اشعار ترکی حضرت فاطمه زهرا(س)

آهی عرشه چیخان ننم لای لای
ضرب سیلی ییخان ننم لای لای

ثانی بی حیا ویراندا اونی
گویه حسرت باخان ننم لای لای

کوچه ده وحشینین دچاری اولوب
گوزینه قان دولان ننم لای لای

سینه سی غمله پارچا پارچا اولان
قاپوسی اودلانان ننم لای لای

میخ درله بسان تیر و کمان
محسنی اوخلانان ننم لای لای

صحن منزلده قمچیلر سپری
آی کیمین تز باتان ننم لای لای

فاتح خیبریله دورد بالاسین
گوزی یاشلی قویان ننم لای لای

جنت ایچره پیمبر آهسته
سسلنور آی جوان ننم لای لای

• دوشنبه
• 12
• آبان
• 1399
• ساعت
• 22:51
• نوشته شده توسط
• یوسف اکبری

آنا وای حالیمه سنسیز
یتیم روزگار اولدوم
توکولدی باشیمه کول لر
ئولونجه دلفکار اولدوم

( ننم لایلای ننم لایلای ) ( 2 )

بو سونمز اود که یاندوردی فلک، من بینوا یاندوم
شرار هجریوه دلدن آلیشدیم یاندیم اودلاندیم
داخی سنسیز یوزوم گولمز اوزوم بو نکته نی آندیم
نه قدری من وارام بولّم پریشان حال و زار اولدوم

نه دریادور که غرق اولدوم همیشه طعن طوفان وار
نه الدن بیر دوتان گوردوم نه ساحل وار نه پایان وار
نه ئولّم نه خلاص اولّام نه بیر بو درده درمان وار
عجب بیر چاره سیز درده جهاندا من دچار اولدوم

یرون بوش گورّم هر لحظه، دولار دل مُلکینه محنت
زبسکه غصّه غم چکدیم که دوتدوم دردیله الفت
نه بیر گون ناله دن دوید

• دوشنبه
• 8
• بهمن
• 1397
• ساعت
• 11:42
• نوشته شده توسط
• ابوالفضل عابدی پور

نه شور قیامت بو نه ماتم نه عزادی
سکّان سَماوات و زمین نوحه سُرادی

دریای مصیبت متلاطم دی دمادم
مستغرق طوفان بلا آل عبادی

ریحانۀ پیغمبر ئولوب، عالم اسلام
ماتم زدۀ دخترِ محبوبِ خدادی

عرشه اوجالوب شور و نواسی حَسَنَینین
باخ بیر آنا وای ناله سینه گور نه صدادی

بیر فاطمه که مریم و سارادی کنیزی
محشر گونی محتاج اونا هر شاه و گدادی

انصافیدی قالسون در و دیوار آراسیندا
گُل تک بویانا قانه بو نه ظلم و جفادی

اود ووردیلا درگاهینه بیشرم جماعت
رحم ائتمدیلر یاسلیدی مشغول عزادی

یاندی قاپوسی سندی قولی محسنی ئولدی
قان اولسا گوزوم یاشی بو ماتمده سزادی

بیر عورتین اون سگّیز ایل عمری اولا یا رب
قَدّی بوکولوب زل

• دوشنبه
• 8
• بهمن
• 1397
• ساعت
• 11:54
• نوشته شده توسط
• ابوالفضل عابدی پور

‍ کابینه بیداد گوروم منحل اولیدی
زهرا خانیما سیلی ویران ال شل اولیدی

انصافیدی زهرا یوزونه سیلی دییدی
انصافیدی بوغصه علی قدین اگیدی

انصافیدی هنگامه قوپیدی فدک اوسته
زهرا چاغوریدی حسنی قلب شکسته

سسلندی حسن جان ننه قوربان دوت الیمدن
ایستکلی بالام اولما هراسان دوت الیمدن

قسمت بویوموش کوچه ده سیلی منه دیسون
قورخدوم اوآغیر ال ننون ئولسون سنه دیسون

گیتسوخ ائوه قویما پوزولا حالی امامین
آهسته دئنن فضه یرین سال تز آنامین

من بیرده اوبستردن عزیزیم دورا بیلمم
زینب بالامون زولفونه شانه ویرابیلمم

ئولسم منی سندن سوروشاللار هاچان ئولدی
بیرکلمه دئنن قنفذ الینده جوان ئولدی

• دوشنبه
• 10
• آذر
• 1399
• ساعت
• 22:23
• نوشته شده توسط
• یوسف اکبری

نقّاش فلک نقشۀ دنیانی چَکنده
حُورا گوزینه خلقت انسانی چَکنده

تُپراقدان ازل آدمه قامت یاراداندا
طراحی ایدوب صورت حَوّانی چَکنده

اولدوزلاری دامان سَماواته دؤزَندَه
نوره بُوریوب ماه درخشانی چَکنده

دورمشدی غروریله تماشایه مَلَک لَر
جَنّاته خدا سُوسَن وریحانی چَکنده

سنمازدی سکوتی سَرِ سُوزن او حَریمون
قدرت اَلی مین لُعبت زیبانی چَکنده

بیر یرده فقط اَحسَن اوجالدی قلمیندن
آئینه دَه نَقشِ رُخِ زهرانی چَکنده

• شنبه
• 15
• آذر
• 1399
• ساعت
• 23:11
• نوشته شده توسط
• یوسف اکبری

غسل ائدوب فاطمه نین جسمینی تا شاه جهان
بوکدی جسمین کفنه پیکرینی ائتدی نهان
کفنین باغلادی بندین ولی دلدن نگران
صورا سسلندی فغانیله حسین و حسنین
ام کلثومینی هم زینب غرق محنین

گلون ای غرق محنّلر بیزیچون جان گئدوری
ظلم دشمندن اولان گوزلری گریان گئدوری
آتاسی حضرت پیغمبره مهمان گئدوری
چون مسافردی آناز توکمیون اشک تریزی
دم آخرده گلون بیرده گورون مادریزی

گلدیلر اللری قوینوندا او نالان بالالار
غصۀ فاطمه دن زار و پریشان بالالار
آنا وای سسلدیلر دیده سی گریان بالالار
غرق اندوه و غم اولدوقجا ئورک داغلادیلار
ائتدیلر آه و نوا شدتیله آغلادیلار

بیری سسلردی گوزوندن منی گل آتما ننه
گوزومون یاشین اورک قانیمیلن

• سه شنبه
• 9
• بهمن
• 1397
• ساعت
• 14:09
• نوشته شده توسط
• ابوالفضل عابدی پور

از بر من اینچنین ، پر مزن ای نازنین
از غم داغت ببین، گشته دو عالم غمین

ای گل یاسم بمان، حرف جدایی مخوان
پر مزن از آشیان ، غصه ی دل را بران

ای یارم دلدارم فاطمه
اشک غم می بارم فاطمه

شعله به خرمن مزن، حرف ز رفتن مزن
غربت من را دگر ، بنگر و دامن مزن

سعی و صفای علی، فجر و ضحای علی
از نظرم رو مگیر، شمس سمای علی

ای یارم دلدارم فاطمه
اشک غم می بارم فاطمه

یک نظر ای یار من، بر دل زارم فکن
غربت یارت ببین، دل تو ز حیدر مکن

ای ضربان علی ، روح و روان علی
رفتن تو می زند، شعله به جان علی

ای یارم دلدارم فاطمه
اشک غم می بارم فاطمه

ترکی

ای قاپوسی درگهِ وحی خدا فاطمه
ماتموه آغلیور اهل سما فاطمه

همسر ش

• سه شنبه
• 9
• بهمن
• 1397
• ساعت
• 14:10
• نوشته شده توسط
• ابوالفضل عابدی پور

یاتوبدی قونشولار هامی
ولی علی یاتانمیور
سنون یارالی سینوی
خیالیدن آتانمیور

بیلوسن کی غرق مصیبتم
یاتا بیلمورم کی خجالتم

وئرنده غسلون اورک بو محنتده یاندی
سنون کمال وفاوی آندی دایاندی
سو توکدی اسما او یارالی سینون اوسته
ولی سینوندن قان آخدی حیدر اوتاندی
یارالی یا زهرا ...

اماندی سس وئر عم قیزی
شکسته دل عم اوغلوا
جهان اولوبدی غم سرا
بو خسته دل عم اوغلوا

یانارام مدینه ده یالقوزام
منی تک قویوبسان آدامسیزام

دونوبدی قانه دل زار و بی قراریم
حدیث هجران یازار چشم اشکباریم
در و دیواره گوزوم هر لحظه دوشنده
چئکوب های احوالیمه آغلار ذوالفقاریم
یارالی یا زهرا ...

یارالی دلبریم! علی
لباس وصلوی سویوب
سنی

• سه شنبه
• 9
• بهمن
• 1397
• ساعت
• 14:11
• نوشته شده توسط
• ابوالفضل عابدی پور

گوتوروب دردیمی گلدیم قاپوا یا زهرا
هامی عالم اولا قربان ادووا یا زهرا

سنی بیرتشنه لب اوغلون بیزیده ایله دعا
قسمت اولسون بو جمع کرب و بلا یا زهرا

سن بویور اوغلون ابوالفضل آدیمی بلکه یازا
چاره سیز دردلره وار اوردا دوا یا زهرا

اَلّی بش ایل یاشادی زینب هاچان شاد اولدی
اودی عاشیقلر اونا ساخلار عزا یا زهرا

باش یاران کوینگیمی نذر ائلیب ساخلامیشام
گتیرم حقین ائدم اوردا ، ادا یا زهرا

علی اکبر یخیلان یرده قوراخ بزم عزا
آپاراخ قاسیمه بیر شمع وحنا یا زهرا

• یکشنبه
• 16
• آذر
• 1399
• ساعت
• 23:05
• نوشته شده توسط
• یوسف اکبری

ای بقیع آلموسان آغوشه پیمبر بالاسین
سئخموسان سینوه جان مثلی حسینون آناسین
قول قابورقاسی سئنان فاطمه سینونده یاتیب
چوخ مدارا ائله اینجیتمه آماندی یاراسین

ای بقیع ملکی نه شمع و نه چراغون واردی
نه مجلل حرم و صحن و رواقون واردی
اونی مولا سینه سی یاره قویوب قبر ائوینه
حرمتین سعی ائله چوخ ساخلا قوناقون واردی

ای بقیع غم نقدر قلبلره اوت سالاجاق
نقدر فاطمه نین مدفنی گیزلین قالاجاق
ای دلیم غم یئمه بیر جمعه یقینیمدی گلوب
حضرت فاطمه نین قانینی مهدی آلاجاق

پایگاه حفظ و نشر آثار عباسی معروفان اهری

• سه شنبه
• 25
• آذر
• 1399
• ساعت
• 20:43
• نوشته شده توسط
• یوسف اکبری

هارا گیتسه علی سنی یاد ایلیر
سنی یاد ایلینده جهاد ایلیر
سن عزیزۀ حضرت طاهاسَن
غم اسیری شفیعه فرداسَن

همه بود و نبود منی زهرا
گُلِ یاس کبود منی زهرا
هارا گیتدون آی آرخام ایلیم زهرا
سنی ویردیلا سیندی بلیم زهرا

چه کنم که اسیر نوا شده ام
ز فراق تو غرق بلا شده ام
گل یاس مُعطَّرِ باغ ارم
چه کنم که هوای تو کرده دلم
همه بود و نبود منی زهرا
گُلِ یاس کَبود منی زهرا

یری واردی ئولونجه نوایه گلم
ویرام هر قاپی اوستونه قاره علم
گجه وقتی که آه و فغان ایدرم
غم و دردیمی ماهه بیان ایدرم
همه بود و نبود منی زهرا
گل یاس کبود منی زهرا

بخدا ز فراق تو دربدرم
چه کنم ز ملال تو خونجگرم
منی رنج و غم و محن ئولدوردی
سنی

• چهارشنبه
• 10
• بهمن
• 1397
• ساعت
• 10:04
• نوشته شده توسط
• ابوالفضل عابدی پور

نجه گیزلدوم بو ظلمی نجه فاش ائدوم دیوم من
ووروب آتش جنایت در مرتضایه ثانی

نه حیا ائدوب او ظالم نده ظلمدن یورولدی
حسن وحسین فغانین اوجادوب سمایه ثانی

بیر اوشاقی ئولدوروبدی اوچ امامی آغلادوبدی
سالوب اهلبیتی درد و الم و نوایه ثانی

دئمه کربلا چولینده یوخیدی او مرد ظالم
ووروب اوت دئنن خیام شه کربلایه ثانی

نه قدر جنایت اولسا بو جهاندا تا قیامت
ایلیون یقین قویوبدی او جفایه پایه ثانی

• جمعه
• 28
• آذر
• 1399
• ساعت
• 22:36
• نوشته شده توسط
• یوسف اکبری

ای مرحمتین کانی
گئتمه آناجان گئتمه
سن بیل بابامین جانی
گئتمه آناجان گئتمه

قالسا آناسیز بیر قیز هاردان تاپا دمسازین
فکر ایله آناسیز قیز سویلر کیمه ئوز رازین
آخیر آنا تک چکمز هئچ کس بالانین نازین
نیسگیللی دی تاوانی گئتمه آناجان گئتمه

صرصر یئلی بیر هجمه گلزاریمیزه سالدی
گلزاریده گوللردن شور و طربی آلدی
باخ گور کی نه احواله دورت خوردا بالان قالدی
یاندیردی گلستانی گئتمه آناجان گئتمه

ای ترک ائلین دارِ دنیانی جوان زهرا
وی آتش محنت ده درگاهی یانان زهرا
درده بابامی سالدی سیننده کی قان زهرا
آغلاتدی احبّانی گئتمه آناجان گئتمه

الله بگنن یولدا بذل ایله دین هر زادون
دیوار و در و مسمار ثبت ایله دی اسنادو

• چهارشنبه
• 10
• بهمن
• 1397
• ساعت
• 10:05
• نوشته شده توسط
• ابوالفضل عابدی پور

برگ نیلوفر هارا فلسفه نار هارا
مخزن سرّ خدا و در و دیوار هارا

نجه بی قاعده دور قاعدهٔ چرخ فلک
داش هارا؟شیشه هارا؟ یاسمن و خار هارا

یارادوب گورنجه زیبا یارادان فاطمه نی
زینت خلقت هارا، ثانیِ جبار هارا

قولی سیندی قاپونی آچمادی ظالم یوزونه
قبلهٔ عشق هارا، جای ستمکار هارا

ظلمه باخ گورمه دی بیرلحظه جگرگوشه سینی
سینهٔ فاطمه و قصه مسمار هارا

سینه یه اولمادی مرهم قان آپاردی یاراسین
نه بالا فاطمه نی گوردی نه زهرا بالاسین

محسنین نسگیلی یاندیردی دل امّتینی
اودا تکمیل ایلدی فاطمه نین نهضتینی

گورمه دی عالمی لمس ایلدی بطنینده اوتی
هاردا اثبات ایلدی گور علوی غیرتینی

جنّته ویردولار آتش، بالانین عشقینه

• پنج شنبه
• 11
• بهمن
• 1397
• ساعت
• 11:57
• نوشته شده توسط
• ابوالفضل عابدی پور

یانماسیدی گر بتولین باب درگاهی او گونده
کربلاده زینبین یانمازدی خرگاهی او گونده

ایتمسیدی حضرت زهرایه گر ثانی جسارت
اولماسیدی دختر پیغمبره اول گون جسارت
زینبی شمر ستمگر وورماقا ایتمزدی جرأت
عرشه اوج ایتمزدی آل عصمتین آهی او گونده

دگمسیدی فاطمه رخسارینه ظلمیله سینی
زار و گریان ایتمسیدی حالی اولاد خلیلی
کربلاده نو عروسین عارضی اولمازدی نیلی
بو جفا ایتدی جری اول قوم گمراهی او گونده

ائتمسیدی تیر محنت خاطر زهرانی آماج
ساتری باشدان دوشنده اولماسیدی صبری تاراج
زینبی غارت گونی بیر معجره اولمازدی محتاج
دمبدم چکمزدی دلدن آه جانکاهی او گونده

شیر یزدان قولاری باغلانماسیدی ظلم الیله
اولماسیدی بو جفا بو

• پنج شنبه
• 11
• بهمن
• 1397
• ساعت
• 11:59
• نوشته شده توسط
• ابوالفضل عابدی پور

مدینه اهلی گلون اوخشیاق جوان ننه می
قاپی دالیندا تهاجم گونی قالان ننه می

گورون فلک منِ زاری نه تیز یتیم ایلدی
نقدر آختارورام تاپمورام جوان ننه می

جنازه سین گجه وقتی بابام مزاره قویوب
بقیع چولی آلوب آغوشه مهربان ننه می

اگرچه یدّی نفر ظاهراً ایدوب تشییع
آپاردی گوگلره باطنده قدسیان ننه می

بقیعده یاتسادا روحی ملائکیله گزور
یقین زیارت ایدور اهل آسمان ننه می

یرینی بوش گوروب ای بی وفالر آغلورسوز
گورنمه سوز داخی اول قبر بی نشان ننه می

ریایی آغلاماقوز روحیمه شکنجه ویرور
که غصّه مرگ ایلدوز قامتی کمان ننه می

نواسی قویمازیدی استراحت ایلیه سوز
اودور که زحمته سالدوز او جان فشان ننه می

بس اعتراض ایلد

• پنج شنبه
• 11
• بهمن
• 1397
• ساعت
• 12:38
• نوشته شده توسط
• ابوالفضل عابدی پور

آئینۀ صانعدی یقین طلعت زهرا
دنیانی سالوب حیرته شخصیّت زهرا

یوخ حاجتی تعریفیده اثبات دلیله
بیر نور منزّهدی او بانوی جلیله
اسباب مباهاتدی اولاد خلیله
پیغمبره عزّت گَتیرور عزّت زهرا

تاویل اولونوبدور آدینا کلمۀ علیا
اوز صدقینه مصداقیدی صدّیقۀ کبری
افلاکیده مشهور اولونوب زهرۀ زهرا
دنیایه معرّفدی همان شهرت زهرا

مظهردی جلالتده خداوند جلاله
فائزدی کمالاتیده سرحدّ کماله
شایسته دی فخر ایلسه نسوان رجاله
زهرائیله چون نادره دور خلقت زهرا

عالم متواضعدی بو خاتون عظامه
سرگشته دی تحریرِ مقاماتینه خامه
دنیا یازا مشکل یتیشه مدحی تمامه
مقدور دگل هر دلیله صحبت زهرا

ماهیّتینی تا یارادوب حیّ توانا
انواری ایدوب

• جمعه
• 12
• بهمن
• 1397
• ساعت
• 15:13
• نوشته شده توسط
• ابوالفضل عابدی پور

گل عم اوغلی یتیشوب موسم هجران ئولورم
باشیم اوستونده تلاوت ایله قرآن ئولورم
ای شه دوران ئولورم

چکدیم از بسکه غم و غصّه و اندوه و ملال
قدّیمی بار بلا اگدی منیم ائتدی هلال
آخر عمریمدی منه حقّیوی گل ایله حلال
منده جانانیمه آسوده وئریم جان ئولورم

آناسیز قالدی ایکی نور دو عینیم گئدورم
بوینی چیگننده قالولّار حسنینیم گئدورم
قویما چوخ آغلیا منسیز بو حسینیم گئدورم
روحیمه زحمت اولار ایلسه افغان ئولورم

بو قدر آغلاما قربان اولوم آغلار گوزیوه
قویما تاپسون جریان اشگیوی آخسون یوزیوه
پوزما حالون بئله وئر بیرجه تسلّی اؤزیوه
باغریمی ائتمه بو جان اوسته منیم قان ئولورم

آغلاسان وار یری عمرونجه اگر نسگلیمه
اشگوی

• جمعه
• 12
• بهمن
• 1397
• ساعت
• 15:16
• نوشته شده توسط
• ابوالفضل عابدی پور

‍ فاطمه کیمدی جنّت اُلعشقیدی یادواره سی
رنگ خزان گورَن دگل عزتینون بهاره سی

فاطمه کیمدی صورتی آی گونه نورپایلیار
بوسه ورار قدومینه یدّی گویون ستاره سی

قصۀ عشق فاطمه واژۀ بی حسابیدور
حُسن ووقاروجودینون گلمزاله شماره سی

هاجرومریمون یقین شوکتینی آلوب ساتار
کوچه ده که سنوب دوشن لنگۀ گوشواره سی

فاطمه بیرخانمدی که سوره لره یاراتدی جان
پشت دره دایانماقی، درگهینون شراره سی

کعبیه آبرو ویروب عالمی ایتدی حیدری
فاطمه نون صلابت وغیرت وسینه یاره سی

وادی حَشری انبیا پای پیاده سیرایدر
ماخَلَقون اوگون فقط فاطمه دور سواره سی

• جمعه
• 10
• بهمن
• 1399
• ساعت
• 19:49
• نوشته شده توسط
• یوسف اکبری

غملو گئجیله گوندوزوه آغلاما علی
زهرا فدا اولا گوزوه آغلاما علی

ای سینه سی شراره ، یانان شمع انجمن
عالم یانار یانان سوزوه آغلاما علی

سن آغلیاندا عالم امکاندا آغلیور
گوز یاشی توکمه گل یوزوه آغلاما علی

مظلوم علی ، کومکسز علی ، مهربان علی
تنگ ایتمه عالمی ئوزوه آغلاما علی

اتمام حجّت ایلدون ای حجّتِ خدا
بیر کیمسه باخمادی سوزوه آغلاما علی

هجران اودیندا یانماقوا آغلارام سنون
باش قویما ایندی غم دیزوه آغلاما علی

من آغلارام سنه ولی آغلوسان منه
قربان او آغلیان گوزوه آغلاما علی

دشمن سالوب نه حالته بو زار و خسته نی
ای دلشکسته ، درک ایله پهلو شکسته نی

سن آغلاما غریب وطن ، قوی من آغلیوم
ای آشنای رنج و

• شنبه
• 13
• بهمن
• 1397
• ساعت
• 20:29
• نوشته شده توسط
• ابوالفضل عابدی پور

بقیعه عادت ائدوب شاه لافتی گجه لر
گونوز گلنمور ائدور ناله و نوا گجه لر

خجالتیله باتور گون ائشیتمسون سسینی
آیندا عشقی یوخ حتی اولا نما گجه لر

گجه اولاندا گئدر قوشلار آشیانه سینه
بقیعده دولانور غصّه لی هما گجه لر

هامی یاتور ئوز ائوینده خیال راحتلن
آلور قوجاقه بالاسین یاتور آنا گجه لر

ولی یاتانمور علی ، چون ئولوبدی زهراسی
یرینی بوش گوروری ایلوری بکا گجه لر

نه زحمتلین علی یوخلادور بالالارینی
گلور بقیعه تاپا دردینه دوا گجه لر

یواش آتور قدمین دورماسین حسین یوخودان
یاتانموری آناسیز چون او مه لقا گجه لر

ولیک بعضی گجه تا دورور حسین یوخودان
دیور بابام گئدوری ای خدا هارا گجه لر

صاقا صولا باخوری د

• شنبه
• 13
• بهمن
• 1397
• ساعت
• 20:30
• نوشته شده توسط
• ابوالفضل عابدی پور

ماتم سرا ائدوب ائوی هجرانون آی ننه
داغلور ئورکلری غم سوزانون آی ننه

یوخدور آچوب یانان قاپووی یاسووه گلن
یاس ساخلیوب سنه بو یتیمانون آی ننه

اولسون قسم حسینووه ئولّم دوزنمرم
بی رونق اولسا شام غریبانون آی ننه

تزتز حسن باخور قاپیا قلبیم اودلانور
شاید دئیور گله بیزه مهمانون آی ننه

هئچ گلمسون مدینه لیلر، ئولمیوب قیزون
اولّم ئوزوم عزالی نواخوانون آی ننه

قارداشلاریملا ،باش باشا وئرم من آغلارام
تا گرم اولا بو بزم پریشانون آی ننه

یوخسان بورا گلوب گوره سن نیلیور قیزون
اوتلور جهانی زینب نالانون آی ننه

یانسون ئورکلری قاپووی یاندیرانلارون
قالمش هله یانان قاپیدا قانون آی ننه

چوخ محنتون حسینووه خاطر د

• یکشنبه
• 14
• بهمن
• 1397
• ساعت
• 10:49
• نوشته شده توسط
• ابوالفضل عابدی پور

بو تزلیقا صولا باغ و بهار، بولمزدیم
مکان اولا سنه گیزلین مزار بولمزدیم

ِسینم دولوبدی منیم آه جانگدازیلن
گوزوم سرشکی اولا جویبار ، بولمزدیم

شرار غمله یانور قلب مرتضی زهرا
غمونده گوز یاشیم اولسون نثار ، بولمزدیم

گئجه زمانی سنی دفن ایدم چتیندی منه
اولا گوزومده منیم شام تار ، بولمزدیم

نه تئزدی تک قویاسان سن عم اوغلوی زهرا
عوض اولا فلک کجمدار ، بولمزدیم

نه محسنون بولونر قبری نه سنون قبرون
آنا بالا اولاسوز پرده دار ، بولمزدیم

پیمبرین سوزی باغلی قویوب ید اللّهی
نیامیده قالا بو ذوالفقاره ، بولمزدیم

ایشقلی گون ایله تاریک اولوب جهاندا منه
گوزومده بیر اولا لیل و نهار ، بولمزدیم

حسین و هم حسن و زی

• یکشنبه
• 14
• بهمن
• 1397
• ساعت
• 10:51
• نوشته شده توسط
• ابوالفضل عابدی پور

آچ گوزون علی گلوب،قبرون اوسته فاطمه
حیدری حلال ائله،دل شکسته فاطمه
آنداولا بو اشکیمه،فرقته دوزنمورم
دهریدن علی دویوب اولدی خسته فاطمه
یات ای نگار مرتضی یات--یات ای عزیز مصطفی یات

فاطمه گئلیلیم،گردشِ زمانه دن
محنته سالوب باشون،غمله آشیانه دن
هانسی دردیدن دئیوم،سیلی دن قباله دن
میخ و سینه دن دئیوم،یا کی تازیانه دن
یات ای نگار مرتضی یات--یات ای عزیز مصطفی یات

سیندورب غروریمی دوزدی ثانی فاطمه
اگدی امرِ مصطفی،مرتضانی فاطمه
غیرتیمدن آغلادیم،ذوالفقاریم آغلادی
صورتینده گورجگین ال نشانی فاطمه
یات ای نگار مرتضی یات--یات ای عزیز مصطفی یات

• یکشنبه
• 3
• اسفند
• 1399
• ساعت
• 21:53
• نوشته شده توسط
• یوسف اکبری

گل عم اوغلی دانیشاق عشق و وفادن ایکیمیز
دل و دلبر سوز آچاق صدق و صفادن ایکیمیز

دم غنیمتدی وفا یوخدی بو آز عمریلره
مست اولاق باده سرشار ولادن ایکیمیز

آیریلق تلخیدی اما بیلوسن چاره سی یوخ
گل دویونجا دانیشاق شرط بقادن ایکیمز

آز قالور فاطمه نون غصه لی عمری قوتارا
جان دییک، جان ایشیدک راه وفادن ایکیمیز

بو فلک ، قویمادی بیر دهریده گلسون یوزوموز
تنگه گلدوک نجه گور جور جفادن ایکیمیز

هم منیم حقیمی غصب ایلدیلر همده سنون
لحظه دینجلمدوک عالمده بلادن ایکیمیز

سنون حقون آرادان گیتدی منیمده فدکیم
نه بلالر چکوروک قوم دغادن ایکیمیز

مردمون سوزلری اصلا عملینن اوخومور
دائما منزجروخ ریب و ریادن ایکیمیز

ستم

• یکشنبه
• 14
• بهمن
• 1397
• ساعت
• 11:13
• نوشته شده توسط
• ابوالفضل عابدی پور

ای نازل اولموش کوثریم
لایلای بالام لایلای
سنسن منیم بال و پریم
لایلای بالام لایلای
گوزل قیزیم،،،دادیم دوزوم
لایلای گوزه لیم یات گوزه لیم یات بالا
شیرین غزلیم یات گوزه لیم یات بالا

سنلن ایشیقلاندی جهان
ای مهررخشانیم
آغوشیمه زینتسن ای
لعل بدخشانیم
آدون اولوب پیرایهٔ
آیات قرآنیم
ای مهربان آرام جان
لایلای گوزلیم.........

عالم فدااولسون بئله
حسن دلارایه
اونبیراوغول سندن اولار
اسلامه پیـــــــــرایه
عشقون اُلارعشق اهلینه
عقباده سرمایه
ای سویگولوم زیبا گولوم
لایلای گوزه لیم یات.......

• جمعه
• 29
• اسفند
• 1399
• ساعت
• 11:42
• نوشته شده توسط
• یوسف اکبری

جلوه گر نور داور اولدی
بیت طاها منور اولدی
تَهنیت کلّ شیعیانه
فاطمه گلدی بو جهانه

مددی یا حضرت زهرا

لاله ی باغ نبوی دی
بو جهاندا عشق‌علیدی
ماه و انجم، شمسِ ضُحاها
به فدای حضرت زهرا

مددی یاحضرت زهرا

ای دلیل خلقت عالم
ریزه خوارون عالم و آدم
گوزل آدون روحه صفادی
نه چتین درد اولسا دوادی

مددی یا حضرت زهرا

سن شفیع روز جزاسن
مادر شاه شهداسن
نه اولار بیر زینبه خاطر
یاز بیزه بیر کرب و بلا سن

مددی یا حضرت زهرا

ای گُل گلزار پیمبر
یاور و ای دلبرِ حیدر
(بیکَسم)من ایله عنایت
وار باشیمدا شوق زیارت

مددی یا حضرت زهرا

• یکشنبه
• 1
• فروردین
• 1400
• ساعت
• 14:52
• نوشته شده توسط
• یوسف اکبری

بهار عیشی ظلمیله
خزان اولوب سولان آنا
آز عمریله جهاندا چوخ
غمه اولان نشان آنا

نقدری وار نفس گرک سالام خیاله محنتون
آدون دلیمده روز و شب یانوب دیم مصیبتون
زمانه ده سنین آنا بو چکدیقون اذیتون
قویوبدی دیده تر منی ایدوبدی باغریقان آنا

قاپون یانوبدی ظلمیله مصیبتین پدید اولوب
دوشوب شراره قلبیوه آنا غمین مزید اولوب
یتوبدی صدمه محسنون او صدمه دن شهید اولوب
همان او حالی یاد ائدوب قان آغلارام هر آن آنا

گلوب فغانه اوخشارام فراق ائوینده صبح و شام
یانقلی قلبیله سنه قان آغلارام عَلَی الدَّوام
اؤرکده داغ حسرتین غم و ملالیله مدام
اولورعذاره گوزیاشیم روانه هر زمان آنا

غمین ائدوبدی آشنا بو زینبی بلائیله
حسی

• سه شنبه
• 16
• بهمن
• 1397
• ساعت
• 10:51
• نوشته شده توسط
• ابوالفضل عابدی پور

چاتدی عمروم منیم انتهایه
دورت بالام قویما گلسون نوایه
آخرین لحظه لردی عم اوغلی
لطف قیل سال باشیم اوسته سایه

آغلاما سینوی داغلاما چوخ
آیریلیق دردینین چاره سی یوخ

وار باشیندا حسینون بلاسی
غملی بیر ماجرا کربلاسی
گل حضورون اولا قانلی چولده
اول بتولون او دم هم نواسی

آغلاما سینوی داغلاما چوخ
آیریلیق دردینین چاره سی یوخ

ضد قرآنه مجلس قورولدی
فاطمه جور و ظلمه یورولدی
هانسی جرمه منیم بو زماندا
سیلی کین یوزومدن وورولدی

آغلاما سینوی داغلاما چوخ
آیریلیق دردینین چاره سی یوخ

یاندیم حقون آلاندا دایاندیم
سن یانان اودلارا منده یاندیم
بیعت اوسته قاپوم اودلاناندا
قانیمه اوز قاپومدا بویاندیم

آغلاما سینوی د

• سه شنبه
• 16
• بهمن
• 1397
• ساعت
• 10:59
• نوشته شده توسط
• ابوالفضل عابدی پور

قویما چوخ حالی پریشانون اولوم
بیر بیله دیده سی گریانون اولوم
آیرولوق موسیمدور ناز ایلمه
گوزون آچ فاطمه قربانون اولوم

گوزون آچ بیرجه نظر قیل یوزومه
باشون اوستونده باخ آغلارگوزومه
باشوی قویما یره قوی دیزیمه
گوزون آچ فاطمه قربانون اولوم

ای یوزی نوگل گلزار جنان
قویمیوب درد و غمین منده توان
ایلیوب آیرولوقون باغریمی قان
گوزون آچ فاطمه قربانون اولوم

گلموشم سنله یانیب آغلاماقا
باشون اوستونده اورک داغلاماقا
صون نفسده گوزیوی باغلاماقا
گوزون آچ فاطمه قربانون اولوم

ای یوزی نوگل گلزار جنان
قویمیوب درد و غمین منده توان
ایلیوب آیریلوقون باغریمی قان
گوزون آچ فاطمه قربانون اولوم

گلموشم سنله یانیب آغلاماقا

• سه شنبه
• 16
• بهمن
• 1397
• ساعت
• 11:02
• نوشته شده توسط
• ابوالفضل عابدی پور