اشعار ویژه اربعین

چوخ دییَردیم کاش اولیدیم قبریوه زوار حسین
حق یتیشدی دادیمه اقبالیم اولدی یار حسین
حمدلله کام دل حاصل اولوبدور زینبه
ئولمدیم آخر یتیشدیم بو مکاندا مطلبه
سن یتیشدون مقصده تا روز عاشورا حسین
سندن آیرلدی بو چولده زینبون اما حسین
قیزلاری دشمن ووراندا سسلنردیم یا حسین
چوخ بلالر زینبه گلدی بو یوللاردا حسین
باخ باجون ئولسون قالوب آثاری قوللاردا حسین
آیریلاندا کربلادن اولدی بیر طوفان بیزه
عاقبت اولدی نگهبان شمر بی ایمان بیزه
ناقیه قیزلار میننده ظلم اولوب هر آن بیزه
قیزلاری بیر بیر طنابه باغلادی شمر دنی
تا دئدیم انجتمیون زنجیریلن ووردی منی
ائتمرم شِکوَه نه چون یازمیشدی حق تقدیریمی
ساخلادیم گوز اوسته قارداش ناقه ده زنجیریمی
گورمدی بیر کس ولیکن ناله دلگیریمی
رشته امیدیمی تکجه خدایه باغلادیم
آند اولا زهرایه من یوللاردا گیزلین آغلادیم
کوفه ده اما حسین اولدی قیامت بیزلره
بی حیالر ال چالوب ائتدی شمادت بیزلره
اولمامیشدی هیچ زمان بیله جسارت بیزلره
اهلبیت عصمتی قارداش پریشان ائتدیلر
قیزلاری بیر آیری عنوانیله گریان ائتدیلر
ناگهان گوردوم باشون قرآن اوخور ای شاه دین
من حزین صوتیله سسلندیم او دم بیر یاحسین
تازه یاره من باشوندا گوردوم اولدوم دلغمین
زینبون ئولسون او دم توکدوم یوزه گوزیاشیمی
طاقتیم الدن گئدوب یاردیم حسین اوز باشیمی
کوچه بازاری دولاندوخ تا یتوب وقت اذان
راهی اولدی مجلس ابن زیاده کاروان
گورممیشدیم بیر ایله مجلس اولا من هیچ زمان
هم امیر کوفه هم شیخ و اراذل جمعیدی
قیزلارون پروانه ، زینب مجلس ایچره شمعیدی
من خجالتدن حسین سالدیم اشاقه باشیمی
سسلدیم امدادیمه قولسوز یاتان قارداشیمی
کیمسه داده گلمدی توکدوم یوزه گوزیاشیمی
نیت پستین او ظالم مجلس ایچره بولدوروب
آچدی نحس آغزین دئدی الله حسینی ئولدوروب
لعنت حق من دئدیم گلسون سنه ، سلطانیوه
بیله مغرور اولما ظالم دنیوی عنوانیوه
اوز الونله ووردون آتش دینوه ایمانیوه
فخریدور آل للهه بو نوعیله مرگ و ممات
ئولمیوب ئولمز وئرن قانیله اسلامه حیات
حشره تک قارداشیمون بو انقلابی زنده دور
واردی تا زینب بولون دین پرچمی پاینده دور
شاه دیندور قارداشیم سننَن امیر ون بنده دی
یوخ بصیرت سنده ظالم دین چراغی سونمیوب
ئولمیوب زینب هله راه حسیندن دونمیوب
ایلدی اظهار کیمسن بو شجاعت سنده وار
اولماز عورته بو شخصیّت نجابت سنده وار
قوخموسان مندن دئدی هانسی صلابت سنده وار؟
من دئدیم زینب دور آدیم مرتضا دلبندیم
دختر طاها بتولین باوفا فرزندیم
روز ازّل وئرمیشم قارداشیمیلن ال اله
قویمیاخ دوشسون بو دینون بیرقی الدن اله
نطقمیله ایمدی ساللام بو مکانه ولوله
گلشن پیغمبرین دوزدی سولان بیر یاسیم
زینبم اما حسینون دومین عباسیم
من شهامت درسینی زهرا آنامدان آلمیشام
دوزدی باشه دورت یاشیمدان قاره معجر سالمیشام
سن خیال ائتمه بو مجلیسده آدامسیز قالمیشام
آل سفیانون اگر چه بیر دغل باز شاهی وار
زینبونده اوچ یاشیندا نازلی خاطر خواهی وار

افتخار ائتمه حسینون گِتدی الدن عزتی
قوللاری باغلی اسیر اولدی عیال و عترتی
غافل اولما ، باشلانوب تازه حسینون نهضتی
گئت دئنن هند اوغلی بولسون عاقبت بو مطلبی
نهضت کرب و بلانون وار حسین تک زینبی
تا قوتولدی کوفه نون قارداش مصیبت نامه سی
زینبون آز قالدی داشسین صبریلی پیمانه سی
وارد اولدوخ شامه باشلاندی بویوک هنگامه سی
نُه فلک یاندی یارالی باجیوین اقبالینه
ال چالان عورت اوشاقلار گلدی استقبالیه
آند اولا اللهه گلدیم جانه ظلم شامدن
گور نَلر اولدی قدم آتدوقجا هر بیر گامدن
باشلارا اود توکدولر هر کوچه لرده بامدن
یاندی سجادین باشی اوج ائتدی عرشه ظلم شام
عرض ائدوب الله منی ای کاش دوغمیدی آنام
اوچ نچه ساعت حسین دروازه ساعاتیده
گئچدی مین ایل لحظه سی اوردا قالان اوقاتیده
اجنبی لرده حسین گلدی او گون شاماتیده
شام امیری مجلس شادی ائدوب قارداش بپا
قوللاری باغلی عیالون ایلدی داد و نوا
وارد اولدخ مجلسه ، مجلس نه مجلس یا حسین
سسلنوبلر خارجی گلدی اولوب غوغا حسین
بیر زمان گوردوم دولاندی باشیمه دنیا حسین
مست اولوب اول حاکم ظالم توکوب گوز یاشیوی
خیزرانیله ووروب طشت طلاده باشیوی
سن اوزون گوردون او مجلسده دانیشدوم من عیان
چوخ شجاعتله اودم حق سوزلری ائتدیم بیان
خواب غفلتدن دئدیم ای حاکم ظالم اویان
شامل اولدی لطف حق یخدیم او ظالم خانه سین
زهره دوندردوم الینده ایچدوقی پیمانه سین
من دئدیم گر قوخموسان حیّ توانادن یزید
گل اوتان شیر خدادن یا که طاهادن یزید
شرم ایله باری یانان درگاهی زهرادن یزید
بو دوداقلار که وورورسان خیزرانیلن الان
حضرت زهرا اونی بسلردی جانیلن دایان
چوخ دئدیم ظاهرده اولدی گرچه اول ظالم غمین
لیک ائتدی زینبی بو باره دن چوخ شرمگین
وئردی بیر مسکن بیزه آدی خرابه ، اول لعین
بیر گجه گلدون اوزون گوردون او غملی مسکنی
عاقبت اولدی او ویرانه رقیه مدفنی
چوخ گوزل طرزیله « شیدا » نظمه چکدون مطلبی
شعریوین معلوم اولار محشرده شان و منصبی
اربعینه آز قالور وئر آند حسینه ، زینبی
عرض ایله چوخ گویلوم ایستیر لایق دیدار اولام
مهلت آل دست اجلدن قبرینه زوّار اولام

• جمعه
• 8
• مرداد
• 1400
• ساعت
• 12:10
• نوشته شده توسط
• یوسف اکبری

اِی باخوب آبِ فراته جان ویرن عَطشان یارالی
دور باجون زینب گلوبدی قَبریوه مهمان یارالی

من نه مدّتدور اَجلدن بیله فرصت آختاروردوم
درک اِیدم شُوط مَزارون موقعیت آختاروردوم
شُکر اولا اللّهه تاپدوم بیر سعادت آختاروردوم
آلّام آغوشه بو قبری اِیلرم اَفغان یارالی

چوخ اوُزاخدان گلمیشم من آز منه بیر بیله ناز اِیت
اَربعیون دور حسین جان اَهلبیتون سر فراز اِیت
بو یورلموش دل شکسته کاروانی پیشواز اِیت
زینبون حالین سُوروش اِی شاهِ مَظلومان یارالی

جلوه گر دور نُور حقّ بوردا غریبه دل نشیندی
دوُلدوروبدی عَطر و عَنبر گوئیا صحرای چیندی
هذِه جَنّات عَدنی فَادخُلوها خالِدیندی
هاردا بو فیضی تاپوبدی رُوضهء رضوان یارالی

مَرقَد پاکوندی قارداش آچماقا گیسو گتوردوم
تشنه یاتما دور سنه گُوز کَاسه سنده سوگتوردوم
چینِ مُحنتدن بو دشته بیر سوری آهو گتوردوم
تا مَزارون اوُسته اولسونلا سنه گریان یارالی

دست خالی گلمیوبدی زینبون اِی شاهِ خوبان
دورت مین اوخلی کُوینگون سینمه ده دی اَسبابِ اَفغان
وای حسینم وای دلیمده یولاری گلدیم شتابان
واردی دریای سِرشگم ده بو گُون طوفان یارالی

اَشگیله زینب گرک بو مَدفنین سیل سین غُبارین
لیلی ده پائین پاده آختارور اَکبر مَزارین
قویما اَصغر قَبرده بیلسین ربابین آه و زارین
سود اَمَردی لای لای دئ اوُلماسین نالان یارالی

آلِ طاها گَلدی اَما اوُل مَه تابان رقیّه
قالدی شام اِیچره چوخاتدی غصه می نالان رقیّه
آج سوسوز ویران سَراده وِیردی بیر گون جان رقیّه
راحت اولدی تاپدی رَنج و مُحنتی پایان یارالی

اشگیله یاز نوحه دائم سن (علومی) شاه دینه
گرنصیبین اولسا گئتسن کربلایه اَربعینه
اوردا بو اَشعاری ذِکر اِیت تا ویرا حَضّار سینه
اِی باخوب آبِ فراته جان وِئرن عَطشان یارالی

• یکشنبه
• 28
• شهریور
• 1400
• ساعت
• 16:57
• نوشته شده توسط
• یوسف اکبری

ای فاطمه نین قلبینون آرامی حسینیم
ترمیم اِیلین پایهء اِسلامی حسینیم
زینب بو گُوزل قَبریوی مین جَنّته وِیرمز
دنیادَه قالان عُمرینی بو ساعته وِیرمز

قَبروندی بو یا اینکه گُلستانِ وفادی
قَبر اولسادا گُلشن کیمی پُر ذُوق و صفادی
هر دردَه بو قَبرین توزی عالم دَه شَِفادی
بی جا دگی قبرون بو قدر کامه چاتوب دی
بو قَبری دَه زَهرا آنامین روحی یاتوب دی

بو قَبری طواف ایلین ایلر عملِ خیر
عادی نظریله باخانا قَبری دی ولاغیر
من تک باخانین فکری درست ایلسه گر فکر
بو قَبری گورر اوندا نجه عطر فشان دور
واللّهی دیر قَبر دگُول باغِ جنان دور

بو قَبریوی کیم گورمه سه بولمز که نلر وار
بو قَبر حریمین دَه دعالردَه اَثر وار
بو تربتِ پاکون دَه منه کُحل بصر وار
هر کیم آلا آغوشی نه بو خاکیله خشتی
حتماً بو مزارون دان آلار عطرِ بهشتی

من شاکرم االله یتیردی منی مج دَه
بو مَجد و جلالون گتیرور زینبی وَجده
الحق اوُلا زیبندَه دی بو تُربته سجده
بو تُربت اوُلوب قانیویله چون که سر شته
وار حقّی وورا کرب و بلا طَعنه بهشته

بو قَبرون اِیدوب زینبیوی غرقِ تماشا
بولمور نه دیه نه دانیشا ای گُل زَهرا
چوخ سعی ایدورم صحبته نطقیم اولا گویا
سندَن سوروشام یاره لروندَن نه خبر وار
قاسم کیمی مه پاره لَروندن نه خبر وار

بو قَبر کنارین دَه رضا دور اُله زینب
گیت سه وَطنه شامی دَن اِیلر گِله زینب
آمادَه دی بیردَه دوشه چولدَن چوله زینب
امّا بولورم نازلی رقیّه منی گُوزلر
اول کشتهء اوُلادِ اُمّیّه منی گُوزلر

اوّل سویونر قَبریوه هر کیم اوُلا زائر
امّا قییدَن دَه سخلار قلبِ مسافر
گیتسم دَه ولی گیتمز اوُرک دَن بو مناظر
تاپسون سنیله رُتبه مُقدّردی بو قَبرون
آی سهلی دی، گوندنده منوّردی بو قَبرون

شاماته گِیدوب ایلمیشم کشفِ حقایق
هاردان اوُلا بولّم سنه بیر زائرِ لایق
اولسان بو سوزوم دَه منیله سن دَه موافق
نَذر ایلمیشم قَبریوی گورسم سورونم من
بو قَبر کنارین دَه غباره بورونم من

هم دَم منه بو گُوزدن آخان اشکِ بصردی
چخماز بو یادیمدان باشیوی شمر کَسردی
سُنبل کیمی قَبرون دَن اوتور گُوگلوم اَسردی
قَبرون کیمی نه قَبر اوُلی نه بیر بیله درگاه
بو منصبی تنها سنه اِعطا اِیدوب الله

گلمزدی خیاله گُلِ زَهرانی سولیدی
زینب گُوزی فکر ایتمزیدیم بیله دولیدی
اِی کاش رقیّم دَه کناریم دَه اوُلیدی
پَروانه کیمی شمعِ وصالین دَه یانیدی
قَبرون باشینا حسرتیله بیر دولانیدی

ویرانه، دَه نه بیر دانیشاردی نه گُولردی
هر بیر آنا گیزلین دانیشی دی او بولردی
گلسِیدی بو قَبره سنه قربان کسیلردی
من گَلدیم اوزوم رختِ وفانی دیمه سویدوم
یاندی اوُرگیم، روحیمی ویرانه دَه قویدوم

بو شعری (امینی) اوزی بولدی نجه یازدون
جان واردی کلامون دَه، دیمه دوز یولی آزدون
قوی سیدیله گر گُوزدَن آخان اشکی یومازدون
اِمداد اوزی اِیتدی سنه دُردانه رقیّه
ویرانه دَه جان ویردی غریبانه رقیه

• چهارشنبه
• 7
• مهر
• 1400
• ساعت
• 18:34
• نوشته شده توسط
• یوسف اکبری

اربعينين دور گوز آچ اِيله عنايت يا حسين
قَبريوی زينب گلوب ائدسون زيارت يا حسين

گر چه زحمت دور وجودون ياره دور باشدان باشا
عفو قيل چاره م ندور چوخ دور علاقم قارداشا
بو علاقم دور سالان بير عمر يورقون داغ داشا
حشره تك وار منده بو عشق وارادت يا حسين

باش گوتور بير قَبردَن لطف اِئت باجون، قارداش گلوب
ناله سیندن نالیه چوللّردَه كی داغ داش گلوب
شام دَن كرب و بلايه يوللاری بير باش گلوب
سری وار دور ئولميوب قالدیم سلامت يا حسين

ئولمدیم قالدیم جهاندا رنجِ گوناگون گورم
نيزدَه سن ناقه دَه من دشت ايله هامون گورم
كوفه شهرين نا مُنظم شامی بی قانون گورم
رنگی دَن رنگه قالام ساعت به ساعت يا حسين

كربلادَه كاش اوگون مستور اوُليدی گوزلريم
پرده، پرده لخته قانيله دوليدی گوزلريم
گلشنی گورجك خزان گل تك سوليدی گوزلريم
گورمیديم سولدی گلزارِ ولايت يا حسين

هانسي مشگل دَن دئيوم گلمز سايا مشگل لريم
سولدی شام و كوفه دَه پاييز گورموش گل لريم
گلديلر نِی تك نوايه غصه دَن بلبل لريم
گورديلر گلشندَه يوخ ذوق و طراوت يا حسين

اهلِ شام و كوفه، بی فرهنگ دور فرهنگ دَه
تك ديلر دنيا يوزونده رنگ دَه نيرنگ دَه
گون لرين باشه وئريبلر بزمِ جنگ و جنگدَه
گوزلرين كور ايليوب رنگِ جَهالت يا حسين

آرزويه چاتماديم قالدی اوركدَه نسگليم
هانسی نسگلدن آچوم سوز شرحی نه گلمير ديليم
اوسته لندی غم، غم اوسته اولدی مين ،بير مشگليم
لحظه لحظه مشگلات اولدی زيادت يا حسين

يادِ عباس ايله خاطردَن چيخادديم هر غمی
شام دَه آچديم بوكولموش قانلی گوزگوز پرچمی
قبريوين شوقی ياراتدی منده اوز گه عالمي
باشلاديم يول باشدا سودای زيارت يا حسين

ذكرِ هُو حق باعث اولدی خالق امداد ايلدی
قيد دشمن دَن بيز اهلِ بيتی آزاد ايلدی
حضرتِ حق رحمتون مشمولِ سجاد ايلدی
كفری نابود ائتدی اعجازِ امامت يا حسين

سجدهُ شكر ايلرم اوز دولتِ اقبالی مه
چاتديم آخر دولتون دَن اوّلِ آمالی مه
هجر اوتوشدی وصله يئتديم مرحبا احوالی مه
چيخدی ياددان گوردوقوم رنج و ملامت ياحسين

آيريلوب مدتدی زينب سن كيمی دل داردن
كاسه كاسه قان اوُدوب هر لحظه هجرِ ياردن
كيم بيلور چكديم نلر بو مدتی اغياردَن
هر نفس غربت دَه گوردوم مين قيامت ياحسين

سالكِ كوی وفايه توشه سيزليق توشه دور
كيم علايق دَن گئچوب خرمن گوزونده خوشه دور
قَبر، دود گوشه اولار بو قَبر، آلتی گوشه دور
اوزگه عالم دَن ائدور قَبرين حكايت يا حسين

زينبه مين راز ائدور بو طرحِ قَبرین بر ملا
دفن اولوب پائين پادَه اكبرِ گلگون قبا
سينه وی گهواره ائتدون حشره تك بير مه لقا
آلتی آيليق اصغر ائتسون استراحت يا حسين

عالمِ امكاندا يوخدی قَبريوين ماهیتی
تك نه ماهیت، جلال و عزت وكیفیتی
خاصه بيماره شَفا دور بو مزارين تربتی
كيم ائدور هر درده درمان و طبابت ياحسين

ای طبيبِ دردِ عالم،‌ ديدهُ خون باريله
كربلايه گلميشم بير قافله بيماريله
جمله بيماروق كرم قيل كاروان سالاريله
تك به تك درد اهلی یوخ ايله عنايت ياحسين‌

ملكِ عالم دَه نه عنوانه طبيبيم زندييم
بو حياتِ عاريت دَن من اوزوم شرمندييم
زينبون ئولسون نئجه سندن صورا پا يندييم
ئولدورر من ئولمسم دَه بوخجالت ياحسين ‌

بوالعجب بير ماجرادَن اولموشام مبهوت من
علتين كشف ائت منه ای كاشفِ سرّ و عَلن
قبری قبرون دَن ابوالفضلين اوُزاق دوشموش ندن
وار نه حكمت قيل اوُزون رمز و اشارت ياحسين ‌

اولمادی مشگين دَه سو، سقای آلِ بو تُراب
خجلتيندَن ائتدی بو آرامگاهی انتخاب
يا ادب ائتدی رعايت معرفت اولدی حجاب
فاش قيل سرّين ندور بُعد مَسافت ياحسين ‌

قبرينی گورجك منه شرح ايلدی بير اوز گه حال
اصغرين گر گورمه سيديم قَبرين ايلرديم خيال
بو بالا قبر اصغرين دور، فكريمه گلسون محال
بو مزار ايچره ياتوب اول سَرو قامت ياحسين

بو چيچيك قَبر ايچره گوردوم بير بيوك دنيا ياتوب
ماسوالهی آتوب گوزدن بئله تنها ياتوب
شرم اولوب باعث دوشوب سندن اوزاق سقا ياتوب
مشگينی گوزگوز ائدوب تيرِ عَداوت ياحسين ‌

عفو قيل درده گتوردوم قلبيوی ائتديم گله
غصه لر ناچار ائدوبدی يوخسا گلمزديم ديله
اوز گه عالم دَه گلوب شاماتيدن بو قافله
درد دل ائتماقدی قصديم نه شكايت ياحسين ‌

ئولدی يوللاردا نئچه يول يورقونی يورقون بالان
دوشدی مين درده علاوه ئولميوب سالم قالان
اولمادی غربت ولايتده بيزی ياده سالان
هر كيمی گوردوق بيزه ائتدی جسارت ياحسين

بو جسارت باعث اولدی شامِ حسرت خانه دَه
اوزاليمله بير گُهر دفن ايلديم ويرانه دَه
عفو قيل اولسا قصوريم حفظ بو دُردانه دَه
چوخ تلاش ائتديم قالا سالم امانت ياحسين
‌
جورِ دشمن ائتدی قهراً باغريمی قان شام دَه
باعث اولدی بير قيزون قالسون او ويران شام دَه
كربلا ظلمون جهانه ائتسون اعلان شام دَه
تا بولونسون نيليوب اهلِ شقاوت ياحسين ‌

عشق سیز (شبخیز) چکمز ملکِ عالم دَه نفس
بو حقیقی عشق دور نه عشقِ صوری نه هوس
عشق، عشقِ اولیا دور عشق آل الله دی بس
اورگه بیر عشقه بو عشقیله نه حاجت یا حسین

• چهارشنبه
• 7
• مهر
• 1400
• ساعت
• 19:02
• نوشته شده توسط
• یوسف اکبری

ای شه بی سر اویان گلدی گیدن کاروان
عترت نالانیووخ خسته دل باغریقان
هامی حزین و غمین خونجگر و ناتوان
ایله حسین پیشواز ویر بیزه روح و روان
قارداشیم دلدارون زینبم
سالاریم غمخوارون زینبم
قارداش اویان زینب گلوب یا ثارالله
قارداش اویان زینب گلوب یاثارالله

کوفیه گیتدیم حسین بسته بند و طناب
ایله دیلر کوفیان قلبیمی قارداش کباب
باشیوه داش ووردولار دوتدی منی اضطراب
خطبه غرا دیدوم ایتدیم اخا انقلاب
قارداشیم دلدارون زینبم
سالاریم غمخوارون زینبم
قارداش اویان زینب گلوب یاثارالله
قارداش اویان زینب گلوب یاثارالله

شامیده قارداش بیزه اولدی قیامت عیان
دیل یاراسی ووروللار عترتیوه شامیان
چکدیله ویرانیه گیتدی حرمدن توان
دختر شیرین دیلین ویردی او غربتده جان
قارداشیم دلدارون زینبم
سالاریم غمخوارون زینبم
قارداش اویان زینب گلوب یاثارالله
قارداش اویان زینب گلوب یاثارالله

گویلومی قارداش بیر آل باخ بو آخان قان یاشا
هم گویرن قوللارا هم بو آغارمیش باشا
شیشه آمالیمیز دگدی برادر داشا
کاش ایله عمروم گله کرب و بلاده باشا
قارداشیم دلدارون زینبم
سالاریم غمخوارون زینبم
زینب گلوب قارداش اویان یاثارالله
زینب گلوب قارداش اویان یاثارالله

چشمۀ چشمیم حسین وار نه قدر عمر آخار
گوزلریم هر لحظه که غملی ربابه باخار
اوخشاماسی هر زمان قلب جهانی یاخار
صبر ایویمی پایه دن ییخسا او بانو ییخار
قارداشیم دلدارون زینبم
سالاریم غمخوارون زینبم
زینب گلوب قارداش اویان یاثارالله
زینب گلوب قارداش اویان یاثارالله

• چهارشنبه
• 7
• مهر
• 1400
• ساعت
• 19:48
• نوشته شده توسط
• یوسف اکبری

ای منیم آرام جانیم دور حسینیم گلدی زینب
گلدی یورقون کاروانیم دور حسینیم گلدی زینب

واگیر:
زلفی آغ قدی کمانم
اولموشام دلدن یارالی
آغلارام بو نسگله من
سن یارالی من یارالی

آج سوسوز ویرانه لرده اولموشام یار یتیمان
ایلیوب نازلی رقیّه ن طی مدت باغریمی قان
آغلیوب هی سویلیردی نه خبر عمه بابامدان
جان وئریب شیرین زبانیم دور حسینیم گلدی زینب

توپراق اوسته حسرتیله
بلبلوم ئؤلدی چمن سیز
قبره قویدوم محنتیله
هم آدامسیز هم کفن سیز

قارداشیم ششگوشه قبرون خوش نمالی چوخ گوزلدی
اکبر و اصغرله یاتدون چوخ صفالی چوخ گوزلدی
منده بوردا دفن اولونسام جان یارالی چوخ گوزلدی
حیف اولار آیری مکانیم دور حسینیم گلدی زینب
زلفی آغ قدی کمانم ...

شامی فتح ایتدیم قییتدیم اقتداریلن برادر
کوفه نی طوفانی ایتدیم افتخاریلن برادر
عاقبت مقصوده یتدیم انتصاریلن برادر
ای منیم روح و روانیم دور حسینیم گلدی زینب
زلفی آغ قدی کمانم ...

قانیوی آلدیم حسینجان خصم رذل کینه جودن
حق سوزی هردم دانیشدیم قوخمادیم بیر آن عدودن
تیغ منطقلن که ووردوم اول دهان یاوه گودن
ولوله سالدی بیانیم دور حسینیم گلدی زینب
زلفی آغ قدی کمانم ...

پرخطر یوللاردا قارداش همدم قزلارین اولدوم
هر یره گیتدیم مبلغ حامی افکارین اولدوم
هر مصیبتده دایاندیم محرم اسرارین اولدوم
یورقونام گیتدی توانیم دور حسینیم گلدی زینب
زلفی آغ قدی کمانم ...

• چهارشنبه
• 7
• مهر
• 1400
• ساعت
• 19:53
• نوشته شده توسط
• یوسف اکبری

قارداش او گوزل قبرووه جانیم اولا قربان
یورقون باجووام کرب و بلاده سنه مهمان

زوار مزارون یتیشوب قبرووه خسته
به به نه گوزل ائتدون عمل امر السته
اکبر ایاقون آلتدادی اصغر سینون اوسته
مه پاره لرین آدی او گون سنله یازیلدی
بو گورملی قبرون اودی ششگوشه قازیلدی

هر قوش آنام اوغلی قفسیندن اولا آزاد
واضحدی بو اول ائدر ئوز گلشنینی یاد
بو قزلارادا سیر زمانه ائدوب امداد
اما بولارون بال وپری اولدی شکسته
یورقون یخیلوبلار بو گوزل قبروون اوسته

آزاد اولوب هر چند باجون قید رسندن
بیر حسرتی وار قلبیده سن یاخشی بیلورسن
اولموبدی میسر سنه غم بزمی قورام من
سن ایله دعا زینبووی یورماسین الله
یثربده سنون یاسووی قوررام ئوزوم ای شاه

دیداریمیزی سالدی زمانه گئجه گلدیم
هم گوندوزی عشقونله حسین هم گجه گلدیم
آلچاق اوجا یولاری سوروشما نجه گلدیم
آغلاردی بو چوللرده منیم حالیمه داغ داش
دیندیر باجووی باغریمی قان ایلمه قارداش

سن دئ آنام اوغلی منه بو کرب وبلادن
منده دییرم کوفه و شامات و جفادن
شمشیری یخان قانی دئ سن ،منده حیادن
گوستر منه سن سینه ده کی داغ جوانی
من گوستررم آغ ساچیلان ،قد کمانی

قورتاردی حسین عترتووه قید اسارت
قارداش یتیشوب موسم تحویل امانت
هئچ کیمسه گوروم اولماسون عالمده خجالت
اسگیک بالالاروننان حسین بیرقزون اولدی
ویرانه ده یعنی او آخان اولدوزون اولدی

ویرانه نی مسکن ائلدی قالدی رقیون
شام ایچره نجه ولوله گور سالدی رقیون
گوشواره وئروب خورداجا قبر آلدی رقیون
فکر ائتمه اونی تک قویارام شامیده قارداش
شیرین دیلووه آخر اولار عمه سی یولداش

• جمعه
• 9
• مهر
• 1400
• ساعت
• 14:49
• نوشته شده توسط
• یوسف اکبری

ای پیکری صد پاره دوشن مقتله قارداش
سس وئر سسیمه خسته دیلیم دینجله قارداش

خوش گونله منه دهریده چوخ فاصله دوشدی
سندنصورا کشتی امیدیم گله دوشدی
چوللرده عدو یوردی باجون مشگله دوشدی
نی مثلی نوا اولدی منه مشغله قارداش

جان طایری آز قالدی چخا غملی قفسدن
دور ئولمه میشم دوشموشم اما که نفسدن
سس وئر سسیمه جان گله تا جسمه او سسدن
دیلّنگیله سن زینبه مین جان گله قارداش

من کوفه نی شاماتی دولاندیم گوزی آغلار
گه چوللری گزدیردی عدو سینه سی داغلار
چکسیدی منیم محنتیمی غصه می داغلار
دوزمزدی دوشردی داغادا زلزله قارداش

گلدی بو چوله سینه سینی داغلیا زینب
گوز یاشینی سئل تک یوزونه باغلیا زینب
چوخ آغلایوب اما اوجادا ن آغلیا زینب
قلبی بوشالا درد وغمی اسگیله قارداش

هاردیدیم اخا من هارا گئتدیم هارا گلدیم
سن نیزه لر اوسته هارا گئتدین .اورا گلدیم
گوز یاشلی قرا باشدا اوره کده یارا گلدیم
گلدیم؛ ولی جان گئتدی بو بیر گئت گَله قارداش

بئش یاشدان اخا ئولدی آنام گولمه میشم من
خوش لحظه لرین لذتینی بیلمه میشم من
سنسیز عجبا سرّی ندیر ئولمه میشم من
قرخ گوندی کی دوشموبدی وصالین اَلَه قارداش

ائتمم گِله وار قمچی یئری ایندیده قولدا
بو مسئله امّا چتین اولدی منه یولدا
قاتللرین هردم دولانوب صاقیده صولدا
گوز داغی وئریب شمر وسنان حرمله قارداش

هجران اوخونی دست قضا دیلده اکیبدی
دشمن باجیوی هاردان هارا غملی چکیبدی
یول نقشه سینی قمچی بو قولّا ردا چکیبدی
هر منزلون آدی سالینیب جدوله قارداش

قبر اوسته گلن وقتده بودور رسم وصوابی
الده گتیرللر گولیله فرش وگلابی
بو کوینگیوی ایله میشم بیر گل حسابی
علت بودی ای عارف هر مسئله قارداش

هر اوخ یاراسیندان بیلینیر مین گل آچیبدی
آغ رنگیده قرمز دیله غم تیری ساچیبدی
حیف آتلار ایاقینده بونون رنگی قاچیبدی
رنگی قاریشیبدی اوچتین مرحله قاردا ش

سندنصورا عالم گوزومه محبسه بنذر
هانسی باجینین دردی من بیکسه بنذر
روحیم یورولوب سینه ده یورقون سسه بنذر
جان چخسا تاپار درد دیلیم فیصله قارداش

• جمعه
• 9
• مهر
• 1400
• ساعت
• 15:00
• نوشته شده توسط
• یوسف اکبری

یا حسین زائرم اربعینه
ایلمه زینبوندن گلایه
غملنی غملی دیندیرسه خوشدور
عاشقم گلمیشم کربلایه

واقف امر سن دلغمینم
یا حسین زائر اربعینم
ویر خبر گللروندن حسینیم
یاره لی پیکروندن حسینیم
تشنه لب اصغروندن حسینیم
مه لقا اکبروندن حسینیم
وار سلامیم تماماً فدایه

زینبی دیندیر اخلاصه خاطر
بوردا دایر اولان یاسه خاطر
قلب زارینده احساسه خاطر
گوگلون آل قارداش عباسه خاطر
سن کیمی عاشقم با وفایه

سن بیزی گوزدن آتدون یارالی
مقصده بوردا چاتدون یارالی
قانوی حقّه ساتدون یارالی
سینه ده یاره یاتدون یارالی
باشوی ویردی دشمن جدایه

سینه دن سن کیمی داغلیام من
قویمیوبلار سنه آغلیام من
ئوز حضورینده یاس ساخلیام من
رشته ای عشقوه باغلیام من
لعن اولا یا حسین اشقیانه

دوشموسن قانلو دریایه قارداش
صبرمی ویرمه یغمایه قارداش
قوی اولوم سنله همسایه قارداش
بس گلیم بوردا آخ وایه قارداش
نالم اوج ایله سون هفت سمایه

سایه ای لطفوین وار صفاسی
مطلقا بوردا درد آشناسی
سائلم قووما زهرا بالاسی
یاندرور قلبمی اوخ یاراسی
آند ویرّم ئورکده یارایه

قارداشیم توشم آلامه گیتدیم
قیزلارولا حسین شامه گیتدیم
بوردا گیدیم سیه جامه گیتدیم
خائنان چاتماسون کامه گیتدیم
اهل عیالون دوشوب ابتلایه

لعن و نفرین اولا کوفیانه
ایتدیلر الده بغضی بهانه
ویردیلار زینبه تازیانه
قالدی ویرانده ناز دانه
تاپمادیم چاره یورقون بالایه

قلبیمی ایلدی قان رقیّه
صبرمی ایتدی تالان رقیّه
شامده ئولدی نالان رقیّه
اولمادی گلسون امکان رقیّه
گتدی اولادوی آه و وایه

عمرنی ویردی پایانه گلدیم
جان ویرنده بالام جانه گلدیم
آغلادیم دیده گریانه گلدیم
خدمتی اولدی قرآنه گلدیم
رونقی ویردی اهل ولایه

دردمندانه درمان رقیّه
زینت اهل ایمان رقیّه
بیزلری ایسته مهمان رقیّه
دختر رادمردان رقیّه
“ ناطقی “ تا یئته مدّعایه

• جمعه
• 9
• مهر
• 1400
• ساعت
• 15:42
• نوشته شده توسط
• یوسف اکبری

دیار شامیدن گلدیم اورکده مین ملالیم وار
خجالت چکمه دور قارداش باشیمدا چوخ جلالیم وار

هله فکر ایلمه تک گلمیشم بو غملو صحرایه
جلالیلن گلوبلر عترت طاها بو مأوایه
گئجه گوندوز پرستارم ربابه أم لیلایه
یانیمدا قرخ نفر عورت اوشاق، باشی بلالیم وار

منی بو غملو صحرایه چکن شوق وصالوندور
حسین جان پیشواز ایله گلن اهل و عیالوندور
خمیده قامتیلن گلمیشم وجهی ملالوندور
سوروشسون حال زینبدن غریبه شرح حالیم وار

گئدنده شامه گوردوم پیکرون عریان جراحتدور
گمانیم سایبانه اولمادی زینب خجالتدور
ورولموشدیم سویولموشدیم بو بیر اعظم مصیبتدور
خیال ائتمه کئچن ایّاملر تک ترمه شالیم وار

اورگون یاره سی بیلّم ساغالماز تا دم محشر
چکیلمش سینه ی مجروحیوه داغ علی اکبر
بدنده چوخ یارون گوردوم ووروبلار نیزه و خنجر
نجه دور جسمیده یارون اونی سندن سؤالیم وار

دلیم گلمز دیم قارداش سکینون نازپرورده
خرابه گوشه سینده وئردی جان یاتدی قوری یرده
یانار زینب نه قدری عمری وار بو نسگل و درده
همان غمدن یوزومده قانه دونموش اشک آلیم وار

تمنّا ایلورم سندن حسین گلمیش اله فرصت
سوروشسون حالیمی قارداش اولور بو جانیمه منّت
بونی بیلّم باشون یوخدور بدنده ائتمگه صحبت
نه چاره ایلیوم آخر منیم صحبت خیالیم وار

سینه م گنجینه سی آکنده دور درد اسارتلن
نه لر چکدی باشیم غارت گونی قوم قساوتلن
دایاندیم قمچی آلتیندا من روح رشادتلن
میسّر اولمادی اول گون ولی ایندی مجالیم وار

• جمعه
• 9
• مهر
• 1400
• ساعت
• 15:58
• نوشته شده توسط
• یوسف اکبری

ای عترت پیغمبرین سقاسی قارداش
بو قانلی دشتین شیر بی پر واسی قارداش

(اخطار ایله یتمیش سوسوز سربازه قارداش )
(گلدی سوسوز قیز لار گیدون پیشوازه قارداش)

بسکه باجیم زینب چکوب چوخ چوخ اذیت
من گیتماقا مانع اولور شرمیله خجلت
سن گیت وفالی باجیوا ایله محبت
آل گوگلینی ای قلبیمون یاراسی قارداش

بوینومدا چو خدور حقی اول بی اقربانین
یولدا چکوب چوخ زحمتین أل عبانین
قمچی ووراندا باشینه هر بیر بالانین
ایلوب قولون حایل او غم دریاسی قارداش

گرچه واروندور خجلتین ای کان غیرت
اما رقیم گلموری چکمه خجالت
عطشان دگولر عترت ختم رسالت
چیخمور سپهره العطش غوغاسی قارداش

ایلوردی نوک نیزه ده باشیم نظارت
گوردوم که اسلامه باجیم ایتدی نه خدمت
ایله دانشدی کوفه ده قو پدی قیامت
دینی دیر یتدی منطق گویاسی قارداش

هر کیم سسین ألدی دیدی شیر خدادور
بو سس قو لاقیمده منیم چوخ أشنادور
دقت ایدنده گوردولر اول مبتلا دور
قول باغلی بیر محمل اولوب ماواسی قارداش

اولجاق باجیمدان -اسکتو فرمانی صادر
بی حس اولوب عورت کیشی-اشخاص حاضر
آندوردی اوغلی هنده نین فاسقدی فاجر
فاسق اولانماز متقی مولاسی قارداش

ابن زیاد ایلوردی بیر عورت تصور
کیمدور سوروشدی بو اسیر ایلور تکبر
یوز ویردی اهل مجلسه حال تحیر
زیبنده گور سندی علی سیاسی قارداش

منطق بیانیله باجیم ناموس کبرا
گویا که حقین ایلوری اثبات زهرا
مرجانه اوغلین ایلدی منفورو رسوا
باشلاندی اما اوزگه غم طغراسی قارداش

أچدی او بیدین و شقی ال انتقامه
ویردی شل اولموش اللری ظلمه ادامه
گاهی منه گه طعن ایدوب اوغلوم امامه
یاندوردی زهرا قلبینی ایذاسی قارداش

• پنج شنبه
• 15
• مهر
• 1400
• ساعت
• 13:23
• نوشته شده توسط
• یوسف اکبری

______________________
گلمیشم پای پیاده یاحسین دیداروه
سن ننون زهرا جانی لطف ایله بو زواریوه
قبریون قربانیم*******کربلا مهمانیم

گلمیشم قبرین کنارینده دوینجا آغلیام
قتلگاه یوز قویوب بو سینمی من داغلیام
باشیمه قاره گرکدی بو عزاده باغلیام
دردمندم باخ اوزون بو خسته دل بیماریوه
قبریون قربانیم*******کربلا مهمانیم

اربعین زواریم دردیم دواسی سنده دی
عمرون زهرا جانی ذوق وصفاسی سنده دی
بو گلن زائرلرین لطف و عطاسی سنده دی
جان فدا اولسون سنین مولا گوزل درباریوه
قبریون قربانیم********کربلا مهمانیم

قومادون حری قاپوندان چیخدین استقبالینه
قول قانادی سینمشیدی چک ال سن بالینه
پر ویریب قوندی بهشته خوش اونون اقبالینه
قوشدون آخر حری سن جاندان گیچن انصاریوه
قبریون قربانیم ****کربلا مهمانیم

گل منی حره باغیشلا گر چه عاصی بنده یم
چوخ گناهیم واردی سندن یاحسین شرمنده یم
من سنون عشقینله مولا بو جهاندا زنده یم
نا امید ایتمه منی من نوکرم سرداریوه
قبریون قربانیم **کربلا مهمانیم

باخسا گر عباس آقا عالملره ناز ایلرم
قوش مثالی پر ویریب گوگلرده پرواز ایلرم
قاتسا دوز اشعاریمه سو صحبتین باز ایلرم
ایلرم بو جانیمی قربان سوسوز دلداریوه
قبریون قربانیم ****کربلا مهمانیم

ای قلم سو صحبتین سالما اورکلر قان اولار
هم رباب آغلار هم اصفرگوزلری گریان اولار
نهر علقمدن آخان سو موج لو طوفان اولار
سسلنر عباس احسن مرحبا ایثاریوه
قبریون قربانیم ***کربلامهمانیم

ای اولان مشکل گشای اهل عالم اللری
ناامید ایتمه امیدیله گلن زائرلری
یازدی بو اشعاری آغلار گوزلریله(ماه پری )
تا که بلبللر نوا سالسین گوزل گلزاریوه
قبریون قربانیم******کربلا مهمانیم
__________________

• شنبه
• 17
• تیر
• 1402
• ساعت
• 16:59
• نوشته شده توسط
• یوسف اکبری

حسینجان قبروین اوسته عزالی کاروان گلدی
باجون زینب خلاص اولدی ولی قدّی کمان گلدی

ننم زهراکیمی/سنه دلبستیم
اوزاق یول گلمیشم/حسینجان خستیم

اولوبدورقوللاریم نیلی مثال یاسمن قارداش
آلوب گتدیم نه غارت اولموشیدی خیمه دن قارداش
بوگهواره بوگوشواره بوقانلی پیرهن قارداش
باجون زینب الینده آسمانی ارمغان گلدی

بو کوینک مدرک اثبات عشق پاک ونابیمدور
بوکوینکده یازوبلارعشقیمون حدّین کتابیمدور
بو کوینک قبریمون فانوسیدورگُلدورگلابیمدور
اوجالدی عطری هریردن منه تاب وتوان گلدی

سنه حاشا دیم دیندیربوجمعی بیربیرآی قارداش
فقط امکانی اولسا دور ربابی دیندیرآی قارداش
دئنن آل قانلی قنداقی سینونده گزدیرآی قارداش
سینون اوسته یاتان تشنه غزاله میزبان گلدی

گلایم وارسنه قارداش فلکدن صبریمی آلدی
سنون عشقون اولان قلبه یانان خیمون تک اودسالدی
رفیق نیمه راه اولدی رقیه شامیده قالدی
بو بابتدن اولوب شرمنده زینب باغریقان گلدی

• چهارشنبه
• 18
• مرداد
• 1402
• ساعت
• 23:52
• نوشته شده توسط
• یوسف اکبری

به سبک یخیلدی سقا یره...

من زینبم یا حسین آه و وایه گلمیشم
باشدا قرا شامیدن کربلایه گلمیشم
کربلا کربلا قان دیاری کربلا
اربعینه گلوب غم قطاری کربلا

بو قانلی چولده منیم گوللریم خزان اولوب
عباسیم آتدان دوشوب قامتیم کمان اولوب
تشنه سقا غمی دلده جاودانه دی
من اونا آغلورام بو علم بهانه دی

اهل جفا کوفه و شامیده یوروب بیزی
هر قیز دوشوب ناقه دن ساربان ووروب بیزی
من سوار ائتمیشم اهل بیتی ناقیه
یوزلرین ئوپمیشم یا حسین دیه دیه

گئتمه دایان ساربان عطر جانفزا گلور
شش ماهه سین گورماقا مهربان آنا گلور
دیلده سسلور رباب تشنه یاریم هاردادی
گلمیشم صود وئرم شیر خواریم هاردادی

نازلی رقیه ام قالوب شامیده خرابه ده
داغ غمی وار یری قلبیمی کباب ائده
قانلی باشه دئدی غملی سوزلرین بالام
گوردی قانلی گوزی یومدی گوزلرین بالام

• چهارشنبه
• 18
• مرداد
• 1402
• ساعت
• 23:58
• نوشته شده توسط
• یوسف اکبری

گلشنینده گلدیم باغبان اولام من ...

گلمدیم بو چولده باغریقان اولام من ...

اولما سنده راضی ناگران اولام من...

دی گوروم یاران نجه دی...

دردیلن آران نجه دی ...

ای عزیز زهرا. ...ای عزیز زهرا...

من مریض عشقم تربتون دوادی...

توتیای عالم خاک کربلادی...

آلتی گوشه قبرون گور نه با صفادی...

قبریوه اوزوم قربان...

یاتما ای عزیز جان...

زینبم یارالی. ..زینبم یارالی. ...

قبرین اوسته قارداش گلمیشم نوایه...

سسلرم آنامی تا گلر عزایه...

اوج ایدوبدی آهیم طاق نه سمایه...

گون هواده گریاندی...

حالتیم پریشاندی...

ای عزیز زهرا...ای عزیز زهرا...

کاخ ظلمی ویران ایلدیم حسینیم. ...

نهضتیوی اعلان ایلدیم حسینیم. ..

دشمنی پریشان ایلدیم حسینیم. ..

شامده علم ووردوم...

من یزیدی سندردیم...

زینبم یارالی. زینبم یارالی ...

کوینگون الیمده اولموشام نواخوان...

قبرون اوسته ساللام دلده آه و افغان. ..

سسلرم بو چولده تشنه لب ویرن جان...

من عزالیام قارداش...

دل یارالیام قارداش...

ای عزیز زهرا... ای عزیز زهرا...

یاتموسان بو چولده اصغریله باهم...

زیر پاده اکبر سنله اولموش همدم...

ماه آل هاشم بین نهر علقم....

سن دی اکبریم ایوای....

منده اصغره لای لای...

ای عزیز زهرا ...ای عزیز زهرا...

شامیده رقیه گل کیمی سارالدی...

گون به گون قرارو صبریم الدن آلدی...

آتش شراره قلب زاره سالدی...

خردا قیزلارا باخدی...

آغلادی گوزی آخدی...

ای عزیز زهرا... ای عزیز زهرا

• پنج شنبه
• 19
• مرداد
• 1402
• ساعت
• 00:00
• نوشته شده توسط
• یوسف اکبری

☑️ بند اول

ای اولان عالمین ذوق و صفاسی
تربتین دی هامی دردلر دواسی
اولسون عالم بئله قبرین فداسی

ای
روحه ریحان حسین
باب احسان حسین
سسلرم روز و شب
سنه قربان حسین

عزتیم سن سن حسین حسین
جنتیم سن سن حسین حسین

شوکتیم سن سن حسین حسین

? ابی عبدالله حسین حسین ?

☑️ بند دوم

چوخ یانیب نار هجرانه بو سینه
توشدی آخیر یولوم بو سرزمینه
زینبین گلدی قارداش اربعینه

دور
بالا لارین گلیب
غم قطارین گلیب
زینب خسته و
بیقرارین گلیب

باغری قان گلدیم حسین حسین
نیمه جان گلدیم حسین حسین
ناگران گلدیم حسین حسین

? یارالی قارداش حسین حسین ?

☑️ بند سوم

آرتیریب فرقتین دیلده ملالی
سن یارالی حسین منده یارالی
اولدوم آخیر حسین کرب و بلالی

سن
قانیوه باتمیسان
تشنه لب یاتمیسان
گجه گوندوز حسین
منی آغلاتمیسان

نور عینیم دور باجین گلیب
شور و شینیم دور باجین گلیب
دور حسینیم دور باجین گلیب

? یارالی قارداش حسین حسین ?

☑️ بند چهارم

گول لرین بیر به بیر سولدی سارالدی
ناله میز عرش اعلایه اوجالدی
نازدانه قیزین شامده قالدی

وای
گولمدی هئچ یوزی
غصه لی دی سوزی
سنی چوخ سسلدی
یولدا قالدی گوزی

بالان اندوه و غمه باتیب
آه جانسوزی گویه چاتیب
یورولوب ویرانه ده یاتیب

? یارالی قارداش حسین حسین ?

☑️ بند پنجم

کنج ویرانه ده بیر گئجه قارداش
آخدی رخساریمه ظلمیله قان یاش
دئدیم الله آلا جانیمی ای کاش

وای
بلبل خوش سخن
جان وئریب غصه دن
یاندیریب عمه سین
دفن اولوب بی کفن

قالمادی دیلده دوزوم حسین
اوت سالیر جانه سوزوم حسین
قبرینی قازدیم اوزوم حسین

? یارالی قارداش حسین حسین ?

• جمعه
• 24
• شهریور
• 1402
• ساعت
• 22:12
• نوشته شده توسط
• یوسف اکبری

دور اِی عَزیزِ دِلِ مُصطَفی' اوُیان گِئدُورَم
مَدِینَه سَمتِینَه قارداش نَوا کُنان گِئدُورَم

اَلِیمدَه پیرَهَنِ پارَه پارَه وِی گُوتُورُوب
بابام مَزارِینشه با چِشمِ خُونفِشان گِئدُورَم

بِیر اَربَعین سَنه مَن اوُلمُوشام حُسین زَوّار
آنام زِیارَتینَه اِیندی باغرِیقان گِئدُورَم

بُو آلتی گُوشَه لی قَبرَه مَحالِیدور بِیردَه
دُوشَه یُولُوم بُولُورَم، بِیلَه ناگِران گِئدُورَم

حَرَملَرُون هامِیسی دِلدَه وای بابا سَسلُور
دُوتُولدِی نالَه سِینَه گُوشِ آسِمان گِئدُورَم

بُو آیرِیلِیق بُولوسَن چُوخ چَتِیندِی زِینَبیوَه
اِئدَر رَسا قَدیمی فُرقَتُون کَمان گِئدُورَم

اَیاقه دور یُولا سال دِل شِکستَه خواهَرِیوِی
کنارِیمی آلا یُوخ بِیر جَه پاسبان گِئدُورَم

نَه واردی قاسِمِ نُو کَد خدا نَه وار اَکبَر
نَه واردی قارداشیم عَبّاس دَن نِشان، گِئدُورَم

حِجاز قافِلَه سین یُوخدی بَدرَقَه اِیلِییَن
عُذارَه گُوز یاشی گُور نَه اوُلوب رَوان گِئدُورَم

رُبابَه چارَه قِیلِیم یا کی لِیلیّ زارَه ؟؟
سَریَه دَردی آلُوب قَلبِیدَن تَوان گِئدُورَم

وَطَن دَه گُوزَلری یُولدا قالِیب مَریضَه قِیزُون
یُوخ اِیندی کِیمسَه اوُنُون گُویلُونی آلان گِئدُورَم

اوَرَکدَه وار وَلی بِیر نِسگلِیم آنام اوُغلی
اوُلوب خَدَنگِ غَمه گُور نِجَه نِشان گِئدُورَم

سُورُوشسا اوُغلونی اُمَّ اَلبَنِین اوُنا نَه دِیِیم؟
نَه دِل لَریلَه اِئدِیم بُو غَمی بَیان؟ گِئدُورَم

سَنَه عِنایَت اوُلوب بُو گِیجَه عَجَب #دلجو
دِیارِ کَرب و بَلایَه سُورُوش هاچان گِئدُورَم

• شنبه
• 22
• مهر
• 1402
• ساعت
• 20:18
• نوشته شده توسط
• یوسف اکبری

اربعینوندی ای شاه شهیدان حسین
هر طرفدن گلوب قبریوه مهمان حسین
.
زائر اربعین
ایلییر شور و شین
یاحسین جان، یاحسین جان
.
.
.
.
قلب لر کاسه سی درد و غمیله داشور
دسته دسته گلوب هامّی بورا باشدا، شور
سس قوشوب بیربیره اهل ولا آغلاشور
.
ایلیرلر نوا
غملی دور نینوا
یاحسین جان، یاحسین جان
.
.
.
.
قیرخ گونی شیعه لر هر یئره چکمیش قارا
چوخلارین اولدی یولاّردا ایاقی یارا
بیزی قووسون اگر گئتمه لی اولّوق هارا؟
.
ای کرم آیه سی
قووماسان هئچ کسی
یاحسین جان، یاحسین جان
.
.
.
.
قلب لرده اولان قان سنون عشقونده دی
جسم لرده گزن جان سنون عشقونده دی
بیر بئله نذر و احسان سنون عشقونده دی
.
قیل نظر زائره
ذاکر و شاعره
یاحسی

• یکشنبه
• 31
• شهریور
• 1398
• ساعت
• 14:13
• نوشته شده توسط
• ابوالفضل عابدی پور

ایاقه دور شام شومیدن
گلدی کاروان قارداش!
اولوبدور قرخ گونده غصّه دن
قامتیم کمان قارداش!
.
آه و الامان قارداش! (2)
.
.
.
.
آییردیلار تا بیزی سندن
باغلادیلا قولاّری
جفا تیشه سیله طوبادن
سیندیروبلا خولاّری
قولی باغلیلار یانایانا
طیّ ائدوبله یولاّری
رقیه نی ناقه اوستوندن
سالدی ساربان قارداش!
آه و الامان قارداش!
.
.
.
.
او اوچ یاشدا قیز نه لر چکدی
بیلمورم او چوللرده
الین قویوبدور باشا یقین
چون یوخیدی معجرده
دیه بیلّم دادینه گلدی
حضرت پیمبرده
گلوب معناده اونا مونس
باغری قان آنان قارداش!
آه و الامان قارداش!
.
.
.
.
یادیمدادی سؤیله دون منه
سن گئدنده میدانه
(خداحافظ ای آنام باجی
آغلاما یانایانه)
(رقیه

• جمعه
• 19
• مهر
• 1398
• ساعت
• 16:12
• نوشته شده توسط
• علیرضا گودرزی

فارسی
.
آمده اربعین زاده زهرا
غرق نوا شدعالم آه وواویلا
.
سالارعطشان
مظلوم حسین جان
.
یامولا یامولا یامولا حسین جان (۲)
.
.
.
.
.
.
شد موسم محنت و ناله و ماتم
رخت عزا بر تن عشاق عالم
جن و بشر حور و ملک گشته همدم
با مادرش زهرا و زینب کبرا
.
ماه پریشان
مظلوم حسین جان
.
یامولا یامولا یامولا حسین جان (۲)
.
.
.
.
.
.
جمعی دلداده شده همره جابر
صدقافله دل شده تا حرم طائر
بلکه شود بر قبر شش گوشه زائر
ذکر همه لبیک یاحسین مولا
.
ای جان جانان
مظلوم حسین جان
.
یامولا یامولا یامولا حسین جان (۲)
.
.
.
ترکی
.
.
.
اولدی اربعین شاهنشاه عطشان
یر گوی باهم ایلیور ناله و افغان
.
ای شاه عطشان
مظلوم حسین جان
.
یامول

• سه شنبه
• 23
• مهر
• 1398
• ساعت
• 17:16
• نوشته شده توسط
• ابوالفضل عابدی پور

دور ای سردار اباالفضلیم
اَلَه آل بیر علم قارداش
دایانما پیشواز ایله
گلور اهل حرم قارداش
اله آل بیر علم قارداش
.
.
یانونجا سال علیّ اکبری گئتمه اوزون تنها
آناسین پیشواز ائتسون بو چولده مظهر طاها
گلور مجنون تک آواره قالان بی خانمان لیلا
دئسون اؤز سرگذشتین اوغلونا بی کیف و کم قارداش
.
.
جوانیندن آیردی جبریله اول بیکسی دونان
قوری یرلرده قویدی پیکر صد پاره سین عریان
اوغول قانین یاخوب ائتدی آقارمیش زلفینی الوان
او قاندان اکبرین عطرین آلوبدور دمبدم قارداش
.
.
خیال وصلیله گه غشّ ائدور گاهی گلور هوشه
قرار و صبرینی الدن الوب بو قبر ششگوشه
گئنده شامه چکمیشدی یارالی جسمین آغوشه
گلور قبرین جکه آغوشه ایمدی

• پنج شنبه
• 25
• مهر
• 1398
• ساعت
• 13:13
• نوشته شده توسط
• ابوالفضل عابدی پور

شامیدن گتدیم حسین قانه باتان پیرهنون
بوریادور آنام اوغلی ، عوض ایله کفنون
.
.
اوتانورسان منه ئوز دردیوی قارداش دیه سن
بیلورم یوخدی الون جامه عشقی گیه سن
زینبون قویماز آنام اوغلی سنی اینجیه سن
سینون اوستن گوتوروب اصغری دیندیرّم حسین
سنه پیراهنی آهسته گیندرّم حسین
.
.
ساربان قطع ایلین اللرووه ویرمارام ال
خنجر شمر کسن حنجرووه ویرمارام ال
قطعه قطعه داغیلان پیکرووه ویرمارام ال
باغلارام یاره وی باشیمده اولان معجریلن
قارداش آسوده یاتارسان صودامر اصغریلن
.
.
واردی بو پیرهنون دورت مینه دین یاره یری
هانسی گوگده گورونور بیر بئله سیّاره یری
قالمیوب زینب مظلومه ده بیر چاره یری
بو همان پیرهنیدور سنه زهرا تو

• پنج شنبه
• 25
• مهر
• 1398
• ساعت
• 14:00
• نوشته شده توسط
• ابوالفضل عابدی پور

تا قدم قویدی بلا دشتینه دخت مرتضی
سویلدی قارداش حسین جانیم سنه اولسون فدا
.
تیر آهیم فرقتینده زینبین قلبین دلیب
گوزلری یاشلی نواخوان قبروین اوسته گلیب
.
جبریله اولدی باجون بیر اربعین سندن جدا
بیر اوزوم بیلدیم نه چکدیم بیرده درک ائتدی خدا
.
کربلادن شامه قرخ منزل سنه دل داغلادیم
باشون اردینجا گئدیب منزل به منزل آغلادیم
.
نیزده وئردی نشان راه الی اللهی باشون
خجلته سالدی سماده شمسیله ماهی باشون
.
سویله منسیز سن نئجه توپراقلار آتدا یاتمیسان
سویله گوزدن نازنین اهل و عیالون آتمیسان
.
قبریوی قارداش قازیب کیم ایلدی غسل و کفن
غسل اولونمازدی اوگون کی گوردوغوم قانلی بدن
.
سویله قارداش جسمیوه ملحق اولوندی

• سه شنبه
• 30
• مهر
• 1398
• ساعت
• 17:48
• نوشته شده توسط
• ابوالفضل عابدی پور

ای فرات اوسته آخان قوللارینون القانی
بیله ناله ائدرم آغلادارام دنیانی
.
آتامون صولت و سطوتلی علمدار اوغلی
اَسدِ بیشۀ قهرِ غضبِ یزدانی
.
وطنه گئتمه لیدی باجیلارون دور یولا سال
گوزلریمدن توکرم اشک ترِ نیسانی
.
طاقتیم یوخدی آنام ام بنین آلسا خبر
نیه بس گلمدی عباس او غیرت کانی
.
سو کنارینده سنی قبره قویوبلار سببی
خلق بیلسون سوسوز ئولدوردوله بو سقّانی
.
نیزه لرده دولانان باشوه باجون قربان
ای سوسوز جان وئرن الله یولونون قربانی
.
نه اوزیله وطنه یوز چووروم من قارداش
نه دیوم گر دئسه اوغلون آتام عباس هانی
.
شام کیفیتنون شرحینی من ایلمرم
کوفه ده سن دئ جفای ستم عدوانی
.
او حسینون یارالی جانینه آند اولسون

• چهارشنبه
• 1
• آبان
• 1398
• ساعت
• 14:16
• نوشته شده توسط
• ابوالفضل عابدی پور

زینبم من یوخ توانیم ، باغ امیدیم سولوب
اربعینوندور حسین جان ، ابر احساسیم دولوب
قبریوه بیر دسته یورقون یاسمن زوّار اولوب
سالمیشام منده بو قبرین اوسته قانلی جامه وی
گوز یاشیملان تا یازام قارداش زیارتنامه وی

اَلسَّلام ای ذبح اعظم ای شهید بی کفن
اَلسَّلام ای لبلری آب فراته ناز ائدن
اَلسَّلام ای قتلگاهه هم سوسوز هم آج گیدن
اَلسَّلام ای عمرینه پایان جاویدان وئرن
اَلسَّلام ای گونلرین آلتیندا عریان جان وئرن

اَلسَّلام ای مغرب گودالیده آی تک باتان
اَلسَّلام ای نازدانه قیزلارین گوزدن آتان
اَلسَّلام ای قانلی باشی کوللر اوستونده یاتان
اَلسَّلام ای دفترعرفانی نوریلن یازان
اَلسَّلام ای ئوز الیلن اصغرین قبرین قازان

دور منه سس وئر سلامیم قویما قالسون بی جواب
قالمیوب اهل و عیالونده حسین جان صبر و تاب
آند اولا زهرایه قارداش آز قالور ئولسون رباب
معجرین باشدان آچوب ، گوزدن توکور اشک ترین
قبریوون اوسته دوشوبدور ، سندن ایستور اصغرین

یول یوروبدور کاروانی یورقونوق یوخ تابیمیز
آسمان غمده مدّتدور باتوب مهتابیمیز
گلمیشوک دیداریوه آی بی کفن اربابیمیز
معرفت بازارینون بیز نابغه تجُّاریوک
دور ئوزون خوشگلدون ائله اربعین زُوّاریوک

میهمانوق بیز سنه مهمان نواز اول ائتمه ناز
آلمیشوق عشق عالمینده گوز یاشیلان دستماز
دور اذان وئر تا قیلاق با هم ایکی رکعت نماز
گوگلوم ایستور عشقیمی دنیایه اثبات ایلیم
باشوین قانی آخان یرده مناجات ایلیم

من بورا گلدیم بو گون تا سنله دیدار ایلیم
عشق دیوانین آچام ، بیر یولدا گفتار ایلیم
ئوز قیامیمدن سنی قارداش خبردار ایلیم
شکر اولا پروردگاره رو سفید اولدوم حسین
عامل سرکوبیِ آل یزید اولدوم حسین

پرچم قرآنی قالخیزدیم گویه سقّا کیمین
ذلّته باش اگمدیم حوّا کیمین ، سارا کیمین
ئوز امامیمدن دفاع ائتدیم ننم زهرا کیمین
سسلدیم حقدور حسین ، عشقین باشیمدان آتمارام
من اونون تک بیر توکون هفت آسمانه ساتمارام

دوزدی ظاهرده گئدوب الدن جلال و منصبی
علقم اوستونده یاتوب عباس تک هم مکتبی
سیزلری خوار ائتمگه امّا هله وار زینبی
مکر و تهدیدیله سینماز زینبین شخصیتی
وار منیم چادر شبیمده ذوالفقارین قدرتی

الغرض قارداش او گون من عشقی تفسیر ایلدیم
نطق آتشباریمی برّنده شمشیر ایلدیم
من یزیدی کاخ خضراسینده تحقیر ایلدیم
ثابت ائتدیم عالمه ئوز عهدیم اوسته صادقم
تک باجی یوخ ، اللی دورت ایلدور حسینه عاشقم

ایندی امّا خسته یم ، صبرین لباسین سویموشام
عمریمی سودای عشقونده ضمانت قویموشام
آند اولا ئوز جانیوه دای زندگیدن دویموشام
یوخ توانیم ، قاره بختیم تک باشیمدا قاره وار
گویلرین اولدوزلاریندان چوخ قولومدا یاره وار

آی یاریمدور در بدر دور یثربون آهولری
شانیه حسرت قالوبدور شانه سیز گیسولری
صعب نیزه یلن سینوب بعضی لرین پهلولری
چوخ سوزی من آچمورام ، چون محنت عظماسی وار
زینبون بو کارواندا گور نچه زهراسی وار

انقلابیم ووردی قارداش سینۀ اشراره اوخ
سن منه سس وئرمَسوندَه ، وئرمه ، نینَک عیبی یوخ
تکجه بیر خواهش واریم سندن ، ثوابی چوخدی چوخ
گر چه زحمتدور ولی سعی ائله اجرا ائت حسین
بیر گجه امکانون اولسا شهر شامه گئت حسین

اوردا چون ایستکلی بیر قیز واردی چوخ ایستر سنی
او منه خردا باجیدی ، قویدی امّا تک منی
قبرینی قازدیم اوزوم ، ویرانه اولدی مدفنی
گورمَدی خوش گون جهاندا ، گِتدی جاه و منصبی
الله عالمدی اونون دردی قوجاتدی زینبی

هی دئیردی هاردا بس قالدی منیم مظلوم بابام
دای داریخدیم عمه جان ، یوردی منی بو شهر شام
اینجیدیم یول گوزلمکدن ، کاش اولا عمروم تمام
آغلورام از بس کی من ، قانه دونوب گوز یاشلاریم
نه بابامدان بیر خبر وار ، نه گلور قارداشلاریم

• شنبه
• 10
• آبان
• 1399
• ساعت
• 23:22
• نوشته شده توسط
• یوسف اکبری

دیداریوه گلدیم حسین
جان تاپدیم دینجلدیم حسین
بو دم غنیمتدور منه
شاید سحر ئولدوم حسین
هجرونده قوی غوغا سالیم
ایوای دئیوم لایلای چالیم
قانه دوندوبدور گوز یاشیم
لایلای کفن سیز قارداشیم

من عاشق آواریم
غم یولونون رهواریم
الّی بش ایلدور عشقوون
ویلانیم ، بیماریم
قانه دوندوبدور گوز یاشیم
لایلای کفن سیز قارداشیم

یاغیش قوتارماز ابریده
هجران سیغیشماز صبریده
هانسی باجینون قارداشی
باشسیز یاتوبدور قبریده
قانه دوندوبدور گوز یاشیم
لایلای کفن سیز قارداشیم

شامه دونوب گونلر منه
حیات اولوب محشر منه
سندن قالان نشانه دی
باشدا قرا معجر منه
قانه دوندوبدور گوز یاشیم
لایلای کفن سیز قارداشیم

ساچ گوزلدی حورونمگه
چمن یاشیل بورونمگه
قدّی کمان باجون گلوب
قبرون اوسته سورونمگه
قانه دوندوبدور گوز یاشیم
لایلای کفن سیز قارداشیم

یول یولداشی غمدور منه
گوز یاشی شبنمدور منه
بو غصّه لی زیارتون
آیری بیر عالمدور منه
قانه دوندوبدور گوز یاشیم
لایلای کفن سیز قارداشیم

• یکشنبه
• 11
• آبان
• 1399
• ساعت
• 23:22
• نوشته شده توسط
• یوسف اکبری

باباجان شمرستمگرهامیدان چوخ منی وردی
یولدابودشمن کافرهامیدان چوخ منی وردی
من دینده هانی اکبرهامیدان چوخ منی وردی

علی اکبرگولیم من بابا رنگیم سارالوبدی
عمه مین چیگنی کیمی جسم ضعیفیم قارالوبدی

باباسندن صوراعالم باشیناتپراق اولیدی
کیم داغون سینمه چکدی اورگنده داغ اولیدی
من گجه چولده قالان وقته اباالفضل صاق اولیدی

هی وروب خارجی آد قویدی بیزه نسل خوارج
غصه دن آغلادی عمم دئدی یاباب الحوائج

گوگلوم ایستور دیه سن قبریوه هاردان گلورم من
کاروان غمیلن دیده سی گریان گلورم من
دردمندم باباجان آلماقا درمان گلورم من

گزمیشم کوفه وشامی یارالی باش دالیسیجا
گلمیشم کرب وبلایه گنه قارداش دالیسیجا

آل پیغمبری دیندیربابا پیغمبره خاطر
آچ گوزون نازیله یاتمابو دولان گوزلره خاطر
خبرآل حالیمی سینونده یاتان اصغره خاطر

اصغرین خوش حالیناجان وئروب آماله چاتوبدی
نه صودایستور نه سو قرخ گوندی قوجاقونده یاتوبدی

نگرانم باباجان ایله حالوندان منی آگاه
یارالارون نجه دی ای باشی دالدان کسیلن شاه
قانلی گوزلرده گوزوم وارمنه نازائتمه سن آلله

ظلم اولوب قیزلاریوا آل امیه طرفیندن
عموم عباسه سوزوم چوخدی رقیه طرفیندن

آند اولا نهرفرات اوسته یاتان پرچمه بابا
آند اولا ناقه لراوسته دوتولان ماتمه بابا
آند اولا قامتی غمدن بوکولن عممه بابا

تیکان اوستونده قاچوب صبرائلیوب دینمه میشم من
کوسمه مندن بابا نامحرم آتین مینمه میشم من

• پنج شنبه
• 22
• آبان
• 1399
• ساعت
• 17:28
• نوشته شده توسط
• یوسف اکبری

به سبک(زینبم جان اوستیم...)

یثربه زینب گیدور تا عامل پیمان اولا
اکبره سویله اذان ویرسون باجون قربان اولا
دوریولا سال زینبون
گوگلونی آل زینبون

سن ئولندن خوش گونه حسرت قالوبدور زینبون
شال ماتم باشینه هرآن سالوبدور زینبون
غارت اولموش کوینگون الدن آلوبدور زینبون
زینبون وار عهدی تا قربانی جانان اولا

حشره جک آچماز حسین باشدان قراسین زینبون
هیچ دوا توخداتماز آخردیل یاراسین زینبین
بیر نفریوخدور بیلن حال وهواسین زینبین
لا جرم قلبیم گرکدور طعمه ی هجران اولا

سن یانوندا عون وفضل وجعفرین قارداش حسین
شاهزاده اکبرین سرلشکرین قارداش حسین
زینبه ویردون قرا معجرلرین قارداش حسین
زینبون قوی همرهی بوجرگه ی نسوان اولا

آغلارام قارداش ئولونجه آغلاماقدان دویمارام
رخت شادی گیمرم رخت عزاوی سویمارام
خاطرون راحت حسین یاتسون بو پرچم قویمارام
عالمه حرییتون قارداش گرک اعلان اولا

کاروان غم حسین کرببلانی ترک ایدور
جمله اطفال و حرم غمبارو دیده تر گیدور
بعضی قارداش بعضی سی اوغلی ئولن مادر گیدور
قیل دعا قویما بولار سرگشته ی دوران اولا

اکبرون قارداش قالور لیلا پریشان آیریلور
قاسمیندن باخ سریه قلبی سوزان آیریلور
باخ ربابه قلبی قاندوردیده گریان آیریلور
عمریمه واردور یری قارداش بوگون پایان اولا

بوقیام اهدافینه آخر گرک چاتسون حسین
قویمارام ناحق توکولموش قانیوی باتسون حسین
ئولسم ئوللم قویمارام بو پرچمون یاتسون حسین
باردیگر چرخ دوران صبریمه حیران اولا

زینبون واردور حسین جان قلبیده دیل یاره سی
گراباالفضلین سراغین دوتسا ئوز مه پاره سی
شرح حال ایتسون یقینا باجیوون یوخ چاره سی
سویلرم بذل ایلیوب جان حافظ قرآن اولا

عازم شهر رسول اللهدی قارداش زینبون
تحفه سی یوخ غیر بوگوزدن آخان یاش زینبون
آغلاشوراحوالینه چوللرده داغ داش زینبون
قبر زهرایه گیدوربو کاروان میهمان اولا

هرگیجه گوندوزسنه ماتم دوتوب قان آغلارام
هفته لر آیلار حسین ایللرسنه یاس ساخلارام
آه وافغانیله قلب انس وجانی داغلارام
باشه چاتماز غملریم مین دفتره عنوان اولا

بوقیام آخرگرک اهدافینه چاتسون حسین
قویمارام ناحق توکولموش قانیوی باتسون حسین
ئولسم ئوللم قویمارام بوپرچمون یاتسون حسین
بار دیگر چرخ دوران صبریمه حیران اولا

(جائدا)زینب غرض کرببلادن آیریلوب
کربلا یوخ مهبط جور وجفادن آیریلوب
آیریلور گویا خانم سعی وصفادن آیریلور
عزمینی جزم ایلیوبدور حامی سلطان اولا

• دوشنبه
• 26
• آبان
• 1399
• ساعت
• 11:01
• نوشته شده توسط
• یوسف اکبری

ئوپم مزاریوی کرب و بلایه گلدیم حسین
عزا دوتام سنه دشت نوایه گلدیم حسین

بوگون باجون اولا قربانون اربعینوندور
خانم حرملریویلن عزایه گلدیم حسین

گلنده من قاباقا چیخمادون بو صحراده
دئدیم یارالی دی گلمز صدایه گلدیم حسین

مریض عشقووم ای عاشق حق داور
دواسین آلماقا دارالشّفایه گلدیم حسین

بیلوردوم اوزلرینی آز قالار کی ئولدورلر
تسلّی وئرمگه آل عبایه گلدیم حسین

دیردیم اوز اوزومه قبروی هاچان گوررم
واریم سپاس فراوان خدایه گلدیم حسین

اویان اویان سو گتوردوم سنه سوسوز ئولنیم
مقابلینده سوزوم وار عطایه گلدیم حسین

مزاریدن منه سس وئر داریخمشام والله
شهادته یتیشنده هرایه گلدیم حسین

سنون سسوندی دوا قلبیده اولان یاراما
دوا تاپولمادی سندن دوایه گلدیم حسین

دیدیم کی قرخ گون اولار قلبیمون باشی دوتولوب
بوگون اوزاق یولی مهد صفایه گلدیم حسین

قسم حبیبهٔ کبری یارالی زهرایه
چیخوب شرارهٔ آهیم سمایه گلدیم حسین

وروبلا قزلاروا تازیانه یوللاردا
شکایت ائتمگه صاحب لوایه گلدیم حسین

ویراندا لبلروه خیزران یاراسی یزید
دیدیم من حق سوزی اهل جفایه گلدیم حسین

قسم اوره ک یاروا من قالانمورام سنسیز
نئجه کی اللری باشدا منایه گلدیم حسین

هامی گلوب هامی قبرون ئوپر هامی آغلار
غم ائوز وئروبدی من مبتلایه گلدیم حسین

سوروشما گلمیشم اللر اورکده شرمنده
ویرم گزارش شاه ولایه گلدیم حسین

ئولوبدی بیر قزون اللرده شام شهرینده
قویولدی میّتی ویران سرایه گلدیم حسین

رقیّه ئولدی دیدیم محنتینده جان ویردیم
قازوب مزار همان مه لقایه گلدیم حسین

یری گلور منه چوخ نازنین قزون یری بوش
یئتیشدی تازه محن آشنایه گلدیم حسین

گلنده قبرینی ئوپدوم دیدیم خداحافظ
کی تاپشوروب اونی اهل وفایه گلدیم حسین

«معزی»ام نئچه ایلدی غمونده یانّام آقا
زیارت عشقینه کرب و بلایه گلدیم حسین

• دوشنبه
• 26
• آبان
• 1399
• ساعت
• 11:26
• نوشته شده توسط
• یوسف اکبری

به سبک(عطریوی آلدیم حسین...)

ای آچان دین مکتبی
ای الهی منصبی
دینینه قربان اولان
غم قوجالدوب زینبی

زینبون قارداش حسین دور اویان مهمان گلوب
بو مزارون اوستونه شاد وهم نالان گلوب

زینبه دور اول بویرده میزبان قارداش
دردلره درمان ویرورهم تازه جان قارداش

ای عزیز مصطفا
راضی حکم قضا
اگمدون باش دوشمنه
هرغمه اولدون رضا

آلموشام آغوشیمه بوپریشان قبریوی
ایتدیم استشمام حسین توپراقوندان عطریوی

سینن اوستونده یاتوبدی صود امرسرباز
بو مزار ایچره او نیله اولموسان دمساز

وارسلامیم محضره
نوجوانون اکبره
صود امرسربازیوه
سینن اوسته اصغره

یوخ توانی بو رباب سسله سون ایوای دیسون
ویرآنا آغوشینه اصغره لایلای دیسون

هرآنا اولسه بالاسی اشگ سیز اولماز
کیم دیور اصغرآناسی ابر تک دولماز

لبلری عطشان داداش
جان سنه قربان داداش
باش گوتوربو قبریدن
دور اوخی قرآن داداش

زینبون دورگور نجه غملرونده یانماسون
باغریقان سجادیله قلبیدن اودلا نماسون

گلموشم بو یرده بیرده یانماقا قارداش
بزم ماتمده عزایه باتماقا قارداش

اشجع ناس هاردادی
اول گل یاس هاردادی
هاردا قولاری دوشوب
قبرعباس هاردادی

غصّه دن یاندی او گون اول خریدار بلا
اولدی غیرتدن مریض غمگسار کربلا

یاتمادورقبرین نشان ویرزینبه قارداش
بوگونون مثلینده چاتدیم مطلبه قارداش

قیل بو عشاقه نظر
(عدلیدور)خونین جگر
یاز براتین ایلسون
کربلایه بیر سفر

قبریوی ایسترگویول جسم و روحی بی قرار
هم سنه هم زینبه روزو شب نوحه یازار

جام عشقیندن حسینیم مست و نالاندی
کربلا دیلده همیشه چشمی گریاندی

• سه شنبه
• 27
• آبان
• 1399
• ساعت
• 11:59
• نوشته شده توسط
• یوسف اکبری