اشعار ترکی امام حسین (ع)

مرتب سازی براساس
 حسین خدایی زنجانی

در مدح امام حسین(ع) -(کهکشاندا یازدیلار سلطان حسیندی والسلام) * حسین خدایی زنجانی

459

در مدح امام حسین(ع) -(کهکشاندا یازدیلار سلطان حسیندی والسلام) کهکشاندا یازدیلار سلطان حسیندی وسلام
عارفان قید ائتدیلر عرفان حسیندی وسلام

معنیه الله اکبر مختص اللهین کی دور
جانب حقدن بیزه رحمان حسیندی وسلام

آسمان پوزسون بوتون اولدوزلارین فخر ایلسین
گویده تنها بیر مه تابان حسیندی وسلام

شخص پیغمبر حسینه عاشق و دلداده دی
عاشق و معشوقیه جانان حسیندی وسلام

ترپدوب روح الامین قونداقی عرش اوسته بونون
مفخر دین ،عزت قران حسیندی وسلام

یاحسین سسلنسه کیم جنگده قیامت ایلیر
چونکه سردار و یل میدان حسیندی وسلام

سر در باغ جنان گوردوم یازیلمیش یاحسین
بیلدیم عشق خالق سبحان حسیندی وسلام

بند قلب مرتضی و نور چشم فاطمه
عشق ائله اربابیمیز یاران حسیندی وسلام

ای مریضی که سنی دکتر جواب ائتمیش بیلون
درد بی درمانیوه درمان حسیندی وسلام

وار اگر ایراندا امنیت دلیلی تک بودی
تاجدار و رهبر ایران حسیندی وسلام

ای اولار که حق مظلومانی پامال ایلیسوز
بحر غیرتده اسن طوفان حسیندی وسلام

یاحسین والله" خدایی" گوز تیکوب احسانیوه
دفتر شعرینده تک عنوان حسیندی وسلام

  • شنبه
  • 16
  • مرداد
  • 1400
  • ساعت
  • 12:09
  • نوشته شده توسط
  • یوسف اکبری
ادامه مطلب
فروشگاه پرچم
 حسین خدایی زنجانی

در مدح امام حسین(ع) -(مین جان شیرین گر تاپام قربان حسینه ایلرم) * حسین خدایی زنجانی

353

در مدح امام حسین(ع) -(مین جان شیرین گر تاپام قربان حسینه ایلرم) مین جان شیرین گر تاپام قربان حسینه ایلرم
هم جانیمی ،هم مالیمی احسان حسینه ایلرم

من نوکرم ، ارباب حسین ،خوشدور منه بیر کلمه سی
کرب و بلاده عاشقین مهمان حسینه ایلرم

آقام حسیندی ای بشر گلمز مثالی هیچ زمان
بو دیده می هربیر زمان گریان حسینه ایلرم

دردیمی سینمده آقام من ساخلادیم هیچ آغلامام
هر دردیمی تحریر ائدوب دیوان حسینه ایلرم

بزم عزاسینده فقط گوز یاشیمی نذر ائتمیشم
گوزیاشیله صحرالری عمان حسینه ایلرم

چوخ دیلره سالمیش اگر بیر عده ئوز معشوقه سین
من یوسف کنعانیده حیران حسینه ایلرم

فکر ائتمه باغلی قولاریم اصلا آچیلماز بندیدن
اذن اولسا قانه دشمنی غلطان حسینه ایلرم

کرب و بلایه داعشی وار جرئتی بیر چپ باخا
سوگند حسینون جانینه طوفان حسینه ایلرم

سید علی فرمان وئره مین عاشقین واردی آقا
کل عراقی واللهی ایران حسینه ایلرم

شان و مقامین یاحسین من ایلورم تکثیر آقا
حتی یهودی تابع قران ، حسینه ایلرم

بیچاره دور والله آقا بو شاعرون ائت بیر نظر
سسلور 'خدایی" جانیمی قربان حسینه ایلرم

  • شنبه
  • 16
  • مرداد
  • 1400
  • ساعت
  • 12:41
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

وداع امام حسین(ع) -(بیر دایان گتمه بو میدانه حسین) *حاج رسول امینیان امینی خویی

1253
2

وداع امام حسین(ع) -(بیر دایان گتمه بو میدانه حسین) بیردایان گتمه بومیدانه حسین
عترتون قویما یانا یانه حسین
آیرلیق صحبتین ایلور سن اخا
زینبین باغری دونور قانه حسین

آننوا یاره دگوب قان سوزولور
قطره قطره یوزه مرجان دوزولور
وای الیم الدن حسین جان اوزولور
یوخ اورک طاقتی هجرانه حسین

گل جمالون بورویوب قان یارالی
یارالی جان یارالی جان یارالی
نطقه گل نطقوه قربان یارالی
بیردانش من دل سوزانه حسین

برج محنتده کی اولدوزلارا باخ
قورخولی چولده آدامسیزلارا باخ
سایه وه دالدالانان قزلارا باخ
دل آچوب ناله و افغانه حسین

  • پنج شنبه
  • 21
  • مرداد
  • 1400
  • ساعت
  • 12:32
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

شام غریبان -(گورنمزدیم اوغول بیر آن باشون برگ تر اوستونده) *حاج رسول امینیان امینی خویی

352

شام غریبان -(گورنمزدیم اوغول بیر آن باشون برگ تر اوستونده) گورنمزدیم اغول بیر آن باشون برگ تراوستونده
نجه ایمدی گوروم خولی قویوب خاکستر استونده

جمالون دوندروب مطبخ سرانی طور سینایه
دایانمیش لمعه لمعه نور پاکون عرش اعلایه
بو یورمش لن ترانی تازه دن سن یوخسا موسایه
ملا‌‌‌یک محو الوب عرش خدای اکبر اوستونده

نه زحمتله اوغول من بسله دیم بو باشی سینمده
گهی سینمده یر ویردوم بو باشه گاه دید ه مد ه
غبار آلوده قویمازدیم اولا بیر ساعت عالمده
قویاردیم باشیوی داییم عبیر وعنبر اوستونده

یارالی قلبیمه وردی دوباره یاره بو نسگل
خراب الموش ایوینده تاپمیوب بیر یر بو آهن دل
ویروب خاکستر اوسته سن کیمی مهمانینه منزل
اوزی اما چوخ آسوده یاتوبودور بستر استونده

  • پنج شنبه
  • 21
  • مرداد
  • 1400
  • ساعت
  • 19:59
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

عاقبت نوکر امام حسین(ع) -(حضرت ختم رسول مدنی) *حاج رسول امینیان امینی خویی

267

عاقبت نوکر امام حسین(ع) -(حضرت ختم رسول مدنی) حضرت ختم رسول مدنی
بیر گوزل جمله بویورموش علنی
کیم حسین آدینه گوز یاشی توکه
گوز له سین روز جزا فاطمه نی

هر حسینچی که گیدور دنیا دن
مطمئن اولمالیدور عقبا دن
کیم خلوصیله ایدور خدمتینی
عاقبت مزدین آلار زهرادن

اوندا کی قورتاریب عمرین اله جک
قیمتین قطرهء اشکین بوله جک
آغلیوب چون که حسینین آدینا
قبرینین اوّل گجه سینده گوله جک

  • جمعه
  • 22
  • مرداد
  • 1400
  • ساعت
  • 12:08
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

در وصف امام حسین(ع) -(منبع انوار جلی دور حسین) *حاج رسول امینیان امینی خویی

332

در وصف امام حسین(ع) -(منبع انوار جلی دور حسین) منبع انوار جلی دور حسین
مظهر ذات ازلی دور حسین
نور دوچشمان علی دور حسین
فاطمهء اطهره مفخر حسین
زینت آغوش پیمبر حسین

عالمه آرامش جان دور حسین
ما خلقه روح روان دور حسین
دارو ندار همگان دور حسین
جسم لره جان جانا جوهر حسین
بیر توکی مین دهره برابر حسین

ماه دل آرای ولادور حسین
آیت حق نور هدادور حسین
پنجمین افراد کسادور حسین
شاه جهان شافع محشر حسین
اهل ایکی عالمه سرور حسین

بارگه قدسه مقرب حسین
آب حسین تاب حسین تب حسین
ماه درخشنده هر شب حسین
هر گجه یه ماه منور حسین
هم آیا هم ده گونه زیور حسین

مشعل پر نور تجلا حسین
کل محبانه تولا حسین
کفردن ایلردی تبرا حسین
باطله دشمن حقه یاور حسین
عادله دل داده داور حسین

سن ده "امینی" ایله یاز یا حسین
سال اونی دلدن دله یاز یا حسین
قوش یله تاپشور سیله یاز یا حسین
عالمه قوی پخش ایده یللر حسین
دولدورا دریالری سیللر حسین

  • جمعه
  • 22
  • مرداد
  • 1400
  • ساعت
  • 13:54
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

وداع امام حسین(ع) زبانحال حضرت رقیه(س) -(سن گیدوسن منده گرک آغلیوم) *حاج رسول امینیان امینی خویی

1997
1

وداع امام حسین(ع) زبانحال حضرت رقیه(س) -(سن گیدوسن منده گرک آغلیوم) سن گیدوسن منده گرک آغلیوم
دایان بابا یارالارون باغلیوم
حافظ قرآن بابا من سنه قربان بابا

ای حضرت پیغمبرین مهمانی
جاندان گیچوب آختاروسان جانانی
دور قوی سیلیم یوز گوزوندن القانی
دایان بابا یارالارون باغلیوم
حافظ قرآن بابا من سنه قربان بابا

باغبان گلین بسلر وِرَر اللره
شانلی آدین سالسین دلدن دللره
آخر سنده سالدون بیزی چوللره
دایان بابا یارالارون باغلیوم
حافظ قرآن بابا من سنه قربان بابا

گتمه بابا مظلوم بابا جان بابا
سن گیدورسن باغریم اولور قان بابا
یاره لر آننوندا ورور سان بابا
دایان بابا یارالارون باغلیوم
حافظ قرآن بابا من سنه قربان بابا

حدن گچوب سنون درد و ملالون
الدن گیدوب جمله جاه و جلالون
گل ایندی که شهادتدی خیالون
دایان بابا یارالارون باغلیوم
حافظ قرآن بابا من سنه قربان بابا

بلبل نجه میلین سالار بوداقه
غنچه سیله قویسون دوداق دوداقه
لطف ایله سنده آل منی قوجاقه
دایان بابا یارالارون باغلیوم
حافظ قرآن بابا من سنه قربان بابا

  • جمعه
  • 22
  • مرداد
  • 1400
  • ساعت
  • 16:53
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

شام غریبان -(حسینیم آچ گوزون یاتما اوغول گلدیم یانا یانه) *حاج رسول امینیان امینی خویی

288

شام غریبان -(حسینیم آچ گوزون یاتما اوغول گلدیم یانا یانه) حسینیم آچ گوزون یاتما اوغول گلدیم یانا یانه
عدو مطبخ سراسیندا سنه شام غریبانه

سنی من بسلمیشدیم باغ چمنده گللر اوستونده
ندن خولی قویوبدور گل جمالون کللر اوستونده
بولوتلار اگلنوب سانکه او ماه انور اوستونده
ملکلر محو اولوب عرش خدای اکبر اوستونده
ولیکن ظلم بی حد ایلیوبدور انسان انسانه

قفادن سنگ دل بیر نانجیب ذبح ایلیوب باشون
وفاسیز امتین اوز باشینه دوشسون گوروم داشون
جهان آغلور سن آغلورسان رخساره گوز یاشون
اوغول دور سینمه گل قوی سیلیم اول کیپریگون قاشون
گوزون یاشیله خاکستر قاریشمیش قرمزی قانه

غمون ایلوبدی جنت ده غمه پیچیده حوانی
سالبدور چوللره مجنون کیمی مریمله سارانی
گلایه ایتمرم دیندیرمه سن دیندیرمه زهرانی
اقلی نطقه گل دیندیر دانشدیر باری طاهانی
ایدبدور آغلاماقدان کون و امکانی عزا خانه

یرون اوز شأنیوه لایق دگول ای شاه مظلومان
دگول بو رسم مهمانی تنور ایچره یاتا مهمان
کل اوستن دور گل آغوشه اوزوم آلام سنی الان
یورولموش جانیوه ای جان زهرا اوز آنان قربان
ورن یتمیش ایکی قربانی ای بیر جلد قرآنه

سنون قونداقوی حق ایلمشدی عرشه پیرایه
امامت نوری سندن پخش اولوردی کل دنیایه
واریتدور چوخ شباهت ایندی دوتقون اولدوزا آیه
دیسم زیبنده دور سنله گلیر حق سایه به سایه
ایدپبست جان و دلدن جانیوی قربان او جانانه

وازیدیم کربلا دشتینده سن قانه باتان وقته
نوا و نالهٔ اطفالون افلاکه چاتان وقته
بلالی زینبپن آغلار قویوب گوزدن آتان وقته
جفای ساربان گوز یاشیمی قانه قاتان وقته
کسیلمیش اللروندن قان سپیلدی قانلی میدانه

داغلمش دودمانلار تک داغلمش مقتلی گوردوم
خموش اولموشدی مقتل ده هدایت مشعلی گوردوم
اوغول اوندان قباق من باشون اوسته بجدلی گوردوم
گوزوم ای کاش که گورمیدی کسور الله الی گوردوم
کچیک انگشتره خاطر اوزین قویدی بیوک قانه

  • شنبه
  • 23
  • مرداد
  • 1400
  • ساعت
  • 17:50
  • نوشته شده توسط
  • یوسف اکبری
ادامه مطلب
 بهزاد قاسمی اردبیلی

یا امام حسین(ع) -(اسير دام خزانم ، بهاري آختاریرام) * بهزاد قاسمی اردبیلی

969
5

یا امام حسین(ع) -(اسير دام خزانم ، بهاري آختاریرام) اسير دام خزانم ، بهاري آختاریرام
چمن چمن دولانوب لاله زاري آختاریرام

او بلبلم كي نفسدن سالوب زمانه مني
شكسته شهپريلن عطر ياري آختاریرام

گداليق ايلورم ايللردي عشق شهرينده
اوزاتميشام اليمي شهرياري آختاریرام

تبارحضرت خورشيده قاتميشام ئوزومي
حبيب و حُرّ كيمين اعتباري آختاریرام

ياپيشميشام ايكي اَللي مَلك ئوپن اَتگي
حسين حسين دئيوب اوج وقاري آختاریرام

مسيح عشقيمه وقف ايتميشم جوانليقيمي
بلايه مشتريم چوبِ داري آختاریرام

كتاب مرثيه ده عمريدور قلم ويرورام
شعور ذاتي شعر و شعاري آختاریرام

رديف و قافيه قيدينده قالمارام هرگـز
غزل يازاندا نگاه نگاري آختاریرام

  • سه شنبه
  • 26
  • مرداد
  • 1400
  • ساعت
  • 10:30
  • نوشته شده توسط
  • یوسف اکبری
ادامه مطلب
 عبادی طارمی

کربلا -(کعبه دی کربلا منه ، مروه صفانی نینیرم) * عبادی طارمی

288

کربلا -(کعبه دی کربلا منه ، مروه صفانی نینیرم) کعبه دی کربلا منه ، مروه صفانی نینیرم
جنته باشدی شانیده،طوف ومنانی نینیرم

زینت خلقتدی اورا، یتمیش ایکی اولدوزی وار
مست الیور حرم منی،سعی وصفانی نینیرم

دوزدی که خلاق جهان ،بدویده خلق ائتدی اونی
خادمی وهابی اولان ، بیت خدانی نینیرم

خیل ملائک دولانار، شوقیله اکبر باشینا
ثانی یاتان یئرده داخی، ورد ودعانی نینیرم

گرچه وئریلارحاجیلار اهرمنی داشلاریلان
شیطان حکومت ائلین یئرده،وفانی نینیرم

کعبه نی ایستیسن اگر،کرب و یلایه فکر ائله
طوف ائله بین الحرمی، سسله حرانی نینیرم

ظلمیله وهابی اولوب ، خادم شهر نبوی
شهر پیمبرده اولان ،ظلم و جفانی نینیرم

شیعه نین حجی باشلانار محرم آیی حاجیلار
منانی مقتل ایلین ، اهل خطانی نینیرم

جامهٔ احرام منه ، حسینیمین قراسیدی
کعبه نین اوستونده اولان شال عزانی نینیرم

  • جمعه
  • 29
  • مرداد
  • 1400
  • ساعت
  • 22:16
  • نوشته شده توسط
  • یوسف اکبری
ادامه مطلب

کوچ از قتلگاه -(قالدی خندان گل لریم سنده امانت کربلا) * ناشناس ؟؟؟

366

کوچ از قتلگاه -(قالدی خندان گل لریم سنده امانت کربلا) قالدی خندان گل لریم سنده امانت کربلا
من خداحافظ حسینی ساخلا راحت کربلا

من گلن گوندن بورا آماج درد ایتدون منی
هر مصیبت هر غمه دوتدون پسند ایتدون منی
قارداشمدان آیری سالدون دردمند ایتدون منی
ایتدون ئوز تپراقوی کنز سعادت کربلا

ای مقدس یر ویرن ای دائما اسلامه پاس
تربت پاکون جنان و کعبه اولماز قیاس
سنده کی قان دجله سیندن قوزانار بیر انعکاس
پخش ائدر آفاقه انوار هدایت کربلا

کربلا سنده دئمه یتمیش ایکی قربان یاتوب
کلمه توحیده دی بیر عده پشتیبان یاتوب
جلوه گاه عشقده جانانه وئرمیش جان یاتوب
اولمیبسان بی جهت محراب حاجت کربلا

منکه ناچارم گئدم اکبر سنون لیلا منیم
ساخلا دامادی عروسی منده واویلا منیم
سنده اولدوزلار قرانلوقدان دولی دنیا منیم
منده عابد سنده ده شاه شهادت کربلا

چخدی اهل کینه سنده ظلمده اندازه دن
سالدیلار غربتده اوراق حقی شیرازه دن
آتلارا جولان وئروب منکوب ائدوبلر تازه دن
سنده شاهد سن ئوزون ایله قضاوت کربلا

کسدیلر سنده فرات اوستونده سقانین یولون
سالدیلار ظلمیله نخلستاندا قولدان صاق صولون
یاخشی شافع ایلدون زهرا ایچون بر جوت قولون
یوم وانفساده اسباب شفاعت کربلا

ایندی شامه عازمم قول باغلی اعدایه اسیر
منله وار هشتاده دین عورت اوشاق خرد و کبیر
سرپرستی بیر منم بیرده یانان تبدار امیر
وار نه اندازه ولی اهل عداوت کربلا

خادمون " شاکر " نه مدتور دوشوب سندن اوزاق
آزقالور چخسون یادیندان سنده کی صحن ورواق
ایستدیم اللهیدن منده یتردیم اشتیاق
قسمت اولسون بیرده دوران زیارت کربلا

  • جمعه
  • 29
  • مرداد
  • 1400
  • ساعت
  • 22:30
  • نوشته شده توسط
  • یوسف اکبری
ادامه مطلب

کوچ از قتلگاه -(ای زینبون انصار و یارانی خداحافظ) * حاج عباسقلی یحیوی

562

کوچ از قتلگاه -(ای زینبون انصار و یارانی خداحافظ) ای زینبون انصار و یارانی خداحافظ
پیغمبر اسلامون قربانی خداحافظ

یا اکبر و یا اصغر یا قاسم و یا جعفر
ای نهر فرات اوسته قولسوز ییخیلان پیکر
وی شام غریباندا قولدان کسیلن اللر
وی خاک و خون آلوده یان یانه یاتان لشکر
ویردیم سیزه بو قانلو میدانی خداحافظ

ای کرب و بلا دشتی ای خاک بلا کردار
من بیر گونون عرضینده ویردیم سنه چوخ کشتار
باس باغروا اینجیتمه گول اوزلو جوانلار وار
معشوقینی عاشق لر نازیله نئجه ساخلار
خوش ساخلا جوانان رعنانی خداحافظ

بیر کعبه بنا ایتدی سنده شه اعلاخیز
ئوز قانی ئیلن قیلدی دیوارینی رنگ آمیز
دعوت ایلیوب زوار تا موسم رستاخیز
زواری گرامی دوت ای دشت نواانگیز
راضی ایله مظلومه زهرانی خداحافظ

ای خیمه و صحراده مظلومه ئولن قیزلار
وی اکبریمون نعشی اوسته دوشن اولدوزلار
باشلار بیزیلن گیتدی قالدی سیزه باشسیزلار
آیریلدی اوغول لاردان قول باغلی اوغول سوزلار
دفن ایتمه میش ابدان عریانی خداحافظ

ای نهر فرات آخدون آرامیمیزی آلدون
سندن بو گلایم وار هی برق بلا چالدون
یاندی بالالار هاردان سن فکریمیزه قالدون
اصغر سنه یالواردی لب تشنه یولا سالدون
بدنام ایلدون بحر عمانی خداحافظ

ای شیر بشر خصلت ضرغام وفا بنیان
سن ایندی کی بو نعش عریانه نگهبانسان
پیغمبره منت قوی ویر زحمتوه پایان
اوچ گون ایلمه غفلت سن چیخما بو میداندان
حفظ ایت گیله اعضای سلطانی خداحافظ

ای پارچا بولودلار کی ویردوز گوگه آلایش
چارم کسیلوب آخر سیزدن ایدورم خواهش
بیر نوعی چکون پرده گون ایلمسون تابش
تاپسون آنامون اوغلی تا کولگه ده آسایش
جوش ایتمیه زخمینده آلقانی خداحافظ

ای گوگده گزن قوشلار خوش خال کبوترلر
میدانه توکون شهپر زلفون داراسون اکبر
موی سر اکبرلن منقاره ویرون زیور
بطحایه قیلون پرواز صغرا یولوزی گوزلر
آگاه ایلیون غمدن صغرانی خداحافظ

ای واحه نشین اعراب چولدن کوچری ایللر
بو غملو گذرگهده غیرتلو مسافرلر
الله رضاسینه یا خاطر پیغمبر
دفن ایلممیش کیچمون بو نعشلری سیزلر
تا شاد ایلیون روح طاهانی خداحافظ

ای چوللرون آهوسی جنگل لرون احراری
من ایلمدیم شاه مظلومه عزاداری
مندن صورا بو چولده باش باشه ویرون باری
ماتم دوتون اولاد زهرایه ایدون زاری
درده گتیرون اهل صحرانی خداحافظ

  • یکشنبه
  • 31
  • مرداد
  • 1400
  • ساعت
  • 10:36
  • نوشته شده توسط
  • یوسف اکبری
ادامه مطلب

آرزوی قبر شش گوشه -(گوگلوم گنه ده غفلتی القانیله دولدی) *مرحوم منعم اردبیلی

518

آرزوی قبر شش گوشه -(گوگلوم گنه ده غفلتی القانیله دولدی) گوگلوم گنه ده غفلتی القانیله دولدی
عباس مزاری گوزومه جلوه گر اولدی

اولدی نظریمده ایکی گلدسته مجسّم
گوردوم ورولوب گنبده بیر قرمزی پرچم

گوردوم نجه که قرمزینی بهتیده قالدیم
پرچم نیه بس قرمزیدور من خبر آلدیم

آخر بو جواندور دئدی سرداری حسینون
فرمانده لشگردی علمداری حسینون

ناحق یوکولن تپراقا یتمیش ایکی قاندور
سرکردہ سی یتمیش ایکی جانون بو جواندور

اول وقتیکه بو ئولدی حسینون ایشی دوندی
عطشان بالالار آغلادی سعداوغلی سوئوندی

ناحق یره ئولدوردوله بو تشنه جوانی
پرچم اودی که قرمزیدور یرده دی فانی

بو قان قالاجاق محشره ای قان آلان الله
آلدى نجه آلدی امان الله امان الله

شمرون گوز آخوب روحی بدندن اوزولنده
آلدی او قانی اوستونه داشلار دوزولنده

هر کیمسه اوزاقدور دئسه که روز قیامت
سهو ایلوری قالدى نه گون یا نچه ساعت

قرآن دیَن رُعبیلی دیوان عدالت
جان چخدی بدندن نجه که قوپدی قیامت

سعد اوغلی دئدی یوخدی ئولوم یوخدی قیامت
امر ائتدی ورون آتلاروزا نعل بو ساعت

گوزلر قزاروب قولاری چمراق آتا میندی
من نعش حسینی قاتارام تپراقا ایندی

ابله کیشی فکر ائتمدی بیهوده دانشدی
قاندى گوره سن یا یوزی تپراقه قاریشدی

فکر ایلمدی نوریله ظلمات باریشماز
کیم حقه طرف دوز گئده تپراقه قاریشماز

قالخز اوت ایچیندن باشوی ای ایوی ویران
باخ گور نجه دربار حسین اولدی چراغان

باخ گور نه چراغانیدی درباری حسینون
مبهوت ائلیوب عالمی گلزاری حسینون

داش قاشدی تماماً در و دیواری حسینون
الان دولانور باشینه زوّاری حسینون

افسوس بو ایل بیزلره بخت ائتمدی یاری
آغوشه آلاق بیزده او ششگوشه مزاری

ای شیعه لرون قانه باتان تشنه امامی
زوّارلرون واردی سنه عرض سلامی

شش گوشه لی قبرونده چرغانیوه قربان
گلدسته لره طاقیوه ایوانیوه قربان

حق اوسته او ناحق توکولن قانیوه قربان
قان صاحبینه جانیوه جانانیوه قربان

یتمیش ایکی لشگر الى قانلی یوزی قانلی
نهر اوسته او غیرتلی نگهبانیوه قربان

اول تازه جوان که طوى اطاقینده یاتوبدور
آغ سقّل حبیبه قوجا دربانیوه قربان

نورسته جوان که یوزی قانلی ایاقوندا
سینونده یاتان خرداجا قربانیوه قربان

  • یکشنبه
  • 31
  • مرداد
  • 1400
  • ساعت
  • 18:11
  • نوشته شده توسط
  • یوسف اکبری
ادامه مطلب

شاهکار مرحوم یحیوی در شجاعت امام حسین(ع) -(سواره تیغ برق افشان الینده فکری دعوا دور) * حاج عباسقلی یحیوی

1134

شاهکار مرحوم یحیوی در شجاعت امام حسین(ع) -(سواره تیغ برق افشان الینده فکری دعوا دور) سواره تیغ برق افشان الینده فکری دعوا دور
مرصع دور لجامی، مرکبون زینی مطلا دور
قزل جوشن وار اگنینده جلال و شأنی اعلا دور
حسین ابن علی روح نبی دلبند زهرا دور
بو وصفیلن گلوب میدان جنگه حیف تنها دور

سلاح جنگینون هر قطعه سی میراث سلطانی
رسول اکرمون دراعه و دستار شایانی
جناب حمزه نون گوهر نشان نه قبه قلخانی
علی المرتضی نون ذوالفقار تیز و برانی
طلابفت و جواهر کوب یک قبضه دو پهنا دور

هوایه ذوالجناحون نعل آلتدان کیمیا قالخار
کانه دنده ی سوهانیدن مغز طلا قالخار
نئجه لاهوته گور ناسوتیدن نور خدا قالخار
سوسوز لبلردن اما کلمه‌ی انی فدا قالخار
کنایه بو مبارک کلمه دن ذبحاً عظیما دور

حسینه خارجی آدی قویوبدور زاده ی هنده
شریحون خط و امضاسیله تکمیل اولدی پرونده
او حکمون رو نوشتین یازدی اوراقه نویسنده
سراسر مملکتده ائتدیلر پخش و پراکنده
حسینون قتلی گویا مسلمینه فرض ایفا دور

یزیدون حیطه‌ی حکمینده اسلامی اولان یرلر
نقاط آسیاده چینه پیوسته نئچه کشور
حدود غربده اقیانوس اطلس، موج آور
شمالا انتهای سیبریه مرزیدی سرتاسر
جنوباً استوائی خطه تاریخ حکمفرما دور

حبش نزدیک خط استواده خاک آفریقا
اروپاده فرنگستانیدن بیر حد مستثنی
شمالیده وین اطریشده پاتختدور حالا
هنودستاندا پاکستان فعلی خطه‌ی زیبا
قدیمی نقشه لرده بو ممالک نصف دنیا دور

بو وسعتده ممالک ده دهستان واردی شهرستان
گله هرتک تکیندن اون نفر تشکیل تاپار ملیان
فریضه بیلدیلر حکم شریحی مردم نادان
بلا صحراسینه لشکر شتابان اولدی هر یاندان
گوروندی روز عاشورا قشون چوخ موج دریا دور

شیوخ نهروان قرآن حمایل آلنی برجسته
سنین نیزه‌لر بنذر زبان افعی مسته
سه شعبه تیر و پیکان جعبه دانلاردا نئچه دسته
قلجلار سوولانوب قول چمرانوب دامن بئله بسته
امام ئولدورمگه الله اکبر گور نه غوغا دور

نقاب اعرفونی آتدی وجه الله جمالیندن
او نابینالر آلسون فائده شمع وصالیندن
یاغاردی در ابیض لعل و یاقوت اتصالیندن
اولون آگه جماعت سیز حسینون شرح حالیندن
بابام احمد آتام حیدر آنام زهرای کبرا دور

ندای اعرفونی دفعتا ناقص قویوب لشکر
آیاقلار بیر بیرینه دگدی سسلندی اوزنگی‌لر
نئجه آهن دوگنده سسلنور دکان آهنگر
پیاده صف لریندن ظاهر اولدی مختلف سسلر
امامون حجتینه بو هیاهو عذر بی جا دور

بو وضع نامناسب شهریاری ائله دی وادار
او قومه بیر نمونه قدرتیندن ائله سین اظهار
بویوردی ایها الجند الشاطین اسکتوا زنهار
واریمدور اقتداریم روحوزی الآن ائدیم احضار
منیم حکمیم تمام انفاس و ارواح ایچره مجرا دور

نشست ائتدی او دم رعب امامت نحس دللرده
تصرفله قوروتدی قوه‌ی روحی بدنلرده
پیاده یا سواره دوردی ساکت دوردوقی یئرده
یونولمیش داش تک هیکللر صف اندر صف برابرده
فنا آیینه سینده هر بیری بیر صورت لا دور

بو قدرتلن سیزی ائتدیم مخیر اوچ سوزه لشکر
گورون ذی نفع سوز هانسیندا اجرا ائیله یین سیزلر
قیتسون یثربه منع ائتمیون تا آل پیغمبر
وئرون یا بیر ایچیم سو تشنه دور تشنه یانور لبلر
و یا جنگیمه گلسون بیر به بیر کیم مرد هیجا دور

قبوله یتمدی افسوس شرط اول و ثانی
اوچومجی شرط قانون عرب جلب ائتدی اعدانی
شجاعان مبرز گلدی دوتدی راه نیرانی
او روباهان کم جرات تانیدی شیر میدانی
غراب بی هنر هاردان حریف رزم عنقا دور

گوروب سعداوغلی تاپماز قصدی بو ترتیبلن انجام
وئروب فرمان یئریندن اوینادی نیروی خون آشام
قشون واحدلری جنگ وجود واحده اعزام
او غیر عادلانه حمله که اونلار ائدوب اقدام
نه قانون عرب طرز رسم ترسا دور

نئجه پوره وئرور یای فصلی پشه شهد ناب اوسته
اونون مثلینده لشکر حمله گتدی اول جناب اوسته
نئجه بیر خشمگین شهباز اوچار فوج غراب اوسته
اونون مثلینده حضرت زیندن قالخوب رکاب اوسته
ملخ دن موردن زنبوردن شیره نه پروا دور

دوه‌لر صیحه سی آت شیهه سی آواز واویلا
عربلر سسلنور طبل و دهل گرهاگر اعدا
طنین اندازی دی آفاقه صوت غرش و عرا
او ساعتدور اهم ساعت ساعات عاشورا
هامی قدّوسیان حیرتده مشغول تماشا دور

هوانی توز دونوب یئللر اسور صحرا اولوب طوفان
زرهلر سسلنور اوخلار یاغور رد ائیله ییر قلخان
پاریلدار تیغلر آت دیرناقیندان برق اولور تابان
حسینون صولتی فردا به فردین ائیله ییب لرزان
گوروندی هرباش اوسته بیر حسین بیر تیغ برا دور

انا بن راکب الرفرف مقیمالعرش بالنعلین
انا بن ضارب السیفین انا بن صاحب الرمحین
انا بن فاتح خیبر انا بن فارس الصفین
انا بن سید الکونین با کی العینین
قریشون افتخاری خانه زاد حی یکتا دور

ابی مخنف دئیر بیر گوشه ده دور دوم تماشایه
حسینون سینه سین گوردیم نشان تیر اعدایه
اوخا پیوند اولوب اوخ تپراقا اوخلار سالوب سایه
یوخیدی یاره سی دالدان دلیلیم وار بو معنایه
او حضرت غیر فرار اوغلیدور کرار اعدا دور

قناد آچمیشدی اوخدان اوخشیوردی مرغ پرداره
زره منفذلریندن قان آتاردی مثل فواره
محاسن مولریندن قان سوزردی زین زرداره

اولوبدور ذوالجناحون سینه بندی سینه ده پاره
بویانمیش راکب و مرکوب چون یاقوت حمرا دور

بو حالتدن عجب‌تر حیرت آور بیر بو مطلب دور
ئولوب قارداشی اوغلی لشکری قانه مخضب دور
قالان تنها ئوزی دور بیر قلج دور بیرده مرکب دور
سسینه سس وئرن عورت اوشاقدور بیرده زینب دور
بو اوصافیله اعدا افکن و ضرغام غرا دور

روایتدور چکردی اول جناب هر نعره که دلدن
مبارزلر وئروردی اختیار مرکبی الدن
چکیلدی کوفه سمتیتنه قاچان لشگر مقابلدن
کنار اولدی او ساعت نور حق ظلمات باطلدن
بلی دیجوردن شمس جهان آرا مبرا دور

قیتدی مرکز میداندا دوردی مفخر لولاک
آلیشمیشدی حرارتدن اورک، عطشان دوداقلار خاک
قوری تخته کیمی آغزیندا دیلدن سس اولور ادراک
خطابی لشکر سفیانه من الما دور

کئچوردی بیر نفر سیاح دنیاگرد گردآلود
الینده چوبدست آشفته مو چالاک و ره پیمود
حمایل گردنینده سو دولی بیر قمقمه موجود
غذا و قوتی هم یانینده مست باده‌ی مقصود
زمین کربلاده گوردی بیر محشر هویدا دور

داغیلمیش حربگاهه قولدی باشدی دوغرانان پیکر
دایانمیش نیزیه بیر سید مظلوم و بی یاور
دوداقینده دیلینی گزدیرور گویا که سو ایستر
ولی تشخیص اولونماز پیکری پیکاندور اعضادور

چیخارتدی کیسه دن بیر ظرف چوبینه شتابیلن
همان ظرفی لبالب ائتدی فی الفوری آبیلن
مقابل اولدی سیاح احتراما اول جنابیلن
ایکی الده تعارف ائتدی عذر بی حسابیلن
دئدی آل ای غریب ایچ بو سوئی خیلی گوارا دور

او میراب بهشتی ساقی کوثر دلارامی
کمال لطف ایلن سیاح الیندن آلدی اول جامی
سوئی سپدی یئره سو ایچمدی بو تشنه هنگامی
ایکی انگشت آرا سیندان ائدوب سیاحه اعلامی
بویوردی گور نه عالم سیر ائدورسن هانسی ماوا دور

امامون امرینه تسلیم اولوب سیاح خوش کردار
چکیلدی پرده‌ی غفلت گوزیندن کشف اولوب اسرار
باخاندا بیر مکان گوردی مشجر گلشن و گلزار
ریاض جنت فیها عیون تجری الانهار
قدح‌لر الده شربتلن دولی آماده حورا دور

دوباره ائیله دی سیاحی آگه سر پنهاندان
توکوب سو جامینه بیر قبضه حضرت ریگ میداندان
قاماشدی مرد سیاحون گوزی برق درخشاندان
دولی گوردی سو جامین گوهر و لعل فروزاندان
تمام الماس و مرجان و زبرجد در لالا دور

گورنده بو ایکی اعجازی غیبون پرده داریندن
تعجب ائیله دی شاهون عجایب اقتداریندن
بو ایستی بو عطش بو قدرت و صبر و وقاریندن
ییخیلدی ذوالجناحون اوپدی سم خاکداریندن
دئدی جانیم سنه قربان بو نه سر

  • چهارشنبه
  • 3
  • شهریور
  • 1400
  • ساعت
  • 19:41
  • نوشته شده توسط
  • یوسف اکبری
ادامه مطلب

شهادت امام حسین(ع) -(آغلار دییر زهرا ای وای حسینیم وای) *مرحوم میرزا یوسف شهاب تبریزی

739
5

شهادت امام حسین(ع) -(آغلار دییر زهرا ای وای حسینیم وای) آغلار دییر زهرا ای وای حسینیم وای
القان اولان غسلی، وای نور عینیم وای

ای نازنین جسمی، تیره اولان آماج
ای خیمه گاهینی، دشمن ائدن تاراج
گودال خونیندی، ای شه سنه معراج
ای وای حسینیم وای، ای وای حسینیم وای

ای ظلم اعدادن، توپراق اولان فرشی
ای گون قباقینده، عریان قالان نعشی
عریان قالان نعشی، قان آغلادان عرشی
ای وای حسینیم وای، ای وای حسینیم وای

ای سو کنارینده، جان بذل ائدن عطشان
تابوتی پیکان لار، غسلی اولان القان
ای بی کفن جسمین، پامال ائدن عدوان
ای وای حسینیم وای، ای وای حسینیم وای

ای دوغرانان یتمیش، یاریله انصاری
قانه باتان یکسر، یار و هواداری
ای جان وئرن تشنه، قولسوز علمداری
ای وای حسینیم وای، ای وای حسینیم وای

ای آیرلان حسرت، اهل و عیالیندن
ای اَل چکن یکسر، جاه و جلالیندن
ای چخمیان بیرآن، زینب خیالیندن
ای وای حسینیم وای، ای وای حسینیم وای

ای گلشن عشقی، تاراج اولان خاره
ای اکبری گل تک، خاریله صدپاره
چوللرده مجنون تک، لیلاسی آواره
ای وای حسینیم وای، ای وای حسینیم وای

گوزدن اوزه هردم، توک اشک سوزانی
تا محو ائده دلدن، حق نقش عصیانی
خوشدور«شهاب»ائتسن، تکرار او عنوانی
ای وای حسینیم وای،ای وای حسینیم وای

  • جمعه
  • 5
  • شهریور
  • 1400
  • ساعت
  • 12:17
  • نوشته شده توسط
  • یوسف اکبری
ادامه مطلب
میرزا حسین کریمی مراغه ای

احوالات کوچ از قتلگاه -(بو نه الدور بو نه بارماق بو نه پیکر یارالی) *میرزا حسین کریمی مراغه ای

533

احوالات کوچ از قتلگاه -(بو نه الدور بو نه بارماق بو نه پیکر یارالی) بو نه الدور، بو نه بارماق، بو نه پیکر یارالی
بو نه یئردور ،بو نه فرش و بو نه بستر یارالی

نیه بیر بیله ویروب یاره سنه قوم دنی
تیره باران ائلیوبلر یارالی بیر بدنی
کیم سالوبدور باجون ئولسون یوزون اوستونده سنی
باشیوی تشنه کسوب هانسی ستمگر یارالی

گلشن فاطمیه گور نه اسوب باد خزان
توکولوب تپراقا گل تک شهدا پیر و جوان
قرمزی قانون ائدوب یو چولی بیر باغ جنان
یاره لر گل بدنونده گله بنزر یارالی

نجه رحم ایلمدی قاتلون ای میر حرم
قویدی بو سینیه بیر بیله یارائیله قدم
نه چکوبسن او زمان حالیوی قلباً بولرم
سیندیروب سینه وی ظلمیله او کافر یارالی

نه دئدون قانیوی بو قوم حسین بولدی حلال
اوخ آتان ،یاره ویران بیربیره وئرمزدی مجال
قولّاریم باغلیدی شامه گئدیرم دور یولاسال
ایلیوبسن منی اطفالیوه رهبر یارالی

چون آغیردور بو سفر جانیمه چوخ رعشه سالوب
بیر کسیم یوخدی نه اکبر ،نه ابوالفضل قالوب
باشدا یوخ معجریم اطرافیمی نامحرم آلوب
قرمزی قانون اولوبدور منه معجر یارالی

زینب ایلوردی او گل پیکره گوزیاشی نثار
یتیشوب نازلی سکینه دئدی ای عمه زار
بو کیمون نعشیدی شام اهلی ائدوبلر بئله خوار
قتلگاه ایچره دوشوبدور بئله بی سر یارالی

دئدی یاندیرما منیم قلبیمی ای کنز بلا
بو آتان نعشیدی بو حاله سالوب اهل جفا
ائشیدوب بو سوزی حسرتله چکوب وا أسفا
اوزینی سالدی همان سینیه مضطر یارالی

دئدی بابا منی بو وقتیده کیم قویدی یتیم
نازیمی کیم چکه جاق ایمدی بو یولّاردا منیم
او قدر قمچی ویروبلار گویروب گل بدنیم
اولماسون سن بیزی یولّاردا دوگَللر یارالی

کربلا ظلمی یتوبدور داخی اتمامه بابا
بیر دانیشدیر منی آخر گئدیرم شامه بابا
توکرم زلفیمی بو پیکر گلفامه بابا
گون اذیّتدی سنه کولگه یئر ایستر یارالی

بیرده بابا منی آغوشه اگر آلمیاسان
ساغلیقون تک بو زمان بوینوما قول سالمیاسان
ائدرم شیونیله محشری بو چولده عیان
چکمرم ال نقدر وورسا بو لشکر یارالی

ایلدی راز و نیاز اول یارالی پیکریله
یاندیروب قلب حسینی بو شیرین دیللریله
بالاسین باغرینا باسدی کسیلن اللریله
گوره بیلموب اونی محرون و مکدّر یارالی

امر ائدوب لشکره سعد اوغلی که وقت اولدی دورون
شهدانون بدنیندن اُسرانی آیرون
هانسی آیریلمیا ،تأخیر ائده قمچیله ویرون
قالاجاق گون قباقیندا بو بدن لر یارالی

توکولوب مقتله بیر عده قسی قلب و لعین
دئدیلر ختم ائدون آخر ندی بو شیون و شین
گئده لازمدی بو گون کوفیه اطفال حسین
قوری یئرده بو بدنلر قالا یکسر یارالی

آیریلوب اهل حرم اولدی هامی ناقه سوار
قالدی بیر نازلی سکینه اپ بیاباندا فکار
او یتیمی آتا نعشیندن ائدنموبله کنار
اوخ ،قلج ،نیزه یئریندن ئوپوب ایگلر یارالی

یتیشوب شمر ستمگر دئدی ای لشکریان
چکیلون سیز بو یتیمی من آیورّام آتادان
بولمورم نیلدی توضیحینه عاجزدی زبان
ال گوتوردی بالادان سبط پیمبر یارالی

گوردی بو حالی سکینه دئدی ای لشکر شام
سیز گئدون من بو بیاباندا قالوب صبحیله شام
گئتمرم شامه آتامدان هله من دویمامیشام
منی تازه آلوب آغوشه بو سرور یارالی

گرچه عاصیدی (کریمی) چوخ ائدوب جرم و گناه
محشره الده کی غم دفتریدور توشهٔ راه
گتوروبدور بو امیدیله بو درگاهه پناه
اولاسان روز جزاده اونا یاور یارالی

  • دوشنبه
  • 8
  • شهریور
  • 1400
  • ساعت
  • 00:04
  • نوشته شده توسط
  • یوسف اکبری
ادامه مطلب

محاکمه خیال با عقل گریز به راز و نیاز امام حسین(ع) -(مجلس حال دوزلدوب اوزینه دلده خیال) *سعدی زمان سیدرضا حسینی

294

محاکمه خیال با عقل گریز به راز و نیاز امام حسین(ع) -(مجلس حال دوزلدوب اوزینه دلده خیال) مجلس حال دوزلدوب اوزینه دلده خیال
عالم هجریده سرخوش ایدوری فکر وصال

خانهء هجریده وصلیله هم آغوش اوتوروب
یوز دوتوب عَقله اِیدور فعلیله تَصدیق سوال

سن دیردون که قضا کلکی قَدَر لوحه سینه
یازمیوب وصل نگاری اولا بو اَمر مَحال

بو سوزون دعوی باطل دور اوزی بی مدرک
مدرکون وار سوزون اِثباتینه گر اَلده تعال

ایکی میز فعلاً‌ ایداق محکمهء عشقه رجوع
تا گوراق عشق حضورینده نولار اَمره مآل

سن دین اولماز اولوب حقّ سنیلن دور منیله
صدقیله کذب اَثَری ظاهر اولار حَیثُ یُقال

اَلغَرض مَحکمهء عشقه گلوب هر ایکیسی
بیر بیریله ایدوب اثبات کلام اوسته مَقال

مطلب از بس که چکوب طول اولوب عشق ملول
دل آچوب ردّ جوابه او پسندیده خصال

سُویلدی هجریله وصله نه بُلورسوز نَدی فَرق
بی خبرلر ایدوسوز مَحض غَلط جنگ و جدال

وصل بیر نکتهء باریک دور عشق اَهلی بُلر
دگل عقلی بُله لقمان، دگی زوری بُله زال

هجر بیر علّت مُهلکدی اولا هر کسده
قالا هیهات دوا اِیتمسه لقّمان خیال

لیک فکریله وصال اولسا تجسّم دی غلط
مَحو اولار فوراً، اونا صِدق ولی بی اَصل نَوال

وصل اولار اوندا ایکی روحه اولا بیر غالب
اوزگه لر بُلمز حسین بن عَلیدن خبر آل

او گزوب عالم هجرین دولانوب شش جَهتین
او تاپوب وصلِ نگاریله مَقامات و جَلال

عالم غیبی گزوب گَلدی شهود عالمینه
فکرِ وصلِ حقیله ویردی تمامه مَه و سال

گوردی حائلدی ره وصله شئونات وجود
اِیلدی ترک سر و مامَلَک و اَهل و عَیال

تاپدی بیر روحه ایکی قالب اولان رتبه نی لیک
ذات خلّاقه نه وار قالب و نه روح و مثال

کُنهِ عَبدیّتی درک اِیتدی ربُوبیّته باخ
عَبد رَقّ ایتدی اونا خلقی خدای مُتعال

کافیه باب امامتده اِصوله نظر اِیت
اونّدا که اُوستنه چکمیشدی قزل قانیله شال

اوردا بیر لطف خَفی اولدی اونا یوخدی یولوم
عَوض لَن نه گلوب اَرنی اِیدن وقته سوال

مطمئن اولدی دیدی ایمدی گوارا دور اُلوم
دوزه لوب گون خوشام عمر گونی درک ایتسه زوال

دیمورم اکبریمی دوغرادولار قوم دنی
لَخته قانیله خُسوف ایلدی اول ماه جمال

شبه طاها باشی حیدر کیمی مُنشقّ اولدی
ظلمیله قانه بویاندی او گوزل هاشمی خال

تشنه لب قارداشیم اوغلان لارین اُلدوردی عدو
سو کیمی قانلاری اولدی یارالاردان سیّال

آلتی آیلیق بالامی آلدیم اَلیم اوسته سوسوز
حَرمَله ویردی خَدنگیله اونا آب زُلال

ظلمیله قارداشیم عبّاس قولی اولدی قلم
جسمی شهباز کیمی آچدی اوخیله پر و بال

علمیم یاتدی، بیلیم سندی، داغلدی قوشو نوم
پایهء سلطنتیم تاپدی بو گون اضمحلال

دیمورم ویرمیشم عشقونده اوغول، قارداش، باش
دولودور قانیله دریا کیمی میدان قتال

گَله هیهات حسینون دلینه کلمهء من
سنه مختصّیدی باش، پیکر، اوغول، مال و منال

کربلا عشق مناسی، من اوزوم عشق ذَبیح
اوزگه بیر سرّیدی بو ناله، بو فریاد و ملال

نالهء عشقیدی جسمیمده سیزیلدار یارالار
گوستَرور یاریمه هر بیر یارا بیر صورت حال

کوفیان وورسالا مین بیله یارا اُوف دیمرم
عشق نقصانی تاپار یاره لر آرتدوقجا کمال

حقّ یرین دوتیدی دگن قلبیمه ناحقّ پیکان
پیک جانان بُلوب ایتدی اوره گیم استقبال

گوردوم اوچ شعبه لی اوخ تنگ ایدوب عشقون یرینی
کوره گیم دن چکوب آتدیم، اَله گَلدی آمال

مخزن سینمی سیندیردی سِنانیله سَنان
آنامی ایلدی جنّتده پریشان احوال

بو بلا دشتی، بو من، بو سپه کوفه و شام
بُلوری قانیمی بو قوم جفا پیشه حلال

راضیم شمر دنی نیزیه وورسون باشیمی
جسم یمی ایلسون آت دیرناقی یرده پامال

باجی مون قیزلاری مون باغلاسون اشرار قولین
آچسون اَل شیرخدا قیزلارینا قوم شغال

بیر بو شرطی له حسینی لری عفو ایله منه
بوغازیم قانیله گیچ ایلسه لر جرم و وبال

خاصّه (سعدی زمان) منشی درباریم دور
خلدیده قرب مقامین خوشام ایتسون اشغال

  • پنج شنبه
  • 11
  • شهریور
  • 1400
  • ساعت
  • 13:38
  • نوشته شده توسط
  • یوسف اکبری
ادامه مطلب

احوالات وداع زبانحال امام حسین(ع) -(بو قدر ئولوم یولونا طرف ایلمه شتاب اخی یا اخی) *مرحوم حسین شانی تبریزی

486

احوالات وداع زبانحال امام حسین(ع) -(بو قدر ئولوم یولونا طرف ایلمه شتاب اخی یا اخی) بو قدر ئولوم یولونا طرف ایلمه شتاب اخی یا اخی
گَلورم دالونجا توقّف ائت منه وير جواب اخی یا اخی

سنه گر چه زحمت اولور ولی منی بولمه بیر بیله بی ادب
بولوسن اوزون بو چاغورماقا بو جسارته نه اولوب سبب
که خصوصی بیرجه سوزوم قالوب اورگیمده ای شه ِتشنه لب
دیه بولمدیم اونی خیمه ده منِ دلکباب اخی یا اخی

هامی اهل بیت باخور دولار سوروش آنمادیم بو سوزی علن
بیور ایمدی واضحنی گوروم گلوسن خیامه دوباره سن؟
او فلک و یا که چتین قویا سنی صاغ گورم آنام اوغلی من
بو بلا کشیده وصالدن اولا کامیاب اخی یا اخی

باجینی گورن کیمی قارداشی ایله جِدّ و جَهد و تلاشيله
که فرات و شطّی خجل ایدر او ایکی گوزونده کی یاشیله
دیمدی داخی گَله بولمرم بیر اشاره ائیلدی باشیله
دئدی یعنی نیزه ده باشيمه باخوب ائت خطاب اخی یا اخی

دئدی ایمدی که گَله بولمسن داخی، بیرده خیمیه باری گَل
بیر اوپوب بوغازیوی ائیلیوم آنامون وصيّتنه عمل
بیله بیرده فرصت اولا چتین بیله مقتضی اولا بیر محل
بیله وقتی بیرده چتین تاپا بو ایوی خراب اخی یا اخی

شه اولوب پیاده تَلطفاً ائده شاهزاديه التفات
او وزیر زادهٔ اعظمی ایلدی بو لطفيه شاه، مات
او دوزوب نقودِ تحمّلین ایدوب عاصی عشقِ عشیقی لات
دئدی بحرِ عشقده زینبون گور اولوب حُباب اخی یا اخی

او یول اوسته قولّارینی آچوب، باجی بیر قوجاقلادی قارداشین
هر ایکیسی آغلادی اولمادی بیری تا گلوب سیله گوز یاشین
قویوب ال عماميه قوزادی باجی قارداشین یوخاری باشین
بوغازین اوپوب دئدی توکمه چوخ یوزه اشگِ ناب اخی یا اخی

بیله حسرتیله خیامیوه باخوب ایتمه اشگِ ترون روان
بیزی تاپشور حقّه اوزون دورُوب رهِ حقّده ئولماقا اول روان
منه قوی قالا بو قوری قفس، سنیله روانه اولا روان
باجیوین وفاسینی تا بوله هامی شیخ و شاب اخی یا اخی

آنامیز بتولدن ارث دور منه درد و محنت و رنج و غم
گور اونون کیمی آغاروب ساچیم بو کشیده قدّیم اولوبدی خم
داخی دور ماقا دگلم رضا که خیامدن باخوری حرم
غم و غصه آرتیری قلبوه يتشور عذاب اخی یا اخی

دیوری دلیم آنام اوغلی گئت ولی دوز موری اورگیم هنوز
که دولان دیراندا گوزون ائدر اورگیمده مِهر و وفا بروز
گر الیمده چارم اولا منیم سنی قویمارام گیده سن سوسوز
بیله لبلرون قوریوب دوتوب دلون التهاب اخی یا اخی

دیموسن دونن گئجه اشقیا بو گون ئولدورور منی تشنه لب
بو قوشون عنادینه، مرتضی آتامین عداوت یدور سبب
ولی منده کنج خرابه ده گئجه لر قيلاندا نماز شب
ایدرم ایکی دولی جام یله چو سبیل آب اخی یا اخی

من او بُلبلم سخنِ چمن، نقدر وارام دیوب آغلارام
سارالوب گلوم پوزولوب سمن نقَدَر وارام دیوب آغلارام
بو سوسوزلوقون آنام اوغلی من نقدر وارام دیوب آغلارام
که حرام اولور منه دهرده داخی خورد و خواب اخی یا اخی

او سرشکِ آلیوه من فدا بیله آغلاما سفر اوسته سن
بولورم که یاتمامیسان گئجه بدنونده وار یارا خسته سن
دیمه یوخ رکابوی ساخلیان گینه قوی قدم گوزوم اوسته سن
که عزیزیم اکبریمه عوض دوتارام رکاب اخی یا اخی

ویر اجازه فرش ایلیوم یولا آغاران بو زلفِ سیاهیمی
چاغوروم حرملری خیمدن چو صفِ سلامه سپاهیمی
مَلِکانه چتر کیمی آچوم باشون اوسته دودهٔ آهیمی
که مباد یاندیرا عارضِ مهون آفتاب اخی یا اخی

سنی گرچه (شأنی) آتوب بو خلق، ولی غم يمه که دوتوب حسین
سنه بیله نطق و فصاحتی چون اوزی عطا بویوروب حسین
اَبه یا اَبه سوزینی زبس هر عزاده خوش اوخیوب حسین
که یازوب وداعده بیرده یاز بیله بیرخطاب اخی یا اخی

  • شنبه
  • 13
  • شهریور
  • 1400
  • ساعت
  • 12:30
  • نوشته شده توسط
  • یوسف اکبری
ادامه مطلب

زبانحال امام حسین(ع) به حضرت زینب(س) صبح عاشورا -(ایله مشتاق وصالم بیلمرم صهبا ندور) *ملا خلیل شاکی ابدالی

353

زبانحال امام حسین(ع) به حضرت زینب(س) صبح عاشورا -(ایله مشتاق وصالم بیلمرم صهبا ندور) ایله مشتاق وصالم بیلمرم صهبا ندور
غم ندور محنت ندور باشیمدا بو غوغا ندور

عالم تجری دیده صهبای غم نوش ایت موشم
بو علایقدن اوزوم بالمرّه مدهوش ایت موشم
ملک و مال و خانمانی هم فراموش ایت موشم
بلمرم بو نشئه ده دنیا و مافیها ندور

گر چه خلقه علّت غتئی وجودیم دور منیم
ترک قیلماق بو وجودی اصل جودیم دور منیم
عین طاعت قبلهء عشقه سجودیم دور منیم
مسجد و محراب و منبر گوشهء صحرا ندور

ماسوالله شوقینی قلبیمده اخراج ایلرم
عالم ناسوت یدن لاهوته معراج ایلرم
دین یولوندا ملک جسم و جانی تاراج ایلرم
عاشق و معشوق بلمز سر ندور سودان دور

گربلا طورینده من ادراک انوار ایلرم
لمعهء نور تجلای رُخ یار ایلرم
لَن تَرانی عالم ینده وصل دیدار ایلرم
مخفی عشق اولماز محبّت لَن ندور لَمّا ندور

درک انوار ایچره مدهوش اولمارام موسی کیمی
ظلم الیندن آسمانه چیخمارام عیسی کیمی
ترک قیلّام جسم و جانی حضرت یحیی کیمی
قاب قوسین عالمی موسی ندور عیسا ندور

طور سینای شهادت کربلا دشتینده دور
بو شهادتده سعادت کربلا دشتینده دور
عهد و میثاق و امانت کربلا دشتینده دور
عالم انوار دور موسی ید بیضا ندور

بو جفا لردن یتش مز قلبیمه گرد ملال
صبح عاشورادی ایمدی اولمیوب وقت زوال
اول سببدن انتظارم گوزلورم بزم وصال
بلمرم حنجر ندور خنجر ندور اعدا ندور

گر چکم یوز محنت و غم عین راحت دور منه
کربلا درد و ملالی عیش و عشرت دور منه
چکدیقیم در دو مصیبت شور و لذّت دور منه
لذّت جاوید خوشدور لذّت بیجا ندور

حالت کرببلا غوغاسی شور انگیزی دور
غصهء پر غصّه احوال ملال آمیزی دور
مختصر قیل (شاکیا) طوفان محشر خیزی دور
کیم گوره بو حشری بلمز مَحشر کُبرا ندور

  • شنبه
  • 13
  • شهریور
  • 1400
  • ساعت
  • 12:57
  • نوشته شده توسط
  • یوسف اکبری
ادامه مطلب

کوچ از کربلا -(اسیرم گر سپاه زادۀ مرجانیه قارداش) *مرحوم حاج بیوک اعظمی تبریزی

435

کوچ از کربلا -(اسیرم گر سپاه زادۀ مرجانیه قارداش) اسیرم گر سپاه زادۀ مرجانیه قارداش
ولی ئولسمده من یالوارمارام بیگانیه قارداش

حسینیم دُخت زَهرایم عدودن ایتمرم پروا
شهامت درسینی ویرمیش منه سر مشق آنام زَهرا
در و دیوار آراسیندا گوروردی هر قدر اِیذا
گوروردون سن که یالوارمازدی اَصلاً ثانیه قارداش

بو رَسم عشقی دور پروانه لازم دور یانا شمعه
او بلبل سن سولوبدی گللّرون گلمز سسون سَمعه
خلیل عشق سن سن، سر پرستم منده بو جَمعه
بو مَنصب بسدی زهرادن اولان رِیحانیه قارداش

سنون قارداش یولوندا هر بلا گلسه دایانّام من
شرار عشقیوه پروانه تک شُوقیله یانّام من
دوشوب بیر باش باشون آردینجا شاماتی دولانّام من
قوی اوخشات سون سنون عشقون منی دیوانیه قارداش

دولانّام هر دیاری ناقه اوسته حال زاریله
سو ویرّم نخل دینِ حقّه چشم اشکباریله
وورار آهیم علم هر یرده بو پوزقون قطاریله
باخا هر کیم اِیده لعنت یزید جانیه قارداش

اگر دشمنلرین حالین پوزار حال پریشانیم
ولی جان گیتسه ده گیتسین بو دینه وقفی دور جانیم
تاپوب دور پرورش سر چشمهء دیندن اَتیم قانیم
باشیمدان آتمارام دین فکرینی بیر ثانیه قارداش

حسینیم کاسهء عشقیم اولوب دور شوریله لبریز
مگر وار هانسی عاشق ده بیله بیر عشق شور انگیز
قیاس ایتمز منی شَمعیم یقین پَروانیه هرگز
وفا سر مشقینی من ویرمیشم پروانیه قارداش

اَسنده تند یل گل سیندیرار سروین قدین اگمز
حریم عصمت کُبرای حقّه غیر الی دگمز
جهاندا آل هاشم دشمنه باش اگمیوب اگمز
باجون زینب ئولر عجز ایلمز بیگانیه قارداش

اگر چه سن علیهِ کفر و ظلمه ایلدون نهضت
بویان دون قانیوه هرگز یزیده ایتمدون بیعت
ولی سندن صورا عشق اهلی نه نه عید و نه عشرت
ملالون دوندرر بو عالمی غم خانیه قارداش

بو واضح دور مسافر سعی ایدر تیز منزله یتسون
گیدور شامه باجون گلدی دولان سون باشیوه گیتسون
ولیکن هر کسه لازم دی دیده بازدید ایتسون
بو دیدین باز دیدین ساخلا سن ویرانیه قارداش

گیچن گون خیمه دن عرشه او جالدی بانگ وا عبّاس
اوشاقلار بوینی چیگنینده سنه مخفی دوتوبلار یاس
گجه گوردوم نگهبان یوخ اوزوم اطفاله ویردیم پاس
قنادسیز قوش لاری یغدیم یانان کاشانیه قارداش

حسینیم نوکرون بو (اعظمی) ایلر مدام افسوس
ایدر حسرت او شش گوشه مزاره بیر اولا پابوس
او شه سن درگهوندن سائلی قیترمه سن مایوس
گله هیهات سن تک شه بو دار فانیه قارداش

  • پنج شنبه
  • 18
  • شهریور
  • 1400
  • ساعت
  • 19:18
  • نوشته شده توسط
  • یوسف اکبری
ادامه مطلب

زبانحال حضرت زینب(س) کوچ از قتلگاه -(باجون زینبی دور گور امان دور آتام اوغلی) * علومی تبریزی

375

زبانحال حضرت زینب(س) کوچ از قتلگاه -(باجون زینبی دور گور امان دور آتام اوغلی) باجون زینبی دور گور امان دور آتام اوغلی
باشون آردیجه شامه روان دور آتام اوغلی

دونن قانه غمی نده بو گون گوز یاشیم ایوای
دوشن درد و بلایه بلالی باشیم ایوای
قالان پیکری عریان سوسوز قارداشیم ایوای
بو حالون منِ زاره گران دور آتام اوغلی

باجون واریری یان سا ئولونجه محنین ده
نه بارماقون اَلی نده نه باشون بدنی نده
گیدوب غارته مندن آلان پیرهنی نده
حسین وای منه ورد زبان دور آتام اوغلی

نه رحم ایلوری دشمن منِ زاره یارالی
گلور قمچی الینده ویرور یاره یارالی
نه اطفاله باخولّار نه بیماره یارالی
اولوم حالی بالاندا عیان دور آنام اوغلی

اوزون رسم و فانی بو صحراده نشان وِیر
باجون قلبی نه بیرده آنام اوغلی توان وِیر
مسافر دالسی نجا ایاقه دور اَذان وِیر
باجون شامه گُورورسن روان دور آتام اوغلی

نه مهلت وِیرور اعدا سنه آغلیه زینب
توکوب گوزیاشی گوزدن سینه داغلیه زینب
قلج نیزه یاراسین قالوب باغلیه زینب
بو غمدن قد زینب کمان دور آنام اوغلی

بو صحرایه گلنده باجون یاریله گلدی
علی اکبر و قاسم علمداریله گلدی
نه نوعی گئده یالقوز چوخ انصاریله گلدی
ولی همرهی شمر و سنان دور آنام اوغلی

نَدن بیله یاتوب سان بو میدان آراسندا
قالوب باش سیز عیالین بیابان آراسندا
یارالی بیله یاتما قزل قان آراسندا
اویان گور نجه شور و فغان دور آتام اوغلی

سوزوم یوخ که لب عطشان کسوب باشوی عدوان
نه انصاف دور اما ایا خسرو خوبان
بیله گون قاباقندا قالا پیکرون عریان
باشون ظلمیله زیب سنان دور آنام اوغلی

دیسم نجم سمادن یاران جسم ده چوخدی
یقین دور یاراسیز یِر بوگل جسم ده یوخدی
منی یاندوران اما بو اوچ شعبه لی اوخدی
که قان چشمه تک اوندان روان دور آتام اوغلی

هامو اهل عزایه (علومی) ایله خدمت
سنه اردبیل اهلی ایدوب مهر و محبت
ایله مطلعی بیرده او احبابه قرائت
باجون زینبی دور گور امان دور آتام اوغلی

  • پنج شنبه
  • 18
  • شهریور
  • 1400
  • ساعت
  • 19:28
  • نوشته شده توسط
  • یوسف اکبری
ادامه مطلب

حضرت امام حسین(ع) -(ای اولان چرخ امامت ده جمالی مهر انور) * محمد عابد

533

حضرت امام حسین(ع) -(ای اولان چرخ امامت ده جمالی مهر انور) ای اولان چرخِ اَمامت دَه جمالی مهرِ اَنور
بضعهء جانِ نبی بارِ نَهالِ عمرِ حیدر

اسمِ پاکون زینتِ اوراق دیوانِ وفا دور
خاکِ پایون توتیای دیدهء اهلِ وِلا دور
صورتون مُرآتِ معنای جمالِ کبریا دور
رَهروان عشقه راهِ عشقی دَه عشقوندی رهبر

پرتوِ مهرِ جمالون فالقِ صبحِ ازَل دور
تا جهان وار عشقون اهلی عشق اوچون ضَرب المثل دور
ذاتِ پاکِ کبریا تک ذاتِ پاکون بی مَثل دور
سن جلالتده بشر خلق ایتمیوب خلّاقِ اَکبر

خوابگاهون تُربتی مَسجود دور اهلِ ولایه
آستانون رفعتی مَحسودِ، عرشِ کبریایه
کربلا شایسته دور فخر اِیلیه سنله منایه
ای غمی آغلار قویان دنیا گُوزون تا روزِ مَحشر

درکِ فیضِ خاک بوسون مدّعای اَنبیا دور
آفرین بو مدّعایه واقعاً خوش مدّعا دور
نایلِ بو مدّعا دنیایه فخر اِیتسه سزا دور
طینتِ خاکِ درونده جوهرِ عزّتدی مضمر

اِیتماقا سیرِ مقاماتِ وفانی پایه پایه
جذبهء عشقون سنی چکدی دیارِ نینوایه
چوخ شَهامت له ازَل عهدون یتیردون اِنتهایه
اِیتمدی زنگِ بلا آئینهء قلبون مکدّر

بُلمدی افسوس قدرون معرفت دَن دور اُولانلار
بادهء کِبر و عناد و کُفریله مَخمور اُولانلار
بیر خطا نسلین دَن اَمرِ قتلیوه مامور اُولانلار
پیروانِ دیوِ نفس و بندگان نقره و زر

پاک قلبون هر بلا پیکانی نه آماج اُولوندی
بحرِ محنت دَه وجودون غرقهء اَمواج اُولوندی
خانهء دلدَن متاعِ طاقتون تاراج اُولوندی
کشتِ صبرون یاندیروب نارِ جفایه قُومِ اَبتر

قانیوی ناحقّ توکَن ظاهرده قُومِ کافر ائولدی
پیکرون صد چاک اِیدن ظلمیله تیغ و خنجر اُولدی
لیک باطن دَه سنی مقتول اِیدن سیم و زر اُولدی
بو سمومی له خزان اُولدی گُلِ باغِ پیمبر

اُولدولار سودائیانِ سُود سودای شَهادت
چون بلا بزمین دَه مستِ جامِ صهبای شَهادت
وِیردی جان نقدی تمامی آلدی کالای شَهادت
کربلا دشتین دَه قالدون بی کس و بی یار و یاور

بیر طرفدَن سَلب اِیدوب سوزِ عطش دلدَن توانون
بیر طرفدَن سوزِ داغِ مرگِ اَکبر تک جوانون
بیر طرفدَن شدّتِ حَرِّ هواسی کربلانون
بیر طرفدَن تابشِ خورشید سالموش جانه آذَر

اِیلدون بو حالتی له عشقی دَه طیّ مراحل
اُولدی قلبون یتماقا بَزمِ لقای یاره مایل
بُلدون اُولماز تا بدنده واردی باش مَطلوب حاصل
عاقبت بو مُشکلی حلّ اِیتدی بیر مَسموم خنجر

باشیوی باش سیز جماعت ووردولار نُوکِ جدایه
بو جفادَن ساکنانِ نُه فلک گَلدی نَوایه
شورِ مَحشر اُولدی برپا عترتِ خیرالَورایه
اُولدولار مُستغرقِ بحرِ غم و مُحنت سراسر

یتمدی کامه عَدو بو ظلمی دَن گویا حصوله
اُوزگه بیر بیداد، فکری وِیردی اوُز قُومِ جُهوله
دل حَیا اِیلور اشاره اِیتماقا سُمِّ خیوله
ای لبِ عطشانی نه عطشان لبِ تسنیم و کُوثر

اُولماسا تایید اوزون دَن ای شَهِ مُلکِ ولایت
بحرِ اوصافوندا بِاللَّه غَرق اُولار غوّاصِ فکرت
تارِ طبعِ (عابده) مضراب اُولوب دور شُوقِ خدمت
یوخسا خفّاشه دَگُول مَقدور وَصفِ مهرِ اَنور

  • سه شنبه
  • 30
  • شهریور
  • 1400
  • ساعت
  • 21:52
  • نوشته شده توسط
  • یوسف اکبری
ادامه مطلب

آمدن جوان نصرانی به قتل حضرت امام حسین(ع) -(آه او گُوندَن ساکنانِ عَرش دِل رَنجوریدی) *سعدی زمان سیدرضا حسینی

59

آمدن جوان نصرانی به قتل حضرت امام حسین(ع) -(آه او گُوندَن ساکنانِ عَرش دِل رَنجوریدی) آه او گُوندَن ساکنانِ عَرش دِل رَنجوریدی
تُو کماقا ثاراللهی بیر عیسوی مأمُوریدی

آدلاری اِسلامیان قَتلیندَن اِئتدی اِجتناب
اِئتدیلَر شُورا کیم اِئتسُون فاطمه قَلبین کباب
رأی آلندی مَجلسِ شُورادَه چخدی اِنتخاب
بیر نَصارایه که دینِ حَق اوُنا مَنظُوریدی

اوُل سَعیدَه وِیردی سَعد اوُغلی ریاست وَعدَه سی
بو یارالی سُویلَدی ئولدی یَقین گلمُور سسی
سَن گِئدوب باشسیز اَگر قُویسان بُو شاهِ بیکسی
سَر سپه لیق اِسموَه شاماتدَه مَسطُوریدی

قَتلی واجبدور بُونُون شرعاً وِیروب فتوا فِحُول
چون عربدور، قَتلینَه اَعراب او دور اِیلور نِکُول
پُورِ تَرسا قربةً لِله اِیدوب آخر قَبُول
خَنجَرین آلدی اَلَه بو اَمرَه چون مَجبُوریدی

قَتلِ ثاراللهه اوُز قَلبندَه چَکدی دایرَه
قَتلگاهَه یُوز قُویوب وُورسُون جَهانی بیربیرَه
عالَمِ عُلویدَن عیسی باش آچوخ گلدی یِرَه
گُوردی فکر اُمّتی حَق، فِعلی حَقدَن دوریدی

اَلغَرض نَصرانی گلدی قَتلگاهه دِلفکار
بیر یارالی گُوردی قان اِیچرَه دوشُوب بی اِختیار
نیزه و خَنجَر ووروبلار بَسکه قُومِ نابکار
قانیله آلاتِ حَرب آلتدا بدَن مَستُوریدی

وَجهِ وَجه اللّهی دوتمُوش پَردَه پَردَه لَختَه قان
لَمعه لَمعه نُور اوُلور قانلو جَمالیندَن عَیان
نَحر مَنحُوری اِئدور سِرّ اَنَااللّهی بَیان
مَعنی اللهُ نُور اوُلموش سَراسَر نُوریدی

گُون کیمی اوُلمُوش وِجودی کِسوَتِ کِثرتدَن عُور
سِرَّ وَحدَت کِثرتِ عشقیندَن اِیلوبدی ظُهور
جِسمدَن آخدوقجا قانی یِردَه یا حَق نَقش اوُلور
گر چه اوُخدان پِیکری چون خانهء زَنبُوریدی

عیسوی گُورجَک بو حالی اوُلدی پابَندِ مُحَن
سُویلدی کیمسُن یارالی گُوزلَرون قُربانی من
سَن اگر عیسی اِبنِ مَریم سَن بُو صَحرادَه ندَن؟
پِیکرون اِنجیل تَک اوُراق اوُلوب مَنشُوریدی

چرخِ چارمدور یِرون عیسی اَبنِ مَریم سَن اَگر؟
پَرتُو نُورِ خدا اوُلمُوش بُو چُولدَه جِلوَه گر
مَحو اوُلوبسان جَذبهء دلداره مُوسی سَن مَگر
لَن دِیُوب اَرنی جَوابیندَه بُو صَحرا طُوریدی؟

گُوزلَرین آچدی بُو سُوزدَه شَهریارِ نُه قُباب
زادهء تَرسایه قیلدی حالِ ضَعفیلَه خِطاب
قُدرتیم یُوخدور وِیرم بیربیر سُؤالاتَه جَواب
رَمح و سَهمیلَه گُورورسَن نَحریمی مَنحُوریدی

یِر یوزیندَه من بُو گُون مِصباحِ نُورِ سَرمَدم
حِیدرِ کرّار آتامدور شِبلِ نَسلِ اَحمدَم
سُویلَمَه عیسی مَنه من وِیرمیشم عیسایَه دَم
بُل آنام مَریم دَگُل اِنسیّه آدلو حُوریدی

من نه مُوسایم وَلی اوُنلان واریمدور سابقَه
عیسیِ گردُون نِشین خادمدی مَندَن لاحقه
کاتِب قُدرت یازوبدور کلُّ نَفسٍ ذائقَه
اُول سَبَبدن زَخمَدَن سینم بِئلَه مَکسُوریدی

نُقطه نُقطه عِلمِ کان و مایَکُونَه آگهم
صاحِب تاجم رِبُوبیّت سَریریندَه شَهم
عیسی عَبدالله دور من لِیک اَباعَبداللَّهم
کُوفیان گُورمُور بَصیرت گُوزلَری چون کُوریدی

فارقلیط اِسمی دِیه لَّر جَدّیمَه قُومِ یَهُود
حَق یازوب اِنجیلیدَه اِسمِ شَریفین مُودمُود
قارداشیم هاشندی هُوشینَم اؤزوم دَریای جُود
من شُبیرَم قارداشیم آدی شَبَر مَزبُوریدی

آختاروردُون یاری مُرآتِ حَقیلَه دِیردَه
اوُلمادون اِرشاده نایل سَن وِصالِ غِیردَه
بو مَقامی آختاروردُون نچّه مُدّت سِیردَه
وَصلِ مَعشوقَه یِتن عاشق بُو گُون مَسروریدی

گَل عَجب دَمدَه گَلوبسَن فکرِ وَصلِ یاریلَه
صُورتاً گر چه گلوبسَن صُورتِ زنّاریلَه
تا کی اوُلسُون اُلفَتُون آئینه دَه دِلداریلَه
آت بُو زُنّاری فَضای عِشق چُوخ پُر شُوریدی

سُویلدی عیسی سَنه رؤیادَه با قَلبِ فِکار
اَنبیا اِیچره منی اِئتمَه اَماندور شَرمسار
گُوردوقُون رؤیانُون اوُلدی اِیمدی سِرّی آشکار
سَن مَنی ئولدورسَن عیسی فِعلیوَه رَنجُوریدی

خَنجَرین آتدی بُو سُوزدَه اوُل جَوانِ پاک ذات
سُویلوب اِی لِعلِ لَبی خِضره وِیرَن آبِ حَیات
سندَه که وار بو جَلالَت بو مَقامِ عالیات
جِسمیوَه غُسلون ندَن قان تُوپراقُون کافُوریدی؟

من دِیلون قربانی تَعلیم اِیلَه حَق دینی مَنه
آخر عُمریمدَه منی یاخشی یِتُوردُون اِیمنَه
اذن ویر شاها ایدوم حمله صفوف دشمنه
اِیمدی روحیم جِسمیمَه بر وَصلهء ناجُوریدی

کلمَهء اسلامی تَعلیم اِیتدی مَحبوبِ جَلیل
یُوز قُویُوب مِیدانه دَعوا اّیلدی اوُلدی قَتیل
حَضرتِ زَهرانی شاد اِیلوب تاپُوب اَجرّ جَزیل
ساغَرِ عِشقِ حُسینیلَه زِ بَس مَخمُوریدی

اِی «#حسینی» دُوت حُسینُون دامنیندَن صُبح و شام
مُطلقاُ سرمایهء عِزّتدی بِیلَه اِعتصام
اِیلسَه خِدمَت حسینه هر کیم عالَمدَه مُدام
حَضرتِ زَهرا اَلیلَه حَشردَه مأجُوریدی

  • شنبه
  • 14
  • مرداد
  • 1402
  • ساعت
  • 23:25
  • نوشته شده توسط
  • یوسف اکبری
ادامه مطلب

زبانحال حضرت زینب(س) در قتلگاه -(قالیبدور اَللّریم قُوینومدا ای اَلدَه ئولَن قارداش) *مرحوم انور اردبیلی

359
1

زبانحال حضرت زینب(س) در قتلگاه -(قالیبدور اَللّریم قُوینومدا ای اَلدَه ئولَن قارداش) قالیبدور اَللّریم قُوینومدا ای اَلدَه ئولَن قارداش
هارای اِی قَلبینی اوُچ شُعبه لَی پِیکان بُولَن قارداش

اِئشیدسُون زِینبَین اِعلانینی آزاده اَنسانلار
حَقیقَت خطّینی سیر اِیلینلَر پاک وِجدانلار
مِنای کَربَلادَه آلِ اَحمد دَن آخان قانلار
حَقیقَت اوُسته آخدی ظُلمی اِئتسون ریشه کَن قارداش

شُرِیحِ بی حَیا اِسلامَه قُوی فِتوا اوُخون آتُسون
تَعدی اِیلیُوب شَرعَه رَسُول اللّهی آغلاتسُون
آنام زَهرایَه آند اوُلسُون باجون قُویماز بُو قان باتسُون
ئولوبدور شیرِ مَردُون حَمد اوُلا وار شیرِ زن قارداش

قَسم اوُلسُون داغلمیش صَفحه وِه اِی جِلد سیز قرآن
حَقیقَت قُویمارام اوُلسُون رِیایی پَردَه دَه پِنهان
وَظیفَم دور اِمامَت مَکتبیندَه وارثَم اَلآن
علی المُرتضی تَک مَندَه اوُلّام بُت شِکَن قارداش

اَگر مَن مَن دِئمک نُقصان دور اَهلِ فَضیلَتدَه
سَهیمَم سیزدَه کی نامُوس و غِیرتدَه شَرافَتدَه
به حُولِ قُوّۀ حَق بُو سَفردَه بُو اِسارتدَه
اوُزی اوُستَه گَتیرّم کُرسیّ طاغُوتی مَن قارداش

بُو مَنطق کی وِئریب اَلله مَنه شَمشیرِ برّان دور
توانا مَنطقیم هر یِردَه حَلّالِ مُعما دور
دِمِشقین فاتِحی زِینَبدی گُون مِثلی هُویدا دور
اَگر چه قالمِیُوب آل اللّهه شَمشیرِ زَن قارداش

اَلولی اِیلَرم تَک خَرمنِ اَشراری یاندیرّام
حُسینیم وای شُعاریلَه دِلِ اَغیاری یاندیرّام
دوؤلسَمدَه چِراغِ حِیدرِ کرّاری یاندیرّام
زیاد اوُغلی اِئدور اِئتسُون نَبردِ تَن به تَن قارداش

نِئجَه گُور جِسمُووی صَد چاک اِئدیبدور نیزه و خنجر
نِئجَه گُور قان وِئرور جَدّیم پِیمبَر اؤپدیگی حَنجَر
اِیشیم یِتدی هارا گُور روزگار اوُلدی هارا مُنجَر
سَن اوُلدون قَرمزی گُل تَک مَن اوُلدوم یاسَمَن قارداش

سُوزوم چُوخ دور اؤرکدَه بُیلمورَم سُوز باشلیام هاردان
خیامُون تار و مار اوُلدی اَلیم چِخدی یُوخا وَاردان
مَنیم بَخت اوُلدوزُوم روشنگریدی کهکشان لاردان
مَداریندَه اِیتیردی سیرینی غَم غُصّه دَن قارداش

بو خَسته جان حُسین جان جانوَه جانانوَوه قُربان
رَسا فَریادوَه پُر طَنطنَه بُرهانُوَوه قُربان
یُوز اوُن دُورد سُوره نی تَضمین اِئدَن اَلقانُووه قُربان
سنَه قُربان آتام جَدّیم آنام مَظلوم حَسن قارداش

حسین سَن ساغلیقُوندا آختاراردُون آجی عُریانی
وِئرردُون خانه خانه مَردمَه پُوشاکِ اَلوانی
گُوروم وِیران قالا بو سُفلَه پَروَر هَرزَه دُنیانی
نَه دُنیا دور سَنه اوُندان یِتیشمَز بیر کَفَن قارداش

وِقارون عَرشدَن اَعظم یاتیبسان بیر چُوخُور یرده
تالانمش کوینگون یوخدور برهنه سینوه پِردَه
آنام دوزمَزدی بیر زُلفُون او شاقلیقدا باتا گَردَه
اوُتُورمازدُون مَگر مِهرِ نُبوَت اوُسته سَن قارداش

اَگر اِمکانیم اوُلسیدی اِئدردیم بُو چُولی مأوا
جَنازون دَفن اِئدردیم قُویمازیدیم آغلیا زَهرا
گَلینجَه اَربعینُون قَبریُون اَطرافینَه حتّیً
اَکردیم قَرمزی گُوللّر گُوگردردیم چَمَن قارداش

نَه باش آچدیم بُو نَعش اوُستَه نَه بَزمِ ماتَمُون قُوردوم
بالا قزلاری قَمچیلَه وُرولّار چاره یُوخ دُوردوم
بُو عُریان پِیکرون مَن بیر اوُلان اللّهه تاپشُوردُوم
بدون مَعجَرَم سَن یات بدون پیرهَن قارداش

گُوروم سََعد اوُغلنی اوُلسُون حسین خوار و سَر اَفکنده
عَرب تاریخینی تار اِیلیُوب جان قُویمادی مَندَه
چوخ عُضوون بیر بیریندَن آیریلیب اوُلمُوش پَراکَندَه
مناسب دور مَگر آتلار اَیاقیلَه بَدَن قارداش

اوُزاق یُول یُولداشیم عُورتدی یا اَطفالی دور خُردا
هاراگئتسم اوزوم اما خیالیم بوردادور بوردا
دُوشَم قُوی بَندیدَن بَندَه کُوچوم قُوی یُوردودان یُوردا
اوُزوَه سَن وَطن تاپدُون مَنه یُوخ دور وَطن قارداش

حسین جان سَنسَن اِیستکلَی رَسول اللّهه، اَللّهه
بُو کُوفه اَهلی کَج فکر اِیلیوبلَر گِئتدی بی راهه
قَسم اوُلسُون سُویُولمُوش نَعشوَه بَو چَکدیگیم آهَه
یخلماز هِئچ زَمان اََلله پِیمبَر اِیستیَن قارداش

  • یکشنبه
  • 15
  • مرداد
  • 1402
  • ساعت
  • 14:02
  • نوشته شده توسط
  • یوسف اکبری
ادامه مطلب

حضرت امام حسین(ع) -(سنی زیبا یارادان داوره عشق اولسون حسین) *

136

حضرت امام حسین(ع) -(سنی زیبا یارادان داوره عشق اولسون حسین) سنی زیبا یارادان داوره عشق اولسون حسین

ذات پاکونده اولان گوهره عشق اولسون حسین

سنی عرشه آپاران شهپره عشق اولسون حسین

سن کیمی اهل وفا رهبره عشق اولسون حسین

یا حسین ذکر ایلین دللره عشق اولسون حسین

آند اولا قزلاروین دلده کی نسگللرینه

زینبون کرب وبلاده داغلیان ئللرینه

اکبرین گوزلرینه قاسمیوین تللرینه

اوجا بوي قارداشیوین مشکی دوتان اللرینه

دینی سن حفظ ایلدون یکسره عشق اولسون حسین

عاشقه فرق ایلمز کعبه وبتخانه ودیر

هاردا یار اولسا اورا قبله دي عشاقه، نه غیر

شوذب وحنظله وجندب وحرّیله بریر

شهدا شیخی حبیب بن مظاهر له زهیر

مسلم عوسجه وعامره عشق اولسون حسین

شب عاشوریده عشاقه تکان ویردون سن

جنتی خیمیه گَتدون هیجان ویردون سن

قوزادون بارماقوي معجز عیان ویردون سن

اولارا جنتی بارماقدا نشان ویردون سن

بارماقوندان گورونن کوثره عشق اولسون حسین

هامی باخدي مگر عباس نوشتیمدي منیم

سن اولان یر دیدي کعبمدي کنشتمدي منیم

جنتیم نازلی رقیوندي سرشتیمدي منیم

اکبرین بیرجه قلم قاشی بهشتیمدي منیم

نیلورم جنتی من اکبره عشق اولسون حسین

قویمادون عشقده کم رطب و لا یابسدن

سبقت آلدون عجبا سابع وهم سادسدن

کیمیا مثلی آیردون زر نابی مسدن

بزه دون گلشن عشقی وهب وعابسدن

باغبانه چمنه گللره عشق اولسون حسین

فقط اون یدي گونیدي که طوي ایتمشدي وهب

آناسی همسري یاننده اوپاکیزه نسب

شهداده واریدي آدي اونون یا للعجب

بلدي که دعوت اولوب قلبی تاپوب شور وطرب

ایستدي رزمه گیدوب قان ویره عشق اولسون حسین

بسکه عورت اوزي شرکتدي هامی نیک وبده

تازه دامادي اودور همسري قویموردي گیده

ایستموردي هله بو تزلقا چون ترکین ایده

هی دیوردي داخی اوندانصورا دنیاده نئده

یالواریردي اوملک منظره عشق اولسون حسین

وهبون همسري رخصت دیمه راحت ویردي

دیدي تازه گلینم یوز اونا رقت ویردي

نوعروس آغلادي هی گوز یاشی شدت ویردي

تا حسین شخصا اونا قول شفاعت ویردي

وهبه سویلدي گت بالمره عشق اولسون حسین

دیدي هجرانه داخی صبر ایدرم یوخدي سوزوم

گت حسینه کمک ایت منده، غمه چوخدي دوزوم

ابر نیسان کیمی قوي آغلیا هجرونده گوزوم

حشریده فاطمیه منده کنیز اولّام اوزوم

بله تازه گلینه، همسره عشق اولسون حسین

اذن آلوب گتدي وهب قالدي آناسی حرمی

بیر سفارش ایلیوب زینبه ده بیش وکمی

نوعروسیم سنون امیدیوه قالدي نه غمی

اگر ئولسم گنه لیلادن آیرما نه نمی

گوزلریندن آخان اشگ تره عشق اولسون حسین

چوخ رشادتله گلوب لشگریله جنگ ایلدي

عرصه نی آل یزیده او جوان تنگ ایلدي

او قدر قیردي عمر سعیدیده دلتنگ ایلدي

نَفَسین تازه لیه، خیمیه آهنگ ایلدي

گلدي بیریولدا آناسین گوره عشق اولسون حسین

قییدوب خیمیه یورقون یارالی پیکري قان

قولبویون اولدي آناسیله او پاکیزه جوان

حین صحبتده ایدوب مادرینه بیله بیان

وهبوندن دي گوروم ایندي رضاسن آناجان؟

بیر بله شیرزنه مادره عشق اولسون حسین

دیدي فرصت اله دوشمز بله مهمان اولاسان

عمریده لذّت اودور همره جانان اولاسان

بوحسین چوخ آقادي گت که شتابان اولاسان

من سنی یولّامشام اکبره قربان اولاسان

تازه دن ووردي ئوزون لشگره عشق اولسون

  • چهارشنبه
  • 18
  • مرداد
  • 1402
  • ساعت
  • 15:07
  • نوشته شده توسط
  • یوسف اکبری
ادامه مطلب
 بهلول حبیبی زنجانی

رجز جدید قرا کوینک -(اعلان ائله دنیایه_عشقیمدی قرا کوینک) * بهلول حبیبی زنجانی

65

رجز جدید قرا کوینک -(اعلان ائله دنیایه_عشقیمدی قرا کوینک) اعلان ائله دنیایه_عشقیمدی قرا کوینک
صدقیله دی زهرایه _عشقیمدی قرا کوینک
___

قاره گیَنون بیر باخ،قلبینده کی احساسه
لرزه سالاجاق جانِ اهریمنِ خنّاسه
چپ باخسا بیزه هر کیم،وا قویموشوق عباسه

آند اولسون او سقایه_عشقیمدی قرا کوینک
_

دنیاده سگِ کویِ سردارِ حُنین اولدوم
گیدیم که قرا کوینک، سرباز حسین اولدوم
عشاقیله زوارِ بین الحرمین اولدوم

سویلوردوم احبایه _عشقیمدی قرا کوینک
_

اگنیمده قَرانی هر، خلعتلن عوض ائتمم
بو شالی، مقامیلن،شوکتلن عوض ائتمم
والله آقامون بزمون، جنتلن عوض ائتمم

باخ جنت الاعلایه _عشقیمدی قرا کوینک
___

داووده دئنن،گلسین،گلزاره،حسینوندی
حاتم سیخیلوبدی بو،درباره، حسینوندی
گویلرده ملک سسلور،بو قاره حسینوندی

اولسون قسم عیسایه _عشقیمدی قرا کوینک
___

مندن بو وصیتدی,عشاقه علن اولسون
ئولسم باشیمون اوسته،ای کاش،گلن اولسون
اگنیمده کی بو قاره،قبریمده کفن اولسون

ثابت اولا مولایه _ عشقیمدی قرا کوینک

  • پنج شنبه
  • 19
  • مرداد
  • 1402
  • ساعت
  • 00:18
  • نوشته شده توسط
  • یوسف اکبری
ادامه مطلب

غارت خیام -(دور اِیله چاره یا اَخا اَماندی خیمه ­لَر یانار) *مرحوم هندی تبریزی

236

غارت خیام -(دور اِیله چاره یا اَخا اَماندی خیمه ­لَر یانار) دور اِیله چاره یا اَخا اَماندی خیمه ­لَر یانار
اگر چه دوتمُری دِیلیم گرک دِیم نلَر یانار

سخوبدی مَنجَنیقِ غم سلیلِ آلِ اَحمدی
آلوب آرایه کُفر اُودی سُلالهء مُحمّدی
قالوب اُود اِیچره مَظهر جَمالِ پاکِ سَرمَدی
گُوروبدی آتَشِ بَلا بو حالی سَس چَکر یانار

وَرق وَرق داغیتدیلار رِسالهء رِسالَتی
درست مُحکم اِیتدیلَر قَواعدی ظَلالتی
پَریدَه رَنگیمون منیم بُو حاله وار دَلالتی
او دور دَلیل گُوزلَریم تُوکر سِرشگِ تَر یانار

اگر چه کُوی صَبردَه تیکُوبدی بارگَه باجون
وَلی اُورکدَن اُود دوتوب یاناندا خیمه­ گَه باجون
گَهی سَنون حَرملَرون وُوروب ییخالا گَه باجون
بیری بیریندَن اَهلِ بیت اُولوبلا بی خَبر یانار

دوشندَه شاهزاده­ لَر بو شِش درِ مُصیبته
سَواره­ لَر پیاده­ لَر یُریش گَوتوردی غارته
رُخِ سَریه زَرد اُولوب عَروسی سالدی حِیرته
مآلِ کاری دَمبدَم سکینه فکر اِیدر یانار

یانوب بُو چُولدَه ظلم اُودی آلیشدی جِسم و جانی میز
کسیلدی چاره یُولاری اُوجالدی اَلَامانی میز
پُوزولدی خانمانی میز داغیلدی آشیانی میز
گُوروب بو حالی مُرغِ دل توکُوبدی بال و پَر یانار

بوگُون من اُوز خیالیمی حسین باشیمدان آتمیشام
تُوکُوب عُذاره خونِ دل گُوزوم یاشینه قاتمیشام
عَلیل و خَسته اُوغلووی اُودا گَیروب چیخاتمُوشام
اُونون بُو حالی قَلبیمه چوخ اِیلیوب اَثر یانار

قوشُون توکُولدی خیمیه حَرم تالاندی هارداسان
هامی بَساطِ سَلطنت تالاندی یاندی هارداسان
صدای وا مُحمّدا گُوگَه دایاندی هارداسان
دوشوبدی رَعشه جانیمه گُوگُل تاپوپ کَدر یانار

یَتیم اُوشاقلارین یِرین سالوبلا آت قَباقینه
بیری اَیاقیالین قاچوب باتوبدی خار اَیاقینه
بیری نَجَف یُولون دوتوب گِیدر کُمک سُراغینه
بیری دوشوبدی نِطقدَن بیری بابا دِیر یانار

دوشوب اُویاندا مُحترم حَرملَر اِیندی وَحشته
بویاندا خیردا قیزلارُون باتوب غُبارِ ذلّته
بیرینی ساکت اِیتمه­ میش بیرین سالولّا زَحمته
اِیدیم نه چاره نِیلیُوم که گُوز گُورر جِگر یانار

زِ بَس بُو های و هُوئی لَر سالوب قَراریدَن مَنی
دِیر یَقین جُنون اُولوب گُورَن کَناریدَن مَنی
دایانما گَل کَناره چَک بُو گیر و داریدَن مَنی
کنارِ خیمه گاهی گُور باجون نِجه گَزر یانار

ستم کِشیده گُوگُلیمی بَلایه مایِل اِیتمیشم
بو صَفحهء وجُودیدَن آدیمی زایِل اِیتمیشم
ووراندا قَمچی هر کَسه قولومی حایِل اِیتمیشم
خَدنگِ ظلمه زینبون عَجب اُولوب سِپر یانار

نه آه و ناله کم اُولور نه سُوزِ سینه اَل چَکُور
نه بیر زَمان سیزیلتیدان گُوزون سکینه اَل چَکور
نه درد و غُصّه قُورتولور نه اَهلِ کینه اَل چَکور
خلاصه آلِ مُصطفی بو گُوندَه سَر به­ سَر یانار

اگر چه #هندیا سَنون باشوندا چوخدی مَشغلَه
بیر اُوزگه جِلوه اِیلیوب بو خَلقه اَصلِ مَسئله
ثَبوتِ عشقدَن اُوتور گُوتورمَه سَن قَلم اَله
کلامه وِرمه طول چوخ زَمانه مُختصر یانار

  • چهارشنبه
  • 8
  • شهریور
  • 1402
  • ساعت
  • 00:00
  • نوشته شده توسط
  • یوسف اکبری
ادامه مطلب

شور فراق کربلا -(قوربانین اولوم ای شاه نینوا) *کربلایی امیر حسامی تبریزی

140

شور فراق کربلا -(قوربانین اولوم ای شاه نینوا) ☑️بند اول

قوربانین اولوم ای شاه نینوا
جانیم اولسون آقا جانیوه فدا

قویما بون نان آرتیخ حسرت ده منی
وئر منه بیر برات کرب و بلا

سن اربابم سان افتخاریمسان
بولوری عالم پادشاهیمسان

ذکر روز و شبیم حسین
عشقیمدی بین الحرمین

? اللهم الرزقنا کربلا / اللهم الرزقنا کربلا

☑️بند دوم

عاقل لر کویوندا دیوانه اولار
سائل گوشه ی میخانه اولار

کیم بیر یول شراب عشقین دن ایچه
مستانه مستانه مستانه اولار

من دیوانیــَـم مست بادیــَـم
لب تشنه شهین من قربانیــَــم

دیلده وارمدی بو نوا
کربلا یا کرب و بلا

? اللهم الرزقنا کربلا / اللهم الرزقنا کربلا

☑️بند سوم

آند اولسون سرداران حریته
ابوالفضل آقامدا اولان غیرته

ذکر دل مهدی زهرا بودی
لعنت اولسون اهل وهابیته

یا مهدی دییب طوفان ائیلروخ
کاخ دشمنی ویران ائیلروخ

درده معالج دی آقام
باب الحوائج دی آقام

? عجل لویک الفرج / عجل لویک الفرج

  • یکشنبه
  • 19
  • شهریور
  • 1402
  • ساعت
  • 22:40
  • نوشته شده توسط
  • یوسف اکبری
ادامه مطلب

واحد امام حسین(ع) -(حسین تویی امیرم امیر بی نظیرم) *کربلایی امیر حسامی تبریزی

73

واحد امام حسین(ع) -(حسین تویی امیرم        امیر بی نظیرم) ☑️ بند اول

حسین تویی امیرم امیر بی نظیرم
الهی توی صحنت من برای تو بمیرم

شدم مجنون نام تو ای شاه بی قرینم
من مست رویت گشته ام ای ماه بی نظیرم

تو شاه عالمینی سلطان عشق حسینی

تو رو به جون مادرت درد منو دوا کن
نصیب من زیارت مرقد کربلا کن

تو شاهی من فقیرم به دام تو اسیرم
الهی توی صحنت من برای تو بمیرم

? حسین سالار زینب / حسین سالار زینب

☑️ بند دوم

ای مه‌جبین اباالفضل سردار دین اباالفضل
باب الحوائجی یل ام البنین اباالفضل

دل در کمند یاره و دلدار من ابالفضل
شاگرد رزم حضرت مولا حسن،ابالفضل

سقای کربلایی تو صاحب لوایی

ای شاه القمه تویی ورد جنون هر لب
سرلشگر آقام حسینی و امید زینب

ای بهترین اباالفضل زیبا ترین اباالفضل
باب الحوائجی یل ام البنین اباالفضل

? آقام آقام آقام اباالفضل / آقام آقام آقام اباالفضل

☑️ بند سوم

ای دلبرم رقیه تاج سرم رقیه
یه عمره که از عشق تو در به درم رقیه

ای که عزیز جانی و عشق حرم رقیه
مثل اباالفضل علی داری کرم رقیه

رقیه اوج عشقی تو بانوی دمشقی

منو یه لحظه دوری از عزای تو محاله
فدای صحن و مرقدت ای کوثر سه ساله

بال و پرم رقیه ای گوهرم رقیه
یه عمره که از عشق تو در به درم رقیه

? عشق منی بی بی رقیه / عشق منی بی بی رقیه(س)

  • پنج شنبه
  • 23
  • شهریور
  • 1402
  • ساعت
  • 01:12
  • نوشته شده توسط
  • یوسف اکبری
ادامه مطلب

امام حسین(ع) -(ای شه اقلیم وفا) *کربلایی امیر حسامی تبریزی

52

امام حسین(ع) -(ای شه اقلیم وفا) ☑️ بند اول

ای شه اقلیم وفا قبله نمای شهدا
جود و کرم صاحبی سن تربتین هر درده دوا

ای آدی ذکر دلنشین مالک افلاک و زمین
هر ایکی عالمی سالیب شور و نوایه عالمین

? امیر کربلا مولا سنه جانلار فدا آقا
سسلیری آدیوی عالم لر یابن زهرا یابن طاها

☑️ بند دوم

سن دیلیمین نواسی سان بو عالمین صفاسی سان
قربان اولوم شوکتیوه فاطمه نین بالاسی سان

ماه محرمین گلیب اهل جهان نوالی دی
یاسه باتیب دی مصطفی شیر خدا عزالی دی

? امیر کربلا مولا سنه جانلار فدا آقا
سسلیری آدیوی عالم لر یابن زهرا یابن طاها

☑️ بند سوم

دیلده واریمدی شور و شین زینبه ای نور دو عین
توشوبدی باشلارا گینه هوای بین الحرمین

عرشیله فرش یاحسین سنله چاتیب سعادته
جانلار او قبریوه فدا ایسته گلاخ زیارته

? امیر کربلا مولا سنه جانلار فدا آقا
سسلیری آدیوی عالم لر یابن زهرا یابن طاها

☑️ بند چهارم

الده اسیر قاره علم توشدی گینه گویلومه غم
عالم او قوللارا فدا اولدی فرات اوسته قلم

سسلدی گل داده حسین یخدیلار تپراغه منی
قانیله کاسه سی دولان گوزلریم آختاریر سنی

باشیم توشوبدی غوغایه منه عشقیندی سرمایه
پیکریم یارالانیب مولا گل هرایه گل هرایه

? امیر کربلا مولا سنه جانلار فدا آقا
سسلیری آدیوی عالم لر یابن زهرا یابن طاها

  • جمعه
  • 24
  • شهریور
  • 1402
  • ساعت
  • 21:17
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد