اشعار ترکی امام حسین (ع)

دردیمه درمان آلام گلدیم عزایه یاحسین
دوزموشم دنیا غمینده هر بلایه یاحسین

قوی قالا دنیا غمی هر حالیده شُکر ایلرم
لیک بیر دردیم دوا اولمور دعایه یاحسین

روسیاه و پُر گناهم قد خمیده مو سفید
شافع اول توبَم قبول اولسون خدایه یاحسین

بیر نظر قیل توبه کاره حُرّ تک نادِم گلوب
آند ویرّم زینبه اوغلون رضایه یا حسین

خضر تک بیر جرعۀ آب حیاته تشنیَم
انتظارم تا چاتام منده سقایه یا حسین

هدیۀ قابل یوخومدی جز بو گوزده گوز یاشیم
عشقیمی ویرّم نشان گللّم نوایه یا حسین

من مریض کوی عشقم دردیمون درمانیسان
سجدۀ شکر ایلرم خاک شِفایه یاحسین

منصب شاهانه سی وار درگهونده هر گدا
من سگ دربارووام باخ التجایه یا حسین

کعبۀ آمال دور هر عاشقه کرب و بلا
کیمیا دور خاک پاکون هر گدایه یا حسین

خالقون خاک مزاروندا شفانی خلق ایدوب
ویرمیوب بو رجحتی هیچ اولیایه یا حسین

گونده یتمیش مین ملک اول قبریوی ایلر طواف
خوش مطاف اولموش مزارون انییایه یاحسین

سفرۀ رحمت آچوبسان دعوت اوسته زایره
زایروندی بهره مند لطف و عطایه یا حسین

جان زهرا و علی اکبرون احسان ایله
«عدلیه» گلسون گینه کرب و بلایه یا حسین

• چهارشنبه
• 17
• دی
• 1399
• ساعت
• 19:15
• نوشته شده توسط
• یوسف اکبری

عزم کارزار ایدوبسن ایلمه شتاب حسینیم
سینم اوسته اللرون قوی یوخ فراقه تاب حسینیم

ایله محو ایدوب بو چولده سنی شوق وصل جانان
اودی بزم وصل یاره بیله اولموسان شتابان
ولی بیردایان دوتوم من باشون اوسته بیرجه قرآن
سنی حفظ ایدر بلادن بو گوزل کتاب حسینیم

اولا گربیری مسافرخاصه سنکیمی برادر
بیله رسمیدی گیدنده دالیسیجا سو سپللر
سویا یوخ اگر چه امکان ولی اولما چوخ مکّدر
سپرم دالونجا گوزدن یوزه اشک ناب حسینیم

بولورم که مست ایدوبدور سنی بادۀ شهادت
بوشهادتینده واردورسنه بیرگوزل سعادت
قلم قضا یازوب دورمنه ده اخا اسارت
آلارام دله بو یولدا غم بی حساب حسینیم

بودی عالم محبّت گتورور منی نوایه
بولورم بو چولده مقهور اولاسان بو اشقیایه
سنون اهل شام و کوفه باشیوی ویرارجدایه
منه بی جحاز ناقه ایدر انتخاب حسینیم

ایدراشقیا جفاسی منی ایله زاروخسته
سالی یول اوقتلگهدن هدف اوسته دست بسته
یتوشوب گورنده باشسیز یارلی جنازن اوسته
نجه صبر ایدوم اودمده من غم نصاب حسینیم

دل زاری هجر اوخیله یری وار اگردلم من
غم و دردیدن جهاندا نه روادی دینجلم من
گیده هر دیاره باشون گرک آردیجان گلم من
قوللاریمدا زلف عشقون اولی چون طناب حسینیم

دیمورم که زینبم من یدّی قارداشا عزیزم
گیدورعزّتیم سنیله بو فراقه اشک ریزم
دیورم بوچولده فرض ایت بالا قیز لارا کنیزم
حامی رقیّن اولاّم اولا تا ثواب حسینیم

بیردایان حسین سوزوم واربولورم که یوخ محلی
ویراجازه عرض ایدوم لیک اولا گویلومه تسلی
اوزمان که نوک نی ده باشون ایلییر تجلی
باشیوی دانشدورندا منه ویرجواب حسینیم

گرچه شعلۀ فراقه اود دوتوب بوچولده یانّام
یته هرغم و مصیب من زاره سهل سانّام
ره عشق دوربو یولدا ولی صبر ایدوب دایانّام
ایده اهل شام و کوفه نقدر عتاب حسینیم

شب وروز(عدلی) جاری یوزه اشک حسرت ایلر
نقدر وارعمری آخر نقدر فراغت ایلر
بیزه صدق اوزیله نوحه یازارعالی خدمت ایلر
اوزون ایسته اجرویرسون حق مستطاب حسینیم

• چهارشنبه
• 17
• دی
• 1399
• ساعت
• 20:24
• نوشته شده توسط
• یوسف اکبری

سبک: من مانده ام تنهای تنها.....

اهل عالم سالک حق دین حقه جانفدایم
ناشردین پیمبر جانشین مجتبایم
چهره پرداز ولایت نورچشم مرتضایم
رمز و راز آفرینش عالمینه مقتدایم
فاطمه اوغلی حسینم من شهید کربلایم
اهل عالم اهل عالم

من کیمم عهد السته مست می سرّمبینم
روح قرآن مجیدم دین و قرآنه مُعینم
نوروم الله نوری نورِآسمان وهم زمینم
ایچمدیم آب فراتی من اوزوم ماء مَعینم
فاطمه اوغلی حسینم من شهید کربلایم

من هامی آزاده گانه پیشوایم مقتدایم
سینۀ سیناده نورم نورمُصباح الهُدایم
بدرخلقت " نورعزّت " خلقتیمده ابتدایم
ناطق قرآن مُنزَل حجت و خون خدایم
فاطمه اوغلی حسینم من شهید کربلایم

من کیمم شمس ولایت من کیمم ماه تمامم
من کیمم صبرم ثُباتم من کیمم خونم قیامم
من حطیمم رکن کعبه من حَجَر صاحب مقامم
من رکوع وهم سجودم من صلاة وهم صیامم
فاطمه اوغلی حسینم من شهید کربلایم

من کیمم من کعبۀ عشق زمزمم سعی وصفایم
باغبان باغ قرآن گلشن عشق و وفایم
جسم قرآنه ویرن جان من ذبیحاً مِن قفایم
باء بسم الله آتامدی من گواه قل کفایم
فاطمه اوغلی حسینم من شهید کربلایم

من کیمم زهرایه وارث زینت دوش پیمبر
من کیمم انجیل وتورات رهرواسلامه رهبر
من کیمم ششماهه اوغلوم غنچه لیقدا اولدی پرپر
دین یولوندا دوغرانوبدی اکبریم اخلاندی اصغر
فاطمه اوغلی حسینم من شهید کربلایم

خونبهام الله اولوبدی قان جهان آرا اولوبدی
من امام اوغلی امامم مادریم زهرا اولوبدی
انقلابه ال ویران گون روزعاشورا اولوبدی
غارت اموال اولاندا محشرا کبرا اولوبوی
فاطمه اوغلی حسینم من شهید کربلایم

من کیمم بنیانگذار مکتب راه سعادت
ویرموشم اهل جهانه درس همّت هم سیادت
اولموشام دنیا یوزونده قرن لر نور هدایت
پیر درباریمدی (عدلی) رهرو راه ولایت
فاطمه اوغلی حسینم من شهید کربلایم

• چهارشنبه
• 17
• دی
• 1399
• ساعت
• 20:33
• نوشته شده توسط
• یوسف اکبری

وار نه علت عرش و فرشی دولدوروب غوغا بوگون
یوم عاشورادی گویا محشر کبرا بوگون

بوهمان گوندورحسین غلطان اولوب اوز قانینه
سانه گلمز یاره لرآلدی دین اوسته جانینه
جرعه سو ویرموبدی شمر کربوبلا قربانینه
کسدی باشین آخدی قان هرقطره سی دریا بوگون
سیرایله گورکیم ویروب باش کسماقا فتوا بوگون

بو همان گوندورکه کوفه اهلی طغیان ایلدی
دعوی قرآن ایدنلر ترک قرآن ایلدی
بیرمه تابان سحاب آلتوندا پنهان ایلدی
ظلمت اولدی تا باتوب مهرجهان آرا بوگون
طور سیناده چکولدی دارینه عیسی بوگون

بوهمان گوندورابوالفضل قوللاری اولدی قلم
اوخ دگوب سومشگینه یوخدورتوان دوتسون علم
خجلتیندن سینه سینده جمع اولوب بار الم
کاسۀ چشمونده یر ویردی اوخا سقا بوگون
ایلیوب گور نه مواسات ایچمیوبدی اء بوگون

بوهمان گوندور ویروبدی پیر و برنا ال اله
مست اولوب مروه صفاده ایلیوبلر هروله
باش ویروب لر قان ویرروبلر چاتماقا سرمنزله
ایلیوبـلر تک خدائیلن اولار سودا بوگون
آگه اولسون هر مسلمان پیرو هم برنا بوگون

بوهمان گوندورعطشدن سود امرایلوبدی غش
بیر طرفدن خیمده واردورصدای العطش
قتلگاه ایچره ایدور شمریله زینب کشمکش
اللرین خنجرکسوب ایت مطلبی معنا بوگون
حفظ ناموس و حجابه ایلیوب ایما بوگون

بو همان گوندورکه شهرکوفه نین ارزللری
قانه غلطان ایلیوبلر شبه طاها اکبری
ظلم الیله اوخلیوبلر شیر خواره اصغری
جانویروبدی آلتی آیلیق طفل مه سیما بوگون
پرپر اولدی گلستاندا غنچۀ رعنا بوگون

سجده گاه عشقیده زینب گوروب شاه حجاز
قانیلن اولموش وضوسی یرده آچموش جانماز
بو تراب اوغلی تراب اوسته ایدور راز و نیاز
باش ویره معنی اولا تا روز عاشورا بوگون
آغلیه وار دور یری دنیا و ما فیها بوگون

قاره یل اسدی ایدنده آفتاب دین زوال
اولدولار دنیا یوزونده ذیحیات افسرده حال
سینه سین سنگین ایدوبدی زینبین درد وملال
غارته ال آچدی دونان ایتمدی پروا بوگون
ایتدولرامر یزیدی مو به مو اجرا بوگون

مشگله دوشدی بوگونده دختر مشکل گشا
سسلوری امداده گل شیرخدا یا مرتضا
اود ویروب یاندوردولاراخیامی بوقوم دغا
سس دوشوب ارض وسمایه آه و واویلا بوگون
باش آچوب جنّتده آغلورحضرت زهرا بوگون

نقش اولوبدی لوح دیلده «عدلیا» بوماجرا
یازکه هرگون یوم عاشوردی هریرکربلا
اهلبیته نوحه خوان اول ایل بویی باشدان باشا
شرح عاشوراده یاز اولسون یزید رسوا بوگون
ایسته حقدن لطف ایده نطقون اولا گویا بوگون

• چهارشنبه
• 17
• دی
• 1399
• ساعت
• 20:36
• نوشته شده توسط
• یوسف اکبری

وار نه علت عرش و فرشی دولدوروب غوغا بوگون
یوم عاشورادی گویا محشر کبرا بوگون

بوهمان گوندورحسین غلطان اولوب اوز قانینه
سانه گلمز یاره لرآلدی دین اوسته جانینه
جرعه سو ویرموبدی شمر کربوبلا قربانینه
کسدی باشین آخدی قان هرقطره سی دریا بوگون
سیرایله گورکیم ویروب باش کسماقا فتوا بوگون

بو همان گوندورکه کوفه اهلی طغیان ایلدی
دعوی قرآن ایدنلر ترک قرآن ایلدی
بیرمه تابان سحاب آلتوندا پنهان ایلدی
ظلمت اولدی تا باتوب مهرجهان آرا بوگون
طور سیناده چکولدی دارینه عیسی بوگون

بوهمان گوندورابوالفضل قوللاری اولدی قلم
اوخ دگوب سومشگینه یوخدورتوان دوتسون علم
خجلتیندن سینه سینده جمع اولوب بار الم
کاسۀ چشمونده یر ویردی اوخا سقا بوگون
ایلیوب گور نه مواسات ایچمیوبدی اء بوگون

بوهمان گوندور ویروبدی پیر و برنا ال اله
مست اولوب مروه صفاده ایلیوبلر هروله
باش ویروب لر قان ویرروبلر چاتماقا سرمنزله
ایلیوبـلر تک خدائیلن اولار سودا بوگون
آگه اولسون هر مسلمان پیرو هم برنا بوگون

بوهمان گوندورعطشدن سود امرایلوبدی غش
بیر طرفدن خیمده واردورصدای العطش
قتلگاه ایچره ایدور شمریله زینب کشمکش
اللرین خنجرکسوب ایت مطلبی معنا بوگون
حفظ ناموس و حجابه ایلیوب ایما بوگون

بو همان گوندورکه شهرکوفه نین ارزللری
قانه غلطان ایلیوبلر شبه طاها اکبری
ظلم الیله اوخلیوبلر شیر خواره اصغری
جانویروبدی آلتی آیلیق طفل مه سیما بوگون
پرپر اولدی گلستاندا غنچۀ رعنا بوگون

سجده گاه عشقیده زینب گوروب شاه حجاز
قانیلن اولموش وضوسی یرده آچموش جانماز
بو تراب اوغلی تراب اوسته ایدور راز و نیاز
باش ویره معنی اولا تا روز عاشورا بوگون
آغلیه وار دور یری دنیا و ما فیها بوگون

قاره یل اسدی ایدنده آفتاب دین زوال
اولدولار دنیا یوزونده ذیحیات افسرده حال
سینه سین سنگین ایدوبدی زینبین درد وملال
غارته ال آچدی دونان ایتمدی پروا بوگون
ایتدولرامر یزیدی مو به مو اجرا بوگون

مشگله دوشدی بوگونده دختر مشکل گشا
سسلوری امداده گل شیرخدا یا مرتضا
اود ویروب یاندوردولاراخیامی بوقوم دغا
سس دوشوب ارض وسمایه آه و واویلا بوگون
باش آچوب جنّتده آغلورحضرت زهرا بوگون

نقش اولوبدی لوح دیلده «عدلیا» بوماجرا
یازکه هرگون یوم عاشوردی هریرکربلا
اهلبیته نوحه خوان اول ایل بویی باشدان باشا
شرح عاشوراده یاز اولسون یزید رسوا بوگون
ایسته حقدن لطف ایده نطقون اولا گویا بوگون

• چهارشنبه
• 17
• دی
• 1399
• ساعت
• 20:36
• نوشته شده توسط
• یوسف اکبری

اول یری که مثل رضوان با صفا دور دلربا
توپراقی هر درده درمان کعبۀ ا هل ولا
سر زمین کربلا دور کربلا دور کربلا

اول یری که آلدی آغوشه حسین اطهری
غسلوسوزهم بیکفن صد پاره قانلی پیکری
سینه اوستونده بالاسی شیرخواره اصغری
سر زمین کربلادور کربلادور کربلا

اول یری که آلدی آغوشه اونون گل پیکرین
اوخلاموشدی حرمله سواوسته عطشان اصغرین
قدی خم اولموشدی قان ایچره گورنده اکبرین
سر زمین کربلادور کربلادور کربلا

اول یری که آلدی آغوشه اونی آخدی قانی
ایلدی روشن قالا فانوس و حدت قرآنی
قان ویروب دینه آیولدا هریاتان بیرانسانی
سر زمین کربلادور کربلادور کربلا

اول یری کی توپراقین الله سایوبدی محترم
دفن اولا هرکیم اونا یوخدورسئوال قبروغم
خانۀ امن و اماندی ساکنه اولماز الم
سر زمین کربلاد ور کربلادور کربلا

آلدی غوشه او یرکی پیکر صد چاکنی
اللرین کسدی کسن بولموب مرام پاکنی
نه بولوبدی نستعینی نه بولوب ایّاکنی
سر زمین کربلاد ور کربلادور کربلا

اول یری کی دفن اولوب اوردا گروه اتقیا
یعنی انصار حسین قرآن و دینه جان فدا
کعبه دن اشرف اولوبدی آدلانوب دشت بلا
سر مین کربلاد ور کربلادور کربلا

اول یری کی دفن اولوب معراجه چخموشدی باشی
مطبخ خولیده توکموشدی آناسی گوز یاشی
بیرده دوشموشدی فرات اوستونده قولسوز قارداشی
سر زمین کربلاد ور کربلادور کربلا

اول یری کی جانویروبدی سوکنارینده سوسوز
ایتمیوب هر گز حسینه تشنه اولماقین بروز
گورسدوب عالی مواسات قارداشا روز تَموز
سر زمین کربلا د ور کربلا دور کربلا

اول یریکه «عدلی» ایستور سالها اوردا قالا
گلستان عشقیده هر بیر گولون عطرین آلا
مادح دربار اولاقبر شریفه قول سالا
سر زمین کربلا دور کربلا دور کربلا

• چهارشنبه
• 17
• دی
• 1399
• ساعت
• 20:39
• نوشته شده توسط
• یوسف اکبری

دنیا بویی مصحف اولا قرآن اولا بولمز
عامل اونا محشر گونی گریان اولا بولمز

مقصودخدا خلقت ابناء بشردن
تسبیح وعبادتدی بوکتمان اولا بولمز

حقین نمازین قیلماسا هرکیم اولوراولسون
کافردی گلوب دشمن شیطان اولا بولمز

چوخ واردی مسلمان بوزمان اهل جهاندان
بیر کیمسه گلوب بوذروسلمان اولا بولمز

چوخلاردیرعالمده منم عهدیمه پابند
چکسن محکه حافظ پیمان اولا بولمز

نقّاش جهان گر چکه تصویر دل آرا
زیبا اولی لیک یوسف کنعان اولا بولمز

سندیرما آجی دیللریلن قلب رئوفی
هر قلب که سنسا اونا درمان اولا بولمز

دنیاده آتا هم آنیه ایله سن احسان
قرآن بویوروب ایله بیراحسان اولا بولمز

دنیایه گلوب عاشق اولان چوخدی سایولسا
عشق اوسته بیری یارینه قربان اولا بولمز

جانلار اولا عالمده حسین جانینه قربان
هر کیمسه گلوب شاه شهیدان اولا بولمز

بیر نهضته ال آچدی ایدوب زنده بو دینی
قانویردی دیریدّی ایله بیرقان اولا بولمز

عشق اوسته اَنَالحَق دئدی دشمن قاباغیندا
هیچ کیمده بیله قوّۀ ایمان اولا بولمز

آزادی و آزادگی سرمشقی ویروبدی
تا اهل جهان وار بیله عنوان اولا بولمز

یوزدن یوخاری پیروجوان ویردی بودینه
اکبرکیمی نورس گل خندان اولابولمز

بیر صود امرین ایلدی قربان الی اوسته
اعلان ایلیوب عشقنی نقصان اولا بولمز

اوزدی الینی ما مَلَکیندن رَهِ دینده
جان بذل ایدنه بولدی که سامان اولابولمز

ایلوبدی وداع سالدی یولون تا رَهِ عشقی
طی ایتسون ایله بیر ره شایان اولا بولمز

ایستردی گیده سسلدی زینب سنه قربان
سن تک بریسی عازم میدان اولا بولمز

بیر لحظه دایان امرینی اجرا ایلیوم گیت
زهرا آنامون امریدی پنهان اولا بولمز

ویر رخصت اخا زینبه اوپسون بوغازوندان
قانه اولاسان اونداکی غلطان اولا بولمز

یازنوحه وی«عدلی»دیمه پیراولدی وجودیم
مندن آقاما بیرقوجا دربان اولا بولمز

• چهارشنبه
• 17
• دی
• 1399
• ساعت
• 22:33
• نوشته شده توسط
• یوسف اکبری

شمع حیات سُنور غروب ایدن آفتابیدی
تشخیصه یوخ توان صبحودی یا ماهتابیدی

آخدی نه سرعتیله کهکشان حیاتیده
شباب عمروم ای خدا مگر شهابیدی

کتاب حیاتیم داغولدی واژۀ جوان
او خونمیین یریدی که نقش کتابیدی

پیوند رشته سی باریک اولورجسم و جانیده
اوچ دوردنفس قالان دردیله اضطرابیدی

فروغ چشمۀ عشق کویر زندگیده
نوید ویرور ولی جلوه سی سرابیدی

امید نخلینی بارورایدن سفرخوفناکیده
عشق حسینیدی غمینه دل پرالتهابیدی

ساقی قدح ویروب زبس عشقینده ایشموشم
مستانه گوزیومارام طولانی خوابیدی

جواب سئواله آماده یم قبریده گرک
اوّل دیم حسینیم اودا بیرجوابیدی

دنیاده وار یوخوم دیرم بیرحسین اولوب
بیرده شعرو نوحه لریمدی نچه کتابیدی

اصغرآدیمدی شهرتیم دائی«عدلی»تخلصوم
یازدیقچا دلکباب وگوز یاشیم چون سحابیدی

• چهارشنبه
• 17
• دی
• 1399
• ساعت
• 22:43
• نوشته شده توسط
• یوسف اکبری

ای خادمان درگهی میکال و جبرئیل
الیاس و خضره بحر و برّیده دلیل

ای واسطه میان خدا انبیای حق
محتاج اولوب سنه آدم و نوح و هم خلیل

ای خلقتی هدف ,آدم وابنائیدن ازل
ای جلیله ولیّ و جعل امامتی جلیل

ای هادی خلایق و شافع یوم نشور
ای حشریده قاسم بهشت و ناروسلسبیل

جاری اشاروه تسنیم کوثرو قنات
عاملدی امریوه قُلزم وجیحون و رود نیل

باخ کربلا چولونده سوسوزجان ویرنلره
قرآن یولوندا دوشوب عباس واکبرو عقیل

بیرجرعه سوطلب ایتدی حسینون اصغره
گورشامیان دنی نجه اولدی خوارو ذلیل

قالوب آراده حسین دوتوبلا دامنینی
یورقون سوسوزبالالاربی یاورو بیکفیل

عصیان ایدوبدی کوفیان یکسریانور خِیام
قزلار داغولدی چوللره فضا سسی تعویل

یانان یانوب قالان اسیردشمن اولوب تمام
گلورصدای شمر ویرور رخصت رحیل

احرامیان منایه یول سالوب یعنی قتلگاه
زینب گوروب حسینی اشکریزاولوب جزیل

عرض ایلوری خدا فدیۀجاناندی ایت قبول
نوک سناندا باشی یرده پیکری قتیل

تب دار و ناتوان دی باقرالعلومه آتا
واراحتیاجی بیر باخوشا ساجد علیل

ای شیرکردگار یولوی کربلایه سال
زهراگلوبدی سنده گل اماندی ایت تعجیل

گلوب مُحرّم آیی اولوبدی روز عاشورا
حسینه آغلوری یرگوی جماعت ایچره عویل

کرب وبلا غمینده واردی آغلیین گوزوم
آغلار یازار قلمیم نوحه تاپاندا اصیل

مرام (عدلی) بو دور شفاعت ایلیه سن
اوزون سالوب اودی درگاهیوه اولوب دخیل

• چهارشنبه
• 17
• دی
• 1399
• ساعت
• 22:44
• نوشته شده توسط
• یوسف اکبری

حسین دریای مِحنَتده عجب غرق بلا اولدون
باجون زینبدن آیرولدون قتیل اشقیا اولدون

حسین مظلوم حسین مظلوم

خزان اولدی گولوستانون اسوب یل تاروماراولدی
گل وغنچه بوداقلارداچمنده خشک اولوب سولدی
حریم عصمته قارداش دو گور زاغ و زغن دولدی
حسین تا سن بو میداندا ذبیحأ من قفا اولدون

گورنده شمر ملعونی اورکدن اوددوتوب یاندیم
الیملن خنجرین دوتدوم کشا کشده یارالاندیم
دئدیم ذبح ایلمه عطشان عبث سایدی الولاندیم
یتیردی وصلتی فصله حسین مندن جدا اولدون

حسین بوعشقون اوستونده منی چولدن چوله سالدون
چکولدون داره عیسی تک منیم آرامیمی آلدون
ویروبلار نیزه اوخ شمشیر ندن بوحالته قالدون
نه جرمیله باجون اولسون بیله غرق دما اولدون

بوچولده یالقوزام قارداش آتام یوخدی آنام یوخدی
یاتوبسان اَرخَن اوستونده باشون یوخدی یاران چوخدی
منی چوخ آغلادان بوسینه ده اوچ شعبه لی اوخدی
بویاندون قانیوه قارداش بو قرآنه فدا اولدون

ابوالفضلین اُولن ساعت پوزولدی حالتین قارداش
قلم اولدی ایکی قولدان کسولدی طاقتین قارداش
اوزوم گوردوم بیلون سیندی بوکولدی قامتین قارداش
بوکولموش قدّیلن سن رهسپار بو مِنا اولدون

باشون نی ده گیدر شامه گورنده قان گلر جوشه
گویول ایستر الیم چاتماز چکم من جان تک آغوشه
سنی زهرا آنام جانی حسین بیرآنی گل هوشه
منه چاره یولون گوستر دیمه غم ابتلا اولدون

دوشوب سنسیز باجون امری نقدری مشکله قارداش
قولی باغلی گیدر شامه گیدونجان کاش اُله قارداش
الور شمر وسَنان یولدا بیزه سر قافله قارداش
باجون عشقون اسیری سن غریب کربلا اولدون

حسین آسوده یات زینب یترعشقینده میثاقه
آچار همّت لواسیلن یولون دنیاده عشاقه
اولاربونهضت عالم گیرچاتار سس عرش نُه طاقه
بوعالی نهضته سنسن که قارداش رهنما اولدون

هجوم اشک چشمیلن هاراچاتسام علم ویررام
قوروب بزم عزا نقش یزیده من عدم ویررام
دییر(عدلی) بومطلبده نفس وارتا قلم ویررام
سن ای زینب شریک نهضت و صاحب لوا اولدون

• چهارشنبه
• 17
• دی
• 1399
• ساعت
• 23:11
• نوشته شده توسط
• یوسف اکبری

جانه گلوبدی ذیحیات تلخی روزگاریدن
سلب اولوری توان وعیش قالموراثر قراریدن

فصل بهار گلر آچار گلشنه گل ویررصفا
پرپر ایدرخزان ولی گللری لاله زاریدن

غنچه گل آچمیه سولا تار اولی باغبان گوزی
بلبلی باغریقان ایدر گل گوره ظلمی خاریدن

هرگوز آچان زمانیه مثل گل بهاریدی
باد خزانه توش اولار عمری یمین یساریدن

برگه دولان یا دولمیین گل هانی گوردی دهریده
سو ایچه خوشگوار اولا جانینه جویباریدن

نقش الونوبدی لوحیده هرگوزآچان گرک یوما
پیر اولا یا جوان اولا اَل چخار اختیاریدن

چرخ فلکده یوخدی رحم شیرین اولان زمان حیات
عادتیدی آیری سالار ظلمیله یاری یاریدن

ویرسه اَجل پیاله سین جان آلاجاقدی جانیدن
میل ایدن اَل اوزر تمام مُلک و مَنا ل و داریدن

روحودی مُلک جانیده سلطنت ایلوری تَنَه
روح جانی ترک ایدن زمان تن دوشراعتباریدن

واجب فوری دورکه تن غسل اولاهم کفن اولا
دفن اولا احترامیلن امریدی کرد گاریدن

گریز به قتلگاه حضرت سید الشهدا علیه السلام

پس ندن اولمادی کفن دشت بلاده شاهِ دین
آلدی قرار و صبرینی زینب گون تباریدن

اونداکه گوردی پیکرین گلموری سانه یاره لر
گوزده اولوبدی تیره تنگ گوندوزی لیل تاریدن

تیرستمله پر آچوب هر یارا شاهباز تک
هریتیشن ویروب یارا یاره چخوب شماریدن

سسلدی یاتما دورحسین محشر اولوبدی زینبه
واردی منیم شکایتیم گردش کج مداریدن

دُزدی باجون دونن گجه درد و غم و مصیبته
ایله دعا قورتولاتا زینی گیرو داریدن

منزلیم اولدی بیر یانوخ چادرو سقفی آه و وا
وای بابا ناله سی گلوب صبحه کیمی صغاریدن

یاتمادی صبحه تک رباب سینه سینی گزنده صود
عرشه اوجاتدی آهنی او دل پر شراریدن

فکر و خیالیله آلوب اصغره سینه ده چالوب
لایلائی آغلادوب منی صبری آلوب کباریدن

قونداقونی آچوب یره دلده یانقلی سوز دئدی
آغلاما هی دئدوخ دئدی اصغر شیر خواریدن

ایندی باخورفرات آخور جلولنورگوزونده سو
داده گلور دیور بالام ایچمدی آب جاریدن

دورسن اوزون تسلی ویراوغلی ئولن ربابیوه
آل عبانی ساکت ایت تا دوشه آه و زاریدن

قول قولا باغلانوب گیدور شامه اسیرحرملرون
آیری سالور بو اشقیا سنکمی شهریاریدن

عشقون اسیریم حسین من نه یزید کافره
کاخ یزیده گرچاتام ساللام اونی وقاریدن

حفظ حجاب اوسته حسین ترک سروجان ایلدون
ارزشه مندیرر با جون یول سالا هر گذاریدن

ساخلارام الده پرچمون ویررم ادامه نهضتون
تا دوشه کربلا سوزی سس گله هردیاریدن

(عدلی) گناهکاریدی ایلسه توبۀ نصوح
توبه سینی قبول ایدرآللهی توبه کاریدن

اللیدن آرتوخ ایلدی که نام حسینی سسلوری
یاتماقا اولین شبی قورخوری تک مزاریدن

• چهارشنبه
• 17
• دی
• 1399
• ساعت
• 23:17
• نوشته شده توسط
• یوسف اکبری

درد و غمینده آغلین چشم جهاندی یاحسین
شعلۀ آهوندا یانان کون و مکاندی یاحسین

عشق ومحبّتون زبس قلب لره ویرورصفا
عاشق اولان بوحسنو ه قلب زماندی یاحسین

اسم مبارکون دیین حاجتنی گورور روا
چونکی آدون بودل لره روح رواندی یاحسین

چشم خلایق آغلیوب گلشنوون سولان گونی
بزم عزا دوتان سنه عالمیاندی یا حسین

عرشیده عرشیان سنه محفل سوک و غم قورار
تک نه بوفرش وعرشیده عشقون عیاندی یاحسین

قانلی او نهضتون ویروب درس شـهادت عالمه
فخر ایلین بو نهضته اهل جناندی یا حسین

ماه محرمون اونی یوم شهادتون بیزه
نقطۀ عطف اولوبدی چون ورد زباندی یاحسین

قرن لراولدی بوآدون حکمروادی دلره
ذکرمصیبتون ایدن پیروجواندی یاحسین

نهضتون اوسته اکبرون قطعه به قطعه دوغرانوب
دادو بکاسی زینبون عرشه دایاندی یا حسین

آلدی فراتی قارداشون مشکنی دولدوروب چخوب
نفسینی خوار ایدن سووا شیرژیاندی یا حسین

دلده خداخدا سی وار سو یتوره حرم لره
خیمه ده العطش سسی موج زناندی یا حسین

اونداکی دگدی مشکه اوخ دنیا دولاندی باشینه
قالمادی مشکیده سویی یرده جالاندی یا حسین

سسلدی مشکیمه دگن اوخ منی مأیوس ایلدی
کاشکی دگیدی چشمیمه تزگل اماندی یا حسین

قول لاری اولدی تا قلم ساخلیه بـولمدی الم
سسلدی اول زمان سنی خجلته یاندی یا حسین

سندی بلون گورنکیمی قارداشوون آخدی گوزی
قارداشا قارداش اولومی دوزدی یاماندییا حسین

سوطلب ایتدون اصغره ویردی جوابین حرمله
اللرون اوسته سود امر قانه بویاندی یاحسین

خون خدائیدی اوقان عرش خدایه یوللادون
عالمی آغلادان همان گویدکی قاندی یاحسین

گون باتوب اسدی قاره یل شمرکسنده باشیوی
گوردولر عالمی دوتان قانلی دوماندی یا حسین

غارته ال آچان زمان اود ویرولوب خیامیوه
مال و منالون اودلانوب یاندی تالاندی یاحسین

سوردولر آتلارین تمام جسم شهید لراوستونه
بو وَلَدِ زِنالیقا گور نه نشاندی یاحسین

معراجی جدوون یری عرش خدا اولوب اگر
معراجا گتدوقون مکان نوکِ سِناندی یا حسین

درگهوه گدا اولان«عدلیدی»نوحوی یازان
حشریده اولماسان شفیع اود دا یاناندی یاحسین

• چهارشنبه
• 17
• دی
• 1399
• ساعت
• 23:19
• نوشته شده توسط
• یوسف اکبری

کرب و بلانون بیر آدی هوی عشق
منزل دل محفل غم کوی عشق

کرب وبلا دور دل خونبار عشق
کیمسه بولنمزندی اسرار عشق

ویردی رقم خامه که سلطان عشق
فاطمه اوغلی اولا قربان عشق

وقف ایلدی تا اونا حیّ علیم
ملک فدینا همی ذبح عظیم

ایستدی تا سرور خوبان اولا
قافله سالار سعیدان اولا

یازدی آدین دفتر دیوان عشق
آگه اولا شاه شهیدان عشق

سرّ شهادت حرکات وصال
سنله قالار دنیادا تاپماز زوال

وئرمییسن جانوی ای نیک فر
خشک اولی باغ وچمن وهم شجر

معنی تسلیم و شهود و رضا
شرحنی ویر تا بوله اهل وفا

رونق دیر وحرم اولسون بویر
جلوۀ باغ ارم اولسون بو یر

سنله گرکدور اولا سینا یری
بارقۀ طوره تجلّا یری

دشت بلاخیمه و صحرا سنون
کرب وبلا وادی سینا سنون

کعبه سنه عرصۀ کرب و بلا
موقف و مشعرسنه عرش علا

سبط محمد شرف عالمین
نسل علی حجّت روی زمین

مهری اولان آیت مهرخدا
قهری اولان آتش قهرخدا

نورخدا شمس هدایت حسین
حجّت حق هادی امّت حسین

قلب جهان آللها مظهرحسین
سرّ وجود و شه کشور حسین

شعشعۀ زهرۀ زهرا حسین
بارقۀ محشر کبری حسین

بلبل عرش ودم رحمان حسین
شاخۀ طوبا گل رضوان حسین

رهرو حق مسجد اقصا ی عشق
تا که اولوب تشنۀ صهبای عشق

وئردی رضا تا اولا تسلیم عشق
کرب و بلاده شه اقلیم عشق

مُحرم اولوب کعبیه سلطان عشق
تا اولا اوز یارینه قربان عشق

فتح مبین ایتماقا ایتدی یقین
نصرمن الله دئدی تا بی معین

شوق ذبیح الله و عشق خلیل
دشت بلا سمتینه ایتدی گسیل

گتدی منایه او جوان اکبرین
غنچه گولون سود امرین اصغرین

شیرخدا اوغلی علمدارینی
باب الحوائج اولان عباسینی

جمع ایلدی باشینه گنج الاه
گوهر رخشنده لری مهر و ماه

دولدی متاعیله او بازار عشق
گلشن عشقه گل بی خار عشق

گوهر دریا ولی خشکیده لب
شوق ورور موج اولا دیدار رب

تا یتوشوب دورشب عاشور عشق
پُر ایلدی قلب لری شور عشق

اول گجه عشق اوسته ندای وثاق
نغمۀ وصل و نه نوای فراق

تاپدولا آرایش روز الست
ساقی عزّت اولاری ایتدی مست

اولدی سحراول گجه صبح وصال
ال تاپوپ آویزه سپاه جلال

بیرطرفی دشمن دین فاسقان
بیرطرف انصار حسین عاشقان

یتمیش ایکی مرد سلحشور عشق
تشنۀ زنجیر و دَم شورعشق

دشمنه چون شیر ژیان خشمناک
چوخلارینی ایتدیلراولدی هلاک

خسته دوشوب جسمه آلوبلاریارا
اولدولار آخرده بو دینه فدا

سندی پری ظلمیله عنقای عشق
سولدی گل وگلشن وصحرای عشق

شاهد دیندورکه تاپوبدی حیات
هستی مطلق اونا یوخ دور ممات

شاهد دین زندۀ جاوید دور
ذره سی چون غیرت خورشیددور

کرب و بلا مدفن اهل صفا
بارگه قدس شهید وفا

عاشق اولان گرایچه جام ولا
نقش اولی دلده حرم کربلا

کرب و بلاده یاتانا یوخ فنا
هم توزی توپراقی اونون کیمیا

عمرودی نوحه یازورایلور نوا
درگهینه خادم اولوب هم گدا

(عدلی) سویور بیرده گوره کربلا
آب وهواسین ایده روحه غذا

• چهارشنبه
• 17
• دی
• 1399
• ساعت
• 23:23
• نوشته شده توسط
• یوسف اکبری

حسین آدین دیلمده ترانه ایلموشم
وصال عشقنی منده نشانه ایلموشم

سرخوش اولام مدام دولدورموشام اورک اوینی
جام شراب و باده و پیمانه ایلموشم

عشقین خدا سالوبدی قلبیمه گنجینه دور منه
ذکر حسین حسین دیمه خود سرانه ایلموشم

پروانه وار طوف ایدرم شمع محبّتی
گول اوسته بلبل کیمی ترک لانه ایلموشم

دل باغلانوبدی عشقینه نقش خیالیده
مرغ دله دل یرینده آشیانه ایلموشم

سینای بی ستونه ویروب تیشه گر فرهاد
منای عشقینه من جان روانه ایلموشم

بیرعمرخادم اولوب درگهینده باش آغاتموشام
آه و نوایه اشکیمی دُردانه ایلموشم

شمع ایلیوب بو گویلومی پروانه آهیمی
تفریح و گردشتی اوزمه بیگانه ایلموشم

گناه و جرموم بودور که حسینون عاشقیم
فکریمده شمع اونی اوزمی پروانه ایلموشم

الله اوزون نشان ویروب حسین چهره سینده منه
معراجیمی اودور که مدام جانانه ایلموشم

ذکرمصیبت و مدحین یازان (عدلی) دوردئیر
می جوهر و دل قلم یولی میخانه ایلموشم

سوزکاسسیله سرخوش ایتموشم صادق عاشقی
چوخ جاهلی فرزانه و عاقلی دیوانه ایلموشم

• چهارشنبه
• 17
• دی
• 1399
• ساعت
• 23:50
• نوشته شده توسط
• یوسف اکبری

ساقياگويلومه دوشدی مه رخشانی گوروم
جام صهبا اله آل تا می مينانی گوروم

بادۀ عشق وِيروب عالميمی ايله عوض
آيری عالمده گزوب مجلس عرفانی گوروم

ديمورم مست ايله طوفان اولا فكريمده منيم
طور سيناده گزن حضرت موسانی گوروم

يا گزوب صفحۀ دنيانی ايدوم سيرو نظر
كاخ سلطانی تاپوپ تخت سليمانی گوروم

ديورم اوچماقا شاهين كيمی زريّن پراولوم
سيرايدوم گويده كی انوارتجلانی گوروم

ديمورم مست ايله چك اوج خيال ايچره منی
چرخ چارم ده اولان دَم ويِرَن عيسانی گوروم

ديورم بيردولی پيمانه فرح بخش و زُلال
وِيرايچوم ذوق وصفادن شه مردانی گوروم

ديمورم مست ايله وِيرباده زُليخا كيمی من
قصرفرعونيده تا يوسف كنعانی گوروم

ديورم هرايكی دنيا ده كه رهبردی حسين
همی عقباده بو دنياده او مولانی گوروم

ديمورم وارعمليم روضۀ رضوانه گيدوم
همنشين اوردا اولوم حوری وغلمانی گوروم

ديورم عشق حسين باده سی وِير ايله كرم
جان ويِرَن لحظه ده تا شاه شهيدانی گوروم

ديمورم لاله چمن واردی گلوب فصل بهار
برگ و گل ياسمنی بيرده گلستانی گوروم

ديورم (عدلی) ديور قالميه حسرتده گوزوم
ير يوزونده اولا حاكم گل زهرانی گوروم

• چهارشنبه
• 17
• دی
• 1399
• ساعت
• 23:53
• نوشته شده توسط
• یوسف اکبری

نيزه باشيندا تلاوت چونكه قرآن ايلدون
عالم اهلين يا حسين سن مات و حيران ايلدون

عرش اعلايه چخوب باوشون انالحق سسلدون
اوز مرامون هم يره هم گويده اعلان ايلدون

نخلۀ طور وفاده اوج ايدنده قانلی باش
عهد اخلاص و وفانی عرض جانان ايلدون

باش يارليدی جداده اَم حَسِبْتَ آيه سين
باشلادون دشمنلری رسوای دوران ايلدون

تا فراز نيزده گلدی ديله لعل لبون
صوت قرآنيله جانا عرشی لرزان ايلدون

زينبون گه گوگلون آلدون سن حجازی لحنيلن
در به در شامات و كوفه گه بيابان ايلدون

گه باشوندان داش ياراسی دگدی آخدی تازه قان
گه تنور خولونی سن نور باران ايلدون

داش دگنده لبلروندن گلمدی قرآن سسون
زينب بی خانمانی ديده گريان ايلدون

ديره گيتدون راهبه رهبر كسولموش باشيله
راهبی دير ايچره نطقونله مسلمان ايلدون

باش و جاندان گچدون اورگتدون بيزه آزادگی
آلتی آيلوق صود امر اسلامه قربان ايلدون

ياتدوقون يردی گلستان سينن اوسته اصغرين
هر گَلن دردين دئدی سن درده درمان ايلدون

بسكه غمدن قلبرده مهر و ُالفت سالموسان
هيئت اهلين(عدلنی) بير عمر نالان ايلدون

• پنج شنبه
• 18
• دی
• 1399
• ساعت
• 11:32
• نوشته شده توسط
• یوسف اکبری

مست ناب می ایت منی بوگون
تازه مولود عشقینده ساقیا
شعبانون اوچی گوز آچوب گلوب
نوردیدۀ ختم الانبیا
تکمیل اولدی اهل کسا بوگون
وحی ایوی نقدری تاپوب صفا

کر:

آفتاب زهرا آچدی گوز زمانه
آد حسین قویولدی مژده شیعیانه
کربلانی ایسته سنده عیدیانه
مقدمون دِ اولسون یاحسین مبارک

گلدی شوروعشقه چمنده گل
قویدی تا قدم عالمه حسین
سیرتی نبی صولتی علی
هـم آناسی زهـرایه نورعین
بیرتوکی هزاریوسفه دگر
خلق ایدوب بونی رب العالمین

دشمنون گوزی کوراولا خدا
عالمه ویروبدی نقدری شور
بهره مند دورارض وآسمان
ایلیوب منورسالوبدی نور
محو اولوبدی موسی تجلّیه
بوحسین دی گویا که نخل طور

حُسنودی حَسن خوئی مرتضی
لطف ایدوب خداوند ذوالجلال
تارخلقته بوحسیندی پود
بحرعلم دورمعدن کمال
خلق ایدوب گوزل خالق وَدود
هاشمیدی بو واردی خط وخال

بوعلینون اوغلی حسینیدی
مثلینی گورنمز بوروزگار
ماجرای کربوبلا ده بو
قانیلن ویـرردینه اعتبار
پای بند عهد الست دور
اولماقا گلوب دینه جان نثار

خالقه رسول گلدی منزله
عـطریله گوروب دورفضاسینی
آلدی بیرحسینی قوجاقینه
باسدی باغرینا اوزبالاسینی
لب لرین قویوب تا بوغازینه
کشف ایدیب آنا ماجراسینی

درگهینده خادمسن (عدلیا)
مدحینی یازوب اولما دلغمین
شعبانون اوچون خوش گون ایلدی
شیعیانه اول رب العالمین
ایستدی قیامت گونی اولا
خادمینینه یاورومعین

آفتاب زهرا آچدی گوز زمانه
آد حسین قویولدی مژده شیعیانه
کربلانی ایسته سنده عیدیانه
مقدمون دِ اولسون یاحسین مبارک

• پنج شنبه
• 18
• دی
• 1399
• ساعت
• 12:21
• نوشته شده توسط
• یوسف اکبری

واریری تا ساقی عزت دولی ساغر ویره
مسلمینه شاه دینون مهرینی باور ویره

بادۀ مهرحسیندن کیمسه گرمست اولماسا
حق اونا عقل و شعور و بینش دیگر ویره

وار یری تا ابر همّت رحمت حقدن دولا
سو یرینه قطره قطره عطریله عنبر ویره

واریری روح الامین تا عرش اعلادن گله
شیعیانه مژدگانی هم برات هم زر ویره

واریری نورانی اولسون بزم شاهنشاه دین
بانی و خُدّام هیئت محفله زیور ویره

باغبان دین و قرآن گلدی دنیایه بوگون
تا بجرده گلشنینده عطریلی گل لر ویره

گتدی دنیایه حسینی خالق جان آفرین
بعد قارداشی حسن بو عالمه رهبر ویره

نوردوربو نورونا دولسون جهانی سر به سر
فخر ساجدن صورا سگز نفر گوهر ویره

بوعلی اوغلی حسیندی گلدی تا نهضت ایده
روز عاشورا الست اوستونده جان وسر ویره

مکتبینده بسلیه شبه رسول اطهری
یعنی قربان کربلاده دینینه اکبر ویره

دست بیعت ویرمیه تا ما سوللهدن گچه
آلتی آیلیق شیر خواره اکبره اصغر ویره

سوگتور ماق اوسته عباسی اولا قولدان قلم
سیر جنّت ایتماقا آللهی بال و پر ویره

بوگجه مولوددور(عدلی)هاراچکدون سوزی
ایسته حقدن ظالمینه حق اوزی کیفر ویره

ایستیاق گل بانیه هم هیئتین اعضاسینه
اولماقا زایر بقیعنون اذننی داور ویره

• پنج شنبه
• 18
• دی
• 1399
• ساعت
• 12:22
• نوشته شده توسط
• یوسف اکبری

كيمدی بو عشقی حسينون عشقينه همتا اولا
آختارارسان تا قيامت زحمتون بی جا اولا

كيمدی جدّی احمد اولسون حيدر و صفدر آتا
مجتبی قارداش اونا گل مادری زهرا اولا

كيمدی مخلوقات ايچينده عالم امكانيده
جان ويره الله يولوندا سيّد و والا اولا

كيمدی جدّی اشرف الناس خاتم پيغمبران
خاتم عشاق اوزی معشوقه سی يكتا اولا

كيمدی اوغلی قارداشی باب الحوائج آدلانا
خواهری نسوان ايچينده شير بی پروا اولا

كيمدی ايرمی يدّی ايلده بسليه بيرنو جوان
خُلقاً و خَلقاً شبيه مصطفی طاها اولا

كيمدی قبری رشك فردوس برين وعرشيان
تربتی درده دوا هم سجديه اولی اولا

بو حسيندی شيعيان ايچدی شهادت شربتين
كاش شهادت سرّنا عالم هامی دانا اولا

بو حسيندی چكدی حراّجه بوتون كالاسنی
بولدی اصلاً فرقی يوخ گر پير اولا برنا اولا

بوحسيندی همّتی بی انتها و انقلابی بی نظیر
تا قيامت زنده دی گر ماتمی بر پا اولا

من حسيندن بو حسين مندن بويوردی مصطفی
قول ما يَنْطُق هوادن بو سوزی امضاء اولا

لعنت انس و مَلك اولسون او كس لر حالينه
شرعه بد بين بی حجاب بد خواه بو مولا اولا

بارالها فضل واحسانون عطا ايت (عدليه)
راضی اولما چوخ سنا " روز جزاء رسوا اولا

• پنج شنبه
• 18
• دی
• 1399
• ساعت
• 12:26
• نوشته شده توسط
• یوسف اکبری

گورمیوب چشم جهان سن تک وفاده یاحسین
ما سواللهدن گچه راه خداده یاحسین

ثبت اوراق ایتموسن میثاقوی آفاقیده
ویرموسن یتمیش ایکی قربان مناده یاحسین

مکتب حرّیتّونده دانش آموز اصیل
اولدی عاشق کربلاده گلدی داده یاحسین

نمرۀ عالی آلانلار امتحان عشقیده
آدیلاری ثبت اولدی اوراق بقاده یاحسین

هانسی عاشق سنکیمی اولدی فنا فی الله عشق
خلقه تا سرمشق اولا دار فناده یاحسین

درس دین ویردون سن ای استاد دانشگاه دین
یوخدی بیراستاد اولا سن تک رضاده یا حسین

شین عشق اولدی شهادت مقصدون اولدی حصول
تک نه عالم قالدی حیران انبیاده یا حسین

عشقی معنی ایلدون آگه اولا آزادگان
عاشقین باشی گزر نوک جداده یاحسین

بیرقیامیلن قیامت ایلدون روزبلا
سن تحوّللر یاراتدون هر بناده یاحسین

دوزمدون جوریزیده نهضته آچدون علم
دوزمَسون یعنی مسلمانلار جفاده یاحسین

هریری ایتدون قیامونلا اولوبدی کربلا
ال قویورملّت قیامه هرخطاده یاحسین

دال دنیا تک خم ایتدی قامتون درد ملال
چون گوروردون ظلم وجوری آشناده یاحسین

کلّ حصّه هربلادن قسمت اولدی تک سنه
جانه آلدون هر بلانی هرقضاده یاحسین

شمردون ایستردی ذبح ایتسون قفادن باشیوی
بیر بیره لبلردیورگوردی دعاده یاحسین

گرنماز اوسته ویروب انگشترین شیرخدا
بارماقون سن ویرموسن کربوبلاده یا حسین

قتلگاه عشقیده انگشت و انگشترویروب
راضی سالدون بجدلی سن اول عطاده یاحسین

زینبون گوردی اورک یاندی اولاندا نوحه خوان
آغلادی زهرا آنان جنّت سراده یاحسین

صدقیلن گوز یاشی توکسه ماتمونده کیمسه گر
یر اونا جنّت اولار روزجزاده یا حسین

هرمریضِ نا علاج خاک مزارون آختارار
چون بولوردرمانینی خاک شِفاده یاحسین

توپراقی میل ایلماق گرچه حرام ایلوب خدا
لیک استثناسی وار نزد خداده یا حسین

معصوم ایچره تک سنون خاک مزاروندی حلال
وار نه لر بو توپراقِ مشکل گشاده یاحسین

زایران قبروه قائل اولوبلار امتیاز
وارمحبّت زایره مَن لا یُراده یاحسین

ساخلانار ایللر بویی بزم عزا حالاتیوه
گوزیاشی جاری اولارصبح و مساده یاحسین

جمع ایدرگوزیاشلارون زهرای مرضیه آنان
بزمه بانی دور حضوری وار عزاده یا حسین

هرمحرّم اون گونی ایوای حسین وای سسلنر
پیر و برنا شرکت ایلر اول صداده یاحسین

آل طاهادی قیامتده شفیع عاصیان
وار گوزی عاصیلرون اهل کساده یا حسین

شافع روز قیامت سن اوزون اوغلانلارون
اسموون وارعزّتِی آل عباده یاحسین

ایستوری سیزدن شفاعت (عدلی) قورخور حشریدن
جان زهرا لطف ایله بو التجاده یاحسین

• پنج شنبه
• 18
• دی
• 1399
• ساعت
• 12:28
• نوشته شده توسط
• یوسف اکبری

کاش گینه نصیبیم اولسون تا حریم کبریانی
عشق کعبه سین زیارت ایلیوم او کربلانی

بو مشیّت خدا دور خالق ایستیوب حسینی
تا گوره قتیل دونان شاه مُلک نینوانی

نه جمیل وعاشقانه قان ایچینده اولدی غلطان
باش قویوب ایدوبدی سجده گُستروب حقه وفانی

او شهید معبد عشق اودی شاهد شهیدان
هامی عصرونَسله درس دین ویروب چخوبدی جانی

وار پیامی قاتیلیندن باشینی کسنده گوردوم
وار دعاسی لبلرینده ایستور حیِّ لامکانی

شیعه سین دعا ایدوبدی رستگار اولا جهاندا
بیر ده عفو قیل دییردی باش کسن بو آشنانی

دین قالا یرینده آخدی کربلا چولونده قانلار
قان ویروب دیریتدی دینی ویردی پیروهم جوانی

سویلیوبدی مِنّه ذِلّهَ تا اولا شعارمکتب
باش ویروبدی اگمیوب باش قالدی دینی جاودانی

اوزمان که تیر دشمن حلق اصغرینی بیچدی
ایلیوبدی مات ومبهوت آندولا حقه خدانی

آیرولاندا خیمه لرده گوز یاشی توکوب حرملر
اوج غمده گوزدن آتدی کون و کُلّ ماسوانی

قوی قدم گدای مسکین در شاه جان فدایه
که غنای روح بغیشلور سُیُوری شهی گدانی

خادم سفید مو سن (عدلی) سن حسین مُریدی
یاز بو سوزلری اوخونسا قلب لر تاپار صفانی

• پنج شنبه
• 18
• دی
• 1399
• ساعت
• 12:29
• نوشته شده توسط
• یوسف اکبری

قانیوی توکدی بوچولده فرقۀ اعدا اوغول
سالموسان کرب و بلا ده محشرکبری اوغول

باش آچوب جنّاتیده جدّون پیغمبر هم آتان
سینم اوسته گل اوغول ای کوللراوستونده یاتان
ساخلیوب شام غریبان بوگجه زهراآنان
بیرده بزم غم قوروبدور زینب کبری اوغول

بجدلین ظلمون گوروب من قتلگاهوندا بالا
یانموشام دیلدن اوغول دوزمزبوظلمه هیچ آنا
اولدوروب لرال کسوب لرباش کسوبلر من قفا
مطبخ خولیده باشون ایلیوب مأوا اوغول

مطبخ ایچره چکموسن زهرانی سرمست حضور
ذکرقرآن ایله انجیل بیرده تورات وزبور
لب آچولسا صوت قرآنون سالاربویرده شور
سن فدای دین حقسن باش ویرن یحیی اوغول

باشوون نوری سالوبدی عرش وفرشه شورونور
غبطه ایلرحضرت موسی و هم سینای طور
تاپموشام بویرده الله امریدی فیض حضور
منده گلدیم کربلایه یوم عاشورا اوغول

آتش غمده بوچولده منده سن تک یانموشام
گورموشم هربیر بلانی سانما آسا سانموشام
قارداشون عباس اُولنده حالیوه اودلانموشام
ایلدی لفظ مواساتی سوسوزمعنی اوغول

اکبرون اُولدی گوزنده اولدی دنیا تیره تار
دوغرانان جسمی یقینا آلدی سندن اختیار
خیمه لرده آغلاشوبلار محشر اولدی آشکار
عالم معناده منلن سسلنوب لیلی اوغول

اوخ دگنده اصغره قدوسیان آغلاشدولار
عرش اعلاده ملائک بزم ماتم قوردولار
ناله وشیون سسیله یرگویی دولدوردولار
آغلادی منلن اویرده مریم و عیسی اوغول

ایله بیرظلم ایلدی اهل شقاوت اهل شام
آلدیلارمندن توان و قالمادی صبرو دوام
سن کیمی گل بسلموشدوم سینم اوسته با مرام
سالدیلار دوشدون طراوتدن گل رعنا اوغول

سن شهید اولدون بوچولده منده نابود اولموشام
هرشهیدین قانین اعضایه یاخوب عود اولموشام
شدت غمدن دوتوب اود یانموشام دودو اولموشام
منده یاندیم زینبیمده دیلده واویلا اوغول

گرچه (عدلی) پیراولوب امّا یازور بوخامه سی
مدح و نوحه یازماقی ایلوب ایشی برنامه سی
هرمحرم گوزیاشی اگنینده قاره جامه سی
عمری وارتا سسلنرهم یا حسین زهرا اوغول

• جمعه
• 19
• دی
• 1399
• ساعت
• 20:10
• نوشته شده توسط
• یوسف اکبری

عاقل اول باغلاما بل یوخدی وفاسی دنیانون
تماما همّ وغمدی چوخ دو بلاسی دنیانون

فضاسین مِه دوتوب غمدن عیشی مستدام اولماز
یخوب اولدورماقا واردوراشتهاسی دنیانون

ویروب تعلیم قابیل اولدوره قارداشنی کیندن
حسد ورزی قان توکماقـدی ابتداسی دنیانون

دوغوبدی چوخ اوغوللار لیک قالموبدی بیری
رضاسی یوخ قالا بودی اقتضاسی دنیانون

پوزوب چوخ گلشنی ویران قویوب آباده نی
بو سعی و کوششه یوخ انتهاسی دنیانون

نه باخوب گلشنده بلبل نه گوله نه غنچیه
ویروب داغودوب قویمیوب قالا صفاسی دنیانون

گلوب گیدوب گله جاق نقدری آدم اولادی
بیری دیه بولمز واریدی اعتناسی دنیاتون

ویروبدی هرکیمه دنیا مالون آلوبدی تمام
نصیبون اولسا اگرکفندی لباسی دنیانون

اجل یتیشه نفس چکماقا امان ویر مز
آلارملک جانی اولسان آقاسی دنیانون

بوکرقد رسا وی آغ کفنه زیر لحد
مگراو ظلمت ایچره اولارضیاسی دنیانون

نقدر واردی نفس خدایه بنده لیق ایت
نفس که گلمدی قورتاردی قواسی دنیانون

بنای خلقت انسان خالقه عبادت دور
عـیان دیـوب مشیّتینی خـداسی دنیانون

گلون حسین غمینده ایداخ اشک بصر جاری
گلاب چشمیدی تنها دواسی دنیانون

حسین قلب عالم و شهید یوم عاشورا
یاتان یری اولوب ایندی کربلاسی دنیانون

نه کربلا سوزی زیارتی ذکریدن برتر
حسین عزا ومجلیسیدی صفاسی دنیانون

حسین حرمینده دگول نماز شکسته قبول
بولون که حسین تربتی دورشفاسی دنیانون

وداع ایدنده آلوب دوره سین بالالارولیک
گیدوب گیدن گوندن باشلانوب عزاسی دنیانون

سـوجا منی گیزله دوبله دوتوبلا دامنینی
قالوب آراده حسین آلعباسی دنیانون

دیردی سکینه بابا سو ایستمرم گیتمه
اگرچه تشنیم ایسّیدی هواسی دنیانون

منی حرم لری کیمه تاپشروب گیدوسن
وارومدی اورکده چوخ یاراسی دنیانون

گیدیرسن ایندی بابا گل بیزی تاپشورعممّه
گلرمنیم اونون باشینا هرقضاسی دنیانون

دیردی زینب حسین ایله آیرولدی گوئیا
منی حرملری تانومور مقتداسی دنیانون

بیرآزگیدوب دیموشم گیتمه بیردایان قارداش
گلوربوغازون اوپه غم آشناسی دنیانون

اوپوم بو غازیوی تا عطریوی آلوم بیرده
دیوم گیدن یولا قربان گیت فداسی دنیانون

غرض حسینی اولدوربلر اوگون شهید اولدی
کسوبله باشنی کسن اشقیاسی دنیانون

سویوبلا جسمی قالوب ایسّی توپراق اوسته عور
بوغمدن آغلیوب هم آنا آتا سی دنیانون

بهشتیدن گلوبدی آنا حسین دیه دیه
دوتوب عزا بالیه خیرالنساسی دنیانون

دیوبدی باشی اولمیین بدنه آنان قربان
سنیدی چرخ فلک یوخ حیاسی دنیانون

سنون بوحالون اوغول کیچیک محشری یارادوب
سـرشکی عذاره توکرانبیاسی دنیانون

فلک ملک شمس و قمر بوگون آغلوری سنه
تمام ما خلق هرنه وار بناسی دنیانون

اسیراولارامام زمان قـزلاریم بالالار
باشیندا زینبیمون وارهرابتلاسی دنیانون

باشون سراغنی آلدیم او خولی مطبخینه
گلیم زیارت ایدیم ای مه لقا سی دنیانون

گلیم دوداق دوداقه قویاخ بیرگوزآچ آناوا
دیوم قوتولمییندی بالا جفاسی دنیانون

دوتارعزا سنه (عدلی) همیشه نوحه یازار
ذخیره بولرحشره چوخدی خطاسی دنیانون

اگرچه قسمت اولموری قبرون زیارت ایده
سلامی واردی اوزاقدان کربلاسی دنیانون

• جمعه
• 19
• دی
• 1399
• ساعت
• 20:12
• نوشته شده توسط
• یوسف اکبری

عاقل اول باغلاما بل یوخدی وفاسی دنیانون
تماما همّ وغمدی چوخ دو بلاسی دنیانون

فضاسین مِه دوتوب غمدن عیشی مستدام اولماز
یخوب اولدورماقا واردوراشتهاسی دنیانون

ویروب تعلیم قابیل اولدوره قارداشنی کیندن
حسد ورزی قان توکماقـدی ابتداسی دنیانون

دوغوبدی چوخ اوغوللار لیک قالموبدی بیری
رضاسی یوخ قالا بودی اقتضاسی دنیانون

پوزوب چوخ گلشنی ویران قویوب آباده نی
بو سعی و کوششه یوخ انتهاسی دنیانون

نه باخوب گلشنده بلبل نه گوله نه غنچیه
ویروب داغودوب قویمیوب قالا صفاسی دنیانون

گلوب گیدوب گله جاق نقدری آدم اولادی
بیری دیه بولمز واریدی اعتناسی دنیاتون

ویروبدی هرکیمه دنیا مالون آلوبدی تمام
نصیبون اولسا اگرکفندی لباسی دنیانون

اجل یتیشه نفس چکماقا امان ویر مز
آلارملک جانی اولسان آقاسی دنیانون

بوکرقد رسا وی آغ کفنه زیر لحد
مگراو ظلمت ایچره اولارضیاسی دنیانون

نقدر واردی نفس خدایه بنده لیق ایت
نفس که گلمدی قورتاردی قواسی دنیانون

بنای خلقت انسان خالقه عبادت دور
عـیان دیـوب مشیّتینی خـداسی دنیانون

گلون حسین غمینده ایداخ اشک بصر جاری
گلاب چشمیدی تنها دواسی دنیانون

حسین قلب عالم و شهید یوم عاشورا
یاتان یری اولوب ایندی کربلاسی دنیانون

نه کربلا سوزی زیارتی ذکریدن برتر
حسین عزا ومجلیسیدی صفاسی دنیانون

حسین حرمینده دگول نماز شکسته قبول
بولون که حسین تربتی دورشفاسی دنیانون

وداع ایدنده آلوب دوره سین بالالارولیک
گیدوب گیدن گوندن باشلانوب عزاسی دنیانون

سـوجا منی گیزله دوبله دوتوبلا دامنینی
قالوب آراده حسین آلعباسی دنیانون

دیردی سکینه بابا سو ایستمرم گیتمه
اگرچه تشنیم ایسّیدی هواسی دنیانون

منی حرم لری کیمه تاپشروب گیدوسن
وارومدی اورکده چوخ یاراسی دنیانون

گیدیرسن ایندی بابا گل بیزی تاپشورعممّه
گلرمنیم اونون باشینا هرقضاسی دنیانون

دیردی زینب حسین ایله آیرولدی گوئیا
منی حرملری تانومور مقتداسی دنیانون

بیرآزگیدوب دیموشم گیتمه بیردایان قارداش
گلوربوغازون اوپه غم آشناسی دنیانون

اوپوم بو غازیوی تا عطریوی آلوم بیرده
دیوم گیدن یولا قربان گیت فداسی دنیانون

غرض حسینی اولدوربلر اوگون شهید اولدی
کسوبله باشنی کسن اشقیاسی دنیانون

سویوبلا جسمی قالوب ایسّی توپراق اوسته عور
بوغمدن آغلیوب هم آنا آتا سی دنیانون

بهشتیدن گلوبدی آنا حسین دیه دیه
دوتوب عزا بالیه خیرالنساسی دنیانون

دیوبدی باشی اولمیین بدنه آنان قربان
سنیدی چرخ فلک یوخ حیاسی دنیانون

سنون بوحالون اوغول کیچیک محشری یارادوب
سـرشکی عذاره توکرانبیاسی دنیانون

فلک ملک شمس و قمر بوگون آغلوری سنه
تمام ما خلق هرنه وار بناسی دنیانون

اسیراولارامام زمان قـزلاریم بالالار
باشیندا زینبیمون وارهرابتلاسی دنیانون

باشون سراغنی آلدیم او خولی مطبخینه
گلیم زیارت ایدیم ای مه لقا سی دنیانون

گلیم دوداق دوداقه قویاخ بیرگوزآچ آناوا
دیوم قوتولمییندی بالا جفاسی دنیانون

دوتارعزا سنه (عدلی) همیشه نوحه یازار
ذخیره بولرحشره چوخدی خطاسی دنیانون

اگرچه قسمت اولموری قبرون زیارت ایده
سلامی واردی اوزاقدان کربلاسی دنیانون

• جمعه
• 19
• دی
• 1399
• ساعت
• 20:12
• نوشته شده توسط
• یوسف اکبری

هرگوزکه یاتوبدورغم بیداری بولنمز
بی قید وشروط حال گرفتاری بولنمز

سیراب اولانون یوخ خبری تشنه قالاندان
آسوده دی حالاتِ بد افکاری بولنمز

گلزار و چمنده گل و بلبل ایده صحبت
ممکن دگی سمعه ایله گفتاری بولنمز

گل بلبله عشق اوسته سالارسایه سین امّا
بلبل او زماندا ستم خاری بولنمز

دستوریدی بیماره عیادت صلۀ رحم
کیم اولماسا بیمار غمِ "بیماری بولنمز

آز طعنه ویروب قلب رئوفی قانا دوندر
هرکیمسه کلاف یوسُف و "بازاری بولنمز

نه چکدی حسین یوم بلا کرب و بلاده
جززینب وکلثومیله "غم خواری بولنمز

بیرعهد الست اوسته ویروب داروندارین
حق اوسته جانین ویرمیین " ایثاری بولنمز

قان ویردی اسیرویردی ویروب صود امرینده
کیم گورمسه قان قان دیین اشراری بولنمز

احس بیله عهده بیله عشقه بیله قانه
افسوس که اوچ شیخ طرفداری بولنمز

(عدلی) بوحسین نهضتی و خون شهادت
بیرسرّیدی هیچ کیمسه بو اسراری بولنمز

• جمعه
• 19
• دی
• 1399
• ساعت
• 20:19
• نوشته شده توسط
• یوسف اکبری

عشق و محبتون حسین قلب لره وئرر صفا
خادم درگهون منم حاجتیمی ایله روا

محفل غملرونده من عزا دوتوب آغلاموشام
نوحه دیوب بوسینمی غم اودونا داغلاموشام
من دیمورم حسینیم عشقیوه دل باغلاموشام
سایوه دالدالانموشام سایوی کسمه ای شها
جان علی و فاطمه شافعیم اول روز جزا

عشقون اورکده حتک اولوب عشق دگرقاتماموشام
ساخلاموشام عزاسنه چوخ گیجه لریاتماموشام
بعضی لری ساتوب سنی حسینیم ساتماموشام
عشقیمه ویر بها حسین سنسن عزیز مصطفا
جان علی و فاطمه شافعیم اول روزجزا

هریره ویردیلا علم منده گیدوب قالماموشام
دل یاراسی ویروبلا چوخ قلبیمه من آلماموشام
حیف اولاکربلاده من قبریوه قول سالماموشام
دفترعشقی دولدورب نوحوی یازموشام آقا
جان علی و فاطمه شافعیم اول روز جزا

عاشق اولان حسین سنه عشقی حقه نشانه دور
منکر اولان شفاعته منطقی احمقانه دور
عاصنی ایسترعفو ایده الده حقه بهانه دور
حشریده بیر نظر ایله سنسن اوگونده مقتدا
جان علی و فاطمه شافعیم اول روز جزا

یر یوزونه امام اولان فکر ریاستی آتان
ایسی قوم اوسته سایه سیزآرخاسی اوسته ای یاتان
مطبخ خولیده گیدوب قانلی باشی کوله باتان
تحسین ایدن اولوب سنه روح تمام انبیا
جان علی و فاطمه شافعیم اول روز جزا

شأن و جلاتون حسین دهریده جاودانه دی
گلشن دین احمدی همیشه پر جوانه دی
ذکرمصیبتون سنون دیللره خوش ترانه دی
(عدلی) یازار نوحه سنه مجلسیوه ویرر صفا
جان علی و فاطمه شافعی اول روز جزا

• جمعه
• 19
• دی
• 1399
• ساعت
• 22:22
• نوشته شده توسط
• یوسف اکبری

اذن خدائیلن حسین بیرده گوز آچ جهانه باخ
خامه یازان مصیبته حزنولی داستانه باخ

مهدی ظهوری ایستین کوفه لی چوخدی بوزمان
قلبی یزیدیلن اولان نامه لری یازانه باخ

قانیوی توکدی گرعدوایندیده چوخدی قان توکن
پنبه کسن باشین قانین بی ثمنه ساتانه باخ

سن دیموسن یوخدی دینوزدنیادا مرد اولون باری
فکری پلید زور دیینون غارتینه تالانه باخ

صلح وصفا تاپولموری حاکم اولوب یزیدیان
بین دُوَل زمانه ده جنگ و جدل سالانه باخ

یعقوب اوشاق لاری گینه ال آچوری جنایته
چاهه سالورمین یوسفی دلده اولان یالانه باخ

چرخ فلک اوتانموری حامی اولوب یزیدلره
مقصدومقصوده چاتان زوری اولان خوخانه باخ

کسب ایدنون بعضیلری شرعینی بولموری هله
جنسی یقیللا آنبارا حرام پولاچاتانه باخ

بیع وشراده رسم اولوب آندایچیلور ولی یالان
آرشینا باخ ترازیه قیمته باخ قاپانه باخ

خلق آراسندا یوخ حجاب هرنه سویور ایدور عمل
جنّت و حقّی بوشلایب نار جهیم آلانه باخ

حفظ حجابه ایلدون دنیادا عالی انقلاب
یر یوزونی دوتوب فساد بیزده اولان ایمانه باخ

وقت اذان ظهر و شام چوخلاری اوز ایشنده دی
حاضر اولان نماز ایچون مسجده باخ اذانه باخ

واردی یازام دیم سوزوم یاپ آزینی دئدوم سنه
یازما قا قدرت ایستوری فکرت نا توانه باخ

یوردوم اگر بو سوزلره عفو ایله یا حسین منی
ایستوری گویلی کربلا «عدلیه» عاشقانه باخ

• جمعه
• 19
• دی
• 1399
• ساعت
• 22:40
• نوشته شده توسط
• یوسف اکبری

ای گولوم آلّانما ابلیس لعین اِغواسینه
آند ایچوب آزدیرماقا اویما اُونون وَسواسینه

بسکه اغفال ایلیوب چوخلار اولوب فرعون صفت
گویده آلله اوخلوری گردن دوتور موساسینه

مشکل اولموش هر زمان قرآن و دینی ساخلاماخ
باخما بیر عده شیوخ نَهروان فتواسینه

امر برمعروفیله کسب ایت ثواب آخرت
باخما چوخ بی اعتقاد و مُنکرون امّا سینه

صدمه ویرما احتکاریله مَعاش مردمه
آلّانوب تولانما دنیایِ دَنی حَلواسینه

باخما بیر عدّه چاپور بیت المالی مین رنگیله
حرمت اولمور قانونا نه ملّتین پیشواسینه

خضرتک پیغمبر ایستر تاپماسان هرگز بقا
جان آلانلار باخمیوبلر دنیانون الیاسینه

وقت قورتارساکفن دور قبریوه سندن گیدر
شاد اولار وارث ائوین اول پرده و دیباسینه

امتحان وار اغنیایه هم فقیره رهبره
اعتماد ایتمه یالان خلقین قوری تقواسینه

تا هِبوط ایتدی بِهِشتَن آدم اولدی دلغمین
گستروب یول جبرئیل آدم چاتوب حَوّاسینه

رهبریت اولماسا گمراه ره دور سالِکان
پیشوای دین گرکدور تا یتورسون گمرهی مأواسینه

منتخب دور اون ایکی حُجّت جهاندا بیزلره
اعتقاد ایت اونلارن سن غائب و پیداسینه

اوّلی مولا علی دور شیعه سی درک ایلیوب
بسته دور دنیا و عقباسی اونون اِیما سینه

کیمسه ده گر اولمیه حُبّ ولایت یوخ ثمر
نه نمازه روزیه زُهدیله هم اِعطاسینه

شیعه یعنی پیرو مولا علی و آلِ او
قول کیمی تابعدی هر اَمرایلسه مولاسینه

فُلکِ دینه ناجی دور اوغلی حسینِ فاطمه
اگلشن اول فُلکیده غَرق اولمیوب دریاسینه

نهضت دینی ایدوبدور آدلانوب شاه شهید
تا نفس وار اولدی صابر دشمنون ایذاسینه

اولدی رهبر نهضته تا روز عاشورا گونی
چوخ گوزل ایتدی عمل اوز نقشینین ایفاسینه

یازدی برنامه حسین بو نهضتینده زینبه
تا اسیر عشق اولا باخ قارداشون سوداسینه

نچه یوز مین ایل کچور اول وقعه دن امّا هنوز
آغلوری دنیاده گوزلر اصغر و عبّاسینه

کیم تاپا اُلفت حسینیله بیوک سودا ایدوب
یاد ایدر کربو بلاسین آغلار عاشوراسینه

آغلیین گوز بو حسینه آغلاماز محشر گونی
گوز یاشین توشه ایدوب چون بَرزَخ و عُقباسینه

مَقتَله باخسان یازانلار نقش ایدوبلر دفتره
نچّه مین لشکر یغوشدی کربلا صحراسینه

آدلارین مسلم قویانلار ظاهرا اهل نماز
باطناَ گلدی اوگون پیغمبرون دعواسینه

حقیله باطل آرا باشلاندی جنگ تن به تن
اولدی بیر عده شهید دگدی یارا اعضاسینه

دشمن دین غالب اولدی ظاهرا امّا حسین
باطنا پیروز اولوبدی روزگار اَدناسینه

بویالاندی طوی دوتوبلا کربلاده قاسمه
خالقه قربان اولوب گلدی ملائک یاسینه

جانویرنده هر شهیدتوپراقلار اوسته شاه دین
یوز قویاردی مهریله قانه باتان سیماسینه

تا منای عشقیده قربان ویره اوز اکبرین
بیر کفن سالدی الیله تا قدِ رعناسینه

خیمیه گتدی آناسی زلفونه شانه ویرا
سوسپوپ سالسون یولا اولسون وداع لیلاسینه

عازم میدان اولاندا کاسۀ مهری داشوب
هر قدمده حسرتیله باخدی سرتاپاسینه

قویمیوبلر سو یته عطشانلارا اخیامیده
غم یتوشدی بی نهایت کربلا سقاسینه

عزم ایدوب آلدی فراتی دولدوروب سو مشگینی
باخ مواساته دوزوبدور تشنه لیق ایذاسینه

آلدی کفّینه سوئی گوردی سرین سو سسلنور
عامل اول تعجیل ایله سقالوغون اجراسینه

ایستدی باغلانماسون اصغر قماطه اللری
سعی ایدردی سو یتورسن کربلا عیساسینه

اوخلانوب سومشگی آخدی چاتمادی سو اصغره
حسرتیله توکدی اشکین عارض زیباسینه

صاق قولون تاسالدی دشمن آلدی شمشیرین صولا
باخمادی اول قوم شومون ظلم بی پرواسینه

صول قولوندا سالدیلار باش یارلندی گوزده اوخ
سسلدی گل یاحسین باخ باشیمون غوغاسینه

آلدی اَدرِکنی سسین اخیامیده تا شاه عشق
دیلده قارداش گلدی اولسون دادرس عبّاسینه

چکدی گوزدن تا اوخی قویدی یوزون رخسارینه
آغلادی آغلاتدی زهرانی غم عظماسینه

دلده حسرت اول قَمَر ایتدی خسوف یومدی گوزون
چون یارا اوستن یارا ویرموشدولار اعضاسینه

سسلدی سیندی بلیم آچ گوزلرون یاتما اویان
ایت حمایت کربلانون زینب کبراسینه

باخمیوب دشمن اوگون مَهریّۀ زهرادی سو
ویرمیوب بیر جرعه ده دل باغلیوب دنیاسینه

ایلسون اِتمام حُجّت اصغره سو ایستدی
حرمله آتدی سه پر اوخ باخمادی فرداسینه

اوخ گلوب حلقین بیچنده قان دولوب قونداقینه
دیسگینوب آچدی گوزون باخدی اودم باباسینه

چکمه سون خجلت گولوب اوّل صورا یومدی گوزون
سیر ایدوب روحی گیده تا جنّتین اعلاسینه

سپدی قانین گویلره بیر قطره سی گلموب یره
عرش و فرشی قویدی حیران بو ایشین معناسینه

سیلکدی تادامنین یوز دوتدی عرش داوره
سوزلرین بیر بیر دئدی خلاق بی همتاسینه

من سنه اکبر دئمیشدیم بیرده ویردیم اصغری
لیک باتدیم سود امرده ماتم کبراسینه

شاکرم احسانیوه بو دشتیده اولدوم صبور
دوزموشم من اهلبیتین آه و واویلاسینه

لعنت انس و ملک گلسین یزیده حشره تک
قویمادی ظلمونده نقصان آل طاها یاسینه

من قتیل اشقیایم ( عدلی) آغلار حالیمه
نوکر درگه گرک دوتسون عزا مولاسینه

• جمعه
• 19
• دی
• 1399
• ساعت
• 22:49
• نوشته شده توسط
• یوسف اکبری

کاروان یوللانوری شامه قوری یرده یاتان
یاراسی حدّن آشان ظلمیله ای قانه باتان

قلبینی تیر غمونده دلنون شامه گیدور
سال یولا عزّتی الدن گیدنون شامه گیدور

قتلیوه فرمان ویرب چوخداندی قرآن دشمنی
مکّه دن تعقیب ایدنلر آخر اولدوردی سنی

نقشۀ شوم یزید باعث اولوبدی قتلیوه
عاقبت زینب اسیراولدی یتوب ایش بویره

آیرولوق زینبوی غرق ملال ایلیوری
بیرده سنله اولانی فرض محال ایلیوری

هانسی دردونده یانوم گوزیاشنی هاردا توکوم
قافله چوکدی گیدور ایله دُعا منده چوکوم

دوره مه شمروسنان قاره لچک لر دوزولوب
ا َلیم عباسیم الیندن ده برادر اوزولوب

الی شل اوخ ویرانون گورمدی بس چوخدی یاران
نه حیا ایتدی ویران نه ایلیوب تیر وکمان

گورورم یاره لرون گوز گوزآچوب قان ویروری
گویده انجُم سایسی یرده بوگون سان ویروری

نیزه خنجر ویرولوب جسموه وارچوخ یاراسی
منی لیک آغلادوری سینه ده کی اوخ یاراسی

سنکمی قان ویرن اولماز بیری قرآنه حسین
من کیمی غم چکن اولماز گله دورانه حسین

واریری گویده ملکلر حالوا آغلاسالار
قتلگاهوندا گلوب سینه لرون داغلاسالار

قویسالا قتلگهونده منی قارداش قالارام
قلبیمه قوّت و نیر و همی عطرون آلارام

زینبون آننونا بی حد غم و غصه یازولوب
بولورم اوز آدیما مُهر مُصیبت قازولوب

دوندروبلر منه شام اولدی حسین هرگونوزوم
باجی قارداشدان اَل اوزمزنجه من سندن اوزوم

پیکرون بوردا قالور لیک باجون شامه گیدر
اصل نهضت ندی عالم لره نطقیله دییر

زینب ایشیده واریری اولدم بو ندانی
غمخواریم اولان ساخلا اوزون الده لوانی

اود ویر یانا آهونلا خموش مشعلی زینب
یرده قالا قویما یخلان پرچمی زینب

نطقونله صدور ایت یاییلا عالمه نِهضت
بُنیاد ایله هر قلبیده بیر پایۀ رَکْضَت

سْست اولمیه جنبشده بو امّت بو رعیّت
غیرتلی مسلمان ایله مز دینده رَکالَت

چکدیم سنیله دینیمون اوستونده رَیاضت
تا عدل اولا قرآن اولا هر یرده رعایت

تیشه ویرولوب ریشۀ اسلامه بو چولده
حق گو دیلیلن پرچم اسلامی دوت الده

من ریشه سینه قانیمی ویردیم سُولا قویما
افراد ستمگر دینه رهبر اولا قویما

بیر جور ایله قانیم آرادا گیتمیه زینب
سجادیم امامت گولودی سولمیه زینب

چوخ ظلم ایلیوب اهل جفا کرب وبلاده
شامه گیده سن جبریله سن پای پیاده

قویما یانا چول لرده بالام آه شراره
شامه یتیشنده ایت اونون حالینه چاره

حفظ ایت ره شاماتیده سن آل عبانی
قویما ویروالار چوخ او یتیم خردا بالانی

گوردون نجه گلزاریمه باد ستم اسدی
رحم ایلمدی شمر سوسوز باشیمی کسدی

باغرون قان اولور قانلودی بو یرده دایانما
گیت قافله یولاندی گیدور شامه یوبانما

یتمز نقدر یازسا غمون (عدلی) تمامه
ایسته گله تا مهمان اولا شاه اَنامه

• جمعه
• 19
• دی
• 1399
• ساعت
• 22:56
• نوشته شده توسط
• یوسف اکبری

عالمی ماتم دوتوب دور يوم عاشورا اولوب
بزم غم اوغلی حسينه ساخلين زهرا اولوب

بو همان گوندی حسين اوز عهدينه ايفا ايدوب
نوش ايدوب جام شهادت عشقی بی همتا اولوب

مين بلا گلدی داياندی ايتمدی ترك وفا
توكدولر قانين حسينون قطره سی دريا اولوب

اكبر آدلی نوجوان غلطان اولوب اوز قانينه
همرهی يتميش ايكی هم پير و هم برنا اولوب

سود امر سربازينه اوچ شعبه لی پيكان دگوب
تيتر يوب اركان عالم آغليين دنيا اولوب

شوقيله نوش ايتدی اكبردن صورا جام بلا
قاسم تازه جوان و آغليين صغرا اولـوب

سولدولار سوز عطشدن خيمه ده خرد و كبار
گوردي عباس غيرتيندن بير گل حَمرا اولوب

اذن آلوب مشگين گوتوردی تا ايده تحصيل آب
چون ابوالفضل يوم تَف عطشانلارا سقّا اولوب

آت سالوب آب فراته دولدوروب سو مشگينی
اوخ آتانلار اوخ ويروب مشگي آخوب بی ماء اولوب

اوندا كه مشگ اوخلانوب قولار دوشوب توپراقلارا
آخدی اشكی دردی بی درمان غمی عظما اولوب

باخدي يرده قولارا سسلندی بيردن ياحسين
گل منيم گور دشمنيم چون شير بی پروا الوب

قاداشا قارداش ديماق قوّت ويروب روح و تنه
آلدی شمشيرين ديشه جنگ و جدل بر پا اولوب

اُلدوروب بير عدّه نی ملحق ايدوب اجدادينه
سالدی بير بيرباشلاری تا قوّته دارا اولوب

وای اوساعتدن كه قارداش قارداشی درک ايلدی
قان دولان تك گوز آچلدی بير زمان بينا اولوب

عرض ايدوب اخيامه قارداش نعشيمی حمل ايلمه
اوخليوبلر مشكمی بوزحمتيم بی جا اولوب

باش سنوب قولار قلم فكر ايلمه محزونيم
غصه مرگ ايلورمنی چون قارداشيم تنها اولوب

بسدی آز ياز (عدلی)سن يوم بلا احوالنی
دفترعشاقيده عشقون سنون امضاء اولوب

• جمعه
• 19
• دی
• 1399
• ساعت
• 22:57
• نوشته شده توسط
• یوسف اکبری