اشعار ویژه اربعین

شامیدن گلدیم حسین جان قبریوون دیدارینه
دور نظر قیل زینبون بو دیده خون بارینه
یورقونام قارداش حسین
پوزقونام قارداش حسین
.
.
بیر بولوک یورغون ملر آهو گتیردیم قبریوه
بیر خمیده قامت آق گیسو گتیردیم قبریوه
لب لرین عطشاندی بیلدیم سو گتیردیم قبریوه
آگهم قارداش حسین قلبینده هر اسرارینه
.
.
عترتین دوتسون سنه ماتم گتیردی زینبون
برگ گولده قبریوه شبنم گتیردی زینبون
یاره وه گوز یاشلارین مرهم گتیردی زینبون
باخ حسین جان زینبون گوزدن آخان شهوارینه
.
.
شامیده چوخ چکمیشم درد و ملامت گلمیشم
اولمویوب هرچند گر قارداش سلامت گلمیشم
حیف اولا اما رقیندن خجالت گلمیشم
ممکون اولسا دور یئتیش بیر قیزلارین آمارینه
.
.
بیر گ

• سه شنبه
• 30
• مهر
• 1398
• ساعت
• 18:10
• نوشته شده توسط
• ابوالفضل عابدی پور

سالیبدی لنگه فلک روزگاری قیرخ گوندی
ویریبدی ظلمه ندن اعتباری قیرخ گوندی
قویوبدی یارینه حسرت نگاری قیرخ گوندی
ائدیبدی قلبیمی غملر دچاری قیرخ گوندی
خزانه دوندریب آخر بهاری قیرخ گوندی

واریدی بیرگونی گلشنده گوللرین اثری
باخاندا مست الیردی هواسی رهگذری
بوعالی منظره دن یوخدی هیچ کیمین خبری
دگردی جنت الاعلایه تکجه صود امری
پوزوبدی حیف اولا ظلمین قراری قیرخ گوندی

باتیبدی صحن گلستاندا باغبان قانینا
یخیبلا قانلی عباده سولان گولین یانینا
اوقدری یاره دگیبدی او بینوا جانینا
محالیدور که قیامتده چهره دن تانینا
ویریبدی بیر بیره بو حال زاری قیرخ گوندی

صفای گلشنه باخ عمق ذهنیدن ده بلی
ویریبدی غملی بوتندیسه عشقی غیرت الی
شمادت ایتمه گورنلر گر اولسا اوردا دلی
سو اوسته جان ویریب آلله نه چوخ سوسوزدی ولی
قالیبدی قانلی علم یادگاری قیرخ گوندی

نه نوعیلن دانیشیم گوللر اوردا تاپدالانوب
و یا کی خیمه لره واقعه ده اود قالانوب
حریم عشقه باخون گور نه قدری قان جالانوب
دگیبدی اوخ هدفه باشدا سینیب پارچالانوب
یانیبدی غملره غملر دیاری قیرخ گوندی

• دوشنبه
• 12
• آبان
• 1399
• ساعت
• 23:08
• نوشته شده توسط
• یوسف اکبری

یتیشدی خسته کاروان یارالی قارداشیم اویان

شکسته بسته ناتوان یارالی قارداشیم اویان

دایانمیشام اسارته غمیم یتوب نهایته

بو آلتی گوشه قبریوه باجون گلوب زیارته

باشیمدا قاره گلمیشم اورکده یاره گلمیشم

حسین بو چاره سیز لره دور ایله چاره گلمیشم

بوکولدی سرو قامتیم سارالدی سولدی صورتیم

یامان گونه قالوب باجون گیدوب جلال و عزتیم

جفالرده دایانمشام غم آتشینده یانمشام

باشون دالیجا دوشمیشم نه شهرلر دولانمیشام

آمان دیار کوفه دن نه چکمیشم دیوم نه دن

قولومدا ایپ باشیم آچوخ شمادت ایتدی هر گلن

قان اولدی گوزلریمده یاش آتان زمان باشیوا داش

حمایت ایلینمدیم سیزیلدادیم یاواش یاواش

سوروشما سوگلیم هانی دئمه شیرین دیلیم هانی

قونان سینان بوداقیمه رقیه بلبلیم هانی

گلنمدی نزاریدی مریض دلفکاریدی

دئدی ایاقلاشانمارام ایاقلاریم قاباریدی

بئلیم بوکولدی شامیده ائویم توکولدی شامیده

خرابه ده شیرین زبان رقیم ئولدی شامیده

بو مرقد مطهرون بو داغدیده خواهرون

بو سن بو قانلی کوینگون بو باغری قان حرملرون

کریمی ام سخنورم بو خاندانه نوکرم

آقام حسین زیارتین بهشتیدن چوخ ایسترم

• سه شنبه
• 13
• آبان
• 1399
• ساعت
• 13:21
• نوشته شده توسط
• یوسف اکبری

من زینبیم یاحسین
قلبیم دولی شور و شین
گلدیم دوتام یاسیوی
حسینیم

گلدیم حسین وای دیم
اصغره لایلای دیم
اوخشیام عباسیوی
حسینیم

ای شهریاریم حسین
دار و نداریم حسین2

دلدن دوشن زینبم
یورقون بدن زینبم
دور سرفراز ائت منی
حسینیم

زوّاری گتدیم حسین
قیزلاری گتدیم حسین
دور پیشِواز ائت منی
حسینیم

ای شهریاریم حسین
دار و نداریم حسین2

قلبیم دونیبدور قانا
قالمیشام یانا یانا
گوزیاشیمی توکمیشم
حسینیم

ئولدی رقیه بالان
اولمادی کفن آلان
معجرینه بوکمیشم
حسینیم

ای شهریاریم حسین
دار و نداریم حسین2

جنّتدی قبرون منه
قرباندی جانیم سنه
سن سن بهشتیم منیم
حسینیم

قارداشلاریم گئتدیلر
زینبی ترک ائتدیلر
بو سرنوشتیم منیم
حسینیم

ای شهریاریم حسین
دار و نداریم حسین2

• پنج شنبه
• 22
• آبان
• 1399
• ساعت
• 18:06
• نوشته شده توسط
• یوسف اکبری

ای پسر فاطمه سالار دین
آمدم از شام در این اربعین
ناله کنان مویه کنان دل غمین
دور سورش احوالیمی زواریوام
زینب مظلومه عزاداریوام

عده ای شوریده سر آورده ام
بی پسر و خونجگر آورده ام
بر سر قبر پسر آورده ام
امر ایله عباسه سرافراز ایده
پرچم الینده بیزی پیشواز ایده

همهمه شام بپایان رسید
جان بلب آمد بر جانان رسید
بهر عزا جمع نواخوان رسید
بیر قزا ویرانه اولوبدی وطن
قبره قویوب کوینگین ایتدیم کفن

ای پسر فاطمه مولای من
بیتو به یثرب برسد پای من
وای من وای من وای من
لیلی دی بو اکبریم ایوای دیور
گور نه رباب اصغره لایلای دیور

خاطره مجلس ابن زیاد
می نرود تا دم مرگم زیاد
از سخنم کینه وی شد زیاد
خنجر اله آلدی اوزین بیلدیره
حمله ور اولدی باجوی ئولدوره

کوفه شد از نور رخت رشگ طور
داشتی از چهره ز خاک تنور
گشت عیان معنى الله نور
محنت اودیله فلکی داغلارام
آلام اله کوینگوی آغلارام

• دوشنبه
• 26
• آبان
• 1399
• ساعت
• 11:08
• نوشته شده توسط
• یوسف اکبری

به سبک(ییخیلوب عباسیم...)

فارسی

گُل خوشبوی من
شهید عطشانم
ز شهر شام آمد
عزادارانت

سر قبر پاکت
مثال قمری ها
سرود غم دارند
به لب طفلانت

همه سر بر شانه
ملول و مستانه
ز شمع و پروانه
تو را می پرسند

نظری بر زینب
بکن ای خوش منصب
که جان رنجورم
شود قربانت

واویلا واویلا (3) آه و واویلا

گل آغوش من
به جانم زد آتش
شبانه در کنجِ
خرابه پژمرد

به لب شیرینش
سرود لالائی
مثال عاشق ها
ز هجران افسرد

به خیالت آید
برادر جان شاید
که از من بی مهری
بدید و رنجید

سبب مرگ آن
سه ساله زهرایم
کتک هایی شد که
ز دشمن می خورد

واویلا واویلا (3) آه و واویلا

#ترکی

گوزون آچ آی قارداش
قوناقون وار یاتما
اوزاق یولدان خسته
گلور زوّارون

دوه لر اوستونده
ویریبلر باش باشه
سنه لای لای دئیلر
گوزل قیزلارون

واویلا واویلا (3) آه و واویلا

نه گوزل قبرون وار
گوزوم قربان اولسون
عطیرلی گوللردن
دولوب گلزارون

داغیلوب صحرایه
گوزل گوللر مثلی
ئوپوللر توپراقی
گلن قزلارون

آچیلوب قوللاردان
اسارت زنجیری
دینده وای قارداش
ووران یوخ قمچی

گوزون آیدین اولسون
علی اصغر قانین
آلوب قاتللردن
گلوب سردارون

واویلا واویلا (3) آه و واویلا

قره معجر باشدا
بیر عده زوّاروخ
ننم زهرا مثلی
سنه دلبسته

بالاجا قیزلارون
سینیق محمللرده
دوشوبلر طاقتدن
اولوبلار خسته

بو گوزل قوشلاری
گیدنده شاماته
ووروبلار یوللاردا
سالوبلار دیلدن

یارالی قمری تک
اودور که آی قارداش
صداسی قیزلارون
چیخور آهسته

واویلا واویلا (3) آه و واویلا

ایلدیم من رسوا
یزیدی قصرینده
دیدیم سنده رحم و
شرافت یوخدی

ایلدون اسلامه
خیانت جدّون تک
سنون رفتارونده
حقیقت یوخدی

قزاروب خشمیندن
دیدی قارداش سیز سان
یانور قلبون غمدن
علاجون یوخدی

او زمان بیلدیم من
شماتت بیر اوخدی
یاراسینا قارداش
طبابت یوخدی

واویلا واویلا (3) آه و واویلا

• دوشنبه
• 26
• آبان
• 1399
• ساعت
• 11:13
• نوشته شده توسط
• یوسف اکبری

به سبک(واردی باشیمدا یا حسین...)

بو آلتی گوشه قبریوین
اولوم فداسی یاحسین
حریم کعبه دن گوزل
دوشوب نماسی یاحسین

بیر آن سنون خیالیوی اینان باشیمدان آتمادیم
بلالی باشیمی حسین بیر آیری درده قاتمادیم
اویاق قالوب رقیه وی یاتیدمینجا یاتمادیم
روا دگول عهدیمون اولا خطاسی یاحسین

زمانه آیریلیق سالوب آنا بالا آراسینا
سینه ندن اصغری اویات ویراق رباب آناسینا
توکه سرشکی آلینی,بوغازدا اوخ یاراسینا
دوروب کناریدان باخور ,رباب آناسی یاحسین

سینیق کجاوه لرده من داغی داشی دولانمیشام
دوشنده باشیم اوسته گون,گون ایسی سینده یانمیشام
سالاندا سایه سین باشون جداده,دالدالانمیشام
اولوب اوسایه باشیمون غم آشناسی یا حسین

وفا یولوندا ن اشقیا عجب کناره چیخدیلار
آنام بتولی قلبینی سالوب فشاره سیخدیلار
ورا ورا اوشاقلارین چوخون یول اوسته ییخدیلار
اولنلرین کجاوده دوتولدی یاسی یا حسین

دولی بلوط کیمی گوزوم دیمه غمینده دولمادی
جهاندا آیریلیق گولی هزار حیف سولمادی
قوشا گلاخ زیارته بالان یانیمدا اولمادی
نقدریمیش زمانه نین منه جفاسی یاحسین

بالاوی دفن ایدن گجه اورک غمیله داغلادیم
یتیم اولان گجه م کیمی ,دیزیمی من قوجاقلادیم
سحر اولونجا قازدیقیم مزارین اوپدوم آغلادیم
گوزوم یاشیلا سونمدی اورک نواسی یاحسین

یازی یازان یازیب بیله یازیمدا,نسگل آغلیام
اودور بو باره دن ویریب منه یانان دل آغلیام
سنه بیر اربعین ندور,سزادی قیرخ ایل آغلیام
ولی چتین بو عمرومون اولاوفاسی یا حسین

صاقا صولا باخا باخا اوزومی من یتیرمیشم
ایتیک دالینجا گوز گزر,بوکلمه دوزدی بیلمیشم
گیدن زمان بو چولده من ایکی بالا ایتیرمیشم
دولانمامیش بو دشتی من,قالوب هاراسی یا حسین؟

• دوشنبه
• 26
• آبان
• 1399
• ساعت
• 11:18
• نوشته شده توسط
• یوسف اکبری

به سبک(صحرا صحرا دویده ام...)

گلدیم دیداروه حسین
زلفیم آغ قدی کمان
قبروندن پیشوازه چیخ
ای تشنه شاهیم اویان

غم قلبیمی دلدی حسین
غصه منه گلدی حسین
شش گوشه مزاره فدا
قبرون نه گوزلدی حسین

قارداش اویان اویان(۲)

رنج شامی دیوم حسین
یا کوفه درد و غمین
غم شعری یازدی قولارا
شلاق زجر لعین
دورَمْ خلوت اولیدی گر
ای شاه تشنه جگر
گورسیدون پیکریمده کی
قانلی غمچی اثرین

گلدی یارالی باجیلار
یوردی اولاری آجیلار
قوی قبرویی کعبه کیمین
اوپسون یورولان حاجیلار

قارداش اویان اویان (۲)

گلدی بی خانمان رباب
آلسون دردون قاداسین
لطف ائیله اصغری اویات
تا گورسون ئوز آناسین
اما باغلا بوغازینی
اوندان ویر مادرینه
ممکندی جان وئره رباب
گر گورسه اوخ یاراسین

صود سینه لرینده داشور
قلبی یانور هی آلیشور
اصغر دجگین دیلینه
گویا اونون اوت یاپیشور

قارداش اویان اویان (۲)

عف ائیله زینبی حسین
فاش اولدی غملی سوزیم
ئولدی زهرایه اوخشارون
دفن ائتدیم گلدیم اوزوم
تازه بیلدیم نه چکموسن
عباسوندان صورا سن
پرچم داریم ئولوب شهید
قبرینده قالدی گوزوم

ای کربوبلا حسنی
وی دشت بلا وطنی
قاره لچگیم یارالی
اولدی قیزوین کفنی

قارداش اویان اویان (۲)

نهر اوسته جسمی دوغرانان
آمال عشقه چاتوب
قولاری یوخ گوزونده اوخ
غیرتدن قانه باتوب
قبری سندن اوزاقدی چون
اصغردن چوخ اوتانور
باوئر ایله که ایندی ده
زارو شرمنده یاتوب

سرحلقهٔ صبرینه باخ
اسپهریوین ابرینه باخ
ای وای نقدر بیچیلوب
دور خیرداجا قبرینه باخ

قارداش اویان اویان (۲)

یا مذبوحاً من القفا
فی العرض کربوبلا
یا مولای المُکرّمین
انت سلطان الهدی
ظلم ائتدی اشقل الاشقیا
ظهر عاشور بلا
ثارون جاری اولوب یره
یا سیدالشهدا

صدپاره اولوب بدنون
ظلمیله سولوب چمنون
ئولسم یری وار یارالی
پس هاردا قالوب کفنون

قارداش اویان اویان (۲)

• دوشنبه
• 26
• آبان
• 1399
• ساعت
• 11:21
• نوشته شده توسط
• یوسف اکبری

به سبک(ایران اگر دل تو را شکستند...)

عباس
دورای مه مدینه قارداش
اولان فدای دینه قارداش
گلور بلالی اهل بیتیم
بوچولده اربعینه قارداش
یاناربوحاله گویده قوشلار
گلر نوایه داغدا داشلار

عباس
دوتوب یارالی قلبیمی غم
گرک اوجالسین عرشه نالم
دورایله پیشواز ابوالفضل
یتشدی کاروان ماتم
یاناربوحاله گویده قوشلار
گلر نوایه داغدا داشلار

عباس
سالوب بلایه درد هجران
اولوبدی زینبیم پریشان
تالاندی گلشنیمده گللر
پوزلدی ظلمیله گلستان
یاناربوحاله گویده قوشلار
گلر نوایه داغدا داشلار

عباس
دیمم کی نهره دوریولون سال
دیمم سو قیدینه گینه قال
دوزوب بلا و جبره زینب
محبتیله گوگلونی آل
یاناربوحاله گویده قوشلار
گلر نوایه داغدا داشلار

عباس
داغلدی زینبون جلالی
چوخ اولدی شامیده ملالی
بوکولدی قامتی ستمدن
سارالدی گل کیمی جمالی
یاناربوحاله گویده قوشلار
گلر نوایه داغدا داشلار

عباس
گلر بالالاریم فغانه
دیار غمده الامانه
آخار بولود کیمی عذاره
سرشگ چشمی دانه دانه
یاناربوحاله گویده قوشلار
گلر نوایه داغدا داشلار

عباس
سولوب ریاض آل عصمت
قوجاتدی زینبی مصیبت
قویوبدی قبره ئوزالیله
رقیه نی اوکنز غیرت
یاناربوحاله گویده قوشلار
گلر نوایه داغدا داشلار

عباس
غمیمده بینوا «جوانی»
یانار غم آتشینده جانی
ملالیمی سالاندا یاده
سپهره اوج ایدرفغانی
یاناربوحاله گویده قوشلار
گلر نوایه داغدا داشلار

• دوشنبه
• 26
• آبان
• 1399
• ساعت
• 11:24
• نوشته شده توسط
• یوسف اکبری

به سبک(ایران،اگر دل تو را شکستند...)

قارداش
نظرائله دل حزینه
باجون گلوبدی اربعینه
قوناقووم سلامیمی آل
تسلی وئردل غمینه ۲

قارداش
اولوبدی قامتیم کمانی
غمیله داغلادیم جهانی
مزارون اوسته محنتیله
گتورمیشم بوکاروانی ۲

غمیله سینه داغلارام من
عذاره اشکی باغلارام من
باخیب بوآلتی گوشه قبره
گلوب نوایه آغلارام من

حسین حسین حسین حسینجان ۴

قارداش
دورآل بوترابی دیندیر
عیال دلکبابی دیندیر
منیله گردانیشماسوندا
اقلّی بیر ربابی دیندیر ۲

قارداش
سوزومون اوسته قالمیشام من
کمنده خصمی سالمیشام من
ایراق گوزوندن آی یارالی
بلا چکیب قوجالمیشام من ۲

قوتاردی دوره ی اسارت
گلوب بالالارون سلامت
فقط رقیه نی سوروشما
فلک ائدوب منی خجالت

حسین حسین حسین حسینجان ٤

قارداش
رگیمده قان گلوبدی جوشه
دوشوبدی بحرغم خروشه
دنن بو آلتی گوشه قبرون
نیه اولوبدی آلتی گوشه ۲

قارداش
یاتوبدی اکبرون ایاقدا
علیّ اصغرون قوجاقدا
ولی نه سرّی واردی بیلمم
یاتوبدی قارداشون اوزاقدا ۲

دئمه یانیب آلیشمارام من
گلایه لی دانیشمارام من
ئولونجه کوسموشم حسینجان
«فراتیله باریشمارام من» *

حسین حسین حسین حسینجان ۴

• دوشنبه
• 26
• آبان
• 1399
• ساعت
• 19:21
• نوشته شده توسط
• یوسف اکبری

به سبک(دایه دایه وقت جنگه...)

یا حسین سولدیم سارالدیم
ئولمدیم من زنده قالدیم
ای لب عطشان پادشاهیم
کوینگین اللردن آلدیم

جان حسینیم جان حسینیم
عشقیوه قربان حسینیم

زینبون دار و نداری
تا قیامت افتخاری
کاروان غم گلوبدی
ای آنامون یادگاری
دور دانشدیر اهل بیتی
قلبیمون تاب و قراری
من دیوم کرب و بلاده
بیر گونون عرضی قوجالدیم

جان حسینیم ...

گلمیشم کرب و بلایه
آغلیام قارداش دویونجا
قبرون آغوشه آلام من
ساخلیام قارداش دویونجا
قلبِ زاری محضرونده
داغلیام قارداش دویونجا
کوفده قانلی باشوندان
باجون ئولسون من اوتاندیم

جان حسینیم ...

گونلری سایدیم یتشدیم
بیله بیر دیداره قارداش
دردمندم ای طبیبیم
دردیمه قیل چاره قارداش
وار سوزوم علقمده باری
غملی پر چمداره قارداش
چوللر ی آواره بیلسون
من نجه قارداش دولاندیم

جان حسینیم ...

سایۀ لطفووی کسمه مندن
دویمادیم من که دنیاده سندن

• دوشنبه
• 26
• آبان
• 1399
• ساعت
• 19:24
• نوشته شده توسط
• یوسف اکبری

به سبک(ای دشت کربلانون،زیبا نگاری لای لای)

قارداش مزارون اوسته
زینب گلوبدی گریان
حَنجَر یاراسین ایتسون
بوگوز یاشیله درمان

قرآن ودین فداسی
دور دردیمون دواسی
مرهم تاپوبدی آیا
سیننده اوخ یاراسی

ایوای یارالی قارداش
ایلدن آرالی قارداش

معراجه گلموشم من بو یردی عرش داور
قانون بو یرده آخدی تاپدی مقام اکبر
باخدوقجا بو مزاره قان یاش توکوربوگوزلر
شوق وصالون اولدی اولدوم بو نوعی نالان

بویرده آچموسان سن عشق اوسته عالی مکتب
شاگرد مکتبم من اولدوم حسینی منصب
سن آیرولان زماندان امّا قوجالدی زینب
دور روحیمه صفا ویر ایله منه بیراحسان

گلمزدی فکریمه بو وصله چاتاربوهجران
قسمت اولاربوقبرون بیرگون شه لب عطشان
گلدیم قوناقون اولدوم لطف ایلیوبدی رحمان
مرغ دلیم تاپوبدی هم آشیان گلستان

بوکعبۀ وفادور نه وارصفاسی قارداش
هرزائره صفا سی سعیی روادی قارداش
قانه باتان ترابی درده دوادی قارداش
وارهرمریض عشقه بو توپراقوندا درمان

گتدی باشون نی اوسته آردینجا من دولاندیم
رنگ غم و بلایه هریرده من بویاندیم
امامُصیبت شام گَلمَزشماره یاندیم
اُعجوزه داش آتاندا گلموب صدای قرآن

داش دگدی تا لبوندن اولدی منه قیامت
قرآن سسون کسیلدی تاپدی بیرعده جرأت
ایتدی شَقی جماعت اول حالیده شماتت
گویلومده کاخ عشقیم اولدی اودمده ویران

شام ایچره چوخ دولاندوق گوندوز دونوبدی شامه
مقصوده نایل اولدی دشمن چاتوبدی کامه
اولدی خرابه مسکن اول گون یتوب تمامه
الله بولور نه چکدوق گتدی قزون جهاندان

گلموب قیزون رقیّه منلن بوکربلایه
یاتدی خرابه یرده عمری چاتوب فنایه
غُسل وکفن ایدنده گلدی رُباب نوایه
قویدوم اوزوم مزاره ایتدی حرملرافغان

شام و سحر توکردی گوز یاشنی گوزوندن
بولدوم خرابه یرده غمدن دویوب سوزوندن
گوردوم که گتمیوبدی سیلی یری یوزوندن
آغلاتدی آغلادیم من اولدی اودَم اؤرک قان

نه وار صفالی گللر بو گلستانه گلدیم
دربار شاه دین و شاه جهانه گلدیم
دور دردیمه دوا ایت بو آستانه گلدیم
یاز«عدلی» سن دیلیمجن آغلا حسینه هر آن

• دوشنبه
• 26
• آبان
• 1399
• ساعت
• 19:39
• نوشته شده توسط
• یوسف اکبری

ای صبا گئتسون بقیعه وئر خبر ام البنینه
زینب عباسه دوتوبدور اربعین، گل اربعینه

زینبی بو توزلی قبره سانما سن تنها گلوبدی
باش آچوب بو اربعینه حضرت طاها گلوبدی
هم آتام ساقی کوثر،‌ هم آنام زهرا گلوبدی
آغلاسونلار بیر شکسته فرقه بیر اوخلی حبیبه

دور شبیه قبری اوستن ای اوغولسوز زار و خسته
وادی کرب و بلاده گل حقیقی قبری اوسته
وا ابوالفضلا دی آغلا، ای اوغولسوز دلشکسته
وور شرار آهویله آتش افلاک برینه

ناحیه مینلرجه گلسه بیر جوان مرده عزایه
ناله ده یتمزله هرگز داغ دیده بیر آنایه
اکبره لیلا، سریه قاسمه گلمیش نوایه
سنده سردار اوغلوون گل قبری اوستونده انینه

گورمیوب گورمز بو عالم خلقتندن تا قیامت
قامت عباسه بنزر بیر جوان سرو قامت
اول اوجا قامتدن ایمدی وار کیچیک بیر قبر علامت
مایه ی نسگلدی بو غم تا جهان وار عالمینه

کربلا دشتنده سالدی قان ایچینده اهل کوفه
چرخ آل هاشی دن بیر ایشیقلی آی خسوفه
چرخده اقمار طالع گر اولا بالغ الوفه
غیر ممکندور بو آی تک نور ویرسونلر زمینه

اربعینینده اولوبدور هر جوانین بیله مرسوم
قبری اوسته گل دوزه للر اقرباسی زار و مهموم
گور نجه گللر دوزوبدور قبر عباس اوسته کلثوم
اوخشوری اما بو گللر بیر سارالموش یاسمینه

هر بیری بیر عندلیب خسته دل بیر تازه گلدی
نولدی بس گللر سارالدی کیم خدادن غیر بلدی
شامده سولدی بو گللر اوندا که بیر بلبل الدی
آج، سوسوز، پربسته، خسته، ویردی جان جان آفرینه

بو سارالموش گللرین وار بیر مفصل ماجراسی
زینبون گور چوخدی حزن کوفه سی یا کربلاسی؟
ام کلثومین باتوبدور آغلاماقلیقدان صداسی
سن اوغول سسله بو قارداش، ویر صدا بو دل حزینه

کوفه ده ای کاش اولیدون تا گوریدون محشریمدور
گون کیمی نوک جداده قانلو بیر باش رهبریمدور
گورمدیم عباس باشین تا دیم سرلشکریمدور
آیری سالمشدی وزیر جنگی شهدن قوم کینه

اوندا که السیز بدنله پرچمین قویموردی یاتسون
قارداشیم بو فکریدیدی پرچم دینی اوجاتسون
منده گوردوم نیر دین آز قالور بالمره باتسون
مقصدین تعقیب قیلدیم باشلادیم تبلیغ دینه

آتشین نطقه مخاطب ایلدیم شیخیله شابی
کوفه شهرینده هویدا اولدی محشر انقلابی
من دانیشدیقجا گورنلر یاده سالدی بوترابی
ایلدیم مرهون منت دینی نطق آتشینه

ای «حسینی» دوت گل عشقین، ال گوتور خاریله خسدن
نفسه مرکوب اولما جهد ایت، سال او غداری فرسدن
متقیدن خیر عمل مقبول اولار، نه بو الهوسدن
ایسته سن الله رضاسین پیرو اول دین مبینه

• سه شنبه
• 27
• آبان
• 1399
• ساعت
• 11:56
• نوشته شده توسط
• یوسف اکبری

ای اربعین قوناخلاری
هایاندا سینه داغلادوز
قالانلاری دعا ایدون
حرمده دیلدن آغلادوز

دوشوبدی آل علی دیلدن کربلاده
گیدوب بیر بیرائللری الدن کربلاده
بویاندی قانه سوسوز سقا علقم اوسته
گلور عطری قانلی مقتلدن کربلاده

وفالی ابولفضل
یارالی ابوالفضل

او یئرده ناله قوزانوب
ربابین اوغلی اوخلانوب
آقام حسینون اکبری
که قطعه قطعه دوغرانوب

رباب آغلار حالینه یکسر داغ داش آغلار
آچار معناده خانم زهرا بیر باش آغلار
گلر فریاده خانم زینب آغلیانلار
دیر اللرده ئولن یالقوز قارداش آغلار

وفالی ابوالفضل
یارالی ابوالفضل

سوا باخون گورون ندن
یانان ستاره تک آخور
همان سودی گیجه گونوز
ربالی یاندیروب یاخور

ابولفضلون مشکینه ای کاش دولموییدی
سه شعبه اوخ شل اولان الده اولموییدی
جالاندی سوایتدی شرمنده قهرمانی
گلستان آل پیغمبر سولموییدی

وفالی ابولفضل
یارالی ابوالفضل

• سه شنبه
• 27
• آبان
• 1399
• ساعت
• 12:02
• نوشته شده توسط
• یوسف اکبری

الا اي دين يولوندا قان ويرنلر
گوزل پيمانه خاطرجان ويرنلر
حق يكتايه جان قربان ويرنلر

گلور زينب چيخون بير پيشيوازه
فدا جانيم سيزون تك دلنوازه

سلام اولسون سيزه قانه باتانلار
مجازي عشقيني باشدان آتانلار
بر سوزانیده عطشان ياتانلار

دورون گلدي گئنه ديداره زينب
گوني بختي لباسي قاره زينب

الا اي شاه دين سرو خجسته
باجون زينب گلوبدور زار و خسته
اسيراولموشدي چون بيرعده پسته

ورولدي ديل ياراسي جانه گلدي
دوا ايت درديـنه درمـانه گلدي

حسين سن سن منيم روح و روانيم
اياقدان دوشموشم يورقوندي جانيم
بلالي زينبم. يوخدور توانيم

ايدوب هجران اوخي قلبيمي ياره
سالوب غــملر مـني غــملي حصاره

حسين سندن كه جبريلن ال اوزدوم
فراقونده ئوزه گوزياشي دوزدوم
داياندوم محنت عظمايه دوزدوم

وفالي ائت نظر اهل وفايه
گـتوردیم غــم قطارين كربلايه

مزارونده ياتوبسان جانيمه جان
يانوندا وار ايكي اوغلون اورگ قان
سن عطشان اكبر عطشان اصغرعطشان

پوزلموش حالوه عالملر آغلار
رباب و ليلي غمدن سينه داغلار

سنون تك بير نفر مظلوم ئولن يوخ
ورولدي قلبوه اوچ شعبه بيراوخ
جداده باشوه داش ورديلار چوخ

اولار داش ورديلار باخدوقجا يانديم
بو اعـظم ظـلمه صبر ایتدیم دايانديم

اجازه وير ديوم درد و بلادن
بلالي يولدا كي جور و جفادن
او خصم بي حيا شمر دغادن

يوخيدون قمچي لردن جانه گلديم
گئجه گوندوز حسين افغانه گلديم

چكيلدوك مجلس اغياره گيتدوك
عزالي باغلي قول پيكاره گيتدوك
يزيدي يخماقا درباره گيتدوك

جلوس ائتميشدي تخت اوسته او ظالم
سـكوت اولــموشـدي درباريـنده حاكم

باشون گوردوم اودم طشت طلاده
الينده خيزران. اُُول هنده زاده
دوداقوندن. وراندا مست باده

گلوبدور عترتون ني تك نوايه
چاغوردوم منده زهراني هرايه

دوروب قصرايچره من گفتاره چيخديم
يزيدي يخماقا. اشعاره. چيخديم
او پست شوميلن. پيكاره چيخديم

دانیشدیم حق سوزی مقصوده يتديم
سـتم كـاشـانه سين ويـرانه ايتديم

منه ئوز ويردي امّاعُمده بير غم
بو غم اولدی منه بیر داغ اعظم
گتوردوم عترتون قارداش بيرين كم

رقيّون عمری چون یتدی تمامه
سفير ايتديم اوني من شهر شامه

رقييوندن سوروشماسن حسينجان
ديمه نولدي بالام ای شاه خوبان
اورگ ياره گيدوب زهرايه مهمان

پوزوبدي حاليمي اُول ماه طلعت
ملالين شرح ايدم يوخ ديلده طاقت

شماتتدن بالام افغانه گلدي
غمیندن نالیه بيگانه گلدي
آجيندان يوخ جفادن جانه گلدي

سسين ویرانه دن قصره يتوردي
يــزيد فــاســقي جـانه گتوردي

او قصر ايچره يزيد پست و نادان
ديدي بو سس مني ايلوب پريشان
گئجه وقتی گلور هاردان بو افغان

گورون كيمدورنه ايستور تئز ويرون سيز
يانقلي آهي وار خاموش ائدون سيز

گئجه بيردن. ايشقلاندي خرابه
باشون گلدي قوناق اول دلكبابه
بالون باخدي منه بيرده ربابه

ديديم گلدی قیزیم دردون دوا سي
یــواش آغــوشه آل چوخــدور ياراسي

گلوب باشه طرف اُول ماهپاره
گوروبدور لبلرونده واردي ياره
توكوب گوزياشینی غمدن عذاره

دوداقين قويدي اول قانلي دوداقه
ايدوب جانين فدا سن تك قوناقه

آخوندي من كيمين گوزلر دولي قان
اولوب هجرونده محزون و نواخوان
ديور هر بيرنفس مولا حسين جان

عـــنايت ايت اونــا دار فناده
قالــوب حـسرت گوزي كرببلاده

• سه شنبه
• 27
• آبان
• 1399
• ساعت
• 12:08
• نوشته شده توسط
• یوسف اکبری

گینه ده پیک عزا بیر خبر غم گتیریب
گوز یاشین خون دیله ایلدی مدغم گتیریب

نه خبردور کی دیلی بحر غمه غرق ائلییر
موج محنت وورولور دیده لره نم گتیریب

خبر آلدیم ندی بو ناله و افغان وبکاء
اوجالوب نوحه سسی دیللره ماتم گتیریب

اربعیندور دئدیلر زینب مظلومه بو گون
دیده ده گلشن عشقه سپه شبنم گتیریب

قورتاروب رنج اسارت آچیلوب قید جفا
بیر کیچیک قافله ده محنت اعظم گتیریب

اوغلی قارداشی ئولن چوخدی ولی قافله ده
بالا دردی آنالار قدین ائدیب خم گتیریب

آنالار اوغلونا آغلور باجیلار قارداشینا
بیر بیره سس قوشوب آهنگینی باهم گتیریب

حقی اثبات ائلییب زینب شایسته مقام
پرچم فتحی او خاتون مکرّم گتیریب

فاتح شامیدی ظلامی سر افکنده ائدیب
فتحیدن عمده نشان بیر قره پرچم گتیریب

پرچم فتح یقین قرمز اولار قاره دی بو
یاسلیدور .قاره نی ایلیبدی مقدّم گتیریب

قویمادی پرچم دینی یخلا پایه سینی
خطبه سیله ائلدی شامیده محکم گتیریب

گلور اما او گوز ه ل درّینی ویرانه آلوب
وئرمدی قیزلار ایچینده اونی بیر کم گتیریب

آیریلاندا دئدی ویرانه سرادن او خانم
نسگیلی چوخدی منی درده رقیم گتیریب

دور گئده ک سسلدی آی نازلی بالام یاتما اویان
غم غم اوستن منه هجرین بالا هر دم گتیریب

سنی وئرمشدی امانت منه تاپشوردی بابان
که امانت آپاران بیرده مسلّم گتیریب

من امینم نه دیوم قارداشما آلسا خبر
منه بو آیریلیقین آیری بیر عالم گتیریب

شامیدن غملی قطارین چکوب القصه خانم
کربلا سمتینه ایلوبدی منظّم گتیریب

یوسف فاطمه نین کوینگین اللردن آلوب
جان کیمی سینه سینه ایلدی منضم گتیریب

کربلایه یئتیشیب قافله باشلاندی نوا
لرزیه عرشی اودم عترت خاتم گتیریب

کاروان اهلی انوب ناقه دن اول دشت غمه
یئر گویی ناله لری نالیه اولدم گتیریب

زینبین دوتدی الین عزتیله زین العباد
آتانون قبر ینه چوخ حالتی بر هم گتیریب

گوستریب قبری خانم زینبه ساکت دایانوب
ائشیده تا نه سوز ایلیبدی فراهم گتیریب

اولین کلمه سی اولدی .یارالارون نئجه دی
دور باجون یاروه گوز یاشینی مرهم گتیریب

دور حسین زینبه باخسان تانیمازسان اونی سن
غم سالوب دیلدن اونی قدین ائدیب خم گتیریب

آیریلیق گور باجیوی سالدی نه حاله یارالی
گله بیلمزدی ائدیب عشق مصمم گتیریب

سنی مندن آییران روحیمی تندن آییروب
ئولدوروب زینبیده اونداکی سندن آییروب

آییران وقته عدو قویمادی مقتلده اخا
بیر دویونجا سنه دیل داغلیا دیل خسته باجون

گلمشم غمله دولان قلبی بوشالدام بو چوله
آغلیور علت اودور کی بو مزار اوسته باجون

دشمن ایچره اوجادان آغلامادیم صبر ائلدیم
درج اشکی بوراجاق ساخلادی سر بسته باجون

جان گلر زینبه بیر یول اونی سن دیندیرسن
تئز ئولر یوخسا اولوبدی سنه وابسته باجون

آغلیام ایسته میشم قمچی ووروبلار باشما
چاره یوخ اولموشیدی قوش کیمی پربسته باجون

قبرین اوسته الی بوش گلمیشم عفو ایله منی
لعن ائدر دیلده مدام غارت ائدن پسته باجون

قبرین اوسته گتیره للر گولیلن فرش وگلاب
نه گلابی نه اخا آلمادی گل دسته باجون

گوزومون یاشینی اما الرم مثل گلاب
سنگ قبرین ائلیه اشکیله تا شسته باجون

قانلی پیراهنویوی قبروین اوسته سره رم
گل ندیر گلشنه بنذیر گتریب خسته باجون

هر بیر اوخ یاره سینه مین گل آچوب معناده
گتیریب مینلر الینده بورا گلدسته باجون

آغیدی رنگی بونون قرمزی قانون قاریشیب
لالیه بنذ دیری بو دیل بشکسته باجون

حیف بو لاله لرین اوسته دوشوب آت ایاقی
باخا بیلمز کی گورور نقشینی بر جسته باجون

نیلوسن گل .گل وغنچیله یاتوبسان باهم
آغلیار هم گله هم غنچیه پیوسته باجون

گل علی اکبر یدی غنچه علی اصغریدی
گولی پرپر اوزی گورموشدی عبا اوسته باجون

غنچه نی اوخ نه حالا سالدی سنی یاندوردی
شرح ائده نمز محنین ای شه وارسته باجون

اولمادی سو سارالوب گلشنین ای گل پرور
آلیشیب یاندی او غمدن سنه پا بسته باجون

قورخورام سو آدین اصغر ائشیده تئز اویانا
دانشور علت اودوربو سوزی آهسته باجون

یا حسین مشکل (احسانی) اوزون حل ائله یا
قیل سفارش قوتارا غمدن اونی خسته باجون

• سه شنبه
• 27
• آبان
• 1399
• ساعت
• 12:15
• نوشته شده توسط
• یوسف اکبری

قیرخ گوندی دوشموشم من
سندن حسین آرالی
گلدیم مزارون اوسته
قارداش اورگ یارالی
دور پیشوازه قارداش
مهمانیوم حسینیم
بی کس ربابی دیندیر
قربانیوم حسینیم
جان یاحسین حسین جان(٢)

آچ گوزلرین برادر
آی قلبیمون قراری
سن سیز خزانه دونموش
گور عمریمون بهاری
دیللن دیلون فداسی
خوش گلدون ایله باری
سندن سورا چوخ اولدی
قارداش باشیم بلالی
باغلاندی غم قطاری
یوللاندی شامه ساری
من بی کسون یارالی
باش اولدی غم گساری
جان یا حسین حسین جان (۲)

اوچ یاشدا نازدانه
چوخ اولدی ماجراسی
گلمز شماره قارداش
سایسیز اولان بلاسی
اولدی رقیه عشقون
پرپرچالان هماسی
ویرانه یرده قالدی
یثرب گولی مارالی
آئینه ی حیاتین
سنگ وفایه چالدی
دیلدن دوشن هَزارم
ویرانه یرده قالدی
جان یا حسین حسین جان (٢)

آلدی قوجاقه باشون
دیل یاره غم لی جیران
قانلی دوداقون ئوپدی
جان ویردی زار و نالان
ال آتدی باشه قیزلار
عرشه اوجالدی افغان
ای قلبیمون صفاسی
لای لای رقیه لای لای
وی گوزلریم ضیاسی
لای لای رقیه لای لای
جان یا حسین حسین جان (٢)

قیرخ گوندی باشدا قاره
چوللر دولانمیشام من
غم تیری سینم اوسته
هجرونده یانمیشام من
پیراهنون حسین جان
اللردن آلمیشام من
یورقون خمیده قامت
گلدیم اویان وفالی
قارداش منایه گلدیم
سعی و صفایه گلدیم
قان یاش آخار گوزومدن
بزم عزایه گلدیم
جان یا حسین حسین جان (٢)

واردور یری بو قبرین
مهمانی خاتم اولسون
نوح نبی و عیسی
موسی و آدم اولدی
قارداش گوروم که بیرگون
زوّارون عالم اولسون
عرشه اوجالسون اوندا
بو مرقدین جلالی
پایین پاده اکبر
سینونده دیلسیز اصغر
مدفون اولوب یانیندا
بیرجوت کسیلمیش اللر
جان یا حسین حسین جان (٢)

زینب گوریدی ای کاش
برپا اولوب نمایش
عزم ایلیوبدی یرمی
میلیون ایدن ستایش
برپادی اربعینده
مجموعه ی همایش
لبیک یا حسین دور
هرتک تکین مقالی
«یرلر حسینه قوربان»
«گویلر حسینه قوربان»
بو یرمی میلیون عاشق
«یکسر حسینه قوربان»
جان یا حسین حسین جان (٢)

کفر زمانه داعش
آچسون گوزون اویانسون
وهّابیان ضالّه
نار حسدده یانسون
کیم ایستمز حسینی
چیخسون گوزی اوتانسین
شیعه ایدوب تنومند
زینب اکن نهالی
الگو دی شیعیانه
عباس،علینون اوغلی
حتما حمایت ایلر
ام البنینون اوغلی
جان یا حسین حسین جان (٢)

لطفین عیان ایدوبدور
خلاق حی داور
پایان تاپور دیرسن
« ثاقب » غیاب اکبر
میثاقیدور یقیناً
بو انقلاب احمر
یابن‌الحسن اوزون گل
گوستر گوزل جمالی
ای یوسف زمانه
دیللر دولاندی قانه
عزت هماسی سایه
سال رأس شیعیانه
جان یا حسین حسین جان (۲)

• سه شنبه
• 27
• آبان
• 1399
• ساعت
• 12:18
• نوشته شده توسط
• یوسف اکبری

به سبک(یا امام زمان شیعه‌ده احساسه باخ...)

دور حسین شعله ی عشقه آلیشدیر منی
گلمیشم قبروین اوسته دانشدیر منی
یورقونام خستیم - سنه دلبستیم
جان حسینیم
جان حسینیم

گزمیشم چوللری دیلده نوا گلمیشم
قانلی پیراهنین الده اخا گلمیشم
اولموشام صاحب مشک و لوا گلمیشم
خسته غربتم - زائر تربتم
جان حسینیم
جان حسینیم

زینبم ئولمدیم گلدیم حسین وای دییم
پیکری دوغرانان اکبره ایوای دییم
قنداقی قان اولان اصغره لایلای دییم
منی درده سالان - جان زهرا اویان
جان حسینیم
جان حسینیم

دولانوب کوفه و شامی گلوب قیزلارین
چوخ جفا چکدیلر یولدا آدامسیزلارین
وای اوغول وای دیور خسته اوغولسوزلارین
سینه لر داغلیدی - قوللاری باغلیدی
جان حسینیم
جان حسینیم

داغ هجران گؤرن زینبوی شاد ائله
گویلون آل قلبینی غصه دن آزاد ائله
فاطمه دلبری دور منه امداد ائله
چوخالیب محنتیم - بوکولوب قامتیم
جان حسینیم
جان حسینیم

• سه شنبه
• 27
• آبان
• 1399
• ساعت
• 12:22
• نوشته شده توسط
• یوسف اکبری

به سبک(دولانور علی قیزی مقتلی...)

یتیشوب ملال و مصیبتیم
دیه سن نهایته یا حسین
قوتاروب اسارتیم عازمم
گلورم زیارته یا حسین

اورگیم دوشوبدی تلاطمه
ائله چرپنور بو دقایقی
تله سور مزاریوی گورمگه
او بلا دیارینون عاشقی
باجووین ئوزون او دیاره سن
بیلوسن که وار نه علایقی
قوتاران دگل نچه مین رقم
یازیلا کتابته یا حسین

شب تار آل محمدین
یتشوبدی صبح سپیده سی
گنه انقلابوین عالمه
گورونور نشان پدیده سی
اگر همت ایلسه مختصر
باجووین بو قد خمیده سی
هامی دشمنانووی بیر به بیر
چکه جاخ ندامته یا حسین

دولانوبدی کوفه و شامی چوخ
یورولوبدی خسته دی زینبون
قفس بلاده هما کیمون
اله پر شکسته دی زینبون
ولی عهد روز الستینه
گنه پای بسته دی زینبون
چکیلوب طنابه مجدداً
گیده گر اسارته یا حسین

او گونیکه لوح مصیبتون
یازیلوبدی طرحی اولوب رقم
بیلوسن که خالق لم یزل
منیده یازوبدی شریک غم
باشمون گرکدی بلاسینی
نه قدر مقدر اولا چکم
ئوزومیله فانی جهانیدن
آپارام قیامته یا حسین

یولون اوسته قافله ی غمی
چکوب انتظامه سپاه کین
نگراندی عترت غمزدون
اوتوروب کجاوه ده دلغمین
اله فکر ایدوله که ایلیوب
گنه یولدا دام بلا کمین
سالا بیر بهانه اله چکه
اسرانی غارته یا حسین

هره بیر سؤال ائلیور منیم
آتام اوغلی قلبیمی قان ایدور
گورورم بو حالدا بناتووین
چوخی قول بویوندی فغان ایدور
سیخلوبدی بعضی سی تتریور
ووراجاخلا قمچی گمان ایدور
ائله موله باور و اعتماد
سپه شقاوته یا حسین

حقی وار بو باره ده قیزلارون
نگران اولا بو حسابیلن
گتورنده شامه گوروبدیلر
گتوروبدیلر نه عذابیلن
سپر اولدوخ هر وورولان قیزا
من بینوا بو ربابیلن
صدمه یتیشمیه ویردیگون
او گوزل امانته یا حسین

منه بش یاشیمداگوروب فلک
یاراشور لباس قرا گیم
نه یوزوم گوله بو زمانه
نه دویونجا آب و غذا ییم
ائله مشتریدی فقط دیور
دانشاندا کرب و بلا دیم
اولوب عاشق هچ نیه بیلمورم
بودا بو عبارته یا حسین

آتام اوغلی باشیمه هر بلا
گله یوخدی منت و طعنه سی
ولی بیر بلالی مصیبتون
اورگیمده تازه دی صحنه سی
دانشام بو باره ده فکر ایدوم
آچیلوبدی باب زمینه سی
دیه بیلسم حالتی محفلین
دونه جاخ قیامته یا حسین

او گونیکه آهی رقیه وین
دل داغداریمی داغلادی
گیجه نین زمانی خرابه ده
سنی مندن ایستیوب آغلادی
نه قدر دیدوم بالا آغلاما
منه راه چاره نی باغلادی
دیدی ایستورم یتوشم بی بی
بو گیجه سعادته یا حسین

• سه شنبه
• 27
• آبان
• 1399
• ساعت
• 12:29
• نوشته شده توسط
• یوسف اکبری

به سبک(ای حرمینه ناز ائدن...)

دور آتام اوغلی قیزلارون
ناله کنان گتورموشم
شامدن اربعینوه
سینه زنان گتورموشم

یاتما دل ترابده آز منه ایمدی ناز ایله
قلبی شکسته دور باجون زینبی سرفراز ابله
دورا ایاقا حسین گلن قیزلاری پیشواز ایله
بیرنچه باشی قاره لی قلبی یانان گتورموشم

سن یخلاندا توپراقا اولدی منیم قیامتیم
غارت اولاندا خیمه لر گیتدی جلال و شوکتیم
کوفه ده باشوی گوروب اولدی خمیده قامتیم
بو سفریمدن ارمغان قدّ کمان گتورموشم

باشوین آردیجا گزوب نار غمونده یانموشام
کوفه مصیبتی گوروب شامی گیدوب دولانموشام
مدتی بیر خرابه ده شامده دالدالانموشام
ایندی همان خرابه دن شرح و بیان گتورموشم

تا که خرابه گوشه سی اولدى مکان رقیّوه
خارجی آد قویوبدولار شمر و سنان رقیّوه
طعن و شماتمت اولدی چوخ اوردا همان رقیّوه
دلده او نازدانه دن درد گران گتورموشم

عشقینی اهل عالمه اوردا بالان نشان وئروب
گلشن دینه گور نجه رونق جاودان وئروب
دینه اوزون فدا دیوب باشوین اوسته جان وئروب
من او یتیمه دن نشان اشک روان گتورموشم

چوخ سنی آرزو حسین ایلدی بینوا باجون
غسل ویره کفن ایده تاپمادی آشنا باجون
قبره قویوبدی قبرینون اوسته دوتوب عزا باجون
روحیم او یرده دفن اولوب بیر قوری جان گتورموشم

جان ویروب اول یتیمه قیز سینمی منده داغلادیم
گوزلرینی عزیزه وین معجرمیله باغلادیم
باخدی آناسی آغلادی حالینه منده آغلادیم
منده او نازدانه دن داد و فغان گتورموشم

سندن حسین او خوردا قیز زینیه یادگاریدی
عمّۀ دلفکارینه همدم لیل تاریدی
باد خزانیله سولوب بیرگل نوبهاریدی
دلده اودور شکایت باد خزان گتورموشم

شورشه گلدی شامیان یاندی رقیه حالینه
رخنه یتیشدی دشمنین عزّتینه جلالینه
علت اودور یزید دون دوشدی وفا خیالینه
شمّۀ ماجراسنی ایمدی عیان گتورموشم

کوینگون الده گل کیمی گور نه سولوب سارالموشام
آغلیا آغلیا بونی دشمن الیندن آلموشام
شال عزا تک ایمدی بو توزلی مزاره سالموشام
سن کیمی بیر شهیددن قانلی نشان گتورموشم

گوردیله زینبین هامی ناله سینون ادامه سین
سالدیلا هر شهیدین اوز قبرینون اوسته جامه سین
لیلى اله آلوب اودم اکبرینون عمامه سین
سویلدی قویمیوبدی بو منده توان گتورموشم

گوردیله عرشه اوج ایدور آه و فغانی لیلینون
سویلوری ای اوغول على جسمده جانی لیلینون
حقّیدی آغلاماق ئولوب تازه جوانی لیلینون
ایمدی بجای اشک تر دیده ده قان گتورموشم

آیری طرفده باشلانوب شوریله یاسی قاسمون
دیللره ایلیوب اثر بسکه عزاسى قاسمون
اهل عزانی یاندروب قانلی لباسی قاسمون
سویلر آناسی آدیوی ورد زبان گتورموشم

سالدى رباب یادینه اصغر ماه پاره سین
قویدى مزاری اوستنه خورداجا گاهواره سین
ویردی نشان رقیه نون قیزلارا گوشواره سین
اکبرینه دیدی نشان من بو زمان گتورموشم

گوردیله فاطمه اودم باشلادی شوروهمهمه
آغلیا آغلیا گیدور جانب نهر علقمه
سویلوری مثلون ای عمو گلمیاجاقدی عالمه
الده سو مشگوی سنه ناله کنان گنورموشم

یوخ بیری من کیمی اولاغرق گناه معصیت
دوره لیه منیم کیمی بیله سپاه معصیت
چون (حسنی) گیدوبدی چوخ دهرده راه معصیت
معصیتی یوواندور اشک اشک روان گتورموشم

• سه شنبه
• 27
• آبان
• 1399
• ساعت
• 12:41
• نوشته شده توسط
• یوسف اکبری

اي حسين جان زينبم از شام ويران آمدم
بهر ديدار تو با رنج فراوان آمدم

از جفاي خصم دون افتاده ام ديگر زپا
همچو بيماري طبيبا بهر درمان آمدم

عهد و پيماني كه بستم با تو در روز ازل
خون دلها خورده و تا خط پایان آمدم

رفتم از كرب وبلايت براسيري تا به شام
در دل از شام بلا با درد پنهان آمدم

ديده بگشا تا بگويم با تو از اسرار دل
قد خميده از جفا و ظلم عدوان آمدم

اكبرت پايين پا خفته به سينه اصغرت
با رباب و مادر اكبر نواخوان آمدم

آرميده در كجا عبّاس والا منصبم
بهر ديدارش. كنون با خيل ياران آمدم

ديده بگشا اي برادر گويم از زجر و سنان
سوی تو با کودکانی زار و گريان آمدم

گوشه ی ويرانه يكشب آمدي در طشت زر
بهر. ديدار سر خونين شتابان آمدم

نيمه شب در گوشه ی ويرانه در شام بلا
سوي تو با دخترت محزون ونالان آمدم

بوسه بر لبهاي خونين تو آن ُدردانه زد
گفت بابا از غم هجر تو برجان آمدم

لب به لبهايت نهاده روحش آرامش گرفت
گوشه ی ويرانه بي جان گشت وگريان آمدم

اي برادر گر به آخوندي نمائي يك نظر
زائر كويت شود گويد ز ايران آمدم

• سه شنبه
• 18
• آذر
• 1399
• ساعت
• 23:26
• نوشته شده توسط
• یوسف اکبری

دور گوزل قارداشيم نور عينيم
گلميشم شاميدن اي حسينيم
چوخ يارام وار اوركده يارالي
ظلميدن ديلده وارشور وشينيم
بختي قاره گونی قاره گلديم
سینه داغلی اورگ یاره گلديم
سالدي عشقون مني ناره قارداش
درديمه يوخ ايدن چاره قارداش
دور منيم حاليمه بير نظر قيل
روزگاریم اولوب قاره قارداش
زينبم زينبم اي حبيبيم
ديلده چوخدي يارام اي طبيبيم
اي آنام فاطمنون مارالي
گوزلرون آچ مني گور يارالي
چرخ بازيگر اوز گردشيندن
زينبي سالدي سندن آرالي
دور نظر ايله بیمار عشقه
تار و پودیم یانوب نارعشقه
حاليمي پوزدي غم غصه يانديم
صبر ايدوب هر بلايه دايانديم
نیزده. باشوه داش وراندا
یاندی قلبیم اوزومدن اوتانديم
گوزیاشیم ئوزده بيرحاله قالديم
محمیله باشيمي اوندا چالديم
اي حبيبيم عزيزم نگاريم
عّزتيم شوكتيم افتخاريم
ايلدريم شاخدي گلزار عشقه
دوندي فصل خزانه بهاريم
كيمدي ياور بو بي ياره اولسون
چاره سيز درديمه چاره اولسون
سن سوروشمارقيم نئج اولدي
نازنين دلبريم هاردا ئولدي
قانلی باشون گورنده طبقده
آغلادی رنگي گول مثلي سولدی
قويدي زيبا دوداقين دوداقه
میزبان اولدی قربان قوناقه
سويله هاردا ياتوبدور علمدار
تا اولوم باشي اوسته عزادار
سسلییم زينبم دور ابوالفضل
گلميشم ايليم سنله ديدار
شامه گیدّی باجون گلدی قارداش
هجر اوخی قلبینی دلدی قارداش
يازدوقيجا آخوندي اورگ قان
من كيمين سسليورجان حسينجان
گوزلری وار کرملی الونده
ديلده كي دردينه ايله درمان
بزم عشقونده باشي اوجالموش
هجر كرب و بلادن قوجالموش

• سه شنبه
• 18
• آذر
• 1399
• ساعت
• 23:27
• نوشته شده توسط
• یوسف اکبری

الا اي دين يولوندا قان ويرنلر
گوزل پيمانه خاطرجان ويرنلر
حق يكتايه جان قربان ويرنلر
گلور زينب چيخون بير پيشيوازه
فدا جانيم سيزون. تك دلنوازه
سلام اولسون سيزه قانه باتانلار
مجازي عشقيني باشدان آتانلار
بر سوزانیده عطشان ياتانلار
دورون گلدي گئنه ديداره زينب
گوني بختي لباسي قاره زينب
الا اي شاه دين سرو خجسته
باجون زينب گلوبدور زار و خسته
اسيراولموشدي چون بيرعده پسته
ورولدي ديل ياراسي جانه گلدي
دوا ايت دردينه درمانه گلدي
حسين سن سن منيم روح و روانيم
اياقدان دوشموشم يورقوندي جانيم
بلالي زينبم. يوخدور توانيم
ايدوب هجران اوخي قلبيمي ياره
سالوب غملر مني غملي حصاره
حسين سندن كه جبريلن ال اوزدوم
فراقونده ئوزه گوزياشي دوزدوم
داياندوم محنت عظمايه دوزدوم
وفالي ائت نظر. اهل وفايه
گتوردیم غم قطارين كربلايه
مزارونده ياتوبسان جانيمه جان
يانوندا وار ايكي اوغلون اورگ قان
سن عطشان اكبر عطشان اصغرعطشان
پوزلموش حالوه عالملر آغلار
رباب و ليلي غمدن سينه داغلار
سنون تك بير نفر مظلوم ئولن يوخ
ورولدي قلبوه اوچ شعبه بيراوخ
جداده باشوه داش ورديلار چوخ
اولار داش ورديلار باخدوقجا يانديم
بو اعظم ظلمه صبر ایتدیم دايانديم
اجازه وير ديوم درد و بلادن
بلالي يولدا كي جور و جفادن
او خصم بي حيا شمر دغادن
يوخيدون قمچي لردن جانه گلديم
گئجه گوندوز حسين افغانه گلديم
چكيلدوك مجلس اغياره گيتدوك
عزالي باغلي قول پيكاره گيتدوك
يزيدي يخماقا درباره گيتدوك
جلوس ائتميشدي تخت اوسته او ظالم
سكوت اولموشدي دربارينده حاكم
باشون گوردوم اودم طشت طلاده
الينده خيزران. اُُول هنده زاده
دوداقوندن. وراندا مست باده
گلوبدور عترتون ني تك نوايه
چاغوردوم منده زهراني هرايه
دوروب قصرايچره من گفتاره چيخديم
يزيدي يخماقا. اشعاره. چيخديم
او پست شوميلن. پيكاره چيخديم
دانیشدیم حق سوزی مقصوده يتديم
ستم كاشانه سين. ويرانه ايتديم
منه ئوز ويردي امّاعُمده بير غم
بو غم اولدی منه بیر داغ اعظم
گتوردوم عترتون قارداش بيرين كم
رقيّون عمری چون یتدی تمامه
سفير ايتديم اوني من شهر شامه
رقييوندن سوروشماسن حسينجان
ديمه نولدي بالام ای شاه خوبان
اورگ ياره گيدوب زهرايه مهمان
پوزوبدي حاليمي اُول ماه طلعت
ملالين شرح ايدم يوخ ديلده طاقت
شماتتدن بالام افغانه گلدي
غمیندن نالیه بيگانه گلدي
آجيندان يوخ جفادن جانه گلدي
سسين ویرانه دن قصره يتوردي
يزيد فاسقي جانه گتوردي
او قصر ايچره يزيد پست و نادان
ديدي بو سس مني ايلوب پريشان
گئجه وقتی گلور هاردان بو افغان
گورون كيمدورنه ايستور تئز ويرون سيز
يانقلي آهي وار خاموش ائدون سيز
گئجه بيردن. ايشقلاندي خرابه
باشون گلدي قوناق اول دلكبابه
بالون باخدي منه بيرده ربابه
ديديم گلدی قیزیم دردون دوا سي
یواش آغوشه آل چوخدور ياراسي
گلوب باشه طرف اُول ماهپاره
گوروبدور لبلرونده واردي ياره
توكوب گوزياشینی غمدن عذاره
دوداقين قويدي اول قانلي دوداقه
ايدوب جانين فدا سن تك قوناقه
آخوندي من كيمين گوزلر دولي قان
اولوب هجرونده محزون و نواخوان
ديور هر بيرنفس مولا حسين جان
عنايت ايت اونا دار فناده
قالوب حسرت گوزي كربو بلاده

• سه شنبه
• 18
• آذر
• 1399
• ساعت
• 23:29
• نوشته شده توسط
• یوسف اکبری

سلام اولسون سیزه قانه باتانلار
مجازی عشقینی با شدان آتانلار
بر سوزانیده عطشان یاتانلار
دورون گلدی گنه دیداره زینب
گونی بختی لباسی قاره زینب

حسین سن سن منیم روح و روانیم
ایاقدان دوشموشم یورقوندی جانیم
بلالی زینبم یوخدور توانیم
ایدوب هجران اوخی قلبیمی یاره
سالوب غملر منی غملی حصاره

حسین سندن كه جبریلن ال اوزدوم
فراقونده ئوزه گوز یاشی دوزدوم
دایاندوم محنت عظمایه دوزدوم
وفالی ائت نظر اهل وفایه
گتوردوم غم قطارین كربلایه

مزارونده یاتوبسان جانیمه جان
یانوندا وار ایكی اوغلون اورگ قان
سن عطشان اكبر عطشان اصغرعطشان
پوزولموش حالوه عالملر آغلار
رباب و لیلی غمدن سینه داغلار

سنون تك بیر نفر مظلوم ئولن یوخ
ورولدی قلبوه اوچ شعبه بیر اوخ
جداده باشوه داش وردیلار چوخ
اولار داش وردیلار باخدوقجا یاندیم
بواعظم ظلمه صبر ایتدیم دایاندیم

اجازه ویر دیوم درد و بلادن
بلالی یولدا كی جور و جفادن
او خصم بی حیا شمر دغا دن
یوخیدون قمچی لردن جانه گلدیم
گجه گوندوز حسین افغانه گلدیم

چكیلدوك مجلس اغیاره گیتدوك
عزالی باغلی قول پیكاره گیتدوك
یزیدی یخماقا درباره گیتدوك
جلوس ائتمیشدی تخت اوسته او ظالم
سكوت اولموشدی دربارینده حا كم

باشون گوردوم اودم طشت طلاده
الینده خیزران اُول هنده زاده
دوداقوندان وراندا مست باده
گلوبدور عترتون نی تك نوایه
چاغوردوم منده زهرانی هرایه

دوروب قصرایچره من گفتاره چیخدیم
یزیدی یخماقا اشعاره چیخدیم
او پست شومیلن پیكاره چیخدیم
دانیشدیم حق سوزی مقصوده یتدیم
ستم كاشانه سین ویرانه ایتدیم

منه ئوز ویردی امّا عُمده بیر غم
بو غم اولدی منه بیر داغ اعظم
گتوردوم عترتون قارداش بیرین كم
رقیون عمری چون یتدی تمامه
سفیر ایتدیم اونی من شهر شامه

شماتتدن بالام افغانه گلدی
غمیندن نالیه بیگانه گلدی
آجیندان یوخ جفادن جانه گلدی
سسین ویرانه دن قصره یتوردی
یزید فاسقی جانه گتوردی

او قصر ایچره یزید پست و نادان
دیدی بو سس منی ایلوب پریشان
گجه وقتی گلور هاردان بو افغان
گورون كیمدور نه ایستور تز ویرون سیز
یانقلی آهی وار خاموش ائدون سیز

گجه بیردن ایشقلاندی خرابه
باشون گلدی قوناق اول دلكبابه
بالون باخدی منه بیرده ربابه
دیدیم گلدی قیزیم دردون دواسی
یواش آغوشه آل چوخدور یاراسی

گلوب با شه طرف اُول ماهپاره
گوروبدور لبلرونده واردی یاره
توكوب گوزیاشینی غمدن عذاره
دوداقین قویدی اول قانلی دوداقه
ایدوب جانین فدا سن تک قوناقه

آخوندی من کیمین گوزلر دولی قان
اولوب هجرونده محزون و نوا خوان
دیور هر بیر نفس مولا حسین جان
عنایت ایت اونا دار فناده
قالوب حسرت گوزی کرب و بلاده

• پنج شنبه
• 20
• آذر
• 1399
• ساعت
• 00:11
• نوشته شده توسط
• یوسف اکبری

یتیشدی یولدان قطار زینب
دور ای یارالی نگار زینب
الی قوینوندا حرمین گلدی
گؤزون آچ صاحب علمین گلدی

سنه واریمدی علاقه قارداش
مزارین آللام قوجاقه قارداش
ایاقه دور بیر منی دانیشدیر
ائدلله حرمت قوناقه قارداش
نگران زینب سنه مهماندی
سسیمه سس ویر ئورگیم قاندی

غم فراقین اوتوندا یاندیم
باشون دالیجا گزیب دولاندیم
سوسوز دوداقه دگنده داشلار
باخوب گؤزوندن حسین اوتاندیم
دل طوفاندان گلورم قارداش
یورولوب جانیم ئولورم قارداش

حسین بو قلبی کبابی دیندیر
بو پاسدار حجابی دیندیر
دوشوبدی اصغر آناسی دیلدن
اویان اوغولسوز ربابی دیندیر
یارالی اوغلی سینووین اوسته
اوتانور لایلای دیور آهسته

منی زمانه آییردی سندن
همای رؤحیم آوچوب بدندن
بو کارواندان رقیه کمدی
اماندی ائتمه گلایه مندن
نگران اولما او سیه پوشه
اونی ویرانه آلیب آغوشه

• دوشنبه
• 24
• آذر
• 1399
• ساعت
• 14:36
• نوشته شده توسط
• یوسف اکبری

سبک:ای دل اگر عاشقی ...

دور منی پیشواز ائله
قلبی یانان زینبم
ساچلارینا آق دوشن
قدی کمان زینبم

قرخ گجه گوندوز گزیب چوللری گلدیم حسین
حفظ ائلیوب باغریقان ائللری گلدیم حسین
ئوپمگه تندن جدا اللری گلدیم حسین
یادوه سال سینووه بوسه ووران زینبم

شام بلادن بورا گلدیم حسین وای دییم
اکبر ناکامووه اکبریم ایوای دییم
سینوین اوسته یاتان اصغره لایلای دییم
ائللریمون قاره سین باشه سالان زینبم

دور یارالی سال نظر جمع سیه پوشووه
زینبون اولسون فدا مرقد ششگوشووه
یاره لیسن آلموسان اصغری آغوشووه
سینه ده کی یاره دن دل نگران زینبم

اسدی بلا یئللری دوشدی خزان گلشنه
دردیمی گلدیم دییم قارداش حسینیم سنه
آغلامیشام تا سنه قمچی ووروبلار منه
خاطره محنتین دیلده یازان زینبم

دوتدی مصیبت اوتی قیزلاریوون دامنین
قویدولا عریان سنی سویدولا پیراهنین
دشمنی خوار ایلدیم اولما حسین دلغمین
قانه باتان کوینگی الدن آلان زینبم

پاره لنیب حلقه و بند اسارت حسین
اهل و عیالین هامی گلدی سلامت حسین
خوردا قیزیندان باجون اولدی خجالت حسین
دختر شیرین لبه قبر قازان زینبم

پایگاه حفظ و نشر آثار عباسی معروفان اهری

• دوشنبه
• 24
• آذر
• 1399
• ساعت
• 14:38
• نوشته شده توسط
• یوسف اکبری

دور ای یارالی حسینیم
آنام مارالی حسینیم
دوشوبسن ئوز حرمیندن
ندن آرالی حسینیم
باجون فدا سنه قارداش
تسلی وئر منه قارداش
(تکرار در تمام بندها)

سلام او قانلی دوداقه
سینونده دیلسیز اوشاقه
علی اصغره خاطر
محبت ایله قوناقه

هواده غم توزی واردی
غمین یانان کؤزی واردی
آماندی زینبه بیر باخ
ئورکده چوخ سؤزی واردی

سنی سراغلامیشام من
دویونجا آغلامیشام من
او قانلی کوینگی قارداش
سینمده ساخلامیشام من

حسین شکسته دلم من
سولان چمنده گلم من
حرملرین هامی گلدی
رقیه دن خجلم من

حرم دوشوب یولا قارداش
گلوبله قول قولا قارداش
رقیه نین یئری بوشدی
اقللی یاد اولا قارداش

شکسته بال و پرم من
حسین حسین دییرم من
رقیه نین عوضیندن
مزاروی ئوپرم من

باخ ای دوداقلاری یاره
رباب و لیلی زاره
به یاد اکبر و اصغر
باخوللا غملی مزاره

گؤرن بو شوکتی والله
گوروبدی جنتی والله
بو آلتی گوشه مزارین
شفادی تربتی والله

پایگاه حفظ و نشر آثار عباسی معروفان اهری

• دوشنبه
• 24
• آذر
• 1399
• ساعت
• 14:39
• نوشته شده توسط
• یوسف اکبری

آسمان خلقته مهردرخشاندی حسین
شام تار زندگیده ماه تابان دی حسین
جسم یوج جان یوخ مسلم جان جانان دی حسین
جدینون دینون قانیلا ایلیوب احیا حسین
ای حسینی لر اورکدن سسلنون سیز یاحسین

زاده خیرالنسا آیات کوثردی حسین
معنی مصحف حسیندی نورمنبردی حسین
میوه قلب علی جان پیمبردی حسین
دفترعشقی ایدوبدی قانیله امضا حسین
عاشق انسانلار سیزون تک سسلیللر یا حسین

کان همتدی حسین اصل شجاعتدی حسین
سهم و صولتدی حسین دین و دیانتدی حسین
معدن غیرتدی حسین عین صلابتدی حسین
قطره دی احسان کرامتده ولی دریا حسین
سسلنر هریرده دریادل جوانلار یاحسین

اربعین گلدی اورک سوگ حسیندن قان اولوب
اهل دل پای پیاده زائر جانان اولوب
قطره قطره جمع اولوبلا شیعه لر طوفان اولوب
کربلا بیریانا بیریانه هامی دنیا حسین
شیعه لر لبیک گویان سسلنوللر یاحسین

زائران اربعینون خوش اولا احوالینه
مرحبا بوهمتیله چاتدیقی آمالینه
خط بطلان چکدیله وهابی قیل و قالینه
لعنت اولسین بانی ظلمه هامی دنیا حسین
زائران کربلا سسلوللر ایمدی یاحسین

ایمدی آماده اولون آتش غمدن آلیشاخ
شادلیقی باشدان آتاخ بزم عزایه قاریشاخ
گوزیاشین جاری ایدک غملی زماندان دانیشاخ
اولین اربعینه جابر انصاری گلوب
آلتی گوشه او مزاری گوزی یاشیلا سیلوب

شامیدن آزاد اولوب چیخدی پیمبر عترتی
زینبون رنج و مصیبت اولدی دائم قسمتی
تا مشام جانه گلدی کربلانون نکهتی
چون دو راه کربلایه چاتدیلار آل رسول
قصد ایدوب قبر حسینی گورمگه دخت بتول

ايتدي فرمايش بشيره حضرت زين العبا
كارواني دونده رون سمت ديار كربلا
چون اولوبدي عترته بو يولدا عمم مقتدا
بيزده لازمدي بو رهبردن اطاعت ايليك
قبر سالار شهيداني زيارت ايليك

کاروان گلدی یوخونلاشدی غرض غم دشتینه
زائریدی جابر انصاری ده ماتم دشتینه
سویلدی بیرسس دوشوب الله بو سینم دشتینه
ای عطیه گور بو یورقون کاروان هاردان گلور
گلدیگیجه قلبیمه گرد غم و ماتم الور

چيخدي پيشوازه عطيه درك ايدوبدي مطلبي
گوردي سجادي اوركده آرتيروب تاب و تبي
بير كجاوه اوسته گوردي غرق افغان زينبي
سسلدي جابر دواسيز دردوه درمان گلور
زايران خسته سلطان مظلومان گلور

تا ایشیتدی بوسوزی جابر اولوبدی قلبی شاد
حضرتين پيشوازينه گلدي او مرد خوش نهاد
گورجگین شاد اولدی دیلدن حضرت زین العباد
ایتدی فرمایش عجب ایتدون وفا پیمانوه
زائر اولدون هامیدان اول شه عطشانوه

بو بلا دشتی غم و آلامه توش ایتدی بیزی
آلدی آل مرتضانی قاره پوش ایتدی بیزی
شمع تک باد جفاییله خموش ایتدی بیزی
بو همان یردی شقیلر بیردا طغیان ایلدی
اکبر لیلانی دشمن قانه غلطان ایلدی

فاطمه باغاتی صرصرله سولان یردی بورا
حیدرین خون دیلی چشمه دولان يردي بورا
اربابین قیزلاری آواره اولان يردي بورا
بو همان یردی اولوب پامال آیین خدا
آت ایاقیندا قالوبدی قاسم نو کدخدا

بوردا اهل کینه آیات خدانی داندیلار
حرمت مهمانلاری نه بیلدیلر نه قاندیلار
خیمه گاه آل طاها ظلم اودیندا یاندیلار
بو همان یردی عدو راه خطاده دوردیلار
اللری اوسته حسینون اصغره اوخ ویردیلار

بومکاندا آل سفیان جمله کامه چاتدیلار
یارو اصحابی حسینون بوردا قانه باتدیلار
ایستی قوملار اوسته اوچ گون سینه سوزان یاتدیلار
كوفيان باد مخالف تك بو يرده اسديلر
شاه خوبانون سوسوز باشین قفادن کسدیلر

بوهمان کرب و بلادی دیللری قان ایلیوب
عالم ایچره شصتم هجریده طوفان ایلیوب
دیده آزادگانی گورنه گریان ایلیوب
بوهمان یردی علی اولادینی خوار ایتدیلر
زینبین روشن گونون مثل شب تار ایتدیلر

گلدی زینب آلتی گوشه قبری آغوشه آلوب
آغلیوب دشت وبیابانه بویوک طوفان سالوب
گوزیاشین جاری ایدوب بیراوزگه احواله قالوب
سویلیوب ای زینب بیچاریه نور دوعین
یاندی قلبیم داغ هجرونده منه سس ویرحسین

قبرین اوسته رسمیدی قارداش سالالار ترمه شال
غارت اولموش خیمه و خرگاهیم ای حقه جمال
قالمیوبدی خواهر بیچاروه جاه و جلال
یوخدی الده ترمه و شالیم حسین عفو ایت منی
قبرون اوسته سالموشام قانه باتان پیراهنی

یاحسین اهل و عیالون گلدیلر شاماتیدن
اولدیلار آزاد اول ماتملی احوالاتیدن
قلبیده بیر خجلتیم وار غملی احساساتیدن
بوسببدن غصه و غمدن اورک آکندیم
شامیده قالدی رقیوندن اخا شرمندیم

• چهارشنبه
• 1
• بهمن
• 1399
• ساعت
• 11:58
• نوشته شده توسط
• یوسف اکبری

زینب حسینون عطرینی گور آلدی نیلدی
بیر ضجه چکدی دود چخوب استخوانیدن

تترشدی ناله دن شهدا نعشی قبریده
ایسلاندی کهنه یاره لری تازه قانیدن

عرض ائتدی ئولمیوبدی باجون زنده‌دور حسین
تحسین ائله که یاخچی چیخوب امتحانیدن

ناموس و اهلبیتووه جان مایه قویمشام
حفظ ائتمشم حریمووی هر بی‌امانیدن

ماموریت قوتاردی ئولوم ایسته زینبه
آگاهیسن که سیرم ئوزوم زندگانیدن

چوخ ایستورم رقیّووین آدین دوتام ولی
شرمندی‌اَم او دختر شیرین زبانیدن

بیر دردی وار اونی گتوره بیلمورم دیله
بیر نصف شب ائشیتدیم او دل ناگرانیدن

گوردوم یاواش دیور آجام عمّه یاتانمورام
آجلیق توان آلوبدی من ناتوانیدن

چاره‌م اوزولدی باغریما باسدیم دئدیم بالا
یات خون دل یئ بوشدی الیم آب و نانیدن

بیر قرص نانی اون یره بولدوم چاتیشمادی
چاره یولی کسیلدی من بی گمانیدن

• چهارشنبه
• 15
• بهمن
• 1399
• ساعت
• 21:49
• نوشته شده توسط
• یوسف اکبری

سبک (تا مشکتو تو آب زدی)

مزارون اوسته قارداشیم گیدوب دوباره گلمیشم
اولان اولوب گئچن گئچوب،اورکده یاره گلموشم
قولومدا قمچی ردّی وار،سینمده غملی سوزلریم
دور ایندی پیشواز ائله،باشیمدا قاره گلموشم

حسینجان دوزدوم غم و دردِ بیشماره--گتوردوم قیزلاری آلتی گوشه مزاره
بیزی بو چرخ ستم چوخ چوخ یوردی قارداش--چکوبدی آل ترابی بزم قماره

دور ای بلالی سینه سین،بو دشتیده سه پر اویان
گلوبدی غملی کاروان،حسین دئیر ملَر اویان
نه واردی شمر و حرمله،نه وار شماتت ایلیَن
نه واردی غارت عدو،نه واردی قمچی لر اویان

بیزی آزاد ایلیوب غمدن اهل کینه--گلوب زینب کاش اؤلییدی زار و حزینه
اویات آرام سینه وین اوستن شیرخواری--باجون اؤلسون سو گتوردی غملی سکینه

ولی بو درد و رنجدن اوزومی من ایتیرمه دیم
خیال ائلمه قارداشیم ایشی باشا یتیرمه دیم
بیر امریدن خجالتم،گذشت ائله دِینمورَم
نلر اولوب خرابه ده،رقیه نی گتورمه دیم

سنین غملی اولدوزون ویرانه ده باتدی--گلوب جانه اوچ یاشیندا دنیانی آتدی
دیلیم لال اولسون دئسم اما نیسگیلیندن--اوزوم گوردوم آج سوسوز نچّه گجه یاتدی

• پنج شنبه
• 30
• بهمن
• 1399
• ساعت
• 22:31
• نوشته شده توسط
• یوسف اکبری