اشعار ترکی حضرت فاطمه زهرا(س)

مرتب سازی براساس
 مهدی عبادی(بیکس)

سرود ولادت حضرت زهرا(س) -(گَل دسته گُلِ طاهایه باخ) * مهدی عبادی(بیکس)

367

سرود ولادت حضرت زهرا(س) -(گَل دسته گُلِ طاهایه باخ) گَل دسته گُلِ، طاهایه باخ
شأن و شرَفِ، والایه باخ
معنی اولاجاق ، اَللهُ نور
گَل نورِ رُخِ، زهرایه باخ

زهرا گَلدی، ایدوب جهانی رضوان
جانیم اولسون، قَدَملرینه قربان

یا زهرا
یوخدی دَهریده نَظیرون
واردی رَحمتِ کَثیرون
گوشِ چَشمیله نَظر قیل
من اولدوم اَسیرون

یا فاطمه جان یا فاطمه جان

من حیدری ام، سَنسَن آنام
ای بَندِ دلِ، خَیرُ الاَنام
لطفیله اَگر، باخسان منه
مَحشرده خدا، قویماز یانام

زهرا زهرا، منیم اولوب شعاریم
نوکریوَم، بونا وار افتخاریم

یا زهرا
شُکر اولا حیدَری ام من
قاپیزین نوکری ام من
بولوسن بو آسِتانین
خاکِ دری ام من

یافاطمه جان یا فاطمه جان

من سائلیوَم ، احسان ایله
دردِ دیلیمه، دَرمان ایله
سن دوت الیمی،ای ذوالکَرَم
الله بَیَنَن، انسان ایله

دیلده چوخلی، خانیم سیزه سوزم وار
اِحسانوندا ، سن بولوسن گوزوم وار

یازهرا
معدن لطف و سَخاسن
دردِ عالَمه دواسن
دویماق اولموری آدوندان
بَسکی با صَفاسَن

یافاطمه جان یا فاطمه جان

ای پَنج تَنه، مِحوَر خانیم
بُرجِ شَرَفه، اَختَر خانیم
نِسوان جهان، فَخر ایلیَر
سنسن اولارا، سَروَر خانیم

الله بیزه، سنی عنایت ایتدی
خلقَتونده، عَجب قیامت ایتدی

یازهرا
قاپیوین چوخدی گداسی
ای خَتمِ رُسُل بالاسی
بیزه بیر کرب وبلا ویر
ای حسین آناسی

یافاطمه جان یا فاطمه جان

ای تاجِ سَرِ ، اَهلِ جَهان
دنیانی دوتوب آه و فَغان
آللهدان اوزون، ایسته خانیم
گَلسین نه اولار، مهدی (عج) بالان

گَلسه عالَم، اولار خانیم گُلستان
جانیم اولسون، گَلن یولونا قربان

یازهرا
قیل نَظَر بو دلغَمینه
گویلومه دوشوب مدینه
قَبریوی بالان تاپاندا
وورّام اوردا سینه

یافاطمه جان یا فاطمه جان

  • یکشنبه
  • 1
  • فروردین
  • 1400
  • ساعت
  • 15:21
  • نوشته شده توسط
  • یوسف اکبری
ادامه مطلب
فروشگاه پرچم
 مهدی عبادی(بیکس)

سرود ولادت حضرت زهرا(س) -(دوباره صفا ویردی ذاتِ حق عالمه) * مهدی عبادی(بیکس)

308
1

سرود ولادت حضرت زهرا(س) -(دوباره صفا ویردی ذاتِ حق عالمه) دوباره
صفا ویردی ذاتِ حق، عالَمه
قَدَم قویدی دنیایه، فاطمه

گُلِ طاهادی
آدی زهرادی
اورک عشقینه مُبتلادی

میوه ی قَلبِ مصطفی فاطمه گلدی
یاوَر و یارِ مرتضی فاطمه گلدی
مادرِ شاهِ کربلا فاطمه گلدی

زهرا زهرا یا زهرا

خدیجه
خانیم قَلبون همیشه شاد اولا
ایکی عالَم ایوین آباد اولا

هامی قالدی مات
اولوبدی اثبات
شبیهِ زهرا
گلسون هیهات

فاطمه نین مثلی داخی عالَمه گَلمَز
حَشره کیمی نَسلِ بَنی، آدمه گَلمَز
بیرده دیله بِیْله گوزَل، زَمزمه گَلمَز

زهرا زهرا یا زهرا

مقامین
قَلَم عاجزدی ایله سین، بَیان
ایدوب تعریفین خالِقِ، جَهان

مَهِ بی هَمتا
عزیزِ طاها
گلوبدی اولسون
یارِ مولا

عالَمی الله یارادیب بو قیزا خاطر
نورِ رُخی یردن اولور گویلره صادر
سَسله ماقا گول آدینی اولموشوق حاضر

زهرا زهرا یا زهرا

اورکده
واریمدی آگَهسن گیزلین، سوزوم
خانیم لطفووه تیکمیشم، گوزوم

منی یا زهرا
قاپوندا قووما
خانیم (بیکَسم)
قویما تنها

درد و بَلا چولقالیوب اَهلِ جهانی
ایله دعا قورتولا بو درد و بَلانی
ایسته خدا یوللیه صاحب الزَّمانی

زهرا زهرا یا زهرا

  • یکشنبه
  • 1
  • فروردین
  • 1400
  • ساعت
  • 15:23
  • نوشته شده توسط
  • یوسف اکبری
ادامه مطلب
 وفا منافی اردبیلی

شهادت حضرت زهرا(س) -(چاتسا گر زیبالیقا انسان هنردور باعثی) * وفا منافی اردبیلی

624
1

شهادت حضرت زهرا(س) -(چاتسا گر زیبالیقا انسان هنردور باعثی) چاتسا گر زیبالیقا انسان، هنردور باعثی
باصفا گلشن لرین نورِ سحردور باعثی

خال، هر صورتده اگلشسه اونا قیمت وئرر
گر گوزلدی آسمانِ شب قمردور باعثی

آسمان دوزدی رهایی شوقینی تحریک ائدور
اصلِ پروازین ولیکن بال و پردور باعثی

حاکم اولموش باشلارین اوستونده باطل خیمه لر
سایهء حقدن خبر یوخدی تبردور باعثی

کیمدی علت؟ کیم یولوندان دینی خارج ایلدی
هانسی خائن؟ هانسی شَر؟ هانسی بشردور باعثی

دختر طاهانی بیر شهرین سکوتی ئولدوروب
سن خیال ائتمه فقط دیوار و در دور باعثی

هر مصیبت کی گلوب اسلامه اون بش قرنیده
آند اولا فریادِ زهرایه عُمر دور باعثی

  • سه شنبه
  • 24
  • فروردین
  • 1400
  • ساعت
  • 16:14
  • نوشته شده توسط
  • یوسف اکبری
ادامه مطلب
 حیدر صبور زرنقی

در مدح حضرت زهرا(س) -(سن زیور خلقتسن یافاطمه الزهرا) * حیدر صبور زرنقی

531

در مدح حضرت زهرا(س) -(سن زیور خلقتسن یافاطمه الزهرا) سن زیور خلقتسن یافاطمه الزهرا
سن خلقته علتسن یافاطمه الزهرا

سن احمده چون جانسان سن حیدره قربانسان
بخشش ده نظیرون یوخ سن صاحب احسانسان
سن کوثر احمدسن سن معنی قرانسان
باشدان باشا زینتسن یافاطمه الزهرا

سن نوردوعالمسن بنددل خاتمسن
حوا سنه چاکردی تاج سر آدمسن
مریم سنه نوکردی عیسایه ده سن دم سن
عالملره رحمتسن یافاطمه الزهرا

ای مادر عاشورا سن ام ابیهاسن
دوقّوز آدا داراسن سن شانیده والاسن
سن بحرفضائلسن ایمانیده دریاسن
بیرپارچا شرافتسن یافاطمه الزهرا

محشرده سنی زینب لطف ایله گل امداده
من منتظرم زهرا قبریمده ده گل داده
چون خِیر عملیم آزدی سن گل منه فریاده
دارای شفاعتسن یافاطمه الزهرا

هم صدق وصفا سن سن دارای وفا سن سن
امراضه شفا سن سن هردرده دوا سن سن
رهبردی بیزه حیدر مولایه فدا سن سن
اسطوره غیرتسن یافاطمه الزهرا

اُول کوچه ده الاندا بیر چادر خاکون وار
یافاطمه مکتبده(1) چوخ عاشق پاکون وار
هر تک تکی غیرتلی هم سینه سی چاکون وار
وئر سن بولارا خلعت یافاطمه الزهرا

(1)هیئت با عظمت مکتب امام جعفر صادق علیه السلام شهر زرنق

  • پنج شنبه
  • 26
  • فروردین
  • 1400
  • ساعت
  • 12:11
  • نوشته شده توسط
  • یوسف اکبری
ادامه مطلب
کربلایی فخرالدین اسکندری

زبانحال حضرت علی(ع) -(زهرا گوزون آچ حیدرون احوالی یاماندی) *کربلایی فخرالدین اسکندری

365

زبانحال حضرت علی(ع) -(زهرا گوزون آچ حیدرون احوالی یاماندی) زهرا گوزون آچ حیدرون احوالی یاماندی
غم پرده لیوب گوزلریمی گوز دولی قاندی

گوز یاش یرینه قان النور چهره مه زهرا
سس ویر سسیمه یاتما عم اوغلون نگراندی

دورت گول آلوب اطرفیمی نالان و پریشان
آغلار بولارون ایشلری آهیله و فغاندی

زینب باش آچوب سسلنور ایوای ننم ایوای
کلثوم پریشان یوزه گوز یاشی رواندی

زهرا ایویمون شمعی سنیدون گیجه وقتی
سونمه دور ایاقه حسنین جانی آماندی

باخ گور نجه آغلور سنی مندن حسین ایستور
گویا بابا سویلور آنامیون حالی یاماندی

ای حیدرون آمال و امیدی، سنه قربان
باخ گلشنیمه حالتی چون فصل خزاندی

سنسیز نجه حیدر دینن عمر ایله سون آخر
قان عشقیویله بو شریانیمده رواندی

قالدون درودیوار آرا ای غملی نگاریم
سینون هدف میخ در اولدی یارالاندی

قلبیم دایانور فاطمه مسماره باخاندا
مسمارین اوجی قانیویله قرمزی قاندی

ای سیده ی کل اوناث ایکی عالم
جانیم سنه قربان غمون الساعه عیاندی

گوردوم سینه یارون ، یوزیوه سیلی دگوبدی
بیلدیم نه گلوب باشیوه قلبیم پارالاندی

درگاهی یانان یاریوی دیندیرسنه قربان
جان فاطمه قدرون کیمی قبرونده نهاندی

اون سکیز ایل عمرایله دون ای غملی نگاریم
آز عمریوه «ثاقب »گوزونون یاشی رواندی

  • شنبه
  • 11
  • اردیبهشت
  • 1400
  • ساعت
  • 21:09
  • نوشته شده توسط
  • یوسف اکبری
ادامه مطلب

زبانحال حضرت علی(ع) -(ای آسمان غمده پوزقون ستاره زهرا) * علیرضا امانی مجد

348

زبانحال حضرت علی(ع) -(ای آسمان غمده پوزقون ستاره زهرا) ای آسمان غمده
پوزقون ستاره زهرا
سینون یارا گئدورسن
گیزلین مزاره زهرا

درگاهیم اودلاناندا
اعدا سنی ووراندا
زینب منه باخاردی
من ذوالفقاره زهرا

گوردوم یئره یخلدون
اشکون یوزه رواندی
بیلمیردیم ئوز قاپیمدا
مسمارین اوستی قاندی
اولسون قسم حسینه
سندن علی اوتاندی
اود ووردیلار ائویمده
دار و نداره زهرا

سندردی ئوز امامین
امّت ائدیب خیانت
شرمیم ائدوردی طغیان
صبر ایستیوردی حکمت
آغلاردی ذوالفقاریم
اَللر ائدردی طاقت
گوزلر باخاردی سینه م
چکدی شراره زهرا

الله بیلیر نه چکدیم
طغیان ائدنده اعدا
ئوز گوزلریمله گوردوم
بیر ظلمی آشکارا
بیلدیم ائویم یخلدی
ائتدی بو امتحاندا
غیرت منه گلایه
من روزگاره زهرا

سینه مده قالدی گیزلین
بیر محنتین عذابی
بو نوحه لرده واردور
چوخ سوزلرین جوابی
سالدی بابون پیمبر
قوللاریمه طنابی
یوخسا علی تاپاردی
بو درده چاره زهرا

بیر حاله قالدی یارب
بی کس علی نگاری
قانه بویاندی محسن
گیزلین قالوب مزاری
باغلی بَلَک «امانی»
تک قالدی یادگاری
یاندی علی ئولونجن
بو یادگاره زهرا

  • شنبه
  • 18
  • اردیبهشت
  • 1400
  • ساعت
  • 14:28
  • نوشته شده توسط
  • یوسف اکبری
ادامه مطلب
 مرتضی اسکندری

نوحه ویژه شب سوم شهادت حضرت زهرا (س) -(اوچ گوندی زهرا جان ویروبدور حیدر آغلار) * مرتضی اسکندری

435

نوحه ویژه شب سوم شهادت حضرت زهرا (س) -(اوچ گوندی زهرا جان ویروبدور حیدر آغلار) اوچ گوندی زهرا جان ویروبدور حیدر آغلار
باشین آچوب جناتیده پیغمبر آغلار
دفن اولدی گیزلین
ماه مدینه
یاسین دوتوبدور
شاه مدینه

اوچ گوندی زینب باشینه شانه ووران یوخ
آغلور حسینیله حسن دیل یاندیران یوخ
دلبند طاهایه عزا بزمی قوران یوخ
زینب دینده جان ولی داور آغلار

اوچ گوندی زهرانون سسی گلمور مدینه
بزم عزایه بیر کسی گلمور مدینه
اوغلانلاری بیر لحظه دینجلمور مدینه
هارون اوخور نوحه شُبیر و شَبَّر آغلار

اوچ گوندی زهرا تک قویوبدور مرتضانی
جریان کوچه یاندیرور شیرخدانی
دیلَّندیرور هردم امام مجتبانی
سیلی سوزون آلجاق امام مضطر آغلار

اوچ گوندی زهرا جدینه مهمان گیدوبدی
گوندز اولوب قبره گیجه پنهان گیدوبدی
زینب اوقدری آغلیوب حالدان گیدوبدی
سلمان و مقداد و ابوذر یکسر آغلار

اوچ گوندی گلزار علی پرپر اولوبدی
قرآن ناطق بی کس و یاور اولوبدی
غرق مصیبت ساقی کوثر اولوبدی
اولاد هاشم باشدا قاره معجر آغلار

اوچ گوندی یثرب آسمانون غم دوتوبدی
یرده علی گویده نبی ماتم دوتوبدی
باشه ملائک لر قرا پرچم دوتوبدی
زمزم گلوبدور جوشه حوض کوثر آغلار

اوچ گوندی طاق عرشه قاره باغلیوبلار
جناتیان بو غمده سینه داغلیوبلار
پیغمبرون دلبندینه یاس ساخلیوبلار
یوز یرمی دورد مین برگزیده رهبرآغلار

  • یکشنبه
  • 26
  • اردیبهشت
  • 1400
  • ساعت
  • 18:13
  • نوشته شده توسط
  • یوسف اکبری
ادامه مطلب

زبانحال حضرت علی (ع) بر سر مزار حضرت زهرا (س) -(ای آسمان محنتین باتان هلالی فاطمه) *استاد مهدی قلندری اردبیلی

363

زبانحال حضرت علی (ع) بر سر مزار حضرت زهرا (س) -(ای آسمان محنتین باتان هلالی فاطمه) ای آسمان محنتین
باتان هلالی فاطمه
بقیعه مرتضی گلوب
اویان یارالی فاطمه

دور آی زهرا اوستومه درد و غم توکولدی
دور آی زهرا قبرون اوسته قدّیم بوکولدی
سنی مندن آلدی ظلمیله اهل کینه
منه زندان اولدی سنسیز مُلک مدینه

غریبم،غریبم(٢)

سن آیریلاندان ئوز ائویم
اولوبدی محبسیم منیم
مدینه نون غریبی ام
یوخومدی بیر کسیم منیم

دور آی زهرا رشته عشقی پاره قویما
دور آی زهرا مرتضانی آواره قویما
سنه دوقّوژ ایل دی من یارم گوزدن آتما
منیلن خوش خاطراتی یاددان چیخارتما

غریبم،غریبم(٢)

نه تئز قوتاردی فاطمه
منیم صفالی گونلریم
سن اولماسون بو دهریده
کئچر عزالی گونلریم

یوزوم گولمز ماتمونده دل داغلارام من
دوشر کئچمیش گونلریم یاده آغلارام من
او ائوده دائم محبّت رختین گییردون
هاچان من زهرا دئسیدیم سن جان دییردون

غریبم،غریبم(٢)

بو مدّتی نه چکمیشم
مدینه اهلی بیلمه دی
اقلّی بیر نفر گلوب
یوزومدن اشکی سیلمه دی

عجب امّت دوز چورک حقین داندی زهرا
قاپیمدان آرتیق یانان قلبیم یاندی زهرا
نفسدن دوشدوم منه دور تازه نفس وئر
علینون قلبی سنقدی سن باری سس وئر

غریبم،غریبم(٢)

  • سه شنبه
  • 4
  • خرداد
  • 1400
  • ساعت
  • 21:27
  • نوشته شده توسط
  • یوسف اکبری
ادامه مطلب

نوحه شهادت حضرت زهرا (س) -(باشیم اوسته گل ای کمکسیز علی) * حاج روح الله رمضانی

393

نوحه شهادت حضرت زهرا (س) -(باشیم اوسته گل ای کمکسیز علی) باشیم اوسته گل ای کمکسیز علی
ایاقدان سالوبدی منی ظلم الی
ویریبلا ستمله سینیبدی قولوم
گل ای جنگ بدرو حنینین یلی

یومولور گوزوم گل
سنه وار سوزوم گل
ئولور فاطمه

سارالوب یوزوم گل
سوزور اولدوزوم گل
ئولور فاطمه

عجله ائله ای شه بی کمک
منی سیزدن ایستور آییرسین فلک
قابیرقاسی سینمیش جوان فاطمه
عم اوغلی بو ایودن ال اوزسون گرک

سینه داغلاما سن
منه آغلاما سن
یانار فاطمه

سرشک مصیبت
یوزه باغلاما سن
یانار فاطمه

بدنن لباس غمی سویمادیم
بابامنان صورا من حنا قویمادیم
بوتزلیکده دویدوم بو آز عمریدن
حسین وحسندن ولی دویمادیم

آمان آیریلیقدان
دوداقه یتوب جان
علی جان علی

گل ایله تلاوت
باشیم اوسته قرآن
علی جان علی

هامی قونشولاردان واریمدی گله
بیری ایستمورم عزایه گله
بو غملی ائویمده غریب لرکیمی
گجه غسلیمی وئر گجه دفن ائله

بیلور سن اوزون سن
نجه ظلم ثانی
کسیب صبریمی

مزاریم یانیندا
سو سپ نچه قبره
ایتیر قبریمی

باخا بیلمورم بو سولان کوکبه
ایشیقلی گونی دوندی غمنن شبه
منیم یریمه ای کمکسیز آقا
آنالیق ائله سن قزیم زینبه

پوزولدی جمالی
آخور اشک آلی
سینه داغلیور

چوخالدی ملالی
سولوب گل مثالی
قرا باغلیور

  • پنج شنبه
  • 6
  • خرداد
  • 1400
  • ساعت
  • 22:19
  • نوشته شده توسط
  • یوسف اکبری
ادامه مطلب

میلادیه حضرت زهرا سلام الله علیها -(گلدی بوگون پیک صبا بطحایه) * محمد علی مصیبی

369

میلادیه حضرت زهرا سلام الله علیها -(گلدی بوگون پیک صبا بطحایه) گلدی بوگون پیک صبا بطحایه
مژده وئرور هاتف حق طاهایه

نخل ولایت بوگجه بارلاندی
کوکب امّید سحر پارلاندی

صاحب کوثر گلدی
جان پیمبر گلدی
مرحبا زهرا

اون بیرامامین آناسی زهرادی
طلعتی مه ، انسیۀ حورادی

شمع کسا قویدی قدم دنیایه
جلوه سی آفاقه وئروب پیرایه

عزّته شهپر گلدی
جان پیمبر گلدی
مرحبا زهرا

قویدی قدم تا بو جهانه زهرا
آچدی لب لعلینی دخت طاها

ذکرخدانی دیله ائتدی جاری
وجده گتوردی آتاسین گفتاری

جلوۀ داور گلدی
جان پیمبر گلدی
مرحبا زهرا

حُسنی گوزل لطفی اونون دریادی
هرنه قدَر وصف ائلَسم باجادی

آینۀ قدرت حق دی زهرا
جلوه گه صبح فلق دی زهرا

یاور حیدر گلدی
جان پیمبر گلدی
مرحبا زهرا

  • پنج شنبه
  • 6
  • خرداد
  • 1400
  • ساعت
  • 22:50
  • نوشته شده توسط
  • یوسف اکبری
ادامه مطلب
 مرتضی اسکندری

نوحه زبانحال حضرت زینب(س) در فراق مادر -(مدینه اهلی گلون جوان ئولوبدی ننم) * مرتضی اسکندری

565

نوحه زبانحال حضرت زینب(س) در فراق مادر -(مدینه اهلی گلون جوان ئولوبدی ننم) مدینه اهلی گلون جوان ئولوبدی ننم
جوانلیقیندا قدی کمان ئولوبدی ننم

جام صبری جالاندی
حق اوستونده دایاندی
ووردولار یارالاندی
آنام لایلای...............آنام لایلای

سیزون بو آغلاماقوز رفع ملال ایلمز
آنام دا گیچسه حسن سیزی حلال ایلمز
مریض آنامین حالین رعایت ایلمه دوز
سوروشمادوز حالینی عیادت ایلمه دوز

هانسی مادر مضطر
آز سنینده مکرر
آللهدان ئولوم ایستر
آنام لایلای ................آنام لایلای

خدا میدونه چه دید درون کوچه حسن
که ذکر او شده وای شهیده مادر من
خدا به داد دل برادرم برسد
که خنده بر لب او برا برم برسد

شب ها تا سحر از غم
ذکرش گشته دمادم
کاش من سیلی می خوردم
آنام لایلای ...............آنام لایلای

مدینه غم به دل حسن نشسته دگر
ز دست مردمتان دلش شکسته دگر
ندیده خنده کسی دگر به کنج لبش
تمام هستی من فدای تاب و تبش

دائم در هیجان است
در فریاد و فغان است
فکر مادرمان است
آنام لایلای...................آنام لایلای

  • جمعه
  • 7
  • خرداد
  • 1400
  • ساعت
  • 16:15
  • نوشته شده توسط
  • یوسف اکبری
ادامه مطلب
 اصغر سرابی

در مدح حضرت زهرا (س) -(عشق اگر شور و تولائیله معنا تاپدی) * اصغر سرابی

499

در مدح حضرت زهرا (س) -(عشق اگر شور و تولائیله معنا تاپدی) عشق اگر شور و تولائیله معنا تاپدی
زندگی معنوی سودائیله معنا تاپدی

سالدی آوازه اگر عالمه احساس بشر
بشریّت آدی تقوائیله معنا تاپدی

قطره قطره یاغیشین گر یوخودی معناسی
عاقبت وصلت دریائیله معنا تاپدی

کربلاکی آدی بیر یرده دیله گلمزدی
مقدم شاه دلارائیله معنا تاپدی

دیللره دوشدی خراسان آدی گر ایراندا
شهرت و رتبه والائیله معنا تاپدی

بولارین تک تکی مدیوندی خانیم زهرایه
چونکی هر تک تکی زهرائیله معنا تاپدی

  • چهارشنبه
  • 12
  • خرداد
  • 1400
  • ساعت
  • 12:08
  • نوشته شده توسط
  • یوسف اکبری
ادامه مطلب
 اصغر سرابی

در مدح حضرت زهرا (س) -(هر دل عالمده غم عشقه گرفتار اولماز) * اصغر سرابی

369

در مدح حضرت زهرا (س) -(هر دل عالمده غم عشقه گرفتار اولماز) هر دل عالمده غم عشقه گرفتار اولماز
عشق سوداسی اولان قلبیده دیوار اولماز

عاشقین گوزلری باغلانسادا یارین گوره جاق
اوج ظلمتده ، اونا مانع دیدار اولماز

چشم بینایه نیازی یوخودی اهل دلین
باشی گر گئتسه ده چشم بصری تار اولماز

قلبینه یول تاپوب عاشق بشرین باخسون اگر
بی گمان اوردا به جز عکس رخ یار اولماز

فاتح قله عشق اولماقا چوخ مدعی وار
لیک مجموعه سی بیر حیدر کرار اولماز

گوز آچ عشق عالمی باخ فاطمه نین رتبه سینه
حشر اولونجا بئله بیر منطقی اقرار اولماز

مرتضا سرور عشّاق ئوزی اقرار ائلیوب
عشق زهرادی نظیری داخی تکرار اولماز

  • چهارشنبه
  • 12
  • خرداد
  • 1400
  • ساعت
  • 12:10
  • نوشته شده توسط
  • یوسف اکبری
ادامه مطلب
 رحیم سلمانزاده

نوحه شهادت حضرت زهرا (س) -(قویما منی آدامسیز گئتمه وفالی زهرا) * رحیم سلمانزاده

924
2

نوحه شهادت حضرت زهرا (س) -(قویما منی آدامسیز گئتمه وفالی زهرا) قویما منی آدامسیز گئتمه وفالی زهرا
قبره گجه زمانی سینه یارالی زهرا

یا فاطمه یا زهرا یا فاطمه یا زهرا

آلدی سنی الیمدن دشمنلرین جفاسی
سندنصورا جهانون یوخدور منه بهاسی
دوشدی ائویم صفادن ای بیتیمون صفاسی
گئیدیم قرا یاسیندا اولدوم عزالی زهرا

ای یاوریم دایان بیر گتمه آماندی گئتمه
ایله نظر ایوینده گورنه فغاندی گئتمه
آه و فغان و ناله عرشه دایاندی گئتمه
اولما بو شهر غمده مندن آرالی زهرا

بیر یولدا گل بیانه زهرا منی دانیشدیر
من گلمیشم فغانه زهرا منی دانیشدیر
لطف ایله عاشقانه زهرا منی دانیشدیر
اولدوم سنون غمونده نی تک نوالی زهرا

هیچ دویمادیم جهاندا شیرین شیرین سوزوندن
غسلون وئرنده گوردوم سیلی دگوب یوزوندن
الآندا گئتمیوبدی قان لکه سی گوزوندن
منده بلالی اولدوم سنده بلالی زهرا

زینب گلر نوایه آغلار دیر آنام وای
اشکین یوزه دمادم باغلار دیر آنام وای
درد و غمیده سینه داغلار دیر آنام وای
ساکت نئجه ائدوم من غرق ملالی زهرا

(سالک) گلر غموندن حسرتله آه و زاره
هرگون توکر دمادم گوز یاشینی عذاره
آغلار دیر همیشه لطف ائت بو بی‌قراره
قویما دوشه بلایه ای ابتلالی زهرا

  • چهارشنبه
  • 12
  • خرداد
  • 1400
  • ساعت
  • 22:31
  • نوشته شده توسط
  • یوسف اکبری
ادامه مطلب
 رحیم سلمانزاده

زبانحال حضرت زهرا (س) -(ای منیم غملی غم گساریم) * رحیم سلمانزاده

327

زبانحال حضرت زهرا (س) -(ای منیم غملی غم گساریم) ای منیم غملی غم گساریم وی غریب وطن عم اوغلی
محنت و درد و غم الیندن گلمیشم جانه من عم اوغلی

یتیشوب _ عمروم انتهایه ئولورم
نی کیمین _ گلمیشم نوایه ئولورم

عم اوغلی گل اوخی قرآن _ سنه قربان سنه قربان

رسمیدور گول قالار همیشه باغ و گلزار ایچینده مولا
قالمیشیدوم قاپوم یاناندا من ولی خار ایچینده مولا

ووردولار _ اود جفائیلن یاندی قاپوم
اوددوتوپ _ ظلم الیلن اودلاندی قاپوم

عم اوغلی گل اوخی قرآن _ سنه قربان سنه قربان

ای شه انس و جانیم آخر دویمادیم زینبیله سندن
نه حسندن فنا جهاندا نه حسین تک شیرین سخندن

چاره یوخ _ من سیزی بوگون ترک ائدورم
نگران _ عالم بقایه گئدورم

عم اوغلی گل اوخی قرآن _ سنه قربان سنه قربان

نسکیلیم چوخدی بو ئورکده گول کیمی عمروده سارالدیم
نه ایوه بیر گلین گتیردیم نه یولا زینبی سالدیم

قلبیده _ آرزلاریم آخر قالاجاق
بیلورم _ غم منی ایاقدان سالاجاق

عم اوغلی گل اوخی قرآن _ سنه قربان سنه قربان

واردی چوخ چوخ سوزوم ئورکده ایلیوم من بیان عم اوغلی
عمروده امتین الیندن قلبیمه دولدی قان عم اوغلی

اولموشام _ سینه سی جراحت گئدورم
باباما _ ائتمه گه شکایت گئدورم

عم اوغلی گل اوخی قرآن _ سنه قربان سنه قربان

ایلورم من سنه وصیت غسلومی وئر گئجه زمانی
جسم مجرحیمه کفن بوک نصف شب دفن ائله نهانی

قبریمی _ پیکریم کیمی ایله نهان
اولماسون _ کیمسیه بو دنیاده عیان

عم اوغلی گل اوخی قرآن _ سنه قربان سنه قربان

هر قدر عمر ائده جهاندا (سالک) آغلار منه همیشه
یاد ائدر درد و محنتیمون سینه داغلار منه همیشه
چونکه من_دهریدن عزالی گئدورم
قبریمه _ سینه سی یارالی گئدورم

عم اوغلی گل اوخی قرآن _ سنه قربان سنه قربان

  • چهارشنبه
  • 12
  • خرداد
  • 1400
  • ساعت
  • 22:34
  • نوشته شده توسط
  • یوسف اکبری
ادامه مطلب
 رحیم سلمانزاده

مدح و مرثیه حضرت زهرا(س) -(کیمدی زهرا کرم و جود و سخا دریاسی) * رحیم سلمانزاده

517

مدح و مرثیه حضرت زهرا(س) -(کیمدی زهرا کرم و جود و سخا دریاسی) کیمدی زهرا کرم و جود و سخا دریاسی
کیمدی زهرا . شرف و حجب و حیا معناسی
کیمدی زهرا . ادب و مهر و وفا دنیاسی
شانه باخ شانینه قرانیده چوخ آیه گلوب
جان فدا شوکتینه عالمه پیرایه گلوب

کیمدی زهرا که اولوب مفخر نسوان جهان
کیمدی زهرا که اولوب پیکره ی خلقته جان
کیمدی زهرا که اونون وصفینه قاصردی زبان
حضرت لم یزلون خلقتینون محوریدی
احمدین ذات احد وعده وئرن کوثریدی

کیمدی زهرا که بئله منزلتی والادی
اونی تعریف ائلیین ذات حق یکتادی
نه یازوم مدحتینه دهریده بی همتادی
فاطمه تکدی قسم ذات حق یکتایه
گلمیوب گلمیه جاق مثلی اونون دنیایه

مدحت فاطمیه دفتر و دیوان یازیلوب
شأن والاسینه باخ مدحی فراوان یازیلوب
خلقت ما خلقه خلقتی برهان یازیلوب
چوخلاری شرح ائلیوب منزلت زهرادن
یازیلانلار هاموسی قطره دی بیر دریادن

کیمدی زهرا بو قدر شأن و جلالت واریدی
کیمدی زهرا که بیزه لطف و عنایت واریدی
کیمدی زهرا که اونون حق شفاعت واریدی
روز محشرده بلی آیری قیامت ائده جاق
حیدرین شیعه سین اولده شفاعت ائده جاق

آتاسی ئولدی سالوب باشه قرا صبر ائلدی
دهریده امت اونا ائتدی جفا صبر ائلدی
دینه خاطر دایانوب چکدی بلا صبر ائلدی
اریدی غمدن اونون پیکری چوخ اولدی نحیف
دورا بیلمز ایاقا جسمی کیمون اولسا ضعیف

جسمی تحلیله گئدوب دوشدی ئولوم بسترینه
دئمه دی دیلده کی نسکلرینی دلبرینه
بیر فقط ائتدی وصیت نگران همسرینه
دئدی ای روحه روان گل سنه قربان ئولورم
یئتیشوب پیک اجل زار و پریشان ئولورم

دویموشام جانه عم اوغلی ائدورم آه و فغان
قدیمی غملر اگوبدور ائلیوب مثل کمان
گئدورم دار بقایه ولی سیزدن نگران
عزتین جامه سینی عمر بویی سویمامیشام
زینبین و حسنینیمدن هله دویمامیشام

اولموشام ظلمون الیندن نجه گور غرق محن
ئورگیم غمله دولوبدور منه غربتدی وطن
گوندوز ئولسمده گئجه وقتی ائله غسل و کفن
ایستورم گلمیه تدفینیمه دونان زمان
مخفیانه منی دفن ائتگیلن ای مونس جان

چکدیم آز عمروده من درد فراوان ئولورم
بولورم اولمویاجاق دردیمه درمان ئولورم
باشیم اوستونده عم اوغلی اوخی قرآن ئولورم
یورقونام دهریده چوخ جور و جفادن گئدورم
یئتیشوب سینمه جان دار فنادن گئدورم

(سالک) عمرونده منیم غملریمه آغلیاجاق
یازاجاق محنتیمی سینه لری داغلیاجاق
اگنینه قاره گئیوب باشه قرا باغلیاجاق
سائل درگهیمیزدی اونا احسان ائدرم
روز محشرده ئوزوم دردینه درمان ائدرم

  • جمعه
  • 14
  • خرداد
  • 1400
  • ساعت
  • 11:11
  • نوشته شده توسط
  • یوسف اکبری
ادامه مطلب
حاج علی پور علی

نوحه شهادت حضرت زهرا(س) -(آی قامتین غملر بوکن) *حاج علی پور علی

455

نوحه شهادت حضرت زهرا(س) -(آی قامتین غملر بوکن) آی قامتین غملر بوکن
رخساره گوزدن قان توکن
یاتما یا را لی قبر د ه
زهرای من زهرای من

آی باغبا ن آی باغبا ن
سولدی سارالدی گولستان
بولبولر اولدی باقری قان
زهرای من زهرای من

چیخماز عم اوغون گولشنه
باخماز چمنده سوسنه
ز ینب دئینده وای ننه
ز هر ا ی من ز هر ا ی من

آی حیدر ین همسنگری
مظلوم علینین یاوری
دور بیر دانیشدیر حیدری
ز هر ا ی من زهرای من

آی باغری قا نیلن دولان
لا له مثالی تئز سولان
نعشی.گئجیله دفن.اولان
زهرای من زهرای من

گلمز بیا نه غملر ین
چوخ غملره اولدون.قرین
رخسارده سیلی یئر ین
اوز همسریندن گیزلدن
زهرای من زهای من

____ کانال ندای عاشورا
التماس دعا

نوحه ی حضرت زهرا(س)

___ کانال ندای عاشورا

آی قامتین غملر بوکن
رخساره گوزدن قان توکن
یاتما یا را لی قبر د ه
زهرای من زهرای من

آی باغبا ن آی باغبا ن
سولدی سارالدی گولستان
بولبولر اولدی باقری قان
زهرای من زهرای من

چیخماز عم اوغون گولشنه
باخماز چمنده سوسنه
ز ینب دئینده وای ننه
ز هر ا ی من ز هر ا ی من

آی حیدر ین همسنگری
مظلوم علینین یاوری
دور بیر دانیشدیر حیدری
ز هر ا ی من زهرای من

آی باغری قا نیلن دولان
لا له مثالی تئز سولان
نعشی.گئجیله دفن.اولان
زهرای من زهرای من

گلمز بیا نه غملر ین
چوخ غملره اولدون.قرین
رخسارده سیلی یئر ین
اوز همسریندن گیزلدن
زهرای من زهای من

  • یکشنبه
  • 6
  • تیر
  • 1400
  • ساعت
  • 12:15
  • نوشته شده توسط
  • یوسف اکبری
ادامه مطلب
حاج نادر بابایی

میلاد حضرت زهرا(س) -(ای ختم رسل حضرت طاها گوزون آیدین) *حاج نادر بابایی

380

میلاد حضرت زهرا(س) -(ای ختم رسل حضرت طاها گوزون آیدین) ای خَتم رُسل حضرت طاها گوزون آیدین
مولا گوزون آیدین
دنیایه گلوب فاطمه ،آقا گوزون آیدین
مولا گوزون آیدین
ائتدی سنه اعطا--خالق ئوزی زهرا

دنیای قدم قویدی بو گون مامِ امامت
همان باعث خلقت
بیر گون اولاجاقدور بو قزون ناجی اُمّت
فردای قیامت
امّت لَر اَرا فاطمه دور مَظهر رحمت
بانوی شفاعت
گلدی ائووَه حضرت زهرا گوزون آیدین
مولا گوزون آیدین
ائتدی سنه اعطا--خالق ئوزی زهرا

بَذل ایله دی خالق سنه بیر کوثر قرآن
هامی دردلره درمان
عطری ائلیرگور نجه بو عالمی حیران
عالم اونا قربان
امّت اونا وابسته دی ای خسرو خوبان
وی شمس درخشان
باش اَگدی اونا شاخهء طوباگوزون آیدین
مولا گوزون آیدین
ائتدی سنه اعطا--خالق ئوزی زهرا

اَبتَر دِیَن هاردا گورَه زهرای مُطهّر
اولوب معنی کوثر
اولدی آتاسی احمده بو سئوگُلی مادر
بو مولود مُعطّر
سارائیله مریمدن اولوب فاطمه بَرتر
نسوانه دی سرور
روشَندی سَراسَر هامی بَطحاگوزون آیدین
مولا گوزون آیدین
ائتدی سنه اعطا--خالق ئوزی زهرا

مِصداق صفا،مِهر و وفا ،مادر اَطهار
محبوبه ی دادار
روح شَفَقت کان حیا اولدی پدیدار
ای احمد مختار
صف صف دایانوب فوج مَلک تا ائده دیدار
عرش اهلیدی زوار
(نادرده)قوشوب سَس سَسه آقاگوزون آیدین
مولا گوزون آیدین
ائتدر سنه اعطا--خالق ئوزی زهرا

  • دوشنبه
  • 14
  • تیر
  • 1400
  • ساعت
  • 17:05
  • نوشته شده توسط
  • یوسف اکبری
ادامه مطلب
 احمد پوریا

سرود ولادت حضرت زهرا(س) -(آمد عزیزه ی جنان) * احمد پوریا

548

سرود ولادت حضرت زهرا(س) -(آمد عزیزه ی جنان) آمد عزیـــزه ی جنان
علت به خلقت جهان
زمقـــــدم مبـــــارکش
گلشن شده کون و مکان
عالمی شده چراغان - خورشید منور آمد
مادر حسین و زینب - ذوالفقار حیدر آمد
ای - قرار دل بــی قــرار مــــن یا زهرا
همه هستیــم افتخار مــــن یا زهرا
از کودکی ام عـاشق حسین اویم
در هر دو جهان اعتبار مـن یا زهرا

عاشقان شب هجــــران نبی سر آمد
مادر حسین ، همسر علی خوش آمد

درد منـــم دوا تــــویی
شفیعــه ی جزا تــویی
حُبِّ تو به جنت ندهــم
بهشت بــا صفــا تویی
قبله ی دلم یا زهرا - شمع محـــفلم یا زهرا
به درگهِ جود تو من - عبد و سائلم یا زهرا
من - زباده ی جامت خوشم همیشه مستم
مهــر تو به سینه دارم اگر چـــه پَستم
لطفــــی بنما کن مرا غـــلام حسابم
آخه عمـــریه نوکر حسینت هسـتم

عاشقان شب هجــــران نبی سر آمد
مادر حسین ، همسر علی خوش آمد

ترکی

گلوبــدی گوگلـــردن ندا
حضـــرت نبــی ِّ خــــاتمه
مدینه دولــــدی نـــوریلن
بیر گل گوز آچدی عالمه
قدمی مبارک اولســـون - حسنین آناسی گلدی
شادماندی عرشین اهلی - جنتین صفاسی گلدی
جان - میر مومنان حیـدری نگاری گلدی
عشق عالمینون فصل نوبهاری گلدی
اربابیمیـــــزون آناسی گلوب جهانه
زینب و حسینون دارو نداری گلدی

عاشقان شب هجــــران نبی سر آمد
مادر حسین ، همسر علی خوش آمد

زهرایه قربانــــدی آنـام
بودور دُر نـــــایابــیمیز
بالالاریـــنا جــــان فدا
اوغلی بیـــزیم اربابیمیز
در گاهینه نوکرم من - گـــل آدینی ازبرم من
مشگله دوشن زماندا - صدق اوزیله سسلرم من
سن - یا فاطمه ای دریــای سخا و رحمت
ای مدافع حـــقّ و عصمت و ولایت
(پــویا) ایستیـور اهــل جَمعه عیدیانه
اربعین گونی بیر کرب و بلا زیارت

عاشقان شب هجــــران نبی سر آمد
مادر حسین ، همسر علی خوش آمد

  • جمعه
  • 25
  • تیر
  • 1400
  • ساعت
  • 10:06
  • نوشته شده توسط
  • یوسف اکبری
ادامه مطلب

زبانحال امام علی (ع) در مزار حضرت زهرا (س) -(ای تیر بلیّاته نشان سینه سی زهرا) *مرحوم انور اردبیلی

891

زبانحال امام علی (ع) در مزار حضرت زهرا (س) -(ای تیر بلیّاته نشان سینه سی زهرا) ای تیر بلیّاته نشان سینه سی زهرا
وجه الحسنی عصمتون آیینه سی زهرا
قلبیم چتین عالمده اولا درد و محن سیز
بیت الحزنه دوندی علینون ایوی سن سیز

گتمه بو قدر خواب عمیقه منه سس ویر
سینم یورولوب نچّه دقیقه منه سس ویر
گوگلون نجه ایستر او سلیقه منه سس ویر
بیر کلمه دانش حالیمی نیلک خبر آلما
پهلولرون اینجور اوزوی زحمته سالما

گئدون قاپیا ثانی سنی گورسون اوتانسون
فکر ایلمزیدون ورولار اود قاپی یانسون
مسمار کچوب سینوه القانه بویانسون
گلسون باشوون اوستنه فضّه دیسون ایوای
یا محسنوه چالسون اجل دایه سی لایلای

درگاهوه ظلمون اودون حق دشمنی ووردی
طوفان جفا هم گلی هم گلشنی ووردی
باغلاندی یدالله الی قنفذ سنی ووردی
گوردوم سنی من اشگ فشان سینه سی داغلی
سنده منی گوردون باش آچوق قولاری باغلی

هم سرّیمدون ایلمدون سرّوی روشن
قورخدون که بیلم دردوی سندن اوتانام من
تا غسل ایلین وقته سنه کوینگون اوستن
آئینه اسرار توزین غفلتی سیلدوم
پهلولروه دگدی الیم دردوی بیلدوم

  • جمعه
  • 25
  • تیر
  • 1400
  • ساعت
  • 11:37
  • نوشته شده توسط
  • یوسف اکبری
ادامه مطلب
استاد داود طهمورثی

مدح و شهادت حضرت زهرا (س) -(ای دليل خلقت كون و مكان يا فاطمه) *استاد داود طهمورثی

579

مدح و شهادت حضرت زهرا (س) -(ای دليل خلقت كون و مكان يا فاطمه) اي دليل خلقت كون و مكان يا فاطمه
خلقتین بطنیندکی سر نهان یا فاطمه

راز خلقت اولمامشدی بدو خلقتدن پدید
سنله اولدی برملا عالمده ای فرد فرید
اولماسیدون عالم امکان اولاردی ناپدید
سن سبب اولدون یاراندی کهکشان یا فاطمه

جلوه سین کسب ایتدی سندن خلق خلاق ودود
ظاهر اولدی بیر بیره عالمده خلق اولموش وجود
ای وجودی باعث ایجاد هر بود و نبود
حشمتی جاه و جلالی بیکران یا فاطمه

گوهر خلقت سنی خلق ایتدی خلاق احد
خلقتونده ایلدی اعزاز اللهُ صمد
کل مخلوق ایستیر روز جزا سندن مدد
سسلیر انفاس عالم هر زمان یا فاطمه

تا وجودین خلق اولوندی عالمه قویدون قدم
اون بیراولدوزایلدون ظلمات دنیایه علم
هر بیری مخلوق آرا صاحب مقام و محترم
وصفیوه اللرده خامه نا توان یا فاطمه

باطینینده خلق اولوب روز ازل حسن جمیل
هر ایکی دنیا ده فخر ایلر سنه نسل خلیل
رحمتی جوشه گلنده خلق ایدوب رب جلیل
سوره کوثر ایدر شرحین بیان یا فاطمه

هیکل تقوانی عالم سنده ایلر جستجو
سائلي که گوزلری گورموردی اولدون روبرو
اوندادا حفظ حجاب ایتدون سن ای با آبرو
ایلدون رخساریوی اوندان نهان یا فاطمه

ای وجودنازنینی باغ طاهایه صفا
بیر گیجه گوندوز سنی گر گورمسیدی مصطفی
تا گورردی پیشواز ایلردی ای کان حیا
سسلیردی آیرلقدان الامان یا فاطمه

خطبه ایراد ایلینده تاپشوراردی امته
چون گوروردی امتی هرگون دوشوربیر صورته
وار یری سندن قالیدی ناگران بو علته
جان ویرنده خاتم پیغنپران یا فاطمه

واقفیدی مصطفى اود ورسالار درگاهیوه
سینه مجروحیوی یانسا شرار آهیوه
مرتضا دوزمز سنون بیر دم غم جانکاهیوه
سخت اولار غیرتلیه بو امتحان یا فاطمه

مصطفی نین رحلتیندن گچممیشدی چوخ زمان
سوز یرین آلدی قاپون یاندی او دم اولدی اولان
سن حیاتیندن ال اوزدون هم علی هم دوت بالان
بوش یرون گوردوقجا ایلردی فغان یا فاطمه

بولمدی اُمت سنون صد حیف قدر و قیمتین
دم به دم یوز ویردی غم دلده چوخالدی محنتین
دائما چکدون گچنکی روزگارین حسرتین
حیف اولا بیرده قیتمزدی زمان یا فاطمه

گوگلون ایستردی گذشته ممکن اولسا اولسون حال
خاطرینده تازه لنسون خاطرات لامحال
مسجد پیغنبره گلسون اذان ویرسین بلال
صوت و لحنیندن اویانسون هر یاتان یا فاطمه

قلبیوه دولدی غم و اندوه عالم یکسره
لیک او احوالیله سن روحیه ویردین حیدره
قویمادون شیر خدانی ال آپارسون خنجره
یوخسا اولموشدی علینون باغری قان یا فاطمه

قویمادون فاش اولسون حتیٰ کوچه ده سیلی سوزون
گیزلدردین سن علیدن دائماً نیلی یوزون
بیر خدا بولدی بو سری بیر حسن بیرده اوزون
مصطفایه بس نجه ویردین نشان یا فاطمه

مرتضیٰ تا ایستدی غسلون ویروب ایدسین کفن
ماجرا اوندا ولی ذلمنه اولدی علن
لاجرم آچدی سوزی فاش ایلدی اوغلون حسن
قلب حیدردن او غم آلدی توان یا فاطمه

غسل و کفنیندن سورا شخصاً سنه قیلدی نماز
یوز دوتوب درگاه حقه ایلدی راز و نیاز
عرض ایدیب تنگ اولدی یا رب دخت طاهایه حجاز
دویدی دنیادن گیدیر قبره جوان یا فاطمه

ایستدی تابوتیوی ایتسین روان شاه کُبار
ایتدی همراهی او نی بیر عده انگشت شمار
ظاهراً یدی نفر هر تک تکی کامل عیار
باطناً تشیع ایدیردی قدسیان یا فاطمه

آیرلیق پوزدی حسینون ناگهان افکارینی
مرتضا امر ایلدی صبر ایلسین انصارینی
دوزمدون آچدون محبتله او دم قولارینی
چکدون آغوشه سن ای سّدره مکان یا فاطمه

فرصتی گوردی غنیمتدور او دم اوغلون حسن
اوز اوزون آغوشیوه سالدی یانان دلده محن
باغبان گوردی که چوخ قالمور یانا باغ و چمن
اول یانار اوتدان دوتا اوت نه مکان یا فاطمه

لاجرم مولا آیردی ارغوانی گوللری
دل توکوب دوتدی دله بیر آز او شیرین دللری
سینه وه قیتردی قویدی اول کریمه اللری
وردیلر انصار تابوته تکان یا فاطمه

چخدلار باب امامتدن تمامی اشگبار
ظلمت شبده اولوبلار شهریدن بیر آز کنار
قازدلارخاک بقیعده نصف شب گیزلین مزار
دفن ایدوب مولا سنی ناله کنان یا فاطمه

حسرتیله دوردی باخدی قبریوه بیر وای دیدی
بیر دریندن آه چکدی بیرده بیر ایوای دیدی
اوخشادی لحن حجازیله سنه لای لای دیدی
اوخشیانماز مثلینی بیر روضه خوان یا فاطمه.

امتین سالدی آراسندا او کسلر کی نفاق
یول آیردی بو نفاق اولدی بَُیوک بیر اتفاق
ایندی اوغلون مهدی صاحب زمانین باشی ساق
قانیوی بیر گون آلار بو قان آلان یا فاطمه

درگهینده بیر غلام روسیاهم ، (سادیم)
کوی عشقونده سنون افتاده وه ، افتادیم
افتخاریم بوندادور شاگرد (ذهنی زادیم)
درس آلار اوندان هامی نوحه یازان یا فاطمه

  • یکشنبه
  • 3
  • مرداد
  • 1400
  • ساعت
  • 10:55
  • نوشته شده توسط
  • یوسف اکبری
ادامه مطلب
حاج ناصر تبسمی اردبیلی

نوحه احوالات حضرت زهرا(س) -(مزاره تاپشریب زهرانی حیدر باغری قان گلدی) *حاج ناصر تبسمی اردبیلی

617

نوحه احوالات حضرت زهرا(س) -(مزاره تاپشریب زهرانی حیدر باغری قان گلدی) مزاره تاپشریب زهرانی حیدر باغری قان گلدی

یارالی یاری قویدی تپراق آلتدا خسته جان گلدی

گلیب اوز دودمانینده اورکده نار جوّاله

حسین و زینبه خاطر اوجالدا بیلمیور ناله

غم فقدان زهراده دوشردی حالدن حاله

پریشان گوللره باخدیقجا اشک دیدگان گلدی

اورک آلامه پیچیده باخوردی غملی طفلانه

گلوبدی دورد مَلَر آهو آنا هجرینده افغانه

بتولی اوخشیور زینب اولار آغلور یانا یانه

او پوزقون جمعون حالینه فغانه عرشیان گلدی

آچیب غم دفترین مولا اوزیلن باشلیوب نجوا

دیور شرمندیم زهرا تن مجروحدن دردا

یارالی قبره تاپشردیم سنی ای گوهر یکتا

الیم گلمیدی استقبالوه اهل جنان گلدی

دئدیم گت دوقّوز ایل دوشدون منیم عشقیمده آزاره

گوزون قان صورتون نیلی سینون توش اولدی مسماره

اوزون پهلو شکسته داغلی قلبون غصّه دن یاره

اماندا ساخلا تپراق روح حیدر میهمان گلدی

ال آچدی مصطفی آلسون یارالی پیکرون مندن

دئدیم آل بو بالوندی جانه دویدی جور دشمندن

آتام شمشیره اَل نیلوم اجازم اولمادی سندن

چکم ناموسمی اوتدان صدای امتحان گلدی

ائویمده گورمدون خوش گون دچار درد و رنج اولدون

بهار عمرده دولدون گُله افسوس تز سولدون

پر و بالون شکست اولدی گونی گوندن غمه دولدون

ئولومدن ایسته دون چاره هرایه بی امان گلدی

دیردیم زینبین با هم جهاز و جامه سین آللوق

اونی چوخ فخریله بیز بخت اتاقینه یولا ساللوق

دوشنده مشکله ایولر ایوینده قیدینه قاللوق

زمانه قویمادی سندن آلا تاب و توان گلدی

علینی تک قویوب گتدون یتیشدون عین مقصوده

من اولدوم یار مهجوری سن اولدون غمدن آسوده

شهیده دهردن گتدون جوار حیّ معبوده

منه سندن سورا تکلیک بو شهر ایچره گران گلدی

نه دویدون زندگانیدن نه امّتدن وفا گوردون

در و دیوار آرا دوشدون یارا اوستن یارا گوردون

علیدن نا امید اولدون خلایقدن جفا گوردون

هرایه سسلدون فضّه زن خلد آشیان گلدی

سینون مسماره توش اولدی یخیلدون قانوه غلطان

بالون سقط اولدی دین اوسته یازیلدی اولین قربان

آناسیندان قاباق محسن گدیب اوز جدینه مهمان

گلیب پیشوازینه حورا اوخور روح روان گلدی

نجه آرام ائدیم ایندی حسینی زینبی آیا

اوزوم داغلی سینم یاره رواندی گوز یاشیم حمرا

سیه پوشم پریشان مو سنه یاس دوتموشام زهرا

گوزوم یولدا گورم کیملر حزین و نوحه خوان گلدی

مریضم یا علی درد نهان و لا علاجیم وار

سنی زهرا کمک قیل لطفوه چوخ احتیاجیم وار

باشیمدا گُل آدوزدان فاخرم شایسته تاجیم وار

«صفا»یه گور هایاندان بو بلیّه ارمغان گلدی

  • سه شنبه
  • 5
  • مرداد
  • 1400
  • ساعت
  • 11:45
  • نوشته شده توسط
  • یوسف اکبری
ادامه مطلب
 محمدرضا صادقی

آتش زدن درب خانه حضرت علی(ع) -(ختم اولمامیش پیغمبر رحمت عزاسی) * محمدرضا صادقی

364

آتش زدن درب خانه حضرت علی(ع) -(ختم اولمامیش پیغمبر رحمت عزاسی) ختم اولمامیش پیغمبر رحمت عزاسی
باشلاندی زهرانین گینه آه و نواسی

تدفینینه مشغولیدی شاه ولایت
اوچ گون صورا ثانی یغوب نچه جماعت
ایستیردی آلسون مرتضادن بکره بیعت
باشدا واریدی چون خلافت ادعاسی

اود ووردی تا شعله چکوب باب امامت
زهرایه یوز وئردی او گون بیر آیری محنت
درگاهی یاندی سینه سی تاپدی جراحت
قان وئردی قلبیندن باتان مسمار یاراسی

سسلندی زهرا گل بالام سقط اولدی فضه
زاغ و زغن باغ ولایه دولدی فضه
ختم رسالت گلستانی سولدی فضه
سالدی ایاقدان گل منی ثانی جفاسی

دوشدی اوگوندن بستره زهرای اطهر
بو ظلمیدن حالی اولوب زار و مکدر
پیغمبری جنتده بو غم ائتدی مضطر
حشره کیمی بو غصه دن آغلار آناسی

زهرا غمی درده سالوب شیر خدانی
هم زینبی آغلار قویوب هم مجتبانی
آغلاتدی کلثومیله شاه کربلانی
بو اهل بیته غملرون یوخ انتهاسی

دنیا و مافیها بو غمده سینه داغلار
اهل عزا یاسینده باشه قاره باغلار
« شیدا » توکر گوزیاشینی رخساره آغلار
سویماز اودور اگیننده کی قاره لباسی

  • پنج شنبه
  • 7
  • مرداد
  • 1400
  • ساعت
  • 21:17
  • نوشته شده توسط
  • یوسف اکبری
ادامه مطلب
 موسی جوانی تبریزی

دفن حضرت زهرا(س) -(عصر وقتیدی غروبه یتدی خورشید حیا) * موسی جوانی تبریزی

332

دفن حضرت زهرا(س) -(عصر وقتیدی غروبه یتدی خورشید حیا) عصروقتیدی غروبه یتدی خورشیدحیا
نالیه ی یافاطمه عـرشه اوجالدی برملا
آگه ایتدی بومصیبتدن علی اصحابینی
دفن زهرایه چاغوردی اونلاری شمس هدا
نقل ائدوبلرقالدی بیرحاله ملال و غصدن
دیزلـــرین آغــوشینه آلمشدی میـــراولیا
غسلنی وئردی علی المرتضا ایتدی کفن
قویدولارتابوته چخدی گوگلره آه و نوا
نیمه شب ترک ایلدی زهراسرای عشقینی
سمت قبرستانه یوزدودردی پهلوده یارا
خسته جیسمی قویدولارقبرین کنارینده یره
عالم بالاده اولدی عرشیان نوحه سرا
پیکرمجروح زهـــرا تخته ی تابوتیده
دیده ی حسرتله ایلردی نظاره مرتضا
بوذروسلمانیدومقداده اوغملی حالیده
بیله فرمایش ایدوبدورحجت حق گوئیا
بوچتین وقتده آچون بیرقدری مندن فاصله
واردی سیزدن خواهشیم ای یاوران باوفا
گوگاوم ایستوربیرمحبت بزمینی بولحظده
قبرزهـــرانون کنارینده ایدم یاران به پا
من بوخاتون وفانون حشره جک مدیونیم
هـرنقدری آغلــیام اولماز یقـــین حقی ادا
دوقوزایلده گورمدی خوشگون ائویمده فاطمه
هرملال و محنته صبرایلیوب خیرالنسا
سالمادی دیلدن بتولی محنت ضیق معاش
دوزدی اندوه و ملاله نورچشم مصطفا
یاندیربلاردرگهین اوچ یوزنفراهل عناد
آیری بیرحاله سالوب زهرانی قوم بی حیا
امرمولایه اطاعت ایلیوب اصحـــابلر
گورمدی بیرکس حریمینده شهنشاه ولا
قالدی بیرمولا علی بیرده بتولین پیکری
شمع تک یاندی اوماواده عزیز کبریا
آلدی آغوشه وفالی همسرین مظلوم علی
نالسیندن لرزیه یکسر گلوب ارض وسما
غملی رخساره آخاردی قطره قطره گوزیاشی
سسلیردی آچ گوزون ای بضعه خیرالورا
سن نه تزدویدون علیدن آز زماندا فاطمه
سنسیزعالم واریری اولسون منه لیل دجا
فاطمه سنسیزحیاته یوخدی اصلا رغبتیم
اولماسان قالماز گلستاندا سروریله صفا
کاش اجل درک ایلیه ایمدی کنارونده منی
طائرروحوم اولا بوغملی محبسدن رها
الغرض سوزوگدازین ایلدی مولا تمام
ایستدی زهرانی قبره تاپشورااول مقتدا
بومصیبتده گرگ ناله اوجالسین گوگلره
اشگ دیده قانه دونسون تترسین عرش خدا
جنت العلانی ترک ایتدی رسول ممتحن
حاضراولدی دفن زهراده اوفخــرانبیا
قبردن اولدی هویدا مصطفانون اللری
سسلنوب وئر در نایابی علی بسدوربکا
اولمیوب بوگوهره اهل عداوت مشتری
سیندیربلارجوریله یثربده بیرعده دغا
یاعلی زهـــرا سپهـــرخلقته برهــانیدی
قرب وقدرین بولمیوبلردهریده افسوس اولا
آلدی گـویا قبـــریدن پیغمبـرین شیون سسین
واریری عرض ایلیدی جانشین مصطفا
یارسول الله قیزون زهرا گلور دیداروه
واردی پهلوسیده زخم میخ در واحسرتا
عفوایله دنیا بویی سندن علی شرمنده دی
اولمادی یاخشی امانتدارون ای کان سخا
خالصانه محفل غمده (جوانی) نوحه یاز
اجروی محشرده لطف ایلریقین صاحب عزا

  • یکشنبه
  • 10
  • مرداد
  • 1400
  • ساعت
  • 22:28
  • نوشته شده توسط
  • یوسف اکبری
ادامه مطلب
 حسین خدایی زنجانی

در مدح حضرت زهرا(س) -(خلق اولوب دنیا فقط زهرای اطهر عشقینه) * حسین خدایی زنجانی

388

در مدح حضرت زهرا(س) -(خلق اولوب دنیا فقط زهرای اطهر عشقینه) خلق اولوب دنیا فقط زهرای اطهر عشقینه
جان تاپوب ارض و سما دخت پیمبر عشقینه

دوزری که مام تمام شیعیاندور مرتضی
یا اوزولدی کعبه نون دیواری حیدر عشقینه

پنج تن بش نوریدور که بش جهتدن گون ساچار
گون طلوع ائتمز گهی بو پنج سرور عشقینه

فاطمه نور خدادی یوخدی شک یوخدی گمان
فخر نسواندی، که وئرمیش جانی دلبر عشقینه

فاطمه کنز حیا و حجب و شرفدی عاشقان
بسلیوبدی دورت بالا الله و اکبر عشقینه

فاطمه استاد زینبدی ئوزلمز بو سخن
بش یاشیندان قاره سالدی باشه،مادر عشقینه

فاطمه آیینه ی عدل و عدالتدور بشر
جانینی قربان وئروبدی دین صفدر عشقینه

فاطمه اون سگیز ایل عمر ائتدی اما گل کیمی
ایستدی ئوز یارینه اولسون که پرپر عشقینه

  • دوشنبه
  • 11
  • مرداد
  • 1400
  • ساعت
  • 16:32
  • نوشته شده توسط
  • یوسف اکبری
ادامه مطلب
 حسین خدایی زنجانی

حضرت زهرا(س) -(آنام دوشوبدی توپراقا جفای ثانیدن بابا) * حسین خدایی زنجانی

697
0

حضرت زهرا(س) -(آنام دوشوبدی توپراقا جفای ثانیدن بابا) آنام دوشوبدی توپراقا جفای ثانیدن بابا
دئیوبدی تازیانه چوخ دشوبدی جانیدن بابا

ئوزوم گوردوم که یامان احواله قالاندا
ئوزوم گوردوم سینسینه مسمار باتاندا
ئوزوم گوردوم سسلدی فیضه دادیمه گل
اولوبدی سقط محسنی قاپی باغلاناندا

یارالی ننه م وای یارالی ننه م وای

دئینده سیلی صورته یوزی دولاندی اول زمان
الی سینیدی قاتلین گوزونه فوری دولدی قان

دئدیم زینبی گوزوندن آتما ننه جان
ستاره لر مثلی ایندی باتما ننه جان
سن اولماسان شانه کیم بو زلفه وراجاخ؟
قادان آلیم زینبی آغلاتما ننه جان

یارالی ننه م وای یارالی ننه م وای

گل آیریلاندا غنچه دن یانوبدی بلبل آغلادی
قوجالدی باغبان اوگون ایاقلانان گل آغلادی

نباید گلزاریده گل، غنچه م صولیدی
نباید دشمن جفانین اوسته دوریدی
ورانمازدی ثانی زهرایه سیلی والله
ابوالفضلیم گر اوگون دنیاده اولیدی

یارالی ننه م وای وفالی ننه م وای

انا ئوله ائو اهلینون یوزی دا گولمز آی ننه
قرا باشیمدا اوخشیوب گجه لر آغلارام سنه

سنی ظلمیله دویوبدی چوخ اهل کینه
نظر قیل منزلده بیر آنا شور و شینه
اجل گلمیش آیریدا زینبدن آناسین
دم آخر باخ دویونجا مظلوم حسینه

یارالی ننه م وای وفالی ننه م وای

  • جمعه
  • 15
  • مرداد
  • 1400
  • ساعت
  • 19:45
  • نوشته شده توسط
  • یوسف اکبری
ادامه مطلب
 حسین خدایی زنجانی

حضرت زهرا (س) -(ای محبان عدالت سسله یا زهرا مدد) * حسین خدایی زنجانی

425

حضرت زهرا (س) -(ای محبان عدالت سسله یا زهرا مدد) ای محبان عدالت سسله یازهرا مدد
عاشقان آل عترت سسله یازهرا مدد
ای هوادار ولایت سسله یازهرا مدد
کیمده وار عشق و شجاعت سسله یا زهرا مدد
کیمده یوخ کبر و منیت سسله یا زهرا مدد

ای که عشقی کل دنیاده پیرایه اولان
ای که شانینده نزول قرانیده آیه اولان
خدمتینده ای او کس که مین ملک دایه اولان
ای که پیغمبر ائوینه عشق و سرمایه اولان
عشقیوه یوخ ذره قیمت سسله یا زهرا مدد

ای که دنیایه گلن گوندن اولوب دیوان عشق
اللهین نزدینده اولموش برترین جانان عشق
حیدرین کاشانه سینده ای اولان مهمان عشق
عشق تعریف ایلدی اولدی خانوم قربان عشق
یوخ دئدی بو عشقه منت سسله یا زهرا مدد

  • جمعه
  • 15
  • مرداد
  • 1400
  • ساعت
  • 21:00
  • نوشته شده توسط
  • یوسف اکبری
ادامه مطلب
 حسین خدایی زنجانی

نوحه حضرت زهرا (س) -(آتش ظلمه قاپون یاندی سنون فاطمه جان) * حسین خدایی زنجانی

490

نوحه حضرت زهرا (س) -(آتش ظلمه قاپون یاندی سنون فاطمه جان) آتش ظلمه قاپون یاندی سنون فاطمه جان
کوچه ده یرده قالوب گل بدنون فاطمه جان
یارالی جان یارالی(2)

ای علینون دایاقی سن نیه دیلدن دوشدون
فاطمه سن ارالی بس عجب اءلدن دوشدون
نه آغیر ضربه دیبدی یره بیردن دوشدون
یتیشیدی منه کاش درد و غمون فاطمه جان

حسنین سینه ورور زینب و کلثوم ملشور
آغلیوب ناله اءدوب ساچلارینا توز بلشور
در و دیواری گوروب دردیلری تازه لشور
یخیلان وقتیده گوردی حسنون فاطمه جان

گهی زینب سنی اوخشور چاغیرور نازلی ننه
آی رسولین گوزلی سن داخی ناز اتمه منه
گوزون آلتی گوروب وردیلار چوخ سیلی سنه؟
حشره جان گتمیجک سیلی یرون فاطمه جان

فضه نی سن چاغیران لحظه من اوردیدیم آنا
وار یری بو سوزیله عاشقیوین قلبی یانا
نه گلوب محسنیله کوچه دوشدوز بیریانا
قویمادیلار گل اولا غنچه لرون فاطمه جان

بی حیا ثانی اذیت اءلیوبدی سنی چوخ
اتامین باغلیدی قولاری ننه چاره سی یوخ
ایله بیل سینوه زهرا دیوب اوچ شعبه لی اوخ
قانلیدی ، پاره اولوب پیرهنون فاطمه جان

هیچ کسین ظلمی اءدن ظلمیزه هیچ چاتماز عدو
کیشه یاره وران عالمی اغلاتماز عدو
رسمیدی مرد قاباقیندا عورتین ورماز عدو
باغلادیم من گجه وقتی کفنون فاطمه جان

  • جمعه
  • 15
  • مرداد
  • 1400
  • ساعت
  • 21:06
  • نوشته شده توسط
  • یوسف اکبری
ادامه مطلب

حضرت زهرا (س) -(گلمیشم درگهیوه دیلده نوا یازهرا) * علی تیموری

413

حضرت زهرا (س) -(گلمیشم درگهیوه دیلده نوا یازهرا) گلمیشم درگهووه دیلده نوا یازهرا
حاجتیم واردی منیم ایله روا یازهرا

نا امید اولماز امیدیله گلن درگهووزه
آستانوزدی یقین باب رجا یازهرا

شانه باخ سوره ی کوثر آدوا نازل اولوب
کی یقین ذات مقّدسدن عطا یازهرا

آند اولا عصمتووه گئتمرم آیری قاپیا
گلمیشم منده کرملی قاپووا یازهرا

بزم یاسون مَثَل روضه ی جنّتدی بیزه
محفلوزدن یئتشر روحه صفا یازهرا

چکدیگون محنتووی هرگجه یاده سالارام
آغلارام محنتووه صبح ومسا یازهرا

آندا وئرم سنی غربتده اولن زینبووه
دوت الیمدن منیم ای گنج حیا یازهرا

دوتمیشام دامنووی صدقیله مین حاجتیلن
لطف ائله نوکرووی ایله دعا یازهرا

امّت ختم رُسُل دوردی عناد اوسته ندن
اوت ویرا درگهووه اهل جفا یازهرا

حیدرین اللرینی اهل شرر باغلادیلار
چکدیلر مسجده بی جرم خطا یازهرا

یاندیروب آتش کبریله امامت قاپوسین
ائتمیوب ثانی خصومتدن اِبا یازهرا

لعنت اولسون قاپووی یاندیران اهل ستمه
چیخدی افسوس اولا بی مهر ووفا یازهرا

نه گناه اوسته جفا ایلدیلر محسنووه
ویردلار قلبووه ظلمیله یارا یازهرا

باغلیا بیلمدیلر گر چی ولایت قاپوسین
ائتدیلر حیدرووی غرق عزا یازهرا

مفخر آل عبانین اورگین داغلادیلار
چکدیلر جنّت الاعلایه قرا یازهرا

غسلووی وئردی علی دفن ائلدی یاری گجه
آغلادی غملرووه شیر خدا یازهرا

قول قابیرقاسی سینان فاطمه م الدن گئتدی
اولمادی دردووه عالمده دوا یازهر

سنی قبره نجه تاپشیرسین علی فاطمه جان
ای اولان بارگهی دار شفا یازهرا

حیدرین همنفس وهمدمی الدن گئتدی
فرقتوندن یاناجاق شاه و گدا یازهرا

قاپوون نوکرینون نوکریدور تیموری
قویما شرمنده اولا روز جزا یا زهرا

  • جمعه
  • 15
  • مرداد
  • 1400
  • ساعت
  • 21:24
  • نوشته شده توسط
  • یوسف اکبری
ادامه مطلب
 حسین خدایی زنجانی

شهادت حضرت زهرا (س) -(گون یاندی یاندیریبدی دریانی یا محمد) * حسین خدایی زنجانی

427

شهادت حضرت زهرا (س) -(گون یاندی یاندیریبدی دریانی یا محمد) گون یاندی یاندیریبدی دریانی یا محمد
پرپر ائدوبدی مسمار زهرانی یا محمد

آی باتدی صبح آچیلدی دشمن جفایه چاتدی
یول کسدی بی حیالر ایش تنگنایه چاتدی
ال قوزادی او ملعون فضه هرایه چاتدی
آغلاتدی بو جنایت سارانی یامحمد

ظالم که ظلم ایدنده گویا حسن واریمش
سیلی وراندا ثانی اوغلی یانوب باخیرمش
قاپی یاناندا حیدر اول قاپی تک یانیرمیش
یاغدیرمادی خداوند بارانی یامحمد

غیرتدن ال اوزنلر دعویه بیعت ائتدی
دیواره قان یاخیلدی سوزلر حکایت ائتدی
قاپی دالیندا محسن مادرله خلوت ائتدی
چوخ درد و دل ائدوبلر پنهانی یامحمد

بیر کیمسیه تسلی دوشسه ملاله نینیر
باغی که اود دوتوبدی گلزار و لاله نینیر
باغ فدک سیزونکی زهرا قباله نینیر
زهرانی اینجیدوبدی اول ثانی یا محمد

  • شنبه
  • 16
  • مرداد
  • 1400
  • ساعت
  • 12:51
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد