اشعار ترکی حضرت فاطمه زهرا(س)

زهرا غمینده اشکیم عذاره روان گلور
زهرا آدی گلن یره صاحب زمان گلور

هانسی اورکدی بیربله نسگلده یانمیوب
مین دورد یوز ایلدی شیعه سی قبرین تاپانمیوب
سیلی دگنده فاطمه نین گل جمالنه
بولمم ندن فلک روشیندن دایا نمیوب

ثانی الی سالاندا لکه ماه صورته
آي بس ندن خسوفه دوشوب دالدالانميوب
اود ورد یلار یانوب ملک اذن ایستین قاپی
بیر شرمه باخ - شررده- علیدن اوتانمیوب

مسمار آچدی سینه زهراده روزنه
مسماره باخ باتوب اورگه هیچ اوصانمیوب
قانه باتاندافاطمه تنگ آستانه ده
عرش آستانه سی نیه قانه بویا نمیوب

عظم رمیمی نالیه گتدی سیزیلتیسی
افسوس او آه زاره یاتانلار اویانمیوب
نامحرم ایچره عصمت کبرای کردگار
بولمم نه حالده یمش ایاقه دوارنمیوب

زینب دیدی بابا ننم اُلدی هرایه گل
معصومه اولماقین آنامین خصم قانمیوب
زهرانی قان آپاردی نه اگلشمسن بابا
پیغمبرین امانتنه خلق اینانمیوب

شرط ادب عصاره دیندور کریمیا
بی بهره دور او کسکه مودب دولا نمیوب

• یکشنبه
• 9
• خرداد
• 1400
• ساعت
• 18:31
• نوشته شده توسط
• یوسف اکبری

ای گل باغ مصطفی ؛ فاطمه آفرین سنه
وی شرف آل عبا ؛ فاطمه آفرین سنه

هست و عدم سنونکیدی لوح و قلم سنونکیدی
قلب بهشتیده اولان باغ ارم سنونکیدی
سینهٔ عاشقی سیخان غصه و غم سنونکیدی
قُلّهٔ عشقیده اَسن قاره علم سنونکیدی
دلبر ختم الانبیا ؛ فاطمه آفرین سنه

ایلیه بیلمدی وؤرا سنگ محک محک سنی
قلبی لره ائدوب خدا مُهر مثالی حک سنی
جرأتی یوخدی پیر ائده درد و غم فدک سنی
رتبه ده بی نظیر سن حق یارادوبدی تک سنی
دهریده خیرة النسا ؛ فاطمه آفرین سنه

فخریله جبرئیل ئوپر دهریده بارگاهوی
سرمه یرینده ایشلدر شیعه او گرد راهوی
تاب ائلمز اگر گوره سوزیله اشک و آهوی
گون گجه گندوز‌ اللشور گورمگه بیر نگاهوی
سندن آلا گوزل ضیا؛ فاطمه آفرین سنه

وار یری قلباً ایلیک جانی سنه فدا خانیم
گوز یاشیمیز روان اولور صورته بی صدا خانیم
حبس ائلیوبدی غم بیزی ایلموری رها خانیم
واردی امیدیمز سنه ایله بیزی دعا خانیم
سنده دی قلب بی ریا ؛ فاطمه آفرین سنه

خیر عملین آلار بشر حشریده ویژه پاداشین
باشون اوجا اوجاتموسان دهریده شیعه نین باشین
وؤردون ئولونجه سینوه عشقیله حیدرین داشین
شیعه توکور او خاطره بزم عزاده گوز یاشین
یاور شاه لافتا ؛ فاطمه آفرین سنه

• چهارشنبه
• 12
• خرداد
• 1400
• ساعت
• 11:27
• نوشته شده توسط
• یوسف اکبری

آی قامتین غملر بوکن
رخساره گوزدن قان توکن
یاتما یا را لی قبر د ه
زهرای من زهرای من

آی باغبا ن آی باغبا ن
سولدی سارالدی گولستان
بولبولر اولدی باقری قان
زهرای من زهرای من

چیخماز عم اوغون گولشنه
باخماز چمنده سوسنه
ز ینب دئینده وای ننه
ز هر ا ی من ز هر ا ی من

آی حیدر ین همسنگری
مظلوم علینین یاوری
دور بیر دانیشدیر حیدری
ز هر ا ی من زهرای من

آی باغری قا نیلن دولان
لا له مثالی تئز سولان
نعشی.گئجیله دفن.اولان
زهرای من زهرای من

گلمز بیا نه غملر ین
چوخ غملره اولدون.قرین
رخسارده سیلی یئر ین
اوز همسریندن گیزلدن
زهرای من زهای من

____ کانال ندای عاشورا
التماس دعا

نوحه ی حضرت زهرا(س)

___ کانال ندای عاشورا

آی قامتین غملر بوکن
رخساره گوزدن قان توکن
یاتما یا را لی قبر د ه
زهرای من زهرای من

آی باغبا ن آی باغبا ن
سولدی سارالدی گولستان
بولبولر اولدی باقری قان
زهرای من زهرای من

چیخماز عم اوغون گولشنه
باخماز چمنده سوسنه
ز ینب دئینده وای ننه
ز هر ا ی من ز هر ا ی من

آی حیدر ین همسنگری
مظلوم علینین یاوری
دور بیر دانیشدیر حیدری
ز هر ا ی من زهرای من

آی باغری قا نیلن دولان
لا له مثالی تئز سولان
نعشی.گئجیله دفن.اولان
زهرای من زهرای من

گلمز بیا نه غملر ین
چوخ غملره اولدون.قرین
رخسارده سیلی یئر ین
اوز همسریندن گیزلدن
زهرای من زهای من

• یکشنبه
• 6
• تیر
• 1400
• ساعت
• 12:15
• نوشته شده توسط
• یوسف اکبری

سحرگَه غنچهء خندان آچیلدی
نَه غنچه لالهء نُعمان آچیلدی

اَنور گویدَن یِره صف صف ستاره
و یا اینکه مَلَکدور بی شماره
گَلوللَر مَنزل رَف رَف سواره
مَطاف اولدی گجه یله گاهواره
جهانه سفرهء احسان آچیلدی

گلوبدور دُرج عِصمتدن بوگوهر
بها وئرمیش اونا خَلّاق داور
اونون شَانینده بو بَس که پیمبر
چاغیرسیدی اونی سَسلردی مادر
بو گون سرلوحهء پیمان آچیلدی

اونون نوری اولوب مَعلول خلقت
آدی زهرادی گُلدن با طَراوت
ولایت همسری بِنت رسالت
قدومی وئردی بو اَفلاکه زینت
چیچکلر رَنگ رَنگ اَلوان آچیلدی

اوخور گُلشنده قُمریلَر دوباره
بو زیبا نغمه لَرده وار اشاره
که یعنی خوش گلوبسن ماهپاره
آدوندور درد بی درمانه چاره
سنه کوثر دِیَن قرآن آچیلدی

حَبیبه چون گلوب حَیّ وَدوده
یتیشدی بو خبر بود و نبوده
مَلکلَرسَس قوشوبدور بوسروده
مبارکباد عَجین اولموش دروده
شُعَفدن دفتر و دیوان آچیلدی

بو زهرادور اونا یوخ مِثل وهَمتا
صفاسیندن اولوب عالم مُصَفّا
ئوپردی اَللرین ایگلَردی طاها
بله فرمایش ایلردی او اَثنا
بو اَلده دفتر غُفران آچیلدی

وجودی بی بَدیل وپاک واَطهر
اونون عِطریندن عالمدور مُعطَّر
جهانی ایلیوب زهرا مُسَخَّر

• دوشنبه
• 14
• تیر
• 1400
• ساعت
• 17:14
• نوشته شده توسط
• یوسف اکبری

فَخر نِسوان جهان بَضعه ی طاهایه سلام
قبری گیزلینده قالان حضرت زهرایه سلام

مامِ سادات آدینا نصب اولا هَریاندا عَلم
مُحترمدور اومکانی بیلَرعشق اهلی حَرم
بَختوردور اورا کیم قویسا خلوصیله قَدم

چونکه روحُ القُدوس اول یرده گلوب نوحَه دیَر
شهپرین اهل عزا مَقدمینه فَرش ائلیَر

اَل اَله وئرمیشدی یخماقا حَقّی زَر و زور
اِزدحام ائتمیشیدی کوچه ده اوچ یوز کَروکور
آنلاری پینه لی امّا هاموسی فاقد نور

تَله سوردی قاپونی سیندیرا عُمّال ستم
قبله ی عشقه هجومین گتوروب اهل صَنم

ثانی غیضیله وروب ضربه او یانمیش قاپیا
شهرت و مَنزلتی عرشه دایانمیش قاپیا
آغلا قان آغلا گوزوم قانه بویانمیش قاپیا

توکولنلَر ائوَه جَهل و جَدلی بوشلامادی
در و دیوار آراسیندا قالانی یوخلامادی

حَق بو طاها گُلونون مِثلینی حاشا یارادا
شانه ی غمله قضا ایسته دی زُلفون دارادا
قاپی دیواره دایاندی ، گُل اوولدی آرادا

باغبان هاردادی گورسون گُلی دوشدی خطره
هم اوولدی گُلی هم گئتدی گُلابی هَدره

چون امامت زِرهین سالدی یرَه وحشی عرب
سیلی زهرایه وِران باشلادی گیزلینده طَرب
مرتضایه بِله کافر نِجه ساخلاردی ادب

فرصت اولدی او یَدُالله اَلینی باغلیالار
دورد بالا هم آنیا هم آتیا آغلیالار

بِله بیر ظُلمه هیچ اَدواریده یازموبلا نَظیر
سالدیلار بوینونا دستاری او عمال شَریر
عجبا روبَه و کَفتاره اسیر اولدی او شیر

سَریلوبدور یره گوردی گُل طاها سارالور
آپارولار ئوزون امّا ئورگی یردَه قالور

فاطمه آچدی گوزون فِضیه بیر ائتدی نَظر
عُمریمون شمعی دئدی گرچه بو دردیله سونَر
گودرَم ئوز بالامی قبریده من شام و سحر

مهدی اوغلوم که گَلر آستاناما سایه سالار
ذولفقاریله او گون مُحسنیمون قانین آلار

نَه بیلوردوم بیزه بو شهریده دشمن چوخوموش
باخیشی حیدریمون دشمنه گویا اوخوموش
دئمه بو یثرب اَرا بیزدَن آدامسیز یوخوموش

جمع مَظلومیده من حیدری باشدا سانورام
گوزونون یاشین اودور دردیمه درمان تانورام

یاعلی ای شرف اَرض و سَما ، میرِ اُمم
رحمت و جودووی دَرج ائتمگه عاجزدی قَلم
هاردادور حاتم طایی آلا تا درس کَرم

گجه کئچمیش یاریدان(نادرون) احوالینَه باخ
معرفت نورینی مولا بو یانان سینیَه شاخ

• سه شنبه
• 15
• تیر
• 1400
• ساعت
• 21:52
• نوشته شده توسط
• یوسف اکبری

آز قالدی مزاره گِئدم ای شاه خُجسته
گَل بیردانیشاق سون نَفَسیمده سفر اوسته

یوخ ذَرّه بو دنیاده گوزوم گرچه جوانم
شوقیله بو گون ساحَت معبوده روانم
سندن بو سفر اوسته عم اوغلی نگرانم

مندن صورا غم باشووَه سایه سالاجاقدی
عَدلین دَدَه سی ائوده کمکسیز قالاجاقدی

دنیایه گوره آخرتی ساتدی بو اُمّت
کور ایلدی ظُلّامی نَدن حُبّ ریاست
باغلاندی غریبانه بو گون بابِ امامت

ظُلمون عَلمی‌ عَدلین آدیلا اوجالوبدور
خیبر شِکنون اَللَری قوینوندا قالوبدور

مندنصورا بیرده بِله بیر کشمکش اولسا
وحشی لَر اگر اِئتسه تهاجم اِئوه دولسا
باغلانسا قولون گُللریمیز صحنه ده سولسا

اِمدادووَه آردونجا سنون کیم قاچاجاقدور
باغلی قولووِی اوندا کیم آیا آچاجاقدور

عِرفانین حِجاباتیده مَفهومی سنیدون
غم دفترینون باشداکی مَغمومی سنیدون
مَظلوملرین دَهریده مَظلومی سنیدون

ایکاش ائله امکانیم اولیدی دایانیدیم
گوزیاشلی سنون باشووه بیرده دولانیدیم

اَسرار مِحن فاش اولوری غملی سوزوندن
بیر هالِه ی ماتم گورونور ایندی یوزوندن
من گِئتدیم عم اوغلی سن ئوزون گوزله ئوزوندن

هرچند گئدور فاطمه ای خسرو خوبان
باشون ساق اولا آغلاما گوزیاشووه قربان

ای فَخر ائلین عِزَّتینه آدم و حوا
دوققوز ایل ائووندَه سنه غمخواریدی زهرا
بومُدّتی حَقّونده قُصوریم اگر اولسا

اِغماضِ نَظر گَل منه ای نیک خِصال ائت
سن بیل بوحسینین جانی زهرانی حلال ائت

نِسگیل لَریمون ایندی بو نِسگیلدی کَبیری
واضحدی قزیم زینب اولار غملر اَسیری
زهرایه گورَه یاخشی دانیشدیر او صَغیری

بیر گون که قَدَر ایستدی طوی قسمتی اِئتسون
اولماز نَنَه سی ،سن گَلینی سال یولا گِئتسون

بیرده سنه بیر سوز دیورم ای شه مَحشر
وئر کوینگیم اوستن منه غسل اولسا مُیسّر
تَدفینیمی ساخلا گجیه اولما مُکدّر

گیزلینده عم اوغلی منی حمل ایله مزاره
تادردیمه ائتسون گجه نون قاره سی چاره

بو اهل مدینه منه هِچ قویمادی حُرمت
قویما که تاپا مُحسنیمون قاتلی فُرصت
گوزلردَن عم اوغلی گَل ئوزون قبریمی گیزلت

مَکتوب غمی ایله نهان قوی قالا بسته
تیترر بدنیم گَلسه عُمر قبریمون اوسته

(نادر) دیوری خامه دایان یوخدی توانیم
حیدر حالینون ذکرینه عاجزدی بیانیم
واردور یری قوزانسا اگر عَرشه فغانیم

قبره قویولاندا گجه نون عالمی زهرا
آغلاردی علی حالتینه گنبد مینا

• سه شنبه
• 15
• تیر
• 1400
• ساعت
• 21:56
• نوشته شده توسط
• یوسف اکبری

اي دليل خلقت كون و مكان يا فاطمه
خلقتین بطنیندکی سر نهان یا فاطمه

راز خلقت اولمامشدی بدو خلقتدن پدید
سنله اولدی برملا عالمده ای فرد فرید
اولماسیدون عالم امکان اولاردی ناپدید
سن سبب اولدون یاراندی کهکشان یا فاطمه

جلوه سین کسب ایتدی سندن خلق خلاق ودود
ظاهر اولدی بیر بیره عالمده خلق اولموش وجود
ای وجودی باعث ایجاد هر بود و نبود
حشمتی جاه و جلالی بیکران یا فاطمه

گوهر خلقت سنی خلق ایتدی خلاق احد
خلقتونده ایلدی اعزاز اللهُ صمد
کل مخلوق ایستیر روز جزا سندن مدد
سسلیر انفاس عالم هر زمان یا فاطمه

تا وجودین خلق اولوندی عالمه قویدون قدم
اون بیراولدوزایلدون ظلمات دنیایه علم
هر بیری مخلوق آرا صاحب مقام و محترم
وصفیوه اللرده خامه نا توان یا فاطمه

باطینینده خلق اولوب روز ازل حسن جمیل
هر ایکی دنیا ده فخر ایلر سنه نسل خلیل
رحمتی جوشه گلنده خلق ایدوب رب جلیل
سوره کوثر ایدر شرحین بیان یا فاطمه

هیکل تقوانی عالم سنده ایلر جستجو
سائلي که گوزلری گورموردی اولدون روبرو
اوندادا حفظ حجاب ایتدون سن ای با آبرو
ایلدون رخساریوی اوندان نهان یا فاطمه

ای وجودنازنینی باغ طاهایه صفا
بیر گیجه گوندوز سنی گر گورمسیدی مصطفی
تا گورردی پیشواز ایلردی ای کان حیا
سسلیردی آیرلقدان الامان یا فاطمه

خطبه ایراد ایلینده تاپشوراردی امته
چون گوروردی امتی هرگون دوشوربیر صورته
وار یری سندن قالیدی ناگران بو علته
جان ویرنده خاتم پیغنپران یا فاطمه

واقفیدی مصطفى اود ورسالار درگاهیوه
سینه مجروحیوی یانسا شرار آهیوه
مرتضا دوزمز سنون بیر دم غم جانکاهیوه
سخت اولار غیرتلیه بو امتحان یا فاطمه

مصطفی نین رحلتیندن گچممیشدی چوخ زمان
سوز یرین آلدی قاپون یاندی او دم اولدی اولان
سن حیاتیندن ال اوزدون هم علی هم دوت بالان
بوش یرون گوردوقجا ایلردی فغان یا فاطمه

بولمدی اُمت سنون صد حیف قدر و قیمتین
دم به دم یوز ویردی غم دلده چوخالدی محنتین
دائما چکدون گچنکی روزگارین حسرتین
حیف اولا بیرده قیتمزدی زمان یا فاطمه

گوگلون ایستردی گذشته ممکن اولسا اولسون حال
خاطرینده تازه لنسون خاطرات لامحال
مسجد پیغنبره گلسون اذان ویرسین بلال
صوت و لحنیندن اویانسون هر یاتان یا فاطمه

قلبیوه دولدی غم و اندوه عالم یکسره
لیک او احوالیله سن روحیه ویردین حیدره
قویمادون شیر خدانی ال آپارسون خنجره
یوخسا اولموشدی علینون باغری قان یا فاطمه

قویمادون فاش اولسون حتیٰ کوچه ده سیلی سوزون
گیزلدردین سن علیدن دائماً نیلی یوزون
بیر خدا بولدی بو سری بیر حسن بیرده اوزون
مصطفایه بس نجه ویردین نشان یا فاطمه

مرتضیٰ تا ایستدی غسلون ویروب ایدسین کفن
ماجرا اوندا ولی ذلمنه اولدی علن
لاجرم آچدی سوزی فاش ایلدی اوغلون حسن
قلب حیدردن او غم آلدی توان یا فاطمه

غسل و کفنیندن سورا شخصاً سنه قیلدی نماز
یوز دوتوب درگاه حقه ایلدی راز و نیاز
عرض ایدیب تنگ اولدی یا رب دخت طاهایه حجاز
دویدی دنیادن گیدیر قبره جوان یا فاطمه

ایستدی تابوتیوی ایتسین روان شاه کُبار
ایتدی همراهی او نی بیر عده انگشت شمار
ظاهراً یدی نفر هر تک تکی کامل عیار
باطناً تشیع ایدیردی قدسیان یا فاطمه

آیرلیق پوزدی حسینون ناگهان افکارینی
مرتضا امر ایلدی صبر ایلسین انصارینی
دوزمدون آچدون محبتله او دم قولارینی
چکدون آغوشه سن ای سّدره مکان یا فاطمه

فرصتی گوردی غنیمتدور او دم اوغلون حسن
اوز اوزون آغوشیوه سالدی یانان دلده محن
باغبان گوردی که چوخ قالمور یانا باغ و چمن
اول یانار اوتدان دوتا اوت نه مکان یا فاطمه

لاجرم مولا آیردی ارغوانی گوللری
دل توکوب دوتدی دله بیر آز او شیرین دللری
سینه وه قیتردی قویدی اول کریمه اللری
وردیلر انصار تابوته تکان یا فاطمه

چخدلار باب امامتدن تمامی اشگبار
ظلمت شبده اولوبلار شهریدن بیر آز کنار
قازدلارخاک بقیعده نصف شب گیزلین مزار
دفن ایدوب مولا سنی ناله کنان یا فاطمه

حسرتیله دوردی باخدی قبریوه بیر وای دیدی
بیر دریندن آه چکدی بیرده بیر ایوای دیدی
اوخشادی لحن حجازیله سنه لای لای دیدی
اوخشیانماز مثلینی بیر روضه خوان یا فاطمه.

امتین سالدی آراسندا او کسلر کی نفاق
یول آیردی بو نفاق اولدی بَُیوک بیر اتفاق
ایندی اوغلون مهدی صاحب زمانین باشی ساق
قانیوی بیر گون آلار بو قان آلان یا فاطمه

درگهینده بیر غلام روسیاهم ، (سادیم)
کوی عشقونده سنون افتاده وه ، افتادیم
افتخاریم بوندادور شاگرد (ذهنی زادیم)
درس آلار اوندان هامی نوحه یازان یا فاطمه

• یکشنبه
• 3
• مرداد
• 1400
• ساعت
• 10:55
• نوشته شده توسط
• یوسف اکبری

خلق اولوب دنیا فقط زهرای اطهر عشقینه
جان تاپوب ارض و سما دخت پیمبر عشقینه

دوزری که مام تمام شیعیاندور مرتضی
یا اوزولدی کعبه نون دیواری حیدر عشقینه

پنج تن بش نوریدور که بش جهتدن گون ساچار
گون طلوع ائتمز گهی بو پنج سرور عشقینه

فاطمه نور خدادی یوخدی شک یوخدی گمان
فخر نسواندی، که وئرمیش جانی دلبر عشقینه

فاطمه کنز حیا و حجب و شرفدی عاشقان
بسلیوبدی دورت بالا الله و اکبر عشقینه

فاطمه استاد زینبدی ئوزلمز بو سخن
بش یاشیندان قاره سالدی باشه،مادر عشقینه

فاطمه آیینه ی عدل و عدالتدور بشر
جانینی قربان وئروبدی دین صفدر عشقینه

فاطمه اون سگیز ایل عمر ائتدی اما گل کیمی
ایستدی ئوز یارینه اولسون که پرپر عشقینه

• دوشنبه
• 11
• مرداد
• 1400
• ساعت
• 16:32
• نوشته شده توسط
• یوسف اکبری

آنام دوشوبدی توپراقا جفای ثانیدن بابا
دئیوبدی تازیانه چوخ دشوبدی جانیدن بابا

ئوزوم گوردوم که یامان احواله قالاندا
ئوزوم گوردوم سینسینه مسمار باتاندا
ئوزوم گوردوم سسلدی فیضه دادیمه گل
اولوبدی سقط محسنی قاپی باغلاناندا

یارالی ننه م وای یارالی ننه م وای

دئینده سیلی صورته یوزی دولاندی اول زمان
الی سینیدی قاتلین گوزونه فوری دولدی قان

دئدیم زینبی گوزوندن آتما ننه جان
ستاره لر مثلی ایندی باتما ننه جان
سن اولماسان شانه کیم بو زلفه وراجاخ؟
قادان آلیم زینبی آغلاتما ننه جان

یارالی ننه م وای یارالی ننه م وای

گل آیریلاندا غنچه دن یانوبدی بلبل آغلادی
قوجالدی باغبان اوگون ایاقلانان گل آغلادی

نباید گلزاریده گل، غنچه م صولیدی
نباید دشمن جفانین اوسته دوریدی
ورانمازدی ثانی زهرایه سیلی والله
ابوالفضلیم گر اوگون دنیاده اولیدی

یارالی ننه م وای وفالی ننه م وای

انا ئوله ائو اهلینون یوزی دا گولمز آی ننه
قرا باشیمدا اوخشیوب گجه لر آغلارام سنه

سنی ظلمیله دویوبدی چوخ اهل کینه
نظر قیل منزلده بیر آنا شور و شینه
اجل گلمیش آیریدا زینبدن آناسین
دم آخر باخ دویونجا مظلوم حسینه

یارالی ننه م وای وفالی ننه م وای

• جمعه
• 15
• مرداد
• 1400
• ساعت
• 19:45
• نوشته شده توسط
• یوسف اکبری

آتش ظلمه قاپون یاندی سنون فاطمه جان
کوچه ده یرده قالوب گل بدنون فاطمه جان
یارالی جان یارالی(2)

ای علینون دایاقی سن نیه دیلدن دوشدون
فاطمه سن ارالی بس عجب اءلدن دوشدون
نه آغیر ضربه دیبدی یره بیردن دوشدون
یتیشیدی منه کاش درد و غمون فاطمه جان

حسنین سینه ورور زینب و کلثوم ملشور
آغلیوب ناله اءدوب ساچلارینا توز بلشور
در و دیواری گوروب دردیلری تازه لشور
یخیلان وقتیده گوردی حسنون فاطمه جان

گهی زینب سنی اوخشور چاغیرور نازلی ننه
آی رسولین گوزلی سن داخی ناز اتمه منه
گوزون آلتی گوروب وردیلار چوخ سیلی سنه؟
حشره جان گتمیجک سیلی یرون فاطمه جان

فضه نی سن چاغیران لحظه من اوردیدیم آنا
وار یری بو سوزیله عاشقیوین قلبی یانا
نه گلوب محسنیله کوچه دوشدوز بیریانا
قویمادیلار گل اولا غنچه لرون فاطمه جان

بی حیا ثانی اذیت اءلیوبدی سنی چوخ
اتامین باغلیدی قولاری ننه چاره سی یوخ
ایله بیل سینوه زهرا دیوب اوچ شعبه لی اوخ
قانلیدی ، پاره اولوب پیرهنون فاطمه جان

هیچ کسین ظلمی اءدن ظلمیزه هیچ چاتماز عدو
کیشه یاره وران عالمی اغلاتماز عدو
رسمیدی مرد قاباقیندا عورتین ورماز عدو
باغلادیم من گجه وقتی کفنون فاطمه جان

• جمعه
• 15
• مرداد
• 1400
• ساعت
• 21:06
• نوشته شده توسط
• یوسف اکبری

گلمیشم درگهووه دیلده نوا یازهرا
حاجتیم واردی منیم ایله روا یازهرا

نا امید اولماز امیدیله گلن درگهووزه
آستانوزدی یقین باب رجا یازهرا

شانه باخ سوره ی کوثر آدوا نازل اولوب
کی یقین ذات مقّدسدن عطا یازهرا

آند اولا عصمتووه گئتمرم آیری قاپیا
گلمیشم منده کرملی قاپووا یازهرا

بزم یاسون مَثَل روضه ی جنّتدی بیزه
محفلوزدن یئتشر روحه صفا یازهرا

چکدیگون محنتووی هرگجه یاده سالارام
آغلارام محنتووه صبح ومسا یازهرا

آندا وئرم سنی غربتده اولن زینبووه
دوت الیمدن منیم ای گنج حیا یازهرا

دوتمیشام دامنووی صدقیله مین حاجتیلن
لطف ائله نوکرووی ایله دعا یازهرا

امّت ختم رُسُل دوردی عناد اوسته ندن
اوت ویرا درگهووه اهل جفا یازهرا

حیدرین اللرینی اهل شرر باغلادیلار
چکدیلر مسجده بی جرم خطا یازهرا

یاندیروب آتش کبریله امامت قاپوسین
ائتمیوب ثانی خصومتدن اِبا یازهرا

لعنت اولسون قاپووی یاندیران اهل ستمه
چیخدی افسوس اولا بی مهر ووفا یازهرا

نه گناه اوسته جفا ایلدیلر محسنووه
ویردلار قلبووه ظلمیله یارا یازهرا

باغلیا بیلمدیلر گر چی ولایت قاپوسین
ائتدیلر حیدرووی غرق عزا یازهرا

مفخر آل عبانین اورگین داغلادیلار
چکدیلر جنّت الاعلایه قرا یازهرا

غسلووی وئردی علی دفن ائلدی یاری گجه
آغلادی غملرووه شیر خدا یازهرا

قول قابیرقاسی سینان فاطمه م الدن گئتدی
اولمادی دردووه عالمده دوا یازهر

سنی قبره نجه تاپشیرسین علی فاطمه جان
ای اولان بارگهی دار شفا یازهرا

حیدرین همنفس وهمدمی الدن گئتدی
فرقتوندن یاناجاق شاه و گدا یازهرا

قاپوون نوکرینون نوکریدور تیموری
قویما شرمنده اولا روز جزا یا زهرا

• جمعه
• 15
• مرداد
• 1400
• ساعت
• 21:24
• نوشته شده توسط
• یوسف اکبری

ای گل گلستان انام وای
محنتی بیکران انام وای
من غمونده نوایه گلم
هارداسان مهربان انام وای
اغلارام فرقتونده هران اناوای
قلبیمی ایتدی یاره هجران اناوای
انام لای لای انام لای لای

گوزدن اتدین بیزی جهاندا
ایلرم ناله گون باتاندا
یاده سالام سنی چاغورام
بس اناقالموسان هایاندا
لاله تک باغرینادولان قان اناوای
زینبون قالدی دیده گریان اناوای

سن کیمون گل عذاره قربان
غصه لی غم گساره قربان
اغلارام اوخشارام ئولونجه
سینه سی یاره یاره قربان
ای هواداردردمندان اناوای
همدم ومونس یتیمان اناوای

اولماسایازانایای اولماز
انایاهرگلن تای اولماز
سن سیزای تکیه گاه عالم
اغلارام خوش گونوم دای اولماز
قاپیوا اوت ویریبدی عدوان اناوای
صبرایوین ایتدی غصه ویران اناوای

باشیمه قاره باغلارام من
غصه دن سینه داغلارام من
هی سنین غملرین اناجان
یاده سالدیقجااغلارام من
قیل دعا تکدی شاه مردان اناوای
فاتح خیبراولدی نالان اناوای

اولموشام دردوغم دچاری
قالمیوب قلبیمون قراری
قالدی گیزلینده سسلرم من
بس ندندورانام مزاری
اوخشارام اشکاروپنهان اناوای
سینوی دلدی میخ سوزان اناوای

قالدی گلزاردین صفاسیز
اولدی سینه یاران دواسیز
راحت اولدون غم وبلادن
قالدی دورت سویگلون اناسیز
گل حسین ایلوراه وافغان اناوای
مجتبی ده اولوب نواخوان اناوای

سولدی وای گلشن رسالت
ای فدای ره عدالت
سن ولایت مدافعی سن
حقدن ایتدون گوزل حمایت
(عارفه) ایله بیرجه احسان اناوای
دردی واردیلرسن ایله درمان اناوای

• دوشنبه
• 18
• مرداد
• 1400
• ساعت
• 11:41
• نوشته شده توسط
• یوسف اکبری

ای مظلوم علی نور جلی منی حلال ایله
قبره گیدورم ترک ایدورم سنی حلال ایله
بتول اطهره باخ_گل پیمبره باخ
بوغم سراده دوشن_یارالی مادره باخ
عم اوغلی غصه یمه
غمی حسینه دیمه

ای حُسنی گوزل بالینیمه گل علی ولی الله
زهرای بتول دلبند رسول غمیندن اول آگاه
سولور منیم چمنیم_اولور یتیم حسنیم
اوزون منی کفن ایت-یوخوم گلیب گیدنیم
عم اوغلی غصه یمه
غمی حسینه دیمه

ای شیر خدا کان وفا ابالحسن حیدر
وار سنده کرم من بولورم جهانه ای رهبر
وطن غریبی علی_جهان طبیبی علی
خدای لَم یَزَلین_گوزل حبیبی علی
عم اوغلی غصه یمه
غمی حسینه دیمه

ای میر عرب عالی نصب سنه سوزوم واردی
غصّم چوخالور زهرا قوجالور دئمه دوزوم واردی
قوتاردی صبریم آقا_قازیلدی قبریم آقا
یامان گونومدی منیم_دولوبدی ابریم آقا
عم اوغلی غصه یمه
غمی حسینه دیمه

طول اولدی شبیم واردی طبیم یارالیام حیدر
گل ای شه دین جان حسین عزالیام حیدر
گل اشگ آلیمه باخ_سولان جمالینه باخ
منی بلایه سالان_بو غملی حالیمه باخ
عم اوغلی غصه یمه
غمی حسینه دیمه

ای روح و روان شاه جهان علی ولی الله
زهرا ئولوری شمعی سونوری اوخی کلام الله
عم اوغلی تاج سریم_یانور منیم جگریم
حسن حسینه دیمه_سونوبدی بال و پریم
عم اوغلی غصه یمه
غمی حسینه دیمه

یازدیقجا دوزی بوغملی سوزی خلیل نژاد آغلار
بیر آه چکر گوزیاشی توکر سنه سینه داغلار
همیشه داده گلر_عذاره اشگین اَلَر
دیینده مظلوم علی_مثال آهو مَلَر
عم اوغلی غصه یمه
غمی حسینه دیمه

• سه شنبه
• 19
• مرداد
• 1400
• ساعت
• 10:26
• نوشته شده توسط
• یوسف اکبری

سبب خلقت عالم زهرا
همه دم لر ایچون دم زهرا
اوزی کوثر جوشاراق یم زهرا
که جوشور کعبه ده زمزم زهرا
اولارین کلی گلوب زهرایه
اونودا پای وروب حق طاهایه

ادبه گوهر رخشان زهرا
همه جسم لره جان زهرا
اوزی باشدان باشا عرفان زهرا
سبب عالم امکان زهرا
بشریت باغی نین باغبانی
بجروب اوز جانی تک زهرانی

نجه زهرا گل عصمت زهرا
همه عصمته قسمت زهرا
اوزی هر علته علت زهرا
ایله سرتاسری همت زهرا
یازلبدور آدی زهرا زهرا
اوخونور ام ابیها زهرا

بشرین وقر و وقاری زهرا
همه دار و نداری زهرا
اوزی اوز یارینه یاری زهرا
ایلیوب دلده شعاری زهرا
آپاریب اوجه وفا زهرانی
تانیموبلار عجبا زهرانی

وروب اوز دلبرینه دل زهرا
همه اهل دله بیل زهرا
اوزی همدم اولی حاصل زهرا
او قدر ایلدی نسگیل زهرا
یورولوبدور غم تاب و تبدن
ال اوزوب کلثوملن زینبدن

افق معرفته آی زهرا
همه آیلارا بول تای زهرا
اوزی حق دن بیز ایچون پای زهرا
سن "امینی" سویله لایلای زهرا
شب و روز اوخشا خانم زهرانی
قوی اولا آغلاماقین عنوانی

• یکشنبه
• 24
• مرداد
• 1400
• ساعت
• 11:38
• نوشته شده توسط
• یوسف اکبری

جانیم آنا گوزوم آنا آی آنا
بو دنیادا کیمدی سنه تای آنا
اوشاقلقدان قولاقیمدا سسلنور
منه چالدیقلارون او لایلای آنا

یادیمدادور اوخویاردون من ایچون
بهار نغمه لرین یاز نغمه لرین
قوجاقوندا شیرین لایلای دیماقون
اورگدردی منه ناز نغمه لرین
ایندی فکر و خیال منی آپاریر
اورگیمده چالور ساز نغمه لرین
اسورم جوشورام دیورم حییف
گچن گونوم اله دوشمز دای آنا

او بلبلون قاناد چالان یریدور
قزل گلون تیکانلی قول بوداقی
تیکانلی اولسادا محبتی وار
آزادلیق ایستیور او اویناماقی
اوشاقلارا بهشتیلن یاریدور
آتار وارکن آناسینین قوجاقی
آناسیزلار بولر نییمیش آنا
گجه لر گونوزلر دییر وای آنا

بجردیگون ایگیت اوغول قوجالیب
اوشاقلقی دوشوب گینه یادینا
قارلی داغلار کیمی باشین قار آلوب
قوجامان دیوللر ایندی آدینا
بیر کفن گوتوروب دوزه لوب یولا
بطلان خطی وروب هر بیر زادینا
فلک سایدیقنی سایوب من ایچون
شیرین دلیم اویان سنده سای آنا

گچن گونه چتیندی گون یته دای
ورقلنوب جوانلقین کتابی
هانی او نغمه لر هانی او لایلای
ایندی گلور اله اونون حسابی
نه قشی یاتاردی نه یاز نه ده یای
پهلوان اوغلیون قالمیوب تابی
داغلاری یریندن گوتورن اوغلون
گوتورنمور بیر استکان چای آنا

هیچ بولمورم نه دانشیم نه دیوم
خاطره لر اورگیمده دولانور
اوشاقلقم جوانلقیم یادیما
دوشن کیمی گوز بولاقیم سولانور
آغلایرام آغلایرام یانورام
کدرلی اود قباقیمدا قالانور
سسلنورم داغا داشا دنیزه
های سالورام یوخدی ورن های آنا

یادیمدادور آتام مینوب آتینی
قویون قوزی ملور گزور اوبانی
فلکین چرخی تک زمان دولانوب
آلوب الیمزدن آتا بابانی
داغلارین باشینی دومان بوریوب
گورنمورم داخی او خان چوبانی
بیر ایله سورودن یاغدان کره دن
گتورن یوخ ایندی بیزه پای آنا

گچن کاروانلاری گچن ایللری
تاپورام اونلاردان سوروشام سنی
بیری دیور داخی گلمز او بیرسی
بیر آیری سوز دیور آللادیر منی
کسورم یوللاری دوشرگه لری
تانیام بیر به بیر گلوب گیدنی
"امینی" گوزلیور گونش جمالون
قرانلیق اولکمه گلوب یای آنا

• یکشنبه
• 24
• مرداد
• 1400
• ساعت
• 11:43
• نوشته شده توسط
• یوسف اکبری

یازولا صبح شب دفن راه مسجده
تصادف ایلدی مقداده ناگهان ثانی

سوروشدی حالینی مرضیه نون، دئدی مقداد
بتول ئولدی، گجه اولدی دفنی پنهانی

ایوین خراب قویاندا مزاره گوردوم اوزوم
بیر آیری منظره من ای ستمگر و جانی

آخوردی قانی کفندن هله یارالارینون
ندور جوابون اولان گونده عدل دیوانی

خدای منتقمون گیر و داری وار ظالم
اولار او گون اودا محکوم هر جفا کانی

علی الینده قویان وقته قبره فاطمه نی
اوشاق جنازه سی گوردوم او سرو رعنانی

ندور جوابون اگر حشرده رسول الله
سوال ایتسه مودتده اجر قربانی؟

نه اولدی بیر متاثر، نه قلبی یاندی، بلی
دل اولسا داش نه اثر قطره های بارانی

غضبلنوب رخ مقداده وردی بیر سیلی
اولیدی شل ایله بیر دست بی محابانی

او وضع حالیله رقتلنوب دئدی مقداد
وران بتولی، ورار هر نجیب انسانی

بلی سنون منی بو ورماقون بعید دگل
همان او الدی کبود ایتدی چشم زهرانی

ویرنده غسلینی خیبر شکن علی ناگاه
قویوب جمالینی دیواره آرتدی افغانی

گوروب جمالی بتولین سولوب، صفاسی گیدوب
ایدوب خمیده بلالر، او قد بالانی

کنار چشمنی فیروزه رنگ گوردی علی
ایدوب روان یوزینه سیل اشگ مرجانی

دئدی گوروم سنه ظلم ایلین او بی رحمه
مکان اولا صف محشرده، نار نیرانی

او پست و رذلیده وار اگر قیافه بشری
جنایت اهلیدی، وار روز حشره نسیانی

مگر بو ظلمه نه داعی واریدی زهراجان
فقط مسلط اولوب عقله حب نفسانی

فراقون ایتدی منیم لیل تار گوندوزومی
جهان آخرت اولدی سنیله نورانی

ملال و حزنیمی سرمد ایدوبدی آیرلیقون
مصیبتون آپاروب طاقت و شکیبانی

حرام ایتدی منه خواب راحتی گجه لر
تهجدیمده بولر اهل دل مزایانی

منیمده یوخدی علاقم بو عمره دنیاده
یوروب بلا منی، دلدن آلوبدی یارانی

اولوبدی تنگ منه بو جهان پهناور
گلیدی کاش اجل، ترک ایدم بو دنیانی

تهجدیم گوزومه خوابه یول ویره هیهات
او دور منه گجه لر، اولدی لیل طولانی

منه نقدر چتیندور سنون بو آیریلیقون
دوشن فراقه ایدر حل بو معمانی

نه باعث اولدی که گیتدون علینی تک قویدون؟
اورکده دردی گوزونده سرشگ طوفانی

جهانین عیشینی ایتدی منه عزا ئولومون
سزادی اشگیم ایده شرمسار دریانی

محال بیرده گله، گلشنه باخام سنسیز
گرک مکان ایلیم کوه و دشت و صحرانی

او گون که دوندی بهارون خزانه، لشگر غم
شکیب گلشنینه آچدی دست یغمانی

عزیز اوغلی الوندن دوتوب گینه (خوندل)
ارائه ایتدی سنه راه رشد و عرفانی

اماندی فکریوی پاک ایله دوشمه تردید
ولایت اهلی بولر صادقانه او رویانی

بویوردی رافتیله گلمیشم سنی آپارام
او کربلایه که وار اوردا فیض ربانی

• شنبه
• 6
• شهریور
• 1400
• ساعت
• 23:29
• نوشته شده توسط
• یوسف اکبری

یا علی گل باشیم اوسته گیچدی حددن انتظاریم
مجلس وصله عم اوغلی ایلیوب دعوت نگاریم

جاده ی عشقین بو گونده منده اولدوم رهروانی
وارمسافرلرسیاقیله وجودیمده نشانی
تندرو دور توسن مرگیم بویوڪدور داستانی
مجلس وصلونده بیر بیر سایماقا وار افتخاریم

قلبیمین آیینه سین تار ایلیوب زنگ ڪدورت
گوزیاشیم صیقل ویرنده گوسترور بیر اوزگه صورت
مه شمایلدور جبینینده یازیلموش حڪم فرقت
تا نظر سالدیم توڪندی گیتدی الدن اختیاریم

من سپهر عصمته بیر آفتاب شعشعانم
بیر نجه لحظه وصالین خیمه سینده میهمانم
ڪاروان مرگ عشقه من امیر ڪاروانم
منزل اول بقیعدور بزم یاره رهگذاریم

خاڪ غم هردم الندی باشه غربال فلڪدن
ناله ی واحسرتا گلدی ثریا و سمڪدن
من ابوبڪرین ایوینده باشلادیم صحبت فدڪدن
داش ڪیمی قلب ابو بڪری اریتدی آه و زاریم

یانمادی عالم ندن بس اوددا درباریم یاناندا
تازیانه الده قنفذ حقیمی ثانی داناندا
سقط اولوب محسن لگد ڪوب اولدی جانیم اول زماندا
وصل یاره یتماقا وار دلده چوخ چوخ انتظاریم

میزبانیم ایستیوبدی عشقیمه نچه نشانه
یوزده بیرسیلی یری قولاردا ضرب تازیانه
ایتموشم موجود الیمده گوسترم تا میزبانه
خرد خرد اولموش سینیق پهلویه باخسین اول نگاریم

خوابگاه مدفن ظلمتده یاتماقدان خوشام من
دولموشام الماق خیالیله حیاتیمدن بوشام من
باب پیغمبر یانان گوندن وجودن ناخوشام من
بعضی سری سوزلره سنسن محل اختباریم

سنده منده اولماروق بلم دیار کربلاده
خیملر تاراجینه ایلله شام اهلی اراده
خوردا قیزلار چوللره قاچسا عم اوغلی پا پیاده
کیم یغار باغلار طنابه یولارا شامه قطاریم

من حسینیلر ایچنده باغلیام محکم کمنده
قید اعمال قبیحیم شهر ایچنده ووردی بنده
ایستوری قبرون (رفو گر) گل آقا لطف ایله سنده
ایسته بیر وقفه گوراق نیلر او حق پروردگاریم

• یکشنبه
• 7
• شهریور
• 1400
• ساعت
• 13:02
• نوشته شده توسط
• یوسف اکبری

اشقیا آیری سالیب یارینی اوز یاریندن
الینی اوزدی علی محرم اسراریندن

اسدی طوفان بلا سولدی گلستان وفا
گلی گلشندن ائدییب بلبلی گلزاریندن

او نه طوفان اونه تاراج گئدیب سنده سوروش
او ائوین قانه بویانمیش در و دیواریندن

قاپی یاندی بالا الدی او بویوک فاجعه ده
خبر آل اول قاپینین زحمت مسماریندن

آفت باد خزان دئیدی گل یاسمنه
چهره سی اولدی کبود شدت اضراریندن

گل وجودی یارالاندی دلی خونبار اولدی
بیلدی کی آیری دوشور یار وفاداریندان

نئجه دوزسون بو چتین آیریلیغا آل علی
اهل بیت ئوپدی او لحظه آنا رخساریندان

بو مصیبت نه علی، عالمی آغلار قویدی
همدمی اولدی شهیده یارا آثاریندان

حیدرین بوکدی بئلین فاطمه نین آیرلیقی
کیم بولور چکدی نه لر فرقت دلداریندان

تکجه بیر تاری بولور گوردی نه لر شیر خدا
اورگی قانه دونوب قنفذون آزاریندان

کیمدی عالمده علی تک اولا مظلوم جهان
بیر بولن کیمسه بولور تاریخین اقرایندان

دنیا تحسین ائلیر حیدر کراری مدام
عالمی بهت آپاریر جمله اظهاریندان

فخر ائدر فاطمییه حضرت طاها و علی
مین کتاب یازماق اولار عفت و کرداریندان

درس آلیب زینب کبری آناسی فاطمه دن
ائتدیگی تربیت و طاعت و رفتاریندان

بیر بئله حب ولا جمله سی ایمان گوجودور
تا دم مرگ الین چکمدی ایلقاریندان

گرچه (یاور) سوزون آز اولدی بو ماتمده ولی
چاتاسان اجریوه محشرده بو گفتاریندان

یا علی منده مقدس قاپیوین سائلیم
بهرمند ایله منی دولت سرشاریندان

دردمندم منیده ایسته گلیم درگهیوه
اوندا صحت تاپارام دعوت دینداریندان

• جمعه
• 12
• شهریور
• 1400
• ساعت
• 23:02
• نوشته شده توسط
• یوسف اکبری

یازا بولمز اَلیم دَه کی خامه، شرحِ حالِ جَنابِ زَهرانی
جمع اولا گر تمام نابغه لر، وَصف اِیدنمز کتابِ زَهرانی

دفترِ عمری نه ووراندا وَرق، اولی منشورهء کتابُ الله
خطبه سینده خطابه لری، اولی انگیزهء خطابُ الله
هم رضاسی اولور رضا الله، هم عتابی اولور عتابُ الله
وای او بی شَرم و بی حَیایه، اوزی گوردی قَهر و عَتابِ زَهرانی

خلقتِ خلق عالمینده گلوب چوخ عزیزه خانم بو دنیایه
ویریلوب هاجریله سارایه، امتیازات، پایه به پایه
ویروب اللهِ ذوالجلال ولی آیری بیر اِمتیاز زَهرایه
بیر حساب اوسته کُلّ نسواندان آیروب دور حسابِ زَهرانی

مریم ین شرحِ حالی قرآندا، چوخ گُوزل طرزی لَن اولوب اِنشا
کُلِّ نسوانی دَن او دور اوُلا، لیک زَهرای مریمِ کُبری
او بیر عیسی آناسی دور امّا، اُون بیر عیسی آناسی دور زَهرا
روشن ایلوبدی سورهء کُوثر امتیازِ جنابِ زَهرانی

تک اوزیندن صورا بو دنیاده، قویدی مریم گیدنده عیسانی
لیک زَهرا گیدوبدی، اولادی دولدورب دور تمامِ دنیانی
یازیلوب دور کتابِ فاطمه دَه نامِ سادات، یوخدی کتمانی
صاحبُ العَصر اوز کنارین دَه ساخلیوب دور کتابِ زَهرانی

حقَّ اَحمددَه کلمهء لَولاک گلدی سوی خدای اَعظم دَن
فاطمه پارهء تنیم دی منیم، قول واردی رسولِ اکرم دَن
بئله بیر امتیازیله مُطلق اولی اَفضل بتول، مریم دَن
ننگی یوخ بلکه اِفتخار اِیلر اوُپسَه مریم، جنابِ زَهرانی

بیر نجیبه خانم دور هر یِرده بر ملا صحبتِ نجابتی دور
بیر عفیفه خانم دور عفّتده، عفّتِ پرده دارِ عفّتی دور
بیر خانم دور مقامِ عصمتده، هامی عالَم گواهِ عصمتی دور
عصمتی خلق اِیدن او عصمتدَن، یارادوب دَی نقابِ زَهرانی

اَدبین ذِکر اِیدم حیا اِیدورم، اَدبین آخر و اَزل سوزی دَی
نه دِلیله دیوم حیاسی ندن چون حیائیله عصمتین گُوزی دور
عفّتینن دیمم، بولور کی هامی بیر خانم دور که عفّتین اُوزی دور
نه دیوم من گرک حجابین اُوزی دیّه وَصفِ حجابِ زَهرانی

گتورردی گورنده فاطمه نی جوشه قلبین دَه مِهرِ طاهانی
باغرینا جان کیمی باسوب گُل تک، بوس اِیدردی جمالِ زَهرانی
یوزی زَهرا یوزینده سویلردی، سنه قربان اولا آتان جانی
شانه ایلردی دستِ رأفتی له زلفِ پُر پیچ و تابِ زَهرانی

بیر خانم که بیلَردی پیغمبر، عزّت و شوکت و جلالتی نی
سوز باشی سوز سالوب اِیدردی بیان قیزی نین قَدر و قُرب و قیمتی نی
حیف بیر عدّه ناکس و نادان، سیندورب لار حریمِ حرمتی نی
آچدیلار بابِ ظلمی، اُودلادیلار نارِ ظلمی له بابِ زَهرانی

نه قاپی یعنی فاطمه قاپوسی، ُدلانوب دور جهاندا بابِ کَرم
نه قاپی واردی اَندرونین دَه حسنِین و علی اِمامِ اُمم
ساخلاموب احترام و حرمتی نی، قیل و قال ایتدی قومِ لایعلَم
اوجالوب قیل و قال، آرتیردی قلبی دَه اضطرابِ زَهرانی

دئدیلر بیز بو بابی یاندوروخ باخماروخ وار بو اِیوده آل الله
وردیلار اُود یانوب کَرم قاپوسی، چرخِ مینایه گیتدی دودِ سیاه
یانوب اُود، قیزادی مِسماری، آتشِ سرخه دوندی یاالله
سانجلوب یاندروب یانان دلده، آرتوروب اِلتهابِ زَهرانی

پنجهء نحسین آچدی زاغِ سیاه، گُلِ طاهانی زَخم دار ایلدی
غنچه وقتین دَه غنچهء ترینی، شاخسین دَن قیروب کنار ایلدی
سینه سیندن گلابِ سرخ آخدی، دُوش دُوقی خاکی لاله زار ایلدی
بئله بیر صحنه ایلدی غارت قلب دَن صبر و تابِ زَهرانی

او یانان بابین آستانین دَه دیمورم نولدی ایتمرم صحبت
قاپینی سیندیران قوی پنجه، پشتِ درده ضَعیفه بیر عورت
قالدی نه حاله بولمورم یارب او فداکار بانوی عصمت
اوجالوب ناله سی، آلوب فضّه، گوشِ جانه خطابِ زَهرانی

گوردی فضّه دیور خانم زَهرا وِیر خبر داده بُوالحسن گلسون
غم شریکین یخوب دیلار یارالی، دردِ پنهانیمی بیلن گلسون
گوز یاشیم قان اولوب آخور یوزیمه، مِهریله اشکیمی سیلن گلسون
رشگ اِیدر یاغ دیران بُولود گورسه گوز اِیوینده سحابِ زَهرانی

باغبانِ وفا گلوب گوردی، آستانه اولوبدی گلشنِ غم
هر طرفدن گلابِ سرخ آخوری، یخیلوب غُنچه ئیله گُل با هم
داغلانوب قلبی صورتِ گُلی نه گوز یاشین توکدی اِیلدی شبنم
اوزادوب عاطفی اَلیله سیلوب، یوزده کی اشگِ نابِ زَهرانی

دشمن ابرِ سیاه تک، خسفِ تامّه برجِ عصمتی سالدی
اوزگه حالیله مهرِ دین گلدی دیزی اوسته اونون باشین آلدی
اوندا یاسلی عزالی اوُلدوزلار نه دیوم من نه حالته قالدی
گوردیلر آز قالور اولا غمندَن منسَکف آفتابِ زَهرانی

آغلاسون اوز ایوینده قوی مادیلار، غصّه سی آرتدی قلبِ سوزاندا
بیر آغاج کولگه سین اِیدوب مسکن، سس چکوب آغلادی بیاباندا
اونیدا کَسدیلر گیدوب اِیتدی عمری جه ناله بیتُ الاَحزاندا
تا دَمِ مرگ ایلیوبله حرام اشقیا خورد و خوابِ زَهرانی

• سه شنبه
• 30
• شهریور
• 1400
• ساعت
• 20:38
• نوشته شده توسط
• یوسف اکبری

چون محبّت بزمی خلوت‌دور عم‌اوْغلی یا علی
گل ائداق صحبت غنیمت‌دور عم‌اوْغلی یا علی

بیر دقیقه قوْیمادیم عالمده قلبین شاد اوْلا
دردمحنتد‌ن مبارک خاطرین آزاد اوْلا
چوْخ اذیت‌لر سنه وئردیم ائوین آباد اوْلا
ایندی وقت رفع زحمت‌دور عم‌اوْغلی یا علی

دوْیمادیم بوعالم الفت‌ده سنده‌ن آغلارام
قبرده هم ائیلرم‌ شوریله شیون آغلارام
آغلاما مندن سوْرا سن آغلاسان من آغلارام
باخمارام فردوس جنّت‌دور عم‌اوْغلی یا علی

دوْقّوز ایل اوْلدوم بو دولتخانه‌ده همسرسنه
متّصل وئردیم بو دوْقّوز ایلده دردسر سنه
ایندی گل اگلش باشیم اوستونده سرتاسر سنه
عرض ائدیم نچّه وصیّت‌دور عم‌اوْغلی یا علی

اوّلا عرضیم بودور ئؤلسم اگر بو گونده من
اؤز الینله‌وئر گئجه غسلیم، گئجه ائیله کفن
ورسا ال تابوتیمه بیگانه راضی اوْلما سن
روحیمه آرتوق اذیّت‌دور عم‌اوْغلی یا علی

ثانیا مند‌ن سوْرا ای خسروگردون مدار
عورت آلسان بیر نجیبه عورت ائیله اختیار
غم گونو تا زینب وکلثومه اوْلسون غمگسار
ائیله‌سین هر نوع حرمت‌دور عم‌اوْغلی یا علی

بیرده قلبین مجتبادن اینجییه هر آن سنین
گئچ حسینیم جانینه من جانوه قربان سنین
قوْیما غم چکسین خصوصا جان حسینین جان سنین
چون اوْ جدّیندن امانت‌دور عم‌اوْغلی یا علی

من بونون چوْخ زحمتین‌ چکدیم نه آسان بسله‌دیم
پرورش وئردیم گل اوسته طورفه ریحان بسله‌دیم
سسلینده جان دئ، منده جان دئدیم جان بسله‌دیم
چون جفاسی جانه منّت‌دور عم‌اوْغلی یا علی

بو حسینی کی سنه تاپشوردوم ایندی روبه رو
دقّتیلن‌ باخ نجه وئرسم ائله آللام گرو
باش بدنده، بارماق الده، ال بیلکده، موبه مو
گؤر هامی عضوی سلامت‌دور عم‌اوْغلی یا علی

چوْخ مکدّر اوْلسا وار بو سؤزده دردسر یری
یاخشی باخ سالمدی برگ گل تک آخر‌هر یری
نه باشوندا وار قیلیج نه سینه‌ده خنجر یری
نه بدن یکسر جراحت‌دور عم‌اوْغلی یا علی

عاشق جانبازدیر گیرم حسینیم یوْخ سؤزوم
منده نقدعئشقی خرج ائتماقدا (صرّافم) اؤزوم
بیر بدن دؤرت مین یارا لاکن نئجه گؤرسون گؤزوم
گؤر بوانصاف وْمروّت‌دیر عم‌اوْغلی یا علی

• شنبه
• 3
• مهر
• 1400
• ساعت
• 20:38
• نوشته شده توسط
• یوسف اکبری

ای تراب تیره دل گنجینه ی تقوادی بو
زهره ی برج رسالت حضرت زهرادی بو

سن صدف سن بو سینان درّ یتیم عصمته
سن قفس سن محبس شهباز اوج همّته
ساخلا راحت طعنه وور بو امّت بی غیرته
حرمت ایت، مخدوم هاجر مریم و سارادی بو

بانوان دین دانشگاهینه استادیدی
بیر زن مردآفرینِ چرخِ بدبنیادیدی
افتخار بانوان عالم ایجادیدی
یکّه تار آسمان عصمت و معنادی بو

خاطراتی محو اولونماز صفحه ی افکاریدن
عالمه ویردی تکان بیر نطق آتش باریدن
جان ویروب آخِرده بو ظلم در و دیواریدن
قوی دیوم واضح قتیل مجلس شورادی بو

سنده مدفون اولدی شهبانوی شاهنشان دین
دختر آزاده خوی رحمة للعالمین
همچو دیبا اوستونده قویدی گورمیش صورتین
سینه دن زخمین مسمار خدنگ آسادی بو

شعله ی لرزان شمع دینه بو پروانه دی
عشقیله افسون اولوبدی فاطمه افسانه دی
بو یارالی حضرت پیغمبره ریحانه دی
کوره راهِ مُلک عشقه خسته رهپیمادی بو

ای بقیعون توپراقی زهرا امانتدور منه
روز محشر مُسترد ایله نه جور ویردیم سنه
قبری قوی گیزلین قالا ویرمه نشانه دشمنه
جان ویرن وقته منه بو نکته نی گویادی بو

خاکریز ایستردی ایتسون قبر زهرانی او شاه
سپدی گرد سیمگون قبر بتوله گویده ماه
پیکرین آغوشینه آلدی نسیم شامگاه
سسلدی راحت یاتا قوی دختر طاهادی بو

خاکریز ایتدی اودم قبر بتولی بوتراب
یوز دوتوبدی گوئیا ماهه بیله ایتدی خطاب
بستر زهرایه سپدون گرد سیم ماهتاب
دختر پیغمبره بیر خدمت باجادی بو

گرد مهتابیله اولدی بستری چون پرّ قو
چکدی آغوشه نسیم شب اونی چون آرزو
زخم مسمارین ایدر کیم سینه سی اوستن رفو
سالها بولّم که جسم پاکینه ایذادی بو

ایتمیه تا قائم آل رسول ا... قیام
آلمیه تا قاتل زهرادن اخذ انتقام
حشره تک تاپماز یقیناً صدر زهرا التیام
گور نه بیر زخم عمیقه قبریده دارادی بو

جان ویرنده ایستیوب پنهان اولونسون مدفنی
ایلمه زهرا یانندا شرمگین سنده منی
اولما راضی قبرینی تاپسون ستمگر دشمنی
سن اوزون یاخشی بولورسن کشته ی اعدادی بو

بو گجه بیرده غروبه ایلمه اصلاً شتاب
زینبه قوی چیره اولسون بو گجه بیر لحظه خواب
صبح آچیلسا قلب معصومین دوتار چوخ اضطراب
عصمت صغرادی زینب، عصمت کبرادی بو

کربلاده سیریوین تاخیرینی جبران ایله
مغربه تیز گیت بولود آتدا اوزون پنهان ایله
ساربانی سعی قیل تا یولدا سرگردان ایله
توپراق آتدا مادر مقتول عاشورادی بو

تیز غروب ایت تا او چولده تازه دن قان آخماسین
بو بلادیده گلوب بیر ظلم شومه باخماسین
اوز آغارمیش زلفینه خون حسینی یاخماسین
غنچه ی عشق حسینه بلبل شیدادی بو

تیز غروب ایت تا کول اوستونده کسوک باش یاتماسین
حنجریندن قان آخوب خاکستری ایسلاتماسین
خون و خاکسترله روی شاه عطشان باتماسین
سانماسین آی باتماقین، مهر جهان آرادی بو

قتلگاهه گلسه بیر قیز خیمه گهدن نصف شب
قتلگاهه سالما نورون ایت مراعات ادب
چون اوشاق قورخار تلالو ایلسه آلات حرب
موج اندوه حسینیمدن سنه ایمادی بو

خیمه گهدن ایلینده زینب عزم قتلگاه
نصف شبده سن اونا آپ نوریویله شاهراه
آختاران وقته قیزین سن ویر نشان قتلگاه
چون رضای مرتضی و حضرت اعلادی بو

کیم دوتا (هادی) مقدّم آل طاها خدمتین
گون به گون افزون ایدر حق رتبه سین شخصیّتین
اصغر خاقانیه حق شامل ایتسون رحمتین
چون تمنّای اونیله واقعاً انشادی بو

• دوشنبه
• 12
• مهر
• 1400
• ساعت
• 16:29
• نوشته شده توسط
• یوسف اکبری

دولدوروب فاطمه نین محنتی مولا گوزینی
دوندروب درگه خلّاق کریمه یوزینی

دیدی آگهسن الهی سند کاریمدن
بی وفا امّتیله اولدوقی رفتاریمدن

نیلمیشدیم بو جماعت بیله غوغا ایلدی
چخدیلار آیری یولا حیطه ی گفتاریمدن

قاپومین یانماقینا بیعت آدی اولدی دلیل
بو جنایت لر اولوب خصم ستمکاریمدن

بو وقایعده نه صدمه یتیشوب فاطمیه
باخبرسن جریان غم دلداریمدن

سینه سین یاره لیوبدی قاپونین مسماری
سلب طاقت ایلیوب محرم اسراریمدن

اَریدوب درد وجودین، دورا بُلمور ایاقا
بیرجه تصویر نمایاندی او غمخواریمدن

کمکیمدی ایویمین زینتیدی دوردوقجا
الیمی اوزمه او شایسته فداکاریمدن

فاطمه گیتسه بو عالمده کمکسیز قالّام
آلان اولماز غمیمی قلب شررباریمدن

فاطمه گیتسه ایوین نظم و نظامی پوزولار
اوجالار وای آناوای ناله سی قیزلاریمدن

فاطمه گیتسه علینون قاپوسی باغلی قالار
گَلن اولماز بو ایوه یاور و انصاریمدن

مصلحت اولسا شِفا لطف ایله طاها قیزینا
زائی ایله مرضی یار وفاداریمدن

ایسترم ترک ایلیوم منزلی دردیم آزالا
اوجالار آه اودی امّا دل بیداریمدن

درده گَلّم ساتاشاندا بو گوزوم پشت دره
گورونر ظلم اثری چون در و دیواریمدن

محسنین قبرینه باخدوقجا امان ای ا...
یانارام، اشکیم آخار دیده ی خونباریمدن

آل قصاصین او گنه سیز بالامون دشمندن
غنچه لیقدا قیریلوب شاخه ی پرباریمدن

یانا یانه چخورام کوچیه امّا گنه ده
اولوری ترک ادب دشمن غدّاریمدن

ایوه ناچار اولورام داغلی دلیله قِییدم
باخبر اولماقا غمخوار سزاواریمدن

گورورم فاطمه گوزیاشلی یاتوب بسترده
لیک لبخند ووروب شاد اولی دیداریمدن

باخورام غصّه لی احوالینه دردیم چوخالور
اُلوم احساس ایدورم بس او وفاداریمدن

دوشموشم مشکله، مشکل آچانام گرچه اوزوم
نظرون کسمه دل درده گرفتاریمدن

منه یارب ایویمیز محبس اولار فاطمه سیز
مُلک یثربده علی بی کس اولار فاطمه سیز

فاطمه ایوده منیم تکیه ی گفتاریمدی
فاطمه ایوده امیدیمدی یوخوم واریمدی

فاطمه ضوء و صفادی بو محقّر ایوده
صحبتی طاقت و آرام دل زاریمدی

فاطمه بضعه ی طاهادی، منه یاوردی
فاطمه درده یتن درده گرفتاریمدی

فاطمه عاطفه دریاسیدی باشدان ایاقا
اوزی مردانه دی شایسته فداکاریمدی

فاطمه دورت بالاما قلبی شکسته آنادی
جسمیمه جاندی، منیم محرم اسراریمدی

فاطمه صبر دلیمدی، قولومون قوّتیدی
عرصه ده صحنه ده مردانه صفت یاریمدی

فاطمه مندن اوتور اولدی بلایا هدفی
غم منه یوز چویرن وقتیده دلداریمدی

فاطمه نطقیده شمشیر بیانیمدی منیم
دانیشیقدا دهنی درج گهرباریمدی

فاطمه گر سولا امّید بهاریمده سولار
فاطمه باغ وفاده گُل بی خاریمدی

فاطمه غصّه لننده حسنینیم پوزولار
بو ایکی سبط نبی نوگُل گلزاریمدی

منه آرامش خاطردی بتولین باخیشی
روحیمه حظّ ویرن عالم دیداریمدی

چخسام ایودن نگران حالیله بیر موقع اگر
گورّم آشفته غم قلب شررباریمدی

ایسترم تیز قِییدم فاطمه نی بیرده گورم
بونا خاطر او قرار دل بیداریمدی

قیمارام غصّه لنه، دردیمی من گیزلدرم
بُلسه ناراحت اولار یار و وفاداریمدی

گون به گون قامت رعناسی ایاقدان دوشوری
چمنیم زینتی، بیر سرو سمنباریمدی

دورا ایستور ایاقا تکیه ایدور دیواره
وضع حالی سبب درد دل زاریمدی

حافی رحماندی خدا عاقل و دیوانیه ده
ایسته توفیق ویره حق سنه ده بانیه ده

• پنج شنبه
• 15
• مهر
• 1400
• ساعت
• 13:14
• نوشته شده توسط
• یوسف اکبری

هر یئرده ساز گورسه فلک ،وصل سازینی
مشغول ایدر جفایه دل مهره بازینی

پرده به پرده دیده ی عشاقی آغلادار
شور و همادن آیری سالار شاهبازینی

چون دوشدی آیریلیق اوتی گلزار حیدره
گلدن آییردی ، بلبل خوش نغمه سازینی

گل گلستاندان آیری دوشوب سولدی غنچه لر
تاپشوردی باغبانه بو باغ ،اعتزازینی

بیر نیمه شب ده زینب مظلومه دلغمین
آچدی آناسی فاطمه نین جانمازینی

یاده سالوب بیر اللی قنوتین سیزیلدادی
عرشه اوجاتدی ناله ی عالم گدازینی

بیر باسدی باغرینا خانمین توزلی چادرین
ویردی سرشک دیده سینه غم ،جوازینی

تسبیح دانه سیندن آنا عطرینی آلوب
ایسلاتدی اشک چشمیله مهر نمازینی

توکدی یوزه سرشکینی سسلندی آی آنا
پوزدون غریبه وصلتیوین سور و سازینی

"عجل وفاتی" سسلدیقون یئرده آغلورام
گوردوم دعاده کی اثر کارسازینی

دویدون نه تئز بو عالم ناپایداردن
ایتدون جوانلیقوندا اجل پیشوازینی

مندن آییردی جور فلک عاقبت سنی
بولمز نه چون نهایت گردن فرازینی

سندن صورا آنا گیجه لر یاتمیوب حسن
تنها آتام بولوبدی نهان رمز و رازینی

هردم حسین دییر که گیچن گونلر حیف اولا
آغلار گوزیله هر گون ئوپردون بوغازینی

مدتدی هیچ منیم ده ساچیم شانه گورمیوب
گاهی صبا آچار گره غم طرازینی

حالیم هزار باره پریشان دی زلف دن
دامه سالوبدی محنت و غم شاهبازینی

هر لحظه ی فراقه بیر عمر ایستیرم آنا
تا شرح ایدم حکایت دور و درازینی

گورسم که هر آنا قیزین آغوشینه آلوب
نازیله گه ئوپور ،چکوری گاه نازینی

چوخ حسرتیله دیزلریمی من قوجاخلارام
یاد ایلرم گیدن گیجه وین احترازینی

تابوتیوین دالینجا قاچوب چوخ ییخیلمیشام
درک ایتموشم ؛ فراق ،نشیب و فرازینی

مین لر گیجه صباحه یتوب لیک گورمیوب
لیل فراق ،صبحدم چاره سازینی

چوخ شمع یاندی صبحه کیمی داغ قلبیمه
افسوس گوسترنمدی قلبیم گدازینی

بیر آیریلیق چکن بولوری آیریلیق نه دور
گلمز بیانه شرح ایلسم دل نیازینی

یانام ،یانان ئورک گینه ده اود دوتار یانار
دل ،شمعدن آلوب روش سوز و سازینی

آهسته آغلاروخ که آتامیز اشیتمسین
آرتیرماسین شرار دل جان گدازینی

سندن صورا منیم آتامین یوخدی بیر کسی
تا فاش ایده ئورکده کی نیسگیللی رازینی

غم منده یوز گوروب اودی دلدن چیخان دگول
گویا بگندی شیوه ی مهمان نوازینی

آسوده قویموری منی بیر لحظه حسرتون
ای کاش آلمییدی ،ویرن امتیازینی

دلدن دوتار شراره یانار آب هفت بحر
گر بؤلسه لر بو عالمه قلبیم گدازینی

(بحری) بیر عمردور سیخیلوبدور بو درگهه
ئوزگه یئره آپارمییوب عرض نیازینی

وار اعتقادی باغلامیوب باغلاماز یقین
سن تک ملیکه ؛ درگه سائل نوازینی

• پنج شنبه
• 15
• مهر
• 1400
• ساعت
• 13:49
• نوشته شده توسط
• یوسف اکبری

چوخ چکدی جفا عمروده دلبند پیمبر
ایستردی خدادن اُلومون با دل مضطر

زهرانی قوتار دار جفانین ستمیندن
قدّیم خم اولوبدی آتامون بار غمیندن

هر گونده نماز اوسته او بانوی دل افگار
ایلردی بو طرزیله خانم دردینی اظهار
یارب سنی جدّیم داخی اُلدور منی قورتار
آخِرده مرض فاطمه نی بستره سالدی
مظلومه لیقین عالم آرا دللره سالدی

بستر خانما مونس اولوب گوگلینی آلدی
زهرا دیه سن بیر گلودی سولدی سارالدی
گل سولدی سارالدی غمی بلبللره قالدی
غمدن بالاسی زینبه چوخ حصّه یتیشدی
چون باشی بلالیدی اونا غصّه یتیشدی

گوردی اُلوم آثاری نمایاندی یوزونده
تاریک ایلیوب غم گیجه سینده گونوزونده
گوزیاشی ووروب زینبینون حلقه گوزونده
مقراض اجل رشته ی امّیدی قیراردی
بو حالیله زینب تلینه شانه ووراردی

ووردوقجا پریشان تلینه شانه ی حسرت
آغلاردی دیردی قیزیم اولدی بیله قسمت
یاخشی قولاق آس ایلیورم نچّه وصیّت
مندن صورا باشون دوشه جاق درد و بلایه
دیداریمیزین قالدی بیری کرب و بلایه

قارداشلاریوین غم گونی غمخواری سن اولدون
آغلار باجیوین مونس و دلداری سن اولدون
آز سنّیله ایتام پرستاری سن اولدون
زهرا عوضیندن اولارین گوگلین آلارسان
زهرانی سالوب یاده بو ایوده دولانارسان

من تک خُم محنتده غمیله بویانارسان
بو قارداشیوین باشینون اوسته سو قویارسان
سسلنسه آنا سن عوضیمدن اویانارسان
ای مادر غم آغلاسا قارداشیوی قویما
گر ایستسه آخسون یوزه گوزیاشیوی قویما

آغلاشدیلا بو سوزده ایکی بانوی عالم
اولموشدولا بیربیرلرینه مونس و همدم
میر نجفیله حسنین گلدیله باهم
اوغلانلارینین بوینونا سینمیش قولی سالدی
هر تک تکینون اُپدی یوزون گوگلونی آلدی

عرض ایتدی عم اوغلی اورگیم قان اولا قویما
اشکیله حسینین گوزی بیر آن دولا قویما
گل تک بالالاریم سارالوب یا سولا قویما
روحیمدی حسین آیریلورام روحیدن ایمدی
کشتی نجات ایچره اولان نوحیدن ایمدی

قویما آخا گوزیاشلاری سیمایه عم اوغلی
گیتسونله بویور روضه ی طاهایه عم اوغلی
ایتسونله دعا اوردا بو زهرایه عم اوغلی
گلچین اجل گلدی دی بلبللره گیتسون
دورسون بالالار روضه ی پیغمبره گیتسون

زهرا سوزی تاثیر ایلدی میر حجازه
گوندردی او شهزاده لری مجلس رازه
فرمایش ایدوبدی دل آچون راز و نیازه
خیر البشرین روضه سی چون دار شِفادی
اول قبّه نین آلتیندا برآورده دعادی

چوخ حسرتیله ال اله ویردی ایکی قارداش
عمّامه لری الده توکولّر یوزه قانیاش
تا روضه ی پیغمبره دین قاچدیلا بیر باش
غم ساغری دولموشدی یره دوشدی جالاندی
اول روضه ده بیردن بیره بو سس اوجالاندی

مقتلده اوکی ضبط اولونوبدی بودور عینی
سس گلدی یتیم اولدولا زهرا حسنینی
زینب آناسیز قالدی یتیم اولدی حسینی
کلثوم آناسی ترک ایلدی دار فنانی
یاندوردی بو سوز قلب شه کرب و بلانی

فوراً قییدوبلر ایوه با دیده ی گریان
اَسمانی گوروبلر دایانوب زار و پریشان
گلدی دله اوّلده حسین ایلدی عنوان
آخِر دی گوروم ایمدی آنام فاطمه هاردا
علّت ندی گوزیاشون آخور عارضه اسما

عرض ایتدی آنان غملرینی گوزدن آتوبدی
وصل عالمینون لذّتینی هجره ساتوبدی
سسلنمه اویاتما اونی آسوده یاتوبدی
پروانه ده هجر آتشینه من کیمی یانمور
چوخ سسلموشم من اویانا بلکه، اویانمور

بو سوزلریله ایلدی سدّ ره چاره
فرمایش ایدوب وورما یارا قلبیمه یاره
چک زحمتیمی سن آنامی سسله دوباره
قلبین غم اوخی سویله گلن دلدی حسینون
گیتمیشدی دعا ایلماقا گلدی حسینون

بیر سوز دیماقا تاپمادی اسما او حزینه
باشین اشاقا سالدی گلوب داد و انینه
ساکت دایانوب لیک غم آرتوردی حسینه
یوز دوتدی او دم قارداشینا شاه شهیدان
بو سوزلریله غملرینی ایلدی اعلان

غم آز قالوری صبر و قراری اوزه قارداش
بو غمده یانوب دوندی وجودیم کوزه قارداش
قول بوینوما سال قوی منیله یوز یوزه قارداش
سن اوخشا آنامی توکرم من یوزه قانیاش
بیر بزم عزا گل قوراخ ایمدی ایکی قارداش

هجرینده آنامون اورگیم قانیله دولدی
اولاد بتولین داخی پرگاری پوزولدی
کل آغلاشاق ایمدی بیزه قارداش اولان اولدی
بیز تک آناسیز خوش گونه حسرت قالا خوشدی
آخِر نجه گورّم که آنامون یری بوشدی

اولماز داخی بوندان صورا خوش گون بیزه قسمت
قلبیمدن اُلونجه چخا حاشا بو مصیبت
دیدارینه قویدی آنام آخِر بیزی حسرت
یاندوردی بو سوزلر حسنی ایلدی غمگین
گوزیاشی آخوب دامنینی ایلدی رنگین

• پنج شنبه
• 15
• مهر
• 1400
• ساعت
• 14:04
• نوشته شده توسط
• یوسف اکبری

اسوه نسوان عرب همسر سلطان نجف
دخت عفیف مصطفی معدن ومعنای شرف

نوری ویرر ایشیق اونون کون ومکانه یکسره
گورنه لیاقت واریدی همدم اولوبدی حیدره

مریم وسارایه ویرن درس حجاب وعفتی
هدیه ویریب خالق اونا لطفیله باغ جنتی

سراسی معبر ملک اسیری ماه ونه فلک
اولوبدی مهری عالمین نه تک قباله ی فدک

سیلکلسه دامنینی عفت وایمان توکولر
گورسه بو اعجازی بلی سینه مریم سوکولر

ملک ولایتده واری اون ایکی نجم انوری
تمام انس وجان اونون اولوب سپاه ولشکری

یارادی قبل ماسوا خالق منان و حکیم
بدویده نور فاطمه تا اولا عشاقه زعیم

بویوردی خالق بوسوزی گرک که اولسون انتشار
یارانماسیدی فاطمه یارانمازیدی روزگار

سایه سالیبدی رتبه سی عرش معلایه اگر
ایستدی تا اونان آلا نورینی سیار وقمر

کربوبلا نهضتینون شاهینه زهرادی آنا
مکتب اسلامه گوره باتدی شجاعتله قانا

• شنبه
• 17
• تیر
• 1402
• ساعت
• 20:23
• نوشته شده توسط
• یوسف اکبری

☑️بند اول
ای کس و کارم مرو فاطمه
مونس و یارم مرو فاطمه
میبینی آتیش گرفته
دل زارم مرو فاطمه

ای عشق و عزیز و دلربای علی
فاطمه نرو بمون برای علی
میدونم مریضی و دعا میکنم
میبینه حالِ منو خدای علی

مرو ای روشنی شب تار مرتضی
بی تو من خزون میشم ای بهار مرتضی

(((فاطمه یا فاطمه / فاطمه یا فاطمه )))

☑️بند دوم
حال دل زار من رو ببین
خونه ی پُر از محن رو ببین
زانو بغل گرفته
پاشو حال حسن رو ببین

ابر غم انگاری باریده تو کوچه
معلومه یه دنیا غم دیده تو کوچه
زیر لب میگه مادر بمیرم برات
میلرزه انگاری ترسیده تو کوچه

نذار دام بی کسی حیدر و اسیر کنه
نذار درد و غصه ها بچه هاتو پیر کنه

(((فاطمه یا فاطمه / فاطمه یا فاطمه )))

☑️بند سوم
روحیمه ریحان اویان فاطمه
دردیمه درمان اویان فاطمه
قویما ای عزیز طاها
منی نالان اویان فاطمه

فاطمه حیدری ائتمه گونی قاره
فاطمه الیمده یوخدی آیری چاره
فاطمه سس وئرعم اوغلوام اماندی
دوندرمه گوندوزومی لیله ی تاره

قویما آغلار بو گجه فاطمه علی گوزون
بولوسن دوزنمرم سالما آیریلیخ سوزون

(((فاطمه یا فاطمه / فاطمه یا فاطمه )))

☑️بند چهارم
نی کیمی نالان اولوب زینبین
اورگی غمدن دولوب زینبین
بسترده سنی گورندن
گل مثلی سولوب زینبین

فاطمه زینبیوین ملالی چوخدی
غصه لر غم لر اونون قلبینه اوخدی
فاطمه قیزلار آنالارین چوخ ایستر
هجرانه زینبیوین طاقتی یوخدی

راضی اولما کی بالان باشینه قرا سالا
صبر ائله بیر آزدا دوز زینبین یرین آلا

(((فاطمه یا فاطمه / فاطمه یا فاطمه )))

☑️بند پنجم
بالالاریمین آناسی اویان
درد و بلا مبتلاسی اویان
سنی آخر سالار ایاخدان
سینه وین یاراسی اویان

فاطمه علی نین ای نور دو عینی
فاطمه دوتوبدی آهیم عالمینی
گوزیاشی آخیرسینیخدی قلبی زهرا
گل مثلی قویما سولا بالان حسینی

بولوسن حسینیوه نقدر جفا اولار
منه کوفه قتلگه اونا کربلا اولار

(((فاطمه یا فاطمه / فاطمه یا فاطمه )))

☑️بند ششم
اورگیوی غم آلان وقته گل
بالان آدامسیز قالان وقتده گل
دشمن اوغلوموز حسینی
گوداله سالان وقته گل

اوغلوون زلفونی قانیله بویالار
ظلمیله بالالارین ملر قویالار
غارت ده سن توخیین کوینگی زهرا
جسمیندن کوفه جماعتی سویالار

ائدجاخ باغریمیزی ستم زمانه قان
گلجاخدی غارته گجه وقتی ساربان

(((فاطمه یا فاطمه / فاطمه یا فاطمه )))(ع)

• یکشنبه
• 19
• شهریور
• 1402
• ساعت
• 21:59
• نوشته شده توسط
• یوسف اکبری

گل عم اوْغلۇ باشێم اۆسته، اوْخۇ قۇرآن اؤلۆره‌م

آغلایان گؤزله‌ریوه، فاطمه قۇربان اؤلۆره‌م

دئمیره‌م غصّه‌سی چوْخ قدّی کمان آیرێلێرام

بخت ائویمده‌ن یئمه‌دیم بهره جوان آیرێلێرام

بالالارێمدان عم اوْغلۇ نیگه‌ران آیرێلێرام

بیلیسه‌ن غم یئتیشیب بختیمین اۇلدۇزلارێنا

حورمت ائد فاطمه‌نین بۇ آناسێز قێزلارێنا

سنه زحمه‌تدی اگرچه ولی منّتدی منه

بیلیسه‌ن چوْخدۇ علاقم بۇ حسین و حسنه

گؤزده‌ن آتما بۇلارێ فاطمه قۇرباندێ سنه

چکمیشه‌م دهریده زحمه‌تلرینی غم یئمیشه‌م

سسلئییبله‌ر نه‌نه هر وقتیده من جان دئمیشه‌م

دیلله‌ره دۆشسه جماعت دییه‌جک بیربیرینه

هئچ کیمین غملری چاتماز اوْ حزین‌ین غمینه

نه گلین گتدی نه

• شنبه
• 29
• آبان
• 1389
• ساعت
• 16:32
• نوشته شده توسط
• سعيد رضايي

عم اوغلي عالم وصلت يتور پايانه حيف اولسون
الور زهرا دونور گوگلون بو غمده قانه حيف اولسون

عم اوغلي اي آدي بازار روحيمده اولان عزّت
گَل اگلش باشيمون اوسته ايداخ هجرانيدن صحبت
يتوبدور آيريليق وقتي که بو وصلت بيله ساعت
اله دوشمز بو دوران و بيله بير آنه حيف اولسون

منيم عمروم گونه بنزر گونون دائم باتان وقتي
تاپار رنگي اونون تغيير دوشر دلدن اذان وقتي
يتوب ايمدي اذان وقتي گوزيمون باغلانان وقتي
اذان اولدي داخي وصليم چاتور پايانه حيف اولسون

گونون رنگي سارالدوقجا منيم رنگيم اولور ساري
مرور لحظه لر ايلور دليمدن صلب گفتاري
يوزومي قبليه دوندر يوزوم معبوديمه ساري
ويروم جان آغلا دي بو درد بي درمانه حيف اولسون

رضايم خستيم گوزدن بو دنياني آتام ايمدي
اُلم گون باتماميش گوندن تيز آماله چاتام ايمدي
بهشته ناگرانيمدور مني گوزلر آتام ايمدي
بهشت ايمدي دونوب من سيز اونا زندانه حيف اولسون

ايله حاليم پريشاندور ايله غمدن گلوگيرم
خيال ايلر مني هر کيم گوره بير نقش و تصويرم
رضايم اُلماقا، دنياده قالماقدان داخي سيرم
بو خسته جانيمي گر ويرمه سم جانانه حيف اولسون

سرشک آليوي از صفحه ي سينونده ياز آغلا
نظام صبريوي پوزما بيله آز جانگداز آغلا
يورولموش جانيم اولسون گوزلرون قرباني آز آغلا
آخور اشکون يازور اشکي آخان دامانه حيف اولسون

باشيم اوستونده اي دردي اولان مندن گران اگلش
گوزومي باغلاماقا اي گوزومي باغليان اگلش
باشما مثل پروانه يورولدون آز دولان اگلش
يانور دردونله بي پروا هامي پروانه حيف اولسون

بو ايوده سن منيم چوخ اگلشوبسن باشيمون اوسته
بو ساعت تک سني ايتموب عم اوغلي هيچ بيري خسته
بو ساعت آيري ساعتدور دگل بو عمره وابسته
بو دورانيم گيدور الدن بيله دورانه حيف اولسون

عروج ايستور ايده روحيم قوشي، بال و پريمدن دوت
سراغ وحشت مرگي بو لرزان پيکريمدن دوت
دوتان درماندگانين اللريندن اللريمدن دوت
که دوشدوم دوت اليمدن درد بي درمانه حيف اولسون

منه دست قضا گرچه فراقون رختيني تيکدي
مغيره باعث اولدي محنت و غم قدّيمي بوکدي
بالامون قانيمي ثاني جفائيله يره توکدي
او بي تقصيريدن يرده آخان آلقانه حيف اولسون

ديللر دهريده هيچ بير شيرين مانند جان اولماز
بالا جاندان اولار شيرين او شيرينه چاتان اولماز
منيم تک جان و اطفاليندن عالمده دويان اولماز
بالالاريمدا درديمدن گلوبدور جانه حيف اولسون

من اُلسم غملريم سنلن اولار بو ايوده هم خانه
دل زينب فراقيمدن يقينيمدور دونر قانه
اونا تاپشور ديسون دائم ووراندا زلفينه شانه
آنام هيچ ايتمدي زلفين بو ايوده شانه حيف اولسون

من اُلسم درد هجرانيم سنون دردون گران ايلر
منيده تنگدل سنسيز يقين باغ جنان ايلر
گزر فردوس باغين فاطمه ورد زبان ايلر
گيچن گونلر اولار سنلن سر و سامانه حيف اولسون

فلک هر لقمه ي تلخي سنه ويردي يِدون اوتدون
منه صدمه يتن گون سن لباس صبريوي يتدون
اليمدن اونداکي طوفانه دوشموشدوم منيم دوتدون
من اولدوم غرق، سن دوشدون ولي طوفانه حيف اولسون

بو ايوده درديمي بُلمور منيم سندن صورا بير کس
قولومين سينمين زخمي عميق اولدي ايله از بس
نه زحمتله وضو تجديد ايدوب باشه چکوردوم مس
ويريرديم من نمازي يا نجه پايانه حيف اولسون

حسين نازين حسن چکسون او دل آگاهه تاپشوردوم
بالام کلثومي زينب اول غمي جانکاهه تاپشوردوم
بالالاري سنه بير بير سني اللهه تاپشوردوم
خداحافظ که من سيز قالدي بو کاشانه حيف اولسون

شرار محنتله بو ايوده سنلن يانميشوخ باهم
سنه مندنده چوخ محنت بو ايوده يوز ويروب بُلّم
مني دلدن سالوب ثاني داخي من قالمارام اُلّم
منيم قتليمده کي مطرح اولان فرمانه حيف اولسون

بو ايو مندن صورا بُلّم دونر بير ليله ي تاره
صفاسين تيز ويرر الدن وورار چوخ دللره ياره
چکون سيز بو ايوين اُلسم در و ديوارينه قاره
يازون زهرا اُلوب بو ايو اولوب غم خانه حيف اولسون

يازون پشت دره زهرا بو يرده گُل کيمي سولدي
بو يرده بير گلستانه نچه زاغ و زغن دولدي
يازون من ضعف ايدن يرده بالام محسن شهيد اولدي
بو يرده سو کيمي قاني آخوب هر يانه حيف اولسون

يازون بو ايوده زهرانون توانون محنت آلموشدي
يره دوشموش اياق آتدا قالان گُل تک سارالموشدي
آغارموشدي قرا زلفي جوانليقدا قوجالموشدي
اورک داغي چکوب اود داغلي داغستانه حيف اولسون

يازون بو ايوده هر محنت شکيبي بي شکيب اولدي
حريم امّته اود ووردولار دوشدي لهيب اولدي
باشي اوسته اوتورموشدي طبيبي بي طبيب اولدي
يازون بير دردي سنگين و غمي پنهانه حيف اولسون

منه دوتسان عزا چون يوخ منيم يار و هواداريم
قاپوني باغلا بير ايوده اوزون اول بير بالالاريم
اوزون سن نوحه خوانيم اول قيزيم زينب عزاداريم
ايله ورد زبان گوگلي دونن القانه حيف اولسون

منيم درديمده اي دردي اولان هر يرده باش آغلا
دلون آئينه سين سعي ايله چوخ ايتمه خراش آغلا
اورگون دوزمسه آغلا، بالالاردان يواش آغلا
ياواش دي درد بي درمان اولان انسانه حيف اولسون

جنازم اوستونه بيرده منيم چکسن عبا خوشدور
حسينيم گر گلوب سندن خبر دوتسا دي ناخوشدور
مني يردن گوتورمه تيز، باخوب گورسه يريم بوشدور
اوزوني اُلدورر آغلار گَلر افغانه حيف اولسون

ابلالاريم دوشر ياده دليمده محنتيم آرتار
مواظب اول اولاردان سن، اولاره اول اوزون دلدار
حسينين هر گئجه تاپشور باشي اوسته سو قويسونلار
بالامي تشنه لب اعدا بويالّار قانه حيف اولسون

وصيّت چونکه لازمدي اُلنده هر مسلمانه
وصيّت ايلورم عمروم اودم که يتدي پايانه
مني گيزلينجه دفن ايله فغانه گَل يانا يانه
شبانه دفن اولان، سرّي اولان پنهانه حيف اولسون

حضوروندن سنون بيرده تقاضا ايلورم شاها
قاپودا بير قرا پرچم وورون ممکن اگر اولسا
اوني هر رهگذر گورسه بُلر حتماً اُلوب زهرا
دير ياسه باتوب ايمدي بو اهل خانه حيف اولسون

اوايل که گلشني بير نادر انسان داديوه يتدي
حساب چاپ ديوانون کمکليق ايتدي چاپ ايتدي
او بير انسانيدي تاريخ قرخ بشده گَلوب گيتدي
او دوران و او کس گيتدي، ايله دورانه حيف اولسون

• شنبه
• 23
• اسفند
• 1399
• ساعت
• 16:52
• نوشته شده توسط
• یوسف اکبری

مقام حضرت زهرا(س)

عالم هاموسی قطره دی دریا زهرا

بـــــوردااولارائیتسه جلوه آیازهرا

گیزلین دیراگرقبری کیمی قدری بوگون

بیرگون ائـــده جاق الله هویدا زهرا

خالق یاشایش کتابین انشاء ائله دیر

عالم اونــــــاابجد اولدی معنازهرا

پیغمبره لولاک حبیبی بیوروب

ختم ائیلــــه دی بوحدیثی الا زهرا

باش دیرهامودان شاءنی جلالت تختی

هم دنیاداسروردیر هم عقبازهــــرا

الله بیوروب فصل ربک وانحر

کـــوثردی سنه اولوندی اعطاء زهرا

هرکیم سنه ابتر دئسه ابترئوزی دیر

عالم بونی سسلبر آنایــــازهـــرا

سرسسلسله دیرنسلیوه یاپیغمبر

هــــــــرسیدیه سیده اما ز هـرا

مریم ده الین ئوپر بونین آسیه ده

اونلاردابیوک خانم

• چهارشنبه
• 1
• دی
• 1389
• ساعت
• 07:13
• نوشته شده توسط
• علی اشرفی راد(عین الدین)

ئولورم غم فراقه اولورام دچار عم اوغلی
گل اوتور ایدوم وصیت من دلفكار عم اوغلی

منه ایتمه قبر تعیین قوی اولا مزاریم ایتگین
گلر اون بیریمجی اوغلوم ایدر آشكار عم اوغلی

دگولم رضا اولار كه منی سالدی اضطراره
بُله لر نه یردی مدفن من زار و دلفكاره
گئجه غسل ویر گئجیله كفن ایله قوی مزاره
كه بُلونمسین بتوله هارادور مزار عم اوغلی

آتام ایلینده رحلت سنه ایلدی وصیّت
دیدی تیغ چكمه وورسا قیزیمی وفاسیز امّت
گلی صاحبی بو تیغین یتر اول زمان او ساعت
آلار انتقام عدودن دم ذوالفقار عم اوغلی

رخ حق نمایه جاری آز عم اوغلی اشك آل ایت
منی آز غریق بحر غم و محنت و ملال ایت
ویرورم قسم حسینه منه حقّیوی حلال ایت
بو شكسته دلده قویما قالا انكسار عم اوغلی

او دمیکه مرده احیا اونیلا ایدردی عیسی
دم گرم و آه سردون اونی ایتدی فیضه دارا
سنیله اونی برابر ایلیم عم اوغلی حاشا
سنه قرب حقدی مسکن اونا چرخ چار عم اوغلی

دم روح بخشی سندن ایلیوبدی کسب عیسی
گل او عیسوی نفسله منی قیل ئولنده احیا
سنه ایتمیوب خیانت بُلوسن جهاندا زهرا
ئولورم رضایتونله قیل امیدوار عم اوغلی

فدکین قضیه سینده بُلوسن اوزون که ثانی
منه بیر جسارت ایتدی او جفا و جور کانی
قالوری هله گوزومده او جسارتین نشانی
گُل مصطفایه صدمه یتیروبدی خار عم اوغلی

اوجالاندی دود آهیم، فلک اولدی غرق حیرت
آی اوزینده لکّه سالدی ایله ابر جور و ظلمت
که گلینجه شمس عزّت قالاجاقدی بو علامت
ویره جاق نشان خسوفی گویرن عذار عم اوغلی

سنه ایلدیم شکایت دیدیم آل اَله حُسامی
دیدون اولمیوبدی ظلمین هله وقت اختتامی
گله جاق امام قائم آلاجاق بو انتقامی
گیدورم بابام یانیندا چکم انتظار عم اوغلی

گل گلستان قدسم شرف بهشت اعلی
منیله اولوب مزیّن صفحات ارض غَبرا
ایله دوندروب خزانه بو گُلی جفای اعدا
که بالام گلینجه اولماز بو گوله بهار عم اوغلی

سنی مسجده چکنده او زمان اهانتیله
قولوما یتیشدی صدمه ستم و عداوتیله
دیه بُلمدیم نه چکدیم او بیوک جراحتیله
بو یارالانان قولومدا هله یاره وار عم اوغلی

بو خیالیله آپاردی سنی سامریِّ امّت
که بابام رسوله هارون ایده عِجل دونه بیعت
ولی دوزمدیم کلیمه ایده سامری جسارت
سورونوب دالونجا گَلدیم گوزوم اشکبار عم اوغلی

سنه کیمسه گوردوم ایتمور او جماعت ایچره امداد
الیمی باشا آپاردیم که ایدم جهانی برباد
دل پر حرارتیله ایله خطبه ایتدیم ایراد
که قلوبه سالدی آهیم شرری شرار عم اوغلی

اوخویان زماندا خطبه دل پر حرارتیله
سنیدون فقط مرامیم نظر حمایتیله
که ابوقحافه اوغلین تانیدام خیانتیله
او قدر جماعت ایچره اولا خوار و زار عم اوغلی

یوزیوی گورنده مومن اولاجاقدی شاد و خندان
اونون عکسینه منافق اولاجاق ملول و گریان
شرف ولایتوندور عمل عمومه میزان
سنی حق ایدوب قسیم نعمیله نار عم اوغلی

اوزینه خدای عالم سنی ایلیوبدی مظهر
بو گوزل یوزی گورنلر گورر عین وجه داور
بو جمال بی مثالی گوره جاقلا جان ویرنلر
ایده جاقلا مقدمونله حقه جان نثار عم اوغلی

سنه ایلدیم شکایت دیدیم آل اَله حُسامی
دیدون اولمیوبدی ظلمین هله وقت اختتامی
گله جاق امام قائم آلاجاق بو انتقامی
گیدورم بابام یانیندا چکم انتظار عم اوغلی

گل گلستان قدسم شرف بهشت اعلی
منیله اولوب مزیّن صفحات ارض غَبرا
ایله دوندروب خزانه بو گُلی جفای اعدا
که بالام گلینجه اولماز بو گوله بهار عم اوغلی

آچیلار گل رسالت من عم اوغلی جان گولنده
سارالار گل امامت منِ خونجگر ئولنده
گُل لاله قبریم اوسته گوره سن اگر گلنده
دیر اولدی قلب زهرا نجه داغدار عم اوغلی

منه سختدور ئولومدن حسنینیمون فراقی
بو یارالی قلبیمون وار اولارا چوخ اشتیاقی
گئدورم بلالی زینب قالوری یریمده باقی
سالاجاق بلایه من سیز اونی روزگار عم اوغلی

بو حسینه وار خصوصاً ئورگیمده بیر علاقه
که چکر همان علاقه منی قبردن عراقه
یارالار گورنده قویمور بالامی دورا ایاقه
یارالی دلیمده باخ گور قالار اختیار عم اوغلی؟

بوغاز اوخلی ال یارالی بو غریب ئولن یارالی
یوزی قانلی باش یارالی دولی اوخ بدن یارالی
گئنه باخمیوب وورارر داش بونی هر گورن یارالی
یوزی اوسته قان ایچینده ال ایاق چالار عم اوغلی

یوزی قبلیه چوورسون باشی اوسته بیر کس اولماز
سو دیر یانار سوسوزدان سسینه ویرن سس اولماز
باشینی کسوب وورالار سر نیزیه بس اولماز
جسد شریفی اوسته قشون آت چاپار عم اوغلی

قاپومون یانان لهیبی سالاجاقدی بیر شراره
یاناجاق حسین خیامی ایده جاق گون استتاره
گوره جاقلا اهل کوفه که بیر آسمان ستاره
بیر آئی آلوب آرایه هاموسی یانار عم اوغلی

داغیلاندا خوردا قزلار چوله دلده واعلیا
سالار آت عداوتیله اولارین دالنجا اعدا
بالا قیز گورنده آتلو گوزی یاشلی دلده غوغا
الی باشدا آت دوشونده باش آلوب قاچار عم اوغلی

آچار ال خطالی اووچی حرم شه انامه
دوشر آهوان کعبه ستم اللریله دامه
ووروالاندا غل جامع نه چکر شهِ تهامه؟
بیلر اول یارالی آهو که اولا شکار عم اوغلی

گله جاق بالام (حسینی) چکه جاقدی چوخ ریاضت
الیله دلیله دائم ائده جاق حسینه خدمت
بودی خواهشیم ئولنده چکه قویما چوخ ریاضت
اونا بیر سلام مندن دم احتضار عم اوغلی

گلرم حسینیمیله من ئوزومده باشی اوسته
دیرم که چوخ اولوبسان بالامین یولوندا خسته
خدماتیوه تلافی ایده جاق بو دل شکسته
ویره جاق نوید جنت سنه تاجدار عم اوغلی

• یکشنبه
• 7
• شهریور
• 1400
• ساعت
• 13:12
• نوشته شده توسط
• یوسف اکبری