اشعار ترکی حضرت فاطمه زهرا(س)

عالم عالم ایسترم عالم بُلور زهرا سنی
نیلرم آلسا الیمدن بی وفا دنیا سنی؟

سن منیم جسمیمده شیرین جانیمه تشبیه سن
یوخدی شبهه بوالحسن زهرادی، زهرا بوالحسن
روح سن، روحیه سن، سن اولماسان نه سن، نه من
فرد و بی همتا یاراتمیش ذات بی همتا سنی

حقّدور ئولماق سوزوم یوخ، لیک وار بیر مسئله
ضربت دردن سنون سینونده یاره وار هله
وار یری درده دل پیغمبر رحمت گله
گورسه بو پوزقون پریشان حالیله حالا سنی

کاش اجلدن مهلت اولسون، دردیوه اولسون دوا
قولّارون سینون بیر آزجا توختیوب تاپسون شفا
محضریندن چکمه سین خجلت علی المرتضا
درّ تک سالم امانت تاپشوروب طاها سنی

ماسواللهده یگانه تکیه گاهیم سن منیم
دولتیم بختیم امیدیم داد

• جمعه
• 12
• بهمن
• 1397
• ساعت
• 15:53
• نوشته شده توسط
• ابوالفضل عابدی پور

هر چتین دردین دواسی حضرت زهراده دی
گر مریض اولسان شفاسی حضرت زهراده دی

باخ جلال وشأنینه دوقوز آدا دارادی بو
نوری الله نوریدی هر کیمسه دن والادی بو
مصطفی نون مرتضی نون علمینه دارادی بو
یعنی پیغمبر عطاسی حضرت زهراده دی

آسمان عصمته برج حیا دور فاطمه
تابع امر ولی دور با وفا دور فاطمه
زوجه پاک علی المرتضی دور فاطمه
مرتضی نینده صفاسی حضرت زهراده دی

بخشش و جود سخا بو درگه والاده دی
درد الیندن عاشق زهرا اگر آواره دی
ناعلاجون دردینه زهرا آدین دئ ، چاره دی
هر چتین دردین چاراسی حضرت زهراده دی

گر محب فاطمه یانسا آلیشسا دردیلن
صفحه رخصارینه دردی یازیلسا اشگیلن
با جلالت دامنیندن گر یاپیشسا صدقیلن
مطمئن

• یکشنبه
• 14
• بهمن
• 1397
• ساعت
• 11:26
• نوشته شده توسط
• ابوالفضل عابدی پور

دیللرده غوغادی/بیر روز زیبادی
مژده ای عاشقلر/میلاد زهرادی

مولاتَنا زهرا

ای شافع عُقبا/ای ماه بی همتا
خدمت گذاروندی/مین مریم و سارا

مولاتَنا زهرا

ای دُخت پیغمبر /ای یاورِ حیدر
خوشگلموسن زهرا/یا حضرتِ کوثر

مولاتَنا زهرا

صاحب عطا سنسن/نور هُدا سنسن
باخ شأنیوه یارِ/شیر خدا سنسن

مولاتَنا زهرا

حَوّا چالور لای لای/ای صورتی چون آی
هانسی آنانین وار/اوغلون حُسینه تای

مولاتَنا زهرا

ای لطفوده دریا/ای همسر مولا
قول زیارت ویر/بو(بیکَسه) زهرا

مولاتَنا زهرا

• یکشنبه
• 1
• فروردین
• 1400
• ساعت
• 14:57
• نوشته شده توسط
• یوسف اکبری

عم اوغلی ای شه خوبان
باشیم اوسته اوخی قرآن
باخیب آغلاتما زهرانی
اولا زهرا سنه قربان

سنی مظلوم حسین جانی
باخیب آغلاتما زهرانی

سنیله اولموشام همدم
بو ائوده دوقوز ایل باهم
گل ای عیسی نفس وئر دم
باخیب آغلاتما زهرانی

غمیمده مجتبی آغلار
قیزیم کلثوم اؤرک داغلار
باشا زینب قرا باغلار
باخیب آغلاتما زهرانی

اجازه وئر دئییم بیر سوز
فراقیمده یئمه غم دؤز
حسینیمدن گوتورمه گوز
باخیب آغلاتما زهرانی

یتیمه قیزلاریم قالسین
اؤزوند‌ن عطریمی آلسین
باشا شال عزا سالسین
باخیب آغلاتما زهرانی

پوزولما شور شینیمدن
مواظب اول دو عینیمدن
علی‌التخصیص حسینیمدن
باخیب آغلاتما زهرانی

اوزون وئر غسل و کفن ایله
اماندیر قبری پهن

• سه شنبه
• 16
• بهمن
• 1397
• ساعت
• 18:31
• نوشته شده توسط
• ابوالفضل عابدی پور

چاتسا گر زیبالیقا انسان، هنردور باعثی
باصفا گلشن لرین نورِ سحردور باعثی

خال، هر صورتده اگلشسه اونا قیمت وئرر
گر گوزلدی آسمانِ شب قمردور باعثی

آسمان دوزدی رهایی شوقینی تحریک ائدور
اصلِ پروازین ولیکن بال و پردور باعثی

حاکم اولموش باشلارین اوستونده باطل خیمه لر
سایهء حقدن خبر یوخدی تبردور باعثی

کیمدی علت؟ کیم یولوندان دینی خارج ایلدی
هانسی خائن؟ هانسی شَر؟ هانسی بشردور باعثی

دختر طاهانی بیر شهرین سکوتی ئولدوروب
سن خیال ائتمه فقط دیوار و در دور باعثی

هر مصیبت کی گلوب اسلامه اون بش قرنیده
آند اولا فریادِ زهرایه عُمر دور باعثی

• سه شنبه
• 24
• فروردین
• 1400
• ساعت
• 16:14
• نوشته شده توسط
• یوسف اکبری

هر دل عالمده غم عشقه گرفتار اولماز
عشق سوداسی اولان قلبیده دیوار اولماز

عاشقین گوزلری باغلانسادا یارین گوره جاق
اوج ظلمتده ، اونا مانع دیدار اولماز

چشم بینایه نیازی یوخودی اهل دلین
باشی گر گئتسه ده چشم بصری تار اولماز

قلبینه یول تاپوب عاشق بشرین باخسون اگر
بی گمان اوردا به جز عکس رخ یار اولماز

فاتح قله عشق اولماقا چوخ مدعی وار
لیک مجموعه سی بیر حیدر کرار اولماز

گوز آچ عشق عالمی باخ فاطمه نین رتبه سینه
حشر اولونجا بئله بیر منطقی اقرار اولماز

مرتضا سرور عشّاق ئوزی اقرار ائلیوب
عشق زهرادی نظیری داخی تکرار اولماز

• چهارشنبه
• 12
• خرداد
• 1400
• ساعت
• 12:10
• نوشته شده توسط
• یوسف اکبری

السلام ای یار علی
دلدار و فا دار علی
یا حضرت زهرا

یار شیرین کار علی
همسنگر بیدار علی
یاحضرت زهرا

ای یاس پیمبر
دلداده ی حیدر
سرمایه ی هستی
محبوبه ی داور

آد ی ز یب عرش رحمان
ئوزی درد عشقه درمان
سنه جان شیعه قر بان
قدمون مبارک اولسون <۲>

گل خوش بوی هدفی
دلداده ی شاه شرفی
یا حضرت زهرا

رحمت حی ا ز لی
آئین صفانون گوزلی
یا حضرت زهرا

ا ی رحمت رحمان
محبو به ی سبحان
سن جان شرفسن
جانلار سنه قر بان

آد ی ز یب عرش رحمان
ئو زی درد عشقه درمان
سنه جان شیعه قر با ن
قدمین مبارک او لسون

• دوشنبه
• 7
• تیر
• 1400
• ساعت
• 12:59
• نوشته شده توسط
• یوسف اکبری

گون یاندی یاندیریبدی دریانی یا محمد
پرپر ائدوبدی مسمار زهرانی یا محمد

آی باتدی صبح آچیلدی دشمن جفایه چاتدی
یول کسدی بی حیالر ایش تنگنایه چاتدی
ال قوزادی او ملعون فضه هرایه چاتدی
آغلاتدی بو جنایت سارانی یامحمد

ظالم که ظلم ایدنده گویا حسن واریمش
سیلی وراندا ثانی اوغلی یانوب باخیرمش
قاپی یاناندا حیدر اول قاپی تک یانیرمیش
یاغدیرمادی خداوند بارانی یامحمد

غیرتدن ال اوزنلر دعویه بیعت ائتدی
دیواره قان یاخیلدی سوزلر حکایت ائتدی
قاپی دالیندا محسن مادرله خلوت ائتدی
چوخ درد و دل ائدوبلر پنهانی یامحمد

بیر کیمسیه تسلی دوشسه ملاله نینیر
باغی که اود دوتوبدی گلزار و لاله نینیر
باغ فدک سیزونکی زهرا قباله نینیر
زهرانی اینجیدوبدی اول ثانی یا محمد

• شنبه
• 16
• مرداد
• 1400
• ساعت
• 12:51
• نوشته شده توسط
• یوسف اکبری

یافاطمه فاطمه نورپاک ایزدی
هم کفوشیرخداکوثرمحمدی
فاطمه فاطمه غمگسارمرتضی
فاطمه فاطمه نوبهارمصطفی

ای مظهرکبریالطف بیکران تویی
مریم گدای درت سرورزنان تویی
بحرجودوسخا کن عنایتی به ما
فاطمه فاطمه نوبهارمصطفی

ای یادگارنبی ای حبیبه خدا
ذکرایلدیقجه ادین قلب ایوی تاپیرصفا
گلمیشم سائلم درگهیوه قیل عطا
فاطمه فاطمه نوبهارمصطفی

ای جان نثار علی عالمون صفاسیسن
قربان اولوم ادیوادردلرین دواسیسن
غصه دن گل اوزون ایله بیزلری رها
فاطمه فاطمه نوبهارمصطفی

گنج ولانین درپربهاسی فاطمه
پیغمبررحمتین دلرباسی فاطمه
ویربیزه کربلاچاتمامیش بوایل باشا
فاطمه فاطمه نوبهارمصطفی✅

• دوشنبه
• 18
• مرداد
• 1400
• ساعت
• 12:07
• نوشته شده توسط
• یوسف اکبری

یا فاطمه گلدیم اوپم علمین
قلبیمددی گیزلین اولان حرمین
وضو آلوب درگهیوه گلرم
رخساریمه گوز یاشیمی الرم

سائلم ایله کرم ــــــ ای ویرن عالمه دم
دردیمه ایله دوا____سن بیل او قانلی علم

سنسن دوای درمانیم
زهرا سنه قربان جانیم
ای گل طاها یا زهرا؛؛یازهرا؛؛جان؛؛یازهرا
ام ابیها یا زهرا؛؛یا زهرا؛؛جان؛؛یا زهرا
___________________________________
ای گل کیمی جسمی سولوب سارالان
اون سکیز ایل عمرده تز قوجالان
گیجه یاری قبره گیدوب یارالی
ایستکلی زینبدن اولوب آرالی

قلبینی غم لر آلوب_____زینبی درده سالوب
خیبری فتح ایلین____گور نجه حاله قالوب

گوزلری قان یاش الیر
آه و فغانه گلیر
ای گل طاها یا زهرا؛؛یا زهرا؛؛جان؛؛یا زهرا
ام ابیها یا زهرا؛؛یا زهرا؛؛جان؛؛یازهرا

• شنبه
• 17
• تیر
• 1402
• ساعت
• 16:33
• نوشته شده توسط
• یوسف اکبری

فاطمه فاطمه دی روح رسالتدی خانم
فاطمه فاطمه دی خلقته زینتدی خانم
.
.
فاطمه فاطمه دی فوقنه یوخ شأن ومقام
بشرُ کیفَ بشر طاهره مرضیه بنام
خلقتین فاطمه ده خالق ایدوب جمله تمام
مشعل دین خدا نور هدایتدی خانم
.
.
فاطمه فاطمه دی عزّت و شأنی ابدی
اوزی نور خلقتی نور نور خدای احدی
مکتب حقدن آلوب درس کمال و ادبی
آتاسی ختم رسل شمس رسالتدی خانم
.
.
فاطمه فاطمه دی احمد محمود آتاسی
سیّد جنّت حسینیله حسن دور بالاسی
فخر ایدر فاطمیه هر ایکی دنیا باباسی
شرف آل عبا برج امامتدی خانم
.
.
فاطمه فاطمه دی دُخت نبی کنز وفا
معدن فضل و کرم مظهر انوار خدا
بویوراردی آتاسی فاطمیه جانی فدا
فاطمه شأنینه بو شأن دلالتدی خانم
.
.

• شنبه
• 26
• بهمن
• 1398
• ساعت
• 09:40
• نوشته شده توسط
• سید محمد حسینی

نازیله یاتما آچ گوزون
پیغمبرین ریحانه سی
شمع جمالون قوی اولا
جان علی پروانه سی
.
.
آچ گوزلرون گور غصه دن اشکیمده که طوفانی سن
آخر سپهر رافتین سن بیر مه تابانی سن
شیرین دلون قربانیم دیندیر من نالانی سن
شاید شکسته گوگلومون تعمیر اولا ویرانه سی
.
.
ای ذات حق محبوبه سی وی دختر ختمی مآب
ناز ایلوسن سس ویرموسن یا نطقدن مانعدی خواب
دور گور باشون استه نجه آغلور عم اوغلون بوتراب
هاردا بیله بی میل اولار جانانه ئوز جانانه سی
.
.
باد جفای خاریله سولموش جمالون گل کیمی
افشان اولوب زلفون یوزه بیر دسته ی سنبل کیمی
باخدوقجا بو گل سنبله گلم دله بلبل کیمی
شور و نوائیله دولار بو درد و غم کاشانه سی
.
.
چون آیریلیق

• پنج شنبه
• 1
• اسفند
• 1398
• ساعت
• 11:43
• نوشته شده توسط
• ابوالفضل عابدی پور

القصه بیرگجه خانم اولدی فسرده حال
بیتاب اولوب وجودی دوتوب قلبینی ملال

یعنی اوساعتیکه او خاتون مه لقا
نصف شبیدی یاره سین آچمیشدی باغلیا

دوشدی گچن گونی یادینا نیسگل ایلدی
بیمار اوتوردی زخمیله درددل ایلدی

ای زخم سینه باشلاما هجران هواسینی
سالما بو منزیلیمه آنا وای نواسینی

درک ایت بواوتلی قلبیده کی شوروشیونی
پهلولریم یارالیدی اینجیتمه چوخ منی

ای زخم سینه سالدون ایله اود تفاقیمه
مدتدی آلمامیشام حسینی قوجاقیمه

ویرمهلت اول قدر منه سن,اخذکام ایدیم
پیراهنون توخویوم حسینون تمام ایدیم

از بس دوشوب تلاطمه درد و جراحتیم
نه گوندوزی نه وار گجه نی استراحتیم

آیری یارامدا واردی بیر آز سوزشین آزات
گوردون کی یاتدی فاطمه دینجلدی سنده یات

گیزلینجه گاه آچوب سنی گیزلینجه باغلارام
زینب حالیمی بولمیه آهسته آغلارام

اولماز علیه عاشق اولان تنگ حوصله
عشق ولایت اوسته سنی سالمیشام اله

تاپساندا تاپماساندا وجودیمده التیام
غم چکمه حشره جن سنی سینه مده ساخلارام

گرچه بومدتی سنیله واردی سازشیم
اما قبولون اولسا اگر بو سفارشیم

من گیتمه لیم ،صبر ایویمی غارت ایلمه
مندن صورا عم اوغلومی ناراحت ایلمه

یعنی اوساعتیکه دوشر لرزه عالمه
گوردون کی آی ایشیقینی سالدی جنازمه

تارایلمه علینون اولان تار گوندوزون
پنهان ایله عم اوغلوما گورستمه سن اوزون

اما نه چاره سنده اگر اولسان استتار
سندن آخان قانین قاپومیزدا نشانی وار

ویرم قسم جلالتیوه یافاطمه سنون
اندوهیله ملالیوا یا فاطمه سنون

ویرم قسم اوگوزلره کی آغلیانمادی
اول ناتوان اله یاراوی باغلیانمادی

ویرم قسم اوقلبه چکوب آیریلیق داغین
ویرم قسم اوگوزه که گوردی یخیلماقین

من حال احتضاریده ،سن دادیمه یتوش
اول گجه ده قبریده امدادیمه یتوش

بیر روسیه گدادی بو درگاهه ( عندلیب )
لطف ایت شفاعتوندن اونی ایتمه بی نصیب

• سه شنبه
• 13
• آبان
• 1399
• ساعت
• 13:29
• نوشته شده توسط
• یوسف اکبری

غمون علینی ایلدی
غم آشناسی فاطمه

گَتوردی تنگه سینمی
سینون یاراسی فاطمه

بو رسمیدور که اهل دل
دل اهلینون سسین تانور
دلیمده سسلورم آدون
دل ملائک اودلانور
جواب ویر بو بی کسه
اورگیمون باشی یانور
دانیش که تا اله گَله
اورک رضاسی فاطمه

علینون حقّی وار اگر
هی آغلیوب ملول اولا
فنا جهاندا قورخورام
بو زندگیده طول اولا
قالینجا کاش تیز ئولم
مرام دل حصول اولا
که یوخدی سنسیز عالمین
منه وفاسی فاطمه

گونوزلر ایوده اگلشوب
یانان قاپینی باغلارام
یتیم اوشاقلاریم باخار
دیزیمی من قوجاقلارام
هامی ایوه گیدن زمان
گَلوب بقیعده آغلارام
بقیعده سنله دفن اولوب
ایویم صفاسی فاطمه

بجادی روز و شب منیم
سرشکیم آخسا دامنه
زمانه ایلدی سنی
نشانه تیر دشمنه
نه اولدی دردیوه دوا
نه قالدی محسنون منه
الیم بلیمده قالدی ای
الیم عصاسی فاطمه

نیه دانشموسان داخی
بو رازداره رازیوی؟
علی ئورکده ضبط ایدوب
نوای جان گدازیوی
اذان چاقیندا زینبون
آچاندا جانمازیوی
گوزیمی آغلادار اونون
هر اوخشاماسی فاطمه

منی قوجاتدی ئولماقون
اورکده تاب قالمادی
تعجّبم نیه اجل
بو جانی مندن آلمادی
باشون غمی آزالمادی
یارالارون ساقالمادی
شماره گَلمدی سنون
باشون بلاسی فاطمه

دور ای حبیبه ی خدا
منیله سینه داغلیاق
یانقلی آهیلر چکاق
عذاره اشکی باغلیاق
ویراق بو چولده سس سسه
حسینه باهم آغلیاق
حسینیمون سولوب یوزی
ئووب آناسی فاطمه

بو بس دگول که اهل کین
اهانت ایتدیلر سنه
بو بس دگول توکولدولر
در ولیّ ذوالمنه
گیچنده ایندی کوچه دن
سنی ووران گولر منه
دعا ایله ئولوم داخی
دلون فداسی فاطمه

ای عشقباز ممتحن
منیمده عشقه خو واریم
کلامی یَم سیزه گوره
یوزومده آبرو واریم
بو درگهه یخلمیشام
ئورکده آرزو واریم
دوتوبدی پاک دامنون
قاپون گداسی فاطمه

• پنج شنبه
• 22
• آبان
• 1399
• ساعت
• 17:19
• نوشته شده توسط
• یوسف اکبری

منیم وقاریم آی نه نه
اورک قراریم آی نه نه
چراغی سوندی عمروون
سولوب بهاریم آی نه نه
سوزولوب ستاره سی زینبون
کسولوبدی چاره سی زینبون
ساغالان دگول اولنه کیمی
اوره گینده یاره سی زینبون

اوزون مراده چاتمیسان
منی گوزوندن آتموسان
نه تیز حیاتیدن دویوب
قرانلوق ایوده یاتموسان
اورگیمده غملی سوزوم قالوب
نه رمق قالوب نه دوزوم قالوب
باخارام یانان قاپیا نه نه
یخیلان یرونده گوزوم قالوب

یانوبدی عترتون دیلی
سنوبدی حیدرین بیلی
جفای ثانی سوندوروب
پیمبر ایگلین گلی
اوخورام نوای فراقووی
گزرم سنون بوش اطاقووی
ستم و جفالری امتون
کسوب اوز ایووندن ایاقووی

خزان وروب بهاره وی
کسوبدی راه چاره وی
ویرنده غسلووی آتام
سینونده گوردی یاره وی
اورگین بو مسئله داغلادی
یوزه اشک غصه نی باغلادی
در خیبری گوتورن علی
اوجادان هارای چکوب آغلادی

یادیمدا وار اوگون که سن
دیلونده آتش محن
قنادی باغلی قوش کیمی
ایوه گلنده کوچه دن
اورگیمی قان ایلدون نه نه
ملیوب فغان ابلدون نه نه
دیدیم اولما سیلی دگوب سنه
یوزووی نهان ایلدون نه نه

شیوخ پست و پر فتن
ایدوبدی کینه سین علن
اوتوردی ایوده مرتضی
یاسووا اولمادی گلن
شه لافتی سینه داغلادی
یاسا اگلشن قاپی باغلادی
حسن آچدی کوچه قضیه سین
هامی وای دیدی هامی آغلادی

• دوشنبه
• 10
• آذر
• 1399
• ساعت
• 22:09
• نوشته شده توسط
• یوسف اکبری

به سبک(هر کسی کسی دارد...)

ترکی

دختِ مصطَفا گلدی
عشقِ مرتَضا گلدی
شیعه لر آلین عیدی
معدَنِ سخا گلدی

نور منجلی زهرا
یاور علی زهرا

مظهَرِ وفا گلدی
خِیرَه النِسا گلدی
مژده وئر مریضانه
دردلَره دوا گلدی

نورِ منجَلی زهرا
یاوَرِ علی زهرا

حوریلر دیور یاهو
بلبُلان ائدور کوکو
عالَمه گلوب چون کی
یار و دلبَرِ خوش رو

نورِ منجَلی زهرا
یاوَرِ علی زهرا

ای شَرافَتَ مظهر
نورِ دیده یِ حیدر
آدیوه جانیم قربان
آدی دللره ازبر

نور منجلی زهرا
یاور علی زهرا

فارسی

نوکر دَرِ اویم
کویِ عشقِ او کویم
ذکرِ نامِ زهرا را
عاشقانه میگویم

نورِ منجَلی زهرا
یاوَرِ علی زهرا

قبله گاهَمی زهرا
عِزّ و جاهَمی زهرا
ای حبیبه یِ داور
دادِ خواهَمی زهرا

نورِ منجلی زهرا
یاوَرِ علی زهرا

• دوشنبه
• 1
• دی
• 1399
• ساعت
• 17:00
• نوشته شده توسط
• یوسف اکبری

زهرا نجه زهرادی یتوب حدّ کماله
وصفی اولا گُنجیده چتین ظرف مقاله

زهرا نجه زهرا که حیا چرخینه زهره
پیغمبره ریحانه، ادب باغینه لاله

زهرا نجه زهرا که اگر ائتسه قوناقلیق
عیسانی قویار مریم ئوزی صف نعاله

ایستر بُیوده شانینی بیر آزدا کیچیلدر
انسان قلمی مدحینه گر یازسا مقاله

چون فاطمه معصومه‌دی مرضیه حمیده
مکتبده مُدرّسدی ئوزی عترت و آله

عصمت ائله بیر رتبه‌دی گلمز رقم اوسته
تدوین اولا یوزلر بئله دیوان و رساله

مدحینده نظر ایله کسا آدلی حدیثه
تعریف ایلیوب عَزّوَجَل جَلّ جلاله

بلبل کیمی گول بسلدی ئوز شهپری آلتدا
قوشدی ایکی جیران قیز ایکی نازلی ماراله

آیا دویولنده قاپی گلدی قاپی آچسون؟
یا اینکه اونی همسری گوندردی قتاله؟

گر جنگ ائلموردی اونا هاردان یارا دگدی
بین در و دیواریده ائتدی نیه ناله

نادان عربون ریشه سین الله اوتا چکسین
کیمدور اولا منطقلی جوابی بو سواله

• شنبه
• 6
• دی
• 1399
• ساعت
• 19:21
• نوشته شده توسط
• یوسف اکبری

من نه طاووسه اهانتله کبوتر دیمشم
نه دَه شهرتدن ئوتورمَفرغه گوهردیمشم

جاهله قویمامشام ، جاهه گوره عالم آدی
نه دَه تزویریله، آهنگره زَرگر دیمشم

نفس دون قویمامشام، غیرتیمی لکّه لیَه
نه زرعشقینده اَراذل لره سَرور دیمشم

نه صداقت قیزلین صوری آدا پایلامشام
نه دَه هرصاحب کشکوله قَلَندر دیمشم

نه ریاست الینه، ویرمشم ایمانی گرو
نه مَعیشتدن ئوتور، قولدورا، قنبردیمشم

ظاهره ، طاهریلن فاصله، بیرنقطه دَه دی
متن بو فاصله نی ایتمشم اَزبر دیمشم

عامل اَم شام و سَحَر قاضی وجدان سوزینه
اوکه قرآن بویوروب، منده مُطهّر دیمشم

او الیکه اونی طاها اوجلاندیردی گوگه
او اَلون صاحبینی، دینیمَه رهبر دیمشم

نه زمانیله ایشیم واردی، نه ماضی لَریلن
من فَدَک مالکینه، ساقی کوثر دیمشم

یتمش ایل عمریده فخریم بودی بیچون و چرا
سوزعدالتدن اولوب، بَنده دَه حیدر دیمشم

سوزلریم دوزدی اگرسَنده بُویورمن دِیَنی
من خانم فاطمه نی عالمه دلبر دیمشم

• یکشنبه
• 7
• دی
• 1399
• ساعت
• 13:43
• نوشته شده توسط
• یوسف اکبری

به سبک (ایران اگر دل تو را...)

زهرا
گوزآچ علینی قویماتنها
گوزومده تاراولوبدی دنیا
منی سالوب حصاره غملره
ئولومی ایلورم تمنــــــــا

زهرا
بوقلب زاری آز آلیشدیر
گوزآچ علینی بیر دانیشدیر
کوسوب زمانه دن بوگوگلوم
بیانه گل منی باریشدیر
غمون سالیب منی کمنـــده
علینی غم چکوبدی بنده
بودیزلریم،ایراق گوزوندن
اَسوردی غسلووی وئرنده
اویان اویان وفالی زهرا۲

زهرا
قاپیم یانانداهمت ائتدون
علینی غرق خجلت ائتدون
نه تازیانه دن یورولدون
نه سیلیدن شکایت ائتدون

زهرا
چکنده ظلم اودی شراره
قاپیم دچاراولانداناره
باتوبدی میخ دراوحالدا
سنون سینون اولوبدی یاره
دیدون بتول اطهرم من
بابام رسوله دختـــــرم من
توکولسه گرقانیم بویولدا
گینه علیـــــــّه یاورم من
اویان اویان وفالی زهرا۲

زهرا
چکورشرارغم زبانه
اوجالمیش آهیم آسمانه
وئرنده غسلووی نه گوردوم
قولــــونــدا رد ّتازیانه

زهرا
اوحاله قدسیـان باخوردی
جهانی یاندیریب یاخوردی
سینونده کی یارادان ای گل
من آغلادوقجاقان آخوردی
توکوردی سواوجسمه اَسما
گوگرمیشیدی یکسراعضا
یارالی پیکرون گورنده
دولاندی باشیـــمه بودنیا
اویان اویان وفالی زهــرا

زهرا
علی که خصمیدن باج آلدی
ییخوبدی بت لاری،اوجالدی
دوزنمدی فراقه والله
وئرنده غسلووی قوجالدی

زهرا
دوتوبدی قلبی دردومحنت
چتیندی مرتضایه غربت
دعا ائله علیــــــده ئولسون
یوخومدی بو حیاته رغبت
اوره ک بوسینه ده سیخیلدی
عنان صبرِدل چیخیلدی
سنی فلک الیمدن آلدی
آچیخ دییم ائویم ییخیلدی
اویان اویان وفالی زهـــــرا

• شنبه
• 23
• اسفند
• 1399
• ساعت
• 17:22
• نوشته شده توسط
• یوسف اکبری

ای دختر طاها / اِنسیة الحورا
گویلرده کی نور جلی سنسن

ای گول یوزی مهتاب/ ای مادر ارباب
یا فاطمه یار علی سنسن

درس ولا وئردون
بین درو دیواریده زهرا جان

عالم سنه حیران
من ایثاریوه قربان اولوم زهرا جان

یر گویلری الله سنه خاطر یارالدیب
عاشقلرین باشین گوزل آدون اوجالدیب

یا فاطمه یا فاطمه یا فاطمه جان

ای کوثر قرآن / یا خِیرة النِسوان
محبوبه خلاق بی همتا

ای قبری پنهانی /سن بیل حسین جانی
بانو الیمنن توت منی قوغما

سن وئرموسن عزّت
تا اتدون منی دعوت بیرا یازهرا

دعوت ایله بیرده
تا درده ائده چاره گدا یا زهرا

بیر سائلم گلدیم گینه آه و نوایه
یاز بیر مدینه دعوتین بو بی نوایه

یا فاطمه یا فاطمه یا فاطمه جان

ای مه لقا بانو / وورسون گرک زانو
خدمت گذارون اولماقا مریم

یوخدی سنه همتا / یا حضرتِ زهرا
ای میوه قبل شه عالم

ای هامی حیدر
سن باشین اوجاتدون شیعه نین دنیاده

بو بیر حقیقتدی
سن تک قویماسان احبابیوی عقباده

بسدور ایکی عالم بیزه بیله سعادت
محشر گونی سن بیزلره ائتسن شفاعت

یا فاطمه یا فاطمه یا فاطمه جان

• دوشنبه
• 25
• اسفند
• 1399
• ساعت
• 22:19
• نوشته شده توسط
• یوسف اکبری

گل باغ جنان یازهرا
امیدعاشقان یازهرا
به یمن مقدم توامشب
میخنده آسمان یازهرا
یازهرا۳

فرشته تاج گل میبنده
لباش ازشوروشوق میخنده
سرودمرحبامیخونه
ازعشق فاطمه مجنونه
یازهرا۳

شده وقت نزول کوثر
بگیرعیدی زدست حیدر
بگوازجان ودل یامهدی
مبارک برتوروزمادر
یازهرا۳

گوزآچدی فاطمه دنیایه
اولوبدی عالمه پیرایه
فرحلندی قلب پیغمبر
ویرورعاشقلره پای حیدر
یازهرا۳

ائدون ای شیعه لرسیزشادلیق
علیدن ایستیون بایراملیق
گلوبدورحیدرون دلداری
گوزآچدی شیرحقون یاری
یازهرا۳

بومولود،عصمته مظهردی
دلیل خلقتِ داوردی
نظیری یوخ مونون عصمتده
قویوب مریملری حیرتده
یازهرا۳

بوزهرادی یارحیدردی
حسین تک رهبره مادردی
مونون دامانی بیرمکتبدی
بومکتب حاصلی زینبدی
یازهرا۳

• جمعه
• 29
• اسفند
• 1399
• ساعت
• 11:40
• نوشته شده توسط
• یوسف اکبری

زهرادی، مَهِ بی هَمتا
میوه ی دلِ طاها

زهرادی، کَرَمی دریا
زهرادی، گُلِ زیبا

زهرا بیر مَهِ اَنوَردی
لُطفِ خالقِ اَکبَردی
قرآندا، آدی کوثردی
زهرا، اُمّ اَبیها

ولایت اَهلیندن اوزگه سی، بولمز
فاطمه نین مثلی عالَمه گَلمَز

محبّتِ زهرا، دیلده کیمون اولسا
جهاندا علیدن، اوزگه سینی سویمَز

جانِ پِیَمبَر
شیعیه مادَر
حَشریده یاوَر
زهرا

اورک صفاسی
دردیم دواسی
حسین آناسی
زهرا

زهرادی، علّتِ خلقت
زهرا، سَروَرِ نِسوان

دنیاده، هامی انسانلار
وَصفینده قالوب حیران

زهرا نو گُلِ اَحمَردی
زهرا همسرِ حیدردی
زهرا زینبه مادردی
زهرا اُمّ اَبیها

عَقلِ بَشَردن، مقامی بَرتَردی
ولای زهرا، ولایِ حیدردی

اِنسیه ی حورا، بِضعه ی طاهادی
سَیِّدِ شَبابِ، جنانه مادَردی

دِلبَرِ طاها
یاوَرِ مولا
شأنیده یکتا
زهرا

درده مُداوا
مِهرِ دل آرا
اُمّ ابیها
زهرا

• یکشنبه
• 1
• فروردین
• 1400
• ساعت
• 15:29
• نوشته شده توسط
• یوسف اکبری

رواق عرش معلا سنوندی یازهرا
رَدایِ عصمت کبری سنوندی یازهرا

کمندِ زلفووه حُور و مَلکدی مَشّاطه
بو شَان و رتبه ی عُظما سنوندی یازهرا

طواف ایدردی سنی مصطفاده کعبه کیمی
دیردی هستیِ طاها سنوندی یازهرا

سَنیله حیدری بیرکفّه ده عیارایلسوک
گینه ده رتبه ی لُولا سنوندی یازهرا

ئوزی یازوبدی خداخلقته کتاب حیات
همان کتابیده امضا سنوندی یازهرا

سنون شفاعتووه آدمی باغشلادیلار
ثوابِ سَجده ی حَوّا سنوندی یازهرا

خلیله آتش نمرودیدن ویرنده نجات
خطابِ بَرد و سلاما سنوندی یا زهرا

بو جمله نوریله چرخِ چهارمه یازیلوب
جلال و جاه مَسیحا سنوندی یازهرا

طُفیلی دورقاپوا بانوانِ باغِ بهشت
وقارِ مَریم و سارا سنوندی یا زهرا

سنون سَسونله مَلَک هاجره دیدی زَمزَم
صدای معجزه آسا سنوندی یا زهرا

آدون گلَنده اگرقدسیانی مَست ایلیور
شرابِ جامِ تَولّا سنوندی یا زهرا

هامی گوزین یوماجاق دادگاهِ مَحشرده
یگانه اِذنِ تماشا سنوندی یا زهرا

قاپووی یاندرانا ، لَعن ایدراگر شیعه
بو سوز فریضه دی فَتواسنوندی یازهرا

خانم بو قاره گین لر گدای عشقوندی
دعابیزیم ، کَرَم اَمّا سنوندی یا زهرا

• شنبه
• 14
• فروردین
• 1400
• ساعت
• 23:02
• نوشته شده توسط
• یوسف اکبری

اوگون که غصه ایاقدان سالوبدی زهرانی
گورن یقین ائلدی ترک ائدوربودنیانی

ئولوم توزی یوزونه قوندی سولدی سیماسی
دوشوب گوزی چوخوراسست اولوبدی اعضاسی

عبث یره اوخانم ائوینی یخموردی
یواش یواش دانشوردی صداسی چخموردی

علینی سسلدی اولدم کناربسترینه
الین آلوب الینه باخدی غملی همسرینه

گوزل گوزونده دئدی یاعلی گوزوم واردی
یانیمدااگلش عم اوغلی سنه سوزوم واردی

یاخنلاشوب اجلیم بوجهانی ترک ائدورم
بابام حضورینه پهلوشکسته من گئدورم

توکوب سرشکوی سن وئرمه صبرائوین سیله
باشون صاق اولسون عم اوغلی داریخماصبرائله

گورم گنه بابامی غرق اشتیاقم من
بیر آز زمان بوجهاندا سنه قوناقم من

اگرچه آیریلورام گل کیمی بوگلشندن
ئوزون بیلیرسن عم اوغلی که دویمادیم سندن

بوقدر آغلاما پوزما منی اوحالونله
بهشته ده گئدورم من سنون خیالونله

سنون خیالوی بیرلحظه باشدان آتمازدیم
گلنده سن ائوه آخشام زمانی یاتمازدیم

ولیک دوشدوم ایاقدان جفائیله بیردن
گذشت ایله نچه گوندوردورانمورام یردن

فدک سوزون هله سالما غمیله یانیمده
قباله ده سنه قربان فدکده جانیمده

وفالی دلبر اویان دلبریندن ئوز دوتما
بوشرعی مسئله دورهمسریندن ئوزدوتما

منی گذشت ائله مه طلعتیمی گیزلدورم
منی نظرده دوتوب صورتیمی گیزلدورم

اودم که گل ئوزومه مغسل اوسته دوشدی گوزون
وئرنده غسلیمی سیلی یرین گوررسن ئوزون

سوروشما هاردامنه دمبدم خطرگلدی
خدابیلورقاپیداباشیمه نلرگلدی

غروب اولاندا عم اوغلی جهانی داغلاردیم
بهانه محسندی سندن اوتری آغلاردیم

اورگده ایلمه شکوه بوقوم اعدادن
ئوزوم سلاموی آلام بهشت اعلادن

اوگونکه امرخدائیله همسرون اولدوم
همیشه سعی ائلدیم یارویاورون اولدوم

غریبه گونلریدی شوقیله اورک دولدی
سنیله خوش گونوموز ائوده دوقوزایل اولدی

بودوقوز ایلده سنه هیچ سفارش ایلمدیم
سنی فشاره سالوب آیری خواهش ایلمدیم

ولیک ایندی سنه بیرسفارشیم واردی
گجله غسلیمی وئرفوری ائت روانه منی
(ئوزون نمازیمی قیل دفن ائله شبانه منی)

اودم که ناله صداسی یتشدی لاهوئه
یارالی جسمیمی قویدون شبانه تابوته

اگرچه نازل اولار نعشیم اوسته میکائیل
گلرجنازه می آلسون ال اوسته جبرائیل

اوجات منیم باشیمی ای پناه عالمیان
جنازه می ئوزون ال چگنوه سنه قربان

• پنج شنبه
• 6
• خرداد
• 1400
• ساعت
• 13:32
• نوشته شده توسط
• یوسف اکبری

سسله سرلوحه ى ايمانى دئنن يازهرا
سير ايله عالم عرفانى دئنن يازهرا

آدى هر بيتيده گلديقجه سالار مجلسه شور
كيمدى گور شعريمين عنوانى دئنن يازهرا

اى على شيعه سى احسنت سنون غيرتيوه
راضى ايله شه مردانى دئنن يازهرا

ئولونى ايسته سه احيا ائليه،عيساده
چاغورار حضرت زهرانى دئنن يازهرا

معتبر سوزدى كه زهرايه گروه حى قدير
ياراديب عالم امكانى دئنن يازهرا

نئجه زهرا كه يوزيندن ياغورى نور خدا
مات ائدوبدور مه تابانى دئنن يازهرا

نئجه زهرا كه اونون شأنينه كوثر گلدى
اوخيان وقتيده قرآنى دئنن يازهرا

كربلا نهضتينه قلبيده مين حسرتيله
بسلدى شاه شهيدانى دئنن يازهرا

دردمند اولسون اگر صدقيله گل بو قاپيا
درديوين بوردادى درمانى دئنن يازهرا

كيم مقدس اتگيندن دوتا مأيوس اولماز
بوشلاما سنده بو دامانى دئنن يازهرا

بويوروب حق كه بهشت اهلى ديلر فاطمى لر
سئويسن روضه ى رضوانى دئنن يازهرا

نگران اولما شب اول قبروندن سن
ائده جاق قبريوى نورانى دئنن يازهرا

ايستيسن گر سنه محشرده شفاعت ايليه
ياده سال منشأء غفرانى دئنن يازهرا

كيمسه(فرهادى)اوركدن چاغورا زهرانى
تاپاجاق رتبه ى شايانى دئنن يازهرا

• پنج شنبه
• 6
• خرداد
• 1400
• ساعت
• 22:08
• نوشته شده توسط
• یوسف اکبری

مدینه اهلی گلون جوان ئولوبدی ننم
جوانلیقیندا قدی کمان ئولوبدی ننم

جام صبری جالاندی
حق اوستونده دایاندی
ووردولار یارالاندی
آنام لایلای...............آنام لایلای

سیزون بو آغلاماقوز رفع ملال ایلمز
آنام دا گیچسه حسن سیزی حلال ایلمز
مریض آنامین حالین رعایت ایلمه دوز
سوروشمادوز حالینی عیادت ایلمه دوز

هانسی مادر مضطر
آز سنینده مکرر
آللهدان ئولوم ایستر
آنام لایلای ................آنام لایلای

خدا میدونه چه دید درون کوچه حسن
که ذکر او شده وای شهیده مادر من
خدا به داد دل برادرم برسد
که خنده بر لب او برا برم برسد

شب ها تا سحر از غم
ذکرش گشته دمادم
کاش من سیلی می خوردم
آنام لایلای ...............آنام لایلای

مدینه غم به دل حسن نشسته دگر
ز دست مردمتان دلش شکسته دگر
ندیده خنده کسی دگر به کنج لبش
تمام هستی من فدای تاب و تبش

دائم در هیجان است
در فریاد و فغان است
فکر مادرمان است
آنام لایلای...................آنام لایلای

• جمعه
• 7
• خرداد
• 1400
• ساعت
• 16:15
• نوشته شده توسط
• یوسف اکبری

کیمدی زهرا کرم و جود و سخا دریاسی
کیمدی زهرا . شرف و حجب و حیا معناسی
کیمدی زهرا . ادب و مهر و وفا دنیاسی
شانه باخ شانینه قرانیده چوخ آیه گلوب
جان فدا شوکتینه عالمه پیرایه گلوب

کیمدی زهرا که اولوب مفخر نسوان جهان
کیمدی زهرا که اولوب پیکره ی خلقته جان
کیمدی زهرا که اونون وصفینه قاصردی زبان
حضرت لم یزلون خلقتینون محوریدی
احمدین ذات احد وعده وئرن کوثریدی

کیمدی زهرا که بئله منزلتی والادی
اونی تعریف ائلیین ذات حق یکتادی
نه یازوم مدحتینه دهریده بی همتادی
فاطمه تکدی قسم ذات حق یکتایه
گلمیوب گلمیه جاق مثلی اونون دنیایه

مدحت فاطمیه دفتر و دیوان یازیلوب
شأن والاسینه باخ مدحی فراوان یازیلوب
خلقت ما خلقه خلقتی برهان یازیلوب
چوخلاری شرح ائلیوب منزلت زهرادن
یازیلانلار هاموسی قطره دی بیر دریادن

کیمدی زهرا بو قدر شأن و جلالت واریدی
کیمدی زهرا که بیزه لطف و عنایت واریدی
کیمدی زهرا که اونون حق شفاعت واریدی
روز محشرده بلی آیری قیامت ائده جاق
حیدرین شیعه سین اولده شفاعت ائده جاق

آتاسی ئولدی سالوب باشه قرا صبر ائلدی
دهریده امت اونا ائتدی جفا صبر ائلدی
دینه خاطر دایانوب چکدی بلا صبر ائلدی
اریدی غمدن اونون پیکری چوخ اولدی نحیف
دورا بیلمز ایاقا جسمی کیمون اولسا ضعیف

جسمی تحلیله گئدوب دوشدی ئولوم بسترینه
دئمه دی دیلده کی نسکلرینی دلبرینه
بیر فقط ائتدی وصیت نگران همسرینه
دئدی ای روحه روان گل سنه قربان ئولورم
یئتیشوب پیک اجل زار و پریشان ئولورم

دویموشام جانه عم اوغلی ائدورم آه و فغان
قدیمی غملر اگوبدور ائلیوب مثل کمان
گئدورم دار بقایه ولی سیزدن نگران
عزتین جامه سینی عمر بویی سویمامیشام
زینبین و حسنینیمدن هله دویمامیشام

اولموشام ظلمون الیندن نجه گور غرق محن
ئورگیم غمله دولوبدور منه غربتدی وطن
گوندوز ئولسمده گئجه وقتی ائله غسل و کفن
ایستورم گلمیه تدفینیمه دونان زمان
مخفیانه منی دفن ائتگیلن ای مونس جان

چکدیم آز عمروده من درد فراوان ئولورم
بولورم اولمویاجاق دردیمه درمان ئولورم
باشیم اوستونده عم اوغلی اوخی قرآن ئولورم
یورقونام دهریده چوخ جور و جفادن گئدورم
یئتیشوب سینمه جان دار فنادن گئدورم

(سالک) عمرونده منیم غملریمه آغلیاجاق
یازاجاق محنتیمی سینه لری داغلیاجاق
اگنینه قاره گئیوب باشه قرا باغلیاجاق
سائل درگهیمیزدی اونا احسان ائدرم
روز محشرده ئوزوم دردینه درمان ائدرم

• جمعه
• 14
• خرداد
• 1400
• ساعت
• 11:11
• نوشته شده توسط
• یوسف اکبری

گل یانیما جان وئریرم عموغلی عمو غلی
گل اوخو قر آن اولورم عموغلی عمو غلی

فاطمه جان گیتمه دایان اماندی اماندی
ائتمه منیم باغریمی قان اماندی اماندی
فاطمه جان سالما منی ملاله ملاله
ثانی دون سالدی سنی بو حاله بو حاله
گون ایشیقیم سنله گیدیر زواله زواله
سنسیز اولور ناله فغان اماندی اماندی
ائتمه منیم باغریمی قان اماندی اماندی

قاتیلیمه وئرمه گیلن اجازه اجازه
جانیمی چونکی گتیریپ بوغازه بوغازه
ایستمیرم ثانی گله نمازه نمازه
غملریوی من بیلیرم عموغلی عموغلی
گل اوخو قر آن اولورم عموغلی عمو غلی

فاطمه جان جان گوزووون فداسی فداسی
گلسین عمو اوغلون جانینا قاداسی قاداسی
قانی گلیر وار سینه وین یاراسی یاراسی
جانیوه قربان اولاجان اماندی اماندی
ائتمه منیم باغریمی قان اماندی اماندی

گل لریمی سعی ائله گوزدن آتما علی جان
فاطمه قربان سنه یاسه باتما علی جان
گوز یاشیوی خون دیلینله قاتما علی جان
اشکیوی گوزدن سیلیرم عموغلی عموغلی
گل اوخو قر آن اولورم عموغلی عمو غلی
آتش هجرانه دوزوم یوخومدی یوخومدی
اوتلانیرام آیری سوزوم یوخومدی یوخومدی
گورماقا هجرانه گوزوم یوخومدی یوخومدی
گوزلرین آچ مونس جان اماندی اماندی
ائتمه منیم باغریمی قان اماندی اماندی

• چهارشنبه
• 2
• تیر
• 1400
• ساعت
• 11:26
• نوشته شده توسط
• یوسف اکبری

ای خَتم رُسل حضرت طاها گوزون آیدین
مولا گوزون آیدین
دنیایه گلوب فاطمه ،آقا گوزون آیدین
مولا گوزون آیدین
ائتدی سنه اعطا--خالق ئوزی زهرا

دنیای قدم قویدی بو گون مامِ امامت
همان باعث خلقت
بیر گون اولاجاقدور بو قزون ناجی اُمّت
فردای قیامت
امّت لَر اَرا فاطمه دور مَظهر رحمت
بانوی شفاعت
گلدی ائووَه حضرت زهرا گوزون آیدین
مولا گوزون آیدین
ائتدی سنه اعطا--خالق ئوزی زهرا

بَذل ایله دی خالق سنه بیر کوثر قرآن
هامی دردلره درمان
عطری ائلیرگور نجه بو عالمی حیران
عالم اونا قربان
امّت اونا وابسته دی ای خسرو خوبان
وی شمس درخشان
باش اَگدی اونا شاخهء طوباگوزون آیدین
مولا گوزون آیدین
ائتدی سنه اعطا--خالق ئوزی زهرا

اَبتَر دِیَن هاردا گورَه زهرای مُطهّر
اولوب معنی کوثر
اولدی آتاسی احمده بو سئوگُلی مادر
بو مولود مُعطّر
سارائیله مریمدن اولوب فاطمه بَرتر
نسوانه دی سرور
روشَندی سَراسَر هامی بَطحاگوزون آیدین
مولا گوزون آیدین
ائتدی سنه اعطا--خالق ئوزی زهرا

مِصداق صفا،مِهر و وفا ،مادر اَطهار
محبوبه ی دادار
روح شَفَقت کان حیا اولدی پدیدار
ای احمد مختار
صف صف دایانوب فوج مَلک تا ائده دیدار
عرش اهلیدی زوار
(نادرده)قوشوب سَس سَسه آقاگوزون آیدین
مولا گوزون آیدین
ائتدر سنه اعطا--خالق ئوزی زهرا

• دوشنبه
• 14
• تیر
• 1400
• ساعت
• 17:05
• نوشته شده توسط
• یوسف اکبری

آمد عزیـــزه ی جنان
علت به خلقت جهان
زمقـــــدم مبـــــارکش
گلشن شده کون و مکان
عالمی شده چراغان - خورشید منور آمد
مادر حسین و زینب - ذوالفقار حیدر آمد
ای - قرار دل بــی قــرار مــــن یا زهرا
همه هستیــم افتخار مــــن یا زهرا
از کودکی ام عـاشق حسین اویم
در هر دو جهان اعتبار مـن یا زهرا

عاشقان شب هجــــران نبی سر آمد
مادر حسین ، همسر علی خوش آمد

درد منـــم دوا تــــویی
شفیعــه ی جزا تــویی
حُبِّ تو به جنت ندهــم
بهشت بــا صفــا تویی
قبله ی دلم یا زهرا - شمع محـــفلم یا زهرا
به درگهِ جود تو من - عبد و سائلم یا زهرا
من - زباده ی جامت خوشم همیشه مستم
مهــر تو به سینه دارم اگر چـــه پَستم
لطفــــی بنما کن مرا غـــلام حسابم
آخه عمـــریه نوکر حسینت هسـتم

عاشقان شب هجــــران نبی سر آمد
مادر حسین ، همسر علی خوش آمد

ترکی

گلوبــدی گوگلـــردن ندا
حضـــرت نبــی ِّ خــــاتمه
مدینه دولــــدی نـــوریلن
بیر گل گوز آچدی عالمه
قدمی مبارک اولســـون - حسنین آناسی گلدی
شادماندی عرشین اهلی - جنتین صفاسی گلدی
جان - میر مومنان حیـدری نگاری گلدی
عشق عالمینون فصل نوبهاری گلدی
اربابیمیـــــزون آناسی گلوب جهانه
زینب و حسینون دارو نداری گلدی

عاشقان شب هجــــران نبی سر آمد
مادر حسین ، همسر علی خوش آمد

زهرایه قربانــــدی آنـام
بودور دُر نـــــایابــیمیز
بالالاریـــنا جــــان فدا
اوغلی بیـــزیم اربابیمیز
در گاهینه نوکرم من - گـــل آدینی ازبرم من
مشگله دوشن زماندا - صدق اوزیله سسلرم من
سن - یا فاطمه ای دریــای سخا و رحمت
ای مدافع حـــقّ و عصمت و ولایت
(پــویا) ایستیـور اهــل جَمعه عیدیانه
اربعین گونی بیر کرب و بلا زیارت

عاشقان شب هجــــران نبی سر آمد
مادر حسین ، همسر علی خوش آمد

• جمعه
• 25
• تیر
• 1400
• ساعت
• 10:06
• نوشته شده توسط
• یوسف اکبری