اشعار ترکی امیرالمومنین علی(ع)

کوفه ده سس دوشوب علی قانه بویاندی سجدده
باشی سینوبدی حیدرین حالی یاماندی سجدده

قان بورویوبدی گوزلری
یوخدی توانی دیزلری

مظلوم آقام علی آقا
جانیوه من فدا آقا

اهل سما فغان ائدور شیر خدانین حالینه
باش یاراسیندان هی آخور قانی گوزل جمالینه

دورماقا ایلیور تلاش
زینبی گورمیدی کاش

مظلوم آقام علی آقا جانیوه من فدا آقا

حمل ائلیوبلر حیدری منزلینه صحابلاری
دوردی ایاقین اوستونه زینب اچوبدی بابلاری

گوردی دئدی یارالی وای
ائتمه منی عزالی وای

مظلوم آقام علی آقا جانیوه من فدا آقا

سینه وئرور حسن ،حسین ،زینب و کلثوم آغلیور
گوشه ده تک ابوالفضلیم اشگین عذاره باغلیور

هی گوزونون یاشین سیلیر
مظلوم علی علی دئیر

مظلوم آقام علی آقا جانیوه من فدا آقا

زینبم آل دیز اوستونه تللره شانه وئر بابا
یاتما بوجور سنه فدا اولسا ایاقه دور بابا

زینبی دیندیر آی بابا
کیم سنه یوخدی تای بابا

مظلوم آقام علی آقا جانیوه من فدا آقا

من سنی سالم آی بابا مسجده راهی ائتمیشم
باشیوا یاره سجدده دگدی بابا اشیتمیشم

فاطمه گوزلیور یولون
بوینوما سال بابا قولون

مظلوم آقام علی آقا جانیوه من فدا آقا

• جمعه
• 15
• مرداد
• 1400
• ساعت
• 20:33
• نوشته شده توسط
• یوسف اکبری

هر کس اولا شیعه باش ایر حیدره والله
عرض ادب ایلیر هامی پیغمبره والله

سیماسی گوزل ، گوزلری زیبا نه یازیم من؟
پیغمبر ئوزی مشتریدی گوزلره والله

بو ناطق قراندی ، شه ملک حجازدی
زمزم سویی ایچمز ناز ائدر کوثره والله

بایرامدا هامی احسان ائدون، عشق علیدور
جناتیده قربان کسیلر صفدره والله

قلبینده اگر عشق علی اولسا نه قورخون
محشر گونی احسان اءدر عاشقلره والله

طوری بوراخار موسی گوره صحن علینی
نوکر اولونار موسی بیزیم دلبره والله

در یوم غدیر سویلدی پیغمبر خاتم
الله علمی وئردی دوتان اللره والله

اندیشه و عقل هامیسی مبهوت علیدور
الگوی نجابت اولوب عاقللره والله

محشر گونی گوزلر هامی حیدر گله ای کاش
گلسه ولی طوفان سالاجاق دیللره والله

هر کس جانینی وئرسه اولا حافظ قران
حیدر ئوزی احسنت دئیر حافظلره والله

پیغمبره یاوردی علی شاه جهاندی
انگشتری بذل ایلیر ساءللره والله

مندن علینون نوکرینون نوکری اولماز
مایوس ایلمز یول ورئرر نوکرلره والله

ترک ائتمه "خدایی" علینون باب عطاسین
حتما ورجکدور صله شاعرلره والله

• شنبه
• 16
• مرداد
• 1400
• ساعت
• 23:08
• نوشته شده توسط
• یوسف اکبری

دوشدی علی توپراقا محشر کبرا اولوب
باشینه خنجر دگوب محنت عظما اولوب

گویلردن سس گلدی وای علی
اهل عشق سسلن لای لای علی

کوفه ده اشرار سنه دام بلا قوردولار
قلبیلرین کینه و ظلمیله دولدوردولار
سجدده شمشیریله باشیوی سیندیردیلار
مُهر و مِنا قانیله یکسره دریا اولوب

خامه یازا سوزلری لوح و قلم اودلانار
غمللریوی گر یازام باب محن باغلانار
آند اولا اللهیمه بو غمه دنیا یانار
مجلسیوین صاحبی حضرت زهرا اولوب

اونداکی ضربت دگوب باشیوه مولا علی
آچدی باشین آغلادی حضرت طاها علی
من سنه قربان اولوم شاه جهان یاعلی
کوفه لیلر شمشیریز حیدره برا اولوب؟؟

اولدی او وقت منزله گلدی امام زمان
باش یاراسیندان آخور صورته مولایه قان
وای بابا وای سسلنور زینب اولور نیمه جان
قاره سالور باشینه ماتم بابا اولوب

دوزدی که جان نقدینی دینه وئرن یاخشیدی
بزم عزاده اگر قاره گئین یاخشیدی
سویلوری زینب بابا دردی دئین یاخشیدی
سریوی سویله سوزوم عالمه افشا اولوب

اغلاماسام حالیوه یاره لی دیل قان اوتار
هانسی آتا گورموسن گوزدن اوشاقین آتار
فکر ایلمه زینبین هر گجه راحت یاتار
بوسوزه آی شاهدیم هرگجه ایفا اولوب

عاشق عشقین منم تار غمه بسته یم
غم چکنم نینیوم سوز و گداز اوسته یم
آل منی آغوشیوه آی بابا جان خسته یم
زینبیوی عفو ائله خسته غمها اولوب

مشگل اولار مصروی باشدان آتام آی بابا
اشگیمی گوهر کیمی قانه قاتام آی بابا
کاش سنیله قبریده منده یاتام آی بابا
آرزولاریم هر بیری فکریده رویا اولوب

یوم گوزوی شهریده قدریوی یوخدی بیلن
گوزلیوری گوزلریم اشگی گوزومدن سیلن
انتظاریم وار بابا سینمه باری گئلن
بی حرکت وای منه اول ید بیضا اولوب

• شنبه
• 16
• مرداد
• 1400
• ساعت
• 23:45
• نوشته شده توسط
• یوسف اکبری

علی رحمت هماسی علی قاموس قران

علی قرآن فداسی علی ناموس ایمان

یتیملرین آتاسی پرستار یتیمان

البدور الله الله البدور الله الله

علی نور تجلا
علی کوه تولا
اولان دنیایه مولا
البدور الله الله

علی اللهه مظهر علی رکن عدالت

علی یار پیغمبر علی سرخیل امت

شفیع روز محشر غریب شهر غربت

البدور الله الله البدور الله الله

علی دور اسم اعظم
علی مرد معظم
سنیق دللره همدم
البدور الله الله

علی جنت قوناقی علی شبگرد خلوت

علی کوثر ده ساقی علی خلقتده علت

ضعیفین دال دایاقی کسوب دنیادن الفت

البدور الله الله البدور الله الله

علی حقین گواهی
علی دین سر سپاهی
پناهسیزلار پناهی
البدور الله الله

علی ایللر معینی علی صبحین زمانی

علی ساخلاردی دینی علی آنّینده قانی

قلجلانمش جبینی قویوب آغلار جهانی

البدور الله الله البدور الله الله

علی شاه خجسته
علی هم دل شکسته
((امینی))حقین اوسته
البدور الله الله

• پنج شنبه
• 21
• مرداد
• 1400
• ساعت
• 20:00
• نوشته شده توسط
• یوسف اکبری

همیشه سرسخنیم نام رب الاعلادی
محمد عربی مرتضی و زهرادی
اواسملر همهء اسملر دن اولادی
حسین لن حسینین افتخارلی آدلاری
گوزللدور سوزی هم لحظه لحظه اشعاری

حدیث قدس و کسا ور مش اطلاعاتین
عموم خلقه بو بش اسم پاکین اثباتین
توسل ایله دی هرکمسه آلدی حاجاتین
بو بش وجود خموش ایتدی موج دریانی
قوتاردی مهلکه دن نوحی پوزدی طوفانی

وجود خمسه اگر یتمییدی اکماله
نه آی اولاردی نه گون کهکشان نه بیر هاله
قالاردی خلقین اودم حالی آیری احواله
او نوریلن بیری نین اتصالی اولمازدی
که وارلیقین بشره احتمالی اولمازدی

خدا مسبب ایدوب خلقه اسم عظمانی
او نور لر دی سالوب نظمه کون و امکانی
امیر ایدوبدی هامی ملکه شاه مردانی
علی ولایتینین هرکیم اولدی سربازی
او یاخشی درک ایله دی شاهباز ممتازی

علی علی نه علی اهل دینه سلطان دی
علی علی نه علی رکن عشق و عرفاندی
علی علی نه علی قدرت اوندا عنواندی
علی علی نه علی فتح باب خیبرده
او قهرمان لقبی ازبر اولدی دللره

علی علی نه علی احسنتدی سیماسی
علی علی نه علی جداً علم دریاسی
علی علی نه علی گوردی چشم بیناسی
عمیق و عمقده بیر عالی گنج پنهاندی
مسیحیلر اونا بش قروندور نگهباندی

مسیحی دن سوروشوب کای سعید خوش کردار
سنیله واردی منیم محرمانه بیر اسرار
علامتین دیورم سنده ایتمسون انکار
الیمده واردی نچه مدرک و دلیل سنه
بهشتدن گتورم آب سلسبیل سنه

بو گفتگو ده علی صاحب اختیار اولدی
خدای عز ّو جل مرتضایه یار اولدی
اشاره سیله داشی چکدی چشمه جار اولدی
او معجزاتی گورن شکرینه سجود ایتدی
که یعنی قدرت یکتا نبودی بودا یتدی

عزیز من گذرون دوشسه شهر بغداده
توقف ایله گیلن مسجد براساده
که معجزات علی گلمش اوردا ایجاده
بهشتدن گورونن سنگ سخت و زیبادی
نمونهء هنرستان شیر یکتا دی

((امینیا))قلمین نوکی دفتر اوستونده
مثال شمع ور ور نوری مجمر اوستونده
قالار مدام آقانین فکری نوکر اوستونده
ایشینده هر او کسین اولسا الله رضاسی
قبول درگه اولار خواهش و تمناسی

• پنج شنبه
• 21
• مرداد
• 1400
• ساعت
• 20:04
• نوشته شده توسط
• یوسف اکبری

گلدی بوندا گوگدن منبع سخا ئولدی
لرزه دوشدی کونینه یعنی مرتضا ئولدی

هم و غم دنیای فانی دن اولان خسته
عدل و علمه گنجینه عقل کلّه وابسته
دوشدی سجده حالینده قانلی جانماز اوسته
عاشق نماز الدی معشوق خدا الدی

باتدی ماتمه یرلر قاره پوش اولوب گوگلر
اهل عرش عزا دوتموش عرشده نوا ایلر
گوز یاشین توکر جبریل آغلیار بله سویلر
جانشین پیغمبر شاه لافتی الدی

ملجم اوغلی ایتمیشدی خنجرینی زهریدار
مرتضانی الدور سین قلبده بو فکری وار
صبح صادق اولموشدی گلدی حیدر کرار
باطلین جفاسیندن صلح و هم صفا الدی

صرصر خزان اسدی گلشن ولایتده
گل سولوب نوا ایلور بلبل قیامتده
باشلانوب عزا بزمی خانهء امامتده
خلقه مقتدا الدی دیننه فدا الدی

یغدی باشه اولادین حال اعتذارینده
اگلشوب حسینیله مجتبی کنارینده
لحظه لحظه ضعف ایلور وصلین انتظارینده
هی دیور قزیم زینب گل آتان بالا الدی

ایستور ایلسین آگه اهلینی بو مطلبدن
شرح ایدوب نچه قصه کربلای اطیبدن
هی دیور حسین اوغلوم صاحب اول بو زینبدن
بول که قانلی عاشوران زینب اولماسا الدی

قورتولوب وصیتدن شمس اولیا باتدی
مرکز امامتدن ناله گوگلره چاتدی
وا ابا دیوب زینب قدسیانی آغلاتدی
اهل ما سوا سسلر ایندی ده آقا الدی

• پنج شنبه
• 21
• مرداد
• 1400
• ساعت
• 20:07
• نوشته شده توسط
• یوسف اکبری

ای شیر داور علی یار پیغمبر علی
مرد شمشیر وقرآن قرآنه یاور علی
علی علی یا علی دنیایه مولا علی
لا سیف الا سیف لافتی الا علی

ای میرآب کوثر وی فتح باب خیبر
گهواره ده بولوبسن اژدری سن یاحیدر
علی علی یا علی دنیایه مولا علی
لا سیف الا سیف لافتی الا علی

ای نور واحد علی وحدته شاهد علی
درگهیوه یوز قویار عابدو زاهد علی
علی علی یا علی دنیایه مولا علی
لاسیف الا سیف لافتی الا علی

برج ولا ده آی سان مینلر جه گونه تای سان
اسم اعظم اولورسان یوز اون اعدادی سایسان
علی علی یا علی دنیایه مولا علی
لاسیف الا سیف لافتی الا علی

عرش اعلا ده سنی چون رسول مدنی
گوردی نماز قیلورسان ملکلره علنی
علی علی یا علی دنیایه مولا علی
لا سیف الا سیف لافتی الا علی

ارواح انبیا یه بیر بیر سالوبسان سایه
گلوب سنون شأنونده اوچ یوز آتمش اوچ آیه
علی علی یا علی دنیایه مولا علی
لاسیف الا سیف لافتی الا علی

گوگلره زیور علی یرلره لنگر علی
مخلوق عالمینه ایستکلی رهبر علی
علی علی یاعلی دنیایه مولا علی
لا سیف الا سیف لافتی الا علی

• پنج شنبه
• 21
• مرداد
• 1400
• ساعت
• 20:09
• نوشته شده توسط
• یوسف اکبری

خلقت ده علی درّ گرانمایه دی خلقه
حق دن به حقیقت بلی سرمایه دی خلقه
زیبا آدی سرلوحهٔ هستیده گلبدور
ایجاده علی عهد الستیده گلبدور
بیر نور هدایت دی علی اهل جهانه
سلطان ولایت دی علی اهل جهانه
گوزلرده تجلی ایلین نور علی دور
باشلاردا اولان شور بلی شور علی دور
ایجاده گترمشدی اونی حضرت داور
هنگامهٔ بحرانیده پیغمبره یاور
دنیایه قدم قویدی علی بیت خداده
مافوق دی هر خیل بشردن دیمه ساده
بیر آیه دی یر وردی بونا سورهٔ کوثر
کوثر اوزی زهرادی ولی آیه سی حیدر
فانی دی جهان لیک بو حیدر قالی باقی
کوثر بونا وابسته دی بو کوثره ساقی
دنیاده علی شهرتی افلاکه اوجالدی
آلدی باشینا مرحبی گوگدن یره چالدی
حیدر نجه حیدر که اوگون اژدری بولدی
بیرگون ده یخیب قلعه در خیبری بولدی
ممتاز ترین فرد شجاعت ده علی دور
بال و پر آچان عرصهٔ طاعت ده علی دور
باش سجده یه قویجاق دیدی یارب منه پرواز
سردار اولوب عالملره اول قوّلی سرباز
شأنینده کفایت دی اوگون ختم رسالت
فرمایش ایدوب سن سن علی شاه ولایت
زهرائیله سن سرمد افراد بشرسوز
الله تعالایه بوگون مد نظرسوز
سیزدن گلجاقدور بشرین اون بیر امامی
هر تک تکی نین اولمالی دور فوق مقامی
اسلام علمی سطح جهاندا اسه جاقدور
عدلیله اسوب ریشه کفری کسه جاقدور
عاشور بلا کرب و بلا واردی قباقدا
ظلم و ستم و جور و جفا واردی قباقدا
پیروز اولاجاق قان ولی شمشیره علی جان
عالم او آخان قانه اولار خیره علی جان
سن فاتح اولارسان بولورم بدر و حنینه
اما قالاجاق کرب و بلا دشتی حسینه
باشیندان هامی اهل و عیالین آتاجاقدور
عالم اونیلن حد کماله چاتاجاقدور
قان اوسته قوم اوسته قیلاجاخ عشق نمازین
تنها اوزی یاره دیجاخ راز و نیازین
مدفون اولاجاخ وعده گه عشق احدده
مزدی اونون آماده دی الله صمدده
چوخلار آغاما طالب دیدار اولاجاقدور
جمعیله"امینی" ایله زوار اولاجاقدور

• یکشنبه
• 24
• مرداد
• 1400
• ساعت
• 13:51
• نوشته شده توسط
• یوسف اکبری

علی اولین خلق دور عالمه
علی دم وئروب حضرت آدمه
علی رمزدور چشمهٔ زمزمه
علی بیر زمان خلقی حیران قویوب
که دیدارینه خضری عطشان قویوب

جهان جسم اگر اولسا جان دور علی
که جان زمین و زمان دور علی
الوم یوخ اونا جاودان دور علی
علی اولین آیت الله دور
علی یرلره گوگلره شاه دور

علی گوهر ناب دور خلقته
علی شیخ دور شاب دور خلقته
علی تب دگول تاب دور خلقته
حدیث کسا المیوب زنده دور
علی دن بیزه زنده پرونده دور

کمال علی وردی کونه کمال
علی دن آلیب هر نه وار اتصال
پبمبر دیوب ایتمیون کج خیال
آلون هرنه وارسیز علی دن خبر
که هر نه اولوب قوی دیسین مختصر

علی سرّدور حضرت داوره
وار آگاهی سی اوّله آخره
وروب پای خدا ختم پیغمبره
علی حقّ دور حضرت حق علی
ایکی عالمه نور مطلق علی

پیمبر اوزی آلماسیدی وضو
اولان وقتیده حیدره روبرو
ایدردی حیا ایلسین گفتگو
سلام ایلیوب تز دوشردی یولا
یولوندان علی تز اونین رد اولا

دیردی علی هرزادیم دور منیم
اونا بسته دور عمده جانیم تنیم
علی دن فقط قورخوشار دشمنیم
علی آلسا گر ذوالفقارین اله
سینار دشمنیم حل اولار مسئله

غرض بسلیوب مصطفی حیدری
نه حیدر هانی عالمین سروری
اوپوبدور ازل دوش پیغمبری
چخوب تازه دن دین حقین یاری
سالیب کعبه دن سیندرب بتلاری

علی دور فقط کشور دینه شاه
توان اوندا وار ایلسین کوهی کاه
اونی قهرمان خلق ایدبدور الاه
دیوللر هامی شیر داور اونا
که پرونده دور فتح خیبر اونا

جدل لر اونا بزم عرفان دیلار
که رزمنده لر مات و حیران دیلار
علی بیر یانا کفر بیر یاندیلار
ایدردی جدل الده شمشیر علی
گلردی ندا مرحبا شیر علی

علی خواستگار اولدی بیر دلبره
که ایجاد اولوب عالی بیر منظره
ندا عرش دن گلدی پیغمبره
حبیبی سن اول خواستگار علی
قیزون فاطمه هم نگار علی

به فرمان حق گلدی لفظ بلی
ایکی نور اولوب بیر یره منجلی
بیری فاطمه نوری بیرده علی
اولاردان غرض نوری گون آی آلیب
همان نورلردی بیزه پای قالیب

دولاندی زمان حج اکبر گلیب
سمادن یره امر دیگر گلوب
علی کشور دینه رهبر گلوب
خطاب اولدی کای خلقته درّ ناب
علی نی ولی ایلورم انتصاب

علی یا علی کونه سرور علی
ولی خدا شاه محشر علی
ایا ساقی حوض کوثر علی
دوتوب شهرتون کل عالملری
اولوبدور آدون دللرون ازبری

علی یا علی یا علی یا علی
اولوبسان وفادار زهرا علی
غمه مبتلا صبره دریا علی
"امینم" قلم الده یازدیم علی
اوزوم صفحهٔ دلده قازدیم علی

• یکشنبه
• 24
• مرداد
• 1400
• ساعت
• 13:53
• نوشته شده توسط
• یوسف اکبری

بو غم اولوب مؤثر درگاه کبریایه
ماتم دوتوب ملکلر سلطان اولیایه

سکان عرش اعظم عرشه چکوبله قاره
لاهوتیان گلوبله فریاد و آه زاره
هر آن على مقامین فکر ایلیوب دوباره
محزون اولولّا یکسر مفهوم قل کفایه

جنت دگل اگرچه جای فغان و ماتم
بو غمده غملنوبدی واردور نقدر عالم
آلمیش اجازه حقدن نوح و خلیل و آدم
ارواح پاک گلمیش سرّی اودور نوایه

جنّات عدن ایچینده بیر بزم غم قوروبلار
اول مجلسی نبی لر ارواحی دولدوروبلار
ختم رسل یانندا صف صف هامی دوروبلار
بیر بیر وئرور تسلّی مصداق هل اتایه

سارا خدیجه مریم باشه قرا سالوبلار
خاتون روز محشر اطرافنی آلوبلار
شیر خدا غمینده بیر حالته قالوبلار
دونموش سرای بهجت بیر تعزیت سرایه

بیر مجلس عزاده یرده قوروب عیالی
بی انتها پوزولموش هر خاص شیعه حالی
تقسیم اولا حسینون دردی حسن ملالی
بسدور کفایت ایلر بو غمده ماسوایه

ترحیمه حاضر اولموش اشراف کوفه یکسر
اصحاب شیون ایلر احباب اولوب مکدّر
حال تأسّفیله بیر بیر ویرور گلنلر
گه تسلیت حسینه گه اوغلی مجتبایه

مرسوم اولوبدی یاران بو قاعده جهاندا
یاسین دوتار قالانلار هر کس ئولن زماندا
چوخ غملو سوزلریم وار بو سوزده بو بیاندا
گیتسن اگر منیله صحرای کربلایه

بولمم حسین ئولنده کیم قوردی بزم ماتم
ماتم دوتان امامه کیم اولدی یار و همدم
آغلاردی خیمه سنده یالقوز او قلب عالم
سن گور تسلّی ویردی کیم صاحب عزایه

اوُل دم که شمر کافر ئولدوردی تشنه شاهی
رأس حسین الینده قصد ایتدی خیمه گاهی
چکدی دوباره خنجر تاپجاق او بی پناهی
لازم بولوردی ملحق اولسون اوغول آتایه

گورجک بالاجا قیزلار شمرین الینده خنجر
سسلندی واعلیّا دیشره توکولدی یکسر
سعد اوغلونا پناهه گلدی عیال حیدر
لعنت بو روزگاره بو چرخ بی وفایه

• شنبه
• 30
• مرداد
• 1400
• ساعت
• 23:23
• نوشته شده توسط
• یوسف اکبری

چوخلی قدرتمندلر دنیاده گورموش روزگار
شیر مرد ِتک سوار و راد مرد ِنامدار
بیر سؤالیله جوابه دقّت ائت فرزانه وار
مرتضی تک پهلوان، شمشیری تک شمیشر وار؟
لافتی الّا علی لاسیف الّا ذولفقار

سیندی کعبه داخل اولدی فاطمه، بنت الاسد
گَلدی دنیایه علی اول عاشق حیّ ِصمد
ذاتی اثبات کلام ِ« قل هُو اللّه احد
گول کیمین مولوده ائتدی کعبه ی حق افتخار
لافتی الّا علی لاسیف الّا ذولفقار

خطبه ی عباسیده بو مطلبیم اولموش رقم :
مقدم پاک علی دن کعبه اولدی محترم.
کعبه بتخانه ایدی اولدی قبله و بیت الحرم.
تاپدی کعبه حضرت مولا علی دن اعتبار.
لافتی الّا علی لاسیف الّا ذولفقار.

پس علی نی دانسا هر کیم قبله سی بتخانه دی.
کعبه سی داشداندی منطقخانه سی ویرانه دی.
خالقه نا آشنا، توحید اوچون بیگانه دی.
حشریده حسرت چَکَر دائم اولار درده دچار.
لافتی الّا علی لاسیف الّا ذولفقار.

گورمویوب هئچ دین و مذهب مرتضی تک رهبری.
شاهلارین شاهیندن آرتیق دی غلام ِ قنبری.
مرحبی مغلوب ائدیب فتح ائیلیییبدی خیبری.
مرحبا گور بو درایت بو شجاعت کیمده وار.
لافتی الّا علی لاسیف الّا ذولفقار.

مرتضی تک بیر نفر اشک ِیتیمی سیلمه دی.
سجده سینده اوخ ایاقیندن چَکَنده بیلمه دی.
حق دَبی، حق مذهبی، حق مکتبی دَشیلمه دی.
کیمده وار دیر بو عطوفت بو عبادت بو وقار.
لا فتی الّا علی لاسیف الّا ذولفقار.

جنگ بدریله اُحُددا ائیله دی غوغا علی
ساخلادی اسلامیله پیغمبری مولا علی
پهلوانلار ایچره اولدی گورنه مُستثنی علی
الغرض فرمایش ائتدی جبرئیلِ کردگار.
لافتی الّا علی لاسیف الّا ذولفقار.

یوخ علی تک پهلوان، شمشیری تک شمشیر یوخ.
چوخدی گر شیر ِ فلک، شیر خدا تک شیر یوخ.
دهریده اللّهُ اکبر ، بیر بئله تکبیر یوخ.
چونکی بیر تکبیریلن ائیلَردی کفری تار ومار،
لا فتی الّا علی لاسیف الّا ذولفقار.

گوردی حاجی لر غدیر خُم دا ختم ِ مرسلی.
قالخیزیب حیدر الین فرمایش ائتدی منجلی.
من کیمین مولاسی ام، مولادی اول فرده علی.
بایرام اولدی چون علی نین حقّی اولدی آشکار.
لافتی الّا علی لاسیف الّا ذولفقار.

آیه گَلمیشدی گرک دینیز سیزین تکمیل اولا.
تا نبوت دن امامت اصلی ده تحصیل اولا.
بعد پیغمبر زعامت حیدره تحویل اولا.
کیم بو اصلی دانسا دینینده بویوک نقصان اولار.
لافتی الّا علی لاسیف الّا ذولفقار.

کاینات ِکلّ عالم ذرّه دی دنیا علی
هر ایکی دنیا و عقبا قطره دی دریا علی
گمره اولماز کیمسه سَسله نسه اورکدن یا علی
«یا علی»نین لذّتیندن قلب لر چوخ بی قرار.
لافتی الّا علی لاسیف الّا ذولفقار.

وار علی دن بیر اثر هر آیه گر تفسیر اولا.
سوزلری آیات قرآن دیر اگر تعبیر اولا
هر قَدَر فضلین دئسه ن هیهات اورکلر سیر اولا.
هر قَدر یازسان قوتارماز فضلی واردیر بیشمار.
لافتی الّا علی لاسیف الّا ذولفقار.

گور نئجه اعلادن عالی، عالیدن اعلا علی
والی ِحقدیر، ولیّ لم یزل مولا علی
اولماز احمدن سورا معراجیده الّا علی
سویله دی حیدر سَسیله سوزلرین پروردگار.
لافتی الّا علی لاسیف الّا ذولفقار.

کیم رکوعینده اوزوک بذل ائیلیییب الّا علی
کیمدی خلقی خالقه وصل ائلیییب الّا علی
انبیانی صاحب ِفضل ائلیییب الّا علی
یوخدی مرد الّا علی حقدن گَلیبدی بوشعار.
لافتی الّا علی لاسیف الّا ذولفقار.

مظهر عدل و عدالت جلوه ی خورشید علی
شافع یوم ِقیامت، مظهر توحید علی
یاور ختم نبوّت، چشمه ی امّید علی
شاه و سلطان امامت حجّت پروردگار.
لافتی الّا علی لاسیف الّا ذولفقار.

دهریده علم قضاوت رکنینی بنیان ائدیب.
جمله دانشمندی اوز تدبیرینه حیران ائدیب.
حشره جن علم عالمینده هرزمان طوفان ائدیب.
اعتلای علم ایلن اَعلَم لیقی معلوم لاشار.
لافتی الّا علی لاسیف الّا ذولفقار.

اسم اعظم دی علی قرآندا کی اسما ده وار.
آیه الکرسی نی گَزسَن عروه الوثقی ده وار.
عشق حیدر روح و جانِ حضرت زهراده وار.
کوثر و ساقیِ کوثر عبد پاک کردگار.
لافتی الّا علی لاسیف الّا ذولفقار.

اورگَدیب مولا بیزه دنیانی چوخ فانی گورَخ.
حقّه رغبت ائیله یَخ قرآنی نورانی گورَخ.
ناخدا حق اولماسا دریانی طوفانی گورخ.
ظالمی دکّ ائیله یَخ اما اولاخ مظلومه یار.
لافتی الّا علی لاسیف الّا ذولفقار.

اشجع لیل ِمبیت انوار سرمد دی علی
حافظ خیرالبشر جان ِمحمّد دی علی
ابتهالین آیه سینده نفس احمدی علی
کیمده واردیر بو شهامت بو مقام واعتبار.
لافتی الّا علی لاسیف الّا ذولفقار.

ذات حیدر شمع دی، عالم اونا پروانه دی.
اهل ِمعنا اولسا هر کیم عشقینه دیوانه دی.
«یا علی» ذکر اولسا هر یئرده اورا میخانه دی.
ایسته ریخ بیز مرتضانی عاشق و دیوانه وار.
لافتی الّا علی لاسیف الّا ذولفقار.

ائیله مست جام حیدر اولموشوخ خرد و کبار.
سَسله ریخ هر دم علی صبح و مساء، لیل و نهار.
عاشقیخ بیز مرتضایه واله و دیوانه وار.
بی قراریخ، بی قراریخ، بی قراریخ، بی قرار،
لافتی الّا علی لاسیف الّا ذولفقار.

یاندی درگاهی امامین پر پر اولدی فاطمه.
آزقالیردی صبری داشسین عمری تاپسین خاتمه.
قدرت ِایمانیله صبر ائتدی بو عظما غمه.
حضرتِ زهرا آدیلان تاپدی حقدن اقتدار.
لافتی الّا علی لاسیف الّا ذولفقار.

هانسی پیغمبر علی تک اولدی عالمده سعید؟
کعبه ده دنیایه گَلدی، اولدی مسجد ده شهید.
قانی محرابه توکولدی رتبه سی اولدی مزید.
سویله دی «فزت و رب الکعبه»:اولدوم رستگار.
لافتی الّا علی لاسیف الّا ذولفقار.

گور (عزیزا) سن هارا، بو یازدیقین سوزلر هارا.
سن هارا، حمد و ثنای حضرت حیدر هارا.
لایق کیفر هارا، گور شافع محشر هارا
چون الین بوشدور بو شعری ساخلا حشره یادگار.
لافتی الّا علی لاسیف الّا ذولفقار.

• شنبه
• 6
• شهریور
• 1400
• ساعت
• 23:49
• نوشته شده توسط
• یوسف اکبری

ای جمالی مظهر آیات کبری یاعلی
وی جلالیندن جلال حق هویدا یاعلی

فیض جودیندن وجود ماسوا موجود اولوب
ای وجود ماسوایه فیض عظما یاعلی

نور حق آئینه ذاتینده اولموش جلوه گر
ای صفات آللهه مرآت تجلا یاعلی

لوح حسنونده یازیلمش آیه الله نور
صورتینده کلمه مشکوه معنا یاعلی

سن بو مخلوقاته باب علمی مفتوح ایلدین
شاهدیمدور سوره انا فتحنا یاعلی

الف قدین، خلقه لاء نفی اثبات ایلدی
کلمه توحیده سنسن الف الا یاعلی

من نجه وصف ایلیم خالق سنه مداح اولوب
دولدوروب قرآنی اوصافون سراپا یاعلی

کم و کیف ذاتوی درک ایتمز اوهام و عقول
ذات پاکوندور مرکب دن مبرا یاعلی

گر دییم ممکن سنه، سن تک بشر ممکن دگل
ور دئسم واجب، اولور کفریم هویدا یاعلی

ایله ممکن سن، که واجبدور وجودین عالمه
ای وجودی علت غایی اشیا یاعلی

نار قهریندن اولور نام جهنم شعله ور
نور مهریندن دولوب فردوس اعلا یاعلی

پرتو نور جمال بی مثالیندان سنین
مقتبس دور آفتاب عالم آرا یاعلی

ای ولی الله اعظم، عالم و آدم سنه
بنده دور، سنسن بو مخلوقاته مولا یاعلی

خواجه قنبر، امیرالمومنین، یعسوب دین
فاتح خیبر، شه دنیا و عقبا یاعلی

ای کلام الله ناطق، وی کلید کنت کنز
آشکار اولمیش سنیله گنج اخفا یاعلی

باب شبیر و شبر، ابن عم خیرالبشر
صاحب محراب و منبر، زوج زهرا یاعلی

ای در بحر شرف، شاهنشه ملک نجف
سر حق سندن اولوب عالمده پیدا یاعلی

پادشاه کون و امکان، جسم مخلوقاته جان
سرور مردان، امیر ملک بطحا یاعلی

قدرت الله، حجت الله، جانشین مصطفی
آیینه رحمت، ولی حی یکتا یاعلی

عالم علم سلونی، معنی ام الکتاب
واقف اسرار سر لیل اسرا یاعلی

عروه الوثقایه معنا، تاجدار انما
قفل گنج هل اتی، مصداق طاها یاعلی

ای شه والا مکان، پیوسته ایلر آرزو
درگهین اسفل مقامین عرش علیا یاعلی

آب اولور آتش، سر کویون هواسندن سنین
خاک پاییندور عجب گوگرد حمرا یاعلی

آستان درگه پاکین چراغان ائتمگه
مشعل خورشید اله آلمیش مسیحا یاعلی

سن صفی آللهه ویردین زنگ محنتدن صفا
اسم پاکندور سنین اسماء حسنا یاعلی

نار نمرودی ایدوب لطفون خلیله گلستان
پور آزر گورمیوب آذردن اوتدا یاعلی

فلک محنتدن تاپیب نوح نبی الله نجات
اونداکی ایتدی سر کویونده ماوا یاعلی

سن ذبیح آللهه مشق عشق تعلیم ایلدین
ویرمه میش باشین آلیب تاج فدینا یاعلی

اولماسیدی حضرت عیسائیله همدم دمین
هاردا روح الله ایدردی مرده احیا یاعلی؟

قاسم الرراق سنسن، خوان جودیندن سنین
قوم اسرائیله گلدی من و سلوا یاعلی

مهر رویین ایتدی موسادن ید بیضا عیان
ایلدی فرعونی قهرون غرق دریا یاعلی

میزبان اولدون حبیب اللهه سن معراجده
دگلم منکر ایدم حاشا و کلا یاعلی

نازنین آدین، سلیمان ایلدی نقش نگین
اولدی جن و انسه هر فرمانی مجرا یاعلی

بیت الاحزان ایچره، سن یعقوبه اولدون هم نفس
محنت هجره ایدوب صبر و شکیبا یاعلی

دولدوروب آفاقی حسنون، صوت ما هذا البشر؟
حسن یوسف ذره دور حسنین یانندا یاعلی

ای جمال الله، جمالین اولسا ظاهر پرده دن
پرده عصمتده قالماز بیر زلیخا یاعلی

هر گوزل معشوقه بیر عاشق، بیابان گرد اولوب
سن منی، فرهادی شیرین، قیسی لیلا یاعلی

عرصه محشرده (صرافین) یتیش فریادینه
چون سنین مدحین ایدر املا و انشاء یاعلی

مطلب و منظوری شاها، التفاتیندور سنین
یوخ یقین گوگلنده بیر اوزگه تمنا یاعلی

فکر و ذکری روز و شب ده، وردی یا محبوب اولوب
کیمدی سندن اوزگه محبوب دل آرا یاعلی

اوزی بیر مور محقر، دفتری پای ملخ
چوخ سعاتدور اگر مقبول اولونسا یاعلی

• یکشنبه
• 7
• شهریور
• 1400
• ساعت
• 12:19
• نوشته شده توسط
• یوسف اکبری

ای یگانه مظهرِ عدل و عدالت یاعلی
معنی تقوا و تندیسِ دیانت یاعلی

کعبه دن چخدون سن ای خورشید رخشانِ ولا
فیضِ یاب اولدی قدومونله سنون بیت ِخدا
زادگاهون عشقیله ایلر طواف اهلِ ولا
کعبه سنله تاپدی عزّت در حقیقت یاعلی

علّت ِایجادِ خلقتدور وجود ِ مصطفی'
احمدِ محموده خاطر خلق اولوب ارض و سما
ذاتِ پاکوندان اوتور خلق اولدی ختمُ الاَنبیا
علتِ ایجاده اولدون مطلق علّت یاعلی

کیمده وار سنده اولان شأن و جلال و احتشام؟
جز رسول الله یوخ اوزگه انبیاده بو مقام
حجّتِ حق ، وارث ِختم پیمبر ، هم امام
ایستدی حق باشلانا سنله امامت یاعلی

یاعلی ای مادحون ذات ِخدای کردگار
وَه نه خوشدور یاری تعریف ایلیه عالمده یار
لا فتا الّا علی لا سیف الّا ذوالفقار
در حقیقت سنده ختم اولدی شجاعت یاعلی

ای هامی ذرّات ِعالمده وجودی منجلی
هیکلِ توحید و عین الله ، الی الله الی
مهر و ماه و انجم و افلاک با صوتِ جلی
سنن ایستولّر همیشه استعانت یاعلی

مشگله دوشسه سنی سسلر تمامِ کاینات
سسلدی نوحِ نبی گردابدن ویردون نجات
خضره ویردون یاعلی ظلماتیده آبِ حیات
ای سنه مدیون آدم، آدمیَّت یاعلی

وصفوه عاجزدی عقل و وهم و ادراک و بیان
نه بولور ذرّه ، ندور خورشید ِرخشانِ جهان
شاهِ مردان شیر ِیزدان لنگرِ کون و مکان
مثل و مانندون گورنمز چشمِ خلقت یاعلی

اولمیوب اولماز میّسر بیر کسه بو افتخار
تک سنه مخصوصدور ای حجّت ِپروردگار
کعبه ده دنیایه گلدون ای ولیّ کردگار
مسجد ایچره تاپموسان فیض ِشهادت یاعلی

یومِ خندق کفریله اسلام اولاندا روبرو
کبریله عَمر ایلین وقته مبارز جستجو
باتدی سسلر سن ولی اسلامه ویردین آبرو
ایستدون ختمِ نبی دن جنگه رخصت یاعلی

ویرمدی رخصت حبیبِ حضرتِ پروردگار
امتحان وقتی تانونسون بلکه اغیاریله یار
چوخلاری دوشموشدی بو فکره کی ایتسونلر فرار
ویردون اهل دینه درسِ استقامت یاعلی

حاصل آلدون جنگه رخصت عزم ِمیدان ایلدون
عشقوه عشّاقِ دهری غرقِ حیران ایلدون
یک تنه اردوی کفر و شرکی لرزان ایلدون
لشگر ِاِلحاد و کفری دوتدی وحشت یاعلی

یاعلی قرآنِ منزلده خدای ذوالجلال
هل اتی' نازل ایدوب شأنونده یوخ جای مقال
آشکارا حقّوی افسوس قومِ بدمَآل
داندی سنله ایلدی بیجا عدوات یاعلی

بی وفالر خانهء ایمانی ویران ایلدی
گون بولود آتدا قالوب ، خفّاش جولان ایلدی
ظلمه باخ ، دین سیز اولان تفسیرِ قرآن ایلدی
سنده باخدون دوزدون ای صاحب خلافت یاعلی

بعدِ پیغمبر عجب امّت اویانماز یاتدیلار
قیدِ دین و عزّتِ اسلامی باشدان آتدیلار
پیروانِ نفسِ امّاره مرامه چاتدیلار
ایتدیلر قرآن و دینه چوخ خیانت یاعلی

نه خیانت نه جسارت نه جنایت نه جفا
نه خدادن ایتدیلر ، نه روحِ طاهادن حیا
بابِ زهرایه هجوم ایتدی گروهِ اشقیا
سسلدی ثانی گَل ایت بو شخصه بیعت یاعلی

کینهء دیرینه سین ایتدی او ناکس آشکار
بیعتی عنوان ایدوبدور ثانی بی شرم و عار
هم قاپون یاندوردی ، هم زهرانی ایتدی زخمدار
نه یارا ، مرگِ بتوله اولدی علّت یاعلی

نه یارا؟ دوشدی ایاقدان اولدی زهرا بستری
آز زماندا سولدوروب ریحانهء پیغمبری
یوزده سیلی ، قولّاریندا تازیانه یرلری
سینه ده هر لحظه یاره تاپدی شدّت یاعلی

وار یقینیم ذَرّیه لطفیله باخسا بوتراب
ذرّهء ناچیز عروج ایلر گویه چون آفتاب
فخر ایدر دریای لطفونده (پرند) اولسا حباب
هر ایکی دنیاسینه ایلر کفایت یاعلی

• دوشنبه
• 8
• شهریور
• 1400
• ساعت
• 15:06
• نوشته شده توسط
• یوسف اکبری

ای جمالی مظهر آیات کبری یاعلی
وی جلالیندن حلال حق هویدا یاعلی

فیض جودیندن وجود ماسوا موجود اولوب
ای وجود ماسوایه فیض عظما یاعلی

نور حق آئینه ذاتینده اولموش جلوه گر
ای صفات آللهه مرآت تجلا یاعلی

لوح حسنونده یازیلمش آیه الله نور
صورتینده کلمه مشکوه معنا یاعلی

سن بو مخلوقاته باب علمی مفتوح ایلدین
شاهدیمدور سوره انا فتحنا یاعلی

الف قدین، خلقه لاء نفی اثبات ایلدی
کلمه توحیده سنسن الف الا یاعلی

من نجه وصف ایلیم خالق سنه مداح اولوب
دولدوروب قرآنی اوصافون سراپا یاعلی

کم و کیف ذاتوی درک ایتمز اوهام و عقول
ذات پاکوندور مرکب دن مبرا یاعلی

گر دییم ممکن سنه، سن تک بشر ممکن دگل
ور دئسم واجب، اولور کفریم هویدا یاعلی

ایله ممکن سن، که واجبدور وجودین عالمه
ای وجودی علت غایی اشیا یاعلی

نار قهریندن اولور نام جهنم شعله ور
نور مهریندن دولوب فردوس اعلا یاعلی

پرتو نور جمال بی مثالیندان سنین
مقتبس دور آفتاب عالم آرا یاعلی

ای ولی الله اعظم، عالم و آدم سنه
بنده دور، سنسن بو مخلوقاته مولا یاعلی

خواجه قنبر، امیرالمومنین، یعسوب دین
فاتح خیبر، شه دنیا و عقبا یاعلی

ای کلام الله ناطق، وی کلید کنت کنز
آشکار اولمیش سنیله گنج اخفا یاعلی

باب شبیر و شبر، ابن عم خیرالبشر
صاحب محراب و منبر، زوج زهرا یاعلی

ای در بحر شرف، شاهنشه ملک نجف
سر حق سندن اولوب عالمده پیدا یاعلی

پادشاه کون و امکان، جسم مخلوقاته جان
سرور مردان، امیر ملک بطحا یاعلی

قدرت الله، حجت الله، جانشین مصطفی
آیینه رحمت، ولی حی یکتا یاعلی

عالم علم سلونی، معنی ام الکتاب
واقف اسرار سر لیل اسرا یاعلی

عروه الوثقایه معنا، تاجدار انما
قفل گنج هل اتی، مصداق طاها یاعلی

ای شه والا مکان، پیوسته ایلر آرزو
درگهین اسفل مقامین عرش علیا یاعلی

آب اولور آتش، سر کویون هواسندن سنین
خاک پاییندور عجب گوگرد حمرا یاعلی

آستان درگه پاکین چراغان ائتمگه
مشعل خورشید اله آلمیش مسیحا یاعلی

سن صفی آللهه ویردین زنگ محنتدن صفا
اسم پاکندور سنین اسماء حسنا یاعلی

نار نمرودی ایدوب لطفون خلیله گلستان
پور آزر گورمیوب آذردن اوتدا یاعلی

فلک محنتدن تاپیب نوح نبی الله نجات
اونداکی ایتدی سر کویونده ماوا یاعلی

سن ذبیح آللهه مشق عشق تعلیم ایلدین
ویرمه میش باشین آلیب تاج فدینا یاعلی

اولماسیدی حضرت عیسائیله همدم دمین
هاردا روح الله ایدردی مرده احیا یاعلی؟

قاسم الرراق سنسن، خوان جودیندن سنین
قوم اسرائیله گلدی من و سلوا یاعلی

مهر رویین ایتدی موسادن ید بیضا عیان
ایلدی فرعونی قهرون غرق دریا یاعلی

میزبان اولدون حبیب اللهه سن معراجده
دگلم منکر ایدم حاشا و کلا یاعلی

نازنین آدین، سلیمان ایلدی نقش نگین
اولدی جن و انسه هر فرمانی مجرا یاعلی

بیت الاحزان ایچره، سن یعقوبه اولدون هم نفس
محنت هجره ایدوب صبر و شکیبا یاعلی

دولدوروب آفاقی حسنون، صوت ما هذا البشر؟
حسن یوسف ذره دور حسنین یانندا یاعلی

ای جمال الله، جمالین اولسا ظاهر پرده دن
پرده عصمتده قالماز بیر زلیخا یاعلی

هر گوزل معشوقه بیر عاشق، بیابان گرد اولوب
سن منی، فرهادی شیرین، قیسی لیلا یاعلی

عرصه محشرده (صرافین) یتیش فریادینه
چون سنین مدحین ایدر املا و انشاء یاعلی

مطلب و منظوری شاها، التفاتیندور سنین
یوخ یقین گوگلنده بیر اوزگه تمنا یاعلی

فکر و ذکری روز و شب ده، وردی یا محبوب اولوب
کیمدی سندن اوزگه محبوب دل آرا یاعلی

اوزی بیر مور محقر، دفتری پای ملخ
چوخ سعاتدور اگر مقبول اولونسا یاعلی

• دوشنبه
• 8
• شهریور
• 1400
• ساعت
• 15:12
• نوشته شده توسط
• یوسف اکبری

اگر رفیق اولا توفیق و لطفِ ربّانی
الیمده خامه یازار لفظ دُرّ مرجانی

اولار که قائل اولوبلار علی ولایتنه
ایدوبله درک مقامِ ولیّ یزدانی

بو حِصن امنه دوشن معتصم بِحَبل الله
اولنجا حشر یقین بوشلاماز بو دامانی

ویرن نجات ایکی دنیا تمام ماخلقه
علی ولایتیدور وار دلیل و برهانی

ثبوتِ عرضمه لازم گلور که شرح ویرم
بو بزمِ قربده بیر مطلبِ غم افزانی

وار اشتهاری تواریخده یازان چوخدی
دیولسه تک تک اولور نقل و شرحی طولانی

یازانلارین بیری دارُالسَّلام صاحبیدور
که اهلِ عالم آرا وار مقام و رجحانی

ثِقاتدن سایلور اهلِ عِلمه علّامه
فقیه شهرتی نوری او مردِ روحانی

یازار زمانِ سلفده واریدی بیر ملعون
که چوخ بخیلیدی سویمزدی آل ِطاهانی

عداوتندن همیشه او ناصِبی مذهب
دوتاردی دشمن اورکدن علیّ اعلانی

واریدی پردهء عصمتده بیر نجیبه قیزی
سویردی دلدن او قیز لیک شاه ِمردانی

علی محبّتی دوتمشدی قلبنی گویا
باباسی درک ایلمشدی او سرّ اخفانی

ویرردی گونده ایکی قرص نان فقط قزینا
طعامه قویمشدی حسرت اول دل آرانی

قالار نه حاله طعامه قالان بالا حسرت
یقین بلر بالا نازین چکن بو معنانی

اگر چه یوخدی کتبده بو سوز بیله بلورم
یتیمیمش آنادان ، چکدی بو بلایانی

گلوب دایاندی او گونلرده بیر نفر سائل
او ناصبی قاپوسیندا اولوب بو عنوانی

علی یولیندا دئدی ایلیون منه احسان
رضا اوزوزدن ایدون کردگارِ یکتانی

علی آدین ایشدنده او پاکدل دختر
گوگلده جوشه گلوب رأفتِ فراوانی

ویروبدی حصّه سنی سائله قیلوب خوشحال
خدا یانیندا ایدوب اخذ اجر ِشایانی

ولی یتشدی همان لحظه سنگدل آتاسی
بلوب معاینه واردور بر امر پنهانی

گورنده سائل الینده دئدی بو قرص لری
ویروبدی کیم سنه بیله دوتوبدور ارزانی

جواب ویردیکه بر قیز همین بو منزلدن
منه ترحّم ایدوب ویردی بو ایکی نانی

خراب اولان ایوینه داخل اولدی اول مرتدّ
قزیندان ایستدی توضیح ، دشمنِ جانی

سوروشدی قرص لری سائله نچون ویردون
دیوبدی صدقنی بیلدی حرام ، کتمانی

دئدی بابا منی بیر نام پاکه ویردی قسم
او نام حرمتنه ایلدیم بو احسانی

سؤال ایتدی او کیمدور دئ ، سویلدی باباجان
علی ولیّ خدادور ، مروّتون کانی

دئدی علینی سویرسن مگر ، بیوردی بلی
هزار جانیم علینون اولیدی قربانی

گوتورمدی ال او کانِ ادبدن آلدی خبر
که ایتدون هانسی الونله او بذل و اعطانی

ویروب نشان صاق الین یعنی بو الیمله بابا
عزیز دوتمشام اسمِ علیّ عمرانی

محبتنده علینون صدیقسن دئدی قوی
الون کسیم یوخ اگر ادّعاده نقصانی

علی یولوندا دئدی ویرماخ ال چوخ آساندی
بو ظلموین منه وار لیک عیبی خسرانی

ترحّم ایله منه ، ایتمه ناقصُ الاَعضا
آتا بالاسینا ایتمز بو ظلمِ بیجانی

روا دگل منی محتاجِ خلق ایلیه سن
اماندی ایلمه سائل بِکف بو نالانی

نقدری ایتدی او بی دینه التجا امّا
گنه ایدنمدی قانع او کلبِ نیرانی

علی عداوتنه کسدی صاق الین قیزینون
ایویندن ایلدی خارج او ماه سیمانی

قویوب او حالیله یوز هولدن بیابانه
یاناردی نارِ جفائیله قلبِ سوزانی

یتوردی تا اوزونی بیر آغاج کنارینه
اوتوردی لیک اوجالدی سپهره افغانی

کسیلدی تابِ توانی یخلدی غش ایلدی
گتوردی داده نواسی وحوش ِصحرانی

او گونکه گونده قضارا همان او ناحیه نون
شکاره چخمشیدی سیر ایدردی سلطانی

نه گوردی بر گوزل آهو گزر بیاباندا
بو فکره دوشدی شکار ایلسون او حیوانی

دوشوبدی آردیجه تا بیر یره یتوب گوردی
او یردن اوج ایدر افلاکه نورِ رخشانی

همان او نخله که اوردیدی قیز اولوب ظاهر
سالوب تفکّره بو قصّه شاهِ دورانی

باخاندا دقّتیله گوردی جمعِ وحشِ صحار
ایدوبله جمله احاطه او غملو ماوانی

دوتوبلا یوز گوگه ایلولّه ناله و شیون
توکولّه گوزیاشی مثل سحابِ نیسانی

گورنده شاهی پراکنده اولدولار یکسر
بو ماجرانون اولوب شهریار حیرانی

پیاده اولدی آتندان شتابله سلطان
گوروب کسوبله الین بیر قیزین ، آخور قانی

کمال رأفتیله باغلادی اونون النی
گتوردی حاله او مظلومه پریشانی

گلنده حاله سؤال ایتدی شاه ماوَقعی
بو سِرّ مبهمه لازم بولوبدی افشانی

دئدی قضیه نی بیر بیر بلوب او عادل شه
ندن ایدوبلر اونا ظلمِ تاب فرسانی

دئدی غم ایلمه اولّام سنه آتا عوضی
اله گتوردی بو سوزده رضای رحمانی

واریمدی بیرده بیر اوغلوم بو دارِ دنیاده
که ایلرم سنی تزویج اونا ، وار امکانی

خلاصه ایلدی لشگرگهه او دم رجعت
سپاهه وردی همان لحظه کوچ فرمانی

بیوردی ویردیله ترتیب محملِ مخصوص
سوار ایدوبله او حوری خصالِ زیبانی

سُرور و وجدِ تمامیله یتدیلر شهره
حرمسراسینه گوندردی شاه ، مهمانی

گجه عبادت ایدردی گونوز دوتاردی اوروج
سالوردی حیرته زهدی حرمده نسوانی

دولاندی دوره گچوب روزگار او وقت اولدی
شهون تمام اولا اوّلکی عهد و پیمانی

اوز اوغلونا دئدیگی تک اونی ایدوب تزویج
زفاف بزمی قوروب ، دعوت ایتدی اعیانی

گیدوب عروسیله داماد طوی اطاقینه
ضیافتین او زمان که یتشدی پایانی

هامی گیدوبدی ولی شاه پشت درده دوروب
اولوب زفاف ایوینون ناظر و نگهبانی

بو فکردیدی گر ایراد عروسه دوتسا الین
ویروب تسلّی اونا خیر ایشه اولا بانی

بیر آز زمان سووشوب شاهزاده ایستدی سو
ولی عروس گتوردی صول اللی صَهبانی

گوروب او حالی مزاحیله شاهزاده دئدی
آچیخ اولا آتامون لطف و مرحمت خوانی

منه ویروبدی بیر عورت که صاق صولون تانمور
مشخص ایلیه بلمور یَسار و یُمنانی

ایشتدی بو سوزی تازه عروس غملندی
سرشگ خجلتله دولدی چشم ِگریانی

عروس حالنی گوردی پوزوب بو سوز داماد
ادب یولیله اولوب فعلینون پشیمانی

فراشه داخل اولوب تازه کدخدا یاتدی
او حالِ یأسیله قویدی او بختی والانی

عروس گوردیکه بی اعتنا یاتوب داماد
گلوب تموّجه قلبنده بحرِ احزانی

دوروب ایاقه گوزی یاشلی دستماز آلدی
نماز قیلماقا وادار ایدوبدی ایمانی

ادا ایدوب ایکی رکعت نماز صدقیله
ایدوبدی یاد خداوند ِکون و امکانی

اوقدر سجده ده گوزیاشی توکدی غش ایتدی
گتوردی موجه غمی بحرِ لطفِ رحمانی

سمادن اوندا گوروب نور ساطع اولدی یره
منوّر ایلدی افلاکی سطحِ غبرانی

ایکی بولوندی همان نور گوردی بیر تختی
وقاریله اوتوروب بش وجودِ نورانی

بیری اناثیدی ، دوردی ذُکور او بش نفرین
همان خانیم ایلدی درک او ماه سیمانی

باسوبدی سینیه ، باشه یتوب بیوردی غمون
داخی سیزیلداما یاندرما قلبِ زهرانی

منم بتول ، بابامدور بیری او دوت نفرین
بیری عم اوغلوم علیدور هدایت ارکانی

بالام حسندی اوچومجی ، بیری حسینمدور
اولان اولاردی جوانان اهل رضوانی

دوتوب خانم یوز او دم میرِ مؤمنانه دئدی
عم اوغلی یاعلی ای جمله درد درمانی

سنون یولوندا الیندن گچوب بو کانِ وفا
قویاق سزا دگی خجلتده بو پریشانی

گَل ایمدی ایله دعا حق اجابته یتوره
ویره شفا الینه ، حل ایده معّمانی

بو سوزده دوتدی مبارک الین سمایه طرف
سالوبدی حیرته بو معجزه مسیحانی

بیر ال گتوردی الینده ویروبدی زهرایه
بیوردی آل بو یَدِ بیگناه عصیانی

قویوب قیزون الینه آغزیوین لعابنی چک
تلاوت ایتگله امّ کتاب ، قرآنی

همان او طرزیله رفتار ایدوب حبیبهء حق
قوتاردی قیدِ محندن او دختِ ترسانی

شفا تاپوبدی عروسین الی همان ساعت
قایتدی اوّله ، ترک ایتدی حالِ اُخرانی

او دم اولوب نظرندن او بش نفر غائب
قاپو دالیندادا شه بولموری قضایانی

گوروب خموشیدی طوی حجله سی اولوب دلتنگ
آچوب قاپونی گوروب حجله گاهی ظلمان

• دوشنبه
• 8
• شهریور
• 1400
• ساعت
• 15:25
• نوشته شده توسط
• یوسف اکبری

ای چرخِ رَفعتین مَه تابانی یا علی
کنز ولایت ین دُر غَلطانی یا علی

دارالعلوم حِکمته آئینهء جمال
بزم جلال شَمع شَبستانی یا علی

کُون و مکاندا علت غائی مُمکنات
معلول کُل عالم اِمکانی یا علی

ما بین مآء و طینیده حیران بو البشر
سن سیر ایدنده عالم بالانی یا علی

اِبداع اَختراعده موجود اوّلین
عرشون ستونی باعث بنیانی یا علی

آدم دِیسم سنه نه دیم قیلمشم غَلط
تعلیم قیلدون آدَمه اَسمانی یا علی

نقصاندی نوحه نسبت ایدم من اگر سنی
سن نوحده گچورت دون او طوفانی یا علی

هر گه سنه خلیل دِیسم یوخدی نسبتی
سن سن ویرن خَلیله گُلستانی یا علی

یوسف هارا سنی اونا تشبیه دوتماقا
سن تخت قیل مسان اونا زندانی یا علی

مُوسی خطاب ایدوم سنه یوخ یوخ روا دَگل
سندن گوروب دی نور تَجلّانی یاعلی

عیسی مُخاطب ایلمک اولماز جناب وه
سن داریدن قوتارموسان عیسانی یا علی

بس دور بورتبه کَعبه ده اولدی ولادتون
وار شآنیوون مَسیح یله رِجحانی یا علی

مُولود اولاندا اِیلدون ازبر نظامیلن
باشدان اَیاقه جملهء قرآنی یا علی

مَهد ایچره بولدی اَژدری خِیبر یخان الون
ای مَنبع سَخا و هُنر کانی یا علی

وار سنده بیر شُجاعت اَیا شَحنه نَجف
مَبهوت ایدوبدی گبر و مُسلمانی یاعلی

گلدی اُحُدّه شآنیوه لاسِیف و لافتی
اولدی مَلک بو ذکر نوا خوانی یا علی

بیر صُولت یله مَرحَبی مُنشق اِیلدون
وَحشت گوتوردی ساحت غَبرانی یا علی

جِبریل قیل ماسدی اگر شَهپرین سپر
تیغ ون یخاردی بلکه بو دنیانی یا علی

عَمروبن عبدود کیمی مَعلونه ذُوالفقار
گستردی ذُوق آتش نِیرانی یا علی

قیلسون اِشاره قَنبَره انگشتیله یخار
دُوقوز رَواق خَرگه مینانی یا علی

خِیبر ندور قوپارت ماقی بیر شآن اولا سنه
ای کُل عالمون شَه مَردانی یا علی

هیجا گونونده اولسا لگد کوب دُلدُلون
بر باد اِیدر فَضای بیابانی یا علی

بئر ال علمده شُعله تیغون اولوب عَلم
یاندوردی قوم جِن و بَنی جانی یا علی

دشمن شکار الونده سنون آب مُنج معد
دریای قانه دوندرور میدانی یا علی

مهر نبوت اوسته چخوب طاق مکه دن
سالدون اَشاقه لاتیله عُزانی یا علی

اِسلام سَدین آچدی قلنجون شراه سی
پوزدون بَساط گبرو نَصارانی یا علی

سن اولماسیدون اولمازیدی بیر خدا پَرَست
سن ندی دین و مَذهبون اَرکانی یا علی

مَراربن قِیسی دور کمردن بولن اله
قربان تمام شیعه لرون جانی یاعلی

گسترمی سن فضای جهان ایچره آشکار
ملک غری ده یَد بِیضانی یا علی

قَبر شَریف دن ایکی نُوک بنان یلن
مُنشق ایدوبسن اول سَگ نِیرانی یا علی

ایکاش اولا او ایکی سَراَنگشت پاکیوه
جان جهانیان هامی قربانی یاعلی

دوتموش تمام ئورک لری نور محبتون
دوتموش جلالون عَرش مُعلانی یا علی

سن تک جهاندا هانسی گروهین اِمامی وار
دوتماق گرگ سَنون کیمی مولانی یا علی

لَعنت نژاد و ذاتینه اولسون اوناکسون
صِدقیله دوتمویا بیله دامانی یا علی

دنیا و عمر و آخرتیم دین و مَذهب یم
هر دردیمون زَمانه ده دَرمانی یا علی

(قمری) اولوبدی گلشن مَدح نده نَغمه ساز
ایلر نثار نَظم دُر اَفشانی یا علی

• پنج شنبه
• 11
• شهریور
• 1400
• ساعت
• 14:16
• نوشته شده توسط
• یوسف اکبری

بو گئجه مهماندی شیر لَم یَزل اطفالینه
نازنین قلبی یانار اما حسینین حالینه

چون اوزی آگاهدی وار دور باشیندا نه بَلا
درد هجران عِترتین ایلر بَلایه مُبتلا
دردینه عالم طبیب اولسا ائده بولمز دوا
اهل کین نائل اولار ظاهرده شُوم آمالینه

گه باخوب آغلار حسینه حُجت جان آفرین
وار باشیندا نه بلا آگاهیدی یع سوب دین
گه سالوب آغلاردی یاده ماجراسین زینب ین
گوزده وئرمیشدی اودی رُخصت سِرشگ آلینه

بیر حسینی که اونی نازیله بَسلردی مُدام
پرورش وئرمیش دی عَزتله اونا خیرالّانام
سو کنارینده سوسوز باشین کَسر قوم ظُلام
بذل ائدر انگشت یله انگشترین جمالینه

گه باخوب کلثومه آغلار شافع روز جِزا
نه چکر جور عدودن نور عِین مُجتبا
آزقالور سالسون آرایه آیریلیق دست قَضا
حَشرده آیت اولا بلقیس رو اطفالینه

بو گئجه وار دور کَواکب ده بیر اوزگه اِنقلاب
انجمن ایلوب نِجوم لامعه آغلار سَحاب
ایستوری باتسون سَپهر حقّده بو آفتاب
دوشسون عالم جُور و ظلمون ظلمت ابطالینه

اوخشار ایمدی دودمانی عرصه گاه مَحشره
کیم وئرور بولمم تسلی عترت پیغمبره
کیم طبابت ایلوری یا زَخم فَرق حِیدره
آغلار اهل ماسوا شاه نَجف احوالینه

ایمدی باخدوقجا یانور عباسه شاه لافتی
یا بالا گوردوقجا ضعف ایلور آتا ایلور نَوا
خانه زَنبوره بَنزر دودمان مُرتضا
عالم آغلار بیر جَفا کارین او بَد افعالینه

یانه یانه سُویلر ای نور دو عِینیم آغلاما
اولما راضی دلده آرتا شور شِین یم آغلاما
کربلایه ساخلا گوز یاشون حسینیم آغلاما
اوندا کی مغلوب اولارسان اُمتین جَهالینه

یوز دوتوب آغلار گوزیله زینب خونین دله
وئر حسین یله بویوردی کربلاده ال اله
زورق کفری عدم بحرینده غرق ایله گله
وئرحیات جاودان اسلامون اِستقلال ینه

آغلاما ساخلا بو گوز یاشین بلا صحرا سینه
غرق اولان گون آغلاسان آلام و غَم دریا سینه
لیک گوز یاشون وئرر دینون صَفا سیما سینه
چونکه سنسن عُمده باعث کُفرون اضمح لالینه

ای (شعاع) دنیاده خوش ساعت اوساعت دور که سن
واجبات دینووه اوّل ده اقدام ایله سن
آغلاسان بیرده حسینه آغلا یان تا زنده سن
بو گوزل نیتدی چیخ صدقیله استقبال ینه

• پنج شنبه
• 11
• شهریور
• 1400
• ساعت
• 14:32
• نوشته شده توسط
• یوسف اکبری

بزرگ مرد جهان حجت الهی علی
سپهر معدلتون جاودانه ماهی علی

بسیط مصطبه ی لطفینون گداسی ملک
حبیب لم یزلون مرد دل بخواهی علی

بساط حشمتینه رشک ائدن سلیمانلار
ایاقی آلتدا قویان عالم رفاهی علی

عبادت عالمی هر لیلی مثل لیله ی قدر
صفای عشقی سالان حیرته پگاهی علی

مثال آینه دور کارنامه ی عمری
که قویمیوب ائله آئینه ده سیاهی علی

نه زور ائدوب بیرینه مطلقا نه زوری قبول
سریر منزلتون ذوالجلال شاهی علی

روشِ کاری مسلمانلارا گوزل میزان
خداپسند عملی ایلین گواهی علی

ایشیقلی مشعل اولوب سالکان معنایه
نشان وئروب هامی مخلوقه شاهراهی علی

اؤزی فروتنیدی زندگی سی درویشی
ولی ضعیف و ستمدیده تکیه گاهی علی

لقبینی خبر آلسون دییر سنه تاریخ
یتیم لر آتاسی بیوه لر پناهی علی

قسم خدایه علی ذات حقّه مظهریدی
قسم خدایه علی بی نظیر رهبریدی

تَیَمُّناً بو حدیثی به صورت اشعار
وئروم عریضه بو مجلسده اَیُّهاالحُضّار

کچوردی کوفه ده بیر کوچه دن ولی الله
گوروب بیر عورتی معبرده حیدر کرّار

دولی سو مشکین آلوب چیگنینه گئدور ائوینه
ائدوب اؤ عورتی دل خسته یولدا سنگین بار

دیور الهی داخی جاندا طاقتیم یوخدی
بو شهر کوفه ده یوخ من کیمی بلایه دچار

علی منی نه یامان گونلره قویوب یارب
اراده ایله ئوزون انتقامه یا قهّار

ائشیتدی سؤزلرینی عورتین وصیّ رسول
یاخینلاشوب اونا الطافین ایلدی اظهار

دئدی سو مشکوی وئر حمل ائدوم بیر آز دینجل
یورولموسان بیلورم ای عفیفه ی دیندار

منی ده دینی برادر حساب ائله ئوزوه
باجیا قارداشی حامی گرک اولا ناچار

سو مشکینی گوتوروب مقصده یتوردی علی
بویوردی قارداشوی عفو ائت ای وفا کردار

بو بیر سؤالیمون اما جوابین ایستیورم
علی سنه نه ستم ایلیوبدی قیل اقرار

دگل سن اولما ابوطالب اوغلونا خوش بین
ندور دلیلی اونا دلدن ایلوسن نفرین

دئدی اَخَ العرب ای عبد حضرت باری
سو مشکیمی گتوروب ایلدون منه یاری

ولی بو یاخشیلیقا منده بیر عوض یوخدی
جزا گونینده یقین اجروی وئرر تاری

دئدون علی ائلیوبدور سنه نه ظلم و ستم
ائشیت جوابینی ای خسته لر هواداری

شهید ائدوبله منیم دین یولوندا صاحبیمی
قالوبدی دورد اوشاقیم ائوده یوخ پرستاری

وظیفه دور اونا ایتام شهره باش یتوره
صغیر و بیویه یوز وئرمیه گرفتاری

رئیس مملکت مسلمین دور اما
یولونا منتظروک گلمیوب بیزه ساری

بالالاریما دویونجا غذا تاپانمیورام
آدین قویوبدی علی بیوه لر مددکاری

ائشیتدی شیرخدا عورتین بو سوزلرینی
گلوبدی رقّته گوزیاشینی ائدوب جاری

بویوردی حق سنیلندی قصور ائدوبدی علی
باغیشلا جرمین اونون بیلمیوب بو اسراری

طعاموزه سویوزا من ئوزوم کفیل اولّام
یتیم اوشاقلاروی ایلرم نگهداری

علی مثالی سیزه گونده باش یتورّم من
لباسه حاجتوز اولسا آلوب گتورّم من

وئروبدی قول حمایت اؤ بیکسه مولا
اورکده غصه لری جوشه گلدی چون دریا

دیوردی اؤز اؤزینه غفلت ایلیوبسن علی
قصور اولوبدی وظیفونده ائتمیوبسن ادا

آدون خلیفه الونده کلید بیت المال
خبر یوخون نه چکور خانواده ی شهدا

رئیس مملکت اولماق وظیفه دور سنگین
گرک تعهّد ائدن عهدینه ائده ایفا

چالیشدی ائتدی تهیه امیر گردون جاه
بیر آزجا بوغدا اُونی بیر طبق دولی خرما

رُطب طبقده الی اوسته، اُوندا چیگنینده
اؤ بیوه نون ائوینه حمل ائدوبدی شیر خدا

قاپونی وردی کچوبدور اطاقه خجلتیله
یره قویوبدی آپاردیقلارین شه والا

اوشاقلاری آلوب آغوشه یوزلرین ئوپدی
اؤ ائو محبت ائوی اولدی یعنی سر تا پا

بویوردی عورته قسمت ائدک ائوین ایشینی
مواظبت ائله سن بو اوشاقلارا حالا

گتوردوقوم اُونی دا من اؤزوم خمیر ائلیوم
سیزه چورک پیشیروم فوری ای حمیده لقا

علی اؤ بیوه نون القصّه گوگلونی آلدی
خمیری ائتدی مهیّا تنوره اود سالدی

یواش یواش اوجالوبدور شراره ی سوزان
لب تنوریدن ائتدی زبانه سی فَوَران

یوزین دوتوب اوجالان شعلیه بویوردی علی
جهنّمون اودونا یانما سن، بو شعلیه یان

شرار دوزخی یاددان چیخاتما ای نفْسیم
ائله بیر آتشه هانسی بشرده واردی توان

سن استراحت ائدوبسن یتیملر قالوب آج
دؤزر نه نوعیله بو درده صاحب وجدان

قاپی ویریلدی اؤ وقته گلوبدی بیر عورت
علینی گوردی کنار تنوریده حیران

سؤال ائدوب بو سؤزی خانه صاحب عورتدن
قوناقوی تانوسان کیمدی؟آدین ایله بیان

دئدی تانیمیورام ، آدینی خبر آلدیم
منه بویورمادی امّا اؤ نابلد مهمان

فقط دئدی بو سؤزی کوفه ده غریبم من
تنوری داغ ائلیوبدور بیزه پیشیرسون نان

جواب وئردی دایان قوی آدین دیوم کیمدی
علی ولیّ خدادی اؤ رادمرد زمان

علی آدین ائشیدوب قاچدی مطبخه اؤ خانم
دئدی اؤزوم بالالاریم آقا سنه قربان

گناهیمی آقاجان عفو ائله بو گوزیاشیما
جسارت ایلمیشم ساحتونده کول باشیما

جواب وئردی اونا شهریار ملک حجاز
علینی سن تانیدون کشف اولوندی حیف اولا راز

وظیفه دور گرک عذر ایستیه علی سندن
قصور مندن اولوب سنده یوخدی عذره نیاز

تَفضّل اولسا الٰهیدن ایلرم جبران
باغیشلیون بیلورم غفلتیم اولوبدی بیر آز

گلوب بالالاروی بیر بیر آلّام آغوشه
آتا کیمی دؤزرم هر نقدری ائتسه له ناز

قلم سؤزی گینه ده ایستیور گریزه چکه
سوزون گریزی اگر اولماسا گوزل اولماسا

گرک اورک اودونی گوزیاشیم ائده خاموش
دویونجا آغلاماسام قلبیمون اودی سویوماز

محلّی دور ائلیم عرض شحنه ی نجفه
آقا سنی بشریت تانور یتیم نواز

نوه ن رقیه کیمی نازنین بالا یوخودی
خرابه یرده آجیندان ائدوردی سوز و گداز

بنفشه مثلی قرا ساچلاری پراکنده
آز اولدی عمری ولی تار گیسوانی دراز

دوداقینی گوتورنده اؤ قیز دوداق اوستن
چمن غصه ده عیناً اولوردی غنچه ی باز

سولان یوزی ساری گلدن آلوردی صبر و قرار
خمار گوزلری نرگس لری ائدوردی خمار

زمانه ده اونون آیری زمانه سی واریدی
اورکده آتش غمدن زبانه سی واریدی

همیشه توأمیدی شبنمیله گل مثلی
یوزینده گوزدن آخان اشک دانه سی واریدی

گجه لری اویاقیدی گوزی ستاره کیمی
نجوم و ماهیله بزم شبانه سی واریدی

توکوردی هر نقدر گوزیاشی قوتارموردی
اورکده دُرّ سِرشکه خزانه سی واریدی

ترنُّمی ائلیوردی اثر قناری لره
ز بس قفسده یانقلی ترانه سی واریدی

عزا بهارینه بیر بلبلیدی پر بسته
دمیر قفس مَثَلی آشیانه سی واریدی

سیزیلدیاندا خانم زینبین آلیدی جانین
سؤزینده شرح غم عاشقانه سی واریدی

باخوردی حسرت آتا قارداش آختاروردی گؤزی
قیامت ائتمگه هرگون بهانه سی واریدی

دونی قرا ساچی قاره گونوزی بختی قرا
بدنده قمچی یریندن نشانه سی واریدی

یوزینده طُرّه سی آشفته تار فکری کیمی
تِلین داراماقا فکر ائتمه شانه سی واریدی

کچوردی عمری غم بی شماریلن اؤ قیزون
واریدی کشمکشی روزگاریلن اؤ قیزون

دیوردی عمه آتام سروریم هایاندا قالوب
رئیس سلسله ی اطهریم هایاندا قالوب

گلی گرک بجَره باغبانی گلشنده
سارالموشام بی بی گل پروریم هایاندا قالوب

بابام منی ایتوروبدور و یا که من بابامی
بو شهره نابلَدم رهبریم هایاندا قالوب

اگر مسافرت ائتمیش آتام سؤزوم یوخدی
بویور گوروم اؤ نبی بنذریم هایاندا قالوب

خبری یوخدی قرا بخت اولوب گوزل باجیسی
قبیله نون گوزلی اکبریم هایاندا قالوب

دئسم ملکدی علی اکبره خطا دئمیشم
مدینه یوسفی تاج سریم هایاندا قالوب

جانین نه ارزشی واردور ایتورسه جانانین
دیلیمده یوخدی توان دلبریم هایاندا قالوب

کشیده قامت عَموم بوشلیوب بیزی باشینا
علی نشانی علی مظهریم هایا

• پنج شنبه
• 11
• شهریور
• 1400
• ساعت
• 14:44
• نوشته شده توسط
• یوسف اکبری

ای چرخِ رَفعتین مَه تابانی یا علی
کنز ولایت ین دُر غَلطانی یا علی

دارالعلوم حِکمته آئینهء جمال
بزم جلال شَمع شَبستانی یا علی

کُون و مکاندا علت غائی مُمکنات
معلول کُل عالم اِمکانی یا علی

ما بین مآء و طینیده حیران بو البشر
سن سیر ایدنده عالم بالانی یا علی

اِبداع اَختراعده موجود اوّلین
عرشون ستونی باعث بنیانی یا علی

آدم دِیسم سنه نه دیم قیلمشم غَلط
تعلیم قیلدون آدَمه اَسمانی یا علی

نقصاندی نوحه نسبت ایدم من اگر سنی
سن نوحده گچورت دون او طوفانی یا علی

هر گه سنه خلیل دِیسم یوخدی نسبتی
سن سن ویرن خَلیله گُلستانی یا علی

یوسف هارا سنی اونا تشبیه دوتماقا
سن تخت قیل مسان اونا زندانی یا علی

مُوسی خطاب ایدوم سنه یوخ یوخ روا دَگل
سندن گوروب دی نور تَجلّانی یاعلی

عیسی مُخاطب ایلمک اولماز جناب وه
سن داریدن قوتارموسان عیسانی یا علی

بس دور بورتبه کَعبه ده اولدی ولادتون
وار شآنیوون مَسیح یله رِجحانی یا علی

مُولود اولاندا اِیلدون ازبر نظامیلن
باشدان اَیاقه جملهء قرآنی یا علی

مَهد ایچره بولدی اَژدری خِیبر یخان الون
ای مَنبع سَخا و هُنر کانی یا علی

وار سنده بیر شُجاعت اَیا شَحنه نَجف
مَبهوت ایدوبدی گبر و مُسلمانی یاعلی

گلدی اُحُدّه شآنیوه لاسِیف و لافتی
اولدی مَلک بو ذکر نوا خوانی یا علی

بیر صُولت یله مَرحَبی مُنشق اِیلدون
وَحشت گوتوردی ساحت غَبرانی یا علی

جِبریل قیل ماسدی اگر شَهپرین سپر
تیغ ون یخاردی بلکه بو دنیانی یا علی

عَمروبن عبدود کیمی مَعلونه ذُوالفقار
گستردی ذُوق آتش نِیرانی یا علی

قیلسون اِشاره قَنبَره انگشتیله یخار
دُوقوز رَواق خَرگه مینانی یا علی

خِیبر ندور قوپارت ماقی بیر شآن اولا سنه
ای کُل عالمون شَه مَردانی یا علی

هیجا گونونده اولسا لگد کوب دُلدُلون
بر باد اِیدر فَضای بیابانی یا علی

بئر ال علمده شُعله تیغون اولوب عَلم
یاندوردی قوم جِن و بَنی جانی یا علی

دشمن شکار الونده سنون آب مُنج معد
دریای قانه دوندرور میدانی یا علی

مهر نبوت اوسته چخوب طاق مکه دن
سالدون اَشاقه لاتیله عُزانی یا علی

اِسلام سَدین آچدی قلنجون شراه سی
پوزدون بَساط گبرو نَصارانی یا علی

سن اولماسیدون اولمازیدی بیر خدا پَرَست
سن ندی دین و مَذهبون اَرکانی یا علی

مَراربن قِیسی دور کمردن بولن اله
قربان تمام شیعه لرون جانی یاعلی

گسترمی سن فضای جهان ایچره آشکار
ملک غری ده یَد بِیضانی یا علی

قَبر شَریف دن ایکی نُوک بنان یلن
مُنشق ایدوبسن اول سَگ نِیرانی یا علی

ایکاش اولا او ایکی سَراَنگشت پاکیوه
جان جهانیان هامی قربانی یاعلی

دوتموش تمام ئورک لری نور محبتون
دوتموش جلالون عَرش مُعلانی یا علی

سن تک جهاندا هانسی گروهین اِمامی وار
دوتماق گرگ سَنون کیمی مولانی یا علی

لَعنت نژاد و ذاتینه اولسون اوناکسون
صِدقیله دوتمویا بیله دامانی یا علی

دنیا و عمر و آخرتیم دین و مَذهب یم
هر دردیمون زَمانه ده دَرمانی یا علی

(قمری) اولوبدی گلشن مَدح نده نَغمه ساز
ایلر نثار نَظم دُر اَفشانی یا علی

• سه شنبه
• 30
• شهریور
• 1400
• ساعت
• 21:09
• نوشته شده توسط
• یوسف اکبری

یوموبدی گوزلرینی شاه لافتا بو گیجه
فنا جهانیدن آیریلدی مرتضی بو گیجه

صدای ناله گلور فرشه عرش داوردن
باتوبدی ماتمه گویا که ماسوا بو گیجه

نه چون کسوفه دوشوب شمس عالم امکان
نجومدن اولورری انقطاع ضیا بو گیجه

غبار غم بوریوب عالمی مصیبتدن
تحوله یتشوب عرش کبریا بو گیجه

آچوبدی کثرت غمدن باشین رسول گرام
اولوبدی مرثیه خوان ختم الانبیا بو گیجه

گلوبدی فاطمه آه و نوایه جنّتده
دیور عم اوغلی سنه فاطمه فدا بو گیجه

ویرور تسلی اونا یکسره جنان اهلی
یارالی قلبینه دگدی گینه یارا بو گیجه

عجب مصیبت عظمادی یوز ویروب خلقه
بیر آیری حاله قالوب شاه کربلا بو گیجه

حسن حسینه تسلی ویرور حسین حسنه
باخولا بیر بیره ایلولَّه آه و وا بو گیجه

یانخلی دیللریله اوخشاما دیور زینب
بلالی باشی تاپوبدور گینه بلا بو گیجه

دونوبدی گوزیاشی قانه گوزونده عباسین
اولوبدی ورد دلی دلده وا اَبا بو گیجه

دیار کوفه ده غوغادی شدت غمدن
یتیم لر ایلیور نی کیمی نوا بو گیجه

بیری دیور گیجه لر باش چَکن یتیمیلره
یقین علی اوزودی گلمدی خدا بو گیجه

بیری ایاق سسینه باغلیور آچور قاپونی
دیزینده قالمور آجندان داخی قوا بو گیجه

نه ایسته سن ای (عتیق) ایسته بذل اِیده مولا
نه ایسته سن کرمیندن ایدر عطا بو گیجه

• چهارشنبه
• 31
• شهریور
• 1400
• ساعت
• 12:59
• نوشته شده توسط
• یوسف اکبری

یولار فَغانیله گیسولرینی حُورُالعین
سالولّا صورته دردِ نَهانی مَعنادَن

اَبُوتراب اِیدوب دور ترابیده سُکنی
ترابی رشکِ بهشت اِیلوب بو سُکنادَن

صدای لَیتنی کُنتُ تُراب اولمور مَسموع
مقامِ غبطه دَه هر دَم سپهرِ مینادَن

اَبُوالائمّه ئولوب دور، یتیم اولوب حسنِین
گیچوب حسین و حسن ناله سی ثُریّادُن

یتیم لیق توزی بو گُون قونوب حسین یوزینه
آخار عُذاری نه گُوز یاشی چشمِ شَهلادَن

آچوبدی باشینی زینب، یولار ساچین کُلثوم
چَکر اِیکی باجی ناله بو دردِ عُظمادَن

علی ئولوب سینوب ارکانِ دینِ لَم یَزَلی
هدایته یتیشوب صَدمه بو قَضایادَن

آچوب یَخاسین علمدارِ کَربلا عَبّاس
فرات تک آخوری اشک چشمِ، سَقّادَن

ایدوب آتاسینا غسل و کفن اِمامِ حسن
بو سوز وَصیّتیدی اوغلونا او مُولادَن

اوزی مُطابقِ قانونِ شَرع ایتدی حُنوط
همان حُنوطِ که گَلمیشدی دارِ عُقبادَن

بو دور قَواعد قانونِ شَرعِ مُصطفوی
خلافِ شُرع گورونمز اِصوله دارادَن

اِیده لّه غسل و کفن شَرعیده مسلمانه
ندندی کوفه لیلر چخدی شَرعِ غَرّادَن

حسینی قویدولا بی غسل و حُنوط و کفن
تاپولمادی گُوتورن نعشینی او صَحرادَن

نه چکدی بُلمورم الله بُلور خانم زینب
او جسمی عُور گُورنده لباسِ دیبادَن

اماندی گیتمه قلم کربلایه، کوفه ده قال
واروندی چشمِ صله گر علیّ اَعلادَن

آتا جَنازه سینه مُجتبی اِیدنده کفن
حسینی سالدی بو غم طاقت و تَوانادَن

یوگُوردی سالدی اوزین مُرتضی جنازه سینه
علاقه کسدی تَحمّل او ماهِ سیمادَن

باجیسی زینبه یول آچدی کربلا شاهی
ویروب بلا چولونون مَشقینی بو اِیمادَن

عقیلةُ العرب، ئومُّ المصائبِ عالم
فزون اولان شَرفی مَریمی له سارادَن

دوشَندی باغرینا باسدی آتا جَنازه سینی
اوجالدی وا اَبتا دُختِ میرِ بَطحادَن

قاریشدی بیر بیرینه سر به سر بنی هاشم
اوجالدی ناله و شیون عَیالِ طاهادَن

ئولوب امام، سپوب شیعه لر باشا توپراق
دیارِ کوفه دولوب صُوت وا اِمامادَن

علی ایوینده ایله بیر قیامت ایتدی قیام
که حشر آیتِ صغری اولور او کُبری دَن

جنازه سین گوتوروبلر غرض بنی هاشم
آیردیلار آتانی تا بنات و اَبنادن

گُوروب اِمامِ حسن باش آچوق گَلور زینب
جنازه نین دالسن جا چخوب شَکیبادَن

دوتوب حسینه یوز آغلار گُوزیله اِیتدی خطاب
دایانما زینبی قِیتر حسین بو ماُوادَن

باجی میزون گُوره گر قامتینی نامَحرم
بیزه گُونوز اوُلی تاریک لِیلِ یلدادَن

عزیزه باجیسینی قِیتروب اِمامِ حسین
گنه گُوزوم یاشینون مُوجی گیچدی دریادَن

همین بو زینبیدی کربلاده یازَهرا
گیچردی اللّری باشدا صفوفِ هیجادَن

بو فکریدِیدی اوزین مصرعِ حسینه سالا
حسینی حفظ اِیلیه شرَّ قومِ اَعدادَن

باشیندا مَعجری بُلمم که واریدی یوخودی
علوم صاحبی آگهدی بو مُعمّادَن

بو قدر وار که حمید اِبن مُسلم اِیلر نَقل
اونون او نَقلی آلور تاب سنگِ خارادَن

اونون رَوایتی نون بیر اِشاره سین دیماقا
چوخ اِعتذار ایدورم من بَتولِ عُذرادَن

دیر بو عُورتی گُوردوم که گُون کیمی چخدی
یوزونده حایلی وار طُرّهء مُطَرّادَن

خیامی دَن قاچوری قتلگاهه باشدا اَلی
سپهره لرزه سالور بانگِ وا حُسینادَن

گهی قاچور یخولور، گه دورور گنه یوگورور
اوزین اِیله ایتوروب قوخموری مُنایادَن

قولاق لاریندا اِیدور گُوشواره لر حرکت
اونون او حالی مُوثّردی حالِ ثُکلادَن

دِیور حسین نیه گُوگلر یِره توکول موری بس
توان و طاقت آلور صُوتی پیر و بُرنادن

گَلوب بو حالیله گُودالِ قَتلگاهه یتوب
بُلنمورم نه گُوروب شمرِ بی مَهابادن

بویوردی جان وِیرور اینجیتمه، اَل گوتور ظالم
بو تَشنه لَب یارالی،‌ پاره پاره اَعضادَن

جَسارت اولدی (حسینی) دایان چوخ عُذر اِیسته
اِمامِ عَصریدَن اَلده اولان بو طُغرادَن

• چهارشنبه
• 31
• شهریور
• 1400
• ساعت
• 13:00
• نوشته شده توسط
• یوسف اکبری

قالمیشام غربت‌ده یوخدو بیرکسیم
چاغیررام هرایه یا علی سنی
گلیر وجودیم‌دن قورو نفسیم
چاغیررام هرایه یاعلـی سنی

باخ اوره‌ک‌ سرّیمی من کیمه‌دئییم
آچیم سر سؤزومی کیمه‌ سؤیله‌ییم
کسیلیب‌دیر چاره یولوم نئییله‌ییم
چاغیررام هرایه یاعلی سنی

زمانه دردیندن گلمیشم جانا
غم ریشه‌ سالیب‌دیر ایلیگه قانا
دردیمی دئییرم شاه مردانا
چاغیررام هرایه یاعلی سنی

لاپ چتین دردلرین درمانی سنسن
نظرده ساخلایان هریانی سنسن
شاهلار شاهی مردلر مردانی سنسن
چاغیررام هرایه یاعلی سنی

یازیق«قیزیل‌قلم»زار و ناتوان
عُمور بویو هِجر آتشین‌ده یانان
تکجه سنسن اوره‌ک سؤزنو قانان
چاغیررام هرایه یاعلی سنی

• چهارشنبه
• 7
• مهر
• 1400
• ساعت
• 20:07
• نوشته شده توسط
• یوسف اکبری

سنسن یَعسوبِ‌ دین ای‌حبل‌المتین
اولسا زیارتین یا علی نصیب
دل‌ده محبتین دیلده مِدحَتین
اؤپرم تُربتین یاعلی نصیب

سِدرَةُالـْمـُنـْتَـهٰی،عُروَةُالْوُثْـقٰـی
رمزِ طورِ سینا،وٰادیِ طـؤْیٰ
بابِ عِلمِ طٰه ،عَلـیِّ اَعلا
یازارام مدحتین یا علی نصیب

«قیزیل‌قلم»شاهی،سنسن‌ پناهی
گؤزللرین‌ ماهی،شاهلارین‌ شاهی
اؤزون گؤستر راهی،چکیرم‌ آهی
اولسون محبتین یاعلی نصیب

• چهارشنبه
• 7
• مهر
• 1400
• ساعت
• 21:53
• نوشته شده توسط
• یوسف اکبری

سلام ای شیعه نون ماه منیری
سلام ای لشکر عشقین امیری

سلام ای کعبه نون مولود پاکی
سلام ای جبهه ی حق سینه چاکی

سلام ای شیعه نون دار و نداری
شرافت ملکینین شأن و وقاری

سلام ای مظهر ایمان و ایثار
یولی عاشقلره میزان و معیار

سلام ای نائب ختم نبوت
باشیندا اولین تاج امامت

جهانه گلمیوب مولا نظیرون
بلی وارسته دی مولا اسیرون

دوشوبدی صولتین عرش خدایه
اوزوک وئردین سجودینده گدایه

ملکلر عشقیوه حیران قالیبلار
بهشتین عطرینی سندن آلیبلار

بونی تایید ائلر خلاق منان
سنی درک ائتمگه عاجزدی انسان

ولایتدور اگر شرط دیانت
سنون عشقوندی معیار ولایت

گئجه مشغولیدون راز و نیازه
نمازدا ایلیوردون روحی تازه

فتوحاتون هله ورد زباندی
آدون آرایش و زیب اذاندی

سنی هر کس قبول ائتسه اورکدن
مقدم دور جهاندا هر ملکدن

آدون رمز ورود باغ جنت
وارون خالق یانیندا شان و حرمت

نوا وئردون غریب و بی نوایه
یولون سرمشق اولوبدور اولیایه

سنیلن دین حق پاینده قالدی
آدون دِیر و کِنِشته لرزه سالدی

• شنبه
• 17
• تیر
• 1402
• ساعت
• 18:29
• نوشته شده توسط
• یوسف اکبری

‍ ای سجده گهده قانینه غلطان یارالی
ائتدون نمازه جانیوی قربان یارالی

کیم ووردی باشوندن بیله کاری جراحت
شق القمر اولدی باشندان بیر علامت
آی گون یغشدی بیر یره اولدی قیامت
تار اولدی گوزده عالم امکان یارالی

جبریل سسلندی علی آلقانه باتدی
باش وئردی دینه رونق دینی اوجاتدی
باشی یاریلدی دلده کی مقصوده چاتدی
کشف اولدی خلقه بو غم پنهان یارالی

قلبیم دوگوندی گوزلریم یوللاردا قالدی
گوز یاشیم آخدی صورته رنگیم سارالدی
اولموبدی ممکن گلماقا چارم آزالدی
کاشانۀ صبریم اولوب ویران یارالی

واردور باشوندا یاره دن تاج شرافت
مقصودیوه یتدون بابا تاپدون سعادت
اطفالیوه سنسیز اولار برپا قیامت
اوللام شریک غم ئوزوم هر آن یارالی

س رزمیلرده شیریدون ای شیر یزدان
دعواده ائتدون شیرلر تک عزم میدان
باش یاره سی سالدی سنی چوخ تئز ایاقدان
دوشدون ترابه ای شه مردان یارالی

هرگز دئمم اطفال مه سیمانی دیندیر
یا دل شکسته زینب نالانی دیندری
اوغلون حسینی شاه لب عطشانی دیندیر
قلبی اولوبدور غصه دن القان یارالی

بوللم بابا سندن صورا نه حاله قاللام
اوز باشیمون سرمشقینی من سندن آللام
باشون یاراسین ای بابا من یاده ساللام
زینب یاریلمیش باشیوه قربان یارالی

باشون یاراسی آغلادور من بینوانی
گوزده مجسم ایلوری دشت بلانی
اوغلون حسین قان آغلادار ارض و سمانی
باشی جدا اوسته اولار تابان یارالی

یانام بو غمده نی کیمی گللم نوایه
سنسیز دوشر باشیم منیم چوخ ماجرایه
غملر چکر آخر منی کرب وبلایه
دین اوسته وئرم عشقیمی اعلان ارالی

سنسیز یوزوم گولمز مینم دار فناده
هجرونده گلم نی کیمی فریاد و داده
قان آغلارام دلدن سنی سالدوقجا یاده
اولام غمونده هر زمان گریان یارالی

بو «تابع دین» ای بابا ایلور گلایه
عرض ایلوری شهلر مگر باخماز گدایه
بیر گوشۀ چشمیله باخ اول بینوایه
ائت درد بی درمانینه درمان یارالی

• شنبه
• 17
• تیر
• 1402
• ساعت
• 21:11
• نوشته شده توسط
• یوسف اکبری

نه بزمدور گینه خلق زمانه قان آغلار
گلوبدی ناله و فریاده انس و جان آغلار

دولوب جهان گینه فریاد واعلیّادن
فلکده یاس دوتولوب اهل آسمان آغلار

مگر کی تازلنوب ماتم شه مردان
اولوبدی شیعه‌لرین گوز یاشی روان آغلار

چکوبله مسجد و محراب و منبره قاره
گلور فغان در و دیواریدن عیان آغلار

قوروبدی بزم عزا حاملان عرش عظیم
مَلک قرایه باتوب حوری جنان آغلار

بوگون او گوندی پیمبر دییر عم اوغلوم وای
عمامه الده دوتوب قامتی کمان آغلار

ائدوبدی زولفینی آشفته حضرت زهرا
چکر بقیعده فریاد مو کنان آغلار

یتیم اولوب حسن مجتبی حسین شهید
جناب زینب کلثوم ناتوان آغلار

علم آچوبدی فرات اوسته حضرت عبّاس
او قوللاری کسیلن شاه تشنگان آغلار

قیلوبدی چاک گریبان محمد باقر
توکوب سرشگ بصر چشمی خونفشان آغلار

امام جعفر صادق گیوب لباس عزا
اولوبدی موسی کاظمله همزبان آغلار

ائدوبدی طوسی مصیبت سرا امام رضا
غریب خاک خراسان ائد‌ر فغان آغلار

شهید زهر محمد تقی علی نقی
چکلله ناله قیلوب آه و الامان آغلار

دوشوبدی زلزلیه سرّمن رای ملکی
قرا گیوب حسن عسگری عیان آغلار

همیشه گلشن ماتمده یا علی گویان
اولوبدی قمری دلخسته نوحه خوان آغلار

• چهارشنبه
• 28
• تیر
• 1402
• ساعت
• 11:47
• نوشته شده توسط
• یوسف اکبری

اِی یِگَانَه مَظهرِ عَدل و عَدالَت یاعلی
مَعنیِ تَقوا و تَندیسِ دَیانت یاعلی

کَعبه دَن چخدُون سَن اِی خورشیدِ رَخشانِ وِلا
فیضِ یاب اوُلدی قُدومُونلَه سَنون بِیتِ خدا
زادگاهُون عِشقیلَه اِیلر طَواف اَهلِ وِلا
کَعبَه سَنله تاپدی عِزّت دَر حقَیقَت یاعلی

عِلّتِ اِیجادِ خِلقَت دور وُجودِ مُصطفی
اَحمدِ مَحمودَه خاطر خَلق اوُلوب اَرض و سَما
ذاتِ پاکُوندان اوُتُور خَلق اوُلدی خَتمُ الاَنبیا
عِلَتِ اِیجادَه اوُلدُون مُطلَق عِلّت یاعلی

کِیمدَه وار سنَده اوُلان شأن و جَلال و اِحتشام؟
جُز رَسول الله یُوخ اوُزگه اَنبیادَه بُو مَقام
حُجّتِ حَق، وارثِ خَتمِ پِیمبَر، هم اِمام
اِیستدی حَق باشلانا سَنله اِمامَت یاعلی

یاعلی اِی مادِحُون ذاتِ خدای کِردگار
وَه نه خوشدور یاری تَعریف اِیلیَه عالَمدَه یار
لا فَتا الّا علی لا سِیف الّا ذُوالفقار
در حقَیقت سَندَه خَتم اوُلدی شُجاعَت یاعلی

اِی هامی ذرّاتِ عالَمدَه وُجودی مَنجلی
هِیکلِ تُوحید و عِین الله، اَلی الله اَلی
مِهر و ماه و اَنجم و اَفلاک با صُوتِ جَلی
سَنَن اِیستُولّر همیشه اِستعانَت یاعلی

مُشگلَه دُوشسَه سَنی سَسلَر تَمامِ کاینات
سَسلدی نُوحِ نَبی گِردابدَن وِیردُون نَجات
خِضرَه وِیردُون یاعلی ظُلماتیدَه آبِ حَیات
اِی سَنه مَدیُون آدَم و آدَمیّت یاعلی

وَصفوَه عاجِزدی عَقل و وَهم و اِدراک و بَیان
نه بُولور ذَرّه، نَدور خورشیدِ رَخشانِ جَهان
شاهِ مَردان شیرِ یَزدان لَنگرِ کُون و مَکان
مِثل و مانندُون گُورنمَز چِشمِ خِلقَت یاعلی

اوُلمیُوب اوُلماز مُیّسر بیر کَسَه بیو اِفتخار
تَک سَنه مَخصوص دور اِی حُجّتِ پَروردگار
کَعبه دَه دُنیایَه گَلدُون اِی وَلیّ کِردگار
مَسجد اِیچرَه تاپمُوسان فِیضِ شَهادَت یاعلی

یُومِ خَندق کُفریلَه اِسلام اوُلاندا روبرو
کِبریلَه عَمر اِیلیَن وَقته مُبارِز جُستجُو
باتدی سَسلَر سَن وَلی اِسلامَه وِیردین آبرُو
اِیستدُون خَتمِ نَبی دَن جَنگَه رُخصَت یاعلی

وِیرمَدی رُخصت حَبیبِ حَضرتِ پَروَردگار
اِمتحان وَقتی تانُونسُون بَلکه اَغیاریلَه یار
چُوخلاری دوشمُوشدی بُو فکَره کی اِیتسُونلَر فَرار
وِیردُون اَهلِ دینه دَرسِ اِستقامَت یاعلی

حاصل آلدُون جَنگه رُخصَت عَزمِ مِیدان اِیلدُون
عشقوَه عُشّاقِ دَهری غَرقِ حِیران اِیلدُون
یِک تَنه ارُدوی کُفر و شِرکی لَرزان اِیلدُون
لَشگرِ اِلحاد و کُفری دُوتدی وَحشَت یاعلی

یاعلی قرآنِ مُنزلدَه خدای ذُوالجَلال
هَل اَتی نازِل اِیدوب شأنوندَه یُوخ جای مَقال
آشکارا حَقّوی اَفسُوس قُومِ بَد مَآل
داندی سَنلَه اِیلدی بیجا عَدوَات یاعلی

بی وَفالَر خانهء اِیمانی وِیران اِیلدی
گُون بُولود آتدا قالوب، خُفّاش جُولان اِیلدی
ظُلمََه باخ، دین سیز اوُلان تَفسیرِ قرآن اِیلدی
سَندَه باخدُون دُوزدُون اِی صاحِب خِلافَت یاعلی

بِعدِ پِیغمبَر عَجَب اُمّت اوُیانماز یاتدیلار
قِیدِ دین و عِزّتِ اِسلامی باشدان آتدیلار
پِیرُوانِ نَفسِ اَمّارَه مَرامَه چاتدیلار
اِیتدیلَر قرآن و دینه چوخ خَیانَت یاعلی

نَه خَیانَت نَه جَسارت نَه جِنایَت نَه جَفا
نَه خدادَن اِیتدیلَر، نَه رُوحِ طاهادَن حَیا
بابِ زَهرایَه هُجُوم اِیتدی گُروهِ اَشقیا
سَسلدی ثانی گَل اِیلَه بُو شَخَصه بِیعَت یاعلی

کینهء دِیرینَه سین اِیتدی او ناکَس آشکار
بِیعتی عُنوان اِیدوبدور ثانیّ بی شَرم و عار
هم قاپُون یاندوردی، هم زَهرانی اِیتدی زَخمدار
نَه یارا، مَرگِ بَتُولَه اوُلدی عِلّت یاعلی

نَه یارا؟ دُوشدی اَیاقدان اوُلدی زَهرا بَستری
آز زَماندا سُولدُوروب رِیحانهء پِیغمبَری
یُوزدَه سیلی، قُولّاریندا تازیانَه یِرلَری
سینَه دَه هر لَحظه یارَه تاپدی شِدّت یاعلی

وار یَقینیم ذَرّیه لُطفیلَه باخسا بُوتُراب
ذرّهء ناچیز عُروج اِیلَر گُویَه چون آفتاب
فَخر اِیدَر دَریای لُطفوندَه #پرند اوُلسا حُباب
هر اِیکی دُنیاسینَه اِیلَر کِفایَت یاعلی

التماس دعای فرج

• شنبه
• 14
• مرداد
• 1402
• ساعت
• 23:56
• نوشته شده توسط
• یوسف اکبری

علی او خُطبه دور کی هر مناره دن حلول ائدر
علی حکومت ایلسه مطابقِ اصول ائدر

علی او شه دی کی اگر جهانی وئرسه لر اونا
نه ظلمیدن گوزون یومار نه حقیدن عدول ائدر

مقامه باخ کی رتبه سی کچوبدی آسمانلاری
امامه باخ کی وصفینی خدائیلن رسول ائدر

دلیلی وار کی خیبری بیر اَللی قالخیزار گویه
قنوته قالخیزاندا اَل، اونی دعا بتول ائدر

قویاندا سجدیه باشین دیئنده ربّی العظیم
فرشته لر خضوعیلن حضورینه نزول ائدر

عجایبین خزینه سی مناقبین مدینه سی
جهاندا هر نه ایلسه محیرُ العقول ائدر

علینی چوخلار ایستیور جهاندا چوخدی عاشقی
ولی اونون عدالتی چوخ "عاشقی" ملول ائدر!!!

علی اگر بو گون گلوب پیاده ائتسه عدلینی
نه سنّی لر باش اَندیرر نه شیعه لر قبول ائدر

"وفا" او مکتبی ئوز موسسیندن آیریلا
عقایدی برعکس اولار قدم قدم اُفول ائدر

• دوشنبه
• 16
• مرداد
• 1402
• ساعت
• 22:23
• نوشته شده توسط
• یوسف اکبری

سن گوهر حیثیت و فضله صدفسن یاعلی
الگوی ایمان و حیا روح شرفسن یاعلی
دنیایه سلطانسان نه سلطان نجفسن یاعلی
سن شاه عالمسن یقین حیدر امیرالمومنین

کنز ادب عالی نسب فخر عجم شاه عرب
تنها ولید بیت رب مولود ایام رجب
تک ذکر آدی مستحب ذکر ملائک روز و شب
ای جان رب العالمین حیدر امیرالمومنین

ذکر زبان آرام جان سر نهان کهف الامان
زیبا آدی زیب اذان عرشه ملک آدین یازان
تیغ اویناداندا صف پوزان ظلم اهلینین قبرین قازان
خار ائلین دشمنلرین حیدر امیرالمومنین

تک دوش طاهایه چیخان مرحب یخان خیبر آچان
تیغین دل ظلمه ساچان دشمن بونی گورجک قاچان
اعدا قیران صف سیندیران اوغلی امان نامه جیران
ذکر یل ام البنین حیدر امیرالمومنین

الله کیمی واهبدی بو پیغمبره نائبدی بو
دین روحینه قالبدی بو هر جنگیده غالبدی بو
فیض حقه طالبدی بو پور ابوطالبدی بو
ذکر زبان مومنین حیدر امیرالمومنین

تنها یل بدر و حنین باشدان ایاقه شور و شین
شاه تمام نشآتین هم مغربین هم مشرقین
بیر اوغلی سالاریم حسن بیر اوغلی اربابیم حسین
دوم شفیع مذنبین حیدر امیرالمومنین

میدان دعواده اگر تیغ الده اولسا جلوه گر
اعدایه اولسا حمله ور یا یوز نفر یا مین نفر
سسلر هامی این المفر بوننان اولار فتح و ظفر
سسلر ملکلر آفرین حیدر امیرالمومنین

• چهارشنبه
• 18
• مرداد
• 1402
• ساعت
• 14:36
• نوشته شده توسط
• یوسف اکبری

☑️بند اول
شاه لافتی مرتضی علی
غیرت خدا مرتضی علی
یار خاتم و نائب و ولی
صاحب ولا مرتضی علی

ساقی کوثری فاتح خیبری
سلطان ماسوا حضرت حیدری

فقیرم حیدر حقیرم حیدر
یه عمره به دامت اسیرم حیدر

(((مدد یا حیدر ، مدد یا حیدر)))

☑️بند دوم
عشقیوین آقا مبتلاسی ام
صحن و مرقدین من فداسی ام
پادشاه لیغا وئرمرم بونی
قاپیوین آقا من گداسی ام

عشقیوی بسلرم حضرت ذوالکرم
عالم بولور کی من نوکر حیدرم

نگاریم حیدر وقاریم حیدر
آلیب دیلدن عشقین قراریم حیدر

(((مدد یا حیدر ، مدد یا حیدر)))

☑️بند سوم
دلداده لرون مستانه اولار
مدهوش می و پیمانه اولار
عشقین ده گزن میخانه لری
یا علی دییب دیوانه اولار

شاه وفا علی درده دوا علی
ماهیم دی مرتضی ذکریم دی یا علی

پناهیم حیدر صلاحیم حیدر
جهاندا منیم تیکه گاهیم حیدر

(((مدد یا حیدر ، مدد یا حیدر)))

• یکشنبه
• 19
• شهریور
• 1402
• ساعت
• 15:09
• نوشته شده توسط
• یوسف اکبری