اشعار ترکی امام حسین (ع)

آغلاما ای آغلادان دنیانی قارداش آغلاما
مجتبی آغلار گوزون قربانی قارداش آغلاما
.
.
من اولوم قربانی بو گوزدن آخان گوز یاشوین
احتضار حالینده پوزما حالینی قارداشوین
ایمدیدن آچما باشون وار چوخ بلاسی باشوین
آغلادان سنسن آنام زهرانی قارداش آغلاما
.
.
ایلمه شور و نوا توکمه سرشک آلوی
وار دوزوم منده گورم سولموش جمال آلوی؟
یا آنام زهرا دوزر گورسه بو پوزقون حالوی؟
یا باجیمدا صبر وار امکانی قارداش آغلاما
.
.
توکمه اشکون دامنه گلمه فغان و شیونه
دوره ده ایستکلیلر وار آغلیان چوخدور منه
آغلاما سن وار یری من آغلیام قارداش سنه
یاد ائدم بیر محنت عظمانی قارداش آغلاما
.
.
گل قولون سال بوینوما صبر ایله باتما یاسمه
س

• چهارشنبه
• 17
• مهر
• 1398
• ساعت
• 15:11
• نوشته شده توسط
• ابوالفضل عابدی پور

یل یاتار طوفان یاتار یاتماز حسینون پرچمی
دیده ی دوران یاتار یاتماز حسینون پرچمی

بوحسینونده عزیزان پرچمی اوچ رنگیدی
گنبدی اوستونده قرمز یادگار جنگیدی
هم یاشیل اعلان ایدورعباس اونون سرهنگیدی
سن قرا پرچم گوتور بو زینبون فرهنگیدی
سسله هر بنیان یاتار یاتماز حسینون پرچمی

قاره پرچم،قرمزی پرچم،یاشیل پرچم دیور
جاوداندور کربلا،خلقه حدیث غم دیور
تک حسینی لر دیمور بلکه هامی عالم دیور
ای مسیحی لر بو ذکری عیسی مریم دیور
پایه ی ادیان یاتار یاتماز حسینون پرچمی

ای عراقین تپراقی ویر شور و شَینوندن خبر
سنده دی آلتی امام ،ایفای دَینوندن خبر
یانجف یا سامرا یا کاظمینوندن خبر
هرطرفدن اود یاغور قبر حسینوندن خبر
قورخما بوبحران یاتار یاتماز حسینون پرچمی

عالمی ظلمت دوتوب شمعی گزور پروانه لر
آشنالردن دی دوتسون فاصله بیگانه لر
خانه ی امنیّت و احساندی ماتم خانه لر
قوی دیسونلر قاره سین گیدی گنه دیوانه لر
عالم امکان یاتار یاتماز حسینون پرچمی

بیز بو پرچمدن برات آللوخ ایشتسین مدّعی
گیتمه روخ آیری مسیره گیتسه گیتسین مدّعی
طعنه لر بسدی خطا یولدان قیتسین مدّعی
کیفر صدّامه باخسین عبرت ایتسین مدّعی
کاخ نامردان یاتار یاتماز حسینون پرچمی

یوخ موّرخده او قدرت ایلیه حفظ وفاق
چوخ قیامی ثبت ایدوب امّا پوزوب دست نفاق
شاه مظلومان مین اوچ یوزیتمیش ایل بوندان قباق
بیر قیام ایتدی سسیندن تتردی دوقّوز رواق
یازدی هر ارکان یاتار یاتماز حسینون پرچمی

بیر یانا عشق حسین انبوه موکب بیر یانا
یدّی دریا بیر یانا عطشان قالان لب بیر یانا
نسل آدم بیر یانا یتمیش مقرّب بیر یانا
یتمیش عاشق بیر یانا تک غملی زینب بیر یانا
بیلدی یورقون جان یاتار یاتماز حسینون پرچمی

اشقیا قورخوردی عباسین آدیندان تک به تک
گوردولر جنگ ایتمدی گیتدی قالوب شه بی کمک
واردی بیلموردیله زینبده قوای مشترک
تا حسین جان ویردی گوتدی پرچمی عباس تک
سس گلوب وجدان یاتار یاتماز حسینون پرچمی

معرفتسیز کوفیان باشسیز وجودی داشلادی
سجده ده اولدی حسین زینب نمازی باشلادی
سو دویونجا ایچمدی قانلان دوداقین یاشلادی
سسلدی عشقین بقاسی بیز باجی قارداشلادی
موج بی پایان یاتار یاتماز حسینون پرچمی

ای حسینی لر نه دردوز وار دوا زینبده دی
نینوا بیر قانلی صحرادور نوا زینبده دی
اختیارات قـــــوام اولـــــــیاء زینبده دی
عشقه آند اولسون کلید کربلا زینبده دی
خیمه ی سوزان یاتار یاتماز حسینون پرچمی

عشقیده آری اسارت وار شهادتدن صورا
باشلادی اوز نهضتین زینب او نهضتدن صورا
وقرینی سندیرمادی مردان غیرتدن صورا
باغلادی بیر قاره معجر باشه غارتدن صورا
یعنی جوشقون قان یاتار یاتماز حسینون پرچمی

چخدی تل اوسته گوروب ایلور عربلر هلهله
قبله ی عشقه دوتوب یوز یعنی قانلی مقتله
سسلدی قارداشیم ای باشی دوشن الدن اله
من بیر ایش گورّم حسین تا عرشیدن بو سس گله
فتنه ی عدوان یاتار یاتماز حسینون پرچمی

ای ابوالفضلیم بو آغلار گوزلریم قربان سنه
اوخلانان مشگی چخارت یاددان دعا ایله منه
ای امیر کاروانیم دور اسیرم دشمنه
سن علمدن مطمین اول ویرمیرم اهریمنه
شور نخلستان یاتار یاتماز حسینون پرچمی

اکبریم ای هامّیدان آرتیق رسوله بَنزیَن
ای رسول اللّه یولوندا قرمزی خلعت گیَن
ای منی پوزقون گورن گونلرده جان عمه دیَن
ایستورم سندن مدد ای عمّه سین چوخ ایستیَن
تاگورم طغیان یاتار یاتماز حسینون پرچمی

ای جوان قاسم عجب طوی دوتدی عاشورا سنه
باغلادی بیر دسته قرمز گل آنان زهرا سنه
قالدون آتلار دیرناقیندا یانمادی اعدا سنه
ساخلارام منده آناوی تا چاتا نجوا سنه
دیده ی گریان یاتار یاتماز حسینون پرچمی

ای علی اصغر که ایتدون سنده اوز دینون ادا
آخره قالدون ولی عالی مدال آلدون بالا
اوخلانان وقته گولوبسن جان عزیزیم مرحبا
خنده معناسی بودور بیلسین مریدان صفا
غنچه ی خندان یاتار یاتماز حسینون پرچمی

ای "کلامی" یازدیقون اشعاره تحسین ایستمه
اوزگه لر تحسینی بش گونلوقدی تضمین ایستمه
قاره کوینک خلعتوندور رخت زرّین ایستمه
حقّی یاز مولا کمکدی جانه تاْمین ایستمه
پرچم شاهان یاتار یاتماز حسینون پرچمی

• دوشنبه
• 19
• آبان
• 1399
• ساعت
• 17:11
• نوشته شده توسط
• یوسف اکبری

قالمیشدی حسین تنها
سسلندی منا لبیک
عرش اوسته ملکلردن
قوزاندی صدا لبیک
لبیک حسین لبیک (۴)

ارواح شهیداندان - دورت گوشه‌ی میداندان
اشجار نیستاندان -انهار خروشاندان
پهنای بیاباندان - پیمانه و پیماندان
خورشید فروزاندان - سرتاسر رضواندان
گمگشتهٔ کنعاندان - یعقوب و سلیماندان
اخیامیده طفلاندان - حتی شه مرداندان
بیر صاعقه مثلینده - نشر اولدی ندا لبیک
لبیک حسین لبیک (۴)

نی زار و گلستانالار - گلشنده کی ریحانلار
وحشت زده طرلانلار - ماتم زده جیرانلار
بیدار دل انسانلار - ئوز قانینه غلطانلار
ناحق‌توکولن قانلار - حق اوسته‌چیخان جانلار
صحراده‌کی حیوانلار - گیسوسی پریشانلار
سر نیزده قلخانلار - اوچ شعبه لی پیکانلار
بیردن دئدیلر با هم - ای نور خدا لبیک
لبیک حسین لبیک (۴)

هر نقطه‌ی عالمدن -سر چشمه‌ی زمزمدن
قرآن مجسمدن - وجدان محرمدن
نامحرم و محرمدن - یوکابد مریمدن
موسای معظمدن - عیسای مکرمدن
سرلشگر اعظمدن - فرمانده علقمدن
هم حضرت آدمدن - هم حضرت خاتمدن
گویا بیله سس گلدی - سلطان هدی لبیک
لبیک حسین لبیک (۴)

حورای مؤدبدن - گیسوی مخضبدن
حیرت زده مرکبدن - الواح مرکّبدن
انفاس مقرّبدن - مردان مجرّبدن
مظلوم و معذّبدن - اجساد مذهّبدن
بیر عده‌ی مخیمدن - ال سینه‌ده زینبدن
سس گلدی که ای شاهِ - صحرای بلا لبیک
لبیک حسین لبیک (۴)

شجعان دلاوردن - اصحاب هنروردن
یاران مؤقردن - دلداده و دلبردن
هم مالک اشتردن - هم روح ابوذردن
حلقوم پیمبردن - فرمانده خبیردن
خون و رگ و پیکردن - اجساد مطهردن
او شبه پیمبردن - مظلوم علی اصغردن
قوزاندی سماواته - فریاد رسا لبیک
لبیک حسین لبیک (۴)

یثربده خانم صغری - سسلندی گوزوم قربان
نهراوسته سوسوزسقا - سسلندی‌گوزوم‌قربان
آچدی یخه‌سین‌طاها - سسلندی‌گوزوم‌ قربان
محرابه دوشن مولا - سسلندی گوزوم قربان
گوردی عطش دریا - سسلندی گوزوم قربان
مولا دئدی یا زهرا - سسلندی گوزوم قربان
بیکس جانیوا عالم - ای تشنه فدا لبیک
لبیک حسین لبیک (۴)

• جمعه
• 30
• آبان
• 1399
• ساعت
• 19:37
• نوشته شده توسط
• یوسف اکبری

گدای شهر غمم شهریاری آختاریرام
قدم قدم دولانوب کوی یاری آختاریرام

تبار حضرت خورشیده قوشموشام ئوزومی
حبیب و حر کیمین اعتباری آختاریرام

یاپیشمیشام ایکی اَللی مَلک ئوپن اَتگی
حسین حسین دئیوب اوج وقاری آختاریرام

مسیح عشقیمه وقف ایتمیشم جوانلیقیمی
بلایه مشتریم چوبِ داری آختاریرام

قطار مرثیه نون منده بیر مسافریم
قلم الیمده ره افتخاری آختاریرام

ردیف و قافیه قیدینده قالمارام هرگز
یازاندا نوحه ، نگاه نگاری آختاریرام

فرشته شهپری اوسته بهشته گئتسم اگر
گورن منی بیلر آیری دیاری آختاریرام

سوروشسالار هارانی آختارور گوزون دئیرم
من آلتی گوشه اولان بیر مزاری اختاریرام

گوزوم فدا او مزاره نفس باتوب اوردا
ایکی اوغول بیر آتا ، بی کفن یاتوب اوردا

او یرده دفن اولوب اسرار ناب عاشورا
او یرده معنی تاپوب انقلاب عاشورا

او یرده عشق بساطین قوروب ، یاریم گونده
ساتوب ستاره لرین آفتاب عاشورا

او یرده نیزه لر آلتیندا بیر چوخور یرده
ورق ورق داغیلوبدور کتاب عاشورا

همان کتابه باخوب یولدی ساچلارین زینب
دئدی بو ساچلار اولار رختخواب عاشورا

مگر من ئولموشم عریان یاتوبسان آی قارداش
وجودوی بوریوب التهاب عاشورا

سنی رقیه اوتانما بورون بو ساچلاریما
اجازه وار منیم اولسون ثواب عاشورا

اولوبدی میکدۀ عشق قانلی قتلگهون
آخور کسوک بوغازیندان شراب عاشورا

گرک یاخام بو مقدّس شرابی معجریمه
کی تا ابد تاپا قیمت حجاب عاشورا

من اول گلم کی نجابت یاغار گلابیمدن
الیم کسیلسه ده ال چکمرم حجابیمدن

خوشا سعادتیمه سروریم حسین سن سن
سرای عشقیده همسنگریم حسین سن سن

غزل یاغار نفسیمدن دلینده پاک آدیوی
شکسته بیر قلمم جوهریم حسین سن سن

سویولموشام ولی صراف گنج توحیدم
واریم الهیدی ، سیم و زریم حسین سن سن

دلیلی وار اتگیمدن ئوپر سلیمانلار
چون عاشقم سنه ، تاج سریم حسین سن سن

دیل آچمامیش بو سوزی دیلده ازبر ائلمیشم
منیم قیامته جک ، دلبریم حسین سن سن

محالیدور داغیدا کشتی وجودیمی غم
چون اللی ایلدی منیم لنگریم حسین سن سن

قدم آچوب اوچارام جبرئیل اوچان یرده
وقاریلن دئیرم شهپریم حسین سن سن

خلیل اولوب یانارام عشق اودوندا تا گوره سن
پریم کی سهلیدی ، خاکستریم حسین سن سن

قسم وقارووه شأن و وقاریم اسکیلمز
رشیده قدیمی غم بوکمیوب بوکه بیلمز

شراب عشقی ایچوب جانه گلمیشم یارالی
بو قانلی مقتله مستانه گلمیشم یارالی

قوناقوام منه خوش گلدون ائتمون ئوللم
امیدیلن بو بیابانه گلمیشم یارالی

ایاقه دور ائویمی یخما ، در به در باجوام
چوخاتما دردیمی درمانه گلمیشم یارالی

ائشیتجگین قوجا یعقوبیمین الهی سسین
گوزومده گوز یاشی کنعانه گلمیشم یارالی

ایاق یالین ، الی قوینوندا ، انمیشم تلی
خدا بیلور نجه میدانه گلمیشم یارالی

سورونموشم سنی آتلار ایاقلیان یرده
بو قتلگاهه غریبانه گلمیشم یارالی

دولانمیشام باش آچیق هی جنازوین باشینا
طواف شمع شبستانه گلمیشم یارالی

بوغازوین یاراسین گه اوپوب گه ئیله میشم
ننمون عطرین آلوب جانه گلمیشم یارالی

سنی بو حالیده گورمیدی زینبون ای کاش
ایاقلانان گوله بنذور جنازون آی قارداش

سالوب وجودوی صیاد غم کمنده حسین
سسون باتوب سینوه نیزه لر اننده حسین

گونون باتان چاقی شیرازه دن چیخوب بدنون
همان بدنکی اسور ایندی یل اسنده حسین

جهاندا هئچ بیر ئولن سن کیمین غریب ئولمز
حسن کیمی کاش اولیدون وطنده سنده حسین

چیخیدی گوزلریم ای کاش کور اولیدیم من
جدا باشیندا کسیک باشیوی گورنده حسین

یانوندا من واریدیم قانلی قتلگاهونده
بوغازوین دامارین شمر دون کسنده حسین

یالین الیله یالین خنجری یاپیشدیم من
سنون کیمین یارالاندیم بو چولده منده حسین

دئدیم گرک بو منایه منیمده قانیم آخا
گوره بو قانی ننم مقتله گلنده حسین

بیله کی شیرهٔ جانی نه شیرزن بجروب
منیده یاده سالا اوخشاما دئنده حسین

آماندی قاسمی باش قوشما فانی احزابه
تمام هستیوی وقف ائت حسین تک اربابه

• سه شنبه
• 11
• آذر
• 1399
• ساعت
• 23:07
• نوشته شده توسط
• یوسف اکبری

دِل اگر تابِعِ فرمان اولا هیئت آچیلار
ایشیمیز در رَهِ قرآن اولا هیئت آچیلار

بس دگول جامِعِه یِ مدحیده غیبت آزالیب
یوزده رافت چوخالیب حَسد و حسادت آزالیب
سارالیبدور طَمَعین باغی ریاست آزالیب
بیله بیر وضع ، کماکان اولا هیئت آچیلار

‌بس دگول گوشِ جهان راحت اولیب بلوادن
شهرَتِ و پوله گوره مادح ائدن دعوادن
من سوزی عرض ائدورم مطلبی آل ایمادن
گر رقابت ائوی ویران اولا هیئت آچیلار

سالمیشوخ جراتیلن صدق و صداقت قولونی
کسمیشوخ سروِ کیمی دین و دیانت خولونی
گمرهانه گئدوروخ بیز گینه شیطان یولونی
جبهه میز شاه شهیدان اولا هیئت آچیلار

طاقچادا گرد و غبار ایچره یاتیب قرآنلار
مجلِسِ معرفته مالک اولیب نادانلار
رختِ انسانه مُلَبَّس اولونان حیوانلار
قَییده ذاتینه انسان اولا هیئت آچیلار

بیز گرک عرشه اوجالداخ شَهِ دین پرچمینی
ساخلیاق زنده اونون مجلِسِ آه و غمینی
نه کی قلبینده چوخالداخ مُحَن و ماتمینی
قویمیاق قلبی پریشان اولا هیئت آچیلار

یئتیشون داده عزیزان دِلِ شیطانی یاراخ
توبه اشکیله دیانت چمنین بیز سوواراخ
قلبی آزاد ائلیاق دامِ بلادن قوتاراخ
تیرِ خجلتله اورک قان اولا هیئت آچیلار

"خوش قلم" کیم پِسَرِ فاطمیه عاشق اولا
شرطِ اوّل بودی کی با ادب و لایق اولا
هم سوزی هم عملی هم مَنِشی صادق اولا
سر به سر پیکری ایمان اولا هیئت آچیلار

• شنبه
• 29
• آذر
• 1399
• ساعت
• 23:32
• نوشته شده توسط
• یوسف اکبری

سبک(دوشوب عجب قرا گونه ....)

دور ای بلالر عاشقی بلالی زینبون گئدور
دالیمجا وئر اذان حسین وفالی زینبون گئدور

بو لطف لایزالدور که من حسینه خواهرم
امام عشقسن سنه همیشه یار و یاورم
دیار شامه عازمم ولی شکسته خاطرم
فراقه دؤندی عاقبت وصالی زینبون گئدور

قطاریمی چکور عدو بو گونده شام و کوفیه
اجازه وئرمیور سنه باجون ئورک سؤزون دیه
اراده پیکرین قالیب باشون بدنده یوخ نیه
بدندن ای دوشن باشی آرالی زینبون گئدور

نیازه ال آچان بشر همیشه اهل راز اولار
امامین ئولدورر مگر او کس که بانماز اولار
عیاندی دفن اولان زمان سنه کفن نیاز اولار
حصیره اکتفا ائله یارالی زینبون گئدور

جوار ماه حسنوه بیر آسمان ستاره وار
ستاره لر قدر حسین سنون سینونده یاره وار
نه چاره ایلیوم مگر منیم الیمده چاره وار
فدا کسوک بوغازووه حیالی زینبون گئدور

بلا چولونده ای خدا چکوبدی چوخ بلا باشیم
قرا باشیمدا دائما غم اولدی یار و یولداشیم
ئولونجه من عزالیام ئولوبدی یدی قارداشیم
بو باره دن کدر اولان خیالی زینبون گئدور

یاریم گون عرضی غصه دن هلاله دوندی قامتیم
و لی آزالمادی اخا سنه اولان ارادتیم
حسین هاچان یتر باشا بو شرح بی نهایتیم
یاواش یاواش زمانه ده جلالی زینبون گئدور

وداع آخر ایستورم جهانی داغلیام گئدم
ئوپم کسوک بوغازوی یاراوی باغلیام گئدم
اگر که وئرسه لر امان دویونجا آغلیام گئدم
اقلی بیر تسلی وئر عزالی زینبون گئدور

کانال اشعار عباسی معروفان اهری

• سه شنبه
• 2
• دی
• 1399
• ساعت
• 23:28
• نوشته شده توسط
• یوسف اکبری

کیمدی بو سید تنها دل صحراده گزور
وار قباقنده اوتوزمین قشون آزاده گزور
ذوالفقار الده گلوب عرصهٔ دعواده گزور
گرچه سلطان سلاطینیدی چوخ ساده گزور
هیبتی قورخی یاراتمیش دل اعداده گزور

ذوالجناح اوسته مینن وقته دیوب بسم‌اللّٰه
وِردی میدانه اننده اولوب اِنّــا لِلّٰه
گوردی که موج ورور مورو ملخ مثلی سپاه
دیدی لا حول وَ لا قوّة َ الا ّ بِاللّٰه
اسم اعظم اوخیوب موجیلی دریاده گزور

بنزور عمامه سینون حلقه سی بسم اللهه
باغلیوب گردنینی رشتهٔ حبل اللهه
کعبه دن محرم اولوب بیت فنا فی اللهه
تاپشروب اهل و عیالین بیر اولان اللهه
چونکه تنهادی پناه حقِ یکتاده گزور

آغ عبا سرمه ای عمامه یاشیل شال کمر
ساری نعلینی ایاقینده‌دی چون پیغمبر
ذوالفقاریله اوزون نیزه‌سی کتفنده سپر
سایهٔ هیبتی دائم سرِ اعدانی گزور

آلننون سجده یری ثابت ایدور ساجدیمش
خاضع و خاشعیمش زاهدیمش عابدیمش
گونوزی اولسا مجاهد گئجه لر زاهدیمش
قصد جنگی یوخومش عرصه بله راکدیمش
صفلری پوزماقا الان اولوب آماده گزور

• جمعه
• 5
• دی
• 1399
• ساعت
• 23:39
• نوشته شده توسط
• یوسف اکبری

آقام آقام آقام من عاشقم سنه
سنی آنان جانی عنایت ایت منه

حبیب من حسین حسین حسین حسین
طبیب من حسین حسین حسین حسین

غمونده یاحسین اورک کباب اولور
بو عمر گلشنی خزان اولوب سولور
آدون گلن زمان بو گوزلریم دولور

سنون گوزل آدون اورکده زنده‌دی
بورا گلنلرین امیدی سنده‌دی
همیشه گوزلریم او اللرونده‌دی

گیدوبدی صبر ایوی غمیله غارته
اورکده سال نظر اولان حرارته
اجازه وئر گلاخ گینه زیارته

جهاندا نهضتون همیشه زنده‌دی
قرار شیعه‌لر علم اسنده‌دی
بیزیم بهاریمیز محرمونده‌دی

کیمه اورک غمین بیان ایدیم حسین
اولاندا هر سوزیم سنه دیدیم حسین
یوخومدی بیر ئریم هارا گیدیم حسین

قاپوندا (بیکَسم) گدای کمترم
بو آستانه ده ئولونجه گیتمرم
نقدری وار نفس آدیوی سسلرم

• جمعه
• 22
• اسفند
• 1399
• ساعت
• 15:52
• نوشته شده توسط
• یوسف اکبری

یاحسین گیتمه اماندی
قیزلاریوین باغری قاندی
زینبی تک قویما قارداش
ناله لر عرشه دایاندی

قویما اوره گیم سوز غمونده بیله یانسون
بیر لحظه دایان باشیوه زینبده دولانسون

حسین گیتمه آماندی

ای عزیز جان خواهر
قالمیسان بی یار و یاور
الدن انصارون گیدوبدی
زینبون اولسون برادر

تک قالماقووا من یانورام نیلیوم ا...
اود دوتوب اورکدن یانورام نیلیوم ا...

خیمه گهده محشر اولدی
قلبیلر قانیله دولدی
بیر دانیشدیر بو ربابی
شیرخواری الده اولدی

قارداش بو ربابین بولوسن چوخدی ملالی
ا... بولوری گوردی نجه اوخلی بالانی

گیتمه ای زهرا مارالی
بیزدن اولما سن آرالی
اوچ یاشیندا بو رقیه
غصه دن ئولدی یارالی

قارداش اونی آغوشوه آل ایله نوازش
قویما یره دوشسون باجون اولسون بیله خواهش

نصف شب راز و نیازون
گورموشم سوز و گدازون
تاپشریب زهرا آنامیز
من ئوپم قارداش بوغازون

ویرسن منه مهلت ئوپرم بو بوغازوندان
کام آللّام حسین بو قوریان دیل دوداقیندان

آیریلوب ایندی گیدورسن
زینبی ترک ایلیورسن
کهنه کوینک مندن آلدون
اگنیوه قارداش گیورسن

فکر‌ ایتمه بو غم قلبیلری دلموری قارداش
هر کیمسه بو میدانه گیدور گلموری قارداش

عترتوندن آیریلورسان
خانه ی صبری یخورسان
خیردا قیزلارون حسین جان
سن‌‌ کیمه بس تاپشورورسان

ا... بولوری آیریلیقون سانکی بیر اوخدی
هشتاده یاخین عورت اوشاق کیمسه‌ سی یوخدی

(بیکَسا)گل‌‌ بیر نوایه
یولّلاناق تئز کربلایه
ایلیر حتماً عنایت
شاه دین اهل عزایه

اربابون ایدوبدور سنه احسان یولی آزما
بیر‌ فقط حسیندن دینه آیری سوزی یازما

• شنبه
• 23
• اسفند
• 1399
• ساعت
• 12:47
• نوشته شده توسط
• یوسف اکبری

باشلارا دوشوب شوق نینوا
قافله گیدیر سوی کربلا
باخمیسان منه لطفیله حسین
یوخسا من هارا کربلا هارا

آقام آقام/ سنه فدا آتام آنام

ای شَهنشهِ نینوا حسین
دیلده دردیمه قیل دوا حسین
رحم ایله اوزون حالیمه منیم
گویلومه دوشوب کربلا حسین

آقام آقام/ سنه فدا آتام آنام

ای کرامَتین معدنی آقا
دیلده وار گینه نِی کیمی نوا
اورگَشیب دیلیم، هی دییر حسین ع
آلتی گوشه لی قبریوه فدا

عادتون اولوب رَحمت و سَخا
ایتموسن منه لطفِ بَرمَلا
زائر اِیله بیر قبریوه منی
سائله باخار دائماً آقا

مجلسونده وار آیری بیرصفا
یا حسین سنه شیعه لر فدا
قول قولا ویریب سسلروخ حسین ع
سنده یاز بیزه، ایلده کربلا

ای شَهنشهِ وادی بَلا
درده دوشموشم سنده دی دوا
لطفوون حسین شرمساریم
گورموسن خطا، ایتموسن عطا

زخم سینه می ایله بیر رفو
قویما قلبیده قالسین آرزو
قبریوین کناریندا جان ویریم
منده ایلیوم کَسبِ آبرو

چوخ خطا ایدوب چوخ یخیلمیشام
چوخلی جَرگَه دن من چیخیلمیشام
سن ولی آقا قیل کَرَم منه
آستانیوه من سیخیلمیشام

مونس اولموشام درده هر زمان
(بیکَسم) حسین قلبیم اولدی قان
قانیوی آلان ایتمدی ظهور
گلمدی نَدن صاحب الزمان

• شنبه
• 23
• اسفند
• 1399
• ساعت
• 20:13
• نوشته شده توسط
• یوسف اکبری

یابن الزهرا
عشقون نوکری ایدوب بیتاب
سندن کَسبِ نور ایدر مَهتاب
هاردا واردی سن کیمی اَرباب

الحمدلله کی نوکریوَم
الحمدلله کی سنسن آقام
الحمدلله کی گول آدیوی
ویرمیسن اجازه من چاغیرام

صَل اللهُ عَلَیکَ یا حسین 4

فَخرِ آدم
سنسن ای اَمیرِ عاشورا
کاخِ ظلمه سالمیسان غوغا
آدیوا فدا اولوم مولا

یابن الزهرا سنسن شَمسِ هُدا
یابن الزهرا سنسن خونِ خدا
دنیاده یوخوندی کیمسه نظیر
ششگوشه قبریوه شیعه فدا

صَل اللهُ عَلَیکَ یا حسین 4

نهضَتوندن
زنده قالدی مکتبِ قرآن
ناقص قویمادون قالا پیمان
ویردون دینه صود اَمَر قربان

یابن الزهرا سنسن مِهرِ مُنیر
یابن الزهرا سنسن نِعمَ اَلاَمیر
یابن الزهرا سنسن ساقیِ عشق
باده ی عشقیوه منده اَسیر

صَل اللهُ عَلَیکَ یا حسین 4

مُرغ روحوم
وار شوقی ایده گینه پرواز
اَرباب اوز غُلامینی قووماز
دعوتنامه می آقا سن یاز

یابن الزهرا اولدوم زار و حَزین
یابن الزهرا اولدوم غَمه قَرین
یابن الزهرا ئوللَم سن بولوسن
گلمه سم قبریوه، بو اربعین

صَل اللهُ عَلَیکَ یا حسین 4

• شنبه
• 30
• اسفند
• 1399
• ساعت
• 09:41
• نوشته شده توسط
• یوسف اکبری

قان ایچره ال ایاق چالا بیر نازنین آتا
بیر نازنین اوشاقدا باخا پیچ و تابیلن

بیر بی ادبده الده شرر بار خنجری
قصد ایلیه او یاره لی شاهی عتابیلن

نیلر او اوچ یاشیندا آدامسیز ظریف اوشاق
آچدی باشینداکی لچگین چوخ شتابیلن

آتدی اونی او ناکس و رذلین ایاقینه
یالواردی یاسمن تیکانا اضطرابیلن

ظالم تَرحّم ایله عطشدن یانور بابام
قوی ایسلادیم دوداقلارینی اشک نابیلن

قوی زلفومی سریم بو چوخور بارگاهه من
ایستی قوم اینجیدور بابامی التهابیلن

آل گوشواره می عوضینده اجازه وئر
بیر لحظه خلوت ایلیوم اول مستطابیلن

بوینون قوجاقلاماقی قولوم تازه اورگنیب
قوی قول بویون اولوم بیر او مالک رقابیلن

باخ گور قلیج نه حاله سالوب عمّه مین الین
گور نه اسور عناد ائلمه اول جنابیلن

اصرار ائتمه ظلمیده،نستوهیدور بیبیم
سیندیرماز اوز رشادتینی کوهیدور بیبیم

• شنبه
• 7
• فروردین
• 1400
• ساعت
• 12:11
• نوشته شده توسط
• یوسف اکبری

هر یوزه آی پاراسی هر گوزه شهلا دئیمرم
لاشه­ خور قوشلارا مرغان شکرخا دیمرم
پایمال اولسام اگر آلچاقااعلا دیمرم
معصیتدور بو دئیمک یا ئولرم یا دیرم
ویرمرم ناحقه پیرایه حسین نوکریم

نیلورم مرتبه و منصب و نام و لقبی
فضل اگر اولسا ائدر عالمه چوپانی نبی
شرف و شأن وئرر انسانا علم و ادبی
ورنه بیردور بشر اعجم و کلب عربی
عربی عشق و عجم پایه حسین نوکریم

فخر ائدر بلبل شیدا که گُله نغمه­ گرم
لیک گُلدن­ده گوزل وارمن اونا مفتخرم
سن دولان باغلاری بستانلاری ای اهل کرم
منده مولا آدینی هی یازارام هی اوپرم
ائدرم فخر او مسمّایه حسین نوکریم

آقامون عشقی منیم روحیمی بی­ باک ائلیوب
یوزومی بیر سوزومی بیر آدیمی پاک ائلیوب
طبعیمی تیغ خطرساز و شررناک ائلیوب
چوخ شقی­لر اورگین شعرلریم چاک ائلیوب
چوخ سوزوم اوخ ویریب اعدایه حسین نوکریَم

کربلا عاشقیم خون و شهادت سَسیَم
بی ­مَدد پادشهین مُلتمس بی­کَسیم
نه مسیحم نه­‌ده­‌کی جنّته خاطر اَسیم
باخمارام‌کوثره‌من‌چونکه حسین تشنه­‌سیم
تشنه­‌دور روحیم او‌مولایه حسین نوکریم

• شنبه
• 7
• فروردین
• 1400
• ساعت
• 12:34
• نوشته شده توسط
• یوسف اکبری

من کی میِ عشق حسین مستیَم
عشقینه ایللردی کی وابستییم
قووماز آقام تا کی مرام اوستییم
جامۀ عشقون گیئرم یاحسین
درده دوشنده دیئرم یاحسین

مرحمتون دردیمه درمان وئرر
لَم۠عۀ عشقون دامارا قان وئرر
سن دئسن؛ آلله ئولیَه جان وئرر
مست شراب ظفرم یاحسین
درده دوشنده دیئرم یاحسین

جانلارا عشقوندی دلیل بقا
تا نفسیم وار منه سن سن آقا
آچمارام ال آیری کسه مطلقا
سانما قاپوندان دونرم یاحسین
درده دوشنده دیئرم یاحسین

دوزدی آقا ؛ بندۀ گمراهیوام
چوخدی گوناهیم دئمه بدخواهیوام
هر نه اولام سائل درگاهیوام
سائلیوم مفتخرم یاحسین
درده دوشنده دیئرم یاحسین

من دیل آچاندان آدیوی ازبرم
تا نفسیم وار قاپیوا نوکرم
والله ئورکدن بو آدی سسلرم
سسلَمه سم گر،ئولرم یاحسین
درده دوشنده دیئرم یاحسین

ای آدی حیثیّت محرابیمیز
وجهی قرانلیق گئجه مهتابیمیز
سن سن اقا دهریده اربابیمیز
جان سنه قربان ائدرم یاحسین
درده دوشنده دیئرم یاحسین

آیری بیر عالم دی سنون عالمون
تا بو جهان وار قورولار ماتمون
آند اولا آللهه اسر پرچمون
قاره علمدن ئوپرم یاحسین
درده دوشنده دیئرم یاحسین

دهره صفادی قره پرچم آقا
قاره ، اولوب زینت عالم آقا
منده هر ایل ماه محرّم آقا
اگنیمه قاره گیئرم یاحسین
درده دوشنده دیئرم یاحسین

روز و شبیم سیر اولور اندیشه وه
محوم آقا منصب حق پیشه وه
دعوت ائله مرقد ششگوشه وه
عمر آزالور باخبرم یاحسین
درده دوشنده دیئرم یاحسین

هاردا دوشر یادیمه قانلی باشین
صودامر اوغلون یارالی قارداشین
هاردا ائشیتسم آدیوی ، گوز یاشین
گوزدن عذاره الرم یاحسین
درده دوشنده دیئرم یاحسین

نقشی جفادن پوزولوب یاسیوون
سینه سینه آت چاپیلوب قاسیمون
قوللاری اولموش قلم عباسیوون
ظلم اودونا خونجگرم یاحسین
درده دوشنده دیئرم یاحسین

شعر«مصیّبدی» کی غوغاسی وار
فخرائلیور؛ سن کیمی مولاسی وار
مرحمتوندی بئله احساسی وار
آدیوه قربان کسرم یاحسین
درده دوشنده دیئرم یاحسین

• یکشنبه
• 26
• اردیبهشت
• 1400
• ساعت
• 22:13
• نوشته شده توسط
• یوسف اکبری

ذکرین حسین جان سنون
دیلده اولوب ازبریم
آدین ایشیدجاق دولور
گوهریلن گوزلریم

شوقیله من سسلرم
سن سن آقا سروریم
عشقین اولوب دایماً
زندگیده رهبریم

اربابیم سلطانیم یا حسین
سالاریم جانانیم یا حسین

یا لیتنا کنا معک یا ثارالله ( 2 )

یاد ایدروخ دایماً
اول سویولان پیکری
قانی آخان قلبیوی
یا کسیلن اللری

اکبر گردونفری
یا سود امر اصغر ی
یاد ایدروخ دایماً
ساقی نام آوری

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

یاد ایدروخ حضرت
مسلم آزاده نی
کوفه لیلر ووردولار
ظلمیله دلداده نی

اولدی شهید ولا
چکدی باشا باده نی
ایتدی مخاطب او دم
شاه ولا زاده نی

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

کوفه یه گلمه حسین
یوخدی وفا کوفه ده
قانه بویاللار سنی
چوخدی جفا کوفه ده

قویما گله زینبی
خوندل اولا کوفه ده
یا که رقیّه ن گله
رنگی سولا کوفه ده

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

آعلییاروخ هرزمان
شوریله احساسیله
عشق ایدروخ دایماً
گوزده کی الماسیله

ایلیروخ درد دل
حضرت عبّاسیله
بیله دییردی او گون
اول شرف النّاسیله

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

دیده آچاندان سنون
نوکر درباریوم
ساقی طفلان عشق
عمر بویی یاریوم

عرصه گه رزمیده
میر و علمداریوم
فخر ایدرم عالمه
عبد وفاداریوم

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

دوشدی که آتدان یره
رهرو آگاه عشق
سسلدی امدادینه
مهری اودم ماه عشق

عرض ایدیب عباس آقا
داده گل ای شاه عشق
گل نیجه گور قانیلن
زینت اولوب راه عشق

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

قول ندی باش گوز ندی
جانیوه جانیم فدا
اصغر عطشانیوه
تشنه زبانیم فدا

خیمه ده کی قیزلارا
روح و روانیم فدا
اکبره یا قاسمه
عمر و جوانیم فدا

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

سینه یه ووروخ آقا
شوق و دل و جانیله
یاد ایدروخ محنتون
دیدۀ گریانیله

خوشدی سیزه آغلاماق
عشقیله عرفانیله
دیل بیر اولاخ بیرده بو
نوحۀ (شایانیله)

اربابیم سلطانیم یاحسین
سالاریم جانانیم یاحسین

یا لیتنا کنا معک یا ثارالله ( 2 )

• چهارشنبه
• 29
• اردیبهشت
• 1400
• ساعت
• 20:19
• نوشته شده توسط
• یوسف اکبری

اذان ظهر عاشورا ویریلدی
حسین بن علی آتتدان یخیلدی
او قدری یاره سی واردی دیرسن
چیخوب شیرازَدن قرآن یخیلدی

حسین جانم حسین ، جانم حسین جان

باخوردی تلیدن گوداله زینب
بوغازیندن سنان بیر نیزه ووردی
باتوبدور نیزه حلقوم حسینه
کسوب بوینون دامارلارینی قیردی
ایاقی چکمه لی شمر ستمگر
چیخوبدور سینه ی مولاده دوردی
گوتوردی باشدان عمّامه پیمبر
ستون روضه ی رضوان یخیلدی

حسین جانم حسین ، جانم حسین جان

یتوردی تیز اوزون گوداله زینب
یاپوشدی شمر ظالم خنجریندن
دیدی ظالم کسنمزسن بوغازین
اوپوبدی مصطفی گول حنجریندن
دایان قوی گوزلرینی باغلیام من
اوپوم قانه بویانمش لبلریندن
حسینون سینه سی عرش خدادی
یره عرش حقِ سبحان یخیلدی

حسین جانم حسین ، جانم حسین جان

دوتاندا خنجری ام المصائب
گلوب روباهیلر اطرافین آلدی
چکوبدور خنجری محکم او ظالم
زمین و آسمانه لرزه سالدی
گل خیر النسانی قان آپاردی
حسینیم وای سسی عرشه اوجالدی
خیامه حمله ایتدی قوم کافر
حقیقت جان ویروب وجدان یخیلدی

حسین جانم حسین ، جانم حسین جان

حسینی یاره لر سالموشدی دیلدن
گوز آلتی زینبه ایتدی اشاره
دایانما خیمه گاهی قان آپاردی
توکل ایله ذات کردگاره
ئوزون فورا ً یتور سجاده زینب
اوجالدی عرش داداره شراره
یوبانما دامن سجاد آلیشدی
عمود خیمه ی ایمان یخیلدی

حسین جانم حسین ، جانم حسین جان

امامین امرینه ایتدی اطاعت
الی باشدا قیتدی خیمه گاهه
گیدور اما مشوّش فکری واردی
دعا ایلور او رضوان جایگاهه
گهی سسلور حسین گاهی ابالفضل
توسل ایلیور خورشید و ماهه
ایله بیر ظلم ایدوب وحشی صفتلر
کیم اولدی دینه پشتیبان یخیلدی

حسین جانم حسین ، جانم حسین جان

اوزون ووردی اودا زهرای ثانی
امامت بلکه قالسون جاودانه
چیخارتدی خیمه دن زین العبادی
چکوردی دامنندن اود زبانه
او قدری آغلامشدی غیرتوندن
سرشک دیده سی دونموشدی قانه
دیردی شکر اولا حیّ قدیره
ولایت زنده دی شیطان یخیلدی

حسین جانم حسین ، جانم حسین جان

• چهارشنبه
• 29
• اردیبهشت
• 1400
• ساعت
• 22:02
• نوشته شده توسط
• یوسف اکبری

حسین تعجیللن گئتمه
ایاق ساخلا دایان قارداش
دالونجه گور گوزوم یاشی
نجه اولموش روان قارداش

دوشوبدور جانیمه رعشه گلوبدور خاطریم درده
گوزوم یاشی آخار آمال کاریم نقش اولور یئرده
بویور قارداش گوروم گئتسن گلورسن خیمیه بیرده
و یا اینکه امان وئرمز سنه بو کوفیان قارداش

سنه زحمتدی عرض ائتسم من نالانی بیر دیندیر
و یا کی تک به تک بو جمع سرگردانی بیر دیندیر
جوان اوغلی اولوب قلبی یانوب لیلانی بیر دیندیر
یاخوندی آیریلا روحی ائده تسلیم جان قارداش

شرار نار هجرانه وروب بیله اتک گئتمه
سنی یالقوز گوروب روحیم گلور آردونجه تک گئتمه
یول اوسته صف چکوب هشتاده تک قاره لئچک گئتمه
دولان بیر اهل بیتون گور نجه ایلر فغان قارداش

سکینه مرغ بسمل تک حسین چوخ اضطراب ایلر
اونون اول مضطرب حالی منی بی‌صبر و تاب ایلر
ایله حسرت باخور آغلور ئوره‌‌ک باشین کباب ایلر
تسلی وئر اولا آرام بلکه بیر زمان قارداش

آنام زهرادن ازل گون دوزوم سرمشقنی آلدیم
جهاندا هر غمه دوزدوم عجب دور اولمدیم قالدیم
اولوم میداننه آخر سنی عطشان یولا سالدیم
منیم تک بیر مصیبت‌کش وئرن یوخدور نشان قارداش

آتام رحلت ائدن گوندن اگر چه شور و شینیم وار
حسین ایله حسن تک من دیردیم نور عینیم‌وار
حسن کی گئتدی دنیادن دئدیم قارداش حسینیم وار
گئدورسن سنده بس نیلوم من بی‌خانمان قارداش

دایان اطرافوی بیرده حسین اهل حرم دوتسون
دئمه‌ شه سن سپاهون یوخ سنی نامحترم دوتسون
اجازه وئر قباقنده باجین زینب علم دوتسون
شکسته گورمسون حالون باخاندا کوفیان قارداش

بو قدری بی‌پناه عورت اوشاق غربت ولایتدی
بدنلر بید تک لرزان حسین گویا قیامتدی
سنی اولدورسه‌لر بوللم بو قومون قصدی غارتدی
نه باشلاردا قالار معجر نه رخت بانوان قارداش

• پنج شنبه
• 6
• خرداد
• 1400
• ساعت
• 12:30
• نوشته شده توسط
• یوسف اکبری

عریان گورنده قارداشینی دختِ بوتراب
یوز دوتدی آفتابه طرف ایلدی خطاب

ای گون ندور بو سوزشون اودلاندی قارداشیم
رحم ایله گورموسن مگر عریاندی قارداشیم؟

بیر آز شرارِ قوّهء ناریّه وی آزالت
آرتورما اوز حرارتیوی یاندی قارداشیم

بی غسل و بیکفن قالوب عریان جنازه سی
یوخ بیر نفر دیسون که مسلماندی قارداشیم

شیرازه دن چیخوب داغیلوبدور ورق ورق
پامال اولان صَحایفِ فُرقاندی قارداشیم

وار گورموسن عوالمِ امکاندا انقلاب؟
قطبِ مدارِ عالمِ امکاندی قارداشیم

ایمانی اولمیانلار ایدور ادّعای دین
بلمولّه اصلِ جوهرِ ایماندی قارداشیم

قرآن کتابمیزدی دیَنلر کسوب باشین
روحِ کتاب و معنی قرآندی قارداشیم

گزلت یوزون ، جمالیوه سال ابریدن حجاب
قانلی شفقده مِهرِ درخشاندی قارداشیم

وار کافر اولسا شرعیده مهمانه احترام
بیر کس ترحّم ایتمدی مهماندی قارداشیم

اولدی مُباح سو بو قوناقدان مضایقه
یاندی سوسوزدان ، اود دوتوب اودلاندی قارداشیم

قانلی گوزی فراته باخور نوکِ نیزه دن
معلوم اولان که ایندیده عطشاندی قارداشیم

نه باشی وار بدنده ، بیلکده نه اللّری
تپراقلار اوسته قانینه غلطاندی قارداشیم

آت دیرناقی ایله داغیدوب ، یغماق اولموری
اعضاسینی ، که خاکیله یکساندی قارداشیم

قانین حلال فرض ایلیوب هر گلن ووروب
بیر پارچا شیشه دن توکولن قاندی قارداشیم

اوخلار اوخ اوستونه وورولوب ، جسمی گزلنوب
یوخ اوخلارین چکن ، دولی پیکاندی قارداشیم

گودالِ قتلگاهی ایله دولدوروبدی داش
گورسنموری جنازه سی پنهاندی قارداشیم

جسمین قویوبلا قسمته قربان تک اهلِ شام
جدّی قویان شریعته قرباندی قارداشیم

آل امیّه ایلمسون دینی مَلعبه
عالَمده مُلکِ دینه نگهباندی قارداشیم

هر بی شرف که بیر یارا ووردی وجودینه
جانان یولوندا عینِ شرف ساندی قارداشیم

بیر دسته آتشی گُله بنزر یارالاری
سویلر گورن صفالی گلستاندی قارداشیم

آللهی ، دینی ، مذهبی انکار ایدنلره
دنیا بوئی مُبلّغِ یزداندی قارداشیم

قارداشمین آدیله مجالس اولار بِنا
احکامِ دین دیولماقا عنواندی قارداشیم

معلوم اولان یانورسان اودور وار حرارتین
آغلا سو سپ جنازه سینه ، یاندی قارداشیم

خاکِ شفادی تربتی دردِ (حسینیه)
هر دردِ بیدوا اولا درماندی قارداشیم

• پنج شنبه
• 6
• خرداد
• 1400
• ساعت
• 22:40
• نوشته شده توسط
• یوسف اکبری

خیمه لردن مقتله سسنلدی زینب یا حسین
معجرین آلدی اله سسلندی زینب یاحسین

هر قدم گوتدوخجا زهرا سسنلور جان زینبیم
مرتضا سسلور نجفدن قوخما نالان زینبیم
قتلگهدن سس گلور گلمه پریشان زينبيم
لشکر ایلور هلهله سسنلدی زینب یاحسین

گوئیا مرو وصفاده هاجر ایلور هروله
رحم ائدیر لشگر آچور یول باجی گئتسون مقتله
خیمه لردن سس گلور عمه اماندی صبر ائله
عرشه چیخمش ولوله سسلندی زینب یاحسین

وای حسینیم وای سسی افلاکی سالمیش لرزیه
ساکنان نه فلک برپا ائدوبلر تعزیه
گوردیلر یر تتره دی بیر باش وورولدی نیزیه
تنگ اوبدی حوصله سسنلدی زینب یاحسین

اسدی ناگه قاره یل لر اولدی عالم تیره تار
قتلگهدی توز ایچیندن چیخدی شمر نابکار
الده بیر قانه باتان باش خنجریندن قان اخار
ائتدی یرلر زلزله سسلندی زینب یاحسین

جبرئیل ائتدی روان رخساره اشگ آلینی
قاچدی فوراً عرشدن آچدی یاشیل دسمالینی
قانیلن الوان ائدوب بیلسون ملکلر حالینی
مشگل اولدی مسئله سسلندی زینب یاحسین

امّهات اربعه باجادی خون دل ییه
آب وآتش خاک وباد ایوای حسینیم وای دییه
باش وئر یلدی خولیه اعزام اولوندی کوفیه
غبطه ائتدی گُل کوله سسلندی زینب یاحسین

کیمدی زینب حضرت انسیه الحورا قیزی
مریم آل محمد سید بطحا قیز ی
ال ایاقی معجری روپوشی قان زهرا قیزی
چیخدی مقتلدن هله سسلندی زینب یاحسین

ابن سعد بی مروت ظلمه نقصان قویمادی
کاخ انسانیّتی یخدی بنادن دویمادی
ئولدوروب شاهی بئله عیالین سویمادی
قاچدی آهولر چوله سسلندی زینب یاحسین

ای "کریمی" اشک آلی ایله سیمایه سبیل
ال یتیشمور دست ما کوتاه خرما بر نخیل
آلتی گوشه قبرینه زوار اولاخ هر آی هر ایل
خسته روحون دینجله سسلندی زینب یاحسین

• یکشنبه
• 9
• خرداد
• 1400
• ساعت
• 17:52
• نوشته شده توسط
• یوسف اکبری

اهل کوفه قویدولار عنوانی عنوان اوستونه
کربلاده کسدیلر قربانی قربان اوستونه

بو گونون مثلینده بیرشمس هُدا ایتدی غروب
وا حسینیم وای سسی ارض و سمانی دولدوروب
جنّت الاعلاده زهرا حلقۀ ماتم قوروب
اشگ آلیندن توکدیلر مرجانی مرجان اوستونه

سُفلی یان بیر مشعل تابانی خاموش ایتدیلر
علویان عرش خداوندی سیه پوش ایتدیلر
دینی قرآنی عدو یکسر فراموش ایتدیلر
ایتدیلر اوراق اودور قرآنی قرآن اوستونه

منجنیق غمده اولاد خلیلی سیخدیلار
بوحقیقتدور دئسم آئین ودیندن چیخدیلار
اتحاد ائیلوب نفاقه رکن دینی یخدیلار
ظلم دریاسی ائدوب طغیانی طغیان اوستونه

ظلمیله آرتوردولار دلده بتولون شورینی
تا گتورسونله اَلَه سفیانیان منظورینی
صَرصَر ظلمیله سُوندورسُونله الله نورینی
قوزادی دریای کین طوفانی طوفان اوستونه

وئردی بیر فتوا شُریح اول مُفتی اهل عراق
اختنامه باعث اولدی سالدی خلق ایچره نفاق
ایله سین قتل حسین بن علی ده اتّفاق
گوندروب چوخ نامسلمانی مسلمان اوستونه

اولمادی مظلوم امامین کیمسه یتسین دادینه
جهلیله اود ویرولار سلطان دین اکبادینه
کسدیلر آب فراتی فاطمه اولادینه
سالدیلار چوخ ظلمیله عطشانی عطشان اوستونه

بیر ایکی لشگردن اوج ائتدی سمایه قیل و قال
نوریله ظلمت آرا گرم اولدی میدان قتال
اولدولار مقتول حّر و عابس و ابن هلال
یخدیلار آزاده هر انسانی انسان اوستونه

اولدی عاشورا گونی اوخلار کمانوندان رها
سینه لرپیکانلاریله سربه سر اولدی یارا
سنگ باران تیر باران اولدی یتمیش بیرفدا
اشقیا یاغدیردیلار پیکانی پیکان اوستونه

بیرجوانی که نوری مرآتیدی پیغمبره
دوغرانوب قربان کیمی غم یتدی جدی حیدره
سالدیلار مجنون صفت لیلانی اعدا چوللره
دمبدم آرتردیلار افغانی افغان اوستونه

حضرت عباس او شیرکردگارین مظهرین
سیندروب شهباز مثلی سالدیلار بال و پرین
بیر سو مشکی اوسته قویدی تشنه سقا اللرین
باغلاموشدی چون ازل پیمانی پیمان اوستونه

بیله بولمه دینه یتمیش بیر فدا اولدوردولر
کشتی دین خدایه نا خدا اولدوردولر
تشنه یالقیز آیت لطف خدا اولدوردولر
پیکریندن توکدولر القانی القان اوستونه

بیرحسینی که اونا لایلای دئیردی جبرئیل
یخدیلارآتدان دوتوب دنیانی فریاد و عویل
ظهر عاشورائیدی سعد اوغلی اول شوم رذیل
صادر ائتدی بیله بیر فرمانی فرمان اوستونه

اُلدورون بو بی پناهی تاپسون امری خاتمه
باخمیون غم یوز وئرر جدّی رسول خاتمه
یا غمینده اگلشر زهرا آناسی ماتمه
دیده ابریندن توکر بارانی باران اوستونه

قتلگاه کربلاده شورش و غوغائیدی
صدرشاه عشقه چخموش شمر بی پروائیدی
ایلیین شه دن حمایت زینب کبرائیدی
منطقی رسوا ائدن عدوانی عدوان اوستونه

سسلنوردی اَل گوتور بو بیکس و بی یاریدن
شرم ایله زهرا آنامدان احمد مختاریدن
یاده سال بیردادگاه قادر و قهّاریدن
دشمنه گور نه دئیور برهانی برهان اوستونه

جاهلی بند و نصیحت جهلینه ائتدی جری
بیر جسارت ائیله دی تترتدی عرش داوری
قانیله رنگین اولوب زینب لباسی معجری
قهریله سالدی پریشانی پریشان اوستونه

قارداشی حالی گتوردی ذکر یارب یاربی
بولمورم نه حالیله احساس ائدوبدور مطلبی
آچدی قانلو گوزلرین گوردی پریشان زینبی
انکساریندن قویوب مژگانی مژگان اوستونه

ائتدی فرمایش باجی ای ماه چرخ عزّته
قوی منی بو حالیله گئت خیمه گاه عصمته
من شهید اولجاق آچار ال بو جماعت غارته
رحم سیز لشگر ائدر تالانی تالان اوستونه

آه اوساعتدن باجی گیتماقلیقا ائتدی قیام
شه شهادت جامی نوش ائتدی ایچیبدور قان حسام
وئردی فرمان شمر تا که باشلانوب نهب خیام
وردی دشمن آتش سوزانی سوزان اوستونه

خیمه لر یاندی تالاندی ظلمیله آل عبا
بیر عبا آل عباده قویمادی اها جفا
آت دوشونده سالدیلار غارتگران بی حیا
یخدی هر قمچی هراسانی هراسان اوستونه

دم وئروب روح القدوس اشعارون اولدی آبدار
رشتیه دوزدی دوزن مانند دُرّ شاهوار
ایسته هرنه ایسته سن لطف ایله سین پروردگار
صاحب احسان ائدر احسانی احسان اوستونه

• دوشنبه
• 10
• خرداد
• 1400
• ساعت
• 16:31
• نوشته شده توسط
• یوسف اکبری

افتخاریم بودی بیر عمر حسین نوکری یم
هاردا مولامین آدی اولسا اورا مشتری یم
اهل بیتین قاپیسیندا قوجالان چاکری یم

منه جنت منه طوبی منه رضواندی حسین
منه سرور منه مولا منه جاناندی حسین
روح وریحاندی منه جسمیده کی جاندی حسین

ایلیوپ عشق حسین عاشقینی دیوانه
اویاشیل نورونا جانلار هامیسی پروانه
جانینی قربان ائیدر عاشق اولان جانانه

باشینی عاشق اولان یاردی ولی اوخ دیمه دی
یار اولان یئرده دینن جنت الاعلی نی نه دی
تاواریم روح گوزوم مرقد شش گوشه ده دی

اوزومی عرض ائدیرم یوخدی لیاقت کی یانام
آقامین باشینا پروانه کیمی بیر دولانام
شوقیلن اوتدا یانیپ لذت دیداری قانام

منه نوکر دیسه من فخر ائلرم موسایه
باشیم عرشه دایانار باشیما سالسا سایه
اوندا عرض ائیلییرم منده خانم زهرایه
ای خانم قوما قاپیندان کی حسین نوکری یم

• پنج شنبه
• 27
• خرداد
• 1400
• ساعت
• 12:37
• نوشته شده توسط
• یوسف اکبری

امام مه لـــقا گــلوب - شهنشه کربـلا گلوب
اولـوب منوَّر ستاره لر - شیعیـــانه آقـا گلوب
شـــادو خُــــــرَّم اهل تولّا
سُونوبــــــدی جنَّت الاعلا
گوزی روشن حضرت زهرا
گُل خیرالنسا گلوب

شه خیبــر آتاسیدی - حضرت زهرا آناسیدی
ختم پیمبر باباسیدی - اهـــل تقـــوا آقاسیدی
عــــزت و ماه آسماندی
گـــل یکدانه ی جناندی
دینه عِزُّ و شرف قازاندی
گل خیرالنساء گلوب

آدی زینتــدی پرچمه - سمالره عرش اعظمه
عزیز شیر خدا حسین - گل یکتــادی خاتمه
نوه ی پاک مصطفادی
پســــر خیـــره النسادی
آقامیــــــز شاه کربلادی
گل خیرالنساء گلوب

گوزی شهلا یوزی گوزل - کمان ابروسی بی بدل
ماه شب چـــارده دی بــو - پــــرتـــو نور لم یزل
حرمـــــی جنت خـــدادی
آدی هـر دردیچون دوادی
دی مـــریضه بــاب شفادی
گل خیرالنساء گلوب

گل آچوب غنچه ی علی - اولوبدی به به کلام عشق
مست می حیِّ کــردگار - بیـــزه مولا امــام عشق
سومیـــــن نور کبریادور
پنجمین معصوم خدادور
گــــل گلزار نُـه سمادور
گل خیرالنساء گلوب

شب میـلاد بــا صـــفا - عنایت ایت (احمده ) آقا
دیور اورکدن بو نوکرون - ویـــر برات کرب و بلا
گوزل آدون عـــزتیمیزدی
حرمون چــون جنتیمیزدی
کـــرب وبلا نعمتیمیـــزدی
گل خیرالنساء گلوب

• جمعه
• 18
• تیر
• 1400
• ساعت
• 13:35
• نوشته شده توسط
• یوسف اکبری

واروم دی دیلده آقا هوای کرببلا
دیولَّه گورملیدی صفای کرببلا

واگیر :
قبرون جنت الاعلا
سن سن زاده ی زهرا ( 2 )
یا مولا

یا

سن آیینه ی سبحان
عاشقلر سنه قربان ( 2 )
حسین جانم

آقا اورک داریخور نجه دوزوم غمیوه
سن ایسته تا که گلوم او قانلی مقتلیوه
باخوم او گنبدین اوسته قانلی پرچمیوه
نه غملی منظره دورلوای کرببلا

حسین حسین نه حسین تمام عشق و وجود
تمام ما خلق ایلیر او شاهه سجود
فدای اکبر اولار تمام بود و نبود
حسیندن عزت آلوب بهای کرببلا

نه کربلا ایشیدن چیخر هوشی باشدان
یاتوب او یرده حسین یارالیدی باشدان
دَیوبدی آنّنا داش سوزور قانی قاشدان
نجه یانقلی اولوب بلای کرببلا

زمین کرببلا نوالی نغمه سی وار
او یر بلالی اولوب غریبه صحنه سی وار
یارالی فاطمه تک نجه رقیه سی وار
عجب ایشیتملیدی نوای کرببلا

او یرده زینبون آهی گوگلره اوجالوب
یارالی قارداش اولوب باجی قرارین آلوب
حسین غمینده باجی قرانی باشه سالوب
کی قلبی قان ایلیر عزای کرببلا

حسین حسین نه حسین فدا اولوم آدینا
گجه گونوز اورگیم اسر اونون یادینا
بهشتی ویرمیرم بالاجا بیر باغینا
بو قلب زاریم اولوب گدای کرببلا

او یرده قانه باتوب پیمبره بنذر
اون اوچ یاشوندا بالا حسینه بیر دلبر
یتمیش ایکی عاشق هر تکی بیر لشگر
ایدوبله جانلارینی فدای کرببلا

قاچوبدی چوللره اهل بیت اطهاری
دیردیلر عمو جان دای ایتمروخ زاری
گل اولدورله عمو یتیمه قیزلاری
سمالره اوجالوب صدای کرببلا

یاتوبدی بیر یارالی کنار علقمده
سو مشکی پاره لنوب اولوبدب شرمنده
که یعنی من خجلم اورک یانور غمده
علم یاتوبدی اولوب قوای کرببلا

وروبدی حرمله اوخ علی کیمین ماهه
او یرده خسته یاتوب یارالی ششماهه
غمینده اوت قالانوب یانقلی در گاهه
اودور که احمر اولوب سمای کرببلا

• چهارشنبه
• 23
• تیر
• 1400
• ساعت
• 13:21
• نوشته شده توسط
• یوسف اکبری

کربلا - سنـون عشقونده آتشینم
یادونـده - دل پریشان و دلغمینم2
باشیمـــــدا وار شوق حرم
ای شــــهِ صــــاحب کرم
داریخدی بو غملی اورک
عنـــایت ایــت منـده گَلَم
حسین غریب کربلا 3

کربلا - سنـــه دل باغلیان منم منم
ذکرون سسلنوب هم آغلیان منم منم
سنده یـــــاتان شاهه فدا
یتمیــش ایکی ماهه فدا
کرب بلا سنــــده اولان
عزت و هــــم جاهه فدا

کربلا - صود امر اصغرون نجولدی
اکبر تک - شبه پیغمبرون نجولدی
اوخلادولار اصــــغریوی
او غنچـــــه ی پرپریوی
دوغـــــرادولار اکبریوی
پیمــــبره بنــــــــذریوی

کربلا - اوجـا بوی افسره نه گلدی
سقای - حـــرم اطـهره نه گلدی
دورینی دشــــمن آلدیلار
ایکی قــــــولینی سالدیلار
حسین گلنـــــــده یـــانینه
طبل و نقـــــاره چــالدیلار

کربلا - زینب اولدی او چولده خسته
قارداشــــلاری اولوب اولدی پر شکسته
دوشــــــوبدی گوداله حسین
او چولده واردی شورو شین
آناسی سســـــــلیور بالام
گل سینــــمه نور دوعین

کربلا - باشــــــلاری نیزیه وروبلار
نعشیلر - اوستونه آتلاری چاپوپلار
آلــــوب اله حسین باشین
سینیه وردی غــــم داشین
شــــــمر اوزی قتلــگاهیده
توکــــور عذاره گوزیاشین

کـربلا - فاطمـــه سسلـــــدی بالام لای
راحت یات - آی سوسوز یارره لی بالام لای
کاشـــــکی بو قوم اشقیا
ظلمـــــــه ایله بوردا دویا
کاشکی حسینمون باشین
کـــــوللرین اوسته قویمیا

• چهارشنبه
• 23
• تیر
• 1400
• ساعت
• 13:26
• نوشته شده توسط
• یوسف اکبری

کرب و بلا چولونده زهرا بالاسی عطشان
محشر بپا اولاندا قانه اولوبدی غلطان

سال باشه قاره تئز گل یا خاتم النبیین
شمرون الونده خنجر ایلور بو حاله افغان

ترک ایله عدن حقی یا مرتضی اوزون گل
زینب الون آتاندا خنجر اولوبدی عریان

زهرا قیزی ال آتدی خنجرده داده گلدی
تا چکدی شمر الیندن بارماقلار اولدی القان

آچدی گوزون او دمده قارداش نوایه گلدی
گئت خیمه گاهه زینب قیزلاریم اولدی نالان

گودالی ترک قیلدی تا گلدی اول نجیبه
گون باتدی خیمه لرده عالم اولوبدی حیران

سس گلدی شمر کسدی بیر باشی من قفادن
گودال قتلگهده اول یاره لی وئرور جان

جان چئخمامیش بدندن امر اولدی غارت ائتسون
اوود ووردی خیمه گاهه اول دمده قوم عدوان

سجاد اولان چادردا اوود دوشدی شعله چکدی
بو ظلمیدن یانوبدور عرش خدای رحمان

گهواره گئتدی الدن اصغر آناسی یاندی
بو باره دن سماوات اهلی اولوبدی گریان

مخیم یاناندا قیزلار بیر بیر چوله داغلدی
گوشواره اولدی غارت بیر قیز اولوب پریشان

ختم ایله بسدی یازما ای « صادقی » بو سوزده
خامه یانوب الونده دفتر اولوبدی سوزان

• پنج شنبه
• 7
• مرداد
• 1400
• ساعت
• 13:09
• نوشته شده توسط
• یوسف اکبری

چون گل سر سبد حضرت طاهادی حسین
جدی تک هر شرف و عزته دارادی حسین

خامس آل عبادور آتاسی حیدر تک
شافه روز جزا عالمه مولادی حسین

آناسی افضل نسوان ایکی عالمدی
میوه پر ثمر حضرت زهرادی حسین

نا امید ایلمز هر کیمسه گله درگهینه
صاحب جود و کرم لطفده دریادی حسین

هر مریضین بو ائدر دردینه عالمده علاج
ذکر ایله آدینی هر درده مداوادی حسین

ایستوسن کرب و بلا دوگ قاپوسین سسله حسین
قوخما مایوس ایلمز آیری بیر آقادی حسین

عرشه پیرایه اولوبدور بو شهون قنداقی
مفخرارض و سما رتبده والادی حسین

درگه شاهه یقین کلبیده لازمدی آقا
سنه محتاج ایکی دنیاده بو «شیدا» دی حسین

• پنج شنبه
• 7
• مرداد
• 1400
• ساعت
• 21:22
• نوشته شده توسط
• یوسف اکبری

صبح عاشورادی اولدی قان اورکلر یاحسین
هامی گیمیش آغ کفن اللرده خنجر یا حسین

ای منای عشقه قربان نذر ائدن آقا سلام
قانلاری جوشه گتیرمیش باشی ذبح اولموش امام
ای جماعت گوش ائله عشقیم حسیندور وسلام
باشه قاره باغلیانلار هامی سسلر یا حسین

ای که الده گل بوغازی اوخلانان اصغر بالا
ئوپدی پیکان حلقیوی دوشدون عجب حالدان حالا
آچ گوزون ناز ایلمه قویما حسین تنها قالا
سسلدی قونداقیده قان ایچره اصغر یا حسین

ای که گل جسمی عباده خیمیه گلمیش علی
دشمنون یانینده شاهی محنته سالمیش علی
باخ حسینون حالینه بلده الی قالمیش علی
گور نجه لبیک دئیور عشقیله اکبر یا حسین

ای قلم سال دیلره عباس و مشگ و سو سوزون
گلدی بیر تیر سه پر ناز ائتدی اول زیبا گوزون
دوشجگین قولار آقا الله تاپشوردی ئوزون
گوردی پرچم سینه سینده ائتدی لنگر یاحسین

قاسمیون طوی خلعتی میدانیده پیکانیدور
کوفیه لیلر شرم ائدون قاسم سیزه مهمانیدور
بیر سوسوز مهمانی ئولدورمک نقدر آسانیدور
کربلاده خلق اولوب گویا که محشر یا حسین

ایندی میداندا حسین یوز اوسته دوشموش جان وئرور
پیکری قالمیش ایاق آلتدا یاراسی قان وئرور
ذکر و تکبیرین جوابین نیزه و پیکان وئرور
خیمه ده ایندی گلر باش الده خواهر یا حسین

خیمه لر یاندی الولاندی دوشوب قیزلار چوله
شدت سیلی و دردن چوخ قیز آز قالدی ئوله
باجی قارداشین آراسیندا دوشوبدی فاصله
ای "خدایی "باشه وئرور عرض ایله مضطر یاحسین

• دوشنبه
• 11
• مرداد
• 1400
• ساعت
• 17:32
• نوشته شده توسط
• یوسف اکبری

صبح عاشورادی اولدی قان اورکلر یاحسین
هامی گیمیش آغ کفن اللرده خنجر یا حسین

ای منای عشقه قربان نذر ائدن آقا سلام
قانلاری جوشه گتیرمیش باشی ذبح اولموش امام
ای جماعت گوش ائله عشقیم حسیندور وسلام
باشه قاره باغلیانلار هامی سسلر یا حسین

ای که الده گل بوغازی اوخلانان اصغر بالا
ئوپدی پیکان حلقیوی دوشدون عجب حالدان حالا
آچ گوزون ناز ایلمه قویما حسین تنها قالا
سسلدی قونداقیده قان ایچره اصغر یا حسین

ای که گل جسمی عباده خیمیه گلمیش علی
دشمنون یانینده شاهی محنته سالمیش علی
باخ حسینون حالینه بلده الی قالمیش علی
گور نجه لبیک دئیور عشقیله اکبر یا حسین

ای قلم سال دیلره عباس و مشگ و سو سوزون
گلدی بیر تیر سه پر ناز ائتدی اول زیبا گوزون
دوشجگین قولار آقا الله تاپشوردی ئوزون
گوردی پرچم سینه سینده ائتدی لنگر یاحسین

قاسمیون طوی خلعتی میدانیده پیکانیدور
کوفیه لیلر شرم ائدون قاسم سیزه مهمانیدور
بیر سوسوز مهمانی ئولدورمک نقدر آسانیدور
کربلاده خلق اولوب گویا که محشر یا حسین

ایندی میداندا حسین یوز اوسته دوشموش جان وئرور
پیکری قالمیش ایاق آلتدا یاراسی قان وئرور
ذکر و تکبیرین جوابین نیزه و پیکان وئرور
خیمه ده ایندی گلر باش الده خواهر یا حسین

خیمه لر یاندی الولاندی دوشوب قیزلار چوله
شدت سیلی و دردن چوخ قیز آز قالدی ئوله
باجی قارداشین آراسیندا دوشوبدی فاصله
ای "خدایی "باشه وئرور عرض ایله مضطر یاحسین

• جمعه
• 15
• مرداد
• 1400
• ساعت
• 20:27
• نوشته شده توسط
• یوسف اکبری

سن منیم عشق عالمینده شهریاریم سن حسین
هرایکی دنیاده صاحب اختیاریم سن حسین

سن اوسرورسن گئدوب قنداقون عرش اعظمه
آند اولا عرش خدایه افتخاریم سن حسین

ایندی منده دامنوندن دوتمشام مولا سنون
چون منیم سرمایه ی امیدواریم سن حسین

چکمرم ال دامنوندن آند اولا ئوز جانووه
بی گمان عشق عالمینده اعتباریم سن حسین

ای طریق عشقیده دارونداریندن گئچن
درگهونده سائلم دارونداریم سن حسین

هانسی عاشق سن کیمین معشوقه جان قربان دئیوب
بو سببدن عاشق پروردگاریم سن حسین

اعتقادیم واردی مولا نهضت خونینووه
بزم عرفاندا منیم نیکو شعاریم سن حسین

من اوشاقلیقدان حسین جان عشقوون بیماریم
سن طبیب حاذق احوال زاریم سن حسین

خادم درگاهووی مولا قوجالدوب غصّه لر
دوت الیمدن غم گونونده غمگساریم سن حسین

نوکر دربارووه بیر قیل نظر تیموری یم
سن منیم عشق عالمینده شهریاریم سن حسین

• جمعه
• 15
• مرداد
• 1400
• ساعت
• 21:20
• نوشته شده توسط
• یوسف اکبری

ای قتلگه حقده چیخان جانی حسینیم
گوداله بوغازدان توکولن قانی حسینیم

قارداش نه چاتوبدی سنه اولسون باجی قربان
آتدان یخیلوبسان یءره ، دنیا اولا ویران
سینونده نظامه دوزولوب نیزه و پیکان
ئولدورمگه قصد اءتدیله مهمانی حسینیم

باش قوزاما یءردن اوخ آتولار باجی قربان
سیننده سورندوکجه باخولار باجی قربان
قیزلار سنه دیلدن نه یانولار باجی قربان
سن سن بو سینیق قلبیمون درمانی حسینیم

گل پیکریوی شان شان ایدوب اوخلار حسین جان
هر کیمسه گلوب بو اورگی اوخلار حسین جان
یءر یوخ سینوه بوسه وورام ،اوخ وار حسین جان
امدادیوه زهرا یتیشر آنی حسینیم

طوفاندا دوتولدون ندن ای ماه شرافت
بو قوم جفا پیشه ندن وءرموری فرصت
شمر باشیوی ذبح ایلمگه تاپمیشی جرءت
اجرا اءلیر ایندی او فرمانی حسینیم

وارد دگولم گرچه بو صحبتلره قارداش
طاقت گترورسن بو جراحتلره قارداش
یالوارمام شمره قالان منتلره قارداش
خنجردی منه منطق برانی حسینیم

گوزیاشیمی من گوندررم سیزلره نذری
زینبده نظر واردی دوشه چولره نذری
عالمده مگر کیم گورونوب قیتره نذری
جانیم اولاجاخدی سنه قربانی حسینیم

• شنبه
• 16
• مرداد
• 1400
• ساعت
• 12:06
• نوشته شده توسط
• یوسف اکبری