اشعار ترکی حضرت فاطمه زهرا(س)

با تکرار (خدا خدا خدا مظلومه دی زهرا) در هر بند

زهرای معصومه ترک ایلیوب جهانی
آناوای صداسی دولدوردی نه قبانی
بالا طویی گورمدی
محسنه سود ویرمدی
خدا خدا خدا مظلومه دی زهرا

رسالت گولیدی خار الینده سولوبدی
بابا سیندان صورا قلبی قانا دولوبدی
قاپوسی یاناندا هر نه اولان اولوبدی
قانلی درو دیوارمیخ در دور نشانی
پشت دره یخلدی
قلبی غمه سخلدی

پیغمبردن صورا امتی پارچالاندی
علینون حقنی بخ دیین لر داندی
غم آلدی قلبنی غم اوسته غم قالاندی
گورودولر بابالار هرگون سولورآنانی
قلبنده غم یاراسی
حسینون ماجراسی

بغض و کینه الی آچیلدی باغبانه
ایکی تیره ثانی بیر قلب ایدوب نشانه
اَلی اَیسَر ویردی سیلی هم تازیانه
نیلی گون ایلدی ایکی رخِ زهرانی
ثانیدی باعث اولدی
اورگی قانه دولدی

آزعمرونده آچدی قرآن ودینه مکتب
اورگددی نسوانه درس حُجب ودیانت
لَیلَتُه القَدر تک بولمدی قـدرین اُمّت
بهار عیشینه اسدیر دیلر خزانی
دوشدی آخر نفسدن
روحی اوچدی قفسدن

باب وحی اودلانوب شهیداولدی بالاسی
یوز کبود سینه ده واردورمسمار یاراسی
سودی قانه دونوب بولمیه کاش آتاسی
گیدورخسته روحی اولسون آتا مهمانی
هیچ گل بوتک سارالماز
یارالاری ساغالماز

نصف شب گزلینده زهرا گیدوبدی قبره
یتیمه قزلارون اشکی دونوبدی ابره
دعوت ایلورعلی بش بالاسینی صبره
خلوتده آغلوری هرغم یتن زمانی
واردور غم نهانی
چاهه ایدور بیانی

عزّ و شأن زهرا دهریده جاودانه
ذکر مصیبتی دل لره غم ترانه
اجری وارنوحه سین یازانه نوحه خوانه
لطفونی گوره جاق حشریده شیعیانی
«عدلیده» نوحه خواندی
آغلیوب آغلاداندی
خدا خدا خدا مظلومه دی زهرا

• شنبه
• 20
• دی
• 1399
• ساعت
• 22:42
• نوشته شده توسط
• یوسف اکبری

گجیله کیمدی بو یارب بِله گلمیش تَمنّایه
سالوبدور درد وغم گویا اونی دریای اِیذایه

بو آدمدور که جَنّتدن چیخوب هجرانیدن آغلار
نِدامت صحبتین شاید ائدور چوللَرده حَوّایه

خلیلُ اللّهیدور اولما دوشوبدور نار نَمروده
دیور یارب گلستان اِئت بو ناری عَبد یکتایه

سَمَک بَطنینده یا اینکه مناجاته گلوب یونس
اوجالدوب ناله سین باشدان یتورسون طاق مینایه

ویا نوح نَبی دوشموش بلایه آغلیار غمدن
قالوب طوفان آراسیندا باخور وحشتلی دریایه

کلیمُ اللّهیدور شاید سیزیلدار ساحت قُدسه
مناجاته گلوب گویا گجیله طور سینایه

بو ناله ایلین اولما اولا یعقوب کَنعانی
اَلینده قانلی بیر کوینک یخیلمیش باب مَعنایه

و یا یوسفدی چاه ایچره هَرایه دادرس ایستر
تاپا بازار مصری تا گئده قصر زلیخایه

بو شاید داریده مَصلوب اولان عیسی بن مریمدی
سیزیلدار تا عروج ائتسون سَماده قُرب اَعلایه

اولانماز کیمسه بو یوخ یوخ غلط تَحلیل اِئدر ظَنّیم
گِنه بو طایر فکریم گلوب مین رَمز و اِیمایه

نُه آدمدور نَده نوح و خلیل و یونس و یعقوب
یاراشماز بیر بِله ناله نَه موسایه نَه عیسایه

علیدور غملی رُخسارین قویوب دیواره قان آغلار
چکوب اَل غسل زهرادن گلوبدور شور وغوغایه

اولوبدور برمَلا سِرّ خانیم زهرا او وقتیکه
خطادن آی اِشیق سالدی او صدمه گورمیش اَعضایه

علینون پوزقون احوالین اَلیکه درک ائدوب اَسما
تعجّبله دیله گلدی بِله عرض ائتدی مولایه

نَدور بو ضَجّه وشیون نَدور بو ناله یا مولا
علی جان سن که واقفسن تماماً سِرّ اِخفایه

بیزه اَمر ایلدون حاشا اوجادان آغلاسون کِیمسه
مبادا سس گئدوب چاتسون بو یثربده او اَدنایه

ئوزون اَمّا بو اثناده نَدندور گلموسن داده
اگر یوخ مَحرم دردون دِئ دردون باری اَسمایه

اوجالدی ناله سی بیرده بویوردی بو سوزی مولا
گوزوم عُمّان اولا کَمدور بو فقدان غم اَفزایه

چراغیم سوندی یثربده آدامسیز قالمیشام نیلَک
آپاررام دردیمی سوزیوخ گجه لَر دشت و صحرایه

امیدیم نا امید اولدی گِنه صبر ایلدیم ، اَمّا
منی توش ائتدی بیر مِحنت بِله بیر درد عُظمایه

بو یورقون جسمون اَلسّاعَه سینان پهلوسینی گوردوم
قوجالدیم غُصّه دن اَسما ،گَله لعنت بو دنیایه

سینان پهلویه آغلاردیم یوزه بیر آیری غم چیخدی
ساتاشدی زلفین آلتیندا گوزوم بو لَکَّه لی آیه

بو غسله سو نه لازمدی مَنِ مظلوم اولان یرده
روادور غسل اگر وئرسم گوزوم یاشیله زهرایه

علینون مِحنتی (نادر) تمام داغلاری داغلار
امام عصر ئوزی شخصاً اولار واقف بو معنایه

• یکشنبه
• 21
• دی
• 1399
• ساعت
• 11:59
• نوشته شده توسط
• یوسف اکبری

گِنه ئوز دردیمی قوی گُنبد مینایه دیوم
بو اَسَن یللَره یا گویده گَزن آیَه دیوم

آغلیان گوزلرووی دست اَجل تِز یومدی
سالدی کاشانمیزه قارَه دومان سایه دیوم

سن گلستان رِسالتده آچان بیر گُلیدون
ئوز اِئوینده نَه گلوبدور گُل طاهایه دیوم

دوغری سوزدورکه دیللَرگُلون عمری آز اولار
عُمروون شَرحینی قوی لالهء حَمرایه دیوم

بو جوان ئولمگووُن داغی قوجالدوبدی منی
دوندروب گوندوزومی لیلهء یَلدایه دیوم

سندن آیری نِجه من دردیمه هَمناله گَزیم
داغلارا ،داشلارا ،یا پَهنهء صحرایه دیوم

ماتمونده ائله بِیل گوزیاشیم عُمّانَه دونوب
بوآخان گوز یاشیمون شَرحینی دریایه دیوم

نگرانم گِنه سندن صورا ایللَر یاشیام
سَنسیز ای فاطمه جان اُف اولا دنیایه دیوم

درگهی که اونا زَوّاریدی جِبریل اَمین
مقتل اولدی بوقاپی مُحسنه زهرایه دیوم

یانماسیدی قاپومیز گوز داغی اولمازدی منه
اِیتی مِسماری سالور روحیمی اِیذایه دیوم

آیریلق دردی منی مُشتری اِئتدی ئولومَه
یوخ دوزوم منده بِله مِحنت عظمایه دیوم

(نادرم) ذکر غم شاه وِلادن یازورام
بیلمورم هانسی غمینده گَلیم آوایه دیوم

• یکشنبه
• 21
• دی
• 1399
• ساعت
• 12:00
• نوشته شده توسط
• یوسف اکبری

ياتمــازهــراآدامســيزام حيدربيكس دي اويـان
سـندن سـورا جهـان منـه كنج محـبس دي اويـان
دريـــاي غـــم اســـيريم يوخ چارم فاطمـه جـان
گتمــه اللهــين عشــقينه بــي يــارم فاطمــه جــان
ايقديكمانگوزونآچ ايسنيجوانگوزونآچ
درگاهييانانگـوزونآچ پهلوسيسينان گوزون آچ
ياتما اويان اويان(2(

نـار هجـرون ده فاطمـه يانـدي اوتلانـدي علـي
سنسيزدنيادهآچ گوزون گورنــهويلانــديعلــي
هجرون آلدي دواميمي ياتمــا دور آي يــارالي
يوخدور آلان سلاميمي يوخــدورتــابيمداييــارالي
گولتكساراليبديعلي بيرحالـهقـالوبديعلـي
بيـرگـوندهيـارالييـاريم وااللهقوجــالوبديعلــي
ياتما اويان اويان(2

بودرديم بي گمان سـالار عــرش حــيحقــه شــور
كــيم بــاور اليــرعلــي زهرانــي قبــره قويــور
عشق حيدر يولونداسـن قانـــه باتـــدون بيلـــورم
باعث مسمار دراولـوب
داشــيم آتــون بيلــورم
سيلي وورولوب يوزوه قانلكهدوشوبگوزووه
بيريول دئعليسورايات قربـاناولاجـانسـوزووه
ياتما اويان اويان(2

• یکشنبه
• 21
• دی
• 1399
• ساعت
• 22:28
• نوشته شده توسط
• یوسف اکبری

فاطمــه قبريــده يــات ســينه يــارا
لايـــــــلاي فاطمـــــــه جـــــــان
خوشدي لايلاي چالا دلـدار يـارا
لايـــــــلاي فاطمـــــــه جـــــــان

قبريــده اي دليمــون ازبــري يــات
حيــــــــدرين داشــــــــيني آت
اي مـه بـرج ولا آي كيمـي بـات
قانـــــــه اشـــــــگيمي قـــــــات
نينك آت حيدري اي روح صلاهًْ
مـــــن ســـــيزقبريـــــده يـــــات
گوزلريده گونـوزوم اولـدي قـارا
لايـــــــلاي فاطمـــــــه جـــــــان

نور آلوب سندن اولوب ماه جلـي
اي خـــــــــــاتم گـــــــــــوزلي
يـــار اولار يارينـــه وابســـته بلـــي
اي نــــــــــــــور ازلــــــــــــــي
ســن ئــولن وقتيــده اي يــار ولــي
ئولـــــــدي ســـــــنله علـــــــي
سنه يـار اولمـادي هـئچ قـوم دغـا
لايـــــــلاي فاطمـــــــه جـــــــان

ثاني گوردون نئجه سينديردي منـي
ويـــــــردي حـــــــق دينـــــــي
ياريمه قمچي ويروب خصم دنـي
گــــــــــــوگروب بــــــــــــدني
سـني زينـب جـاني عفـو ائتميسـن
محســـــــــــن ئولـــــــــــدورني
درديمــه يوخــدي بــو دنيــاده دوا
لايـــــــلاي فاطمـــــــه جـــــــان

روحيمي دردوغمون بنده چكوب
قــــــديم محنــــــت اگــــــوب
منــــه خــــاطريــــوزون دنيــــاده
زهـــــــرا ســـــــيلي دگـــــــوب
قلبيمــه دســت قضــا فاطمــه جــان
نخـــــــل مـــــــاتم اكـــــــوب
قالميشـــام قبـــرون اوســـته آوارا
لايـــــــلاي فاطمـــــــه جـــــــان

محنتونــده منــيم آيــدين قمــريم
اي محكـــــــــــم ســـــــــــپريم
غسل ائدنده سـني مـن نيمـه شـب
ســــــوزدي اشــــــك تــــــريم
سـينوون يـاره سـينه دگـدي الـيم
ســـــــيندي بـــــــال وپـــــــريم
باشــه ويــرديم ايلــديم آه و نــوار
لايـــــــلاي فاطمـــــــه جـــــــان

• یکشنبه
• 21
• دی
• 1399
• ساعت
• 22:29
• نوشته شده توسط
• یوسف اکبری

سن سیز اولار بو لِیل و نَهاریم کَدَر ننه
کونلوم قوشی جمالووی دائم گَزر ننه

داغدان بویوک دایاقیدون عالمده سن منه
یاددان چیخاتمارام سنی شام و سحر ننه

من ناتوانی شیرهء جانونله بَسلَه دون
مِهرون شاخاردی مِهر کیمی بی نظر ننه

لایلای سَسون گَلر گِنه ایندی قولاقیمه
هِچ موسیقیده یوخدی بِله بیر هنر ننه

لایلای چالاندا عاطفه لَرنغمه سین دِئدون
مِهری ،وفانی ،هُجَّه لَدون سربسر ننه

هاردا چاتار لَطافتووه گُل طَراوتی
گلزار خلقتی سنون عشقون بَزر ننه

آغوشووه آلاندا منی بزم روضه ده
اَکدون نهال عشقی وِئره تا ثمر ننه

گوز یاشووی قاتاندا همان اَمدیگیم صوده
مَعجون عشقی اَمدی او گون صود اَمر،ننه

اورگتموسن بو کلمه نی من دیل آچان زمان
سن یاحسین دئدون منه ائتدی اثر ننه

دوتقون دیلیله منده سنه یاحسین دئدیم
ئوپدون دوداقلاریمنان او دَم دیده تر ننه

بیر قاره کوینگی منه گِیدیردون آغلادون
بیلدیم صورا نَدندی که اَشکین اَلر ننه

سن بیل حُسینون حَقّی منی گَل حلال ایله
کِیمدن آنا رضادی اولار بَختور ، ننه

حقدن حواله اولسا اگر (نادره) یقین
اولماز سنون او زحمتون آخر هَدر ننه

• یکشنبه
• 21
• دی
• 1399
• ساعت
• 22:58
• نوشته شده توسط
• یوسف اکبری

گلدی بیر گون منزله مولا علی
گوردی زهرانی، ملول اولدی،ولی
فضه نون، مولا باخوب گوزیاشینه
هی دولانور،فاطمه نون باشینه
اهل کین گورستدیلر،ئوز کینه سین
سیندیروبلار ذات حق آئینه سین
کینه و ظلمون خدایا،حدی وار..
صورت زهراده سیلی ردی وار..
گل کیمی بین در و دیواریده
وار خزان رنگی،نوک مسماریده
آچمورام،قالسون،هله کوچه سوزی
روضه سین بیر گون اوخور،مهدی ئوزی
بستر بیماریده زهرا یاتوب
یاره لی،انسیه ی حورا یاتوب
تا علینی گوردی گولدی لبلری
شاد ائدوب فتاح باب خیبری
تز،سلام ایتدی او حالدا حیدره
خلقا و خلقا چکوب پیغمبره
شیرحق،زهرا یوزوندن،دویمادی
ایسته دی دورسون ایاقه،قویمادی
حیدره تسکیندی نام فاطمه
ویردی روحیه سلام فاطمه
باشینون اوستونده اگلشدی علی
ایتدی فرمایش او دم،حقه ،ولی
فاطمه؛قربان سنه اولسون جانیم
امر ائله گویلون نمه ایستور خانیم؟
سویلویوبدی،ای ولی کردگار
گویلوم ایستور میل ایدم الان انار
تز ایاق اوسته دوروب شاه زمن
فتح باب ایتدی او دم،خیبرشکن
امر زهرانی اطاعت ایلسون
فوری فرمانین اجابت ایلسون
سالدی هر سمته، ولی حق،گذار
تا تهیه ایلییه، بلکه انار
گوردی اصحابی،دیوللر:یاعلی
شاهکار خلقت ای نور جلی
اولماسین ناراضی بیزلردن گوگول
ایندی مولا،فصل اول میوه دگول
بیر نفرده وار او میوه گوئیا
آدی شمعون،دین یهودی،برملا
قلب مولانی بو غم بی تاب ائدوب
خانه ی شمعونی دق الباب ائدوب
ماجرانی شرح ایدوب،اول نامدار
اهل خانه عرض ائدوبدی،بیزده وار
آلتی درهملن،آلوب اول میوه نی
شاد ائده دورت بلبلی،بیر گلشنی
افتخار ماخلق، دوشدی یولا
چوخ تواضعلن باخور صاق و صولا
ئوز ئوزویلن ،ذهنیده ،ایلور خیال
فاطمه خوشحال اولار،اولسا وصال
گر یتیشسم منزله،الساعه من
شاد اولار زهرا،حسینیلن،حسن
انتظار فاطمه،پایان تاپار
زینب و کلثوم و فضه،جان تاپار
ایتدی بو افکار، ذهنیندن، خطور
یولدا بیر،ویرانه دن، ایتدی عبور
هی باخور الده اناره،دینجلور
ناگهان گوردی حزین بیر سس،گلور
بیر مریضی گوئیا اوردا یاتوب
بیر کسی یوخ،عالمی گوزدن آتوب
مرتضی،فورا،عیادت ایلدی
حالینی گوردی ،حمایت ایلدی
ایتدی فرمایش ولی کردگار
صاحب شان و وقار و ذالفقار
ایستییوب الله،بو یردن یول سالیم..
عرض ایله گویلون نه ایستور؟،من آلیم
باخدی مولایه مریض خسته حال
ایتماقا صحبت ،توان ویرمور مجال
ائلیییور ویرانه کنجینده نوا...
هم سوسوز،هم آجدی،هم ایستی هوا
ضعفیدن،عاجزدی صحبت ایلییه
دردینی ایستور که بیر نوعی دییه
بیر بیریندن،گوتدی ناگه لبلرین
لحظه ای بین دولب،اولدی سرین
رهگذر!چوخ آشنا گلدی سسین
عالمه،الله سنی چوخ گورمه سین
قلب زاریمده گورورسن غصه وار
گویلوم ایستور میل ائدم الان انار
باخدی مولا صحنه یه،چوخ آغلادی
سسلدی یا فاطمه،دل داغلادی
اگلشوبدی باشینون اوسته علی
آشکار ایتمور،ئورک سرین ولی
باخدی بیر الده،انارین رنگینه
اول مریضین،غصه لی آهنگینه
اولمادی قسمت،گیده تز منزله
لنگر ارض و سما گلدی دیله
وار گوزی،بوندا،عزیزیمده منیم
ایوده واردی،بیر مریضیمده منیم
اول مریضون، بنده،خاطرخواهیدی
عیبی یوخ الله،کریم،اللهیدی
بو اناری،سن اجازه ویر منه
دانه دانه نصفینی،ویررم سنه
مرتضی،گور اول مریضه نیلدی؟
اول اناری دانه دانه ایلدی
ویردی نصفین ئوز الیلن،شه ئوزی
گوردی نصف دیگرینده وار گوزی
تز او نصف دیگرینده بذل ائدوب
دست خالی،پیش زهرایه گیدوب
شاعرین،دولدی گوزی،مولا علی
وار سوالیم ایندی سندن یا علی...
بو گریزیم قلبیمه ویردی یارا
کنج ویرانه هارا،زینب هارا؟
آج قالوبدی اهلبیت طاهره
ویردیلار طعنه،او جمع حاضره
حقی وار،گوزلر،بولود مثلی دولا
اهلبیتون باغلویوبلار قول قولا
یاعلی؛ظلمونده آخر حدی وار...
هر اسیرین،قولدا قمچی ردی وار
دهریده اعدا چاتوب آمالینه
باخ مریض کربلانین حالینه
چاتدی عرشه قیزلارین،یورقون سسی
اوچ یاشیندا نازدانن،ناله سی
مستحقه،سن کرامت ائتموسن
هر مریضه،چوخلی حرمت ائتموسن
ایندی فاش ایله ئوزون بو مطلبی
شامه وارد اولدی زینب موکبی...
بس نیه ویرانه ده جای طعام!
یکسره ایودن چیخوبدی اهل شام
پیشوازه،آتماقا،داش گتدیلر
سو یرینه،بیر کسیک باش گتدیلر

• دوشنبه
• 22
• دی
• 1399
• ساعت
• 22:54
• نوشته شده توسط
• یوسف اکبری

ای گلن درگه زهرایه، دئنن یا زهرا

باخ چمنده گل زیبایه ،دینن یا زهرا

نام زهرا یازیلیوب نوریله،عرشین طاقینا

یوخ جهاندا اونا همپایه دینن یا زهرا

ئوزووی سیخ خانیمون،سایه ی چادرشبینه

قوی سالا تا باشیوا سایه دینن یا زهرا

سوره ی کوثره باخ،زینت اولوب قرآنه

شاءنینه نازل اولوب آیه دینن یا زهرا

گیتمه آیری قاپییا،گر ،وار ئورکده دردین

عرض ائله دختر طاهایه دینن یا زهرا

• دوشنبه
• 22
• دی
• 1399
• ساعت
• 22:55
• نوشته شده توسط
• یوسف اکبری

مژده احبابه ویرون فاطمه اولدی عیان
شاداولوب اهل زمین نوریله دولدی جهان
اوخویورمرغ سحر شوقیله قول و غزل
بو نواییله گرک دولا تا گوش زمان
گلدی طاها بالاسی//// باغ عشقون لالاسی
آچدی دنیایه گوزون//// حسنینون آناسی
ای گل باغ نبی /// کفو وهمتای علی

شجرمعرفتون بوگیجه باری گلوب
خاتم مرسلینون گل بی خاری گلوب
گلون ای اهل ولا نجفه سیرایلیون
حیدره مژده ویرون یارو غمخواری گلوب
گلدی طاها بالاسی//// باغ عشقون لالاسی
آچدی دنیایه گوزون//// حسنینون آناسی
ای گل باغ نبی /// کفو وهمتای علی

یر گویه عزتیلن نور زهرا دولاجاخ
ریشه دن غصه لری اوزالیلن یولاجاخ
فخرایدرختم نبی اوقدر اوز قیزینا
عشقینه ملک و ملک اونون حیران اولاجاخ
گلدی طاها بالاسی//// باغ عشقون لالاسی
آچدی دنیایه گوزون//// حسنینون آناسی
ای گل باغ نبی /// کفو وهمتای علی

عرش و فرش ایچره خدا سنی کوثر تانیار
عصمت و عفتوی چون پیمبرتانیار
قدروی بیلمدیلر اهل دنیا و دغل
تانیمازاوزگه لری سنی حیدر تانیار
گلدی طاها بالاسی//// باغ عشقون لالاسی
آچدی دنیایه گوزون//// حسنینون آناسی
ای گل باغ نبی /// کفو و همتای علی

دختر ختم نبی کفوحیدرسن اوزون
حسنینون ننه سی نازلی دلبرسن اوزون
فخرنسوان جهان علت خلق جهان
جنته جلوه ویرن نهرکوثر سن اوزون
گلدی طاها بالاسی//// باغ عشقون لالاسی
آچدی دنیایه گوزون//// حسنینون آناسی
ای گل باغ نبی /// کفو وهمتای علی

• سه شنبه
• 23
• دی
• 1399
• ساعت
• 22:42
• نوشته شده توسط
• یوسف اکبری

بویوردی ای گل بی خار روزگار زینب جان
خزانه دوندی منه نوبهار زینب جان

گل اگلش ایندی یانیمدا سنه وصیت ایدیم
کی غم گونی منه سنیدون غمگسار زینب جان

اولده تاپشیرورام من سنه آتان علینی
یقین اولار گونوزی لیل تار زینب جان

گلنده منزله پروانه مثلی باشینه دون
ایدوبدی غملر اونی بیقرار زینب جان

اوزون ایاقینه دور ایله احترام آتووا
کی راضی سندن اولار کردگار زینب جان

رعایت ایله حالین چون آتان آدامسیزدی
قان آغلیور حالینا ذوالفقار زینب جان

سلامین آلمور اونون بی وفا مدینه لیلر
قالوبدی بیکس همان تکسوار زینب جان

اوزون تسلی خاطر اول ام کلثومه
بولوت کیمی غم الینده دولار زینب جان

سفارش ایلمیوم گوزله سن حسن حسینی
آنا فراقینه اولموشلا اشکبار زینب جان

آنالیق ایله اوزون یو قیزیم عمامه لرین
اولاری غصه لر ایلوب نزار زینب جان

سوروشما کوچه سوزین مجتبی نی ایتمه ملول
دوشنده یادینه دیلدن یانار زینب جان

حسین سوایسته سن فورا فراهم ایله قیزیم
آماندی سوز عطشدن سولار زینب جان

زمان گیچریتیشر سال شصتم هجری
حسین اولار بلاچولینه رهسپار زینب جان

باشی بلالی حسیندن اولونجه ال چکمه
اوجان نثاره سن اول همقطار زینب جان

بلاچولونده قیزیم چوخ بلا گلر باشوزا
اویرده دوروزی دشمن آلار زینب جان

حسین قانلی منایه کمک لرین یولار
اولده اکبراولار جان نثار زینب جان

عباده نعشینی اخیامه قارداشون گتورر
تمام اهل حرم اوخشیار زینب جان

ایدرله قاسمی پامال آتلارین ایاقی
حسن بوغمده اولار سوگوار زینب جان

سالالا قولارینی قارداشون ابالفضلین
عدوسی ساق گوزون اوخلار زینب جان

حسین ال اوسته آلار شیرخواره سربازی
آخردا اصغری ایلر نثار زینب جان

کمکلری گیدر الدن قالار بالام یالقوز
وداع آخره قلبون یانار زینب جان

بوکهنه کوینگی اوندا حسینوه گیدیر
دینن ننم وصیتیدی بوقرار زینب جان

منیم یریمده قیزیم بوسه ویر بوغازیندن
اولوم قرارینه ایت رهسپار زینب جان

گلنده شمردنی مقتله یتور اوزوی
ال آت قلنجینا اولما فکار زینب جان

فدا ولایته ایله منیم کیمی اوزوی
وگرنه خون شهیدان باتار زینب جان

کسلّه باشینی دالدان چوخور مکاندا قیزیم
اولالار عرشیله فرش اهلی داغدار زینب جان

بیرقطره بحرمصیبتدن (آذرین)یازدی
عنایت ایله بویوک دردی وار زینب جان

• چهارشنبه
• 1
• بهمن
• 1399
• ساعت
• 18:21
• نوشته شده توسط
• یوسف اکبری

به سبک (عم اوغلی صبریم جالاندی )

عمواوغلی بسدی آغلاما
آغلیوب سینه داغلاما
فـاطمه آدیـوه قـربان
دیزلرون قوجاخلاما

آی عمواوغلی جان عمواوغلی
مـن سنـه قـربان عمواوغلی

تک قالوبدی یالقوزلارون
نه حیراندیو اولدوزلارون
مـن گئـدورم امـا علی
جان سنون جان بو قیزلارون

آی عمواوغلی جان عمواوغلی
مـن سنـه قـربان عمواوغلی

صورته گـوز یاشیـن آخیر
زهـرانی یانـدیریب یاخیر
پوزما ئوز ئوزون عمواوغلی
گوزلرون سیل زینب باخیر

آی عمواوغلی جان عمواوغلی
مـن سنـه قـربان عمواوغلی

عمواوغلی عفو ایله منی
بئلـه تک قـویـدوم سنی
نِیلیـم کـی باغبـانیله
یانـدیروبـلار بـو گلشنی

آی عمواوغلی جان عمواوغلی
مـن سنـه قـربان عمواوغلی

• جمعه
• 10
• بهمن
• 1399
• ساعت
• 17:30
• نوشته شده توسط
• یوسف اکبری

‍ فاطمه کیمدی جنّت اُلعشقیدی یادواره سی
رنگ خزان گورَن دگل عزتینون بهاره سی

فاطمه کیمدی صورتی آی گونه نورپایلیار
بوسه ورار قدومینه یدّی گویون ستاره سی

قصۀ عشق فاطمه واژۀ بی حسابیدور
حُسن ووقاروجودینون گلمزاله شماره سی

هاجرومریمون یقین شوکتینی آلوب ساتار
کوچه ده که سنوب دوشن لنگۀ گوشواره سی

فاطمه بیرخانمدی که سوره لره یاراتدی جان
پشت دره دایانماقی، درگهینون شراره سی

کعبیه آبرو ویروب عالمی ایتدی حیدری
فاطمه نون صلابت وغیرت وسینه یاره سی

وادی حَشری انبیا پای پیاده سیرایدر
ماخَلَقون اوگون فقط فاطمه دور سواره سی

• جمعه
• 10
• بهمن
• 1399
• ساعت
• 19:49
• نوشته شده توسط
• یوسف اکبری

حضرت صادقدن ایتدی بیر نفر راوی سوال
قصّه ی موت بتولی قیل بیان ای شهریار

پوزدی بو سوز حالینی، دولدی امامین گوزلری
گوز یاشین رخسارینه توکدی چو دُرّ شاهوار

بیر دویونجا آغلادی وا جَدَّتی ذکر ایلدی
سویلدی بو سرّی بُل لازمدی گرچه استتار

اُلمدی، پیغمبرین ریحانه سین اُلدوردولر
گیتدی دنیادن شهیده، عقل کلّه یادگار

عرض ایدوب صدّیقه ی کبرانی کیم ایتدی شهید
سویلدی ثانی آنام زهرانی قیلدی زخمدار

یاندوراندا درگهین بیر صدمه ووردی جدّه مه
باخمادی جسم لطیفینده ایدر اول صدمه کار

جسمینه اول گون یتن صدمیله دنیادن گیدوب
حیدر کرّاری قویدی داغ هجری بی قرار

غسلینی ویردی، کفن قیلدی، گئجِیله ایتدی دفن
حکمتاً‌ گیزلتدی زهرا قبرینی اول شهسوار

عالِم علمِ لَدُنّی فکر صبحیله گئجه
ایلدی تعمیر او یرده بیر نچه تازه مزار

مرتضی گَلدی ایوه، صبح اولدی نشر اولدی خبر
دفن ایدوب صدّیقه ی کبرانی شاه تاجدار

دوشدی بو فکره آچا ثانی بتولین قبرینی
بیر جماعت مُلحِدینی سسلدی بو امره یار

اَلده حفر اسبابی جمع اولدی بقیعه مشرکین
بیر نفر بو امری ویردی شیر حقّه اختبار

باغلیوبدور بیر ساری دسمال او سرور باشینه
قویدی قبرستانه یوز شاهنشهِ گردون مدار

بوینونا ایتدی حمایل ذوالفقارین غیظیله
یتدی بیر قبر اوسته دوردی چکدی آه شعله بار

سسلدی گر بو قبوره بیر نفر وورسا اَلین
ذوالفقاریله گَتورّم روزگاریندن دَمار

شیر تک گوردی ولیُّ اللهی ثانی خشمناک
روبه مکّار تک آچدی زبان اعتذار

قصدیمیز توهین دگلدی دخت طه قبرینه
روح زهرایه بیزی عفو ایله میر بردبار

ای ولیّ ا... اعظم، شیر داور، یا علی
جسم عالمده قَوام جان و روح مستعار

دوزموسَن وورسون عدو قبر بتوله بیر کلنگ
ایستوسَن دنیا داغیلسون، قالماسون دار و دیار

قبر زهرانون داشی افضلدی یا جسم حسین
ذوالفقار اَلده ایدِیدون کربلایه بیر گذار

قویمیِیدون ایلیه آتلار حسینی پایمال
اولمیا اوراق گُل تک بیرده جسم زخمدار

آه او ساعتدن اُلن اُلدی، قالان اولدی اسیر
ابن سعد امر ایتدی چکدی بیر منادی بیله جار

وار یزیدین لشکریندن هر قَدَر مقتول اولان
دفن ایدون تا قالماسون گونلر ایوینده زینهار

شام و کوفه لشکریندن قالمادی یرده قالان
وار یری آخسون حسینی لر سرشکی همچو ثار

بیرده بیر فرمان ویروب سعد اوغلی یاغی لشکره
اشکیله زینب گوزین دولدوردی چون ابر بهار

هم حسینون لشکرین هم اوز یارالی پیکرین
ایلیون سُمّ خیولیله بو چولده خاکسار

چکدیلر شمشیر کین بو چولده حُرّین لشکری
سسلنوبلر ایتمروق اجرای امره اصطبار

سحق اولونسا جبریله اجسام انصار حسین
وار حسینون لشکرینده جسم حرّ نامدار

حرّ اولوب یاغی دوتاق ابن زیادین امرینه
لیک سردار سپه دور اوندا وار چوخ اعتبار

بیز باخاق حرّین وجودینده قوشون آت گَزدیره
دوزمَروق گورسون قبیله صاحبی چوخ انکسار

حرّین اقوامی یغشدی قبره قویدی جسمینی
قالماسون تا یرده قانلی پیکری زار و نزاز

وای کومک سیزلیق اَلیندن نه یاماندور ای خدا
بیر نفر مظلوم اُله اشرار اَلینده سوگوار

حرّین اولدی قوم و قارداشی یغشدی قویمادی
نعشی اوسته آت چاپا پامال ایده قوم نقار

هاردا قالموشدی بنی هاشم خدایا اوندا بس
اون نفر گَلدی ایده جسم حسینی خاکسار

بیر بدن که سینه سینده بَسلَمیشدی فاطمه
نانجیب آتلار اونون اعضاسین ایتدی انتشار

جلدیدن چخدی کلامُ ا...ِ ناطق جزء به جزء
قلب قرآن مبین اولدی بو غمدن داغدار

سحق ایدوب اسلام امامین آدلاری اسلامیان
وار یری گر ایلسه قرآنه انجیل افتخار

شمس اوج عزّت اوسته نقش بند اولدی هلال
بند بند اولدی یازولّار یرده عرشه گوشوار

اوخلانان قلب اوستونه لنگر سالوب سُمّ خیول
گرچه قیرمیشدی وتینی نوک تیر زهردار

کربلا توپراقی بی جا اولمیوب خاک شِفا
ایسلانوب تربت، حسین قانی آخوب چون چشمه سار

دورت آغاج صاقدان صولا صولدان صاقا، آت دیرناقی
نشر ایدوب اجزاسینی قان آخدی مثل جویبار

قان آخان یردن اولوب اون آلتی فرسخ حایری
ایمدیده مَامندی دورینده چکوب قانّی حصار

گُل گیاهیندن گَلور عطر حسینی برملا
آند اولا اوز جانینه قانی ایدوبدور لاله زار

اولمادی یالقوز حسینه بو جفا، هر بیر شهید
بو جفا و جوری گوردی هم کبار و هم صغار

• شنبه
• 18
• بهمن
• 1399
• ساعت
• 19:08
• نوشته شده توسط
• یوسف اکبری

ای سراسر عالمـه احسان ائدن یا فاطمه
وی بوتون عالم لری حیران ائدن یا فاطمه

دستمازیندن آخان سو مین ئولی اِحیا ائدر
ای علاج سیز مشکلی آسان ائدن یا فاطمه

آیه آیه سوره سوه مصحفی جمع ایلیوب
مرتضائیلــه اونـی قرآن ائدن یا فاطمه

مرتضی عشقونده قانه باتدون اما دینمدون
ای دیلینـده یا علی طوفان ائدن یا فاطمه

هم‌ئوزون‌ هم قیزلارین اوغلانلارین‌ هم نسلینی
مرتضانین عشقینه قربان ائدن یا فاطمه

درگهوندن جبرئیل اوپدی چاتوب حیثیته
ای گدای درگهین سلطان ائدن یا فاطمه

من جهنم اهلیم اما خانیم زهرایه چوخ
عاشقم ، نیرانی ای بستان ائدن یا فاطمه

قعر دوزخدن دئسم یا فاطمه رضوان اولار
دوت الیم ای دوزخی رضوان ائدن یا فاطمه

بیر غزل یازدی پریشان سر به سر ایرادیدور
ای سینیق سالخاخلاری دیوان ائدن یا فاطمه

• چهارشنبه
• 22
• بهمن
• 1399
• ساعت
• 22:09
• نوشته شده توسط
• یوسف اکبری

آچ گوزون علی گلوب،قبرون اوسته فاطمه
حیدری حلال ائله،دل شکسته فاطمه
آنداولا بو اشکیمه،فرقته دوزنمورم
دهریدن علی دویوب اولدی خسته فاطمه
یات ای نگار مرتضی یات--یات ای عزیز مصطفی یات

فاطمه گئلیلیم،گردشِ زمانه دن
محنته سالوب باشون،غمله آشیانه دن
هانسی دردیدن دئیوم،سیلی دن قباله دن
میخ و سینه دن دئیوم،یا کی تازیانه دن
یات ای نگار مرتضی یات--یات ای عزیز مصطفی یات

سیندورب غروریمی دوزدی ثانی فاطمه
اگدی امرِ مصطفی،مرتضانی فاطمه
غیرتیمدن آغلادیم،ذوالفقاریم آغلادی
صورتینده گورجگین ال نشانی فاطمه
یات ای نگار مرتضی یات--یات ای عزیز مصطفی یات

• یکشنبه
• 3
• اسفند
• 1399
• ساعت
• 21:53
• نوشته شده توسط
• یوسف اکبری

شاهکارخلقت خلاق سبحان فاطمه
لیله القدرخدا، مفهوم ایمان فاطمه
گوهردریای عصمت در رخشان فاطمه
ذکریاقدوسینه فوج ملایک مشتری
دوقوزایل مولاعلینون همسری همسنگری

کیمدی زهراخلقتیندن آسمانلارغرق نور
ذکریازهرادی یاران جنته رمزعبور
ماتمینده آغلیان واللهی گلمزحشره کور
آغلاسادنیاده هرکس دخترپیغمبره
لبلری خندان اولار والله گلنده محشره

سینه لر اندوه و محنتدن یانارمحشرگونی
امته هرراه چاره باغلانارمحشرگونی
صوت این الفاطمیون قوزانارمحشرگونی
حضرت زهرا قیامتده قیامت ایلیر
فاطمیونی اوبلواده شفاعت ایلیر

بیزده یازهرا، گلوب بزم عزاده آغلاروخ
سیل اشکی ماتمونده بوعذاره باغلاروخ
سن چکن دردی خانم، یاده سالوب دل داغلاروخ
قویماسنده حشریده مستغرق نیران اولاق
منکرون تک، بیزده فریاده گلوب نالان اولاخ

آغلاروخ بیزده دمادم او اسفلی حالته
قویمادی دشمن بالالارون چاتاامنیته
اود ویروب اوچ یوزنفرظلمیله باب رحمته
اوج ایدوب شعله ثریایه بالالارآغلادی
مرتضانین اللرین ظلمیله ثانی باغلادی

دامن مولانی دوتدون، ویردیلار ال چکمدون
رشته ی مهرووفانی قیردیلار ال چکمدون
بوسه گاه خاتمی سیندیردیلار ال چکمدون
عرشیده احمدچاغوردی مرحبازهراسنه
فرشیده زینب گلوب داده دیدی ایوای ننه

ای قراکوینک گین، ایله مجسم صحنه نی
قالدی زهرانون الینده شیرداوردامنی
بیرخانم مغلوب ایدوب اوچ یوزنفراهریمنی
سسلدی دخت رسولم شانیمی اسگیلتمرم
مرتضادن تانفس وارسینه ده ال چکمرم

والله ال چکمزدی زهرا جان چیخینجاشاهیدن
امرایدوب حیدر که زهرا ال چکه دلخواهیدن
امتثال ایتدی خانم امر ولی اللهدن
مسجده ساری چکوبلرظالمانه حیدری
گلدی داده بوستمدن گنبدنیلوفری

یوخ رجوعیم نه اولوب، زهرانه رفتارایلدی
مسجده گلدی خانم اوردانه ایثارایلدی
خطبه لر ایرادایدوبدی غاصبی خوارایلدی
کچدی گونلرماحصل زهرادوشوبدی بستره
هرگونی بیرایل کچوبدی حیدر نام آوره

آخرین گون باشلادی خورشیدخاورباتماقا
سفله چرخ اولدی مهیازینبی آغلاتما
فاطمه حاضراولوب خاک بقیعده یاتماقا
مرتضانی سسلدی غرق مصیبت ایلدی
دیل گلرگلمزخانم زهراوصیت ایلدی

عرض ایدوبدی یاعلی جانانی تاپشوردوم سنه
مجتبااول دیده سی گریانی تاپشوردوم سنه
هم حسین هم زینب کبرانی تاپشوردوم سنه
حکم تقدیریله من قبره روانم یاعلی
من حسینیمدن ولی چوخ ناگرانم یاعلی

یاعلی زهرایه شرح قصه ی هجران اوخی
اگلش ای قرآن ناطق کوثره قرآن اوخی
لحنوون مشتاقیم یاسین والرحمان اوخی
صون نفس زهراییلن بیردم مقال ایله علی
سن حسینون جانی زهرانی حلال ایله علی

نیمه شب بوپیکری دفن ایتمگه همت ایله
دفن ایدنده قبریمون دورین علی خلوت ایله
بیرقدر اگلش صورادور منزله رجعت ایله
قویماایوده چوخ اوشاقلارقلب زاری داغلاسون
فاطمه جانی علی قویماحسینیم آغلاسون

ماحصل دخت نبی نون یتدی اتمامه سوزی
بیرقدرباخدی امامه لاجرم آخدی گوزی
دیده ی زهرانی یاران باغلادی مولا اوزی
سسلدی صرصرویروب گل مثلی سولدون فاطمه
ایندی راحت یات که غمدن راحت اولدون فاطمه

جان چیخینجاجامه ی اندوهی تندن سویمارام
تانفس وار، فرقتونده آغلاماقدان دویمارام
بیرگجه آسوده زهرابالشه باش قویمارام
هرگجه گلم بقیعده شوروافغان ایلرم
قلییمی سندنصورامن بیت الاحزان ایلرم

گورنه عالمدور که غمدن سینه ی حیدریانور
باخ شرارمحنته، هم عود هم مجمریانور
حیدرون احوالینه خامه یانور دفتر یانور
"ناعما"ساخلاقلم بومطلبه ویرخاتمه
شعروون مزدین ویرر روزقیامت فاطمه

• شنبه
• 23
• اسفند
• 1399
• ساعت
• 16:49
• نوشته شده توسط
• یوسف اکبری

عم اوغلي عالم وصلت يتور پايانه حيف اولسون
الور زهرا دونور گوگلون بو غمده قانه حيف اولسون

عم اوغلي اي آدي بازار روحيمده اولان عزّت
گَل اگلش باشيمون اوسته ايداخ هجرانيدن صحبت
يتوبدور آيريليق وقتي که بو وصلت بيله ساعت
اله دوشمز بو دوران و بيله بير آنه حيف اولسون

منيم عمروم گونه بنزر گونون دائم باتان وقتي
تاپار رنگي اونون تغيير دوشر دلدن اذان وقتي
يتوب ايمدي اذان وقتي گوزيمون باغلانان وقتي
اذان اولدي داخي وصليم چاتور پايانه حيف اولسون

گونون رنگي سارالدوقجا منيم رنگيم اولور ساري
مرور لحظه لر ايلور دليمدن صلب گفتاري
يوزومي قبليه دوندر يوزوم معبوديمه ساري
ويروم جان آغلا دي بو درد بي درمانه حيف اولسون

رضايم خستيم گوزدن بو دنياني آتام ايمدي
اُلم گون باتماميش گوندن تيز آماله چاتام ايمدي
بهشته ناگرانيمدور مني گوزلر آتام ايمدي
بهشت ايمدي دونوب من سيز اونا زندانه حيف اولسون

ايله حاليم پريشاندور ايله غمدن گلوگيرم
خيال ايلر مني هر کيم گوره بير نقش و تصويرم
رضايم اُلماقا، دنياده قالماقدان داخي سيرم
بو خسته جانيمي گر ويرمه سم جانانه حيف اولسون

سرشک آليوي از صفحه ي سينونده ياز آغلا
نظام صبريوي پوزما بيله آز جانگداز آغلا
يورولموش جانيم اولسون گوزلرون قرباني آز آغلا
آخور اشکون يازور اشکي آخان دامانه حيف اولسون

باشيم اوستونده اي دردي اولان مندن گران اگلش
گوزومي باغلاماقا اي گوزومي باغليان اگلش
باشما مثل پروانه يورولدون آز دولان اگلش
يانور دردونله بي پروا هامي پروانه حيف اولسون

بو ايوده سن منيم چوخ اگلشوبسن باشيمون اوسته
بو ساعت تک سني ايتموب عم اوغلي هيچ بيري خسته
بو ساعت آيري ساعتدور دگل بو عمره وابسته
بو دورانيم گيدور الدن بيله دورانه حيف اولسون

عروج ايستور ايده روحيم قوشي، بال و پريمدن دوت
سراغ وحشت مرگي بو لرزان پيکريمدن دوت
دوتان درماندگانين اللريندن اللريمدن دوت
که دوشدوم دوت اليمدن درد بي درمانه حيف اولسون

منه دست قضا گرچه فراقون رختيني تيکدي
مغيره باعث اولدي محنت و غم قدّيمي بوکدي
بالامون قانيمي ثاني جفائيله يره توکدي
او بي تقصيريدن يرده آخان آلقانه حيف اولسون

ديللر دهريده هيچ بير شيرين مانند جان اولماز
بالا جاندان اولار شيرين او شيرينه چاتان اولماز
منيم تک جان و اطفاليندن عالمده دويان اولماز
بالالاريمدا درديمدن گلوبدور جانه حيف اولسون

من اُلسم غملريم سنلن اولار بو ايوده هم خانه
دل زينب فراقيمدن يقينيمدور دونر قانه
اونا تاپشور ديسون دائم ووراندا زلفينه شانه
آنام هيچ ايتمدي زلفين بو ايوده شانه حيف اولسون

من اُلسم درد هجرانيم سنون دردون گران ايلر
منيده تنگدل سنسيز يقين باغ جنان ايلر
گزر فردوس باغين فاطمه ورد زبان ايلر
گيچن گونلر اولار سنلن سر و سامانه حيف اولسون

فلک هر لقمه ي تلخي سنه ويردي يِدون اوتدون
منه صدمه يتن گون سن لباس صبريوي يتدون
اليمدن اونداکي طوفانه دوشموشدوم منيم دوتدون
من اولدوم غرق، سن دوشدون ولي طوفانه حيف اولسون

بو ايوده درديمي بُلمور منيم سندن صورا بير کس
قولومين سينمين زخمي عميق اولدي ايله از بس
نه زحمتله وضو تجديد ايدوب باشه چکوردوم مس
ويريرديم من نمازي يا نجه پايانه حيف اولسون

حسين نازين حسن چکسون او دل آگاهه تاپشوردوم
بالام کلثومي زينب اول غمي جانکاهه تاپشوردوم
بالالاري سنه بير بير سني اللهه تاپشوردوم
خداحافظ که من سيز قالدي بو کاشانه حيف اولسون

شرار محنتله بو ايوده سنلن يانميشوخ باهم
سنه مندنده چوخ محنت بو ايوده يوز ويروب بُلّم
مني دلدن سالوب ثاني داخي من قالمارام اُلّم
منيم قتليمده کي مطرح اولان فرمانه حيف اولسون

بو ايو مندن صورا بُلّم دونر بير ليله ي تاره
صفاسين تيز ويرر الدن وورار چوخ دللره ياره
چکون سيز بو ايوين اُلسم در و ديوارينه قاره
يازون زهرا اُلوب بو ايو اولوب غم خانه حيف اولسون

يازون پشت دره زهرا بو يرده گُل کيمي سولدي
بو يرده بير گلستانه نچه زاغ و زغن دولدي
يازون من ضعف ايدن يرده بالام محسن شهيد اولدي
بو يرده سو کيمي قاني آخوب هر يانه حيف اولسون

يازون بو ايوده زهرانون توانون محنت آلموشدي
يره دوشموش اياق آتدا قالان گُل تک سارالموشدي
آغارموشدي قرا زلفي جوانليقدا قوجالموشدي
اورک داغي چکوب اود داغلي داغستانه حيف اولسون

يازون بو ايوده هر محنت شکيبي بي شکيب اولدي
حريم امّته اود ووردولار دوشدي لهيب اولدي
باشي اوسته اوتورموشدي طبيبي بي طبيب اولدي
يازون بير دردي سنگين و غمي پنهانه حيف اولسون

منه دوتسان عزا چون يوخ منيم يار و هواداريم
قاپوني باغلا بير ايوده اوزون اول بير بالالاريم
اوزون سن نوحه خوانيم اول قيزيم زينب عزاداريم
ايله ورد زبان گوگلي دونن القانه حيف اولسون

منيم درديمده اي دردي اولان هر يرده باش آغلا
دلون آئينه سين سعي ايله چوخ ايتمه خراش آغلا
اورگون دوزمسه آغلا، بالالاردان يواش آغلا
ياواش دي درد بي درمان اولان انسانه حيف اولسون

جنازم اوستونه بيرده منيم چکسن عبا خوشدور
حسينيم گر گلوب سندن خبر دوتسا دي ناخوشدور
مني يردن گوتورمه تيز، باخوب گورسه يريم بوشدور
اوزوني اُلدورر آغلار گَلر افغانه حيف اولسون

ابلالاريم دوشر ياده دليمده محنتيم آرتار
مواظب اول اولاردان سن، اولاره اول اوزون دلدار
حسينين هر گئجه تاپشور باشي اوسته سو قويسونلار
بالامي تشنه لب اعدا بويالّار قانه حيف اولسون

وصيّت چونکه لازمدي اُلنده هر مسلمانه
وصيّت ايلورم عمروم اودم که يتدي پايانه
مني گيزلينجه دفن ايله فغانه گَل يانا يانه
شبانه دفن اولان، سرّي اولان پنهانه حيف اولسون

حضوروندن سنون بيرده تقاضا ايلورم شاها
قاپودا بير قرا پرچم وورون ممکن اگر اولسا
اوني هر رهگذر گورسه بُلر حتماً اُلوب زهرا
دير ياسه باتوب ايمدي بو اهل خانه حيف اولسون

اوايل که گلشني بير نادر انسان داديوه يتدي
حساب چاپ ديوانون کمکليق ايتدي چاپ ايتدي
او بير انسانيدي تاريخ قرخ بشده گَلوب گيتدي
او دوران و او کس گيتدي، ايله دورانه حيف اولسون

• شنبه
• 23
• اسفند
• 1399
• ساعت
• 16:52
• نوشته شده توسط
• یوسف اکبری

ای صاحب زمانه،ای عشق جاودانه
آه ای همای رحمت،برگردبه آشیانه
بی پناهم،،،،غرق آهم
جزتومولایی ندارم یابن زهـــــــــرا
عبدخوارم،،،،بیــقرارم
جزتوآقایی ندارم یابن زهــــرا
یابن زهرا یابن زهرا
اَلعَجَل ای منجی موعوددنیا۲

ای قاصدعدالت،،ای معنی عدالت
بازآکه گشته عالم،،آقااسیرظلمت
ای طبیبم،،،،ای حبیبم
من به عشقت مبتلایم یابن زهرا
ازفراقت،،،،ماه نرجس
روزوشب غرق نوایم یابن زهرا
یابن زهرا،،،یابن زهرا
العجل ای منجی موعوددنیا۲

آقابیاکه گشته،،،ایام فاطمیه
شیعه زندبه سینه،،،بانام فاطمیه
درعزای ،،،،مادرتو
آتش محنت کشدازدل زبانه
شیعه گشته،،،غرق ماتم
جان فدای اوکه شددفنش شبانه
یابن زهرا یابن زهرا
العجل ای منجی موعوددنیا

گفتاعلی که زهرا،،،ای ماه عالم آرا
بی توعلی ندارد،،،میلی دگربه دنیا
ای پناهم،،،تکیه گاهم
رفتی وداغت به دل شدجاودانه
این حسینت،،،نورعینت
ناله داردهرشب وگیردبهانه
یابن زهرا،،،یابن زهرا
العجل ای منجی موعوددنیا

• شنبه
• 23
• اسفند
• 1399
• ساعت
• 16:57
• نوشته شده توسط
• یوسف اکبری

شمع عزا الده وار ،گلمیشوخ افغانه بیز
حیدر ایوینده گیداخ، شام غریبانه بیز

زینبین الدن بو غم صبرین آلیب ،شیعه لر
اوخشاما سی او ایوه حشر سالیب ،شیعه لر
او یاری یانمیش قاپی باغلی قالیب، شیعه لر
حاضر اولون گیتماقا،منزل جانانه بیز

لکّه سالوب دست کین صورت زیبا سینه
یاره لی گیتدی قوناق خالق یکتاسینه
اولمادی شرکت ایدن فاطمه نین یاسینه
ایلیه روق عالمی بزم عزاخانه بیز

غصّه لی قلبه دولوب محنت بی انتها
ناله ایدور قیزلاری آغلوری هم مجتبا
وای آناوای سسلییر تشنه لب کربلا
سس سسه ویروق گینه شاه شهیدانه بیز

فاتح خیبر داخی (بیکَس) اولوب آغلوری
ناله سسی گلموری خسته دیلین داغلوری
قانه دونن گوزیاشین عارضینه باغلوری
تسلیت عرض ایلیاخ ناطق قرآنه بیز

سنسن اَیا فاطمه محور اهل کسا
زائری یوخ قبریوین ای شرف ماسوا
ایتگین اولان قبریوه دعوت ایله یکصدا
اوردا عزا ساخلیاق سرور نسوانه بیز

• دوشنبه
• 25
• اسفند
• 1399
• ساعت
• 13:04
• نوشته شده توسط
• یوسف اکبری

حسینی ترک ایتمه آنا آغلارام یانا یانه
یارالیسان گیتمه آنا آغلارام یانا یانه

وای آنام آنام ایوای

آنا اوزون ایله نظر
منده چهره ی زَرده

دانیشماسان ئوللم آنا
خاطریم گلیب درده

آنا منی ساغلیغین کیمی
آل قوجاقیوه بیرده

یارالیسان گیتمه آنا
آغلارام یانا یانه

نیه بو تزلیقدا اُلفَتون
کسمیسن آنا مندن

یارالی بلبل کیمی گَل
اوچما سن بو گلشندن

سنده اگر دویسان آنا
دویمیوب حسین سنن

یارالیسان گیتمه آنا
آغلارام یانا یانه

بابام رسوله چوخ آغلادون
گلدون آه و افغانه

آتام علی قوردی سنه
چولده بیر عزاخانه

مدینه اهلی ولی آنا
گتدیلر سنی جانه

یارالیسان گیتمه آنا
آغلارام یانا یانه

آنا نچه آیدی اولموسان
ائوده غملره هَمدم

قانی آخان سینه قویمیوب
قول بویون اولاخ باهم

بوگئجه گَل گیتمه آنا
یاره وه سالاخ مرهم

یارالیسان گیتمه آنا
آغلارام یانا یانه

واریمدی بیرخواهشیم آنا
ایله سن منه احسان

اولاندا خولی ائوینده من
نصف شب آنا مهمان

گوزتلرم من تنوریده
گل سنه ئوزوم قربان

یارالیسان گیتمه آنا
آغلارام یانا یانه

• دوشنبه
• 25
• اسفند
• 1399
• ساعت
• 22:17
• نوشته شده توسط
• یوسف اکبری

گتدون آنا جان قالدی زینب
هر دردی دیله آلدی زینب
دنیانی گوروم ویران اولسون
قاره باشینا سالدی زینب

ایوای
آنا م الدن گتدی من قالدیم یتیم
ایوای
آخوری گوزدن سرشک حسرتیم
ایوای
آناسیز یاتماقه یوخدور عادتیم

آنا یازهرا آنایازهرا

دردونله آنا من بیمارم
چارم کسیلیب یوخدی چارم
درد و غمیلن مانوسم من
من زینبیوم دیده زارم

ایوای
محنتون دیلدن آنا من آتمارام
ایوای
گجه لر صبحه کیمی من یاتمارام
ایوای
غمیوی آیری غمه من قاتمارام

آنا یازهرا آنا یازهرا

حقّیم وار آنا غمدن یانام
هجر آتشینه اَلولانام
ووردی آنامی ثانی یخدی
ایودن یارالی گیتدی آنام

ایوای
یارالی گتدون مزاره سن گجه
ایوای
چیخدی خسته نعشین ایودن خارجه
ایوای
یاتمیسان توپراقلار آلتیندا نجه

آنا یازهرا آنا یازهرا

• دوشنبه
• 25
• اسفند
• 1399
• ساعت
• 22:31
• نوشته شده توسط
• یوسف اکبری

گیتمه آنا یا زهرا

ای ظلموله شکسته، یاقوت
یاراشموری سنه هیچ، تابوت
یوروب سنی جفایِ، طاغوت

آغلامییم بَس نینیم

اَلو چکور وجودوم، غَمدن
نجه آنا دویوبسان، مندن
زینب کی دویمییبدی، سَندن

یارالی/آنام ایوای 3

گیتمه گوزون قربانی

قراریمی الیمدن، آلما
بلایه زینبیوی، سالما
سَنگِ فراقی قلبه، چالما

زینبون ئولسون ایکاش

سنی گورونجه تابوت، اوسته
ای خِلقَتِ جَهانه، هَسته
گیت یات مزاریده ای، خَسته

ووردولار اود درگاهه

دیوار و دَر سینه وی، سیخدی
صَحن ایچره نالَن عرشه، چخدی
بابام علینین ایوین، یخدی

گوردی سنی قان ایچره

بولدی اَسیبدی باغه، صَرصَر
اَیاقلار آتدا اولدون پَرپَر
بولمم نجه دوزوبدی ، حیدر

طاقتیم اَلدن گیتدی

گولوم دچار اولوبدی، خاره
دوزَلمدی سینَنده، یاره
اَلیمده قالمییبدی، چاره

(بیکَس) و بی غمخوارم

بوندانصورا منه یوخ، هَمدم
عَرشه اوجالدی آه و ، نالَم
گَرَک دوتام ئولونجه، ماتَم

• چهارشنبه
• 27
• اسفند
• 1399
• ساعت
• 22:43
• نوشته شده توسط
• یوسف اکبری

یدّی نفر /تابوتیوی/چخاردیری ایودن آنا ملالیله

ئولسون قیزون/نجه دوزوم/نجه باخیم سنه آنا بو حالیله

هجرانون زینبه مشکولدی
تیرِ غَم، قلبِ زاری بولدی
اوجادان، آغلییه بولسِیدیم
سَسلردیم گَلون آنام ئولدی

جامه ی، وصلتی گَل سویما
ایویوی، بیله ویران قویما
من سندن، دویمادیم آگهسن
گَل سنده، زینبوندن دویما

گیتمه آنا (5)
.......
ایوای آنام
وای یارالی
لایلای آنا
......

دالونجا من /نِجه گَلیم /زینبی تَرک ایتمه آنا دوزَنمیرم

خسته بَدَن/ایودن چخیر/حَیالییَم، گَلَنمیرَم، گَلَنمیرم

یوخ سَنسیز بو ایوین دلداری
ایشیمیز اولدی آه و زاری
نصف شب، آناجان گَل گیتمه
سَحر چیخ، مَنزلوندن باری

قلبیمی دوندریبسَن قانه
حَقّیم وار گَر گَلَم افغانه
کیم منیم اولاجاق غمخواریم
زلفومه کیم ویرار بَس شانه

سنی بلا/ دوره له دی/اَریتدی جسمیوی آنا درد و بَلا

قاپی سَنی /چوخ اینجیدوب /او غُصّه لی سینَن اولوب اوردا یارا

قاپیَه، دشمن اود وورموشدی
حُرمَتون ثانی سیندیرمشدی
آتَشِ، کینه پُشتِ دَرده
مسماری ایله قیزدیرمیشدی

غنچه وی سولدوروب گُلشنده
بابامی ایتدیلر شَرمنده
یاندیرار نیسگیلون زینبی
بیتمه دی او یارا سینَنده

سَزادی من/ ایدَم رَوان/گوزوم یاشین بو غَمده دامنه آنا

چوخ تئزیدی/ئولماقیوا/کَفنده هیچ یاراشموری سنه آنا

زینبین یاندیریبسان قلبین
اَلیندن آنا آلدون صبرین
بولمورم نیَه دیدون بابام
آنامین گیزلین ایتسین قبرین

گَلرَم، آه و وایه آنا
دوزَرَم، هر بلایه آنا
تز تزده، یوخوما گلمه سَن
باری گَل کربلایه آنا

• چهارشنبه
• 27
• اسفند
• 1399
• ساعت
• 22:52
• نوشته شده توسط
• یوسف اکبری

گل باغ جنان یازهرا
امیدعاشقان یازهرا
به یمن مقدم توامشب
میخنده آسمان یازهرا
یازهرا۳

فرشته تاج گل میبنده
لباش ازشوروشوق میخنده
سرودمرحبامیخونه
ازعشق فاطمه مجنونه
یازهرا۳

شده وقت نزول کوثر
بگیرعیدی زدست حیدر
بگوازجان ودل یامهدی
مبارک برتوروزمادر
یازهرا۳

گوزآچدی فاطمه دنیایه
اولوبدی عالمه پیرایه
فرحلندی قلب پیغمبر
ویرورعاشقلره پای حیدر
یازهرا۳

ائدون ای شیعه لرسیزشادلیق
علیدن ایستیون بایراملیق
گلوبدورحیدرون دلداری
گوزآچدی شیرحقون یاری
یازهرا۳

بومولود،عصمته مظهردی
دلیل خلقتِ داوردی
نظیری یوخ مونون عصمتده
قویوب مریملری حیرتده
یازهرا۳

بوزهرادی یارحیدردی
حسین تک رهبره مادردی
مونون دامانی بیرمکتبدی
بومکتب حاصلی زینبدی
یازهرا۳

• جمعه
• 29
• اسفند
• 1399
• ساعت
• 11:40
• نوشته شده توسط
• یوسف اکبری

ای نازل اولموش کوثریم
لایلای بالام لایلای
سنسن منیم بال و پریم
لایلای بالام لایلای
گوزل قیزیم،،،دادیم دوزوم
لایلای گوزه لیم یات گوزه لیم یات بالا
شیرین غزلیم یات گوزه لیم یات بالا

سنلن ایشیقلاندی جهان
ای مهررخشانیم
آغوشیمه زینتسن ای
لعل بدخشانیم
آدون اولوب پیرایهٔ
آیات قرآنیم
ای مهربان آرام جان
لایلای گوزلیم.........

عالم فدااولسون بئله
حسن دلارایه
اونبیراوغول سندن اولار
اسلامه پیـــــــــرایه
عشقون اُلارعشق اهلینه
عقباده سرمایه
ای سویگولوم زیبا گولوم
لایلای گوزه لیم یات.......

• جمعه
• 29
• اسفند
• 1399
• ساعت
• 11:42
• نوشته شده توسط
• یوسف اکبری

مژده وئرون شیعه لره
جنته دوندی دنیــــا

جلوه لنوب ماه شرف
عالمه گلدی زهــرا

جان اولاقربان بوگل- یاسمنه
وئردی صفامقدمی بوـــ انجمنه
صبح قیامتده اونون،بیرباخیشی
بسدی منــــــــه

گلدی ملیکهٔ عالم عصمت
گلدی ستاره عرش ڪـرامت
گوزل آدی اوره کلرین قراری
مقدمی وئردی بو عالمه زینت

خوش گلدی زهرا ـــــ محبوب داور
خوش گلدی زهرا ـــــ دخت پیمبر
خوش گلدی زهرا ـــــ مولایه یاور

فاطمه نون مقدمی بو
عالمه وئردی زینت

حضرت زهرانی خـــدا
خلقته وئردی نعمت

مریم ئوزی واله اولوب ـــ عصمتینه
حوروملک عاشق اولوب ـــ عفتینه
عالم وآدمون گوزی ـــ واردی اونون
رٲفتیــنه

اوتوروبدی یولوندا حوروغلمان
آچیلیب گئنه ده سفرهٔ احسان

گلدی ملیکهٔ خلقت دادار
اولدی پیمبرون لبلری خندان

خوش گلدی زهرا ـــ محبوب داور
خوش گلدی زهرا ـــ دخت پیمبر
خوش گلدی زهــرا ــــ مولایه یاور

• جمعه
• 29
• اسفند
• 1399
• ساعت
• 11:52
• نوشته شده توسط
• یوسف اکبری

(بو عالَمین غَم و اندوهی عالَم، عالَم، اولیدی)
نه فاطمه اوره گینده، ئولونجه مین غَم اولیدی

یارالی فاطمه وای 4

گَلنده پُشتِ دره، فاطمه اوزاقدا دورییدی
اَیاق دَگنده قاپی، سینمییدی مُحکم اولیدی

هجوم ایدنده ایوه، سنگدل او نامَحرَم لر
اَنیس اودَم خانیما، بیر نَفرده مَحرَم اولیدی

سینیخ قابیرقالاری اینجیدیبدی فاطمه نی
یارالی سینه سینه کاش اوگونده مَرهَم اولیدی

یر اوسته فاطمه نی کاش، گورنده شیر خدا
جهانی تز داغیلییدی ثُباتی بَرهم اولیدی

کَشان کَشان آپاراندا، علینی قولدا طَناب
ستونِ گُنبَدِ عَرشی، همیشه لیق خَم اولیدی

اَرییتدی جِسمِ بَتولی، همان او درد و بَلا
صول اَللی ناکیشین، مَسکنی جَهنّم اولیدی

فَدَک بهانه سینه کوچه ده او یول کَسَنه
همیشه آتَشِ دوزَخ انیس و هَمدم اولیدی

دوشوبدی فاطمه دیلدن، قالوبدی (بیکَس) و تنها
سَزادی اَشکی گوزونده، همیشه زَمزَم اولیدی

• یکشنبه
• 1
• فروردین
• 1400
• ساعت
• 13:42
• نوشته شده توسط
• یوسف اکبری

گَل یا علی ای سَروَرِ /دوران
گَل باشیم اوستونده اوخی/ قرآن
زهرا او قرآن صوتیوا /قربان
هجران یاخیندی2

راهیدی زهرا محضَرِ / یاره
غمدن گونوم دوندی شبِ / تاره
هجرانه یوخدی نیلیوم / چاره
هجران یاخیندی2

(مظلوم علی مظلوم علی /ایوای) 3
ایوای عم اوغلی

رفعِ غم و درد و مَلال / اِیْله
دیلده سوزون اولسا سؤال / اِیْله
زهرا ئولن گوندی حلال / اِیْله
یاننام غموندن2

فرصَتدی درد دیل ایداخ / باری
گوزیاشیوی ایتمه یوزه / جاری
دفن ایله زهرانی گجه /یاری
یاننام غموندن2

مدّتدی اولموشدوم سنه / مأنوس
اولدوم حیاتیمدان ولی /مأیوس
قاخمیر قولوم اَشکون سیلَم /اَفسوس
آز آغلا یاندیم2

زهرا حَیاتیندان اگر / دویدی
فکر ایلمه رَختِ وفا / سویدی
غَملی دیلی مسمارِ دَر / اُیدی
آز آغلا یاندیم2

غُنچه گولوم پَرپَر اولان / گوندن
الله بولور شرمندیم / سَندن
اوز دوتماقیمدان اینجیمه / مَندن
چاره م یوخیدی2

تیرِ مُحَن داغلی دیله / ساشما
غیرتلیسن امّا دایان / داشما
وار خواهشیم کوچه سوزون / آشما
چاره م یوخیدی2

وار اختیارِ ماسِوا / سَنده
پِیکِ اَجَل درباریوه / بَنده
امّا اجازه ویر آقا / مَنده
گیدیم یورولدوم2

گیتسَم اورکده غُصّه لر / قالدی
اَشکیله دولموش دیده لر / قالدی
ایوای اوشاقلاریم مَلَر / قالدی
گیدیم یورولدوم2

فکریم حسینیمدن ولی / دونمَز
هجر آتَشی هر نیلورَم / سونمَز
اوغلوم کیمی هیچ کیم غریب / ئولمَز
کرب و بلاده2

(بیکَس) قالار اوغلوم حسین / بوللَّم
آتدان دوشَنده توپراقا / گللَّم
آغ زلفیمیله قانینی سیللَّم
کرب و بلاده2

• یکشنبه
• 1
• فروردین
• 1400
• ساعت
• 14:25
• نوشته شده توسط
• یوسف اکبری

تمامِ هستیِ عالَم برای فاطمه است
ولای حضرتِ حیدر، ولایِ فاطمه است
یقین به قلبِ خلایق همیشه سُلطان است
همان کسی که به عالَم، گدایِ فاطمه است

(شَفیعه ی دوسَرا، فاطمه سلامٌ عَلَیک)

خوشم که سائل کوی و سرایِ فاطمه ام
قبول اگر کُنَدَم من، گدایِ فاطمه ام
زِ لطفِ و مَرحَمتِ آلِ او، خدا خواهد
فدای آلِ علیّ و فدایِ فاطمه ام

دلیل خلقت عالَم جنابِ فاطمه است
تمامِ آتشِ دوزخ عِتابِ فاطمه است
قیامتی که همه خوف و واهِمه دارند
حساب دستِ علیّ و کتاب، فاطمه است

لِوایِ فاطمه دائم، گرفته بَر دوشَم
زِ جامِ مِهرِ ولایَش، همیشه مِی نوشَم

سؤال شد اگراین، جامه ی سیاهَت چیست
عَزای مادَرم آمد، سیاه میپوشَم

تَمامِ عالَمِ امکان، صفاسی فاطمه دی
بوتون شکسته اورکلر، جَلاسی فاطمه دی
حسینه نوکَر اولانلار، بونی یقین ایتسین
تَمامِ اَهلِ ولانین، آناسی فاطمه دی

ولایَت اَهلینه زهرا، عنایت ایلیه جاق
مسیرِ عزّته حتماً، هدایت ایلیه جاق
علی سوونلره اولسون بَشارتِ اَبَدی
قیامتین گونی زهرا، قیامت ایلیه جاق

کَرَمده فاطمیه یوخدی بیر نَفر هَمتا
همیشه ایلیوب احسان، منه گُلِ طاها
قالاندا (بیکَس) و تنها،بودور منه عادَت
گیدَر غَمیم اوره گیمدن، دییَنده یا زهرا

• یکشنبه
• 1
• فروردین
• 1400
• ساعت
• 14:32
• نوشته شده توسط
• یوسف اکبری

فاطمه دُختِ پِیَمبَر،
هَل اَتی'و قَدر و کوثر
فاطمه اُم الائمه،
فاطمه دلدارِ حیدر

زیوَرِ باغِ اِرَم دی،
اهلِ عشقه مُحتَرم دی
آستانبوسی ملائک،
فاطمه بَحرِ کَرَم دی

زهرا زهرا زهرا

فاطمه بَدرُ الدُّجادی،
گول یوزی شَمسُ الضُحادی
سائلی ایتمَز پشیمان،
مَنبعِ جود و سَخادی

فاطمه مِهرِ مُبیندی
، یارِ میرِ مؤمنیندی
سَروَرِ نِسوانِ عالَم،
زینتِ خُلدِ بَریندی

تاجِ کَرَّمنا ویریبلَر،
آدمه طاهایه خاطر
نوح و موسی و خلیله،
باخدیلار زهرایه خاطر

حق یارالدیب عالَمِینی،
حیدر و طاهایه خاطر
حیدر و طاها یاراندی،
حضرتِ زهرایه خاطر

مکّه اهلیندن خدیجه،
اینجییب تنها قالیبدی
بَطنیده زهرا آناسین،
دیندیریب، گویلون آلیبدی

خَتمِ مُرسَل غصّه لَندی
هر ایمی اوغلی ئولَنده
اَحمده اَبتَر دییَنلر،
لالا اولوب زهرا گَلَنده

هاردا گورسِیدی بَتولی،
تز قیام ایلردی طاها
سینه سیندن اَللریندن
هِی ئوپوب ایلَردی طاها

مصطفی گورمَز عَبَث ایش،
سویلییَردی ای دل آرا
کردگاریم اَمر ایدیبدی،
حُرمَتون واجبدی زهرا

عشقِ زهرانی کیم ایتسه
قلبیده گَنجِ نَهانی
سَربُلند ایلر همان عشق
هر گَدا و بینوانی

نوکرِ درگاهی اولسان
فاطمه ایلر عنایت
(بیکَس) و درمانده لردن
حشریده ایلر حمایت

• یکشنبه
• 1
• فروردین
• 1400
• ساعت
• 15:05
• نوشته شده توسط
• یوسف اکبری