اشعار ترکی امام حسین (ع)

گدای شهر غمم شهریاری آختاریرام
قدم قدم دولانوب کوی یاری آختاریرام

تبار حضرت خورشیده قوشموشام ئوزومی
حبیب و حر کیمین اعتباری آختاریرام

یاپیشمیشام ایکی اَللی مَلک ئوپن اَتگی
حسین حسین دئیوب اوج وقاری آختاریرام

مسیح عشقیمه وقف ایتمیشم جوانلیقیمی
بلایه مشتریم چوبِ داری آختاریرام

قطار مرثیه نون منده بیر مسافریم
قلم الیمده ره افتخاری آختاریرام

ردیف و قافیه قیدینده قالمارام هرگز
یازاندا نوحه ، نگاه نگاری آختاریرام

فرشته شهپری اوسته بهشته گئتسم اگر
گورن منی بیلر آیری دیاری آختاریرام

سوروشسالار هارانی آختارور گوزون دئیرم
من آلتی گوشه اولان بیر مزاری اختاریرام

گوزوم فدا او مزاره نفس باتوب اوردا
ایکی اوغول بیر آتا ، بی کفن یاتوب اوردا

او یرده دفن اولوب اسرار ناب عاشورا
او یرده معنی تاپوب انقلاب عاشورا

او یرده عشق بساطین قوروب ، یاریم گونده
ساتوب ستاره لرین آفتاب عاشورا

او یرده نیزه لر آلتیندا بیر چوخور یرده
ورق ورق داغیلوبدور کتاب عاشورا

همان کتابه باخوب یولدی ساچلارین زینب
دئدی بو ساچلار اولار رختخواب عاشورا

مگر من ئولموشم عریان یاتوبسان آی قارداش
وجودوی بوریوب التهاب عاشورا

سنی رقیه اوتانما بورون بو ساچلاریما
اجازه وار منیم اولسون ثواب عاشورا

اولوبدی میکدۀ عشق قانلی قتلگهون
آخور کسوک بوغازیندان شراب عاشورا

گرک یاخام بو مقدّس شرابی معجریمه
کی تا ابد تاپا قیمت حجاب عاشورا

من اول گلم کی نجابت یاغار گلابیمدن
الیم کسیلسه ده ال چکمرم حجابیمدن

خوشا سعادتیمه سروریم حسین سن سن
سرای عشقیده همسنگریم حسین سن سن

غزل یاغار نفسیمدن دلینده پاک آدیوی
شکسته بیر قلمم جوهریم حسین سن سن

سویولموشام ولی صراف گنج توحیدم
واریم الهیدی ، سیم و زریم حسین سن سن

دلیلی وار اتگیمدن ئوپر سلیمانلار
چون عاشقم سنه ، تاج سریم حسین سن سن

دیل آچمامیش بو سوزی دیلده ازبر ائلمیشم
منیم قیامته جک ، دلبریم حسین سن سن

محالیدور داغیدا کشتی وجودیمی غم
چون اللی ایلدی منیم لنگریم حسین سن سن

قدم آچوب اوچارام جبرئیل اوچان یرده
وقاریلن دئیرم شهپریم حسین سن سن

خلیل اولوب یانارام عشق اودوندا تا گوره سن
پریم کی سهلیدی ، خاکستریم حسین سن سن

قسم وقارووه شأن و وقاریم اسکیلمز
رشیده قدیمی غم بوکمیوب بوکه بیلمز

شراب عشقی ایچوب جانه گلمیشم یارالی
بو قانلی مقتله مستانه گلمیشم یارالی

قوناقوام منه خوش گلدون ائتمون ئوللم
امیدیلن بو بیابانه گلمیشم یارالی

ایاقه دور ائویمی یخما ، در به در باجوام
چوخاتما دردیمی درمانه گلمیشم یارالی

ائشیتجگین قوجا یعقوبیمین الهی سسین
گوزومده گوز یاشی کنعانه گلمیشم یارالی

ایاق یالین ، الی قوینوندا ، انمیشم تلی
خدا بیلور نجه میدانه گلمیشم یارالی

سورونموشم سنی آتلار ایاقلیان یرده
بو قتلگاهه غریبانه گلمیشم یارالی

دولانمیشام باش آچیق هی جنازوین باشینا
طواف شمع شبستانه گلمیشم یارالی

بوغازوین یاراسین گه اوپوب گه ئیله میشم
ننمون عطرین آلوب جانه گلمیشم یارالی

سنی بو حالیده گورمیدی زینبون ای کاش
ایاقلانان گوله بنذور جنازون آی قارداش

سالوب وجودوی صیاد غم کمنده حسین
سسون باتوب سینوه نیزه لر اننده حسین

گونون باتان چاقی شیرازه دن چیخوب بدنون
همان بدنکی اسور ایندی یل اسنده حسین

جهاندا هئچ بیر ئولن سن کیمین غریب ئولمز
حسن کیمی کاش اولیدون وطنده سنده حسین

چیخیدی گوزلریم ای کاش کور اولیدیم من
جدا باشیندا کسیک باشیوی گورنده حسین

یانوندا من واریدیم قانلی قتلگاهونده
بوغازوین دامارین شمر دون کسنده حسین

یالین الیله یالین خنجری یاپیشدیم من
سنون کیمین یارالاندیم بو چولده منده حسین

دئدیم گرک بو منایه منیمده قانیم آخا
گوره بو قانی ننم مقتله گلنده حسین

بیله کی شیرهٔ جانی نه شیرزن بجروب
منیده یاده سالا اوخشاما دئنده حسین

آماندی قاسمی باش قوشما فانی احزابه
تمام هستیوی وقف ائت حسین تک اربابه

• سه شنبه
• 11
• آذر
• 1399
• ساعت
• 23:07
• نوشته شده توسط
• یوسف اکبری

نه لایقم ادا ایدم عرض نیازیمی
نه سن دین کیمی قیلا بیلم نمازیمی
قلبیم ئولوب حسینوده آغلیانمورام
آرتور بیر آز اورکده کی سوز و گدازیمی

گوزدن سالوبدی ایندی منی یارو یولداشیم
بیر دفتریمدی بیر قلمیم بیرده تک باشیم
هر قطره اشکیم آخسا ئوپوپ بوشلارام اونی
مندن اقللی کوسمیه باری بو گوزیاشیم

اولماز وفاسی باشه کیمی یارو یولداشین
ایستر بلا گلنده هامی سالم ئوز باشین
کامل حسینچیه قوجالاندا دعا بودور
آل گوزلریمده کی ایشقی آلما گوز یاشین

گر روز حشریده گله بازاره گوز یاشی
هر درد بی دوایه ایدر چاره گوز یاشی
بیر در پر بهادی خریداری فاطمه
بالله ساتلماز آیری خریداره گوز یاشی

• دوشنبه
• 1
• شهریور
• 1400
• ساعت
• 22:39
• نوشته شده توسط
• یوسف اکبری

یابن الزهرا
عشقون نوکری ایدوب بیتاب
سندن کَسبِ نور ایدر مَهتاب
هاردا واردی سن کیمی اَرباب

الحمدلله کی نوکریوَم
الحمدلله کی سنسن آقام
الحمدلله کی گول آدیوی
ویرمیسن اجازه من چاغیرام

صَل اللهُ عَلَیکَ یا حسین 4

فَخرِ آدم
سنسن ای اَمیرِ عاشورا
کاخِ ظلمه سالمیسان غوغا
آدیوا فدا اولوم مولا

یابن الزهرا سنسن شَمسِ هُدا
یابن الزهرا سنسن خونِ خدا
دنیاده یوخوندی کیمسه نظیر
ششگوشه قبریوه شیعه فدا

صَل اللهُ عَلَیکَ یا حسین 4

نهضَتوندن
زنده قالدی مکتبِ قرآن
ناقص قویمادون قالا پیمان
ویردون دینه صود اَمَر قربان

یابن الزهرا سنسن مِهرِ مُنیر
یابن الزهرا سنسن نِعمَ اَلاَمیر
یابن الزهرا سنسن ساقیِ عشق
باده ی عشقیوه منده اَسیر

صَل اللهُ عَلَیکَ یا حسین 4

مُرغ روحوم
وار شوقی ایده گینه پرواز
اَرباب اوز غُلامینی قووماز
دعوتنامه می آقا سن یاز

یابن الزهرا اولدوم زار و حَزین
یابن الزهرا اولدوم غَمه قَرین
یابن الزهرا ئوللَم سن بولوسن
گلمه سم قبریوه، بو اربعین

صَل اللهُ عَلَیکَ یا حسین 4

• شنبه
• 30
• اسفند
• 1399
• ساعت
• 09:41
• نوشته شده توسط
• یوسف اکبری

ذکرین حسین جان سنون
دیلده اولوب ازبریم
آدین ایشیدجاق دولور
گوهریلن گوزلریم

شوقیله من سسلرم
سن سن آقا سروریم
عشقین اولوب دایماً
زندگیده رهبریم

اربابیم سلطانیم یا حسین
سالاریم جانانیم یا حسین

یا لیتنا کنا معک یا ثارالله ( 2 )

یاد ایدروخ دایماً
اول سویولان پیکری
قانی آخان قلبیوی
یا کسیلن اللری

اکبر گردونفری
یا سود امر اصغر ی
یاد ایدروخ دایماً
ساقی نام آوری

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

یاد ایدروخ حضرت
مسلم آزاده نی
کوفه لیلر ووردولار
ظلمیله دلداده نی

اولدی شهید ولا
چکدی باشا باده نی
ایتدی مخاطب او دم
شاه ولا زاده نی

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

کوفه یه گلمه حسین
یوخدی وفا کوفه ده
قانه بویاللار سنی
چوخدی جفا کوفه ده

قویما گله زینبی
خوندل اولا کوفه ده
یا که رقیّه ن گله
رنگی سولا کوفه ده

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

آعلییاروخ هرزمان
شوریله احساسیله
عشق ایدروخ دایماً
گوزده کی الماسیله

ایلیروخ درد دل
حضرت عبّاسیله
بیله دییردی او گون
اول شرف النّاسیله

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

دیده آچاندان سنون
نوکر درباریوم
ساقی طفلان عشق
عمر بویی یاریوم

عرصه گه رزمیده
میر و علمداریوم
فخر ایدرم عالمه
عبد وفاداریوم

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

دوشدی که آتدان یره
رهرو آگاه عشق
سسلدی امدادینه
مهری اودم ماه عشق

عرض ایدیب عباس آقا
داده گل ای شاه عشق
گل نیجه گور قانیلن
زینت اولوب راه عشق

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

قول ندی باش گوز ندی
جانیوه جانیم فدا
اصغر عطشانیوه
تشنه زبانیم فدا

خیمه ده کی قیزلارا
روح و روانیم فدا
اکبره یا قاسمه
عمر و جوانیم فدا

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

سینه یه ووروخ آقا
شوق و دل و جانیله
یاد ایدروخ محنتون
دیدۀ گریانیله

خوشدی سیزه آغلاماق
عشقیله عرفانیله
دیل بیر اولاخ بیرده بو
نوحۀ (شایانیله)

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

• چهارشنبه
• 29
• اردیبهشت
• 1400
• ساعت
• 20:19
• نوشته شده توسط
• یوسف اکبری

نطقه گَل ای شاه شهیدان حسین
خیمه و خرگاهی یانان زینبم
باشه سالان یدی جوان قاره سی
اللری قوینوندا قالان زینبم

ای شه لب تشنگان
گُل بدنی دوغرانان
پیکری قانه باتان
مونسی پیکان اولان
هر نقدر عمریم اولا آغلارام
صبح و شام
ای شه عالی مقام
ایتدیلر اعوانمزی قتل عام با لتّمام
ظلمیله قوم ظلام
ظلم اودینی ویردیلا یاندی
اهل شام_ساخلامیوب احترام
بیرجه قالان زین العبادور حسین

خانه سی ویرانه اولان زینبم

چادریمی معجرمی آلدیلار
ویردیلار
قلبیمی یاندیردیلار
آت قباقندا حرمون قودولار
سویدولار
عالمه اود سالدیلار
آل پیمبر نجه گور اولدی خوار
داغدار
شمره اسیر اولدیلار
گلشن گلزاری خزانه دونن

بزم تفاقی داغیلان زینبم

گور نجه افلاکه چخوبدور فغان
بو زمان محشر اولوبدور عیان
شامه طرف عزم ایلیور کاروان
باغری قان
دیده لری خونفشان
امر ایله عباسیله اکبر جوان
پاسبان بیزلره اولسون امان
چارم الیمدن اوزولوب هر طرف

بیر کسه یوخ ایندی گمان زینبم

من کیمی یوخ دهریده بیر غم چکن
بی وطن سن کیمی هر بیر ئولن
هانسی شهه اولماز اخا سو ویرن
رحم ایدن
نعشنی دفن ایلین
سن کیمی یوخ باشیله جاندان کچن
قان ایچن
نعشی قالان بی کفن
کثرت غمدن آغاران ساچلاری

داغلی جگر قدی کمان زینبم

• پنج شنبه
• 6
• خرداد
• 1400
• ساعت
• 12:55
• نوشته شده توسط
• یوسف اکبری

عریان گورنده قارداشینی دختِ بوتراب
یوز دوتدی آفتابه طرف ایلدی خطاب

ای گون ندور بو سوزشون اودلاندی قارداشیم
رحم ایله گورموسن مگر عریاندی قارداشیم؟

بیر آز شرارِ قوّهء ناریّه وی آزالت
آرتورما اوز حرارتیوی یاندی قارداشیم

بی غسل و بیکفن قالوب عریان جنازه سی
یوخ بیر نفر دیسون که مسلماندی قارداشیم

شیرازه دن چیخوب داغیلوبدور ورق ورق
پامال اولان صَحایفِ فُرقاندی قارداشیم

وار گورموسن عوالمِ امکاندا انقلاب؟
قطبِ مدارِ عالمِ امکاندی قارداشیم

ایمانی اولمیانلار ایدور ادّعای دین
بلمولّه اصلِ جوهرِ ایماندی قارداشیم

قرآن کتابمیزدی دیَنلر کسوب باشین
روحِ کتاب و معنی قرآندی قارداشیم

گزلت یوزون ، جمالیوه سال ابریدن حجاب
قانلی شفقده مِهرِ درخشاندی قارداشیم

وار کافر اولسا شرعیده مهمانه احترام
بیر کس ترحّم ایتمدی مهماندی قارداشیم

اولدی مُباح سو بو قوناقدان مضایقه
یاندی سوسوزدان ، اود دوتوب اودلاندی قارداشیم

قانلی گوزی فراته باخور نوکِ نیزه دن
معلوم اولان که ایندیده عطشاندی قارداشیم

نه باشی وار بدنده ، بیلکده نه اللّری
تپراقلار اوسته قانینه غلطاندی قارداشیم

آت دیرناقی ایله داغیدوب ، یغماق اولموری
اعضاسینی ، که خاکیله یکساندی قارداشیم

قانین حلال فرض ایلیوب هر گلن ووروب
بیر پارچا شیشه دن توکولن قاندی قارداشیم

اوخلار اوخ اوستونه وورولوب ، جسمی گزلنوب
یوخ اوخلارین چکن ، دولی پیکاندی قارداشیم

گودالِ قتلگاهی ایله دولدوروبدی داش
گورسنموری جنازه سی پنهاندی قارداشیم

جسمین قویوبلا قسمته قربان تک اهلِ شام
جدّی قویان شریعته قرباندی قارداشیم

آل امیّه ایلمسون دینی مَلعبه
عالَمده مُلکِ دینه نگهباندی قارداشیم

هر بی شرف که بیر یارا ووردی وجودینه
جانان یولوندا عینِ شرف ساندی قارداشیم

بیر دسته آتشی گُله بنزر یارالاری
سویلر گورن صفالی گلستاندی قارداشیم

آللهی ، دینی ، مذهبی انکار ایدنلره
دنیا بوئی مُبلّغِ یزداندی قارداشیم

قارداشمین آدیله مجالس اولار بِنا
احکامِ دین دیولماقا عنواندی قارداشیم

معلوم اولان یانورسان اودور وار حرارتین
آغلا سو سپ جنازه سینه ، یاندی قارداشیم

خاکِ شفادی تربتی دردِ (حسینیه)
هر دردِ بیدوا اولا درماندی قارداشیم

• پنج شنبه
• 6
• خرداد
• 1400
• ساعت
• 22:40
• نوشته شده توسط
• یوسف اکبری

سنده وار حسنووه لایق نه گوزل آد حسین
آدووی ایلیرَم شوقیله فریاد حسین

آیری عشق الدن آلار دینیله ایمانی ولی
سنون عشقین الیَر دین ائوین آباد حسین

عشقوون بندینه کیم دوشسه ائله سیره چیخار
سانکی بیر قوشدی قفسدن ائلوب آزاد حسین

محو الله شود سیرِ الی الله کند
نظر لطف تو بر گبر گر افتاد حسین

پشتِ پا زد به همه لذتِ دنیای فنا
هر که بر عشقِ دل انگیزِ تو دل داد ،حسین

پسر ام ابیها نوه ی ختم رسل
کس ندارد چو تو اٌم و اَب و اولاد حسین

مادران همهُ عالم اگر جمع شوند
نتوان مثل تو و آل تو را زاد حسین

گر مزیَن به ولای تو عبادت نشود
میرود طاعت زاهد همه بر باد حسین

دائم الخمریدن اسگیکدی مسلمان دگولی
کیم طریقتده سنی بیلمه سه استاد حسین

الاهین درگهینه حشریده طاعت ساییلار
کیم خلوصیله سنی هر دم ائده یاد حسین

اجری یوخ آغلاماق امواته ولی بیر یول اگر
آغلاسا کیم سنه محشرده اولار شاد حسین

انبیاایله ملکلرله ازل گونده الاه
سنه غم بزمین ائدیب عرشیده بنیاد حسین

داغ چکیب زینبیوون آهی فلک سینه سینه
اوندا کی تلیدن اندی ددی ای داد حسین

سن کی مظلومیلره دادرسیدون نیه بس
اولمادی کرببلاده سنه امداد حسین

سینووه قویدی ایاق شمر حیا ایله مدی
نجه گوردی سنی ترسا اولوب ارشاد حسین

قویمارام قاتلووه من داش ائورک آدینی چون
نه فقط داش سنه قان آغلادی ایجاد حسین

یاسووی ساخلیارام باشه قرا باغلیارام
آدووی ایلیَرم شوقیله فریاد حسین

سن ولایت باغینون قانه بویانمیش گولوسن
سنی انکار الیَن دهریده مؤمن یاشاماز

یالوارار قاتیلینه مقتله کیم قویسا ایاق
ایلیوردون ولی سن خالقیلن راز و نیاز

نیزه خنجر یاراسندان خبرین المازیمش
سن کی قلدون او شرایطله بیاباندا نماز

قد الم ایلدی الله قاباقیندا او دنی
کی سنی گوردی سوسوز ورمدی اما سو بیرآز

چه کند قاتلِ بی شرمِ تو در روزِ حساب
چون شود دست نیاز همه سوی تو دراز

از تو آزار به یک مورچه حتی نرسید
بر سرت ریخت ولی خصم چو روباه و گراز

وای بر مرجع خلقی که خدا را نشناخت
حاکم شهر شد و داد به قتل تو جواز

سنی الله ائوزی مخلوقیدن افضل یارادیب
شاعره یوخدی غلو ائتمگه مدحینده نیاز

گریه در روضه ی تو صیقل جان است و روان
چه نیازیست تو را ورنه به این سوز و گداز

بنده ی خوب خداوند همان خادم توست
نفس اماره برایش نشود مسئله ساز

هرکسون حشریده منشور نشورینده اگر
سنه نوکر یازیلا ایلیَجک شاهلارا ناز

اولماسیدی یر اوزونده بو قدَر فسق و فجور
بیر باخیشلان الیَردون هامینون کیفینی ساز

با تولای تو و عترت خوب تو شود
در غفران خداوند به روی همه باز

مخزن علم لدن معدن فیض و حسنات
پیش چشم تو عیان است پس پرده ی راز

هر چقدر از من بیچاره خطا سر بزند
میکشد سوی خداوند مرا عشق تو باز

• جمعه
• 7
• خرداد
• 1400
• ساعت
• 16:05
• نوشته شده توسط
• یوسف اکبری

افتخاریم بودی بیر عمر حسین نوکری یم
هاردا مولامین آدی اولسا اورا مشتری یم
اهل بیتین قاپیسیندا قوجالان چاکری یم

منه جنت منه طوبی منه رضواندی حسین
منه سرور منه مولا منه جاناندی حسین
روح وریحاندی منه جسمیده کی جاندی حسین

ایلیوپ عشق حسین عاشقینی دیوانه
اویاشیل نورونا جانلار هامیسی پروانه
جانینی قربان ائیدر عاشق اولان جانانه

باشینی عاشق اولان یاردی ولی اوخ دیمه دی
یار اولان یئرده دینن جنت الاعلی نی نه دی
تاواریم روح گوزوم مرقد شش گوشه ده دی

اوزومی عرض ائدیرم یوخدی لیاقت کی یانام
آقامین باشینا پروانه کیمی بیر دولانام
شوقیلن اوتدا یانیپ لذت دیداری قانام

منه نوکر دیسه من فخر ائلرم موسایه
باشیم عرشه دایانار باشیما سالسا سایه
اوندا عرض ائیلییرم منده خانم زهرایه
ای خانم قوما قاپیندان کی حسین نوکری یم

• پنج شنبه
• 27
• خرداد
• 1400
• ساعت
• 12:37
• نوشته شده توسط
• یوسف اکبری

امام مه لـــقا گــلوب - شهنشه کربـلا گلوب
اولـوب منوَّر ستاره لر - شیعیـــانه آقـا گلوب
شـــادو خُــــــرَّم اهل تولّا
سُونوبــــــدی جنَّت الاعلا
گوزی روشن حضرت زهرا
گُل خیرالنسا گلوب

شه خیبــر آتاسیدی - حضرت زهرا آناسیدی
ختم پیمبر باباسیدی - اهـــل تقـــوا آقاسیدی
عــــزت و ماه آسماندی
گـــل یکدانه ی جناندی
دینه عِزُّ و شرف قازاندی
گل خیرالنساء گلوب

آدی زینتــدی پرچمه - سمالره عرش اعظمه
عزیز شیر خدا حسین - گل یکتــادی خاتمه
نوه ی پاک مصطفادی
پســــر خیـــره النسادی
آقامیــــــز شاه کربلادی
گل خیرالنساء گلوب

گوزی شهلا یوزی گوزل - کمان ابروسی بی بدل
ماه شب چـــارده دی بــو - پــــرتـــو نور لم یزل
حرمـــــی جنت خـــدادی
آدی هـر دردیچون دوادی
دی مـــریضه بــاب شفادی
گل خیرالنساء گلوب

گل آچوب غنچه ی علی - اولوبدی به به کلام عشق
مست می حیِّ کــردگار - بیـــزه مولا امــام عشق
سومیـــــن نور کبریادور
پنجمین معصوم خدادور
گــــل گلزار نُـه سمادور
گل خیرالنساء گلوب

شب میـلاد بــا صـــفا - عنایت ایت (احمده ) آقا
دیور اورکدن بو نوکرون - ویـــر برات کرب و بلا
گوزل آدون عـــزتیمیزدی
حرمون چــون جنتیمیزدی
کـــرب وبلا نعمتیمیـــزدی
گل خیرالنساء گلوب

• جمعه
• 18
• تیر
• 1400
• ساعت
• 13:35
• نوشته شده توسط
• یوسف اکبری

باشیمدا وار شوق حرم - گونده آدیوی سسلرم
جان آقا جان آقا
باشمه قاره باغلارام - حسین سسلیوب آغلارام
جان آقا جان آقا
قاپوندا نوکــــــر اولموشام
مــــدال و عـــــزتیم منیم
بهشـــــتی نیــــلورم خــدا
حسیــندی جنتــــیم منیـم
حسین عزیز فاطمه 4

شـــاه کربلا السلام - مـــــاه نینوا السلام
یا حسین یا حسین
تشنه لبــیوه من فدا - شهید سر از تن جدا
یا حسین یا حسین
یارالــــــــی جـــانیوه فدا
ســــن ای عـــزیز مرتضی
داریخـــــــدی غملی قلبیلر
عــــــنایت ایــــــله کربلا
حسین عزیز فاطمه 4

نقدری رگرده واردی قان
سســـلر هامی پیر و جوان - کربلا کربلا
ذکریم اولوبدی روز شب
یوخدی اورکده تاب و تب - کربلا کربلا
نه با صفـــادی کربلا - عدن خدادی کربلا
مریض عشقیوم سنون - درده دوادی کربلا
حسین عزیز فاطمه 4

سنــــسیز آقا عمــــــریم یالان
سنسیز اولرم من اینان - یا حسین یا حسین
ذکـــــر نمـــازیمـــسن آقــــا
دارو نــــداریمسن آقا - یا حسین یا حسین
دوشوبدی یاده کربلا - حرم دیوب هوسلرم
اولاندا مشگل هر زمان - سنی هرایه سسلرم
حسین عزیز فاطمه 4

عشقیــــوی مدال ایلـرم - درگهیوه من نوکرم
یا حسین یا حسین
اوشاقلیقیمدان من آقا - گونده آدیوی سسلرم
یاحسین یا حسین
نقدری تا نفس گلور - بو هیئتونده بیز واروخ
منکر اولا بو امره کیم - گوزلرینی چخارداروخ
حسین عزیز فاطمه 4

• چهارشنبه
• 23
• تیر
• 1400
• ساعت
• 13:07
• نوشته شده توسط
• یوسف اکبری

واروم دی دیلده آقا هوای کرببلا
دیولَّه گورملیدی صفای کرببلا

واگیر :
قبرون جنت الاعلا
سن سن زاده ی زهرا ( 2 )
یا مولا

یا

سن آیینه ی سبحان
عاشقلر سنه قربان ( 2 )
حسین جانم

آقا اورک داریخور نجه دوزوم غمیوه
سن ایسته تا که گلوم او قانلی مقتلیوه
باخوم او گنبدین اوسته قانلی پرچمیوه
نه غملی منظره دورلوای کرببلا

حسین حسین نه حسین تمام عشق و وجود
تمام ما خلق ایلیر او شاهه سجود
فدای اکبر اولار تمام بود و نبود
حسیندن عزت آلوب بهای کرببلا

نه کربلا ایشیدن چیخر هوشی باشدان
یاتوب او یرده حسین یارالیدی باشدان
دَیوبدی آنّنا داش سوزور قانی قاشدان
نجه یانقلی اولوب بلای کرببلا

زمین کرببلا نوالی نغمه سی وار
او یر بلالی اولوب غریبه صحنه سی وار
یارالی فاطمه تک نجه رقیه سی وار
عجب ایشیتملیدی نوای کرببلا

او یرده زینبون آهی گوگلره اوجالوب
یارالی قارداش اولوب باجی قرارین آلوب
حسین غمینده باجی قرانی باشه سالوب
کی قلبی قان ایلیر عزای کرببلا

حسین حسین نه حسین فدا اولوم آدینا
گجه گونوز اورگیم اسر اونون یادینا
بهشتی ویرمیرم بالاجا بیر باغینا
بو قلب زاریم اولوب گدای کرببلا

او یرده قانه باتوب پیمبره بنذر
اون اوچ یاشوندا بالا حسینه بیر دلبر
یتمیش ایکی عاشق هر تکی بیر لشگر
ایدوبله جانلارینی فدای کرببلا

قاچوبدی چوللره اهل بیت اطهاری
دیردیلر عمو جان دای ایتمروخ زاری
گل اولدورله عمو یتیمه قیزلاری
سمالره اوجالوب صدای کرببلا

یاتوبدی بیر یارالی کنار علقمده
سو مشکی پاره لنوب اولوبدب شرمنده
که یعنی من خجلم اورک یانور غمده
علم یاتوبدی اولوب قوای کرببلا

وروبدی حرمله اوخ علی کیمین ماهه
او یرده خسته یاتوب یارالی ششماهه
غمینده اوت قالانوب یانقلی در گاهه
اودور که احمر اولوب سمای کرببلا

• چهارشنبه
• 23
• تیر
• 1400
• ساعت
• 13:21
• نوشته شده توسط
• یوسف اکبری

کربلا - سنـون عشقونده آتشینم
یادونـده - دل پریشان و دلغمینم2
باشیمـــــدا وار شوق حرم
ای شــــهِ صــــاحب کرم
داریخدی بو غملی اورک
عنـــایت ایــت منـده گَلَم
حسین غریب کربلا 3

کربلا - سنـــه دل باغلیان منم منم
ذکرون سسلنوب هم آغلیان منم منم
سنده یـــــاتان شاهه فدا
یتمیــش ایکی ماهه فدا
کرب بلا سنــــده اولان
عزت و هــــم جاهه فدا

کربلا - صود امر اصغرون نجولدی
اکبر تک - شبه پیغمبرون نجولدی
اوخلادولار اصــــغریوی
او غنچـــــه ی پرپریوی
دوغـــــرادولار اکبریوی
پیمــــبره بنــــــــذریوی

کربلا - اوجـا بوی افسره نه گلدی
سقای - حـــرم اطـهره نه گلدی
دورینی دشــــمن آلدیلار
ایکی قــــــولینی سالدیلار
حسین گلنـــــــده یـــانینه
طبل و نقـــــاره چــالدیلار

کربلا - زینب اولدی او چولده خسته
قارداشــــلاری اولوب اولدی پر شکسته
دوشــــــوبدی گوداله حسین
او چولده واردی شورو شین
آناسی سســـــــلیور بالام
گل سینــــمه نور دوعین

کربلا - باشــــــلاری نیزیه وروبلار
نعشیلر - اوستونه آتلاری چاپوپلار
آلــــوب اله حسین باشین
سینیه وردی غــــم داشین
شــــــمر اوزی قتلــگاهیده
توکــــور عذاره گوزیاشین

کـربلا - فاطمـــه سسلـــــدی بالام لای
راحت یات - آی سوسوز یارره لی بالام لای
کاشـــــکی بو قوم اشقیا
ظلمـــــــه ایله بوردا دویا
کاشکی حسینمون باشین
کـــــوللرین اوسته قویمیا

• چهارشنبه
• 23
• تیر
• 1400
• ساعت
• 13:26
• نوشته شده توسط
• یوسف اکبری

قونداقی عرشه ناز ائدن فاطمه نون بالاسیدی
آدی حسیندی عاشقان شاهیلرون آقاسیدی

کیمدی حسین که عالمی لرزیه سالدی صولتی
کیمدی حسین جهانیده داغ کیمی وار صلابتی
کیمدی حسین که بوقدر واردی اونون جلالتی
پور علیدی بو آقا قلبیلرون صفاسیدی

کیمدی حسین که آفتاب نازینی گویلره چکر
کیمدی حسین که عاشقان وصفینی دیلره چکر
اللها خاطر هر نه یی عشقیله چولره چکر
جانینه من فدا اولوم دردیلرین دواسیدی

عالم ذرده عشقیله امضا وئروب خداسینه
صبر ائلرم دئدی آقا کرب و بلا بلاسینه
دینیمی قویمارام چاتا واللهی انتهاسینه
بو سوزومون بیانه سی ،باخ هله گور هاراسیدی

بو گل عشق جنتون کیمسه بو یولدا درمیوب
سویلدی بو جهادیمه کیمسه کمک که گلمیوب
سویلدی یاحسین او دم غم یمه زینب ئولمیوب
من سنه یاورم اخا جان گوزوون فداسیدی

وقت ائله وقتیدی آقام یاوری یوخدی عرصه ده
یالقیزیدی حسین ولی قاتلی چوخدی عرصه ده
تکبیرینون جوابی حیف داش یا که اوخدی عرصه ده
خیمه دن عرشه قوزانان مظلوم حسین صداسیدی

سوز عطشدن آسمان نیتی وار یاغیش یاغا
آلندینی داش ائدوب یارا، قانی سوزوردی توپراقا
کیمسه یوخیدی تا دئیه گوزله ئوزوندن ای آقا
اف اولا اهل کوفیه سکه و زر گداسیدی

گون هئچ اوتانمیور باتا بلکه سرینلسین هوا
باجیسی تلیدن دئیور گوزله ئوزوندن ای اخا
زینب ئولیدی آلندیوی کوفه لیلر ائدوب یارا
خسته قوناقه احترام میزبانین جفاسیدی

دامنی قوزادی حسین پاک ائده گوزدن القانی
قویدی کمانه حرمله فوری سه شعبه پیکانی
تیتردی اللری ولی دوتدی نشانه مهمانی
اوخ ائله بیل او سرورین الده قالان دواسیدی

اوخ که آتیلدی غیضیله،اوخ ئوزی وا حسین دئدی
پارچالیوبدی قلبینی اهل سما حسین دئدی
گوزلرینه الین قویوب فاطمه یا حسین دئدی
وای بالا وای سسی گئلن فاطمه نون صداسیدی

دوشدی یئر اوستونه حسین جرئتی تاپدی اهل شر
کور ائلیوبدی گوزلرین وعده ی پول و سیم و زر
گوزلور آقام که تلیدن قتلگه باجی گلر
باجینون اوخشاماقلاری گوزلرینون ضیاسیدی

قتلگه دوشوب حسین وئردی ندن گلوب گئدن
یوخدی نه سو وئرن اونا، یوخدی بیری کمک ائدن
سینه سی یاره دی خدا رحم ائلمور عدو ندن؟؟؟
تا دیلر که ال چکون فاطمه نون بالاسیدی

سینه آغیراشیب گوروب قاتلی چکدی خنجری
ایستوری باش کسه اسور خوف بو ایشدن الری
کسدی باشی او بی حیا درده سالوب پیمبری
علت بو آغیر ایشین باشداکی رهی هواسیدی

اهل جنان باشا وئرور قلبی جهانی هداغلیور
خیمه ده خردا طفلیلر بیر بیرینی قوجاغلیور
اهل حرم نوا ائدور ، اما باجیسی آغلیور
چاره سیدی یوخدی نینسین قارداشینون عزاسیدی

باشسیز اولان جنازه نی اوخشادی لشگر آغلادی
اوخ یاراسی سیزلادی سینه ده شش پر آغلادی
باجیسینون صداسینه یاره لی مادر آغلادی
قارداشینون آخان قاتی ساچلارینون حناسیدی

سویلوری زینب ای سالان دردیلره منی حسین
پوزدولار اهل کین ندن غنچه و گلشنی حسین
آلدیلار آخر اهل کین مندن عجب سنی حسین
قلبیمی داغلیان حسین پیکریوین یاراسیدی

• سه شنبه
• 12
• مرداد
• 1400
• ساعت
• 13:33
• نوشته شده توسط
• یوسف اکبری

کربلاده سارالان گللره حیف اولسون حسین
سویون اوسته کسیلن اللره حیف اولسون حسین

یانارام آغلیارام
سینمی داغلیارام

سالمییدون کاش حسین کرب و بلایه گذرین
تشنه لیکدن اخی یانمازدی اوگون صودامرین
نه ابوالفضلین ئولردی نه سیناردی کمرین
سواخاطر قان اولان دیللره حیف اولسون حسین

اهل شر یازدی سنه نامه گئلن ئولدورلر
اکبری دوغرویالار حال نزارن گوللر
وقت غارت بالاجا قیزلاری دائم دویلر
دویولنده یورولان طفللره حیف اولسون حسین

ای شه ملک حجاز دوشموسن آتدان یارالی
وئرمیشی نیزه سنان اءتدی بوغازدان یارالی
باخگینان خیمه لره جان سنه قربان یارالی
قانه غلطان اولونان تللره حیف اولسون حسین

شمر کسنده باشیوی خنجره ال اتدیم حسین
کسدی خنجر الیمی اشگی قانا قاتدیم حسین
اغلادیم فاطمه نی عاقبت اغلاتدیم حسین
شهر یثربده کچن ایللره حیف اولسون حسین

بیر یانان خیمه اولدوز مثلی باتدیم اخا
الیمین یاره سینی قیزلارا باغلاتدیم اخا
صبحه چان وار خبرین که نجه من یاتدیم اخا
پوزولان , غارت اولان اءللره حیف اولسون حسین

من دیردیم که ءولنده گله قارداش یاسیما
اءت نظر قربان اولوم دیلده چیخان احساسیما
اورگیم اودلانوری تشنه ءولن عباسیما
سوون اوسته سارالان گللره حیف اولسون حسین

• جمعه
• 15
• مرداد
• 1400
• ساعت
• 18:57
• نوشته شده توسط
• یوسف اکبری

صبح عاشورادی اولدی قان اورکلر یاحسین
هامی گیمیش آغ کفن اللرده خنجر یا حسین

ای منای عشقه قربان نذر ائدن آقا سلام
قانلاری جوشه گتیرمیش باشی ذبح اولموش امام
ای جماعت گوش ائله عشقیم حسیندور وسلام
باشه قاره باغلیانلار هامی سسلر یا حسین

ای که الده گل بوغازی اوخلانان اصغر بالا
ئوپدی پیکان حلقیوی دوشدون عجب حالدان حالا
آچ گوزون ناز ایلمه قویما حسین تنها قالا
سسلدی قونداقیده قان ایچره اصغر یا حسین

ای که گل جسمی عباده خیمیه گلمیش علی
دشمنون یانینده شاهی محنته سالمیش علی
باخ حسینون حالینه بلده الی قالمیش علی
گور نجه لبیک دئیور عشقیله اکبر یا حسین

ای قلم سال دیلره عباس و مشگ و سو سوزون
گلدی بیر تیر سه پر ناز ائتدی اول زیبا گوزون
دوشجگین قولار آقا الله تاپشوردی ئوزون
گوردی پرچم سینه سینده ائتدی لنگر یاحسین

قاسمیون طوی خلعتی میدانیده پیکانیدور
کوفیه لیلر شرم ائدون قاسم سیزه مهمانیدور
بیر سوسوز مهمانی ئولدورمک نقدر آسانیدور
کربلاده خلق اولوب گویا که محشر یا حسین

ایندی میداندا حسین یوز اوسته دوشموش جان وئرور
پیکری قالمیش ایاق آلتدا یاراسی قان وئرور
ذکر و تکبیرین جوابین نیزه و پیکان وئرور
خیمه ده ایندی گلر باش الده خواهر یا حسین

خیمه لر یاندی الولاندی دوشوب قیزلار چوله
شدت سیلی و دردن چوخ قیز آز قالدی ئوله
باجی قارداشین آراسیندا دوشوبدی فاصله
ای "خدایی "باشه وئرور عرض ایله مضطر یاحسین

• جمعه
• 15
• مرداد
• 1400
• ساعت
• 20:27
• نوشته شده توسط
• یوسف اکبری

گوزومون یاشی یوزه بی جهت
بو دم اولمیوبدی روان حسین
او یاریم باخیشدا نه اِیلدون
که اورکدن آلدی توان حسین

باخیشیندا گوردوم او دم سنون
باجیوا اولان او مُحبتی
بو جهان عاریة ده اونون
آنام اوغلی یوخدی که قیمتی
ولی ای مسافر عرش حق
باجیوین بو یرده دی صحبتی
اِیدَسن خیامه رجوع، و یا
اولاجاخدی باغریمی قان حسین؟

اِیدورم بو فعلی که پرس و جو
بولوسن اورکده نه علته ؟
اورگیم دِیور که چوخ آز قالور
یِتَسَن مقام شهادته
اِیلیوبدی نائب آنام منی
بو مکاندا نچّه وصیته
عمل اِیلیم او وصیته
یِتیشوب یقین او زمان حسین

آزالوبدی اَلی اِیله یِته
اِیدورم بو محنته آه و زار
چوخ ئولوب دوباره دیریلمیشم
بو غمه مدینه ده آشکار
گورنور علائمی مو به مو
اِیله بیر یِتور باشا انتظار
نَدی سرّمطلب اوزون بویور
منی ایلیوب نگران حسین

اودی گول کیمی اوپوپ اِیگلورم
بو سوسوز بوغازیوی من شها
آنامون وصیتیدور گرک
اِیلیم بو عهدیمیزه وفا
اوپورم ولی دویا بولمورم
قالانی چوخور یره قوی قالا
اوپرم او دم که بو حنجرین
قانی اِیلیر فوران حسین

• جمعه
• 15
• مرداد
• 1400
• ساعت
• 21:21
• نوشته شده توسط
• یوسف اکبری

کهکشاندا یازدیلار سلطان حسیندی وسلام
عارفان قید ائتدیلر عرفان حسیندی وسلام

معنیه الله اکبر مختص اللهین کی دور
جانب حقدن بیزه رحمان حسیندی وسلام

آسمان پوزسون بوتون اولدوزلارین فخر ایلسین
گویده تنها بیر مه تابان حسیندی وسلام

شخص پیغمبر حسینه عاشق و دلداده دی
عاشق و معشوقیه جانان حسیندی وسلام

ترپدوب روح الامین قونداقی عرش اوسته بونون
مفخر دین ،عزت قران حسیندی وسلام

یاحسین سسلنسه کیم جنگده قیامت ایلیر
چونکه سردار و یل میدان حسیندی وسلام

سر در باغ جنان گوردوم یازیلمیش یاحسین
بیلدیم عشق خالق سبحان حسیندی وسلام

بند قلب مرتضی و نور چشم فاطمه
عشق ائله اربابیمیز یاران حسیندی وسلام

ای مریضی که سنی دکتر جواب ائتمیش بیلون
درد بی درمانیوه درمان حسیندی وسلام

وار اگر ایراندا امنیت دلیلی تک بودی
تاجدار و رهبر ایران حسیندی وسلام

ای اولار که حق مظلومانی پامال ایلیسوز
بحر غیرتده اسن طوفان حسیندی وسلام

یاحسین والله" خدایی" گوز تیکوب احسانیوه
دفتر شعرینده تک عنوان حسیندی وسلام

• شنبه
• 16
• مرداد
• 1400
• ساعت
• 12:09
• نوشته شده توسط
• یوسف اکبری

ای قانه باتان قارداشیم
چولرده یاتان قارداشیم
جسمون پوزولو ب گل مثلی
مقصوده چاتان قارداشیم

گل سینوی اوخلار پوزوبدی
دشمن سنی قارداش یوروبدی

یات یوم گزون دینجل حسین جان
من بلبلم سن گل حسین جان

ای وای یارالی جان یارالی
جانیم سنه قربان یارالی

بو سینمی غملر دلدی
دشمن کام الوب دینجلدی
یءر گوی یانوب احوالیوه
زهرا ننمیز دور گلدی

سسلر دیر ای وای حسینیم
اغلار چالار لای لای حسینیم

یات یوم گزون دینجل حسین جان
من بلبلم سن گل حسین جان

ای وای یارالی جان یارالی
جانیم سنه قربان یارالی

گل پیکرون اوخدی قارداش
اوخ یاره سی چوخدی قارداش
شان شان اولونوبدی سینه ن
بوسه یءری یوخدی قارداش

نه ال وارون نه باش حسینیم
گوزدن اخار گوزیاش حسینیم

یات یوم گوزون دینجل حسین جان
من بلبلم سن گل حسین جان

ای وای یارالی جان یارالی
جانیم سنه قربان یارالی

ای گون نه غروب ایتدون سن
دنیانی اتوب گیتدون سن
گلزار وفاده قارداش
گل تک سارالوب بیتدون سن

گلزاریمه باد غم اسدی
دالدان عدو باشیوی کسدی

یات یوم گوزون دینجل حسین جان
من بلبلم سن گل حسین جان

ای وای یارالی جان یارالی
جانیم سنه قربان یارالی

• شنبه
• 16
• مرداد
• 1400
• ساعت
• 23:06
• نوشته شده توسط
• یوسف اکبری

اوغلی ئولن آغلار بالا
مظلوم حسینیم وای
قالدی قاپیم باغلار بالا
مظلوم حسینیم وای

( در مطبخ خولی چرا
کردند مهمانت
مادر بقربانت
در حیرتم آخر چرا
کشتند عطشانت
مادر بقربانت )

ای جسم پاکی دوغرانان
عدوانه میداندا
اعضاسینین هر قسمتی
بیر گوشه بیر یاندا
باشی تنورخولیده
جسمی بیاباندا
اوغلی ئولن آغلار بالا
مظلوم حسینیم وای

(اندر ره دین یا حسین
لب تشنه جان دادی
رعنا جوان دادی
تو در ره حق اصغرِ
شیرین زبان دادی
هم یاوران دادی )

اون یددی یرد‌ن باشوا
ضربت وروب اعدا
سینه هارا؟ دورد مین یارا
یوخ صاف یری پیدا
گورسین سنی بو حالیده
دوزسین نجه زهرا
اوغلی ئولن آغلار بالا
مظلوم حسینیم وای

گودال اولوبدور مغسلین
یاندیم حسین یاندیم
ناقص اولوب گورر‌م الون
یاندیم حسین یاندیم
گچسین چراغی بجدلین
یاندیم حسین یاندیم
اوغلی ئولن آغلار بالا
مظلوم حسینیم وای

پیکر هارا؟ عریان قالا
زهرا سنه قربان
توپراغلار اوستونده بالا
زهرا سنه قربان
دوشدی حالیم حالدان حالا
زهرا سنه قربان
اوغلی ئولن آغلار بالا
مظلوم حسینیم وای

میلین ندیر اوغلوم حسین ؟
کشف ایله زهرایه
بوردا قالیم، یا من گئدیم
محنتلی صحرایه
خولی تنورینه و یا
دیر نصارایه
اوغلی ئولن آغلار بالا
مظلوم حسینیم وای

یوخ گتسه باشون هر یانا
گللم دالونجا من
زینب باجونان یان یانا
گللم دالونجا من
هجرانه تاب اتمز آنا
گللم دالونجا من
اوغلی ئولن آغلار بالا
مظلوم حسینیم وای

گوزل آدی حسینیمون
ذکر اولسا هر یرده
زهرا همان مجلسده دیر
قلبی گلر درده
مضطر توکر گوز یاشینی
ایندی همان فرده
اوغلی ئولن آغلار بالا
مظلوم حسینیم وای

• جمعه
• 29
• مرداد
• 1400
• ساعت
• 22:36
• نوشته شده توسط
• یوسف اکبری

اولی دفن میت اول بئله دور قراری شیعه
نه کفن اولوب حسینه نه سحر مزاری شیعه

قالوب ایستی قوملار اوسته بدنی هنوز حسینون
یوخ او پاره جسمینی دفن ائدنی هنوز حسینون
نه حنوط وار نه عسلی کفنی هنوز حسینون
نه مقامه گور حسینون یتیشوبدی کاری شیعه

بدن شریفی دوشموش قوری یئرده پیرهن سیز
دولانور جدا باشیندا باشی ظلمیلن بدن سیز
شهدای کربلانون بدنی قالوب کفن سیز
سویله قبر کن تاپیلماز قازالار مزاری شیعه

ستمی هنوز شمرون کی یتیشمیوب تمامه
قولی باغلی اهل بیتی آپارور پیاده شامه
باش آچوخ عروس قاسم نئجه بزم خاص و عامه
گئده نه روادور آخر بئله گلعزاری شیعه

داخی زینبون خانملیق گونون آلدی شمر الیندن
قدی هم کمانه دوندی شه کربلا غمیندن
آغاروبدی قاره زلفی غم و درد دشمنیندن
نیه بیلمرم بو چرخون بئله دور مداری شیعه

چکیلنده قنلگاهه او زمان قطار زینب
نه گوروب یئر اوزره دوشمیش تن شهریار زینب
داخی قالمادی الینده او دم اختیار زینب
گله جک نوایه نی تک دل داغداری شیعه

بلشوبدی قانه گوردی کیم او شاه کم سپاهی
دئدی دور ایاقه قارداش داخی زینبون پناهی
اسرای کربلانون گویه چیخدی سوز آهی
کی خزانه دوندی چرخون او زمان بهاری شیعه

بیزی شهر شامه ایلر بو زمان روانه سن سیز
گئده بیلمرم حسینیم ائله بیر مکانه سن سیز
سالیرام غم فراقون اوتونی بو جانه سن سیز
بئله یاندورور بو جانی اودوون شراری شیعه

گوتوروب حسین قانیندان ائلدی خضاب زلفون
سالوب عارضینه ائتدی او زمان نقاب زلفون
ائلدی یوزینه معجر یئرینه حجاب زلفون
سویله کیم گوروب جهاندا بئله خوار و زاری شیعه

سوله نه روادور آخر گل و گلشن مدینه
قولی باغلی ناقه اوسته گله نالیه سکینه
بو ستم بو غم گراندور بلی شاه مشرقینه
کی تیکان الینه دوشموش گولون اختیاری شیعه

بو عزای غم فزاده گلو چون فغانه "بیضا "
سالو نسگیلین دمادم دل آسمانه "بیضا"
گئجه گوندوز اوخشار آغلار بلی عاشقانه "بیضا"
کی همیشه اهل عشقون بیله دی قراری شیعه

• دوشنبه
• 1
• شهریور
• 1400
• ساعت
• 13:37
• نوشته شده توسط
• یوسف اکبری

ای جماعت من حسین جدّیم رسول اللهدور
ناطق قرآن آتام ثانی خلیل اللهدور

رونق دینم امامم عرشیدن اعلا منم
باعث ایجاد خلقم علمده دریا منم
چون ذبیح کربلا و مشعر و مینا منم
بو سببدندور حسینون قانی ثاراللهدور

دور ائدر اجرام عُلوی انجم و اختر مدام
بیر وجوده بسته دور موجود کلّ خاص و عام
من لسان الله ناطق وارث خیرالانام
طوریده تعلیم آلان مندن کلیم اللهدور

باغلیوبسوز بو فراتی تشنه دور آل عبا
ایلیورلر خیمه ده ناله و شور و نوا
بیرجه جرعه سو وئرون سیز ای گروه اشقیا
رحم ائدون چون آل احمد جمله آل اللهدور.

اولمیون مانع منه تا یثربه الان گئدوم
ئولدوروبسوز یاور و یاریم منیم گریان گئدوم
اصغریم اوخلاندی تشنه با غم و افغان گئدوم
روضۀ جدّیم پیمبر مثل بیت اللهدور.

یا وئرون یول عزم ائدوم روم و فرنگ و زنگه من
دوشمشم وحدتدن اوتری کربلاده تنگه من
گلمدوم بو سرزمینه سیزلریله جنگه من
بو سوزه شاهد خدادور مطلبه آگاهدور.

ای جماعت کربلا کوه منادور من خلیل
عشق راهینده بو قانی ائتمیشم سو تک سبیل
ائتمیشم عهده وفا من اولمیشام عشقه دلیل
مست صهبای الستم عهدیم عهد اللهدور.

بیر طرف عباس و اکبر قانینه غلطان اولوب
بیرطرفده عون و فضل و جعفریم القان اولوب
بیر طرف اصحاب و یاریم قانینه الوان اولوب
سویلیون واردور جوابوز بو نه رسم و راهدور.

ال چکون مندن منم اسرار حقون مخزنی
من رموز عشقه دارایم تانورسوز سیز منی
اولمیون راضی خزان اولسون پیمبر گلشنی
بو حسین مست حقیقت هم فنا فی اللهدور.

راضیم تعجیلیله ظاهر اولار اسرار حق
شرحه شرحه پیکریم باشیم جداده چون ورق
آغلیور" بیضا "عزاداره وئرور نظم و نسق
دیلده فکری واحسینا ،فکری آل اللهدور

• دوشنبه
• 1
• شهریور
• 1400
• ساعت
• 14:12
• نوشته شده توسط
• یوسف اکبری

تشنه سو کنارینده لبلره سلام اولسون
قانه غرق اولان باشسیز پیکره سلام اولسون

تربت مقدس کی کیمیادن آرتیقدور
قبه منور کی نه سمادن آرتیقدور
بقعه مطهر کی هر بنادن آرتیقدور
کیم دیه بیلور کعبه کربلادن آرتیقدور
اوندا دفن اولان شاه بی سره سلام اولسون

روحی روح الارواحه جسمی روح ذیروحه
سینه کی خدنگیله خنجریله مشروحه
صورت خون آلوده سجده گاه مجروحه
هم یدان مقطوعه هم قفای مذبوحه
لخته لخته قان دولموش گوزلره سلام اولسون

کاکل سمن سایه قامت دل آرایه
شب چراغ مظلومان نور چشم زهرایه
گوهر شب افروز اهل بیت طاهایه
طاقت دل زینب نوجوان لیلایه
قطعه قطعه دوغرانمیش اکبره سلام اولسون

گلعذار زیبایه سرو قد رعنایه
ابروان قوسینه دیده های شهلایه
قانیلن اولان الوان زلف عنبر آسایه
آتلارون ایاقینده پاره پاره اعضایه
قان حنا خضاب ایتمیش اللره سلام اولسون

طفل بی زبانی کی گل کیمی سولوب یاندی
اوچ گئجه گونوز عطشان دیل دوداقی اودلاندی
ظهر یوم عاشورا سو یانیندا اوخلاندی
شهپر آچدی پیکاندان قوش کیمی قنادلاندی
شاهباز خونین پر اصغره سلام اولسون

بیر جوان کی منصبده کربلا علمداری
خون سرخیله رنگین بیدق نگونساری
قویدی قان سوا قیمت اولدی مشکی گلناری
سو یولوندا سعی ایتدی تا کسیلدی قوللاری
صاحب دو بازوی احمره سلام اولسون

شدت سوسوزلیقدان اودلانان دوداقلاره
آت دوشونده قاچماقدان زخمدار ایاقلاره
شامیده قرانلوقدا آج یاتان اوشاقلاره
بیرده ام کلثومه زینب دل افکاره
دختران خاتون محشره سلام اولسون

خواهر علی اکبر قالدی بیت الاحزاندا
یوخ چراغی یوخ فرشی بیر خرابه زنداندا
تپراق اوسته جان ویردی خاک کافرستاندا
کفنی بیر قرا معجر دفنی کنج ویراندا
اول سکینه محنت پروره سلام اولسون

سیدالعبادی کی بسته طناب اولدی
شهرلرده حقینده ظلم بی حساب اولدی
پیشوای اسلامه خارجی خطاب اولدی
آتش شماتتده خاطری کباب اولدی
اول مریض دلخسته سروره سلام اولسون

کوفه ده عقیل اوغلی مسلم وفاداره
مالک اوغلی ابراهیم جان نثار مختاره
ابن عوسجه مسلم هم حبیب سرداره
شاهراه ایماندا جان ویرن جوانلاره
طفل و پیر و برنایه یکسره سلام اولسون

" یحیوی " الون یتسه گنبد طلاپوشه
بحر لطف مولانی آهیلن گتور جوشه
اخذ قیل او درگهدن هر ایکی ایوه توشه
احتراما عرض ایله پیش قبر ششگوشه
محضر همایون انوره سلام اولسون

• چهارشنبه
• 3
• شهریور
• 1400
• ساعت
• 17:46
• نوشته شده توسط
• یوسف اکبری

من حسینم جانیمی جانانه قربان ائیله رَم
خالصانه عشقیمه، عشاقی حیران ائیله رَم
کربلادن عالم امکاندا طوفان ائیله رَم
بیر گون عاشورانی کلّ ِ دهره سلطان ائیله رَم
هر تیکانلیق قلبی گلزار و گلستان ائیله رَم

من حسینم حشره جان تاریخیده پاینده یم
آسمان عشقیده بیر کوکب تابنده یَم
اؤلموشم اللّه یولوندا، زنده لردن زنده یَم
هم گذشته هم ابد هم حال و هم آینده یَم
طرفه العینیله هر آن طّی ِ دوران ائیله رم

دین حقدن سرفرازانه حمایت ائیله رم
حق طلب انسانی هر یئرده حمایت ائیله رم
سهل دیر دنیا، قیامت ده قیامت ائیله رم
واردی اذنیم هر گنهکاری شفاعت ائیله رم
هر ایکی عالمده انسانلاره احسان ائیله رم

من حسینم اولیا و انبیانین اوغلویام
جدّیم اول خیرالبشردیر مصطفانین اوغلویام
فاتح خیبر آتامدیر مرتضانین اوغلویام
حضرت زهرا(س) آنام خیرالنّسانین اوغلویام
خامس آل کسایم خلقه اعلان ائله رم

من حسینم چون یقینیم واردی وحدانیّته.
ائتمه رم بیعت یزید ضد انسانیّته.
گئتسه باشیم وئرمه رم اَل کان حیوانیّته.
ائتمیشم بو نهضتی برپا بیر عالی نیّته.
عاقبت آلوده دنیانی گولوستان ائیله رم.

نهضتیم قویماز کی کفر وکینه آلسین عالمی.
اولدورنمَز جاهل آخیرده امام اعلمی.
عاقبت برپا اولار حق و عدالت پرچمی.
منتقم مهدی(ع) گَلَر ائیلر قیام اعظمی.
کربلا دن نهضت مهدینی بنیان ائله رم.

کربلا عرش معلّا ذوالجناح اولموش براق.
عترتی قان آغلادیب آخیر وداعیمده فراق.
حق یولوندا ایسلانیب صحراده چوخ توزلی یاناق.
قوی سوسوزدان پارچالانسین ایستی دن یانسین دوداق.
بو لب عطشانه هر دریانی عطشان ائیله رم.

من حسینم مدعی درک ائیله مز احساسیمی.
دوتماز عالمده منیم دنیا طلب لر یاسیمی.
حق طلب عارف بولر وئردیم نه اوسته قاسمی.
یا نه دن نهر اوسته قولسوز ییخدیلار عباسیمی.
حشره جن ایمانی ثابت کفری بطلان ائیله رم.

من حسینم حقه خاطر یاوریمدن گئچمیشم.
سویلویوب اللّهُ اکبر اکبریم ن گئچمیشم.
بیر اوزون قول سرو قد سر لشکریمدن گئچمیشم.
آلتی آیلیق شیرخواره اصغریمدن گئچمیشم.
اصغرین قانیله من آفاقی الوان ائیله رم.

من حسینم سربه سر حقّ و حقیقتدی سوزوم.
گورمَز اللّهین یولوندا ما سوی اللّهی گوزوم.
هر بلایه واردی بو صدپاره قلبیمده دوزوم.
زینبه باخماقه یارب یوخ منیم اما اوزوم.
آغلارام احوالینه افلاکی گریان ائیله رم

کربلاده اوز امامین کوفیان دشمن سانیب.
هم سینیب قلبیم الهی هم فراق ایچره یانیب.
بو اوغلسوز سینه سی دوت مین اوخیلا اوخلانیب.
سینه م ایچره قلبیم اللّه پاره-پاره دوغرانیب.
دوغرانان قلبیله کاخ ظلمی ویران ائیله رم.

قوی اوزوم اوسته دوشوم دالدان کسیلسین حنجریم.
چاپسین آتلار قوی داغیلسین پاره-پاره پیکریم.
گئتسین اَلدن ظلمولن بارماقیله انگشتریم.
قوی جیداده ائیله سین قرآن تلاوت لب لریم.
نیزه باشینده گینه تبلیغ قرآن ائیله رم.

چوخ بویوکدور بو رقیّه م باخمئیین آز یاشینه.
گر چه باخماز اول شقی، شمر دنی گوز یاشینه.
ویرسا سیلی صورتیندن چالسا قمچی باشینه.
حق یولوندا بیر بئله صبر و دوزوم پاداشینه.
هر مریضه ایسته سه عالمده درمان ائیله رم.

زینبین گر قمچی لردن اولماسا یول-یول قولی.
حشره جَن پاینده قالماز دین اسلامین یولی.
قیزلارین باغلانماسا کسگین طنابیله قولی.
قلب لر اولماز داخی مهر و عطوفت دن دولی.
دین اسلامی #عزیز ِ کل ادیان ائیله رم.

• شنبه
• 6
• شهریور
• 1400
• ساعت
• 23:23
• نوشته شده توسط
• یوسف اکبری

بو نه الدور، بو نه بارماق، بو نه پیکر یارالی
بو نه یئردور ،بو نه فرش و بو نه بستر یارالی

نیه بیر بیله ویروب یاره سنه قوم دنی
تیره باران ائلیوبلر یارالی بیر بدنی
کیم سالوبدور باجون ئولسون یوزون اوستونده سنی
باشیوی تشنه کسوب هانسی ستمگر یارالی

گلشن فاطمیه گور نه اسوب باد خزان
توکولوب تپراقا گل تک شهدا پیر و جوان
قرمزی قانون ائدوب یو چولی بیر باغ جنان
یاره لر گل بدنونده گله بنزر یارالی

نجه رحم ایلمدی قاتلون ای میر حرم
قویدی بو سینیه بیر بیله یارائیله قدم
نه چکوبسن او زمان حالیوی قلباً بولرم
سیندیروب سینه وی ظلمیله او کافر یارالی

نه دئدون قانیوی بو قوم حسین بولدی حلال
اوخ آتان ،یاره ویران بیربیره وئرمزدی مجال
قولّاریم باغلیدی شامه گئدیرم دور یولاسال
ایلیوبسن منی اطفالیوه رهبر یارالی

چون آغیردور بو سفر جانیمه چوخ رعشه سالوب
بیر کسیم یوخدی نه اکبر ،نه ابوالفضل قالوب
باشدا یوخ معجریم اطرافیمی نامحرم آلوب
قرمزی قانون اولوبدور منه معجر یارالی

زینب ایلوردی او گل پیکره گوزیاشی نثار
یتیشوب نازلی سکینه دئدی ای عمه زار
بو کیمون نعشیدی شام اهلی ائدوبلر بئله خوار
قتلگاه ایچره دوشوبدور بئله بی سر یارالی

دئدی یاندیرما منیم قلبیمی ای کنز بلا
بو آتان نعشیدی بو حاله سالوب اهل جفا
ائشیدوب بو سوزی حسرتله چکوب وا أسفا
اوزینی سالدی همان سینیه مضطر یارالی

دئدی بابا منی بو وقتیده کیم قویدی یتیم
نازیمی کیم چکه جاق ایمدی بو یولّاردا منیم
او قدر قمچی ویروبلار گویروب گل بدنیم
اولماسون سن بیزی یولّاردا دوگَللر یارالی

کربلا ظلمی یتوبدور داخی اتمامه بابا
بیر دانیشدیر منی آخر گئدیرم شامه بابا
توکرم زلفیمی بو پیکر گلفامه بابا
گون اذیّتدی سنه کولگه یئر ایستر یارالی

بیرده بابا منی آغوشه اگر آلمیاسان
ساغلیقون تک بو زمان بوینوما قول سالمیاسان
ائدرم شیونیله محشری بو چولده عیان
چکمرم ال نقدر وورسا بو لشکر یارالی

ایلدی راز و نیاز اول یارالی پیکریله
یاندیروب قلب حسینی بو شیرین دیللریله
بالاسین باغرینا باسدی کسیلن اللریله
گوره بیلموب اونی محرون و مکدّر یارالی

امر ائدوب لشکره سعد اوغلی که وقت اولدی دورون
شهدانون بدنیندن اُسرانی آیرون
هانسی آیریلمیا ،تأخیر ائده قمچیله ویرون
قالاجاق گون قباقیندا بو بدن لر یارالی

توکولوب مقتله بیر عده قسی قلب و لعین
دئدیلر ختم ائدون آخر ندی بو شیون و شین
گئده لازمدی بو گون کوفیه اطفال حسین
قوری یئرده بو بدنلر قالا یکسر یارالی

آیریلوب اهل حرم اولدی هامی ناقه سوار
قالدی بیر نازلی سکینه اپ بیاباندا فکار
او یتیمی آتا نعشیندن ائدنموبله کنار
اوخ ،قلج ،نیزه یئریندن ئوپوب ایگلر یارالی

یتیشوب شمر ستمگر دئدی ای لشکریان
چکیلون سیز بو یتیمی من آیورّام آتادان
بولمورم نیلدی توضیحینه عاجزدی زبان
ال گوتوردی بالادان سبط پیمبر یارالی

گوردی بو حالی سکینه دئدی ای لشکر شام
سیز گئدون من بو بیاباندا قالوب صبحیله شام
گئتمرم شامه آتامدان هله من دویمامیشام
منی تازه آلوب آغوشه بو سرور یارالی

گرچه عاصیدی (کریمی) چوخ ائدوب جرم و گناه
محشره الده کی غم دفتریدور توشهٔ راه
گتوروبدور بو امیدیله بو درگاهه پناه
اولاسان روز جزاده اونا یاور یارالی

• دوشنبه
• 8
• شهریور
• 1400
• ساعت
• 00:04
• نوشته شده توسط
• یوسف اکبری

مستانه عالمین عجب عالمدی یا حسین
بو عالمینده محو ایکی عالمدی یا حسین

عالملره سالوبدی عجب سایه رحمتون
ذوق و صفا ویروب ایکی دنیایه رحمتون
باغ بهشته اولماسا پیرایه رحمتون
عاشقلره بهشت جهنمدی یا حسین

عالمده سن کیمی هانی سلطان محتشمم
خلقتده اولموسان کرم و لطفده علم
اهل کرم قاپوندا شرفدن اولوب خدم
واضحدی اونلارین بیری حاتمدی یا حسین

محتاجدور قاپوندا هامی التفاتوه
دنیاده لطف و حشرده رحمت براتیوه
مشتاق ، خضر تک سنون آب حیاتیوه
کوثردی سلسبیلدی زمزمدی یا حسین

سینمده حشر اولونجا سیلنمز گوزل آدین
گئتمز اورکدن آند اولا اوز حقیوه یادین
بو خلقته دلیل دور آبا و اجدادین
هر تک تکی کریم مکرمدی یا حسین

ملک جهانه مایۀ شوکتدی شوکتون
حیرتده ماسوانی قویوب شان و عزتون
ای مایۀ جلال بو جاه و جلالتون
خلقتده رشگ عالم و آدمدی یا حسین

سلطان ماسوایه نه لازمدی تخت و تاج
تندیس محض عزته عزت نه احتیاج
عزتدن عزتوندی آلان هر زماندا باج
اَوَّلدن عزّ و فرّ سنه همدمدی یا حسین

عالمده اهل عشق منافق اولار مگر
مین اوزلی لر بو درگهه لایق اولار مگر
عاشق بیر اوزلی اولماسا عاشق اولار مگر
عشاقه صدق شرط مسلمدی یا حسین

بیر عمر اسیر طرّۀ طرارون اولموشام
قید محبتونده گرفتارون اولموشام
ایللر بویی جهاندا عزادارون اولموشام
خوش یئرلریم محافل ماتمدی یا حسین

من عاشقم سنه سر و سامانی نیلورم
سن سیز بهار و باغ و گلستانی نیلورم
جانان گر اولماسا قوری بو جانی نیلورم
جانیمدان عشق یار مقدَّمدی یا حسین

اُمّی بیر عاشقم نه سوادیم نه دفتریم
تقویم بیلمرم ایتوب آباندا آذریم
بیلمم ندور ایلیم آیم هفتمله گونلریم
هر گون منه عزادی مُحَرَّم دی یا حسین

دوز عاشق اولار اورگی شیشه دنده صاف اولان
معشوقیله موافق اولار، سالماز اختلاف
حقّ مسلّم، ایلمز اوز عهدی نه خلاف
پاک سود او کیمسه کی آنادان امدی یاحسین

چوخدور جهاندا عشقدن البته دم ووران
عاشقلرین یولوندا یالاندان قدم ویران
عباس تک بو عرصه ده یوخدور علم ویران
بو ادعا اولاردا همان دمدی یا حسین

عباس اوز عشقین ایلدی اثبات عالمه
گوستردی بو یولی عملاً نسل آدمه
تاپدی او چولده عشق حقیقتده خاتمه
شاهد بو عشقه مشکیله پرچمدی یا حسین

صحرای کربلاده او گون لشگر ظلم
عشق اوسته قوللارین ائلدی ظلمیله قلم
سعی ائتدی جنگه بلکه نگون اولماسین علم
واله بو عشقه ایندیده عالمدی یا حسین

عباسه عشقده هانی مثل و بدیل اولان
کوی وفاده تشنه یارالی قتیل اولان
عاشق لر ایچره یوخ اونا کیمسه عدیل اولان
چون عشقیئیله همتی توأَمدی یا حسین

آتدان دوشنده توپراقا فریاده سسلدی
چوخ خجلتیله حضرتیوی داده سسلدی
حتماً دلیلی وار بئله امداده سسلدی
هر چند علتی بیزه مبهمدی یا حسین

مرکبدن اُول زمان که یئره ایلدی نزول
سسلندی بنده وین ائله بو خواهشین قبول
گل قویما ال تاپا منه بو فرقۀ جهول
گرچه جنابیوا غم اعظمدی یا حسین

گل گل ترحم ایله کسیب لر امانیمی
قوللار دوشوب الیمدن آلوبلار توانیمی
کافرلر ایندی توکماقا ظلمیه قانیمی
ناحق یئره بو چولده مصممدی یا حسین

قارداش گل استعانته اللرده قالموشام
رخصت بئله چاغیرماقا زهرادن آلموشام
هر چند زحمته سنی بو چولده سالموشام
عفو ائت بو آخرین الم و غمدی یا حسین

فخر ایلرم که شاعر و مداحیوام سنون
امید و ملجائیمدی سنون لطف و دامنون
آند اولسون اوز جلالیوه اول خاک مدفنون
(شبخیزه) کعبه دنده مقدّم دی یا حسین

• سه شنبه
• 9
• شهریور
• 1400
• ساعت
• 11:51
• نوشته شده توسط
• یوسف اکبری

ای حسینیم سویله سن بو شورش و غوغا ندور
دَمبدم بو آه و بو فریاد واویلا ندور؟

بو کلام غم فزا هر دم که ایلورسن بیان
آرتورور غم غصّه می ایلور منی چوخ ناتوان
چون بیله معلوم اولور یوخدور حیاتوندن گمان
زینبه سندن صورا دنیا و مافیها ندور

گر چه زینب دور آدیم دُخت بَتول اَطهرم
خواهر غم دیده وَم زهرا آناما مَظهرم
منده قارداش سن کیمی مطیع اَمر داورم
جلوه گاه عِشقده اَدنا ندور اَعلا ندور

فُرقهء اَشراریده یوخ اِعتبار و اِعتقاد
گوز تیکوب دور قتلیو هر ظلمه بو قوم عناد
بیله ظلم اُولماز بو اَهل کوفه دن فریاد و داد
من اُولوم قربان سنه هر دم بو اِستغنا ندور

چون مُقدّر دور گرک چَکسون جَفا آلِ رَسول
اُولمارام هرگز جفای اَشقیادن دل ملول
گر چه چوخ مُشکل دی هِجرانون ولی قیلّام قبول
عاشق دل دادیه راحت ندور ایذا ندور

ناره وورماقدان اوزون اولماز حَذر پَروانه ده
قولّاری باغلی دولاِنام مجلس بیگانه ده
نچه گون قالّام یولوندا گوشهء ویرانه ده
بلمرم مَسکن ندور مَنزل ندور مَاوا ندور

چون بو صَحراده یتوب دور قتل یوه فرمان سنه
حیف که ممکن دگل جانی ایدم قربان سنه
منده ویرّم بو ایکی طفلی بو گون قربان سنه
حقّه قربان اولماقا صُغرا ندور کُبرا ندور

گر چکم بو دشتیده یوز مین غم و درد و بلا
بی محابا صَبر قیلّام تا دم روز جَزا
قانلی عمامه ن اَلیمده حَشره گلّم یا اَخا
بلمرم مَحشر ندور کُوثر ندور طُوبا ندور

عرض قیلّام بار اللِها کو حسین کو کربلا؟
کو یزید بی حیا کو خُولی و شِمر دَغا
مَحشره بیر شُور سالّام تتّرسین عَرش خدا
بِلمِسُون لر شیعه حُول مَحشر کُبرا ندور

چون اولوب بو عالمه ذَرّات عالم دل حَزین
(شاکی) دِلخَسته ام اولّام عَزا دار و غَمین
اِیله دُوشموش باشیمه شُوقیله چون شُور حسین
بلمورم طَبعیم ده بو اِملا ندور اِنشا ندور

• شنبه
• 13
• شهریور
• 1400
• ساعت
• 13:08
• نوشته شده توسط
• یوسف اکبری

او کَسلَری که حُسینی سُووَر بُو عالَمدَه
دُوتار عَزا هامی عُمرین، نَه تَک مُحَرّمدَه

خیالیلَه مُتَصوِّر دَگُول جَلالِ حسین
تَمامِ فِکر و خیالی پُوزار خیالِ حسین

بَشردی گر، بُو جَلالَتدَه کیم گُوروبدی بَشر
بَشر گر اوُلماسا مُمکُن دَگُول مَقالِ حسین

پِیمبَر اوُغلیدی بُو مین خَلیل و نُوح و کَلیم
جَلال و رُتبَه دَه اوُلمازلا بیر بِلالِ حسین

او گُونکه سسلدی مِن یَشتَری بِاَنفُس و مَآل
تَمامِ عالمَه مَحبُوبِ بی مِثالِ حسین

اَلی اَل اوُستَه دُورُوب مُشتَری دِیُوب لَبَّیک
فَدادی عالَمِ عِشقُوندَه نَفس و مالِ حسین

غَریبَه عالَمیدی اوُلماز اِیلَه داد و سِتَد
که اِیلیُوبدی حُسینیلَه لایزالِ حسین

مَبیع مامَلکِ حَقّ و مُشتَری شَهِ دین
ثَمَن حُسینیدی اوُل بِیعه هَم عَیالِ حسین

مَجاز اَهلینَه گُوستَردی اوُز حَقیقَتینی
مَرامِ حَق اوُلوب عِلّت او دور وِصالِ حسین

یازُوبدی لُوحِهء حِکمَتدَه کَاتِبِ قُدرَت
گَرک فَنایَه گِئدَه نَفس و مال و آلِ حسین

قُویُوب اوُ صفحیَه اَرواحِ اَنبیا اِمضاء
مَقامِ عِشقیدَه مَعلوم اوُلوب کَمالِ حسین

نِفُوذِ عِشقیلَه تَفویض اوُلوندی عِینِ مَرام
اوُلاندا ذاتِ خدا حَقّدَن سُوالِ حسین

قَبُول اِئدوبدی اؤزون خونبَها حُسینه خدا
که ظاهر اوُلسُون او گُون شُوکَت و جَلالِ حسین

دُولاندی دُورهء دُوران یِتشدی عاشُورا
اوُلوب او عَهدیدَه بیر اِمتحان خیالِ حسین

وِیرُوب حَبیبینَه بیر بیر کَمک لَرین قُربان
تاپُوب عُذارینَه یُول گُوزدَن اَشگِ آلِ حسین

اِیشیقلی گُون کیمی اَکبَر یُوزی اِئدوبدی کُسیوف
سِنُوبدی باغِ اِمامَتدَه نُو نَهالِ حسین

سُو اوُسته هَر اِیکی اَلدَن گُوتُوردی اَل عَبّاس
گُورُوب او حالی او ساعَت پُوزُولدی حالِ حسین

سُو وِئردی بیر سُولی پِیکان علیِّ اَصغرینَه
سِپهِرِ غَمدَه غُروب اِیلدی هِلالِ حسین

ئولوب کُمکلَری یالقُوز قالوب تاپُوب جُرأت
اَل آچدی اوُستونَه اَعدای بَدِ خِصالِ حسین

قِلجلیُوب باشینی مالِک اِبنِ یُسرِ لَعین
دُوزَلدی ظُهر یِتُوب گُون کِیمی زَوالِ حسین

اوُلوب مَعاینَه شقُّ القَمَر آخُوبدور قان
بُویاندی قانَه قزل گُل کیمی جَمالِ حسین

خیالی اِئتماقیدی اوُجِ وَحدَتَه پَرواز
خَدَنگ لَر پِر آچُوب اوُلدی پَرّ و بالِ حسین

اَبُوتُراب عَزیزی دُوشُوب تُراب اوُستَه
بَلَشدی قانیلَه تُوپراقَه خَطّ و خالِ حسین

دِیدی اِلهی گُواه اوُل بُو قُوم عُقیدَه سینَه
بُو چُولدَه واجِب و لازم دُوشُوب قِتالِ حسین

تَمامِ ما مَلکیمدَن بُو چُولدَه گِئچدیم مَن
ازَل کی عَهدیدَن اوُلمُوبدی اِغتِفالِ حسین

یِتُوبدی عَهدِ اَلَستیم باشا قالُوب بیر باش
بُو بارَه دَن بُلوسَن واردی اِنفِعالِ حسین

سَنُون حُضُوروَه لایِق دَگُول بُو تُحفه لَریم
قَبُولَه لُطفیلَه وار لِیک اِحتِمالِ حسین

#حسینی فَخر اِئدَه سَن ساکنانِ نُه طاقَه
سالونسا چِگنوَه نُوکَر آدِیلا شالِ حسین

• شنبه
• 14
• مرداد
• 1402
• ساعت
• 23:32
• نوشته شده توسط
• یوسف اکبری

سبک : یا امام زمان شیعه ده احساسه باخ

یا حسین آدیوی درده دوا بیلمیشم
قاره کوینک گئییب درگهیوه گلمیشم
دوت الیمدن آقا
دردیمه قیل دوا
یاحسین جان یاحسین جان

گوزلویَر شیعه لر مُحَرَمون هر ایلی
چاغیرار آدیوی اولسا کیمین مشکلی
الی اوستونده اِی پر پر اولان نو گُلی
سنه جانلار فدا
سیدالشهدا
یاحسین جان یاحسین جان

قربان ایاقیوین آلتدا یاتان اکبره
یارالی سینه وین اوسته یاتان اصغره
قیل نظر قاپیوا جمله گلن نوکره
سائلوق بینوا
وئر بیزه کربلا
یاحسین جان یاحسین جان

شیعه لر یکسره یاسه باتوب یا حسین
یئرلر گؤیلر سنه ماتم دوتوب یا حسین
اوجا بوی قارداشون قولسوز یاتوب یا حسین
سسلر امدادینه
تئز یئتیش دادینه
یاحسین جان یاحسین جان

قویما حسرت قالا قبریوه آغلار گوزو
هامینون کربلا کربلا اولوب سؤزو
دئه آنان فاطمه تذکره وئرسین اؤزو
غمیوه (نالانام)
اوره گی تالانام
یاحسین جان یاحسین جان

• یکشنبه
• 15
• مرداد
• 1402
• ساعت
• 15:31
• نوشته شده توسط
• یوسف اکبری

گلمیشم دفن ایتماقا بو جسمِ عریانون بابا
جَمعینه حیرتدیم نعشِ پریشانون بابا

جلوهٔ عشقونده اولموش بو بیابان طورِ حق
لمعه لمعه اوج ایدر عرشه بو یردن نورِ حق
کلمه ی ارنی دیلیمده منده باشدا شورِ حق
اولموشام موسی کیمی بو چولده حیرانون بابا

کیم سنون تک ایلدی اوز ایتدوقی عهده وفا
ویردی اوز قانیله دین گلزارینه آبِ بقا
ایلدون سن کربلا صحراسینی کوهِ منا
ویردی یتمیش بیر نفر جان تشنه قربانون بابا

محضرونده دوتدیلار مردانه الده نقدِ جان
ایتدیلر جانانیله بیع و شرا پیر و جوان
ویردیلر بیر امتحان حیرتده قالدی قدسیان
انتهایه یتدی تقدیراتِ پیمانون بابا

یخدیلار آتدان یارالی پیکرون عدوان یره
چشمه چشمه قانین ویردی تازه جان یره
آیه به آیه یازیلدی قانیله قرآن یره
حقّون ایتدی اثبات آخدوقجه قیزیل قانون بابا

تشنه لب کسدی قفادن باشیوی شمرِ دنی
صرصرِ ظلمیله سولدی آلِ طاها گلشنی
حالِ مظلومیّتون آغلاتدی یکسر دشمنی
اولمادی هرگز مراعات، عزّ و شانون بابا

پیکرونده بغضیله آت گزدیروب قومِ جهول
بو بیابانِ بلاده وار نقدری عرض و طول
ایلدی پاشیده جسمون گُل کیمی سُمّ خیول
نعشی بو حاله دوشوب هانسی مسلمانون بابا

بیر ایله حاله سالوب نعشون شقی دشمنلرون
یغماقا حیرتدیم یردن داغلمیش پیکرون
چون قالوب بیر سمتیده هر عضوی جسمِ اطهرون
آغلار ایلر ناله بلبل تک بو نالانون بابا

شرعِ پیغمبرده بو واجبدور ای شاهِ زمن
هر مسلمان نعشینه اولسون گرک غسل و کفن
اوزگه چارم یوخدی مجبورم بو چولده ایندی من
چولقیام کهنه حصیره جسمِ عریانون بابا

بیر به بیر مدفون اولوندی جمله یار و یاورون
ایستورم دفن ایلیم پایینِ پاده اکبرون
خوشدی یاتسون سینن اوسته شیرخواره اصغرون
سندن آیریلماز بو آرامِ دل و جانون بابا

سو کنارینده دوشوب عبّاس تک بیر سرو ناز
بو منای عشقیده تاپموش گوزل بیر امتیاز
پیکری اوخدان آچوبدور بال و پر چون شاهباز
باغری قان ایتدی سقّای لب عطشانون بابا

دوغرانوب باشدان باشا جسمی دَمِ شمشیریلن
خانه ی زنبور اولوب هر قطعه قطعه عضوی تیریلن
دفن ایدم مجبورم ایندی نعشینی تدبیریلن
حشره تک اولّام بو غمده دیده گریانون بابا

ماسوا آغلار محنتینده، یانار بی اختیار
یر گوگ ایلر ناله هر لحظه نه تک «صحاف» زار
مطلقا عقباده ایلر نارِ دوزخدن کنار
دوتسا هر کیم صدقیله دنیاده دامانون بابا

• دوشنبه
• 16
• مرداد
• 1402
• ساعت
• 23:01
• نوشته شده توسط
• یوسف اکبری

یارالارین_قانی آخور(2)_چوخ سورونمه آی قارداش_چوخ سورونمه آی قارداش

بو حالیوه_کوفیان باخور(2)_چوخ سورونمه آی قارداش_چوخ سورونمه آی قارداش

چوخ سورونمه آی قارداش(2)
____

هرای حسین_قاره یل اسوب(2)_آغلاشور بالالارین_آغلاشور بالالارین

باشین دالدان_شمر دون کسوب(2)_آغلاشور بالالارین_آغلاشور بالالارین

آغلاشور بالالارین(2)
____

رقیوی _ایلمه نالان(2)_قلبیمی غمه سالما قلبیمی_قلبیمی غمه سالما

چوخور یرده_زینبون قربان(2)_قارداش ال ایاق چالما_قارداش ال ایاق چالما

قارداش ال ایاق چالما(2)
_____

عذاریمه_توکموشم قانیاش(2)_زینبون سنه قربان_زینبون سنه قربان

ویروبلار داش_آنیوا قارداش(2)_گوزلریوه دولدی قان_گوزلریوه دولدی قان

گوزلریوه دولدی قان(2)
_____

سسیمه سس_ ویر یارالی(2)_سن بیل آنامون جانی_سن بیل آنامون جانی

دوشموسن ائلدن آرالی(2)_دورمور آنووین قانی_دورمور آنووین قانی

دورمور آنووین قانی(2)

• پنج شنبه
• 19
• مرداد
• 1402
• ساعت
• 00:53
• نوشته شده توسط
• یوسف اکبری