اشعار ترکی امام حسین (ع)

مظهر عدل و عدالت عین عزت سن حسین
صاحب جود و کرم کان کرامت سن حسین
فرقی یوخ اوغلونلا بیر قاره غلام آقا سیزه
فاطمه دردانه سی دریای رحمت سن حسین

کربلاده خانهء احسانی آبا د ائیلدون
حکم آزادی یازیپسان جونی دلشا د ائیلدون
بختی آغ قاره غلامین قلبینی شا د ائیلدون
عرض ائدیپ مولاسینا کان کرامت سن حسین

عرض ائدیپ قووما قاپیندان روسیاهم سیدی
عمری سنسیز نینیرم من عبد شاهم سیدی
گرچی چوخ نالایقم من بی پناهم سیدی
رحمهًللعالمینه سن کی حجت سن حسین

الغر ض قار ه غلام آلدی سعادت نوبتین
جنگ ائدیپ چوخ عاقبت ایچدی شهادت شربتین
آخدی قانی مقتله گورستدی نوکر خدمتین
فکرائدیپ کی گلمه مولاچکمه زحمت سن حسین

گوردی ناگه باشینین اوستونده حاضر دی آقا
حالینا ا فکارینا هر لحظه نا ظردی آقا
مهرباندی هرزمان انصاره ناصردی آقا
عرض ائدیپ کی مظهرحق وعدالت سن حسین

آلدی آغوشه غلامین باشینی مولا او دم
گوزیاشی آخدی گوزوندن گورسنیر آثار غم
حمل ائدیپ اخیامه نعشین آغلاشیپ اهل حرم
گوردی عالملرکی سن عین عطوفت سن حسین

یاحسین بیزلرده واللاه روسیاهیخ گلمیشیق
معصیت ده غوطه ورغرق گناهیخ گلمیشیق
هرمکاندان طرد اولونموش بی پناهیخ گلمیشیق
دوتماقاسائل الیندن سن کفایت سن حسین

یوخدی قورخوم هئچ مکانداگردوتام من دامنین
من غلامم جونه مولا ال منیم دامن سنین
اولماسان محشرده قورخوم وار اولا ایشلر چتین
روز محشرده یقین باب شفاعت سن حسین

• پنج شنبه
• 3
• تیر
• 1400
• ساعت
• 11:29
• نوشته شده توسط
• یوسف اکبری

اوخلار ائدیب سینه می شانشان باجی
یاره لر یمدن سوزولور قان باجی
باغلا میشام حقله پیمان باجی
من ئولم احیا اولا قرآن باجی

جان سنه قربان باجی<۲>

یا ره لییم تیکمه من گوز باجی
سالما یانان سینه وه چوخ کوز باجی
صبر ائله هر درد و غمه دوز باجی
یاند یراجاق قلبیوی هجران باجی

جان سنه قر بان باجی<۲>

عهد ائله میشدیم بو یانام قانیمه
جا ن وئر م آ ئینیمه قرآنیمه
وافییم ئوز عهد یمه پیمانیمه
غم یمه چوخ اولما پر یشان باجی

جان سنه قر بان باجی <۲>

خیمیه گئت باشیوه یغ قیزلاری
رام ائله آی سیز قالان اولدوز لاری
آغلاما آغلاتما آ دا مسیز لاری
ایندی قو پار خیمه ده طوفان باجی

جان سنه قر بان باجی<۲>

سینه ده گر یاره لر یم سان وئریر
هر یارا بیرچشمه کیمین قان وئریر
یارلی مقتلده حسین جان وئریر
زنده و جا وید اولا قر آن با جی

جان سنه قربان باجی<۲>

خیمیه گئت قوی منی بو حا لده
شمر ستمگرله بو گو دا لده
باش کسه جک غملی بیر احوالده
قان ایچه جک خنجر بران باجی

جان سنه قربان باجی<۲>

• جمعه
• 11
• تیر
• 1400
• ساعت
• 11:07
• نوشته شده توسط
• یوسف اکبری

ای شیعه حسینه نچه دسته اوخ آتان وار
اگنینیده قرا کوینگی غفلتده یاتان وار

بیر عدّه ریاست هوسیلن گئجه گوندوز
هی فتنه سالور چون اورگینده هیجان وار

یبر عدّه نهان دور او قرا کوینگین آلتدا
قلبینده دولی فسق و فسادیله یالان وار

هیئتده ورور باشینه ظالم ایکی الّلی
بازاریده چک سفته آلوب خردالیان وار

هیئتده رباخواره داداش وئرمه ریاست
چون حرمله دی اوندادا بیر تیر و کمان وار

از بس ائشیدوب فاطمه حاضر دی عزاده
هم اوغلی حسینیله ابوالفضل جوان وار

حتما گلوب الاندا یوخوندان اوخین آتسون
یوخسا اونا هیئتده مگر جا و مکان وار؟

قد افلح نی گئت اوخی قرآنیده اوّل
گور مومنه قرآندا نچه شرط و نشان وار

اولسون گرک اوّلده نمازینده خشوعی
اوّلده اصول ایستوری حق،بعد فروعی

یعنی بنماز اولسا گر ایمانی یالاندی
قویما اوخیا نوحه حسینه اوخ آتاندی

دوّم بودی قرآنیده ایمانه علامت
مومنی اودی خلقه ایلیه ردّ امانت

اوچمینجی زکات اهلی اولار مومن عاقل
سرمایه سینون خمس و زکاتین وئره کامل

امّا بودی قرآنیده دوردیمجی علائم
مومن اودی که لغویدن اعراض ائده دائم

بش مینجیسی،مرد اولمیا گر حفظ فروجه
مومنی دگی باش دگسه اگر گویده بروجه

بیر بیله بشر،شاعر و یا پیشنماز اولسا
پاک اولمیاجاق مین دفه قیش فصلی یاز اولسا

قادر دگی بیر شخص اوخیا حمد نمازی
شاعرلیگه کیم وئردی اونا اذن و جوازی

یتمیش ایله بیر شخص که ئورگنمیه حمدی
واللهی اونون شعری ده اسلامه ستمدی

شاه شهدا ایستی هوا ظهر زمانی
دوتموش باشی اوسته توزیلان بورکی هوانی

باران کیمی دورت سمتیدن اوخ یاغدیرور اعدا
لبلبر قوری یالقوز یارالی یکّه و تنها

معبودیله ترک ایلمدی راز و نیازی
زهرا بالاسی قیلدی او حالتده نمازی

انصاف ائلسون شمر ئوزی قائلدی نمازه
افسوس حسین نوکری کاهل نمازه

• جمعه
• 11
• تیر
• 1400
• ساعت
• 14:29
• نوشته شده توسط
• یوسف اکبری

کوی عشقونده الهی باش نَدور پیکر نَدور
سرخوشام بو یاره لردن اوخ نَدور خنجرنَدور

قانلو محرابیمده من چاتدیم وصال یاریمه
اوزگه یاره باخماز عاشق چون بیلور دلبر نَدور

مَسلخ عشقونده دوغراندی نَبی منظر بالام
من سنه مشتاقم الله بیلمورم اکبر نَدور

رَاس نی ده من خوشام باشیم هُوالحَق سسلیه
حَق سوز عنوان ائتمگه مسجد نَدور منبر نَدور

یاندورور گرچه عطش دنیا سویوننان ایچمرم
مست مست جام عشقم بیلمورم کوثر نَدور

خلعت شاهانه دور بو کهنه کوینک اَگنیمه
طالب عَهد اَلسته ، زر نَدور زیور نَدور

مایلم بو کوینگیمله فاطمه گورسون منی
جامهء وَصلتده سُندُس یا که تار زر نَدور

آنلیما بیر داش وروبلار قان آخور رخساریمه
کئچمیشم باشدان اِلهی بیلمورم اَفسر نَدور

قاره تپراقه خوشام آخدوقجا قانیم هو یازا
عاشقانه بیر غَزلده خامه یا دفتر نَدور

سینه می نیزاره اوخشاتسا بو اوخلار عیبی یوخ
ایستی گون ایلر مداوا مَرهم و بستر نَدور

اَمر ایله روح الاَمینه کولگه سین رَد ایله سون
عاشق و معشوق اَراسیندا داها شهپر نَدور

قویدی (نادرده) متاع عمرینی بو درگهه
گرچه شاه کربلایه مین بله نوکر نَدور

• شنبه
• 12
• تیر
• 1400
• ساعت
• 16:47
• نوشته شده توسط
• یوسف اکبری

یا حسینِ بنِ علی وارث مَقصود اَزل
ایلَدون یوم اَلستونده کی پیمانه عمل
ماخَلَق گوردی سنی عَهدیله پیمانداگوزل

اَنبیانی اِئله مَنشوریلَه حیران ائلَدون
عشقیلن دایرهء عشقیده طوفان ائلَدون

یاسووَه قاره گیَن کعبهء مَقصوده گلوب
بارِعامی ائشیدوب ساحَت مَعبوده گلوب
معرفت تاپماقا بو وادی مَشهوده گلوب

باش یاران سینه وران خیمووَه مستانه گلوب
قاره کوینک گِینوب عاقل و دیوانه گلوب

بوگَلنلَرقاریشوب یاخشی یامان دَرهَم اولوب
آدون هریاندا گلوبدور هامی اهل غم اولوب
پرچمون آتدا عزادار لَرون باهَم اولوب

بیزی صدیقه ی اَطهر یولا آسوده سالار
بوردا عشق اهلی قاریشدی بوخانم دَرهَم آلار

ای گَلن فاطمه دردانه سینون ماتَمینه
باش باشا آغلیاروق شاه شهیدان غَمینه
دَم قوشار روحُ الاَمین نوحه دینلَّر دَمینه

هرمکاندا که حسینه بیری غم بزمی قورار
نَنَه سی حضرت زهرا قاپی آغزیندا دورار

اهل ماتم ائشیدوب واردی حسینون کَرمی
احترامیله ئوپوللر اودی قارَه عَلَمی
مُتَبَرّکدی بیزه قارَ ه گینلَر قَدمی

دئمه آلوده سی وارکیم بِئله کالا بَیَنَر
بولارین گوزیاشینی حضرت زهرا بَیَنَر

بو سوزه واردی سَند ایلورم اَلسّاعَه بیان
اولمامیشدی هَله خَلق آدم وحوا اوزمان
اولدی لاهوتیده گور کیم اوگونی مَرثیه خوان

عشقیدن حَیّ تَبارک آچوب عَرشینده سوزی
جَبرئیلَه اوخودی روضه نی اَوّلده ئوزی

ای قلم مقتلی یاز گَزمه بو یردن اوزاقا
میزبانلار نِجه یاز یاره وروبدور قوناقا
بدنی قانینه اَلوانیدی باشدان اَیاقا

حضرت فاطمه ریحانه سی مقتلده سولوب
ایستی قوملارنجه گوریاره لَره مَرهم اولوب

اوت یاغوردی اِئله بیل سوزش گرمادَن اودَم
جَبرَئیل اَندی یِره شاهه باشین ایلَدی خَم
دئدی ای سیّد جنّات بَرین ، فَخرِ اُمَم

اِذن وئر مَحفل عرفانیده مهمانون اولوم
گوزلیم آچ گوزووِی باخ منه قربانون اولوم

چکوری اَهل سَما نازووی ای پاک سِرشت
سن نظرائتسون اگرگوهَر اولارخاکیله خِشت
منتظردور قَدم پاکووَه باغات بِهشت

بَس نَدن مَنزل ائدوبسن بو چوخور مَاواده
گون قباقینده یاتوبسان بِئله بیر صحراده

ایستَه سون سنله بو گودالیده منده قالارام
عطر طاهانی سنون گُل بَدنونَن آلارام
آچارام شَهپریمی اوستووَه سایه سالارام

گوزلرون آچ منه باخ قارووِی گویدَه گیَنَم
دَگولم اوزگَه بشیکده سنه لایلای دیَنَم

فاطمه اوغلی او اَثنا سوزونی آچدی بِئله
دئدی روحُ القُدوسَه شَهپرووِی باغلا هَله
وادی عشقیده حاشا اِئده عشق اهلی گِله

شَهپرون چَک گِنه ده یاریمی بی پَرده گوروم
تا چیخوم نیزیه ئوز پیکریمی یِردَه گوروم

یاحسین درگهووِین گرچه یوزی قارَه سیَم
(نادرم) شعریده چوخ مَقتلین آواره سیَم
چاریَه سنده گوزوم وار نَه که بیچاره سیَم

جسم بیجانیم اوگون که قَرَه تُپراقه گِئدَر
بیرباخیش بَسدی منه قبریمی نورانی اِئدَر

• شنبه
• 12
• تیر
• 1400
• ساعت
• 17:35
• نوشته شده توسط
• یوسف اکبری

گئتمه گئتمه بیردایان باغریم اولدی قان حسین
نور عین فاطمه قارداشیم دایان حسین

اَگنووه گینموسن کُهنه کوینَگی نَدن
فاطمه آنام منه بو گونی دیوب عَلن
کوینگوندی گیموسَن یا گینموسَن کَفن
بیرده سن قَیتمَگه ائتمورم گمان حسین

باشووَه دونوم دایان یوخ دوزوم فراقووَه
بیرده سال نظر حسین در به در تفاقووَه
مَرکبوندن اَن یِره قوی دوشوم اَیاقووَه
بو وداع آخرون گلدی چوخ گران حسین

قوی ائدیم سنه حسین غملی بیر اشاره گئت
من دویونجا آغلیوم سنده کوی یاره گئت
ایله بیر دعا ئولوم قوی منی مَزاره گئت
هجرووِی دوزنمورم بو چَتین زمان حسین

باخ شیرین دیلون گلور خیمه لَر هَزاره سی
اهل بیت عصمتون غملی ماه پاره سی
نسگیلی آشوب داشوب یوخدی اَلده چاره سی
اَل دعایه قالخیزوب ایلوری فغان حسین

صحن گلستانیده پرپر اولدی گُل لَرون
دوغرانوبدی یان به یان قاسمیله اکبرون
عَلقم اوسته آی باتوب ئولدی میر لشکرون
زینبون فدا سنه سرو گُلسِتان حسین

عون و فضل و جعفری گویدَه اوخشیار مَلک
قالدی شیرخواره دَن اَلده قانلی بیر بَلک
آل احمده بو گون نیلیوبدی گور فَلک
کَسدی بختورلَرین چاره سین عیان حسین

• دوشنبه
• 14
• تیر
• 1400
• ساعت
• 11:59
• نوشته شده توسط
• یوسف اکبری

حسین حسین حسین آدوندی دیللر ازبری
شه و گدا ائدر ، بو درگهونده نوکری
بلایه توش اولان ، سنه دردین دیر آقا
گلوب گئدنلرین ، قالوبدی سنده گوزلری
آرام جانیم سن - آقا روح و روانیم سن(2)

گذاریمی قضا ، سالوبدی صحن گلشنه
نشان نوکری ، وئروبسن ای آقا منه
بو منصبه چاتار ، مگر مقام سلطنت
تمام شاهلارین ،گوزی فقط باخار سنه
آرام جانیم سن - آقا روح و روانیم سن(2)

عزیز فاطمه ، جهانه اولدون آبرو
او پاک تربتون ، یایوبدی عطر مشک بو
غلام روسیه ، منم قاپوندا ای شها
یاسوندا آغلارام ، هر ائوده منده کو بکو
آرام جانیم سن - آقا روح و روانیم سن(2)

بحق فاطمه ، جان اوسته من ئولن زمان
بو فانی دهریدن ، وداعیمی ائدن زمان
نه یارو یولداشیم ،نه بیرکسیمدی دادرس
آماندی داده چات ، مزاره تک گئدن زمان
آرام جانیم سن - آقا روح و روانیم سن(2)

گورنده چشمه نی ،ئورک یانار بونسگیله
قوری دوداقلارین ، سوزی نجه گلر دیله
سوسوز ئولن آقا ،غمونده آغلارام مدام
او مقتلین سوزی ، یارادی هر یانان دله
آرام جانیم سن - آقا روح و روانیم سن(2)

• سه شنبه
• 15
• تیر
• 1400
• ساعت
• 13:22
• نوشته شده توسط
• یوسف اکبری

مژده بر اهل ولا آمده نور سما
گشته دلها خُرَّم از قدوم مولا
گو مبـــارکبـادا جشن میلاد حسین
بهر زهــرا و علی آمده نور دو عین
یا حسین ثار الله
جان ابــاعبدالله

باز هم میلاد تو آمده ثارالله
غرق شادی شیعه یا اباعبدالله
شیعه را یـــار آمد یارو دلدار آمد
سرور هر دو جهان روح ایثار آمد
یا حسین ثار الله
جان ابــاعبدالله

صورتش مانند گُل غنچه ی باغ جنان
ای گــــل ناز علی رهبر هر دو جهان
رهنمـــــای امَّــــت شافع یوم جزا
او هدایتگر ماست حافظ دین خدا
یا حسین ثار الله
جان ابــاعبدالله

ترکی

گلدی بیر گُل عالمه گُلسِتان اولدی جهان
شادمان اهل بهشت نو گل باغ جنان
یاور عالــــمیان یـــــــا اباعبدالله
حامی حق طلبان یا حسین ثارالله
یا حسین ثار الله
جان ابــاعبدالله

خوش گلوبسن یا حسین مقدمون گلباران
جشن میلادونــــدور قیل بیزه سن احسان
ایستروخ سنـــــدن آقا با دل شور و نوا
بیزلره قسمت ایلـــــــــــه کربلا یا مولا
یا حسین ثار الله
جان ابــاعبدالله

عاشقوخ مولا سنه شیعه نین دلبری سن
امته پشتیبان جنَّتون زیوری سن
معدن عشق و صفا ای گل اهل ولا
میوه ی باغ رسول خامس آل عبا
یا حسین ثار الله
جان ابــاعبدالله

مرغ عشقیم پــر آچوب سمت بین الحرمین
دم به دم ذکر اوخیــور یا ابوالفضل و حسین
نام پر مهـــر حسیـــن عطر و بوی گل یاس
قلب شیعــــه سسلر یـــا حسیـــــن یا عبـاس
یا حسین ثار الله
جان ابــاعبدالله

• جمعه
• 18
• تیر
• 1400
• ساعت
• 13:24
• نوشته شده توسط
• یوسف اکبری

نَقَدر گوهر اولا گوهرووه چاتماز حسین
کل خلقت گله موی سرووه چاتماز حسین

سنی زیبا یارادان آلاها من قربان اولوم
نور خورشید رخ انورووه چاتماز حسین

شاهکار ازلی و ابدیسن مولا
انس و جن مرتبه برترووه چاتماز حسین

شش جهت؛یدی سما؛شمس و قمر؛کل فلک
آند اولا فاطمیه‌گوزلرووه چاتماز حسین

حیف‌اولا خولی‌تنورینده دولوب کول گوزووه
عالمون درد وغمی غملرووه چاتماز حسین

کربلا گلشنینه عدن و جنان واله اولوب
جنتون گللریده گللرووه چاتماز حسین

مادر گیتی‌دوغا لحظه‌ده مین یوسف اگر
مطمئنم بیریده اکبرووه چاتماز حسین

اوخلاناندا صودامر عشقی ائدیبدور معنا
کل عشاق جهان اصغرووه چاتماز حسین

لشگرون‌گرچی‌فقط‌یتمیش‌ایکی‌عاشیقیدی
لشگر کل جهان لشگرووه چاتماز حسین

نقدر افسر و سر لشگر و سرتیپ گله
بیری‌عباس علم پرووه چاتماز حسین

• پنج شنبه
• 24
• تیر
• 1400
• ساعت
• 14:13
• نوشته شده توسط
• یوسف اکبری

خوش گلوبسن بو گیجه شام غریبانه آنا
آغلاما گلمه بیله ناله و افغانه آنا

باشیمی قوی یره اولده ایاقوندان اوپوم
تا قدم رنجه اولا سن کیمی مهمانه آنا

دیده حسرتیله باخما یارالی باشیما
بَلشوب یاریمین عشقیله نه چون قانه آنا

سو کنارینده اولوبدور بیله بیر ذِبحٍ عظِیم
شامیان ویرمدی سو من کیمی قربانه آنا

کربلاده سو سوزی اولموشدی قیمت جان
تشنه لب یولامیشام اکبری میدانه آنا

عشقیله قاسمیم احلیَ مِنَ عَسَل وردیله
چکدی باشه می نابی دولی پیمانه آنا

اللریم اوسته علی اصغریمی اوخلادلار
تیریله ویردیله سو طفل لب عطشانه آنا

اِیلدی نفسیله عباس جهاد اکبر
سو آلوب ایچمدی، جان ویردی یانا یانه آنا

هر قولی دوشمشیدی بیر طرفه میداندا
گتیروب قویدوم اوزون قولاری یان یانه آنا

گه اوزون قولارا باخدیم گه اوجا قامتینه
ویردیم اود سوز فراقیله دل و جانه آنا

آیری بیر حاله منی سالمشیدی احوالی
ددیلر تاپشیروری جانینی جانانه آنا

آغلیوردوم او دم اللرده ئولن قارداشیما
نالم اود سالمشیدی عالم امکانه آنا

سَسلیوردوم منیم ای آرخام اِلیم آچ گوزونی
عاقبت چاتدی سَسیم زینب نالانه آنا

تلدن سَس یتیریردی منه اول بحبحه ده
آتش شمعه آلشمشدی چو پروانه آنا

لاجرم ترک ایلدیم قانه بَلشمیش بدنی
فرقتی ایتدی یانان قلبیمی ویرانه آنا

آپاروب مشکین امانت باجیما تاپشیردیم
ویره عبداللهه توشه، باتوب القانه آنا

عجب اسباب عزا ام بنینه اپارور
گورسه مشکین اولاجاخ قلب ایوی غمخانه آنا

ایوی آباد اولا دورت اوغلی اونون قان ویردی
نخله پر ثمر دینیله قرانه آنا

وار (عتیقین) اورکینده هوس کرب و بلا
بو سببدن اَلیور گوز یاشی دامانه آنا

گوگلی ایستور که گلوب خیمه سراده دایانا
عشقیله نوحه ایدوب آغلیا جانانه آنا

• یکشنبه
• 3
• مرداد
• 1400
• ساعت
• 16:35
• نوشته شده توسط
• یوسف اکبری

امام مشرقین من _ حسین من حسین من
امید و نور عین من _ حسین من حسین من

چو در کنار زینبی _ توان و یار زینبی
قسم به ختم انبیا _ به دل قرار زینبی
میان موج ابتلا _ تو غمگسار زینبی
غمی اگر به من رسد _ تو انتظار زینبی
من اشکبار درد تو _ تو دُر نثار زینبی
تو مرشد و امین من _ حسین من حسین من
امید و نور عین من _ حسین من حسین من

برادر و امام من _ تو رهبر قیام من
به روح پاکت هر زمان _ بود اخا سلام من
بده جواب خواهرت _ به احترام مام من
دعای زیر لب همی _ حسین بود کلام من
همیشه هر کجا بود _ مرام تو مرام من
شهید راه دین من _ حسین من حسین من
امید و نور عین من _ حسین من حسین من

قتیل قوم اشقیا _ عزیز آل مصطفی
فتاده غرق خاک و خون _ تنی ز رأس خود جدا
میان خیمه ها شده _ عجب قیامتی به پا
همه بلند یکصدا _ کنند ناله و نوا
سکینه داد می زند _ حسین وا حسین وا
بابای نازنین من _ حسین من حسین من
امید و نور عین من _ حسین من حسین من

نه همدمی نه یاوری _ نه مسلمی نه مادری
اسیر گشته مثل من _ اگر چه مانده خواهری
به دختران فاطمه _ نه یار شد نه یاوری
سنان و خولی حرمله _ به رسم و کیش کافری
به دست تازیانه ها _ به ما نمود داوری
برادر متین من _ حسین من حسین من
امید و نور عین من _ حسین من حسین من

خیام طاهرات در _ میان شعله و شرر
بَدَل به خاک شد چنان _ نمانده ذرّه ای اثر
بنات مصطفی شده _ یتیم و زار و در به در
رقیّه ناله می کند _ صدا زند پدر پدر
چگونه گویمش پدر _ تنش شده جدا ز سر
رسن به هر یدینِ من _ حسین من حسین من
امید و نور عین من _ حسین من حسین من

ترکی

با جون سنه فدا حسین _ آدون منه دوا حسین
تراب پاک و اطهرون _ مریضلره شفا حسین
او آلتی گوشه قبردن _ بیزی ائدر صدا حسین
زیارتیمه چوخ گلون _ دیر غم آشنا حسین
شفاعت ایستینلره _ یقین ائدر عطا حسین
اورکده شور و شین من _ حسین من حسین من
امید و نور عین من _ حسین من حسین من

سو آخدی دشت و دامنه _ نصیب اولمادی سنه
ئولم سرین سو ایچمرم _ حرام اولا سولار منه
بو عمری قورتارار باجون _ گئدینجه زار مدفنه
دوولموشم بدن دونوب _ نه نه م مثالی سوسن
مزارون ایچره زینبون _ چیخار برادر ایمنه
بلا گونی معین من _ حسین من حسین من
امید و نور عین من _ حسین من حسین من

او قان توکن جماعته _ فراتی کاش اولیدی قان
یقین اولوبدی گورمیوب _ نه شامیان نه کوفیان
سو چون تمامی مَهردی _ بتوله آی حسینیان
خیانت ایلمز سولار _ حسینه ناروا اینان
اگر ایچیب یزیدیان _ حمیم ائدیبدی نوش جان
بنا به رأی و عین من _ حسین من حسین من
امید و نور عین من _ حسین من حسین من

مگر حسینه حقّی وار _ سویون خیانت ایلیه
قضا او حکمی باغلادی _ عدو جنایت ایلیه
بیر عدّه شیعه قبرینی _ گلیب زیارت ایلیه
حسینه آغلیانلارا _ آقا کرامت ایلیه
جزا گونونده امّته _ عطا شفاعت ایلیه
بو گوز یاشیمدا دین من _ حسین من حسین من
امید و نور عین من _ حسین من حسین من

اوزوم قرائت ائتموشم _ کتابدا بو روایتی
محرّم آینون اونی _ بودور وحوشون عادتی
او گون سو ایچمز هئچ بیری_توکلّر اشک محنتی
حسینه ساخلیار عزا _ ندور الهی حکمتی
سالیب قلوب وحشده _ او کیمدی بو محبّتی
بو سوزده وار یقین من _ حسین من حسین من
امید و نور عین من _ حسین من حسین من

نه ماجرادی ای خدا _ حسینه ساخلیور عزا
وحوش و انس و جنّلر _ اونا منیم جانیم فدا
و یا جنانی ترک ائدور _ تمام روح انبیا
گلور آناسی فاطمه _ باشیندا قاره هکذا
ملکلر ایلیور نوا _ "صفاده" ایلیور اقتدا
دعای بهترین من _ حسین من حسین من
امید و نور عین من _ حسین من حسین من

• دوشنبه
• 4
• مرداد
• 1400
• ساعت
• 15:51
• نوشته شده توسط
• یوسف اکبری

نه کربلا کی حسین قانینه باتان یریدی
همان او یردی کی مقصودینه چاتان یریدی

نه کربلا کی علمدار اولوبدی سقاسی
همان او یردی کی عباسی اوخلانان یریدی

نه کربلا کی باتوب قانه شبه پیغمبر
همان اویردی کی میداندا دوغرانان یریدی

نه کربلا کی دوتوب طوی عموسی قاسمنه
همان او یردی کی قاندان حنا یاخان یریدی

نه کربلا کی علی اصغر ایچمدی سویونی
همان او یردی کی آلتی آیلیق اوخلانان یریدی

نه کربلا کی چیخوب تله زینب آغلاردی
همان اویردی کی قارداشینا باخان یریدی

نه کربلا کی فراتی آخاردی صحرایه
همان او یردی کی مشک اوسته اوخ آتان یریدی

نه کربلا کی قاچاردی رقیه سی چولینه
همان او یردی کی گوشواره سین سالان یریدی

نه کربلا کی یتوب عرشه صوت لیلاسی
همان او یردی که شهزاده سی یاتان یریدی

نه کربلا کی ربابون او یرده صود امری
همان او یردی کی عطشان قاناد چالان یریدی

نه کربلا کی گونون ایسسینده جبریلی
همان او یردی کی شاه اوسته پر آچان یریدی

نه کربلا کی عمر سعد و شمر و حرمله سی
همان او یردی کی ایمانینی ساتان یریدی

نه کربلا کی غمین جمع اولا اگر شعرا
همان او یردی کی سوز سفره سین آچان یریدی

نه کربلا کی قوتارماز بلاسی « صادقی » یاز
همان او یردی کی زینب ساچین یولان یریدی

• پنج شنبه
• 7
• مرداد
• 1400
• ساعت
• 12:10
• نوشته شده توسط
• یوسف اکبری

مرکب اوستن تا یخلدی حجت رحمان یره
قویدی آننین سجدیه اول شاه مظلومان یره

تا دوشوب آتدان یره اول فخر اولاد خلیل
جوشه گلدی جنت اعلاده نهر سلسبیل
تتردی ارکان عرش حضرت رب الجلیل
نازل اولدی حاملان عرش جاویدان یره

موجه گلدی بحر غم طوفان ائدیبدور اول زمان
هول و وحشتدن اوجالدی ناله کروبیان
گوئیا غرق اولدی جمله فرشیان و عرشیان
کشتی دین سندی یا رب گلدی کشتیبان یره

دوشدی توپراقه عزیز حضرت ختمی مآب
جنت ایچره قلب زهرانی ائدوب بو غم کباب
گوئیا جبریل ائدیبدور عرشیدن فرشه شتاب
شهپرین آچدی او پیک حضرت سبحان یره

قانلی جسمین سینه سی اوسته آلوب روح الامین
جمع اولوبدور صاق صولوندا انبیا و مرسلین
خنجر الده ناگهان گوردی گلور شمر لعین
گوزیاشین توکدی مثال بارش نیسان یره

بسکه دوتموشدی گوزون قان ، باخمادی پیغمبره
چکمه سیله بیر تکان وئردی عزیز حیدره
شاه مظلومانی دوندردی یوزی اوسته یره
عدنیدن زهرانی گتدی دیده سی گریان یره

خنجر فولادی چکدی یرلر ائتدی زلزله
بو عملدن سالدی افلاکه بیر آیری ولوله
ظلمیله تندن آیردی ، باشینی آلدی اله
توکدی ثاراللهی اول خونخوار و بی ایمان یره

نیزیه ووردی حسینون باشینی اول بی حیا
ایلدی بو غمده زهرانین ایشین داد و نوا
ایلمه یارب اونی قعر جهنمدن جدا
سالدی بو ایشدن او ظالم آتش سوزان یره

دفتره اود ووردی خامه ، یازما « شیدا » مطلبی
آغلا بو غمده حسینه هرزمان روز و شبی
بیرده اولسا حاجتون صدقیله سسله زینبی
قوخما قویماز نوکرون دوشسون سوزی ، بیرآن یره

• جمعه
• 8
• مرداد
• 1400
• ساعت
• 11:42
• نوشته شده توسط
• یوسف اکبری

یاحسین ای شهنـشاه عـالم
سـَروبی مثل گـــلزار خـاتم
محنتونده اولوبدورسراسر
ماسوا غــرق اندوه ومــاتم
حالوه گویده کی قوشلار آغلار
مقتلــونده سنه داشـــلار آغلار

سن دوشنـــده یره مرکبــونـدن
قـــوزانوب هلهـــله دشمنونـدن
اللـــری باشدااوج ایتدی عـرشه
وای حسین وای سسی زینبوندن
حالوه گویده کی قوشلارآغلار
مقتـــلونده سنه داشـــلارآغلار

گلـــدی بوغمده زهـــرا فغــانه
سسلیــــــردی سنی یــانه یـانه
گوردی یوخدورالون باشه ویردی
اوف اولا بـــی حیـــا ساربــانه
حالوه گویده کی قوشلار آغلار
مقتلــــونده سنه داشـلار آغلار

اودویروب بجدل ارض وسمایه
قدسیـــــان گـــــلدی آه ونوایه
بارماقون کسدی انگـشتراوسته
بـاخ اوبی شـــرمـیده بوجفـایه
حالوه گویده کی قوشلار آغلار
مقتلـــونده سنه داشــلار آغلار

• یکشنبه
• 10
• مرداد
• 1400
• ساعت
• 22:46
• نوشته شده توسط
• یوسف اکبری

ظهر عاشورا حرملر باشلانوب غارت اولوب
خیمه نی اودلاماقا آماده بو امت اولوب

چوللره آهو کیمی قاچدی بالالار چوللره
الامان سسلوردی قیزلار ناله چیخمیش گویلره
اولدی سیلی جانشین الده اولان خنجرلره
سویماقین برنامه سین باشلانماقینا وقت اولوب

فاطمه نین قاپیسی تک اودلانوبدی خیمه لر
گه دیور قیزلار بو فریاده عموم ایندی گلر
چوخلاری قالدی ایاقلار آلتدا آز قالمیش ءولر
صحنه ی غارت رسول خاتمه محنت اولوب

اود وراندا اودلانوب خردا بالانین دامنی
عرض اءدور یاشیخ اولسا ایندی ءولدورمه منی
واردی بیر جفت گوشواره، ساخلاسین الله سنی
گل سنه تقدیم اءدیم، قسمت سنه خلعت اولوب

عرض ایدوب عادت یوخومدی من اسیری سویماقا
یوخدی منده هیچ طمع گوشواره یه یا قولباقا
دامنین گوردوم یانور خانوم دوشوبسن توپراقا
دوزمرم بیر طفل یانا ، چون بو منه عادت اولوب

راوی سویلور اول قیزون گوردم دوداقی خشک اولوب
لبلری قانلی،یوزی توزلی ،گلستان تک صولوب
مشگینی آلدی اله جامی سودان تءز دولدوروب
سویلدی میل اءت خانوم بو سو سنه قسمت اولوب

آلدی جامی یوز قویوب قاچدی خیامه اول بالا
سویلدی یاخشی دگول من سو ایچم باجیم قالا
تشنه لیک ضعفی باجیمی چوخ سالوب حالدان حالا
باجیمین حالی منیم بو قاچماقا علت اولوب

الغرض غارت قوتاردی قلبلر قانه دوشوب
چوخلاری نهرین یولوندا غملی طوفانه دوشوب
قورتاریب هرکیمسه اودان اول بیابانه دوشوب
زینبون عمری فدای مکتب و نهضت اولوب

سویلیور زینب دخیلم دهریده رب العباده
من حسین قارداشیمیله واردی بیر نوعی اراده
اصغری سیننده ساخلا سن حسین کرب و بلاده
نازلی اوچ یاشدا رقیه زینبه قسمت اولوب

• دوشنبه
• 11
• مرداد
• 1400
• ساعت
• 16:29
• نوشته شده توسط
• یوسف اکبری

ئوزوم گوردوم گلستانیم صولاندا
ئوزدم گوردوم حسین قانه باتاندا

ئوزوم گوردوم عدونین خنجر الده
ئوزوم گوردوم حسین آتدان دوشنده

ئوزوم گوردوم نوای حق اوجالدی
ئوزوم گوردوم قیزیم زینب قوجالدی

ئوروم گوردوم خزان یللر اسیلدی
ئوزوم گوردوم باشی دالدان کسیلدی

ئوزوم گوردوم اورک قانی سوزولدی
ئوزوم گوردوم حسین باشی اوزولدی

ئوزوم گوردوم کسیلدی ال بیلکدن
ئوزوم گوردم توخاندی اوخ اورکدن

ئوزوم گوردوم ملکلر باش آچوبلار
ئوزوم گوردوم نقدر اوخ،داش آتوبلار

چوخور یر دولدی از بس داش دوشوبدی
یوز اوسته زینبیم قارداش دوشوبدی

قلم یاندی ز بس یاندیردی سوزلر
اورک دولدی محندن دولدی گوزلر

چاتوب زینب گلوبدی ال باشیندان
باخور گورمور اثر یوخ قارداشیندان

دیدی عطرین گلور بس هارداسان سن
هما تک اوچمش هانسی باغداسان سن

قرض صراف عشق اول قاشی تاپدی
چوخور یءرده باجی قارداشی تاپدی

ءوزون سالدی داغیلمیش سینه اوسته
دیدی من خسته قارداش سنده خسته

بیلیم سیندی حسین آهیم اوجالدی
گوزون آچ زینبون گور نه قوجالدی

نه باشون وار نه ده بوسه یءرون وار
سینه نون اوسته دوزلومش نیزه اوخلار

ن باشون وار دوداقیندن ءوپوم من
اقلی گوی ایاقیندن ءوپوم من

پوزولموش گلشنه احوالی بنظر
منای عشقه بو گودالی بنظر

اولا افسوس گل عشقیم صولوبدی
قفادن باشی الله ذبح اولوبدی

دیدی قارداش سنن یا سهو ایدورم
منه دیندیر باشون اوسته ءولورم

ندن چرخ و فلک دویمور جفادن
ندن شمر باشیوی کسدی قفادن

"خدایی" باشه وئر اربابه آغلا
محرم گلدی باشه قاره باغلا

• دوشنبه
• 11
• مرداد
• 1400
• ساعت
• 17:29
• نوشته شده توسط
• یوسف اکبری

صبح عاشورادی اولدی قان اورکلر یاحسین
هامی گیمیش آغ کفن اللرده خنجر یا حسین

ای منای عشقه قربان نذر ائدن آقا سلام
قانلاری جوشه گتیرمیش باشی ذبح اولموش امام
ای جماعت گوش ائله عشقیم حسیندور وسلام
باشه قاره باغلیانلار هامی سسلر یا حسین

ای که الده گل بوغازی اوخلانان اصغر بالا
ئوپدی پیکان حلقیوی دوشدون عجب حالدان حالا
آچ گوزون ناز ایلمه قویما حسین تنها قالا
سسلدی قونداقیده قان ایچره اصغر یا حسین

ای که گل جسمی عباده خیمیه گلمیش علی
دشمنون یانینده شاهی محنته سالمیش علی
باخ حسینون حالینه بلده الی قالمیش علی
گور نجه لبیک دئیور عشقیله اکبر یا حسین

ای قلم سال دیلره عباس و مشگ و سو سوزون
گلدی بیر تیر سه پر ناز ائتدی اول زیبا گوزون
دوشجگین قولار آقا الله تاپشوردی ئوزون
گوردی پرچم سینه سینده ائتدی لنگر یاحسین

قاسمیون طوی خلعتی میدانیده پیکانیدور
کوفیه لیلر شرم ائدون قاسم سیزه مهمانیدور
بیر سوسوز مهمانی ئولدورمک نقدر آسانیدور
کربلاده خلق اولوب گویا که محشر یا حسین

ایندی میداندا حسین یوز اوسته دوشموش جان وئرور
پیکری قالمیش ایاق آلتدا یاراسی قان وئرور
ذکر و تکبیرین جوابین نیزه و پیکان وئرور
خیمه ده ایندی گلر باش الده خواهر یا حسین

خیمه لر یاندی الولاندی دوشوب قیزلار چوله
شدت سیلی و دردن چوخ قیز آز قالدی ئوله
باجی قارداشین آراسیندا دوشوبدی فاصله
ای "خدایی "باشه وئرور عرض ایله مضطر یاحسین

• دوشنبه
• 11
• مرداد
• 1400
• ساعت
• 17:32
• نوشته شده توسط
• یوسف اکبری

مین جان شیرین گر تاپام قربان حسینه ایلرم
هم جانیمی ،هم مالیمی احسان حسینه ایلرم

من نوکرم ، ارباب حسین ،خوشدور منه بیر کلمه سی
کرب و بلاده عاشقین مهمان حسینه ایلرم

آقام حسیندی ای بشر گلمز مثالی هیچ زمان
بو دیده می هربیر زمان گریان حسینه ایلرم

دردیمی سینمده آقام من ساخلادیم هیچ آغلامام
هر دردیمی تحریر ائدوب دیوان حسینه ایلرم

بزم عزاسینده فقط گوز یاشیمی نذر ائتمیشم
گوزیاشیله صحرالری عمان حسینه ایلرم

چوخ دیلره سالمیش اگر بیر عده ئوز معشوقه سین
من یوسف کنعانیده حیران حسینه ایلرم

فکر ائتمه باغلی قولاریم اصلا آچیلماز بندیدن
اذن اولسا قانه دشمنی غلطان حسینه ایلرم

کرب و بلایه داعشی وار جرئتی بیر چپ باخا
سوگند حسینون جانینه طوفان حسینه ایلرم

سید علی فرمان وئره مین عاشقین واردی آقا
کل عراقی واللهی ایران حسینه ایلرم

شان و مقامین یاحسین من ایلورم تکثیر آقا
حتی یهودی تابع قران ، حسینه ایلرم

بیچاره دور والله آقا بو شاعرون ائت بیر نظر
سسلور 'خدایی" جانیمی قربان حسینه ایلرم

• شنبه
• 16
• مرداد
• 1400
• ساعت
• 12:41
• نوشته شده توسط
• یوسف اکبری

عشق حسینده دقت ائله اعتباره باخ
میقات نهضتینده او شاهون عیاره باخ

کرب و بلانی رشک جنان ایلدی حسین
نفس سلیم عاشقه باخ افتخاره باخ

یتمش ایکی جنازه دوزوب قانلی مقتله
عاشقده پاک عقیدیه باخ اقتداره باخ

قاره غلامون ئوپدی یوزین اکبری کیمی
سودا گونی عدالته باخ شهریاره باخ

شش ماهه سینده قوشدی چهل ساله عاشقه
شاهون الینده قانه باتان شیرخواره باخ

چرپوندی دامنینده نه وار توکدی مقتله
بازار باخ مجاهده باخ طرز کاره باخ

نوبت چاتوب گییندی ئوزی کهنه کوینگین
وصل نگاره شهپر آچان بی قراره باخ

مشکل مینوبدی مرکبه بئلدن شکستدی
سن خبره سن سوزومدن اله سال اشاره باخ

قدین دوزلده بیلمدی عباسیدن صورا
نوحمده ایندی منظره جانشکاره باخ

یول باشلادی حسین باجیسی سسلدی دایان
زینب دیلینده درد و غم بی شماره باخ

ای حجت خدا دئمورم گئتمه مقتله
بیر لحظه دون بو عترت والاتباره باخ

امکانی اولسا ساخلا بیر آز ذوالجناحوی
زینب دیلینده شعله چکن سوز ناره باخ

پاک عشقوون من الی بش ائیلدور اسیری ام
صبر ائت صوابی وار بو اسیر خماره باخ

قوی بیر ئوپوم بوغازوی زهرانون عشقینه
آه شراره پاش لب جان نثاره باخ

آواره ام دایان دولانیم باشوه حسین
یانمش اورکده زمزمه یار یاره باخ

قوی بیر و ان یکاد اوخیوم مه جمالووه
سر گشته زینبون یوزینه سن دوباره باخ

میدانه آج سوسوز یولا دوش سن باجون دئسون
زهرا ئوپن دوداقلارا باخ روزگاره باخ

وئر ایندیدن اجازه می گوداله گلمگه
چشم کرمله خواهش قلب نگاره باخ

عمروم نقدری واردی سنون یاروم حسین
عباسیمون یرینده علمداروم حسین

• چهارشنبه
• 20
• مرداد
• 1400
• ساعت
• 21:35
• نوشته شده توسط
• یوسف اکبری

هر فرد بشر عاقل و هوشیار اولا بولمز
هر عاقله ده بختی گلوب یار اولا بولمز

هر بیر قاپودا نوکر اولان رتبه تاپانماز
هر مدعی ده سایه لی سردار اولا بولمز

چوخلار آدینی دینچی حسینچی قویوب اما
مشکل قباقا گلسه طرفدار اولا بولمز

مینلر جه حسینچی یاری یولدان قیدوبلر
سنگ محکه گلمه سه معیار اولا بولمز

ثابت قدم ایستور بو حسینین قاپوسیندا
لغزنده بودرگاهه سزاوار اولا بولمز

بیر عده نین اگنینده قرا کوینگه باخما
شهرت یارادانلار دان عزادار اولا بولمز

معنا ده عزاداری گرک فاطمه سوسین
زهرا بگنن اولماسا غمخوار اولا بولمز

شمعین اودی پروانه نی یاندیر ماسا یاران
عشّاق دوشن درده گرفتار اولا بولمز

دوز عاشقی یانماخلیقاامر ایلسه معشوق
پروانه کیمی یانماسا انصار اولا بولمز

دهرین آناسی قز دوغا دنیا دولوسیجان
زینب کیمی بانوی مددکار اولار بولمز

یتمیش نفرین جنگی چکوب بیر نچه ساعت
هر چند جهاندا بله پیکار اولا بولمز

ذکر اولجاق ابوالفضل آدی آغلاردی یاناردی
سویلر دی اونون مثلی علمدار اولا بولمز

سعد اوغلی ولی سرحد انسانلیقی یخدی
یوخ یوخ دیمه بو قابل گفتار اولا بولمز

شمرین دوشی حیوان دوشی تک آلتی گوزیدی
صد لعن اولا گور ایت کمی بو هار اولا بولمز؟

منحال یازور جنگ و جدل خاتمه تاپدی
اسلامه دیدوم کمسه پرستار اولا بولمز

ختم اولدی حسین قتلی قوشون غارته گلدی
آیا بو خانم زینبه دشوار اولا بولمز؟

دلگیر اولان انسانه دانشماقدا چتیندی
هیچ دلده تکلم یولی هموار اولا بولمز

اظهار ایدوسن دردیوی خوش حالیوه شیعه
بیگانه سنه محرم اسرار اولا بولمز

ائلر دی سن آغلورسان((امینی))بوحسینه
اوز نوکرینه شاه مگر یار اولا بولمز؟

قبرینده ده ذکر ایتسون اگر نام حسینی
تا روز قیامت او ایوین تار اولا بولمز

• پنج شنبه
• 21
• مرداد
• 1400
• ساعت
• 12:45
• نوشته شده توسط
• یوسف اکبری

سن گیدوسن منده گرک آغلیوم
دایان بابا یارالارون باغلیوم
حافظ قرآن بابا من سنه قربان بابا

ای حضرت پیغمبرین مهمانی
جاندان گیچوب آختاروسان جانانی
دور قوی سیلیم یوز گوزوندن القانی
دایان بابا یارالارون باغلیوم
حافظ قرآن بابا من سنه قربان بابا

باغبان گلین بسلر وِرَر اللره
شانلی آدین سالسین دلدن دللره
آخر سنده سالدون بیزی چوللره
دایان بابا یارالارون باغلیوم
حافظ قرآن بابا من سنه قربان بابا

گتمه بابا مظلوم بابا جان بابا
سن گیدورسن باغریم اولور قان بابا
یاره لر آننوندا ورور سان بابا
دایان بابا یارالارون باغلیوم
حافظ قرآن بابا من سنه قربان بابا

حدن گچوب سنون درد و ملالون
الدن گیدوب جمله جاه و جلالون
گل ایندی که شهادتدی خیالون
دایان بابا یارالارون باغلیوم
حافظ قرآن بابا من سنه قربان بابا

بلبل نجه میلین سالار بوداقه
غنچه سیله قویسون دوداق دوداقه
لطف ایله سنده آل منی قوجاقه
دایان بابا یارالارون باغلیوم
حافظ قرآن بابا من سنه قربان بابا

• جمعه
• 22
• مرداد
• 1400
• ساعت
• 16:53
• نوشته شده توسط
• یوسف اکبری

یا حسین عشقیوه مدتدی گرفتارم آقا
سن منیم عشق گولومسن سنه من خارم آقا
چکمرم ال اتگوندن که دل افکارم آقا
گلمیشم بو دل ناشادیمی سن شاد ایده سن
لطفون اولسا منی غم غصه دن آزاد ایده سن

سن سن ای کان شرف سبط رسول مدنی
مظهر ذات الهی تانیور شیعه سنی
بولمم آخر نجه الدوردی سنی شمر دنی
گورمه دی گوزلری ثار اللهی نشر ایتدی یره
روحون اوج ایتدی سماواته قانون گیتدی یره

آغلادان ای غمی وی غصه سی جن و ملکی
چولقیان قیزلاری نین ناله سی چرخ و فلکی
مرتضانین نیه بس دوتمادی نان و نمکی
شمر شومیله عمر سعد ستمکار دنی
وردیلر ال اله الدوردیله ظلمیله سنی

توکدولر کرب و بلا دشتینه قوم کفری
اوندا ظلمیله غرض سیندی عدالت گهری
زهرلی تیره نشان ایلدیلر صود اَمَری
ظلمیله قویدولا قوینوندا ربابین الینی
غصه مرگ اولدی جوان الدی علی نین گلینی

اشقیا لشگری مولا یولوی باغلادیلار
قلبوی یاندیریب آفاق اورگین داغلادیلار
قتلیوه جمله قلجلاری عدو زاغلادیلار
هر نه انصار و مدد کارین اولوب دینه فدا
قالموسان تک دل میداندا سن ای میر هدا

هر نه بولدوکلرون ایلوبله سنه اهل ظُلَم
دوشدی عباسین الیندن یره سورتوشدی عَلَم
مشکی اوخلاندی اولوبدور ایکی قولاری قلم
سسله دون سالما منی درده ابوالفضلیم اویان
ای سینان لشکره سر کرده ابوالفضلیم اویان

کوفه نین لشگری مغلوب ایلدی لشگریوی
جبراً الدوردوله شهزاده علی اکبریوی
ظلم بی حدیله سیندیردیلا بال و پریوی
یاندیریب قلبیوی گوز یاشیوی قان ایلدیلر
عترت فاطمه یه محشر عیان ایلدیلر

سن که آچدون یره گودالیده بیر جای نماز
باشلادون بار تعالائیله بیر راز و نیاز
فرش ده ناله فلک ده واریدی سوز و گداز
قان گیدوردی یره یردن اوجالوردی گوگه آه
لیک درک ایلیه بولموردی او اوضانی سپاه

• جمعه
• 22
• مرداد
• 1400
• ساعت
• 17:03
• نوشته شده توسط
• یوسف اکبری

قاره یللر اسدی تلخ اولدی هوا
زینب مظلومه ایلردی نوا
یاره قان وردی که قالدی بی دوا
ای دواسیز دتلره درمان حسین

کربلا دشتینده بیر طوفان اولوب
گلشن زهراده چوخ گللر سولوب
پیکرون القانیوه غلطان اولوب
گوللنبدور لمعه لمعه قان حسین

گرم ایدوبسن کربلاده طوری سن
قویدون آغلار انس و جن و حوری سن
باشدان آتدون پیکر معطوری سن
گیتدون آخر جدیوه مهمان حسین

جنت الاعلایه پرواز ایلدون
اوز دمونلن خلقی دمساز ایلدون
نازیوه قربان عجب ناز ایلدون
اهل جنات اولماسین گریان حسین

لعن حق اولسون یزید کافره
ظلم بی حد ایلدی پیغمبره
ساخلاسین دیداری یوم محشره
بیللنر عصیانیلن احسان حسین

ایلدون سن جاودانه بیر قیام
مقصدون روشندور ای بی کس امام
بیزده گللوخ سنله مولا گام به گام
بیزده وار بیر جلوه لی وجدان حسین

کربلا دشتین بیزه ایتدون مصاف
ایلروخ قبرون زیارت صاف صاف
گورمدوخ مین دورت یوز ایلده بیر خلاف
ای اولان اوز قانینه غلطان حسین

من "امین"ائللردی شعره ویرقینام
شعر ساخلوب دی منی قویموب سینام
دوز حسین چی اورگدوبدور اوز آنام
ای ایکی نهرین آرا عطشان حسین

• جمعه
• 22
• مرداد
• 1400
• ساعت
• 18:13
• نوشته شده توسط
• یوسف اکبری

حسینیم آچ گوزون یاتما اوغول گلدیم یانا یانه
عدو مطبخ سراسیندا سنه شام غریبانه

سنی من بسلمیشدیم باغ چمنده گللر اوستونده
ندن خولی قویوبدور گل جمالون کللر اوستونده
بولوتلار اگلنوب سانکه او ماه انور اوستونده
ملکلر محو اولوب عرش خدای اکبر اوستونده
ولیکن ظلم بی حد ایلیوبدور انسان انسانه

قفادن سنگ دل بیر نانجیب ذبح ایلیوب باشون
وفاسیز امتین اوز باشینه دوشسون گوروم داشون
جهان آغلور سن آغلورسان رخساره گوز یاشون
اوغول دور سینمه گل قوی سیلیم اول کیپریگون قاشون
گوزون یاشیله خاکستر قاریشمیش قرمزی قانه

غمون ایلوبدی جنت ده غمه پیچیده حوانی
سالبدور چوللره مجنون کیمی مریمله سارانی
گلایه ایتمرم دیندیرمه سن دیندیرمه زهرانی
اقلی نطقه گل دیندیر دانشدیر باری طاهانی
ایدبدور آغلاماقدان کون و امکانی عزا خانه

یرون اوز شأنیوه لایق دگول ای شاه مظلومان
دگول بو رسم مهمانی تنور ایچره یاتا مهمان
کل اوستن دور گل آغوشه اوزوم آلام سنی الان
یورولموش جانیوه ای جان زهرا اوز آنان قربان
ورن یتمیش ایکی قربانی ای بیر جلد قرآنه

سنون قونداقوی حق ایلمشدی عرشه پیرایه
امامت نوری سندن پخش اولوردی کل دنیایه
واریتدور چوخ شباهت ایندی دوتقون اولدوزا آیه
دیسم زیبنده دور سنله گلیر حق سایه به سایه
ایدپبست جان و دلدن جانیوی قربان او جانانه

وازیدیم کربلا دشتینده سن قانه باتان وقته
نوا و نالهٔ اطفالون افلاکه چاتان وقته
بلالی زینبپن آغلار قویوب گوزدن آتان وقته
جفای ساربان گوز یاشیمی قانه قاتان وقته
کسیلمیش اللروندن قان سپیلدی قانلی میدانه

داغلمش دودمانلار تک داغلمش مقتلی گوردوم
خموش اولموشدی مقتل ده هدایت مشعلی گوردوم
اوغول اوندان قباق من باشون اوسته بجدلی گوردوم
گوزوم ای کاش که گورمیدی کسور الله الی گوردوم
کچیک انگشتره خاطر اوزین قویدی بیوک قانه

• شنبه
• 23
• مرداد
• 1400
• ساعت
• 17:50
• نوشته شده توسط
• یوسف اکبری

قانلی قتلگاهوندا پیکرون
غرق اولوب قزل قانه یا حسین
وادی بلانین بو قسمتی
اوخشیور گلستانه یا حسین

سن شهادتین شربتین ایچن
لحظه دن دوشوب لرزه جانیمه
حمله ور اولوبدور سپاه کین
رخنه سالدیلار آشیانیمه
خیمه لر یاناندا تالانمشام
قولاریمدا باخ ریسمانیمه
بولمورم علاجیم ندور منیم
قالمشام یانا یانه یا حسین

سن قیلاندا عشقسن نمازینی
قارداشیم جانی منده قیلمشام
سن گچن ناهاردان یخلمسان
من دونن سحردن یخلمشام
ایندی بیر قنادی سینان قوشام
سایه وه بو ساعت سخیلمشام
ایللریم که جانانه جان وروب
من گلمیشم جانه یا حسین

گیمیشم اسارت لباسینی
قولاریمدان الساعه باغلیام
یوخدی فرصتیم نعشون اوسته بیر
باش آچوب سنه سینه داغلیام
سن کیمی عزیز قارداشیم الوب
بیر دویونجا قویمولار آغلیام
الده تازیانه دوروب منیم
باشیم اوسته بیگانه یا حسین

بس که من او قدری ویریلمشام
چون کبوتر پر شکسته یم
سن اوجور که از هم گسسته سن
من سن تک از هم گسسته یم
نیلورم ایاقه دورانمورام
اوز یریمدن از بس که خسته یم
چرخ دون وروب اختیاریمی
شمر نا مسلمانه یا حسین

بیر بدنده ایوای باجون اله
دورت مینه یاخین یاره سان ورور
سانکه ایندیجه نیزه اوخ دگوب
یاره لر چوخی تازه قان ورور
یرده نقش اولان قانلی پیکرون
عرش کبریانی نشان ورور
دوغرانان وجودون شبیه دور
آیه آیه قرآنه یا حسین

ای شفیع روز جزا عجب
کربلاده محشر یاراتمسان
ایستی یاندیرور خلقی سن اوزون
ایستی قوملار اوستونده یاتمسان
اللی بش ائلین غملی یولداشین
بوشلیوب یادیندان چخاتمسان
من که پایبندم اوز عشقیمه
دوشموشم بیابانه یا حسین

• شنبه
• 23
• مرداد
• 1400
• ساعت
• 17:56
• نوشته شده توسط
• یوسف اکبری

چوخ شتابان گتمه میدانه حسینیم یا حسین
باغریمی دوندرمه آلقانه حسینیم یا حسین

آگهم روز ازلدن من بو روشن مطلبه
اوندا که قارداش یولون سالدون بو خاک اطیبه
غصه لر غملر کدرلر یولداش اولدی زینبه
اف اولا بیر بیله دورانه حسینیم یا حسین

آز قالور تیغ بلا صبریم طنابین پیله سین
حق گوروم بو اهل شام و کوفه نی محو ایله سین
سن شهید اولسان عیال و عترتون بس نیله سین
گَل اوزون قیل چاره طفلانه حسینیم یا حسین

علتین بولمم ندن طغیان ایدوللر کوفیان
غرق سن دریای محنت ده سن ای نوح زمان
الامان ای الامان ای الامان ای الامان
چاره قیل قالدیم یانا یانه حسینیم یا حسین

ایستی تپراقدان جوشور قان کربلا صحراسینه
کربلا صحراسی تبدیل اولدی قان دریاسینه
سنسیز ای قارداش کیم ایلر چاره آل یاسینه
ای دوشن گرداب طوفانه حسینیم یا حسین

گر دیسم یوخ عیبی قارداش آفتاب ایلور فرود
اود یاغور گوگدن حرارت ایلوری بودی نبود
نقش اولوبدور جسملر یرده ایدور روحلار صعود
هی اولور جان وصل جانانه حسینیم یا حسین

نور مطلق سن ایدبدور اوستوه ظلمت قیام
اولدی قارداش گوزلریمده روز روشن مثل شام
بولمیور قدرین رعیت عالمینه ای امام
انسان ایلور ظلم انسانه حسینیم یا حسین

زینبم من بش یاشیمدان کوکب بختیم باتوب
بیرق اقبالیم امت یول آزان گوندن یاتوب
لیک ای معشوقیم عشقون باشیمی باشدان قاتوب
اولموشام عشقونله دیوانه حسینیم یا حسین

عاشقم عشقیم شرارین جان کیمی آلام جانا
قویمارام غوغالی باشیمدان چکلسین بیر یانا
عشق دور عالمده خلق ایلور شرافت انسانا
یانماقا لازم دی پروانه حسینیم یا حسین

اگنیوه سن گیموسن قارداش شهادت جامه سین
عشقیلن اجرا ایدورسن نهضتین برنامه سین
ایتموسن امضا الستیده بو عشقین خامه سین
چاتسین ایستیر مرز پایانه حسینیم یا حسین

ای عزیز ختم مرسل بنده بنده پروره
شافع محشر اولوبدور ازبر آدون دللره
لطف اوزیلن قیل توجه بیر "امینی" نوکره
گوز تیکیبدور خوان احسانه حسینیم یا حسین

• یکشنبه
• 24
• مرداد
• 1400
• ساعت
• 16:30
• نوشته شده توسط
• یوسف اکبری

مولا بو عشقی عالم امکانه ویرمرم
چوخ پر بهادی قیمت ارزانه ویرمرم

هر قطره گوز یاشیم که آخور بی بها دگُل
بو در اشکی گوهر غلطانه ویرمرم

تپراقدا اولسا مهر نمازیمدی تربتون
هرگز بوخاکی چشمۀ حیوانه ویرمرم

پیک اجل گلنده منیم قبض روحیمه
سن گلمه سن بو جانیمی جانانه ویرمرم

وار بیر علاقه منده، حریم مزاروی
الله بیلور که گلشن رضوانه ویرمرم

جدون دیوب نجاته حسینیم سفینه دی
ئولسمده بوسفینه نی طوفانه ویرمرم

بیر عمر قویموشام یوزیمی آستانیوه
بو آستانی ملک سلیمانه ویرمرم

بیر روسیاه نوکریوم ایله سن قبول
بوافتخاری حشمت سلطانه ویرمرم

گلزار کربلا ده اولان معنویتی
مینلر صفای صحن گلستانه ویرمرم

چون مرز وحد یوخدی بوعالمده عشقیمه
عمروم قوتارسا عشقیمی پایانه ویرمرم

دیبایه فقر کسوتینی ائتمرم عوض
پشمین کلاهی افسر خاقانه ویرمرم

دردیم محبتوندی نیازیم محبتون
واللهی من بو دردیمی درمانه ویرمرم

آخر نفسده جلوه ی مهر جمالیوی
مینلر فروغ نیر تابانه ویرمرم

پیراهن عزادی لباس ارادتیم
رخت سیاهی خلعت الوانه ویرمرم

"خوندل" بولر امید، او دربار رحمتی
سنده بویور امیدینی حرمانه ویرمرم

• سه شنبه
• 26
• مرداد
• 1400
• ساعت
• 10:46
• نوشته شده توسط
• یوسف اکبری

کعبه دی کربلا منه ، مروه صفانی نینیرم
جنته باشدی شانیده،طوف ومنانی نینیرم

زینت خلقتدی اورا، یتمیش ایکی اولدوزی وار
مست الیور حرم منی،سعی وصفانی نینیرم

دوزدی که خلاق جهان ،بدویده خلق ائتدی اونی
خادمی وهابی اولان ، بیت خدانی نینیرم

خیل ملائک دولانار، شوقیله اکبر باشینا
ثانی یاتان یئرده داخی، ورد ودعانی نینیرم

گرچه وئریلارحاجیلار اهرمنی داشلاریلان
شیطان حکومت ائلین یئرده،وفانی نینیرم

کعبه نی ایستیسن اگر،کرب و یلایه فکر ائله
طوف ائله بین الحرمی، سسله حرانی نینیرم

ظلمیله وهابی اولوب ، خادم شهر نبوی
شهر پیمبرده اولان ،ظلم و جفانی نینیرم

شیعه نین حجی باشلانار محرم آیی حاجیلار
منانی مقتل ایلین ، اهل خطانی نینیرم

جامهٔ احرام منه ، حسینیمین قراسیدی
کعبه نین اوستونده اولان شال عزانی نینیرم

• جمعه
• 29
• مرداد
• 1400
• ساعت
• 22:16
• نوشته شده توسط
• یوسف اکبری

قالدی خندان گل لریم سنده امانت کربلا
من خداحافظ حسینی ساخلا راحت کربلا

من گلن گوندن بورا آماج درد ایتدون منی
هر مصیبت هر غمه دوتدون پسند ایتدون منی
قارداشمدان آیری سالدون دردمند ایتدون منی
ایتدون ئوز تپراقوی کنز سعادت کربلا

ای مقدس یر ویرن ای دائما اسلامه پاس
تربت پاکون جنان و کعبه اولماز قیاس
سنده کی قان دجله سیندن قوزانار بیر انعکاس
پخش ائدر آفاقه انوار هدایت کربلا

کربلا سنده دئمه یتمیش ایکی قربان یاتوب
کلمه توحیده دی بیر عده پشتیبان یاتوب
جلوه گاه عشقده جانانه وئرمیش جان یاتوب
اولمیبسان بی جهت محراب حاجت کربلا

منکه ناچارم گئدم اکبر سنون لیلا منیم
ساخلا دامادی عروسی منده واویلا منیم
سنده اولدوزلار قرانلوقدان دولی دنیا منیم
منده عابد سنده ده شاه شهادت کربلا

چخدی اهل کینه سنده ظلمده اندازه دن
سالدیلار غربتده اوراق حقی شیرازه دن
آتلارا جولان وئروب منکوب ائدوبلر تازه دن
سنده شاهد سن ئوزون ایله قضاوت کربلا

کسدیلر سنده فرات اوستونده سقانین یولون
سالدیلار ظلمیله نخلستاندا قولدان صاق صولون
یاخشی شافع ایلدون زهرا ایچون بر جوت قولون
یوم وانفساده اسباب شفاعت کربلا

ایندی شامه عازمم قول باغلی اعدایه اسیر
منله وار هشتاده دین عورت اوشاق خرد و کبیر
سرپرستی بیر منم بیرده یانان تبدار امیر
وار نه اندازه ولی اهل عداوت کربلا

خادمون " شاکر " نه مدتور دوشوب سندن اوزاق
آزقالور چخسون یادیندان سنده کی صحن ورواق
ایستدیم اللهیدن منده یتردیم اشتیاق
قسمت اولسون بیرده دوران زیارت کربلا

• جمعه
• 29
• مرداد
• 1400
• ساعت
• 22:30
• نوشته شده توسط
• یوسف اکبری

بو همان گوندور بو گون قان آغلادی عرش برین
وای اوغول وای سسلدی باش آچدی ختم المرسلین

بو گونون مثلینده ایتدی اهل کوفه هلهله
بو گونون مثلینده دوشدی عرش و فرشه زلزله
بو گونون مثلینده زهرا ساچلارین آلدى اله
کربلایه باش آچوخ گلدی امیرالمؤمنین

بو گون آگاه اولدی گوگلر کاف و ها معناسینه
قاره پوش اولدی بو گون یرلر حسینون یاسینه
دوندی بو گون کربلا میدانی قان دریاسینه
قالدى گرداب بلاده کشتی دین مبین

بیر طرفده فرقۀ کافر دوزولدی صف بصف
بیر طرفده دوردی یتمیش بیر موحّد جان بکف
سینه لر نوک خدنگ و تیغ خونریزه هدف
گیچدیلر باشدان که اولسون سربلند اسلام و دین

اولدی بیر محشر بو گون دشت بلاده بر ملا
محشر کبری بو اصل کلّه بیر فرعی نما
یار و انصار ئولدی یالقوز قالدی شاه کربلا
ماسواللهین پناهی اولدی بی یار و معین

هیکل توحید ربانی قالاندا بی مدد
ظاهر اولدی سرّ لفظ قل هو اللهُ احد
رهبر اسلام آدی ارکان اسلامه عمد
ائتدی حمله دشمنه الده حسام آتشین

ائتدی دعوا اولدی خسته دوشدی دلدن شاه عشق
دوردی بیر یرده که وئرسون ئولماقی عشّاقه مشق
آچدی سلطان حجازه ظلم الین اهل دمشق
سجده گاهیندن دگوب بیر داش یارالاندی جبین

سجده گهدن قان آخوب دوتدی جمال اللهی ثار
سیلماقا قان لخته سین پیراهنین ایتدی کنار
اولدی پیغمبر اوپن بیر قرص خور تک آشکار
یعنی قلب عالمین قلبی مکان لامکین

بزم وصل یاره آچدی ناگهان بیر اوخ یولی
اوخ نه اوخ اوچ شعبه لی زهریله پیکانلا دولی
کربلا مظلومینون قلبی سوسوز پیکان سولی
اکبرین داغیله اولدی اودلی دلده هم نشین

پیش رودن دگدی جوف سینه ده گیزلندی تیر
پشت سرده زهرلی پیکانلار اولدی جای گیر
اوخ دگن یردن چخاتسون اولمادی امکان پذیر
مطلبی عرض ایلرم واضح قیریلمشدی وتین

ائتدی خم قدّین آت اوسته حجت پروردگار
زور وئردی کتفدن چکدی اوخی ائتدی کنار
پیش رودن پشت سردن قان آخوب میزای وار
عالم معناد زهرا باشلادی داد و انین

نقطۀ توحید اوز عشقین ایسته دی اعلان وئره
دوشدی دلدن دؤره سین آلدی قشون چون دایره
گلدی عرشین گوشواری صاق یوزی اوسته یره
سندی اسلامین ستونی تیتره دی عرش برین

آه یا زهرا یرون بوش اوردا یابن العسکری
بیر گوریدون نه جسارت ایتدی کوفه لشگری
قصد غربتله گلن ووردی او یالقوز سروری
شرحینه عذر ایستورم بیر سوزدی توضیحی چتین

بیر نفر مقتول سانسیز قاتل اللرده سنان
بیر طرفدن اوخ ورانلار گلدی اللرده کمان
بیر طرفدن داش ورانلار آه یازهرا امان
نه دیوم؟ نه ظلم لر ویردی بروزه اهل کین

باش یارالی، یوز یارالی سینه ده بیر دسته اوخ
اَنّی اوخلی سینه قانلی نیزه دن داش زخمی چوخ
آغزی قانلی دل دوداق قانلی کمک بر کیمسه یوخ
نحرى منحور ایسّی توپراق جسمی قاندان گل نشین

اوخ اوخ اوستوندن دگوب خنجر یریندن تیغ تیز
داش یریندن داش دگوب یوخ قدرتی ایتسون ستیز
جبرئیل لای لای دیین پیکر اولوبدور ریز ریز
باشینه توپراق سپوبدور عرشیده روح الامین

قتلگاهی دولدوروب دریا کیمی موج ایتدی قان
ایش دایاندی بیر یره رحم ایلدی یاره ووران
شمر گلدی خنجر الده آه یا صاحب زمان
خیمه دن عمَّن اوساعت چخدی محزون و حزین

اللری باشینده بیر باش یوز قویوب دور مقتله
دلده واغوثاه گوزی یاشلی اورکده ولوله
گلدی گوردی ئولمیوبدور قارداشی صاقدور هله
ایستوری اولسون مباشر قتلینه شمر لعین

قاتل و مقتولی گوردی بلمورم نه حالیله
دخت زهرا نطقه گلدی پر اسف احوالیله
قارداشیم جان اوسته دور اینجیتمه بو منوالیله
ال گوتور قوی باغلیوم جان اوسته باری گوزلرین

سینه سی اوستونده دورما چکمه لی ای بی حیا
بو یارالی سینه ده وار گورموسن سانسیز یارا
بوسه گاه حضرت زهرا هارا ؟ خنجر هارا ؟
کسمه باشین قویما باشسیز اهل بیتن دل غمین

یازما «سعدی زمان» مستور قوى قالسون کلام
صون نفسده آچدی قانلی گوزلرین مظلوم امام
زینبی بولمم نجه گوردی امام تشنه کام
توکدی وجه اللهه عین الله دن درّ ثمین

• جمعه
• 29
• مرداد
• 1400
• ساعت
• 22:44
• نوشته شده توسط
• یوسف اکبری