اشعار ترکی حضرت فاطمه زهرا(س)

مرتب سازی براساس

در مصیبت حضرت زهرا (س) -(شاد اولمادی بیر لحظه) * محمد حسین کتابچی

1061
1

در مصیبت حضرت زهرا (س) -(شاد اولمادی بیر لحظه) شاد اولمادی بیر لحظه
دنیاده خانم زهرا
اولدی ستم و غمدن
افتاده خانم زهرا

بو دخت شه لولاک صدّیقۀ کبرادی
ریحانۀ پیغمبر محبوبۀ یکتادی
کیمدور بو جلالتده زهرائیله همتادی
بی مثل گلوب یعنی ایجاده خانم زهرا

ریحانۀ پیغمبر دارای شهامتدی
هم صاحب عفتدی هم معدن عصمتدی
بانوی گرامیدی خاتون قیامتدی
لطفی یتوشر خلقه عقباده خانم زهرا

بیر بیله مقامیله بیر بیله جلالیله
اون سگّیز ایل عمر ائتدی افسرده خیالیله
فریاد فغانیله اندوه و ملالیله
اولموشدی مماتینه آماده خانم زهرا

گئتدی آتاسی اشگین رخسارینه باغلاردی
گوز یاشلو خانم هر آن قاره باشا باغلاردی
گولمزدی یوزی غمدن آغلاردی چوخ آغلاردی
دینجلمدی بیر لحظه دنیاده خانم

  • سه شنبه
  • 16
  • بهمن
  • 1397
  • ساعت
  • 10:36
  • نوشته شده توسط
  • ابوالفضل عابدی پور
ادامه مطلب
فروشگاه پرچم
 احمد پوریا

متن شعر ترکی زبانحال حضرت زینب (س) در بالین حضرت فاطمه زهرا (س) -(هارا گیدورسن آی ننه) * احمد پوریا

26064
47

متن شعر ترکی زبانحال حضرت زینب (س) در بالین حضرت فاطمه زهرا (س) -(هارا گیدورسن آی ننه) هارا گیدورسن آی ننه
اویان وفالی زینبم
هجریوه یوخدی طاقتیم
باشی بلالی زینبم

آنا زهرا بش یاشوندا آغلار قیزام من
نه تز گوزدن زینبون آتدون یالقیزام من
گجه یاری ترک لانه ائتمه کبوتر
بابام تکدیر سویلیور که آدامسیزام من

یارالی آی ننه وفالی آی ننه(2)

حسن دیور جوان ننه
یارالی مهربان ننه
او صحنه نی گورند من
اورگیم اولدی قان ننه

اوزوم گوردوم حقیوی دشمندن آلاندا
ننه گوردوم ثانی یول اوستونده دوراندا
آجو قلاندی وردی بیر سیلی ساق گوزوندن
اوزوم گوردوم پاره گوشواره آختاراندا

یارالی آی ننه وفالی آی ننه(2)

قلبیمی سنسیز آی ننه
قان ایلیوب من آغلارام
چادر نمازیوه باخوب
جان تک اونی قوجاقلارام

آنا سنسیز درد یم

  • سه شنبه
  • 16
  • بهمن
  • 1397
  • ساعت
  • 19:41
  • نوشته شده توسط
  • ابوالفضل عابدی پور
ادامه مطلب
 ولی الله کلامی زنجانی

زبانحال حضرت علی (ع) در شهادت حضرت زهرا (س) -(یارسول الله قلبیم داریخدی) * ولی الله کلامی زنجانی

2097
4

زبانحال حضرت علی (ع) در شهادت حضرت زهرا (س) -(یارسول الله قلبیم داریخدی) یارسول الله قلبیم داریخدی
گئتدی اویمدن دلداریم ئولدی
زهراسیز یثرب زندانه بنذر
قالدیم کمکسیز غمخواریم ئولدی
ئوز عاشقیندن گیزلتدی دردین
یاندیم آلیشدیم بیماریم ئولدی

پهلوسی یاره گئتدی مزاره
زینبیم آغلار باشینده قاره

غسلین وئرنده اوّل باشیندان
معجرین آشدیم صبریم آپاردی
گوردوم دگیبدی سیلی یوزوندن
صول صورتینده ال ردّی واردی
رنگیم سارالدی دیزلریم اسدی
ئوپدوم الیندن گوردوم قاباردی

پهلوسی یاره گئتدی مزاره
زینبیم آغلارباشیندا قاره

یارالی جسمین بوکدوم حریره
هجرانی آتش دنیایه سالدی
باغلادیم بندین بیربیر ایاقدان
باشدان کفنین بیر بندی قالدی
قولّارین آچدی اطرافه باخدی
بیردن حسینی آغوشه آلدی

پهلوسی یاره

  • سه شنبه
  • 16
  • بهمن
  • 1397
  • ساعت
  • 18:40
  • نوشته شده توسط
  • ابوالفضل عابدی پور
ادامه مطلب

شعر ترکی زبانحال حضرت زهرا سلام الله علیها -(جان گیدیر یوخ منده طاقت شاه مردان یا علی) * مرحومه ام لیلی

817
1

شعر ترکی زبانحال حضرت زهرا سلام الله علیها -(جان گیدیر یوخ منده طاقت شاه مردان یا علی) جان گیدیر یوخ منده طاقت شاه مردان یا علی
گل گیلن ایله تلاوت بیرجه قرآن یا علی

ای امام انس و جان گل سن حلال ایله منی
آیریلیق هنگامی دورترک ایلورم آلان سنی
ایستیوب بزم وصاله مصطفی احمد منی
عازمم خلد برینه ایندی مهمان یا علی

الوداع و الوداع ای پادشاه کن فکان
دورمنی ایله بقیعه یاعلی ایندی روان
یادیمه دوشموش بابام یوخدور گوزومده بو جهان
دورمنی تئزسال یولا ای شاه دوران یا علی

یاخشی حرمت قیلدیلار دلدادۀ پیغمبره
سیندی ظلمیله قابورقام چیخدی نالم گویلره
دستگیراولدی عم اوغلوم چکدیلرمسجد لره
عرشه چیخدی شیعه دن فریاد و افغان یا علی

من نه نوعی تاب ایدیم بو قدر درد و غملره
ظلمیله یاندی قاپوم هم یاندی جسم

  • سه شنبه
  • 16
  • بهمن
  • 1397
  • ساعت
  • 18:44
  • نوشته شده توسط
  • ابوالفضل عابدی پور
ادامه مطلب

نوحه حضرت زهرا(س) زبانحال حضرت علی(ع) -(آچ گوزلریوی غملی یاریم_وفا داریم) * علیرضا علوی زنجانی

616
-1

نوحه حضرت زهرا(س) زبانحال حضرت علی(ع) -(آچ گوزلریوی غملی یاریم_وفا داریم) آهنگ «از خون جوانان وطن لاله دمیده»

آچ گوزلریوی غملی یاریم وفا داریم
سولوب سارالمیشام من
آدامسیز قالمیشام من

بوشهریده یوخ هوا داریم ای نگاریم
داخی قوجالمیشام من
آدامسیز قالمیشام من

جهانی داغلارام من
عزاوی ساخلارام من
بالا لاریم لا باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

الله اورگیم دوتوب شراره ایله چاره
گیدور زهرا مزاره
خدایا ایله چاره

آغلور زینبیم قالمیشام آواره ایله چاره
گیدور زهرا مزاره
خدایا ایله چاره

جهانی داغلارام من
عزاوی ساخلارام من
بالا لاریم لا باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

اون سگیز ایلده گل عمری جفایله
سولان مظلومه زهرا
سولان مظلومه زهرا

ظلم ثانیدن در و دیوار اراسیندا
قالان معصومه زهرا
قالان معصومه زهرا

جهانی داغلارام من
عزاوی ساخلارام من
بالا لاریم لا باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

گلم هر گیجه مزاریون اوسته من خسته
علی نین قلبی قاندی
حسیندن ناگراندی

یانام هجرونده من آهسته چو پر بسته
علی نین قلبی قاندی
حسیندن ناگراندی

جهانی داغلارام من
عزاوی ساخلارام من
بالا لاریم لا باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

سنسیز نجه من گلوم زهرا غمون دیلدن
سیلوم زهرا آماندی
بو آیریلیق یاماندی

ایسته اللهدان بو گون منده اجل گلسین
ئولوم زهرا آماندی
فراق اوتی قالاندی

جهانی داغلارام من
عزاوی ساخلارام من
بالا لاریم لا. باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

  • جمعه
  • 28
  • آذر
  • 1399
  • ساعت
  • 20:51
  • نوشته شده توسط
  • یوسف اکبری
ادامه مطلب
 ابراهیم تون خوش قلم

شام غریبان حضرت زهرا(س) -(اولدی ملائک عرشیده یکسر نواخوان) * ابراهیم تون خوش قلم

334
3

شام غریبان حضرت زهرا(س) -(اولدی ملائک عرشیده یکسر نواخوان) به سبک (یا فاطمه من عقده ی دل وا نکرده ام ...)
(ای قلبیمون آرامش و صبر و قراری...)

اولدی ملائک عرشیده یکسر نواخوان
دوتدی علی دلدارینه شام غریبان

قاره چکوبلر ارض و سمایه
زینب گلوبدی آه و نوایه

باد خزان دگدی سولوبدور گلستانلار
دولدی بولوط لار آغلیور هفت آسمانلار
آغلور یئر اوستونده عزا بزمی قورانلار
عشاق حیدر سسلنور زهرایه قوربان

قاره چکوبلر ارض و سمایه
زینب گلوبدی آه و نوایه

بحر غم و محنت ائدوب طغیان الهی
عرش معلاده قوپوپ طوفان الهی
اولدی یتیم چون زینب نالان الهی
زهرا قیزی زلفی کیمی اولدی پریشان

قاره چکوبلر ارض و سمایه
زینب گلوبدی آه و نوایه

جناتیده ایلور نوا پیغمبر آغلور
زینب دیور ایوای ننم وای حیدر آغلور
آل رسولین حالینه یئر گویلر آغلور
چون فاطمه گئتدی حی یکتایه مهمان

قاره چکوبلر ارض و سمایه
زینب گلوبدی آه و نوایه

چرخی سینیدی ای خدا بو روزگارین
حیدر قویوبدی دیده تر قبره نگارین
سلب ایلیوبدور درد و غم، صبر و قرارین
ائتدی فراقون محنتی مولانی گریان

قاره چکوبلر ارض و سمایه
زینب گلوبدی آه و نوایه

  • دوشنبه
  • 1
  • دی
  • 1399
  • ساعت
  • 17:10
  • نوشته شده توسط
  • یوسف اکبری
ادامه مطلب
 ابراهیم تون خوش قلم

زبانحال حضرت زینب(س) -(غم و بلا قلبینه دولان باغریقان ننم لایلای) * ابراهیم تون خوش قلم

699

زبانحال حضرت زینب(س) -(غم و بلا قلبینه دولان باغریقان ننم لایلای) به سبک های
خداحافظ ای آنام باجی
سن آغلاسون من دوزنمورم
شیرین سوزوم آیدین اولدوزوم

غم و بلا قلبینه دولان
باغریقان نه نم لایلای
خزان وئروب گل یوزی سولان
ناتوان نه نم لایلای
باغریقان نه نم لایلای

امان امان روزگاریدن
چکدی سینمه داغلار
ئولونجه بو غملی زینبون
وای ننم دیوب آغلار
حسن حسین سیل اشکینی
غملی صورته باغلار
بالالاری دیده تر قالان
خسته جان ننم لایلای
باغریقان ننم لایلای

خزان ویران گللرین ننه
سن کیمی یوزی سولماز
بو دهریده هئچ بولوط منیم
گوزلریم کیمی دولماز
منه بوتون عالمی اگر
وئرسه لر آنا اولماز
سینونده کی قانه من فدا
وای جوان ننم لایلای
باغریقان ننم لایلای

فراقوین آتشی منی
یاندورور یاخور مادر
دوشنده یاده محن لرون
گوزیاشیم آخور مادر
اوشاقلارون گول جنازووه
یان یانا باخور مادر
غمون ائدوب غملی زینبی
خونفشان ننم لایلای
باغریقان ننم لایلای

ئوپر ایاقلاریوی حسین
سسلیور آنا گئتمه
قوجاقیوه دور منی بیر آل
گلمیشم جانا گئتمه
اورکده کی درد و محنتون
گلمیور سانا گئتمه
بو غملی دنیاده قارداشی
اولمیان ننم لایلای
باغریقان ننم لایلای

  • دوشنبه
  • 1
  • دی
  • 1399
  • ساعت
  • 17:47
  • نوشته شده توسط
  • یوسف اکبری
ادامه مطلب
 ابراهیم تون خوش قلم

زبانحال حضرت زینب(س) بر سر تابوت مادر -(گئتمه ننه جان_صبر ایله دایان) * ابراهیم تون خوش قلم

401

زبانحال حضرت زینب(س) بر سر تابوت مادر -(گئتمه ننه جان_صبر ایله دایان) به سبک(عجب رسمیه...)

گئتمه ننه جان صبر ایله دایان
قال بو گئجه ده بو ائوده مهمان

دور اوخی قرآن _ من سنه قربان _ گئجیلن گئتسن _ اوللام پریشان

لای لای ننه جان 4

حسن نن حسین قوجاقلاشوبلار
گلوب باباما سایاقلاشوبلار

دیوللر آنا _ سنی قرآنا _ گئتمه دایان او _ دم آغلاشوبلار

لای لای ننه جان4

بوش اوطاقوندا سالدیم جانماز
حضوریوه وار بو ائوده نیاز

سن سیز آغلارام _ سینه داغلارام _ آنا دور اولوب _ موقع نماز

لای لای ننه جان 4

اولدوم آی ننه غملره آماج
تاب زبانیم اولوبدی تاراج

گئجوب چراغلار _ یاتوب اوشاقلار _ بیر بوسه وه وار _ منیم احتیاج

لای لای ننه جان ۴

  • دوشنبه
  • 1
  • دی
  • 1399
  • ساعت
  • 17:50
  • نوشته شده توسط
  • یوسف اکبری
ادامه مطلب

حضرت علی (ص) حضرت زهرا(س)یه خیطاب ائدیر *

4113
6

حضرت علی (ص) حضرت زهرا(س)یه خیطاب ائدیر دردیم دواسی زهـرا روحیم صفاسی زهرا
گیزلینده قبره گئتمیش گیزلین یاراسێ زهرا
آواره دیر عم اوْغلۇن (۲)

(شابئیت جاوابی)
زهرا منی دانێشدێر آز قلبیمی آلێشدێر
گؤگلۆن کۆسۆبدۆ منده‌ن اینصافه گل بارێشدێر
آواره دیر عم اوْغلۇن (۲)
روسوا ائدیبدی کوفری، پئیغمبرین شوعاری
سێندێردێ دست-ی-ظۆلمۆ، زیبا سؤزۆن، ووقارون
بیلمه‌م کی دۆشدۆ هاردان، جبره‌ن سنین گوذارون
غوسلون وئره‌نده گؤردۆم، نیلی اوْلۇب عوذارون
آواره دیر عم اوْغلۇن (۲)
واردێر یئری اۇجالسا هر لحظه شور-وْ-شینیم
قوْل باغلێیام قضاده‌ن، چاره‌م کسیلدی نئیلیم
آواره دیر منیم تک ایسته‌کلی نور-ی-عئینیم
زینب غموندا اوْخشار، دائیم مله‌ر حۆسئینیم
آواره دیر عم اوْغل

  • چهارشنبه
  • 17
  • فروردین
  • 1390
  • ساعت
  • 10:59
  • نوشته شده توسط
  • سعيد رضايي
ادامه مطلب
 ابوالفضل عباسی معروفان

شهادت حضرت زهرا (س) -(ای حیدرین صبر و قراری ) * ابوالفضل عباسی معروفان

708
2

شهادت حضرت زهرا (س) -(ای حیدرین صبر و قراری ) ای حیدرین صبر و قراری
آلدین قراری اللریمدن
سنسیزم من یالقیزام من

ای محرم اسرار حیدر
اشکیم رواندور گوزلریمدن
سنسیزم من یالقیزام من

بیت الحزندور بوش اتاقون
جان یارالی جان یارالی
سالدی منی دیلدن فراقون
جان یارالی جان یارالی

آغلار گوزوم دریادی زهرا
سیل سرشکی گوزلریمدن
بیرسیلن یوخ بیر سیلن یوخ

منده وطنده بیر غریبم
زهرا سنون تک چوخدی دردیم
هیچ بیلن یوخ هیچ بیلن یوخ

نه گویلومی وار بیر آلان نه
بو مرد تنها و غریبی
دیندیرن یوخ دیندیرن یوخ

قالدیم الی قوینوندا نیلیم
ای نگاریم ای نگاریم
سنسیز دونوبدور شام تاره
روزگاریم روزگاریم

زهرا ائویم غمخانه اولدی
زینب دییر نوحه حسینیم
سینه داغلار سینه داغلار

س

  • چهارشنبه
  • 10
  • بهمن
  • 1397
  • ساعت
  • 18:07
  • نوشته شده توسط
  • ابوالفضل عابدی پور
ادامه مطلب
 احمد پوریا

متن شعر ترکی میلادیه حضرت زهرا سلام الله علیها فارسی و ترکی -(ای گل باغ ازلی- نور چشمان علی) * احمد پوریا

981
1

متن شعر ترکی میلادیه حضرت زهرا سلام الله علیها  فارسی و ترکی  -(ای گل باغ ازلی- نور چشمان علی) فارسی

ای گل باغ ازلی- نور چشمان علی
گو تو با صوت جلی- یا خانم فاطمه
خوش آمدی خوش آمدی- تو بتول احمدی
گل باغ سرمدی –یا خانم فاطمه
نور دل محمدی- فاطمه
خوش آمدی خوش آمدی -فاطمه

خیر النساء عالمین- مادر نور دوعین
افتخار ثقلین -یا خانم فاطمه
فرشته های آسمان - به سرور اهل جهان
شادی و نغمه کنان - یا خانم فاطمه
چشم و چراغ شیعیان- فاطمه
بر دل ما رو ح وروان- فاطمه

حور و فرشته خدمت -دل شیعه حرمت
به فدای قدمت – گل نیلوفری
از برکات ازلی - یار و دلدار و علی
دخت زیبای نبی - سوره ی کوثری
نور دل محمدی- فاطمه
خوش آمدی خوش آمدی- فاطمه

ترکی

ای بو جهانه افتخار- کوی و دریای وقار
خلقتونده سنی یار- ایلیوب شاهکار

  • چهارشنبه
  • 8
  • اسفند
  • 1397
  • ساعت
  • 20:45
  • نوشته شده توسط
  • ابوالفضل عابدی پور
ادامه مطلب

شعر حضرت فاطمه زهرا سلام الله علیها -(اهل کوفه اهل دین دینینده غفلت ایلمز) *مرحوم انور اردبیلی

1124
1

شعر حضرت فاطمه زهرا سلام الله علیها -(اهل کوفه اهل دین دینینده غفلت ایلمز) شاه بانوی حجاز و حرم شیر خدا
پارۀ قلب نبی سیده و خیر نسا
مام سبطین و عزیزه نفر اهل کسا
حضرت فاطمه صدیقۀ کبرای بشر
ایلین چوخ گیجه سین قبلۀ طاعتده سحر

سورۀ کوثر ائدن شأنینی اثبات و عیان
یوزی خورشید حیا قامتی طوبای جنان
امتون دادرسی جدۀ سادات جهان
تازه پیراهنینی سائله احسان ائلین
شوقیله لیل زفافینده ئوزی کهنه گین

آختاران عشقیله ارضای خدای فلقی
قدری حیرتده قویان آسیه نی ما سبقی
دفتر معرفتون عزتی زرین ورقی
کیمیا دیدۀ حورایه اولان خاک رهی
درگه اقدسی ئوز محسنینون قتلگهی

نقل ائدوب بو سوزی ارباب احادیث خبر
یوخدی اشکالی موافقدی هامی اهل نظر
فیضه نائل اولاسان یاخشی قولاق وئرسون اگر
شرطیوار گیزلین اولا

  • شنبه
  • 23
  • شهریور
  • 1398
  • ساعت
  • 10:41
  • نوشته شده توسط
  • علیرضا گودرزی
ادامه مطلب
مرحوم رحیم منزوی اردبیلی

زبانحال حضرت علی(ع) -(یتیشسه آفت اگر گلستانه زهرا جان) *مرحوم رحیم منزوی اردبیلی

622

زبانحال حضرت علی(ع) -(یتیشسه آفت اگر گلستانه زهرا جان) یتیشسه آفت اگرگلستانه زهراجان
باخانداغم گتورر باغبانه زهراجان

سارالدی‌گللرون‌ای‌غم‌کشیده‌بیرگوزون‌آچ
دونوب صفالی بهارون خزانه زهراجان

یتیملیقون توزی قوندی بالالارین یوزونه
گلولله هرگجه گوندوز فغانه زهراجان

حسنده سولدی حسینده سارالدی زینبده
قولومی باغلادی قهر زمانه زهراجان

نه نازینی چکن اولدی نه زلفینی داریان
ایدرنه چاره پریشانه شانه زهراجان

سنه نه جای مذّمت ایویندن ال چکدون
یازیلمیوبدی وفابوجهانه زهراجان

قوجاقلارام‌ئوز‌ایویمده‌همیشه دیزلریمی
عذاره اشگیمی قیلّام روانه زهراجان

نجه‌چیخوم‌قاپیا قتلگاهیدور قاپیمیز
بروزحادثه جانستانه زهراجان

گوزوم‌دوشورقاپوداهی اوقانلی مسماره
چتیندی گوزقاباقیندا نشانه زهراجان

حسینه‌بالش‌اولان‌سینون‌اولدی‌یاره سنون
بویاندی ناوک مسمارقانه زهراجان

جهانداسنسیزهله‌قورخورام که چوخ یاشیام
اولام دچارغم بیکرانه زهراجان

بیرعمرکه اولاسنسیز مگر نه لذّتی وار
قفسدی یریوزی بوخسته جانه زهراجان

  • جمعه
  • 5
  • دی
  • 1399
  • ساعت
  • 23:12
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

زبانحال حضرت زهرا(س) -(بالینیمه گل پیک اجل گلدی عم اوغلی) *مرحوم رحیم منزوی اردبیلی

1315
5

زبانحال حضرت زهرا(س) -(بالینیمه گل پیک اجل گلدی عم اوغلی) بالینیمه گل پیک اجل گلدی عم اوغلی
باغلا گوزونی فاطمه دینجلدی عم اوغلی

ماموریدی پیک اجل الان باشیم اوسته
بیر سنده گل ای سویگلی جانان باشیم اوسته
ای ناطق قرآن اوخی قرآن باشیم اوسته
قرآن سسیووه سن بیلوسن چوخ هوسیم وار
خوش لحنیله قرآنون اوخی تا نفسیم وار

ای مونس غم آز منی غرق محن ایله
مندن سورا ترک گل و باغ و چمن ایله
وئر غسل اوز الونله من زاره کفن ایله
آگاه ایلمه ثانی شدادی عم اوغلی
گلسه بیلوسن روحیمه ایذادی عم اوغلی

غسلومدا گوزون اشکینی خون دله قاتما
گورسون اثر ظلم و ستم نالون اوجاتما
اگنیمده اولان کوینگی سعی ایله چیخاتما
بیر نحویله تا غسلومی ویر کوینگیم اوستن
کشف ایلمه بیر کیمسیه قمچی اثرین سن

جان ویرمگیمی گرچه چوخ آسان سانورام من
یادیمه دوشور محسن اورکدن یانورام من
ثانی لگدین محسینه قاتل سانورام من
چون من کیمی مظلومه گورنمز گوز ایوینده
ناموس حقی کیم ویرار آیا ئوز ایوینده

بیر اللی قیام ایتدیم اولان وقته مصلی
گتدیم عمله ذکر قنوتیمی بیر اللی
گیزلینجه نماز ایلمیشم اولمیا بللی
گیزلینجه نماز ایتمگیمین علتی واردی
چون قنفذ ایدن ظلمیلرین شدتی واردی

هجران اوخونا حکم مشیتله نشانم
لبیک دیوب محفل جانانه روانم
ام حسنیمدن چوخ حسیندن نگرانم
بلبل تک اونی بسلمیشم چونکه گول اوسته
قورخوم بودی خولی قویا مطبخده کول اوسته

بیر گون گزورم چوللری آواره دولاننام
مقتلده قیزیم زینبیلن منده دایانام
گودالیده زینب بویانان قانه بویاننام

یانام غم اطفال پریشان حسینه
گوزیاش توکرم خیمه سوزان حسینه
گلم من ئوزوم شام غریبان حسینه
لازمدی اولاخ کوفه ده مهمان ایکیمیزده
واجبدی دوتاخ شام غریبان ایکیمیزده

ای باشسیز عیال و حرمین باشدان آتان باش
می صورتینین نسبتی اللهه چاتان باش
سنسن دی گوروم سینمین اوستونده یاتان باش
یا گوزلرون آچ قانلی گوزونن تانییم من
یا منله دانش تا کی سوزونن تانییم من

ایندی واریدیم کرب و بلاده من خسته
یاندیردی یانان قلبیمی بیر قلبی شکسته
گوردوم یاتیب ایستکلی رقیون سینن اوسته
هر دم دیور ای شاه لب عطشان منی دیندیر
تیر غم ایدیب سینمی شان شان منی دیندیر

ایتدوقجه اوغول حنجر منحوریووه دقت
یوز ویردی اوغولسوز آنووا حالت رقت
گوردوم که دگوب حنجریووا اون ایکی ضربت
بیلدیم بالا چوخ اینجموسن گل سینم اوسته
جان تک باسوم اغوشیمه دینجل سینم اوسته

  • شنبه
  • 6
  • دی
  • 1399
  • ساعت
  • 19:19
  • نوشته شده توسط
  • یوسف اکبری
ادامه مطلب

زبانحال حضرت زینب(س) در فراق مادر -(هایاندا قوش تک ایلدون سن آشیانه آی ننه) *مرحوم انور اردبیلی

634
0

زبانحال حضرت زینب(س) در فراق مادر -(هایاندا قوش تک ایلدون سن آشیانه آی ننه) هایاندا قوش تک ایلدون سن آشیانه آی ننه
محالیدور یولون دوشه بو دودمانه آی ننه

بابام که رحلت ایلدی ایونده امنه یتمدون
قوناقلیقا نه گلشنه نه باغه سیره گیتمدون
بو ایکی آی یانیمدا سن گلوب تبسم ایتمدون
گوروم تبسم ایتمسون لب زمانه آی ننه

نه سرو گورمیوب فلک او قامت وزین کیمی
نه رحمسیز بشر گلر او قنفذ لعین کیمی
چوخ ایوده تای دوشون سنون گزور هله گلین کیمی
مزاره قنفذ ایلدی سنی روانه آی ننه

ویرنده غسلوی آتام ایدنده جسموه کفن
ایلیکه گیدی خلعتین او ضربه لر گورن بدن
نظاره ایلدیم اوزوم بویووا دقتیله من
کفنده هیچ یاراشمیور تزه جوانه آی ننه

یتیم اوشاقلارون آنا نه سختمش زمانه سی
سنه بو زینب ایلسون گلایه یوخ بهانه سی
بو رسم روزگاردور قوشون یاناندا لانه سی
اوچوب او لانه دن گیدر بر آیری یانه آی ننه

هایاندا عندلیبدن گل اوسته خوش ترانه وار
او یرده اوچی وار و یا زمیه سی خزانه وار
هر ایوده شور حق وار صفای عاشقانه وار
فلک تز آیریلیق اوخون قویار کمانه آی ننه

یتشدی جانی بر خطر بو غملی خانوادیه
دچار اولوب بیوک کیچیک بلای فوق العادیه
ایدردی غبطه ماخلق آتامدا که ارادیه
همین اراده صاحبی دویوبدی جانه آی ننه

بو غملی منزله آتام نمازدن گلن زمان
قاپودا مکث ایدور بر آز ایدور نظاره ناگران
گورور نه غملی منظره بزه دیمور او باغریقان
یقین یارالی سینه دن قالوب نشانه آی ننه

روا دگولدی بو ایوی صدای الامان دوتا
هوایه توستی قوزانا فضاسنی دومان دوتا
یتیم اوشاقلارون سنون عزای جاودان دوتا
یانان قاپون اولوب بیزه بیوک بهانه آی ننه

قرا گونه قالان قیزون شرار غمده اودلانور
کیچیکده اولسا زینبون مطالبی گوزل قانور
محل دفن محسنه گوزوم دوشور اورک یانور
نه غملی آستانه دور بو آستانه آی ننه

نباته چکسون آرزو گوروم مدینه داغلاری
یتورمه سون شقایق و نه لاله غملی باغلاری
غروب وقتی ایولرون یانان زمان چراغلاری
منمده قلبمون اودی چکر زبانه آی ننه

  • جمعه
  • 9
  • مهر
  • 1400
  • ساعت
  • 22:00
  • نوشته شده توسط
  • یوسف اکبری
ادامه مطلب

توسل به حضرت زهرا (س) -(یا فاطمه گلدیم اوپم علمین) * رضا ماه پری زنجانی

1240
1

توسل به حضرت زهرا (س) -(یا فاطمه گلدیم اوپم علمین) یا فاطمه گلدیم اوپم علمین
قلبیمددی گیزلین اولان حرمین
وضو آلوب درگهیوه گلرم
رخساریمه گوز یاشیمی الرم
سائلم ایله کرم
ای ویرن عالمه دم
دردیمه ایله دوا
سن بیل او قانلی علم
سنسن دوای درمانیم
زهرا سنه قربان جانیم
ای گل طاها یا زهرا؛؛یازهرا؛؛جان؛؛یازهرا
ام ابیها یا زهرا؛؛یا زهرا؛؛جان؛؛یا زهرا
ای گل کیمی جسمی سولوب سارالان
اون سکیز ایل عمرده تز قوجالان
گیجه یاری قبره گیدوب یارالی
ایستکلی زینبدن اولوب آرالی
قلبینی غم لر آلوب
زینبی درده سالوب
خیبری فتح ایلین
گور نجه حاله قالوب
گوزلری قان یاش الیر
آه و فغانه گلیر
ای گل طاها یا زهرا؛؛یا زهرا؛؛جان؛؛یا زهرا
ام ابیها یا زهرا؛؛یا زهرا؛؛جان؛؛یازهرا

  • جمعه
  • 14
  • دی
  • 1397
  • ساعت
  • 19:25
  • نوشته شده توسط
  • ابوالفضل عابدی پور
ادامه مطلب
معجزه ای برای رفع مشکلات حنجره
 ولی الله کلامی زنجانی

متن شعر ترکی در مدح و مصائب حضرت زهرا سلام الله علیها -(ای فلک من گلِ گلزار ادب زهرایم) * ولی الله کلامی زنجانی

1610
0

متن شعر ترکی در مدح و مصائب حضرت زهرا سلام الله علیها  -(ای فلک من گلِ گلزار ادب زهرایم) ای فلک من گلِ گلزار ادب زهرایم
خلقتِ آدم و حوّایه سبب زهرایم
فاخرم،مفخر نسوان عرب زهرایم
طاهره شهرتم و پاک نسب زهرایم
راضیه،مرضیه،صدّیقه لقب زهرایم

قادر الله کیمه بیر بیله جلالت وئردی
بگنوب جمع کساده منه عزّت وئردی
رتبه می افضل ایدوب منصب عصمت وئردی
بشرین وجهه سین عرشه یتورن زهرایم
ایویمه روح الامینی گتورن زهرایم

من همان نطفۀ پاکم وار آدیم دللرده
حقّه تسبیح دییردیم رَحِم مادرده
ایتمیشم نشو و نما سینه پیغمبرده
آدی قرآنیده کوثر یازیلان زهرایم
ساقی کوثره همسر یازیلان زهرایم

من همان امّ ابیهایم آتام بوالقاسم
زُهره یَم عرش خدا جایگه اجلاسیم
ایدر آفاقی معطّر اثر انفاسیم
من کیمم،جلوۀ نور ازلی زهرا

  • یکشنبه
  • 7
  • بهمن
  • 1397
  • ساعت
  • 11:26
  • نوشته شده توسط
  • ابوالفضل عابدی پور
ادامه مطلب

متن شعر ترکی توسل به حضرت زهرا (س) -(هر چتین دردین دواسی حضرت زهراده دی) * قربان مُطَلِّبی

3625
4

متن شعر ترکی توسل به حضرت زهرا (س) -(هر چتین دردین دواسی حضرت زهراده دی) هر چتین دردین دواسی حضرت زهراده دی
گر مریض اولسان شفاسی حضرت زهراده دی

باخ جلال وشأنینه دوقوز آدا دارادی بو
نوری الله نوریدی هر کیمسه دن والادی بو
مصطفی نون مرتضی نون علمینه دارادی بو
یعنی پیغمبر عطاسی حضرت زهراده دی

آسمان عصمته برج حیا دور فاطمه
تابع امر ولی دور با وفا دور فاطمه
زوجه پاک علی المرتضی دور فاطمه
مرتضی نینده صفاسی حضرت زهراده دی

بخشش و جود سخا بو درگه والاده دی
درد الیندن عاشق زهرا اگر آواره دی
ناعلاجون دردینه زهرا آدین دئ ، چاره دی
هر چتین دردین چاراسی حضرت زهراده دی

گر محب فاطمه یانسا آلیشسا دردیلن
صفحه رخصارینه دردی یازیلسا اشگیلن
با جلالت دامنیندن گر یاپیشسا صدقیلن
مطمئن

  • یکشنبه
  • 14
  • بهمن
  • 1397
  • ساعت
  • 11:26
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت زهرا سلام الله علیها -(عم اوغلی ای شه خوبان) * محمد باقر محمدزاده قومیان

959
1

متن شعر ترکی زبانحال حضرت زهرا سلام الله علیها -(عم اوغلی ای شه خوبان) عم اوغلی ای شه خوبان
باشیم اوسته اوخی قرآن
باخیب آغلاتما زهرانی
اولا زهرا سنه قربان

سنی مظلوم حسین جانی
باخیب آغلاتما زهرانی

سنیله اولموشام همدم
بو ائوده دوقوز ایل باهم
گل ای عیسی نفس وئر دم
باخیب آغلاتما زهرانی

غمیمده مجتبی آغلار
قیزیم کلثوم اؤرک داغلار
باشا زینب قرا باغلار
باخیب آغلاتما زهرانی

اجازه وئر دئییم بیر سوز
فراقیمده یئمه غم دؤز
حسینیمدن گوتورمه گوز
باخیب آغلاتما زهرانی

یتیمه قیزلاریم قالسین
اؤزوند‌ن عطریمی آلسین
باشا شال عزا سالسین
باخیب آغلاتما زهرانی

پوزولما شور شینیمدن
مواظب اول دو عینیمدن
علی‌التخصیص حسینیمدن
باخیب آغلاتما زهرانی

اوزون وئر غسل و کفن ایله
اماندیر قبری پهن

  • سه شنبه
  • 16
  • بهمن
  • 1397
  • ساعت
  • 18:31
  • نوشته شده توسط
  • ابوالفضل عابدی پور
ادامه مطلب
 ولی الله کلامی زنجانی

متن شعر ترکی زبانحال حضرت علی (ع) در شهادت حضرت زهرا (س) -(ای خدا علینون یوخدی دادخواهی) * ولی الله کلامی زنجانی

1684
4

متن شعر ترکی زبانحال حضرت علی (ع) در شهادت حضرت زهرا (س) -(ای خدا علینون یوخدی دادخواهی) ای خدا علینون یوخدی دادخواهی
مشکله دوشوبدی عالمین پناهی
یومدی گوزلرین زهرا
وردیم اولدی واویلا
یالقوزام الهی ( 2 )

اهل بیته یثرب غملی محبس اولدی
حامیان قرآن جمله بی کس اولدی
باغ آل هاشم ظلم الیله سولدی
باغلانان قاپوم یاندی
حالتیم پریشاندی
یالقوزام الهی ( 2 )

درگهیم یاناندا یاندی غملی جانیم
قالدی پشت درده یار مهربانیم
فضّه نی چاغوردی همسر جوانیم
فاطمه حیالیدی
باشی چوخ بلالیدی
یالقوزام الهی ( 2 )

غسل ایدن زمان من غم چکن وجوده
نار درد و غصّه دوشدی تار و پوده
گوزلریم دوشنده بازوی کبوده
سسلدیم عزیزیم وای
قمچی یورقونی لایلای
یالقوزام الهی ( 2 )

دختر رسولین داشدی جام صبری
ایلدی خجالت سیل اشکی ابری

  • پنج شنبه
  • 18
  • بهمن
  • 1397
  • ساعت
  • 12:23
  • نوشته شده توسط
  • ابوالفضل عابدی پور
ادامه مطلب

متن نوحه فارسی و ترکی زبانحال حضرت علی (ع) با حضرت زهرا (س) -(ای صفای خانه ی من) * حاج داود بیدق داری

8418
8

متن نوحه فارسی و ترکی زبانحال حضرت علی (ع) با حضرت زهرا (س) -(ای صفای خانه ی من) فارسی

ای صفای خانه ی من
شمع من پروانه ی من
رومگردان از نگاهم
همسر من یاور من

لحظه ای بامن سخن گو
از چه می گیری زِ من رو
کن نگه براشک وآهم
همسر من یاور من

پشت آن در، سینه ات با میخ در تا آشنا شد
سینه ی من، در غمت کاشانه ی درد و بلا شد

دیدم و کاری نکردم
من تو را یاری نکردم

ترکی

کوچه ده گوردوم وورولار
در عشقی سندیرولار
اللریم باغلاندی زهرا
ئولدوم اوندا، ئولدوم اوندا

جاندان ای جانانه دویدون
اللرون دیواره قویدون
حیدره تار اولدی دنیا
ئولدوم اوندا، ئولدوم اوندا

گیزلدورسن گر چه من گوردوم نجه یئرده سوروندون
من باخاندا حالیوه سن توده ی آهه بوروندون

تک قاپونی باغلارام من
الده شمشیر آغلارام من

  • چهارشنبه
  • 24
  • بهمن
  • 1397
  • ساعت
  • 18:59
  • نوشته شده توسط
  • ابوالفضل عابدی پور
ادامه مطلب

متن شعر ولادت حضرت زهرا(س) -(فاطمه فاطمه دی روح رسالتدی خانم ) *مرحوم حاج محمود رهبری

621

متن شعر ولادت حضرت زهرا(س) -(فاطمه فاطمه دی روح رسالتدی خانم ) فاطمه فاطمه دی روح رسالتدی خانم
فاطمه فاطمه دی خلقته زینتدی خانم
.
.
فاطمه فاطمه دی فوقنه یوخ شأن ومقام
بشرُ کیفَ بشر طاهره مرضیه بنام
خلقتین فاطمه ده خالق ایدوب جمله تمام
مشعل دین خدا نور هدایتدی خانم
.
.
فاطمه فاطمه دی عزّت و شأنی ابدی
اوزی نور خلقتی نور نور خدای احدی
مکتب حقدن آلوب درس کمال و ادبی
آتاسی ختم رسل شمس رسالتدی خانم
.
.
فاطمه فاطمه دی احمد محمود آتاسی
سیّد جنّت حسینیله حسن دور بالاسی
فخر ایدر فاطمیه هر ایکی دنیا باباسی
شرف آل عبا برج امامتدی خانم
.
.
فاطمه فاطمه دی دُخت نبی کنز وفا
معدن فضل و کرم مظهر انوار خدا
بویوراردی آتاسی فاطمیه جانی فدا
فاطمه شأنینه بو شأن دلالتدی خانم
.
.

  • شنبه
  • 26
  • بهمن
  • 1398
  • ساعت
  • 09:40
  • نوشته شده توسط
  • سید محمد حسینی
ادامه مطلب
کربلایی نوید آسال اردبیلی

احوالات حضرت زهرا(س) -(فاطمه یعنی خداوند حیا و احتجاب) *کربلایی نوید آسال اردبیلی

490
3

احوالات حضرت زهرا(س) -(فاطمه یعنی خداوند حیا و احتجاب) فاطمه يعني خداوند حيا و احتجاب
فاطمه يعني شرف گنجينه سينده در ناب
فاطمه يعني سماي شور و عشقه آفتاب
نور رحماندان ازلده تاپدي معنا فاطمه
قدسيان گورجك بونوري سسلدي يا فاطمه

فاطمه يعني متانت فاطمه يعني وقار
فاطمه يعني عزيزحضرت پروردگار
فاطمه يعني مدال زرنگار افتخار
ذات بي همتا كيمين بي مثل وهمتا فاطمه
اولدي دنياده فقط ام ابيها فاطمه

فاطمه باشدان اياقه پيكرعقل وشعور
فاطمه مرآت سبحان فاطمه تنديس نور
فاطمه محبوبه بي مثل خلاق غفور
نورزهرادن اولوبدور اون بيراخترمنجلي
شانه باخ ئوپدي اليندن هم پيمبر هم علي

عالمه گورستدي زهراطينت شاهانه سين
يارينه اثبات ايديب دور همت مردانه سين
نايب ايتدي ملك عشقه دختر فرزانه سين
قانه باتميش درگهين عشاقه مكتب ايله دي
زينبي زهراكيمين استادي زينب ايله دي

بعد احمد ايله دي شورا بيرعده فتنه گر
ملتي تحريك ايدوب شخص ابوبكروعمر
خلق جاهلدن آلابيعت به زورسيم و زر
آلديلارمكريله انصارومهاجر بيعتين
آخرالامرايتديلربي كس ولايت دولتين

بي وفا امت شرافت ريسمانين قيرديلار
حضرت ختمي مآبين حرمتين سينديرديلار
دانديلار حق عليني درگهين يانديرديلار
گلشن تاريخيده تخم نفاقي اكديلر
مسجده قوللاري باغلي شير حقي چكديلر

اي دليم آچ گوزفلكنقش ايلين تقديره باخ
شهريثربده اومسجدده اولان تصويره باخ
جرگه روباهه باخ قوللاري باغلي شيره باخ
روح پيغمبردن امت طاقت و آرام آلوب
خيبري فتح ايلين مسجده بي ياور قالوب

سينه سي داغلي ديور آهسته زهرا هارداسان
صف چكوب اطرافينه بوقوم اعدا هارداسان
دادرسي يوخدور منه اي بنت طاها هارداسان
حيدري درك ايله اي دين خدايه قائمه
آچماقا قوللاريمي تزگل هرايه فاطمه

افتخارايله آنون زهرايه اي صاحب زمن
مسجده بيرنوعيلن داخل اولوب اول ممتحن
گوييا بيت اللهه كيچدي خليل بت شكن
داخل اولجاق مسجده دردانه خيرالبشر
هيبتيندن تيتردي بيركاه تك قلب عمر

يوز دوتوب بوبكره سسلندي اياخصم علي
نورسيماي عليدندور اولوب دين منجلي
مرحبي خوارايليبدور حيدرون باغلي الي
سانمابوفتوالروز شيري هراسان ايلير
بير اشاره ايلسه دنياني ويران ايلير

ئولميبدور فاطمه حيدر اولا دنياده خوار
لاله ني گوزدن سالانمزدهريده مين نيش خوار
خوشدي زهراحق حيدراوسته اولسا سربه دار
مين يول آخسا فاطمه قاني تراب اوسته يازار
لافتا الاعلي لاسيف الا ذوالفقار

روحعصمت بيزدهديمردابذلت سيزدهدي
كوه غيرت بيزده دي دينه خيانت سيزده دي
بحررحمت بيزده دي جرموجنايت سيزده دي
آستان عزوشوكت دور بيزيم درگاهيميز
آيه تطهيري گوندردي بيزه اللهيميز

من پيمبر زاديم نور خداي داورم
حامي احكام قرآن وارث پيغمبرم
مرتضاسقاي كوثردوراوزومده كوثرم
افتخاريمدور جهاندا جان نثار حيدرم
من علينون بير توكون هفت آسمانه ويرمرم

دوزدي كي ظلميلن آخدي سينمون قاني يره
مرتضانون پشت درده دوشدي قرباني يره
دوزدي كي ظلموز گتيردي روح طاهاني يره
عيبي يوخدور سيزغلاف ايتسوزاگرشمشيروزي
مهرباندور حيدريم عفو ايلير تقصيروزي

هرنقدري خطبه ايراد ايله دي خاتون عشق
جوشمادي افسوس اولا قلب عربده خون عشق
آخديزهرانون گوزوندن چشمهيهامون عشق
ايسته دي آتسون الين زهراباشيندا معجره
لرزه دوشدي حكم حقدن مسجد پيغمبره

الغرض آزاداولوب حيدرطناب ظلميدن
اولدولار آل پيمبر وارد بيت الحزن
فاطمه گوردي امام بي كسين غرق محن
آچدي مجروحه خانم فورا سينان بازولرين
آلدي آغوشه سورا محنت زده آهولرين

بيت حيدرده گوروندي اوندا زيبا منظره
باشلادي منظومه عرفان طواف دلبره
تازه جان گلدي كانه جسم پاك حيدره
سسلدي يافاطمه چيخدي ياديمدان درد و غم
عمروم اولسا عم قيزي بوديني جبران ايلرم

كيچدي گونلر اولدي يوم ارتحال فاطمه
بزم ماتم قوردي گويده ذوالجلال فاطمه
مغسلي ماوا ايدوب قد هلال فاطمه
مغسل اوسته گوردي زهراني آقادل داغلادي
بار غمدن ديزلري اسدي علي قان آغلادي

سسلدي اي حيدري بيكس قويان آچگوزلرون
پيكريندن جامه عمري سويان آچ گوزلرون
آي علي تك زندگيسيندن دويان آچ گوزلرون
باشون اوستونده نجه گوراشگبارم فاطمه
وقت هجراندور گيدورسن بيقرارم فاطمه

خاطريمدن حشره جك چيخماز او يوم پربلا
سن دولاندون دورت بالامدان باشيمه اي باوفا
ايستورم ايندي ايدم بوينومداكي ديني ادا
راضي اولما گردنيمده فاطمه دينون قالا
حيدرونده دورت بالوندا عشقووه قربان اولا

واريري قان آغلاسام من سينه ي خون پاشووه
عالمين جاني فدا قانه دونن گوزياشووه
دورت بالام نان فاطمه منده دولانام باشووه
بيلمورم سن سيز نيجه دنياده من تاب ايلرم
گرمنيم سننن سورا عمروم چوخ اولسا نيلرم

اي خانم زهرا اولان مظهر خداي ذوالمنه
وار دليمده حاجتيم اي زاده ي زهرا سنه
قبرووي قسمت ايله دنياده فاخرلن منه
شهر يثربده خانم بيز جامه ماتم گييك
آغلياق سينه ويراق اوردا سنه نوحه دييك

  • پنج شنبه
  • 18
  • دی
  • 1399
  • ساعت
  • 00:08
  • نوشته شده توسط
  • یوسف اکبری
ادامه مطلب

زبانحال حضرت علی(ع) بر سر مزار حضرت زهرا(س) -(من نیلورم سندن صورا دنیانی زهرا) * ناشناس ؟؟؟

272
1

زبانحال حضرت علی(ع)  بر سر مزار حضرت زهرا(س) -(من نیلورم سندن صورا دنیانی زهرا) من نیلورم سندن صورا دنیانی زهرا
قویدون ملر آغلار قالان طفلانی زهرا
آغلارقالوبدی گللرون
شیرین دیلون بلبلرون
دور یاتما زهرا - دور یاتما زهرا

تک قالمیشام یوخدی منیم روح روانیم
گیتدون مزاره یوخدی دای جسمیمده جانیم
بوندان بیله آغلار کچر هر لحظه آنیم
یاتما بیله سن بیل حسینون جانی زهرا
سوندی چراغیم فاطمه
یوخدورقوناقیم فاطمه
دور یاتما زهرا - دور یاتما زهرا

زینب آتور ال باشینه سسلورننم وای
آغلور حسن سویلور اودا ایوای ننم وای
یاتمور حسین تزتز دیور لایلای ننم وای
آواریم دیندیر من نالانی زهرا
یاسه گلن یوخدی بوگون
دوست دشمنیم چوخدی بوگون
دور یاتما زهرا - دور یاتما زهرا

  • یکشنبه
  • 31
  • مرداد
  • 1400
  • ساعت
  • 18:01
  • نوشته شده توسط
  • یوسف اکبری
ادامه مطلب

حضرت زهرا (س) -(یارانمییدی اگر نور حضرت زهرا) *سعدی زمان سیدرضا حسینی

253

حضرت زهرا (س) -(یارانمییدی اگر نور حضرت زهرا) یارانمییدی اگر نورِ حضرتِ زَهرا
نه آی اولوردی نه گون، نه بو پرتو دنیا

کیمون جهاندا یتر شأنی شأنِ زَهرایه
بونون تَفَوُّقی وار هاجریله سارایه

غلام دور بونا عیسی، کنیز دور مریم
حبیبه دور بو خانم ذّاتِ حَیَّ یکتایه

او گون که خالقِ عالم یاراتدی افلاکی
چکیلدی پردهء ظلمت سپهرِ مینایه

ملک لر ایلدیلر استغاثه معبوده
یتوبله نورِ بتولی له فیضِ عُظمایه

خدای خلق همان دمده نورِ زَهرانی
ایدوبدی عرشی نه قَندیل وار پیرایه

منوّر ایلدی افلاکی فاطمه نوری
دیولدی اسمی نه زَهرا همین بو معنایه

بشر غلطدی دیماق، نورِ مَحض دور بو خانم
گلوب بشر کیمی ظاهرده دارِ دنیایه

آناسینا آنا بطنینده اولدی هم صحبت
او دور مُحَدِّثه صدق اوُلدی بو دل آرایه

تولّدون دَه زنانِ قریش گَلمَدیلر
خدیجه نین اوجالوب آهی عرشِ اَعلایه

یر اوسته ایتدی خواتین دار خُلدِ نزول
اولوب لا قابله نورِ بتولِ عُذرایه

بهشت حلّه سینه ایلیوبله پیچیده
دوشه مباد او جسمِ لطیف اِیذایه

ایله لطیفیدی جسمی خیاطه دوشسیدی
سالوردی خطّ او گُلدن لطیف اعضایه

اَیا اِمامِ زَمان داد ظلمِ ثانی دَن
شهیده یولّادی زَهرانی دارِ عُقبایه

قاپی دالیندا قویوب یاندوراندا درگهینی
اوجاتدی ناله آنان فاطمه ثُریّایه

بویوردی فضّیه گل ظلمیله بالام ئولدی
دایانما تیز خبر ایله علیَّ اَعلایه

چخوب علی یخولوب گوردی حضرتِ زَهرا
گیدوب تحمّل و صبر و قراری یغمایه

عباسینی گوتوروب سالدی فاطمه اوُسته
گوگل بو یِرده دوشوب بیر ملالِ عُظمایه

دوریدی کاش علی قبریدن اَلینده عبا
گلیدی کرب و بلا دشتی نه تماشایه

سالیدی اوردا قیزی زینبین عبا باشینا
جمالِ عصمتی مستور اولیدی اَعدایه

آناندی چونکه (حسینی) شفیعهء محشر
غم ایتمه گیتسن اگر دست خالی عُقبایه

  • سه شنبه
  • 30
  • شهریور
  • 1400
  • ساعت
  • 20:42
  • نوشته شده توسط
  • یوسف اکبری
ادامه مطلب

احوالات حضرت زهرا (س) -(گورمدی خوش گون خانم زهرا پیمبردن صورا) *مرحوم انور اردبیلی

316

احوالات حضرت زهرا (س) -(گورمدی خوش گون خانم زهرا پیمبردن صورا) گورمدی خوش گون خانم زهرا پیمبردن صورا
آغلادی صدّیقه کبری پیمبردن صورا

ترک ایدن گوندن جهانی رحمت اللعالمین
ایلدی بیت الحزن دنیا نی زهرای حزین
دائم الاوقات اوزین محنتله ایتدی دلغمین
گلمدی بر ثانیه اصلاٌ پیمبردن صورا

اوز حیاتنده رسول اکرم اول اعلا مقام
فخر لعیابه ایدردی فوق العاده احترام
مقدم پاکین دوتاردی یثربون اهلی کرام
بوروش اولدی عوض ا ما پیمبردن صورا

اّمته گرچه رسول الله تاپشوردی کرار
عترتیله هم کتاب ا ّللهی اول صاحب وقار
دوتد یلار ما ّدی صفتلر حکمنی بی اعتبار
ایتدیلر اللهیله دعوا پیمبردن صورا

باشلادی نقش فسادون طرحنی اهل فساد
سالدیلار دینه دؤ ّیت تا حصول اولسون مردا
بر علیه مرتضی ایتدیله جدّ اً ا ّتحاد
غضب حقه قیلدر یلار شورا پیمبردن صورا

ثاننی حبّ خلافت ظلمه ایتدی پیشدست
قصر حقـّون پایه سین نیرنگله قیلدی شکست
ویردی سس اول بیحیایه مردم دنیا پرست
کامه یتدی فرقۀ ادنا پیمبردن صورا

گلدی بر جمعیله ثانی بارگاه رأفته
باب باب اللهی د ّق الباب ایدوب بونـّیته
ایلسون راضی ولی اللهی جبراٌ بیعته
حقـّه چکسون پرده در معنا پیمبردن صورا

فتح بابه ایستدی گلسون علیّ المرتضی
مانع اولدی قویمادی گلمک لیگه خیر النساء
گتمه سن قوی من گیدوم عرض ایتدی یا شمس الهدا
ایلمز ا ّمت منه ایذا پیمبردن صورا

گلدی پشت بابده دوردی دل آرام رسول
اجتماع مردمی حس ّ ایلین وقته بتول
ایتدی فرمایش گلن اشخاصه زارو دل ملول
گلمسوز فکروز ندور آیا پیمبردن صورا

گلمشوک ثانی دیدی واردور بو گلمکدن مرام
ویر خبر گلسون عم اوغلون مسجده با احترام
گلمسه جبراٌ آپاروق بز علینی والسلام
دونمروک بورائیدن حاشا پیمبردن صورا

ائتدی فرمایش بابام تازه ائدوب رحلت منیم
یاسلیم ماتملیم دلده واریم محنت منیم
احترامیمی ساخلامور آیا نیه امت منیم
دینوزی آلدی نه تئز دنیا پیمبردن صورا

نقشه ظلمی اتون بیر نقشه افضل چکون
صورت ظلمه اورکلرده گلون جدول چکون
حقینی داندوز عمی اغلومدان اقلا ال چکون
چوخ بیزی اینجیتمیون بیجا پیمبردن صورا

ثانینون اولدی مزاقینده بو سوزلر ناگوار
غیظیلن مفتوح بابی ایستدی اول کین شعار
آچ ددی گر آچماسون الساعه اود ورام یانار
ایلرم هر امری من اجرا پیمبردن صورا

ویردی آود یاندی در عالم پناهی فاطمه
قلبیدن ناگه اوجالدی سوز آهی فاطمه
بین دیواریله در قالدی الهی فاطمه
ظلمیله سولدی گل طاها پیمبردن صورا

سسلدی نازک سسیله فضه نی خیرالنسا
ور خبر امدادیمه گلسون ولی کبریا
درگهیم یاندی منی سالدی ایاقدان اشقیا
قالمادی منده داخی یارا پیمبردن صورا

گلدی فضه گوردی زهرانی یخوب قوم ظلام
ورا مناجات ایلین لبلرده اما بو کلام
بارالها وار نه تقصیریم شهید اولدی بالام
سالدی بو حاله منی اعدا پیمبردن صورا

داد او ساعتدن دل کونیه دوشدی انقلاب
گلدی زهرانی تراب اوستونده گوردی بو تراب
ثانینون دوتدی گریبانین ائدوب قهرا خطاب
ای دنی فطرت بو نه غوغا پیمبردن صورا

چکمگه شمشیر اجازه حیف اولا یوخدور منه
یوخسا پاداش عمل الان ورردوم من سنه
سوز بورا منجر اولوب فرصت یتیشدی دشمنه
دستگیر اولدی شه والا پیمبردن صورا

گوردی قولباغلی علینی فاطمه اولمادی رام
ائتدی فرمایش نه قدری من بو حالیلن وارام
جلب ائدوب سلطان دینی شیز آپارسوز قویمارام
شرع و احکامه بودور دارا پیمبردن صورا

ائتمدی پروا خدادن قنفذ پیمان شکن
عصمت اللهه آل آچدی ایلدی ظلمون علن
بو قدر عرض ایلورم زهرا اولوب نیلی بدن
دوشدی دلدن مفخر لعیا پیمبردن صورا

قنفذون ظلمون اشاریله بیان ائتدون قلم
یثرب اوضاعین کچوب کرب و بلادن قیل رقم
قنفذ ثانی او شمرون یاز فسادیندن بو دم
قیلدی طغیان روز عاشورا پیمبردن صورا

مقتل سلطان دینون عکسینی نظمیله چک
ائت تماشا گور حسینون سینه سن گلزار تک
خیمه دن رینب گلوب قارداشینه ائتسون کمک
یوز وئروبدور محنت عظما پیمبردن صورا

رحم ائله شمره دیور ای بی حیا گوز یاشیمه
قاره­سین سالما حسینون بو بلالی باشیمه
لحمک لحمی بابام احمد دیوب قارداشیمه
ئولدوررسن سن سوسوز اما پیمبردن صورا

گوزلرون قزمش نه­دن بو سعی و جدیت نه دور
سرعت ایلورسن اما ئولدورمگه علت نه دور
جان وئرن بیر زخمداره بو قدر زحمت نه دور
ایلمه بو ظلمی ای ترسا پیمبردن صورا

جان ورور ای بی حیا باش کسمگه ائتمه هوس
سینه­سین تنگه سالورسان چکمیور راحت نفس
سن کنار اولسون منه بلکه حسینین وئردی سس
قوی دانشسون ساعت اخری پیمبردن صورا

کینه سی شمرون اورکده موج ائدوب دریا کیمین
قمچی سین آچدی بلیندن غول بی پروا کیمین
مقتله زینب یخلدی حضرت زهرا کیمین
ائتدیلر نیلوفری اعضا پیمبردن صورا

  • شنبه
  • 3
  • مهر
  • 1400
  • ساعت
  • 20:08
  • نوشته شده توسط
  • یوسف اکبری
ادامه مطلب

زبانحال حضرت زهرا (س) -(دیدی عم اوغلی علی بزم رازه گیتمه لیم) *حاج صمد قاسمپور

211

زبانحال حضرت زهرا (س) -(دیدی عم اوغلی علی بزم رازه گیتمه لیم) دیدی عم اوغلی علی بزم رازه گیتمه لیم
حضور اقدس پروردگاره گیتمه لیم

دیدی بو سوزلریله کونی یاندیروب یاخما
دیدی اورک سوزی گلمز شماره گیتمه لیم

دیدی سنیدون امیدیم، چکوب بیر آه دیدی
بو دردی یادیمه سالما دوباره، گیتمه لیم

نه دویموشام بالالاردان نه ده علی سندن
نه ایلیوم کسیلوب راه چاره گیتمه لیم

مسافرم سفر اوستونده حالیمی پوزما
سرشک چشمیوی توکمه عذاره گیتمه لیم

چتیندی آیریلا سندن بو روح مجروحیم
ولی چکور آپارور دلده یاره گیتمه لیم

دیدی گل اگلش عم اوغلی ایدوم وصیّتیمی
چکیلمه بیر نچه لحظه کناره گیتمه لیم

بتولی آخِر عمرونده گل حلال ایله
فراق وقتیدی آیری دیاره گیتمه لیم

گجه زمانی ویروب غسلیمی کفن ایله
غریبه لر کیمی تاپشور مزاره گیتمه لیم

غمیمده قویما سولا نوشکفته غنچه لریم
خزان یلی توخونا لاله زاره گیتمه لیم

عم اوغلی غسلیمی پیراهنیله ویر که گوزون
ساتاشماسون بو تن زخمداره گیتمه لیم

نه بی نشان اولی من تک نه سن کیمی مظلوم
اولیدی اُفّ بیله روزگاره گیتمه لیم

اجل تری دوزولوب آنّینا آخوب گوزلر
سوزون دینمدی قیلدی اشاره گیتمه لیم

دولاندیروب گوزینی حسرتیله بیر باخدی
شهادتِینی دیوب تا که گوزلری آخدی

دیدی اورک سوزونی یاره یار یومدی گوزون
علیده قویمادی صبر و قرار یومدی گوزون

او بزم رازیده پروانه یاندی آغلادی شمع
یتیشدی باشه غم انتظار یومدی گوزون

نه قدر سسلدی زهرا عم اوغلوام گوزون آچ
جواب گلمدی مظلوم وار یومدی گوزون

چاغوردی زینبی گل عمریمون چراغی سونور
وصیّت ایلدی بی اختیار یومدی گوزون

اجل پیاله سی غم باده سیله مالامال
دگوب مشامینه اولدی خمار یومدی گوزون

باخوب بالالارا حسرتله چکدی دلدن آه
عذاره اشکینی قیلدی نثار یومدی گوزون

گوروب سولوب سارالان گللرین پریشان حال
اولوب بو منظره دن اشکبار یومدی گوزون

حسین یانور حسن آغلور غریبه عالمدی
باخوب دوزنمدی اول داغدار یومدی گوزون

خزان لهیبی گلوب سولدی فاطمی گللر
پوزولدی رونق گلشن بهار یومدی گوزون

به سان شمع خموش اولدی لیک درد دلین
اُلونجه ایلمدی آشکار یومدی گوزون

نماز آغلادی سجّاده و دعا یاندی
اودمکه عاکفه ی روزگار یومدی گوزون

بیر عمر شمع کیمی یاندی تا خموش اولدی
فروغ جان و دل شهریار یومدی گوزون

عفاف و عصمت و تقوا اولوب شهید گوروب
یگانه مظهر شان و وقار یومدی گوزون

بویوردی زینبه گل زینبیم آنان گیدوری
حضور یاره اورک یاره باغری قان گیدوری

گلون سالون یولا بو خسته دل مسافروزی
گورون نه غصّه لی گمنام و بی نشان گیدوری

آنا جنازه سینون آلدی دوره سین بالالار
ویروبله سس سسه یردن گویه فغان گیدوری

علی باخور یانور آغلور، فغان ایدور زینب
عذاره اشکی اولوب سیل تک روان گیدوری

ملک فلک هامی عرشیله فرش قان آغلور
توککور سرشکینی جبریل نوحه خوان گیدوری

گلوب تموّجه دریای حوریان بهشت
جنانه یوز چووروب معنی جنان گیدوری

علی اولوبدی صبائیله همنوا بو گجه
او خسته پیکریله روحی بی گمان گیدوری

گیدور بو خسته مسافر همیشه لیق سفره
جهانی ترک ایلیوب جان بیر جهان گیدوری

چمن یانوب، سارالوب یاسمن، سولوب لاله
بهار عمری یتوب باشه باغبان گیدوری

سزادی گویده یازا اشک دیده ی حورا
دگل بو فاطمه تابوت ایچینده جان گیدوری

غروب وقتی غروب ایلیوب غریبانه
بیر آی که آردیجا اولدوز بیر آسمان گیدوری

بو گون علینون ایوینده غریبه غوغادی
نه فاطمه که بیر عالمجه کاروان گیدوری

بو گل اگرچه سارالدی بهار عمرونده
ولی مدینه بویی باغ و گلستان گیدوری

اگرچه دردینی بولدورمیوب ولی دلده
بیر عالمین غمینی ایلیوب نهان گیدوری

گجیله محمل زهرا بقیعه یولّاندی
بو غصّه دن دل مولا یانوب الولاندی

غرض گوتوردوله یورقون یارالی زهرانی
گجه بقیعیده دفن ایلسونله پنهانی

مدینه خلوت و خاموش و بی فروغ و سکوت
جهانی چولقالیوبدی حجاب ظلمانی

ستاره لر سپوری لمعه لمعه نقره ی اشک
یولا سالوبلا حقیقتده ماه تابانی

سکوت محضیدی یکسر مدینه شهری ولی
گیدور که بسلیه آرامشینده طوفانی

توکور سرشکینی زهرا غمینده دیده ی شب
صباده زمزمه ایلور حدیث هجرانی

گجه زمانیدی گوزلر یاتوب نه عالمدی
بقیعه حمل ایلیولّر غریب دورانی

علی ولایتی حمل ایلوری نه فاطمه نی
علی تشیّعی تشییع ایدور نه زهرانی

نه بدرقه نجه عالم که گورمیوبدی جهان
بیله غریبی، بو جمعیّت پریشانی

گلور بو زمزمه راحت یاتون مدینه لیلر
قوتاردی فاطمه باغلاندی بیت الاحزانی

هامی یاتان گجه لر آغلیوب ولی بو گجه
یاتوبدی فاطمه آغلار قویوبدی دنیانی

یانور هارای چکور آی، سیزیلدیر اولدوزلار
صباده چاک ایلیور غصّه دن گریبانی

گجه نسیمی سیزیلدور گلور نه زمزمه سی
بیر عالمین بو گیدن روحیدور علی جانی

نه گل یاتوب نده سسدن دوشوبدی بلبل لر
غبار غم بوریوب گلشن و گلستانی

جهان جهان اولالی گورمیوبدی گورمیه جاق
بو کاروانی بیله مجمع پریشانی

سنیله فاطمه روح و روانی دفن ایدورم
خدا بولور که دل مرتضانی دفن ایدورم

یات ای ولایتیمون خسته دل شهیده سی یات
سنیله جوهر عشق و ولانی دفن ایدورم

بو سنسن اللریم اوستونده یاتموسان زهرا
و یا علیدی، امام زمانی دفن ایدورم

منه جهاندا بو غمدن بویوک ملال اولماز
گوزوم باخا باخا دُرّ گرانی دفن ایدورم

علی سزادی قویا داغ دل اورک باشنا
بیر عالمین بویی داغ نهانی دفن ایدورم

گلون گوزون آنازی زینبیم حسین و حسن
گلون وداع ایلیون باغبانی دفن ایدورم

خدا بولور اورگیم دوزموی دیزیم گلمور
ستاره سهلیدی بیر آسمانی دفن ایدورم

صبا پیمبره مندن یتور سلام دینه
سنون امانتیوی جاودانه دفن ایدورم

نه گل آچار نه چمن، لاله نین چراغی سونر
بهاره ذوق ویرن گلستانی دفن ایدورم

جهاندا جان جهانیم، جهان جانیم سن
سنیله بو گجه جان جهانی دفن ایدورم

نجه سولان یوزیوی من قویوم تراب اوسته
اینانمورام سنی من جاودانی دفن ایدورم

امید و عشق بهشت و جنان روحوم سان
بهشتی روحومی عشق جنانی دفن ایدورم

تمام عالم امکانین آشناسینه باخ
غریبه لر کیمی یوخ بیر نشانی دفن ایدورم

گجه یارالی سنی قبره تاپشورام هیهات
سنی مزاره قویوب مرتضانی دفن ایدورم

  • جمعه
  • 9
  • مهر
  • 1400
  • ساعت
  • 21:42
  • نوشته شده توسط
  • یوسف اکبری
ادامه مطلب

زبانحال حضرت زینب (س) در شهادت حضرت زهرا (س) -(ای سحر اولدوزی چوخ تیز نیه باتدون آناجان) *مرحوم نجمی تبریزی

320

زبانحال حضرت زینب (س) در شهادت حضرت زهرا (س) -(ای سحر اولدوزی چوخ تیز نیه باتدون آناجان) ای سحر اولدوزی چوخ تیز نیه باتدون آناجان
گوزدن اشکون کیمی بو زینبی آتدون آناجان

نجه بو دهریده سنسیز آنا کامه چاتارام
تا وارام اودلی بو بیر محنتی باشدان آتارام
بستر نازه قویوب باش نجه راحت یاتارام
سن که قویدون یوزیوی توپراقا یاتدون آناجان

بوش یرون گون کیمی بو ایوده ز بس جلوه لنور
اودی باران کیمی گوزن یوزه اشکیم النور
دامنیم خون دله سیل سرشکه بلنور
قلبیمون قانینی گوزیاشیمه قاتدون آناجان

وار یری آغلاسا بو حاله ثریا و سمک
آیریلیق آتشینه ووردون آنا یاخشی اتک
سن گیدوب شوریله قویدون من بیچاره نی تک
آناوای نالمی افلاکه اوجاتدون آناجان

شاد اولوب بیرده بو عالمده نه نوعیله گولوم
غصّه مرگ ایلدی غملر سنی قربانون اولوم
هر نماز اوسته دعا ایلیوب ایستردون اُلوم
مستجاب اولدی دعا مقصده چاتدون آناجان

غصه لردن آنا دنیا سنه بیر زندانیدی
یوزده گوزیاشیوین هر قطره سی بیر مرجانیدی
اودلی قلبون دولی بیر جامیدی لخته قانیدی
تا اجل درک ایدوب اول جامی بوشاتدون آناجان

جان قویار حال حیاتنده جهاندا آنالار
یتورر شاخه ی امّیدیده غنچه بالالار
آنا اُلسه بالالار صرصر غمله سارالار
دورت گلی غنچه زمانینده ساراتدون آناجان

یتمیش اوچ گوندی هله سرور بطحا اُلومی
تازه لندی سنیله حضرت طاها اُلومی
نجه پوزماز قیزوی زهره ی زهرا اُلومی
مصطفی یاسینه اوز یاسیوی قاتدون آناجان

مرتضانون آنا قان ایلمیسن اشک ترین
بیرده سندن سورا بشّاش اولا دنیاده چتین
آز دگولدی اونا بو غم که اولوب خانه نشین
سن جوان اُلدون او مظلومی قوجاتدون آناجان

(نجمی) بو غمده چوخ آغلار آنا چوخ داده گَلَر
بزم ماتمده سنق نی کیمی فریاده گلر
سن کیمی غمزده بیرده دیمه ایجاده گلر
چوخ بیوک غملره آز عمرده باتدون آناجان

  • سه شنبه
  • 13
  • مهر
  • 1400
  • ساعت
  • 15:06
  • نوشته شده توسط
  • یوسف اکبری
ادامه مطلب

زبانحال حضرت زینب(س) در فراق مادر -(غم هجرونده عجب اودلارا یاندیم آناجان) *استاد مرحوم ذهنی

348

زبانحال حضرت زینب(س) در فراق مادر -(غم هجرونده عجب اودلارا یاندیم آناجان) غم هجرونده عجب اودلارا یاندیم آناجان
اشک تر دامنه توکمکدن اوساندیم آنا جان

آنام ایوای آنام ایوای آنام ایوای آنا وای...

هانی بیر اهل دل آگاه اولا درد دلیمه
من کیمی اود توتوب آهیمله یآنا نیسگیلیمه
آنا وای ناله سی ورد اولدی او قدری دیلیمه
آناسیز قالماقیمی آخر ایناندیم آناجا

ایلرم عالم محنتده من هر قدری خیال
بلکه بیر چاره تاپا رفع اولی اندوه و ملال
گورورم دردیمه درمان اولا عالم ده محال
دردیمین چاره سی اولمکده دی قاندیم آناجان

حیف من تک ئولومه مایل اولان ئولمزیمیش
آناسیز لیق نه یامان دور ایشیدن بولمزیمیش
آناسیز قیزلارین عالم ده یوزی گولمزیمیش
باخیب اوز حالیمه بو نکته نی آندیم آنا جان

قان اولان دیل ده که هر لحضه سنی یاد ائدیرم
اود دوتار قلبیمی ناله چکرم داد ائدیرم
گلم افغانه آچوب باشیمی فریاد ائدیرم
او قدر سس چکوب آخرده دایاندیم آناجان

دفتر غمده باخوب عالمیمی سیر ایده رم
اولونوب زینب آدی نقطه تک هر یرده رقم
قویدی پرگار تک حیرتده منی نقطه غم
خط سیریمده نقدری که دولاندیم آناجان

بس که سر منطق اولوب دیل ده آدون هر سوزومه
دانشوب صحبته گللم سنیله اوز اوزومه
نه بلادور باشیمه گلدی کول اولدی گوزومه
سن تک ایستکلی آنادان آرالاندیم آنا جان

دل بو حسرتله دونوب قانه، گلور جوشه آنا
بلکه بیر مرقد پاکون باسیم آغوشه آنا
گیتدیم هر بیر گئجه بو فکریله من هوشه آنا
نه یوخوم گلدی نه هوشیمده اویاندیم آناجان

خورد و خواب اولدی حرام ایلدیم از بسکه فغان
سنسیز آغلار گوزومه تیره و تار اولدی جهان
سرو قدیم بوکولوب اولدی اوشاقلیقدا کمان
باخیب اوز نفسیمه نفسیمدن اوتاندیم آناجان

کیمدی من تک آنا محنت کش اولا عالم آرا
سارالیب گول یوزی خون دلیله احمر اولا
آغاروب زلفی، اولا عمری گونی بختی قرا
خم محنتده عجب رنگه بویاندیم آناجان

(ذهنی) یاز زینب ایدوب بو دلیله شیون آنا
شعله ی آتش هجرانیده یاندیم من آنا
چکیلوب سینه مه مین داغ فراقوندان آنا
داغ هجریله اورکدن یارالاندیم آنا جان

  • پنج شنبه
  • 15
  • مهر
  • 1400
  • ساعت
  • 12:55
  • نوشته شده توسط
  • یوسف اکبری
ادامه مطلب

حضرت زهرا (س) نوحه‌سی *

4201
7

حضرت زهرا (س) نوحه‌سی آللاه نه‌نه‌میز قبره اۆره‌کده یارا گئتدی

دیلده یارا، قوْلدا یارا، باشدا قارا گئتدی

قلبی یارالێ، دردی نهان، گئتدی مزاره

آز عؤمر ائدیب، عالمده جوان، گئتدی مزاره

باخدێ حَسَینینه نیگه‌ران گئتدی مزاره

قلبینده غمی گلمه‌دی آخر سانا گئتدی

تاب ائیله‌دی هر لحظه غم-وْ-درد-ی-نهانه

اوْن سگگیز ایل عؤمرینده دؤنۆب قدّی کمانه

نیسگیلله‌ری قالدێ بیزه بۇ ائوده نیشانه

هیجرینده بیزی سالدێ یانار اوْدلارا گئتدی

یاندێ قاپێمێز اوْندا کی اغیار آراسێندا

گۆل قالدێ اوْ ساعت ائله‌بیل خار آراسێندا

پهلولری سێندێ در-وْ-دیوار آراسێندا

نیسگیلله‌رینی یازدێ در-وْ-دیوارا گئتدی

....

وردیم اوْلۇب هر لحظه و هر آن نه‌نه‌

  • شنبه
  • 29
  • آبان
  • 1389
  • ساعت
  • 16:38
  • نوشته شده توسط
  • سعيد رضايي
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد