهء اهل ولادور ، کعبه دندی محترم
حجّ عشقه مُحرم اول تِز باغلا احرام حرم
مدفَن کلّ صفات ِکبریادور عمه جان

کربلادور کعبهء حق ، کعبه بیر بتخانه دور
گر چه هر بتخانه باطنده ، خدایه خانه دور
لیک هر بیر خانیه بو شاه ، صاحب خانه دور
چون رگ و قلبینده قان ، خونِ خدادور عمه جان

قلّه ءقافِ محبّتده یاتان عنقایه باخ
اوز گلوندن آیری دوشموش بلبل ِشیدایه باخ
خیرداجا بیر قبرده بیرده قامت سقّایه باخ
معدنِ حُجب و مروّتدور ، وفادور عمه جان

گون ایدوب زینت بو صحراده سهیلی دوشینه
سودامر اوغلون آلوب عمه بابام آغوشینه
ایمدیده لایلای دییور ششماهه طفلین گوشینه
چون شهیدِ عشق قانونی سِوادور عمه جان

وار یری لیلا گوزونده گوندوز اولسون لیلِ شب
زیر پای شهده قارداشیم یاتوبدور وار سبب
حالتِ مرگینده ده ایلور مراعاتِ ادب
عالم معناده قربانِ منادور عمه جان

طور سینادی ، اولوبدی نورِ وحدت منجلی
موسی عمران دوشوب دامانینه بولمز ولی
شمعِ فانوس ِخدادور بو حسین ابن علی
معنی اَلماءُ نوره برملادور عمه جان

گر چه (هادی) خادم ِدرگاه شاهنشاهدور
ایلسین ارشاد مرشد ، ظاهراُ گمراهدور
نور ِشمعی کلبهء قلبینده نور آهیدور
غم ولیکن مونسِ اهل ولادور عمه جان

• یکشنبه
• 7
• شهریور
• 1400
• ساعت
• 23:22
• نوشته شده توسط
• یوسف اکبری

اولدی حسینه منزل او گونکه بلا یری
قالمادی یر یوزونده داخی بیر صفا یری

جشن و سُرور اولوندی ولا اهلنه حرام
دولدی غم و ملالیلن اهلِ ولا يرى

بیجا دولانما ير يوزون ای دل خوش اولماقا
يوخ ير یوزنده عشرت اوچون بیر بنا یری

نه قالدی گل صفاسی و نه ذوق ِعندلیب
غم چولقادی تمام خوش آب و هوا یری

فصلِ بهار اولیدی نه ای کاش آچیدی گُل
نه گل گیاهیلن دوشَنِیدی قرا یری

نه گلستان اولیدی نه گلشن نه جور ِخار
نه عندلیبه گلشن اولیدی نوا یری

گورسن آچوبدی قرمزی گل باخما یوم گوزون
قاره گیوبدی فاطمه واردور حیا یری

گُل ایستسن اورک گوزون آچ کربلایه باخ
بیر طرفه گلستانه دونوب کربلا یری

نه کربلا ، که خرمنِ گلدور معاینه
گلگون اولوبدی قانیله ، یوخ بیرجه پا یری

تازه گلین قولاقی اولوب پاره بولمورم
قاندور داموبدی گل گل اولوبدی بلا یری

یا اللرین خضاب ایلمیشدی حنائیلن
داماد الين يوووب بویویوبدی حنا يرى

قیل کربلا دیارینه یا فاطمه نظر
گور بیر اولوب او چول نجه بیر ماجرا یری

باش سیز جنازه لر توکولوب قوملا اوستنه
قربانیلن دولوب دیه سن بس معنا يرى

گور سينَنَ اوسته یاتماقا ناز ایلین بدن
مأوا ایدوبدی بی کفن و بی روا یری

سِیر سعادت ایله یرین گور شرافتين
اشرفدی عرشیدن دیولّه ، يوخ خطا یری

پیغمبر اوغلینون جسدين باسدي باغرينا
البتّه آرزو ايدوب اولدم سما یری

الله قانیدی قانی حسینون ، آخوب یره
اکسیرِ اعظم ایتدی او خون ِخدا ، یری

واردور اورکده دردون اگر کربلایه گیت
يوخ ير يوزنده بیر ایله درده دوا يرى

چون تربتِ حسینده قویموش شفانی حق
حق بین گورر حقیقت او یردور شفا يرى

بیمارِ کربلا قيدن وقته شامیدن
قصد ایلدی بو فکریله اول پربها يرى

باشلا او يرده ایلیه بیر چاره دردینه
تاپدی طیب ِحاذق اوچون التجا یری

سالدی اوزون او مرقد ِششگوشه اوستنه
اولدی بالایه زینت ِآغوش ، آتا یری

گویا بو دللريله بیان ایتدی حالینی
بیمار خسته ام ایده سن وار عطا یری

مجروح اولوبدی ساقلریم بسکه ایپ کسوب
بوینومدا واردی ایمدیده طوقِ جفا یری

دور قوى اليوی ياره مه بلکه شفا تاپا
چوخ انجيدور منی باباجان بو یارا یری

قان ایلیوبدی باغریمی شامین مصیبتی
بر باد اولیدی کاش او مصیبت فزا یری

بیر بیحیالیق ایلدی شامون جماعتی
واضح گتورمرم دله یوخدور ادا یری

اما بیزی گورنده هامی کف چالوردولار
دوتموشدی چرخی غلغله هم بو صدا یری

هر ستمتيدن گلوردی صدا خارجی گلور
آل ِعبايه هیچ یوخودی بیر رَجا يرى

عورت اوشاق کیشی هامی آچمشدی ظلمه ال
جور و جفاده قویمادیلار انتها یری

دولدوردولار اتکلرینی بعضی داشیلن
هر گونه ظلمه گورودوله بیزه روا یری

آل عبانی شامده بیر گون غروبه تک
گزدیردیلر بو نحويله هر ناسزا یری

ایلردی بیر منادی ندا رهگذارده
ای فرقهء یهود يتوب مدّعا یری

آلِ علی گلوبدی گَلون انتقام آلون
هر گونه انتقام آلاسوز یوخدی لا یری

پیغمبر اهل بیتی یهودی محلّه سی
قان آغليا بو نکتيه وار مرتضا يرى

شام اولدی ، اهل شام يتوب استراحته
اولدی خرابه گوشه سى آل عبا یری

نه چکمشوخ خرابده عرض ايتمرم بابا
گوردون کسیک باشیله او ویرانسرا يرى

ویردی رقیّه آج و سوسوز جان خرابه ده
اولدی خرابه گوشه سی اول مبتلا یری

قالدى جنازه سی قوری یر اوسته بیکفن
ایتدی گوزومده جلوه بابا کربلا یری

سالدی سنی خياليمه یاندیردی قلبمی
معناده گتدی درده بو غم برملا ، یری

چوخ مشگل اولدی شامیده دشمن شمادتی
هیچ یرده گورمدوخ ايله بيحد جفا یری

بر باد اولیدی قصری یزیدِ ستمگرین
اول گونکه اولدی آلِ شهِ اولیا یری

قولار طنابه باغلی بویونلاردا سلسله
باخسان قالور طنابلرین جابجا یری

پیغمبر عترتین ایله گورجک یزید ِدون
گورموردی وَجددن او لعین دغا یری

باشون گوروب قباقدا آچوب دل شمادته
گوردی قصاصِ بدره عجب اقتضا یری

آلدی او بيحيا اله بیر چوبِ خیزران
وار لبلرونده باخمادی تیرِ بلا يرى

گیتمز جزا گونونده بو زحمتلرون هدر
واردور (شهاب) هر عمله بیر جزا یری

یاز نوحه آغلا نوحه نی زهرا خانم سوور
علت بودی که خوشدور اونا هر عزایری

• یکشنبه
• 7
• شهریور
• 1400
• ساعت
• 23:25
• نوشته شده توسط
• یوسف اکبری

مرحومین اساتید : ذهنی زاده و یا عاصی که به قلم جناب آقای حسنی تکمیل گردیده است

بو سفرده عشقون اولدی زینبه زمینه قارداش
گَتدی ساحل ِنجاته بیر سینیق سفینه قارداش

هر مسافرون سفردن خاطراتی یارِ خاطر
خوش گونی سُرور ِقلبی غم گونونده بارِ خاطر
واردی بو سفرده بسکه منده چوخ غبارِ خاطر
آز قالور که سالسون آتش بو دلِ حزینه قارداش

هانسی بیر دله سالور اود گور شرار ِدرد و محنت
بیر دیلی که قویدون اوندا دست ِرأفت و عطوفت
کاش مصلحت بولیدون قویمییدون ال او ساعت
غصّه مرگ اولوب گیدیدی قبره بو کمینه قارداش

اختیار اولیدی منده ، یار اولیدی گر مشیّت
آرزومیدی اولیدیم قبروین یرینده تربت
توپراقیم اولیدی قبرون ای خلاصه محبّت
باغرینا باسیدی جان تک پیکرون بو سینه قارداش

دست بسته گیتموشم من هر دیاره هر مکانه
فاش قیلموشام برادر سرّ نهضتون جهانه
خاطریمده خاطراتیم چوخ چنین گَله بیانه
بسکه یوز ویروبدی غملر زینبِ غمینه قارداش

توپراقیم اگر اولیدی خاکِ مدفنون برادر
هارا بی کفن گیدردی قبره بو یارالی پیکر
مُهری بالشون اولاردی روحی بیر لطیف بستذر
زلفیمی کفن ایدردیم جسمِ نازنینه قارداش

تیره بختیدیم بو بختیم اولدوزی کیمی باتیدیم
بخته باخ که قویمادی بیر آرزومه من چاتیدیم
اولمادیم حصیر اقلا" سنله قبریده باتیدیم
قبریدنده بیر دوریدوخ روزِ واپسینه قارداش

ممکن اولمادی نولوردی یوزده گوز یاشون اولیدیم
غم گونی یوزه آخاندا غصّه یولداشون اولیدیم
چوخ قاباق ئولیدیم ایکاش ایندی باش داشون اولیدیم
باش داشی بولیدی عالم زینبی حسینه قارداش

ایسترم اجل گلوب تیز درک ایده بو جسمِ زاری
خوشدی قبریوین یانیندا زینبین اولا مزاری
ایستمور دوباره دوشسون شهر ِیثربه گذاری
گورمیه بیلی بوکولموش مردمِ مدینه قارداش

عشقوون تِلی بو مرغِ روحیمه کمند اولوبدی
گیتمز آیری بیر مکانه دامِ یاره بند اولوبدی
مجمر ِغمونده یانماق ایستیری ، سپند اولوبدی
یاندیروب خیامویله گر چه قومِ کینه قارداش

قبریوین طوافی حکم ِعشقیله اولوب فریضم
محضرِ مَلیکِ عشقه واردی ویرماقا عریضم
ویر شفامی تربتوندن گورموسن نجه مریضم؟
یاندی جسم و روح ِزینب عشقون آتشینه قارداش

چشمِ آشنای عشقه ، سنله قول بویون گورونّم
محرم مصیبت اولام ، غم لباسینه بورونّم
قتلگاه او گون او ساعت یادیمه دوشر سورونّم
سن کیمی یارا گوتورّم ، عارضه جبینه قارداش

قویسالار مجاور اوللام قبریوین یانیندا قالّام
یاره لی قوشام سیخیلّام سایه سینده دالدالانّام
سو سپر گوزوم ، سو ویرّم ، زلفوله غبارین آلّام
سجده ایلرم همیشه قبریوین یرینه قارداش

ماجراسی قتلگاهین گوز ایوینده تازه لندی
باشیمه دوباره گَردِ محنت و اَلم الندی
بو همان منای عشقه باشدا اللری گلندی
اوندا نعشون اوسته ، ایمدی گلدی اربعینه قارداش

جامِ وصلِ یار ایچنلر مست اولوب گیدوبله هوشه
هر مریدِ هوشیارون اخذ ایدوبدی حشره توشه
ایلیوبدی اکبر اوغلون بو مزاری آلتی گوشه
اولدی فرشیده بو قبرون،عرش ایچون قرینه قارداش

نطقه گل محبّتیله ، یاره یاره دن خبر ویر
دردمندِ عشقه قارداش ، راهِ چاره دن خبر ویر
بو ملر قالان ربابه ، شیر خواره دن خبر ویر
عمری قورتولونجه حسرت قالدی هم نشینه قارداش

جوشدی داشدی سیلِ اشگیم یوزده بیر آخان سیل اولدی
رشتهء امید زینبِ پاره پاره تل تل اولدی
سن کیمی رقیّم ئولدی توپراق اوسته نسگیل اولدی
شامیده قالوب رقیّم ، تک گلوب سکینه قارداش

بادهء وصال ایچنلر مستِ عشق یار اولوبلار
باشیدن گیچوب فدای راهِ کردگار اولوبلار
آبروی آفرینش ، دینه افتخار اولوبلار
فخر ایدر بولار یاتان یر جنّتِ برینه قارداش

نهضتیکه ایتدون آغاز زینبیله تاپدی پایان
سن شهید ِحکم ِقرآن ، من اسیرِ راه ِایمان
بو اسارت و شهادت عالمه ایدوبدی اعلان
بیر حیاتِ جاودانی عاید اولدی دینه قارداش

گللرین سارالدی سولدی ، بلبلون چمنسیز اولدی
هی وطن سراغی دوتدی عاقبت کفنسیز اولدی
سینن اوسته کی یاتان قیز شامده کفنسیز اولدی
دفن اولوب خرابه یرده بیر جهان دفینه قارداش

بو سوزی یازاندا (ذهنی) روزِ واپسینه یتدی
رحمتِ خدایه واصل ، جنّتِ برینه یتدی
قالدی سوزلر (عسگریده) بیر گون حسنییه یتدی
یاز بقیّه سین بویوردی خوشدی چون زمینه قارداش

گرچه وار ایکی عقیده باشلانیش بو شعرلرده
(ذهنی) فتح ایدوب بو بابی (عاصینی) دیولّه بیرده
هر بیری یازا مسلّم عالی نظم ایدوب بو یرده
رحمت و نوالِ ایزد روح هر بیرینه قارداش.

چهار مصرع آخر شعر از : جناب آقای احد کامران ور

• یکشنبه
• 7
• شهریور
• 1400
• ساعت
• 23:34
• نوشته شده توسط
• یوسف اکبری

سایۀ ولا باشیمندان ظلمیله کم اولدی قارداش
اشکِ نابیله عذاریم هر زمان نم اولدی قارداش

رمزِ عشقه پی آپاردیم سندن آیریلان زمانی
عاشقانه هفت شهرِ عشقی گزدیم آرمانی
یثربه طلب دئدیم من، کربلایه شهرِ فانی
سِیر زینب اربعینله ختم توأم اولدی قارداش

مرغِ بال بسته مثلی من اسیرِ دامِ تنگم
خستیَم، گمان ایدوللر راهِ غمده پای لنگم
نالهء فراقون اوسته چون نِی و رَباب و چنگم
زیرِ شوکتیم دریغا ظلمیله بَم اولدی قارداش

باشدا پوستینیم اولموش قانیله خضاب اولان مو
مَنتشأده دوشیم اوسته ردّ قمچی لردی سوسو
خانقاهِ پیره چاتدیم آهیله دیلیمده یاهو
دم بو دمدی، طوفِ قبرون فیضِ اعظم اولدی قارداش

زخمهء بلا چکیلدی سازِ فکریمه پیاپی
شورِ عشقه بیر در آمد ویردی چهارگاهِ هِی هی
پرده پرده نینوانی دوتدی بانگِ نالهء نی
نغمهء مخالفیله، شیون اقدم اولدی قارداش

عشقیمه قالوبلا حیران، عُلویانِ خلدِ اعلا
سعی ایدوللر ایلسونلّه عاشقانه درکِ معنا
چوخ چتیندی پی آپارسون بیله رمزه اِنس و حورا
فهمِ عامه رازِ جانان جمله مبهم اولدی قارداش

دور اوتور منه خبر ور قلبیوین جراحتی ندن
منده عرض ایدوم بو مدّت شامیان شمادتی ندن
نفخِ صورِ اشقیادن، زینبون قیامتی ندن
آلِ عصمتین جلالی سخت بر هم اولدی قارداش

نیمروزِ پُر بلاده قلبیمه قالاندی غم لر
آلِ حقّه نا حقّ امّت گوردولر روا ستم لر
من گلنده قتلگاهه داده گلدیلر حرم لر
مقتله چاتونجا قدّیم جَبریله خم اولدی قارداش

وصلون آرزو ایدردیم، مرقدیوه بیر چاتیدیم
کاش منده سن تک اوّل گون قانه توأمان باتیدیم
اولمادیم حصیر اقلاً سنله قبریده یاتیدیم
التزامِ حسرتیله قسمتیم غم اولدی قارداش

اولموشام بیر اربعین دور هم نوای مرغِ یاحقّ
مرغزارِ جاندا سالدیم باشیمه خِمارِ زنبق
نیمه شب لری چکردیم نقشهء وصالِ مطلق
چَه چَهِ صداقتیله عالم، عالم اولدی قارداش

شمع تک یانیب قوتول دوم اهل دل محافیلینده
یاندی آتش یمده چوخلار ماهِ شب مقابلینده
من وفای عهدی گوردوم، دشمنون سلاسل ینده
گر چه قولّاری مدا حلقه حلقه محکم اولدی قارداش

آینه مثالی باشون نیزه ده عیان اولاندا
طوطی دیلیم دیل آچدی، فرصتِ بیان اولاندا
زینبی نشان ویریردی داشلارا نشان اولاندا
سیندی آینه منی مده نطقیم اَبکَم اولدی قارداش

کوچ ایدنده کربلادن قتلگه ده جانه دویدوم
تیرِ آهیله دمادم قلبِ کائناتی اویدوم
نعشوین یانیندا خسته روحیمی خلاصه قویدوم
قالبیم گدیردی شامه دردِ مُعظم اولدی قارداش

کوفه بحرینه چاتاندا کشتیّ شکستهء عشق
موج لر گوروب او لحظه نوحِ دست بستهء عشق
ساحلی سراغ ایدردی ناخدای خستهء عشق
بادبانِ جانه، بادِ فتنه همدم اولدی قارداش

محویدیم ستاره مثلی ماهِ شبده غملی سِیره
راز پرده سی چکیلدی بیله سِیره چشمِ غیره
دستِ روزگار آپاردی ماهِ هاله داری دِیره
حالیمه یانان او غمده پورِ مریم اولدی قارداش

کاروانِ درد و مُحنت الغرض یتیشدی شامه
مرد و زن تمام چیخدی اشتیاق اوزیله بامه
صبحِ پُر فروغ دوندی زینبون گوزینده شامه
روزِ قتل بو حزینه چون مُجسّم اولدی قارداش

قاسمین باشین گورنده ناگه اَرزَقین عیالی
انتقام نیّتیله سنگسار اولوب خیالی
نوعروسین اُول دقیقه دوندی شیوهء مقالی
روحی تندن اِحترازه بس مُصمّم اولدی قارداش

شام مُحنتین نقدری شرح ایدم تمامه یتمز
اصلِ غم بو آز زماندا دردِ دلده کامه یتمز
هیچ جفا و ظلم قارداش انزجارِ شامه یتمز
بیزلره دمشقِ ویران کوی مُظلم اولدی قارداش

کاروانِ بی دَراده قلبیدن یارالی چوخدی
قامتی کمان حریمون قلبینه فراقون اوخدی
گَلدی شامه یول سالانلار، حیف اولا رقیّه یوخدی
گلشنِ محبّتوندن بیر گُلون کم اولدی قارداش

لحظه لحظهء وفادور، گاه، گاهِ عهد و پیمان
نائلِ وصالِ یارم، باشه چاتدی دورِ هجران
یادیمه دوشور بو چولده قانلی بَحر سَهمِ طوفان
بوردا غرق اولان دِمایه سِبطِ خاتم اولدی قارداش

(شمش شابی) چرخِ گردون جَبریله سالوب فشاره
بیر کسه سوزون آچانمّیر، یوخ امیدی غیر و یاره
دورت الین اَخا اَمان دور قویما دوشسون انزجاره
هر نه اولسا گلشنونده بلبلِ غم اولدی قارداش

چوخلاری گمان ایدولّر صوفی دی، غزل سرادی
لیک باطناً ولای مرتضایه مُبتلادی
خلوتی نده هر دقیقه شورِ یومِ دین به پادی
فصلِ شعر شاهِ دینه بَس مُقرّم اولدی قارداش

• شنبه
• 13
• شهریور
• 1400
• ساعت
• 11:52
• نوشته شده توسط
• یوسف اکبری

ششگوشه مزار پاکون اوسته بیر قامت خم گتوردی زینب
بیر دسته اورک یارالی آهوی حرم گتوردی زینب

جناتدن ای مزاری گویچک کیم قبریوه تحفه گتدی من تک
بیر سینه سی دورت مین اوخلی کوینک عنوان اَلم گتوردی زینب

گوز یاشی توکه توکه عُذاره ششگوشه لی بو گوزل مزاره
بیر اوخلی سو مشگی بندی پاره بیر قانلی علم گتوردی زینب

شاماتدن ای آنام نشانی آغلاتماقا جمله ماسوانی
عمّامه شبه مصطفانی سرمایه غم گتوردی زینب

ای جسم شریفی ریزه ریزه چوخ غم یتیشوب بو اشگریزه
بو توزلی مزاره مشگبیزه غم نچه رقم گتوردی زینب

شاماته گیدنده دشمنیله ایگرمی ایکی قز گیدوب منیله
امّا قِیدَنده شیونیله اون بیر بالا کم گتوردی زینب

ای باب کرامت یگانه امید کرمله یانه یانه
بیر جمع کریم دن نشانه ارباب کرم گتوردی زینب

بیر چرخ ستاره ماهپاره ماتم زده جمله بخت قاره
شوریله بو مشگبو مزاره زوّار و خَدم گتوردی زینب

دردی یته عرض شهریاره بیر نامَدَه ایلیه اشاره
یازماقلوقا صفحهء عُذاره مژگانی قلم گتوردی زینب

جان وار باجوون بو صحبتن ده اود یاغ دوران اشگ حسرتنده
کِتفن ده قولوندا صورتن ده آثار ستم گتوردی زینب

بو رشگ بهشت قبرون اوسته بیر جمع پریش و دلشکسته
جای گل لاله دسته دسته گلبرگ ارم گتوردی زینب

داد ابن زیاد عداوتندن بزمینده ایدن شقّاوتندن
شهزاده گدا شمادتندن قلبینده درم گتوردی زینب

قارداش باجوی جماعت شام آغلاتدولا هر سحر هر آخشام
شاهد سوزومه ایکی دولی جام اشگیله چو یَم گتوردی زینب

(نجمی) ایله شکر بی نهایت تاپدون نه عجب گوزل سعادت
ایدوقجه بو نوحه نی کتابت هر کلمه ده دم گتوردی زینب

• یکشنبه
• 28
• شهریور
• 1400
• ساعت
• 15:43
• نوشته شده توسط
• یوسف اکبری

اولدی حسینه مَنزل او گُونکه بَلا یری
قالمادی یر یوزونده داخی بیر صَفا یری

جشن و سُرور اولوندی وِلا اَهلنه حَرام
دولدی غم و ملالیلن اَهلِ وِلا يرى

بیجا دولانما ير يوزون اِی دِل خوش اولماقا
يوخ ير یوزنده عشرت اوچون بیر بنا یری

نه قالدی گُل صَفاسی و نه ذُوقِ عندلیب
غم چولقادی تمام خوش آب و هَوا یری

فصلِ بهار اولیدی نه ای کاش آچیدی گُل
نه گُل گیاهیلن دوشَنِیدی قَرا یری

نه گلستان اولیدی نه گلشن نه جورِ خار
نه عندلی به گلشن اوُلیدی نَوا یری

گورسن آچوبدی قرمزی گل باخما یوم گوزون
قاره گیوبدی فاطمه وار دور حَیا یری

گُل ایستسن اورک گوزون آچ کربلایه باخ
بیر طُرفه گُلستانه دوُنوب کربلا یری

نه کربلا، که خرمنِ گل دور معاینه
گلگون اولوبدی قانیله، یوخ بیرجه پا یری

تازه گلین قولاقی اولوب پاره بولمورم
قاندور داموبدی گل گل اولوبدی بَلا یری

یا اللّرین خَضاب ایلمیشدی حنائیلن
داماد اَلين يوووب بویویوبدی حَنا يرى

قیل کربلا دیارینه یا فاطمه نظر
گُور بیر اولوب او چول نجه بیر ماجرا یری

باش سیز جنازه لر توکولوب قوملا اوستنه
قربانیلن دولوب دیه سن بس مِعنا يرى

گُور سينّن اوُسته یاتماقا ناز ایلین بدن
مأوا ایدوبدی بی کفن و بی رَوا یری

سِیر سعادت ایله یرین گور شرافتين
اَشرفدی عَرشیدن دیولّه، يوخ خطا یری

پیغمبر اوغلینون جسدين باسدی باغرينا
اَلبتّه آرزو ايدوب اوُلدَم سَما یری

الله قانیدی قانی حسینون، آخوب یره
اِکسیرِ اعظم ایتدی او خونِ خدا، یری

وار دور اورکده دردون اگر کربلایه گیت
يوخ ير يوزنده بیر ایله درده دوا يرى

چون تربتِ حسینده قویموش شَفانی حقّ
حقّ بین گورر حقیقت او یر دور شفا يرى

بیمارِ کربلا قيدن وقته شامیدن
قصد ایلدی بو فکریله اوُل پُر بها يرى

باشلا او يرده ایلیه بیر چاره دردینه
تاپدی طیبِ حاذق اوچون اِلتجا یری

سالدی اوزون او مَرقدِ ششگوشه اوُستنه
اولدی بالایه زینتِ آغوش، آتا یری

گویا بو دللّريله بیان ایتدی حالینی
بیمار خسته ام ایده سن وار عَطا یری

مَجروح اوُلوبدی ساقلریم بسکه اِیپ کسوب
بوینومدا واردی ایمدیده طوقِ جَفا یری

دور قوى اليوی ياره مه بلکه شفا تاپا
چوخ انجيدور منی باباجان بو یارا یری

قان ایلیوبدی باغریمی شامین مُصیبتی
بر باد اوُلیدی کاش او مُصیبت فَزا یری

بیر بی حیالیق ایلدی شامون جماعتی
واضح گتورمرم دله یوخدور اَدا یری

اما بیزی گورنده هامی کف چالوردولار
دوتموشدی چرخی غلغله هم بو صدا یری

هر ستمتيدن گلوردی صدا خارجی گلور
آلِ عَبايه هیچ یوخودی بیر رَجا يرى

عورت اوشاق کیشی هامی آچمشدی ظلمه اَل
جور و جفاده قویمادیلار اِنتها یری

دولدوردولار اَتکلرینی بعضی داشیلن
هر گونه ظلمه گورودوله بیزه روا یری

آلِ عبانی شامده بیر گون غروبه تک
گزدیردیلر بو نَحويله هر ناسزا یری

ایلردی بیر مُنادی نِدا رهگذارده
ای فرقهء یهود يتوب مُدّعا یری

آلِ علی گلوبدی گَلون اِنتقام آلون
هر گونه اِنتقام آلاسوز یوخدی لا یری

پیغمبر اَهل بیتی یهودی محلّه سی
قان آغليا بو نکتيه وار مُرتضا يرى

شام اولدی، اهل شام يتوب استراحته
اولدی خرابه گوشه سى آلِ عَبا یری

نه چَکمشوخ خرابده عرض ايتمرم بابا
گوردون کسیک باشیله او ویرانسرا يرى

ویردی رقیّه آج و سوسوز جان خرابه ده
اولدی خرابه گوشه سی اوُل مُبتلا یری

قالدى جنازه سی قوری یر اوُسته بیکفن
ایتدی گوزومده جلوه بابا کربلا یری

سالدی سنی خياليمه یاندیردی قلبمی
معناده گتدی درده بو غم برملا، یری

چوخ مشگل اولدی شامیده دشمن شَمادتی
هیچ یرده گورمدوخ ايله بيحد جفا یری

بر باد اولیدی قصری یزیدِ ستمگرین
اول گونکه اولدی آلِ شهِ اوُلیا یری

قولار طنابه باغلی بویونلاردا سلسله
باخسان قالور طنابلرین جابجا یری

پیغمبر عترتین ایله گورجک یزیدِ دون
گورموردی وَجددن او لعینِ دَغا یری

باشون گوروب قباقدا آچوب دل شَمادته
گوردی قصاصِ بدره عجب اِقتضا یری

آلدی او بيحيا اله بیر چوبِ خیزران
وار لبلرونده باخمادی تیرِ بلا يرى

گیتمز جزا گونونده بو زحمتلرون هدر
وار دور (شهاب) هر عمله بیر جزا یری

یاز نوحه آغلا، نوحه نی زَهرا خانم سوور
علّت بودی که خوشدور اونا هر عزا یری

• یکشنبه
• 28
• شهریور
• 1400
• ساعت
• 15:44
• نوشته شده توسط
• یوسف اکبری

سایۀ ولا باشیمندان ظلمیله کم اولدی قارداش
اشکِ نابیله عذاریم هر زمان نم اولدی قارداش

رمزِ عشقه پی آپاردیم سندن آیریلان زمانی
عاشقانه هفت شهرِ عشقی گزدیم آرمانی
یثربه طلب دئدیم من ، کربلایه شهرِ فانی
سِیر زینب اربعینله ختم توأم اولدی قارداش

مرغ ِبال بسته مثلی من اسیرِ دامِ تنگم
خستیَم ، گمان ایدوللر راهِ غمده پای لنگم
ناله ی فراقون اوسته چون نِی و رَباب و چنگم
زیر ِشوکتیم دریغا ظلمیله بَم اولدی قارداش

باشدا پوستینیم اولموش قانیله خضاب اولان مو
مَنتشأده دوشیم اوسته ردّ قمچیلردی سوسو
خانقاهِ پیره چاتدیم آهیله دیلیمده یاهو
دم بو دمدی ، طوفِ قبرون فیضِ اعظم اولدی قارداش

زخمهء بلا چکیلدی ساز ِفکریمه پیاپی
شورِ عشقه بیر درآمد ویردی چهارگاهِ هِی هی
پرده پرده نینوانی دوتدی بانگِ ناله ی نی
نغمهء مخالفیله ، شیون اقدم اولدی قارداش

عشقیمه قالوبلا حیران ، عُلویانِ خلدِ اعلا
سعی ایدوللر ایلسونلّه عاشقانه درکِ معنا
چوخ چتیندی پی آپارسون بیله رمزه اِنس و حورا
فهمِ عامه راز ِجانان جمله مبهم اولدی قارداش

دور اوتور منه خبر ور قلبیوین جراحتیندن
منده عرض ایدوم بو مدّت شامیان شمادتیندن
نفخ ِصورِ اشقیادن ، زینبون قیامتیندن
آل ِعصمتین جلالی سخت برهم اولدی قارداش

نیمروزِ پُر بلاده قلبیمه قالاندی غم لر
آلِ حقّه ناحق امّت گوردولر روا ستم لر
من گلنده قتلگاهه داده گلدیلر حرم لر
مقتله چاتونجا قدّیم جَبریله خم اولدی قارداش

وصلون آرزو ایدردیم ، مرقدیوه بیر چاتیدیم
کاش منده سن تک اول گون قانه توأمان باتیدیم
(اولمادیم حصیر اقلاً سنله قبریده یاتیدیم)
التزام ِحسرتیله قسمتیم غم اولدی قارداش

اولموشام بیر اربعیندور هم نوای مرغِ یاحق
مرغزارِ جاندا سالدیم باشیمه خِمارِ زنبق
نیمه شب لری چکردیم نقشه ی وصالِ مطلق
چَه چَه ِصداقتیله عالم ، عالم اولدی قارداش

شمع تک یانیب قوتولدوم اهل دل محافیلینده
یاندی آتشیمده چوخلار ماهِ شب مقابلینده
من وفای عهدی گوردوم ، دشمنون سلاسلینده
گرچه قولّاریمدا حلقه حلقه محکم اولدی قارداش

آینه مثالی باشون نیزه ده عیان اولاندا
طوطی دیلیم دیل آچدی ، فرصتِ بیان اولاندا
زینبی نشان ویریردی داشلارا نشان اولاندا
سیندی آینه منیمده نطقیم اَبکَم اولدی قارداش

کوچ ایدنده کربلادن قتلگهده جانه دویدوم
تیر ِآهیله دمادم قلب ِکائناتی اویدوم
نعشوین یانیندا خسته روحیمی خلاصه قویدوم
قالبیم گدیردی شامه دردِ مُعظم اولدی قارداش

کوفه بحرینه چاتاندا کشتیّ شکستهء عشق
موج لر گوروب او لحظه نوحِ دست بسته ی عشق
ساحلی سراغ ایدردی ناخدای خستهء عشق
بادبانِ جانه ، بادِ فتنه همدم اولدی قارداش

محویدیم ستاره مثلی ماه ِشبده غملی سِیره
راز پرده سی چکیلدی بیله سِیره چشمِ غیره
دست ِروزگار آپاردی ماهِ هاله داری دِیره
حالیمه یانان او غمده پور ِمریم اولدی قارداش

کاروانِ درد و محنت الغرض یتیشدی شامه
مرد و زن تمام چیخدی اشتیاق اوزیله بامه
صبحِ پُر فروغ دوندی زینبون گوزینده شامه
روزِ قتل بو حزینه چون مجسّم اولدی قارداش

قاسمین باشین گورنده ناگه اَرزَقین عیالی
انتقام نیّتیله سنگسار اولوب خیالی
نوعروسین اول دقیقه دوندی شیوهء مقالی
روحی تندن احترازه بس مُصمّم اولدی قارداش

شام محنتین نقدری شرح ایدم تمامه یتمز
اصلِ غم بو آز زماندا دردِ دلده کامه یتمز
هیچ جفا و ظلم قارداش انزجارِ شامه یتمز
بیزلره دمشقِ ویران کوی مُظلم اولدی قارداش

کاروانِ بی دَراده قلبیدن یارالی چوخدی
قامتی کمان حریمون قلبینه فراقون اوخدی
گَلدی شامه یول سالانلار ، حیف اولا رقیّه یوخدی
گلشنِ محبّتوندن بیر گُلون کم اولدی قارداش

لحظه لحظهء وفادور ، گاه ، گاهِ عهد و پیمان
نائلِ وصالِ یارم ، باشه چاتدی دورِ هجران
یادیمه دوشور بو چولده قانلی بحر سهمِ طوفان
بوردا غرق اولان دِمایه سِبطِ خاتم اولدی قارداش

(شمس شابی) چرخِ گردون جبریله سالوب فشاره
بیر کسه سوزون آچانمّیر ، یوخ امیدی غیر و یاره
دورت الین اخا اماندور قویما دوشسون انزجاره
هر نه اولسا گلشنونده بلبلِ غم اولدی قارداش

چوخلاری گمان ایدولّر صوفی دی ، غزل سرادی
لیک باطناً ولای مرتضایه مبتلادی
خلوتینده هر دقیقه شورِ یومِ دین به پادی
فصلِ شعری شاهِ دینه بس مقوم اولدی قارداش

• یکشنبه
• 28
• شهریور
• 1400
• ساعت
• 15:52
• نوشته شده توسط
• یوسف اکبری

تیر غم قارداش حسین جاندان گِیچور دور زینبون
قبرون اوسته قزلارون ساندان گِیچور دور زینبون

سینوی اوخلار بو چولده دوندرن گون گُلشنه
قیزلارون تاپشوردون اوز آخر وداعونده منه
منده چوللّردن یغوب گتدیم بو توزلی مِدفنه
گورنه بلبل لر گُلستاندان گِیچور دور زینبون

گر چه بو مدّتده غمدن زینبون دینجَل مدی
باغرینی هیچ تیر غم اَما بو غم تک دَلمدی
گلدیلر یکسر گیدنلر بیر رقیّه گلمدی
خجلتندن گوز یاشین قاندان گِیچور دور زینبون

یادیمه دوشدوق جا شامین گُوشهء ویرانه سی
آز قالور قارداش اوُلام اَندوه و غم دیوانه سی
لاله تک لبریز اولور قاندان گوگل پیمانه سی
دُرِّ اَشگین رنگ مَرجاندان گِیچور دور زینبون

شام ده اِی ناخدای کشتیِ دین مُبین
زورقِ عمرِ رقیّه اولدی غم دن گِل نشین
وِیردی جان ویرانه کُنجنده او طفل نازنین
گوز یاشین وار حقی طوفاندان گِیچور دور زینبون

نُوش اِیدن گون سن شَهادت جامی بیز اوُل دوخ اَسیر
اَهل بیتون سوی دولار بیر نَحویله قُوم شَریّر
ایمدیده برگِ خَزان تک قورخودان قیزلار اَسیر
برق آهین جسمِ لرزندان گِیچور دور زینبون

بو سَفرده سندن آیرلدیم بردار بیر گیجه
بُلمدی بیرکس اوزون بُلدون صَباح اِیتدیم نجه
آیریلیق تیز یِتدی باشه قالمادی وَصلون گِیجه
صبح وَصلون شام هجراندان گِیچور دور زینبون

کوفیّه وارد اوُلان ساعت خَواتین حِجاز
باجوی قارداش یارالی باشون اِیتدی پیشواز
کُوفده هر ظلم اِیدوبلر کُوفیانِ حیله ساز
تک به تک فکر پریشاندان گِیچور دور زینبون

قانلو باشون نیزه باشندا باتوب گوردوم کُوله
غصه دَن بی خانمان زینب یاخون اوُلدی اُلَه
بر مسلمان اوُلمادی بو مطلبین سرّین بُله
وار نه عِلت ناله کِیواندن گِیچور دور زینبون

باغریمی شامین جَفاسی لاله تک قان اِیلدی
ظلمده گوردون یَهودیلَر نه طُغیان اِیلدی
هم باشون هم اَهل بِیتون سَنگ باران اِیلدی
باخمادی گوز یاشی باراندان گِیچور دور زینبون

هنده نین اوُغلی مُرتب اِیلدی بَزم شَراب
ظلم اوُدیله عِترت اَطهاردی قیلدی دل کباب
اِیله اِثبات اِیلدیم کُفرین اوزی اوُلدی مُجاب
گوردی اِستدلال قرآنّان گِیچور دور زینبون

ای (حسینی) باش وِیروب سَندن اگر چه چوخ خَطا
گِیچماقا جسر صِراطی یوخ سنه بابِ رَجا
نا اُمید اوُلما ولی زَهرا قیزی اِیلر عَطا
دارِ خُلده نارِ نیراندان گِیچور دور زینبون

• یکشنبه
• 28
• شهریور
• 1400
• ساعت
• 16:21
• نوشته شده توسط
• یوسف اکبری

قَبرون نه عَجب عَطر فِشان دور آنام اوغلی
عشق اَهلینه بیر رَشک جِنان دور آتام اوغلی

صد شُکر که حقّ وِیردی اَجلدن منه مُهلت
تاپدوم بو قدر مُحنتله بیرده سَعادت
هر فِیضی دن اَعلادى یقین فِیضِ زیارت
بیر شُوط اِیلمک قیمتی جان دور آتام اوغلی

هانسی غمیمی بُلمم اِیدوم من سنه تقریر
یا هانسی مُصیبتدہ چکوم نالهء شبگیر
از بسکه اِیدوب دور غم و غصه دِله تأثیر
گوزدن جگریم قانی رَوان دور آتام اوغلی

هر درد که چَکدوم سن اوُزون اولموسان آگاه
اولموشدی باشون نیزه ده چون زِینبه همراه
بیر شَمّه اوزوم عرض اِیدرم اِذن اولا هر گاه
هرچند سنه حالیم عَیان دور آنام اوغلی

اوُلدون سن او وقتی که قَتیل اَهلِ جفایه
گون تک باشوی ووردی سِنان نُوک جدایه
گِیتدوم باشون آردون جا حسین منده چو سایه
گوردوم که باشون زیب سِنان دور آنام اوغلی

باشون دالیجا هر یِری بی پَرده دولاندیم
صَبّاغ بلا اِیستدی هر رَنگه بویاندیم
اوُچ ساعتی دروازهء ساعتده دایاندیم
فِتوا وِیروب عشقون که دایان دور آنام اوغلی

وقتیکه حسین داخل شام اوُلدی قَطاریم
اوُضاعینی گوردوق جا دوتوب اود دلِ زاریم
قویموبدی قالا تیرِ بَلا صَبر و قَراریم
قَدّیم بو مُصیبتده کَمان دور آنام اوغلی

شام اِیچره دولان دوخ اوقدر شامه یِتشدی
شام اَهلی زِ بس ظلم اِیلیوب کَامه یِتشدی
ویرانه ده عمریم اوُِگون اِتمامه یِتشدی
ویرانه غمی خیلی گران دور آنام اوغلی

صبح اوُلدی چَکوب عَترتوى شِمر طَنابه
قُول باغلو حسین داخل اِیدوب بزمِ شَرابه
گلمز چون اوبزمون ستمی ظلمی حِسابه
باعِث اودی باغریم دُولى قان دور آنام اوغلی

اَگلشدی یَزید عزّتیلن تختِ جَفاده
قویدی یارالی باشیوی بیر طَشت طَلاده
جام اَلده شَراب اِیچدی گلوب قارداش عِناده
گوردوم که لَبُون چُوبه نِشان دور آنام اوغلی

سَرمَست اوُلوب اوُل ظالم اِیدوب قلبیمی بر باد
بر ظلم اِیلیوب اَهلِ حَرم اِیلدی فریاد
بیماریوی ئولدورمگه چون اِیستدی جَلاد
بو اَمریده باغریم دُولی قان دور آنام اوغلی

مدّتدی (شهابا) اِیدوسن ناله و زاری
اوُلمور سنه که قسمت او شِشگوشه مَزاری
سنده اوُخی بو بیتی اِیله گوز یاشی جاری
قَبرون نه عَجب عَطر فِشان دور آنام اوغلی

• یکشنبه
• 28
• شهریور
• 1400
• ساعت
• 16:27
• نوشته شده توسط
• یوسف اکبری

اربعینه آزقالیر حالیم پریشاندیر اقا
لاله تک باغریم غم هجرونده القاندیر اقا

اولمادی بو اربعین کرب بلا قسمت بیزه
بو جهان عشاقیوه بیر غملی زندان دیر اقا

بیر گویر چین مثلی قلبیم چرپنیر شام و سحر
چوخلاری من تک بو ایل مجنون و نالان دور آقا

یادیمه دوشدوقجا هر آن کربلانین یوللاری
گوز یاشیم طغیان ائدیر روحیمده طوفان دیر اقا

خوش او شخصین حالینه اقبالینه آمالینه
اربعین بو ایل گینه اول قبره مهماندور اقا

قیل کرامت بو بلادن قورتارا خلق جهان
تربت پاکین نچون هر درده درمان دیر آقا

وار نه حکمت بیلمیرم سالمیش حصاره غم بیزی
قالمیشوق آواره دنیا اهلی ویلان دور اقا

اصغره خاطیر بیزی سالما نظردن یا حسین
غم یاغیر دنیا سراسر غرق بحران دیر آقا

عالم امکان همیشه تحت فرمانینده دور
قیل عنایت سیزلره هر امر آسان دیر آقا

سن بیزیم اربابیمیزسن بیز سنه وابسته یوک
هر یئره گئتساق بیزه بو عشق عنوان دیر اقا

کیم سنه وابسته دی یوخ دور نیازی بیر کسه
کیم قاپوزدا نوکر اولسا خلقه سلطاندیر اقا

جذبه عشقین آلیب داغلی اورکدن طاقتی
جام وصلون اولسا قسمت لطف شایان دیر آقا

عشقویله توسن طبعیم بیله مدهوش اولور
طوطی طبعیم گلوب شوره غزلخوان دیر اقا

• یکشنبه
• 28
• شهریور
• 1400
• ساعت
• 16:40
• نوشته شده توسط
• یوسف اکبری

دئیون قطاری بیر از ساربان دایاندیرسین
منی آپارماسادا باشینه دولاندیرسین

دئیون صبایه دِئسین عشق کاروانلارینا
یولون غبارینه بیرده منی بویاندیرسین

دئیون یر اولماسادا سایه تک سورونم من
بو بینوانی عنایتله دالدالاندیرسین

دئیون او کس لره کی کربلایه زایردی
منیم ده بختیمی بیر های وئریب اویاندیرسین

شرار محنتیله صبر خرمنی الیشیر
قویون بو اود منی باشدان اَیاقه یاندیرسین

فراق دردی منیم روحیمه سالیر طوفان
گوزوم یاشین گئنه ده قانیله بولاندیرسین

قویون یانوم کُول اولوم کربلانین حسرتینه
صبا منیم کُولومی چوللّره جالاندیرسین

مَحال اَمریدی آرامشه چاتا روحیم
مگر منی آقامین باشینه دولاندیرسین

• یکشنبه
• 28
• شهریور
• 1400
• ساعت
• 16:42
• نوشته شده توسط
• یوسف اکبری

نجه دوزوم دایانوم گلمیوم فغانه نجه
حسین تشنه لبون اربعینی دور بو گِجه

فغان و شیونله نه فلک دولان گِجه دور
آناسی فاطمه نون اشکی قان اولان گِجه دور

دل جهانی اودا درد و غم یاخان گِجه دور
امام عصرین اوزه گوزیاشی آخان گِجه دور

خدنگ غم دل پیغمبری دَلن گِجه دور
دلنده وا وَلدا شیونه گلن گِجه دور

علی ولی خدا بیقرار اولان گِجه دور
دوباره اودلی دلی پر شرار اولان گِجه دور

سحر آچیلسا نوائیله نینوا دولاجاق
قیامت عالمی عالمده آشکار اولاجاق

نوایه نی کیمی سُکّان آسمان گله جاق
او قبر پاکه نچه دسته کاروان گله جاق

فغانیله جَبرُوت اَهلی دسته بدسته
زیارته گله جاقلار او توزلی قبر اوسته

هامی پیمبر او صحرای اِیمنه گله جاق
او آلتی گوشه مزار اوسته شیونه گله جاق

بَتول حسین آدینی دلده ازبر اِیلیه جاق
عیان او دشتیده بیر تازه محشر اِیلیه جاق

اَبُوتُراب شه لافتی گریبان چاک
او دشتده سپه جاق شیونیله باشنه خاک

سالوب او قبره اوزین مُجتبی فغان اِیده جاق
دلنده قارداش آدی گوزیاشین روان اِیده جاق

یانا یانا گله جاق دلده نالهء جانکاه
حسین زیارتی نه جابر اِبن عَبدالله

پیمبرین قُوجا اَصحابی درد و غم اوتا جاق
پیمبر اوغلونا قَبرینده اَربعین دوتا جاق

حسین دیه دیه گوزیاشلی شام اَسیر لری
زیارته گله جاق شِمر دستگیرلری

رباب اَصغره لای لای دیه دیه گله جاق
یواش یواش بالام اِیوای دیه دیه گله جاق

عروس اود سالاجاق حسرتیله ایجاده
فغانیله گله جاق اَربعین داماده

شرار حسرتیله لیلی سینه داغلیه جاق
علیَّ اکبره پایین پاده آغلیه جاق

سکینه قبر حسین اوسته دلده شور و نوا
سیزیلدییوب دیه جاق یانه یانه وا اَبتا

بیوک لر آغلیه جاق خردا قَبرده یاتانا
لَبِ فراتیده لَب تشنه قانی نه باتانا

باتوب فغانیله کُلثوم تازه بیر یاسه
سرشگیله سَپه جاق سو مَزار عباسه

خدا بولر که نه حاله علی قیزی قالاجاق
اوزون نجه او گوزل مدفن اوستنه سالاجاق

دلنده ناله اَلنده حسین پیرهنی
نه نوعی اوخشیاجاق دور او شاهِ مُمّتحنی

یوزنده گوزیاشنی قطره قطره سان ویره جاق
کَبود اولان بدنین قارداشا نشان ویره جاق

سپهره اود سالاجاق آتشِ ملالندن
او قبره سو سپه جاق اوز سرشک آلندن

دویونجا آغلیاجاق گوزیاشین روان اِیده جاق
رقیّه حالنی قارداشنا بیان اِیده جاق

حسیننه دیه جاق تیکمه چوخ گوزوی یولا
خرابده بالام اُلدی سنون باشون صاق اولا

ویرنده جان سنی گوزلردی سینه داغلاردی
باخاردی صاق صُولا حیرتله سینه داغلاردی

قوری یِر اوسته وِیروب جان اِیکی قولوندا طَناب
باخوب اونا باشا توپراق سپوب بو خانه خراب

او حالتی بالامون اُمّهاتی یاندوردی
سالوب شراره دلِ کایناتی یاندوردی

اونون او حالنه تا وار جهان، جهانیان یانا جاق
ولیّ ِ عصرین اولوب اَشک چشمی قان یانا جاق

مجسم ایلیه جاق (نجمی) حالین آغلیه جاق
رقیّه وای دِیه جاق غمله سینه داغلیه جاق

• یکشنبه
• 28
• شهریور
• 1400
• ساعت
• 16:44
• نوشته شده توسط
• یوسف اکبری

من زینبم که شیونه قیرخوندا گلمیشم
بو آلتی گُوشه مَدفنه قیرخوندا گلمیشم

شُکر اوُلسون ئولمدیم هَله گوردوم مَزاریوی
اَشکیم رَواندی دامنه قیرخوندا گلمیشم

قارداش شَهید اوُلان گُونی سن آغلیان مادیم
کامّمجه آغلیام سنه قیرخوندا گلمیشم

سَنلن گیدوب گیدن گُونی اَمنیّتیم منیم
آخر محلّ مأمَنه قیرخوندا گلمیشم

بو آلتی گُوشه قَبریوه قربان اوُلوم سنون
گویا صفالی گُلشنه قیرخوندا گلمیشم

بُلدوم بَلا چولون چمنِ عشق قیلمسان
سیرابِ لاله سُوسَنه قیرخوندا گلمیشم

یوخ اِیمدی تازیانه ووران باشیمه داخی
فکر اِیلیم ورار گنه قیرخوندا گلمیشم

وِیر اِذن بیر دویونجه حسین وای دِیوم حسین
یول باغلانوبدی دُشمنه قیرخوندا گلمیشم

فَرش اِیتماقا بو آق ساچمی قَبرون أوستنه
مُهلت وِیروب اَجل مَنه قیرخوندا گلمیشم

باش سیز قالان اوُشاق بیوکی باشیمه یغوب
عزم اِیلیوب بو مَسکنه قیرخوندا گلمیشم

موسی صِفت دوشوب چوله چولدن بیر اَربعین
اما دوباره مَدّینه قیرخوندا گلمیشم

باشون دالنجا کُوفه دیارینده گِیتمشم
بازار و کوی و بَرزنه قیرخوندا گلمیشم

از بس دِگوب شَماتت اوخی قلبی مه منیم
قلبیم دونوبدی جوشنه قیرخوندا گلمیشم

پوزدوم بَساطِ عِیش یَزید سِتمگری
اِیمدی جواب اَحسنه قیرخوندا گلمیشم

ایستکلی بیر قیزون ولی قالدی خَرابه ده
خجلت زده بو مُوطنه قیرخوندا گلمیشم

شایقدی (حافظی) دِیه هر چند گورمیوب
بو قبر پاکه هر سَنَه قیرخوندا گلمیشم

• یکشنبه
• 28
• شهریور
• 1400
• ساعت
• 17:03
• نوشته شده توسط
• یوسف اکبری

حسین جان اتش عشقونده فریادایلدیم گلدیم
امیدوصلویله گویلومی شاد ایلدیم گلدیم

ولی بوخط سیریمده عجب جوروجفاچکدیم
دایاندیم طعنه ی اشراره چوخ رنج وبلاچکدیم
یزیدین دفتره امالینه کلک فنا چکیدم
اوکاخ ظلمی بیراهیله برباد ایلدیم گلدیم

یزیدایستیردی قالسون سر,,, مظلومیتون پنهان
ولی من قویمادیم مردانه ایتدیم عالمه اعلان
سنیق قلبیله من خطبه کسیک باشیله سن قران
سنیله باهم اولدوم دینه امداد ایلدیم گلدیم

حسین دیندیرمنی قارداش که حال انکساریم وار
همان زینب دگول زینب نه شان وافتخاریم وار
رقیه باره سیندن شرمسارم اعتذاریم وار
اویرده بیرسفارت خانه اباد ایلدیم گلدیم

بوفکریله که قالسون پرچم اسلام پاینده
دیارشامده قویدوم اوزومدن بیرنماینده
گرک مشق السون عشقینن اونون عشاق اینده
اونی ضامن ویروب سجادی ازادایلدیم گلدیم

انون هیچ نسگلین یادایلیوب بیربیله یانمازدیم
اوزوم ویردیم اوناغسل اوز الیمله قبرینی قازدیم
وصیت ایلمیشدی قبرینه اکبر ادین یازدیم
گلنده قبرین اوپدوم شیون و دادایلدیم گلدیم

اوقدری قمچی ویردی جانیمه بوقان توکن لشگر
وجودیم خط به خط نیلی اولوب چون برگ نیلوفر
گیرنده کوفیه بیرحاله قلدیم گورمسون گوزلر
اوپوزقون حالیله بیرخطبه ایراد ایلدیم گلدیم

اوخطبمده یزیدین نقشه سین نقش براب ایتدم
اویاتدیم ملت شامی بیوک بیر انقلاب ایتدیم
اوشومون کاخ استقلالینی یخدیم خراب ایتدیم
داغیدیم شوکتین بیداده بیداد ایلدیم گلدیم

اگرچه قولاریم باغلاندی گیچدیم جاه وعزتدن
ولی قورتاردیم اسلام اهلینی قیداسارتدن
یزیدی شامده بیرنطقیله سالدیم شرافتدن
اسیراولدوم ولی قرانی ازاد ایلدیم گلدیم

کسنده باشوی سو ویرممیشدی شمربی ایمان
باجون گوزکاسه سینده سو کتوموش ای شه دوران
ایاقه دورمنه خوش گلدون ایت زینب سنه قربان
دولاندیم کوفه وشامی سنی یادایلدیم گلدیم

• شنبه
• 3
• مهر
• 1400
• ساعت
• 14:27
• نوشته شده توسط
• یوسف اکبری

نجه دوزوم دایانوم گلمیوم فغانه نجه
حسینِ تشنه لَبون اربعینی دور بو گجه

فغان و شیونله نُه فلک دولان گجه دور
آناسی فاطمه نون اشکی قان اولان گجه دور

دلِ جهانی اوُدا درد و غم یاخان گجه دور
امام عصرین اوزه گُوزیاشی آخان گجه دور

خدنگِ غم دلِ پیغمبری دَلن گجه دور
دلن دَه وا ولدا شیونه گلن گجه دور

علی ولیّ خدا بی قرار اولان گجه دور
دوباره اوُدلی دلی پُر شَرار اولان گجه دور

سحر آچیل سا نوائیله نینوا دولاجاق
قیامت عالمی عالم دَه آشکار اولاجاق

نوایه نِی کیمی سکّان آسمان گله جاق
او قَبرِ پاکه نچه دسته کاروان گله جاق

فغانیله جَبَروت اهلی دسته به دسته
زیارته گله جاقلار او توزلی قَبر اوُسته

هامی پیمبر او صحرای ایمنه گله جاق
او آلتی گوشه مَزار اوُسته شیونه گله جاق

بتول حسین آدینی دل دَه از بر ایلیه جاق
عیان او دشتی دَه بیر تازه مَحشر ایلیه جاق

ابُوتراب شه لافتی گریبان چاک
او دشت دَه سپه جاق شیوینیله باشنه خاک

سالوب او قَبره اوزین مُجتبی فغان ایده جاق
دلن دَه قارداش آدی گوزیاشین روان اِیده جاق

یانا یانا گله جاق دل دَه نالهء جانکاه
حسین زیارتی نه جابر اِبنِ عبدالله

پیمبرین قوجا اصحابی درد و غم اوتاجاق
پیمبر اوُغلونا قبرین دَه اربعین دوتا جاق

حسین دیه دیه گوزیاشلی شام اسیر لری
زیارته گله جاق شمر دست گیرلری

رباب اصغره لای لای دیه دیه گله جاق
یواش یواش بالام ایوای دیه دیه گله جاق

عروس اوُد سالاجاق حسرتیله اِیجاده
فغانیله گله جاق اربعینِ داماده

شرارِ حسرتیله لیلی سینه داغلیه جاق
علیّ اکبره پایین پاده آغلیه جاق

سکینه قبرِ حسین اوُسته دل دَه شور و نوا
سیزیلدییوب دیه جاق یانه یانه وا اَبتا

بیوک لر آغلیه جاق خردا قَبردَه یاتانا
لبِ فراتی دَه لَب تشنه قانی نه باتانا

باتوب فغانیله کُلثوم تازه بیر یاسه
سرشگیله سپه جاق سو مزارِ عبّاسه

خدا بولر که نه حاله علی قیزی قالا جاق
اوزون نجه او گوزل مَدفن اوُستونه سالاجاق

دلن دَه ناله اَلن دَه حسین پیرهنی
نه نوعی اوخشیاجاق دور او شاه مُمتحنی

یوزندَه گُوزیاشنی قطره قطره سان ویره جاق
کبود اوُلان بدنین قارداشا نشان ویره جاق

سپهره اوُد سالاجاق آتشِ مَلالن دَن
او قَبره سو سپه جاق اوز سرشک آلن دَن

دویونجا آغلیاجاق گوزیاشین روان ایده جاق
رقیّه حالنی قارداشنا بیان اِیده جاق

حسیننه دیه جاق تیکمه چوخ گُوزوی یولا
خرابه دَه بالام اُلدی سنون باشون صاق اوُلا

ویرنده جان سنی گُوزلردی سینه داغلاردی
باخاردی صاق صُولا حیرتله سینه داغلاردی

قوری یِر اوُسته ویروب جان ایکی قولوندا طناب
باخوب اونا باشا توپراق سپوب بو خانه خراب

او حالتی بالامون اُمّهاتی یاندوردی
سالوب شَراره دلِ کایناتی یاندوردی

اونون او حالی نه تا وار جهانیان، یاناجاق
ولیِّ عصرین اوُلوب اشکِ چشمی قان یاناجاق

مجسم اِیلیه جاق (نجمی) حالین آغلیه جاق
رقیّه وای دیه جاق غم له سینه داغلیه جاق

• چهارشنبه
• 7
• مهر
• 1400
• ساعت
• 18:50
• نوشته شده توسط
• یوسف اکبری

گُوزون فداسی اوُلوم ای حسین عَزاداری
که گُوزلرونده اولور قطره قطره قان جاری

دوشور خیاله جفا جو سپهرِ کَج رفتار
که زینبین دوزه له ،بلکه بیردَه پَرگاری

یزید حیله ایله رأفت ایلیوب اظهار
حضوری نه چاغیروب عابدینِ بیماری

آتاسینین باشینی اوُغلونا اِئدوب تسلیم
اونیلا سالدی یولا اهلِ بیتِ اَطهاری

یتیشدیلر او زمان کربلایه گُوردوله کیم
کی کربلایه گلوب دور مدینه زوّاری

قوروب لا چادرِ نیلی ستونی آه دیلی
توکوب دیلر یئره گویا سپهرِ دوّاری

باسوب دی باغرینا جان تک جوان لارین قَبرین
گلوب زیارتِ اَنصاره پیرِ اَنصاری

یازیلدی صفحهء آفاقه نقشِ یا محبوب
جهانی دولدوروب از بس مُحنت آثاری

قوجاق لیب باجی قارداش، آنا اوُغول قَبرین
آلوب آرایه حرم لر مَزارِ سرداری

گزردی قَبرلر اطرافینی حیالی گَلین
بهار بلبلی تک سیر اِئدردی گُلزاری

دیلین دَه زمزمه سی هارداسان عم اوُغلی جان
چاغیر گیلان یانووا بیر جه بو دل اَفکاری

نه وقته جَن دولانوم چوللّر اِیچره سرگردان
دییم دیلیم دَه عم اوُغلی گُویول دَه یا باری؟

اگر مزاری وی تاپسام مجاورون اولّام
کناره آتما منی ای بو بی کسین یاری

یئتیب دماغی نه عطری جوان عم اوُغلوسنون
تاپوب مَزارین اولوب گرمِ نوحه و زاری

قاباق جا دسته ایله زلفینی ائدوب جاروب
سوپیردی قَبرینی سو سپدی چشمِ خونباری

گوتوردی زلفین اوزون دَن دوشوب یوزی اوُسته
اوپردی قَبرینی یاده سالیردی اِقراری

دئدی عم اوُغلی سؤزوم چوخدی، ایله سم تقریر
توکر بهشتی دَه روحون سرشگِ گُلناری

مَطاعِ حُسنه خریدار اولوب باشون دالیجا
دولان میشام باش آچیق دَهنه دَهنه بازاری

منی گُورنده دوه اوُسته کوفی و شامی
سالیب لا یاده کنیزانِ رُوم و تاتاری

دییردیلر هره بیر سوز، ائشیت مَسین قولاغین
یئتیب عزیزی وه بی حدّ ذلّت و خواری

اگر ائدم قره واشلیق منیم آقام سن سن
ئولونجه من سنه یارم کُور اوُلسون اَغیاری

جنابِ سیّدِ سجادَه عرض ائدوب جابر
گرک یولا دوشه سیز سسله نین شترداری

چاتیلدی یوکلری باغلاندی هُودج و مَحمل
سوار اِئدنده بناتِ رسولِ مُختاری

گوروب دی بیر اوجا تل اوُستونه چیخیب کُلثوم
دونوب فراته طرف سسله نیب عَلمداری

تعال یابن ابی، یا أخاه و یا عبّاس
گل ای علی کیمی بی کس لرین پرستاری

گئدیلّه باجیلارون چون مدینیه قارداش
قاباق جا چَک عَلم ای اهلِ بیت غَمخواری

گلیب تزلزله عبّاس قَبری گلدی صدا
یوخوم دی اَل گتیرم من لَوای کراری

یوکُوم آغیردی یولوم چوخ (دخیل) یا عبّاس
رفیقیم آتلی پیاده نئجه چکیم باری

یازاندا ماتمِ قُدّوسیانِ توحیدی
خیالیمین اولا روح القُدُس مدد کاری

• چهارشنبه
• 7
• مهر
• 1400
• ساعت
• 18:54
• نوشته شده توسط
• یوسف اکبری

اوج ائتدی شامِ شوم دَن افلاکه غل غله
کرب و بلایه کوچ اِئلین وقته قافله

اَمر ایلیوب یزید که زرّین کجاوه لر
اول بانوانِ عصمته ترتیب ویردیلر

آگاه اولوب دی زینبِ نالان بو قصّه دَن
صبر و ثباتی قالمادی تنگ اوُلدی حوصله

فی الفور گوندروب او زنا زادیه پیام
ظالم اوتان نه داغیدی ویردون گئنه دله

ایله حَیا حسین و ابوالفضل دَن صُورا
زینب نه نوع اَگلشه زر تار محمله

اوُلسون گرک کجاوه لرین اؤرتؤگی قرا
باتسون قرایه کعبه کیمی اهلِ قافله

بولسونله عالم اهلی که بیزلر عزا لیّوق
اوُلسون تمام عالمه واضح بو مَسئله

القصّه شامِ شوم دَن آوازِ الرّحیل
عرشِ بَرینه سالدی اوگون شور و لوله

احرام باغلیوب حرمِ بزمِ کبریا
تا اربعین زیارتنه شام دَن گله

بیر مُرشدِ عزیز قاباقدا اولوب دلیل
ارشاد ائدوب دی تا یته لر فیضِ کامله

اوُلدی او یولدا وردلری ذکرِ یاحسین
گوز یاشلاری اولوب اولارا زادِ راحله

یوخ دور ایشیم نه نوعی گلوب لر او یوللاری
عرض ائلسم مطوّل اولور چوخدی فاصله

بیر سر زمین دَه بویورب میرِ کاروان
بو کاروان نزول اِئده جاق دور بو منزله

بو یردی کربلا حرمِ باطنِ خدا
زوّارِ عشق ایچون داخی طی اوُلدی مَرحله

بیردَن توکول دولر یئره اوُل زائرانِ حق
ایلر امام گوردوله بیر یاندا هر وله

ششگوشه قَبره یوز چوروب دور وِئرور سلام
عرض ایلور ای بو چول دَه باتان قانه ظلمیله

گتدوم غریب عیالوی بو توزلی قَبریوه
بی کس عیالوه دور اوزون خوش صفا اِیله

اوُل مُرقدِ شریفه یئتن وقته اهلِ بیت
صف چکدیله نظامی له چون مدِّ بِسمله

بیردَن ویروبله سس سسه اوُل بی پناهی لر
شاهِ شَهید قَبری گلوب دور تَزلزله

زینب دوشندی قَبری نه آهسته عرض اِئدوب
قربان اوُلوم بو قَبریوه قارداش اویان گله

سندن یتوب دی هر نه بلا نوش دور منه
اولسون قسم بو قَبریوه هئچ اِئتمرم گله

وار دور شکایتیم سنه امّا یَزیددَن
وئرسن اجازه عرض اِئدرم آیری وجهیله

بیر بزمِ عام شام دَه قوردی او بی حَیا
بی کس عیالوی آپاروب دور او مَحفله

روم و فَرنگ ایلچی لری صف صف اَگلشوب
سجادی ساخلیوب دوله بوینوندا سلسله

دوتدی تکبریله اوزی تختی دَه قرار
طشتِ طلادَه باشوی قویدی مُقابله

گاهی شراب ایچوردی گھی اوینیوب قُمار
گه باشوا شَماتت ائدیردی گُوله گُوله

بولدی پیمبر اوُغلوسان امّا اوتان میوب
چوبِ جَفا دوداقی وه ووردی بوله بوله

ضایع ائدوب دی عقلنی چون نشئۀ شراب
سر مست اولوب تاپوب اوزی نه اوزگه مَشغله

فرمان وئروب دی سیّدِ سجاد قتلی نه
آز قالدی بو یتیمه لرون قورخودان ئوله

عُذر ایستورم دیم آتام اوغلی بو سوزلری
زینب باجون بو ظلمی گوروب ئولمیوب هَله

شام اهلى فاطمه قیزیوی اِیسته دی کنیز
حرمت اِئدوبله عترتیوه گور نه رَسمله

اکبر آناسی سالدی اوزین قَبرِ اکبره
سویلوب گلن آناندی نوایه اویان گله

بو نسگلون ئولنجه منى یاندیرور اوُغول
لیلا نه نوع تاب اِئلسون گُور بو نسگله

قلبیم کیمی بو قَبریوی آلموش غُبارِ غم
یوخ بیر نفر بو قَبریون آخر توزین سیله

اِیمدی وَطندَه گوزلوری یول فاطمه باجون
صبح و مَسا توکر سرشکنی نِی تک گَلر دله

حیران گزردی هر طرفی بینوا عروس
گردابِ عشق دَن چیخا بولمزدی ساحله

دامادلیق حمیّتی گویا که جوش ائدوب
بیر قَبری دَن اوجالدی صدا گوئیا بئله

گل بوردایام دولانما گلن چوخ بو وَرطه نی
ای اوخشیان بو دشت دَه شوری دَه بلبله

آز قالدى روحینی اِئده آزاد وجدی دَن
گوردی بو نوعیلن که یئتر لطفِ شامله

عرض ایلدی عم اوغلی بو عالم دَه رسم دور
قاره چکلّه قَبری نه هر کیم جوان ئوله

سن سیز منی اَسیر اِیلدی شمر ظاهراً
زلفون دَه باغلانوب اورگیم بندی بیر تله

بیر باش باشونلا کوفه و شامه چکوب منی
گلدی دیارِ شام دَه مقصودی حاصله

اولسون قسم بو قَبریوه من آغلیان زمان
قمچی وراردی باشی مه زَجریله حَرمله

لیکن سنون یولوندا بولار نوش دور منه
اولسون بو قَبریوه قسم هئچ ائتمرم گله

هر بلبل اوخشیاردی او گلشن دَه اوز گُولون
بیردَن دوروب ایاقه هامی اِئتدی هل هله

یوز قوی دولار تمامی عَلمدار قَبری نه
دشتِ عراقه سالدى نوا شور و غل غله

دولدوردولا سر شکیله چون جام گُوزلرین
سو سپدیلر مَزارِ عَلمداره اشکیله

کُلثوم عرض اِئدوب گئدروخ بیز مدینیه
قربان اوُلوم او اللّریوه آل علم اَله

اَل دَن اَلون فداسی اگر وار خجالتون
غم چکمه ای اِئدن غمی تأثیر هر دله

آلسون حَکم گرک دی حکم دَن قصاصوى
ویرسون جزا بیر اوزگه جزائیله نُوفله

دوت صدقیله (سهیلی) ابوالفضل دامنین
بی شک حَل اولور هر ایشون دوش سه مُشکله

• چهارشنبه
• 7
• مهر
• 1400
• ساعت
• 19:01
• نوشته شده توسط
• یوسف اکبری

گر چه باجوون مقصدی گلدی اَله قارداش
مشکل بو مزار اوستونه بیرده گله قارداش

قوی سیدی بو بیمار بالام بوردا قالاردیم
قارداش سنون عطرون بو مَزارون دَن آلاردیم

گوزدن آنام اوغلی هامی دنیانی آتاردیم
بحر غمه سن سیز بو بیاباندا باتاردیم
تا باشه گلوب عمر کنارونده یاتاردیم
آیریلمادی بیر آن گوره لر بو باجی قارداش
بیر کیمسه منیم تک بوله لر اولمادی کُول باش

سندند صورا ایتسون نجه بس حوصله زینب
ممکن اولی گور بیرده جهاندا گوله زینب
ایکاش اجل ایمدی گلیدی ئوله زینب
بیمار یانوندا منه بیر قبر قازیدی
زینبدی حسین باجیسی قبر اوسته یازیدی

قارداش نجه گور آیریلی زینب بو چمندن
بو قبره قسم بول بو باجون دویمادی سندن
ای نازلو بالاسی آنامون اینجمه مندن
قارداش دیمه بیچاره باجون مقصدَه یتدی
یالقوز سنی بو چولدَه قویوب یثربه گتدی

منکه بو قدر ایمدی سنه ایلورم اصرار
اولما نگران امندی یوخ فرقۀ اشرار
بو دشت بلادن گیدوب او لشگر خونخوار
نه واردی قلج نیزه ویرانلار اوخ آتانلار
نه واردی جوانلار قانینی قانه قاتانلار

ای تشنه جگر لعنت اولا اهل عراقه
ایلوبله دچار بوباجوی درد و فراقه
وار گتماقا میلون منیلن دور بیر ایاته
قویما بو اوزون یولاری قارداش بیزی باش سیز
گورسونله حسین زینبی باش سیز سنی باش سیز

سندن صورا دنیانی حسین جان نئدرم من
هر صبح و مسا ناله و شیون ایدرم من
سن سیز وطنه گورنه یوزیلن گیدرم من
میلیم اودی چوخدور منه بو یر وطن اوُلسون
بو یرده منه قبر قازلسون کفن اوُلسون

آیریلدی بو زینب نه جلالیله وطندن
بیر بیله خیال ایتمزدی کیم سنه مندن
زینب قالا دنیاده ولی آیریلا سندن
بولمزله دولوبدور اورگیم قانیله قارداش
بعضیسی خیال ایلر اولوبدور بو اورک داش

سن ایله خبر اکبر و قاسم بونی بولسون
قارداش لاریمی بیر بیر اویات سن دئنه گلسون
با هم بیزیلن یولدا حسین جان هامی اولسون
گورسونله حسینون گلوری اهل و عیالی
ازّل که کیمین زینبوون واردی جلالی

ازّلده حسین چوخ واریدی جاه و جلالون
یغمایه ولی گتدی سنون مال و منالون
ایمدی وطنی قصد ایلیوب باشسیز عیالون
عبّاسه خبر ایتگله دوشسون یولا قارداش
بیز نابلدوخ یولّارا منلن اولا قارداش

گلزار نبینون گلی یاتما بو چمنده
قارداش دور ایاقه منلن دوش یولا سنده
آخر بولوسن خوردا قزون واردی وطنده
یول گوزلوری سویلور بابام ایمدی گله جاق دور
گر گیتمیسن واردی یقینیم ئوله جاق دور

منلن یارالی گر وطنه گیتمیه سن سن
آلسا خبر اول خوردا قزون بس نه دیوم من
گورسه منی سن سیز ایده جاق ناله و شیون
بیردن دیسه ای عمّه بابام هاردا قالوب دور
مدتدی بولورسن که گوزوم یولدا قالوب دور

قسمت اولا گر بیردَه وطن من بونی بولّم
گورسم ایووی بوشدی اِیله نالیه گلّم
وای قارداشیم ایوای دیرم آخری ئولّم
سن سیز او وطنده بو باجون کام آلاجاق دور
بولمم نقدر ئولمیاجاق صاق قالاجاق دور

بولمم نه ایدوم من یتیشن وقته وطنده
عباس آناسی قارداش حسین دیده گلنده
آیا سوروشا اوغلونی طاقت اولی منده
بیردن دیرم ای آنا کول باشیمه اولدی
اوغلانلارون اول چولده آنا گول کیمی سولدی

(شوری) بیله سوز بیر بیله ساعت اَله دوشمز
بیردَه او بلا چولدَه بیله قافله دوشمز
زینب اتگین دَن یاپشان مُشگله دوشمز
بیر گوشهء چشمی له سنه اِیت سه نظاره
عمّوندی سوزون دئ اولی تیز دردوه چاره

• چهارشنبه
• 7
• مهر
• 1400
• ساعت
• 19:23
• نوشته شده توسط
• یوسف اکبری

ترحم اِیتدی او بی کس لره امامِ فَخار
گوروب که آز قالور اوُلسون هلاک خُرد و کُبار

آیردی عمّه لرین رأفتیله باجیلارین
مزارِ پاکِ حسین دَن بدیدهء خونبار

کجاوه دَه هاموسی اَگلشوب له دیده پُر آب
مدینه سمتی نه نالان اولوب لا راه سپار

گِئدردیلر دالیا بویلانوب باخاردیلا چوخ
همین او نوعیله زوّارلر اِیدر رفتار

گِیدَه گِیدَه دولانوب سسلیردی جان آقا جان
آیردی بیزلری سندن سپهرِ کَج رفتار

سوادِ شهرِ مدینه گورون دی گوزلرینه
مخدّراتِ حرم چکدی آهِ آتش بار

ویروب له سس سسه بیردَن دیوب له واجدّا
اَیا محمّدِ مَحمود وِی مَلک دربار

بویوردی حضرتِ کُلثوم با دلِ سوزان
اَیا مدینهء جدّیم پیمبرِ مُختار

داخی قبول اِیلمه بیزلری دوباره گَلاق
چیخاندا واری دی سندَن نقدری یار اَنصار

شَهید اوُلوب هاموسی گلموشوق دل اَفسرده
سنه گلاق نه یوزیله هانی بیزه غم خوار

کنارِ شهری دَه بیر مَجلسِ عَزا قورولوب
سرشک لر توکولوب گل یوزه چو ابرِ بهار

بشیری اِیستدی مَظلوم امام مَحضری نه
بویوردی سنده دیرسن آتان کیمی اَشعار

اِیدوب دی عرض سنه قربان اوُلوم بلی بُلّم
بویوردی گِیت اِیله بو حالی شهری دَه اظهار

بشیر ال دَه علم گردنین دَه شالِ عُزا
گِیدَه گِیدَه دیدی یا اهلِ یثربی تکرار

یتوشدی روضهء پیغمبره اِیدوب تَعظیم
حسینین ئولماقین اِیتدی پیمبره اَخبار

اوجالدی شهریدَه سس وا حسینی له دولدی
قاریشدی بیر بیره شهر اهلی جمله خُرد و کُبار

دیر بشیر نگوردوم بیر عُورتی گلوری
دوتوب دی بیر بالانین اللّرین اَلین دَه او زار

سئوال اِیتدیم او عُورت او ماه پاره بالا
دیون بولار منه کیم دور یا اوُلوالاَبصار

دیدیله کیم بودی عبّاس آناسی اُمّ بنین
گلوب دی اِیلیه اوُغلان لارینی اِستف سار

سئوال اِیتدی ازل دَه حسینِ تشنه لبی
دیدیم شهید اِیلدی تشنه لَب اونی کُفار

اِیشیت جاقین دیدی ایوای سوسوز ئولن بالا وای
اوزین ایتوردی خانیمدان گیدوب دی صبر و قرار

دیدیم خانم اوُلا جانلار وفاسی نه قربان
سوروش موسان ندَن عبّاسی ای حَمیدَه شُعار

دیدی حسینی مه قربان اوُلوم بشیر مگر
حسینی دَن صُورا عبّاس ذکر اوُلا زینهار

اوُلار فدادی حسینه نه عُون و نه جَعفر
ویروب هاموسین حسینه آنالاری چون یار

وفای حضرتِ عبّاسه شیعه لر قربان
ایله وفالی خانیمین اِیله بالاسی اوُلار

ایله وفالی بیر قارداش گلمیوب دی دنیایه
ایله جوانی بو دَهرین آناسی بیردَه دوغار

واروندی یاخشی بیان (عاصما) اَلین ساخلا
عنایت اِیسته خدادَن سوزین دَن اولما کنار

• چهارشنبه
• 7
• مهر
• 1400
• ساعت
• 19:28
• نوشته شده توسط
• یوسف اکبری

مدَّ نظردَه عمّه جان نورِ خدادی گورسنور
حیرته دوشمه جلوهء طورِ سنادی گورسنور

عمّه بو نور او نور دور اوُلدی کَلیمه جلوہ گر
گورجک او نوری غش اِیدوب دوشدی کَلیم بی خبر
نورِ جمالِ حق دور گورمز او نوری هر بصر
کشفِ بصیرت ایلین گوزدَه جَلادی گورسنور

عمّه بو نور دور ویرن نیّرِ اَعظمه جلا
کسبِ شرف بو نوری دَن ایلیوب عرشِ کبریا
فخر بو نورِ پاک دَن تاپدی مَلائکِ سَما
آیهء نور مظهری ضوء ضیادی گورسنور

عمّه بو نورِ اَنوره مطلع آتام مزاری دور
سسلر اوز اهلبیتینی نورِ صلای جاری دور
عطر که چولقیوب چولی تربتِ مُشگباری دور
جانه حیات قلب دَه ذُوقِ صفادی گورسنور

گور نه شمیمِ جان فزا عظمِ رَمیمه جان ویرور
نکهتِ بادِ صبحدم مژدهء دل ستان ویرور
شاهِ شهید قبرینی عمّه بیزه نشان ویرور
خضر خُجسته پی دی نه بادِ صبادی گورسنور

آغلاما سیل گُوزون یاشین دقتیله باخ عمّه جان
خونِ قتیلِ عشق ایدوب گور نجه طفی گُلستان
مژده ویر اهلِ بیتی نه ایتمیه لر داخی فغان
مقصدی میزدی منظرِ خیر نسادی گورسنور

یولما بو قدر زلفیوی آغلاما بیر تسلّی تاپ
دردَه گتورمه دللّری داغلاما بیر تسلّی تاپ
صبر و تحمّلین یولون باغلاما بیر تسلّی تاپ
گر چه محلِ ناله دور کرب و بلادی گورسنور

دوزدی مُصیبت اِیلیوب خون جگر آغلا دور سنی
یاده دوشوب دی غم لرون سر به سر آغلادور سنی
گوزدَه عیاندی گوردوقون ظلم لر آغلادیر سنی
هر طرفه باخاندا بیر نوعِ جَفادی گورسنور

عالمِ فکردَه باخان گُوز گینه گوردوقون گورر
سرّی بو دور که بو یِره تا ساتاشوب دوشر نظر
چوخ یارالی بدن گورر سو کیمی قانه غُوطه ور
سطحِ فضادَه ایمدیدَه باشدی جداده گورسنور

گاه نظردَه مُرتسم دور دوزولوب سپاهِ شام
غارته اَل آچوب سویار آل پیمبری لِئام
گاه به عینه گورسنور ظلم اوُدی نا یانار خیام
دودِ شراریله دولوب سطحِ فضادی گورسنور

درد و غمون فداسیم ایتمه بو قدر آه زار
گور نجه قیزلار آغلاشوب حسرتیله سنه باخار
سن بیله آغلیاندا بس خردا اوشاق لارا نه وار
آز قالوری هلاک اولا آلِ عَبادی گورسنور

یارب اولور که (ذهنی_ده) بیر گوز آچوب دوروب باخا
قبّهء اَنورین گوروب گوز یاشی اتّصال آخا
اَل دَه قلم یازا یازا عالمی یاندوروب یاخا
دوره دَه اهلِ دسته نون اَل دَه لوادی گورسنور

• جمعه
• 9
• مهر
• 1400
• ساعت
• 13:07
• نوشته شده توسط
• یوسف اکبری

گزوب شاماتی گلدی عترت خیرالبشر قارداش
توکوللر قبرون اوسته گورنجه اشک بصر قارداش

عجب کامه یتوب اولدوم حسین مقصودیمه نایل
گورنده قبریوی درد و غمیم دلدن اولوب زایل
یتیشیدیم عین مقصوده مرام دل اولوب حاصل
وئروبدور نخل امّیدیم عجب عالی ثمر قارداش

یوخودی اوزگه منظوری اورکده بو دل افگارین
دیردیم قورتولیدیم تا الیندن شمر خونخوارین
یغیدیم باشیمه یکسر حسینون غملی زوّارین
گلیدیم قبریوه گوزدن سپیدیم اشک تر قارداش

خدایه شکر قیلام روز و شب هر قدر عمروم وار
نصیب ائتدی منه اولدوم بو قبر پاکوه زوّار
علاوه منله گلدی بیر جماعت عترت اطهار
تماماً داغدیده ، غمزده ، خونین جگر قارداش

پوزولموش گلشنین عطرى ائدوب بلبلری مدهوش
گیچن گونلر دوشوب یاده ائدوب مهر و محبّت جوش
محبّت آتشین گرچه ائدنمور گوز یاشی خاموش
نه چاره ناله ایلر بلبل شوریده سر قارداش

دیارشامده هر تک تکی بیر تحفه آماده
ائدوب – گئتدی خصوصاً نوعروسی تازه داماده
یازوب بیر قصّه شامینون جفاسین قلب ناشاده
تماماً شرح ائدر گوزدن آخان خون جگر قارداش

محبّت رشته سیله هر قدر که بستیَم قارداش
گرک اثبات ائدم من زینبم زهرا شیَم قارداش
نلر گوردوم بو مدّتده سنه حاشا دیَم قارداش
اولور نقص محبّت آرتیرار قلبه کدر قارداش

بو قدری وار ولی سنله گیدوبدور عزّیتم الدن
منه هر محنت و غم یوز وئروبدور قوم ارزلدن
اولیدیم گورمیدیم بیله گونلر كاش ازّلدن
که سنیز اولمییدی بوبلاکش در بدر قارداش

سنون قلبونده یر سالمیش حسین اوچ شعبه لی پیکان
منیم گوگلوم ائوین سیل مصیبت ائیلیوب ویران
ایله ویران ائدوب تعمیرینه قالموب داخی امکان
گریبان گیر ائدوب شدّتله مرگه سوق ائدر قارداش

نولور گور زینبین حالی اسیر قوم دون اولسون
خانملیق ائتدیقی شهره گئدوب خوار و زبون اولسون
هجوم ائتسون مصیبت دمبدم دردی فزون اولسون
گوره قارداش باشین دشمن ائدوب مد نظر قارداش

اگر چه کوفه ده حیران قالوبدور زمرۀ اوباش
گورنده نیزه ده قران اوخور قانه بلشمیش باش
ولی من آغلادیم توکدوم گوزومدن عارضه قانیاش
گورنده باشون اولموش نوک نی ده مستقر قارداش

کسیلدی طاقتیم باشون گورنده هوشدن گتدیم
باشیمی محمله وئردیم سر مقصودیمه یتدیم
شرار قلبیمی باشدان آخان قاندان خموش ائتدیم
سنون تک باشیمه قانیله قویدوم تاج سر قارداش

ائدردیم ناقه اوسته منده قارداش دینی تبلیغات
على اولادینون خلق ایچره حقین ائیلیم اثبات
که یعنی عترت آیریلسون كلام اللهیدن هیهات
بودور قرآن و عترت جمع اولوب باهم گلر قارداش

او یرده قلبیمه قران سسون ذوق و صفا وئردی
مریض عشقنه رحم ایلدی تازه دوا وئردی
ساغالماز یاره مه اعجازیله روح و شفا وئردی
گوگل محدوده سینده ماسلف بیربیر گزر قارداش

او حالیله گنه دویموب جفادن قوم بد رفتار
بیزی مرجانه اوغلی بزم عامه ایلدی احضار
نهایتسیز شماتتله ائدوبدور اهل بیتون خوار
هنوز اول گفتگودن واردی قلبیمده شرر قارداش

بوئیدی همتی ائتسون عملده دین ایوین برباد
اوزی اوز عالمینده قانلی باشوندان آلاردی داد
گهی ئولدورماقا اوغلون علینی ایستیوب جلاد
ائله بیر وقتیده گور بیر عیالون نه چکر قارداش

داخی شرح ائتمورم مرجانه اوغلی ایلین ظلمی
اوزون کامل گوروب سیر ایلدون وضعیت بزمی
ائله ظلم و ستم ائتدی پوزولدی مجلسین نظمی
چتین بو چشم گردون ایله بی شرمی گورر قارداش

ایله بی شرم لیق ائتدی تماماً قانمیان قاندی
دل دشمن او مجلسده منیم احوالیمه یاندی
حمایت فكرینه دوشدی ز بسکه دلدن اودلاندی
سکوت ائتدی زیاد اوغلی ائدوب حس خطر قارداش

اوزون طومار اولار شرح ایله سم شامین جفاسیندن
یزیدین مجلسیندن یا خرابه ماجرا سیندن
و یا جور و جفا و ظلم قوم بی حیا سیندن
نجه صبر ایلدوخ دوزدوخ نه چکدوخ کیم بولر قارداش

روادور اهل بیتون ناقه أوسته با دل سوزان
دولانسین شهرلرده دستگیر قوم بی وجدان
تماشایه گلن جشن ایله سونلر خرّم و خندان
اولار گولسون عیالون آغلاسین شام و سحر قارداش

ندیم فاش ائیلوری اشکیم اورکده راز پنهانی
خموش ائتمور ولی دلده اولان بونار سوزانی
نقدری ذکر ائدوم شامین جفاسین یوخدی پایانی
دیموم قالسین – دیوم ویرانه دن بیر مختصر قارداش

دیار شامده ویرانه یرده عترتون قالدى
شماتت اهلی یول ویرانه دن شام و سحر سالدى
امان دل یاره سیندن زینبوندن صبر و تاب آلدى
هله نار شماتتدن دلیمده وار شرر قارداش

اگر چه مدتی ویرانه ده خونین جگر قالدوخ
او قدری صبر قیلدوخ صبریدن آخرده باج آلدوخ
هزار افسوس او یرده باشه بیر تازه قرا سالدوخ
دوشنده یادیمه جسمیم چو برگ بید اسر قارداش

اوزون گوردون نجه نازلی بالان دلسوز آغلاردی
غم هجرونده سیل اشکینی رخساره باغلاردی
بابا وای ناله سیله اود وئروب دنیانی داغلاردی
یاناردی حالینه یکسر اونون جنّ و بشر قارداش

بالاوی عاقبت آرام ائدن قانلی باشون اولدی
گورنده باشوی دلدن یانوب گل صورتی سولدى
آلوب آغوشنه اؤپدی یوزوندن گوزلری دولدی
ویروب جان یاتدی ویران خانه ده با چشم تر قارداش

ائله بیر فاجعه اولدی سیزیلداردی در و دیوار
ملردی آهو تک یکسر غمینده عترت اطهار
اوزوم اولدوم مباشر دفنینه با دیدۀ خونبار
خرابه یرده مدفون اولدی بیر عالی گُهر قارداش

داخی «زرّین» تمام ائت سوز گر اولسا مختصر خوشدی
گراولسا سوزلرونده اوزلریندن بیر نظر خوشدی
دیسن زینب دلینجه بو سوزی بیرده اگر خوشدی
گزوب شاماتی گلدی عترت خیرالبشر قارداش

• جمعه
• 9
• مهر
• 1400
• ساعت
• 14:24
• نوشته شده توسط
• یوسف اکبری

تصویب ایلدون قانیله برنامه حسینیم
بولدوم من اؤزوم گتملیم شامه حسینیم
انجام ویروب آماروه گلدیم
پابوسوه درباروه گلدیم

دفن اولدی رقیّون ولی شاماتده قالدی
حاملدی او قیز پرچم اسلامه حسینیم

مشگلدی یزیدی قویا اوز سلطنتنده
عنواندی قالوب آیت ایتامه حسینیم

قرآنی دانوبدی عملاً شامون امیری
ثبت اولدی بو نهضت همین اقدامه حسینیم

دنیا بویی رسوا اولاجاق آل امیه
ظلم اهلی یتیشمز بولوسن کامه حسینیم

محروم یازار نحس آدنی زینت تاریخ
خوار اولمالیدی فرقۀ ظلّامه حسینیم

ناحق توکولن قانه خداوند دی خونخواه
مرصاد ده امری یتر انجامه حسینیم

هر چند ایدیر فخر امام ئولدورن امّت
وار حافظ و رافع بئله ایّامه حسینیم

سن بذل ایلدون جانوی اسلامدن اؤتری
جدّیم گتورن دینه بو احکامه حسینیم

اوچ سنّده بیر قیز قالوب اسلامه طرفدار
ظلمون یتوروب کفر – نه اتمامه حسینیم

درگاهوی الله ایلییوب قبلۀ حاجات
سن ایسته بو هیئت یتیشه کامه حسینیم

(خادم)داخی یوخدور یازا بو نهضتی دلدن
سن اییله کمک(اوغلونا)برنامه حسینیم

• جمعه
• 9
• مهر
• 1400
• ساعت
• 14:30
• نوشته شده توسط
• یوسف اکبری

داغدار ایتدی حسین پوزقون مزارون زینبی
آتش عشقه سالیب ، صبر و قرارون زینبی

غم قوجالدیبدیر منی ایلیبدی گیریان قارداشیم
گؤز یاشیملا بیر آخور گوزلرده کی قان قارداشیم
چوخ مصیبتله یتیشدیم قبریوه، جان قارداشیم
ایله دی نیسگیل داغی محزون غبارون زینبی

سویلییم آخیر سنه من هانسی بیر فرجامدن
کوفه دن یا دیرراهب دن یا راه شام دن
گل دییم بیر قورخولی ویرانه قالمیش دام دن
گؤر نجه سوزان ادیبدیر طفل زارون زینبی

باغریما اود سالدی هیجران،قانه دولدی شامده
غصّه دن بیر نوگولون آج یاتدی سولدی شامده
هچ سوروشمورسان رقیّن پس نه اولدی شامده
جان وئریب یاندیردی نازلی یادگارون زینبی

محبس اولدی روحیمه اول مُلک شامی قارداشیم
شرمسارم کی دییم من چوخ کلامی قارداشیم
اکتفا ایت بو سوزه آل بو سلامی قارداشیم
یاندیریب یاخدی خلاصه روزگارون زینبی

قالمادیق ساکت ولی پوزقونلی بیر آمالده
عرصه نی دار ایلدوخ ظلمه خروشان حالده
فرصتی دشمندن آلدیق، وقت قیل و قالده
صبره تسلیم اولدی چون دوتدی وقارون زینبی

ایلدوخ رسوا یزیدی شامده سجّادیله
ناگران اولما کی جنگیم وار گینه بیدادیله
هاشمی بولبل لری قویمام گزه صیّادیله
عارف فاضل ایدیب عطر بهارون زینبی

خطبه میز یارمیشدی دشمن باغرینی شمشیر تک
گؤز یاشی آنجاق سلاح اولموشدوی کسکین تیر تک
روبهان کوفه و شامی ویرورودوق شیر تک
ایلدی سوزلر دَنیزی اقتدارون زینبی

باخما معناده بیله نیسگیللی محزون هیئته
دولموشام آللاهه آند اولسون سراسر حیرته
یندیریب جانون تکان ویر قلب شاه امته
گورنه حاله سالدی قانلی لاله زارون زینبی

اولموشام افسرده هجرانیندان ای دریای داد
گل دعا ایله بو تزلیکله آچیم وصله قاناد
قالمییم دونیاده گؤرموم بیر بیله جور و فساد
ایلدی مفتون او راز آشکارون زینبی

دونیانین باغرین گرک بو کربلاده داغلییام
نیسگیلین چوخدور یری وار هرنه قدری آغلییام
قالمادی فرصت منه قارداش! یاراوی باغلییام
غرق ماتم اتدی حزن بیشمارون زینبی

قوی غریبلیق لرده یانسین قوربانون اولسون باجون
چیرپینان قلبی دایانسین قوربانون اولسون باجون
باشیوه پیدر دولانسین قوربانون اولسون باجون
اودلادی دنیاده چشم اشکبارون زینبی

روحیوی قیترماقابیر یول چالیش منله حسین
آیریلیقلار آتشینده دور آلیش منله حسین
دلشکسته قالمیشام گل بیر دانیش منله حسین
الامان ایلیبدی حال انتظارون زینبی

اَللری قوینوندا باخ گور نه نوا ایلیر رباب
سینه داغین غملی حالدا برملا ایلیر رباب
ایستیوردردین دیسین امّا حیا ایلیر رباب
اودلادی بو همسر بی اختیارین زینبی

ناز بالاسین ویر آنا بیر آرزییا چاتسین حسین
باغرینا باسدیقجا بیر بیر غملرین آتسین حسین
اصغرین راحتدی راحت تر ولی یاتسین حسین
یاندیریب یاخدی عجب دیلسیز هزارون زینبی

من دییم یالقیز بالاندا ، سنده اکبردن بویور
من دییم نازلی رقیّه ندن، سن اصغردن بویور
من دئییم یاسدان ، سن عباس دلاوردن بویور
قارداشیم چوخ یاندیریبدی روزگارون زینبی

ئولمیوبسن آمما سن ای عارف عالی مرام
حق یولوندا ئولمز هچ بیر شخص مخصوصاً امام
بو آخان گوز یاشی اولموش آیریلیقدان وَالسلام
عزّته مالک ایدیب پروردگارون زینبی

• جمعه
• 9
• مهر
• 1400
• ساعت
• 15:46
• نوشته شده توسط
• یوسف اکبری

_____
گزمیشم کوفه و شامی من قرخ گون عزالی
سنه مهمانم ایندی گوز آچ زهرا مارالی

خوش گلدون ایله مندن یارالی
دوشدی رقیه ائلدن آرالی
________________________
بو نچه مدتی چخمیوب یادان ملالون
یره ناحق قانین آخدی اولدی چوخ جلالون
آغلاشور قبرون اوسته حسین اهل و عیالون

خوش گلدون ایله مندن یارالی
دوشدی رقیه ائلدن آرالی
________________________
نیزه باشندا گوردوم باشین قان آغلادیم من
سینمی هر غمونده حسین جان داغلادیم من
کربلادن سنه شامه جک یاس ساخلادیم من

خوش گلدون ایله مندن یارالی
دوشدی رقیه ائلدن آرالی
________________________
خیمه لردن گیدنده ئوزوم اوپدوم بوغازون
مات و مبهوت ایدوب عالمی راز و نیازون
اوخلار التیندادا قویمادون قالسین نمازون

خوش گلدون ایله مندن یارالی
دوشدی رقیه ائلدن آرالی
__________________

• شنبه
• 17
• تیر
• 1402
• ساعت
• 16:55
• نوشته شده توسط
• یوسف اکبری

☑️ بند اول

ای اولان زائر شش گوشه ی شاه کربلا ? التماس دعا ?
بو گدانین دا سلامین یتیررسن آقاما ? التماس دعا ?

عرض ائله یا حسین درک ائله بو دل غمینی
آقا سن نن سورا نوکرین یوخدی معینی

عرض ائله سائلین آتش هجریده یاندی
قسمتی اولمادی مرقدین بو اربعینی

اورکده گینه واردی شوریله نوا
باشیمدا هوای حریم کربلا

حسینین اولا آلتی گوشه قبرینه
هامی عالم و آدمین جانی فدا

? حرم کربلا کربلا کرب و بلا / حرم کربلا کربلا کرب و بلا

☑️ بند دوم

گوزلرین توشسه اگر خیمه گهه ائیله نوا ? التماس دعا ?
قاسمین حجله گهین ده واردی آیری بیر صفا ? التماس دعا ?

سائلم گوزلریم درگه باب کرمده
نینییم دردیمین چاره سی قاره علمده

بولور الله اگر گلمدیم کرب و بلایه
مرغ روحوم گزیر هر گئجه بین الحرمده

دییل لر گوزلدی هوای کربلا
بهشته مثلدی صفای کربلا

توشوب باش لارا شوق بین الحرمین
آلیب دل قرارین نوای کربلا

? حرم کربلا کربلا کرب و بلا / حرم کربلا کربلا کرب و بلا

☑️ بند سوم

تل زینب ده دایانسان پر اندوه و بکا ?التماس دعا ?
چاتسان آمالیوا حاجاتین اگر اولسا روا ? التماس دعا ?

گوزلرین هاردا توشسه سنین کاسه ی آبه
حسرتیله یانیب آغلا بیر قلبی کبابه

یوز فراته دوتوب عرض ائله ای یوزی قاره
گلمدی رحمین آخر نیه طفل ربابه

او یرده سو فکرین حرم باشدان آتیب
رباب اشکینی غصه دن قانه قاتیب

نشان ائلییب لر اوخا سود امرین
علی اصغری ظلمیله قانه باتیب

? حرم کربلا کربلا کرب و بلا / حرم کربلا کربلا کرب و بلا

• جمعه
• 24
• شهریور
• 1402
• ساعت
• 22:03
• نوشته شده توسط
• یوسف اکبری

☑️ بند اول

قرار زینبی آلان غمی وجوده اوت سالان
گلیبدی زینبین دئنه نه حالیده او بیر یاران

سنین هجرین ده حسینیم من جانه گلدیم
دئمه گئدیم کربلایه چوخ ساده گلدیم

ویراندا یورقون بالالاری حائل اولدوم
گووردی جسمیم دمادم فریاده گلدیم

? یارالی یارالی یارالی

☑️ بند دوم

گولوب دی زینبین یوزی نشان وریر آخان گوزی
نچه زمانیدی قالیب اورک ده زینبین سوزی

صغیر اوشاخ لاری ویرماخ بیر عادت اولدی
بیزه شامین یول لارین دا چوخ محنت اولدی

خبر آلسان بیر گولون دن چوخ شرمسارم
رقیه ن ویرانه ده یاتدی راحت اولدی

? یارالی یارالی یارالی

☑️ بند سوم

دوشور خیالیمه حسین خیم ده ال امان سسی
صغیره لر قاچان زمان او شمری نن سنان سسی

قیامت قوپدی حرم لر آوار قالدی
حرامی لر اوت ویریب اخیامین اوت آلدی

ربابه بیر خالی گهواره قالمیشیدی
یانان یاندی ، خیمه ده کی گهواره یاندی

? یارالی یارالی یارالی

☑️ بند چهارم

اورک ده واردی بیر داغیم سولوب دی گلشنیم باغیم
کسنده باشیوی عدو ازل کسیلدی دی بارماقیم

هله خنجر یاره سی ال دن بیتمییب دی
او گودالین غم لری دیل دن گئدمییب دی

اوقدری زینبیوی یول لاردا ویریب لار
جراحات تازیانه لر ایتمییب دی

? یارالی یارالی یارالی

☑️ بند پنجم

او چول ده شمر بی حیا جنایتیله دویمادی
او قان دولان گوزون یومام جفا ده دوردی قویمادی

نولاردی زینب دویونجان بیر آغلییدی
یارالی نعش اوسته سینه سین داغلییدی

یوز اوسته بیر چوندریدی شان شان وجودین
یانا یانا اوخ یارا لارین باغلییدی

? یارالی یارالی یارالی

• جمعه
• 24
• شهریور
• 1402
• ساعت
• 22:05
• نوشته شده توسط
• یوسف اکبری

?? شاماته بالان امانت اولدی
ویرانه ده یاتدی راحت اولدی ??

☑️ بند اول

یورقون یارالی بلالی خسته
افسرده و بال و پر شکسته
قولاری طناب کینه بسته

نازلی بالاوا اذیت اولدی
ویرانه ده یاتدی راحت اولدی

?? شاماته بالان امانت اولدی
ویرانه ده یاتدی راحت اولدی ??

☑️ بند دوم

غم چکدی بلا گورب سیخیلدی
آهی اوجالیب گویه چیخیلدی
گون گورمدی، ناقه دن یخیلدی

صید محن و مصیبت اولدی
ویرانه ده یاتدی راحت اولدی

?? شاماته بالان امانت اولدی
ویرانه ده یاتدی راحت اولدی ??

☑️ بند سوم

آیینه ی عمری پارچالاندی
پیمانه ی وصلیمیز جالاندی
شاماتیده عزتی تالاندی

بیچاریه چوخ شمادت اولدی
ویرانه ده یاتدی راحت اولدی

?? شاماته بالان امانت اولدی
ویرانه ده یاتدی راحت اولدی ??

☑️ بند چهارم

دیل یاندیرانیدی آه سردی
سنّی آزیدی چوخیدی دردی
اولماغینی آرزو ائدردی

آمال دیلی اجابت اولدی
ویرانه ده یاتدی راحت اولدی

☑️ بند پنجم

ویرانیه سن گلنده قارداش
آغلیردی یوزه توکوردی قان یاش
تا گوردی ویریبلار آنیوا داش

جان وئردی بالان قیامت اولدی
ویرانه ده یاتدی راحت اولدی

?? شاماته بالان امانت اولدی
ویرانه ده یاتدی راحت اولدی ??

☑️ بند ششم

دلبندیوی دفن ائدنده ، سینه
اوتلاندی بلای آتشینه
نیسکیل بودی دخت شاه دینه

اوز کهنه لباسی خلعت اولدی
ویرانه ده یاتدی راحت اولدی

?? شاماته بالان امانت اولدی
ویرانه ده یاتدی راحت اولدی ??

• جمعه
• 24
• شهریور
• 1402
• ساعت
• 22:09
• نوشته شده توسط
• یوسف اکبری