اشعار ویژه اربعین

دیداریوه گلدیم حسین
جان تاپدیم دینجلدیم حسین
بو دم غنیمتدور منه
شاید سحر ئولدوم حسین
هجرونده قوی غوغا سالیم
ایوای دئیوم لایلای چالیم
قانه دوندوبدور گوز یاشیم
لایلای کفن سیز قارداشیم

من عاشق آواریم
غم یولونون رهواریم
الّی بش ایلدور عشقوون
ویلانیم ، بیماریم
قانه دوندوبدور گوز یاشیم
لایلای کفن سیز قارداشیم

یاغیش قوتارماز ابریده
هجران سیغیشماز صبریده
هانسی باجینون قارداشی
باشسیز یاتوبدور قبریده
قانه دوندوبدور گوز یاشیم
لایلای کفن سیز قارداشیم

شامه دونوب گونلر منه
حیات اولوب محشر منه
سندن قالان نشانه دی
باشدا قرا معجر منه
قانه دوندوبدور گوز یاشیم
لایلای کفن سیز قارداشیم

ساچ گوزلدی حورونمگه
چمن یاشیل بورونمگه
قدّی کمان باجون گلوب
قبرون اوسته سورونمگه
قانه دوندوبدور گوز یاشیم
لایلای کفن سیز قارداشیم

یول یولداشی غمدور منه
گوز یاشی شبنمدور منه
بو غصّه لی زیارتون
آیری بیر عالمدور منه
قانه دوندوبدور گوز یاشیم
لایلای کفن سیز قارداشیم

• یکشنبه
• 11
• آبان
• 1399
• ساعت
• 23:22
• نوشته شده توسط
• یوسف اکبری

باباجان شمرستمگرهامیدان چوخ منی وردی
یولدابودشمن کافرهامیدان چوخ منی وردی
من دینده هانی اکبرهامیدان چوخ منی وردی

علی اکبرگولیم من بابا رنگیم سارالوبدی
عمه مین چیگنی کیمی جسم ضعیفیم قارالوبدی

باباسندن صوراعالم باشیناتپراق اولیدی
کیم داغون سینمه چکدی اورگنده داغ اولیدی
من گجه چولده قالان وقته اباالفضل صاق اولیدی

هی وروب خارجی آد قویدی بیزه نسل خوارج
غصه دن آغلادی عمم دئدی یاباب الحوائج

گوگلوم ایستور دیه سن قبریوه هاردان گلورم من
کاروان غمیلن دیده سی گریان گلورم من
دردمندم باباجان آلماقا درمان گلورم من

گزمیشم کوفه وشامی یارالی باش دالیسیجا
گلمیشم کرب وبلایه گنه قارداش دالیسیجا

آل پیغمبری دیندیربابا پیغمبره خاطر
آچ گوزون نازیله یاتمابو دولان گوزلره خاطر
خبرآل حالیمی سینونده یاتان اصغره خاطر

اصغرین خوش حالیناجان وئروب آماله چاتوبدی
نه صودایستور نه سو قرخ گوندی قوجاقونده یاتوبدی

نگرانم باباجان ایله حالوندان منی آگاه
یارالارون نجه دی ای باشی دالدان کسیلن شاه
قانلی گوزلرده گوزوم وارمنه نازائتمه سن آلله

ظلم اولوب قیزلاریوا آل امیه طرفیندن
عموم عباسه سوزوم چوخدی رقیه طرفیندن

آند اولا نهرفرات اوسته یاتان پرچمه بابا
آند اولا ناقه لراوسته دوتولان ماتمه بابا
آند اولا قامتی غمدن بوکولن عممه بابا

تیکان اوستونده قاچوب صبرائلیوب دینمه میشم من
کوسمه مندن بابا نامحرم آتین مینمه میشم من

• پنج شنبه
• 22
• آبان
• 1399
• ساعت
• 17:28
• نوشته شده توسط
• یوسف اکبری

به سبک(زینبم جان اوستیم...)

یثربه زینب گیدور تا عامل پیمان اولا
اکبره سویله اذان ویرسون باجون قربان اولا
دوریولا سال زینبون
گوگلونی آل زینبون

سن ئولندن خوش گونه حسرت قالوبدور زینبون
شال ماتم باشینه هرآن سالوبدور زینبون
غارت اولموش کوینگون الدن آلوبدور زینبون
زینبون وار عهدی تا قربانی جانان اولا

حشره جک آچماز حسین باشدان قراسین زینبون
هیچ دوا توخداتماز آخردیل یاراسین زینبین
بیر نفریوخدور بیلن حال وهواسین زینبین
لا جرم قلبیم گرکدور طعمه ی هجران اولا

سن یانوندا عون وفضل وجعفرین قارداش حسین
شاهزاده اکبرین سرلشکرین قارداش حسین
زینبه ویردون قرا معجرلرین قارداش حسین
زینبون قوی همرهی بوجرگه ی نسوان اولا

آغلارام قارداش ئولونجه آغلاماقدان دویمارام
رخت شادی گیمرم رخت عزاوی سویمارام
خاطرون راحت حسین یاتسون بو پرچم قویمارام
عالمه حرییتون قارداش گرک اعلان اولا

کاروان غم حسین کرببلانی ترک ایدور
جمله اطفال و حرم غمبارو دیده تر گیدور
بعضی قارداش بعضی سی اوغلی ئولن مادر گیدور
قیل دعا قویما بولار سرگشته ی دوران اولا

اکبرون قارداش قالور لیلا پریشان آیریلور
قاسمیندن باخ سریه قلبی سوزان آیریلور
باخ ربابه قلبی قاندوردیده گریان آیریلور
عمریمه واردور یری قارداش بوگون پایان اولا

بوقیام اهدافینه آخر گرک چاتسون حسین
قویمارام ناحق توکولموش قانیوی باتسون حسین
ئولسم ئوللم قویمارام بو پرچمون یاتسون حسین
باردیگر چرخ دوران صبریمه حیران اولا

زینبون واردور حسین جان قلبیده دیل یاره سی
گراباالفضلین سراغین دوتسا ئوز مه پاره سی
شرح حال ایتسون یقینا باجیوون یوخ چاره سی
سویلرم بذل ایلیوب جان حافظ قرآن اولا

عازم شهر رسول اللهدی قارداش زینبون
تحفه سی یوخ غیر بوگوزدن آخان یاش زینبون
آغلاشوراحوالینه چوللرده داغ داش زینبون
قبر زهرایه گیدوربو کاروان میهمان اولا

هرگیجه گوندوزسنه ماتم دوتوب قان آغلارام
هفته لر آیلار حسین ایللرسنه یاس ساخلارام
آه وافغانیله قلب انس وجانی داغلارام
باشه چاتماز غملریم مین دفتره عنوان اولا

بوقیام آخرگرک اهدافینه چاتسون حسین
قویمارام ناحق توکولموش قانیوی باتسون حسین
ئولسم ئوللم قویمارام بوپرچمون یاتسون حسین
بار دیگر چرخ دوران صبریمه حیران اولا

(جائدا)زینب غرض کرببلادن آیریلوب
کربلا یوخ مهبط جور وجفادن آیریلوب
آیریلور گویا خانم سعی وصفادن آیریلور
عزمینی جزم ایلیوبدور حامی سلطان اولا

• دوشنبه
• 26
• آبان
• 1399
• ساعت
• 11:01
• نوشته شده توسط
• یوسف اکبری

ئوپم مزاریوی کرب و بلایه گلدیم حسین
عزا دوتام سنه دشت نوایه گلدیم حسین

بوگون باجون اولا قربانون اربعینوندور
خانم حرملریویلن عزایه گلدیم حسین

گلنده من قاباقا چیخمادون بو صحراده
دئدیم یارالی دی گلمز صدایه گلدیم حسین

مریض عشقووم ای عاشق حق داور
دواسین آلماقا دارالشّفایه گلدیم حسین

بیلوردوم اوزلرینی آز قالار کی ئولدورلر
تسلّی وئرمگه آل عبایه گلدیم حسین

دیردیم اوز اوزومه قبروی هاچان گوررم
واریم سپاس فراوان خدایه گلدیم حسین

اویان اویان سو گتوردوم سنه سوسوز ئولنیم
مقابلینده سوزوم وار عطایه گلدیم حسین

مزاریدن منه سس وئر داریخمشام والله
شهادته یتیشنده هرایه گلدیم حسین

سنون سسوندی دوا قلبیده اولان یاراما
دوا تاپولمادی سندن دوایه گلدیم حسین

دیدیم کی قرخ گون اولار قلبیمون باشی دوتولوب
بوگون اوزاق یولی مهد صفایه گلدیم حسین

قسم حبیبهٔ کبری یارالی زهرایه
چیخوب شرارهٔ آهیم سمایه گلدیم حسین

وروبلا قزلاروا تازیانه یوللاردا
شکایت ائتمگه صاحب لوایه گلدیم حسین

ویراندا لبلروه خیزران یاراسی یزید
دیدیم من حق سوزی اهل جفایه گلدیم حسین

قسم اوره ک یاروا من قالانمورام سنسیز
نئجه کی اللری باشدا منایه گلدیم حسین

هامی گلوب هامی قبرون ئوپر هامی آغلار
غم ائوز وئروبدی من مبتلایه گلدیم حسین

سوروشما گلمیشم اللر اورکده شرمنده
ویرم گزارش شاه ولایه گلدیم حسین

ئولوبدی بیر قزون اللرده شام شهرینده
قویولدی میّتی ویران سرایه گلدیم حسین

رقیّه ئولدی دیدیم محنتینده جان ویردیم
قازوب مزار همان مه لقایه گلدیم حسین

یری گلور منه چوخ نازنین قزون یری بوش
یئتیشدی تازه محن آشنایه گلدیم حسین

گلنده قبرینی ئوپدوم دیدیم خداحافظ
کی تاپشوروب اونی اهل وفایه گلدیم حسین

«معزی»ام نئچه ایلدی غمونده یانّام آقا
زیارت عشقینه کرب و بلایه گلدیم حسین

• دوشنبه
• 26
• آبان
• 1399
• ساعت
• 11:26
• نوشته شده توسط
• یوسف اکبری

به سبک(عطریوی آلدیم حسین...)

ای آچان دین مکتبی
ای الهی منصبی
دینینه قربان اولان
غم قوجالدوب زینبی

زینبون قارداش حسین دور اویان مهمان گلوب
بو مزارون اوستونه شاد وهم نالان گلوب

زینبه دور اول بویرده میزبان قارداش
دردلره درمان ویرورهم تازه جان قارداش

ای عزیز مصطفا
راضی حکم قضا
اگمدون باش دوشمنه
هرغمه اولدون رضا

آلموشام آغوشیمه بوپریشان قبریوی
ایتدیم استشمام حسین توپراقوندان عطریوی

سینن اوستونده یاتوبدی صود امرسرباز
بو مزار ایچره او نیله اولموسان دمساز

وارسلامیم محضره
نوجوانون اکبره
صود امرسربازیوه
سینن اوسته اصغره

یوخ توانی بو رباب سسله سون ایوای دیسون
ویرآنا آغوشینه اصغره لایلای دیسون

هرآنا اولسه بالاسی اشگ سیز اولماز
کیم دیور اصغرآناسی ابر تک دولماز

لبلری عطشان داداش
جان سنه قربان داداش
باش گوتوربو قبریدن
دور اوخی قرآن داداش

زینبون دورگور نجه غملرونده یانماسون
باغریقان سجادیله قلبیدن اودلا نماسون

گلموشم بو یرده بیرده یانماقا قارداش
بزم ماتمده عزایه باتماقا قارداش

اشجع ناس هاردادی
اول گل یاس هاردادی
هاردا قولاری دوشوب
قبرعباس هاردادی

غصّه دن یاندی او گون اول خریدار بلا
اولدی غیرتدن مریض غمگسار کربلا

یاتمادورقبرین نشان ویرزینبه قارداش
بوگونون مثلینده چاتدیم مطلبه قارداش

قیل بو عشاقه نظر
(عدلیدور)خونین جگر
یاز براتین ایلسون
کربلایه بیر سفر

قبریوی ایسترگویول جسم و روحی بی قرار
هم سنه هم زینبه روزو شب نوحه یازار

جام عشقیندن حسینیم مست و نالاندی
کربلا دیلده همیشه چشمی گریاندی

• سه شنبه
• 27
• آبان
• 1399
• ساعت
• 11:59
• نوشته شده توسط
• یوسف اکبری

شد شکوفا غنچه هایی در گلستان محبت
اولی ختم رسالت دومی ماه امامت

حضرت پیغمبر و هم
جعفر صادق خوش آمد
اسوه ی فضل و کرامت
دلبر عاشق خوش آمد

یا محمد یا رسول
تهنیت باد مقدمت
نور چشمان بتول
تهنیت باد مقدمت

گشته روشن چشم عالم از قدوم این دو مولا
جشن شادی کرده برپا پیش حیدر دخت طاها

آمنه و ام فروه
گشته اند شاد و خرامان
شد نمایان در سمای
قلب آنها شمس رخشان

یا محمد یا رسول
تهنیت باد مقدمت
نور چشمان بتول
تهنیت باد مقدمت

گلشن آل شرفده غنچه لر آچدی اولوب گل
چون بوگونده گلدی یاران فاطمیه ایکی سویگول

صادقون قاشی کماندی
چون هلاله ماهه بنزر
پادشاهیم دور محمد
هانسی شاه بو شاهه بنزر

یا محمد یا رسول
تهنیت باد مقدمت
نور چشمان بتول
تهنیت باد مقدمت

گون خجالت چکدی باخسون تابناک اول یوزلرینه
نه گوزل جلوه وئروبدی حی سبحان گوزلرینه

قدسیان شادلیق ائدوری
فرشیان شادلیق ائدوری
ال چالور گویده ملک لر
عرشیان شادلیق ائدوری

یا محمد یا رسول
تهنیت باد مقدمت
نور چشمان بتول
تهنیت باد مقدمت

• جمعه
• 28
• آذر
• 1399
• ساعت
• 23:29
• نوشته شده توسط
• یوسف اکبری

کاروانیم دیده گریان اربعینه گلدی قارداش
قبریوی تا گوردی زینب غصَّه دن دینجلدی قارداش

دسته ی طفلانی گتدیم یاحسین
بیر سوری جیرانی گتدیم یاحسین

ای گل طاها حسین جان
زاده ی زهرا حسین جان

عطرون آلدیم کامه چاتدیم غم قطارین ساخلادیم من
قبریوی پوزقون گورنده باشه چالدیم آغلادیم من
سسلدیم جان جان یارالی قلبِ زاری داغلادیم من

شکر اولا قارداش مزارون اوستِیم
پیشِواز ایله منی دلخستِیم

ای گل طاها حسین جان
زاده ی زهرا حسین جان

فرقتونده قیزلاریمدان ناله و افغان اوجالدی
خیزران تا لبلریوه دگدی زینب دای قوجالدی
کوفه و شامین بلاسی قلبیمی چوخ درده سالدی

یاندی قلبیم محنت و آلامیده
چوخ وورولدوم چوخ یورولدوم شامیده

ای گل طاها حسین جان
زاده ی زهرا حسین جان

غم طنابی سالدی غملی زینبیوی بنده قارداش
نازلی اصغر سنده قارداش پاره کوینگ منده قارداش
اول رقیه سویگولون نن اولموشام شرمنده قارداش

یاندورور بو غم بو قلبِ زاریمی
بی کفن دفن ایلدیم دلداریمی

ای گل طاها حسین جان
زاده ی زهرا حسین

دور قوناقون پیشواز ائت آی وفالی میزبانیم
دور ایاقه زینبیوه وئرگینن سس مهربانیم
جان یارالی سویلماقا اوخشاماقا یوخ توانیم

سرور و شاهیم حسین جانم اویان
عزت و جاهیم حسین جانم اویان

ای گل طاها حسین جان
زاده ی زهرا حسین جان

• جمعه
• 28
• آذر
• 1399
• ساعت
• 23:31
• نوشته شده توسط
• یوسف اکبری

دور ای یارالی حسینیم
آنام مارالی حسینیم
دوشوبسن ئوز حرمیندن
ندن آرالی حسینیم
باجون فدا سنه قارداش
تسلی وئر منه قارداش
(تکرار در تمام بندها)

سلام او قانلی دوداقه
سینونده دیلسیز اوشاقه
علی اصغره خاطر
محبت ایله قوناقه

هواده غم توزی واردی
غمین یانان کؤزی واردی
آماندی زینبه بیر باخ
ئورکده چوخ سؤزی واردی

سنی سراغلامیشام من
دویونجا آغلامیشام من
او قانلی کوینگی قارداش
سینمده ساخلامیشام من

حسین شکسته دلم من
سولان چمنده گلم من
حرملرین هامی گلدی
رقیه دن خجلم من

حرم دوشوب یولا قارداش
گلوبله قول قولا قارداش
رقیه نین یئری بوشدی
اقللی یاد اولا قارداش

شکسته بال و پرم من
حسین حسین دییرم من
رقیه نین عوضیندن
مزاروی ئوپرم من

باخ ای دوداقلاری یاره
رباب و لیلی زاره
به یاد اکبر و اصغر
باخوللا غملی مزاره

گؤرن بو شوکتی والله
گوروبدی جنتی والله
بو آلتی گوشه مزارین
شفادی تربتی والله

• سه شنبه
• 2
• دی
• 1399
• ساعت
• 23:09
• نوشته شده توسط
• یوسف اکبری

شاکرم هر اربعین تحت لواده گلمیشم
محضر شاهه ادبلن، پا پیاده گلمیشم
داعشه اعلان ایدون، منده جهاده گلمیشم
روبروی لشگر، ابن زیاده، گلمیشم

هانسی هنگین سان ویرنده همصدا آوازی وار؟
اربعینده یرمی دورت میلیون نفر،سربازی وار؟

اربعینده یوللاری،زینت ویرور قرآن سسی
از نجف تا کربلا، زوار با ایمان، سسی
هر قدم آتدوقجا زائر،قوزانیر طوفان سسی
داعش و آل سعوده ایلیئور اعلان،سسی

قالب هنگ پیاده،انسجامه ناظروخ
کربلادن،کعبه یه،پای پیاده حاضروخ

کعبه دن،قدسه،یولا سال کاروان میهنی
جمعیمیزده وار مسیحی،هم کلیمی،ارمنی
لرزه یه،سالدی بو وحدت،پایه های دشمنی
یکسره،آماده یوخ،آزاد ایداخ سوریه نی

آز قالوب،بو آرزو،عاشقلره یتسون ثمر
پخش زنده،منعکس،دنیاده اولسون بوخبر

آز قالوبدی قائله،الله ویره بو مطلبه
دشمن دین خوار اولا،عزت یارانسین مکتبه
آز قالوب،مهدی گله،اعدا دوشه تاب و تبه
آذری لر،جمع اولا،هیئتله،صحن زینبه

تا گوره قاسم سلیمانی بیزی عشق ایلییه
صحن زینبده،یاپیشا،آذری مشق ایلییه

آز قالوب اولسون محقق،آیه ی شرا یره
مکر دشمن،آشکار اولسون جهانه یکسره
نسل وهابی کسیلسین،ویر بشارت ائللره
آز قالوب،رهبر بقیعده،چیخسون عالی منبره

تا دعا ایتسون امام عصریمیز،مهدی گله
هم شهیدان و امامین روح پاکی دینجله

• دوشنبه
• 22
• دی
• 1399
• ساعت
• 19:29
• نوشته شده توسط
• یوسف اکبری

شهیدِ لب تشنه گانیم
گلـور غملـی کاروانیم
سنی زهرا جانی دور قـارداش پیشـواز ایله زینبونن

قوجالدیم غمنن برادر
آغاردی زلفوم سراسر
اویان یاتما زینبـون ئولسون تا اوپـوم بیر قانلی لَبونن

قـاره سالام من
غملی قالام من
دردون آلام من
حسین

گتیردیـم اهـل و عیالون
اَثـاث و مـال و مَنالون
رقیونن شرمسار اولدوم شامیده دیلدن دوشدی قارداش

ربابی شیرین داندیشدیر
علی اصغرنن باریشدیر
ربابیلـه اصغرین کوسمـوش گوزلرینده واردی نه قانیاش

قـاره سالام من
غملی قالام من
دردون آلام من
حسین

دوشوبدی باشیم بلایه
گینـه گلـدیم کـربـلایه
ائدوب قانیـن کربلا دشتیـن باغ جنت ای نـور دوعینیم

قـالوب هـاردا قبر اکبر؟
یاتوبدور بس هاردا اصغر؟
نَدن بو غملی مزارون شش گوشه دی ای بیکس حُسینیم

قـاره سالام من
غملی قالام من
دردون آلام من
حسین

• پنج شنبه
• 9
• بهمن
• 1399
• ساعت
• 23:16
• نوشته شده توسط
• یوسف اکبری

در آهنگ(قدم قدم با یه علم...)

فدا اولوم بو عزته-منیـده کربـلاده قوش جماعته

داریخموشام بو فرقته-چاغیر بو اربعین گلیم زیارته

حسین حسین حسین حسین
عزیز جان مصطفی حسین حسین
عنــایــت ایلــه بیــزلــره
ئوزون برات کربلا حسین حسین

گوزومده واردی قانلی یاش-غمون ائدوبدی قلبیمی نه گور خَراش

گـدا لـرون دوشـور یـولا-گلـولـر اربعینـوه یـاواش یـاواش

حسین حسین حسین حسین
عزیز جان مصطفی حسین حسین
عنــایــت ایلــه بیــزلــره
ئوزون برات کربلا حسین حسین

واریمـدی دیلـده آرزو -گلَـم مـزاروی گـورَم پیـاده من

دویـونجـا آغلیام سنه-ئولـم قـالام آقـا او کربلاده من

حسین حسین حسین حسین
عزیز جان مصطفی حسین حسین
عنــایــت ایلــه بیــزلــره
ئوزون برات کربلا حسین حسین

پیاده گلمگیـن اینان-تمـام دردلـره دوادی یا حسین

مزاریوی گورَن دیور-بهشت اِله بو کربلادی یا حسین

حسین حسین حسین حسین
عزیز جان مصطفی حسین حسین
عنــایــت ایلــه بیــزلــره
ئوزون برات کربلا حسین حسین

• پنج شنبه
• 9
• بهمن
• 1399
• ساعت
• 23:19
• نوشته شده توسط
• یوسف اکبری

اسیر شام ومدینه غزالیم قارداش
ئوزوم علی قزی یاسلی عزالیم قارداش

دیار کوفه وشام وحلب مسافریم
ایاقه دور نجه گور ماجرالیم قارداش

گیدوب جلالیم الیمدن حسین باشیم آغاروب
دینمورم نجه باشی بلالیم قارداش

سزادی دولسا نوائیله نینوا دشتی
من آغلیاندا-که نی تک نوالیام قارداش

اسفلی شکوه لریم واردی مخبر شامم
شکسته دور ئورگیم نینوالیم قارداش

گیدنده نعشیوی عریان قوم اوسته گورموشدوم
کفنسیز اولماقیوا دفن-حالیم قارداش

ئوزون بلوردون اوگون باشدا معجریم یوخودی
او عذرین ایندیده غرق ملالیم قارداش

یارالی گون قاباقیندا سنی قویوب گیتدوم
هله او گیتماقین افسرده حالیم قارداش

خانملیق ایلدیقیم کوفه ده نلر گوردوم
باشون گوروردی نجه ابتلالیم قارداش

یارالی باشیوی شمر ایتدی بیر گجه مهمان
اودور بیر عمریدی گریان لیالیم قارداش

گلنمدیم اوگجه من یانان چادردیدیم
آنامدا گوردی نه سوز خفالیم قارداش

سنون یرون اوگجه خیلی نامناسبیدی
اودور من ایندیده رنج و عنالیم قارداش

صباح اولاندا باشون پیشوازیمه گلدی
بلوردی مملکت عشقه والیم قارداش

گلنده سن دانوشوردیم کجاوه ده گوردون
که نطقده نجه حیدر مثالیم قارداش

دیردی کوفه لیلر مرتضی علی دانیشور
اودور دئدیم او علینون من آلیم قارداش

اوزینبم منی گون گورممیشدی بی پرده
هامی بولوردی آنام تک حیالیم قارداش

سنون محبتون ائتدی اسیر سالدی چوله
محبت عالمینون مه جمالیم قارداش

هارا گیدوب باشون آردینجا گئتمیشم منده
مقام عشقیده باخ گور وفالیم قارداش

آپاردی مجلس عامه بیزی زیاد اوغلی
گوره گوره باشی قاندان حنالیم قارداش

اسوبدی باخمادی گلزاریمه سموم خزان
تصور ائتمدی عصمت نهالیم قارداش

دانیدیروب منی ووردی دوباره دیل یاراسی
بیان ما وقعه نطق لالیم قارداش

باشون دالینجا دوشوب شامه گیتمیشم بیر باش
رموز عشقده مجنوندان عالیم قارداش

وروبدیلار او قدر تازیانه کعب سنان
هنوز جسمیمه باخسان یارالیام قارداش

دولانمیشام باش آچیق شامیده محله لری
خیال ائدردی گورن لاابالیم قارداش

گیرنده شامه منه نامناسب آد دیدیلر
بوله بوله که پیمبر عیالیم قارداش

دولاندیریردیلا کوچه به کوچه قول باغلی
خیال ائدردیلر چین و خطالیم قارداش

توکردیلر باشیما کول دویردیلر بی جرم
گمان ائدردیله جرم وخطالیم قارداش

گونوم او شهریده بختیم کیمی دونوب شامه
اگر چه شمس حیا-مه لقالیم قارداش

باشیمدا قمچی یری معجریم کیمی قرالوب
ایکی قرائیله باشی قرالیم قارداش

پوزوب خیالیمی بیر نحویله خرابه غمی
دینمورم بوقدر وار خیالیم قارداش

اوقدر صبر ائلدیم صبر مندن اولدی ملول
بو یولدا گورنه شهامت نمالیم قارداش

دایانا بولمدیم اما یزید بزمینده
سبب اوبزمیدی چوخ غمفزالیم قارداش

اگر اومجلسین اوضاعینی حسینی یازا
اونا بیوک صله ویرم سخالیم قارداش

امان یزیدین الیندن امام یارالی امان
یارالی قلبیمی ایلوب او شرب مجلسی قان

سنون دوداقلاروی چاک چاک ائدنده آغاج
یاخامی پارچالادیم اولدی طاقتیم تاراج

یارالی باشیوه گه باخدی گولدی ایچدی شراب
گه ائتدی قانه دونن قلبیمی ستمله کباب

قمار اویناماقا اولدی کفردن طالب
باشوی دوگدی اولاندا حریفینه غالب

یارالادی دوداقون خیزران اومجلسده
منیم سرشگ تریم اولدی قان او مجلسده

اوقدر صبر ایلدیم تنگه گلدی مندن صبر
ولیک غم منه ویردی تکان او مجلسده

یاخامی چاک ائله دیم من معاویه اوغلی
ووراندا لبلریوه خیزران اومجلسده

کنیز ایستدی بیر سوگلی قیزون شامی
یوزومه خون دل ائتدیم روان اومجلسده

دلیل عقلیله آیات نص ومحکمیله
یزید کفرینی ائتدیم عیان اومجلسده

اولیدی کاش قلج الده قارداشیم عباس
منه دینده او ظالم یامان اومجلسده

نه دل یاراسی منیم ووردی قلبیمه گوردون
که چکدی اهل حرم الامان او مجلسده

باخوب عیالیوه بیر بیر سوروشدی آدلارینی
بیزه شماتته آچدی زبان او مجلسده

شراب مجلسی پیغمبر عترتی باش آچوخ
ویروب عیالون عجب امتحان او مجلسده

قویولدی خارجی آد جدیمی نشان ویردیم
ترحم ائتمدی اسلامیان او مجلسده

بنی امیه نی قرآنیله مجاب ائتدیم
گلوب مروته انجیلیان او مجلسده

او مجلسین ستمین « سعدی زمان » یازما
اولوب علی قیزی قدی کمان او مجلسده

• پنج شنبه
• 9
• بهمن
• 1399
• ساعت
• 23:33
• نوشته شده توسط
• یوسف اکبری

آنام اوغلی بو سفردن سنه چوخ شکایتیم وار
دیرم اجازه ویرسن دیمه لی حکایتیم وار

باشا عهدیمی یِتوردوم هامی قیزلارون گتوردوم
نیه گلمدی رقیه دیمه ماقدا خجلتیم وار

دیماقا او ماجرانی خجلم من اوز اوزیمدن
بُلوسن که چوخ سُوَردیم او قیزی ایکی گوزیمدن
نجه اُلدی شرح ویرسم سنه غم یتر سوزیمدن
اودی عارضیمده اشک تریله اشارتیم وار

گهی ناقه اوسته گاهی باشون آردیجا پیاده
اوزینی یِتوردی شامه او اسیر دل فتاده
دیمرم آجیندان اُلدی قوری یِرده شاهزاده
هله بو یارالی دلده غم بی نهایتیم وار

او گئجه که جان ویروردی منی یاندوروب یاخوردی
سوزینی دیموردی امّا یوزه گوز یاشی آخوردی
گوزینی دولاندوروردی بالا قیزلارا باخوردی
بونی آندوروردی بیر آز سیزه رنج و زحمتیم وار

بالاوون گوزی آخوردی اوزی اُلماقین بولوردی
یوزه گوز یاشین اَلیردی نه دیوردی نه گُلوردی
ایله بیر حقارتیله او یتیمه قیز اُلوردی
که بیان حاله قارداش نه توان نه طاقتیم وار

باشون اول زمان که گلدی اونا ویردی دل وصالون
باشینا سوووردی توپراق او گئجه غریب عیالون
بُلورم که مندن آرتوخ سنون اولدی ابتهالون
اوره گیمده کی شرردن سوزیمه شهادتیم وار

او بالا اُلونجه ایتدی آدوی دلینده ازبر
قوری یِرده توپراق اوسته اُلورم دیدی مکرّر
یارالی باشون ایشیتدی او بالا دیدی نه دللر
او یارالی دللریندن سنه بیر کنایتیم وار

سوسوزام، آجام دیردی قورویوبدی دل دوداقیم
آلونوبدی گوشوارم بابا بوش قالوب قولاقیم
گَتوروبله چوخ پیاده اولوب آبله اَیاقیم
اَیاقیمدا قانه باخسان بُله سن نه حالتیم وار

گهی صدقدن دانیشدی گهی مهریله وفادن
گهی شمریدن دانیشدی گهی سیلیِ جفادن
ایله دل دیدی، دل آلدی هامی آل مصطفادن
بُلوسن او درد دلدن هله دل جراحتیم وار

دیدی آغلادی یورولدی یخولوب صداسی باتدی
غم هجری باشه ویردی شرف وصاله چاتدی
سویولان اسیره قیزلار گویه ناله سین اوجاتدی
گوره سن منیم جهاندا نچه یول قیامتیم وار

ایله بیر قیامت اولدی که عقولی ایتدی مبهوت
پوزولوبدی اهل ناسوت، ایدوب آه و ناله لاهوت
نه کفن تاپولدی قارداش، نه او طفل زاره تابوت
نه تحمّل استتاره، نه بیانه قدرتیم وار

بو ملالی دلده قارداش آپارام گرک مزاره
آناما دیَم بو دردی، گَله من تک آه و زاره
اُله شاهزاده، تابوت اولا نچّه خشت پاره
گر اُلوب حضوره یِتسم، آناما شکایتیم وار

نجه تاب ایدر ایشیتسه بو سوزی علیّ اکبر
باجیسی کفن سیز اُلدی کفن اولدی کهنه معجر
من اوزوم مزار قازدیم او یتیمیَه برادر
گور ایدنده غم تهاجم نجه استقامتیم وار

یوزه گوزدن آخدی قلبیم منیم ای قَتیلُ العَبره
اگیلوب یوزیندن اوپدوم بالاوی قویاندا قبره
هامی قالدی مات و حیران،‌ منِ بینواده صبره
هامی بولدی نه شهامت نه بلند همّتیم وار

بُلورم اُلنجه یتمز غم و محنتیم تمامه
یتوشنده باشیم عمریم یتوشر غمیم ختامه
باجوی رقیّه فکری آپارار دوباره شامه
او بالادان اوتری بیرده او دیاره رجعتیم وار

بو دیاردن گیدنده ایله سرو قدّیدیم من
که ووراردی طعنه سروه قدیم ای عزیز ذوالمنّ
بِیلیمی بوکوبدور امّا بو سفرده ظلم دشمن
دور ایاقه قبردن گور نه خمیده قامتیم وار

نه او آبرنگ زیبا، نه او قامت رسا وار
گیچن عهد تک باشیمدا، نه او زلف مُشکسا وار
آقاران باشیمدا باخسان بُله سن نه ماجرا وار
هامی شرح ماجرانی دیماقا نا حاجتیم وار

بدنون گیدنده شامه، قوری یِرده گوردوم عریان
قویا بُلمدیم مزاره من دل فکار و نالان
سنه کیم بو قبری قازدی بو گوزل مزاره قربان
سنی بی کفن گورَندن بو حیاته نفرتیم وار

بُلوسن اسیریدیم من، یوخودی معین و یاور
کفن ایلماق دگولدی من بی کسه میسّر
نه امان ویروردی لشکر، نه قویوردی شمر کافر
که من ایلییِیدیم اظهار او که دلده نیّتیم وار

بیزی کوفیه آپاردی قولی باغلی اهل کوفه
گیچوب اَلفدن دایاندی غم اهل بیت اُلوفه
مهِ چرخ دینی گوردوم سالوب اهل کین خسوفه
دیدیم ای هلال زینب سنه چوخ شکایتیم وار

نه روا سنون باشوندا اولا اون ایکی جراحت
قالا محمل ایچره امّا باشی زینبون سلامت
باشیمی یولوندا یاردیم بُله ایلین شمادت
نه وفالی باجیم من، سنه نه محبّتیم وار

یتوروب زیادین اوغلی ایله ظلمینی تمامه
که قیاس اولونماز اصلا، او جفا جفای شامه
قولی باغلی حاضر ایتدی بیزی بزم عیش عامه
منیم ایله مجلسیله گور اوزون نه نسبتیم وار

منی دست بسته گوردی دل آچوب ایدوب شمادت
بو خیاله دوشدی ایتسون من بی کسه جسارت
ولی بُلمدی که منده وار علی کیمی شجاعت
عملاً مُبَرهَن ایتدیم نجه بیر شجاعتیم وار

منی قصد ایدوبدی دوردی او لعین کین پرور
او دوراندا منده دوردوم که دفاع ایدم برادر
بالا قیزلاروندا دوردی باخوب آغلادی گورَنلر
ایله بیر قیامت اولدی که بیانه لُکنتیم وار

ایله آتشین دلیله اونی ایلدیم مخاطب
که عداوتیله اولدی اورَگی اونون لبالب
گوروب ایتدی خوار و رسوا اونی بو اسیره زینب
دیدی دختمرتضایه نظر سیاستیم وار

اوجالاندی عرشه چخدی او گون اوردا اَلاَمانیم
گوزیمه مجسّم اولدی مَلَکه اولان زمانیم
صاق اولِیدی کاش ابوالفضل او گون ای عزیز جانیم
کسیلوب گوریدی چارَم نجه استعانتیم وار

دیمورم او شهر ایچینده یریم اولدی کنج زندان
او که گَلدی اللریندن بیزه ایتدی قوم عدوان
غم و ابتلای کوفه قوتاروب تاپوبدی پایان
ره شامدن برادر سنه چوخ روایتیم وار

اگر امر ایدِیدی جدّیم او گروه اشقیایه
گله هر جفا اَلوزدن ایدون آل مصطفایه
داخی اوندان آرتوق اولماز اولوب آلِ هَل اَتی یه
دیه بُلمورم گوگلده نقدر مصیبتیم وار

گونون ایستیسی، اوزاق یول، بیزی چوخ فشاره سالدی
گونی قاره عترتوندن او فشار طاقت آلدی
گوزی یاشلی قیزلاروندان بیری دوشدی چولده قالدی
قیز عیالی نابَلَد چول، نجه دُوزدی حیرتیم وار

منیم ای یارالی صبر دل و طاقتیم تالاندی
سر نیزه ده سنونده یارالی باشون دایاندی
دیدی شمر بی مروّت نیه قافله یوباندی
یتوشم دیار شامه بُلوسوز که سرعتیم وار

اولونوبدی امر زجره، گیدوب اول لعین کافر
او قیزی تاپوب گَتوردی منی ایتدی چوخ مکدّر
نظر ایلیَنده گوردوم که باشیندا یوخدی معجر
او اَسَفلی ماجرادن گنه دلده رقّتیم وار

آچوب اول خِماری باشدان اوزی گل کیمی سولوبدی
اَیاقینا باغلیوبدی گوزی اشکیله دولوبدی
یوزینه باخاندا بُلدوم ایاقی قابار اولوبدی
دیمَدی منه ادبدن نه غم و صعوبتیم وار

آناسیدا چوخ چاقوردی منِ بینواده قارداش
بیزه ایتمدی توجّه اَلی باشدا گوزده قانیاش
سنه یوز دوتوب جداده او بالا یوگوردی بیر باش
دیدی ای بابا نظر قیل نه ملال و محنتیم وار

قورویوب گون ایستیسیندن بابا گل کیمی دوداقیم
ایله خستیم یاخوندور یته ماه تک محاقیم
او قدر تیکان باتوبدور هله قان ویرور ایاقیم
گوز آچوب نظاره قیلسان بُله سن نه عُسرتیم وار

بو طریقیله حسینیم، بیزی تابعانِ سفیان
آپاروب یِتوردی شامه قولی باغلی دیده گریان
بیزه پیشوازه چخدی هامی شاد کام و خندان
بُلن اولمادی گوگلده نه بیوک ملالتیم وار

بیزی آل هنده یاغی، او گون اهل شام بُلدی
بیری ایلدی شمادت بیر طعنه ووردی گُلدی
دِیَن اولمادی که جدّیم منیم اشرف رُسُلدی
ایدن اولمادی ترحّم او شَهَه قرابتیم وار

بو جفا گران گلور چوخ بابامیز ابوترابه
آپاروبدی هندین اوغلی بیزی مجلس شرابه
نه جسارت اولدی گوردون بو اسیر دل کبابه
داش اولان دله موثّر اَلَمِ اسارتیم وار

علویّه هاشمیّه بالالار اسیر و خسته
گ

• جمعه
• 10
• بهمن
• 1399
• ساعت
• 20:20
• نوشته شده توسط
• یوسف اکبری

هجرانیله سالدون منی چولدن چوله قارداش
پابوسیوه گلدوم اورکیم دینجله، قارداش

ای ساحت اقدسده اولان داوره مرآت
بیر قافله گَتدوم،هامی ظلماتیده مشکات
سن ناطق قرآن و بولار شأنیوه اثبات
غمدن یورولوب،ائتمه دی بیرسی گیله قارداش

سن هستیِ هست و شرف و شمس هدیٰ سن
افلاک مُطبّقده ده سن،شــاهِ ولاسن
سن مَحرم بی شبهه ی اسرار خداسن
کیم گَتدی بو نعماتی سنین تک اله قارداش

ای معنی آیات صمد، شاه یگانه
قبرین قسم آللاهه دَگر باغِ جنانه
گوی اهلی سنین قبریوه حسرتده دی یا نه؟
رونق تاباجاخ تربتین ایلدن ایله قارداش

ای روح شرافت منیم ای محرم رازیم
عشقینله صفا تاپدی منیم راز و نیازیم
عاشقده دوزوم اولماسا،غملرده نه لازیم
ایذا یازیلوب روز ازل،بلبله قارداش

ترک ائتدوم اوگونکی سنی صحرای بلاده
اولدی باجوین غملری بی حد و زیاده
قول باغلی بیزی چکدوله تالارِ زیاده
چوخ مشکله دوشدی بو بولوک قافله قارداش

راهی ایلدی شامه بیزی قوم اراذل
بو نهضتین او یرده اولوب محنتی،کامل
اطفالیوه یِر وئردیله ویرانه ده منزل
بیر شَمّه دی مین غصه لریمدن هله قارداش

ای کاش اولییدی بیزه یِر تک او خرابه
تنگ اولدی بو وسعتده جهان آل ترابه
هند اوغلی چکوب عترتیوی،بزم شرابه
باخ بیر من اؤلوم،شامیده کی نیسگیله قارداش

ساخلا قلمی یازما "فقیر" ائتمه اشاره
انصافیدی معراجه گئدن باشی دوباره
مهمان ائده لر،مجلس مشروب و قماره؟
برپا ائلیه قوم ستم،هلهله قارداش

رسوا ایلدیم آنداولا عباسه یزیدی
سیندیردیم آغاج مثلی او سگباز و پلیدی
تابوت ایلدیم تختینی،قطع اولدی امیدی
قانین کیمی،نطقیم یتیروب حاصله قارداش

• دوشنبه
• 4
• اسفند
• 1399
• ساعت
• 22:18
• نوشته شده توسط
• یوسف اکبری

گوزون آچ وفالی نگاریم
قوناقون گلوب،سینه سوزان
گلوب اهل بیتون یارالی
هامی دیده گریان،پریشان

اؤلِئیدیم،بِئله گورموییدیم
نه پوزقوندی قارداش مزارون
نَلر چکدی گلدی دوباره
بلالی باجون،،جان نثارون
باشون قوزا قارداش--ستمدن یورولدوم
سنی ترک ائدنده--ویرولدوم سویولدوم

یارالی یارالی یارالی
ائلیندن آرالی آرالی

فراقونده قیرخ گون آلیشدیم
یانان خیمه لرون مثالی
سنی قویدوم عریان، گئدنده
او جسمی قویوب قبر کیملر یارالی

سنه آزدی قان یاش توکم من
گرک آغلویام سیل سایاقی
داغلموشدی جسمین آراده
ایاقلوردی آتالار ایاقی
قوجالدیم اوگوندن--حسینیم حسینیم
دئیوم قمچیلردن--حسینیم حسینیم

یارالی یارالی یارالی
ائلیندن آرالی آرالی

بو دنیا اولییدی خرابه
بیزه مسکن اولدی خرابه
گوزوندن ایراق،چکدی دشمن
بیزی بزم لهو و شرابه

دؤ بیر بیر بو اطفالی دیندیر
اولار غملرون بیر حسابی
ولی خواهشیم وار خصوصی
دانیشدیرما اصلا ربابی
اوزوندن چیخوبدی،،علی جان وئرنده
او شش ماهه باشی،،جداده گورنده

• دوشنبه
• 4
• اسفند
• 1399
• ساعت
• 22:23
• نوشته شده توسط
• یوسف اکبری

اربعین شاه دینه زینب نالان گلور
کربلایه بیر بولوک عورت اوشاق گریان گلور

حضرت زین العباد اُول سرور اهل یقین
دیده سی گریان اورک قاندور امام متقین
نچه مدتدودر که اولموش غملریلن هم قرین
باشدا هشتاده یاخین نسوان آل احمدی
هاموسی غم یورقونی گلزار عفت سرمدی

سر سلامتدور هامی یوخدور داخی قوللاردا بند
فتح ایدوب شاماتی زینب رجعت ایلور سربلند
حیف اولا ویرانه ده آتدی قضا بندی کمند
قالدی عنوان سفیرآلسون رقیه شامیده
کاخ سبزه زلزله سالسون رقیه شامیده

خوشدور اشعارین یازاندا شاعر انشاد ایله سون
قوی بیزه وهابیلر هر لحظه ایراد ایله سون
شامیده قالدی خانم تا کفری بر باد ایله سون
پرچم سرخ حسینی نصب ایدوب ویرانه ده
نام پاکی اوچ پر اوخدور دیده ی بیگانه ده

منزل ویرانی الان قبله ی عشاقیدور
خورداجا قبری اونون تاج سر نه طاقیدور
تک نه شیعه، دردمندان جهان مشتاقیدور
بذل و احسان ایتماقا همچون یم موّاجیدور
بی برو برگرد ایکی عالم اونون محتاجیدور

مین قلم هرالده مین شاعر یازا اوصافینی
ثبت ایدنمز کیمسه گر منظور ایده انصافینی
لعل و جوهر ایستیور، تشخیصیده صرافینی
احتزاز نهضت سرخه ملقبدور خانم
فارق التحصیل دانشگاه زینبدور خانم

الغرض ویرانه ده دفن اولدی اسپهر اولدوزی
نام زیباسی اولان هر محفلین دادلی دوزی
شامیده قالدی حسینون ماه وش زیبا قیزی
زینبون آغلار گوزوندن جاری گوز یاش بر ملا
کاروانه مقصد اولدی کربلا دوشدی یولا

تاکه استنشاق ایدوبلر کربلانون عطرینی
منظره یا که ایدوبلر گوزده شاهون قبرینی
هر کسن لبریز ایدوبدور دیلده جام صبرینی
ناقه دن قوندی یره پروانگان بو تراب
بارش نیسان اولوب گوزیاشلاری، گوزلر سحاب

اشک باران ایلیوبلر قبرهای اطهری
اول آغوشه آلوبلار قبر شاه بی سری
آغلیوبلار آغلادوبلار عرش حیّ داوری
قویمادی عاشوریده دشمن سنه یاس ساخلیاق
گلمیشوک قبرون کنارینده دویونجان آغلیاق

کربلاده جان ویرن مظلوم قوناقه من فدا
فخرایدن زیبا مزاری نه رواقه، من فدا
آخرین دمده سوسوز عطشان دوداقه من فدا
ای قفادن راس پاکی ذبح اولان لایلای حسین
اوچ گون عریان نعشی گونلرده قالان لایلای حسین

زینب غمدیده آچدی لفظ آتش بارینی
قبرینون اوسته گلوب قیلدی مخاطب یارینی
باشلادی توصیف ایده ایام محنت بارینی
زینبون جانی حسین اولسون سنه قربان دیدی
قوللاریم قارداش طنابه باغلادی عدوان دیدی

من دیدی عمریم بویی قارداش ملامت چکمیشم
کوفه و شام ایچره قارداش چوخ مصیبت چکمیشم
هر بلادن باش غم هجران و فرقت چکمیشم
آیریلان گوندن حسین بیر لحظه یوخ آرامشیم
ذکر تسبیحیم حسین وای، جان ابالفضدور ایشیم

سویله دی اهل حرم بیربیر سلامتدور حسین
آچ گوزون باخ گور نه عالم نه قیامتدور حسین
یوخ رقیم زینبون سندن خجالتدور حسین
شامیده ویرانه ده دفن ایتدوم اول مه پاره سین
تحفه دور گتدیم الیمده خورداجا گوشواره سین

کوفیه وارد اولاندا ناظریدیم باشیوه
داش ویروبلار قان آخوب ممزوج اولوب گوزیاشیوه
سس ویر آی باشسیز بدن قربان یارالی باشیوه
نهضتون حفظ ایلیوب عزّو شرف کسب ایتمیشم
قلب اردوی عدوده پرچمین نصب ایتموشم

گرچه سنسیز قالماقا بو دهریدن سیرم حسین
فکر ایدور اعدا ئولوب قارداشلاریم پیرم حسین
ثابت ایتدوم من علینون دختری شیرم حسین
گردن گردنکشانی دهریده سیندیرمیشام
شهر شامه پرچم نصرمن الله ویرمیشام

ظلمت شب کیم یول آختارسا اونون فانوسیم
دخت طاهانون قیزی زهرا سیر ناموسیم
چپ باخانماز کیم بیزه من غیرت اقیانوسیم
شهر شامه نطقمیله زلزله سالدیم حسین
اللره دوشموشدی قانلی کوینگون آلدیم حسین

قلب آل حیدری قان ایله دی بیر منظره
خیزرانی اندیرن وقته او ظالم لبلره
اولدی محشر اوردا بر پا بیرده آل حیدره
نسکیلیدی جسمیوی گوردوک یوخیدی اللرن
خیزران اندوقجه قارداش پارچالاندی لبلرون

عزمیمی جزم ایله دوم من سید بطحا کیمین
یا علی دیلده قیام ایتدوم آنام زهرا کیمین
یوز دولاندیردوم یزیده غیضیلن سقا کیمین
گوز تیکوب اهل جفا گورّم سنون پاداشیوه
اذنیم اولسا قصریوی الان چویرّم باشیوه

آند اولا معراجه عزم ایتموش بابام پیغمبره
آند اولا عصمت گولی زهرای پام و اطهره
آند اولا سقای طفلانه کسیلموش اللره
دورمارام ساکت جهانه ولوله ساللام یزید
هر نقدری قان به نا حق توکموسوز آللام یزید

حیف اولا دست قضا تقدیریلن با هم اولوب
خون دل گوز کاسه سینده اشکیله مدغم اولوب
قامتیم چوگانه دونموش ظلم الیندن خم اولوب
ایلرم قبرون کنارینده روان گوز یاشیمی
گل باشیم اوسته ئولن گون سر فراز ایت باشیمی

• چهارشنبه
• 8
• اردیبهشت
• 1400
• ساعت
• 17:09
• نوشته شده توسط
• یوسف اکبری

ای دشت غمده قانینه غلطان حسینیم
زینب بو توزلی قبریوه قربان حسینیم

سن باش وئروب بو چولده مقصوده چاتوبسان
عطشان یارالی قبریده قارداش یاتوبسان
سویله گوروم آیا منی گوزدن آتوبسان
گل بیر دیله منلن دانیش بیرآن حسینیم

کوچ ایلینده کربلادن شامه قارداش
دوشدوم کمند قوم بدفرجامه قارداش
عمروم یتیشدی آز قالا اتمامه قارداش
تا جسمیوی گوردوم قالوب عریان حسینیم

باشون جدایه ووردی تا شمر ستمگر
آزقالدی ئولدورسون ئوزون آل پیمبر
ایوای بابام وای سسلدی قیزلار مکرر
زنجیره چکدوقجا او بی ایمان حسینیم

تا کربلا ظلمی یتوب پایانه قارداش
جبریله میندوخ ناقه عریانه قارداش
جانه یتیشدوخ آند اولا قرآنه قارداش
یوللاردا چوخ ووردی بیزی عدوان حسینیم

تا کوفۀ ویران منه اولدی نمایان
سالدیم اشاقه باشیمی اولدوم پریشان
بیر لحظه تاپدیم تازه دن من آیری بیر جان
گوردوم اوخورسان نیزده قرآن حسینیم

قارداش باجی اول شهریده اود تک آلیشدوخ
قرآنه خاطر نطق ائدوب باهم دانیشدوخ
سن نیزه ده من ناقه ده قارداش چالیشدوخ
ظلم آشیانون ایلدوخ ویران حسینیم

تا سن دانیشدون ایلدون قرآنی احیا
منده یزیدی ایلدیم عالمده رسوا
حشره کیمی بیز ایلدوخ اسلامی برپا
دینه گرک امداد اولا هرآن حسینیم

شامه کیمی پروانه تک اودلاردا یاندیم
دوزدوم اگرچه ووردولار قانه بویاندیم
اما او اوچ ساعت که اول یرده دایاندیم
قلبیم اولوب اول وقتیدن سوزان حسینیم

دوشدی یولوم بیر مجلس ایچره ای یارالی
سالدیم اشاقه باشیمی اما حیالی
الله دئدیم ای کاش ئولم زهرا مثالی
تا وورمیه زخم زبان دونان حسینیم

ائتدی یزید دون بیزه قارداش شمادت
مست اولدی گوتدی خیزران اول پست فطرت
طشت طلاده باشیوه ائتدی جسارت
اولاد طاهانی ائدوب لرزان حسینیم

ووردی دوباره لبلرون قانیله دولدی
اهل و عیالون غنچه تک اول یرده سولدی
ئولدوردی قیزلار ئوزلرون بیر محشر اولدی
آز قالدی یانسون عالم امکان حسینیم

اول پست و دون بیر ظلم ائدوب آل ترابه
سالدی او گوندن زینبی آیری عذابه
وئردی بیزه مسکن اولوب کنج خرابه
حشره کیمی اولماز ایله زندان حسینیم

اول محبس ایچره بیزلره اولدی قیامت
شام اهلی هر گون ایلدی طعن و شمادت
بیر نصف شب گلدی باشون ائتجاق زیارت
ائتدی رقیه جان سنه قربان حسینیم

قارداش توکور گوزیاشینی « شیدا » عذاره
چوخ گویلی ایستیر یوز قویا بو گل مزاره
لطف ایله بیر وقفه گلوب اولسون دوباره
کرب و بلاده قبریوه مهمان حسینیم

• جمعه
• 8
• مرداد
• 1400
• ساعت
• 11:45
• نوشته شده توسط
• یوسف اکبری

آچ گوزون زینبین قراری
شامدن گلدی غم فطاری
صرصر ظلمیله حسین جان
سولدی گل مثلی گلعذاری
آغلارام ظلمیله قانا باتماقیوا
تشنه لب قبریده اخا یاتماقیوا
حسین قارداش حسین قارداش

شامدن غملرین آناسی
گلدی ای دین حق فداسی
توزلی قبرونده وار حسین جان
عالمین دردینون دواسی
نور چشم رسول خاتم گوزون آچ
دردمندم طبیب عالم گوزون آچ
حسین قارداش حسین قارداش

شکر اولا حی کردگاره
قسمت اولدی بودلفگاره
آلتی گوشه مزارون اوسته
گلمیشم ایمدی آه و زاره
دوندریب قانه فرقتون گوزیاشیمی
درد عشقون سالوب بلایه باشیمی
حسین قارداش حسین قارداش

قلبیمی محنت وغم آلدی
ظلم الی باشه قاره سالدی
شامیده فاطمه نشانی
کنج ویرانسراده قالدی
معجرین ایلدیم کفن یاندیم حسین
قبره قویدوم اونی الولاندیم حسین
حسین قارداش ‌ حسین قارداش

یارلی باشوی گورنده
قالمیوب طاقتی بدنده
کهربایه دونوب جمالی
گل نجه کی سولار چمنده
سیل غم وئرمدی امان گوزیاشینا
نیمه شب باشوون دولاندی باشینا
حسین قارداش حسین قارداش

• شنبه
• 9
• مرداد
• 1400
• ساعت
• 12:58
• نوشته شده توسط
• یوسف اکبری

آچ گــوزون زینبین قــراری
شــامدن گلدی غم قطــاری
صرصر ظلمیله حسین جان
سولدی گل مثلی گلعــذاری
آغلارام ظلمیله قانا باتماقیوا
تشنه لب قبریده اخایاتماقیوا
حسین قارداش حسین قارداش

شــامدن غملــــرین آنــاسی
گلدی ای دین حق فـــداسی
توزلی قبرونده وارحسین جان
عالمــــین دردینــــون دواسی
نور چشم رسول خاتم گوزون آچ
دردمندم طبیب عالم گوزون آچ
حسین قارداش حسین قارداش

آلتی گــــوشه مزاره قـربان
یاره لی قــلب زاره قـــربان
اوخ بیچن حلقــینی ستمله
اصغـــر شیــرخواره قــربان
یاره باشی ذبح اولان شـاه زمن
یاندیریب قلب زاریمی اهل فتن
حسین قارداش حسین قارداش

شکــــــر اولا حی کردگاره
قسمت اولدی بودلفـــگاره
آلتی گوشه مزارون اوسته
گلـــمیشم ایمدی آه و زاره
دوندریب قانه فرقتون گوزیاشیمی
درد عشقون سالوب بلایه باشیمی
حسین قارداش حسین قارداش

قلبیمی محنت وغم آلــدی
ظلم الی باشه قاره سالدی
شامیـــده فـــاطمه نشانی
کنـــج ویرانســــراده قالدی
معجرین ایلدیم کفن یاندیم حسین
قبره قویدوم اونی الولاندیم حسین
حسین قارداش ‌ حسین قارداش

یارلـــی بـاشوی گـــورنده
قالمـــیوب طـاقتی بدنده
کهـربـایه دونوب جمـــالی
گل نجه کی سولار چمنده
سیل غم وئرمدی امان گوزیاشینا
نیمه شب باشوون دولاندی باشینا
حسین قارداش حسین قارداش

• یکشنبه
• 10
• مرداد
• 1400
• ساعت
• 14:47
• نوشته شده توسط
• یوسف اکبری

ای فاطمه مارالی ای وای حسینیم ای وای
گلدی باجین عزالی ای وای حسینیم وای

دور قبرین اوسته گلدی شوقیله غم قطاری
عزم ایلیوب اسیران کرب و بلایه ساری
ای کاش گوروم ئولونجک اول صحن با وقاری
یوخ زینبون مجالی ای وای حسینیم ای وای

چیخدیم مسیر عشقه, عشقونله پا پیاده
یثربده کی جلالیم یولدا دوشوبدی یاده
چوخ یورقونیدیم اما ائتدیم ولی اراده
دیندیر بو خسته حالی ای وای حسینیم ای وای

قلبیم یانیردی نار هجران و غربتیله
الچاق اوجا مسیری گلدیم نه زحمتیله
دیللر اسوردی گاهی شوق زیارتیله
سن معرفت کمالی ای وای حسینیم ای وای

گون گر دوتولسا ناگه اولدوز سماده یانماز
هیچ باجی من تک الله اواره چولده قالماز
مین یول ئولوب دیریلسم درد و غمیم آزالماز
ای زینبون هلالی ای وای حسینیم ای وای

من تابع و مرید دستور عشقین اولدوم
عشاق ایچینده گزدیم درگیر عشقین اولدوم
سن عشقیدن دانیشدین , تفسیر عشقین اولدوم
یوخ عشقیوین مثالی ای وای حسینیم ای وای

بیر دسته خسته جیران زوار سنه گتیردیم
بلبلری حسین جان بو گلشنه گتیردیم
اصغر اناسین اخر بو مدفنه گتیردیم
پوزدی خزان جلالی ای وای حسینیم ای وای

دوزدی که بعد غارت یانمیش خیمده قالدیم
پیراهنون عزیزیم عدوان الیندن آلدیم
من محمله حسینیم عفو ایله باشی چالدیم
گلدیم باشی یارالی ای وای حسینیم ای وای

بیر غنچه تازه اچمیش گل قالدی گلستاندا
سسلوردی گل باباجان نصف گجه یاتاندا
گاهی دیردی عمه قالدی بابام هایاندا؟
دیلده قالوب سوالی ای وای حسینیم ای وای

اوچ سنیده رقیه اماج غارت اولدی
قانلی دوداقین ئوپدی مشتاق وصلت اولدی
یومدی گوزون او لحظه جان وئردی راحت اولدی
یاتدی حرم غزالی ای وای حسینیم ای وای

قرخ گوندی یابن زهرا گلمور سسون قولاقه
ایله نظر یارالی بو غمکش فراقه
دور اربعین اولوبدی خوش گلدین ائت قوناقه
ای مدفنی صفالی ای وای حسینیم ای وای

عکسین تجسم ائتمک بو قلب زاری داغلار
گوررم رباب سو اوسته اشگین عذاره باغلار
گوی اغلیوم دویونجاخ قارداشه باجی اغلار
دوشدون ندن آرالی ای وای حسینیم ای وای

باخ اربعین حسینیم دیدار امت اولدی
ایثار و جانفشانین الگوی غیرت اولدی
مولا "خدایی" اخر بو ایلده حسرت اولدی
وار کربلا خیالی ای وای حسینیم ای وای

• جمعه
• 15
• مرداد
• 1400
• ساعت
• 19:49
• نوشته شده توسط
• یوسف اکبری

گلدی قطار محن قبریوه مهمان بابا
چیخ یولا بیزدن قاباق چاتدی اسیران بابا

اربعین چاتدی زائرلرین
دور گلدی غملی بلبل لرین

اول صحبت بابا واردی درودیم سنه
خلعتیم اولسون الان غملی سرودیم سنه
رنج سفردن دئسم یوخدی شهودیم سنه
ایلمرم دیل سوزون من سنه عنوان بابا

اربعین چاتدی زائر لرین
دور گلدی غملی بلبل لرین

من قیزوام بوسه وئر سویله سکینه بالا
چک الیوی باشیمه گوی اورگیم رام اولا
راضی اولارسان گوزوم ابری کیمی هی دولا؟
گورممیشن سن بیزی گوزلری گریان بابا

اربعین چاتدی زائر لرین
دور گلدی غملی بلبل لرین

ایریلیقین غصه سین چکدی اسیر قیزلارین
آخدی خسوفه گوره شعشه لی اولدوزلارین
چوخ قوجالوبلار بابا اخر اوغولسوزلارین
خم ایلدی قامتی دوری و هجران بابا

اربعین چاتدی زائر لرین
دور گلدی غملی بلبل لرین

منزل ویرانه نی ائتدی رقیه مقام
گوزلدی یولاریوی توزلی سراده مدام
سویلدی باجی مگر گلمیجکدی بابام؟
آغلادی من آغلادیم اول گل خندان بابا

اربعین چاتدی زائر لرین
دور گلدی غملی بلبل لرین

گلمیشم ایندی سنه رنج سفردن دیوم
اهل جفادن دیوم ؟ هانسی خبردن دیوم؟
نازلی قیزیندان و یا یاره لی سردن دیوم؟
چوخدی سوزوم ایلیر قلبوی سوزان بابا

اربعین چاتدی زائر لرین
دور گلدی غملی بلبل لرین

جمع پریشانیده اوغلی ئولن آغلیور
یا بالاسین باشینی نیده گورن آغلیور
قلبی سینان سیزلیور غصه چکن آغلیور
هانسی بلادن دیوم؟گر اولا امکان بابا

اربعین چاتدی زائر لرین
دور گلدی غملی بلبل لرین

دام بلادن قاچان قمرلرین خسته دی
بیر سوزه خاطر اورک ایندیده بشکسته دی
قیزلاریوی چوخلاری اوردا کنیز ایستدی
کوفه نین اهلینده یوخ ذره ای ایمان بابا

اربعین چاتدی زا ئر لر ین
دور گلدی غملی بلبل لرین

نهره ساری ایستیرم قصد زیارت ائدم
قولسوز علمداریلن آزجانا خلوت ائدم
بغض گلو اینجیدیر تا که شکایت ائدم
قویدی ندن بیزلری بی سر و سامان بابا

اربعین چاتدی زائر لرین
دور گلدی غملی بلبل لرین

من سنه ای باغبان آغلاماسام نیلیوم؟
قلب جهانی الان داغلاماسام نیلیوم؟
تربتیوی یادگار ساخلاماسام نیلیوم؟
نوحه "خدایی"دیوب سن ائله احسان بابا

اربعین چاتدی زائر لرین
دور گلدی غملی بلبل لرین

• جمعه
• 15
• مرداد
• 1400
• ساعت
• 19:53
• نوشته شده توسط
• یوسف اکبری

قارداش
حسین حسین حسین حسین جان
بوآلتی گوشه قبره قربان
غمونده قلبی داغلی زینب
مزاریوه گلیبدی مهمان
حسین حسین حسینیم ایوای

قارداش
اسفلی حاله قالمیشام من
مثال گل سارالمیشام من
بساط ظلمه شامیده گور
حسین شراره سالمیشام من

قارداش
بو غصه لی منایه گلدیم
بلالی نینوایه گلدیم
اوررگی داغلی قد خمیده
دوباره کربلایه گلدیم

قارداش
بو چولده محشر اولدی برپا
ترابه دوشدی تشنه سقا
سنیده قتلگهده تاپدیم
باشیوی کسمیشیدی اعدا

قارداش
وزیر باوفا نجولدی
شبیه مصطفی نجولدی
اون اوچ یاشیندا تشنه قاسم
عزیز مجتبی نجولدی

قارداش
باجون نواوزاره گلدی
اورکده مین شراره گلدی
یادیمدادی خیامه اصغر
اوگون بوغازی یاره گلدی

قارداش
خزان یلی اسنده گوردوم
سولان گلی چمنده گوردوم
باشیوی تشنه لب قفادن
او شمردون کسنده گوردوم

قارداش
دینن رقیم هاردا قالدی
کمنده کیم بالامی سالدی
دیوم اوقدری قمچی دیدی
که یاره لر توانین آلدی

قارداش
وارعارفون شرر دمینده
یانور گجه گونوز غمینده
دیور نولاردی کربلاده
آقا اولیدیم اربعینده

• یکشنبه
• 17
• مرداد
• 1400
• ساعت
• 12:24
• نوشته شده توسط
• یوسف اکبری

سلام اولا سنه ای شاه کم سپاه حسین
گلوبدی زینب بی یار و بی پناه حسین

تاپوب نجات گلوب عترتون زیارتیوه
قویوبدولار نجه گور یوزلرینی تربتیوه

سکینه منزل بی سقفی ایلدی مأوا
داخی گلنمدی بول شمردن ائدوب پروا

اونون حکایتینه یوخدور احتیاج بیان
نلر چکوبدی عدودن بیلورسن اول نالان

اؤزون او نصف شبی که خرابیه گلدون
سنه یتیمه قزون غملرین دیَه گلدون

قوری یر اوسته یاتوب گوردون اول ستم زده نی
او حالینه بیله که آغلادوردی هر گوره نی

نه سؤز دئمیشدون او نالانه حال رؤیاده
اویاندی چون یوخودان گلدی ناله و داده

بابا بابا دیوب اُول قدری هر یانا قاچدی
تاپانمادی سنی ویرانه دن باشین آچدی

یولوب توکردی یره باشنون توکین باشدان
خرابه نون بویادی توپراقینی قان یاشدان

حسین یارالی باشون چون اورا طبقده گلوب
باشوی سینه سنه باسدی ناله سی گوده لوب

ایکی الیله یاپشدوردی باشوی دؤشینه
ادامه وئردی دوباره فغان و ناله سینه

سوؤندوگوندن اوچوب هوش او شیرین دیلدن
باشون دوشنده یخلدی یره دوشوب دیلدن

وئرنده جانینی احوالی دوشدی تغییره
دولاندیروب گوزینی هی باخاردی زنجیره

ایکی مقامده بو قز الیمدن آلدی قرار
او محنته اؤرگیم یادیمه دوشنده یانار

بیری اودور دئدی عمه واریمدی گیزلین سوز
ائشیده نون قولاقنا چو تیغ کسکین سوز

قولاقیمه دایادی آغزینی دئدی عمه
میسّر اولسا منه وئر طعام بیر لقمه

اؤزون بیلورسن ای عمه نچه گونوزدور آجام
خرابه یرده دلیمه که دگمیوبدی طعام

گره لنوب اؤرگیمون باشندا بو دردی
او شاهزاده خانم قز گُرسنه جان وئردی

بیریده غسلنه حاضر اولاندا غسّاله
گرک ئولونجه حسین آغلیام بو احواله

او قاره کوینگی غسّاله چکدی پارچالادی
دئدی بو طفل نه بیچاره بینوا بالادی

یتیمدور گورورم رنگی غصّه دن سارالوب
ولی سبب نَدی یول یول بو گول بدن قارالوب

بو تازیانه و ضرب و شکنجه نون یریدور
جفا چکوب اریوب بیر سوموکدی بیر دریدور

ایاقی آبله دور رنج راه علامتی وار
پیاده یول یریماخ طفلیله نه نسبتی وار

بو ظُلمی هر کیم ائدوبدور یوزی قرا اولسون
ایکی جهاندا اونون خانه سی فنا اولسون

خانم سنی وئرورم جان اکبره سوگند
زیارتونله ایله «یحیوینی» سن خرسند

• دوشنبه
• 18
• مرداد
• 1400
• ساعت
• 12:02
• نوشته شده توسط
• یوسف اکبری

به لطف مولا کربلا یه گلدیم
بو سرزمین با صفایه گلدیم
عزیز زهرا صاحب کرم
بو اربعینده ایسته دین گلم
عنایت ایدین خجالت ایدین که دعوت ایدین
یا مولا مولا یا حسین مدد ۴بار

نجفدن آلدیم من جواز دعوت
بو اربعینده اولمادیم خجالت
عنایت ایدی صاحب کرامت
عزیز زهرا صاحب کرم
بواربعینده ایسته دین گلم
عنایت ایدین خجالت ایدین که دعوت ایدین
یا مولا مولا یا حسین مدد ۴بار

پیاده دوشدوم یولارا حسین جان
واریمدی حاجت یاور محبان
ایدوبدی عشقین قلبیلرده طوفان
عزیز زهرا صاحب کرم
بو اربعینده ایسته دین گلم
عنایت ایدین خجالت ایدین که دعوت ایدین
یا مولا مولا یا حسین مدد ۴بار

واریمدی حاجت صادقانه گلدیم
یولا دوشوب من بی بهانه گلدیم
توسل ایتدیم عاشقانه گلدیم
عزیز زهرا صاحب کرم
بو اربعینده ایسته دین گلم
عنایت ایدین خجالت ایدین که دعوت ایدین
یا مولا مولا یا حسین مدد ۴بار

اولوب حسین جان نحضتین جهانی
عزیز ایدیب حق سید جنانی
دیله سالوبدی عشق کربلا نی
عزیز زهرا صاحب کرم
بواربعینده ایسته دین گلم
عنایت ایدین خجالت ایدین که دعوت ایدین
یا مولا مولا یا حسین مدد ۴بار

گلور بو یردن جنتین صفاسی
بو کربلا نین واردی چوخ بلاسی
چخوبدی عرشه شیعه لر نواسی
عزیز زهرا صاحب کرم
بواربعینده ایسته دین گلم
عنایت ایدین خجالت ایدین که دعوت ایدین
یا مولا مولا یا حسین مدد ۴بار

• چهارشنبه
• 20
• مرداد
• 1400
• ساعت
• 17:57
• نوشته شده توسط
• یوسف اکبری

شاماتیده سالدیم باشا سودای زیارت
بیر قافله گَتدیم هامی ارباب محبّت

دور قافله ی عشقیدی اعزاز ایله قارداش
هیهات بو زوّار اولا پیشواز ایله قارداش

قبرون نچه مدّتدی باشیمدِیدی هواسی
هر شام و سحر نی کیمی دلدِیدی نواسی
بوردِیدی بُولوردوم هامونین درده دواسی
بو قانه دونن گوگلومه لطف ایله صفا وئر
بیماریوم آخِر منه دور خاک شِفا وئر

یالقوز نه فقط زینب مظلومه دی بیمار
بیماریدی هر قدر منه همره اولان وار
بیر قافله بیماریوه بیمار پرستار
بیمار سنون ، درد سنون چاره سنوندور
بو جمع پریشان دل و آواره سنوندور

ای قبری سالان حیرته هر قلب سلیمی
محو ایلین انوارینه مین لرله کلیمی
اعلام ایلین قدرت خلّاق علیمی
بو نور اوجالان قبر مگر طوریدی قارداش
نه تک منه ، عالم لره منظوریدی قارداش

ای مرقد شش گوشه سی عالمده یگانه
عطری یارادان حسرت دل عطر جنانه
غبطه آپارور عرش خدا قبریوه یا نه
عرشین هانی شأنینده بئله رفعت اولِیدی
سن کشته ی عشقه دولانوب تربت اولِیدی

عشق اوسته یاراتموش سنی خلّاق محبّت
تک عشقیدی یالقوز سنه آب و گِل خلقت
سنسن گر اولا جوهره ی عشق و حقیقت
ای عشق و محبّت سر کویوندا مُلازم
سن اولمیه سن عشق و محبّت نَیه لازم

چوخلار قویوب عالمده قدم جاده ی عشقه
چوخلار اوزادوب همّت اَلین باده ی عشقه
تا رنجه قدم ایلدون آباده ی عشقه
عشق اوسته گیدن قافله دن جاده بوشالدی
قانلی لبِ لعلوندن ئوُپَن باده بوشالدی

هر ساغر غملر دولوسیدی باشا چکدون
عالمده اولان سر خطه خط بیر باشا چکدون
تا کعبه ی آمالیمیزی داغ داشا چکدون
بو کعبه ده اولاد خلیلون گوزی واردی
بیر آیدی که مین کعبه کیمی اولدوزی واردی

بو کعبه ی آمالیده ای غایت آمال
آمال برآورده دی ، مقبولیدی اعمال
ایّام طوافی شب و روز و مه و هر سال
مدفونی نه لازم دئیوله ذات خدادی
بسدور که زیاراتی زیارات خدادی

بیر رونقی وار روضه وین ای روضه ی رضوان
ای رونق بازاری جنان ، حوری و غلمان
مشتاقیدی بو روضیه خازن اولا رضوان
روضه ئنده سنون ای گُل گُلزار بهشتی
بی رونق اولار صحبت بازار بهشتی

دل مرده لری زنده ایدر نکهت قبرون
بیر تازه روان جانه ویرور نزهت قبرون
مین چشمه ی حیوانه دگر تربت قبرون
باشدان اَیاقا خونِ مقطّردی بو تربت
پیغمبرین عطریله معطّردی بو تربت

• جمعه
• 5
• شهریور
• 1400
• ساعت
• 22:52
• نوشته شده توسط
• یوسف اکبری

دور یاتما گلوب شامه گیدن قافله قارداش
هیهات باجون قبریوه بیرده گَله قارداش

مدّتدی منیم واریدی قلبیمده بو حسرت
بو قبرِ شریفون بیر اولییدی منه قسمت.
چوخ شکر ایدورم اولدی حسین یاخشی سعادت
مقصوده یتوب گَلدی مرامیم اَله قارداش

گوردوم بدنون شامه گئدنده من کولباش
عریان یارالی ، آخدی گوزومدن یوزه قان یاش
کیم قبر قازوب کیم کفن ائتدی سنه قارداش؟
کیم قبره قویوب زینبون ای کاش ئوله قارداش؟

هر قدر جفا یتدی دوزوب صبره چالیشدیم
آخیرده شرار ِ غمیله یاندیم آلیشدیم
صبریم کسیلوب کوفه ده محملده دانیشدیم
حقیّتون اثبات ائله دیم باطله قارداش

ظلم آتشینه کوفه ده یاندوخ ایکیمیزده.
بیر گونده همان شهری دولاندوخ ایکیمیزده
باشدان باجون ئولسون یارالاندوخ ایکیمیزده
سن نیزده من ناقه ده گلدوخ دیله قارداش

خولی گتوروب کینه ی دیرینه ظهوره
بیر باش کی او باش مصدریدی آیه ی نوره
شرم ایلمیوب قویدی کول اوستونده تنوره
گوردوم بلشوب قانلی جمالون کوله قارداش

مرجانه نین اوغلی دیل آچاندا من ِ زاره
ایلوردون اوزون حالتیمه اوردا نظاره
گوردون نجه ووردی یارالی قلبیمه یاره
رحم ایتمدی اصلا من ِ خونین دله قارداش

سِیر ایتماقا شاماتی گیچیب نیزیه باشون
ارکانِ سماواتی سالوب لرزیه باشون
برپا ائلدی دِیریده بیر تعزیه باشون
ارواحِ رسل گَلدی همان محفله قارداش

یوللاردا ائدن وقتیده هر بیر چولی مسکن
یغدیم باشما باشسیز عیالون او زمان من
رحلتده گَله قویمادیم اطرافینه دشمن
میندیردیم اوزوم قیزلاریوی محمله قارداش

قول باغلی بیزی چکلدیله دروازهء شامه
دوندی گونوزوم شامه گیرَن وقتیده شامه
اللرده دف و دایره چیخمیشدیلا بامه
بو حال گوروب زینبون ئولموب هله قارداش

قدّیم بوکولوب زولفوم آغاردی بو سفرده
شام اهلی گتوردی ولی چوخ قلبیمی درده
حالی سن اوزون من چکورم مطلبه پرده
وار لیک یزیدین ستمیندن گِله قارداش

بیر مجلسِ عشرت ایلدی شامیده چیده
امر ائتدی نماینده لره گلدیله دیده
قیزلار دیده گریان ، زینبیوون رنگی پریده
انصافیدی باخدوخجا فرنگی گوله قارداش؟

مجلس نجه مجلس نه دیوم شرم ائدورم من
طشت ایچره گوروردون یارالی باشویلن سن
اول مجلس شُربی ائلییوب باده مزّین
حسرتله باخوب عصرون امامی ایله قارداش

ویرانه ده یر ویردی بیزه آل امیّه
گُل تک سارالوب سولدی قیزون نازلی صفیّه
گوردون قوری یرده نجه جان ویردی رقیّه؟
یانّام من ئولونجه ایله بیر نسگله قارداش

جدّون اوزینه یازمیش (حسینی) سنی سرباز
آز یاز ، ولی جهد ایله یازان وقتیده سوز یاز
چوخ سوز یازیلار لیک بونون مثلی یازیلماز
دور یاتما گلوب شامه گیدن قافله قارداش

• یکشنبه
• 7
• شهریور
• 1400
• ساعت
• 23:20
• نوشته شده توسط
• یوسف اکبری

هیچ کیم منیم تک آتشِ هجرانه یانمادی
پَروانه ده بو نوعیله اودا دایانمادی

مجنون اگرچه کُوه و بیابانی گزدی چوخ
صَحرای عشقی لیک، بو قدری دولانمادی

مندن علاوه بیر باجینون روزگارده
قارداش قانیله زلفِ سیاهی بویانمادی

چوخ پادشاه غالب و مَغلوب اوُلوب ولی
هیچ پادشاهون اَهل و عیالی تالانمادی

قارداش ئولونجه زینبی بو درد یاندیرار
گُل جسموی مَزاره بو بیکس قویانمادی

چوخ نسگل اولدی زینبوه بو غم و اَلم
سن جان ویرنده گوزلریوی باغلیانمادی

چوخلار بو عشق دایره سینده قَدم ویروب
امّا جداده گُون کیمی باشی دولانمادی

شام اهلی شامیده دئدیلر خارجی بیزه
آلِ پیمبروخ دئدوخ هیچ کیم اِینانمادی

شِمر و سَنان جفاسی تمام اولدی شامیده
امّا یزید جور جفادن اوسانمادی

آلدی سرِ مطّهرون اوُل سَنگدل اَله
یاندوردی قلب عالمی، بیر قلبی یانمادی

اوُل لبلری که بوسه گهِ مُصطفا ئیدی
ووردی آغاج او لبلره هرگز اوتانمادی

خوابِ بقایه گیتدی رقیّه خرابه ده
هر نه فغان و نالیه گلدوخ اویانمادی

تَحریر اِیدردی بَزمِ یزیدین مصائبین
سوز بیر یِره یتشدی (تائب) یازانمادی

*ذهنی زاده

ياددان چخاندی شام غمی کربلا غمین
نازلی رقیّه مُحنتِ شامه دایانمادی

بیر نَصف شب خرابهء شام خرابی ده
توپراق لار اوُسته اِيستدی یاتسون یاتانمادی

اُپدوم یوزین دِئدیم بالا يات راحت اوُل بير آز
عرض ايلدی يوخی گوزیمه یول تاپانمادی

اوّلده هوش آپاردی بابام گلدی یانی مه
ایستوب منی قوجاقينه آلسون آلانمادی

گوردی وجوديمی يارالى تازیانه دن
اَحواليمه قان آغلادی گیتدی دایانمادی

من اِیستديم قاچام داليجا قوی میام گيده
نيلوم قابار اَياقلاریم عمّه قاچانمادی

روحيم قوشی پَر ایستوب آچا دامنين دوتا
سینمیش قَفسده حِیف پَر و بال آچانمادی

صبحه تك آغليوب سوزين اوُلدوز لارا دِئدی
سایدی آخان کَواکبی دردین سایانمادی

گلدون اوزون او نصفِ شبی گوردون آغلوری
هر دل دِئدون قان آغلاماقندان اوسانمادی

ایستردی دردینی یوزینه اَشگیله یازا
زلفی دوشوب، سیلردی سرشگی، یازانمادی

قويدى يوزین یوزیوه دوداقين دوداقوه
ياندی نقدر سسلديم اَصلا اویانمادی

تعقيب ايدوبدی (سائلِ) درباری کسرینی
(تائب) يانان کیمی دیمه اودلاره یانمادی

شادروانان شیخ اسماعیل تائب و ذهنی زاده

• یکشنبه
• 28
• شهریور
• 1400
• ساعت
• 15:13
• نوشته شده توسط
• یوسف اکبری

آپاردی شمر کوفه دن، دیار شامه زینبون
دوباره شامدن حسین، گلوب سلامه زینبون

بو کعبۀ وصالوی چوخ ائتدیم ایللّر آرزو
بو آرزوده ائتمه دیم بهشت و کوثر آرزو
هزار شکر کیم بوگون تمام اولوب هر آرزو
او قدر ئؤلمیوب، حسین یئتوب مرامه زینبون

بیر اربعین حسین آدی، حسین دیلیمده مشق دور
ئؤلونجه ترکین ائتمرم بو مشق درس عشق دور
دئدیم بو وردی بولمدیم حلب دی یا دمشق دور
بو ذکریلن ریاضتی یتوب تمامه زینبون

اگر چه شام محنتی عیاندی سر به سر سنه
دوباره عرض حال ائدم اولوری دردسر سنه
ولی اجازه وئر دئییم به وجه مختصر سنه
نه لر چکوبدی گورگیلن گئدنده شامه زینبون

دیار شامده باجون گؤروب چوخ ازدحام دور
او حالیدن عیالوون صباحی تیره شام دور
علاوه بی حیالرون نظامی بی نظام دور
حیالی قیزلارون او گون سالوب نظامه زینبون

هجوم ائدوب غم اوستومه، بلا آلیبدی دوره می
او گونكی گونده یوخ منه نه مونس و نه همدمی
بویاندان ائل شماتتی، اویاندان آیریلوق غمی
نه نوع گور دوام ائدوب بو ازدحامه زینبون

نظاره ائیلسن اگر گؤزومده قانلو یاشیمه
او قانلو باش دئیر منیم نه لر گلوبدی باشیمه
دئیم نولوب عزیزۀ بنات آل هاشمه
همین اولوب سفید مو، سیاه جامه زینبون

خطادی گر دئیم باجون بلای عشقه توش دور
سنون یولوندا هر بلا چکم، بو جانه نوش دور
بسان بلبل خزان بیر عمر دور خموش دور
یئتوب وصاله نطق آچوب، گلوب كلامه زینبون

مگر مکدّر اولموسان حسین، بو بی پناهدن
سوروش موسان باجون نه لر چکوبدی رنج راهدن
اگر چه یوخدی قاصدیم ولیک پیک آهدن
مکرّراً جنابوا یازوبدی نامه زینبون

(رضا) نه واردی زینبون آدیندا بولمرم مگر
گلنده اسمی مجلسه باتار غمه اولوالفكر
على الخصوص متصل چکر زبانه اود تؤكر
چکنده شرح حالینی بیانه خامه، زینبون

• یکشنبه
• 28
• شهریور
• 1400
• ساعت
• 15:23
• نوشته شده توسط
• یوسف اکبری

زَهرا قیزی آیریلدی مَزار شُهدادن
غم قافله سی دوشدی یولا کرب و بلادن

مَحملده سالوب باشلارینا قاره حَرمَلر
گئتدوق جا شتر زنگی حسین وای سسی سسلر

کُلثوم باسوب سینیه عبّاس عَلمینی
لِیلا آلوب آغوشه عَلینون کَفنینی

بیردن دئدی قزلار بی بی گُورسندی مَدینه
زینبده حسین پیرهنین آلدی اَلی نه

سسلندی او بیکس خانم اِی شِبه پیمبر
گَل عمّووی پیشواز ایله گلدیم علی اَکبر

غم قافله سی دوشدی بیابان آراسیندا
زینب اورگی لَجّهء طُوفان آراسیندا

مَحملدن اَنَن وقته او بانوی مُطهر
همیشه دوشوردردی عَلمدارِ دِلاور

بیر باخدی ساقا بیر صُولونا اوُلدی پَریشان
بس هاردا قالوبسان دئدی قُوللّاریوه قربان

سس وِئرمدی عَباس گُلوب سینه سی دَرده
اَندی یِره مَحملدن اوتوردی قُوری یِرده

اون یِدی جوانیله گِئدن وقتیده گِئتدیم
قُویدوم هاموسین تُوپراقا آواره قِیتدیم

ئوز شهرینه زوار چاتاندا اوُلی راحت
چاووش آچار پَرچمینی تا آلا خَلعت

چاووشِ علی اِبن حسین اِبن مُحمد
زحمت کش و سر قافلهء عترتِ اَحمد

بیر قاره علم آچدی نَواسی اوُجالاندی
تا گلدی سرا پَرده قباقی نده دایاندی

تُوپراقه ئوزون یخدی او چاووشِ مُحبت
زَهرا قیزی زینبدن او دَم اِیستدی خَلعت

سالدی اَشاقا باشین او خاتونِ قیامت
دنیا مالی یوخ گوردی خانم چَکدی خَجالت

سسلندی او غم دیده بَلالی باشیم اِی وای
اِی وای جَلالی پوزولان قارداشیم اِی وای

چون شامیده آلمیشدی خانم بیر نچه غارت
گوندردی همین غارتی چاووشی نه خَلعت

چاووش آلوب باخدی پَریشان اوُلوب اَحوال
قِیتردی او دَسمالی خانم زینبیه فی الحال

عَرض اِئتدی نه شمرم نه سَنانم سیزه قربان
اطفالِ حسینی اِیلیم ظلم یله تالان

دنیا مالی من اِیستمورم آلِ خدادن
لطف ایله اَگر اوُلسا لباسِ شُهدادن

من قَبره گِئدنده آپاروم مُوسمِ رِحلت
اوُلسون منه مَحشر گُونی اَسباب شَفاعت

تئز دوردی خانم گوزلرینون یاشینی توکدی
بیر تُحفه گوتوردی او همین بقچیه بُوکدی

گوندردی بَشیره دئدی چوخ دور اوُنا قیمت
آلدی اَله چَکدی گوزونه قیلدی زیارت

حس اِیلدی تیترور اوُرگی درده دوا دور
الله گوره سن هانسی لباسِ شُهدا دور

گوزدن توکُولوب یاش نِجه که بوقچانی آشدی
ناگه گوزی بیر قرمزی دَسماله ساتاشدی

رنگی ساری دور قرمزی قانه بویانوب دور
اَما اِیکی یِردن دَگوب اوخ پارچالانوب دور

هی باخدی توکُوب گوز یاشینی رَنگی سارالدی
گلدی او قَضایانی خانم دان خبر آلدی

حضرت دِئدی باخسون تانی نور اوخ یاراسیندان
آلدیم اونی شِشماهه بالانون آناسیندان

(منعم) دور آدیم عَرصهء ماتم چَمنیم دور
هر یِرده حسین وای سسی گلسه وَطنیم دور

بو قاره نَقدری دِیریّم پیرهنیم دور
ئولسمده آغیر داشلارون آلتدا کَفنیم دور

• یکشنبه
• 28
• شهریور
• 1400
• ساعت
• 17:04
• نوشته شده توسط
• یوسف اکبری

اربعین گلدی عزا گلدی بابا
گزلارون دیلده نوا گلدی بابا
گوزون آچ حضرت زهرایه گوره
باشیما گور نه بلا گلدی بابا

جواب

خوش گلوبسن اورگی یاره قیزیم
قوی قدم لاله لی گلزاره قیزیم
اربعین زائری سن دوش قباقا
وئر نشان قبریمی زواره قیزیم

سوال

بابا جان آیلریقین یوردی منی
ساربان چولده دولاندیردی منی
شمره خوش گلمدی هئچ آغلاماقیم
من حسین وای دئدیم او وردی منی

جواب

گوزلیم باخبرم محنتیوه
عالم آغلار پوزولان حالتیوه
یوزیوه سیلی دگوب فاطمه تک
الیوی قوی گُورن صورتیوه

سوال

بابا قربانون اولوم دور ایاقا
من قوناقم ائله حرمت قوناقا
زحمتیم یوخ بابا سو ایستمورم
گلمیشم من یاراوی باغلاماقا

جواب

گوزلیم اوستومه تورپاق توکولوب
غم عباسیده قدیم بوکولوب
یارامی باغلاماقا فکر ائلمه
اورگیم اوچ پر اوخیلا سوکولوب

سوال

بابا داغون دل مضطرده قالوب
من یتیمم گوزوم اکبرده قالوب
یوسف فاطمه گل نطقه گوروم
نیه بس کوینگون اللرده قالوب

جواب

قلبیمی تیر بلا اویدی بالا
کوفیان کوینگیمی سویدی بالا
سیز گئدندن صورا صدیقه آنام
یاراما گلدی دوا قویدی بالا

• شنبه
• 3
• مهر
• 1400
• ساعت
• 14:24
• نوشته شده توسط
• یوسف اکبری