اشعار ترکی امام حسین (ع)

هارداسان امداده گل اي شاه مظلومان بابا

بو خرابه گوشسينده اولدي باغريم قان بابا

**********

سن مني گوزدن اتوبسان گلميسن ديداريمه

باغلارام گوزياشي گوزدن من سولان رخساريمه

قالديم حسرت روز و شب من سن كيمي دلداريمه

وار اوركده چوخ غميم اي خسرو خوبان بابا

بو خرابه گوشسينده اولدي باغريم قان بابا

سانه گلمز غملريم قلبيم اولوبدور قان منيم

طاق ايدوبدور صبريمي بوگوشه ويران منيم

همدميم دور روز و شب كلثوم سرگردان منيم

اولمشام من كربلادن مونس افغان بابا

بو خرابه گوشسينده اولدي باغريم قان بابا

اولدي بو ويران سرا بير قورخولي زندان منه

اغلياندا من سنه سيلي وورار عدوان منه

بولدولر درد و غمي چاتدي غم

• شنبه
• 27
• آبان
• 1391
• ساعت
• 16:37
• نوشته شده توسط
• سعيد رضايي

زینب زینب زینب کنز حیا زینب کان وفا زینب
زینب زینب زینب درد آشینا زینب غرق بلا زینب
غم قهرمانی زهرا نیشانی
ای روح با ایمان جانیم سنه قوربان

زینب زینب زینب سرگشته دوران آواره طوفان
زینب زینب زینب حفظ عهد و پیمان شیر شه مردان
زینب زینب زینب محبوبه جانان قرآنینه قوربان
زینب زینب زینب کنز حیا زینب کان وفا زینب
زینب زینب زینب درد آشینا زینب غرق بلا زینب
غم قهرمانی زهرا نیشانی
ای روح با ایمان جانیم سنه قوربان
زینب زینب زینب شمشیر دو پهلو دان برنده بیان زینب
زینب زینب زینب قارداش باشونین اوستونده زولفی آراران زینب
زینب زینب زینب صحرای مصیبت ده غمنن قوجالان زینب
زینب زینب زینب قارداش باشونین قانی زول

• چهارشنبه
• 10
• آذر
• 1389
• ساعت
• 17:52
• نوشته شده توسط
• سعيد رضايي

منم جبریل دربانون
حسین لایلای حسین لایلای
سنون گهواره جنبانون
حسین لایلای حسین لایلای

باشون قوی شهپریم اوسته
قیل آسایش پریم اوسته
یرون وار گوزلریم اوسته
حسین لایلای حسین لایلای

منینوکر خطاب ایله
شها لطف ائت ثواب ایله
قنادیم اوسته خواب ایله
حسین لایلای حسین لایلای

مبادا اولما ناراحت
قنادیم اوسته یات راحت
دیوم هر لحظه و ساعت
حسین لایلای حسین لایلای

بو درگهده ادب تحصیل
ائدوب من اولموشام تکمیل
سنه نوکردی جبرائیل
حسین لایلای حسین لایلای

سنه چوخ مایلم شاها
قاپوندا سائلم شاها
لَلون جبرائیلم شاها
حسین لایلای حسین لایلای

اولار کیم منله همپایه
یتر بو شأن عظمایه
سنه من اولموشام دایه
حسین لایلای حسی

• پنج شنبه
• 22
• فروردین
• 1398
• ساعت
• 10:35
• نوشته شده توسط
• ابوالفضل عابدی پور

ساقیا دولاندیر دولاندیر صفا باده سین
باده لر دولانسا آچاللار ئورک عقده سین
دللره صفا گلوبدی
گوزلره ضیا گلوبدی
مژده وئرکی نورچشم
ختم الانبیا گلوبدی

نغمۀ خوشآمد خوشآمد سمادن گلور
مرحبا صداسی صداسی منادن گلور
بانگ البِشاره بِشاره صفادن گلور
دردلره دوا گلوبدی
گوزلره ضیا گلوبدی
مژده وئرکی نورچشم
ختم الانبیا گلوبدی

جلوۀ تولّا یوزوندن نماینده دی
شأنیوه عنایت کرامت برازنده دی
یاحسین بوجمعین بوجمعین گوزی سنده دی
پور مرتضی گلوبدی
گوزلره ضیا گلوبدی
مژده وئرکی نورچشم
ختم الانبیا گلوبدی

گلدی نه سمادن صفادن تولا سسی
جوشدی ما ملک دن فلکدن ولانغمه سی
فخر ائدر جهانه شهانه اونون شیعه سی
شیعیه آقا گلوبدی
گوزل

• چهارشنبه
• 28
• فروردین
• 1398
• ساعت
• 11:46
• نوشته شده توسط
• ابوالفضل عابدی پور

ویر دل و دلدار خبر دلبر جانان گلور
اوپگه فطرس قدمین گور نه شتابان گلور
گویده ملکلر چاغیرور عشقیله ای شیعیان
مژده ویرین، مژده ویرین، شاه شهیدان گلور

(مژده ویرین، شاه شهیدان گلور)

عشقیله سسلر آدوی اهل جهان یا حسین
شوقه گلوبدی بو گیجه پیر و جوان یاحسین

(شاه شهیدان حسین ، جان سنه قربان حسین)

ای گل گلزار ولا کان وفا یا حسین
ویر بیزه بایراملیق ئوزون کرب و بلا یا حسین
گور نه گوزل گوندی بوگون شوریله احساسه باخ
صاحب علم، صاحب علم، حضرت عباسه باخ

(صاحب علم ، حضرت عباسه باخ)

عالم و آدم قولونا قربان اولا یا حسین
آدی گلن یرده گرک طوفان اولا یا حسین

(شاه شهیدان حسین،جان سنه قربان حسین)

آلسا اله پرچم

• پنج شنبه
• 29
• فروردین
• 1398
• ساعت
• 10:08
• نوشته شده توسط
• ابوالفضل عابدی پور

ائتدوم حسین مزارینی چوخ ایللر آرزو
الحمدُلِلَّه اولدی میسّر هر آرزو

پروانه تک فراق اودونا یاندی مرغ دل
ایندی وصال بزمدور ایلر پر آرزو

بو تربت حسینه نئجه مشکِ تر دئیوم
ایلر بو عطری عنبر مشک تر آرزو

بولدی بو آستانه ده عین حیات وار
ائتدی مجاور اولماقی اسکندر آرزو

چون جلوه گاه عشقده موسی کیمی کونول
«ارنی» دئیوب تجلّی حق ایلر آرزو

بو سرزمین ماریه رشک بهشتدور
ائتمز فراقه تشنه اولان کوثر آرزو

روح الامین بو بقعۀ عرش آستانده
فرش ائتمگه همیشه ائدر شهپر آرزو

قربان گتیرمگه بو منای محبّته
پیوسته اؤز جوانین ائدر «هاجر» آرزو

قویسون یوزون شبیه پیمبر ایاقینه
هر کیم ائدر زیارت پیغمبر آرزو

قان آغلایین ب

• چهارشنبه
• 18
• اردیبهشت
• 1398
• ساعت
• 14:33
• نوشته شده توسط
• ابوالفضل عابدی پور

یا حسین عشقون سنون جاندان بلاگردان اولار
حُسنوون یک درصدی ، صد دفتر و دیوان اولار
.
.
وار توان هانسی قلمده مدحتونده سوز قوشا
گوهر نایاب اولار ایتسون اشاره هر داشا
تیره تپراق جامه ی اطلس گیَر باشدان باشا
اوندا که قرص قمر تک صورتون عریان اولار
.
.
چوخ نبی دن ایلیوب خلاق برتر شانووی
ئوز وصیّت نامه سینده یازدی حیدر شانووی
کاسه لیس نفسیدی ، کیم گورمسه گر شانووی
نفص طغیان ایلسه انسان دونر شیطان اولار
.
.
ای شهید بی کفن ای وارث شیر خدا
عشق زینب ، مایه ی آرامش خیر النساء
روز محشرده اگر سن قوزاسون دست دعا
یدّی دوزخ ده نه اود وار سنبل و ریحان ولار
.
.
دست حکمت حسنوون پنهان ایدوب حتما چوخین
هانسی آیینه ج

• دوشنبه
• 7
• مرداد
• 1398
• ساعت
• 13:25
• نوشته شده توسط
• ابوالفضل عابدی پور

نه پیر مُعتَکف مَسجدم،نه لَیلاجم
نه بنده زروزورم نه اَفخَم الحاجم
.
نه خانقاه نشینم،نه شیخ خرقه بدوش
نه چاکردرخان ام نه نوکر تاجم
.
نه هفت شهریده سیرو سُلوکه عطّارم
نه زاهدمتظاهر نه رِند ورّاجم
.
گدالیق عاشقیم آستان زینبده
بواعتقاده گوره تیرقَهره آماجم
.
غَزَل کمندینه ساللام،غزالِ فَرّّاری
قصیده یازماقادریامثالی موّاجَم
.
سوزومه خونِ جگر قاتمشام زبانزد اولوب
درایت اهلینه تِرمَه فروشِ نَسّاجم
.
دیوب اَنَالحَق اگرداریده سَرِ منصور
من آتمش ئیلدی حسین وای دیمکده حلّاجم
.
یازاندا حقّی دؤنَر ذوالفقاراولارقلمیم
بلای جان وتَنِ خاندان حَجّاجم
.
طناب خیمه کیمی عشق اودونداغوطه وَرَم
تَرَحّمَه نه نیازیم

• پنج شنبه
• 10
• مرداد
• 1398
• ساعت
• 09:53
• نوشته شده توسط
• ابوالفضل عابدی پور

منی آغلادیر بو چولده
باشوین یاراسی قاسم
دیله گل دانیش اماندی
دیلوون فداسی قاسم
.
.
اوجادان منی چاغیردین باشیوا دینده ضربت
یخیلاندا تپراق اوسته ائده بیلمدیم حمایت
منی یاندیرور بو نسگیل سنی ئولدورور جراحت
گوزومون یاشی اولوبدی یاراوون دواسی قاسم
.
.
داغیدا خدای قاهر بو سپاهین اتفاقین
باشیوا ویروبلا یاره بیله شوب قانا دوداقین
سنی اینجیدیر جراحت یره سورتوسن ایاقین
عموون سونور چراغی یخیلیر سراسی قاسم
.
.
توکولوب قانین عذاره توتولوبدی مه جمالین
قره قرمیزی ایپک تک بویانوبدی خط و خالین
گوزی یاشلی باشین اوسته بئلیمی بوکور بو حالین
آزالوب یتشسون عرشه عموون صداسی قاسم
.
.
بو زمین کربلاده منیله جهاد ایدیبس

• چهارشنبه
• 23
• مرداد
• 1398
• ساعت
• 10:33
• نوشته شده توسط
• ابوالفضل عابدی پور

دردون منه چوخ بارگراندی آتام اوغلی
دور قارداشوون قدی کماندور آتام اوغلی
.
.
دوزدوم ستم خاره صولان گلشنه خاطر
گلدیم بوچتین لیقدا یولی من سنه خاطر
سنده یومولان گوزلریوی آچ منه خاطر
یارین باخیشی قیمت جاندی آتام اوغلی
.
.
اولسان منه بیر ذرّه سوسوزلوق اثر ایتمز
گر اولمیاسان اولسادا سو دادیمه یتمز
سنسیز بوغازیمدا سو اگر اولسادا گیتمز
زمزم سویی سنسیز منه قاندی آتام اوغلی
.
.
یاخچی بولوسن من دیمرم قوی که دیوم بول
هرقیمته باخسیدی تاپاردیم سنی ای گول
ای لاله گلوم آچ گوزیوی گورنجه بلبل
اهل حرمه مرثیه خاندی آتام اوغلی
.
.
ای سوسفریندن گلن ای جامی شکسته
یول خسته سی سن خستلیق آل ای گل خسته
ای دیزلریمون طاقت

• یکشنبه
• 27
• مرداد
• 1398
• ساعت
• 14:13
• نوشته شده توسط
• ابوالفضل عابدی پور

ای حسین عاشقلری من کربلا زوّاریم
کربلاده خامس آل عبا زوّاریم
.
.
سیز منیلن اربعینی کربلایه گئتمسوز
اولماسوز عازم او قبر پاکه کامه یتمسوز
آغلیاندا سیز منی بیر آن فراموش ائتمسوز
چخماسوز یادّان یقین صاحب عزا زوّاریم
.
.
بیر گوریدیم من رواقنده خدا اذن آلمیشام
اُول حبیب ابن مظاهر قبرینه قول سالمیشام
هر شب جمعه حرمده صبح اولونجا قالمشام
اوندا بُلَّم من حسینون ای خدا زوّاریم
.
.
گه قسم وئردیم حسینون باوفا قارداشینه
گه باجیسی زینب مظلومه نین گوز یاشینه
بیر دولاندیم شوقیلن شش گوشه قبرین باشینه
نوکرینه لطف ائدوب منده آقا زوّاریم
.
.
خالقه قصدیم بودور هر آن عبادت ایلیم
هم رسوله هم اُولوالاَمره اطاعت ایلی

• یکشنبه
• 24
• شهریور
• 1398
• ساعت
• 10:20
• نوشته شده توسط
• ابوالفضل عابدی پور

آغلاما ای آغلادان دنیانی قارداش آغلاما
مجتبی آغلار گوزون قربانی قارداش آغلاما
.
.
من اولوم قربانی بو گوزدن آخان گوز یاشوین
احتضار حالینده پوزما حالینی قارداشوین
ایمدیدن آچما باشون وار چوخ بلاسی باشوین
آغلادان سنسن آنام زهرانی قارداش آغلاما
.
.
ایلمه شور و نوا توکمه سرشک آلوی
وار دوزوم منده گورم سولموش جمال آلوی؟
یا آنام زهرا دوزر گورسه بو پوزقون حالوی؟
یا باجیمدا صبر وار امکانی قارداش آغلاما
.
.
توکمه اشکون دامنه گلمه فغان و شیونه
دوره ده ایستکلیلر وار آغلیان چوخدور منه
آغلاما سن وار یری من آغلیام قارداش سنه
یاد ائدم بیر محنت عظمانی قارداش آغلاما
.
.
گل قولون سال بوینوما صبر ایله باتما یاسمه
س

• چهارشنبه
• 17
• مهر
• 1398
• ساعت
• 15:11
• نوشته شده توسط
• ابوالفضل عابدی پور

یل یاتار طوفان یاتار یاتماز حسینون پرچمی
دیده ی دوران یاتار یاتماز حسینون پرچمی

بوحسینونده عزیزان پرچمی اوچ رنگیدی
گنبدی اوستونده قرمز یادگار جنگیدی
هم یاشیل اعلان ایدورعباس اونون سرهنگیدی
سن قرا پرچم گوتور بو زینبون فرهنگیدی
سسله هر بنیان یاتار یاتماز حسینون پرچمی

قاره پرچم،قرمزی پرچم،یاشیل پرچم دیور
جاوداندور کربلا،خلقه حدیث غم دیور
تک حسینی لر دیمور بلکه هامی عالم دیور
ای مسیحی لر بو ذکری عیسی مریم دیور
پایه ی ادیان یاتار یاتماز حسینون پرچمی

ای عراقین تپراقی ویر شور و شَینوندن خبر
سنده دی آلتی امام ،ایفای دَینوندن خبر
یانجف یا سامرا یا کاظمینوندن خبر
هرطرفدن اود یاغور قبر حسینوندن خبر
قورخما بوبحران یاتار یاتماز حسینون پرچمی

عالمی ظلمت دوتوب شمعی گزور پروانه لر
آشنالردن دی دوتسون فاصله بیگانه لر
خانه ی امنیّت و احساندی ماتم خانه لر
قوی دیسونلر قاره سین گیدی گنه دیوانه لر
عالم امکان یاتار یاتماز حسینون پرچمی

بیز بو پرچمدن برات آللوخ ایشتسین مدّعی
گیتمه روخ آیری مسیره گیتسه گیتسین مدّعی
طعنه لر بسدی خطا یولدان قیتسین مدّعی
کیفر صدّامه باخسین عبرت ایتسین مدّعی
کاخ نامردان یاتار یاتماز حسینون پرچمی

یوخ موّرخده او قدرت ایلیه حفظ وفاق
چوخ قیامی ثبت ایدوب امّا پوزوب دست نفاق
شاه مظلومان مین اوچ یوزیتمیش ایل بوندان قباق
بیر قیام ایتدی سسیندن تتردی دوقّوز رواق
یازدی هر ارکان یاتار یاتماز حسینون پرچمی

بیر یانا عشق حسین انبوه موکب بیر یانا
یدّی دریا بیر یانا عطشان قالان لب بیر یانا
نسل آدم بیر یانا یتمیش مقرّب بیر یانا
یتمیش عاشق بیر یانا تک غملی زینب بیر یانا
بیلدی یورقون جان یاتار یاتماز حسینون پرچمی

اشقیا قورخوردی عباسین آدیندان تک به تک
گوردولر جنگ ایتمدی گیتدی قالوب شه بی کمک
واردی بیلموردیله زینبده قوای مشترک
تا حسین جان ویردی گوتدی پرچمی عباس تک
سس گلوب وجدان یاتار یاتماز حسینون پرچمی

معرفتسیز کوفیان باشسیز وجودی داشلادی
سجده ده اولدی حسین زینب نمازی باشلادی
سو دویونجا ایچمدی قانلان دوداقین یاشلادی
سسلدی عشقین بقاسی بیز باجی قارداشلادی
موج بی پایان یاتار یاتماز حسینون پرچمی

ای حسینی لر نه دردوز وار دوا زینبده دی
نینوا بیر قانلی صحرادور نوا زینبده دی
اختیارات قـــــوام اولـــــــیاء زینبده دی
عشقه آند اولسون کلید کربلا زینبده دی
خیمه ی سوزان یاتار یاتماز حسینون پرچمی

عشقیده آری اسارت وار شهادتدن صورا
باشلادی اوز نهضتین زینب او نهضتدن صورا
وقرینی سندیرمادی مردان غیرتدن صورا
باغلادی بیر قاره معجر باشه غارتدن صورا
یعنی جوشقون قان یاتار یاتماز حسینون پرچمی

چخدی تل اوسته گوروب ایلور عربلر هلهله
قبله ی عشقه دوتوب یوز یعنی قانلی مقتله
سسلدی قارداشیم ای باشی دوشن الدن اله
من بیر ایش گورّم حسین تا عرشیدن بو سس گله
فتنه ی عدوان یاتار یاتماز حسینون پرچمی

ای ابوالفضلیم بو آغلار گوزلریم قربان سنه
اوخلانان مشگی چخارت یاددان دعا ایله منه
ای امیر کاروانیم دور اسیرم دشمنه
سن علمدن مطمین اول ویرمیرم اهریمنه
شور نخلستان یاتار یاتماز حسینون پرچمی

اکبریم ای هامّیدان آرتیق رسوله بَنزیَن
ای رسول اللّه یولوندا قرمزی خلعت گیَن
ای منی پوزقون گورن گونلرده جان عمه دیَن
ایستورم سندن مدد ای عمّه سین چوخ ایستیَن
تاگورم طغیان یاتار یاتماز حسینون پرچمی

ای جوان قاسم عجب طوی دوتدی عاشورا سنه
باغلادی بیر دسته قرمز گل آنان زهرا سنه
قالدون آتلار دیرناقیندا یانمادی اعدا سنه
ساخلارام منده آناوی تا چاتا نجوا سنه
دیده ی گریان یاتار یاتماز حسینون پرچمی

ای علی اصغر که ایتدون سنده اوز دینون ادا
آخره قالدون ولی عالی مدال آلدون بالا
اوخلانان وقته گولوبسن جان عزیزیم مرحبا
خنده معناسی بودور بیلسین مریدان صفا
غنچه ی خندان یاتار یاتماز حسینون پرچمی

ای "کلامی" یازدیقون اشعاره تحسین ایستمه
اوزگه لر تحسینی بش گونلوقدی تضمین ایستمه
قاره کوینک خلعتوندور رخت زرّین ایستمه
حقّی یاز مولا کمکدی جانه تاْمین ایستمه
پرچم شاهان یاتار یاتماز حسینون پرچمی

• دوشنبه
• 19
• آبان
• 1399
• ساعت
• 17:11
• نوشته شده توسط
• یوسف اکبری

دِل اگر تابِعِ فرمان اولا هیئت آچیلار
ایشیمیز در رَهِ قرآن اولا هیئت آچیلار

بس دگول جامِعِه یِ مدحیده غیبت آزالیب
یوزده رافت چوخالیب حَسد و حسادت آزالیب
سارالیبدور طَمَعین باغی ریاست آزالیب
بیله بیر وضع ، کماکان اولا هیئت آچیلار

‌بس دگول گوشِ جهان راحت اولیب بلوادن
شهرَتِ و پوله گوره مادح ائدن دعوادن
من سوزی عرض ائدورم مطلبی آل ایمادن
گر رقابت ائوی ویران اولا هیئت آچیلار

سالمیشوخ جراتیلن صدق و صداقت قولونی
کسمیشوخ سروِ کیمی دین و دیانت خولونی
گمرهانه گئدوروخ بیز گینه شیطان یولونی
جبهه میز شاه شهیدان اولا هیئت آچیلار

طاقچادا گرد و غبار ایچره یاتیب قرآنلار
مجلِسِ معرفته مالک اولیب نادانلار
رختِ انسانه مُلَبَّس اولونان حیوانلار
قَییده ذاتینه انسان اولا هیئت آچیلار

بیز گرک عرشه اوجالداخ شَهِ دین پرچمینی
ساخلیاق زنده اونون مجلِسِ آه و غمینی
نه کی قلبینده چوخالداخ مُحَن و ماتمینی
قویمیاق قلبی پریشان اولا هیئت آچیلار

یئتیشون داده عزیزان دِلِ شیطانی یاراخ
توبه اشکیله دیانت چمنین بیز سوواراخ
قلبی آزاد ائلیاق دامِ بلادن قوتاراخ
تیرِ خجلتله اورک قان اولا هیئت آچیلار

"خوش قلم" کیم پِسَرِ فاطمیه عاشق اولا
شرطِ اوّل بودی کی با ادب و لایق اولا
هم سوزی هم عملی هم مَنِشی صادق اولا
سر به سر پیکری ایمان اولا هیئت آچیلار

• شنبه
• 29
• آذر
• 1399
• ساعت
• 23:32
• نوشته شده توسط
• یوسف اکبری

سبک(دوشوب عجب قرا گونه ....)

دور ای بلالر عاشقی بلالی زینبون گئدور
دالیمجا وئر اذان حسین وفالی زینبون گئدور

بو لطف لایزالدور که من حسینه خواهرم
امام عشقسن سنه همیشه یار و یاورم
دیار شامه عازمم ولی شکسته خاطرم
فراقه دؤندی عاقبت وصالی زینبون گئدور

قطاریمی چکور عدو بو گونده شام و کوفیه
اجازه وئرمیور سنه باجون ئورک سؤزون دیه
اراده پیکرین قالیب باشون بدنده یوخ نیه
بدندن ای دوشن باشی آرالی زینبون گئدور

نیازه ال آچان بشر همیشه اهل راز اولار
امامین ئولدورر مگر او کس که بانماز اولار
عیاندی دفن اولان زمان سنه کفن نیاز اولار
حصیره اکتفا ائله یارالی زینبون گئدور

جوار ماه حسنوه بیر آسمان ستاره وار
ستاره لر قدر حسین سنون سینونده یاره وار
نه چاره ایلیوم مگر منیم الیمده چاره وار
فدا کسوک بوغازووه حیالی زینبون گئدور

بلا چولونده ای خدا چکوبدی چوخ بلا باشیم
قرا باشیمدا دائما غم اولدی یار و یولداشیم
ئولونجه من عزالیام ئولوبدی یدی قارداشیم
بو باره دن کدر اولان خیالی زینبون گئدور

یاریم گون عرضی غصه دن هلاله دوندی قامتیم
و لی آزالمادی اخا سنه اولان ارادتیم
حسین هاچان یتر باشا بو شرح بی نهایتیم
یاواش یاواش زمانه ده جلالی زینبون گئدور

وداع آخر ایستورم جهانی داغلیام گئدم
ئوپم کسوک بوغازوی یاراوی باغلیام گئدم
اگر که وئرسه لر امان دویونجا آغلیام گئدم
اقلی بیر تسلی وئر عزالی زینبون گئدور

کانال اشعار عباسی معروفان اهری

• سه شنبه
• 2
• دی
• 1399
• ساعت
• 23:28
• نوشته شده توسط
• یوسف اکبری

یا حسین فخر ائدرم نوکر دربارم آقا
قاره اگنیمده محرمدی عزادارم آقا
بگنوب جلوه ی عشقون آقاجان عالم اولوب
عشقوون مشتریسی منده خریدارم آقا
شهریاریمسان آقا
دار و نداریمسان آقا
افتخاریمسان آقا
یارالی .... یارالی
( تکرار در تمام بندها )

ای که هر یئرده آدون ذکر اولا جنتدی آقا
نیلورم جنتی من جنتیم هیئتدی آقا
دگولم من الی بوش صاحب عز و شرفممن
بو قرا کؤینک الیندن منه خلعتدی آقا

قلبیمه ئوزگه لرین عشقینی من جوشلامارام
گزمرم ملک دگر آیری قاپی خوشلامارام
ایکی دنیا سندین وورسالا ششدانگ آدیما
زینبون جانی آقا من اتگون بوشلامارام

آچیلوب قاره علم گلدی یورک احساسه
بو محرمده ده گئیدیم قره گلدیم یاسه
تا نفس وار دییرم مظلوم آقا مظلوم حسین
قوللارین یاده سالیب آغلیارام عباسه

آند ویررم سنی عباسین آلا گؤزلرینه
آقامین نهر فرات اوسته دوشنر اللرینه
رشته ی مهروی عاشقلرینن قئرما حسین
الی بوش سالما یولا قلبیمی سئندیرما حسین

آند اولا فاطمه نین سینه سینون یاره سینه
آند اولا اصغریوون خورداجا گهواره سینه
وئرمرم عالم عشقون ایکی دنیایه حسین
آند اولا غمزده زینب باشینون قاره سینه

نه اولار بیرده منی قبروه مهمان ائده سن
کسیلن اللریلن نوکره احسان ایده سن
دولانوب اللری قوینوندا مزارون باشینا
من دییم دردیمی سن دردیمه درمان ائده سن

قاپووا کیم گله زهرا جانی حیثیتی وار
قره کوینک گیینون قلعه امنیتی وار
گلمیوب قاره گیینلر آقاجان ئوز باشینا
بیلوسن تک تکینون فاطمه دن دعوتی وار

کانال اشعار عباسی معروفان اهری

• سه شنبه
• 2
• دی
• 1399
• ساعت
• 23:51
• نوشته شده توسط
• یوسف اکبری

کیم دیلده حسین آدین ایدوب اَزبَر آپاردی
قبره الی بوش گیتمدی بیر گوهر آپاردی

تپراقدا خیانت ایلمز عشق حسینه
قبر ایچره بولر گوهر جان پرور آپاردی

چوخ گورمشوخ عالمده ئولن وقته حسین‌چی
قبره نه جلالیله اونی اِللّر آپاردی

گیت مجلس ترحیمینه باخ جاه و جلاله
گور عشقیدی یا مسئله دیگر آپاردی

بو عشق قمارینده بلی هیچ کیم اوتوزماز
اوّل اوتوزندا گوروسن آخر آپاردی

هر کیم کی جوان عمرینی بو یولدا اوتوزدی
آخر بله گوردوک آقادان نوکر آپاردی

هر کیم کی بو درگهده قوجالدوقجا اوجالدی
باشی آغاران رتبه‌ی والاتر آپاردی

چوخ آغ گونه چخدی قره تپراقلارون آلتدا
هر کس قره دسمالیلن اشک تر، آپاردی

فکر ایلمه‌سن آغلادون اشگون هدر اولدی
زر قدرینی از بس تانیدی زرگر آپاردی

سن گورموسن امّا دولانور شیشه‌‌سی الده
گوز یاشلارینی فاطمه‌ی اطهر آپاردی

خولی‌نون عیالینه خانم گورنه بیوردی
بو اشگون امانتدی امانت گر آپاردی

چون اوغلوما سن آغلادون الان ئوز ایونده
بو خاطره‌نی فاطمه تا محشر آپاردی

• جمعه
• 5
• دی
• 1399
• ساعت
• 23:54
• نوشته شده توسط
• یوسف اکبری

شیعه لرون فریادی حسین
گُل پسر زهرادی حسیـــن

بَحر وقارین دُر نایابی حسیندی
کون و مکانین فقط اربابی حسیندی

گَل،،،در مولایه--آل،، صله عقبایه
عاشقینی دعوت ائلَر کرب وبلایه
جانم حسین جانم حسین جانم حسینجان

کرببلا کعبه مدی منیـــم
پاک حرمی قبله مدی منیم

بیز تانوروخ عالمه رهبر تک حسینی
شیعیه جناتیدی بین الحرمیـــــنی

ای،،شرفِ عالم-- گُل،،پسرِ خاتم
تشنه دی گول لبلریوه کوثر و زمزم
جانم حسین جانم حسین جانم حسینجان

دار و ندارین گلدی باجون
تاپدی سنی دینجلدی باجون

آچ گوزوی زینبی دیندیر سنه قربان
بو نِجه پیکردی اولوب تیریله شان شان

ای،،نور دو عینیم--دور،،یالقیز حسینیم
واردی بو نهضتده سنه یارلی دِینیم
جان یارالی جان یارالی قارداش حسینیم

ای اللــــردن اوزولـــــن
باشی سوسوز دالدان کسیلم

زینبی قانلی دوداقین گَتدی فغانه
پیکری اوخلاره باشی،داشه نشانه

من،،بو گجه ایکاش---جان،،وئرم آی قارداش
وار یری هجرانیوه زینب توکه قانیاش
جان یارالی جان یارالی قارداش حسینیم

اوخلاری سعداوغلی یاغیدوب
پیکروی آتلار داغیدوب

دینوه خاطر صودامر اصغری وئردین
بحدله سن نصف شب انگشتری وئردین

چون،،شه والاسن--سن،،گُل طاهاسن
هِچ کسی رد ائیلمویوبسن،ائلمه سّن

• یکشنبه
• 3
• اسفند
• 1399
• ساعت
• 23:08
• نوشته شده توسط
• یوسف اکبری

باتدی گون گلدی گئجه باغریم اولوب قان یارالی

من سنه هاردا دوتوم شام غریبان یارالی

یارالی جان یارالی قاننه غلطان یارالی

زینبون جانی اولا جانیوه قربان یارالی

هله عریان بدنون یرده پریشاندی حسین

بو غموندن اوره گیم لاله صفت قاندی حسین

اوت ویریب کوفه لیلر خیمه لریم یاندی حسین

من سنه هاردا دوتوم شام غریبان یارالی

شرح ائدیم هانسی غمی . دلده غمیم چوخدی حسین

هر غمیم بو یارالی قلبده بیر اوخدی حسین

بیر چادر وئرمه سه سعد اوغلی ائویم یوخدی حسین

من سنه هاردا دوتوم شام غریبان یارالی

باغبان ئولسه حسین گللری گلشنده سولار

غم دوتار گلشنی بلبل اوره گی غمله دولار

رسمدیر هر ئولنون شام غریبانی اولار

من سنه هاردا دوتوم شام غریبان یارالی

قلبیم اکنده اولوب دردیله طوفان گئجه سی

شب وصلت قوتاریب .باشلادی هجران گئجه سی

یاس دوتالار ئولنه شام غریبان گئجه سی

من سنه هاردا دوتوم شام غریبان یارالی

بیر قوشام یاره لیم صید ایلیوبلر بالامی

نه یانان حالیمه نه خشک ایلین وار یارامی

اوچولار حمله ائدوبلر داغیدوبلار یووامی

من سنه هاردا دوتوم شام غریبان یارالی

گون باتاندان بو چولی زار و پریشان گزورم

بالالارون داغیلوب چوللره گریان گزورم

لانه سیز قوش کیمی اواره و ویلان گزورم

من سنه هاردا دوتوم شام غریبان یارالی

• دوشنبه
• 18
• اسفند
• 1399
• ساعت
• 22:51
• نوشته شده توسط
• یوسف اکبری

یاحسین گیتمه اماندی
قیزلاریوین باغری قاندی
زینبی تک قویما قارداش
ناله لر عرشه دایاندی

قویما اوره گیم سوز غمونده بیله یانسون
بیر لحظه دایان باشیوه زینبده دولانسون

حسین گیتمه آماندی

ای عزیز جان خواهر
قالمیسان بی یار و یاور
الدن انصارون گیدوبدی
زینبون اولسون برادر

تک قالماقووا من یانورام نیلیوم ا...
اود دوتوب اورکدن یانورام نیلیوم ا...

خیمه گهده محشر اولدی
قلبیلر قانیله دولدی
بیر دانیشدیر بو ربابی
شیرخواری الده اولدی

قارداش بو ربابین بولوسن چوخدی ملالی
ا... بولوری گوردی نجه اوخلی بالانی

گیتمه ای زهرا مارالی
بیزدن اولما سن آرالی
اوچ یاشیندا بو رقیه
غصه دن ئولدی یارالی

قارداش اونی آغوشوه آل ایله نوازش
قویما یره دوشسون باجون اولسون بیله خواهش

نصف شب راز و نیازون
گورموشم سوز و گدازون
تاپشریب زهرا آنامیز
من ئوپم قارداش بوغازون

ویرسن منه مهلت ئوپرم بو بوغازوندان
کام آللّام حسین بو قوریان دیل دوداقیندان

آیریلوب ایندی گیدورسن
زینبی ترک ایلیورسن
کهنه کوینک مندن آلدون
اگنیوه قارداش گیورسن

فکر‌ ایتمه بو غم قلبیلری دلموری قارداش
هر کیمسه بو میدانه گیدور گلموری قارداش

عترتوندن آیریلورسان
خانه ی صبری یخورسان
خیردا قیزلارون حسین جان
سن‌‌ کیمه بس تاپشورورسان

ا... بولوری آیریلیقون سانکی بیر اوخدی
هشتاده یاخین عورت اوشاق کیمسه‌ سی یوخدی

(بیکَسا)گل‌‌ بیر نوایه
یولّلاناق تئز کربلایه
ایلیر حتماً عنایت
شاه دین اهل عزایه

اربابون ایدوبدور سنه احسان یولی آزما
بیر‌ فقط حسیندن دینه آیری سوزی یازما

• شنبه
• 23
• اسفند
• 1399
• ساعت
• 12:47
• نوشته شده توسط
• یوسف اکبری

قان ایچره ال ایاق چالا بیر نازنین آتا
بیر نازنین اوشاقدا باخا پیچ و تابیلن

بیر بی ادبده الده شرر بار خنجری
قصد ایلیه او یاره لی شاهی عتابیلن

نیلر او اوچ یاشیندا آدامسیز ظریف اوشاق
آچدی باشینداکی لچگین چوخ شتابیلن

آتدی اونی او ناکس و رذلین ایاقینه
یالواردی یاسمن تیکانا اضطرابیلن

ظالم تَرحّم ایله عطشدن یانور بابام
قوی ایسلادیم دوداقلارینی اشک نابیلن

قوی زلفومی سریم بو چوخور بارگاهه من
ایستی قوم اینجیدور بابامی التهابیلن

آل گوشواره می عوضینده اجازه وئر
بیر لحظه خلوت ایلیوم اول مستطابیلن

بوینون قوجاقلاماقی قولوم تازه اورگنیب
قوی قول بویون اولوم بیر او مالک رقابیلن

باخ گور قلیج نه حاله سالوب عمّه مین الین
گور نه اسور عناد ائلمه اول جنابیلن

اصرار ائتمه ظلمیده،نستوهیدور بیبیم
سیندیرماز اوز رشادتینی کوهیدور بیبیم

• شنبه
• 7
• فروردین
• 1400
• ساعت
• 12:11
• نوشته شده توسط
• یوسف اکبری

هر یوزه آی پاراسی هر گوزه شهلا دئیمرم
لاشه­ خور قوشلارا مرغان شکرخا دیمرم
پایمال اولسام اگر آلچاقااعلا دیمرم
معصیتدور بو دئیمک یا ئولرم یا دیرم
ویرمرم ناحقه پیرایه حسین نوکریم

نیلورم مرتبه و منصب و نام و لقبی
فضل اگر اولسا ائدر عالمه چوپانی نبی
شرف و شأن وئرر انسانا علم و ادبی
ورنه بیردور بشر اعجم و کلب عربی
عربی عشق و عجم پایه حسین نوکریم

فخر ائدر بلبل شیدا که گُله نغمه­ گرم
لیک گُلدن­ده گوزل وارمن اونا مفتخرم
سن دولان باغلاری بستانلاری ای اهل کرم
منده مولا آدینی هی یازارام هی اوپرم
ائدرم فخر او مسمّایه حسین نوکریم

آقامون عشقی منیم روحیمی بی­ باک ائلیوب
یوزومی بیر سوزومی بیر آدیمی پاک ائلیوب
طبعیمی تیغ خطرساز و شررناک ائلیوب
چوخ شقی­لر اورگین شعرلریم چاک ائلیوب
چوخ سوزوم اوخ ویریب اعدایه حسین نوکریَم

کربلا عاشقیم خون و شهادت سَسیَم
بی ­مَدد پادشهین مُلتمس بی­کَسیم
نه مسیحم نه­‌ده­‌کی جنّته خاطر اَسیم
باخمارام‌کوثره‌من‌چونکه حسین تشنه­‌سیم
تشنه­‌دور روحیم او‌مولایه حسین نوکریم

• شنبه
• 7
• فروردین
• 1400
• ساعت
• 12:34
• نوشته شده توسط
• یوسف اکبری

(سینه زنی و شاه حسین گویی)

یا حسین - یا حسین - ای سرور شهیدان

جان عالم اولا - شش‌گوشه قبره قربان

بو جمعه قسمت ایله

قبریوه دعوت ایله

ای زاده زهرا - عالملرین آقاسی

وار سنون الونده - هر بیر دردین دواسی

هانسی شاهین آقا - وار بیر بیله گداسی

سائلی الی بوش - سالما یولا قاپوندان

قبرون آبرودی - هر بیر دِیر و کِنِشته

فخر ایلر سیلنده - هر گون قبرون فرشته

بیر ذرّه تربتون - ویرمرم مین بهشته

قانلی تربتونده - وار نور عشق و ایمان

سن درس شهامت - ویردون قانلی مناده

اگمدون باش دیدون - آزادیم آزاده

شعارون لا اری الموت الّا السعاده

زیر بارِ ظلمه - گیتمز آزاده انسان

سن جان ویردون عطشان - زنده قالا شریعت

جسمون قالدی عریان - روشن اولا حقیقت

سسلدون مکرّر - هیهات منّا الذلة

بیله بیر مرامه - عالم قالوبدی حیران

آلدون کربلانی - قربان سنه بو جانیم

بو یوردون ایستورم - تا اولسون اوز مکانیم

ئولنده توکولسون - اوز توپراقیمدا قانیم

توپراق غصبی اولسا - قبول اولونماز قربان

یا حسین یا حسین - ای نیّر امامت

"اکرمی" قاپوندا - صدقیله ایلر خدمت

آند ویرّم سنی - زهرایه قویما حسرت

قالسون بو اورکده - شوق وصلون حسین‌جان

بو جمعه قسمت ایله

قبریوه دعوت ایله

• دوشنبه
• 9
• فروردین
• 1400
• ساعت
• 12:45
• نوشته شده توسط
• یوسف اکبری

بو گئجه يافاطمه! ناله و افغانه گل
ترك ائليوب جنّتي، شام غريبانه گل
فاطمه يافاطمه
فاطمه يافاطمه

اوغلون حسين بو گئجه، خوليه مهمان اولوب
كول لرين اوسته قويوب، باشيني پنهان اولوب
مطبخه باخ گؤر نئجه، نور و چراغان اولوب
گؤرماقا جانانيوي منزل دونانه گل

ساخلا حسينه گهي، خولي ائوينده عزا
گاهي يانان خيمه ده، ائتگلين آه و نوا
گه، يولووي سالگیلان، قتلگهه برملا
بزم عزا قورماقا واديِ اَحزانه گل

يئتميش ايكي شمعِ عشق، سؤندي جهان تار اولوب
نصفي يانان خيمه ده، زينب عزادار اولوب
قاره سالوب باشينه، بي كس و بي يار اولوب
اُول قيزيوي گؤرماقا قانلي بيابانه گل

شيعه لرين غصّه دن، ديل لري شان شان اولوب
كرب وبلا جؤريله، يكسره ويران اولوب
زينبووين ال لري، دوغرانوب القان اولوب
قوي اليوي قوينُوا قلبي يانايانه گل

ارض و سماني دوتوب، غصّه و غم يكسره
زينبه باخ زينبه، زينت اولوب حيدره
اُول داغيلان قيزلاري، جمع ائليوب بير يئره
شام غريبان دوتوب شاه شهيدانه، گل

زينب اسير اولماقي، ذرّيده امضا ائدوب
عُمر، بويي عشقيلن، نقشي ني ايفا ائدوب
قارداشي نين نهضتين، دهريده احيا ائدوب
حيف اولا دؤندي اوجا قامتي چوگانه، گل

چؤلده حسين عترتي، جمله وطن سيز قالوب
پيكر صدپاره سي، عور و كفن سيز قالوب
غمزده بلبل لري، باغ و چمن سيز قالوب
گول لري پرپر اولان باغ و گلستانه گل

صاحب عزادور، اؤزي بو گئجه صاحب زمان
آغلياجاقدور يقين، بو سؤزه اُول باغري قان
كسدي حسينون گؤزل، ال لريني ساربان
سؤيله «بشير»ا آنا! بو شب هجرانه گل

• چهارشنبه
• 18
• فروردین
• 1400
• ساعت
• 18:55
• نوشته شده توسط
• یوسف اکبری

ای درگاه مجلّلون - رشگِ فردوس برین

اولسون قبرون مجاوری - فخر ایلر روح‌الامین

من سن‌سیز یابن فاطمه

دنیانی خوشلامارام

گیتسم حتّی بهشته‌ده

دامانون بوشلامارام

محتاج عنایتیوم مدیون محبّتیوم

ای شاه عالمین

مدّتدی که حسرتیوم مشتاق زیارتیوم

لطف ایله یا حسین

شب ولادتون سنون اورک صفا ایستر

گلن بو مجلسه برات کربلا ایستر

گولّلندی گلشن بتول - آچجاق زیبا گوزووی

طاها آلدی قوجاقینه - ئوپدی آی تک یوزونی

عرض ایتدی ربّ العالمین

بوینومدا قویمادی - دِین

دُردانه بیر اوغول ویروب

گول آدین قویدی حسین

ای مظهر لم یزلی

هر بیر گوزلین گوزلی

قربانم جلالیوه

الله سنی تک یارادوب

والّلهی گویچک یارادوب

احسن جمالیوه

انوار ماه طلعتون - حورانی ایلدی مات

یوز قویدی گاهواره‌وه - فطرس‌ده تاپدی نجات

امر ایتدی جبرئیله تا

خلّاق انس و ملک

قونداقین گتدی گویلره

تا اولسون زیبِ فلک

سسلندی فرشته حسین

زینتدی بهشته حسین

شمس و قمر حسین

پیغمبره بنزر حسین

عشق اهلینه رهبر حسین

والا گهر حسین

شب ولادتون سنون اورک صفا ایستر

گلن بو مجلسه برات کربلا ایستر

• سه شنبه
• 7
• اردیبهشت
• 1400
• ساعت
• 20:45
• نوشته شده توسط
• یوسف اکبری

عصر وقتیدی حسین کعبۀ آماله دوشوب
باش یارا سینه یارا عشقیله گوداله دوشوب

ارمغان بزم نگاره یورولان جان آاروب
جلوۀ یاری گوروب هوشه گئدوب قان آپاروب

نه یارا فکرینی ایلور نه طبیب و نه دام
خضری مبهوت ائلیوبدور نه سو ایستور نه غذا
ماسواللهی آتوب فکری خدا ذکری خدا
نه شهیدانی نه قزلاری نه خرگاهی گورور
تلّیده زینبه باخمور فقط اللهی گورور

باش قویوب خاک شفا اوستونه پرقو یرینه
ریزه قوملار بوریوب زخمینی دارو یرینه
اوخ دگوب آغزینا قانیله دولوب سو یرینه
فخر ائدور عاشق ممتازینه عاشق یارادان
یاره باخ یاره گوره هئچ دیله گلمور یارادان

ناگهان گوردی حسین قتلینه مأمور گلور
سعدون اوغلی ائلیوب گلمگه مجبور گلور
ظلمت کفرون ایچیندن عجبا نور گلور
روحی بیدار ئوزی هشیاردی غفلتده دگول
کوفه نون اهلی کیمی خواب ظلالتده دگول

عیسوی زاده و آزاده و محجوب و نجیب
صورتاً قاتل اولوبدی ولی سیرتده طبیب
روز و شب حقی گزوردی اونا حق اولدی نصیب
عالمون نعمتینه عزتینه ناز ائلدی
خوش اونون حالینه عیسانی سرافراز ائلدی

ذکر انجیلیله سرگرمیدی شمشیر بدست
یتدی گوداله اونی عطر حسین ایلدی مست
گوردی بیر یاره لیدور بستری قان سینه شکست
نظر و فکری فقط قاضی الحاجاتیده دور
گرم محرابه دوشوب گرم مناجاتیده دور

دئدی انصاف دگول قتلینه ائتسم عجله
بو که تسبیح دیور ساحت حیّ ازله
دیندیروم راز و نیاز اوسته گوروم کیمدی هله
نه گوزل صورتی واردور نه گوزل گوزلری وار
نه گوزل لهجه سی واردور نه گوزل سوزلری وار

دئدی کیمسن سنی من محض فضیلت گورورم
باخجاقین صورتیوه نور حقیقت گورورم
سن نجه خارجی سن اهل شریعت گورورم
منی مبهوت ائلدون روشن ائله مسئله نی
ئولدورور کوفه نون اهلی نه گناه اوسته سنی

سجده دن آلنووی قوزا ائلمه سوز و گداز
بو نه سجاده دی قاندان بو نه خلوتگه راز
بو نه محراب عبادت بو نجه رازو نیاز
صبر ائدورسن بو قُشون جسمیوه ووردوقجا یارا
سنه قربان نیه نفرین ائلمورسن بولارا

دئدی نصرانیه من هادی نسل بشرم
سوزوم حقدی وطنیمدن اودی که دربدرم
نگران اولما یوخوندادا سنون باخبرم
چاه عشق ایچره دوشن یوسف گل پیرهنم
او حسین که گیجه عیسی سنه تاپشوردی منم

سعدون اوغلی سنی اغفال ائلیوب سالدی یولا
چوخ چتین اهل طبابت کسه باش قاتل اولا
کُمگیمسن نیه حیران باخوسان صاقو صولا
هرکساً دهریده تعقیب ائلیور ئوز روشین
سن گورنمزسن عزیزیم بیلورم شمرین ایشین

پرده رد اولسا گوررسن گلوب عیسی باش آچوق
چوخ پریشاندی بابام سید بطحا باش آچوق
سهلیدی مریم ، آنام حضرت زهرا باش آچوق
چوخدی بو قتلگهیمده باشا توپراق سپن
چوخدی باطنده منیم قانلی دوداقمدن ئوپن

تانیدی عیسئی ایمان گتوروب گلدی دیله
نه عجب وقته دئدی دامنیوی سالدوم اله
بیر کسیکه باشینون اوستونه عیساده گله
وای منه من نیه عیسا ئورگین داغلامیشام
عفو ائله دشمنیوون یاره سینی باغلامیشام

کول منیم باشیمه قالدوم نیه خدمتده دالا
دگدی اوخ صود امرون دوشدی سنون حالدان حالا
ویریلان قوش کیمی چرپندی او بیچاره بالا
خشک ائده یاره نی جراح اگر قان دایانور
گلمدیم دادینه قلبیم اونا الاندا یانور

حاضرم ایندی کچن غفلتی جبران ایلیم
خاک پایوندن ئوپوب خدمت شایان ایلیم
اینجیدور هانسی یارون من اونا درمان ایلیم
یاپوشام قانلی الوندن دوراسان اگلشه سن
آز قالور اوخلارین آلتیندا نفسدن دوشه سن

چوخدی یارم بدنیمده دئدی ال وورما منه
دوروب اگلشسم اذیتدی بو یورقون بدنه
مرحموم فایده وئرمز بیلوسن جان وئرنه
ئولدورور فکر ائلمه تک منی خنجر یاراسی
ئولدوروبدور منی چوخدان علی اکبر یاراسی

• شنبه
• 11
• اردیبهشت
• 1400
• ساعت
• 20:56
• نوشته شده توسط
• یوسف اکبری

زهرا بالاسی بیر باخیشین حسرتی ام من
فخریم بودی عالمده دییم؛ هیاتی ام من

ای بند دل حضرت زهرا سنه لبیک
ای بیر باخیشی جنت الاعلا سنه لبیک
تا وار نفسیم، سسلرم آقا سنه لبیک
زهرا بالاسی بیر باخیشین حسرتی ام من
فخریم بودی عالمده دییم؛ هیاتی ام من

شبهه بو سوزه ایلیه بیلمز احدالناس
درگاه حسینه اولا کیم عاطفه نشناس
غیضیله ورار سیلی اونا حضرت عباس
چون عاشق فهم و ادب و غیرتیم من
فخریم بودی عالمده دییم؛ هیاتی ام من

بو قاره علم، حفظ ائدیر ایرانی خطردن
ایراد ائدن حتما خبری یوخدی خبردن
بدبخت اولار سالسا ابالفضل نظردن
زهرا بالاسی بیر باخیشین حسرتی ام من
فخریم بودی عالمده دییم؛ هیاتی ام من

هر کس بیرینه ناز الییر بیزدن حسینه
روحی اونا پرواز الییر بیزده حسینه
دردین اونا ابراز الییر بیزده حسینه
زهرا بالاسی بیر باخیشین حسرتی ام من
فخریم بودی عالمده دییم؛ هیاتی ام من

• سه شنبه
• 21
• اردیبهشت
• 1400
• ساعت
• 15:32
• نوشته شده توسط
• یوسف اکبری

من کی میِ عشق حسین مستیَم
عشقینه ایللردی کی وابستییم
قووماز آقام تا کی مرام اوستییم
جامۀ عشقون گیئرم یاحسین
درده دوشنده دیئرم یاحسین

مرحمتون دردیمه درمان وئرر
لَم۠عۀ عشقون دامارا قان وئرر
سن دئسن؛ آلله ئولیَه جان وئرر
مست شراب ظفرم یاحسین
درده دوشنده دیئرم یاحسین

جانلارا عشقوندی دلیل بقا
تا نفسیم وار منه سن سن آقا
آچمارام ال آیری کسه مطلقا
سانما قاپوندان دونرم یاحسین
درده دوشنده دیئرم یاحسین

دوزدی آقا ؛ بندۀ گمراهیوام
چوخدی گوناهیم دئمه بدخواهیوام
هر نه اولام سائل درگاهیوام
سائلیوم مفتخرم یاحسین
درده دوشنده دیئرم یاحسین

من دیل آچاندان آدیوی ازبرم
تا نفسیم وار قاپیوا نوکرم
والله ئورکدن بو آدی سسلرم
سسلَمه سم گر،ئولرم یاحسین
درده دوشنده دیئرم یاحسین

ای آدی حیثیّت محرابیمیز
وجهی قرانلیق گئجه مهتابیمیز
سن سن اقا دهریده اربابیمیز
جان سنه قربان ائدرم یاحسین
درده دوشنده دیئرم یاحسین

آیری بیر عالم دی سنون عالمون
تا بو جهان وار قورولار ماتمون
آند اولا آللهه اسر پرچمون
قاره علمدن ئوپرم یاحسین
درده دوشنده دیئرم یاحسین

دهره صفادی قره پرچم آقا
قاره ، اولوب زینت عالم آقا
منده هر ایل ماه محرّم آقا
اگنیمه قاره گیئرم یاحسین
درده دوشنده دیئرم یاحسین

روز و شبیم سیر اولور اندیشه وه
محوم آقا منصب حق پیشه وه
دعوت ائله مرقد ششگوشه وه
عمر آزالور باخبرم یاحسین
درده دوشنده دیئرم یاحسین

هاردا دوشر یادیمه قانلی باشین
صودامر اوغلون یارالی قارداشین
هاردا ائشیتسم آدیوی ، گوز یاشین
گوزدن عذاره الرم یاحسین
درده دوشنده دیئرم یاحسین

نقشی جفادن پوزولوب یاسیوون
سینه سینه آت چاپیلوب قاسیمون
قوللاری اولموش قلم عباسیوون
ظلم اودونا خونجگرم یاحسین
درده دوشنده دیئرم یاحسین

شعر«مصیّبدی» کی غوغاسی وار
فخرائلیور؛ سن کیمی مولاسی وار
مرحمتوندی بئله احساسی وار
آدیوه قربان کسرم یاحسین
درده دوشنده دیئرم یاحسین

• یکشنبه
• 26
• اردیبهشت
• 1400
• ساعت
• 22:13
• نوشته شده توسط
• یوسف اکبری

اذان ظهر عاشورا ویریلدی
حسین بن علی آتتدان یخیلدی
او قدری یاره سی واردی دیرسن
چیخوب شیرازَدن قرآن یخیلدی

حسین جانم حسین ، جانم حسین جان

باخوردی تلیدن گوداله زینب
بوغازیندن سنان بیر نیزه ووردی
باتوبدور نیزه حلقوم حسینه
کسوب بوینون دامارلارینی قیردی
ایاقی چکمه لی شمر ستمگر
چیخوبدور سینه ی مولاده دوردی
گوتوردی باشدان عمّامه پیمبر
ستون روضه ی رضوان یخیلدی

حسین جانم حسین ، جانم حسین جان

یتوردی تیز اوزون گوداله زینب
یاپوشدی شمر ظالم خنجریندن
دیدی ظالم کسنمزسن بوغازین
اوپوبدی مصطفی گول حنجریندن
دایان قوی گوزلرینی باغلیام من
اوپوم قانه بویانمش لبلریندن
حسینون سینه سی عرش خدادی
یره عرش حقِ سبحان یخیلدی

حسین جانم حسین ، جانم حسین جان

دوتاندا خنجری ام المصائب
گلوب روباهیلر اطرافین آلدی
چکوبدور خنجری محکم او ظالم
زمین و آسمانه لرزه سالدی
گل خیر النسانی قان آپاردی
حسینیم وای سسی عرشه اوجالدی
خیامه حمله ایتدی قوم کافر
حقیقت جان ویروب وجدان یخیلدی

حسین جانم حسین ، جانم حسین جان

حسینی یاره لر سالموشدی دیلدن
گوز آلتی زینبه ایتدی اشاره
دایانما خیمه گاهی قان آپاردی
توکل ایله ذات کردگاره
ئوزون فورا ً یتور سجاده زینب
اوجالدی عرش داداره شراره
یوبانما دامن سجاد آلیشدی
عمود خیمه ی ایمان یخیلدی

حسین جانم حسین ، جانم حسین جان

امامین امرینه ایتدی اطاعت
الی باشدا قیتدی خیمه گاهه
گیدور اما مشوّش فکری واردی
دعا ایلور او رضوان جایگاهه
گهی سسلور حسین گاهی ابالفضل
توسل ایلیور خورشید و ماهه
ایله بیر ظلم ایدوب وحشی صفتلر
کیم اولدی دینه پشتیبان یخیلدی

حسین جانم حسین ، جانم حسین جان

اوزون ووردی اودا زهرای ثانی
امامت بلکه قالسون جاودانه
چیخارتدی خیمه دن زین العبادی
چکوردی دامنندن اود زبانه
او قدری آغلامشدی غیرتوندن
سرشک دیده سی دونموشدی قانه
دیردی شکر اولا حیّ قدیره
ولایت زنده دی شیطان یخیلدی

حسین جانم حسین ، جانم حسین جان

• چهارشنبه
• 29
• اردیبهشت
• 1400
• ساعت
• 22:02
• نوشته شده توسط
• یوسف اکبری

یاحسین درگهون با صفادی
تربتون هر مریضه شفادی
کعبه اولسا اگر باب جنت
شیعه نون جنتی کربلادی

دردمندم آقا یا حسین جان
دردیمه قیل دوا یا حسین جان

معرفت باده سی دولدی داشدی
مرغ روحیم عراقه پر آشدی
نیلورم من طبیب و دوانی
تربتون کیمیادن ده باشدی

دردمندم آقا یا حسین جان
دردیمه قیل دوا یا حسین جان

کیم دیور شیعه بی دادرسدی
تک ابالفضل هامی خلقه بسدی
حمدُ لِلَّه که اولدوم حسینچی
باد رحمت باشیم اوسته اسدی

دردمندم آقا یا حسین جان
دردیمه قیل دوا یا حسین جان

گوزلریمدن آخار گونده قان یاش
دردیمی هیچ کسه ایتمرم فاش
حاجتیم یوخدی سیم و طلایه
ئولمه میش کربلانی گورم کاش

دردمندم آقا یاحسین جان
دردیمه قیل دوا یا حسین جان

قلبیمه دولسا غم آغلارام من
آهیله سینه می داغلارام من
هر زمان درد الیندن یورولسام
اصغریوه عزا ساخلارام من

دردمندم آقا یا حسین جان
دردیمه قیل دوا یاحسین جان

شمر ظالم جفایه تلسدی
باشیوی سو کنارینده کسدی
عرشیدن سس گلوب کسمه ظالم
جان ویرر ایندی آخر نفسدی

دردمندم آقا یا حسین جان
دردیمه قیل دوا یا حسین جان

باخمادی قیزلارون ناله سینه
زینبون وای حسین وای سسینه
خنجرین قویدی عطشان بوغازه
چیخدی عرش خدا سینه سینه

دردمندم آقا یا حسین جان
دردیمه قیل دوا یا حسین جان

ای قلم سوز چاتیبدور گریزه
یاز نلر گلدی شاه عزیزه
نعشی عریان قالوب قوملاراوسته
باشینه منبر اولموشدی نیزه

دردمندم آقا یا حسین جان
دردیمه قیل دوا یا حسین جان

نیزه باشینده قرآن اوخوردی
سوره ی کهفی هرآن اوخوردی
لبلرین خیزران بولمیشیدی
پارچالانموش بوغازدان اوخوردی

دردمندم آقا یا حسین جان
دردیمه قیل دوا یا حسین جان

• سه شنبه
• 4
• خرداد
• 1400
• ساعت
• 18:02
• نوشته شده توسط
• یوسف اکبری