اشعار ویژه اربعین

عهدیمه آخر بو عالمده وفا ائتدیم حسین
شامی گزدیم چون ، هوای کربلا ائتدیم حسین
.
باغلامیشدیم سنله بیر پیمانی من روز ازل
عهدیم اوسته من قبول ابتلا ائتدیم حسین
.
سو کنارینده که سن جان وئردون عاشورا گونی
منده سیل اشکیله طوفان بپا ائتدیم حسین
.
ایستدیم پاینده قالسون حشره تک دین پرچمین
باشدا چتر آهیمی منده لوا ائتدیم حسین
.
قانلی نعشین من کنارینده یومان گون سن گوزون
من اورکدن عُقده نی اشکیله وا ائتدیم حسین
.
اولدی بیگانه منیله شهر کوفه بیر زمان
یاد ایام و زمان آشنا ائتدیم حسین
.
من فصاحتده علی تک شانیده چون فاطمه
صحبتیمده مرتضا تک سوز ادا ائتدیم حسین
.
سسلدیم ساکت اولون ، اولدی جرسلرده خموش
تا دانشدی

• سه شنبه
• 30
• مهر
• 1398
• ساعت
• 17:36
• نوشته شده توسط
• ابوالفضل عابدی پور

باد صبادن عطریوی آلدیم حسینیم
یول بو صفالی قبریوه سالدیم حسینیم
.
دورزینب غمخواره باخ
یورقون گلن زواروه باخ
مظلوم حسین جان (2)
.
.
شامه گیدنده پیکر شان شانی قویدوم
توپراقلار اوسته سن کیمی جانانی قویدوم
گلدن گوزل پیکر هانی
پیکرده کی اللر هانی
مظلوم حسین جان (2)
.
.
بو گلشنونده نه گوزل گللر یاتوبدی
گللر آرا سرو و صنوبرلر یاتوبدی
شبه پیمبر هاردادی
یوخسا ایاقون آتدادی
مظلوم حسین جان (2)
.
.
غمله اورک دولموشدی من شامه گیدهده
غنچه ن او گون سولموشدی من شامه گیدنده
گلدیم یانام ایوای دیم
گل غنچه وه لایلای دیم
مظلوم حسین جان (2)
.
.
دیندیر دانیشدیر غنچۀ پرپر آناسین
گنج ادب کان وفا اصغر آناسین
دینمور ولی

• سه شنبه
• 30
• مهر
• 1398
• ساعت
• 17:50
• نوشته شده توسط
• ابوالفضل عابدی پور

ای قبر پاکی زینت ارض و سما حسین
اولسون بو قبر پاکیوه زینب فدا حسین
.
.
ای دین یولوندا بذل ایلیین هرنه وارینی
قربان ایدن بومکتبه انصارو یارینی
لب تشنه حق یولوندا ویرن شیرخوارینی
دلدن ویرن تمام قضایه رضا حسین
.
.
کربوبلاده چیخدون عجب امتحانیدن
گیچدون بو امتحانیده باشیله جانیدن
تک باش وجان نه بلکه هامی خانمانیدن
ائوز عهدیوه بو عرصه ده ایتدون وفا حسین
.
.
باشدان تمام عالم امکانی آتموسان
عشقون یولوندا مقصدو مقصوده چاتموسان
اوز قانویله بیرق دینی اوجاتموسان
هرگز جهاندا یاتمیاجاق بو لوا حسین
.
.
باش اگمدون زمانه ده قوم ظلامه سن
کسدی اودورکی باشیوی ظلمیله اهرمن
حقی جداده عالمه سن ایلدون علن
ایتدون جهان

• سه شنبه
• 30
• مهر
• 1398
• ساعت
• 17:54
• نوشته شده توسط
• ابوالفضل عابدی پور

چوخ با صفادی بزم عزا اربعین گونی
قالخار سمایه شور ونوا اربعین گونی
.
دیلده فراق نوحه سی اسپهره اوج ائدر
باشه گلنده غملی هوا اربعین گونی
.
قرخ گوندی عرشه قاره چکوب ذات کبریا
نوحه اوخولا اهل سما اربعین گونی
.
شک ائتمورم نتیجه آلار حاجتی اولان
اخلاصیله گر ائتسه دعا اربعین گونی
.
هربیر مریضی دکتر اگر ایله سه جواب
گلسه تاپار بو یرده شفا اربعین گونی
.
کرب وبلایه گلدی بو گون غملی قافله
محمل لری گیوبدی قرا اربعین گونی
.
اللر ئورکده فاطمه نون شیرزن قزی
مهمان گلوبدی قارداشینا اربعین گونی
.
پیغمبرون رشیده قزی قدی خم گلوب
یاس باشلیا ئولنلره تا اربعین گونی
.
یوز قویدی اوندا قارداشینون توزلی قبرینه
گلدی بیا

• سه شنبه
• 30
• مهر
• 1398
• ساعت
• 18:11
• نوشته شده توسط
• ابوالفضل عابدی پور

آیریلور قارداش مزاروندن بلالی زینبون
ایلوری عزم مدینه کربلالی زینبون
.
.
ممکونوم اولسا بو قبروندن کناره گئتمرم
تا حیاتیم وار جوار رحمتون ترک ائتمرم
بولموشم گئتسم داخی بیرده وصاله یتمرم
ماجراسیندن اولوب بیر شمّه حالی زینبون
.
.
دور ایاقه سال یولا من گئتملی مهمانوام
زینب بخت قرایم دیده سی گریانوام
آیریلیق هنگامدور قارداش حسین قربانوام
آیریلور نسگلّی قبروندن وفالی زینبون
.
.
من گلنده سن منه قارداش حسین همراه دون
مایۀ عزّ و وقار و طمطراق و جاه دون
من سنون ساینده بانو ، سن جهانه شاه دون
گئتدی سنله عزّت و جاه و جلالی زینبون
.
.
واریدی قارداش گلن وقته مجلّل محملیم
نه ساچیم بیله آغارموش نه بوکولموشدی

• چهارشنبه
• 1
• آبان
• 1398
• ساعت
• 14:13
• نوشته شده توسط
• ابوالفضل عابدی پور

ای شهیدِ کویِ جانان
خسرو زمن حسینیم
دور اولوبدور اهلِ بیتین
عازمِ وطن حسینیم
.
.
زینبه یارالی قارداش
اول اوزون بو یولدا یولداش
توکمسین عذاره قان یاش
چون دُرِ عَدن حسینیم
.
.
شکرلِلَه اولدی آخربو بلالیه سعادت
گلدیم ایلدیم یارالی قبر پاکیوی زیارت
قورتولوب ولیک وصلت باشلانور زمان فرقت
عازمم حجازه سنسیز ای شه زمن حسینیم
.
.
بولمورم نه چاره ایلوم من بو باره ده برادر
ایلیوب ایکی علاقه قلبیمی زیاده مضطر
بیر سنی سویر بو گویلوم بیرآنام مزارین ایستر
قالموشام ایکی اود ایچره یانه یانه من حسینیم
.
.
گر اولیدی اختیاری قبرین اوسته من قالاردیم
جانکیمی کناره قارداش قبر پاکیوی آلاردیم
دوده آهمیله سایه قبرون اوس

• چهارشنبه
• 1
• آبان
• 1398
• ساعت
• 14:13
• نوشته شده توسط
• ابوالفضل عابدی پور

دویونجا اؤپدوله قبر حسینی آغلادیلار
بیر آز بوشالدی دولان قلبلر او ماتم ده

بُیوردی زینبه کلثوم اذن وئرسن اگر
گئداخ زیارت عبّاسه نهر علقم ده

اؤرکده دردیمه آگاهی سن ئوزون نه دیوم
سنه عیاندی غم آشکار و مبهم ده

بو نسگلیم اؤرگیمده قالوبدی قارداشیما
دویونجا آغلامادیم اون بیرِ محرم ده

عزا علمینی زینب فراته نصب ایلدی
تمام عزایه گَلَنلر جمع اولدی اُول دم ده

فقط دالیا او جمعدن قالان رباب اولدی
نیه یوباندی بیلر اهل دل اشارم ده

ال آتدی باشینه هر کیم او خیردا قبری گوروب
ایله مزار ایله زوّار اولماز عالم ده

بیری دیردی عمو قانلی مشگیوه قربان
بیری دیردی گوزوم وار بو قانلی پرچمده

اگرچه دیلده قالار دایم آیریلیق آجیسی
و لیک قارداشینی یاخجی اوخشار ئوز باجیسی

توخوندی بادِ خزان گلشنی خزان اولدی
او بزم ماتمه کلثوم نوحه خوان اولدی

دئدی اجلدن امان اولدی قبریوه گلدیم
بو کویِ عشق و وفاده وفالیَم یارالی

بو قانلی پرچمیوی توزلی قبریوه آچدیم
منی گورن دیمه سین دست خالیَم یارالی

آناما هر سوزون اولسا بویورگلان آپاریم
مدینیه گئدیرم ابتلالیَم یارالی

او گون که سندن اوزاق دوشموشم باجون ئولسون
شکسته نی کیمی دائم نوالیَم یارالی

قولون دوشن یری اؤپدوم گلنده علقمیه
اوجادان آغلامادیم بس حیالیَم یارالی

باشیوی نیزه ده یوللاردا گورمدیم قارداش
اودور بو مدتی سندن آرالیام یارالی

باجی دوگولسده قارداشینا دِئمَز دردین
نجه دیوم سنه منده یارالیام یارالی

پوزوبلا مجلس ابن زیادیده حالیمی
همان اومجلسین آشفته حالیام یارالی

طبقده باشیوی سوغات گَتدولر او یئره
ملالیوین اودی غرق ملالیام یارالی

بیوک مزاره قویّالار اوجا بوی انسانی
نیه کیچیکدی مزارون خیالیام یارالی

رقیّه دن اوتانورسان اگر اوتانماگینان
ئولوبدی شامیده منده عزالیام یارالی

گئدیب مدینه ده ئولسم ده افتخاریمدی
یازالّا باش داشیما کربلالیام یارالی

قلم الیمده گزور گه مدینه گه شامی
اؤزومده بولمورم آخرهارالیام یارالی

سخلمیشام قاپوزا «عندلیب» نالانم
واریم امیدیم اگرچه خطالیم یارالی

• سه شنبه
• 13
• آبان
• 1399
• ساعت
• 13:35
• نوشته شده توسط
• یوسف اکبری

درد فراق سالدی جانا شراره
گلموشم اربعینه بو مزاره

دوشدی او گون قدرت عدو الینه
بوردا سنی اوخلادی اهل کینه
ویردی منه اول سرور مدینه
توکدوم اودم گوز یاشیمی عذاره

ای شه دینون سود امر بالاسی
عرشه اوجالدی آناون نواسی
سویله نجوردی بو غازون یاراسی
یاروه گلدیم اولا بلکه چاره

غنچه گلوم گرچه بو چولده سولدی
قوندا قینا آخدیقی قانی دولدی
لیک مزاری منه قسمت اولدی
دوندی خزان فصلی منه بهاره

من سنه اولدوز یا بالا آی دیوم
گلمموشم بوردا سنه وای دیوم
سینمه گل دوباره لایلای دیوم
لایلایا گلدیم دیماقا دوباره

باشیوه یول لاردا آنان باخاردی
اشگ غمی عذارینه آخاردی
آهِ دِلَه دِلِ عالمی یاخاردی
ظلم اولونوب بو جمع دلفکاره

(عدلیده )یوخ دوزوم دوزه فراقه
ایستیری دل بیرده گله عراقه
ایسته بالا قبرون آلا قوجاقه
قویما اونی چوخ قالا انتظاره

• یکشنبه
• 14
• دی
• 1399
• ساعت
• 22:27
• نوشته شده توسط
• یوسف اکبری

مزاریدن ای شهید حق
باش گوتور اویان قارداش
زیارته گلدی شامیدن
یاسلی کاروان قارداش

گیدوب حسین شامه گلموشم
گیوب قرا جامه گلموشم
باش گوتور اویان قارداش

دور ای ویرن ماسوالهین عهدی اوسته جانانه
بو دشتی قانیله دوندرن با صفا گلستانه
گلوب باجون اربعین دوتا سنکیمی سلیمانه
ویرن حقه عهدی اوسته ای عالی امتحان قارداش

دو بیرده اعجازایله حسین گلدیلر پناه سیزلار
بوقرخ گونون مِحنتین چکن باغریقان اولان قیزلار
ایشقلی آی دوره سین آلوب گوئیا که اولدوزلار
تاپوپ فراغت زیارته خسته بانوان قارداش

چاتوبدی آمالینه باجون رنج بی شمار اوسته
چکوبدی شامون مصیبتین صبروهم وقار اوسته
گلوب سنه درددل ایده مشک بو مزاراوسته
سرشک اشکیله سو سپه ایلییه فغان قارداش

قورام سنه محفل عزا عرش داوره گلدیم
بوگوزیاشین مرهم ایلییم زخم حنجره گلدیم
دئیم ربابین دیلیجه من لایلای اصغره گلدیم
سالاربوآفاقه سود امراودلی داستان قارداش

دوگورنجه خسته دل رباب دوتمری قرارآغلور
سولوب اونون غنچه ده گولی ایلورآه وزارآغلور
بیله خیال ایلوری گینه شیر خواری وار آغلور
فراق اصغرایدوب اونون قدینی کمان قارداش

بوچولده دردیم مزید اولوب یوخدی شرحینه طاقت
نقدری ساقی ویروب منه ایچموشم میِ مِحنت
همان میون مستیم هنوز واردی قلبیده حسرت
اولیدی نازلی رقیه کاش منله بو زمان قارداش

ستاره لردن بیری افول ایلدی او گون باتدی
گیدوبدی اکبرگیدن یولی اهل بیتی آغلاتدی
ایدوبدی مسکن خرابه نی تا ابد قزون یاتدی
اوتک سفیروندی شامیده پرچمون آچان قارداش

ویروردی جان سویلدی ندن گلموری بابام عمه
بو گوزلریمدن آخان یاشی سیلموری بابام عمه
مگر منیم وضع حالیمی بولموری بابام عمه
او جان ویروب اولموشام اوزوم قبرینی قازان قارداش

باشون گلنده خرابیه قانلی لبلره باخدی
قویوب دوداقین دوداقیوه قاره گوزلری آخدی
بو محنته تاب ایدنمدی یاندوروب بیزی یاخدی
قفسده کی روحی پرآچوب سیرایده جنان قارداش

دویولدی چون شام وکوفه ده غملره نصیب اولدی
خرابه ده آج قالوب زبس ابر تک غمه دولدی
چکنمدی دردوغصه نی گولکیمی بالان سولدی
دیمه باجی سن گتورمدون گلمدی اینان قارداش

سنون کیمی عشق کویونی گزمیوب گزن اولماز
ره وفا انتخاب ایدوب جانیدن گچن اولماز
بالاسونون قانینی گویه سنکیمی سپن اولماز
شِراده ای سودامرقا نین آللها ساتان قارداش

منیم کیمی عشق عالمین کیمسه درک ایدن اولماز
او بادۀ عشقوی اخا من سیاق ایچن اولماز
بوعشقون اوسته باجون کیمی دردوغم چکن اولماز
قالور هله بو قولومداکی نقش ریسمان قارداش

گلوب نلرباشیمه حسین بیربه بیر بیان ایتدیم
نه دردینن بیرقزون اولوب من سنه عیان ایتدیم
نشان ولی قمچی یرلرین ویرمدیم نهان ایتدیم
نظر بودی حشریده ویرم آناما نشان قارداش

آلوب بو نهضت لواسنی چگنیمه دولاندوررام
مدینه ده آغلارام مدام بزم غم سنه قوررام
مجاور اوللام رقیه وه شامیده علم ویررام
گلراورا حاجت آلماقا دردمند اولان قارداش

بونوحوی«عدلی»دوریازان عشقنی بولن اولماز
دیورکی هر عاشقین حسین جانی بی فتن اولماز
اویازدیقن ساتمیوب بولوردنیاداثمن اولماز
اولاراومحشرگونی ساتان سنده اول آلان قارداش

• یکشنبه
• 14
• دی
• 1399
• ساعت
• 22:30
• نوشته شده توسط
• یوسف اکبری

دورایاقه قبریدن ای شه حجاز
زایرون گلورحسین ایله پیشواز

شام شومیدن کاروان گلور
یاسلی زینبون باغریقان گلور

ای ایدن جانین فدا عالی مکتبه
دوردوا گتور اخا درد زینبه

یـا حسین ایله زینبه نظر
گورنجه گوزون یاشینی الر
سنکیمی حسین قارداشی اولن
مهربان باجی گور نلر چکر

شام شومیدن کاروان گلور
یاسلی زینبون باغریقان گلور

صود امر بالاسی اولن آنا
آهو تک بالا خاطره ملر

باخ ربابووا دلِ بیقراری وار
بیله فکرایدورگینه شیرخواری وار

قوللارین ره شام وکوفه ده
نیلی ایلیوب تازیانه لر
سود امر بالاسی اولن آنا
آهو تک بالا خاطره ملر

شام شومیدن کاروان گلور
یاسلی زینبون باغریقان گلور

مجلس یزید نقدراینجیدوب بیزی
اهل بیتوه ایدوب تیره گوندوزی

گور موشم نقدر هتک احترام
مجلس شراب بزم خاص و عام
رأس انورون بیرده خیزران
مست می اولان اللرینده جام

شام شومیدن کاروان گلور
یاسلی زینبون باغریقان گلور

اولدی تا خرابه یر بیز لره مکان
تاب ایدنمدی قزون ویردی اوردا جان

لایلای اصغره هر گجه دئین
کربلا غمین محنتین چکن
اولدی قویلادیم من خرابه ده
غسلی اشک اولوب کونگی کفن

شام شومیدن کاروان گلور
یاسلی زینوبون باغریقان گلور

• یکشنبه
• 14
• دی
• 1399
• ساعت
• 22:31
• نوشته شده توسط
• یوسف اکبری

سبک : کربلا کربلا ای تربت شهیدان

شش گوشه مزارون نه با صفادی قارداش
جلوه گاه ایمان نورخدادی قارداش

دورای شه مدینه
گلموشم اربعینه

بو نورو تجّلا ایلرعقولی حیران
واریری غبطیه ایتسه گلشن رضوان
کاش اولا زینبون گوزل مزاره قربان
بو قبرمطهّر دارالشفادی قارداش

مزاروندی بو یریا رازگاه جانان
عرش اعلایه هم عالمه سایه سالان
اهل عالم دردین همان بویردی آلان
مسیحادم آدون درده دوادی قارداش

یارالاریورقونی ای ایدن عالی نهضت
مکتب عشقیده ویردون درس شهادت
یتمیش بیرمجاهدسنلن تاپدی سعادت
بوردا توکولن قان ثارخدادی قارداش

کوچ ایدن زماندا بو چولی من یارالی
باشسیزگوردوم سنی یکسر بدن یارالی
دفن ایتدی کیم نعشون ای بیکفن یارالی
اول گوندن زینبون قلبی یارادی قارداش

یارالاریور قونی قرآن و دین فداسی
جان زهرا اویان دور دردیمون دواسی
دگوروم نجه دی سیننده اوخ یاراسی
ذکریم واحسین وگه وا اخادی قارداش

انتخاب ایتدون سن شهادت من اسارت
مهلت ویردی اجل تاپدوم گوزل سعادت
زایرم قبریوه گلدیم ایدم زیارت
خانگاه عشق و ذکرو دعادی قارداش

باجوون فکرینی درد و مِحَن لر قاتوب
امّاقبرون اوسته اوزآمالینه چاتوب
دِگوروم سود امراصغرون هاردا یاتوب
آناسی ربابون ذکری بالادی قارداش

مست عشقم حسین من ایشدوقوم جامیدن
گر ویرم گزارش کوفه و هم شامیدن
قلبوی گتوررم درده من آلامیدن
اگرچه دیماقا قلبیم رضادی قارداش

قلب عالمسن یوخ حاجت شرح و بیانه
کوفه و شامیده قلبیم دونوبدی قانه
رقیه اُولماقی امّا گتوردی جانه
رحلتینه باعث جور و جفادی قارداش

یانارام حالونا قان یاش توکدی گوزوندن
دیمدی دردینی مأیوس اولدی اوزوندن
نعشینی آغوشه آلدیم اوپدوم یوزوندن
گوردوم غنچه گولون غمدن رهادی قارداش

اریموش جسمنی غساله گوردی یاندی
ویرمدی غسلونی اشکین توکوب دایاندی
دیدی نه علته بو گل بیله خزاندی
بولدی شهزاده دی دینه فدادی قارداش

قبرین قازدوم اوزوم روحومی قویدوم یاتدی
مدینه کربلا فکرین باشیندان آتدی
آچدی پایگاهون دین پرچمین اوجاتدی
اوچ یاشندا بالان صاحب لوادی قارداش

ای حسین ای قانی احیا گر شریعت
قبر پاکی ایدن کرب وبلانی جنت
قیمت ویر نوحیه جان زهرا قیامت
«عدلیدور» یازانی بابه گدادی قارداش

• یکشنبه
• 14
• دی
• 1399
• ساعت
• 22:34
• نوشته شده توسط
• یوسف اکبری

سبک: احوالیمیز یاماندی...

قارداش مزارون اوسته
زینب گلوبدی گریان
حَنجَر یاراسین ایتسون
بوگوز یاشیله درمان

قرآن ودین فداسی
دور دردیمون دواسی
مرهم تاپوبدی آیا
سیننده اوخ یاراسی

ایوای یارالی قارداش
ایلدن آرالی قارداش

معراجه گلموشم من بو یردی عرش داور
قانون بو یرده آخدی تاپدی مقام اکبر
باخدوقجا بو مزاره قان یاش توکوربوگوزلر
شوق وصالون اولدی اولدوم بو نوعی نالان

بویرده آچموسان سن عشق اوسته عالی مکتب
شاگرد مکتبم من اولدوم حسینی منصب
سن آیرولان زماندان امّا قوجالدی زینب
دور روحیمه صفا ویر ایله منه بیراحسان

گلمزدی فکریمه بو وصله چاتاربوهجران
قسمت اولاربوقبرون بیرگون شه لب عطشان
گلدیم قوناقون اولدوم لطف ایلیوبدی رحمان
مرغ دلیم تاپوبدی هم آشیان گلستان

بوکعبۀ وفادور نه وارصفاسی قارداش
هرزائره صفا سی سعیی روادی قارداش
قانه باتان ترابی درده دوادی قارداش
وارهرمریض عشقه بو توپراقوندا درمان

گتدی باشون نی اوسته آردینجا من دولاندیم
رنگ غم و بلایه هریرده من بویاندیم
امامُصیبت شام گَلمَزشماره یاندیم
اُعجوزه داش آتاندا گلموب صدای قرآن

داش دگدی تا لبوندن اولدی منه قیامت
قرآن سسون کسیلدی تاپدی بیرعده جرأت
ایتدی شَقی جماعت اول حالیده شماتت
گویلومده کاخ عشقیم اولدی اودمده ویران

شام ایچره چوخ دولاندوق گوندوز دونوبدی شامه
مقصوده نایل اولدی دشمن چاتوبدی کامه
اولدی خرابه مسکن اول گون یتوب تمامه
الله بولور نه چکدوق گتدی قزون جهاندان

گلموب قیزون رقیّه منلن بوکربلایه
یاتدی خرابه یرده عمری چاتوب فنایه
غُسل وکفن ایدنده گلدی رُباب نوایه
قویدوم اوزوم مزاره ایتدی حرملرافغان

شام و سحرتوکردی گوز یاشنی گوزوندن
بولدوم خرابه یرده غمدن دویوب سوزوندن
گوردوم که گتمیوبدی سیلی یری یوزوندن
آغلاتدی آغلادیم من اولدی اودَم اؤرک قان

نه وارصفالی گللربو گلستانه گلدیم
دربار شاه دین و شاه جهانه گلدیم
دوردردیمه دوا ایت بو آستانه گلدیم
یاز«عدلی» سن دیلیمجن آغلا حسینه هرآن

• یکشنبه
• 14
• دی
• 1399
• ساعت
• 22:36
• نوشته شده توسط
• یوسف اکبری

سبک : ای گل مینای من.....

ای آچان دین مکتبی ای الهی منصبی
دینینه قربان اولان غم قوجالدوب زینبی

زینبون قارداش حسین دور اویان مهمان گلوب
بو مزارون اوستونه شادو هم نالان گلوب

زینبه دور اول بو یرده میزبان قارداش
دردلره درمان ویرورهم تازه جان قارداش

ای عزیز مصطفا راضی حکم قضا
اگمدون باش دوشمنه هرغمه اولدون رضا

آلموشام آغوشیمه بو پریشان قبریوی
ایتدیم استشمام حسین توپراقوندان عطریوی

سینن اوستونده یاتوبدی صودامر سرباز
بو مزار ایچره او نیله اولموسان دمساز

وارسلاوم محضره نو جوانون اکبره
صود امر سربازیوه سینن اوسته اصغره

یوخ توانی بو رباب سسله سون ایوای دیسون
ویر آنا آغوشینه اصغره لایلای دیسون

هر آنا اولسه بالاسی اشگ سیز اولماز
کیم دیور اصغر آناسی ابر تک دولماز

لبلری عطشان داداش جان سنه قربان داداش
باش گوتور بو قبریدن دور اوخی قرآن داداش

زینبون دور گور نجه غم لرونده یانماسون
باغریقان سجادیله قلبیدن اودلا نماسون

گلموشم بو یرده بیرده یانماقا قارداش
بزم ماتمده عزایه باتماقا قارداش

اشجعناس هاردادی اول گل یاس هاردادی
هاردا قولاری دوشوب قبرعباس هاردادی

غصّه دن یاندی او گون اول خریدار بلا
اولدی غیرتدن مریض غمگسار کربلا

یاتما دور قبرین نشان ویر زینبه قارداش
بوگونون مثلینده چاتدیم مطلبه قارداش

قیل بو عشاقه نظر (عدلیدور)خونین جگر
یاز براتین ایلسون کربلایه بیر سفر

قبریوی ایستر گویول جسم و روحی بی قرار
هم سنه هم زینبه روز و شب نوحه یازار

جام عشقیندن حسینیم مست و نالاندی
کربلا دیلده همیشه چشمی گریاندی

• یکشنبه
• 14
• دی
• 1399
• ساعت
• 22:38
• نوشته شده توسط
• یوسف اکبری

سبک : همه جا بروم به بهانۀ تو...

ای اولان مزاری جنّتدن صفالی
اربعینه گلدیم قبریوه یارلی

دور منیم آل سینق قلبیمی قارداش
تا دیوم سوزومی دردیمی قارداش

یا حسین مظلوم ...

فاطمه بالاسی آدین درده دوا
قبر پاکوندا وار نه عالم نه صفا
مریضه علیله توپراقوندی شفا

دردیمه درمان بوردادی قارداش
توپراقون درده دوادی قارداش

سینمی کربلا اودونا دلموشم
درد و غمدن حسین دیمه دینجلموشم
شکر اولا خدایه قبریوه گلموشم

من عزادارم وفالی قارداش
دور دانش منله یارلی قارداش

تک مزارون اوسته گلمدیم بیر اویان
گلوبدی شامیدن منله بو کاروان
گلنلر یاسلیدی عزالی باغریقان

چوخ اوزاق یولدان گلوبلر قارداش
دردوغم حسرت چکوبلر قارداش

محبت اهلینه کعبه دور مزارون
کاش اولیدی باجون بوردا همجوارون
لیلی نون غملری آلوبدی قرارون

شش گوشه قبرین شش پردی قارداش
زیر پاده یاتان اکبردی قارداش

باجوون فکرینی درد و غملر قاتوب
قبریوه گلوبدی آرزویه چاتوب
ده گوروم سود امر اصغر هاردا یاتوب

اصغرون آناسی آغلوری قارداش
سینه سین غمله داغلوری قارداش

مست عشقم حسین ایشدوقوم جامیدن
گر گزارش ویرم کوفه و شامیدن
قلبوی غم اویار درد و آلامیدن

باجوون صبری تالاندی قارداش
بو دنیا یالاندی یالاندی قارداش

«عدلی» دور نوکروز سینه سین داغلوری
قبروزی گورماقا گون سایور آغلوری

• جمعه
• 19
• دی
• 1399
• ساعت
• 19:35
• نوشته شده توسط
• یوسف اکبری

یاتما مزار ایچره اویان حسین جان
گلدی اخا شامه گیدن کاروان

ای گل گلزار ی سولان باغبان
ایلموسن دشت بلانی جنان
مهبط دل مهد وفا دن نشان
دور بو قوناق لاریوا اول میزبان

منبع رحمتدی سنون مزارون
جود و کرامتدی حسین شعارون
گویلونی آل زینب دلفکارون
خسته دی قرخ گوندی باجون نواخوان

عطری گلور رشگ جنان دور بو یر
زینبه کاشانه ی جان دور بویر
دوز باخوشا هر یری قان دور بویر
ذبح ایلیوب لر سنی بوردا عدوان

باده ی عشقوندن ایچن آیولماز
دفترعشق ایچره هرآد یازولماز
عالمه هر عاشق آدی یایولماز
ای آدی دنیایه شهیدآدلانان

بادۀعشقه دیلینی ویران چوخ
لیک سنون تک بومییی ایچن یوخ
بو میه ساغر اولوب اوچ شعبه اوخ
تک سنودون بو میه اولدون عطشان

دوغروچی عاشقلره ای سوْ گولی
آرزیلارین باغچا سینین تک گو لی
سن چمن دین حقون سنبلی
باغ دینه ثمر ویرن باغبان

چوخلاری عاشقدی سنه چاتانماز
عاشق اولار لیک صدیق اولانماز
مشکل دینی سنکمی آچانماز
ای آتاسی تک الی مشگل آچان

یوخدی بو عشقوون حسین زوالی
سنله اولوب بو میکده صفالی
شاهد دینسن سنه یوخدی تالی
ایلموسن عالمی گور نه حیران

قانون آخان یردی بو یرشفا وار
گلشن عشق دور اخا وفا وار
قلبلره ذوق ویرن صفا وار
محو اولوری نوره بو قبره باخان

خسته باجون گلوب چاتوب عراقه
رسمیدی حرمت اولونار قوناقه
دورایاقا قویاق دوداق دوداقه
وصله چاتا بلکه باجون بی زمان

سینوین اوستونده یاتوب اصغرین
لیک ایاق آتدا یاتوب اکبرین
هر ایکسی اولدی سنون دلبرین
حیف اولایوخ قبروزه سایه سالان

ظلم لرایچره ظلم شام باش اولدی
باشدان آخان تازه قانا داش اولدی
خر دوکبارین گوزی قانیاش اولدی
غرق محن اولدی تمام اسیران

هرنه منه ظلم اولونوب دایاندیم
دینه گوره هر غمی سهل ساندیم
درد رقیه دن ولی اوساندیم
گلمدی قالدی شامیده او نالان

تا با شوی گوردی گلوبدی مهمان
خونِ دلی اولدی گوزوندن روان
قویدی دوداقیوه دوداق ویردی جان
گوشۀ ویرانه ده یاتدی بالان

طاقتیمی آغلاماقی آلوردی
صبحه کیمی چوخ گیجه آج قالوردی
باشینه سودای بابا سالوردی
ظلم ایلدی چوخ قیزیوا شامیان

قبرین اونون قازدیم اوزوم آغلادیم
قبره قویوب نعشینی دل داغلادیم
صورتیمه گوز یاشیمی باغلادیم
اولدی باجون رقیه وه نوحه خوان

(عدلیده) عشقونده اولوب دیوانه
جام ولایتدن ایچوب پیمانه
گوردی ایچن جاهل اولورفرزانه
عشقینی مداح اولور ایلور بیان

• شنبه
• 20
• دی
• 1399
• ساعت
• 19:42
• نوشته شده توسط
• یوسف اکبری

آچ گوزون گلميشم قبروه مهمان حسينيم
زينب اولسون گوزل مرقده قربان حسينيم
شش گوشه قبرون - دارالشفادي
هر درده قارداش - خاكون دوادي
اهل و عيالون - نالان و خسته
زوار شاه - كرب و بلادي
مظلوم حسين جان
اي شاه عطشان

ايتموشم من وفا قارداشيم عهد و قراره
قيزلارون قويماديم قانياشين توكسون عذاره
غارت اولموش اساسي حسين آلديم عدودن
قانلي پيراهنون سرميشم پوزقون مزاره
قبرون مطاف - عشاق اولوبدي
قلبيم غموندن - قانه دولوبدي
گلدي حرملر - سالم تماماً
شامدا رقيون - غمدن سولوبدي
مظلوم حسين جان
اي شاه عطشان

ساغالوب باجووين باشداكي محمل ياراسي
عيبي يوخ قمچينون چكسه ده بيرايل ياراسي
گر مني قمچي و كعب ني زاره گتيردي
داي ساغالماز حسين تا اولونجه ديل ياراسي
شامدان قوتارديم - ديداره گلديم
ديدار شاه و - سرداره گلديم
مظلوم حسين جان
اي شاه عطشان

سس ويرر هرزمان ياخشي دلدارياره قارداش
چوللري گزدي يورقون باجون آواره قارداش
كوفه و شامي قول باغلي قيزلارون دولاندي
اربعين گلديلر باغريقان ديداره قارداش
اي شاه عطشان - باغريم اولوب قان
دور پيشواز ايت - بيزدن حسين جان
مظلوم حسين جان
اي شاه عطشان

• سه شنبه
• 23
• دی
• 1399
• ساعت
• 16:27
• نوشته شده توسط
• یوسف اکبری

گوز آچ حسین نظر ایت وفالی خواهروه
عنایت ایله بوگون بو غملی دلبروه
دوزدیم چوخ غمه قارداش
دوشدوم ماتمه قارداش
قرخ گوندی باجون آغلور
هجرونده سینه داغلور
حسین جانم۴

حسین سنون غموی سینمده ساخلامیشام
مسیرکوفه و شام بوقلبی داغلامیشام
باخاندا قیزلاروون سولان جمالینه من
آنام جانی گجه لر دویونجا آغلامیشام
دوزدیم چوخ غمه قارداش
دوشدوم ماتمه قارداش
قرخ گوندی باجون آغلور
هجرونده سینه داغلور
حسین جانم۴

حسین زیارتوه بوجمع خسته گلوب
غبارمرقدوی هره بونوعی سیلوب
حرملرون هامیسی گلوب سلامت حسین
ولی رقیه قیزون منی خجالت ایدوب
دوزدیم چوخ غمه قارداش
دوشدوم ماتمه قارداش
قرخ گوندی باجون آغلور
هجرونده سینه داغلور
حسین جانم۴

• سه شنبه
• 30
• دی
• 1399
• ساعت
• 22:30
• نوشته شده توسط
• یوسف اکبری

حسین جان قبروه. باغریقان زائرم
زینب بی کسم . قلبیدن مضطرم
"شاه عطشان . حسین
ای غسلی قان .حسین"۴

شریک نهضتم . سنه قارداش حسین
غمونده توکموشم .گوزه قانیاش حسین
چالمیشام شامیده .محمله باش حسین
سنه خاطر حسین .اولمگه حاضرم
"شاه عطشان . حسین
ای غسلی قان .حسین"۴

بلادشتی بیزه .دام ماتم قوروب
سپاه بی امان . ره کینده دوروب
پریشان قلبیمه .داغ داغ اوستن ویروب
اولوب قارداشلاریم . هرغمه ناظرم
"شاه عطشان . حسین
ای غسلی قان .حسین"۴

حسین جان آچ گوزون.زینب زاروم
بوپوزقون قبروه .غملی زواروم
قوجالدیم شامیده.یارغمخواروم
قونموشام قبروه . نوحه خوان طائرم
"شاه عطشان . حسین
ای غسلی قان .حسین"۴

گتیردیم دیدوه .جمله اولدوزلاری
دورایله پیشواز . بو آدامسیزلاری
اوزون آل گویلینی.باغریقان قیزلاری
پریشان قیزلارین .حالینه ناظرم
"شاه عطشان . حسین
ای غسلی قان .حسین"۴

سنون عشقونده من .غمه آکندیم
سنه قان آغلارام .نقدر زندیم
رقیه قیزوندان . ولی شرمندیم
خرابه ده قالدی.بالاجا طاهرم
"شاه عطشان . حسین
ای غسلی قان .حسین"۴

مزار ایچره سنله . علی اکبر یاتوب
سینون اوسته سنون . بالان اصغر یاتوب
ولی علقم اوسته. بیردلاور یاتوب
بوسببدندی من . آزرده خاطرم
"شاه عطشان . حسین
ای غسلی قان .حسین"۴

• سه شنبه
• 30
• دی
• 1399
• ساعت
• 22:32
• نوشته شده توسط
• یوسف اکبری

سبک : خرابه چراغونه امشب...

باجون گلدی غملی سفردن
اویان ای لب عطشان حسینیم
بو ششگوشه لی قبره زینب
اوزین سالدی گریان حسینیم
لب عطشان حسینیم

یوردی هامی قیزلاری شامیده چون اسارت
قارداش گلوبدی. هامی اهلبیتون سلامت
اما رقیه.بالوندان.چوخ اولدوم خجالت
آجیندان ویروب جان حسینیم

قولی باغلی قلبی شکسته
گزوب کوفه و شامی گلدیم
جهاندا فقط ای حسینجان
سنی دردیمه چاره بیلدیم
بوشش گوشه قبرین سرآخر
توزین اشک چشمیله سیلدیم
ولی خسته گلدیم

آچ گوزلروی.قیزلاری .اوزون پیشواز ایت
بودلشکسته .زواره . آنام جانی ناز ایت
بو آلتی گوشه .مزارون .بیزه کشف راز ایت
شهید لب عطشان حسینیم

بو زیبا مزاره دوباره
هامی دلکبابی گتوردوم
علی اکبره لیلی سپسون
گوزوندن گلابی گتوردوم
چالا اصغره بیرده لایلای
بوغملی ربابی گتوردوم
ربابی گتوردوم

قارداش یوخودون گوره سن نجه خیمه یاندی
ظلمین آتش کینه سی گویلره دایاندی
غارتده قیزلارین قولاغی قانه بویاندی
بپا اولدی طوفان حسینیم

سالام قبرون اوسته باغیشلا
یوخومدی حسین ترمه شالیم
گیدوب غارته چون اساسیم
آنام جانی برهمدی حالیم
ولی واردی بیرتحفه منده
سالام قبروه وار خیالیم
حسین وارخیالیم

کهنه کوینگون . ننمدن .سنه یادگاردی
اوچ شعبه لی اوخ .اونداکی .گل سینوی یاردی
هجرونده سنون .چوخداندی .زینب بی قراردی
سنه جانی قربان حسینیم
آچ گوزلرون باخ منه یورقونام نورعینیم
ایوای حسینیم حسینیم حسینیم حسینیم

• چهارشنبه
• 1
• بهمن
• 1399
• ساعت
• 12:05
• نوشته شده توسط
• یوسف اکبری

سبک : ای ویرن ویرانه یرده...

ای ویرن لب تشنه جانین دینینه قربان حسینیم
دورایاقه گلدی زینب قبروه مهمان حسینیم
ای شه عطشان حسینیم
قبروه قربان حسینیم

زینب باجون سنون سینونده اولان یاروه قربان.... ای خسروخوبان
نهراوسته لب تشنه قولسوز علمداروه قربان .... ای شاه شهیدان

عصرعاشوربلاده قوپدی طوفان مصیبت
یتمیش عاشق بیرگون ایچره ایچدیله جام شهادت
لشکر بی عارکوفه خیمگاهی ایتدی غارت
قیزلارون آواره قالدی اولمادی درمان حسینیم

بیرگجه یانمش چادردا عترتون شام غریبان
قوزادی افغان و آهین گویلره سرگشته طفلان
سوزآهیندن ربابین ناله ایتدی کون و امکان
صبح اولوب یولاندی شامه عترتون گریان حسینیم

عترتون قولاری باغلی کوفه و شامی دولاندی
باشلارا سرنیزه لرده داش دگوب قانه بویاندی
شامون اهلی نه آتامدان نه پیمبردن اوتاندی
حق اوزی ایتسون گرکدور آرادا دیوان حسینیم

شامیدن آزاد اولوبدی عترتون دیداره گلدی
غمکشیده قیزلارون گو باشلاریندا قاره گلدی
محمله باشین ویروبدی زینبون باش یاره گلدی
گوشه ویراندا قالدی بیرقیزون مهمان حسینیم

اربعین زواری اولموش عترتون بیربیر سلامت
رخت دنیانی رقیه سویدی قارداش ایتدی رحلت
نازلی جیران بابتیندن اولموشام گورنه خجالت
تاپمادیم نازلی بالانون دردینه درمان حسینیم

قبرون اوسته دختران غمکشیده گلدی قارداش
لیلی وکلثوم گریان هم سریه گلدی قارداش
هم رباب بینوانین آهی دیلده گلدی قارداش
اصغره قرخ گوندی آغلور مونس هجران حسینیم

باشیمون بیلسه بلاسین مهر وماه و اختر آغلار
باش آچارجنتده حتی شاه مردان حیدر آغلار
قمچی ردین قولاریمدا گورسه غملی مادر آغلار
خوش گونه حسرتدی زینب قلبی اولموش قان حسینیم

خیمه لر یاندی اساسیم کربلاده اولدی غارت
عفو ایله یوخ ترمه شالیم تا ایدم ایفای خدمت
دورت مین اوخلی کوینگوندی آلتی گوشه قبره زینت
قبرون اوسته کاش ویرم جان ای شه دوران حسینیم

قبروه بیرعده غمدن پروبالی بسته گتدیم
دختران بوترابی غصه لردن خسته گتدیم
آهوان نوحه خوانی جمع ایدوب بیردسته گتدیم
سینه زن مداح و شاعر جمع اولوب الان حسینیم

قبر شش گوشون اگرچه((آذرینه )) اولدی قسمت
حیف اولا اما واریمدی قلبیده بیر عمده حسرت
قسمت اولموب بوحقیره اربعینده بیر زیارت
قویماقالسین غم اورکده ای شه عطشان حسینیم

• چهارشنبه
• 1
• بهمن
• 1399
• ساعت
• 18:11
• نوشته شده توسط
• یوسف اکبری

غم قلبین دَلَم –گوزیاشیمی سیلّم -
دیداریوه گلم_ اربعینـونــده مـن پـای پیـاده
سرداریم سن سن – سالاریم سن سن
مُحنتلی گونومده - غمخواریم سن سن

یتیشدی اربعین آقا – هامی باتوبدی ماتمه
گلن گلـور زیـارته قالان باخور بو پرچمه
سنی قسـم وئریم آنـان بتولین آبروسینه
منیمده قلبیـم اوتلانیـر زیارت آرزوسینه
غم قلبین دَلَم – گوزیاشیمی سیلّم - دیداریوه گلم_ اربعینـونــده مـن پـای پیـاده
سرداریم سن سن – سالاریم سن سن
مُحنتلی گونومده غمخواریم سن سن

آند اولسـون یوز اون دُورد سورة حَقِ قران کریمه دلبسته گدادی
عالمللر حُسینه
سن بول اصغرین حلقینن آخان قان بیرجه کرم ایله ایسته بو گـدانی
بین الحرمینه
سرداریم سن سن – سالاریم سن سن
مُحنتلی گونومده غمخواریم سن سن

بیر عمریدور قاپوندا من اینان کی سینه داغلارام
دینده روضـه نوحه خوان مصیبتـونده آغلارام
عنایتیلـه باخ آقـا اورکـده واردی چوخ سوزوم
او آلتی گوشه قبریده واریمـدی سیـدی گوزوم

غم قلبین دَلَم – گوزیاشیمی سیلّم - دیداریوه گلم-
اربعینـونــده مـن پـای پیـاده
سرداریم سن سن – سالاریم سن سن
مُحنتلی گونومده غمخواریم سن سن

• جمعه
• 3
• بهمن
• 1399
• ساعت
• 20:08
• نوشته شده توسط
• یوسف اکبری

در آهنگ (من حسینم علی بالاسی... )

اربعینه گلوبدی زینب
قلب ظلمـی دلوبدی زینب
گورجغین آلتی گوشه قبرین
ئولمیوب دینجلوبدی زینب

ای منـی بـو مکـاندا آواره قویان
دور حسین زینبون گلوب یاتمااویان

اویان قارداش - اویان قارداش

گور نجه حاله قالدی زینب
باشینه قاره سالدی زینب
کوینگون تا آلونجا قارداش
جانه گلدی قوجالدی زینب

کوینگون تا آلونجا قدیم بوکولوب
اشک ماتم بو دیده لر دن توکولوب

سسله عباسیمی اویانسین
نیسگیلینده بو سینه یانسین
تا حرملر دویونجا بوردا
آغلیوب باشینه دولانسین

چوخ یوروب شام و کوفه یالقیزلاریوی
آغلیاندا وئروب عدو قیزلاریوی

ای باشی چوخ بلالی قارداش
دور حسین جان یارالی قارداش
اوت وئروبدی منه ابوالفضل
سیزدن اولموش آرالی قارداش

یتمیش عاشق بی یرده پیوسته یاتوب
تکجه عباسیم آیریلیب خسته یاتوب

اویان قارداش اویان قارداش

• پنج شنبه
• 9
• بهمن
• 1399
• ساعت
• 23:34
• نوشته شده توسط
• یوسف اکبری

عجب زینبه اولدی
سعادت آنام اوغلی
گلوب ایلدی قبرون
زیارت آنام اوغلی

دیردیم اولا مهلت
اجلدن بو فکاره
نصیبیم اولا بیرده
سالام یول بو دیاره
گتوب بیر دوشنم من
بو شش گوشه مزاره
او منظور اَلَه گلدی
بو ساعت آنام اوغلی

بو اودلی دلی قارداش
عجب کامه یتوردوم
بو ششگوشه مزاره
گلوب توشه گتوردوم
بو پیراهنون الده
بو قبر اوسته گتوردوم
ایدم تا سنه ردِّ
امانت آنام اوغلی

بو کوینک منه سندن
قالوب بیرجه نشانه
اولار ایتماقا ناله
بیر عمر الده بهانه
باسوب باغریما گلَّم
نوایه یانا یانه
منه ناله دن اولماز
فراقت آنام اوغلی

چوپروانه وجودی
وفا شمعنه چالّام
بو کوینکدن ئولونجه
گوزل عطریوی آلّام
آلوب عطریوی سانسیز
یاران یادیمه سالام
گلر درده دلِ پُرـ
جراحت آنام اوغلی

اگر اولسا نصیبیم
آنام مدفنی قارداش
اخار ایسلادیر اشکِ
تریم دامنی قارداش
آنام قبرینه سالّام
بو پیراهنی قارداش
او مظلومیه قیلّام
شکایت آنام اوغلی

• چهارشنبه
• 15
• بهمن
• 1399
• ساعت
• 21:48
• نوشته شده توسط
• یوسف اکبری

دور حسین شام بلادن عترتین نالان گلوب
مو کَنان وسینه سوزان گوزلری گریان گلوب

قورتاروب قید اسارتدن عیـالون قیـزلارون
صفحه صفحه کربلایه فِلمَثل قران گلوب

قیرخ گون‌اولموش‌آیریلوب‌کربوبلادن عترتین
دستِ بسته کوفه و شامی گزوب الان گلوب

سن‌گورَن اُول‌کاروانی‌سولدوروب هجران‌غمی
جان قویوبلار کوفه‌وشاماتیده بی جان گلوب

هریانا گئتدی باشون آردونجا گلدی قیزلارون
کربلایـه باخ دوبـاره قیـزلارون ویلان گلوب

گوئیا‌قیرخ‌گون‌اولار‌قبرونده‌یاس‌ساخلانمیوب
قبرون‌اوسته‌غم‌یئمه بیرعِده نوحه‌خوان گلوب

هانسی بیر نوحه‌دیَن‌لر؟کی تماماً خسته‌دی
فکر ائله خسته ترین مداحیلر یولدان گلوب

حالیوه‌هِش‌کس‌بو یورقونلارکیمی‌یانماز حسین
پیشواز ائت نوحه‌خوانِ خسته‌ی دوران گلوب

هاموسی‌نوحه‌دیوب زلفون‌یولانلاردی بولار
بیرسوروش‌هاردان‌گئدوب‌هاردا قالوب‌هاردان‌گلوب

مو سفید و قاره پوش‌و‌یاره دور پیکرلری
تازیانه یئـرلری گُوی ، قرمزی ؛ الوان گلوب

یوزلرینن بَلّیدور یوخ جسمیده صاف یئرلری
قمچیلر ایلیوب‌بوتون پیکرلرین شان شان گلوب

اولقـدر نوحـه دِیوبلر اکبـره عبـاسیوه
سس‌لری باتمیش تماماً سینه‌سی سوزان گلوب

اصغـره یـولاردا لایلای چالدیلار خُرد و کَبار
سهلی سانما گـپر دئسم قلب ربابه قان گلوب

اصغـره لایلای دینـده قلبی بشکستـه رباب
تئز نگهبانلار ووروردی دیلده چوخ افغان گلوب

قوی بونی عرض ایلیوم گور چکموشم یولدا نه‌لر
زینبون گلدی ولـی قلبـی دولی القـان گلوب

آغلیـانلاری نوازش ایلیوردی قمچیلـر
نه نوازش کی ائدوب قامتلرین چوگان ؛ گلوب

قیزلارون‌هرکیم ووروردی‌زینب اولموشدی‌سپر
یاره لی جسمیله زینب همچو فَتاحان گلوب

قولاریمنان چوخ بدنده واردی قمچی یاره سی
دردیمون‌سن‌سن‌طبیبی‌درده قیل درمان،گلوب

شامیده‌ئولموشدی قیزلارون‌من ئولسیدیم اگر
ئولمدیم قالدیم قوجالدیم ، زینبون نالان گلوب

ئولدورردی شامیان سجادیوی من قویمادیم
سویلدیم آل علی شـامـاتیـوزه مهمان گلوب

دور امامیمدن سوروش شاماتیده ائدیم نه‌لر
بیـر بیره شـاماتی ووردیم گوئیا طوفان گلوب

کوفه و شاماتیده حیدر کیمی خطبه دئدیم
کیم ائشیدی بیلـه بولـدی نـاطـق قران گلوب

مرتضـا تک نطقَ گلدیم قانیوی آلدیم حسین
شـامیـان فکـر ائـدیللـر عـلامه‌ی دوران گلوب

• چهارشنبه
• 22
• بهمن
• 1399
• ساعت
• 14:36
• نوشته شده توسط
• یوسف اکبری

همدمدی زینبیله فریاد عاشقانه
بو قانلو کوینکوندی فریادینه بهانه
ای یوسفِ مدینه بیر کوینکون نشانه
یعقوبیوه آپارسام سرمایهٔ بُکادی

بو قانلی کوینک ایئلر احوالوی حکایت
ویرمیش نقدری دشمن گول جسمیوه جراحت
بو کوینکی اؤلونجه ساخلار باجون امانت
جان تاپشورانجا قالسا سینمده چوخ بجادی

بارانه بنزر اشکیم، آغلار گوزوم سحابه
بنزر دل فکاریم اود اوسته کی کبابه
یاننام سیزیلدارام من باخدوقجا بو ربابه
دل یاندیراندی حالی اوغلی اؤلن آنادی

لیلا اوغول مزارون جان تک آلوب کناره
قان یاش توکور گوزوندن مجنون کیمی عذاره
وادور یری اؤلونجه گر گلسه آه و زاره
مظلومه بیر اوغولسوز مادردی بینوادی

بو پیک آهیم ائتسون بزم مدینه ایکاش
وئرسون خبر بو حالی امّ البنینه ایکاش
عبداللهیله گلسون بو اربعینه ایکاش
کلثومین آغلاماقدان بی تاب اولوب فؤآدی

بو قرالردن سورا بیر آیری جامه بیچمرم
شمردن محشرده سن گیچسن ولی من گئچمرم
سن سوسوز اؤلدون سرین سو تا قیامت ایچمرم
عالمه فخر ایلرم من بیله خدمتدن حسین

کوچ ائدنده ظاهراً اولدوم اسیر اهریمنه
باطناً آنداولسون عباسه اسیر اولدوم سنه
من دئدیم ایوای حسین،،قمچی ویروب دشمن منه
چوخ سوزوم واردور هله بیربیر جراحتدن حسین

• شنبه
• 25
• بهمن
• 1399
• ساعت
• 22:33
• نوشته شده توسط
• یوسف اکبری

ای حسین ای سینه سین اوچ شعبه لی پیکان اویان
ای عزیز فاطمه ای شاه مظلومان اویان
ای ایکی نهرین آراسیندا اؤلن عطشان اویان
قبرین اوسته زینبون خونین دل و نالان گلور

سن سوسوز اؤلدون چوله اشکیم کیمی آخدی سولار
توزلی قبرین ایندی مشگ اشکیله چشمیم سولار
اوغلی قاراشی اؤلن بی خانمانلاردی بولار
شامیدن کرببلایه بی سر و سامان گلور

قیزلارون آهو کیمی بو دشت و صحراده ملر
گورسنور گوزده هله یانمیش تالانمیش خیمه لر
سن بولورسن عترتون قارداش چکوب سنسیز نلر
غصه دن گول چهره قیزلار گول کیمی خندان گلور

سن کی اؤلدون منده قارداش بی سر و سامانیدیم
وادی حیرتده٬ مات و واله و حیرانیدیم
قولاریم باغلی اسیر رأس او سلطانیدیم
قیدیدن آزاد اولوب بو خانه سی ویران گلور

گوزلر اشکیله دولوب ابر بهاران تک حسین
یاغدوروللار قیزلارون گوز یاشی تک باران حسین
زینبون سیل سرشگی بحر عمّان تک حسین
موجه گلموش دیده ده رخسارینه هرآن گلور

شخصیت زینبدن بو عالمه پیدادی
غیرت اولا بیر قطره، زینب ولی دریادی

غیرتده شجاعتده هیبتده علی مثلی
عفتده لیاقتده آیینهٔ زهرادی

• شنبه
• 25
• بهمن
• 1399
• ساعت
• 22:51
• نوشته شده توسط
• یوسف اکبری

من اوزوم ئولسم غمینده روحیم آغلار یا اخا
قبر ایوینده استخوانیم نی کیمی ایلَر نوا
سن اؤلنده قویمویوبلار زینبون دوتسون عزا
غنچه تک قان باغلویوب قلبی بو حسرتدن حسین

کیم دئور قید مصبیتدن باجون آزاد اولار
یدّی قارداشی اؤلن باجی مگر دلشاد اولار؟
تا وارام بو غم منه مستوجب فریاد اولار
باشیوی دشمن سوسوز کَسدی عداوتدن حسین

آغلاسام عمریمجه آزدور تک بو ظلمه روز و شب
سو دئوب یاندون شهید اولدون سو اوسته تشنه لب
باشیوی دالدان کسوب اؤلدوردی اشرار عرب
بیر نفر رحم ائتمه دی قرخ مین جماعتدن حسین

روضهٔ خلد برین بو روضه دن آثاردور
قبریوه ساقیّ کوثر قیزلاری زوّاردور
معنی جنّاتُ تَجری تحتهاالانهاردور
زمزم چشم حرم جاریدی صورتدن حسین

سن اؤلن گون من اسیر اولدوم بو چولده دشمنه
کفن و دفنین اولمادی ممکن آنام اوغلی منه
قبریوه قربان باجون بو قبری کیم قازدی سنه
کیم گوتوردی پیکرون خاک مذلّتدن حسین

• شنبه
• 25
• بهمن
• 1399
• ساعت
• 23:03
• نوشته شده توسط
• یوسف اکبری

سندن سورا من سالموشام غوغا جهانه یاحسین
کشف حقایق ایلدیم اسلامیانه یاحسین

کرببلادن آیریلوب یاحق دئدیم دوشدوم یولا
ذکریم علیّ المرتضیٰ سربند یا خیرالنسا
ائتدیم یزیدین نیتین حضّار ایچینده برملا
شیطانی رسوا ایلدیم او شامیانه یاحسبن

رسوا یزیدی ائتموشم بیر عالی تبلیغاتیله
تثبیت قدرت ایلدیم منطقله معلوماتیله
اوّل داغیتدوم کوفه نی، اوندان سورا شاماتیله
وقتی که اولدوم روبرو گتدوم فغانه یاحسین

قارداش زیاداوغلونلا من اتمام حجت ایلدیم
مرجانه اوغلی سسلدوم، کشف هویّت ایلدیم
ائتدوم اونی بی آبرو ایله خجالت ایلدیم
فکر ائتدولر حیدردی بو علم بیانه یاحسین

چیخدوم او مجلیسدن اخا گوردوم تماماً مرد و زن
بولدوم قالوبلار هامّوسی انگشت حیرت بر دهن
نجوا ائدوردی کوفیان کیمذور خطیب شیرزن
زهرا قیزی زینبدی بو فخر زمانه یاحسین

چکدوم بو کشتینی اخا دریای غمدن ساحله
مطلق سنین قانین منیم نطقیم یتیردی حاصله
وئردیخ باجی قارداش گنه معناده بیرده ال اله
احیای قرآن ایلدوخ اسلامیانه یاحسین

شامه گیدوب گوردوم یزید فخر ایلوری اوباشینه
فکر ایلدی زینب گلوب شامه ائله اوزباشینه
آنذاولسون عباسه حسین تختین چووْردوم باشینه
آندیردیم او شخصیتین پیر و جوانه یاحسین

هرچند فاتح گلموشم ای چاره سیزلر چاره سی
ویرانه ده قالدی قیزین، باشیمده واردی قاره سی
اؤلدوردی او یورقون قیزی اکبر غمی، دیل یاره سی
دفن ایلدیم ویرانه ده گلموشدی جانه یاحسین

تیسنه «فقیرا» درده اولسا دوا، زینبده دی
هریاندان ال اوزسن اگر مهر ولا زینبده دی
چونکه کلید درگه کرببلا زیبنده دی
قلبیم داریخدی ائیلدیم عرض بهانه یاحسین

• دوشنبه
• 27
• بهمن
• 1399
• ساعت
• 19:24
• نوشته شده توسط
• یوسف اکبری

منده سنه هی نیزه ده باخدوقجا یانوردوم
دوره مده دوروب کف چالان اشخاصی تانوردوم
غیرتدن اَسوردی بدنیم،چوخ اوتانوردوم
عشق عالمینین مرحله سین اوردا قوتاردوم
گوردوم باشیون یاره سینی باشیمی یاردوم

کوفه غمینین شرحی چتندور باشا گلمز
چکدوم نه بلا اوردا، بیری درک ائده بولمز
سندن سورا هیچ کیسمه گوزوم یاشینی سیلمز
چوخ سوزلری قارداش دئمرم قبره آپارّام
فرصت الیمه دوشسه، گینه باشیمی یارّام

شامه نجه گئتدی حرمین ای شه ابرار
عریان دَوَلر اوسته، خانملار، بالا قیزلار
واضحدی بو سوز محضریوه ایتمرم اظهار
طاقت یوخدی چونکه اوشاقلاردا حسینجان
خردا بالالاردان نچه سی یولدا ویروب جان

گتدوم قالان اطفالیوی دیداریوه قارداش
خوش گلدون ائیله غصه لی زواریوه قارداش
ناز ائت یورولان، خردا اوشاقلاریوه قارداش
چونکی بولارین قلبی سینوب غصه یوروبدی
شام اهلی بیزه شامه کیمی قنچی ویروبدی

یوخ یوخ یارالی دور دیمورم من بو سوزویمدن
دشمن سنی گودالیده سالمیشدی دوزومدن
وادور یری قان جاری اولا بوردا گوزومدن
صرصر یلی گلزاریوه، ظلمیله اسیلدی
دالدان باشون آخر بو چوخور یرده کسیلدی

• دوشنبه
• 27
• بهمن
• 1399
• ساعت
• 19:50
• نوشته شده توسط
• یوسف اکبری

«در سبک: من مانده ام تنهای تنها»

دور قبریدن قارداش حسینجان، زینب گلوب دیداره مهمان
سینه سوزان مو پریشان

بیرجمع سرگردان و خسته،قارداش گلوبلر قبرین اوسته
دلشکسته مو پریشان

دوزدوم غم هجرانه قارداش،،دور ایاقه دور ایاقه
قرخ گونده گلدوم جانه قارداش،، دور ایاقه دورایاقه
------------------
صبرین گولون آخرده دَردیم، غم گوللرین سینمده سردیم
چوخدی دردیم نه دئوم من
غملر سایام گلمز شماره، قلبیم اولوبدی پاره پاره
دیلده یاره نه دئوم من

دور کوینکین اللردن آلدیم،،آی یارالی آی یارالی
توزلی مزارون اوسته سالدون،،آی یارالی آی یارالی

کیم قبروی قازدی برادر، گوردوم او جسم پاک و اطهر
چاک و عریاندی آراده
قالموشدی ایستی یرده عریان، شیرازه دن چیخموشدی قرآن
گوییا کرب و بلاده

گر شمریدن محشرده گیچسن گئچمرم من گئچمرم من
والله سرین سو تا قیامت ایچمرم من ایچمرم من
--------------------

اؤلدی او دم غم قهرمانی، گوردی لبینده خیزرانی
اولمادی چارم حسینجان
آهیم اوجالدی آسمانه، لبلر دولاندا لخته قانه
طشت زر اولدی قیزل قان

هر ضربه لبلردن دگنده سسلنوردوم یاابولفضل
تشنه دوداق قانه دوننده سسلنوردوم یاابولفضل

• دوشنبه
• 27
• بهمن
• 1399
• ساعت
• 19:52
• نوشته شده توسط
• یوسف اکبری