اشعار ترکی حضرت فاطمه زهرا(س)

یارانمییدی اگر نورِ حضرتِ زَهرا
نه آی اولوردی نه گون، نه بو پرتو دنیا

کیمون جهاندا یتر شأنی شأنِ زَهرایه
بونون تَفَوُّقی وار هاجریله سارایه

غلام دور بونا عیسی، کنیز دور مریم
حبیبه دور بو خانم ذّاتِ حَیَّ یکتایه

او گون که خالقِ عالم یاراتدی افلاکی
چکیلدی پردهء ظلمت سپهرِ مینایه

ملک لر ایلدیلر استغاثه معبوده
یتوبله نورِ بتولی له فیضِ عُظمایه

خدای خلق همان دمده نورِ زَهرانی
ایدوبدی عرشی نه قَندیل وار پیرایه

منوّر ایلدی افلاکی فاطمه نوری
دیولدی اسمی نه زَهرا همین بو معنایه

بشر غلطدی دیماق، نورِ مَحض دور بو خانم
گلوب بشر کیمی ظاهرده دارِ دنیایه

آناسینا آنا بطنینده اولدی هم صحبت
او دور مُحَدِّثه صدق اوُلدی بو دل آرایه

تولّدون دَه زنانِ قریش گَلمَدیلر
خدیجه نین اوجالوب آهی عرشِ اَعلایه

یر اوسته ایتدی خواتین دار خُلدِ نزول
اولوب لا قابله نورِ بتولِ عُذرایه

بهشت حلّه سینه ایلیوبله پیچیده
دوشه مباد او جسمِ لطیف اِیذایه

ایله لطیفیدی جسمی خیاطه دوشسیدی
سالوردی خطّ او گُلدن لطیف اعضایه

اَیا اِمامِ زَمان داد ظلمِ ثانی دَن
شهیده یولّادی زَهرانی دارِ عُقبایه

قاپی دالیندا قویوب یاندوراندا درگهینی
اوجاتدی ناله آنان فاطمه ثُریّایه

بویوردی فضّیه گل ظلمیله بالام ئولدی
دایانما تیز خبر ایله علیَّ اَعلایه

چخوب علی یخولوب گوردی حضرتِ زَهرا
گیدوب تحمّل و صبر و قراری یغمایه

عباسینی گوتوروب سالدی فاطمه اوُسته
گوگل بو یِرده دوشوب بیر ملالِ عُظمایه

دوریدی کاش علی قبریدن اَلینده عبا
گلیدی کرب و بلا دشتی نه تماشایه

سالیدی اوردا قیزی زینبین عبا باشینا
جمالِ عصمتی مستور اولیدی اَعدایه

آناندی چونکه (حسینی) شفیعهء محشر
غم ایتمه گیتسن اگر دست خالی عُقبایه

• سه شنبه
• 30
• شهریور
• 1400
• ساعت
• 20:42
• نوشته شده توسط
• یوسف اکبری

حیرتدیم بیان ایلیم غم مطالبین
شرح ایلیوم نه طرزیله زهرا مصائبین

تاب ایلیوب جهاندا او قدری مصیبه
قورتا میان بلاسی سالور فکری حیرته

فکر ایلدوگجه عقل دوشور پیچ و خم یولا
عقلیم چتین مصائبنه بس محیط اولا

امر محاله ایلمرم وقتمی هدر
شرح ایلورم مصیبتنی بیلدیگیم قدر

اّول گرک عریضه ویرم شأن و شوکتین
امّ الائمه عصمت کبری جلالین

چوخدور نجه مصائب و اندوه محنتی
او ندا ندا چوخ علاوه دی اجلال و عز ّتی

مرضیه و عفیفه و عین نجیبه دی
شمسی حیا و ذات خدایه حبیبه دی

کنز حقیقتون گهر پر بها سیدور
پیغمبرون امیدی حسینون آنا سیدور

مغلوب ایدور جلالی زبان محرّفی
الله اوزی اولوبدی بتولون معرفی

وار مدرکیم قویدی کلام خدایه باخ
گرایسته سن جلالین حدیث کسایه باخ

زهرا نجه خانمدی بلور کردگار اوزی
بو وصفلن جهاندا ولی گولمدی یوزی

گوز یاشینی جگر قانما قاتدی روزگار
گولدیرمه دی آز عمریده آغلاتدی روزگار

پیغمبر خدا ایله که رحلت ایلدی
زهرانون آرتدی دردوغمی شدت ایلدی

باب امیدی دست جفا چکدی باغلادی
دولت سراسین ایتدی عزا خانه آغلادی

فرش سکوتی بزم عزاده سالانمدی
حقندن او تری هریره گتدی آلانمدی

هر قدر ظلم ایدوبله دیمه قانع اولدیلار
دوتسون عزا ایوینده گلوب مانع اولدیلار

قویمادیلار انسیه حوراده اختیار
بزم عزانی دایر ایدوب شهردن کنار

شعله چکوبدی مجمر غم سینه داغلادی
قویمادیلار ایوینده گیدوب چولده آغلادی

هر گون خانم گیدردی ایکی نورعینلن
مسموم اولان حسنلن عزیزی حسینلن

بر نخل سایه سین ایلیردی پناهگاه
جاری ایدوب سرشکنی دلدن چکردی آه

ظلمی یتشدی بیریره قوم منافقین
پیغمبری ایدوبله مزارینده دلغمین

ظلم ایتدوگجه ظلم ایلسونلر تلسدیلر
بر گون گلوب او خرما آغاجندا کسدیلر

جام ستم یتشدی ستملن لبالبه
بسدور سوزون مقدمه سی آغلا مطلبه

کام بتوله گرچه بو دوران دولانمادی
ثانی نقدری ظلم ایلیوبدور اوتانمادی

شدت ویروبدی فاطمه نون سوز آهنه
اود وردی تا که درگه عالم پناهنه

ظلمون اودی ایدوب غلبه باب اقدسه
یاندی قاپی آچلدی گلوب فاطمه سسه

مسمار باتدی سینه سینی ایتدی زخمدار
سندی قابور قاسی یخلوب گتدی اختیار

صدمه یتوب وجودینه سقط اولدی محسنی
گل غنچه سنده آچمادی تز سولدی محسنی

ضعف حالتنده مهر وجودین نفسلدی
ناچار اولو بدی فضه نی امداده سسلدی

زهرا چاقوردی فضه نی امداده یوخ سوزوم
بر نکته وار خیاله دوشور آغلیور گوزوم

تاب ایلمز بو محنته کیم اولسا معنوی
اولدی قزی بلاگونی زهرایه پیروی

اشک تریله ریشة اندوهی بسلدی
کرب بلاده فضه نی زینبده سسلدی

هانسی زماندا یوم بلاگون باتان زمان
مقصودینه او شمر ستمگر چانان زمان

سعد اوغلی ایستیوردی یانان قلب لر یانا
امرایتمشیدی نعش شهیدان ایاقلانا

زینب گلوب گلونی گلستاندا گورمسون
لیلا گزنده اوغلنی میداندا گورمسون

مشکل اولوب بو محنتی امّ المصائبه
احضار ایدو بدی فضّه نی زهرایه نائبه

دردین دیوب کنیزینه ایتدی مشاوره
سرعتله گیت آماندی گمانون گلن یره

آزقالدی غم بو زینبی سالسون ثباتیدن
زهرا قزینا ایسته کومک جنگلاتیدن

تاب ایلمرم بو ظلمه جفا اهلی ال تاپا
اوراق اولان جنازه لرون لر اوسته آت چاپا

غم گلشنی بو چولده آچا آیری منظره
صدمه یته چمنده پراکنده گللره

علیاجنابی فضه گوروبدور فغانیده
بر شیر واردی عرض ایلدی نیستانیده

ای فاطمه عزیزه سی بانوی محترم
ویرسون اجازه من اونی امداده سسلرم

ایتدوم سوزی خلاصه گله مطلبیم اله
آلدی اجازه سرعتلن قاچدی جنگله

نحالیله قاچوردی مجسّم ایله حالین
اللر باشندا قلبی اسردی ایاق یالین

سرعتله تایتشدی نیستانه سسلدی
بو دللریله شیری یانا یا نه سسلدی

مشکل گشا قزینی سالوب شمر مشکله
ا ّمیدینون سفینه سی مغروقیدور گله

بیکس قالوب کومک لیکه اول بی پناهه گل
ترک ایلیوب مقاموی دور قتلگاهه گل

فضه سوزین ایشتجک او حیوان بی نظیر
شیر خدا قزینا حمایت ایدو بدی شیر

گلدی منایه قاچدی صاقا گه قاچوب چپه
گوداله یتدی باشینه تپراق سپه سپه

در ولایتون دیمه قدرینی بیلمدی
باشسیزقالان جنازه نی مقتلده ایگلدی

هر ایلدوکجه نعره چکوب اوپدی یاره سین
گچدوم سوزی ولی سوزیمون آل اشاره سین

واردوریری حسین آناسی فخر بانوان
شیری ایدوب مخاطب ایده بو سوزی بیان

ایله کومک حسینه حسین وای دیه دیه
آهسته اوپ یارالارینی قویما اینجیه

اوراق ایدوبدی پیکرینی تیغ جانستان
شمر اینجیدوبدی سینه سی اوسته چخان زمان

سایسیز یارا دگوبدی بو جسم مقدسه
زحمت ویروبدی قاتلی باشین کسه کسه

(انور) مصیبته بوقدرآچما منظره
یازدوقجاسوز سوزی چکه جک آتشین یره

• شنبه
• 3
• مهر
• 1400
• ساعت
• 20:03
• نوشته شده توسط
• یوسف اکبری

گوروب آز عمریله چوخ ابتلا و درد و بلا
پیمبرین قیزی ام الائمة النجبا

او گونکه گیتدی الیندن آتاسی زهرانون
اوجالدی گوگلره آه و نواسی زهرانون

بلالی باشینه سالدی قرا او کنز بلا
بلایه سالدی جهانی بلاسی زهرانون

یازوب قضا قلمی بیر خبر شهادتینه
اولوب آتا اولومی مبتداسی زهرانون

الینده بیعتی عنوان ایدوب گلوب ثانی
دیدی گرک گیده الدن اساسی زهرانون

دیدی بتوله عم اوغلون دی بیعته گلسون
حزین سسیله اوجالدی صلاسی زهرانون

بویوردی ال گوتور اینجیتمه بیز عزاداروق
هنوز تازه ئولوب مقتداسی زهرانون

جواب ویردی اگر آچماسان من اود وورام
بو سوزدن آتدی فغان و بکاسی زهرانون

بویوردی بولموسن آیا بو مطلبی ظالم
رضای حقّیدی مطلق رضاسی زهرانون

اوتانمیوب او دنی سسلدی اودون گتورون
گرک بو گون یانا دولتسراسی زهرانون

وورولدی اود ملک اذن ایستین قاپی یاندی
ایشیتدی فضّه گلور بو صداسی زهرانون

دایانما فضه خبر ویر عم اوغلوما گلسون
شهید اولوب ستمیله بالاسی زهرانون

نه ظلم اولوب دیمرم بو قدر وار عرض ایدرم
ئولونجه سینه ده قالدی یاراسی زهرانون

همان او صدمه اولوب علت وفات بطول
دگول بیانه گلن ماجراسی زهرانون

جوانلیقیندا قدین بار درد و غم بوکدی
آقاردی باشداکی زلف قراسی زهرانون

اَریتدی جسمینی تشریح محض ایلدی غم
پوزولدی نقشه سی قالدی نماسی زهرانون

حیات عاریه دن ایله تنگه گلمیشدی
فقط بیر ئولماقیدی مدّعاسی زهرانون

دیردی سجده ده ریحانه ی رسول خدا
وفاتینی یاخون ایت ای خداسی زهرانون

دیوب دعاسینه سکّان نُه فلک آمین
که استجابته یتدی دعاسی زهرانون

یاخونلاشوب اجلی اولدی بستری ناخوش
گلوبدی بیر گون ایوه دلرباسی زهرانون

گوروب بتول یاتوب رو به قبله افسرده
کسوب علاقه بدندن قواسی زهرانون

دیدی گوز آچ اولوم آغلار گوزیوه من قربان
گوروب که گلمدی اصلاً نداسی زهرانون

دیدی دوباره دور ای یادگار پیغمبر
گوروب که دینمه ماقا وار بناسی زهرانون

اورکلنوب دیدی آخِر عم اوغلوام زهرا
بو سوزده جوشه گلوبدور وفاسی زهرانون

آچوب گوزین دید گل باشیم اوسته بیر اگلش
عم اوغلی یا علی وار التجاسی زهرانون

یاخونلاشوب حسنینیم یتیم اولا ئولورم
واریمدی نچّه سوز ای مه لقاسی زهرانون

ازل بودور گجه ویر غسلیمی گجه کفن ایت
بودور اورکده کی درده دواسی زهرانون

قاپومی یاندیران اشخاصی قویما گلسونلر
اولاردی علّت رنج و عناسی زهرانون

ایکیمجی عورت اگر آلسان آل امامه نی سن
اودور محبّی بو غم آشناسی زهرانون

او گلسه زینبیمه غم گونی مصاحب اولور
تاپار تسلّی بلا مبلاسی زهرانون

سینیقدی زینبیمون قلبی، سن نوازش ایله
بو سوزده وار سنه چوخ التماسی زهرانون

حسن گر آغلاسا سیل گوزیاشین تسلی ویر
ملول قویما اولا مجتباسی زهرانون

خصوص اوغلوم حسین جدّینون امانتی دور
اودور گوزینده عم اوغلی ضیاسی زهرانون

حسینیم آغلاسا چوخ روحیمه اذیت اولور
چخار سپهره فغان و بکاسی زهرانون

ایشیتمیشم بو حسینین سوسوز کسلّه باشین
فزون اولور غم بی منتهاسیزهرانون

اوغول اوغول دیرم نعشی اوستونه گیدرم
گلولّه شیونه آل عباسی زهرانون

حسین قانین آغارام زلفیمه خضاب ایدرم
جهانه شور سالور قان حناسیزهرانون

بتول رحلت ایدوب آی دولاندی ایل گیچدی
ظهوره گلدی بو لفظ خفاسیزهرانون

کسیلدی باشی حسینون سویولدی گل جسمی
آلوب قرارینی شمرین جفاسیزهرانون

گلوب حسین یاننا ساربان بی ایمان
سولوبدی گوردی گل با صفاسی زهرانون

او ظالم ایلدی بیر ظلم تیتردی یرلر
عمامه سین یره ووردی آتاسیزهرانون

روایت ایلوری جمّال قتلگهدِیدیم
گلور نه گوردوم اوغول وای صداسیزهرانون

گلوب دوشندی حسینین جنازه سی اوسته
اوجالدی ناله ی وا مُحجتاسی زهرانون

گورنده اللرینی ووردی باشه غشّ ایلدی
پوزوب پیمبری بو مایُراسیزهرانون

گتوردی حضرت زهرانی هوشه پیغمبر
آخوب عذاره دُرِ پربهاسیزهرانون

دیدی شل اولسون الی کیم کسوب اوغول الیوی
فَداکَ اُمُّکَ اولدی اداسیزهرانون

محاسنین بویادی عقل کلّ قانیله
رسول اکرمه وار اقتداسی زهرانون

اوغول قانین گوتوروب یاخدی زلفینه یوزینه
عقیقه دوندی رخ کهرباسی زهرانون

ایدوب «حسینیه» چوخ جور و ظلم بیر بی دین
آل انتقامین اوزون ای خداسی زهرانون

• یکشنبه
• 4
• مهر
• 1400
• ساعت
• 14:12
• نوشته شده توسط
• یوسف اکبری

بلورم نقدری زمانه دن اورگونده وار گله فاطمه
بو سکوتین اودلوری قلبیمی نیه گموسن دله فاطمه

دانیشوب او درج دهانیدن در پر بهانی نثار ایله
سوز آچوب او غنچه ی لعلوی گنه جلوه سینده بهار ایله
رشحات جام کلامدن بو اسیر هجری خمار ایله
که حیات نشئه سی کامیمه او کلامدن گله فاطمه

سن اگرچه خوشدل و گرمسن جذبات قرب الاهیله
باشون اوسته شمع عزا کیمی یانورام بو شعله آهیله
نولی بیرده گوز آچاسان منه باخاسان او گرم نگاهیله

بو فراش و بستر مرگده ابدی سکوتیله یاتموسان
منیده عجبدی که گوزدن ای هامی عالمین گوزی آتموسان
یانورام اورگدن اگرچه سن گوگل آرزوسینه چاتموسان
منیله سنون آرا بو اجل داخی سالدی فاصله فاطمه

شرر مصیبت فرقتون سالوب اود بو خرمن جانیمه
نجه اود که شعله سرکشی یتشوبدی روح و روانیمه
پوزولوبدی گلشن آرزو نظر ایله بیرجه خزانیمه
یتشوبدی آفت بو خزان داخی بلبل و گله فاطمه

بو جهاندا دوقّوز ایل اولموسان چمن ولایته باغبان
دایانوب مصائبه بسلدون گل یاس و مریم و ارغوان
گل سرخ فامیله الغرض بزنوبدی صحنه گلستان
ولی نخل کام دل اولمادی یته بیرجه حاصله فاطمه

سیخیلاندا سینه فشاردن منه یوز ویرنده غم نهان
یتوشردی محضر وصلده بو مشام جانیمه عطر جان
منی مین دلیله دانیشدیروب بو گوگل ملالین آلان زمان
دیه سن که شاهد عاطفه اوتوروبدی محمله فاطمه

دوشوب اود ضمیر وجودیمه شرر فراقدن آغلارام
تَف آه سردیله دم به دم دل ماسواللهی داغلارام
هامی حسرتیله بو صون نفس سنیله بو عهدیمی باغلارام
که گذاریم اولمیه گلشنه داخی باخمیام گله فاطمه

باشون اوسته ای مه دلستان دایانوبدی سوزیله آفتاب
بو سکوت محضیله سالموسان بو سپهر سینمه انقلاب
توکوری ستاره کیمی یوزه بو غروبده گوزوم اشک ناب
که هلال یک شبه اولمادی یته برج کامله فاطمه

نفحات رایحه جنان نفسونده واردی سنون عیان
جذبات جلوه ی کهکشان باخیشیندا واردی کران کران
بو جهاندا جمله فضائلی سنه خلق ایدوبدی خدای جان
هانی عنصری که ایده بو گون سنیله مقابله فاطمه

سنیلن مزّین ایدوب خدا صفحات مصحف خلقتی
ایلیوب ملازم درگهون هامی شان و عزّیله شوکتی
ولی درک اولمادی سن کیمی گُهرین بو دهریده قیمتی
اودی کشف اولمادی عزّتون بو نفوس جاهله فاطمه

بو چکامه سینده ( فغانی )نون هامی عیب و نقصی اولوب علن
که اولوب چو کودک ابجدی فقرات شعرده مرتهن
یری واردی ذکر ایده مطلعی بیوروبدی (عابد) خوش سخن
بو سکوتین اودلوری قلبیمی نیه گلموسن دله فاطمه

• سه شنبه
• 6
• مهر
• 1400
• ساعت
• 19:06
• نوشته شده توسط
• یوسف اکبری

جهانی دولدوروب گینه غم و ملال فاطمه
باتوبدی ماتمه بو گون تمام آل فاطمه

اشاره ایلسم اگر مصیبت بتولیدن
رساله الده شرم ایدر خجل اولار رسولیدن
سوروش بتوله نائبه فسرده دل ملولیدن
هنوز زینبی ملول ایدوب ملال فاطمه

او گونکه تاپدی خلقت بشرله ماسوا نظام
عطا اولوندی حقّیدن بتوله عالی بیر مقام
که یتمیوب بیر عورته بیر ایله رتبه ی عظام
جهانیانی حیرته سالوب جلال فاطمه

او گونکه اهل محشره خدای حیّ کائنات
حساب خیر و شرّ اوچون ویرور دوباره دن حیات
او سخت گیر و داریده چتیندی هر کسه نجات
گر اولماسا شفاعته او گون خیال فاطمه

بو شان و بو مقامیله بو عزّت و جلالیه
گورون بو چوخ آز عمرینی ویروب باشا نه حالیله
انیسیدی گجه گونوز مصیبت و ملالیله
سارالدی سولدی گل کیمی جمال آل فاطمه

گلوبدی بیر گونی ایوه علی ولیّ کردگار
پیمبرین عزیزه سین گوروب ملول و دلفگار
یاتوبدی قبلیه طرف فسرده دل غریب و زار
او شهریار حالینی پوزوبدی حال فاطمه

شروع ایدوب اویاتماقا عزیزه سین ابوتراب
نه دللریله سسلدی ایدوب نجه گوزل خطاب
ملول اولوب سوالیدن گوروب که گلمدی جواب
اورکلنوب او بلبل شکسته بال فاطمه

اولوب سرشک حسرتی عذاره سیل تک روان
دیدی عم اوغلوام سنون نه یاتموسان گوز آچ اویان
نه دل دیدیم دانشمادون، نولوب او نطق خوش بیان
علینون آلدی طاقتین بو نطق لال فاطمه

سنون بو دینمماقلیقون ز بس ایدر اثر منه
که قورخورام اورک یانا گلم دله ایدم گله
اورکده چوخدی درد دل اماندی بیرده گل دله
فرح ویرور روانیمه او خوش مقال فاطمه

آچوب گوزین او حالیده او نور دیده ی رسول
رسول جانشینینه ادبله عرض ایدوب بتول
سنون ملالون ایلیوب منی عم اوغلی جان ملول
فراق باشلانوب یتوب باشا وصال فاطمه

یاخونلاشوب اوشاقلاریم یتیم اولا عم اوغلی جان
واریمدی بیر نچه سوزوم اجازه ویر ایدوم بیان
ازلکه خواهشیم بودور گر عورت آلسان هر زمان
بیر عورت آل که تا اولا رئوف آل فاطمه

منیم که قویمادی فلک زمانه ده یوزوم گوله
شبیهیدیم همیشه بیر خزان اولوب سولان گله
جنازه مین گوتورماقین مباد اهل کین بوله
گرکدی خلقیدن نهان اولا رحال فاطمه

اُلومده گوردوم عاقبت فشاریدن نجاتیمی
اودور که حقدن ایستدیم گجه گونوز وفاتیمی
هانی بولن نه چکمیشم بو مدّت حیاتیمی
بو مطلبی بولور فقط او ذوالجلال فاطمه

اگرچه غمده زینبیم سببدی شور و شینیمه
او چوخ علاقه منددور بو ایکّی نور عینیمه
اونون جهاندا منجه وار محبّتی حسینیمه
او بلبلی ملول ایدر بو گل جمال فاطمه

عبث دگل که گوزلریم بهار ابری تک دولار
صغیر اَکَن بو نازنین بالالاریم یتیم اولار
حسن پوزولسا دل یانار، حسین سارالسا گل سولار
چمنلری خزان ایدر بو نونهال فاطمه

باخاندا زینبه دولور سرشک چشمیله گوزوم
آنا فراقی قیزلارا چتیندی گورموشم اوزوم
بو محنته بو فرقته محال امردور دوزوم
آنا دیوب نه قدر وار یانار مثال فاطمه

بو فصل تازه (شانیا) ملول ایتمه سین دلون
تانور تمام اهل دل سنون سوزون سنون دلون
نجه جهاندا حلّ اولور تمام سخت مشکلون
یقین جزاده ده یتر سنه نوال فاطمه

• جمعه
• 9
• مهر
• 1400
• ساعت
• 21:46
• نوشته شده توسط
• یوسف اکبری

الغرض حمل اولدی زهرا جسم پاکی مدفنه
گلدی معناده سماوات اهلی داد و شیونه

شیر یزدان توکدی اشگ دیده گریانینی
اوز الیله قویدی قبره اوز عزیز جاننی

روشنان چرخ ظلمات شب دیجورده
خیره اولموش بو، تراب ابچره مه مستورده

غرق خاموشی در و دشت و زمین و آسمان
حالت بهت و تحیرده هامی کون و مکان

ناگهان سندی سکوت محض بیر آوازیله
دولدی بو آوازیدن اقطار، سوز و سازیله

لحن دردانگیزیله گلدی مقاله بو تراب
تربت قبر بتوله ائیلدی بیله خطاب

ای تراب تیره نور دیده طاهادی بو
دفن اولور گزلنجه سنده، حضرت زهرادی بو

ببر آز عمریله جهاندا چوخ چکوب رنج و بلا
روز و شب آزار ایدوبدور اینجیدوب اهل جفا
سرو تک قدی اولان بار مصیبتدن دوتا
مصطفی ریحانه سی انسیه حورادی بو

بو وجود محترم که ایلیوبدی سنده نزول
احترامین سانمیوب دنیاده اشرار جهول
رتبه و شان و مقاماتنده حیراندور عقول
بحر عزتده اولان بیر گوهر والادی بو

بسکه جان فرسادی درد فرقتی من بیکسه
قان اولان دل، چوخ چتندور رشته الفت کسه
آغلورام هی سسلورم سس ویرمور آخر بو سسه
قبری اوسته بیر دیمور نه شور و واویلادی بو؟

بو همان زهرادی دنیاده یوزی هیچ گلمیوب
روز و شب قان آغلیوب بیر استراحت بولمیوب
انقضای عمریله بو زار و مضطر ئولمیوب
نسگلی چوخدور قتیل فرقه اعدادی بو

بو همان زهرادی حقی غصب اولوب فاش و علن
نعشین اما نصف شب دفن ایلورم گزلینجه من
ای تراب تیره آغوشونده راحت ساخلا سن
درد و محنتلر انیسی، مونس ایذادی بو

بو همان زهرادی حسرتدور ملک پابوسینه
تازیانه ووردی اما اشقیا بازوسینه
سینوه آهسته آل، صدمه یتوب پهلوسینه
درد سقطیله ئولن صدیقه کبرادی بو

بو همان زهرادی دائم حضرت خیرالانام
بضعه منی خصوصینده دیردی صبح و شام
لیل تار ائتدی گوزینده گوندوزی قوم ظلام
باخمادیلار مهجه قلب شه بطحادی بو

بو همان زهرادی هر موقع گورنده مصطفی
ورد و ذکریدی آتاسی بو قیزا اولسون فدا
بیله شانین صاحبین ئولدوردی ثانی برملا
سانمادی مخدومه دنیا و مافیهادی بو

ای تراب تیره زهرا چوخ یانوبدور اودلارا
یاندیراندا درگهین ثانی یخوب توپراقلارا
جسمینی سالما فشاره، سنه سینده وار یارا
طاقتین یاره آلوب بی طاقت و یارادی بو

بو همان زهرادی ای نعش بتوله خوابگاه
یر سالوردی گر دوشیدی جسمینه بیر پر کاه
نیلی سیلی ندور گل صورتینده آه آه
سن سوروش سرین دیسون، صورتده نه معنادی بو

بو همان زهرادی هر گون باش وئرردی قرص هور
بو امیدیله که ایتسین درگهندن کسب نور
سر ان اعرف وجودینده بونون ایلیوب ظهور
نسخه مشروح توحید حق یکتادی بو

بو همان زهرادی اون بیر گوهرین دریاسیدور
محفل قدسین چراغ انجمن آراسیدور
حسنی اکلیل نبوت دره البیضاسیدور
نوع انسانه نشان فضل کرمنادی بو

بو همان زهرادی مفخردور وجودی خلقته
اصل تکوین جهان بوندان یتوب حیثیته
ذاتی رحمت، لطفوله شرم و حیاسیز امته
هر سراشیب بلاده عروه الوثقی دی بو

بو همان زهرادی گورموبدور یوزینی آفتاب
بو وجوده مقنعه اولموش، حیا ، عفت نقاب
کسب عصمت ایلیوب بوندان هامی عصمت مآب
گلستان عصمته بیر نو گل زیبادی بو

یاتدی سنده بو گجه بیر خسته رنج و ملال
قویدی بیر جمعی آیوق، بو یاتماقیله ماه و سال
داد بو هجرانیدن یوخ بیرده امید وصال
کیم بولور مندنصورا نه محنت عظمادی بو

عاقبت دفن ایتدی، زهرادن ال اوزدی شاه دین
منزله گلدی ملول افسرده حال و دل غمین
گوردی زهرانین یرین بوش چکدی آه آتشین
آغلادی ذکر ایلدی نه بی وفا دنیادی بو

مرتضایه چوخ اثر ایتمشدی هجران بتول
اولدی علت نالیه شام غریبان بتول
سس سسه ویردی او شاهیله یتیمان بتول
ای گوزوم آغلا عزای حضرت زهرادی بو

مخفیانه نصف شبده قوردولار بزم عزا
فرشدن اوج ایتدی عرشه داد و فریاد و نوا
یاندورب سکان عرشی بو عزای غم فزا
بولمورم نه سریدور نه ماتم اخفادی بو

(عاصیا ) مطلق سنه روح القدسدن یتدی دم
بو دم آلماقدان بو نوحه دفتره اولدی رقم
دست خالی اولماسان، محشر گوننده چکمه غم
مغفرت اسبابدور سرمایه عقبادی بو

• دوشنبه
• 12
• مهر
• 1400
• ساعت
• 16:17
• نوشته شده توسط
• یوسف اکبری

آچ گوزون ای قلبیمون صبر و قراری فاطمه
ای منه جدی پیمبر یادگاری فاطمه

بو نه عالمدی بیله پوزقون پریشان یاتمیسان؟
ترک ایدوب اطفالوی گوزدن حسینی آتموسان
ای علینون کوکب بختی نولوبدور باتمسان؟
گیتدی سنله عمریمون فصل بهاری فاطمه

بو همان اوغلون حسیندور بسلدون چوخ نازیله
سینون اوسته پرورش ویردون بونا اعزازیله
اگلشوبدور باشین اوسته بو امید آزیله
قول بویون اولسون سنیله بیرده باری فاطمه

اشقیا جور و جفاده چخدیلار اندازه دن
آز زماندا بو اسفلی حالته دوشدون ندن؟
زلف آغاردی، قامتون اولدی خمیده غصه دن
بو سببدن آرتدی قلبون انزجاری فاطمه

دین اسلامون یولوندا جام غم نوش ایلدون
هر بلا گلدی دایاندون سینوی توش ایلدون
حق مرام اوستونده اوز جانون فراموش ایلدون
زینبه سرمشق ویردون بردباری فاطمه

ضرب سیلیدن اولوب پژمرده رخسارون سنون
اولدی نیلی تازیانه آتدا قولارون سنون
اهل اسلامه اولا سرمشق رفتارون سنون
عفت و عصمت اولان هر آن شعاری فاطمه

ای گل باغ نبی پیغمبرین ریحانه سی
راضی اولمازدون اوجالسون زینبین شیون سسی
گور نجه عرشه چخور ایوای آنام وای ناله سی
اولدی سنسیز لیلیدن تیره نهاری فاطمه

سن بولورسن قیز آنایه چوخ علاقه مند اولار
هر قیزین ئولسه آناسی گل کیمی رنگی سولار
اولماسان سن قیزلاریم باشین آچار زلفین سولار
بیرده اولماز خوش گونی خوش روزگاری فاطمه

گیتسه گل بلبل الندن اود دوتار قلبی یانار
کیم دیور آیا عم اوغلون بو غمی آسان سانار
زینب و کلثومه باخدوقجا وجودیم اودلانار
یاندیرور بو عالمی آهیم شراری فاطمه

چوخ چتندور بو گورم جان اوسته زهرا جان سنی
وار یری عرشه چخا یالقوز عم اوغلون شیونی
قلبیمی یاندورما چوخ، آچ گوزلرون دیندیر منی
ای اولان آل عبانون افتخاری فاطمه

گتدی پیغمبر الیمدن عرشه چخدی شیونیم
قولاریمی باغلادی گوردون یانوندا دشمنیم
ای پیمبر یادگاری وار نه تقصیریم منیم؟
دینمیسن دیندیرمیسن بو اشکباری فاطمه

هر بلایه دوزموشم زهرا پیمبردن صورا
باغریمی قان ایلوری اما منیم بو ماجرا
سن هارا؟ پیغمبرون ریحانه سی سیلی هارا؟
نه دیر طاها گوره بو گل عذاری فاطمه؟

دوقوز ایل دوزدون ایویمده هر بلا و محنته
آج قالوب اوچ گونلریله صبر قیلدون شدته
نیلیوم زهرا گله لعنت وفاسیز امته
حقیمی الدن آلوب امت شراری فاطمه

تیره اولدی لیل یلدادن بو ایوده گوندوزون
من نجه یاددان چخاردوم جور و ظلمون قنفذون؟
ذکریوی عجل وفاتی ایلمشدون سن اوزون
ای گجه گوندوز چکن مرگ انتظاری فاطمه

مستجاب اولدی سوزین تا یتدی حی داوره
مقصده یتدون گیدورسن محضر پیغمبره
حوریان ماتم دوتوب، قاره چکوبلر گویلره
گیت خلاص اولدون، مصیبت دلفکاری فاطمه

وار یری سالسون شرر بو دود آهیم گویلره
اولموشام سندن خجالت نه دیوم پیغمبره؟
حقی وار آلسا خبر آیا ندور بو منظره؟
گورسه پیغمبر بو جسم زخمداری فاطمه

عرض قیلام حق یولوندان امتون کج دوردولار
قویدولار قبره سنی بزم سقیفه قوردولار
یا رسول الله قیزون زهرایه قمچی وردولار
اولدی سن سیز چوخ مصیبتلر دچاری فاطمه

• دوشنبه
• 12
• مهر
• 1400
• ساعت
• 16:40
• نوشته شده توسط
• یوسف اکبری

ای نورذات اقدس پروردگارآنا
ریحانه پیمبر والا تبارآنا

سنله کچنکی گونلری سالام خیالیمه
جلوه لنر گوزومده اولار آشکار آنا

عالملریم سنیله بوعالمده وار منیم
صد حیف اولا که اولموری چوخ پایدارآنا

.سنسیزایشیم اولوبدی منیم ناله و فغان
بلبل کیمی مدام ایدرم آه و زار آنا

ای روزگاری سخت ایلین روزگاریمی
.وی سینه سی مزاره گیدن زخمدارآنا

بیراللی یاره باغلاماقون یادیمه دوشر
نیسگیللرون آلار اورگیمدن قرارآنا

یوزدوتماقون علاوه منه درداولوب سنون
بوغم سالار وجودیمه دائم شرارآنا

غسلون ویرنده سرینی کشف ایلدی آتام
گوردوم دیور بو ال یریدی صبرآلار آنا

.الله بولور همان گیجه من چکمیشم نلر
یاخشی دیوبله قیز آنیا چوخ یانارآنا

دوتدوخ عزا ، عزایه ده بیراولمادی گلن
قالدوخ گیجه اولونجا سحر انتظارآنا

.ناچار اولوب یانان قاپونی باغلادی آتام
گلدی بویوردی قیز آنیا اوخشیار آنا

ایندی بو غمده مشتریم اوخشاما دیسن
من اوخشادوقجا گوردوم آتام آغلیار آنا

ناگه سوز ایچره آچدی حسن کوچه صحبتین
دوشدی دیردی کوچه ده بیرگوشوارآنا

بیر یاندادا دیردی حسین آه و زایله
گیزلین گیدن مزارینه ایتگین مزار آنا

قانه دونونجه گوز یاشیمیز سینه داغلادوخ
گوزیاش دئیمه کی اولموشدی آبشار آنا

قالدوم عجب یامان گونه بو روزگاریده
یاندردی داغلي قلبیمی بو روزگار آنا

دائم دوشر بو ایوده گوزوم غم اساسینه
ابر بهار تک اولارام اشگبارآنا

تاپشردقون دعانی هرآن ایلرم اوزوم
حقدن غمونده ایستیرم اصطبارآنا

اما دوباره که چیخارام صحن خانیه
مبهوت ائدر او میخ در جانشکار آنا

قاندان اثر قالوب در و دیواریده هنوز
گوگلوم چوخ ایستیر اولا تا استتار آنا

باخدوقجا سينه وين ياراسي ياديمه دوشور
دلدن توان آلور ایدورم آه و زار آنا

چاتمورالیم سیلم درودیواریدن قانی
ایلوب او منظره گونومی لیل تارآنا

هربیر یری اولوب بو ایوین بیراساس غم
باخدوقجا داغلی قلبیمی غملر سیخارآنا

جانیم فدا اورکده غم بی حسابیوه
هانسی اورکده بیر بیله نیسگیل اولارآنا

نیسگیللرون آغرلیق ایدور داغلی سینه مه
آخر منی بو غملر ایاقدان سالار آنا

بیرده بو پیرهن کی امانتدی سّرینی
بیر آچمادون بولم کی ندور یا نه وار انا

تنها بویورموسان کی حسین ایستین زمان
آز مدتین قوناقی او یرده اولار آنا

امر ایتمیسن سوسوز بوغازندان اوپم اودم
ايلوبدي اينديدن مني بو سوز خمار آنا

مشغول ايديب بو مسئله مدتدی فكريمي
مهریه بس دگور سنه آیا سولار آنا

ياز دفترونده (ساده) و (دلگيري) ريزه خوار
تا خلق ايچينده ايليه لر افتخار آنا

• پنج شنبه
• 15
• مهر
• 1400
• ساعت
• 13:29
• نوشته شده توسط
• یوسف اکبری

منیم نگاریم آی ننه
دار و نداریم آی ننه
سنسیز سؤلار عمروم گولو
یازیم باهاریم آی ننه

وای حالینا بوندان سورا زینبون
بختی قارا ، گونو قارا زینبون
دوشنده یادینا خانیم آناسی
هاراسی وار گئتدسین هارا زینبون

دؤیمامیشدیم سندن آنا
نه تئز دؤیدون مندن آنا
آز قالیر ساچلاریم اولا
بئش یاشیندا دن دن آنا

اینانمازدیم منی گؤزدن آتاسان
قارالیق منزیلده راحت یاتاسان
منی یانان قاپی یامان یاندیریر
کاش گله سن فریادیما چاتاسان

منی قؤیوب هارا گئتدین
ائیله دین بی چارا گئتدین
بو نیسگیل منی اؤلدوره ر
سینه ده مین یارا گئتدین

باشیما شانه وورماغین نار ایدی
حتما بو دا بیر سیررییدی راز ایدی
نه منه یتیم لیک ، نه سنه اؤلمک
یاراشمازدی نه نه هله تئز ایدی

آی اؤرگی شان شان نه نه
زینب سنه قربان نه نه
خئیبر گؤتورن حیدرین
اولوبدور باغری قان ، نه نه

فراقون آتامی یامان داغلایار
صبح و مسا یوزه اشگین باغلایار
غصل وئرنده گؤردیگی سینه وین
یاراسی نی یادا سالیب آغلایار

بو (نالانین) یؤخ بیر کسی
نه نه ، سن اول دادرسی
اؤدا بو گونلر آغلایار
یامان گلر ناله سسی

اؤخشار مصیبتین امام حسنین
گوچه ماجراسین ، داغلی محنین
چهارده معصومین ، امام حسینین
عزا توتوب بوتون بالاوا سنین

• یکشنبه
• 15
• مرداد
• 1402
• ساعت
• 15:13
• نوشته شده توسط
• یوسف اکبری

ساقی کوثر ئولورم یاعلی
فاتح خیبر ئولورم یاعلی
گل اوخو قران منه ای سروریم
یار پیمبر ئولورم یاعلی

علی علیجان علی(۲)
جان سنه قربان علی(۲)
⬛️
اهل سمانین اورگین داغلاما
صورتووه گوزیاشووی باغلاما
فکریمی برهم ایلمه دلبریم
صون نفسیمده بو قدر آغلاما

علی علیجان علی(۲)
جان سنه قربان علی(۲)
⬛️
شیشه ی عمریم چالانوبدور داشا
عمروم آز اولدی ولی چاتدی باشا
دردیمی گیزلتدیم ئوزوم آغلادیم
قارداشیم اولمادی دیَم قارداشا

علی علیجان علی(۲)
جان سنه قربان علی(۲)
⬛️
دختر طاهانی ندن ویردیلار
همسر مولانی ندن ویردیلار
اولمادی حق اوسته دورا بیر نفر
غمزه‌ده زهرانی ندن ویردیلار

علی علیجان علی(۲)
جان سنه قربان علی(۲)
⬛️
درگهیمی ثانی گلوب یاندیروب
قول قنادیمی او ندن سیندیروب
گورنجه ظلم ائتدی او ملعون منه
محسنیمی قانینه بویاندیروب

علی علیجان علی(۲)
جان سنه قربان علی(۲)
⬛️
عفو ائله تنها قویورام من سنی
ترک ائدورم بو پوزولان گلشنی
گوندوز اگر ئولسم عموغلی گجه
گیزلین آپار قبر ائوینه سن منی

علی علیجان علی(۲)
جان سنه قربان علی(۲)

• چهارشنبه
• 18
• مرداد
• 1402
• ساعت
• 23:34
• نوشته شده توسط
• یوسف اکبری

گل عمو اوغلی باشیمی آل دیزیوه
توکمه گوز شبنمیوی گل یوزیوه
آیریلیق دوزدی چتین مرحله دی
آغلاما فاطمه قربان گوزیوه
.
.
یتشوب موسم هجران اولورم
غصه دن باغریم اولوب قان اولورم
یوخ ئولوم دردینه درمان اولورم
آغلاما فاطمه قربان گوزیوه
.
.
دولدوروب سینه می اندوه و محن
گدیرم محضره پیغمبره من
دویموشام بو دیریلیقدان بولوسن
آغلاما فاطمه قربان گوزیوه
.
.
هجر پیغمبره یوخ منده دوزوم
آغلری بسر نچه مدّتدی گوزوم
گوزلوری قابض الارواحی گوزوم
آغلاما فاطمه قربان گوزیوه
.
.
گل غنیمتدی بو آخر نفسیم
صون نفسده منیم اول دادرسیم
بولوسن ئولماقا وار چوخ هوسیم
آغلاما فاطمه قربان گوزیوه
.
.
حقیمی اهل جفا الدن آلوب
غصّه تاثیریدی رنگیم سارالوب
سنه نسگلدی الیم یوزده قالوب
آغلاما فاطمه قربان گوزیوه
.
.
نه روا مجلس شورا قورالار
رای آلوب درگهیمی یاندیرالار
نیلمیشدیم منه سیلی ورالار
آغلاما فاطمه قربان گوزیوه
.
.
بزم خلوتگه یاره گدیرم
دلخوشام وصل نگاره گدیرم
حیف اولا سینه ده یاره گدیرم
آغلاما فاطمه قربان گوزیوه
.
.
بزم یاره هر او کس دعوت اولور
زینتی فاخر و پرقیمت اولور
محسنین قانی منه زینت اولور
آغلاما فاطمه قربان گوزیوه
.
.
دیسه جدّیم که بو رخساره ندور
یوزده کی سینه ده کی یاره ندور
نه دیوم من باباما چاره ندور
آغلاما فاطمه قربان گوزیوه
.
.
سنی شاهد توتورام بو سوزومه
لیل تار اولدی ایشیق گون گزیمه
دییرم سیلی ویربلار یوزمه
آغلاما فاطمه قربان گوزیوه
.
.
سنه قورموشدوم او گون بزم عزا
هله یاسلیدی هامی آل عبا
وردیلار اوت قاپیه اهل جفا
آغلاما فاطمه قربان گوزیوه
.
.
بیر یارام وار یاراسی گتمیه جاق
حشر اولونجا منی ترک اتمیجاق
قنفذین قمچی یری گتمیه جاق
آغلاما فاطمه قربان گوزیوه
.
.
ولی بو سینه مین آثاری بابا
کشف ایدیر ضربت مسماری بابا
بویادی قان در و دیواری بابا
آغلاما فاطمه قربان گوزیوه
.
.
حکم اولوب ظلمیده حدّدن چخالار
منی ضرب لگدیله یخالار
در و دیوار آراسیندا یخالار
آغلاما فاطمه قربان گوزیوه
.
.
هر بلا گلدی دوزوب غم یمدیم
حق رضاسی واریدی اینجیمدیم
دین یولیدی دایانوب لا دیمه دیم
آغلاما فاطمه قربان گوزیوه
.
.
قوی ئولوم قورتولوم ای شاه زمن
قالمیوم بو غم ایامیله من
سرّیمی غسل ورنده بولسن
آغلاما فاطمه قربان گوزیوه
.
.
ای رجایی سوزون آغلاتدی منی
پور بینا گتوروب شوره سنی
گوردی تا آغلادی بو سر سخنی
آغلاما فاطمه قربان گوزووه

• چهارشنبه
• 18
• مرداد
• 1402
• ساعت
• 23:41
• نوشته شده توسط
• یوسف اکبری

دور ایاقه آنا_چک الون باشیما
حسرتیله بیله_باخما قارداشیما(2)

نیه قامتون_بوکوب آنا_دئینن علتینی ننه باری منه
هانی گوشوارا_قولوندا یارا_ائله بیل آنا قمچی دگوبدی سنه
گوزوون قانی_حسنین جانی_نلر اولدی او کوچه ده آی ننه

آنا فاطمه _آنا فاطمه_سنه زینبیوین اولا جانی فدا
_

آنا زینبیوم_سنه آغلییورام
باخورام سینووه_یارا باغلییرام(2)

یارالی آنا_سینوی ئوزوم_نجه باغلییرام ولی قان آخوری

آنا نور دوعین_حسنیله حسین_دل عالمی آهی آنا یاخوری

یانورام آناجان_آتامین حالینا_او یانان قاپیا هی آتام باخوری

آنا فاطمه _آنا فاطمه_سنه زینبیوین اولا جانی فدا
____

آنا گول وئرورم_باشیما ساریان
یوخدی قولدا توان_زلفیمی داریان

آنا باخ بیزه_گوزوه فدا_بالالاریوی گوز دولوسی گوره سن

یخیلار ایویم_سیخیلار ئورک_بیزی اولمویا تک قویاسان گیده سن

گوزومون یاشی_توکولور آنا_بو مدینه ده قلبیمی قان ائده سن

آنا فاطمه _آنا فاطمه_سنه زینبیوین اولا جانی فدا

• پنج شنبه
• 19
• مرداد
• 1402
• ساعت
• 00:44
• نوشته شده توسط
• یوسف اکبری

یارالی ننه
باغلادی ثانی کوچه ده ره چاره وی
داغلادی نار ظلمه قلب صد پاره وی
سالدی یره ضربه ی سیلی گوشواره وی

یارالی ننه
سنگ جفانی شیشه ی دیله چالدیلار
زینبی غملره بلا لره سالدیلار
ظلمیله کوچه ده قبالَوی آلدیلار

یارالی ننه
اهل جفا ووردولار اوت یانیب درگهین
نه ظلم اولوب دوشدی خسوفه روی مهین
ال لرینی باغلادیلار طنابه شهین

یارالی ننه
سالدی بو حاله کیم سنین پر و بالیوی
گورمدیلر مگر مریضه احوالیوی
گورنده آغلیری حسن بئله حالیوی

یارالی ننه
قلبیمی یاندیراندا کوفیان سنده گل
حسینه عرصه تنگ اولان زمان سنده گل
زینبین اللری اولاندا قان سنده گل

یارالی ننه
خیمه لریم غارت اولان زمان سنده گل
شمر رقیه نی ویران زمان سنده گل
چوللره قیزلارین قاچان زمان سنده گل

• یکشنبه
• 19
• شهریور
• 1402
• ساعت
• 21:46
• نوشته شده توسط
• یوسف اکبری

☑️بند اول
حیدره کوثر گلیب بو گون
دیل لره دلبر گلیب بو گون

ام ابیها ، یار علی
زهرای اطهر گلیب بو گون

اورک لرین صفاسی دی
دردیمیزین دواسی دی

شافعه ی روز جزا
پیغمبرین بالاسی دی

? ام ابیها زهرا مدد / ام ابیها زهرا مدد

☑️بند دوم

گلشن اولوبدی روی زمین
گوزلرین آچدی بیر نازنین

کیرپیگی اوخدی ، قاشی کمان
آپاریب عالم لرین غمین

حق اونی بیتا یارادیب
عصمت کبری یارادیب

حضرت زهرانی خدا
حیدره یارا یارادیب

? ام ابیها زهرا مدد / ام ابیها زهرا مدد

☑️بند سوم

قلبیمه زهرا صفا وئرر
دردیمه زهرا دوا وئرر

بو گجه اهل ولایته
برات کرب و بلا وئرر

گل آدی نین ازبریَــم
نوکری نین نوکریَــم

شیعه ی اثنی عشرم
حیدریم حیدریَـــم

? یا علی مولا حیدر مدد / یا علی مولا حیدر مدد

☑️بند چهارم

هامی دان آرتیخ وار کرمین
اسیری هر یرده علمین

هم اوزون هم مرقدین گوزل
عرش دن اعلادی حرمین

آی آدی هر درده دوا
یا حضرت مشکل گشا

عنایت ائیله یا علی
زیارت کرب و بلا

? یا علی مولا حیدر مدد / یا علی مولا حیدر مدد

• یکشنبه
• 19
• شهریور
• 1402
• ساعت
• 22:33
• نوشته شده توسط
• یوسف اکبری

گُل عذاریم اولدی نیلی
ثانی محکم ویردی سیلی
سالدی زهرانی آخر دوزومدن
دگجگین پارلادی اوت گوزومدن
آی عم اوغلی داده تئز گل
رهبریم امداده تئز گل
یالقوزام فریاده تئز گل
آلدی دشمن بو زاری ارایه
ای یخان خیبری گل هرایه
سن همان خیبر شکن سن
عمر و عنتر ئولدورن سن
سن منه جان جان دین سن
پشت دیوار و درده سخلدیم
سندی پهلولریم گل یخلدیم
من گوز اولسام سن قاشیم سان
همسریم سن یولداشیم سان
غم گونونده قارداشیم سان
بو جوان وقتی باشیم آغاردی
گل اماندی منی قان آپاردی
ایلدی دشمن بهانه
حمله گتدی ظالمانه
اود ویروب بو آشیانه
شهپریم سندی قانه بلشدی
باخدی دورت خسته طرلان ملشدی
دوشدوم السّاعه دؤزومدن
وردیلار سیلی یوزومدن
اود

• پنج شنبه
• 13
• دی
• 1397
• ساعت
• 12:51
• نوشته شده توسط
• ابوالفضل عابدی پور

یا فاطمه گلدیم اوپم علمین
قلبیمددی گیزلین اولان حرمین
وضو آلوب درگهیوه گلرم
رخساریمه گوز یاشیمی الرم
سائلم ایله کرم
ای ویرن عالمه دم
دردیمه ایله دوا
سن بیل او قانلی علم
سنسن دوای درمانیم
زهرا سنه قربان جانیم
ای گل طاها یا زهرا؛؛یازهرا؛؛جان؛؛یازهرا
ام ابیها یا زهرا؛؛یا زهرا؛؛جان؛؛یا زهرا
ای گل کیمی جسمی سولوب سارالان
اون سکیز ایل عمرده تز قوجالان
گیجه یاری قبره گیدوب یارالی
ایستکلی زینبدن اولوب آرالی
قلبینی غم لر آلوب
زینبی درده سالوب
خیبری فتح ایلین
گور نجه حاله قالوب
گوزلری قان یاش الیر
آه و فغانه گلیر
ای گل طاها یا زهرا؛؛یا زهرا؛؛جان؛؛یا زهرا
ام ابیها یا زهرا؛؛یا زهرا؛؛جان؛؛یازهرا

• جمعه
• 14
• دی
• 1397
• ساعت
• 19:25
• نوشته شده توسط
• ابوالفضل عابدی پور

دل شب ایلیوب سفر
هارا گیدورسن آی ننه
قالوبدی دورد بالون ملر
هارا گیدورسن آی ننه
توخاندی شانۀ اجل
او طرّۀ مُعَنبره
گییندون آغ لباسیوی
شکنجه دیده پیکره
شبیه ائدوبدی آغ کفن
سنی بیر آغ کبوتره
شکسته دل شکسته پَر
هارا گیدورسن آی ننه
بهار وقتی سن کیمی
شکفته لاله سولمادی
تانیشلارون آچوب باشین
جنازون اوسته یولمادی
ایوین چوخ ایستیر هامی
ایوین سنه ایو اولمادی
ایویندن اینجیین گیدر
هارا گیدورسن آی ننه
مَصون اولار تَعدّی دن
او قوش که آشیاندادی
امان سیز اولدی منزلون
بلا بو دودماندادی
بو ایو سَنه خوش اولمادی
تَزَه ایوین هایاندادی
گیجه زمانی بیخبر
هارا گیدورسن آی ننه
حبیب لَم یَزَل قیزی
خدایه سن حبیبه سن
نژادا

• پنج شنبه
• 20
• دی
• 1397
• ساعت
• 20:07
• نوشته شده توسط
• ابوالفضل عابدی پور

ای فلک من گلِ گلزار ادب زهرایم
خلقتِ آدم و حوّایه سبب زهرایم
فاخرم،مفخر نسوان عرب زهرایم
طاهره شهرتم و پاک نسب زهرایم
راضیه،مرضیه،صدّیقه لقب زهرایم

قادر الله کیمه بیر بیله جلالت وئردی
بگنوب جمع کساده منه عزّت وئردی
رتبه می افضل ایدوب منصب عصمت وئردی
بشرین وجهه سین عرشه یتورن زهرایم
ایویمه روح الامینی گتورن زهرایم

من همان نطفۀ پاکم وار آدیم دللرده
حقّه تسبیح دییردیم رَحِم مادرده
ایتمیشم نشو و نما سینه پیغمبرده
آدی قرآنیده کوثر یازیلان زهرایم
ساقی کوثره همسر یازیلان زهرایم

من همان امّ ابیهایم آتام بوالقاسم
زُهره یَم عرش خدا جایگه اجلاسیم
ایدر آفاقی معطّر اثر انفاسیم
من کیمم،جلوۀ نور ازلی زهرا

• یکشنبه
• 7
• بهمن
• 1397
• ساعت
• 11:26
• نوشته شده توسط
• ابوالفضل عابدی پور

آناوین چخور یورولان جانی
گَل اماندی زینبیم آغلاما
گیدورم بهشتیده محسنیم
نگراندی زینبیم آغلاما

سن ایوین بویوک قیزیسان گرک
آناوین یرین آلاسان بالا
سنی گوزلریم کیمی ایسترم
اورگیم سوین بالاسان بالا
بویوموش یازون که اوشاق چاقی
باشوا قرا سالاسان بالا
آناسیز فقط بُلر آیریلیق
نه یاماندی زینبیم آغلاما

ایله گون سایاردیم ئولن زمان
باشیم اوسته آغلاماقون گوروم
گوزوم آختاراردی بو ساعتی
بیله سینه داغلاماقون گوروم
دوروب ایله سینمی خشکبند
بالا یاره باغلاماقون گوروم
یارا باغلاماق یاراشور سنه
بو عیاندی زینبیم آغلاما

سن عزیزیم عالم عشقیده
منیم اوز یریمده نشانه سن
حسنیله همدم و همقدم
غم ایوینده صاحب خانه سن
آنا

• پنج شنبه
• 4
• بهمن
• 1397
• ساعت
• 13:57
• نوشته شده توسط
• ابوالفضل عابدی پور

فارسی

ای صفای خانه ی من
شمع من پروانه ی من
رومگردان از نگاهم
همسر من یاور من

لحظه ای بامن سخن گو
از چه می گیری زِ من رو
کن نگه براشک وآهم
همسر من یاور من

پشت آن در، سینه ات با میخ در تا آشنا شد
سینه ی من، در غمت کاشانه ی درد و بلا شد

دیدم و کاری نکردم
من تو را یاری نکردم

ترکی

کوچه ده گوردوم وورولار
در عشقی سندیرولار
اللریم باغلاندی زهرا
ئولدوم اوندا، ئولدوم اوندا

جاندان ای جانانه دویدون
اللرون دیواره قویدون
حیدره تار اولدی دنیا
ئولدوم اوندا، ئولدوم اوندا

گیزلدورسن گر چه من گوردوم نجه یئرده سوروندون
من باخاندا حالیوه سن توده ی آهه بوروندون

تک قاپونی باغلارام من
الده شمشیر آغلارام من

• چهارشنبه
• 24
• بهمن
• 1397
• ساعت
• 18:59
• نوشته شده توسط
• ابوالفضل عابدی پور

زهرا زهرا نه یاتموسان
دور حیدر جانه گلوب
دورشمعه دولانماقا
گویا پروانه گلوب

سس وئر زهرا عم اوغلووام
اللر سینمده قالیب
جان اوسته ئولماقین منیم
جانیمه رعشه سالیب

ای یار علی گوزون آچ
غمخوار علی گوزون آچ
ای محرم راز دل و
اسرار علی گوزون آچ

زهرا ...نه یاتموسان (2)

زهرا بیر باخ حسینیوه
اشکین رخساره یاخور
گیزلین گیزلین حسن بالان
غملی احواله باخور

دور گور زینب بالان نئجه
باشیوه هی دولانور
گلثوم اشکین الور یوزه
آرامی مندن آلور

آغلور ملیور بالالار
سن گئتسن علی قوجالار
رحم ائت من غمزدیه
"سن گئتسن ائویم ییخیلار"

زهرا ...نه یاتموسان(2)

غملر آرامیوی آلوب
چهره ن پوزقوندی سنون
مسمار در یوروب سنی
سینن

• یکشنبه
• 7
• بهمن
• 1397
• ساعت
• 09:10
• نوشته شده توسط
• ابوالفضل عابدی پور

او گئجیکه غم زهراده علی خون دلیدی
داغدیده اورگین رام ایلماق مشکلیدی

بی وفا امّته ایلوردی ملک لر نفرین
خواب غفلتده حجاز اهلی یاتوب غافلیدی

کوچه لر خالی و خاموش فلک نیلی پوش
گوئیا وادی بطحایه بلا نازلیدی

بیر گئجیدی او گجه ایولری غم دوتموشدی
گیزلین آغلوردی علی حقّینه کیم قائلیدی

بیر گئجیدی او گئجه فاطمه نون محرابی
خالی قالمیشدی نیاز اهلی شکسته دلیدی

بیر گئجیدی او گئجه روح الامین آغلوردی
سسینه سس ویرن اسرافیل و میکائیلیدی

بیر گئجیدی او گئجه زمزمۀ زهرادن
اینجیین قونشولاری مقصدینه نایلیدی

بیر گئجیدی او گئجه اللری قوینوندا حسن
رام ایدنمیردی حسینی بودا بیر نسگیلدی

بیر گئجیدی او گئجه آه چکنده ک

• یکشنبه
• 7
• بهمن
• 1397
• ساعت
• 09:20
• نوشته شده توسط
• ابوالفضل عابدی پور

بیزدن گل گلزار طاهایه سلام اولسون
معصومه و مظلومه زهرایه سلام اولسون

واگیر:

زهرا جوان ئولدی بقیة الله
یا مهدی یا مهدی آجرک الله

جان وئردی جوان زهرا تنهای زمان زهرا
مین سوزیله معناده طاها دیدی جان زهرا
شاه عرب آغلاردی سسلردی اویان زهرا
نالان باشی اوستونده مولایه سلام اولسون

گون باتدی چراغ یاندی آی گئتدی پسِ ابره
غم حاکم اسلامی محکوم ایلدی صبره
زهرانی علی گتدی تاپشوردی گئجه قبره
گیزلین ویریلن غسلی اعضایه سلام اولسون

بلبل لر ایدر ناله گل قالسا تکانلیقدا
سولدی گل پیغمبر ظلمیله جوانلیقدا
بطحاده قالوب قبری الآندا قرانلیقدا
ظلمتده باتان ماه تقوایه سلام اولسون

گل هارداسان ای مهدی بو شیعه نی غم ی

• چهارشنبه
• 10
• بهمن
• 1397
• ساعت
• 10:14
• نوشته شده توسط
• ابوالفضل عابدی پور

غمونده جان ساپینی پاره پاره دوغرامیشام
بیرین دوگونله نخ معجرونده یازهرا

سنون آدونلا آدیم مملکتده رایج اولوب
شکوه و شوکته باخ نوکرونده یازهرا

فرشتلر دوزولوب تا قاپوندان اجر آپارا
منیمده یاز آدیمی دفترونده یازهرا

بویوکدی کعبه و عرش و بهشت،سن کیمسن
که غرق اولوب اوچوده گوهرونده یازهرا

اوجورکی سیندی ستملن او نازنین قلبون
سینیب او شکلده پهلولرونده یازهرا

عجبده یم نیه سیلی وراندا ثانی دون
خدانی گورمدی چشم ترونده یازهرا

حسینوون بدنینده دوزولدی دوردمین زخم
سنون ولی، دل غم پرورونده یازهرا

• پنج شنبه
• 11
• دی
• 1399
• ساعت
• 14:28
• نوشته شده توسط
• یوسف اکبری

عالم عالم ایسترم عالم بُلور زهرا سنی
نیلرم آلسا الیمدن بی وفا دنیا سنی؟

سن منیم جسمیمده شیرین جانیمه تشبیه سن
یوخدی شبهه بوالحسن زهرادی، زهرا بوالحسن
روح سن، روحیه سن، سن اولماسان نه سن، نه من
فرد و بی همتا یاراتمیش ذات بی همتا سنی

حقّدور ئولماق سوزوم یوخ، لیک وار بیر مسئله
ضربت دردن سنون سینونده یاره وار هله
وار یری درده دل پیغمبر رحمت گله
گورسه بو پوزقون پریشان حالیله حالا سنی

کاش اجلدن مهلت اولسون، دردیوه اولسون دوا
قولّارون سینون بیر آزجا توختیوب تاپسون شفا
محضریندن چکمه سین خجلت علی المرتضا
درّ تک سالم امانت تاپشوروب طاها سنی

ماسواللهده یگانه تکیه گاهیم سن منیم
دولتیم بختیم امیدیم داد

• جمعه
• 12
• بهمن
• 1397
• ساعت
• 15:53
• نوشته شده توسط
• ابوالفضل عابدی پور

هر چتین دردین دواسی حضرت زهراده دی
گر مریض اولسان شفاسی حضرت زهراده دی

باخ جلال وشأنینه دوقوز آدا دارادی بو
نوری الله نوریدی هر کیمسه دن والادی بو
مصطفی نون مرتضی نون علمینه دارادی بو
یعنی پیغمبر عطاسی حضرت زهراده دی

آسمان عصمته برج حیا دور فاطمه
تابع امر ولی دور با وفا دور فاطمه
زوجه پاک علی المرتضی دور فاطمه
مرتضی نینده صفاسی حضرت زهراده دی

بخشش و جود سخا بو درگه والاده دی
درد الیندن عاشق زهرا اگر آواره دی
ناعلاجون دردینه زهرا آدین دئ ، چاره دی
هر چتین دردین چاراسی حضرت زهراده دی

گر محب فاطمه یانسا آلیشسا دردیلن
صفحه رخصارینه دردی یازیلسا اشگیلن
با جلالت دامنیندن گر یاپیشسا صدقیلن
مطمئن

• یکشنبه
• 14
• بهمن
• 1397
• ساعت
• 11:26
• نوشته شده توسط
• ابوالفضل عابدی پور

دیللرده غوغادی/بیر روز زیبادی
مژده ای عاشقلر/میلاد زهرادی

مولاتَنا زهرا

ای شافع عُقبا/ای ماه بی همتا
خدمت گذاروندی/مین مریم و سارا

مولاتَنا زهرا

ای دُخت پیغمبر /ای یاورِ حیدر
خوشگلموسن زهرا/یا حضرتِ کوثر

مولاتَنا زهرا

صاحب عطا سنسن/نور هُدا سنسن
باخ شأنیوه یارِ/شیر خدا سنسن

مولاتَنا زهرا

حَوّا چالور لای لای/ای صورتی چون آی
هانسی آنانین وار/اوغلون حُسینه تای

مولاتَنا زهرا

ای لطفوده دریا/ای همسر مولا
قول زیارت ویر/بو(بیکَسه) زهرا

مولاتَنا زهرا

• یکشنبه
• 1
• فروردین
• 1400
• ساعت
• 14:57
• نوشته شده توسط
• یوسف اکبری

عم اوغلی ای شه خوبان
باشیم اوسته اوخی قرآن
باخیب آغلاتما زهرانی
اولا زهرا سنه قربان

سنی مظلوم حسین جانی
باخیب آغلاتما زهرانی

سنیله اولموشام همدم
بو ائوده دوقوز ایل باهم
گل ای عیسی نفس وئر دم
باخیب آغلاتما زهرانی

غمیمده مجتبی آغلار
قیزیم کلثوم اؤرک داغلار
باشا زینب قرا باغلار
باخیب آغلاتما زهرانی

اجازه وئر دئییم بیر سوز
فراقیمده یئمه غم دؤز
حسینیمدن گوتورمه گوز
باخیب آغلاتما زهرانی

یتیمه قیزلاریم قالسین
اؤزوند‌ن عطریمی آلسین
باشا شال عزا سالسین
باخیب آغلاتما زهرانی

پوزولما شور شینیمدن
مواظب اول دو عینیمدن
علی‌التخصیص حسینیمدن
باخیب آغلاتما زهرانی

اوزون وئر غسل و کفن ایله
اماندیر قبری پهن

• سه شنبه
• 16
• بهمن
• 1397
• ساعت
• 18:31
• نوشته شده توسط
• ابوالفضل عابدی پور

چاتسا گر زیبالیقا انسان، هنردور باعثی
باصفا گلشن لرین نورِ سحردور باعثی

خال، هر صورتده اگلشسه اونا قیمت وئرر
گر گوزلدی آسمانِ شب قمردور باعثی

آسمان دوزدی رهایی شوقینی تحریک ائدور
اصلِ پروازین ولیکن بال و پردور باعثی

حاکم اولموش باشلارین اوستونده باطل خیمه لر
سایهء حقدن خبر یوخدی تبردور باعثی

کیمدی علت؟ کیم یولوندان دینی خارج ایلدی
هانسی خائن؟ هانسی شَر؟ هانسی بشردور باعثی

دختر طاهانی بیر شهرین سکوتی ئولدوروب
سن خیال ائتمه فقط دیوار و در دور باعثی

هر مصیبت کی گلوب اسلامه اون بش قرنیده
آند اولا فریادِ زهرایه عُمر دور باعثی

• سه شنبه
• 24
• فروردین
• 1400
• ساعت
• 16:14
• نوشته شده توسط
• یوسف اکبری

هر دل عالمده غم عشقه گرفتار اولماز
عشق سوداسی اولان قلبیده دیوار اولماز

عاشقین گوزلری باغلانسادا یارین گوره جاق
اوج ظلمتده ، اونا مانع دیدار اولماز

چشم بینایه نیازی یوخودی اهل دلین
باشی گر گئتسه ده چشم بصری تار اولماز

قلبینه یول تاپوب عاشق بشرین باخسون اگر
بی گمان اوردا به جز عکس رخ یار اولماز

فاتح قله عشق اولماقا چوخ مدعی وار
لیک مجموعه سی بیر حیدر کرار اولماز

گوز آچ عشق عالمی باخ فاطمه نین رتبه سینه
حشر اولونجا بئله بیر منطقی اقرار اولماز

مرتضا سرور عشّاق ئوزی اقرار ائلیوب
عشق زهرادی نظیری داخی تکرار اولماز

• چهارشنبه
• 12
• خرداد
• 1400
• ساعت
• 12:10
• نوشته شده توسط
• یوسف اکبری