اشعار ترکی امیرالمومنین علی(ع)

دیر عیسی دم عیسی علیدور
دیر موسی ید بیضا علیدور

احدده مدعی دعواده قاچدی
دئدی طاها یل هیجا علیدور

امین وحی سسلندی او یرده
جهاندا لافتی الّا علیدور

علینون عالمه گلمز نظیری
تماماً خلقدن اعلا علیدور

علی هیچ مدح و توصیفه سیغیشماز
فراز مدحدن بالا علیدور

علینی وصف ائدوب آیات قرآن
کتاب الله ده معنا علیدور

نه قدری گلسه وحی و شرح و تفسیر
یوخ آیری بیر هدف تنها علیدور

پیمبر وحیه دوزدی یرمی اوچ ایل
گوروب قرآنی سرتاپا علیدور

خلاصه معنی کل خلایق
فقط بیر کلمه دور مولا علیدور

بهشته کیم اولوب مشتاق گلسون
جنان جاودان جانا علیدور

روایت وار آغام صادق دیوبدی
جواز جنته امضا علیدور

غلوّ ائتدی دئمه«زعفر»بو سوزده
بو مدحتدن دئنن والا علیدور

• جمعه
• 28
• آذر
• 1399
• ساعت
• 22:16
• نوشته شده توسط
• یوسف اکبری

غملی دنیادن دویان بابام وای
زینبی آغلار قویان بابام وای

سنه واردور منیم سوزوم بابا
فراقیوه نئجه دوزوم بابا

داغلی قلبیمی غملر بولجاق
سن سیز پریشان زینب ئولجاق

غصه لر صبریمی الدن آلدی
زینبین گوزلری آغلار قالدی

زهرایه مهمان گئتدون یارالی
نه تز ائلون نن دوشدون آرالی

بو درده یوخ منده راهِ چاره
آغلورام من سنه قلبی یاره

شعله ی عشقه منی آلیشدیر
آتاسیزلاری بیرجه دانیشدیر

اولدوز تک گوزلریم آخدی بابا
آچ گوزون باخ منه سنی زهرا

• شنبه
• 29
• آذر
• 1399
• ساعت
• 23:24
• نوشته شده توسط
• یوسف اکبری

شاه ولا ساقی کوثر علی
شه محشر علی
شه محشر علی
یاحیدر

یار و هوادار پیمبر علی
یَلِ خیبر علی
یَلِ خیبر علی
یا حیدر

مدد علی مدد علی یاعلی
بیزه مولا علی
بیزه مولا علی
یا حیدر

درگهینون نوکریم یاعلی
بیزه مولا علی
بیزه مولا علی
یا حیدر

فخر ائدورم حیدریم یا علی
شَهِ والا علی
شَهِ والا علی
یا حیدر

مدد علی مدد علی یا علی
بیزه مولا علی
بیزه مولا علی
یا حیدر

حلقه ی عشقونده گرفتاریوم
شاهِ مردان علی
شاه مردان علی
یا حیدر

باشیمیده وئرسم هواداریوم
سنه قوربان علی
سنه قوربان علی
یا حیدر

مدد علی مدد علی یا علی
بیزه مولا علی
بیزه مولا علی
یا حیدر

• دوشنبه
• 1
• دی
• 1399
• ساعت
• 16:48
• نوشته شده توسط
• یوسف اکبری

حیدر
امیر مومنان خلقت
وزیر خاتم رسالت
سنون کیمی هانی جهاندا
ایدن عدالتی رعایت

حیدر
اولان مقامی کفو زهرا
حبیب و جان نثار طاها
ئورکلره یازوبدی شیعه
ایکی جهان علیدی مولا

سنون آدوندی درده درمان
مؤلف کتاب قران
یوخوندی شأنیده نظیرون
ملک سن ای باخیشدا انسان

حیدر
امیر کل ماسواسن
شه ولای لافتی سن
طریق عشقیده علیجان
شهامته قل انماسن

حیدر
سنی گورنده قوم عدوان
دوشردی لرزیه کماکان
ایدردی دشمنی وجودون
نبرد جنگیده هراسان

شجاعتین نماسی سن سن
بهاریمون صفاسی سن سن
تاپیلمیان ئورکده دردین
علاجی هم دواسی سن سن

حیدر
عزیز حضرت پیمبر
حبیب لایزال داور
ادون اولوبدی ورد ذکریم
اولان دلیمده ادی ازبر

حیدر
امان او وق

• پنج شنبه
• 9
• خرداد
• 1398
• ساعت
• 12:51
• نوشته شده توسط
• ابوالفضل عابدی پور

آچ گوزون غمدن تالانمیش
زینبین دار ونداری
صرصر ظلم وجفادن
ای سولان باغ وبهاری

ویردی دنیا یارا،یاره م اوسته
سالدی قاره باشا،قاره م اوسته
یاعلی یاعلی یاعلی جان

گورنئجه قویدی بو دنیا
قاره نی زینب باشیندا
باغلییب اوّل یارانی
شیونیله دورت یاشیندا

گوز آچاندان ائله آغلادیم من
فاطمه یاره سین باغلادیم من

سس وئر ای عرشیله فرشین
لنگر وزیب وصفاسی
ای آدامسیزلار پناهی
کوفه نین سس سیز آتاسی

قوی آنام تک سینه داغلییم من
باشوین یاره سین باغلییم من

کاش آنام زهرا اولییدی
یارووه مرهم قوییدی
جنگی لر مثلی بوقانلی
کوینگون تندن سوییدی

کاش اولییدی یارون باغلییدی
بیر دویونجا سنه آغلییدی

رحم ائله باری دانیشدیر
جان

• پنج شنبه
• 9
• خرداد
• 1398
• ساعت
• 12:54
• نوشته شده توسط
• ابوالفضل عابدی پور

مرحومین سید حسین رجایی و سید حسین کهنمویی ( ریاضی تبریزی )

شقُّ القمر آثار قیامت دور الهی
یا محشر زینبدن علامت دور الهی

سس دوشدی که محرابیده بیر باش یارالاندی
بو سس اوجالان وقته یاتانلاردا اویاندی
ایوای علی وای ناله سی افلاکه دایاندی
نه حادثه دور بو نه حکایت دور الهی

ضربت یتوشوب پارچالانوب باشدا عمامه
بو نحویله اوز مقصدینه یتدی قطامه
بیر امر زنا اولدی سبب قتل امامه
بولمم بو نه اسلام و دیانت دور الهی

بیر خواهش نفسیله یخوب خانه ی دینی
غمگین ایلدی اهل سماوات و زمینی
حتماً یوخوموش عاقبت امره یقینی
یوخسا بو نه جرأت نه جسارت دورالهی

هر کیمسه یقین ایلیه قرآن و کتابی
خیرین بیله وار خوش ثمری شرین

• پنج شنبه
• 9
• خرداد
• 1398
• ساعت
• 13:00
• نوشته شده توسط
• ابوالفضل عابدی پور

دور یاتما ایتگین قبریده
باغری دؤنن قانه آنا
ئولدی آتام گل کوفیه
شام غریبانه آنا

شوره گلن بلبل نجه گلشن سرانی آختارار
ماتم زده انسان نجه شور و نوانی آختارار
غم یوز وئرنده رسمیدور هر قیز آنانی آختارار
گل گور نه نوعی زینبون غمدن گلوب جانه آنا

ای ماه یثرب کوفه ده شاه ولایت یاسیدور
امّت امامین ئولدوروب تئز گل امامت یاسیدور
ظالملره اولسون خبر حق و عدالت یاسیدور
مظلوملر گلسون گرک بو غمده افغانه آنا

نور هدانی کوفه ده قوم ضلال ئولدوردولر
جهل اهلی شورا قوردولار فضل و کمال ئولدوردولر
مفهوم انسانیّتی شبه الرجال ئولدوردولر
دنیا بویی نسگل اولا آزاده انسانه آنا

کاشانه میز باشدان باشا باخدوقجا غم آثاریدی

• پنج شنبه
• 9
• خرداد
• 1398
• ساعت
• 14:02
• نوشته شده توسط
• ابوالفضل عابدی پور

باتوب قانه مسجد کوفه
میر مومنان ئولدی
یاریب باشین خنجر عدوان
خیبری یخان ئولدی

تسلیت رسول الله
تعزیت رسول الله

یخیلدی محرابیده حیدر، باش یارا اورک یاره
مسیح شیعه عروج ایتدی، چکدیلر اونی داره
ورور باشه کوفه نون اهلی، آغلوری او بیماره
یتیملردن سس گلور الله، ایلین احسان ئولدی

دیور زینب جان بابام لای لای، دلبره قوناق گیتدون
قولی پهلوسی سینان زهرا، مادره قوناق گیتدون
رسول الله گوزلیو سنی، سروره قوناق گیتدون
چکولدی قاره سمالرده، سید جنان ئولدی

حسن سسسلور قهرمان بابا، قلبیمی بو غم دلدی
حسین سویلور غمکش دوران، قبر ایوینده دینجلدی
آنا زهرا غم یمه مادر، یانیوه بابام گلدی
بهشته گل پیشواز ایله، زینت اذ

• پنج شنبه
• 9
• خرداد
• 1398
• ساعت
• 14:10
• نوشته شده توسط
• ابوالفضل عابدی پور

شورش محشر بپادی
قدسیان غرق عزادی

ماه رحمت دوشوبدور خسوفه
آغلاشوللار یتیمان کوفه

یاعلی یا علی یا علی جان (2)

باش آچوب جنتده طاها
ذکری دیلده واعلیا
عالمین بو عزا پوزدی حالون
سولدوروب اهل بیتون جمالون

گویلره قاره چکیلدی
زینبون قدی بوکولدی
قلب زاری گلردی نوایه
سسلنردی آنا گل عزایه

جان ویروب روح مناجات
بیرده مثلی گلمز هیهات

بولمدی قدرینی اهل عالم
غصه دن اولدی چوخ حالی برهم

چوخ جلالیله نهایت
دفن اولوب شاه ولایت
شیعیان جسم شاه شهیدان
قالدی گونلر قباقینده عریان
جان یارالی یارالی یارالی ...

#گریز به قتلگاه

گرچه حیدر دلشکسته
جان وئروبدور زار و خسته

اوغلی اما او میدان ایچینده
قالدی گودالیده قان

• پنج شنبه
• 9
• خرداد
• 1398
• ساعت
• 14:15
• نوشته شده توسط
• ابوالفضل عابدی پور

افلاکدن گلور سس
شاه ولایت ئولدی
تنها نه شیر داور
علم و عدالت ئولدی

یر گوی گلوب نوایه ، آغلالّا مرتضایه
اسلامه یتدی صدمه دین شریعت ئولدی

بیر کیمسه که واریدی شخصیت جهانی
هر کلمه حق سوزینده مین حکمت و معانی
محرابده توکولدی دست ستمله قانی
حقّ و حقیقت ئولدی روح سعادت ئولدی

نهج البلاغه سیندن مفهوم اولان حقایق
دنیا بویی جهاندا ناحق و حقه فارق
فوق کلام مخلوق ، دون کلام خالق
دین ئولدی دانش ئولدی ، نام فضیلت ئولدی

گِزلَتدی ابر خونین سیمای آفتابی
ظلمت جهانی دوتدی باغلاندی علم بابی
چکدی تراب تیره آغوشه بو ترابی
باب مجاز آچیلدی روح حقیقت ئولدی

اول راد مرد تاریخ اول رهبر سعادت
بسکه قضاوتینده گوستردی چو

• دوشنبه
• 3
• تیر
• 1398
• ساعت
• 10:30
• نوشته شده توسط
• ابوالفضل عابدی پور

ای شیعه گل نوایه
توک باشه ایندی کوللر
باشدان قلیجلانیبدور
محراب ایچینده حیدر

گؤر ملجم اوغلی ظالم غدّار و نامروّت
ووردی نمازین اوسته مولایه تیغ ضربت
احوالی درهم اولدی دوشدی شه ولایت
باشدان قلیجلانوبدی محراب ایچینده حیدر

دنیایه سس سالوبدی قتل العلی صداسی
ضربتلنوبدی باشدان مؤمنلرین آقاسی
مسجده قانه باتدی پیغمبرین اخاسی
باشدان قلیجلانوبدی محراب ایچینده حیدر

گون باتدی تار اولوبدی ماه و نجوم و کوکب
یتدی خبر حسنله بیکس حسینه یا رب
بیلمم نه حاله قالدی بولدی بو حالی زینب
باشدان قلیجلانوبدی محراب ایچینده حیدر

ناگه گؤروبدی زینب آه و فغان ایچینده
گتدیله شاه دینی بیر پارچا قان ایچینده
ناگه چیخوب سمایه

• دوشنبه
• 3
• تیر
• 1398
• ساعت
• 10:33
• نوشته شده توسط
• ابوالفضل عابدی پور

مرتضی لنگر ولایتدی
مرتضی مظهر شرافتدی

چشمه ی کرمدی،جود و عطا
اعتبار و افتخار خلقتــدی

شافع و امیر محشردی
قاسمِ دوزخیله جنتّدی

غیرت و شجاعتی قالسون
رحمتی بخششی بی نهایتدی

رهبرانِ عادل و پاکه
عدلی،منطقی کفایتدی

باش وئِروب باش اگمه دی ظلمه
چون علی رهبر عدالتدی

یرمی بش ایل اولوبدی خانه نشین
باخ مرامه گور نه با فضیلتدی

مرتضی ظلمی ائیلمز تأیید
بو اوزی حقّیدن عنایتدی

بیرده وئرمیوبدی ظالمه فرصت
چونکه بحر غیرت و شجاعتدی

شیعه ده ظلمی ائیلمز قبول
رهبری گر شه عدالتدی

جمع اولوب بیر عده درگهینه
سویلیوبلر که وقت بیعتدی

سِئچدیلر خلیفه بوبکری
سنده گل موقع حمایتدی

خواهشاً گل ائیله همکاری
اولماسین بو بیعت اجباری

• یکشنبه
• 3
• اسفند
• 1399
• ساعت
• 22:11
• نوشته شده توسط
• یوسف اکبری

مرتضا باشینه دگدی یاره
اولمادی بیر بئله درده چاره
گوزلرون دهریدن یومدی مولا
عالم اهلی بو گون گیدی قاره

یا علی یاعلی یا علی جان ....

گرچه محکوم اولوب شیعه صبره
گوز یاشی دوندی باران ابره
مرتضا یاره لی گئتدی قبره
جان فدا اول سر زحخمداره

باندی عالمده نخل عنایت
اولدی لرزان ستون عدالت
توپراقا گئتدی کنز کرامت
اُفّ اولا بیر بئله روزگاره

قاره پوش اولدی یکسر فلک لر
تاجینی گوتدی باشدان ملک لر
لخته قان اولدی غملی ئورکلر
آغلاشوب ماهه یکسر ستاره

دیگ غم دلده چون جوش ائدوبدی
شهد مرگی آقا نوش ائدوبدی
باد غم شمعی خاموش ائدوبدی
یاندی پروانه لر درد ناره

لعنت اولسون سنه ابن ملجم
وئرمیسان نظم اسلامی برهم
گیدی

• دوشنبه
• 3
• تیر
• 1398
• ساعت
• 10:37
• نوشته شده توسط
• ابوالفضل عابدی پور

مسجد کوفه ده باش یاریلدی
دوشدی شاه ولایت یارالی
دار دنیادن اولمیشدی خسته
گیدی رخت شهادت یارالی

باشلانوبدور علینون عزاسی
تنگه گتدی اونی دیل یاراسی
یاعلی یاعلی یاعلیجان (2)

سجده ده سیندی رکن نمازی
قانه غرق اولدی صبحون زمانی
بیتینه حمل ائدوبلر امامی
حزن و غم دوتدی کون و مکانی
ال آتوب باشه زینب گورنده
اللر اوسته گلن خسته جانی
سسلدی آی بو شهرون غریبی
کیم ائدوبدور جسارت یارالی

باشلانوبدور علینون ...

باشووه ضرب شمشیر انوبدی
هر ایکی عالمه اود سالوبدی
انتقام حنین یله بدری
اولما سندن یهودی آلوبدی
وای منه خیبری سیندیران کس
گور نجه اللر اوسته قالوبدی
گولمسین هیچ یوزی بو جهاندا
کیم وروبدور جراحت یارالی

• دوشنبه
• 3
• تیر
• 1398
• ساعت
• 10:40
• نوشته شده توسط
• ابوالفضل عابدی پور

کوفه دن عرشه ناله اوجالدی
قدسیان گویده حیرتده قالدی
کیمدی بو عرض ائدوبلر الهی
قانلی سجاده محرابه سالدی
جبرئیل امین ائتدی اعلان
قانه غلطان اولوب شاه مردان

باش آچوب ماسوا اهلی یکسر
قاره پوش اولدیلار دیده لر تر
قان ایچینده یاتوب شیر یزدان
طاقتین سلب ائدوب زهر خنجر
عرشیله فرش اولوب بیت الاحزان
قانه غلطان اولوب شاه مردان

مرتضی سسلنور ای حسن گل
قیل تدارک حنوط و کفن گل
وئر تسلّی بنات رسوله
گلشنه اسدی باد محن گل
آز زماندا سولار باغ و بستان
قانه غلطان اولوب شاه مردان

بوینی چگنینده دورما حسینیم
رستگارم،ادا اولدی دینیم
قول بویون اول حسنله باخوم بیر
آخر عمریمده،ای نور عینیم
فاطمه دشمنی اولدی خندان
قانه

• دوشنبه
• 3
• تیر
• 1398
• ساعت
• 10:42
• نوشته شده توسط
• ابوالفضل عابدی پور

کوفه ده یخلدی شاه دین یارالی
باتدی قانه میرمؤمنین یارالی
سجده گاهه دولدی قان
دوشدی قاننه غلطان
شاه دین یارالی

بیرخطالی الدن اولدیبیرجسارت
یوز قویوب زواله نیّر هدایت
اولدی آشکاراکوفه ده قیامت
تا یخلدی میرمتّقین یارالی

ضربت مرادی اختیارین آلدی
یاره لندی باشدان اوزگه حاله قالدی
رنگ آلی سولدی گل کیمی سارالدی
اولدی چون اوشاه مه جبین یارالی

فرق شیرداورآی تک اولدی منشق
ویردی خون آلی سجده گاهه رونق
قانی آخدی یرده نقش اولوندی یاحق
گلدی عرشیدن سس آفرین یارالی

بیر اوجا سسیله جبرییل اوساعت
ایتدی بیله اعلان دلده شورحسرت
قانه باتدی یاران خسرو ولایت
ایتدی شیرحقّی دست کین یارالی

بو سس آلدی طاقت اهل ماسوا

• دوشنبه
• 3
• تیر
• 1398
• ساعت
• 10:57
• نوشته شده توسط
• ابوالفضل عابدی پور

هِئچکس جُز علی ماخَلَقه محور اولانمز
جِنُّ و مَلَک و اِنسه گَلوب سَروَر اولانمز

جُز حیدر کَرّار بیزیم رهبریمیز یوخ
هِئچکس بیزه سرقافله٬ سرلشکر اولانمز

ای مُدّعی لال اوُل علینون حقّینی دانما
جُز شیر خدا ذاتِ حَقَه مظهر اولانمز

حیدر نجه مقیاس اولونار٬ ثانیِ پَسته
مین ثانی گَلَه خاکِ رَهِ حیدر اولانمز

باغ فَدَکی غصب ائلیَن غاصبه لعنت
زهرانی ویران٬ حیدره همسنگر اولانمز

دریادور علی٬ ثانی ولی قَطریه بَنذَر
شاه اولسا علی٬ ثانی اونا افسر اولانمز

افسر نَدی خط چَک سوزَه٬ انصاف ائله (فیضي)
ثانی آقامیز حیدره هئچ نوکر اولانمز

• پنج شنبه
• 5
• فروردین
• 1400
• ساعت
• 11:17
• نوشته شده توسط
• یوسف اکبری

#فارسی

ای شیر یزدان یاعلی
ای مرد میدان یاعلی
گرید ز هجر روی تو
امشب یتیمان یاعلی

مولا علی مولا علی۲

از گلشن عدل و شرف دست فلک گلچین شده
افتاده از پا دلبرم غم در دلم سنگین شده
از خون فرقت وای من سجاده ات خونین شده
گشتی تو زخمی از غمت شد شیعه نالان یاعلی

هر کو ز جام عشق تو شهد ولا نوشیده است
هون در رگش از درد و غم با یاد تو جوشیده است
قتل العلی بشنیدگان رخت عزا پوشیده است
در آتش هجران تو دل گشته سوزان یاعلی

از فتنه ی نامردمان آتش به جان زد کینه ها
حیدر بخون آغشته شد بی جلوه گشت آئینه ها
چون نی ز درد مرتضی خیزد نوا از سینه ها
خلق جهانی از غمت گشته پریشان یا علی

شد بی صفا سجاده ات از ذکر یار

• دوشنبه
• 3
• تیر
• 1398
• ساعت
• 11:15
• نوشته شده توسط
• ابوالفضل عابدی پور

زینبون اولسون یارالی
باشوه قربان بابا

قانیله مَمزوج اولان
گوزیاشوه قربان بابا

طاقتیم‌تَک‌طاقی‌سینمیش
قاشوه قربان بابا

سالدی بو حاله وجودون
هانسی کافر کوفه ده

آغلاما قورتارما زینب
ایندیدَن گوزیاشیوی

اوندا اوچ باشون گوررسَن
نیزده قارداشیوی

اوندا‌حقّون‌وار‌قیزیم
محملده یارسون باشیوی

قانیله ألوان‌اولار
زلف‌مُعَنْبَر کوفه‌ده

• پنج شنبه
• 5
• فروردین
• 1400
• ساعت
• 16:28
• نوشته شده توسط
• یوسف اکبری

من مناجات شبت را دوست دارم یا علی
ذکر یارب یاربت را دوست دارم یا علی

درجهان مذهب فراوان است اما زین میان
آسمانی مذهبت را دوست دارم یا علی

عشقیوین اوسته چکیلسم داره میثم تک اگر
سسلرم : این مکتبت را دوست دارم یا علی

با تب و تاب یتیم کوفه هرشب سوختی
این چنین تاب و تبت را دوست دارم یا علی

از میان کاخ های بی شمارِ زر نگار
من مزار زینبت را دوست دارم یا علی

عاشق نام حسینم کربلا را دیده ام
شاه نیکو منصبت را دوست دارم یا علی

هرشب جمعه به یاد کربلا تب می کنم
ساقی ِعطشان لبت رادوست دارم یاعلی

• چهارشنبه
• 5
• خرداد
• 1400
• ساعت
• 21:24
• نوشته شده توسط
• یوسف اکبری

درگهونده خاکسارم یا علی سندن مدد
لطفوه امیدوارم یا علی سندن مدد
نيلرم روز قيامتده اليمدن دوتماسان
رو سياهم، شرمسارم یا علی سندن مدد

مدد سندن علیجان دوت اليمدن
منی ائتمه پشیمان دوت اليمدن
کنار حوض کوثر ده دوراندا
منی قويما لب عطشان دوت اليمدن

عليجان سن آقا من بير گدايم
اليمدن دوت فقیرم ، بينوايم
ئولونجه آغلارام اوغلون حسینه
عزادار شهید کربلايم

گتور پیمانه ساقي ياندي جانيم
علينون عشقينه سوزاندي جانيم
اولام قرباني يوخ منده لیاقت
غلامی قنبره قرباندي جانيم

• یکشنبه
• 9
• خرداد
• 1400
• ساعت
• 16:36
• نوشته شده توسط
• یوسف اکبری

چون قلجلاندی باشیندان سجده ده شاه ولایت
دجله ی خون اولدی دولدی قانلا محراب عبادت

ائتمدی شرم و حیا شیر خدادن ابن ملجم
توکدی خون مرتضانی یاسه باتدی کلّ عالم
قدسیان باش آچدی یکسر ائتدی لرزه عرش اعظم
دوتدی غم آفاقی گورسندی قیامتدن علامت

آخدی باشدان چشمه چشمه قانی سلب اولدی قواسی
آق محاسن قانه باتدی دولدی چشم حق نماسی
جبرئیلون گوردولر دولدوردی آفاقی صداسی
مُنهدم اولدی بوگون واللهی ارکان هدایت

بو صدا تا یتدی سمع زینب علیا جنابه
گئتدی الدن اختیاری دوشدی قلبی اضطرابه
یوز وئروب بیر اوزگه حال اول بانوی عصمت مآبه
آشکار اولدی گوزونده حشر و آثار قیامت

درک ائدوب فوراً او غمدیده حضور مجتبانی
گوزلرینده اش

• سه شنبه
• 4
• تیر
• 1398
• ساعت
• 12:15
• نوشته شده توسط
• ابوالفضل عابدی پور

چون وداع ایلدی دنیانی او گون میر حنین
آلدیلار تختۀ تابوتینی دوشه حسنین

باش آچیب زینب کبری ائدیب افغان بو گئجه
اهل بیت شه دین اولدی پریشان بو گئجه
شاه مردانه اولوب شام غریبان بو گئجه
فلکین چرخینی بیلمم، نیه اولمازدی خراب
بوتُرابی بو گئجه آلدی قوجاقینه تراب

وادیِ ملک نجف تاپدی ابد عزّ و شرف
اوردا دفن اولدی گئجه باش یارالی شاه نجف
قییدیب گلدی اوغوللار هامیسی شهره طرف
یددی اوغلو نئچه قیز دوتدولا یاسین بو گئجه
مجلس ختم قوروب آلدی دعاسین بو گئجه

گلدی باش ساقلقا مردم قورولوب مجلس خاص
گتدیله قاتلی شهزاده حسن آلدی قصاص
بیر قیلیج ووردی عدالتله اونو ائتدی خلاص
قاتلین ئولمگی بیر نوع وئریب قلبه صفا
یادی

• سه شنبه
• 4
• تیر
• 1398
• ساعت
• 12:31
• نوشته شده توسط
• ابوالفضل عابدی پور

عالم گلوب فغانه
مولا علی وئرور جان
دللر دونوبدی قانه
مولا علی وئرور جان
گیمیش قرا پیمبر
گریاندی آل حیدر

بیلمم نه حاله قالموش اول معدن شجاعت
رنگ رخ او مولا اعلان ائدور شهادت
سولموش گل ولایت ایستور ئوله عدالت
دین اوسته عاشقانه مولا علی وئرور جان

بیر نابکار و نامرد یاره ووروب او شاهه
چخمش نوای شیعه واللهی مهر و ماهه
ایتام ایچینده بیر باخ هر دم فغان و آهه
غملر وورور جوانه مولا علی وئرور جان

شاهین دگوبدی یاره فرق مبارکیندن
ظاکردی لیک او مولا حیّ تبارکیندن
اطرافینی نوازش ایلوردی تک تکیندن
بو خلقته یگانه مولا علی وئرور جان

قانه باتوبدی مولا عدل و عدالت اوسته
محرابه آخدی قانی دین ویدانت اوسته
جاند

• سه شنبه
• 4
• تیر
• 1398
• ساعت
• 12:41
• نوشته شده توسط
• ابوالفضل عابدی پور

قلم یاز شاه مافیها علیدور
مقام اعظمه دارا علیدور

کلید جنت الاعلا علیدور
نگار حضرت زهرا علیدور

حبیب خالق یکتا علیدور
بوتون انسانلارا مولا، علیدور

عبادت بی علی باطلدی باطل
اونی رد ایلین جاهلدی جاهل

علی محبوب حی لم یزلدی
علی سرمنشأ ناب غزلدی

علی حی علی خیرالعملدی
علی فتاح هر جنگ و جدلد

طریقت ملکینه نور ازلدی
گوزللردن بیزیم مولا گوزلدی

جانیم زیباترین مولایه قربان
بو مولاده اولان تقوایه قربان

کدورت گورمدی کس نیتینده
عدالت حاکم اولدی طینتینده

جهان مبهوت اولوب شخصیتینده
صداقت مات قالدی فطرتینده
ئوزی آج یاتدی اوج قدرتینده

غذاسین بیکس و ایتامه وئردی
فقیره دائمأ نو جامه وئردی

• سه شنبه
• 11
• خرداد
• 1400
• ساعت
• 16:09
• نوشته شده توسط
• یوسف اکبری

عشق سوداسینه هربیر کسی لایق دئمرم
هر گوله یاسمن و یاس و شقایق دئمرم

خلقتین تک به تکی پاک و مصفا یارانوب
لیک هر صنعته صنع ید خالق دئمرم

عاشق یکدل علی ابن ابیطالبیدی
من نجه حیدره سالار خلایق دئمرم

اوکی عاشقدی گرک یارینه جان بذل ائلیه
جانین اوجوندا بیری دوتماساعاشق دئمرم

• چهارشنبه
• 12
• خرداد
• 1400
• ساعت
• 11:58
• نوشته شده توسط
• یوسف اکبری

ای دوشن محنت بی شماره بابا
قبره گیزلین گئدن باشدا یاره بابا

باغریقانم بابا
ناگرانم بابا
فرقتوندان سنون
نوحه خوانم بابا

واعلیا واعلیا(٢)

باشیوین یاره سی تاپمادی التیام
گوزلیور عدنیده 'سنی زهرا آنام

بوغمونده آغلارام من
باشه قاره باغلارام من
هرگجه باشون یاراسین
یاد ائدوب دیل داغلارام من

ای شه عالمین
زینبه نور عین
آغلاشیر باش باشا
حسنیلن حسین

واعلیا واعلیا(٢)

یانارام بو مصیبتده شام وسحر
سجده گهده عیان اولدی شق القمر

کاسه صبریم جالاندی
قلبیمه غملر قالاندی
صرصر ظلمت اسیلدی
گلشن عمرون تالاندی

سیندی رکن هدی
سوندی شمس الضحی
ترک ائدوب عالمی
مظهر هل اتی

واعلیا واعلیا(٢)

• سه شنبه
• 4
• تیر
• 1398
• ساعت
• 13:06
• نوشته شده توسط
• ابوالفضل عابدی پور

مسجد کوفه ده تا سجده ده حیدر گورونوب

عرشیدن ناله گلوب لرزه ده منبر گورونوب

تیغ جهلیله بلا بیربیرینه قیلدی کمک

تا مهیا ایده لر فاطمیه قاره لچک

لاله گون اولدی علینون یوزی دینجلدی فلک

گوئیاوقت سحر لاله ی احمر گورونوب

عالمه ولوله دوشدی یخلوب مرد خدا

اغلادی عالم معناده اونا ارض وسما

دیدیلریازدیقی قرآنه علی اولدی فدا

بوخبردن دئیه سن کوفه ده محشر گورونوب

یوردی دنیای دنی میرعرب خسته گیدور

شوق زهرائیله اول شاهد وارسته گیدور

شاه عالمدی ولی کهنه گلیم اوسته گیدور

هانسی مکتبده بئله غصه لی رهبر گورونوب

یتشوبلر ایوه بیرلحظه باخوب دور وبره

بویوروب اوغلونا اول سروری قویسونلایره

اولمیوب راضی اون

• سه شنبه
• 4
• تیر
• 1398
• ساعت
• 13:17
• نوشته شده توسط
• ابوالفضل عابدی پور

شمشیر جفادن غم ناری اَلَندی

محرابیده حیدر القانه بَلَندی

اون دوقّوزی صبح ماه رمضاندا

تکبیر مؤذّن قوزاندی اذاندا

بیر غصه لی آوا پخش اولدی زماندا

گلشنْ غمه باتدی گللر سپه لندی

حیدر که دایاندی سرعتله نمازه

شوقیله آچوبدور دل راز و نیازه

دوشدی چوخ اورکلر سوزیله گدازه

چوخ سینه ده غملر داشدی تزه لندی

دیللرده یول آچدی خوش نغمهٔ تکبیر

مولا باش اگنده قالخوب گوگه شمشیر

بیلمم نه ایش اولدی قان آغلادی تقدیر

گرد غم و محنت گوگلردن الندی

حلّ ایلمک اولماز بو امر محالی

یر لرزیه گلدی گهواره مثالی

قان دوتدی علینون نورانی جمالی

منبر سسه گلدی محرابی بزندی

مسجدده گوروندی محشردی کماهی

دیلدن اوجالاند

• سه شنبه
• 4
• تیر
• 1398
• ساعت
• 13:51
• نوشته شده توسط
• ابوالفضل عابدی پور

سالوب عالمه شراره باشیمون یاراسی زینب

بئله آغلاما کی یوخدی یارامون دواسی زینب

دئمورم منیم غمیمده دل عالمینی داغلا

دئمورم آلیش غمیمده یاکی باشه قاره باغلا

یتیشوب تمامه عمروم ئولورم قیزیم آز آغلا

بالا گورسنور یوزومده ئولومون نماسی زینب

نه باجی واریمدی تاکی منه آغلیا نه قارداش

هامی کودکان کوفه من ایچون توکوله گوزیاش

باشیم اوسته ایندی زهرا گلوب آغلییدی ایکاش

باشیما دوشوبدی والله ننون هواسی زینب

باشیما دینده شمشیر نفسیم اله دایاندی

یاراما بوقدری باخما اورگیم آلیشدی یاندی

گوزوون یاشین عزاره بئله باغلاما اماندی

هله ساخلا دیده یاشین گوزوون فداسی زینب

هله فاطمه غمینده غم و محنته یانانسان

• سه شنبه
• 4
• تیر
• 1398
• ساعت
• 13:56
• نوشته شده توسط
• ابوالفضل عابدی پور