اشعار ترکی حضرت فاطمه زهرا(س)

اوشاق یاخشی یامان هر خاطراتی
یادیندا ساخلیار تا وار حَیاتی

صورا یاده سالاندا هر زمانی
گولَر ، آغلار ، عَیاندا یا نَهانی

دیوم بیر خاطره قوی مُجتبادن
آلوم تا فیضیمی بزم عزادن

بویوردی بو سوزه تای توشلار آغلار
یارالی بیر قوشا چوخ قوشلار آغلار

او گون مَکتب قوتاردی منده خسته
گلوردوم مَنزلَه ساری یول اوسته

یولی بیر تَنگیه سالدیم او یولدان
بیزیم کوچیدی که دومیشدی صولدان

نَنَم زهرانی من گوردوم او یِرده
همان گورمَک منی توش ائتدی دَرده

دیوم واضح او مَعبرده نَه گوردوم
او یرده بیر سینان آئینه گوردوم

نَنَم زهرایه ثانی سیلی وِردی
دیوم بَند دل طاهانی قیردی

او سیلی قامت اَفلاکی اَگدی
ئوزوم گوردوم نَنَم دیواره دَگدی

یخیلدی گوشهء دیواره دوشدی
قولاقیندن یِره گوشواره دوشدی

قَباله پاره لَندی غارت اولدی
پیمبر بَسلین گُل اوردا سولدی

کَاَنَه کوچه بوغمدن سیخیلدی
یِره شیرازه سیز قرآن یخیلدی

جوانلیقدان نَنَم بِلمَرَّه دویدی
دوراندا بیر اَلین دیواره قویدی

اولوب مونس منه سینمده کی آه
نجه گیتدوک ائووه شاهدی آلّاه

من آغلوردوم نَنَم احوالی بیلدی
بیر اَلّی گوزلریمدَن یاشی سیلدی

باخوب رُخساریمه حالی پریشان
دئدی آرام جانیم آی حسن جان

اولوب آلامَه بو زهرا گرفتار
اوغول بیز دیمَّسوکدَه بیر دینن وار

نهال غُصّه نی من قلبه اَکدیم
عَم اوغلوم بیلمَسون امّا نَه چکدیم

گَلر بیر گون منیمده قان آلانیم
او گزلین قبریمه سایه سالانیم

قویاندا یوسفیم یوز قبریم اوسته
اِئدر شیعه زیارت دسته دسته

زبانحالی یازدون (نادر) آغلا
نمازین وقتیدور مَکتوبی باغلا

• یکشنبه
• 21
• دی
• 1399
• ساعت
• 10:40
• نوشته شده توسط
• یوسف اکبری

حیدر ائوینون شمعی نه تز سوندی الهی
خوش گونلریمیز قاره گونه دوندی الهی

مجروح آنامون حالینه بند کفن آغلار
باش باشه وئروب ایندی حسین و حسن آغلار
الدن گئدنیم وای اونا بیت الحزن آغلار

افغانه گلوب حیدر آتام غسل وئرنده
مسمار اثرین سبنه ی زهراده گورنده

عالمده قالان خوش گونه حسرت ننه میز وای
عمری آز اولان مونس محنت ننه میز وای
شانینده گلن سوره ی رحمت ننه میز وای

بیر خوش گونی بو دهریده هچ گورمدی زهرا
مسمار اونی ئولدوردی ئوزی ئولمدی زهرا

عمریم نه قدر اولسا قرا باغلیارام من
بیت الحزنه گئتسم ئورک داغلیارام من
باخدوقجا بو درگاهیمیزه آغلیارام من

نسگیللرینی هرگجه یاده سالارام من
مسماره باخوب محسنه لایلای چالارام من

پرپر بوگجه صحنیده یاس چمن اولدی
گئتدی ننه میز زینب اسیر محن اولدی
آچدیم قاپونی یاسینه شاید گلن اولدی

گوردوم که گلن یوخ قاپونی باغلادیم الله
قارداشلاریمیلا اوتوروب آغلادیم الله

تابوتی اولوبدور ننه مین مرکبی گئتدی
قویدی یرینه غملر ارا زینبی گئتدی
عنوان ائلدی آهیله بو مطلبی گئتدی

زینب گئدورم قالدی ملر نور دوعینیم
قویما اولا مندنصورا افسرده حسینیم

اولدی سنه دردانه بو دردانه حسینون
دیندیر اونی قویما گله افغانه حسینون
عمامه سین آچ زلفینه ور شانه حسینون

قویما یته بو گللره آفت سولا گلشن
سو قوی باشینون اوسته حسینون گجه لر سن

گلزاریمون آخر سولاجاق گللری زینب
اوخلانسا حسینون صودامر اصغری زینب
بیکس بالامون اوندا سن اول یاوری زینب

گوردون ائله که گل آرالاندی بوداقیندان
سن چیخ قاباقا اصغرین آل تز قوجاقیندان

گیزلیندی اگر فاطمه قبری بو سراده
سن ساخلا سوزی(نادر)اوخی کرب و بلاده
زهراده یقینا اولار اول دار شفاده

هر یاندا دوشر اوغلی حسینون سوزی آغلار
واضحدی که یاس صاحبی اول ئوزی آغلار

• یکشنبه
• 21
• دی
• 1399
• ساعت
• 10:45
• نوشته شده توسط
• یوسف اکبری

زهرا نظر ائله ، تالان اولان ائووه
هر گوشه سی سنه گریان اولان ائووه

کلثوم باخار منه - گاهی باخار سنه
ایستر قزون ننه
یا فاطمه دایان(3)

سنله همیشه ئوز دردین بولر علی
گیدون نه تز کفن ،سن سیز ئولر علی

بیرده دایاقیم اول - ائوده قوناقیم اول
روشن چراقیم اول
یا فاطمه دایان (3)

سندنصورا نجه باخ گور قالار علی
خیبریخان یلون ، تیترور بو گون الی

یوخدور شریک غم - من دردیمی دیم
قدیم اولوبدی خم
یا فاطمه دایان (3)

یافاطمه سونوب سن سیز چراغیمیز
گویا دوشوبدی بیر طوفانه باغیمیز

بولدی غمی بولن - یوخ حالیمی بیلن
رحم ائت جوان ئولن
یا فاطمه دایان (3)

• یکشنبه
• 21
• دی
• 1399
• ساعت
• 10:46
• نوشته شده توسط
• یوسف اکبری

یتیشدی آیریلیق ،ایستور بَتول باوفا گئتسون
کفن پوش اولدی تُپراقه او آماج بلا گئتسون

خَموش اولدی بتول امّا گلوبدور نالیه حیدر
مریضی اولمادی درمان گِئدنده تا رضا گئتسون

اشاره باغبان ائتدی گُله قوندی او بُلبل لَر
نَچونکه تپراقا ایستور همان درد آشنا گئتسون

گوزی تا زینبون دوشدی کَفنده قَدّ زهرایه
دئدی بار سفر باغلوب نَنَم ایستور هارا گئتسون

چوخ اینجیتدوک اونی اولما دویوبدور خانمانیندن
اولوب آماده بو اِئودن او درده مبتلا گئتسون

قرا تپراق اولار مَرهَم یارالی سینه سین باغلار
طبیبی اولمادی باری اونا وئرسون دوا گئتسون

یوواسیننان کوسَن قُمری دیوللَر گِئتسَه دای گَلمَز
قَنادسیز بیر قوش حالینده قَدَر بیلدی روا گئتسون

نَنَم شاید داریخمیشدی گئدور ئوز مُحسنون گورسون
سبب مِسمار اولوب اِئودن او نور کِبریا گئتسون

مَطافِ عشقیده وئردی بالالار اَل اَله باهم
طَواف آخره ایستور گجیله دورت بالا گئتسون

بیری سسلور بو حالیله نَنَه قربانووَم یاتما
سولان رُخساریمه قویما اولوب اَشکیم رهاگئتسون

بیری سسلور نَنَه سس وئر نَدندی ئولمَرم قالّام
گوزوم باخسون نَنَم اِئودن مزاره برمَلا گئتسون

بیری سسلور نَنَه زهرا نَه تِز دویدون حُسینوندن
گِنه دور مَکتبه ساری حسینی سال یولا گئتسون

سینان پهلولرین اولّام ئوزوم قربانی صبر ایله
منی آغوشووه بیر آل ئورکدَن اِدّعا گئتسون

علی نقل ایلیور اوندا باخوردوم نعش زهرایه
جنازه بیر تکان وئردی کفن بَندی جدا گئتسون

ئوزوم گوردوم اَلین زهرا کَفندن ایلدی خارج
جنازه اوستن ایستوردی حُسینی تا رضا گئتسون

گویرمیش اَللری آچدی حسینی باغرینا باسدی
حسینون بیرده ایستوردی آلوب عطرین سورا گئتسون

سفر اوسته دوزنموبدور گورَه تا ئوز گُلون سولقون
همین گُل کوللَرین اوسته یازوب کِلکِ قضا گئتسون

کسیک باشی تنور ایچره اولوبدور دشمنه مهمان
اوغول دیدارینه سوز یوخ گرکدور هر آنا گئتسون

دوشر امّا نَه حالاته کول اوسته ئوز گُلون گورسه
یری واردور بو اَثناده گویه آه و نوا گئتسون

تاپا توفیق اگر (نادر) حَریم عشقینی ساخلار
گئدنده محضر حقّه مبادا بیحیا گئتسون

• یکشنبه
• 21
• دی
• 1399
• ساعت
• 10:51
• نوشته شده توسط
• یوسف اکبری

ياتمــازهــراآدامســيزام حيدربيكس دي اويـان
سـندن سـورا جهـان منـه كنج محـبس دي اويـان
دريـــاي غـــم اســـيريم يوخ چارم فاطمـه جـان
گتمــه اللهــين عشــقينه بــي يــارم فاطمــه جــان
ايقديكمانگوزونآچ ايسنيجوانگوزونآچ
درگاهييانانگـوزونآچ پهلوسيسينان گوزون آچ
ياتما اويان اويان(2(

نـار هجـرون ده فاطمـه يانـدي اوتلانـدي علـي
سنسيزدنيادهآچ گوزون گورنــهويلانــديعلــي
هجرون آلدي دواميمي ياتمــا دور آي يــارالي
يوخدور آلان سلاميمي يوخــدورتــابيمداييــارالي
گولتكساراليبديعلي بيرحالـهقـالوبديعلـي
بيـرگـوندهيـارالييـاريم وااللهقوجــالوبديعلــي
ياتما اويان اويان(2

بودرديم بي گمان سـالار عــرش حــيحقــه شــور
كــيم بــاور اليــرعلــي زهرانــي قبــره قويــور
عشق حيدر يولونداسـن قانـــه باتـــدون بيلـــورم
باعث مسمار دراولـوب
داشــيم آتــون بيلــورم
سيلي وورولوب يوزوه قانلكهدوشوبگوزووه
بيريول دئعليسورايات قربـاناولاجـانسـوزووه
ياتما اويان اويان(2

• یکشنبه
• 21
• دی
• 1399
• ساعت
• 22:28
• نوشته شده توسط
• یوسف اکبری

فاطمــه قبريــده يــات ســينه يــارا
لايـــــــلاي فاطمـــــــه جـــــــان
خوشدي لايلاي چالا دلـدار يـارا
لايـــــــلاي فاطمـــــــه جـــــــان

قبريــده اي دليمــون ازبــري يــات
حيــــــــدرين داشــــــــيني آت
اي مـه بـرج ولا آي كيمـي بـات
قانـــــــه اشـــــــگيمي قـــــــات
نينك آت حيدري اي روح صلاهًْ
مـــــن ســـــيزقبريـــــده يـــــات
گوزلريده گونـوزوم اولـدي قـارا
لايـــــــلاي فاطمـــــــه جـــــــان

نور آلوب سندن اولوب ماه جلـي
اي خـــــــــــاتم گـــــــــــوزلي
يـــار اولار يارينـــه وابســـته بلـــي
اي نــــــــــــــور ازلــــــــــــــي
ســن ئــولن وقتيــده اي يــار ولــي
ئولـــــــدي ســـــــنله علـــــــي
سنه يـار اولمـادي هـئچ قـوم دغـا
لايـــــــلاي فاطمـــــــه جـــــــان

ثاني گوردون نئجه سينديردي منـي
ويـــــــردي حـــــــق دينـــــــي
ياريمه قمچي ويروب خصم دنـي
گــــــــــــوگروب بــــــــــــدني
سـني زينـب جـاني عفـو ائتميسـن
محســـــــــــن ئولـــــــــــدورني
درديمــه يوخــدي بــو دنيــاده دوا
لايـــــــلاي فاطمـــــــه جـــــــان

روحيمي دردوغمون بنده چكوب
قــــــديم محنــــــت اگــــــوب
منــــه خــــاطريــــوزون دنيــــاده
زهـــــــرا ســـــــيلي دگـــــــوب
قلبيمــه دســت قضــا فاطمــه جــان
نخـــــــل مـــــــاتم اكـــــــوب
قالميشـــام قبـــرون اوســـته آوارا
لايـــــــلاي فاطمـــــــه جـــــــان

محنتونــده منــيم آيــدين قمــريم
اي محكـــــــــــم ســـــــــــپريم
غسل ائدنده سـني مـن نيمـه شـب
ســــــوزدي اشــــــك تــــــريم
سـينوون يـاره سـينه دگـدي الـيم
ســـــــيندي بـــــــال وپـــــــريم
باشــه ويــرديم ايلــديم آه و نــوار
لايـــــــلاي فاطمـــــــه جـــــــان

• یکشنبه
• 21
• دی
• 1399
• ساعت
• 22:29
• نوشته شده توسط
• یوسف اکبری

سن سیز اولار بو لِیل و نَهاریم کَدَر ننه
کونلوم قوشی جمالووی دائم گَزر ننه

داغدان بویوک دایاقیدون عالمده سن منه
یاددان چیخاتمارام سنی شام و سحر ننه

من ناتوانی شیرهء جانونله بَسلَه دون
مِهرون شاخاردی مِهر کیمی بی نظر ننه

لایلای سَسون گَلر گِنه ایندی قولاقیمه
هِچ موسیقیده یوخدی بِله بیر هنر ننه

لایلای چالاندا عاطفه لَرنغمه سین دِئدون
مِهری ،وفانی ،هُجَّه لَدون سربسر ننه

هاردا چاتار لَطافتووه گُل طَراوتی
گلزار خلقتی سنون عشقون بَزر ننه

آغوشووه آلاندا منی بزم روضه ده
اَکدون نهال عشقی وِئره تا ثمر ننه

گوز یاشووی قاتاندا همان اَمدیگیم صوده
مَعجون عشقی اَمدی او گون صود اَمر،ننه

اورگتموسن بو کلمه نی من دیل آچان زمان
سن یاحسین دئدون منه ائتدی اثر ننه

دوتقون دیلیله منده سنه یاحسین دئدیم
ئوپدون دوداقلاریمنان او دَم دیده تر ننه

بیر قاره کوینگی منه گِیدیردون آغلادون
بیلدیم صورا نَدندی که اَشکین اَلر ننه

سن بیل حُسینون حَقّی منی گَل حلال ایله
کِیمدن آنا رضادی اولار بَختور ، ننه

حقدن حواله اولسا اگر (نادره) یقین
اولماز سنون او زحمتون آخر هَدر ننه

• یکشنبه
• 21
• دی
• 1399
• ساعت
• 22:58
• نوشته شده توسط
• یوسف اکبری

گلدی بیر گون منزله مولا علی
گوردی زهرانی، ملول اولدی،ولی
فضه نون، مولا باخوب گوزیاشینه
هی دولانور،فاطمه نون باشینه
اهل کین گورستدیلر،ئوز کینه سین
سیندیروبلار ذات حق آئینه سین
کینه و ظلمون خدایا،حدی وار..
صورت زهراده سیلی ردی وار..
گل کیمی بین در و دیواریده
وار خزان رنگی،نوک مسماریده
آچمورام،قالسون،هله کوچه سوزی
روضه سین بیر گون اوخور،مهدی ئوزی
بستر بیماریده زهرا یاتوب
یاره لی،انسیه ی حورا یاتوب
تا علینی گوردی گولدی لبلری
شاد ائدوب فتاح باب خیبری
تز،سلام ایتدی او حالدا حیدره
خلقا و خلقا چکوب پیغمبره
شیرحق،زهرا یوزوندن،دویمادی
ایسته دی دورسون ایاقه،قویمادی
حیدره تسکیندی نام فاطمه
ویردی روحیه سلام فاطمه
باشینون اوستونده اگلشدی علی
ایتدی فرمایش او دم،حقه ،ولی
فاطمه؛قربان سنه اولسون جانیم
امر ائله گویلون نمه ایستور خانیم؟
سویلویوبدی،ای ولی کردگار
گویلوم ایستور میل ایدم الان انار
تز ایاق اوسته دوروب شاه زمن
فتح باب ایتدی او دم،خیبرشکن
امر زهرانی اطاعت ایلسون
فوری فرمانین اجابت ایلسون
سالدی هر سمته، ولی حق،گذار
تا تهیه ایلییه، بلکه انار
گوردی اصحابی،دیوللر:یاعلی
شاهکار خلقت ای نور جلی
اولماسین ناراضی بیزلردن گوگول
ایندی مولا،فصل اول میوه دگول
بیر نفرده وار او میوه گوئیا
آدی شمعون،دین یهودی،برملا
قلب مولانی بو غم بی تاب ائدوب
خانه ی شمعونی دق الباب ائدوب
ماجرانی شرح ایدوب،اول نامدار
اهل خانه عرض ائدوبدی،بیزده وار
آلتی درهملن،آلوب اول میوه نی
شاد ائده دورت بلبلی،بیر گلشنی
افتخار ماخلق، دوشدی یولا
چوخ تواضعلن باخور صاق و صولا
ئوز ئوزویلن ،ذهنیده ،ایلور خیال
فاطمه خوشحال اولار،اولسا وصال
گر یتیشسم منزله،الساعه من
شاد اولار زهرا،حسینیلن،حسن
انتظار فاطمه،پایان تاپار
زینب و کلثوم و فضه،جان تاپار
ایتدی بو افکار، ذهنیندن، خطور
یولدا بیر،ویرانه دن، ایتدی عبور
هی باخور الده اناره،دینجلور
ناگهان گوردی حزین بیر سس،گلور
بیر مریضی گوئیا اوردا یاتوب
بیر کسی یوخ،عالمی گوزدن آتوب
مرتضی،فورا،عیادت ایلدی
حالینی گوردی ،حمایت ایلدی
ایتدی فرمایش ولی کردگار
صاحب شان و وقار و ذالفقار
ایستییوب الله،بو یردن یول سالیم..
عرض ایله گویلون نه ایستور؟،من آلیم
باخدی مولایه مریض خسته حال
ایتماقا صحبت ،توان ویرمور مجال
ائلیییور ویرانه کنجینده نوا...
هم سوسوز،هم آجدی،هم ایستی هوا
ضعفیدن،عاجزدی صحبت ایلییه
دردینی ایستور که بیر نوعی دییه
بیر بیریندن،گوتدی ناگه لبلرین
لحظه ای بین دولب،اولدی سرین
رهگذر!چوخ آشنا گلدی سسین
عالمه،الله سنی چوخ گورمه سین
قلب زاریمده گورورسن غصه وار
گویلوم ایستور میل ائدم الان انار
باخدی مولا صحنه یه،چوخ آغلادی
سسلدی یا فاطمه،دل داغلادی
اگلشوبدی باشینون اوسته علی
آشکار ایتمور،ئورک سرین ولی
باخدی بیر الده،انارین رنگینه
اول مریضین،غصه لی آهنگینه
اولمادی قسمت،گیده تز منزله
لنگر ارض و سما گلدی دیله
وار گوزی،بوندا،عزیزیمده منیم
ایوده واردی،بیر مریضیمده منیم
اول مریضون، بنده،خاطرخواهیدی
عیبی یوخ الله،کریم،اللهیدی
بو اناری،سن اجازه ویر منه
دانه دانه نصفینی،ویررم سنه
مرتضی،گور اول مریضه نیلدی؟
اول اناری دانه دانه ایلدی
ویردی نصفین ئوز الیلن،شه ئوزی
گوردی نصف دیگرینده وار گوزی
تز او نصف دیگرینده بذل ائدوب
دست خالی،پیش زهرایه گیدوب
شاعرین،دولدی گوزی،مولا علی
وار سوالیم ایندی سندن یا علی...
بو گریزیم قلبیمه ویردی یارا
کنج ویرانه هارا،زینب هارا؟
آج قالوبدی اهلبیت طاهره
ویردیلار طعنه،او جمع حاضره
حقی وار،گوزلر،بولود مثلی دولا
اهلبیتون باغلویوبلار قول قولا
یاعلی؛ظلمونده آخر حدی وار...
هر اسیرین،قولدا قمچی ردی وار
دهریده اعدا چاتوب آمالینه
باخ مریض کربلانین حالینه
چاتدی عرشه قیزلارین،یورقون سسی
اوچ یاشیندا نازدانن،ناله سی
مستحقه،سن کرامت ائتموسن
هر مریضه،چوخلی حرمت ائتموسن
ایندی فاش ایله ئوزون بو مطلبی
شامه وارد اولدی زینب موکبی...
بس نیه ویرانه ده جای طعام!
یکسره ایودن چیخوبدی اهل شام
پیشوازه،آتماقا،داش گتدیلر
سو یرینه،بیر کسیک باش گتدیلر

• دوشنبه
• 22
• دی
• 1399
• ساعت
• 22:54
• نوشته شده توسط
• یوسف اکبری

ای گلن درگه زهرایه، دئنن یا زهرا

باخ چمنده گل زیبایه ،دینن یا زهرا

نام زهرا یازیلیوب نوریله،عرشین طاقینا

یوخ جهاندا اونا همپایه دینن یا زهرا

ئوزووی سیخ خانیمون،سایه ی چادرشبینه

قوی سالا تا باشیوا سایه دینن یا زهرا

سوره ی کوثره باخ،زینت اولوب قرآنه

شاءنینه نازل اولوب آیه دینن یا زهرا

گیتمه آیری قاپییا،گر ،وار ئورکده دردین

عرض ائله دختر طاهایه دینن یا زهرا

• دوشنبه
• 22
• دی
• 1399
• ساعت
• 22:55
• نوشته شده توسط
• یوسف اکبری

مژده احبابه ویرون فاطمه اولدی عیان
شاداولوب اهل زمین نوریله دولدی جهان
اوخویورمرغ سحر شوقیله قول و غزل
بو نواییله گرک دولا تا گوش زمان
گلدی طاها بالاسی//// باغ عشقون لالاسی
آچدی دنیایه گوزون//// حسنینون آناسی
ای گل باغ نبی /// کفو وهمتای علی

شجرمعرفتون بوگیجه باری گلوب
خاتم مرسلینون گل بی خاری گلوب
گلون ای اهل ولا نجفه سیرایلیون
حیدره مژده ویرون یارو غمخواری گلوب
گلدی طاها بالاسی//// باغ عشقون لالاسی
آچدی دنیایه گوزون//// حسنینون آناسی
ای گل باغ نبی /// کفو وهمتای علی

یر گویه عزتیلن نور زهرا دولاجاخ
ریشه دن غصه لری اوزالیلن یولاجاخ
فخرایدرختم نبی اوقدر اوز قیزینا
عشقینه ملک و ملک اونون حیران اولاجاخ
گلدی طاها بالاسی//// باغ عشقون لالاسی
آچدی دنیایه گوزون//// حسنینون آناسی
ای گل باغ نبی /// کفو وهمتای علی

عرش و فرش ایچره خدا سنی کوثر تانیار
عصمت و عفتوی چون پیمبرتانیار
قدروی بیلمدیلر اهل دنیا و دغل
تانیمازاوزگه لری سنی حیدر تانیار
گلدی طاها بالاسی//// باغ عشقون لالاسی
آچدی دنیایه گوزون//// حسنینون آناسی
ای گل باغ نبی /// کفو و همتای علی

دختر ختم نبی کفوحیدرسن اوزون
حسنینون ننه سی نازلی دلبرسن اوزون
فخرنسوان جهان علت خلق جهان
جنته جلوه ویرن نهرکوثر سن اوزون
گلدی طاها بالاسی//// باغ عشقون لالاسی
آچدی دنیایه گوزون//// حسنینون آناسی
ای گل باغ نبی /// کفو وهمتای علی

• سه شنبه
• 23
• دی
• 1399
• ساعت
• 22:42
• نوشته شده توسط
• یوسف اکبری

ترک ایدوب دنیانی گیتدون دار عقبایه بابا
اولدی زندان فانی دنیا غملی زهرایه بابا

خاتم پیغمبران سان حجت خلاق سن
نازل ایلوبدی سنه حق سوره و آیه بابا

رحمتوندن خلق عالم بهره مند اولدی سنون
سالمیشیدی نخل عشقون عالمه سایه بابا

ییرمی اوچ ایل دین اسلامی جهانگیر ایلدون
صادر ایتدون دین حقی کل دنیایه بابا

حیف اولا بیلمز دنی دشمن سنون اجلالوی
تز گیدر الدن گرانمایه بو سرمایه بابا

اول مبارک گوزلری یومدون من اولدوم خونجگر
دوندی اشک دیدگانیم بیرده دریایه بابا

من داخی سندن صورا دنیاده خوش گون گورمرم
آغلاماقی چوخ گورر هجرونده همسایه بابا

یثربی منده غموندن بیت الاحزان ایلرم
چون دوشر باشیم سنون هجرونده غوغایه بابا

سن هله دفن اولمامیشدون فتنه شیخین ایلدی
شورایدوبلر مخفیانه ضدمولایه بابا

هم غدیرخم چخوب یاددان هم اشرار دنی
باخمیوبلار جمله من کنت مولایه بابا

غصب اولوب تخت خلافت حیدراولدی منزوی
غرق اولوب کشتی دین طوفانلی دریایه بابا

آغلارام صبح و مسا مظلوم علینون حالینه
شکوه قیلام خلق الیندن حق یکتایه بابا

• چهارشنبه
• 1
• بهمن
• 1399
• ساعت
• 18:13
• نوشته شده توسط
• یوسف اکبری

بویوردی ای گل بی خار روزگار زینب جان
خزانه دوندی منه نوبهار زینب جان

گل اگلش ایندی یانیمدا سنه وصیت ایدیم
کی غم گونی منه سنیدون غمگسار زینب جان

اولده تاپشیرورام من سنه آتان علینی
یقین اولار گونوزی لیل تار زینب جان

گلنده منزله پروانه مثلی باشینه دون
ایدوبدی غملر اونی بیقرار زینب جان

اوزون ایاقینه دور ایله احترام آتووا
کی راضی سندن اولار کردگار زینب جان

رعایت ایله حالین چون آتان آدامسیزدی
قان آغلیور حالینا ذوالفقار زینب جان

سلامین آلمور اونون بی وفا مدینه لیلر
قالوبدی بیکس همان تکسوار زینب جان

اوزون تسلی خاطر اول ام کلثومه
بولوت کیمی غم الینده دولار زینب جان

سفارش ایلمیوم گوزله سن حسن حسینی
آنا فراقینه اولموشلا اشکبار زینب جان

آنالیق ایله اوزون یو قیزیم عمامه لرین
اولاری غصه لر ایلوب نزار زینب جان

سوروشما کوچه سوزین مجتبی نی ایتمه ملول
دوشنده یادینه دیلدن یانار زینب جان

حسین سوایسته سن فورا فراهم ایله قیزیم
آماندی سوز عطشدن سولار زینب جان

زمان گیچریتیشر سال شصتم هجری
حسین اولار بلاچولینه رهسپار زینب جان

باشی بلالی حسیندن اولونجه ال چکمه
اوجان نثاره سن اول همقطار زینب جان

بلاچولونده قیزیم چوخ بلا گلر باشوزا
اویرده دوروزی دشمن آلار زینب جان

حسین قانلی منایه کمک لرین یولار
اولده اکبراولار جان نثار زینب جان

عباده نعشینی اخیامه قارداشون گتورر
تمام اهل حرم اوخشیار زینب جان

ایدرله قاسمی پامال آتلارین ایاقی
حسن بوغمده اولار سوگوار زینب جان

سالالا قولارینی قارداشون ابالفضلین
عدوسی ساق گوزون اوخلار زینب جان

حسین ال اوسته آلار شیرخواره سربازی
آخردا اصغری ایلر نثار زینب جان

کمکلری گیدر الدن قالار بالام یالقوز
وداع آخره قلبون یانار زینب جان

بوکهنه کوینگی اوندا حسینوه گیدیر
دینن ننم وصیتیدی بوقرار زینب جان

منیم یریمده قیزیم بوسه ویر بوغازیندن
اولوم قرارینه ایت رهسپار زینب جان

گلنده شمردنی مقتله یتور اوزوی
ال آت قلنجینا اولما فکار زینب جان

فدا ولایته ایله منیم کیمی اوزوی
وگرنه خون شهیدان باتار زینب جان

کسلّه باشینی دالدان چوخور مکاندا قیزیم
اولالار عرشیله فرش اهلی داغدار زینب جان

بیرقطره بحرمصیبتدن (آذرین)یازدی
عنایت ایله بویوک دردی وار زینب جان

• چهارشنبه
• 1
• بهمن
• 1399
• ساعت
• 18:21
• نوشته شده توسط
• یوسف اکبری

به سبک (عم اوغلی صبریم جالاندی )

عمواوغلی بسدی آغلاما
آغلیوب سینه داغلاما
فـاطمه آدیـوه قـربان
دیزلرون قوجاخلاما

آی عمواوغلی جان عمواوغلی
مـن سنـه قـربان عمواوغلی

تک قالوبدی یالقوزلارون
نه حیراندیو اولدوزلارون
مـن گئـدورم امـا علی
جان سنون جان بو قیزلارون

آی عمواوغلی جان عمواوغلی
مـن سنـه قـربان عمواوغلی

صورته گـوز یاشیـن آخیر
زهـرانی یانـدیریب یاخیر
پوزما ئوز ئوزون عمواوغلی
گوزلرون سیل زینب باخیر

آی عمواوغلی جان عمواوغلی
مـن سنـه قـربان عمواوغلی

عمواوغلی عفو ایله منی
بئلـه تک قـویـدوم سنی
نِیلیـم کـی باغبـانیله
یانـدیروبـلار بـو گلشنی

آی عمواوغلی جان عمواوغلی
مـن سنـه قـربان عمواوغلی

• جمعه
• 10
• بهمن
• 1399
• ساعت
• 17:30
• نوشته شده توسط
• یوسف اکبری

‍ فاطمه کیمدی جنّت اُلعشقیدی یادواره سی
رنگ خزان گورَن دگل عزتینون بهاره سی

فاطمه کیمدی صورتی آی گونه نورپایلیار
بوسه ورار قدومینه یدّی گویون ستاره سی

قصۀ عشق فاطمه واژۀ بی حسابیدور
حُسن ووقاروجودینون گلمزاله شماره سی

هاجرومریمون یقین شوکتینی آلوب ساتار
کوچه ده که سنوب دوشن لنگۀ گوشواره سی

فاطمه بیرخانمدی که سوره لره یاراتدی جان
پشت دره دایانماقی، درگهینون شراره سی

کعبیه آبرو ویروب عالمی ایتدی حیدری
فاطمه نون صلابت وغیرت وسینه یاره سی

وادی حَشری انبیا پای پیاده سیرایدر
ماخَلَقون اوگون فقط فاطمه دور سواره سی

• جمعه
• 10
• بهمن
• 1399
• ساعت
• 19:49
• نوشته شده توسط
• یوسف اکبری

حضرت صادقدن ایتدی بیر نفر راوی سوال
قصّه ی موت بتولی قیل بیان ای شهریار

پوزدی بو سوز حالینی، دولدی امامین گوزلری
گوز یاشین رخسارینه توکدی چو دُرّ شاهوار

بیر دویونجا آغلادی وا جَدَّتی ذکر ایلدی
سویلدی بو سرّی بُل لازمدی گرچه استتار

اُلمدی، پیغمبرین ریحانه سین اُلدوردولر
گیتدی دنیادن شهیده، عقل کلّه یادگار

عرض ایدوب صدّیقه ی کبرانی کیم ایتدی شهید
سویلدی ثانی آنام زهرانی قیلدی زخمدار

یاندوراندا درگهین بیر صدمه ووردی جدّه مه
باخمادی جسم لطیفینده ایدر اول صدمه کار

جسمینه اول گون یتن صدمیله دنیادن گیدوب
حیدر کرّاری قویدی داغ هجری بی قرار

غسلینی ویردی، کفن قیلدی، گئجِیله ایتدی دفن
حکمتاً‌ گیزلتدی زهرا قبرینی اول شهسوار

عالِم علمِ لَدُنّی فکر صبحیله گئجه
ایلدی تعمیر او یرده بیر نچه تازه مزار

مرتضی گَلدی ایوه، صبح اولدی نشر اولدی خبر
دفن ایدوب صدّیقه ی کبرانی شاه تاجدار

دوشدی بو فکره آچا ثانی بتولین قبرینی
بیر جماعت مُلحِدینی سسلدی بو امره یار

اَلده حفر اسبابی جمع اولدی بقیعه مشرکین
بیر نفر بو امری ویردی شیر حقّه اختبار

باغلیوبدور بیر ساری دسمال او سرور باشینه
قویدی قبرستانه یوز شاهنشهِ گردون مدار

بوینونا ایتدی حمایل ذوالفقارین غیظیله
یتدی بیر قبر اوسته دوردی چکدی آه شعله بار

سسلدی گر بو قبوره بیر نفر وورسا اَلین
ذوالفقاریله گَتورّم روزگاریندن دَمار

شیر تک گوردی ولیُّ اللهی ثانی خشمناک
روبه مکّار تک آچدی زبان اعتذار

قصدیمیز توهین دگلدی دخت طه قبرینه
روح زهرایه بیزی عفو ایله میر بردبار

ای ولیّ ا... اعظم، شیر داور، یا علی
جسم عالمده قَوام جان و روح مستعار

دوزموسَن وورسون عدو قبر بتوله بیر کلنگ
ایستوسَن دنیا داغیلسون، قالماسون دار و دیار

قبر زهرانون داشی افضلدی یا جسم حسین
ذوالفقار اَلده ایدِیدون کربلایه بیر گذار

قویمیِیدون ایلیه آتلار حسینی پایمال
اولمیا اوراق گُل تک بیرده جسم زخمدار

آه او ساعتدن اُلن اُلدی، قالان اولدی اسیر
ابن سعد امر ایتدی چکدی بیر منادی بیله جار

وار یزیدین لشکریندن هر قَدَر مقتول اولان
دفن ایدون تا قالماسون گونلر ایوینده زینهار

شام و کوفه لشکریندن قالمادی یرده قالان
وار یری آخسون حسینی لر سرشکی همچو ثار

بیرده بیر فرمان ویروب سعد اوغلی یاغی لشکره
اشکیله زینب گوزین دولدوردی چون ابر بهار

هم حسینون لشکرین هم اوز یارالی پیکرین
ایلیون سُمّ خیولیله بو چولده خاکسار

چکدیلر شمشیر کین بو چولده حُرّین لشکری
سسلنوبلر ایتمروق اجرای امره اصطبار

سحق اولونسا جبریله اجسام انصار حسین
وار حسینون لشکرینده جسم حرّ نامدار

حرّ اولوب یاغی دوتاق ابن زیادین امرینه
لیک سردار سپه دور اوندا وار چوخ اعتبار

بیز باخاق حرّین وجودینده قوشون آت گَزدیره
دوزمَروق گورسون قبیله صاحبی چوخ انکسار

حرّین اقوامی یغشدی قبره قویدی جسمینی
قالماسون تا یرده قانلی پیکری زار و نزاز

وای کومک سیزلیق اَلیندن نه یاماندور ای خدا
بیر نفر مظلوم اُله اشرار اَلینده سوگوار

حرّین اولدی قوم و قارداشی یغشدی قویمادی
نعشی اوسته آت چاپا پامال ایده قوم نقار

هاردا قالموشدی بنی هاشم خدایا اوندا بس
اون نفر گَلدی ایده جسم حسینی خاکسار

بیر بدن که سینه سینده بَسلَمیشدی فاطمه
نانجیب آتلار اونون اعضاسین ایتدی انتشار

جلدیدن چخدی کلامُ ا...ِ ناطق جزء به جزء
قلب قرآن مبین اولدی بو غمدن داغدار

سحق ایدوب اسلام امامین آدلاری اسلامیان
وار یری گر ایلسه قرآنه انجیل افتخار

شمس اوج عزّت اوسته نقش بند اولدی هلال
بند بند اولدی یازولّار یرده عرشه گوشوار

اوخلانان قلب اوستونه لنگر سالوب سُمّ خیول
گرچه قیرمیشدی وتینی نوک تیر زهردار

کربلا توپراقی بی جا اولمیوب خاک شِفا
ایسلانوب تربت، حسین قانی آخوب چون چشمه سار

دورت آغاج صاقدان صولا صولدان صاقا، آت دیرناقی
نشر ایدوب اجزاسینی قان آخدی مثل جویبار

قان آخان یردن اولوب اون آلتی فرسخ حایری
ایمدیده مَامندی دورینده چکوب قانّی حصار

گُل گیاهیندن گَلور عطر حسینی برملا
آند اولا اوز جانینه قانی ایدوبدور لاله زار

اولمادی یالقوز حسینه بو جفا، هر بیر شهید
بو جفا و جوری گوردی هم کبار و هم صغار

• شنبه
• 18
• بهمن
• 1399
• ساعت
• 19:08
• نوشته شده توسط
• یوسف اکبری

نظم مطلق اگر الله بئله دنیایه وئروب
عرض و پهنایِ بو منظومه‌نی دریایه وئروب

وصفِ بی سـابقه گـر جنت العلایه وئروب
جلـوه‌ی پُر عظمت عرش مُعلایه وئروب

بو قدر شأن و شرف مریم و سارایه وئروب
قلبی وارسته‌لیغـی حضـرت یحیایه وئروب

گر چه قرآندا خدا سوره وئروب آیه وئروب
یوسف‌عاشق‌لیغینی‌شخص زلیخایه وئروب

چون کی‌زیبالیقی‌حق یوسف زیبایه وئروب
گر سلیمانه خدا بیـر بِئلـه سرمایه وئروب

یونس و نوحه اگر جلوه لی پیرایه وئروب
یَــدِ بَیضـا و عَصانی بَلـی موسایه وئروب

دَم‌جان بخشی گمان ظاهراً عیسایه وئروب
او دَمی فکر ائلمه تکجـه مسیحایه وئروب

شرف و معرفت و عزتـی طاهایه وئروب
مرتضـانی یـارادوب غیـرتی مولایه وئروب

سـایدیقیـم بیـر بِئله اوصافی لری ذات خدا
جمع‌ائدوبدور‌هاموسین‌حضرت‌زهرایه‌وئروب

اون بیـر اولدوز کـی خـدا اُم ابیهایه وئروب
اون بیر اولدوز شرفین مهدی زهرایه وئروب

• چهارشنبه
• 22
• بهمن
• 1399
• ساعت
• 15:12
• نوشته شده توسط
• یوسف اکبری

ای سراسر عالمـه احسان ائدن یا فاطمه
وی بوتون عالم لری حیران ائدن یا فاطمه

دستمازیندن آخان سو مین ئولی اِحیا ائدر
ای علاج سیز مشکلی آسان ائدن یا فاطمه

آیه آیه سوره سوه مصحفی جمع ایلیوب
مرتضائیلــه اونـی قرآن ائدن یا فاطمه

مرتضی عشقونده قانه باتدون اما دینمدون
ای دیلینـده یا علی طوفان ائدن یا فاطمه

هم‌ئوزون‌ هم قیزلارین اوغلانلارین‌ هم نسلینی
مرتضانین عشقینه قربان ائدن یا فاطمه

درگهوندن جبرئیل اوپدی چاتوب حیثیته
ای گدای درگهین سلطان ائدن یا فاطمه

من جهنم اهلیم اما خانیم زهرایه چوخ
عاشقم ، نیرانی ای بستان ائدن یا فاطمه

قعر دوزخدن دئسم یا فاطمه رضوان اولار
دوت الیم ای دوزخی رضوان ائدن یا فاطمه

بیر غزل یازدی پریشان سر به سر ایرادیدور
ای سینیق سالخاخلاری دیوان ائدن یا فاطمه

• چهارشنبه
• 22
• بهمن
• 1399
• ساعت
• 22:09
• نوشته شده توسط
• یوسف اکبری

گل اگلش باشیم اوسته نیّر تابان عم اوغلی
اوخی قرآن او خوش الحانیوه قربان عم اوغلی
بو صون دیداریده لطف اییله تک قویما بتولی
اوخی قرآن وئروم جانانه جان آسان عم اوغلی

منیم دار و نداریم--کمک سیز شهریاریم
حلال ائیله بتولی--بو صون دمده نگاریم
دایان بو غمه،،گیدیرفاطمه،،چتیندی گرچه هجران
سنی یوردولار،،منی ویردولار،،دایان ای شاه مردان

منی غسل و کفن ایئله عم اوغلی مخفیانه
آپار قبره منی ای همدمیم گیزلین شبانه
مبادا دفنیمه گلسون قاپومی یاندیرانلار
هله سینمده واردی جور ثانیدن نشانه

داریخما روح جانیم--نگارِ مهربانیم
اجازه وئر علیجان--باشیوا بیر دولانیم
دایان بو غمه،،گیدیر فاطمه،،چتیندی گرچه هجران
سنی یوردولار،،منی ویردولار،،دایان ای شاه مردان

قویاندا قبره گوزله بو سینان پهلولریمدن
عیاندی ظلم اعدا بو سیه بازولریمدن
قاپوم یاندی ویراندا قمچی قنفذ محسن اؤلدی
بالام بطنیمده جان وئردی سوزوب قان گوزلریمدن

اولوب بیعت بهانه--ویروبلار تازیانه
منیم سن رهبریمسن--امامیم حیدریمسن
دایان بو غمه،،گیدیر فاطمه،،چتیندی گرچه هجران
سنی یوردولار،،منی ویردولار،،دایان ای شاه مردان

• سه شنبه
• 28
• بهمن
• 1399
• ساعت
• 23:06
• نوشته شده توسط
• یوسف اکبری

آچ گوزون علی گلوب،قبرون اوسته فاطمه
حیدری حلال ائله،دل شکسته فاطمه
آنداولا بو اشکیمه،فرقته دوزنمورم
دهریدن علی دویوب اولدی خسته فاطمه
یات ای نگار مرتضی یات--یات ای عزیز مصطفی یات

فاطمه گئلیلیم،گردشِ زمانه دن
محنته سالوب باشون،غمله آشیانه دن
هانسی دردیدن دئیوم،سیلی دن قباله دن
میخ و سینه دن دئیوم،یا کی تازیانه دن
یات ای نگار مرتضی یات--یات ای عزیز مصطفی یات

سیندورب غروریمی دوزدی ثانی فاطمه
اگدی امرِ مصطفی،مرتضانی فاطمه
غیرتیمدن آغلادیم،ذوالفقاریم آغلادی
صورتینده گورجگین ال نشانی فاطمه
یات ای نگار مرتضی یات--یات ای عزیز مصطفی یات

• یکشنبه
• 3
• اسفند
• 1399
• ساعت
• 21:53
• نوشته شده توسط
• یوسف اکبری

عم اوغلي عالم وصلت يتور پايانه حيف اولسون
الور زهرا دونور گوگلون بو غمده قانه حيف اولسون

عم اوغلي اي آدي بازار روحيمده اولان عزّت
گَل اگلش باشيمون اوسته ايداخ هجرانيدن صحبت
يتوبدور آيريليق وقتي که بو وصلت بيله ساعت
اله دوشمز بو دوران و بيله بير آنه حيف اولسون

منيم عمروم گونه بنزر گونون دائم باتان وقتي
تاپار رنگي اونون تغيير دوشر دلدن اذان وقتي
يتوب ايمدي اذان وقتي گوزيمون باغلانان وقتي
اذان اولدي داخي وصليم چاتور پايانه حيف اولسون

گونون رنگي سارالدوقجا منيم رنگيم اولور ساري
مرور لحظه لر ايلور دليمدن صلب گفتاري
يوزومي قبليه دوندر يوزوم معبوديمه ساري
ويروم جان آغلا دي بو درد بي درمانه حيف اولسون

رضايم خستيم گوزدن بو دنياني آتام ايمدي
اُلم گون باتماميش گوندن تيز آماله چاتام ايمدي
بهشته ناگرانيمدور مني گوزلر آتام ايمدي
بهشت ايمدي دونوب من سيز اونا زندانه حيف اولسون

ايله حاليم پريشاندور ايله غمدن گلوگيرم
خيال ايلر مني هر کيم گوره بير نقش و تصويرم
رضايم اُلماقا، دنياده قالماقدان داخي سيرم
بو خسته جانيمي گر ويرمه سم جانانه حيف اولسون

سرشک آليوي از صفحه ي سينونده ياز آغلا
نظام صبريوي پوزما بيله آز جانگداز آغلا
يورولموش جانيم اولسون گوزلرون قرباني آز آغلا
آخور اشکون يازور اشکي آخان دامانه حيف اولسون

باشيم اوستونده اي دردي اولان مندن گران اگلش
گوزومي باغلاماقا اي گوزومي باغليان اگلش
باشما مثل پروانه يورولدون آز دولان اگلش
يانور دردونله بي پروا هامي پروانه حيف اولسون

بو ايوده سن منيم چوخ اگلشوبسن باشيمون اوسته
بو ساعت تک سني ايتموب عم اوغلي هيچ بيري خسته
بو ساعت آيري ساعتدور دگل بو عمره وابسته
بو دورانيم گيدور الدن بيله دورانه حيف اولسون

عروج ايستور ايده روحيم قوشي، بال و پريمدن دوت
سراغ وحشت مرگي بو لرزان پيکريمدن دوت
دوتان درماندگانين اللريندن اللريمدن دوت
که دوشدوم دوت اليمدن درد بي درمانه حيف اولسون

منه دست قضا گرچه فراقون رختيني تيکدي
مغيره باعث اولدي محنت و غم قدّيمي بوکدي
بالامون قانيمي ثاني جفائيله يره توکدي
او بي تقصيريدن يرده آخان آلقانه حيف اولسون

ديللر دهريده هيچ بير شيرين مانند جان اولماز
بالا جاندان اولار شيرين او شيرينه چاتان اولماز
منيم تک جان و اطفاليندن عالمده دويان اولماز
بالالاريمدا درديمدن گلوبدور جانه حيف اولسون

من اُلسم غملريم سنلن اولار بو ايوده هم خانه
دل زينب فراقيمدن يقينيمدور دونر قانه
اونا تاپشور ديسون دائم ووراندا زلفينه شانه
آنام هيچ ايتمدي زلفين بو ايوده شانه حيف اولسون

من اُلسم درد هجرانيم سنون دردون گران ايلر
منيده تنگدل سنسيز يقين باغ جنان ايلر
گزر فردوس باغين فاطمه ورد زبان ايلر
گيچن گونلر اولار سنلن سر و سامانه حيف اولسون

فلک هر لقمه ي تلخي سنه ويردي يِدون اوتدون
منه صدمه يتن گون سن لباس صبريوي يتدون
اليمدن اونداکي طوفانه دوشموشدوم منيم دوتدون
من اولدوم غرق، سن دوشدون ولي طوفانه حيف اولسون

بو ايوده درديمي بُلمور منيم سندن صورا بير کس
قولومين سينمين زخمي عميق اولدي ايله از بس
نه زحمتله وضو تجديد ايدوب باشه چکوردوم مس
ويريرديم من نمازي يا نجه پايانه حيف اولسون

حسين نازين حسن چکسون او دل آگاهه تاپشوردوم
بالام کلثومي زينب اول غمي جانکاهه تاپشوردوم
بالالاري سنه بير بير سني اللهه تاپشوردوم
خداحافظ که من سيز قالدي بو کاشانه حيف اولسون

شرار محنتله بو ايوده سنلن يانميشوخ باهم
سنه مندنده چوخ محنت بو ايوده يوز ويروب بُلّم
مني دلدن سالوب ثاني داخي من قالمارام اُلّم
منيم قتليمده کي مطرح اولان فرمانه حيف اولسون

بو ايو مندن صورا بُلّم دونر بير ليله ي تاره
صفاسين تيز ويرر الدن وورار چوخ دللره ياره
چکون سيز بو ايوين اُلسم در و ديوارينه قاره
يازون زهرا اُلوب بو ايو اولوب غم خانه حيف اولسون

يازون پشت دره زهرا بو يرده گُل کيمي سولدي
بو يرده بير گلستانه نچه زاغ و زغن دولدي
يازون من ضعف ايدن يرده بالام محسن شهيد اولدي
بو يرده سو کيمي قاني آخوب هر يانه حيف اولسون

يازون بو ايوده زهرانون توانون محنت آلموشدي
يره دوشموش اياق آتدا قالان گُل تک سارالموشدي
آغارموشدي قرا زلفي جوانليقدا قوجالموشدي
اورک داغي چکوب اود داغلي داغستانه حيف اولسون

يازون بو ايوده هر محنت شکيبي بي شکيب اولدي
حريم امّته اود ووردولار دوشدي لهيب اولدي
باشي اوسته اوتورموشدي طبيبي بي طبيب اولدي
يازون بير دردي سنگين و غمي پنهانه حيف اولسون

منه دوتسان عزا چون يوخ منيم يار و هواداريم
قاپوني باغلا بير ايوده اوزون اول بير بالالاريم
اوزون سن نوحه خوانيم اول قيزيم زينب عزاداريم
ايله ورد زبان گوگلي دونن القانه حيف اولسون

منيم درديمده اي دردي اولان هر يرده باش آغلا
دلون آئينه سين سعي ايله چوخ ايتمه خراش آغلا
اورگون دوزمسه آغلا، بالالاردان يواش آغلا
ياواش دي درد بي درمان اولان انسانه حيف اولسون

جنازم اوستونه بيرده منيم چکسن عبا خوشدور
حسينيم گر گلوب سندن خبر دوتسا دي ناخوشدور
مني يردن گوتورمه تيز، باخوب گورسه يريم بوشدور
اوزوني اُلدورر آغلار گَلر افغانه حيف اولسون

ابلالاريم دوشر ياده دليمده محنتيم آرتار
مواظب اول اولاردان سن، اولاره اول اوزون دلدار
حسينين هر گئجه تاپشور باشي اوسته سو قويسونلار
بالامي تشنه لب اعدا بويالّار قانه حيف اولسون

وصيّت چونکه لازمدي اُلنده هر مسلمانه
وصيّت ايلورم عمروم اودم که يتدي پايانه
مني گيزلينجه دفن ايله فغانه گَل يانا يانه
شبانه دفن اولان، سرّي اولان پنهانه حيف اولسون

حضوروندن سنون بيرده تقاضا ايلورم شاها
قاپودا بير قرا پرچم وورون ممکن اگر اولسا
اوني هر رهگذر گورسه بُلر حتماً اُلوب زهرا
دير ياسه باتوب ايمدي بو اهل خانه حيف اولسون

اوايل که گلشني بير نادر انسان داديوه يتدي
حساب چاپ ديوانون کمکليق ايتدي چاپ ايتدي
او بير انسانيدي تاريخ قرخ بشده گَلوب گيتدي
او دوران و او کس گيتدي، ايله دورانه حيف اولسون

• شنبه
• 23
• اسفند
• 1399
• ساعت
• 16:52
• نوشته شده توسط
• یوسف اکبری

مزاره فاطمه جان
سینون یارا گئدوسن
مدینه ده منی تک
قویوب هارا گئدوسن

ایکی یتیمه قیزین
نیازی وار آنیا
بلالی باشلارینا
سالیب قارا گئدوسن

جان ایستر سنی زهرا
جانانیم سنی زهرا
تک قویما منی زهرا
پریشانم

آدامسیزام بیلوسن
غریبه بنزیورم
باخاندا صورتیوه
اورک قانین ییورم

چیخوب چوله گلورم
اورک دولور بوشالیر
اورکده کی سوزومی
فقط سنه دیورم

غم سالوب سنی درده
اوخشادوب گل زرده
قان چکوب گوزه پرده
پریشانم

جماله زینبی قوی
سرشگی باغلاماسون
حسن باخوب یوزووه
جهانی داغلاماسون

حسینی باغریوا باس
او غملی گوگلونی آل
سنی بو حالدا گوروب
دوباره آغلاماسون

ریحانیم سولا قویما
بولودکیمی دولا قویما
باغریقان اولا قویما
پریشانم

دگنده ضربه گوله
سارالی فاطمه جان
دوشر چمندن او گل
آرالی فاطمه جان

او گل کیمی سنه ده
ووروبدی یاره عدو
چمندن آیریلوسان
یارالی فاطمه جان

گل سولسا چمن اغلار
هجرینده حسن اغلار
مظلوم وطن اغلار
پریشانم

باخاندا صورتیوه
ئورك يانور آلیشور
فرشته ضجه چکور
ملک یانور آلیشور

آچوب دئینده حسن
قباله صحبتينی
الین قویور یوزونه
فدک یانور آلیشور

اولدوز تک بئله سوزمه
اشکیمی یوزه دوزمه
حیدردن الین اوزمه
پریشانم

• شنبه
• 23
• اسفند
• 1399
• ساعت
• 17:04
• نوشته شده توسط
• یوسف اکبری

شمع عزا الده وار ،گلمیشوخ افغانه بیز
حیدر ایوینده گیداخ، شام غریبانه بیز

زینبین الدن بو غم صبرین آلیب ،شیعه لر
اوخشاما سی او ایوه حشر سالیب ،شیعه لر
او یاری یانمیش قاپی باغلی قالیب، شیعه لر
حاضر اولون گیتماقا،منزل جانانه بیز

لکّه سالوب دست کین صورت زیبا سینه
یاره لی گیتدی قوناق خالق یکتاسینه
اولمادی شرکت ایدن فاطمه نین یاسینه
ایلیه روق عالمی بزم عزاخانه بیز

غصّه لی قلبه دولوب محنت بی انتها
ناله ایدور قیزلاری آغلوری هم مجتبا
وای آناوای سسلییر تشنه لب کربلا
سس سسه ویروق گینه شاه شهیدانه بیز

فاتح خیبر داخی (بیکَس) اولوب آغلوری
ناله سسی گلموری خسته دیلین داغلوری
قانه دونن گوزیاشین عارضینه باغلوری
تسلیت عرض ایلیاخ ناطق قرآنه بیز

سنسن اَیا فاطمه محور اهل کسا
زائری یوخ قبریوین ای شرف ماسوا
ایتگین اولان قبریوه دعوت ایله یکصدا
اوردا عزا ساخلیاق سرور نسوانه بیز

• دوشنبه
• 25
• اسفند
• 1399
• ساعت
• 13:04
• نوشته شده توسط
• یوسف اکبری

حسینی ترک ایتمه آنا آغلارام یانا یانه
یارالیسان گیتمه آنا آغلارام یانا یانه

وای آنام آنام ایوای

آنا اوزون ایله نظر
منده چهره ی زَرده

دانیشماسان ئوللم آنا
خاطریم گلیب درده

آنا منی ساغلیغین کیمی
آل قوجاقیوه بیرده

یارالیسان گیتمه آنا
آغلارام یانا یانه

نیه بو تزلیقدا اُلفَتون
کسمیسن آنا مندن

یارالی بلبل کیمی گَل
اوچما سن بو گلشندن

سنده اگر دویسان آنا
دویمیوب حسین سنن

یارالیسان گیتمه آنا
آغلارام یانا یانه

بابام رسوله چوخ آغلادون
گلدون آه و افغانه

آتام علی قوردی سنه
چولده بیر عزاخانه

مدینه اهلی ولی آنا
گتدیلر سنی جانه

یارالیسان گیتمه آنا
آغلارام یانا یانه

آنا نچه آیدی اولموسان
ائوده غملره هَمدم

قانی آخان سینه قویمیوب
قول بویون اولاخ باهم

بوگئجه گَل گیتمه آنا
یاره وه سالاخ مرهم

یارالیسان گیتمه آنا
آغلارام یانا یانه

واریمدی بیرخواهشیم آنا
ایله سن منه احسان

اولاندا خولی ائوینده من
نصف شب آنا مهمان

گوزتلرم من تنوریده
گل سنه ئوزوم قربان

یارالیسان گیتمه آنا
آغلارام یانا یانه

• دوشنبه
• 25
• اسفند
• 1399
• ساعت
• 22:17
• نوشته شده توسط
• یوسف اکبری

گتدون آنا جان قالدی زینب
هر دردی دیله آلدی زینب
دنیانی گوروم ویران اولسون
قاره باشینا سالدی زینب

ایوای
آنا م الدن گتدی من قالدیم یتیم
ایوای
آخوری گوزدن سرشک حسرتیم
ایوای
آناسیز یاتماقه یوخدور عادتیم

آنا یازهرا آنایازهرا

دردونله آنا من بیمارم
چارم کسیلیب یوخدی چارم
درد و غمیلن مانوسم من
من زینبیوم دیده زارم

ایوای
محنتون دیلدن آنا من آتمارام
ایوای
گجه لر صبحه کیمی من یاتمارام
ایوای
غمیوی آیری غمه من قاتمارام

آنا یازهرا آنا یازهرا

حقّیم وار آنا غمدن یانام
هجر آتشینه اَلولانام
ووردی آنامی ثانی یخدی
ایودن یارالی گیتدی آنام

ایوای
یارالی گتدون مزاره سن گجه
ایوای
چیخدی خسته نعشین ایودن خارجه
ایوای
یاتمیسان توپراقلار آلتیندا نجه

آنا یازهرا آنا یازهرا

• دوشنبه
• 25
• اسفند
• 1399
• ساعت
• 22:31
• نوشته شده توسط
• یوسف اکبری

فاطمه گیتمه اَماندی
نالم اَفلاکه دایاندی
رو بقبله یاتمیسان سن
حیدرین صبری تالاندی

دور رَختِ وصالی بیله تز سویما یارالی
شهر ایچره غریبم منی تک قویما یارالی

خانیم گیتمه یاارلی

ای عزیزِ جانِ طاها
توکمورم گوزیاشی بیجا
گَل حلال ایله علینی
اینجیدون بو ایوده زهرا

غَم، غصّه سنی گَتدی خانیم آه و نوایه
سالدوم اوزووی مندن اوتور درد و بلایه

سن سن ای زهرای اَطهر
یاوریم بعد از پیَمبر
سنده گیتسن گر اَلیمدن
تک قالار یثربده حیدر

گیتسن بو ایو اهلین، یادینا بیر سالان اولماز
شهر ایچره علینین ده سلامین آلان اولماز

یاندی قلبیم درد و غَمدن
بیر تقاضا واردی سندن
لا اقل ایوده اولاندا
فاطمه اوز دوتما مندن

حیدر سنه دیلخوشدی جهاندا بولوسن سن
ایوای منین اَحوالیمه زهرا ئولوسن سَن

طاقتیم قالماز بَدنده
آستانَمدن گیچنده
قان اولور قلبیم عزیزیم
قانلی مسماری گورنده

یانمیش قاپینین درد و غمی قلبیمی سیخدی
هم مُحسنومی آلدی خانیم هم سنی یخدی

• چهارشنبه
• 27
• اسفند
• 1399
• ساعت
• 22:01
• نوشته شده توسط
• یوسف اکبری

گیتمه آنا یا زهرا

ای ظلموله شکسته، یاقوت
یاراشموری سنه هیچ، تابوت
یوروب سنی جفایِ، طاغوت

آغلامییم بَس نینیم

اَلو چکور وجودوم، غَمدن
نجه آنا دویوبسان، مندن
زینب کی دویمییبدی، سَندن

یارالی/آنام ایوای 3

گیتمه گوزون قربانی

قراریمی الیمدن، آلما
بلایه زینبیوی، سالما
سَنگِ فراقی قلبه، چالما

زینبون ئولسون ایکاش

سنی گورونجه تابوت، اوسته
ای خِلقَتِ جَهانه، هَسته
گیت یات مزاریده ای، خَسته

ووردولار اود درگاهه

دیوار و دَر سینه وی، سیخدی
صَحن ایچره نالَن عرشه، چخدی
بابام علینین ایوین، یخدی

گوردی سنی قان ایچره

بولدی اَسیبدی باغه، صَرصَر
اَیاقلار آتدا اولدون پَرپَر
بولمم نجه دوزوبدی ، حیدر

طاقتیم اَلدن گیتدی

گولوم دچار اولوبدی، خاره
دوزَلمدی سینَنده، یاره
اَلیمده قالمییبدی، چاره

(بیکَس) و بی غمخوارم

بوندانصورا منه یوخ، هَمدم
عَرشه اوجالدی آه و ، نالَم
گَرَک دوتام ئولونجه، ماتَم

• چهارشنبه
• 27
• اسفند
• 1399
• ساعت
• 22:43
• نوشته شده توسط
• یوسف اکبری

گلوب مقاله بیرگئجه علی ولیّ ذوالمنن
چاغیردی ارشد اوغلونی یانیندا اگلشوب حسن

دیدی اوره کده آهیلن نه وقتیدور سوزوم قالیب
او آغلیان گوزونده آی گوزل بالام گوزوم قالیب

اوره کده کی نهان سوزی اوغول منه عیان ائله
او کوچه ماجراسینی ئوزون منه بیان ائله

دوباره شعلۂ غمه منیله گل آلیش بالا
آنون نه چکدی کوچه ده ئوزون منه دانیش بالا

بو سوزلری ائشیتدی تا کریم جمع پنج تن
بیانه گلدی آهیلن عزیز اولیا حسن

بابا او کوچه محنتین نه سن سوروش نه من دییم
بو مطلبین صراحتین نه سن سوروش نه من دییم

آنام گلوردی منزله الینده مدرک فدک
اوره کده کی مسرّتین نه سن سوروش نه من دییم

کسوبدی ناگهان یولی ستمله اشقی الاشقیا
او ظالمون جسارتین نه سن سوروش نه من دییم

ال آتدی ثانی لعین فدک قباله سین آلا
او صحنه نین قیامتین نه سن سوروش نه من دییم

دایاندی یاره لی ننم مقابلینده کوه تک
بتولین استقامتین نه سن سوروش نه من دییم

نقدری ثانی جهد ائدوب آنام قباله وئرمدی
آنامون اول شجاعتین نه سن سوروش نه من دییم

نه گوردوم اوندا ناگهان،دولاندی گردش فلک
بو چرخ سفله عادتین نه سن سوروش نه من دییم

باخاباخا منیم گوزوم اوجالدی ثانی نون اَلی
او جانینون جنایتین نه سن سوروش نه من دییم

آغیر ال اندی غیظیلن،ننم ییخیلدی کوچه ده
ملالینی او ساعتین،نه سن سوروش نه من دییم

قباله نی او بد سیَر،آلیب جیریب توکوب یئره
او ظالمون قساوتین،نه سن سوروش نه من دییم

الین قویوب جمالینه ایاقه دوردی فاطمه
اوره کده اوج حسرتین،نه سن سوروش نه من دییم

نه گوردوم اوندا صورتی،کبود اولوب جفائیلن
دوتوبدی لکّه طلعتین،نه سن سوروش نه من دییم

دئدیم آنا گئدک ائوه،بابامی آگه ایلیک
اگرچه درد غربتین نه سن سوروش نه من دییم

دیدی منیم سولان یوزوم،یانور جفای ثانیدن
او سیلی نون حرارتین،نه سن سوروش نه من دییم

گوزومده تار اولوب جهان،گورنمورم قباقیمی
آغیر الین او قدرتین،نه سن سوروش نه من دییم

بو کوچه ماجراسینی،نقدری من وارام دئمه
بابان ائشیتسه رقّتین، نه سن سوروش نه من دییم

بتولون امرینه بابا،بو سرّی فاش ائدنمدیم
آنامون حدّ غیرتین،نه سن سوروش نه من دییم

بو شعری سوز آهیلن یازوبدی «ناعم» جوان
جزا گونونده دوت اَلین،چیخاندا گوگلره فغان

• جمعه
• 29
• اسفند
• 1399
• ساعت
• 11:19
• نوشته شده توسط
• یوسف اکبری

ای نازل اولموش کوثریم
لایلای بالام لایلای
سنسن منیم بال و پریم
لایلای بالام لایلای
گوزل قیزیم،،،دادیم دوزوم
لایلای گوزه لیم یات گوزه لیم یات بالا
شیرین غزلیم یات گوزه لیم یات بالا

سنلن ایشیقلاندی جهان
ای مهررخشانیم
آغوشیمه زینتسن ای
لعل بدخشانیم
آدون اولوب پیرایهٔ
آیات قرآنیم
ای مهربان آرام جان
لایلای گوزلیم.........

عالم فدااولسون بئله
حسن دلارایه
اونبیراوغول سندن اولار
اسلامه پیـــــــــرایه
عشقون اُلارعشق اهلینه
عقباده سرمایه
ای سویگولوم زیبا گولوم
لایلای گوزه لیم یات.......

• جمعه
• 29
• اسفند
• 1399
• ساعت
• 11:42
• نوشته شده توسط
• یوسف اکبری

مژده وئرون شیعه لره
جنته دوندی دنیــــا

جلوه لنوب ماه شرف
عالمه گلدی زهــرا

جان اولاقربان بوگل- یاسمنه
وئردی صفامقدمی بوـــ انجمنه
صبح قیامتده اونون،بیرباخیشی
بسدی منــــــــه

گلدی ملیکهٔ عالم عصمت
گلدی ستاره عرش ڪـرامت
گوزل آدی اوره کلرین قراری
مقدمی وئردی بو عالمه زینت

خوش گلدی زهرا ـــــ محبوب داور
خوش گلدی زهرا ـــــ دخت پیمبر
خوش گلدی زهرا ـــــ مولایه یاور

فاطمه نون مقدمی بو
عالمه وئردی زینت

حضرت زهرانی خـــدا
خلقته وئردی نعمت

مریم ئوزی واله اولوب ـــ عصمتینه
حوروملک عاشق اولوب ـــ عفتینه
عالم وآدمون گوزی ـــ واردی اونون
رٲفتیــنه

اوتوروبدی یولوندا حوروغلمان
آچیلیب گئنه ده سفرهٔ احسان

گلدی ملیکهٔ خلقت دادار
اولدی پیمبرون لبلری خندان

خوش گلدی زهرا ـــ محبوب داور
خوش گلدی زهرا ـــ دخت پیمبر
خوش گلدی زهــرا ــــ مولایه یاور

• جمعه
• 29
• اسفند
• 1399
• ساعت
• 11:52
• نوشته شده توسط
• یوسف اکبری

(بو عالَمین غَم و اندوهی عالَم، عالَم، اولیدی)
نه فاطمه اوره گینده، ئولونجه مین غَم اولیدی

یارالی فاطمه وای 4

گَلنده پُشتِ دره، فاطمه اوزاقدا دورییدی
اَیاق دَگنده قاپی، سینمییدی مُحکم اولیدی

هجوم ایدنده ایوه، سنگدل او نامَحرَم لر
اَنیس اودَم خانیما، بیر نَفرده مَحرَم اولیدی

سینیخ قابیرقالاری اینجیدیبدی فاطمه نی
یارالی سینه سینه کاش اوگونده مَرهَم اولیدی

یر اوسته فاطمه نی کاش، گورنده شیر خدا
جهانی تز داغیلییدی ثُباتی بَرهم اولیدی

کَشان کَشان آپاراندا، علینی قولدا طَناب
ستونِ گُنبَدِ عَرشی، همیشه لیق خَم اولیدی

اَرییتدی جِسمِ بَتولی، همان او درد و بَلا
صول اَللی ناکیشین، مَسکنی جَهنّم اولیدی

فَدَک بهانه سینه کوچه ده او یول کَسَنه
همیشه آتَشِ دوزَخ انیس و هَمدم اولیدی

دوشوبدی فاطمه دیلدن، قالوبدی (بیکَس) و تنها
سَزادی اَشکی گوزونده، همیشه زَمزَم اولیدی

• یکشنبه
• 1
• فروردین
• 1400
• ساعت
• 13:42
• نوشته شده توسط
• یوسف اکبری