اشعار ترکی حضرت فاطمه زهرا(س)

بيزی تك قويوب گئدوسن هارا
آنا جان دايان - آنا جان دايان
بئلـه گئتمـه سن سينـده يارا
آنا جان دايان – آنا جان دايان

آنا جان حسينووم آچ گوزون يومولان گوزه بو گوزوم فدا
بئله گتمه ‌رحم ائله آی ننه‌ بو يتيم و بی كس او شاخلارا
سنی بو حسين جانی ‌باخ ‌ئوزون ‌بوكولوبدی‌قامت‌مرتضی

گونوموز اولوب نجه گور قارا
آنا جان دايان آنا جان دايان

بئله آيريليب بئلـه گئتمـه سن حَسنينـووی يـادا سال ننه
گينه‌ساغليغون كيمی‌آچ قولون‌منی بیرقوجاغيوه آل ننه
هله تئزدی سنه گيیَه‌سن كفن،سنی زينبون جانی قال ننه

يری وار غمون سينمی يارا
آنا جان دايان آنا جان دايان

آنـا قويمـا بـو آليشـان سينـم شـرر بـلاده بئله يانا
اگر اولسا بوگجه‌نی دايان‌صُبح اولونجا بیر دانيشاق آنا
سنـه من ديوم ننه آی ننه ؛ منه سنده دِه جانا آی جانا

قاريشان بو زولفومي بير دارا
آنا جان دايان آنا جان دايان

بئله راضی اولمـا بـو سينمـی غم هجروه دَله سن ننه
گئدوسن مزاروه گر چه سن او مكـاندا دينجله سن ننه
اوپـورم اياقيـوی كربــلايه بير آز جا تئـز گله سن ننه

او زمان كي اولدی گونوم قارا
آنا جان دايان آنا جان دايان

دئمورم اورك داريخاندا گل ؛ دئمـورم بو سينه ياناندا گل
دئمورم كی اكبر و قاسيمون يارالی گـوزی يومولاندا گل
ديورم كی تپراقا قارداشيم يوزی اوسته تك يخيلاندا گل

او زمان كی توشيدی اوخلارا
آنا جان دايان آنا جان دايان

اورگيمده لاله معرفت او بلالی چولده گلوب بيتور
ايليشنده بنـده ركابينه اياقی دئمـم ئوزوی ايتور
سوروننـده تپـراقا يوز گوزی اودلاور ئوزوی يتور
سورونوب اولار يوزی چون يارا
آناجان دايان آنا جان دايان

• چهارشنبه
• 22
• بهمن
• 1399
• ساعت
• 22:07
• نوشته شده توسط
• یوسف اکبری

جان وِئرورَم ای شـه مردان
گل باشیم اوسته سنه قربان
قـوی اَلیـوی آلنیمـا ، باشلا
بیـر نچـه آیه اوخی قرآن

علی جـان آغـلاما جهـانی داغـلاما
سنی زینب جـانی دیزین قوجاخلاما

«« بو خسته جان - سنـه قـربان »»

________________________

آتـش درد و غمـه یانما
چوخ الی قوینوندا دولانما
من سنه خاطر یارالاندیم
نِیلَک علی بسدی اوتانما

گوزل نگاریمسن منیم غمخواریمسن
اوتانما عم اوغلی وفـالی یـاریمسن

«« بو خسته جان - سنـه قـربان »»

______________________

باشـلاما افغـانه عم اوغلی
صبـر ائله هجرانه عم اوغلی
زینبیمـون زلفـونه تئز تئز
سعی ائله وور شانه عم‌اوغلی

اگـر اولسا امکان گوز اُول قیزلاریمنان
اولالار چون من سیز پریشان و نـالان

«« بو خسته جان - سنـه قـربان »»

_______________________

آغـلامـا چـوخ ایلمـه زاری
گـوزلـریمـه باخ سنـی تاری
فاطمه آغـلار گـوزه قـربان
جسمیمی دفن ائت ‌گجه یاری

گِئدورم باغـریقـان علی جـان ناگران
گوز اُول طفلانیمدن سنه جانیم قربان

«« بو خسته جان - سنـه قـربان »»

_______________________

تیـر غمـی قلبیـوه تاخما
حسرتلـه چوخ منه باخما
چَکمـه اورکـدن بئلـه ناله
یاندیریب عالملری یاخما

غمیمـده اوتلانمـا بئلـه اَلـولانمـا
گوزون سیل آغلاما باخور زینب یانما

«« بو خسته جان - سنـه قـربان »»

_______________________

فـاطمییـه ایلـه نظـاره
گلمـه بئلـه نالـه و زاره
غسلومی وئر سن گجه یاری
قوی گجه بو جسمی مزاره

نه داش قوی نه نِشان اولا قبـریم پنهان
بـو دل خستـه زهرا سنه اولسون قربان

• چهارشنبه
• 22
• بهمن
• 1399
• ساعت
• 22:10
• نوشته شده توسط
• یوسف اکبری

شاهکارخلقت خلاق سبحان فاطمه
لیله القدرخدا، مفهوم ایمان فاطمه
گوهردریای عصمت در رخشان فاطمه
ذکریاقدوسینه فوج ملایک مشتری
دوقوزایل مولاعلینون همسری همسنگری

کیمدی زهراخلقتیندن آسمانلارغرق نور
ذکریازهرادی یاران جنته رمزعبور
ماتمینده آغلیان واللهی گلمزحشره کور
آغلاسادنیاده هرکس دخترپیغمبره
لبلری خندان اولار والله گلنده محشره

سینه لر اندوه و محنتدن یانارمحشرگونی
امته هرراه چاره باغلانارمحشرگونی
صوت این الفاطمیون قوزانارمحشرگونی
حضرت زهرا قیامتده قیامت ایلیر
فاطمیونی اوبلواده شفاعت ایلیر

بیزده یازهرا، گلوب بزم عزاده آغلاروخ
سیل اشکی ماتمونده بوعذاره باغلاروخ
سن چکن دردی خانم، یاده سالوب دل داغلاروخ
قویماسنده حشریده مستغرق نیران اولاق
منکرون تک، بیزده فریاده گلوب نالان اولاخ

آغلاروخ بیزده دمادم او اسفلی حالته
قویمادی دشمن بالالارون چاتاامنیته
اود ویروب اوچ یوزنفرظلمیله باب رحمته
اوج ایدوب شعله ثریایه بالالارآغلادی
مرتضانین اللرین ظلمیله ثانی باغلادی

دامن مولانی دوتدون، ویردیلار ال چکمدون
رشته ی مهرووفانی قیردیلار ال چکمدون
بوسه گاه خاتمی سیندیردیلار ال چکمدون
عرشیده احمدچاغوردی مرحبازهراسنه
فرشیده زینب گلوب داده دیدی ایوای ننه

ای قراکوینک گین، ایله مجسم صحنه نی
قالدی زهرانون الینده شیرداوردامنی
بیرخانم مغلوب ایدوب اوچ یوزنفراهریمنی
سسلدی دخت رسولم شانیمی اسگیلتمرم
مرتضادن تانفس وارسینه ده ال چکمرم

والله ال چکمزدی زهرا جان چیخینجاشاهیدن
امرایدوب حیدر که زهرا ال چکه دلخواهیدن
امتثال ایتدی خانم امر ولی اللهدن
مسجده ساری چکوبلرظالمانه حیدری
گلدی داده بوستمدن گنبدنیلوفری

یوخ رجوعیم نه اولوب، زهرانه رفتارایلدی
مسجده گلدی خانم اوردانه ایثارایلدی
خطبه لر ایرادایدوبدی غاصبی خوارایلدی
کچدی گونلرماحصل زهرادوشوبدی بستره
هرگونی بیرایل کچوبدی حیدر نام آوره

آخرین گون باشلادی خورشیدخاورباتماقا
سفله چرخ اولدی مهیازینبی آغلاتما
فاطمه حاضراولوب خاک بقیعده یاتماقا
مرتضانی سسلدی غرق مصیبت ایلدی
دیل گلرگلمزخانم زهراوصیت ایلدی

عرض ایدوبدی یاعلی جانانی تاپشوردوم سنه
مجتبااول دیده سی گریانی تاپشوردوم سنه
هم حسین هم زینب کبرانی تاپشوردوم سنه
حکم تقدیریله من قبره روانم یاعلی
من حسینیمدن ولی چوخ ناگرانم یاعلی

یاعلی زهرایه شرح قصه ی هجران اوخی
اگلش ای قرآن ناطق کوثره قرآن اوخی
لحنوون مشتاقیم یاسین والرحمان اوخی
صون نفس زهراییلن بیردم مقال ایله علی
سن حسینون جانی زهرانی حلال ایله علی

نیمه شب بوپیکری دفن ایتمگه همت ایله
دفن ایدنده قبریمون دورین علی خلوت ایله
بیرقدر اگلش صورادور منزله رجعت ایله
قویماایوده چوخ اوشاقلارقلب زاری داغلاسون
فاطمه جانی علی قویماحسینیم آغلاسون

ماحصل دخت نبی نون یتدی اتمامه سوزی
بیرقدرباخدی امامه لاجرم آخدی گوزی
دیده ی زهرانی یاران باغلادی مولا اوزی
سسلدی صرصرویروب گل مثلی سولدون فاطمه
ایندی راحت یات که غمدن راحت اولدون فاطمه

جان چیخینجاجامه ی اندوهی تندن سویمارام
تانفس وار، فرقتونده آغلاماقدان دویمارام
بیرگجه آسوده زهرابالشه باش قویمارام
هرگجه گلم بقیعده شوروافغان ایلرم
قلییمی سندنصورامن بیت الاحزان ایلرم

گورنه عالمدور که غمدن سینه ی حیدریانور
باخ شرارمحنته، هم عود هم مجمریانور
حیدرون احوالینه خامه یانور دفتر یانور
"ناعما"ساخلاقلم بومطلبه ویرخاتمه
شعروون مزدین ویرر روزقیامت فاطمه

• شنبه
• 23
• اسفند
• 1399
• ساعت
• 16:49
• نوشته شده توسط
• یوسف اکبری

ای صاحب زمانه،ای عشق جاودانه
آه ای همای رحمت،برگردبه آشیانه
بی پناهم،،،،غرق آهم
جزتومولایی ندارم یابن زهـــــــــرا
عبدخوارم،،،،بیــقرارم
جزتوآقایی ندارم یابن زهــــرا
یابن زهرا یابن زهرا
اَلعَجَل ای منجی موعوددنیا۲

ای قاصدعدالت،،ای معنی عدالت
بازآکه گشته عالم،،آقااسیرظلمت
ای طبیبم،،،،ای حبیبم
من به عشقت مبتلایم یابن زهرا
ازفراقت،،،،ماه نرجس
روزوشب غرق نوایم یابن زهرا
یابن زهرا،،،یابن زهرا
العجل ای منجی موعوددنیا۲

آقابیاکه گشته،،،ایام فاطمیه
شیعه زندبه سینه،،،بانام فاطمیه
درعزای ،،،،مادرتو
آتش محنت کشدازدل زبانه
شیعه گشته،،،غرق ماتم
جان فدای اوکه شددفنش شبانه
یابن زهرا یابن زهرا
العجل ای منجی موعوددنیا

گفتاعلی که زهرا،،،ای ماه عالم آرا
بی توعلی ندارد،،،میلی دگربه دنیا
ای پناهم،،،تکیه گاهم
رفتی وداغت به دل شدجاودانه
این حسینت،،،نورعینت
ناله داردهرشب وگیردبهانه
یابن زهرا،،،یابن زهرا
العجل ای منجی موعوددنیا

• شنبه
• 23
• اسفند
• 1399
• ساعت
• 16:57
• نوشته شده توسط
• یوسف اکبری

فاطمه دور
عم اوغلوون حالی یاماندی
زهرا منه چتین زماندی
سس وئر منه زهرا اماندی

فاطمه دور
مدینه ده یوخومدی یاور
منی حصاره سالدی غملر
بوندانصورا تک قالدی حیدر

ائویمین صفاسی زهرا
گوزومون ضیاسی زهرا
ائله حاله قالمیشام یوخ
دیزیمون قواسی زهرا

یارالی زهرا

فاطمه سن
چوخ اینجیدون ائوینده غمدن
علی خجالت اولدی سندن
گیلِیلی اولما باری مندن

درده دوشدون
قاپی دالیندا ابتلادن
غنچه ن سولوب جور و جفادن
حمایت ایتدون مرتضادن

ائله درده سالدی ثانی
آلدی طاقت و توانی
سنی ویردی اوز قاپیندا
یاندیریبدی مرتضانی

یارالی زهرا

مرتضانین
ییخار ائوین بو درد هجران
کاشانه می ائدیبله ویران
یوخ دردیمه دوا و درمان

نیلیم من
حسین سنی خبر آلاندا
غم قلبینه دائم دولاندا
اوغلوم سنی یاده سالاندا

گتیرر منی نوایه
دوشه جاخ بالام بلایه
یخیلاندا قتلگاهه
گل اوزون او دم هرایه

یارالی زهرا

• دوشنبه
• 25
• اسفند
• 1399
• ساعت
• 22:22
• نوشته شده توسط
• یوسف اکبری

زهرا الیم ئوزولدی سندن
قدّیم بوکولدی سن گیدندن
ایکاش اجل گله ئولم من
یانورام من

یثرب منه اولوبدی زندان
دوشدوم او درده یوخدی درمان
قنفذ منه باخاندا خندان
یانورام من

قلبیم سنون غمونده باخ گور نجه سیخیلدی
سنی قبره قویاندان منی ایویم یخیلدی

ایوای یارالی زهرا
باشی بلالی زهرا

حالیمی شهریده بولن یوخ
دئمه عم اوغلووا گولن یوخ
سن کیمی بیرغریب ئولن یوخ
یانورام من

اشکیمی قانه قاتمیسان سن
حیدری گوزدن آتمیسان سن
سیننده یاره یاتمیسان سن
یانورام من

خراب اولیدی دنیا سنی الیمدن آلدی
غمدن خلاص اولوبسان امّا علی قوجالدی

ایوای یارالی زهرا
باشی بلالی زهرا

بالالارین سولوبدی زهرا
دیده لری دولوبدی زهرا
بیزه اولان اولوبدی زهرا
یانورام من

بیر بولبولم قالدیم چمنسیز
وطنده اولموشام وطنسیز
نجه گئدیم ایویمه سنسیز
یانورام من

هجرون چکیبدی بیر داغ بو غصه لی دیلیمده
دیزیمده یوخدی طاقت الیم قالیب بلیمده

ایوای یارالی زهرا
باشی بلالی زهرا

• دوشنبه
• 25
• اسفند
• 1399
• ساعت
• 22:33
• نوشته شده توسط
• یوسف اکبری

سوره کوثردی زهرا
ماهِ اَنوَردی زهرا
بَسدی شأنینده بو مَطلَب
یارِ حیدردی زهرا

گُلِ گُلزارِ، طاهادی
قُوّتِ قلبِ، مولادی
شأن و شوکتده، یکتادی
مصطفی بالاسی، حَسَنِین آناسی، زهرادی

جاندی زهرا، معنیِ قرآندی زهرا
اهلِ ولا دردینه درماندی زهرا

فاطمه نورِ مُبیندی
عشقی حَبلُ المَتیندی
هر ایکی عالَمده زهرا
یارِ اهلِ یَقیندی

لطفوده یوخدی، همتاسی
عشق و عاطفه ، دریاسی
واردی چوخ شأنِ، والاسی
اَمرِ خالیقیله، ئوپوب اَللرینی ، باباسی

تَکدی زهرا، دوزدی بَلا چَکدی زهرا
بَذرِ وِلا سینه لرده اَکدی زهرا

بَرتَر از شَرح و بَیاندی
دیلده عشقی نَهاندی
حیدری اولسان سینَنده
بو عشقی، جاوِداندی

خسته سینه لره، دلبَردی
هامی شیعه لره، مادردی
شیعه لرده اونا، نوکَردی
مرتضی اوزوده، غم اولاندا آدین، سَسلردی

نازِ زهرا، چهره ی مُمتازِ زهرا
خَلقی سالیب حیرته اِعجازِ زهرا

فاطمه معنایِ عفّت
زهرادی، رمزِ عزّت
فضّه سی باخسا بو جَمعی
اِیلییَر اهلِ جنّت

اولموشوخ یوزونه، پروانه
مِیِ عشقی ایدیب، مَستانه
چَکر عاشیقینی، هر یانه
بیزه کیم باخوری، فکر ایدور گلوری، دیوانه

خانِ زهرا، سفره ی احسانِ زهرا
جانِ خلایق فدای جانِ زهرا

دینه زهرا باغباندی
همّتی چوخ عیاندی
دیلده ذکری اولدی حیدر
پشتِ دَرده، دایاندی

اِیلییَنده هجوم، بیگانه
دایانیب قاپیَه، مَردانه
اوزون ایتدی فدا، قرآنه
ظلموله بویانیب، خانیمین سینه سی، اَلقانه

گولدی زهرا، حق یولونی بولدی زهرا
راهِ ولایتده آخر ئولدی زهرا

سَروَرِ نِسواندی، زهرا
نورِ ایماندی زهرا
بِضعةٌ مِنّی بویوردی
طاهایه جاندی زهرا

پاره ی قلبِ، بابادی
او شفیعه ی، عقبادی
مَحرمِ سِرِّ، مولادی
بولار هاممیسی بیر طرفه، به به، زهرادی

یاریمیزدی، غم گونی غمخواریمیزدی
عشق ایله کی، مادرِ اَربابیمیزدی

• چهارشنبه
• 27
• اسفند
• 1399
• ساعت
• 22:23
• نوشته شده توسط
• یوسف اکبری

یدّی نفر /تابوتیوی/چخاردیری ایودن آنا ملالیله

ئولسون قیزون/نجه دوزوم/نجه باخیم سنه آنا بو حالیله

هجرانون زینبه مشکولدی
تیرِ غَم، قلبِ زاری بولدی
اوجادان، آغلییه بولسِیدیم
سَسلردیم گَلون آنام ئولدی

جامه ی، وصلتی گَل سویما
ایویوی، بیله ویران قویما
من سندن، دویمادیم آگهسن
گَل سنده، زینبوندن دویما

گیتمه آنا (5)
.......
ایوای آنام
وای یارالی
لایلای آنا
......

دالونجا من /نِجه گَلیم /زینبی تَرک ایتمه آنا دوزَنمیرم

خسته بَدَن/ایودن چخیر/حَیالییَم، گَلَنمیرَم، گَلَنمیرم

یوخ سَنسیز بو ایوین دلداری
ایشیمیز اولدی آه و زاری
نصف شب، آناجان گَل گیتمه
سَحر چیخ، مَنزلوندن باری

قلبیمی دوندریبسَن قانه
حَقّیم وار گَر گَلَم افغانه
کیم منیم اولاجاق غمخواریم
زلفومه کیم ویرار بَس شانه

سنی بلا/ دوره له دی/اَریتدی جسمیوی آنا درد و بَلا

قاپی سَنی /چوخ اینجیدوب /او غُصّه لی سینَن اولوب اوردا یارا

قاپیَه، دشمن اود وورموشدی
حُرمَتون ثانی سیندیرمشدی
آتَشِ، کینه پُشتِ دَرده
مسماری ایله قیزدیرمیشدی

غنچه وی سولدوروب گُلشنده
بابامی ایتدیلر شَرمنده
یاندیرار نیسگیلون زینبی
بیتمه دی او یارا سینَنده

سَزادی من/ ایدَم رَوان/گوزوم یاشین بو غَمده دامنه آنا

چوخ تئزیدی/ئولماقیوا/کَفنده هیچ یاراشموری سنه آنا

زینبین یاندیریبسان قلبین
اَلیندن آنا آلدون صبرین
بولمورم نیَه دیدون بابام
آنامین گیزلین ایتسین قبرین

گَلرَم، آه و وایه آنا
دوزَرَم، هر بلایه آنا
تز تزده، یوخوما گلمه سَن
باری گَل کربلایه آنا

• چهارشنبه
• 27
• اسفند
• 1399
• ساعت
• 22:52
• نوشته شده توسط
• یوسف اکبری

گل باغ جنان یازهرا
امیدعاشقان یازهرا
به یمن مقدم توامشب
میخنده آسمان یازهرا
یازهرا۳

فرشته تاج گل میبنده
لباش ازشوروشوق میخنده
سرودمرحبامیخونه
ازعشق فاطمه مجنونه
یازهرا۳

شده وقت نزول کوثر
بگیرعیدی زدست حیدر
بگوازجان ودل یامهدی
مبارک برتوروزمادر
یازهرا۳

گوزآچدی فاطمه دنیایه
اولوبدی عالمه پیرایه
فرحلندی قلب پیغمبر
ویرورعاشقلره پای حیدر
یازهرا۳

ائدون ای شیعه لرسیزشادلیق
علیدن ایستیون بایراملیق
گلوبدورحیدرون دلداری
گوزآچدی شیرحقون یاری
یازهرا۳

بومولود،عصمته مظهردی
دلیل خلقتِ داوردی
نظیری یوخ مونون عصمتده
قویوب مریملری حیرتده
یازهرا۳

بوزهرادی یارحیدردی
حسین تک رهبره مادردی
مونون دامانی بیرمکتبدی
بومکتب حاصلی زینبدی
یازهرا۳

• جمعه
• 29
• اسفند
• 1399
• ساعت
• 11:40
• نوشته شده توسط
• یوسف اکبری

نامِ زهرا
اَزبَردی دیلیمده چوخداندی
هر دَرده گول آدی درماندی
زهرا عشقی، اصلِ ایماندی

الحمدلله کی حیدری یَم
الحمدلله کی نوکَری یَم
الحمدلله، زهرادی آنام
تا اَبَد منده خاکِ دری یَم

صَلّ الله عَلَیکْ، یا فاطمه(س)

مِهرِ زهرا
سَرمایَمدی هر ایکی عالَم
بَندِ عشقینه گرفتارم
هجرینده، اودور عزادارم

الحمدلله، ایتمیوب مَلول
عنایت، ایلَدی، دُختِ رَسول
الحمدلله، بو روسیَهی
زهرایِ مرضیّه، ایتدی قبول

صَلّ الله عَلَیکْ، یا فاطمه(س)

دینه خاطر
جاندان گیچدی فاطمه، سولدی
پُشتِ دَرده بولمورَم نولدی
راهِ حیدره فدا اولدی

الحمدلله، من ولایی ام
سَربازِ هیئتِ فاطمی ام
درسیمی شهدادن آلمیشام
پِیروِ مَکتبِ فاطمی ام

صَلّ الله عَلَیکْ، یا فاطمه(س)

ظاهرده گَر
بادِ ظلم و کینه چوخ اَسدی
شیعه لر غریب و (بیکَسدی)
زهرا یوسفی بیزه بَسدی

اَلده ذولفَقارِ، حیدَریله
آلار انتقامِ، یاسِ کَبود
بَرپا ایلَر، زهرانین حَرَمین
بعد از نابودیِ، آلِ سعود

صَلّ الله عَلَیکْ، یا فاطمه(س)

• یکشنبه
• 1
• فروردین
• 1400
• ساعت
• 13:43
• نوشته شده توسط
• یوسف اکبری

گول اوزلی دلبریم /وفالی هَمسَریم
بو شهر ایچره غریبم دور/یارالی یاوَریم

سنی غملر اَیاقدان سالدی زهرا
علی سندنصورا تَک قالدی زهرا2

یارالی فاطمه3

قالیب آغلار گوزوم/ قَرادی گوندوزوم
ئولوم حقدی ولی زهرا/نجه سَنسیز دوزوم

دونَر قَلبِ علی هجرونده قانه
بالالارون سنی دوتسا بَهانه2

یارالی فاطمه3

منی سالدون غمه/ دییوم آخر کیمه
یخیلدون کوچه ده دوشدون/ایاقدان فاطمه

قاپون یاندی بالان گیتدی اَلوندن
یانیر حیدر سنی قنفذ دویَندن2

یارالی فاطمه3

اورکده وار غمیم/ داخی یوخ هَمدَمیم
ایوینده دوقّوز ایلده چوخ/یورولدون مَحرَمیم

آپار پیغمبره دیلده شکایت
علینی ایتدیلر سندن خجالت2

یارالی فاطمه3

نظر قیل حالیمه/ غم و آلامیمه
ایویمی یاتماقیله سن/یخیبسان فاطمه

سلامِ حیدری زهرا آلان یوخ
علی (بیکَسدی) یاده بیر سالان یوخ2

یارالی فاطمه 3

• یکشنبه
• 1
• فروردین
• 1400
• ساعت
• 14:23
• نوشته شده توسط
• یوسف اکبری

علی
خَزان گورَن، سولان قیزیل /گولَم
پَری سینان یارالی بول / بولَم
مدینه اَهلی قویمادی / گولَم
اَجَل یاخیندی آز قالیر / ئولَم

جان ویرن زمانیده، باشیم اوسته اولگیلان
قالدی سینه ده منیم، چوخ سوزوم عم اوغلیجان
ئولورم من2

آز غم و خیال ایله
گَل منی حلال ایله
ئولورم من2

علی
فراقه چاره یوخدی بَس / نِدیم
وصیّتیمی گَل سنه / اِدیم
دیزون قوجاقلاما بیله / آقا
یورولموشام اجازه ویر ی گیدیم

فُرقَتیمده سینه وی، داغلاما عم اوغلیجان
یاندی قلبیمون باشی،آغلاما عم اوغلیجان
ئولورم من2

علی
بو قَدری پوزما حالیوی /اوزون
منه بیان ایله اورَک / سوزون
شَبانه غُسل ایدن زمان / منه
یارالی جسمه تیکمه چوخ / گوزون

قویدی چوخ نشانه لر، پیکریمده دشمنیم
سن چخاتما کوینَگیم، خواهشیم بودور منیم
ئولورم من2

منیم
بَلا کَمندی قلبیمی / سیخوب
سیزیلتیمون سَسی گویه / چیخوب
عَباوی اَلده ساخلیان / زمان
منی مُغیره کوچه ده /یخوب

تازیانه نا اُمید، ایلدی نَجاتیدن
باغلاناندان اَللرون، دویموشام حَیاتیدن
ئولورم من2

علی
قالار بو ایوده دورت بالام / مَلَر
فَلَک ایوه بَلا کولون / اَلَر
دوشر بَلایه هاممیسی / ولی
ایشیتمیشم حسین سوسوز / ئولَر

(بیکَس) و غریب اولان، وقتیده هَرایه گَل
من گَلَنده یاعلی، کربلایه سَنده گَل
ئولورم من2

• یکشنبه
• 1
• فروردین
• 1400
• ساعت
• 14:30
• نوشته شده توسط
• یوسف اکبری

آنا
گوزوندن آتما زینبی /بیله
فراقون اود وورور یانان / دیله
یارالارون دوزَلمیوب /هَلَه
گجه زمانی گیتمه صبر / ایله

بی سَبب دیمه بیله، سیل اشکی داشموری
خسته جسمیوه آنا، آغ کَفن یاراشموری
آنام ایوای2

سن باشی بَلالیسان
وای منه یارالیسان
آنام ایوای 2

آنا
سیزیلتیم اوج ایدور بو گون / گویَه
سَزادی قدّیمی غَمون / اَیَه
یَتیم ایدوبله زینبی / نیه
ئولوردولر سنی دویَه / دویَه

یثرب اهلی بولمه دی، جدّیمه نیشانیدون
ئولدوروبله ظلموله،یوخسا سن جوانیدون
آنام ایوای 2

آنا
سنون فَراقیوا نجه / دوزوم
اورکده قالدی غُصّه لی / سوزوم
قیزون ئوله بوندانصورا /نجه
یانان قاپیمیزا باخار /گوزوم

یادیمه دوشَر آنا، پُشتِ دَر سیخیلماقون
قانلی جسمیله اوگون،کوچه ده یخیلماقون
آنام ایوای 2

آنا
حسن گوزی بولود کیمی / دولوب
جمالی غُصه دن ایله / سولوب
نَقَدری خواهش ایلورم / ولی
دیمیر او کوچه ده نَلَر / اولوب

دَردینی نَهان ایدوب، دیلده قان اوتان آنا
ای بابام گَلَن زمان، ایوده اوز دوتان آنا
آنام ایوای 2

آنا
حسینه باخ دیلینده وار / شَرار
آنا، آنا دیوب باشا / وورار
حسینیله گَرک سفر/ ایدَم
گَل ایندی بَس آنا قویاخ / قَرار

کربلایه سن آنا، اصغر اوخلاناندا گَل
اوندا گَلمه سن باری، خیمه لر یاناندا گَل
آنام ایوای 2

• یکشنبه
• 1
• فروردین
• 1400
• ساعت
• 14:36
• نوشته شده توسط
• یوسف اکبری

دیللرده غوغادی/بیر روز زیبادی
مژده ای عاشقلر/میلاد زهرادی

مولاتَنا زهرا

ای شافع عُقبا/ای ماه بی همتا
خدمت گذاروندی/مین مریم و سارا

مولاتَنا زهرا

ای دُخت پیغمبر /ای یاورِ حیدر
خوشگلموسن زهرا/یا حضرتِ کوثر

مولاتَنا زهرا

صاحب عطا سنسن/نور هُدا سنسن
باخ شأنیوه یارِ/شیر خدا سنسن

مولاتَنا زهرا

حَوّا چالور لای لای/ای صورتی چون آی
هانسی آنانین وار/اوغلون حُسینه تای

مولاتَنا زهرا

ای لطفوده دریا/ای همسر مولا
قول زیارت ویر/بو(بیکَسه) زهرا

مولاتَنا زهرا

• یکشنبه
• 1
• فروردین
• 1400
• ساعت
• 14:57
• نوشته شده توسط
• یوسف اکبری

گلوب، دنیایه نورِ چشمِ طاها
آدین قویدولار فاطمةُ الزَهرا

گلوبدی جانان
ایده تا احسان
بیله مولوده
اولا جان قربان

خانیم یا زهرا 4

خانیم یازهرا یازهرا یا زهرا4

آچوب گوزلرین دنیا اولدی روشن
ایدوب خدیجه ایوینی چون گُلشَن

گُلِ طاهادی
عجب زیبادی
خلایق ایچره
خانیم تنهادی

آدی مرضیه، زهرادی هم کوثر
گلوب عالَمده اولسون یارِ حیدر

او ماهِ اَنوَر
عزیزِ حیدر
گوزل آدینی
اَحِبّا سَسلر

اگر قلبدونده، غصّه ن وار، دَردون وار
و یا غملردن، چهره ی زَردون وار

بَلادن قوخما
بدونِ پَروا
اورکدن سَسله
مدد یا زهرا

اگر شیعه لر (بیکَسدی) دنیاده
ولی اُمّیدی، فرزَندِ زهرادی

دیون خدایا
به حقِّ زهرا
خانیم زهرانین
بالاسین یوللا

• یکشنبه
• 1
• فروردین
• 1400
• ساعت
• 15:08
• نوشته شده توسط
• یوسف اکبری

گَل دسته گُلِ، طاهایه باخ
شأن و شرَفِ، والایه باخ
معنی اولاجاق ، اَللهُ نور
گَل نورِ رُخِ، زهرایه باخ

زهرا گَلدی، ایدوب جهانی رضوان
جانیم اولسون، قَدَملرینه قربان

یا زهرا
یوخدی دَهریده نَظیرون
واردی رَحمتِ کَثیرون
گوشِ چَشمیله نَظر قیل
من اولدوم اَسیرون

یا فاطمه جان یا فاطمه جان

من حیدری ام، سَنسَن آنام
ای بَندِ دلِ، خَیرُ الاَنام
لطفیله اَگر، باخسان منه
مَحشرده خدا، قویماز یانام

زهرا زهرا، منیم اولوب شعاریم
نوکریوَم، بونا وار افتخاریم

یا زهرا
شُکر اولا حیدَری ام من
قاپیزین نوکری ام من
بولوسن بو آسِتانین
خاکِ دری ام من

یافاطمه جان یا فاطمه جان

من سائلیوَم ، احسان ایله
دردِ دیلیمه، دَرمان ایله
سن دوت الیمی،ای ذوالکَرَم
الله بَیَنَن، انسان ایله

دیلده چوخلی، خانیم سیزه سوزم وار
اِحسانوندا ، سن بولوسن گوزوم وار

یازهرا
معدن لطف و سَخاسن
دردِ عالَمه دواسن
دویماق اولموری آدوندان
بَسکی با صَفاسَن

یافاطمه جان یا فاطمه جان

ای پَنج تَنه، مِحوَر خانیم
بُرجِ شَرَفه، اَختَر خانیم
نِسوان جهان، فَخر ایلیَر
سنسن اولارا، سَروَر خانیم

الله بیزه، سنی عنایت ایتدی
خلقَتونده، عَجب قیامت ایتدی

یازهرا
قاپیوین چوخدی گداسی
ای خَتمِ رُسُل بالاسی
بیزه بیر کرب وبلا ویر
ای حسین آناسی

یافاطمه جان یا فاطمه جان

ای تاجِ سَرِ ، اَهلِ جَهان
دنیانی دوتوب آه و فَغان
آللهدان اوزون، ایسته خانیم
گَلسین نه اولار، مهدی (عج) بالان

گَلسه عالَم، اولار خانیم گُلستان
جانیم اولسون، گَلن یولونا قربان

یازهرا
قیل نَظَر بو دلغَمینه
گویلومه دوشوب مدینه
قَبریوی بالان تاپاندا
وورّام اوردا سینه

یافاطمه جان یا فاطمه جان

• یکشنبه
• 1
• فروردین
• 1400
• ساعت
• 15:21
• نوشته شده توسط
• یوسف اکبری

دوباره
صفا ویردی ذاتِ حق، عالَمه
قَدَم قویدی دنیایه، فاطمه

گُلِ طاهادی
آدی زهرادی
اورک عشقینه مُبتلادی

میوه ی قَلبِ مصطفی فاطمه گلدی
یاوَر و یارِ مرتضی فاطمه گلدی
مادرِ شاهِ کربلا فاطمه گلدی

زهرا زهرا یا زهرا

خدیجه
خانیم قَلبون همیشه شاد اولا
ایکی عالَم ایوین آباد اولا

هامی قالدی مات
اولوبدی اثبات
شبیهِ زهرا
گلسون هیهات

فاطمه نین مثلی داخی عالَمه گَلمَز
حَشره کیمی نَسلِ بَنی، آدمه گَلمَز
بیرده دیله بِیْله گوزَل، زَمزمه گَلمَز

زهرا زهرا یا زهرا

مقامین
قَلَم عاجزدی ایله سین، بَیان
ایدوب تعریفین خالِقِ، جَهان

مَهِ بی هَمتا
عزیزِ طاها
گلوبدی اولسون
یارِ مولا

عالَمی الله یارادیب بو قیزا خاطر
نورِ رُخی یردن اولور گویلره صادر
سَسله ماقا گول آدینی اولموشوق حاضر

زهرا زهرا یا زهرا

اورکده
واریمدی آگَهسن گیزلین، سوزوم
خانیم لطفووه تیکمیشم، گوزوم

منی یا زهرا
قاپوندا قووما
خانیم (بیکَسم)
قویما تنها

درد و بَلا چولقالیوب اَهلِ جهانی
ایله دعا قورتولا بو درد و بَلانی
ایسته خدا یوللیه صاحب الزَّمانی

زهرا زهرا یا زهرا

• یکشنبه
• 1
• فروردین
• 1400
• ساعت
• 15:23
• نوشته شده توسط
• یوسف اکبری

چاتسا گر زیبالیقا انسان، هنردور باعثی
باصفا گلشن لرین نورِ سحردور باعثی

خال، هر صورتده اگلشسه اونا قیمت وئرر
گر گوزلدی آسمانِ شب قمردور باعثی

آسمان دوزدی رهایی شوقینی تحریک ائدور
اصلِ پروازین ولیکن بال و پردور باعثی

حاکم اولموش باشلارین اوستونده باطل خیمه لر
سایهء حقدن خبر یوخدی تبردور باعثی

کیمدی علت؟ کیم یولوندان دینی خارج ایلدی
هانسی خائن؟ هانسی شَر؟ هانسی بشردور باعثی

دختر طاهانی بیر شهرین سکوتی ئولدوروب
سن خیال ائتمه فقط دیوار و در دور باعثی

هر مصیبت کی گلوب اسلامه اون بش قرنیده
آند اولا فریادِ زهرایه عُمر دور باعثی

• سه شنبه
• 24
• فروردین
• 1400
• ساعت
• 16:14
• نوشته شده توسط
• یوسف اکبری

سن زیور خلقتسن یافاطمه الزهرا
سن خلقته علتسن یافاطمه الزهرا

سن احمده چون جانسان سن حیدره قربانسان
بخشش ده نظیرون یوخ سن صاحب احسانسان
سن کوثر احمدسن سن معنی قرانسان
باشدان باشا زینتسن یافاطمه الزهرا

سن نوردوعالمسن بنددل خاتمسن
حوا سنه چاکردی تاج سر آدمسن
مریم سنه نوکردی عیسایه ده سن دم سن
عالملره رحمتسن یافاطمه الزهرا

ای مادر عاشورا سن ام ابیهاسن
دوقّوز آدا داراسن سن شانیده والاسن
سن بحرفضائلسن ایمانیده دریاسن
بیرپارچا شرافتسن یافاطمه الزهرا

محشرده سنی زینب لطف ایله گل امداده
من منتظرم زهرا قبریمده ده گل داده
چون خِیر عملیم آزدی سن گل منه فریاده
دارای شفاعتسن یافاطمه الزهرا

هم صدق وصفا سن سن دارای وفا سن سن
امراضه شفا سن سن هردرده دوا سن سن
رهبردی بیزه حیدر مولایه فدا سن سن
اسطوره غیرتسن یافاطمه الزهرا

اُول کوچه ده الاندا بیر چادر خاکون وار
یافاطمه مکتبده(1) چوخ عاشق پاکون وار
هر تک تکی غیرتلی هم سینه سی چاکون وار
وئر سن بولارا خلعت یافاطمه الزهرا

(1)هیئت با عظمت مکتب امام جعفر صادق علیه السلام شهر زرنق

• پنج شنبه
• 26
• فروردین
• 1400
• ساعت
• 12:11
• نوشته شده توسط
• یوسف اکبری

زهرا گوزون آچ حیدرون احوالی یاماندی
غم پرده لیوب گوزلریمی گوز دولی قاندی

گوز یاش یرینه قان النور چهره مه زهرا
سس ویر سسیمه یاتما عم اوغلون نگراندی

دورت گول آلوب اطرفیمی نالان و پریشان
آغلار بولارون ایشلری آهیله و فغاندی

زینب باش آچوب سسلنور ایوای ننم ایوای
کلثوم پریشان یوزه گوز یاشی رواندی

زهرا ایویمون شمعی سنیدون گیجه وقتی
سونمه دور ایاقه حسنین جانی آماندی

باخ گور نجه آغلور سنی مندن حسین ایستور
گویا بابا سویلور آنامیون حالی یاماندی

ای حیدرون آمال و امیدی، سنه قربان
باخ گلشنیمه حالتی چون فصل خزاندی

سنسیز نجه حیدر دینن عمر ایله سون آخر
قان عشقیویله بو شریانیمده رواندی

قالدون درودیوار آرا ای غملی نگاریم
سینون هدف میخ در اولدی یارالاندی

قلبیم دایانور فاطمه مسماره باخاندا
مسمارین اوجی قانیویله قرمزی قاندی

ای سیده ی کل اوناث ایکی عالم
جانیم سنه قربان غمون الساعه عیاندی

گوردوم سینه یارون ، یوزیوه سیلی دگوبدی
بیلدیم نه گلوب باشیوه قلبیم پارالاندی

درگاهی یانان یاریوی دیندیرسنه قربان
جان فاطمه قدرون کیمی قبرونده نهاندی

اون سکیز ایل عمرایله دون ای غملی نگاریم
آز عمریوه «ثاقب »گوزونون یاشی رواندی

• شنبه
• 11
• اردیبهشت
• 1400
• ساعت
• 21:09
• نوشته شده توسط
• یوسف اکبری

ای آسمان غمده
پوزقون ستاره زهرا
سینون یارا گئدورسن
گیزلین مزاره زهرا

درگاهیم اودلاناندا
اعدا سنی ووراندا
زینب منه باخاردی
من ذوالفقاره زهرا

گوردوم یئره یخلدون
اشکون یوزه رواندی
بیلمیردیم ئوز قاپیمدا
مسمارین اوستی قاندی
اولسون قسم حسینه
سندن علی اوتاندی
اود ووردیلار ائویمده
دار و نداره زهرا

سندردی ئوز امامین
امّت ائدیب خیانت
شرمیم ائدوردی طغیان
صبر ایستیوردی حکمت
آغلاردی ذوالفقاریم
اَللر ائدردی طاقت
گوزلر باخاردی سینه م
چکدی شراره زهرا

الله بیلیر نه چکدیم
طغیان ائدنده اعدا
ئوز گوزلریمله گوردوم
بیر ظلمی آشکارا
بیلدیم ائویم یخلدی
ائتدی بو امتحاندا
غیرت منه گلایه
من روزگاره زهرا

سینه مده قالدی گیزلین
بیر محنتین عذابی
بو نوحه لرده واردور
چوخ سوزلرین جوابی
سالدی بابون پیمبر
قوللاریمه طنابی
یوخسا علی تاپاردی
بو درده چاره زهرا

بیر حاله قالدی یارب
بی کس علی نگاری
قانه بویاندی محسن
گیزلین قالوب مزاری
باغلی بَلَک «امانی»
تک قالدی یادگاری
یاندی علی ئولونجن
بو یادگاره زهرا

• شنبه
• 18
• اردیبهشت
• 1400
• ساعت
• 14:28
• نوشته شده توسط
• یوسف اکبری

اوچ گوندی زهرا جان ویروبدور حیدر آغلار
باشین آچوب جناتیده پیغمبر آغلار
دفن اولدی گیزلین
ماه مدینه
یاسین دوتوبدور
شاه مدینه

اوچ گوندی زینب باشینه شانه ووران یوخ
آغلور حسینیله حسن دیل یاندیران یوخ
دلبند طاهایه عزا بزمی قوران یوخ
زینب دینده جان ولی داور آغلار

اوچ گوندی زهرانون سسی گلمور مدینه
بزم عزایه بیر کسی گلمور مدینه
اوغلانلاری بیر لحظه دینجلمور مدینه
هارون اوخور نوحه شُبیر و شَبَّر آغلار

اوچ گوندی زهرا تک قویوبدور مرتضانی
جریان کوچه یاندیرور شیرخدانی
دیلَّندیرور هردم امام مجتبانی
سیلی سوزون آلجاق امام مضطر آغلار

اوچ گوندی زهرا جدینه مهمان گیدوبدی
گوندز اولوب قبره گیجه پنهان گیدوبدی
زینب اوقدری آغلیوب حالدان گیدوبدی
سلمان و مقداد و ابوذر یکسر آغلار

اوچ گوندی گلزار علی پرپر اولوبدی
قرآن ناطق بی کس و یاور اولوبدی
غرق مصیبت ساقی کوثر اولوبدی
اولاد هاشم باشدا قاره معجر آغلار

اوچ گوندی یثرب آسمانون غم دوتوبدی
یرده علی گویده نبی ماتم دوتوبدی
باشه ملائک لر قرا پرچم دوتوبدی
زمزم گلوبدور جوشه حوض کوثر آغلار

اوچ گوندی طاق عرشه قاره باغلیوبلار
جناتیان بو غمده سینه داغلیوبلار
پیغمبرون دلبندینه یاس ساخلیوبلار
یوز یرمی دورد مین برگزیده رهبرآغلار

• یکشنبه
• 26
• اردیبهشت
• 1400
• ساعت
• 18:13
• نوشته شده توسط
• یوسف اکبری

ای منیم یار مهربانیم
مرتضی تکدی یاتما زهرا
دور عم اوغلون قالوب آدامسیز
حیدری گوزدن آتما زهرا
آز منیم ، قلبیمی آلیشدیر یارالی
حیدرون ، گویلون آل دانیشدیر یارالی
غریبم من غریبم من(٢)

ای مه بی قرینه یاتما
آبروی مدینه یاتما
گیجه یاری سو ایستنده
کیم ویر سوحسینه یاتما
گوزلرون ، لکه قانی یاندیردی منی
سینه وون ، یاره سی اوتاندیردی منی
غریبم من غریبم من(٢)

آچ گوزون ای سحاب رحمت
زینبون قلبی قاندی زهرا
دور ایاقه حسینی دیندیر
گورنجه ناگراندی زهرا
قیزلارون ، آب و دانه ایستر یارالی
زینبون ، زلفی شانه ایستر یارالی
غریبم من غریبم من(٢)

آچ گوزون مرتضانی دیندیر
آزمنیم قلبیمی آلیشدیر
کوسموسن روزگار الیندن
لا اقل زینبی دانشدیر
کوچه نون ، ماجراسی آغلاتدی منی
یثربون ، اهلی چوخ اوجوز ساتدی منی
غریبم من غریبم من(٢)

مجتبادن اشیتدیم الآن
کوچه نون غملی ماجراسین
تیتریور اللریم باغیشلا
باغلورام سینه وون یاراسین
آغلارام ، قبره نیمه شب گیتمه گیوه
سینه وون ، یاره سین نهان ایتمه گیوه
غریبم من غریبم من(٢)

اللریم باغلی اولماسیدی
یثربی قانه دوندرردیم
باشینی ثانی پلیدین
من ابوبکره گوندرردیم
باغلیوب ، ختم الانبیا قولاریمی
ووردولار ، آلدیلار الیمدن واریمی
غریبم من غریبم من(٢)

• دوشنبه
• 27
• اردیبهشت
• 1400
• ساعت
• 13:54
• نوشته شده توسط
• یوسف اکبری

ای آسمان محنتین
باتان هلالی فاطمه
بقیعه مرتضی گلوب
اویان یارالی فاطمه

دور آی زهرا اوستومه درد و غم توکولدی
دور آی زهرا قبرون اوسته قدّیم بوکولدی
سنی مندن آلدی ظلمیله اهل کینه
منه زندان اولدی سنسیز مُلک مدینه

غریبم،غریبم(٢)

سن آیریلاندان ئوز ائویم
اولوبدی محبسیم منیم
مدینه نون غریبی ام
یوخومدی بیر کسیم منیم

دور آی زهرا رشته عشقی پاره قویما
دور آی زهرا مرتضانی آواره قویما
سنه دوقّوژ ایل دی من یارم گوزدن آتما
منیلن خوش خاطراتی یاددان چیخارتما

غریبم،غریبم(٢)

نه تئز قوتاردی فاطمه
منیم صفالی گونلریم
سن اولماسون بو دهریده
کئچر عزالی گونلریم

یوزوم گولمز ماتمونده دل داغلارام من
دوشر کئچمیش گونلریم یاده آغلارام من
او ائوده دائم محبّت رختین گییردون
هاچان من زهرا دئسیدیم سن جان دییردون

غریبم،غریبم(٢)

بو مدّتی نه چکمیشم
مدینه اهلی بیلمه دی
اقلّی بیر نفر گلوب
یوزومدن اشکی سیلمه دی

عجب امّت دوز چورک حقین داندی زهرا
قاپیمدان آرتیق یانان قلبیم یاندی زهرا
نفسدن دوشدوم منه دور تازه نفس وئر
علینون قلبی سنقدی سن باری سس وئر

غریبم،غریبم(٢)

• سه شنبه
• 4
• خرداد
• 1400
• ساعت
• 21:27
• نوشته شده توسط
• یوسف اکبری

باشیم اوسته گل ای کمکسیز علی
ایاقدان سالوبدی منی ظلم الی
ویریبلا ستمله سینیبدی قولوم
گل ای جنگ بدرو حنینین یلی

یومولور گوزوم گل
سنه وار سوزوم گل
ئولور فاطمه

سارالوب یوزوم گل
سوزور اولدوزوم گل
ئولور فاطمه

عجله ائله ای شه بی کمک
منی سیزدن ایستور آییرسین فلک
قابیرقاسی سینمیش جوان فاطمه
عم اوغلی بو ایودن ال اوزسون گرک

سینه داغلاما سن
منه آغلاما سن
یانار فاطمه

سرشک مصیبت
یوزه باغلاما سن
یانار فاطمه

بدنن لباس غمی سویمادیم
بابامنان صورا من حنا قویمادیم
بوتزلیکده دویدوم بو آز عمریدن
حسین وحسندن ولی دویمادیم

آمان آیریلیقدان
دوداقه یتوب جان
علی جان علی

گل ایله تلاوت
باشیم اوسته قرآن
علی جان علی

هامی قونشولاردان واریمدی گله
بیری ایستمورم عزایه گله
بو غملی ائویمده غریب لرکیمی
گجه غسلیمی وئر گجه دفن ائله

بیلور سن اوزون سن
نجه ظلم ثانی
کسیب صبریمی

مزاریم یانیندا
سو سپ نچه قبره
ایتیر قبریمی

باخا بیلمورم بو سولان کوکبه
ایشیقلی گونی دوندی غمنن شبه
منیم یریمه ای کمکسیز آقا
آنالیق ائله سن قزیم زینبه

پوزولدی جمالی
آخور اشک آلی
سینه داغلیور

چوخالدی ملالی
سولوب گل مثالی
قرا باغلیور

• پنج شنبه
• 6
• خرداد
• 1400
• ساعت
• 22:19
• نوشته شده توسط
• یوسف اکبری

گلدی بوگون پیک صبا بطحایه
مژده وئرور هاتف حق طاهایه

نخل ولایت بوگجه بارلاندی
کوکب امّید سحر پارلاندی

صاحب کوثر گلدی
جان پیمبر گلدی
مرحبا زهرا

اون بیرامامین آناسی زهرادی
طلعتی مه ، انسیۀ حورادی

شمع کسا قویدی قدم دنیایه
جلوه سی آفاقه وئروب پیرایه

عزّته شهپر گلدی
جان پیمبر گلدی
مرحبا زهرا

قویدی قدم تا بو جهانه زهرا
آچدی لب لعلینی دخت طاها

ذکرخدانی دیله ائتدی جاری
وجده گتوردی آتاسین گفتاری

جلوۀ داور گلدی
جان پیمبر گلدی
مرحبا زهرا

حُسنی گوزل لطفی اونون دریادی
هرنه قدَر وصف ائلَسم باجادی

آینۀ قدرت حق دی زهرا
جلوه گه صبح فلق دی زهرا

یاور حیدر گلدی
جان پیمبر گلدی
مرحبا زهرا

• پنج شنبه
• 6
• خرداد
• 1400
• ساعت
• 22:50
• نوشته شده توسط
• یوسف اکبری

مدینه اهلی گلون جوان ئولوبدی ننم
جوانلیقیندا قدی کمان ئولوبدی ننم

جام صبری جالاندی
حق اوستونده دایاندی
ووردولار یارالاندی
آنام لایلای...............آنام لایلای

سیزون بو آغلاماقوز رفع ملال ایلمز
آنام دا گیچسه حسن سیزی حلال ایلمز
مریض آنامین حالین رعایت ایلمه دوز
سوروشمادوز حالینی عیادت ایلمه دوز

هانسی مادر مضطر
آز سنینده مکرر
آللهدان ئولوم ایستر
آنام لایلای ................آنام لایلای

خدا میدونه چه دید درون کوچه حسن
که ذکر او شده وای شهیده مادر من
خدا به داد دل برادرم برسد
که خنده بر لب او برا برم برسد

شب ها تا سحر از غم
ذکرش گشته دمادم
کاش من سیلی می خوردم
آنام لایلای ...............آنام لایلای

مدینه غم به دل حسن نشسته دگر
ز دست مردمتان دلش شکسته دگر
ندیده خنده کسی دگر به کنج لبش
تمام هستی من فدای تاب و تبش

دائم در هیجان است
در فریاد و فغان است
فکر مادرمان است
آنام لایلای...................آنام لایلای

• جمعه
• 7
• خرداد
• 1400
• ساعت
• 16:15
• نوشته شده توسط
• یوسف اکبری

عشق اگر شور و تولائیله معنا تاپدی
زندگی معنوی سودائیله معنا تاپدی

سالدی آوازه اگر عالمه احساس بشر
بشریّت آدی تقوائیله معنا تاپدی

قطره قطره یاغیشین گر یوخودی معناسی
عاقبت وصلت دریائیله معنا تاپدی

کربلاکی آدی بیر یرده دیله گلمزدی
مقدم شاه دلارائیله معنا تاپدی

دیللره دوشدی خراسان آدی گر ایراندا
شهرت و رتبه والائیله معنا تاپدی

بولارین تک تکی مدیوندی خانیم زهرایه
چونکی هر تک تکی زهرائیله معنا تاپدی

• چهارشنبه
• 12
• خرداد
• 1400
• ساعت
• 12:08
• نوشته شده توسط
• یوسف اکبری

هر دل عالمده غم عشقه گرفتار اولماز
عشق سوداسی اولان قلبیده دیوار اولماز

عاشقین گوزلری باغلانسادا یارین گوره جاق
اوج ظلمتده ، اونا مانع دیدار اولماز

چشم بینایه نیازی یوخودی اهل دلین
باشی گر گئتسه ده چشم بصری تار اولماز

قلبینه یول تاپوب عاشق بشرین باخسون اگر
بی گمان اوردا به جز عکس رخ یار اولماز

فاتح قله عشق اولماقا چوخ مدعی وار
لیک مجموعه سی بیر حیدر کرار اولماز

گوز آچ عشق عالمی باخ فاطمه نین رتبه سینه
حشر اولونجا بئله بیر منطقی اقرار اولماز

مرتضا سرور عشّاق ئوزی اقرار ائلیوب
عشق زهرادی نظیری داخی تکرار اولماز

• چهارشنبه
• 12
• خرداد
• 1400
• ساعت
• 12:10
• نوشته شده توسط
• یوسف اکبری

قویما منی آدامسیز گئتمه وفالی زهرا
قبره گجه زمانی سینه یارالی زهرا

یا فاطمه یا زهرا یا فاطمه یا زهرا

آلدی سنی الیمدن دشمنلرین جفاسی
سندنصورا جهانون یوخدور منه بهاسی
دوشدی ائویم صفادن ای بیتیمون صفاسی
گئیدیم قرا یاسیندا اولدوم عزالی زهرا

ای یاوریم دایان بیر گتمه آماندی گئتمه
ایله نظر ایوینده گورنه فغاندی گئتمه
آه و فغان و ناله عرشه دایاندی گئتمه
اولما بو شهر غمده مندن آرالی زهرا

بیر یولدا گل بیانه زهرا منی دانیشدیر
من گلمیشم فغانه زهرا منی دانیشدیر
لطف ایله عاشقانه زهرا منی دانیشدیر
اولدوم سنون غمونده نی تک نوالی زهرا

هیچ دویمادیم جهاندا شیرین شیرین سوزوندن
غسلون وئرنده گوردوم سیلی دگوب یوزوندن
الآندا گئتمیوبدی قان لکه سی گوزوندن
منده بلالی اولدوم سنده بلالی زهرا

زینب گلر نوایه آغلار دیر آنام وای
اشکین یوزه دمادم باغلار دیر آنام وای
درد و غمیده سینه داغلار دیر آنام وای
ساکت نئجه ائدوم من غرق ملالی زهرا

(سالک) گلر غموندن حسرتله آه و زاره
هرگون توکر دمادم گوز یاشینی عذاره
آغلار دیر همیشه لطف ائت بو بی‌قراره
قویما دوشه بلایه ای ابتلالی زهرا

• چهارشنبه
• 12
• خرداد
• 1400
• ساعت
• 22:31
• نوشته شده توسط
• یوسف اکبری